\id 1TH - Melo New Testament Latin
\ide UTF-8
\h 1Teselonqqe
\toc1 Phawuloosa Teselonqqe Asayis xaafeez Tiina Kiitaa
\toc2 1 Teselonqqe
\toc3 1 Tes.
\mt1 Phawuloosa Teselonqqe Asayis Xaafeez Tiina Kiita
\imt Gelo
\ip Teselonqqe, Oroome biitta yez Maqadoona awurajjas waanna katama. Phawuloosa Filphisoosa ashshii yhanigeezaypp guye Teselonqqe woosa keeth esseeza. Hano zin, Ayihuditay ammano ekkodayis giiginttii betteez Ayihude maaqqekka asay, Phawuloosa taamarssiza, kiristtinna ammano timirttayid gamintteez gishos Ayihuditay qinaattii, Phawuloosa timirtta phalqqeeza. Yeyi gishos, Phawuloosa gam7ekkazar Teselonqqe ashshii, Beera qiteeza (1:9-10). Guyeppe E Teselonqqe helleez wode eza maaddiza Ximaatoosa Teselonqqe woosa keetha yez hanita ees geeshshii odeeza.
\ip Phawuloosa tiina kiita Teselonqqe asayis xaafeezay, ammaniza asa zorodayisinnee minthathodayisii. E u ammanannee u siiqo lo77o markkatitha si7ii Xoossa galatiza. Binii E u gancce yezitar ab garkk yessi yezako unttan qopisiza. Yeypp Kiristtoosa nam7inth yi7ithi bagga oycintteez oychchayis mahith inggiza. Ye oychchitaypp xiqqitay, «Kiristtoosa nam7intho ye7odaypp tiina yhayqqeez ammaniza asis Kiristtoosa yi7ithay inggiza medhina de7o ekkodayis danda7inee? Kiristtoosa nam7intho ye7oday ayide?» ginttinttizita. Phawuloosa ye giiga woda maadinttii, «Kiristtoosa nam7intho yi7itha ufayisar naagttar E ye7od hellodayis shemppii yi ooso oothoytta» yeegii zoriza.
\iot 1Teselonqqe kiitay aykkeez qofita
\io1 Gelo \ior 1:1 \ior*
\io1 Phawuloosa ufayssannee galata \ior 1:2—3:13 \ior*
\io1 Ammaniza asay yess kaalithiza woga \ior 4:1-12 \ior*
\io1 Kiristtoosa nam7intho yi7ithi bagga \ior 4:13—5:11 \ior*
\io1 Wurssith zore \ior 5:12-22 \ior*
\io1 Kustte qofa \ior 5:23-28 \ior*
\ie
\c 1
\p
\v 1 Phawuloosa Sillaasennee Ximaatoosa Teselonqqe woosa keetha yez ammaniza asitayis, Xoossa Aday baggannee Goda Yesuus Kiristtoosa bagga maaqqeez asayis xaafeez kiita.
\p \x - \xo 1:1 \xo*\xt Haw. O. 17:1\xt*\x*Aadho keehatethaynnee saro yinttis maaqqo.
\s1 Teselonqqe asay yessinnee ammana
\p
\v 2 Nuunii ubba wode Xooss woossittar yinttan qoppittar yi gishos ubba wode Xoossa galatiza. 
\v 3 Nu Godanne Aday tiina ammanor yi ootheez oosa, siiqor yi daabureez daaburannee Yesuus Kiristtoosar yez yi ufayssa miinggii eqqeez eqa ubba wode qoppiza.
\p
\v 4 Xoossa doseez Nu ishuntho, Xoossii yinttan dooreezana nu eriza. 
\v 5 Abis giiko, nuunii Wonggile doona aaddar baazin wolqqar, Geeshsha Ayyanarannee Wonggile tumatithar yinttis ke7eeza. Nuunii yinttar gam7eez wode ubbayid yi gishos wayizii yezeezako yi eriza. 
\v 6 Yi gaame meto ekkikokka Geeshsha Ayyanay inggiza ufayisay baggar kiita ekkeeza; nunannee Goday aazisa kaalizita maaqqoytta.\x - \xo 1:6 \xo*\xt Haw. O. 17:5-9\xt*\x* 
\v 7 Yeyi gishos, Maqadoonannee Akkaya biitta yez ammaniza ubbayis lo77o aaziso maaqqeeza. 
\v 8 Goda qaalay yinttipp kezii, Maqadoonarannee Akkaya aadda baazin Xoossa yi ammanizay ubba aqo sintteeza. Yikkee, nuunii godbaz akkokka baaya. 
\v 9 Nuunii yinttiko yhanigeez wode yi nuna mokkeez mokanne yi, yi eeqa ashshii tumannee de7o Xoossayis oothodayis yi wayizii maaqqeezako unttii fa ommas odiza. 
\v 10 Ma Xooss Na7ay, Yesuusa, Xoossii yhayiqopp dentheezay, tiinapp ye7od Xoossii kachaypp nuna ashshoday, salopp ye7odana yi wayizii naagizako unttii markattiza.
\c 2
\s1 Phawuloosa Teselonqqe ootheez oosa
\p
\v 1 Ta ishuntho, nuunii yinttiko yhanigeezay cere baazana yi, yi ommas eriza. 
\v 2 Zini nuunii yinttiko Teselonqqe ye7odaypp tiina Filphisoosa katamayid metintteezannee cazhintteeza yi eriza. Gaame ixo yezikokka yinttis Wonggile odod garkk Xoossii nuus minotithii inggeeza.\x - \xo 2:2 \xo*\xt Haw. O. 16:19-24; 17:1-9\xt*\x* 
\v 3 Nuunii yinttan zoreezay ballithor woy tuna qofar woy gener baaya.
\p
\v 4 Zini Xoossii nuul ammanttii fa Wonggile ododay garkk nuus hadara inggeez garkk ododa. Nu yeya ootheezay nu wozina bi7iza Xoossa ufayssodayisipp attin as ufayssodayis baaya. 
\v 5 Nu miishe dosii worddor yinttan saqothittar yinttiko ye7ekkaza yi loythii eriza; Xoossikka nuus markka. 
\v 6 Nuunii yinttapp maaqqin woy hara ooppekka bonchcho koyekkaya. 
\v 7 Nuunii Kiristtoosa hawaare maaqqeezay garkk nuus beeziza baz inggoytta gi ekkodayis danda7izazin inda fa na7ita dichchizay garkk yi gancce nu ashiketithar yuuyeeza. 
\v 8 Nu yinttan doseez gishos Xooss Wonggile yinttis shaako aadda baazin nu shemppakka yinttis inggodayis giigii betteeza. Yi nuur gaame dosinttizitta. 
\v 9 Nu ishuntho, nu oosannee nu daaburssa yi eriza. Yinttis Xooss Wonggile odittar, yinttan waayithaamayis qammannee gallas ootheeza.
\p
\v 10 Nu de7ay yi ammanizitay kalennee Xooss tiina geeshshii, xillonnee borinttowazita maaqqii yezeezayis Xoossinnee yinttii markka. 
\v 11 Nuunii yinttis ommas ommas ade fa na7itayis hanizay garkk haneezana yi eriza. 
\v 12 Nu yinttan zoreeza, minthetheeza. Ma E kaatetithannee E bonchcha yi shaakkinttodayis yinttan xeegeez Xooss ufayssiza yess yi yezoday garkk yinttis miinthii odeezana yi eriza.
\p
\v 13 Maakka nu yi bagga gachchekkazar Xooss galatiza baz yeza, yeykka yi nuupp si7eez Xooss qaala yi ekkeez wode yinttar ammaniztayir oothiza yha qaala yi as qaala garkk baazin tuma Xooss qaala garkk ekkeeza. Yeykka Tuma Xooss qaala.
\p
\v 14 Ta ishuntho, yi Yihuda biitta yez woosa keethitannee ezayid Kiristtoosa Yesuusa kaalliza asay garkk haneeza. Unttan Ayihuditay waaytheezay garkk yinttanakka yi biitta asay waaytheeza.\x - \xo 2:14 \xo*\xt Haw. O. 17:5\xt*\x* 
\v 15 Ye Ayihuditay Goda Yesuusannee nabita wodhdheeza; ma nunakka bayi7ith biittapp kesseezita. Unttii Xooss ufayssozitannee as ubba ixxizita.\x - \xo 2:15 \xo*\xt Haw. O. 9:23, 29; 13:45, 50; 14:2, 5, 19; 17:5, 13; 18:12\xt*\x* 
\v 16 Unttii hara attozin, Ayihude maaqqekka asay attoday garkk nu unttis qaala odizanakka kayiza. Yey garkk hanii u ubba wode nagara nagaral ootheez gishos, Wurssithal, Xooss kachchay unttal afa wodhdheeza.
\s1 Phawuloosa Teselonqqe asa maaqqii be7adayis amottiza
\p
\v 17 Zini nu ishuntho, nuunii ayyanar baazin ashor yinttipp shaakinttii xiqqa wode gam7eezayid yinttan iita laamotii ashor be7adayis koyeeza. 
\v 18 Nu maaqqii yinttiko yhanigodayis koyeeza. Taanii ta ommas yinttiko yhanigodayis koyeeza, zin Xalahe nuna kayeeza. 
\v 19 Yeezin, nu Goda Yesuus Kiristtoosa yi7iza wode nu ufayssay woy nu ceeqinttiza nu zawuday oonoo? Yinttan baasannee? 
\v 20 Tuma yi nu bonchchitannee nu ufayssita.
\c 3
\p
\v 1 Yeyi gishos, yinttan be7ekka garzho nuus danda7inttaam ixxin, Ateena katama nu aaddas attodayis qofa acceeza.\x - \xo 3:1 \xo*\xt Haw. O. 17:15\xt*\x* 
\v 2 Yinttan zorod garkkennee ammanor minthathod garkke nuura wolla Xoossis oothizannee Kiristtoosa Wonggile odiza nu isha Ximaatoosa yinttiko azazeeza. 
\v 3 Yeykka yinttan helleez metayid yinttipp oonkka guye maaqqippe. Ye bayi7ithay nuus Xooss shene maaqqeezana yi, yi ommas eriza. 
\v 4 Nu yinttar yez wode bayi7ith hellodana yinttis tiinatii odeeza. Yi erizay garkk haneeza. 
\v 5 Yey gishos, taas garzhodayis danda7inttaam ixxin, «Oonii eree Xalahe unttan paaccii nu daaburssay yhar attodeshsha» gi yi ammanay bagga erodayis Ximaatoosa yinttiko kiiteeza.
\p
\v 6 Yhatti Ximaatoosa yi kalepp yi7ii, yi ammano baggannee yi siiqo baz lo77o wore odeeza. Ma yi ubba wode nuus lo77o qoppizannee nuunii yinttan be7adayis laamotizay garkk yinttikka nuna be7adayis laamoteezana E nuus odeeza.\x - \xo 3:6 \xo*\xt Haw. O. 18:5\xt*\x* 
\v 7 Ta ishuntho, nuunnii waaye ganccennee meto gancce yezikokka yi ammanay gishos nu miinggeeza. 
\v 8 Yi Godayil miinggii yeziko nu faxat yinno. 
\v 9 Yikkee, nuunii yinttipp denddeezayid denggeez ufayssayis Xoossa galatiza. 
\v 10 Nuunii yinttan aafer be7adayisinne yi ammanayid pacceez baz kunthodayis qammannee gallas nu kunth wozinar Xoossa woossiza.
\p
\v 11 Xooss nu Godayinne nu Aday E nu Godayinne Yesuus Kiristtoosakka fa ommas nu yinttiko yhanigiza oga giigiso. 
\v 12 Nu yinttan lo7ithii dosizay garkk yi woli siiqiza siiqannee as ubba siiqiza siiqa Goday yinttis gaanthonnee gujjo. 
\v 13 Nu Goday Yesuus fa geeshshitayir yi7iza wode Xoossay, nu Aday tiina yi wozinay geeshshinnee boro baazita udii E yinttan minthathoda.
\c 4
\s1 Xoossa ufayssiza yess
\p
\v 1 Wurssitha, ta ishuntho, Xoossa ufayssodayis yi wayizii yezodayis beezizako nuuppe yi tamaareeza. Yhattekka yi yhay garkk yeziza, zin yhatti yi kaseesaypp aathii oothoday garkk Goda Yesuusa sunthayir nu yinttan woossizannee zoriza. 
\v 2 Nuunii Goda Yesuusa mawuter yinttan azazeez higay aayazako yi eriza.
\p
\v 3 Xoossay, yi geesh maaqqoday garkkennee lagitapp haakkoday garkk koyiza. 
\v 4 Yi pettay pettay, yi machchitayra geeshshatitharannee bonchchor yezodayis beeziza. 
\v 5 Xooss erowannee ammanoowa as garkk lagitas tenttitor yezippatte. 
\v 6 Nu tiina yinttis odeezay garkkennee miinthii zoreezay garkk Goday yey garkk oothiza ubba pirddiza gishos ookka yhay garkk ammaniza oonakka naaqqodayisinnee dooshodayis beezooya. 
\v 7 Xoossii nuunii geeshshetithar yezoday garkkepp attin tunatithar yezoday garkk xeegekkaya. 
\v 8 Yeyi gishos, yha timirtta ixxiza oonkka yinttis Geeshsha Ayyana inggiza Xoossa ixxinepp attin ase baaya.
\p
\v 9 Yi woli wayizii dosodazako Xoossii yinttan taamarsseez gishos yhatti dosobagga nu yinttis ododayis koshshooya. 
\v 10 Ma Maqadoona biitta yez ammanizita ubba tuma yi dosiza. Zini nu ishuntho, yeezkka yi unttan usa dosoday garkk nu yinttan woossiza.
\p
\v 11 Nuunii tiina yinttis odeezay garkk dacci gi yezoytta. Yi, yi kusher oothii yi yessis beeziza baz denggoytta. 
\v 12 Yey garkk haniko, ammanoowa asitay kanttayid yi bonchchinttoda; ma yinttan koshshizabazis oonakka aaddashaamii.
\s1 Goday maaqqii yi7ith bagga
\p
\v 13 Nu ishuntho, ufayssii baa as garkk yi kayadhaamay garikkennee yhayqqeez asay bagga yez tuma yi eroday garkk nu koyiza. 
\v 14 Nuunii, Yesuusa yhayqqeezanannee yhayiqopp denddeezana ammanizabaz maaqqiko, Xoossii Yesuusana ammanii yhayqqeezita ezar wolla ko7oda.
\p
\v 15 Goday nuus odeezay garkk nu yinttis gizay yhaya. Goday ye7od gallas hellodayis nuunii paxa yezitay, yhayqqeezitaypp tiinataamii.\x - \xo 4:15-17 \xo*\xt 1 Qor. 15:51-52\xt*\x* 
\v 16 Goday wolqqama azazor, kiitanchchitay halaqa girthara, tulitulo pugii awajor Xoossii, salopp wodhdhoda. Kiristtoosa ammanii yhayqqeezity tiinatii yhayiqopp dendoda. 
\v 17 Yeypp guye, ye wode nuunii shemppo yezitay, Goda carkkol eza mokkodayis shaarar ekinttoda. Yeypp guye, nuunii Godayira wolla medhinas yezoda. 
\v 18 Yeyi gishos, yha qaalitayid woli minthathoytta.
\c 5
\s1 Goday yi7itha giiginttii naagoytta
\p
\v 1 Ta ishuntho, yhayttitay hanod laythitaynnee agintay bagga yinttis xaapodayis koshshooya. 
\v 2 Goday gallasay kayizo qamma yi7izay garkk ye7odana yi lo7ithii eriza.\x - \xo 5:2 \xo*\xt Mat. 24:43; Luq. 12:39; 2 Phix. 3:10\xt*\x* 
\v 3 Asay, «Sa7a saro, akkoyka baaya» yeegodar, maachchi iqithii aykkizay garkk dhabo unttii qoppekkazin unttal afa ye7oda. Unttii aba ogerkka yesha buutaamii.
\p
\v 4 Zini nu ishuntho, ye gallasay yinttis kayizo yi7izay garkk ye7odayis yi dhuma baaya. 
\v 5 Yi ubbay poo7o asinnee gallasa yez as; nuunii qamma as woy dhuma as baaya. 
\v 6 Yeyi gishos, nuunii yhankkitay genttizay garkk genttodayis beezooya; nuunii barkkodayisnnee giigii yezodayis beeziza. 
\v 7 Genttizitay qamma genttiza; mathizitayikka qamma mathiza. 
\v 8 Zini nuunii poo7o as maaqqeez gishos beezizay garkk yezodayis beeziza. Ammanonnee siiqo xurure garkk tiral ma77ii, atotith ufayssa ommal ola biraata barneexa garkk gaddii yezodayis beeziza.\x - \xo 5:8 \xo*\xt Isa. 59:17; Efi. 6:13-17\xt*\x* 
\v 9 Xoossii nuna nu Goda Yesuusa baggar kunth atotithi ekkoday garkk dooreezappe attin kachis doorekkaya. 
\v 10 Nuunii paxa yezin woy yhayqqin, Kiristtoosa yezeez wode ezar pettipp yezoday garkk Kiristtoosa nu gishos yhayqqeeza. 
\v 11 Yeyi gishos, yi tiina ootheezay garkk, pettay petta minthathoyttannee dichchoytta.
\s1 Wurssith zorennee sarotho
\p
\v 12 Nu ishuntho, yi gancce oothizita, yinttan kaalithoday garkkennee zoroday garkk Goday dooreezita bonchchoday garkk yinttan ta woossiza. 
\v 13 Unttii oothiza oosay gishos unttan usa bonchchoyttannee siiqoytta. Wolla saror yezoytta.
\p
\v 14 Nu ishuntho, boozita kaccoytta; yashittizita minthoytta; daabureezita maaddoytta; as ubba danda7oytta yeegii nuunii yinttan zoriza. 
\v 15 Oonkka iita gishos iita mahaamay garkk naaginttoytta. Yi wolisinnee as ubbayis lo77o baz oothodayis miinggoytta.
\p
\v 16 Ubba wode ufayttoytta. 
\v 17 Ubba wode Xooss woossoytta. 
\v 18 Ubba bazar galatooytta. Kiristtoosa Yesuusa baggar Xooss yinttapp koyizay yeya.
\p
\v 19 Geeshsha Ayyana oosa duucipatte. 
\v 20 Tinbbite leqqipatte. 
\v 21 Ubba baz faaccoytta; lo77o baza ekkoytta. 
\v 22 Iita ooso ubbaypp haakkoytta.
\p
\v 23 Saro inggiza Xoossay fa ommas yinttan folo geeshsho. Nu Goday Yesuus Kiristtoosa ye7od gallasis, Xooss yi ayyana, yi shemppannee yi kuminth asetitha boro bayth naago. 
\v 24 Yinttan xeegizay ammanintteezaya maaqqeez gishos yeya E poloda.
\p
\v 25 Nu ishuntho, nuus Xoossa woossoytta.
\p
\v 26 Ammaniza as ubba geeshsha yeerar sarothoytta.
\p
\v 27 Yi yha kiita ammaniza as ubbayis nabbaboday garkk Goday sunthayir yinttan ta woosiza.
\p
\v 28 Nu Goda Yesuus Kiristtoosa aadho keehatithay yinttar wolla maaqqo.