\id ROM - Melo New Testament Ethiopic
\ide UTF-8
\h ኦሮመ
\toc1 ጳዉሎሳ ኦሮመ አሳይስ ጻፌዝ ኪታ
\toc2 ኦሮመ
\toc3 ኦሮ.
\mt1 ጳዉሎሳ ኦሮመ አሳይስ ጻፌዝ ኪታ
\imt ገሎ
\ip ሀዋረ ጳዉሎሳ ኪታይ ኦሮመ አሳይስ ጻፍንቴዛይ፥ ጳዉሎሳ ኦሮመ ጋንጨ የዝ ዎሳ ኬ በአዳይስ ቆፔዝ ግሾስ ኤ Ꮊንጎዳር ኡንቲ ጊግንቲ ናጎድ ጋርክ ኦዶዳሲ። ጳዉሎሳ ቆፋይ ኦሮመ ጋንጨ የዝ አማንዝታይራ ጽቃ ዎደ ኦዛይፕ ጉየ ኡንቲ ኤዛ ማድን እስፔነ Ꮊማዳይሲ። አማኖባ ባጋ ኤ ኤሬዛኔ አማንዛ አሳይ የ ትምርታ ኦሶል አፋ ፔሾድ ጋርክ ቆንጭሲ ጻፌዛ። Ꮊ ማጻፋይ ጋንጨ ጳዉሎሳ ኩን ኪታይ Ꮊ ቆፋ አይክዛ።
\ip ጳዉሎሳ ኦሮመ ጋንጨ የዝ አማንዛ አስታ ቲናቲ ሳሮ ማቂ፥ ኡንትስ ዎስዛና ኦዴዛይፕ ጉየ ፋ ኪታይስ ባሶ ቆፋ፥ «ዎንግላይድ ጾሳ ጽሎትይ በንቴዛ፤ የ ጽሎትይ ቲናፕ ዉርስ ሄሎዳይስ አማኖር በንቴዛ» ግ ኦድዛ (1:17)።
\ip የይፕ ጉየ፥ የ ቆፋ ዳልግሲ ጻፍዛ። አይሁድታ ማቅን አይሁደ ባ አታ ማቅን ኡቢታይ ናጋራስ ሞድንቴዝታ ማቄዝ ግሾስ ኡንቲ ጾሳር ዳቦቶዳይስ ኮሽዛ። አሳይ ጾሳር ዳቦቶዳይስ ዳንዳእዛይ የሱስ ክርስቶሳና አማኖራ። ኡንቲ ጾሳር መዛ Ꮊ ኦሮ ፐትፐተ ኣፋይ፥ ኦሮ የስ ማቅዛና ጳዉሎሳ ዳልግሲ ኦድዛ። አማንዛ አስ ጾሳር ሳሮ የዛ፤ ማ ጾሳ አያና ባጋር ናጋራፐኔ Ꮊይቆ ዎልቃፕ ከሲ ኤክዛ። ሸምፖ 5-8 ሄሎዳይስ ጳዉሎሳ ጾስ ህጋይኔ አማንዛ አስ የሳል ኦዝ ጾስ አያና ዎልቃ ቆፋይ አብዛኮ ኦድዛ። የይፕ ካሊ፥ ጳዉሎሳ፥ «ጾሳይ አስ ናእታይስ ቆፔዝ ቆፋ ጋንጨ አይሁድታይኔ አይሁደ ባ አሲ ዋይዚ ዎላ ዋጽንቶዳይስ ዳንዳኤ?» ዬግዝ ኦይቻይስ ማህ እማዳይስ ቡትቴዛ።
\ip ማ አይሁድታይ የሱሳ ኤካም እጼዛይ ጾስ ቆፋ ማቄዛና ኦድዛ። የይ ሀኔዛይ የሱስ ክርስቶሳ ባጋር ቆንጭሴዝ ኣ ኬሄትይ ጋንጨ አስ ኮች ኡባይ ኤኮዳይ ጋርከ። ማቆዝን፥ አይሁድታይ የሱሳ ኤኮድ ዎደ የኦዳና ጳዉሎሳ አማንዛ። ዉርሰል ጳዉሎሳ አማኖር ዋይዚ የዞዳይስ ቤዝዛኮ ኦድዛ። ጾስስ ኦ ባጋ፥ አማንዛ አሳይ ፋ ቢታስኔ አሳይስ ዎል ጋንጨ ፐታይ ፐታይስ የዝ አደትር ኦድባዝኔ ካሃ ባጋር መንትዛ ኦይችታይ ባጋ ፓዲ ኦድዛ።
\iot ኦሮመ ኪታይ አይኬዝ ቆፍታ
\io1 ገሎ \ior 1:1-15 \ior*
\io1 ኦሮመ ኪታ ኩስተ ቆፋ \ior 1:16-17 \ior*
\io1 አስ ናአስ አቶት ኮሽዛ ባዝ \ior 1:18—3:20 \ior*
\io1 ጾሲ አስ አሽዛ ኦገ \ior 3:21—4:25 \ior*
\io1 ክርስቶሳር በንትዝ ኦሮ ደኦ \ior 5:1—8:39 \ior*
\io1 እስሬለስ ጾስ ቆፋ \ior 9:1—11:36 \ior*
\io1 አማንዛ አስ የስ \ior 12:1—15:13 \ior*
\io1 ኩስተ ቆፋኔ ሳሮ \ior 15:14—16:27 \ior*
\ie
\c 1
\p
\v 1 የሱስ ክርስቶሳ አይለ ማቄዝ፥ ሀዋረ ማቃዳይስ ጼግንቴዛይፐኔ ጾሳ ዎንግለ ሳባኮዳይ ጋርክ ሻክንቴዝ ጳዉሎሳ ኪቴዝ ኪታ።
\p
\v 2 ጾሳይ ጋመ ዎደፕ ቲና ፋ ናብታይ ባጋር እማድ ጌዝ ጾስ ዎንግላይ ጌሻ ማጻፍታይድ ጻፍንቴዛ። 
\v 3 የ ዎንግላይ አሾር ዳዉተ ሼሻፕ የልንቴዝ፥ ጾስ ናአ፥ ኑ ጎዳ የሱስ ክርስቶሳ ባጋ ኦድዛ። 
\v 4 ማ ኤ ፋ ጌሻ አያናር Ꮊይቆፕ ደንዲ፥ ጾስ ናአ ማቅዛና ዳማ ዎልቃር ቤዜዛ። 
\v 5 ኤ ባጋር አይሁደ ባዝታይ ኡቢታይ፥ አማኒ ኪትንቶድ ጋርክ ክርስቶሳ ሱንይ ግሾስ ጾሳይ ኣ ኬሃትር ሀዋረት ማዉተ ኑስ እንጌዛ። 
\v 6 የሱስ ክርስቶሳስ ማቃድ ጋርክ ጼግንቴዝታይፕ ባግታይ ይንታና።
\p
\v 7 ኦሮመ ጋንጨ የዝ፥ ጾሳይ ቃዝታይስኔ ኤ ጌሽ ዎያ ማቃድ ጋርክ ማራጼዝታይስ፦
\p ጾሳ ኑ አዳይፐኔ ጎዳ የሱስ ክርስቶሳፕ ኣ ኬሄትኔ ሳሮትይ ይንትስ ማቆ።
\s1 ፓዉሎሳ ኦሮመ አሳ በአዳይስ አሞት የዛ
\p
\v 8 ኡባፕ ቲናቲ፥ ይ አማናይ ቢታ ኡባይል ስንቴዝ ግሾስ የሱስ ክርስቶስ ባጋር ይ ግሾስ ታ ጾሳ ጋላትዛ። 
\v 9 ታኒ ኤ ናአይ ዎንግላይ ባጋ ኩን ዎዝናር ኦድዛ ጾሳይ፥ ታኒ ታ ዎሳይድ ኡባ ዎደ ይንታን ቆፕዛይስ ኤ ማርካ። 
\v 10 ዉርስል፥ ጾስ ሸነ ማቅኮ፥ ታኒ ይንትኮ Ꮊማዳይስ ኦጋይ ታስ ኡሻቾድ ጋርክ ኡባ ዎደ ዎስዛ። 
\v 11 ታኒ ይንትስ አያና እሞት ሻጎዳይስኔ ይንታን በአዳይስ ላሞትዛ። 
\v 12 የይካ፥ ታኒ ይ አማናይር፥ ማ ይ ታ አማናይር ሚንጎዳይ ጋርከ።
\p
\v 13 ታ እሹን፥ ታኒ አይሁደ ባ አሳይፕ ኣፈ ደንጌዛይ ጋርክ፥ ይንታፐካ ኣፈ ደንጎዳይስ ይንትኮ Ꮊማዳይስ ቆፔዛ፥ ዝን ታና ካዬዛ።\x - \xo 1:13 \xo*\xt ሀዋ. ኦ. 19:21\xt*\x* 
\v 14 ግርኬ አሳይስኔ ታማረካ አሳይስ ማ ኤጭታይስኔ ቦዝታይስ ታስ አጮ የዛ።
\p
\v 15 የይ ግሾስ፥ ኦሮመ ጋንጨ የዝ ይንትስካ ዎንግለ ኦዶዳይስ ታ አሞትዛ።
\s1 ዎንግለ ዎልቃ
\p
\v 16 ዎንግላይር ዬላታም፥ ቲናቲ አይሁደ፥ ኤዛይፕ ግርኬ አሳይስ አማንዝታ ኡባ አሾዳይስ ዎንግላይ ጾስ ዎልቃ።\x - \xo 1:16 \xo*\xt ማር. 8:38\xt*\x* 
\v 17 ጽሎ አማኖር ደኦ የዞዳ ግንትንቲ ጻፍንቴዛ። ጾስ ጽሎትይ በንቴዛ፤ ቲናፕ ዉርስ ሄሎዳይስ አሲ ጽልዛይ አማኖራ።\x - \xo 1:17 \xo*\xt እብራ. 2:4\xt*\x*
\s1 ኢታት
\p
\v 18 ቱማይ ኤርንታም ጋርክ ፋ ኢታ ኦሶር ካይዛ አሳል አፋኔ ናጋራ ኡባይል አፋ፥ ጾስ ሴራ ሳሎፕ ዎዛ። 
\v 19 ጾሳይ ኡንትስ በንቶዳይስ ቤዝዛ ባዝ ቆንጭሴዝ ግሾስ ኡንቲ ጾስባዝ ኤርዛ። 
\v 20 አላመ መንቴዛይፕ አይኪ፥ አስስ በንቶዋ ጾስ ሀኖታ፥ የይካ ኤ መና ዎልቃኔ ጾሳትይ ኤ መትይር በንቲ የዛ ግሾስ አሳይ ፋ ኢታትስ ሳላምቦድባዝ ባያ።
\p
\v 21 ኡንቲ ጾሳ ኤርታር፥ ኤዛ ቦንቼካያኔ ጋላተካያ። ኡ ቆፋይ ማዶዋ ባዝ ማቄዛ፤ ኡ አካኮዋ ዎዝናይ ሜዛ።\x - \xo 1:21 \xo*\xt ኤፍ. 4:17-18\xt*\x* 
\v 22 ኡንቲ ፋና ኤጭታ ግዛ፥ ዝን ቦዝታ። 
\v 23 ቦዋ ጾሳ ጎይኖዳና አሺ፥ Ꮊይቅዝ አስ ምስለ፥ ካፍታይ ምስለ፥ ዶእታይ ምስለኔ ኡሎር ጎችንትዛ ባዝታ ኣዝሲ ኦዝ ምስልታ ጎይኔዛ።\x - \xo 1:23 \xo*\xt ናምእ. 4:16-18\xt*\x*
\p
\v 24 የይ ግሾስ፥ ኡንቲ ፐታይ ፐታይር ቦርሶ ባዝ ኦ፥ ፋ ጋላ ቶቾድ ጋርክ ጾሳይ ኡንታን ኡ ዎዝናይ አሞትዝ ቱና ኦሶስ ኣ እንጌዛ። 
\v 25 የይ ሀኔዛይ ኡንቲ ጾስ ቱሮት ዎርዶር ላሜዝ ግሾኔ መዝ ጾሳ አሺ፥ መት ጎይኔዝ ግሾስ። ጾሳይ መናስ ጋላትንቴዛያ። አምንኤ።
\p
\v 26 የይ ግሾስ፥ ጾሳይ ኡንታን ኡ ቦርሶ አሞትይስ ኣ እንጌዛ። ኡ ማችታይ ፓስ ቤዝዛ ራር አቆዳ አሺ፥ ቤዞዋ ባዝ ሀኒ ማቺ ማቻር ዎላ አቄዛ። 
\v 27 የይ ጋርክ፥ ራታይ ፓስ ቤዝዛ ማቻር አቅዛ አሺ፥ ራ ራር ዎላ አቄዛ። ራ ፐታይ ፐታይር አሞትር ጹግንቲ፥ ቦርሶ ባዝ ኦዛ። ፋ ኦዝ ቡታይስ ቤዝዛ ፕርደ ኤኬዛ።
\p
\v 28 ኡንቲ ጾሳ ኤሮዳይስ እጼዝ ግሾስ ቤዞዋ ባዝ ኦድ ጋርክ ጾሳይ ኡ ካሃ ፓም ቆፋስ ኣ እንጌዛ። 
\v 29 ኡንታር ዡጫት፥ ኢታት፥ ኡዛት፥ ገነ፥ ቅናተ፥ ሸምፖ ዎ፥ ፓላማ፥ ዶሻኔ ኢታ አሞ ኩሜዛ። ኡንቲ ዝግርዝታ፥ 
\v 30 አስ ሱን ኢስዝታ፥ ጾስ እጽዝታ፥ ጫዥዝታ፥ ኡትርትዝታ፥ ጬቅንትዝታ፥ ኢታ ባዝ ኦዳይስ ኮይዝታኔ ፋ እንድስኔ ፋ አዴስ ኪትንቶዝታ፥ 
\v 31 አካኮዝታ፥ ጫቆ መንዝታ፥ ሲቆ ባዝታ፥ ቃ ባዝታ። 
\v 32 የይትታይ ጋርክ ኦዝታይስ Ꮊይቆ ቤዝዛ ግዝ ጾሳ ህገ ኤርታር፥ Ꮊይትታ ኦዛ። ኡ ፓስ ኦሶ ኣዳ ባዝን ኦዛ Ꮊንክታካ ሳቢዛ።
\c 2
\s1 ጾስ ጽሎ ፕርደ
\p
\v 1 የይ ግሾስ፥ ነኖ ሀራ አሳል አፋ ፕርድዛዮ፥ ኔኒ ሳንከ ሽሽዛባዝ ባያ። ኔኒ ሀራ አሳል አፋ ፕርድታር፥ የ ነ ፕርድዛ አይ ጋርክ ኦኮ፥ ነ፥ ኔል አፋ ፕርድዛ።\x - \xo 2:1 \xo*\xt ማቶ. 7:1፤ ሉቃ. 6:37\xt*\x* 
\v 2 የይ ጋርክ ኦዝታይል አፋ ጾሲ ጽሎ ፕርዳ ፕርድዛ ኑ ኤርዛ። 
\v 3 ነኖ፥ የይ ጋርክ ኦሶ ኦዝታይል አፋ ፕርድዛዮ፥ ኡንቲ ኦዛኒ ጋርክ ኦዛዮ፥ ኔኒ ጾስ ፕርዳፕ አቶድባዝ ኣዝኔ? 
\v 4 ዎይ ጾስ ኬሄት፥ ጋርዦኔ ዳንዳአ ዱረት ነ ለቅኔ? ጾሲ ኔስ ኬሄዛይ ነና ናጋራፕ ማሆዳይስ ማቅዛና ኤሮሳኔ?
\p
\v 5 ዝን ይንትስ ምኖኔ ማሮተ ገሎዋ ዎዝና የዛ። የይ ግሾስ፥ ጾስ ሴራይኔ ጽሎ ፕርዳይ በንትዝ ጋላስ፥ ኔል አፋ ፕርዳይ ኩሮድ ጋርክ ኡድዛ። 
\v 6 ጾሳይ ፐታይስ ፐታይስ ኤ ኦሳት ጋርክ እማዳ።\x - \xo 2:6 \xo*\xt ማዝ. 62:12፤ ኣዝ. 24:12\xt*\x* 
\v 7 ሎኦ ኦሶር ሚንጊ፥ ጋላታ፥ ቦንቾኔ ቦዋ ደኦ ኮይዝታይስ ጾሳይ መና ደኦ እማዳ። 
\v 8 ዝን ፋና ሲቅዝታ፥ ቱማ እጽዝታኔ ኢታ ባዝ ኦዳይስ ኮይዝታይል አፋ ጾስ ሴራኔ ጋዶ የኦዳ። 
\v 9 ኢታ ባዝ ኦዝ አስ ኡብታ፥ ቲናቲ አይሁድታ፥ ኤዛይፕ ግርኬ አሳ መቶኔ ኡንአ ሄሎዳ። 
\v 10 ዝን ጾስ ሎኦ ኦሶ ኦዝ ኡባይስ፥ ቲናቲ አይሁድታይስ፥ ካሊ ግርኬስ ጋላታ፥ ቦንቾኔ ሳሮት እማዳ። 
\v 11 ጾሳይ አስ ኣፈ ብኢ ሻኮያ።\x - \xo 2:11 \xo*\xt ናምእ. 10:17\xt*\x*
\p
\v 12 ህገ ባ ናጋራ ኦዝ ኡቢታይ ህገ ባ ቦድ። ህገ የዝን፥ ናጋራ ኦዝ ኡባይ ህገር ፕርድንቶዳ። 
\v 13 ጾስ ቲና ጽልዝታይ ህገ ናግዝታይፕ አትን ህገ ስስ ኣዳ ስእዝታ ባያ። 
\v 14 ህገ ባ አይሁደ ባ አሳይ መር ህገ ኪትዛ ኦዛ። ኡንትስ ህጋይ ባ እጽኮካ ኡንቲ ፋ ዎዝናር ህገ ኤርዛ። 
\v 15 ኡ ሀኖታይ፥ ህገ ኪታይ ኡ ዎዝናይድ ጻፍንቴዛና ቤዝዛ። ማ ኡ ካሃይ ኡንታል አፋ ማርካትዛ። ኡ ቆፋይ ፐቲ ፐቲ ቶኬ ኡንታል ቡታ ግ ሞትዛ፤ ፐቲ ፐቲ ቶኬ ኡንታን ሉለ ግዛ። 
\v 16 ታ ታማርሴዝ ዎንግለ ጋርክ ጾሳይ የሱሳ ክርስቶሳ ባጋር አስ ዎዝና ጋንጨ ቆስንቴዝ ቆፋ ፕርድዛ ዎደ የይ ኤርንቶዳ።
\s1 አይሁድታኔ ኡ ህገ
\p
\v 17 ዝን ነ ነና አይሁደ ግዛ፤ ህገል ካትዛ፤ ጾሳር የዝ የሳይድ ነ ጋይርዛ። 
\v 18 ነ ኦድ ጋርክ ጾሲ ኮይዝ ባዝ አብዛኮ ኤርዛ። ህገ ታማሬዝ ግሾስ ቱማ ማቅዝባዝ ሻጊ ኤርዛ። 
\v 19 ኔኒ ቶእታ ካልዛ፥ ማ ማ የዝታይስ ፖኦ ማቅዛና ሻኪ ኤርዛ። 
\v 20 ኔኒ ህጋይፕ ደንጌዝ ኤረትይራኔ ቱማትይር ቦዝታ ኤርስዛኔ ዱድታ ታማርስዛ ማቅዛና ኤርዛ። 
\v 21 የዝን፥ ነ ሀራ አስ ታማርስዛይ ነ ነና አብስ ታማርሶሳ? ኔኒ፥ «ካስትፐ» ግ ሳባክታር፥ ኔኒ ነ ኡባስ ካስትኔ? 
\v 22 ኔኒ፥ «ላምፐ» ጊታር፥ ኔኒ ነ ኡባስ ላምኔ? ኔኒ ኤቃ እጽታር፥ ኤቃር የዝ ካራ ቦንቂኔ? 
\v 23 ኔኒ ጾስ ህጋይድ ጬቅንትዛ፥ ዝን ህጋይስ ኪትንታም እጺ ጾሳ ዬላኔ? 
\v 24 ጌሻ ማጻፋይድ፥ «ይ ሳንከር ጾሳ ሱንይ አይሁደ ባ አሳይር ጫዥንትዛ» ግንትንቲ ጻፍንቴዛ።\x - \xo 2:24\xo*\xt ኢሳ. 59:7-8\xt*\x*
\p
\v 25 ነ ህገስ ኪትንትኮ፥ ነ ዶካልንታይ አድዛ፥ ዝን ኔኒ ህገስ ኪትንታም እጽኮ ነ ዶኮልንተካዛይ ጋርክ ማቅዛ። 
\v 26 አይሁደ ማቀካ አስ ዶካልንተካ የዛር፥ ህገስ ኪትንትኮ፥ ጾሳይ ኤዛ ዶካልንቴዝ ጋርክ ፓይዶሳ? 
\v 27 ይ፥ አይሁደ አሳይ፥ ይንትስ ጻፍንቴዝ ህጋይኔ ዶኮልንቲ የዝን፥ ይ ህገስ ኪትንታም እጽኮ፥ አይሁደ ባ አሳይ ዶካልንታም እጽኮካ ህገስ ኪትንቲ፥ ይንታል አፋ ፕርዶዳ።
\p
\v 28 ይኬ፥ ሱንር አይሁደ ማቄዝ ኡቢታይ ቱማ አይሁደ ባያ። በንትዝ አሾ ዶካልንታይ ቱማ ዶኮልንቶ ባያ። 
\v 29 ዝን ቱማ አይሁደት ጋንጨ ባጋር አይሁደ ማቅዛ። ቱማ ዶካልንታይ ጾስ አያናር ሀንዝ ዎዝና ዶካልንቶፕ አትን ጻፍንቴዝ ህጋይድ ሀንዝ ጋላ ጋቾ ባያ። የ አይ ጋላታ ጾሳፕ ኤክዛፕ አትን አሳፕ ባያ።\x - \xo 2:29 \xo*\xt ናምእ. 30:6\xt*\x*
\c 3
\s1 አይሁድታይ አማኖ እጾ
\p
\v 1 የዝን፥ አይሁደት አብስ ማዴ? ዎይ ዶካልንቶስ አባ ማዴ የኔ? 
\v 2 ቱማ አይሁደ ማቅይ ጋመ ኦገር ማድዛ። ኡባፕ ቲን ጾሳይ ፋ ቃላ ሀዳራ አይሁድታይስ እንጌዛ።
\p
\v 3 የዝን፥ ኡንታፕ ፐታይ ፐታይ ቃላ አማናም እጽኮ፥ ኡ እጻይ ጾስ ጌሸት ካይነኔ? 
\v 4 ካዮያ! አስ ኡባይ ዎርዶ ማቅኮካ ጾሳይ ቱማ ማቆ። ጌሻ ማጻፋይድ፥
\q1 «ነቃላይር ነ ጽሎዳ፤
\q2 ነና ሞትዛና ፕርዳር ላዳ»
\m ግንትንቲ ጻፍንቴዛ።\x - \xo 3:4 \xo*\xt ማዝ. 51:4\xt*\x*
\p
\v 5 የዝን፥ ኑ ዎርዣይ ጾሳይ ጌሻ ማቅዛና ቤዝዛ ባዝ ማቅኮ፥ ኑ ዋጎዴ? ጾሳይ ኑ ናጋራ ግሾስ ኑል አፋ ፕርድኮ፥ ሉሎ ባሳኔ? Ꮊያ ታኒ አስ ቆፋ ጋርክ ግዛ። 
\v 6 የያ ባያ። የይ ጋርክ ሀንኮ፥ ጾሲ Ꮊ አላማይል አፋ ዋይዚ ፕርዶደ?
\p
\v 7 ዝን ታ ዎርዶትይ ጾስ ቱማ ቆንጭሲ፥ ኤ ቦንቻ ዳምሲ ቤዝዛ ባዝ ማቅኮ፥ የዝን፥ አብስ ታል አፋ ናጋራንቾ ጋርክ ፕርድኔ? 
\v 8 ፐቲ ፐቲ አሳይ፥ «ሎኦ ባዝ የኦድ ጋርክ ኢታ ኦዛ» ዬጊ ታማርስዛይ ጋርክ ኡዲ ታና ሞትዛ። የይ ጋርክ አሳል ይእዛ ጾስ ፕርዳይ ቤዝዛያ።
\s1 ጽሎ ፐታካ ባያ
\p
\v 9 የዝን፥ ኑኒ ዋጎዴ? ኑ ኣኔ? የያ ባያ! አይሁደ ማቅን፥ ግርኬ ማቅን ኡቢታይ ናጋራ ኦሞ የዛና ታኒ ቲናቲ ይንትስ ኦዴዛ።
\p
\v 10 ጌሻ ማጻፋይድ፥
\q1 «ጽሎ አስ ፐታካ ባያ።\x - \xo 3:10-12 \xo*\xt ማዝ. 14:1-3፤ 53:1-3\xt*\x*
\q1
\v 11 አካክዛ አስ ባያ፥
\q2 ጾስ ኮይዝ ኦንካ ባያ።
\q1
\v 12 ኡቢታይ ባልንቴዛ ፐትፐ አዶዝታ ማቄዛ ሃዮት ኦዛይ ባያ።
\q2 ፐቲ አስካ ባያ።
\q1
\v 13 ኡ ዶናይ ዶይንቴዝ ዱፎ፥
\q2 ፋ እራንይር ዶሽዛ።
\q1 ኡ ዶናይፕ፥
\q2 ሾሺ ማርዘ ከዝዛ።\x - \xo 3:13 \xo*\xt ማዝ. 5:9፤ 140:3\xt*\x*
\q1
\v 14 ኡ ዶናይድ ጫሞ ኦዳኔ ባድ ኩሜዛ።\x - \xo 3:14 \xo*\xt ማዝ. 10:7\xt*\x*
\q1
\v 15 ኡ ቶካይ ሱ ላሎዳይስ ኤልስዛ።\x - \xo 3:15-17 \xo*\xt ኢሳ. 59:7-8\xt*\x*
\q1
\v 16 ኡ ኦጋይድ ቦኔ ዳቡርስ የዛ።
\q1
\v 17 ኡንቲ ሳሮት ኦገ ኤሮያ።
\q1
\v 18 ፋ የሳይድ ጾስስ ያሽቶያ»
\m ግንትንቲ ጻፍንቴዛ።\x - \xo 3:18 \xo*\xt ማዝ. 36:1\xt*\x*
\p
\v 19 አስ ኡባ ዶና አይዳይስኔ አላማ ሙመር ጾስ ፕርደፕ ኦሞር ሺሾዳይስ፥ ህገ እንግንቴዛይ ህገፕ ኦሞ አቅዝታይስ ማቄዛና ኑ ኤርዛ። 
\v 20 የይ ግሾስ፥ ኦንካ ህገስ ኪትንቲ ጾስ ቲና ጽሎዳይስ ዳንዳኦያ። ህገ አስ ኡቢታይ ናጋራንቾ ማቄዛና ቤዝዛ።\x - \xo 3:20 \xo*\xt ማዝ. 143:2፤ ጋላ. 2:16\xt*\x*
\s1 ጽሎት አማኖራ
\p
\v 21 ዝን Ꮊት ህገኔ ናብታይ ማርካቴዝ ጾስ ጽሎትይ ህገ ባዝን ቆንጬዛ። 
\v 22 Ꮊ ጽሎት፥ ጾስ የሱስ ክርስቶሳ አማኖ ባጋር አስ ኡባስ ሻኮ ባዝን እንግዛ።
\p
\v 23 አሲ ኡባይ ናጋራ ኦዛ፤ ጾሲ ኡንትስ እንጌዝ ቦንቻይፕ ፋጨዛ። 
\v 24 ዝን ኡንቲ ጾስ ኣ ኬሃትር፥ ዎዝዛ ክርስቶስ የሱሳ ባጋር ጨር ጽሌዛ። 
\v 25 ጾሳ የሱስ ክርስቶሳ ያርሾ ኡዲ እንጌዛይ፥ ኤዛ አማንዛ ኡቢታይ ኤ ሱይር ናጋራ ማሮት ደማድ ጋርከ። ጾሳይ የያ ኦዛይ ፋ ዳንዳአይር ቲን ናጋራ ታይበካ አሺ፥ ፋ ጽሎት ቤዞዳይስ። 
\v 26 Ꮊ ዎዳይድ የሱሳ አማንዛ ኡባ ጽልሶር፥ ጾሳይ ፋ ኡባስ ጽሎ ማቄዛና ቤዝዛ።
\p
\v 27 የዝን፥ ኑ ጬቅንታይ አባ የኔ? የይካ አቴዛ። ኑኒ ጬቅንትዛይ ህገስ ኪትንትዛ ግሾኔ? ዋኣ! አማኖ ህገራፕ አትን። 
\v 28 ጾሲ አስ ጽልስዛይ አማኖራፕ አትን ህገ ናጎር ባዛና ኑ ኤርዛ።
\p
\v 29 ዎይ ጾሳይ አይሁድታይስ ኣዳ ጾሶኔ? አይሁደ ባዝታይስ ጾስ ባሳኔ? ቱማ፥ አይሁደ ባዝታይስካ ኤ ጾሰ። 
\v 30 ጾሲ ፐቶ፤ አይሁድታኔ አይሁደ ባዝታይስካ አማኖር ጽልስዛይ ኤዛ።\x - \xo 3:30 \xo*\xt ናምእ. 6:4፤ ጋላ. 3:20\xt*\x* 
\v 31 የዝን፥ ኑኒ ህገ አማኖ ግሾስ ሻሮዳ ጉሶኔ? የያ ባያ! ህገ ምንዳይፕ አትን።
\c 4
\s1 አፍራመ አማኖር ጽሌዛ
\p
\v 1 የዝን፥ ኑ አሾ አደ አፍራመ አብ ደንጌኔ? 
\v 2 አፍራመ ኦሶር ጽሌዝባዝ ማቄዛኮ፥ ኤ ጬቅንትዛባዝ የዛ፥ ማቆዝን፥ ጾስ ቲና ጬቅንቶዳይስ ዳንዳኦያ። 
\v 3 ጌሻ ማጻፋይ፥ «አፍራመ ጾሳ አማኔዛ፤ ጾሳይ የያ ኤዝስ ጽሎት ኡዲ ኤኬዛ» ዬጌዛ።\x - \xo 4:3 \xo*\xt መ. 15:6፤ ጋላ. 3:6\xt*\x*
\p
\v 4 ኦዛ አይ ኤክዛ ዳሞዛይ፥ ኤ ኦሶ ዎልቃስ ጭግንትዛ አጮፕ አትን ኤዝስ እሞታ ባያ። 
\v 5 ዝን ኦሶ ኦዋ ኦንካ ናጋራንቻና ጽልስዛ ጾሳ አማንኮ፥ ኤ አማናይ ኤዝስ ጽሎት ማቂ ፓይድንትዛ። 
\v 6 ጌሻ ማጻፋይድ ዳዉተ፥ ኦሶ ባዝን ጾሲ ጽልስዛ አይ አብ ጋርክ አንጅንቴዛኮ Ꮊይ ጋርክ ዬጊ ቆንጭሲ ቤዝዛ፦
\q1
\v 7 «ኡ ቡታይ አቶ ግንትንትዝታይኔ
\q2 ኡ ናጋራይ ኡጭንቴዝታይ አንጅንቴዝታ።\x - \xo 4:7-8 \xo*\xt ማዝ. 32:1-2\xt*\x*
\q1
\v 8 ጎዳይ ኤ ናጋራ ፓይደካ አሲ አንጅንቴዛያ»
\m ዬጌዛ።
\p
\v 9 የዝን፥ ዳዉተ ኦዴዝ አንጆ ዶካልንቴዝ አስ ኣዳሶኔ? ዎይ ዶካልንተካ አስሶ? ኑኒ፥ «ጌሻ ማጻፋይ፥ አፍራመ ጾሳ አማኔዛ፤ ጾሳይ የያ ኤዝስ ጽሎት ኡዲ ኤኬዛ ዬጌዛ»። 
\v 10 የዝን፥ የይ አይደ ሀኔ? አፍራመ ዶካልንትነኔ? ዎይ ዶካልንተካ የዝን? ዶካልንቶዳይፕ ቲን ሀኔዛፕ አትን ጉየ ባያ።
\p
\v 11 አፍራመ ዶካልንቶዳይፕ ቲና ኤ አማናይ ኤዝስ ጽሎት ማታመ ማቂ ፓይድንቴዛና ኤርሶዳይስ፥ ኤ ዶካሎስ ማላ ማቄዛ። የይ ግሾስ፥ አፍራመ ዶካልንተካ አማንዝታይስኔ አማኖር ጽልዝታይስ ኡቢታይስ አደ ማቄዛ።\x - \xo 4:11 \xo*\xt መ. 17:10\xt*\x* 
\v 12 ኤ ዶካልንቴዝታይስካ አደ። አፍራመ ኡንትስ አደ ማቄዛይ ኡንቲ ዶካልንቴዝ ግሾስ ኣዳ ባዝን ኤ ዶካልንቶዳይፕ ቲን አማኔዝ አማና ኡንቲ ካሌዝ ግሾስ።
\s1 ጾስ ኡፋይሳይ አማኖር ኤክንትዛ
\p
\v 13 አፍራመስኔ ኤ ሼሻይስ፥ «አላመ ታ ይንትስ እማድ» ዬጌዝ ኡፋይሳይ፥ አፍራመ አማኖር ጽሌዝ ግሾስፕ አትን ህገ ናጊ ፖሌዝ ግሾስ ባያ።\x - \xo 4:13 \xo*\xt መ. 17:4-6፤ 22:17-18፤ ጋላ. 3:29\xt*\x* 
\v 14 ህገስ ኪትንቴዝታይ ጾሳይ እማድ ጌዝ ኡፋይሳ ኤክዝታ ማቅኮ፥ አስ አማኖ ጨረ፤ ጾስ ኡፋይሳይካ ሻርንቴዛ።\x - \xo 4:14 \xo*\xt ጋላ. 3:18\xt*\x* 
\v 15 ህገ መን ጾስ ካች ክእዛ፥ ዝን ህገ ባ አቆ ህገ መንካ ባያ።
\p
\v 16 የይ ግሾስ፥ ጾሲ እንጌዝ ኡፋይሳይ አማኖር ኤክንትዛ። Ꮊ ኡፋይሳይ አፍራመ ሼሽ ኡባስ ጾስ ኣ ኬሄት ባጋር እንግንቴዛና ቤዝዛ። የይካ ህገ ናግዝታይ ኣዳስ ባዝን አፍራመ ጋርክ አማኔዝ ኡቢታይስ። አፍራመ ኑ ኡባይስ አደ።\x - \xo 4:16 \xo*\xt ጋላ. 3:7\xt*\x* 
\v 17 ጌሻ ማጻፋይድ፥ «ታ ነና ጋመ ዎይታይስ አደ ማሄዛ» ግንትንቲ አፍራመ ግሾስ ጻፍንቴዛ። Ꮊ ኡፋይሳይ አፍራመስ እንግንቴዛይ Ꮊይቄዝታይስ ደኦ እንግዛይኔ ኦሮባዝ ኦዛ ጾሳይ ኤዛ ማቅዛና ኤ አማኔዝ ግሾስ።\x - \xo 4:17 \xo*\xt መ. 17:5\xt*\x*
\p
\v 18 ጾሳይ አፍራመስ ጋመ ዘር እማዳና ጫቄዛ። ኡፋይስ ኦዳይስ አብካ ዳንዳእንቶዋ ዎደ አፍራመ ጾሳ አማኔዝ ግሾኔ ኡፋይስ ኦዝ ግሾስ ጋመ ዎይታይስ አደ ማቄዛ።\x - \xo 4:18 \xo*\xt መ. 15:5\xt*\x* 
\v 19 አፍራመስ ጼት ላይ ኩሞድ ሀንኮካ፥ ዳቡሬዝ ራትኔ ሳራ ናአ የሎዳይስ ዳንዳኦዛ ኤርታር ፋ አማናይር ዳቡረካያ።\x - \xo 4:19 \xo*\xt መ. 17:17\xt*\x*
\p
\v 20 ማቆዝን፥ ኤ ፋ አማናይር ሚንጊ ጾሳይስ ቦንቾ እንጌዛፕ አትን ጾሳይ እንጌዝ ኡፋይሳ አማናም እጺ፥ ስካያ። 
\v 21 አፍራመ፥ ጾሳይ ጫቄዝ ጫቃ ፖሎዳና ፋ ኩን ዎዝናር አማኔዛ። 
\v 22 የይ ግሾስ፥ ጾሲ ኤ አማና ጽሎት ኡዲ ፓይዴዛ።
\p
\v 23 ዝን፥ «ኤዝስ ጽሎት ታይቤዛ» ግዝ ቃላይ አፍራመ ኣዳስ ጻፍንተካያ። 
\v 24 የ ቃላይ ኑ የሱሳ Ꮊይቆፕ ደንዝ ጾሳ አማንዛ ኑስካ ኑ አማኖ ጽሎትር ታይብንቶዳይ ጋርክ ጻፍንቴዛይ 
\v 25 ኑ ናጋራ ግሾስ Ꮊይቆስ አ እንጌዛ፤ ኤ ኑና ጽልሶዳይስ Ꮊይቆፕ ደንዴዛ።\x - \xo 4:25 \xo*\xt ኢሳ. 53:4-5\xt*\x*
\c 5
\s1 ጾሳር የዝ ሳሮት
\p
\v 1 ይኬ፥ ኑ አማኖር ጽሌዝ ግሾስ ኑ ጎዳ የሱስ ክርስቶሳ ባጋር ጾስ ባጋር ኑስ ሳሮት አይኮዳ። 
\v 2 ኑኒ ኤ ባጋር Ꮊት ኑ ኤቄዝ ኣ ኬሄትይ ጋንጨ አማኖር ገሌዛ። የይ ግሾስ፥ ኑ ጾሳይ ቦንቻ ሻክንቶዳይስ የዝ ኡፋይሳይር ጬቅንትዛ።
\p
\v 3 የይ ኣዳ ባዝን መቶ ዳንዳአ ክእዛና ኑ ኤርዛ ግሾስ ኑ መቶ ጋንጨራካ ጬቅንትዛ። 
\v 4 ዳንዳአ ፋጨ ጋንጨ ጋርዦ ጋርዦካ ኡፋይስ እንግዛና ኑ ኤርዛ። 
\v 5 ጌሻ አያናይ ባጋር ጾሳይ ፋ ቃ ኑ ዎዝና ጋንጨ ጋዴዝ ግሾስ የ ኡፋይሳይ ኑና ዬላያ።
\p
\v 6 ኑኒ ሀጋ ዳቡሬዝታ ማቂ የዝን፥ ጾስ ዎደ ሄልን፥ ክርስቶሳ ናጋራ ኦዝታይ ግሾስ Ꮊይቄዛ። 
\v 7 ጌሽ አስ ግሾስ Ꮊይቆድ አስ ዋዪ ደማዳ፥ ዝን ኬሃ አስ ግሾስ Ꮊይቆድ አስ ኦኒ ኤሬ በንተካ አታሚ። 
\v 8 ዝን ኑኒ ሀጋ ናጋራንቾ ማቂ የዝን፥ ክርስቶሳ ኑ ግሾስ Ꮊይቄዛ። ጾሳይ ኑና አብ ጋርክ ቃዛኮ ኤ ቃ ቤዝዛ። 
\v 9 ይኬ፥ ኑኒ ክርስቶሳ ሱይር ጽሌዝባዝ ማቅኮ፥ ኡባይፕ ኣ ኤ ባጋር ጾስ ሴራይፕ አቶዳ። 
\v 10 ኑኒ ቲና ጾሳር ሞርክታ፥ ዝን ኤ ናአይ Ꮊይቆ ባጋር ኤዛር እግንቴዛ። የይፕ ኣ፥ Ꮊት ኑኒ ጾሳር ዳቦቴዝ ኤ ናአይ ደኦ ባጋር ኑኒ አቶዳ። 
\v 11 የይ ኣዳ ባዝን Ꮊት ኑና ጾሳር ዳቦዝ ኑ ጎዳ የሱስ ክርስቶሳ ባጋር ኑ ጾሳር ጬቅንትዛ።
\s1 አዳማኔ ክርስቶሳ
\p
\v 12 ዝን ፐቲ አይ ባጋር ናጋራ Ꮊ አላማ ገሌዛ። የ ናጋራይ ባጋር Ꮊይቆ የኤዛ። አሲ ኡቢታይ ናጋራ ኦዝ ግሾስ Ꮊይቆ አስ ኮች ኡባ ሄሌዛ።\x - \xo 5:12 \xo*\xt መ. 3:6\xt*\x* 
\v 13 ህገ እንግንቶዳይፕ ቲና አላመል ናጋራ የዛ፥ ዝን ህገ ባ ዎደ ናጋራ ናጋራ ማቂ ፓይድንተካያ። 
\v 14 ዝን አዳመፐ ሙሰ ሄሎዳይስ Ꮊይቆ አስ ኡባ ሞዴዛ። ሀራ አቶዝን፥ አዳማ ጋርክ ህገስ ኪትንታም እጺ፥ ናጋራ ኦካዝታይስ ጉጅካ Ꮊይቆ ካዉቴዛ።
\p አዳማ የኦዳይስ የዛይስ ኣዝሶ። 
\v 15 ዝን ጾስ ኣ ኬሃትይ ፐቲ አይ ናጋራይ ጋርክ ባያ። ፐቲ አስ ናጋራ ባጋር ጋመ አሳይ Ꮊይቄዛ። ዝን የሱስ ክርስቶሳ ባጋር ጾስ ኣ ኬሄትይ ጋምታይስ ኣ ጋንጊ እንግንቴዛ። 
\v 16 ፐቲ አይ ናጋራይ ጋንጨኔ ጾስ እሞታይ ጋንጨ ጋመ ዱማት የዛ። ፐቲ አስ ናጋራ ባጋር ጾሲ ፕርዳ ከኤዛ። ዝን አሳይ ጋመ ናጋራ ኦኮካ ጾስ ኣ ኬሄትይ ጽሎት ከኤዛ። 
\v 17 ፐቲ አሳይ ናጋራ ባጋር Ꮊይቆ ካዉቴዛ። ዝን የሱስ ክርስቶሳ ባጋር ፑጬዝ ጾስ ኣ ኬሄትኔ ጽሎት እሞታ ኤክዛ ኡባይ፥ ጋሚ ደኦር የዞዳ።
\p
\v 18 ይኬ፥ ፐቲ አሲ ናጋራ ኦዝ ባጋር አስ ኡባይል አፋ ፕርዳ የኤዛይ ጋርክ ፐቲ አሲ ጽሎ ኦዝ ባጋር፥ ጾስ አስ ኡባ ጽልሲ ደኦ እንጌዛ። 
\v 19 ፐቲ አሲ ኪትንታም እጼዝ ባጋር፥ ጋመ አሳይ ናጋራንቾ ማቄዛይ ጋርክ ፐቲ አስ ኪትንትር ጋመ አሳይ ጽሎ ማቆዳ።
\p
\v 20 አሳይ ናጋራ ዎልቃ ኤሮድ ጋርክ ህገ የኤዛ፥ ዝን ናጋራ ዎልቃይ ጋንጌዝ ዎደ ጾስ ኣ ኬሄትይ ኣ ጋንጌዛ። 
\v 21 ናጋራ Ꮊይቆ ዎልቃር ካዉቴዛይ ጋርክ ጾስ ኣ ኬሄትይ ጽሎት ዎልቃር ካዉቲ፥ ኑ ጎዳ የሱስ ክርስቶሳ ባጋር ኑና መናስ ደኦኮ ካልዛ።
\c 6
\s1 ናጋራስ Ꮊይቂ ክርስቶሳር የስ
\p
\v 1 የዝን፥ ኑኒ ዋጎዴ? ጾስ ኣ ኬሄትይ ጋጎዳይ ጋርክ ናጋራራ ሚንጊ ዎላ የዞደነ? 
\v 2 ዋኣ፥ ኑኒ ናጋራስ Ꮊይቄዝባዝ ማቅኮ፥ የዝን፥ ኑኒ Ꮊይፕ ዋይዚ ናጋራራ የዞዴ? 
\v 3 ኑ ኡቢታይ የሱስ ክርስቶሳር ፐቶ ማቃዳይስ ጻማቅንቲ ኤ Ꮊይቃይድ ኤዛር ፐቶ ማቃዳይስ ጻማቅንቴዛና ኤሮሳ? 
\v 4 ኑ ጻማቅንቴዝ ዎደ ክርስቶሳር Ꮊይቂ ሞግንቴዛ። ክርስቶሳ ጾስ አዳይ ቦንቾ ዎልቃር Ꮊይቆፕ ደንዴዛይ ጋርክ ኑካ ኦሮ የስ የዞዳ።\x - \xo 6:4 \xo*\xt ቆላ. 2:12\xt*\x*
\p
\v 5 ኑ ኤ Ꮊይቃይድ ኤዛር ፐቶ ማቅኮ፥ የይ ጋርከካ፥ ኤ ደንዳይድ ኤዛር ዎላ ፐቶ ማቃዳ። 
\v 6 ኑ Ꮊይፕ ጉየ ናጋራስ አይለ ማቃም ጋርከኔ ኑ ናጋራንቾ አሾ ዎልቃይ ቦድ ጋርክ ኑ ጭማ አሰትይ ክርስቶሳር ሶትንቴዛና ኤርዛ። 
\v 7 ፐቲ አስ Ꮊይቅዝ ባዝ ማቅኮ፥ ኤ ናጋራ ዎልቃፕ ዎዝንቲ ከዝዛ። 
\v 8 ኑኒ ክርስቶሳር Ꮊይቅኮ፥ ኤዛር ደኦ የዞዳና አማንዛ። 
\v 9 ክርስቶሳ Ꮊይቆፕ ደንዴዝ ግሾስ ማቂ ኤ Ꮊይቃምዛኔ Ꮊይቆ ቲናፕ ኤዛ ሞዳምዛና ኑ ኤርዛ። 
\v 10 ኤ Ꮊይቄዝ ዎደ ፐቲ ቶኬ ዉርሲ Ꮊይቄዛ፥ ዝን Ꮊት ደኦ ጾስስ የዝዛ። 
\v 11 የይ ጋርከካ፥ ይ ናጋራስ Ꮊይቂ፥ ጎዳ የሱስ ክርስቶሳ ባጋር ጾስስ ደኦ የዛና ቆፖይታ።
\p
\v 12 የይ ግሾስ፥ ይንቲ፥ ይ አሾ እናስ ኪትንታም ጋርክ Ꮊይቅዝ ይ አሻይል ናጋራ ካዉትፐ። 
\v 13 ማ ይ አባ አሰት ክፍለ ናጋራ ኦዳይስ ዎርዠ ሚሸ ኡዲ እንግፓተ። ዝን ይ Ꮊይቆፕ ደንዲ፥ ደኦ የዛ አስ ጋርክ ይ አሾ ጾስስ እንጎይታ። ማ ይ ኩን አሾ ጽሎ ኦሶ ሚሸ ኡዲ ጾስስ ኣ እንጎይታ። 
\v 14 ይ ጾስ ኣ ኬሄትይ ኦሞር የዛፕ አትን ህገፕ ኦሞር ባ ግሾስ ናጋራ ይንታን ሞዶዳይስ ቤዞያ።
\s1 ጽሎትስ አይለ ማቅ
\p
\v 15 የዝን፥ ኑ ዋጎዴ? ህገፕ ኦሞር ባዝን ጾስ ኣ ኬሄትይ ኦሞር የዛ ግሾስ ናጋራ ዎላ ኦኔ? ዋኣ! 
\v 16 ይ ኪትንቶዳይስ ይንታን አይለ ኡዲ እንግዝ ዎደ የ ይ ኪትንትዛይስ አይለ ማቅዛና ይ ኤርዛ። የይ ጋርከካ፥ ይ ናጋራስ ኪትንትኮ፥ ይንትስ Ꮊይቆ ክእዝ ናጋራስ አይለ ማቅዛ። ዎይ ይ ጾስስ ኪትንትኮ ጽሎት ክእዝ ጾሳይስ አይለ ማቅዛ። 
\v 17 ካሰ ይ ናጋራስ አይለ፥ ዝን Ꮊት ይ ይንታን ኣ እንጌዝ ቱማ ትምርታይስ ኩን ዎዝናፕ ኪትንቴዝ ግሾስ ጾስስ ጋላታ ማቆ። 
\v 18 ይ ናጋራ አይለት አቻፕ ብልንቲ ጽሎትስ አይለ ማቅዛ።
\p
\v 19 ይንቲ ይ ቆፋር ዳቡራ ማቄዝ ግሾስ ታኒ ኦስካ ገልዛ ኦገር ኦድዛ። ካሰ ይንቲ፥ ይ አሰት ክፍለ ኡባ ቱናኔ ኢታ ባዝ ኦዳይስ አይለ ኡዲ እንጌዛይ ጋርክ Ꮊት ይ አሰት ክፍለ ኡባ ጌሽ ማቃድ ጋርክ ጽሎት አይለ ኡዲ እንጎይታ።
\p
\v 20 ይ ናጋራስ አይለቲ የዛ ዎደ ጽሎትስ ሃኮር የዛ። 
\v 21 ይንታን Ꮊት ዬላዛ ቢን ይ ኢታ ኦሳይፕ አባ ኣፈ ደንጌኔ? የይስ ዉርስይ Ꮊይቆ። 
\v 22 ዝን ይ ናጋራ አይለት አቻፕ ብልንት፥ ጾስስ አይለ ማቅዛ። የይ ይንታን ጽሎ ኣፈ አፍስዛ ኤ ዉርስይ መና ደኦ። 
\v 23 ናጋራስ ዳሞዛይ Ꮊይቆ። ዝን ጾሳይ፥ ኑ ጎዳ ክርስቶስ የሱሳ ባጋር እንግንትዛይ መና ደኦ።
\c 7
\s1 ኤኮኔ ገሎ ኣዝሶ
\p
\v 1 ታ እሹን፥ ታኒ ኦድዛይ ህገ ኤርዛ አሳይሲ። ህገ ፐቲ አሲ ፓ የዛ ዎደ ኡባይድ ኤዛ ሞድዛ። 
\v 2 ኣዝሶስ፥ አዝን ገሌዝ አስታ እ አዝናይ ፓ የዛ ዎደ ህገር ኤዛር አጭንቴዛ። ዝን እ አዝናይ Ꮊይቅኮ ኤዛር እዛ ጫቄዝ ጫቃይ እዞ ሞዶያ። 
\v 3 የይ ግሾስ፥ እዛ ፋ አዝናይ ፓ የዝን፥ ሀራ ራ ገልኮ፥ እዛ ላሜዛኖ ግንትትዛ። ዝን እ አዝናይ Ꮊይቅኮ፥ ጫቃይ እዞ ሞዶዋ ግሾስ እዛ ሀራ አዝን ገልኮ፥ እዛ ላሜዛኖ ጊንትንቶያ።
\p
\v 4 የይ ግሾስ፥ ታ እሹን፥ ይ ክርስቶሳ አሾ ባጋር ህገ ዎልቃስ Ꮊይቂ፥ ጾስስ ኣፈ ኣፎዳይስ Ꮊይቆፕ ደንዴዝ ክርስቶሳስ ማቅዛ። 
\v 5 ኑ አሾ አሞ ኑና ሞድን፥ ኑ የዝን ህገ ጉጂ ናጋራ ኦድ ጋርክ ኑና ደንዛ። ኑ አሾ ጋንጨ ኢታ አሞት የዛ ግሾስ ኑኒ Ꮊይቆ ኣፈ ኣፎድ ጋርክ ኦዛ። 
\v 6 ዝን Ꮊት ኑኒ ኑና አጬዝ ህጋይስ Ꮊይቄዝ ግሾስ ኑኒ ህገ አቻፕ ብልንቴዛ። የይ ግሾስ፥ ኦሮዛ አያና ኦገል ጾስስ ኪትንትዛፕ አትን ጻፍንቴዝ ጭማ ህገስ ኪትንታሚ።
\s1 ህገኔ ናጋራ
\p
\v 7 ዬዝን፥ ኑ ዋጎዴ? ህገ ናጋራኔ? የያ ባያ! ዝን ህገ ናጋራ አብዛኮ ታና ኤርሴዛ። ህገ፥ «አሞትፐ» ጎዛኮ፥ አሞት አብዛኮ ታ ኤራምዝኒ።\x - \xo 7:7 \xo*\xt ከስ 20:17፤ ናምእ. 5:21\xt*\x* 
\v 8 ዝን ታ ኡባ ባዝ አሞቶድ ጋርክ ናጋራ ህገ ባጋር ታል ኦገ ደንጌዛ። ህገ ባዛኮ ናጋራ Ꮊይቄዛ።
\p
\v 9 ካሰ ህገ ባ ዎደ ታ ፓ፥ ዝን ህገ እንግንቴዝ ዎደ ናጋራ ፓጽን ታ ማ Ꮊይቄዛ። 
\v 10 ታኒ ደኦር የዞድ ጋርክ ጾሳይ እንጌዝ ህጋይ ታስ Ꮊይቆ ከኤዛ። 
\v 11 ናጋራ ህገ ባጋር ታና ዶሽዛ ኦገ ደንጊ፥ ዎዛ።\x - \xo 7:11 \xo*\xt መ. 3:13\xt*\x*
\p
\v 12 የይ ግሾስ፥ ህገ ጌሺ፤ ኤዛር ጻፍንቴዝ ኪታይካ ጌሺ፥ ጽሎኔ ሎኦ።
\p
\v 13 የዝን፥ ሎኦ ማቄዝ ባዝ ታል አፋ Ꮊይቆ ከኤነኔ? አኣ! ዝን ናጋራ ናጋራ ማቅዛይ በንቶድ ጋርክ ሎኦ ባዛር ማድንቲ ታስ Ꮊይቆ ከኤዛ። የይ ግሾስ፥ ናጋራ ናጋራትይ ህገ ባጋር ኣ ኤርንቴዛ።
\p
\v 14 ኑኒ ህገ አያና ባዝ ማቅዛና ኤርዛ። ዝን ታኒ ናጋራስ ባይዝንቴዝ አሾ ኣሲ። 
\v 15 ታኒ ኦዛባዝ አካኮያ፤ ታኒ ዶስዛባዝ ኦዳና አሺ ታ እጽዛባዝ ኦዛ።\x - \xo 7:15 \xo*\xt ጋላ. 5:17\xt*\x* 
\v 16 ታ እጽዛባዝ ኦዛባዝ ማቅኮ፥ ህገ ሎኦ ማቅዛና ታ ማእዛ። 
\v 17 የያ ማቅኮ፥ የ ኦሳ ታር የዛ ናጋራይ ኦዛፕ አትን ታ ኦያ።
\p
\v 18 ታር፥ የይካ ታ አሾር ሎኦ ባዝ ባዛና ታ ኤርዛ። ሎኦ ባዝ ኦዛ አሞት ታር የዛ፥ ዝን ሎኦ ባዝ ኦዳይስ ዳንዳኦያ። 
\v 19 ታኒ እጽዛ ኢታ ባዝ ኦዛፕ አትን ታ ቃዛ ሎኦ ኦ ባያ። 
\v 20 ታኒ እጽዛባዝ ኦዛባዝ ማቅኮ፥ የያ ታር የዛ ናጋራይ ኦዛፕ አትን ኦዛይ ታና ባያ።
\p
\v 21 ይኬ፥ ታ ሎኦ ባዝ ኦዳይስ ዶሶዳር፥ ኢታ ባዝ ኦሶ ህገ ማቅዛና ደንጌዛ። 
\v 22 ታኒ ታ ዎዝናር ጾስ ህጋይድ ኡፋይትዛ። 
\v 23 ዝን ታ አሾ ጋንጨ የዛ ታ ካሃ ህገር ኦልንትዛ ዱማ ህገ ብእዛ። የ ህጋይ ታ አሾ ጋንጨ ኦዛ ናጋራ ህገስ ታና ድኢ አይለ ኡዴዛ። 
\v 24 ታኒ ዋይዚ ሶንቄዝ አሶ? Ꮊይቆስ ካንግዝ Ꮊ አሳትይፕ ታና አሾዳይ ኦኖ? 
\v 25 ኑ ጎዳ የሱስ ክርስቶሳ ባጋር ጾስስ ጋላታ ማቆ።
\p ይኬ፥ ታኒ ታ ቆፋር ጾስ ህገስ ሞድንቴዛ፤ ዝን ታ አሻይር ናጋራ ህገስ ሞድንቴዛ።
\c 8
\s1 ጌሻ አያናር የስ
\p
\v 1 የይ ግሾስ፥ ክርስቶስ የሱሳር የዝታይስ Ꮊት ፕርዳ ባያ። 
\v 2 ክርስቶስ የሱሳ ባጋር ኑስ ደኦ እንግዝ ጌሻ አያና ህጋይ፥ ታና ናጋራኔ Ꮊይቆ ህገ አይለትፕ ከሴዛ። 
\v 3 ኑ ናጋራ አሻይ ባጋር፥ ህጋይ ዳቡሬዝ ማቄዝ ግሾስ ኑና አሾዳይስ ዳንዳኤካያ። ጾሳይ ፋ ናአ ናጋራንቾ አስ ኣዝሶር ናጋራስ ያርሾ ማቃድ ጋርክ ኪቲ የያ ኦዛ። ዬዚ፥ ጾሳይ ክርስቶሳ አሻይ ባጋር ናጋራ፥ ናጋራንቾ አስ ጋንጨ ፕርዴዛ። 
\v 4 ጾሳይ የያ ኦዛይ፥ ኑ አሾ አሞ ኮይዛይ ጋርክ ባዝን ጌሻ አያናይ ኮይዛይ ጋርክ የዛ ኑል አፋ ህገ ጌሽ ኪታይ ፖልንቶድ ጋርከ።
\p
\v 5 ፋ አሾ አሞ ጋርክ የዝታይ ፋና ኡፋይስዝ ባዝ ቆፕዛ። ዝን ጌሻ አያና ሸነ ጋርክ የዝታይ ጌሻ አያና ባዝ ቆፕዛ። 
\v 6 አሾ ቆፋይ Ꮊይቆ፥ ዝን አያና ባጋ ቆፖ ደኦኔ ሳሮት። 
\v 7 አሾ ባጋ ቆፋ ጾስ ካንታ ሞርከት ጾስ ህገስ ኪትንቶያ ኪትንቶዳይስ ዳንዳኦዋ። 
\v 8 ፋ አሾ አሞስ ሞድንትዝታይ ጾስ ኡፋይሶዳይስ ዳንዳኦያ።
\p
\v 9 ዝን ጾስ አያናይ ይንታር የዝኮኔ ይንታን ሞድኮ፥ ይ አያና ሸነር የዛፕ አትን አሾ አሞስ ሞድንቴና። ክርስቶሳ አያናይ ባ ኦንካ ክርስቶሳ ባዝ ባያ። 
\v 10 ዝን ክርስቶሳ ይንታር የዝኮ፥ ይ አሻይ ናጋራ ባጋር Ꮊይቄዛ። ዝን ይ አያናይ ጽሎት ባጋር ደኦ የዛ። 
\v 11 ዝን የሱሳ Ꮊይቆፕ ደንዝ ጾስ አያናይ ይንታር የዝኮ፥ ክርስቶሳ Ꮊይቆፕ ደንዝ ጾሳይ፥ ይንታር የዝ ፋ ጌሻ አያናይር Ꮊይቅዝ ይ አሻይስ ደኦ እማዳ።\x - \xo 8:11 \xo*\xt 1ቆሮ. 3:16\xt*\x*
\p
\v 12 ይኬ፥ ታ እሹን፥ ኑል አጮ የዛ ኑ አሾ ሸነስ የዞዳይስ ኑ አሾስ ባያ። 
\v 13 ይንቲ፥ ይ አሾ አሞስ የዝኮ Ꮊይቆዳይስ የዛ፥ ዝን ጌሻ አያና ዎልቃር ናጋራ ኦሶ ዎኮ ይ ደኦር የዞዳ። 
\v 14 ጾሳ አያናይ ካልዛ ኡባይ ጾስስ ናእታ። 
\v 15 ኑኒ፥ «ኣቦ፥ አዳዮ» ዬጊ ጼግዝ፥ ጾስስ ናእታ ኡድዛ ጌሻ አያና ኤኬዛይፕ አትን ማቂ ያሻር የዞዳይስ አይለ ኡድዝ አያና ኤከካያ።\x - \xo 8:15 \xo*\xt ማር. 14:36፤ ጋላ. 4:6\xt*\x* 
\v 16 ጾስ አያናይ ኑ አያናይር ማቂ ኑ ጾስስ ናእታ ማቅዛ ማርካትዛ። 
\v 17 ኑኒ ኤ ናእታ ማቅኮ ጾሳ ላትዝታ፤ ክርስቶሳር ዎላ የያ ላቶዳ። ማ ኑኒ ክርስቶሳር መቶ ኤክኮ ኤዛር ዎላ ኤ ቦንቻ ሻክንቶዳ።
\s1 የኦድ ቦንቾ
\p
\v 18 ኑኒ Ꮊት ዋይንትዛ ዋያ፥ ቲናፕ ኑስ በንቶድ ቦንቻይር ዎልሄል በአዳር፥ አብካ ኣዚ በንቶዛ ታ ቆፕዛ። 
\v 19 መት ኡቢታይ ጾስ ናእታይ ቆንጭ ጋመ ላሞር ናግዛ። 
\v 20 መት ኡቢታይ ጨረ ባዝስ ሞድንቴዛ፤ የይካ፥ መት ዶሮር ባዝን ኡፋይስስ ሞድንቶድ ጋርክ ኦዝ ጾስ ሸነር ሀኔዛ።\x - \xo 8:20 \xo*\xt መ. 3:17-19\xt*\x* 
\v 21 መትይ ፋ ኦማር ብስዛ አይለትፕ ዎዝንቲ፥ ጾስ ናእታይር ዎላ ቦንቾ ዎዞ ሻክንቶዳ። 
\v 22 መትይ ኡባይ Ꮊኖ ሄሎዳይስ እቅ አይኬዝ ማች ጋርክ ኦለራኔ መቶር የዛና ኑ ኤርዛ። 
\v 23 ማ መት ኣዳ ባዝን ጌሻ አያና ባይራ እሞታ ጋርክ ኤኬዝ ኑኒ፥ ኑ ኡባስ ኑ አሻይስ ዎዞ ማቄዝ ጾስ ናእታ ማቃድ ኡፋይስ ናግታር ኑ አሻይር ኦልዛ።\x - \xo 8:23 \xo*\xt 2ቆሮ. 5:2-4\xt*\x* 
\v 24 Ꮊ ኡፋይሳይር ኑኒ ፓጼዛ። ዝን ኑኒ ኡፋይስ ጋድዛባዛይ በንትዝ ማቅኮ የያ ኦኒ ኡፋይስ ኡዴ? 
\v 25 ዝን ኑ በኤካ ባዝ ደማዳ ግ ኡፋይሳር ናግኮ የያ ዳንዳአር ናግዛ።
\p
\v 26 የይ ጋርክ ጌሻ አያናይ ኑ ዳቡርሳ ማድዛ። ኑኒ ጾሳ ዋይዚ ዎሶዳይስ ቤዝዛኮ ኤሮያ፥ ዝን አያናይ ፋ ኡባስ፥ አሲ ኦዶዳይስ ዳንዳእንቶዋ ቃላር ኑስ ጋናትዛ። 
\v 27 ማ አስ ዎዝና ኤርዛ ጾሳይ፥ ጌሻ አያና ቆፋይ አብዛኮ ኤርዛ። ጌሻ አያናይ ጾስ ሸናይ ጋርክ ጌሽታይስ ጋናትዛ።
\p
\v 28 ጾሳ ቃዝታይስኔ ኤ ሸናይ ጋርክ ጼግንቴዝታይስ ጾሳይ ኡባ ባዝ ሎኦስ ኦዛና ኑ ኤርዛ። 
\v 29 ጾሳይ ቲናቲ ኤሬዝታ ፋ ናአ ኣዞድ ጋርከራ ናአይካ ጋመ እሽታይ አማንዝታይ ጋንጨ ባይራ ማቃድ ጋርክ ኡንታን ዱማሲ ጋዴዛ። 
\v 30 ጾሳይ ቲናቲ ቆፒ ጋዴዚታ ዝታ ጼጌዛ፤ ጼጌዝታ ጽልሴዛ፤ ጽልሴዝታ ማ ቦንቼዛ።
\s1 ጾስ ሲቆ
\p
\v 31 የዝን፥ ኑ Ꮊ ኡባይስ ዋጎዴ? ጾሳይ ኑ ባጋ ማቅኮ ኑር ኦኖ ኤቅንቶዳይ? 
\v 32 ኤ ሀራ አቶዝን፥ ፋ ናአይስ ቃካዛር፥ ኑ ግሾስ ኣ እንጌዛ። የዝን፥ ፋ ጋዛ ናአ ኑስ ኣ እንጌዛይ ዋይዚ ኡባ ባዝ ጨር እንጋሞ?
\p
\v 33 ጾስ ዶሬዝታ ሞቶዳይ ኦኖ? ጽልስዛይ ጾሰ የዝን ፕርዶዳይ ኦኖ? 
\v 34 Ꮊይቄዛይ Ꮊይቆፐካ ደንዲ ጾስ ኡሻቻ በቴዝ፥ ክርስቶስ የሱሳ፥ ኤ ኑስ ጋናትዛ።
\p
\v 35 ይኬ፥ ኑና ክርስቶሳ ሲቆፕ ሻኮዳይ ኦኖ? መቶነ ዎይ ዋየነ ዎይ ባይእነ ዎይ ናየነ ዎይ ካሎትኔ ዎይ ያሻነ ዎይ ኦላነ? 
\v 36 ጌሻ ማጻፋይድ፥
\q1 «ኑ ነ ግሾስ ኡባ ጋላስ ቡትንትዛ፤
\q2 ሹክንትዛ ዱርታይ ጋርከካ ታይብንቴዛ»\x - \xo 8:36 \xo*\xt ማዝ. 44:2\xt*\x*
\m ግንትንቲ ጻፍንቴዛይ ጋርክ ማቄዛ።
\p
\v 37 ዝን ኑ Ꮊ ኡባይድ ኑና ቃዝ ክርስቶሳር ጋምዝ ኡቢታይፕ ኣዛ።
\p
\v 38 የይ ግሾስ፥ Ꮊይቆ ማቅን የስ ማቅን ኪታንችታ ማቅን ሞድዝታ ማቅን Ꮊት የዛና ማቅን ቲናፕ የኦዳ ማቅን ዎልቃምታ ማቅን፥ 
\v 39 ቀካ ማቅን ዝቀካ ማቅን አባ መት ማቅን ኑ ጎዳ፥ ክርስቶሳ የሱሳር የዛ ጾስ ሲቃይፕ ኑና ሻኮዳይስ ዳንዳኦዛና ታኒ ኤርዛ።
\c 9
\s1 እስሬልታይ ዶርንቶ
\p
\v 1 ታኒ ክርስቶሳር ማቂ ቱሮ ኦድዛ፥ ዎርዶቶያ። ጌሻ አያናይ ካልዛ ታ ካሃይ ታኒ ዎርዶቶዛና ታስ ማርካትዛ። 
\v 2 ታ ዎዝናር እስራኤልታይስ ጋመ ቆፋራኔ ዱጾዋ ኡንአራ ቃማ ጋላስ ታ ቆፕዛ። 
\v 3 ታኒ፥ ታስ አሾር ዳቦ ማቄዝ ታ እሽታይ ግሾስ ክርስቶሳፕ ሻክንቲ ጾስ ባድ ጋንጨ የዜዛኮ ዶስዛዝን። 
\v 4 ኡንቲ እስራኤልታ፥ ጾሳይ ኡንታን ፋ ናእታ ኡዴዛ፥ ፋ ቦንቻ ኡንትስ ቆንጨ ኦዴዛ። ኡንታር ጫቄዛ፤ ህገ ኡንትስ እንጌዛ። ኡ ጾሳ ጎይኖድ ቱማ ኦጋ ቤዜዛ፤ ጾሳይ ኡፋይስ ቃላ ኡንትስ እንጌዛ።\x - \xo 9:4 \xo*\xt ከስ 4:22\xt*\x* 
\v 5 ኡ የለትይድ ማይዝታይ ኮች፤ ማ ክርስቶሳ አሾር ኮቼ ማቂ የኤዛ። ኡባይፕ ኣ ማቄዝ ጾሳይ መናስ ጋላትንቶ። አምንኤ!
\p
\v 6 ማቆዝን፥ ጾሳ ቃላይ ፖልንተካ አቴዛ ጉስ ባያ። እስራኤለፕ የልንቴዝ አስ ኡቢታይ እስሬለ ባያ። 
\v 7 ማ አፍራመ ዛረ ኡቢታይ አፍራመ ናእታ ባያ። ጾሳይ አፍራመስ፥ «ነ ሼሻይ እሳቃ ባጋር ጼግንቶዳ» ዬጌዛ።\x - \xo 9:7 \xo*\xt መ. 21:12\xt*\x* 
\v 8 የያ ጉሳይ አሾር የልንቴዝ ናእታይ ኡቢታይ ጾስ ናእታ ባያ። ዝን ቱማ እስሬለ ናእታይ ጾሳይ ገሌዝ ቃላይ ጋርክ የልንቴዝ ናእታ።\x - \xo 9:8 \xo*\xt መ. 21:12\xt*\x* 
\v 9 እንጎዳ ግ ገሌዝ ቃላይ፥ «ታኒ ላይ ዎደ Ꮊኖደ የኦዳ፤ ሳራካ ራ ናአ የሎዳ»\x - \xo 9:9 \xo*\xt መ. 18:10\xt*\x* ዬጌዛኖ።
\p
\v 10 የይ ኣዳ ባዝን እርብቃ ማ ፐቲ ኑ አዳ እሳቃስ ዎደጼዝ ዎደ፤ 
\v 11 መንተ ናእታይ የልንቶዳይፕ ዎይ ኢታ ዎይ ሎኦ ኡደካዝን ጼግዛይፕ አትን ኦሶፕ ባዝን ዶሮ ጾሳ ቆፋይ ሚንጎዳይ ጋርከ 
\v 12 «ባይራይ ጌዳይስ ሃርንቶዳ» ዬጊ ጎዳይ ኢስ ኦዴዛ።\x - \xo 9:12 \xo*\xt መ. 25:23\xt*\x* 
\v 13 የይካ ጌሻ ማጻፋይድ፥ «ያይቆባ ዶሲ፥ ኤሳወ ታ እጼዛ»\x - \xo 9:13 \xo*\xt ሚል. 1:2\xt*\x* ግንትንቲ ጻፍንቴዛ።
\p
\v 14 የዝን፥ ኑኒ ዋጎዴ? ጾሳይ አሰ አሳፕ ቁርኔ? ጾሲ ቁርዛ ጎዳይስ ኑ ዳንዳኦያ! 
\v 15 ጎዳይ ሙሰኮ፥
\q1 «ታ ማሮዳይስ ኮዬዝታና ማሮዳ፤
\q2 ታ ቃንቶዳይስ ኮይዛይስ ቃንቶዳ»\x - \xo 9:15 \xo*\xt ከስ 33:19\xt*\x* ዬጌዛ። 
\v 16 ይኬ፥ ጾስ ዶሮ አስ ሸነር ዎይ አስ ኦሶር ባዝን ኤ ማሮትይራ።
\p
\v 17 ጌሻ ማጻፋይድ፥ ግብጸ ካታይኮ፥ «ታኒ፥ ታ ዎልቃ ኔል ቤዞዳይስኔ ታ ሱንይ አላመ ኡባይል ኤርንቶድ ጋርክ የይስ ነና ካዉትሴዛ»\x - \xo 9:17 \xo*\xt ከስ 9:16\xt*\x* ግንትንቲ ጻፍንቴዛ። 
\v 18 ይኬ፥ ጾሳይ ማሮዳይስ ኮይዛና ማርዛ፤ ዎዝና ሙምሶዳይስ ኮይዛይ ዎዝና ሙምስዛ።
\s1 ጾስ ካችኔ ማሮት
\p
\v 19 ይንትፕ ፐታይ፥ «የዝን፥ ጾሳይ አስ አብስ ቦሮ? ጾስ እጽዛይ ኦኖ?» ዬጊ ኦይጮዳይስ ዳንዳእዛ።
\p
\v 20 ዝን ነኖ አሶ፥ ጾሳር ፓላሞዳይስ ነ ኦኖ? ኦሶ ፋና ኦዛይኮ፥ «ታና Ꮊይ ጋርክ ኡዲ አብስ ኦኔ?»\x - \xo 9:20 \xo*\xt ኢሳ. 29:16፤ 45:9\xt*\x* ግ ኦይጮዳይስ ዳንዳእኔ? 
\v 21 ዎይ ኡርቃ መዛይ ፐቲ ኡርቃፕ ፐታ ቦንቾ ሚሸ፥ Ꮊንካ ማ ቶሸ ሚሸ ኡዲ መዳይስ ማዉተ ባሳኔ?
\p
\v 22 ጾሳይ ፋ ሴራ ቤዞዳይስኔ ፋ ዎልቃ ኤርሶዳይስ ኮይ ቦስ ጊግሴዝ ሴራ ሚሽታ ጋመ ጋርዦር ዳንዳኤዛኮ አብ ኤሬ? 
\v 23 ኤ የያ ኦዛይ ዳማ ቦንቾስ ጊግሴዝ፥ ፋ ዶሬዝ ናእታይስ ፋ ቦንቻ ኤርሶዳይሲ። 
\v 24 አይሁደ ማቅን፥ ዎይ አይሁደ ባ አስ ኡብታ ጾሲ ዶሬዛ።
\p
\v 25 ናበ ሆሳኤ ማጻፋይ ጋንጨ፥
\q1 «ታ ታ ዎያ ባዝታካ፥ ‹ታ ዎያ› ግ ጼጎዳ።
\q2 ዶስንተካ ዎይታካ፥ ‹ዶስንቴዝታ› ግ ጼጎዳ።\x - \xo 9:25 \xo*\xt ሆሳ. 2:23\xt*\x*
\q1
\v 26 ኡንቲ ‹ታ ዎያ ባያ› ግንትንቲ ጼግንቴዝ አቃይድ፥
\q2 ‹ደኦ ጾስ ናእታ› ግንትንቲ ጼግንቶዳ»\x - \xo 9:26 \xo*\xt ሆሳ. 1:10\xt*\x* ዬጌዛ።
\p
\v 27 ናበ ኢስያሳ እስሬለ አስ ባዝ፥
\q1 «እስሬለ አስ አባ ሻፈ ጋርክ ጋንግኮካ፥
\q2 ኡንታፕ ጽቃ አስ አቶዳ።\x - \xo 9:27-28 \xo*\xt ኢሳ. 10:22-23\xt*\x*
\q1
\v 28 ጎዳይ ቢታ ኡባይል አፋ ኤልሲ ሙርቲ ኡከር Ꮊያ ኡዶዳ።» 
\v 29 ማካ ኢስያሳ፥
\q1 «ኡባፕ ዎልቃማ ጎዳይ ኑስ ጽቃ ዘር አሸካዛኮ፥
\q2 ኑኒ ሶዶማኔ ጋሞራ ካታማ ጋርክ ቦዳዝን»\x - \xo 9:29 \xo*\xt ኢሳ. 1:9\xt*\x*
\m ዬጊ ቲናቲ ኦዴዛ።
\p
\v 30 የዝን፥ ኑ ዋጎዴ? ጽሎት ኮይበኤካ አይሁደ ባ አሳይ አማኖር ጽሎት ደንጌዛ። 
\v 31 ዝን ጽሎትይኮ ሄልዝ ህገ የዛ እስሬለ አሳይ ጽሎት ደንገካያ። 
\v 32 አብስ ደንገካሳ? ኡንቲ ጽሎት አማኖር ባዝን ኦሶር ኤኮዳይስ ኮዤዝ ግሾስ። የይ ግሾስ፥ ኡንቲ፥ «ቢዛ ሹቻር» ብንቴዛ። 
\v 33 ማጻፋይድ፥
\q1 «ቦኦይታ ታኒ ጽዮነ በ ሹችኔ ፎክስዝ ዛላ ጋዶዳ።
\q2 ኤዛ አማንዛ ኦንካ ዬላተና»\x - \xo 9:33 \xo*\xt ኢሳ. 28:16\xt*\x*
\m ግንትንቲ ጻፍንቴዛ።
\c 10
\p
\v 1 ታ እሹን፥ ታ ኩን ዎዝናር ታ አሞትዛይኔ ጾሳ ዎስዛይ እስሬልታይ አቶድ ጋርከ። 
\v 2 ኡንቲ ጾስስ ምጭንትዛዝን፥ ቱማ ኤረት ቦር ምጭንቶዛና ታ ማርካትዛ። 
\v 3 ኡንቲ ጾስ ጽሎት ኦገ ኤራም እጺ፥ ፋ ኣዳ ጽሎት ካሌዛፕ አትን ጾስ ጽሎት ኮየካያ። 
\v 4 አስ ኡባይ አማኖር ጽሎድ ጋርክ ክርስቶሳ ህገስ ፎሎ ማቄዛ።
\s1 አቶት ኡቢታይሲ
\p
\v 5 ሙሰ አስ ህገ ናጊ ኤክዝ ጽሎትባዝ፥ «ህገ ናግዝ ኦንካ የ ህጋ ናጌዛይ ጋርክ ደኦ የዞዳ»\x - \xo 10:5 \xo*\xt ለዊ. 18:5\xt*\x* ዬጌዛ። 
\v 6 ዝን አማኖር ኤክዝ ጽሎት ባጋ ጊንትንቴዛይ Ꮊያ፦ «ነ ዎዝናር፥ ‹ኦኒ ሳሎ ከዞዴ?» ዬግፐ፤ የይ ክርስቶሳ ዎዳይስ።\x - \xo 10:6-8 \xo*\xt ናምእ. 30:12-14\xt*\x* 
\v 7 ዎይ፥ «ሱለ ሳአ ኦሞ ዎዳይ ኦኖ?» ጊፐ፤ የይ ክርስቶሳ ዱፎፕ ከሶዳይስ። 
\v 8 ዝን ዬጊ ጻፍንቴዝ፦ «ቃላይ ነ ካለ የዛ፤ ነ ዶና ጋንጨኔ ነ ዎዝና ጋንጨ የዛ» ኑኒ ይንትስ ኦድዝ አማኖ ቃላይ Ꮊያ።
\p
\v 9 «የሱሳ ጎዳ» ግ ነ ዶናር ማርካትኮኔ ጾሳይ ኤዛ Ꮊይቆፕ ደንዛና ነ ዎዝናር አማንኮ፥ ነ አቶዳ። 
\v 10 አሲ ፋ ዎዝናር አማኒ ጽልዛ፤ ፋ ዶናር ማርካቲ አትዛ። 
\v 11 ማጻፋይ፥ «ኤዛ አማንዛ ኦንካ ዬላተና»\x - \xo 10:11 \xo*\xt ኢሳ. 28:16\xt*\x* ዬጌዛ። 
\v 12 ፐቲ ጾሳይ ኡቢታይ ጎዳ ማቄዝ ግሾስ አይሁድታይ ጋንጨኔ አይሁደ ባ አስ ጋንጨ ዱማት ባያ። ኤ ፋና ጼግዝ ኡባይስ ጋመ ኬሃ። 
\v 13 ጎዳ ሱን ጼግዝ ኦንካ አቶዳ።
\p
\v 14 የዝን፥ ኡንቲ አማነካ የዝታር ዋይዚ ኤዛ ጼጎዳይስ ዳንዳኤ? ኡ ኤባዝ ስኤካ የዝታር ዋይዚ ኤዛ አማኖዳይስ ዳንዳእኔ? ማ ኡንትስ ቃላ ኦድዝ አስ ባዝን፥ ዋይዚ ስኦዳይስ ዳንዳእኔ? 
\v 15 ኪትንቴዝ አሲ ባዝን ቃላይ ዋይዚ ኦድንቶዳይስ ዳንዳኤ? ማጻፋይድ፥ «ኡፋይስ ዎንግለ ኦድዝ አስስ ቶክታይ ዋፋ ሎእነሻ»\x - \xo 10:15 \xo*\xt ኢሳ. 52:7\xt*\x* ዬጊ ጻፍንቴዛ።
\p
\v 16 ዝን ኢስያሳ፥ «ጎዳዮ፥ ኑ ማርካት ኦኒ አማኔኔ?»\x - \xo 10:16 \xo*\xt ኢሳ. 53:1\xt*\x* ዬጌዛይ ጋርክ፥ ኡቢታይ ዎንግለ አማነካያ። 
\v 17 የይ ግሾስ፥ አማናይ ስሳፕ ይእዛ፤ ስስ ክርስቶሳ ቃላፕ ይእዛ።
\p
\v 18 ማቆዝን፥ ኡ ቃላ ስኤካ ጉሶኔ? ዋኣ ስኤዛ። ማጻፋይድ፥
\q1 «ኡ ኦዳይ ቢታ ኡባይል ስንቴዛ፥
\q2 ኡ ቃላይ ሳአ ጋጻ ሄሌዛ»\x - \xo 10:18 \xo*\xt ማዝ. 19:4\xt*\x* ዬግንቴዛ። 
\v 19 ዝን እስሬለ አሳይ ኤረካያ ጉሶኔ? ሙሰ ቲና፥
\q1 «ታኒ ይንታን ለቂንቴዝ አሳይ ጋንጨ ቂርሶዳ፤
\q2 ማ አካኮዋ አሳይ ጋንጨ ይንታን ይሎሶዳ»\x - \xo 10:19 \xo*\xt ናምእ. 32:21\xt*\x*
\m ዬጌዛ።
\p
\v 20 ማ ኢስያሳ፥
\q1 «ታና ኮየካ አሳይስ ታ በንቴዛ፤
\q2 ታና ኦይጨካ አሳይስ ታ ታና ቤዜዛ»\x - \xo 10:20 \xo*\xt ኢሳ. 65:1\xt*\x*
\m ዬጊ ያሽተካዛር ኦዴዛ።
\p
\v 21 ዝን ኢሳያሳ እስሬልታይ ባጋ ኦድታር፥
\q1 «ጋላስ ሙዳ ኪትንቶዋ አሳይስኔ
\q2 ታና እጽዛ አሳይስ ታ ኩሸ ሚጬዛ»\x - \xo 10:21 \xo*\xt ኢሳ. 65:2\xt*\x*
\m ዬጌዛ።
\c 11
\s1 ጾሳይ እስራኤልታ ኦሊ አሸካያ
\p
\v 1 አን ታ ኦይጭዛ፦ የዝን፥ ጾሳይ ፋ ዎያ ኦሊ አሸነኔ? አሸካያ! ታኒ ታ ኡባስ እስሬለ፤ አፍራመ ሼሺ፤ ቢናማ ኮቼ።\x - \xo 11:1 \xo*\xt ፍል. 3:5\xt*\x* 
\v 2 ጾሳይ ቲን ዶሬዝ አስታ ኦሎያ። ማጻፋይድ፥ ኤላሳ እስራኤልታ ጾስ ቲና ዋይዚ ሞቴዛኮ፥ ይ ኤሮሳኔ? 
\v 3 ኤላሳ፥ «ጎዳዮ፥ ኡንቲ ነ ናብታ ዎዛ፥ ነ ያርሾ አቃካ ላሌዛ። ታ ታ ኣዳስ አቴዛ፤ ኡንቲ ታናካ ዎዳይስ ኮይዛ»\x - \xo 11:3 \xo*\xt 1ካት. 19:10፥ 14\xt*\x* ዬጌዛ።
\p
\v 4 ጾሳይ ኤኮ ዋጊ ማሄኔ? «ባኣለ ግዝ ኤቃስ ጎይነካ ላፑን ሙኩለ አሲ ታስ አሼዛ»\x - \xo 11:4 \xo*\xt 1ካት. 19:18\xt*\x* ዬጌዛ።
\p
\v 5 የይ ጋርከካ፥ Ꮊ ዎዳይድ ጾሳይ ፋ ኣ ኬሃትር ማራጼዝ ጽቅታይ [እስሬለ] የዛ። 
\v 6 ኤ ኡንታን ዶሬዛይ ፋ ኣ ኬሄትይራፕ አትን ኡ ኦሶር ባያ። ዶራይ ኦሶር ማቅኮ፥ ኤ ኣ ኬሄትይ ጨረ አቴዛ።
\p
\v 7 የዝን፥ ዋየኔ? እስሬልታይ ፋ ኮይዝ ባዝ ደንገካያ፥ ዝን ጾሲ ዶሬዝ ጽቅታይ ደንጌዛ። አቴዝታይ ፋ ዎዛና ሙምሴዛ። 
\v 8 የይካ፥ ማጻፋይድ፥
\q1 «ኡ ኣፋይ ቦኦያ
\q2 ሀያይካ ስኦያ፥
\q2 Ꮊኖ ሄሎዳይስ ኡንትስ፤
\q2 ጾሳይ አዛላ አያና እንጌዛ»\x - \xo 11:8 \xo*\xt ናምእ. 29:4፤ ኢሳ. 29:10\xt*\x*
\m ግንትንቲ ጻፍንቴዛይ ጋርክ ሀኔዛ። 
\v 9 ማ ዳዉተ፥
\q1 «ኡ ሚዝ ሌማታይ ኡንታን ጽኬኔ ኦላ አይኮ፤
\q2 ኡንታን ጎልእስዛ ጋጋ ማቆ፤
\q2 ኡ ኢታትይ ኡንታን ሄሎ።\x - \xo 11:9-10 \xo*\xt ማዝ. 69:22-23\xt*\x*
\q1
\v 10 ኡ በአማይ ጋርክ ኡ ኣፋይ አይክንቶ፤
\q2 ኡባ ዎደ መቶ ኡንታን ኩንሶ» ዬጌዛ።
\p
\v 11 የዝን፥ ብንቴዝታይ ፖኮድ ጋርከኔ? የያ ባያ! ኡ ዎይ አይሁደ ባ አሳይ አቶድ ጋርክ ሳንከ ማቄዛ። የይካ አይሁድታይ ኡንታል አፋ ቅናታማይ ጋርክ ኡዴዛ። 
\v 12 አይሁድታይ ናጋራይ አላማይስ ጋመ አንጆ ከኤዛ፤ ማ ኡ ጋምንትይ አይሁደ ባ አሳይስ ጋመ አንጆ ማቄዛ። የዝን፥ ዶርንቴዝ አይሁድታይ ኩን አትዝ ዎደ አንጆ አብ ጋርክ ዳሮደሻ?
\p
\v 13 ታኒ፥ ይንትስ አይሁደ ባ አሳይስ ኦድዛ። አይሁደ ባ አሳይስ ሀዋረ ማቂ ኦዛይራ ታኒ ጋመ ጬቅንትዛ። 
\v 14 ታ የያ ኦዛይ ታስ አሾ ዳቦ ማቄዝ እስሬልታ ቂርሲ ኡንታፕ ጽቅታ አሾዳይሲ። 
\v 15 ጾሳይ ኡንታን ኦሊ አሼዝ ዎደ Ꮊ አላማይ ጾሳር ዳቦቴዛ። ጾሳይ ኡንታን ሺሺ ኤክዛ ዎደ Ꮊይቄዝ አሲ Ꮊይቆፕ ደንዳይ አብ ጋርክ ማቆዳይስ ዳንዳኤ?
\p
\v 16 ቲና ኦሌዝ ሙኑቃይ ሎኦ ማቅኮ Ꮊንካይካ ጌሺ። ምስ ጻጶ ጌሺ ማቅኮ፥ ሻቃይካ ጌሺ ማቅዛ። 
\v 17 ጋደ ቱኬዝ ዎይራ ሻቆ ካርንትን፥ ይንቲ ዎራ ዶሌዝ ዎይራ ሻቆ ማቄዝታይ ኡ አቃይድ ንስንቲ ጻጶር ከዝዝ ዛይተ ሻክንቴዛ። 
\v 18 ይኬ፥ ይንቲ ሻቆ ጋርክ ካርንቲ ዎዛይል አፋ ኡትርትፓተ። ይ ኡትርትዛባዝ ማቅኮ፥ ጻጳይ ይንታን ቶኬዛፕ አትን ይ ጻጳ ቶከካዛ አካኮይታ።
\p
\v 19 ኔኒ፥ «የ ሻቅታይ ካርንቴዛይ፥ ታኒ ኡ አቃይድ ንድንቶዳይ ጋርከ» ይ ጎዳይስ ዳንዳእዛ። 
\v 20 የይ ቱማ። ኡንቲ አማናም እጼዝ ግሾስ ካርንቴዛ። ኔኒ አማኔዝ ግሾስ የ አቃይድ ኤቄዛ። ነ ያሽቶዳይስ ቤዝዛፕ አትን ኡትርቶዳይስ ቤዞያ። 
\v 21 ጾሳይ መንቶ ሻቆ ማቄዝ አይሁድታይስ ቃንታም እጽኮ ይንትስካ ቃና።
\p
\v 22 ይኬ፥ ጾሲ አብ ጋርክ ኬሃዛኮኔ አብ ጋርክ ምንዛኮ ቦኦይታ። ኤ ምንትይ ፎኬዝታይስ፥ ማ ኤ ኬህዛይ ይንትሲ። ሚንጊ ኤቃም እጽኮ ይንትካ ጋችንቶዳ። 
\v 23 ኡንቲ አማንኮ፥ ቲን ፋ የዛ አቃ ማቆዳ። ጾሳይ ዎልቃማ ኡንታን ማሂ፥ ጋዶዳይስ ዳንዳእዛ። 
\v 24 ይንታን ዎራ የዝ ዎይራ ማቄዝታ ጋቺ፥ ካራቻ ቱክንቴዝ ዎይራይል አፋ ይንታን ቱክኮ፥ መንቶ ጋደ ዎይራ ማቄዝታ ቲና አቃይድ ማሂ ቱኮዳይስ ዋይዚ ዳንዳእንቶሳ? \fig ዎይራ ምኔ እ ኣፈ |alt="Olive tree with its fruits" src="BK00119B.tif" size="span" ref="11:24"\fig*
\s1 ጾሳ ማሮትይ ኡቢታይሲ
\p
\v 25 ታ እሹን፥ ይ ይንታን ኤራ ግ ጋይርፓተ። ታ ይንትስ ፐቲ ኦድዛ ጹሮድ ባዝ የዛ። የይካ እስራኤልታይፕ ባግታይ ዎዝና ሚን ስኣም እጼዛይ ዉርስ ሄሎዳይስ ባዝን አቶዳይስ የዝ አይሁደ ባ አስታይ ኡባይ ኩንር ጾስኮ የኦዳይ ጋርከ። 
\v 26 የይ ጋርከ፥ እስሬለ አስታይ ኡቢታይ አቶዳ። ማጻፋይድ፦
\q1 «ኑና ዎዝዛይ ጽዮነፕ የኦዳ፤
\q2 ያይቆባ ዘርፕ ኢታ ኡባ ብሶዳ።\x - \xo 11:26 \xo*\xt ኢሳ. 59:20-21\xt*\x*
\q1
\v 27 ታኒ ኡ ናጋራ አቶ ግዛይ
\q2 ኡንታር ጫቆድ ጫቃይ Ꮊያ»\x - \xo 11:27 \xo*\xt ኢሳ. 27:9\xt*\x*
\m ግንትንቲ ጻፍንቴዛ።
\p
\v 28 ዎንግለ ኤካም እጺ፥ ይ ግሾስ ሞርከ ማቄዛ። ማቆዝን፥ Ꮊተካ ኡንቲ ዶርንቴዝታ፥ ጾሲ ኡ አድታይ ግሾስ ኡንታን ቃዛ። 
\v 29 ጾሲ ፋ እማይራኔ ፋ ጼሳይር ቂራቶያ። 
\v 30 ይንቲ ቲን ጾሳይስ ኪትንተካ፤ ዝን Ꮊት አይሁድታይ ኪትንታም እጽን፥ ይ ጾስ ማሮት ኤኬዝታ። 
\v 31 የይ ጋርከ፥ ይ ኤኬዝ ማሮት አይሁድታይ ኤኮድ ጋርክ Ꮊት ኡ ጾስስ ኪትንታም እጼዛ። 
\v 32 ጾሲ አስ ኡብታ ፋ ማሮት ቤዞዳይስ ኮይ፥ አሲ ኡቢታይ ኪትንታም እጾዳይ ጋርክ ጎርዴዛ።
\p
\v 33 ጾስ ዱረት፥ ኤጨትኔ ኤረት አካኪ ኦዶዳይ ኦኖ? ኤ ፕርዳይ ፕላግንቶያ፥ ኤ ኦጋይ ኤርንቶያ።\x - \xo 11:33 \xo*\xt ኢሳ. 55:8\xt*\x* 
\v 34 ማጻፋይድ፥
\q1 «ጾስ ካሃ ኤርዛይ ኦኖ?
\q2 ኤዛ ዞሮዳይስ ዳንዳእዛይ ኦኖ?\x - \xo 11:34 \xo*\xt ኢሳ. 40:13\xt*\x*
\q1
\v 35 ጾስስ ታልእዛይኔ
\q2 ታልኤ ማሂ ኤክዛይ ኦኖ?»\x - \xo 11:35 \xo*\xt ኢዮ. 41:11\xt*\x*
\m ዬጌዛ።
\p
\v 36 ኡባይ ኤፕ፤ ኤዛራኔ ኤሲ፤ ኤስ መናስ ቦንቾ ማቆ። አምንኤ።\x - \xo 11:36 \xo*\xt 1ቆሮ. 8:6\xt*\x*
\c 12
\s1 ክርስቶሳር ኦሮ የስ
\p
\v 1 ይኬ፥ ታ እሹን፥ ይንቲ፥ ይ አሰት ጾስ ኡፋይስዛ፥ ፓኔ ጌሻ ያርሾ ኡዲ፥ እማድ ጋርክ ታ ይንታን ጾስ ከሃትይር ዎስዛ። ጾሳ ይ ጎይኖዳይስ ቤዝዛ ቱማ ኦጋይ የያ። 
\v 2 ሎኦ፥ ኡፋይስዛኔ ፎሎ ማቄዝ ጾሳ ኪታ ይ ሻኪ ኤሮዳይስ ይ ቆፋር ላምንቶይታፕ አትን Ꮊ አላማ ኣዝፓተ።
\p
\v 3 ጾሲ ይንትስ ፐታይስ ፐታይስ እንጌዝ አማናይ ጋርክ ካሃር የዝ አስ ጋርክ ቆፖይታ። ቆፖዳይስ በዝዛይፕ ኣ ይንታን ዱማሲ፥ ኡትራር ቆፕፓተ ግ ታስ እንግንቴዝ ኣ ኬሃትይር ይንትስ ኦድዛ። 
\v 4 ኑ ፐቲ አሰትይል አፋ ዱማ ዱማ ክፍልታይ የዛ፤ የ ዱማ ዱማ ክፍልታይስ ዱማ ዱማ ኦሶ የዛ።\x - \xo 12:4-5 \xo*\xt 1ቆሮ. 12:12\xt*\x* 
\v 5 የይ ጋርክ፥ ኑኒ ጋመ አስ ማቅኮካ ክርስቶሳር ፐቲ አሾ ማቄዛ። ኑኒ ፐቲ አሾ ማቂ ዱማ ዱማ ክፍልታይ ፐታይ ፐታይራ አይክንቴዛ። 
\v 6 ኑስ እንግንቴዝ ኣ ኬሃትር ዱማ ዱማ እሞትታይ የዛ። ኑ እሞትይ ትንቢተ ኦዶ ማቅኮ፥ ኑስ የዝ አማናይ ጋርክ ኦዶዳይስ ቤዝዛ።\x - \xo 12:6-8 \xo*\xt 1ቆሮ. 12:4-11\xt*\x* 
\v 7 ኑ እሞትይ ሀራ አስ ማዴ ማቅኮ፥ የ ኦሳይር ምንጎዳይስ ቤዝዛ፤ ታማርሶ ማቅኮ፥ የ ታማርሳይር ምንጎዳይስ ቤዝዛ። 
\v 8 ኑ እማይ ሀራ አስ ዞር ማቅኮ፥ ሚንጊ ዞሮዳይስ ቤዝዛ። ኑ እሞትይ ኑስ የዛ ባዛፕ ሀራ አስስ እሞ ማቅኮ፥ ዎዝናፕ እንጎዳይስ ቤዝዛ። ኑ እሞትይ አቅሶ ማቅኮ፥ ሚንጊ አቅሶዳይስ ቤዝዛ። ኑ እሞትይ ሀራ አስስ ኬህ ማቅኮ፥ ኡፋይሳር ኬሆዳይስ ቤዝዛ። ኑ እሞትይ ማሮ ማቅኮ ኡፋይሳር ማሮዳይስ ቤዝዛ።
\p
\v 9 ይ ሲቃይ ቆፕ ቆሞ ማቆዳይስ ቤዞያ። ኢታ ባዝ እጾይታ፤ ሎኦ ባዝ ሚን አይኮይታ። 
\v 10 ፐታይ ፐታይራ ዎል እሸ ጋርክ ዶስንቶይታ፤ ፐታይ ፐታ ቦንቾይታ። 
\v 11 ኦሶር አዛልፓተ ሚንጎይታ፤ ይ አያናር ጹግንቲ ጎዳይስ ሞድንቶይታ። 
\v 12 ጾሲ እንጌዝ ኡፋይሳይር ኡፋይቶይታ፤ መቶ ዳንዳኦይታ፤ ኡባ ዎደ ጾሳ ዎሶይታ። 
\v 13 አማንዛ ጌሽታ ኮሽዛ ባዛር ማዶይታ፤ እማታ ሞኮዳይስ ሚንጎይታ።
\p
\v 14 ይንታን ባይእዝታ አንጆይታ፤ አንጆይታፕ አትን ባድፓተ።\x - \xo 12:14 \xo*\xt ማቶ. 5:44፤ ሉቃ. 6:28\xt*\x* 
\v 15 ኡፋይትዝታይር ኡፋይቶይታ፤ ዬክዝታይር ዬኮይታ። 
\v 16 ፐታይ ፐታይር ፐቲ ቆፋር የዞይታ። ኡትራ ቆፋ አሺ፥ ሃዮትር የዞዳይስ ሚንጎይታ። ይ ይንታን ኤጫ ግ ቆፕፓተ።\x - \xo 12:16 \xo*\xt ኣዝ. 3:7\xt*\x*
\p
\v 17 ኦንካ ይንትስ ኢታ ባዝ ኦኮ፥ የ አይስ ኢታ ባዝ ማህፓተ ኡባ አስ ቲና ሳቢስዛ ሎኦ ኦሶ ኦይታ። 
\v 18 ይንትስ ዳንዳእንትኮ ኡባ አሳር ሳሮ የዞይታ። 
\v 19 ታ እሹን፥ ይንቲ፥ ይ ኡባስ አስስ ኩሸ ከስፓተ። ጾሲ ኩሸ ከሶዳይ ጋርከ ኤዝስ አሺ አሾይታ። ጌሻ ማጻፋይድ፥
\q1 «ታ ኩሸ ከሶዳ፤
\q2 ታኒ ኩሸ ማሆዳ»\x - \xo 12:19 \xo*\xt ናምእ. 32:35\xt*\x*
\m ዬጌዛ ጎዳይ፥ ግንትንቲ ጻፍንቴዛ።
\p
\v 20 ዝን ጌሻ ማጻፋይድ፥
\q1 «ነ ሞርካይ ናይንትኮ ሙዞባ፤
\q2 ኤ ሳምንትኮ ኡሾባ።
\q1 ነ የያ ኦኮ ኤ ኦማይል
\q2 ታማ ቃቃ ካችዛ»\x - \xo 12:20 \xo*\xt ኣዝ. 25:21\xt*\x*
\m ግንትንቲ ጻፍንቴዛ።
\p
\v 21 ኢታ ሎኦር ጋሞይታፕ አትን ኢታር ጋምፓተ።
\c 13
\s1 ጋደ አቅስዝታይስ አዛዝንቶ
\p
\v 1 አባ ማውተካ ጾስ ሸነር እንግንትዛ ግሾስነ Ꮊት ማዉተር የዝታይካ ጾስ ሸነር ማዉተ ኤኬዝ ግሾስ አሲ ኡባይ ጋደ አቅስዝታይስ አዛዝንቶዳይስ ቤዝዛ። 
\v 2 የይ ግሾስ፥ ማዉተር የዝታይስ ኪትንታም እጽዛ ኦንካ ጾስ አዛዞ እጽዛ። ኪትንታም እጽዛ ኦንካ ፋል አፋ ፕርዳ ክእዛ። 
\v 3 አቅስዝታይ ኢታ ባዝ ኦዝታፕ አትን ሎኦ ኦዝታ ያሽሶያ። አቅስዝታይስ ያሽታማይስ ኮይኔ? የዛኮ ሎኦ ባዝ ኦባ፤ ነና ጋላቶዳ። 
\v 4 ኡንቲ ኔስ ሎኦ ባዝ ኦዳይስ ሹምንቴዝ ጾስ አይለ። ዝን ኔኒ ኢታ ባዝ ኦኮ፥ ኡንቲ ኢታ ባዝ ኦዛና ሴርዛ ግሾስ ኤዝስ ያሽቶባ ኡንቲ ቃዋ አይኬዛይ ጨረ ባያ። ኡንቲ ኢታ ባዝ ኦዝታ ሴሪ፥ ጾሲ ካጭዛና ቤዝዛ ጾስ አይለ። 
\v 5 የይ ግሾስ፥ ጾስ ካች ኣዳስ ባዝን ይ ካሃይ ማርካትዝ ግሾስ ጋደ አቅስዝታይስ ኪትንቶዳይስ ቤዝዛ።
\p
\v 6 ይ ጊራ ጊርዛይካ የይ ግሾሲ። ጋደ አቅስዝታይ የ ኦሳ ኦዛይ፥ ኡንቲ ጾስ አይሊታ ማቄዝ ግሾስ።\x - \xo 13:6-7 \xo*\xt ማቶ. 22:21፤ ማር. 12:17፤ ሉቃ. 20:25\xt*\x* 
\v 7 ኡባይስ ቤዝዛና እንጎይታ። ጊራ ቤዝዝታይስ ጊሮይታ፤ ቃራጸ ቤዝዝታይስ ቃራጸ ጋቾይታ፤ ያሽቶዳይስ ቤዝዝታይስ ያሽቶይታ፤ ቦንቾ ቤዝዛና ቦንቾይታ።
\s1 ዎል ቃይታ
\p
\v 8 ፐታይ ፐታይር ሲቅንቶይታ። ሲቆ አጮፕ አትን ይንታል አፋ ሀራ አጮ የዝፐ። አስ ዶስዛ ኦንካ ህጋይ ግዛና ፖሌዛ። 
\v 9 «ላምፐ፤ ዎፐ፤ ካስትፐ፤ ዎርዶ ማርካትፐ፥ አሞትፐ» ግዝ አዛዛይኔ ሀራ አዛዞ ኡባይ፥ «ነ ዣማ ነ ኡባይ ጋርክ ቃባ» ግዝ አዛዞር አጭንቴዛ።\x - \xo 13:9 \xo*\xt ከስ 20:13-17፤ ናምእ. 5:17-19፤ ለዊ. 19:18\xt*\x* 
\v 10 ሲቆ ፋ ዣማይል አፋ ኢታ ባዝ ኦያ። የይ ግሾስ፥ ሲቆ ህገስ ፎሎ።
\p
\v 11 ገንታፕ ይ ባርክዛ ዎዳይ Ꮊት ሄሌዝ ማቄዛይስ ላይ ኤሮይታ። ኑ አቶት ዎዳይ ቲና ኑ አማኔዝ ዎደፕ ኣ Ꮊት ኑኮ ኡኬዛ። 
\v 12 ቃማይ ኣዛ፤ ጋላሳይ ኡኬዛ። ይኬ፥ ኑኒ ማ ኦሶ አሺ ፖኦ ኦላ ሚሸ ዎላ አይኮዳ። 
\v 13 አን ጋላሳ ፖኦ የዝ አስ ጋርክ ዎላ ማራር የዞዳ። የራኔ ማራ፥ ላመራኔ ቃይጸራ\f + \fr 13:13 \fr*\fqa ዉሹማር ዎላ ዱማ ዱማ ቱና ኦስታይር፦ ዎይ የር፥ ማር፥ ዉሹማር፥ ቃይጸር ማቅፐ ግ ብሎዳይስ ዳንዳእንትዛ። ዉሹማር ዎላል ዱማ ዱማ ቱና ኦስታይ አሲ ጾስ ሞድዛይፕ ባለ ከዚ ዶአ ጻባየ ኤኪ ፖልዛ ኦሶ ጉሲ።\fqa*\f* ፓላማራኔ ቅናተራ ማቅፐ። 
\v 14 ጎዳ የሱስ ክርስቶሳና ማኦይታ፤ ይ ናጋራ ኦዝ አሻይ ፋ እና ፖሎድ ጋርክ ኤዝስ ቆፕፓተ።
\c 14
\s1 አሳል አፋ ፕርድፓተ
\p
\v 1 አማኖር ዳቡሬዝ ኦናካ ሺሺ ኤኮይታፕ አትን ኤ ቆፋይል አፋ ፕርድፓተ።\x - \xo 14:1-6 \xo*\xt ቆላ. 2:16\xt*\x* 
\v 2 ኣዝሶስ፥ አማኖር ምንጌዝ ፐቲ አስ አባ ካካ ማዳይስ ዳንዳእዛ። ዝን አማኖር ሚንገካ አስ አታክልተ ኣዳ ሚዛ። 
\v 3 ሚዝ አስ ሞዋ አ ቦርፐ። ሞዋ አስ ሚዝ አይል ፕርድፐ። ጾሲ ኡብታ ኤኬዛ። 
\v 4 ሀራ አስ አይለል አፋ ፕርድዛይ ኔኒ ኦኖ? ኤ ዳቡርን ዎይ ምንግን ፋ ጎዳይሲ። ጎዳይ ኤዛ ኤሶዳይስ ዳንዳእዛ ግሾስ ኤ ሚንጊ ኤቆዳ።
\p
\v 5 ማ «ፐቲ ጋላሲ Ꮊንኮ ጋላሳፕ ኣዛ» ዬጊ ቆፕዛ አሲ የዛ። ሀራይ ማ፥ «ጋላስታይ ኡቢታይ ዎል ጋርክ ግና ቦንቾር የዛ» ግ ቆፕዛ። ዝን ፐታይ ፐታይ ፋ ቆፋ አካኪ አጮ። 
\v 6 ጋላስ ቦንችዝ ኦንካ ጎዳይስ ግ ቦንችዛ። ኡባ ካ ሚዝ አሲ ጎዳይ ቦንቾስ ግ ሚዛ። ኤ ሚዝ የ ካት ግሾስ ጾሳ ጋላትዛ። ኡባ ካ ሞዋ አሲ ጎዳይ ቦንቾስ ሞያ፤ ማ ሜካ አሾራካ ጾሳ ጋላትዛ። 
\v 7 ኑፕ ኦንካ ፓስ ባያ፤ ማ ኑ ጋንጨፕ ኦንካ ፓስ Ꮊይቃም። 
\v 8 ኑ ሸምፖር የዝኮ ጎዳይስ የዞዳ፤ ማ Ꮊይቅኮካ ጎዳይስ Ꮊይቆዳ። ይኬ፥ ኑ ሸምፖር የዝን ዎይ Ꮊይቂን ጎዳይሲ።
\p
\v 9 ክርስቶሳ Ꮊይቂ Ꮊይቆፕ ደንዴዛይ፥ ደኦር የዝታይስኔ Ꮊይቄዝታይስ ጎድ ማቃዳይሲ። 
\v 10 የዝን፥ ኔኒ ነ እሻይል አፋ አብስ ፕርዴ? ዎይ ኔኒ ነ እሻ አብስ ለቄ? ኑኒ ኡቢታይ ጾስ ፕርዳ ዙፋነ ቲና ኤቆዳ።\x - \xo 14:10 \xo*\xt 2ቆሮ. 5:10\xt*\x*
\p
\v 11 ጌሻ ማጻፋይድ ጎዳይ፥
\q1 «ታኒ ፓ የዛ፤
\q2 አስ ኡቢታይ ታ ቲና ቡንቂቶዳ፤
\q2 ታኒ ጾስ ማቄዛና እንጻርስ ኡባይ ማርካቶዳ»\x - \xo 14:11 \xo*\xt ኢሳ. 45:23\xt*\x*
\m ዬጊ ጻፍንቴዛ። 
\v 12 ይኬ፥ ኑ ኦዝ ባዝስ ኑ ኦማር ኦማር ጾስ ቲና ሺቂ ማህ እማዳ።
\s1 ሀራ አስስ በ ማቅፐ
\p
\v 13 የይ ግሾስ፥ ኑኒ ፐታይ ፐታይል አፋ ፕርድዛና ዎላ አሾዳ። ዝን ይ እሻ ብዛ ዎይ ቃጽዛ ባዝ ኦማይ ጋርክ ናግንቶይታ። 
\v 14 ጎዳ የሱሳ አማንዛ አስ ጋርክ፥ ፋ ኡባስ ቱና ማቄዝ ባዝ ባዛና ታኒ ጌሺ ኤርዛ። ዝን ፐቲ አሲ ፐትባዝ ቱና ግ ቆፕኮ የይ ኤዝስ ቱና ማቅዛ። 
\v 15 ነ ሚዝ ካ ግሾስ ነ እሻ ቢዛባዝ ማቅኮ፥ ክርስቶሳር የዛ ነ እሻ ቃያ። ክርስቶሳ ኤ ግሾስ Ꮊይቄዝ አ ነ ሚዝ ካ ግሾስ ኤዛ ብስፐ። 
\v 16 ይኬ፥ ይንትስ የዝ ሎኦ ባዛ Ꮊንክታይ ቦሮድ ጋርከ ኦፓተ። 
\v 17 ጾስ ካተትይ ጌሻ አያናይር በንትዝ ጽሎት፥ ሳሮትኔ ቱማ ኡፋይሳፕ አትን ሙስ ባጋኔ ኡሽ ባጋ ባያ። 
\v 18 የይ ጋርክ ክርስቶሳስ ሞድንትዝ አስ ጾስ ኡፋይስዛ፤ አሳይ ጋንጨካ አንጅንትዛ።
\p
\v 19 የይ ግሾስ፥ አን ኑኒ ሳሮት በንትዝ ኦገኔ ዎል አማኖር ሚንዛ ኦገ ካልዛ። 
\v 20 ካ ግሾስ ግ ጾሳ ኦሶ ብስፐ። ኡባ ካ ጌሺ፥ ዝን ሀራ አስ ሰእስዛ ካ ሙሲ ኢታ። 
\v 21 ነ እሻይ ብንታም ጋርክ አሾ ማም ዎይ ኡሽ ኡዣም ዎይ ቢዛ ሀራ ባዝ ኦምንጽኮ ሎኦ።
\p
\v 22 ይኬ፥ Ꮊ ነ አማና ኔስኔ ነ ጾሳይ ጋንጨ ናጎባ። ልኬ ግ ቆፔዝባዝ ኦዛ ዎደ ኤ ካሃይ ሞቶዋ አይ አንጅንቴዛ። 
\v 23 ዝን ስታር ሚዝ አይስ ኤ ሙሳይ አማኖር ማቀካ ግሾስ ፕርድንትዛ። አማኖ ባይ ኦንቴዝ ኦሶ ኡቢታይ ናጋራ።
\c 15
\s1 ሀራ አስታ ኡፋይሶ
\p
\v 1 ኑ ምንታይ ዳቡሬዝታይ ዳቡራ ቶኮዳይስ ቤዝዛ። ኑኒ ኑና ኡፋይሶዳይስ ቤዞያ። 
\v 2 ኑኒ ዎል ምንዳይስ ዣምታ ማዶዳይስኔ ኡፋይሶዳይስ ቤዝዛ። 
\v 3 ክርስቶሳ ፋና ኡፋይስበኤካያ። ዝን ጌሻ ማጻፋይድ፥ «አሳይ ነና ጫዤዝ ጫሻይ ታና ሄሌዛ»\x - \xo 15:3 \xo*\xt ማዝ. 69:9\xt*\x* ግንትንቲ ጻፍንቴዛይ ጋርክ ሀኔዛ። 
\v 4 ጌሻ ማጻፋይ እንግዛ ጋርዦራኔ ምንራ ኑ ኡፋይሳ ኤኮድ ጋርክ ጌሻ ማጻፋይድ ጻፍንቴዝ ኡቢታይ ኑና ታማርሶዳይስ ጻፍንቴዛ።
\p
\v 5 ጋርዦኔ ምኖት እንግዛ ጎዳይ ይንቲ የሱሳ ክርስቶሳ ካሎዳር ፐትፐተ ይንትስ እንጎ። 
\v 6 የይካ፥ ኑ ጎዳ የሱስ ክርስቶሳ ኣዳ፥ ጾሳ፥ ፐቲ ዎዛናራኔ ፐቲ ቃላር ይ ቦንቾድ ጋርከ።
\s1 ዎንግላይ አስ ኡቢታይስ
\p
\v 7 ክርስቶሳ ይንታን ኤኬዛይ ጋርክ ጾስ ቦንቾስ ፐታይ ፐታ ኤኮይታ። 
\v 8 ጾሲ ብኒ አድታይስ እንጌዝ ኡፋይሳይ ፖልንቶድ ጋርክ ኤ ቱማትይ ኤርንቶዳይ ጋርክ ክርስቶሳ ዶካልንቶ አይለ ማቂ የኤዛና ታ ይንትስ ኦድዛ። 
\v 9 ክርስቶሳ ዶካልንቶስ አይለ ማሄዝ ባዛይ ማ አይሁደ ባ አሳይ ጾሳ ኤ ማሮትይ ግሾስ ጋላቶድ ጋርከ። ጌሻ ማጻፋይድ፥
\q1 «ታ ነና አይሁደ ባ አስ ጋንጨ ጋላቶዳ፤
\q2 ነ ሱን ሳቦዳ»\x - \xo 15:9 \xo*\xt 2ሳም. 22:50፤ ማዝ. 18:49\xt*\x*
\m ግንትንቲ ጻፍንቴዛይ ጋርክ ሀኔዛ።
\p
\v 10 ማ፥ «አይሁደ ባ አሳይስ፥
\q2 ጾስ ዎያይራ ኡፋይቶይታ»\x - \xo 15:10 \xo*\xt ናምእ. 32:43\xt*\x* ዬግንቴዛ።
\p
\v 11 ማ ማሂ፥ «አይሁደ ባ አሳይ ኡባይ፥
\q2 ጎዳ ጋላቶይታ፤
\q2 ካተት ኡቢታይ ኤዛ ሳቦይታ»\x - \xo 15:11 \xo*\xt ማዝ. 117:1\xt*\x*
\m ዬግንቴዛ።
\p
\v 12 የይ ጋርክ ኢስያሳ፥
\q1 «ኢሳየ ጻጶፕ የልንቴዝ ፐታይ የኦዳ፤
\q2 ኤ ፋ ካተት ኡብታ አቅሶዳ።
\q2 ኡ ፋ ኡፋይሳ ኤዛል አፋ ጋዶዳ»\x - \xo 15:12 \xo*\xt ኢሳ. 11:10\xt*\x*
\m ዬጌዛ።
\p
\v 13 ጌሻ አያና ዎልቃር ይ ድጮድ ጋርክ ኡፋይስ እንግዝ ጾሳይ፥ ይ አማናይ ባጋር ይንትስ ኡፋይሳራ ሳሮትር ኩን እንጎ።
\p
\v 14 ታ እሹን ይንት ሎኦትኔ ኤረት ኩሜዛና ማ ፐታይ ፐታ ዞሮዳይስ ዳንዳእዛና ታ ጌሺ ኤርዛ። 
\v 15 ታኒ ይንታን ፐቲ ፐትባዝ ጉጂ አካክሶዳይስ ኮይ ያሽተካዛር Ꮊ ዳብዳባ ይንትስ ጻፌዛ። 
\v 16 ታኒ ክርስቶስ የሱሳ አይለ ማቂ፥ አይሁደ ማቀካ አሳይስ ቄሰ ጋርክ ኦ፥ ዎንግለ ኦዶድ ጋርከ ጾሳይ ታስ ኣ ኬሄት እንጌዛ። አይሁደ ባ አሳይ ጌሻ አያናር ጌዢ፥ ጾስ ኡፋይስዛ ያርሾ ማቃድ ጋርክ ጾሳይ የያ ኦዛ።
\p
\v 17 ታኒ ክርስቶስ የሱሳር ማቂ ጾስስ ኦዛ ኦሶር ጬቅንትዛ። 
\v 18 አይሁደ ባ አሳይ ጾሳይስ ኪትንታ ማቃዳይ ጋርክ፥ ክርስቶሳ ታ ቃላኔ ታ ኦሶ ባጋር ኦዝ ኦሳይፕ አትን ሀራ ታ ጬቅንትዛባዝ ባያ። 
\v 19 ጾስ የያ ማላታራኔ ጌሻ አያና ዎልቃር ዋይዚ ኦዛኮ ታ ይንትስ ኦዶዳ። ታኒ የሩሳላመፕ አይኪ፥ ኢልዋርቆኔ ሄሎዳይስ ክርስቶሳ ዎንግለ ሳባኬዛ። 
\v 20 ታኒ ሀራ አስ ባሴዝ አቃይድ ኬጾዳይስ ኮዮያ። ክርስቶሳ ሱንይ ጼግንተካ አቆ ዎንግለ ሳባኮዳይስ አሞትዛ። 
\v 21 ጌሻ ማጻፋይድ፥
\q1 «ኤባጋ ኦድንተካ አሳይ ኤዛ በአዳ፤
\q2 ኤ ባጋ ስኤካ አሳይ አካኮዳ»\x - \xo 15:21 \xo*\xt ኢሳ. 52:15\xt*\x*
\m ግንትንቲ ጻፍንቴዛ።
\s1 ጳዉሎሳ ኦሮመ Ꮊማዳይስ ቆፔዛ
\p
\v 22 የይ ባጋር፥ ታኒ ጋመ ዎደ ይንትኮ የኦዳይስ ኮይን ዳንዳእንተካያ።\x - \xo 15:22 \xo*\xt ኦሮ. 1:13\xt*\x* 
\v 23 ዝን ታኒ Ꮊተ Ꮊ ሄራር የዝ አቆ ኡባ ሄሌዝ ግሾስ ጋመ ላይፕ አይኪ ይንታን በአዳይስ ላሞቴዝ ግሾስ 
\v 24 ታኒ ኢስጴኔ Ꮊንግታር ይንታን በአዳይስ ቆፔዛ። ማ ጽቃ ዎደ ይንታር ኡፋይቴዛይፕ ጉየ ኢስጴኔ Ꮊንጎዳር ይ ታ ኦጋይስ ታና ማዶድ ጋርክ ኮይዛ።
\p
\v 25 ዝን Ꮊተ ታኒ ጾሳ አስታ ማዶዳይስ የሩሳላመ Ꮊንግዛ። 
\v 26 ማቃዶናራኔ አካያ የዝ ጾስ አስታይ፥ የሩሳላመ ጌሽታይ ጋንጨ የዝ ማንቅታ ሚሸር ማዶዳይስ ኮዬዛ።\x - \xo 15:26 \xo*\xt 1ቆሮ. 16:1-4\xt*\x* 
\v 27 ኡንቲ ማንቅታ ማዶዳይ ኡንትስ አቶዋ ባዝ ማቄዝ ግሾስ ፋ ኡባስ የያ ኦዳይስ ቆፋ አጬዛ። አይሁድታይ አይሁደ ባዝታይራ አያና አንጆ ሻግንትኮ፥ ኡንቲ ማ ፓስ የዛባዛር አይሁድታ ማዶዳይስ ቤዝዛ።\x - \xo 15:27 \xo*\xt 1ቆሮ. 9:11\xt*\x* 
\v 28 የይ ግሾስ፥ ታኒ የ ሺቄዝ ሚሻ ኡንትስ እንገዛይፐኔ ኤኬዛና ኤሬዛፕ ጉየ ኢስጴኔ Ꮊንግታር ይ ላንቀር ኣዳ። 
\v 29 ታኒ ይንትኮ Ꮊንግዛ ዎደ ክርስቶሳ አንጆ ኩንር Ꮊማዳና ታ ኤርዛ።
\p
\v 30 ታ እሹን፥ ታስ ጾስ ዎስታር ታ ቡትንቶዳር ታር ኤቆድ ጋርክ ጎዳ የሱስ ክርስቶሳራኔ ጌሻ አያና ሲቃይር ይንታን ዎስዛ። 
\v 31 ጾሳይ ታና ይሁዳ ጋንጨ የዝ አማኖዋ አስታይፕ አሾድ ጋርከኔ የሩሳላመ ታ ኦድ ኦሶ ጾስ አሳይ ላንቀ ኤክንቶድ ጋርክ ታስ ዎሶይታ። 
\v 32 ማ ጾስ ጊኮ፥ ታኒ ይንትኮ Ꮊንጊ ኡፋይሳር ይንታር ሸምፖድ ጋርክ ታስ ዎሶይታ። 
\v 33 ሳሮት ጾሳይ ይንታር ኡባይር ማቆ። አምንኤ።
\c 16
\s1 ሳሮ
\p
\v 1 ክንክራ ካታማ ጋንጨ የዝ ዎሳ ኬ ኦዛ ኑ ምሽት ፌበና ሎኦ ማች ማቅዛና ይ ኤሮድ ጋርክ ታ ኮይዛ። 
\v 2 ይ እዞ አማንዛ አስታይ ጎዳይ ሱንር ሞኮዳይስ ቤዝዛ አማንዛ አስታይፕ ፐታይ ጋርክ ሞኮይታ። እዛ ይንታፕ ኮይዝ ባዝ ኡባ እዞ ማዶይታ። እዛ ፋ ኡባስ ጋመ አስ ማዴዛ፤ ማ ታና ታ ባጋር ኡንደና ማዴዛ።
\p
\v 3 ክርስቶሳ የሱሳ ኦሳ ታር ዎላ ኦዝ ጵርስቅላራኔ አቅላ ታ ቆ ሳሮ ጎይታ።\x - \xo 16:3 \xo*\xt ሀዋ. ኦ. 18:2\xt*\x* 
\v 4 ኡንቲ ታ ግሾስ ፋ ሸምፖ Ꮊይቆስ ኣ እንጌዛ። ታ ኣዳ ባዝን አይሁደ ባ አሳይ ዎሳ ኬታይ ኡቢታይ ኡንታን ጋላትዛ። 
\v 5 ኡ ካራ ሺቅዝ አማንዛ አሳ ታ ቆ ሳሮ ጎይታ።
\p ኢስያ ቢታ ክርስቶሳና ቲን አማኔዛኔ፥ ታ ቃዛ ኤጳነጾሳስ ታ ሳሮ ኦዶይታ።
\p
\v 6 ይ ግሾስ ኦሶር ጋመ ዳቡሬዝ ማይራሞ ሳሮ ጎይታ። 
\v 7 ታር አች ካራ ጋምኤዝታ አይሁደ ዳብታ አንድሮንቆሳራኔ ዩልያናራ ሳሮ ጎይታ። ኡንቲ የሱሳ ሀዋርታይ ጋንጨ ኤርንቴዝታ። ማ ኡንቲ ክርስቶሳ ታፕ ቲና አማኔዛ።
\p
\v 8 ጎዳ አማንዛ ታ ሲቆ ላጋ፥ አምጲልያጾሳ ሳሮ ጎይታ። 
\v 9 ክርስቶሳ ኦሳ ኑር ዎላ ኦዝ ኡርባኖሰራ ታ ቃዛ እስታኩሳ ሳሮ ጎይታ። 
\v 10 ክርስቶሳር የሳይ ማርካትንቴዝ አጸልሳስ ታ ሳሮ ኦዶይታ። አርስጻቡሎ ካራ አሳይስ ታ ሳሮ ኦዶይታ። 
\v 11 ታ አይሁደ ላጋ ሄሮድዮና ሳሮ ጎይታ።
\p ናርስሳራ ኤ ካራ አሳይፕ ክርስቶሳ አማኔዝታ ሳሮ ጎይታ።
\p
\v 12 ጎዳይ ኦሶር ዳቡርዝ ማች ጽሩፋይናራኔ ጽሩፎሳ ሳሮ ጎይታ። ማ ጎዳይስ ጋመ ዳቡሪ ኦዝ፥ ታ ቃዛ ጸርስሶ ሳሮ ጎይታ። 
\v 13 ጎዳይ ኦሶር ሎእ ኤርንቴዝ ሩፎሳሳራኔ ታና ፋ ናአ ጋርክ ብእዛ ኤ እንዳትስ ታ ሳሮ ኦዶይታ።\x - \xo 16:13 \xo*\xt ማር. 15:21\xt*\x* 
\v 14 አስቂርጾሳ፥ ፍለሶንጻ፥ ሄርመንሳ፥ ጳትሮባሳስራ ኡንታር የዝ አማንዛ እሽታ ኡባይስ ታ ሳሮ ኦዶይታ። 
\v 15 ፍሎሎጉሳ፥ ዩልያ፥ ኔራ፥ ኤ ምሽቶ፥ ኦሉምፖሳራ ኡንታር የዝ ጌሽታ ኡብታ ሳሮ ጎይታ።
\p
\v 16 ጌሽ ዬራ ዬርንትታር፥ ፐታይ ፐታ ሳሮይታ። ክርስቶሳ ዎሳ ኬ ኡቢታይ ይንታን ሳሮ ዬግዛ።
\s1 ዉርስ ዞረ
\p
\v 17 ታ እሹን፥ ይ ታማሬዝ ትምርታ እጺ፥ ይ ጋንጨ ሻክንቶኔ መቶ መዝ አስታይፕ ናግንቶይታ። ኡንታፕ ሃኮይታ። 
\v 18 የይ ጋርክ አሳይ ፋ ኡሎስ ኦዛፕ አትን ኑ ጎዳ ክርስቶሳስ ኦያ። ፋ ሊቆ ዶናራኔ ዎርዶ ቃላር ሃዮ ዎዛና ባልዛ። 
\v 19 ዎንግላይስ ይ ኪትንቴዛና አስ ኡቢታይ ስኤዛይ ታና ኡፋይስዛ። ዝን ይ ሎኦ ባዝስ ኤጫ ኢታ ባዝስ ቦዞዳና ታ ኮይዛ። 
\v 20 ሳሮ ጾሳይ ጻላሃና ይ ቶካይፕ ኦሞር ኤልሲ ጋጮዳ።
\p ኑ ጎዳ የሱስ ክርስቶሳ ኣ ኬሄትይ ይንታር ማቆ።
\p
\v 21 ታር ኦዝ ጽማቶሳ፥\x - \xo 16:21 \xo*\xt ሀዋ. ኦ. 16:1\xt*\x* ታ ዳብታይ ሉቅዮሳ፥ ያሶነራ ሶስጲጽሮሳ ይንታን ሳሮ ዬግዛ።
\p
\v 22 Ꮊ ዳብዳባ ጻፌዝ ታኒ፥ ጻርጽዮሳ፥ ይንታን ጎዳይ ሱንር ሳሮ ዬግዛ።
\p
\v 23 ታና ሞኬዛይኔ ዎሳ ኬ ኡቢታይ ሞክዛ ጋዮሳ፥ ይንታን ሳሮ ጌዛ። ካታማ ሚሸ አይክዝ ኤራስጾሳራ ኑ እሻ ቃርጾሳ ይንታን ሳሮ ዬግዛ።\x - \xo 16:23 \xo*\xt ሀዋ. ኦ. 19:29፤ 1ቆሮ. 1:14፤ 2ጽማ. 4:20\xt*\x* 
\v 24 [ኑ ጎዳ የሱስ ክርስቶሳ ኣ ኬሄትይ ይ ኡባይር ማቆ። አምንኤ።]\f + \fr 16:24 \fr*\ft ብኒ ቲና ማጻፍታይድ ፓይዶ 24 ባያ።\ft*\f*\x - \xo 16:24 \xo*\xt ሀዋ. ኦ. 19:29፤ 1ቆሮ. 1:14፤ 2ጽማ. 4:20\xt*\x*
\p
\v 25 ጾስስ ጋላታ ማቆ። ታኒ፥ የሱስ ክርስቶሳ ባዝ ኦድዝ ዎንግለ ቃላይር ብኒ ዎደፕ አይኪ ቆስንቲ ጋምኤዝ ቱማትር፥ ጾሳይ ይንታን አማኖር ሚን ኤሶዳይስ ዳንዳእዛ። 
\v 26 ዝን Ꮊት የ ቱማይ በንቴዛ። ካተት ኡቢታይ አማኒ ኪትንቶዳይ ጋርክ መና ጾሳ ኪታር ናብታይ የ ቱማባዝ ጻፌዛ።
\p
\v 27 የሱስ ክርስቶሳ ባጋር ኤጨት ኤ ኣዳስ የዛ፥ ፐቲ ጾሳይስ መናስ ቦንቾ ማቆ። አምንኤ።