\id MRK - Melo New Testament Latin
\ide UTF-8
\h Marqqoosa
\toc1 Marqqoosa Xaafeez Yesuus Kiristtoosa Wonggile
\toc2 Marqqoosa
\toc3 Mar.
\mt1 Marqqoosa Xaafeez Yesuus Kiristtoosa Wonggile
\imt Gelo
\ip Marqqoosa Wonggilay, «Yhay Xooss na7a Yesuus Kiristtoosa Wonggile ayth» giittar dendiza. Yha Wonggilayid Yesuusa ooso asinnee mawuter yez as maaqqii Shiiqeeza. E mawutay E timirttayir, iita ayyanal afa yez wolqqayirannee asii ootheez nagara maaror bentteeza. Yesuusa, «Taanii, asii ootheez nagara aylletithapp wallo kessodayisnnee ta shemppo aathii immadayis ye7eez As Na7a» yeegii fa doonar odeeza.
\ip Marqqoosa Yesuusa taarika luulo ogerannee wolqqa kumeez oger odeeza. Marqqoosa odizay Yesuusa qaalannee timirtte aadda baazin ootheez malabazita bayrathii odiza. Marqqoosa xammaqiza Waannisa taarika, Yesuusa xinqqatannee e paacintta haatar odii maaqqii, Yesuusa timirttannee e pathizana paaddiza. Aqi aqi yhammadar Yesuusa tamaaritay Yesuusana usa erttar yhanigeezayigarkk Yesuusa ixxizitaykka usa ixxittar yhanigeeza. Wurssith shemppitay Yesuusa path yezin wurssith saamintta polintteez oositay baz odiza. Yeyititaykka e soxinttannee e dendo bagga odiza.
\iot Marqqoosa wonggilay Aykkeez qofita
\io1 Yha Wonggilay ayth \ior 1:1-13 \ior*
\io1 Yesuusa Galila biitta fa oosa aykkeeza \ior 1:14—9:50 \ior*
\io1 Yesuusa Yerusalaame biitta ootheez ooso \ior 10:1-52 \ior*
\io1 Wurssith saamintta Yerusalaame heera \ior 11:1—15:47 \ior*
\io1 Yesuusa yhayiqopp dendo \ior 16:1-8 \ior*
\io1 Yhayiqopp dendeez Goday benttithinnee dendii salo qito \ior 16:9-20 \ior*
\ie
\c 1
\s1 Xammaqiza Waannisa Sabbako
\r (Mat. 3:1-12; Luq. 3:1-18; Wan. 1:19-28)
\p
\v 1 Yhay Xooss Na7a Yesuus Kiristtoosa Wongile aythi 
\v 2 Nabe Isayaasa xaafeez maxaafay gancce Xoossay,
\q1 «Yeezako, taanii ta kiita na7a
\q2 neep tiina dakkoda.
\q1 E ne oga pixxoda.\x - \xo 1:2 \xo*\xt Mil. 3:1\xt*\x*
\q1
\v 3 Pettay liizho gadhar uukkii odittar,
\q2 ‹Godayis oge pixxoytta;
\q1 E yedhdhodayis goosse
\q2 ezis luulisoytta geeza»
\m giinttii xaafintteeza.\x - \xo 1:3 \xo*\xt Isa. 40:3\xt*\x*
\p
\v 4 Xammaqiza Waannisa asa xammaqqittar, «Yi nagaraypp maaqqii xammaqinttoytta; Xoossay yi nagara yinttis atto goda» yeegii qaala odittar liizho gadhapp ye7eeza. 
\v 5 Yihuda biitta yez as ubbitayinnee Yerusalaame katama as ubbitay Waannisako yi7iza. Fa nagara buuxin, Waannisa unttan Yorddanoose borkka xammaqiza.
\p
\v 6 Waannisa gimaale ikisepp dadintteez afila ma77iza. Fa xeessayid dafe dancciza; ma boolerannee degera eessara miiza.\x - \xo 1:6 \xo*\xt 2 Kaat. 1:8\xt*\x* 
\v 7 Waannisa qaala odittar, «Taapp guyer loythii miinggizay yi7iza. Hara attozin, ta E caamma wodora zuggii billodayis beezooya. 
\v 8 Ta yinttan haathar xammaqiza, zin E yinttan geeshsha Ayyanar xammaqoda» yeegeeza.
\s1 Yesuusa xammaqinttonnee paacintto
\r (Mat. 3:13-17; 4:1-11; Luq. 3:21-22; 4:1-13)
\p
\v 9 Yesuusa ye wode Galila biitta yez Naazirete katamapp yi7in, Waannisa Yorddanoose borkka eza xammaqeeza. 
\v 10 Yesuusa haathapp kezeezan garkk salo dooyinttin, geeshsha Ayyanay ezal afa holle garkk wodhdhodar be7eeza. 
\v 11 Maakka, «Ta qadhdhiza ta na7ay nena; ta neell ufayttiza» yeegiz girithii salopp ye7eeza.\x - \xo 1:11 \xo*\xt Medhe. 22:2; Maz. 2:7; Isa. 42:1; Mat. 3:17; 12:18; Mar. 9:7; Luq. 3:22\xt*\x*
\p
\v 12 Izir geeshsha Ayyanay Yesuusa liizho gadha kanggeeza. 
\v 13 Yesuusa liizho gadha xalaher paacinttittar oyttam gallas gam7eeza. Do7itayir yezeeza, zin kiitanchchitay yi7ii eza maaddeeza.
\s1 Yesuusa molo aykkiz oyddii asitana xeegeeza
\r (Mat. 4:12-22; Luq. 4:14-15; 5:1-11)
\p
\v 14 Waannisa acintteezaypp guye Yesuusa Xooss kaatetith Wonggile odittar Galila biitta yhanigeeza. 
\v 15 «Layithay helleeza; Xooss kaatetithay ukkeeza. Yi nagaraypp maaqqii, Wongila ammanoytta» yeegeeza.\x - \xo 1:15 \xo*\xt Mat. 3:2\xt*\x*
\p
\v 16 Yesuusa Galila Abba lanqqer aadhittar, molo aykkiz, Simoonarannee E isha Indiraasera, fa gite abbal afa olizita be7eeza. 
\v 17 Unttiko, «Tana kaalloytta; ta yinttan ase aykkith tamarssoda» yeegeeza. 
\v 18 Unttikka izir fa gitita olii ashshii Yesuusana kaalo aykkeeza.
\p
\v 19 Izipp xiqqal tiin yhanigii, nam77ii ishita Zabdoosa na7ita, Yayqqoobarannee Waannisara wogolo gancce fa gite lo7ithizita be7eeza. 
\v 20 Yesuusa ellisii unttan xeegeeza. Unttikka fa ada Zabdoosa, e ooso asitayir wogolo gancce olii ashshii eza kaallii yhanigeeza.
\s1 Tuna ayyana aykkeez athay paxeeza
\r (Luq. 4:31-37)
\p
\v 21 Unttii qifirnahoome katama geleeza. Maala gallas helleezan garkk Yesuusa ellisii Ayihude Woosa keethi gelii taamarsso aykkeeza. 
\v 22 Mawuter yez as garkk tamarssizap attin higge asitamaaritay garkk tamarssoowa gishos asay E timirtta yhay malabaz geeza.\x - \xo 1:22 \xo*\xt Mat. 7:28\xt*\x*
\p
\v 23 Ye wode tuna ayyana aykkeez pettii athay Ayihuditay Woosa keeth gelii uukkii, 
\v 24 «Naazirete Yesuusa, neerannee nuur aba allalle yenee? Nuna dhabisodayis ye7eenee? Ne oonozako ta eriza; ne Xoossa Geeshsh» yeegeeza.
\p
\v 25 Yesuusa ya tuna ayyana, «Hayizoba, yha athaypp kezoba» yeegii azazeeza.
\p
\v 26 Tuna ayyanay atha zardizard udii, xilasii uukkii ezapp kezeeza. 
\v 27 Asay ubbay malabaz gi, «Yhay abba? yha athay fa mawuter hara attozin tuna ayyanitakka azaziza. Unttikka ees azazinttiza; yhay aba oroth timirtte?» yeegii, fa ganccer pettay pettay woli oychch aykkeeza.
\p
\v 28 Yesuusa Waaray ellisii Galila awurajja yez heera ubba kezeeza.
\s1 Yesuusa gaame harganchchita patheeza
\r (Mat. 8:14-17; Luq. 4:38-41)
\p
\v 29 Yesuusa ye wode Ayihuditay Woosa keethapp kezii, Yayqqoobara Waannisara Simoona karannee Indiraase kara geleeza. 
\v 30 Simoona machchatii indat oxe misha harger woy7ii yezin Yesuusa ize hellin ezisi odeeza. 
\v 31 E izko shiiqii, I kusha aykkii, izo denthii esseeza. Oxe misha hargay ellisii izo dakkin iza unttan mokkeeza.
\p
\v 32 Hargintteez asa ubbitannee tuna ayyanitay aykkeez asa ubba omathi awa gelii lemi7ilem7odar eziko ke7eeza. 
\v 33 Katama yez as ubbay yi7ii keethayis bale shiiqeeza. 
\v 34 Yesuusa duma duma harger aykintteez gaame asita pathii, gaame tuna ayyanita kesseeza. E oonozako tuna ayyanitay ereeza. Zin Yesuusa unttan nashshoda kayeeza.
\s1 Yesuusa Galila biitta taamarsseeza
\r (Luq. 4:42-44)
\p
\v 35 Yesuusa Zhabaro dendii, asii baa aqo woossodayis yhanigeeza. 
\v 36 Simoonarannee ezar yezitay eza koyttar yhanigeeza. 
\v 37 Unttii eza denggii, «Asay ubbitay nena koyiza» yeegeeza.
\p
\v 38 Yesuusa ma unttan, «Hara aqo ukke heerita yedhdhoytta. Ta ye7eezay Wonggile ododayis maaqqeez gishos ezayddakka qaala ododayis beeziza» yeegeeza. 
\v 39 Ayihuditay Woosa keethitayid qaala odittar, tuna ayyanita kessittar, Galila biitta ubba wuteeza.\x - \xo 1:39 \xo*\xt Mat. 4:23; 9:35\xt*\x*
\s1 Yesuusa borqqontto harger yez atha patheeza
\r (Mat. 8:1-4; Luq. 5:12-17)
\p
\v 40 Borqqontto harge aykkeez pettii athay Yesuusako yi7ii, E tiinayid xuggunii, «Ne qadhdhiko tana geeshshodayis danda7iza» yeegii woosseeza.
\p
\v 41 Yesuusa ezis qadhinttii, fa kusha dakkii eza bochchii, «Ta koyiza, geezhoba» yeegeeza. 
\v 42 Izir borqqonttay atha dakkin athay ellisii geezheeza. 
\v 43 Yesuusa athayiko miinthii naaginttoba gi moyzeeza. 
\v 44 Yesuusa eza, «Nena eroba, yhanno ooskka odippe. Zin yhanigii ne galla qeese beezoba. Ne yhatti geeshsh maaqqeezana asa ersodayis, Muse kiitteez yarshsho yarshshoba» yeegii azazeeza.\x - \xo 1:44 \xo*\xt Lewii. 14:1\xt*\x*
\p
\v 45 Zin athay yhanigii, heera ubbayid asis odeeza. Yey gishos, Yesuusa qonccer, katama gelodayis danda7ekkaya. Zin asii baa aqo gaxa yezeeza; ma asii ubba aqopp eziko yi7iza.
\c 2
\s1 Yesuusa sila atha patheeza
\r (Mat. 9:1-8; Luq. 5:17-26)
\p
\v 1 Xiqqa gallasapp guye Yesuusa qifirnahoome maaqqii, kara yeza giz wore sintteeza. 
\v 2 Shiiqeez asa keethay ekkaam ixxin hara attozin balaykka un77od gatho gaame as shiiqin, Yesuusa qaala taamarsseeza. 
\v 3 Oyddii asitay pettii sila atha tookkii eziko ke7eeza. 
\v 4 Asay gaanggeez gishos atha Yesuusako shiishodayis unttis danda7inttaam ixxin, Yesuusa yeza baggayir keetha qaarii, siitingga qawuxii atha e woyi7eez arssatira sulle dakkii Yesuusa tiinayid wotheeza. 
\v 5 Yesuusa u ammana bi7ii, ya sila atha, «Ta na7ayyo, ne nagaray atto gintteeza» yeegeeza.
\p
\v 6 Higge asitamaaritaypp ye aqayid bentteez pettii pettii asitay fa wozinayir, 
\v 7 «Yha athay yhay garkk iita baz Xoossal afa abis odinttee? Xooss aaddapp attin hara o nagara atto godayis danda7ee?» yeegii qoppeeza.
\p
\v 8 U fa wozinayid yey garkk qoppeezana Yesuusa ellisii fa ayyanar erii, unttiko, «Yinttii yi wozinayir abis yhay garkk qoppee? 
\v 9 Sila atha, ‹Ne nagaray atto gintteeza› gizay shawukkinenee? Woy, ‹Dendii eqqii ne arssa tookkii qitoba› gizayi shawukke? 
\v 10 Zin taas, As Na7ayis, sa7all afa yessay nagara atto godayis wolqqa yezana yi erod garkk» yeegii ye sila athayiko, 
\v 11 «Ta neeko yhatt odiza, dendii ne arssa tookkii ne kara qitoba» yeegeeza.
\p
\v 12 Athay ellithii dendii, fa arssa tookkii as ubbay tiina kezeeza. Asay ubbay malabaz gi, «Nuunii yhay garkk baz yesha bi7ii erooya» yeegii Xoossa galateeza.
\s1 Yesuusa Lewana xeegeeza
\r (Mat. 9:9-13; Luq. 5:27-32)
\p
\v 13 Yesuusa maakka Galila Abba lanqqe yhanigii, eziko ye7eez as ubbita taamarsseeza. 
\v 14 Ezayir aadhodar, Ilfoosa na7a Lewe ginttinttizay qaraxe gachisiza aqo betteezin bi7ii, «Tana kaalloba» yeegeeza. Leway dendii eza kaalleeza.
\p
\v 15 Yesuusa katha maadayis Leway kara betteeza. Eza kaalliza asay gaame maaqqeez gishos qaraxe gachisiza gaame asaynnee nagara oothiza asay ezarannee E tamaaritayir wolla betteeza. 
\v 16 Higge asitamaare maaqqeez pettii pettii Farasaawe asay Yesuusa nagara oothiz asayrannee qaraxe gachisizitayir katha maadar bi7ii, «E abis nagara oothiz asayirannee qaraxe gachisizitayir katha mee?» yeegii, E tamaaritayir woli oyceeza.
\p
\v 17 Yesuusa u gizana si7ii, «Akime harginttiztayisapp attin pathi asis koshshooya. Taanii nagara oothizita xeegodayis ye7eezapp attin xillita xeegodayis ye7ekkaya» yeegii unttisi maheeza.
\s1 Xooma bagga erodayis shiiqeez oychch
\r (Mat. 9:14-17; Luq. 5:33-39)
\p
\v 18 Xammaqiza Waannisa tamaaritaynnee Farasaawitay xoomizazin, Pettii pettii asay Yesuusako yi7ii, «Waannisa tamaaritaynnee Farasaawitay tamaaritay xoomiza, Zin ne tamaaritay abis xoomoosa?» yeegeeza.
\p
\v 19 Yesuusa unttiko, «Machcho ekkizay unttar yezin Laazanthitay, xoomodayis danda7inee? Machcho ekkiz athay unttar yezin, xoomodayis danda7ooya. 
\v 20 Zin machcho ekkiza athay u kalepp ekinttiza qamma ye7oda, u ya gallas xoomoda.
\p
\v 21 «Cima afilall afa oroth iraafe gaddii sikkiza asii baaya. Gaddii sikkiko, orothay cima afilana per7iza; per7ithaykka tiinaasaypp daligiza. 
\v 22 Ma mal7antto woyine cima ogoro gancce buulliz asii baaya. Buulliz maaqqiko, ye woyinay ogorana dhuusiza, fa ubbaskka laalinttiza, ogoraykka iitiza. Zin mal7antto woyine oroth ogoro gancce buulinttiza» yeegeeza.
\s1 Maala erodayis shiiqeez oychch
\r (Mat. 12:1-8; Luq. 6:1-5)
\p
\v 23 Yesuusa pettii maala gallas bangga gade ganccer aadhodar, E tamaaritay ezar wolla yhanigttar bangga tizha mirkkii muus aykkeeza. 
\v 24 Farasaawe asay Yesuusako, «Yeezin, ne tamaaritay maala gallas woga baabaz abis oothee?» yeegeeza.
\p
\v 25 Yesuusa unttiko, «Dawute nayinttii, miiz baz kozheez wode paar yezitayir ootheezana yi nabbabekkasa?\x - \xo 2:25-26 \xo*\xt 1 Sam. 21:1-6\xt*\x* 
\v 26 Abiyatara qeese halaqa maaqqii yeza wode Dawute Xoossa keeth gelii, qeeshitay aadda maadaypp attin oonkka maadayis woga baabaz Goday tiina gaddeez yarshsho soollo meeza, paar yezitayiskka inggeeza» yeegeeza.\x - \xo 2:26 \xo*\xt Lewii. 24:9\xt*\x*
\p
\v 27 Maakka Yesuusa unttiko, «Maalay asis medhintteezapp attin asii maalas medhinttekkaya. 
\v 28 Yey gishos, As Na7ay, hara attozin Maalaskka Goda» yeegeeza.
\c 3
\s1 Yesuusa kushe sila atha patheeza
\r (Mat. 12:9-14; Luq. 6:6-11)
\p
\v 1 Yesuusa Ayihuditay Woosa keethi maaqqii geleeza. Ezayida kushe sileez pettii athay yeza. 
\v 2 Pettii pettii asay Yesuusa mootodayis koyii, kushe sileez atha maala gallas E pathodazakonnee ashshodazako be7adayis koyii miinggii naagiza. 
\v 3 Yesuusa kushe sileez atha, «Dendii yhana yi7ii nu gancce eqqoba» yeegeeza. 
\v 4 Yeypp guye, asitayiko, «Maala gallas lo77o baz oothizay woganee iita baz oothizay woga? As shemppo ashonnee wodho?» yeegii oyceeza.
\p Zin asay si77e geeza. 
\v 5 Yesuusa shenitii unttan fa kalayir yezita dakkii bi7ii, u wozina docceezita maaqqeez gishos unttan kacceeza. Ya athayiko, «Ne kusha piddi udoba» yeegeeza. Athay piddi udin e kushitay paxeeza. 
\v 6 Ellisii Farasaaway Ayihuditay Woosa keethapp bale kezii, Yesuusana wayizii wodhodazako tobbodayis Herodoosa baggitayir pettii kara shiiqeeza.
\s1 Asay Yesuusako shiiqeeza
\p
\v 7 Yesuusa fa tamaaritayir Galila Abba lanqqe yhanigeeza. Galilapera Yihudap ye7eez gaame asay eza kaalleeza. 
\v 8 Maakka Yerusalaamepp, Edomaasapp, Yorddanoose haath pinthappe, Xiroosa katamapper Sidoona giz katamapp Yesuusa ootheez bazita si7ii, gaame asay eziko ye7eeza. 
\v 9 Shiiqeez asay gaametithaypp dendeezayid eza waayithaam garkk E tamaaritay wogolo ezis lo7itoday garkk azazeeza.\x - \xo 3:9-10 \xo*\xt Mar. 4:1; Luq. 5:1-3\xt*\x* 
\v 10 Gaame asita E patheez gishos harginttiza asay ubbitay eza bochchodayis urqqinttiza. 
\v 11 Tuna ayyana aykkeez asitay eza be7eezan garkk e tiina xuggunii, fa qaala dhoqqi udii, «Ne Xooss Na7aya baasa?» yeegeeza.
\p
\v 12 Yesuusa unttan fa suntha ooskka odaamay garkk miinthii azazeeza.
\s1 Yesuusa taphpho nam7i hawaarita dooreeza
\r (Mat. 10:1-4; Luq. 6:12-16)
\p
\v 13 Yesuusa derell afa kezii, fa kozheez asita faako xeegeeza; unttikka eziko yhanigeeza. 
\v 14 Unttikka paar yezoday garkkennee qaala tamaarssoday garkk taphpho nam7ita doorii, unttan, «Hawaarita»\f + \fr 3:14 \fr*\fqa Hawaare: \fqa*\ft Hawaare guussay kiitintteez asi guussii.\ft*\f* gi xeegeeza. 
\v 15 Tuna ayyaanttakka kessod garkk unttisi mawute inggeeza.
\p
\v 16 E dooreez taphpho nam7itay yhayitita: Phixiroosa yeeginttii xeeginttiz Simoona, 
\v 17 Bo7anerggese (Dada na7ita) yeegii sunth gaddeezita, Zabdoosa na7ita Yayqqoobarannee Yayqqooba isha Waannisa, 
\v 18 Indiraase, Filphoosa, Barttolomoosa, Maattoosa, Toomaasa, Ilfoosa na7a Yayqqooba, Taadoosa, Kananepp maaqqeez Simoonarannee, 
\v 19 Yesuusa aathii inggeez Asiqoroto Yihuda.
\s1 Yesuusarannee Bi7elzebular
\r (Mat. 12:22-32; Luq. 11:14-23; 12:10)
\p
\v 20 Yeypp guye, Yesuusa kara geleeza. Ma gaame asay shiiqin, ezara e tamaaritay hara attozin katha maadayiskka danda7ekkaya. 
\v 21 Asay eza, «Eeyiza» giz gishos E dabbitay yeya si7ii eza aykkodayis yhanigeeza.
\p
\v 22 Higge asitamaaritaypp pettay pettay Yerusalaamepp yi7ii, «Ezal afa Bi7elzebula yeza», E, «Xalahe wolqqar xalahe ayyanita kessiza» yeegii wolla odintteeza.\x - \xo 3:22 \xo*\xt Mat. 9:34; 10:25\xt*\x*
\p
\v 23 Yesuusa asita faako xeegii aaziso odeeza. «Xalahe Xalahe wayizii kessodayis danda7ee? 
\v 24 Pettii kaatetithay fa gancce shaako kessiko ya kaatetithay eqqodayis danda7ooya. 
\v 25 Yey garkk, pettii kara asaykka woli gancce shaako medhdhiko dhabodaypp attin yezodayis danda7ooya. 
\v 26 Yikkee, Xalahe wolir morkkinttii duuxiko dhabodaypp attin yezodayis danda7ooya.
\p
\v 27 «Zin tiinattii wolqqama atha accekkazar e kara gelii, e shala bonqqodayis danda7iza asii baaya. Accii maaqqeezaypp e kara bonqqodayis danda7iza.
\p
\v 28 «Ta yinttis turo odiza; Xoossii as na7itayis nagara ubbannee u cazheez cashsh ubba atto goda. 
\v 29 Zin geeshsha Ayyanal afa iita baz odinttiza ooskka medhinas nagara maaqqodaypp attin Xoossii ubbarakka eza maaraamii» yeegeeza.\x - \xo 3:29 \xo*\xt Luq. 12:10\xt*\x* 
\v 30 Yesuusa yeya geezay, asay, «Ezal afa tuna ayyana yeza» yeegeez gishosii.
\s1 Yesuusa indatirannee e ishita
\r (Mat. 12:46-50; Luq. 8:19-21)
\p
\v 31 E indatinnee E ishitay yi7ii bale eqqii, eza xeegiseeza. 
\v 32 E lanqqe betteez gaame asitay, «Ne indatirannee ne ishitayir bale eqqii nena koyiza» yeegeeza.
\p
\v 33 Yesuusa mahii, «Ta indat oonoo? Ma ta ishitay aayita?» yeegeeza. 
\v 34 Fa kale betteez asa yuuyii bi7ii, «Ta indatinnee ta ishitay yhayttita. 
\v 35 Xooss azazo oothiz ubbitay ta ishe, ta misho ta aayo» yeegeeza.
\c 4
\s1 Zerth zeriz athay aaziso
\r (Mat. 13:1-9; Luq. 8:4-8)
\p
\v 1 Yesuusa maakka Galila Abba kale taamarsso aykkeeza. Aqopp aadheez gaame asitay E lanqqayir shiiqin, abbayil yez wogolay gancce gelii betteeza, asay ubbitay Abba lanqqe yeza.\x - \xo 4:1 \xo*\xt Luq. 5:1\xt*\x* 
\v 2 E unttan gaame baz aazisor taamarsseeza. Tamaarssittar yhay garkk yeegeeza:
\p
\v 3 «Si7oytta! Pettii athay zerth zerodayis kezeeza. 
\v 4 E zerodar, pettii pettii zerthay oge achcha wodhdheeza; kafitay yi7ii meeza. 
\v 5 Pettii pettii zerthay sisinqqo aadda yez biittal afa wodhdheeza. Afar biitta baazay gishos ye zerithay ellisii doleeza. 
\v 6 Zin awa kezeez wode shulleeza. Lo7ithii xapho dakkekka gishos ellisii meleeza. 
\v 7 Pettii pettii zerithitay angguth gancce wodhdheeza. Doleezanno angguthii diccii cuulleez gishos aafe aafaam ixxeeza. 
\v 8 Pettii pettii zerithitay aradda biittal wodhdhii doleeza. Diccii pettay hasttam, pettay usuppuntam pettay xeet aafeeza» yeegeeza. 
\v 9 «Si7iz hayer yez oonkka si7oo» yeegeeza.
\s1 Yesuusa aazisor odeezay
\r (Mat. 13:10-17; Luq. 8:9-10)
\p
\v 10 Yesuusa kaler yez asitaynnee taphpho nam77ii tamaaritay Yesuusa fa aadda yezin, eziko shiiqii ya aazisayis bili7itha oyceeza. 
\v 11 Yesuusa unttiko yhay garkk yeegeeza: «Yinttis Xooss kaatetithii xuura erettithii ingintteeza. Zin yhankkitayis kaatetithapp bale yezitayis ubba baz aazisor odinttiza. 
\v 12 Yeykka,
\q1 « ‹U bbi7iza, zin denggooya.
\q1 Si7iza, zin akaakooya.
\q1 U denggizakonnee akaakizako,
\q2 Xoossiko maaqqoda
\q2 ezkka unttan maarodazinii› »
\m yeegeeza.\x - \xo 4:12 \xo*\xt Isa. 6:9\xt*\x*
\s1 Zerth aazisayis bili7ith
\r (Mat. 13:18-23; Luq. 8:11-15)
\p
\v 13 Yesuusa unttiko, «Yha aazisay yinttiskka geloosa? Yeezin, yhankko aazisita ubba yi wayizii akaakodee? 
\v 14 Zerizay Xooss qaala zeriza. 
\v 15 Qaalay zerinttodar oge kantta wodhdheezitay qaala si7eezita. Zin Xalahe izir yi7ii, u wozinayid zerintteez qaala maxii ekkeeza. 
\v 16 Yey garkk, sisinqqo yez biittayil zerintteezay qaala si7ii, ellisii ufayttii ekkizita. 
\v 17 Zin unttisi xapho baazay gishos cere yhattesapp attin gam7ooya. Xiqqa wodepp guye qaala gisho meto woy bayi7ithii helliko ellisii dhubinttiza. 
\v 18 Angguth gancce zerintteezay qaala si7izita. 
\v 19 Zin yha sa7a yessis hirga, duretith qadhennee hara baz amotithii e wozinayid gelii qaala cuulliza gishos aafe aafekkazar attiza. 
\v 20 Zin aradda biittal zerintteezitay qaala si7ii ekkizita. Unttikka pettay hasttam, pettay usuppuntam pettay xeet aafiza» yeegeeza.
\s1 Geema yez xomppe
\r (Luq. 8:16-18)
\p
\v 21 Yesuusa gujjii, «Xomppe ayithii, ota gancce woy arssa oommo gaddiz asii yenee? Dhoqqa aqo gaddoosanee?\x - \xo 4:21 \xo*\xt Mat. 5:15; Luq. 11:33\xt*\x* 
\v 22 Yikkee, qosintteez baz ubbitay kezekkazar; zurintteez baz ubbay pidhdhe benttekkazar attaamii.\x - \xo 4:22 \xo*\xt Mat. 10:26; Luq. 12:2\xt*\x* 
\v 23 Si7iz haye yez oonkka si7o» yeegeeza.
\p
\v 24 Ma unttiko, «yinttii si7iz baz akaakii si7oytta! Xooss qaala yi si7izanigarkk e yinttis akaaka ingoda. Yi makkiz bazar yinttis makkoda. Ezayppekka yinttis gaanthii ingoda. 
\v 25 Pettii baz yeza athayis gujjinttii inginttoda, baazaypp hara attozin, yezan izakka eepp ekkinttoda» yeegeeza.\x - \xo 4:25 \xo*\xt Mat. 13:12; 25:29; Luq. 19:26\xt*\x*
\s1 Zerth dicco aaziso
\p
\v 26 Yesuusa mahii, «Xoossa kaatetithay fa gade zerith zeriz as garkke. 
\v 27 Ye athay qamma genttiza; guura gooddii dendiza. E wayizako erekkazin ya zerithay dolii dicciza. 
\v 28 Biittata fa aaddas katha ingiza. Tiina caare, yeypp aafodayis gambbuxiza, wurssithala kunth aafe aafiza. 
\v 29 Zin kathay maxos helliko athay ellisii maxo aykkiza» yeegeeza.\x - \xo 4:29 \xo*\xt Iyu. 3:13\xt*\x*
\s1 Sannaficce zerith aaziso
\r (Mat. 13:31-34; Luq. 13:18-19)
\p
\v 30 Yesuusa, «Nuunii Xooss kaatetithii ab aaziza gode? Woy abar aazisode? 
\v 31 Xooss kaatetithay sannaficce aafe aaziza. Ye mithatii aafa zerodar sa7a yez mithii aafe ubbaypp xiqqizara 
\v 32 Zeriko dolii diccii mith ubbaypp aadhiz; gita shaqo kessiza. Salo kafitay i shaqayil afa keexxii bettod gatho daazhiza» yeegeeza.
\p
\v 33 Yesuusa yhay garkk unddenna aaziso asitay akaakodayis danda7izay garkk qaala odeeza. 
\v 34 Asayis aaziso baazin odooya. Zin Yesuusa fa tamaaritayir aadda yeza wode unttisi bili7ii odeeza.
\s1 Yesuusa abba zula si77i udeeza
\r (Mat. 8:23-27; Luq. 8:22-25)
\p
\v 35 Ye gallasi sa7ay omathin, Yesuusa fa tamaaritayiko, «Abbapp seko pino wolla piinggoda» yeegeeza. 
\v 36 E tamaaritay woyita olii ashshii, Yesuusa tiina gelii betteez wogolitte gelii Yesuusana paar kanggeeza. Hara wogolitay ezayid yeza. 
\v 37 Wolqqama gotekka dendii, wogolay gancce haathii kumod gatho zulay shoceeza. 
\v 38 Ye wode Yesuusa wogolayis guye baggar borkothii gentteeza. E tamaaritay eza denthii, «Asitamaarayyo, nuunii dhabodar ne si77e gi bi7inee?» yeegeeza.
\p
\v 39 E barkkii gotana, «Si77e goba» yeegii, abbanakka, «Hayizoba» geeza. Gotaykka si77e gin ubba baz cicirkk geeza. 
\v 40 Yesuusa fa tamaaritayiko, «Yhay garkk yinttan yashshoday abba? Yinttis ammano abis dhabeenee?» yeegeeza.
\p
\v 41 Unttii iita yashsha yashittii woli gancce, «Yhay hara attozin, gotenne abba azazinttizay oonoo?» yeegeeza.
\c 5
\s1 Tuna ayyana aykkeez athay paxeeza
\r (Mat. 8:28-34; Luq. 8:26-39)
\p
\v 1 Yesuusarannee E tamaaritay abba piinggii, Gerggesonoona giz gade heleeza. 
\v 2 Yesuusa wogolaypp wodhdheezan garkk tuna ayyana aykkeez pettii athay duufopp kezii eza heleeza. 
\v 3 Ye athay duufo gancce aqittar peezhittar yeza. Eza oonkka santhalaater accodayis danda7ooya. 
\v 4 E gaame wode dukkulinttii santhalaater accinttii yeza. Zin santhalata duusirithiza, duththakka menthirithiza. Eza kayodayis danda7iza oonkka baaya. 
\v 5 E qammannee gallas ya duufayddannee derell afa uukkiza, fa gallakka shuchchar kariza.
\p
\v 6 Yesuusana haakor bi7ii woxxii yhanigii E tiinayid xuggunii goynneeza. 
\v 7 Ye athay fa qaala dhoqqi udii, «Ubbaypp aadho Xoossa Na7a Yesuusa, nenannee tana abba helithizay? Tana dhabisamaygarkk ta nena Xoossa sunthar woossiza» yeegeeza. 
\v 8 E yeya geezay Yesuusa eza, «Naat yha tuna ayyanayyo, yha athaypp kezoba» yeegii azazeez gishosii.
\p
\v 9 Yesuusa eziko, «Ne sunthay oonoo?» yeegii oyceeza.
\p E, «Nuunii gaame maaqqeez gishos ta sunthay Leegona» yeegeeza. 
\v 10 Tuna ayyanitay fana ya gadaypp kessii dakkaamaygarkk Yesuusana miinthii woosseeza.
\p
\v 11 Ye derayil afa gaame gudaylle wude heengginttiza. 
\v 12 Tuna ayyanitay Yesuusako, «Nuna seko gudaylle wudayiko dakkooye, u gancce yhanigii nu geloda» yeegii woosseeza. 
\v 13 Yesuusa unttiko, «qitoytta» yeegeeza. Yeegin tuna ayyanitay athaypp kezii gudayllitayll geleeza. Nam7i mukule maaqqod gudaylle wuday gaga doonar dirggii yhanigii abba gancce gelii mitintteeza.
\p
\v 14 Gudaylle wude heenggizitay yashittii yhanigii haneezibazana katamasinnee gaxares odeeza. Yeyppe asay haneezibazana be7adayis kezeeza. 
\v 15 Asay Yesuusako yi7ittar tuna ayyanay eepp kezeez atha be7eeza. E wozinay maaqqini, afila ma77ii, ezayid betteezana bi7ii ubbitay yashitteeza. 
\v 16 Yeya be7eez asitay tuna ayyanitay aykkeeza athayil afannee gudayllitayll afa haneezibazana ubba asis odeeza. 
\v 17 Yey gishos, asay fa biittaypp Yesuusa kezii qitodaygarkk woosseeza.
\p
\v 18 Yesuusa wogolayil afa kezodar tiin tuna ayyana aykkii dakeez athay, Yesuusar yhammadayis eza woosseeza. 
\v 19 Zin Yesuusa ixxii eziko, «Ne kara maaqqii, Goday neesi ab garkk maarotith ootheezakko neesi waafa keheezako ne kara asayis odoba» yeegeeza. 
\v 20 Athay yhanigii Taphphii Katama ginttiz aqo yuuyii, Yesuusa ezis ab garkk maarotith ootheezako odeeza. E odeezana si7eez as ubbitay malabaz geeza.
\s1 Yhayqqeez na7atonnee Yesuusa afila bochcheez asito
\r (Mat. 9:18-26; Luq. 8:40-56)
\p
\v 21 Yesuusa maaqqii, wogolo gancce gelii, abba piinggeezaypp guye gaame asay abba gaxa E kale shiiqeeza. 
\v 22 Iyaroosa giz Ayihuditay Woosa Keethi halaqitaypp pettay, Yesuusana be7eez wode eziko yi7ii e tokayil afa wodhdhii, 
\v 23 «Ta na7ata harginttii yhayqqod haniza. Iza paxodgarkk yi7ii ne kusha Izil afa gaddooye» yeegii Yesuusana miinthii woosseeza.
\p
\v 24 Yesuusa Iyaroosar yhanigeeza. E yhammadar gaame as eza kaallittar urqqitheeza.
\p
\v 25 Taphpho nam77ii laythi Izilapp suuthii goggeez pettii astta yeza. 
\v 26 Gaame akimitay izo akimeezin, iza pathi eqa kaa7inttiza. Iza fa miisha ubba wurssinkka iis yhana iiteezaypp attin abikka izo maaddekkaya. 
\v 27 Ye astta Yesuusa waara si7eez, gishos asaypp aadhii Yesuusas guyiguthar yi7ii e afila bochcheeza. 
\v 28 Iza, «Ta hara attozin E afila manchchato bochcheezako paxoda» gi qoppeeza.
\p
\v 29 Izipp goggiz suuthay izir eqqii atteeza. Iza fa waayaypp paxeezana fa galayill ereeza. 
\v 30 Yesuusa ellisii paapp wolqqa kezeezana fa ubbas erii, gaame asay gancce guye maaqqii, «Ta afila bochcheezay oonoo?» yeegeeza.
\p
\v 31 E tamaaritay, «Asay nena urqqiza bi7ittar, ‹Oonoo tana bochcheezay yeegii wayizii oyce?› » yeegeeza.
\p
\v 32 Yesuusa yeya o ootheezako erodayis yuuyii be7eeza. 
\v 33 Zin asita paas haneezibazana erii, yashshar kukkurttar yi7ii Yesuusa tiinayid guphinggii; fa xillat ubba eesi odeeza. 
\v 34 Yeeyin, Yesuusa iziko, «Tana7ate, nena ne ammanay patheeza, saro yhanigoba, ne waayayppekka paxoba» yeegeeza.
\p
\v 35 Yesuusa haga yhaya ododar, Ayihude Woosa Keethi halaqay karapp kiitintteez asitay yi7ii, «Ne na7ata yhayqqeeza, yhatt asitamaara abis daabursse?» yeegeeza.
\p
\v 36 Zin Yesuusa u gizana si7ii, Ayihuditay Woosa Keethi halaqayiko, «Ammano aadda ammanobapp attin yashittippe» yeegeeza. 
\v 37 Yesuusa Phixiroosapp, Yayqqobappennee Yayqqooba isha Waannisapp hara oonkka fana kalaamay garkk kayeeza. 
\v 38 Unttii Ayihude Woosa Keethi halaqay kara hellodar Yesuusa asay yeekkodar, zelalodarannee uukkodar be7eeza. 
\v 39 Gelii asitayiko, «Yha ubba yeefaynnee uufay abiso? Na7ata gentteezapp attin yhayqqekkaya» yeegeeza.
\p
\v 40 Asay eza leqqii miicceeza. Zin as ubbita bale kessii, na7atii ada, indatonnee hayidzii taamarita paar ekkii na7ata yezabessa geleeza. 
\v 41 Yesuusa na7atii kusha aykkii, «Xaalita, kumii» geeza. Bilthaykka (Xiqqa na7ate, nena giza dendoba) guussii.
\p
\v 42 Iza taphpho nam77ii laythi na7azar izir dendii eqqii yedhdhith aykkeeza. Yeykka haneeza bi7ii asay malabaz geeza. 
\v 43 Yesuusa yeya u ooskka odaamay garkk unttan miinthii azazii. Na7atis miiz baz immad garkk odeeza.
\c 6
\s1 Yesuusa Naazirete ixintteeza
\r (Mat. 13:53-58; Luq. 4:16-30)
\p
\v 1 Yesuusa yeypp kezii, fa taamarita kaalithii, fa katama Naazirete qiteeza. 
\v 2 Maala gallas Ayihude Woosa Keetha taamarsso aykkeeza. E taamarssizana si7eez gaame asay yhay malabaz gi, «Yhay yha ubba anapp denggeennee? Yhay ees ingintteez ecetithay waafa? Yha malatita oothiza mawutay ees wayizii ingintteene? \fig Pettii as Ayihude woosa keeth nabbabodar|alt="Man reading inside synagogue" src="LB00244B.tif" size="span" ref="6:2"\fig* 
\v 3 Yhay anaaxa baasa? Mayiramii na7a, Yayqqooba, Yoosa, Yihudarannee Simoona isha baasa? E mishunthikka nuur yhannee yezunthun baasanee?» yeegii, E odizana ekkaam ixxeeza.
\p
\v 4 Yesuusa ye asitayiko, «Nabe fa gadella, fa dabbitayddannee fa kara as gancce bonchchnttooyapp attin yhankkitay kale bonchchinttiza» yeegeeza.\x - \xo 6:4 \xo*\xt Wan. 4:43\xt*\x* 
\v 5 E ye aqayid fa kusha harginttiza xiqqa asitayil afa gaddii patheezaypp attin hara malata baz oothodayis danda7ekkaya. 
\v 6 Asay ammanaam ixxeez gishos pala baz geeza. Yeypp guye, Yesuusa ye heerapp hara heera taamarseeza.
\s1 Yesuusa taphpho nam7i hawaarita azazeeza
\r (Mat. 10:5-15; Luq. 9:1-6)
\p
\v 7 Yesuusa taphpho nam77ii taamarita faako xeegii, nam77e nam77e woli helthii azazeeza. Unttis tuna ayyanitayil afa mawute inggeeza. 
\v 8 Unttan, «Oges gufe aaddapp attin katha, qurbo, yi kiise miishe ababazkka aykkippattee.\x - \xo 6:8-11 \xo*\xt Luq. 10:4-11\xt*\x* 
\v 9 Yi toke caamma aathoytta, zin laame afilakka aykkippate» yeegeeza. 
\v 10 Maakka, «Yinttan asii mokkeez kara abakka maaqqin ye aqato ashshii qitod gatho ye karttee gam7oytta. 
\v 11 Yinttan asii mokkowa kara woy yi odiza baz si7oowa kara abakka maaqqiko, ye biittate yez asayis yey markka maaqqod garkk ye aqaypp kezittar, yi tokaypp buli7a tiqisoytta» yeegeeza.\x - \xo 6:11 \xo*\xt Haw. O. 13:51\xt*\x*
\p
\v 12 Taphpho nam77ii tamaaritay yhanigii, asay fa nagaraypp maaqqod garkk qaala odeeza. 
\v 13 Unttii asaypp gaame tuna Ayyanita kesseeza. Gaame hargintteezita zayite tizhii patheeza.\x - \xo 6:13 \xo*\xt Yay. 5:14\xt*\x*
\s1 Xammaqiza waannisa Yhayiqo
\r (Mat. 14:1-12; Luq. 9:7-9)
\p
\v 14 Yesuusa sunthay ubba aqo kezeezay gishos Kaatay Herodoosa e bagga si7eeza. Pettii pettii asay, «Xammaqiza Waannisa yhayiqopp dendeeza, yey baggar yha malatita oothizay eza» yeegeeza.
\p
\v 15 Baggitay, «Yhay Eelaasa» yeegeeza.
\p Yhankkitay ma, «Yhay binii wode nabitaypp pettay garkk maaqqith attaamii» yeegeeza.\x - \xo 6:14-15 \xo*\xt Mat. 16:14; Mar. 8:28; Luq. 9:19\xt*\x*
\p
\v 16 Zin Herodoosa yeya si7ii «Yhay ta qoodhe gachiseez xammaqiza Waannisa e yhayiqopp dendeeza» yeegeeza.
\p
\v 17 Herodoosa fa ishay Filphoosa machchato Heroodada ekkeez gishos Waannisa ayithii acciseeza. 
\v 18 Waannisa Herodoosa, «Ne ne ishay machchato ekkodayis beezooya» yeegeeza.\x - \xo 6:17-18 \xo*\xt Luq. 3:19-20\xt*\x*
\p
\v 19 Heroodada Waannisa fa ulor morkkii eza wodhisodayis koyeeza, zin danda7ekkaya. 
\v 20 Waannisa xillonnee geesh as maaqqeezana Herodoosa ereez baggar ezis yashittii miinthii naageeza. Herodoosa Waannisa nashsha si7ii ufayttizarakka mor7iza.
\p
\v 21 Herodoosa fa yelintteez gallasa bonchchodayis gade aqisizitayis, shaalaqitayisnnee Galila yez damma asayis imato giigiseeza. Yeyi Heroodadas lo77o gallas maaqqeeza. 
\v 22 Heroodada na7ata imathi mokinttiza aqayid gelii doonggii, Herodoosannee e imathita ufaysseeza. Kaatay na7atis, «Ne koyiz baz ab maaqqikokka tana oycoba, ta neesi immada» yeegeeza. 
\v 23 Ma izis caaqqii, «Ne oyciz baz ab maaqqikokka, ta neesi immada. Hara attozin, ta kaatetithay bagga maaqqikokka ta neesi immada» yeegeeza.
\p
\v 24 Na7ata bale kezii fa indatiko, «Ab ingoba gi oyco?» gi oyceeza.
\p I indat, «xammaqiza Waannisa omma ingo goba» yeegeeza.
\p
\v 25 Na7ata ellisii kaatayiko yhanigii, «xammaqiza Waannisa qoodhatip gachchii pili7o gancce gaddii yhatti taas immaday garkk ta koyiza» yeegeeza.
\p
\v 26 Yeegin Kaatay unddenna qiiradhdheeza zin fa immathitay gisho izis caaqqeez fa caaqa menthodayis koyekkaya. 
\v 27 Yeyi gishos, ellisii naagiza atha Waannisa omma ko7oday garkk azazeeza. Naagiza athay achch keethi yhanigii Waannisa qoodha gachcheeza. 
\v 28 Ye gachchintteez omma pili7o gancce gaddii ki7ii na7atis inggeeza. Na7atakka ma fa indatis inggeeza. 
\v 29 Waannisa tamaaritay yeya si7eez wode yhanigii e aha ekkii kanggii moogeeza.
\s1 Yesuusa ichchin mukule asa muzeeza
\r (Mat. 14:13-21; Luq. 9:10-17; Wan. 6:1-14)
\p
\v 30 Hawaaritay maaqqii yi7ii Yesuusako shiiqii u ootheezbazinnee taamarsseeza baz ubba Yesuusas odeeza. 
\v 31 Unttiko yi7iza asaynnee qitiza asay gaanggeez gishos Yesuusarannee e tamaaritayi, hara attozin katha maadayiskka unttis wode dhabeeza. Yeeyin, Yesuusa unttiko, «Nuusikka xiqqal shempp ekkodayis asii baa aqo yedhdhoytta» yeegeeza. 
\v 32 Yey gishos, unttii fa aaddas wogolo gancce gelii asii baa aqo yhanigeeza.
\p
\v 33 U yhammadar gaame asitay unttan bi7ii ereeza. Yeezin, katama ubbapp asii toker woxxii yhanigii u yhanigiza aqayid unttapp tiinattii helleeza. 
\v 34 Yesuusa wogolopp wodhdhii gaame woya be7eeza. Asay heenggiz asii baa dur garkk maaqqeezana bi7ii unttis qadhinttii unttan gaame baz taamarisseeza.\x - \xo 6:34 \xo*\xt Tay. 27:17; 1 Kaat. 22:17; Iziqe. 34:5; Mat. 9:36\xt*\x*
\p
\v 35 Sa7ay awa aadhodar Yesuusa tamaaritay eziko yi7ii, «Yha aqay liizho; yhatt sa7ay omatheeza. 
\v 36 Asay herarannee katamar yhanigii paas miiz baz woonggod garkk asa dakkoba» yeegeeza.
\p
\v 37 Zin Yesuusa mahii unttiko, «Asayis miiz baz yi ingoytta» yeegeeza.
\p U, yeezin «Nuunii yhanigii nam77ii xeet diinnaarer soollo wonggii immadenee?» yeegii oyceeza.
\p
\v 38 Yesuusa unttiko, «Yinttis aappun soollo yenee? An yhanigii bo7oytta» yeegeeza.
\p U bi7ii, «Ichchin soollorannee nam77ii molor yeza» yeegeeza.
\p
\v 39 Yesuusa fa taamarita asa ubba cugar cugar shaakkii maatal bettiththoday garkk azazeeza. 
\v 40 Asay baggay xeet, baggitay ishatam maaqqii cugar cugar shaakinttii betteeza. 
\v 41 Yesuusa ichchin soollorannee nam77ii molita ekkii, salo bi7ii Xoossa galateeza. Soolla duuthii asayis gishoday garkk fa tamaaritayis inggeeza. Ma nam77ii molita u ubbitayis shaakkeeza. 
\v 42 As ubbitay mi mizheeza. 
\v 43 Atteez soollo gufannee molo gufa, e tamaaritay taphpho nam77ii leemate kunth dentheeza. 
\v 44 Soollo meez dhiirath asitay aadda ichchin mukule maaqqada.
\s1 Yesuusa abbal afa yedhdheeza
\r (Mat. 14:22-33; Wan. 6:15-21)
\p
\v 45 Ellisii Yesuusa fa tamaaritay wogolo gancce gelii, Abbapp sekofino yez Biitta Beetesayida yhanigodaypp tiinatii qitoday garkk kiiteeza. 
\v 46 Asa moyzeezaypp guye Xooss woossodayis derell afa kezeeza.
\p
\v 47 Sa7a qammodar wogolay abba gancce yezin, Yesuusa abba gaxa fa aadda yeza. 
\v 48 Carkko e tamaaritayiko carkkiz gishos abba pidhithay waayithizana Yesuusa be7eeza. Wonttimaathe shugula uukkodar e abbal afar yedhdhittar unttiko yi7ii, unttan olii aadhodayis koyeeza. 
\v 49 Zin e abbal afa yedhdhodar, u bi7ii, unttisi meeshe aazin uukkeeza. 
\v 50 U ubbitay eza bi7ii, yashittii dagameeza.
\p Zin Yesuusa ellisii unttiko, «Tana, akko baaya; yashittippatte» yeegeeza. 
\v 51 Yesuusa wogolayid gelii unttar wolla bettin carkkay si77i atteeza. Unttii gita mala bazi geeza. 
\v 52 U wozinay docceez gishos soollayil ootheez malata unttii akaakekkayapp attin yhay unttis malabaz baabonazin.
\s1 Yesuusa Gensareexee hargintteezita patheeza
\r (Mat. 14:34-36)
\p
\v 53 Unttii abba piinggii, Gensareexee biitta hellii, wogola gaxal shiishii acceeza. 
\v 54 U wogolaypp wodhodar asay ellisii Yesuusana ereeza. 
\v 55 U heera yez biitta ubba woxitii hargintteez asita halar tookkii, «Yesuusa yeza» yeza geez aqayid ki7ith aykkeeza. 
\v 56 Asay e yhanigeez kara ubba, gaxare maaqqin, katama, yez hargintteez asita bucal kanggiza. Hargintteez asitay e afila manchcha maaqqikokka bochchod garkk asay eza woosseeza. Bochcheez ubbitay paxeeza.
\c 7
\s1 Binii aditay woga
\r (Mat. 15:1-9)
\p
\v 1 Yerusalaamepp ye7eez farasaawitayira pettii pettii higge asitamaaritay Yesuusa kale shiiqeeza. 
\v 2 Yesuusa tamaaritaypp pettay pettay geezhekka kusher, yeykka kushe meecinttekkazar katha miizita be7eeza.
\p
\v 3 Farasaawitaynnee Ayihuditay asii ubbay fa aditay wogay garkk fa kushe lo7ithii meecinttekkazar mooya. 
\v 4 Yey garkk, unttii gabepp maaqqii meeccekkazar mooya. Ma unttii fa aditaypp ekkeez hara gaame woga yeza: yeykka wancca, ota, biraata miishera arssa meecciz woga naagiza.
\p
\v 5 Farasaawitayirannee higge asitamaaritay Yesuusa, «Ne tamaaritay abiso aditay woga menthii fa kushe meecinttekkazar katha miizay?» yeegii oyceeza.
\p
\v 6 Yesuusa unttiko, «Nabe Isayaasa yinttis cubbitayis,
\q1 « ‹Yha asay tana fa iranthi aaddari bonchchiza,
\q2 zin u wozinay taapp haakko yeza.\x - \xo 7:6-7 \xo*\xt Isa. 29:13\xt*\x*
\q1
\v 7 Asii kochcheez woga Xooss higge aazisii taamarssiza gisho
\q2 u tana cer goynniza› »
\m yeegii xaafeezay turo.
\p
\v 8 «Yinttii Xooss kiita ashshii as woga naagiza» yeegeeza.
\p
\v 9 Maakka Yesuusa, «Yinttii yi woga naagodayis gi Xooss kiita olii ashsheeza 
\v 10 Muse, ‹Ne adenne ne indo bonchchoba›, ma ‹Fa adannee woy fa indo cazhizay yhayqqodayis beeziza› yeegeeza.\x - \xo 7:10 \xo*\xt Kes. 20:12; Tay. 5:16; Kes. 21:17; Lewii. 20:9\xt*\x* 
\v 11 Zin yi yeegiza pettii athay fa ada woy fa indato maaddoda ashshii, ‹Yhay Xoossa yarshsho› giiko, 
\v 12 E fa ada woy fa indato maaddaam garkk yi udiza. 
\v 13 Yey garkk, yi yhankkita taamarisseez yi wogayid Xoossa qaala leqqeeza. Yey garkk hara gaame baz oothiza» yeegeeza.
\s1 As tunisiza baz
\r (Mat. 15:10-20)
\p
\v 14 Yesuusa gaame asa maakka faako xeegii, «Ubbay ta odiza si7oyttannee akaakoytta. 
\v 15 As wozinapp keziz baz as tunisizapp attin balepp as ulo gelii as tunisiza baz abkka baaya. 
\v 16 Si7iz hayer yez oonkka si7o» yeegeeza.
\p
\v 17 Yesuusa gaame asa olii ashshii keetha gelin e tamaaritay ye aazisay bagga eza oyceeza. 
\v 18 E unttiko, «Yinttiskka ma gelekkasa? Balepp as gancce geliza baz abkka as tunisodayis danda7oozana akaakoosanee? 
\v 19 Abis giiko, katha as doonar ulo gancce gelii ezayir bale kezizaypp attin as wozina gancce gelooya» yeegeeza. Ezayid Yesuusa katha ubbay geeshshii maaqqeezana eriseeza.
\p
\v 20 Gujjikka, Yesuusa, «as tunisiza baz as wozina ganccepp keziz bazii. 
\v 21 As wozina ganccepp keziz baz wobbo qofa, lagita, kastto, as wodho, 
\v 22 laame, iita amotithii, iitatithii, gene, qayxe, doosha, qinaate, cashshe, utirannee boozatithii. 
\v 23 Yha iita baz ubbaykka as wozina ganccepp kezii as tunisiza» yeegeeza.
\s1 Pettii asttii ammano
\r (Mat. 15:21-28)
\p
\v 24 Yesuusa yeypp kezii, Xiroosa katama kale yez gade yhanigeeza. E pettii kara gelii ezayid yezana oonkka erod garkk koyekkaya. Zin qosinttii gam7odayis danda7ekkaya. 
\v 25 Zin i xiqqa na7ato tuna ayyana aykkeez pettii astta Yesuusa oosa si7ii ellisii eziko yi7ii e tokayil afa wodhdheeza. 
\v 26 Iza Girike asii; yelintteezay Siroofinqqe giz biitta. Iza, fa na7atipp tuna ayyana kessod garkk Yesuusa woosseeza.
\p
\v 27 Zin Yesuusa mahii, «Na7itay tiinatii katha mizho; na7itay katha ekkii kanitayis olo koshshooya» yeegeeza.
\p
\v 28 Asita maaqqii, «Ta Godayyo yeyi tuma, zin leemate kale yez kanitay na7itaypp wodhdhiz gufa miinebay» yeegii maheeza.
\p
\v 29 Yesuusa ma iziko, «Yha ne qaalay gishos ne kara qitoba; tuna ayyana ne na7atipp kezeeza» yeegeeza.
\p
\v 30 Izakka fa kara yhanigodar tuna ayyana i na7atipp kezin arssal woyi7eezanno denggeeza.
\s1 Yesuusa tullennee muume atha patheeza
\p
\v 31 Yesuusa ma Xiroosa katamapp kezii, Sidoonaranne Taphphii Katamita giz biittar aadhii Galila Abbako yhanigeeza. 
\v 32 Asay tullennee deddatiza as Yesuusako ki7ii, fa kushe ezal afa gaddod garkk eza woosseeza. 
\v 33 Yesuusa aadda ye atha gaame asaypp gaxa kessii, fa biradhdhe e hayayid dakkeeza. Ma yeypp cuchchii cuttii e irantha bochcheeza. 
\v 34 Salo fude dhoqqi gi bi7ii, woossii, «Eftah» geeza. Bili7ithaykka «Dooyinttoba» guusii. 
\v 35 Athay hayay ellisii dooyintteeza, accintteez iranthaykka bili7intteeza, athay bili7inttii odintteeza.
\p
\v 36 Yesuusa asayiko, «Yhaya ooskka odippate» yeegeeza. Zin E lo7ithii miinthii odippate gin, asay oda gede dalgiseeza. 
\v 37 Yeya si7eez as ubbay lo7ithii malabaz gi, «Ubba baz e lo7ithii oothiza. Hara attozin, tulle sissiza, muume odisiza» yeegeeza.
\c 8
\s1 Yesuusa oyddii mukule asii muzeeza
\r (Mat. 15:32-39)
\p
\v 1 Xiqqa wodepp guye, gaame asay Yesuusako shiiqeeza. Asayis miizibaz dhabin Yesuusa fa taamarita faako xeegii, 
\v 2 «Yha asay taar hayidzii gallas hellodayis gam7ii, abkka miiz baz denggekkazay gishos tana asay qadhithiiza. 
\v 3 Ta asa nayer kara dakkaamii, asay yhanigttar ogella daaburii pokkoda, bagga asay haakopp ye7eeza» yeegeeza.
\p
\v 4 Yesuusa tamaaritay mahii, «Yha liizhayid yha asa ubba muzodayis gidiza katha denggodays danda7izay oonoo?» yeegeeza.
\p
\v 5 Yesuusa unttiko, «Yinttar aappun soollo yenee?» yeegii oyceeza.
\p U mahii, «Laappun soollo yeza» yeegeeza.
\p
\v 6 Yesuusa asay sa7a bettoday garkk kiiteeza. Yeezeezaypp, laappun soollo ekkii Xooss galatii maaqqii ye soolla duuthirthii, asayis gishod garkk fa tamaaritayis inggeeza. E tamaaritay asayis gisheeza. 
\v 7 Unttisi ma xiqqa yishshe molitay yeza. Yesuusa ye molitay gishos Xooss galatii, asayis gishod garkk fa taamarita azazeeza. 
\v 8 Asay ubbitay mi mizheeza. E tamaaritay atteez gufa laappun leemate kunth dentheeza. 
\v 9 Katha meez asay tayibay oyddii mukule maaqqoda. Yeypp guye, Yesuusa asa dakkeeza. 
\v 10 E ma fa tamaaritayir ellithii wogolo gancce gelii Dalmmanuuta ginttiz biitta qiteeza.
\s1 Malla oothinttodaygarkk oyceeza
\r (Mat. 16:1-4)
\p
\v 11 Farasaawe asitay yi7ii Yesuusa paaccodayis koyii, salopp u fana mala beezodaygarkk Yesuusar palama aykkeeza.\x - \xo 8:11 \xo*\xt Mat. 12:38; Luq. 11:16\xt*\x*
\p
\v 12 Yesuusa sheemitii, «Yha wode asay abis malla koyee? Ta yinttis tuma odiza; yha wode asis aba mallakka ingintteena» yeegeeza.\x - \xo 8:12 \xo*\xt Mat. 12:39; Luq. 11:29\xt*\x* 
\v 13 E unttan ize olii ashshii maaqqii wogolo gancce gelii abbaypp seko pino piinggeeza.
\s1 Farasaawitannee Herodoosa irshsho
\r (Mat. 16:5-12)
\p
\v 14 E tamaaritay katha ekkii yhamo dogeeza; unttisi wogolay gancce pettii soollopp hara katha baaya. 
\v 15 Yesuusa unttiko, «Yinttan eroytta. Farasaawitay irshshoppennee Herodoosa irshshopp naaginttoytta» yeegii azazeeza.\x - \xo 8:15 \xo*\xt Luq. 12:1\xt*\x*
\p
\v 16 Unttii woli gancce, «E yhaya gizay nuus soollo baazay gishos» yeegeeza.
\p
\v 17 Yesuusa u gizana erii unttiko, «Yinttis soollo baazay gishos abis odinttee? Yhattekka yi eroosa? Woy yi akaakoosa? Yi wozinay docceennee? 
\v 18 Yinttis aafe yezin bo7oosa? Haye yezin si7oosa? Yinttis wayizii akaakinttoosa?\x - \xo 8:18 \xo*\xt Erim. 5:21; Iziqe. 12:2; Mar. 4:12\xt*\x* 
\v 19 Ta ichchin soollo ichchin mukule asis peedheez wode aappun leemate kunth gufa dentheennee?» yeegeeza.
\p Unttikka, «Taphpho nam7i leemate kunth» yeegeeza.
\p
\v 20 «Yey garkk, ta laappun soollo oyddii mukule asis peedhin aappun leemate kunith gufa dentheennee?» yeegeeza.
\p Unttii, «Laappun leemate kunth dentheeza» yeegeeza.
\p
\v 21 Yeezin, «Yhattekka yinttis qofinttoosa?» yeegeeza.
\s1 Yesuusa Beetesayda pettii aafe to7a patheeza
\p
\v 22 Unttii Beetesayda katama yhanigeeza. Xiqqa asitay to7a atha Yesuusako ki7ii ye atha bochchod garkk eza woosseeza. 
\v 23 Yesuusa to7a athay kushayid aykkii katamapp gaxa keseeza. E aafate cuttii fa kushayid ezal afa gaddii, «Nees akko benttinnee?» yeegii oyceeza.
\p
\v 24 Athay dhoqqi gi bi7ii, «Taas asay benttiza, zin asay yedhdhittar mithii aaziza» yeegeeza.
\p
\v 25 Yeypp guye, Yesuusa mahii, athay aafayil fa kushe gaddeeza. Athay lo7ithii be7eeza, e aafay paxeeza, ubba baz milxxi udii be7eeza. 
\v 26 Yesuusa athayiko, «Ne kara qitoba, katama yhanigippe» yeegii azazeeza.
\s1 Phixiroosa ammanonnee markkatithii
\r (Mat. 16:13-20; Luq. 9:18-21)
\p
\v 27 Yesuusa fa tamaaritayir Qisaare Filphoosa kale yez heera yhanigeeza. U yhammadar Ogel afa Yesuusa, «Tana asay oona gineshsha?» yeegii fa taamarita oyceeza.
\p
\v 28 E tamaaritay, «Pettii pettii asay nena, ‹Xammaqiza Waannisa› giza; yhankkitay, ‹Eelaasa giza› ma yhankkitay, ‹Nabitaypp petta› giza» yeegeeza.\x - \xo 8:28 \xo*\xt Mar. 6:14\xt*\x*
\p
\v 29 Yesuusa unttiko, «Yeezin yi tana oona gee?» yeegii oyceeza.
\p Phixiroosa, «Ne Kiristtoosa» yeegii maheeza.
\p
\v 30 Yesuusa, «Tabaz ooskka odaamay garkk naaginttoytta» yeegii unttan azazeeza.
\s1 Yesuusa fana hellod metonnee waaya odeeza
\r (Mat. 16:21-28; Luq. 9:22-27)
\p
\v 31 Yesuusa fa tamaaritayiko, «As Na7ay, gaame meto ekkodayis beeziza; cimitay, qeese halaqitaynnee higge asitamaaritay eza ixxodayis beeziza. Unttii eza wodhodayisinnee hayidzii gallasapp guye, e yhayiqopp dendodayis beeziza» yeegii unttan taamarsseeza. 
\v 32 E yeya unttis geeshshii odeeza. Phixiroosa aadda pettii bagga aathii kacceeza.
\p
\v 33 Zin Yesuusa guye maaqqii, fa taamarita bi7ii, Phixiroosar kacinttii, «Yha Xalahayyo, taapp haakkoba. Ne asii dosizibaz qoppizapp attin Xooss dosizibaz qoppooya» yeegeeza.
\s1 Yesuusa kaallodayis fana kado koshshiza
\r (Mat. 10:38-39; 16:24-28; Luq. 9:23-27; 14:26-27)
\p
\v 34 Maakka Yesuusa gaame asitayira fa taamarita faako xeegii, «Tana kaallodayis koyiz oonkka fana kado; fa mazqalana tookkii tana kaallo.\x - \xo 8:34 \xo*\xt Mat. 10:38; Luq. 14:27\xt*\x* 
\v 35 Fa shemppo ashshodayis koyiz athay dhabisiza. Zin ta gishonnee Wonggile gishos fa shemppo dhabisiza athay ashshiza.\x - \xo 8:35 \xo*\xt Mat. 10:39; Luq. 17:33; Wan. 12:25\xt*\x* 
\v 36 Asii sa7all yez shalo ubba denggii fa shemppo dhabisiko eza ab adode? 
\v 37 Asii fa shemppo wozodayis ab ingodayis danda7ee? 
\v 38 Xooss ammanoowa yha iita yeletithayid, asii taallannee ta qaalayid yeellatiko, As Na7ay, fa Adayi bonchchayir geesh kiitanchchitayir yi7itar e baggar yeellattoda» yeegeeza.
\c 9
\s1 Yesuusa ciray laamintteeza
\r (Mat. 17:1-13; Luq. 9:28-36)
\p
\v 1 Yesuusa unttiko, «Ta yinttis turo odiza; Xooss kaatetithay wolqqar yi7izana be7ekkazar yhayqqaam pettii pettii asay yhaydda yeza» yeegeeza.
\p
\v 2 Yesuusa usuppun gallasapp guye, paar Phixiroosara, Yayqqoobara Waannisara aadda ekkii damma ambal afa kessii u tiinayid laamintteeza.\x - \xo 9:2-7 \xo*\xt 2 Phix. 1:17-18\xt*\x* 
\v 3 E afilaykka fociza; sa7a afila meecciza oonkka geeshshodayis danda7oozay garkk mulxxi gi booxeeza. 
\v 4 Ye wode Eelaasara Musera Yesuusar wolla nashshodar be7eeza.
\p
\v 5 Phixiroosa Yesuusako, «Asitamaarayyo, nuunii yhaydda yezeezako nuus lo77o; nu hayidzii shaqara petta neesi, petta Muses, ma petta Eelaasas accoda» yeegeeza. 
\v 6 Yhankkitay iita yashitteez gisho Phixiroosa ab gizakokka erekkaya.
\p
\v 7 Yeypp guye, shaara yi7ii unttan goollin shaaray ganccepp, «Yhay ta qadhdhiza, ta Na7aya, e giz baz si7oytta» giz qaala ye7eeza. 
\v 8 Ellisii u yuuyii be7adar Yesuusapp attin hara oonakka fa kale u be7ekkaya.\x - \xo 9:8 \xo*\xt Mat. 3:17; Mar. 1:11; Luq. 3:22\xt*\x*
\p
\v 9 Unttii ambalapp wodhdhodar, Yesuusa unttiko, «As Na7ay, yhayiqopp dendod gatho, yi be7eez baz ooskka odippate» yeegii azazeeza.
\p
\v 10 E azazeezana u, «Ero» yeegii, «Yha yhayiqopp dendo guussay abi guuso» yeegii, fa ganccer wolla odintteeza.
\p
\v 11 U maaqqii, «Higge asitamaaritay, ‹Eelaasa tiinatii ye7odayis beeziza› abis gee?» yeegii oyceeza.\x - \xo 9:11 \xo*\xt Mil. 4:5; Mat. 11:14\xt*\x*
\p
\v 12 Yesuusa mahii «Eelaasa tiinatii yi7ii, ubba baz lo7ithiza; yeezin, abis geeshsha Maxaafay, ‹As Na7ay deexo meto ekkodanee leqinttoda› yeegii xaafeezay waafa? 
\v 13 Zin ta yinttis odiza; Eelaasa kase ye7eeza; ma e baz geeshsha Maxaafayid xaafintteezay garkk, asay ezal afa fa koyeezi baz ubba ootheeza» yeegeeza.
\s1 Yesuusa tuna ayyana aykkeez na7a patheeza
\r (Mat. 17:14-21; Luq. 9:37-43)
\p
\v 14 Yesuusarannee hayidzii e tamaaritay atteezitayko maaqqii ye7odar gaame as u lanqqayid betteezitannee higge asitamaaritay unttar palamizana be7eeza. 
\v 15 Ye gaame asay Yesuusa be7eez wode dagamar malabaz gi, ellisii eziko laasii yi7ii, eza sarotheeza. 
\v 16 Yesuusa higge asitamaaritayiko, «unttar palamizay abiso?» yeegii oyceeza.
\p
\v 17 Ye woyitay ganccepp pettii athay maaqqii, «Asitamaarayyo, ta na7ayil afa pogoda kayiz tuna ayyana yeza gishos eza ta neeko ke7eeza. 
\v 18 Ya ayyanay dendeez wode, eza shocii olii; doonayir gappuntto ki7ii; achch coonchii; galla zabisii gamin Kessodaygarkk ne tamaaritayis odin, u kessodayis danda7ekkaya» yeegeeza.
\p
\v 19 Yesuusa mahii unttiko, «Ammanoowa yha layitha asito! Taanii yinttar ayide hellodayis yezodee? Ma yinttan ayide hellodayis danda7odee? Na7a taako yhana ekkii ye7oytta» yeegeeza. 
\v 20 Unttii na7a eziko ke7eeza; ye tuna ayyanay Yesuusa be7eezangarkk na7a kukkurssii; pokisii, doonar gappuntto ki7ith aykkeeza. 
\v 21 Yesuusa ye na7ay adayiko, «Yha ne na7a aykkeezaypp aapun layth maaqqode?» yeegii oyceeza.
\p Na7ay aday, «E duudezin aykkeeza. 
\v 22 Eza wodhodayis gaame wode tama ganccennee haathii gancce oliza, zin ne danda7iko, nuus qadhdhooye, nuna maaddooye» yeegeeza.
\p
\v 23 Yesuusa, « ‹Ne danda7iko ginee?› Ammaniza ooskka ubba baz danda7inttiza» yeegeeza.
\p
\v 24 Ellisii na7ay aday fa qaala dhoqqi udii, «Ta ammaniza, zin gujjii ammanodaygarkk tana maaddooye» yeegeeza.
\p
\v 25 Yesuusa asay gaanggii gaanggii yhanigizana bi7ii, tuna ayyana, «yha tullennee muume ayyanayyo, yha na7aypp kezoba nena ta azaziza; ma nam7intho maaqqii ezal gelppe» yeegeeza.
\p
\v 26 Ye tuna ayyanay uukkii, na7a iita kukkurssii, ezapp kezeeza. Na7ay yhayqqeeza aazin, gaame asay, «Na7ay yhayqqeeza» yeegeeza. 
\v 27 Zin Yesuusa na7ay kushayid aykkii denthin, na7ay dendii eqqeeza.
\p
\v 28 Yesuusa kara geleezaypp guye e tamaaritay, «Nuunii ye tuna ayyana kessodayis abis danda7ekkasa?» yeegii Yesuusa aadda oyceeza.
\p
\v 29 Yesuusa mahii, «Yey garkkezay woosarannee [xoomarapp] attin harabazar kezodayis danda7ooya» yeegeeza.
\s1 Yesuusa fa yhayiqannee denda mahii odeeza
\r (Mat. 17:22-23; Luq. 9:43-45)
\p
\v 30 Unttii ye bessaypp dendii, Galilar aadhii yhanigeeza; Yesuusa fa yezabessa oonkka erod garkk koyekkaya. 
\v 31 E fa tamaaritayiko, «As Na7a, asii asitay kushe aathii immadannee wodhoda; E hayidzii gallasapp guye, yhayiqopp dendoda» yeegii taamarisseeza.
\p
\v 32 Zin unttisi e geezay gelekkaya; ma eza oycodayiskka yashitteeza.
\s1 Ubbapp aadhizay oonoo?
\r (Mat. 18:1-5; Luq. 9:46-48)
\p
\v 33 Unttii qifirnahoome katama yhanigii kara geleezaypp guye Yesuusa unttiko, «Ogel yi abis palaminttee?» yeegii oyceeza. 
\v 34 Zin u, «Nu gancce ubbapp aadhoday oonoo?» yeegii palameez gishos si77e geeza.\x - \xo 9:34 \xo*\xt Luq. 22:24\xt*\x* 
\v 35 Yesuusa bettii, taphpho nam77ii taamarita xeegii, «Oonkka tiina aadhodayis koyko, ubbapp guye aadhii, ubbayis aylle maaqqodayis beeziza» yeegeeza.\x - \xo 9:35 \xo*\xt Mat. 20:26\xt*\x*
\p
\v 36 Pettii xiqqa na7a ekkii, u gancce esseeza; ye xiqqa na7a idinggii unttiko, 
\v 37 «Yhay garkk xiqqa na7itaypp petta ta sunthayir mokkiza oonkka tana mokkiza; ma tana mokkiza oonkka tana azazeezanakka mokkizapp attin ta aadda mokkooya» yeegeeza.\x - \xo 9:37 \xo*\xt Mat. 10:40; Luq. 10:16; Wan. 13:20\xt*\x*
\s1 Nuna ixxowa ubbay nu bagga
\r (Luq. 9:49-50)
\p
\v 38 Waannisa, «Asitamaarayyo, pettii asii ne sunthar tuna Ayyanita kessodar nu bi7ii, nu bagga maaqqekka gishos eza kayeeza» yeegeeza.
\p
\v 39 Zin Yesuusa, «Oonkka ta sunthar Xoossii oothiz malata baz oothii, ellisii taal afa iita baz odinttodayis danda7izay baa gishos kayppate. 
\v 40 Nubaz ixxowa ubbitay nu bagga.\x - \xo 9:40 \xo*\xt Mat. 12:30; Luq. 11:23\xt*\x* 
\v 41 Ta yinttis turo odiza; yi taasita maaqqeez gishos oonkka yinttis ta sunthar hale haathii uzhodayis ingikokka, fa gate dhabaamii.\x - \xo 9:41 \xo*\xt Mat. 10:42\xt*\x*
\s1 Haras dhube maaqqithapp naagintto
\r (Mat. 18:6-9; Luq. 17:1-2)
\p
\v 42 «Tana ammaniza yha xiqqitaypp petta balithodaypp oonkka, damma woxa fa qoodheeli accii, abba gancce wodhdhizako eesi lo77oda. 
\v 43 Ne kushay nena balithiko, gachchii oloba. Neenii nam77ii kusher to7oowa gaanname tama gancce wodhdhizaypp, duuxa kusher medhina de7o gelo neesi lo77oda. 
\v 44 Gaanname guxinekka yhayqqoowa, tamaykka to7oowa aqo.\x - \xo 9:43-44 \xo*\xt Mat. 5:30\xt*\x* 
\v 45 Ne tokay nena balithiko, gachchii oloba. Ne nam77ii toker gaanname tama gancce wodhdhizaypp, wobbo maaqqii de7o gelizako neesi lo77o. 
\v 46 Gaanname guxine yhayqqoowa, tamaykka to7oowa aqo. 
\v 47 Ne aafay nena balithiko, woocii kessii oloba. Ne nam77ii aafer gaanname tama gancce wodhdhizaypp, pettii aafer Xooss kaatetithii gelizako neesi lo77o.\x - \xo 9:47 \xo*\xt Mat. 5:29\xt*\x* 
\v 48 Gaanname guxinay yhayqqoowa, tamaykka to7oowa aqo.\x - \xo 9:48 \xo*\xt Isa. 66:24\xt*\x*
\p
\v 49 «Yarshsho maxiner oothinttizay garkk asii ubbay tamar harqinttoda. 
\v 50 Maxine lo77o, zin mal7aam ixxiko, maaqqii wayizii mal7ithode? Yinttar maxine yezo. Yeezii pettay pettayir saro yezoytta» yeegeeza.\x - \xo 9:50 \xo*\xt Mat. 5:13; Luq. 14:34\xt*\x*
\c 10
\s1 Machcho anjjodayis beezooya
\r (Mat. 19:1-2; Luq. 16:18)
\p
\v 1 Yesuusa yeypp dendii, Yihuda biitta yhanigii Yorddanoose borkka piinggeeza. Gaame asay maaqqii eziko shiiqin, kaseesay garkk ya asa taamarsseeza.
\p
\v 2 Farasaawe asapp faaccodayis koyii Yesuusa, «Pettii as fa machchato anjjodgarkk Muse higgay kiitinee?» yeegii eza oyceeza.
\p
\v 3 E mahii, «Muse yinttan kase waagii kiitteenee?» yeegeeza.
\p
\v 4 Unttii, «Muse, ‹Pettii asii fa machchatis anjjo warqqate ingii dakko› geeza» yeegeeza.\x - \xo 10:4 \xo*\xt Tay. 24:1\xt*\x*
\p
\v 5 Yesuusa mahii, unttan «Yi wozinay miinthii maaqqeez gishos Muse yha azaza yinttis xaafeeza. 
\v 6 Zin Xoossay tiina medhdhitar dhiirathara maachchar udii, medhdheeza.\x - \xo 10:6 \xo*\xt Medhe. 1:27; 5:1\xt*\x* 
\v 7 Yey gishos, pettii asii fa adennee fa indo ashshii, fa machchatir wolla maadinttiza.\x - \xo 10:7-8 \xo*\xt Medhe. 2:24\xt*\x* 
\v 8 U nam7itay pettii asho maaqqiza; yhaypp, u pettii asho maaqqodaypp attin nam7e maaqqooya. 
\v 9 Yeyi gishos, Xoossay wolalli waaxeezana asii shaakkippe» yeegeeza.
\p
\v 10 U kara maaqqeez wode e tamaaritay yha oday bagga Yesuusa nam7intho oyceeza. 
\v 11 Yesuusa unttiko, «Fa machchato anjii hara ekkiz oonkka laammiza.\x - \xo 10:11-12 \xo*\xt Mat. 5:32; 1 Qor. 7:10-11\xt*\x* 
\v 12 Ma machchatakka fa azinaypp kezii hara azin geliko laammiza» yeegeeza.
\s1 Yesuusa duude na7ita anjeeza
\r (Mat. 19:13-15; Luq. 18:15-17)
\p
\v 13 Yesuusa duude na7ita bochchod garkk, pettii pettii asay na7ita eziko ki7iza, zin e tamaaritay ye asita kacceeza. 
\v 14 Yesuusa yeya bi7ii, fa taamarita gayileeza; unttiko, «Duude na7itay taako yi7izana kayppate; Xooss kaatetithay yhaytitay garkkezitayisii. 
\v 15 Ta yinttis turo odiza; Xooss kaatetitha duude na7a garkk ekkowa as oonkka ye kaatetitha ubbarakka gelaamii» yeegeeza.\x - \xo 10:15 \xo*\xt Mat. 18:3\xt*\x* 
\v 16 Yeypp guye duude na7ita idinggii, fa kushe unttal afa gaddii anjeeza.
\s1 Duretithinnee Xooss kaatetith
\r (Mat. 19:16-30; Luq. 18:18-30)
\p
\v 17 Yesuusa yhanigodayis kezodara pettii athay laasii yi7ii, e tiinayid bunqqitidinne, «keeha Asitamaarayyo, medhinas de7o laattodayis ta ab ootho?» yeegii oyceeza.
\p
\v 18 Yesuusa, «Abis tana keehayyo gi xeegee? Xooss aaddapp attin hara keeha oonkka baaya. 
\v 19 Xoossa kiitay, wodhippe; laammippe; kasttippe; worddo markattippe; dooshippe; ne adenne ne indo bonchchoba yeegizana ne eriza» yeegeeza.\x - \xo 10:19 \xo*\xt Kes. 20:12-16; Tay. 5:16-20\xt*\x*
\p
\v 20 Athay, «Asitamaarayyo, ta yhayitita ubba na7atithapp aykkii yhanno hellodayis naagiza» yeegeeza.
\p
\v 21 Yesuusa atha dakkii bi7ii qadhdheeza; «Nees pettibazii pacciza; yhanigii neesi yeza baz ubba bayizii, ye miisha manqqitayis ingoba; ne salo duritoda. Yeezii maaqqii tana kaalloba» yeegeeza. 
\v 22 Zin athay yeya si7ii, e tuqqeez dure maaqqeez gishos fa sina tukkeeza, ufayttekkazar ashshii qiteeza.
\p
\v 23 Yesuusa fa taamarita yuuyii bi7ii, «Dure as Xoossa kaatetithii gelodayi wayizii metodeshsha!» yeegeeza.
\p
\v 24 E tamaaritay e timirtta si7ii malabaz geeza. Zin Yesuusa maakka unttiko, «Na7ito, Xoossa kaatetithii gelodayi wayizii metodeshsha! 
\v 25 Dure as Xooss kaatetithii gelodaypp, gimaale narppe lukor aadhoday shawukkiza» yeegeeza.
\p
\v 26 E tamaaritay yhay malabaz gi, «Yeezin, oonii attodee?» yeegii, pettay petta oyceeza.
\p
\v 27 Yesuusa unttan dakkii bi7ii, «Yhay Xoossis danda7inttizapp attin asis danda7inttooya; Xoossis ubba baz danda7inttiza» yeegeeza.
\p
\v 28 Phixiroosa Yesuusako, «Yeezako; nuunii nubaz ubba ashshii, nena kaalleeza» yeegeeza.
\p
\v 29 Yesuusa «Ta yinttis turo odiza; ta gishonnee Wonggile gishos fa kara woy ishita woy mishita woy ade woy indo woy machcho woy na7ita woy gade ashsheezay oonkka, 
\v 30 Yhatti yha wodayid bayi7ithar fa kara, ishita, mishita, indita, na7ita, gade, xeet kushe ekkoda. Tiinas ye7od alame medhina de7o ekkoda. 
\v 31 Zin gaamitay tiinatteezitay guyitoda, maakka gaamitay guyiteezitay tiinatoda» yeegeeza.\x - \xo 10:31 \xo*\xt Mat. 20:16; Luq. 13:30\xt*\x*
\s1 Yesuusa fa yhayiqannee fa denday bagga hayidzantho odeeza
\r (Mat. 20:17-19; Luq. 18:31-34)
\p
\v 32 Yesuusarannee e tamaaritayir Yerusalaame yhammadar, Yesuusa fa tamaaritaypp tiin tiin yedhdhiza. U yeya malabaz geeza. Eza kaallizitaykka yashitteeza. Nam7intho, taphpho nam77ii taamarita gaxa kessii, fana hellod baza duma unttisi yhay garkk yeegii odeeza. 
\v 33 «Yeezako, nuunii Yerusalaame yhatti wolla kessal yeza. Yeydda as Na7a, qeese halaqitayisnnee higge asitamaaritayis aathii inginttoda. U ezal afa yhayiqo pirdda pirddoda; ma Ayihude baa woyas eza aathii immada. 
\v 34 Ye Ayihude baa woyay eza toochchoda, ezal afa cuttoda, lissor garafodannee wodhoda. E hayidzii gallasapp guye, yhayiqopp dendoda» yeegeeza.
\s1 Yayqqoobarannee Waannisa woosa
\r (Mat. 20:20-28)
\p
\v 35 Zabdoosa na7itay Yayqqoobarannee Waannisar Yesuusako yi7ii, «Asitamaarayyo, nuunii nena woossiza ubba baz nuus oothoday garkk koyiza» yeegeeza.
\p
\v 36 E unttiko, «Taanii yinttis ab ootho?» yeegeeza.
\p
\v 37 Unttii, «Neenii ne bonchcho kaatetitha bettiza gallas nuupp petta ushachch baggar ma petta haddirss baggar bettithooye» yeegeeza.
\p
\v 38 Zin Yesuusa unttiko, «Yi ab woossizako erooya, ta uzhodayis yez xuu7a uzhodayis danda7inee? Ma ta xammaqqinttodayis yez xinqqata xammaqinttodayis danda7inee?» yeegeeza.\x - \xo 10:38 \xo*\xt Luq. 12:50\xt*\x*
\p
\v 39 U mahii, «E nu danda7iza» yeegeeza.
\p Yesuusa maakka, «Tuma ta uzhodayis yez xuu7a yi uzhoda, ta xammaqinttodayis yez xinqqata yi xammaqinttoda. 
\v 40 Zin taapp ushachch baggarannee haddirss baggar bettodita dooro ta wolqqa baaya, zin ye aqay Xoossay immadayis giigisii gaddeezitayisii» yeegeeza.
\p
\v 41 Yhankko taphphii tamaaritay yeya si7ii Yayqqoballannee Waannisall gayilntteeza. 
\v 42 Yesuusa unttan ubba faako xeegii, «Ayihude baa asitayis halaqitay gade aqisizita ginttinttii xeeginttizitay moodizitayis fa asitayil afa mawute yezana yi eriza.\x - \xo 10:42-44 \xo*\xt Luq. 22:25-26; Mat. 23:11; Mar. 9:35; Luq. 22:26\xt*\x* 
\v 43 Zin yi gancce yey garkk baaya; yinttii yi gancce bayiradhodayis koyiz oonkka yinttis aylle maaqqodayis beeziza. 
\v 44 Ma yi gancce ubbapp dhoqqa maaqqodayis koyiz oonkka yi ubbayis aylle maaqqodayis beeziza. 
\v 45 Hara attozin, As Na7aykka, asis oothodayisinnee gaamita wozodayis fa shemppo aathii immadayis ye7eezapp attin asii ezisi oothod garkk ye7ekkaya» yeegeeza.
\s1 Yesuusa to7a Barximoosa aafa patheeza
\r (Mat. 20:29-34; Luq. 18:35-43)
\p
\v 46 Unttii Iyarkko katama yhanigeeza. Yesuusa fa tamaaritayirannee gaame asitayir Iyarkkopp kezodar, Ximoosa na7ay, to7ay, Barximoosa ginttinttizay, oge gaxa bettii woossiza. 
\v 47 Barximoosa, e ye ogayr aadhizay Naazirete Yesuusa maaqqeezana si7ii fa qaala dhoqqi udii, «Dawute na7a Yesuusa, tana maarooye!» yeegttar uufo aykkeeza.
\p
\v 48 Gaame asay eza, «Hayizoba!» yeegii qoddeeza.
\p Zin, e fa qaala tiinaasaypp aathii, «Dawute na7ayyo, tana hayyana maarooye!» yeegeeza.
\p
\v 49 Yesuusa eqqii, «Eza yhana xeegoytta» yeegeeza.
\p Unttii to7ayiko, «Akko baaya, dendii eqqoba, nena xeegiza» yeegeeza. 
\v 50 To7ay fa afila dhogii olii, guppii dendii eqqii, Yesuusako yhanigeeza.
\p
\v 51 Yesuusakka, «Ta neesi ab udod garkk ne koyee?» yeegeeza.
\p To7ay, «Asitamaarayyo, ta be7adayis koyiza» yeegeeza.
\p
\v 52 Yesuusa eza, «Qitoba, ne ammanay nena patheeza» yeegeeza. Izir e aafay bi7in, oger Yesuusa lassa kaalleeza.
\c 11
\s1 Yesuusa gaame bonchchor Yerusalaame geleeza
\r (Mat. 21:1-11; Luq. 19:28-40; Wan. 12:12-19)
\p
\v 1 U Yerusalaame ukkittar, Debre Zayite Dere lanqqe yez Beetefaagennee Bitaana katama helleeza. Yesuusa fa tamaaritaypp nam7ita tiina kiittii, 
\v 2 «Yinttapp tiina yez heera yhanigoytta; ize heleezan garkk oonkka toggii be7ekka achcha yez hare na7a yi demmada, eza billii, yhana ekkii ye7oytta. 
\v 3 Oonkka yinttan, ‹Yhaya abiso wayize?› yeegii oyciko, ‹Goday eza koyiza, yeegoytta e ellisii yhana dakkoda› yeegoytta» yeegeeza.
\p
\v 4 U yhanigii, hare na7aykka bale oge kale acinttii yezana denggii billeeza. 
\v 5 Ye aqayid eqqeez pettii pettii asay unttiko, «Hare na7a wayssadayis billee?» yeegeeza. 
\v 6 E tamaaritay e unttan azazeezana odin, asay dakkii ashsheeza. 
\v 7 U hare na7a Yesuusako ki7ii, fa afilita e zokkayil hiixxin Yesuusa ya hare na7a toggeeza. 
\v 8 Gaame asay fa afila ogel hiixeeza; ma atteez asay mith haye shaqqii, ogel afa hiixxeeza. 
\v 9 Yesuusapp tiinar yezitannee eza guyer kaalliz asitay fa qaala dhoqqi udii,
\q1 «Hosaana!
\q2 Goday sunthar yi7izay anjintteezaya.\x - \xo 11:9 \xo*\xt Maz. 118:25\xt*\x*
\q1
\v 10 Yi7izana, nu ada
\q2 Dawute kaatetithat iza anjintteezanno. Hosaana! Ubbapp aadho Salo»
\m yeegttar uukkeeza.
\p
\v 11 Yesuusa Yerusalaame yhanigii, Xoossa Keetha geleeza. Ma ubba baz yuuyii be7eezaypp guye, sa7ay qammeezayis taphpho nam77ii tamaaritayir Bitaana katama yhanigeeza.
\s1 Yesuusa baaddeez balase mithato
\r (Mat. 21:18-19)
\p
\v 12 Wonttitha gallas unttii Bitaanapp kezii yhammadar, Yesuusa nayintteeza. 
\v 13 Haakor pettii balase mithato haye tookkii yezanno bi7ii, Izil afa aafe benttodeshsha gi, be7adayis iziko yhanigeeza, zin iziko e yhanigodar haye aaddapp attin pettii aafekka denggekkaya; abis giiko, balase ka77iz wode hellekkaya. 
\v 14 Yesuusa ye balasato, «Yikkee, neepp medhinas asii aafe miippe» yeegeeza. E tamaaritay e giza si7eeza.
\s1 Yesuusa Xoossa keetha zal7izita kesseeza
\r (Mat. 21:12-17; Luq. 19:45-48; Wan. 2:13-22)
\p
\v 15 U Yerusalaame yhanigeeza; Yesuusa Xoossa Keethi gelii, ezayid bayizizitannee wonggizita bale bayi7ithii aykkeeza; ma miishe laammizitay xarpheezanannee holle bayizizitay oyda shirii oleeza, 
\v 16 Asii ababazkka tookkii, Xoossa Keethi ganccer aadhaamay garkk kayeeza. 
\v 17 Yesuusa asita yhay garkk yeegii taamarsseeza: «Geeshsha Maxaafayid, ‹Ta karay as ubbay Xoossa woossiza kara maaqqada› yeeginttii xaafinttekkasa? Zin yi eza paannitay qosinttiza komi7o maheeza» yeegeeza.\x - \xo 11:17 \xo*\xt Isa. 56:7; Erim. 7:11\xt*\x*
\p
\v 18 Qeese halaqitaynnee higge asitamaaritay yeya si7ii, eza wodhodayis oge koshshi aykkeeza. Zin woya ubbay E timirtta malabaz gizi gishos ezisi yashitteeza.
\p
\v 19 Sa7a lem7ilem7odar Yesuusarannee e tamaaritay katamapp gaxa kezeeza.
\s1 Balase mithat meleeza
\r (Mat. 21:20-22)
\p
\v 20 Unttii wonttitha gallas ye ogayir aadhttar, ye balasata xaphor meleezano be7eeza. 
\v 21 Phixiroosas elqqi gin, «Asitamaarayyo, yinashe, ne baaddeez balasat meleeza» yeegeeza.
\p
\v 22 Yesuusa mahii, «Xoossa ammanoytta. 
\v 23 Ta yinttis turo odiza; oonkka fa wozinayid sidhdhekkazar geezbazii hanodana fa wozinar ammanii, yha amiba, ‹shodinttii abba gancce wodhoba› yeegiko ezisi hanoda.\x - \xo 11:23 \xo*\xt Mat. 17:20; 1 Qor. 13:2\xt*\x* 
\v 24 Yey gishos, ta yinttis odiza; Xoossa yi woossizabazinnee oyciz baz ab maaqqiko ekkeezay garkk ammanoytta, yi ekkoda. 
\v 25 Xooss woossodayis yi eqqodar salo yez yi Aday yi nagara atto goday garkk, oonkka yinttan naaqqeez baz pettakka yeziko, ezisi atto goytta. [ 
\v 26 Zin as nagara yi atto gaam ixxiko, salo yez yi Adaykka yi nagara yinttis atto gamii» yeegeeza.]
\s1 Yesuusa aba mawuter oothizako oycintteeza
\r (Mat. 21:23-27; Luq. 20:1-8)
\p
\v 27 U maaqqikka Yerusalaame qiteeza. Yesuusa Xoossa Keetha yedhdhodar, qeese halaqitay, higge asitamaaritaynnee cimitay eziko yi7ii, 
\v 28 «Ne yhayttita oothodayis neesi aba mawute yenee? woy neesi yha mawuta inggeezay oonoo?» yeegeeza.
\p
\v 29 Yesuusakka mahii unttiko, «Ta yinttan pettibaz oycoda, taas odoytta. Ta ma yhaya aba mawuter oothizako, yinttis ododa. 
\v 30 Waannisa xinqqatay Xoossappennee asappee? Taas odoytta» yeegeeza.
\p
\v 31 U woli gancce palama aykkii, «Nu, ‹Xoossapp› giiko, E nuuko, ‹Yeezin, Waannisa odeezana abis ammanekkasa?› yeegoda. 
\v 32 ‹Asappee giiko› ubba as Waannisa nabe maaqqeeza eriza.» Yey gishos woyayis yashitteeza. 
\v 33 Yey gishos, u Yesuusako, «Nu erooya» yeegii maheeza;
\p Yesuusakka, «Taankka yhaya aba mawuter oothizako, yinttis odaammii» yeegeeza.
\c 12
\s1 Woyine tukkiz biitta oothii aqizitay aaziso
\r (Mat. 21:33-46; Luq. 20:9-19)
\p
\v 1 Yesuusa unttis aazisor yeegii oda aykkeeza; «pettii athay woyine mithii tukkii, yuushsha gaseeza. Ma woyine buulliz ollakka bookkeeza. Naagodayis aduss shaakko shakkiseeza. Yeypp guye, mattaye yhanttiz asayis ingii, hara biitta qiteeza.\x - \xo 12:1 \xo*\xt Isa. 5:1\xt*\x* 
\v 2 Woyine aafe maxiza wode hellin, fana hellizana ekkii ye7odgarkk, pettii fa aylla mattaye ekkeezitayiko azazeeza. 
\v 3 Mattaye ekkeezitay e aylla aykkii yhadhdhii, kallo kushe dakkeeza. 
\v 4 Nam7antho hara aylle unttiko kiittin, unttii ye aylla shuchchar qawuxii yeellathii dakkeeza. 
\v 5 Woyine atakiltte goday maakka hara aylle azazeeza. Ya aylla wodheeza, ma hara gaamita dakkin yey garkk, petta petta yhadhdhii, baggita wodheeza.
\p
\v 6 «Woyine atakiltte godayis kiittodayis ubbapp wurssithal e lo7ithii qadhdhiza na7ay aadda atteeza. E, ‹U ta na7a bonchchekka ashshaamii› yeegii, fa na7a unttiko azazeeza.
\p
\v 7 «Zin mattaye ekkeezitay fa ganccer, ‹Laattoday yhaya; yedhdhoytta eza wolla wodhoda; e gaday nuus maaqqoda!› yeegeeza. 
\v 8 Na7a aykkii wodhii, e aha woyine atakiltte ganccepp gaxa kessii oleeza.
\p
\v 9 «Yikkee, woyine atakiltte goday wayssadee? Yi7ii ye mattaye ekkeezita wodhii, woyina oothiza hara asayis immada.
\q1
\v 10-11 « ‹Gimbbizitay borii ixxeez shuchchay
\q2 keeth muumer tookkiza kirkiro garkk;
\q2 ubbapp aadhiz shuchch maaqqeeza.
\q1 Yhay Goday ootheez bazi;
\q2 ma nu aafayiskka mala bazi›
\q2 Yeegizana geeshsha Maxaafepp nabbabekasa?»
\m yeegeeza.\x - \xo 12:10-11 \xo*\xt Maz. 118:22-23\xt*\x*
\p
\v 12 Qeese halaqitay, higge asitamaaritaynnee cimitay Yesuusa ye aazisa u faal afa aaziseezana ereez gishos eza aykkodayis koyeeza, zin asayis yashittii, ashshii qiteeza.
\s1 Giira baggar shiiqeez oychch
\r (Mat. 22:15-22; Luq. 20:20-26)
\p
\v 13 Farasaawitayppennee Herodoosa baggitaypp xiqqa asitay e odaypp buuta denggii, eza aykkodayis koyii, eziko azazeeza. 
\v 14 U eziko yi7ii, «Asitamaarayyo, ne turo odinttizannee asapp ase shagoozana nu eriza. Ne ase shagooya; ma Xooss oge tumar taamarssiza. Nu Oroome biitta Kaat Qeesaares giira gachchizay woganee woga baasa? Giira gachchonnee ashsho?» yeegeeza.
\p
\v 15 Zin u cubbotitha Yesuusa erii, «Tana abis faaccodayis koyee? An pettii santte yhana ki7ii tana beezoytta» yeegeeza. 
\v 16 Unttii ezisi ke7eeza, «Yha mallaynnee sunthay ooso?» yeegii unttan oyceeza.
\p Unttii, «Qeesaares» yeegeeza.
\p
\v 17 Yesuusa mahii, «Yeezako, Qeesaareesana Qeesaares, Xoossiisa Xoossis inggoytta» yeegin u e oda yhay mala bazi geeza.
\s1 Yhayiqopp dendo bagga
\r (Mat. 22:23-33; Luq. 20:27-40)
\p
\v 18 Yhayqqeez asii dendooya giz Saduqaawitaypp pettii pettii asay Yesuusako yi7ii, yhay garkk yeegii, eza oyceeza.\x - \xo 12:18 \xo*\xt Haw. O. 23:8\xt*\x* 
\v 19 «Asitamaarayyo, Muse nuus higge xaafittar, ‹Machcho ekkeez athay na7a yelekka yhayqqiko, ye yhayqqeezayis ishay e machchato ekkii, fa ishayis na7a yelodayis beeziza› yeegizana xaafeeza.\x - \xo 12:19 \xo*\xt Tay. 25:5\xt*\x* 
\v 20 Binii wode laappun ishitay yezitaypp bayray machcho ekkii, na7a yelekkazar yhayqqeeza. 
\v 21 Nam7inthay izo ekkeeza, ezkka na7a yelekkazar yhayqqeeza. Hayidzinthaykka yey garkk haneeza. 
\v 22 Laappunitaykka yeyigarkk izo ekkii, na7a yelekkazar yhayqqeeza. Ubbapp guye, ma ye asitakka yhayqqeeza. 
\v 23 Yeezin, laappunitay izo ekkeez gishos yhayqqeez asay yhayiqopp dendiza gallas, iza unttapp aayayis machcho maaqqode?» yeegeeza.
\p
\v 24 Yesuusa mahii, «Yi balinttizay, geeshsha Maxaafita woy Xooss wolqqa erekka gishos baasa? 
\v 25 Yhayqqeez asay yhayiqopp dendiza gallas, salo yez kiitanchchitay garkk maaqqodaypp attin dhiirathi asay ekkooya; maachii asitay gelooya. 
\v 26 Zin yhayqqeezitay dendo bagga maaqqiko, Xoossii Museko tusha gancce eexiz tamapp waageezako Muse maxaafaypp nabbabekkasa? Yeykka ‹Taanii, Afraame Xoossii, Isaaqa Xoossii, Yayqqooba Xoossii› yeegeezaya\x - \xo 12:26 \xo*\xt Kes. 3:6\xt*\x* 
\v 27 Yey gishos, e, path yezitay Xoossapp attin yhayqqeezitay Xooss baaya. Yi aqopp aadhii balinttiza» yeegeeza.
\s1 Ubbapp aadhiz kiita
\r (Mat. 22:34-40; Luq. 10:25-28)
\p
\v 28 Higge asitamaaritaypp pettay u palamizana shiiqii si7eeza. Ma Yesuusa unttis lo7ithii maheezana si7ii, «Kiita ubbapp aadhiz kiitay aaya?» yeegii Yesuusana oyceeza.\x - \xo 12:28-34 \xo*\xt Luq. 10:25-28\xt*\x*
\p
\v 29 Yesuusa mahii, eziko yhay garkk yeegeeza: «Kiita ubbapp aadhiz kiita si7oytta; ‹Isreele asayis, Goday nu Xoossay pettii Goda.\x - \xo 12:29-30 \xo*\xt Tay. 6:4-5\xt*\x* 
\v 30 Ne Goda ne Xoossa ne kunth wozinapp, ne kunth shemppopp, ne kunth qofapp, ne kunth wolqqapp qadhdhoba› yeegeeza. 
\v 31 Ma kiita ubbapp aadhiz nam7intho kiitay yhaya; ‹Ne lagga ne ubbay garkk qadhdhoba› yeegiza; yhayttitaypp aadhiz hara kiita baaya» yeegeeza.\x - \xo 12:31 \xo*\xt Lewii. 19:18\xt*\x*
\p
\v 32 Higge asitamaaray Yesuusako, «Asitamaarayyo; ‹Xoossay petto. Ezapp attin hara baaya› ne geezay turo.\x - \xo 12:32 \xo*\xt Tay. 4:35\xt*\x* 
\v 33 Xoossa kunth wozinapp, kunth qofappennee kunth wolqqapp qadhdhizaynnee ma as ubba fa ubbay garkk qadhdhizay xuuggiz yarshshoppennee hara yarshsho ubbaypp aadhiza» yeegeeza.\x - \xo 12:33 \xo*\xt Hosa. 6:6\xt*\x*
\p
\v 34 Yesuusa higge asitamaaray mahithay aadho era as malisse maaqqeezana bi7ii, «Ne Xooss kaatetithapp haakkekkaya» yeegeeza; yeypp guye, Yesuusana hara baz oycodayis oonkka minggekkaya.\x - \xo 12:28-34 \xo*\xt Luq. 10:25-28\xt*\x*
\s1 Kiristtoosa o na7a
\r (Mat. 22:41-46; Luq. 20:41-46)
\p
\v 35 Yesuusa Xooss Keetha tamaarssittar, yhay garkk yeegeeza: «Higge asitamaaritay Kiristtoosa waagii fana Dawute na7a gee? 
\v 36 Dawute geesha Ayyana denthithin,
\q1 « ‹Goday, ta Godayiko, «Taanii ne morkkita
\q2 ne toke yedhdhiz aqo udod gatho,
\q2 yhaydda ta ushachcha bettoba» geeza
\m yeegeeza.\x - \xo 12:36 \xo*\xt Maz. 110:1\xt*\x* 
\v 37 Dawute fa ubbas Kiristtoosana, «Goda gi xeegiko, yeezin, Kiristtoosa wayizii, Dawute na7a maaqqee» yeegeeza.
\p Woyay Yesuusa gizana ufayttii si7eeza.
\s1 Yesuusa higge asitamaarita boreeza
\r (Mat. 23:1-36; Luq. 20:45-47)
\p
\v 38 Yesuusa tamaarssittar, yhay garkk yeegeeza: «Higge asitamaaritaypp naaginttoytta; u aduss afila ma77ii yuuyizitannee gabellakka asay unttan bonchchii sarothizana dosiza. 
\v 39 Unttii Ayihuditay Woosa keetha gaame lo77o oyde dosiza; maakka asii fana mokkiza aqokka bonchcho aqo dosiza. 
\v 40 U asii be7o gi woosa adussisttar, am7itay keetha bonqqiza; u ubbapp aadhiz pirdda ekkoda» yeegeeza.
\s1 Am7ati muxaata
\r (Luq. 21:1-4)
\p
\v 41 Yesuusa Xooss Keeth gancce muxaata oliza saaxine kale bettii, asay fa miisha ye saaxinayid olizana be7eeza; gaame dure asay gaame miishe ye saaxinate oliza. 
\v 42 Pettii manqqo am7at yi7ii, nam77ii sikkinna ye saaxintte oleeza. 
\v 43 Yesuusa fa taamarita xeegii, «Ta yinttis turo odiza; muxaata saaxine gancce oleez as ubbapp yha manqqo am7at aathii oleeza. 
\v 44 Abis giiko, yhankkitay ubbitay paas puceez miishaypp oleeza. Zin iza fa pacatipp, paas yezanno ubbar oleeza» yeegeeza.
\c 13
\s1 Yesuusa Xooss keethay laalinttodana tiinatii odeeza
\r (Mat. 24:1-2; Luq. 21:5-6)
\p
\v 1 Yesuusa Xooss keethapp kezodar, e tamaaritaypp pettay, «Asitamaarayyo, yhay waafa lo77o shuchchinnee waafa lo77o shuchch keethizako ne bo7oba!» yeegeeza.
\p
\v 2 Yesuusa mahii, «Yha damma shuchch keetha ne bi7inee? Yha keethay shuchchii shuchchal afa gimbbintteezay garkk laalinttekkazar attaamii; pettii shuchchikka attekkazar ubbitay laalinttoda» yeegeeza.
\s1 Wurssith layithis yez mala
\r (Mat. 24:3-14; Luq. 21:7-19)
\p
\v 3 Yesuusa Xooss keethapp tiina baggar Debre Zayite ambal afa betteezin, Phixiroosa, Yayqqooba, Waannisannee Indiraasera wolla eziko yi7ii, 
\v 4 «Yhay ayide hanodazako, nuus odoba; yha ubbitay polinttod woda erisiza mallay abba?» yeegii oyceeza.
\p
\v 5 Yesuusa maakka unttis yhay garkk yeegii odeeza: «Yinttan oonkka balithaamay garkk naaginitoytta. 
\v 6 Gaame asay ta sunthar, ‹Taanii Kiristtoosa› yeegttar yi7ii, gaame asita balithoda. 
\v 7 Olannee ola wore yi si7eez gallas dagamippatte. Yey garkk baz hanoday attaamii, zin wurssithay haga. 
\v 8 Pettii woya hara woyar olinttoda; ma pettii kaatetithay hara kaatetithar olinttoda; biitta eni7o ubba aqo hanoda; naye denidoda, zin yey ubbay yelosi maachchii iqinttiz zookegarkke.
\p
\v 9 «Zin yi, yi ubbas naaginttoytta. Abis giiko, asii yinttan aykkii, pirdde keethis aathii immada; ma Ayihuditay Woosa Keethitayidakka yinttan alanggar alanggoda; gade aqisizitay tiinannee kaatitay tiina ta gishos yi markkattodayis eqqoda.\x - \xo 13:9-11 \xo*\xt Mat. 10:17-20; Luq. 12:11-12\xt*\x* 
\v 10 Wurssithii hellodaypp tiina Wonggile as ubbayis odinttodayis beeziza. 
\v 11 U yinttan pirdde keeth ki7iza wodennee aathii inggiza wode waagii odode yeegii hirigipatte; ye saatate Xoossay yinttis inggiza baz odoytta. Geeshsha Ayyanay odinttizapp attin yinttan baaya.
\p
\v 12 «Ishay fa isha, adayi fa na7a aathii immada. Na7itay fana yeleezitayil afa dendii, unttan wodhoda. 
\v 13 Asii ubbay yinttan ta sunthay gishos ixxoda, zin wurssithii hellodayis garzheezay attoda.\x - \xo 13:13 \xo*\xt Mat. 10:22\xt*\x*
\s1 Yerusalaamel hellod iita meto
\r (Mat. 24:15-28; Luq. 21:20-24)
\p
\v 14 «Zin dhabisiza tuna ooso eqqodayis beezoowa aqo eqqeezin yi be7ada.» Yey waaguusizako nabbabizay akaako! «Yihuda biitta yezitay ye wode amiba guye qosintto.\x - \xo 13:14 \xo*\xt Daan. 9:27; 11:31; 12:11\xt*\x* 
\v 15 Keethal yez athaykka pettibaz ekkodayis, fa kara gelppe.\x - \xo 13:15-16 \xo*\xt Luq. 17:31\xt*\x* 
\v 16 Gade oothol yezay fa afila ekkodayis guye maaqqippe. 
\v 17 Ye wode wodeth maachitayisinnee dhanthiza maachita unttan ayye. 
\v 18 Zin yhay ubbitay hanodar woday barigo maaqqaamay garkk, Xooss woossoytta. 
\v 19 Abis giiko, Xoossii alame medhdheez wodepp aykkii, yhanno hellodayis hanibe7ekka meto tiinappekka hanaam meto asal afa ye wode hanoda.\x - \xo 13:19 \xo*\xt Daan. 12:1; Wan. Qon. 7:14\xt*\x* 
\v 20 Goday ye gallasitay tayiba haatithoozako, as giz oonkka attaamii. Zin e fa dooreez asay gishos ye gallasitay tayiba qanthiseeza.
\p
\v 21 «Ye wode oonkka yinttan, ‹Yhaya bo7oytta, Kiristtoosa yhaydda yeza woy Kiristtoosa sendayida yeza› yeegiko, yeya ammanippatte. 
\v 22 Worddo Kiristtoositayrannee worddo nabitay dendii unttis danda7inttiko, hara attozin Xoossay maraxeezitakka balithodayis mallannee malabaz beezoda. 
\v 23 Zin yi naaginttoytta; ta yinttis ubba baz tiinatii odeeza.
\s1 Kiristtoosa nam7intho yi7ithi
\r (Mat. 24:29-31; Luq. 21:25-28)
\p
\v 24 «Zin ye wode ye waayaypp guye,
\q1 « ‹Awa dhumoda;
\q2 agina fa foo7a kayoda;\x - \xo 13:24 \xo*\xt Isa. 13:10; Erim. 2:10\xt*\x*
\q1
\v 25 Xoolinttitay salopp gufoda;
\q2 ma salo yez wolqqitaykka eni7oda.›\x - \xo 13:25 \xo*\xt Isa. 34:4; Iyu. 2:10; Wan. Qon. 6:13\xt*\x*
\m
\v 26 Ye wode as Na7ay, aadho wolqqarannee bonchchora shaara ganccer ye7odar ubbay be7ada.\x - \xo 13:26 \xo*\xt Daan. 7:13; Wan. Qon. 1:7\xt*\x* 
\v 27 Ye wode Ee kiitanchchita kiittoda; unttikka oyddii gontte yhanigii sa7a gaxapp salo gaxa hellodayis, Xoossii dooreez asita shiishoda.
\s1 Layithay helleezana erisiza balase mithato
\r (Mat. 24:32-35; Luq. 21:29-33)
\p
\v 28 «Aaziso balase mithapp akaakoytta; balasata furccodarannee I hayay bili7ith aykkiko bone ukkeezana yi eriza. 
\v 29 Yey garkkekka, yi ye ubba baz hanizana bi7iko woday ukkii penge helleezana eroytta. 
\v 30 Ta yinttis turo odiza; yha ubbabazay hanod gatho yha yeletith ubbitay aadhaamii. 
\v 31 Salonnee sa7a aadhoda, zin ta qaalay ubbarakka aadhaamii.
\s1 Goday ye7od gallasannee saate oonkka erooya
\r (Mat. 24:36-44)
\p
\v 32 «Zin ye gallasannee ye saata Aday aaddapp attin hara attozin salo yez kiitanchchita maaqqin woy Na7a maaqqin oonkka erizay baaya.\x - \xo 13:32 \xo*\xt Mat. 24:36\xt*\x* 
\v 33 Ye gallasay ayide maaqqodazako yi eroowa gishos naaginttoytta, minggoyttannee woossoytta. 
\v 34 Ta yi7ithay fa kara ashshii, oge yhanigiza athay garkke. Athay fa ayllita ommar ommar ootho ayithii unttis fa oosayis mawute inggeeza; ma naagizanakka miinthii naagod garkk azazeeza.\x - \xo 13:34 \xo*\xt Luq. 12:36\xt*\x*
\p
\v 35 «Yey gishos, miinggoytta. Abis giiko, kara aday omathi maaqqo woy giddii bilahe maaqqo woy shugula uufo maaqqo woy wonttimaathe maaqqo ayide ye7odazako, yi erooya. 
\v 36 Yi akaakekkazin e yi7ii yinttan yi genttii yezin dengaamay garkk miinggoytta. 
\v 37 Ta yinttis odizan garkk as ubbas; miinggoytta» yeegeeza.
\c 14
\s1 Kiristtoosal afa tobeeza
\r (Mat. 26:1-5; Luq. 22:1-2; Wan. 11:45-53)
\p
\v 1 Paaziqa Baale bonchchiza gallasnnee boora Baale bonchchiza gallas hellodayis nam77ii gallasii atteeza. Qeese halaqitaynnee higge asitamaaritay cubbotithar Yesuusana aykkii wodhiza oge koyiza.\x - \xo 14:1 \xo*\xt Kes. 12:1\xt*\x* 
\v 2 «Asay kachchi kesamay garkk Paaziqa bonchchiz gallas oothaamii» yeegeeza.
\s1 Yesuusana shitto tizheez astto
\r (Mat. 26:6-13; Wan. 12:1-8)
\p
\v 3 Yesuusa Bitaana katama borqqontto harger yez Simoona kara sibirel afa betteezin, pettii asita albasxirosa ginttiz bilgaaxe kunth narddoose ginttiz gaame al7o shitto ekkii ye7eeza. Ye bilgaaxato menthii shitta Yesuusa ommayil hul7eeza.\f + \fr 14:3 \fr*\ft Albesxirose al7o shuchch koch\ft*\f*\x - \xo 14:3 \xo*\xt Luq. 7:37\xt*\x*\fig Albasxirose Bilgaaxe|alt="Alabaster jars" src="HK00142B.tif" size="span" ref="14:3"\fig* 
\v 4 Ye aqayid yez asaypp pettay pettay kacinttii, «Yha shittay cer iitizay abiso? 
\v 5 Yha shittana hayidzii xeet dinnare gate kessodaya\f + \fr 14:5 \fr*\fqa Hayidzii xeet dinnare: \fqa*\ft Pettii asis laythar ciginttiza lo77o daamoozepp aadho maaqqiz miishe.\ft*\f* bayizii, miisha manqqitayis immadayis danda7inttizazin» yeegii fa ganccer wolla odintteeza. Yeezii, ye astto boreeza.
\p
\v 6 Zin Yesuusa «Yha astto ashshoytta; izo abis waaythe? Iza taas lo77o baz ootheeza. 
\v 7 Manqqitay ubba wode yinttar yeza. Yi kozheez gallas ayidekka unttan maaddodayis danda7iza, zin ta ubba wode yinttar yezaamii.\x - \xo 14:7 \xo*\xt Tay. 15:11\xt*\x* 
\v 8 Iza paas danda7intteeay garkk ootheeza; ma tana moogos giigisodayis tiinatii shitto tizheeza. 
\v 9 Ta yinttis turo odiza; sa7a ubbayil Wonggile odinttiza abamaaqqikokka, asay izo hasayoday garkk yha iza ootheezay odinttoda» yeegeeza.
\s1 Yihuda Yesuusana aathii immadayis tobbeeza
\r (Mat. 26:14-16; Luq. 22:3-6)
\p
\v 10 Taphpho nam77ii tamaaritaypp pettay Asiqoroto Yihuda ginttinttizay Yesuusana qeese halaqitayis aathii immadayis unttiko yhanigeeza. 
\v 11 U yeya si7ii ufayttii, «Nu neesi miishe immada» yeegeez gishos; Yihuda Yesuusana aathii ingodayis giiga gallas koyeeza.
\s1 Yesuusa fa tamaaritayira Paaziqa meeza
\r (Mat. 26:17-25; Luq. 22:7-14, 21-23; Wan. 13:21-30)
\p
\v 12 Boora Baale bonchchinttizaypp tiina gallas, Paaziqa katha maadayis dur shukkiza gallas Yesuusa tamaaritay eziko, «Paaziqa bonchchiza gallas ne maad katha nu aayid yhanigii makko?» gi oyceeza.
\p
\v 13 Yesuusa fa tamaaritaypp nam7ita yhay garkk yeegii kiiteeza: «Katama yhanigoytta; yi yhammadar, otar haath tookkeez pettii athay yinttan helloda; eza kaalloytta. 
\v 14 E yhanigii geliza keethattii godayiko, ‹Asitamaaray neeko, Taanii ta tamaaritayir Paaziqa maadayis imathi keethii aba yenee? yeegeeza› yeegoytta. 
\v 15 Kara goday yinttan pooqeel afa hiixinttii giigii yez dalge kifile beezoda; ye aqayid makkoytta» yeegeeza. \fig Ayihude Keeth kara|alt="Two-story house with steps to roof" src="LB00235B.tif" size="span" ref="14:15"\fig*
\p
\v 16 Ye tamaaritay kezii, katama yhanigeeza; Yesuusa unttis odeezay garkk denggii, Paaziqa katha makkeeza.
\p
\v 17 Sa7a omathodar Yesuusa taphpho nam77ii tamaaritayir ye aqa yhanigeeza. 
\v 18 U bettii katha maadar, Yesuusa unttiko, «Ta yinttis turo odiza; yinttapp pettay taar miizay, tana aathii immada» yeegeeza.\x - \xo 14:18 \xo*\xt Maz. 41:9\xt*\x*
\p
\v 19 E tamaaritay dagamii, fa ommas ommas, «Tuma tanashsha?» yeegii eza oyceeza.
\p
\v 20 Yesuusa mahii, «Ye athay yi taphpho nam7itaypp petta; E taar wolla fil7o gancce kushe dakkizaya. 
\v 21 As Na7ay, geeshsha Maxaafayid yhayqqoda geezay garkk yhayqqoda, zin As Na7a, aathii ingiza atha eza ayye. Ye athay yelinttekka atteezako eesi lo77ozin» yeegeeza.
\s1 Goday kaho
\r (Mat. 26:26-30; Luq. 22:14-20; 1 Qor. 11:23-25)
\p
\v 22 U maadar, Yesuusa boora ekkii, Xooss galateeza; ye boora baxxii, fa tamaaritayis ingittar, «Yashitte, yhay ta asho» yeegeeza.
\p
\v 23 Xuu7a denthii, Xooss galatii, unttis ingin ubbitaykka ye xuu7aypp uzheeza. 
\v 24 Yesuusa, «Yhay gaame asayis goggiz oroth caaqo ta suuthii. 
\v 25 Ta yinttis turo odiza; taanii Xooss kaatetititha oroth woyine uzhod gallasay hellodi gatho maaqqii yha woyinaypp uzhaamii» yeegeeza.
\p
\v 26 Mazmuure yexxeezaypp guye Debre Zayite ambal afa kezeeza.
\s1 Phixiroosa kaddodana Yesuusa tiinatii odeeza
\r (Mat. 26:31-35; Luq. 22:31-34; Wan. 13:36-38)
\p
\v 27 Yesuusa unttiko, «Yi ubbitay tana olii ashshii laasii dhaboda;
\q1 « ‹Xoossii heenggizana shocoda,
\q2 duritay ubbay laalinttoda› yeeginttii xaafintteezay garkke.
\m Yeegeeza.\x - \xo 14:27 \xo*\xt Tay. 13:7\xt*\x* 
\v 28 Zin ta yhayiqopp dendeezaypp guye yinttapp tiinatii Galila aadhoda» yeegeeza.\x - \xo 14:28 \xo*\xt Mat. 28:16\xt*\x*
\p
\v 29 Phixiroosa mahii, «U ubbitay nena olii ashshikokka, ta nena ashshaamii» yeegeeza.
\p
\v 30 Yesuusa Phixiroosako, «Ta neesi turo odiza; yhayino qamma shugula nam7i tok uukkodaypp tiina ne tana hayidzii toke kaddoda» yeegeeza.
\p
\v 31 Zin Phixiroosa tiinaasaypp miinthii, «Ta hara attozin, neer wolla yhayqqizakokka, nena kaddamii» yeegeeza. Yhankkitay ubbitaykka yey garkk geeza.
\s1 Yesuusa Geetesemaane kezii woosseeza
\r (Mat. 26:36-46; Luq. 22:39-46)
\p
\v 32 Yesuusa fa tamaaritayir Geetesemaane ginttiz aqo yhanigii; fa tamaaritayiko, «Ta Xoossa woossii maaqqod gatho yi yhaydda bettoytta» yeegeeza.
\p
\v 33 Yesuusa Phixiroosa, Yayqqoobarannee Waannisa paar ekkii qiteeza; waayintteezannee un77intteeza. 
\v 34 Ma unttiko, «Ta shemppata yhayqqod gatho azaneeza, yhaydda gam7oyttannee; miinggoytta» yeegeeza.
\p
\v 35 Xiqqa tiina shiiqii, sa7a xuggunii, danda7inttiza baz maaqqiko, ye waaya saatay paapp aadhoday garkk, Xooss woosseeza. 
\v 36 Ma, «Aabbo,\f + \fr 14:36 \fr*\ft Abba: guussay armayike doonar ta adayyo guussii\ft*\f* abbabbo, ubba baz neesi danda7inttiza, yha waaye xuu7a taapp haasoba. Zin ne shene hanopp attin ta shene hanippee» yeegeeza.
\p
\v 37 Yesuusa maaqqii yi7ii, u gentteezin denggii, Phixiroosako, «Simoona, gentteenee? Hara atto ne pettii saatekka barkkii naagodayis danda7ekkasa? 
\v 38 Paace gancce yi gelaamay garkk barkkii naagoyttannee Xoossa miinggii woossoytta. Ayyanay, giigintteezin ashay daabura» yeegeeza.
\p
\v 39 Maakka yhanigii tiinaasay garkk Xoossa woosseeza. 
\v 40 Yhattekka e guye maaqqii unttiko ye7odar gentteezin denggeeza. U aafa gentta goozii gaddeez gishos eziko ab mahodazakokka erekkaya.
\p
\v 41 Hayidzintho unttiko yi7ii, «Yhanno hellodayiskka genttallannee shemppol yenee? Yikkee, gidoda; saatat helleeza; bo7oytta! As Na7ay, nagaranchcho asayis aadhii inginttod woday helleeza. 
\v 42 Yikkee dendoytta yedhdhoytta; bo7oytta, tana aathii ingiza athay helleeza» yeegeeza.
\s1 Yesuusa fa morkkitay kushe aathii ingintteeza
\r (Mat. 26:47-56; Luq. 22:47-53; Wan. 18:3-12)
\p
\v 43 Yesuusa yeya haga ododar, e taphpho nam7i tamaaritaypp pettay, Yihuda, ellisii helleeza. Ma qeese halaqitay, higge asitamaaritaynnee cimitay kiittin, mashshannee gufe aykkeez gaame asay ezar wolla ye7eeza. 
\v 44 Yesuusana aathii ingoday ye gaame asayis, «Ta yeerizay eza; eza aykkii, lo7ithii naagii, ekkii kanggoytta» yeegii mala odii gaddeeza.
\p
\v 45 Yihuda helleezan garkk Yesuusako shiiqii, «Asitamaarayyo» yeegii Yesuusa yeereeza. 
\v 46 Ye gaame asay Yesuusana aykkeeza. 
\v 47 E tamaaritaypp pettay fa mashsha shoddii qeese halaqay aylla shocii, e haytto qadhdhii oleeza.
\p
\v 48 Yesuusa mahii, asayiko, «Yi Tana paanno aykkizay garkk aykkodayis mashshannee gufe aykkii ye7eenee? 
\v 49 Ta Xooss Kara gancce taamaristtar, gallas gallas yinttar yezin tana aykkekkazar, geeshsha Maxaafay geezay polinttodayis beeziza» yeegeeza.\x - \xo 14:49 \xo*\xt Luq. 19:47; 21:37\xt*\x*
\p
\v 50 E tamaaritay ubbitay eza olii ashshii laasii dhabeeza.
\p
\v 51 Laxana aadda ma77eez pettii yelaga athay Yesuusa kaalo aykkeeza. 
\v 52 Zin ye athay laxana olii ashshii, xiira kallo laasii dhabeeza.
\s1 Yesuusana pirdde Shanggo tiina kanggeeza
\r (Mat. 26:57-68; Luq. 22:54-55, 63-71; Wan. 18:13-14, 19-24)
\p
\v 53 Asay Yesuusa qeese halaqay kara kanggeeza. Ezayid qeese halaqitay, cimitaynnee higge asitamaaritay shiiqii yeza. 
\v 54 Phixiroosa qeese halaqay zabba hellodayis haakor eza kaallii yhanigii ezayid naagizitayir bettii tama kazhiza.
\p
\v 55 Qeese halaqitaynnee pirdde shanggitay ubbitay Yesuusa wodhodayis ezal afa markka koyeeza, zin abkka denggekkaya. 
\v 56 Gaame asay ezal afa worddo markkatteeza, zin u markkitethay pettii qaala baaya.
\p
\v 57-58 Pettii pettii asitay dendii eqqii Yesuusal afa, «E, ‹Taanii asii keexxeez yha Xoossa Keeth laalii, asii kushe keexxinttekka hara Xooss Keethi hayidzii gallasa gancce keexxod› godar nu si7eeza» yeegii worddo markkatteeza.\x - \xo 14:58 \xo*\xt Wan. 2:19\xt*\x* 
\v 59 Maaqqozin, u markketithay petto baaya.
\p
\v 60 Qeese halaqay as ubbitay tiinayid dendii eqqii, «Yhayttay nena mootiza mootayis ne mahizbaz baasa?» yeegii Yesuusana oyceeza. 
\v 61 Zin Yesuusa si77e geeza; abkka mahekkaya. Qeese halaqay, «Anjintteez Xooss Na7ay, Kiristtoosa nenannee?» yeegii mahii oyceeza.
\p
\v 62 Yesuusa mahii, «E tana, yi As Na7ay, woliqqama Xoossapp ushachch baggar betteezininnee salo shaarar ye7odar be7ada» yeegeeza.\x - \xo 14:62 \xo*\xt Daan. 7:13\xt*\x*
\p
\v 63 Qeese halaqay shener fa afila peedhii, «Nuna hara ab markka koshshee? 
\v 64 Yi e cashsha si7eeza; yinttis ab aazee?» yeegeeza. Unttii ubbitay, «E yhayqqodayis beeziza» yeegii ezal afa pirddeeza.\x - \xo 14:64 \xo*\xt Lewii. 24:15\xt*\x*
\p
\v 65 Unttapp pettay pettay ezal afa cutii e aafa goolii zhultittar, «Nena yhadhdheezay oonoo? An nuus odoba!» yeegeeza. Naagizitay eza garafittar ekkii yhanigeeza.
\s1 Phixiroosa Yesuusana kaddeez
\r (Mat. 26:69-75; Luq. 22:56-62; Wan. 18:15-18, 25-27)
\p
\v 66 Phixiroosa qeese halaqay zabbayid yeekk baggar yezin, qeese halaqay gadhindditaypp pettat ize ye7eeza. 
\v 67 Phixiroosa tama kazhodar iza dakkii bi7ii, «Neekka Naazirete Yesuusar yeza bay» yeegeeza.
\p
\v 68 Zin Phixiroosa, «Ne gizay abizako ta erooya, taas akaakinttooya» yeegii kaadeeza. Yeegii maaqqii e bale kezeezan garkk shugula uukkeeza\f + \fr 14:68 \fr*\ft Pettii pettii maxaafe shugula uukkeeza gizay baaya\ft*\f*.
\p
\v 69 Ye gadhinddata Phixiroosa bi7ii, i lanqqe eqqeez asitayiko, «Yha aththaykka unttar yeza» gi mahii odeeza. 
\v 70 Zin Phixiroosa maakka kaadeeza.
\p Xiqqa gam7odar, lanqqe eqqeez asitay maakka Phixiroosako, «Ne Galila biitta as maaqqeez gishos tuma unttar yeza» yeegeeza.
\p
\v 71 Zin Phixiroosa, «Ta yi giz atha erooya!» yeegii fana baaddithnnee caaqo aykkeeza.
\p
\v 72 Izir shugula nam7intho uukkeeza. Phixiroosa Yesuusa eziko, «Ne shugula nam77ii tok uukkodaypp tiina hayidzii tok tana kaddoda» eziko geezay elqqi gin yeekkeeza.
\c 15
\s1 Yesuusana Philaaxoosako kanggeeza
\r (Mat. 27:1-2, 11-14; Luq. 23:1-5; Wan. 18:28-38)
\p
\v 1 Wontt guur ellisii qeese halaqitay, cimitay, higge asitamaaritaynnee Pirdde shanggo ubbitay shiiqii tobbeeza. U Yesuusana accii kanggii Philaaxoosas aathii inggeeza.
\p
\v 2 Philaaxoosa eziko, «Ne Ayihuditayis kaato?» yeegii oyceeza.
\p Yesuusa mahii, «Ne geeza» yeegeeza.
\p
\v 3 Qeese halaqitay Yesuusana gaame baza mooteeza. 
\v 4 Zin Philaaxoosa mahii Yesuusako, «Nees mahizbaz baasa? U neell afa ab garkk mooto ki7izako be7aamo?» yeegeeza.
\p
\v 5 Zin Yesuusa hara baz mahaam ixxin, Philaaxoosa malabaz geeza.
\s1 Yesuusana yhayqqo gi pirddeeza
\r (Mat. 27:15-26; Luq. 23:13-25; Wan. 18:39-40; 19:1-16)
\p
\v 6 Philaaxoosas Paaziqa Baale bonchchiza gallas asitay koyiz pettii atha achchapp bili7iz woga yeza. 
\v 7 Ye wode pettii Bairbaana giz athay daafa kessii shemppo wodhdheez asitayir wolla achch kara yeza. 
\v 8 Gaame asitay Philaaxoosak yi7ii kaseesay garkk oothod garkk eza oyceeza. 
\v 9 Philaaxoosa asana mahii, «Ta yinttis Ayihuditay kaata bili7odana koynee?» yeegii oyceeza. 
\v 10 Yha e geezay, qeese halaqitay Yesuusa qinaate aathii inggeezana eriz gishosii.
\p
\v 11 Zin qeese halaqitay Bairbaana billoday garkk, ye shiiqeez asitay Philaaxoosa woossoday garkk asita denthitheeza. 
\v 12 Philaaxoosa mahii, «Yeezin, yi Ayihude kaate gizana wayisaday garkk koyee?» yeegeeza.
\p
\v 13 Asitay Philaaxoosal afa uukkii, «Mazqalel afa eza sottoba» yeegeeza.
\p
\v 14 Philaaxoosa asayiko, «Abiso? e ab iita baz ootheenee?» yeegeeza.
\p Zin asay tiinaasaypp gujjii uukkii, «Mazqalel afa eza sottoba» yeegeeza.
\p
\v 15 Philaaxoosa asa ufayssodayis koyii, Bairbaana asayis bili7eeza; yeypp Yesuusana alanggii, mazqalel afa sottoday garkk aathii inggeeza.
\s1 Wottaaddaritay Yesuusana toochcheeza
\r (Mat. 27:27-31; Wan. 19:2-3)
\p
\v 16 Yeypp guye, wottaaddaritay Yesuusa Praytoora ginttiz wottaddartay zabba ekkii kanggii, hara wottaaddarita ubba xeegiseeza. 
\v 17 Ma zoqo afila eza ma7iseeza; angguthi zawude kochchii, e ommayid gaddeeza. 
\v 18 Yeypp guye, eziko, «Ayihuditay kaatayyo saro» yeegii, ees kushe dentheeza. 
\v 19 E ommayid gufer shoceeza; ma ezal afa cutteeza; xuggunii eesi goynneeza. 
\v 20 Eza leqqeezaypp guye zoqo afila eepp qaarii ekkii, e afila eza ma7isi mazqalel afa eza sottodayis ekkii kanggeeza.
\s1 Yesuusana sotteeza
\r (Mat. 27:32-44; Luq. 23:26-43; Wan. 19:17-27)
\p
\v 21 U yhanigttar, Iskkinddirerannee Rufoosa ada, Simoona giz Qerena gade as, gaxarepp katama yi7izana hellii, Yesuusa mazqalana wolqqanthii toosseeza.\x - \xo 15:21 \xo*\xt Oro. 16:13\xt*\x* 
\v 22 Yeezii Golggotta giz aqo Yesuusa kanggeeza. «Golggotta» guussay «Omma ota» guussii. 
\v 23 Karbe giz dhaler walakintteez woyine uzho gi ees inggeeza. Zin e uzhaam ixxeeza. 
\v 24 U mazqalel afa eza sotteezaypp guye oona abii hellodazako gi e afilayil wolla ixa olii shaginttii ekkeeza.
\p
\v 25 U mazqalel afa eza sottodar wonttapp hayidzii saate. 
\v 26 Unttii, «Ayihuditay kaata» yeegii eza mootiza xuufe xaafii gaddeeza. 
\v 27 Yesuusar nam77ii paannita petta ezpp ushachch baggar yhankka ezpp haddirss baggar mazqalel afa sotteeza. 
\v 28 Geeshsha Maxaafe, «Iita baz ootheez asitayir e tayibintteeza» yeegintteezay polintteeza.\f + \fr 15:27-28 \fr*\ft Isa. 53:12 Binii kusher xaafintteez maxaafitayid yha quxuray baaya\ft*\f*
\p
\v 29 Oger aadhiz asay Yesuusa toochchii, fa omma eni7isii cazheeza; «Yeezin! Xooss kara laalii hayidzii gallasa gancce keexxizayyo,\x - \xo 15:29 \xo*\xt Maz. 22:7; 109:25; Mar. 14:58; Wan. 2:19\xt*\x* 
\v 30 an mazqalaypp sulle wodhdhii nena ashshoba» yeegeeza.
\p
\v 31 Yey garkkekka, qeese halaqitay higge tamaarssizitayir wolla Yesuusa toochchii «Yhankkita ashsheeza, zin fana ashshodayis danda7ooya; 
\v 32 nu bi7ii ammanod garkk Kiristtoosa, e Isreele Kaatizako, an mazqalaypp yhatti wodhdho» yeegeeza. Ma hara attozin, ezar mazqalel afa sotintteezitaykka eza toochcheeza.
\s1 Yesuusa yhayiqo
\r (Mat. 27:45-56; Luq. 23:44-49; Wan. 19:28-30)
\p
\v 33 Usuppun saatepp aykkii, uddufun saate hellodayis biitta ubbay dhumeeza. 
\v 34 Uddufun saatel Yesuusa fa qaala dhoqqi udii, «Elohee, Elohee, laama sabaqitanii?» yeegii uukkeeza. Yeya guussay, «Ta Xoossayyo, ta Xoossayyo, tana abis ashsheene?» guussii.\x - \xo 15:34 \xo*\xt Maz. 22:1\xt*\x*
\p
\v 35 Ya aqayid eqqeez asaypp pettay pettay yeya si7ii, «Yeezako, Eelaasa xeegiza» yeegeeza. 
\v 36 Ye asaypp pettay laasii, zanizar caala woyine kunth; gufe xeeral gaddii, «Naagoytta; Eelaasa mazqalaypp eza wothodayis ye7odazako an wolla be7ada» yeegii Yesuusa doonayiko ushshodayis shiisheeza.\x - \xo 15:36 \xo*\xt Maz. 69:21\xt*\x*
\p
\v 37 Yesuusa fa qaala dhoqqi udii uukkii, yhayqqeeza.
\p
\v 38 Xooss kara sotintteez magarazhay afapp sa7a hellodayis, nam7i kezii per7inttii wodhdheeza.\x - \xo 15:38 \xo*\xt Kes. 26:31\xt*\x* 
\v 39 Mazqalaypp tiina baggar ezayid eqqeez pettii mato halaqay, Yesuusa wayizii yhayqqeezako bi7ii «yha athay tuma Xooss Na7a» yeegeeza.
\p
\v 40 Ya haakor eqqii bi7iza maachchitay yeza. U gancce Magdeela Mayirama, geedo na7a Yayqqoobasinnee Yoosa indat Mayramirannee Saloomira yeza. 
\v 41 Ye maachch asitay Yesuusa Galila biitta yez wode eza kaallezitannee eza mokkeezita. Ma Yesuusar wolla Yerusalaame yhanigeez hara gaame maachchi asitay ezayid yeza.\x - \xo 15:40-41 \xo*\xt Luq. 8:2-3\xt*\x*
\s1 Yesuusa moogintteeza
\r (Mat. 27:57-61; Luq. 23:50-56; Wan. 19:38-42)
\p
\v 42-43 Sa7ay omarsseez gishos shiiqeez asay gancce bonchchintteez Ayihude shanggitaypp pettay, Yooseefa giz athay, Xooss kaatetithay ye7oda giittar yezay, Armmatasa katama asay ye7eeza. Wonttitha mala wonttiza gallas maaqqeez gisho Yooseefa miinggii Philaaxoosak yhanigii, Yesuusa aha ekkodayis woosseeza. 
\v 44 Philaaxoosakka Yesuusa yhayiqa si7ii malabaz geeza; mato halaqa xeegii, «E yhayqqii gam7eenenee?» yeegii oyceeza. 
\v 45 Philaaxoosa Yesuusa yhayiqa mato halaqaypp si7ii e aha Yooseefas inggeeza. 
\v 46 Yooseefa moogo afila wonggii; Yesuusa aha mazqalaypp wothii, afilar xaaxii, zaallapp woocintteez duufo gancce moogeeza. Ma ye duufay doonayid damma shuchch goli7isii gaddeeza. 
\v 47 Magdeela Mayiramira Yoosa indat Mayiramira Yesuusa aha unttii aba gaddizako bi7iza.
\c 16
\s1 Yesuusa yhayiqopp dendeeza
\r (Mat. 28:1-8; Luq. 24:1-12; Wan. 20:1-10)
\p
\v 1 Maala gallasay aadheezaypp guye Magdeelawe Mayramo, Yayqqooba indat Mayramannee Saloome yhanigii, Yesuusa aha tizhodayis shitto wonggeeza. 
\v 2 Wogga gallas guura zherkkizherkko xalqqe kezodar, duufo yhanigeeza. 
\v 3 U fa gancce pettatii pettatira, «Duufay doonapp nuus shuchch oonoo gol7isii haasoday?» yeegii wolla odintteeza.
\p
\v 4 U be7adar ye damm atteez shuchchay goli7alii hali7eezana be7eeza. 
\v 5 Yesuusa moogintteez duufay gancce gelodar pettii yelaga athay booth afila ma77ii, ushachch baggar betteezana bi7ii dagammeeza.
\p
\v 6 Zin E unttiko, «Dagammippate; mazqalel afa sotintteez, Naazirete Yesuusa yi koyizana ta eriza. E yhaydd baaya, yhayqqopp dendeeza. U eza moogeez aqa yhaya bo7oytta. 
\v 7 Yhatti yhanigii Yesuusa tamaaritayisnnee Phixiroosas, ‹Yesuusa yinttapp tiinatii Galila aadhiza. E yinttis odeezay garkk yi eza ezayid be7ada› yeegii odoytta» yeegeeza.\x - \xo 16:7 \xo*\xt Mat. 26:32; Mar. 14:28\xt*\x*
\p
\v 8 Maachchitay yashshar kukkurttar duufaypp kezii laasii qiteeza. Ma u yashitteez gishos yeya ooskka abikka odekkaya.\f + \fr 16:8 \fr*\ft Pettii pettii binii maxaafitay Marqqoosa Wongile tayibo 8nal afa essiza. Ma pettii pettii maxaafitay tayibo 9-20 hellodayis yez qofana gujjooya. Maaqqozin, tayibo 8 kaali yezana gujjiza. Yeykka [Maachchitay yhanigii, kiitanchchay odeez baz ubba Phixiroosasinnee ezar yezitayis qaanthar odeeza. Yeypp guye, Yesuusa fa taamarita geeshshinnee medhinas ashshiza Wonggile kiita awa kessapp awa gelo hellodayis azazeeza]\ft*\f*
\s1 Yesuusa Magdeela Mayramis bentteeza
\r (Mat. 28:9-10; Wan. 20:11-18)
\p
\v 9 Yesuusa yhayqqopp dendeezaypp guye wogga gallas guura, laappun tuna ayyanita izpp e kesseez Magdeela Mayramis tiinatii bentteeza. 
\v 10 Iza yhanigii tiina ezar yezitayis, u azanttarannee yeekkittar yezin odeeza. 
\v 11 Zin Yesuusa pathi yezanannee izis bentteezana u si7eez wode iza giza ammanekkaya.
\s1 Yesuusa fa nam7i tamaaritayis bentteeza
\r (Luq. 24:13-35)
\p
\v 12 Yeypp guye, unttapp nam7itay katamapp kezii yhammadar, ogella Yesuusa tiinaasaypp dummatii unttis bentteeza. 
\v 13 U guye maaqqii, hara asayis odeeza, Zin hara asaykka u oda tuma geekkaya.
\s1 Yesuusa fa taphpho pettii tamaaritayis bentteeza
\r (Mat. 28:16-20; Luq. 24:36-49; Wan. 20:19-23; Haw. O. 1:6-8)
\p
\v 14 Guyepp taphpho pettii e tamaaritay katha maadar, Yesuusa unttis bentteeza. Unttis ammano baazay gishonnee yhayiqopp e dendeezana be7eez asay odin u ammanaam ixxeezayis e unttan boreeza.
\p
\v 15 E unttiko, «Biitta ubbayil yhanigii as ubbayis Wongile odoytta.\x - \xo 16:15 \xo*\xt Haw. O. 1:8\xt*\x* 
\v 16 Ammaneezaynnee xammaqintteezay attoda, zin ammanekkazay pirddinttoda. 
\v 17 Ammanizitayis yha malatitay inginttoda. U ta sunthayir tuna ayyanita kessoda, oroth doona nashshoda. 
\v 18 U shoosh aykkiko woy wodhiza baz uzhikokka unttan qohaamii. Ma u fa kushe hargintteezitayil afa gaddii unttan pathoda» yeegeeza.
\s1 Yesuusa pude dendii salo kezeeza
\r (Luq. 24:50-53; Haw. O. 1:9-11)
\p
\v 19 Goda Yesuusa tamaaritayira nashsheezaypp guye pude dendii salo kezeeza; Xoossapp ushachch baggar betteeza.\x - \xo 16:19 \xo*\xt Haw. O. 1:9\xt*\x* 
\v 20 E tamaaritay yhanigeez aqo ubbayid qaala odeeza. Godaykka unttar wolla oothiza. U odiza qaalay tuma maaqqeeza Xoossay unttisi ingiza mallayir fa qaala miintheeza.