\id REV - Melo New Testament Ethiopic
\ide UTF-8
\h ዋንሳ ቆንጭ
\toc1 ዋንሳ ቆንጭ
\toc2 ዋንሳ ቆንጭ
\toc3 ዋን. ቆን.
\mt1 ዋንሳ ቆንጭይስ
\imt ገሎ
\ip ዋንሳ ቆንጭይ፥ አማንዛ አሳይ የሱስ ክርስቶሳና ፓስ ጎድ ኡዲ አማኔዝ ግሾኔ፥ ጌሸትር የዜዝ ግሾስ ኡንታን መቶኔ ዋየ ሄሌዝ ዎዳይድ ጻፍንቴዛ። ጻፋይ ሾጪ በኤዝ ኣፈ ቆፋይ፥ አማንዛ አሳይ ኡፋይሳይ ኩን ማቆዳይ ጋርክ ኡንታን ምን፥ ኡንታን ሄሌዝ ባይእ ባጋኔ መቶ ጋንጨ ፋ አማናይር ሚንጊ ኤቆድ ጋርክ ደንዳይሲ።
\ip Ꮊ ማጻፋይስ ኡንደና ክፍልታይ ጋመኔ ካል ካሊ ቆንጬዝ ቆንጭታ አይክዛ። Ꮊ ቆንጭታይ የ ዎደ የዝ አሳይስ ገልዛ፥ ዝን Ꮊንክታይስ ጹራ ማቂ ጋምእዛኔ ኡንቲ ኣዝሶ ምስለር ኦድንቴዛ። ማዝሙረ አዝማቸ ማቂ ማቂ የጽንትዛይ ጋርክ፥ የ ማጻፋይድ የዝ ኣፈ ቆፍታይ ዱማ ዱማ ቆንጭታይ ባጋር ዱማ ዱማ ኦገር ማቂ ማቂ ሺቄዛ። Ꮊ ማጻፋይ ብልእይስ ዱማ ዱማ ቆፋይ የዝኮካ፥ ኤስ ኣፈ ቆፋይ ቆንጨ። የይካ፥ «ጾስ ጎዳ ክርስቶሳ ባጋር ላምሶዋ ኦገር ፋ ሞርክታ፥ ጻላሄራ ጉጂ፥ ፐቲ ቶኬኔ ዉርሲ ጋሞዳ። የ ጋምይፕ ጉየ፥ ኤስ አማንንቲ የዜዝ ፋ ባግታ ኦሮ ሳሎኔ ኦሮ ሳአ አንጆ ላትሶዳ» ዬግዛያ።
\iot ዋንሳ ቆንጭይ አይኬዝ ቆፍታ
\io1 ገሎ \ior 1:1-8 \ior*
\io1 ላፑን ዎሳ ኬታይስ እንግንቴ ኪታኔ ብል \ior 1:9-20 \ior*
\io1 ላፑን ዎሳ ኬታይስ ጻፍንቴዝ ኪትታ \ior 2:1—3:22 \ior*
\io1 ዙፋነ፥ ጻ ማጻፈራኔ ላፑን ማታምታ \ior 4:1—8:1 \ior*
\io1 ላፑን ናስታ \ior 8:2—11:19 \ior*
\io1 ዳዋኔ ናምኢ ዶእታ \ior 12:1—13:18 \ior*
\io1 ዱማ ዱማ ቆንጭታ \ior 14:1—15:8 \ior*
\io1 ላፑን ጾስ ካቺ ጹእታ \ior 16:1-21 \ior*
\io1 ባብሎነ ባ፥ ዶአኔ ዎርዶ ናበኔ ዳቡሎሳ ጋምንታ \ior 17:1—20:10 \ior*
\io1 ዉርስ ፕርዳ \ior 20:11-15 \ior*
\io1 ኦሮ ሳሎ፥ ኦሮ ሳአኔ ኦሮ የሩሳላመ \ior 21:1—22:5 \ior*
\io1 ኩስተ ቆፋ \ior 22:6-21 \ior*
\ie
\c 1
\p
\v 1 ኤለራ ሀኖዳይስ የዛ ባዝ ፋ አይልታ ቤዞዳይ ጋርክ ጾሲ ኤስ እንጌዝ የሱስ ክርስቶሳ ቆንጭይ Ꮊያ። የሱሳ ፋ ኪታንቻ ኪቲ፥ ፋ አይለ ዋንሳስ ቆንጭሴዛ። 
\v 2 ዋንሳ ጾሳ ቃላ፥ የሱስ ክርስቶሳ ኦዝባዝኔ ፓ በኤዝ ባዝ ኡባ ማርካቴዛ። 
\v 3 Ꮊ ኡባይ ሀኖዳይስ ዎደ ሄሌዝ ግሾስ Ꮊ ትንቢተ ቃላ ናባብዛ ኦካ አንጅንቴዛያ። ማ Ꮊ ቃላ ስእዝታይኔ ጻፍንቴዝ ኪታ ናግዛ ኡባይ አንጀቴዝታ።
\s1 ላፑን ኢሳ ዎሳ ኬታይስ ኪትንቴዝ ሳሮ
\p
\v 4-5 Ꮊ ዳብዳባይ፥ ዋንሳፕ፥ ኢሳ ቢታ የዝ ላፑን ዎሳ ኬታይስ ጻፍንቴዛ። ብንካ፥ Ꮊተካ የዝ፥ ቲናፐካ የኦዳይስ የዝ ጾሳይፕ፥ ማ ኤ ዙፋናይ ቲና የዝ ላፑን አያናታይፕ፥ Ꮊይ ጋርክ፥ Ꮊይቆፐ ደንዶር ቲና ማቄዛይፕ፥ ሳአ ካትታ ሞድዛ አማንንቴዝ ማርካ ማቄዝ የሱስ ክርስቶሳፕ፥ ኣ ኬሃትኔ ሳሮት ይንትስ ማቆ።\x - \xo 1:4 \xo*\xt ከስ 3:14፤ ዋን. ቆን. 4:5\xt*\x*
\p የሱሳ ኑና ዶስዛ፥ ማ ፋ ሱር ናጋራ አይለትፕ ኑና ዎዚ ከሴዛ።\x - \xo 1:4-5 \xo*\xt ኢሳ. 55:4፤ ማዝ. 89:27\xt*\x* 
\v 6 ኑኒ የሱስ ክርስቶሳ አዳይስ ጾሳይስ ኦዳይ ጋርክ ኑና ካተትታኔ ቄስታ ማሄዝ ኤስ መናፐ መና ሄሎዳይስ ቦንቾኔ ዎልቃ ማቆ። አምንኤ።\x - \xo 1:6 \xo*\xt ከስ 19:6፤ ዋን. ቆን. 5:10\xt*\x*
\p
\v 7 ይኬ፥ የሱሳ ሻራራ የኦዳ። አስ ኡባይ ሀራ አቶዝን፥ ኤዛ ጫዴዝ አሳይካ ኤዛ በአዳ። ሳአል የዝ አስ ኡባይ ኤ ግሾስ ዬኮዳ። የይ ቱማ ሀኖዳ! አምንኤ።\x - \xo 1:7 \xo*\xt ዳነ. 7:13፤ ማቶ. 24:30፤ ማር. 13:26፤ ሉቃ. 21:27፤ 1ተሰ. 4:17፤ ዛክ. 12:10፤ ዋን. 19:34\xt*\x*
\p
\v 8 ብንካ፥ Ꮊተካ የዛይ፥ ቲናፐካ የኦድ ጎዳይ፥ ኡባፕ ዎልቃማ ጾሳይ፥\x - \xo 1:8 \xo*\xt ዋን. ቆን. 22:13፤ ከስ 3:14\xt*\x* «አልፋኔ ኦመጋ ታና»\f + \fr 1:8 \fr*\fqa አልፋኔ ኦመጋ፦ \fqa*\ft ግርኬ ዶናር አልፋኔ ኦመጋ ኮይሮኔ ዉርስ ፕዳልታ፤ ብርሸይካ ደንዶኔ ዉርስ ጉሲ።\ft*\f* ዬግዛ ጎዳይ ጾሳይ።
\s1 ክርስቶሳ ቆንጭር በንት
\p
\v 9 ታኒ፥ ዋንሳ፥ ይ እሻይ፥ ይንታር ፐትፕ የሱሳር ኤ መቶ፥ ኤ ካተትኔ ኤ ዳንዳአ በኤዛ። ታኒ ጾስ ቃላ ግሾኔ የሱሳባዝ ማርካቴዝ ግሾስ ፕጽሞ ግዝ ሃር ማርንቴዝ ቢታል ታ የዛ። 
\v 10 ጎዳይ ጋላስ ታ አያናር የዛ፤ ታፕ ጉየር ቱቱሎ ፑጎ ጋርክ ግታ ጊር ታ ስኤዛ። 
\v 11 የ ጊርይ ታና፥ «ነ ብእዛና ማጻፋይድ ጻፊ፥ ኢሳ የዝ ላፑን ዎሳ ኬታይስ፥ ኤፈሶነስ፥ ሳምርኔሳስ፥ ጰርጋሞናስ፥ ትያትሮናስ፥ ሳርዴሳስ፥ ፍላደልፋስኔ ሎዶቃስ ዳኮባ» ዬጌዛ።
\p
\v 12 ታኒ ታስ ኦድዛ ጊር በአዳይስ ጉየ ማቂ ጾምፐ ጋድዝ ላፑን ዎርቃ ኮችታ በኤዛ። 
\v 13 የ ኮችታይ ጋንጨ አስ ናአ ኣዝዛና ታ በኤዛ። ኤ አዱስ አፍላ ፋ ቶኬ ሄል ማኤዛ፥ ዎርቃ ዳንጮር ፋ ትራ ዳንጬዛ።\x - \xo 1:13 \xo*\xt ዳነ. 7:13፤ ዳነ. 10:5\xt*\x* 
\v 14 ኤ ኦማይኔ ኤ ብናናይ ቦ ዱር እክሰ ጋርከኔ ሻች ጋርከ፤ ኤ ኣፋይካ ታማ ላ ኣዝዛ።\x - \xo 1:14 \xo*\xt ዳነ. 7:9\xt*\x* 
\v 15 ኤ ቶካይ ታማር ቴሌዝ ዞቄዝ ናሰ ብራታ ኣዝዛ፤ ኤ ግርይካ ግታ ጋመ ሃታይ ኦሽች ጋርከ።\x - \xo 1:15 \xo*\xt ኢዝቀ. 1:24፤ 43:2\xt*\x* 
\v 16 ኤ ፋ ኡሻች ኩሸር ላፑን ጾልንትታ አይኬዛ። ኤ ዶናይፕ ናምኢ ባጋር ሌፍንቴዝ ኦጮ ማሻ ከዜዝ። ኤ ስናይ ሴታ ጋላሳ አዋ ኣፈ ኣዝዛ።
\p
\v 17 ታኒ ኤዛ በኤዝ ዎደ Ꮊይቄዝ አስ ጋርክ ሀኒ ኤ ቶኬ አቻ ፖኬዛ። ኤ ፋ ኡሻቻ ኩሻ ታል አፋ ጋዲ፥ «ያሽትፐ፤ ቲናይ ዉርስይ ታና።\x - \xo 1:17 \xo*\xt ኢሳ. 44:6፤ 48:12፤ ዋን. ቆን. 2:8፤ 22:13\xt*\x* 
\v 18 ታኒ የዛያ፤ ታኒ Ꮊይቄዛ ዝን መ መናስካ ፓ የዛ። Ꮊይቆኔ ስኦለ ቁልፐ ታ ኩሸ የዛ። 
\v 19 ይኬ፥ Ꮊት ሀንዛባዝኔ ቲናፕ ሀኖድ ባዝ ነ በኤዝ ባዝ ጻፎባ። 
\v 20 ኔኒ ታ ኡሻች ኩሻይድ በኤዝ ላፑን ጾልንትታኔ ላፑን ዎርቃ ኮችታይ ብልእይ Ꮊይ፦ ላፑን ጾልንትታይ ላፑን ዎሳ ኬታይ ኪታንችታ፤ ላፑን ዎርቃ ኮችታይ ላፑን ዎሳ ኬታ።»
\c 2
\s1 ኤፈሶነ ዎሳ ኬስ ኪትንቴዝ ኪታ
\p
\v 1 «ኤፈሶና ዎሳ ኬ ኪታንቻይስ Ꮊይ ጋርክ ዬጊ ጻፎባ።
\pi ፋ ኡሻች ኩሸር ላፑን ጾልንትታ አይኬዛይኔ ላፑን ዎርቃ ኮችታይ ጋንጨር የዛይ Ꮊይ ጋርክ ዬግዛ፦ 
\v 2 ታኒ ነ ኦሳ፥ ነ ዳቡራኔ ነ ጋርዣ ኤርዛ። ኔኒ ኢታ አስታይባጋ ጋርዦዳይስ ዳንዳኤካዛ ታ ኤርዛ። ማ ሀዋረ ባዝር ፋና፥ ሀዋረ ግዝታ ፕላጊ ኤሪ ኡንቲ ዎርዳንቾ ማቄዛና ደንጌዛና ታ ኤርዛ። 
\v 3 ኔኒ ጋርዦር ሚንጌዛናኔ ታ ሱንይ ግሾስ ዶልኤካዛር መቶ ኤኬዛና ታ ኤርዛ። 
\v 4 ሀኖ ዝን፥ Ꮊት ታ ነና ቦርዛባዝ የዛ፤ የይካ ኔኒ ነ ቲና ሲቃ አሼዛ። 
\v 5 ይኬ፥ ነ ኣብ ጋርክ ቃ አቆፕ ፖኬዛኮ ቆፖባ! ማሮት ገሎባ፤ ኔኒ ካሰ ኦዛ ኦሳ ኦባ። የያ ኡባ ነ ኦም እጽኮ ታ ኔኮ የኦዳ። ኔኒ ማሮት ገላም እጽኮ፥ ነ ጾምፓ ጋድዛ ኮቻ ያ አቃይፕ ኤኮዳ። 
\v 6 Ꮊት ታ ነና ናሽችዛ ፐትባዝ የዛ፤ ታ እጽዛ ንቆላዉታይ ኦሳ ኔካ እጼዛ።
\pi
\v 7 አያናይ ዎሳ ኬታይስ ግዝባዝ ስኦዳይስ ሀየ የዝ ኦንካ ስኦ። ጋሜዝ ኦንካ ጾስ ገነተ የዝ ደኦ ም ኣፈፕ ማዳይ ጋርክ ማዉተ እማዳ።\x - \xo 2:7 \xo*\xt መ. 2:9፤ ዋን. ቆን. 22:2፤ ኢዝቀ. 28:13፤ 31:8\xt*\x*
\s1 ሳምርኔሳ ዎሳ ኬስ ኪትንቴዝ ኪታ
\p
\v 8 «ሳምርኔሳ ዎሳ ኬ ኪታንቻይስ Ꮊይ ጋርክ ዬጊ ጻፎባ።\x - \xo 2:8 \xo*\xt ኢሳ. 44:6፤ 48:12፤ ዋን. ቆን. 1:17፤ 22:13\xt*\x*
\p ቲናይኔ ዉርስይ፥ Ꮊይቄዛይነ Ꮊይቆፕ ደንዴዛይ Ꮊይ ጋርክ ዬግዛ፦
\pi
\v 9 ታኒ ነ መታኔ ነ ማንቆት ኤርዛ፤ ማቆዝን ኔኒ ዱረ። ጻላሄ ማባራ የዝታይ፥ አይሁደ ባዛር ፋና አይሁደ ግዝታይ ነና ጫዥዛ ጫሻ ታ ኤርዛ። 
\v 10 ኔኒ ኤኮዳይስ የዝ መታ ያሽትፐ። ዳቡሎሳ ይንትፕ ፐትታ ፐትታ ፋጮዳይስ አች ኬ ገልሶዳይ፤ ታጲ ጋላስ ሄሎዳይስ ይ መትንቶዳ። Ꮊይቆድ ሄሎዳይስ አማንንቴዛ ማቆባ፤ ታ ኔስ ደኦ ዛዉደ እንጎዳ።
\pi
\v 11 አያናይ ዎሳ ኬታይስ ግዝባዝ ስእዝ ሀየ የዝ ኦንካ ስኦ። ጋምዝ ኦንካ ናምእን Ꮊይቆር ቆህንተና።\x - \xo 2:11 \xo*\xt ዋን. ቆን. 20:14፤ 21:8\xt*\x*
\s1 ጰርጋሞና ዎሳ ኬስ ኪትንቴዝ ኪታ
\p
\v 12 «ጰርጋሞኔ ዎሳ ኬ ኪታንቻይስ Ꮊይ ጋርክ ዬጊ ጻፎባ።
\pi ናምኢ ባጋር ሌፕንቴዝ ማሻ የዛይ Ꮊይ ጋርክ ዬግዛ፦ 
\v 13 ታኒ ነ የዝ አቃ ኤርዛ፤ ኔኒ ጻላሄ ዙፋናይ የዝ አቆ የዛ፤ ታ ሱን ነ ሚን አይኬዛ። ሀራ አቶዝን፥ ጻላሄ የዝ ይ ካታማይ Ꮊይቄዝ ታስ አማንንቴዝ ማርካይ፥ አንትጳሳ፥ የዝ ዎደካ አማና አሸካያ።
\pi
\v 14 ሀኖ ዝን፥ ታ ነና ቦርዛ ፐትባዚ የዛ። የይካ እስሬለ አሳይ ኤቃስ ያርሽንቴዝ ካ ም ቱኖዳይ ጋርከኔ ኢታ ኦሶስ ዥምባሮ ናጋራ ኦድ ጋርክ ባላቃና ታማርሴዝ ባላማ ትምርታ ኤኬዝ ፐቲ ፐቲ አስታይ ኔራ የዛ።\x - \xo 2:14 \xo*\xt ታይ. 22:5\xt*\x* 
\v 15 የይ ጋርከካ፥ ንቆላውታይ ትምርታ ታማርዛ አስታይ ኔራ የዛ። 
\v 16 የይ ግሾስ፥ ኔኒ ነ ናጋራይፕ ማቆባ። የይ ሀናም እጽኮ፥ ታ ኔኮ ኤልሲ ይኢ የ አስታ ታ ዶናይፕ ከዝዝ ቃላ ማሻይር ኦሎዳ።
\pi
\v 17 አያናይ ዎሳ ኬታይስ ግዝባዝ ስእዝ ሀየር የዝ ኦንካ ስኦ። ጋምዝ ኦስካ ቆስንቲ የዝ ማና\f + \fr 2:17 \fr*\fqa ማና፦ \fqa*\ft እስሬለ አሳይ ሊዦ ቢታ የዳር ሳሎፕ ጾሲ ኡንትስ እንጌዝ ዱማ ካ ዎይ ኪታንቾ ቁማ።\ft*\f* እማዳ። ኦሮ ሱንይ ጻፍንቴዝ ቦ ሹቻ ታ ኤስ እማዳ። የያ ኤክዛይፕ አትን ሀራ ኦንካ ኤሮያ።\x - \xo 2:17 \xo*\xt ከስ 16:14\xt*\x*
\s1 ትያጽሮና ዎሳ ኬስ ኪትንቴዝ ኪታ
\p
\v 18 «ትያጽሮና ዎሳ ኬ ኪታንቻይስ Ꮊይ ጋርክ ዬጊ ጻፎባ።
\pi ታማ ላ ኣዝዝ ኣፈ የዛይ፥ ማ ታማር ቴሌዝ ናሰ ብራታ ኣዝዝ ቶክ የዛይ፥ ጾስ ናአይ፥ Ꮊይ ጋርክ ዬግዛ፦ 
\v 19 ታኒ ነ ኦሳ፥ ነ ሲቃ፥ ነ አማና፥ ነ ጾስስ ኦዛያኔ ነ ጋርዣ ኤርዛ። ኔኒ ቲና ኦዛይፕ Ꮊት ኣ ኦዛናካ ታ ኤርዛ።
\pi
\v 20 ሀኖ ዝን፥ ታ ነና ቦርዛ ፐትባዚ የዛ፤ ፋና ናበ ግዝ አስት፥ ኤልዛበሊ ባጋ፥ ሸናኮ ግ አሼዛ። የ አስታ ኤቃስ ያርሽንቴዝ ካ ም ቱኖዳይ ጋርከኔ ላግቶድ ጋርክ ኡዲ ታ አይልታ ባልዛ።\x - \xo 2:20 \xo*\xt 1ካት. 16:31፤ 2ካት. 9:22\xt*\x* 
\v 21 እዛ ፋ ናጋራይፕ ማቆዳይ ጋርክ ታ ኢስ ዎደ እንጌዛ፥ ዝን እዛ ማቆዳይስ ኮየካያ። 
\v 22 የይ ግሾስ ታ እዞ ኢታ ሀርገር አርሳል ኦሎዳ። ኢር ላግትዝታይካ ፋ ኢታ ኦሳይፕ ማቃም እጽኮ፤ ኢታ መቶል ኦሎዳ። 
\v 23 ታኒ እ ናእታካ ዎዳ፤ ማ ዎሳ ኬ ኡባይ ታ አስ ቆፋኔ አስ ዎዝና ኤርዛያ ማቄዛና ኤሮዳ። ታ ፐታይስ ፐታይስ ኤ ኦሳይ ጋርክ እማዳ።\x - \xo 2:23 \xo*\xt ማዝ. 7:9፤ ኤርም. 17:10፤ ማዝ. 62:12\xt*\x* 
\v 24 ትያትሮና የዝ Ꮊንክታ፥ የ ኢታ ትምርታ ኤከካዝታይኔ፥ «ጻላሄ ግታ ጹራ» ግንትንትዝ Ꮊ ትምርታ ታማረካ ይንታን ሀራ ዴጾ ቶፎ ቶሳሚ። 
\v 25 ሀኖ ዝን፥ ታ የኦድ ሄሎዳይስ ይንትስ የዛ ባዝ ሚን ናጎይታ።
\pi
\v 26 ጋምዛይኔ ዉርስ ሄሎዳይስ ታስ ኪትንትዛ ኦስካ ዎያ ኡባይል ማዉተ እማዳ።\x - \xo 2:26-28 \xo*\xt ማዝ. 2:8-9\xt*\x*
\q1
\v 27 «‹ኤ ኡንታን ብራታ ጉፈራ ሃሮዳይ፤
\q2 ዢጨፕ ኦንቴዝ ሚሸጋርከካ ትንቺ ልቅሶዳ።›
\mi የ ማዉታ ታኒ ታ አዳይፕ ኤኬዝ ማዉታይ ጋርከ። 
\v 28 ማ ታ ኤስ ባካላ ጾልንቶ እማዳ። 
\v 29 አያናይ ዎሳ ኬታይስ ግዝባዝ ስእዝ ሀየ የዝ ኦንካ ስኦ።
\c 3
\s1 ሳርዴሳ ዎሳ ኬስ ኪትንቴዝ ኪታ
\p
\v 1 «ሰርዴሰ ዎስ ኬ ኪታንቻይስ Ꮊይ ጋርክ ዬጊ ጻፎባ።
\pi ላፑን ጾስ አያንታኔ ላፑን ጾልንትታ አይኬዛይ Ꮊይ ጋርክ ዬግዛ፦ ታኒ ነ ኦሳ ኤርዛ፤ ሱንስ ነ ፓ የዛ ዝን፥ ነ Ꮊይቄዛ። 
\v 2 ባርኮባ! Ꮊይቆዳይስ ሄሌዝታኔ አቴዝ ጽቃ ዎልቃ ምንባ። ነ ኦሳይ ታ ጾሳይ ቲና ፎሎ ማቂ በንተካያ። 
\v 3 ይኬ፥ ነ ኤኬዝባዝኔ ስኤዝባዝ አካኮባ፤ ናጎባ፤ ነ ናጋራይፕ ማቆባ። ኔኒ ባርካም እጽኮ ታ ነ ቆፐካዝን ካይዞ ጋርክ ኔኮ የኦዳ፤ ታ አባ ዎደ የኦዳዛኮ ነ ኤሮያ።\x - \xo 3:3 \xo*\xt ማቶ. 24:43\xt*\x*
\pi
\v 4 ዝን ፋ ማኦ ቅትሶዋ ጽቃ አስታይ ሳርዴሳ የዛ። ኡንትስ ቤዝዛ ባዝ ማቄዝ ግሾስ ቦ ማኦ ማኢ ታር የዳ። 
\v 5 ጋምዝ ኦንካ ኡንቲሳይ ጋርክ ቦ ማኦ ማኦዳ። ታኒ ኤ ሱን ደኦ ማጻፋይፕ ኡጫሚ። ታኒ ታ አዳይ ቲናኔ ታ አዳይ ኪታንችታይ ቲና ኤ ታባዝ ማቄዛና ማርካቶዳ።\x - \xo 3:5 \xo*\xt ከስ 32:32\xt*\x* 
\v 6 አያናይ ዎሳ ኬታይስ ግዝባዝ ስእዝ ሀየር የዝ ኦንካ ስኦ።
\s1 ፍላደልፋ ዎሳ ኬስ ኪትንቴዝ ኪታ
\p
\v 7 «ፍላደልፋ ዎሳ ኬ ኪታንቻይስ Ꮊይ ጋርክ ዬጊ ጻፎባ።
\pi ጌሽኔ ቱማንቻይ፥ ዳዉተ ቁልፐ ፋ ኩሸ አይኬዛይ፥ Ꮊይ ጋርክ ዬግዛ፦ ኤ ጎርድን ኦንካ ዶዮዳይስ ዳንዳኦያ፤ ማ ኤ ዶይን ኦንካ ጎርዶዳይስ ዳንዳኦዋ።\x - \xo 3:7 \xo*\xt ኢሳ. 22:22፤ ኢዮ. 12:14\xt*\x* 
\v 8 ታኒ ነ ኦሳ ኤርዛ፤ ይኬ ታ ነ ቲና ኦንካ ጎርዶዳይስ ዳንዳኦዋ ዶያ ፐንገ ጋዴዛያ። ነ ዎልቃይ ጽቃ ማቅኮካ፥ ታ ቃላ ናጌዛ፤ ታና ካደካ። 
\v 9 አይሁደ ባዛር ፋና አይሁደ ግዝ ዎርድታኔ ጻላሄ ባግታ ኔኮ ኮኦዳኔ ነ ቲና ጹጉንዳ። ታ ነና ዶስዛያ ኡንታን ኤርሶዳ።\x - \xo 3:9 \xo*\xt ኢሳ. 49:23፤ 60:14፤ ኢሳ. 43:4\xt*\x* 
\v 10 ኔኒ፥ ‹ጋርዦባ› ግ ታ ኪቴዝ ኪታ ናጌዝ ግሾስ ኩን አላማ ፋጮዳይስ የኦድ ዋየ ዎዳይፕ ታኒ ነና ናጎዳ።
\pi
\v 11 ታኒ ኤልሲ የኦዳ፤ ኦንካ ነ ዛዉዳ ኤካማይ ጋርክ ኔስ የዛ ባዝ ሚን አይኮባ። 
\v 12 ጋሜዛና ታ ጾስ ካራ ቱስ ኡዶዳ፤ ኤ ኤዛይድ መናስ የዞዳ። ታኒ ታ ጾሳይ ሱንኔ ታ ጾሳይ ካታማይ ሱን ኤዛል አፋ ጻፎዳ፤ እዛካ ታ ጾስ ካለፕ ዎዝ ኦሮ የሩሳላመ። ማ ታ ታ ኦሮ ሱንካ ኤዛል አፋ ጻፎዳ።\x - \xo 3:12 \xo*\xt ዋን. ቆን. 21:2፤ ኢሳ. 62:2፤ 65:15\xt*\x* 
\v 13 አያናይ ዎሳ ኬታይስ ግዝባዝ ስእዝ ሀየ የዝ ኦንካ ስኦ።»
\s1 ሎዶቃ ዎሳ ኬስ ኪትንቴዝ ኪታ
\p
\v 14 «ሎዶቃ ዎሳ ኬ ኪታንቻይስ Ꮊይ ጋርክ ዬጊ ጻፎባ።
\pi ‹አምንኤ› ማቄዝ አማንንቴዝ ቱማ ማርካይ፥ ጾስ መት ኡባ ሃርዛይ Ꮊይ ጋርክ ዬግዛ:\x - \xo 3:14 \xo*\xt ኣዝ. 8:22\xt*\x* 
\v 15 ታኒ ነ ኦሳ ኡባ ኤርዛ፤ ኔኒ እርጻ ዎይ ምሻ ማቀካያ፤ ኔኒ ናምአይፕ ፐታ ማቄዛኮ ኔስ ሎኦ ዝኒ! 
\v 16 ኔኒ እርጻ ዎይ ምሻ ባ ቦልኦ ማቄዝ ግሾስ ታ ነና ታ ዶናይፕ ጩቶዳይስ ሀንዛ። 
\v 17 ይኬ፥ ኔኒ፥ ‹ታኒ ዱረ፥ ጋመ ሻሎር የዛ፥ ታስ አብካ ፓጨካያ› ነ ዬግዛ። ዝን ኔኒ ሶንቄዛ፥ ማንቆ፥ ቶአኔ ካሎቴዛ ማቄዛና ኤሮያ። 
\v 18 የይ ግሾስ፥ ነ ዱርቶዳይስ ታማር ጌዤዝ ዎርቃ፥ ነ ዬላ ካሎ ካሞዳይስ ቦ ማኦኔ ሎእ በአዳይስ ማድዛ ኣፈ ለ ታፕ ዎንጎዳይ ጋርክ ታ ነና ዞርዛ።
\pi
\v 19 ታ ታ ዶስዝታ ካጭዛኔ ሴርዛ፤ ይኬ ሉሎባ፤ ነ ናጋራይፕ ማቆባ።\x - \xo 3:19 \xo*\xt ኣዝ. 3:12፤ እብራ. 12:6\xt*\x* 
\v 20 ዬዛኮ፥ ታ ባለር ኤቂ ጼጎዳ። ኦንካ ታ ጼሳ ስኢ፥ ጋዛራ ዶይኮ፥ ታ ኤኮ ገሎዳ፤ ኤዛር ፐትፕ ካ ማዳ፤ ኤካ ታራ ፐትፕ ማዳ።
\pi
\v 21 ታ ጋሚ ታ አዳይራ ኤ ዙፋናይል በቴዛይ ጋርክ ጋሜዛይ ታራ ታ ዙፋነል በቶዳይ ጋርክ ማዉተ እንጎዳ። 
\v 22 አያናይ ዎሳ ኬታይስ ግዝባዝ ስእዝ ሀየር የዝ ኦንካ ስኦ» ዬጌዛ።
\c 4
\s1 ሳሎ የዝ ጎይኖ
\p
\v 1 የይፕ ጉየ፥ ታኒ በኤዛ፥ ሳሎ ዶይንቴዝ ፐንገ የዛ። ማ ታ ቲና ስኤዝ ቱልቱሎ ግርስ ጋርከዛይ ታኮ፥ «Ꮊንካ ከዞባ፤ Ꮊይፕ ጉየ፥ ሀኖዳይስ የዛ ባዝ ታ ነና ቤዞዳ» ዬጌዛ። 
\v 2 የ ዎደ ታ አያናር ኩሚ የዛ። ይኬ፥ ሳሎ ዙፋነ ታ በኤዛ ዙፋናይል አፋ ፐታ በቴዛና በኤዛ።\x - \xo 4:2-3 \xo*\xt ኢዝቀ. 1:26-28፤ 10:1\xt*\x* 
\v 3 የ በቴዛይ ማላይ እያስጰደኔ ሳርድዮና ግዝ አልኦ ሹቻይጋርከ። ኤ ዙፋናይ ዩሻይድ አልኦ መርገደ ሹች ኣዝዝ ዙላይ የዛ። 
\v 4 የ ዙፋናይ ዩሻይድ ላታማኔ ኦይዲ ዙፋንታይ የዛ፤ ኡንታል አፋ ቦ ማኦ ማኢ፥ ኦማል ዎርቃ ዛዉደ ጋዴዝ ላታማኔ ኦይዲ ጭምታይ በቴዛ። 
\v 5 ዙፋናይፕ ዜልን፥ ዳዳ ጉምኔ ሳር ከዝዛ። ዙፋነ ቲና ላፑን ፖእዛ ታማ ጾምፕታይ የዛ፤ ኡንቲ ላፑን ጾስ አያንታ።\x - \xo 4:5 \xo*\xt ከስ 19:16፤ ዋን. ቆን. 1:4፤ ዋን. ቆን. 8:5፤ 11:19፤ 16:18፤ ኢዝቀ. 1:13፤ ዛክ. 4:2\xt*\x* 
\v 6 ዙፋናይ ቲና ብርለ ኣዝዛ ፎጭዝ ቡርጩኮ አባይ የዛ።\x - \xo 4:6 \xo*\xt ኢዝቀ. 1:22\xt*\x*
\p ቲናራኔ ጉየር ኣፈ ኩሜዝ ሸምፖር የዝ ኦይዲ መትታይ ዙፋናይ ዩሻይራኔ ዙፋናይ ጋንጨ የዛ። 
\v 7 ቲና መትይ ጋሞ ኣዝዛ፤ ናምእንይ ገማተ ኣዝዛ፤ ሃይንይ ቲናይር አስ ኣዝዛ፤ ማ ኦይድንይ ፕራዛ አንኮ ኣዝዛ። 
\v 8 ኦይዲ መተታይ ፐታይስ ፐታይስ ኡሱፑን ቀፍታይ የዛ፤ የ ቀፍታይ አፋ ባጋራኔ ኦሞ ባጋር ኣፈ ኩሜዛ።\x - \xo 4:8 \xo*\xt ኢዝቀ. 1:18፤ 10:12፤ ኢሳ. 6:2\xt*\x*ኡንቲ ቃማኔ ጋላስ ጋቼካዛር፥
\qc «ጌሻዮ፥ ጌሻዮ፥ ጌሻዮ፥
\qc ጎዳዮ፥ ኡባ ሃርዛ ጾሳዮ፥
\qc ብንካ፥ Ꮊተካ የዛዮ፥ ቲናፕ የኦዳዮ»
\m ዬግዛ። 
\v 9 የ መተታይ ዙፋናይል በቴዛይኔ መናስ የዛይስ ሳባ፥ ቦንቾኔ ጋላታ እንጌዝ ዎደ 
\v 10 ላታማኔ ኦይዲ ጭምታይ ዙፋነል በቴዛኔ መናስ የዛይ ቲና ጹጉኒ ጎይኔዛ፤ ፋ ዛዉደ ዙፋናይ ቲና ጋዲ፥
\q1
\v 11 «ኑ ጎዳዮ፥ ኑ ጾሳዮ፥
\q1 ኔኒ ኡባ መዛ፤
\q2 ኡባ ባዝ ነ ሸነ ጋርክ ሀኔዛይ ጋርክ
\q2 ኔኒ ቦንቾ፥ ቴማኔ ዎልቃ ኤኮዳይስ ቤዝዛ»
\m ዬጌዛ።
\c 5
\s1 ዱራኔ ማጻፍቶ
\p
\v 1 የይፕ ጉየ፥ ዙፋናይል አፋ በቴዛይ ኡሻች ኩሻይድ ጋንጨራኔ አፋር ጻፍንቲ ላፑን ማታመር ጎርድንቴዝ ጻ ማጻፍቶ ታ በኤዛ።\x - \xo 5:1 \xo*\xt ኢዝቀ. 2:9\xt*\x* 
\v 2 ፐቲ ምኖ ኪታንቻይ ፋ ቃላ ቅ ኡዲ፥ «ማታማ ብሎዳይስኔ ማጻፍቶ ዶዮዳይስ ቤዝዛይ ኦኖ?» ዬጊ አዋጆዳር በኤዛ። 
\v 3 ዝን ሳሎ ማቅን ሳአ ዎይ ሳአፕ ኦሞ ማቅን የ ጻ ማጻፍቶ ዶዮዳይስኔ ጋንጫ በአዳይስ ዳንዳኤዝ ኦንካ ባያ። 
\v 4 ጻ ማጻፍቶ ዶዮዳይስኔ እ ጋንጫ በአዳይስ ቤዝዛ አስ ቤዝ ግሾስ ታ ኢታ ዬኬዛ። 
\v 5 የ ዎደ፥ ጭምታይፕ ፐታይ ታኮ፥ «ዬክፐ! ይሁዳ ዘረ ማቄዝ ጋማይ፥ ዳዉተ ሼሻይ፥ ላፑን ማታምታ ብሎዳይስኔ ማጻፍቶ ዶዮዳይስ ዳንዳኤዛ» ዬጌዛ።\x - \xo 5:5 \xo*\xt መ. 49:9፤ ኢሳ. 11:1\xt*\x*
\p
\v 6 የይፕ ጉየ፥ ዙፋናይል ኦይዲ መተታይስኔ ጭምታይስ ጋንጨ፥ ሹክንቴዝ ዱር ጋርክ ኤቄዛና ታ በኤዛ። ኤስ ላፑን ካጭታይኔ ላፑን ኣፍታይ የዛ። የይትታይ ሳአ ኡባይል ኪትንቴዝ ጾስ አያና ላፑንታ።\x - \xo 5:6 \xo*\xt ኢሳ. 53:7፤ ዛክ. 4:10\xt*\x* 
\v 7 የ ዱራይ ይኢ፥ ዙፋናይል አፋ በቴዛይ ኡሻች ኩሸፕ ጻ ማጻፍቶ ኤኬዛ። 
\v 8 ኤ የ ጻ ማጻፍቶ ኤኬዝ ዎደ ኦይዲ መትታይኔ ላታማኔ ኦይዲ ጭምታይ ዱራይ ቲናይድ ጉጲንጌዛ። ኡንቲ ፐታይ ፐታይ ዲኔ ጌሽታይ ዎሳ ማቄዝ እጻኔ ኩሜዝ ዎርቃ ሻተ አይኬዛ።\x - \xo 5:8 \xo*\xt ማዝ. 141:2\xt*\x* 
\v 9 ኡንቲ፥
\q1 «ጻ ማጻፍቶ ኤኮዳይስ፥
\q2 ማታመ ብልኦዳይስ ኔስ ቤዝዛ።
\q1 \x - \xo 5:9 \xo*\xt ማዝ. 33:3፤ 98:1፤ ኢሳ. 42:10\xt*\x*አብስ ጊኮ፥ ኔኒ ሹክንቴዛያ፤
\q2 ዘረ ኡባይፕ፥ ዱማ ዱማ ዶናፕ፥
\q2 ያርታይፐኔ ካተት ኡባይፕ፥
\q2 ነ ሱይር ጾሳይስ ዎዜዛ።
\q1
\v 10 ኑ ጾሳይስ ካተትኔ ቄሰ ማቃዳይ ጋርክ ኡዴዛ
\q2 ኡንቲ ቢታል አፋ ካዉቶዳ።
\q1 ኡንትካ ጋደ ኡባ ሞዶዳይ»
\m ዬጊ ኦሮ ማዝሙረ የጼዛ።\x - \xo 5:10 \xo*\xt ከስ 19:6፤ ዋን. ቆን. 1:6\xt*\x*
\p
\v 11 ታ በአዳር ዙፋናይ፥ ኦይዲ መትታይኔ ጭምታይ ዩሻይድ ጋመ ኪታንችታይ የዛ። ኡ ጋመትይ ሙኩሎ ቶኬ ሙኩሎኔ ታጲ ሙኩሎ ቶኬ ታጲ ሙኩሎ ማቄዝ ጊር ስኤዛ።\x - \xo 5:11 \xo*\xt ዳነ. 7:10\xt*\x* 
\v 12 የ ኪታንችታይ ቅ ጌዝ ቃላር፥
\q1 «ሹክንቴዝ ዱራይ ዎልቃ፥ ዱረት፥
\q2 ኤጨትኔ ምኖት፥ ቦንቾ፥ ሳባኔ
\q2 አንጆ ኤኮዳይስ ቤዝዛ»
\m ዬጌዛ።
\p
\v 13 የይፕ ጉየ፥ ሳአ፥ ሳሎ፥ ሳአፕ ኦሞራኔ አባ ጋንጨ የዝ መት ኡባይ፥
\q1 «ዙፋነል አፋ በቴዛይስኔ ዱራይስ፥
\q2 ጋላታ፥ ቦንቾ፥ ሳባኔ ዎልቃ
\q2 መፐ መናስ ማቆ»
\m ዬጊ የጾዳር ስኤዛ።
\p
\v 14 ኦይዲ መትታይካ፥ «አምንኤ» ዬጌዛ፤ ማ ጭምታይካ ጹጉኒ ጎይኔዛ።
\c 6
\s1 ማታምታይ ዶይንቶ
\p
\v 1 ዱራይ ላፑን ማታምታይፕ ፐታ ዶዮዳር በኤዛ። ማ ኦይዲ መትታይፕ ፐታይ፥ ዳዳ ጋርክ ጉምር፥ «Ꮊና የኦባ!» ዬጎዳር ታ ስኤዛ። 
\v 2 የይፕ ቦ ፋራ ታ በኤዛ። የ ፋራ ቶጌዛይ ዶንገ አይኬዛ፤ ኤ ኦማይስ ዛዉደ እንግንቴዛ። ኤካ ጋምዛያ ማቂ ጋምፕ ጋምኮ Ꮊማዳይስ ከዜዝ።\x - \xo 6:2 \xo*\xt ዛክ. 1:7\xt*\x*
\p
\v 3 ማ ዱራይ ናምእን ማታማ ዶዬዝ ዎደ ናምእን መትይ፥ «Ꮊና የኦባ!» ዬጎዳር ስኤዛ። 
\v 4 ማ ሀራ ስሃ ዞቆ ፋራ ከዜዝ። የ ፋራ ቶጌዛይስ ቢታላፕ ሳሮ ብሶዳይ ጋርከኔ አሳይ ዎል ዉርሶዳይ ጋርክ ማዉተኔ ግታ ማሻ እንግንቴዛ።\x - \xo 6:4 \xo*\xt ዛክ. 1:7\xt*\x*
\p
\v 5 ዱራይ ሀይን ማታማ ዶዬዝ ዎደ ሃይን መትይ፥ «Ꮊና የኦባ!» ዬጎዳር ታ ስኤዛ። የይፕ ካር ፋራ ታ በኤዛ፤ ፓራይል በቴዛይ ፋ ኩጬ ምዛነ አይኬዛ\x - \xo 6:5 \xo*\xt ዛክ. 6:2\xt*\x*። 
\v 6 ኦይዲ መትታይ ጋንጨፕ ከዜዝ ጊር፥ «ባጋ ክሎ ግስተ፤ ፐቲ ድናረ፥ ማካ ፐቲ ክሎኔ ባጋ ባንጋ ፐቲ ድናረ ማቆ። ዝን ዛይተኔ ዎይነ ቆህፐ» ዬጎዳር ስኤዛ።
\p
\v 7 ዱራይ ኦይድን ማታማ ዶዬዝ ዎደ ኦይድን መትይ፥ «Ꮊና የኦባ!» ዬጎዳር ስኤዛ። 
\v 8 የይፕ ጫምፓ ፋራ ታ በኤዛ። የ ፋራ ቶጌዛይ ሱንይ Ꮊይቆ፤ ኤ ላሳ ስኦለ ካልዛ። ኡንትስ አላማይስ ስካ ኦላ፥ ናየ፥ ጋዶራኔ ዶአር ዎሶዳይ ጋርክ ማዉተ እንግንቴዛ።\x - \xo 6:8 \xo*\xt ኢዝቀ. 14:21\xt*\x*
\p
\v 9 ዱራይ እችን ማታማ ዶዬዝ ዎደ ኡንቲ ጾስ ቃላ ኦዴዝ ግሾኔ ፋ ማርካትይር አማንንቴዝ ግሾስ ሹክንቴዝ አሳይ ሸምፕታይ ያርሾ አቆፕ ኦሞ የዛና ታ በኤዛ። 
\v 10 ኡንቲ ፋ ቃላ ቅ ኡዲ፥ «ኡባ ሞድዝ ጎዳዮ፥ ጌሻዮ፥ ቱማንቻዮ፥ ሳአ የዝ አሳይል አፋ ነ ፕርዶዳይኔ ኑ ሱይ ግሾስ ኩሸ ከሶዳይ አይዴ?» ዬጌዛ። 
\v 11 ኡንትስ ፐታይስ ፐታይስ ቦ አዱስ ማኦ እንግንቴዛ። ኡ ጋርክ ሀኒ Ꮊይቆዳይስ ቤዝዛ ኡ አይልታይ ዣምታይኔ እሽታይ ታይባይ ኩሞድ ሄሎዳይስ ጽቃ ዎደ ሸምፖዳይ ጋርክ ኡንትስ ኦድንቴዛ።
\p
\v 12 ዱራይ ኡሱፑን ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱ ማቄዛ።\x - \xo 6:12 \xo*\xt ዋን. ቆን. 11:13፤ 16:18፤ ኢሳ. 13:10፤ ኤርም. 2:10\xt*\x* 
\v 13 ዎልቃማ ጫርኮ ጫርኪ ባላሰ ም ኤንእስን ቃምኤ ኣፋይ ጉፍዛይ ጋርክ ሳሎ ጾልንትታይ ሳአል ጉፌዛ።\x - \xo 6:13-14 \xo*\xt ኢሳ. 34:4\xt*\x* 
\v 14 ሳላይ ጻ ማጻፈ ጋርክ ጻጽንቲ ኣዛ፤ አምብታይኔ ሃር ማርንቴዝ ቢትታይ ፋ አቃይፕ ቤዛ።\x - \xo 6:14 \xo*\xt ዋን. ቆን. 16:20\xt*\x* 
\v 15 ጋደ ካትታይ፥ ጋደ ሀርዝታይ፥ ኦላ ካልዝታይ፥ ዱርታይ፥ ዎልቃምታይ፥ አይልታይኔ፥ ዎማንታይ ኮምእታይዳኔ አምባል አፋ የዝ ዛልታይ ጋንጨ ቆስንቴዛ።\x - \xo 6:15 \xo*\xt ኢሳ. 2:19\xt*\x* 
\v 16 ኡንትካ አምብታይኮኔ ዛልታይኮ፥ «ኑል አፋ ዎይታ፤ ኑና ቆሶይታ፤ ዙፋነል አፋ በቴዛይ አፋይፐኔ ዱራይ ካቻይፕ ኑና ገንይታ።\x - \xo 6:16 \xo*\xt ሆሳ. 10:8፤ ሉቃ. 23:30\xt*\x* 
\v 17 ኡ ግታ ካቺ ጋላሳይ የኤዛ፤ ኦኖ ዳንዳኢ ኤቆዳይ?» ኡ ዬጌዛ።\x - \xo 6:17 \xo*\xt ኤርም. 2:11፤ ሚል. 3:2\xt*\x*
\c 7
\s1 ጼታኔ ኦይታማኔ ኦይዲ ሙኩሎ እስረልታ
\p
\v 1 የይፕ ጉየ፥ ኦይዲ ኪታንችታይ ኦይዲ ሳአ ጎንትታይል ኤቄዝታ በኤዛ። የ ኪታንችታይ ሳአል አፋ ዎይ አባል አፋ ዎይ አባ ምላካ አፋ ጫርካይ ኦይዲ ሳአ ጋጻፕ ጫርካማይ ጋርክ አይኬዛ።\x - \xo 7:1-2 \xo*\xt ኤርም. 49:36፤ ዳነ. 7:2፤ ዛክ. 6:5\xt*\x* 
\v 2 ማ ደኦ ጾስ ማታመ የዝ ሀራ ኪታንቻይ አዋ ከስ ባጋፕ ከሳዳር ታ በኤዛ። የ ኪታንቻይ ፋ ቃላ ቅ ኡዲ፥ ሳአኔ አባ ቆሆዳይስ ዎልቃ እንግንቴዝ ኦይዲ ኪታንችታይኮ፥ 
\v 3 «ኑኒ ጾስ አይልታይ ስናይድ ማታመ ጋዶድ ሄሎዳይስ ቢታ ዎይ አባ ዎይ ም ቆህፓተ» ዬጌዛ።\x - \xo 7:3 \xo*\xt ኢዝቀ. 9:4\xt*\x*
\p
\v 4 የዝን፥ ታኒ ጾስ ማታመ ስኖል ጋድንቴዝታይ ፓይዳ ስኤዛ። እስሬለ ኮች ኡባይፕ ጼታኔ ኦይታማነ ኦይዲ ሙኩሎ አሳይስ ስናይል ማታመ ጋዴዛ።
\q1
\v 5 ይሁዳ ኮቻፕ ታጶ ናምኢ ሙኩሎ፥
\q1 ሮቤላ ኮቻፕ ታጶ ናምኢ ሙኩሎ፥
\q1 ጋደ ኮቻፕ ታጶ ናምኢ ሙኩሎ፥
\q1
\v 6 ኣሴራ ኮቻፕ ታጶ ናምኢ ሙኩሎ፥
\q1 ንፍታለመ ኮቻፕ ታጶ ናምኢ ሙኩሎ፥
\q1 ምናሰ ኮቻፕ ታጶ ናምኢ ሙኩሎ፥
\q1
\v 7 ስሞና ኮቻፕ ታጶ ናምኢ ሙኩሎ፤
\q1 ለወ ኮቻፕ ታጶ ናምኢ ሙኩሎ፥
\q1 ይሳኮሬ ኮቻፕ ታጶ ናምኢ ሙኩሎ፥
\q1
\v 8 ዛብሎነ ኮቻፕ ታጶ ናምኢ ሙኩሎ፥
\q1 ዮሴፋ ኮቻፕ ታጶ ናምኢ ሙኩሎ፥
\q1 ቢናማ ኮቻፕ ታጶ ናምኢ ሙኩሎ፥
\m አሳይ ስናይል ማታመ ጋዴዛ።
\s1 ቦ ማኦ ማኤዝ ጋመ ዎይታ
\p
\v 9 የይፕ ጉየ፥ ዘረ ኡባይፕ፥ ካተት ኡባይፕ፥ ኮች ኡባይፐኔ ዱማ ዱማ ዶና ኦድንትዝታይፕ ዛዋ ባ ጋመ ዎያ ታ በኤዛ። የ አሳይ ቦ አዱስ ማኦ ማኢ፥ ዛምባ ሀየ ፋ ኩሸ አይኪ፥ ዙፋናይ ቲናኔ ዱራይ ቲና ኤቄዛ። 
\v 10 ኡንቲ ፋ ቃላ ቅ ኡዲ፥ «አቶት ዙፋናይል በቴዝ ኑ ጾሳይፐኔ ዱራይፕ ይእዛ» ዬጌዛ።
\p
\v 11 ኪታንችታይ ኡባይ፥ ዙፋናይስኔ፥ ጭምታይስኔ ኦይዲ መትታይ ዩሻይር ማር ኤቄዛ። ኡንቲ ዙፋናይ ቲና ጹጉኒ ጾሳይስ ጎይኔዛ።
\q1
\v 12 «አምንኤ!
\q2 አንጆ፥ ቦንቾ፥ ኤጨት፥ ጋላታ፥ ሳባ
\q2 ዎልቃ፥ ምኖት መናፕ መና ሄሎዳይስ
\q2 ኑ ጾሳይስ ማቆ።
\q1 አምንኤ!» ዬጌዛ።
\p
\v 13 ጭምታይፕ ፐታይ ታኮ፥ «Ꮊ ቦ ማአ ማኤዝ አስታይ ኦናንታራ? ኡንቲ አናፕ የኤኔ?» ዬጊ ታ ኦይጬዛ።
\p
\v 14 ታንካ ማሂ፥ «ጎዳዮ፥ ነ ኤርዛ» ዬጌዛ።
\p ኤካ ታኮ፥ «የይትታይ ጋመ ዋየ ኣ የኤዝታ። ኡንቲ ፋ ማአ ዱራይ ሱር ሜጪ ቦ ኡዴዛ።\x - \xo 7:14 \xo*\xt ዳነ. 12:1፤ ማቶ. 24:21፤ ማር. 13:19\xt*\x* 
\v 15 የይ ግሾስ፥
\q1 «ኡንቲ ጾስ ዙፋናይ ቲና የዝ
\q2 ቃማኔ ጋላስ ኤ ኬ ኤዛ ጎይኔዛ።
\q1 ማ ዙፋናይል አፋ በቴዛይ ኡንትስ ካምፓ ማቆዳ።
\q1
\v 16 ይከፕ ጉየ፥ ኡንቲ ናይንታሚ፥ ሳምንታሚ።
\q2 አዋ ምቻካ ኡንታን ሾጫሚ።\x - \xo 7:16 \xo*\xt ኢሳ. 49:10\xt*\x*
\q1
\v 17 ዙፋንታይ ግዶ በቴዝ ዱራይ ኡንታን ሄንጎዳ።
\q2 ደኦ ፑልቶ ሃኮ ኡንታን ካልዳ።
\q1 ጾሲ ኡ ኣፋይፕ አፉ ኡባ ኡጮዳ»
\m ዬጌዛ።\x - \xo 7:17 \xo*\xt ማዝ. 23:1፤ ኢዝቀ. 34:23፤ ማዝ. 23:2፤ ኢሳ. 49:10፤ ኢሳ. 25:8\xt*\x*
\c 8
\s1 ላፑን ማታማይ ዶይንቶ
\p
\v 1 ዱራይ ላፑን ማታማ ዶዬዝ ዎደ ባጋ ሳተ ማቆዳና ሳሎ ጭጭርክ ጌዛ።
\p
\v 2 የይፕ ጉየ፥ ታኒ ላፑን ቱልቱልታይ እንግንቴዝ ላፑን ኪታንችታይ ጾስ ቲና ኤቄዛና በኤዛ።
\p
\v 3 እጻኔ ጩይሽዝ ዎርቃ ቀንደለ አይኬዝ ሀራ ኪታንቻይ ይኢ፥ ያርሾ አቃይ ካላይድ ኤቄዛ። ኤ ዙፋናይ ቲና የዝ ዎርቃ እቃይል ያርሾ አቃይል አፋ ጌሽታይስ ኡባይስ ዎሳራ ጉጂ ያርሾድ ጋርክ ኤስ ጋመ እጻኔ እንግንቴዛ። 
\v 4 እጻኔ ጩያይ ጌሽታይ ዎሳር ፐትፕ ኪታንቻ ኩሸፕ ኡዴ ጾስኮ ከዜዝ። 
\v 5 የይፕ ጉየ፥ ኪታንቻይ እጻኔ ጩይሽዝ ቀንደላ ኤኪ፥ ኤዛይድ ያርሾ አቃይፕ ቃቃ ታማ ኩን ሳአ ሱለ ጌዛ። የይፕ ዳዳ፥ ዳዳ ሳር፥ ዜልንኔ ቢታ ኤንኦ ሀኔዛ።\x - \xo 8:5 \xo*\xt ለዊ. 16:12፤ ኢዝቀ. 10:2፤ ከስ 19:16፤ ዋን. ቆን. 11:19፤ 16:18\xt*\x*
\s1 ላፑን ቱልቱልታ
\p
\v 6 የይፕ ጉየ፥ ላፑን ኪታንችታይ አይኬዝ ላፑን ቱቱልታ ፑጎዳይስ ጊግንቴዛ።
\p
\v 7 ቲና ኪታንቻይ ፋ ቱልቱሎ ፑግን ሻችኔ ሱር ዋላክንቴዝ ታማ ማቂ ሳአል ዎዛ። ሳአስ ሀይ ኩሸፕ ፐታይ ጹግንቴዛ፤ ምፕ ሀይ ኩሸፕ ፐታይ ጹግንቴዛ፤ ጭልኦ ማታ ኡባይ ጹግንቴዛ።\x - \xo 8:7 \xo*\xt ከስ 9:23-25፤ ኢዝቀ. 38:22\xt*\x*
\p
\v 8 ናምእን ኪታንቻይ ፋ ቱልቱላ ፑጌዝ ዎደ ዎልቃማ አምባ ኣዝዝባዝ ታማር ኤጽታር አባ ኦልንቴዛ። የይፐ፥ አባይፕ ሀይ ኩሸፕ ፐታይ ሱ ማቄዛ። 
\v 9 አባ ሸምፖር የዝ መትታይፕ ሀይ ኩሸፕ ፐታይ Ꮊይቄዛ፤ ማርካብታይፐክ ሀይ ኩሸፕ ፐታይ ቤዛ።
\p
\v 10 ሃይን ኪታንቻይ ፋ ቱልቱሎ ፑጌዝ ዎደ ዣበ ጋርክ ኤጽዝ ዎልቃማ ጾልንታይ ሃታይፕ ሀይ ኩሸፕ ፐታይል አፋኔ ፑልትታይል አፋ ሳሎፕ ዎዛ።\x - \xo 8:10 \xo*\xt ኢሳ. 14:12\xt*\x* 
\v 11 የ ጾልንታይ ሱንይ ጫሞ ግንትዛ። ሃይፕ ሀይ ኩሸፕ ፐታይ ጫንግሴዛ፤ ሃይ ጫንጌዝ ግሾስ ጋመ አሳይ የ ሃ ኡዢ Ꮊይቄዛ።\x - \xo 8:11 \xo*\xt ኤርም. 9:15\xt*\x*
\p
\v 12 ኦይድን ኪታንቻይ ፋ ቱልቱላ ፑጌዛ። አዋፕ፥ ኣግናፐኔ ጾልንትታይፕ ሀይ ኩሸፕ ፐታይ ሾጭንቴዛ፤ ኡ ፖአይፕ ሀይ ኩሸፕ ፐታይ ሜዛ። ጋላሳይፕ ሀይ ኩሸፕ ፐታይ፥ ቃማፐካ ሀይ ኩሸፕ ፐታይ ሜዛ።\x - \xo 8:12 \xo*\xt ኢሳ. 13:10፤ ኢዝቀ. 32:7፤ ኢዩ. 2:10\xt*\x*
\p
\v 13 የይፕ ፐቲ ጎሎ ሳሎል ቅ ግ፥ ፕራዳር በኤዛ። የ ጎላይ ፋ ቃላ ቅ ኡዲ፥ «አቴዝ ሀይ ኪታንችታይ ፋ ቱልቱሎ ፑጎዳይስ የዝ ግሾስ ሳአ የዝ አሳይኮ አየ! አየ! አየ!» ዬጎዳር ስኤዛ።
\c 9
\p
\v 1 የይፕ ጉየ፥ እችን ኪታንቻይ ፋ ቱልቱሎ ፑግን ሳሎፕ ሱል ሳአ ፖኬዝ ጾልንታ ታ በኤዛ። ኤስ ዎልቃማ ጪሞ ኦላ ዶይዛ ቁልፐ እንግንቴዛ። 
\v 2 ኤዚ ጪሞ ኦላ ዶይን ዳልገ ታማ ኦላፕ ከዝዝ ጩያ ጋርክ ጩያይ የ ኦላይፕ ከዜዝ። ያ ኦላይፕ ከዝዝ ጩያይር አዋኔ ሳላይ ሜዛ።\x - \xo 9:2 \xo*\xt መ. 19:28\xt*\x*
\p
\v 3 የ ጩያይፕ ቦልታይ ቢታል ከዜዛ። ሳአ የዝ Ꮊንጋርጮስ የዛ ዎልቃይ ጋርክ ዎልቃ ቦልታይስ እንግንቴዛ።\x - \xo 9:3 \xo*\xt ከስ 10:12\xt*\x* 
\v 4 ጾስ ማታመ ስኖል ባ አሳይ ኣዳፕ አትን ሳአ የዝ ማታ ዎይ ም ዎይ አባ ጭልኦ ባዝ ማቅን ቆሃማይ ጋርክ ቦልታይስ ኦድንቴዛ።\x - \xo 9:4 \xo*\xt ኢዝቀ. 9:4\xt*\x* 
\v 5 ቦልታይ አሳ እችን አግና ሄሎዳይስ ፓጻ ካኦዳይ ጋርክ ማዉተ እንጌዛይፕ አትን አሳ ዎዳይ ጋርክ ባያ። Ꮊንጋርጮ አስ ዱክን ዛምዛይ ጋርክ ቦልታይካ ዱኪ ዛምስዛ። 
\v 6 የ ጋላስታይድ አሳይ Ꮊይቆ ኮዮዳ፥ ዝን ደንገና። ኡንቲ Ꮊይቆዳይስ አሞቶዳ፥ ዝን Ꮊይቆ ኡንታፕ ሃኮዳ።\x - \xo 9:6 \xo*\xt ኢዮ. 3:21፤ ኤርም. 8:3\xt*\x*
\p
\v 7 ቦልታይካ ኦላስ ጊጊ በቴዝ ፋራ ኣዝዛ። ቦልታይ ኦማይል ዎርቃ ዛዉደ ኣዝዛ ባዝ የዛ፤ ኡ ኣፋይራይካ አስ ኣዝዛ።\x - \xo 9:7 \xo*\xt ኢዩ. 2:4\xt*\x* 
\v 8 ኡ ብናናይ ማች ብናና ጋርክ ኣዱሰ። ኡ አቻይካ ጋሞ አች ኣዝዛ።\x - \xo 9:8 \xo*\xt ኢዩ. 1:6\xt*\x* 
\v 9 ኡንትስ ትራል ጋድዛ ብራታ ጹሩረ የዛ፤ ኡ ቀፍታይ ጊርይ ኦላስ ጋላብዛ ፋራኔ ፋራ ጋረ ጊር ጋርክ።\x - \xo 9:9 \xo*\xt ኢዩ. 2:5\xt*\x* 
\v 10 ኡንትስ Ꮊንጋርጮ ጎይኖ ኣዝዝ ጎይኖኔ ዱክዛ ዪሺ የዛ። የ ጎይናይር እችን አግና አሳ ቆሆዳይ ጋርክ ዎልቃ እንግቴዛ። 
\v 11 ኡንትስ ካቲ የዛ፤ የ ካታይ ጪሞ ኦላ ኪታንቻ። ኤ ሱንይ እብራይስጸ ዶናር አብዶና፤ ማ ግርኬ ዶናር አጶሎና ግንትትዛ።\f + \fr 9:11 \fr*\ft አብዶና ጉሳይ ብስዛያ ጉሲ።\ft*\f*
\p
\v 12 ቲና ኣያይ ኣዛ፤ ይኬ፥ ሀጋ ሀራ ናምኢ አይታይ ይእዛ።
\p
\v 13 ኡሱፑን ኪታንቻይ ፋ ቱልቱላ ፑጌዛ። ጾስ ቲና ኤቄዝ፥ ዎርቀ ያርሾ አቆ የዝ ኦይዲ ካጭታይፕ ፐቲ ጊር ታ ስኤዛ።\x - \xo 9:13 \xo*\xt ከስ 30:1\xt*\x* 
\v 14 የ ጊርይ ቱልቱላ አይኬዝ ኡሱፑን ኪታንቻይኮ፥ «ኤፍራጺሰ ግዝ ዳማ ሃ አጭንቴዝ ኦይዲ ኪታንችታ ብልኦባ» ዬጌዛ። 
\v 15 አሳይፕ ሀይ ኩሸፕ ፐታ ዎዳይ ጋርክ የ ሳታይስ፥ የ ጋላሳይስ፥ የ አግናይስኔ የ ላይይስ ጊጊ በቴዝ ኦይዲ ኪታንችታይ ብልእንቴዛ። 
\v 16 ኦላ ፋራ ቶግዛ ኦላንችታይ ታይባይ ናምኢ ጼት ምሎነ ማቄዛና ታ ስኤዛ።
\p
\v 17 ማ ታ ቆንጭር ፓርታኔ የ ፓርታ ቶጌዝ አሳ በኤዛ። የ አሳይ ትራል ጋድዛ ብራታ ጹሩራይ ታማ ቃቃ ጋርክ ዞቆ፥ ያክንተ ጋርክ ካር ጩሉኮኔ እርደ ኣዝዝ ዲኔ ኣዝዛ። ፓርታይ ኦማይ ጋሞ ኦማይ ጋርከ፤ ኡ ዶናይፐካ ታማ፥ ጩያኔ ዲኔ ከዜዛ። 
\v 18 ፓርታይ ዶናይፕ ከዜዝ ታማይራ፥ ጩያይራኔ ዲናይር ያ ሀይ ጋድታይር ሳአ የዝ አሳይፕ ሀይዚ ኩሸፕ ፐታይ Ꮊይቄዛ። 
\v 19 ያ ፓርታይ ዎልቃይ ኡ ዶናይዳኔ ኡ ጎይናይል የዛ። ኡ ጎይናይካ ሾሽ ኦማ ጋርክ፤ ኡ የይር አሳ ቆህዛ።
\p
\v 20 Ꮊ ጋድታይር Ꮊይቀካ አቴዝታይ ፋ ኩሸ ኦሳይፕ ማሂ ማሮት ገለካያ። ኡንቲ ቱና አያናስኔ ዎርቃፕ፥ ብራፕ፥ ናሰ ብራታፕ ሹቻፐኔ ምፕ፥ ኦስንቴዝ ኤቃስ ጎይንዛ። በአዳይስ፥ ስኦዳይስ፥ የዳይስ ዳንዳኦዋ ኤቃይስ ጎይን አሸካያ።\x - \xo 9:20 \xo*\xt ማዝ. 115:4\xt*\x* 
\v 21 አሳይ ኡ ሸምፖ ዎዛይስ፥ ብቴዛይስ፥ ላግቴዛይስኔ ካስቴዛይስ ማሮት ገለካያ።
\c 10
\s1 ኪታንቻኔ ጻ ማጻፈ
\p
\v 1 የይፕ ጉየ፥ ሻራ ማኤዛ ሀራ ምኖ ኪታንቻይ ሳሎፕ ሳአ ዎዳር ታ በኤዛ። ኤ ኦማይል አፋ ዙላ የዛ። ኤ ስናይ አዋ ጋርከ፤ ኤ ቶክታይ ታማ ቱስታይ ጋርከ። 
\v 2 የ ኪታንቻይ ዶያ የዝ ፐቲ ጽቃ ጻ ማጻፍቶ ፋ ኩሸር አይኪ፥ ፋ ኡሻቻ ቶካ አባል አፋ፥ ፋ ሀድርሳ ቶካ ቢታል አፋ ኤሴዛ። 
\v 3 ጻግዛ ጋሞ ጋርክ ፋ ቃላ ቅ ኡዲ ኡኬዛ። ኤ ኡኬዝ ዎደ ላፑን ዳድታይ ፋ ጉም ስሴዛ።
\p
\v 4 ላፑን ዳድታይ ኦድንቴዝ ዎደ ታ ጻፎዳይስ ጊግንቴዛ። ዝን ሳሎፕ፥ «ላፑን ዳድታይ ኦድንቴዛና ማታመር ጎርዶባፕ አትን ጻፍፐ» ዬግዝ ጊር ታ ስኤዛ።
\p
\v 5 የይፕ ጉየ አባል አፋኔ ቢታል አፋ ኤቂ፥ ታ በኤዝ ኪታንቻይ፥ ፋ ኡሻቻ ኩሸ ሳሎ ኡዴ ሚጬዛ።\x - \xo 10:5-7 \xo*\xt ከስ 20:11፤ ናምእ. 32:40፤ ዳነ. 12:7፤ አሞ. 3:7\xt*\x* 
\v 6 ኤ ምጪ ሳሎኔ ሳሎ የዝ ኡባ፥ ሳአኔ ሳአል የዝ ኡባ፥ አባኔ ኤ ጋንጨ የዝ ኡባ መዝ መናስ የዝ ጾሳይ ሱንይር ጫቂ፥ «Ꮊይፕ ጉየ፥ ጋምኤና! 
\v 7 ዝን ላፑን ኪታንቻይ ፋ ቱልቱላ ስስዛ ዎደ ጾሲ ፋ አይለ ማቄዝ ናብታይ ባጋር ቆንጭሴዝ ጹራ ቆፋይ ፖልንቶዳ» ዬጌዛ።
\p
\v 8 የይፕ ጉየ፥ «አባል አፋኔ ቢታል አፋ ኤቄዛይ ኪታንቻይ ኩሸ ዶይንቲ የዝ ጻ ማጻፍቶ ኤኮባ» ዬጊ ናምእን ሳሎፕ ታስ ኦዶዳር ታ ስኤዛ።\x - \xo 10:8-10 \xo*\xt ኢዝቀ. 2:8—3:3\xt*\x*
\p
\v 9 ታኒ የ ኪታንቻይኮ Ꮊንጊ፥ ጽቃ ጻ ማጻፍቶ እንጎባ ግ ኦይጬዛ። ኤ ታኮ፥ «ኤኪ እዞ ሞባ፤ እዛ ነ ኡላይድ ጫንጎዳ፥ ዝን ነ ዶናይድ ኤስ ጋርክ ማልኦዳ» ዬጌዛ።
\p
\v 10 ታኒ ኪታንቻይ ኩሸፕ የ ጽቃ ጻ ማጻፍቶ ኤኪ ሜዛ፤ ታ ዶናይድ ኤስ ጋርክ ማልኤዛ፥ ዝን ታ ሜዛይፕ ጉየ ታ ኡላይድ ጫንጌዛ። 
\v 11 የይፕ ጉየ፥ ታኮ፥ «ኔኒ ጋመ ኮችታይስ፥ ዎያስ፥ ዱማ ዱማ ዶናር ኦድንትዝታይስኔ ካትታይስ ትንቢተ ማሂ ኦዶዳይስ ቤዝዛ» ዬጌዛ።
\c 11
\s1 ናምኢ ማርክታ
\p
\v 1 የይፕ ጉየ፥ Ꮊስ ማድዝ ጉፈ እንጊ፥ «Ꮊንጊ ጾስ ካራኔ ያርሾ አቃይ ኣፑን Ꮊዛኮ Ꮊባ፤ ኤዛይድ ጎይንዝታካ ፓይዶባ።\x - \xo 11:1 \xo*\xt ኢዝቀ. 40:3፤ ዛክ. 2:1\xt*\x* 
\v 2 ዝን ጾስ ኬ ድርሳፕ ጋጻ የዛይ አይሁደ ማቀካ አሳይስ እንግንቴዝ ግሾስ Ꮊካዛር አሺ አሾባ። አይሁደ ባ አሳይ ጌሽ ካታምቶ ኦይታማኔ ናምኢ አግናስ የ ሃሮዳ።\x - \xo 11:2 \xo*\xt ሉቃ. 21:24\xt*\x* 
\v 3 ታኒ ካዮ አፍላ ማኤዝ ታ ናምኢ ማርክታ ኪቶዳ፤ ኡንቲ ፐቲ ሙኩሎኔ ናምኢ ጼትኔ ኡሱፑንታም ጋላስ ትንቢተ ኦዶዳይ ጋርክ ታ ኡንትስ ዎልቃ እንጎዳ» ዬጌዛ።
\p
\v 4 የ ናምኢ ማርክታይ አላመ ጎዳይ ቲና ኤቂዛ ናምኢ ዎይራ ምታኔ ናምኢ ጾምፐ ጋድዝ ኮችታ።\x - \xo 11:4 \xo*\xt ዛክ. 4:3\xt*\x* 
\v 5 ኦንካ ኡንታን ቆሆዳይስ ኮይኮ ኡ ዶናይፕ ታማ ከዚ፥ ኡ ሞርክታ ጹግዛ። ኡንታን ቆሆዳይስ ኮዬዝ ኦንካ Ꮊይ ጋርክ ሀኒ Ꮊይቆዳ። 
\v 6 ኡንቲ ትንቢተ ኦድዛ ዎደ እራ ቡካማይ ጋርክ ሳሎ ጎርዶዳይስ ኡንትስ ማዉተ የዛ። ኡባራካ ሃ ሱ ላሞዳይስ፥ ማካ ኡ ፋ ኮዬዛይ ጋርክ ቢታ ዱማ ዱማ ጋዶር ብሶዳይስ ኡንትስ ማዉተ የዛ።\x - \xo 11:6 \xo*\xt 1ካት. 17:1፤ ከስ 7:17\xt*\x*
\p
\v 7 ኡንቲ ፋ ማርካት ሃሴዛይፕ ጉየ፥ ጪሞ ኦላፕ ከዜዝ ዶአይ ኡንታር ኦልንቲ ኡንታን ጋሞዳ፤ ዎዳ።\x - \xo 11:7 \xo*\xt ዳነ. 7:7፤ ዋን. ቆን. 13:5\xt*\x* 
\v 8 ኡ አሃይ ኣዝሶር ሶዶመ ዎይ ግብጸ ግንትንቲ ጼግንትዝ ግታ ካታማ ኦጋይል አፋ ኦልንቶዳ። እዛካ ኡ ጎዳይ ማዝቃለል አፋ ሶትንቴዛኖ።\x - \xo 11:8 \xo*\xt ኢሳ. 1:9\xt*\x* 
\v 9 ማ ዘረ ኡባይፕ፥ ኮች ኡባይፕ፥ ዱማ ዱማ ዶና ኦድንትዝታይፐኔ ካተት ኡባይፕ የኤዝ አሳይ ኡ አሃ ሀይ ጋላስኔ ባጋ ሄሎዳይስ በአዳ። ኡ አሃይ ሞግንታማይ ጋርክ አሳይ ካዮዳ። 
\v 10 Ꮊ ናምኢ ናብታይ ሳአ የዝ አሳ ዋይዝ ግሾስ አሳይ ኡ Ꮊይቃይድ ኡፋይቴዛ። ፋ ኡፋይሳ ቤዞዳይስ ፐታይ ፐታይስ እሞታ እንጌዛ።
\p
\v 11 ሀይ ጋላስኔ ባጋፕ ጉየ፥ ሸምፖ እንግዝ አያና ጾስ ካለፕ ይኢ ኡ ጋንጨ ገልን፥ ኡንቲ ደንዲ ኤቄዛ። ኡንታን በኤዝ ኡባይ ኢታ ያሽቴዛ።\x - \xo 11:11 \xo*\xt ኢዝቀ. 37:10\xt*\x* 
\v 12 የይፕ ጉየ፥ የ ናምኢ ናብታይ፥ «Ꮊና ኡድ ሳሎ ከዞይታ» ግዝ ቃላ ኡ ሳሎፕ ስኤዛ። ኡ ሞርክታይ ኡንታን በአዳር፥ ኡንቲ ሻራ ጋንጨ ገሊ ፑድ ሳሎ ከዜዝ።\x - \xo 11:12 \xo*\xt 2ካት. 2:11\xt*\x*
\p
\v 13 የ ሳታይድ ቢታይ ዎልቃማ ኤንኦ ኤንእን፥ ካታማይፕ ታጵን ኩሻይ ቤዛ። ማ ቢታ ኤንኦር ላፑን ሙኩሎ አሳይ Ꮊይቄዛ። አቴዝ አሳይ ኢታ ኩኩሪ Ꮊሽቲ፤ ሳሎ ጾሳይስ ቦንቾ እንጌዛ።\x - \xo 11:13 \xo*\xt ዋን. ቆን. 6:12፤ 16:18\xt*\x*
\p
\v 14 ናምአን ኣያይ ኣዛ፥ ይኬ ሃይን ኣያይ ኤለ የኦዳ።
\s1 ላፑን ቱልቱላ
\p
\v 15 ላፑን ኪታንቻይ ፋ ቱልቱላ ፑጌዛ። ሳሎፕ፥ «ሳአ ካተትይ ኑ ጎዳይስነ ኤስ ክርስቶሳስ ማቄዛ፤ ኤ መናፐ መና ሄሎዳይስ ካዉቶዳ» ዬግዝ ዎልቃማ ጊርታይ ስንቴዛ።\x - \xo 11:15 \xo*\xt ከስ 15:18፤ ዳነ. 2:44፤ 7:14\xt*\x* 
\v 16 የይፕ፥ ጾስ ቲና፥ ፋ ዙፋንታይል በቴዝ ላታማኔ ኦይዲ ጭምታይ ጹጉኒ፥ ጾስስ ጎይንታር፥
\q1
\v 17 «Ꮊተካ ብንካ የዛዮ፥
\q1 ኡባ ሞድዝ ጎዳ ጾሳዮ፥
\q2 ኔኒ ነ ግታ ዎልቃ አይኬዛ።
\q1 ነ ካዉቴዝ ግሾስ
\q2 ኑኒ ነና ጋላትዛ።\x - \xo 11:17 \xo*\xt ከስ 3:14\xt*\x*
\q1
\v 18 አይሁደ ባ አሳይ ካጭንቴዛ፥
\q2 ዝን ነ ካቻይ የኤዛ።
\q1 Ꮊይቄዝታይል አፋ ነ ፕርድዛ ዎዳይ የኤዛ።
\q2 ኔኒ ነ አይልታይስ፥ ናብታይስ፥
\q2 ጌሽታይስኔ ነ ሱንይስ ያሽትዝታይስ፥
\q2 ላፍታይስኔ ግትታይስ፥
\q2 ኡ ኦሳይ ጋርክ እንግዛ ዎዳይ ሄሌዛ።
\q1 አላመ ብስዝታ ብስዛ ዎዳይ የኤዛ»
\m ዬጌዛ።\x - \xo 11:18 \xo*\xt ማዝ. 2:5፤ 110:5፤ 115:13\xt*\x*
\p
\v 19 ሳሎ የዝ ጾስ ኬይ ዶይንቴዛ፤ ኤ ጋንጨ ጾስ ጫቆ ታቦታይ በንቴዛ። ማ ዜልን ዜልንጌዛ፥ ዳዳኔ ዳዳ ሳር ጉሜዛ፤ ቢታ ኤንኤዛ፤ ዎልቃማ ሻቺ ሻጬዛ።\x - \xo 11:19 \xo*\xt ዋን. ቆን. 8:5፤ 16:18፤ 21\xt*\x*
\c 12
\s1 ማቻትኔ ዳዋ
\p
\v 1 የይፕ ጉየ፥ ዎልቃማ ማላ ሳሎ በንቴዛ። አዋ ማኤዝ፥ አግና ፋ ቶኬ ኦሞ ኣዝ፥ ታጶ ናምኢ ጾልንትታ ዛዉደ ጋርክ ፋ ኦማል ጋዴዝ፥ ፐቲ አስታ በንቴዛ። 
\v 2 የ አስታ ዎልቃ ኢታዝን፥ እዞ የሎስ እቅ አይክን ኡንእንቲ ኡኬዛ።
\p
\v 3 ማ ሀራ ማላ ሳሎ በንቴዛ። ላፑን ኦምታይኔ ታጲ ካጭታይ የዝ ዳምግታ ዞቆ ዳወ በንቴዛ። ኤ ፋ ኦምታይል አፋ ላፑን ዛዉደ ጋዴዛ።\x - \xo 12:3 \xo*\xt ዳነ. 7:7\xt*\x* 
\v 4 የ ዳዋይ ፋ ጎይናይር ጾልንትታይፕ ስካ ሳሎፕ ዳፊ ሳአ ኦሌዛ። የ ዳዋይ አስታ ናአ የሊ ኦሌዛን ጋርክ ማዳይስ ኮዪ፥ የሎስ እቅንትዝ አስቲ ቲና ኤቄዛ።\x - \xo 12:4 \xo*\xt ዳነ. 8:10\xt*\x*
\p
\v 5 የ አስታ ካተት ኡባ ብራታ ጉፈር ሃሮዳይስ የዝ ራ ናአ የሌዛ። ናአይ ጾስኮኔ ኤ ዙፋናይኮ ኡዴ ኤክንቴዛ።\x - \xo 12:5 \xo*\xt ኢሳ. 66:7፤ ማዝ. 2:9\xt*\x* 
\v 6 አስታ ፐቲ ሙኩሎኔ ናምኢ ጼታኔ ኡሱፑንታም ጋላስ ሄሎዳይስ እዞ ናጎዳይ ጋርክ ጾሲ ኢስ ጊግሲ ጋዴዝ አቃ ሊዦ ጋደ ቆስንቶ ቅቴዛ።
\p
\v 7 ሳሎ ኦላ መንቴዛ። ምካኤለኔ ኤ ኪታንችታይ ዳዋይራ ኦልንቴዛ፤ ዳዋይኔ ኤ ኪታንችታይካ ማሂ ኦልንቴዛ።\x - \xo 12:7 \xo*\xt ዳነ. 10:13\xt*\x* 
\v 8 ዝን ዳዋይኔ ኤ ኪታንችታይ ጋምንቴዛ፥ የይፕ ሳሎ ኡንትስ አቆ ቤዛ። 
\v 9 ዳማ ዳወ፥ ብኒ ሾሻይ፥ ሳአ ግንቴዛ። ኤካ ዳቡሎሳ ዎይ ጻላሄ ግንትንትዝ አላማ ባልዛያ። ኤዛ ኤ ኪታንችታይራ ፐትፕ ሱል ኦሌዛ።\x - \xo 12:9 \xo*\xt መ. 3:1፤ ሉቃ. 10:18\xt*\x*
\p
\v 10 የይፕ ጉየ፥ ሳሎፕ Ꮊይ ጋርክ ዬግዝ ጊር ታ ስኤዛ።
\q1 «Ꮊት አቶት፥ ዎልቃኔ ካተትይ፥ ኑ ጾሳይስ ማቄዛ፤
\q2 ማዉተ ክርስቶሳስ ማቄዛ።
\q1 ይኬ፥ ቃማኔ ጋላስ ጾስ ቲና፥
\q2 ኑ እሽታ ሞትዛይ ሳሎፕ ሱል ግንቴዛ።\x - \xo 12:10 \xo*\xt ኢዮ. 1:9\xt*\x*
\q1
\v 11 ኡንቲ ዱራይ ሱይራኔ ፋ ማርካት ቃላይር፥
\q2 ኤዛ ጋሜዛ።
\q1 ኡንቲ ፋ ሸምፖስ ቃንተካዛር
\q2 ፋና Ꮊይቆስ ኣ እንጌዛ።
\q1
\v 12 የይ ግሾስ፥ ሳሎኔ ኤ ጋንጨ የዝታዮ ኡፋይቶይታ።
\q2 ዝን ቢታኔ አባ አየ!
\q1 ይኬ፥ ዳቡሎሳ ፋሳ ጽቃ ዎደ አቴዛና ኤሬዝ ግሾስ
\q2 ዎልቃማ ካቻር ይንትኮ ዎዛ»
\m ዬጌዛ።
\p
\v 13 ዳዋይ ፋና ሳአ ኦሌዛና በኤዝ ዎደ ራ ናአ የሌዝ አስቶ ባይእዛ። 
\v 14 አስቶ ሾሻይ ቆሃማይ ጋርክ ሊዦ ጋ ኢስ ጊግንቴዛ አቆ ፕራ Ꮊማዳይ ጋርክ ናምኢ ዎልቃማ ጎሎ ቀፈ ኣዝዛይ ኢስ እንግቴዛ። ኤዛይድ ሾሻይ ቲናይፕ ሃኪ ሀይ ላይኔ ባጋ ቦንቾር ናግንትዛ።\x - \xo 12:14 \xo*\xt ዳነ. 7:25፤ 12:7\xt*\x*
\p
\v 15 ሾሻይ የ አስቶ ድኦ ኤኪ ቅቶዳይ ጋርክ ዳዋይ ቦርካ ሃ ጋርክ ፋ ዶናይፕ አስቲ ጉየር ጮዢ ጎግሴዛ። 
\v 16 ዝን ቢታይ አስቶ ማዴዛ፤ ቢታይ ፋ ዶና ዶዪ ዳዋይ ዶናይፕ ከዜዝ ሃ ምጻጼዛ። 
\v 17 የ ዳዋይ አስትል አፋ ኢታ ሸንቲ፥ ኤ ዘርታ፥ ጾስ ኪታ ናግዝታኔ የሱሳስ አማንንቴዝ ማርክታ ኦሎዳይስ Ꮊንጌዛ። 
\v 18 ዳዋይ አባ ላንቀ የዝ ሻፈል ኤቄዛ።
\c 13
\s1 ናምኢ ዶእታ
\p
\v 1 የይፕ ጉየ፥ ፐቲ ዶአይ\f + \fr 13:1 \fr*\ft ግርኬ ማጻፈፕ ባግታይ ኤ ኤቄዛ ማ ባግታይ ታ ኤቄዛ ግዛ\ft*\f* አባፕ ከሳዳር ታ በኤዛ። ኤስ ታጲ ካጭታይኔ ላፑን ኦምታይ የዛ። የ ታጲ ካጭታይል አፋ ታጲ ዛዉድታይ የዛ። የ ኦምታይል አፋ ጫሽ ሱንታይ የዛ።\x - \xo 13:1 \xo*\xt ዳነ. 7:3፤ ዋን. ቆን. 17:3\xt*\x* 
\v 2 ታ በኤዝ ዶአይ ማሄ ኣዝዛ፤ ኤ ቶካይ ባንባርቀ ቶኬ ጋርከ፤ ኤ ዶናይካ ጋሞ ዶና ኣዝዛ። ዳዋይ ፋ ዎልቃ፥ ፋ ዙፋናኔ ፋ ግታ ማዉታ የ ዶአይስ እንጌዛ።\x - \xo 13:2 \xo*\xt ዳነ. 7:4\xt*\x*
\p
\v 3 የ ዶአይ ኦማይፕ ፐታይል አፋ Ꮊይቆስ ሄልዝ ማዶ ታ በኤዛ፥ ዝን የ ማዶይ ፓጼዛ። አላማይ ኡባይ ማላባዝ ግ የ ዶአ ካሌዛ። 
\v 4 ዳዋይ ፋ ማዉታ ዶአይስ እንጌዝ ግሾስ አሲ ኡባይ ዳዋ ጎይኔዛ። ማ አሳይ፥ «ዶአና ኣዝዛይ ኦኖ? ኤዛር ኦልንቶዳይስ ዳንዳእዛይ ኦኖ?» ዬግታር ዶአይስ ጎይኔዛ።
\p
\v 5 የ ዶአይስ ኡትርቶዳይ ጋርከኔ ጫዦዳይ ጋርክ ዶና ኤስ እንግንቴዛ፤ ኦይታማነ ናምኢ አግና ሃሮዳይ ጋርክ ማዉተ ኤስ እንግንቴዛ።\x - \xo 13:5-6 \xo*\xt ዳነ. 7:8፥ 25፤ 11:36\xt*\x* 
\v 6 የ ዶአይ ጾሳ፥ ጾስ ሱን፥ ኤ የዝ አቃኔ ሳሎ የዝ ባዝታ ጫዥ አይኬዛ። 
\v 7 የ ዶአይ ጌሽታይራ ኦልንቲ፥ ኡንታን ጋሞዳይ ጋርክ ዎልቃ ኤስ እንግንቴዛ። ኮች ኡባይል፥ ጋደ ኡባይል፥ ዱማ ዱማ ዶና ኦድንትዛ ኡባይላኔ ዘረ ኡባይል ማዉተ ኤስ እንግንቴዛ።\x - \xo 13:7 \xo*\xt ዳነ. 7:21\xt*\x* 
\v 8 አላመ መንቴዛይፕ አይኪ፥ ሹክንቴዝ ዱራይር ደኦ ማጻፋይድ ኡ ሱንታይ ጻፍንተካ Ꮊ ሳአ የዝ አስ ኡባይ የ ዶአይስ ጎይኖዳ።\x - \xo 13:8 \xo*\xt ማዝ. 69:28\xt*\x*
\p
\v 9 ስእዝ ሀየ የዝ አሲ ስኦ። 
\v 10 ኦንካ ድእንቶዳይስ የዛይ ድእንትዛ። ማሻር Ꮊይቆዳይስ የዛይ ማሻር Ꮊይቆዳ። ጌሽታይ ጋርዣይኔ አማናይ የ ዎደ ኤርንቶዳይ።\x - \xo 13:10 \xo*\xt ኤርም. 15:2፤ 43:11\xt*\x*
\p
\v 11 ማካ፥ ሀራ ዶአ ሳአፕ ከሳዳር ታ በኤዛ። ኤስ ዱር ካጨ ኣዝዛ ናምኢ ካጭታይ የዛ፤ ኤ ናሻይካ ዳዌሳይ ጋርከ። 
\v 12 የ ዶአይ ቲና ዶአይ ማዉታይር ኡባ ባዝ ኤ ቲና ኦዛ። ኤካ Ꮊይቆስ ሄልዝ ማዶፕ ፓጼዝ ቲና ዶአይስ፤ ቢታ የዝ አስ ኡባይ ጎይኖዳይ ጋርክ ኡድዛ። 
\v 13 የ ናምአን ዶአይ ሀራ አቶዝን፥ ታማ ሳሎፕ አስ ኡቢታይ ቲና ዎድ ሄሎዳይስ ግታ ማላባዝታ ኦዛ። 
\v 14 ቲና ዶአይ ቲናይድ ኦዳይ ጋርክ፥ ኤስ እንግንቴዝ ማላ ባዛር ሳአ የዝ አስ ኡባ ኤ ባልዛ። ማሻር ማዶ ፓጼዝ ዶአይስ ቦንቾ ምስለ ጊግሶዳይ ጋርክ ቢታል ኤዝ አሳ ኪቴዛ። 
\v 15 ናምእን ዶአይ ቲና ዶአይ ምስላይስ ፔኖ እንግንቴዛ። ማዉተ እንግንቴዛይ ኦድንቶዳይ ጋርከኔ ኤስ ጎይኖዝታይ Ꮊይቆድ ጋርክ ኦዛ ማዉተ ኤስ እንግቴዛ።
\p
\v 16 የ ናምእን ዶአይ ጽቅታይኔ ዳምታይ፥ ማንቅታይኔ ዱርታይ፥ ጎድታይኔ አይልታይ ፋ ኡሻች ኩሸል ዎይ ፋ ስኖል ማላ ጋዶዳይ ጋርክ ጪጲቼዛ። 
\v 17 የ ዶአ ሱን ቤዝዛ ማላ ዎይ ኤ ሱን ፓይዳይ ባ አስ ኦንካ ባይዞዳይስኔ ዎንጎዳይስ ዳንዳኦዋ።
\p
\v 18 ኤጨት ኮሽዛይ የይዳ። ካሃር የዝ ኦካ የ ዶአይ ፓይዳ ኤሮ፤ የ ታይባይ ማልዛይ አሰ። የ ታይባይ ኡሱፑን ጼትኔ ኡሱፑን ታማኔ ኡሱፑን።
\c 14
\s1 ዱራኔ ጼታኔ ኦይታማኔ ኦይዲ ሙኩሎ አስታ
\p
\v 1 የይፕ ጉየ፥ ዱራይ ጽዮነ አምባል አፋ ኤቄዛና ታ በኤዛ። ኤ ሱንኔ ኤ አዳይ ሱንይ ኡ ስናይድ ጻፍንቴዝ፥ ጼታኔ ኦይታማኔ ኦይዲ ሙኩሎ አስታይ ኤዛር የዛ።\x - \xo 14:1 \xo*\xt ኢዝቀ. 9:4፤ ዋን. ቆን. 7:3\xt*\x* 
\v 2 ሳሎፕ ግታ ሶሳ ሃ ጉምኔ ዳዳ ጉም ኣዝዝ ዎልቃማ ጊር ታ ስኤዛ። ማ ታ ስኤዝ ጊርይ ዲ ዲጾዳር ስእንትዝ ጊር ጋርከ። 
\v 3 ጼታኔ ኦይታማኔ ኦይዲ ሙኩሎ አስታይ ዙፋናይ ቲና፥ ኦይዲ ሸምፖር የዝ መትታይ ቲናኔ ጭምታይ ቲና ኤቂ ቢታፕ ዎዝንቴዝታይፕ ሀራ ኦንካ ታማሮዳይስ ዳንዳኦዋ ኦሮ ማዝሙረ የጼዛ። 
\v 4 የይትታይ ማቻር ፋና ቱንሰካ ናጌዝ ጌሽታ። ኡንቲ ዱራይ Ꮊንግዛ አቆ ኡባ ካልዛ። ኡንቲ ጾስስኔ ዱራይስ አስ ኡባይ ጋንጨፕ ባይራ ማቃዳይ ጋርክ ዎዝንቲ ሺቄዝታ። 
\v 5 ኡንቲ ዎርዶኔ ቦሮ ባ አስታ።\x - \xo 14:5 \xo*\xt ሶፎ. 3:13\xt*\x*
\s1 ሀይ ኪታንችታ
\p
\v 6 የይፕ ጉየ፥ መና ዎንግለ ሳአል አፋ የዝ ካተት ኡባይስ፥ ኮች ኡባይስ፥ ያራ ኡባይስኔ ዱማ ዱማ ዶና ኦድንትዛ ኡባይስ ማርካቶዳይስ ሳሎራ ፕራዛ ሀራ ኪታንቾ ታ በኤዛ። 
\v 7 የ ኪታንቻይ ፋ ቃላ ቅ ኡዲ፥ «ጾሲ አላማ ፕርድዛ ሳታይ ሄሌዛ፥ ጾሳይስ ያሽቶይታ፤ ኤዛ ቦንቾይታ። ሳሎኔ ሳአ፥ አባኔ ፑልቶ ሃ መዝ ጾሳይስ ጎይኖይታ» ዬጌዛ።
\p
\v 8 ሀራ ናምእን ኪታንቻይ፥ «ዎይታ ኡባ ማስዝ ላግተ ዎይነ ኡሼዛን፥ ግታ ባብሎነ ፖኬዛ! ፖኬዛ!» ዬጊ ኡክታር ቲና ኪታንቻ ካሌዛ።
\p
\v 9 ሃይን ኪታንቻይ ኡንታን ካሊ፥ ፋ ቃላ ቅ ኡዲ፥ «ዶአይስኔ ኤ ምስላይስ ጎይንዛይ ዎይ ኤ ማላ ፋ ስኖል ዎይ ፋ ኩሸል ጋዴዝ ኡባይ፥ 
\v 10 ጾስ ካች ዎይና ኡ ኡዦዳ የይካ ዎይናይካ ዋላክንተካ ኤ ካች ጹአይር ኣዳ ዱቅንቴዛያ። ኡንቲ ጌሻ ኪታንችታይ ቲናኔ ዱራይ ቲና ኤጽዝ ዲኔ ታማ ጋንጨ ፋ ካእንቶዳ።\x - \xo 14:10 \xo*\xt ኢሳ. 51:17፤ መ. 19:24፤ ኢዝቀ. 38:22\xt*\x* 
\v 11 ኡንቲ ዋይንትዛ ታማይፕ ከዝዝ ጩያር መ መናስ ጩይታር የዞዳ። ዶአኔ ኤ ምስላ ጎይንዛኔ ማ የ ዶአይ ሱን ማላይ የዝ ኦንካ ቃማኔ ጋላስ ሸምፖ ባይ ካእንቶዳ» ዬጌዛ።\x - \xo 14:11 \xo*\xt ኢሳ. 34:10\xt*\x*
\p
\v 12 ጾስ አዛዛ ናግዛይኔ የሱሳስ አማንንቴዝታይ ጋርዤዝ ምኖትይ ቆንጮዳይ የይዳ።
\p
\v 13 ሳሎፕ Ꮊይ ጋርክ ዬግዝ ጊር ታ ስኤዛ። «Ꮊያ ጻፎባ፥ ይከፕ ጉየ ጎዳይር የዚ Ꮊይቅዝታይ አንጅንቴዝታ» ዬግዝ ጊር ሳሎፕ ታ ስኤዛ። አያናይ፥ «ኤ ቱማ፥ ኡ ኦሳይ ኡንታን ካልዛ ግሾስ ኡንቲ ፋ ዳቡራይፕ ሸምፖዳ» ዬግዛ።
\s1 ጎዳይ ካቺ ቢታል
\p
\v 14 የይፕ ጉየ፥ ቦ ሻራ በንቴዛ። Ꮊ ሻራይል አፋ በቴዝ አስ ናአ ኣዝዛና ታ በኤዛ። ኤ ፋ ኦማይል አፋ ዎርቃ ዛዉደ ጋዴዛ፤ ፋ ኩሻይዳካ ኦጮ ባጫ አይኬዛ።\x - \xo 14:14 \xo*\xt ዳነ. 7:13-14\xt*\x* 
\v 15 ሀራ ኪታንቻይ ጾስ ኬይፕ ከዚ፥ ሻራል አፋ በቴዛይኮ ፋ ቃላ ቅ ኡዲ፥ «ካ ሺሾ ቶርቼ ሄሌዝ ግሾስ ነ ባጫ ዳኪ ካ ቡጮባ፤ ሳአ የዝ ካ ቡጭዝ ዎደ ሄሌዛ» ዬጌዛ።\x - \xo 14:15 \xo*\xt ኢዩ. 3:13\xt*\x* 
\v 16 የይፐ ሻራል አፋ በቴዛይ ፋ ባጫ ሳአ ዳኪ፥ ሳአ የዝ ካ ቡጬዛ።
\p
\v 17 ማካ ሳሎ የዝ ጾስ ኬይፕ ሀራ ኪታንቻይ ከዜዝ፤ ኤስካ ኦጮ ባጫ የዛ።
\p
\v 18 ታማል አፋ ማዉተ የዝ ሀራ ኪታንቻይ ያርሾ አቃይ ካላይፕ ከዜዝ። ኤ ፋ ቃላ ቅ ኡዲ ኦጮ ባጫ አይኬዝ ኪታንቻይኮ፥ «ዎይነ ኣፋይ ቴሬዝ ግሾስ ነ ኦጮ ባጫ ዳኪ፥ ሳአ የዝ ዎይናይ ኮሻ ጋቺ ሺሾባ» ዬጌዛ። 
\v 19 የ ኪታንቻይ ፋ ባጫ ዳኪ፥ ሳአ የዝ ዎይናይፕ ኮሻ ጋቺ፥ ጾስ ግታ ካች ቡልዝ አቆ ኦሌዛ። 
\v 20 ኡንቲ ካታማይፕ ጋጻ የዝ ዎይነ ኣፈ ቡልዝ አቆ ቡሌዛ። ሱ ዎይነ ቡልዝ አቃይፕ ከዚ ሀይ ጼት ክሎ ምትረ ጋርክ ሃኪ፥ ፋራ ፑሎ ሄልዛ ጋርክ ኤል ቅ ጌዛ።\x - \xo 14:20 \xo*\xt ኢሳ. 63:3፤ ኤርም. 1:15፤ ዋን. ቆን. 19:15\xt*\x*
\c 15
\s1 ዉርስ ቦሽታ
\p
\v 1 ታኒ ሳሎል ሀራ ዳማኔ ፓላ ማላባዝ በኤዛ። ጾስ ዉርስ ካች ፖልዛ ላፑን ቦሽታ አይኬዝ ላፑን ኪታንችታ ታ በኤዛ።
\p
\v 2 የይፕ ጉየ ታማር ዋላክንቴዝ ቡርጩኮ አባ ኣዝዛ ባዝ ታ በኤዛ። የ አባይ ጋጻ ዶአ፥ ኤ ምስላኔ ኤ ሱንይ ታይባ ጋሜዝታ ታ በኤዛ። ጾሲ ኡንትስ እንጌዝ ዲ አይኪ ቡርጩኮ አባል ኤቄዛ። 
\v 3 ኡንቲ ጾስ አይለ ሙሰ ማዝሙራኔ ዱራይ ማዝሙራና Ꮊይ ጋርክ ዬጊ የጼዛ።
\q1 «ጎዳዮ፥ ኡባፕ ዎልቃማ ጾሳዮ፥
\q2 ነ ኦሳይ ዳማኔ ማላባዚ።
\q1 ዎያ ኡባይስ ካታዮ፥
\q2 ነ ኦጋይ ጽሎኔ ቱማ።\x - \xo 15:3 \xo*\xt ከስ 15:1\xt*\x*
\q1
\v 4 ጌሺ ነ ኣዳ ማቄዝ ግሾስ
\q2 ጎዳዮ፥ ኔስ ያሽቶዛይኔ
\q2 ነ ሱን ቦንቾዛይ ኦኖ?
\q1 ነ ጽሎ ኦሳይ አስ ኡባይስ ቆንጨ ማቄዝ ግሾስ ዎያ
\q2 ኡባይ ነ ቲና ይኢ ጎይኖዳ»
\m ዬጊ የጽዛ።\x - \xo 15:4 \xo*\xt ኤርም. 10:7፤ ማዝ. 86:9\xt*\x*
\p
\v 5 የይፕ ጉየ፥ ሳሎ ዶይንቲ የዝ ማርካት ዱንካነ ማቄዝ ጾስ ኬ ታ በኤዛ።\x - \xo 15:5 \xo*\xt ከስ 38:21\xt*\x* 
\v 6 ላፑን ቦሽታ አይኬዝ ላፑን ኪታንችታይ ጾስ ኬይፕ ከዜዝ። ኡንቲ ጌሽኔ ፖጭዝ ሊኖ ማኦ ማኤዛ፤ ፋ ትራል ዎርቀ ዳንጮ ዳንጬዛ። 
\v 7 ኦይዲ መትታይፕ ፐታይ፥ መናስ የዝ ጾስ ካቺ ኩሜዝ ላፑን ዎርቃ ጹእታ ላፑን ኪታንችታይስ እንጌዛ። 
\v 8 ጾስ ቦንቻይፐኔ ኤ ዎልቃይፕ ደንዴዛይድ ጾስ ኬይ ጩያር ኩሜዛ። ላፑን ኪታንችታይ አይኬዝ ላፑን ቦሽታይ ፖልንቶድ ሄሎዳይስ ጾስ ካራ ኦንካ ገሎዳይስ ዳንዳኤካያ።\x - \xo 15:8 \xo*\xt ከስ 40:34፤ 1ካት. 8:10\xt*\x*
\c 16
\s1 ጾስ ካቺ ኩሜዝ ጹእታ
\p
\v 1 የይፕ ጉየ፥ ላፑን ኪታንችታይኮ፥ «Ꮊንጊ ጾስ ካች አይኬዝ ላፑን ጹእታ ሳአ ላሎይታ» ዬጊ፥ ዎልቃማ ጊር ጾስ ኬፕ ከሳዳር ታ ስኤዛ።
\p
\v 2 ቲና ኪታንቻይ Ꮊንጊ፥ ጹአና ሳአ ላልን፥ ዶአይ ማላይ የዝታይላኔ ኤ ምስላይስ ጎይንዝታይል ኢታኔ ዛምዝ ማዶ ከዜዝ።\x - \xo 16:2 \xo*\xt ከስ 9:10\xt*\x*
\p
\v 3 ናምእን ኪታንቻይ ጹአና አባል ላልን፥ አባይ Ꮊይቄዝ አስ ሱ ማቄዛ። ማ አባ ጋንጨ የዝ ሸምፖር የዝ መተ ኡባይ Ꮊይቄዛ።
\p
\v 4 ሃይን ኪታንቻይ ጹአና ዳማ ሃላኔ ፑልቶ ሃል ላልን፥ ሃታይካ ሱ ማቄዛ።\x - \xo 16:4 \xo*\xt ከስ 7:17\xt*\x* 
\v 5 የይፕ ጉየ፥ ሃል አፋ ማዉተ የዝ ኪታንቻይ Ꮊይ ጋርክ ዬጎዳር ታ ስኤዛ።
\q1 «Ꮊተካ ብንካ የዝ ጌሻ ጎዳዮ፥
\q2 \x - \xo 16:5 \xo*\xt ከስ 3:14\xt*\x*Ꮊይ ጋርክ ነ ፕርዴዝ ግሾስ ኔኒ ጌሺ።
\q1
\v 6 ኡንቲ ጌሽታይ ሱኔ ናብታይ ሱ ላሌዝ ግሾስ
\q2 ነ ኡንታን ሱ ኡሼዛ የይካ ኡንትስ ቤዝዛ ባዚ»
\m ዬጌዛ። 
\v 7 ያርሾ አቃይፕ፥
\q1 «ኤ ጎዳዮ፥ ኡባፕ ዎልቃማ ጾሳዮ፥
\q2 ነ ፕርዳይ ቱማኔ ጽሎ»
\m ዬግዝ ቃላ ስኤዛ።
\p
\v 8 ኦይዳን ኪታንቻይ ጹአ አዋል አፋ ላልን፥ አዋ ፋ ምሻይር አሳ ጹጎዳይ ጋርክ አዋስ ዎልቃ እንግንቴዛ። 
\v 9 አሳይ ዎልቃማ ምሻይር ጹግንቲ፥ የ ቦሽታይል አፋ ማዉተ የዝ ጾስ ሱን ጫዤዛ፤ ማሮት ገለካያ፥ ጾሳናካ ቦንቼካያ።
\p
\v 10 እችን ኪታንቻይ ጹአና ዶአይ ዙፋናይል አፋ ላልን፥ የ ዶአይ ካተትይ ሜዛ። አሳይካ ኡንኣይፕ ደንዴዛይድ ፋ እንጻርሳ ጮንግዛ።\x - \xo 16:10 \xo*\xt ከስ 10:21\xt*\x* 
\v 11 ማ አሳይ ኡንኣይ ግሾኔ ማዶይ ግሾስ ሳሎ ጾሳ ባዴዛ፤ ፋ ኦዝ ናጋራይፐካ ማቀካያ።
\p
\v 12 ኡሱፑን ኪታንቻይ ጹአና ግታ ኤፍራጺሰ ሃል ላልን፥ አዋ ከስ ባጋፕ የኦድ ካትታይስ ኦገ ጊጎዳይ ጋርክ ሃይ መሌዛ።\x - \xo 16:12 \xo*\xt ኢሳ. 11:15\xt*\x* 
\v 13 የይፕ ጉየ፥ ዳዋይ ዶናይፕ፥ ዶአይ ዶናይፐኔ ዎርዶ ናበ ዶናይፕ ኦቃነ ኣዝዛ ሀይ ቱና አያንታይ ከሳዳር ታ በኤዛ። 
\v 14 ኡንቲ ማላባዝታ ኦዝ ቱና አያንታ። የ ሀይ ቱና አያንታይ ኡባፕ ዎልቃማ ጾስ ግታ ጋላስ ሀኖዳይስ የዝ ኦላይስ አሳ ሺሾዳይስ አላመ ካት ኡባይኮ Ꮊንጎዳ።
\p
\v 15 «ይኬ፥ ታኒ ካይዞ ጋርክ የኦዳ! አስ ቲና ካሎ ማቂ ፋ ካሎትይስ ዬላታማይ ጋርክ ባርኪ፥ ፋ ማአ ናግዛ አይ አንጅንቴዛያ!» ዬጌዛ።\x - \xo 16:15 \xo*\xt ማቶ. 24:43\xt*\x*
\p
\v 16 የ ቱና አያንታይ ካትታና እብራይስጸ ዶናር አርማገዶነ ግዝ አቆ ሺሼዛ።\x - \xo 16:16 \xo*\xt 2ካት. 23:29፤ ዛክ. 12:11\xt*\x*
\p
\v 17 ላፑን ኪታንቻይ ጹአና ጫርኮል አፋ ላልን፥ ጾስ ካራ የዝ ዙፋናይፕ፥ «ፖልንቴዛ» ዬግዝ ዎልቃማ ግር ከዜዛ። 
\v 18 የይፕ ዜልን ዜልንጌዝ፤ ዳዳይ ሳሪ ቄዝ፥ ቢታይ ኤንኤዛ። የይ ጋርክ ዎልቃማ ቢታ ኤንኦ አሲ መንቴዛይፕ አይኪ የሻ ኤንኤካያ።\x - \xo 16:18 \xo*\xt ዋን. ቆን. 8:5፤ 11:13\xt*\x* 
\v 19 ዳማ ካታምታ ሀይ ከዚ ሻክንቴዛ፤ ጋደ ኡባይድ የዝ ካታምታይ ላልንቴዛ። ጾስ ግታ ካታማ ባብሎነ ቆፒ፥ ፋ ኢታ ካቺ ዎይነ ኡሺ ኩሜዝ ጹአና ኢስ እንጌዛ።\x - \xo 16:19 \xo*\xt ኢሳ. 51:17\xt*\x* 
\v 20 ሃር ማርንቴዝ ቢትታይ ቤዛ፤ አምብታይካ በንተካያ።\x - \xo 16:20 \xo*\xt ዋን. ቆን. 6:14\xt*\x* 
\v 21 አሳይል አፋ ኦይታማኔ እችን ክሎ ግራመ ጋርክ ዴጽዛ ዎልቃማ ሻች ሳሎፕ ቡኬዛ። ቦሻይ ኡሳ ኢታ ማቄዝ ግሾስ አሳይ ሻቻይ ቦሻይ ግሾስ ጾሳና ጫዤዛ።\x - \xo 16:21 \xo*\xt ከስ 9:23\xt*\x*
\c 17
\s1 ላሞር ኤርንቴዝ አስቶ
\p
\v 1 ላፑን ጹእታ አይኬዝ ላፑን ኪታንችታይፕ ፐታይ ታኮ ይኢ፥ «Ꮊና የኦባ፤ ጋመ ሃታይል አፋ በቴዝ ግታ ላምዛ አስትል አፋ የኦዳይስ የዝ ፕርዳ ታ ነና ቤሳዳ።\x - \xo 17:1 \xo*\xt ኤርም. 51:13\xt*\x* 
\v 2 አላመ ካትታይ ኢር ላሜዛ፤ አላመል የዝ አሳይካ እ ላመት ዎይና ኡዢ ማዛ» ዬጌዛ።\x - \xo 17:2 \xo*\xt ኢሳ. 23:17፤ ኤርም. 51:7\xt*\x*
\p
\v 3 የ ኪታንቻይ ታና አያናር ሊዦ ጋ ካንጌዛ። ኤዛይድ ፐቲ አስታ ጫሽ ሱንይ ኤዛል አፋ ጻፍንቴዝ፥ ላፑን ኦማኔ ታጲ ካጨ የዝ ዞቆ ዶአ ቶጌዝ ፐቲ አስቶ በኤዛ።\x - \xo 17:3 \xo*\xt ዋን. ቆን. 13:1\xt*\x* 
\v 4 የ አስታ ካሎሰ ማኦኔ ዞቆ ማኦ ማኤዛ፤ እዛ ዎርቃር፥ ቦንቾ ሹቻራኔ እንቆ ግዝ አልኦ ሹቻር ቡቁርንቴዛ። እዛ ፋ ኩሻይድ ቦርስዛባዝኔ ላመት ቱናትር ኩሜዝ ዎርቀ ጹአ አይኬዛ።\x - \xo 17:4 \xo*\xt ኤርም. 51:7\xt*\x* 
\v 5 እ ስናይል አፋ የዝ ጹራ ሱንይ፥ «ዳማ ባብሎነ፥ ላሞስኔ ሳአ የዝ ቱና ባዝ ኡባይስ እንዶ» ዬግዝ ጹፈ ጻፍንቲ በቴዛ። 
\v 6 ማ የ ማቻት ጌሽታይ ሱኔ የሱሳስ ማርካትታር Ꮊይቄዝታይ ሱ ኡዢ ማዛኖ ታ ብኢ Ꮊይ ማላባዝ ጌዛ።
\p
\v 7 ኪታንቻይ ታኮ፥ «ኔኒ አብስ ማላባዝ ጌ? ታኒ ኔስ የ አስቲ ጹራኔ እዛ ቶኬዝ ላፑን ኦማኔ ታጲ ካጨ የዝ ዶአይ ጹራ ኦዶዳ። 
\v 8 ኔኒ በኤዝ ዶአይ ብኒ የዛ፥ ዝን Ꮊት ባያ። ጉየፕ የ ዶአይ ጪሞ ኦላፕ ከዞዳ፥ ቦኮ Ꮊማዳ። አላማይ መንቴዛይፕ አይኪ፥ ደኦ ማጻፋይድ ኡ ሱንይ ጻፍንተካ ሳአ የዝ አሳይ ዶአና ብኢ ማላባዝ ጎዳ። አብስ ጊኮ፥ ያ ዶአይ ካሰ የዛ፤ Ꮊት ባያ፥ ዝን ቲናፕ የኦዳ።\x - \xo 17:8 \xo*\xt ዳነ. 7:7፤ ዋን. ቆን. 11:7፤ ማዝ. 69:28\xt*\x*
\p
\v 9 «ኤጨትር የዝ ካሃ ኮሽዛይ Ꮊይዳ። ላፑን ኦምታይ አስታ በትዝ ላፑን አምብታ፤ የይትታይ ማ ላፑን ካትታ። 
\v 10 ኡንታፕ እችን ካትታይ ፖኬዛ። ፐታይ Ꮊኖ ሄሎዳይስ ሃርዛ፤ Ꮊንኮ ካታይ የኤካ። ኤ ጽቃ ዎደስ ኣዳ ካታምእ የኦዳይስ ቤዝዛ። 
\v 11 ካሰ የዛ ዶአይ፥ Ꮊት ባዛይ፥ ኤ ፋ ኦማስ ሆስፑን ዶአ። ኤ ላፑን ዶእታይፕ ፐታ፤ ኤ ቦኮ Ꮊንግዛ።
\p
\v 12 «ኔኒ በኤዝ ታጲ ካጭታይ ሀጋ ሃሮ አይከካ ታጲ ካትታ። ዝን ኡንቲ ዶአይራ ፐቲ ሳተ ካዉቲ ሃሮዳይስ ኡንትስ ማዉተ እንግንቶዳ።\x - \xo 17:12 \xo*\xt ዳነ. 7:24\xt*\x* 
\v 13 ኡንትስ ኡባይስ ፐቲ ቆፋ የዛ፤ ኡንቲ ፋ ዎልቃኔ ፋ ማዉታ ዶአይስ እንጎዳ። 
\v 14 ኡንቲ ዱራይር ኦልንቶዳ፥ ዝን ዱራይ ጎድታይ ጎዳነ ካትታይ ካት ማቄዝ ግሾስ ኤር የዝ ኤ ጼጌዝታይ፥ ዶሬዝታይኔ አማንንቴዝታይ የ ካትታ ጋሞዳ» ዬጌዛ።
\p
\v 15 ኪታንቻይ ማካ ታኮ፥ «ላምዛና በቴዝ የ ኔኒ በኤዝ ሃታይ ኮችታ፥ ካተተታ፥ ዘረታኔ ዱማ ዱማ ዶናር ኦድንትዝታ። 
\v 16 ማ ኔኒ በኤዝ ታጲ ካጨኔ ዶአይ ላምዛ አስቶ እጾዳ። ኡንቲ ኢስ የዝ ኡባ ባዝ ኤኮዳ። ማ እዞ ካሎ አሾዳነ እ አሾ ማዳ፤ የይፕ ኡንቲ እዞ ታማር ጹጎዳ። 
\v 17 ይኬ፥ ጾስ ቃላይ ፖልንቶድ ሄሎዳይስ ኡ ቆፋይ ፐቶ ማቃዳይ ጋርክ ኡንቲ ፋ ካተት ዶአይስ እንጎዳኔ ጾሲ ቆፔዛና ኡንቲ ኦዳይ ጋርክ ኡ ዎዝናይድ ጾስ አሞ ጋዴዛ። 
\v 18 የ ኔኒ በኤዝ አስታ ሳአ ካትታ ሃርዛ ግታ ካታምቶ» ዬጌዛ።
\c 18
\s1 ባብሎነ ቦ
\p
\v 1 የይፕ ጉየ፥ ግታ ማዉተር የዝ ሀራ ኪታንቻይ ሳሎፕ ዎዳር ታ በኤዛ። የ ኪታንቻይ ቦንቻይ ሳአ ፖእሴዛ። 
\v 2 ፋ ቃላ ቅ ኡዲ፥
\q1 «ዳማ ባብሎነ ቤዛ! ኤ ቤዛ!
\q2 ባብሎነ ጋለነስ አቅዛ አቆ ማቄዛ።
\q1 ዱማ ዱማ ቱና አያንታይስ ኬ ማቄዛ፤
\q2 ቱናኔ ፍልንቴዝ ካፍታይ ሸምፕዛ አቆ ማቄዛ።\x - \xo 18:2 \xo*\xt ኢሳ. 21:9፤ ኤርም. 51:8፤ ዋን. ቆን. 14:8፤ ኢሳ. 13:21፤ ኤርም. 50:39\xt*\x*
\q1
\v 3 አስ ዘረ ኡባ ፋ ላመ ዎይና ኡሼዛ።
\q1 ሳአ ካትታይ ኢር ላሜዛ። ኢስ የዝ አቆፕ ኣዝ ዱረትይፕ ደንዴዛይድ
\q2 ቢታል የዝ ዛልእዝታይ ዱረቴዛ»
\m ዬጌዛ።\x - \xo 18:3 \xo*\xt ኢሳ. 23:17፤ ኤርም. 51:7\xt*\x*
\p
\v 4 የይፕ ጉየ፥ ታ ሳሎፕ Ꮊይ ጋርክ ዬግዝ ሀራ ግርሲ ስኤዛ።
\q1 «ታ ዎይታዮ እ ናጋራ ኢር ኮጻማይ ጋርከኔ፥
\q2 እዛ ኤኮዳይስ የዝ ሴራ ይ ኤካማይ ጋርክ፥
\q2 ኢፐ ከዞይታ።\x - \xo 18:4 \xo*\xt ኢሳ. 23:17፤ ኤርም. 51:7\xt*\x*
\q1
\v 5 ይኬ፥ እ ናጋራይ ሳሎ ሄሎዳይስ ዶርንቴዛ።
\q2 ጾሲ እ ናቃ ቆፔዛ።\x - \xo 18:5 \xo*\xt መ. 18:20\xt*\x*
\q1
\v 6 እዛ እንጌዛን ጋርክ ማሂ ኢስ እንጎይታ።
\q2 እዛ ኦዝ ኦሳይስ ናምኢ ኩሸ ኢስ ማሆይታ።
\q2 እዛ ዋላኬዝ ኡሻይል አፋ ይ ናምኢ ኩሸ ዋላክንቴዝ ኡሽ እ ጹአይድ ኩንይታ።\x - \xo 18:6 \xo*\xt ማዝ. 137:8፤ ኤርም. 50:29\xt*\x*
\q1
\v 7 እዛ ቦንችንቴዛኔ ኢስ ጊጌዛይ ጋርክ፥
\q2 ኢስ መቶኔ ካዮ እንጎይታ።
\q1 እዛ ፋ ዎዛናይር፥
\q2 ‹ታኒ ካታቲ ጋርክ በቴዛ፤ ታ ኣዝን ባ ማች ባያ፤
\q2 ታኒ ኡባራካ ካያካ የሻ ታን በአሚ› ዬጌዛ።
\q1
\v 8 የይ ግሾስ፥ ቦሻ ኡባይ፥ Ꮊይቆ
\q2 ሀርገ፥ ካያኔ ናየ እዞ ፐቲ ጋላስ አይኮዳ።
\q1 ማ እዛ ታማር ጹግንቶዳ፤
\q2 አብስ ጊኮ፥ እዝል አፋ ፕርድዛ ጎዳ ጾሳይ ዎልቃማ»
\m ዬጌዛ።\x - \xo 18:7-8 \xo*\xt ኢሳ. 47:7-9\xt*\x*
\p
\v 9 «ኢር ላሜዝታይስኔ እ ጊጋይድ የዜዝ፥ አላመ ካትታይ የ ካታምታ ጹግንትን ከዜዝ ጩያ በኤዝ ዎደ ኢስ ኡኪ ዬኮዳ።\x - \xo 18:9-10 \xo*\xt ኢዝቀ. 26:16-17\xt*\x* 
\v 10 ኡንቲ የ ካታምት ዋየ ብኢ Ꮊሽቴዝ ግሾስ ሃኪ ኤቂ፥
\q1 «‹Ꮊ ግታ ካታምተ! ዎልቃማ ካታምተ!
\q2 ባብሎነ፥ ነና አየ! አየ!
\q1 ኔኒ ፐቲ ሳተ ጋንጨ ነ ፕርዳ ኤኬዛ› ዬጎዳ።
\p
\v 11 «ኡ ማርካበ ጫና ይከፕ ዎንግዛ አስ ባዛይ ግሾስ ሳአ የዝ ዛልአንችታይ የ ካታምትስ ዋስዛ ካዮትዛ\x - \xo 18:11 \xo*\xt ኢዝቀ. 27:31\xt*\x* 
\v 12 ኡ ማርካባይድ ጫንንቴዛይካ ዎርቀ፥ ብራ፥ ቦንቾ ሹቺ፥ እንቆ ግዝ አልኦ ሹቺ፥ ሌኦ ማኦ፥ ጩልኮ ማኦ፥ ሊኖ ማኦ፥ ሀረ ማኦ፥ ዞቆ ማኦ፥ ዱማ ዱማ ሳዉዛ ም፥ ዛለ አቻፕ፥ አልኦ ምፕ፥ ናሰ ብራታፕ፥ ጎለ ሹቻፕ ኦንቴዝ ሚሻ ኡባ፥\x - \xo 18:12-13 \xo*\xt ኢዝቀ. 27:12-13፥ 22\xt*\x* 
\v 13 ቃራፋ፥ ሳዎ፥ እጻኔ፥ ካርበ፥ ሽቶ፥ ዎይነ፥ ዛይተ፥ ሊቆ ለ፥ ግስተ፥ መሄ፥ ዱረ፥ ፋራ፥ ፋራ ጋረ፥ አይልታኔ ሀራ አስታ።
\p
\v 14 «ዛልአንችታይ አስትኮ፥ ‹ኔኒ አሞቴዝ ሎኦ ባዝ ኡባይ ኔፕ ቤዛ። ነ ሻላይኔ ቡቁርታይ ኡባይ ኔፕ ሃኬዛ። ኔኒ ማሂ ኡንታን የሻ ደንጋሚ› ዬጌዛ። 
\v 15 የይትታ ዛልእ ዱረቴዝ ዛልአንችታይ እ መታ ያሽቲ ኢፕ ሃኪ ኤቆዳ። ኡንቲ ዬኮዳኔ ካያቶዳ።\x - \xo 18:15 \xo*\xt ኢዝቀ. 27:31\xt*\x* 
\v 16 ማ፥
\q1 «‹ሊኖ ማኦ፥ ሌኦ ማኦኔ ዞቆ ማኦ ማኢ፥
\q2 ዎርቃር፥ ቦንቾ ሹቻራኔ እንቆ ግዝ አልኦ ሹቻር ቡቁርንቴዛ፥
\q2 የ ግታ ካታምታ አየ! አየ!
\q1
\v 17 Ꮊይ ጋርክ ግታ ሻሎ ኡባይ ፐቲ ሳተር ቤዛ› ዬጌዛ።
\p «ማርካበ ላግዝታይ ኡባይ፥ ማርካበር Ꮊንግዝታይ ኡባይ፥ ማርካበል አፋ ኦዛ ኡባይኔ አባል ዛልእዛ ኡባይ ሃኪ ኤቄዛ።\x - \xo 18:17 \xo*\xt ኢሳ. 23:14፤ ኢዝቀ. 27:26\xt*\x* 
\v 18 የ ካታምታ ጹግንትን ከዜዝ ጩያ በኤዝ ዎደ ‹Ꮊ ዎልቃማ ካታምቶ ኣዝዛ ሀራ ካታማ የነሻ?› ዬጌዛ።\x - \xo 18:18 \xo*\xt ኢዝቀ. 27:32\xt*\x* 
\v 19 ኡንቲ ፋ ኦማል ቡልአ ቆል፥ ዬኬዛኔ ካያቴዛ።
\q1 «‹አባል አፋ ማርካብታይ የዝ ኡባይ፥
\q2 እ ሻላይድ ዱረቴዝ ኡባይ፥
\q2 የ ካታምታ ፐቲ ሳተ ቤዝ ግሾስ
\q2 እዞ አየ! እዞ አየ!
\q1
\v 20 ሳሎ፥ እ ባይድ ኡፋይቶባ!
\q2 ጌሽታዮ፥ ሀዋርታዮ፥ ናብታዮ፥
\q2 ጾሲ ይ ግሾስ ኢል አፋ ፕርዴዝ ግሾስ ኡፋይቶይታ›»
\m ዬጌዛ።\x - \xo 18:20 \xo*\xt ኢዝቀ. 27:30፤ ናምእ. 32:43፤ ኤርም. 51:48\xt*\x*
\p
\v 21 የይፕ ጉየ፥ ፐቲ ምኖ ኪታንቻይ ዎጻ ኣዝዛ ግታ ሹች ደን አባ ጋንጨ ግታር፥ «ዳማ ካታምታ ባብሎነ ዎልቃር ኡርቅንቲ Ꮊይ ጋርክ ፖኮዳ፤ እዛ Ꮊይኖፕ ጉየ ኡባራካ በንታሚ።\x - \xo 18:21 \xo*\xt ኤርም. 51:63\xt*\x* 
\v 22 ዲ ዲጽዝታይኔ የጽዝታይ፥ ሹልሹሎኔ ቱልቱላ ፑግዝታይ፥ ይከፕ ጉየ ነ ጋንጨ ኡባራካ ስእንታሚ። አብ ኩሸ ህላር ኦዛ አስካ ነ ጋንጨ በንተና። ዎጻ ግርስ ይከፕ ጉየ ነ ጋንጨ ስእንታም።\x - \xo 18:22 \xo*\xt ኢሳ. 24:8፤ ኢዝቀ. 26:13\xt*\x* 
\v 23 ጾምፐ ፖኦ Ꮊይፕ ጉየ ነ ጋንጨ ፖኤና። ማቾ ኤክዛይኔ ኣዝን ገልዝታይ ግርሳይ ይከፕ ጉየ ነ ጋንጨ ስእንታም። ነ ዛልአንችታይ ቢታ ኡባይል ኤርንቴዝ ዎልቃምታ። ነ ቢታይር ዎያ ኡባ ባልዛ» ዬጌዛ።
\p
\v 24 ናብታይ ሱ፥ ጌሽታይ ሱኔ ቢታል ሹክንቴዝ አስ ኡባ ሱ እ ጋንጨ በንቴዝ ግሾስ ባብሎነ ፕርድንቴዛ።\x - \xo 18:24 \xo*\xt ኤርም. 51:49\xt*\x*
\c 19
\p
\v 1 የይፕ ጉየ፥ Ꮊይ ጋርክ ዬግዝ ዎያ ጊር ኣዝዝ ዎልቃማ ኦሽር ሳሎፕ፥
\q1 «ሀለ ሉያ!
\q2 ፓጾትኔ ቦንቾ ዎልቃይካ ኑ ጾሳይስ ማቆ።
\q1
\v 2 ኤ ፕርዳይ ቱማኔ ሉለ።
\q2 ቢታ ፋ ኢታ ላመር ቱንሴዛኖ ጾሲ ፕርዴዛ።
\q1 ጾሲ ፋ አይልታይ ሱ ኢፐ ኤኬዛ»
\m ዬጎዳር ታ ስኤዛ።\x - \xo 19:2 \xo*\xt ናምእ. 32:43፤ 2ካት. 9:7\xt*\x*
\p
\v 3 የ አሳይ ማሂ ፋ ቃላ ቅ ኡዲ፥
\q1 «ሀለ ሉያ።
\q2 የ ካታምታ መናስ ፑድ አፋ ጩይታር የዞዳ»
\m ዬጌዛ።\x - \xo 19:3 \xo*\xt ኢሳ. 34:10\xt*\x*
\p
\v 4 ላታማኔ ኦይዲ ጭምታይኔ ሸምፖር የዝ ኦይዲ መትታይ ዙፋናይል በቴዝ ጾሳይስ ጹጉኒ፥
\q1 «አምንኤ! ሀለ ሉያ»
\m ዬጊ ጎይኔዛ።
\p
\v 5 የይፕ ጉየ፥
\q1 «ጾስ አይልታይ፥
\q2 ጾስስ ያሽትዝ ጽቅታይኔ ዳምታይ ኡባይ፥ ኑ ጾሳይ ጋላትንቶ»
\m ዬግዝ ጊርይ ዙፋናይፕ ከዜዛ።\x - \xo 19:5 \xo*\xt ማዝ. 115:13\xt*\x*
\p
\v 6 የይፕ ጉየ፥ ጋመ አስ ጋርክ አዉክዝ፥ ዎልቃማ ጎግዝ ዳማ ሃ ጉምኔ ዳዳ ሳር ጋርክ ጊርይ፥
\q1 «ሀለ ሉያ፤
\q2 ኑ ጎዳይ፥ ኡባ ዳንዳእዛ ጾሳይ ካዉቴዛ።\x - \xo 19:6 \xo*\xt ኢዝቀ. 1:24፤ ማዝ. 93:1፤ 97:1፤ 99:1\xt*\x*
\q1
\v 7 ዱራይ ቦሳይ ሄሌዝ ግሾኔ፥
\q2 ኤዛ ገልዛና ጊጌዝ ማቄዝ ግሾስ Ꮊና የኦይታ
\q2 ዎላ ኡፋይቶዳ፥ ጋላቶዳኔ ኤዛ ቦንቾዳ።
\q1
\v 8 ፖጭዛኔ ጌሽ ማቄዝ ሌኦ
\q2 ማኦ ማኦዳይ ጋርክ ኢስ እንግንቴዛ»።
\m (ሌኦ ማአይ ጌሽታይ ጽሎ ኦሳይስ ኣዝሶ።)
\p
\v 9 የይፕ ጉየ፥ ኪታንቻይ ታኮ፥ «ዱራይ ቦሳይ ሙነይስ ጼግንቴዝታይ አንጅንቴዝታ» ግ ጻፎባ። የ ኪታንቻይ ጉጂካ፥ «Ꮊይ ጾስ ቱማ ቃላ» ዬጌዛ።\x - \xo 19:9 \xo*\xt ማቶ. 22:2\xt*\x*
\p
\v 10 የ ዎደ ታ ኤዝስ ጎኖዳይስ ኤ ቶካይል አፋ ጉጲፕንጌዛ። ዝን ኤ፥ «የያ ኦፐ! ታኒ የሱሳባጋ ማርካትዝ ነ ጋርከኔ ነ እሽታይ ጋርከ፤ ጾስስ ጎይኖባ ዬጌዛ። ይኬ፥ የሱሳ ባጋ ማርካቴዛይስ ናበት አያና ታኮ» ዬጌዛ።
\s1 ቦ ፋራ ቶጌዛያ
\p
\v 11 የይፕ ጉየ፥ ሳሎ ዶይንትን፥ ኤዛይድ ቦ ፋራ የዛና ታ በኤዛ። የ ፋራ ቶጌዛይ አማንንቴዛኔ ቱማንቾ ግንትንትዛያ። ኤ ጽሎትር ፕርድዛኔ ኦልንትዛ።\x - \xo 19:11 \xo*\xt ኢዝቀ. 1:1\xt*\x* 
\v 12 ኤ ኣፋይ ታማ ላ ኣዝዛ፤ ኤ ኦማይል ጋመ ዛዉድታይ የዛ። ኤፕ አትን ሀራ ኦንካ ኤሮዋ ኤል ጻፍንቴዝ ሱን የዛ።\x - \xo 19:12 \xo*\xt ዳነ. 10:6\xt*\x* 
\v 13 ኤ ሱር ሙክንቴዝ ማኦ ማኤዛ፤ ኤ ሱንይካ ጾስ ቃላ። 
\v 14 ቦኔ ጌሽ ሊኖ ማኦ ማኤዝ ሳሎ ኦላንችታይ ቦ ፓርታ ቶጊ ኤ ገደኖ ካልዛ። 
\v 15 ዎይታ ጋችዛ ኦጮ ማሻ ኤ ዶናይፕ ከዝዛ። ኤ ብራታ ጉፈራ አሳ ሃሮዳ። ኡባፕ ዎልቃማ ጾስ ካች ዎይነ ኡሻ ቡልዝ አቃ ኤ የዳ።\x - \xo 19:15 \xo*\xt ማዝ. 2:9፤ ኢሳ. 63:3፤ ኢዩ. 3:13፤ ዋን. ቆን. 14:20\xt*\x* 
\v 16 ኤ ማአይል አፋኔ ኤ ዎድራይል አፋ፥ «ካትታይ ካትኔ ጎድታይ ጎዳ» ዬግዝ ሱንይ ጻፍንቴዛ።
\p
\v 17 የይፕ ጉየ፥ አዋል አፋ ኤቄዝ ፐቲ ኪታንቻና ታ በኤዛ። የ ኪታንቻይ ሳሎራ ፕራዛ ካፎ ኡባይስ ፋ ቃላ ቅ ኡዲ፥ «Ꮊና የኦይታ! ጾሳ ስብረ ማዳይስ ፐቲ አቆ ሺቆይታ።\x - \xo 19:17-18 \xo*\xt ኢዝቀ. 39:17-20\xt*\x* 
\v 18 ካትታይ አሾ፥ ሻላቅታይ አሾ፥ ዎታዳርታይ አሾ፥ ፓርታይ አሾ፥ ፓርታ ቶግዝታይ አሾ፥ አስ ኡባይ አሾ፥ አይልታይ አሾ፥ ዎማንታይ አሾ፥ ግትታይኔ ጽቅታይ Ꮊ ኡቢታይ አሻ ሞይታ» ዬጌዛ።
\p
\v 19 Ꮊይ ጋርከካ ዶአይ፥ ፋራ ቶጌዝታይራኔ ኤ ኦላንችታይራ ኦልንቶዳይስ ሳአ ካትታይኔ ኡ ኦላንችታይ ፐቲ አቆ ሺቄዛዝን ታ በኤዛ። 
\v 20 ዝን የ ዶአይ አይክንቴዛ ኤ ሱንይር ማላባዝ ኦዝ ዎርዶ ናባይ ኤዛር ፐትፕ አይክንቴዛ። ኤ ቲናይድ ማላባዝ ኦዝታይ ዶአይ ማላይ የዝታኔ ኤ ምስላ ጎይንዝታ ኤ ባልዛ። ዶአኔ ዎርዶ ናባይ ናምአይካ ዲኔ ኤጽዝ ታማ ኣባይድ ፓ ኦልንቴዛ።\x - \xo 19:20 \xo*\xt ዋን. ቆን. 13:1-18\xt*\x* 
\v 21 አቴዝታይ ቦሀ ፋራ ቶጌዛይ ዶናይፕ ከዜዝ ማሻይር Ꮊይቄዛ። ካፍታይ ኡባይ ኡ አሻ ም ካሌዛ።
\c 20
\s1 ሙኩሎ ላይ ካተት
\p
\v 1 የይፕ ጉየ ዛዋ ባ ጪሞ ኦላይ ቁልፐኔ ግታ ሳንላተ ፋ ኩሸ አይኬዝ ፐቲ ኪታንቻይ ሳሎፕ ዎዳር ታ በኤዛ። 
\v 2 ኤ ዳዋና አይኪ ሙኩሎ ላይስ አጬዛ። የ ዳዋይ ዳቡሎሳ ዎይ ጻላሄ ግንትንትዝ ብኒ ሾሻ።\x - \xo 20:2 \xo*\xt መ. 3:1\xt*\x* 
\v 3 ኪታንቻይ ዛዋ ባ ጪሞ ኦላ ኤዛ ኦሊ፥ ሙኩሎ ላይ ዉሮድ ሄሎዳይስ ካተትታ ማሂ ባልማይ ጋርክ ቁልፐር ጎርዲ ማታመር አታሜዛ። የይፕ ጉየ፥ ዳዋይ ጽቃ ዎደስ ብልንቶዳይስ ቤዝዛ።
\p
\v 4 የይፕ ጉየ፥ ዙፋንታኔ ዙፋንታይል አፋ በቲ ፕርዶዳይ ጋርክ ማዉተ እንግንቴዛና ታ በኤዛ። የሱሳስ ማርካቴዝ ግሾኔ ጾስ ቃላ ኦዴዝ ግሾስ ፋ ቆ ጋችንቴዝ አሳይ ሸምፓ ታ በኤዛ። ኡንቲ ዶአ ዎይ ዶአ ምስላይስ ጎይነካያ። ኡንቲ ዶአይ ማላ ፋ ስናይድ ዎይ ፋ ኩሸል ጋደካያ። ኡንቲ Ꮊይቆፕ ደንዲ ክርስቶሳር ፐትፕ ሙኩሎ ላይ ካዉቴዛ።\x - \xo 20:4 \xo*\xt ዳነ. 7:9\xt*\x* 
\v 5 አቴዝ Ꮊንኮ Ꮊይቄዝታይ ሙኩሎ ላይይ ዉሮድ ሄሎዳይስ Ꮊይቆፕ ደንደካያ፥ Ꮊይካ ቲና ደንዶ። 
\v 6 ቲና Ꮊይቆፕ ደንዳ ደንድዝታይ አንጀቴዝታኔ ጌሽታ። ኡንታል አፋ ናምእን Ꮊይቆስ ማዉተ ባያ። ኡንቲ ጾስስኔ ክርስቶሳስ ቄሰ ማቆዳ፤ ኤዛር ፐትፕ ሙኩሎ ላይ ካዉቶዳ።
\s1 ጻላሄ ጋምንቶ
\p
\v 7 ሙኩሎ ላይይ ዉሬዛይፕ ጉየ ጻላሄ አቻፕ ብልንቶዳ። 
\v 8 ኤ አላመ ኦይዲ ጎንትታይድ የዝ ዎይታ፥ ኡንትካ ጎገኔ ማጎገ ግንትንትዝታ ባለ ኦላስ ሺሾዳይስ ከዞዳ። ኡ ታይባይ አባ ጋጻ የዝ ሻፈ ጋርክ።\x - \xo 20:8 \xo*\xt ኢዝቀ. 38:2\xt*\x* 
\v 9 ኡንቲ ቢታ ኡባይል ላልንቲ፥ ጌሽታይ ሄራኔ ጾሲ ዶስዛ ካታምቶ ማሬዛ። ዝን ታማ ሳሎፕ ዎ ኡንታን ሜዛ።
\p
\v 10 ኡንታን ባልዝ ዳቡሎሳ፥ ዶአይኔ ዎርዶ ናባይ ዎዝ ኤጽዝ ዲኔ ታማ አባ ኡንታን ኦሌዛ። ኡንቲ ቃማኔ ጋላስ መናስ ፓጻ ካእንቶዳ።
\s1 ዉርስ ፕርዳ
\p
\v 11 የይፕ ጉየ፥ ግታ ቦ ዙፋናኔ ዙፋናይል አፋ በቴዛና ታ በኤዛ። ሳአኔ ሳሎ ኤ ቲናፕ በቴዛ፤ ዝን ኡንትስ ቆስንቶዳይስ አቆ በንተካያ።\x - \xo 20:11-12 \xo*\xt ዳነ. 7:9-10\xt*\x* 
\v 12 Ꮊይቄዝ፥ ዳምታይኔ ጽቅታይ ዙፋናይ ቲና ኤቄዛና ታ በኤዛ፤ ማጻፍታይ ዶይንቴዛ፤ ማ ሀራ ደኦ ማጻፋይካ ዶይንቴዛ። Ꮊይቄዝታይ ማጻፋይድ ጻፍንቴዝ ፋ ኦሳይ ጋርክ ፕርዳ ኤኬዛ። 
\v 13 አባይ ፋ ጋንጨ የዝ Ꮊይቄዝታ እንጌዛ፤ Ꮊይቆኔ ስኦለ ፋ ጋንጨ የዝ Ꮊይቄዝታ እንጌዛ። ፐቲ ፐቲ አስ ፋ ኦሳይ ጋርክ ፕርዳ ኤኬዛ። 
\v 14 Ꮊይቆኔ ስኦለ ታማ አባ ኦልንቴዛ። የ ታማ አባይ ናምእን Ꮊይቆ። 
\v 15 ደኦ ማጻፋይድ ሱንይ ጻፍንተካ ኦንካ ታማ አባ ዎዛ።
\c 21
\s1 ኦሮ ሳሎኔ ኦሮ ሳአ
\p
\v 1 Ꮊይፕ ጉየ ኦሮ ሳሎኔ ኦሮ ሳአ ታ በኤዛ። ቲና ሳላይኔ ቲና ሳአይ ቤዛ፤ ኣባይካ Ꮊይፕ ጉየ የዛሚ።\x - \xo 21:1 \xo*\xt ኢሳ. 65:17፤ 66:22፤ 2ጵጽ. 3:13\xt*\x* 
\v 2 ጌሻ ካታምታ፥ ኦሮ የሩሳላመ፥ ኣዝን ገሎዳይስ ቡቁርንቲ ጊጊ የዝ ማች ጋርክ ሳሎ ጾስ ካለፕ ሱል ዎዳር ታ በኤዛ።\x - \xo 21:2 \xo*\xt ኢሳ. 52:1፤ ዋን. ቆን. 3:12፤ ኢሳ. 61:10\xt*\x*
\p
\v 3 የይ ጋርከካ ዙፋናይፕ Ꮊይ ጋርክ ዬጊ፥ ኦድዛ ግታ ቃላ ታ ስኤዛ፤ «ጾስ ኬይ አሳይ ጋንጨ የዛ፤ ኤ ኡንታራሳ የሳዳ። ኡንቲ ኤ ዎያ ማቆዳ፤ ጾሲ ፋ ኦማስ ኡንታራ የሳዳ፤ ኤ ኡ ጾስ ማቆዳ።\x - \xo 21:3 \xo*\xt ኢዝቀ. 37:27፤ ለዊ. 26:11\xt*\x* 
\v 4 ጾሲ ኡ ኣፋይፕ አፉ ኡባ ኡጮዳ። ብኒ ዎጋይ ኣዝ ግሾስ Ꮊይቆ፥ ካያ፥ ኡፎኔ ዋየ ባያ» ዬጌዛ።\x - \xo 21:4 \xo*\xt ኢሳ. 25:8፤ ኢሳ. 35:10፤ 65:19\xt*\x*
\p
\v 5 ዙፋነል አፋ በቴዛይ፥ «ታኒ ኡባ ባዝ ኦሮ ኡዶዳ» ዬጌዛ። ማካ ታኮ፥ «ታኒ ኦድዛይ አማንዛኔ ቱማ ማቄዝ ግሾስ ጻፎባ» ዬጌዛ። 
\v 6 የይፕ ጉየ፥ «ፖልንቴዛ! ታኒ አልፋኔ ኦመጋ፤ ደንዶኔ ዉርስ። ሳምንቴዝ ኦስካ ደኦ ሃ ፑልታይፕ ጭግሰካዛር ጨረ እማዳ።\x - \xo 21:6 \xo*\xt ኢሳ. 55:1\xt*\x* 
\v 7 ጋምዝ ኦንካ የያ ኡባ ላቶዳ፤ ታኒ ኤስ ጾስ ማቃዳ፤ ኤካ ታ ናአ ማቃዳ።\x - \xo 21:7 \xo*\xt 2ሳም. 7:14፤ ማዝ. 89:26\xt*\x* 
\v 8 ዝን ያሽትዝታይ፥ አማኖዝታይ፥ ቱንታይ፥ ሸምፖ ዎዝታይ፥ ላምዝታይ፥ ብትዝታይ፥ ኤቃ ጎይንዝታይኔ ዎርዶትዝታይ አንጃይ ዲኔ ኤጽዝ ታማ አባ ማቆዳ። የይካ ናምእን Ꮊይቆ» ዬጌዛ።
\s1 ኦሮ የሩሳላመ
\p
\v 9 ላፑን ዉርስ ቦሽታይ ኩሜዝ ላፑን ጹእታ አይኬዝ ላፑን ኪታንችታይፕ ፐታይ ታኮ ይኢ፥ «Ꮊንካ የኦባ፥ ታኒ ነና ዱራይስ ማቾ ማቄዝ ዉድርቶ ቤዞዳ» ዬጌዛ። 
\v 10 አያናር ታና አዱስኔ ቀ አምባ ጼራል አፋ ከሲ፥ ጌሻ ካታማ፥ የሩሳላመ፥ ሳሎፕ ጾስ ካለፕ ሱለ ዎዳር ቤዜዛ።\x - \xo 21:10 \xo*\xt ኢዝቀ. 40:1\xt*\x* 
\v 11 የ ካታምታ ጾስ ቦንቾር ፖእዛ። የ ካታምቲ ፖኦ ያስጲደ ግዝ አልኦ ሹች ጋርክ፤ ጌሻ ብርለ ጋርክ ፎጭዛ። 
\v 12 የ ካታምቲ ግምበ ጋሳይ ዎልቃማኔ ኣዱሰ። ኢስ ታጶ ናምኢ ፐንገኔ የ ፐንግታ ናግዛ ታጶ ናምኢ ኪታንችታይ የዛ። ፐንግታይል አፋ ታጶ ናምኢ እስሬለ ዘረታይ ሱንታይ ጻፍንቴዛ።\x - \xo 21:12-13 \xo*\xt ኢዝቀ. 48:30-35\xt*\x* 
\v 13 አዋ ከሲ ባጋር ሀይ ፐንግታይ፥ ፑደ ባጋር ሀይ ፐንግታይ፥ ሱለ ባጋር ሀይ ፐንገኔ አዋ ገሎ ባጋር ሀይ ፐንግታይ የዛ። 
\v 14 ካታምቲ ግምበ ጋሳይ ታጶ ናምኢ ባስታይል አፋ ኤቄዛ። ኡንታል አፋ ታጶ ናምኢ ዱረ ሀዋርታይ ሱንይ ጻፍንቴዛ።
\p
\v 15 ታስ ኦድዛ ኪታንቻይስ፥ ካታምቶ፥ እ ፐንግታኔ ግምበ ጋሰ ዩሻ Ꮊዛ ዎርቃ ጉፈ የዛ።\x - \xo 21:15 \xo*\xt ኢዝቀ. 40:3\xt*\x* 
\v 16 ካታምታ ኦይዲ ማይዛንታይ የዛ፤ ካታማቲ አዱሰትይኔ ጎምፓይ ፐቲ ቃራ። ኪታንቻይ ካታምቶ ፋ ጉፈራ Ꮊዛ፥ ካታማይ ናምኢ ሙኩሎ ኦይዲ ጼት ክሎ ምትረ ማቄዛ፤ ካታምቲ ኣዱሰትይ፥ ዳልጋትይኔ ቃትይ የይ ጋርክ ፐቲ ማላ። 
\v 17 ኪታንቻይ ግንበ ጋሳይ ዩሻ አስ ኩሸር Ꮊን ፐቲ ጼታኔ ኦይታማኔ ኦይዲ Ꮊ ማቄዛ፥ የይካ ኪታንቻይ Ꮊራ።
\p
\v 18 ካታማይ ግንበ ያስጲደ ግዝ ሹቻር ጋስንቴዛ። ካታማይ ቡርጩኮ ጋርክ ፖጭዝ ጌሻ ዎርቃር ኦስንቴዛ። 
\v 19 ካታምቲ ግምባይስ ባሳይ ኡባይ ቦንችንቴዝ ሹቻር የገልቴዛ። ቲና ሂጽንቴዝ ሹቻይ ያስጲደ፥ ናምእንይ ሳንፔረ፥ ሃንይ ኬልቀዶኔ፥ ኦይድንይ መርገደ፥ 
\v 20 እችንይ ሳርዶንክሰ፥ ኡሱፑንይ ሳርዶነ፥ ላፑንይ ክርስትሎበ፥ ሆስፑንይ ብርለ፥ ኡዱፉንይ ዎራዉረ፥ ታጵንይ ክርስጲራስሰ፥ ታጶ ፐትንይ ያክንተ፥ ታጶ ናምአንይ አመተስጽኖሰ።
\p
\v 21 ታጶ ናምኢ ፐንግታይስ ታጶ ናምኢ እንቅታይ የዛ። ፐቲ ፐቲ ፐንጋይ ፐቲ እንቆር ኦስንቴዛ። ካታምቲ ኦጋይ ሎኦ ቡርጩኮ ጋርክ ፖጭዝ ትላ ዎርቃፕ ኦስንቴዛ።
\p
\v 22 ጎዳይ፥ ኡባይፕ ዎልቃማ ጾሳይኔ ዱራይ ካታምትስ ኬ ማቄዝ ግሾስ ታ የ ካታምተ ሀራ ኬ በኤካያ። 
\v 23 ጾስ ቦንቾ የ ካታምትስ ፖእዛ ግሾኔ ዱራይ ኢስ ጾምፐ ማቄዝ ግሾስ ካታምትስ አዋ ዎይ አግና ፖኦ ኮሾያ።\x - \xo 21:23 \xo*\xt ኢሳ. 60:19\xt*\x* 
\v 24 ዎይታይ የ ካታምቲ ፖኦር የዳ፤ አላመ ካትታይካ ፋ ቦንቻ ገድ ኤዛይድ ኮኦዳ።\x - \xo 21:24 \xo*\xt ኢሳ. 60:3\xt*\x* 
\v 25 ቃማ ኤዛይድ ባ ግሾስ ካታማ ፐንግታይ ኡባ ዎደ ዶያ ማቃዳ፤ ጎርድንታሚ።\x - \xo 21:25-26 \xo*\xt ኢሳ. 60:11\xt*\x* 
\v 26 ካትታይ ግታትይኔ ቦንቻይ የ ካታምተ ገሎዳ። 
\v 27 ዱራይስ ማቄዛይኔ ደኦ ማጻፋይድ ሱንይ ጻፍንቴዝታይ ኣዳፕ አትን ቱናባዝ ዎይ ፒልንትዛባዝ ኦዝ ዎይ ዎርዶ ኦድዝ ኦንካ የ ካታምቶ የሻ ገላሚ።\x - \xo 21:27 \xo*\xt ኢሳ. 52:1፤ ኢዝቀ. 44:9\xt*\x*
\c 22
\s1 ደኦ ሃኔ ም
\p
\v 1 የይፕ ጉየ፥ ኪታንቻይ ታና ጾስ ዙፋናይፐኔ ዱራይ ዙፋናይፕ ጎግዝ ቡርጩኮ ጋርክ ፖጭዝ ግታ ደኦ ሃ ታና ቤዜዛ።\x - \xo 22:1 \xo*\xt ኢዝቀ. 47:1፤ ዛክ. 14:8\xt*\x* 
\v 2 የ ሃታ የ ካታምቲ ዋና ጎሳ ቆኢ ኣዛ። የ ሃትስ ኡሻች ባጋራኔ ሀድርስ ባጋር ላይ ታጶ ናምኢ ቶኬ አግናር አግናር ኣፍዝ ደኦ ም የዛ። የ ምቲ ሀይታይ ዎያ ፓዛ።\x - \xo 22:2 \xo*\xt መ. 2:9\xt*\x*\f + \fr 22:2 \fr*\ft ፐቲ ፐቲ ግርኬ ማጻፍታይድ የ ደኦ ምይ ካታማ ዋና ጎሳይስኔ ጎግዝ ሃይስ ጋንጨ የዛ ዬግዛ።\ft*\f*
\p
\v 3 Ꮊንፕ ጉየ አባ ባድ የዛሚ። ጾስ ዙፋናይኔ ዱራይ ዙፋናይ የ ካታማይድ የዞዳ። ኤ አይልታይ ኤዛ ጎይኖዳ።\x - \xo 22:3 \xo*\xt ዛክ. 14:10\xt*\x* 
\v 4 ኡንቲ ኤ ኣፋ በአዳ፤ ኤ ሱንይ ኡ ስኖል ጻፍንቶዳ። 
\v 5 ይከፕ ጉየ ቃማ ባያ፤ ጎዳይ ጾሳይ ኡንትስ ፖእዛ ማቄዝ ግሾስ ኡንትስ ጾምፐ ዎይ አዋ ፖኦ ኮሾያ። ኡንቲ መ መናስ ካዉቶዳ።\x - \xo 22:5 \xo*\xt ኢሳ. 60:19፤ ዳነ. 7:18\xt*\x*
\s1 የሱሳ ማቂ ይእ
\p
\v 6 የይፕ ጉየ ኪታንቻይ ታኮ፥ «Ꮊ ታ ኦድዛ ቃላይ አማንቴዝታኔ ቱምታ። ጎዳ ጾሳይ፥ ናብታይስ ፋ አያናር እንግዛይ፥ ኡከር አተካ ሀኖድ ባዝ ፋ አይልታ ቤሳዳይስ ፋ ኪታንቻ ኪቴዛ» ዬጌዛ።
\p
\v 7 የሱሳካ፥ «ዬዛኮ ታ ኤለር የኦዳ፤ Ꮊ ማጻፋይድ የዝ ትንቢተ ቃላ ናግዛ ኦንካ አንጅንቴዛያ» ዬጌዛ።
\p
\v 8 ታ፥ ዋንሳ፥ የ ኡባባዛ ስኤዛኔ በኤዛ። ታኒ የያ ስኤዝ ዎደኔ በኤዝ ዎደ የያ ታና ቤዜዝ ኪታንቻ ጎይኖዳይስ ኤ ቶከል አፋ ጉጲንጌዛ። 
\v 9 ዝን ኪታንቻይ ታኮ፥ «አሾባ! የያ ኦፐ! ታኒ ነጋርከ፥ ነ እሽታይ ናብታይጋርከኔ Ꮊ ማጻፋይድ የዝ ኡባ ኪትንትዛ አይልታይ ጋርከ፤ ጾስስ ጎይኖባ» ዬጌዛ።
\p
\v 10 Ꮊይፕ ጉየ ኪታንቻይ ማሂ፥ «Ꮊ ኡባይ ፖልንትዛ ዎዳይ ኡኬዝ ግሾስ Ꮊ ማጻፋይድ ጻፍንቴዝ ትንቢተ ቃላ ማታመር ጎርድፐ። 
\v 11 ኢታ ኦዛይ ጉጂ ኢታ ኦ፤ ቱናይካ ጉጂ ቱኖ። ጽላይክ ጉጂ ጽሎ፤ ጌዥዛይ ጉጂ ጌዦ» ዬጌዛ።\x - \xo 22:11 \xo*\xt ዳነ. 12:10\xt*\x*
\p
\v 12 የሱሳ፥ «ዬዛኮ፥ ታኒ ኤልሲ የኦዳ። ፐታይስ ፐታይስ ኤ ኦሳይ ጋርክ እማድ ዎይታይ ታር የዛ።\x - \xo 22:12 \xo*\xt ኢሳ. 40:10፤ 62:11፤ ማዝ. 28:4፤ ኤርም. 17:10\xt*\x* 
\v 13 ታኒ አልፋኔ ኦመጋ፤ ቲናኔ ጉያ፤ ደንዶኔ ዉርስ።\x - \xo 22:13 \xo*\xt ዋን. ቆን. 1:8፥ 17፤ 2:8፤ ኢሳ. 44:6፤ 48:12\xt*\x*
\p
\v 14 «ፋ ማአ ሜጪ ጌሼዝታይ አንጅንቴዝታ። ደኦ ም ኣፋ ማዳይስኔ ካታምት ፐንግታይር ገሎዳይስ ኡንትስ ማዉተ እንግቴዛ።\x - \xo 22:14 \xo*\xt መ. 2:9፤ 3:22\xt*\x* 
\v 15 ዝን ካንታይ፥ ብትዝታይ፥ ላግትዝታይ፥ ሸምፖ ዎዝታይ፥ ኤቃ ጎይንዝታይ፥ ዎርዶ ዶስዝታይኔ ኦዝታይ ባለር የዛ።
\p
\v 16 «ታ፥ የሱሳ፥ Ꮊ ማርካት ይንትስ፥ ዎሳ ኬታይስ ኦዶዳይ ጋርክ ታ ኪታንቻ ኪቴዛ። ታኒ ዳዉተ ሼሽኔ ዘረ። ታኒ ፖእዛ ጉራ ባካላ ጾልንቶ» ዬጌዛ።\x - \xo 22:16 \xo*\xt ኢሳ. 11:1\xt*\x*
\p
\v 17 አያናይኔ ገሎዳይስ ጊጌዝ ማቻት፥ «Ꮊና የኦባ» ዬግዛ። ማ Ꮊያ ስእዝ ኦንካ፥ «Ꮊና የኦባ» ዬጎ። ሳምንቴዝ ኦንካ Ꮊና የኦ፤ ደኦ ሃ ኮይዝ ኦንካ ጭጋ ባይ ጨር ኤኪ ኡዦ።\x - \xo 22:17 \xo*\xt ኢሳ. 55:1\xt*\x*
\p
\v 18 ታኒ Ꮊ ማጻፋይድ ጻፍንቴዝ ትንቢተ ቃላ ስእዝ ኦናካ ናግንቶዳይ ጋርክ ማርካትዛ። ኦንካ Ꮊ ቃላይል አፋ ፐትባዝ ጉጅኮ፥ ጾ Ꮊ ማጻፋይድ ጻፍንቴዝ ቦሻ ኤዛል አፋ ጉጆዳ።\x - \xo 22:18-19 \xo*\xt ናምእ. 4:2፤ 12:32\xt*\x* 
\v 19 ኦንካ ማጻፋይድ የዝ ትንቢተ ቃላይፕ ፐትባዝ ፓጭንችኮ፥ ጾ Ꮊ ማጻፋይድ ጻፍንቴዝ ደኦ ም ኣፈፐኔ ጌሽ ካታምትፕ ኤ አንጃ ፓጭንዳ።
\p
\v 20 Ꮊ ኡባ ማርካትዛይ፥ «ቱማ፥ ታኒ ኤልሲ የኦዳ» ዬግዛ።
\p አምንኤ፤ ጎዳ የሱሳ፥ የኦባ።
\p
\v 21 ጎዳ የሱሳ ኣ ኬሃትይ ኑ ኡባይር ማቆ። አምንኤ።