\id HEB - Melo New Testament Ethiopic
\ide UTF-8
\h እብራወ
\toc1 ኢብራወ አሳይስ ጻፍንቴዝ ኪታ
\toc2 እብራወ
\toc3 እብራ.
\mt1 እብራወ አሳይስ ጻፍንቴዝ ኪታ
\imt ገሎ
\ip Ꮊ ኪታይ ጻፍንቴዛይ፥ ዴጾ መቶ ሄልን፥ ፋ አማና አሾዳይስ ሄሌዝ አማንዛ አሳይሲ። Ꮊ ማጻፍቶ ጻፌዛይ፥ የሱስ ክርስቶሳ ዉርስኔ ቱማ ጾስ ቆንጭ ማቄዛና እብራወ አሳይስ ቤዝዛ። የ አማንዛ አሳይ ፋ አማናይድ ሚንጎዳይ ጋርክ ኡንታን ምንዛ። ኤ የያ ኡድታር ሀይዝ ቱምታ ኣ ቤዝዛ።
\ili 1. የሱሳ ፋ ኤኬዝ መታይድ አዳይስ ቱማ ኪትንቴዝ መና ጾስ ናአ። ኤ ጾስ ናአ ማቄዝ ግሾስ ጭማ ጫቆ ዎደ የዝ ናብታይፐ፥ ኪታንችታይፐኔ ሙሰፐ ሎእ ኣዛ።
\ili 2. የሱሳ ጭማ ጫቆ ቄስታይፕ ኡባር ኣዝ መና ቄሰ ማቄዛና ጾሲ ፋ ኦማስ ማርካቴዛ።
\ili 3. የሱሳ ባጋር አማንዛ አስ ናጋራፐ፥ ያሻፐነ Ꮊይቆፐ አትዛ። የሱሳ ቄሰ ሀላቃ ማቄዛ፥ ቲና እብራውታይ አማኖ ዎጋኔ መሄ ያርሾር ኤሾ ጋርክ በንትዝ አቶት Ꮊት ቱማ ኦዛ።
\ip ጻፋይ እስሬለ አሳይ ታርከኔ ዋረር የዝ አሳይ አማኖ ኣዝሶ ኡዲ ኤኪ (ሸም 11) Ꮊ ማጻፍቶ ናባብዛ አስታይ ፋ አማናይድ ሚንጎዳይ ጋርክ አካክስዛ። የይ ጋርከካ፥ ሸምፖ 12 ናባብዝታይ ፋ አፋ የሱሳ አፋ ጋዲ፥ ፋ አማናይድ ሚንጎዳይ ጋርከኔ አባ መቶኔ ዋየ ሄልኮካ፥ ኡንቲ ጋርዦዳይ ጋርክ ዞርዛ። ዉርስ ዞራይዳኔ አካክሶ ቃላይድ ፋ ኪታ ኣዛ።
\iot እብራወ ኪታይ አይኬዝ ቆፍታ
\io1 ገሎ፦ ጾሲ ክርስቶሳር ቆንጬዛ \ior 1:1-3 \ior*
\io1 ክርስቶሳ ኪታንችታይፕ አፋ \ior 1:4—2:18 \ior*
\io1 ክርስቶሳ ሙሰፐኔ ኢያሶፕ ኣ \ior 3:1—4:13 \ior*
\io1 ክርስቶሳ ቄሰትይ ኡባይፕ ኣ \ior 4:14—7:28 \ior*
\io1 ክርስቶሳ ቃላ ጫቃይ ኡባፕ ኣ \ior 8:1—9:22 \ior*
\io1 ክርስቶሳ ያርሽንታይ ፑጫ \ior 9:23—10:39 \ior*
\io1 አማኖ ባይራት \ior 11:1—12:29 \ior*
\io1 ጾስ ኡፋይሶ \ior 13:1-19 \ior*
\io1 ዉርስ ዎሳ \ior 13:20-22 \ior*
\io1 አንጆኔ ኩስተ \ior 13:22-25 \ior*
\c 1
\s1 ናአይ ኪታንችታይፕ ኣ
\p
\v 1 ብኒ ብንኮ ጾስ፥ ኑ አድታይስ ናብታይ ባጋር ዱማ ዱማ ኦገር ጋመ ዎደ ኦዴዛ። 
\v 2 ዝን Ꮊ ዉርስ ዎደ ኡባ ባዝ ኤዛ ላትሴዝ፥ ማ አላማካ ኤ ባጋር መዝ ፋ ናአይ ባጋር ኑስ ኦዴዛ። 
\v 3 ናአይ ጾስ ቦንቾ ፖጭኔ ሀናይር ሙመር ጾስ ኣዚ ኩን ጾስ ጾሳት ኤኪ፥ ፋ ማዉተ ቃላይር Ꮊ አላማ ሚን አይኬዛ። አሳ ኡ ናጋራይፕ ሻግሼዛይፕ ጉየ ኡባፕ አፋ ጾስ ኡሻች ሳሎ በቴዛ።
\p
\v 4 ኤስ እንግንቴዝ ሱንይ ኪታንችታይ ሱንይፕ ኣ ማቄዛይ ጋርክ ኤ ኡንታፕ ሎእ ኣዝ ግሾሲ። 
\v 5 ይኬ፥ ጾስ ኪታንችታይፕ ኦኮ፥
\q1 «ኔኒ ታ ናአ፤
\q2 ታ Ꮊይኖ ኔስ አደ ማቄዛ» ዬጌኔ?
\m ዎይ ኦኮ፥
\q1 «ታኒ ኤስ አደ ማቆዳ፤
\q2 ኤካ ታስ ናአ ማቆዳ» ዬጌኔ?\x - \xo 1:5 \xo*\xt ማዝ. 2:7፤ 2ሳም. 7:14፤ 1ዜና. 17:13\xt*\x*
\q1
\v 6 ማ ጾሲ ፋ ባይራ ናአ Ꮊ አላመ ኪትታር፥
\q1 «ጾስ ኪታንችታይ ኡባይ ኤስ ጎይኖ»
\m ዬጌዛ።\x - \xo 1:6 \xo*\xt ናምእ. 32:43\xt*\x* 
\v 7 ጾስ ኪታንችታይ ባጋ ኦድታር፥
\q1 «ጾሲ ፋ ኪታንችታ ጫርክታ፥
\q2 ፋ አይልታ ታማ ላ ኡድዛ»
\m ዬግዛ።\x - \xo 1:7 \xo*\xt ማዝ. 104:4\xt*\x* 
\v 8 ዝን ፋ ናአይ ባጋ ኦድታር፥
\q1 «ጾሶ፥ ነ ካተትይ መናስ የዝዛ።
\q2 ነ ካተት ነ ጽሎትር አቅሶዳ።\x - \xo 1:8-9 \xo*\xt ማዝ. 45:6-7\xt*\x*
\q1
\v 9 ኔኒ ጽሎት ዶሴዛ፤ ኢታት እጼዛ።
\q2 ጾሳይ፥ ነ ጎዳይ፥ ነና ነ ዣምታይፕ ኣ ዶሬዛ፥
\q2 ኡፋይስ ዛይተ\f + \fr 1:9 \fr*\fqa ኡፋይስ ዛይተ፦ \fqa*\ft ኤ ካዉትዛ ዎደ አሳይ ኡፋይሳር እልሊ ኤዛ ካዉትስዛ ቤዝዛ።\ft*\f* ነና ትዤዛ»
\m ዬግዛ።\x - \xo 1:9 \xo*\xt ማዝ. 61:1፥ 3\xt*\x* 
\v 10 ጾሲ ማሂ፥
\q1 «ጎዳዮ፥ ቲና ኔኒ ሳአ መዛ፤
\q2 ሳልታይ ነ ኩሸ ኦስታ።
\q1
\v 11 የይትታይ ኡባይ ቦዳ፤
\q2 ዝን ኔኒ የዞዳ።
\q2 ኡንቲ ኡባይ አፍላ ጋርክ ዉሮዳ።
\q1
\v 12 ኔኒ ኡንታን ሳልነ ጋርክ ጻጾዳ፤
\q2 ማ ኡንቲ አፍላ ጋርክ ላምንቶዳ።
\q1 ዝን ኔኒ ኡባ ዎደ ነና፤
\q2 ነ ላይታይስካ ዉርስ ባያ»
\m ዬግዛ።\x - \xo 1:10-12 \xo*\xt ማዝ. 102:25-27\xt*\x* 
\v 13 ዝን ጾሲ ኪታንችታይፕ ኦኮ፥
\q1 «ታኒ ነ ሞርክታ ነ ቶካይ
\q2 የዝ አቆ ኡዶድ ሄሎዳይስ፥
\q2 Ꮊይዳ ታፕ ኡሻች ባጋር በቶባ» ዬጌኔ?\x - \xo 1:13 \xo*\xt ማዝ. 110:1\xt*\x*
\m
\v 14 ኪታንችታይ ኡባይ አቶት ደንጎዳይስ የዝ አስታ ማዶዳይስ ጾስ ኪቴዝ አያንታ ባሳኔ?
\c 2
\s1 ዳማ አቶት
\p
\v 1 የይ ግሾስ፥ ኑኒ ስኤዝ ቱማይፕ ሀራ ባዝ ኑና ኤካማይ ጋርክ የ ኑ ስኤዛና ሚን ናጎዳይስ ቤዝዛ። 
\v 2 ይኬ፥ ኪታንችታይ ባጋር ኦድንቴዝ ቃላይ ቱማ ማቅኮ፥ ኤዛ ለቆኔ ኪትንታም እጻይ ፕርዳ ክእዛባዝ ማቅኮ፥ 
\v 3 የዝን፥ ኑኒ Ꮊይ ጋርክ ግታ አቶት እጽኮ፥ ዋይዚ ቡቲ አቶዴ? ቲና ጎዳይ ፋ ኦማስ የ አቶት ኦዴዛ፤ ማ ኤፕ ስኤዝታይ ኑስ ጌሺ ማርካቴዛ። 
\v 4 ማ ጾሲ ማልታይር፥ ኦሮባዝታይር፥ ዱማ ዱማ ማላ ባዝታይዳኔ ፋ ሸነ ጋርክ እንጌዝ ጌሻ አያና እሞትታይር ማርካት ሚንዛ።
\s1 የሱሳ አስ አቶትስ ኩስተ
\p
\v 5 ጾሲ Ꮊ ኑኒ ኦድዛ ቲናፕ የኦድ አላማ፥ ኪታንችታይስ ሞድሰካያ። 
\v 6 ጌሻ ማጻፋይ ፐቲ አቆ Ꮊይ ጋርክ ዬግዛ፦
\q1 «ኔኒ አስስ ቆፖዳይስ አስ ናአ አባ ባዞ?
\q2 ዎይ ኔኒ ኤዛ ናጎዳይስ አስ ናአ አባ ባዞ?\x - \xo 2:6-8 \xo*\xt ማዝ. 8:4-6\xt*\x*
\q1
\v 7 ነ ኤዛ ኪታንችታይፕ ጽቃር ላፍዛ፤
\q2 ኤ ኦማይል ቦንቾኔ ጋላታ ዛዉደ ጋዴዛ።
\q1
\v 8 ማ ኡባ ባዝ ኤ ቶኬ ኦሞ ጋዴዛ»
\m ዬግዛ። ጾሲ ኡባ ባዝ ኤስ ሞድሴዝ ዎደ ኤስ ሞድንቴካ አብካ ባያ። ዝን Ꮊት ኡባ ባዝ ኤስ ሃርንቶዳር ኑኒ ሀጋ በኤካያ። 
\v 9 ዝን ኑኒ ኪታንችታይፕ ጽቃር ላፌዛ የሱሳ ጾስ ኣ ኬሃትይፕ ደንዴዛይድ የሱሳ አስ ኡባይስ Ꮊይቄዛ። ኤ ዋየ Ꮊይቆ Ꮊይቄዝ ግሾስ ቦንቾኔ ጋላታ ዛዉደ ኤ ኦማይል ጋድን በአዳ። 
\v 10 ኡባ ባዝ ኤፐኔ ኤስ መንቴዛይ፥ ጋመ ናእታ ፓር ቦንቾኮ ኮኦዳይስ ኡንትስ አቶት ኩስተኔ ዋዬር ፎሎ ማቃዳይ ጋርክ ኦዳይስ ኤስ ቤዝዛ።
\p
\v 11 የሱሳኔ Ꮊ ኤ ጌሼዝ አሳይ ኡባይ ፐቲ አዳይ ናእታ። የሱሳ ኡንታን፥ «ታ እሹን» ግ ጼጎዳይስ ዬላተካዛይ የይሲ። 
\v 12 የሱሳ፥
\q1 «ታኒ ነ ሱን ታ እሽታይስ አዋጆዳ፤
\q2 ዎያ ጋንጨ ነና የር ጋላቶዳ»
\m ዬግዛ።\x - \xo 2:12 \xo*\xt ማዝ. 22:22\xt*\x* 
\v 13 ማ ኤ፥ «ታኒ ኤዛል አፋ አማንቶዳ» ዬግዛ። ማካ፥ «ታኔ ጾሲ ታስ እንጌዝ ናእታይር ታ Ꮊይዳ የዛ» ዬግዛ።\x - \xo 2:13 \xo*\xt ኢሳ. 8:17-18\xt*\x*
\p
\v 14 ይኬ ናእታይ አሾኔ ሱ የዝታ ማቄዝ ግሾስ የሱሳካ ኡ ጋርክ አስ ማቄዛ። ኤ የያ ኡዴዛይ፥ Ꮊይቆል አፋ ዎልቃ የዝ ጻላሄ ፋ Ꮊይቃይር ሻሮዳይሲ። 
\v 15 ማ ፋ የዛ ላይ ኡባይድ Ꮊይቆስ ያሻር አይልቲ የዝታ አይለትፕ ዎዞዳይሲ።
\p
\v 16 የሱሳ የኤዛይ አፍራመ ዘረ ማዶዳይሳፕ አትን ኪታንችታ ማዶዳይስ ባያ።\x - \xo 2:16 \xo*\xt ኢሳ. 41:8-9\xt*\x* 
\v 17 አስ ናጋራስ ያርሽንቶዳይስ ጾስ ቲና ማርዛኔ አማንንቴዝ ቄሰ ሀላቃ ማቄዛ። የይ ግሾስ፥ ኤ ኡባ ባዛር ፋ እሽታ ኣዞዳይስ ቤዝዛ። 
\v 18 ኤ ፋ ኦማስ ፓጭንት ዋየ ኤኬዝ ግሾስ ፓጭንትዝታ ማዶዳይስ ዳንዳእዛ።
\c 3
\s1 የሱሳ ሙሰፕ ኣዛ
\p
\v 1 የይ ግሾስ፥ ጾስ ጼስ ሻግንቴዝ ጌሽ እሹን፥ ኑ አማኖስ ጎዳ ግ ጼግዝ ሀዋረኔ ቄሰ ሀላቃ የሱሳ ቦኦይታ። 
\v 2 ሙሰ ጾስ ካራ ኡባይድ አማንንቴዛይ ጋርክ የሱሳካ ፋና ሹሜዝ ጾሳይስ አማንንቴዛያ። 
\v 3 ኬ ኬጽዛይ ኬይፕ ኣ ቦንችንትዛይ ጋርክ የሱሳ ሙሰፕ ኣዝ ቦንቾ ኤኮዳይስ ቤዝዛ። 
\v 4 ፐቲ ፐቲ ኬስ ኬጼዝ አሲ የዛ፥ ዝን ኡባ ሀንሴዛይ ጾሰ። 
\v 5 ሙሰ ጾስ ካራ ኡባይድ አማንንቴዝ አይለ ማቂ፥ ጾሲ ቲናፕ ጎድባዛይስ ማርካ ማቄዛ። 
\v 6 ዝን ክርስቶሳ ጾስስ ናአ ጋርክ አማንንቴዛያ። ኑኒ ኤኮዳ ግ ያሻ ባይ ጬቆር ናግዛ ኡፋይሳ ሚን ናግኮ ኑ ኤ ካራ።
\s1 ጾስ ዎያስ የዝ ሸምፖ
\p
\v 7 የይ ግሾስ፥ ጌሻ አያናይ ግዛይ ጋርክ፥
\q1 «Ꮊይኖ ይ ጾሳይ ግዛ ስእኮ
\q2
\v 8 ሊዦ ቢታ ይ ታና ፓጬዝ ጋላስ፥
\q2 ይ ዎርዣቴዛይ ጋርክ፥
\q2 ይ ዎዝና ምንፓተ።
\q1
\v 9 ኤዛይድ ይ አድታይ ታና ፓጬዛ፤
\q2 ኦይታም ላይ ታ ኦሳ በኤዛ።
\q1
\v 10 የይ ግሾስ፥ ታ የ የለት ሴሬዛ፥
\q2 ‹ኡንቲ ኡባ ዎደ ፋ ዎዛናይር ባልንትዛ፤
\q2 ታ ኦጋ ኤረካያ› ታ ዬጌዛ።
\q1
\v 11 የይ ግሾስ፥
\q2 ‹ታ ሸምፖ አቃ ኡባራካ ገላሚ› ዬጊ፥
\q2 ታኒ ታ ሴራይድ ጫቄዛ፥ ዬጌዛ» ዬግዛ።\x - \xo 3:7-11 \xo*\xt ማዝ. 95:7-11\xt*\x*
\p
\v 12 ታ እሹን፥ ይንትፕ ኦ ጋንጨካ፥ ደኦ ጾሳይፕ ይንታን ሻክዛ ኢታኔ አማኖዋ ዎዝና የዛማይ ጋርክ ናግንቶይታ። 
\v 13 ይንትፕ ኦናካ ናጋራ ባልን፥ ፋ ዎዝና ምንማይ ጋርክ «Ꮊይኖ» ዬግንቲ ጼግንቶዳር ጋላስ ጋላስ ዎልር ዞርንቶይታ። 
\v 14 ኑ ቲና አማና ኑኒ ዉርስ ሄሎዳይስ ሚን ናግኮ፥ ክርስቶሳር ፐትፕ ላቶዳ። 
\v 15 ጌሻ ማጻፋይድ፥
\q1 «Ꮊይኖ ጾስ ግዛ ይ ስእዝ ዎደ
\q2 የ ዎደ ኡንቲ ዎርዠትር ሀኔዛይ ጋርክ፥
\q2 ይ ዎዝና ሚንፓተ»
\m ዬጌዛ።\x - \xo 3:15 \xo*\xt ማዝ. 95:7-8\xt*\x*
\p
\v 16 ጾስ ግዝባዝ ስኢ ዎርዠቴዝታይ ኦናንታራ? ሙሰ ግብጸፕ ካል ከሴዝ ኡብታ ባሳኔ?\x - \xo 3:16-18 \xo*\xt ታይ. 14:1-35\xt*\x* 
\v 17 ጾስ ኦይታም ላይ ኦና ሴሬኔ? ናጋራ ኦዝታኔ ኡ አሃይ ሊዦ ቢታ ዎ አቴዝ አስታ ባሳኔ? 
\v 18 ማ ጾስ፥ «ታ ሸምፖ አቃ ኡ ገላሚ» ዬጊ ጫቄዛይ፥ ኤስ ኪትንታም እጼዝ አሳይሳፕ አትን ኦሶ? 
\v 19 ይኬ፥ ኡንቲ የ ሸምፖ አቃ ገለካ አቴዛይ አማነካ ግሾስ ማቄዛና ኑ ቦኦዳ።
\c 4
\p
\v 1 ይኬ፥ ጾሲ ኑና ፋ ሸምፖ አቆ ገልሶዳ ጌዝ ቃላይ ሀጋ ቲናፕ የዝ ግሾስ ይንትፕ ኦንካ የ ሸምፖ አቃ ገለካ አታማይ ጋርክ ዎላ ናግንቶዳ። 
\v 2 ኡንትስ ዎንግላይ ሳባክንቴዛይ ጋርክ፥ ኑስካ ሳባክንቴዛ። ዝን ኡንቲ ስኤዝባዝ አማኖር ኤከካ ግሾስ ኡንታን ማደካያ። 
\v 3 ሀኖ ዝን፥ አላመ መንቴዛይፕ አይኪ ጾሳ ኦሳይ ፖልንቴዝ ማቅኮካ፥ ጾሲ፥
\q1 «ታኒ ታ ካቻይድ ጫቄዛ፥
\q2 ታ ሸምፖ አቆ ኡባራካ ኡ ገላሚ»
\m ጌዛይ ጋርክ፥ ኑኒ አማኔዝታይ ኤ ሸምፖ አቆ ገሎዳ።\x - \xo 4:3 \xo*\xt ማዝ. 95:11\xt*\x* 
\v 4 ላፑን ጋላስባጋ ፐቲ አቆ፥ «ጾሲ ላፑን ጋላሳ ፋ ኦሶ ኡባይፕ ሸምፔዛ» ዬጌዛ።\x - \xo 4:4 \xo*\xt መ. 2:2\xt*\x* 
\v 5 ማካ የ አቃይድ፥ «ኡንቲ ታ ሸምፖ አቃ ኡባራካ ገላሚ» ዬግዛ።\x - \xo 4:5 \xo*\xt ማዝ. 95:11\xt*\x* 
\v 6 ቲና ዎንግለ ስኤዝታይ ኪትንታም እጺ ሸምፖ አቃ ገለካያ። የያ ማቅኮካ፥ Ꮊተካ የ ሸምፖ አቃ ገሎ ግንትንቴዝ ፐቲ ፐቲ አስታይ የዛ። 
\v 7 የይ ግሾስ፥ ጾሲ፥ «Ꮊይኖ» ግ ጼጎዳር ፐቲ ጋላስ ኑስ ቃማ ጋዴዛ። ጋመ ዎደፕ ጉየ ጾሲ ዳዉተ ባጋር፥
\q1 «ጾሲ ግዝባዝ Ꮊይኖ ይ ስእዝ ዎደ
\q2 ይ ዎዝና ምንፓተ»
\m ዬጊ ኦዴዛ።\x - \xo 4:7 \xo*\xt ማዝ. 95:7-8\xt*\x* 
\v 8 ኢያሶ ኡንትስ ሸምፖ እንጌዝባዝ ማቄዛኮ፥ ጾሲ ሀራ ጋላሰ ባጋ ጉየፐ ኦዳምዝን።\x - \xo 4:8 \xo*\xt ናምእ. 31:7፤ ኢያ. 22:4\xt*\x* 
\v 9 ይኬ፥ ጾስ አሳይስ ማላ ጋላስ ሸምፖ ጋርክ ሸምፓይ ናግንቲ የዛ። 
\v 10 ጾስ ሸምፖ አቃ ገልዛ ኦንካ፥ ጾሲ ፋ ኦሳይፕ ሸምፔዛይ ጋርክ ኤካ ፋ ኦሳይፕ ሸምፖዳ።\x - \xo 4:10 \xo*\xt መ. 2:2\xt*\x* 
\v 11 የይ ግሾስ፥ ኦንካ የ አሳይ ኪትንቶ እጻ ካሊ፥ ፖካማይ ጋርክ ዎላ ጾስ ሸምፖ አቃ ገሎዳይስ ምንጎዳ።
\p
\v 12 ጾስ ቃላይ ደኦር የዛኔ ኦዛያ። ናምኢ ባጋር ሌፍንቴዝ ማሻፕ ኣ ኦጮ። ኤ ሸምፖ፥ አያና፥ ጻጶኔ ኮልእዘ ሄሎዳይስ ሳትሲ ጫድዛ። ማ አስ ዎዛና የዝ ቆስንቴዝ ቆፋኔ አሞ ሻኪ ፕርድዛ። 
\v 13 ጾስ ቲናፕ ቆስንቴዝ አባ መትካ ባያ። ኤ ኣፈ ቲና ኡባ ባዝ ቆንጨኔ ካሎ የዛ። ኑኒ ማህ እንጎዳይስ ቤዝዛይ ኤ ቲናይዳ።
\s1 የሱሳ ኡባይፕ ኣ ቄሰ ሀላቃ
\p
\v 14 ይኬ፥ ሳልታይል አፋ ከዜዝ ኡባይፕ ኣ ቄሰ ሀላቃይ፥ ጾስ ናአ የሱሳ፥ ኑስ የዛ ግሾስ ኑ አማና ሚን ናጎዳ። 
\v 15 ኑ ቄሰ ሀላቃይ ኑ ዳቡሮዳር ኑስ ቃንቶዳይስ ዳንዳእዛያ። ኤ ናጋራ ኦካ፥ ዝን ኑ ጋርክ ኡባ ባዛር ፓጭንቴዛ። 
\v 16 ይኬ፥ ማሮት ኤኮዳይስኔ ማዴ ኮሽዛ ዎደ ኣ ኬሃትይፕ ደንጎዳይስ ኣ ኬሃትይ የዛ አቆ ጾስ ዙፋናይኮ ያሽተካ ሺቆዳ።
\c 5
\p
\v 1 ፐቲ ፐቲ ቄስታይ ሀላቃ አሳይ ጋንጨፕ ማራጽንቲ፥ ጾሳር ሄልዛ ባዛ አሳይ ግሾስ እሞታራኔ ናጋራ ያርሾ ያርሾዳይስ ሹምንትዛ። 
\v 2 ኤ ፋ ኦማስ ዳቡራ ማቄዝ ግሾስ ኤሮዝታይስኔ ባልንትዝታይስ ቃንቶዳይስ ዳንዳእዛ። 
\v 3 ኤ ፋ ናጋራ ግሾኔ አስ ኡባ ናጋራ ግሾስ ያርሾ ያርሾዳይስ ቤዝዛይ የይሲ።\x - \xo 5:3 \xo*\xt ለዊ. 9:7\xt*\x*
\p
\v 4 ኦንካ Ꮊ ቦንቻ ፓስ ኤኮዳይስ ዳንዳኦዋ፥ ዝን ኣሮና ቄስታይ ሀላቃ ማቆዳይስ ጼግንቴዛይ ጋርክ ጾሳር ጼግንቶዳይስ ቤዝዛ።\x - \xo 5:4 \xo*\xt ከስ 28:1\xt*\x* 
\v 5 የይ ጋርከካ፥ ክርስቶሳ ቄስታይ ሀላቃ ማቅ ቦንቻ ታስ ቤዝዛ ግ ፋ ኦማስ ኤከካያ። ዝን ጾሲ ኤዛ፥
\q1 «ኔኒ ታ ናአ።
\q2 Ꮊይኖ ነና ታ የሌዛ» ኤኮ
\m ዬግዛ።\x - \xo 5:5 \xo*\xt ማዝ. 2:7\xt*\x* 
\v 6 ማ ሀራ አቆ፥
\q1 «ማልከጻድቀ ቄሰ ማቄዛይ ጋርክ፥
\q2 ኔኒ መናስ ቄሰ ማቆዳ»
\m ዬግዛ።\x - \xo 5:6 \xo*\xt ማዝ. 110:4\xt*\x*
\p
\v 7 የሱሳ አስ ማቂ Ꮊ አላመል የዝ ዎደ ፋና Ꮊይቆፐ አሾዳይስ ዳንዳእዛ ጾሳ ጋመ ዬፎራኔ አፉር ዎሴዛ። ኤ፥ ኤዛ ቦንቺ ኪትንቴዝ ግሾስ ጾስ ኤ ዎሳ ስኤዛ።\x - \xo 5:7 \xo*\xt ማቶ. 26:36-46፤ ማር. 14:32-42፤ ሉቃ. 22:39-46\xt*\x* 
\v 8 የሱሳ ጾስ ናአ ማቅኮካ ፋ ዋይንቴዝ ዋያይድ ኪትንታ ታማሬዛ። 
\v 9 የይዳካ፥ የሱሳ ፎሎ ማቄዛይፕ ጉየ ፓስ ኪትንትዛ ኡባይ መና አቶት ደንጎዳይ ጋርክ ኦገ ማቄዛ። 
\v 10 ጾስ ማልከጻድቀ ቄሰትስ ሹሜዛይ ጋርክ ቄስታይ ሀላቃ ኡዲ ኤዛ ሹሜዛ።
\s1 አማኖር ድጮዳይ ጋርክ እንግንቴዝ ናግሶ
\p
\v 11 ያ ኑ ኦዳይል አፋ ጉጂ ናሾድ ጋመ ባዝ የዛ፥ ዝን ይ አካካይ ጽቃ ማቄዝ ግሾስ ይንትስ ኦዲ ገልሶዳይ ዋይዛ። 
\v 12 ይ Ꮊኖንተ አስታማረ ማቆዳይስ ቤዝዛ፥ ዝን ጾስ ቃላ ቲና ትምርታ ይንታን ማሂ ታማርስዛ ሀራ አስ ኮሽዛ። ይ ምኖ ካ ማዳይስ ዳንዳኦዛይ ግሾስ ማ ኮሽዛ።\x - \xo 5:12-13 \xo*\xt 1ቆሮ. 3:2\xt*\x* 
\v 13 ማ ፓክንትዛ ኦንካ ዱደ ናአ ማቄዝ ግሾስ ሎኦኔ ኢታ ሻኪ ኤሮያ። 
\v 14 ዝን ምኖ ካ ሎኦኔ ኢታ ሻኪ ኤሮር ሎሄዝ አሳይሲ።
\c 6
\p
\v 1 ይኬ፥ ክርስቶሳ ባጋ ታማርስዛ ቲና ትምርታ አሺ ክርስቶሳር ፎሎኮ Ꮊማዳ። Ꮊይቄዝ ኦሶፕ ገሎኔ ጾስ አማኖ ባጋ ቲና ትምርታይኮ ጉየ ማቂ ማሂ ባሳሚ። 
\v 2 የይትታይካ፥ ጽንቃትታይ ባጋ፥\f + \fr 6:2 \fr*\fqa ጽንቃትታይ ባጋ፦ \fqa*\ft ያ አቆ ጽንቃትታይ ባጋ ጊንትንቴዛይ ዱማ ዱማ ጌሾ ዎግታይባጋ ኦዶዳዳይስ።\ft*\f* ኩሸ ጋዶ ባጋ፥ Ꮊይቆፕ ደንዶ ባጋኔ መና ፕርዳ ባጋ ማሂ ታማራም። 
\v 3 ጾስ ጊኮ ኑ የያ ኡዶዳ።
\p
\v 4 ፐቲ ቶኬ ፖኦ ኡንትስ ፖኤዝታ፥ ሳሎ እሞታ ኤኬዝታ፥ ጌሻ አያናር ሻክንቴዝታ፥ 
\v 5 ሎኦ ጾስ ቃላኔ ቲናፕ የኦድ አላማይ ዎልቃ በኤዝታ፥ 
\v 6 ጉየፐ ካዴዝታ ናጋራይፕ ናምእን ማሆዳይስ ዳንዳእንቶያ። አብስ ጊኮ፥ ኡንቲ ፋ ቦስ ጾስ ናአ ማሂ ሶትዛይ ጋርክ ማዝቃለል አፋ ኤዛ ሶቴዛ ዎያ ቲና ካዉሽዛ።
\p
\v 7 ኡባ ዎደ ኢል አፋ ቡክዛ እራ ኡዢ፥ ዎቴዝ አ ማድዛ ካ እንግዛ ቢታይ ጾስ አንጄዛኖ። 
\v 8 ዝን አንጉንኔ ግጀ ዶልዝ ቢታት አብካ አዳሚ፤ ኢስ ቃንግ ኡኬዛ፤ ዉርስል እዛ ጹግንቶዳ።
\p
\v 9 ኑ ሲቆ እሹን፥ ኑኒ Ꮊይ ጋርክ ኦድዛ ባዝ ማቅኮካ፥ ይንታን አቶትኮ ካልዛ ሎኦ ባዝ ይንትስ የዛና ኤርዛ።\x - \xo 6:9\xo*\xt መ. 3:17-18\xt*\x* 
\v 10 ጾስ ሉለ ፕርድዛ። ጾስ፥ ይ ኦዝ ኦሶኔ ቲና ማቅን Ꮊተካ አማንዝታ ማዲ፥ ኤስ የዝ ሲቆ ቤዜዛና ዶጎያ። 
\v 11 ይ ኡባይ ኡፋይሳር ናግዛና ደንጎድ ሄሎዳይስ Ꮊ ምኖት ዉርስ ሄሎዳይስ ቤዞዳይ ጋርክ ኑ አሞትዛ። 
\v 12 ይ አማኖራኔ ዳንዳአር ናግዛ ኡፋይሳ ላትዛ አሳ ኣዞዳይ ጋርከፐ አትን አዛላ ማቆዳና ኑ ኮዮያ።
\s1 ጾስ እንጌዝ ኡፋይሳይ ስሶያ
\p
\v 13 ጾሲ አፍራመስ ኡፋይስ ቃላ እንጎድ ግ ጫቆዳር ፋፐ ኣዝ ሀራ ግታ ባ ግሾስ ፋ ኦማስ ጫቄዛ። 
\v 14 ኤኮ፥ «ታኒ ነና አንጆዳ፤ ነ ዘርካ ጋንዳ» ዬጌዛ።\x - \xo 6:14 \xo*\xt መ. 22:16-17\xt*\x* 
\v 15 አፍራመ ዳንዳአር ናጌዝ ጾሳይ እንጎድ ጌዝ ኡፋይሳ ኤኬዛ።
\p
\v 16 አሲ ጫቂታር ፋፕ ዳምዛ አይር ጫቂዛ፤ ኡ ፋ ኦዳ ጫቆር ሚን፥ ዎል ጋንጨ የዝ ፓላማ ኡባ ተቅዛ። 
\v 17 የይ ግሾስ፥ ጾስ ፋ ላምንቶዋ ቆፋ ኡፋይስ ቃላ ላትዝታይስ ቆንጭሶዳይስ ኮዬዝ ግሾስ ጫቆር ኡንትስ ሚንዛ። 
\v 18 ጾስ ላምንቶዋዝታኔ ዎርዶቶዋ ናምኢ ባዝታ ጉሳይ ኡፋይስኔ ጫቃ ኑስ እንጌዛ። Ꮊ ናምኢ ባዝታይፕ ደንዴዛይድ ኑ ቲናይድ የዝ ኡፋይሳ ሚን አይኮዳይስ ዳንዳኦዳይስ ዘምፖ ደንጎዳይስ ኤኮ ቆስንቴዝ ኑኒ ዎልቃማ ምን ደንጎዳ።
\p
\v 19 ያ ኡፋይሳይ ኑ ሸምፖስ፥ ማርካበ ኤንአማይ ጋርክ ሚን አይክዝ ዎዶሮ ጋርከ። የ ኡፋይሳይ ማጋራዣፕ ጉየ ባጋ የዝ ጌሽ አቃ ገልዛ።\x - \xo 6:19 \xo*\xt ለዊ. 16:2\xt*\x* 
\v 20 የሱሳ ማልከጻድቀ ሹማተይ ጋርክ መናስ ቄስታይ ሀላቃ ማቂ፥ ኑ ግሾስ ኑፕ ቲናቲ የ አቃ ገሌዛ።
\c 7
\s1 ቄሰ ማልከጻድቀ
\p
\v 1 ማልከጻድቄ፥ ሳሌመ ካታይ፥ ኡባፕ ኣ ጾስ ቄሰ። የ ማልከጻድቀ አፍራመ ካትታና ኦሊ ጋሚ ማቆዳር ኤዛ ሄሊ አንጄዛ።\x - \xo 7:1-2 \xo*\xt መ. 14:17-20\xt*\x* 
\v 2 አፍራመ ፋ የዛ ባዝ ኡባይፕ ኤስ አስራታ ከሲ እንጌዛ። ማልከጻድቀ ሱንይ ቲና «ጽሎት ካት»፥ ናምእን፥ «ሳሌመ ካት» ብልእይ፥ «ሳሮት ካት» ጉሲ። 
\v 3 ማልከጻድቀስ እንዳ ዎይ አደ ዎይ ዛረ ታይቦ ባያ። ኤ ላይይስ ደንዶ ዎይ ኤ ላይይስ ዉርስ ባያ፥ ዝን ጾስ ናአ ኣዚ መናስ ቄሰ ማቄዛ።
\p
\v 4 ማልከጻድቀ አብ ጋርክ ዳማዛኮ ቦኦይታ። ኑ አድታይስ ማይዛይ፥ አፍራመ፥ ፋ የዛ ባዛይፕ ኤስ አስራታ እንጌዛ። 
\v 5 ቄሰ ማቄዝ ለወ ዛራይ እስሬለ አሳይፕ፥ የይካ አፍራመ ዘረ ማቄዝ ፋ እሽታይፕ አስራታ ኤኮዳይ ጋርክ ህገ ኪትዛ።\x - \xo 7:5 \xo*\xt ታይ. 18:21\xt*\x* 
\v 6 ማልከጻድቀ ለወ ዛረ ማቃም እጽኮካ አፍራመፕ አስራታ ኤኬዛ፤ ኡፋይስ ቃላ የዝ አፍራመና አንጄዛ። 
\v 7 ጽቃይ ዳማይር አንጅንትዛይ ፓላምያ።
\p
\v 8 ፐቲ ባጋር፥ አስራታ ኤክዝታይ Ꮊይቅዝ አስታ፥ ዝን ሀራ ባጋር አስራታ ኤክዛይ Ꮊይቀካ የዛ ዬጊ ኦድንቴዝ መልከጻድቀ። 
\v 9 ይኬ፥ አስራታ ኤክዝ ለወ፥ አፍራመ ባጋር አስራታ እንጌዝ ጎዳይስ ዳንዳእንትዛ። 
\v 10 አብስ ጊኮ፥ ማልከጻድቀ አፍራመር ዎል ሄሎዳር ለወ ሀጋ የልንተካ ማቅኮካ፥ ፋ ማይዛ አፍራመ ጉልባታይድ የዛ።
\p
\v 11 እስሬለ አሳይስ ህገ ለወ ቄሰትይ ባጋር እንግቴዛ። የ ለወ ቄሰትይ ፎሎ ማቄዝ ባዝ ማቄዛኮ ኣሮናሳይ ጋርክ ባዝን፥ ማልከጻድቀ ጋርክ ሀራ ቄሰ ሹሞዳይስ ኮሻምዝን። 
\v 12 ይኬ፥ ቄስታይ ላምንቶዳር ህጋይካ ማ ላምንቶዳይስ ቤዝዛ። 
\v 13 የያ ኑ ኤባዝ ኦድዛ አይ ሀራ ዛረ፤ ኤ ሼሻይፕ ኦንካ ያርሾ አቆ ቄሰት ኦካያ። 
\v 14 ኑ ጎዳይ ይሁዳ ሼሻይፕ የኤዛይ ኤርንቴዛያ። ሀኖ ዝን፥ ሙሰ ቄስታይ ባጋ ኦድታር ይሁዳ ኮች ባጋ አብካ ኦደካያ።
\p
\v 15 ማልከጻድቀ ጋርክ ሀራ ቄሰ የኤዝባዝ ማቄዛኮ Ꮊ ኑ ኦድዛባዛይ ኣ ቆንጮዳ። 
\v 16 ኤ ቄሰ ማቄዛይ ቦዋ ደኦ ዎልቃይራፕ አትን ኤ ማይዛ ህገራኔ ዎጋይር ባያ። 
\v 17 ጌሻ ማጻፋይ፥
\q1 «ማልከጻድቀ ቄሰትይ ጋርክ፥
\q2 ኔኒ መናስ ቄሰ»
\m ዬጊ ማርካትዛ።\x - \xo 7:17 \xo*\xt ማዝ. 110:4\xt*\x* 
\v 18 ቲና ህጋይ ዳቡራኔ ማዳማ ማቄዝ ግሾስ ሻርንቴዛ። 
\v 19 ሙሰ ህጋይ አባራካ ፎሎ ማቆዳይስ ዳንዳኤካያ። ዝን ኑኒ Ꮊት ጾስኮ ሺቆዳይስ ኡባይፕ ኣዝ ኡፋይስ ቃላይ ኑስ እንግንቴዛ።
\p
\v 20 ክርስቶሳ ቄሰ ማቄዝ ዎደ ጾሲ ጫቄዛ፥ ዝን Ꮊንክታይ ቄሰ ማቄዝ ዎደ የይ ጋርክ ጫቃይ ባያ። 
\v 21 ዝን የሱሳ ቄሰ ማቄዛይ ጾስ ጫቆራ፤
\q1 «ጎዳይ ኤኮ ‹ኔኒ መና ቄሰ› ዬጊ ጫቄዛ፤ ኤ ፋ ቆፋ ላሞያ»
\m ዬጌዛ።\x - \xo 7:21 \xo*\xt ማዝ. 110:4\xt*\x* 
\v 22 ያ ጫቃይፕ ደንዴዛይድ የሱሳ ኑስ ኡባይፕ ኣዝ ቃላ ጫቃይስ ዋሰ ማቄዛ።
\p
\v 23 ቲና ቄስታይ ታይባይ ጋመ ዝን ቄሰት ኦማይ ጋርክ Ꮊይቆ ኡንታን ካዬዛ። 
\v 24 ዝን የሱሳ መናስ የዝዛ ግሾስ ኤ ቄሰትይ ላምንቶያ። 
\v 25 የይ ግሾስ፥ ኤ ኡባ ዎደ ኡ ግሾስ ጉሮዳይስ መናስ የዝ ግሾስ ጾስኮ ኤ ባጋር ይእዝታ ፎሎ አሾዳይስ ዳንዳእዛ።
\p
\v 26 ይኬ፥ ኑስ ቤዝዛ ባዝ እንግዛ፥ ጌሻይ፥ ቦሮኔ ቱና ባዛይ፥ ናጋራንችታይፐ ሻክንቴዛይኔ ሳሎፕ ኣ ቄዝ ቄሰ ሀላቃይ ኑስ ኮሽዛ። 
\v 27 ኤ Ꮊንኮ ቄሰ ሀላቅታይ ጋርክ ቲና ፋ ናጋራ ግሾስ ካሊ አስ ናጋራ ግሾስ ጋላስ ጋላስ ያርሾ ያርሾዳይስ ኮሾያ። ኤ ፋና ያርሼዝ ዎደ Ꮊያ ላማማይስ ፐቲ ቶኬ ዉርሲ አሼዛ\x - \xo 7:27 \xo*\xt ለዊ. 9:7\xt*\x* 
\v 28 ሙሰ ህጋይ ዳቡራ አሳ ቄሰ ሀላቃ ኡዲ ሹምዛ። ዝን ህጋይፕ ጉየ የኤዝ ጫቆ ቃላይ መናስ ፎሎ ማቄዝ ጾስ ናአና ሹሜዛ።
\c 8
\s1 የሱሳ ኦሮ ጫቆ ቄስታይ ሀላቃ
\p
\v 1 ኑኒ ኦዴዝ ባዛይፕ ኣፈ ቆፋይ የያ። ሳሎ ኡባፕ አፋ ጾስ ዙፋናይፕ ኡሻች ባጋ በቴዝ Ꮊይ ጋርክ ቄሰ ሀላቃይ ኑስ የዛ።\x - \xo 8:1 \xo*\xt ማዝ. 110:1\xt*\x* 
\v 2 ኤ ኦዛይ ቱማ ዱንካነ ማቄዝ ጌሽ አቆ፥ የ ዱንካናት ቱክንቴዛና አስ ኩሸር ባዝን ጎዳይ ኩሸራ።
\p
\v 3 ቄሰ ሀላቃ ኡባይ ሙጻታስኔ ያርሾ ያርሾዳይስ ሹምንትዛ። የይ ግሾስ፥ Ꮊ ቄሳይ ያርሾዳይስ ፐትባዚ የዞዳይስ ኮሽዛ። 
\v 4 ህገ ኪትዛይ ጋርክ ያርሽዛ ቄስታይ የዝ ግሾስ ክርስቶሳ ሳአ የዛ ባዝ ማቄዛኮ ቄሰ ባያ። 
\v 5 ኡንቲ ቄሰት ኦዛ ዱንካናይ ሳሎ የዛይስ ኣዝሶኔ ኤሾ። ሙሰ ዱንካና ኤስዛ ዎደ ጾሲ ኤኮ፥ «ታኒ ነና ደረል አፋ ቤዜዝ ኣዝሳ ካሊ ናግንቶር ኦባ» ዬጌዛ።\x - \xo 8:5 \xo*\xt ከስ 25:40\xt*\x* 
\v 6 Ꮊት ማቅኮ የሱሳ ጋንጨ ገሊ ዳቦዛ ቃላ ጫቃይ፥ ቲና ቃላ ጫቃይፕ ኣዛይ ግሾስ ኤ ኤኬዝ ኦሳይ ኡንቲሳይፕ ኣዛ። የይ ኤቄዛይ ኣዝ ኡፋይስ ቃላይዳ።
\p
\v 7 ቲና ቃላ ጫቃይድ ቦሮ ባ ማቄዛኮ ናምእን ቃላ ጫቆ ኮሾያ። 
\v 8 ዝን ጎዳይ ኤዛ ቦሪ፥ Ꮊይ ጋርክ ዬጌዛ፦
\q1 «ታኒ እስሬለ አሳይራኔ ይሁዳ አሳይራ
\q2 ኦሮ ቃላ ጫቆ ጫቂዛ ዎደ የኦዳ።\x - \xo 8:8-12 \xo*\xt ኤርም. 31:31-34\xt*\x*
\q1
\v 9 የ ቃላ ጫቃይ ታ ኡ አድታይ ግብጸ ቢታፕ ኩሸ አይኪ፥
\q2 ጎቺ ከሴዝ ዎደ ኡንታር ጫቄዝ ጫቃይ ጋርክ ባያ።
\q1 ጎዳይ ኡንቲ ታ ጫቃይድ አማንንተካዛይ ግሾስ
\q2 ታኒ ኡንታን ኦሊ አሼዛ ዬግዛ።
\q1
\v 10 ዝን ይከፕ ጉየ እስሬለ አሳይራ
\q2 ታ ጫቆድ ጫቃይ Ꮊያ ዬግዛ ጎዳይ።
\q1 ታኒ ታ ህጋ ኡ ካሃይድ ጋዶዳ፤
\q2 ኡ ዎዝናይዳካ ጻፎዳ።
\q1 ታኒ ኡ ጾሳ ማቆዳ፤
\q2 ኡንትካ ታ ወያ ማቆዳ።
\q1
\v 11 ኡንታፕ ኦንካ ፋ ሾራ ዎይ ፋ እሻ፥
\q2 ‹ጎዳ ኤሮባ› ዬጊ ታማርሳሚ።
\q1 ኡንቲ ጽቃፕ ዳማ ሄሎዳይስ
\q2 ኡባይ ታና ኤሮዳ።
\q1
\v 12 ታኒ ኡ ናቃ አቶ ጎዳ፤
\q2 ኡ ቆሃ ማሂ ቆፓሚ»
\m ዬግዛ።
\p
\v 13 ጾሲ Ꮊ ጫቃ «ኦሮ ቃላ ጫቆ» ጉሳይ ቲናሳ ጭማ ማሄዛ። ይኬ፥ ጭማይኔ ጬጋይ ብዛ ዎደ ሄሌዛ።
\c 9
\s1 ጭማ ጫቆ ዎደ ጎይኖ
\p
\v 1 ቲና ጫቃይስ ጾስ ጎይኖ ዎጋይኔ ሳአ ዱንካናይ የዛ። 
\v 2 ቲና ዱንካናይ ጊጌዛ። ኤዛይድ ጾምፐ ጋድዝ ኮች፥ ጻርጴዛኔ ያርሾ ቦራ የዛ፤ የ አቃይ ጌሺ ግንትትዛ።\x - \xo 9:2 \xo*\xt ከስ 26:1-30፤ 25:31-40\xt*\x* 
\v 3 ናምአን ማጋራዣይፕ ጉየ ባጋር የዝ አቃይ ኡባይፕ ኣ ጌሽ አቆ ግንትንትዛ።\x - \xo 9:3 \xo*\xt ከስ 26:31-33\xt*\x* 
\v 4 ኤ ጋንጨ እጻኔ ጩይሽዝ ዎርቃ ቀንደለኔ ዎርቃር ጎልንቴዝ ቃላ ጫቆ ታቦታይ የዛ። የ ጫቆ ታቦታይድ ማና የዝ ዎርቃ ጻሮ፥ አጬዝ ኣሮና ጉፋይኔ ሙሰ ህገ ጻፍንቴዝ ናምኢ ሎቼ ሹችታይ የዛ።\x - \xo 9:4 \xo*\xt ከስ 30:1-6፤ 25:10-16፤ 16:33፤ ታይ. 17:8-10፤ ከስ 25:16፤ ናምእ. 10:3-5\xt*\x* 
\v 5 የ ታቦታይል አፋ ባጋር አቶት ካመ ፋ ቀፋይድ ካምዛ ቦንቾ ክሩቤልታይ የዛ። ዝን Ꮊት የ ኡባ ቆንጭሲ ኦዶዳይስ ዳንዳኦያ።\x - \xo 9:5 \xo*\xt ከስ 25:18-22\xt*\x*
\p
\v 6 ያ ኡባይ Ꮊይ ጋርክ ጊጌዛይፕ ጉየ፥ ቄስታይ ኡባ ዎደ ፋ ኦሳ ኦዳይስ ዱንካናይስ ቲና ባጋ ክፍላ ገልዛ።\x - \xo 9:6 \xo*\xt ታይ. 18:2-6\xt*\x* 
\v 7 ዝን ቄሰ ሀላቃይ ኣዳ ዱንካናይስ ናምእን ክፍለ ላይፕ ፐቲ ቶኬ ገልዛ። ኤ የያ ገልታር ፋ ናጋራ ግሾኔ አሳይ ኤረካ ኦዝ ናጋራ ግሾስ ሱ ያርሾ ኤከካ ገሎያ።\x - \xo 9:7 \xo*\xt ለዊ. 16:2-34\xt*\x* 
\v 8 ቲና ዱንካናይ ኤቂ የዝን፥ ኡባፕ ጌሽ አቆ ካንግዛ ኦገ ሀጋ ዶይንተካዛ ጌሻ አያናይ የያ ኤርስዛ።
\p
\v 9 የይ Ꮊ ዎዳይስ ኣዝሶ፤ ጾስስ እንግንትዛ እማኔ ያርሻይ ጎይንዛ አይ ካሃ ጌሾዳይስ ዳንዳኦዛና Ꮊይ ቤዝዛ። 
\v 10 የይትታይ ሙስ ባጋ፥ ኡሽ ባጋ ዱማ ዱማ ሜች ዎግታይ ኦድዝታ። ኡንቲ ኦሮጽዛ ዎደ የኦድ ሄሎዳይስ ኦስንትዛ ባለ ዎግታ ባጋ።
\p
\v 11 ዝን ክርስቶሳ Ꮊት ኑ ደንጌዝ ሎኦ ባዝታይስ ቄስታይ ሀላቃ ማቂ የኤዛ። ኤ ገሌዝ ዱንካናይ ዳማኔ ፎሎ ማቄዛ። የ ዱንካናይ አስ ኩሸር ኦስንተካዛኔ Ꮊ አላማይፕ መንቴዛኖ። 
\v 12 ክርስቶሳ ኡባፕ ጌሽ አቆ ገልታር ዴሽ ሱኔ ኦጎና ሱ ኤኪ ገለካያ። ዝን መና አቶት እንጎዳይስ ፋ ሱ ኤኪ ላማማይስ ፐቲ ቶኬ ገሌዛ። 
\v 13 ዴሽ ሱኔ ዎፋኖ ሱ፥ ጹግንቴዝ ኡስ ቡዶ፥ ቱኔዝ አሳይል አፋ ርጭንቲ ኡንታን ጌሽዛባዝ ማቅኮ፥\x - \xo 9:13 \xo*\xt ለዊ. 16:15-16፤ ታይ. 19:9፥ 17-19\xt*\x* 
\v 14 መና አያና ባጋር ቦሮ ባ ያርሾ ኡዲ፥ ጾሳይስ ፋና እንጌዝ ክርስቶሳ ሱ፥ የዛ ደኦ ጾስ ጎይኖዳይ ጋርክ Ꮊይቆ ካልዛ ኦሳይፕ ኑ ካሃ ዋይዚ ኣ ጌሾሳ?
\p
\v 15 የይ ግሾስ፥ ጼግንቴዝታይ ጾሲ እንጌዝ መና ላታ ኤኮዳይ ጋርክ ክርስቶሳ ኦሮ ጫቃይስ ጋንጨ ገሊ ዳቦዛ ማቄዛ። የይ ሀኔዛይ አሳይ ቲና ጫቃይፕ ኦሞ የዝ ዎደ ኦዝ ናጋራይፕ ኡንታን ዎዞዳይስ ኤ Ꮊይቃይዳ።
\p
\v 16 ይኬ፥ ኬኬ ዬዝኮ፥ የ ኬኬዝ አይ Ꮊይቅይ ኤርንቶዳይስ ኮሽዛ። 
\v 17 ኬኬዝ አይ Ꮊይቅኮ ኤ ኬካይ ሚንግዛ። ኬኬዝ አይ Ꮊይቀካ አትኮ ኤ ኬካይ ኦያ።
\p
\v 18 ሀራ አቶዝን፥ ቲና ጫቃይካ ሱ ባይ ምንገካ። 
\v 19 ሙሰ ህገ አዛዝታ ኡባ አሳይስ ኦዴዛይፕ ጉየ ኦጎና ሱኔ ዴሽ ሱ ሃር ዋላኪ፥ ዞቆ ዱር እክሰኔ ህሶጰ ኤኪ፥ ማጻፋይል አፋኔ አሳይል አፋ ዉርጼዛ።\x - \xo 9:19-20 \xo*\xt ከስ 24:6-8\xt*\x* 
\v 20 ሙሰ አሳይኮ፥ «ይ ናጎዳይ ጋርክ ጾሲ ኪቴዝ ሱ ጫቃይ Ꮊያ» ዬጌዛ። 
\v 21 የይ ጋርከካ፥ ዱንካናይዳኔ ኦዛ ሚሸ ኡባይል አፋ ሱ ዉርጼዛ።\x - \xo 9:21 \xo*\xt ለዊ. 8:15\xt*\x* 
\v 22 ቱማካ ህጋይ ግዛይ ጋርክ ጽቃባዝታይፕ አትን ኡባ ባዝ ሱር ጌዥዛ። ሱ ላልንተካዝን ናጋራ ባራንችንቶያ።\x - \xo 9:22 \xo*\xt ለዊ. 17:11\xt*\x*
\p
\v 23 ሳሎባዝ ኣዝሶ ማቄዝታይ ኡባይ መሄ ያርሾር ጌዦዳይስ ኮሽዛ። ዝን ሳሎባዝታይ ፋ ኦማስ የይፕ ኣዝ ያርሾር ጌዦዳይስ ኮሽዛ።
\p
\v 24 ክርስቶሳ ቱማ ጾስ ኬይስ ኣዝሶ ማቄዛ፥ አስ ኩሸር ኦስንቴዝ ኡባፕ ጌሽ አቆ ገለካያ። ዝን ኤ Ꮊት ኑ ግሾስ ጾስ ቲና በንቶዳይስ ሳሎ ገሌዛ። 
\v 25 ቄሰ ሀላቃይ ላይ ላይ ፋ ሱ ባዛ ኤኪ፥ ኡባይፕ ኣዝ ጌሽ አቆ ገልዛይ ጋርክ ክርስቶሳ ጋመ ቶኬ ፋና ያርሾዳይስ ማቂ ማቂ ገለካያ። 
\v 26 የይ ጋርክ ሀኔዝባዝ ማቄዛኮ፥ ክርስቶሳ አላመ መንቴዛይፕ አይኪ ጋመ ቶኬ ዋይንቶዳይስ ኮሽዛ። ዝን Ꮊተ ዎደ ዉርስ ናጋራ ብሶዳይስ ፋና ያርሼዝ ላምሶዋ ኦገር ፐቲ ቶኬ በንቴዛ።
\p
\v 27 አስ ኡባይስ ፐቲ ቶኬ Ꮊይቆዳይስ የይፕ ጉየ ፕርድንቶዳይስ ቤዝዛ። 
\v 28 የይ ጋርከካ፥ ክርስቶሳ ጋመ አሳይ ናጋራ ብሶዳይስ ፐቲ ቶኬ ያርሽንቴዛ። ማቅካ ኤ ናጋራ ቶኮዳይስ ባዝን ፋና ናግዝታ አሾዳይስ ናምእን ቆንጮዳ።\x - \xo 9:28 \xo*\xt ኢሳ. 53:12\xt*\x*
\c 10
\p
\v 1 ሙሰ ህጋይ የኦዳይስ የዝ ሎኦ ባዝታይስ ኤሾፕ አትን ጋማ ባያ። የይ ግሾስ፥ ላይ ላይ ፓጨ ባይ ያርሽንትዝ ያርሻይ ጎይኖዳይስ ሺቅዛ አሳይ ፎሎ ኦዳይስ ዳንዳኦያ። 
\v 2 ህገ ኡንታን ፎሎ ኦዳይስ ዳንዳኤዛኮ ኡንቲ ያርሾ ያርሽዛ አሾዳዝን። ማ ጎይኖዳይስ ሺቅዛ አሳይ ፋ ናጋራይፕ ጌዦዳ፤ ኡ ካሃይካ ኡንታን ባላ ግ ሞታሚ። 
\v 3 ዝን የ ያርሽታይ ላይ ላይ ናጋራ ቆፍስዛ። 
\v 4 አብስ ጊኮ፥ ዎፋኖ ሱኔ ዴሽ ሱ ናጋራ ካዮዳይስ ዳንዳኦያ።
\p
\v 5 የይ ግሾስ፥ ክርስቶሳ Ꮊ አላመ የኤዝ ዎደ Ꮊይ ጋርክ ዬጌዛ፦
\q1 «ኔኒ ያርሾኔ እሞ ኮየካያ፤
\q2 ዝን ታስ አሾ ጊግሴዛ።\x - \xo 10:5-7 \xo*\xt ማዝ. 40:6-8\xt*\x*
\q1
\v 6 ኔኒ ጹግንትዝ ያርሻይዳኔ
\q2 ናጋራ ያርሻይድ ኡፋይተካያ።
\q1
\v 7 የ ዎደ ‹ታ ግሾስ ማጻፋይድ ጻፍንቴዛይ ጋርክ፥
\q2 ጎዳዮ፥ ታኒ ነ ሸነ ኦዳይስ የኤዛ› ዬጌዛ።»
\m
\v 8 ያርሾ ያርሽንቶዳይ ጋርክ ህገ ኪትዛባዝ ማቅኮካ፥ ክርስቶሳ ቲና፥ «ኔኒ ያርሾኔ ሙጻታ፥ ጹግንትዝ ያርሾኔ ናጋራ ያርሾ ኮየካያ፤ ኡንታል ኡፋይተካያ» ዬጌዛ። 
\v 9 ካልካ ኤ፥ «ጎዳዮ፥ ዬዛኮ ታኒ ነ ሸነ ኦዳይስ የኤዛ» ዬጌዛ። የይ ግሾስ፥ ክርስቶሳ ናምአንና ኤሶዳይስ ቲናሳ ሻሬዛ። 
\v 10 የሱስ ክርስቶሳ ጾስ ሸነ ኡዲ፥ ላማማይስ ፐቲ ቶኬ ፋ አሾ ያርሼዝ ግሾስ ኑኒ ጌዤዛ።
\p
\v 11 ቄሰ ኡባይ፥ ናጋራ ብሶዳይስ ዳንዳኦዳይ የ ያርሽታ ጋላስ ጋላስ ያርሽታር ኤቂ ፋ ኦሳ ኦዛ።\x - \xo 10:11 \xo*\xt ከስ 29:38\xt*\x* 
\v 12 ዝን ክርስቶሳ መናስ ማቄዝ ፐቲ ናጋራ ያርሾ ያርሼዝ፥ ጾሳይፕ ኡሻች ባጋ በቴዛ።\x - \xo 10:12-13 \xo*\xt ማዝ. 110:1\xt*\x* 
\v 13 የ ዎዳይፕ አይኪ ኤ ሞርክታይ ኤ ቶካይስ የዝበሳ ኡዶድ ሄሎዳይስ ናግዛ። 
\v 14 ኤ ፐቲ ቶኬ ፋና ያርሼዝ ያርሻይድ ጌሽታ መናስ ፎሎ ኡዴዛ።
\p
\v 15 ማ ጌሻ አያናይ ኑስ Ꮊይስ ማርካትዛ። ቲና Ꮊይ ጋርክ ዬጌዛ፦
\q1
\v 16 «የ ጋላስታይፕ ጉየ፥
\q2 ታኒ ኡንታር ጫቂዛ ጫቃይ Ꮊያ፦
\q1 ታኒ ታ ህጋ ኡ ካሃይድ ጋዶዳ፤
\q2 ኡ ዎዝናይድ ጻፎዳ»
\m ዬግዛ።\x - \xo 10:16 \xo*\xt ኤርም. 31:33\xt*\x* 
\v 17 ካልካ፥
\q1 «ታኒ ኡ ናጋራኔ
\q2 ኡ ኢታ ኦሳ ማሂ ቆፓሚ»
\m ዬግዛ።\x - \xo 10:17 \xo*\xt ኤርም. 31:34\xt*\x* 
\v 18 ይኬ፥ ናጋራ አቶ ግንትንቴዛይፕ ጉየ ናጋራስ ያርሽንትዛ ያርሻይ ኮሾያ።
\s1 ጾስኮ ሺቆዳ
\p
\v 19 ይኬ፥ ታ እሹን፥ ኑኒ የሱሳ ሱ ባጋር ኡባፕ ጌሽ አቆ ገሎዳይስ ኑስ አማንዛባዝ ደንጌዛ። 
\v 20 ኑ ገሎዳና ክርስቶሳ ፋ ማጋራዣ፥ የይካ ፋ አሾ ባጋር ኑስ ዶዬዝ ኦሮኔ ደኦ ማቄዝ ኦጋይራ። 
\v 21 ኑስ ጾስ ካራል አፋ ሹምንቴዝ ግታ ቄሰ የዛ። 
\v 22 ኑኒ ኢታ ካሃይፕ ጌዦዳይስ ኑ ዎዝና ዉርጽንቲ፥ ኑ አሰት ጽሎ ሃር ሜጭንቲ፥ ሉለ ዎዝናራኔ ፎሎ አማኖር ጾስኮ ሺቆዳ።\x - \xo 10:22 \xo*\xt ለዊ. 8:30፤ ኢዝቀ. 36:25\xt*\x*
\p
\v 23 ኑስ ኡፋይስ ቃላ እንጌዝ ጾሳይ አማንንቴዛይ ግሾስ ኑ ማርካትዝ ኡፋይሳ ኡሻች ሀድርስ ጌካ ሚን አይኮዳ። 
\v 24 ፐታይ ፐታ ሲቆራኔ ሎኦ ኦሶር ኑ ዋይዚ ባርክ የዞዳይስ ቤዝዛኮ ቆፕሶ። 
\v 25 ፐታይ ፐታይ ካሴ ሺቅዝ ሺቃ አሸካዛይ ጋርክ ኑኒ ፐትፕ ሺቅ ዞርንትዛና አሻሚ። ማቅካ ጎዳ ጋላሳይ ኡኬዛያ ይ ብእዛ ግሾስ የያ ካሴሳይፕ ኣ ኦይታ።
\p
\v 26 ኑኒ ቱማ ኤራት ኤኬዛይፕ ጉየ ኤርታር ናጋራ ኦኮ፥ ይከፕ ኑ ናጋራ ግሾስ ያርሽንቶድ ያርሻይ ባያ። 
\v 27 ይኬ አቴዛይ ያሽዝ ፕርዳኔ ጾስ ሞርክታ ጹጎዳይስ ማቄዝ ዎልቃማ ታማ።\x - \xo 10:27 \xo*\xt ኢሳ. 26:11\xt*\x* 
\v 28 ሙሰ ህጋ ኪትንታም እጼዝ ኦንካ ናምኢ ዎይ ሀይ አስ ኤዛል አፋ ማርካትኮ ማሮት ባይ Ꮊይቅዛ።\x - \xo 10:28 \xo*\xt ናምእ. 17:6፤ 19:15\xt*\x* 
\v 29 የዝን፥ ጾስ ናአ ካዝ አይ፥ ፋና ጌሼዝ ጾስ ቃላ ጫቆ ሱ ቱና ባዝ ጋርክ ቆፔዝ አይ፥ ማ ኣ ኬሃት አያና ጫዤዝ አይ፥ አብ ጋርክ ኢታ ፕርዳ ኤኮዳይስ ቤዝዛኮ አን ቆፖይታ።\x - \xo 10:29 \xo*\xt ከስ 24:6-8\xt*\x*
\p
\v 30 ይኬ፥ «ኩሸ ከሶ ታባዝ፥ ታ ኩሸ ከሶዳ» ጌዛ ኑ ኤርዛ። ማካ፥ «ጎዳይ ፋ አሳይ ፕርዶዳ» ዬጌዛ።\x - \xo 10:30 \xo*\xt ናምእ. 32:35፥ 36\xt*\x* 
\v 31 ደኦ ጾስ ኩሸ ፖክ ኢታ ያሽዛ።
\p
\v 32 ይንትስ ጾስ ፖኦ ፖኤዛይፕ ጉየ ይ ጋመ ዋዬር፥ ግታ ቡተር ጋርዤዝ ብኒ ዎደ ቆፖይታ። 
\v 33 ፐቲ ፐቲ ቶኬ ይ አስ ቲና ጫዥንቴዛ፤ ባይእንቴዛ፤ ፐቲ ፐቲ ቶኬ የይ ጋርክ ዋየ ሄሌዝ አሳይር ፐትፕ ዋዬዛ። 
\v 34 ኣዋኔ ኡባ ዎደ የዝዝ ሚሸ ይንትስ ሳሎ የዛና ኤሬዛይግሾስ አቻ የዝ አሳይስ ታ ቃዛ፥ ይ ሻላይ ኤክንቶዳራካ ዳንዳአር የያ ይ ኡፋይሳር ኤኬዛ። 
\v 35 ግታ ዎይቶ የዛ ግሾስ ይ ጎበት ኦልፓተ። 
\v 36 ጾስ ሸነ ኦ ይንትስ እንግንቴዝ ኡፋይስ ቃላ ይ ደማድ ጋርክ ይባቲ ናጎዳይስ ኮሽዛ። 
\v 37 ሀጋ ጽቃ ዎደ የዛ፥ «የኦዳይስ የዛይ የኦዳ ጋምኤና። 
\v 38 ጌሽ አሲ አማኖር የዝዛ፥ ጉየ ሶልእኮ ታ ሸምፓታ ኤዛል ኡፋይቶያ።»\x - \xo 10:38 \xo*\xt እንባ. 2:3-4\xt*\x* 
\v 39 ኑና ማቅኮ ፋ ሸምፖ አሾዳይስ አማንዛ አሳይር የዛፕ አትን ቦስ ጉየ ሶልእዝ አሳይር ባያ።
\c 11
\s1 አማኖ
\p
\v 1 አማኖ ጉሳይ ኡፋይስ ጋዲ በኤካ ባዝ በኤዛይ ጋርክ ኡዲ ቤዝዛ ባዝ። 
\v 2 ብኒ አሳይ ባዝ ማርካትንቴዛይ አማኖራ።
\p
\v 3 አላማይ ጾስ ቃላር መንቴዛና ኑ ኤርዛይ አማኖራ፥ የይ ግሾስ በንትዝ ባዝ ኡባይ በንቶዋ ባዛፕ ሀኔዛና ኑ ኤርዛ።\x - \xo 11:3 \xo*\xt መ. 1:1፤ ማዝ. 33:6፥ 9፤ ዋን. 1:3\xt*\x*
\p
\v 4 አቤላ ቃኤላሳይፕ ኣዝ ያርሾ ሺሼዛይ አማኖራ። ጾሳይ አቤላ ያርሻ ኡፋይሳር ኤክን አቤላ ፋ አማናይር ጌሽ ማቄዛይ ማርካትንቴዛ፥ ኤ Ꮊይቄዝባዝ ማቅኮካ ኤ አማናይ ባጋር Ꮊተካ ኦድታር የዛ።\x - \xo 11:4 \xo*\xt መ. 4:3-10\xt*\x*
\p
\v 5 እኖኬ Ꮊይቆ በአማይ ጋርክ ፉደ ኤክንቴዛይ አማኖራ፥ ጾሲ ኤዛ ኤኬዝ ግሾስ በንተካያ፥ ኤ ኤክንቶዳይፕ ቲና ኤ ጾስ ኡፋይሴዛይ ኤስ ማርካትንቴዛ።\x - \xo 11:5 \xo*\xt መ. 5:21-24\xt*\x* 
\v 6 አማኖ ባይ ጾሳ ኡፋይሶዳይስ ዳንዳኦያ፥ ጾስኮ ሺቅዛ ኣ ጾስ የዛናኔ ኤዛ ኮይዝ አሳይስ እሞታ እንግዛ ማቄዛና አማኖዳይስ ቤዝዛ።
\p
\v 7 ኖሄ ሀጋ ኣፈር በንቶዋ ባዝታይስ ጾሲ ኤዛ ናግንቶዳይ ጋርክ ኤርሴዝ ዎዳ ጾስስ ያሽትታር ፋ ካራ አሳ አሾዳይስ አማኖር ማርካበ ኮቼዛ፥ ኖሄ አማናይር አላማይ ናጋራንቾ ማቄዛይ ኤርንትን ፕርድንቴዛ፥ ኖሄ አማኖር በንትዝ ጽሎት ላቴዛ።\x - \xo 11:7 \xo*\xt መ. 6:13-22\xt*\x* 
\v 8 አፍራመ ኤስ ኦድንቴዛና ፋ ጋደ ኡዲ ኤኮዳይስ ከዞ ግ ጼግን አና Ꮊንግዛኮ ኤረካዛር ከዜዛይ አማኖራ።\x - \xo 11:8 \xo*\xt መ. 12:1-5\xt*\x* 
\v 9 ኤዛር ዎላ ኡፋይሳ ቃላ ላትዝታ ማቄዝታይ እሳቃራኔ ያይቆባር ዎላ በተት ጋደ እማ ማቂ ዱንካነ የዜዛይ አማኖራ\x - \xo 11:9 \xo*\xt መ. 35:27\xt*\x* 
\v 10 ባሶር የዛኖ ጾሲ መዛኖኔ ኮቼዝ ካታምቶ ኤኮዳይስ ናግታር የዛ።
\p
\v 11 ሳርስ ኡፋይስ እንጌዝ ጾሳይ አማንንትዛ ማቄዛና ኤሬዝ ግሾስ ላይ ዉርኮካ ዎደጾዳይስ ዎልቃ ደንጌዛይ አማኖራ።\x - \xo 11:11 \xo*\xt መ. 18:11-14፤ 21:2\xt*\x* 
\v 12 የይ ግሾስ Ꮊይቄዝ አስ ጋርክ ታይብንቴዝ ፐቲ አፍራመፕ ሳሎ ጾልንቶ ጋርከኔ ሳአ ሻፈ ጋርክ ኮቺ በንቴዛ።
\p
\v 13 Ꮊይትታይ ኡቢታይ አማኖር የዛር Ꮊይቄዛ፥ ጾሳይ ኡንትስ እማዳይስ ቃላ ገሌዛኖካ ደንገካያ፥ ማቆዝን ሃኮር ብኢ ደንጌዛይ ጋርክ ኡዲ ኡፋይሳር ኤኬዛ። ቢታል አፋ ኡ እማኔ በተ ማቄዛናካ ኤሬዛ።\x - \xo 11:13 \xo*\xt 1ዜና. 29:15፤ ማዝ. 39:12\xt*\x* 
\v 14 Ꮊይ ጋርክ ዬግዝ አሳይ ፓስ ማቅዝ ጋደ ናግዛና ቲሺ ኡዲ ቤዝዛ። 
\v 15 ኡ ፋ ከዜዝ ጋዳ ቆፔዛኮ ገድ ጉየ ማቆዳይስ ዳንዳኦዳዝኒ። 
\v 16 Ꮊት ማቅኮ ኣዝ ሳሎ የዝ ጋዳ ላሞትዛ፥ የይ ግሾስ ጾስ ኡንትስ ካታማ ጊግሴዝ ግሾስ ኑ ጎዳ ግ ጼጎዳይስ ዬላያ።
\p
\v 17 አፍራመ ፓጭንቴዝ ዎደ እሳቃና ያርሾስ ሺሼዛይ አማኖራ። ኤ ኡፋይስ ቃላ ኤኬዛይ ፋ ምጺ ናአ ያርሾዳይሲ።\x - \xo 11:17 \xo*\xt መ. 22:1-14\xt*\x* 
\v 18 የዝን ጾሲ እሳቃ ኮቻር ጼግንትዛ ጌዝን።\x - \xo 11:18 \xo*\xt መ. 21:12\xt*\x* 
\v 19 ጾሳይ Ꮊይቆፕ ደንዳይስ ዳንዳእዛና አፍራመ አማኔዝ ግሾስ Ꮊይቄዝ ኣዝዝ አፍራመ እሳቃ ደንጌዛ።\x - \xo 11:19 \xo*\xt መ. 21:12\xt*\x*
\p
\v 20 እሳቃ ቲናፕ ሀኖድ ባዝ ብኢ ያይቆባኔ ኤሳወ አንጄዛይ አማኖራ።
\p
\v 21 ያይቆባ Ꮊይቆስ ሄሊ ጉፈር ኤቂ ዮሴፋ ናእታ አንጄዛይ አማኖራ።\x - \xo 11:21 \xo*\xt መ. 27:27-29፥ 39-40\xt*\x* 
\v 22 ዮሴፋካ Ꮊይቆስ ሄሊ አማኖር እስሬለ ናእታይ ከሲ ባጋ ቆፔዛ። ፋ መቀይ ባጋካ ኬኬዛ። 
\v 23 ሙሰ የልንቴዝ ዎደ ካራ አሳይ የገልስ ናአ ማቄዛና ብኢ ሀይዝ አግና ቆሴዛይ አማኖራ። ካታይ አዋጃይስካ ያሽተካያ።
\p
\v 24 ሙሰካ ድጬዛይፕ ጉየ ፋሮናስ ናአ ናአ ግንቶዳና እጼዛይ አማኖራ።\x - \xo 11:24 \xo*\xt ከስ 2:10-12\xt*\x* 
\v 25 የይ ግሾስ ኤዚ ናጋራራ በንትዝ ኡፋይሳፕ ኣ ጾስ ዎያር መቶ ኤኮዳና ዶሬዛ። 
\v 26 ቲናስካ ፋ ኤኮድ ጋታ ትሽ ኡዲ በኤዝ ግሾስ ግብጸ ሻሎፕ ክርስቶሳ ግሾስ ካዉዥዛይ ኣ ማቄዛና ቆፔዛ። 
\v 27 ካታይ ካቻይስ ያሽተካዛር ግብጸፕ ከዜዛይ አማኖራ፥ ኣፈር በኤካ ጎዳካ በኤዛይ ጋርክ ኡዲ ፋ ቆፋይድ ሚንጌዛ። 
\v 28 ባይራ ናእታ ዎዳይስ ኪትንቴዝ ኪታንችታይ እስሬልታይ ካራ ገላማይ ጋርክ ፓዝቃ ኡዴዛይኔ ሾንችታ ሱ ትዤዛይ አማኖራ።\x - \xo 11:28 \xo*\xt ከስ 12:21-30\xt*\x* 
\v 29 እስሬልታይ መላ ቢታር ፒንጎዳይ ጋርክ ኡድን ዞቆ አባ ፒንጌዛይ አማኖራ፥ ግብጸ አሳይ ኡንቲሳይ ጋርክ ቁሊ ገሊ ምትንቴዛ። 
\v 30 እስሬልታይ ኢያርኮ ጋሰ ካለር ላፑን ጋላስ ዉቴዛይፕ ጉየ ኬይ ዎዴዛይ አማኖራ።\x - \xo 11:30 \xo*\xt ኢያ. 6:12-21\xt*\x* 
\v 31 ዉሹምዛ ራአባ አዉዥዝታ ሳሮር ሞኬዝ ግሾስ አዛዝንቶዋ አሳይር Ꮊይቀካ አቴዛይ አማኖራ።\x - \xo 11:31 \xo*\xt ኢያ. 2:1-21፤ 6:22-25\xt*\x*
\p
\v 32 ይክ ታ ሀራ አብ ጎ ጌዶና ባጋ፥ ባረቃ ባጋ፥ ሳምሶኔ ባጋ፥ ዮፍታሄ ባጋ፥ ዳዉተ ባጋ፥ ሳምኤላ ባጋ፥ ናብታይ ባጋ ታ ቶሳማይ ጋርክ ታስ ዎዳይ ሃቴዛ\x - \xo 11:32 \xo*\xt 1ካት. 6:11—8:32\xt*\x* 
\v 33 ኡንቲ አማኖር ካተትታ ላዛ\x - \xo 11:33 \xo*\xt ዳነ. 4:6—5:31፤ ዳኒ. 6:11—8:32፤ 13:2—16:31፤ 11:1—12:7፤ 1ሳም. 16:1—1ካት. 2:11፤ 1ሳም. 1:1—25:1\xt*\x* ጽሎ ኦሶካ ኦዛ፥ ኡንትስ እንግንቴዝ ኡፋይስ ቃላ ደንጌዛ ጋምታይ ዶናካ ጎርዴዛ። 
\v 34 ታማ ዎልቃ ብሴዛ፥ ማሻ ኦጮፐ ቡቴዛ፥ ዳቡርሳፕ ምኖት ላምንቴዛ፥ ኦላር ቃርታ ማቄዛ፥ አላጋ ኦላንችታ ባይኤዛ።\x - \xo 11:34 \xo*\xt ዳኒ. 6:1-27\xt*\x* 
\v 35 ማችታይ Ꮊይቄዝ ኡ ዳብታይ ደንድን በኤዛ፥ ባግታይ አቶት ደንገካዛር ቲናፕ ደንዶዳይስ ቆፕ ዱማ ዱማ መቶ ኤኬዛ።\x - \xo 11:35 \xo*\xt ዳኒ. 3:1-30\xt*\x* 
\v 36 Ꮊንክታይ ካስ ባዝ ማቂ ሾጭንቲ የይፕ ኣ አቻር ዱጽንቲ ዎይነ ዎዛ። 
\v 37 ሹቻር ሾጭንቲ፥ ማጋዘር ቆእንቴዛ፥ ማሻር ጋችንቲ Ꮊይቄዛ፥ ኡባ ባዝ ብን መትንቴዛ፥ ማንቆነ በተ አስ ጋርክ ዋዬዛ፥ ዴሽ ማኦኔ ዱር ማኦ ማኢ ዩዬዛ።\x - \xo 11:37 \xo*\xt 1ካት. 22:26፤ 2ዜና. 18:25፥ 26፤ ኤርም. 20:2፤ 37:15፤ 38:6\xt*\x* 
\v 38 ሊዦ ጋራ፥ አምባ ጼራራ፥ ቢታ ኦላ ጋንጨራ ኮምኦር ዩዬዛ። የይ ጋርክ Ꮊን አላማት ኡንትስ ቤዝዛ አቆ ማቀካያ።\x - \xo 11:38 \xo*\xt 2ዜና. 24:21\xt*\x*
\p
\v 39 Ꮊይትታይ ኡቢታይ ኡ አማናይ ባጋ ማርካትኮካ ኡንትስ እንግንቴዝ ኡፋይሳ ሀጋ ደንጌካያ። 
\v 40 ኑ ባይ ኡ ፎሎ ማቃማይ ጋርክ ጾሳይ ኑስ ኡባፕ ኣ ባዝ ብኢ ጋዴዛ።
\c 12
\s1 ጾስ ኑ አደ
\p
\v 1 ይኬ Ꮊይትታ ኣዝዝ ማርክታይ ሻራ ጋርክ ኑ ላንቃይር የዝኮ ኑካ ቶፎ ኡባ ኤልሲ ኑና ማርዛ ናጋራ ኑፕ ሃሲ፥ ኑ አማናይስ ኦማኔ ፎሎ ማቅዝ የሱሳና ብኢ ኑ ቲናይድ የዝ ዎ ዳንዳአር ዎላ ዎጾዳ። 
\v 2 ኤዚ ኢታ ባዝ ኡባ ለቂ ፋ ቲናይድ የዝ ኡፋይሳይስ ማዝቃለል ጋርዢ ጾስ ዙፋነ ኡሻቻ በቴዛ። 
\v 3 ይኬ ይ አዛለካዛራኔ ዳቡረካዛር ናጋራንችታይፕ ኤዛ ሄሌዝ እጾ ኡባ ጋርዤዝ የሱሳና ቦኦይታ። 
\v 4 ይ ናጋራራ ቡትንትታር ሀጋ ሱ ላልንቶድ ጋ እጸካያ። 
\v 5 ጾሲ ፋ ናአ ጋርክ ይንታን፥ ዬጊ ዞሬዛና ይ ዶጌዛ።\x - \xo 12:5-6 \xo*\xt ኢዮ. 5:17፤ ኣዝ. 3:11-12\xt*\x*
\q1 «ታ ናአዮ ጎዳይ ሴራ ለቂፐ፥
\q2 ኤ ነና ካጭዝ ዎደ ዳቡርፐ፥
\q1
\v 6 ጎዳይ ፋ ቃዛ ናአ ካጭዛ»
\q2 ፋ ናአ ጋርኪ ኡዲ ቢኢዛና ሴሪዛ።
\p
\v 7 ጾሲ ፋ ናአ ግ ይንታን ሴርዛ ግሾስ ዳንዳኦይታ። አደ ሴሮዋ ናአ ኦኖ? 
\v 8 ናአ ማቄዝ ኡቢታይ ኤክዛ ሴራ ይንትካ ኤካም እጽኮ አደ ኤርንቶዋ ናእታፕ አትን ናእታ ባያ። 
\v 9 የይፐካ ኣ ኑና ሴርዛ አሾ አድታይስ ኑካ ያሽትዛ፥ የዝን ሸምፖር የዞዳይስ አያና አደ ማቄዛይስ አዛዝንቶዳይስ ዋይዚ ቤዞሳ? 
\v 10 ኡንቲ ፓስ ሎኤዛይ ጋርክ ጽቃ ዎደስ ኑና ሴሬዛ፥ ኤዛ ማቅኮ ኑና ኤ ጽሎት ግሽንቶድ ጋርክ ኑና አዶዳይስ ሴርዛ። 
\v 11 ሴራ ኡባይ የ ሳታይድ አዛንዛ ባዛፕ አትን ኡፋይስዛ ኣዞያ፥ ጉየፕ ኤሪ ዉርኮ ሳሮት ኩሜዝ ጽሎት ኣፈ ቤዝዛ።
\s1 ዞረኔ ናግሶ
\p
\v 12 የይ ግሾስ ዶልኤዝ ኩሽታኔ ልቄዝ ይ ቡንቂታ ምንይታ።\x - \xo 12:12 \xo*\xt ኢሳ. 35:3\xt*\x* 
\v 13 ሾልዛይ ፓጾድ ጋርከፕ አትን ቡርቃማይ ጋርክ ይ ቶካይስ ሉለ ኦገ ኦይታ።\x - \xo 12:13 \xo*\xt ኣዝ. 4:26\xt*\x*
\p
\v 14 ጌሸት ባይ አሲ ጾሳ በአዳይስ ዳንዳኦዋ ግሾስ አስ ኡባር ሳሮ የዞይታ፥ ጌሸትር የዞዳይስ ሚንጎይታ። 
\v 15 ይንትፕ ኦስካ ጾስ ኣ ኬሄት ፓጫማይ ጋርክ ናግንቶይታ የይ ጋርከካ አባ ጫሞ ኣፈ ኣፍዝ ጻጶ ይ ጋንጨ ዶላማይ ጋርከኔ ይንትፕ ጋምታ ዋይማይ ጋርክ፥ ቱንሳማይ ጋርክ ይ ጋንጨ የዛማይ ጋርክ ናግንቶይታ።\x - \xo 12:15 \xo*\xt ናምእ. 29:18\xt*\x* 
\v 16 ተንቶትዛኔ ፐቲ ቶኬ ሙስስ ግ ፋ ባይራት ባይዜዝ ኤሳወ ጋርክ ማቃማይ ጋርክ ናግንቶይታ።\x - \xo 12:16 \xo*\xt መ. 25:29-34\xt*\x* 
\v 17 ኤሳወ ጉየፕ አንጆ ኤኮዳይስ ኮይንካ አንጆ ካይንቴዛና ይ ኤርዛ፥ ዬኪ አፉጽ ሚንጊ ኮይንካ ደማዳይስ ዳንዳኤካያ፥ ማሮትስካ ዎደ ደንገካያ።\x - \xo 12:17 \xo*\xt መ. 27:30-40\xt*\x*
\p
\v 18 ኩሸር አይክንቶዳይስ ዳንዳእንትዛ ኤጽዝ ታማይኮ፥ ሻራይኮ፥ ማይኮ፥ ጎታይኮ፥ ናሳይኮ፥ 
\v 19 የ ቱልቱላ ጊርይኮ ዎይ ኦድንትዛ ቃላ ስእንትዛይኮ ይ ሄለካያ፥ ያ ቃላ ስኤዝ አሳይ ሀራ ቃላ ኑስ ጉጅንትፐ ግ ዎሴዛ።\x - \xo 12:18-19 \xo*\xt ከስ 4:11-12፤ 19:16-22፤ 20:18-21\xt*\x* 
\v 20 «ሀራ አቶዝን ዶአ የ አምባቶ ቦችኮ ሹቻር ሾጭንቲ Ꮊይቆ» ዬግዝ አዛዛይ ዴጼዝ ግሾስ ጋርዦዳይስ ዳንዳኤካያ።\x - \xo 12:20 \xo*\xt ከስ 19:12-13\xt*\x* 
\v 21 ሙሰካ «ታ ያሽትዛ ታ ኩኩርዛ» ጎድ ጋ በንትዝ ባዝ ኡባይ ጋመ ያሽዝ ባዝ።\x - \xo 12:21 \xo*\xt ናምእ. 9:19\xt*\x*
\p
\v 22 ይንታን ማቅኮ ጽዮነ አምባኮ ኡኬዛ፥ እዛካ ደኦ ጾሳይስ ካታማ ሳሎ የዝ የሩሳላማቶ፥ ይንቲ ፓይዶባ ኪታንችታይኮ ኡኬዛ። 
\v 23 ኡ ሱንይ ሳሎ ጻፍንቴዝ፥ ዎሳ ኬስ ባይራ ናአ ማቄዝ አማንዛ አሳይ ሺቆ፥ ኡባይስ ፕርድዝ ጎድ ማቄዛይኮ፥ ፎሎ ደንጌዝ ጌሽ ሸምፕታይኮ ይ ኡኬዛ። 
\v 24 ኦሮ ጫቆስ ግዶ ማቄዝ የሱሳኮ፥ አቤላ ሱይፕ ኣ ኦድዝ ዉርጽንቴዝ ሱይኮ ይ ኡኬዛ።\x - \xo 12:24 \xo*\xt መ. 4:10\xt*\x*
\p
\v 25 የ ኦድዛና ይ ኤካሚ ጋማይ ጋርክ ናግንቶይታ፥ የይትታይ ሳአ አሲ ኦዴዝ ባዝ ስኤካ አቲ ቡተካዝን ኑኒ ሳሎፕ ኦድንቴዝ ባዝ ኤካም እጺ ዋይዚ ቡቶደ?\x - \xo 12:25 \xo*\xt ከስ 20:22\xt*\x* 
\v 26 የ ዎደ ኤ ጊርይ ቢታ ኤንእሴዛ፥ Ꮊት ማቅኮ «ታ ሳአ ኣዳ ባዝን ፐቲ ቶኬ ማሂ ሳሎካ ኤንእሶዳ» ዬጊ ቃላ ገሌዛ።\x - \xo 12:26 \xo*\xt ሀጌ. 2:6\xt*\x* 
\v 27 ሀኖ ዝን ፐቲ ቶኬ ታ ማሂ ግዛይ ኤንኦዋ ባዝታይ ጻጲ የዞዳይ ጋርክ ኤንእዛ ባዝታይ መንቴዝ ባዝ ማቄዛይስ ቦዳና ቤዝዛ። 
\v 28 ይኬ ኑኒ ኤንኦዋ ካተት ኤኮድ ግሾስ ጾሳ ቦንችታራኔ ያሻር ጾሳ ኡፋይስታር ጎይንዛ አያና ዎላ አይኮዳ። 
\v 29 ኑ ጾሳይ ጹግዝ ታማ።\x - \xo 12:29 \xo*\xt ናምእ. 4:24\xt*\x*
\c 13
\s1 ጾስ ኡፋይስዛ ጎይኖ
\p
\v 1 ኡባ ዎደ እሸት ሲቆ ይንትስ የሰ። 
\v 2 እማ ሞኮ ዶግፓተ ፐቲ ፐቲ አሳይ እማ ሞክታር ኤረካዛር ፐቲ ጋላስ ኪታንቾ ሞኬዛ።\x - \xo 13:2 \xo*\xt መ. 18:1-8፤ 19:1-3\xt*\x* 
\v 3 ኡንታር ዎላ አጭንቴዝ አስ ጋርክ አጭንቴዝ አሳ ዶግፓተ፥ መቶ ኡንታር ዎላ ኤክዛ አስ ማቂ መትንቴዝ አሳ ቆፖይታ። 
\v 4 ገሎኔ ኤኮ ኡባ አስ ካለ ቦንችንቴዛ ሂጻይካ ጌሽ ማቆ፥ ናጋራስ ተንቶትዝታ ላምዝታ ጾሳይ ፕርዶዳ፥ ማችኔ አዝኒ አማንንታም እጺ ገሎኔ ኤኮ ቱንስፐ።
\p
\v 5 ሚሸ ዣረፕ ሃኮይታ፥ ይንትስ የዛና ግዶ፥ ጾስ «ታ ኡባር ነና አሻሚ ኡባራካ ኦላሚ» ዬጌዛ።\x - \xo 13:5 \xo*\xt ናምእ. 31:6፥ 8፤ ኢያ. 1:5\xt*\x* 
\v 6 የይ ግሾስ ኤዛል አማንንቲ «ጎዳይ ታና ማዶዳ ታ ያሽታሚ፤ አሲ ታና አብ ኡዶዴ?» ኑ ዬግዛ።\x - \xo 13:6 \xo*\xt ማዝ. 118:6\xt*\x*
\p
\v 7 ይንትስ ቲና ጾሳ ቃላ ኦዴዝ ዋንታ አስታ ቆፖይታ፥ ኡ የሳኔ ኡ ኦሳይ አፋ ብኢ ቆፒ አማኖር ኣዞይታ።
\p
\v 8 የሱስ ክርስቶሳ ዝቅነኔ Ꮊይኖ መና ሄሎዳይስካ ኤ ኤዛ። 
\v 9 ዱማ ዱማ ኦሮ ትምርተር ኤክንትፓተ፥ ይ ዎዝናይ ሙስ ዎጋር ባዝን ጾስ ኣ ኬሃትር ጻጲኮ ሎኦ፥ ሙስ ዎጋ ካሌዝ አሳይ ማድንተካያ።
\p
\v 10 ኑስ ያርሾ አቆ የዛ፥ ማቅኮካ ዱንካነ ጋንጨ ኦዛ ቄስታይ ያርሾ አቆ ካ ኤኪ ማዳይስ ዳንዳኦያ። 
\v 11 አይሁደ ቄስታይ ሀላቃይ ናጋራ ባራንቾዳይስ መሄ ሱ ኤኪ ጾስ ካራ ቆልአ ገልዛ፥ አሻና ሄራፕ ጋጻ ከሲ ጹግዛ።\x - \xo 13:11 \xo*\xt ለዊ. 16:27\xt*\x* 
\v 12 የሱሳ የይ ጋርክ ፋ ጋዛ ሱይር አሳ ጌሾዳይስ ካታማይፕ ጋጻ ከዚ መቶ ኤኬዛ። 
\v 13 ኑካ ሄራፕ ከዚ ዎላ ኤኮ Ꮊማዳ፥ ኤ ካዉሻትካ ዎላ ሻግንቶዳ። 
\v 14 ኑኒ ሀጋ የኦዳይስ የዝ ካታምቶ ናግነፕ አትን ሚንጊ የዝዝ ካታማ Ꮊ ሳአል ኑስ ባያ።
\p
\v 15 ይኬ የሱስ ክርስቶሳ ባጋር ጋላታ ያርሾ ኡባ ዎደ ጾስስ ዎላ ሺሾዳ፥ የይካ ኤ ሱንይስ ማርካትዝ መተርሽታይፕ ሺቅዛ ጋላታ ያርሾ። 
\v 16 ሎኦ ባዝ ኦኔ የዛ ባዛፕ ሀራስ ሻጎ ዶግፓተ፥ ጾስ ኡፋይስዛይ የይ ጋርክ ያርሾ።
\p
\v 17 ይንታን አቅስዝታይስ ኪትንቶይታ፥ ኡ ማዉታይፐካ ኦሞር የዞይታ፥ ኡንቲ ኦይጭንትዝ ማዉተ የዛ ግሾ ይ ሸምፓይስ ዋይዛ፥ ይ ኡንትስ ኪትንትኮ ኡ ፋ ኦሳ ኡፋይሳር ኦዳ፥ የይፕ አትኮ አዛንታር ኦዛ፥ የይ ይንታን ማድዛ ባዝ ባያ።
\p
\v 18 ኑስ ዎሶይታ፥ ኡባ ባዛር ኑ ሎኦር የዞዳይ ጋርክ ኑስ ሎኦ ካሃ ኑስ የዛና ኑ ኤሬዛ። 
\v 19 ኡባራካ ታ ይንትኮ ኤልሲ ማቃዳይ ጋርክ ሚንጊ ዎሶይታ።
\s1 ዉርስ ዎሳ
\p
\v 20 መና ጫቆ ሱር ባይራ ዱርታይስ ሄንንቾ ማቄዝ ኑ ጎዳ የሱሳና Ꮊይቆፕ ደንዝ ሳሮት ጎዳ 
\v 21 ኤ ሸና ፖሎድ ጋርክ ሎኦ ኦሶ ኡባር ይንታን ዳንጭሾ፥ ኤዛ ኡፋይስዛ ባዝ የሱስ ክርስቶሳ ባጋር ኑል ኦ፥ የሱስ ክርስቶሳስ መናፕ መና ሄሎዳይስ ቦንቾ ማቆ አምንኤ።
\s1 ዉርስ
\p
\v 22 ታ እሹን Ꮊና ታ ጻፌዛና ሃታ ኪታ ማቄዝ ግሾስ ታ ዞረ ቃላቶ ዳንዳአር ናጎድ ጋርክ ሚን ታ ይንታን ዎስዛ። 
\v 23 ኑ እሻ ጽማቶሳ አቻፕ ብልእንቴዛና ኤሮይታ። ኤ ኤልሲ Ꮊና ይእኮ ታ ኤዛር ዎላ ይንታን በአዳይስ Ꮊማዳ።
\p
\v 24 ይንታን አቅስዛ አሳይስኔ ጌሽ አስ ኡባይስ ሳሮ ሺሾይታ፥ ጻላነፕ ይኢ Ꮊይዳ የዝ አማኔዝ አሳይ ሳሮ ይንትስ ሺሽዛ።
\p
\v 25 ኣ ኬሄት ኑር ኡባይር ማቆ አምንኤ።