\id REV .01, Revelation 1, Motu, PNG, RTWP 3/93 
\h APOKALUPO 
\toc1 APOKALUPO  IOANE E HAHEITALAIA HEREVADIA 
\toc2 APOKALUPO 
\mt1 APOKALUPO  
\mt1 IOANE E HAHEITALAIA HEREVADIA  
\c 1  
\p
\v 1 Iesu Keriso ihahedinaraina herevana Dirava ese e henia, asi vanahana bae vara ḡaudia na ena hesiai taudia baine hamaorolaidia; bena ena aneru e siaia, ena hesiai tauna Ioane e haheitalaia.  
\v 2 Bena ia ese Dirava ena hereva bona Iesu Keriso ena hereva bona e ita ḡaudia iboudiai e gwaurai hedinarai.  
\v 3 Ini peroveta herevadia baine duahi tauna baine namo, bona bae kamonai taudia danu bae namo, bona ina buka ai e tore herevadia bae badina taudia bae namo; badina be ini ḡau iboudiai be varamu negana vada eme kahikahi.   
\s1 Ekalesia oreadia hituosi Asia ai  
\p
\v 4 Lau Ioane, ekalesia oreadia hituosi Asia ai na tore henimuimu: hariharibada bona maino bavabi, e nohomu, e nohova bona baine noho Diravana ena amo, bona ena terono vairanai e ginimu laumadia hahituosi edia amo,  
\v 5 bona Iesu Keriso ena amo: ia na gwau maoro tauna namona, bona toreisi-lou roboana mase amo, bona tanobada pavapavadia biagudia.  
\p Eura henidamu bena eda kara na rarana amo e huri oho Tauna,  
\v 6 basileia ta ai e habouda bona Tamana Dirava ena hahelaḡa tauda ai e halaoda Tauna, enai hairai bona siahu bae mia ela bona hanaihanai. Amen.  
\v 7 A itaia, ia na ori amo be maimu; mataa iboudiai ese bae itaia; e gwadaia taudia danu bae itaia; tanobada besedia iboudiai ese ia dainai bae tai. Momokani. Amen.   
\p
\v 8 Lohiabada Dirava na e tomu “Lau na Matamana bona Dokona”. Ia na e nohomu, e nohova bona do baine noho, Siahu-idoinai Diravana.   
\p
\v 9 Lau kakamui Ioane, umui bamomui hisi-ani ai bona basileia ai bona haheauka ai, Iesu bagunai, motumotu ta, ladana Patamo, ai na nohova, Dirava ena hereva bona Iesu ena hereva e gwaurai hedinaraiva daidiai.  
\v 10 Bena Lohiabada ena dina ai Lauma ese e rohegu, bena murigu ai gado badana ta, kibi reḡena na heto, na kamonai;  
\v 11 eto, Ini ome ita ḡaudia na buka ai ba tore, ekalesia oreadia hituosi dekedia ba siaia lao; ekalesiadia bini: Efeso, Semurana, Peregamo, Tuatira, Sadi, Filadelfia, Laodikea.  
\v 12 Bena na gini kerehai, e hereva henigu tauna baina itaia nato. Bena gold lamepadia auhitu na ita;  
\v 13 lamepa bogaragidiai ta e gini, e kara taunimanima natuna na heto, ena dabua na lata, ela bona aena, kemena na gold torana e ḡeḡea.  
\v 14 Kwarana bona huina na kuroka-kuroka, mamoe huina na heto, eiava snow na heto. Matana na lahi na heto.  
\v 15 Aena na auri labora-labora e kimore-kimore na heto, lahi ai e havevea negana ai. Gadona na sinavai momo reḡedia na heto.  
\v 16 Imana idibana ai hisiu hitu e abi. Dare ta, kahana kahana mai ganodia ḡauna, uduna amo e lasi. Vairana na dina e tara na heto.   
\p
\v 17 Ia na itaia, bena aena badinai na goru diho, e kara na mase na heto. A ia ese imana idibana taugu ai e dau kau, eto, Asio gari; lau na gini-gunana bona gini-gabena;  
\v 18 mauri tauna lau; na mase, to na maurimu; baina mauri hanaihanai. Mase kina bona mase taudia edia gabu kina na imagu ai.  
\v 19 Benaini, ome ita ḡaudia ba tore: e miamu ḡaudia bona do bae vara ḡaudia bini.  
\v 20 Hisiu hituosi imagu idibana ai o itamu bona gold lamepadia auhituosi anidia bini: hisiu hituosi na ekalesia oreadia hituosi edia aneru, bona gold lamepadia auhituosi na ekalesia oreadia hituosi.   
\c 2  
\s1 Hereva  
\s1 Efeso ekalesia oreana ena  
\p
\v 1 Ekalesia oreana Efeso ai ena aneru ini ba tore henia toma: Hisiu hituosi imana idibana ai e dogo taomu bona gold lamepadia auhituosi bogaradidiai e loamu tauna ena hereva bini.  
\v 2 Lau na emu ḡaukara, emu hekwarahi bona emu haheauka na dibagu. Kara dika taudia o dadaraidiamu. Sibodia aposetolo e hegwauraimu taudia, a dia aposetolo korikori, oi ese o dibadia, bena dibamu idia na koikoi taudia.  
\v 3 Dibagu oi na o haheaukamu, lau ladagu dainai o goadamu, lalomu na se hesikumu.  
\v 4 To ina na na lodulai henimumu: emu lalokau gunana vada o negea.  
\v 5 Vada o morutania gabuna ba laloa; ba helalo kerehai; emu kara gunadia ma ba kara. Bema lasi, lau na baina vasi, emu lamepa na gabuna amo baina abia oho, oi basio helalo kerehai negana ai.  
\v 6 A emu namo sina binai: Nikolaita taudia edia kara o inai henimu, lau ese danu na inai henimu heḡereḡerena.  
\v 7 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mauri auna, Dirava ena imea ai e varamu ḡauna huahuana baina henia, baine ania.   
\s1 Hereva  
\s1 Semurana ekalesia oreana ena  
\p
\v 8 Ekalesia oreana Semurana ai ena aneru ini ba tore henia toma: Ginigunana bona gini-gabena, e mase ma e mauri lou, tauna ena hereva bini.  
\v 9 Emu hisihisi bona emu ogoḡami na dibagu. Ḡau tamona, oi na taḡa taumu. Sibodia Iuda taudia ai e hahelaomu edia ere dika danu dibagu; idia na dia Iuda taudia a Satana ena orea taudia.  
\v 10 Bavabi hisidia na garidia basio gari. Diabolo ese umui haida dibura rumana ai baine koumui, baine dibaḡanimui; bena dina gwauta ba hisihisi. Ba gini tutuka-tutuka ela bona mase, bena mauri ena kwara havava ḡauna baina henimu.  
\v 11 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mase iharuana ese basine hadikaia.   
\s1 Hereva  
\s1 Peregamo ekalesia oreana ena  
\p
\v 12 Ekalesia oreana Peregamo ai ena aneru ini ba tore henia toma: Dare kahana kahana mai ganodia e abia tauna ena hereva bini.  
\v 13 Emu noho gabuna na dibagu; Satana ena terono na eneseni ai. To oi ese lau ladagu o laloa taomu, bona o abidadama henigumu, egu hereva e gwaurai hedinaraiva mai momokanina tauna, Antipa, bogaragimui ai e alaia mase negana ai danu oi ese so ḡoregu; ena na Satana ena noho gabuna.  
\v 14 A ḡau ta ta na lodulai henimumu. Badina be bogara-gimui ai haida ese Balaam ena hahediba herevadia e badinamu; una tau ese Balak e hadibaia, bena hekwakwanai ḡauna ta Israel taudia edia dala ai e atoa, bena idia ese kaivakuku iboulaidia vamudia e aniva, bona e heuda hanaiva.  
\v 15 Bona haida danu dekemui ai ese Nikolaita taudia edia hahediba herevadia e abi dae.  
\v 16 A helalo kerehai. Bema lasi, baina vasi haraḡa, udugu darena amo baina tuari henidia.  
\v 17 Mai taiana tauna ese Lauma ena hereva ekalesia oreadia ediai baine kamonai. Kwalimu tauna na mana, e hunia ḡauna, baina henia, baine ania; bona nadi kurokurona ta baina henia, una nadi ai lada matamatana ta e hetore, ta asi dibana herevana, iabina tauna sibona mai dibana.   
\s1 Hereva  
\s1 Tuatira ekalesia oreana ena  
\p
\v 18 Ekalesia oreana Tuatira ai ena aneru ini ba tore henia toma: Dirava Natuna, matana na lahi hururu-hururuna na heto, aena na auri laboralabora e kimore-kimore na heto, ena hereva bini.  
\v 19 Emu kara, emu lalokau emu abidadama, emu heduru bona emu haheauka na dibagu. Emu kara gabedia ese danu emu kara gunadia e hereamu.  
\v 20 To ina na na lodulai henimumu: hari hahine, ladana Iesabel, asio gwaua tubumu. Ia na sibona peroveta hahinena ai e hahelaomu, egu hesiai taudia e hadibadia kereremu bona e hakaudia kereremu, bena e heuda hanaimu bona kaivakuku iboulaidia vamudia e animu.  
\v 21 Lau na ena nega vada na henia, baine helalo; a ena lebulebu karadia irakatanidia se uramu.  
\v 22 A itaia, lau na gorere patana ai baina tahoa kau, bona ia ida e heuda hanaimu taudia basie helalo kerehai negana ai idia danu baina hahisihisidia bada.  
\v 23 Ia natuna danu baina aladia mase. Bena ekalesia oreadia iboudiai na bae diba, lau na taunimanima edia lalo-hadai hehunidia na tahumu; bona umui danu ta ta davamui baina henimui, ena kara ena kara heḡereḡeredia.  
\v 24 A umui hahidaosi Tuatira ai unu hahediba herevadia asio abi dae bona Satana ena dobu ḡaudia asi dibamui taumui, maduna idauna ta paḡamui ai basina atoa kau.  
\v 25 Ḡau tamona, vada o abia ḡauna ba kahua tao tarika-tarika ela bona lau baina vasi.  
\v 26 Kwalimu tauna, egu kara baine badina ela bona dokona tauna, na siahu baina henia. Ia ese tanobada besedia baine lohiadia,  
\v 27 auri itotohina amo baine reḡudia. Uro e huari kohikohimu na heto ia ese baine huaridia. Lau danu siahu unuhetomana Tamagu ena amo vada na abia.  
\v 28 Bona hisiu bada danu baina henia.  
\v 29 Mai taiana tauna ese Lauma ena hereva ekalesia oreadia ediai baine kamonai.   
\c 3  
\s1 Hereva  
\s1 Sadi ekalesia oreana ena  
\p
\v 1 Ekalesia oreana Sadi ai ena aneru ini ba tore henia toma: Dirava ena lauma hituosi bona hisiu hituosi e abimu tauna ena hereva bini. Emu kara na dibagu, e herevalaimumu o maurimu e tomamu, to vada o mase.  
\v 2 Ba noga. Mia ḡaudia, be masemu ḡaudia, ba reḡu namonamo; badina be emu kara maoromaorona ta Dirava vairanai asina davaria.  
\v 3 O abi dae bona o kamonai ḡaudia na ba lalo tao bona ba badina; ba helalo kerehai danu. Bema basio gima, lau na henao tauna na heto baina vasi; egu vasi horana na basio diba.  
\v 4 A eneseni ai, Sadi ai, ta ta ese edia dabua asie hamiro; idia na dabua kurokurodia bae hadokilai, lau ida baia raka hebou, badina be idia na nanamo.  
\v 5 Kwalimu tauna ese dabua kurokurona baine hadokilaia; ia ladana danu mauri bukana amo basina rohoa, a Tamagu vairanai bona ena aneru vairadiai ia ladana baina gwauraia.  
\v 6 Mai taiana tauna ese Lauma ena hereva ekalesia oreadia ediai baine kamonai.   
\s1 Hereva  
\s1 Filadelfia ekalesia oreana ena  
\p
\v 7 Ekalesia oreana Filadelfia ai ena aneru ini ba tore henia toma: Helaḡa bona hereva momokani tauna, David ena ki e abiamu tauna, e kehoamu bena ta basine koua, e kouamu bena ta basine kehoa, tauna ena hereva bini.  
\v 8 Emu kara na dibagu. A itaia, iduara ta vairamu ai vada na kehoa, tau ta basine koua diba. Dibagu danu emu goada na dia bada, to egu hereva vada o badinaia bona ladagu so ḡorea.  
\v 9 A itaia, sibodia Iuda taudia ai e hahelaomu, unu na e koikoimu, idia na Satana ena orea taudia, dia Iuda taudia; baina tuidia, oi aemu badinai bae goru diho, bae diba lau ese na lalokau henimumu.  
\v 10 Egu haheauka herevana vada o badinaia dainai, tanobada idoinai baina dibaia bona tanobada taudia baina dibadia negana ai na oi baina hamaurimu.  
\v 11 Lau na ba vasimu, vada o abia ḡauna ba dogoa tao tarika-tarika, bena tau ta ese havava ḡauna na kwaramu amo basine dadia.  
\v 12 Kwalimu tauna na egu Dirava ena dubu duna ai baina halaoa, unu amo ia na basine raka lasi lou. Bona egu Dirava ladana na ienai baina torea; egu Dirava ena hanua ladana danu, Ierusalem matamatana guba amo, egu Dirava ena amo, e dihomu, ienai baina torea; bona lau ladagu matamatana ienai baina torea.  
\v 13 Mai taiana tauna ese Lauma ena hereva ekalesia oreadia ediai baine kamonai.   
\s1 Hereva  
\s1 Laodikea ekalesia oreana ena  
\p
\v 14 Ekalesia oreana Laodikea ai ena aneru ini ba tore henia toma: Hereva momokani tauna, dibana tauna mai maoromaorona bona mai momokanina ida, Dirava ese e kara ḡaudia roboana, ena hereva bini.  
\v 15 Emu kara na dibagu; oi na dia keru, dia siahu. Bona keru eiava boma siahu bema namo.  
\v 16 Taunabunai, oi na maivalo dainai, dia siahu bona dia keru, lau na udugu amo baina lorimu lasi.  
\v 17 Badina be oi na o tomamu “Lau na taḡa taugu, mai egu kohu momo; ḡau ta ai asina dabumu”. Madi, asi dibamu oi na dika rohoroho, ihareha, ogoḡami, mata-kepulu, asi ramimu.  
\v 18 Lau ese na haduamumu, egu ai gold ba hoia, lahi ese vada e haḡoevaia ḡauna; bena taḡa taumu ai baola. Dabua kurokurona danu ba hoia, ba dokilaia; bena hasio hemarai asi ramimu dainai. Mata muramurana danu ba hoia, matamu ba dahulai; bena ḡau ba ita.  
\v 19 Na ura henidiamu taudia na sisiba henidiamu bona na dadabadiamu; taunabunai, lalomu ba hasiahua, ba helalo kerehai.  
\v 20 A itaia, lau na iduara badinai na ginimu, na pidipidimu; eregu baine kamonai bona iduara baine kehoa tauna enai baina raka vareai, ia ida baia aniani hebou.  
\v 21 Kwalimu tauna na baina abia dae, lau ida egu terono ai baia helai hebou; lau heḡereḡeregu, na kwalimu, bena Tamagu ida ena terono ai a helai hebou.  
\v 22 Mai taiana tauna ese Lauma ena hereva ekalesia oreadia ediai baine kamonai.   
\c 4  
\s1 Guba na itaia  
\p
\v 1 Ini ḡau muridiai na roha lao, guba ai iduara ta e hekeho na itaia, bona ere, na kamonai guna ḡauna, kibi reḡena na heto, ese e hereval henigu, eto, A dae aoma, gabeai bae vara ḡaudia baina haheitalaimu.  
\v 2 Lauma ese e rohegu, bena guba ai terono ta na itaia, bona ta latanai e helai kau.  
\v 3 E helai kau tauna ita-itana na iaspi\f + \fr 4:3 \ft Iaspi: Sadio: Samarago. Ini na nadi hururu-hururudia haida, asi ladadia Motu gado ai dainai Helene gado ai vada e tore.\f* bona sadio nadidia na heheto; bona kevau ese terono e ḡeḡea dae, ita-itana na samarago nadina na heto.  
\v 4 Terono ruahui-hani ese terono badana e laia heḡeḡe, bona heitatao taudia ruahuihani unu terono latadiai e helai; kwaradia na mai havava ḡaudia, gold ḡaudia.  
\v 5 Terono amo kevaru bona ere bona guba-rahu e lasi; bona terono vairanai lamepa auhitu e ara mai hururu-hururudia, Dirava ena lauma hahituosi bunu.  
\v 6 Bona terono vairanai danu davara, hevarivari na heto, e mia. Bona terono lalonai bona heḡeḡenai mauri ḡaudia hani mimia, vairadia kahadia ai bona muridia kahadia ai matadia na momo.   
\p
\v 7 Mauri ḡauna gini-gunana na leona na heto; iharuana na boromakau natuna na heto; ihatoina vairana na taunimanima vairana na heto; ihahanina na ugava e rohomu na heto.  
\v 8 ldia haniosi hanidia na tauratoi tauratoi amo. Murimuridia ai bona lalodia ai matadia na momo. Idia na dina hanuaboi laḡadia asie animu; e herevamu, e tomu,  
\q1 Helaḡa, Helaḡa, Helaḡa;  
\q1 Lohiabada na Siahu Idoinai Diravana;  
\q1 E nohova, e nohomu, bona baine noho.   
\m
\v 9 Bena hari mauri ḡaudia ese Mauri Hanaihanai Diravana terono ai e helaimu na e imodaiamu bona e heatolaiamu bona e hanamoamu negadia ai,  
\v 10 heitatao taudia ruahui-haniosi ese terono ai e helaimu Diravana vairanai e goru dihomu, Mauri Hanaihanai Diravana e toma henia dihomu, edia havava ḡaudia na terono vairanai e nege dobimu, e tomu,   
\q1
\v 11 Emai Lohiabdda, emai Dirava e,  
\q1 Namona binai:  
\q1 Hairai bona hemataurai bona siahu bavabi.  
\q1 Badina be oi ese ḡau iboudiai o havara,  
\q1 E; mu ura dainai o karadia bona e miamu.   
\c 5  
\s1 E hekou kunuka-kunuka bukana  
\p
\v 1 Bena na itaia, terono ai e helai Tauna imana idibana ai be buka ta, lalonai bona murimuri kahana ai danu revareva e hetore; buka na e hekou kunuka-kunuka, ikouna toadia na hitu.  
\v 2 Bena aneru goadana ta na itaia, e hereva badabada, eto, Daika na heḡereḡere ina buka baine kehoa, bona ikouna toadia baine hamotu?  
\v 3 A guba ai bona tanobada ai bona tanobada henunai ta asi goadana buka baine kehoa bona lalona baine itaia.  
\v 4 Bena na tai dikadika, badina be ta asi goadana buka bame kehoa bona lalona baine itaia.  
\v 5 Bena heitatao tauna ta ese e hereva henigu, eto, Asiotai; Iuda iduhuna ena leona, David ramuna, vada e kwalimu; ia ese buka baine kehoa bona ikouna toadia hituosi baine hamotu.   
\p
\v 6 Bena terono bona mauri ḡaudia haniosi padadia ai, heitatao taudia bogaragidiai, Mamoe Natuna ginina ai na itaia, e kara vada e alaia mase na heto. Doana na hitu, matana danu hilu, Dirava ena lauma hituosi, tanobada heḡeḡe-madai e siaidia lao ḡaudia, bunu.  
\v 7 Ia na ema, terono ai e helai Tauna imana idibana amo buka e abia.  
\v 8 Buka e abia; bena mauri ḡaudia haniosi bona heitatao taudia ruahui-haniosi na Mamoe Natuna vairanai e goru diho. Idia ta ta mai edia gitara bona mai edia gold urodia: unu uro be e gabumu bena bonadia e daemu muramuradia ai e honuhonu dae, helaḡa taudia edia ḡuriḡuri bunu.  
\v 9 Bena ane matamatana e abia, eto,  
\q1 Oi na heḡereḡere buka bavabia,  
\q1 Bona ikouna toadia ba hamotu;  
\q1 Badina be e alamu mase,  
\q1 Raramu na taunimanima o hoilaidia, Dirava ena,  
\q1 Iduhu iboudiai, gado iboudiai, hanua iboudiai, bese iboudiai amo;   
\q1
\v 10 Pavapava bona hahelaḡa taudia ai o halaodia,  
\q1 Eda Dirava vairanai;  
\q1 Bena tanobada ai bae lohia.   
\m
\v 11 Bena na roha lao, bona aneru hutuma gadodia na kamonai, idia ese terono bona mauri ḡaudia haniosi bona heitatao taudia e ginidia hegeḡe, daha daha, gerebu gerebu.  
\v 12 Idia na e lolo badabada, eto “Mamoe Natuna e alaia mase, ia hari namo; siahu bona taḡa bona aonega bona goada bona hemataurai bona hairai bona hahenamo baine abi”.  
\v 13 Bena e kara ḡaudia iboudiai, guba ai bona tanobada ai bona tanobada henunai bona davara ai, bona lalodia ḡaudia iboudiai, eredia na kamonai, eto “Terono ai e helaimu Diravana bona Mamoe Natuna na hahenamo bona hemataurai bona hairai bona siahu bae abi, harihari ela bona hanaihanai”.  
\v 14 Bena mauri ḡaudia haniosi eto “Amen”. Bona heitatao taudia e goru diho, e toma henia diho.   
\c 6  
\s1 Ikouna toadia e hamotu  
\p
\v 1 Bena Mamoe Natuna na itaia, ia ese ikouna toana ta e hamotua, bena mauri ḡauna ta erena na kamonai, e kara guba e rahua na heto, eto “Aoma”.  
\v 2 Bena hosi kurokurona ta na itaia; e ḡui kau tauna na mai ena peva. Kwarana ivavalaina ḡauna e henia, bena mai siahuna ida ela, baine kwalimu totona.   
\p
\v 3 Ikouna toana iharuana e hamotua, bena mauri ḡauna iharuana erena na kamonai, eto “Aoma”.  
\v 4 Bena hosi kakakakana ta e lasi; e ḡui kau tauna na siahu e henia, maino tanobada amo baine abia oho, taunimanima bae heala-ala heheni helaoreana. Bena dare badana e henia.   
\p
\v 5 Ikouna toana ihatoina e hamolua, bena mauri ḡauna ihatoina erena na kamonai, eto “Aoma”. Bena hosi korema-koremana ta na itaia; e ḡui kau tauna na metau ihahetohona ḡauna e abia kau imana ai.  
\v 6 Bena ere ta mauri ḡaudia haniosi bogaragidia amo na kamonai, eto “Uit irau ta davana na silver monina ta, bona bali irau toi davadia na silver monina ta; bona nahuamu ba tohoa, dehoro bona vine ranuna ba hadika na garina”.   
\p
\v 7 Ikouna toana ihahanina e hamotua, bena mauri ḡauna ihahanina erena na kamonai, eto “Aoma”.  
\v 8 Bena hosi mia kurona ta na itaia; e ḡui kau tauna ladana na Mase, bona Mase Lohiana na ia murina amo ema. Siahu na raruosi e henidia, tanobada ena inogo haniosi ai inogo ta bae biagua, dare bona doe bona dai-hanai goreredia bona tanobada ena hekori boromadia amo taunimanima bae aladia mase.   
\p
\v 9 Ikouna toana iha-imana e hamotua, bena pata helaḡana henunai Dirava ena hereva dainai bona ena hereva igwauraina dainai e aladia mase taudia laumadia na itadia.  
\v 10 Idia na e lolo badabada, eto “Biagumai e, Helaḡa bona Momokani, edena nega ai tanobada taudia ba hahemaoro henidia, davadia ba henidia, ai raramai dainai”.  
\v 11 Bena dabua kurokurodia ta ta e henidia, bona e haduadia, nega taina laḡadia do bae ani, ela bona bamodia bona tadihakadia hahidaosi iala-masedia, idia e aladia mase heḡereḡerena do baine ḡuḡuru.   
\p
\v 12 Ikouna toana ihatauratoina e hamotua, bena na roha lao, tano e laḡa bada, dina danu e dibura, dabua koremana na heto, bona hua na rara na heto.  
\v 13 Bona hisiu na guba amo e moru, lai gubana ese suke huahuadia kasiridia e hahehuhumu na heto.  
\v 14 Guba danu e puki, kopi mai revarevana e lokuamu na heto; ororo bona motumotu iboudiai danu gabudia amo e heraḡa oho.  
\v 15 Bena tanobada pavapavadia bona lohiadia, bona tuari biagudia, bona taḡa taudia, bona goada taudia, bona hesiai taudia, bona ura kwalimu taudia, iboudiai na kohua lalodiai bona ororo nadi-hagadia henudiai e komu;  
\v 16 bena ororo bona hagahaga e noidia, eto, Ame karuhimai tao, terono ai e helaimu Diravana vairana amo bona Mamoe Natuna ena badu amo ba hunimai;  
\v 17 badina be edia badu dinana badana vada e gini dae. Daika baine gini diba?   
\c 7  
\s1 Dirava ena hesiai taudia toadia e kara  
\p
\v 1 Bena aneru hahani na itadia, tanobada daigunidia haniosi ai e gini, tanobada ena lai haniosi e lao ahu, lai ta basine toa tanobada ai eiava davara ai, eiava au ta basine toa henia.  
\v 2 Ma aneru ta na itaia, mairiveina kahana amo e dae kau, ikouna toana, Mauri Diravana ena, e abia kau. Bena hari mai siahudia tanobada bona davara bae hadika anerudia hahaniosi ia ese e lolo henidia,  
\v 3 eto, Tanobada bona davara bona au basio hadika, ela bona eda Dirava ena hesiai taudia bagudia ai ia toana baita karaia.  
\v 4 Bena toadia e kara taudia e hagaudia na kamonai: Israel besena edia iduhu iboudiai amo domaga-ta gerebu-hani daha-hani\f + \fr 7:4 \ft Domaga-ta gerebu-hani daha-hani: 144,000.\f* toadia e kara:   
\q1
\v 5 Iuda iduhuna amo gerebu-ta daha-rua,\f + \fr 7:5 \ft Gerebu-ta daha-rua: 12,000.\f*  
\q1 Ruben iduhuna amo gerebu-ta daha-rua,  
\q1 Gad iduhuna amo gerebu-ta daha-rua,   
\q1
\v 6 Asere iduhuna amo gerebu-ta daha-rua,  
\q1 Napatali iduhuna amo gerebu-ta daha-rua,  
\q1 Manase iduhuna amo gerebu-ta daha-rua,   
\q1
\v 7 Simeon iduhuna amo gerebu-ta daha-rua,  
\q1 Levi iduhuna amo gerebu-ta daha-rua,  
\q1 Isakara iduhuna amo gerebu-ta daha-rua,   
\q1
\v 8 Sebulun iduhuna amo gerebu-ta daha-rua,  
\q1 Iosef iduhuna amo gerebu-ta daha-rua,  
\q1 Beniamina iduhuna amo gerebu-ta daha-rua.   
\p
\v 9 Ini ḡau muridiai na roha lao, hutuma bada-herea na itadia, asi iduahidia, bese idau-idau bona iduhu idau-idau bona hanua idau-idau bona gado idau-idau amo, ibouboudiai na terono vairanai bona Mamoe Natuna vairanai e gini, edia dabua na kukuro-kukuro, bona imadia na mai retadia.  
\v 10 Idia na e lolo badabada, eto “Hahemauri na iseda Dirava, terono ai e helaimu Diravana, bona Mamoe Natuna, ediai”.  
\v 11 Bena terono bona heitatao taudia bona mauri ḡaudia haniosi e ginidia heḡeḡe anerudia iboudiai ese terono vairanai e goru diho, Dirava e toma henia diho,  
\v 12 eto “Amen, hahenamo bona hairai bona aonega bona heimodai bona hemataurai bona siahu bona goada na eda Dirava ese haine abi, harihari ela bona hanaihanai; Amen”.   
\p
\v 13 Bena heitatao tauna ta ese e nanadaigu, elo, Ini dabua kurokurodia e hadokilai taudia be daidia? Bona ede amo ema?  
\v 14 Bena na haere, nato, Ḡauka e, oi dibamu. Ma e hamaorogu, eto, Ini na hisihisi badana amo vada ema, edia dabua na Mamoe Natuna rarana ai e huri, e hakurokuro.  
\v 15 Una dainai idia na Dirava ena terono vairanai gigini, bona ena Dubu Helaḡa lalonai ia isiaina e lao heni boimu e lao heni ranimu. Bona terono ai e helaimu Diravana ese edia taruha ai bainela.  
\v 16 Idia na basie hitolo lou, basie ranu mase lou; dina eiava siahu ta ese basine raradia.  
\v 17 Badina be Mamoe Natuna ese baine reḡudia; e lohilohimu ranudia mauridia badidiai baine hakaudia; bona Dirava ese iruru-matadia iboudiai na matadia amo baine dahu oho.   
\c 8  
\s1 Buka ikoulaina toana ihahituna e hamotua  
\p
\v 1 Bena ikouna toana ihahituna e hamotua negana ai, asi reḡena ta guba ai, hora kahana sisivana.  
\v 2 Bena Dirava vairanai e ginimu anerudia hahituosi na itadia, kibi auhitu vada e henidia.  
\v 3 Bena aneru ta ma ema, pata helaḡana badibadinai e gini. Imana ai gold urona ta, lalonai muramura mai bonana e gabua ḡauna, e abia. Bena muramura mai bonana momo ehenia, helaḡa taudia edia ḡuriḡuri ida baine bulo, gold patana helaḡana ai, terono vairanai.  
\v 4 Bena muramura mai bonana kwalahuna, hela=a taudia edia ḡuriḡuri ida, aneru imana amo e dae, Dirava vairanai.  
\v 5 Bena aneru ese gold urona e abia, pata helaḡana lahina amo e hahonua; bena tanobada ai e tahoa kau. Bena ere bona guba-rahu bona kevaru bona tano-laga e vara.  
\v 6 Bena aneru hahituosi e heḡaegae, edia kibi bae hiriri.   
\s1 Kibi e hiriri matama  
\p
\v 7 Aneru gini-gunana ese ena kibi e hiriria, bena medu-hetari bona lahi rara ida e hebulo na tanobada ai e diho. Bena tanobada inogodia toiosi ai inogo ta e ara ore, bona au toi toi amo ta ta e ara ore, bona rei idoinai e ara ore.   
\p
\v 8 Aneru iharuana ese ena kibi e hiriria, bena e kara ororo badana mai lahina ta davara ai e tahoa dobi na heto. Bena davara kahadia toiosi ai kaha ta rara ai ela,  
\v 9 bona davara gwarumedia toi toi amo ta ta e mase, bona lagatoi toi toi amo ta ta e mutu.   
\p
\v 10 Aneru ihatoina ese ena kibi e hiriria, bena hisiu badana ta guba amo e moru dobi, e hururu-hururu kede na heto, sinavai toi toi amo ta ta latadiai e moru, bona lohilohi ranudia toi toi amo ta ta latadiai e moru.  
\v 11 Una hisiu ladana na “Idita”. Bena ranu gabudia toi toi amo ta ta e idita. Bena taunimanima hutuma e mase ranu daidiai, badina be vada e idita.   
\p
\v 12 Aneru ihahanina ese ena kibi e hiriria, bena dina kahadia toiosi ai kaha ta e botaia, bena e dibura; bona hua kahadia toiosi ai kaha ta e botaia, bena e dibura; bona hisiu toi toi amo ta ta e botadia bena e dibura. Una dainai, dina kahadia toiosi ai kaha ta se diari, bona hanuaboi kahadia toiosi ai kaha ta se diari.   
\p
\v 13 Bena ugava ta na itaia, guba padana ai e roho, bona erena na kamonai. E lolo badabada, eto, Tanobada taudia iboudiai madi O, madi O, madi O, aneru tatoiosi edia kibi, do asie hiriri ḡaudia, reḡedia daidiai.   
\c 9  
\s1 Kibi iha-imana  
\p
\v 1 Aneru iha-imana ese ena kibi e hiriria, bena hisiu ta na itaia, guba amo e moru tanobada ai; bena e dobu masemase gurina kina e henia.  
\v 2 Guri dobu masemase e kehoa, bena guri amo kwalahu e dae, amu badana kwalahuna na heto. Bena dina bona guba padana e vabura, guri kwalahuna vaburana.  
\v 3 Bena kwalahu amo kwadi e lasi tanobada ai; bona siahu e henidia, tanohada doadoadia siahudia na heto.  
\v 4 To e haganidia, tanobada reina bona tano ai e tubumu ḡaudia bona au basie hadika, a Dirava toana na bagudia ai asie abia taudia mo.  
\v 5 E haduadia danu, basie aladia mase, a hua ima bae hahisidia; una hisihisi na doadoa ena hekori hisina na heto.  
\v 6 Unu dinadia ai, taunimanima ese mase bae tahua, to basie davaria; bae ura lalo-dika bae mase, to mase ese baine heautanidia.   
\p
\v 7 Hari kwadi ita-itadia na tuari hosidia na heheto; kwaradia na e kara gold havava ḡaudia na heheto; vairadia na taunimanima na heheto;  
\v 8 huidia na hahine huidia na heheto; isedia na leona isedia na heheto;  
\v 9 kemedia na mai ḡaudia, auri na heto. Idia hanidiareḡedia na kariota reḡedia na heheto, hosi momo ese e verimu ḡaudia, tuari ai e heau vareaimu negadia ai.  
\v 10 Iudia na doadoa iudia na heheto, mat duridia; bona edia siahu, taunimanima hua ima bae hahisidia, na iudia ai mia.  
\v 11 Idia na mai edia pavapava, guri dobu-hereana aneruna bunai; ia ladana Heberu gadodia ai be Abadon, a Helene gadodia ai ladana na Apoluon.   
\p
\v 12 Dika ta vada e ore; rua be do mimia.   
\s1 Kibi ihatauratoina  
\p
\v 13 Aneru ihatauratoina ese ena kibi e hiriria, bena gado ta na kamonai, Dirava vairanai e mia patana helagana, gold ḡauna, doana haniosi edia amo.  
\v 14 Una gado ese aneru mai kibina ihatauratoina e hamaoroa, eto, Aneru hahaniosi, sinavai badana, ladana Eufrate, badibadinai vada e ḡuidia, ba ruhadia nege.  
\v 15 Bena unu aneru hahaniosi e ruhadia: anerudia bunu vada e abidia heḡaeḡae, una hora, una dina, una hua, una laḡani, edia; taunimanima tatoi tatoi amo ta ta bae aladia mase.  
\v 16 Tuari taudia mai hosidia ihagaudia na kamonai: idia na milion sinahu-rua.\f + \fr 9:16 \ft Milion sinahu rua: 200,000,000.\f*   
\p
\v 17 Bena egu mata-hanai ai unu hosi ini na itadia toma: e ḡui kau taudia na mai kemedia auridia, ita-itadia na lahi bona huakina\f + \fr 9:17 \ft Huakina Nadi hurulu-hururuna ta, asi iadana Motu gado ai dainai Helene gado ai vadaa e torea.\f* bona teio\f + \fr 9:17 \ft Teio: Nadi ta ladana, Helene gado ai. E aramu, bena bonana dika-hereana e daemu, taunimanima e hamaseddiamu. Ladana English gado ai na “sulphur”.\f* na heheto; a hosi kwatadia na leona kwaradia na heheto, bona ududia amo lahi bona kwalahu bona teio e lasi.  
\v 18 Ini hahedika toiosi daidiai taunimanima tatoi tatoi amo ta ta e mase; hari lahi bona kwalahu bona teio, ududia amo e lasi gaudia, ese e aladia mase.  
\v 19 Badina be edia siahu na ududia ai bona iudia ai; iudia na gaigai na heheto, mai kwaradia, bena unu amo idia ese taunimanima e hahisidia.   
\p
\v 20 Ḡau tamona, tanobada taudia oredia, ini hisihisi ese asie hamasedia taudia, na imadia ḡaukaradia asie helalolai kerehai; lauma dikadia itomadiho-henidia asie hadokoa; gold bona silver bona auri labora-labora bona nadi bona au e karalai kaivakukudia, asie ita asie kamonai asie raka ḡaudia, itomadiho-henidia danu asie rakatania.  
\v 21 Edia ala-ala bona edia babalau bona edia heuda-hanai bona edia henao danu asie helalolai kerehai.   
\c 10  
\s1 Bukabuka iditana  
\p
\v 1 Bena aneru goadana ta na itaia, guha amo e diho, ena hahedoki na ori, kwarana daenai na kevau; vairana na e kara dina na heto, bona aena na lahi hururu-hururudia na heheto.  
\v 2 Imana ai na buka maraḡina ta hekehona ai e abia. Aena idibana na davara ai e hadaia laurina be tanobada ai.  
\v 3 E lolo badabada, leona e ḡoumu na heto; bena guba e rahua hahitu  
\v 4 E rahua vaitani, bena eredia baina tore nato, to gado ta guba amo na kamonai, eto, Guba hahitu e rahua eredia ba kou, basio tore.  
\v 5 Bena davara ai bona tanobada ai e gini aneruna na itaia, ia ese imana idibana e duduia dae guba ai,  
\v 6 Noho-hanaihanai Diravana, guba mai anina idoinai bona tanobada mai anina idoinai bona davara mai anina idoinaie kara Diravana, ladana ai e gwau hamata, eto, Nega na basine halahe;  
\v 7 aneru ihahituna ese ena kibi baine hiriria matama negana ai Dirava ena hereva hehunina baine momokani, peroveta taudia, iena hesiai taudia, e hamaorolaidia heḡereḡerena.   
\p
\v 8 Bena guba amo na kamonai gadona ma e hereva henigu, eto “Aola, davara ai bona tanobada ai e ginimu aneruna imana ai e miamu bukabukana bavabia”.  
\v 9 Bena hari aneru dekena nala, nato “Buka maraḡina a henigu”. Bena ia eto “Avabia, avania ore; bogamu ai baine idita, a udumu ai baine gaiho, bada ranuna na heto”.  
\v 10 Bena hari buka maraḡina na aneru imana amo na abia, na ania ore; bena udugu ai e gaiho, bada ranuna na heto, to na ania ore murinai bogagu na e idita.  
\v 11 Bena e hamaorogu, ewto “Taunimanima idau-idau, bese idau-idau, gado idau-idau, pavapava idau-idau, hutuma ba haroro henidia”.   
\c 11  
\s1 Peroveta rarua  
\p
\v 1 Bena siriho ta, itotohi na heto, e henigu, eto, A tore isi, Dirava ena Dubu Helaḡa bona pata helaḡana ba hahetoho, bona lalonai e toma dihomu taudia ba hagaudia.  
\v 2 A Dubu Helaḡa maḡuna na basio hahetohoa, badina be bese idau-idau taudia vada e henidia, idia na hua hari-ahui rua hanua helaḡana bae moimoilaia.  
\v 3 A egu hereva igwauraina taudia raruosi na siahu baina henidia, puse dabuadia bae dokilai, bena dina; daha-ta sinahu-rua tauratoi-ahui bae haroro.   
\p
\v 4 Ini na olive audia aurua bona lamepa aurua, tanobada Lohiana vairanai e ginimu.  
\v 5 Ta ihadikadia urana bema ura, ududia amo lahi bema lasi, inaidia bunu bema aradia ore: taunabunai ta ihadikadia urana baine ura, ia na unu baine mase toma.  
\v 6 Idia na mai siahudia guba bae koua, bena edia haroro dinadia lalodiai medu basine diho. Mai siahudia danu ranu na rara ai bae halaoa; bena bae ura negadia ai hisihisi idau-idau bae havara tanobada ai.  
\v 7 Edia haroro bae haḡuḡuru, bena mauri ḡauna mai daḡedaḡena, guri dobu-hereana amo e daemu ḡauna, ese baine tuari henidia, haine hadareredia, baine aladia mase.  
\v 8 Bena tau-anidia masedia na hanua badana ariarana ai bae mia, Hehuni herevadia heḡereḡerena ai ladana e gwauraia “Sodoma” na “Aigupto”; raruosi edia lohiabada na e hasatauroa hanuana,  
\v 9 Bena dina toi mai dina kahana taunimanima idau-idau, iduhu idau-idau, gado idau-idau, bese idau-idau, taudia ese tau-anidia masedia bae itadia, a iguridia bae lao ahu.  
\v 10 Bona tanobada taudia na edia mase dainai bae moale, bae his dae, bona harihari ḡaudia bae hegidu heheni; badina be unu peroveta taudioa raruosi ese tanobada taudia e hahisidiava.  
\v 11 A dina toi mai dina kahana e ore, bena mauri laḡana Dirava ena amo na raruosi lalodiai e vareai, bena e gini tore. Bena gari bada ese e itadia taudia e butudia tao.  
\v 12 Bena gado ta guba amo e kamonai, e hereva badabada, e boiridia, eto “Ini aoma”. Bena raruosi na ori ta lalonai guba ai e dae, inaidia vairadiai.  
\v 13 Una hora lalonai tano-laga badana ta e vara, bena hanua kahadia gwautosi amo kaha ta e kohu; bona tano-laga dainai taunimanima daha hitu e mase. Taunimanima oredia na e gari dikadika, Guba Diravana e heatolaia.   
\p
\v 14 Dika iharuana vada e ore; to ba itaia, ihatoina danu ma vada ba maimu.   
\s1 Kibi ihahituna  
\p
\v 15 Aneru ihahituna ese ena kibi e hiriria. Bena gado badadia guba ai e hereva, eto “Tanobada basileiadia na eda Lohiabada bona ena Keriso edia basileia ai vada ela. Ia na baine lohia hanaihanai”.  
\v 16 Bena heitatao taudia ruahui-haniosi, Dirava vairanai terono ai e helaimu taudia, ese e goru diho, Dirava e toma henia diho, eto,   
\q1
\v 17 Lohiabada e, siahu idoidiai Diravana; o nohomu, o nohova.  
\q1 Ai ese a hanamomumu;  
\q1 Badina be emu siahu badana vada o abia isi,  
\q1 Emu basileia o halohiaiamu.   
\q1
\v 18 Bese idau-idau taudia e badu,  
\q1 A oiemu badu vada eme kau;  
\q1 Mase taudia edia nega danu vada eme kau, ba hahemaoro henidia;  
\q1 Emu hesiai taudia, peroveta bona helaḡa taudia, edia nega danu vada eme kau,  
\q1 Bona oi ladamu e matauraiamu taudia kikina badana edia danu.  
\q1 Iboudiai davadia namodia ba henidia;  
\q1 Bona tanobada ihadikana taudia ba hadikadia negana danu vada eme kau.   
\p
\v 19 Bena Dirava ena Dubu Helaḡa guba ai na e kehoa, bona ena taravatu mauna Dubu Helaḡa lalonai na e hedinarai. Bena kevaru bona ere bona guba-rahu bona tano-laga bona medu-hetari e vara badabada.   
\c 12  
\s1 Tuari na guba ai  
\p
\v 1 Bena hoa ḡauna badana ta guba ai e hedinarai: hahine ta, ena dabua na dina, bona hua na aena henudiai, bona hisiu gwauta-rua kwarana ai e ḡeḡea.  
\v 2 E rogorogo, bena hekamonai hisina dainai e tai lolo.  
\v 3 Bena hoa ḡauna ma ta guba ai e hedinarai: huala badana kakakakana ta, kwarana na hitu, doana na gwauta, ena havava ḡaudia danu na hitu, kwarana ta ta ai.  
\v 4 Iuna ese guba hisiudia e daro dobi tanobada ai; hisiu toi toi amo ta ta e daro dobi. Bena hari huala na baine mara hahinena vairanai e gini, bine abia merona na ia ese baine ania eto.  
\v 5 Hahine na e mara, mero e abia; ia ese bese loḡora iboudiai auri itotohina amo bainereḡudia. To mero na e kitoa dae Dirava vairana bona ena terono vairanai.  
\v 6 Bena hahine na tano ḡaḡaena e heau lao, Dirava ese e heḡaeḡaelaia gabuna ai e noho; unuseni ai dina daha-ta sinahu-rua tauratoi-ahui bae ubua.   
\p
\v 7 Bena guba ai tuari e vara, Mikael mai ena aneru ida ese huala e tuari henia. Huala mai ena aneru ida e tuari,  
\v 8 to e darere, bena edia gabu asie davaria lou guba ai.  
\v 9 Bena hari huala badana, idau negai gaigaina, ma ladana ta Satana, tanobada idoinai e koiamu ḡauna, na e doria lasi bona e tahoa dobi tanobada ai; bona ena aneru danu ia ida e tahodia dobi.  
\v 10 Bena na kamonai, gado badana ta guba ai e hereva, eto, Harihari iseda Dirava ena hahemauri bona ena goada bona ena basileia, bona iena Keriso ena siahu, vada eme gini dae; badina be Dirava vairanai varavarada e habadelaidia boi e habadelaidia rani tauna na vada e tahoa dobi.  
\v 11 Idia ese Mamoe Natuna rarana dainai bona e gwaurai hedinarai herevadia daidiai vada e hadarerea; edia mauri asie lalokau henia, ela bona mase.  
\v 12 Guba e! Guba ai o nohomu taumui e! Idia daidiai ba moale. Tanobada bona davara, madi ihabaimui! Badina be diabolo vada e vasi, e badu dikadikamu, badina be ia dibana ena nega eme kwadogi.   
\p
\v 13 Bena huala ese e itaia, tanobada ai vada e tahoa dobi, bena ia ese mero e abia hahinena na e daḡedaḡe henia.  
\v 14 A ugava badana hanina ruaosi hari hahine e henia, bena ia ese huala e rohotania, tano ḡaḡaena e roho lao, ena gabu korikori ela, laḡani ta bona laḡani rua bona laḡani kahana e ubua gabuna.  
\v 15 Bena huala ese hahine murina amo ela, uduna amo ranu e loria lasi, sinavai na heto, aru ese baine arua isi eto.  
\v 16 A tanobada ese hahine e durua, e kara uduna e haḡaia na heto, huala ese e loria lasi sinavaina ma e hadonoa.  
\v 17 Bena huala ese hahine e badu henia, ela, hahine natuna oredia eha tuari henidia, Dirava ena haheḡani herevadia bona Iesu ena hahediba herevadia e badinamu taudia bunu. Bena kone ai e gini.   
\c 13  
\s1 Daḡedaḡe ḡauna davara amo e dae  
\p
\v 1 Daḡedaḡe ḡauna ta na itaia, davara amo e dae, doana na gwauta, kwarana na hitu, doana doridia ai be havava ḡaudia gwauta, bona kwarana ta ta ai Dirava ihadikana herevadia e tore.  
\v 2 Hari daḡedaḡe ḡauna na itaia, ita-itana na taiga na heto, a aena na bea aena na heto, bona uduna na leona uduna na heto. Bena hari huala ese ena goada bona ena terono bona ena siahu na una ḡau e henia.  
\v 3 Bena kwarana ta na itaia, e kara vada e haberoa dikadika, mase berona na heto, to berona vada e namo.  
\v 4 Bena tanobada taudia ese huala e toma henia diho, badina be ia siahuna na hari daḡedaḡe ḡauna vada e henia; bona idia ese una daḡedaḡe ḡauna danu e toma henia diho, eto, Daika be ina ḡau idaina? Daika mai goadana baine tuari henia?   
\p
\v 5 Udu ta danu una daḡedaḡe ḡauna e henia, bena ia ese Dirava ihadikana herevadia e gwaurai lalo-dika. Bolla siahu danu e henia, hua hari-ahui rua baine lohia.  
\v 6 Bena ia uduna e haḡaia, Dirava e ere dika henia, bona Dirava ladana bona ena dubu bona guba ai e nohomu taudia na e hadikadia ena hereva ai.  
\v 7 Siahu danu e henia, helaḡa taudia baine tuari henidia, baine hadareredia, bona iduhu iboudiai boll; l taunimanima iboudiai bona gado iboudiai bon; l bese iboudiai baine lohiadia.  
\v 8 Bena Mamoe Natuna, e alaia mase gaun; l, ena mauri bukana ai ladadia na tanobada matamana amo asie tore taudia ibouhoudiai ese una ḡau bae toma henia diho.  
\v 9 Mai taiana tauna na baine kamonai.  
\v 10 Daika baine heabi mauri, vada bae abia mauri, bona daika baine heala mase, vada bae alaia mase, dare amo. Helaḡa taudia na bae haheauka hona bae heabidadama.   
\s1 Daḡedaḡe ḡauna ma ta tano amo e dae  
\p
\v 11 Bena daḡedaḡe ḡauna ma ta na itaia, tano lalona amo e dae, doana na rua, man-oe natuna ta na heto, a erella na huala erena na heto.  
\v 12 Bena ia ese daḡedaḡe ḡauna gini-gunana ena siahu idoinai e ḡaukaralaia, ia vairanai, bona tanobada mai inoholaina taudia iboudiai e haduadia, daḡedaḡe ḡauna gini-gunana, hari ena mase berona e namo ḡauna, bae toma henia diho eto.  
\v 13 Hoa karadia badadia danu e kara: ta be lahi guba amo e hadihoa taunimanima vairadiai.  
\v 14 Bena unu hoa karadia daḡedaḡe ḡauna vairanai e kara siahudia amo ia ese tanobada taudia e koidia, e haduadia, una daḡedaḡe gaulla, mai dare berona to e mauri ḡauna, laulauna bae karaia eto.  
\v 15 Bena ia na mai siahuna, una daḡedaḡe ḡauna Iaulauna baine hamauria, bena laulau na baine hereva. Mai siahuna danu una laulau ese basie toma henia diho taudia baine aladia mase.  
\v 16 Bena taunimanima iboudiai kikina badana, taḡa taudia bona ogoḡami taudia, ura kwalimu taudia bona e ḡuidia taudia, na toa ta e henidia, imadia idibadia ai eiava bagudia ai e kara.  
\v 17 Taunabunai ta basine hoihoi diba, hari toa, daḡedaḡe ḡauna ladana eiava numerana, e abia tauna mo sibona.  
\v 18 Aonegana binai: lalona e pararamu tauna ese hari daḡedaḡe ḡauna numerana baine hagaua, badina be ia na tau ta numerana. Numerana binai: 666.   
\c 14  
\s1 Mamoe Natuna e kwalimu  
\p
\v 1 Bona Mamoe Natuna na itaia, Siona ororona ai e gini; bona ia ida taunimanima domaga-ta gerebu-hani daha-hani,\f + \fr 14:1 \ft domaga-ta gerebu-hani daha-hani = 144,000\f* ia bona Tamana Iadadia baḡudia ai e torea taudia.  
\v 2 Ma gado ta na kamonai, guba amo ema, sinavai momo reḡedia na heto bona guba e rahua dagumu na heto. Una gado danu e kara gitara taudia edia gitara e hataimu na heto;  
\v 3 idia na ane matamatana e abia, terono bona mauri ḡaudia haniosi bona heitatao taudia vairadiai. Una ane na tau ta basine davaria diba, hari taunimanima domaga-ta gerebu-hani daha-hani, tanobada amo e hoidia taudia, sibodia.  
\v 4 Idia be hahine ida asie eno bou taudia; vada e helaga. Idia ese Mamoe Natuna murinai e rakamu, ena loa iboudiai. Taunimanima padadia amo e hoidia, Dirava bona Mamoe Natuna anina roboana ai baela, taudia bunu.  
\v 5 Koikoi herevana ta idia ududia amo se lasi; idia na asi bebeka-bebekadia.   
\p
\v 6 Bena aneru ta na itaia, guba padanai e roho, mia-hanaihanai sivaraina namona na tanobada ai e nohomu taudia ediai e laohai, bese iboudiai, iduhu iboudiai, gado iboudiai, tano iboudiai e harorolai henidia.  
\v 7 E hereva badabada, eto, Dirava garina ba gari, ia mo ba imodaia, badina be ena hahemaoro negana vada be gini daemu; guba bona tanobada bona davara bona ranu e lohilohimu gabudia e kara Diravana ba toma henia diho.   
\p
\v 8 Ma aneru ta, iharuana, ia murina amo e roho, eto, Babulono badana, hanua iboudiai na ena heuda-hanai baduna vine-ranuna e ha-inulaidia hanuana, vada e kohu, vada e kohu.   
\p
\v 9 Ma aneru ta, ihatoina, idia muridia amo e roho, e lolo, eto, Ta ese daḡedaḡe ḡauna mai laulauna ida baine toma henia diho, bona ia toana baguna ai eiava imana ai baine abia,  
\v 10 ia ese Dirava ena badu vine-ranuna, ena badu keherena lalonai vada e seia, ranu kavakava ida asie buloa ḡauna, baine inua; lahi bona teio amo bae hahisia danu, aneru helaḡadia bona Mamoe Natuna vairadiai.  
\v 11 E animu hisidia kwalahuna e dae hanaihanaimu, bona dina hanuaboi laḡadia asie animu; daḡedaḡe ḡauna mai laulauna ida e toma henia dihomu bona ladana toana e abiamu taudia ahudia bunu.   
\p
\v 12 Helaḡa taudia, Dirava ena haheḡani e badinamu bona Iesu e abidadama heniamu taudia, do bae haheauka.   
\p
\v 13 Bena gado ta na kamonai, guba amo ema, eto, Ini ba torea toma “Lohiabada enai e masemu taudia be nanamo”. Ma Lauma eto “Oibe, edia ḡaukara amo bae laḡa ani, badina be edia kara ese e ḡavadiamu”.   
\p
\v 14 Bena na roha lao, ori kurokurona ta na itaia, bona ori latanai ta e helai, ita-itana taunimanima natuna ta na heto; kwarana ai na gold havava ḡauna, bona imana ai ilapa ta mai ganona.  
\v 15 Bena aneru ta Dubu Helaḡa amo e raka lasi, ori latanai e helai tauna e lolo henia, eto, Emu ilapa aine ḡaukara; a lapalapa; badina be uit iutuna negana vada eme kau, tanobada uitina vada e lo vaitani.  
\v 16 Bena ori latanai e helai tauna ese ena ilapa e ḡaukaralaia, tanobada uitina e lapaia vaitani.   
\p
\v 17 Bena aneru ma ta guba dubuna amo e raka lasi, ia danu imana ai na ilapa ta mai ganona.  
\v 18 Ma aneru ta pata helaḡana amo e raka lasi; una aneru na mai siahuna lahi enai. Bena ia ese hari imana mai ilapana aneruna e lolo henia, eto, Emu ilapa aine ḡaukara; tanobada ena vine takodia ba utu, badina be vine huahuadia vada e maḡe.  
\v 19 Bena hari aneru ese ena ilapa e ḡaukaralaia tanobada ai, tanobada ena vine huahuadia e utu oho; bona moimoi gabuna badana, Dirava ena badu bunai, lalonai e taho uda.  
\v 20 Hari moimoi gabuna na hanua mulimurinai; bena e moia. Bena rara na moimoi gabuna amo e lasi, e aru ela bona maila sinahu-rua; ena dobu danu tano ela bona hosi uduna heḡereḡerena.   
\c 15  
\s1 Kwalimu tauna  
\p
\v 1 Bena hoa ḡauna badana ma ta guba ai na itaia: aneru hitu ese hahehisi ḡaudia oredia hituosi e abi, Dirava ena badu ihaḡuḡuruna ḡaudia bunu.   
\p
\v 2 Bona davara ta na itaia, hevarivari na heto, to mai lahina. Bona da edaḡe ḡauna bona laulaunaa mai ladana mai numerana ida vada e hadareredia taudia danu na itadia, idia na una davara hevarivari na heto isena ai e gini, Dirava ena gitara imadia ai e abi.  
\v 3 Bena Dirava ena hesiai tauna, Mose, ena ane e abia, bona Mamoe Natuna ena ane danu. Eto,  
\q1 Lohiabada Dirava e, siahu idoinai Diravana,  
\q1 Emu ḡaukara daka bada, hoa karadia.  
\q1 Uru iboudiai edia Pavapava e,  
\q1 Emu kara na mamaoro-mamaoro bona momomo-kakani.   
\q1
\v 4 Lohiabada e, daika oi garimu basine gari?  
\q1 Daika oi ladamu basine imodaia?  
\q1 Badina be oi mo sibomu helaḡa.  
\q1 Bese iboudiai baema, bae toma henimu diho,  
\q1 Badina be emu hahemaoro karadia vada ema hedinarai.   
\p
\v 5 Bena na itaia, igwaurai-hedinaraina kalagana helaḡana e kehoa guba ai.  
\v 6 Bena aneru hituosi, hahehisi ḡaudia hituosi e abi anerudia, na kalaga helaḡana amo e raka lasi; dabua aukadia ḡoevaḡoevadia bona kuroka-kurokadia e hadokilai, kemedia toradia na gold.  
\v 7 Bena mauri ḡaudia haniosi edia amo ta ese aneru hituosi gold kibodia auhitu e henidia: unu kibo na Noho-hanaihanai Diravana ena badu amo e honuhonu dae.  
\v 8 Bena Dirava hairaina bona siahuna kwalahudia ese una dubu e hahonua; bona tau ta dubu lalonai basine raka vareai diba ela bona hahituosi ese edia hahehisi ḡaudia hituosi bae ore.   
\c 16  
\s1 Hahehisi ḡaudia hituosi  
\p
\v 1 Bena ere badana ta Dubu Helaḡa lalona amo na kamonai, aneru hahituosi e hamaorodia, eto, Aola, Dirava ena badu ai e honumu kibodia auhituosi na tanobada ai ba bubu dobi.   
\p
\v 2 Aneru gini-gunana ela, ena kibo tanobada ai e bubua. Bena daḡedaḡe ḡauna toana e abia bona laulauna e toma henia diho taudia ediai toto badadia mai hisidia eha dudu.   
\p
\v 3 Aneru iharuana ena kibo davara ai e bubua; bena mase tauna rarana heḡereḡerena ai ela, bena davara lalonai e noho ḡaudia iboudiai vada e mase.   
\p
\v 4 Aneru ihatoina ena kibo na sinavai ai bona ranu lohilohi gabudia ai e bubua; bena rara ai ela.  
\v 5 Bena ranu ilohiadia aneruna erena na kamonai, eto,  
\q1 Helaḡa Diravamu e, o nohova, o nohomu;  
\q1 Ini o hahemaoro henidia tomamu na maoromaoro,   
\q1
\v 6 Badina be helaḡa taudia bona peroveta taudia raradia e bubu.  
\q1 Bena rara o henidiamu, bae inua,  
\q1 Edia kara ihaheḡereḡerena.   
\m
\v 7 Bena ere ma ta pata helaḡana amo na kamonai, eto,  
\q1 Lohiabada Dirava e siahu idoinai Diravana, momokani!  
\q1 Emu hahemaoro na momokani bona maoromaoro.   
\p
\v 8 Aneru ihahanina ena kibo na dina latanai e bubua; bena e hasiahua taunimanima baine aradia, lahi na heto.  
\v 9 Bena siahu badana ese taunimanima e aradia; bena idia ese hari hahehisi e biagudia Diravana ladana e uduguiraia; asie helalo kerehai bona asie heatolaia.   
\p
\v 10 Aneru iha-imana ena kibo na daḡedaḡe ḡauna ena terono latanai e bubua; bena ena basileia e hadiburaia, bena taunimanima maladia e kori, hisihisi dainai.  
\v 11 Bena Guba Diravana e uduguiraia, edia hisihisi bona edia toto daidiai; asie helalo kerehai, bona edia kara dika asie rakatani.   
\p
\v 12 Aneru ihatauratoina ena kibo na sinavai badana, ladana Eufrate. lalonai e bubua, bena ranuna vada e kororo, mairiveina kahana hanuadia pavapavadia edia dala e lailaia.  
\v 13 Bena na ita, lauma dikadia tatoi, parapara na heheto, huala uduna amo bona daḡedaḡe ḡauna uduna amo bona peroveta koikoi tauna uduna amo e lasi.  
\v 14 Idia na lauma dika-hereadia, hoa karadia e karamu, bona tanobada idoinai hanua hanua pavapavadia e lao henidiamu, eha gogodiamu, siahu idoinai Diravana ena dina badana tuarina dainai.  
\v 15 (A itaia, henao tauna na heto ba vasimu. Hegima tauna, ena dahua e abi heḡaeḡaemu, asi ramina baine loa bena ena hemarai baine hedinarai na garina tauna, ia hari namo.)  
\v 16 Bena lauma dikadia ese e gogodia gabu ta ai, ladana Heberu gadodiai ai be Aramagedono.   
\p
\v 17 Aneru ihahituna ena kibo na guba padanai e bubua; bena guba dubuna teronona amo ere badana ta e lasi, eto “Vada e ore”.  
\v 18 Bena kevaru bona ere bona guba-rahu e vara; bona tano e laḡa bada, taunimanima tanobada ai e noho matama negana ai ema bona harihari tano na unu se laḡa toma.  
\v 19 Bena hanua badana e parara, karoa toi, bona bese idau-idau edia hanua loḡora e heḡiḡi dobi; bona Dirava ese Babulono badana e laloa, ena badu ḡaraḡarana keherenae henia, ena badu vine-ranuna baine inua ore.  
\v 20 Motumotu iboudiai e heau boio; ororo nallasihidia.  
\v 21 Medu-hetari badadia, edia metau na pound sinahu ta mai dikooana, na guba amo e moru taunimanima latadiai. Bena taunimanima ese Dirava e uduguiraia, medu-hetari dainai, badina be ena hahehisi na bada herea.   
\c 17  
\s1 Ariara hahinena badana  
\p
\v 1 Bena hari kiho auhituosl e abi kau anerudia ta dekegu ema, e hereva henigu, eto, Aoma, ariara hahinena badana, ranu momlo latadiai e helaimu hahinena, ihahemaoro-henina baina haheitalaimu.  
\v 2 Hanua hanua pavapavadia na ia ida vada e heuda hanai, bona tanobada ai e nohomu taudia ese ena heuda-hanai vine-ranuna vada e inua kekero.   
\p
\v 3 Bena ia ese Lauma ai e laohaigu, tano ḡaḡaena ala; unuseni ai hahine ta na itaia, mauri ḡauna kakakakana ta latanai e helai kau. Una mauri ḡauna na Dirava ihadikana herevadia amo e honu; ia kwarana na hitu, bona doana na gwauta.  
\v 4 Hahine na dabua kakakakadia bona mia-kakadia e hadokilai, gold bona nadi hururu-hururudia bona aḡeva mai hairaidia e heralai. Ia imana ai na gold keberena ta, ḡau dika-rohorohodia bona ena heudahanai amo e honu.  
\v 5 Ia baguna ai lada ta e torea, anina e hehuni ḡauna, ini e torea toma: “Babulono badana, ariara hahinedia bona tanobada ena kara mirodia idoidiai sinadia”.  
\v 6 Hahine na na itaia, helaḡa taudia bona Iesu dainai e aladia mase taudia raradia e inu kekero. Na itaia negana ai na hoa dikadika.   
\p
\v 7 Bena hari aneru ese ma e hereva henigu, eto, Oi dahaka o hoamu? Ina hahine sivaraina hehunina, bona hari mauri ḡauna, latanai e helai kaumu ḡauna, kwarana hitu doana gwauta ḡauna, sivaraina hehunina, aina hamaorolaimu.  
\v 8 Hari mauri ḡauna o itaia be e nohova, to harihari ia na lasihia. A asi vanahana ia na guri dobu-masemasena amo do baine dae, mase gabuna bainela. Bena tanobada ai e nohomu a tanobada matamana ai ladadia na mauri bukana lalonai se tore taudia ese hari mauri ḡauna, e nohova, ma lasihia, ma bainema ḡauna, bae itaia. bona bae hoa.  
\v 9 Aonega tauna na lalona baine parara. Hari kwara hituosi na ororo hitu; hahine na latadiai e helaimu.  
\v 10 Idia na pavapava hahitu danu: laima vada e keto, ta be e nohomu, a ta be do sema; bainema negama ai baine noho taina.  
\v 11 A hari mauri ḡauna, e nohova a vada lasihia ḡauna, ia na ihataura-hanina; ḡau tamona hituosi ediai ia danu ta, bona ia danu mase gabuna bainela.  
\v 12 A doa gwauta o ita ḡaudia na pavapava gwauta, to edia basileia do asie abi. A hari mauri ḡauna ida pavapava siahuna do bae abia, hora tamona.  
\v 13 Iboudiai lalodia na tamona, edia goada bona edia siahu hari mauri ḡauna bae henia e tomamu.  
\v 14 Idia ese Mamoe Natuna bae tuari henia, to Mamoe Natuna na do baine kwalimu; badina be ia na lohia edia Lohia, bona pavapava edia Pavapava, bona e bamoamu taudia na ia ese e boiridia bona e abidia hidi, bona idia ese ia e abidadama heniamu.   
\p
\v 15 Ma e hamaorogu, eto, o itil ranudia, ariara hahinena ese e helai heni ranudia, na tano idau-idau taudia, orea idau-idau, bese idau-idau, gado idau-idau.  
\v 16 Bona mauri ḡauna doana gwautaosi o ita ḡaudia ese ariara hahinena bae inai henia; bae havahuraia, kopi kavakava bainela, bena hidiona bae ania, lahi ai bae ḡolea oho.  
\v 17 Badina be Dirava ese e ha-uradia, ena lalo-hadai bae haḡuḡurua; bena lalodia bae tamona, edia basileia na mauri ḡauna bae henia ela bona Dirava ena hereva baine ḡuḡuru.  
\v 18 Bona hari o itaia hahinena na hanua badana, hanua hanua pavapavadia e lohiadiamu hanuana.   
\c 18  
\s1 Babulono ihadikana  
\p
\v 1 Ini ḡau muridiai, aneru ma ta na itaia, guba amo e diho, mai siahu badana ida. Ia hairaina ese tanobada e hadiaria.  
\v 2 Bena e lolo badabada, eto,  
\q1 Babulono badana vada e kohu, vada e kohu!  
\q1 Lauma dikadia edia noho gabuna ai vada ela;  
\q1 Lauma dika-hereadia edia kohua ai vada ela;  
\q1 Manu dikadia bona manu daḡedaḡedia edia ruma ai vada ela.   
\q1
\v 3 Badina be bese iboudiai ese ena heuda-hanai baduna vine-ranuna vada e inua;  
\q1 Bona hanua hanua pavapavadia na ia ida vada e heuda hanai;  
\q1 Bona hanua hanua edia hoihoi taudia ese ena lebulebu taḡadia amo edia taḡa vada e habada.   
\m
\v 4 Ma ere ta guba amo na kamonai, eto,  
\q1 Egu orea taumui e, iena amo ba raka lasi,  
\q1 Ia ida ba kara dika hebou na garina,  
\q1 Ia ida ba hisihisi hebou na garina.   
\q1
\v 5 Badina be ena dika vada e senua ela bona guba ai,  
\q1 Bona Dirava ese ena kara havara e lalo taomu.   
\q1
\v 6 Haida e henidia heḡereḡerena ba henia,  
\q1 Ena kara davadia ba henia harua.  
\q1 Haida adia inuinu ḡauna e buloa keherena ai ia ana ba buloa harua.   
\q1
\v 7 Sibona e heimodaiva bona e lebulebuva heḡereḡerena hisihisi bona tai ba henia,  
\q1 Badina be lalona e hadaia, eto “Lau na pavapava na heto na helaimu, lau na dia vabu,  
\q1 Tai badina egu ai basine kau”.   
\q1
\v 8 Taunabunai ena hisihisi idau-idau dina tamona ai bae kau,  
\q1 Mase bona taitai bona doe;  
\q1 Lahi ese baine araia vaitani.  
\q1 Badina be Lohiabada, e hahemaoro heniamu Diravana, na mai siahuna.   
\p
\v 9 Bena hanua hanua pavapavadia, ia ida e heuda hanaiva bona e lebulebu hebouva taudia, ese ia idouna kwalahuna bae itaia negana ai na ia taina bae tai, bae tai lolololo.  
\v 10 Ena hisihisi garina bae gari dainai, dauhai bae gini, baeto,  
\q1 Madi o, madi o, Babulono o!  
\q1 Hanua bada hereana, goada hanuana!  
\q1 Hora tamona ai vada eme hahemaoro henimu vaitani.   
\p
\v 11 Bona hanua hanua edia hoihoi taudia danu ia taina bae tai, bae tai dikadika; badina he edia hoihoi kohudia na tau ta ese basine hoi lou:  
\v 12 gold bona silver; nadi hururu-hururudia bona aḡeva mai hairaidia; dabua aukadia bona dahua mia-kakadia; silk dabuadia bona dahua kakakakadia; boto audia bona elefant doadia amo e kara ḡaudia; au namodia bona auri labora-labora amo e kara ḡaudia; aauri bona nadi amo e kara ḡaudia,  
\v 13 muramura idauidau danu, kinamomo bona amomo bona tumiamata bona muro bona libano;\f + \fr 18:13 \ft Kinamomo: Amomo: Tumiamata: Muro: Libano. Ini na muramura haida, asi ladadia Motu gado ai dainai ladadia na Helene gado ai vada e tore.\f* vine ranuna danu, bona dehoro; flaoa bona uit; boromakau bona mamoe; hosi bonal kariota; tauunimanima tau-anidia bona laumadia.   
\q1
\v 14 Laumamu ese e ura heni ḡaudioa ese vada e rakatanimu.  
\q1 Digara ḡaudia bona diari ḡaudia ese vada e heautanimu,  
\q1 Basio davaridia lou.   
\m
\v 15 Unu ḡau e hoiva, edia taḡa e davariva, taudia na ena hisihisi garina bae gari, dauhai bae gini, bae tai dikadika, bae tai lulololo, baeto,   
\q1
\v 16 Madi o, madi o, hanua badana!  
\q1 Dabua aukadia bona mia-kakadia bona kakakakadia o hadokilaiva,  
\q1 Gold bona nadi hururu-hururudia bona aḡeva mai hairaidia o heralaiva:   
\q1
\v 17 Hora tamona ai emu taḡa vada eme ore vaitani.  
\p Bona lagatoi biagudia, mai edia memero ida, bona hiri taudia, bona davara ḡaukaradia idau-idau e kara taudia, dauha amo e itaia;  
\v 18 bena idouna kwalahuna e itaia negana ai e lolo, eto.  
\q1 Hanua badana idaina be edena?   
\m
\v 19 Bena tano ḡahuna na kwaradia ai e taho kau, e tai, e tai lolololo, eto,  
\q1 Hanua badana madi o, madi o!  
\q1 Ena taḡa ese laḡatoi taudia e hataḡadia!  
\q1 Hora tamona ai vada eme vahu.   
\q1
\v 20 Guba e, ena va hu ba moalelaia;  
\q1 Helaḡa taumui bona aposetolo taumui bona peroveta taumui, ba moale;  
\q1 Badina be umui daimui ai Dirava ese davana vada eme henia.   
\q1
\v 21 Bena aneru goadana ta ese nadi-huro badana ta e abia isi, davara ai e tahoa dobi, eto,  
\q1 Babulono, hanua badana, unu bae tahoa dobi toma,  
\q1 Bena basine hedinarai lou.   
\q1
\v 22 Gitara e hataimu bona ane e lada isimu taudia,  
\q1 Ivilikou e hataimu bona kibi e hiririmu taudia,  
\q1 Oi lalomu ai basie kamonaidia lou;  
\q1 Ḡaukara namodioa mai dibadia taudia  
\q1 Oi lalomu ai basie noho lou;  
\q1 Uit ibidina nadina reḡena na  
\q1 OLi lalomu ai basie kamonai lou;   
\q1
\v 23 Lamepa diarina na  
\q1 Oi lalomu ai basine hururu lou;  
\q1 Headava matamata tauna bona hahinena  
\q1 Oi lalomu ai eredia basie kamonai lou.  
\q1 Badina be emu hoihoi taudia na tanobada lohiadia ai ela,  
\q1 Emu babalau karadia ese bese iboudiai e koidia.   
\q1
\v 24 Peroveta taudia raradia,  
\q1 Bona Helaḡa taudia raradia,  
\q1 Bona tanobada ai e aladia mase taudia iboudiai raradia,  
\q1 Ia lalonai e davari.   
\c 19  
\s1 Kwalimu Anena Guba ai  
\p
\v 1 Bena hutuma bada guba ai eredia na kamonai, eto,  
\q1 Aleluia!  
\q1 Hahemauri bona hairai bona siahu na iseda Dirava enai mimia.   
\q1
\v 2 Badina be ena hahemaaoro na momomo-kakani bona mamaoro-mamaoro.  
\q1 Ia ese ariara hahinena badana vada e hahemaoro henia,  
\q1 Ena heuda-hanai amo tanobada e hadikaia hahinena bunai;  
\q1 Dirava ena hesiai taudia raradia davana danu vada e henia.   
\m
\v 3 Ma eto,  
\q1 Aleluia! Hanua badana kwalahuna e dae hallaihanaimu.   
\p
\v 4 Bena heitatao taudia ruahui-haniosi bona maurio ḡaudia haniosi e goru diho, terono ai e helaimu Diravana e toma henia diho, eto, “Amen! Aleluia!”   
\m
\v 5 Bona ena hesiai taumui e,  
\q1 Dirava ena hesiai taumui e,  
\q1 Ia garina o garimu taumui e,  
\q1 Kikina badana, eda Dirava ba hanamoa.   
\p
\v 6 Bena ere ta na kamonai, hutuma bada eredia na heheto, sinavai momo reḡedia na heheto, guba-rahu reḡedia na heheto. Eto,  
\q1 Aleluia!  
\q1 Lohiabada eda Dirava, siahu idoinai Diravana, ia mo Lohia.   
\q1
\v 7 Aita moale, aita hisi dae, ia mo aita heatolaia.  
\q1 Badina be Mamoe Natuna ena headava negana vada eme gini dae,  
\q1 Bona adavana vada e heḡaeḡae vaitani,   
\q1
\v 8 Dabua aukadia vada e hadokilai, ḡoevaḡoevadia bona kuroka-kurokadia.  
\m Hari dabua aukadia na helaḡa taudia edia kara maoromaoro.   
\p
\v 9 Bena aneru ese e hamaorogu, eto, A torea: “Mamoe Natuna ena headava anibouna e vavedia taudia be nanamo”. Ma eto “Ini na Dirava ena hereva momokani”.  
\v 10 Bena aena badinai na goru diho, baina toma henia diho nato, to e gwaugu tao, eto, Ene asio kara toma; lau danu hesiai taugu, oi bamomu bona varavaramu, Iesu ena hereva e badinamu taudia, bamodia danu. Dirava ba toma henia diho; badina be Iesu ena hereva na peroveta laumana.   
\p
\v 11 Bena guba na itaia, e parara, bona hosi kurokurona ta e hedinarai, latanai e gui tauna ladana na “Abidadama” bona “Momokani”; ia na kara maoromaoro ai e hahemaoromu bona e tuarimu.  
\v 12 Matana na e kara lahi hururu-hururuna na heto. Kwarana ai na havava ḡaudia momo, latadiai lada ta e torea; a e torea herevana ta asi dibana, ia mo sibona.  
\v 13 Rara ai e urua diho dabuana hadokilaia. Ia ladana e hatoa “Dirava ena Hereva”.  
\v 14 Guba ena tuari oreadia na ia murinai ela: hosi kurokurodia ai e gui; dabua aukadia, ḡoevaḡoevadia bona kuroka-kurokadia, e hadokilai.  
\v 15 Uduna amo amo dare mai ganona e lasi, bese idau-idau idapalaidia. Auri itotohina amo baine reḡudia; bona siahu idoinai Diravana ena badu-ḡaraḡara vinena gabuna ai baine moidia tao.  
\v 16 Ena dabua ai bona mamuna ai lada ta e torea: “Pavapava edia Pavapava; lohia edia Lohia”.   
\p
\v 17 Bena aneru ta na itaia, dina ai e gini, e lolo badabada, guba padanai e rohomu manudia e boi henidia, eto, Aoma, Dirava ena anibou badana ai ame hegogo,  
\v 18 pavapava hidiodia, bona tuari biagudia hidiodia, bona goada taudia hidiodia, bona hosi hidiodia, bona hosi ai e guimu taudia hidiodia, bona taunimanima iboudiai, ura kwalimu taudia bona e ḡuidia taudia, kikina badana hidiodia, bavani.   
\p
\v 19 Bena daḡedaḡe ḡauna bona hanua hanua pavapavadia mai edia tuari oreadia ida na itadia, e hegogo, hari hosi ai e gui tauna mai ena orea ida bae tuari henidia totona.  
\v 20 Bena daḡedaḡe ḡauna e abia mauri, bona peroveta koikoina, hoa karadia daḡedaḡe ḡauna vairanai e kara dainai daḡedaḡe ḡauna toana e abia bona laulauna e toma henia diho taudia e koidia tauna, danu e abia mauri. Idia raruosi na mauridia ai lahi gohuna, teio e aramu gabuna, lalonai e tahodia dobi.  
\v 21 A oredia na hosi ai e gui tauna uduna amo e lasi darena ese e aladia mase, bena manu iboudiai ese hidiodi e ani, bogadia e kunu.   
\c 20  
\s1 Satana iḡuina  
\p
\v 1 Bena aneru ta guba amo e diho, guri dobu-masemasena kina na imana ai, bona auri gadeana badana ta danu.  
\v 2 Ia ese hari huala, idau negai gaigaina, ladana ta hatoamu “Diabolo” bona “Satana”, e dabaia tao, e ḡuia, laḡani daha ta iḡui ai baine noho.  
\v 3 Guri dobu-masemasena lalonai e tahoa dobi, bena guri e koua bona ikouna toana e karaia. Taunabunai, bese idau-idau basine haraiva-raivadia diba ela bona laḡani daha ta bae ore. Una murinai ma bae ruhaia nege, nega taina mo.   
\p
\v 4 Bena terono haida na ita, bona e helai kau taudia danu na itadia; hahemaoro siahuna na idia imadia ai vada e atoa. Bena Iesu ena hereva bona Dirava ena hereva e gwaurai hedinarai dainai kwaradia e utu oho taudia, bona daḡedaḡe ḡauna mai laulauna ida asie toma henidia diho bona toana bagudia ai eiava imadia ai asie abia taudia, laumadia na itadia. Idia na e mauri lou, Keriso ida eha lohia ela bona laḡani daha ta.  
\v 5 A mase taudia oredia asie mauri lou ela bona laḡani daha ta e ore. Tore-isi-lou gini gunana binai.  
\v 6 Ina tore-isi-lou gini gunana lalonai ahuna e abiamu tauna be namo bona helaḡa; mase iharuana na asi siahuna una tau enai. Unuhetomadia na Dirava ena hahelaḡa taudia bona Keriso ena hahelaḡa taudia ai baela, bona ia ida bae ha lohia ela bona laḡani daha ta.   
\p
\v 7 A unu laḡani daha ta bae ore; bena Satana na ena iḡui amo bae ruhaia nege.  
\v 8 Bena ia na baine lasi, tanobada daigunina haniosi ai e nohomu besedia, ladadia Gog bona Magog, tuari totona baine gogodia; ihagaudia na kone mirina na heto.  
\v 9 Bena tanobada lababana e rakaia hanai, helaḡa taudia edia taruha bona Dirava ese e lalokau heniamu hanuana e daidia heḡeḡe; a lahi na guba amo e diho, e habuadia tari.  
\v 10 Bena Diabolo, e koidia tauna, na lahi bona teio gohuna lalonai e tahoa dobi, daḡedaḡe ḡauna bona peroveta koikoina e tahodia dobi guna gabuna: unuseni ai bae hisihisi boi bae hisihisi rani, ela bona hanaihanai.   
\s1 Hahemaoro badana  
\p
\v 11 Bena terono kurokurona badana ta na itaia, bona e helai kau Diravana danu. Bena tanobada bona guba na ia vairana amo e heau puki, to edia gabu ta asie davaria.  
\v 12 Bena mase taudia kikina badana na itadia, terono vairanai gigini; bona buka vada e hekeho. Bena buka ta ma e kehoa, mauri bukana; bona mase taudia na e hahemaoro henidia, edia kara buka ai e tore heḡereḡeredia.  
\v 13 Bona davara ai e mase taudia na davara ese e henidia dae, bona Mase bona Mase Gabuna danu lalodiai e hekou taudia e henidia dae. Bena idia danu edia kara heḡereḡeredia e hahemaoro henidia.  
\v 14 Bena Mase bona Mase Gabuna na lahi gohuna lalonai e tahodia dobi. Ina na mase iharuana, lahi gohuna.  
\v 15 Bena tau ta bema asi ladana mauri bukana, ia na lahi gohuna ai bema tahoa dobi.   
\c 21  
\s1 Guba bona Tanobada Matamatadia  
\p
\v 1 Bena guba matamatana bona tanobada matamatana na ita; badina be guba gunana bona tanobada gunana vada e puki, davara danu lasihia.  
\v 2 Bona hanua helaḡana, Ierusalem matamatana, na itaia, guba amo e diho, Dirava ena amo, be headavamu ulatona na heto, e haheraia adavana ena.  
\v 3 Bena ere ta na kamonai, terono amo ema, e hereva badabada, eto, Dirava ena noho gabuna na taunimanima dekedekediai; ia na bogaragidiai baine noho. Idia na iena bese ai baela; ia ese baine hamodia, edia Dirava.  
\v 4 Ia ese iruru-matadia iboudiai matadia amo baine dahu oho. Mase bona dara-doko bona taitai bona hisihisi bae ore; badina be ḡau gunadia vada e puki.   
\p
\v 5 Bena terono ai e helaimu Diravana eto, A itaia, lau na ḡau iboudiai na hamatamatamu. Ma eto, A torea; badina be ini hereva na mamaoro-mamaoro bona momomo-kakani.  
\v 6 Ma e hamaorogu, eto, Vadaeni; lau na gini-gunana bona gini-gabena, matamana bona dokona. Ranu mase tauna na e lohilohi daemu mauri-ranuna baine henia, asi davana.  
\v 7 Kwalimu tauna ahuna binai: lau na ena Dirava ai bainala, ia na natugu ai bainela.  
\v 8 A gari taudia, asie kamonai taudia, kara bodaḡa taudia, ala-ala taudia, babalau taudia, kaivakuku e toma henidia diho taudia, koikoi taudia, iboudiai ahudia na lahi bona teio gohuna: mase iharuana bunai.   
\s1 Ierusalem matamatana  
\p
\v 9 Bena aneru hituosi, hari kibo hituosi lalodiai hahehisi gabedia hituosi e abi anerudia, ta ema, e hereva henigu, eto, Aoma, headava matamata hahinena, Mamoe Natuna adavana, baina haheitalaimu.  
\v 10 Bena lauma ai e laohaigu, ororo badana ta dorina ai. Bena hanua helaḡana, Ierusalem, haheitalaigu, guba amo e diho, Dirava ena amo.  
\v 11 Ia hairaina na Dirava hairaina; bona diarina na nadi hururu-hururuna, davana bada ḡauna, na heto, iaspi nadina na heto, e negari-negari.  
\v 12 Ia na mai maḡuna: maḡuna danu lababana na bada bona harana na lata. Ikoukouna na gwauta-rua. Ikoukou badidiai na aneru gwauta-rarua, bona ikoukou daediai Israel iduhudia gwauta-ruaosi ladadia e tore.  
\v 13 Laurabada kahana ai ikoukou toi, mirigini kahana ai toi, diho kahana ai toi, bona lahara kahana ai danu toi.  
\v 14 Bona maḡu badina nadidia na gwauta-rua, ohedia ai Mamoe Natuna ena aposetolo taudia gwauta-raruosi ladadia e tore.   
\p
\v 15 Bena hari e hereva henigu aneruna imana ai na hahetoho ḡauna ta, gold amo e karaiaa ḡauna, hanua bonaa ikoukou bona maaḡu ihahetohodia.  
\v 16 Hanua na e hadaia kaha haniosi heḡereḡere; roha-maorona bona lababana vada heḡereḡere. Bena ena hahetoho ḡauna amo hanua e hahetohoa, maila daha-ta sinahu-ima roha-maorona bona lababana bona harana-latana vada heḡereḡere.  
\v 17 Maḡuna danu e hahetohoa, roha hari-ahui taurahani, taunimanima bona aneru edia hahetoho amo.  
\v 18 Maḡu be iaspi nadina amo e larebaia, a hanua na gold herea-daena, to e negari-negari.  
\v 19 Hanua maḡuna badina nadidia na nadi hururu-hururudia e haheralaidia. Gini-gunana na iaspi nadina, iharuana na sapairo, ihatoina na kalakedo, ihahanina na samarago,  
\v 20 ihaimana na sadonu, ihatauratoina na sadio, ihahituna na krusolito, ihataurahanina na berulio, ihataaurahani-tana na topasio, ihagwaautana na krusoiparaso, ihagwaautatana na huakinto, ihagwauta-ruana na ametuso.\f + \fr 21:20 \ft Iaspi: Sapairo: Kalakedo: Samarago: Sadonu: Sadio: Krusolito: Berulio: Topasio: Krusoparaso: Huakinto: Ametuso. Ini na nadi hururu-hururudia haida, asi ladadia Motu gado ai dainai Helene gado ai vada e tore.\f*  
\v 21 Ikoukou gwauta-ruaosi na ageva mai hairaidia gwauta-rua; ikoukou ta aḡeva mai hairaina ta. A hanua ariarana na gold, to e negari-negari.  
\v 22 Hanua lalonai dubu ta asina itaia, badina be Lohiabada, siahu idoinai Diravana, bona Mamoe Natuna, na una hanua dubuna.  
\v 23 Dina bona hua danu na lasi, una hanua asie raraia; badina be Dirava hairaina ese e hadiaria, bona ena lamepa na Mamoe Natuna.  
\v 24 Bese idau-idau ese ena diari ai bae raka, bona hanua pavapavadia ese hairaidia bae rakalai vareai.  
\v 25 Dina ai hanua ikoukouna basie kou; bona hanuaboi na lasi unuseni ai.  
\v 26 Bese idau-idau ese hairaidia bona hematauraidia bae rakalai vareai.  
\v 27 Hahedika ḡauna ta eiava lebulebu tauna eiava koikoi tauna unuseni ai basine raka vareai, a Mamoe Natuna ena mauri bukana ai ladadia e tore taudia mo.   
\c 22  
\s1 Dirava ena Terono  
\p
\v 1 Bena aneru ese mauri ranuna sinavaina negari-negarina e haheitalaigu: ia na Dirava bona Mamoe Natuna edia terono amo e lasi,  
\v 2 hanua ariarana bogaragina amo e arua parara. Sinavai kahana kahana mauri auna e gini; huahuana na idau-idau, gwauta rua, hua ta ta mai huahuadia; bona au rauna ese bese idau-idau e hamauridiamu.  
\v 3 Heuduguirai basine mia; a Dirava bona Mamoe Natuna edia terono na unuseni ai. Ena hesiai taudia danu bae toma henia diho;  
\v 4 bona vairana bae itaia; bona ladana na bagudia ai baine hetore.  
\v 5 Hanua na basine boi lou, bona lamepa bona dina diaridia na herevadia, badina be Lohiabada Dirava ese baine hadiaridia; bona bae lohia hanihanai.   
\s1 Lohiabada be maimu  
\p
\v 6 Aneru ese e hereva henigu, eto, Ini hereva na mamaoro-mamaoro bona momomo-kakani. Lohiabada, peroveta taudia laumadia edia Dirava, ese ena aneru vada e siaia, asi vanahana bae vara ḡaudia na ena hesiai taudia baine haheitalaidia.  
\v 7 Ba heita: lau na ba vasimu.  
\p Ina buka e gwaurai gunamu herevadia e badinamu tauna na namo.   
\p
\v 8 Lau Ioane ini ḡau na ita bona na kamonai. Na ita bona na kamonai vaitani, bena ini ḡau e haheitalaigu aneruna aena badinai na goru diho, baina toma henia diho nato.  
\v 9 Bena e gwaugu tao, eto, Ene basio kara toma; lau na hesiai taugu, oi bamomu, bona varavaramu peroveta taudia bamodia, bona ina buka herevadia e badinamu taudia bamodia. Dirava hari ba toma henia diho.   
\p
\v 10 Ma e hamaorogu, eto, Ina buka ena peroveta herevadia na basio kou ahu, badina be negana vada eme kahikahi.  
\v 11 Kara dika tauna do baine kara dika; lebulebu tauna do baine lebulebu; kara maoromaoro tauna do baine kara maoromaoro; helaḡa tauna do baine helaḡa.   
\p
\v 12 Ba heita: lau na ba vasimu. Dava na imagu ai; taunimanima iboudiai edia kara heḡereḡeredia davadia baina henidia.  
\v 13 Lau na Alefa bona Omega,\f + \fr 22:13 \ft Alefa: Omega. Ini na Helene taudia edia leta ladadia. Edia leta gini-gunana bona gini-gabena bini, ita eda A bona Z heḡereḡeredia.\f* gini-gunana bona gini-gabena, matamana bona dokona.   
\p
\v 14 Edia dabua e huri taudia be nanamo, badina be idia ese mauri auna bae lao henia diba, bona iduara amo hanua lalonai bae raka vareai diba.  
\v 15 A murimuri ai be sisia bona babalau taudia bona heuda-hanai taudia, bona ala-ala taudia, bona kaivakuku e toma henidia dihomu taudia, bona koikoi herevadia igwauraidia e moalelaimu taudia.   
\p
\v 16 Lau Iesu ese egu aneru vada na siaia vasi, ekalesia oreadia herevadia vada e vasilai. Lau na David ramuna bona tuhutuhuna. Lau na hisiu bada, mai diarigu.   
\p
\v 17 Lauma bona headava matamata hahinena e tomamu “Aoma”. E kamonaimu tauna danu baineto “Aoma”. Ranu mase tauna na bainema. Bona ranu e uramu tauna ese mauri ranuna baine inua, asi davana.   
\p
\v 18 Ina buka ena peroveta herevadia e kamonaimu taudia iboudiai na sisiba henidiamu: tau ta ese ini hereva latadiai hereva ta baine atoa kau, Dirava ese ina buka lalonai e tore hisihisidia na ia latanai baine ato kau;  
\v 19 bona ta ese hereva ta ina peroveta bukana amo baine abia oho, Dirava ese ia ahuna mauri auna enai bona hanua helaḡana lalonai, ina buka ai haridia e tore ahudia, na iena amo baine abi oho.   
\p
\v 20 Ini ḡau e gwaurai hedinaraimu Tauna e tomamu “Oibe, ba vasimu”. Amen: Lohiabada Iesu e, aoma.   
\p
\v 21 Lohiabada Iesu Keriso ena harihari-bada na helaḡa taumui iboumui ai emui ai baine mia. Amen.