\id 3JN - Melo New Testament Latin
\ide UTF-8
\h 3Waannisa
\toc1 Waannisa Xaafeez Haythintho Kiitaa
\toc2 3 Waannisa
\toc3 3 Wan.
\mt1 Waannisa Xaafeez Hayidzintho Kiita
\imt Gelo
\ip Waannisa kiita hayidzinthana, Yesuusa hawaare maaqqeez cimay, Waannisa xaafeeza. E xaafeezayikka Gaayoosa giz pettii woosa keeth aqqisizayisii. Xaafay pettii baggar Gaayoosa hara ammanizita maaddeez gishos eza galatiza; ma hara baggar Diyotirafiisa ginttinttiza woosa keetha halaqa maaqqodayis koyeez desha athaypp naaginttoday garkk qofisiza.
\iot 3 Waannisa Kiitay aykkeez qofita
\io1 Gelo \ior 1-4 \ior*
\io1 Gaayoosa galatintto \ior 5-8 \ior*
\io1 Diyotirafiisi borintta \ior 9-10 \ior*
\io1 Dimexiroosii galatintto \ior 11-12 \ior*
\io1 Kustte qofa \ior 13-15 \ior*
\ie
\c 1
\p
\v 1 Taanii woosa keeth cima, tuma dosiza Gaayoosas kiitteez kiita.\x - \xo 1 \xo*\xt Haw. O. 19:29; 16:23\xt*\x* 
\v 2 Ta siiqayo, neenii ne shemppayir lo77o yezana ta ereezay garkk nees gallay lo77o yezoday garkkennee ne oothizabazay suuroday garkk nees Xoossa woosiza. 
\v 3 Pettii pettii ammaniza asitay yi7ii, ubba wode neenii tumar yezannee ne tumatithayibagga markkatteez wode taanii gaame ufaytteeza. 
\v 4 Ta na7itay tumatithar yeza si7izaypp aath, tana ufayssiz abaz baaya.
\s1 Gaayoosa galatintto
\p
\v 5 Ta siiqayo, unttii nees imathe maaqqikokka, neenii ammaniza asayis ammanthiza ooso oothiza. 
\v 6 Unttii ne siiqaybagga woosa keetha markkeeza. Yhattekka unttii yhanigodar oge Xoossii dosizay garkk udii unttan maaddiko ne lo77o oothiza. 
\v 7 Unttii Kiristtoosas oothodayis kezii, ammanoowa asitaypp akkokka ekkekkaya. 
\v 8 Nuunii tuma oosa unttara pettipp oothodayis yhay garkk asita maaddodayis beeziza.
\s1 Diyotirafiisannee Dimexiroosa
\p
\v 9 Taanii woosa keethitayis dabddaabbe xaafeeza, zin unttal halaqa maaqqodayis koyeez Diyotirafiisa nuunii giza ekkekkaya. 
\v 10 Yeyi gishos, taanii ged yhanigodar E nuul afa odinttiza iita odannee E ootheez oosa ododa. E yeyi guuxiz gi, nu ishitay yhammada mokkooya. Hara attozin, unttan mokkodayis koyizitakka kayi woosa keethaypp kesseeza.
\p
\v 11 Ta siiqqay, lo77o baz aazobapp attin iita baz aazippe. Lo77o baz oothiza oonkka Xooss as, zin iita baz oothiza oonkka Xooss erooya.
\p
\v 12 Dimexiroosa lo77o as maaqqeezana as ubbay markkattiza. Tumay fa ommas ebaz markkattiza; nuukka ebaz markkattoda; nu markkatithay tuma maaqqeezana yi eriza.
\s1 Wurssith sarotho
\p
\v 13 Taanii nees xaafodayis koyeez gaame baz yeza, zin worqqater xaafodayis koyekkaya. 
\v 14 Zini taanii ukker woli helii be7adayis qoppiza; ye wode nuunii odinttoday.
\p
\v 15 Saray nees maaqqo.
\p Ne dabbitay nena saro yeegiza. Nu dabbita ubba u suntha suntha xeegii «Saro geeza» yeegoba.