\id 2TI - Melo New Testament Latin
\ide UTF-8
\h 2Ximaatoosa
\toc1 Phawuloosa Ximaatoosas Xaafeez Nam7inth Kiitaa
\toc2 2 Ximaatoosa
\toc3 2 Xim.
\mt1 Phawuloosa Ximaatoosas Xaafeez Nam7antho Kiita
\imt Galo
\ip Phawuloosa Ximaatoosas xaafeez nam7antho kiitay, Phawuloosar wolla ootheezannee Phawuloosa kale maaddiza yelaga Ximaatoosana zoreez zora aykkeeza. Ye zorayis aafe qofay, «Garizhor miinggoday garkke» yeegiza. Ximaatoosa zorennee minthatho qaala ekkeezay, Yesuus Kiristtoosa bagga tuma markkattoday garkk Wonggile qaalannee kase Caaqo timirtta miinthii aykkoday garkke metonnee ixxo gaanggikokka tamaarssorannee Wonggile sabbakor miinggoday garkkesii.
\ip Ximaatoosa cere boozetith palamapp haakkoday garkk duma mino zore ees inggintteeza. Yey garkk oday as dhabisizapp attin akkokka maaddooya.
\ip Ye ubbayid Ximaatoosa akaakkodayis beezizay, Phawuloosa hannanne e yessa yeykka, e ammano, e garzho, e siiqo, e miinthetithannee eza helleez meta aaziso udii kaalloday garkke. Phawuloosa fa laaso haasii yhayiqos giigintteez wode yha kiita xaafeeza.
\iot 2 Ximaatoosa kiitay aykkeez qofita
\io1 Gelo \ior 1:1-2 \ior*
\io1 Ximaatoosas inggintteez zore \ior 1:3—2:13 \ior*
\io1 Wurssith wode bagga \ior 2:14—4:5 \ior*
\io1 Phawuloosa hanii yez yessay \ior 4:6-18 \ior*
\io1 Kustte qofa \ior 4:19-22 \ior*
\ie
\c 1
\p
\v 1 Xooss shener, Yesuus Kiristtoosapp bentteez de7o ufayssapp dendeezayid Yesuus Kiristtoosas hawaare maaqqeez Phawuloosapp, 
\v 2 ta dosiza na7a Ximaatoosas;
\p Xooss Adayppenne nu Goda Kiristtoosa Yesuusappe aadho keehetithii, maarotithinnee sarotithi maaqqo.\x - \xo 1:2 \xo*\xt Haw. O. 16:1\xt*\x*
\s1 Ximaatoosas inggintteez zore
\p
\v 3 Taanii, ta woosayid qammannee gallas nena qoppiza. Taanii woossiza wode ta aditay garkk ta lo77o kahar eesi oothiza Xoossa ne gishos galatiza. 
\v 4 Taanii ne afutha qoppiza; nena bi7ii ufayttizana gaame laamotiza.
\p
\v 5 Ma nees yez tuma ammana ta eriza. Ye ammanay binii ne wogga indat Loydirannee ne indat Ewuniqes yez ammanay garkke.\x - \xo 1:5 \xo*\xt Haw. O. 16:1\xt*\x* 
\v 6 Yeyi gishos, taanii ta kushayid neell afa gaddeez wode Xoossii nees inggeez imota neenii mahii eethoday garkk ta nena qofisiza. 
\v 7 Abis giiko, Xoossii nuus wolqqa, siiqonnee nu ubba haariza Geeshsha Ayyana inggeezapp attin yashsha ayyana inggekkaya.
\p
\v 8 Yikkee, nu Godayis markkattodayis yeelatippe; ma e gishos accintteez ta baggarakka yeelatippe. Zini Xoossii nees inggiza wolqqar Wonggile gishos taar meto ekkoba. 
\v 9 Xoossii fa shenerannee fa aadho keehetithayir nuna dummasii, fa geeshsha woya udodayis nuna dooreezapp attin nuunii ootheez ooso gishos baaya. Yha aadho keehatitha Kiristtoosa Yesuusa baggar alame medhinttodaypp tiin nuus inggeeza. 
\v 10 Yhatti yha aadho keehetithay nuna ashshiza Kiristtoos Yesuusa yi7ithayir bentteeza. E yhayiqo wolqqa dhabisii, Wonggile baggar yhayqqoowa de7o nuus qoncciseeza.
\p
\v 11 Taanii Wonggile sabaake, hawaarennee asitamaare maaqqod garkk Xoossii taas mawute inggeeza.\x - \xo 1:11 \xo*\xt 1 Xim. 2:7\xt*\x* 
\v 12 Taanii yey gishos yha meta ekkiza; zin ta ammaneezay oonazako eriza gishos yeellataamii. Taas inggintteez hadara Yesuusa maaqqii ye7od gallasay hellodayis E naagodayis danda7izana ta eriza.
\p
\v 13 Taanii nena taamarsseez tuma qaala aaziso oosa aykkii Kiristtoosa Yesuusar yez ammanayirannee siiqayir yezoba. 
\v 14 Nu gancce yez Geeshsha Ayyana wolqqar nees inggintteez lo77o hadara naagoba.
\p
\v 15 Iisa Awurajja yez ubbay taapp haakkeezana ne eriza; u gancce Figeluusarannee Hermmogeneesara yeza.
\p
\v 16 Anesfoora tana unddenna wode minthatheez gishos Goday e kara asayis qadhintto. Taanii achch kara yez wode E ta achchayidakka yeellatekkaya. 
\v 17 Yeyil afa E Oroome katama ye7eezan garkk tana miinthii koy denggeeza. 
\v 18 Wurssith gallas Goday ees qadhinttoday garkk taanii Goda woosiza. Efesoona katama yez wode E tana ab garkk maaddeezako ne loythii eriza.
\c 2
\s1 Yesuus Kiristtoosas ammanintteez wottadare maaqqith
\p
\v 1 Yikkee, ta na7ayyo, Kiristtoosa Yesuusar yez aadho kehetithyir mingoba. 
\v 2 Gaame markkittithar tiina taanii nena taamarsseez timirtta, hara tamaarssodayis danda7iza ammanintteez asayis hadara inggoba.
\p
\v 3 Yesuus Kiristtoosas lo77o wotaaddare maaqqii taar wolla meto ekkoba. 
\v 4 Wotaaddare fana azazeez fa halaqa ufayssodayis giiginttizaypp attin hara oosor fana gitooya. 
\v 5 Yey garkkekka, aalaalo woxxiza oonkka higgayis beeziza oger woxxaam ixxiko gamith woyito ekkooya. 
\v 6 Biita wootar daaburiza ooso athay fa daabura aafaypp miiz tiina as maaqqodayis beeziza. 
\v 7 Goday ubbabazar nees akaaka inggod gishos ta nees odeezibazana ne wozinayid naagoba.
\p
\v 8 Taanii markkattiz Wonggilay yhaya, yhayiqoppe denddeez, Dawute zerethi maaqqeez Yesuus Kiristtoosa qoppoba. 
\v 9 Taanii Wonggile odiza gishos daafa ootheez as garkk, accinttii meto ekkeeza. Zini Xooss qaalay accinttoya. 
\v 10 Yeyi gishos, Xoossii maraxeez asitay Kiristtoosa Yesuusapp dengeez atotithay baggar medhina bonchcho ekkoday garkk u gishos ubba bazar ta waayiza.
\p
\v 11 Yay garkk yeegiz qaalay ammanintteezaya;
\q1 «Nuunii ezar yhayqqeez baz maaqqiko,
\q2 ezar wolla de7or yezoda.
\q1
\v 12 Nuunii garzhor nu minggiko,
\q2 ezar wola kawutoda.
\q1 Nuunii eza kaddiko,
\q2 ezikka nuna kaddoda.
\q1
\v 13 Nuunii ammaninttaam ixxiko,\x - \xo 2:13 \xo*\xt Mat. 10:33; Luq. 12:9\xt*\x*
\q2 E ammanintteezaya maaqqii yezoda.
\q1 Abis giiko, E fana
\q2 kaddodayis danda7ooya» yeegiza.
\s1 Mino oosanchcho
\p
\v 14 Neenii unttan yhaya qopisoba; u qaalaypp dendeezayid palamaamay garkk, Xooss tiina unttan zoroba. Yeyi si7izita dhabisizapp attin akkokka maaddooya. 
\v 15 Neenii tuma qaala luuletithar tamaarssizannee yeellathoowa ooso as maaqqii, Xoossar dosintteez as garkk, nenatitha ees inggodayis minggoba. 
\v 16 Zini yha alamayis haniza maaddoowa balbuqqith odaypp haakkoba. Yey garkk oday as Xoossapp haakithiza. 
\v 17 Yey garkk timirttay asetithi mi haasiz citto kixxa garkke. Yey garkk oda odinttizitay ganccepp Hemenoosarannee Filixoosar yeza. 
\v 18 Yha asitay tuma oga ashshii, «Yhayqqeez asay yhayiqoppe binii denddeeza» yeegii pettii pettii asitay ammana dhabiseeza.
\p
\v 19 Hano zin, «Goday Ees maaqqeezita eriza» ubbarakk «Goday sunth xeegiz oonkka iita oosopp haakko» yeegiz maatamer yez eni7oowa Xooss baasay miinggii yezoda.\x - \xo 2:19 \xo*\xt Tay. 16:5\xt*\x*
\p
\v 20 Pettii damma keetha worqqapp woy birapp oosintteez miishe aadda baazin mithappennee zhiice biittapp oosintteez miishitaiykka yeza. Yeyititaypp baggitay bonchcho oosos, ma baggitay tooshinttiza oosos peezhiza. 
\v 21 Yeyi gishos, oonkka iita ubba ashshikonnee fana geeshshiko, bonchcho ooso oothiza miishe maaqqoda. U yessay geeshshinnee Goda ufayssiz abaz, ma unttii lo77o ooso ubba oothodayis danda7izita maaqqoda.
\p
\v 22 Na7atith iita amotithappe haakkoba. Geeshsha wozinar Goda xeegiz asayir pettipp, xillotithi, ammano, siiqonnee sarotith kaalloba.
\p
\v 23 Zini kachi medhdhizana erii boozetithinnee cere palamapp haakkoba. 
\v 24 Goda oosanchchay as ubbayis keeha, lo77o tamaarssizannee danda7anchcho maaqqodayis beezizapp attin kaccinttodayis beezooya. 
\v 25 E paar eqinttizita ashikketithar seeriza maaqqodayis beeziza. Unttii fa nagaraypp maaqqii tuma eroday garkk Xoossii oothodazakko oonii ere. 
\v 26 Unttii fa wozinako maaqqii fa shene udod garkk unttan aykkeez Xalahe xikaypp buuttoda.
\c 3
\s1 Wurssith gallas hanod iita bazita
\p
\v 1 Wurssith gallas un77ithiza wode ye7odana eroba. 
\v 2 Asay fana dosizita, miishe dosizita, ceeqinttizita, utirttizita, cazhizita, fana yeleezitayis kiitinttoozita, galatoozita, geeshshetithii baazita, 
\v 3 siiqo baazita, maaroozita, zigirizita, fana haaroozita, qadhe baazita, lo77o dosoozita, 
\v 4 kaddizita, ellisizita, utirar dafinttizita, Xoossapp aathii asho ufayssodayis dosizita maaqqoda. 
\v 5 Unttii Xooss goyinizita aazizapp attin E wolqqa kaddizita; neenii yey garkk asaypp haakkoba.
\p
\v 6 Unttapp pettay pettay as kara zurqqinttii gelii gaame nagara doorintteezitannee duma duma amor xuuginttiz ayyana daabureez maachita balithizitay garkke. 
\v 7 Ye maachita ubba wode taamarssiza, zin tuma erodayis danda7ooya. 
\v 8 Yaanesannee Yambbareesa Muser eqinttteezay garkk yha asitay kaha oothoozitannee ammanor daabureez asita maaqqeez gishos tumar kaazinttiza.\x - \xo 3:8 \xo*\xt Kes. 7:11\xt*\x* 
\v 9 Zini Iyaanesannee Iyambireesa boozetithay qoncceezay garkk u boozetithaykka as ubbay tiina qonccod gishos unttis hanena.
\s1 Wurssith zore
\p
\v 10 Zini neenii ta timirtta, ta yessa, ta qofa, ta ammana, ta danda7a, ta siiqa, ta garzha, 
\v 11 ta bayi7inttithannee ta meta ne eriza. Anxooka, Iqonoone, Lisxira katamitayid tana hellezbazinnee taanii danda7eez meta ne eriza; Goday tana ye ubbaypp ashsheeza.\x - \xo 3:11 \xo*\xt Haw. O. 13:14-52; 14:1-20\xt*\x* 
\v 12 Kiristtoosa Yesuusar Xooss ufayssiza yess yezodayis koyiz ubbay bayi7inttoda. 
\v 13 Iita asaynnee balithizitay paas balinttittarannee harita balithittar kaseesaypp aathii iitittar iitittar yhammada.
\p
\v 14 Zini ne tamaareezayidannee ne ammaneez tumayid miinggii eqqoba. Ne oopp tamaareezako ne eriza. 
\v 15 Neenii ne na7atithapp aykkii Kiristtoosa Yesuusa ammanii atotithi denggiz ecetithi inggodayis danda7iza Geeshsha Maxaafita taamarii ereeza. 
\v 16 Geeshsha Maxaafe ubbay Xooss Ayyana xaafod baz inggin xaapintteez qaala. Ya maxaafay tuma tamaarssodayis, balintteezita seerodayis, buuta luulisodayisnnee xillotith yessis koshshiza baz zorodayis maaddiza. 
\v 17 Xooss asii polonnee lo77o ooso ubbayis giigintteeza maaqqoday garkk maaddiza.
\c 4
\p
\v 1 Taanii nena Xooss tiina, pathi yezitayllannee yhayqqeezitayill pirddodayis yez Kiristtoosa Yesuusa tiina e qonccithayirannee e kaatetithayir zoriza. 
\v 2 Qaala sabbakoba; wode giigin giigekka attin miinggii markkatoba. Gaame danda7arannee tamaarssor asa zoroba, seerii luulisobannee denthithoba. 
\v 3 Asay tuma timirtte si7aam ixxod wode ye7oda. Unttii fa amo kaallii, paas si7odayis ufayssiza baz odiz asitamaarita shiishoda. 
\v 4 Unttii tuma bagga odiz timirtte ashshii, tuma maaqqekka oda si7odayis fa haye mahoda. 
\v 5 Zini neenii ubba bazar naaginttoba. Meto danda7oba. Wonggile markkattitha ooso udoba. Nees inggintteez Xooss ooso ubba poloba.
\p
\v 6 Taanii yarshsho yarshshizay garkk yarshshinttodayis woday helleeza; yha alama ashshii yhanigiza woday helleeza. 
\v 7 Taanii lo77o ola olintteeza; ta aalaalo laasa haaseeza; ammana naageeza. 
\v 8 Yhaypp guyes xillotithi zawude\f + \fr 4:8 \fr*\fqa Xillotitha zawuday: \fqa*\ft Xillotitha yez gishos ta ekkod zawude. Xillotithii taas zawude udii inggiza guussii.\ft*\f* tana naagiza. Yeya geeshsha pirdda pirddiz Goday ye gallas taas inggoda. Yeyi ta aaddas baazin E maaqqii yi7itha amottiz ubbayis inggoda.
\s1 Phawuloosa buzo qofita
\p
\v 9 Ellissii taako ye7odayis minggoba. 
\v 10 Deemaasa yha alama dosii, tana ashshii, Teselonqqe katama qiteeza. Qerqisima Galaatiya, Titonnee Dilmmaaxa biitta qiteeza.\x - \xo 4:10 \xo*\xt Qol. 4:14; Film. 24; 2 Qor. 8:23; Gal. 2:3; Tito 1:4\xt*\x* 
\v 11 Luqaasa aadda taar yeza. Marqqoosa Xooss oosor tana maaddodayis danda7iza gishos neer ekkii ye7oba.\x - \xo 4:11 \xo*\xt Qol. 4:14; Film. 24; Haw. O. 12:12, 25; 13:13; 15:37-39; Qol. 4:10\xt*\x* 
\v 12 Taanii Tikiqoosana Efesoona katama kiiteeza.\x - \xo 4:12 \xo*\xt Haw. O. 20:4; Efi. 6:21-22; Qol. 4:7-8\xt*\x* 
\v 13 Neenii yi7ittar, Xiro7aada katama Karppoosa lanqqe ashshii ye7eez ta kootannee maxaafita taas ekkii ye7oba. Ubbayppekka xaath maxaafita ekkekkazar yi7ippe.
\p
\v 14 Xarqqimaale oothiz Iskkinddire tana iita qoheeza; Goday e oosay garkk ees ciggoda.\x - \xo 4:14 \xo*\xt 1 Xim. 1:20; Maz. 62:12; Oro. 2:6\xt*\x* 
\v 15 E nu timirtta ixxiza gishos eepp nena naagoba.
\p
\v 16 Tiina ta mootintteez wode ubbay ashshii qitteezapp attin oonkka tana maaddekkaya. Xoossii ye buuta unttis taybippe. 
\v 17 Zini taanii kunth kiita Ayihude baa as ubbayis markkatin, unttii si7odayis garkk Goday ta kantta eqqii taas wolqqa inggeeza. Ma gaammo garkk doona dooyeez yhayiqopp tana asheeza. 
\v 18 Goday tana iita ubbaypp ashshii salo kaatetith saror hellithoda. Ees medhinapp medhina hellodayis bonchcho maaqqo. Amin7e.
\s1 Wurssith sarotho
\p
\v 19 Phirisqilas, Aqiilasinnee Anesifoora kara asayis ta sarotha helthoba.\x - \xo 4:19 \xo*\xt Haw. O. 18:2; 2 Xim. 1:16-17\xt*\x* 
\v 20 Erasxoosa Qoronttoosa katama atteeza. Xirofimoosa harggintteez gishos Millixe katama eza ashsheeza.\x - \xo 4:20 \xo*\xt Haw. O. 19:22; Oro. 16:23; Haw. O. 20:4; 21:29\xt*\x* 
\v 21 Barigo gelodaypp tiina ellisii ye7oba.
\p Ewubuloosa, Phudeesa, Linoosa, Qilaadennee hara ammaniza asitay ubbay nena saro saro giza.
\p
\v 22 Goda Yesuus Kiristtoosa neer maaqqo.
\p Xooss aadho keehetithay yinttar ubbayir maaqqo.