\id REV - Mangga Buang NT [mmo] -Papua New Guinea 1981 (web 2014) 
\h Taato Langaah 
\toc1 Va sen Kalisi taato langaah vu Jon-ato 
\toc2 Taato Langaah 
\toc3 TL 
\mt1 Va sen Kalisi taato langaah vu Jon-ato  
\c 1  
\p
\v 1  + o 1:1  Dan 2:28-29; Taato 1:19; 22:6*Bôôy ond vakasin-anjo neep vunin, le sim Yesu Kalisi taato laam langaah, yik Anutu yoo taato vu Yesu in nambe Yesu taato va sen navu nôôn jak pavis-ato langaah vu yite hil kul-ate. Om Kalisi wiing yite angela hato vu sa Jon sen saatu yite omaaho kul ti be nêêl vakasin-anjo vu sa.  
\v 2 Tombe sa Jon soo aahe va pin-anju lung la, le mem saanêêl langaah. Ke om Anutu-te vakasin, osin vakasin sen Yesu Kalisi yoo nêêl langaah-ato, ond yik saanêêl vakasin-anju langaah.   
\p
\v 3  + o 1:3  Taato 22:7,10*Om Anutu-te vakasin sen nêêl-anjo be navu nôôn jak vu taamusin-ato, ond hil sen dasevin osin hil sen dangoyin-ambe davu sapa hôôk Anutu-te vakasin sen sa kaavuu-jo, ond hil pin-anjo yoo kand vasa lôôt, in busin sen Anutu nêêl nambe biing va pin nôôn jak-ato ond ngaaho lak.   
\s1 Jon kaavu vakasin-anjo la vu hil bel-ate bayêên bu namaavaalu be vindak yuuh vu Esia  
\p
\v 4  + o 1:4  Eks 3:14-15; Taato 3:1; 4:5,8; 5:6; 11:17; 16:5*Sa Jon, sa kaavu vakasin-anjo laas vu ham hil bel-ate bayêên bu namaavaalu be vindak yuuh vu Esia. Anutu nando gêên, de yoo nando vu nyendoos, tonde sim taamusin e le naam. Ke, om biing yite samu samu naas mando gaving ham-ambe ham alompayo nanjip melaas. Tonde yik Vavi Vaambuung sen saahe lohvu nôôn namaavaalu be vindak yuuh-ambe dando nalu munggin vu Anutu-te sia lulemak-atêêto, ond yik lambiing samu samu vu ham-ambe ham alompayo nanjip melaas.  
\v 5  + o 1:5  Jon 18:37; Taato 3:14; 17:14; Kol 1:18; Saam 89:27; 1Jon 1:7; 4:10*Tonde Yesu Kalisi sen yoo nêêl Anutu-te vakasin pin anivalok-ato, tonde tu omaaho sen kandi lak laah vu hil yimbin-ate nalu munggin-ato, tombe tu lulemak-aso pin vu voon-ate yêêv bop, ond yik biing yite samu samu vu ham-ambe ham alompayo nanjip melaas.  
\p Omaahôô-ju ahe yoo naving yiiy, tombe kawiiy yate va nipaya pin lak yite nihees.  
\v 6  + o 1:6  1Pi 2:5,9; Taato 5:10; 20:6*Yoo wiing-ambe yaatu yite hil-ambe nanggin yiiy, osin yaatu Mangganaan Anutu-te kul vaha-so salivangin-ate. Yik Kalisii-ju yite nikaapulis osin haale bop naatu bopaata be nanjip danggata osin danggata. Keen.   
\p
\v 7  + o 1:7  Mat 24:30; Jon 19:34-37*Ham angge, ngaaho lak in navu naam hôôk bayiimb alo, tombe mem hil pin oo le lanji lak mend, tonde hil pin sen sil tataav yii-to ond le lanji yi gaving, de hil vu taaku pin e daasu be kaatuuh sil lôôt in lawiing yi payaa-to. Ke, vakasin-anjo le nôôn jak keen lôôt.   
\p
\v 8  + o 1:8  Taato 4:8; 15:3; 21:6; 22:13*In Omaaho Bop Anutu sen niwêêk danggakook-ato nêêl nambe, “Sa omaaho nalu munggin-ambe ahus keen-anjo.” Ke, yik Anutuu-ja sen nando gêên-anjo, tonde yoo nando vu bôôy heey, tombe sim taamusin ond le naam.   
\s1 Jon yi me lak Omaaho Bop  
\p
\v 9  + o 1:9  Taato 6:9*Sa Jon sen hamate halim saa-to, ond yik yiiy pin-ambe yaatu Yesu-te hil nôôn timu be Anutu nanggin yiiy ahondoos, tombe yiiy pin nako nivaane be yiiy oo naale niwêêk-ambe yiiy naaku nimeen navuh ti. Tonde Anutu-te vakasin, osin vakasin sen Yesu nêêl langaah-ato, ond yik saanêêl vakasin-anju langaah ondeey laluus sa be lanêêl-ambe sa laam nando nalu lavuun-anjo sen danêêl nambe Patmos-ato.  
\v 10 Tombe hôôk Omaaho Bop-ate busin sen Sondaa-to ond Vavi Vaambuung hôôvu sa niwêêk lôôt, tombe sim sa hangoyin lava ti valup sa damingg, tombe lavaa-ju bopaata nambe sen dave vuuk nasuuto.  
\v 11 Tombe lavaa-ju nambe, “Va pin sen ganggêê-to ond goo kaavu hôôk kaapiya be gambiing na vu hil bel-ate bayêên bu namaavaalu be vindak yuuh-ato. Gambiing na vu hil bel-ate vu Epesas, de vu hil Samena, osin vu hil Pegamam, tonde vu hil Taiataila, de vu hil Sadis, de vu hil Piladelpia, tonde vu hil Leodisia.”   
\p
\v 12 Tombe sim saahilin laah in nambe saangge omaaho sen nakaas vu saa-ju, om saahilin atombe saahe kin tumin gool vaha namaavaalu be vindak yuuh naale.  
\v 13  + o 1:13  Dan 7:13; 10:5*Tombe saahe omaaho ti ni nambe omaahonôôn noow tii-to ond naale hôôk kin tumin-anju lavuun, ond lop lolop dinaandiin-ambe la hato vaha tambaat, tonde havêêh hees gool viiy baambu.  
\v 14  + o 1:14  Dan 7:9; 10:6; Taato 2:18; 19:12*Tombe lukook osin luvalus anivalôôy lôôt, lohvu bik sipsip anivalus osin bayiimb ahevalôôy, tonde mekaalus natum nambe sen kin malaa-to.  
\v 15  + o 1:15  Taato 14:2*Tonde vaha natêêlang lôôt nambe sen dasi gool ak kin bopaata be natêêlang-ato, tombe sa hango de lava daandun bopaata nambe sen bel bop naluus lêêmbis-ato.  
\v 16  + o 1:16  Taato 1:20; 2:12,16; 19:15,21; Hiblu 4:12*Yoo napuvu matam namaavaalu be vindak yuuh hôôk nama vasa, tonde yipak diin ti navu neep vaalu vaalu be yoo navu ngali lôôt neep hôôk avi be laam voon, de damba natêêlang bopaata lôôt nambe sen taaku me natêêlang-ato.   
\p
\v 17  + o 1:17  Ais 44:6; 48:12; Taato 2:8; 22:13*Ke, saahe yi tombe saalupake be saahimb meta naahop hôôk vaha, le ma de hambe nama vasa lak sa be nêêl nambe, “Game ganjêênin e. Sa omaaho nalu munggin-ambe ahus keen-anjo.  
\v 18 Sa nando metumin. Bôôy ond saahimb, le ma de sa kandi lak laah-ambe sa nando. Om gangge, sa nando in mando metumin danggata osin danggata, tombe sa hako kiiy meyimbin-ate osin kiiy sen hil yimbin-ate taakuu-to.  
\v 19  + o 1:19  Taato 1:1*Ke, om yik goo kaavu vakasin ak va pin sen gahêê-to osin va sen nando gêên-anjo, tonde va sen le balup vu taamusin-ato.  
\v 20  + o 1:20  Taato 2:1; 3:1*Ke, gahe matam namaavaalu be vindak yuuh sen nando hôôk sa namangg vasaa-to, osin kin tumin gool vaha namaavaalu be vindak yuuh-ato, ond danggakook sen vun yii-jo nambe matam namaavaalu be vindak yuuh-anja ond manyinju taahu hil bel-ate bayêên bu namaavaalu be vindak yuuh-ato silate angela-so, tonde kin tumin vaha namaavaalu be vindak yuuh-ato ond yik lohvu hil bel-ate bayêên bu namaavaalu be vindak yuuh-anjuuto.”   
\c 2  
\s1 Vakasin la vu hil bel-ate vu Epesas  
\p
\v 1  + o 2:1  Taato 1:16,20*“Okaavu vakasin-anjo na vu hil bel-ate vu Epesas silate angela naambe,  
\p Omaaho sen napuvu matam namaavaalu be vindak yuuh hôôk nama vasa, tonde naloh kin gool vaha namaavaalu be vindak yuuh-ato lavuunaatôôv, ond nêêl nambe,  
\v 2  + o 2:2  Taato 2:19; 3:1,8,15; 1Jon 4:1*“Va pin sen ham nawiing-ato ond sa lak ni lung la. Yik sa lak ni nambe ham oo nawiing kul bopaata, de ham naale niwêêk-ambe ham naaku nimeen pin, de ham animbaya lôôt in hil anipaya, in hil-anju danêêl nambe sil sinaale-so having, le ma de sil-ame sinaale le, om ham sahi sil-ambe ham atokak va sen lawiing-ato danggakook nambe sil hil tatuhin ambu-so.  
\v 3 Tonde hil layi de ham napuvu sa haalengg atombe dawiing nindanjeen vu ham, le ma de ham oo naale niwêêk-ambe ham naaku nimeen-anja, tombe nivaane sen ham naakuu-ja ond sa lak ni nambe ham-ame nitambo le.  
\v 4 Lemu sa naahe ham paya in vati nambe bôôy sen ham awii-having nyendoos-ato, ond hôôk busin-anju ham ahem oo having sa lôôt, le sim gêên ond ma.  
\v 5  + o 2:5  Taato 2:16,22; 3:3,19*Om ham akam bu le, bôôy ond ham nawiing va nivasa, le sim ham havuuh nôôn anivasaa-ju la, de ham alupake lung la, om ham oo anggilin ham vasa be ham ambiing va nivasa naambe sen ham awiing vu nyendoos-ato jesin naah. Le naambe ham-ame anggilin ham alompayo le, de ma, ond sa naas balup atombe sale aanôôh hamate kin tumin-anja na vêêl in yite taaku.  
\v 6  + o 2:6  Saam 139:21*Lemu va sen ham nawiing lohvuu-to ond ham animbaya lôôt in va sen Nikolas-ate hil dawiing-ato, tombe yik sa having, sa naayiis ngaamong ak silate va nambêênja.   
\p
\v 7  + o 2:7  Jen 2:9; Taato 22:2,14,19*“Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa. Naambe omaaho ti daanggôôl va nipaya voon-ate pin, ond sale aanjiinggis in yi be ja hahaanôôn sen navu metumin vu hil-ato. Haah-anju ond yoo naale hôôk Anutu-te taaku Paladis.”   
\s1 Vakasin la vu hil bel-ate vu Samena  
\p
\v 8  + o 2:8  Taato 1:17*“Okaavu vakasin-anjo na vu hil bel-ate vu Samena silate angela naambe,  
\p Omaaho nalu munggin-ambe ahus, sen yimb bôôy le ma de kandi vasa hôôk laah lung la be mem gêên nando metumin-ato, ond nêêl nambe,  
\v 9  + o 2:9  Jem 2:5; 2Ko 11:14-15; Taato 3:9*“Sa lak ni nambe ham nako nimeen osin nivaane be ham nativak in va yuuh ame lôôt, lemu nôôn keen ond mem ham nahôôlis ngeeyaata. Tonde hil vaalu sen danêêl ham palêê-to ond danêêl nambe sil Yuda, lemu Anutu me-yite hil Yuda keen sil e, nganjo sil Saalang-ate hil amu.  
\v 10  + o 2:10  Mat 10:28; 2Ti 4:8; Jem 1:12; Taato 3:11*De nivaane sen ngaaho nalak in navu naatovu ham-ato, ond ham-ame anjêênin e. Ham gango le, Saalang navu gaanjiihin hil-ambe sil gatung ham dukana kalaambus, de sahi ham, tombe ham e gako nivaane nohvu busin nomaayuuh.\f + \fr 2:10 \ft Yesu nêêl nambe yite hil e gako nivaane nohvu busin nomaayuuh-ato ond nêêl taato nambe vaheey e lambu nivaane vu sil, le me-le ahusaandiin lôôt e. \f* Lemu vakasin sen ham awii-having-ato ond ham oo naapuvu niwêêk-ambe na balup busin sen ham anggimb-ato, ond mem sale aambu nôôn anivasa metumin-ate vu ham.   
\p
\v 11  + o 2:11  Taato 20:14; 21:8*“Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa. Naambe omaaho ti daanggôôl va nipaya voon-ate pin, ond meyimbin-ame le naatovu yi naatu balon yuuh jesin naah e, malis lôôt.”   
\s1 Vakasin la vu hil bel-ate vu Pegamam  
\p
\v 12  + o 2:12  Ais 49:2; Taato 1:16*“Okaavu vakasin-anjo na vu hil bel-ate vu Pegamam silate angela naambe,  
\p Omaaho sen napuvu yipak diin sen navu neep vaalu vaaluu-to, yipak-anjo navu ngali lôôt, ond nêêl nambe,  
\v 13  + o 2:13  Taato 3:8*“Sa lak ni nambe Saalang tu omaaho lulemak-ambe nanggin hamate taakuu-ja, le ma de ham oo napuvu sa haalengg aniwêêk lôôt, in ham awii-having sa de ham-ame nalak alum in sa daka le. Tonde Antipas sen nando having ham bôôy-ambe nanêêl sate vakasin langaah-ato, ond yoo nanye vuun-ambe navu sapa hôôk sa lavangg nivasa lôôt, tombe yik layiis hôôk ham lavuun-ambe yimb neep taaku sen Saalang nandôô-jaato, tombe hôôk busin-anju ham-ame alak alum in sa le.  
\v 14  + o 2:14  Nam 25:1-2; 31:16; 2Pi 2:15*Lemu sa naahe ham paya in vaheey nambe hamate hil vaalu dando Pegamam, ond yoo dapuvu Belam-ate vakasin tatuhin, sen Belam taahu Belak hôôk bôôy-ambe Belak tatuhin hil Islel-ambe lalupake hôôk va nipayaa-to, in taahu sil-ambe sil laya vahivak sen datung natu salivangin vu anutu tatuhin vahaa-to osin lawiing baayamb.  
\v 15 Tonde yik hamate hil vaalu sen dando having ham-anja, ond yik dapuvu Nikolas-ate vakasin tatuhin niwêêk lôôt.  
\v 16  + o 2:16  Taato 1:16; 3:11; 22:7,12,20*Om yik ham anggilin ham vasa, le naambe nama ond sa navu anaas balu-vu ham pavis atombe saanyiis ngaamong vu hil-anja lak yipak diin ngaamong-ate sen lukaneep hôôk  
\p savingg-ato.   
\p
\v 17  + o 2:17  Jon 6:48-50; Ais 62:2; Taato 3:12; 19:12*“Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa. Naambe omaaho ti daanggôôl va nipaya voon-ate pin, ond sale aambu vanôôn nôôn baandoni sen vun yii-to vu yi, osin saambu tatuuh valôôy ti vu yi, tombe tatuuh-anju ond sa kaavu haale moos sen hil-ame lalak nii-to jakanjip, yik omaaho sen hako tatuuh-anjuuto ond mem yoo lak ni.”   
\s1 Vakasin la vu hil bel-ate vu Taiataila  
\p
\v 18  + o 2:18  Taato 1:14-15*“Okaavu vakasin-anjo na vu hil bel-ate vu Taiataila silate angela naambe,  
\p Anutu Noow sen mekaalus yoo natum niwêêk nambe sen kin malaa-to, tonde vaha yoo natêêlang nambe gool-ato, ond nêêl nambe,  
\v 19 “Sa lak va sen ham nawiing-ato ni, yik sa lak ni nambe ham ahem having-ambe ham alompayo laam timu vu sa, osin ham nahôôvu hil lôôt, de nimeen natovu ham-ato ond ham oo naale niwêêk. Ke, ham nawiing va nivasa vaalu vu nyendoos-ato, tombe gêên ond mem ham nawiing ngeeyaata lôôt.  
\v 20  + o 2:20  1King 16:31; 2King 9:22; Taato 2:14*Lemu sa naahe ham paya in vati nambe ham-ame aluus vêêh Jesebel sen yoo navu tatuhin nambe nanêêl Anutu-te vakasin langaah-ato le, nganjo ham nahe mu de vêêh-anju yoo navu taahu sate hil kul-ate be tatuhin sil-ambe davu sapa hôôk mopaatôôv baayamb, osin daya vahivak sen datung natu salivangin vu anutu tatuhin vaha-sôôto.  
\v 21 Tombe saawiingin nambe gilin lopayo, ondeey saahees in-ambe sa hanggin busin heey vêêl e, le ma de nimbaya om me-hilin lopayo be haluuh dami vu yite mopaatôôv baayamb e.  
\v 22 Om ham gango le, sale aambu nivaane osin nilakin bopaata vu vêêh-anja, tonde hil sen lawiing baayamb having yii-to ond naambe sil-ame langgilin londpayo be galuuh damind vu va nipaya sen vêêh-anja nawiing-ato le, ond sale aambu nilakin osin nivaane bopaata vu sil gaving.  
\v 23  + o 2:23  Saam 7:9; Jer 11:20; 17:10; 2Ti 4:14; Taato 20:12-13*Tonde yite noondin ond sale aanyiis sil gaving-ambe lanjimb. In hil bel-ate lu ti ti pin lanji be lanjak ni naambe soo nalak omaahonôôn pin akand osin londpayo ni vanuh, tombe sale aambu nyevahaan dukanaah vu ham ti ti pin nohvu va sen ham nawiing-ato.   
\p
\v 24 “Om gêên ham vaalu sen ham nando Taiatailaa-to  
\p be ham-ame navu taamuyin vakasin tatuhin-anja le, osin ham-ame alak va sen danêêl nambe Saalang-ate lopayo danggakook keen-ato ni le, ond sa naanêêl vu ham naambe same le aambu kul animeen ti gaving vu ham e.  
\v 25  + o 2:25  Taato 3:11*Nganjo nôôn keen sen ham hako lung laa-to ond ham oo naapuvu niwêêk-ambe sa naatok anaas balup e mem.  
\v 26  + o 2:26  Saam 2:8-9*Naambe omaaho ti daanggôôl va nipaya voon-ate pin, de sapa hôôk sa vahangg-ambe na balup busin sen jimb-ato, ond sale aambu haale bop vu yi be naatu hil vaalu-te yêêv.  
\v 27  + o 2:27  Taato 12:5*Tombe mem kamuuh paatôôn aniwêêk ti be ganggin sil aniwêêk, naambe sen hil davu kaatuuh dêêngg siinggis-ambe navu matelak daka dakaa-to. Kul-anjo soo aavu vu yi, yik va timu nambe sen Aamangg oo vu vu sa in nambe sa ganggin hil-ato.  
\v 28  + o 2:28  Taato 22:16*Sale aambu matam samiinaanôôn-ate vu yi.   
\p
\v 29 “Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa.”   
\c 3  
\s1 Vakasin la vu hil bel-ate vu Sadis  
\p
\v 1  + o 3:1  Taato 1:4,16; 2:2*“Okaavu vakasin-anjo na vu hil bel-ate vu Sadis silate angela naambe,  
\p Omaaho sen hako Anutu-te Vavi Vaambuung sen saahe lohvu nôôn namaavaalu be vindak yuuh-ato, tonde napuvu matam namaavaalu be vindak yuuh-ato, ond nêêl nambe, “Va pin sen ham nawiing-ato ond sa lak ni, tonde sa lak ni nambe hil danêêl nambe ham navu sapa hôôk mop metumin-ate, le ma de ham navu sapa hôôk mop meyimbin-ate.  
\v 2 Om ham kandi mem naatum-ambe ham kaandu hamate hil vaalu sen daahen daloh mop metumin-ate, in ngaaho lak in davu langgilin sil naah vu mop meyimbin-atêêto. Tonde va pin sen ham nawiing-ato ond same aahe nambe ti nivasa lôôt lohvu sate Anutu ji nivasa le.  
\v 3  + o 3:3  Taato 2:5; 1Tes 5:2*Banye nivasa sen ham hango bôôy-ambe ham hako lak lung laa-to, ond ham akam oo bu be ham anggilin ham alompayo be ham sapa dôôk nivasa jesin naah. Le naambe ham-ame kandi mem naatum e, ond sale anaas balup vu ham naambe sen omaaho hôôndak-ato, lemu busin sen sa naas balup vu ham-ato ond ham-ame alak ni le.  
\v 4  + o 3:4  Jut 23*Lemu hamate hil daka yuuh dando Sadis-ato me-lawiing-ambe silate lolop anipaya lak e, ond hil-anju saahe sil lalohvu, om le lanjop lolop anivalôôy-ambe lana gaving sa.  
\v 5  + o 3:5  Taato 7:9; Luk 10:20; Mat 10:32*Naambe omaaho ti daanggôôl va nipaya voon-ate pin ond sale aanjop lolop anivalôôy dukana yi, tonde same le kawiiy haale sen neep hôôk kaapiya metumin-atêêto le, malis, yik sale naanêêl haale langaah amu vu sate Aamangg osin vu yite angela-so gaving.   
\p
\v 6 “Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa.”   
\s1 Vakasin la vu hil bel-ate vu Piladelpia  
\p
\v 7  + o 3:7  Ais 22:22*“Okaavu vakasin-anjo na vu hil bel-ate vu Piladelpia silate angela naambe,  
\p Omaaho Vaambuung keen-ambe vakasin anivalok danggakook keen yi, sen nako Devit-ate kiiy-ambe yoo nataahin vinavi, de omaaho ti me-lohvu nambe baayiiy naah e, tonde naayiiy vinavi de omaaho ti me-nataahin laah e, ond nêêl nambe,  
\v 8  + o 3:8  Taato 2:2; 1Ko 16:9*“Va pin sen ham nawiing-anja ond sa lak ni lung la. Om ham angge, sa hataahin vinavi be naale natok vu ham, de omaaho ti me-lohvu nambe baayiiy naah e. Sa lak ni nambe ham animwêêk daka neep-ambe ham oo navu sapa hôôk sate vakasin de ham-ame alak alum in sa le.  
\v 9  + o 3:9  Taato 2:9; Ais 45:14; Ais 49:23; 60:14*Ham gango le, Saalang-ate hil-anja yoo danêêl nambe sil Yuda, le ma de Anutu me-yite hil Yuda keen sil e, yoo davu tatuhin amu. Om ham gango le, sale aambiing-ambe hil-anju lanaas gato pataav baambund nanjip voon ngaaho vu ham vaham-ambe sil gako ham haalem jak, tombe mem lanjak ni naambe sahengg having ham.  
\v 10  + o 3:10  Luk 21:19; 2Ti 2:12*In ham oo sapa hôôk sate vakasin-ambe ham naale niwêêk in nimeen pin sen tovu ham-ato, om sale ganggin ham nivasa in nimeen sen navu naatovu taaku pin in nambe sahi omaahonôôn pin sen dando voon-anjôôto, de nimeen-anju me-kape ham e.   
\p
\v 11  + o 3:11  Taato 2:10,16*“Ke, sa navu anaas balup vu ham pavis, om nôôn anivasa sen ham hako lung laa-to ond ham oo naapuvu niwêêk, in sim ham e gavuuh Anutu na, tombe nôôn anivasa sen hatung vu ham-ato ond omaaho ango le bu vêêl in ham.  
\v 12  + o 3:12  Taato 14:1; 21:2; 22:4; Esi 48:35; Ais 62:2; 65:15*Naambe omaaho ti daanggôôl va nipaya voon-ate pin, ond sale balaah yi baale niwêêk naambe ngaandiin sen naale napuvu sate Anutu-te dumb vaambuung-ato, tombe me-le gavuuh dumb vaambuung-anju de gato naah voon jesin naah e, malis lôôt. Yik sale kaavu sate Anutu haale osin sate Anutu-te taaku bop haale jakana yi. Taaku bop-anju ond Yelusalem moos, yik sate Anutu yoo le biing vu baandoni naam, tombe sa haalengg moos ond yik soo le kaavu lak yi gaving.   
\p
\v 13 “Om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa.”   
\s1 Vakasin la vu hil bel-ate vu Leodisia  
\p
\v 14  + o 3:14  Taato 1:5; 19:11; Kol 1:15*“Okaavu vakasin-anjo na vu hil bel-ate vu Leodisia silate angela naambe,  
\p Omaaho sen vakasin keen danggakook yi, be lak busin pin ond yoo nanêêl Anutu-te vakasin keen pin nivalok lôôt, de va pin sen Anutu hatung-ambe danggakook yii-to, ond nêêl nambe,  
\v 15  + o 3:15  Taato 2:2; Lom 12:11*“Va pin sen ham nawiing-ato ond sa lak ni lung la. Yik saahe nambe ham-ame alohvu bel kuuh me bel vaane le,\f + \fr 3:15 \ft Sen nêêl nambe sil-ame lalohvu bel kuuh osin bel vaane le, ond dangga nambe sil-ame nind baya lôôt in Kalisi le, de me-dapêêlis la vu yi lôôt e, nganjo sil dando lavuunaatôôv. \f* lemu saawiingin nambe ham anohvu bel kuuh me bel vaane ond mem.  
\v 16 Le ma de ham alohvu bel sen nivaane pasivdaka mu, ham-ame alohvu bel kuuh keen lôôt e, tonde ham-ame alohvu bel vaane keen lôôt e, om yik sa navu maloov ham balup savingg na voon.  
\v 17  + o 3:17  Hos 12:8; 1Ko 4:8; Luk 12:21; Jem 2:5*In ham nanêêl nambe, ‘Hey naahôôlis mone ngeeyaata osin heyate va ngeeyaata nando, de hey-ame naativak in vati le,’ le ma de ham nando paya lôôt lohvu hil e kand pasiv in ham. Ham oo nativak in nôôn keen-ato lôôt, osin ham amem kanu, de ham nando ninôôn, lemu ham doosin hamate vaa-ja.  
\v 18  + o 3:18  Ais 55:1; Taato 3:5; 4:4; 16:15*Om saambu kakook-anjo vu ham naambe sate gool sen kin ya be yoo natêêlang lôôt-anjo, ond ham baanggo vu sa tombe mem ham e anggôôlis va nivasa nôôn, tonde yik ham baanggo lolop valôôy-ambe ham anjop gilin ham anim naavi, de hil-ame lanji naambe ham nando ninôôn e, tombe ham anim-ame naamum e, tonde yik ham baanggo malaasin-ambe ham anjikin ak ham amem kaalus, ond mem ham e angge taaku.  
\v 19  + o 3:19  1Ko 11:32; Taato 2:5*In hil sen sahengg naving sil-ato ond sa naanêêl sil osin sa naveek sil, om ham animwêêk lôôt-ambe ham anggilin ham alompayo keen.  
\v 20  + o 3:20  Jon 14:23; 1Jon 2:24*Ham angge, sa naale vinavi be sa monaateey ham, tombe omaaho ti gango sa lavangg-ambe naam gataahin vinavi, ond mem saandukana umakalo be sa mando gaving yi be haay ahondoos angga vanôôn hôôk ti.  
\v 21  + o 3:21  Mat 19:28*Om naambe omaaho ti daanggôôl va nipaya voon-ate pin, ond sale naanêêl-ambe gato mando lak sate sia lulemak-ate gaving sa, yik naambe sen sa bôôy-ato, ond sa laanggôôl va nipaya voon-ate pin, le mem sa hato nando lak Mangg-ate sia lulemak-ate having yi.   
\p
\v 22 “Ke, om omaaho ti nanye neep ond yik gangoyin vakasin sen Vavi Vaambuung nanêêl vu hil bel-ate lu ti ti pin-anjo nivasa.”   
\c 4  
\s1 Dalohak vu Anutu vu baandoni  
\p
\v 1  + o 4:1  Taato 1:1,10*Lung laa tonde sim saahe de vinavi ti neep natok vu baandoni, tombe lava sen sa hango nêêl vakasin vu sa nyendoos nambe sen vuuk suu-to, ond yik nêêl laah nambe, “Ganaam baandong-anjo in sa taato va pin sen le naatok naam vu taamusin-ato vu hong.”  
\v 2  + o 4:2  Saam 47:8; Ais 6:1; Esi 1:26; Taato 19:4*Om yik pavis atombe Vavi Vaambuung hôôvu sa lôôt, tombe saahe omaaho ti nando lak sia lulemak-ate vu baandoni.  
\v 3  + o 4:3  Esi 1:28*Ke, saahe omaaho sen nando baandonii-ju ond ni nambe tatuuh amengali-ngali valôôy osin nihees, tonde saahe de bumbanjiing ti natêêlang nambe tatuuh amengali sen niluuh-ato be hambuuh omaahôô-ju osin yite sia lulemak-ate tatup.  
\v 4  + o 4:4  Ais 24:23; Taato 3:18; 6:11*Tonde saahe de yêêv doo-ti be laam yumbeyuuh dando lak sia lulemak-ate ti ti be lambuuh omaahôô-ju tatup, tombe yêêv-asôônju ond lalop lolop valôôy osin laanggin silate taambuuh gool lulemak-ate lakando lund.  
\v 5  + o 4:5  Taato 1:4; 8:5; 11:19; 16:18; Esi 1:13*Tonde demak navêêl osin lavand heey nalaam de kalang natuuh vu sen lulemak-ate sia nandôô-juuto, tonde kin tumin namaavaalu be vindak yuuh natum laah hato sia mekaalus. Ke, tombe kin namaavaalu be vindak yuuh-anju ond lohvu Anutu-te Vavi Vaambuung sen saahe lohvu nôôn namaavaalu be vindak yuuh-ato.  
\v 6  + o 4:6  Esi 1:5-10,22; 10:14*De taaku sen neep laah osin lulemak-ate sia mêê-to, ond vati nambe sen lôôy bopaata ti neep-ato ond yoo neep melangaah-ambe mengali lôôt nambe sen dundum-ato.  
\p Va metumin yumbeyuuh daale be lambuuh siaa-ju tatup. Ke, va metumin yumbeyuuh-anju mend kaalus ngeeyaata vu tapumin sil damband osin sil damind.  
\v 7 Va metumin-asôônju ond tik ni nambe voow bamaan layon, tonde ango sen tu yuuh ond ni nambe kao moow, tonde ti sen tu yaal ond mekaalus lohvu omaahonôôn amend, tonde ti sen tu yumbeyuuh ond ni nambe tuungg sen navêêhin baandonii-to.  
\v 8  + o 4:8  Ais 6:2-3; Esi 1:18; 10:12; Taato 1:4,8*Ke, va metumin yumbeyuuh-anju ond sil ti ti yoo bees namaavaalu vindak ti lohvu sil pin, tombe sil amend kaalus ngeeyaata vu tapumin sil anind naavi osin sil alondpayo having. Tombe busin-ande langaah ond yoo mondanêêl nambe,  
\q1 “Omaaho Bop Anutu sen niwêêk danggakook-ato Omaaho Vaambuung, Omaaho Vaambuung, Omaaho Vaambuung. Yoo nando vu nyendoos-ambe nando gêên-anjo, tombe sim taamusin ond le naam.”  
\p Ke, yoo mondanêêl-ande me-datôômin e, yik yoo mondanêêl vakasin nambêênjo lôôt.   
\p
\v 9  + o 4:9  Taato 19:4; Dan 4:34; 6:26; Dan 12:7*Ke, tonde Anutu sen nando lak sia lulemak-atêêto yoo nando in mando metumin danggata osin danggata, ond va metumin-asôônju daanêêl yite nikaapulis langaah osin gako haale jak-ambe daapêêlis na vu.  
\v 10  + o 4:10  Taato 5:1,7,13; 6:16; 7:10,15; 19:4; 21:5*Ond pavis atombe yêêv doo-ti be laam yumbeyuuh-ato gato pataav baambund nanjip voon-ambe lanohak vu Anutu sen nando lak sia lulemak-ate be nando danggata-têêto, osin gatung silate taambuuh gool lulemak-ate na mando ngaaho hôôk me, yik yoo mondawiing nambêênjo lak busin pin, tonde danêêl nambe,   
\q1
\v 11 “O Omaaho Bop heyate Anutu, hong ond mem ganivasa lôôt lohvu nambe omaahonôôn daanêêl gate nikaapulis langaah osin sil gako ohaalem jak, tonde sil lavand dôôk hong in gate niwêêk, in goo hatung va pin lohvu gakam, tombe yik gêên va pin nôôn ak-ambe nando.”   
\c 5  
\s1 Jon yi kaapiya ti neep  
\p
\v 1  + o 5:1  Taato 4:2,10; Esi 2:9-10; Ais 29:11*Saahe Anutu nando lak sia lulemak-ate be kaapiya ti neep hôôk nama vasa, ond sil kaavu vakasin neep hôôk lopayo be neep ak dami having, tombe sil langgi lak va nikanggi namaavaalu be vindak yuuh tatin.  
\v 2 Tonde saahe de angela niwêêk ti teey bopaata nambe, “Omaaho lati nivasa lohvu nambe kahe va nikanggi in kaapiyaa-jo be katekin?”  
\v 3 Lemu hil pin sen dando baandoni osin voon, de dando hôôk ngaanggis kambinii-to ond ti me-lohvu in nambe katekin kaapiyaa-ju be ji lopayo le.  
\v 4 Ke, saahe le me-latokak omaaho nivasa ti lohvu in nambe katekin kaapiyaa-ju be ji lopayo le, om saasu bopaata lôôt.  
\v 5  + o 5:5  Jen 49:9; Ais 11:1,10; Taato 22:16*Tombe yêêv-asôônju ti nêêl vu sa nambe, “Game naasu le, onggango le, omaaho niwêêk sen lohvu voow layon-ambe kandi lak vu hil Yudaa-to, ond yite dangga neep vu himbop bôôy Devit, ond laanggôôl va nipaya pin, om yik yoo lohvu nambe kahe va nikanggi namaavaalu be vindak yuuh-anjuuto be katekin kaapiya.”   
\s1 Jon yi me lak Sipsip Noow  
\p
\v 6  + o 5:6  Jon 1:36; Taato 1:4; 5:12; 13:8; Sek 4:10*Saahe Sipsip Noow ti naale nambe sen layiis-ambe yimb-ato, ond naale sia lulemak-ate osin va metumin yumbeyuuh-ato de yêêv-aso lavuun, tombe lu salak namaavaalu be vindak yuuh, de mekaalus namaavaalu be vindak yuuh tayi Anutu-te Vavi Vaambuung sen saahe lohvu nôôn namaavaalu be vindak yuuh-ande Anutu wiing sil lala dako hôôk lohvu taaku pin-ato.  
\v 7  + o 5:7  Taato 4:2,10*Sipsip Noow-anju ond la lôôh kaapiya sen neep hôôk Anutu nama vasaa-to.  
\v 8  + o 5:8  Taato 8:3-4; 14:2; 15:2; Saam 141:2*Ke, hako lung la le mem va metumin yumbeyuuh-ato osin yêêv-aso doo-ti be laam yumbeyuuh-ato ond lato pataav baambund neep voon hôôk Sipsip Noow ame in nambe sil gako haale jak. Tonde mem yêêv-aso ti ti yoo lalôôh gavêêngg lohvu sil pin osin lalôôh kaambum gool ti ti lohvu sil pin, tombe va galovasa salivangin-ate pup kaambum-anju la ond Anutu-te hil-ate lohakin.  
\v 9  + o 5:9  Saam 33:3; 40:3; 96:1; 98:1; Saam 144:9; Taato 14:3*Tonde mem lawiing laalo moos ti nambe,  
\q1 “Hong ond ganivasa lohvu nambe onggako kaapiya be okahe va nikanggi pin sen langgi lak-ato, in layiis hong-ambe gahimb, tombe ganim hees vaanggo omaahonôôn lalom vu Anutu. Keen, ohako omaaho-nôôn vu hil dangga ti ti pin lalom, de vu omaahonôôn lavand ti ti pin, osin vu omaahonôôn naavind ti ti, tonde hil vu bayêên bu ti ti pin.  
\v 10  + o 5:10  Eks 19:6; Ais 61:6; Taato 1:6; 20:6; 22:5*Gawiing-ambe latu heyate Anutu-te hil osin latu kul vaha-so salivangin-ate, tonde yi Anutu yoo tu silate omaaho lulemak, le mem sil e ganggin taaku voon pin.”   
\s1 Sil lako Sipsip Noow haale lak  
\p
\v 11  + o 5:11  Dan 7:10; Hiblu 12:22*Lung atonde sim sa mengg laah e sa hangoyin angela ngeeyaata lavand, ond sil lakaneep omaaho-maaho, be doos-ambe doos lôôt. Sil daale be lambuuh Anutu-te sia, de lambuuh va metumin-asôônjuuto osin yêêv-aso tatup,  
\v 12  + o 5:12  Taato 5:6; 1Kro 29:11*tombe dateey bopaata nambe,  
\q1 “Sipsip Noow-anjo sen layiis bôôy-ambe yimb-ato, ond omaaho nivasa be yoo lohvu nambe hil pin gako haale jak in yite niwêêk osin va nivasa vasa danggakook yi, de sil lavand dôôk yi in yite  
\q1 kakook anivasa osin niwêêk bopaata. Tonde yoo lohvu nambe omaahonôôn pin gako haale jak osin lavand dôôk yi in yite nikaapulis-ambe daapêêlis na vu yi.”   
\p
\v 13  + o 5:13  Taato 4:2,10*Tonde sa hango va vaha vaha pin sen Anutu hatung-ato lavand, va sen dando yendak osin dando ngaanggis-ato, de va sen dando hôôk ngaanggis kambinii-to osin va sen dando hôôk lôôy-ato. Keen, va pin sen dando be lalohvu taaku pin-anju ond sa hango danêêl nambe,  
\q1 “Anutu nando lak yite sia lulemak-ate, tombe yik Sipsip Noow having, ond yiiy pin naapêêlis na vu yuuh-ambe gako yuuh haalend jak, de yiiy lavangg dôôk yuuhate nikaapulis osin niwêêk lôôt-ambe nanjip danggata osin danggata.”   
\p
\v 14 Tonde va metumin yumbeyuuh-anjuuto laliinggis nambe, “Keen.” Tombe yêêv-aso lato pataav baambund neep voon-ambe lalohak vu yuuh.   
\c 6  
\s1 Sipsip Noow kahe va nikanggi namaavaalu be vindak ti sen langgi kaapiya lak-ato  
\p
\v 1  + o 6:1  Taato 5:1; 4:6*Saahe Sipsip Noow nalôôh kaapiya sen langgi lak va nikanggi namaavaalu be vindak yuuh-ato, tombe kahe ti sen nyendoos-ato, tonde sim sa hangoyin-ande va metumin yumbeyuuh-anjuuto ti ond nakaas bopaata nambe sen kalang natuuh-ato be nêêl nambe, “Ganaam.”  
\v 2  + o 6:2  Sek 1:8; 6:1-6*Tonde sim sa mengg laah e saahe hôôs valôôy ti, tombe omaaho sen nando lak-ato nalôôh vaasêêy, tombe laanggin yite taambuuh lulemak-ate be latung lakala lu, tombe la nayiis ngaamong-ambe naanggôôl hil, tonde yik yite kul nambe yoo le monanyiis ngaamong-ambe daanggôôl hil lôôt.   
\p
\v 3 Tonde Sipsip Noow kahe va nikanggi sen langgi kaapiya lak-ato ango having tu yuuh, tonde sa hangoyin-ande va metumin-anjuuto ond ango sen tu yuuh-ato nêêl nambe, “Ganaam.”  
\v 4 Tonde hôôs anihees ango valup, tombe omaaho sen nando lak-anju ond lavu niwêêk vu yi lohvu nambe nôôh vakasin melaas pin na vêêl in omaahonôôn vu voon, in nambe omaahonôôn oo lanyiis sil lôôt-ambe lanjimb, om lavu yipak diin ngaamong-atêêto ti vu in nambe biing kul-anju.   
\p
\v 5 Tonde Sipsip Noow kahe va nikanggi sen langgi kaapiya lak-ato tu yaal, tombe sa hangoyin-ande va metumin-anjuuto ond ti sen tu yaal-ato nêêl nambe, “Ganaam.” Tombe sim sa mengg laah e sim saahe de hôôs valiis ti valup, tombe omaaho sen nando lak-ato ond napuvu skel ti hôôk nama.  
\v 6 Tombe sa hango vati nambe sen lava ti nakaas hôôk va metumin yumbeyuuh-anjuuto lavuun nambe, “Okaasêêh palawa balet-ate hôôk dêêngg pasivdaka be hil baanggo jak mone sen dako hôôk busin ti-te kul-ato, tonde okaasêêh paandi hôôk dêêngg pasivdaka yaal, ond yik hil baanggo jak mone sen dako hôôk busin ti-te kul-ato, lemu game gambu teenin hahaanôôn aniluk osin wain e.”   
\p
\v 7 Tonde Sipsip Noow kahe va nikanggi sen langgi kaapiya lak-ato ti having tu yumbeyuuh, tombe sa hangoyin-ande va metumin-asôônjuuto ti sen tu yumbeyuuh-ato nêêl nambe, “Ganaam.”  
\v 8  + o 6:8  Jer 15:1-3; Esi 5:12,17; 14:21; Esi 33:27*Tonde yik sa mengg laah e saahe de hôôs anisang ti valup, tombe omaaho sen nando lak-anju ond haale nambe Yimbin, tonde hil yimbin-ate taaku taamuyin yi be valup. Tombe lavu niwêêk vu yuuh in nambe yuuh baasuh omaahonôôn na lu yumbeyuuh, le mem lu yaal mando de yuuh basi kaatôông anipaya dôôk hil alu ti be lanjimb, de hil lanyiis ngaamong vu sil-ambe lanjimb, tonde meep biing sil osin nilakin vaha vaha naatovu sil, tonde bik bamaan anipaya lanja sil.   
\p
\v 9 Tonde yik Sipsip Noow kahe va nikanggi sen langgi kaapiya lak-ato ti having tu namaavaalu, tonde saahe hil kanund heey dando hôôk alata kambini. Hil sen-anju ond bôôy yoo lapuvu Anutu-te vakasin aniwêêk-ambe lanêêl langaah, tombe hil layiis sil-ambe layimb.  
\v 10  + o 6:10  Taato 16:7; Diu 32:43; Saam 79:10*Hil kanund-anju lateey bopaata nambe, “O Omaaho Bop, hong omaaho nikaapiikaanôôn osin gate vakasin pin oo keen lôôt. De naangelis e onggangoyin omaahonôôn pin vu voon-ate vakasin, be gambu dôôk heyate nihees anyevahaan naah vu sil?”  
\v 11  + o 6:11  Taato 3:4-5; Taato 7:9,13; 19:14*Ke, tonde lavu lolop diin valôôy vu sil ti ti, tonde lanêêl vu sil nambe, “Ham sawaah daka vêêl e, in hil davu lanyiis mango-so sen ham ahondoos nawiing kul timuu-to osin lanyiis halim-aso, yik naambe sen yoo layiis ham-anja, be jung na le mem Anutu le bu dôôk hamate nihees dukanaah.”   
\p
\v 12  + o 6:12  Mat 24:29; Sin 2:20; Taato 8:12*Lung atonde Sipsip Noow kahe va nikanggi sen langgi kaapiya lak-ato ti having tu namaavaalu be vindak ti, tombe sim saahe de jemaapi bopaata navu taapinin ak taaku, tonde taaku me kaange be tu ningook ak nambe sen tôômb valiis-ato, tonde kwaav nôôn tu ahehees hôôk osin doos.  
\v 13  + o 6:13  Ais 34:4*De matam yendak natok laam ngaanggis nambe sen vavi bopaata navu taapinin ak bangguk-aanôôn sen naahen nasuuh-ato be navu palumbin.  
\v 14  + o 6:14  Taato 16:20*De yendak ond kahe be vaahinin nambe sen hil daahinin kaanyêê-to, tonde kandu osin nalu lavuun pin davuuh silate taaku de dakoseey dala.  
\v 15  + o 6:15  Ais 2:10,19,21*Tonde lulemak-aso vu voon laving hil osin haalend bop-aso, de yêêv bop ngaamong vaha-so, osin kupak dangga-so, de hil osin nindwêêk, tonde hil pin sen latu omaaho ango-te va kul-ate malis amuu-to, osin hil pin sen yoo danggin sil-ato, ond sil pin lahôôpis hôôk lavandangga yuuh tatuuh dangga vu kandu bop.  
\v 16  + o 6:16  Luk 23:30; Taato 4:2,10*Tombe lateey la vu kandu yuuh tatuuh bo-bop nambe, “Ham anjumbin jakanaam hey-ambe ham ambun hey in Anutu me-ji hey e, de Sipsip Noow ahekalin-ame naatovu hey e.  
\v 17  + o 6:17  Joel 2:11; Nie 1:6; Mal 3:2*In busin sen yuuh ahend kalin naatovu omaahonôôn-ambe sil gako nipaya nyevahaan-ato ond tok laam-anjo, om lati niwêêk lohvu nambe baale nipaalis?”   
\c 7  
\s1 Hil Islel 144 taosen lako Anutu-te samu samu  
\p
\v 1  + o 7:1  Jer 49:36; Dan 7:2*Va pin-anju lung la tonde sim saahe de angela yumbeyuuh daale ngaanggis nanyendangga yumbeyuuh, tombe dahilin vavi bop yumbeyuuh sen  
\p dave ngaanggis vu voon-anjôôto in nambe vavi me-gave ngaanggis ayuuh lôôy e, osin vavi me-taapinin ak haah ti le.  
\v 2 Tonde sim saahe angela ti lak valup naale sen taaku mekaalus nalak valup-ato ond napuvu Anutu metumin-ate va sen kaavu jak yite hil-ato, tonde nateey bopaata la vu angela yumbeyuuh sen sil lako niwêêk lohvu nambe sil lambiliyak ngaanggis osin lôôy-ato nambe,  
\v 3  + o 7:3  Esi 9:4,6; Taato 9:4*“Ham-ame ambiing pasiivu ngaanggis osin lôôy-ande haah-aso pavis e, nganjo ham baale de hey kaavu yate Anutu haale jakana yite hil kul-ate damband vêêl e mem.”  
\v 4  + o 7:4  Taato 14:1,3*Ke, tonde sim sa hangoyin-ande dateey hil sen kaavu va lak sil damband-ato nambe hil ngeeyaata lôôt lohvu 144 taosen-anju, ond vu hil Islel-ate noondin pin.  
\v 5 Om hil  
\p 12 taosen vu Yuda-te noondin, ond kaavu va lakaneep sil damband, tonde 12 taosen vu Luben-ate noondin, de 12 taosen vu Gat-ate noondin.  
\v 6 Tonde hil 12 taosen vu Asa-te noondin, de 12 taosen vu Naptaali-te noondin, tonde 12 taosen vu Manase-te noondin.  
\v 7 Tonde hil 12 taosen vu Simeon-ate noondin, de 12 taosen vu Liwi-te noondin, tonde 12 taosen vu Isakal-ate noondin.  
\v 8 Tonde hil 12 taosen vu Sebulon-ate noondin, de 12 taosen vu Yusep-ate noondin, tonde 12 taosen vu Benyaamin-ate noondin. Ke, hil-anju lako Anutu haale lakaneep sil damband lung la.   
\s1 Hil alu bopaata dako Anutu haale lak  
\p
\v 9  + o 7:9  Taato 5:9; 6:11*Ke, va pin-anju lung la, tonde sa mengg laah le sim saahe de hil ngeeyaata lôôt lasupin lalaam, lemu omaahonôôn-ame lalohvu nambe daasevin sil e. Hil-anju ond sil pin vu bayêên bu ti ti, tonde sil vu hil dangga ti ti pin, de sil oo nind naavi ti ti be lavand ti ti, ond lalop lolop valôôy diin-ambe daale hôôk Anutu yuuh Sipsip Noow amend kaalus, be sil lapuvu bêêk alis hôôk sil namand.  
\v 10  + o 7:10  Taato 12:10*Tombe dateey bopaata nambe, “Yate Anutu nando lak sia lulemak-ate, ond yuuh Sipsip Noow oo lako yiiy lom-ambe mem gêên yiiy nando nivasa.”  
\v 11 Tonde angela-so pin daale be lambuuh sia lulemak-atêêto osin yêêv-aso be va metumin yumbeyuuh-anjuuto tatup, le mem sil lato pataav baambund neep voon ngaaho vu sia lulemak-ate, be mem lako Anutu haale lak nambe,  
\v 12  + o 7:12  Taato 5:12; 11:17*“Keen lôôt, yiiy naapêêlis vu yate Anutu osin yiiy naanêêl yite nikaapulis langaah. Lukook anivasa pin neep vu yi, om yiiy naapêêlis na vu yi be yiiy gako haale jak. Yi omaaho niwêêk keen. Yik niwêêk pin oo neep vu yi. Va pin-anju yik yi timu yoo yite va be le nanjip danggata osin danggata. Keen.”   
\s1 Hil-anjute nivaane lung la gêên  
\p
\v 13  + o 7:13  Taato 7:9*Tonde sim yêêv ti lingin sa nambe, “Hil sen lalop lolop valôôy diin-anjo, ond sil laheey-anju? Sil lalaam vu tana?”  
\v 14  + o 7:14  Mat 24:21*Le saanêêl laah nambe, “Himbop, sa doosin om goo naanêêl.” Tombe sim nêêl lom vu sa nambe, “Hil-anjo ond hil lavu nimeen bopaata vu sil-ambe laaku lung la de lalaam, tonde lalipis silate lolop hôôk Sipsip Noow anihees-ambe tu nivalôôy ak.  
\v 15  + o 7:15  Taato 3:12*Ondeey yoo lala daale Anutu mekaalus, tombe langaah-ande busin ond yoo mondalohak vu hôôk yite dumb vaambuung, tonde Anutu sen yoo nando lak sia lulemak-atêênjuuto ond yoo le mando gaving sil-ambe ganggin sil.  
\v 16  + o 7:16  Ais 49:10*Tombe sil-ame le lanjimb ahend jesin naah e, tonde sil alond-ame le bambôôv in bel jesin naah e, de taaku navu me-le bavak ak sil e, tonde vati me-le gapang sil naavind lôôt e.  
\v 17  + o 7:17  Taato 5:6; 21:4; Jon 10:11; Saam 23:2; Ais 25:8*In Sipsip Noow nando hôôk sia lulemak-ate lavuunaatôôv-ambe tu silate heendin, om yoo le ganggin sil. Tombe mem naanggiiy sil-ambe lana daanum bel metumin-ate sen navêêl valup ngaanggis kambinii-to. Tonde Anutu le jaavu sil amend luk pin na vêêl.”   
\c 8  
\s1 Sipsip Noow kahe va nikanggi ti having tu namaavaalu be vindak yuuh  
\p
\v 1  + o 8:1  Hab 2:20*Ke, Sipsip Noow kahe va nikanggi sen langgi kaapiya lak-ato ti having-ambe tu namaavaalu be vindak yuuh, tombe taaku baandoni neep daandun masin lôôt pasivdaka vêêl e.  
\v 2 Tonde sim angela namaavaalu be vindak yuuh daale Anutu me ond saahe de lavu vuuk namaavaalu be vindak yuuh vu sil.  
\v 3  + o 8:3  Taato 5:8; 9:13; Eks 30:1-3*Tonde angela ti hato naale alata be hako kaambum gool ti sen dasi va galovasa hôôk la vu Anutuu-to, tombe lavu va galovasa ngeeyaata vu yi be nasupin having Anutu-te hil pin-ate lohakin, tonde mem natung salivangin vu Anutu lak alata gool sen naale Anutu mêê-to.  
\v 4  + o 8:4  Taato 5:8*Tombe salivangin-anju ahelu galovasa having Anutu-te hil-ate lohakin supin lavuh ti, be mem vu angela nama be valu-la vu Anutu.  
\v 5  + o 8:5  Lev 16:12; Eks 19:16-19; Taato 4:5; 11:19; 16:18*Ke, lung atonde angela hako kaambum sen salivangin galovasa-têêto be lôôh kin kalaan vu alata be vaanjêêng lukala kaambum, tonde mem kaasêêh la voon atombe kalang tuuh, de daandun ak, tonde demak vêêl osin jemaapi yêêy.   
\s1 Angela yumbeyuuh dave vuuk  
\p
\v 6 Angela namaavaalu be vindak yuuh-ato dapuvu vuuk namaavaalu be vindak yuuh, tombe davu samu sil in nambe sil gave vuuk.  
\v 7  + o 8:7  Eks 9:23-26; Esi 38:22; Joel 2:30*Om angela ti nyendoos-ato have vuuk atombe luk hatolak vaha valôôy nambe sen paanyelis-aanôôn natok-ato, osin kin tumin saalomangin having nihees-ambe tok laam ngaanggis, le mem kin ya ngaanggis boow ti be tapuv la, de boow yuuh nando, tonde kin ya haah pin-ato lu ti be lung la, de lu yuuh nando, tonde taavêêt alis pin sen nimoos-ato, ond yik kin ya having.   
\p
\v 8  + o 8:8  Eks 7:20-21*Tonde angela ango sen tu yuuh-ato have yite vuuk su, tombe sil laate vati nambe sen kin monaya kandu bopaata tii-to be la wiing duung la lôôy, tombe lôôy kamu ti tu nihees ak, de kamu yuuh neep.  
\v 9 Tonde va metumin pin sen nando hôôk lôôy-ato ond lu ti yimb, de lu yuuh nando, tonde yik sip alu ti wiing paya lôôt, de lu  
\p yuuh nando.   
\p
\v 10 Tonde angela ti sen tu yaal-ato have yite vuuk su, tombe matam bopaata ti diihin nambe sen kin-ato vu yendak-ambe tok lukala bel bop pin-ato lu ti, de lu yuuh ond ma, tombe matam-anju tok lukala bel pin sen navêêl valup ngaanggis kambinii-to.  
\v 11  + o 8:11  Jer 9:15*Ke, matam tii-ju haale nambe Nikalin, om bel bop pin-ato lu ti tu nikalin ak, de lu yuuh ond ma. Tombe hil ngeeyaata sen lanum bel anikalin-anjuuto ond layimb lôôt.   
\p
\v 12  + o 8:12  Taato 6:12-13*Tonde angela ti sen tu yumbeyuuh-ato have yite vuuk su, tombe mem layiis taaku mekaalus kamu ti osin kwaav kamu ti be mekanu hôôk, de kamu yuuh nando, tonde yik layiis matam pin-ato lu ti be mekanu hôôk, de lu yuuh nando. Om nambêênja taaku vandiisin-ato ond yite boow ti mekanu lôôt, de boow yuuh ond melangaah, tonde yik busin ond boow ti mekanu lôôt, de boow yuuh ond kwaav osin matam natum.   
\p
\v 13  + o 8:13  Taato 9:12; 11:14*Tonde sim saahe de tuungg ti navêêhin vu baandoni lôôt, tombe sa hangoyin-ande nateey bopaata nambe, “Nimeen anipaya-o. Nimeen anipaya navu naatovu hil pin sen dando voon-anju. Angela yaal davu gave yaalate vuuk naasu. Ke, om sen yaal gavêê-to ond nimeen e naatovu omaahonôôn pin.”   
\c 9  
\s1 Angela ti sen tu namaavaaluu-to have vuuk  
\p
\v 1  + o 9:1  Taato 20:1*Angela ti sen tu namaavaaluu-to have yite vuuk su, tombe sim saahe de matam ti tok vu baandoni be laam voon, tombe lavu kiiy sen gataahin waak taaku nipaya mekanu-têêto vu matam-anju.  
\v 2  + o 9:2  Jen 19:28; Joel 2:2,10; Eks 19:18*Om la hataahin waak taaku nipaya mekanu-têênju, tombe kin ahelu lak bopaata hôôk waak alopayôô-ju, nambe sen kin naya paahup-ambe ahelu bopaataa-to, tombe kin aheluu-ju kambu taaku mekaalus-ande wiing-ambe mekanu hôôk lôôt.  
\v 3  + o 9:3  Eks 10:12,15*Tonde sim sapeek ngeeyaata lavêêhin hato kin aheluu-ju be lala lavu tapumin ngaanggis, tombe sil lako niwêêk nambe gaalivang anipaya sen neep hôôk ngaanggis-ato.  
\v 4  + o 9:4  Taato 7:3*Tombe vakasin-anjo la vu sapeek-aso nambe me-lambiing pasiivu taavêêt alis osin haah-ande va nimoos ayuuh ame pin sen nando voon-anjôôto le, malis. Yik lambiing pasiivu hil sen Anutu haale me-neep ak sil damband-ato mu.  
\v 5 Yik lambu nivaane vu hil-anju  
\p lôôt-ambe na nohvu kwaav namaavaalu, lemu me-lanyiis sil-ambe lanjimb e. Om sapeek-aso ngeeyaataa-ju yoo mondavu nivaane lôôt vu hil, yik lohvu gaalivang naya hil-ambe navu nivaane vu sil-ato.  
\v 6  + o 9:6  Iyop 3:21; Jer 8:3; Taato 6:16*Busin-anju ond omaahonôôn e lambiingin lôôt in nambe lanjimb, le ma de sil-ame le lanjimb e.   
\p
\v 7  + o 9:7  Joel 2:4*Ke, yik saahe sapeek pin-anju nind nambe sen hôôs lavunak sil in nambe lambiing ngaamong, tombe sil alund nambe sen laanggin taambuuh gool lulemak-atêêto, de mend nambe sen omaahonôôn amend-ato.  
\v 8  + o 9:8  Joel 1:6*Sil alundvalus dinaandiin nambe sen vêêh alundvalus  
\p diin-ato, de navund nambe sen voow anipaya layon navund-ato.  
\v 9  + o 9:9  Joel 2:5*De sil baambund ond nambe sen dayongg kaapaa-to, be sil davêêhin ond bees nawiing nindaandun bopaata nambe sen hôôs ngeeyaata daandiiy pêêt-ambe datup in lana ngaamong-ato.  
\v 10 Sil ahus salak nambe sen gaalivang ahus salak-ato, tombe silate niwêêk anipaya sen lambu nivaane vu omaahonôôn nohvu kwaav namaavaaluu-to ond lukando sil ahus salak-anju.  
\v 11 Silate omaaho lulemak ti nanggin sil. Lulemak-anju ond angela sen waak taaku nipaya mekanu-têêto. Angelaa-ju ond danêêl haale hôôk Yuda lavand Hiblu nambe Abadon, tonde Glik lavand ond danêêl haale nambe Apoliyon, nambe omaaho sen nawiing nindanjeen vu va pin.   
\p
\v 12  + o 9:12  Taato 8:13*Ke, nimeen bopaata sen laam munggin naluu-to ond lung la. Lemu ham gango nganjo, nimeen yuuh naahen om le naatok naam.   
\s1 Angela ti sen tu namaavaalu be vindak tii-to have vuuk  
\p
\v 13  + o 9:13  Taato 8:3*Angela ti sen tu namaavaalu be vindak tii-to have yite vuuk su, tombe sim sa hango lava ti hato alata gool alu salak yumbeyuuh sen naale Anutu mêê-to.  
\v 14  + o 9:14  Taato 16:12*Tombe lavaa-ju nêêl vu angela ti sen tu namaavaalu be vindak ti sen napuvu yite vuuk-anjuuto nambe, “Angela yumbeyuuh sen landuuh sil vu bel bop Yupletis-ato ond okavaayin sil-ambe lana.”  
\v 15  + o 9:15  Taato 8:7-12*Ke, om kavaayin angela yumbeyuuh-anjuuto in nambe lanyiis omaahonôôn pin-ato lu ti be lanjimb, de lu yuuh mando. Yik angela yumbeyuuh-anju sil samu sil lung la be danggin ta osin kwaav-ande busin osin taaku me sen kavaayin sil-ato in nambe lambiing ngaamong.  
\v 16 Tombe silate hil ngaamong vaha-so sen dando lak hôôs-ato ond sil ngeeyaata lôôt lohvu 200 milion, yik sa hangoyin danêêl nambêênjo.  
\v 17 Ke, om saahe hil sen dando lak hôôs-anjuuto lalop dayongg hilin sil baambund ond nihees osin membu de nisang, tonde hôôs-aso lundkook ond lohvu voow layon alund, tombe kin mala osin kin ahelu, de tatuuh salpa sen natum ahehees-ato ond nandiihin nato hôôs-aso avind-ambe nala.  
\v 18 Ke, ngaamong yaal-anjo kin tumin osin kin ahelu de tatuuh salpa sen diihin ahehees-ato, ond yik hato hôôs-aso avind-ambe yiis omaahonôôn pin-ato lu ti, de lu yuuh nando.  
\v 19 Hôôs-asôônju ond silate niwêêk neep sil avind-ambe sil ahus. Sil ahus ond lukook lohvu nyêêy, tombe yoo dawiing pasiivu omaahonôôn lak sil ahus-anju lôôt.   
\p
\v 20  + o 9:20  Taato 16:9,11; Ais 2:8,20; 1Ko 10:19-20; Saam 115:4-7; 135:15-17; Dan 5:23*Le ma de hil pin sen ngaamong yaal-anju me-yiis sil-ambe layimb-ato, ond sil-ame lahilin londpayo be laluuh damind vu va yuuh ame sen sil samu lak namand-ato le. Keen, sil-ame lavuuh lohakin sen dalohak vu mamu nipaya, osin vu va kanu sen sil samu lak gool ayuuh siliva, de kopa osin tatuuh-ande haah-ato le. Ke, va kanu pin-anju ond sil-ame lalohvu nambe lanji taaku osin sil-ame gangoyin taaku, de sil-ame lana mop e, malis.  
\v 21 Hil-anju yoo mondayiis omaahonôôn vaalu be dayimb, tonde dawiing yaavak osin dawiing baayamb, tonde dahôôndak va danjeen, lemu sil-ame dahilin londpayo be daluuh damind vu va pin-anju having e, malis lôôt.   
\c 10  
\s1 Angela vu kaapiya vu Jon-ambe ya  
\p
\v 1 Lung atonde sim saahe angela niwêêk ti luus vu baandoni be hato, ond vayum yi hôôk bayiimb, tonde bumbanjiing neep ak lukook, de mekaalus doos natêêlang nambe sen taaku mêê-to, tonde vaha lohvu ngaandiin-ambe kin oo monandiihin lohvu vaha pin.  
\v 2 Kaapiya pasivdaka katekin-ambe neep hôôk nama, tonde valaah vaha vasa lakaale lôôy de vaha kêênj naale ngaanggis.  
\v 3 Tombe teey bopaata nambe sen voow anipaya layon nasuu-to, le mem kalang namaavaalu be vindak yuuh-ato tuuh.  
\v 4  + o 10:4  Dan 8:26; 12:4,9*Kalang namaavaalu be vindak yuuh-anju tuuh lung-ambe saawiingin nambe kaavu, le sim sa hango lava ti laam vu baandoni nambe, “Kalang namaavaalu be vindak yuuh lavand-anju ond yoo nanjip vu hong, game kaavu le.”   
\p
\v 5  + o 10:5  Diu 32:40; Dan 12:7*Tonde angela sen saahe vaha lakaale lôôy-ande ngaanggis-ato ond valaah nama vasa lak baandoni,  
\v 6  + o 10:6  Nie 9:6; Saam 146:6*de nêêl keen lôôt lak Anutu sen nando metumin danggata osin danggataa-to haale. Anutuu-ju yoo hatung  
\p yendak osin va pin sen nando hôôk-ato, de hatung ngaanggis-ambe va pin sen nando lak-ato, tonde yik hatung lôôy having-ambe va pin sen nando hôôk-ato. Ke, angelaa-ju nêêl nambe, “Busin ngaaho lak lung la, om Anutu me-le ganggin busin ti naah e, malis.  
\v 7  + o 10:7  Dan 9:6,10; Emo 3:7*Yik angela ti sen tu namaavaalu be vindak yuuh-ato navu gave yite vuuk-ambe naasu, tombe mem Anutu le biing yite kakook vunin sen nêêl banye vu yite kul vaha-so be lanêêl langaah-ato be nôôn jak.”   
\p
\v 8 Ke, tonde lava sen laam vu baandoni be sa hango lung laa-to, ond yik nêêl vu sa yesin laah nambe, “Gana ganôôh kaapiya sen katekin vulôôt-ambe neep hôôk angela sen lakaale lôôy osin ngaanggis-anju nama.”  
\v 9  + o 10:9  Esi 2:8; 3:1-3*Ke, om sala vu angela be saanêêl vu nambe, “Gambu kaapiya pasivdakaa-ja vu sa.” Tombe nêêl vu sa nambe, “Onggako be gangga, lemu le biing nikalin hôôk galompayo, nganjo gavim ond le nanyêên naambe sen bayiiluk-ato.”  
\v 10 Nêêl lung atonde saalôôh kaapiya pasivdakaa-ju hôôk angela nama be saha. Tombe lukala savingg ond nanyêên nambe sen bayiiluk-ato, lemu sa hangôôn lung la le mem wiing nikalin hôôk sa longgpayo.   
\p
\v 11 Lung atonde lanêêl vu sa nambe, “Goo le naanêêl Anutu-te vakasin langaah vu hil jesin naah, jak va sen navu naatovu omaahonôôn bayêên bu ti ti, osin vu hil naavind ti ti, de vu hil lavand ti ti, tonde vu lulemak-aso ngeeyaata gaving.”   
\c 11  
\s1 Omaaho yuuh lanêêl vakasin langaah  
\p
\v 1  + o 11:1  Esi 40:3; Sek 2:1-2*Lavu paatôôn ngasing ti vu sa in nambe sa taahu vu va yuuh ame, tombe vakasin laam vu sa nambe, “Okandi be otaahu paatôôn vu Anutu-te dumb vaambuung\f + \fr 11:1 \ft Vakasin sen nêêl lak Anutu-te dumb vaambuung-anjo ond navu taahu lak Kalisi-te hil bel pin. \f* gaving alata le, tonde onaasevin hil sen dalohak hôôk-ato.  
\v 2  + o 11:2  Luk 21:24; Taato 12:6; 13:5*Lemu game taahu ngasing vu kaatum ango sen neep dumb vaambuung dami voon-ato le, manyinju onggaluuh hôôk in kaatum-anju ond hil alundoos-ate, tombe sil e baake taaku vaambuung bop tatêêl lôôt nohvu kwaav doo-yuuh-ambe naam yuuh.  
\v 3 Tonde sale aambu niwêêk vu omaaho yuuh sen yuuh danêêl sate vakasin langaah-ato be yuuh gavêêh tôômb salis-ambe yuuh oo mondaanêêl sate vakasin langaah lôôt nohvu busin 1,260.”   
\p
\v 4  + o 11:4  Sek 4:3,11-14*Ke, omaaho yuuh-anju lalohvu haah oliv, osin yuuh lalohvu kin tumin vaha yuuh-ambe yuuh daale Omaaho Bop sen va pin danggakook yii-to mekaalus.  
\v 5  + o 11:5  2Sml 22:9; 2King 1:10; Saam 97:3; Jer 5:14*De vaheey lambiing nindanjeen vu yuuh ond kin nalup yuuh avind-ambe naya yuuhate vaavis lôôt. Keen lôôt, omaaho ti nambe biing yuuh paya ond yik vaa-ju le nyiis yi be jimb.  
\v 6  + o 11:6  1King 17:1; Eks 7:17-20; 1Sml 4:8*Omaaho yuuh-anjute niwêêk lohvu yuuh e lambu jeen yendak baandoni in nambe luk-ame gatolak hôôk busin sen yuuh daanêêl Anutu-te vakasin langaah-ato le. Tonde yuuhate niwêêk lohvu yuuh lambiing bel pin-ambe daatu nihees jak, osin yuuh lalohvu nambe lambu nimeen vaha vaha vu omaahonôôn vu voon, tombe yuuh lambiing naambêênjo jak busin pin ond yuuh oo lalohvu nambe lambiing.   
\p
\v 7  + o 11:7  Dan 7:21; Taato 12:17; Taato 13:1,7; 17:8*Ke, yuuh daanêêl Anutu-te vakasin jung na, le mem va bamaan vu waak taaku nipaya mekanu-têêto be jakanaam, in biing ngaamong gaving yuuh-ambe daanggôôl yuuh, tonde mem nyiis yuuh-ambe yuuh lanjimb.  
\v 8  + o 11:8  Luk 13:34*Tombe yuuh naavind e nanjip mop bop vu taaku bop sen danêêl vakasin pakwesin yuuh ak nambe Sodom ayuuh Ijip. Yik bayêên bop-anju ond bôôy layiis yuuhate Omaaho Bop ak haah pako be yimb-ato.  
\v 9 Tonde omaahonôôn naavind ti ti, de hil dangga ti ti, tonde lavand ti ti, osin bayêên bu ti ti pin, ond le daanêêlin yuuh anind naavi naambe hil-ame landaav e, de yoo nanjip nohvu busin yaal-ambe nyevahaan-ambe hil lanji lôôt e mem.  
\v 10 Tombe hil vu voon-anjo le kand vasa naambe yuuh layimb lung la, om sil daakôômb osin lanja vanôôn bop-ande lambu va nivasa vasa vu sil vaha-vahaan, in omaaho yuuh-anju lavu nivaane nipaya lôôt vu hil pin sen dando voon-anjôôto.   
\p
\v 11  + o 11:11  Esi 37:5,10*Ke, busin yaal-ambe nyevahaan lung la, le mem Anutu wiing aviloos metumin-ate lukala yuuh, tombe mem yuuh kandi be daale, tombe hil sen layi mend ak yuuh-ato ond sil layêênin lôôt.  
\v 12  + o 11:12  2King 2:11*Tonde sim sil lango kôôk ti laam vu baandoni vu yuuh nambe, “Muuh anaam baandong-anjo.” Tombe yuuh lalak-ambe lahulis bayiimb alo be lala baandoni, be hil sen dayi yuuh payaa-to layi mend ak yuuh nambe yuuh lala.  
\v 13  + o 11:13  Taato 8:5; 16:18*Tonde pavis atombe jemaapi bopaata taapinin-ambe kawiiy taaku bop-anju lu ti lôôt, de lu namaavaalu be vindak yumbeyuuh dando. Jemaapii-ju yiis omaahonôôn 7 taosen-ambe layimb, tombe sim hil vaalu sen dandôô-juuto layêênin lôôt-ambe lako Anutu baandoni haale lak.   
\p
\v 14  + o 11:14  Taato 9:12*Ke, va nimeen sen tu balon yuuh-ato ond laam lung la, de ham gango le, yik ngaaho lak in nimeen sen naatu balon yaal-ato navu naatok naam.   
\s1 Angela ti sen tu namaavaalu be vindak yuuh-ato have vuuk  
\p
\v 15  + o 11:15  Eks 15:18; Saam 10:16; Dan 2:44; Oba 21*Ke, angela ti sen tu namaavaalu be vindak yuuh-ato have yite vuuk su, tombe vaheey dateey bopaata vu baandoni nambe, “Yate Omaaho Bop having yite Kalisi be yuuh latu hil vu voon pin-ate lulemak in ganggin hil nanjip danggata osin danggata.”  
\v 16  + o 11:16  Taato 4:4,10*Tonde yêêv bop-aso doo-ti be laam yumbeyuuh, sen dando lak sia lulemak-ate ti ti hôôk Anutu mêê-to, lato pataav baambund neep voon-ambe mem lako Anutu haale lak nambe,   
\q1
\v 17  + o 11:17  Taato 1:4,8; 15:3*“Omaaho Bop Anutu, niwêêk pin danggakook hong. Onando gêên-anjo, de goo nando vu bôôy heey. Hey naapêêlis naas vu hong in ohako gate niwêêk bopaata lung la, tombe onanggin va pin lakala gêên.  
\v 18  + o 11:18  Saam 2:1; 46:6; 115:13; Lom 2:5; Taato 10:7; Taato 19:5; 20:11-13*Hil vaalu sen sil doosin hong-ato pin ahend kalin, lemu gahem kalin tok laam lung la, om gêên-anjo hil yimbin kandi jak in lambiing vakasin. Tombe gambu nivasa nyevahaan vu gate kul vaha-so sen danêêl gate vakasin langaah-ato, osin vu gate hil vaambuung-aso, tonde vu hil pin sen dayêênin hong-ambe dahulis ombaambum-ato, yik vu sil vaalu sen haalend maa-to, de vu vaalu sen haalend bop-ato gaving, tombe gêên onavu gambiing pasiivu hil sen lawiing pasiivu hil vu voon-ato.”   
\p
\v 19  + o 11:19  Taato 8:5; 15:5; 16:21; Hiblu 9:4*Lanêêl lung la tonde sim Anutu-te dumb vaambuung sen nando baandonii-to hataahin, tombe hil layi Anutu-te kalong sen vakasin jôôsin-atêêto lukando Anutu-te dumb vaambuung alo, tonde demak navêêl-ande daandun ak, tonde kalang natuuh-ande jemaapi nayêêy, tonde luk hatolak vaha valôôy nambe sen paanyelis-aanôôn  
\p natok-ato.   
\c 12  
\s1 Vêêh ayuuh kaapaay  
\p
\v 1 Tonde sim taahu taahu ti valup baandoni nambe vêêh ti vayum yi hôôk taaku mekaalus nambe sen lolop-ato, de kwaav lukando vaha kambini, tonde laanggin matam nomaayuuh-ambe laam yuuh lakando lu nambe sen taambuuh-ato.  
\v 2  + o 12:2  Mai 4:10*Tombe vêêh-anju noow hôôk-ambe navu gako, om nango nivaane be nangeeyak lôôt in navu gako unoopasiv.   
\p
\v 3  + o 12:3  Dan 7:7*Tonde sim taahu taahu ango valup baandoni nambe kaapaay bopaata ti nindoos lôôt-ambe neep, ond ninaavi nihees, tonde lukook namaavaalu be vindak yuuh, de lu salak nomaayuuh, tonde taambuuh sen lulemak-aso daanggin-ato ond namaavaalu be vindak yuuh nando lak lukook pin-anjuuto.  
\v 4  + o 12:4  Dan 8:10*Tonde ahus lumbin matam lu ti vu baandoni be haate la ngaanggis voon, de matam alu yuu-mu nando. Kaapaay-anju naale vêêh sen navu gako noow-anjuuto mekaalus, in nambe gako jung na ond ja vêêh-anju noow.  
\v 5  + o 12:5  Ais 7:14; 66:7; Saam 2:9; Taato 19:15*Om vêêh-anju hako noow moow, tombe unoopasiv-anju ond taamusin e le ganggin omaahonôôn pin niwêêk ak yite paatôôn aniwêêk ti. Ke, vêêh-anju hako unoopasiv atombe sim sil sapos unoopasiv-ambe lako la baandoni be la nando having Anutu.  
\v 6  + o 12:6  Taato 11:2-3*Tonde tangganaan pak-ambe la nando taaku lumbalaamb, sen Anutu yoo samu vu yi vulôôt-ato in nambe sil mondambaat yi vuu-ju nohvu busin 1,260.   
\p
\v 7  + o 12:7  Jut 9*Tombe sim ngaamong bopaata valup baandoni, om Maikel having yite angela-so be layiis ngaamong vu kaapaay bop-anju, tonde sim kaapaay bop-anju having yite angela-so be layiis ngaamong vu sil lukalaah nyevahaan.  
\v 8 Lemu sil anindwêêk-ame lohvu nambe lambiing ngaamong-ambe daanggôôl Maikel gaving yite angela-so le, om sil-ame lalohvu nambe mando baandoni naah e, malis.  
\v 9  + o 12:9  Luk 10:18; 22:31; Jen 3:1,14; Taato 20:2*Tombe Anutu-te angela-so laate kaapaay-anju laam voon, manyinju nyêêy sen yoo vu bôôy heey-ato ond danêêl yi nambe mamu nipaya Saalang sen yoo navu tatuhin hil pin-ato. Ke, laate omaahôô-ju laam voon, tonde yik laate yite angela-so lalaam voon having yi.   
\p
\v 10  + o 12:10  Iyop 1:11; Sek 3:1*Tonde sim sa hango kôôk ti laam vu baandoni nambe, “Gêên yate Anutu hako yiiy lom lung la, be mem yite niwêêk tok laam langaah nambe tu omaaho lulemak lung la be nando. Tonde yite Kalisi hako haale bop lung la, in omaaho sen navu tatuhin vakasin ak yiiy halingg-aso langaah-ande busin hôôk yate Anutu mêê-to, ond gêên Anutu-te angela-so laate la voon lung la.  
\v 11 Yate halingg-aso ond Sipsip Noow anihees kawiiy silate va nipaya la, ondeey sil laanggôôl Saalang, tonde yik danêêl Kalisi-te vakasin langaah atombe mem laanggôôl Saalang lôôt. In halingg-aso ahend-ame naving nind naavi in nambe sil mando nivasa vu voon-anjo le, malis, yik yoo lavu sil la doos-ambe hil layiis sil-ambe layimb.  
\v 12  + o 12:12  Ais 44:23; 49:13*Om hong baandoni, de ham pin sen ham nando baandonii-to,  
\p ond ham oo kam vasa, lemu hong ngaanggis-ande hong lôôy, ham navu gako nimeen bopaata in Saalang lukalaas lung la vu ham, tombe ahekalin bopaata lôôt in lak ni nambe yite busin ahus ngaaho daka mu.”   
\p
\v 13 Ke, kaapaay yi nambe laluus yi la voon om hatiiy vêêh sen hako unoopasiv-ato la,  
\v 14  + o 12:14  Dan 7:25; 12:7*le ma de lavu tuungg bopaata bees yuuhapim vu vêêh-anju in nambe gavuuh nyêêy na de gavêêhin-ambe na mando yite taaku lumbalaamb, tombe mem sil oo mondambaat yi vuu-ju nohvu ta yaal-ambe nyevahaan.  
\v 15 Om nyêêy-anjuuto maloov bel valup avi, tombe bel-anju tu bel tatôôv bopaata be vaal-ambe la taamuyin vêêh-anjuuto in nambe gako vêêh-anju be na menama.  
\v 16 Le ma de ngaanggis hôôvu vêêh-anju om yik ngaanggis avi tok-ambe hangôôn bel tatôôv sen kaapaay maloov valup avi be laa-to.  
\v 17  + o 12:17  Taato 11:7; 14:12*Tombe sim kaapaay-anjuuto ahekalin vu vêêh-anju, om la in nambe biing ngaamong gaving vêêh-ate noondin vaalu sen davu sapa hôôk Anutu-te tanasin pin-ato, osin danêêl Yesu-te vakasin langaah-ambe davu taamuyin yii-to.  
\v 18 Tombe kaapaay-anju la naale lôôy nanyendangga.   
\c 13  
\s1 Va bamaan yuuhapim lak valup  
\p
\v 1  + o 13:1  Taato 12:3; 17:3,7-12*Tonde sim saahe de va bamaan ti lak valup lôôy, tombe damba salak nomaayuuh de lukook namaavaalu be vindak yuuh, tombe taambuuh sen lulemak-asotêêto ond nando lak damba salak-anju ti ti pin. Tonde lukook pin-anjuuto ond haale ti neep ak, tombe haalêê-ju ond vakasin palesin lak Anutu.  
\v 2  + o 13:2  Dan 7:4-6*Va tii-ju ond ni nambe voow bamaan anipaya ti, tonde vaha nambe sen manggalota, de avi nambe sen voow anipaya layon avi. Tombe kaapaay vu niwêêk vu va bamaan-anju de wiing-ambe tu lulemak, yik nambe sen yii-to, be mem vu haale bop vu yi in nambe biing yite kul.  
\v 3  + o 13:3  Taato 17:8*Ke, va bamaan-anju lukook ti ond nambe sen layiis-ambe yimb lung laa-to, le ma de lu payêês yiiv-ande lukook anivasa hôôk laah. Tombe hil pin kanund la lôôt in va bamaan-anju, be sil sapa yi.  
\v 4 Tonde hil dalohak vu kaapaay in vu haale bop vu va bamaan-anjuuto, tonde yik dalohak vu va bamaan-anju having-ambe danêêl nambe, “Lati niwêêk lohvu va bamaan-anju? Lati lohvu nambe biing ngaamong vu yi?”   
\p
\v 5  + o 13:5  Dan 7:8,25; Dan 11:36; Taato 11:2*Yik Anutu yoo monayi va bamaan-anju lak me mu, de me-hilin yi daka le, tonde yoo monapaak-ambe nanêêl Anutu pale, in Anutu liinggis nambe haale bop nanjip nohvu kwaav doo-yuuh-ambe naam yuuh.  
\v 6 Va bamaan-anju avi natok-ambe nanêêl Anutu pale, de nanêêl Anutu haale pale, tonde nanêêl Anutu-te taaku baandoni osin Anutu-te hil sen dando baandonii-to pale.  
\v 7  + o 13:7  Taato 11:7*Anutu liinggis nambe biing ngaamong vu yite hil bel-ate be daanggôôl sil, tonde gako niwêêk nohvu naatu lulemak-ambe ganggin omaahonôôn pin nohvu silate dangga ti ti, osin naavind ti ti pin, de lavand ti ti pin, tonde bayêên bu ti ti pin.  
\v 8  + o 13:8  Saam 69:28; Taato 3:5; 5:6; 17:8; 20:12,15; 21:27*Ke, hil pin vu voon sen haalend-ame neep hôôk kaapiya metumn-ate, vu bôôy sen Anutu hatung ngaanggis nyendoos-ato, ond sil e lanohak vu va bamaan-anju. Kaapiyaa-ju ond Sipsip Noow sen layiis bôôy-ambe yimb-ato yoo yite va.   
\p
\v 9 Om ham nanyem neep ond yik ham gangoyin vakasin-anjo nivasa.  
\v 10  + o 13:10  Jer 15:2; 43:11; Mat 26:52; Taato 14:12*Ke, Anutu liinggis nambe omaaho ti duus kalaambus-ato ond yik yoo le duus. Le naambe omaaho ti nasap ango jak yipak-ambe jimb, ond yik hil e dasap ak yipak-ambe jimb dukanaah. Ke, va naambêênjo naatok naam ond Anutu-te hil alondpayo na timu vu yi be sil baale niwêêk.   
\p
\v 11 Tonde sim saahe de va bamaan ango vêêl valup ngaanggis alopayo be laam baandoni, tombe lu salak yuuh nambe sen sipsip noow anituvak-atêêto, lemu lava nambe sen kaapaay lavaa-to.  
\v 12 Va bamaan ango tu yuuh-anju ond hako ango sen munggin-ato haale bop-ambe yoo nawiing kul pin lak angôô-ju haale hôôk mekaalus.  
\p Yoo nawiing kul aniwêêk lôôt in nambe biing-ambe omaahonôôn pin sen dando voon-anjôôto, ond lanohak vu va bamaan ango nyendoos sen layiis-ambe yimb le ma de lu payêês yiiv laah-ato.  
\v 13  + o 13:13-14  Mat 24:24; 2Tes 2:9-10*Va bamaan ango sen tu yuuh-ato ond yoo wiing taahu taahu osin niwêêk vaha vaha. Ke, taahu taahu ti nambe wiing-ambe kin tumin tok vu yendak-ambe laam voon, tombe hil pin layi mend ak.  
\v 14  + o 13:14  Taato 19:20; Diu 13:1-4*Yik Anutu liinggis om yoo monawiing taahu taahu vaha vaha hôôk va bamaan ango sen munggin-ato mekaalus. Yik lak vaa-ju sen navu tatuhin omaahonôôn pin vu voon nambe, “Va bamaan sen lasap ak yipak bôôy in nambe jimb, le ma de kandi moos hôôk laah-ato, ond ham oo nasap kanu jak haah ayuuh ame be ham gako haale jak.”  
\v 15  + o 13:15  Dan 3:4-6*Tonde yik Anutu liinggis om va bamaan ango sen tu yuuh-ato have aviloos lukala ango nyendoos-anju kanu, tombe kanuu-juuto vakaas. Om naambe hil sen nind baya nambe me-lanohak vu va bamaan kanuu-juuto ond le nyiis sil-ambe lanjimb.   
\p
\v 16 Tonde sim va bamaan ango sen tu yuuh-ato ond nêêl-ambe sil kaavu va lak hil pin namand vasa osin sil damband pin, hil malis osin hil sen haalend bop-ato, tonde hil kupak dangga-so osin hil sen dativak in  
\p vaa-to, tonde hil sen yoo danggin sil-ato, de hil sen latu omaaho ango-te va kul-ate malis amuu-to.  
\v 17  + o 13:17  Taato 14:9,11; 16:2; 19:20; 20:4*Ke, va bamaan-anju haale me yite naamba me-lakaneep omaaho ti le, ond lanêêlin yi nambe me-baanggo va vu hil e, de me-bu vati be hil baanggo vu yi le.  
\v 18 Om yakangg oo bu vaa-jo nivasa le, omaaho sen lukook neep-ato ond  
\p yoo naasevin va bamaan-anju yite naamba nivasa,  
\p in naambaa-ju navu taato omaahonôôn ti, tombe yite naambaa-ju nambe 666.   
\c 14  
\s1 Hil 144 taosen lawiing laalo moos  
\p
\v 1  + o 14:1  Taato 3:12; 7:3-4*Lung atonde sim sa mengg laah e saahe de Sipsip Noow naale lak kandu Saion, tombe hil ngeeyaata lôôt lohvu 144 taosen daale having yi, de Sipsip Noow ayuuh Mangganaan haalend neep ak sil damband.  
\v 2  + o 14:2  Esi 1:24; 43:2; Taato 1:15; 19:6*Tonde sim sa hangoyin lava ti vu baandoni, ond lavaa-ju nambe sen bel naluus lêêmbis-ato, tonde nambe sen kalang natuuh bopaataa-to. Ke, sa hango lavaa-ju lohvu hil dave gavêêngg laalo-te be nasu lava ngalii-to.  
\v 3  + o 14:3  Saam 149:1; Ais 42:10; Taato 5:9; 7:4*Hil 144 taosen-anju lawiing laalo moos ti hôôk Anutu sen nando lak sia lulemak-atêêto me, osin hôôk va metumin yumbeyuuh-ato having yêêv-aso mend. Hil 144 taosen-anju ond Anutu vaanggo sil lom hôôk hil voon-ate pin lavuun, ond yik sil-anju yoo lalohvu nambe lambiing laalôô-ju, de omaaho ango me-lalohvu nambe lambiing e.  
\v 4  + o 14:4  Ep 5:27*Hil-anjo ond me-deep having vêêh-aso busin ti le, malis, yoo dalakin sil nivasa lôôt. De mop pin sen Sipsip Noow nalaa-to ond hil-anju yoo davu taamuyin yi be dala, in Anutu yoo vaanggo sil lom vu omaahonôôn voon-ate pin-ambe latu yuuh Sipsip Noow-ate hil nalu munggin.  
\v 5  + o 14:5  Saam 32:2; Sepa 3:13*Hil-anju me-davu tatuhin vakasin ti le, de va nipaya ti me-neep vu sil e, malis lôôt.   
\s1 Angela yaalapim danêêl vakasin  
\p
\v 6 Saahe de angela ti havêêhin vu yendak lavuun baandoni, ond hako banye nivasa danggata-têêto in nambe naanêêl langaah vu omaahonôôn pin vu voon. Naanêêl vu omaahonôôn bayêên bu ti ti pin, osin vu hil dangga ti ti pin, tonde vu hil lavand ti ti pin, de vu naavind ti ti pin.  
\v 7  + o 14:7  Taato 10:6*Tombe angelaa-ju nateey osin niwêêk nambe, “Busin tok laam lung la in Anutu sahi omaahonôôn-ate vakasin, om yik ham anim oo jêênin yi be ham gako haale jak, tonde ham oo anohak vu yi, in Anutuu-ju sen hatung yendak osin ngaanggis, tonde lôôy osin bel dangga dosin pin.”   
\p
\v 8  + o 14:8  Ais 21:9; Taato 17:2; 18:2,3; Jer 51:7,8*Tombe yik angela ango taamuyin angela ango sen nyendoos-ato be valup, tombe angela ango sen tu yuuh-anju nêêl nambe, “Taaku bop Babilon matelak lung la. Keen lôôt, matelak lung laa-to. Yik taaku Babilon-anju sen wiing-ambe omaahonôôn pin oo sapa hôôk yite mopaatôôv anikala baayamb-ate niwêêk lôôt, tombe manyinju nambe sen vu bel wain aniwêêk vu sil-ambe lanum-ato.”   
\p
\v 9  + o 14:9  Taato 13:12-17*Tonde sim angela ti taamuyin angela yuuh munggin-ato be valup, tombe angela ti sen tu yaal-anju nateey niwêêk nambe, “Naambe omaaho ti nohak vu va bamaan-anju gaving kanu sen lasap ak haah-ato, de kaavu va bamaan-anju haale nanjip ak damba me nama,  
\v 10  + o 14:10  Saam 75:8; 11:6; Ais 51:17,22; Jer 25:15; Taato 15:7; 16:19; 19:20; 20:10; 21:8; Jen 19:24; Esi 38:22*ond yik le naanum bel wain ti. Wain-anju ond Anutu-te ahekalin. Ke, Anutu me-saalomangin wain-anju having bel e, malis, yik yoo kaasêêh ahekalin lukala kap in nambe bu nipaya nyevahaan dukanaah-ambe omaahôô-ju yoo naanum. Tombe mem kin mala bopaata sen monatum ak tatuuh-ato le bavak ak omaahôô-ju be gako nivaane nipaya lôôt hôôk angela vaambuung-aso mend de Sipsip Noow ame.  
\v 11  + o 14:11  Ais 34:10; Taato 13:12-17*De kin sen navavak ak hil-anjuuto ond ahelu yoo le na baandoni nohvu busin pin danggata osin danggata. Hil-anju dalohak vu va bamaan having kanu, tonde hil pin sen lako va kanuu-ju haale neep ak sil-ato, ond sil e monggako nivaane busin-ande langaah, de sil-ame le sawaah naavind daka le.”   
\p
\v 12  + o 14:12  Taato 13:10; 12:17*Ke, va naambêênjo le naatok naam, om Anutu-te hil pin sen yoo davu sapa hôôk yite tanasin, osin londpayo la timu vu Yesuu-to, ond sil oo baale niwêêk.   
\p
\v 13  + o 14:13  1Ko 15:58; Hiblu 4:10*Tonde sim sa hango lava ti laam vu baandoni nambe, “Okaavu vakasin naambe, ‘Hil sen lawii-having Omaaho Bop-ambe dayimb gêên-anjo osin jak busin pin vu taamusin-ato, ond sil e kand vasa.’” Tonde yik Vavi Vaambuung liinggis having nambe, “Keen, sil e gavuuh kul anivaane sen lawiing-ato de sil sawaah naavind, in silate kul anivasa sen lawiing-ato nôôn nala baandoni having sil.”   
\s1 Busin sen daasupin vanôôn nôôn vu voon-ato  
\p
\v 14  + o 14:14  Dan 7:13*Lung atonde sim sa mengg laah e saahe de bayiimb valôôy ti nando, tombe omaaho ti nando lak bayiimb-anju ond yik ni nambe sen omaahonôôn noow ti, tombe laanggin taambuuh gool nando lak lu, tonde puvu yipak aluvanggoyakin navu ngali ti hôôk nama.  
\v 15 Tonde angela ti vu dumb vaambuung alo be laam voon, tombe nateey bopaata la vu omaaho sen nando lak bayiimb-ato nambe, “Onasap vanôôn ak gate yipak-ambe onaasupin nôôn. In vanôôn pin vu voon ond nôôn ak lung la, om yite busin sen onaasupin nôôn-ato ond yik gêên-anjo.”  
\v 16 Om omaaho sen nando lak bayiimb-ato ond lôôh yite yipak-ambe sap vanôôn pin vu voon kambini be supin vanôôn nôôn lom lung la.   
\p
\v 17 Tonde angela ango vu dumb alo vaambuung vu baandonii-juuto be hato, ond yik hako yite yipak aluvanggoyakin navu ngali ango having.  
\v 18 Tonde yik angela ti vu alata be hato having. Angela tii-ju ond yite niwêêk neep in nanggin kin, tombe teey osin niwêêk la vu angela ango sen hako yipak navu ngalii-to nambe, “Onggako gate yipak navu ngalii-ja be okatôôv hees wain nôôn pin vu voon-ambe onaasupin, in wain nôôn pin suuh lung la.”  
\v 19  + o 14:19-20  Ais 63:3; Su 1:15; Taato 19:15*Om angela puvu yite yipak-ande sap hees wain nôôn pin lôôt vu voon-ambe supin, le mem haate lukala kaambum bop in nambe sil baake wain-anju tatêêl-ambe niluk pasuv, ond manyinju lohvu Anutu-te ahekalin.  
\v 20 Tombe yoo mondaake wain tatêêl hôôk kaambum-anju neep taaku bop nanyendangga voon, tombe nihees pasuv valup kaambum-anju be vaal-ambe la lohvu 300 kilomita, tonde vuuk-ambe waak lohvu 2 mita.   
\c 15  
\s1 Angela namaavaalu be vindak yuuh lapuvu nimeen taamusin-ate namaavaalu be vindak yuuh  
\p
\v 1  + o 15:1  Lev 26:21; Taato 15:6-7*Saahe taahu taahu bopaata ango vu baandoni tombe saavindis lôôt, in saahe angela namaavaalu be vindak yuuh mondako Anutu-te ahekalin bopaata namaavaalu be vindak yuuh sen omaahonôôn gako nipaya jak-ato, le mem Anutu-te ahekalin jung na valok-ate.  
\v 2  + o 15:2  Taato 4:6; 5:8*Tonde sim saahe vati nambe sen lôôy bopaata ti lohvu dundum, sil saalomangin having kin mala, tombe hil sen layiis ngaamong-ambe sil laanggôôl va bamaan having kanu de yite haale naamba ond sil daale lôôy sen navu tayi dundum-anju nanyendangga, de Anutu vu gavêêngg laalo-te vu sil lung la be yoo mondapuvu.  
\v 3  + o 15:3  Eks 15:1; Taato 11:17; 16:7; Saam 92:5; 139:14; 145:17*Tombe lawiing Anutu-te kul vaha Mose-te laalo having Sipsip Noow yuuhate laalo nambe,  
\q1 “O Omaaho Bop Anutu, niwêêk pin danggakook hong. Kul pin sen onawiing-ato bopaata lôôt, tombe hey naahe nambe nivasa lôôt. O omaahonôôn pin-ate lulemak, goo nawiing va pin nivalok-ambe nôôn keen.  
\v 4  + o 15:4  Jer 10:6-7; Saam 86:9*Omaaho Bop, hong timu vaambuung, om lati me-le jêênin hong e? Lati me-le gako ohaalem jak e? Malis, yik omaahonôôn pin e lanaam-ambe lanohak vu hong, in gawiing va nivalok amu be hil pin layi lung la.”   
\p
\v 5  + o 15:5  Eks 38:21*Vaa-ju lung atonde sim sa mengg laah e saahe de dumb sel hataahin vu baandoni. Dumb-anju ond taato nambe Anutu nando having yite hil.  
\v 6  + o 15:6  Taato 15:1*Tombe angela namaavaalu be vindak yuuh-ato lapuvu Anutu-te ahekalin bopaata namaavaalu be vindak yuuh sen hil gako nipaya vu busin taamusin-ato, ond sil lavuuh dumb vaambuung alo de lalaam daale voon, tombe sil oo lalop lolop amengali nivasa be natêêlang lôôt. Tonde sil lavêêh hees gool viiy sil baambund.  
\v 7  + o 15:7  Taato 14:10*Tonde va metumin yumbeyuuh-ato ond ti vu kaambum gool namaavaalu be vindak yuuh vu angela namaavaalu be vindak yuuh-anjuuto. Ke, Anutu sen nando metumin danggata osin danggataa-to ond yite ahekalin pup hôôk kaambum pin-anju la.  
\v 8  + o 15:8  1King 8:10-11; Ais 6:4; Esi 44:4*Tonde kin ahelu sen Anutu-te nikaapulis osin niwêêk-atêêto pup hôôk dumb vaambuung alo, om omaaho ti me-lohvu nambe dukana dumb vaambuung-anju lopayo le, malis. Yik sil oo le mongganggin-ande angela namaavaalu be vindak yuuh-anju samu silate kul ahus ak va nimeen namaavaalu be vindak yuuh-anju jung na vêêl e mem.   
\c 16  
\s1 Anutu-te ahekalin lukando kaambum namaavaalu be vindak yuuh  
\p
\v 1  + o 16:1  Ais 66:6; Taato 16:17; Saam 69:24; Jer 10:25; Esi 22:31; Sepa 3:8*Lung atonde sim sa hango kôôk ti laam vu dumb alo vaambuung, ond nateey niwêêk vu angela namaavaalu be vindak yuuh-anju nambe, “Ham ana kaasêêh Anutu-te ahekalin sen nando hôôk kaambum namaavaalu be vindak yuuh-anjaato na voon.”  
\v 2  + o 16:2  Eks 9:10; Diu 28:35; Taato 13:12-17*Om angela ti nyemaluu-to la kaasêêh va sen nando hôôk yite kaambum-ato la voon, tombe payêês gaambuum anipaya nasêêng lôôt vu hil sen va bamaan haale neep ak sil-ato, osin hil sen dalohak vu va bamaan-anju kanuu-to.   
\p
\v 3  + o 16:3  Eks 7:17-21*Tonde angela ngo tu yuuh-ato ond kaasêêh va sen nando hôôk yite kaambum-ato lukala lôôy, tombe sim lôôy tu nihees ak nambe sen omaahonôôn yimbin anihees-ato, tombe va metumin-ate pin sen nando hôôk lôôy-anjuuto layimb pin.   
\p
\v 4  + o 16:4  Saam 78:44*Tonde yik angela ti sen tu yaal-ato ond kaasêêh va sen nando hôôk yite kaambum-ato lukala bel tatôôv osin bel vunoow pin tombe latu nihees ak lôôt.  
\v 5  + o 16:5  Taato 1:4; Saam 119:137*Tonde sim sa hangoyin angela ti sen nanggin bel-anju nêêl nambe, “Goo nando gêên-anjo, de goo nando vu nyendoos. Hong vaambuung, in goo nangoyin omaahonôôn pin-ate vakasin-ambe onanêêl nivalok, de onavu nyevahaan lukalaah vu sil.  
\v 6  + o 16:6  Saam 79:3; Ais 49:26*Hil anipaya-sôônju kaasêêh gate hil anind hees-ambe layimb having hil sen danêêl gate vakasin langaah-ato, ondeey gawiing-ambe bel tu nihees ak-ambe lanum lukalaah, tombe manyinju sil oo lako silate nipaya nyevahaan lukalaah nivalok.”  
\v 7  + o 16:7  Taato 15:3; 19:2; Saam 19:9*Tonde sim sa hangoyin-ande alata nêêl nambe, “Keen Omaaho Bop Anutu, niwêêk pin oo neep vu hong. Goo navu sahi omaahonôôn-ate vakasin pin-ambe goo nanêêl keen-ambe nivalok lôôt.”   
\p
\v 8 Tonde angela ti sen tu yumbeyuuh-ato ond kaasêêh va sen nando hôôk yite kaambum-ato lak taaku mekaalus, tombe Anutu liinggis om taaku mekaalus wiing-ambe taaku me nivaane vavak ak omaahonôôn.  
\v 9  + o 16:9  Taato 9:20-21; 16:21*Kin sen taaku mekaalus-atêênju ond nivaane bopaata lôôt-ambe vavak ak hil lôôt, tombe lanêêl vakasin palesin ak Anutu sen liinggis-ambe va nimeen tok laam-anjôôto haale, le ma de sil-ame lahilin londpayo be lako Anutu haale lak e.   
\p
\v 10  + o 16:10  Eks 10:22; Ais 8:22*Tonde angela ti sen tu namaavaaluu-to kaasêêh va sen nando hôôk yite kaambum-ato lak va bamaan-ate sia lulemak, tombe mekanu hôôk-ambe hilin hil sen dando hôôk va bamaan-ate taakuu-to, tombe sil lako nivaane be sil langa sil dalaand lôôt.  
\v 11  + o 16:11  Taato 9:20-21; 16:21*Tombe sil akand vu nivaane osin nind payêês om lanêêl vakasin palesin ak Anutu baandoni, le ma de sil-ame lahilin londpayo be laluuh damind vu va sen dawiing-anjuuto le.   
\p
\v 12  + o 16:12  Ais 11:15; Jer 50:38*De angela ti sen tu namaavaalu be vindak tii-to kaasêêh va sen nando hôôk yite kaambum-ato lukala bel bop Yupletis, tombe bel hatuus-ambe kakolak in nambe samu mopaatôôv vu lulemak-aso, in lanaam vu sen taaku mekaalus nalak valup-ato.  
\v 13 Lung atonde sim saahe mamu nipaya yaalapim nind nambe taton-ato, ond yaal pasong hato kaapaay ayuuh va bamaan-anju avind, tonde yik hato omaaho tanasin vaha tatuhin avi.  
\v 14  + o 16:14  1Tes 5:2; Taato 19:6,15,19*Mamu nipaya yaal-anju yoo dawiing taahu taahu vaha vaha, de dala vu hil voon pin-ate lulemak-aso in nambe daasupin sil-ambe lambiing ngaamong, ond lambiing ngaamong vu Anutu sen niwêêk pin danggakook yii-to gaving yite hil hôôk busin taamusin.   
\p
\v 15  + o 16:15  Taato 3:3,18*“Om ham gango le, sale anaas vu ham naambe sen omaaho hôôndak nalaas-ato, om naambe omaaho ti yoo nando me natum, de yoo nanggin yite lolop nivasa, ond me-le na mopaatôôv osin ninôôn e, de me-le ninaamum vu hil e. Ke, ond yoo ka vasa.”   
\p
\v 16  + o 16:16  Yêêv 5:19; Sek 12:11*Tombe mamu nipaya-so lasupin lulemak-aso lala taaku sen danêêl hôôk hil Yuda lavand Hiblu nambe Amagedon.   
\p
\v 17  + o 16:17  Taato 16:1*Tonde angela ti sen tu namaavaalu be vindak yuuh-ato kaasêêh va sen nando hôôk yite kaambum-ato lak taaku vumbalaamb, tombe kôôk ti laam vu dumb vaambuung alo sen Anutu nandôô-to nambe, “Lung laa-jo.”  
\v 18  + o 16:18  Taato 8:5*Tonde demak navêêl, de nindaandun ak, de kalang natuuh, de jemaapi navu taapinin bopaata lôôt, tombe vu busin nyendoos sen Anutu hatung omaahonôôn-ambe tok valup gêên-anjo, ond hil-ame langoyin jemaapi bopaata ti nambêênjo bôôy e.  
\v 19  + o 16:19  Taato 14:8,10*Tombe taaku bop-anju hapok la yaal, tonde omaahonôôn-ate taaku bop pin ond lumbin-ambe matelak. De Anutu ka vu taaku Babilon sen haale bop-ato, om wiing-ambe Babilon num hôôk kap wain sen Anutu-te ahekalin bopaata lôôt-atêêto.  
\v 20  + o 16:20  Taato 6:14*Tonde nalu lavuun pin ond lapak-ambe lala lôôt, de kandu ti me-nando yesin laah e, malis.  
\v 21  + o 16:21  Eks 9:24; Taato 11:19; 16:9,11*De luk natolak kamu bop bop-ambe nimeen nambe sen paandi hôôk laayul-ato, vu baandoni be navu tanga omaahonôôn, om danêêl vakasin anipaya lak Anutu in nimeen bopaata tii-ju, in ais-anju nawiing pasiivu sil lôôt.   
\c 17  
\s1 Vêêh baayamb ambu ti hako nipaya nyevahaan  
\p
\v 1  + o 17:1  Jer 51:12-13; Taato 17:15*Angela namaavaalu be vindak yuuh sen lako kaambum namaavaalu be vindak yuuh-anjuuto ond ti laam-ambe nêêl vu sa nambe, “Ganaam, in vêêh baayamb ambu nando lak bel bopaata baandoni, be navu gako yite nipaya nyevahaan, om sa taato vu hong.  
\v 2  + o 17:2  Ais 23:17; Taato 14:8*In hil lulemak-aso vu voon ond lawiing baayamb\f + \fr 17:2 \ft Vakasin pakwesin nalak vêêh baayamb-anjo ond navu taahu hil davuuh Anutu keen-ande davu taamuyin anutu tatuhin vaha-so. Yik nambe sen hil vaalu lanêêl Anutu-te vakasin langaah bôôy-ato be neep hôôk \f* Jeremaia 3:1-14; 13:27; Esikiel 16:26; Hosea 1:2* ond Anutu nêêl vakasin pakwesin lak hil Islel nambe lawiing baayamb, ond vakasin-anjo nambe sil lavuuh Anutu la de lala taamuyin anutu tatuhin vaha-so.  lôôt having vêêh-anju, tonde hil pin vu voon ond yik sil sapa hôôk yite mopaatôôv baayamb niwêêk lôôt, tombe sil lalohvu hil sen lanum lôôt-ambe lundkook nawiing payaa-to.”   
\p
\v 3  + o 17:3  Taato 13:1*Tonde sim Vavi Vaambuung hôôvu sa niwêêk lôôt, om hako sa be haay ala taaku lumbalaamb. Tombe vu taaku lumbalaamb-anju saahe de vêêh ti nando lak va bamaan naavi nihees ti baandoni. Va bamaan-anju lukook namaavaalu be vindak yuuh, tonde lu salak nomaayuuh, tombe haale ngeeyaata neep ak ninaavi lôôt, tombe haalêê-ju ond vakasin palesin vaha vaha lak Anutu.  
\v 4  + o 17:4  Esi 28:13,16; Taato 18:16; Jer 51:7*Ke, vêêh-anju lop lolop hees ango de membu ango, tombe vunak ak yite vunakin gool amengali-ngali, osin vunakin sen sil samu lak tatuuh amengali, having kukum  
\p valôôy sen daanggo lak mone bopaataa-to, tonde puvu kap gool ti, tombe va nipaya nimumin-ate vaha vaha osin vêêh-anjute baayamb anipaya paya pin ond pup hôôk kap gool-anju la.  
\v 5  + o 17:5  Taato 14:8*Vêêh haalêê-ju ond sil kaavu vakasin pakwesin ti neep ak damba nambe, “Taaku bop Babilon, vêêh baayamb pin osin va nipaya nimumin-ate vaha vaha pin vu voon-anjo ond gatu silate taandin keen.”  
\v 6  + o 17:6  Taato 18:24; 19:2*Vêêh-anju ond yiis Anutu-te hil sen lawii-having Yesu be danêêl langaah-ambe layimb ak haalêê-to. Tombe vêêh-anju yiis sil lôôt, om saahe de lukook wiing paya nambe sen yoo num sil anind hees-ato. Ke, saahe be saavindis atombe sa kanungg la lôôt.   
\p
\v 7  + o 17:7  Taato 13:1*Tombe sim angela nêêl vu sa nambe, “Nambe vaati sen gavindis lôôt-anja? Va bamaan sen lukook namaavaalu be vindak yuuh-ande lu salak nomaayuuh-ambe vêêh baayamb sen lakando be nalaa-juuto, ond yik soo le tatekin yuuhate vakasin vunin-anju dangga vu hong.  
\v 8  + o 17:8  Taato 11:7; 13:8; Dan 12:1*Ke, va bamaan sen gahe lung laa-ju ond yoo nando bôôy, le sim gêên ond me-nando le, tonde sim vu taamusin ond le vu waak sen taaku nipaya mekanu-têêto be jakanaam, tombe mem na menama valok-ate. Tonde hil pin vu voon sen haalend-ame neep hôôk kaapiya metumin-ate, vu bôôy sen Anutu hatung ngaanggis nyendoos-ato, ond hil-anju le lanji va bamaan-anju be lambindis lôôt. In bôôy ond nando, le sim gêên ond me-nando le, tonde sim taamusin ond le naatok nom.   
\p
\v 9 “Ke, omaaho ti lukook anivasa ond lohvu nambe jak vaa-ju ni. Va bamaan alukook namaavaalu be vindak yuuh-anju ond lohvu kandu namaavaalu be vindak yuuh sen vêêh baayamb ambu lakandôô-ju.  
\v 10 Va bamaan alukook namaavaalu be vindak yuuh-anju ond yik taahu lulemak namaavaalu be vindak yuuh, tombe namaavaaluk lala mend ma lung la, de timu nando, tonde tik me-tu lulemak e, yoo naahen. Om taamusin e naatok balup ond le mando pasivdaka mu.  
\v 11 Tonde va bamaan ti sen yoo nando vu bôôy, le sim gêên e me-nando le, ond tu lulemak having lulemak-aso namaavaalu be vindak yuuh-anjôôto, tombe yik sil dangga timu, lemu le na menama valok-ate.   
\p
\v 12  + o 17:12  Dan 7:24*“Tonde gahe lu salak nomaayuuh-ato, ond taahu lulemak nomaayuuh, lemu sil-ame danggin hil e, yoo naahen, om sil e gako haalend bop gaving va bamaan-anjuuto, tombe sil daatu lulemak-ambe yik sil ganggin hil pasivdaka nohvu taaku me timu.  
\v 13 Lulemak-asôônju ond yik sil alondpayo lavuh ti be mem sil haalend bop osin niwêêk pin sen neep vu sil-ato, ond le lambu pin na vu va bamaan-anju.  
\v 14  + o 17:14  1Ti 6:15*Sil e lambiing ngaamong vu Sipsip Noow, tombe Sipsip Noow e nyiis sil-ambe daanggôôl sil lôôt. In Sipsip Noow ond tu omaaho bop pin-ate Omaaho Bop, osin tu lulemak-aso pin-ate Lulemak Bop, tombe hil sen lango lava be layiis ngaamong having yii-to, ond yoo holin yite va-so be nanyend vuun lôôt in lava.”   
\p
\v 15  + o 17:15  Ais 8:7; Jer 47:2*Tonde yik angela nêêl vu sa nambe, “Gahe bel bopaata sen vêêh baayamb nando lak baandonii-to, ond manyinju omaahonôôn naavind ti ti pin, osin hil vu taaku pin lasupin sil lalaam, yik hil bayêên bu ti ti pin, de lavand ti ti pin.  
\v 16  + o 17:16  Taato 18:8*Tonde va bamaan alu salak nomaayuuh sen gahe lung laa-to, ond lu salak pin gaving va bamaan-anju be lambiing ahend kalin vu vêêh baayamb-anju. Sil e lambu vêêl yinêên va pin-ande yoo mando ninôôn, de lanja laaliip, tonde sil basi yi osin doos jêê-na kin.  
\v 17 In Anutu yoo vaasu kakook-anju lukala sil alondpayo, om sil e lambiing nôôn jak, ondeey sil alondpayo le javuh ti be lambu sil anindwêêk pin sen lako in nambe daatu lulemak-ambe ganggin hil-anjuuto na vu va bamaan-anju. Yoo le mondambiing naambêênju be Anutu-te vakasin pin nôôn jak e mem lung la.   
\p
\v 18 “Tonde vêêh sen gahêê-ju ond lohvu taaku bop sen tu lukook bop-ambe nanggin lulemak-aso pin vu voon.”   
\c 18  
\s1 Taaku Babilon lumbin-ambe lung la  
\p
\v 1 Lung la tonde sim saahe de angela ti vu baandoni be lukalaam osin niwêêk bopaata lôôt, tombe yite nikaapulis bopaata têêlang ak ngaanggis-ambe melangaah lôôt.  
\v 2  + o 18:2  Taato 14:8; Ais 13:21; 34:11; Jer 50:39*Angelaa-ju teey bopaata nambe,  
\q1 “Taaku bop Babilon lumbin-ambe lung la. Keen, lumbin lôôt-ambe ma la. Gêên tu Saalang-ate bayêên, mamu nipaya pin ambaand, tonde manak anipaya-so sen yiiy naayêênin-ato silate taaku.  
\v 3  + o 18:3  Taato 14:8*In wiing-ambe omaahonôôn pin oo sapa hôôk yite mopaatôôv anikala baayamb-ate niwêêk lôôt, tombe manyinju nambe sen vu yite bel wain aniwêêk vu sil-ambe lanum. Tonde lulemak-aso vu voon-anjo ond yik lawiing baayamb having yi. De hil vu voon sen dawiing kul monêê-to ond lako mone ngeeyaata lak va vaha vaha sen taaku Babilon-anju lopayo navu navu in-ambe naanggo vu sil-ato.”   
\p
\v 4  + o 18:4  Ais 48:20; Jer 50:8; 51:6,45; 2Ko 6:17*Tonde sim sa hango de lava ango laam vu baandoni nambe,  
\q1 “Sate hil e, ham gavuuh taakuu-ja de ham ana vêêl, in ham e ambiing va nipaya gaving yi, tombe sim va nimeen e naatokak ham gaving.  
\v 5  + o 18:5  Jen 18:20-21; Jer 51:9*In yite va nipaya vaanjang ak lu bopaata be tok laam baandoni, tombe Anutu ka navu hil-anjute va nipaya pin-anju nando.  
\v 6  + o 18:6  Saam 137:8; Jer 50:15,29; 2Tes 1:6*Va nipaya sen taakuu-ju nawiing-ato ond ham ambu nipaya nyevahaan dukanaah va nipaya sen nawiing ham payaa-juuto nivalok. Wiing va nipaya ngeeyaataa-to, ond yik ham ambu va nipaya nyevahaan ngeeyaata lôôt savok dukanaah. De sen kaasêêh bel aniwêêk hôôk kap-ato, ond yik  
\q1 ham kaasêêh bel aniwêêk lôôt-ambe savok na, le mem ham ambu be naanum.  
\v 7  + o 18:7  Ais 47:7-9*Yoo hako haale lak-ambe supin va vaha vaha ngeeyaata sen lopayo navu navu in-ato, om yik ham oo ambu nivaane osin nimeen ngeeyaata vu yi dukanaah va sen hako yi lak-anjuuto be naasu lôôt. In ka navu hôôk lopayo nambe, ‘Saatu vêêh lulemak-ambe sa nando. Same aatu vehaahôôv-ande nimeen-ame lohvu naatovu sa be sa naasu le, malis lôôt.’  
\v 8  + o 18:8  Taato 17:16; Jer 50:34*Ke, om va nimeen vaha vaha le naatovu yi dôôk busin nôôn timu, nilakin ngeeyaata le naam, tonde omaahonôôn ngeeyaata le kand paya paya lôôt, de meep bopaata, tonde kin e ja taaku Babilon-anju osin doos. Keen, Omaaho Bop Anutu sen yoo niwêêk lôôt-ato ond sahi yi be vu nipaya nyevahaan lukalaah.”   
\p
\v 9  + o 18:9  Taato 17:2; Esi 27:30-35*Ke, tonde lulemak-aso vu voon sen lawiing baayamb having yii-to, osin londpayo navu navu in yite va vaha vaha ngeeyaataa-to, ond le lanji kin ahelu naambe kin navu tapuv Babilon, tombe le daasu be kand paya lôôt in.  
\v 10  + o 18:10  Esi 26:17; Dan 4:30*Om le lanjêênin lôôt in nivaane sen Babilon hakôô-juuto, tombe sil e baale diin-ambe mondaanêêl naambe, “Nimeen anipaya-o. Nimeen anipaya tokak Babilon-o. Hong taaku bopaata be ganimwêêk lôôt, le ma de gate nipaya nyevahaan tovu hong pavis hôôk taaku me timu.”   
\p
\v 11  + o 18:11  Esi 27:36*Tonde tatuva mangganaan-aso vu voon-anjôôto, ond sil e kand bu taakuu-ju be daasu osin kand paya paya lôôt, naambe hil Babilon-ame le baanggo silate kupak jesin naah e.  
\v 12  + o 18:12  Esi 27:12-13,22*Kupak-anju ond gool ayuuh siliva, tonde tatuuh amengali osin kukum valôôy sen daanggo lak mone bop-ato, de tôômb valôôy amengali, osin tôômb amembu de tôômb hees having tôômb silika, tonde haah vaha vaha ti ti pin sen galovasaa-to, tonde va pin sen sil samu lak bik elepan navu laavis-ato, de va pin sen  
\p sil samu lak haah sen daanggo lak mone bop-ato, tonde kopa osin aen, de tatuuh sen nikaatungin kaatungin-ato.  
\v 13 Tonde kupak heey-anjo nambe lêêsak osin haah ngaavi de va galovasa salivangin-ate, tonde bel galovasa osin haah anikanggi sen galovasaa-to, de wain, de hahaanôôn aniluk, de palawa balet-ate osin paandi, tonde kao yuuh sipsip, tonde hôôs osin pêêt sen naandiiy-ato, de omaahonôôn sen latu omaaho ango-te va kul-ate malis amu be dando memoos-ato. Ke, va pin-anjo ond hil Babilon-ame le baanggo jesin naah e.  
\v 14 Tonde hil sen dawiing kul monêê-to ond sil e daanêêl naambe, “Va nivasa vasa sen galompayo nawiingin nambe onggakôô-to, ond havuuh hong pin lung la de la. Tonde vanôôn ayuuh ame nivasa vasa sen daanggo lak mone bop-ato, osin gate vunakin amengali-ngali, ond yik pin havuuh hong lung la, tombe hil-ame le lanji naambe va nambêênja me-nando vu hong yesin laah e, malis.”   
\p
\v 15  + o 18:15  Esi 27:31,36*Ke, hil sen dawiing kul mone lak va yuuh amêê-ju be dako mone ngeeyaata vu taaku bop Babilon-anjuuto, ond sil e lanjêênin nivaane sen Babilon hakôô-ju lôôt,  
\p tombe sil e baale dinaandiin-ambe daasu lak taakuu-ju osin sil alondpayo nimeen.  
\v 16  + o 18:16  Taato 17:4*Tombe le daanêêl naambe, “Nimeen anipaya-o. Nimeen anipaya tokak Babilon  
\p bop-o. Bôôy ond lop lolop valôôy amengali, osin tôômb amembu yuuh tôômb hees, tonde vunak lak yite vunakin gool amengali-ngali, tonde tatuuh amengali osin kukum valôôy sen daanggo lak mone bop-ato,  
\v 17  + o 18:17  Esi 27:27-29*le ma de kupak pin-anju matelak pavis hôôk taaku me timu.”  
\p Tonde hil pin sen dako sip-ato, osin hil pin sen daanggo sip-ambe dala taaku ngôô-to, de hil pin sen dawiing kul ak sip-ato, tonde hil pin sen dawiing kul mone vu lôôy-ato, ond hil pin-anjo daale diin in Babilon,  
\v 18  + o 18:18  Esi 27:32*be layi de kin navu tapuv taaku bop Babilon-ambe ahelu lak, tombe lateey nambe, “Nimeen  
\p anipaya-o. Taaku bop ti nando vu tana lohvu Babilon bop-anju le?”  
\v 19  + o 18:19  Esi 27:30-34*Tonde lavuuh kambus ak sil alund, de dasu kand paya paya be dateey nambe, “Nimeen anipaya-o. Nimeen anipaya tokak taaku bop-anju-yee. Hil pin sen silate sip dayêês lôôy-ambe danjung hôôk-ato dako mone bopaata vu hong taaku bop timuu-ja, be tu ngeeyaata lak vu sil, le ma de matelak pavis hôôk taaku me nôôn timu.”   
\p
\v 20  + o 18:20  Ais 44:23; Diu 32:43; Jer 51:48*Ke, om ham baandoni, de ham sen ham atu Anutu-te hil-ato, osin ham sinaale-so, de ham sen ham nanêêl Anutu-te vakasin langaah-ato, ond ham pin akam vasa in va sen gêên tovu taaku bop-anju. In Anutu sahi yi be vu nipaya nyevahaan lukalaah va sen taaku bop-anju wiing ham payaa-to.   
\p
\v 21  + o 18:21  Jer 51:63-64; Esi 26:21*Tonde sim angela niwêêk ti vaaku tatuuh bopaata ti lak-ambe tanga lukala lôôy, de nêêl nambe, “Yik le lanôôh hong taaku bop Babilon-anja be tanga hong na osin niwêêk naambêênjo, de hil-ame le lanji hong jesin naah e.  
\v 22  + o 18:22  Ais 24:8; Esi 26:13*Tombe hil dayiis banjôôngg osin dawiing kombin tonde dave gavêêngg ayuuh dave vuuk-ato, ond va pin-anju hil-ame le gango naasu vu taaku bop-anju jesin naah e. Tonde hil-ame le lanji hil namand mayôôh-aso lambiing kul mando taakuu-ju jesin naah e. Tonde tatuuh sen daandiiy-ambe nanjingin wit nôôn-ambe natu palawa balet-atêêto, ond yik hil-ame le gango daandun vu taakuu-ju jesin naah e.  
\v 23  + o 18:23  Jer 7:34; 16:9; 25:10; Ais 47:9*Tonde kin-ame le naatum  
\p vu taakuu-ju le, de moow ayuuh vêêh lavand sen sil gako sil-ato ond hil-ame le gango vu taakuu-ju jesin naah e. Bôôy hong taakuu-ja, gate hil lawiing kul mone vu hong-ambe lako haalend bop vu voon, tonde hong taaku bop-anja, onavu tatuhin omaahonôôn pin ak gate yaavak vaha vaha.”   
\p
\v 24  + o 18:24  Jer 51:49; Mat 23:35; Taato 17:6*Ke, tonde yik taaku bop-anju yiis hil sen danêêl Anutu-te vakasin langaah-ato osin Anutu-te hil vaalu be layimb. Tonde omaahonôôn pin vu voon sen hil layi sil paya be layiis sil-ambe layimb-ato, ond yik va nipaya pin-anju dangga yoo neep vu Babilon timu.   
\c 19  
\s1 Hil baandoni lavu daandun in kin tapuv taaku Babilon  
\p
\v 1 Lung atonde sim sa hango vati nambe sen hil ngeeyaata lôôt dawiing daandun bopaataa-to vu baandoni, be dateey nambe, “Yiiy gako yate Anutu haale jak, in yik yi timuu-jo sen hako yiiy lom ond yoo nikaapulis-ambe niwêêk lôôt.  
\v 2  + o 19:2  Taato 6:10; 16:7*Tonde yoo navu sahi omaahonôôn-ate vakasin pin lohvu be nanêêl nivalok lôôt. Tonde vêêh baayamb ambu ti sen taaku Babilon-anju, ond Anutu sahi be nêêl nambe gako yite nipaya nyevahaan, in yite mopaatôôv baayamb vasap hil pin vu voon. Keen, vêêh baayamb-anju yiis Anutu-te hil kul-ate be layimb, om yik Anutu vu yite va nipaya nyevahaan lukalaah.”  
\v 3  + o 19:3  Taato 14:11*Tonde yik lateey yesin laah nambe, “Yiiy gako Anutu haale jak, in kin naya taaku bop Babilon-ambe ahelu lak in monanjak danggata osin danggata.”   
\p
\v 4  + o 19:4  Taato 4:2,10*Tombe Anutu nando lak sia lulemak-ate, tonde yêêv doo-ti be laam yumbeyuuh laving va metumin yumbeyuuh-ato be lato pataav baambund neep voon-ambe lalohak-ande lanêêl nambe, “Keen lôôt, yiiy gako Anutu haale jak.”  
\v 5  + o 19:5  Saam 22:23; 134:1; 135:1; Taato 11:18*Tonde lava ti hato Anutu-te sia lulemak-anju be laam nambe, “Ham sen ham atu Anutu-te hil kul-ate be ham nayêênin Anutuu-to, ham hil malis osin ham haalem bop-aso, yik ham pin gako yate Anutu haale jak.”   
\s1 Sipsip Noow hako vêêh om lawiing vanôôn bop  
\p
\v 6  + o 19:6  Taato 11:15; 14:2; 15:3*Tonde sim sa hango vati nambe sen hil ngeeyaata lôôt davu daandun-ato, osin lohvu bel bop naluus lêêmbis, de lohvu kalang natuuh bopaataa-to, tombe lavaa-ju nanêêl nambe, “Yiiy gako yate Omaaho Bop Anutu haale jak, in niwêêk pin danggakook yi, be gêên tu Omaaho Lulemak keen-ambe nanggin va pin.  
\v 7  + o 19:7  Taato 21:2*Om gêên yiiy alonggpayo nivasa be yiiy naapêêlis lôôt-ambe yiiy gako haale jak. In busin lung la in Sipsip Noow navu gako vêêh\f + \fr 19:7 \ft Vakasin pakwesin lak sipsip noow-anjo ond nêêl lak Yesu nambe navu gako yite hil sen londpayo nala timu vu yii-to naatu yite vêêh-ambe sil mando gaving yi danggata. \f*, om yite vêêh samu yi be nando.  
\v 8  + o 19:8  Ais 61:10*Om Anutu vu lolop valôôy amengali nikaapulis-ambe natêêlang-ato vu yi be lop.” Lolop valôôy-anju ond va nivalok sen Anutu-te hil dawiing-ato.   
\p
\v 9  + o 19:9  Mat 22:2-3*Tombe angela nêêl vu sa nambe, “Okaavu vakasin-anjo naambe hil sen Anutu teey sil lalaam in Sipsip Noow-ate vanôôn bop sen navu gako vêêh-ato ond sil akand vasa.” Tonde yik angela nêêl vu sa yesin laah nambe, “Vakasin-anjo ond Anutu-te vakasin keen.”  
\v 10  + o 19:10  Sin 10:25-26; Taato 22:8-9*Om sa hato pataav baambungg la voon ngaaho vu angela vaha be saawiingin nambe aanohak vu yi, le ma de nêêl vu sa nambe, “Game gambiing naambêênja le. Yik hoow ahondoosin aatu Anutu-te hil kul vaha having halim-aso vaalu sen ham awii-having Yesu be ham nanêêl haale langaah-ato, om yik goo ganohak vu Anutu nôôn timu. In hil sen danêêl Yesu langaah-ato ond Vavi Vaambuung nahôôvu sil, yik nambe sen nahôôvu Anutu-te hil bôôy-ambe danêêl yite vakasin langaah-ato.”   
\s1 Omaaho ti lakando hôôs valôôy ti  
\p
\v 11  + o 19:11  Taato 1:5; 6:2; Saam 96:13; Ais 11:4*Sim saahe de yendak hataahin-ande hôôs valôôy ti naale, tombe omaaho sen nando lak-ato ond haale nambe “Omaaho yoo nanggin yite kul anivasa be yoo nawiing va osin nôôn keen.” In nangoyin hil-ate vakasin-ambe nayiis ngaamong-ato ond yik yoo navu sapa hôôk va nivalok amu be nawiing.  
\v 12  + o 19:12  Taato 1:14; 2:17*Mekaalus lohvu kin mala, tonde laanggin lulemak-ate taambuuh ngeeyaata lakando lu, de sil kaavu haale neep ak yi, ond yoo timu lak haalêê-ju ni de hil vaaluk ma.  
\v 13  + o 19:13  Ais 63:1-3; Jon 1:1,14*Tombe lop lolop diin sen sil laanggôôl hôôk nihees-ato, ond lanêêl omaahôô-ju haale nambe Anutu-te Vakasin.  
\v 14 Tombe hil ngaamong vaha-so vu baandoni dando lak silate hôôs anivalôôy-ambe sil taamuyin yi be lala. Sil lalop lolop valôôy amengali nikaapulisaanôôn.  
\v 15  + o 19:15  Taato 1:16; 4:8; 12:5; 14:19-20; 21:22*Tombe yipak diin ngaamong-ate ti navu ngali lôôt hato neep hôôk silate omaaho nalu munggin-ato avi, ond le nyiis omaahonôôn jak yipak-anju. Tonde yoo le ganggin sil niwêêk ak yite paatôôn aniwêêk ti, de le baake wain nôôn sen nando hôôk kaambum-ato in nambe niluk pasuv, ond manyinju Anutu sen niwêêk pin danggakook yii-to yite ahekalin bopaata.  
\v 16  + o 19:16  Taato 17:14*Tombe sil kaavu haale neep ak yite lolop osin lak ahelaanggo nambe, “Lulemak-aso pin-ate Omaaho Lulemak Bop, tonde omaaho bop pin-ate Omaaho Bop.”   
\p
\v 17  + o 19:17  Esi 39:17-20*Tonde sim saahe de angela ti naale taaku mekaalus, ond nateey la bopaata vu manak pin sen davêêhin vu baandoni lôôt-ato nambe, “Ham naasupin anaam in Anutu-te vanôôn bop nganjo.  
\v 18 Ham e angga lulemak-aso laaliip, tonde ham e angga yêêv ngaamong vahasote laaliip, de hil anindwêêk-aso ond ham e angga sil laaliip, tonde ham e angga hôôs osin hil sen dando lak hôôs-ato laaliip, de ham e angga omaahonôôn pin laaliip. Hil sen yoo danggin sil-ato, de hil sen latu omaaho ango-te va kul-ate malis amuu-to, osin hil mali-malis-ande hil haalend bop-aso.”   
\p
\v 19  + o 19:19  Saam 2:2*Tombe sim saahe de va bamaan-ato osin lulemak-aso vu voon laving silate hil ngaamong vaha-so be lasupin lalaam lung la, in nambe lanyiis ngaamong vu omaaho sen nando lak hôôs-ato gaving yite hil ngaamong vaha-so.  
\v 20  + o 19:20  Taato 13:12-17; 20:10,15; Ais 30:33*Le ma de lalôôh va bamaan-anjuuto having omaaho tanasin vaha tatuhin sen nawiing taahu taahu osin niwêêk bopaata ngeeyaata hôôk va bamaan-anju mekaalus, be navu tatuhin hil sen va bamaan-anju haale neep ak sil damband-ambe dalohak vu va bamaan-anju kanuu-to. Tombe va bamaan-anju having omaaho tanasin vaha tatuhin, ond yuuh daahen dando mend moos-ande laate yuuh lukala kin mala bopaata monatum ak tatuuh-ambe neep bopaata nambe betum-ato.  
\v 21  + o 19:21  Taato 19:17-18*Ke, tonde omaaho sen nando lak hôôs-ato ond yiis hil vaalu pin lak yipak diin sen neep hôôk avii-to, tombe manak pin laya omaahonôôn laaliip-ambe ahend pup lôôt.   
\c 20  
\s1 Saalang nando hôôk kalaambus lohvu ta 1 taosen  
\p
\v 1  + o 20:1  Taato 9:1*Sim saahe de angela ti naluus vu baandoni be nalaam, ond hako kiiy waak anipaya sen taaku mekanu-têêto, tonde hako hees aniwêêk bopaata ti hôôk nama having.  
\v 2  + o 20:2  Taato 12:9*Tombe angela lôôh kaapaay sen yi nyêêy-ambe yoo nando vu bôôy heey-ato, be duuh yi lak hees aniwêêk-anju in nambe mando nohvu ta 1 taosen, ond manyinju mamu nipaya Saalang.  
\v 3  + o 20:3  Jut 6*Om angela haate yi lukala waak anipaya sen taaku mekanu-têêto be vaayiiy vinavi tatin, in nambe Saalang-ame tatuhin omaahonôôn jesin naah e. Yik yoo mando be ta 1 taosen jung na, le mem sil kavaayin yi be na ganjung pasivdaka mu.   
\p
\v 4  + o 20:4  Dan 7:9,22,27; 1Ko 6:2; Taato 13:17*Tombe sim saahe de omaaheey dando lak sia lulemak-ate heey, ond Anutu vu kul vu sil in nambe sil gangoyin omaahonôôn-ate vakasin-ambe daanêêl. Tonde saahe hil kanund ngeeyaata, ond hil-anju lawii-having Yesu be lanêêl haale langaah, de lapuvu Anutu-te vakasin aniwêêk, om hil katôôv sil akand-ambe layimb, in sil-ame dalohak vu va bamaan having kanu le, de va bamaan haale me-lakaneep sil damband me sil namand-ato le,  
\p ond hil-anju dando metumin-ambe lako haalend lulemak having Kalisi be danggin omaahonôôn lohvu  
\p ta 1 taosen.  
\v 5 De hil vaalu sen daahen deep mend yimbin-ato, ond danggin ta 1 taosen-anju in nambe jung na le mem. Ond manyinju hil-anju kandi lak laah nyendoos-ambe dando metumin.  
\v 6  + o 20:6  Taato 1:6*Ke, om hil sen kandi lak nyendoos-anjuuto ond sil akand vasa in sil latu hil vaambuung, de yimbin ango taamusin-ate niwêêk-ame lohvu daanggôôl sil e, malis. Yik sil e daatu Anutu yuuh Kalisi-te kul vaha salivangin-ate, tombe sil e daatu lulemak-aso gaving Kalisi be sil ganggin hil nohvu  
\p ta 1 taosen.   
\s1 Saalang hako nipaya lôôt  
\p
\v 7 Ta 1 taosen-anju jung na le mem sil kavaayin Saalang.  
\v 8  + o 20:8  Esi 38:2,9,15-16*Tombe mem naam voon in na motatuhin hil nohvu taaku nanyendangga pin, ond hil-anju sil haalend nambe Gok ayuuh Megok, ond gaanjiihin Gok ayuuh Megok-ate vaavis-ambe naasupin sil lanaam in lambiing ngaamong. Vaavis-anju sil ngeeyaata lôôt lohvu laahel sen lôôy nanyendanggaa-to.  
\v 9  + o 20:9  2King 1:10; Esi 39:6*Tombe lala latup hôôk lalohvu taaku pin-ambe lambuuh taaku sen Anutu-te hil dandôô-to tatup, having taaku bop sen Anutu ahe having lôôt-ato, le ma de sim kin laam vu baandoni be ya vaavis-asôônju pin.  
\v 10  + o 20:10  Jen 19:24; Saam 11:6; Taato 19:20; 21:8*Yik Saalang tatuhin hil, om Anutu haate yi lukala kin mala bopaata sen monatum ak tatuuh-ambe neep bopaata nambe betum-ato. Ond yik va bamaan ayuuh omaaho tanasin vaha tatuhin-ato ond yuuh lala dando hôôk-anju lung la. Om yik yaal oo le monggako nivaane naambêênju langaah-ande busin danggata-te.   
\s1 Busin sen Anutu sahi hil pin-ate vakasin-ato  
\p
\v 11 Saahe de sia lulemak-ate valôôy bopaata ti nando be omaaho ti nando lak, de ngaanggis ayuuh yendak lapak in yi be lala mend ma valok-ate.  
\v 12  + o 20:12  Dan 7:9-10; Mat 25:31-46; Taato 13:8; Sin 17:31; 2Ko 5:10*Tonde sim saahe hil yimbin pin, hil sen haalend bop-ato osin hil malis, ond daale omaaho sen nando lak siaa-ju mekaalus. Tombe omaahôô-ju katekin kaapiya heey, tonde sim katekin kaapiya ngo sen metumin-atêêto having. Nayi vakasin sen kaavu lak va sen yimbin-aso dawiing-ambe neep hôôk kaapiya heey-anjuuto, be mem navu sahi sil ak nivalok.  
\v 13  + o 20:13  Lom 2:6; 1Pi 1:17; Taato 2:23; 22:12*De lôôy vu hil yimbin pin sen deep hôôk kambinii-to laah vu Anutu, tonde yimbin ayuuh taaku gambus lavu hil pin sen layimb-ambe deep-anjuuto laah having, tombe omaahôô-ju sahi omaahonôôn ti ti pin lohvu va sen yoo lawiing bôôy-ato.  
\v 14  + o 20:14  1Ko 15:26,55*Tonde haate yimbin ayuuh taaku gambus lalukala kin mala bopaata sen neep nambe betum-anjuuto. Kin tumin-anju ond manyinju yimbin sen naatu balon yuuh-ato.  
\v 15  + o 20:15  Mat 25:41; Taato 13:8; 19:20*De naambe omaaho sen navu sahi hil-ato ji naambe omaaho ti haale me-neep hôôk kaapiya metumin-ate le, ond yik gaate dukana kin mala bopaata sen neep nambe betum-anjuuto.   
\c 21  
\s1 Yendak moos osin ngaanggis moos  
\p
\v 1  + o 21:1  2Pi 3:13*Lung atonde sim saahe yendak moos osin ngaanggis moos nando, de yendak munggin osin ngaanggis munggin-ato la mema pin, de lôôy-ame neep laah e.  
\v 2  + o 21:2  Ais 52:1; 61:10; Hiblu 11:16; 12:22; Taato 3:12*Tonde yik saahe taaku vaambuung bop, ond manyinju Yelusalem moos, ond saahe Anutu wiing vu baandoni be nalukalaam voon, tombe yite vunakin amengali nambe sen vêêh navunak yi lak yite  
\p vunakin amengali in nambe na jak vu yite moow.  
\v 3  + o 21:3  2Kro 6:18; Sek 2:10; 2Ko 6:16*Tonde sim sa hango kôôk ti laam vu lulemak-ate siaa-juuto nambe, “Angge, gêên Anutu-te bayêên sen mando gaving omaahonôôn-ato ond manyinja. Yoo le mando gaving sil-ande sil daatu yite hil, tonde mem yi Anutu yoo le mando gaving sil.  
\v 4  + o 21:4  Taato 7:17; Ais 35:10; 65:19*Yoo le jaavu sil amend luk na vêêl, tonde hil-ame le lanjimb jesin naah e, osin londpayo me-le nimeen naah e, de me-le daasu osin sil-ame le gako nivaane jesin naah e, malis. Yik va pin sen vu munggin-ato ond lung la valok-ate.”   
\p
\v 5  + o 21:5  Taato 4:2,10; 2Ko 5:17*Tonde sim omaaho sen nando lak sia lulemak-ate nêêl nambe, “Angge, saawiing-ambe va pin tu moos ak.” Tombe nêêl having nambe, “Okaavu, in vakasin-anja keen lôôt-ambe lohvu nambe hil pin lambiing gaving.”  
\v 6  + o 21:6  Taato 1:8,17; 22:17; Jon 7:37; Saam 36:9; Jer 2:13*Tonde yik nêêl vu sa yesin laah nambe, “Va pin nôôn ak lung laa-jo. Sak sa omaaho nalu munggin osin ahus keen, soo aatu va pin danggakook osin to. Om naambe omaahonôôn alo bambôôv in bel, ond yik sale aambu bel dangga dosin metumin-ate vu yi nyemalis amu be naanum.  
\v 7  + o 21:7  2Sml 7:14*Om naambe omaaho ti nyiis ngaamong-ambe daanggôôl va nipaya pin, ond sale aambu nôôn metumin-atêênjo vu yi, de mem sa naatu yite Anutu, de naatu sa noongg.  
\v 8  + o 21:8  Hiblu 10:38-39; Mat 25:41; Taato 19:20; 21:27; 22:15*Tonde vêêh kôôh-aso sen dapak-ato, de hil sen me-lawiihaving-ato, osin hil sen dawiing va nipaya nimumin-ate vaha vahaa-to, osin hil sen dayiis omaahonôôn dayimb-ato, de hil sen dawiing baayamb, de hil sen dawiing yaavak, tonde hil sen dalohak vu anutu tatuhin vahaa-to, osin hil pin sen mondanêêl  
\p vakasin tatuhin-ato, ond sil landukana silate taaku sen kin mala bopaata monatum ak tatuuh-ambe neep bopaata nambe betum-ato. Ond manyinju silate yimbin sen tu balon yuuh-ato.”   
\s1 Yelusalem moos  
\p
\v 9  + o 21:9  Taato 15:1*De angela namaavaalu be vindak yuuh sen lako Anutu-te ahekalin bopaata hôôk kaambum namaavaalu be vindak yuuh in basap hil ak-ato, ond angela-sôônju ti laam-ambe nêêl vu sa nambe, “Ganaam in wana be sa taato vêêh sen Sipsip Noow navu gakôô-to vu hong e.”  
\v 10  + o 21:10  Esi 40:2; Taato 21:2*Om Vavi Vaambuung hôôvu sa niwêêk lôôt, tombe angela hako sa be haay alakala kandu bopaata ti dinaandiin lôôt, be mem taato taaku vaambuung Yelusalem sen Anutu wiing vu baandoni be nalukalaam voon-ato vu sa.  
\v 11  + o 21:11  Ais 60:1-2,19*Anutu-te nikaapulis natêêlang ak taaku bop-anju, tombe yoo natêêlang nambe tatuuh sen daanggo lak mone bopaata lôôt-ato. Keen, yik yoo lohvu tatuuh jaspa be melangaah lôôt nambe dundum-ato.  
\v 12  + o 21:12  Esi 48:30-35*Taaku bop-anju ond lahaav kaatum anyevaahis bopaata be  
\p yoo dinaandiin lôôt, tombe kaatum-anju yite  
\p vinavi nomaayuuh-ambe laam yuuh, tombe yik angela nomaayuuh-ambe laam yuuh ond sil ti ti daale lohvu vinavi ti ti pin. Tonde hil Islel-ate danggakook-aso nomaayuuh-ambe laam yuuh-ato haalend neep ak vinavi pin.  
\v 13 Kaatum vahaan laah osin sen taaku me lak valup-ato ond vinavi yaal neep, tonde vahaan laah osin vaavu ond vinavi yaal neep, tonde vahaan hoow ond vinavi yaal neep, tonde kaatum vahaan laah osin sen taaku mekaalus navu maaluk laa-to ond yik vinavi yaal neep.  
\v 14 De kaatum sen taaku bop-anju ond lahaav tatuuh nomaayuuh-ambe laam yuuh naale hôôk dangga, tombe sil kaavu Sipsip Noow-ate sinaale nomaayuuh-ambe laam yuuh-ato haalend neep ak tatuuh-asôônju.   
\p
\v 15  + o 21:15  Taato 11:1*Ke, angela sen nakaas vu saa-jo ond hako paatôôn gool in nambe taahu vu taaku bop-anju de taahu vu vinavi osin kaatum-anju.  
\v 16 Taaku bop-anju ond yik ahelasu yumbeyuuh oo loh ti pin, de daka me-pasiv me bop savok la le. Ke, angela taahu yite paatôôn vu taaku bop-anju tombe lohvu 2,400 kilomita, diin sen neep voon-ambe laa-to, osin bayêên bop-anju naale diin-ambe la baandoni lôôt-ato, ond yik yoo loh ti pin.  
\v 17 Taahu yite paatôôn vu kaatum-anju having tombe kaatum sen naale kasiiy-ato ond lohvu 65 mita. Yik haah sen hil davu taahu va yuuh ame lak-ato ond yik angela taahu paatôôn-anju vu kaatum.  
\v 18 Kaatum sen taaku bop-anju ond Anutu yoo samu lak tatuuh jaspa. Tonde bayêên bop-anju ond samu lak gool sen nivasa nôôn-ato ondeey yoo melangaah lôôt nambe dundum-ato.  
\v 19  + o 21:19  Ais 54:11-12*De tatuuh nomaayuuh-ambe laam yuuh sen naale hôôk kaatum danggaa-to ond Anutu yoo vunak ak tatuuh amengali-ngali pin sen daanggo lak mone bop-ato. Ke, tatuuh ti sen mengali lôôt-ambe nando hôôk kaatum danggaa-to ond haale nambe jaspa, tonde tatuuh amembu ango sen nayesakin-ato ond haale nambe sapaia. Tonde tatuuh valôôy ti tu yaal-ato ond haale nambe  
\p aget, tonde tatuuh aniluuh ti sen tu yumbeyuuh-ato ond haale nambe emelal.  
\v 20 Tonde tatuuh ti sen tu namaavaalu be nihees osin nivalôôy-ato ond tatuuh sadonikis, tonde tatuuh ti sen tu namaavaalu be vindak tii-to ond nihees-ambe haale nambe konilian. Tonde tatuuh anisang ti sen tu vindak yuuh-ato ond haale nambe klisolait, tonde tatuuh aniluuh vaha ango sen tu vindak yaal-ato ond haale nambe belil. Tonde tatuuh anisang vaha ango sen tu vindak yumbeyuuh-ato ond haale nambe topas, tonde tatuuh aniluuh having nisang ti sen tu nomaayuuh-ato ond haale nambe klisoples. Tonde tatuuh amembu vaha ango sen tu nomaayuuh-ambe laam tii-to ond haale nambe haiasin, tonde tatuuh amembu vaha ti sen tu nomaayuuh-ambe laam yuuh-ato ond haale nambe ametis.  
\v 21 Tonde vinavi nomaayuuh-ambe laam yuuh-anju ond sil samu lak kukum valôôy sen daanggo lak mone bop-ato, ti ti yoo lohvu vinavi ti ti pin. Tonde mopaatôôv talind sen taaku bop-anjuuto ond yoo gool anivasa nôôn malis-ambe melangaah nambe sen dundum-ato.   
\p
\v 22  + o 21:22  Taato 15:3*Same aahe nambe dumb vaambuung ti naale taaku bop-anju le, malis. Yik Omaaho Bop Anutu sen niwêêk pin danggakook yii-to yuuh Sipsip Noow amu yoo latu dumb vaambuung-ambe yuuh dando.  
\v 23  + o 21:23  Ais 60:19-20; Taato 22:5*Tombe taaku bop-anju ond taaku mekaalus ayuuh kwaav-ame natum e, malis, yik Anutu-te nikaapulis amu yoo navu melangaah vu taakuu-ju, tonde Sipsip Noow ond yoo tu taakuu-jute kin tumin.  
\v 24  + o 21:24  Ais 60:3,5*Om omaahonôôn vu taaku pin e mando dôôk taaku bop-anju yite melangaah, tonde silate lulemak-aso le daasupin silate vunakin dukana taakuu-ju.  
\v 25  + o 21:25  Ais 60:11; Sek 14:7; Taato 22:5*Tonde langaah ond vinavi me-le baayiiy daka le, tonde taaku bop-anju ond mekanu ma valok.  
\v 26 Tonde vunakin pin osin hil pin-ate va nivasa vasa sen Anutu nayi nivasaa-to, ond le daasupin dukana taakuu-ju.  
\v 27  + o 21:27  Ais 52:1; 1Ko 6:9-10; Taato 13:8; 21:8*Lemu va vaalu sen Anutu nayi payaa-to, osin hil sen dawiing va nipaya vaha vahaa-to, tonde tatuhin ambu-so, ond vaa-ju me-le landukana taaku bop-anju le, malis lôôt. Yik hil vaalu sen Sipsip Noow kaavu sil haalend lukala yite kaapiya metumin-atêêto, ond yik hil-anju ond mem yoo le landukana taaku bop-anju lopayo.   
\c 22  
\s1 Bel metumin-ate osin haah metumin-ate  
\p
\v 1  + o 22:1  Esi 47:1; Joel 3:18; Sek 14:8*Lung atonde sim angela taato bel bopaata metumin-ate ti vu sa, tombe bel-anju yoo natêêlang lôôt lohvu dundum. Bel-anju vêêl hato omaaho lulemak Anutu yuuh Sipsip Noow-ate sia be la.  
\v 2  + o 22:2  Jen 2:9; Esi 47:12; Taato 22:14,19*Tombe talind lavuun sen bel-anju hato be laa-to, ond haah metumin-ate naale bel nanyendangga vaalu vaalu. Haah metumin-atêênju ond nayiis nôôn balon nomaayuuh-ambe laam yuuh hôôk ta ti, yik yoo nayiis nôôn ak kwaav ti ti pin. Haah-anju lis nawiing-ambe omaahonôôn anind vasa nalak.  
\v 3 De va nipaya pin sen Anutu nimbayaa-to ond ti me-le mando dôôk taakuu-ju le, yik omaaho lulemak Anutu yuuh Sipsip Noow oo le mando hôôk taaku bop-anju, be yik Anutu-te hil kul-ate yoo le mondanohak vu yi.  
\v 4  + o 22:4  Saam 42:2; Mat 5:8; Taato 3:12*Tombe sil le mondanji mekaalus, de haale le nanjip ak sil damband.  
\v 5  + o 22:5  Taato 5:10; 20:6; 21:23,25; Dan 7:18,27*Taaku mekanu le nama na valok, de kin tumin osin taaku mekaalus-ame le bu melangaah jesin naah e, malis. Yik Omaaho Bop Anutu-te nikaapulis oo le bu melangaah vu sil, tombe mem sil daatu lulemak-ambe sil ganggin omaahonôôn-ambe sil mando danggata osin danggata.   
\s1 Yesu navu nom pavis  
\p
\v 6  + o 22:6  Taato 1:1*Tonde sim angela nêêl vu sa nambe, “Vakasin-anjo yoo keenaanôôn lôôt, om lohvu nambe omaahonôôn pin oo lambiing gaving keen lôôt. Yik Omaaho Bop Anutu sen navu yite vakasin vu hil-ambe danêêl langaah-ato, ond wiing yite angela laam in nambe taato va pin-anjo langaah vu yite hil kul-ate be lanjak ni naambe navu nôôn jak pavis.  
\v 7  + o 22:7  Taato 1:3; 2:16*Yesu nêêl nambe, ‘Ham gango, sa navu anaas vu ham pavis.’ Om hil sen sil samu Anutu-te vakasin sen saanêêl langaah-ambe neep hôôk kaapiyaa-jo, ond hil-anju kand vasa.”   
\p
\v 8  + o 22:8  Taato 19:10*Ke, tombe yik sa Jon soo hangoyin vakasin pin-anju osin saahe va yuuh amêê-ju lung la, le mem sa hato pataav baambungg la neep voon ngaaho vu angela sen navu taato va yuuh ame pin vu saa-to vaha be saawiingin nambe aanohak vu yi.  
\v 9 Le ma de nêêl vu sa nambe, “Game gambiing naambêênjo le. Sa having hong-ande halim-aso sen Anutu-te hil-ato, tonde hil sen dawiing va lohvu Anutu-te vakasin sen neep hôôk kaapiyaa-jôôto, ond yik yiiy ahondoos-ambe yaatu Anutu-te hil kul-ate, om yik goo ganohak vu Anutu timu.”  
\v 10  + o 22:10  Taato 1:3; 10:4*Tonde yik angela nêêl vu sa having nambe, “Anutu-te vakasin sen neep hôôk kaapiyaa-jôôto ond game gambu teenin e, in va yuuh ame sen Anutu navu biing naatok naam langaah-ato yite busin ngaaho lak lung la.  
\v 11  + o 22:11  Dan 12:10*Om hil sen dawiing va nipayaa-to ond yoo mondambiing, de hil sen dawiing va nindanjeen-ato ond yik yoo lambiing lôôt, tonde hil sen dawiing nivalok-ato ond yik yoo lambiing va nivalok lôôt, tonde hil sen latu hil vaambuung-ato ond yik yoo lanjakin sil lôôt.”   
\p
\v 12  + o 22:12  Taato 2:16,23; Ais 40:10; 2Ko 11:15*Yesu nêêl nambe, “Ham gango, sa navu anaas vu ham pavis. Sa navu anaas in saambu nyevahaan vu omaahonôôn ti ti pin nohvu va sen yoo dawiing-ato.  
\v 13  + o 22:13  Taato 1:8,17; 21:6*Yik saa-jo, sa omaaho nalu munggin osin ahus. Sa danggakook osin to, soo natung dangga lak kul-ambe soo navu samu kul ahus la.   
\p
\v 14  + o 22:14  Taato 22:2*“Om hil sen lalipis silate lolop-ato ond sil oo kand vasa, in sil lalohvu nambe lanja hahaanôôn sen metumin-atêêto, tonde sil lalohvu nambe landukana vinavi sen taaku bop-anjuuto.  
\v 15  + o 22:15  Taato 21:27*Nganjo hil sen lalohvu voow anipayaa-to osin yaavak ambu-so, de baayamb ambu-so, tonde hil sen dayiis omaahonôôn-ambe dayimb-ato, osin hil sen dalohak vu anutu tatuhin vaha-sôôto, tonde hil pin sen ahend naving kakook tatuhin-ate be davu sapa hôôk-ato, ond hil-anjo sil-ame le landukana mando dôôk Anutu-te taaku bop-anju le, sil e mando voon.   
\p
\v 16  + o 22:16  Lom 1:3; Taato 2:28; 5:5; Nam 24:17*“Yik sa Yesu sen soo aawiing sate angela laas vu ham-ambe nêêl sate vakasin-anja vu ham bel-ate. Saa-jo sen sate danggakook neep vu Devit, in Devit-ate hil vu taamusin-ato ti sa, tonde sa matam bop sen natum hôôk samiinaanôôn-ato.”   
\p
\v 17  + o 22:17  Taato 21:6*Tonde Vavi Vaambuung ayuuh Sipsip Noow vane lanêêl nambe, “Ganaam,” om hil sen lango vakasin-anju yoo daanêêl gaving naambe, “Ganaam.” De hil sen lond bambôôv in bel-ato ond yik yoo lanaam. Hil sen lawiingin nambe daanum bel-ato ond yik sil lanaam-ambe daanum bel metumin-ate sen Anutu yoo bu nyemalis amu vu  
\p sil-ato.   
\p
\v 18  + o 22:18  Diu 4:2; 12:32; Taato 15:1*Saambu kôôvu hil pin sen gango Anutu-te vakasin sen neep hôôk kaapiyaa-jôôto naambe omaaho ti naanêêl vakasin ango yoow dukana vakasin-anjo gaving, ond va nimeen pin sen Anutu nêêl langaah hôôk kaapiyaa-jôôto ond Anutu le biing va nimeen-anju naatovu yi.  
\v 19  + o 22:19  Taato 22:2*Tonde sim omaaho ti nambe nôôh Anutu-te vakasin sen neep langaah hôôk kaapiyaa-jo boow ti vêêl, ond yik Anutu le nôôh yi vêêl de me-le ja hahaanôôn sen metumin-atêêto le, de me-le mando dôôk taaku vaambuung bop sen nêêl vakasin ak-ambe neep hôôk kaapiyaa-jôôto le.   
\p
\v 20  + o 22:20  Taato 3:11*Ke, omaaho sen nêêl vakasin langaah ak va yuuh ame pin-anjôôto ond gêên nêêl nambe, “Keen lôôt, sa navu anaas pavis.”  
\p Êê-e Omaaho Bop Yesu, ganaam-o.   
\p
\v 21 Yik vakasin lung laa-ja. Omaaho Bop Yesu-te samu samu naas mando gaving ham pin.