\id 2TH - Melo New Testament Latin
\ide UTF-8
\h 2Teselonqqe
\toc1 Phawuloosa Teselonqe Asayis xaafeez Nam77inth Kiita
\toc2 2 Teselonqqe
\toc3 2 Tes.
\mt1 Phawuloosa Teselonqqe Asayis Xaafeez Nam7intho Kiita
\imt Gelo
\ip Kiristtoosa nam7intho yi7ithayil afa denddeez oychchay palama medhdhittar yhanigeez gishos Teselonqqe woosa keetha meto gaanggittar gaanggittar qiteeza. Phawuloosa Teselonqqe asayis xaafeez nam7intha kiitay, «Goda yi7ith gallasay ukkeeza» yeegiz ammano timirttayil afa miinthii odiza. Phawuloosa odittar Kiristtoosa ye7odaypp tiina, «Zhuca atha» ginttinttiz Kiristtoosana ixxizay kaalithizay yha alamel afa iitatithinnee cubotithii gaanggittar yhanigoda yeegiz u ammana luulisiza.
\ip Hawaaray, metonnee waaye gaanggikoka unttii fa ammanayid minggoday garkk eenne ezar wolla yezitay ootheezay garkk, unttii fa yessis beeziza baz denggodayis miinggii yhanttoday garkk ma lo77o ooso oothodayis guye gaamay garkk unttan miinthii zoriza.
\iot 2 Teselonqqe kiitay aykkeez qofita
\io1 Gelo \ior 1:1-2 \ior*
\io1 Galatannee maganth \ior 1:3-12 \ior*
\io1 Kiristtoosa nam7intho yi7ithi bagga inggintteez timirtte \ior 2:1-17 \ior*
\io1 Ammanor yessal afa inggintteez zore \ior 3:1-15 \ior*
\io1 Kuste qofannee sarotho \ior 3:16-18 \ior*
\ie
\c 1
\p
\v 1 Phawuloosapp, Silaaseppennee Ximaatoosappe Teselonqqe woosa keetha yez ammaniza asayis, Xoossa Aday baggannee Goda Yesuus Kiristtoosa bagga maaqqeez asayis xaafeez kiita.\x - \xo 1:1 \xo*\xt Haw. O. 17:1\xt*\x*
\p
\v 2 Xooss nu Adayppenne Goda Yesuus Kiristtoosapp aadho keehatithaynnee sarotithay yinttis maaqqo.
\s1 Kiristtoosa nam7antho yi7ithayid ingginttod pirdda
\p
\v 3 Nu ishuntho, yi ammanannee yi woli siiqiza siiqqay lo7ithii dicciza gishos nuunii yeyis Xoossa ubba wode galatiza, galatodayiskka beeziza 
\v 4 Yinttan helleez bayi7ithayidannee waaye ubbay garzhorannee ammanor miinggii eqqeez gishos nuunii nu ommas Xooss woosa keetha yi bagga markkattittar yinttal ceeqinttiza.
\p
\v 5 Yi E gishos gi meto ekkiz Xooss kaatetithayis beezizita maaqqii taybinttoday garkk Xooss geeshsha pirddayis yhayi malla. 
\v 6 Xoossii tuma pirdda pirddoda. Xoossii yinttan waayisizitayil afa waaye ki7i u gata ciggoda. 
\v 7 Goda Yesuusa fa wolqqama kiitanchchitayra ye7ii yhatti waayinttiza yinttanannee nuna shemppisoda. 
\v 8 E laxiz tamar benttoda, Ma Xoossii fana erowazitannee nu Goda Yesuus Kiristtoosa Wonggelayis kiitinttoowazita eexiz tamar pirddoda. 
\v 9 Unttii Goday tiinapennee e bonchcho wolqqapp shaakinttii medhina dhabor pirddinttoda.\x - \xo 1:9 \xo*\xt Isa. 2:10\xt*\x* 
\v 10 Ye gallas, E faasitayrannee fana ammanizita ubbayil bonchchinttodayisinnee sabinttodayis ye7odar nu yinttis odeez kiita yi ammaneez gishos yi eza bonchchizitay ganccennee sabbizitay gancce payidinttoda.
\p
\v 11 Nuunii yinttis ubba wode qofa gachchekkazar Xoossii woossizay yeyisii. Nu Xoossii yinttan xeegeez xeegithayis beezizita maaqqii payidinttoday garkk woossiza. Yi lo77o baz oothodayis amottiza amannee yi ammano oosa E fa wolqqar folo. 
\v 12 Ezayid nu Xoossannee nu Goda Yesuus Kiristtoosa aath keehatithayid, Goda Yesuusa suntha yi bonchchoda; yinttanakka E bonchchinttoday garkk nu woossiza.
\c 2
\s1 Wuce as
\p
\v 1 Nu ishuntho, nu Goda Yesuus Kiristtoosa yi7ithi baggannee nu eza hellodayis shiiqobagga nu yinttan woossiza.\x - \xo 2:1 \xo*\xt Isa. 2:10\xt*\x* 
\v 2 Tinbbiter woy qaala si7eezay garkk woy nuuppe ekkeez kiita udii, «Goda gallasay helleeza» yeegii yi wozinay dagammipennee dhabippe. 
\v 3 Yinttan oonkka aba ogerakka balithippe. Tiinattii asay Xoossa kado aykkekkazin wuce athay zhucatithay qonccekkannee dhabos beeziza athay ye7ekkazin, Goday gallasay hellaamii. 
\v 4 Yha wuce athay god giinttii goyinttiz ubbaypp aathii pana dhoqi udoda. Hara attozin yasha bayth, Xooss kara gelii bettii, «Taanii Xoosse» goda.\x - \xo 2:4 \xo*\xt Daan. 11:36; Iziqe. 28:2\xt*\x*
\p
\v 5 Taanii yinttar yezar yinttis odeezana akaakoosanee? 
\v 6 Yha wuce athay fa gallasar ye7odaypp attin yhatti ye7aamay garkk abii eza kayizako yi eriza.
\p
\v 7 Asayis benttekkazar wuce athay wolqqay yhattekka geemar oothiza, maaqqozin yhatti eza kayizay yeza. Eza kayizay ogellap hali7od hellodayis E benttaamii. 
\v 8 Yeypp guye, wuce athay benttoda, zin Goda Yesuusa fa doonaypp keziz peenayirannee fa yi7ithay deetayir eza dhabisoda.\x - \xo 2:8 \xo*\xt Isa. 11:4\xt*\x* 
\v 9 Wuce athay Xalahe wolqqar yi7ii balithiza mallitannee malabazita udoda.\x - \xo 2:9 \xo*\xt Mat. 24:24\xt*\x* 
\v 10 Yey garkkekka, dhabos yez asita duma duma dooshiza iita oosor balithoda. Unttikka dhabizay ashshiza tumana dosii ekkaam ixxeez gishosii. 
\v 11 Yeyi gishos, unttii worddo ammanoday garkk Xoossii iita balitho wolqqa unttal afa dakkoda. 
\v 12 Yeykka, tuma ammanaam gi, nagara oosor ufayttiza ubbay pirddinttoday garkkesii.
\s1 Atotithis doorintteez asita
\p
\v 13 Goday dosiza nu ishuntho, nuunii Xoossa yi gishos ubba wode galatodayis beeziza. Galatizaykka yi attoday garkk Geeshsha Ayyana wolqqar yinttan geeshsheezannee yinttikka tuma ammanii attoday garkk E yinttan bayrathii dooreeza. 
\v 14 Xoossii, nu yinttis odeez Wonggilay baggar yinttan xeegeezay, yi nu Goda Yesuus Kiristtoosar wola bonchchinttoday garkke. 
\v 15 Yikkee, nu ishuntho, miinggii eqqoytta. Nuunii yinttan doonar woy dabddaabber taamarsseez timirtta miinthii aykkoytta.
\p
\v 16 E nu Goda Yesuus Kiristtoosannee nuna qadhdhii nuus fa aadho keehetithar medhina minthathonnee lo77o ufayss Xooss Aday nuus inggeeza. 
\v 17 Yi ubba wode lo77o baz oothodayisinnee odinttodayis E minthathoday garkkennee maaddoday garkk nu Goda Xoossa nu Ada woossoda.
\c 3
\s1 Woosas shiiqeez oychchi
\p
\v 1 Wurssithal nu ishuntho, Goday qaalay yi gancce ellisii dalggoday garkkennee bonchchinttoday garkk nuus woossoytta. 
\v 2 Yey garkkekka, qaala si7iz as ubbay ammanizita baaya yey gishos Xoossii zhucitayppennee iita asitaypp nuna ashshoday garkk nuus woossoytta.
\p
\v 3 Zini Goday ammaninttizaya; E yinttan minthathodannee Xalahepp naagoda. 
\v 4 Nuunii yinttan kiittizay yhattekka tiinapekka yi oothodaya Godayil nu yinttal ammanintteeza.
\p
\v 5 Goday yi wozina Xooss siiqokonnee Kiristtoosa danda7ayko kaalitho.
\s1 Oosos azalippate
\p
\v 6 Nu ishuntho, yi nuupp ekkeez kiita kaallozitayppennee ooso dosowa azaalla ammaniza asitaypp yi shaakinttoday garkk Goda Yesuus Kiristtoosa sunthayir yinttan nu azaziza. 
\v 7 Nu aaziso garkk hanii yezodayis beezizana yi, yi ommas eriza. Nuunii yinttar yez wode ooso bili7ekkaya. 
\v 8 Nuunii ooppekka katha cere meekkaya. Nuus danda7intteezay garkk qammannee gallas daaburittar yenepp attin ooskka toofo maaqqekkaya. 
\v 9 Nuunii yeya ootheezay, yinttis aaziso maaqqodayisipp attin yinttipp maadee oycodayis nuus mawute dhabin baaya. 
\v 10 Nu yinttar yeza wodekka, «Yhanttodayis koyowa as oonkka miippe» yeegii azazeeza.
\p
\v 11 Nuunii yeya geezay, yi gancce pettii pettii azallitay yeza si7eez gishos. Ye asitay gelissowa aqo gelii harita ooso bilisinepp attin aba oothokka oothooya. 
\v 12 Nuunii yey garkk asitay shempp wogar yessaday garkkennee paas beeziza baz fa kusher oothii demmaday garkk Goda Yesuus Kiristtoosa sunthar unttan azazizannee zoriza.
\p
\v 13 Zini nu ishuntho, nu daabureeza gi lo77o ooso oothodayis azallipatte. 
\v 14 Yhatti nuunii yha dabddaabbayid kiitteez kiitayis kiitinttoowa as oonkka yeziko ye atha eroytta. E yeellatoday garkk eepp shaakinttoytta. 
\v 15 Zini eza ishe garkk seeroyttapp attin morkke garkk bi7ipate.
\s1 Wurssith sarotho
\p
\v 16 Saro Goday, fa ommas yinttis ubba wodennee ubba baggar saro ingo. Goday yinttar ubbitayir maaqqo.
\p
\v 17 Taanii Phawuloosa, yha sarotha ta kusher xaafeeza. Ta kiita ubbayis mallay yhaya; taanii yey garkk xaafiza.
\p
\v 18 Nu Goda Yesuus Kiristtoosa aadho keehatithay yinttar ubbitayir maaqqo.