\id 1CO - Melo New Testament Latin
\ide UTF-8
\h 1Qoronttoosa
\toc1 Phawuloosa Qoronttoosa Asayis xaafeez tiina Kiita
\toc2 1 Qoronttoosa
\toc3 1 Qor.
\mt1 Phawuloosa Qoronttoosa Asayis Xaafeez Tiina Kiita
\imt Gelo
\ip Phawuloosa Qoronttoosa asayis xaafeez tiina kiitay xaafintteezay, Phawuloosa Qoronttoosa esseez woosa keetha ammaniza asay yessayilannee ammanayil afa denddeez metayis mahith inggodayisii. Ye wode Qoronttoosa katamay biittal yez duma duma asay yez Girike katama Akkaza giz Oroome awurajjas waanna katama. Ye katamita zal7er erintteez, wogar minggeez, duma duma iita yessii dalggeezannee haymaanote darotithar erintteezanno.
\ip Hawaaray miinthii ododayis koyeezay, ye woosa keeth gancce medhintteez shaakintto bagga, duma duma iita yessi bagga, lagita bagga, eko gelo bagga, woosa keeth woga bagga, Geesha Ayyana imotitay baggannee yhayiqoppe denddo bagga. Wonggilay yha oychchita wayizii mahizako hawaaray naaginttii odiza.
\ip Siiqo Xoossii fa asayis inggeez aadho imota maaqqeezana taphpho hayidzintha shemppay qonccisiza; ma yha shemppay yha maxaafayid ubbapp aadhii erintteez kifile ginttinttii qopinttiza.
\iot 1Qoronttoosa kiitay aykkeez qofita
\io1 Gelo \ior 1:1-9 \ior*
\io1 Ammaniza asay gancce medhintteez shaakintto \ior 1:10—4:21 \ior*
\io1 Iita hanonnee kara asay yess woga \ior 5:1—7:40 \ior*
\io1 Ammaniza asannee ammanoowa asa \ior 8:1—11:1 \ior*
\io1 Woosa keethinnee goynno woga \ior 11:2—14:40 \ior*
\io1 Kiristtoosa dendonnee ammaniza asay denddo \ior 15:1-58 \ior*
\io1 Yihuda yez metintteez ammaniza asayis maadee \ior 16:1-4 \ior*
\io1 Kustte qofa \ior 16:5-24 \ior*
\ie
\c 1
\p
\v 1 Xooss shener Yesuus Kiristtoosas hawaare maaqqodayis xeegintteez Phawuloosannee, nu isha Sostenasa, 
\v 2 Qoronttoosa yez Xooss woosa keethis, Yesuus Kiristtoosar geezheezitannee geeshshi maaqqoday garkk xeegintteezitayis; ma unttisinnee nuus God maaqqiz nu Goda Yesuus Kiristtoosa suntha ubba aqo xeegiz ubbayis;\x - \xo 1:2 \xo*\xt Haw. O. 18:1\xt*\x*
\p
\v 3 Xooss, nu Adayippennee nu Goda Yesuus Kiristtoosapp aadho keehetithinnee sarotith yinttis maaqqo.
\s1 Phawuloosa Xoossa galatiza
\p
\v 4 Xoossay Kiristtoosa Yesuusa baggar yinttis inggeez aadho keehatithay gishos taanii ubba wode Xoossa galatiza. 
\v 5 Ezayid odarannee eratith ubbayir yi duriteeza. 
\v 6 Taanii Kiristtoosa bagga markkatteezay tuma maaqqeezay yinttal miinggeeza. 
\v 7 Yey gishos, yi nu Goda Yesuus Kiristtoosa yi7itha naagttar yezin, aba ayyana imokka yinttis paccenna. 
\v 8 Nu Goda Yesuus Kiristtoosa maaqqiz wode yi boronnee borsso bayth wurssithii hellodayis yinttan miinthii naagoda. 
\v 9 Fa Na7a, nu Goda Yesuus Kiristtoosar pettipettithay yezoday garkk yinttan xeegeez Xoossay ammaninttizaya.
\s1 Woosa keetha yez shaakintto
\p
\v 10 Ta ishuntho, yi gancce shaakintto yezaamay garkk yi pettii wozinarannee pettii qofar petto maaqqii, yezod garkk nu Goda Yesuus Kiristtoosa sunthayir ta yinttan woosiza. 
\v 11 Ta ishuntho, Qelo7e kara asay yi gancce ixo yezana taas odeeza. 
\v 12 Ta gizay yinttapp pettay pettay, «Taanii Phawuloosas; taanii Aphiloosas; taanii Phixiroosas; taanii Kiristtoosas» yeegiza.\x - \xo 1:12 \xo*\xt Haw. O. 18:24\xt*\x* 
\v 13 Kiristtoosa shaakintteenee? Yi gishos mazqalel afa sotintteezay Phawulosanee? Woy yi Phawuloosa sunthayir xammaqintteenenee?
\p
\v 14 Taanii Qarisphoosannee Gaayoosapp attin yinttipp oonakka xammaqekka gishos Xoossa galatiza.\x - \xo 1:14 \xo*\xt Haw. O. 18:8; Haw. O. 19:29; Oro. 16:23\xt*\x* 
\v 15 Yey gishos, oonikka yinttan ta sunthayir xammaqintteeza godayis danda7ooya. [ 
\v 16 Ma Isxeefaanosa kara asakka ta xammaqeeza, zin hara oona xammaqeezako taas qopinttooya.]\x - \xo 1:16 \xo*\xt 1 Qor. 16:15\xt*\x* 
\v 17 Kiristtoosa tana kiitteezay Wonggile ododay garkkepp attin xammaqoday garkk baaya. Kiristtoosa mazqalel afa yhayqqeezay cere maaqqaam garkk taanii as ecetith qaalar baaya.
\s1 Kiristtoosa Xooss wolqqannee ecetith
\p
\v 18 Kiristtoosa mazqalel afa yhayqqeezana odiza qaalay dhabizitayis boozotithii, zin nuus attizitayis Xooss wolqqa. 
\v 19 Geesha Maxaafayid,
\q1 «Taanii ecitay ecetitha dhabisoda;
\q2 akaakanchchitay akaaka balithoda»
\m yeegiza.\x - \xo 1:19 \xo*\xt Isa. 29:14\xt*\x*
\p
\v 20 Yeezin, eca aba yenee? Higge asitamaare aba yenee? Woy yha sa7a eranchchay aba yenee? Xoossii yha sa7a ecetitha eeyatith oothekkasa?\x - \xo 1:20 \xo*\xt Iyo. 12:17; Isa. 19:12; 33:18; 44:25\xt*\x*
\p
\v 21 Yha sa7a asay fa ecetethar Xoossa eraamay garkk Xoossii fa ecetithar kayi, boozatithar payidinttiza, nuunii odiza qaalayid ammanizita ashshodayis Xoossa shene maaqqeeza. 
\v 22 Ayihuditay malata be7adayis koyiza; ma Girikitay ecetithi koyiza. 
\v 23 Zin nuunii mazqalel afa sotintteez Kiristtoosa sabbakiza. Yey Ayihuditayis dhube; ma Girikitayis boozetithii. 
\v 24 Zin Xoossay xeegeezitayis, Ayihude maaqqin, Girike maaqqin Kiristtoosa Xooss wolqqannee E ecetithii. 
\v 25 Xoossa boozetithay as ecetithaypp aadhiza; ma Xooss daaburay as minotithaypp miinggiza.
\p
\v 26 Yikkee, ta ishuntho, Xoossay yinttan xeegodar yi ab garkk asizako qoppoytta. As qofar yi gancce gaamitay ecitay, wolqqamitaynnee dhoqqa kochchitay baaya. 
\v 27 Zin Xoossay ecita yeellathodayis alamel yez boozita dooreeza; ma minthita yeellathodayis alamel yez daabureezita dooreeza. 
\v 28 Xoossay yha alamel gita ginttintteezbaz dhabisodayis, yha sa7a kawuzheezibaz, ixintteezibazinnee pathoowabazi dooreeza. 
\v 29 Oonkka Xooss tiina ceeqinttaamay garkk yeya ootheeza. 
\v 30 Zin Xoossay yinttis Kiristtoosa Yesuusar pettipettithar yezod garkk ootheeza. E nuus Xoossapp ecetith, xillotith, geeshshetithinnee wallotith maaqqeeza. 
\v 31 Yey gishos, Geeshsha Maxaafayid, «Ceeqinttiza oonikka Godayil ceeqqo» yeegiza.\x - \xo 1:31 \xo*\xt Erim. 9:24\xt*\x*
\c 2
\s1 Sotintteez Kiristtoosa bagga
\p
\v 1 Ta ishuntho, taanii tiina Xoossa qaala yinttis oditattar ye7eez wode doona biilamotitharannee ecetithar ye7ekkaya. 
\v 2 Taanii yinttar yeza wode mazqalel afa sotintteez Yesuus Kiristtoosapp attin hara baz eraami gi ta murtteeza. 
\v 3 Ta yinttar yez wode daaburar, yashsharannee kukkurisar yeza.\x - \xo 2:3 \xo*\xt Haw. O. 18:9\xt*\x* 
\v 4 Ta kiitannee ta timirtta doona biilamotitharannee ecetithar baazin Geeshsha Ayyana wolqqa qonccisithara. 
\v 5 Yeykka, yi ammanay Xoossa wolqqayirapp attin as ecetithal katamay garkkesii.
\s1 Xooss ecetitha
\p
\v 6 Ayyana de7or dicceezitayis nuunii ecetith qaalar odiza. Zini yha ecetithay, yha sa7a ecetith woy dhaboss yez yha sa7a haarizitay ecetith baaya. 
\v 7 Zini nuunii odiza ecetithay, gaame wodepp tiina Xoossay nu bonchchayis giigiseezannee geema yez xuura ecetithii. 
\v 8 Yha sa7a haarizitaypp pettakka yha ecetitha erekkaya. Unttii ereezbaz maaqqeezako, bonchcho Goda mazqalel afa sottaamizin. 
\v 9 Zini Geeshsha Maxaafayid,
\q1 «Aafe be7ekka baz,
\q2 haye si7ekkabaz,
\q2 wozina qoppekkabaz,
\q2 Xoossay fa dosizitayis giigiseeza» yeegiza.\x - \xo 2:9 \xo*\xt Isa. 64:4\xt*\x*
\m
\v 10 Xoossay fa xuura fa Ayyana baggar nuus qoncciseeza. Geeshsha Ayyanay hara attozin geemmeez Xooss xuura ubba pilagiza. 
\v 11 As gancce yez as ayyannpp attin asibaz ookka erooya. Yey garkkekka, Xoossi baz Xooss Ayyanapp attin ookka erooya. 
\v 12 Xoossay nuus cere inggeezibaz nu eroday garkk Xoossa Ayyana ekkeezapp attin yha sa7a ayyana ekkekkaya.
\p
\v 13 Nuunii ayyana baz, ayyana asayis as ecetithar baazin Xooss Ayyanay inggiza ecetithar taamarssiza. 
\v 14 Zini Geeshsha Ayyana baa as Xooss Ayyana imotita ekkaamii. Yey ees boozetithii; ubbay Geeshsha Ayyanar pilaginttiz gishos E erodayis danda7ooya. 
\v 15 Zini Geeshsha Ayyana yez asii ubba baz pilagiza, zin eza ookka pilagooya. 
\v 16 Geeshsha Maxaafayid,
\q1 «Goda wozina erizay oonoo?
\q2 Eza zorodayis danda7izay oonoo?»
\m ginttinttii xaafintteezay garkke. Nuus Kiristtoosa wozina yeza.\x - \xo 2:16 \xo*\xt Isa. 40:13\xt*\x*
\c 3
\s1 Qoronttoosa woosa keeth medhintteez shaakotith
\p
\v 1 Ta ishuntho, yi asho asinnee Kiristtoosar haga ochchekka duude na7a garkk yez gishos taanii ayyana baz yinttis ododayis danda7ekkaya. 
\v 2 Yi miinth katha maadayis danda7ekka gishos taanii yinttan maathi pakeeza; yhattekka yi danda7ekkaya.\x - \xo 3:2 \xo*\xt Ibr. 5:12-13\xt*\x* 
\v 3 Yhattekka yi ammanoowa as garkk yeza. Yi gancce yez qinaataynnee woli ixayi ammanoowa as garkk yezana erisoosa? Yi ammanoowa as garkk haniza. 
\v 4 Yinttapp pettay, «Taanii Phawuloosas» haray ma, «Taanii Aphiloosas» giiko, ammanoowa as garkk baasannee?\x - \xo 3:4 \xo*\xt 1 Qor. 1:12\xt*\x*
\p
\v 5 Yeezin, Aphiloosa abba? Phawuloosa abba? Nuunii yinttan ammantheez Xooss oosanchchita. Xoossay pettayis pettayis inggeez oosay garkk oothiza oosanchchita baasannee? 
\v 6 Ta tukkeeza; Aphiloosa haath ushsheeza, zini dichcheezay Xoosse.\x - \xo 3:6 \xo*\xt Haw. O. 18:4-11, 24-28\xt*\x* 
\v 7 Yey gishos, dichcheez Xoossaypp attin tukkizaykka haath ushshizaykka akkokka baaya. 
\v 8 Tukkithinnee haathe ushsho wol garkke, zin pettay pettay fa oosaygarkk Xoossay inggiza woyita ekkoda. 
\v 9 Nuunii pettipp Xoossayis oothiza eez oosanchchita maaqqeez gishos yi Xooss ooso gade; Xooss keethe. 
\v 10 Xoossay taas inggeez aadho keehatithaygarkk hiillanchcho anaaxe garkk baaso baaseeza. Haray athay ezal afa keexxiza. Zini ezal afa keexxiza oonkka wayizii keexxizako, faasa naagintto. 
\v 11 Pettii toke baasintteez baasaypp hara baaso baasodayis oonkka danda7ooya. Ye baasaykka Yesuus Kiristtoosa. 
\v 12 Zini yha baasayil afa oonkka worqqar woy birar maaqqin, al7o shuchchar woy mithar maaqqin, matar woy hawuler keexxiko, 
\v 13 pettii pettii as ye baasayil afa abar keexxeezakko pirdda gallas tamar paacintt erinttoda. 
\v 14 Oonkka ye baasayil afa keexxeez keethay tamar xuuginttekka attiko, fa woyita ekkoda. 
\v 15 Zini o oosoykka tamar xuugnttiko, ye athayis woyito baaya. Hano zin, E fa ommas tamapp buutii kezeez as garkk attoda.
\p
\v 16 Yi Xooss keeth maaqqeezannee Xooss Ayyanay yinttara yezana erekkasa?\x - \xo 3:16 \xo*\xt 1 Qor. 6:19; 2 Qor. 6:16\xt*\x* 
\v 17 Oonkka Xooss keetha laaliko, Xoossikka eza laaloda. Xooss keethay geeshshii; ye keethaykka yinttana.
\p
\v 18 Oonkka fana dooshshippe. Yha sa7a ecetethar fana eca udii ekkiz oonkka Xooss tiina eca maaqqodayis boozo maaqqo. 
\v 19 Yha sa7a ecatithay Xooss tiina boozetithii. Geeshsha Maxaafayid,
\q1 «Xoossii ecita u gene qofayir aykkoda» yeegintteeza.\x - \xo 3:19 \xo*\xt Iyo. 5:13\xt*\x*
\q1
\v 20 Ma, «Ecitay qofay maaddowabaz maaqqeezana Goday eriza»
\m yeegeeza.\x - \xo 3:20 \xo*\xt Maz. 94:11\xt*\x*
\p
\v 21 Yey gishos, ubbay yinttis maaqqeez gishos oonkka asal ceeqinttipp. 
\v 22 Phawuloosa maaqqo, Aphiloosannee Phixiroosa maaqqo, yha alama maaqqo, de7o maaqqo, yhayiqo maaqqo, yhatti yezaya maaqqin, tiinapp ye7od ubbay yinttisii. 
\v 23 Yi Kiristtoosasii; Kiristtoosakka Xoossisii.
\c 4
\s1 Kiristtoosa hawaarita
\p
\v 1 Asay nuna Kiristtoosa aylle Xooss xuure qonccisodayis hadara inggintteez as garkk udii qoppo. 
\v 2 Ye hadara ekkeez asitay fa Godayis ammanintteezita maaqqodayis beeziza. 
\v 3 Zin yinttii woy haray tana pirddiko, taas akkokka baaya. Haray atto, taakka taal afa pirddaamii. 
\v 4 Ta erizay garkk maaqqiko ta kahay kaccooya, yeykka ta folo geeshsha maaqqeezana beezooya. Taal afa pirddoday Goday aadda. 
\v 5 Yey gishos, wode hellekkazin, Goday ye7odaypp tiina oollakka pirddipate. E dhuma geenggeez xuura poo7o kessoda; as wozina qosintteez qofa qonccisoda. Ye wode pettay pettay Xoossaypp galata ekkoda.
\p
\v 6 Ta ishuntho, yi gishos gi Aphiloosanannee tana aaziso udii yinttis odeeza. Yeya ta ootheezay, «Xaafintteezaypp aadhippe» yeegii zorizana yi nuupp tamaaroday garkkesii. Yey gishos, oonkka petta gayrinttor yhankka kadhodayis beezooya. 
\v 7 Ne yhankkitaypp abar aadhinee? Neenii ekkekkabaz abii yenee? Yeezin, neenii ekkeezbaz hara asaypp ekkeez maaqqiko, ekkekka as garkk abis ceeqinttinnee?
\p
\v 8 Yhatti yinttis beeziza baz ubba yi ekkeeza. Yhatti yi duritteeza. Nu bayth yi aadda kawuteeza. Yi tuma kawuteezbaz maaqqeezako, nuukka yinttar kawutodazin. 
\v 9 Xoossay nuna hawaarita, yhayqqos pirddintteez as garkk as ubbapp nuna guye aatheeza taas aaziza. Nuunii yha alamayis, kiitanchchitayisinnee asayis kaassibaz maaqqeeza.
\p
\v 10 Nuunii Kiristtoosa gishos boozo maaqqeez, zin yi Kiristtoosar ecita maaqqeeza. Nuunii daabura, zin yi miinth maaqqeeza. Yi bonchchintteeza, zin nuunii tooshintteeza. 
\v 11 Yhanno hellodayis nu nayinttiza, saaminttiza, kallottiza, yhadhinttiza; yezod kamppa dhabin kaa7inttiza. 
\v 12 Nuunii nu kusher yhanttar aqod gi daaburiza. Nuna asii baaddodar nu anjjiza; nuna bayi7ithodar nu garzhiza.\x - \xo 4:12 \xo*\xt Haw. O. 18:3\xt*\x* 
\v 13 Nuul afa iita baz odinttiza wode lo77o qaala nu mahiza. Nu yhanno hellodayis yha alame pixabazinnee wora wodhdheez buure maaqqeeza.
\p
\v 14 Taanii yeya xaafizay, ta siiqiza na7itay garkk, yinttan zorodayis xaafeezaypp attin yeellasodayis baaya. 
\v 15 Kiristtoosar yinttan kaalithiza payidop aathii yezikokka, gaame aditay baaya. Ta yinttan Kiristtoosa Yesuusa Wonggilayir yeleeza. 
\v 16 Yikkee, yi tana aaziso udii kaallod garkk yinttan woosiza.\x - \xo 4:16 \xo*\xt 1 Qor. 11:1; Filp. 3:17\xt*\x* 
\v 17 Yeyi gishos, ammanintteez, ta siiqiza, Goday baggar ta na7a, Ximaatoosa yinttiko azazeeza. E duma duma aqo yez woosa keetha ta taamarsseez, Kiristtoosa Yesuusar yez ta oga yinttan qofisoda.
\p
\v 18 Taanii yinttiko ye7aambaz aazin, utirttiza pettii pettii asitay yeza. 
\v 19 Zini Goday giiko, ukkera taanii yinttiko ye7oda. Ye wode utiranchchitay oda aadda baazin unttis aba wolqqakka yezako ta eroda. 
\v 20 Xooss kaatetithay oda aadda baazin Xooss wolqqa. 
\v 21 Taanii yinttiko gufera yhanigone siiqorannee haayo ayyanara yhanigo? Yi aaya doorinee?
\c 5
\s1 Ammaniza as gancce yez yeellathiza ooso
\p
\v 1 Yi gancce lagite yezay zigirinttiza. Yey garkk lagita hara attozin, ammanoowa asaykka oothooya. Yi gancce fa ade machchira tuneez asii yeza.\x - \xo 5:1 \xo*\xt Nam7i. 22:30\xt*\x* 
\v 2 Yeezin yi qiiradhodayisinnee yeellatodayis beeziza, zin utirttiza. Yey garkk borsso baz ootheez atha yi ganccepp kessodayis beezoosa?
\p
\v 3 Taanii ashor yinttar yezaam ixxikokka ayyanar ta yinttar yeza. Taanii yinttar yez as garkk hanii yey garkk oosa ootheez athayil afa pirddeeza. 
\v 4 Nu Goda Yesuus Kiristtoosa sunthar yi shiiqodar taanii ayyanar yinttar yezoda. Ezayid Goda Yesuus Kiristtoosa wolqqay yinttar maaqqoda. 
\v 5 Ye athay nagara ashay\f + \fr 5:5 \fr*\fqa Nagara ashay: \fqa*\ft Nagara medhay woy nagara asetithay.\ft*\f* dhabin, e ayyanay Goda Yesuusa pirdda gallas attoday garkk e Xalahes aadhii inggintto.
\p
\v 6 Yi gayirinttay lo77o baaya. Xiqqa irshsho munuqo ubba denthizana yi eroosa?\x - \xo 5:6 \xo*\xt Gal. 5:9\xt*\x* 
\v 7 Yi yhatti irshsho baa munuqo maaqqoday garkk, nagara irshsho yinttapp kessoytta. Nuus Paaziqa dur maaqqeez Kiristtoosa yarshshintteeza.\x - \xo 5:7 \xo*\xt Kes. 12:5\xt*\x* 
\v 8 Yeyi gishos, genennee iitatithii yez irshshor baazin tumatitharannee geeshshatithi yez boorar nu baale bonchchoda.\x - \xo 5:8 \xo*\xt Kes. 13:7; Nam7i. 16:3\xt*\x*
\p
\v 9 Ta tiina xaafeez dabddaabbayid yi lagitiza asana hellaamay garkk yinttis odeeza. 
\v 10 Yeya guussay yha alamel yez lagitizita woy nagaras tenttotizita woy suuqqatizta woy bonqqizita woy eeqas goynnizita ubbar hellipate guuss baaya. Yeya maaqqiko, yha alamaypp yi kezodayis beeziza zin atteeza. 
\v 11 Zini ammaniza giinttii lagitizita woy tenttotiza woy eeqas goynnizitayir woy cazhizitayir woy mathizitayir woy bonqqizitayir wol hellippate gi yinttis odiza. Yey garkk asayira hara attozin, kathakka miipatte.
\p
\v 12 Woosa keethapp baler yezitayil afa pirddodayis tana abi helthee? Woosa keetha yezitayil afa yi pirddoosanee? 
\v 13 Zini balera yezitayil afa Xooss pirddoda. Ye iita baz oothiz atha yi ganccepp kessoytta.\x - \xo 5:13 \xo*\xt Nam7i. 13:5; 17:7\xt*\x*
\c 6
\s1 Ammaniza asay gancce yez mooto
\p
\v 1 Yi ganccepp pettay pettayir mooto yezako, yeya ammaniza asay tiina pirddinttodana ashshii ammanoowa as tiina pirddinttodayis wayizii beezee? 
\v 2 Geeshshitay alamel afa pirddodana yi eroosa? Yeezin, yi alamel afa pirddiza baz maaqqiko, yhay garkk xiqqabaz pirddodayis wayizii danda7inttoosa? 
\v 3 Nuunii kiitanchchitayil afa pirddodana yi eroosa? Yeezin, yha sa7a yessal afa pirddodayis yinttan wayizii gaame? 
\v 4 Yeezin, yey garkk meto yi gancce medhinttiko, woosa keethi pettipettethapp baler yezitaykonnee borintteez asay tiina pirddinttodayis wayizii kanggee? 
\v 5 Taanii yinttan yeellasodayis yeya giza. Yi gancce kacintteez asita inggithodayis danda7iza akaakiza asii baasa? 
\v 6 Yeezin, pettii ammaniza ishay yhankko ammaniza ishanna pirdda keeth ammanoowa asay tiina mootodayis beezinee?
\p
\v 7 Yikkee, yi pettay petta mootizabaz maaqqiko yeyi yi pokitha beeziza. Yeypp yi qohinttikonnee dooshinttiko lo77aamo? 
\v 8 Zini yi woli gancce ammanizitay pettay petta qohizannee dooshshiza, yeykka yi ishita.
\p
\v 9 Worzhitay Xooss kaatetitha laattaamana yi eroosa? Yinttan dooshipate; tenttotizitayinnee lagitizitay woy eeqa goynnizitay woy qayxinttizitay woy dhiirathii dhiirathar peezhizitay, 
\v 10 woy kayzitay woy uuzitay woy mathizitay woy cazhitay woy bonqizitay Xooss kaatetitha laattaamii. 
\v 11 Yinttapp pettii pettii asay tiina yey garkke. Zini yi yhatti Goda Yesuus Kiristtoosa suntharannee Xooss Ayyanar meecintteeza; geezheeza; xilleeza.
\s1 Yi asetithayir Xooss bonchchoytta
\p
\v 12 «Taas ubba baz inggintteeza» Zini ubbay tana adamii. «Taas ubba baz inggintteeza», zin abikka tana haaraamii.\x - \xo 6:12 \xo*\xt 1 Qor. 10:23\xt*\x* 
\v 13 «Katha ulos; ulokka kathas» Zini Xoossay ulokka kathakka dhabisodana ta yinttis odiza. Nu asetithay Godayssipp attin lagitas baaya. Godaykka nu asetithayisii. 
\v 14 Xoossay Goda yhayiqopp dentheezay garkk, nunakka yhayiqopp fa wolqqar denthoda.
\p
\v 15 Yi asetithay Kiristtoosa asetithaypp bagga maaqqeezana eroosanee? Yeezin, taanii Kiristtoosa asetithaypp bagga kanggii lagita asetithi maaqqoday garkk udo? Hanena! 
\v 16 Lagitiza athay e peezhiz asttira pettii asetith maaqqeezana yi eroosa? Geeshsha Maxaafayid, «Unttii nam7ay pettii asetithi maaqqoda» ginttintt xaafintteeza.\x - \xo 6:16 \xo*\xt Medhe. 2:24\xt*\x* 
\v 17 Zini Godayra pettipiza athay ezar ayyanarakka petto maaqqiza.
\p
\v 18 Lagitapp haakkoytta. Pettii athay oothiz hara nagara e asetithapp balera oosinttiza, zin lagitiza as fa asetithayil nagara oothiza. 
\v 19 Yi asetithay Xoossay yinttis inggeez yinttar yez Geeshsha Ayyana kara maaqqeezana yi eroosanee? Yi yinttis baaya.\x - \xo 6:19 \xo*\xt 1 Qor. 3:16; 2 Qor. 6:16\xt*\x* 
\v 20 Xoossay yinttan gater wonggeeza. Yeyi gishos, yi asetithayir Xooss bonchchoytta.
\c 7
\s1 Eko gelo bagga
\p
\v 1 Yi taas xaafeez dabiddaabbay bagga as maachch bochchaaminxikko lo77o. 
\v 2 Zini lagitapp attodayis pettay pettay machcho paas ekko; ma pettii pettii machchiskka azin yezo.
\p
\v 3 Azinay fa machchis, ma machchat fa azinayis beeziza baz udo. 
\v 4 Machchat fa asetithayil afa iis mawute baaya, zin mawute I azinayisi. Yey garkkekka, azinayis E asetithayil afa mawute baaya, zin mawutay machchatisi. 
\v 5 Yi woosar xiqqa wode gam7odayis zorer maaqqaam ixxiko, pettay petta kayppate. Yeypp denddeezayid yinttinatitha haarodayis gaminttin, Xalahe yinttan paaccaamay garkk pettipp yezoytta. 
\v 6 Zini taanii yinttan zorodayis yhaya geezaypp attin azazo baaya. 
\v 7 Asii ubbay ta garkk machcho ekkeka yezizako ta dosiza, zin Xoossay pettayis pettayis inggeez duma duma imotay yeza. Pettayis yhaygarkk yhankkayis hara imotay yeza.
\p
\v 8 Machcho ekkekkazitayisinnee azin gelekkazitayis ma am7itayis taanii gizay, ta garkk yezoytta gi zoriza. 
\v 9 Zini amor xuuginttodaypp ekkizaynnee gelizay lo77o maaqqeez gishos unttii fana haarodayis danda7aam ixxiko, ekkonne gelo.
\p
\v 10 Taanii ekkeezitayisinnee geleezitayis yhay garkk gi zoriza; tana baaya Goday azaziza; machchat fa azinaypp shaakinttippe.\x - \xo 7:10-11 \xo*\xt Mat. 5:32; 19:9; Mar. 10:11-12; Luq. 16:18\xt*\x* 
\v 11 Zini shaakinttiko hara azina gelekka fa ubbas yezo woy fa azinayira giigo. Azinay fa machchat billippe.
\p
\v 12 Zini yhankkitayis Goda baazin taanii yhay garkk giza. Ammanoowa machcha yez ammaniza azinay yeziko, machchat ezar pettipp yezodayis koyko izo billippe. 
\v 13 Ma ammanoowa azinii yez ammaniza machcha yeziko, I azinay iir pettipp yezodayis koyko eepp bilinttippee. 
\v 14 Ammanoowa azinay fa ammaniza machchat baggar geezhiza; ma ammanoowa machchat fa ammaniza azinay baggar geezhiza. Yeya baazako, yi na7itay tuna maaqqiza, zin yhatti unttii geeshshii. 
\v 15 Zini ammanoowa azina woy machchat billodayis koyko billo. Ammaniza machcha woy azinay yey garkk bazar acinttippe. Xoossay nuna sarotithar yezoday garkk xeegeeza. 
\v 16 Ammaniza astte, ammanoowa ne azinay ne baggar ammanodazako ne erinee? Woy ammaniza athayyo, ammanoowa ne machchat ne baggar ammanodazako ne erinee?
\p
\v 17 Pettii pettii as Goday ees inggeez imotay garkkennee Xoossay eza xeegeezay garkk yeza. Woosa keeth ubbayid taanii taamarsseez wogay yhaya. 
\v 18 Oonkka dookalinttii xeegintteezibaz maaqqiko, dookalintteekazay garkk hanippee. Dooaolintteka ammaneez oonkka yeziko, dookalinttodayis koyppe. 
\v 19 Xooss kiita polodayis beezizaypp attin dookalinttin dookalinttaam ixxin akkosikka adooya.
\p
\v 20 Pettii pettii as Xoossay fana xeegeez wode yezan garkk yeza. 
\v 21 Xoossay nena xeegeez wode neenii aylle? Akkokka baaya yeyiss un77inttippe. Zini neenii aylletithapp wozinttodayis danda7iko wozinttoba. 
\v 22 Aylle maaqqii yezar Godar xeegintteez as Godaypp denddeezayid aylletithapp wozintteeza. Yey garkkekka, aylle maaqqekka yezar, Godayir xeegintteez as Kiristtoosa aylle. 
\v 23 Xoossay yinttan gate ciggi wongeez gishos as aylle maaqqipatte. 
\v 24 Ta ishuntho, yi pettay pettay xeegintteez wode yez yessayir Xoossar wolla yezoytta.
\s1 Ekkekka, gelekka asay baggannee am7itay bagga
\p
\v 25 Wudiritayinnee paanthitay bagga Goday tana azazeez bazi baaya. Zini Goday taas inggeez maarotithay garkk taanii yinttan zoriza. 
\v 26 Yikkee, yha wodayid yez metay gishos ekkeka woy gelekka yessi taas lo77o aaziza. 
\v 27 Ne machcho ekkeez baz maaqqiko, anjjodayis koyppe. Ne machcho ekkekkabaz maaqqiko, ekkodayis koyppe. 
\v 28 Zini ne machcho ekkiko nagara baaya. Yey garkk wudirttakka azin geliko nagara baaya. Zini ekkiza geliza asayis yha sa7a iita meto yeza gishos yi yeypp attoday garkk ta koyiza.
\p
\v 29 Ta ishuntho, ta gizay yeya; wode wureeza. Yikkepp tiina machcha yezay machcho ekkekkazay garkk yezo. 
\v 30 Yeekkizitay yeekkoozitay garkk maaqqo, ufayttizitay ufayttoozitay garkk, wonggizitay akkokka baazitay garkk fana payido. 
\v 31 Yha sa7a shalor maadinttinttizitay maaddinttoozitay garkk maaqqo. Yha alame malay aadhoda.
\p
\v 32 Yi hirgga bayth yezoday garkk ta dosiza. Machcho ekkekazay Goda ufayssodayis koyiz gishos Godaybaz qoppiza. 
\v 33 Zini machcho ekkeezay fa machchato ufayssodayis koyiz gishos yha sa7abaz qoppiza. 
\v 34 E qofay nam77ii aqo shaakinttiza. Azin gelekka wudirtta fa asetithayrannee fa shemppayid geezhii Goda ufayssodayis koyeez gishos Godaybaz qoppiza. Zini azin geleezana fa azina ufayssodayis koyiz gishos sa7abaz qoppiza.
\p
\v 35 Taanii yeya yinttis odeeza, yi maadinttoday garkkepp attin xike gancce gelii yi un77inttoday garkk baaya. Zini yi qofay laalinttekka maarar yezii Goda ufayssiza baz yi udod garkk taanii odiza.
\p
\v 36 Oonkka fa oycceez wudirtto gelo wode aadheeza gi izo ashshodayis qoppiko, yeyi ma iis lo77o baazay si7inttiko, fa koyeeza ootho; u woli ekkiko, geliko; yey nagara baaya. 
\v 37 Zini pettii as un77ithiza baz dhabiko, fa wozinayir miinggii, fana haarii, fa oycceez wudirtto ekkeka ashshodayis koykko lo77o udeeza. 
\v 38 Yeyi gishos, wudirttona ekkeez athay lo77o ootheeza; ma ekkeka athay ubbar lo77o ootheeza.
\p
\v 39 Machchata azinay paxa yez wode ubbayid ezar accintteezano. Zini I azinay yhayqqiko, fa doseez azina gelodayis danda7iza. Hano zin, iza geliza athay ammaniza as maaqqodayis beeziza. 
\v 40 Ta qofar maaqqiko, iza gelekka yeziko ufayisar yezoda. Ma taas, taar Xoossa Ayyana yeza aaziza.
\c 8
\s1 Eeqas yarshshintteez katha bagga
\p
\v 1 Eeqas yarshshintteez katha bagga maaqqiko nu ubbay eriza. Eratithii utirssiza, zin siiqo dichchiza. 
\v 2 Oonkka fana eriza gi qoppiko, E haga erodayis beezizay garkk haga erekkaya. 
\v 3 Zini oonkka Xooss siiqiko E Xooss kantta erintteezaya.
\p
\v 4 Yeyi gishos, eeqas yarshshintteez katha muussibagga maaqqiko yha alamel Godi pettii Xoossaypp attin hara baa gishos eeqa pathoowa baz maaqqeezana nuunii eriza. 
\v 5 Xooss baazar salorannee sa7ar Xoosse ginttinttii xeeginttiz gaame Xoossitayinnee goditay yezikokka, 
\v 6 ubba baz medhdheez, nu E baz maaqqeez, pettii Xoossay, Aday aadda, nuus yeza. Ubbay E baggar medhintteeza, nuukka E baggar yeziz pettii Goday, Yesuus Kiristtoosa nuus yeza.
\p
\v 7 Zini yeya erizitay ubbita baaya. Pettii pettii asay eeqa goynniza gishos katha miiz wode eeqas yarshshintteez baz udii ekkiza. Ye wode u kahay daabura maaqqeez gishos tuniza. 
\v 8 Zini katha nuna Xoossar dabbothooya. Nu maam ixxiko akkokka qohinttaamii; ma miikokka maaddaamii.
\p
\v 9 Zini yi koyeez baz maadayis mawute yinttis yezikoka yeyi ammanor minggekkazita dhubbaamay garkk naaginttoytta. 
\v 10 Neenii nena eranchcho gi eeqas yarshshintteez katha maadayis eeqa kara betteezin, ammanor minggeekazay nena bi7iko yeyi eza eeqas yarshshintteez katha maaday garkk denthithoosanee? 
\v 11 Yikkee, ne eratithaypp denddeezayid Kiristtoosa e gishos yhayqqeez, ammanor minggeka ne ishay, dhabiza. 
\v 12 Yey garkk udii, ammanor minggekka yi ishita qohitarannee u kaha suuthitar Kiristtoosana qohiza. 
\v 13 Yeyi gishos, katha ta isha dhubbizabaz maaqqiko, E dhubinttaamay garkk asho yesha maamii.
\c 9
\s1 Hawaaritay mawute
\p
\v 1 Taanii mawuter yeza as baasannee? Ta hawaare baasannee? Taanii nu Goda Yesuus Kiristtoosa be7ekkasanee? Godayir yi ta daabura aafe baasannee? 
\v 2 Yi Godayibaz maaqqeez gishos ta yhankkitayis hawaare maaqqaam ixxikokka, yinttis hawaare maaqqithayis yi markka.
\p
\v 3 Tana hawaare baaya giz asayis ta inggiza mahithay yhaya. 
\v 4 Nu maadayisinnee uzhodayis tuma nuus mawute baasannee? 
\v 5 Yhankko hawaaritay garkkennee, Goday ishitay garkk, Phixiroosa garkk, ammaniza nu machchita ekkii yedhdhodayis nuus mawute baasa? 
\v 6 Woy oothor aqodayis beezizay taarannee Barnnabaasa aadda? 
\v 7 Fa miishayir wotaaddaretithi oothizay oonoo? Woy woyne tukkii, ezaypp aafe moozay oonoo? Woy wude heenggittar, ye wudaypp maathi uzhoozay oonoo?
\p
\v 8 Taanii yeya as qofa garkk ginene? Higge yeya gin baasa? 
\v 9 Muse Higgayid, «Wudumma katha bukkiza gemate doona accippe» ginttintt xaafintteeza. Yeezin Xoossay yeya gematayis qoppii yeya geenee?\x - \xo 9:9 \xo*\xt Nam7i. 25:4; 1 Xim. 5:18\xt*\x* 
\v 10 Xoossay yeya geezay nuus qoppii baasannee? Ee nu gishosii. Biita oothizayika, katha geeshshizaykka fana heliza gisha ekkod gi ufayisar oothodayis beeziza giinttintteezay tuma nu gishos xaafintteeza. 
\v 11 Nuunii yi gancce ayyana zerith zereez maaqqiko ashos beeziza baz nu yinttipp maxiko, yeyi dama bazonee?\x - \xo 9:11 \xo*\xt Oro. 15:27\xt*\x* 
\v 12 Yhankkitay yeya yinttipp ekkodayis unttis mawute yeziko, nuus unttiisaypp aath mawute yeza.\x - \xo 9:12 \xo*\xt Mat. 10:10; Luq. 10:7\xt*\x*
\p Zini nuunii Kiristtoosa Wonggiles dhube maaqqaam garkk, ubba garzhinepp attin ye mawutayir maadinttekkaya. 
\v 13 Xooss kara oothiza asitay fa katha Xooss Karapp ekkizannee Ma yarshsho aqo oothizitay yarshsholapp ekkii miizana yi eroosanee?\x - \xo 9:13 \xo*\xt Nam7i. 25:4; 1 Xim. 5:18\xt*\x* 
\v 14 Yey garkkekka, Wonggile markkattizitay yessis beeziza baz Wonggilaypp ekkoday garkk Goday azazeeza.
\p
\v 15 Zin taanii yha mawute ubbitayid akkokka maadinttekkaya. Taanii yhaya xaafeezay ta mawute bonchchisodayis koyii baaya. Oonkka ta ceeqa cere ashshodaypp yhayiqo taas lo77o. 
\v 16 Taanii Wonggile odizay kiitintteez gishosap attin tana ceeqisizabaz baaya. Wonggile odaam ixxiko, tana ayye. 
\v 17 Taanii Wonggile dosor sabbakiko taas woyito yeza. Zini taanii Wonggile dosekka azazinttii sabbakizabaz maaqqiko yeya ta hadara poleenepp attin hara ta ootheez baz baaya. 
\v 18 Yeezin, ta woyitay abba? Taanii Wonggile sabbakiza wode ta mawuter maaddinttekka Wonggile damooze bayth cere sabbakizay taas woyito.
\p
\v 19 Taanii ooskka aylle baaya, zin gaamita ashshodayis ubbayis aylle maaqqeeza. 
\v 20 Taanii Ayihudita ashshodayis unttar unttan maaqqeeza. Ta ommas higgepp oommor baaya, zin higgepp oommor yezita ashshodayis higgepp oommo yez as maaqqeeza. 
\v 21 Xooss higgaypp bale kezekka, Kiristtoosa higgayis kiitinttittar, higge baazita ashshodayis higge baa as garkk ta maaqqeeza. 
\v 22 Taanii daabureezita ashshodayis daabura maaqqeeza. Taanii xiqqa asita ashshodayis ubbayir ubba maaqqeeza. 
\v 23 Taanii Wonggile anjjo shaakinttodayis, yha ubba Wonggile gishos haneeza.
\p
\v 24 Laaso aalaliz ubbay laasiza, zin pettay aadda woyito ekkizana eroosanee? Yey garkk yinttikka woyita ekkodayis laasoytta. 
\v 25 Laasiza as ubbay ubba bazar fana haariza. Unttii yeya daaburzay dhabod zawude woyito ekkodayisii. Zini nuunii daaburizay medhina zawude woyita ekkodayisii. 
\v 26 Yeyi gishos, taanii qofa baa as garkk laasaam. Carkko zhulitiz as garkk cere kushe dakkaamii. 
\v 27 Zini taanii harayis Wonggile sabbakeezaypp guye ta ommas wodhdheez as maaqqaamay garkk ta asetitha wolqqar zhulitittar taas azazinttoday garkk udiza.
\c 10
\s1 Eeqas goynnaamay garkk naagiso
\p
\v 1 Ta ishuntho, taanii yi yhaya akaakoday garkk koyiza. Nu aditay ubbay shaara kaalithin shaara oommora yedheeza; ubbay abba piinggeeza.\x - \xo 10:1 \xo*\xt Kes. 13:21-22; 14:22-29\xt*\x* 
\v 2 Unttii Musera pettippodayis shaararannee abba xammaqintteeza. 
\v 3 Unttii ubbay pettii ayyana katha meeza.\x - \xo 10:3 \xo*\xt Kes. 16:35\xt*\x* 
\v 4 Ma ubbay pettii ayyana ushsh uzheeza. Unttan kaalliza ayyana zaallap pultteez ushsha uzheeza; ye zaallaykka Kiristtoosa.\x - \xo 10:4 \xo*\xt Kes. 17:6; Tay. 20:11\xt*\x* 
\v 5 Zini Xoossay unttapp gaamitayil ufayttekkazay gishos u ahay liizho demba wodhdhii atteeza.\x - \xo 10:5 \xo*\xt Tay. 14:29-30\xt*\x*
\p
\v 6 Unttii iita baz amotteezay garkk, nuukka iita baz amottamay garkk yeyi ubbay nuus aaziso maaqqeeza.\x - \xo 10:6 \xo*\xt Tay. 11:4\xt*\x* 
\v 7 Geeshsha Maxaafayid, «Asay maadayisinnee uzhodayis betteeza; ma yexxodayis denddeeza» ginttintteezay garkk unttapp pettay pettay eeqa goynneezay garkk yi eeqa goynnippate.\x - \xo 10:7 \xo*\xt Kes. 32:6\xt*\x* 
\v 8 Unttapp pettay pettay laammeezay garkk nuukka nagara ootho. Yeypp denddeezayid unttapp pettii gallas laatamannee hayidzii mukulo as yhayqqeeza.\x - \xo 10:8 \xo*\xt Tay. 25:1-18\xt*\x* 
\v 9 Unttapp pettay pettay Goda paaccii shooshar dukinttii yhayqqeezay garkk nu Goda faaccodayis beezooya.\x - \xo 10:9 \xo*\xt Tay. 21:5-6\xt*\x* 
\v 10 Unttapp pettay pettay olii yhayiqo ki7iz kiitanchchayir dhabeezay garkk yinttikka oollippate.\x - \xo 10:10 \xo*\xt Tay. 16:41-49\xt*\x*
\p
\v 11 Yha unttal afa helleez ubbay nu naaginttoday garkk nuus aaziso maaqqeeza. Ma wode wurssithal afa yez nuus timirtte maaqqoday garkk yha ubbay xaafintteeza.
\p
\v 12 Yeyi gishos, eqqeeza aaziz oonkka pokkaamay garkk fana naago. 
\v 13 Asi ubba heliza paacepp attin duma paace yinttan hellekkaya. Yi wolqqay danda7izaypp aath paacer yi paacinttaamay garkk aathii inggowa Xoossay ammanintteezaya. Yinttan paace heliza wode ye paacayid E yinttan danda7isoda. Ma ye paacaypp yi kezod oga E giigisoda.
\p
\v 14 Yikkee, ta al7o ishuntho, eeqa goynnopp haakkoytta. 
\v 15 Yi kahaama as maaqqeez gishos ta yhaya odiza. Taanii gizay tuma maaqqeezana yi yi ubbas pirddoytta. 
\v 16 Nuunii Xooss galatii shaakinttiza anjjo xuu7ay Kiristtoosa suuthar pettipettethi yeza baasannee? Ma nuunii miiz booray Kiristtoosa ashayira pettipettithii yeza baasannee?\x - \xo 10:16 \xo*\xt Mat. 26:26-28; Mar. 14:22-24; Luq. 22:19-20\xt*\x* 
\v 17 Nuunii gaame maaqqikokka booray petto, nu ye pettii boora shaakinttiza gishos pettii asetithii.
\p
\v 18 An Isreele asay ootheeza akaakoytta. Yarshshintteez yarshsho miizitayis Yarshsho bessayira pettipettithii baasannee?\x - \xo 10:18 \xo*\xt Lewii. 7:6\xt*\x* 
\v 19 Taanii ab godayis koyii ginee? Eeqas yarshshintteez kathay woy eeqay pathizabaz guusonnee? 
\v 20 Wa77a, Unttii yarshshizay Xoossis baazin tuna ayyanitayisii. Yeyi gishos, yinttis tuna ayyaanitayra pettipettithii yezoday garkk ta koyooya. 
\v 21 Yi Goday xuu7aypp uzhittar, ma tuna ayyanitay xuu7aypp uzhodayis yi danda7ooya. Goda gaytaypp miittar ma tuna ayyanitay gaytaypp maadayis danda7oowa. 
\v 22 Nu yeya udii Goda shentho? Nu minotithar eepp aadhinenee?\x - \xo 10:22 \xo*\xt Nam7i. 32:21\xt*\x*
\p
\v 23 Yi «Ubba baz nuus inggintteeza» zin ubbay adooya. «Ubba baz nuus inggintteeza» giza zin ubba baz adooya.\x - \xo 10:23 \xo*\xt 1 Qor. 6:12\xt*\x* 
\v 24 Pettii pettii as, hara as maaddiza baz qoppodayis beezinepp attin fana maaddiza baz aadda qoppippe.
\p
\v 25 Yi kahayid sidhe medhdhiza haasii gabell bayizinttiza asho si77i gi moytta. 
\v 26 Abis giiko, «Sa7annee sa7all yez ubbay Godayisii.»\x - \xo 10:26 \xo*\xt Maz. 24:1\xt*\x*
\p
\v 27 Pettii ammanoowa as yinttan imatos koy xeegiko yhanigodayis koyko yhanigoytta. Yi kahayid sidhekka yi tiina aathizabaz ubba moytta. 
\v 28 Zini pettii as, «Yhay eeqas yarshintteez bazii» giiko, ye yinttis odeez athay gishonnee e kahay gishos ye katha miipatte. 
\v 29 Taanii, kaha gishos gi yinttis odizay athay kaha ginepp attin yi kaha baaya.
\p Hara as kaha gishos gi taanii ta wallotithayil abis pirddo? 
\v 30 Taanii miiz katha Xooss galatii miiko balintteezaya garkk abis borinttodee?
\p
\v 31 Yikkee, yi ab miiko ab uzhiko, woy ab oothikokka ubba baz Xooss bonchchos oothoytta. 
\v 32 Ayihudita maaqqin Girikita maaqqin woy Xooss woosa keetha maaqqin ooskka dhube maaqqipatte. 
\v 33 Taanii ubba wode gaamita ashshodayis unttii maaddinttiza oge koyinepp attin tana maaddiza oge koyooya.
\c 11
\p
\v 1 Taanii Kiristtoosa aazizay garkk, yinttikka tana aazoytta.\x - \xo 11:1 \xo*\xt 1 Qor. 4:16; Filp. 3:17\xt*\x*
\s1 Goynno woga
\p
\v 2 Yi ubba bazar tana qoppiza gishonnee ta taamarsseez timirttita miinthii naageez gishos ta yinttan galatiza. 
\v 3 Zini Kiristtoosa dhiirathi ubbitayis omma, dhiirathi maachchis omma, ma Xoossay Kiristtoosas omma maaqqeezana yi eroday garkk ta koyiza. 
\v 4 Fa omma guulunttii Xooss woossiza woy tinbbite odiza diirithi ubbay omma maaqqeez Kiristtoosa toochchiza. 
\v 5 Fa omma qacekka Xooss woossiza woy tinbbite odiz maachchat kustte maaqqeez fa azina toochchiza. Fa omma qacekka maachchat fa omma meedintteez maachch as garkk fayidinttiza.
\p
\v 6 Maachch asii fa omma qacaam ixxiko, fa omma gachintto. Zini iis omma gachcho woy meedo borsso baz maaqqiko fa omma qaco. 
\v 7 Dhiirathii Xooss aazisonnee Xooss bonchcho maaqqeez gishos fa omma qacodayis beezooya, zin maachchii dhiirath bonchcho.\x - \xo 11:7 \xo*\xt Medhe. 1:26-27\xt*\x* 
\v 8 Maachchii dhiirathapp medhintteezapp attin dhiirathi maachchapp medhinttibekkaya.\x - \xo 11:8-9 \xo*\xt Medhe. 2:18-23\xt*\x* 
\v 9 Maachch as dhiirathis medhinttezapp attin dhiirathii maachchis medhinttekkaya. 
\v 10 Yhay gishonnee kiitanchchitay gishos maachch asii paas mawute yezana beeziza malla fa omma qacodayis beeziza.
\p
\v 11 Zini Goday qofayid maachch asii dhiirth bayith yezaamii; dhiirathikka maachchi bayth yezaamii. 
\v 12 Maachch asii dhiirathapp medhintteezay garkk dhiirathikka maachchapp yelintteeza. Zini ubbaykka Xoossapp medhintteeza.
\p
\v 13 An yi pirddoytta. Maachchii fa omma qacekka Xooss woossodayis beezinee? 
\v 14 Dhiirathii fa omma dichchiko ees borsso maaqqeezana hara attozin medhetithii tamaarssosanee? 
\v 15 Zini maachchii fa omma dichchiko iis bonchcho baasannee? Maachchis omma inggintteezay iza fana kammoday garkke. 
\v 16 Zini yhayil afa palamodayis koyeez as yeziko, nuus maaqqin woy Xooss woosa keethitayis maaqqin yhaypp hara woga baaya.
\s1 Goday kaho ekkiza maara
\r (Mat. 26:26-29; Mar. 14:22-25; Luq. 22:14-20)
\p
\v 17 Yi pettipp shiiqizay maaddiza baz baazin qohiza maaqqeez gishos yhatti ta inggiza azazayid yinttan nashichchaamii. 
\v 18 Ta tiina si7eezay, yi woosa keetha shiiqodar yi gancce shaakotithii yeza. Yeya ta si7eezaypp baggay tuma maaqqeezana ta ammaniza. 
\v 19 Yi ganccepp tumar yezitay oonanttazako erinttoday garkk yi gancce shaako yessi attaamii. 
\v 20 Yi pettipp shiiqiza wode yi shiiqii miizay Goday kaho baaya. 
\v 21 Yi katha miiz wode pettay petta naagekka paasa paasa miiz gishos pettay nayinttiza yhankkay ma mathiza. 
\v 22 Tuma yi maadayssinnee uzhodayis yinttis kara baasa? Woy Xooss woosa keeth kadhinee? Akkokka baa manqqita yeellathodayisonnee? Ta yinttan waago? Yhayir ta yinttan nashichcho? Nashichchaamii.
\p
\v 23 Taanii yinttis inggeez timirttita Godaypp ekkeeza. Goda Yesuusa aadhii ingginttiz qamma boora ekkii, 
\v 24 Xooss galat. Boora baxxii «Yashitte; moytta. Yhay yinttis ingginttiza ta asho. Yhaya miittar tana qopoytta» yeegeeza. 
\v 25 Yey garkkekka, kaha mi maaqqin, xuu7a ekkii, «Yha xuu7ay ta suuthar caaqiz oroth caaqo. Yi ezaypp uzhitar ubba wode tana qopoytta» yeegeeza.\x - \xo 11:25 \xo*\xt Kes. 24:6-8; Erim. 31:31-34\xt*\x* 
\v 26 Yi yha boora miiz wodennee yha xuu7a uzhiz wode ubbayid Goday ye7od hellodayis E yhayiqa ododa.
\p
\v 27 Yeyi gishos, beezoowa oger Goday boora miiz woy Goday xuu7a uzhiz oonkka eez ashannee suutha toochcheez gishos fa nagarayis oycinttiza. 
\v 28 Zini as fana faacco. Yeezii boora muyee; xuu7ayppekka uzho. 
\v 29 Goday ashaybagga shaakkii erekka, boora miikonnee xuu7aypp uzhiko, faal afa pirdda shiishiza. 
\v 30 Yeyi gishos, yi ganccepp gaamitay daabureeza; harggintteeza; ma gaame asitay yhayqqeeza. 
\v 31 Zini nu nuna paacii be7eezi baz maaqqeezako, nuul afa pirddinttamii. 
\v 32 Alame pirddinttiza wode nu alamayra pirddinttaamay garkk yhatti Goday nuna seeriza.
\p
\v 33 Yeyi gishos, ta ishuntho, Goday kaho maadayis yi shiiqiza wode woli naagoytta. 
\v 34 Yi shiiqay pirddas maaqqaamay garkk nayintteez oonkka yeziko, fa kara muye.
\p Atteezibaz taanii ged yhanigii yinttis ododa.
\c 12
\s1 Geeshsha Ayyana imotita
\p
\v 1 Ta ishuntho, Geeshsha Ayyana imotitay bazkka yi eroday garkk ta koyiza. 
\v 2 Yi Xooss ammanoowa wode doona baa eeqako gooshintti, yi erowazitayirakka yhanigeezana yi eriza. 
\v 3 Xooss Ayyanay kaalithiza as oonkka, «Yesuus qanggintto» yeegooya. Ma Geeshsha Ayyanay kaalithekkazin, oonkka, «Yesuus Goda» godayis danda7oozana yi eroday garkk ta koyiza.
\p
\v 4 Duma duma Ayyana imotitay yeza, zin imotita inggiza Ayyanay petta.\x - \xo 12:4-11 \xo*\xt Oro. 12:6-8\xt*\x* 
\v 5 Nu Godayis oothiza duma duma oositay yeza, zin Goday petta. 
\v 6 Nu Godayis oothiza duma duma ogitay yeza, zin ye ogayir as ubbayir oothiz Xoossay petta. 
\v 7 Zini pettayis pettayis inggintteez qonccith imotitay wolla maaddinttoday garkk.
\p
\v 8 Geeshsha Ayyanay pettayis ecetithi kumeez qaala inggiza; ma pettayis eratithii kumeez qaala inggiza. 
\v 9 Ye Geeshsha Ayyanay pettayis ammano, yhankkayis ma pathiza wolqqa inggiza. 
\v 10 Geeshsha Ayyanay pettayis malata oothiza wolqqa, pettayis tinbbite odiza wolqqa inggiza. Pettayis ayyanapp ayyana shaakkii eriza wolqqa, pettayis duma duma doonar odiza wolqqa, ma pettayis duma duma doonar odintteezana billiz wolqqa inggiza. 
\v 11 Zini yha ubba oothizay ye pettii Geeshsha Ayyana. E koyeezay garkk pettayis pettayis asayis duma duma imota inggiza.
\s1 Pettii asetithal duma duma billitita
\p
\v 12 Pettii asetithal gaame billititay yeza, zin ye duma duma billititay pettii asetithi maaqqiza. Yey garkkekka, Kiristtoosa duma duma billititay yez pettii asetith garkke.\x - \xo 12:12 \xo*\xt Oro. 12:4-5\xt*\x* 
\v 13 Nuunii Ayihude maaqqin Girike maaqqin aylle maaqqin womaanno maaqqin, ubbay pettii asetith maaqqodayis Geeshsha Ayyanar xammaqqintteeza. Ma nu ubbay pettii Geeshsha Ayyana ekkeeza.
\p
\v 14 Nu asetithal duma duma billititay yezapp attin pettii billite aadda baaya. 
\v 15 Tokay, «Taanii kushe maaqqekka gishos billite baaya» giiko, E yeya geez gishos billitetithay attinnee? 
\v 16 Haye, «Taanii aafe maaqqekka gishos billite baaya» giiko, E yeya geez gishos asetithapp pettii billite maaqqithay attinennee? 
\v 17 Asetith ubbay aafe aadda maaqqiko, nu abar si7odee? Ma asetithi ubbay haye aadda maaqqiko nu abar singgode?
\p
\v 18 Zini Xoossay fa koyeezay garkk, asetith gancce duma duma billitita gaddeeza. 
\v 19 Ubbay pettii billite maaqqeezako asetithii anapp benttode? 
\v 20 Zini billititay gaame maaqqikokka, asetithay petto.
\p
\v 21 Aafe kusheko, «Ne taas koshshooya» godayis danda7ooya, woy omma toheko, «Ne taas beezooya» godayis danda7ooya. 
\v 22 Zini daabura aaziz asetith billititay nuus usa koshshiza. 
\v 23 Bonchcho koshshoowa gi nu qoppiza nu billitita lo7ith bonchchoda. Ma nu borssinttiza nu asetith billitita aathii bonchchii naagoda. 
\v 24 Nu bi7in borssowa asetith billitayis bonchcho koshshooya. Zini Xoossay nu asetith billitita woli hellith borssiza billitayis aadhiz bonchcho inggeeza. 
\v 25 Asetith billititay pettay pettayir shaako medhdhekka woli qoppoday garkk udii medheeza. 
\v 26 Asetith billititaypp pettay hargginttiko billititay ubbay ezar hargginttiza. Asetith billititaypp pettay bonchchinttiko billititay ubbay ezar ufayttiza.
\p
\v 27 Yi ubbay Kiristtoosa asetithi; ma yi pettay pettay E billitita. 
\v 28 Woosa keetha Xoossay, tiina hawaarita, nam7intho nabita, hayidzintha asitamaarita, kaallii malatita oothizita, pathizita, yhankkita maaddizita, woosa keeth aqizitannee, duma duma doonar odizita gaddeeza.\x - \xo 12:28 \xo*\xt Efi. 4:11\xt*\x* 
\v 29 Ubbay hawaare? Ubbay nabe? Ubbay asitamaare? Ubbay malata udine? 
\v 30 Ubbay pathinee? Ubbay duma duma doonar odinttinee? Ubbay duma duma doonar odinttizana bili7inee? 
\v 31 Zini ubbaypp aadhiz imota miinthii koyoytta.
\p Ma ubbaypp aadhiz oga ta yinttan beezoda.
\c 13
\s1 Tuma siiqo
\p
\v 1 Taanii as doonarannee kiitanchcho doonar odinttodayis danda7ikokka, taas siiqo dhabiko, giiriz daala woy ooshiz woorlle garkke. 
\v 2 Tinbbite odiz imota taas yezikoka, xuura ubba erikokka, eratithii ubbay yezikoka, ma amba denthii hara aqo kanggiza ammano taas yezikoka, siiqo dhabiko, ta cer haniza.\x - \xo 13:2 \xo*\xt Mat. 17:20; 21:21; Mar. 11:23\xt*\x* 
\v 3 Taas yeza baz ubba manqqos inggikokka, hara attozin, tana tamas aathii inggikokka, siiqo dhabiko tana akkokka adamii.
\p
\v 4 Siiqo danda7iza. Siiqo keeha. Siiqo qanatooya. Siiqo ceeqinttooya. Siiqo utirttooya. 
\v 5 Siiqo beezowabaz oothooya. Siiqo uuzattooya. Siiqo yilotooya. Siiqo qoho payidooya. 
\v 6 Siiqo tumar ufayttinepp attin worzher ufayttooya. 
\v 7 Siiqo ubba danda7iza; ubba ammaniza; lo77o baz hanoda gi, ufayisar naagiza; ubba bazar miinggiza.
\p
\v 8 Siiqo wurssithii hellodayis dhabooya. Zini tinbbite attoda; duma duma doonar odinttizay attoda; eratithaykka aadhoda. 
\v 9 Nu eratithapp laafa eriza; tinbbitepp bagga odiza. 
\v 10 Zini folo maaqqeezay ye7eez wode folo baazay attoda.
\p
\v 11 Taanii na7azar na7a garkk nashshiza; na7a garkk qoppiza; na7a garkk akaakiza. Ta wozinaama maaqqeez wode na7atith hana ashsheeza. 
\v 12 Yhatti poo7o baa aqo masttooter bi7izay garkk nu bi7iza, zin ye wode nu qonccer be7ada. Yhatti nu eretithapp xiqqa eriza, zin ye wode Xoossay nuna erizay garkk folo eroda.
\p
\v 13 Yikkee, ammano, ufayssinnee siiqo, yha hayidzitay eqqii yezoda. Zin yhayttitaypp aadhizay siiqo.
\c 14
\s1 Tinbbitennee duma duma doonar odintto
\p
\v 1 Siiqo kaalloytta. Ayyana imotita miinthii koyoytta; ubbapp aathii, tinbbite imota miinthii koyoytta. 
\v 2 Duma duma doonar odinttiza asii Xoossayis odizapp attin asis odooya. Zini asis qonccekka xuura Ayyana wolqqar odinttiza gishos oonkka E odinttizana akaakooya. 
\v 3 Zini tinbbite odizitay as dichchodayis, minthathodayisinnee xaalisodayis asis odiza. 
\v 4 Duma duma doonar odiza as fana dichchiza. Zini tinbbite odiza as woosa keeth dichchiza.
\p
\v 5 Yi ubbay duma duma doonar odinttizako ta dosiza, zin tinbbite odizako ta usa dosiza. Duma duma doonar odinttizana woosa keeth dichchis bili7iz as dhabiko, duma duma doona odinttizaypp tinbbite odizay aadhiza.
\p
\v 6 Zin ta ishuntho, taanii yinttiko yhanigii qonccithar woy eratithar woy tinbbite odor woy timirtte bayth duma duma doonar odenttiko yinttan ab maaddodee? 
\v 7 Duma duma yeth miishayis pettii girssi yeziko, shulishulo girssinne diith girssi wayizii shaakkii erodee? 
\v 8 Ma tulitulo pugo shaakkii erinttaam ixxiko olas giiginttizay oonoo? 
\v 9 Yey garkkekka, duma duma doonar yi odinttizay qoncce maaqqaam ixxiko yi odiza oonii erodee? Yeyi carkkor odinttizay garkke.
\p
\v 10 Yha alamel gaame doonitay yeza; ye ubbayis bili7ithii yeza. 
\v 11 Zini pettii as odinttiza doona taanii eraam ixxiko E taas imathe maaqqiza; taakka ees imathe maaqqiza. 
\v 12 Yey garkkekka, Geeshsha Ayyana imota yi ekkodayis miinthii koyko, woosa keeth dichchayis ubbapp aadhiz imota koyoytta.
\p
\v 13 Duma duma doonar odinttiza as fa oda bilodayis birshshith imotay ingginttoday garkk Xooss woosso. 
\v 14 Taanii duma duma doonar Xooss woossiko, ta ayyanay woossiza, zin ta wozinay akkokka maadinttooya. 
\v 15 Yeezin, ta ab oothodayis koshshee? Taanii ta ayyanar woosiza; ta kahayirakka woosiza. Taanii ta ayyanar yexxiza; ta kahayirakka yexxiza. 
\v 16 Yeya maaqqaam ixxiko neenii ne ayyanar Xooss galatiza wode ye aqayid neenii giza erekka as ne galatiza wode, «Amin77ii» gode? 
\v 17 Neenii Xooss galatizay lo77o, zin hara as maaddooya.
\p
\v 18 Ta yi ubbaypp aathii duma duma doonar odinttiza gishos Xooss galatiza. 
\v 19 Zini taanii woosa keetha harita tamaarssodayis duma duma doonar taphphii mukulo qaala odinttizaypp erinttiza doonar ichchin qaala odo dosiza.
\p
\v 20 Ta ishuntho, yi iita qofas na7itay garkk maaqqoyttap attin qopar na7a maaqqipatte wozinaamita maaqqoytta. 
\v 21 Goday, Geeshsha Maxaafayid,
\q1 «Taanii yha asayis,
\q2 duma duma doonar odinttiza asayirannee
\q2 imath doonar odinttiza asayir odiza.
\q1 Zini yeyi haninikka tana si7ooya» yeegiza.\x - \xo 14:21 \xo*\xt Isa. 28:11-12\xt*\x*
\p
\v 22 Yikkee, duma duma doonar oday, ammanoowa asayis malla maaqqinepp attin ammaniza asayis baaya. Tinbbite ammaniza asayis malla maaqqinepp attin ammanoowa asayis baaya.
\p
\v 23 Woosa keeth asay pettipp shiiqeez wode ubbay duma duma doonar odinttiko eroowa woy ammanoowa asay yi shiiqo yi7ii, «Yhayttitay eeyiza» goosane? 
\v 24 Zini eroowa woy ammanoowa asay woosa keeth geliza wode asay tinbbite ododar, si7iko fa nagara akaakoda; ma E si7eez qaalayid pirddinttoda. 
\v 25 Unttii e wozina geemmeez qofa qonccisoda. Yey garkkekka, «Tuma Xoossay yi gancce yeza» yeegii markkattii, xuggunii Xoossayis goynnoda.
\s1 Goynno woga
\p
\v 26 Ta ishuntho, nu waago? Yi pettipp shiiqiza wode pettayis mazmuure yeza; pettayis taamarsso imotay yeza; pettayis qonccithii yeza; pettayis duma duma doonar odintto yeza; pettayis bili7iz imotay yeza. Ye ubbay woosa keethana dichchizabaz maaqqodayis beeziza. 
\v 27 Duma duma doonar odinttiza asitay yeziko, nam7e woy ganggiko hayidz maaqqiko maarar maarar naaginttii ododayis beeziza. Unttii odinttizana hara as billo. 
\v 28 Zini billiz as dhabiko, duma duma doonar odinttizay woosa keetha si77i go. Faasinnee fa Xoossayis odo.
\p
\v 29 Tinbbite odizitay nam7e woy hayidz maaqqii odo. Ma yhankkitay unttii gizibaz shaakko. 
\v 30 Ye shiiqayid yez hara asis pettibaz qoncciko tiina odinttizay si77i go. 
\v 31 Ubbay tamaaroday garkkennee ubbay miinggoday garkk maarar maarar tinbbite ododayis danda7iza. 
\v 32 Nabitay ayyanay nabitayis azazinttiza. 
\v 33 Xoossay sarotith Xoossapp attin cabbo Xooss baaya. Geeshshitay woosa keethitay ubbay yey garkke.
\p
\v 34 Maachchitay woosa keeth shiiqo si77i go. Higge gizay garkk unttii haarinttopp attin woosa keetha ododayis unttis mawute baaya. 
\v 35 Maachchitay woosa keetha odintto borsso maaqqeez gishos pettii pettibaz erodayis koyko kara fa azina oyco.
\p
\v 36 Xooss qaala tiina yi ke7eenee? Woy Xooss qaalay yi aaddako ye7eenee? 
\v 37 Oonkka fana nabe woy fana Xooss as gi qoppiko, taanii yinttis xaafeezay Goday azazo maaqqeezana akaako. 
\v 38 Zini oonkka eraam ixxiko eekka erinttippe.
\p
\v 39 Yeyi gishos, ta ishuntho, tinbbite ododayis miinthii amottoytta; ma duma duma doonar odinttaka kayppate. 
\v 40 Zini ubbaykka wogarannee maarar maaqqo.
\c 15
\s1 Kiristtoosa yhayiqopp denddo
\p
\v 1 Ta ishuntho, ta yinttis markkatteez Wonggile yi ekkeezannee yi ammanayid miinggii eqqeezana yi akaakoday garkk ta koyiza. 
\v 2 Ta taamarsseez Wonggile miinthii aykkiko yi ezayir attoda. Yeyi hanaam ixxiko yi ammanay cere maaqqada.
\p
\v 3 Taanii ekkeez ubbaypp aadhiz kiita tiinatii yinttis inggeeza. Yeykka, Geeshsha Maxaafay gizay garkk, Kiristtoosa nu nagara gishos yhayqqeeza.\x - \xo 15:3 \xo*\xt Isa. 53:5-12\xt*\x* 
\v 4 Moogintteeza; Geeshsha Maxaafay gizay garkk, hayidzintha gallas yhayiqopp dendeeza.\x - \xo 15:4 \xo*\xt Maz. 16:8-10; Mat. 12:40; Haw. O. 2:24-32\xt*\x* 
\v 5 Phixiroosas qoncceeza. Yeypp guye, taphpho nam7i hawaaritayis bentteeza.\x - \xo 15:5 \xo*\xt Mat. 28:16-17; Mar. 16:14; Luq. 24:34, 36; Wan. 20:19\xt*\x* 
\v 6 Ichchin xeetapp gaanggiza ammanizitayis pettii toke bentteeza. Unttapp gaamitay yhanno hellodayis paxa yeza, zin xiqqitay yhayqqeeza. 
\v 7 Yeypp guye, Yayqqoobas bentteeza; zuleppekka fa hawaaritayis ubbayis bentteeza.
\p
\v 8 Ma wurssitha bullith garkk maaqqeez taas bentteeza.\x - \xo 15:8 \xo*\xt Haw. O. 9:3-6\xt*\x* 
\v 9 Taanii Yesuusa hawaaritay ubbaypp laafa. Taanii Xooss woosa keeth bayi7itheez gishos Yesuusa hawaare ginttinttii xeeginttodayis beezowaza.\x - \xo 15:9 \xo*\xt Haw. O. 8:3\xt*\x* 
\v 10 Zini Xooss aadho keehatithayid yhatti maaqqeezay tana; E taas inggeez aadho keehatithay cer attekkaya. Taanii yhankko hawaaritaypp aathii daabureeza. Zini taara yez Xooss aadho keehatithay ootheenepp attin tana baaya. 
\v 11 Yikkee, tana maaqqin unttii, nu ubbay tamaarssizay yeya; yinttikka ye kiita ammaneeza.
\s1 Yhayiqopp denddo
\p
\v 12 Kiristtoosa yhayiqopp denddeezana nu sabbakiza wode yinttipp pettay pettay yeezin, wayizii, «Yhayiqopp denddo baaya» yeeginee? 
\v 13 Yhayiqopp denddo baabaz maaqqiko Kiristtoosa yhayiqopp denddekka guusii. 
\v 14 Kiristtoosa yhayiqopp denddekkabaz maaqqiko nu timirttaykka yi ammanaykka cere. 
\v 15 Yhayiqopp denddo baazin, nuunii Xoossay, «Kiristtoosana yhayiqopp dentheeza» yeegii sabbakittar wordo Xooss markkitta maaqqeez guussii. 
\v 16 Yhayqqeez asay yhayiqopp dendowabaz maaqqiko yikkee, Kiristtoosa yhayiqopp denddekkaya. 
\v 17 Kiristtoosa yhayiqopp denddekkabaz maaqqiko, yi ammanay cere; ma yi yhanno hellodayis yi nagarara yeza. 
\v 18 Yikkee, Kiristtoosa ammanii yhayqqeezitaykka dhabeeza guussii. 
\v 19 Nuunii yha alame yess aaddas Kiristtoosar ufayssa ootheezibaz maaqqiko, yha sa7all yez as ubbaypp nubazi aadho azanthizabaz maaqqada.
\p
\v 20 Zini Kiristtoosa yhayqqeezitayis yhayiqopp dendor bayra maaqqii tuma dendeeza. 
\v 21 Yhayiqo pettii as baggar yha alame ye7ezay garkk yhayiqopp dendokka pettii as baggar ye7eeza. 
\v 22 Addaame baggar as ubbay yhayqqeezay garkk Kiristtoosa baggar as ubbay de7o yeziza. 
\v 23 Zini pettay pettay fa muurar muurar dendoda. Kiristtoosa ubbaypp bayiratii dendeeza; yeypp guye, Kiristtoosasitay E yi7iza wode dendoda.
\p
\v 24 Yeypp guye, Kiristtoosa haarizita, mawutennee wolqqa ubba dhabisii, kaatetitha Xooss Adayis inggiza wode wode wurssithay ye7oda. 
\v 25 Xoossay e morkkita ubba e toke oommo olod hellodayis Kiristtoosa kawutodayis beeziza.\x - \xo 15:25 \xo*\xt Maz. 110:1\xt*\x* 
\v 26 Wurssithal E dhabisodayis yez morkkay yhayiqo. 
\v 27 Geeshsha Maxaafayid, «Xoossay ubba baz e mawute oommo haariseeza» ginttinttii xaafintteeza. Zini ubba e mawutaypp oommo haariseeza gizay, Xooss Aday aadda attiko ubba baz e mawutaypp oommo haariseeza.\x - \xo 15:27 \xo*\xt Maz. 8:6\xt*\x* 
\v 28 Ubba baz Kiristtoosa mawutaypp oommo haarintteezaypp guye Kiristtoosa ma fa ommas ubba baz paas haariseez Xoossayis haarinttoda. Ye wode Xoossay fa aadda ubba haaroda.
\p
\v 29 Yhayqqeezitay dendowabaz maaqqiko u gishos xammaqinttiza asay abis waayinee? Yhayqqeezitay dendowabaz maaqqiko yeezin, abis, asay yhayqqeezitay gishos xammaqinttinee?
\p
\v 30 Yeezin, nuunii abis ubba wode nunatitha metos aathii ingginee? 
\v 31 Ta ishuntho, ta gallas gallas yhayiqos aadhii ingginttiza. Yeykka, Goda Yesuus kiristtoosal yez de7o pettipettiethayid yinttal ceeqqiza gishosii. 
\v 32 As qof agarkk maaqqiko, taanii Efesoone do7ara butiteezay tana ab maaddee? Yhayqqeezitay yhayiqopp dendowabaz maaqqiko, «Wonttii nu yhayqqiz gishos yhayino maada uzhoda» yeegiz asay garkk maaqqiza.\x - \xo 15:32 \xo*\xt Isa. 22:13\xt*\x*
\p
\v 33 Balinttipate! Iita zhametithii lo77o hano iissiza. 
\v 34 Yi kahayiko maaqqoytta. Nagara oothipate. Yinttapp pettii pettii asay Xooss erooya. Taanii yinttan yeellathodayis yeya giza.
\s1 Denddo asetithi
\p
\v 35 Pettii asii, «Yhayqqeez asay wayizii denddee? Unttii ab garkk asetithara ye7odee?» yeegith attaamii. 
\v 36 Neno boozayyo, neenii biittal zeriz zerithay yhayqqekka dolooya. 
\v 37 Neenii zerizay gistte maaqqo woy hara katha wooqqoowa aafa aadda zerinepp attin doleez dola baaya. 
\v 38 Zini Xoossay zerethitayis fa doseezay garkk medhetithii inggiza. Duma duma zerithitayis duma duma asetithi inggiza. 
\v 39 Medhetith ubbay asho petto baaya. Zini as asho petto; mehe asho hara; kafitay asho hara; ma molo ashokka hara.
\p
\v 40 Salo asetithii yeza; ma sa7a asetithikka yeza. Zini salo asetith bonchcho pettii mala; ma sa7a asetith bonchcho hara. 
\v 41 Awa bonchcho hara; agina bonchcho hara; xoolinttitay bonchcho hara; pettii xoolinttay hara xoolinttopp bonchchor dummatiza.
\p
\v 42 Yhayqqeezitay yhayiqopp denddiza wode yey garkk hanoda. Wooqqiza asetithay zerinttiza; wooqqoowa asetithi maaqqii denddiza. 
\v 43 Toochcher zerinttii, bonchchor dendoda; daaburisar zerinttii, wolqqar dendoda. 
\v 44 Medhetith asetithar zerinttii, ayyana asetithi maaqqii dendoda. Medheta asetithii yeziko, ayyana asetithi yeza.
\p
\v 45 Yey garkkekka, Geeshsha Maxaafayid, «Tiina athay, Addaama, path yez as maaqqii medhintteeza»\x - \xo 15:45 \xo*\xt Medhe. 2:7\xt*\x* yeegiza. Zini guye Addaama, Kiristtoosa, de7o inggiza ayyana maaqqeeza. 
\v 46 Zini medheta as tiina yi7in, guyepp ayyana as ye7eenepp attin ayyana as tiina ye7ekkaya. 
\v 47 Tiina Addaam biittapp medhintteez biitta as; nam7intho Addaama salopp ye7eeza. 
\v 48 Biittapp medhintteezitay biittaypp medhintteezana aaziza. Saloositay salopp ye7eezana aaziza. 
\v 49 Nuunii biittapp medhintteez atha aazizay garkk salopp ye7eez athakka aaziza.
\p
\v 50 Ta ishuntho, ta gizay yeya; ashonnee suuthii Xooss kaatetith laattodayis danda7ooya. Wooqqiza asetithay wooqqoowa asetitha laattooya.
\p
\v 51 Ta yinttis pettii xuure ododa. Nu ubbay yhayqqaamii, zin wurssithal ubbay laaminttoda.\x - \xo 15:51-52 \xo*\xt 1 Tes. 4:15-17\xt*\x* 
\v 52 Tulitulo puginttodar aafe qiphii be7adayis qoppekka laaminttoda. Yhayqqeez asay wooqqaam as maaqqii dendoda; nuukka laaminttoda. 
\v 53 Yhay wooqqizay wooqqaamana, yhayi yhayqqizay yhayqqaamana ma77odayis beeziza.
\p
\v 54 Yhay wooqqizay wooqqaamana, ma yhayi yhayqqizay yhayqqaamana ma77iza wode Geeshsha Maxaafayid, «Yhayiqo gamithar mitintteeza»\x - \xo 15:54 \xo*\xt Isa. 25:8\xt*\x* giz qaalay polinttoda. 
\v 55 Yey garkkekka,
\q1 «Yhayiqo, ne gamithay aba yenee?
\q2 Yhayiqo, ne yiishshay aba yenee?»\x - \xo 15:55 \xo*\xt Hosa. 13:14\xt*\x*
\p
\v 56 Yhayiqo dukkiza yiishshay nagara; ma nagara wolqqay higge. 
\v 57 Zini nu Goda Yesuus Kiristtoosa baggar nuus gamith inggiza Xoossana galata hello.
\p
\v 58 Yeyi gishos, ta siiqo ishuntho, eni7ekka miinggii eqqoytta. Goday oosayid yi daaburizay cere baazana erii ubba wode Goday oosa azallekkazar oothoytta.
\c 16
\s1 Ammaniza Asayis shiiqeez tam7e
\p
\v 1 Ammaniza asayis miisha shiisho bagga Galata woosa keethitayis taanii azazeezay garkk yinttikka oothoytta.\x - \xo 16:1 \xo*\xt Oro. 15:25-26\xt*\x* 
\v 2 Miishe shiisho ta yinttiko yhanigodar maaqqaamay garkk pettay pettay saaminttapp tiina gallas, wogga wode wogga wode fa denggiza bazapp kessii fa kara gantho. 
\v 3 Taanii ged yhanigeez wode miishe Yerusalaame helthoday garkk yi dooreez asayis dabddaabbe inggii unttan Yerusalaame azazoda. 
\v 4 Unttar tana yhamo beeziza baz maaqqiko unttii taara yhanigodayis danda7iza.
\s1 Phawuloosa qofa
\p
\v 5 Taanii Maqadoonar aadhodayis qoppeez gishos ged yhanigii yinttiko ye7oda.\x - \xo 16:5 \xo*\xt Haw. O. 19:21\xt*\x* 
\v 6 Ta yhanigiza aqo ana maaqqikokka, ta yhamayid yi tana maaddoday garkk yi kale xiqqa wode gam7ekka attaamii. Barigo aginita yi kale aatho waayii ashshoda. 
\v 7 Taanii ogera aadhittar yinttan be7adayis koyooya. Goday giiko, yi kale unddenna wode katam7odayis qoppiza.
\p
\v 8 Zini taanii Phenxeqosxe Baale hellodayis Efesoona gam7oda. 
\v 9 Taas ooso kumeeza dalgge peenggay dooyintteeza, zin gaame eqinttiza morkkitay yeza.\x - \xo 16:9 \xo*\xt Lewii. 23:15-21; Nam7i. 16:9-11; Haw. O. 19:8-10\xt*\x*
\p
\v 10 E ta garkk Goda ooso oothiza as maaqqeez gishos Ximaatoosa yinttiko yhanigiko, yi kale E yashittekkazar yezoday garkk oothoytta.\x - \xo 16:10 \xo*\xt 1 Qor. 4:17\xt*\x* 
\v 11 Oonkka eza kadhippe. E taako saro maaqqoday garkk eza maaddii moyzoytta. Taanii E yhankko ammanizitayir maaqqodana naagiza.
\p
\v 12 Nu isha Aphphiloosa yhankko ammanizitayir yinttiko yhammaday garkk ta eza miinthii woosseeza. Yhatti yinttiko yhanigodayis koyekkaya, zin ees giigeez wode yinttiko yhammada.
\s1 Wurssith zorennee sarotho
\p
\v 13 Barkkoytta; Ammanor eqqoytta; xaaloytta; miinggoytta. 
\v 14 Ooso ubba siiqor oothoytta.
\p
\v 15 Ta ishuntho, Isxifaanosennee e kara asay Akkaya biitta unttii tiina ammaneezita maaqqeezannee ammanizita maaddodayis fana aathii inggeezana yi eriza.\x - \xo 16:15 \xo*\xt 1 Qor. 1:16\xt*\x* 
\v 16 Yinttikka u garkk asisinnee, unttara oosor daaburiza ubbayis kiitenttoday garkk ta yinttan woosiza.
\p
\v 17 Isxifaanosa, Firdonaaxisennee Akkayqoosa taako ye7eezay tana ufaysseeza. Yi baa aqo unttii yinttan maaqqii ta paca kuntheeza. 
\v 18 Unttii yinttan ufaysseezay garkk tanakka ufaysseeza. Yey garkk asita denthithoytta.
\p
\v 19 Iisa woosa keeth asay yinttan saro giza. Aqilannee Phirisqila fa kara shiiqiza woosa keeth asayira pettipp yinttan Goday sunthayir sarotheeza.\x - \xo 16:19 \xo*\xt Haw. O. 18:2\xt*\x* 
\v 20 Ammaniza ishitay ubbay yinttan saro yeegiza.
\p Geesh yeerintto yeerinttittar woli sarothoytta. 
\v 21 Taanii, Phawuloosa, yha sarotha ta kusher xaafeeza.
\p
\v 22 Goda dosowa as yeziko, baadintteeza maaqqo. Nu Godayyo, yhana ye7oba!
\p
\v 23 Goda Yesuus Kiristtoosa aadho keehatithay yinttar maaqqo.
\p
\v 24 Ta siiqqay Kiristtoosa Yesuusar yez yi ubbayira maaqqo. Amin77ii.