\id COL - Melo New Testament Ethiopic
\ide UTF-8
\h ቆላስያሳ
\toc1 ጳዉሎሳ ቆላስያሳ አሳይስ ጻፌዝ ኪታ
\toc2 ቆላስያሳ
\toc3 ቆላ.
\mt1 ጳዉሎሳ ቆላስያሳ አሳይስ ጻፌዝ ኪታ
\imt ገሎ
\ip ጳዉሎሳ ቆላስያሳ አሳይስ ጻፌዝ ኪታይ ጻፍንቴዛይ፥ ጽቃ ኢሳ፥ ኤፍሶነፕ አዋ ከስ ባጋር የዝ ቆላስያሳ ካታማ የዝ ዎሳ ኬትሲ። የ ዎሳ ኬ ኤሴዛይ ጳዉሎሳ ባ ማቅኮካ፥ ኦሮመ ቢታ ኢሳስ ዋና ካታማ ማቄዝ ኤፍሶናፕ ዎንግለ ሳባክታ ኪትዛይ ኤዛ ማቄዝ ግሾስ ቆላስያሳላካ አደት ኤስ የዛ። ቆላስያሳ ዎሳ ኬ፥ «ጾስ ኤሮዳይስኔ ኩን አቶት ደንጎዳይስ አስ ኡባይ አያና ዎልቅታይስኔ ማዉታይስ ጎይኖዳይስ ኮሽዛ» ዬግዝ ዎርዶ አስታማርታይ የዛና ጳዉሎሳ ስኤዛ። የ አስታማርታይ ታማርስዛ ሀራ ባዝ፥ ማ፥ «አሲ ኡባይ ዶካልንቶ ዬግዝ አዛዞ ዎግታይስ ሞድንቶዳይስኔ ሙስ ዎጋ ኡባ ናጎዳይስ ኮሽዛ» ዬግዛ።
\ip ጳዉሎሳ Ꮊ ኪታ ጻፌዛይ፥ ቱማ አማኖ ትምርታ ታማርሲ፥ ኡ ዎርዶ ትምርታ ላሎዳይሲ። ኤ ማሄዝ ማህታይፕ ዋናትዛይ፥ «የሱስ ክርስቶሳ ኩን አቶት እንግዛ፤ ዝን Ꮊ ሀራ ሀይማኖትታይኔ ኡ ኦስታይ ኤፕ ሃክዛ» ዬግዛያ። ጾሳይ ክርስቶሳ ባጋር አላመ መዛ። ማ ኤ ባጋር ማሂ ፋኮ ኮኦዳ። Ꮊ አላማይስ አቶት ኡፋይስ የዛይ ክርስቶሳ አማኖ ባጋራ። የይ ግሾስ፥ ጳዉሎሳ Ꮊ ግታ ትምርታ አማንዛ አስ ደኦ ዋይዚ ኦሶል ፔሾዳይስ ቤዝዛኮ ኦድዛ። Ꮊ ኪታኔ ኤፈሶና አሳይስ ጻፌዝ ኪታይ፥ ፋ አይኬዝ ቆፋይራኔ ኪታይ ዎል ኣዝዛ። Ꮊ ናምኢ ማጻፍታይ ጋንጨ የዝ ዱማትይ፥ ኤፈሶነ ክርስቶሳ ዎሳ ኬስ ኩስተ ዬግዛ፥ ዝን ቆላስያሳ ክርስቶሳ መትስ ኩስተ ዬግዛ።
\ip Ꮊ ኪታ ጳዉሎሳፕ ኤኪ ቆላስያሳ ሄሎዳይስ Ꮊንጌዝ ትክቆሳር ዎላ የዛይ አናስሞሳ ማቄዛና ቤዞስ ማድዛ ባዚ። ዋይዚ ጊኮ፥ ጳዉሎሳ አናስሞሳ ግንትንትዝ ፋ ኦሳንቻይ ባጋ ፍልሞናስ ሀራ ኪታ ጻፌዛ።
\iot ቆላስያሳ ኪታይ አይኬዝ ቆፍታ
\io1 ገሎ \ior 1:1-8 \ior*
\io1 ክርስቶሳ ሀናኔ ኦሳ \ior 1:9—2:19 \ior*
\io1 ክርስቶሳር የዝ ኦሮ ደኦ \ior 2:20—4:6 \ior*
\io1 ዉርስ ሳሮኔ ኩስተ ቆፋ \ior 4:7-18 \ior*
\ie
\c 1
\p
\v 1 ጾስ ሸነር ክርስቶሳ የሱሳ ሀዋረ ማቄዝ ጳዉሎሳፐኔ ኑ እሻ ጽማቶሳፕ፥ 
\v 2 ቆላስያሳ ካታማ የዝ ክርስቶሳስ አማንንቴዝ ጌሽታይስ ጻፌዝ ኪታ።
\p ጾሳ ኑ አዳይ ኣ ኬሃትይኔ ሳሮትይ ይንትስ ማቆ።
\s1 ጳዉሎሳ ጋላታ ዎሳ
\p
\v 3 ኑኒ ይንትስ ዎስታር ጾሳ ኑ ጎዳ፥ የሱስ ክርስቶሳ ኣዳ ኡባ ዎደ ጋላትዛ። 
\v 4 ኑኒ ክርስቶሳ የሱሳር የዝ ይ አማናኔ ጌሽታይስ ኡባይስ የዝ ይ ሲቃ ስኤዛ። 
\v 5 ይ ቱማ ኪታ ማቄዝ ዎንግለ ቲና አማኔዝ ዎደ የ ኡፋይሳ ስኤዛ። የያ ይ ኦዛይ ይ ኡፋይሳይ ሳሎ ይንትስ ናግንቴዝ ግሾሲ። 
\v 6 ይ Ꮊ ዎንግላ ስኤዝ ዎደኔ ጾስ ኣ ኬሃት ቱማት ሻኪ ኤሬዝ ዎደፕ አይኪ ይ ጋንጨ ሀኔዛይ ጋርክ ቢታ ኡባይድ ዳልግታራኔ ኣፍታር የዛ።
\p
\v 7 ይ የያ ኑር ዎላ ክርስቶሳስ ኦዛ አማንንቴዛኔ፥ ዶስንቴዝ ኤጳፍራፕ ታማሬዛ።\x - \xo 1:7 \xo*\xt ቆላ. 4:12፤ ፍልሞ. 23\xt*\x* 
\v 8 ኤ የይል አፋ ጉጂ አያናይ ይንትስ እንጌዝ ሲቆር ይ ዎል ቃዛና ኑስ ኦዴዛ።
\p
\v 9 የይ ግሾስ፥ ኑኒ ይ ባዝ ስኤዝ ጋላሳይፕ አይኪ፥ ጾሳይ ፋ ሸና ይንታን ቤዞዳይ ጋርከ፥ ጌሻ አያናይ እንግዛ ኤራትራኔ ኤጨት ኡባይር ይንታን ኩንዳይ ጋርክ ኡባ ዎደ ይንትስ ጾስ ዎስዛና አሻሚ። 
\v 10 የይ ጋርከካ፥ ጎዳይ ኮይዛይ ጋርክ ይ የዞድ ጋርክ፥ ኡባ ዎደ ኤ ኡፋይቶዳይ ጋርክ፥ ሎኦ ኦሶ ኡባይድ ይ ኣፈ ኣፎድ ጋርከኔ ጾሰ ኣ ኤርታር ድጮዳይ ጋርክ ጾሳ ዎስዛ።
\p
\v 11 ጾሳይ ፋ ግታ ዎልቃይር ምኖት ኡባ ይንትስ እንጎ። ይ ዳንዳአራካ ጋርዦዳይ ጋርክ ኡፋይሳር ጊግንቴዝታ ማሆ። 
\v 12 ማ ጾስ አስታ ፖኦ ካተት ላቶዳይ ጋርክ ይንታን ኦዝ ጾስ ኣዳ ጋላቶይታ። 
\v 13 ኤ ኑና ማ ዎልቃፕ ሻኪ አሺ ፋ ዶስዛ ናአይ ካተት ገሎዳይ ጋርክ ኡዴዛ። 
\v 14 ኤ ዎዝን ኑ ኑ ናጋራይስ አቶት ደንጌዛ።\x - \xo 1:14 \xo*\xt ኤፍ. 1:7\xt*\x*
\s1 ክርስቶሳ ቃት
\p
\v 15 ክርስቶሳ በንቶዋ ጾሳይስ ቱማ ኣዝሶ። ኤ መት ኡቢታይፕ ኣ ግታ ባይራ። 
\v 16 ኡባ ባዝ ኤ ባጋር መንቴዛ። በንትዝባዝታይኔ በንቶዋባዝታይኔ፥ ዎልቅታይኔ ጎድታይ፥ ሞድዝታይኔ ማዉተ አድታይ፥ ሳሎኔ ሳአ የዝ ኡብታ ጾሲ ኤ ባጋራኔ ኤስ መዛ። 
\v 17 ኤ ኡባባዛፕ ካሰ የዛ። ኡባ ባዝ ክርስቶሳ ባጋር ፋ አቆ አቆ አይክንቲ ኤቄዛ። 
\v 18 ኤ ፋ አሰት ማቄዝ ዎሳ ኬይስ ኩስተ። ኤ ኡባይፕ ኣ ማቆዳይስ Ꮊይቆፕ ደንዶር ቲናኔ ባይራ።\x - \xo 1:18 \xo*\xt ኤፍ. 1:22-23\xt*\x*
\p
\v 19 ጾሲ ፋ ኩን ጾሳትይ ፋ ናአይ ጋንጨ የዞዳና ኮዬዛይ ጾስ አዳይ ሸነ ማቄዝ ግሾስ የይካ ሀኔዛ። 
\v 20 ማ ማዝቃለል አፋ ላሌዝ ፋ ናአ ሱይር ሳሮት መ ሳሎኔ ሳአ የዝ ኡባ ኤ ባጋር ፓር ዳቦዛ።\x - \xo 1:20 \xo*\xt ኤፍ. 2:16\xt*\x*
\p
\v 21 Ꮊይፕ ቲና ይ ቆፋይኔ ይ ኦሶ ኢታትይ ይንታን ጾሳፕ ሻጌዛኔ ኤስ ሞርክታ ኡዴዛ። 
\v 22 ዝን Ꮊት ክርስቶሳ አሾር Ꮊይቄዝ Ꮊይቃይ ባጋር ጾሲ ይንታን ፓር እግን፥ ጌሽታ፥ ቦሮ ባዝታኔ ጽልታ ኡዴዛ። 
\v 23 ይ፥ ይ አማኖር ኤንኤካ ሚንጊ ጻጲ የዞዳይስ ቤዝዛ። ይ ዎንግለ ቃላ ስኤዝ ዎደ ኤኬዝ ኡፋይሳ ሚን አይኮይታ። የ ዎንግላ ይ ስኤዛኔ አላመ ኡባይል ሳባክንቴዛ። ታ፥ ጳዉሎሳካ Ꮊ ዎንግላይስ ኦሳንቾ ማቄዛ።
\s1 ጳዉሎሳ ሀዋረት ኦሶ
\p
\v 24 ታኒ ይ ግሾስ Ꮊት ኤክዝ መታይ ታና ኡፋይስዛ። ክርስቶሳ ኤ አሰት ማቄዝ ዎሳ ኬትስ ኤኮዳር ፋጬዝ መታ ታኒ ታ አሻይል ፖሎዳ። 
\v 25 ጾሳ ቃላ ይንትስ ዉርሲ ኦዶዳይ ጋርክ ታስ እንግንቴዝ ማዉታይር ዎሳ ኬስ ኦሳንቾ ማቄዛ። 
\v 26 Ꮊ ቃላይ ብኒ ኣዝ ላይታይድ የለት ኡባይፕ ጌንጊ ጋምኤዛ። ዝን Ꮊት ጾሲ Ꮊ ጹራ አማንዛ ኡባይስ ቆንጭሴዛ። 
\v 27 ጾሲ አይሁደ ማቄዝ አሳይ ጋንጨ Ꮊ ጹራ ቦንቾ ዱረት ቆንጭሴዛ። ኤካ ቦንቾ ኡፋይስ ማቄዝ ይ ጋንጨ የዝ ክርስቶሳ።
\p
\v 28 የይ ግሾስ፥ ፐቲ ፐቲ አሳ ክርስቶሳር ኩን አስ ኡዲ ሺሾዳይስ ኤጨት ኡባይር አሳ ታማርሶራኔ ዞረር ክርስቶሳ ባጋ ሳባክዛ። 
\v 29 ጾሲ ፋ ዳማ ዎልቃር ታል ኦዛ ግሾስ Ꮊኖ ሄሎዳይስ ኤ ዎልቃር ቡትትዛኔ ዳቡርዛ።
\c 2
\p
\v 1 ታ ይንትስኔ ሎዶቃ ካታማ የዝ አሳይስ፥ Ꮊይ ጋርክ ታና ኣፈር በኤካ አስ ኡባይስ አብ ጋርክ ቡትትዛኮ ይ ኤሮድ ጋርክ ታ ኮይዛ። 
\v 2 ታ ቡትትዛይካ ኡንቲ ፋ ዎዛናይር ሚንጊ፥ ሲቆር አጭንቲ፥ ፎሎ ማቄዝ ኩን አካካ ዱረት ደንጊ ጾስ ጹራ ክርስቶሳ ኤሮድ ጋርከሲ። 
\v 3 ኤረተኔ ኤጨት ሻሎ ኡባይ ቆስንቲ የዛይ ክርስቶሳራ።
\p
\v 4 ታ የያ ግዛይ ኦንካ ይንታን ዶሻ ቃላር ባልም ጋርከሲ። 
\v 5 ታ ይንትፕ ሃኪ የዝኮካ አያናር ይንታር የዛ። ይ የሳይ ዎጋኔ ክርስቶሳ ይ ሚንጊ አማንዛና ብእን ታና ኡፋይስዛ።
\s1 ክርስቶሳር የዝ ኩን የስ
\p
\v 6 ይ ጎዳ ክርስቶሳ የሱሳ ኤኬዛን ጋርክ ኤዛር የዞይታ። 
\v 7 ኤዛል ጻጶይታ፤ ኤዛል ኬጽንቶይታ። ይ ታማሬዛን ጋርክ አማኖር ሚንጎይታ፤ ጾሳይስ ኩሚ ፑጬዝ ጋላታ እንጎይታ።
\p
\v 8 ክርስቶሳፕ ባዝን አስ ዎጋራኔ Ꮊ አላማይ ጨረ ዎጋል ኤቄዝ አስ ኤረትር መ ከሴዝ ትምርታይራኔ ጨረ ዶሻር ኦንካ ይንታን ባል ድኣማይ ጋርክ ናግንቶይታ። 
\v 9 ጾስ ጾሰት ፎሎ ኩንትይ አሰትር ቆንጭ የዝዛይ ክርስቶሳራ። 
\v 10 ይንትካ ማዉተስኔ ዎልቃ ኡባይስ ኩስተ ማቄዝ ክርስቶሳር ኩን ደኦ ደንጌዛ።
\p
\v 11 ይ ክርስቶሳና አማኖር ዶካልንቴዛ። የይካ አስ ኩሸር ባዝን ይ ኢታ ናጋራራ ኩሜዝ ሀኖት ሃስዝ ክርስቶሳር ኦስንቴዝ ዶካልንቶ። 
\v 12 ይ ጻማቅንቴዝ ዎደ ክርስቶሳር ዎላ ሞግንቲ፥ ክርስቶሳ Ꮊይቆፕ ደንዝ ጾስ ዎልቃ አማኒ፥ ክርስቶሳር ዎላ ደንዴዛ።\x - \xo 2:12 \xo*\xt ኦሮ. 6:4\xt*\x*
\p
\v 13 ይ፥ ይ ናጋራ ግሾኔ ይ ጬጋ አሰት ዶካልንተካ ግሾስ Ꮊይቂ የዝን፥ ጾሲ ይ ናጋራ አቶ ጌዛ። ክርስቶሳር ይንትስ ደኦ እንጌዛ።\x - \xo 2:13 \xo*\xt ኤፍ. 2:1-5\xt*\x* 
\v 14 ኤ ኑ ሞታኔ ኑር ኤቅንትዛ፥ ኑል አፋ ጻፍንቴዝ አጮ ጹፋ ፔ ማዝቃለል አፋ ምክንቲ ኦገፕ ታጌዛ።\x - \xo 2:14 \xo*\xt ኤፍ. 2:15\xt*\x* 
\v 15 ክርስቶሳ ዎልቂታኔ ማዉተ አድታ ማዝቃለል ጋሚ፥ ኡ ዳንጫ ብልእሲ፥ ድእንቴዝ አስ ጋርክ ኡዲ ኡንታን ቆንጨ ከሲ ቤዜዛ።
\p
\v 16 የይ ግሾስ፥ ሚዝባዛር ዎይ ኡዥዝ ባዛር፥ አጌና ጼርዛ ቃማ ዎይ ማላ ቦንቾ ባጋ ኦንካ ይንታል አፋ ፕርድፐ።\x - \xo 2:16 \xo*\xt ኦሮ. 14:1-6\xt*\x* 
\v 17 የይትታይ ቲናፕ የኦዳይስ የዛ ባዝታይስ ኤሾ፥ ዝን ኡባይ ክርስቶሳ። 
\v 18 ቆፕ ቆሞ ሃዮትኔ ኪታንቾስ ጎይኖር ጬቅንትዛ ኦንካ ይንታን ይ ዎይታይፕ አሽፐ። የይ ጋርክ አሲ ፋ በኤዝ ቆንጭር ሳብንትታር ፋ አሾ ቆፋር ጨረ ኡትርትዛ። 
\v 19 የይ ጋርክ አሳይስ ኩስተ ማቄዝ ክርስቶሳኮ ሺቆ ባያ። ኤ አሰት ኡባ ሻሻራኔ ዎል ሄል አይ ሙዚ ድችዛ። ጾሲ የይ ጋርክ ኦገር አሰት ኡባ ድችዛ።\x - \xo 2:19 \xo*\xt ኤፍ. 4:16\xt*\x*
\s1 ኦሮ የስ
\p
\v 20 ይ ክርስቶሳር Ꮊይቂ Ꮊ አላማ ሃርዛ አያንታይ ዎልቃፕ ዎዝንቴዛ። የዝን፥ አብስ ሻክንተካ አስ ጋርክ ማቂ Ꮊ ዎግታይስ ሞድንቴ? 
\v 21 Ꮊ ዎግታይ፥ «አይክፐ፤ ላእፐ፤ ቦችፐ» ግንትንትዝታ። 
\v 22 Ꮊ ኡባይ አስ ዎጋኔ ትምርተ ማቄዝ ግሾስ ኦሶል አፋ ፔዤዛይፕ ጉየ ቦዳይስ የዛ። 
\v 23 Ꮊ አዛዝታይ አሲ ፋ ኡባ ቆፋፕ መዝ ጎይኖ፥ አቆፕ ኣዝ ሃዮትስኔ አሰት ቆሆር ኤርንቶ ኡንትስ ኤጨት ኣዝዛ፥ ዝን ኑ ኢታ አሞት ሃሮዳይስ ኡንትስ ዎልቃ ባያ።
\c 3
\s1 ኦሮ ደኦ
\p
\v 1 ይኬ፥ ይ ክርስቶሳር Ꮊይቆፕ ደንዴዛይ ጋርክ፥ ጾሳይፕ ኡሻች ባጋ በቴዝ ክርስቶሳ የዝ አቆ፥ ሳሎ የዛባዝታ ኮዮይታ።\x - \xo 3:1 \xo*\xt ማዝ. 110:1\xt*\x* 
\v 2 ሳሎ የዝታይል አፋ ይ ቆፋ ጋዶይታፕ አትን ሳአ የዝባዝታይል አፋ ጋድፓተ። 
\v 3 Ꮊይቆር ሻግንትዛይ ጋርክ ይ Ꮊ አላመ ኢታ ሀኖፕ ሻክንቴዛ። ይ ደአይ ክርስቶሳር ዎላ ጾስ ጋንጨ ቆስንቴዛ። 
\v 4 ይንትስ ደኦ ማቄዝ ክርስቶሳ ቆንጭዝ ዎደ የ ዎደ ይንትካ ኤዛር ቦንቾር ቆንጮዳ።
\p
\v 5 የይ ግሾስ፥ ይንታል የዝ Ꮊ ሳአ አሾ ቆፍታ ዎይታ። የይትታይካ ላግተ፥ ቱናት፥ ላግተስ ተንትቶ፥ ኤቃስ ጎይኖ ጋርከ ማቄዝ አሞት። 
\v 6 የይፕ ደንዴዛይድ ጾስ ካቻይ አዛዝንቶዋ አሳይል አፋ የኦዳ። 
\v 7 ይንትካ ቲና የ ኢታ ኦጋይር የታር Ꮊይትታ ኦዛ።
\p
\v 8 Ꮊት ማቅኮ ይ የይትታ ኦፓተ። የይትታይክ ካቺ፥ ይሎ፥ ገነኔ ቦርሶ ናሻ ይንትፕ ሃሶይታ። 
\v 9 ጬጋ ሀኖት ኤ ኦሳይር ይንትፕ ቃሬዝ ግሾስ ዎልስ ዎርዶትፓተ።\x - \xo 3:9 \xo*\xt ኤፍ. 4:22\xt*\x* 
\v 10 መዛያ ኣዝዝ፥ ኤረትር ላምንቴዝ ኦሮ ሀኖትታ ማኦይታ።\x - \xo 3:10 \xo*\xt መ. 1:26፤ ኤፍ. 4:24\xt*\x* 
\v 11 Ꮊ ኦሮ መትይር፥ ግርኬ አስ ዎይ አይሁደ አስ፥ ዶካልንቴዛይ ዎይ ዶካልንተካዛይ፥ ታማሬዝ አስ ዎይ ታማረካ አስ\f + \fr 3:11 \fr*\fqa ኢስኩተ አስ፦ \fqa*\ft ጉሳይ ዎዝና ምኖ አስ ዎይ ዎዝና ኢታ አስ ጉሲ።\ft*\f* አይለ ዎይ ጎዲ ባያ። ክርስቶሳ ኡባ፤ ኤ ኡባይዳካ የዛ።
\p
\v 12 የይ ግሾስ፥ ጾሲ ማራጼዝ አስ ጋርክ ገሸትር ዶስንቴዝታ ማቂ፥ ማሮት፥ ቃ፥ አሽከት፥ ሃዮት ኬሃትኔ ዳንዳአ ማኦይታ።\x - \xo 3:12-13 \xo*\xt ኤፍ. 4:2\xt*\x* 
\v 13 ዎል ዳንዳኦይታ። ኦንካ ፋ ላጋይፕ ቆህንቴዝ ባዝ ዬዝኮ ኤስ አቶ ጎይታ። ጎዳይ ይንትስ አቶ ጌዛይ ጋርክ ይንትካ ዎልስ አቶ አቶ ጎይታ።\x - \xo 3:13 \xo*\xt ኤፍ. 4:32\xt*\x* 
\v 14 የ ኡባይል አፋር ኡባ ባዝ ዎላል ሺሺ አጭዝ ሲቆ ማኦይታ። 
\v 15 ጾሲ ይንታን ፐቲ አስ ኡዲ ጼጌዛይ፥ ሳሮተስ ማቄዝ ግሾስ ክርስቶሳ ሳሮትይ ይ ዎዝና ሃሮ። ጋላታር ኩሜዝታ ማቆይታ።
\p
\v 16 ክርስቶሳ ቃላይ ይ ዎዝናይድ ኩሚ የዞ። ኤጨት ኡባር ዎል ታማርሶይታኔ ዞሮይታ። ማዝሙረር፥ ሳባራኔ አያና የር ጾሳ ዎዝናፕ ጋላትታር የጾይታ።\x - \xo 3:16-17 \xo*\xt ኤፍ. 5:19-20\xt*\x* 
\v 17 ጾስ አዳ የሱሳ ባጋር ጋላትታር ይ ኦድንትዛ ዎይ ኦዛ ባዝ ኡባ ጎዳ የሱሳ ሱንይር ኦይታ።
\s1 አማንዛ አስ ካራ የስ ዎጋ
\p
\v 18 ማችታዮ፥ ጎዳይ ቲና ቤዝዛ ባዝ ማቄዝ ግሾስ ይ አዝንታይስ አዛዝንቶይታ።\x - \xo 3:18 \xo*\xt ኤፍ. 5:22፤ 1ጵጽ. 3:1\xt*\x*
\p
\v 19 አዝንታዮ፥ ይ ማችታ ዶሶይታ፤ ኡንትስ ኢትፓተ።\x - \xo 3:19 \xo*\xt ኤፍ. 5:25፤ 1ጵጽ. 3:7\xt*\x*
\p
\v 20 ናእታዮ፥ ይንታን የሌዝታይስ ኡባ ባዛር አዛዝንቶይታ፤ የይ ጎዳ ኡፋይስዛባዚ።\x - \xo 3:20 \xo*\xt ኤፍ. 6:1\xt*\x*
\p
\v 21 የሌዝታዮ፥ ይ ናእታይ ኡፋይስ ጋቻማይ ጋርክ ኡንታን ይሎስፓተ።\x - \xo 3:21 \xo*\xt ኤፍ. 6:4\xt*\x*
\p
\v 22 አይልታዮ፥ ሳአል አፋ ይንትስ ጎድ ማቄዝታይስ ኡባ ባዛር አዛዝንቶይታ። ጎዳ ቦንችታር ሉለ ዎዝናፕ ኪትንቲ ኡንታን ኡፋይሶይታፕ አትን አሲ ቦኦ ግ ኦፓተ።\x - \xo 3:22-25 \xo*\xt ኤፍ. 6:5-8\xt*\x* 
\v 23 ይ ኦዛ ኦሶ ኡባ አስስ ባዝን ጎዳይስ ኦዛይ ጋርክ ዎዝናፕ ኦይታ። 
\v 24 ጎዳይፕ ሳሎ ቢታ ዎይቶ ኡዲ ናጎዳና ኤሮይታ፤ ይ ጎዳ ክርስቶሳስ ኦዛ። 
\v 25 ጾሲ አስ ኣፈ ዞቆ ብኢ ፕርዶዋ ግሾስ ኦንካ ኢታ ኦሶ ኦኮ ፋ ኢታ ኦሳይ ግሾስ ማህ ኤኮዳ።\x - \xo 3:22-25 \xo*\xt ኤፍ. 6:5-8\xt*\x*
\c 4
\p
\v 1 ጎድታዮ፥ ይንትስካ ማ ሳሎ ጎድ የዛና ኤሪ፥ ይ አይልታይስ ጽሎትራኔ ፐታ ፐታይፕ ሻከካዛር አቅሶይታ።\x - \xo 4:1 \xo*\xt ኤፍ. 6:9\xt*\x*
\p
\v 2 ጾሳ ሚንጊ ጋላትታር ጋቼካዛር ዎሶይታ። 
\v 3 ጾሲ ፋ ቃላ ፐንጋ ዶዮዳይ ጋርከኔ ታኒ ኤ ግሾስ አጭንቴዝ ክርስቶሳ ጹራ ማርካቶድ ጋርክ ኑስካ ዎሶይታ። 
\v 4 ማ ታካ ቤዝዛይ ጋርክ ቃላ ቆንጭስ ኦዶዳይ ጋርክ ታስ ጾሳ ዎሶይታ።
\p
\v 5 ዎዳ ዎዝታር አማኖዋ አሳይ ላንቀ ኤጨትር የዞይታ።\x - \xo 4:5 \xo*\xt ኤፍ. 5:16\xt*\x* 
\v 6 ይ አስ ኡባይስ ኮሽዛ ማህ ኤሮድ ጋርክ ይ ናሻይ ኡባ ዎደ ኣ ኬሄትር ኩሜዛኔ ማጽነ ጋርክ ማልእዛ ባዝ ማቆዳይስ ቤዝዛ።
\s1 ዉርስ ሳሮ
\p
\v 7 ኑ ሲቆ እሻይ ትክቆሳ፥ ታር ዎላ ጎዳይ ኦሳይድ አይለ ማቄዝ፥ አማንንቴዝ ኦሳንቻይ፥ ታ የስ ባጋ ይንትስ ኦድዛ።\x - \xo 4:7 \xo*\xt ሀዋ. ኦ. 20:4፤ 2ጽማ. 4:12\xt*\x* 
\v 8 ታኒ ኤዛ ይንትኮ ኪቴዛይ፥ ኑ ዋይዚ የዛኮ ይንትስ ኦዲ ይንታን ምንዳይ ጋርከሲ። 
\v 9 አናስሞሳ፥ አማንንትዛ ሲቆ እሻይ፥ ይ ባጋይ፥ ኤዛ ይንትኮ ኪቴዛ። ኡንቲ Ꮊይዳ ሀንዛ ባዝ ኡባ ይንትስ ኦዶዳ።\x - \xo 4:9 \xo*\xt ፍልሞ. 10-12\xt*\x*
\p
\v 10 ታር ዎላ አጭንቴዝ አርስጽሮኮሳኔ ባርናባሳ እሻይ ናአይ ማርቆሳ፥ ይንታን ሳሮ ዬግዛ። ታ ይንትስ ቲና ኦዴዛይ ጋርክ ማርቆሳ ይንትኮ Ꮊንግኮ ኤዛ ሞኮይታ።\x - \xo 4:10 \xo*\xt ሀዋ. ኦ. 19:29፤ 27:2፤ ፍልሞ. 24፤ ሀዋ. ኦ. 12:12፤ 25፤ 13:13፤ 15\xt*\x* 
\v 11 ኢያሱ ግዝ ያስጾሳ ይንታን ሳሮ ዬግዛ። ጾስ ካተት ግሾስ ታር ኦዛ አሳይ ጋንጨፕ አይሁደ ማቄዝታይ ኡ ኣዳ። ኡንትካ ታና ምንዛ።
\p
\v 12 ይ ዳቦ፥ ክርስቶስ የሱሳ አይለ፥ ኤጳፍራ ይንታን ሳሮ ዬግዛ። ኤ ይ ጾስ ቲና ሚንጊ ኤቆድ ጋርከኔ ጾስ ሸነ ኤሪ ፖሎዳይ ጋርክ ኡባ ዎደ ጾሳ ይ ግሾስ ዎስዛ።\x - \xo 4:12 \xo*\xt ቆላ. 1:7፤ ፍልሞ. 23\xt*\x* 
\v 13 ኤ ይ ግሾስ ሎዶቃኔ ህራፖልሳ ካታማ የዝ አሳይ ግሾስ ኢታ ዳቡሬዛና ታ ማርካትዛ።
\p
\v 14 ኑ ሲቆ እሻይ አክመ ሉቃሳኔ ዴማሳ፥ ይንታን ሳሮ ዬግዛ።\x - \xo 4:14 \xo*\xt 2ጽማ. 4:10-11፤ ፍልሞ. 24\xt*\x* 
\v 15 ሎዶቃ የዝ ኑ እሽታይሲ፥ ንምፋስኔ እ ካራ ሺቅዛ አሳይስ ኑ ሳሮ ኦዶይታ።
\p
\v 16 Ꮊ ዳብዳባ ይ ናባቤዛይፕ ጉየ፥ ሎዶቃ ዎሳ ኬ ናባብሶይታ። ይንትካ ሎዶቃ ዎሳ ኬይ ይንትስ ዳክዝ ዳብዳባ ናባቦይታ። 
\v 17 ማ አርክጳሳና፥ «ጎዳይ ኔስ እንጌዝ ኦሳ ፖሎዳና ዶግፐ» ዬጊ ቆፍሶይታ።\x - \xo 4:17 \xo*\xt ፍልሞ. 2\xt*\x*
\p
\v 18 ታኒ፥ ጳዉሎሳ፥ Ꮊ ሳሮ ታ ኩሸር ጻፌዛ። ታ አቻ የዛና ቆፖይታ።
\p ጾስ ኣ ኬሃትይ ይንታር ማቆ።