\id PHM - Melo New Testament Ethiopic
\ide UTF-8
\h ፍልሞና
\toc1 ጳዉሎሳ ፍልሞናስ ጻፌዝ ዳብዳበ
\toc2 ፍልሞና
\toc3 ፍልሞ.
\mt1 ጳዉሎሳ ፍልሞናስ ጻፌዝ ዳብዳበ
\imt ገሎ
\ip ፕልሞና አማኖር ኤርንቴዝ አሲ። አሳይ ኤዛና ቆላስያሳ ዎሳ ኬ አስ ማቃዳ ዬጊ ቆፕዛ። ፕልሞናስ አናስሞሳ ግዝ አይላይ የዛ። Ꮊ አይላይካ ፋ ጎዳይ ካራፕ በተ Ꮊንግታር አች ኬ የዝ ጳዉሎሳር ዎል ሄሌዛ። ጳዉሎሳ ባጋር ጾሳ አማኔዛ። ጳዉሎሳ ፕልሞናስ ጻፌዝ ኪታይ ፕልሞና ማቂ ኤኮ ይእል የዝ አይላይር ዳቦቶዳይ ጋርክ ቆፕስዛያ። ማ ጉጅካ አናስሞሳ ጾስ አማንዛ ግሾስ ይከፕ አማንዛ አስ ጋርክ ኤኮዳይፕ አትን ይከፕ አይለ ጋርክ ፓይድፐ ዬጊ ኦድዛ።
\iot ፍልሞና ኪታይ አይኬዝ ቆፋ
\io1 ገሎ \ior 1-3 \ior*
\io1 ጳዉሎሳ ፍልሞናና ጋላቶ \ior 4-7 \ior*
\io1 ጳዉሎሳ አናስሞሳስ ሺሼዝ ምኖ ዎሳ \ior 8-22 \ior*
\io1 ኩስተ ቆፋ \ior 23-25 \ior*
\c 1
\p
\v 1 የሱስ ክርስቶሳስ አጭንቴዝ ታ ጳዉሎሳፐኔ ኑ እሻ ጽማቶሳፕ ዶስንቴዝ ኑር ዎላ ኦዝ ፍልሞናስ 
\v 2 ኑ ምሽቲ ኣፍብያስኔ ኑር ክርስቶሳስ ዎታዳረ ማቄዝ ኣርክጳሳስኔ ነ ካራ ሺቅዛ አማንዛ አስ ኡባይስ 
\v 3 ጾሳ ኑ አዳይፐኔ ኑ ጎዳ የሱስ ክርስቶሳ ኣ ኬሃትይኔ ሳሮትይ ይንትስ ማቆ።
\s1 ፍልሞና ሲቆኔ አማኖ
\p
\v 4 ታ ዎሳይድ ኡባ ዎደ ነና ቆፕ ታ ጾሳ ጋላትዛ። 
\v 5 ጎዳ የሱሳል የዝ ነ አማናኔ አማንዛ አሳይስ የዝ ነ ቃ ታ ስኤዛ። 
\v 6 ኔኒ ነ አማና ሀራ አስስ ሻግዛይ ኑስ ክርስቶስ የሱሳ ባጋር ይእዛ ሎኦ ባዝ ኡባይ ኤርንቶድ ጋርክ ታኒ ጾሳ ዎስዛ። 
\v 7 ታ እሻዮ አማንዝታይ ዎዝናይ ነ ኦሳይር ሼምፔዝ ግሾስ ነ ሲቃይር ጋመ ኡፋይስኔ ምን ታ ደንጌዛ። 
\v 8 የይ ግሾስ ነ ኦዳይስ ቤዝዛ ባዝ ኦባ ግ ክርስቶሳ ባጋር ያሻ ባይ ኪቶዳዝን፥ 
\v 9 ኡባር Ꮊይ ጋርክ ሀኔዝ ታ ጳዉሎሳ ጭማይ፥ Ꮊተካ ማ የሱስ ክርስቶሳስ አች ማቄዛይ፥ ሲቆ ባጋ ዎስዛ። 
\v 10-11 ካሰ ነና ማደካ አትኮካ Ꮊት ማቅኮ ነናካ ታናካ ማድዛ ግሾስ ታ አቻ የዛር ክርስቶሳ ባጋር የሌዝ ታ ናአ አናስሞሳ ግሾ ዎስዛ። 
\v 12 ታ ኤዛ ኔኮ ማሂ ዳኮዳ፥ ኔኒ ታ ዎዝናይ ጋርክ ኔኮ ዳኬዛይ ጋርክ ኡዲ ኤኮባ። 
\v 13 ታ ዎንግለ ግሾስ አጭንቲ የዝን ኤ ነ አቆ ታና ማዶድ ጋርክ ታ ኤዛ አሾድ ጌዝን። 
\v 14 ዝን ነ ሎኦትይ ዎልቃንር ባዝን ዶሶር ማቃድ ጋርከ ግ ኔር ዞርንተካዛር አሾዳይስ ታኮየካያ። 
\v 15 ኤ ኔፕ ሻግንቲ ጋምኤዛይ ኡባ ዎደ ኔር የዞድ ግሾስ ማቃዳ። 
\v 16 Ꮊይፕ ጉየ ኔር የዞዳይ አይለ ጋርክ ባዝን አይለፕ ኣ ዶስንቴዝ እሸ ጋርከ፥ ኤ ታስ ዶስንቴዝ እሸ ማቅኮ ኔስ አሾራኔ አያናር ሲቆ እሸ ዋይዚ ማቆሳ? 
\v 17 ይኬ ታና ኔስ እሸ ኡዲ ኤክኮ ኤዛካ ታ ጋርክ ኡዲ ኤኮባ። 
\v 18 አባባዝካ ነና ቆሄዝ ባዝ የዝኮኔ አጮ ኤዛል የዝኮ ታል ኦሎባ። 
\v 19 ታ ጳዉሎሳ ታ ኩሸር ኤ አጫ ጭጎዳ ግ ኔስ ጻፌዛ፥ ነ ነ ኡባስ ታ አጮር የዛና ታ ቆፕሳሚ። 
\v 20 ይኬ ታ እሻዮ Ꮊ ሎኦ ኦሳ ነ ታስ ኦድ ጋርክ ታ ነና ዎስዛ። ሀያና ታ ዎዝና ጎዳይ ባጋር ሸምፕሶባ 
\v 21 ታ ኔስ ጌዛይፕ ኣ ነ ኦዛይ ግሾስነ አዛዝንትዛ ግሾስ ታ ኤሪ ኦድዛ። 
\v 22 የይዳካ ጾሳይ ይ ዎሳ ስኢ ታና ይንትኮ ካማዳና ታ ኡፋይትዛ ግሾስ ታስ ሸምፕዛ አቆ ጊግሶይታ። 
\v 23 የሱስ ክርስቶሳ ግሾ ታር አጭንቴዝ ኤጳፍራ ሳሮ ሺሽዛ። 
\v 24 ታር ዎላ ኦዛ ማርቆሳራ አርስጽሮኮሳ ዴማሳ ሉቃሳካ ሳሮ ሺሽዛ። 
\v 25 ጎዳ የሱስ ክርስቶሳ ኣ ኬሄትይ ይንታር ማቆ።