\id JUD - Melo New Testament Latin
\ide UTF-8
\h Yihuda
\toc1 Yihuda Xaafezi Kiitaa
\toc2 Yihuda
\toc3 Yih.
\mt1 Yihuda Xaafeez Kiita
\imt Gelo
\ip Yihuda kiitay xaafintteezay, ammanekkazar ammaniza asii aazii worddo timirtte zeriz asitaypp kiristtaanitay naaginttod garkk akaakisodayis. Yha haata kiitay fa gancce aykkeez qofay nam7intho Phixiroosa kiitana aaziza. Xaafay, «Ammaniza asis Xoossii lammamayis pettii toke inggintteez ammanossi miinggii olinttoytta» yeegii nabbabizita miinthii qofisiza.
\iot Yihuda kiitay aykkeez qofita
\io1 Sarotho \ior 1-2 \ior*
\io1 Worddo asitamaaritay timirttennee u fokith \ior 3-16 \ior*
\io1 Ammano naagod garkk inggintteez zore \ior 17-23 \ior*
\io1 Galata woosa \ior 24-25 \ior*
\ie
\c 1
\p
\v 1 Ta Yihuda, Yesuus Kiristtoosa ayllay, Yayqqooba ishay;
\p Xooss xeegeezitayis, Xooss Aday dosizitayissinnee Yesuus Kiristtoosar naaginttezitayis yha dabddaabba yinttis xaafiza.\x - \xo 1 \xo*\xt Mat. 13:55; Mar. 6:3\xt*\x*
\p
\v 2 Maarotithi, sarotithinnee siiqo yinttis kumo.
\s1 Worddo asitamaarita
\p
\v 3 Ta siiqo ishitayyo, nu pettipp wolla shaginttiza faxotithay bagga yinttis xaafodayis ta iita amotteeza Zin ammaniza asayis lammamayis pettii toke inggintteez ammanayis olinttoday garkk yinttan zorttar xaafodayis taas koshshiza baz maaqqeeza. 
\v 4 U pirdday binipp xaafinttii betteez pettii pettii asitay ookka erekkazin yi gancce zurqinttii geleeza. Unttii Xooss eroozita, u nu Xoossay aadho keehetitha gase udii ganccer tuna baz udiza. Fa aaddas kaatinnee Goda maaqqeez, Yesuusa Kiristtoosa kaddiza.
\p
\v 5 Yha ubba pettii toke eriza baz maaqqikokka, Goday Isreele asa Gibxxe biittapp wayizii kesseezako, ma guyepp ammanoozita dhabiseeza ta yinttan akaakisodayis koyiza.\x - \xo 5 \xo*\xt Kes. 12:51; Tay. 14:29-30\xt*\x* 
\v 6 Fa yezabessa ashshii, paasi inggintteez mawuta naagekka kiitanchchita, gita pirdde gallas hellodayis Xoossay unttan dhuma gancce medhinas santhalaater accii gaddeeza. 
\v 7 Yey garkk, Soodomannee Gamoora asitaynnee u lanqqe yez katamitayid yez asitay lagiteeza; lagitar wolla tuna beezoowa baz ootheeza. Unttii medhinas tama gancce seerinttizitayis aaziso maaqqeeza.\x - \xo 7 \xo*\xt Medhe. 19:1-24\xt*\x*
\p
\v 8 Yey garkkekka, yha elimotizitay fa asha tuniseeza; mawuter yez adita leqqiza; salo yez bonchintteez medhetithitakka cazhiza. 
\v 9 Kiitanchchitay halaqa Mika7eelekka Muse ahayis Daabuloosar palameez gallas «Goday nena seero» yeegeezapp attin ezal afa cazhzhodayis koyekkaya.\x - \xo 9 \xo*\xt Daan. 10:13, 21; 12:1; Wan. Qon. 12:7; Nam7i. 34:6; Zak. 3:2\xt*\x* 
\v 10 Zin yha asitay paas eroowa baz ubba cazhiza; ma unttii wozina baa mehe garkk medhetithayir erikokka, iza unttan dhabisoda. 
\v 11 Unttan ayye! U Qaa7eela oge yhanigeeza. Miishe koyii Balaama garkk buuta gancce wodhdheeza. Qore Xoossal afa denddeezay garkk u Xoossal denddii dhabeeza.\x - \xo 11 \xo*\xt Medhe. 4:3-8; Tay. 22:1-35; 16:1-35\xt*\x*
\p
\v 12 Yha asay, yeella bayth yi siiqo imato miiz aqo yinttar maadayis bettii qayixinttiza laafita. U fabaz adas qoppizita. U carkko garkkennee ira baa shaara garkke. Ma aafiz wode aafe aafekkazar, xaphor shodinttii, nam7i toke meleez mith garkke. 
\v 13 U eni7iza abba zulo garkk fa yeellas gappunttizita. Unttii medhinas linxxi geez dhuma naagiz daaburiza xoolinttita.
\p
\v 14 Addaamepp aykkii, laappuntha yeletithi maaqqeez Heenooke, yha asay baz tinbbite odittar, «Yeezako, Goday, fa gaame mukule geeshshitayir ye7oda.\x - \xo 14 \xo*\xt Medhe. 5:18, 21-24\xt*\x* 
\v 15 As ubba pirddoda; ubba u ootheez iita ootho ubbay gishonnee erttar u Xoossal odintteez iita oday ubbay gisho pirddoda» yeegeeza. 
\v 16 Ye asay ubba wode zigirizitannee oda koyizita. Ma fa iita amo kaalliza; paas ceeqqinttiza fana adiza baz denggodayis hara asita geshinttiza.
\s1 Naagisonnee zore
\p
\v 17 Zin ta siiqitayyo, nu Goda Yesuusa Kiristtoosa hawaaritay tiin yinttis odeez qaala akaakoytta. 
\v 18 U, «wurssith wode, Xooss shenepp haakkii fa amo kaallii toochchizitay ye7oda» yeegeeza.\x - \xo 18 \xo*\xt 2 Phix. 3:3\xt*\x* 
\v 19 Ye asay as gancce phalqqithi medhdhizita, fa asho amos moddinttizitannee geeshsha Ayyana baazita.
\p
\v 20 Zin ta ishuntho, geesh maaqqeez yi ammanattir dichchodayis mingoytta; ma geeshsha Ayyana wolqqar woossoytta. 
\v 21 Yinttan medhina yeziz yessiko helithod nu Goda Yesuusa Kiristtoosa maarotitha naagttar yinttan Xoossay siiqayir naagoytta.
\p
\v 22 Se77iza asayis qadhdhoytta. 
\v 23 Pettii pettii asa tamapp kessii ekkoytta. Ma yeypp iita amor tuneez u afila ixxittar hara asayis yashshar maaroytta.
\s1 Galata woosa
\p
\v 24 Yi fokkaamay garkk oothodayisinnee boro baazita, ufayisar kumeezita uddii fa bonchcho tiina yinttan shiishodayis danda7iza, 
\v 25 nuna ashshiza pettii Xoossayis, nu Goda Yesuusa Kiristtoosa baggar bonchcho, deette, wolqqa, mawute, binikka, yhattekka, medhinasikka eesi maaqqo. Amin77ii.