\id GAL Gala - Melo New Testament Latin
\ide UTF-8
\h Galaatiya
\toc1 Phawuloosa Galaatiya Asayis Xaafeez Kiita
\toc2 Galaatiya
\toc3 Gal.
\mt1 Phawuloosa Galaatiya Asayis Xaafeez Kiita
\imt Gelo
\ip Yesuusa ashshizaya maaqqeezana odiza Wonggile qaalay duma duma aqo sabbakinttin, Ayihude baa asitay ammanttar ammanttar yhammadar «Kiristtaane maaqqodayis Muse higge polodayis koshshinenee koshshoosa?» yeegii woli oyiceeza. Ye wode Phawuloosa, «Kiristtaanee maaqqoayis Muse higge polodayis koshshooya; Yesuusar orothi de7o denggodayis koshshizay ammano. Asay Xooss tiina xillodayis danda7izay ammano aaddara» yeegii taamarsseeza. Zin Xiqqa Iisiya gancce, Galata awurajja yez woosa keetha yez asay gancce, «Asii Xooss tiina xillodayis Yesuusana ammano aadda baazin Muse higgakka polodayis koshshiza» yeegii Phawuloosa timirttana ixxiza asitay yeza.
\ip Phawuloosa Galata maxaafe xaafeezay, ye buuta timirttayir balintteez asa tuma ammanayikonnee ammanor yessiko mahodayisii. Phawuloosa Yesuusa hawaare maaqqizana tillisii odo aykkeeza. Eza hawaare udii xeegeezay as baazin Xooss maaqqeezanannee E kiitintteezay Ayihude baa asayis maaqqeezana paaddii odeeza. Yeyir ayisithii asay Xooss tiina xillodayis danda7izay ammanor aadda maaqqizana odiza. Wurssithii shemppitay ammanor yessay Yesuusa ammanor benttiz siiqopp keziza maaqqizana odiza.
\iot Galaatiya kiitay akkeez qofita
\io1 Gelo \ior 1:1-10 \ior*
\io1 Phawuloosa hawaaretith mawute \ior 1:11—2:21 \ior*
\io1 Xooss aadho keehetith Wonggile \ior 3:1—4:31 \ior*
\io1 Wallotithinnee ammanor yessi \ior 5:1—6:10 \ior*
\io1 Kustte qofa \ior 6:11-18 \ior*
\ie
\c 1
\p
\v 1 Asapp woy as baggar baazin Yesuus Kiristtoosapp eza yhayiqopp dentheez Xooss Adaypp hawaare maaqqad garkk kiittintteez ta Phawuloosa, 
\v 2 taar yez ammaniza ishitay ubbitaypp, Galatiya gade yeza woosa keethitayis kiittintteez kiita.
\p
\v 3 Xooss nu Adaypp nu Goda Yesuus Kiristtoosapp yinttis aadho keehatithinnee sarotithii maaqqo.
\p
\v 4 Yha iita alamaypp nuna ashshodayis, nu Xoossayinnee nu Aday shener Kiristtoosa nu nagara gishos fana aathii inggeeza. 
\v 5 Xoossayis Medhinapp medhina hellodayis bonchcho maaqqo. Amin7e.
\s1 Tuma Wonggilay petto
\p
\v 6 Kiristtoosa aadho keehatithar yinttan xeegeez Xoossa ashii, hara Wonggilayiko yi ellisii wayizii maaqqeezako taas malabaz maaqqeeza. 
\v 7 Yinttan balithitarannee Kiristtoosa Wonggile wobbisodayis koyiz pettii pettii asitay yezapp attin tuma Wonggilay petto. 
\v 8 Zin nuna maaqqin woy salo kiitanchcho maaqqin nuun yinttis tiina odeez Wonggilaypp dummatiza hara Wonggile yinttis odeezibaz maaqqiko, E cazhintteeza maaqqo. 
\v 9 Yhaypp tiina taanii geezay garkk yhattekka mahii giza. Yi ekkeez Wonggilaypp dummattiza Wonggile oonkka yinttis odiko ye athay cazhinteeza maaqqo.
\p
\v 10 Yeezin, tana asii nashichod garkk koyinenee? Xoossii nashichod garkke? Ta as ufayssodaysonee? Ta as ufayssodayis koyiz baz maaqqiko, Kiristtoosa aylle maaqqaamizin.
\s1 Phawuloosa hawaretethis xeegintteeza
\p
\v 11 Ta ishuntho, ta yinttis odeez Wonggilay asapp hanekkaza yi erod garkk ta koyiza. 
\v 12 Taass yha wongila Yesuus Kiristtoosa dooyeezapp attin asapp ekkekkaya woy asii tana tamaarssekkaya.
\p
\v 13 Ta tiina Ayihuditay ammanayid yez wode wayizii yezeezako, yi si7eeza. Ta Xoossa woosa keeth bayi7odayisnnee dhabisodayis butiteeza.\x - \xo 1:13 \xo*\xt Haw. O. 8:3; 22:4-5; 26:9-11\xt*\x* 
\v 14 Ayihuditay ammana naagor taanii, ta wodayid yez gaame Ayihude dabbitaypp aadhiza. Nu aditay wogayiskka ubbapp aathii micinttiza.\x - \xo 1:14 \xo*\xt Haw. O. 22:3\xt*\x*
\p
\v 15 Zin ta haga yelinttodaypp tiina Xoossay tana dooreeza; fa aadho keehatithara tana xeegeeza.\x - \xo 1:15-16 \xo*\xt Haw. O. 9:3-6; 22:6-10; 26:13-18\xt*\x* 
\v 16 Ayihude baa asayis wonggile odod garkke Xoossay fa Na7a taass qonccisodayis koyeez wode ta oorakka zorinttekkaya. 
\v 17 Woy taapp tiina hawaare maaqqeezitayir woli hellodayis Yerusalaame yhanigekkaya. Zin ta tiinatii Arabe biitta yhanigeeza; yeypp maaqqii Damasqqo katama ye7eeza. 
\v 18 Haaydzii laythapp guye, Keefa ginttiz phixiroosa hellodayis Yerusalaame yhanigii ezar wola taphpho ichchin qamma betteeza.\x - \xo 1:18 \xo*\xt Haw. O. 9:26-30\xt*\x* 
\v 19 Zin Goday isha Yayqqoobapp attin yhankko hawaarita ta be7ekkaya.
\p
\v 20 Ta yinttis xaafizay worddo baazana Xooss tiina yinttis odiza.
\p
\v 21 Yeypp guye, taanii Soora biittannee Kilqqa biitta yhanigeeza. 
\v 22 Yihuda gancce yez woosa keeth asay tana bi7ii erekkaya. 
\v 23 Zin unttii, «Kase nuna bayi7ithiz athay, yhatti E dhabisodayis koyiz ammanay bagga sabbakiza» yeegizana si7eeza. 
\v 24 Si7eez ubbay ta baggas Xoossa galatteeza.
\c 2
\s1 Phawuloosa hawaaretithay erintteeza
\p
\v 1 Taphpho oyddii laythapp guye, Barnnabaasar maaqqii Yerusalaame ta yhanigeeza. Ye wode Titona ta taar ekkii yhanigeeza.\x - \xo 2:1 \xo*\xt Haw. O. 11:30; 15:2\xt*\x* 
\v 2 Xoossay taas qoncciseez qonccithayir ezayid yhanigii Ayihude baa as gancce ta sabbakiza wonggila unttis qoncce kesseeza. Tiina ta woxxeez wothaynnee yhattekka ta woxxiza wothay cere maaqqaam garkk gi kaalithizita duma shiishii unttis odeeza. 
\v 3 Hara attozin, taar yez Tito Girkke as maaqqikokka, dookalintto gi eza ciiphichekkaya. 
\v 4 Maaqqozin, ammaniza ishita aazii nu gancce geleez pettay pettay E dookalinttod garkk koyeeza. Ye asitay Kiristtoos Yesuusar nuuss yezi wallotitha bonqqii ekkodayis zurqqinttii nu gancce gelii mahii nuna ayllithodayis koyiza. 
\v 5 Zin tuma Wonggilay yinttar miinggii yezod garkk nuunii hara attozin, xiqqa wodeskka unttis kushe inggekkaya.
\p
\v 6 Zin aqisizita aaziz asay oonatithay taas abikka maaqqekkaya. Xoossii as aafe bi7ii pirddooya. Yha asitay ta markkattiz Wonggilayil afa gujjeez baz baaya.\x - \xo 2:6 \xo*\xt Nam7i. 10:17\xt*\x* 
\v 7 Zin Phixiroosa, Ayihuditayis Wonggile odo gi Xoossay ezis hadara inggeezay garkk taaskka Ayihude baa asayis Wonggile odod hadara inggeezana unttii guyepp ereeza. 
\v 8 Yikkee, Phixiroosa Ayihuditay hawaare maaqqaday garkk ootheez Xoossay, tanakka Ayihude baa asayis hawaare maheeza. 
\v 9 Ma tuuss aazii benttiz Yayqqooba, Phixiroosannee Waanisa, taasi inggintteez aadho keehetitha bi7ii nuur maadinttodayis taasinnee Barnnabaasas fa ushach kushayid inggeeza. Nuunii Ayihude baa asayiko, ma unttikka Ayihude asitayiko yhammadayis ma7intteeza. 
\v 10 U nuna miinthii hadara geezay, nuunii manqqitayis qoppodana. Kasekka ta yeya oothodayis ammottizayisii.
\s1 Phawuloosa Phixiroosa hana ixxeeza
\p
\v 11 Phixiroosa Anxooka katama yhanigii balintteez gishos taanii e tiina «Neenii balintteeza» gi gayileeza. 
\v 12 Yayqqooba kiittii dakkeez xiqqa asay ye7odaypp tiina E Ayihude baa asitayir wolla miiza, Zin unttii ye7eezaypp guye, «Ayihude baa asaypp ammaneezitay dookalinttodayss beeziza» giz asayis yashittii unttapp shaakintteeza. 
\v 13 Ma yhankko ammaneez Ayihuditay Phixiroosa hana kaalleeza. Hara attozin, Barnnabaasakka e qofayid geleeza.
\p
\v 14 Zin unttii Wonggile tumatithar luule yedhdhozana ta bi7ii, Phixiroosana as ubbitay tiina, «Neenii Ayihude maaqqittar, Ayihude wogay garkk baazin Ayihude baa as garkk yeziza; yeezin, wayizii Ayihude baazitayiskka, Ayihude wogayid yezoytta gi ne wolqqatee?» yeegeeza.
\p
\v 15 Nuunii yelintto Ayihude, Zin nagara oothiz Ayihude baa as garkk baaya. 
\v 16 Zin asii Yesuus Kiristtoosa ammanii xillizapp attin higge naagii xilloozana nu eriza. Oonkka higge naagii xillowa gishos nuukka higge naagor baazin Kiristtoosa ammanii xillod garkk Kiristtoos Yesuusana ammaneeza.\x - \xo 2:16 \xo*\xt Maz. 143:2; Oro. 3:20, 22\xt*\x*
\p
\v 17 Kiristtoosa baggar xillodayis koyttar, nuukka nagara oothiza maaqqii benttiko Yeezin, nu nagara oothod garkk denthithizay Kiristtoosa guussonnee? Wa77a! 
\v 18 Yikkee, ta laaleezana higge woga mahii keexxiza maaqqiko taanii ta ubbas higge menthiza maaqqeezana beeziza. 
\v 19 Taanii Xoossis path yezoday garkk higge baggar higges yhayqqeeza. 
\v 20 Taanii Kiristtoosar wolla sottintteeza. Taanii yhayppe gede taasi yezaamii, zin Kiristtoosa taar yeza. Ta yhatti yez yessa, tana qadhdhii ta gishos fana aathii inggeez Xooss Na7a ammanii yeza. 
\v 21 Taanii Xooss aadho keehetitha cere udaamii. Xillotithii asis higge baggar benttiz baz maaqqeezako, Kiristtoosa cer yhayqqeez guussii.
\c 3
\s1 Xillotithii benttizay ammanora
\p
\v 1 Yinttano, akaaka baa Galaatiya asitayyo, yi aafay tiinayid Kiristtoosa mazqqalel afa sotintteez garkk misilinttii pidhdhe benttiza. Yeezin, tumas yi kiitinttaamay garkk yinttan biteezay oonoo?\x - \xo 3:1 \xo*\xt Nam7i. 27:26\xt*\x* 
\v 2 Pettii baz erodayis ta koyiza; yi Geeshsha Ayyana ekkeezay higge naagorannee woy yi si7eez Wonggila ammanora? 
\v 3 Yi yhay garkk boozoo? Yi Xoossa Ayyanar aykkii, yhatti ashor polodayis koyinee? 
\v 4 Yi Wonggile baggar gaame daabureezay ceree? Ye meto ubbay cere maaqqaree? 
\v 5 Xoossay yinttis Geeshsha Ayyana inggizaynnee yi gancce malla baz oothizay, yi higge naageezay gishonnee? Wonggile si7ii ammaneez gishoso?
\p
\v 6 An Afraamena bo7oytta, «E Xoossana ammaneeza; Xoossay ezis yeya xillotithi mahii tayibeeza» yeeginttii xaafintteeza.\x - \xo 3:6 \xo*\xt Medhe. 15:6; Oro. 4:3\xt*\x* 
\v 7 Yikkee, ammanizitay Afraame na7ita maaqqizana eroytta.\x - \xo 3:7 \xo*\xt Oro. 4:16\xt*\x* 
\v 8 Xoossay Ayihude baa as ammanor xillithodana Geeshsha Maxaafay tiina bi7ii, «Woya ubbay ne baggar anjjinttoda» yeegii, Mishiraachcho Qaala Afraames tiinattii odeeza.\x - \xo 3:8 \xo*\xt Medhe. 12:3\xt*\x* 
\v 9 Yey gishos, ammaniza ubbay ammaneez Afraamer wolla anjjintteeza.
\p
\v 10 Higge naagii xillod giz oonkka cazhintteeza. Abis giiko, Geeshsha Maxaafayid, «Higge maxaafay gancce xaafintteez ubba naagoowa oonkka cazhintteeza maaqqo» ginttinttii xaafintteeza.\x - \xo 3:10 \xo*\xt Nam7i. 27:26\xt*\x* 
\v 11 «Xillo as ammanor yezoda» ginttinttii xaafintteez gishos oonkka Xooss tiina higge naagii xilloozay erintteez bazi.\x - \xo 3:11 \xo*\xt Ibr. 2:4\xt*\x* 
\v 12 Higge ammanor wolla yhanigooya. Zin, «Higge higger yezodayis danda7izay higge azazo ubba poliko» yeegeeza.\x - \xo 3:12 \xo*\xt Lewii. 18:5\xt*\x*
\p
\v 13 «Mithal afa sotinttii yhayqqiz oonkka cazhintteeza» ginttinttii xaafintteez gishos Kiristtoosa nu gishos cazhintteeza maaqqii, nuna higge cashshapp wozeeza.\x - \xo 3:13 \xo*\xt Nam7i. 21:23\xt*\x* 
\v 14 Xoossay Afraames inggeez anjjo, Yesuus Kiristtoosa baggar Ayihude baa as hellodgarkkennee Xoossay immad geez Geeshsha Ayyana nuunii ammanor ekkodgarkk yeya ootheeza.
\s1 Higgennee ufayis qaala
\p
\v 15 Ta ishuntho, ta yinttis as yessar gami7i yeza baz aaziso udii odiza. Asii caaqqeez caaqo qaalay minggeezaypp guye, oonkka ye caaqo qaala shaarodayis woy ezal afa hara gujjodayis danda7ooya. 
\v 16 Xoossay ye ufayis qaala Afraamesinnee e sheeshayis inggeeza. Geeshsha Maxaafay, gaame asis odizaygarkk, «Ne sheeshitayis» gooya. Zin pettii asis odizay garkk, «Ne sheeshayis» yeegiza; ezkka Kiristtoosa.\x - \xo 3:16 \xo*\xt Medhe. 12:7\xt*\x*
\p
\v 17 Taanii gizay yhaya; oyddii xeetannee hasttam laythapp guye inggintteez higgay, tiina Xoossay mintheez caaqo qaala shaarii ufayssi qaala dhabisodayis danda7ooya.\x - \xo 3:17 \xo*\xt Kes. 12:40\xt*\x* 
\v 18 Xoossay inggiz laatay higger ekinttizabaz maaqqeezako Xoossay inggeez ufayssay baggar maaqqizay attiza. Zin Xoossay fa aadho keehatithar laata Afraames ufayss qaala baggar inggeeza.\x - \xo 3:18 \xo*\xt Oro. 4:14\xt*\x*
\s1 Higge abis inggintteezako
\p
\v 19 Yeezin, higgay abis ingginttenee? Higge inggntteezay, Afraames ufayss qaala inggintteez zerithay ye7od gatho iita ooso abizako ersodayssii. Higge kiitanchchitay baggar ingginttii, gancce maaqqii dabbothiza pettii as baggar oosol afa peezheeza. 
\v 20 Gancce maaqqii dabbothiza athay pettii bagga aaddapp baaya, zin Xoossay petto.
\p
\v 21 Yeezin, higgay Xooss ufayssi qaala ixxinennee? Ixxooya! Higge inggintteezay de7o immadayis maaqqeezako, xillotithii higge baggar benttodazin. 
\v 22 Zin Yesuus Kiristtoosa ammanin benttiz ufayssi qaalay ammanizitayis ingginttod garkk alamay kunthay nagara achcha yezana Geeshsha Maxaafay odiza.
\p
\v 23 Zin ammano ye7odaypp tiina higge nuna accii gaddeeza. Ye ammanay benttod gatho higgay nuul afa gorddii gaddeeza. 
\v 24 Yey gishos, nuunii ammanor xillod garkk Kiristtoosa ye7od gatho higgay na7a naagiz as garkk nuna naagiza maaqqeeza. 
\v 25 Zin yhatte ammano ye7eez gishos higge yhaypp guye na7a naagiz as garkk maaqqeez higgay oommor aqith atteeza.
\p
\v 26 Yi ubbitay Yesuus Kiristtoosana ammanii Xooss na7ita maaqqeeza. 
\v 27 Kiristtoosar petto maaqqodayis xammaqqintteez ubbitay Kiristtoosana afila garkk ma7eeza. 
\v 28 Yi ubbitay Kiristtoosar petto maaqqeez gishos Ayihude as ganccennee Girike as gancce, aylle ganccennee womaanno gancce, dhiirathi ganccennee maachchi gancce dummatithii baaya. 
\v 29 Yikkee, yi Kiristtoosas maaqqiko yi Afraame kochchii. Xooss ufayis qaalay garkk yi laattizita.\x - \xo 3:29 \xo*\xt Oro. 4:13\xt*\x*
\c 4
\p
\v 1 Yhattekka ta gizay yhaya. Laattiza na7ay duudetitha yeza wode, shalo ubbay ebaz maaqqikokka, E ayllepp abarakka dummatooya. 
\v 2 Zin e aday geez woday hellodayis E hadara ekkeezitay kushennee naagizitay kushe yeziza. 
\v 3 Yey garkk, nuunii Ayyana bazis duude maaqqii yez wode alame wogas aylliteeza. 
\v 4 Zin woday hellin Xoossay maachchapp yelintteez fa na7ana azazeeza. Ezikka higges azazintteezaya maaqqeeza. 
\v 5 E yeya ootheezay, higges haarinttii yezita wozodayisnnee nuna fa na7ita oothodayisii.\x - \xo 4:5-7 \xo*\xt Oro. 8:15-17\xt*\x*
\p
\v 6 Nu Xooss na7ita maaqqeez gishos «Aabbo, ta adayyo» yeegii xeegiz fa Na7ay Ayyana nu wozina gancce kiiteeza. 
\v 7 Yey gishos, yhaypp neenii Xooss na7app attin aylle baaya. Neenii e na7a maaqqiko, Xoossa laattiza as maaqqiza.
\s1 Phawuloosa Galatiya asayis qoppiza qofa
\p
\v 8 Yi tiina Xooss eroowa wode Xooss baazitayis aylle maaqqii haarintteeza. 
\v 9 Zin yhatt yi Xooss ereeza; ubbarakka Xoossar erintteeza. Yeezin pathozayikonnee maaddoowa alame wogitayiko guye wayizii maaqqee? Wodhdhii eqqii, wayizii unttis aylle maaqqodayis koyee? 
\v 10 Duma maaqqeez gallasita, aginita, woditannee laythita yi lo7ithii bonchchiza. 
\v 11 Ta yi gancce yinttis daabureezay cere attodeshsha gi ta yashshiteeza.
\p
\v 12 Ta ishuntho, ta yi garkk haneez gishos yinttikka ta garkk hanoytta gi yinttan woossiza. Yi tana abarakka qohekkaya. 
\v 13 Taanii tiina hargginttittar yinttis Wonggile odeezana yi eriza. 
\v 14 Ta harggay yinttis paace maaqqikokka, yi tana salinttekkaya; ixxekkaya. Zin tana Xooss kiitanchcho woy Kiristtoos Yesuusa mokkizay garkk mokkeeza.
\p
\v 15 Yeezin, ye yinttis yeza ufayssay ubbay ana yhanigeenee? Yinttis danda7intteezako, yi yi aafa kessii taas inggizako ixxaamizana ta markkattiza. 
\v 16 Yeezin, ta yinttis tuma odeez gishos yinttis morkke maaqqarennee?
\p
\v 17 Ye asay yinttan faako mahodayis koyiza, Zin u qofay lo77os baaya. U qofay yinttan shagodayisnnee yi unttis qoppod garkk oothodayisii. 
\v 18 Lo77o baz oothodayis amotiko lo77o, Zin yey ta yinttar yez wode aadda baazin ubba wode maaqqo.
\p
\v 19 Ta siiqo na7untho, Kiristtoosa yinttal misilinttod gatho yelos maachchii iqinttizay garkk ta yi gisho maakka iqinttiza. 
\v 20 Kaseesaypp ta qofa laammodayis koyeezazin taas erinttaam ixxin ta mettintteeza.
\s1 Aggaarinnee Saara aaziso
\p
\v 21 Higges haarinttii yezodayis koyizitayyo, an taas odoytta; higgay waagizako yi eroosa? 
\v 22 Geeshsha Maxaafay, «Afraames gadhinddattippennee godattatipp yelintteez nam7i na7itay yeza» yeegiza.\x - \xo 4:22 \xo*\xt Medhe. 16:15; 21:2\xt*\x* 
\v 23 Gadhinddattii na7ay as na7a yelinttizay garkk yelintteeza, zin godattatii na7ay Xooss ufayssa qaalar yelintteeza.
\p
\v 24 Yha maachchitay nam77ii caaqitayis aaziso maaqqii ekinttiza. Unttapp pettat, Siinna Derellappe ye7eezanna, fa na7ita aylletithis yeleeza; izakka Aggaaro. 
\v 25 Aggaara Arabe biittal yez Siinna Derer aazisinttii yhatti yez Yerusalaame aaziza. Abis giiko, iza fa na7itayira aylletitha yeza. 
\v 26 Zin salopp maaqqeez Yerusalaame aylletithar yezooya; iza nuus ubbayis indo. 
\v 27 Xillo Maxaafay,
\q1 «Bushitte, yelekka dhonthatee ufayttoba;
\q2 bushitte iqintti erozannee ilisoba.
\q1 Azinar yez maachchatipp,
\q2 azinii baa maachchatis na7itay gaame» yeegiza.\x - \xo 4:27 \xo*\xt Isa. 54:1\xt*\x*
\p
\v 28 Ta ishuntho, yi Isaaqa garkk Xooss ufayss qaalar yelintteez na7ita. 
\v 29 Zin ye wode as wogar yelinttodayisi, Ayyana wolqqar yelintteezana bayi7eeza. Yhayinokka yey garkke.\x - \xo 4:29 \xo*\xt Medhe. 21:9\xt*\x* 
\v 30 Zin Geeshsha Maxaafay waagee? «Gadhinddattii na7ay godattatii na7ayira wolla laattoowa gisho gadhindato I na7ayira wolla kessii dakkoba» yeegiza.\x - \xo 4:30 \xo*\xt Medhe. 21:10\xt*\x* 
\v 31 Yey gisho, ta ishuntho, nuunii godattatii na7itaypp attin gadhindattii na7ita baaya.
\c 5
\s1 Kiristtoosar yez wallotith
\p
\v 1 Nuunii walottithar yezoday garkk Kiristtoosa nuna aylletithapp kesseeza. Yikkee, miinggii eqqoytta; maaqqii aylletith qambbarayid gelippate.
\p
\v 2 Ta, Phawuloosa, giza si7oytta. Yi «Dookalintto maaddiza» gi yi dookalinttodayis koyko, Kiristtoosa yinttan abikka maaddooya. 
\v 3 Dookalinttiza oonkka higgay kiittiza ubbita polodayis beezizana mahii ta odiza. 
\v 4 Higge naagii xillodayis koyizitay, Kiristtoosapp shaakintteeza; Xooss aadho keehatithaypp yi haakkeeza. 
\v 5 Zin nuunii Xooss Ayyana baggar ammanor xillodayis ufayisar naagiza. 
\v 6 Yikkee, Kiristtoos Yesuusar yeziko, siiqor benttiz ammanopp attin dookalinttin, dookalinttekka attin nuna abkka maaddooya.
\p
\v 7 Tiina yi lo77o woxxiza, zin yhatti tumas azazinttaamay garkk yinttan kayeezay oonoo? 
\v 8 Yhay garkk iita dooshay yinttan xeegeez Xoossaypp ye7ekkaya. 
\v 9 Yeykka, «Xiqqa irshsho munuqo ubba denthiza» ginttinttii xaafintteezay garkk.\x - \xo 5:9 \xo*\xt 1 Qor. 5:6\xt*\x* 
\v 10 Yinttis hara qofa baazayisi ta Godayil ammaninttiza. Zin yinttan buqiz oonkka Xoossapp fa pirdda ekkoda.
\p
\v 11 Ta ishuntho, ta yhaya hellodayis dookalintto sabbakkizabaz maaqqiko, yeezin tana abis bayi7ee? Yey tuma maaqqeezako Kiristtoosa mazqalay bagga tamaarssay asis dhube maaqqaamizin. 
\v 12 Yinttan buqizitay fana dookalith aadda baazin fana qaaratizakokka ta dosiza.
\p
\v 13 Ta ishuntho, yi wallo yezodayis xeegintteeza. Maaqqozin, yi wallotithay asho amotith polodayis yinttis sankke maaqqippe; yeypp aathii pettay petta siiqor maaddoytta. 
\v 14 Higge ubbay, «Ase ne ubbay garkk qadhdhoba» yeegiz pettii qaalar accinttiza.\x - \xo 5:14 \xo*\xt Lewii. 19:18\xt*\x* 
\v 15 Zin yi pettay pettayir saxinttizbazinnee miinttinttizbaz maaqqiko, yi woli wurssaamay garkk naaginttoytta.
\s1 Ayyana yessinnee asho yess
\p
\v 16 Yikkee, ta yinttis odiza; Ayyanar yezoytta; yi asho amo yesha polippate. 
\v 17 Asho amo Ayaana amor morkke; ma Ayyana amaykka asho amora morkke. Unttii pettay pettayir ixinttiza gishos yi dosizabaz oothodayis danda7ooya.\x - \xo 5:17 \xo*\xt Oro. 7:15-23\xt*\x* 
\v 18 Zin Ayyanay yinttan kaalithiza baz maaqqiko higge yinttan haarooya.
\p
\v 19 Asho oositay erintteezita; unttikka, lagite, tuna ootho, qayixe, 
\v 20 eeqas goynno, bita, morkkintto, kachchii, qinaate, cashshii, fana dosithii, shaakintto, iita tobba 
\v 21 gene, mathe, yethinnee yeyitita aazizita. Tiina ta yinttis odeezay garkk yhattekka ta yinttis odiza. Yhay garkk bazita oothizitay Xooss kaatetithii laattooya.
\p
\v 22 Zin Ayyana aafe, siiqo, ufayssii, sarotithii, minthatho, haayotithii, lo77otithii, ammano, 
\v 23 ashikketithii, fana haaro. Yhay garkk bazita ixxiza higge baaya.
\p
\v 24 Kiristtoosa Yesuusas maaqqeezitay fa asho e iita qofayirannee e amayira wolla mazqalel afa sotteeza. 
\v 25 Nu Ayyanar yeza baz maaqqiko, nuna Ayyanay kaalitho. 
\v 26 An pettay petta yilosittarannee qinaatittar cer ceeqinttitha wolla ashshoda.
\c 6
\s1 Wolla maaddinttoytta
\p
\v 1 Ta ishuntho, asii balinttii buuta baz oothiko, Ayyanar yez yi ye atha ashikketithar luulisoytta. Zin neenii yey garkke bazar paacinttaam garkk nena naagoba. 
\v 2 Pettay yhankay deexo toofa tookkoo, yeeziko Kiristtoosa higga yi poliza. 
\v 3 Pettii asii akkokka baazin, fana yhankkitaypp lo77o gi qopiko, E fana dooshiza. 
\v 4 Zin pettii pettii asii fa oosa faacco. Yeyppi guye, hara asar fana qeelithiza ashshii paas ceeqinttiza baz denggiza. 
\v 5 Pettii pettii asii fa toofo paas tookkodayis beeziza.
\p
\v 6 Xooss qaala tamaariza oonkka lo77o baz ubba fa asitamaarayira gishinttiza.
\p
\v 7 Yi, yinttan balithipatte. Asii fa zereezanno mahii maxiza gisho Xoossa dooshipatte. 
\v 8 Fa asho amo kunthodayisi zeriz oonkka, fa asho innapp yhayiqo maxoda. Zin Ayyana ufayssodayis zeriz oonkka Ayyanapp medhina de7o maxoda. 
\v 9 An lo77o ooso oothodayis azallizana wolla ashshoda. Nuunii azallam ixxiko woday helleez wode nu zereezana maxoda. 
\v 10 Nu giiga wode denggiko, as ubbayis, aathikka ammaniza asis lo77o baz oothoda.
\s1 Wurssith zorennee sarotho
\p
\v 11 Taanii ta kushayir, ab garkk damma pidaaler yinttis xaafeezako bo7oytta. 
\v 12 As tiina lo77o maaqqii benttodayis koyiz asay yi dookalinttod garkk koyiza. Zin yeya unttii oothizay, Kiristtoosa maziqale gisho unttan bayi7ithii hellaamay garkke. 
\v 13 Unttii yi dookalinttayir ceeqinttodayis koyii yinttan dookalintto gizapp attin dookalintteezitaykka fa ubbas higge naagooya.
\p
\v 14 Zin nu Goda Yesuus Kiristtoosa mazqalaypp attin hara alamay taas sotintteezaynnee taankka alamayis sotintteez ceeqinttay taapp haakko. 
\v 15 Yikkee, dookalinttin dookalinttekka attin abikka maaddooya. Maaddizay Yesuus Kiristtoosar orothi medhetithii maaqqithii. 
\v 16 Yha woga kaalliza ubbitayisinnee Xoossis woya maaqqeez Isra7eeles sarotithinnee maarotithii maaqqo.
\p
\v 17 Taanii Yesuusas shocintteez ta ashayil yez beetay ta Yesuusas aylle maaqqeezana beeziza gisho yhaypp gede tana oonkka waaythippe.
\p
\v 18 Ta ishuntho, nu Goda Yesuus Kiristtoosa aadho keehatithay yinttar maaqqo. Amin7e.