\id OBA .01, Obadiah 1, Motu, PNG, RTWP 12/92 
\h OBADIA 
\toc1 OBADlA 
\toc2 OBADIA 
\mt1 OBADlA  
\c 1  
\s1 Edom ihahemaraina  
\p
\v 1 Obadia ena mata-hanai binai. Ḡaubada Iehova ese Edom na ini e herevalaia tomamu:  
\q1 Hari na Iehova ena amo vada a kamonai.  
\q2 bona gwaukau tauna na bese idau-idau bogaragidiai vada e siaia, eto:  
\q2 A tore isi, baita tuari henia.   
\q1
\v 2 A itaia, lau ese bese idau-idau bogaragidiai baina hamaraḡimu,  
\q2 idia ese bae dadaraimu vaitani.   
\q1
\v 3 Lalomu hekokorokuna ese vada e dibaḡanimu,  
\q2 hagahaga kohuadia ai o nohomu taumu;  
\q1 emu noho gabuna na atai ai, bona lalomu ai o tomu  
\q2 “Daika ese baine verigu dobi tano ai?”   
\q1
\v 4 Ena be atai ai o rohomu ugava na heto,  
\q2 ena be emu ruma na hisiu bogaragidiai e miamu.  
\q1 to unu amo baina verimu dobi.  
\q2 Iehova na e herevamu.   
\b  
\q1
\v 5 Henao taudia bema vasi,  
\q2 eiava dadidadi taudia hanuaboi ai bema kau,  
\q1 daka hahebua-tarina!  
\q2 To edia dabu heḡereḡerena mo bema henao ani?  
\q1 Vine huahuadia igogodia taudia bema vasi,  
\q2 to vine momorudia bema rakatani ani?   
\q1
\v 6 Esau madi vada e dadihaia,  
\q2 ena taḡa vada e dadia.   
\q1
\v 7 Idurumu taudia iboudiai ese vada e koimu,  
\q2 vada e lulumu lao ela bona tano hetoana;  
\q1 bamomu ese vada e hadareremu,  
\q2 turamu, o abidadama henidia taudia, ese vada e idoamu;  
\q2 tau ta ese basine lalo-pararalaia diba.   
\q1
\v 8 Iehova na e tomu: Una dina ai  
\q2 aonega taudia Edom lalona amo baina habuadia tari,  
\q2 bona lalo-parara na Esau ororona amo danu, ani?   
\q1
\v 9 Teman e, emu goada taudia kudoudia bae hetaha,  
\q2 Bena Esau ororona amo baema taudia iboudiai na bae aladia ore.   
\q1
\v 10 Tadimu Iakob o daḡedaḡe henia dainai,  
\q2 hemarai ese baine ḡovamu ahu,  
\q2 bona ba henege daure hanaihanai.   
\q1
\v 11 Oi o gini edea dinana ai,  
\q2 idau taudia ese ena taḡa e huaia lao  
\q1 bona idau gabu taudia ese ia iduarana ai e raka vareai  
\q2 bona Ierusalem iabilaina maridia e kara dinana ai,  
\q2 oi na idia heḡereḡeredia ta.   
\q1
\v 12 A tadimu ena dina, ena hisihisi dinana,  
\q2 basioma kirikirilaia;  
\q1 bona Iuda taudia na e hebua tari dinana  
\q2 basioma moalelaia;  
\q1 hahehisi dinana ai  
\q2 basioma hekokoroku.   
\q1
\v 13 Egu bese ena ikoukou ai basioma raka vareai,  
\q2 hahehisi na ienai e kau dinana ai;  
\q1 ia ihadikana basioma kirikirilaia,  
\q2 hahehisi na ienai e kau dinana ai;  
\q1 ena kohu basioma dadia,  
\q2 hahehisi na ienai e kau dinana ai.   
\q1
\v 14 Dala katakata ai basioma gini,  
\q2 ena heau taudia iala-masedia totona;  
\q1 ena roho-mauri taudia na inaidia imadia ai basioma atodia,  
\q2 hisihisi dinana ai.   
\b  
\q1
\v 15 Badina be Iehova ena dina vada eme kahikahi,  
\q2 bese idau-idau iboudiai latadiai.  
\q1 Vada o kara heḡereḡerena ai bae kara henimu;  
\q2 emu kara na oi sibomu kwaramu ai ma baine kau.   
\q1
\v 16 Badina be egu ororo helaḡana ai vada o inuinu heḡereḡerena ai  
\q2 e noho hetabiramu besedia iboudiai na bae inuinu;  
\q1 bae inuinu, bae raraga,  
\q2 bena basiema mauri heḡereḡerena ai baela.   
\s1 Israel iabi-daena  
\q1
\v 17 A Siona ororona ai haida do bae roho mauri,  
\q2 bena ororo na baine helaga;  
\q1 bona Iakob ena iduhu taudia ese  
\q2 sibodia edia kohu bae abidia.   
\q1
\v 18 Iakob iduhuna na lahi ai bainela,  
\q2 bona Iosef iduhuna na lahi hururu-hururuna ai bainela,  
\q2 bona Esau iduhuna na rei kakoro ai bainela;  
\q1 bena bae aradia, bae aradia ore,  
\q2 Esau iduhuna lalona amo tau ta basine roho mauri;  
\q2 badina be Iehova vada e hereva.   
\q1
\v 19 Diho kahana taudia ese Esau ororona bae abia,  
\q2 bona Sefela taudia ese Filistia taudia edia tano bae abia;  
\q1 Efraim tanona bona Samaria tanona bae abidia,  
\q2 bona Beniamina ese Gilead baine abia.   
\q1
\v 20 Hala ai e hanohodia taudia hahidaosi Israel besena amo ese  
\q2 Foenikia bae abia ela bona Sarefata;  
\q1 bona Ierusalem amo e abidia oho, Sefarad ai e hanohodia, taudia ese  
\q2 diho kahana hanuadia bae abidia.   
\q1
\v 21 Hahemauri taudia na Siona ororona ai bae dara dae,  
\q2 Esau ororona ilohiana totona;  
\q1 bona basileia na  
\q2 Iehova ena basileia ai bainela.