\id JON - Meetto \h Yona \toc2 Yona \toc1 Yona \mt1 Yona \c 1 \s1 Yona Antthawaka Nluku \p \v 1 Vano nihuku nimoca nuulumo na Mwaneene Nluku nahowa waYona mwana a Amitayi niiraka: \v 2 Wunweke ni urweke isitati yuulupale yo Ninive waahimyacereke moolumo aka kontha coonanara caya cowela mpaka waryaka. \v 3 Nanso Yona ahonwa atthawaka wamiithoni waMwaneene Nluku arwaka uTarisi, ahokhuruwela uYopa, waaphwanyalyawe ikalawa yarwaa uTarisi, aholivela ikwaha ni ahokela, wiira aatthukane nloko anakalawa yarwaa uTarisi, apheelaka waatthawela uttayi Mwaneene Nluku. \v 4 Vano Mwaneene Nluku ahoruma iphyoo yuulupale mpaharini ni ahopanka nkhaya mpaka ikalawa yahanle vakani uphwyaa. \v 5 Vaavale anakalawa yahoovaca venci, ni khula ntthu ananlepela nluku awe, ni yahorihela mpaharini mirintti carinaya nkalawani, wiira awukule ulemeliya nwo. Vaavale Yona ahokhuruwela nhina ikalawa weecatalenlyawe arupaka ikhove. \v 6 Nhooleli okalawa ahorwaa waYona ni ahonkoha wiira unrupani? Wunwe ni unlepele nluku aa, noone toko nanoonela ikiriri wiira nihikhwe. \v 7 Wahoolo yaheerelana nrwee nipanke mwavi wiira nincuwele tipani uniwiihenre nenna nihusinna. Ni yahopanka mwavi ni wahomorela waYona. \v 8 Vano yahomwiirela: Unihimerye nenna va, uniwiiherenreni nenna nihusinna. Nteko aa phuvi? Unkhuma vayi? Ilapo aa phivi ni ikhapilani? \v 9 Yona ahaakhula: mi Heperewu, ni kinawoova Mwaneene Nluku, Nluku o wirimu, apattusile ipahari ni itthaya. \v 10 Vaavale atthu ale yahanca woova venci ni yahomwiirela: Isiyani yeela ipankile ela? Kontha atthu ale yahocuwela wiira atthawile wamiithoni waMwaneene Nluku, maana ahaahimyacera. \p \v 11 Yahomwiirelaca: Nuupankeke isiyani wiira ipahari imaale? Kontha nkhaya natepaca mpaharini. \v 12 Yona ahaakhula: Nkikuse ni nkivonyere mpaharini; ipahari inaahala umaala. Ni kinacuwela wiira nkhaya ula wile mwanlattu wa waka. \v 13 Vaavale anakalawa yaanvira yeettihaka ni ikuru caya apheelaka uphiya ukhopela. Nanso khayoonrye, kontha mpaharini nkhaya aantepa. \v 14 Vano yahaalepela Mwaneene Nluku a Yona, yiiraka: Contte Mwaneene Nluku, nhinihiye nikhwaka nlattu wa coonanara ca Yona, nhinootherye hi va ukhwa wawe kontha nyu Mwaneene Nluku nhopanka wootthuna winyu. \v 15 Vaavale yahonteesa Yona ni yahonvonyera mpaharini, ni nkhaya ahomaala ucaca. \v 16 Vano atthu ale yahoovaca venci Mwaneene Nluku, ni yahaavahaca itthuvo Mwaneene Nluku ciicammo yakhuluvelihaka waatthara. \s1 Iswali ya Yona nari mmirimani mohopa \p \v 17 Mwaneene Nluku ahoruma ihopa yuulupale wiira immirye Yona. Ni Yona ahokhala mmirimani mohopa mahuku mararu uthana ni uhiyu. \c 2 \p \v 1 Vano Yona nari mmirimani mohopa ahoswali aasukuruku Mwaneene Nluku \v 2 eeraka: \p \q1 Mmahuvihoni kihokhuwelela Mwaneene Nluku \q2 ni ahokaakhula. \q1 Mmirimani mahiye kihokhuwa, \q2 ni nyu nheewa ncu naka. \q1 \v 3 Nhokirihela mpaharini mapuro oowiisya cinenne \q2 ni kihokhala oorukureriya ni maasi \q2 ni mawimpi moolupale othene yaavira waculu waka. \q1 \v 4 Kihoona toko kihomwalaanihiya ni nyu. \q2 Akaacuwela wiira kaanhala woona tho inupa enyu ittakattifu. \q1 \v 5 Maasi othene yahokikhuneela mpaka ukittiya iphumu; \q2 ni ipahari yahokimirya \q2 ni makukhu o mpaharini yahokivilikelela mmuru. \q1 \v 6 Kihokhuruwela mpaka vathi waya myaako, \q2 mpaka ilapo ya atthu ookhwa \q2 ni mikhora caya cahokitthukela mommo. \q1 Nanso nyu nhokikumiha mapuro oowiisa, \q2 nuukivaha ukumi; \q2 Mwaneene Nluku; Nluku aka! \q1 \v 7 Upheelaka nnepa aka urimela \q2 mi kihowuupuwelelani nyu, Mwaneene Nluku, \q2 ni iswali caka cowela warinyu, \q2 mpaani mwinyu moottakattifihiya. \p \q1 \v 8 Ale anaswalela anluku oohimaana \q2 ahiyaka ikiriri ca Nluku. \q1 \v 9 Nanso mi kinaahala uwiipelani macipo oowunnuwihani \q2 ni wuuvahani itthuvo. \q1 Kinkopanka ile yookhuluvelihilyakani. \q2 Woopwa ukhuma wa Mwaneene Nluku. \b \p \v 10 Vano Mwaneene Nluku ahoolumana ihopa wiira inraphye Yona, ni Yona ahoraphenya ucenkweni. \c 3 \s1 Urukunusa nrima wa atthu o Ninive \p \v 1 Imaara yonayeeli nuulumo na Mwaneene Nluku nahowa waYona niiraka: \v 2 Wunwe ni urwee isitati yuulupale cinenne yo Ninive waahimyacere atthu o Ninive moolumo yuuhimyacenryaka. \v 3 Yona aheetthenkaca, ahonwa toko cakhanlyawe oohimeriya na Mwaneene Nluku. Ahorwaa uNinive. Ninive yaari isitati yuulupale cinenne yeettiya mahuku mararu uttupulaniha iriyariru. \v 4 Yona ahophiya uNinive. Aheetta nihuku nimoca akhalaka uwaahimyaca eeraka: Anhala mahuku arupayini Ninive ukwanyulaciya. \p \v 5 Vano atthu othene uNinive yahonkupali Nluku ni yahorukunusa mirima, ciicammo yaholeehana untthuka ramatani ukhuma atthu oolupale, mpaka acikani, othene yahommwaraca nakotto athoonyiheraka wiira ahorukunusa mirima caya. \v 6 Mwene o Ninive weewilyawe ni uyo ahonwa wahiceni wawe phurulaka ikuwo cawe cothene nuummwara nakotto phunkomaka wattuurani. \v 7 Ciicammo Mwene na ahooleli awe yahokumiha nlamulo nowahimyacera atthu othene unsitati wiira: Hikhale nohala ulya hata uwurya ukhuma atthu, inama coohuwiya, toko imope ni ikhontwaa, cihivahiye coolya ni maasi wala cihihuleliye cirwaka ulawiha coolya. \v 8 Atthu othene (ni inama cothene) amware nakotto anlapele Nluku ni ikuru, arukunuse mirima caya ni uhiya coopanka caya coonanara cothene. \v 9 Atthuna commo Nluku nahala unoonela ikiriri, ni urusiya wawe unahala uvira ni khaninhala ukhwa. \p \v 10 Nluku ahoona mananna cakhanlyaya oorukunusa mirima caya akhalaka oohiya coonanara caya ni Nluku khaahuvihile tho atthu ayo. \c 4 \s1 Urusiya wa Yona ni Ikiriri ca Apwiya \p \v 1 Nanso vaavale, Yona ahorusiya ni ahocaca. \v 2 Vano ahoswali akohaka Mwaneene Nluku toko co: We Mwaneene Nluku, mi akeenre kihinaaya ukhuma ilapo aka wiira phi yeeyo yahalaa upanka? Phimaana kipankaka mananna ootthawela uTarisi! Mi kahocuwela wiira we uri Nluku ookiriri ni oothunku, wiira we uri Nluku oopica ucaca, eemaani ni ooreera, ciicammo ukati wothene uri oolevelela. \v 3 Pahi, nyu Mwaneene Nluku, nkiive, kontha fatari kikhwe kihikhale nkumi. \v 4 Mwaneene Nluku ahaakhula: We Yona wookupali wiira uhaana isariya yoorusiya toko co? \v 5 Vaavale Yona ahokhuma uNinive, phurwaaka mphante unkhuma ncuwa ni ahonkoma. Vano ahoteka nrapattha ni ahonkoma wantthuucini waya, awehereryaka woona itthu yahala wiiranyaa nsitati mmo. \p \v 6 Vano Mwaneene Nluku ahomeliha mwamwiri wootthavelaca wiira Yona amumule wantthuucini ni atteeliye. Vaavale Yona ahotteeliya venci. \v 7 Nanso usa waya, ncuwa nipheelaka ukhuma, Nluku ahonruma mwaamunku wiira eeve mwamwiri uyo ni wahokhwa. \v 8 Wakhumilyaya ncuwa, Nluku ahowiha iphyoo yooviha cinenne ikhumaka unkela ncuwa. Yona ahociriphuwa nlattu wo nttukuttha ni ncuwa nampaha mmuruni mwawe. Vano ahopheela ukhwa ni aheera: Fatari kikhwe kihikhale nkumi. \v 9 Nluku ahonkoha Yona eeraka: Uhaamini urusiya nlattu wo yoola mwamwiri ula? Yona ahaakhula: Khweeli kihaana isariya yoorusiya toko co mpaka ukhwa. \v 10 Vano Mwaneene Nluku aheera: Ula mwamwiri ula wunnuwile uhiyu, ni uhiyu nkhwawe uyo wahokhwa. We khiiwo ipankenlyaa ula mwamwiri ula ni khawunnuwihile, vano unawoonela uthunku. \v 11 Mi ni isariya caka cothene akinlamuliya woonela ikiriri isitati yo Ninive, uryaya atthu enci oohicuwela itthu yooreera ni yoonanara woopwaha elufu iminya wosirini (120.000) ni inama cinci ciriwo?