\id 1PE - Melo New Testament Latin
\ide UTF-8
\h 1Phixiroosa
\toc1 Phixiroosa xaafeez tiina Kiitaa
\toc2 1 Phixiroosa
\toc3 1 Phix.
\mt1 Phixiroosa Xaafeez Tiina Kiita
\imt Gelo
\ip Hawaare Phixiroosa xaafeez tiina kiitay xaafintteezay, «Doorintteez Xooss Asita» ginttinttii xeegintteezitayisinnee Xiqqa Iisiya gade pude bagga laalintteez ammaniza asayisii. Yha kiitayis aafe qofay, ammanopp denddeezayid metonnee waaye helleez asa minthathodayisii. Yha maxafatto xaafeezay, Yesuusa yhayiqo, E denddo, E nam7intho yi7itha odiza Yesuus Kiristtoosa Wonggile qaala unttan qopisiza. Yesuus Kiristtoosa de7o aaziso udii bi7ii, meto danda7ar kanthod garkk unttan qofisiza. Yeyir woli helthii, meto u ammanay geeshshetitha paaccizannee, «Yesuus Kiristtoosa qoncciz gallas» beeziza woyito unttii ekkodayis yezana qopisiza.
\ip Xaafay, unttii meto danda7od garkk minthathayil afa Kiristtoosa kaalliza asitay yezodayis beeziza yessi yessaday garkk qofisiza.
\iot 1 Phixiroosa kiitay aykkeez qofita
\io1 Sarotho \ior 1:1-2 \ior*
\io1 Xoossii nuus inggeez atotitha \ior 1:3-12 \ior*
\io1 Geeshshetith yessi \ior 1:13—2:10 \ior*
\io1 Meto wode ammaniza asay hanodayis beeziza baz \ior 2:11—4:19 \ior*
\io1 Chirstaanitay haayotithinnee ooso \ior 5:1-11 \ior*
\io1 Kustte qofa \ior 5:12-14 \ior*
\ie
\c 1
\p
\v 1 Taanii, Yesuus Kiristtoosa hawaaray Phixiroosa; Phanxoosa, Galata, Qaphadooqa, Iisannee Bitaana gade bete as garkk laalinttii yez Xoossii dooreez, asayis yha dabddaabba xaafeeza. 
\v 2 Yesuus Kiristtoosas yi kiitinttod garkkennee E suuthar geezhoday garkk, Xooss Aday fa tiina erar dooreezitaysinnee Geeshsha Ayyanar geezheez, yinttis aadho keehatithinnee sarotithii maaqqo.
\s1 Medhina ufayis
\p
\v 3 Yesuus Kiristtoosana yhayiqopp denthii fa gita maarotithayir nam7antho yelinttayir dhaboowa ufayss inggeez nu Goda Yesuus Kiristtoosa Aday, Xoossay galatintto. 
\v 4 Ma Xoossii yinttis dhaboowa, iitoozannee buuqqowa gade salo giigiseeza. 
\v 5 Ye laatay wode wurssitha qonccodayis yez atotithis Xooss wolqqar ammanor yinttis naaginttii yeza.
\p
\v 6 Yhatti xiqqa wodes yi duma duma paacer un77inttikokka yeyid ufayttoytta. 
\v 7 Ye paacay yinttan helleezay, tama olin dhabiza worqqepp yi ammanay aadhonnee tuma maaqqeezana beeziza. Ye paacintteez ammanayid Yesuus Kiristtoosa maaqqii ye7odar galata, bonchchonnee Saaba yi ekkoda. 
\v 8 Yi Yesuusa be7ekkaya, zin eza siiqiza. Yi yhatti eza be7ekka baz maaqqikokka, eza ammaniza. Ma odar qonccisodayis danda7inttoowa ufayssarannee bonchchor kumeeza. 
\v 9 Yi ammanor naagiza yi shemppo atotitha ekkoda.
\p
\v 10 Aadho keehetithay baggar yinttis maaqqeez yha atotithay bagga nabitay erodayis lo7ithii pilagii koyeeza. 
\v 11 U gancce yez Kiristtoosa Ayyanay eza hellod waayannee yeypp guye ye7od bonchcho bagga tiinatii markkattittar, ayide woy wayizii hanodazakko akaakar pilagii koyeeza. 
\v 12 Nabitay odeez tinbbitay paas baazin yinttis maaqqeezana Xoossii unttis qoncciseeza. Yhatti asay yinttis odeez Wonggile salopp kiitintteez Geeshsha Ayyana wolqqar yinttis odeeza. Kiitanchchitaykka yeya be7adayis amottiza.
\s1 Geeshshatithar yessi
\p
\v 13 Yeyi gishos, yi wozina barkithii oosos giiginttii; yinttan mooddii Yesuus Kiristtoosa maaqqii ye7odar yi ekkod aadho keehatitha ufayisar naagoytta. 
\v 14 Kiitinttiza na7ita aazii erekkazar tiina yi yezeez iita amo kaallippate. 
\v 15 Zini yinttan xeegeez Xoossay geeshsh maaqqeezay garkk yinttikka yi yessa ubbayid geesh maaqqoytta. 
\v 16 Geeshsha Maxaafayid, «Taanii geeshshi maaqqeez gishos yinttikka geeshshita maaqqoytta» ginttinttii xaafintteeza.\x - \xo 1:16 \xo*\xt Lewii. 11:44-45; 19:2\xt*\x*
\p
\v 17 As sino be7ekkazar pettayis pettayis e oosay garkk pirddiza Xoossa, «Ade» gi xeegiz baz maaqqiko, yha sa7a imathatith yessa yashshar yezoytta. 
\v 18 Yi, yi aditaypp laatteez pathoowa yessaypp wozintteezay, dhabiza birar woy worqqar baazana yi eriza. 
\v 19 Boro woy borso baa dur maaqqeez al7o Kiristtoosa suuthar yi wozintteeza. 
\v 20 E alame medhinttodaypp tiina erintteeza, zin yha wurssith wode yi gishos qoncceeza. 
\v 21 Yi ammanayinnee yi ufayssay Xoossal maaqqoday garkk Xoossii eza yhayiqopp denthii, bonchcheez Kiristtoosa baggar Xoossal ammaninttoda. 
\v 22 Yi tumas azazinttittar uttirabayth ishetith siiqor miinthii woli wozinapp siiqoytta.
\p
\v 23 Yi nam7antho yelintteezay dhabiz zerethapp baazin medhinas yez Xooss qaalayid dhaboowa sheeshapp yelintteeza. 
\v 24 Xooss qaalay,
\q1 «Asho ma77eez ubbay maata garkke;
\q2 e bonchchay ubbaykka maata fudhe garkke.
\q1 Maatay meliza, fudhitaykka gufiza.\x - \xo 1:24-25 \xo*\xt Isa. 40:6-8\xt*\x*
\q2
\v 25 Zini Goday qaalay medhinas miinggii yezoda»
\m yeegiza. Yinttis odintteez Wonggile qaalay yhaya.
\c 2
\s1 De7o shuchchinnee doorintteez woya
\p
\v 1 Yikkee iitatithi ubba, doosha ubba, cubbotithi qinaatennee zigirssi ubba yinttipp haasoytta. 
\v 2-3 Goday keeha maaqqeezana yi ereezay garkk yhatti yelintteez xiqqa na7itay garkk yi atotithar diccodayis gene baa qaala maathi ubba wode amottoytta.\x - \xo 2:2-3 \xo*\xt Maz. 34:8\xt*\x*
\p
\v 4 Asar borinttii Xoossar doorintteez bonchcho maaqqeez shuchch, Goda Yesuusako shiiqoytta. 
\v 5 Yi de7o shuchita maaqqii, Yesuus Kiristtoosa baggar Xooss ufayssiza ayyana yarshsho yarshshiza geesh qeesita maaqqoday garkk Ayyana keethi maaqqii keexxinttoytta. 
\v 6 Geeshsha Maxaafayid,
\q1 «Yeezako, taanii Xiyone katama keetha muumer tookkii aykkiz kirkiro garkk,
\q2 doorintteez, bonchcho shuchch gaddoda;
\q2 eza ammaniza oonkka yesha yeellataamii»
\m yeegiza.\x - \xo 2:6 \xo*\xt Isa. 28:16\xt*\x* 
\v 7 Yha shuchchay yinttis ammanizitayis boncho, zin ammanowazitayis,
\q1 «Gimbbizitay leqqii ixxeez shuchchay
\q2 keetha muumer tookkii aykkiz kirkiro garkk,
\q2 ubbaypp aadhiz shuchch maaqqeeza.»\x - \xo 2:7 \xo*\xt Maz. 118:22\xt*\x*
\m
\v 8 Maakka,
\q1 «Yha shuchchay as dhubbiza shuchchinnee as pokisiz zaalla»
\m yeegiza. Unttii yeyis qaadintteez gishos Xooss qaala kiitinttaam ixxii dhubintteeza.\x - \xo 2:8 \xo*\xt Isa. 8:14-15\xt*\x*
\p
\v 9 Zini Xoossii dhumapp malalisiza fa poo7ayko yinttan xeegeezay, yi e lo77otitha haritayis ododayis doorintteez kochch, kaat qeese, geeshi yeletithinnee Xooss duma woya.\x - \xo 2:9 \xo*\xt Kes. 19:5-6; Isa. 43:20-21; Nam7i. 4:20; 7:6; 14:2; Tito 2:14; Isa. 9:2\xt*\x* 
\v 10 Yi tiina Xooss woya baaya, zin yhatti yi e woya. Yi tiina maarotithi denggekkazita, zin yhatti maarotithi denggeeza.\x - \xo 2:10 \xo*\xt Hosa. 2:23\xt*\x*
\s1 Xooss aylle garkk yess
\p
\v 11 Ta ishuntho, yi yha sa7a imathinnee bete as maaqqeezay garkk yi shemppo oliza asho amopp haakkod garkk taanii yinttan woosiza. 
\v 12 Ammanoowa asay yinttan iita oothiz as garkk zigiriko Xoossii nuna be7adayis yi7iza gallas, unttii yi lo77o oosa bi7ii Xoossa galatoday garkk yinttis lo77o de7o yezo.
\p
\v 13 Goday gishos gi mawuter yez asayis haarinttoytta; ubbaypp afa maaqqeez gishos kaatayiskka moodinttoytta. 
\v 14 Unttii iita oothizita seerodayisinnee lo77o oothizita sabbodayis kaataypp kiitintteez gishos gade aqizitayis haarinttoytta. 
\v 15 Yi, yi lo77o oosor eroowa boozo asay nashsha doona ayithoday Xooss shene. 
\v 16 Xooss aylle maaqqii wallo yezoyttap attin yi wallotitha iita oosos kame udippate. 
\v 17 As ubba bonchchoytta; ammaniza asa siiqoytta; Xoossis yashittooytta; kaat bonchchoytta.
\s1 Kiristtoosa waayayis aaziso
\p
\v 18 Aylluntho, lo77o goditayisinnee keeha goditayis aadda baazin iititayiskka bonchchor haarinttoytta. 
\v 19 Asii Xooss gishos gi beezoowa waaye ekkiko Xooss eza anjjoda. 
\v 20 Zini yi nagara oothin yinttan yhadhdhin yi danda7iko yinttis aba galata yenee? Zini lo77o baz udii waaye danda7iko Xoossii yinttan yeyis anjjoda. 
\v 21 Xoossii yinttan xeegeezay yey gishos; Kiristtoosa yinttis waayintteeza; yi eza kaalloday garkk, yinttis aaziso maaqqeeza. 
\v 22 E nagara oothekkaya; e doonayidakka cubbotith benttekkaya.\x - \xo 2:22 \xo*\xt Isa. 53:9\xt*\x* 
\v 23 Unttii eza cazhizin E mahii cazhekkaya. Zini waaye ekkittar xillo pirddiza Xoossayis fa pirdda ashshii ashshenepp attin manddekkaya.\x - \xo 2:23: \xo*\xt Isa. 53:7\xt*\x* 
\v 24 Nuunii nagaras yhayqqii xillotithis yezodaygarkk Kiristtoosa fa ashayid nu nagara mazqalel afa tookkeeza; yi e madothayir paxeeza.\x - \xo 2:24 \xo*\xt Isa. 53:5\xt*\x* 
\v 25 Binii yi oge balii laalinttii dhabeez dur garkke, zin yhatti yi shemppo heenggizayikonnee naagizayiko maaqqeeza.\x - \xo 2:25 \xo*\xt Isa. 53:6\xt*\x*
\c 3
\s1 Azin baggannee machchii bagga
\p
\v 1 Maakka, machchitayyo, yi azinatayis azazinttoytta. Yey garkk pettii pettii Xooss qaala ammanoozita maaqqikokka fa machchitay hana bi7ii qaala odekkazin ammanodayis danda7iza. 
\v 2 Ammanodayis danda7izay yashshattitharannee yi geesh yessa bi7ii.\x - \xo 3:2 \xo*\xt Efi. 5:22; Qol. 3:18\xt*\x* 
\v 3 Yi, yi omma datharannee worqqe aasor woy lo77o ma7or buqurinttor yi asii beezor maaqqippe.\x - \xo 3:3 \xo*\xt 1 Xim. 2:9\xt*\x* 
\v 4 Zini yi wozinay gancce yez yegelsatithay Xooss tiina yinttis gaame al7o maaqqii dhaboowa, ashikkennee dacci geez ayyana maaqqo. 
\v 5 Xoossii inggod geezana ammaneez geesh maachchitay binii wode fa azinitayis haarinttii, fana yey garkk usa loytheeza. 
\v 6 Yey garkk Saara Afraamena, «Ta godayyo» yeegii xeegittar, ees kiitintteeza; akkokka yashittekkar lo77o baz oothiko yinttikka I na7ita.\x - \xo 3:6 \xo*\xt Medhe. 18:12\xt*\x*
\p
\v 7 Azinitayyo, yi machchitay yinttipp daabura medho maaqqeezana erii, unttan bonchchoytta; yi woosa dhubbaamay garkk Xoossii inggeez de7o unttii yinttar wolla laattiza gishos unttan bonchchoytta.\x - \xo 3:7 \xo*\xt Efi. 5:25; Qol. 3:19\xt*\x*
\s1 Lo77o oosor meto eko
\p
\v 8 Yhanpp guye, ubbitay pettii qofar yezoytta. Yhankkitay metay yinttan heleezay garkk udoytta, ishetith siiqor woli siiqoytta; ma pettay pettayis keehitannee ashikkita maaqqoytta. 
\v 9 Iita gishos iita woy cashsh gishos cazhii mahipatte; yeya ashshii, Xoossii yinttis anjjo inggodayis yinttan xeegeez gishos anjjoytta. 
\v 10 Abis giiko, Geeshsha Maxaafay,
\q1 «De7o dosizayinnee lo77o gallasita be7adayis koyiz oona maaqqikokka fa inxarssa iitabazinnee metersha wordo odinttizana kayo.\x - \xo 3:10-12 \xo*\xt Maz. 34:12-16\xt*\x*
\q1
\v 11 Iita bazapp haakko lo77o baz ootho;
\q2 sarotithikka koyonnee kaallo.
\q1
\v 12 Goday aafitay xillita bi7iza;
\q2 E hayitayikka ubba wode u woosa si7odayis dooyinttii yeza.
\q1 Zini Goday iita baz oothizita fa shene aafer bi7iza»
\m yeegiza.
\p
\v 13 Yi lo77o baz oothodayis amottikko yinttan kayoday oonoo? 
\v 14 Hara attozin, xillotith gishos yi waayinttiko anjjintteezita. Asis yashittiipatennee hirigipate.\x - \xo 3:14-15 \xo*\xt Mat. 5:10; Isa. 8:12-13\xt*\x* 
\v 15 Kiristtoosana yi wozinapp bonchchoyttannee god mahoytta. Yinttis inggeez ufayssa oyciz ooskka mahith inggodayis ubba wode giigii bettoytta, zin yeya haayotitharannee yashshar udoytta. 
\v 16 Ma Kiristtoosar yi yez lo77o yessa iita baz ootheezay garkk, yinttan cazhiza asaynnee hawozizitay yeellatoday garkk yi kahay geeshi maaqqo. 
\v 17 Xooss shene maaqqiko iita baz oothii waaye ekkizaypp lo77o baz oothii waaye ekkizay lo77o. 
\v 18 Kiristtoosa nuna Xoossiko shiishodayis fa ubbas geeshi maaqqii yezar, nagaranchchitay ubbitayis lammamayis pettii toke nagara gishos yhayqqeeza; E fa asetithayir yhayqqeezar, zin ayyanar path. 
\v 19 Ma ye ayyanayir E yhanigii achch kara yez shemppitayis qaala odeeza. 
\v 20 Nohe markkabe keexxodar ye shemppitay Xoossis kiitinttaam ixxeeza, zin Xooss unttan danda7eeza. Hosppun as aadda markkabe gelii, pirdda haathaap atteeza.\x - \xo 3:20 \xo*\xt Medhe. 6:1—7:24\xt*\x* 
\v 21 Ye pirdda haathay yhatti yinttan ashshiza xinqqate aaziso maaqqeeza. Yha xinqqatay galla qita meecco baazin lo77o kahar Xooss tiina qaala gelo, Kiristtoosa denddo baggar yinttan ashshiza. 
\v 22 E salo yhanigii Xooss ushachcha betteeza, kiitanchchitay, mawute aditanne wolqqamita haariza.
\c 4
\s1 Xoossis yezo
\p
\v 1 Kiristtoosa fa ashor nuus metto ekkeez gishos yinttikka ola miishe dancceez as garkk ye qofayir miinggii eqqoytta. Kiristtoosa gishos gi fa ashor waaye ekkeez athay nagara oothaam gi murtteez asii. 
\v 2 Ye athay fa atteez laytha Xooss shene oothodayis koyinepp attin iita asho amo polodayis baaya. 
\v 3 Binii yi ammanoowa asay yezeezay garkk yezeeza. Yi qayxer, iita asho amor, aqqopp aath ushshar, mather, tuna ootho denthithiza yethar, yelathiza eeqa goynnor tiina yezeez yessay gidoda. 
\v 4 Ammanoowa asayira yi yey garkk bazar qayixinttii laasoowa gishos malabaz gi yinttan cazhiza. 
\v 5 Zini unttii paxitayilannee yhayqqeezitayil afa pirddodayis yez Xoossayis mahith inggoda. 
\v 6 Yhayqqeezitayiskka Wonggilay sabbakintteezay yhay gishos. Unttii asayisay garkk fa ashor pirddinttoda ma fa ayyanar Xoossay garkk de7o yezoda.
\p
\v 7 Yikkee, ubbabazis wurssithay ukkeeza. Yeyi gishos, woossodayis danda7inttod garkk dacci geez wozina maarara yezoytta. 
\v 8 Siiqo gaame nagara kammiza gishos ubbaypp aathii wolir wozinapp siiqinttoytta.\x - \xo 4:8 \xo*\xt Aazi. 10:12\xt*\x* 
\v 9 Oollekkazar woli imathatithar mokkoytta. 
\v 10 Yi Xoossaypp aadho keehatithaypp duma duma imota ekkeezay garkk yi pettay pettay ye ima beezizay garkk aykkii woli maaddoytta. 
\v 11 Yesuus Kiristtoosa baggar ubba bazar Xoossii galatinttoday garkk oonkka odiza baz maaqqiko Xoossapp qaala ekkeezay garkk odo. Ma oonkka maaddiza baz maaqqiko Xoossii ees inggiza wolqqay garkk maaddo. Bonchchonnee wolqqay medhinapp medhina hellodayis ees maaqqo. Amin7e.
\s1 Metto gancce garzho
\p
\v 12 Ta bagguntho, yi tama garkk xuuggiz waaye paace ganccer aadhodar oorothibaz haneezay garkk malabaz giippate. 
\v 13 Zini E fa bonchchayir maaqqii ye7odar yi ufayssay usa gujjoday garkk Kiristtoosa waaye yi ekkizayid ufayttoytta. 
\v 14 Kiristtoosa sunthay gishos as yinttan cazhiko Xooss bonchcho Ayyanay yinttal afa shemppiza gishos yi anjjintteezita. 
\v 15 Yinttapp meto ekkiz oonkka shemppo wodheezitay garkk woy kastteez woy iita ootheezay garkk woy gelisowa aqo geleezay garkk hanii meto ekkippe. 
\v 16 Hano zin, chirsttaanee maaqqeez gishos meto ekkiko Kiristtoosa sunthay gishos Xoossa galatopp attin yeellatippee.
\p
\v 17 Pirdda Xooss asaypp aykkiz wode helleeza. Yikkee, ye pirdday tiina nuul aykkizibaz maaqqiko, Xooss Wonggilayis Kiitinttoowa asay wurssithay abi maaqqode? 
\v 18 Xillay un77ar attizibaz maaqqiko, zhucitayinnee nagaranchchitay yeezin wayode?\x - \xo 4:18 \xo*\xt Aazi. 11:31\xt*\x* 
\v 19 Yeyi gishos, Xooss shene garkk meto ekkizitay fa shemppo hadara fana medhdheez, ammanthiza Xoossayis inggittar lo77o baz ootho.
\c 5
\s1 Xooss woya aqiso woga
\p
\v 1 Yikkee, woosa keeth aqisiza cima maaqqeez ta, Kiristtoosa ekkeez metayis markka maaqqeezannee qonccodayis yez bonchcha shaginttodayis yez taanii, yi gancce yez woosa keeth aqisiz cimita zoriza. 
\v 2 Yi adetithayis oommor yez Xooss wuda heenggoytta. Xooss shene garkk qadhdherannee dosorapp attin wolqqanthor heenggippate. Ma miishe koshshar baazin lo77o qofar heenggoytta.\x - \xo 5:2 \xo*\xt Wan. 21:15-17\xt*\x* 
\v 3 Yi adetithapp oommor yez wudes lo77o aaziso maaqqoyttapp attin godatippatte. 
\v 4 Heenggizitay halaqay maaqqii ye7odar aadhoowa bonchcho zawude yi ekkoda.
\p
\v 5 Yey garkkekka, yelagitayyo, cimitayis kiitinttoytta. Yi wolis haayo maaqqoytta. Geeshsha Maxaafayid, «Xooss utirttizita ixxiza, zin haayitayis aadho keehatithapp inggiza» yeegiza.\x - \xo 5:5 \xo*\xt Aazi. 3:34\xt*\x* 
\v 6 Yikkee Xooss fa wode yinttan bonchchoday garkk wolqqama Xooss kushepp oommor yinttan kawushshoytta.\x - \xo 5:6 \xo*\xt Mat. 23:12; Luq. 14:11; 18:14\xt*\x* 
\v 7 E yinttis qoppiza gishos yinttan hirigisiza baz ubba ezal afa oloytta.
\p
\v 8 Yi morkke daabuloosa, mittodana koyii, gaammo garkk xaaggittar yi kanttar yuuyizay gishos yinttan haaroyttannee barkkoytta. 
\v 9 Alamel yez yi ishitay yey garkk meto ekkodana erii, ammanor miinggii, Xalaher eqinttoytta. 
\v 10 Fa medhina bonchchayis Kiristtoosa Yesuusa baggar yinttan xeegeez aadho keehatith ubbay Xoossay, xiqqa wodes yi meto ekkeezaypp guye, E fa ommas yinttan folo udoda, kaatisoda, miinthii essoda, xaphphisoda. 
\v 11 Medhinapp medhina hellodayis bonchchonnee wolqqa ees maaqqo. Amin77ii.
\s1 Wurssith sarotho
\p
\v 12 Ammanintteez ishe gi ta ekkiz Sillaase baggar yha dabddaabba yinttis haatar xaafeeza. Ta yeya yinttis xaafeezay, yinttan zorodayisinnee Xooss aadho keehatithay tuma maaqqeezana markkattatodayis. Ye aadho keehatithayid miinggii eqqoytta.\x - \xo 5:12 \xo*\xt Haw. O. 15:22, 40\xt*\x*
\p
\v 13 Yinttar wolla doorintteez Baabiloone\f + \fr 5:13 \fr*\fqa Baabilooner: \fqa*\ft Yha aqo Baabiloone giinttintteezay Oroome katama maaqqth attenna.\ft*\f* ginttinttiz oroome yez woosa keeth ta na7a Marqqoosa yinttan, «Saro saro» yeegiza.\x - \xo 5:13 \xo*\xt Haw. O. 12:12, 25; 13:13; 15:37-39; Qol. 4:10; Film. 24\xt*\x* 
\v 14 Siiqo yeera yeerinttittar, woli sarothoytta.
\p Kiristtoosar yez yi ubbayis saro maaqqo. Amin77ii.