\id EPH - Melo New Testament Ethiopic
\ide UTF-8
\h ኤፍሶን
\toc1 ጳዉሎሳ ኤፍሶነ አሳይስ ጻፌዝ ኪታ
\toc2 ኤፍሶን
\toc3 ኤፍ.
\mt1 ጳዉሎሳ ኤፍሶነ አሳይስ ጻፌዝ ኪታ
\imt ገሎ
\ip ጳዉሎሳ ኤፍሶነ የዝ አሳይስ ጻፌዝ ኪታይ ኡባይፕ ኣ በኤዛይ፥ «ዎደ ሄልኮ ጾሲ ፖሎዳይስ ቆፔዝ ቆፋይ፥ ሳሎኔ ሳአ የዝ መት ኡባይ ክርስቶሳፕ ኦሞ ማቆዳይ ጋርከሲ» ዬግዝ ቆፋ (1:10)። የይል አፋ ጉጂ የሱስ ክርስቶሳር የዝ ፐትፐተይድ፥ አስ ዘረ ኡባይ ፐቶ ማቆዳይ ጋርክ Ꮊ ግታ ቆፋ ኦሶል ፔሾዳይ ጋርክ ጾስ ዎይታ ቆፕስዛ።
\ip ኤፍሶነ ኪታይ ቲና ክፍላይድ ጻፌዝ ካራ ቆፋ ማቄዝ ፐትፐት ባጋ ጻፎዳይስ አይኬዛና ዳልግሲ፥ ጾሳይ አዳይ ፋ አሳ ዋይዚ ዶሬዛኮ፥ ኡንትካ ኤ ናአ፥ የሱስ ክርስቶሳር ፋ ናጋራፕ ማሮት ደንጌዛ ዋይዚ ዋሎ ከዜዛኮኔ፥ ጾሳ ግታ ኡፋይስ ቃላይ ጌሻ አያና ባጋር ቱማ ማቄዛይ ዋይዚ ኤርንቴዛኮ ኦድዛ። ናምእን ክፍላይድ ማ ጻፌዛይ Ꮊ ኪታ ናባብዛ አሳይ ፋ ፐትፐተ የሳይድ ክርስቶሳር ኡንትስ የዝ ፐትፐተይ ቱማ ማቆዳይ ጋርክ ኡ ዋይዚ የዞዳይስ ቤዝዛኮ ቆፍስዛ።
\ip አሳይ ክርስቶሳር የዝ ፐትፐተ ዋይዚ የዞዳይስ ቤዝዛኮ ዱማ ዱማ ኣዝሶር ቆንጬዛ። ዎሳ ኬ አሰትስ ኣዝሶ ማቅን ክርስቶሳ የ አሰትይስ ኩስተ። ዎሳ ኬ ግምበ ኬር ኣዝስንትን ክርስቶሳ የ ኬ ሙመር ቶኪ አይክዝ ክርክሮ ጋርክ ማቅዝ ሹቺ። ዎሳ ኬ ማችር ኣዝስንትዛ ክርስቶሳ አዝናር ኣዝስንቴዛ። ጻፋይ ክርስቶሳ ባጋር ቆንጬዝ ጾሳ ኣ ኬሄትፕ ጋመ ሶቢ ኦድታር፥ ጋንጫይ ጪሞትዛ ናሻ ናሽዛ። ኤ ኡባ ባዝ፥ ክርስቶሳ ሲቆ፥ ኤ ያርሽንቶ፥ ኤ እንጌዝ ናጋራ አቶት፥ ኤ ኣ ኬሄትኔ ኤ ጌሽት ባጋር በንትዛ።
\iot ኤፍሶነ ኪታይ አይኬዝ ቆፍታ
\io1 ሳሮ \ior 1:1-2 \ior*
\io1 ክርስቶሳኔ ዎሳ ኬ \ior 1:3—3:21 \ior*
\io1 ክርስቶሳር የዝ ኦሮ ደኦ \ior 4:1—6:20 \ior*
\io1 ኩስተ ቆፋ \ior 6:21-24 \ior*
\ie
\c 1
\s1 ሳሮ
\p
\v 1 ጾስ ሸነር ክርስቶሳ የሱሳ ሀዋረ ማቄዝ ጳዉሎሳፕ፥ ኤፍሶነ የዝ ጌሽታይስኔ ክርስቶሳ የሱሳ አማንዝታይስ ጻፍንቴዝ ኪታ።\x - \xo 1:1 \xo*\xt ሀዋ. ኦ. 18:19-21፤ 19:1\xt*\x*
\p
\v 2 ጾስ ኑ አዳይፐኔ ጎዳ የሱስ ክርስቶሳፕ ኣ ኬሃትኔ ሳሮት ይንትስ ማቆ።
\s1 አያና አንጆ
\p
\v 3 ሳሎ የዝ አያና አንጆ ኡባይር ክርስቶሳ ባጋር ኑና አንጄዝ፥ ኑ ጎዳ የሱስ ክርስቶሳ አዳይ፥ ጾሳይ ጋላትንቶ። 
\v 4 ኑኒ ኤ ቲና ገሸትር ቦሮ ባዝታ ማቆዳይ ጋርክ ጾሲ አላመ መንቶዳይፕ ቲና ክርስቶሳ ባጋር ፋ ሲቆር ኑና ዶሬዛ። 
\v 5 ጾሲ ፋ ሸናይድ ፋ ዶሴዛይ ጋርክ የሱስ ክርስቶሳ ባጋር ኑና ፋ ናእታ ኡዶዳይስ ቲናቲ ቆፒ ጋዴዛ። 
\v 6 ጾሲ ፋ ሲቅዛ ናአይ ባጋር ኑስ ጨረ እንጌዝ ቦንችንቴዝ ኣ ኬሃትይ ጋላትንቶዳይ ጋርክ የያ ኡዴዛ።
\p
\v 7 ጾሳ ኣ ኬሃት ዱረትይ ጋርክ ክርስቶሳ ሱር ዎዝንቲ ናጋራስ አቶት ኑ ደንጌዛ። 
\v 8 ፋ ኣ ኬሃት ኤጨትራኔ ኤራትር ጋን ኑስ እንጌዛ።\x - \xo 1:8\xo*\xt ቆላ. 1:14\xt*\x* 
\v 9 ጾሳይ ፋ ቆፒ ጋዴዛይ ጋርክ ክርስቶሳ ባጋር ኤ ሸነ ጹራ ኑ ኤሮዳይ ጋርክ ኦዛ። 
\v 10 ዎደ ሄሎዳር ጾሲ ፖሎዳይስ ቆፔዝ ቆፋይ፥ ሳሎኔ ሳአ የዝ መት ኡባ ክርስቶሳፕ ኦሞ ኡዶዳይሲ።
\p
\v 11 ኡባ ባዝ ፋ ሸነ ጋርክ ኦዛ ጾሳይ፥ ቲናቲ ፋ ቆፒ ጋዴዛይ ጋርክ ክርስቶሳ ባጋር ኑኒ ኤ እርስታ ላቶዳይ ጋርክ ኑና ዶሬዛ። 
\v 12 የይ ሀኔዛይ፥ ክርስቶሳል ኡፋይስ ጋዲ ናጎር ቲና ማቄዝ ኑኒ ጾስ ቦንቻ ጋላታር ቆንጭሶዳይ ጋርከሲ። 
\v 13 ይንትካ ይ አቶት ዎንግለ፥ የይካ ቱማ ቃላ ስኤዝ ዎደ ክርስቶሳ አማኔዛ። ጾሳይ ይንትስ እንጎድ ጌዝ ጌሻ አያና ማታመ ይንታል ጋዴዛ። 
\v 14 የይካ ጾስ ቦንቻይ ጋላትንቶዳይ ጋርክ ጾሳይ ፋ አሳ ዎዞድ ጋ ጌሻ አያና ኑ ላቶድ ጋዳይስ ኑስ ሳ ኡዲ እንጌዛ።
\s1 ጳዉሎሳ ዎሳ
\p
\v 15 የይ ግሾስ፥ ጎዳ የሱሳል ይንትስ የዝ አማናኔ ጌሽታይስ የዝ ይ ሲቃ ታ ስኢ 
\v 16 ታ ዎሳይር ይንታን ቆፕታር ይ ግሾስ ጾሳ ጋላትዛና አሸካያ። 
\v 17 ኑ ጎዳ የሱስ ክርስቶሳ ጾሳ፥ ቦንቾ ኣዳ ይ ኣ ኤሮዳይ ጋርክ ኤጨትኔ ቆንጭ አያና ይንትስ እማዳይ ጋርክ ታ ዎስዛ። 
\v 18 ጾሳይ ይንታን ጼጌዝ ኡፋይሳይኔ ጌሽታይ ላትዛ ቦንቾ ላታይ አብ ጋርክ ጋሜዛኮ ይ ኤሮዳይስ ጾሳይ ይ ዎዝና አፋ ዶዮድ ጋርክ ታኒ ጾሳ ዎስዛ።
\p
\v 19 ማ ኤዛ አማንዛ ኑር ኦዛ ኤ ዎልቃይ አብ ጋርክ ኣ ዳማዛኮ ይ ኤሮዳይ ጋርክ ታ ዎስዛ። 
\v 20 ክርስቶሳ Ꮊይቆፕ ደን፥ ሳሎ ፋ ኡሻች ባጋር በትዝ ክርስቶሳር ኦዝ ግታ ዎልቃ። 
\v 21 ኤ ሱንይ፥ አቅስዝታይፐነ ማዉተር የዝታይፕ፥ ሞድዝታይፐኔ ጎድታይፕ፥ ኣ ማቂ Ꮊ አላማይል ኣዳ ባዝን ቲናፕ የኦድ አላማይዳካ ሀራ ሱን ኡቢታይፕ ኣ ቦንቾ ሱን እንጌዛ።\x - \xo 1:21 \xo*\xt ማዝ. 110:1\xt*\x* 
\v 22 ጾሳይ ኡባ ባዝ ክርስቶሳ ቶኬ ኦሞ ሃርሴዛ፤ ማ ዎሳ ኬስ ኡባ ባዛር ኩስተ ማቃዳይ ጋርክ ኤዛ ሹሜዛ። 
\v 23 ዎሳ ኬይ ክርስቶሳስ አሰት። እዛካ ክርስቶሳ ኡባባዛር ኩንዝ ኤስ እዛ ኤ ኩንቶ።\x - \xo 1:23 \xo*\xt ማዝ. 8:6፤ ቆላ. 1:22-23፤ 1:18\xt*\x*
\c 2
\s1 ክርስቶሳር Ꮊይቆፕ ደኦኮ ፒንግ
\p
\v 1 Ꮊይፕ ቲና ይ፥ ይ ናጋራይራኔ ይ ቆሀይር Ꮊይቄዝታ።\x - \xo 2:1-5 \xo*\xt ቆላ. 2:13\xt*\x* 
\v 2 የ ዎደ ይ Ꮊ አላማይ ኢታ ኦጋ ካሌዛ። ጫርኮል አፋ የዝ ዎልቂታይ ሀላቃይስኔ Ꮊተካ ጾሳይስ አዛዝንቶዋ ናእታይር ኦዝ አያናስ ይ አዛዝንቴዛ። 
\v 3 ኑ ኡባይካ ቲና የ አስታይ ጋንጨ ኑ አሾ አሞኔ ኑ ዎዝና ሸነ ካሊ የዜዛ። ኑንካ Ꮊንክታይ ጋርክ ኑ መትር ፕርዳ ኤኮዳይስ የዜዝታ።
\p
\v 4 ዝን ጾሳ ግታ ማሮትይፐኔ ኑስ የዝ ኤ ግታ ሲቃይፕ ደንዴዛይድ፥ 
\v 5 ሀራ አቶዝን ኑኒ ኑ ቆሆፕ ደንዴዛይድ Ꮊይቂ የዝን ክርስቶሳ ባጋር ኑስ ደኦ እንጌዛ። ጾስ ኣ ኬሃትይር ይንትካ አቴዛ። 
\v 6 ጾሲ ኑና ክርስቶሳ የሱሳር ፐትፕ Ꮊይቆፕ ደን ሳሎ ኤዛር ዎላ ጋዴዛ። 
\v 7 ኤ የያ ኦዛይ፥ ክርስቶሳ የሱሳ ባጋር ኑስ ቆንጭሴዝ ፋ ኬሄትኔ ዛዋ ባ ፋ ኣ ኬሄት ዱረት የኦድ ላይታይድ ኑና ቤሳዳይስ የያ ኦዛ። 
\v 8 ይ ፓጼዛይ አማኖ ባጋር ኤ ኣ ኬሃትይራ። የይካ፥ ጾስ እሞታፕ አትን ይ ኦሶር በንተካያ። 
\v 9 ኦንካ ጬቅንታማይ ጋርክ ፓጾት ኣ ኬሃትይ በንቴዛይ አስ ኦሶር ባያ። 
\v 10 ጾሲ ኑስ ቲናቲ ጊግሲ ጋዴዝ ሎኦ ኦስታ ኦዳይ ጋርከኔ ኤዛይር የሳዳይስ ክርስቶስ የሱሳ ባጋር ማቂ መንቴዝ ጾስ መትታ፤
\s1 ክርስቶሳር የዝ ፐትፐተ
\p
\v 11 የይ ግሾስ፥ ይንታኖ ስሳ ይ የልንቶ አይሁደ ባዝታዮ፥ አይሁድታይ ፋና አስ ኩሸር ዶካልንቴዝታ ግ ጋይርታር፥ ይንታን ማ ዶካልንተካዝታ ግ ቦርዛና አካኮይታ። 
\v 12 የ ዎደ ይ ክርስቶሳፕ ሻክንቲ የዜዛና፥ እስሬለ አሳይስ አላጋ ማቂ የዜዛና፥ ጾስ ቃላ ጫቃይስ ሃኪ የዜዛኔ Ꮊ አላመል ኡፋይስኔ ጾሲ ባይ የዜዛና አካኮይታ። 
\v 13 ዝን ይ ቲና ሃኪ የዜዝታይ፥ Ꮊት ክርስቶሳ የሱሳር የዝ ኤ ሱይ ባጋር ጾስኮ ኡኬዛ።
\p
\v 14 ናምኤ ሻኪ ጋዴዝ ሞርከት ጋባራ ፋ አሻይር ላሊ አይሁደኔ አይሁደ ባ አሳ ትሚ ፐቶ ኡዴዛይ ክርስቶሳ ሳሮት። 
\v 15 ኤ ፓር Ꮊ ናምኢ ዛርታይፕ ፐቲ ኦሮ አስ መዳይስ፥ ህገ አዛዛኔ ዎግታ ፐትፕ ፋ አሻይር ብሲ ሳሮት እንጌዛ።\x - \xo 2:15 \xo*\xt ቆላ. 2:14\xt*\x* 
\v 16 ክርስቶሳ ማዝቃለል አፋ Ꮊይቂ ሞርክንቶ ብሴዛ፤ ማ ናምኢ ኮችታ ፐቲ አሾ ኡዲ ጾሳር እግንዛ።\x - \xo 2:16 \xo*\xt ቆላ. 1:20\xt*\x* 
\v 17 ክርስቶሳ ይኢ፥ ጾሳፕ ሃኪ የዝ ይንትስ፥ ማ ኡኪ የዝ ኡንትስ ሳሮት ዎንግለ ኦዴዛ።\x - \xo 2:17 \xo*\xt ኢሳ. 57:19\xt*\x* 
\v 18 ኑ ኡባይ ኤ ባጋር ፐቲ አያናር አዳይ ቲና ሺቆዳይስ ዳንዳኤዛ።
\p
\v 19 Ꮊይፐ ይ አላጋ ዎይ እማታ ባያ፥ ዝን ይ Ꮊት ጌሽታይር ጋደ አስኔ ጾስስ ካራ አስታ። 
\v 20 ይንቲ ሀዋርታይኔ ናብታይ ባሴዝ ባሳይል አፋ ኬጽንቴዛ። ኬ ሙመር ቶኪ አይኬዝ ክርክሮ ጋርክ ሹቻይ ክርስቶሳ የሱሳ። 
\v 21 ኤዛል ኬ ኡባይ ፐትፕ አይክንቲ ጎዳይል ጌሻ ጾስ ካራ ማቆዳይስ ድጭዛ። 
\v 22 ይ ማ ጾሲ ፋ አያናር የዝዛ ኬ ማቆዳይስ ክርስቶሳር ፐትፕ ኬጽንትዛ።
\c 3
\s1 አይሁደ ባ አሳይስ ሀዋረ ማቄዝ ጳዉሎሳ
\p
\v 1 የይ ግሾስ፥ ታኒ፥ ጳዉሎሳ፥ አይሁደ ባ ማቄዝ ይ ግሾስ ክርስቶሳ የሱሳር አች አስ ማቄዛ። 
\v 2 ታ ይንታን ማዶዳይ ጋርክ ጾሲ ፋ ኣ ኬሃትይር ታስ እንጌዝ Ꮊ ኦሳይ ባጋ ይ ሎእ ስኤዛ። 
\v 3 ታ ይንትስ ቲና ሃታር ጻፌዛይ ጋርክ ጾሲ ፋ ጹራ ቆንጭር ታስ ቤዜዛ። 
\v 4 ታ ጻፌዛና ይ ናባብዛ ዎደ ክርስቶሳ ጹራ ታ አብ ጋርክ ኤሬዛኮ ይ አካኮዳይስ ዳንዳእዛ።\x - \xo 3:4-6 \xo*\xt ቆላ. 1:26-27\xt*\x* 
\v 5 Ꮊ ጹራይ ጌሻ ሀዋርታይስኔ ናብታይስ Ꮊት አያና ባጋር ቆንጭሴዛይ ጋርክ ብኒ ዎደ አሳይስ Ꮊይ ጋርክ ቆንጭሰካያ። 
\v 6 Ꮊ ጹራይ ቤዝዛይ፦ አይሁደ ማቀካ አሳይ ዎንግለ ባጋር እስራኤልታይራ ፐትፕ ጾስ እርስተ ላትዛ። እስራኤልታይር ፐቲ አሰት ማቅዛ፤ ክርስቶሳ የሱሳ ባጋር ጾስ ኡፋይስ ቃላ ኤክዛ።
\p
\v 7 ጾሲ ፋ ኦዛ ዎልቃይ ባጋር ታስ እንጌዝ ኣ ኬሄትይድ ታ Ꮊ ዎንግላይስ ኦሳንቾ ማቄዛ። 
\v 8 ታኒ ጌሽታይ ኡባይፕ ላፋ ማቅኮካ አይሁደ ማቀካ አሳይስ ዛዋ ባ ክርስቶሳ ዱረት ዎንግለ ኦዶዳይ ጋርክ Ꮊ ኣ ኬሃትይ ታስ እንግቴዛ። 
\v 9 ማ ብኒ ዎደ ኡባ መዝ ጾሳር ቆስንቲ የዝ ጹራይስ፥ ጾሳ ቆፋይ አብዛኮ ኡባይስ ቆንጭሶዳይስ ኣ ኬሃትይ ታስ እንግንቴዛ። 
\v 10 ጾሲ የያ ኦዛይ Ꮊተ ዎደ ዎሳ ኬይ ባጋር ሳሎ የዝ ሀላቅታይስኔ ማዉተር የዝታይስ ፋ ዱማ ዱማ ኤጨት ኤርሶዳይሲ። 
\v 11 ጾሲ ፋ መና ቆፋ ኑ ጎዳ ክርስቶሳ የሱሳ ባጋር ፖሎዳይስ የያ ኡዴዛ። 
\v 12 ኑ አማኖር ያሻ ባይ ጾስኮ ሺቆዳይ ጋርክ ክርስቶሳ ኑስ ምኖተኔ ማዉተ እንጌዛ።
\p
\v 13 ታኒ ይ ባጋ ኤክዛ መታይ ይንትስ ቦንቾ። የይ ግሾስ ይ ታን መትንትዛና ብኢ ኡፋይስ ጋቻማይ ጋርክ ይንታን ዎስዛ።
\s1 ኤፈሶና አሳይስ ዎስንቴዝ ዎሳ
\p
\v 14 ታኒ ጾስ አዳይ ቲና ቡንቂንቲ ዎስዛይ የይ ግሾስ። 
\v 15 ሳሎኔ ሳአ የዝ መት ኡባይስ ሱን ጾሳፕ እንግንትዛ። 
\v 16 ጾሲ ፋ ቦንቾ ዱረትይፕ ይ ጋንጨ አሰት ምንዛ ዎልቃ ፋ አያና ባጋር እንጎድ ጋርክ ይንትስ ዎስዛ። 
\v 17 ማካ አማኖር ክርስቶሳ ይ ዎዝናይድ የሳዳይ ጋርከኔ ይ ሲቆር ጻጶ ዳኪ ሚንጊ የዞዳይ ጋርክ ታ ዎስዛ። 
\v 18 የይ ጋርከካ፥ ክርስቶሳ ሲቃይ ዋፋ ጋርክ ዳልጌዛኮ፥ አዱስዛኮ፥ ቃዛኮኔ ጪሞዛኮ ጌሽታይ ኡባይራ ኤርዛ ዎልቃ ይ አካኮዳይ ጋርክ ታ ዎስዛ። 
\v 19 ኤራትፕ ኣዝ ክርስቶሳ ሲቆ ይ ኤሮዳይ ጋርክ እንግዛ ጾሳፕ ማቄዝ ኩንትይር ይ ኩሞድ ጋርክ ታ ዎስዛ።
\p
\v 20 ይኬ፥ ኑ ጋንጨ ኦዛ ፋ ዎልቃይ ባጋር ኑኒ ዎስዛይፕ ዎይ ቆፕዛይፕ ኣ ኦዳይስ ዳንዳእዛ ጾሳይስ፥ 
\v 21 ዎሳ ኬኔ ክርስቶሳ የሱሳ ባጋር ጾስስ መት ኡባይፕ ዎደ ኡባይድ መናፕ መና ሄሎዳይስ ቦንቾ ማቆ። አምንኤ።
\c 4
\s1 ክርስቶሳር የዝ ፐትፐተ
\p
\v 1 ይኬ፥ ጎዳይ ግሾስ አጭንቴዝ ታኒ፥ ይ ጼግንቴዝ ጼግንትይድ ቤዝዛ የስ የዞዳይ ጋርክ ይንታን ዎስዛ። 
\v 2 ይ ኡባ ዎደ አዳኔ ሃዮ ማቆይታ፤ ፐታይ ፐታ ዳንዳኦይታኔ ሲቆር የዞይታ።\x - \xo 4:2 \xo*\xt ቆላ. 3:12-13\xt*\x* 
\v 3 ሳሮትር አጭንቲ አያና ፐትፐተ ናጎዳይስ ሚንጎይታ። 
\v 4 ጾሲ ይንታን ጼጌዝ ዎደ ፐቲ ኡፋይሳስ ጼጌዛይ ጋርክ ፐቲ አሰትኔ ፐቲ አያና የዛ። 
\v 5 ፐቲ ጎዳ፥ ፐቲ አማኖኔ ፐቲ ጽንቃተ የዛ። 
\v 6 ኡባፕ አይ፥ ኡባይር ኦዛይኔ ኡባይ ጋንጨ የዝዝ ፐቲ ጾስ፥ ኡባይስ አደ የዛ።
\p
\v 7 ዝን ክርስቶሳ እንጎዳይስ ኮዬዝ እሞታይ ጋርክ ኑ ፐታይስ ፐታይስ ኣ ኬሃት እንግንቴዛ። 
\v 8 የይ ግሾስ፥ ጾስ ቃላይ፥
\q1 «ኤ ኡዴ ከዜዝ ዎደ
\q2 ድኢ ጋምታ ፓር ኤኪ ቅቴዛ፤
\q2 አሳይስካ እሞትታ እንጌዛ»
\m ዬግዛ።\x - \xo 4:8 \xo*\xt ማዝ. 68:18\xt*\x* 
\v 9 የዝን፥ «ኡዴ ከዜዝ» ጉሳይ ኤ ቲና ሱለ፥ ሳአ ዝቃ አቆ ዎዛ ጉስ ማቃም እጽኮ አብ ጉሶ? 
\v 10 Ꮊ ሱለ ዎዛይ፥ ኡባ ኩንዳይስ ኡባፕ ቃ ሳሎ ከዜዛይ ኤዛ።
\p
\v 11 ኤ ፐትታ ፐትታ ሀዋረ፥ ፐትታ ፐትታ ናበ፥ ፐትታ ፐትታ ዎንግለ ሳባክታ፥ ፐትታ ፐትታ ዎሳ ካራ አቅስዝታኔ አስታማርታ ማቃዳይ ጋርክ እሞታ እንጌዛ። 
\v 12 ኤ የያ ኡዴዛይ ክርስቶሳስ አሰት ማቄዝ ዎሳ ኬ ድቾዳይስኔ አማንዛ አሳ ጾስ ኦሶስ ጊግሶዳይሲ። 
\v 13 የይ ጋርከካ፥ ኑ ኡባይ ጾስ ናአ ኤሪ አማኖር በንትዝ ፐትፐተኮ ሄሊ፥ ክርስቶሳ አያና ደኦ ኩንትይኮ ሄሊ ፎሎ አስ ማቂ ድጮዳይ ጋርከሲ።
\p
\v 14 ይከፕ ጉየ፥ አሳይ ዶሻ ገነር ማቄዝ ባልዛ ዎርዶ ትምርተ ጫርኮራኔ አባ ጎተራ ገደኔ Ꮊና ኩሎ ካእዛ ዱድታይ ጋርክ ማቆዳይስ ቤዞያ። 
\v 15 ዝን ኑኒ ቱማና ሲቆር ኦድታር ኡባ ባዛር አሰትስ ኩስተ ማቄዝ ክርስቶሳኮ ድጮዳ። 
\v 16 ኩን አሰትይ ክርስቶሳር አይክንትዛ ማ ዱማ ዱማ አሰት ብልትታይ ፐታይ ፐታይር አይክንቲ በቴዛ። ፐቲ ፐቲ አሰት ክፍላይ ፋ ኦሶ ኦዳር ኩን አሰትይ ሲቆር ሚንጎዳይ ጋርክ አሰት ድችዛ።\x - \xo 4:16 \xo*\xt ቆላ. 2:19\xt*\x*
\s1 ክርስቶሳር ኦሮ የስ
\p
\v 17 Ꮊይፕ ገደ ካሃ ብን ጨረ ቆፋር አማኖዋ አስ ጋርክ የዝፓተ፥ ታኒ Ꮊያ ይንትስ ጎዳይ ሱንይር ኦድዛኔ ማርካትዛ። 
\v 18 ኡ ቆፋይ ሜዛ፤ ኡ ፋ ዎዝና ሙምሴዛ። ኡንቲ ኤረት ቦራኔ እጾራ ጾሲ እንግዛ ደአይፕ ሃኬዛ። 
\v 19 ኡንቲ ዬላ ግዝባዝ ኤሮዋ፤ ኡንቲ ቱና ኦሶ ኡባ ፖሎዳይስ ዥምባሮስኔ አሾ አሞስ ፋና ኣ እንጌዛ።
\p
\v 20 ዝን ይ ክርስቶሳ ባጋ ታማሬዛይ የይ ጋርክ ኦገር ባያ። 
\v 21 ኤ ባዝ ቱማ ስኤዛ። ማ የሱሳር የዝ ቱማ ይ ኤፕ ታማሬዛ። 
\v 22 ይ ቲና የዜዝ ኦጋ አሾይታ። ማ ዶሺ አሞር ብስዛ ይ ጭማ አ ቃሪ ኦሎይታ።\x - \xo 4:22 \xo*\xt ቆላ. 3:9\xt*\x* 
\v 23 ይ ዎዝና ቆፋይር ኦሮጾይታ። 
\v 24 ቱማ ጽሎትራኔ ጌሸትር ጾስ ኣዝሶር መንቴዝ ኦሮ አሰት ማኦይታ።\x - \xo 4:24 \xo*\xt መ. 1:26፤ ቆላ. 3:10\xt*\x*
\p
\v 25 ይክ፥ ዎርዶ ኦድንትፓተ። ኑኒ ኡባይ ክርስቶሳ አሰት ብልትታ ማቄዝ ግሾስ አስ ኡባይራ ቱሮ ኦድንቶዳ።\x - \xo 4:25 \xo*\xt ዛክ. 8:16\xt*\x* 
\v 26 ጋይልንቶይታ ዝን ይ ጋይላይር ናጋራ ኦፓተ። ይ ጋይልንቲ የዝን አዋ ይንታል ገልፐ።\x - \xo 4:26 \xo*\xt ማዝ. 4:4\xt*\x* 
\v 27 ዳቡሎሳስ ኦገ ዶይፓተ። 
\v 28 ካስትዛ አይ ይከፕ ጉየ ካስትፐ። ዝን ማንቅታ ማድዛ ባዝ ኤስ የዞዳይ ጋርክ ፋ ኩሸር ሎኦ ባዝ ኦ።
\p
\v 29 ይ ዶናይፕ ኢታ ቃላ ከዝፐ። ዝን ስእዝታይስ ማዶዳይ ጋርከኔ Ꮊንክታ ምንስ ኮሽዛ ሎኦ ቃላ ይ ዶናይፕ ከዞ። 
\v 30 ጾሲ ይንታን ዎዜዛና ኤርሶዳይስ የ ጋላስስ ይንታናል አታሚ ጋዴዝ ጾስ አያና አዛንፓተ። 
\v 31 ጫንግንቶ፥ ይሎ፥ ካቺ፥ ኡፎ፥ ጫሸኔ ኢታት ኡባ ይንትፕ ሃክይታ። 
\v 32 አ ዎልስ ኬሃኔ ቃንትዝታ ማቆይታ። ጾስ ክርስቶሳ ባጋር ይንትስ አቶ ጌዛይ ጋርክ ይንትካ ዎልስ አቶ ጎይታ።\x - \xo 4:32 \xo*\xt ቆላ. 3:13\xt*\x*
\c 5
\p
\v 1 ይኬ፥ ጾሲ ዶስዛ ናእታይ ጋርክ ኤዛ ኣዞይታ። 
\v 2 ክርስቶሳ ኑና ዶሲ ፋና ኑ ግሾስ ጾስስ ቶንክ ግ ሳዉዛ እሞኔ ያርሾ ኡዲ እንጌዛይ ጋርክ ይንትካ ሲቆር የዞይታ።\x - \xo 5:2 \xo*\xt ከስ 29:18፤ ማዝ. 40:6\xt*\x*
\p
\v 3 ዝን ላሞ፥ ቱናትኔ ኡዘት አማንዛ አሳይስ ቤዞዋ ግሾስ ይ ጋንጨ ኡባራካ ስእንትፐ። 
\v 4 ጾስ ጋላቶይታፐ አትን ዬላዛ ባዝ ቦዞት ናሻ ዎይ አርኤ ይንትስ ቤዞዋዛይ ግሾስ ይ ጋንጨ ኡባራካ የዝፐ። 
\v 5 Ꮊያ ኤሮይታ፤ ኦንካ ላመ ዎይ ቱና ባዝ ኦ ዎይ ኡዛቶ ኤቃስ ጎይኖስ ተንተቶ ክርስቶሳ ካተትኔ ጾስ ካተት ላቶዳይስ ዳንዳኦያ።
\p
\v 6 Ꮊይትታይፕ ደንዴዛይድ ጾስ ካቺ አዛዝንቶዋ አሳይል አፋ የኦድ ግሾስ ኦንካ ይንታን ፓዋ ኦዳር ዶሽፐ። 
\v 7 የይ ጋርክ አሳይር ፐትፐተ ኦፓተ። 
\v 8 ብኒ ይ ማ፥ ዝን Ꮊት ጎዳይ ባጋይር ፖኦ። ይኬ፥ ፖኦ አስ ጋርክ ፖኦር የይታ። 
\v 9 ፖኦ ሎኦት፥ ጽሎትኔ ቱማት ኣፍዛ።
\p
\v 10 ጎዳ ኡፋይስዝ ባዝ ኦዳይስ ኮዮይታ። 
\v 11 ኣፈ ባ ማ ኦሶ ቆንጭሶይታፕ አትን ኤዛር ማቅንትፓተ። 
\v 12 ኡንቲ ጌማ ኦዛ ኦሳይ ሀራ አቶዝን ኦዶዳይስካ ዬላዛ። 
\v 13 ዝን ኡባ ባዝ ፖኦል ከዜዝ ዎደ ቆንጨር በንትዛ። 
\v 14 ፖኦ ኡባ ባዝ ቆንጨር ቤዝዛ። የይ ግሾስ፥
\q1 «ናት ገንትዛዮ ባርኮባ፤
\q2 Ꮊይቆፕ ደንዶባ፤
\q1 ክርስቶሳ ኔስ ፖእዛ» ዬግንቴዛ።
\p
\v 15 ይኬ፥ ይ ዋይዚ የዝዛኮ አካኪ ቦኦይታ። ኤጭታ ማቆይታፕ አትን ቦዝታ ማቅፓተ። 
\v 16 ጋላስታይ ኢታ ማቄዝ ግሾስ ላይ ዎዞይታ።\x - \xo 5:16 \xo*\xt ቆላ. 4:5\xt*\x* 
\v 17 የይ ግሾስ፥ ጎዳይ ሸናይ አብዛኮ አካኮይታፕ አትን ቦዝፓተ።
\p
\v 18 ጌሻ አያናር ኩሞይታፕ አትን ቦኮ ይንታን ካልዝ ዎይነ ኡሻር ማፓተ። 
\v 19 ማዝሙረር፥ ሳባራኔ አያና የር፥ ፐታይ ፐታይር ኦድንቶይታ። ማ ይ ዎዛናይር ማዝሙርታራነ ሳቢታር ጎዳ ጋላቶይታ።\x - \xo 5:19-20 \xo*\xt ቆላ. 3:16-17\xt*\x* 
\v 20 ኑ ጎዳ የሱስ ክርስቶሳ ሱንይር ኡባ ዎደ ጾስ ኣዳ ኡባባዝስ ጋላቶይታ።
\p
\v 21 ክርስቶሳ ቦንቾስ ግ ፐታይ ፐታይስ ሃርንቶይታ።
\s1 አዝን ባጋኔ ማቺ ባጋ
\p
\v 22 ማችታዮ፥ ጎዳይስ ሃርንትዛይ ጋርክ ይ አዝንታይስካ ሃርንቶይታ።\x - \xo 5:22 \xo*\xt ቆላ. 3:18፤ 1ጵጽ. 3:1\xt*\x* 
\v 23 ክርስቶሳ ዎሳ ኬስ ኩስተ ማቄዛይ ጋርክ አዝናይካ ፋ ማችስ ኩስተ። ማ ክርስቶሳ ፋ አሰት ማቄዝ ዎሳ ኬ አሽዛያ። 
\v 24 ዝን ዎሳ ኬይ ክርስቶሳስ ሃርንትዛይ ጋርክ ማችታይ ፋ አዝንታይስ ኡባ ባዛር ሃርንቶዳይስ ቤዝዛ።
\p
\v 25 አዝንታዮ፥ ክርስቶሳ ዎሳ ኬ ዶሲ እ ግሾስ ፋና እንጌዛይ ጋርክ ይንትካ ይ ማችታ ዶሶይታ።\x - \xo 5:25 \xo*\xt ቆላ. 3:19፤ 1ጵጽ. 3:7\xt*\x* 
\v 26 ኤ የያ ኦዛይ ዎሳ ኬ ጌሾዳይስ ኮዪ ኡዴዛ፥ ጌሼዛይካ ፋ ቃላይ ባጋር ሃር ሜጪ። 
\v 27 ክርስቶሳ ዎሳ ኬ ቅታ ዎይ ስኖ ቱክ ዎይ የይ ጋርከዝ ባዝ ባይ ኤ ኩን ቦንቾር ጌሽኔ ቦርንቶዛኖ ኡዲ ፋኮ ሺሾዳይስ ኮዪ የያ ኡዴዛ። 
\v 28 የይ ጋርከካ፥ አዝንታይ ፋና ዶስዛይ ጋርክ ፋ ማችታ ዶሶዳይስ ቤዝዛ። ፋ ማቻት ዶስዛይ ፋና ዶስዛ። 
\v 29 ፋና እጽዛ አስ ኦንካ ባያ፥ ዝን ክርስቶሳ ዎሳ ኬስ ኦዛይ ጋርክ ፋ አሰት ሙዝዛኔ ናግዛ። 
\v 30 ኑኒ ክርስቶሳ አሰት ብልትታ።
\p
\v 31 ጾስ ቃላይ፥ «የይ ግሾስ፥ አሲ ፋ አዳኔ ፋ እንዳቶ አሺ፥ ፋ ማቻትር ዎላ የሳዳ፤ ኡንቲ ናምእታይካ ፐቲ አሾ ማቅዛ» ዬጌዛ።\x - \xo 5:31 \xo*\xt መ. 2:24\xt*\x* 
\v 32 Ꮊይ ግታ ጹራ፥ ዝን ታኒ የያ ክርስቶሳ ባጋኔ ዎሳ ኬባጋ ኣዝሶ ኡዲ ኦድዛ። 
\v 33 የይ ጋርከካ፥ ይ ፐታይ ፐታይ ፋ ማቻት፥ ፋና ዶስዛይ ጋርክ ዶሶ። ማቻካ ፋ አዝና ቦንቾዳይስ ቤዝዛ።
\c 6
\s1 ናእታይ ባጋኔ የሌዝታይ ባጋ
\p
\v 1 ናእታዮ፥ ጎዳይ ግሾ ግ ይንታን የሌዝታይስ አዛዝንቶይታ። የይ ይንትስ ቤዝዛ ባዚ።\x - \xo 6:1 \xo*\xt ቆላ. 3:20\xt*\x* 
\v 2 «ነ አዳኔ ነ እንዳቶ ቦንቾባ።» የይ ኡፋይሳ ቃላ የዝ ቲና አዛዞ።\x - \xo 6:2-3 \xo*\xt ከስ 20:12፤ ናምእ. 5:16\xt*\x* 
\v 3 «ነ የያ ፖልዛባዝ ማቅኮ ኡባይ ኔስ ሀኖዳ፤ ነ ላይይካ ሳአል አፋ አዱቆዳ።»
\p
\v 4 የሌዝታዮ፥ ይ ናእታ ጎዳይ ቃላር ታማርሶራኔ ኡንታን ካልር ድቾይታፕ አትን ኡንታን ይሎፓተ።\x - \xo 6:4 \xo*\xt ቆላ. 3:21\xt*\x*
\s1 ጎድታይ ባጋኔ አይልታይባጋ
\p
\v 5 አይልታዮ፥ ክርስቶሳስ አዛዝንትዛይ ጋርክ አሾ ጎድታይስ ያሻራ፥ ቦንቾራኔ ሉለ ዎዝናር አዛዝንቶይታ።\x - \xo 6:5-8 \xo*\xt ቆላ. 3:22-25\xt*\x* 
\v 6 ክርስቶሳ አይለ ጋርክ ጾስ ሸነ ዎዝናፕ ፖሎይታፕ አትን ጋላታ ደንጎዳይስ ኡ ቲና ኣዳ ኦፓተ። 
\v 7 አስስ ባዝን ጎዳይስ ኦዛይ ጋርክ ይ ኩን ዎዝናይፕ ኦይታ። 
\v 8 አይለ ማቅን ጎድ ማቅን ፐታይ ፐታይ ፋ ኦዝ ሎኦ ኦይስ ጎዳይፕ ዎይቶ ኤኮዳና ኤርዛ።
\p
\v 9 ጎድታዮ፥ አስ ኣፈ ዞቆ ብኢ ፕርዶዋ ይንትስኔ ኡንትስ ጎዳይ፥ ሳሎ የዛና ይ ኤርዛ። የይ ግሾስ፥ ይ አይልታ ማንድዛ አሺ ኡንቲ ይንትስ ኪትንትዛይ ጋርክ ይ ኡንትስ ሎኦ ባዝ ኦይታ።\x - \xo 6:9 \xo*\xt ቆላ. 4:1፤ ናምእ. 10:17፤ ቆላ. 3:25\xt*\x*
\s1 ጾስ ኦላ ማሳራ
\p
\v 10 ይከ Ꮊይፐ፥ ጎዳይራኔ ኤ ዳማ ዎልቃይር ሚንጎይታ። 
\v 11 ዳቡሎሳ ዶሻ ኤቅንቶዳይስ ዳንዳኦድ ጋርክ ጾሲ ይንትስ እንጌዝ ኦላ ሚሸ ኡባ ዳንጮይታ። 
\v 12 ኑ ኦላይ አሳር ባዝን ሳሎ የዝ ቱና አያንታይር ኦልዝታይራ፥ ማዉተ አድታይር፥ ሃርዝታይራኔ Ꮊ ማ አላመ ዎልቅታይራ።
\p
\v 13 የይ ግሾስ፥ ኢታ ጋላስ ሞርከ ተቆዳይስኔ ኡባ ፖሊ፥ ሚንጊ ኤቂንቶዳይስ ይ ዳንዳኦዳይ ጋርክ ጾስ ኦላ ሚሽታ ኡባ ዳንጮይታ። 
\v 14 ቱማ፥ ጼሳል ዝናረ ጋርክ ዳንጪ፥ ጽሎት ጹሩረ ጋርክ ትራል ጋዲ፥ 
\v 15 ሳሮት ዎንግለ ይ ቶኬ ጫማ ጋርክ ኣ ሚንጊ ኤቆይታ።\x - \xo 6:15 \xo*\xt ኢሳ. 11:5፤ ኢሳ. 59:17፤ 52:7\xt*\x* 
\v 16 የ ኡባይፕ ኣ፥ ጻላሄ ዳክዝ ላጽዝ ታማ ዶንገ ኡባ ቶእሶዳይስ ዳንዳእዛ አማኖ ኡባ ዎደ ጎንዳለ ጋርክ አይኮይታ። 
\v 17 ጾስ አቶትና ብራታ ባርኔጻ ጋርክ ይ ኦማይል ጋዶይታ፤ ማ ጌሻ አያና ማሻ፥ የይካ ጾስ ቃላ አይኮይታ።\x - \xo 6:17 \xo*\xt ኢሳ. 59:17\xt*\x* 
\v 18 ዎሳ አሽፓተ፤ Ꮊንክታይስካ ጉሮይታ፤ ኡባ ዎደ አያናር ዎሶይታ። ኤዛይድ፥ ጌሽታይስ አዛለካዛር ሚንጊ ኡባ ዎደ ዎሶይታ። \fig ኦሮመ ዎታዳራይ ኩን ኦላ ሚሸ ማኤዛያ|alt="Roman soldier in armor" src="LB00196B.tif" size="span" ref="6:18"\fig*
\p
\v 19 ታኒ ዎንግለ ጹራ ያሻ ባይ ቆንጭሲ ኦዶዳይ ጋርክ ጾሲ ታስ ቃላ እንጎድ ጋርክ ዎሶይታ። 
\v 20 ታኒ የያ ኦዳይስ ኪትዛይኔ Ꮊተካ አቻ የዛይ የ ዎንግላይ ግሾስ። የይ ግሾስ፥ ታኒ ያሻ ባይ ቤዝዛይ ጋርክ ኦዶዳይ ጋርክ ታስ ዎሶይታ።
\s1 ዉርስ ሳሮ
\p
\v 21 ታኒ ዋይዚ የዛኮኔ አብ ኦዛኮ ይ ኤሮድ ጋርክ ኑ ሲቆ እሻይ፥ ጎዳይ ኦሶር አማንንቴዝ ኦሳንቻይ፥ ትክቆሳ፥ ታ ባዝ ኡባ ይንትስ ኦዶዳ።\x - \xo 6:21 \xo*\xt ሀዋ. ኦ. 20:4፤ 2ጽማ. 4:12፤ ቆላ. 4:7-8\xt*\x* 
\v 22 ኑኒ ኡባይ ዋይዚ የዛኮ ይንትስ ኦዶዳይ ጋርከኔ ይ ዎዛና ምንድ ጋርክ ታኒ ኤዛ ይንትኮ ኪቴዛ።\x - \xo 6:22 \xo*\xt መ. 21:10\xt*\x*
\p
\v 23 ጾስ አዳይፕ፥ ጎዳ የሱስ ክርስቶሳፕ ሳሮትኔ ሲቆ አማኖር ዎላ ኑ እሽታይ ኡቢታይስ ማቆ። 
\v 24 እርጾዋ ሲቆር ኑ ጎዳ የሱስ ክርስቶሳ ዶስዛ ኡባይራ ጾስ ኣ ኬሃትይ ማቆ።