\id NEH .01, Nehemiah 1, Motu, PNG, RTWP 9/92 
\h NEHEMIA 
\toc1 NEHEMIA 
\toc2 NEHEMIA 
\mt1 NEHEMIA  
\c 1  
\s1 Nehemia ena Ḡuriḡuri  
\p
\v 1 Nehemia, Hakalia natuna, ena hereva bini. Laḡani iharuahuina huana ladana Kisleve lalonai, lau na hanua badana Susa ai noho;  
\v 2 bena varavaragu ta ladana Hanani na tatau haida ida Iuda amo ema. Bena na nanadaidia, Iuda taudia dounu e nohova, heabi-oho amo e roho mauriva taudia, bona Ierusalem henanadaidia na kara.  
\v 3 Bena idia ese e hamaorogu, eto, Heabi-oho amo e roho mauri bona una basileia ai dounu e nohomu taudia na e hekwarahi badamu bona e hemaraimu; Ierusalem maguna vada e heḡigi dobi, bona ikoukouna na lahi ese vada e araia oho.   
\p
\v 4 Unu hereva na kamonai, bena na helai diho, na tai; dina haida na tailaiava bona na anivaga loulouva bona na ḡuriḡuri loulouva, guba Diravana vairanai.  
\v 5 Bena na ḡuriḡuri, nato,  
\p Iehova e, guba Diravana, Dirava badana bona mai garina, e ura heniamu bona ena haheḡani e badinamu taudia ida e herohemainomu bona e bogadia hisimu Diravana;  
\v 6 taiamu a hakala bona matamu a hapapa, lau emu hesiai tauna egu ḡuriḡuri, dina bona hanuaboi oi vairamu ai Israel besena, emu hesiai taudia, daidiai na gwauraiamu ḡauna, na ba kamonai. Israel taudia edia kara dika, ai ese oi a kara henimu gaudia, na na gwaurai hedinaraimu; oibe, lau bona tamagu ena iduhu taudia vada a kara dika.  
\v 7 Ai ese oi vada a kara havara henimu, bona haheḡani bona taravatu bona hahedua herevadia, emu hesiai tauna Mose o haḡanilaia ḡaudia, na asia badinadia.  
\v 8 Emu hesiai tauna Mose o haḡanilaia herevana ba laloa tao; oto “Boma gwau hebeatai, lau ese baina hakarohomui rohoroho bese idau-idau bogaragidiai;  
\v 9 a boma lou henigu bona egu haheḡani boma badinadia bona karadia boma kara, bena ena be emui karoho taudia be guba dokodokodia henudiai to lau ese unu amo ma baina haboudia, vada na abia hidi lau ladagu baine noho henia gabuna ai baina hakaumui vareai”.  
\v 10 Idia na oiemu hesiai taudia bona oiemu bese; oi ese emu siahu badana bona imamu goadana amo vada o hamauridia.  
\v 11 Ḡaubada e, taiamu a hakala, lau emu hesiai tauna bona emu hesiai taudia, oi ladamu igari-henina e moalelaiamu taudia, emai ḡuriḡuri ame kamonai; bona hari dina ai emu hesiai tauna na kwalimu ba henia, bona ba bogaia hisi, ina tau vairanai.  
\p Madi, lau na hanua pavapavana ena kehere iloalaina tauna.   
\c 2  
\s1 Nehemia na Ierusalem ela  
\p
\v 1 King Aratasasta ena lohia laḡanina iharuahuina ai, hua ladana Nisan lalonai, vine ranuna na ia vairanai e heato negana ai, lau ese vine ranuna na abia isi, hanua pavapavana na henia. A, ema bona una dina ai lalogu nega ta se hisihisi ia vairanai.  
\v 2 Bena hanua pavapavana ese e nanadaigu, eto, Dahaka dainai vairamu o huaiamu, a ḡau be so gorere? Ina na dia ḡau ta, to lalo hisihisina mo. Bena na gari dikadika.  
\v 3 Lau ese hanua pavapavana na hamoroa, nato, Hanua pavapavana baine mauri hanaihanai! Dahaka dainai senegu edia gara e miamu hanuana vada e ḡaḡae bona ikoukouna na lahi ese vada e araia oho negana ai vairagu na basina huaia?  
\v 4 Bena hanua pavapavana ese ma e nanadaigu, eto, Emu noinoi be dahaka? Taunabunai, lau ese guba Diravana na ḡuria.  
\v 5 Bena hanua pavapavana na hamaoroa, nato, Hanua pavapavana lalomu bema heḡereḡere, bona lau, emu hesiai tauna, boma lalo namo henigu, boma siaigu lao Iuda, senegu edia gara e miamu hanuana bainala, baina haginia lou totona.  
\v 6 Bena hanua pavapavana ese ma e nanadaigu (ia adavana, pavapava hahinena, na ia badinai helai), eto, Baola bena edena nega ai ma ba lou mai? Taunabunai, hanua pavapavana lalona vada e heḡereḡere baine siaigu, bona lau ese negana na gwaurai henia.  
\v 7 Bena hanua pavapavana ma na hamaoroa, nato, Hanua pavapavana lalomu bema heḡereḡere, revareva haida boma henigu, Sinavai Badana unukahana basileiana lohiadia edia, bena idia na bae gwau maoro baina raka hanai ela bona Iuda ai baina kau;  
\v 8 bona revareva ta danu, Asaf, hanua pavapavana ena uda igimana tauna, ena, bena ia ese au baine henigu, dubu kohorona ikoukoudia bona hanua maguna bona baina noholaia rumana ikaralaidia ḡaudia. Bena hanua pavapavana ese na gwaurai ḡaudia e henigu, badina be egu Dirava imana namona na latagu ai.   
\p
\v 9 Bena Sinavai Badana unukahana basileiana lohiadia dekediai na kau, bona hanua pavapavana ena revareva na henidia. Hanua pavapavana ese tuari lohiadia bona hosi-gui taudia na vada e siaidia, lau ida.  
\v 10 A Sanbalata, tau Horono, bona Tobia, hesiai tauna, tau Amono, ina sivarai e kamonai, bena lalodia na e dika herea, ta na Israel taudia edia namo dalana itahuna vada ema dainai.   
\p
\v 11 Taunabunai lau na Ierusalem nala, dina toi unuseni ai na noho.  
\v 12 Bena hanuaboi ai na tore isi, lau bona tatau hida mo lau ida; tau ta asina hamaoroa Dirava ese Ierusalem ihanamona dalana na lalogu ai ede vada e havaraia toma. Egu ai na asi gui gaudia, tamona mo lau ese na guilaia.  
\v 13 Bena hanuaboi ai lau na Koura Ikoukouna amo na raka lasi, ela bona Sisia Ranu Gurina bona Boromakau Tagena Ikoukouna; Ierusalem maguna heḡiḡi-dobina na itaia, bona ikoukouna danu, Iahi ese e araia oho gaudia.  
\v 14 Unu amo nala ela bona Ranu Lohilohi Ikoukouna bona Pavapava Gohuna, a hari latanai na ḡui ḡauna na asi ena raka-hanai gabuna.  
\v 15 Bena hanuaboi ai koura amo ma nala, maḡu na itaia; bena na hegiro, Koura Ikoukouna amo na raka vareai, bena na lou.  
\v 16 Heitatao taudia na asi dibadia edena gabu nala bona dahaka na karaia; lau ese Iuda taudia bona hahelaḡa taudia bona hanua lohiadia bona heitatao taudia bona taunimanima oredia, ḡaukara bae karaia taudia, na do asina hamaorodia.   
\p
\v 17 Bena na hamaorodia, nato, Eda hekwarahi o itaiamu, Ierusalem na e gagae, bena ena ikoukou vada e ara oho. Aoma, Ierusalem maguna baita haginia, bena eda hemarai na basine mia.  
\v 18 Na hamaorodia danu egu Dirava imana na latagu ai, namo ihavarana totona; bona hanua pavapavana ese vada e hamaorolaigu herevadia danu na hamaorolaidia. Bena idia eto, Aita tore tore isi, aita haginia. Taunabunai idia ese imadia e ha-aukadia, ḡaukara namona ikarana dainai.  
\v 19 A Sanbalata, tau Horono, bona Tobia, hesiai tauna, tau Amono, bona Geseme, tau Arabia, na e kamonai, bena idia ese e kirikirilaimai bona e gonagonalaimai, eto, Ina na dahaka o karamu? Hanua pavapavana o dagedaḡe heniamu a?  
\v 20 Bena na haere henidia, nato, Guba Diravana ese baine hanamomai, bona ai, iena hesiai taudia, baia tore isi, baia haginia; a umui na asi ahumui bona asi siahumui bona asi ilalolaimui Ierusalem ai.   
\c 3  
\s1 Ḡaukara e matamaia  
\p
\v 1 Bena Eliasibi, hahelaḡa tauna badana, na tadikakana hahelaḡa taudia ida e tore isi; bena idia ese Mamoe Ikoukouna e haginia. Idia ese e hahelagaia, bena iduara e atodia; e hahelaḡaia lao ela bona Sinahu Kohorona, bona unu amo ela bona Hananele Kohorona.  
\v 2 Ia ohedia ai Ieriko taudia ese magu e haginia; bona idia ohedia ai Sakuru Imri ese magu e haginia.   
\p
\v 3 Hasena natuna verina ese Gwarume Ikoukouna e haginia; auna e atodia bona iduara e haginidia mai ikoulaidia auridia bona kahitao auridia ida.  
\v 4 Idia ohedia ai Meremoto Uria, Hakoso tubuna, ese magu e bania; bona idia ohedia ai Mesulama Berekia, Mesesabele tubuna, ese magu e bania. Ma idia ohedia ai Sadok Baana ese maḡu e bania.  
\v 5 Ma idia ohedia ai Tekoa taudia ese magu e bania, a lohiadia ese edia Ḡaubada ena ḡaukara asie goadalaia.   
\p
\v 6 Ioiada Pasea bona Mesulama Besodeia ese Ikoukou Gunana e bania; auna e atodia bona iduara e haginidia, mai ikoulaidia auridia bona kahitao auridia ida.  
\v 7 Idia ohedia ai Melatia, Gibeon tauna, bona ladono, Meronoto tauna, bona Gibeon bona Mispa taudia ese maḡu e bania; idia na Sinavai Badana unukahana basileiana lohiana ena siahu henunai e nohova taudia.  
\v 8 Idia ohedia ai Usiele Harahaia, \it gold\it* iḡaukaralaina taudia ta, ese maḡu e bania; bona ia ohena ai Hanania, muramura mai bonadia ibulodia taudia ta, ese magu e bania. Idia ese Ierusalem e haginia lou ela bona Lababa-bada Maḡuna.  
\v 9 Idia ohedia ai Refaia Huru, Ierusalem tano kahana lohiana, ese magu e bania;  
\v 10 idia ohedia ai ledaia Harumafa ese maḡu e bania, ena ruma italaina ai; bona ia ohena ai Hatusu Hasabaneia ese maḡu e bania.  
\v 11 Malkia Harimi bona Hasub Pahata-moab ese maḡu kahana ta e bania bona Amu Kohorona e haginia lou.  
\v 12 Ia ohena ai Salumu Halohese, Ierusalem tano kahana lohiana, mai natuna hahinedia ida, ese maḡu e bania.   
\p
\v 13 Hanunu bona Sanoa inoholaina taudia ese Koura Ikoukouna e bania. Idia ese e haginia lou, bona iduara e atodia, mai ikoulaidia auridia bona kahitao auridia ida. Idia ese maḡu kiubit daha-ta e bania, ela bona Boromakau Taḡena Ikoukouna.   
\p
\v 14 Malkia Rekab, Bete-hakereme tanona lohiana, ese Boromakau Taḡena Ikoukouna e bania; e haginia lou, bona iduara e atodia, mai ikoulaidia auridia bona kahitao auridia ida.   
\p
\v 15 Salumu Kolohose, Mispa tanona lohiana, ese Ranu Lohilohi Ikoukouna e bania; e haginia lou, guhiguhina e karaia, bona iduara e atodia, mai ikoulaidia auridia bona kahitao auridia ida. Ia ese Sela gohuna maḡuna e haginia, pavapava ena uma-uma badibadinai, ela bona David ena Hanua amo e diho vadavadana.  
\v 16 Ia murinai Nehemia Asabuku, Bete-suru tano kahana lohiana, ese magu e bania ela bona David ena gara italaina, bona taunimanima imadia amo e karaia gohuna, bona goada-dikadika taudia edia ruma.  
\v 17 Ia murinai Levi taudia ese maḡu e bania: Rehumu Bani; bona ia ohena ai Hasabia, Keila tano kahana lohiana, ese iena kaha e bania.  
\v 18 Ia murinai idia tadikakadia ese maḡu e bania: Bavai Henadad, Keila tano kahana lohiana;  
\v 19 bona ia ohena ai Esere Iesua, Mispa lohiana, ese maḡu kahana ta e bania, tuari ḡaudia e haboudia rumana italaina ai, Maḡu Magevana ai.  
\v 20 Ia ohena ai Baruku Sabai ese maḡu kahana ta e bania, Maḡu Magevana amo ela bona hahelaḡa tauna badana Eliasibi ena ruma iduarana.  
\v 21 Ia ohena ai Meremoto Uria, Hakoso tubuna, ese magu kahana ta e bania, Eliasibi ena ruma iduarana amo ela bona Eliasibi ena ruma dokona.  
\v 22 Ia ohena ai, hahelaḡa taudia, Taora taudia, ese maḡu e bania.  
\v 23 Idia ohedia ai, Beniamina bona Hasub ese maḡu e bania, edia ruma italaina ai. Idia ohedia ai, Asaria Maaseia, Anania tubuna, ese maḡu e bania, iena ruma badibadinai.  
\v 24 Ia ohena ai, Binui Henadad ese maḡu kahana ta e bania, Asaria ena ruma amo ela Maḡu Magevana,  
\v 25 ma unu amo ela bona daiguni, Palala Usai ese Maḡu Magevana italaina ai maḡu e bania, bona pavapava ena atai rumana latanai e haginia kau kohorona, hegima taudia edia maḡu badibadinai, danu e bania. Ia ohena ai, Pedaia Paroso  
\v 26 bona dubu ena hesiai taudia Ofele ai e nohova ese maḡu e bania ela bona Ranu Ikoukouna mairiveina kahana ai bona una atai kohorona italaidia gabuna ai.  
\v 27 Ia ohena ai, Tekoa taudia ese maḡu kahana ta e bania, hari atai kohorona badana italaina ai, ela bona Ofele maḡuna.   
\p
\v 28 Hosi Ikoukouna atai kahana ai, hahelaḡa taudia ese maḡu e bania, ta ta ena ruma ena ruma italaidia ai.  
\v 29 Idia ohedia ai, Sadok Imere ese magu e bania, iena ruma italaina ai. Ia ohena ai, Semaia Sekania, Mairiveina Ikoukouna igimana tauna, ese maḡu e bania.  
\v 30 Ia ohena ai, Hanania Selemia bona Hanunu, Salafa natuna ihatauratoina, ese magu kahana ta e bania. Ia ohena ai, Mesulama Berekia ese maḡu e bania, ena daiutu italaina ai.  
\v 31 Ia ohena ai, Malkia, \it gold\it* iḡaukaralaina taudia ta, ese maḡu e bania ela bona dubu ena hesiai taudia edia ruma bona hoihoi taudia edia ruma, Tuari Taudia Ihagaudia Ikoukouna italaina ai, bona daiguni latana daiutuna.  
\v 32 Hari daiguni latana daiutuna bona Mamoe Ikoukouna padadiai \it gold\it* iḡaukaralaina taudia bona hoihoi taudia ese maḡu e bania.   
\c 4  
\s1 Ḡaukara taudia ese inaidia e laodia ahu  
\p
\v 1 Ai ese maḡu a haginia sivaraina na Sanbalata e kamonai negana ai ia na e badu dikadika, bena ia ese Iuda taudia e kirikirilaidia.  
\v 2 Tadikakana bona Samaria tuari oreana vairadiai e hereva, eto, Ini Iuda taudia mamanodia na dahaka e karamu? Ḡau bae hamatamatadia a? Boubou karadia bae kara a? Dina tamona ai bae ha-orea a? Lahi ai e ara nadidia na momoru senusenudia amo bae kara lou a?  
\v 3 Tobia, tau Amono, na ia badibadinai; bena ia eto, Oibe, idia na dahaka e haginiamu; uda sisiana ta na edia nadi maḡuna latanai bema dae kau, ia ese bema hahegiḡia dobi.   
\p
\v 4 Emai Dirava e, a kamonai; badina be e dadaraimaimu; edia heihi-ihirai na idia sibodia kwaradia ai ba haloua. Ba negedia daure, bena iḡuidia ai bae noho tanona lalonai edia ḡau bae dadihaidia.  
\v 5 Edia kerere basio gwau tao, bona edia kara dika vairamu amo basio kokidia oho; badina be idia ese oi vada e habadumu, maḡu ihaginina taudia vairadiai.   
\p
\v 6 Taunabunai, maḡu a haginia; maḡu idoinai a ha-ahua, tano amo ela bona harana kahana. Badina be taunimanima lalodia e urava ḡaukara.   
\p
\v 7 A Sanbalata bona Tobia, bona Arabia bona Amono bona Asdod taudia, ese Ierusalem maḡuna ibanina ḡaukarana vada e haheaua bona e heḡigi dobi gabudia na e ha-ahu matama sivaraidia e kamonai negana ai, idia na e badu dikadika;  
\v 8 bena iboudiai e henega bou, idia na baema, Ierusalem bae tuari henia bona lalona bae haheḡonua.  
\v 9 Bena ai na emai Dirava a guria, bona kito taudia a duanaidia, dina hanuaboi ilao-ahudia bae gimamai.   
\p
\v 10 A Iuda eto, Kohu-hua taudia na edia goada e oremu, bona momoru na bada herea; ai na asia heḡereḡere maḡu baia ḡaukaralaia.  
\v 11 Bona inaimai eto, Basie diba bona ḡau ta basie itaia ela bona ita na bogaragidiai baita kau; bena baita aladia mase bona ḡaukara baita hadokoa.  
\v 12 Iuda taudia idia badibadidiai e nohova na ema, bena nega gwauta e hamaoromai, eto, Idia na edia noho gabudia iboudiai amo ihadikada totona baema.  
\v 13 Taunabunai, maḡu harana kwadogi-hereadia gabudia muridia kahadia ai be taunimanima na atodia, edia iduhu ta ta ai, mai edia dare io peva ida.  
\v 14 Lau na roharoha, bena na tore isi, hanua lohiadia bona heitatao taudia bona taunimanima oredia na hamaorodia, nato, Idia garidia basio gari. Ḡaubada ba laloa tao; ia na bada bona mai garina. Bona ba tuari, tadikakamui bona natumui mamaruanedia bona hahinedia bona adavamui bona emui ruma daidiai.   
\p
\v 15 Inaimai e kamonai ai na vada a diba, bona Dirava ese edia lalo-hadai vada e laoa ahu, negana ai, ai iboumai ai ese maḡu a lou henia, ta ta ena ḡaukara ena ḡaukara ai.  
\v 16 Una dina amo ela, egu hesiai taudia edia orea kahana na maḡu e ḡaukaralaia, a kahana be edia io kesi peva bona tuari dabuadia e abi hata; bona hegunalai taudia na Iuda iduhuna taudia iboudiai,  
\v 17 maḡu e haginia taudia, muridiai e gini. Kohu-hua taudia edia maduna e haheḡereḡeredia, bena imadia kahana ta e ḡaukara, kahana ta be edia tuari ḡaudia e abi heni.  
\v 18 Maḡu e haginiava ai ḡaukara taudia na ta ta ena dare ena dare gabadia ai e kara; kibi ihiririna tauna na lau badibadigu ai e gini.  
\v 19 Bena lau ese hanua lohiadia bona heitatao taudia bona taunimanima oredia na hamaorodia, nato, Gaukara na bada, bona e heato roro gabu idoinai, bona ita na mai padada magu latanai, bona padada danu daudau.  
\v 20 Edena kaha amo kibi reḡena ba kamonai, unuseni ai ba heau hegogo mai, ai dekemai ai. Eda Dirava na ita daidai baine tuari.   
\p
\v 21 Taunabunai, ai na ḡaukara a hekwarahilaia; orea kahana taudia ese io e abi hata, daba matana amo ela bona hisiu e dae ai.  
\v 22 Una negana ai, lau ese taunimanima ma na hamaorodia, nato, Taunimanima iboudiai mai edia hesiai taudia ida na Ierusalem ai bae noho rani; bena hanuaboi bae gimamai, a dina ai bae ḡaukara.  
\v 23 Taunabunai, lau bona tadikakagu bona egu hesiai taudia bona kito taudia, lau murigu amo e rakava taudia, na iboumai ai emai dabua asia doki oho; ta ta ena tuari ḡauna ena tuari ḡauna na imana ai e abi hata.   
\c 5  
\s1 Abitorehai taravatudia  
\p
\v 1 Una negana ai maumau badana e vara, hanua taudia bona adavadia ese tadikakadia Iuda taudia na e maumauraidia.  
\v 2 Badina be haida eto, Ai mai natumai mamaruanedia bona hahinedia ida na huhutuma; aniani ḡaudia baia ha-abi, baia aniani, baia mauri.  
\v 3 Ma haida eto, Emai uma bona emai vine imeadia bona emai ruma na a gwau hamatalaimu, abitorehai davadia, aniani iabina, doe dainai.  
\v 4 Ma haida eto, Ai na moni vada a abi torehai, hanua pavapavana ena \it tax\it* ihenina totona, una dainai emai uma bona emai vine imeadia vada a gwau hamatalai.  
\v 5 Ai hidiomai na tadikakamai hidiodia heḡereḡeredia, bona ai natumai na idia natudia heḡeregeredia; ḡau tamona, natumai mamaruanedia bona hahinedia na hesiai taudia bona hahinedia ai a halaodiamu; bona natumai hahinedia haida na hesiai iḡuidia ai e nohomu; a asi emai dala una kara baia laoa ahu, badina be haida ese emai uma bona emai vine imeadia vada e abi.   
\p
\v 6 Edia maumau bona unu hereva na kamonai negana ai, lau na badu dikadika.  
\v 7 Na haeroa; bena hanua lohiadia bona heitatao taudia ediai gwau na atu. Na hamaorodia, nato, Umui na abitorehai davadia o abimu, ta ta tadikakana tadikakana edia amo. Bena hebou bada-hereana ta na gwauraia, idia ihahemaoro-henidia totona.  
\v 8 Bena na hamaorodia, nato, Ai na emai goada heḡereḡerena ai tadikakamai Iuda taudia, idau bese ediai e hoidia taudia, na ma a hoidia lou; a umui ese tadikakamui o hoidiamu, ai ese ma baia hoidia totona. Idia na asi reḡereḡedia, bona asi edia hereva ta.  
\v 9 Taunabunai lau nato, Emui kara na dia namo. Eda Dirava igari-henina dalana ai boma raka, ani, e inai henidamu besedia edia heihi-ihirai ilao-ahuna?  
\v 10 Ina danu, lau bona tadikakagu bona egu hesiai taudia ese moni bona aniani a henidia torehaimu. Ini abitorehai davadia iabidia baita hadokoa.  
\v 11 Hari dina ai edia uma, edia vine imeadia, edia olive imeadia bona edia ruma ba henidia lou; bona karoadia sinahu ta ta amo moni eiava aniani eiava vine ranuna eiava dehoro ediai o g vaurai danu ba halou henidia.  
\v 12 Bena idia eto, Unu na baia halou henidia, bona ḡau ta ediai ma basia gwauraia; emu hereva heḡereḡerena baia karaia. Bena hahelaḡa taudia na boiridia, idia edia amo gwauhamata helaḡana na abia, edia gwauhamata heḡereḡerena ai do bae karaia.  
\v 13 Bena vairagu ramina na davedavea, nato, Ina gwauhamata basie hamomokania taudia iboudiai na Dirava ese edia ruma amo bona edia ḡaukara amo unu baine davedavedia oho toma. Taunabunai baine davedavedia oho bona baine bubudia oho. Bena hebou idoinai eto “Amen”, bona Iehova e imodaia. Bena taunimanima ese edia gwauhamata heḡereḡerena ai e kara.   
\p
\v 14 Ina danu: e duanaigu Iuda tanona ai e nohova taudia edia hekwara tauna ai bainala negana amo, King Aratasasta ena lohia laḡanina iharuahuina ela bona laḡanina ihatoiahui-ruana, laḡani gwauta-rua, lau ese hekwara ahuna asina ania, bona tadikakagu danu asie ani.  
\v 15 Hekwara taudia gunadia, lau e gunalaigu taudia, ese maduna metaudia na taunimanima latadiai e ato, bona aniani bona vine ranuna bona \it silver\it* sekeledia hari-ahui na edia amo e abi. Edia hesiai taudia ese danu taunimanima e lohiadiava. A lau na unu asina kara toma, Dirava garina dainai.  
\v 16 Lau ese danu hari maḡu ḡaukarana na karaia balaheni, tano taina asina abia; bona egu hesiai taudia iboudiai na unuseni ai e hebou, ḡaukara totona.  
\v 17 Ina danu: tatau sinahu-ta imahui na lauegu pata ai e anianiva, Iuda taudia bona heitatao taudia, bona e noho hetabira besedia lalodia amo dekemai ema taudia danu.  
\v 18 E hegaeḡaelai ḡaudia, dina tamona ena, na boromakau ta bona mamoe namo-hereadia tauratoi; kokoroku danu e heḡaeḡaelai lauagu; bona dina gwauta gwauta amo kopi-pusedia mai vine-ranudia ida momo herea. Ḡau tamona, lau ese hekwara ahuna anianidia asina gwaurai; badina be hesiai ilao-henina na metau, ini taunimanima latadiai.  
\v 19 Egu Dirava e, ina orea dainai na kara karadia iboudiai ba lalo tao, lau ihanamogu.   
\c 6  
\s1 Inai taudia edia daḡedaḡe  
\p
\v 1 Sivarai na Sanbalata bona Tobia bona Geseme tau Arabia bona inaimai oredia e hamaorodia lau ese maḡu vada na haginia bona na ha-ahua vaitani (gau tamona una negana ai ikoukou iduaradia do asina hagini);  
\v 2 bena Sanbalata bona Geseme ese hereva na dekegu e siaia mai, eto, Aoma, Ono taorana hanuana ta ai baita hebou. A edia lalo-hadai be bae hadikagu.  
\v 3 Bena lau ese gwaukau taudia na dekedia na siaidia lao, nato, Lau na ḡaukara badana ta na karaiamu; basina vasi diba. Anina be dahaka ḡaukara na baine doko, lau ese baina rakatania bona baina vasi negana ai?  
\v 4 Nega hani hereva na unu e siaia toma, bona nega hani lau ese unu na haere henidia toma.  
\v 5 Dala heḡereḡerena ai Sanbalata ese nega iha-imana ena hesiai tauna na dekegu e siaia mai, imana ai na revareva ta, ikeho-hata ḡauna.  
\v 6 Lalonai ini e torea toma: Bese idau-idau bogaragidiai e herevalaiamu, bona Geseme ese danu e gwauraiamu, oi bona luda taudia emui lalo-hadai be ba daḡedaḡe, una dainai ena maḡu o haginiamu; bona oi na o uramu edia pavapava ai baola. Sivarai be unu e gwauraia tomamu.  
\v 7 Bona peroveta taudia haida danu vada o haginidia Ierusalem ai, oi bae gwauraimu hedinarai, baeto, Pavapava ta na luda ai. Harihari ini hereva na hanua pavapavana bae hamaorolaia lao. Benaini, aoma, baita haeroa hebou.  
\v 8 Bena hereva na ia dekena na siaia lao, nato, O gwauraimu karadia ta asia karaia; oi sibomu lalomu ai o lalo davarimu.  
\v 9 Badina be idia iboudiai edia ura be bae hagarimai; ini e laloa toma: Imadia na gaukara ai bae manoka, bena gaukara na basine hekara. Dirava e, harihari imagu a ha-aukadia.   
\p
\v 10 Semaia, Delaia Mehetabel natuna, na e hekou ahu; bena ena ruma ai na dae kau negana ai ia eto, Dirava ena dubu ai baita hedavari, gabu helaḡana ai, bona gabu helaḡana iduarana baita koudia ahu; badina be oi iala-masemu e maimu, hanuaboi baema oi iala-masemu totona.  
\v 11 A lau nato, Lau heḡereḡeregu tauna ta baine heau a? Lau heḡereḡeregu tauna ta na gabu helaḡana ai baine raka vareai, mauri idavarina totona, a? Lau na basina raka vareai.  
\v 12 Bena lalogu na e parara, vada na diba, Dirava ese se siaia a una peroveta herevana na lau ihadikagu totona e gwauraia badina be Tobia bona Sanbalata ese vada e vatua.  
\v 13 Ina dainai e vatua: lau na baina gari bona ina kara baina karaia, bena baina kerere; unu amo ladagu bae hadikaia, bena bae ihi-ihiraigu.  
\v 14 Egu Dirava, ba laloa, Tobia bona Sanbalata edia kara na inihetomadia; bona peroveta hahinena Noadia bona peroveta taudia oredia, ihagarigu e uramu taudia, danu.   
\p
\v 15 Taunabunai, maḡu ḡaukarana na dina imahui-rua lalodiai e ha-orea, hua ladana Elulu dinana iharuahui-imana ai e ore.  
\v 16 Inaimai iboudiai na sivarai e kamonai negana ai, e noho hetabira besedia iboudiai na e gari bona e hemarai dikadika; badina be lalodia e parara ina ḡaukara na emai Dirava ena heduru dainai a ha-orea.  
\v 17 Ina danu: unu dinadia ai luda lohiadia ese revareva momo Tobia enai e siai lao, bona Tobia ena revareva na idia ediai e kau.  
\v 18 Badina be hutuma luda ai na mai edia gwauhamata helaḡadia ienai; badina be ia na Sekania Ara rava-maraḡina, bona ia natuna Iehohanan ese Mesulama Berekia natuna hahinena vada e adavaia.  
\v 19 Bona iena kara namodia na lau vairagu ai e herevalaidia, bona lauegu hereva na ia e hamaorolaia. Bena Tobia ese revareva haida e siaidia mai, lau ihagarigu.   
\c 7  
\s1 Nehemia ese heitatao taudia e duanaidia  
\p
\v 1 Maḡu vada e ahu, bona iduara vada na haginidia, bona ikoukou igimadia taudia bona ane-abi taudia bona Levi taudia vada na duanaidia murinai,  
\v 2 lau ese tadigu Hanani bona kohoro hekwara tauna Hanania na duanaidia, Ierusalem bae itaia tao; badina be ia ese heabidadama ai bona Dirava igari-henina ai hutuma na e hereadiava.  
\v 3 Bena na hamaorodia, nato, Ierusalem ikoukoudia basie kehodia ela bona dina na baine siahu, bona dounu igimadia e ginimu ai iduara na bae koudia bona auri amo bae ha-aukadia. Bona Ierusalem inoholaina taudia bogaragidia amo hegima taudia ba duanaidia, ta ta ena gabu ena gabu ai bona ta ta ena ruma ena ruma italaidia ai bae gima.  
\v 4 Hanua na lababa bona bada, a inoholaina taudia na dia hoho, bona ruma na do asie haginidia.   
\s1 E lou taudia ladadia  
\p
\v 5 Bena Dirava ese lalo-hadai ta lalogu ai e havaraia, Iohia taudia bona heilatao taudia bona orea taudia na baina haboudia, edia uru ta ta ai ladadia bae tore totona. Bena e dae ema guna taudia edia uru bukana na davaria. Una buka lalonai ini e torea toma:   
\p
\v 6 Basileia taudia Nebukadnesara, Babulono pavapavana, ese e abidia mauri bona dauha e laohaidia bena edia noho-hedoa amo ma e lou mai taudia bini. Idia na Ierusalem bona Iuda e lou lao, ta ta ena hanua ena hanua ela.  
\v 7 Idia na Serubabele bona Iesua bona Nehemia bona Asaria bona Raamia bona Nahamani bona Morodekai bona Bilsan bona Misperete bona Bigvai bona Nehumu bona Baanaha ida ema.  
\p Israel tataudia ihagaudia bini:  
\v 8 Paroso garana, daha-rua sinahu-ta hitu-ahui rua;  
\v 9 Sefatia garana, sinahu-toi hitu-ahui rua;  
\v 10 Ara garana, sinahu-tauratoi imahui rua;  
\v 11 Pahata-moab garana (unu na Iesua bona Ioab garadia), daha-rua sinahu-taurahani gwauta-taurahani;  
\v 12 Elam garana, daha-ta sinahu-rua imahui hani;  
\v 13 Satu garana, sinahu-taurahani hari-ahui ima;  
\v 14 Sakai garana, sinahu-hitu tauratoi-ahui;  
\v 15 Binui garana, sinahu-tauratoi hari-ahui taurahani;  
\v 16 Bebai garana, sinahu-tauratoi ruahui taurahani;  
\v 17 Asgada garana, daha-rua sinahu-toi ruahui rua;  
\v 18 Adonikama garana, sinahu-tauratoi tauratoi-ahui hitu;  
\v 19 Bigvai garana, daha-rua tauratoi-ahui hitu;  
\v 20 Adini garana, sinahutauratoi imahui ima;  
\v 21 Atere garana (unu na Hesekia garana), taurahanita-ahui taurahani;  
\v 22 Hasumu garana, sinahu-toi ruahui taurahani;  
\v 23 Besai garana, sinahu-toi ruahui hani;  
\v 24 Harifi garana, sinahu-ta gwauta-rua;  
\v 25 Gibeon garana, taurahanita-ahui ima;  
\v 26 Betelehem bona Netofa taudia, sinahu-ta taurahani-ahui taurahani;  
\v 27 Anatoto taudia, sinahu-ta ruahui taurahani;  
\v 28 Bet-asamavete taudia, hari-ahui rua;  
\v 29 Kiriat-iearimi bona Kefira bona Beroto taudia, sinahu-hitu hari-ahui toi;  
\v 30 Rama bona Geba taudia, sinahutauratoi ruahui ta;  
\v 31 Mikma taudia, sinahu-ta ruahui rua;  
\v 32 Betele bona Ai taudia, sinahu-ta ruahui toi;  
\v 33 Nebo hanuana ta taudia, imahui rua;  
\v 34 Elam ma ta garana, daha-ta sinahu-rua imahui hani;  
\v 35 Harimi garana, sinahu-toi ruahui;  
\v 36 Ieriko garana, sinahu-toi hari-ahui ima;  
\v 37 Lod bona Hadidi bona Ono garadia, sinahu-hitu ruahui ta;  
\v 38 Senaha garana, daha-toi sinahutaurahanita toi-ahui.   
\p
\v 39 Hahelaḡa taudia: ledaia garana (lesua ena iduhu), sinahu-taurahanita hitu-ahui toi;  
\v 40 Imere garana, daha-ta imahui rua;  
\v 41 Pasahuru garana, daha-ta sinahu-rua hari-ahui hitu;  
\v 42 Harimi garana, daha-ta gwauta-hitu.   
\p
\v 43 Levi taudia: Iesua garana amo Kadmiele garana (hari Kadmiele na Hodeva garana), hitu-ahui hani.  
\v 44 Ane-abi taudia: Asaf garana, sinahu-ta hari-ahui taurahani.  
\v 45 Ikoukou igimadia taudia: Salumu garana, Atere garana, Talmon garana, Akubu garana, Hatita garana, Sobai garana, sinahu-ta toi-ahui taurahani.   
\p
\v 46 Dubu ena hesiai taudia: Siha garana, Hasufa garana, Tabaoto garana,  
\v 47 Kero garana, Sia garana, Padono garana,  
\v 48 Lebana garana, Hagaba garana, Salmai garana,  
\v 49 Hanana garana, Gidele garana, Gahara garana,  
\v 50 Re-aia garana, Resini garana, Nekoda garana,  
\v 51 Gasama garana, Usa garana, Pasea garana,  
\v 52 Besai garana, Meunimi garana, Nefusesimi garana,  
\v 53 Bakabuku garana, Hakufa garana, Harahuru garana,  
\v 54 Basaliti garana, Mehida garana, Harasa garana,  
\v 55 Barako garana, Sisera garana, Tema garana,  
\v 56 Nesia garana, Hatifa garana.   
\p
\v 57 Solomon ena hesiai taudia garadia: Sotai garana, Soferete garana, Perida garana,  
\v 58 laala garana, Darakono garana, Gidele garana,  
\v 59 Sefatia garana, Hatili garana, Pokerete-hasabaimi garana, Amon garana.   
\p
\v 60 Dubu ena hesiai taudia bona Solomon ena hesiai taudia garadia iboudiai na sinahu-toi taurahanita-ahui rua.   
\p
\v 61 Ini na Tele-mela bona Tele-harasa bona Kerubu bona Adono bona Imere amo ema, a edia iduhu bona senedia ladadia ihamomokanidia asi dibadia, idia na Israel besena taudia eiava lasi:  
\v 62 Delaia garana, Tobia garana, Nekoda garana, sinahu-tauratoi hari-ahui rua.  
\v 63 Hahelaga taudia edia amo danu: Hobaia garana, Hakoso garana, Barasilai garana (una tau ese Barasilai tau Gilead natuna hahinena ta e adavaia, bena idia ladadia ta e henemai).  
\v 64 Idia na ladadia e tahu, lada-tore bukadia ai, to asie davaridia; una dainai hahelaḡa dagina amo e atodia siri, idia na dia ḡoḡoeva dainai.  
\v 65 Hekwara tauna ese e hamaorodia, idia na aniani helaḡa-hereana basie ania, ela bona hahelaḡa tauna ta baine tore isi, Urim bona Tumim\f + \fr 7:65 \ft Urim bona Tumim. Esodo 28, s. 30. ba itaia.\f* baine nanadaidia.   
\p
\v 66 Hegogo idoinai be taunimanima gerebu-hani\f + \fr 7:66 \ft Gerebu-hani daha-rua sinahu-toi tauratoi-ahui = 42,360.\f* daha-rua sinahu-toi tauratoi-ahui,  
\v 67 bona edia hesiai tataudia bona hahinedia danu, daha-hitu sinahu-toi toi-ahui hitu; edia ane-abi tataudia bona hahinedia na sinahu-rua hari-ahui ima.  
\v 68 Edia hosi na sinahu-hitu toi-ahui tauratoi; edia doniki badadia na sinahu-rua hari-ahui ima;  
\v 69 edia kamelo na sinahu-hani toi-ahui ima; bona edia doniki na daha-tauratoi sinahu-hitu ruahui.   
\p
\v 70 Iduhu kwaradia haida ese ḡaukara idurulaina ḡaudia e heni. Hekwara tauna ese \it gold\it* darikidia daha-ta, nau imahui, bona hahelaḡa taudia edia hahedoki sinahu-ima toi-ahui e heni.  
\v 71 Bona iduhu kwaradia haida ese ḡaukara idurulaina ḡaudia e heni: \it gold\it* darikidia gerebu-rua bona \it silver\it* minadia daha-rua sinahu-rua.  
\v 72 Taunimanima oredia e heni ḡaudia be \it gold\it* darikidia gerebu-rua\f + \fr 7:72 \ft “Dariki” bona “Mina” na moni ladadia. Gerebu-rua = 20,000.\f* bona \it silver\it* minadia daha-rua, bona hahelaḡa taudia edia hahedoki tauratoi-ahui hitu.   
\p
\v 73 Taunabunai, hahelaḡa taudia bona Levi taudia bona ikoukou igimadia taudia bona ane-abi taudia bona orea taudia haida bona dubu ena hesiai taudia bona Israel idoinai na edia hanua lalodiai e nohova.  
\p Hua ihahituna e kau ai Israel taudia iboudiai na edia hanua ai nonoho.   
\c 8  
\s1 Esera ese taravatu e duahia taunimanima vairadiai  
\p
\v 1 Taunimanima iboudiai na e hegogo hebou, tau tamona na heto, Ranu Ikoukouna ariarana lalonai. Bena idia ese itorena tauna Esera e hamaoroa, Mose ena taravatu, Iehova ese Israel vada e henia ḡauna, bukana na baine mailaia.   
\p
\v 2 Hua ihahituna dinana gini-gunana ai, hahelaḡa tauna Esera ese taravatu na hebou taudia, tatau bona hahine bona natudia badadia, ikamonaina mai dibadia memerodia, vairadiai e mailaia.  
\v 3 Vairana na Ranu Ikoukouna ariarana e henia, bena taravatu lalona amo e duahia, daba maraḡi amo ela bona dina tubua, tatau bona hahine bona natudia badadia, ikamonaina mai dibadia memerodia, vairadiai; bona taunimanima iboudiai taiadia e kirara, taravatu bukana herevadia na e hakala henidia.  
\v 4 Itorena tauna Esera na hereva patapatana ta, una ḡaukara dainai au amo e karaia ḡauna, latanai e gini. Ia badibadinai e gini taudia be Matitia bona Sema bona Anaia bona Uria bona Hilkia bona Maaseia, ia idibana kahana ai; bona Pedaia bona Misael bona Malkia bona Hasumu bona Hasabadana bona Sekaria bona Mesulama, ia laurina kahana ai.  
\v 5 Esera ese buka e kehoa taunimanima iboudiai vairadiai, badina be ia na taunimanima iboudiai daediai; bena e kehoa negana ai taunimanima iboudiai na e gini tore.  
\v 6 Bena Esera ese Iehova, Dirava badana, e hanamoa; bona taunimanima iboudiai na e haere, eto, Amen, Amen; bona imadia na e abi isi. Bena e igo diho, tano ai e goru diho, Iehova e toma henia diho.  
\v 7 Levi taudia haida danu, Iesua bona Bani bona Serebia bona Iamin bona Akubu bona Sabetai bona Hodia bona Maaseia bona Kelita bona Asaria bona Iosabad bona Hanana bona Pelaia, ese taunimanima e durudia, taravatu anina idavarina ai, taunimanima na dounu edia gabu ai nohodia ai.  
\v 8 Bena Dirava ena taravatu bukana amo e duahia hedinarai, bona anina e gwauraia; taunabunai taunimanima lalodia na e parara.   
\p
\v 9 Bena Nehemia, hekwara tauna, bona Esera, hahelaḡa tauna bona itorena tauna, bona hari Levi oreana, taunimanima e hadibadia taudia, ese taunimanima iboudiai e hereva henidia, eto, Ina dina na helaḡa, Iehova, emui Dirava, ena; basio helalo bona basio tai. Badina be taunimanima ese taravatu herevadia e kamonai negana ai na e tai.  
\v 10 Bena ia ese e hamaorodia, eto, Emui dala ai baola, digara bavania, vine ranuna gaihona ba inua, bona ana asie heḡaeḡaelaia tauna ahuna na ba siai henia; badina be ina dina na helaḡa, eda Ḡaubada ena. Bona lalomui basie hisihisi, badina be Iehova imoalelaina na emui goada ḡauna.  
\v 11 Taunabunai, Levi taudia ese taunimanima iboudiai e hadorodia, elo, Asi reḡereḡemui ba noho, badina be ina dina na helaḡa; lalomui be basie hisihisi.  
\v 12 Bena taunimanima iboudiai na e karoho, bae aniani, bae inuinu, bona hari ahu bae siai lao bona bae moale hisi dae na totona; badina be vada e gwaurai henidia herevadia na anidia vada e diba.   
\p
\v 13 Dina iharuana ai, taunimanima iboudiai edia iduhu kwaradia, hahelaḡa taudia bona Levi taudia ida, na itorena tauna Esera dekenai e hebou, taravatu herevadia anidia bae tahu totona.  
\v 14 Bena taravatu lalonai e hetore herevadia vada e davari, Iehova ese Mose ena amo vada e haheḡani, Israel taudia na kalaga ai bae noho, hua ihahituna ariana dinadia lalodiai;  
\v 15 bona edia hanua iboudiai lalodiai bona Ierusalem lalonai ina hereva bae hapiua bona bae gwaurai hedinarai: Ba raka lasi, ororo baola, olive audia bona uda olivedia bona keroro bona pamu audia bona rau momo audia idau-idau rigidia ba mailai, kalaga ikaradia totona, vada e torea heḡereḡerena.   
\p
\v 16 Taunabunai, taunimanima na e raka lasi, ḡau e ha abi, bona edia kalaga e kara, edia ruma guhidia latadiai bona edia ruma maḡudia lalodiai, bona Dirava ena dubu maḡudia ai, bona Ranu Ikoukouna ariarana ai bona Efraim Ikoukouna ariarana ai.  
\v 17 Hari hegogo idoinai, abi-mauri gabuna amo vada e lou taudia, ese kalaga e kara bona kalaga lalodiai e noho; badina be Iesua Nunu ena nega ema bona una dina Israel taudia na unu do asie kara toma. Bena moale na bada herea.  
\v 18 Bena dina ta ta amo, dina gini-gunana ela bona dina dokona, ia ese Dirava ena taravatu bukana lalona amo e duahia. Dina hitu lalodiai aria e karaia; bena dina ihataurahanina ai hebou helaḡana ta e hekara, taravatu heḡereḡerena.   
\c 9  
\s1 Israel taudia edia kara dika  
\s1 Esera ese e gwaurai hedinarai  
\p
\v 1 Una hua dinana iharuahui-hanina ai, Israel taudia na e hebou, e anivaga, puse dabuadia e hahedokilai, bona tano na kwaradia ai e ato.  
\v 2 Bena Israel taudia na idau bese taudia edia amo e raka oho, e gini, edia kara dika bona tamadia edia kara havara na e gwaurai hedinarai.  
\v 3 Bena edia gabu ai e gini tore, Iehova, edia Dirava, ena taravatu bukana lalona amo e duahia, hora toi lalodiai; ma hora toi lalodiai edia dika e gwaurai hedinarai, bona Iehova, edia Dirava, e toma henia diho.  
\v 4 Iesua, Bani, Kadmiele, Sebania, Buni, Serebia, Bani bona Kenani na Levi taudia edia vadavada ai e gini; bena idia ese Iehova, edia Dirava, e tai henia mai gao badadia ida.  
\v 5 Bena Levi taudia, Iesua bona Kadmiele bona Bani bona Hasabaneia bona Serebia bona Hodia bona Sebania bona Petahia, na eto, A gini tore, Iehova, emui Dirava, ba hanamoa, asi matamana bona asi dokona, ela hanaihanai. Oi ladamu herea-daena bae hanamoa; ia ese hahenamo iboudiai bona heimodai iboudiai na e hereadiamu.   
\p
\v 6 Bena Esera eto, Oi na Iehova, oi mo sibomu. Oi ese guba o karaia, guba gubadia danu mai hisiudia iboudiai, bona tanobada mai latana ḡaudia iboudiai, bona davara mai lalodia gaudia iboudiai. Oi ese o hamauridia hanaihanaimu; guba hisiudia ese oi e toma henimu dihomu.  
\v 7 Oi na Iehova, Abram e abia hidi bona Uru, Kaldea hanuana, amo e hakaua lasi bona ladana e hatoa “Abraham” Diravana.  
\v 8 Oi ese ia lalona o dibaia, ia na mai momokanina oi vairamu ai, bona o gwau henia hamata, Kanaan taudia bona Hiti taudia bona Amoro taudia bona Perisi taudia bona Iebusu taudia bona Girigasa taudia edia tano na ia garana ba henidia; bena emu gwauhamata vada o hamomokania, badina be oi na maoromaoro.   
\p
\v 9 Oi ese senemai edia hisihisi o itaia Aigupto ai, bona edia taitai o kamonai Davara Kakakakana isena ai;  
\v 10 bona toa bona hoa karadia o kara, Farao bona ena hesiai taudia iboudiai bona ena tano taudia iboudiai ihadikadia; badina be oi vada o diba idia ese senemai e kara dagedage henidia; bona ladamu o hahoria ema bona ina dina.  
\v 11 Oi ese davara o haparararaia idia vairadiai, bena idia na davara bogaragina amo e raka hanai, tano kaukauna ai; bona e hahavadia taudia na dobu gabudia ai o tahodia dobi, nadi ranu badadia lalodiai na heto.  
\v 12 Dina ai ori dubuna amo o hakaudia, bona hanuaboi ai lahi mamana amo o hakaudia, edia lao dalana o hadiaria.  
\v 13 Oi na Sinai ororona dorina ai o diho, bona guba amo o hereva henidia, hahemaoro herevadia maoromaorodia bona taravatu momokanidia bona haheḡani bona hahedua herevadia namodia o henidia.  
\v 14 Emu dina helaḡana danu o hadibalaidia, bona haheḡani bona hahedua herevadia bona taravatu na emu hesiai tauna Mose ena amo o henidia.  
\v 15 Oi ese aniani na guba amo o henidia, edia hitolo dainai, bona ranu na nadi amo o ha-arua lasi, edia ranu-mase dainai; bona o hamaorodia, bae raka vareai, o gwau hamatalaia tanona bae abia.   
\p
\v 16 A idia bona ai senemai na e hekokorokuva bona aiodia e ha-aukava bona emu haheḡani asie badinadiava;  
\v 17 e gwau edeedeva bona hoa karadia idia bogaragidiai vada o kara na asie lalodiava; a aiodia e ha-aukadia, bona hegunalai tauna ta e duanaia, edia iḡui gabuna Aigupto ai bae lou henia eto. A oi na dika igwau-taona Diravana, mai emu harihari-bada bona mai emu hebogahisi; badu ai o halahemu, bona lalokau ai o honuhonu-daemu; bena to rakatanidia.  
\v 18 Ena be idia ese auri e havevea, boromakau natuna laulauna e karaia, eto “Ina na emui dirava, Aigupto amo e hakaumui lasi diravana”, bona oi ihadikamu karadia badadia e kara,  
\v 19 to emu hebogahisi badana dainai tano ḡaḡaena ai to rakatanidia; ori dubuna, dala ai vada e hakaudia ḡauna, ese dina ai se rakatanidia, bona lahi mamana, edia lao dalana e hadiaria ḡauna, danu se rakatanidia hanuaboi ai.  
\v 20 Emu Lauma namona o henidia, baine hadibadia, bona emu mana na ududia amo so rua; ranu danu o henidia, edia ranu-mase dainai.  
\v 21 Laḡani hari-ahui lalodiai oi ese tano gaḡaena ai o hamauridiava; ḡau ta ai asie dabuva; edia dabua asie mouka-mouka, bona aedia asie gudu.   
\p
\v 22 Oi ese basileia idau-idau bona bese idau-idau o henidia, bona tano daigunidia iboudiai; taunabunai idia ese Sihon, Hesebon pavapavana, bona 0g, Basan pavapavana, edia tano e ḡaunaidia.  
\v 23 Oi ese garadia o hahutumadia, guba hisiudia heḡereḡeredia, bona senedia vada o hamaorodia lalona ai bae raka vareai bona bae ḡaunaia tanona na lalonai o hakaudia vareai.  
\v 24 Taunabunai, garadia na tano ai e raka vareai, e ḡaunaia; bena oi ese tano inoholaina taudia, Kanaan taudia, na idia vairadiai o hadareredia, bona imadia ai o atodia, mai edia pavapava bona edia tano taudia ida, idia ese edia ura heḡereḡerena bae kara henidia totona.  
\v 25 Bena hanua mai maḡudia na tuari ai e abidia, bona tano namona danu; ruma mai kohu namo-hereadia ida, bona ranu habou-habou gabudia, nadi ai e ḡei ḡaudia, bona vine imeadia bona olive imeadia bona huahua audia momo herea, iboudiai na e abidia, e ḡaunaidia. Taunabunai, e anianiva, bogadia e kunuva, bona taudia e digarava, bona emu harihari-bada e moalelaiava.   
\p
\v 26 Ḡau tamona, idia na e gwau edeede bona e daḡedaḡe henimu, emu taravatu na muridiai e negedia, bona emu peroveta taudia ese e sisiba henidia, dekemu bae hakaudia lou totona, negadia ai, idia ese e aladia mase; idia ese danu oi ladamu iḡonaḡonalaina karadia e karava.  
\v 27 Una dainai oi ese inaidia imadia ai o atodia, bena idia ese e hahisihisidia; bena edia hisihisi negana ai e tai henimu, bona oi ese guba ai o kamonai henidia; bona emu hebogahisi bada-hereadia heḡereḡeredia ai oi ese ihamauridia taudia o henidia, bena idia ese idia inaidia imadia amo e hamauridia.  
\v 28 A lagadia e aniva murinai idia na oi vairamu ai ma e kara dika lou, bona oi ese ma o negedia daure inaidia imadia ai; taunabunai idia ese e lohiadia. Ḡau tamona, idia na ma e hegiro bona e tai henimu negana ai, oi ese guba ai ma o kamonai henidia; bona nega momo oi ese o hamauridia, emu hebogahisi heḡereḡeredia.  
\v 29 Oi ese o sisiba henidia, emu taravatu enai ba haloudia totona. Ḡau tamona idia na e hekokorokuva, emu haheḡani asie badinadia, a emu hahemaoro herevadia, taunimanima na henudiai bema noho ḡaudia, na e tata utu, bona e gini muri dabudabu, aiodia e ha-auka, basie kamonai eto.  
\v 30 Laḡani momo lalodiai oi ese o haheauka henidia, bona emu Lauma ena amo o sisiba henidia, peroveta taudia ududia amo; a idia na asie ura bae kamonai. Una dainai oi ese tano besedia imadia ai o atodia.  
\v 31 Ḡau tamona emu hebogahisi badadia lalodiai oi ese so ha-oredia bona so rakatanidia; badina be oi na harihari-bada bona hebogahisi Diravana.   
\p
\v 32 Taunabunai, emai Dirava e, Dirava badana, mai siahumu bona mai garimu Diravana, gwauhamata bona hebogahisi o badinadiamu Diravana, basio laloa hari hisihisi iboudiai Asuria pavapavadia edia nega amo ema bona ina dina ai emai pavapava bona emai lohia bona emai hahelaḡa taudia bona emai peroveta taudia bona tamamai bona emu orea taudia iboudiai latamai ai vada e kau na ḡau pipikidia.  
\v 33 Ḡau tamona, latamai ai vada e kau ḡaudia iboudiai lalodiai oi na vada o kara maoromaoro; badina be oi o kara momokani bona ai be a kara dika;  
\v 34 emai pavapava bona emai lohia bona emai hahelaḡa taudia bona tamamai ese taravatu asie badinadia, bona emu haheḡani bona emu sisiba, o henidia ḡaudia, na nahuadia asie toho.  
\v 35 Edia basileia lalonai, bona emu harihari-bada, o henidia ḡauna, lalonai, bona tano badana bona namona, vairadiai o atoa ḡauna, lalonai, oi isiaimu asie lao heni; bona edia kara dika amo asie raka oho.  
\v 36 A itaia, ina dina ai ai na hesiai taumai; senemai o henidia, anina bona ena herahia ḡaudia bae moalelai, tanona lalonai a itamai, ai na hesiai taumai.  
\v 37 Hari pavapava, emai kara dika amo daemai ai vada o atodia taudia, ese ia anina herea-daena e abiamu; idia na mai siahudia danu, tau-animai bona emai ubu-ubu gaudia bae biagudia, edia ura heḡereḡerena ai; bona ai na vada a hekwarahi mase.   
\s1 Israel taudia na e ḡwau hamata taravatu bae badinaia  
\p
\v 38 Ina idoinai dainai ita ese gwauhamata aukana ta karaiamu bona ta toreamu, bona eda lohia bona eda Levi taudia bona eda hahelaḡa taudia ese edia toa amo e hamomokaniamu.   
\c 10  
\p
\v 1 Edia toa amo e hamomokaniamu taudia bini: Nehemia, hekwara tauna, Hakalia natuna; Sedekia,  
\v 2 Seraia, Asaria, Ieremia,  
\v 3 Pasahuru, Amaria, Malkia,  
\v 4 Hatusu, Sebania, Maluku,  
\v 5 Harimi, Meremoto, Obadia,  
\v 6 Daniel, Ginetono, Baruku,  
\v 7 Mesulama, Abia, Miamini,  
\v 8 Maasia, Bilgai, Semaia. Hahelaga taudia bunu.  
\v 9 Levi taudia: Iesua, Asania natuna; Binui, Henadad natuna ta; Kadmiele;  
\v 10 bona tadikakadia, Sebania, Hodia, Kelita, Pelaia, Hanana,  
\v 11 Mika, Rehob, Hasabia,  
\v 12 Sakuru, Serebia, Sebania,  
\v 13 Hodia, Bani, Beninu.  
\v 14 Iduhu kwaradia: Paroso, Pahata-moab, Elam, Satu, Bani,  
\v 15 Buni, Asgada, Bebai,  
\v 16 Adonia, Bigvai, Adini,  
\v 17 Atere. Hesekia, Asuru,  
\v 18 Hodia, Hasumu, Besai,  
\v 19 Harifi, Anatoto, Nebai,  
\v 20 Magapiasa, Mesulama, Hesiri,  
\v 21 Mesesabele, Sadok, Iadua,  
\v 22 Pelatia, Hanana, Anaia,  
\v 23 Hosea, Hanania, Hasub,  
\v 24 Halohese, Pilha, Sobek,  
\v 25 Rehumu, Hasabana, Maaseia,  
\v 26 Ahia, Hanana, Anana,  
\v 27 Maluku Harimi, Baanaha.   
\p
\v 28 Bese orena, hahelaḡa taudia, Levi taudia, ikoukou igimadia taudia, ane-abi taudia, dubu ena hesiai taudia, bona tano taudia edia amo vada e raka oho Dirava ena taravatu enai vada e tao taudia, mai adavadia bona natudia mamaruanedia bona hahinedia ida, mai aonegadia bona mai lalopararadia taudia iboudiai, ese  
\v 29 tadikakadia, edia bese lohiadia, ida e tao heboumu, gwauhamata metauna bona helaḡana lalonai e vareaimu, Dirava ena taravatu, ena hesiai tauna Mose ena amo e heni ḡauna, bae rakalaia, bona Iehova, eda Ḡaubada, ena haheḡani iboudiai bona ena hahemaoro herevadia bona ena hahedua herevadia bae badinadia, bona karadia bae kara.  
\v 30 Ita ese natuda hahinedia na tano taudia basita henidia, eiava idia natudia hahinedia na basita abidia, natuda mamaruanedia adavadia ai basiela;  
\v 31 bona tano taudia ese kohu eiava aniani na dina helaḡa ai bema mailai, hoihoi totona, ita na ediai basita hoihoi, Dina Helaḡa ai eiava helaḡa dinana ta ai; bona laḡani ihahituna ai baita kau ai uma anidia bona abitorehai davadia baita gwau tora.   
\p
\v 32 Ita ta hegwauhamata hehenimu, laḡani ta ta amo ita ta ta ese sekele kaha toiosi ai ta baita heni, Dirava ena dubu ḡaukarana ena,  
\v 33 flaoa helaḡana, bona flaoa bouboudia bona ḡole-oho bouboudia, e hahelaḡadia louloumu ḡaudia, bona dina helaḡadia, hua matamatadia, bona e gwaurai ariadia, bona ḡau helaḡadia, bona kara dika bouboudia Israel ena dika iabi-ohona ḡaudia, bona eda Dirava ena dubu ḡaukaradia iboudiai, inanatalaidia.  
\v 34 Ita ese danu hahelaḡa taudia bona Levi taudia bona hanua taudia na mari amo vada ta duanaidia, boubou audia bae mailai, Dirava ena dubu lalonai, eda iduhu ta ta heḡereḡeredia ai, bae gwaurai negadia ai laḡani ta ta amo, Iehova eda Dirava ena ihaboulaina patana latanai bae ha-ara, taravatu ai e torea heḡereḡerena.  
\v 35 Ta gwau hamatamu, eda tano anidia roboadia bona huahua audia iboudiai anidia roboadia na laḡani ta ta amo Iehova ena dubu baita laohai;  
\v 36 bona natuda mamaruanedia roboadia bona eda boromakau natudia roboadia danu eda Dirava ena dubu baita laohaidia, hahelaḡa taudia eda Dirava ena dubu ai e ḡaukaramu dekediai, taravatu ai e torea heḡereḡerena, bona roboa gaudia eda nani bona eda mamoe seridia amo danu;  
\v 37 bona eda flaoa, e tari baroko guna ḡaudia, bona eda herahia ḡaudia, au-huahua idau-idau bona vine ranuna bona dehoro, na hahelaḡa taudia dekedia baita laohai, eda Dirava ena dubu ena habou-habou daiutudia lalodiai; bena eda tano anidia baita karoadia, karoa gwauta, bena karoa ta na Levi taudia dekedia baita laohai, badina be hari Levi taudia ese karoa ihagwautadia e haboumu, eda digi hanuadia iboudiai lalodiai.  
\v 38 Hahelaḡa tauna, Aaron garana, na Levi taudia ida bae tao hebou, Levi taudia ese karoa ihagwautadia bae abi negana ai; bena Levi taudia ese edia karoa ihagwautadia ma bae karaoadia, karoa gwauta, bena una ikaroana amo karoa ta na eda Dirava ena dubu ai bae daelaia, habou-habou daiutudia ai bae haboua.  
\v 39 Badina be Israel taudia bona Levi garana taudia ese herahia ḡaudia, aniani bona vine ranuna bona dehoro, na habou-habou daiutudia lalodiai bae vareailai, gabu helaḡana kohudia e miamu, bona hahelaḡa taudia, dubu ḡaukaradia e karamu taudia, bona ikoukou igimadia taudia bona ane-abi taudia e nohomu gabuna ai. Eda Dirava ena dubu basita laloa herekwa.   
\c 11  
\s1 Ierusalem inoholaina taudia  
\p
\v 1 Bese igunalaina taudia na Ierusalem ai e nohova. Taunimanima oredia na mari e kara, bena taunimanima gwauta gwauta lalodia amo ta ta na hanua helaḡana Ierusalem ai bae hanoho, a oredia ihataurahanitadia na hanua idau-idau ai bae noho.  
\v 2 Bena taunimanima ese Ierusalem inoho ura-kwalimuna taudia iboudiai e hanamodia.   
\p
\v 3 Ini na basileia lohiadia, Ierusalem ai e nohova taudia; a Iuda hanuadia ai ta ta ena tano ena tano ai e nohova, edia hanua lalodiai, Israel taudia, hahelaḡa taudia, Levi taudia, dubu ena hesiai taudia, bona Solomon ena hesiai taudia garadia.  
\v 4 Ierusalem ai Iuda vevena bona Beniamina vevena taudia haida e nohova. Iuda vevena amo: Ataia, Usia natuna, (Usia na Sekaria natuna, Sekaria na Amaria natuna, Amaria na Sefatia natuna, Sefatia na Mahalalel natuna, Mahalalel na Perese garana);  
\v 5 bona Maaseia, Baruku natuna, (Baruku na Kolohose natuna, Kolohose na Hasaia natuna, Hasaia na Adaia natuna, Adaia na Ioiaribi natuna, Ioiaribi na Sekaria natuna, Sekaria na Silono tauna natuna).  
\v 6 Perese garana iboudiai Ierusalem ai e nohova na boga-auka tataudia sinahu-hani tauratoi-ahui taurahani.   
\p
\v 7 Beniamina vevena bini: Salu, Mesulama natuna, (Mesulama na Ioed natuna, loed na Pedaia natuna, Pedaia na Kolaia natuna, Kolaia na Maaseia natuna, Maaseia na Itiele natuna, Itiele na lesaia natuna).  
\v 8 Bona ia murinai Gabai bona Salai bona tatau sinahu-taurahanita ruahui-taurahani.  
\v 9 Ioel Sikri ese e itadia tao, bona Iuda Hasenua na hanua itataona tauna iharuana.   
\p
\v 10 Hahelaḡa taudia edia amo: Iedaia Ioiaribi, Iakin,  
\v 11 Seraia, (ia na Hilkia natuna, Hilkia na Mesulama natuna, Mesulama na Sadok natuna, Sadok na Meraioto natuna, Meraioto na Ahitubu natuna); ia na Dirava ena dubu biaguna.  
\v 12 Bona idia tadikakadia, dubu ḡaukaradia e karava taudia, tatau sinahu-taurahani ruahui-rua; bona Adaia, (ia na Ierohama natuna, Ierohama na Pelalia natuna, Pelalia na Amasi natuna, Amasi na Sekaria natuna, Sekaria na Pasahuru natuna, Pasahuru na Malkia natuna),  
\v 13 bona ia tadikakana, iduhu kwaradia, tatau sinahu-rua hari-ahui rua; bona Amasahai, (ia na Asarele natuna, Asarele na Ahasai natuna, Ahasai na Mesilemoto natuna, Mesilemoto na Imere natuna),  
\v 14 bona idia tadikakadia, goada dikadika taudia, sinahu-ta ruahui taurahani; idia itataodia tauna na Sabdiele Hagedolimi.   
\p
\v 15 Levi taudia edia amo: Semaia, (ia na Hasub natuna, Hasub na Asarikama natuna, Asarikama na Hasabia natuna, Hasabia na Buni natuna);  
\v 16 bona Sabetai bona losabad, Levi edia lohia taudia bogaragidia amo; idia ese Dirava ena dubu murimurina kahana ḡaukaradia e biagudia.  
\v 17 Bona Matania, (ia na Mika natuna, Mika na Sabdi natuna, Sabdi na Asaf natuna); ia na Dirava ihanamolaina guriḡurina igwauraina imatamana tauna. Bona Bakabukia, tau iharuana tadikakana bogaragidiai, bona Abda, (ia na Samua natuna, Samua na Galala natuna, Galala na Iedutunu natuna).  
\v 18 Levi taudia iboudiai hanua helaḡana lalonai na tatau sinahu-rua taurahani-ahui hani.   
\p
\v 19 Ikoukou igimadia taudia Akubu bona Talmon mai tadikakadia ida, ikoukou e gimadiava taudia, na tatau sinahu-ta hitu-ahui rua.  
\v 20 Israel orena, bona hahelaḡa taudia bona Levi taudia oredia, na Iuda hanuadia iboudiai Ialodiai e nohova, ta ta ena tano ena tano ai.  
\v 21 A dubu ena hesiai taudia na Ofele ai e nohova; bona Siha bona Gispa ese dubu ena hesiai taudia e biagudia.   
\p
\v 22 Ierusalem ai Levi taudia itataodia tauna na Usisi, (ia na Bani natuna, Bani na Hasabia natuna, Hasabia na Matania natuna, Matania na Mika natuna, Mika na Asaf vevena, ane-abi taudia, ta); ia ese Dirava ena dubu ḡaukaradia e ita tao.  
\v 23 Badina be hanua pavapavana ese haheḡani ta e heni, idia daidiai, bona ane-abi taudia ese dina ta ta adia ahudia e abi.  
\v 24 Petahia Mesesabele, Sera Iuda vevena ta, na hanua pavapavana ena ere-gwaurai tauna, taunimanima itataodia ḡaukaradia iboudiai ai.   
\p
\v 25 A hanua maraḡidia, mai edia biru tanodia ida, herevadia bini. Iuda taudia haida na Kiriat-araba mai ena hanua maraḡidia ida, bona Dibon mai ena hanua maraḡidia ida, bona Iekabasele mai ena hanua maraḡidia ida,  
\v 26 bona Iesua bona Molada bona Bete-pelete, lalodiai e nohova.  
\v 27 Edia noho gabudia haida danu na Hasara-sual,  
\v 28 bona Bere-sieba mai ena hanua maraḡidia ida, bona Siklag, bona Mekona mai ena hanua maraḡidia ida,  
\v 29 bona En-rumon, bona Sora, bona Iaramutu,  
\v 30 bona Sanoa bona Adulama mai edia hanua maraḡidia ida, bona Lakisi mai ena biru tanodia ida, bona Aseka mai ena hanua maraḡidia ida. Taunabunai, idia na e taruha, Bere-sieba amo ela bona Hinom kourana.  
\v 31 Beniamina taudia danu Geba amo ela Mikmasa ai bona Aia ai, bona Betele mai ena hanua maraḡidia ida, lalodiai e nohova;  
\v 32 bona Anatoto ai bona Nob ai bona Anania ai,  
\v 33 bona Hasoro ai bona Rama ai bona Gitaimi ai,  
\v 34 bona Hadidi ai bona Seboimi ai bona Nebalata ai,  
\v 35 bona Lod ai, bona Ono, ima karakara dibaka taudia edia koura, lalonai.  
\v 36 Levi taudia edia orea haida Iuda ai na Beniamina taudia ida e hataodia hebou.   
\c 12  
\s1 Hahelaḡa taudia bona Levi taudia  
\p
\v 1 Hahelaḡa taudia bona Levi taudia, Serubabele Sealtiele bona Iesua ida e dae ela taudia, ladadia bini: Seraia, Ieremia, Esera,  
\v 2 Amaria, Maluku, Hatusu,  
\v 3 Sekania, Rehumu, Meremoto,  
\v 4 Ido, Ginetoi, Abia,  
\v 5 Miamini, Maadia, Bilga,  
\v 6 Semaia, Ioiaribi, Iedaia,  
\v 7 Salu, Amok Hilkia, Iedaia. Unu na hahelaḡa taudia mai varavaradia ida edia lohia, Iesua ena nega ai.   
\p
\v 8 Levi taudia: Iesua, Binui, Kadmiele, Serebia, Iuda, Matania. Hari Matania mai varavarana ida ese Dirava ihanamolaina anedia iabidia e gunalaidia.  
\v 9 Bona varavaradia Bakabukia bona Uno na ane-abi negadia ai idia italaidia ai e gini.  
\v 10 Iesua na loiakim tamana, Ioiakim na Eliasibi tamana, Eliasibi na loiada tamana,  
\v 11 Ioiada na Ionatan tamana, Ionatan na ladua tamana.  
\v 12 Ioiakim ena nega ai hahelaḡa taudia na iduhu kwaradia: Seraia ena na Meraia; Ieremia ena na Hanania;  
\v 13 Esera ena na Mesulama; Amaria ena na Iehohanan;  
\v 14 Maluki ena na Ionatan; Sebania ena na Iosef;  
\v 15 Harimi ena na Adna; Meraioto ena na Helekai;  
\v 16 Ido ena na Sekaria; Ginetono ena na Mesulama;  
\v 17 Abia ena na Sikri; Miniamini ena, Moadia ena na Pilitai;  
\v 18 Bilga ena na Samua; Semaia ena na Iehonatan;  
\v 19 Ioiaribi ena na Matenai; Iedaia ena na Usisi;  
\v 20 Salai ena na Kalai; Amok ena na Ebere;  
\v 21 Hilkia ena na Hasabia; Iedaia ena na Netanele.   
\p
\v 22 Levi taudia herevadia na iniheto. Eliasibi bona Ioiada bona Iohanan bona ladua edia nega ai iduhu kwaradia ladadia e tore; bona hahelaḡa taudia ladadia danu ela bona Darauese, tau Parasa, ena pavapava negana.  
\v 23 Levi garana, iduhu kwaradia, na Sisiga Bukana ai e torea ema bona Iohanan Eliasibi ena nega.  
\v 24 Levi Iohiadia: Hasabia, Serebia bona Iesua Kadmiele na varavaradia e gini hetalai henidia, bae heimodai bona bae hahenamo totona, David, Dirava ena tau, ena haheḡani heḡereḡerena ai bae nari hedava hedava.  
\v 25 Matania bona Bakabukia bona Obadia bona Mesulama bona Talmon bona Akubu na ikoukou igimadia taudia, ikoukou edia habou-habou rumadia e gimadia.  
\v 26 Unu na Ioiakim, Iesua Iosadak natuna, bona Nehemia, hekwara tauna, bona Esera, hahelaḡa tauna bona itorena tauna, edia nega ai.   
\s1 Ierusalem maḡuna ihahelaḡana  
\p
\v 27 Ierusalem maḡuna ihahelaḡana negana ai idia ese Levi taudia e tahudia, edia noho gabudia iboudiai lalodia amo, Ierusalem bae mailaidia totona, bena maḡu ihahelaḡana karadia bae moalelai, mai hahenamodia bona mai anedia ida, bona botabota auridia bona hatai-hatai ḡaudia badadia bona maraḡidia ida.  
\v 28 Bena ane-abi oreadia taudia e hebou, Ierusalem heḡeḡemadai amo, bona Netofa hanuadia amo,  
\v 29 bona Bete-gilgal amo, bona Geba bona Asamavete kahadia amo, badina be ane-abi taudia ese edia hanua e hagini Ierusalem heḡeḡemadai ai.  
\v 30 Bena hahelaḡa taudia bona Levi taudia na sibodia e haheḡoeva; bena idia ese taunimanima bona ikoukou bona maḡu na e haḡoevadia.   
\p
\v 31 Bena lau ese Iuda lohiadia na hakaudia dae maḡu latanai, bona orea badadia rua na duanaidia; bena idia na e raka hebou mai hahenamodia ida. Orea ta be idiba kahana amo e raka lao, maḡu latanai, ela bona Boromakau Taḡena Ikoukouna.  
\v 32 Idia muridia amo Hosaia bona Iuda lohiadia edia orea kahana e raka,  
\v 33 bona Asaria, Esera, Mesulama,  
\v 34 Iuda, Beniamina, Semaia, Ieremia,  
\v 35 bona hahelaḡa taudia natudia haida mai kibidia ida. Sekaria (ia na Ionatan natuna, Ionatan na Semaia natuna, Semaia na Matania natuna, Matania na Mikaia natuna, Mikaia na Sakuru natuna, Sakuru na Asaf natuna),  
\v 36 bona ia varavarana Semaia, Asarele, Milalai, Gilalai, Maai, Netanele, Iuda bona Hanani; idia ese David, Dirava ena tau, ena hatai-hatai ḡaudia e abi kau; bena itorena tauna Esera ese e gunalaidia.  
\v 37 Ranu Lohilohi Ikoukouna ai e kau, bena maoromaoro e dae ela, David ena hanua vadavadana amo, maḡu nese-dae gabuna ai, David ena ruma daenai, ela bona Ranu Ikoukouna ai, mairiveina kahana ai, e kau.   
\p
\v 38 Hahenamo oreana iharuana na lauri kahana amo ela, bena lau na idia muridia amo na raka, orea kahana ida. Maḡu latana amo ala, Amu Kohorona atai kahana amo ela bona Lababa-bada Maḡuna;  
\v 39 bena Efraim Ikoukouna atai kahana amo, bona Ikoukou Gunana bona Gwarume Ikoukouna bona Hananele ena Kohoro bona Sinahu-ta Kohorona amo ala, ela bona Mamoe Ikoukouna; bena Hegima Ikoukouna ai a doko.  
\v 40 Bena hahenamo oreadia ruaosi na Dirava ena dubu ai e gini, bona lau danu, heitatao oreana kahana ida.  
\v 41 Hahelaḡa taudia Eliakim, Maaseia, Miniamini, Mikaia, Elioenai. Sekaria bona Hanania danu unuseni ai, mai edia kibi;  
\v 42 bona Maaseia, Semaia, Eleasara, Usisi, Iehohanan, Malkia, Elam bona Esere danu. Bena ane-abi taudia ese ane e abi; Ieselahia ese e gunalaidia.  
\v 43 Una dina ai boubou karadia badadia e kara, bona e moale, badina be Dirava ese e hamolaedia herea; hahine mai natudia ida danu e moale. Ierusalem ena moale reḡedia na dauha amo e kamonai.   
\p
\v 44 Una dina ai tatau haida e duanaidia, habou-habou rumadia, kohu bona herahia ḡaudia bona aniani roboadia bona karoa ihagwautadia ḡaudia e habou gabudia, itataodia; unuseni ai hahelaḡa taudia bona Levi taudia ahudia bae habou, taravatu ai e gwaurai ḡaudia, hanua hanua edia biru gabudia heḡereḡeredia; badina be Iuda taudia ese hahelaḡa taudia bona Levi oreana, dubu ḡaukarana e karaiava taudia, na e moalelaidia.  
\v 45 Idia bona ane-abi taudia bona ikoukou igimadia taudia danu ese edia Dirava isiaina e lao heniva; bona haheḡoeva karadia e karava, David bona natuna Solomon edia haheḡani heḡereḡerena.  
\v 46 Badina be nega gunadia ai, David bona Asaf edia nega ai, ane-abi taudia na mai edia lohia ta, bona Dirava iheatolaina bona ihanamona anedia e abi.  
\v 47 Bena Serubabele bona Nehemia edia nega ai Israel idoinai ese ane-abi taudia bona ikoukou igimadia taudia ahudia na dina ta ta amo e henidia; bona Levi taudia ahudia e ato tabe; bena Levi taudia ese Aaron garana taudia ahudia ma e ato tabe.   
\c 13  
\s1 Nehemia ena hahekau karadia  
\p
\v 1 Una dina ai idia ese Mose ena buka e duahia, taunimanima vairadiai; lalonai e davaria, vada e torea, Amono tauna ta eiava Moab tauna ta na nega ta Dirava ena orea hebouna lalonai basine vareai;  
\v 2 badina be Israel taudia asie hedavari henidia ranu bona aniani ida, a Balaam e vatua, baine uduguiraidia totona; ḡau tamona iseda Dirava ese heuduguirai na hahenamo herevana ai e halaoa.  
\v 3 Taunimanima na taravatu e kamonai negana ai, idia ese bese idaudia amo e vara taudia na Israel edia amo e abidia oho.   
\p
\v 4 Ina kara do se vara negana ai, hahelaḡa tauna Eliasibi, e duanaia eda Dirava ena dubu daiutudia baine biagua tauna, na Tobia bamona,  
\v 5 bena ia ese daiutu badana ta e lailaia Tobia ena. Una daiutu na guna idia ese boubou flaoana bona muramura mai bonana bona dubu kohudia, bona aniani bona vine ranuna bona dehoro karoadia ihagwautadia, haheḡani heḡereḡerena ai Levi taudia bona ane-abi taudia bona ikoukou igimadia taudia e henidia gaudia, bona herahia, hahelaḡa taudia e henidia ḡaudia, e haboulaiva daiutuna.  
\v 6 Una kara e vara negana ai lau na dia Ierusalem ai; badina be Aratasasta, Babulono pavapavana, ena lohia laḡanina ihatoiahui-ruana ai lau na hanua pavapavana dekena nala. Nega taina vada ela, bena hanua pavapavana na noia baine kahugu nege;  
\v 7 bena Ierusalem nama. Una negana ai lau ese hari kara dikana na davaria, Eliasibi ese Tobia iduruna totona vada e karaia, daiutu ta Dirava ena dubu maḡuna ikoukoudia lalodiai e heḡaeḡaelaia iena.  
\v 8 Bena na badu dikadika, bena Tobia ena ruma ḡaudia iboudiai na daiutu lalona amo na tahodia lasi.  
\v 9 Na hahedua, bena daiutu e haḡoevadia. Bena lau ese Dirava ena dubu kohudia na una daiutu lalonai ma na atodia lou, bona boubou flaoana bona muramura mai bonadia danu.   
\p
\v 10 Lau na davaria danu Levi taudia ahudia na asie henidia; una dainai Levi taudia bona ane-abi taudia, ḡaukara e karava taudia, na vada e heau, ta ta ena uma ena uma vada ela.  
\v 11 Taunabunai lau ese heitatao taudia na gwau henidia, nato, Dahaka dainai Dirava ena dubu vada o laloa herekwa? Bena na haboudia, bona edia ḡaukara gabudia na henidia.  
\v 12 Bena Iuda idoinai ese aniani bona vine ranuna bona dehoro karoadia ihagwautadia na habou-habou rumadia lalodiai e vareailaidia.  
\v 13 Bena hahelaḡa tauna Selemia bona itorena tauna Sadok bona Levi tauna Pedaia na duanaidia, habou-habou ḡaudia ibalahenidia taudia ai baela; bona Hanana, Sakuru Matania natuna, na duanaia, idia idurudia tauna ai bainela; badina be idia na kara momokani taudia. Edia ḡaukara na tadikakadia adia bae henidia hagau-hagau.  
\v 14 Dirava e, ba lalogu tao, ina kara dainai, bona egu kara namodia egu Dirava ena dubu bona ena ḡaukara ihanamolaidia totona vada na kara ḡaudia na basio lalodia nege.   
\p
\v 15 Unu dinadia ai lau ese haida na itadia Iuda ai, idia ese vine huahuadia na dina helaḡa ai e moimoilai, bona uit bali senudia e mailai, doniki latadiai; bona vine ranuna bona vine huahuadia bona suke huahuadia bona kohu idau-idau iboudiai na dina helaḡa ai Ierusalem ai e vareailai. Bena aniani e hoihoilai dinana ai na sisiba henidia.  
\v 16 Turo taudia hanua badana ai e nohova danu, gwarume bona hoihoi ḡaudia idau-idau e vareailai, dina helaḡa ai Iuda taudia ediai bona Ierusalem lalonai e hoihoilai.  
\v 17 Bena Iuda lohiadia na gwau henidia, nato, Ina kara dikana umui ese o karaiamu be dahaka, dina helaḡa o hadikaiamu?  
\v 18 Senemui na unu e kara toma, bena eda Dirava ese ina dika idoinai ita latadai bona ina hanua badana latanai e havaraia, ani? A umui ese badu ma o havaraiamu Israel latanai, dina helaḡa o hadikaiamu dainai.   
\p
\v 19 Dina helaḡa e kahira-kahira ai, Ierusalem ikoukouna ai dina e diho negana ai, lau ese na haduadia iduara bae koudia, bona na haḡanidia basie kehodia ela bona dina helaḡa baine ore. Bena egu hesiai taudia haida na ikoukou itataodia na atodia, maduna ta dina helaḡa ai basie vareailaia helaoreana.  
\v 20 Bena nega ta eiava rua hoihoi taudia, kohu idau-idau e hoi taudia, na Ierusalem murimurinai e taruhava.  
\v 21 A lau ese na sisiba henidia, nato, Dahaka dainai maḡu vairanai o taruhamu? Una kara ba karaia lou negana ai, baina dabaimui tao. Una negana amo idia na dina helaḡa ai asiema lou.  
\v 22 Bena Levi taudia na haḡanidia, idia na sibodia bae haheḡoeva, bena baema, ikoukou bae gimadia, dina helaḡa bae hahelaḡaia helaoreana. Egu Dirava e, ina danu ba laloa tao, lau ihanamogu, bona emu hebogahisi badana heḡereḡerena ai ba hamaurigu.   
\p
\v 23 Unu dinadia ai lau ese Iuda taudia haida, Asdod bona Amono bona Moab hahinedia vada e adavadia taudia, na itadia;  
\v 24 idia natudia orea kahana na Asdod gadona ai e herevava, bona Iuda gadona igwauraina asi dibadia, a bese ta ta gadodia mo.  
\v 25 Bena na heai henidia, bona na uduguiraidia, bona haida be na dadabadia bona huidia na butu. Bena na haduadia, Dirava ladana ai bae gwau hamata; nato, Natumui hahinedia na idia natudia mamaruanedia basio henidia, bona idia natudia hahinedia na basio abidia, umui adavamui eiava natumui mamaruanedia adavadia ai basio halaodia.  
\v 26 Solomon, Israel pavapavana, na hahine unuhetomadia daidiai e kerere, ani? Bese momo bogaragidiai asi pavapava ta ia heḡereḡerena; ena Dirava ese e lalokau henia, bona Dirava ese Israel idoinai pavapavana ai e halaoa; ḡau tamona, idau bese hahinedia ese ia e hakaraia dika.  
\v 27 Matona, ai ese umui baia kamonai henimui, bona ina kara dika-hereana baia karaia, bona eda Dirava baia kara henia koikoi, idau bese hahinedia iadavadia ai, a?   
\p
\v 28 Iehoiada natuna ta, hahelaḡa tauna Eliasibi tubuna, na Sanbalata, tau Horono, rava-maragina, una dainai lau ese egu amo na lulua oho.  
\v 29 Egu Dirava e, ba lalodia tao, badina be idia ese hahelaḡa dagina, bona hahelaḡa taudia bona Levi taudia edia gwauhamata, na e hamiro.   
\p
\v 30 Taunabunai, lau ese idau bese ḡaudia iboudiai amo na haḡoevadia, bona hahelaḡa taudia bona Levi taudia na haginidia, edia ḡaukara ta ta ai;  
\v 31 bona boubou au-rakurakudia dalana na lailaia, e gwaurai negadia ai, bona aniani roboadia dalana danu. Egu Dirava e, ba lalogu tao, baina namo helaoreana.