\id 2TH - Melo New Testament Ethiopic
\ide UTF-8
\h 2ሰሎንቀ
\toc1 ጳዉሎሳ ተሰሎንቀ አሳይስ ጻፌዝ ናምእን ኪታ
\toc2 2ተሰሎንቀ
\toc3 2ተሰ.
\mt1 ጳዉሎሳ ተሰሎንቀ አሳይስ ጻፌዝ ናምእን ኪታ
\imt ገሎ
\ip ክርስቶሳ ናምእን ይእይል አፋ ደንዴዝ ኦይቻይ ፓላማ መታር Ꮊንጌዝ ግሾስ ተሰሎንቀ ዎሳ ኬ መቶ ጋንግታር ጋንግታር ቅቴዛ። ጳዉሎሳ ተሰሎንቀ አሳይስ ጻፌዝ ናምእን ኪታይ፥ «ጎዳይ ይእ ጋላሳይ ኡኬዛ» ዬግዝ አማኖ ትምርታይል አፋ ሚን ኦድዛ። ጳዉሎሳ ኦድታር ክርስቶሳ የኦዳይፕ ቲና፥ «ዡጫ አ» ግንትንትዝ ክርስቶሳና እጽዛይ ካልይ Ꮊ አላመል አፋ ኢታትኔ ጩቦት ጋንግታር Ꮊንጎዳ ዬግዝ ኡ አማና ሉልስዛ።
\ip ሀዋራይ፥ መቶኔ ዋየ ጋንግኮካ ኡንቲ ፋ አማናይድ ምንጎዳይ ጋርክ ኤኔ ኤዛር ዎላ የዝታይ ኦዛይ ጋርክ፥ ኡንቲ ፋ የስስ ቤዝዛ ባዝ ደንጎዳይስ ሚንጊ Ꮊንቶዳይ ጋርክ ማ ሎኦ ኦሶ ኦዳይስ ጉየ ጋማይ ጋርክ ኡንታን ሚን ዞርዛ።
\iot 2 ተሰሎንቀ ኪታይ አይኬዝ ቆፍታ
\io1 ገሎ \ior 1:1-2 \ior*
\io1 ጋላታኔ ማጋን \ior 1:3-12 \ior*
\io1 ክርስቶሳ ናምእን ይእ ባጋ እንግንቴዝ ትምርተ \ior 2:1-17 \ior*
\io1 አማኖር የሳል አፋ እንግንቴዝ ዞረ \ior 3:1-15 \ior*
\io1 ኩስተ ቆፋኔ ሳሮ \ior 3:16-18 \ior*
\ie
\c 1
\p
\v 1 ጳዉሎሳፐ፥ ስላሰፐኔ ጽማቶሳፐ ተሰሎንቀ ዎሳ ኬ የዝ አማንዛ አሳይስ፥ ጾሳ አዳይባጋኔ ጎዳ የሱስ ክርስቶሳ ባጋ ማቄዝ አሳይስ ጻፌዝ ኪታ።\x - \xo 1:1 \xo*\xt ሀዋ. ኦ. 17:1\xt*\x*
\p
\v 2 ጾሳ ኑ አዳይፐኔ ጎዳ የሱስ ክርስቶሳፕ ኣ ኬሃትይኔ ሳሮትይ ይንትስ ማቆ።
\s1 ክርስቶሳ ናምእን ይእይድ እንግንቶድ ፕርዳ
\p
\v 3 ኑ እሹን፥ ይ አማናኔ ይ ዎል ሲቅዛ ሲቃይ ሎእ ድጭዛ ግሾስ ኑኒ የይስ ጾሳ ኡባ ዎደ ጋላትዛ፥ ጋላቶዳይስካ ቤዝዛ 
\v 4 ይንታን ሄሌዝ ባይእይዳኔ ዋየ ኡባይድ ጋርዦራኔ አማኖር ሚንጊ ኤቄዝ ግሾስ ኑኒ ኑ ኦማስ ጾስ ዎሳ ኬ ይ ባጋ ማርካትታር ይንታል ጬቅንትዛ።
\p
\v 5 ይ ኤ ግሾስ ግ መቶ ኤክዝ ጾስ ካተትይስ ቤዝዝታ ማቂ ታይብንቶዳይ ጋርክ ጾስ ጌሽ ፕርዳይስ Ꮊይ ማላ። 
\v 6 ጾሲ ቱማ ፕርዳ ፕርዶዳ። ጾሲ ይንታን ዋይስዝታይል አፋ ዋየ ክኢ ኡ ጋታ ጭጎዳ። 
\v 7 ጎዳ የሱሳ ፋ ዎልቃማ ኪታንችታይራ ይኢ Ꮊት ዋይንትዛ ይንታናኔ ኑና ሸምፕሶዳ። 
\v 8 ኤ ላጽዝ ታማር በንቶዳ፥ ማ ጾሲ ፋና ኤሮዋዝታኔ ኑ ጎዳ የሱስ ክርስቶሳ ዎንግላይስ ኪትንቶዋዝታ ኤጽዝ ታማር ፕርዶዳ። 
\v 9 ኡንቲ ጎዳይ ቲናፐኔ ኤ ቦንቾ ዎልቃፕ ሻክንቲ መና ቦር ፕርድንቶዳ።\x - \xo 1:9 \xo*\xt ኢሳ. 2:10\xt*\x* 
\v 10 የ ጋላስ፥ ኤ ፋስታይራኔ ፋና አማንዝታይል ኡባይል ቦንችንቶዳይስኔ ሳብንቶዳይስ የኦዳር ኑ ይንትስ ኦዴዝ ኪታ ይ አማኔዝ ግሾስ ይ ኤዛ ቦንችዝታይ ጋንጨኔ ሳቢዝታይ ጋንጨ ፓይድንቶዳ።
\p
\v 11 ኑኒ ይንትስ ኡባ ዎደ ቆፋ ጋቼካዛር ጾስ ዎስዛይ የይሲ። ኑ ጾሲ ይንታን ጼጌዝ ጼግይስ ቤዝዝታ ማቂ ፓይድንቶዳይ ጋርክ ዎስዛ። ይ ሎኦ ባዝ ኦዳይስ አሞትዝ አማኔ ይ አማኖ ኦሳ ኤ ፋ ዎልቃር ፎሎ። 
\v 12 ኤዛይድ ኑ ጾሳኔ ኑ ጎዳ የሱስ ክርስቶሳ ኣስ ኬሃትይድ፥ ጎዳ የሱሳ ሱን ይ ቦንቾዳ፤ ይንትካ ኤር ቦንችንቶዳይ ጋርክ ኑ ዎስዛ።
\c 2
\s1 ዉጨ አስ
\p
\v 1 ኑ እሹን፥ ኑ ጎዳ የሱስ ክርስቶሳ ይእ ባጋኔ ኑ ኤዛ ሄሎዳይስ ሺቆባጋ ኑ ይንታን ዎስዛ።\x - \xo 2:1 \xo*\xt ኢሳ. 2:10\xt*\x* 
\v 2 ትንቢተር ዎይ ቃላ ስኤዛይ ጋርክ ዎይ ኑፐ ኤኬዝ ኪታ ኡዲ፥ «ጎዳይ ጋላሳይ ሄሌዛ» ዬጊ ይ ዎዝናይ ዳጋምፐኔ ብፐ። 
\v 3 ይንታን ኦንካ አባ ኦገራካ ባልፐ። ቲናቲ አሳይ ጾሳ ካዶ አይከካዝን ዉጨ አይ ዡጫትይ ቆንጨካኔ ቦስ ቤዝዛ አይ የኤካዝን፥ ጎዳይ ጋላሳይ ሄላሚ። 
\v 4 Ꮊ ዉጨ አይ ጎድ ጊንቲ ጎይንትዛ ኡባይፕ ኣ ፓና ቅ ኡዶዳ። ሀራ አቶዝን ያሻ ባይ፥ ጾስ ካራ ገሊ በቲ፥ «ታኒ ጾሰ» ጎዳ።\x - \xo 2:4 \xo*\xt ዳነ. 11:36፤ ኢዝቀ. 28:2\xt*\x*
\p
\v 5 ታኒ ይንታር የዛር ይንትስ ኦዴዛና አካኮሳኔ? 
\v 6 Ꮊ ዉጨ አይ ፋ ጋላሳር የኦዳይፕ አትን Ꮊት የአማይ ጋርክ አቢ ኤዛ ካይዛኮ ይ ኤርዛ።
\p
\v 7 አሳይስ በንተካዛር ዉጨ አይ ዎልቃይ Ꮊተካ ጌማር ኦዛ፥ ማቆዝን Ꮊት ኤዛ ካይዛይ የዛ። ኤዛ ካይዛይ ኦገላፕ ሀልኦድ ሄሎዳይስ ኤ በንታሚ። 
\v 8 የይፕ ጉየ፥ ዉጨ አይ በንቶዳ፥ ዝን ጎዳ የሱሳ ፋ ዶናይፕ ከዝዝ ፔናይራኔ ፋ ይእይ ዴታይር ኤዛ ብሶዳ።\x - \xo 2:8 \xo*\xt ኢሳ. 11:4\xt*\x* 
\v 9 ዉጨ አይ ጻላሄ ዎልቃር ይኢ ባልዛ ማልታኔ ማላባዝታ ኡዶዳ።\x - \xo 2:9 \xo*\xt ማቶ. 24:24\xt*\x* 
\v 10 የይ ጋርከካ፥ ቦስ የዝ አስታ ዱማ ዱማ ዶሽዛ ኢታ ኦሶር ባልዳ። ኡንትካ ብዛይ አሽዛ ቱማና ዶሲ ኤካም እጼዝ ግሾሲ። 
\v 11 የይ ግሾስ፥ ኡንቲ ዎርዶ አማኖዳይ ጋርክ ጾሲ ኢታ ባል ዎልቃ ኡንታል አፋ ዳኮዳ። 
\v 12 የይካ፥ ቱማ አማናም ግ፥ ናጋራ ኦሶር ኡፋይትዛ ኡባይ ፕርድንቶዳይ ጋርከሲ።
\s1 አቶትስ ዶርንቴዝ አስታ
\p
\v 13 ጎዳይ ዶስዛ ኑ እሹን፥ ኑኒ ጾሳ ይ ግሾስ ኡባ ዎደ ጋላቶዳይስ ቤዝዛ። ጋላትዛይካ ይ አቶዳይ ጋርክ ጌሻ አያና ዎልቃር ይንታን ጌሼዛኔ ይንትካ ቱማ አማኒ አቶዳይ ጋርክ ኤ ይንታን ባይራ ዶሬዛ። 
\v 14 ጾሲ፥ ኑ ይንትስ ኦዴዝ ዎንግላይ ባጋር ይንታን ጼጌዛይ፥ ይ ኑ ጎዳ የሱስ ክርስቶሳር ዎላ ቦንችንቶዳይ ጋርከ። 
\v 15 ይኬ፥ ኑ እሹን፥ ሚንጊ ኤቆይታ። ኑኒ ይንታን ዶናር ዎይ ዳብዳበር ታማርሴዝ ትምርታ ሚን አይኮይታ።
\p
\v 16 ኤ ኑ ጎዳ የሱስ ክርስቶሳኔ ኑና ቃ ኑስ ፋ ኣ ኬሄትር መና ምንኔ ሎኦ ኡፋይስ ጾስ አዳይ ኑስ እንጌዛ። 
\v 17 ይ ኡባ ዎደ ሎኦ ባዝ ኦዳይስኔ ኦድንቶዳይስ ኤ ምንዳይ ጋርከኔ ማዶዳይ ጋርክ ኑ ጎዳ ጾሳ ኑ አዳ ዎሶዳ።
\c 3
\s1 ዎሳስ ሺቄዝ ኦይች
\p
\v 1 ዉርስል ኑ እሹን፥ ጎዳይ ቃላይ ይ ጋንጨ ኤልሲ ዳልጎዳይ ጋርከኔ ቦንችንቶዳይ ጋርክ ኑስ ዎሶይታ። 
\v 2 የይ ጋርከካ፥ ቃላ ስእዝ አስ ኡባይ አማንዝታ ባያ: የይ ግሾስ ጾሲ ዡጭታይፐኔ ኢታ አስታይፕ ኑና አሾዳይ ጋርክ ኑስ ዎሶይታ።
\p
\v 3 ዝን ጎዳይ አማንንትዛያ፤ ኤ ይንታን ምንዳኔ ጻላሄፕ ናጎዳ። 
\v 4 ኑኒ ይንታን ኪትዛይ Ꮊተካ ቲናፐካ ይ ኦዳያ ጎዳይል ኑ ይንታል አማንንቴዛ።
\p
\v 5 ጎዳይ ይ ዎዝና ጾስ ሲቆኮኔ ክርስቶሳ ዳንዳአይኮ ካል።
\s1 ኦሶስ አዛልፓተ
\p
\v 6 ኑ እሹን፥ ይ ኑፕ ኤኬዝ ኪታ ካሎዝታይፐኔ ኦሶ ዶሶዋ አዛላ አማንዛ አስታይፕ ይ ሻክንቶዳይ ጋርክ ጎዳ የሱስ ክርስቶሳ ሱንይር ይንታን ኑ አዛዝዛ። 
\v 7 ኑ ኣዝሶ ጋርክ ሀኒ የዞዳይስ ቤዝዛና ይ፥ ይ ኦማስ ኤርዛ። ኑኒ ይንታር የዝ ዎደ ኦሶ ብልኤካያ። 
\v 8 ኑኒ ኦፐካ ካ ጨረ ሜካያ። ኑስ ዳንዳእንቴዛይ ጋርክ ቃማኔ ጋላስ ዳቡርታር የነፕ አትን ኦስካ ቶፎ ማቀካያ። 
\v 9 ኑኒ የያ ኦዛይ፥ ይንትስ ኣዝሶ ማቆዳይስፕ አትን ይንትፕ ማዴ ኦይጮዳይስ ኑስ ማዉተ ብን ባያ። 
\v 10 ኑ ይንታር የዛ ዎደካ፥ «Ꮊንቶዳይስ ኮዮዋ አስ ኦንካ ሚፐ» ዬጊ አዛዜዛ።
\p
\v 11 ኑኒ የያ ጌዛይ፥ ይ ጋንጨ ፐቲ ፐቲ አዛልታይ የዛ ስኤዝ ግሾስ። የ አስታይ ገልሶዋ አቆ ገሊ ሀርታ ኦሶ ብልስነፕ አትን አባ ኦካ ኦያ። 
\v 12 ኑኒ የይ ጋርክ አስታይ ሸምፕ ዎጋር የሳዳይ ጋርከኔ ፓስ ቤዝዛ ባዝ ፋ ኩሸር ኦ ደማዳይ ጋርክ ጎዳ የሱስ ክርስቶሳ ሱንር ኡንታን አዛዝዛኔ ዞርዛ።
\p
\v 13 ዝን ኑ እሹን፥ ኑ ዳቡሬዛ ግ ሎኦ ኦሶ ኦዳይስ አዛልፓተ። 
\v 14 Ꮊት ኑኒ Ꮊ ዳብዳባይድ ኪቴዝ ኪታይስ ኪትንቶዋ አስ ኦንካ የዝኮ የ አ ኤሮይታ። ኤ ዬላቶዳይ ጋርክ ኤፕ ሻክንቶይታ። 
\v 15 ዝን ኤዛ እሸ ጋርክ ሴሮይታፕ አትን ሞርከ ጋርክ ብእፓተ።
\s1 ዉርስ ሳሮ
\p
\v 16 ሳሮ ጎዳይ፥ ፋ ኦማስ ይንትስ ኡባ ዎደኔ ኡባ ባጋር ሳሮ እንጎ። ጎዳይ ይንታር ኡቢታይር ማቆ።
\p
\v 17 ታኒ ጳዉሎሳ፥ Ꮊ ሳሮ ታ ኩሸር ጻፌዛ። ታ ኪታ ኡባይስ ማላይ Ꮊያ፤ ታኒ የይ ጋርክ ጻፍዛ።
\p
\v 18 ኑ ጎዳ የሱስ ክርስቶሳ ኣ ኬሃትይ ይንታር ኡቢታይር ማቆ።