\id 2PE Meitei: Roman Script 1st Translation
\ide UTF-8
\ide Unicode (UTF8)
\h 2 Peter
\toc1 PETER-NA I-ba Anisuba Chithi
\toc2 2 Peter
\toc3 2 Pet
\mt1 PETER-NA
\mt2 I-ba Anisuba Chithi
\imt1 Wahoudok
\ip 2 Peter-gi chithi asi Pakhonchatpa Peter-na i-bani haina yaori adubu ngasigi akhang ahei kaya amanadi madu achumba oiroi haina khalli. Peter-gidamak kanagumba amana i-ramba yaibagi oithokpa lei. A-ibana mahak Jisuna hinglamba amadi maru oina Ibungona sakwong hongkhiba (1:17-18) adubu uhouba amani haijei. Karigumba chithi asi Peter-na i-ramba tarabadi mahakna sidringei, Christtana poklaba matung chahi 65 dagi 69 phaobagi manungda Rome sahardagi i-ba oiramba yai. Peter-na chithi asibu mahakki anisuba chithi haina kouri (3:1) aduga masi 1 Peter-gi matungda i-bani haiduna i-bagi matam adu takli. Chithi asi Christian pumnamakta i-bani haina palli.
\ip Thajabasingna aphaba punsi ama hingnabagi pukning thougatnaba amadi aranba tambibasinggi (2) matung indanaba cheksin wa hainaba Peter-na chithi asi i-bani. Jisuna amuk lakkadaba adu matam kuimankhre haiba mising adu thousadanaba thajabasingbu pukning thougatli. Adubu Tengban Mapuna thinthaba natte adubu Ibungona mi pumnamakpu kanbiba pambani (2 Peter 3:8-9) haiba adu utli. Asina maram oiraga aphaba punsi ama hinggadabani (3:14).
\iot Yaopham Takpa
\io1 1. Peter-na masabu sak takpa amadi chithi asi paba misinggi maramda khara haiba \ior (1:1-2)\ior*
\io1 2. Aphaba punsi ama hingnaba mahakna makhoida ningsingbi maramdi Tengban Mapuna eikhoina adugumba punsi ama hingba ngamhanbi \ior (1:3-21)\ior*
\io1 3. Aranba tambibasinggi maiyokta mahakna cheksin wa amasung aroibada aranba tambibasingda kari oigani haiba \ior (2:1-22)\ior*
\io1 4. Madu hairaba tungda Jisuna amuk lakkadaba adugidamak semsaba oina aphaba punsi hingnaba thougatlaga Peter-na chithi asi loisilli \ior (3:1-17)\ior*
\c 1
\p
\v 1 Jisu Christtagi manai amadi pakhonchatpa Simon Peter,
\p Eikhoigi Tengban Mapu amasung Kanbiba Mapu Jisu Christtagi achumba chatpa adugi mapanna eikhoina phangbagumna mamal yamlaba thajaba phanglaba makhoisingda:
\p
\v 2 Tengban Mapu amasung eikhoigi MAPU IBUNGO Jisu Christtabu khangbagi mapanna thoujal amasung ingthaba nakhoida marang kaina leiba oirasanu.
\s1 Tengaban Mapugi koubiba amasung khandokpiba
\p
\v 3 Ibungo mahak masamakki oiba matik mangal amasung aphaba magun adugi maramna eikhoibu koubiraba mahakpu khangjaba adugi mapanna eikhoina Tengban Mapu ningba punsi ama hingbada changba pumnamak adu Tengban Mapugi oiba panggal aduna eikhoida pibire. 
\v 4 Matik mangal amasung aphaba magun asising asigi maramna mahakna henna chaoba amadi mamal yamlaba mahakki wasaksing eikhoida pibire, maram aduna wasaksing adugi mapanna phattaba apambasingna thok-hanba taibangpanda leiba amangba adudagi nanthoklaga Tengban Mapugi oiba mahousa aduda saruk yaba phangjananabani. 
\v 5 Maram asigidamak nakhoina ngambamakhei hotnaduna nakhoigi thajabada aphaba gun hapchinnaba hotnou aduga aphaba gunda khangba; 
\v 6 nakhoigi khangba aduda nasa khudum chanjaba; nakhoigi nasa khudum chanba aduda khaangheiba; khaangheiba aduda Tengban Mapu ningba; 
\v 7 Tengban Mapu ningba aduda nachin nanao oibagi channaba hapchillu; aduga nachin nanao oibagi channaba aduda nungsiba hapchillu. 
\v 8 Hairiba gunsing asi nakhoida leiduna hen-gatlabadi, eikhoigi Mapu Ibungo Jisu Christtabu khangbada kanadaba amadi mahei yalhandaba oihalloi. 
\v 9 Adubu hairibasing asi leitaba makhoi adudi athappa uba ngamdaba amasung mittangbasingni, makhoina mamaangda langjakhra papsing adudagi sengdokpikhre haiba makhoina kaokhre.
\p
\v 10 Maram aduna eigi ichil inaosa, Tengban Mapuna nakhoibu koubiba amadi khandokpiba adu henna chetsinhannaba ngambamakhei hotnou. Maramdi nakhoina asising asi tourabadi, nakhoina keidounungdasu nakhoigi thajaba thadokloi.\f + \fr 1:10 \fr*\ft nattraga “papta taroi” \ft*\f* 
\v 11 Asumna oirabadi eikhoigi Mapu Ibungo amasung Kanbiba Mapu Jisu Christtagi lomba naidaba leibak aduda nakhoibu taramna okpigani.
\p
\v 12 Maram aduna nakhoina maram pumnamaksing asi hanana khanglaba oirabasu amasung nakhoida leiraba achumba aduda chetna leirabasu, matam pumnamakta eina hiramsing asigi maramda nakhoida ningsingbigani. 
\v 13 Eina hinglibamakhei masigi hiramsing asi nouna nakhoida ningsinghanba haibasi chummi haina eina khalli. 
\v 14 Maramdi eikhoigi Mapu Ibungo Jisu Christtana eingonda sengna takpikhibagumna, thunamak eigi hakchang asi thadoklani haiba eihak khang-i. 
\v 15 Eina leikhidraba matungda nakhoina hiramsing asi matam pumbada ningsingduna leiba yananaba lambi ama semnaba ngambamakhei eina kanna hotnagani.
\s1 Christtagi matik mangalbu mitna ujahoubasing
\p
\v 16 Mapu Ibungo Jisu Christtana panggalga loinana lengbirakkadaba adugi maramda eikhoina nakhoida haiba matamda, hei-singna semjin sajinba wari sijinnaduna haikhide, adubu eikhoidi mahakki matik chaoba adugi mitna uhouba sakhisingni. 
\v 17 \x - \xo 1:17,18 \xo*\xt Mat 17:1-5; Mrk 9:2-7; Luk 9:28-35\xt*\x* “Masi eigi nungsiraba Ichanupani, mangonda Ei yamna pelle!” haina Khuwaidagi Chaoba Matik Mangalgi khonjel aduna Ibungogi maphamda lakpada Mapa Ibungo Tengban Mapudagi ikai khumnaba amadi matik mangal Ibungona phangjaba matam aduda eikhoi mapham aduda leirammi. 
\v 18 Eikhoina asengba ching aduda Ibungoga loinana leiringeida swargadagi lakkhiba khonjel adu eikhoi isamakna takhi.
\p
\v 19 Maram aduna maichousingna laothokpiramba paojel adubu amukka henna eikhona chetna thajare. Maduda nakhoigi pukning chingsinba haibasi nakhoigi aphabani maramdi nongngandriba phaoba amasung ayukki sajik thabana nakhoigi thamoida ngandriphaoba madu amambada nganba thaomeigumba amani. 
\v 20 Pumnamak asigi mathakta Puyagi wa phongdokpa amata maichou amagi masagi khangjaba adudagi haidokpa natte haibasi nakhoina khanggadabani. 
\v 21 Maramdi Tengban Mapudagi phongdokpa wa amata mioibagi aningbadagi khak lakpa natte, adubu maichousing adu mioiba oijarabasu, Thawai Asengbana makhoibu chingbiduna makhoina Tengban Mapudagi lakpa wa adu ngang-i.
\c 2
\s1 Aranba tambiba ojasing
\p
\v 1 Houkhiba matamda misinggi marakta Tengban Mapugi wa takthoksinnaba maichousing leirambagumna nakhoigi naraktasu aranba tambiba ojasing leirakkani. Makhoina amangba amadi chumdaba tambibasing purakkani amasung makhoibu leibikhiba Mapu Ibungo phaoba yaroi, maram aduna makhoina makhoi masagi mathakta thunamak mang takpa purakkani. 
\v 2 Misingna makhoigi lamchat naidaba matou adugi tung in-gani; aduga makhoina touba aduna maram oiraga achumbagi Lambi asibu atoppasingna thina ngangnagani. 
\v 3 Aranba tambiba ojasing asina makhoigi karaambana nakhoida semjin sajinba warising liduna nakhoibu makhoigi oijanaba sijinnagani. Makhoibu aranbada tahan-gadaba wayen adu makhoigi mathakta kuina leiraklabani amasung makhoibu mangtak-hangadaba adu tumduna leithokpa natte.
\p
\v 4 Maramdi Tengban Mapuna pap touba swarga dutsingbu kanbidaduna norokta langthakhi,\f + \fr 2:4 \fr*\ft Greek londa “Tartarus” haibani\ft*\f* amasung mapham aduda wayennabagidamak amambada yot-hingna punduna thamle. 
\v 5 \x - \xo 2:5 \xo*\xt Meihou 6:1–7:24 \xt*\x*Tengban Mapu ningdaba misinggi taibangpan aduda ising ichao thok-handuna mamangngeigi taibangpan adubu kanbikhide; achumba chatpagi wa sandokpa Noah amadi atei mi taret adukhaktabu kanbikhi. 
\v 6 \x - \xo 2:6 \xo*\xt Meihou 19:24\xt*\x*Tengban Mapuna Sodom amadi Gomorrah saharsingbu meina mangtak-handuna cheirak pikhi aduga Tengban Mapu ningdabasingda kari thokkani haibadu makhoibu pandam oihankhi. 
\v 7 \x - \xo 2:7 \xo*\xt Meihou 19:1-16\xt*\x*Wayel pathap leitraba amasung lamchat naidaba machat matouna wahallaba achumba chatpa mi ama oiriba Lot-pu Ibungona kanbikhi. 
\v 8 Achumba chatpa mi aduna makhoigi marakta leiduna makhoigi wayel pathap thousadabagi thabaksing adu numit khudinggi u-ba amasung tabana mahakki achumba chatpa thawai adubu wahankhi. 
\v 9 Maram aduna Tengban Mapubu chetna ningba misingbu karamna kanbigadage haiba amasung phattabasingbu wayen-gi Numitta cheirak pinaba karamna thamgadage haiba adu Mapu Ibungona khang-i, 
\v 10 hairiba asi hakchanggi amotpa apambasing adugi matung inna chatpa makhoida amasung Tengban Mapugi matikpu usittaba makhoising aduda thoidok hendokna oigani.
\p Makhoi ichang thou-i amadi chaothokpa sajat chatli, swargada leibasinggi mathakta makhoina thina ngangbada makhoida akiba leite. 
\v 11 Adubu aranba tambiba ojasing adudagi yamna henna kanba amasung panggal leiba swarga dutsing phaobanasu Mapu Ibungogi mangda makhoising adubu thina ngangduna maral siba toude. 
\v 12 Adubu makhoising asidi mahousana yaojarakpa sajatna thabak touba, phaduna hatnaba poklaba lamlakki sasingga manei; khangdaba hiramsingda makhoina thina ngang-i. Lamlakki sasinggumna makhoi mangkhigani, 
\v 13 amasung makhoina thok-hanba awaba adugidamak makhoida awaba han-gani. Makhoigidamaktadi nungaithokpa haibasi nungthil pobopta makhoigi hakchanggi apambasing adu phangnaba touningbata touba aduni; makhoina makhoigi lounamgi oiba thabaksing aduda nungaithokpaga loinana nakhoigi chaklen aduda makhoina yaoba adu ikainingai oiba amadi mingchat thibani! 
\v 14 Makhoigi mamit mitu miwa lanabana pik thalli, aduga makhoina pap touba leppa leite; pukchel leptaba misingbu themdok-i; makhoigi thammoida karaambagi maramda yamna hei single; makhoi sirap phanglaba misingni! 
\v 15 \x - \xo 2:15,16 \xo*\xt Masing 22:4-35\xt*\x*Makhoina achumba lambi adubu thadoktuna makhoi lambi lammuknakhre; Makhoina aranba thabak touduna sendong tanba pamba Bezer-gi\f + \fr 2:15 \fr*\ft Greek londa “Bosor” haibani \ft*\f* machanupa Balaam-gi lambida matung inkhre, 
\v 16 aduga mahakki ayol aran adugidamak lola amana mahakpu cheikhi, marol thoktaba lola aduna mioibagi khonjelda wa ngangduna maichou adugi angaoba matou adubu thingkhi.
\p
\v 17 Mising asi ising leitaba iphut amasung nonglei nungsitna humdokkhraba leichin-gumbani; Tengban Mapuna makhoigidamak sukna mamlaba mapham ama khaktuna thamle. 
\v 18 Makhoina napal tou-i amadi apangba wa haidok-i amasung aranba punsi amada hingliba mising adudagi nanthokcharakpada ngairiba mising adubu makhoina hakchanggi lamchat naidaba apambasing sijinnaduna themdok-i. 
\v 19 Makhoi masamak mangtak-hanningai oiriba heinabising adugi minai oina oina, makhoina atoppa misingda maning tamhan-gani haina wasak-i; karigumba amana mi amabu khudum challabadi, mi adu madugi minaini. 
\v 20 Eikhoigi Mapu Ibungo amadi Kanbiba Mapu Jisu Christta khangbagi mapanna makhoina taibangpangi amotpa adudagi nanthoklaga, makhoibu amuk hanna phajinduna khudum chankhrabadi, makhoigidamak akonbagi phibham aduna hannagi phibham adudagi henna phattaba oire. 
\v 21 Maramdi makhoina achumba chatpagi lambi adu khanglaga makhoida piba asengba yathang adudagi makhoina leithokkhibagi mahutta achumba chatpagi lambi adu khanglamdabana makhoigidamak henna pharamgadabani. 
\v 22 \x - \xo 2:22 \xo*\xt Pao 26:11\xt*\x*Makhoida thokliba asina paorou asi achumbani haiba utle: “Huina masagi aobada amuk hanjilli” aduga “Irujathokpiraba okpina leikhomda amuk leiolli.” 
\c 3
\s1 Mapu Ibungo lenglakpagi numit
\p
\v 1 Achanbasa, masi eina nakhoida i-ba anisuba chithini. Chithi animak asida eina nakhoibu hiramsing asi ningsinghanningduna nakhoigi pukningda asengba wakhal khalhannanaba hotnakhibani. 
\v 2 Tengban Mapugi wa phongdokpa asengba maichousingna mamangngeida haikhiba wasing amadi MAPU IBUNGO amasung Kanbiba Mapuna nakhoigi pakhonchatpasinggi mapanna pikhiba yathangsing adu nakhoina ningsingba eina pammi. 
\v 3 \x - \xo 3:3 \xo*\xt Jude 18\xt*\x*Aroiba numitsingda karemnaba mising lakkani, karemnagani amadi makhoigi masagi phattaba apambasinggi matung in-gani haibasi nakhoina khanggadabani. 
\v 4 Aduga makhoina hanggani, “Mahakna ‘lakkani’ wasakkhiba adu kadaida leire? Eikhoigi ipa ipusingna sikhiba matamdagi, taibangpan asi leisemngeidagi leiramba pot pumnamak hanagumna adumak leiri.” 
\v 5 \x - \xo 3:5 \xo*\xt Meihou 1:6-9 \xt*\x*Mamangngeida Tengban Mapugi waheigi mapanna swarga semkhibani aduga malemna isingdagi isingna semkhibani haibasi makhoina masi kaoge haina kaobani. 
\v 6 \x - \xo 3:6 \xo*\xt Meihou 7:11\xt*\x*Ising adunasu matam adugi taibangpanbu ising ichaona manghankhi. 
\v 7 Adubu wahei adumakna houjik leiriba swarga amasung malem asibu meigidamak khaktuna thamli, wayennaba amasung Tengban Mapu ningdabasingbu manghan-gadaba numit adugidamak khaktuna thamli.
\p
\v 8 \x - \xo 3:8 \xo*\xt Isei 90:4\xt*\x*Adubu achanbasa, masimadi nakhoina kaoganu: Mapu Ibungogi maphamdadi nongma habasi chahi lising amagumbani, aduga chahi lising ama haibasi nongmagumbani. 
\v 9 Mi kharana tappa oina singthanabagumna, Mapu Ibungona mahakki wasak ngakpada tapthaba natte. Adubu mi amatabu manghanningdaduna, mi pumnamakna pukning honglakpa pamduna Ibungona kuina khaangbiribani.
\p
\v 10 \x - \xo 3:10 \xo*\xt Mat 24:43; Luk 12:39; 1 Thess 5:2; Phong 16:15\xt*\x*Adubu Mapu Ibungogi Numit adu huranbana lakpagumna lakkani. Numit aduda swarga yamna nin khongbaga loinna mangkhigani; atiya malemgi machak mathum pumnamak meina manghankhigani, aduga malem amasung madugi manungda leiba pot khudingmak iphong phonggani.\f + \fr 3:10 \fr*\ft Ariba lairik kharadadi “meina chakthokkhigani” haina yao-i\ft*\f* 
\v 11 Pot pumnamak asumna mangkhigadaba maramna, nakhoi karamba mioi ama oiba tabano? Nakhoina asengba punsi amasung Tengban Mapu ningba punsi ama hingba tabani, 
\v 12 nakhoina Tengban Mapugi Numit adu ngaiduna amasung madu thuna laknaba nakhoigi angamba hotnou\f + \fr 3:12 \fr*\ft numit adugidamak nakhoina khourangjou.\ft*\f* Numit aduda swarga meina chaktuna mangkhini amasung nongmadon atiyada leiba machak mathum pumnamak meisana soudokkhigani. 
\v 13 \x - \xo 3:13 \xo*\xt Isa 65:17; 66:22; Phong 21:1\xt*\x*Adubu Ibungogi wasak adugi matung-inna achumba chatpasingna leigadaba anouba swarga amasung anouba malem ama eikhoina ngaijari.
\p
\v 14 Maram aduna, achanbasa, nakhoina Numit adu ngairingeida Tengban Mapugi mityengda asengba amadi asoiba leitaba aduga Ibungo mahakka ingthana leinaba nakhoina ngamba makhei hotnou. 
\v 15 Eikhoigi Mapu Ibungona kuina khaangbiba haibasi aran-khubhamni haibasi wakhalda ningsing-u, eikhoigi achanba ichil inao Paul-nasu Tengban Mapuna mangonda pibiba lousing adu sijinnaduna nakhoida ikhibagumbani. 
\v 16 Mahakki chithi pumnamakta hiram asigi maramda mahakna i-ri. Mahakki chithisingda khangbada waba kharasu yao-i adubu khangdaba amasung areppa leitaba misingna Mapugi Puyada makhoina toubagumna onateinahalli. Maduna maram oiraga makhoina masagi mathakta mangtakpa pujarak-i.
\p
\v 17 Aduna achanbasa, nakhoina hiramsing asi hannana khangba maramna wayel yaodaba misinggi aranbana nakhoibu chingkhiduna nakhoigi achetpa maphamdagi takhidanaba cheksillu. 
\v 18 Adubu thoujalda amadi eikhoigi Mapu Ibungo amasung Kanbiba Mapu Jisu Christtabu khangbada mathang mathang chaokhatpa oiyu. Houjik amasung lomba naidana Ibungoda matik mangal leiba oisanu! Amen.