\id 1PE Meitei: Roman Script 1st Translation
\ide UTF-8
\ide Unicode (UTF8)
\h 1 Peter
\toc1 PETER-NA I-ba Ahanba Chithi
\toc2 1 Peter
\toc3 1 Pet
\mt1 PETER-NA
\mt2 I-ba Ahanba Chithi
\imt1 Wahoudok
\ip 1 Peter-gi chithi asi Pakhonchatpa Peter-na i-bani. Peter-na chithi asi mahak kanano amadi kanada i-bano haiba taklaga houdok-i. Chithi asi mahaknadi “Lamlanbasing” (1:1, 1:17, amasung 2:11) hainadi koujariba Christian-singgi maphamda i-bani. Chithi asibu pabasing adubu lamlanba haina kouduna kayarak yaobagi maramdi makhoina leibak kayagi maphamda chaikhaiduna leibagini. Chithi asi Paul-na Ephesia-ki misingda i-ba chithi aduga manaba maramna 1 Peter asi Ephesia i-raba matung chaorakna Christtana poklaba matung chahi 65 gi matungda i-ramba oiramgani haina mi kaya amana thajanei. Peter-nadi Babylon (5:13) haina mingthon piba Rome-dagi chithi asi i-bani.
\ip Mahakna chithi asi i-bagi maram adu “Masi Tengban Mapugi achumba thoujal aduni haiba eina sakhi piri amadi nakhoibu pukning thougatli” (5:12) haina Peter-na hairi. 1 Peter 2:11–3:7, Ephesians 5:18–6:9, amadi Colossians 3:18–4:6 asising asigi marakta manaba kaya yaori. Hairiba saruk ahum asi imung manunggi mari amadi angam athousinggi makha ponbagi maramda paotak piri. Aroiba adu naksilakpa maramna Christian-sing awa anada khaangba kannaba pukningsu thougatli (4:1).
\iot Yaopham Takpa
\io1 1. Peter-na mahak masabu takchaba amadi pariba makhoibu kanano haibadu panba \ior (1:1-2)\ior*
\io1 2. Makhoi punna saruk yaminnariba aran-khubham adugidamak Tengban Mapubu thagatchaba aduga makhoigi punsigi wahanthok adu haiba \ior (1:3–2:10)\ior*
\io1 3. Mathangda taibangpanda thajabasingna karamna ningthina hinggani haiba takpa amadi mapuroiba amadi loinabi amasung minai amadi mapugi marakta leinaba marisinggi maramda haiba \ior (2:11–4:19)\ior*
\io1 4. Awa ana taba matamda kuina khaangba kannaba Peter-na makhoibu thougatpiba \ior (5:1-11)\ior*
\io1 5. Adudagi mahakna chithi asi loisinba \ior (5:12-14)\ior*
\c 1
\p
\v 1 Jisu Christtagi pakhonchatpa ama oiriba Peter-na,
\p Pontus, Galatia, Cappadocia, Asia amadi Bithynia leibaksingda changjapham louduna ichai chaina leiriba Tengban Mapuna khandokpiraba misingsing, 
\v 2 Ipa Ibungo Tengban Mapugi hanna khangbiba adugi matung inna, Thawaigi sengdokpibagi thabak adugi mapanna, Jisu Christtagi yathang innaba amasung Ibungo mahakki eena chamthokpinaba khandokpirabasinggi maphamda:
\p Thoujal amasung ingthaba marang kaina nakhoigi oirasanu.
\s1 Ahingba asa
\p
\v 3 Eikhoigi Mapu Ibungo Jisu Christtagi Mapa Ibungo amasung Tengban Mapubu thagatpa oisanu! Mahakki thoihenba chanbibagi matung inna Jisu Christtabu asibasinggi maraktagi hinggat-hanbagi mapanna ahingba asa amada mahakna eikhoibu amuk hanna pokpire, 
\v 4 aduga mangba nairoidaba, amakpa leitraba amasung patthaba leitraba phangpham thokpa ama eikhoigidamak thambire. Masigi phangpham thokpa asi nakhoigidamak swargada thambi, 
\v 5 Aroiba matamda phongdoknaba thourang touraba aran-khubham adugidamak nakhoigi thajabagi mapanna Tengban Mapugi panggalna nakhoibu ngaktuna thambi.
\p
\v 6 Matam kharagi oina nakhoina makhal kayagi chang yengbada awaba khaangba tarabasu, nakhoina masigidamak haraojou. 
\v 7 Chang yengbasing lakpagi maramdi nakhoigi thajaba adu tasengbani haiba utnanabani. Mangba yaba sana phaoba meida chang yeng-i; sanadagi mamal yamna hellaba nakhoigi thajaba adu khangnanaba chang yengba tabani. Madu oirabadi Jisu Christtabu phongdokpa Numit aduda thagatpa, matik mangal amasung ikai khumnaba nakhoina phangjagani. 
\v 8 Ibungo mahakpu uhoudrabasu nakhoina mahakpu nungsi; nakhoina mahakpu udrabasu, nakhoina Ibungo mahakpu thajei. Maram aduna waheina phongdokpa ngamdaba matik mangalna thallaba haraoba aduda nakhoina harao-i. 
\v 9 Maramdi nakhoigi thajabagi poloigi mahei, haibadi nakhoigi thawaigi aran-khubham adu nakhoina phangjari.
\p
\v 10 Aran-khubham asigi maramda Tengban Mapugi wa phongdokpasingna cheksinna thirammi amadi kupna yengsillammi aduga makhoina nakhoida pibigadaba khudol asigi maramda wa phongdoklammi. 
\v 11 Karamba matamda amadi karamna oigadouribano haiba makhoina khangnaba hotnarammi. Matam adudani makhoigi nungda leiba Christtagi Thawai aduna Christtana awa khanggadaba amasung madugi matungda matik mangal phanggadaba adugi maramda makhoida haibi. 
\v 12 Makhoina masa mathantagidamak nattaduna eikhoigidamak thougal touriba makhoida phongdokpirammi. Waramsing asi swargadagi thabirakpa Thawai Asengbana Aphaba Pao sandokpasinggi mapanna nakhoida phongdokpire. Waramsing asigi maramda swargadutsingna phaoba yengninglammi.
\s1 Asengba punsi ama hingnaba koubiba
\p
\v 13 Maram aduna nakhoigi pukning semsaduna leiyu. Mitsing nasing-u aduga Jisu Christtana lenglakpa matamda nakhoida pubirakkadaba yaipha thoujal aduda mapung phana asa thammu. 
\v 14 Haiba inba angangsinggumna, nakhoina khangdringeida leiramba hannagi apambasing aduda sakwong louganu. 
\v 15 Madugi mahutta nakhoibu koubiba Ibungo mahakna sengbagumna nakhoisu nachat natou pumnamakta asengba oiyu. 
\v 16 \x - \xo 1:16 \xo*\xt Levi 11:44,45; 19:2\xt*\x*Mapugi puyana asumna hai, “Ei asengba oiba maramna nakhoi asengba oiyu.” 
\p
\v 17 Misak mimai yengdana mi pumnamakpu mana mana touba thabakki matung inna wayenbiba mahakpu nakhoina Ipa haina kourabadi, malem asida nakhoina lamlanba amagumna Ibungobu ikai khumnana kina hing-u. 
\v 18 Nakhoigi ipa ipusingdagi thangtharakpa kannadaba punsi mahing adudagi nakhoibu thadokpinaba pikhiba mamal adu nakhoina khang-i. Madu mangba yaba sana nattraga lupana natte; 
\v 19 madu asoiba nattraga amakpa leitaba yao machagumlaba Christtagi mamal yamlaba ee adunani, 
\v 20 Ibungo mahakti taibangpan leisemdringeigi mamangda Tengban Mapuna khanbikhrabani, adubu aroiba numitsing asida nakhoigidamak phongdokpire. 
\v 21 Ibungobu asibasinggi maraktagi hinggat-hanbiduna matik mangal chaohankhiba Tengban Mapubu nakhoina Ibungo mahakki mapanna thajei, maduna nakhoigi thajaba amasung asa Tengban Mapugi maphamda thamjare.
\p
\v 22 Houjikti nakhoina achumba adu inbagi mapanna nakhoi nasabu sengdokchare maram aduna thajaba nachin nanaosingbu nakhoina pukchel sengna nungsire, thamoi pumnamak yaona amaga amaga pukning changna nungsinou. 
\v 23 Maramdi mangba yaba marudagi nattaduna mangba yadaba marudagi hingba amasung matam pumbada lengdana leiba Tengban Mapugi waheigi mapanna nakhoibu amuk hanna pokpire. 
\v 24 \x - \xo 1:24,25 \xo*\xt Isa 40:6-8 (LXX)\xt*\x* Mapugi puyana asumna hai,
\q1 “Mioiba pumnamak napiga pangkhakni,
\q2 amasung makhoigi matik mangal pumnamak napigi mapal-gumbani.
\q1 Napina khuithei amasung mapalna kelli,
\q2
\v 25 adubu Mapu Ibungogi waheidi matam pumnamakta lengdana lei.” 
\m Nakhoida sandokpa Aphaba Pao adu wahei asini.
\c 2
\s1 Ahingba nung amasung asengba phurup
\p
\v 1 Phattaba touba pamba wakhal pumnamak amadi namthak pumnamak, aphasasinnaba, kalakpa amadi mi mangba yaba wangang pumnamak thadok-u. 
\v 2 Pokpa kuidriba anganggumna asengba thawaigi sanggom adu khourangna pamjou, madu thakchabagi mapanna nakhoibu chaokhat-hanbiduna kanbiba phangnanabani, 
\v 3 \x - \xo 2:3 \xo*\xt Isei 34:8\xt*\x* houjikti nakhoina Mapu Ibungodi aphabani haiba adu mahao tangle.
\p
\v 4 Misingnadi kanadre haiduna hundoklaba adubu Tengban Mapunadi mamal leiba oina khan-gatlaba ahingba nung oiriba Mapu Ibungogi maphamda lak-u. 
\v 5 Nakhoisu ahingba nungsinggumna lak-u, aduga thawaigi oiba yum sagatpada nakhoibu sijinnahallu, mapham aduda nakhoina asengba purohit ama oina Jisu Christtagi mapanna Tengban Mapugi maphamda lousinba yaba thawaigi oiba iratpotsing katnanaba thougal tougani. 
\v 6 \x - \xo 2:6 \xo*\xt Isa 28:16 \xt*\x* Maramdi Mapugi puyana asumna hai,
\q “Eina khan-gatlab mamal yamlaba nung,
\q2 chithekki nung adu eina Zion-da thamle;
\q2 amasung mahakpu thajaba kana amata ikaiba khak nangloi.” 
\m
\v 7 \x - \xo 2:7 \xo*\xt Isei 118:22\xt*\x*Maram aduna thajaraba nakhoidadi mahak asi mamal yambani, adubu thajadabasinggidamaktadi,
\q1 “Yumsabasingna kanadre haiduna hundoklaba nung adu
\q2 pumnamaktagi khwaidagi maruoiba oirakle.” 
\m
\v 8 \x - \xo 2:8 \xo*\xt Isa 8:14,15\xt*\x*Aduga atoppa mapham amada Mapugi puyada asumna hai,
\q1 “Misingbu khudi thihan-gadaba nung adu asini,
\q2 makhoibu tuhan-gadaba nungjao aduni.” 
\m Makhoina paojel adu haiba indabadagi khudi thibani; madusu makhoigidamak tamlakpa oire.
\p
\v 9 \x - \xo 2:9 \xo*\xt Khong 19:5,6; Isa 43:20; Khong 19:5; Aniwa 4:20; 7:6; 14:2; Tit 2:14; Isa 43:21; Isa 9:2\xt*\x*Adubu nakhoibu amambadagi Ibungo mahak masamakki angakpa mangalda koubiba Tengban Mapugi angakpa thabaksingbu laothoknaba khan-gatpiraba, khandoklaba kanglup, Ningthougi oiba purohit, asengba phurupni. 
\v 10 \x - \xo 2:10 \xo*\xt Hos 2:23\xt*\x*Matam amadadi nakhoi Tengban Mapugi mising oiramde, adubu houjikti nakhoi mahakki mising oire; matam amadadi nakhoi Tengban Mapugi chanbiba phanglamde, adubu houjikti nakhoi Ibungo mahakki chanbiba phangle.
\s1 Tengban Mapugi manaising
\p
\v 11 Achanbasa, nakhoi mireibak machasing amasung lamlanbasinggumna eina nakhoida nonjari adudi nakhoigi thawaigi mathakta lan sokliba hakchanggi apambasing adudagi lapthokna leiyu. 
\v 12 Thajadabasinggi mamangda nakhoigi phajaba lamchat chatlu, adu oirabadi makhoina nakhoibu phattaba tou-i haina maral sirabasu, Ibungona lengbirakpa Numit aduda makhoina nakhoigi aphaba thabaksing adu uduna Tengban Mapubu thagatkani.
\p
\v 13 Mapu Ibungogi maramgidamak angam athou oiba misinggi makha pollu: khwaigi mapu oiriba ningthourenda oirabasu, 
\v 14 nattraga aranba toubasingbu cheirak pinaba amasung achumba toubasingbu thagatnaba mahakna tharakpa leingak mapusing oirabasu makhoigi makha pollu. 
\v 15 Maramdi nakhoina aphaba touduna apangba misinggi khangdana pangangda ngangganba adu tuminna leihanba haibasi Tengban Mapugi aningbani. 
\v 16 Ningtamba misinggumna leiyu; adumakpu nakhoigi naning tamba aduna phattaba kupsinbada sijinnaganu, adubu Tengban Mapugi manaisinggumna hing-u. 
\v 17 Mi pumnamakpu ikai khumnou, thajaba nachin-nanaosingbu nungsiyu, Tengban Mapubu kiyu, Ningthourenbu ikai khumnou.
\s1 Christtagi awa anana khudam oiba
\p
\v 18 Manaisa, ikai khumnabaga loinana Tengban Mapubu kibagi maramna nakhoigi mapusinggi makha pollu, aphaba amasung pukning tappasinggi makha ponba khakta nattaduna thina touba makhoising adugisu makha pollu. 
\v 19 Maramdi Tengban Mapugi aningba khangbagi maramna khaangpham thoktaba awa cheina nakhoina khaanglabadi, adugidamak Tengban Mapuna nakhoibu yaipha thoujal pibigani. 
\v 20 Maramdi nakhoina aranba toubagidamak nakhoida phu cheiba adu khaanglabadi, maduda kanapham kari leibage? Adubu nakhoina aphaba toubagidamak awaba khaanglabadi, madugidamak Tengban Mapuna nakhoibu yaipha thoujal pibigani. 
\v 21 Masi phaoba Tengban Mapuna nakhoibu koubire, maramdi Christtana masamkpu nakhoigidamakta awaba khaangduna nakhoina mahakki khonggul linanaba nakhoigidamak pandam thambire, 
\v 22 \x - \xo 2:22 \xo*\xt Isa 53:9\xt*\x*Mahakti pap amata toukhide amasung mahakki chindagi oidaba amata takhide. 
\v 23 \x - \xo 2:23 \xo*\xt Isa 53:7\xt*\x*Mahakpu ikaiba piba matamda, mahakna ikaiba piduna paokhum hankhide; mahakna awaba khaangbada, mahakna makhoibu kihankhide, adubu chumna wayenba Mapu oiriba Tengban Mapugi maphamda mahak masabu sinajakhi. 
\v 24 \x - \xo 2:24,25 \xo*\xt Isa 53:5,6 \xt*\x*Eikhoina papta siraga achumba chatnabagidamak hingnaba, Christta masamakna cross mathakta mahakki hakchangda eikhoigi papsingbu pubire. Mahakki cheiphamsing aduna nakhoibu naba phahanbire. 
\v 25 Maramdi nakhoi lammuknaraba yaogum oirammi, adubu houjikti nakhoi Yaosenba amadi nakhoigi thawaibu Yengsinbiba mapugi maphamda hallakle.
\c 3
\s1 Mapuroiba amasung loinabi
\p
\v 1 \x - \xo 3:1 \xo*\xt Eph 5:22; Col 3:18\xt*\x*Matou asumna, yum pallabi nupi oibisa, nakhoi nakhoigi napuroibasinggi makha pollu, adu oirabadi Tengban Mapugi waheibu thajadaba kanagumba mapuroiba leirabadi, wahei amata hairuba toudana nakhoigi nachat natouna makhoibu thajahanba ngamgani, 
\v 2 maramdi nakhoina Tengban Mapubu kibaga loinana asengba lamchat chatpa adu makhoina ugani. 
\v 3 \x - \xo 3:3 \xo*\xt 1 Tim 2:9\xt*\x*Nakhoigi leitengda mapanthonggi oiba haibadi sam lonba, nattraga sana lupa siba nattraga phijet leitengna oihan-ganu. 
\v 4 Madugi mahutta nakhoigi thammoi nunggi oiba phajaba, pukning tappa amasung pukning ingbagi mangba leitaba phajaba aduna leiteng-u, masi Tengban Mapugi mityengda yamna mamal yambani. 
\v 5 Maramdi mamangngeida Tengban Mapuda makhoigi asa thamjabi asengbi nupisingnasu makhoigi mapuroibagi makha ponna leiduna makhoi masabu leitengjarammi. 
\v 6 \x - \xo 3:6 \xo*\xt Khong 18:12\xt*\x*Sarah-su adugumba ama oirammi; mahakna Abraham-gi haiba induna mahakpu Ibungo haina koujarammi. Nakhoina aphaba touraba amadi karigumba amatabu kidrabadi, nakhoi mahakki machanupising oire.
\p
\v 7 \x - \xo 3:7 \xo*\xt Eph 5:25; Col 3:19\xt*\x*Mapuroibasa, matou asumna nakhoigi nupisingga wakhal taminnana panminnou, makhoidi henna sonba mapang ama oina amadi nahakka punna hingbagi Tengban Mapugi khudol phangminnagadaba ama oina makhoibu ikai khumnou, madu oirabadi karigumba amatana nakhoigi haijabada apanba oihalloi.
\s1 Achumba toubagi awa khaangba
\p
\v 8 Aroiba oina, nakhoi pumnamak pukning amata oiyu, nungsibibagi wakhal thammu, amaga amaga nungsinou, minungsi leiyu amadi nolukpa oiyu. 
\v 9 Phattabagidamak phattaba han-ganu, ikaiba pibagidamak hanna ikaiba piganu. Madugi mahutta phattabagidamak bor oina hallu, maramdi nakhoina bor phangnabagidamak nakhoibu masigidamak koubire. 
\v 10 \x - \xo 3:10-12 \xo*\xt Isei 34:12-16 \xt*\x*Mapugi puyana asumna hai,
\q1 “Punsibu nungsiba
\q2 amasung aphaba numitpu uba pamba makhoi aduna,
\q2 makhoina phattaba ngangba
\q2 amasung oidaba ngangba tokkadabani.
\q1
\v 11 Makhoina phattabadagi leithoklaktuna aphaba tougadabani;
\q2 nakhoina ingthaba thiduna madu tanagadabani.
\q1
\v 12 Maramdi MAPU IBUNGO-gi mit achumba chatpasinggi mathakta yengduna lei
\q2 aduga makhoina haijaba adu tabi,
\q2 adubu Mapu Ibungogi maithongdi phattaba toubasinggi maiyokta lei.” 
\p
\v 13 Nakhoina aphaba tounabagidamak khouranglabadi, kanana nakhoida mangnaba tougadouribano? 
\v 14 \x - \xo 3:14,15 \xo*\xt Mat 5:10; Isa 8:12,13\xt*\x*Adubu nakhoina aphaba toubagidamak awa khaanglabadi nakhoi yaiphabani. Kanabusu kiganu amasung pukning waganu. 
\v 15 Adubu nakhoigi thamoi nungda Christtabu Mapu Ibungoni haina ikai khumnou. Nakhoida leiriba asa adugi maramda kanagumbana nakhoida hanglabadi, paokhum pinaba matam pumnamakta thourang touduna leiyu. Adubu pukning tappa amasung ikai khumnabaga loinana tou, 
\v 16 aphaba achum aran khangba pukning adu sengna thammu, adu oirabadi Christtada leiba nakhoigi aphaba nachat natou adubu phattana ngangliba makhoi aduna nakhoigi mangnaba ngangba adugidamak ikaijagani. 
\v 17 Maramdi masi Tengban Mapugi aningba oirabadi, aphaba toubagi awaba khaangbana phattaba toubagi awaba khaangbadagi henna phei. 
\v 18 Maramdi Christtana papkidamak amuktang sibikhre\f + \fr 3:18 \fr*\ft awaba khaangbikhre\ft*\f*, achumba chatpa mahakna achumba chattabasinggi mahutta, madu nakhoibu Tengban Mapugi maphamda pubinabani. Mahak hakchangda hatkhibani adubu Thawaida hinghanbire, 
\v 19 Hinggat-hallaba matungda,\f + \fr 3:19 \fr*\ft adubu thawaida hinggat-hanba\ft*\f* mahakna keisumsangda leiba thawaisinggi manakta chattuna laothoklammi. 
\v 20 \x - \xo 3:20 \xo*\xt Khong 6:1–7:24\xt*\x*Makhoising adu mamangngeida Noah-gi haktakta hijao adu sagatlingeida Tengban Mapugi kuina khaangbiba aduna ngaibiramba matamda haiba inkhidaba thawaising aduni. Hi adugi manungda mi kharatabu, haibadi punna mi nipan isingdagi kanbikhi, 
\v 21 ising asi houjik nakhoibusu kanbiba Baptize touba adugi pandamni. Madu hakchangdagi amotpa louthokpa natte adubu Tengban Mapugi maphamda asengba achum aran khangba pukningdagi pijaba wasakni. Jisu Christtana sibadagi hinggatkhibagi maram aduna nakhoibu kanbibani, 
\v 22 Ibungo mahakti swargada lengkhattuna Tengban Mapugi yetthangbada leiri, swargadutsing, angambasing amasung panggalabasingna mahakki makha ponduna lei.
\c 4
\s1 Tengban Mapugidamak hingba
\p
\v 1 Maram aduna Christtana hakchangda awaba khaangbikhiba maramna nakhoi nasamaksu maduga mannaba pukning leiduna sem sajou; maramdi hakchangda awaba khaangba mahak aduna papka amuk mari leinadre. 
\v 2 Aduna nahakna nahakki leihouriba taibangpan-gi punsi adu mioibagi hakchanggi apambasing aduda nattaduna Tengban Mapugi aningbagi matung inna hingba punsi ama oigadabani. 
\v 3 Maramdi houkhraba matam amada Tengban Mapu ningdaba misingna touba pambasing haibadi lamchat kamba, mihouba, yu ngaoba, thak chaduna nungaithokpa, yu thaktuna makhe langba amasung tukkachaningngai oiraba lai murti latpa asising asi touduna matam marang kaina lenkhre. 
\v 4 Makhoina thaoidaba, ka henba punsi mahingda hingba asida nakhoina yaosindaba asida makhoina ngakladu nakhoibu thina ngang-i. 
\v 5 Adubu hingliba amasung asibasingbu wayennaba thourang touduna leiriba Ibungo mangonda makhoina toubasing adugi maram pikhigani. 
\v 6 Maram aduna asibasingdasu Aphaba Pao sandokkhi, makhoigi hakchanggi punsida mipum khudingmakta wayenbagumna wayenkhi; makhoigi thawaigi oiba punsida Tengban Mapuna hingbagumna hingnanaba makhoida sandokpani.
\s1 Tengban Mapugi khudolbu ningthijana sillangbasing
\p
\v 7 Pot pumnamak loigadaba adu naksille. Maram aduna nakhoina haijaba yananaba mitsing nasingna amadi pukning laksinna leiyu. 
\v 8 \x - \xo 4:8 \xo*\xt Pao 10:12\xt*\x*Pumnamakki mathakta, nakhoi nasel amaga amaga chetna nungsinou maramdi nungsibana pap mayam amabu kupsilli. 
\v 9 Murum murum sonba yaodana amaga amaga yumda taramna oktuna pija pithak tounou. 
\v 10 Tengban Mapugi makhal makha kayagi khudolsingbu ningthina sillangba ama oina Tengban Mapudagi phangjaba toptoppa khudol adu nakhoi amamamna misinggi phananabagidamak sijinnagadabani. 
\v 11 Kanagumba amana wa nganglabadi, makhoina Tengban Mapugi wa ngangba amagumna nganggadabani; kanagumba amana thougal tourabadi, Tengban Mapuna pibiba panggalga loinana makhoina thougal tougadabani, masina Tengban Mapubu maram khudingmakta Jisu Christtagi mapanna thagatnabani. Matik mangal amasung panggal lomba naidana Ibungo mahakkini. Amen.
\s1 Christian oibagi maramda awa khaangba
\p
\v 12 Achanbasa, nakhoigi nathakta awabagi changyeng lakpa aduda karigumba mahousaga mannadabagumba ama thoklibani haina ngakkanu. 
\v 13 Adubu nakhoina Christtagi awaba khaangbagi saruk phangminnabani haina haraojou, maduna Ibungo mahakki matik mangal phongdokpa matamda nakhoi haraobana thannanabani. 
\v 14 Christtagi minggidamak misingna nakhoibu ikaiba pirabadi nakhoi yaiphabani, maramdi matik mangalgi amadi Tengban Mapugi Thawaina nakhoigi nathakta leibire. 
\v 15 Adubu karigumba nakhoina awaba khaangba tarabadi, madu mihatpa, nattraga huranba, nattraga karigumba atoppa makhal amagi maral leiraba, nattraga mathou nattana migi thabakta khut thingjinba mi amagumna oiroidabani. 
\v 16 Adumakpu nakhoina Christian ama oina awaba khaanglabadi maduda nahak ikaiganu, adubu nahakna Christtagi mingbu pujabagidamak nakhoina Tengban Mapubu thagatchou.
\p
\v 17 Tengban Mapugi imungdagi wayenba houbagi matam adu youre; wayenba asi eikhoidagi hanna hourabadi, Tengban Mapugi Aphaba Pao indaba makhoigi poloi adu kari oigani? 
\v 18 \x - \xo 4:18: \xo*\xt Pao 11:31 \xt*\x*Asumna Mapugi puyana hai,
\q1 “Achumba chatpa mibu wana kanbirabadi;
\q2 Tengban Mapu ningdaba amasung pap chenbasingdi kari oigani?” 
\m
\v 19 Maram aduna Tengban Mapugi aningba matung inna awaba khaangba makhoina makhoi masabu thajaba yaba Sembiba Mapuda sinnajaduna aphaba thabak touduna leigadabani.
\c 5
\s1 Tengban Mapugi yao sanggu
\p
\v 1 Nakhoigi narakta leiba ahal-lamansing, ahal ama oiriba amadi Christtana awaba khaangbagi sakhi ama oiriba aduga phongdokpigadaba matik mangal aduda saruk phanggadaba ama oina eina nakhoida haijari; 
\v 2 \x - \xo 5:2 \xo*\xt Jn 21:15-17\xt*\x*nakhoigi nakhada leiba Tengban Mapugi yao sanggu adubu senbiyu, yengsinbiyu, tangaiphadana touba nattaduna Tengban Mapuna nakhoibu oihanningba adugumna, touningna tou; madu pukchel sengdana tongjanaba hotnaba nattaduna, touningna thougal tou. 
\v 3 Nakhoida sinnakhrabasing adugi mathakta mapu oina panba nattaduna yao sanggu aduda pandamsing oiyu. 
\v 4 Athoiba Yaosenba adu uhanbiba matamda, nakhoina sithaba leitraba matik mangalgi luhup adu phanggani.
\p
\v 5 \x - \xo 5:5 \xo*\xt Pao 3:34 \xt*\x*Adugumduna nakhoi naha oibasa, nakhoi ahalsinggi makha pollu. Nakhoi pumnamak amaga amagagi maphamda nolukpagi phijol setlu, maramdi “Tengban Mapuna chaothokpasingbu thing-i, adubu nolukpasingda thoujal pibi.” 
\v 6 \x - \xo 5:6 \xo*\xt Mat 23:12; Luk 14:11; 18:14\xt*\x*Maram aduna Tengban Mapugi panggalaba khutki makhada nakhoina nolukchou adu oirabadi Ibungo mahakki achaba matamda nakhoibu mahakna thanggatpigani 
\v 7 Nakhoigi langtaknaba pumnamak Ibungogi maphamda langsillu; maramdi mahakna nakhoigidamak khanbi.
\p
\v 8 Mit na singna leiyu amasung mitseng khang-u! Nakhoigi yeknaba Devil-na ngangliba nongsagumna kanagumbabu yotsinnaba thiduna koina chatli. 
\v 9 Nakhoigi thajabada chetna leppu amadi mahakpu thing-u, maramdi taibangpan-gi mapham pumnamakta leiba thajaba makhoidasu asigumba awaba khaangli haiba nakhoina khang-i. 
\v 10 Adubu nakhoina matam khara awaba khaanglaba matungda thoujal pumnamakki Tengban Mapuna mahakki lomba naidaba matik mangalda Christta Jisugi mapanna eikhoibu koubiraba Ibungo mahakna, nakhoibu mapung phahanbigani amasung achetpa, panggal amadi lengdraba yumpham nakhoida pibigani. 
\v 11 Matam pumbagi oina panggal adu Ibungo mangonda leiba oisanu! Amen.
\s1 Aroibagi khurumjaba
\p
\v 12 \x - \xo 5:12 \xo*\xt Pakhon 15:22,40\xt*\x*Eina thajaba yaba ichil inao amani haina singthanajaba Silas-ki\f + \fr 5:12 \fr*\ft nattraga “Silvanus” \ft*\f* mapanna eina nakhoida samlapna chithi asi i-bani. Eina nakhoibu pukning thougatpa amadi masi Tengban Mapugi achumba thoujal aduni haiba eigi sakhi piba adu eina pammi.
\p
\v 13 \x - \xo 5:13 \xo*\xt Pakhon 12:12,25; 13:13; 15:37-39; Col 4:10; Phile 24\xt*\x*Nakhoiga loinana khandokminnarabi, Babylon-gi\f + \fr 5:13 \fr*\ft Rome-gi mahut sinduna sijinnaramba yai\ft*\f* singlup aduna nakhoibu khurumjabagi wa hairak-i, aduga eigi icha Mark-nasu nakhoibu khurumjari. 
\v 14 Nungsibagi chupnabaga loinana nakhoi amaga amaga khurumnou.
\p Christtada leiba nakhoi pumnamakta ingthaba leisanu.