\id ROM - Melo New Testament Latin
\ide UTF-8
\h Oroome
\toc1 Phawuloosa Oroome Asayis Xaafeez Kiita
\toc2 Oroome
\toc3 Oro.
\mt1 Phawuloosa Oroome Asayis Xaafeez Kiita
\imt Gelo
\ip Hawaare Phawuloosa kiitay Oroome asayis xaafintteezay, Phawuloosa Oroome gancce yez woosa keetha be7adayis qoppeez gishos E yhanigodar unttii giiginttii naagod garkk ododayisii. Phawuloosa qofay Oroome gancce yez ammanizitayira xiqqa wode ootheezaypp guye unttii eza maaddiko Isppeene yhammadayisii. Ammano bagga e ereezannee ammaniza asay ye timirtta oosol afa peeshshoday garkk qonccisii xaafeeza. Yha maxaafay gancce Phawuloosa kunth kiitay yha qofa aykkiza.
\ip Phawuloosa Oroome gancce yez ammaniza asita tiinatti sarothii maaqqii, kaallii unttis woossizana odeezaypp guye fa kiitayis baaso qofa, «Wongilayid Xoossa xillotithay bentteeza; ye xillotithay tiinap wurssithi hellodayis ammanor bentteeza» gi odiza (1:17).
\ip Yeyppi guye, ye qofa dalgisii xaafiza. Ayihudita maaqqin Ayihude baa asita maaqqin ubbitay nagaras moddintteezita maaqqeez gishos unttii Xoossar dabbotodayis koshshiza. Asay Xoossar dabbotodayis danda7izay Yesuus Kiristtoosana ammanora. Unttii Xoossar medhdhiza yha orothi pettipettith aafay, orothi yess maaqqeezana Phawuloosa dalggisii odiza. Ammaniza as Xoossar saro yeza; ma Xoossa Ayyana baggar nagarappennee yhayiqo wolqqapp kessii ekkiza. Shemppo 5-8 hellodayis Phawuloosa Xooss higgaynnee ammaniza as yessal oothiz Xooss Ayyana wolqqa qofay abizako odiza. Yeypp kaallii, Phawuloosa, «Xoossay as na7itayis qoppeez qofa gancce Ayihuditaynnee Ayihude baa asii wayizii wolla waaxinttodayis danda7ee?» yeegiz oychayis mahith immadayis butiteeza.
\ip Ma Ayihuditay Yesuusa ekkaam ixxeezay Xooss qofa maaqqeezana odiza. Yey haneezay Yesuus Kiristtoosa baggar qoncciseez aadho keehetithay gancce as kochch ubbay ekkoday garkkee. Maaqqozin, Ayihuditay Yesuusa ekkod wode ye7odana Phawuloosa ammaniza. Wurssethal Phawuloosa ammanor wayizii yezodayis beezizako odiza. Xoossis ootho bagga, ammaniza asay fa biittasinne wol gancce pettay pettayis yez adetithar oothod bazinnee kaha baggar medhinttiza oyichchitay bagga paaddii odiza.
\iot Oroome kiitay aykkeez qofita
\io1 Gelo \ior 1:1-15 \ior*
\io1 Oroome kiita kustte qofa \ior 1:16-17 \ior*
\io1 As na7as atotithii koshshiza baz \ior 1:18—3:20 \ior*
\io1 Xoossii as ashshiza oge \ior 3:21—4:25 \ior*
\io1 Kiristtoosar benttiz orothi de7o \ior 5:1—8:39 \ior*
\io1 Isreeles Xooss qofa \ior 9:1—11:36 \ior*
\io1 Ammaniza as yessi \ior 12:1—15:13 \ior*
\io1 Kuste qofannee sarotho \ior 15:14—16:27 \ior*
\ie
\c 1
\p
\v 1 Yesuus Kiristtoosa aylle maaqqeez, hawaare maaqqadayis xeegintteezayppennee Xoossa Wonggile sabbakod garkk shaakintteez Phawuloosa kiitteez kiita.
\p
\v 2 Xoossay gaame wodepp tiina fa nabitay baggar immada geez Xooss Wonggilay geeshsha Maxaafitayid xaafintteeza. 
\v 3 Ye Wonggilay ashor Dawute sheeshapp yelintteez, Xooss Na7a, nu Goda Yesuus Kiristtoosa bagga odiza. 
\v 4 Ma E fa geeshsha Ayyanar yhayiqopp denddii, Xooss Na7a maaqqizana damma wolqqar beezeeza. 
\v 5 E baggar Ayihude baazitay ubbitay, ammanii kiitinttod garkk Kiristtoosa sunthay gishos Xoossay aadho keehatithar hawaaretithi mawute nuus inggeeza. 
\v 6 Yesuus Kiristtoosas maaqqad garkk xeegintteezitaypp baggitay yinttana.
\p
\v 7 Oroome gancce yez, Xoossay qaadhizitayssinnee e geeshsh woya maaqqad garkk maraxeezitayis.
\p Xoossa nu Adayppennee Goda Yesuus Kiristtoosapp aadho keehetithinnee sarotithay yinttis maaqqo.
\s1 Phawuloosa Oroome asa be7adayis amotithii yeza
\p
\v 8 Ubbapp tiinatii, yi ammanay biitta ubbayil sintteez gishos Yesuus Kiristtoos baggar yi gishos ta Xoossa galatiza. 
\v 9 Taanii e Na7ay wonggilay bagga kunth wozinar odiza Xoossay, taanii ta woosayid ubba wode yinttan qoppizayis E markka. 
\v 10 Wurssithal, Xooss shene maaqqiko, taanii yinttiko yhammadayis ogay taasi ushachod garkk ubba wode woossiza. 
\v 11 Taanii yinttis Ayyana imotithi shagodayssinnee yinttan be7adayis laamotiza. 
\v 12 Yeykka, taanii yi ammanayir, ma yi ta ammanayir miinggoday garkk.
\p
\v 13 Ta ishuntho, taanii Ayihude baa asaypp aafe denggeezay garkk, yinttapekka aafe denggodayis yinttiko yhammadayis qoppeeza, zin tana kayeeza.\x - \xo 1:13 \xo*\xt Haw. O. 19:21\xt*\x* 
\v 14 Girike asayisnnee tamaarekka asayis ma ecitayisnnee boozitayis taas aco yeza.
\p
\v 15 Yey gishos, Oroome gancce yez yinttiskka Wonggile ododayis ta amottiza.
\s1 Wonggile wolqqa
\p
\v 16 Wonggilayir yeelataam, tiinatii Ayihudita, ezaypp Grike asayis ammanizita ubba ashshodayis Wonggilay Xooss wolqqa.\x - \xo 1:16 \xo*\xt Mar. 8:38\xt*\x* 
\v 17 Xillo ammanor de7o yezoda ginttinttii xaafintteeza. Xooss xillotithay bentteeza; tiinapp aykkii wurssith hellodayis asii xillizay ammanora.\x - \xo 1:17 \xo*\xt Ibr. 2:4\xt*\x*
\s1 Iitatithi
\p
\v 18 Tumay erinttaam garkk fa iita oosor kayiza asal afannee nagara ubbayil afa, Xooss seera salopp wodhdhiza. 
\v 19 Xoossay unttis benttodayis beeziza baz qoncciseez gishos unttii Xoossibaz eriza. 
\v 20 Alame medhintteezaypp aykkii, asis benttowa Xooss hanota, yeykka e medhina wolqqannee Xoossatithay e medhetithayir benttii yeza gishos asay fa iitatithis salambodibaz baaya.
\p
\v 21 Unttii Xoossa erttar, eza bonchchekayannee galatekkaya. U qofay maaddoowa baz maaqqeeza; u akaakowa wozinay dhumeeza.\x - \xo 1:21 \xo*\xt Efi. 4:17-18\xt*\x* 
\v 22 Unttii fana ecita giza, zin boozita. 
\v 23 Dhaboowa Xoossa goynnodana ashshii, yhayqqiz as medhettithar, kafitay medhettithar, do7itay medhettitharannee ulor goochinttiza bazita aazisii ootheez misilita goynneeza.\x - \xo 1:23 \xo*\xt Nam7i. 4:16-18\xt*\x*
\p
\v 24 Yey gishos, unttii pettay pettayir borsso baz oothii, fa galla toochchod garkk Xoossay unttan u wozinay amottiz tuna oosos aathii inggeeza. 
\v 25 Yey haneezay unttii Xooss turotitha worddor laammeez gishonnee medhdheez Xoossa ashshii, medhetithii goynneez gishshos. Xoossay medhinas galatintteezaya. Amin7e.
\p
\v 26 Yey gishos, Xoossay unttan u borsso amottithayis aathii inggeeza. U maachchitay paas beeziza dhiirathar aqoda ashshii, beezoowa baz hanii maachchii maachchar wolla aqeeza. 
\v 27 Yey garkk, dhiirathitay paasi beeziza maachchar aqiza ashii, dhiirathi dhiirathar wola aqeeza. Dhiirathi pettay pettayir amotithar xuuginttii, borsso baz ootheeza. Fa ootheez buutayis beeziza pirdde ekkeeza.
\p
\v 28 Unttii Xoossa erodayis ixxeez gishos beezoowa baz oothod garkk Xoossay u kaha pathaam qofas aathii inggeeza. 
\v 29 Unttar zhucatithii, iitatithii, uuzatithii, gene, qinaate, shemppo wodho, palama, dooshanne iita amo kumeeza. Unttii zigirizita, 
\v 30 as sunth iissizita, Xooss ixxizita, cazhizita, utirttizita, ceeqinttizita, iita baz oothodayis koyizitannee fa indisnnee fa adess kiitinttoozita, 
\v 31 akaakozita, caaqo menthizita, siiqo baazita, qadhe baazita. 
\v 32 Yeyititay garkk oothizitayis yhayiqo beeziza giz Xoossa higge erittar, yhayitita oothiza. U paasi ooso aadda baazin oothiza yhankkitakka sabbiza.
\c 2
\s1 Xooss xillo pirdde
\p
\v 1 Yey gishos, neno hara asal afa pirddizayyo, neenii sankke shishizabaz baaya. Neenii hara asal afa pirddittar, ye ne pirddiza athay garkk oothiko, ne, neell afa pirddiza.\x - \xo 2:1 \xo*\xt Mat. 7:1; Luq. 6:37\xt*\x* 
\v 2 Yey garkk oothizitayil afa Xoossii xillo pirdda pirddiza nu eriza. 
\v 3 Neno, yey garkk ooso oothizitayil afa pirddizayyo, unttii oothizanii garkk oothizayyo, neenii Xooss pirddapp attodbaz aazinee? 
\v 4 Woy Xooss keehetitha, garzhonnee danda7a duretitha ne leqqinee? Xoossii nees keeheezay nena nagarapp mahodayis maaqqizana eroosanee?
\p
\v 5 Zin yinttis minonnee maarotethi gelowa wozina yeza. Yey gishos, Xooss seeraynnee xillo pirdday benttiz gallas, neell afa pirdday kuurod garkk udiza. 
\v 6 Xoossay pettayis pettayis e oosat garkk immada.\x - \xo 2:6 \xo*\xt Maz. 62:12; Aazi. 24:12\xt*\x* 
\v 7 Lo77o oosor miinggii, galata, bonchchonnee dhaboowa de7o koyizitayis Xoossay medhina de7o immada. 
\v 8 Zin fana siiqizita, tuma ixxizitannee iita baz oothodayis koyizitayil afa Xooss seerannee gado ye7oda. 
\v 9 Iita baz oothiz as ubbita, tiinatii Ayihudita, ezaypp Grike asa metonnee un7a helloda. 
\v 10 Zin Xooss lo77o ooso oothiz ubbayis, tiinatii Ayihuditayis, kaallii Grikes galata, bonchchonnee sarotithi immada. 
\v 11 Xoossay as aafe bi7ii shaakkooya.\x - \xo 2:11 \xo*\xt Nam7i. 10:17\xt*\x*
\p
\v 12 Higge baa nagara ootheez ubbitay higge baa dhabod. Higge yezin, nagara ootheez ubbay higger pirddinttoda. 
\v 13 Xooss tiina xillizitay higge naagizitaypp attin higge sis aadda si7izita baaya. 
\v 14 Higge baa Ayihude baa asay medhor higge kiittiza oothiza. Unttisi higgay baa ixxikokka unttii fa wozinar higge eriza. 
\v 15 U hanotay, higge kiitay u wozinayid xaafintteezana beeziza. Ma u kahay unttal afa markkattiza. U qofay pettii pettii toke unttal buuta gi mootiza; pettii pettii toke unttan luule giza. 
\v 16 Ta taamarsseez Wongile garkk Xoossay Yesuusa Kiristtoosa baggar as wozina gancce qosintteez qofa pirddiza wode yeyi erinttoda.
\s1 Ayihuditannee u higge
\p
\v 17 Zin ne nena Ayihude giza; higgel kattiza; Xoossar yez yessayid ne gayiriza. 
\v 18 Ne oothod garkk Xoossii koyiz baz abizako eriza. Higge tamaareez gishos tuma maaqqizbaz shagii eriza. 
\v 19 Neenii to7ita kaalithiza, ma dhuma yezitayis poo7o maaqqizana shaakkii eriza. 
\v 20 Neenii higgaypp denggeez eretithayirannee tumatithayir boozita erisizannee duudita taamarssiza maaqqizana eriza. 
\v 21 Yeezin, ne hara as tamaarssizay ne nena abis tamaarssoosa? Neenii, «Kassitipe» gi sabakkittar, neenii ne ubbas kasttinee? 
\v 22 Neenii, «Laammippe» giittar, neenii ne ubbas laamminee? Neenii eeqa ixxittar, eeqar yez kara bonqqinee? 
\v 23 Neenii Xooss higgayid ceeqinttiza, zin higgayis kiitinttaam ixxii Xoossa yeellathinnee? 
\v 24 Geeshsha Maxaafayid, «Yi sankker Xoossa sunthay Ayihude baa asayir cazhinttiza» ginttinttii xaafintteeza.\x - \xo 2:24\xo*\xt Isa. 59:7-8\xt*\x*
\p
\v 25 Ne higges kiittinttiko, ne dookalinttay adiza, zin neenii higges kiittinttaam ixxiko ne dookalintteekazay garkk maaqqiza. 
\v 26 Ayihude maaqqekka as dookalinttekka yezar, higges kiittinttiko, Xoossay eza dookalintteezay garkk payidoosa? 
\v 27 Yi, Ayihude asay, yinttis xaafintteez higgaynnee dookolinttii yezin, yi higges kiitinttaam ixxiko, Ayihude baa asay dookalinttaam ixxikoka higges kiitinttii, yinttal afa pirddoda.
\p
\v 28 Yikkee, sunthar Ayihude maaqqeez ubbitay tuma Ayihude baaya. Benttiz asho dookalinttay tuma dookalintto baaya. 
\v 29 Zin tuma Ayihudetith gancce baggar Ayihude maaqqiza. Tuma dookalinttay Xooss Ayyanar haniz wozina dookolinttopp attin xaafintteez higgayid haniz galla gacho baaya. Ye athay galata Xoossapp ekkizapp attin asapp baaya.\x - \xo 2:29 \xo*\xt Nam7i. 30:6\xt*\x*
\c 3
\s1 Ayihuditay ammano ixo
\p
\v 1 Yeezin, Ayihudetithii ab maadee yenee? Woy dookalintto ab maadee yenee? 
\v 2 Tuma Ayihude maaqqithay gaame oger maaddiza. Ubbapp tiin Xoossay fa qaala hadara Ayihuditayis inggeeza.
\p
\v 3 Yeezin, unttapp pettay pettay qaala ammanaam ixxiko, u ixay Xooss geeshshetitha kayinenee? 
\v 4 Kayooya! As ubbay worddo maaqqikokka Xoossay tuma maaqqo. Geeshsha Maxaafayid,
\q1 «Neqaalayir ne xilloda;
\q2 nena mootizana pirddar laththoda»
\m ginttinttii xaafintteeza.\x - \xo 3:4 \xo*\xt Maz. 51:4\xt*\x*
\p
\v 5 Yeezin, nu worzhay Xoossay geeshsha maaqqizana beeziza baz maaqqiko, nu waagodee? Xoossay nu nagara gishos nuul afa pirddiko, luulo baasanee? Yhaya taanii as qofa garkk giza. 
\v 6 Yeya baaya. Yey garkk haniko, Xoossii yha alamayil afa wayizii pirddode?
\p
\v 7 Zin ta worddotithay Xooss tuma qoncisii, e bonchcha dammisii beeziza baz maaqqiko, yeezin, abis taal afa nagaranchcho garkk pirddinee? 
\v 8 Pettii pettii asay, «Lo77o baz ye ye7od garkk iita oothiza» yeegii tamaarssizay garkk udii tana mootiza. Yey garkk asal yi7iza Xooss pirdday beezizaya.
\s1 Xillo pettakka Baaya
\p
\v 9 Yeezin, nuunii waagodee? Nu aathonee? Yeya baaya! Ayihude maaqqin, Grike maaqqin ubbitay nagara oommo yezana taanii tiinatii yinttis odeeza.
\p
\v 10 Geeshsha Maxaafayid,
\q1 «Xillo as pettakka baaya.\x - \xo 3:10-12 \xo*\xt Maz. 14:1-3; 53:1-3\xt*\x*
\q1
\v 11 Akakiza as baaya,
\q2 Xooss koyiz oonkka baaya.
\q1
\v 12 Ubbitay balintteeza pettippe adoozita maaqqeeza haayotith oothizay baaya.
\q2 Pettii askka baaya.
\q1
\v 13 U doonay dooyintteez duufo,
\q2 fa iranthayir dooshshiza.
\q1 U doonaypp,
\q2 shooshii marze keziza.\x - \xo 3:13 \xo*\xt Maz. 5:9; 140:3\xt*\x*
\q1
\v 14 U doonayid camo odannee baadithii kumeeza.\x - \xo 3:14 \xo*\xt Maz. 10:7\xt*\x*
\q1
\v 15 U tokay suuth laalodayis ellisiza.\x - \xo 3:15-17 \xo*\xt Isa. 59:7-8\xt*\x*
\q1
\v 16 U ogayid dhabonnee daburssii yeza.
\q1
\v 17 Unttii sarotith oge erooya.
\q1
\v 18 Fa yessayid Xoossis yashittooya»
\m ginttinttii xaafintteeza.\x - \xo 3:18 \xo*\xt Maz. 36:1\xt*\x*
\p
\v 19 As ubba doona aythodayisnnee alama muumer Xooss pirddepp oommor shiishodayis, higge inggintteezay higgepp oommo aqizitayis maaqqeezana nu eriza. 
\v 20 Yey gishos, oonkka higges kiitinttii Xooss tiina xillodayis danda7ooya. Higge as ubbitay nagaranchcho maaqqeezana beeziza.\x - \xo 3:20 \xo*\xt Maz. 143:2; Gal. 2:16\xt*\x*
\s1 Xillotithi ammanora
\p
\v 21 Zin yhatti higgennee nabitay markatteez Xooss xillotithay higge baazin qoncceeza. 
\v 22 Yha xillotitha, Xooss Yesuus Kiristtoosa ammano baggar as ubbas shaako baazin inggiza.
\p
\v 23 Asii ubbay nagara ootheeza; Xoossii unttis inggeez bonchchaypp facceza. 
\v 24 Zin unttii Xooss aadho keehatithar, woziza Kiristtoos Yesuusa baggar cer xilleeza. 
\v 25 Xoossa Yesuus Kiristtoosa yarshsho udii inggeezay, eza ammaniza ubbitay e suuthayir nagara maarotith demmad garkke. Xoossay yeya ootheezay fa danda7ayir tiina nagara taybekka ashshii, fa xillotithi beezodayis. 
\v 26 Yha wodayid Yesuusa ammaniza ubba xillisor, Xoossay fa ubbas xillo maaqqeezana beeziza.
\p
\v 27 Yeezin, nu ceeqinttay aba yenee? Yeykka atteeza. Nuunii ceeqinttizay higges kiitinttiza gishonnee? Wa77a! Ammano higgerapp attin. 
\v 28 Xoossii as xillisizay ammanorapp attin higge naagor baazana nu eriza.
\p
\v 29 Woy Xoossay Ayihuditayis aadda Xoossonee? Ayihude baazitayis Xooss baasannee? Tuma, Ayihude baazitayiskka E Xoosse. 
\v 30 Xooss petto; Ayihuditannee Ayihude baazitayissikka ammanor xillisizay eza.\x - \xo 3:30 \xo*\xt Nam7i. 6:4; Gal. 3:20\xt*\x* 
\v 31 Yeezin, nuunii higge ammano gishos shaaroda guussonnee? Yeya baaya! Higge minthodaypp attin.
\c 4
\s1 Afraame ammanor xilleeza
\p
\v 1 Yeezin, nu asho ade Afraame ab denggeennee? 
\v 2 Afraame oosor xilleezbaz maaqqeezako, E ceeqinttizabaz yeza, maaqqozin, Xooss tiina ceeqinttodayis danda7ooya. 
\v 3 Geesha Maxaafay, «Afraame Xoossa ammaneeza; Xoossay yeya ezis xillotithi uddii ekkeeza» yeegeeza.\x - \xo 4:3 \xo*\xt Medhe. 15:6; Gal. 3:6\xt*\x*
\p
\v 4 Oothiza athay ekkiza damoozay, e ooso wolqqas ciginttiza acopp attin ezis imota baaya. 
\v 5 Zin ooso oothowa oonkka nagaranchchana xillisiza Xoossa ammaniko, e ammanay ezis xillotith maaqqii payidinttiza. 
\v 6 Geesha Maxaafayid Dawute, ooso baazin Xoossii xillisiza athay ab garkk anjjintteezako yhay garkk yeegii qoncisii beeziza:
\q1
\v 7 «U buutay atto ginttinttizitaynnee
\q2 u nagaray ucintteezitay anjjintteezita.\x - \xo 4:7-8 \xo*\xt Maz. 32:1-2\xt*\x*
\q1
\v 8 Goday e nagara payidekka asii anjjintteezaya»
\m yeegeeza.
\p
\v 9 Yeezin, Dawute odeez anjjo dookalintteez as aaddasonee? Woy dookalinttekka asi aaddasonee? Nuunii, «geesha Maxaafay, Afraame Xoossa ammaneeza; Xoossay yeya ezisi xillotithi udii ekkeeza yeegeeza». 
\v 10 Yeezin, yey ayide hanee? Afraame dookalinttinennee? Woy dookalinttekka yezini? Dookalinttodaypp tiin haneezapp attin guye baaya.
\p
\v 11 Afraame dookalinttodaypp tiina e ammanay ezis xillotithi maatame maaqqii payidintteezana erisodayis, e dookaloss malla maaqqeeza. Yey gishos, Afraame dookalinttekka ammanizitayisnnee ammanor xillizitayis ubbitayis ade maaqqeeza.\x - \xo 4:11 \xo*\xt Medhe. 17:10\xt*\x* 
\v 12 E dookalintteezitayssikka ade. Afiraame unttisi ade maaqqeezay unttii dookalintteez gishos aadda baazin E dookalinttodaypp tiin ammaneez ammana unttii kaalleez gishos.
\s1 Xooss ufayssay ammanor ekinttiza
\p
\v 13 Afraamesinnee e sheeshayis, «Alame ta yinttis immad» yeegeez ufayssay, Afraame ammanor xilleez gishossipp attin higge naagii poleez gishos baaya.\x - \xo 4:13 \xo*\xt Medhe. 17:4-6; 22:17-18; Gal. 3:29\xt*\x* 
\v 14 Higges kiitintteezitay Xoossay immad geez ufayssa ekkizita maaqqiko, as ammano cere; Xooss ufayssaykka shaarintteeza.\x - \xo 4:14 \xo*\xt Gal. 3:18\xt*\x* 
\v 15 Higge mentho Xooss kach ki7iza, zin higge baa aqo higge menthokka baaya.
\p
\v 16 Yey gishos, Xoossii inggeez ufayssay ammanor ekinttiza. Yha ufayssay Afiraame sheesh ubbas Xooss aadho keehetithi baggar inggintteezana beeziza. Yeykka higge naagizitay aaddas baazin Afraame garkk ammaneez ubbitayis. Afraame nu ubbayis ade.\x - \xo 4:16 \xo*\xt Gal. 3:7\xt*\x* 
\v 17 Geesha Maxaafayid, «Ta nena gaame woyitayis ade maheeza» ginttinttii Afraame gishos xaafintteeza. Yha ufayssay Afraames inggntteezay yhayqqeezitayis de7o inggizaynnee orothibaz oothiza Xoossay eza maaqqizana E ammaneez gishos.\x - \xo 4:17 \xo*\xt Medhe. 17:5\xt*\x*
\p
\v 18 Xoossay Afraames gaame zerith immadana caaqqeeza. Ufayssi oothodayis abkka danda7inttoowa wode Afraame Xoossa ammaneez gishonnee ufayis ootheez gishos gaame woyitayis ade maaqqeeza.\x - \xo 4:18 \xo*\xt Medhe. 15:5\xt*\x* 
\v 19 Afraames xeet laythi kumod hanikokka, daabureez dhiirathettithannee Saara na7a yelodayis danda7ooza erttar fa ammanayir daaburekkaya.\x - \xo 4:19 \xo*\xt Medhe. 17:17\xt*\x*
\p
\v 20 Maaqqozin, E fa ammanayir miinggii Xoossayis bonchcho inggeezapp attin Xoossay inggeez ufayssa ammanaam ixxii, sidhekkaya. 
\v 21 Afraame, Xoossay caaqqeez caaqa polodana fa kunth wozinar ammaneeza. 
\v 22 Yey gishos, Xoossii e ammana xillotith udii payideeza.
\p
\v 23 Zin, «Ezis xillotitha tayibeeza» giz qaalay Afraame aaddas xaafinttekkaya. 
\v 24 Ye qaalay nu Yesuusa yhayiqopp dentheez Xoossa ammaniza nuuskka nu ammano xillotithar taybinttoday garkk xaafintteezay 
\v 25 nu nagara gishos yhayiqos aathii inggeeza; E nuna xillisodayis yhayiqopp dendeeza.\x - \xo 4:25 \xo*\xt Isa. 53:4-5\xt*\x*
\c 5
\s1 Xoossar yez sarotith
\p
\v 1 Yikkee, nu ammanor xilleez gishos nu Goda Yesuus Kiristtoosa baggar Xooss baggar nuus sarotithi aykkoda. 
\v 2 Nuunii e baggar yhatti nu eqqeez aadho keehetithay gancce ammanor geleeza. Yey gishos, nu Xoossay bonchcha shaakinttodayis yez ufayisayir ceeqinttiza.
\p
\v 3 Yey aadda baazin meto danda7a ki7izana nu eriza gishos nu meto ganccerakka ceeqinttiza. 
\v 4 Ma danda7a garzho, garzho ufayssi inggizana nu eriza. 
\v 5 Nuusi inggeez geeshsha Ayyanay baggar Xoossay fa qadha nu wozina gancce gaddeez gishos ye ufayssay nuna yeellathooya.
\p
\v 6 Nuunii haga daabureezita maaqqii yezin, Xoossii wode hellin, Kiristtoosa nagara ootheezitay gishos yhayqqeeza. 
\v 7 Geesh as gishos yhayqqod as waayii demmada, zin keeha as gishos yhayqqod as oonii eree benttekka attaamii. 
\v 8 Zin nuunii haga nagaranchcho maaqqii yezin, Kiristtoosa nu gishos yhayqqeeza. Xoossay nuna ab garkk qadhdhizako e qadha beeziza. 
\v 9 Yikkee, nuunii Kiristtoosa suuthayir xilleezbaz maaqqiko, ubbaypp aathii e baggar Xooss seeraypp attoda. 
\v 10 Nuunii tiina Xoossar morkkita, zin e Na7ay yhayiqo baggar ezar igintteeza. Yeypp aathii, yhatt nuunii Xoossar dabboteez e na7ay de7o baggar nuunii attoda. 
\v 11 Yey aadda baazin yhatt nuna Xoossar dabbotheez nu Goda Yesuus Kiristtoosa baggar nu Xoossar ceeqinttiza.
\s1 Addaamannee Kiristtoosa
\p
\v 12 Zini pettii athay baggar nagara yha alama geleeza. Ye nagaray baggar yhayqqo ye7eeza. Asii ubbitay nagara ootheez gishos yhayiqo as kochch ubba helleeza.\x - \xo 5:12 \xo*\xt Medhe. 3:6\xt*\x* 
\v 13 Higge ingginttodaypp tiina alamel nagara yeza, zin higge baa wode nagara nagara maaqqii payidinttekkaya. 
\v 14 Zin Addaamepp Muse hellodayis yhayiqo as ubba mooddeeza. Hara attozin, Addaama garkk higges azazinttaa ixxii, nagara oothekkazitayis gujjikka yhayiqo kawuteeza.
\p Addaama ye7odayis yezayis aaziso. 
\v 15 Zin Xooss aadho keehatithay pettii athay nagaray garkk baaya. Pettii as nagara baggar gaame asay yhayqqeeza. Zin Yesuus Kiristtoosa baggar Xooss aadho keehetithay gaamitayis aadhii gaanggii inggintteeza. 
\v 16 Pettii athay nagaray ganccennee Xooss imotay gancce gaame dummatithii yeza. Pettii as nagara baggar Xoossii ezal afa pirddeeza. Zin asay gaame nagara oothikokka Xooss aadho keehetithay xillotith ke7eeza. 
\v 17 Pettii athay nagara baggar yhayiqo kawuteeza. Zin Yesuus Kiristtoosa baggar puceez Xooss aadho keehetithinnee xillotith imota ekkiza ubbay, gamii de7or yezoda.
\p
\v 18 Yikkee, pettii asii nagara ootheez baggar as ubbayil afa pirdda ye7eezay garkk pettii asii xillo ootheez baggar, Xoossii as ubba xillisii de7o inggeeza. 
\v 19 Pettii asii kiitinttaam ixxeez baggar, gaame asay nagaranchcho maaqqeezay garkk pettii as kiitinttithar gaame asay geeshsh maaqqoda.
\p
\v 20 Asay nagara wolqqa erod garkk higge ye7eeza, zin nagara wolqqay gaanggeez wode Xooss aadho keehetithay aadhii gaanggeeza. 
\v 21 Nagara yhayiqo wolqqar kawuteezay garkk Xooss aadho keehetithay xillotithi wolqqar kawutii, nu Goda Yesuus Kiristtoosa baggar nuna medhinas de7oko kaalithiza.
\c 6
\s1 Nagaras yhayqqii Kiristtoosar yess
\p
\v 1 Yeezin, nuunii waagodee? Xooss aadho keehetithay gaaggoday garkk nagarara miinggii wolla yezodene? 
\v 2 Wa77a, nuunii nagaras yhayqqeezibaz maaqqiko, yeezin, nuunii yhaypp wayizii nagarara yezodee? 
\v 3 Nu ubbitay Yesuus Kiristtoosar petto maaqqadayis xammaqqinttii e yhayiqayid ezar petto maaqqadayis xammaqqintteezana eroosa? 
\v 4 Nu xammaqqintteez wode Kiristtoosar yhayqqii moogintteeza. Kiristtoosa Xooss Aday bonchcho wolqqar yhayiqopp dendeezay garkk nuukka orothi yess yezoda.\x - \xo 6:4 \xo*\xt Qol. 2:12\xt*\x*
\p
\v 5 Nu e yhayiqayid ezar petto maaqqiko, yey garkkekka, e denddayid ezar wolla petto maaqqada. 
\v 6 Nu yhaypp guye nagaras aylle maaqqaam garkkennee nu nagaranchcho asho wolqqay dhabod garkk nu cima asetithay Kiristtoosar sottintteezana eriza. 
\v 7 Pettii as yhayqqiz baz maaqqiko, E nagara wolqqapp wozinttii keziza. 
\v 8 Nuunii Kiristtoosar yhayqqiko, ezar de7o yezodana ammaniza. 
\v 9 Kiristtoosa yhayiqopp dendeez gishos maaqqii E yhayqqaamizannee yhayiqo tiinapp eza mooddamizana nu eriza. 
\v 10 E Yhayqqeez wode pettii toke wurssii yhayqqeeza, zin yhatti de7o Xoossis yeziza. 
\v 11 Yey garkkekka, yi nagaras yhayqqii, Goda Yesuus Kiristtoosa baggar Xoossis de7o yezana qoppoytta.
\p
\v 12 Yey gishos, yinttii, yi asho innas kiitinttaam garkk yhayqqiz yi ashayil nagara kawuttippe. 
\v 13 Ma yi aba asetith kiffle nagara oothodayis worzhe miishe uddii inggippatte. Zin yi yhayiqopp denddii, de7o yeza as garkk yi asho Xoossis inggoytta. Ma yi kunthi asho geeshsha ooso miishe udii Xoossis aathii inggoytta. 
\v 14 Yi Xooss aadho keehetithay oommor yezapp attin higgepp oommor baa gishos nagara yinttan moododayis beezooya.
\s1 Xillotithis aylle maaqqith
\p
\v 15 Yeezin, nu waagodee? Higgepp oommor baazin Xooss aadho keehetithay oommor yeza gishos nagara wolla oothonnee? Wa77a! 
\v 16 Yi kiitinttodayis yinttan aylle udii inggiz wode ye yi kiitinttizayis aylle maaqqizana yi eriza. Yey garkkekka, yi nagaras kiitinttiko, yinttis yhayiqo ki7iz nagaras aylle maaqqiza. Woy yi Xoossis kiitinttiko xillotith ki7iz Xoossayis aylle maaqqiza. 
\v 17 Kase yi nagaras aylle, zin yhatti yi yinttan aathii inggeez tuma timirttayis kunthi wozinapp kiitintteez gishos Xoossis galata maaqqo. 
\v 18 Yi nagara aylletith achchapp bilinttii xillotith aylle maaqqiza.
\p
\v 19 Yinttii yi qofar daabura maaqqeez gishos taanii ooskka geliza oger odiza. Kase yinttii, yi asetith kifle ubba tunannee iita baz oothodayis aylle udii inggeezay garkk yhatt yi asetith kifle ubba geeshsh maaqqad garkk xillotithi aylle udii inggoytta.
\p
\v 20 Yi nagaras ayllettii yeza wode xillotithis haakor yeza. 
\v 21 Yinttan yhatt yeellathiza biin yi iita oosaypp aba aafe denggeennee? Yeyis wurssithay yhayiqo. 
\v 22 Zin yi nagara aylletith achchapp bilinttii, Xoossis aylle maaqqiza. Yey yinttan xillo aafe aafisiza e wursithay medhina de7o. 
\v 23 Nagaras damoozay yhayiqo. Zin Xoossay, nu Goda Kiristtoos Yesuusa baggar ingginttizay medhina de7o.
\c 7
\s1 Ekonnee gelo aaziso
\p
\v 1 Ta ishuntho, taanii odizay higge eriza asayisii. Higge pettii asii pathi yeza wode ubba eza mooddiza. 
\v 2 Aazisos, azin geleez astta I azinay pathi yeza wode higger ezar accintteeza. Zin I azinay yhayqqiko ezar iza caaqqeez caaqay izo mooddooya. 
\v 3 Yey gishos, iza fa azinay pathi yezin, hara dhiirathi geliko, iza laammeezanno ginttittiza. Zin I azinay yhayqqiko, caaqay izo mooddoowa gishos iza hara azin geliko, iza laammeezanno giinttinttoya.
\p
\v 4 Yey gishos, ta ishuntho, yi Kiristtoosa asho baggar higge wolqqas yhayqqii, Xoossis aafe aafodayis yhayiqopp denddeez Kiristtoosas maaqqiza. 
\v 5 Nu asho amo nuna mooddin, nu yezayir higge gujjii nagara oothod garkk nuna denthithiza. Nu asho gancce iita amotithii yeza gishos nuunii yhayiqo aafe aafod garkk ootheeza. 
\v 6 Zin yhatt nuunii nuna acceez higgayis yhayqqeez gishos nuunii higge achchapp bilintteeza. Yey gishos, orothiza Ayyana ogel Xoossis kiitinttizapp attin xaafintteez cima higges kiitinttaamii.
\s1 Higgennee nagara
\p
\v 7 Yeezin, nu waagodee? Higge nagaranee? Wa77a! Zin higge nagara abizako tana eriseeza. Higge, «Amottippe» goozako, amotithii abizako ta eroozinii.\x - \xo 7:7 \xo*\xt Kes. 20:17; Nam7i. 5:21\xt*\x* 
\v 8 Zin ta ubba baz amottod garkk nagara higge baggar taal oge denggeeza. Higge baazako nagara yhayqqeeza.
\p
\v 9 Kase higge baa wode ta pathi, zin higge inggintteez wode nagara paxxin ta ma yhayqqeeza. 
\v 10 Taanii de7or yezod garkk Xoossay inggeez higgay taass yhayiqo ke7eeza. 
\v 11 Nagara higge baggar tana dooshiza oge denggii, wodheeza.\x - \xo 7:11 \xo*\xt Medhe. 3:13\xt*\x*
\p
\v 12 Yey gishos, higge geeshshii; ezar xaafintteez kiitaykka geeshshii, xillonnee lo77o.
\p
\v 13 Yeezin, lo77o maaqqeez baz taal afa yhayiqo ke7eenennee? Wa77a! Zin nagara nagara maaqqizay benttod garkk lo77o bazar maaddinttii taass yhayiqo ke7eeza. Yey gishos, nagara nagaratithay higge baggar aadhii erintteeza.
\p
\v 14 Nuunii higge ayyana baz maaqqizana eriza. Zin taanii nagaras bayizintteez asho asii. 
\v 15 Taanii oothizabaz akaakooya; taanii dosizbaz oothodana ashshii ta ixxizabaz oothiza.\x - \xo 7:15 \xo*\xt Gal. 5:17\xt*\x* 
\v 16 Ta ixxizabaz oothizabaz maaqqiko, higge lo77o maaqqizana ta ma77iza. 
\v 17 Yeya maaqqiko, ye oosa taar yeza nagaray oothizapp attin ta oothooya.
\p
\v 18 Taar, yeyikka ta ashor lo77o baz baazana ta eriza. Lo77o baz oothiza amotithii taar yeza, zin lo77o baz oothodayis danda7ooya. 
\v 19 Taanii ixxiza iitta baz oothizapp attin ta qaadhiza lo77o ootha baaya. 
\v 20 Taanii ixxizabaz oothizabaz maaqqiko, yeya taar yeza nagaray oothizapp attin oothizay tana baaya.
\p
\v 21 Yikkee, ta lo77o baz oothodayis dosodar, iitta baz ooso higge maaqqizana denggeeza. 
\v 22 Taanii ta wozinar Xooss higgayid ufayttiza. 
\v 23 Zin ta asho gancce yeza ta kaha higger olinttiza duma higge bi7iza. Ye higgay ta asho gancce oothiza nagara higges tana di77i aylle udeeza. 
\v 24 Taanii wayizii sonqqeez aso? Yhayiqos kanggiz yha asetithaypp tana ashshoday oonoo? 
\v 25 Nu Goda Yesuus Kiristtoosa baggar Xoossis galata maaqqo.
\p Yikkee, taanii ta qofar Xooss higges mooddintteeza; zin ta ashayir nagara higges mooddintteeza.
\c 8
\s1 Geeshsha Ayyanar yess
\p
\v 1 Yey gishos, Kiristtoos Yesuusar yezitayis yhatt pirdda baaya. 
\v 2 Kiristtoos Yesuusa baggar nuus de7o inggiz Geeshsha Ayyana higgay, tana nagaranne yhayiqo higge aylletithapp kesseeza. 
\v 3 Nu nagara ashay baggar, higgay daabureez maaqqeez gishos nuna ashshodayis danda7ekkaya. Xoossay fa na7a nagaranchcho as aazisor nagaras yarshsho maaqqad garkk kiittii yeya ootheeza. Yeezii, Xoossay Kiristtoosa ashay baggar nagara, nagaranchcho as gancce pirddeeza. 
\v 4 Xoossay yeya ootheezay, nu asho amo koyizay garkk baazin Geeshsha Ayyanay koyizay garkk yeza nuul afa higge geesh kiitay polinttod garkke.
\p
\v 5 Fa asho amo garkk yezitay fana ufayssiz abaz qoppiza. Zin geeshsha Ayyana shene garkk yezitay geeshsha Ayyana baz qoppiza. 
\v 6 Asho qofay yhayiqo, zin ayyana bagga qopo de7onnee sarotithii. 
\v 7 Asho bagga qofa Xooss kantta morkkintto Xooss higges kiitinttooya kiitinttodayis danda7ooya. 
\v 8 Fa asho amos moodinttizitay Xooss ufayssodayis danda7ooya.
\p
\v 9 Zin Xooss Ayyanay yinttar yezikonnee yinttan mooddiko, yi Ayyana shener yezapp attin asho amos moodinttenna. Kiristtoosa Ayyanay baa oonkka Kiristtoosa baz baaya. 
\v 10 Zin Kiristtoosa yinttar yeziko, yi ashay nagara baggar yhayqqeeza. Zin yi ayyanay xillotithi baggar de7o yeza. 
\v 11 Zin Yesuusana yhayiqopp dentheez Xooss Ayyanay yinttar yeziko, Kiristtoosa yhayiqopp dentheez Xoossay, yinttar yez fa Geeshsha Ayyanayir yhayqqiz yi ashayis de7o immada.\x - \xo 8:11 \xo*\xt 1 Qor. 3:16\xt*\x*
\p
\v 12 Yikkee, ta ishuntho, nuul aco yeza nu asho shenes yezodayis nu ashos baaya. 
\v 13 Yinttii, yi asho amos yeziko yhayqqodayis yeza, zin geeshsha Ayyana wolqqar nagara ooso wodhiko yi de7or yezoda. 
\v 14 Xoossa Ayyanay kaalithiza ubbay Xoossis na7ita. 
\v 15 Nuunii, «Aabbo, Adayyo» yeegii xeegiz, Xoossis na7ita udiza geeshsha Ayyana ekkeezaypp attin maaqqii yashshar yezodayis aylle udiz ayyana ekkekkaya.\x - \xo 8:15 \xo*\xt Mar. 14:36; Gal. 4:6\xt*\x* 
\v 16 Xooss Ayyanay nu ayyanayir maaqqii nu Xoossis na7ita maaqqiza markattiza. 
\v 17 Nuunii e na7ita maaqqiko Xoossa laattizita; Kiristtoosar wolla yeya laattoda. Ma nuunii Kiristtoosar meto ekkiko ezar wolla e bonchcha shaakinttoda.
\s1 Ye7od bonchcho
\p
\v 18 Nuunii yhatt waayinttiza waaya, tiinapp nuus benttod bonchchayir wolihelthi be7adar, abikka aazii benttoza ta qoppiza. 
\v 19 Medhetithii ubbitay Xooss na7itay qonciitha gaame laamothar naagiza. 
\v 20 Medhetithii ubbitay cere bazis moodintteeza; yeykka, medhetithii dooror baazin ufayssis moodinttod garkk ootheez Xooss shener haneeza.\x - \xo 8:20 \xo*\xt Medhe. 3:17-19\xt*\x* 
\v 21 Medhetithay fa ommar dhabisiza aylletithipp wozinttii, Xooss na7itayir wolla bonchcho wozo shaakinttoda. 
\v 22 Medhetithay ubbay yhanno hellodayis iqithii aykkeez maachch garkk oolerannee metor yezana nu eriza. 
\v 23 Ma medhetith aadda baazin Geesha Ayyana bayra imota garkk ekkeez nuunii, nu ubbas nu ashayis wozo maaqqeez Xooss na7ita maaqqad ufayss naagttar nu ashayir oolliza.\x - \xo 8:23 \xo*\xt 2 Qor. 5:2-4\xt*\x* 
\v 24 Yha ufayssayir nuunii paxeeza. Zin nuunii ufayss oothizabazay benttiz maaqqiko yeya oonii ufayss udee? 
\v 25 Zin nu be7ekka baz demmada gi ufayssar naagiko yeya danda7ar naagiza.
\p
\v 26 Yey garkk Geesha Ayyanay nu daaburssa maaddiza. Nuunii Xoossa wayizii woossodayis beezizako erooya, zin Ayyanay fa ubbas, asii ododayis danda7inttoowa qaalar nuus gaanatiza. 
\v 27 Ma as wozina eriza Xoossay, Geesha Ayyana qofay abizako eriza. Geesha Ayyanay Xooss shenay garkk geeshshitayis gaanatiza.
\p
\v 28 Xoossa qadhdhizitaysinnee e shenay garkk xeegintteezitayis Xoossay ubba baz lo77os oothizana nu eriza. 
\v 29 Xoossay tiinattii ereezita fa Na7a aazod garkkera na7aykka gaame ishitay ammanizitay gancce bayra maaqqad garkk unttan dummassii gaddeeza. 
\v 30 Xoossay tiinattii qoppii gaddeezita xeegeeza; xeegeezita xilliseeza; xilliseezita ma bonchcheeza.
\s1 Xooss siiqo
\p
\v 31 Yeezin, nu yha ubbayis waagodee? Xoossay nu bagga maaqqiko nuuri oonoo eqinttoday? 
\v 32 E hara attozin, fa na7ayis qadhdhekazar, nu gishos aathii inggeeza. Yeezin, fa gazza na7a nuus aathii inggeezay wayizii ubba baz cer inggaamo?
\p
\v 33 Xoossii dooreezita mootoday oonoo? Xillisizay Xoosse yeezin pirddoday oonoo? 
\v 34 Yhayqqeezay yhayiqoppekka denddii Xooss ushachcha betteez, Kiristtoos Yesuusa, E nuus gaanatiza.
\p
\v 35 Yikkee, nuna Kiristtoosa siiqopp shaakkoday oonoo? Metone woy waayenee woy bayi7ithonee woy nayenee woy kallotithonee woy yashshanee woy olanee? 
\v 36 Geesha Maxaafayid,
\q1 «Nu ne gishos ubba gallas butinttiza;
\q2 shukinttiza duritay garkkekka taybintteeza»\x - \xo 8:36 \xo*\xt Maz. 44:2\xt*\x*
\m ginttinttii xaafintteezay garkk maaqqeeza.
\p
\v 37 Zin nu yha ubbayid nuna qadhdheez Kiristtoosar gamiz ubbitaypp aadhiza.
\p
\v 38 Yey gishos, yhayiqo maaqqin yess maaqqin kiitanchchita maaqqin moddizita maaqqin yhatt yezana maaqqin tiinapp ye7oda maaqqin wolqqamita maaqqin, 
\v 39 Dhoqekka maaqqin ziqqekka maaqqin aba medhetithi maaqqin nu Goda, Kiristtoosa Yesuusar yeza Xooss siiqayipp nuna shaakkodayis danda7oozana taanii eriza.
\c 9
\s1 Isreelitay doorintto
\p
\v 1 Taanii Kiristtoosar maaqqii turo odiza, worddotooya. Geeshsha Ayyanay kaalithiza ta kahay taanii worddotoozana taas markkattiza. 
\v 2 Ta wozinar Isra7eelitayis gaame qofarannee duuxoowa un7ara qamma gallas ta qoppiza. 
\v 3 Taanii, taas ashor dabo maaqqeez ta ishitay gishos Kiristtoosapp shaakinttii Xooss baadith gancce yezeezako dosizazin. 
\v 4 Unttii Isra7eelita, Xoossay unttan fa na7ita udeeza, fa bonchcha unttis qoncce odeeza. Unttar caaqqeeza; higge unttis inggeeza. U Xoossa goynnod tuma oga beezeeza; Xoossay ufayis qaala unttis inggeeza.\x - \xo 9:4 \xo*\xt Kes. 4:22\xt*\x* 
\v 5 U yeletithayid mayzitay kochch; ma Kiristtoosa ashor kochche maaqqii ye7eeza. Ubbaypp aadho maaqqeez Xoossay medhinas galatintto. Amin7e!
\p
\v 6 Maaqqozin, Xoossa qaalay polinttekka atteeza guus baaya. Isra7eelepp yelintteez as ubbitay Isra7eele baaya. 
\v 7 Ma Afraame zare ubbitay Afraame na7ita baaya. Xoossay Afraames, «Ne sheeshay Isaaqa baggar xeeginttoda» yeegeeza.\x - \xo 9:7 \xo*\xt Medhe. 21:12\xt*\x* 
\v 8 Yeya guussay ashor yelintteez na7itay ubbitay Xooss na7ita baaya. Zin tuma Isra7eele na7itay Xoossay geleez qaalay garkk yelintteez na7ita.\x - \xo 9:8 \xo*\xt Medhe. 21:12\xt*\x* 
\v 9 Inggoda gi geleez qaalay, «Taanii layth wode yhannode ye7oda; Saarakka dhiirathi na7a yeloda»\x - \xo 9:9 \xo*\xt Medhe. 18:10\xt*\x* yeegintteezanno.
\p
\v 10 Yey aadda baazin Irbiqa ma pettii nu ada Isaaqar aqi wodexeez wode. 
\v 11 Mentte na7itay yelinttodaypp woy iita woy lo77o udekkazin xeegizaypp attin oosopp baazin dooro Xooss qofay miinggoday garkke 
\v 12 «Bayray geedayis haarinttoda» yeegii Goday iis odeeza.\x - \xo 9:12 \xo*\xt Medhe. 25:23\xt*\x* 
\v 13 Yeykka Geeshsha Maxaafayid, «Yayqqooba dosii, Eesawe ta ixxeeza»\x - \xo 9:13 \xo*\xt Mil. 1:2\xt*\x* ginttinttii xaafintteeza.
\p
\v 14 Yeezin, nuunii waagodee? Xoossay ase asapp qurinee? Xoossii quriza godayiss nu danda7ooya! 
\v 15 Goday Museko,
\q1 «Ta maarodayis koyeezitana maaroda;
\q2 ta qadhinttodayis koyizayis qadhinttoda»\x - \xo 9:15 \xo*\xt Kes. 33:19\xt*\x* yeegeeza. 
\v 16 Yikkee, Xooss dooro as shener woy as oosor baazin e maarotithayira.
\p
\v 17 Geesha Maxaafayid, Gibxxe kaatayiko, «Taanii, ta wolqqa neell beezodaysinnee ta sunthay alame ubbayil erinttod garkk yeyis nena kawutiseeza»\x - \xo 9:17 \xo*\xt Kes. 9:16\xt*\x* ginttinttii xaafintteeza. 
\v 18 Yikkee, Xoossay maarodayis koyizana maariza; wozina muumisodayis koyizay wozina muumisiza.
\s1 Xooss kachchinnee maarotith
\p
\v 19 Yinttipp pettay, «Yeezin, Xoossay as abis boree? Xooss ixxizay oonoo?» yeegii oycodayis danda7iza.
\p
\v 20 Zin neno aso, Xoossar palamodayis ne oonoo? Ooso fana ootheezayiko, «Tana yhay garkk udii abis ootheenee?»\x - \xo 9:20 \xo*\xt Isa. 29:16; 45:9\xt*\x* gi oycodayis danda7inee? 
\v 21 Woy urqqa medhdheezay pettii urqqapp petta bonchcho miishe, yhankka ma tooshe miishe udii medhdhodayis mawute baasannee?
\p
\v 22 Xoossay fa seera beezodayisinnee fa wolqqa ersodayis koy dhabos giigsseez seera miishshita gaame garzhor danda7eezako ab eree? 
\v 23 E yeya ootheezay damma bonchos giigiseez, fa dooreez na7itayis fa bonchcha ersodayisii. 
\v 24 Ayihude maaqqin, woy Ayihude baa as ubbita Xoossii dooreeza.
\p
\v 25 Nabe Hosa7e maxaafay gancce,
\q1 «Ta woya baazitakka, ‹Ta woya› gi xeegoda.
\q2 Dosinttekka woyitakka, ‹dosintteezita› gi xeegoda.\x - \xo 9:25 \xo*\xt Hosa. 2:23\xt*\x*
\q1
\v 26 Unttii ‹Ta woya baaya› ginttinttii xeegintteez aqayid,
\q2 ‹De7o Xooss na7ita› ginttinttii xeeginttoda»\x - \xo 9:26 \xo*\xt Hosa. 1:10\xt*\x* yeegeeza.
\p
\v 27 Nabe Isiyaasa Isreele as baz,
\q1 «Isreele as abba shafe garkk gaanggikokka,
\q2 unttapp xiqqa as aadda attoda.\x - \xo 9:27-28 \xo*\xt Isa. 10:22-23\xt*\x*
\q1
\v 28 Goday biitta ubbayil afa ellis murttii ukker yhaya udoda.» 
\v 29 Maakka Isiyaasa,
\q1 «Ubbapp Wolqqama Goday nuus xiqqa zerith ashshekkazako,
\q2 nuunii Soodomannee Gamoora katama garkk dhabodazin»\x - \xo 9:29 \xo*\xt Isa. 1:9\xt*\x*
\m yeegii tiinattii odeeza.
\p
\v 30 Yeezin, nu waagodee? Xillotith koyibe7ekka Ayihude baa asay ammanor xillotithi denggeeza. 
\v 31 Zin xillotithayiko helthiz higge yeza Isreele asay xillotithi denggekkaya. 
\v 32 Abis denggekkasa? Unttii xillotith ammanor baazin oosor ekkodayis kozheez gishos. Yey gishos, unttii, «Dhubbiza shuchchar» dhubintteeza. 
\v 33 Maxaafayid,
\q1 «Bo7oytta taanii Xiyone dhube shuchchinnee fokkisiz zaalla gaddoda.
\q2 Eza ammaniza oonkka yeellatenna»\x - \xo 9:33 \xo*\xt Isa. 28:16\xt*\x*
\m ginttinttii xaafintteeza.
\c 10
\p
\v 1 Ta ishuntho, ta kunthi wozinar ta amottizaynnee Xoossa woossizay Isreelitay attod garkke. 
\v 2 Unttii Xoossis micinttizazin, tuma eretith dhabor micinttoozana ta markkattiza. 
\v 3 Unttii Xooss xillotith oge eraam ixxii, fa aadda xillotith kaalleezapp attin Xooss xillotith koyekkaya. 
\v 4 As ubbay ammanor xillod garkk Kiristtoosa higges folo maaqqeeza.
\s1 Atotithii ubbitayisii
\p
\v 5 Muse asii higge naagii ekkiz xillotithibaz, «Higge naagiz oonkka ye higga naageezay garkk de7o yezoda»\x - \xo 10:5 \xo*\xt Lewii. 18:5\xt*\x* yeegeeza. 
\v 6 Zin ammanor ekkiz xillotith bagga giinttintteezay yhaya: «Ne wozinar, ‹Oonii salo kezode?» yeegippe; yey Kiristtoosa wothodayis.\x - \xo 10:6-8 \xo*\xt Nam7i. 30:12-14\xt*\x* 
\v 7 Woy, «Sulle sa7a oommo wodhdhoday oonoo?» giippe; yey Kiristtoosa duufopp kessodayis. 
\v 8 Zin yeegii xaafintteez: «Qaalay ne kale yeza; ne doona ganccennee ne wozina gancce yeza» Nuunii yinttis odiz ammano qaalay yhaya.
\p
\v 9 «Yesuusa Goda» gi ne doonar markkatikonnee Xoossay eza yhayiqopp dentheezana ne wozinar ammaniko, ne attoda. 
\v 10 Asii fa wozinar ammanii xilliza; fa doonar markkattii attiza. 
\v 11 Maxaafay, «Eza ammaniza oonkka yeellattenna»\x - \xo 10:11 \xo*\xt Isa. 28:16\xt*\x* yeegeeza. 
\v 12 Pettii Xoossay ubbitay Goda maaqqeez gishos Ayihuditay ganccennee Ayihude baa as gancce dummatithii baaya. E fana xeegiz ubbayis gaame keeha. 
\v 13 Goda sunth xeegiz oonkka attoda.
\p
\v 14 Yeezin, unttii ammanekka yezttar wayizii eza xeegodayis danda7ee? U ebaz si7ekka yezttar wayizii eza ammanodayis danda7inee? Ma unttis qaala odiz as baazin, wayizii si7odayis danda7inee? 
\v 15 Kiitintteez asii baazin qaalay wayizii odinttodayis danda7ee? Maxaafayid, «Ufayss wonggile odiz asis tokitay waafa lo77ineshsha»\x - \xo 10:15 \xo*\xt Isa. 52:7\xt*\x* yeegii xaafintteeza.
\p
\v 16 Zin Isiyaasa, «Godayyo, nu markkatith oonii ammaneenee?»\x - \xo 10:16 \xo*\xt Isa. 53:1\xt*\x* yeegeezay garkk, ubbitay wonggile ammanekkaya. 
\v 17 Yey gishos, ammanay sisapp yi7iza; sissi Kiristtoosa qaalapp yi7iza.
\p
\v 18 Maaqqozin, u Qaala si7ibe7ekka guussonnee? Wa77a si7eeza. Maxsaafayid,
\q1 «U oday biitta ubbayil sintteeza,
\q2 u qaalay sa7a gaxa helleeza»\x - \xo 10:18 \xo*\xt Maz. 19:4\xt*\x* yeegintteeza. 
\v 19 Zin Isreele asay erekkaya guussonnee? Muse tiina,
\q1 «Taanii yinttan leqqintteez asay gancce qiirisoda;
\q2 ma akaakowa asay gancce yinttan yilosoda»\x - \xo 10:19 \xo*\xt Nam7i. 32:21\xt*\x*
\m yeegeeza.
\p
\v 20 Ma Isiyaasa,
\q1 «Tana koyekka asayis ta bentteeza;
\q2 tana oyccekka asayis ta tana beezeeza»\x - \xo 10:20 \xo*\xt Isa. 65:1\xt*\x*
\m yeegii yashittekkazar odeeza.
\p
\v 21 Zin Isayaasa Isreelitay bagga odittar,
\q1 «Gallas muda kiitinttoowa asaayssinnee
\q2 tana ixxiza asayis ta kushe miicceeza»\x - \xo 10:21 \xo*\xt Isa. 65:2\xt*\x*
\m yeegeeza.
\c 11
\s1 Xoossay Isra7eelita olii ashshekkaya
\p
\v 1 An ta oyciza: yeezin, Xoossay fa woya olii ashshenenee? Ashshekkaya! Taanii ta ubbas Isreele; Afraame sheeshii; Biinama kochche.\x - \xo 11:1 \xo*\xt Filp. 3:5\xt*\x* 
\v 2 Xoossay tiin dooreeza asita olooya. Maxaafayid, Eelaasa Isra7eelita Xooss tiina wayizii mooteezako, yi eroosanee? 
\v 3 Eelaasa, «Godayyo, unttii ne nabita wodheeza, ne yarshsho aqakka laaleeza. Ta ta aaddas atteeza; unttii tanakka wodhodayis koyiza»\x - \xo 11:3 \xo*\xt 1 Kaat. 19:10, 14\xt*\x* yeegeeza.
\p
\v 4 Xoossay eeko waagii maheene? «Ba7aale giz eeqas goynnekka laappun mukule asii taasi ashsheeza»\x - \xo 11:4 \xo*\xt 1 Kaat. 19:18\xt*\x* yeegeeza.
\p
\v 5 Yey garkkekka, yha wodayid Xoossay fa aadho keehatithar maraxeez xiqqa xiqqitay [isreele] yeza. 
\v 6 E unttan dooreezay fa aadho keehetithayirapp attin u oosor baaya. Dooray oosor maaqqiko, e aadho keehetithay cere atteeza.
\p
\v 7 Yeezin, waayenee? Isreelitay fa koyiz baz denggekkaya, zin Xoossii dooreez xiqqitay denggeeza. Atteezitay fa wozina muumiseeza. 
\v 8 Yeykka, Maxaafayid,
\q1 «U aafey be7aamay garkk
\q2 u hayay si7aamay garkk,
\q2 yhanno hellodayis unttis;
\q2 Xoossay azaalla ayyana inggeeza»\x - \xo 11:8 \xo*\xt Nam7i. 29:4; Isa. 29:10\xt*\x*
\m ginttinttii xaafintteezay garkk haneeza. 
\v 9 Ma Dawute,
\q1 «U miiz leematay unttan xikennee olla aykko;
\q2 unttan gol7isiza gaga maaqqo;
\q2 u iitatithay unttan hello.\x - \xo 11:9-10 \xo*\xt Maz. 69:22-23\xt*\x*
\q1
\v 10 U be7ekkazay garkk u aafay aykkintto;
\q2 ubba wode meto unttan kuuniso» yeegeeza.
\p
\v 11 Yeezin, Dhubintteezitay pokkod garkkennee? Yeya baaya! U wodhithay Ayihude baa asay attod garkk sankke maaqqeeza. Yeykka Ayihuditay unttal afa qinaatamay garkk udeeza. 
\v 12 Ayihuditay nagaray alamayis gaame anjjo ke7eeza; ma u gaminttithay Ayihude baa asayis gaame anjjo maaqqeeza. Yeezin, doorintteez Ayihuditay kunthi attiz wode anjjo ab garkk darodeshsha?
\p
\v 13 Taanii, yinttis Ayihude baa asayis odiza. Ayihude baa asayis hawaare maaqqii oothizayira taanii gaame ceeqinttiza. 
\v 14 Ta yeya ootheezay taass asho dabbo maaqqeez Isreelitay qiirssi unttapp xiqqita ashshodayisii. 
\v 15 Xoossay unttan olii ashsheez wode yha alamay Xoossar dabbotteeza. Xoossay unttan shiishii ekkiza wode yhayqqeez asii yhayqqopp denday ab garkk maaqqodayis danda7ee?
\p
\v 16 Tiina oleez munuqay lo77o maaqqiko yhankkaykka geeshshii. Mithis xapho geeshshii maaqqiko, shaqaykka geeshshii maaqqiza. 
\v 17 Gade tukkeez woyira shaqo karinttin, yinttii wora doleez woyira shaqo maaqqeezitay u aqaydd dhanthisinttii xaphor keziz zayite shaakintteeza. 
\v 18 Yikkee, yinttii shaqogarkk karinttii wodhdheezayil afa utirttippate. Yi utirttizabaz maaqqiko, xaphay yinttan tookkeezapp attin yi xapha tookkekkaza akaakoytta.
\p
\v 19 Neenii, «Ye shaqitay karintteezay, tanii u aqayid dhandinttodaygarkke» yi godayis danda7iza. 
\v 20 Yeyi tuma. Unttii ammanaam ixxeez gishos karintteeza. Neenii ammaneez gishos ye aqayid eqqeeza. Ne yashittodayis beezizap attin utirttodayis beezooya. 
\v 21 Xoossay medhintto shaqo maaqqeez Ayihuditayis qadhinttaam ixxiko yinttisikka qadhdhenna.
\p
\v 22 Yikkee, Xoossii ab garkk keehazakonnee ab garkk minithizako bo7oytta. E minthatithay fokkeezitayis, ma E keehizay yinttisii. Miinggii eqqaam ixxiko yinttikka gachinttoda. 
\v 23 Unttii ammaniko, tiin fa yeza aqa maaqqoda. Xoossay wolqqama unttan mahii, gaddodayis danda7iza. 
\v 24 Yinttan wora yezi woyira maaqqeezita gachchii, karacha tukintteez woyirayil afa yinttan tukkiko, medhintto gade woyira maaqqeezita tiina aqayid mahii tukkodayis wayizii danda7inttoosa? \fig Woyra mithinnee I aafe |alt="Olive tree with its fruits" src="BK00119B.tif" size="span" ref="11:24"\fig*
\s1 Xoossa maarotithay ubbitayisii
\p
\v 25 Ta ishuntho, yi yinttan era gi gaayirppate. Ta yinttis odiza pettii xuurod baz yeza. Yeykka Isra7eelitaypp baggitay wozina miinthii si7aam ixxeezay wurssithii hellodayis baazin attodayis yez Ayihude baa asitay ubbay kunthar Xoossiko ye7oday garkke. 
\v 26 Yey garke, Isreele asitay ubbitay attoda. Maxaafayid:
\q1 «Nuna wozizay Xiyoonepp ye7oda;
\q2 Yayqqooba zerithapp iita ubba dhabisoda.\x - \xo 11:26 \xo*\xt Isa. 59:20-21\xt*\x*
\q1
\v 27 Taanii u nagara atto gizay
\q2 unttar caaqqod caaqay yhaya»\x - \xo 11:27 \xo*\xt Isa. 27:9\xt*\x*
\m ginttinttii xaafintteeza.
\p
\v 28 Wonggile ekkaam ixxii, yi gishos morkke maaqqeeza. Maaqqozin, yhattekka unttii doorintteezita, Xoossii u aditay gishos unttan qaadheeza. 
\v 29 Xoossii fa imayraannee fa xeessayir qiirattoya. 
\v 30 Yinttii tiin Xoossayis kiittinttekka. Zin yhatt Ayihuditay kiitinttaam ixxin, yi Xooss maarotith ekkeezita. 
\v 31 Yey garkke, yi ekkeez maarotitha Ayihuditay ekkod garkk u yhatt Xoossis kiitinttaam ixxeeza. 
\v 32 Xoossii as ubbita fa maarotitha beezodayis koy, asii ubbitay kiitinttaam ixxoday garkk gorddeeza.
\p
\v 33 Xooss duretitha, eccetithannee eretitha akaakii ododay oonoo? E pirdday pilaginttooya, e ogay erinttooya.\x - \xo 11:33 \xo*\xt Isa. 55:8\xt*\x* 
\v 34 Maxaafayid,
\q1 «Xooss kaha erizay oonoo?
\q2 Eza zorodayis danda7izay oonoo?\x - \xo 11:34 \xo*\xt Isa. 40:13\xt*\x*
\q1
\v 35 Xoossis tali7izaynnee
\q2 tali7e mahii ekkizay oonoo?»\x - \xo 11:35 \xo*\xt Iyo. 41:11\xt*\x*
\m yeegeeza.
\p
\v 36 Ubbay eep; ezarannee eesii; Ees medhinas bonchcho maaqqo. Amin7e.\x - \xo 11:36 \xo*\xt 1 Qor. 8:6\xt*\x*
\c 12
\s1 Kiristtoosar orothi yessi
\p
\v 1 Yikkee, ta ishuntho, yinttii, yi asetitha Xooss ufayssiza, pathinnee geeshsha yarshsho udii, immad garkk ta yinttan Xooss kehatithayir woossiza. Xoossa yi goynnodayis beeziza tuma ogay yeya. 
\v 2 Lo77o, ufayssizannee folo maaqqeez Xoossa kiita yi shaakkii erodayis yi qofar laaminttoyttapp attin yha alama aazippate.
\p
\v 3 Xoossii yinttis pettayis pettayis inggeez ammanay garkk kahar yez asi garkk qoppoytta. Qoppodayis beezizaypp aathii yinttan dummasii, utirar qoppipate gi taas inggintteez aadho keehatithayir yinttis odiza. 
\v 4 Nu pettii asetithayil afa duma duma kifilitay yeza; ye duma duma kifilitayis duma duma ooso yeza.\x - \xo 12:4-5 \xo*\xt 1 Qor. 12:12\xt*\x* 
\v 5 Yey garkk, nuunii gaame as maaqqikokka Kiristtoosar pettii asho maaqqeeza. Nuunii pettii asho maaqqii duma duma kifilitay pettay pettayira aykintteeza. 
\v 6 Nuus inggintteez aadho keehatithar duma duma imotitay yeza. Nu imotithay tinbbite odo maaqqiko, nuus yez ammanay garkk ododayis beeziza.\x - \xo 12:6-8 \xo*\xt 1 Qor. 12:4-11\xt*\x* 
\v 7 Nu imotithay hara as maadee maaqqiko, ye oosayir minggodayis beeziza; taamarsso maaqqiko, ye tamaarssayir minggodayis beeziza. 
\v 8 Nu imotithay hara as zorith maaqqiko, miinggii zorodayis beeziza. Nu imay nuuss yeza bazapp hara asis imo maaqqiko, wozinapp inggodayis beeziza. Nu imay aqiso maaqqiko, miinggii aqisodayis beeziza. Nu imay hara asis keehith maaqqiko, ufayisar keehodayis beeziza. Nu imay maaro maaqqiko ufayisar maarodayis beeziza.
\p
\v 9 Yi siiqqay qoodhepp qommo maaqqodayis beezooya. Iita baz ixxoytta; lo77o baz miinthii aykkoytta. 
\v 10 Pettay pettayira woli ishegarkk dosinttoytta; pettay petta bonchchoytta. 
\v 11 Oosor azallippate miinggoytta; yi ayyanar xuuginttii Godayis moodinttoytta. 
\v 12 Xoossii inggeez ufayssayir ufayttoytta; meto danda7oytta; ubba wode Xoossa woossoytta. 
\v 13 Ammaniza geeshshita koshshiza bazar maaddoytta; imathita mokkodayis miinggoytta.
\p
\v 14 Yinttan bayi7izita anjjoytta; anjjoyttapp attin baaddippate.\x - \xo 12:14 \xo*\xt Mat. 5:44; Luq. 6:28\xt*\x* 
\v 15 Ufayttizitayir ufayttoytta; yeekkizitayir yeekkoytta. 
\v 16 Pettay pettayir pettii qofar yezoytta. Utira qofa ashshii, haayotithar yezodayis miinggoytta. Yi yinttan eca gi qoppippate.\x - \xo 12:16 \xo*\xt Aazi. 3:7\xt*\x*
\p
\v 17 Oonkka yinttis iitta baz oothiko, ye athayis iita baz mahippate. Ubba as tiina sabbisiza lo77o ooso oothoytta. 
\v 18 Yinttis danda7inttiko ubba asar saro yezoytta. 
\v 19 Ta ishuntho, yinttii, yi ubbas asis kushe kessippatte. Xoossii kushe kessoday garkke ezis ashii ashshoytta. Geesha Maxaafayid,
\q1 «Ta kushe kessoda;
\q2 taanii kushe mahoda»\x - \xo 12:19 \xo*\xt Nam7i. 32:35\xt*\x*
\m yeegeeza Goday, ginttinttii xaafintteeza.
\p
\v 20 Zin Geesha Maxaafayid,
\q1 «Ne morkkay nayinttiko muzoba;
\q2 E saaminttiko ushshoba.
\q1 Ne yeya oothiko e ommayil
\q2 tama qaaqa kaachiza»\x - \xo 12:20 \xo*\xt Aazi. 25:21\xt*\x*
\m ginttinttii xaafintteeza.
\p
\v 21 Iita lo77or gammoyttapp attin iitar gammippatte.
\c 13
\s1 Gade aqisizitayis azazintto
\p
\v 1 Aba mawutekka Xooss shener ingginttiza gishosinne yhatti mawuter yezitaykka Xooss shener mawute ekkeez gishos asii ubbay gade aqisizitayis azazinttodayis beeziza. 
\v 2 Yey gishos, mawuter yezitayis kiitinttaam ixxiza oonkka Xooss kiita ixxiza. Kiitinttaam ixxiza oonkka faal afa pirdda ki7iza. 
\v 3 Aqisizitay iita baz oothizitapp attin lo77o oothizita yashisooya. Aqisizitayis yashttamayis koyinee? Yezako lo77o baz oothoba; nena galatoda. 
\v 4 Unttii nees lo77o baz oothodayis shuumintteez Xooss aylle. Zin neenii iita baz oothiko, unttii iita baz ootheezana seeriza gishos ezis yashittoba unttii qawa aykkeezay cere baaya. Unttii iita baz oothizita seerii, Xooss kaccizana beeziza Xooss aylle. 
\v 5 Yey gishos, Xooss kachch aaddas baazin yi kahay markkattiz gishos gade aqisizitayis kiitinttodayis beeziza.
\p
\v 6 Yi giira giirizaykka yey gishosii. Gade aqisizitay ye oosa oothizay, unttii Xooss ayllita maaqqeez gishshos.\x - \xo 13:6-7 \xo*\xt Mat. 22:21; Mar. 12:17; Luq. 20:25\xt*\x* 
\v 7 Ubbayis beezizana inggoytta. Giira beezizitayis giiroytta; qaraxe beezizitayis qaraxe gachoytta; yashittodayis beezizitayis yashittooytta; bonchcho beezizana bonchchoytta.
\s1 Woli qadhdhoytta
\p
\v 8 Pettay pettayir siiqinttoytta. Siiqo acopp attin yinttal afa hara aco yezippe. As dosiza oonkka higgay gizana poleeza. 
\v 9 «Laammippe; wodhippe; kasttippe; wordo markkatippe, amottippe» giz azazaynnee hara azazo ubbay, «Ne zhama ne ubbay garkk qadhdhoba» giz azazayir acintteeza.\x - \xo 13:9 \xo*\xt Kes. 20:13-17; Nam7i. 5:17-19; Lewii. 19:18\xt*\x* 
\v 10 Siiqo fa zhamayil afa iita baz oothooya. Yey gishos, siiqo higges folo.
\p
\v 11 Genttapp yi barkkiza woday yhatti helleez maaqqeezayis layitha eroytta. Nu attotith woday tiin nu ammaneez wodepp aathii yhatt nuuko ukkeeza. 
\v 12 Qammay aadheeza; gallasay ukkeeza. Yikkee, nuunii dhuma ooso ashshii poo7o ola miishe wolla aykkoda. 
\v 13 An gallas poo7o yez as garkk wolla maarar yezoda. Yeththarannee Mathera, laamerannee qayixera\f + \fr 13:13 \fr*\fqa Wushshumar wolla duma duma tuna oositayir: woy yethar, mather, wushshumar, qayxer maaqqippe gi billodayis danda7inttiza. Wushshumar wollal duma duma tuna oositay asii Xooss modizaypp bale kezii do7a xabaye ekkii poliza ooso guussii.\fqa*\f* palamarannee qinaatera maaqqippe. 
\v 14 Goda Yesuus Kiristtoosana ma77oytta; yi nagara oothiz ashay fa inna polod garkk ezis qoppippate.
\c 14
\s1 Asal afa pirddipate
\p
\v 1 Ammanor daabureez oonakka shiishii ekkoyttapp attin e qofayil afa pirddippate.\x - \xo 14:1-6 \xo*\xt Qol. 2:16\xt*\x* 
\v 2 Aazisos, ammanor minggeez pettii as aba kathakka maadayis danda7iza. Zin ammanor xaalekka as atakiltte aadda miiza. 
\v 3 Miiz as moowa atha borippe. Moowa as miiz athayil pirddippe. Xoossii ubbita ekkeeza. 
\v 4 Hara as ayllel afa pirddizay neenii oonoo? E daaburin woy minggin fa Godayisii. Goday eza essodayis danda7iza gishos E miinggii eqqoda.
\p
\v 5 Ma «Pettii gallasii yhankko gallasaypp aadhiza» yeegii qoppiza asii yeza. Haray ma, «Gallasitay ubbitay wol garkk gina bonchor yeza» gi qoppiza. Zin pettay pettay fa qofa akaakii acco. 
\v 6 Gallas bonchchiz oonkka Godayis gi bonchchiza. Ubba katha miiz asii Goday bonchchos gi miiza. E miiz ye kathat gishos Xoossa galatiza. Ubba katha moowa asii Goday bonchchos mooya; ma meekka ashorakka Xoossa galatiza. 
\v 7 Nuupp oonkka paas baaya; ma nu ganccepp oonkka paas yhayqqaam. 
\v 8 Nu shemppor yeziko Godayis yezoda; ma yhayqqikokka Godayis yhayqqoda. Yikkee, nu shemppor yezin woy yhayqqin Godayisii.
\p
\v 9 Kiristtoosa yhayqqii yhayiqopp denddeezay, de7or yezitayisinnee yhayqqeezitayis God maaaqadayisii. 
\v 10 Yeezin, neenii ne ishayil afa abis pirddee? Woy neenii ne isha abis leqqee? Nuunii ubbitay Xooss pirdda zufaane tiina eqqoda.\x - \xo 14:10 \xo*\xt 2 Qor. 5:10\xt*\x*
\p
\v 11 Geeshsha Maxaafayid Goday,
\q1 «Taanii path yezaya;
\q2 as ubbitay ta tiina bunqqitoda;
\q2 taanii Xooss maaqqeezana inxaris ubbay markkattoda»\x - \xo 14:11 \xo*\xt Isa. 45:23\xt*\x*
\m yeegii xaafintteeza. 
\v 12 Yikkee, nu ootheez bazis nu ommar ommar Xooss tiina shiiqii mahith immada.
\s1 Hara asis dhube maaqqippe
\p
\v 13 Yey gishos, nuunii pettay pettayil afa pirddiza wolla ashshoda. Zin yi isha dhubithiza woy qaxithiza baz oothaamay garkk naaginttoytta. 
\v 14 Goda Yesuusa ammaniza asgarkk, fa ubbas tuna maaqqeez baz baazana taanii geeshshii eriza. Zin pettii asii pettibaz tuna gi qoppiko yey ezis tuna maaqqiza. 
\v 15 Ne miiz katha gishos ne isha dhubbizabaz maaqqiko, Kiristtoosar yeza ne isha qadhdhooya. Kiristtoosa e gishos yhayqqeez atha ne miiz katha gishos eza dhabisppe. 
\v 16 Yikkee, yinttis yez lo77o baza yhankkitay borod garkke oothippate. 
\v 17 Xooss kaatetithay Geeshsha Ayyanayir benttiz xillotithi, sarotithinnee tuma ufayssapp attin muus baggannee ushsh bagga baaya. 
\v 18 Yey garkk Kiristtoosas moodinttiz as Xooss ufayssiza; asay ganccekka anjjinttiza.
\p
\v 19 Yey gishos, ane nuunii sarotithi benttiz ogennee woli ammanor miinthiza oge kaaliza. 
\v 20 Katha gishos gi Xoossa ooso dhabisppe. Ubba katha geeshshii, zin hara as se7isiza katha muusii iita. 
\v 21 Ne ishay dhubinttaam garkk asho maam woy ushsh uzhaam woy dhubbiza hara baz oothaminxiko lo77o.
\p
\v 22 Yikkee, yha ne ammana neesinnee ne Xoossay gancce naagoba. Likke gi qoppeezbaz oothiza wode e kahay mootoowa athay anjjintteeza. 
\v 23 Zin sidhitar miiz athayis e muusay ammanor maaqqekka gishos pirddinttiza. Ammano bayith oothintteez ooso ubbitay nagara.
\c 15
\s1 Hara asita ufaysso
\p
\v 1 Nu minthitay daabureezitay daabura tookkodayis beeziza. Nuunii nuna ufayssodayis beezooya. 
\v 2 Nuunii woli minthodayis zhamita maaddodayisnnee ufayssodayis beeziza. 
\v 3 Kiristtoosa fana ufayssibe7ekkaya. Zin Geeshsha Maxaafayid, «Asay nena cazheez cashshay tana helleeza»\x - \xo 15:3 \xo*\xt Maz. 69:9\xt*\x* ginttinttii xaafintteezay garkk haneeza. 
\v 4 Geeshsha Maxaafay inggiza garzhorannee minthathora nu ufayssa ekkod garkk Geeshsha Maxaafayid xaafintteez ubbitay nuna tamaarssodayis xaafintteeza.
\p
\v 5 Garzhonnee minotith inggiza Goday yinttii Yesuusa Kiristtoosa kaallodar pettepettith yinttis inggo. 
\v 6 Yeykka, nu Goda Yesuus Kiristtoosa Ada, Xoossa, pettii wozinarannee pettii qaalar yi bonchchod garkke.
\s1 Wongilay as ubbitayis
\p
\v 7 Kiristtoosa yinttan ekkeezay garkk Xooss bonchchos pettay petta ekkoytta. 
\v 8 Xoossii binii aditayis inggeez ufayssay polinttod garkk e tumatithay erinttoday garkk Kiristtoosa dookalinttos aylle maaqqii ye7eezana ta yinttis odiza. 
\v 9 Kiristtoosa dookalinttos aylle maheez bazay ma Ayihude baa asay Xoossa e maarotithay gishos galatod garkke. Geeshsha Maxaafayid,
\q1 «Ta nena Ayihude baa as gancce galatoda;
\q2 ne suntha sabboda»\x - \xo 15:9 \xo*\xt 2 Sam. 22:50; Maz. 18:49\xt*\x*
\m ginttinttii xaafintteezay garkk haneeza.
\p
\v 10 Ma, «Ayihude baa asayis,
\q2 Xooss woyayira ufayttoytta»\x - \xo 15:10 \xo*\xt Nam7i. 32:43\xt*\x* yeegintteeza.
\p
\v 11 Ma mahii, «Ayihude baa asay ubbay,
\q2 Goda galatooytta;
\q2 kaatetithii ubbitay eza sabboytta»\x - \xo 15:11 \xo*\xt Maz. 117:1\xt*\x*
\m yeegintteeza.
\p
\v 12 Yey garkk Isiyaasa,
\q1 «Issaye xaphopp yelintteez pettay ye7oda;
\q2 E fa kaatetithita ubbita aqisoda.
\q2 U fa ufayssa ezalli afa gaddoda»\x - \xo 15:12 \xo*\xt Isa. 11:10\xt*\x*
\m yeegeeza.
\p
\v 13 Geeshsha Ayyana wolqqar yi diccod garkk ufayss inggiz Xoossay, yi ammanay baggar yinttis ufayssara sarotithar kunthii inggo.
\p
\v 14 Ta ishuntho yintt lo77otithinne eretithii kumeezana ma pettay petta zorodayis danda7izana ta geeshshii eriza. 
\v 15 Taanii yinttan pettii pettibaz gujjii akaakisodayis koy yashittekkazar yha dabddaabba yinttis xaafeeza. 
\v 16 Taanii Kiristtoos Yesuusa aylle maaqqii, Ayihude maaqqekka asayis qeese garkk oothii, wongile odod garkke Xoossay taas aadho keehetithi inggeeza. Ayihude baa asay Geeshsha Ayyanar geezhii, Xooss ufayssiza yarshsho maaqqad garkk Xoossay yeya ootheeza.
\p
\v 17 Taanii Kiristtoos Yesuusar maaqqii Xoossis oothiza oosor ceeqinttiza. 
\v 18 Ayihude baa asay Xoossayis kiittinttod, Kiristtoosa ta qaalannee ta ooso baggar ootheez oosaypp attin hara ta ceeqinttizabaz baaya. 
\v 19 Xooss yeya malatarannee Geeshsha Ayyana wolqqar wayizii ootheezakko ta yinttis ododa. Taanii Yerusalamepp aykkii, Iliwarqoonnee hellodayis Kiristtoosa wongile sabbakeeza. 
\v 20 Taanii hara as baaseez aqayid keexxodayis koyooya. Kiristtoosa sunthay xeeginttekka aqo wongile sabbakodayis amottiza. 
\v 21 Geeshsha Maxaafayid,
\q1 «E bagga odinttekka asay eza be7ada;
\q2 E bagga si7ekka asay akaakoda»\x - \xo 15:21 \xo*\xt Isa. 52:15\xt*\x*
\m ginttinttii xaafintteeza.
\s1 Phawuloosa Oroome yhammadayis qoppeeza
\p
\v 22 Yey baggar, taanii gaame wode yinttiko ye7odayis koyin danda7inttekkaya.\x - \xo 15:22 \xo*\xt Oro. 1:13\xt*\x* 
\v 23 Zin taanii yhatte yha heerar yez aqo ubba helleez gishos gaame laythapp aykkii yinttan be7adayis laamoteez gishos 
\v 24 taanii Ispheenee yhanigitar yinttan be7adayis qoppeeza. Ma xiqqa wode yinttar ufaytteezaypp guye Ispheenee yhanigodar yi ta ogayis tana maaddod garkk koyiza.
\p
\v 25 Zin yhatte taanii Xoossa asita maaddodayis Yerusalaame yhanigiza. 
\v 26 Maqadoonarannee Akkaya yez Xooss asitay, Yerusalaame geeshshitay gancce yez manqqita miisher maaddodayis kozheeza.\x - \xo 15:26 \xo*\xt 1 Qor. 16:1-4\xt*\x* 
\v 27 Unttii manqqita maaddoday unttis attowa baz maaqqeez gishos fa ubbas yeya oothodayis qofa acceeza. Ayihuditay Ayihude baazitayira ayyana anjjo shaaginttiko, unttii ma paas yezabazar Ayihudita maaddodayis beeziza.\x - \xo 15:27 \xo*\xt 1 Qor. 9:11\xt*\x* 
\v 28 Yey gishos, taanii ye shiiqeez miisha unttisi inggezayppennee ekkeezana ereezapp guye Ispheenee yhanigitar yi lanqqer aadhoda. 
\v 29 Taanii yinttiko yhanigiza wode Kiristtoosa anjjo kunthar yhammadana ta eriza.
\p
\v 30 Ta ishuntho, taasi Xooss woossittar ta butinttodar taar eqqod garkk Goda Yesuus Kiristtoosarannee Geeshsha Ayyana siiqayir yinttan woossiza. 
\v 31 Xoossay tana Yihuda gancce yez ammanoowa asitaypp ashshod garkkennee Yerusalaame ta oothod ooso Xooss asay lanqqe ekkinttod garkk taas woossoytta. 
\v 32 Ma Xooss giiko, taanii yinttiko yhanigii ufayisar yinttar shemppod garkk taasi woossoytta. 
\v 33 Sarotith Xoossay yinttar ubbayir maaqqo. Amin7e.
\c 16
\s1 Sarotho
\p
\v 1 Kinkkira katama gancce yez woosa keetha oothiza nu mishshit Feebena lo77o maachch maaqqeezanno yi erod garkk ta koyiza. 
\v 2 Yi izo ammaniza asitay Goday sunthar mokkodayis beeziza ammaniza asitaypp pettay garkk mokkoytta. Iza yinttapp koyiz baz ubbita izo maaddoytta. Iza fa ubbas gaame as maaddeeza; ma tana ta baggar undenna maaddeeza.
\p
\v 3 Kiristtoosa Yesuusa oosa taar wolla oothizi Phirisqilarannee Aqila ta qoodhe saro goytta.\x - \xo 16:3 \xo*\xt Haw. O. 18:2\xt*\x* 
\v 4 Unttii ta gishos fa shemppo yhayiqos aathii inggeeza. Ta aadda baazin Ayihude baa asay woosa keethitay ubbitay unttan galatiza. 
\v 5 U kara shiiqiz ammaniza asa ta qoodhe saro goytta.
\p Iisiya biitta Kiristtoosana tiin ammaneezannee, ta qaadhiza Ephanexoosas ta sarotha odoytta.
\p
\v 6 Yi gishos oosor gaame daabureez Mayramo saro goytta. 
\v 7 Taar achch kara gam7eezita Ayihude dabbita Anddironiqoosara Yuuliyanar saro goytta. Unttii Yesuusa hawaaritay gancce erintteezita. Ma unttii Kiristtoosa taapp tiina ammaneeza.
\p
\v 8 Goda ammaniza ta siiqo lagga, Amphiliyaxoosa saro goytta. 
\v 9 Kiristtoosa oosa nuur wolla oothiz Urbbanoosera ta qadhdhiza Isttakusa saro goytta. 
\v 10 Kiristtoosar yessay markkattintteez Axelisas ta sarotha odoytta. Arsixabulo kara asayis ta sarotha odoytta. 
\v 11 Ta Ayihude lagga Heroodiyoona saro goytta.
\p Narssisara e kara asaypp Kiristtoosa ammaneezita saro goytta.
\p
\v 12 Goday oosor daaburiz maachchi Xirufaynaranne Xirufoosa saro goytta. Ma Godayis gaame daaburii oothiz, ta qadhdhiza Xersiso saro goytta. 
\v 13 Goday oosor loythii erintteez Rufoosasarannee tana fa na7a garkk bi7iza e indatis ta sarotha odoytta.\x - \xo 16:13 \xo*\xt Mar. 15:21\xt*\x* 
\v 14 Asiqqirxxoosa, Filesonxxa, Hermmensa, Phatirobaasasira unttar yez ammaniza ishita ubbayis ta sarotha odoytta. 
\v 15 Filoloogusa, Yuuliya, Neera, e mishitto, Olumppoosara unttar yez geeshshita ubbita saro goytta.
\p
\v 16 Geeshsha yeera yeerinttittar, pettay petta sarothoytta. Kiristtoosa woosa keetha ubbitay yinttan saro yeegiza.
\s1 Wurssithii zore
\p
\v 17 Ta ishuntho, yi tamaareez timirtta ixxii, yi gancce shaakinttonnee meto medhdhiz asitaypp naaginttoytta. Unttapp haakkoytta. 
\v 18 Yey garkk asay fa ulos oothizapp attin nu Goda Kiristtoosas oothooya. Fa liiqo doonarannee worddo qaalar haayo wozina balithiza. 
\v 19 Wonggilayis yi kiitintteezana as ubbitay si7eezay tana ufayssiza. Zin yi lo77o bazis eca iita bazis boozodana ta koyiza. 
\v 20 Saro Xoossay Xalahana yi tokaypp oommor elisii gaacoda.
\p Nu Goda Yesuus Kiristtoosa aadho keehetithay yinttar maaqqo.
\p
\v 21 Taar oothizi Ximaatoosa,\x - \xo 16:21 \xo*\xt Haw. O. 16:1\xt*\x* ta dabbitay Luqiyoosa, Yaasonera Sosiphixiroosa yinttan saro yeegiza.
\p
\v 22 Yha dabddaabba xaafeezi taanii, Xarxiyoosa, yinttan Goday sunthar saro yeegiza.
\p
\v 23 Tana mokkeezaynnee woosa keeth ubbitay mokkiza Gaayoosa, yinttan saro geeza. Katama miishe aykkizi Erasxoosara nu isha Qarxoosa yinttan saro yeegiza.\x - \xo 16:23 \xo*\xt Haw. O. 19:29; 1 Qor. 1:14; 2 Xim. 4:20\xt*\x* 
\v 24 [Nu Goda Yesuus Kiristtoosa aadho keehetithay yi ubbayir maaqqo. Amin7e.]\f + \fr 16:24 \fr*\ft Binii tiina maxaafitayid payido 24 baaya.\ft*\f*\x - \xo 16:24 \xo*\xt Haw. O. 19:29; 1 Qor. 1:14; 2 Xim. 4:20\xt*\x*
\p
\v 25 Xoossis galata maaqqo. Taanii, Yesuus Kiristtoosa baz odiz wongile qaalayir bini wodepp ayikkii qosinttii gam7eez tumatithar, Xoossay yinttan ammanor miinthii essodayis danda7iza. 
\v 26 Zin yhatti ye tumay bentteeza. Kaatetithii ubbitay ammanii kiitinttoday garkk medhina Xoossa kiitar nabitay ye tumabaz xaafeeza.
\p
\v 27 Yesuus Kiristtoosa baggar ecetithii e aaddas yeza, pettii Xoossayis medhinas bonchcho maaqqo. Amin7e.