\id JOS .01, Joshua 1, Motu, PNG, RTWP 7/92 
\h IOSUA 
\toc1 IOSUA 
\toc2 IOSUA 
\mt1 IOSUA  
\c 1  
\s1 Iosua ena ḡaukara e matamaia  
\p
\v 1 Iehova ena hesiai tauna Mose e mase murinai, Iehova ese Iosua Nunu, Mose iduruna tauna, e hereva henia, eto,  
\v 2 Egu hesiai tauna Mose vada e mase; taunabunai, a tore isi, ina Ioridane sinavaina ba hanaia, oi bona ina bese idoinai, hari Israel taudia na henidiamu tanona ai ba raka vareai.  
\v 3 Aemui palapaladia bae moi tao tanodia iboudiai baina henimui, Mose na gwau henia hamata heḡereḡerena.  
\v 4 Tano ḡaḡaena bona ina Lebanon ororona amo ela bona sinavai badana ladana Eufrate, Hiti taudia edia tano idoinai ela bona Davara Badana dina e dihomu kahana ai na bavabia, emui tano.  
\v 5 Emu mauri dinadia iboudiai tau ta ese basine laomu ahu diba. Mose na bamoava heḡereḡerena, oi baina bamomu; lau na basina lalomu rea bona basina rakatanimu.  
\v 6 Ba goada; ba haheauka. Badina be senedia na gwaurai henidia tanona na oi ese ina bese ba henidia, edia tano ai bainela.  
\v 7 Ḡau tamona, ba goada bona ba haheauka. Egu hesiai tauna Mose e henimu taravatuna idoinai ba badinaia bona karana ba karaia; iena amo basio raka siri, idiba kahana ai eiava lauri kahana ai basiola; bena ba lao heni gabudia iboudiai emu kara anidia bae namo.  
\v 8 Ina taravatu bukana herevadia na udumu ai bae mia; ia anina ba laloa boi, ba laloa rani. Unu amo ia lalonai e tore herevadia iboudiai ba badinadia bona karadia ba kara; bena emu raka baine namo bona emu kara anidia bae namo.  
\v 9 Vada na haḡanimu, ani, ba goada bona ba haheauka. Basio gari, daramu basine doko; badina be Iehova, emu Dirava, ese e bamomumu, emu laolao iboudiai lalodiai.   
\p
\v 10 Bena Iosua ese bese lohiadia e haduadia, eto,  
\v 11 Taruha amo ba raka hanai, taunimanima ba haḡanidia, baoto “Amui dala lakwana bavabia heḡaeḡae, badina be dina toi basie ore ai na ina Ioridane sinavaina ba hanaia, Iehova, emui Dirava, ese be henimuimu tanona ai ba raka vareai, bona bavabia emui tano.”   
\p
\v 12 Bena Iosua ese Ruben iduhuna taudia bona Gad iduhuna taudia bona Manase iduhuna kahana taudia e hamaorodia, eto,  
\v 13 Iehova ena hesiai tauna Mose e haḡanilaimui herevana ba laloa tao. Ia eto “Iehova, emui Dirava, ese emui laḡa-ani gabuna baine henimui bona ina tano danu baine henimui e tomu”.  
\v 14 Adavamui bona natumui maraḡidia bona emui boromakau na hari Mose e henimui tanona ai bae noho, Ioridane sinavaina inikahana ai; a tuari mai dibamui taumui iboumui ai na emui tuari ḡaudia bavabi kau, tadikakamui vairadiai ba raka hanai, ba durudia,  
\v 15 ela bona Iehova ese tadikakamui edia laḡa-ani gabuna baine henidia, umui e henimui heḡereḡerena. Bena idia danu Iehova, emui Dirava, ese be henidiamu tanona bae abia, edia tano ai bae halaoa. Una negana ai, umui emui tano, Iehova ena hesiai tauna Mose ese e henimui tanona Ioridane sinavaina mairiveina kahan ai, vada ba lou henia bona ba noholaia.   
\p
\v 16 Bena idia ese Iosua e haere henia, eto, Vada o haḡanilaimai karadia iboudiai baia kara, bona ba siaimai gabudia baiala.  
\v 17 Ḡau iboudiai lalodiai Mose a kamonai heniava na heto, oi danu baia kamonai henimu; bona Iehova, emu Dirava, ese baine bamomu, Mose e bamoava heḡereḡerena.  
\v 18 Daika ese baine papamu ahuahu bona emu haheḡani herevadia baine dadarai, una tau bae alaia mase. Ḡau tamona, ba goada bona ba haheauka.   
\c 2  
\s1 Hasinadoa taudia Ieriko ai  
\p
\v 1 Iosua Nunu ese hasinadoa taudia rarua Sitim amo e siaidia hehuni. E haduadia, eto, Aola, tano ba itaia, bona Ieriko hanuana danu. Raruosi na ela; bena ariara hahinena ta, ladana Rahaba, ena ruma ai e dae, unuseni ai e noho.   
\p
\v 2 Haida ese Ieriko pavapavana e hamaoroa, eto, Israel taudia haida na hari ina hanuaboi vada ema, ina tano bae hasinadoa totona.  
\v 3 Bena Ieriko pavapavana ese ena gwau-kau e siaia, Rahaba enai, eto, Dekemu ema bona emu ruma ai e dae kau taudia ba hakaudia lasi, badina be ina tano idoinai bae hasinadoa totona vada ema.  
\v 4 A hahine na unu tatau raruosi vada e abidia, vada e hunidia. Bena ia na eto, Momokani, unu tatau na dekegu ema, to lau na asi dibagu idia ede amo ema;  
\v 5 bena dina e diho ai, hanua ikoukouna bae koua negana ai, idia na e raka lasi. Ede ela na asi dibagu; a idia muridia amo baola haraḡa, bona ba halasidia tao.  
\v 6 A hahine na ruma guhina ai vada e hakaudia, \it flax\it*\f + \fr 2:6 \fk Flax\ft be rei ta, varo bona dabua aukadia ikaralaidia ḡau.\f* tuhutuhudia guhi ai e laha ḡaudia henudiai vada e hunidia.  
\v 7 Taunabunai e tahudia taudia ese Ioridane dalana ai e tahudia lao, ela bona turu-hanai gabudia. E tahudia ela, bena hanua ikoukouna vada e koua ahu.   
\p
\v 8 Hasinadoa taudia do asie hekure ai, hahine na dekedia e dae kau guhi ai,  
\v 9 e hereva henidia, eto, Lau na dibagu Iehova ese ina tano vada e henimui. Umui daimui ai gari ese e butumai taomu, bona ina tano taudia iboudiai kudoudia e hetahamu.  
\v 10 Badina be ai vada a kamonai Iehova ese Davara Kakakakana na vairamui ai e hakaukaua, Aigupto tanona amo o raka lasi negana ai. Vada a kamonai danu Amoro pavapavadia raruosi, Sihon bona Og, ede o aladia mase toma, Ioridane sinavaina unukahana ai.  
\v 11 A kamonai negana di kudoumai e hetaha, bona ta se haheauka umui daimui ai. Badina be Iehova, emui Dirava, na guba Diravana bona tanobada Diravana.  
\v 12 Taunabunai, Iehova ladana ai ba gwau henigu hamata: lau ese umui na bogamui hisi heḡereḡerena umui danu tamagu ena ruma ba bogaia hisi, bona toa korikorina ba henigu,  
\v 13 tamagu bona sinagu bona taihugu bona tadikakagu bona edia iboudiai ba hamauridia, iboumai ai mase amo ba rauamai.  
\v 14 Raruosi ese e haere henia, eto, Ai emai mauri davana na oiemu mauri. Emai ḡaukara harina basio hapiua, bena ai ese hebogahisi bona kara momokani baia hahedinarai henimu, Iehova ese ina tano baine henimai negana ai.   
\p
\v 15 Una hahine ena ruma na hanua maḡuna ai e hadaia; ia na maḡu latanai e nohova. Bena ia ese idia raruosi e abidia, gaba-mauru amo kwanau ai e tudia dobi.  
\v 16 E hamaorodia, eto, Ororo kahadia baola, e tahumuimu taudia bae davarimui na garina. Dina toi unuseni ai ba komu, ela bona e tahumuimu taudia bae lou mai; una murinai emui ura dalana ai ba raka.  
\v 17 Raruosi ese e hamaoroa, eto, Ai na a uramu ai na basia kerere, ina gwau-hamata emai ai vada o abia na basia hakererea.  
\v 18 Taunabunai, ai na ina tano lalonai baiama negana ai, ina varo kakakakana na o tumai dobi gaba-mauruna ai ba kwatua kau. Tamamu bona sinamu bona taihumu bona tamamu ena ruma taudia iboudiai na ruma lalonai ba haboudia.  
\v 19 Idia ta emu ruma iduarana amo baine raka lasi ariara ai, rarana na ia sibona kwarana ai; ai na asi emai kerere. A dika baine kau oi ida ruma lalonai e nohomu tauna ta enai, ia rarana na ai kwaramai ai.  
\v 20 A emai ḡaukara harina na tau ta boma hamaorolaia, ai na basiama kerere, ina emai ai vada o abia gwauhamatana basia hamomokania negana ai.  
\v 21 Hahine na eto, Emui hereva heḡereḡerena, unu baine heto. Bena ia ese e siaidia; bona idia e raka oho murinai ia ese varo kakakakana e kwatua kau, hari gaba-mauru ai.   
\p
\v 22 Raruosi e raka lao, ororo kahadia ela, dina toi unuseni ai e nohova, ela bona e tahudia taudia vada e lou; badina be e tahudia taudia na dala idoinai e tahudia, to asie davaridia.  
\v 23 Bena raruosi na ororo amo e hekei, sinavai e hanaia, Iosua Nunu dekenai e kau. Bena edia laolao sivaraina idoinai e hamaorolaia.  
\v 24 Idia ese Iosua e hamaoroa, eto, Momokani, Iehova ese tano idoinai ita imada ai vada e atoa; tano taudia iboudiai na kudoudia e hetahamu ita daidai.   
\c 3  
\s1 Israel ese Ioridane e hanaia  
\p
\v 1 Daba matana ai, Iosua na e tore isi, Sitim e rakatania, Israel taudia iboudiai ida, Ioridane sinavaina isena ai e kau. Bena maoromaoro asie hanaia; do e taruha guna.  
\v 2 Dina toi e ore murinai, bese lohiadia ese taruha bogaragina amo e raka hanai,  
\v 3 taunimanima e haḡanidia, eto, Hahelaḡa taudia Levi iduhuna amo Iehova emui Dirava ena maua helaḡana bae huaia ba itadia negana ai, ba tore isi, ia murina amo ba raka.  
\v 4 Uno amo emui raka dalana ba diba, badina be ina dala amo nega hata asio raka. A maua helaḡana basio raka henia kahi; umui bona ia padamui na kiubit daha rua sisivana bae mia.\f + \fr 3:4 \ft Kiubit daha rua = 890 metres sisivana.\f*  
\v 5 Bena Iosua ese taunimanima e hamaorodia, eto, Hari dina ai sibomui ba hahelaḡa, badina be kerukeru Iehova ese hoa karadia baine kara bogaragimui ai.  
\v 6 Iosua ese danu hahelaḡa taudia e hamaorodia, eto, Taravatu mauana bavabia isi, taunimanima vairadiai ba raka guna. Bena idia ese taravatu mauana e abia isi, taunimanima vairadiai e raka ela.   
\p
\v 7 Iehova ese Iosua e hereva henia, eto, Hari dina ai baina imodaimu matama, Israel taudia iboudiai vairadiai, bena bae diba lau ese oi na bamomumu, Mose na bamoava heḡereḡerena.  
\v 8 Hahelaḡa taudia, taravatu mauana e huaiamu taudia, ba haḡanidia, baoto “Ioridane sinavaina ai ba diho ela bona ranu isena ai, bena ba gini”.   
\p
\v 9 Bena Iosua ese Israel taudia e hamaorodia, eto, Ini aoma, Iehova, emui Dirava, ena hereva ba kamonai.  
\v 10 Iosua ma eto, Ini amo vada ba diba Mauri Diravana na umui bogaragimui ai e nohomu; momokani, ia ese Kanaan taudia bona Hiti taudia bona Hivi taudia bona Perisi taudia bona Girigasa taudia bona Amoro taudia bona Iebusu taudia na vairamui ai baine luludia lasi.  
\v 11 A kamonai: tanobada idoinai Lohiana ena taravatu mauana ese baine gunalaimui, Ioridane sinavaina ai.  
\v 12 Taunabunai, tatau gwautararua bavabidia, ta ta iduhu ta ta amo.  
\v 13 Bena hahelaḡa taudia, Iehova, tanobada idoinai lohiana, ena maua e huaiamu taudia, aedia palapaladia na Ioridane sinavaina ranuna ai bae turu dobi negana ai, Ioridane sinavaina ena aru baine doko, bona sinavai dorina amo e maimu ranudia na bae gini tao.   
\p
\v 14 Taunabunai, Israel taudia ese edia taruha gabuna e rakatania, Ioridane sinavaina ihanaina totona. Bena hahelaḡa taudia ese taravatu mauana e huaia lao, Israel taudia vairadiai,  
\v 15 ela bona taravatu mauana ihuana taudia aedia na sinavai ranuna ai e turu dobi. Hari Ioridane sinavaina ena kara be taboro negana ai abata e daeva.  
\v 16 Bena sinavai dorina amo e maiva ranuna na dauhai e gini tao, hanua ladana Adam badibadinai; una na Saretan kahana hanuana ta. A e laova, Araba gohuna (ladana ta be Tadi gohuna) e aru heniava ranuna e kororo. Bena Israel taudia na e raka hanai, Ieriko hegaga hehenina ai.  
\v 17 A Israel taudia iboudiai tano kaukauna ai e raka hanaiva negana ai, hahelaḡa taudia, Iehova ena taravatu mauana e huaia taudia, na tano kaukauna ai e gini, Ioridane bogaraginai, ela bona bese idoinai Ioridane e rakaia hanai vaitani.   
\c 4  
\s1 Ioridane e hanaia toana  
\p
\v 1 Bese idoinai ese Ioridane sinavaina e hanaia vaitani, bena Iehova ese Iosua e hagania, eto,  
\v 2 Iduhu gwauta-rua amo tatau ta ta amo bavabidia;  
\v 3 ba haḡanidia, baoto “Nadi gwauta-rua Ioridane bogaraginai, hahelaḡa taudia e gini gabuna amo, bavabidia, ba huadia lao, hari hanuaboi ba taruha gabuna ai bavatodia”.  
\v 4 Bena Iosua ese vada e abidia hidi taudia na iduhu ta ta amo ta ta e boiridia.  
\v 5 Bena Iosua ese e haḡanidia, eto, Iehova, emui Dirava, ena taravatu mauana vairanai baola, Ioridane sinavaina bogaraginai; bena ta ta nadi ta ta bavabi isi, paḡamui ai ba hua, Israel iduhudia heḡereḡeredia.  
\v 6 Ina na toa ai bainela bogaragimui ai. Bena kerukeru vanegai natumui ese bae nanadaimui, baeto “Ini nadi anidia be dahaka?”  
\v 7 umui na ba hadibadia, baoto “Ioridane sinavaina na Iehova ena taravatu mauana vairanai e kororo; Ioridane amo e huaia hanai negana ai, ranu na e kororo”. Bena ini nadi na Israel taudia edia helalo-tao ḡaudia ai baela, ela bona hanaihanai.   
\p
\v 8 Bena Israel taudia ese Iosua ena haheḡani heḡereḡerena e karaia: nadi gwauta-rua Ioridane sinavaina bogaragina amo e abidia, Israel iduhudia gwauta-ruaosi toadia, Iehova ese Iosua e haḡania heḡereḡerena. Bena e huadia lao, edia taruha gabuna ai e atodia diho.  
\v 9 A Iosua na nadi gwauta-rua e abidia, Ioridane bogaraginai e haginidia, hahelaḡa taudia, hari taravatu mauana e huaia taudia, e gini gabuna. Idia na mimia ema bona hari dina.  
\v 10 Badina be hahelaḡa taudia, maua helaḡana e huaia taudia, na Ioridane bogaraginai e gini, ela bona Iehova ese Iosua e haduaia taunimanima baine haḡanilaidia karadia iboudiai vada e ore, Mose ena haheḡani iboudiai Iosua e henia heḡereḡeredia.  
\p Bena taunimanima iboudiai e hanai haraḡa-haraḡa.  
\v 11 Taunimanima iboudiai e raka hanai vaitani, bena maua helaḡana bona hahelaḡa taudia e hanai, taunimanima vairadiai.  
\v 12 Ruben taudia bona Gad taudia bona Manase iduhuna kahana taudia, mai edia tuari ḡaudia imadia ai, na Israel taudia vairadiai e raka hanai, gunaguna Mose ese e haḡanidia heḡereḡerena.  
\v 13 Tuari taudia gerebu hani\f + \fr 4:13 \ft Gerebu hani = 40,000.\f* Iehova vairanai e raka hanai, tuari ela, Ieriko taorana ai.  
\v 14 Una dina ai Iehova ese Iosua e imodaia, Israel taudia iboudiai vairadiai; idia ese e matauraia bada, ena mauri dinadia iboudiai, gunaguna Mose e matauraiava heḡereḡerena.   
\p
\v 15 Bena Iehova ese Iosua e hamaoroa, eto,  
\v 16 Hahelaḡa taudia, taravatu mauana e huaia taudia, ba haḡanidia, Ioridane sinavaina amo bae dae.  
\v 17 Taunabunai, Iosua ese hahelaḡa taudia e haḡanidia, eto, Ioridane sinavaina amo ba dae.  
\v 18 Hahelaḡa taudia, Iehova ena taravatu mauana e huaia taudia, na Ioridane sinavaina bogaragina amo e dae; bena aedia na tano kaukauna ai e kau negana ai, Ioridane sinavaina ma e aru lou, abata ma e lasi, gunaguna heḡereḡerena.   
\p
\v 19 Hua gini-gunana dinana ihagwautana ai Israel taudia na Ioridane sinavaina amo e dae ela, Gilgal ai e taruha, Ieriko mairiveina kahana ai.  
\v 20 Hari nadi gwauta-ruaosi, Ioridane ai e abi ḡaudia, na Iosua ese e haginidia Gilgal ai.  
\v 21 Bena ia ese Israel taudia e hamaorodia, eto, Kerukeru vanegai natumui bae nanadaimui, baeto “Ini nadi anidia be dahaka?”  
\v 22 umui ese natumui ba hadibadia, baoto “Israel na ina Ioridane sinavaina amo e raka hanai, tano kaukauna ai”.  
\v 23 Badina be Iehova, emui Dirava, ese Ioridane ranuna na emui ai e hakororoa, ela bona o raka hanai vaitani, gunaguna Iehova, emui Dirava, ese Davara Kakakakana na ai emai ai e hakororoa ela bona ai vada a raka hanai heḡereḡerena.  
\v 24 Taunabunai, tanobada taudia iboudiai bae diba Iehova imana na mai goadana; bona umui danu Iehova, emui Dirava, garina ba gari ela bona hanaihanai.   
\c 5  
\s1 Ieriko vairanai  
\p
\v 1 Amoro pavapavadia iboudiai Ioridane sinavaina unukahana ai, Iahara kahana ai, e nohova, bona Kanaan taudia edia pavapava iboudiai, kone kahana ai e nohova, na harina e kamonai, Iehova ese Ioridane sinavaina e hakororoa Israel taudia ediai ela bona idia vada e hanaia, bena kudoudia e hetaha bona laumadia e daure, Israel taudia daidiai.   
\p
\v 2 Una negana ai Iehova ese Iosua e hereva henia, eto, Vasiga bavabi, Israel taudia ma ba peritomedia lou, nega iharuana.  
\v 3 Taunabunai Iosua ese vasiga e abi, Israel taudia e peritomedia, Gibeata-haraloto ai.  
\v 4 Iosua ese e peritomedia badina binai: Aigupto amo e raka lasi mamaruanedia iboudiai, tuari taudia iboudiai, na dala ai vada e mase, tano ḡaḡaena ai, Aigupto amo e raka lasi murinai.  
\v 5 E raka lasi tataudia iboudiai be vada e peritomedia guna; a dala ai e vara, tano ḡaḡaena ai, tataudia, tamadia na Aigupto amo e raka lasi murinai, na asie peritomedia.  
\v 6 Badina be Israel taudia na laḡani hari-ahui tano ḡaḡaena ai e loaloava, ela bona bese idoinai, tuari taudia Aigupto amo e raka lasi iboudiai, na e mase ore; badina be idia na Iehova erena asie kamonai. Bena Iehova ese e gwau henidia hamata, senedia e gwau henidia hamata baine henida eto tanoml, rata bona bada-ranuna e arumu tanona, na basine haheitalaidia eto.  
\v 7 Taunabunai idia natudia, idia ibolodia ai e halaodia taudia, na Iosua ese e peritomedia; badina be dala ai asie peritomedia.   
\p
\v 8 Bese idoinai e peritomedia murinai, idia na edia taruha ai e nohova ela bona hisihisi vada e ore.  
\v 9 Bena Iehova ese Iosua e hamaoroa, eto, Hari dina ai Aigupto ena hemarai na emui amo vada na keia oho. Taunabunai, una gabu ladana e hatoamu Gilgal,\f + \fr 5:9 \ft “Gilgal” anina be “Hekei”.\f* ema bona hari dina.   
\p
\v 10 Israel taudia na Gilgal ai e nohova negana ai, idia ese lagau-hanai ariana e karaia. Hua dinana ihagwauta-hanina adorahina ai e karaia, Ieriko taorana ai.  
\v 11 Lagau-hanai dinana e ore, kerukeru idia na una tano anina e ania, asie hatubua flaoana dikeadia bona e gabua uitina.  
\v 12 Tamo anina e ania, bena ma kerukeru mana e doko; Israel taudia na mana asie ania lou, a Kanaan tanona anina e ania una laḡani ai.   
\p
\v 13 Ieriko badibadinai Iosua na e roha isi, tau ta e itaia, dare e veria lasi imana ai. Bena Iosua ese e raka henia kahi, e nanadaia, eto, Oi na ai ida, eiava inaimai?  
\v 14 Ia na e haere, eto, Lasi, lau na Iehova ena tuari oreana baina halohiaia totona nama. Bena Iosua na tano ai e goru diho, e toma henia diho, eto, Egu lohia ese ena hesiai tauna ede be haḡania tomamu?  
\v 15 Iehova ena tuari oreana lohiana ese Iosua e hamaoroa, eto, Emu tamaka na aemu amo a koki oho, badina be o ginimu gabuna na tano helaḡana. Bena Iosua na unu e kara toma.   
\c 6  
\s1 Israel taudia Ieriko e abia  
\p
\v 1 Ieriko hanuana na e hekou ahu, Israel laudia daidiai; ta se raka lasi, bona ta se raka vareai.   
\p
\v 2 Bena Iehova ese Iosua e hamaoroa, eto, A itaia, Ieriko hanuana na oi imamu ai vada na atoa, mai pavapavana bona mai ena tuari oreana ida.  
\v 3 Hanua ba rakaia heḡeḡe, mai tuari oreana idoinai ida, nega hatamona. Dina ta ta amo unu ba kara toma, ela bona dina tauratoi bae ore.  
\v 4 Hahelaga taudia hahitu ese nani mamaruanedia doadia amo e kara kibidia hitu bae abi, maua helagana vairanai bae raka. Dina ihahituna ai, hanua ba rakaia hegeḡe nega hahitu; hahelaga taudia danu kibi bae hiriri.  
\v 5 Bena kibi reḡena ba kamonai e hiriri daudaumu, una negana ai taunimanima iboudiai bae lolo lalodika; bena hanua maḡuna baine heḡiḡi dobi, taunimanima iboudiai na maorodia ai vada bae raka baela.   
\p
\v 6 Taunabunai, Iosua Nunu ese hahelaḡa taudia e boiridia, eto, Taravatu mauana bavabia isi; hahelaḡa taudia hahitu danu nani mamaruanedia doadia amo e kara kibidia hitu bae abi, Iehova ena maua helagana vairanai bae raka.  
\v 7 Ia ese taunimanima danu e hamaorodia, eto, Aola, hanua ba rakaia hegeḡe; tuari taudia ese Iehova ena maua helaḡana vairanai bae raka.   
\p
\v 8 Iosua ese taunimanima vada e haḡanidia heḡereḡerena, hahelaḡa taudia hahituosi ese nani mamaruanedia doadia amo e kara kibidia hituosi e abi, Iehova vairanai; bena e raka lao, kibi e hiriri. Idia muridiai Iehova ena taravatu mauana e huaia.  
\v 9 Tuari taudia na kibi e hiriri taudia vairadiai e raka; a orea taudia loḡora na maua helaḡana murinai e raka. Kibi na e hiriri loulou.  
\v 10 A Iosua ese taunimanima e haḡanidia, eto, Basio lolo, bona basio hereva-hereva; hereva ta udumui amo basine lasi, ela bona dina baine gini dae bainato “A lolo”. Bena ba lolo.  
\v 11 Taunabunai ia ese Iehova ena maua helaḡana e siaia, hanua baine haḡeḡea nega hatamona. Bena taruha e lou lao, unuseni ai e noho rani.   
\p
\v 12 Daba matana ai Iosua e tore isi, bona hahelaga taudia ese Iehova ena maua helaḡana e abia isi.  
\v 13 Bena hahelaḡa taudia hahituosi ese nani mamaruanedia doadia amo e kara kibidia hituosi e abi, Iehova ena maua helaḡana vairanai e raka, kibi e hiriri loulou. Vairadiai tuari taudia e raka; Iehova ena maua helaḡana murinai orea taudia e raka; kibi e hiriri loulou.  
\v 14 Dina iharuana ai danu hanua e rakaia hegeḡe nega hatamona; bena taruha ma e lou lao. Dina tauratoi unu e kara toma.   
\p
\v 15 Dina ihahituna ai, idia na daba vaburana ai e tore tore isi, hanua unu e rakaia heḡeḡe toma, nega hahitu; una dina tamona ai nega hahitu hanua e rakaia hegege.  
\v 16 Nega ihahituna ai, hahelaḡa taudia ese kibi e hiriri negana ai, Iosua ese taunimanima e hamaorodia, eto, A lolo, badina be Iehova ese hanua vada e henimui.  
\v 17 Hanua mai anina idoinai na Iehova ese vada e revaia, baine hebua tari; a ariara hahinena Rahaba, mai ena ruma taudia iboudiai ida, bae mauri, badina be ia ese iseda hasinadoa taudia e hunidia.  
\v 18 A umui be nahuamui ba toho, e gwaudia ahu ḡaudia ta bavabia, bena sibomui ba hahedika, bona Israel taruhana ba hadikaia bona ba hahekwarahia na garina.  
\v 19 A \it silver\it* bona \it gold\it* idoinai, bona auri laboralabora ḡaudia bona auri ḡaudia, na hehelaḡa Iehova ena; Iehova ena habouhabou rumana ai ba haboudia.  
\v 20 Taunabunai taunimanima na e lolo, bona kibi taudia na kibi e hiriri. Taunimanima ese kibi reḡedia e kamonai, bona ma e lolo lalodika. Bena hanua maḡuna e heḡigi dobi; taunimanima na maorodia ai e raka vareai, hanua e abia.  
\v 21 Hanua idoinai e habuaia tari; tatau bona hahine, memero bona iahu, boromakau bona mamoe bona doniki, ibouboudiai na dare matana amo e aladia mase.   
\p
\v 22 Iosua ese hasinadoa taudia raruosi e hamaorodia, eto, Ariara hahinena ena ruma ai ba dae kau, hahine mai varavarana iboudiai ida ba hakaudia lasi, o gwau henidia hamata heḡereḡerena.  
\v 23 Taunabunai hari eregabe taudia gunaguna hasinadoa ela na e raka vareai, Rahaba mai tamana bona sinana bona taihuna bona varavarana iboudiai ida e hakaudia lasi; varavarana iboudiai e laohaidia, Israel taudia edia taruha murimurinai e rakatanidia.  
\v 24 Bena hanua na lahi amo e doua, mai anina idoinai ida; a \it gold\it* bona \it silver\it* bona auri labora-labora gaudia bona auri gaudia e abidia, Iehova ena ruma ai e haboudia, dava-bada ḡaudia e haboudiava gabuna ai.  
\v 25 A ariara hahinena Rahaba, tamana ena ruma taudia bona varavarana iboudiai ida, Iosua ese e hamauridia. Hahine na Israel ai e nohomu ema bona harihari; badina be ia ese Iosua ena hesiai taudia bae hasinadoa totona e siaidia na e rauadia.   
\p
\v 26 Una negana ai Iosua ese hereva aukana e henidia, eto, Ina hanua Ieriko baine hadaia lou tauna na Iehova ese baine uduguiraia. Ruma badidia baine hagini davana na natuna roboana baine mase, bona ikoukou baine hagini davana na natuna tau-muritai baine mase.   
\p
\v 27 Taunabunai, Iehova ese Iosua e bamoa; ia harina na tano idoinai e piua.   
\c 7  
\s1 Akan ena kerere  
\p
\v 1 A Israel taudia na e revadia ḡaudia ediai e kerere; badina be Akan Karami, Sabdi Sera tubuna, luda iduhuna tauna, ese e gwaudia ahu ḡaudia haida e abi; taunabunai Iehova ena badu vada e siahu, Israel taudia latadiai.   
\p
\v 2 Una negana ai Iosua ese tatau haida Ieriko amo e siaidia, e dae lao, hanua ladana Ai baela. Una hanua na Bet-avene badibadinai, Betele mairiveina kahana ai. E hamaorodia, eto, Aola, una tano ba hasinadoa.  
\v 3 Bena idia na e dae ela, Ai hanuana e hasinadoa. Bena idia na e lou, Iosua dekenai, e hamaoroa, eto, Taunimanima iboudiai na basiela; daha rua eiava daha toi mo baela, Ai hanuana bae tuari henia. Iboudiai na basio hahekwarahidia, basio siaidia; badina be hanua maraḡina mo.  
\v 4 Taunabunai, orea taudia bogaragidia amo daha toi sisivana e dae ela. Ai taudia ese e hadareredia, e hahavadia,  
\v 5 toi-ahui tauratoi sisivana e aladia mase. Hanua ikoukouna amo e hahavadia lao, ela bona Sebarimi, bena hekei gabuna ai e aladia mase. Bena Israel taudia na kudoudia e hetaha, bona lalodia e manokamanoka ranu na heto.   
\p
\v 6 Bena Iosua ese ena dabua e dare, bona tano ai e goru diho, Iehova ena taravatu mauana vairanai, ela bona dina e diho, ia bona Israel tau-badadia danu. Gahu e abia danu, kwaradia ai e bubu.  
\v 7 Bena Iosua eto, Inaio! Ḡaubada Iehova o! dahaka dainai ina bese taudia Ioridane sinavaina amo vada o hakaudia hanai? Amoro taudia imadia ai ba negemai bena bae habuamai tari totona a? Lalomai bema heḡereḡere Ioridane sinavaina unukahana ai baiama noho bema namo.  
\v 8 Ḡaubada e, Israel na inaidia vairadiai vada e heau; lau na ede baina hereva toma?  
\v 9 Badina be Kanaan taudia bona ina tano ai e nohomu besedia iboudiai ese harina vada e kamonai, bena bae ḡeḡemai ahu, ai ladamai na tanobada ai bae kokia oho. Bena oi ladamu herea-daena na ede ba tomaia?   
\p
\v 10 Iehova ese Iosua e hereva henia, eto, A tore isi, dahaka dainai ene e goru diho tomamu?  
\v 11 Israel vada e kerere, egu taravatu, na gwaurai henidia ḡauna, vada e tataia utu; vada na gwau ahu ḡaudia idia ese vada e abidia; vada e henao, vada e koikoi, unu ḡau na edia kohu lalodiai vada e hunidia.  
\v 12 Taunabunai, Israel taudia na inaidia vairadiai asi gini dibadia, bena vada e heau; badina be idia danu vada na revadia mase. Lau na basina bamomui lou, ela bona hari na gwau ahu ḡaudia na bogaragimui amo bavabidia oho, ba ha-oredia vaitani.  
\v 13 A tore isi, taunimanima ba hahelaḡadia, baoto: Sibomui ba hahelaḡa, kerukeru dina ena badina be Iehova, Israel eda Dirava, na e tomu “Israel e, inaimui vairadiai na basio gini diba, ela bona na gwau ahu ḡaudia na bogaragimui amo ba negedia daure”.  
\v 14 Taunabunai, kerukeru daba ai baoma, iduhu ta ta amo ba raka kahira; bena Iehova ese baine duanaia iduhuna na doḡoro ta ta amo ma bae raka kahira; bena Iehova ese baine duanaia doḡorona na ruma ta ta amo ma bae raka kahira; bena Iehova ese baine duanaia rumana be ruma taudia na ta ta amo ma bae raka kahira.  
\v 15 Bena na gwau ahu ḡaudia enai bae davaridia tauna na lahi ai bae hamasea, ena kohu idoinai danu lahi ai bae doua; badina be ia ese Iehova ena taravatu vada e tataia utu, bona hemarai karana ta vada e karaia Israel ai.   
\p
\v 16 Daba matana ai Iosua e tore isi, Israel taudia e hakaudia kahira, iduhu ta ta amo; bena luda iduhuna e heduanai.  
\v 17 luda taudia ma e hakaudia kahira, doḡoro ta ta amo; bena Sera ena doḡoro e heduanai. Sera ena doḡoro taudia ma e hakaudia kahira, ruma ta ta amo; bena Sabdi ena ruma e heduanai.  
\v 18 Sabdi ena ruma taudia ma e hakaudia kahira, tatau ta ta amo; bena Akan Karami, Sabdi Sera tubuna, luda iduhuna tauna, e heduanai.   
\p
\v 19 Bena Iosua ese Akan e hereva henia, eto, Natugu e, Iehova, Israel Diravana, ba heatolaia, heimodai ia mo ba henia. Mani a hamaorogu, oi na ede o kara toma; egu ai basio hunia.  
\v 20 Bena Akan ese Iosua e haere henia, eto, Momokani, lau na vada na kerere, Iehova, Israel Diravana, vairanai. Lau na ini na kara toma:  
\v 21 ta abi kohudia lalodiai lau na hahedoki dabuana namo-hereana ta, Sinara ḡauna, na itaia, bona \it silver\it* sekeledia sinahu rua, bona \it gold\it* tua ta, ena metau na sekele imahui; na hekise-hekise henidia, bena na abidia; a itaia, ḡaudia na tano ai e hepuni, egu kalaga ai; \it silver\it* be henudiai.   
\p
\v 22 Taunabunai Iosua ese haida e siaidia; e heau lao, bena kohu na e davaria, ena kalaga ai e hepuni, hari \it silver\it* danu henudiai.  
\v 23 Bena kalaga lalona amo e abidia lasi, Iosua bona Israel taudia iboudiai dekedia e laohaidia, Iehova vairanai e atodia.  
\v 24 Bena Iosua bona Israel idoinai ese Akan Sera e abia, \it silver\it* bona hahedoki bona \it gold\it* tuana danu e abidia, bona natuna mamaruanedia bona natuna hahinedia, bona ena boromakau bona ena doniki bona ena mamoe, bona ena kalaga, bona ena kohu idoinai; ibouboudiai na Akoro kourana e laohaidia.  
\v 25 Bena Iosua eto, Dahaka dainai vada o hahekwarahimai? Hari dina ai Iehova ese oi e hahekwarahimumu.  
\p Bena Israel taudia iboudiai na nadi amo e hodoa; ena ḡau iboudiai danu lahi ai e doudia, bona nadi amo e hododia.  
\v 26 Bena ia latanai nadi e senu, una nadi senusenua bada-hereana na mia ema bona hari dina ai. Bena Iehova ena badu ma e keru lou. Taunabunai una gabu ladana e hatoamu Akoro\f + \fr 7:26 \ft “Akoro” anina be “hekwarahi”.\f* Kourana, ema bona hari dina ai.   
\c 8  
\s1 Ai  
\p
\v 1 Iehova ese Iosua e hereva henia, eto, Basio gari; kudoumu basine hetaha. Tuari taudia iboudiai avabidia; a tore isi, Ai hanuana baola. A itaia, lau ese Ai pavapavana bona ena orea taudia bona ena hanua bona ena tano vada na henimu; idia na oi imamu ai.  
\v 2 Ieriko bona Ieriko pavapavana o kara henidia heḡereḡerena, Ai hanuana bona Ai pavapavana unu ba kara henidia toma; ḡau tamona, ena kohu bona ena ubu-ubu ḡaudia bavabi emui. Emu orea ta ba siaidia hehuni, hanua murina kahana amo bae hahoadia.   
\p
\v 3 Taunabunai Iosua e tore isi, tuari taudia iboudiai ida; e heḡaeḡae, Ai hanuana baela. Iosua ese goada taudia gerebu toi\f + \fr 8:3 \ft Gerebu toi = 30,000.\f* e abidia hidi, hanuaboi ai e siaidia, bae guna.  
\v 4 E haḡanidia, eto, A kamonai: hanua murina kahana ai ba bani henidia; basio raka oho, ba noho heḡaeḡae.  
\v 5 A lau be egu orea taudia ida hanua baia raka henia kahi. Bena hanua taudia bae raka lasi, vanegai heḡereḡerena, bae tuari henimai totona; a ai be idia vairadiai baia heau.  
\v 6 Bena bae havamai; una dala ai hanua amo baia veridia oho dauhai: badina be idia na baeto “Vairada ai e heaumu, vanegai e heau heḡereḡerena”. Taunabunai ai na idia vairadiai baia heau;  
\v 7 bena umui na ba tore isi, emui komu gabuna ba rakatania, hanua na bavabia; badina be Iehova, emui Dirava, ese imamui ai baine atoa kau.  
\v 8 Hanua na bavabia negana ai, vada ba doua, Iehova ena hahedua heḡereḡerena. Vadaeni, vada name haḡanimui.  
\v 9 Taunabunai, Iosua ese e siaidia, bena edia komu gabuna ela, Betele bona Ai padadiai, Ai lahara kahana ai. A Iosua na ena orea taudia ida e nohova una hanuaboi ai.   
\p
\v 10 Iosua na daba maraḡi ela, taunimanima e haboudia, bena idia bona Israel tau-badadia ida e dae ela, taunimanima vairadiai Ai ela.  
\v 11 Bena tuari taudia iboudiai, ia ida ela taudia, na e dae ela, hanua e raka henia kahi, Ai mirigini kahana ai e taruha. Edia taruha bona Ai hanuana padadia ai na koura dobudobuna ta.  
\v 12 A taunimanima daha ima sisivana e abidia, Betele bona Ai padadiai bae bani henidia, Ai lahara kahana ai.  
\v 13 Taunabunai iboudiai na edia gabu e abi, orea badana na hanua mirigini kahana ai, a e komu oreana na lahara kahana ai. A Iosua na koura ai e noho rani.   
\p
\v 14 Ai pavapavana ese una kara e itaia, bena ia mai ena tuari taudia bona ena hanua taudia iboudiai na hanua amo e didi lasi, bena ia mai ena orea taudia, Ai hanuana taudia, e tore isi haraḡa, e didi lasi, Araba hekeidihona ela, Israel taudia bae tuari henidia totona; asi dibana orea ta be hanua murina kahana ai vada e komu.  
\v 15 Bena Iosua bona Israel taudia iboudiai ese e koidia, e kara vada e darere na heto, bena e heau, tano ḡaḡaena e heau lao.  
\v 16 Bena Ai taudia iboudiai e heau hebou, bae hahavadia totona; bena idia ese Iosua e havaia, hanua na e rakatania.  
\v 17 Ai bona Betele lalodiai tau ta dia noho; asi tauna ta Israel se havadia. I lanua na hekehona ai e rakatania, idia e havadia lao.   
\p
\v 18 Bena Iehova ese Iosua e hamaoroa, eto, Io na imamu ai ba toia roro, Ai ba dudui henia; badina be oi imamu ai baina atoa kau. Taunabunai Iosua ese ena io na imana ai e toia roro, hanua e dudui henia.  
\v 19 Bena imana e toia roro negana ai, hari e komu oreana na edia komu gabuna amo e tore isi haraḡa, e heau lao, hanua lalonai e heau vareai, vada e abia; bena maoromaoro e doua.   
\p
\v 20 Taunabunai, Ai taudia na e roha kerehai, hanua e doua kwalahuna guba ai e dae e itaia. Bena asi edia heau dalana ta; badina be tano ḡaḡaena e heau lao taudia na ma e lou, e havadia taudia ma e lou henidia.  
\v 21 Iosua bona Israel taudia iboudiai ese e itaia, e komu oreana ese hanua vada e abia, bona hanua e doua kwalahuna na e daeva, bena idia na e lou, Ai taudia e hadareredia.  
\v 22 Bena hari orea ta ma hanua amo e raka lasi, e tuan henidia; taunabunai Israel taudia na kahana kahana ai, idia na ihua-pada ai. Bena Israel ese e hadareredia, ta se mauri bona ta se heau.  
\v 23 A Ai pavapavana na e abia mauri, Iosua dekena e hakaua lao.   
\p
\v 24 Israel taudia na Ai taudia iboudiai, hari tano ḡaḡaena ai e havadia taudia, na e aladia ore, iboudiai na dare amo e aladia mase. Una murinai idia na Ai e lou ela, noho taudia ma dare amo e aladia ore.  
\v 25 Una dina ai e aladia mase taudia iboudiai na gerebu-ta daha-rua,\f + \fr 8:25 \ft Gerebu-ta daha-rua = 12,000.\f* tatau bona hahine; Ai taudia iboudiai bunu.  
\v 26 Badina be Iosua ese io imana ai se veria lou ela bona Ai taudia iboudiai vada e aladia ore.  
\v 27 A Israel taudia ese ubu-ubu ḡaudia bona kohu una hanua lalona amo e abidia edia, Iehova ese Iosua e haḡania heḡereḡerena.  
\v 28 Taunabunai Iosua na Ai hanuana e doua bona e haseriseria; unu e mia tomamu ema bona hilrihari.  
\v 29 Bena ia ese Ai pavapavana e alaia mase, au ta ai e taua dae ela bona adorahi. Dina e diho, bena Iosua ese e haḡanidia dainai haida ese mase tauna na au amo e abia dobi, hanua ikoukouna ai e atoa diho; bena nadi e senu senu kau ia latanai. Una senusenu badana na doini mia, ema bona harihari.   
\p
\v 30 Bena Iosua ese ihaboulaina patana ta e larebaia, Iehova, Israel Diravana, ena, Ebal ororona ai,  
\v 31 Mose, Iehova ena hesiai tauna, ena haheḡani heḡereḡerena, Mose ena taravatu bukana ai e torea, eto: Ihabiulaina patana na nadi kavakava, asie utu ḡaudia, amo ba karaia. Bena ia latanai ḡole-oho bouboudia bona herohemaino bouboudia e hahelaḡadia, Iehova ena.  
\v 32 Unuseni ai Mose ese ena taravatu ma e torea lou una nadi ai; Israel taudia vairadiai e torea.  
\v 33 Bena Israel idoinai, Israel taudia korikori bona bogaradiai e noho hedoava taudia, Israel tau-badadia bona heitatao taudia bona hahemaoro taudia ida, taravatu mauana kahana kahana ai e gini, hahelaḡa taudia Levi iduhuna amo, Iehova ena taravatu mauana e huaia taudia, vairadiai. Kahana na Gerisim ororona vairanai e gini, ma kahana Ebal ororona vairanai, Mose, Iehova ena hesiai tauna, ena haheḡani gunaguna e henidia heḡereḡerena, Israel taudia ihanamodia totona.  
\v 34 Una murinai ia ese taravatu herevadia iboudiai e duahi, hahenamo herevadia bona heuduguirai herevadia, taravatu bukana ai e tore herevadia iboudiai heḡereḡeredia.  
\v 35 Mose ena haheḡani herevana ta Iosua ese se hamorua; iboudiai e duahidia hedinarai, Israel taudia edia hebou ai, tatau bona hahine, memero bona kekeni, bona noho-hedoa taudia danu, vairadiai.   
\c 9  
\s1 Gibeon raudia edia koikoi  
\p
\v 1 Ioridane sinavaina unukahana pavapavadia iboudiai, ororo ai bona taora ai, ela bona Davara Badana konena Lebanon kahana ai, Hiti bona Amoro bona Kanaan bona Perisi bona Hivi bona Iebusu taudia edia pavapava, ese una hari e kamonai;  
\v 2 bena mai lalodiai tamona e hebou, Iosua bona Israel taudia bae tuari henidia eto.   
\p
\v 3 A Gibeon taudia na Iosua harina e kamonai, Ieriko bona Ai hanuadia ede e karadia toma;  
\v 4 bena hedibaḡani karana ta e karaia. Idia na aniani e habou, laolao taudia na heheto, puse gunadia bona vine-ranuna kopidia gunadia, vada e hedare ma e bani ḡaudia, na edia doniki dorudia ai e ato kau.  
\v 5 Tamaka gunadia, vada e bani ḡaudia, bona dabua gunadia, vada e hedare ḡaudia, e dokidia; adia flaoa danu vada e auka bona vada e valavala.  
\v 6 Bena Iosua dekena ela, Gilgal taruhana ai, ia bona Israel taudia e hamaorodia, eto, Ai na gabu daudau amo vada ama, umui ida baita herohemaino a tomu.   
\p
\v 7 Bena Israel taudia ese Hivi taudia e hamaorodia, eto, Umui na readia ina tano ai o nohomu. Ede baita herohemaino toma?  
\v 8 A idia ese Iosua ma e hamaoroa, eto, Ai na oiemu hesiai taudia. Iosua ese ma e nanadaidia, eto, Umui be daidia? Bona ede amo vada oma?  
\v 9 Idia ese e haere henia, eto, Emu hesiai taudia na gabu daudau amo, Iehova, emui Dirava, ladana dainai vada ama. Badina be ia harina vada a kamonai, bona ena kara iboudiai Aigupto ai e karava sivaraidia;  
\v 10 bona Amoro pavapavadia raruosi, Ioridane sinavaina unukahana ai, Sihon, Hesebon pavapavana, bona Og, Basan pavapavana, Astaroto ai e nohova, na ede o karadia toma vada a kamonai.  
\v 11 Bena emai tano lohiadia bona emai tano taudia iboudiai ese e haḡanimai, eto “Dala lakwana bavabia, idia dekedia baola, baoto: Ai na emui hesiai taudia, mani aita herohemaino”.  
\v 12 Amai flaoa binai, emai dala lakwana, dekemui baiama totona a tore isi dinana ai emai ruma amo a abia lasi mai siahu-siahuna ida. A itaia, harihari ia na vada eme auka, eme valavala danu.  
\v 13 Ini vine ranuna kopidia danu, a hahonudia negana ai idia na mamatamata; a itaia, harihari idia na vada e hedare patapata. Emai dabua bona emai tamaka danu vada e dika, dala daudau amo vada ama dainai.   
\p
\v 14 Bena Israel taudia na edia aniani taidia taidia e ani; Iehova ena hahedua asie tahua.  
\v 15 Bena Iosua na idia ida e herohemaino bona e gwau hamata, basine aladia mase eto. Hebou ikwarana taudia danu unu e gwau hamata toma.   
\p
\v 16 Dina toi vada ela, una herohemaino karana murinai, bena sivaraidia e kamonai, idia na dekedia taudia, bona badidiai e nohomu.  
\v 17 Bena Israel taudia na edia laolao ela, dina ihatoina ai idia edia hanua ai e kau. Edia hanua be Gibeon bona Kefira bona Beroto bona Kiriat-iearimi.  
\v 18 Bena Israel taudia ese asie aladia mase, badina be hebou ikwarana taudia ese vada e gwau henidia hamata, Iehova, Israel edia Dirava, ladana ai.  
\v 19 Bena Israel taudia iboudiai ese edia lohia e maumauraidia. A hebou ikwarana taudia iboudiai ese hebou taudia iboudiai e hamaorodia, eto, Ai ese Iehova, Israel Diravana, ladana ai vada a gwau henidia hamata; harihari ita ese basita daudia toho diba.  
\v 20 A ini baita karadia toma: baita hamauridia, badu ita edai baine kau na garina, badina be ai ese a gwau henidia hamata.  
\v 21 Hari lohia ma eto, Baita hamauridia. Taunabunai, idia na au-siri bona ranu-utu taudia ai ela, hebou taudia iboudiai edia, hebou ikwaradia taudia edia hereva heḡereḡerena.   
\p
\v 22 Bena Iosua ese e boiridia, e gwau henidia, eto, Dahaka dainai o koimai? Umui oto “Ai na gabu daudau amo vada ama”, a ḡau be gabu kahikahi ai o nohomu.  
\v 23 Taunabunai, heuduguirai herevana na latamui ai baina gwauraia: umui na hesiai iḡuidia ai ba noho; au ba siri bona ranu ba utu, egu Dirava ena ruma ena.  
\v 24 Idia ese Iosua e haere henia, eto, Ai bini emu hesiai taudia na harina a kamonai, Iehova, emu Dirava, ese ena hesiai tauna Mose e haḡania, ina tano taudia iboudiai baine aladia mase vairamui ai; taunabunai, ai na a gari dikadika, emai roho-mauri dalana a tahua, umui daimui ai. Bena ini a kara toma.  
\v 25 Harihari ai na oi imamu ai; edena kara ba laloa namo bona maoro, unu ba karamai toma.  
\v 26 Taunabunai ia ese Israel taudia imadia amo e hamauridia; asie aladia mase.  
\v 27 A una dina ai Iosua ese au-siri taudia bona ranu-utu taudia ai e halaodia, Israel taudia edia, bona Iehova ena ihaboulaina patana ena, ema bona harihari, e heabi hidi gabuna ai.   
\c 10  
\s1 Pavapava laima e hadareredia  
\p
\v 1 Adoni-sedek, Ierusalem pavapavana, ese Iosua harina e kamonai, ia ese Ai vada e habuaia tari, una hanua mai pavapavana ida vada e kara henidia Ieriko mai pavapavana ida e kara henidia heḡereḡerena; e kamonai danu Gibeon taudia na Israel taudia ida vada e herohemaino bona idia ida e noho hebouva.  
\v 2 Bena e gari dikadika; badina be Gibeon na hanua badana, pavapava ta ena hanua na heto; ia ese Ai e hereaiava, bona hanua taudia iboudiai na tuari taudia mai goadadia.  
\v 3 Taunabunai, Adonisedek, Ierusalem pavapavana, ese ena gwau-kau na Hohama, Heberon pavapavana, bona Pirama, Iaramutu pavapavana, bona Iafia, Lakisi pavapavana, bona Debiri, Eglon pavapavana, dekedia e siaia, eto,  
\v 4 Dekegu aoma, ba durugu, Gibeon baita tuari henia; badina be idia na Iosua bona Israel taudia ida vada e herohemaino.  
\v 5 Bena Amoro pavapavadia laimaosi, Ierusalem pavapavana bona Heberon pavapavana bona Iaramutu pavapavana bona Lakisi pavapavana bona Eglon pavapavana, e hebou, edia tuari oreadia iboudiai e hakaudia lao, Gibeon vairanai e taruha, e tuari henia.   
\p
\v 6 Bena Gibeon taudia ese edia gwau-kau na Iosua dekena e siaia lao, Gilgal taruhana ai, eto, Imamu na emu hesiai taudia latamai amo basio abia oho; aoma haraḡa, ba hamaurimai bona ba durumui; badina be Amoro pavapavadia iboudiai ororo kahadia amo vada e hebou, vada e tuari henimai.   
\p
\v 7 Taunabunai Iosua na Gilgal amo e dae ela, mai ena orea idoinai bona ena tuari taudia iboudiai ida.  
\v 8 Bena Iehova ese Iosua e hamaoroa, eto, Idia garidia basio gari, badina be oi imamu ai vada na atodia; idia ta oi vairamu ai basine gini.  
\v 9 Taunabunai Iosua na hanuaboi horana idoinai Gilgal amo e raka rani, e hahoadia.  
\v 10 Bena Iehova ese e hagaridia, Israel taudia vairadiai; bena Israel taudia ese hutuma bada e aladia mase Gibeon ai, bona oredia e hahavadia lao, Bete-horono e dae lao dalana ai, heaudia ai e aladia mase, ela bona Aseka bona Makeda.  
\v 11 Israel taudia vairadia amo ma e heau lao, Bete-horono amo ma e hekei diho; unuseni ai Iehova ese medu hetaridia badadia guba amo e hadihodia idia latadiai, ela bona Aseka; unu amo e amasedia. Medu hetarina amo e mase taudia ese Israel taudia edia dare amo e mase taudia na e hereadia.   
\p
\v 12 Iehova ese Israel taudia imadia amo Amoro taudia e hadareredia dinana ai, Iosua ese Iehova e noia, Israel taudia vairadiai e hereva, eto,  
\q1 Dina o, Gibeon daenai ba rahu tao,  
\q1 Oi hua danu, Aialono kourana ai!   
\m
\v 13 Bena dina e rahu tao, bona hua na gabuna ai e noho, ela bona Israel taudia ese inaidia amo davadia e abi. Iasara ena buka ai na ini e torea toma, ani? Dina na atai ai e rahu tao, se ḡelo, ela bona dina ta heḡereḡerena.  
\v 14 Nega ta dina hata Iehova ese tau ta unu se kamonai henia toma, guna eiava murinai; badina be Iehova ese Israel edia tuan ai e tuariva.  
\v 15 Bena Iosua na Israel taudia iboudiai ida e lou ela, Gilgal taruhana e lou henia.   
\p
\v 16 Unu hanua pavapavadia laimaosi na e heau, Makeda kohuana ai e komu.  
\v 17 Bena haida ese Iosua e hamaoroa, eto, Hari pavapava laimaosi vada e davaridia, Makeda kohuana ai e komumu.  
\v 18 Bena Iosua eto, Nadi badadia bae keidia lao, kohua iduarana bae kurea ahu, bena kito taudia na badibadinai ba rakatanidia;  
\v 19 a umui na basio halahe, inaimui do ba hahavadia, muridia amo bavala-ala henidia, edia hanua na basie heau vareai; badina be Iehova, emui Dirava, ese umui imamui ai vada e atodia.  
\v 20 Iosua bona Israel taudia ese vada e habuadia tari, ela bona hutuma bada vada e mase ore, ta ta mo hanua mai maḡudia lalodiai e heau vareai, bena e mauri.  
\v 21 Una murinai Israel taudia iboudiai na Iosua dekena e lou lao, Makeda taruhana ai e nohova mai mainodia ida; tau ta ese malana se hamarerea, Israel taudia iherevalaidia.  
\v 22 Bena Iosua eto, Kohua iduarana a kehoa, unu pavapava laimaosi ba hakaudia lasi, lau dekegu ai ba mailaidia.  
\v 23 Bena unu e kara toma: hari pavapava laimaosi e hakaudia lasi, Iosua dekena e laohaidia: Ierusalem pavapavana bona Heberon pavapavana bona laramutu pavapavana bona Lakisi pavapavana bona Eglon pavapavana.  
\v 24 Laimaosi e hakaudia lasi Iosua vairanai; bena Iosua ese Israel taudia iboudiai e boiridia; bena ia ese tuari lohiadia, tuari ai e bamoava taudia, e hamaorodia, eto, A raka kahi mai, aemui na ini pavapava aiodia ai ba moi kau. Taunabunai, idia na e raka kahira, aedia na aiodia ai e moi kau.  
\v 25 Iosua ma e hamaorodia, eto, Basio gari, kudoumui na basie hetaha; ba goada, ba haheauka, badina be Iehova ese inaimui iboudiai ini baine karadia toma, ba tuari henidia negadia ai.  
\v 26 Una murinai, Iosua ese laimaosi e aladia mase, au auima ai e taudia dae; e hetau dae ela bona dina e diho.  
\v 27 Dina e diho, bena Iosua e hahedua, bena haida ese au amo e abidia dobi, Ialonai e komuva kohuana ai ma e tahodia vareai; bena nadi badadia e abi, kohua iduarana e kurea ahu. Unu e mia tomamu ema bona han dina.   
\s1 Hanua momo e habuadia tari  
\p
\v 28 Una dina ai Iosua ese Makeda e abia, e habuaia tari; hanua pavapavana e alaia mase, bona hanua taudia iboudiai e aladia ore, ta se roho mauri. Ieriko pavapavana e kara henia heḡereḡerena, Makeda pavapavana danu unu e kara henia toma.   
\p
\v 29 Bena Iosua bona Israel taudia iboudiai na Makeda amo ela, Libna ai e kau; bena e tuari henia.  
\v 30 Bena Iehova ese Libna danu, mai pavapavana ida, Israel taudia imadia ai e atodia. Bena e habuaia tari, hanua taudia iboudiai dare amo e aladia ore, ta se roho mauri. Ieriko pavapavana e kara henia heḡereḡerena, Libna pavapavana danu unu e kara henia toma.   
\p
\v 31 Bena Iosua bona Israel taudia iboudiai na Libna amo ela, Lakisi ai e kau, e koua heḡeḡe bona e tuari henia.  
\v 32 Bena Iehova ese Lakisi danu Israel taudia imadia ai e atoa; dina iharuana ai e abia, e habuaia tari, hanua taudia iboudiai dare amo e aladia ore, Libna ai e karaia heḡereḡerena.   
\p
\v 33 Horama, Gesere pavapavana, ema, Lakisi taudia idurudia totona, a Iosua ese ia mai ena orea taudia iboudiai e hadareredia, e aladia ore.   
\p
\v 34 Bena Iosua bona Israel taudia iboudiai na Lakisi amo ela, Eglon ai e kau; e koua heḡeḡe bona e tuari henia;  
\v 35 una dina ai e abia, e habuaia tari, hanua taudia iboudiai na dare amo e aladia ore, Lakisi ai e karaia heḡereḡerena.   
\p
\v 36 Bena Iosua bona Israel taudia iboudiai na Eglon amo ela, Heberon ai e kau, e tuari henia;  
\v 37 e abia, dare amo e aladia, hanua pavapavana danu e alaia, bona hanua maraḡidia taudia iboudiai na dare amo e aladia ore, ta se roho mauri. Eglon ai e karaia heḡereḡerena, unu ma e kara toma: e habuaia tari, bona taunimanima iboudiai e aladia ore.   
\p
\v 38 Bena Iosua bona Israel taudia iboudiai na e lou, Debiri ela, e tuari henia;  
\v 39 bena e abia, mai pavapavana bona mai ena hanua iboudiai ida. Bena e habuaia tari, hanua taudia iboudiai na dare amo e aladia ore, ta se roho mauri. Heberon e kara henia bona Libna mai pavapavana ida e kara henidia heḡereḡerena, Debiri mai pavapavana ida unu e karadia toma.   
\p
\v 40 Taunabunai, Iosua ese tano idoinai e hadarerea: ororo kahadia bona diho kahana, taora bona ororo gabaedia, mai pavapavadia iboudiai ida; ta se hamauria. Mai laḡadia ḡaudia iboudiai e aladia ore, Iehova, Israel Diravana, ese e haḡania heḡereḡerena.  
\v 41 Iosua ese e hadareredia, Kade-baranea amo ela bona Gasa, bona Gosen tanona idoinai ela bona Gibeon.  
\v 42 Hanua pavapavadia iboudiai e abidia, bona edia tano danu una nega tamona ai e abidia vaitani; badina be Iehova, Israel Diravana, na Israel edia tuari ai e tuariva.  
\v 43 Bena Iosua e lou lao, Israel taudia iboudiai ida, Gilgal taruhana e lou henia.   
\c 11  
\s1 Israel na tano idoinai e abia  
\p
\v 1 Iabin, Hasoro pavapavana, ese unu hari e kamonai, bena ia ese gwau-kau e siaia, Iobab, Madon pavapavana, dekenai,  
\v 2 bona Simron pavapavana bona Akasaf pavapavana dekediai, bona ororo gabudia pavapavadia dekediai, mirigini kahana ai, bona Araba taorana pavapavadia, Kineroto diho kahana ai, bona koura hanuadia pavapavadia, bona Doro ororodia hanuadia pavapavadia, lahara kahana ai.  
\v 3 Gwau-kau e siaia danu Kanaan taudia dekediai, mairiveina kahana ai bona lahara kahana ai, bona Amoro taudia bona Hiti taudia bona Perisi taudia dekediai, bona Iebusu taudia dekediai, ororo kahadia ai, bona Hivi taudia dekediai, Heremon ororona badi-tanona ai, Mispa tanona ai.  
\v 4 Iboudiai e tore isi, edia tuari taudia iboudiai ida, taunimanima hutuma bada, kone mirina na heto, mai edia hosi momo herea bona edia kariota momo herea danu.  
\v 5 Unu pavapava iboudiai na edia tuari oreadia e haboudia, ela, Merom ranudia badidiai e taruha, Israel taudia bae tuari henidia totona.   
\p
\v 6 Bena Iehova ese Iosua e hereva henia, eto, Idia garidia basio gari; badina be kerukeru hora inihetomana ai lau ese imamui ai baina atodia, iboudiai na bae mase ore Israel vairadiai: edia hosi aedia varovarodia ba utu, bona edia kariota na lahi ai ba doudia.  
\v 7 Taunabunai, Iosua mai ena tuari oreadia iboudiai na ediai e hedinarai taku Merom ranudia badidiai, bena e tuari henidia.  
\v 8 Bena Iehova ese Israel taudia imadia ai e atodia: Israel taudia ese e hadareredia, e hahavadia ela bona Sidono badana bona Misirefoto-maimi, ma e hahavadia ela bona Mispe kourana, mairiveina kahana ai; iboudiai e aladia ore, ta se roho mauri.  
\v 9 Bena Iosua ese Iehova ena haheḡani heḡereḡerena e kara henidia: edia hosi na aedia varovarodia e utu, bona edia kariota na lahi ai e doudia.   
\p
\v 10 Una negana ai Iosua na e lou, hanua ta ladana Hasoro e abia, bona pavapavana na dare amo e alaia mase; badina be nega gunadia Hasoro ese unu basileia iboudiai e hereadiava.  
\v 11 Bena taunimanima iboudiai una hanua lalonai na idia ese dare amo e aladia mase, ela bona iboudiai vada e habuadia ore; ta se mauri. Bena Hasoro na lahi amo e doua.  
\v 12 Unu pavapava edia hanua iboudiai, mai pavapavadia iboudiai ida, Iosua ese e abidia, dare amo e aladia mase, e habuadia ore, Mose, Iehova ena hesiai tauna, ena haheḡani heḡereḡerena.  
\v 13 A Israel taudia na ororo komutadia doridia ai e hadai hanuadia asie doudia; tamona mo, Hasoro, Iosua ese e doua.  
\v 14 Unu hanua kohudia na Israel taudia ese e abi, edia kohu ai e halao; bona boromakau danu. A taunimanima be iboudiai dare amo e aladia mase, e habuadia ore; ta se mauri.  
\v 15 Iehova ese ena hesiai tauna Mose e haḡania heḡereḡerena, Mose ese Iosua ma e hagania, bena Iosua na unu e kara toma. Iehova ese Mose e haḡanilaia karadia iboudiai Iosua ese e kara; ta se reaia.   
\p
\v 16 Taunabunai Iosua ese una tano idoinai e abia, ororo kahadia, bona diho kahana idoinai, bona Gosen tanona, bona koura iboudiai, bona Araba tanona, bona Israel ororodia bona kouradia:  
\v 17 Halak ororona amo, Seiri kahana ai, ela bona Baal-gad, Lebanon kourana ai, Heremon ororona baditanona ai. Hanua pavapavadia iboudiai e hadareredia bona e aladia mase.  
\v 18 Iosua ese nega daudau unu pavapava e tuari henidia.  
\v 19 Asi hanua ta Israel ida e herohemaino, Hivi taudia Gibeon ai e nohova mo sibodia; iboudiai na tuari ai e abidia.  
\v 20 Badina be Iehova ese lalodia e ha-aukadia, Israel taudia bae tuari henidia bena Israel ese bae habuadia tari totona; basie bogadia hisi, a bae aIadia ore, Iehova ese Mose e haḡania heḡereḡerena.   
\p
\v 21 Una negana ai Iosua na e tore isi, Anakim taudia e habuadia tari, ororo gabudia ai, Heberon ai, Debiri ai, Anab ai, Iuda ororodia iboudiai, bona Israel ororodia iboudiai; Iosua ese e aladia ore bona edia hanua e habuadia tari.  
\v 22 Anakim tauna ta se mauri, Israel taudia edia tano idoinai; a Gasa ai bona Gata ai bona Asdod ai na haida dounu e mauri nohova.   
\p
\v 23 Taunabunai Iosua ese tano idoinai e abia, Iehova ese Mose e herevalai henia herevadia iboudiai heḡereḡeredia. Bena Iosua ese Israel taudia e henidia, iduhu ta ta ena tano ena tano e henidia. Una negana ai tuari e doko, bona tano na e laḡa ani.   
\c 12  
\s1 E hadareredia pavapavadia ladadia  
\p
\v 1 Hanua pavapavadia una tano ai, Israel taudia ese e hadareredia bona edia tano e abi, Ioridane sinavaina mairiveina kahana ai, Aranon kourana ela bona Heremon ororona bona Araba taorana idoinai mairiveina kahana ai, ladadia bini.  
\v 2 Ta be Sihon, Amoro pavapavana: ia na Hesebon ai e nohova. E halohiaiava tanona na Aroere amo, Aranon kourana isena ai, bona koura bogaragina amo ela bona labok sinavaina, Amono taudia edia tano hetoana. Una na Gilead tanona kahana.  
\v 3 Bona Araba tanona danu iena, Kineroto gohuna mairiveina kahana amo ela bona Bet-iesimoto, ela bona Araba gohuna (Tadi Gohuna), bona diho kahana tanona ela bona Pisga ororona badi-tanodia.  
\v 4 Ma ta be Og, Basan pavapavana, Refaim tauna ta: ia na Astaroto ai bona Edrei ai e nohova.  
\v 5 E halohiadiava tanodia na Heremon ororona bona Saleka bona Basan tanona idoinai ela bona Gesuru taudia bona Maakata taudia edia tano hetoadia. Gilead tanona kahana danu iena, ela bona Sihon, Hesebon pavapavana, ena tano hetoana.  
\v 6 Iehova ena hesiai tauna Mose bona Israel taudia ese e hadareredia; bena Iehova ena hesiai tauna Mose ese idia raruosi edia tano e abi, Ruben iduhuna taudia bona Gad iduhuna taudia bona Manase iduhuna kahana taudia e henidia, edia tano ai bae halaoa.   
\p
\v 7 Hanua pavapavadia una tano ai danu Iosua bona Israel taudia ese e hadareredia, Ioridane sinavaina lahara kahana ai, Baal-gad amo, Lebanon kourana ai, ela bona Halak ororona, Seiri kahana ai. Bena Iosua ese edia tano e abi, Israel iduhudia e henidia, edia tano ai bae halao, iduhu ta ta ena tano ena tano ai baela;  
\v 8 ororo bona koura, Araba taorana bona ororo gabaedia bona tano ḡagaedia, bona diho kahana tanodia; Hiti taudia bona Amoro taudia bona Kanaan taudia bona Perisi taudia bona Hivi taudia bona Iebusu taudia edia tano.   
\p
\v 9 Pavapava bini: Ieriko pavapavana, ta; Ai pavapavana (Ai be Betele badibadinai), ta;  
\v 10 Ierusalem pavapavana, ta; Heberon pavapavana, ta;  
\v 11 Iaramutu pavapavana, ta; Lakisi pavapavana, ta; I  
\v 12 Eglon pavapavana, ta; Gesere pavapavana, ta;  
\v 13 Debiri pavapavana, ta; Gedere pavapavana, ta;  
\v 14 Horoma pavapavana, ta; Arada pavapavana, ta;  
\v 15 Libna pavapavana, ta; Adulama pavapavana, ta;  
\v 16 Makeda pavapavana, ta; Betele pavapavana, ta;  
\v 17 Tapua pavapavana, ta; Hefere pavapavana, ta;  
\v 18 Afek pavapavana, ta: Lasarono pavapavana, ta;  
\v 19 Madon pavapavana, ta; Hasoro pavapavana, ta;  
\v 20 Simrono-meron pavapavana, ta; Akasaf pavapavana, ta;  
\v 21 Taanak pavapavana, ta; Megido pavapavana, ta;  
\v 22 Kede pavapavana, ta; Iokoneam pavapavana (Iokoneam be Karamele ai), ta;  
\v 23 Doro pavapavana (Doro be Nafata-doro ai), ta; Goimi pavapavana (Goimi be Gilgal ai), ta;  
\v 24 Tirisa pavapavana, ta. Pavapava iboudiai na toi-ahui ta.   
\c 13  
\s1 Tano e haria  
\p
\v 1 Iosua vada e buruka, ena mauri laḡanidia na momo herea. Iehova ese e hereva henia, eto, Oi na vada o buruka, emu mauri laḡanidia na momo herea; a tano bada-hereana na do asio abia.  
\v 2 Dounu mimia tanodia bini: Filistia taudia edia tano iboudiai, bona Gesuru taudia edia tano iboudiai.  
\v 3 Sihoro, Aigupto mairiveina kahana tanona, amo mirigini kahana e laomu ela bona Ekron hetoana na Kanaan taudia edia tano e tomamu. Filistia lohiadia na laima: Gasa lohiana, Asdod lohiana, Askelono Iohiana, Gata lohiana, bona Ekron lohiana. Avim taudia edia tano danu do asio abia.   
\p
\v 4 Diho kahana ai dounu mimia tanodia be Kanaan taudia edia tano idoinai; bona Meara, Sidono taudia edia tano, ela bona Afek, ela bona Amoro taudia edia tano hetoana;  
\v 5 bona Gebala taudia edia tano, bona Lebanon tanona idoinai, mairiveina kahana ai, Baal-gad amo, Heremon ororona badi-tanona ai, ela bona Hamat raka-vareaina.  
\v 6 Ororo ai e nohomu taudia iboudiai, Lebanon amo ela bona Misirefoto-maimi, Sidono taudia iboudiai, lau ese baina luludia lasi Israel taudia vairadiai. Ḡau tamona, tano na ba haria, Israel taudia ahudia ba henidia.  
\v 7 Taunabunai ina tano ba haria, iduhu taurahani-ta bona Manase iduhuna kahana na ahudia ba henidia.  
\v 8 A Manase iduhuna kahana na Ruben bona Gad iduhudia ida ahudia vada e abi guna; Mose ese e henidia, Ioridane sinavaina mairiveina kahana ai. Iehova ena hesiai tauna Mose ese e henidia:  
\v 9 Aroere amo, Aranon kourana isena ai, bona koura bogaragina hanuana amo bona Medeba taorana amo ela bona Dibon;  
\v 10 bona Sihon, Amoro taudia edia lohia, Hesebon pavapavana, ena hanua iboudiai, ela bona Amono taudia edia tano hetoana;  
\v 11 bona Gilead; bona Gesuru taudia bona Maakata taudia edia tano; bona Heremon ororona idoinai; bona Basan idoinai ela bona Saleka,  
\v 12 Og, Astaroto bona Edrei pavapavana, ena tano idoinai Basan ai. Hari Og be Refaim tauna; Refaim besena idoinai ia mo sibona dounu noho. Ini na Mose ese e hadareredia bena e luludia lasi.  
\v 13 Ḡau tamona, Israel taudia na Gesuru taudia bona Maakata taudia asie luludia lasi; Gesuru taudia bona Maakata taudia na doini Israel taudia bogaragidiai e nohomu ema bona harihari.   
\p
\v 14 Levi iduhuna taudia mo Mose ese tano ta se henidia, badina be Iehova, Israel Diravana, vada e hereva, boubou ḡaudia lahi ai e gabudia na idia ahudia.   
\p
\v 15 Mose ese Ruben iduhuna taudia na edia doḡoro ta ta ai ahudia e henidia.  
\v 16 Edia tano na Aroere amo e matamaiamu, Aranon kourana isena ai. Koura bogaragina hanuana na idia edia, bona Medeba taorana idoinai.  
\v 17 Hesebon danu edia, mai ena taora hanuadia iboudiai; bona Dibon, bona Bamoto-baal, bona Bete-baal-meono;  
\v 18 bona lahasa, bona Kedemoto, bona Mefata;  
\v 19 bona Kiriataimi, bona Sibma, bona Seretesahara, una koura ororona ai;  
\v 20 bona Bete-peoro, bona Pisga ororona gabaena, bona Bet-iesimoto.  
\v 21 Taora hanuadia iboudiai na idia edia; bona Sihon, Amoro taudia edia lohia, Hesebon pavapavana, ena basielia idoinai. Una Sihon na Mose ese e hadarerea: ia bona Midian lohiadia, Evi bona Rekeme bona Suru bona Huru bona Reba. Una na Sihon ena basileia lohiadia, una tano e noholaia.  
\v 22 Balaam Beoro danu, rohe tauna ta, Israel taudia ese dare amo e alaia mase, taunimanima loḡora ida.  
\v 23 Ruben iduhuna taudia edia tano hetoana na Ioridane sinavaina isena. Ruben iduhuna taudia ahudia bunu, edia deḡoro ta ta amo bona edia hanua badadia bona maraḡidia ta ta amo e abi.   
\p
\v 24 Mose ese Gad iduhuna taudia na edia doḡoro ta ta ai ahudia e henidia.  
\v 25 Edia tano na lasere, bona Gilead hanuadia iboudiai, bona Amono taudia edia tano kahana, ela bona Aroere, Raba mairiveina kahana ai.  
\v 26 Hesebon amo ela bona Ramata-mispe bona Betonimi danu idia edia; bona Mahanaim ela bona Debiri hetoana.  
\v 27 Koura ai, Bete-haram bona Bete-nimra bona Sukoto bona Safon na edia, bona Sihon, Hesebon pavapavana, ena basileia orena; hetoana na Ioridane sinavaina ela bona ranu na Kinerete\f + \fr 13:27 \ft “Kinerete” bona “Kineroto” na Galilea gohuna ladana haida.\f* gohuna amo e aru lasimu gabuna ai, Ioridane mairiveina kahana ai.  
\v 28 Gad iduhuna taudia ahudia bunu, edia doḡoro ta ta amo bona edia hanua badadia bona maraḡidia ta ta amo e abi.   
\p
\v 29 Mose ese Manase iduhuna kahana taudia na edia doḡoro ta ta ai ahudia e henidia.  
\v 30 Edia tano na Mahanaim amo ela bona Basan tanona idoinai, Og, Basan pavapavana, ena basileia idoinai, bona lairi ena hanua iboudiai Basan ai: hanua iboudiai na tauratoi-ahui.  
\v 31 Gilead kahana danu idia edia, bona Astaroto bona Edrei, Og ena basileia hanuadia Basan ai: unu na Makiri Manase garana e henidia, Makiri iduhuna kahana taudia ahudia, edia doḡoro ta ta ai e abi.   
\p
\v 32 Taunimanima ahudia bini Mose ese e hari, Moab taoradia ai, Ioridane unukahana ai, Ieriko mairiveina kahana ai.  
\v 33 A Levi iduhuna taudia na Mose ese tano ta se henidia; Iehova, Israel Diravana, e hereva heḡeregerena, idia ahudia be ia.   
\c 14  
\s1 Keleb ahuna  
\p
\v 1 Israel taudia na Kanaan tanona ai ahudia e abi herevadia bini: hahelaḡa tauna Eleasara bona Iosua Nunu bona Israel iduhudia ikwaradia taudia ese tano e haria.  
\v 2 Iharina na mari amo, Iehova ese Mose e haḡania heḡereḡerena, iduhu taurahani-ta bona iduhu kahana edia.  
\v 3 A iduhu rua bona iduhu kahana na Mose ese ahudia e henidia Ioridane sinavaina unukahana ai. Levi iduhuna na ahuna se henia;  
\v 4 a Iosef garana na iduhu rua, Manase iduhuna bona Efraim iduhuna. Levi taudia na tano ta asie henidia, a bae noholai hanuadia mo e henidia, bona rei gabudia, edia ubu-ubu ḡaudia iubulaidia.  
\v 5 Iehova ese Mose e haḡania heḡereḡerena, Israel taudia na unu e kara toma: tano na e haria.   
\p
\v 6 Iuda taudia na Iosua dekena ela, Gilgal ai. Bena Kaleb lefune, Kenisi tauna, ese e hereva henia, eto, Oi dibamu Iehova ese oi herevamu bona lau herevagu na Mose, Dirava ena tau, ede e herevalai henia toma, Kadebaranea ai.  
\v 7 Lauegu mauri laḡanidia na hari-ahui negana ai, Iehova ena hesiai tauna Mose ese e siaigu, Kade-baranea amo bainala, tano baina hasinadoa, eto; bena tano sivaraina na loulaia, lalogu na hadailaia heḡereḡerena.  
\v 8 Tadikakagu, e bamogu taudia, ese taunimanima lalodia e hamanokadiava; a lau ese Iehova, egu Dirava, na badinaia tarika-tarikava.  
\v 9 Una dina ai Mose e gwau hamata, eto, Momokani, oi aemu vada e moia tao tanona na emu tano ai bainela, oiemu bona oi garamu edia, ela bona hanaihanai, badina be Iehova, emu Dirava, vada o badinaia tarika-tarika.  
\v 10 Harihari a itagu, Iehova ese vada e hamaurigu, ena hereva heḡereḡerena, ini laḡani hari-ahui ima lalodiai, Israel dounu tano ḡaḡaena ai e laolaova ai na Iehova ese ina hereva Mose e hamaorolaia dinana amo ema bona hari; harihari egu mauri laḡanidia na taurahani-ahui ima.  
\v 11 Hari dina ai egu goada na doini mia, Mose ese e siaigu dinana ai heḡereḡerena; tuari ai eiava lao mai ai egu goada na heḡereḡere, unu dina ai bona hari ina dina ai danu.  
\v 12 Taunabunai, ina ororo tanona una dina ai Iehova ese e herevalaia na harihari ba henigu. Badina be una dina ai harina o kamonai Anakim taudia na unuseni ai, o kamonai danu edia hanua na babada bona mai maḡudia. Reana Iehova ese baine bamogu, bena baina luludia lasi, Iehova ena hereva hegereḡerena.   
\p
\v 13 Bena Iosua ese e hanamoa, Heberon tanona na Kaleb lefune e henia, ena tano korikori ai bainela.  
\v 14 Taunabunai Heberon na Kaleb lefune, Kenisi tauna, ena tano, ema bona harihari, badina be ia ese Iehova, Israel Diravana, e badinaia tarika-tarika.  
\v 15 Hari Heberon ladana gunana na Kiriat-araba. Una Araba na herea tauna Anakim besena ai. Una negana ai tuari e doko, bona tano na e laḡa ani.   
\c 15  
\s1 Iuda taudia ahudia  
\p
\v 1 Iuda iduhuna taudia na ahudia e abi, edia doḡoro ta ta ai. Edia tano na diho kahana e laomu, ela bona Edom hetoana bona Sin tano ḡagaena, diho kahana korikori ai.  
\v 2 Edia tano hetoana diho kahana ai na Tadi Gohuna dokona, diho kahana e vaira henia taberona amo ela.  
\v 3 Akrabim e dae henia tanona diho kahana amo ela, ela bona Sin; unu amo Kade-baranea diho kahana amo bona Hesron badibadina amo ela, ela bona Adara. Unu amo Karaka e lao henia,  
\v 4 bona unu amo Asamon ma e lao henia; bena Aigupto Dokana badibadinai kone ai e hadoko. Emui tano hetoana diho kahana ai bunai.   
\p
\v 5 Edia tano hetoana mairiveina kahana ai na Tadi Gohuna isena, ela bona Ioridane sinavaina na una gohu ai eha lasi gabuna ai. Bona mirigini kahana ai tano hetoana na Ioridane sinavaina eha lasi gabuna taberona amo ela,  
\v 6 ela bona Bete-hogla. Bena Bet-araba mirigini kahana amo ela, ela bona Bohan Ruben ena nadi.  
\v 7 Unu amo Akoro kourana amo ela, ela bona Debiri. Bena mirigini kahana amo ela, Gilgal dalana ai. Hari Gilgal ese Adumimi e dae henia tanona e vaira henia, koura diho kahana ai. Hari tano hetoana ma ela, En-semese ranudia badibadidia amo, ela bona En-rogele.  
\v 8 En-rogele amo ma ela, Hinom natuna ena koura amo, ela bona Iebusu ororona (ladana ta be Ierusalem) diho kahana. Unu amo ma ela, ela bona Hinom kourana unukahana ororona dorina ai, lahara kahana ai, Refaim kourana dokona mirigini kahana ai.  
\v 9 Una ororo dorina amo tano hetoana Ina ela, ela bona Nefetoa ranudia; ma unu amo ela, ela bona Efron ororona hanuadia; unu amo e hegeḡe lao, ela bona Baala (ia ladana ta be Kiriatiearimi).  
\v 10 Ma Baala lahara kahana amo e heḡeḡe lao, ela bona Seiri ororona; bena learimi ororona (ladana ta be Kesalono) mirigini kahana amo ela, ela bona Bete-semese, bena Timuna badibadina amo ela.  
\v 11 Bena Ekron ororona mirigini kahana amo ela, e heḡeḡe lao, ela bona Sikerono; ma unu amo ela bona Baala ororona; bena kone ai e lasi, labnele ai.  
\v 12 Lahara kahana edia tano hetoana na Davara Badana konena. Iuda iduhuna taudia edia doḡoro ta ta ai e henidia tanona hetoana bunai.   
\p
\v 13 Iosua ese Kaleb lefune ahuna e henia Iuda iduhuna taudia bogaragidiai, Iehova ese e hagania hegereḡerena. Ia ahuna na Kiriat-araba (hari Araba na Anak tamana), ladana ta be Heberon.  
\v 14 Bena Kaleb ese Anak garana tatoi unu amo e luludia lasi, Sesai bona Ahiman bona Talmai.  
\v 15 Una murinai ia ese Debiri taudia e tuari henidia. Debiri ladana gunana be Kiriatasefere.  
\v 16 Kaleb eto, Kiriata-sefere baine hadarerea bona baine abia tauna na lau ese natugu kekenina Aksa baina henia, ia adavana.  
\v 17 Bena Otoniele Kena, Kaleb natuna lahaina, ese e abia, taunabunai Kaleb ese natuna kekenina Aksa e henia, ia adavana ai e halaoa.  
\v 18 Raruosi e headava murinai, hahine na adavana ese lalona e ania, tamana baine noia, tano ta baine henia. Hahine na ena doniki amo e diho negana ai na Kaleb ese e nanadaia, eto, Emu ura be dahaka?  
\v 19 Hahine na e haere henia, eto, Harihari ḡauna ta a henigu: egu noho gabuna vada o henigu diho kahana ai; harihari ranu gabudia danu henigu. Bena Kaleb ese ranu gabudia e henia, atai kahana ai bona hen kahana ai.   
\p
\v 20 Iuda iduhuna taudia ahudia bini, edia doḡoro ta ta ai.  
\v 21 Iuda taudia edia hanua diho kahana, Edom ena tano hetoana badinai, bini: Kabsele bona Edere bona laguru,  
\v 22 bona Kina bona Dimona bona Adada,  
\v 23 bona Kede bona Hasoro bona Itnan,  
\v 24 bona Sifi bona Telem bona Bealoto,  
\v 25 bona Hasoro-hadata bona Kerioto-hesron (ladana ta be Hasoro),  
\v 26 bona Amama bona Sema bona Molada,  
\v 27 bona Hasara-gada bona Hesemon bona Bete-pelete,  
\v 28 bona Hasara-sual bona Bere-sieba bona Bisiotia,  
\v 29 bona Baala bona Imi bona Eseme,  
\v 30 bona Eltolad bona Kesili bona Horoma,  
\v 31 bona Siklag bona Madamana bona Sansana,  
\v 32 bona Lebaoto bona Silihim bona Ain bona Rimon: hanua iboudiai na ruahui taurahani-ta, mai edia hanua maraḡidia ida.   
\p
\v 33 Bona taora ai, Estaol bona Sora bona Asna,  
\v 34 bona Sanoa bona En-ganim bona Tapua bona Enam,  
\v 35 bona laramutu bona Adulama bona Soko bona Aseka,  
\v 36 bona Saaraimi bona Aditaim bona Gedera bona Gederotaim: hanua gwauta-hani mai edia hanua maraḡidia ida.   
\p
\v 37 Senan danu, bona Hadasa bona Migdal-gad,  
\v 38 bona Dilean bona Mispe bona lokotele,  
\v 39 bona Lakisi bona Boskata bona Eglon,  
\v 40 bona Kabon bona Lahamam bona Kitilisi,  
\v 41 bona Gederoto bona Bete-dagon bona Naamaha bona Makeda: hanua gwauta-tauratoi mai edia hanua maraḡidia ida.   
\p
\v 42 Libna danu, bona Etere bona Asana,  
\v 43 bona Ifta bona Asna bona Nesib,  
\v 44 bona Keila bona Aksib bona Maresa: hanua taurahani-ta, mai edia hanua maraḡidia ida.   
\p
\v 45 Ekron danu, mai ena hanua bona ena hanua maraḡidia ida;  
\v 46 bona Ekron amo ela bona davara, Asdod kahana hanuadia iboudiai mai edia hanua maraḡidia ida.   
\p
\v 47 Asdod danu, mai ena hanua bona ena hanua maraḡidia ida; bona Gasa, mai ena hanua bona ena hanua maraḡidia ida; ela bona Aigupto Dokana bona Davara Badana konena.   
\p
\v 48 Ororo kahadia ai, Samiri bona latiri bona Soko,  
\v 49 bona Dana bona Kiriata-sana (ladana ta be Debiri),  
\v 50 bona Anab bona Estemo bona Anim,  
\v 51 bona Gosen bona Holon bona Gilo: hanua gwauta-ta mai edia hanua maraḡidia ida.   
\p
\v 52 Arab danu, bona Duma bona Esan,  
\v 53 bona lanim bona Bete-tapua bona Afeka,  
\v 54 bona Humuta bona Kiriat-araba (ladana ta be Heberon), bona Sioro: hanua taurahani-ta mai edia hanua maraḡidia ida.   
\p
\v 55 Maono danu, bona Karamele bona Sifi bona luta,  
\v 56 bona Iesrele bona Iokodeam bona Sanoa,  
\v 57 bona Kain bona Gibea bona Timuna: hanua gwauta mai edia hanua maragidia ida.   
\p
\v 58 Halahulu danu, bona Bete-suru bona Gedoro,  
\v 59 bona Maarata bona Bet-anoto bona El-tekon: hanua tauratoi mai edia hanua maraḡidia ida.   
\p
\v 60 Kiriata-baal danu (ia ladana ta be Kiriat-ieanmi), bona Raba: hanua rua mai edia hanua maraḡidia ida.   
\p
\v 61 Tano ḡaḡaena ai, Bet-araba bona Midin bona Sekaka,  
\v 62 bona Nibsan, damena hanuana, bona En-gedi: hanua tauratoi mai edia hanua maraḡidia ida.   
\p
\v 63 A Iuda taudia na asi goadadia Iebusu taudia, Ierusalem ai e nohova taudia, bae luludia lasi; taunabunai Iebusu taudia bona Iuda taudia na Ierusalem ai e noho heboumu ema bona harihari.   
\c 16  
\s1 Iosef garana ahudia  
\p
\v 1 Iosef garana edia tano hetoana na Ioridane sinavaina, Ieriko badibadinai, Ieriko ranu gabudia mairiveina kahana ai, amo e matamaia; tano ḡaḡaena ela, bena ororo kahadia amo ela, Ieriko amo ela bona Betele.  
\v 2 Betele amo ma ela, ela bona Lusu, ma unu amo ela, ela bona Ataroto: Araki taudia edia tano hetoana bunai.  
\v 3 Bena lahara kahana ela, ela bona laflete taudia edia tano hetoana; ma unu amo ela, ela bona Bete-horono henu hanuana hetoana; ma unu amo ela, ela bona Gesere. Unu amo e lasi, kone ai e hadoko.   
\p
\v 4 Iosef natuna, Manase bona Efraim, ese ahudia e abi.   
\s1 Efraim taudia ahudia  
\p
\v 5 Efraim taudia edia tano hetoadia, edia doḡoro ta ta amo e abidia tanodia, na iniheto. Ataroto-adara amo ela, ela bona Bete-horono atai hanuana.  
\v 6 Unu amo davara kahana ela; Mikimetata na mirigini kahana ai; ma mairiveina kahana ela, ela bona Taanata-silo, ela bona lanoa mairiveina kahana ai.  
\v 7 Ianoa amo e diho ela, ela bona Ataroto bona Naara, bena Ieriko badibadina amo ela, ela bona Ioridane sinavaina ai e hadoko.  
\v 8 Tapua amo lahara kahana ma ela, ela bona Kana Dokana; unu amo kone ai e hadoko. Efraim taudia ahudia bunu, edia doḡoro ta ta amo e abi.  
\v 9 Hanua haida danu, mai edia hanua maraḡidia ida, Manase taudia edia tano ai, e gwauraidia hidi Efraim taudia edia.  
\v 10 Ḡau tamona, Kanaan taudia Gesere ai e nohova na asie luludia lasi; taunabunai Kanaan taudia na Efraim taudia bogaragidiai e nohomu bona idia isiaidia e lao henimu mai hekwarahidia ida ema bona harihari.   
\c 17  
\s1 Manase taudia ahudia  
\p
\v 1 Manase iduhuna taudia ese ahudia e abi; hari Manase na Iosef natuna roboana. Makiri be Manase natuna roboana bona Gilead tamana: ia ese Gilead tanona bona Basan tanona e abi, badina be ia na tuari tauna.  
\v 2 Manase iduhuna taudia oredia danu ahudia e abi, edia doḡoro ta ta amo: Abiesere ena, bona Helek ena, bona Asriel ena, bona Sekem ena, bona Hetere ena, bona Semida ena: Manase Iosef garana mamaruanedia bunu, edia doḡoro ta ta ai.   
\p
\v 3 Selofehas, Hefere Gilead natuna, Makiri Manase lubuna, na asi natuna maruanena, hahine mo haida. Natuna hahinedia ladadia bini: Mahala bona Noa bona Hogla bona Milka bona Tirisa.  
\v 4 Idia laimaosi na ela, hahelaḡa tauna Eleasara bona Iosua Nunu bona lohia taudia vairadiai e gini, eto, Iehova ese Mose e haḡania, varavaramai ida ahumai baine henimai eto. Bena Iehova ena haheḡani hegereḡerena, ia ese ahudia e henidia, tamadia lahaidia ida.  
\v 5 Taunabunai, Manase iduhuna ese ahu gwauta e abidia; bona Gilead bona Basan tanodia danu, Ioridane sinavaina unukahanai;  
\v 6 badina be Manase garana hahinedia na ahudia e abi, mamaruanedia ida. A Manase iduhuna kahana ese Gilead tanona e abia.   
\p
\v 7 Manase taudia edia tano hetoana na Asere amo ela, ela bona Mikimetata, Sekem mairiveina kahana ai. Unu amo ia na diho kahana ela, ela bona En-tapua taudia edia tano.  
\v 8 Tapua tanona na Manase taudia edia tano; a Tapua hanuana, Manase taudia edia tano hetoana ai, na Efraim taudia edia hanua.  
\v 9 Unu amo tano hetoana ma ela, ela bona sinavai maragina ladana Kana. Sinavai diho kahana hanuadia na Efraim taudia edia, Manase taudia edia hanua bogaragidiai. Manase taudia edia tano hetoana na sinavai mirigini kahana amo ela, ela bona kone ai e hadoko.  
\v 10 Diho kahana tanona na Efraim taudia edia; mirigini kahana tanona na Manase taudia edia. Hetoa na davara. Mirigini kahana ai na Asere taudia edia tano; mairiveina kahana ai na Isakara taudia edia tano.  
\v 11 Isakara taudia bona Asere taudia edia tano ai ini hanua na Manase taudia edia: Bete-seana mai ena hanua maragidia ida; Ibleam mai ena hanua maraḡidia ida; Doro mai ena hanua maraḡidia ida; En-doro mai ena hanua maraḡidia ida; Taanak mai ena hanua maraḡidia ida; Megido mai ena hanua maraḡidia ida; ororo toiosi hanuadia bunu.  
\v 12 A Manase taudia na asi goadadia unu hanua bae abidia vaitani; Kanaan taudia ese una tano dounu e noholaia.  
\v 13 Israel taudia na e goada e laova negana ai, idia ese Kanaan taudia e abidia, edia hesiai taudia ai e halaodia, a asie luludia lasi.   
\p
\v 14 Bena Iosef iduhuna taudia ese Iosua e hamaoroa, eto, Dahaka dainai oi na tano tamona vada o henimai, ai ahumai ai bainela? Ai na hutuma, Iehova ese emai iduhu vada e hanamoa dainai.  
\v 15 Iosua ese e haere henidia, eto, Umui na hutuma, bona Efraim taudia edia tano ororo kahadia ai na dia bada o tomu; matona, uda baola, emui sega ba tara, Perisi taudia edia tano ai bona Refaim taudia edia tano ai.  
\v 16 Iosef iduhuna taudia ma eto, Ororo kahadia na dia heḡereḡere ai emai ai; a Kanaan taudia taora ai e nohomu na mai edia auri kariotadia; Bete-seana mai ena hanua maraḡidia taudia, bona Iesrele kourana ai e nohomu taudia danu.  
\v 17 Bena Iosua ese Iosef iduhuna taudia, Efraim taudia bona Manase taudia, ma e haere henidia, eto, Umui na hutuma, bona emui goada na herea; ahu tamona mo basio abia,  
\v 18 a ororo kahana idoinai na emui. Ena be uda, to ba taraia, bona bavabia, ela bona ena hetoa iboudiai. Ena be Kanaan taudia na mai edia auri kariotadia bona mai goadadia, to umui ese ba luludia lasi.   
\c 18  
\s1 Hebou Kalagana Silo ai e haginia  
\p
\v 1 Israel besena taudia ibouboudiai na Silo ai e hebou, unuseni ai hebou kalagana e haginia: tano idoinai vada e darere idia vairadiai.  
\v 2 Israel iduhudia hitu ese ahudia do asie abi.  
\v 3 Taunabunai Iosua ese Israel taudia e gwau henidia, eto, Ela bona edena nega ai ba halahemu, Iehova, senemui edia Dirava, vada e henimui tanona lalonai basio raka vareai bona ahumui basio abi?  
\v 4 Iduhu ta ta amo tatau tatoi tatoi amo bavabidia hidi; bena lau ese baina siaidia, baela, tano ai bae loa eva-eva, sivaraina bae torea, ahudia iabidia totona; bena dekegu bae lou mai.  
\v 5 Bae haria, ahu hitu. Iuda iduhuna na ena hetoa lalonai baine noho, diho kahana ai, bona Iosef natuna edia iduhu na edia hetoa lalodiai bae noho, mirigini kahana ai.  
\v 6 Tano sivaraina ba torea, kaha hitu ai, bena revarevana na lau dekegu ai ba mailaia. Bena lau ese umui emui ai mari baina kara, Iehova, eda Dirava, vairanai.  
\v 7 A Levi taudia na asi ahudia umui padamui ai, badina be Iehova ena hahelaḡa taudia ai baela: ahudia bunai. Bona Gad iduhuna bona Ruben iduhuna bona Manase iduhuna kahana ese ahudia vada e abi, Ioridane sinavaina mairiveina kahana ai, Iehova ena hesiai tauna Mose ese e henidia gabudia.   
\p
\v 8 Taunabunai, hari tatau e tore isi, Iosua ese e haḡanidia, tano sivaraina bae torea; eto, Aola, ba loa eva-eva, tano sivaraina ba torea, bena ba lou mai; bena lau ese ina Silo ai emui mari baina kara, Iehova vairanai.  
\v 9 Bena unu tatau ela, tano ai e loa eva-eva, sivaraina na buka ta ai e torea, kaha hitu ai; bena Iosua dekena ma e lou lao, Silo taruhana ai.  
\v 10 Bena Iosua na Silo ai edia mari e kara, Iehova vairanai. Unuseni ai Iosua ese tano e haria, Israel taudia edia, iduhu ta ta ahudia e henidia.   
\s1 Beniamina ahuna  
\p
\v 11 Mari ese e duanaia guna oreana na Beniamina iduhuna, edia doḡoro ta ta ai: edia tano na Iuda iduhuna bona Iosef iduhuna edia tano padadiai.  
\v 12 Mirigini kahana edia tano hetoana na Ioridane sinavaina amo e matamaia; unu amo e dae ela, Ieriko ororona nesena amo ela, mirigini kahana ai, ma ororo amo ela, lahara kahana ai, ela bona Bet-avene tano gagaena ai e hadoko.   
\p
\v 13 Unu amo hetoa na diho kahana ela, Lusu (ladana ta be Betele) e lao henia, bena Lusu ororona nesena amo ela; unu amo e diho ela, ela bona Ataroto-adara, Bete-horono henu hanuana diho kahana ororona ai.  
\v 14 Hetoa na diho kahana ma ela, Bete-horono diho kahana ororona lahara kahana amo ela, ela bona Kiriata-baal (ladana ta be Kiriat-iearimi) ai e hadoko. Una na Iuda iduhuna hanuana ta. Hetoa bunai, Iahara kahana ai.   
\p
\v 15 Diho kahana ai, hetoa na Kiriat-iearimi badibadinai e matamaia, unu amo ela, ela bona Efron; ma ela, ela bona Nefetoa ranu gabudia.  
\v 16 Unu amo ma ela, ela bona Hinom natuna ena koura e vaira henia ororona baditanona: una na Refaim kourana dokona, mirigini kahana ai. Ma unu amo e diho, Hinom kourana lalonai, Iebusu taudia edia ororo nesena diho kahana ai, ma e diho ela bona En-rogele.  
\v 17 Unu amo hetoa na e heḡege lao, mirigini kahana e lao toma, ela bona En-semese, ma unu amo ela, ela bona Geliloto, Adumimi dara-daena italaina; ma e diho ela, ela bona Bohan Ruben ena Nadi.  
\v 18 Unu amo Bet-araba ororona nesena mirigini kahana amo e hanai, bena e diho ela bona Araba.  
\v 19 Ma unu amo Bete-hogla ororona nesena mirigini kahana amo ela, ela bona Tadi Gohuna mirigini kahana taberona, Ioridane sinavaina na gohu ai e aru lasi gabuna ai. Hetoa bunai, diho kahana ai.   
\p
\v 20 Mairiveina kahana ai, hetoa na Ioridane sinavaina. Beniamina iduhuna taudia edia tano bunai, edia doḡoro ta ta ai. Unu hetoa Ialodiai do bae noho.   
\p
\v 21 Beniamina taudia edia hanua, edia doḡoro ta ta ai e abidia, ladadia bini: Ieriko; Bete-hogla; Emekesi;  
\v 22 Bet-araba; Semaraim; Betele;  
\v 23 Avim; Para; Ofra;  
\v 24 Kefaramoni; Ofni; Geba: hanua gwauta-rua, mai edia hanua maragidia ida.  
\v 25 Ini danu: Gibeon; Rama; Beroto;  
\v 26 Mispe; Kefira; Mosa;  
\v 27 Rekem; Iripele; Tarala;  
\v 28 Sela; Ha-elaf; Iebusu (ladana ta be Ierusalem); Gibea; Kiriat-iearimi: hanua gwauta-hani, mai edia hanua maraḡidia ida. Beniamina taudia ahudia bunu, edia doḡoro ta ta ai.   
\c 19  
\s1 Simeon ahuna  
\p
\v 1 E duanaia oreana iharuana na Simeon iduhuna, ena doḡoro ta ta ai: edia tano na Iuda taudia edia tano bogaraginai.  
\v 2 Ahudia bini: Bere-sieba; Sieba; Molada;  
\v 3 Hasara-sual; Bala; Eseme;  
\v 4 Eltolad Betulu; Horoma;  
\v 5 Siklaḡ Bete-makaboto; Hasara-susa;  
\v 6 Bete-lebaoto; Saruhene: hanua gwauta-toi mai edia hanua maraḡidia ida.  
\v 7 Ini danu: Ain; Rimon; Etere; Asana: hanua hani mai edia hanua maraḡidia ida.  
\v 8 Hanua maraḡidia iboudiai danu, hetabira tanodia ai, na idia edia, ela bona Baalata-bere bona Rama, diho kahana ai. Simeon taudia ahudia bunu, edia doḡoro ta ta ai.  
\v 9 Simeon taudia edia tano na Iuda taudia edia tano lalonai; badina be Iuda ahuna na bada herea. Una dainai Simeon taudia na ahudia e abi, idia edia tano lalonai.   
\s1 Sebulun ahuna  
\p
\v 10 E duanaia oreana ihatoina na Sebulun iduhuna, ena doḡoro ta ta ai. Edia tano e abia ela bona Saridi.  
\v 11 Unu amo hetoana na lahara kahana ai ela, ela bona Mareala, ma ela bona Dabesete; unu amo sinavai maraḡina isena amo ela, Iokoneam mairiveina kahana ai.  
\v 12 A Saridi amo hetoa na mairiveina dina dae kahana ai ela, ela bona Kisloto-taboro;  
\v 13 ma unu amo ela bona Daberata. Bena e dae ela, ela bona Iafia. Unu amo ma ela, mairiveina dina dae kahana ai, ela bona Gata-hefere bona Ete-kasin. Ma unu amo ela, ela bona Rimon bona Nea.   
\p
\v 14 Mirigini kahana ai, hetoa na Hanaton amo ela, ela bona Iftahele kourana ai e hadoko.  
\v 15 Katata bona Nahalala bona Simron bona Idala bona Betelehem danu idia edia. Edia hanua iboudiai na gwauta-rua, mai edia hanua maraḡidia ida.  
\v 16 Sebulun taudia ahudia bunu, edia dogoro ta ta ai: unu hanua e abi, mai edia hanua maraḡidia ida.   
\s1 Isakara ahuna  
\p
\v 17 E duanaia oreana ihahanina na Isakara iduhuna, ena doḡoro ta ta ai.  
\v 18 Edia tano bini: Iesrele; Kesuloto; Sunem;  
\v 19 Hafaraim; Sion; Anaharata;  
\v 20 Rabiti; Kision; Ebe;  
\v 21 Remete; En-ganim; En-hada; Bete-pase.  
\v 22 Edia tano hetoana danu ela, ela bona Taboro bona Sahasuma bona Bete-semese; bena hetoa na Ioridane sinavaina ai e hadoko. Hanua iboudiai na gwautatauratoi, mai edia hanua maraḡidia ida.  
\v 23 Isakara taudia ahudia bunu, edia doḡoro ta ta ai: hanua bona hanua maraḡidia.   
\s1 Asere ahuna  
\p
\v 24 E duanaia oreana iha-imana na Asere iduhuna, edia doḡoro ta ta ai.  
\v 25 Edia tano bini: Helkat bona Hali bona Betene bona Akasaf  
\v 26 bona Alamelek bona Amad bona Misala. Lahara kahana ai, edia tano hetoana na ela, ela bona Karamele bona Sihoro-libnata.  
\v 27 Una amo mairiveina kahana amo ela, ela bona Bete-dagon bona Sebulun bona Iftahele kourana; ma mirigini kahana amo ela, ela bona Bet-emek bona Neiele; ma mirigini kahana amo ela, ela bona Kabulu  
\v 28 bona Ebron bona Rehob bona Hamon bona Kana, ma ela bona hanua badana Sidono.  
\v 29 Unu amo hetoa ma ela, ela bona Rama, ela bona maḡu badana hanuana Turo; unu amo ma ela, ela bona Hosa, bona kone ai e hadoko; Mahalab bona Aksib  
\v 30 bona Umaha bona Afek bona Rehob danu idia edia. Hanua iboudiai na ruahui-rua, mai edia hanua maraḡidia ida.  
\v 31 Asere taudia ahudia bunu, edia doḡoro ta ta ai: hanua bona hanua maragidia.   
\s1 Napatali ahuna  
\p
\v 32 E duanaia oreana ihatauratoina na Napatali iduhuna, ena doḡoro ta ta ai.  
\v 33 Edia tano hetoana na Helef amo e matamaia, \it oak\it* auna Saananim ai amo, bona Adaminekeb bona labnele amo, ela bona Lakumu; bena Ioridane sinavaina ai e hadoko.  
\v 34 Bena hetoa na lahara kahana ai ela, ela bona Asnoto-taboro, ma unu amo ela bona Hukok. Sebulun na diho kahana ai, Asere na lahara kahana ai, bona Iuda na mairiveina kahana ai, Ioridane sinavaina badinai.  
\v 35 Hanua mai maḡudia bini: Sidim, Sere, Hamat, Rakata, Kinerete,  
\v 36 Adama, Rama, Hasoro,  
\v 37 Kede, Edrei, Enhasoro,  
\v 38 Irono, Migdalele, Horeme, Bet-anata, Bete-seme. Hanua iboudiai na gwauta taurahani-ta, mai edia hanua maraḡidia ida.  
\v 39 Napatali taudia ahudia bunu, edia doḡoro ta ta ai: hanua bona hanua maraḡidia.   
\s1 Dan ahuna  
\p
\v 40 E duanaia oreana ihahituna na Dan iduhuna, ena doḡoro ta ta ai.  
\v 41 Edia tano bini: Sora; Estaol; Iri-semese;  
\v 42 Saalabin; Aialono; Itla;  
\v 43 Elon; Timuna; Ekron;  
\v 44 Elteke; Gibeton; Baalata;  
\v 45 lehud; Beneberak; Gatarimon;  
\v 46 Meiakon; Rakon; bona lopa kahana tanodia.   
\p
\v 47 A Dan taudia edia tano na edia amo e heabi oho: bena e tore isi, Leseme taudia e tuari henidia. Hanua na e abia, bona hanua taudia e aladia ore; bena edia hanua ai e halaoa, e noholaia, bona ladana e hatoa Leseme-dan, senedia e nemaia.  
\v 48 Dan taudia ahudia bunu, edia doḡoro ta ta ai: hanua bona hanua maraḡidia.   
\s1 Tano iharina e haḡuḡurua  
\p
\v 49 Tano na e haria vaitani, hetoa iboudiai e gwauraidia ore, bena Israel taudia ese Iosua Nunu ahuna e henia, idia bogaragidiai.  
\v 50 Iehova ena hahedua dainai idia ese ia e noilaia hanuana e henia, ladana na Timnata-sera, Efraim ororo-tanodia ai. Ia ese hanua ma e hadaia lou, bena e noholaia.   
\p
\v 51 Tanodia bunu, hahelaḡa tauna Eleasara bona Iosua Nunu bona Israel iduhudia ikwaradia taudia ese mari amo e hari Silo ai, Iehova vairanai, hebou kalagana iduarana ai. Tano iharina na unu e haḡuḡurua toma.   
\c 20  
\s1 Roho-mauri Hanuadia  
\p
\v 1 Iehova ese Iosua e hereva henia, eto,  
\v 2 Israel taudia ba hamaorodia, baoto: Roho-mauri hanuadia bavabidia hidi, Mose uduna amo na haḡanimui heḡereḡerena.  
\v 3 Bena taunimanima ta baine hapididia tauna ese unu baine heau lao: unuseni ai mase tauna varavarana imana amo ba roho mauri.  
\v 4 Hapadidi tauna na unu hanua ta baine heau henia, bena hanua ikoukouna ai baine gini, hanua tau-badadia vairadiai ia sibona sivaraina baine gwauraia hedinarai. Bena idia ese hanua lalonai bae hakaua vareai, gabu ta bae henia, unuseni ai baine noho.  
\v 5 Mase tauna varavarana ese bema ḡavaia, hapadidi tauna na basie henia; badina be ia ese dekena tauna e hapadidia, dia badu dainai se alaia mase.  
\v 6 Bena hapadidi tauna na una hanua ai baine noho, ela bona hebou vairanai baine gini, hebou ese baine hahemaoro henia. Ma baine noho, ela bona hahelaḡa tauna badana baine mase; una murinai ia na ena hanua korikon bona ena ruma korikori, e heautania gabuna, ma baine lou henia diba.   
\p
\v 7 Taunabunai, idia na Kede, Galilea tanona ai, Napatali ororodia ai, bona Sekem, Efraim ororodia ai, bona Kiriat-araba (ladana ta be Heberon), Iuda ororodia ai, e abidia hidi.  
\v 8 Bona Ioridane sinavaina unukahanai, Ieriko mairiveina kahana ai, idia na Besere, tano ḡaḡaena ororo-taorana ai, Ruben taudia edia, bona Ramoto, Gilead tanona ai, Gad taudia edia, bona Golan, Basan tanona ai, Manase taudia edia, e abidia hidi.  
\v 9 Hanua bunu idia ese e gwauraidia, Israel taudia iboudiai edia, bona noho hedoa tauna ena: hapadidi tauna na unuseni ai baine heau maun, mase tauna varavarana ese baine alaia mase na garina, ela bona hebou vairanai baine gini.   
\c 21  
\s1 Levi taudia ahudia  
\p
\v 1 Iduhu ikwaradia taudia Levi iduhuna amo na hahelaḡa tauna Eleasara bona Iosua Nunu bona Israel iduhudia ikwaradia taudia dekedia ela,  
\v 2 Silo ai, Kanaan tanona ai, e hereva henidia, eto, Iehova ese Mose e haḡania, ai na hanua haida baia abi, baia noholai, bona rei gabudia danu baia abi, emai seri iubulaidia, eto.  
\v 3 Taunabunai, Israel taudia ese idia ahudia amo Levi taudia edia hanua bona edia rei gabudia e henidia, Iehova ena haheḡani heḡeregerena. Gabudia bini:   
\p
\v 4 Mari ese e duanaia guna oreana na Kohat ena. Levi taudia, hahelaḡa tauna Aaron vevena, ese hanua gwauta-toi mari amo e abidia, Iuda bona Simeon bona Beniamina iduhudia edia tano lalodiai;  
\v 5 a Kohat ena orea taudia oredia ese hanua gwauta mari amo e abidia, Efraim bona Dan iduhudia bona Manase iduhuna kahana edia tano lalodiai.   
\p
\v 6 Gereson ena orea taudia ese hanua gwauta-toi mari amo e abidia, Isakara bona Asere bona Napatali iduhudia bona Manase iduhuna kahana edia tano lalodiai, Basan ai.   
\p
\v 7 Merari ena orea taudia ese hanua gwauta-rua e abidia, Ruben bona Gad bona Sebulun iduhudia edia tano lalodiai.   
\p
\v 8 Ini hanua, mai edia rei gabudia ida, Israel taudia ese Levi taudia e henidia, mari amo, Iehova ese Mose e haḡania heḡereḡerena.   
\p
\v 9 Iuda iduhuna bona Simeon iduhuna ahudia amo e henidia hanuadia ladadia bini.  
\v 10 Levi taudia hahelaḡa tauna Aaron vevena, Kohat oreana ai, mari ese e duanaidia guna taudia,  
\v 11 edia hanua ta be Kiriat-araba, Anak tamana Araba ena hanua, Iuda ororodia ai, (ladana ta be Heberon), mai ena rei gabudia ida.  
\v 12 Ḡau tamona, hetabira tanodia bona hanua maraḡidia na Kaleb lefune e henia, ena gabu.  
\v 13 A hahelaḡa tauna Aaron vevena e henidia tanodia be hari Heberon mai ena rei gabudia ida, hapadidi taudia edia roho-mauri hanuana ta bunai; bona Libna mai ena rei gabudia ida;  
\v 14 bona latiri mai ena rei gabudia ida; bona Estemoa mai ena rei gabudia ida;  
\v 15 bona Holon mai ena rei gabudia ida; bona Debiri mai ena rei gabudia ida;  
\v 16 bona Ain bona luta bona Bete-semese, mai edia rei gabudia ida. Unu iduhu ruaosi edia amo e abi hanuadia na taurahani-ta.  
\v 17 Ma Beniamina iduhuna amo e abi hanuadia be Gibeon bona Geba, mai edia rei gabudia ida;  
\v 18 bona Anatoto bona Alamon, mai edia rei gabudia ida: hanua hani.  
\v 19 Hahelaḡa tauna Aaron vevena e henidia hanuadia iboudiai a gwauta-toi.   
\p
\v 20 Kohat oreana taudia oredia, Levi taudia, ese Efraim iduhuna taudia edia amo edia hanua e abidia.  
\v 21 E henidia hanuadia be Sekem mai ena rei gabudia ida, Efraim ororodia ai, hapadidi taudia edia roho-mauri hanuana ta bunai; bona Gesere mai ena rei gabudia ida;  
\v 22 bona Kibsaim bona Bete-horono, mai edia rei gabudia ida: hanua hani.  
\v 23 Dan iduhuna taudia edia amo e abi hanuadia be Elteke bona Gibeton, mai edia rei gabudia ida;  
\v 24 bona Aialono bona Gata-rimon, mai edia rei gabudia ida: hanua hani.  
\v 25 Manase iduhuna kahana taudia edia amo e abi hanuadia be Taanak bona Gata-rimon, mai edia rei gabudia ida: hanua rua.  
\v 26 Kohat oreana taudia oredia edia hanua iboudiai be gwauta, mai edia rei gabudia ida.  
\v 27 Gereson oreana taudia, Levi taudia, ese Manase iduhuna kahana taudia edia amo e abi hanuadia be Golan, Basan tanona ai, mai ena rei gabudia ida, hapadidi taudia edia roho-mauri hanuana ta bunai; bona Be-estera, mai ena rei gabudia ida: hanua rua.  
\v 28 Isakara iduhuna taudia edia amo e abi hanuadia be Kision, mai ena rei gabudia ida; bona Daberata, mai ena rei gabudia ida;  
\v 29 bona Iaramutu, mai ena rei gabudia ida; bona Enganim, mai ena rei gabudia ida: hanua hani.  
\v 30 Asere iduhuna taudia edia amo e abi hanuadia be Misala, mai ena rei gabudia ida; bona Abdon, mai ena rei gabudia ida;  
\v 31 bona Helkat, mai ena rei gabudia ida; bona Rehob, mai ena rei gabudia ida: hanua hani.  
\v 32 Napatali iduhuna taudia edia amo e abi hanuadia be Kede, Galilea tanona ai, mai ena rei gabudia ida, hapadidi taudia edia roho-mauri hanuana ta bunai; bona Hamoto-doro, mai ena rei gabudia ida; bona Karatan, mai ena rei gabudia ida: hanua toi.  
\v 33 Gereson oreana taudia edia hanua iboudiai be gwauta-toi, mai edia rei gabudia ida.   
\p
\v 34 Levi taudia oredia, Merari oreana taudia, ese Sebulun iduhuna taudia edia amo e abi hanuadia be lokoneam bona Karata, mai edia rei gabudia ida;  
\v 35 bona Dimna bona Nahalala, mai edia rei gabudia ida: hanua hani.  
\v 36 Ruben iduhuna taudia edia amo e abi hanuadia be Besere bona lahasa, mai edia rei gabudia ida;  
\v 37 bona Kedemoto bona Mefata, mai edia rei gabudia ida: hanua hani.  
\v 38 Gad iduhuna taudia edia amo e abi hanuadia be Ramoto, Gilead tanona ai, mai ena rei gabudia ida, hapadidi taudia edia roho-mauri hanuana ta bunai; bona Mahanaim, mai ena rei gabudia ida;  
\v 39 bona Hesebon bona lasere, mai edia rei gabudia ida: hanua hani.  
\v 40 Levi taudia oredia, Merari oreana taudia, edia hanua iboudiai be gwauta-rua.   
\p
\v 41 Levi taudia edia hanua, Israel taudia edia tano lalodiai, iboudiai na hari-ahui taurahani, mai edia rei gabudia ida.  
\v 42 Ini hanua iboudiai na mai edia rei gabudia.   
\p
\v 43 Taunabunai, Iehova ese Israel taudia edia tano e henidia, senedia e gwaurai henidia hamata tanona idoinai e henidia: una tano e abia, edia tano, bena e noholaia.  
\v 44 Bena Iehova ese laḡa-ani e henidia, edia tano kahadia iboudiai, senedia e gwau henidia hamata heḡereḡerena. Inaidia iboudiai ta ese se laodia ahu diba, badina be Iehova ese inaidia iboudiai na idia imadia ai e atodia.  
\v 45 Iehova ese ena gwau-hamata namodia, Israel taudia e gwaurai henidia hamata gaudia, na ta se reaia: iboudiai ia ese e hamomokanidia.   
\c 22  
\s1 Iduhu haida e lou Gilead  
\p
\v 1 Bena Iosua ese Ruben bona Gad iduhudia taudia bona Manase iduhuna kahana taudia e boiridia,  
\v 2 e hereva henidia, eto, Iehova ena hesiai tauna Mose ese e haḡanilaimui karadia iboudiai vada o kara, lau eregu danu vada o kamonai, vada na haḡanilaimui karadia iboudiai vada o kara.  
\v 3 Varavaramui asio rakatanidia dina momo Ialodiai ema bona hari ina dina ai. Iehova, emui Dirava, ena hahedua vada o badinaia.  
\v 4 Harihari Iehova, emui Dirava, ese varavaramui na laḡa-ani vada e henidia, e gwau henidia hamata heḡereḡerena: taunabunai a lou lao, emui noho gabuna, emui tano korikori, Iehova ena hesiai tauna Mose ese e henimui tanona Ioridane sinavaina unukahana ai, ba lou henia.  
\v 5 A nahuamui ba toho, Iehova ena hesiai tauna Mose ese e henimui haheḡanidia bona taravatudia ba badinadia, bona Iehova, emui Dirava, ba lalokau henia, ena dala iboudiai ba raka bona ena haheḡani ba badinadia, bona ia enai ba tao bona ia isiaina ba lao heni mai lalomui idoidiai bona mai laumamui idoidiai.  
\v 6 Taunabunai Iosua ese e hanamodia, bena e siaidia. Bena idia na edia noho gabuna ela.   
\p
\v 7 Manase iduhuna kahana be Mose ese edia tano e henidia Basan ai, a iduhu kahana be Iosua ese edia tano e henidia, Ioridane sinavaina lahara kahana ai, varavaradia badibadidiai. Bena Iosua ese e siaidia, edia noho gabudia baela, negana ai, ia ese e hanamodia,  
\v 8 eto, Emui noho gabudia ba lou lao, mai kohumui logora ida: boromakau momo herea, bona \it silver\it*, bona \it gold\it*, bona auri labora-labora, bona auri, bona dabua momo. Ḡau tamona, tuari ai o abi kohudia na varavaramui ida ba heharilai heheni.  
\v 9 Taunabunai Ruben bona Gad iduhudia bona Manase iduhuna kahana e lou, Israel taudia e rakatanidia Silo ai, Kanaan tanona ai; edia tano korikori, Gilead tanona, e lou henia, Iehova ena haheḡani Mose uduna amo e henidia dainai e abia tanona bunai.   
\p
\v 10 Idia na Ioridane sinavaina isena ai e kau, Kanaan tanona ai. Unuseni ai Ruben iduhuna bona Gad iduhuna taudia bona Manase iduhuna kahana taudia ese ihaboulaina patana bada-hereana ta e larebaia, Ioridane sinavaina isena ai.  
\v 11 Bena Israel taudia ese harina e kamonai: haida eto, A itaia, Ruben taudia bona Gad taudia bona Manase iduhuna kahana taudia ese ihaboulaina patana ta vada e larebaia, Kanaan tanona hetoana ai. Ioridane sinavaina isena ai, Israel taumui emui tano lalonai.  
\v 12 Israel taudia ese una hari e kamonai, bena iboudiai na Silo ai e hebou, bae tuari henidia eto.   
\p
\v 13 Bena Israel taudia ese hahelaḡa tauna Eleasara natuna Fineha e siaia, Gilead tanona bainela, Ruben bona Gad taudia bona Manase iduhuna kahana taudia dekediai.  
\v 14 Hanua lohiadia gwauta danu ia ida e siaidia, Israel iduhudia ta ta amo; iboudiai na edia iduhu ikwaradia taudia.  
\v 15 Idia na Ruben taudia bona Gad taudia bona Manase iduhuna kahana taudia dekediai e kau, Gilead tanona ai; bena e hamaorodia, eto,  
\v 16 Iehova ena orea idoinai ini e gwau tomamu: Ina kerere vada o havaraia anina be dahaka? Israel Diravana enai vada o kerere; hari dina ai Iehova ena amo vada o raka oho, vada o gwau edeede henia, ihaboulaina patana vada o larebaia.  
\v 17 Eda kara dika Peoro ai dia bada a? Ena be Iehova ena orea latanai hisihisi e kau, to una dika amo do asita ḡoeva.  
\v 18 Matona, hari dina ai Iehova ena amo ba raka oho a? Hari dina ai umui ese Iehova o gwau edeede heniamu; kerukeru ia ese Israel besena idoinai baine badu henida.  
\v 19 Emui tano basinema ḡoeva, boma hanai, Iehova ena tano, ena dubu e ginimu tanona, lalonai ahumui boma abi, ai bogaragimai ai. A Iehova basio gwau edeede henia, bona ai danu gwau-edeede taudia ai basio halaomai; ihaboulaina patana idauna ta, dia Iehova, eda Dirava, ena, basio larebaia.  
\v 20 Akan Sera na e gwau ahu ḡaudia ai e kerere, bena badu na Israel oreana idoinai latanai e kau, ani? Davana na mase, bona dia ia sibona latanai.   
\p
\v 21 Bena Ruben taudia bona Gad taudia bona Manase iduhuna kahana taudia ese Israel ikwaradia taudia e haere henidia, eto,  
\v 22 Dirava korikori na Iehova! Dirava korikori na Iehova! Ia dibana, bona Israel danu baine diba: bema Iehova a gwau edeede henia eiava vairanai a kara havara, hari dina ai basio hamaurimai.  
\v 23 Eiava bema hari ihaboulaina patana a larebaia Iehova idadaraina totona, eiava latanai ḡole-oho bouboudia eiava flaoa bouboudia eiava herohemaino bouboudia baia hahelaḡadia totona, Iehova ese davana baine henimai.  
\v 24 Lasi, ai na a larebaia, kerukeru vanegai umui natumui ese ai natumai bae gwau henidia na garina, baeto “Iehova, Israel Diravana, enai dahaka bavabia?  
\v 25 Iehova ese Ioridane sinavaina na hetoa ai vada e halaoa, ai bona umui Ruben taumui bona Gad taumui padadai; umui na asi ahumui Iehova enai.” Natumui unu bema gwau toma, bena ai natumai ese Iehova itomadiho-henina bema rakatania.  
\v 26 Taunabunai, a hereva heheni, ato, Mani ihaboulaina patana ta aita larebaia, dia gole-oho boubouna eiava boubou ta ḡauna,  
\v 27 a toa, ai bona umui padadai, bona ai garamai bona umui garamui padadiai, ai na Iehova itomadiho-henina totona emai ḡole-oho bouboudia bona emai herohemaino bouboudia bona emai boubou haida a hahelaḡadiamu; kerukeru vanegai umui natumui ese ai natumai bae gwau henidia na garina, baeto “Umui na asi ahumui Iehova enai”.  
\v 28 Emai lalo-hadai binai: kerukeru vanegai ai eiava ai garamai unu boma gwau henimai toma, ai na baiama haere, baiama toma “A itaia, ina na Iehova ena ihaboulaina patana idaidana; tamamai ese e larebaia, dia ḡole-oho bouboudia eiava boubou haida daidiai, a toa, ai bona umui padadai”.  
\v 29 Ai na Iehova asia gwau edeede henia, lasi vaitani. Iena amo asia raka oho, lasi vaitani. Ai na ihaboulaina patana asia Iarebaia, gole-oho bouboudia eiava flaoa bouboudia eiava boubou haida ihahelaḡadia, Iehova, eda Dirava, ena ihaboulaina patana, ena dubu vairanai e ginimu ḡauna, latanai e karamu hegereḡerena.   
\p
\v 30 Hahelaḡa tauna Fineha bona hanua Iohiadia, Israel ikwaradia taudia, ese Ruben taudia bona Gad taudia bona Manase taudia edia hereva e kamonai, bena lalodia e namo.  
\v 31 Bena hahelaḡa tauna Fineha Eleasara ese Ruben taudia bona Gad taudia bona Manase taudia e hamaorodia, eto, Harihari ai na dibamai Iehova na ita bogaragidai, badina be umui na asio kara havara Iehova vairanai, a Israel na Iehova imana amo vada o hamauridia.   
\p
\v 32 Bena hahelaḡa tauna Fineha Eleasara bona hanua lohiadia ese Ruben taudia bona Gad taudia e rakatanidia Gilead tanona ai, e lou lao, Kanaan tanona ela, Israel taudia dekediai; bona idia vairadiai harina e piua.  
\v 33 Bena Israel taudia na e moale, una hereva dainai. Israel taudia ese Dirava e hanamoa, bona tuari herevadia, Ruben taudia bona Gad taudia edia tano bae habuaia tari herevadia, na e hadoko.  
\v 34 A Ruben taudia bona Gad taudia ese una ihaboulaina patana ladana e hatoa Toa: idia eto, Badina be ia na toa, ita padadai, Iehova na Dirava toana.   
\c 23  
\s1 Iosua ese Israel taudia e hatonidia  
\p
\v 1 Nega daudau vada ela. Iehova ese Israel taudia na laḡa-ani e henidia, inaidia iboudiai e tuidia. Iosua vada e buruka, ena mauri laḡanidia na hoho.   
\p
\v 2 Bena Iosua ese Israel besena idoinai e boiridia, edia tau-badadia bona edia hanua Iohiadia bona edia hahemaoro taudia bona edia heitatao taudia e hereva henidia, eto, Lau vada na buruka, egu maun laḡanidia na hoho.  
\v 3 Vada o itaia, Iehova, emui Dirava, ese ini bese ibolidiai ede vada e karadia toma umui daimui ai; badina be Iehova, emui Dirava, ese umui daimui ai vada e tuari.  
\v 4 A kamonai: dounu nonoho besedia edia tano na vada na habuadia tari besedia edia tano ida vada na henimui, Ioridane sinavaina amo eIa bona Davara Badana, lahara kahana ai.  
\v 5 Iehova, emui Dirava, ese baine doridia lao, vairamui ai baine luludia lasi; edia tano do bavabia, Iehova, emui Dirava, ese e gwau henimui hamata heḡereḡerena.  
\v 6 Taunabunai ba haheauka, Mose ena taravatu bukana ai e tore herevadia iboudiai ba badinadia; iena amo basio raka siri, idiba kahana ai eiava lauri kahana ai.  
\v 7 Ini bese haida, doini bogaragimui ai e nohomu, ida basio hetura; edia dirava ladadia basio hato, Iadadia ai basio gwau hamata, isiaidia basio Iao heni, bona basio toma henidia diho.  
\v 8 A Iehova, emui Dirava, ba badinaia, gunaguna ema bona harihari vada o badinaia hegereḡerena.  
\v 9 Badina be Iehova ese bese badadia bona goadadia na umui vairamui ai vada e luludia lasi: tau ta ese se laomui ahu diba, ema bona hari dina ai.  
\v 10 Umui ta ese daha ta iluludia mai dibana; badina be Iehova, emui Dirava, ese umui daimui ai e tuarimu, e gwau henimui hamata heḡereḡerena.   
\p
\v 11 Taunabunai, nahuamui ba toho; Iehova, emui Dirava, ba lalokau henia.  
\v 12 Badina be boma raka muri, ini bese kwabukwabudia doini bogaragimui ai e nohomu ida boma hetura, edia ulato boma adavadia, bona emui ulato boma henidia bae adavadia,  
\v 13 ba diba momokani Iehova, emui Dirava na ini bese basine luludia lasi vairamui ai; do bae noho, idoa eiava rikiriki na heheto, emui ai, eiava ikwadi ḡauna ohemui ai eiava ginigini matamui ai na heheto, ela bona ina tano namona, Iehova, emui Dirava, ese vada e henimui tanona, lalona amo ba boio.   
\p
\v 14 Lau na tanobada taudia iboudiai e lao bubunimu dalana amo ba laomu. Umui iboumui ai vada o diba, lalomui ai bona laumamui ai Iehova, emui Dirava, ese ena gwau-hamata namodia iboudiai emui ai vada e hamomokanidia, ta se reaia. Iboudiai vada e momokani, ta se moru.  
\v 15 A Iehova, emui Dirava, ena gwau-hamata namodia emui ai vada e momokani heḡereḡerena, Iehova ese ḡau dikadia danu latamui ai baine hadihodia diba, ela bona baine habuamui tari, ina tano namona, Iehova, emui Dirava, ese vada e henimui tanona, lalona amo ba boio.  
\v 16 Iehova, emui Dirava, ese vada e henimui taravatuna na boma tataia utu, dirava idaudia isiaidia boma lao heni bona boma toma henidia diho, ia ese unu baine karamui toma: Iehova ena badu emui ai baine ḡaraḡara, bena vada e henimui tanona namona amo ba boio haraḡa.   
\c 24  
\p
\v 1 Iosua ese Israel iduhudia iboudiai e haboudia Sekem ai, bona edia tau-badadia bona edia hanua lohiadia bona edia hahemaoro taudia bona edia heitatao taudia e boiridia. Bena idia na Dirava vairanai e gini.  
\v 2 Bena Iosua ese taunimanima iboudiai e hereva henidia, eto, Iehova, Israel Diravana, na ini e gwau tomamu: Senemui negadia ai Tera, Abraham bona Nahoro tamadia, na Eufrate sinavaina unukahana ai e nohova; unuseni ai idia ese dirava idaudia e toma henidia diho.  
\v 3 Bena senemui Abraham na sinavai unukahana amo na abia, Kanaan tanona idoinai na hakaua hanai, natuna momo na henia; Isaak danu na henia,  
\v 4 bona Isaak na Iakob bona Esau na henia. Esau na Seiri ororodia na henia, ena tano ai bainela; a Iakob mai natuna ida na Aigupto ela.  
\v 5 Bena Mose bona Aaron na siaidia, Aigupto na hahisia, bogaraginai na kara karadia amo; una murinai na hakaumui lasi.  
\v 6 Tamamui na Aigupto amo na hakaudia lasi; bena kone ai o lasi; bena Aigupto taudia ese tamamui e ḡavadia, mai edia kariota bona mai edia hosigui taudia, ela bona Davara Kakakakana.  
\v 7 Bena tamamui ese Iehova e tai henia negana ai, ia ese umui bona Aigupto taudia padadia e havaburaia, davara amo e habubunidia. Aigupto ede na kara henia toma na matamui ese e itaia. Murinai tano ḡaḡaena ai o nohova, nega daudau.   
\p
\v 8 Bena na hakaumui vareai, Amoro taudia edia tano Ialonai, Ioridane sinavaina unukahana ai; idia ese e tuan henimui, bena imamui ai na atodia. Edia tano o abia; lau ese umui vairamui ai na habuadia tari.  
\v 9 Bena Balak Siporo, Moab pavapavana, e tore isi, Israel e tuari henia; ia ese Balaam Beoro e boiria, baine uduguiraimui totona;  
\v 10 a Balaam asina hakala henia, taunabunai ia ese e hanamomui; ia imana amo na hamaurimui.  
\v 11 Una murinai Ioridane sinavaina o hanaia, Ieriko ai o kau. Bena Ieriko taudia ese e tuari henimui; Amoro taudia bona Perisi taudia bona Kanaan taudia bona Hiti taudia bona Girigasa taudia bona Hivi taudia bona Iebusu taudia ese danu e tuari henimui; a lau ese umui imamui ai na atodia.  
\v 12 Nanigo danu na siaidia vairamui ai, idia ese Amoro pavapavadia raruosi na umui vairamui ai e luludia lasi, dia emui dare ese bona dia emui peva ese.  
\v 13 Asio ruaia tanona na henimui; asio hadai hanuadia o noholai; asio hado imeadia, vine imeadia bona olive imeadia, huahuadia o ani.   
\p
\v 14 Taunabunai, Iehova garina ba gari, ia isiaina ba lao heni mai momokanimui bona mai kamonaimui ida. Senemui ese Eufrate sinavaina unukahana ai bona Aigupto ai e toma henidia diho diravadia ba rakatanidia, Iehova isiaina ba lao heni.  
\v 15 A Iehova isiaina ilao-henina ai boma daradara, hari ina dina ai ba haeroa, daika isiaina ba lao heni, senemui sinavai unukahana ai isiaidia e lao heni diravadia, eiava Amoro taudia edia dirava, ina o noholaiamu tanona diravadia. A lau be egu ruma taudia ida Iehova isiaina baia lao heni.   
\p
\v 16 Bena hebou taudia ese e haere henia, eto, Ai ese Iehova basia rakatania, dirava idaudia basia toma henidia diho, lasi vaitani.  
\v 17 Badina be Iehova, eda Dirava, ese ita bona tamada na Aigupto tanona amo bona iḡui rumana amo e hakauda lasi, bona unu toa badadia e karava ita vairadai, bona eda laolao dalana idoinai ai e hamauridava, edia tano ta rakadia hanai taudia iboudiai bogaragidiai.  
\v 18 Iehova ese danu taunimanima iboudiai na ita vairadai e luludia lasi, Amoro taudia una tano ai e nohova ibouboudiai e luludia lasi. Taunabunai ai danu Iehova isiaina baia lao heni, badina be ia na emai Dirava.   
\p
\v 19 A Iosua ese hebou taudia e hamaorodia, eto, Iehova isiaina basio lao heni diba; badina be ia na Dirava helaḡana, vageḡe Diravana; ia na emui kara dika bona emui kara havara basine gwaudia tao.  
\v 20 Iehova boma rakatania bona dirava idaudia isiaidia boma lao heni, ia ese ihanamomui baine hadokoa, ma baine hadikamui.  
\v 21 Hebou taudia ese Iosua e haere henia, eto, Lasi, ai na Iehova isiaina baia lao heni.   
\p
\v 22 Bena Iosua ese e hamaorodia, eto, Emui hereva ihahedinaraina na umui sibomui; Iehova vada o abia hidi, ia isiaina ba lao heni o tomu. Idia na e haere, eto, Ai sibomai ese vada a gwauraia hedinarai.  
\v 23 Iosua ma eto, Benaini, dirava idaudia bogaragimui ai mimia na ba negedia, bona lalomui ba hamanadadia, Iehova, Israel Diravana, enai.  
\v 24 Hebou taudia ese Iosua e haere henia, eto, Iehova, eda Dirava, isiaina baia lao heni, ia erena baia kamonai.   
\p
\v 25 Taunabunai, Iosua na hebou taudia ida e herohemaino una dina ai; bona taravatu bona haheḡani e henidia, Sekem ai.  
\v 26 Bena Iosua ese unu hereva na Dirava ena taravatu bukana ai e tore; bena nadi badana ta e abia, \it oak\it* auna henunai e haginia, Iehova ena gabu helaḡana ai.  
\v 27 Bena Iosua ese taunimanima iboudiai e hamaorodia, eto, A itaia, ina nadi na ita ihabadelaida toana ai vada ela; badina be Iehova ese e henida herevadia iboudiai na ina nadi ese vada e kamonai: taunabunai Iehova, emui Dirava, ba koia negana ai, ina nadi ese baine hahemaoro henimui.  
\v 28 Bena Iosua ese idia iboudiai e siaidia karoho, ta ta ena tano ena tano baela.   
\s1 Iosua e mase  
\p
\v 29 Unu ḡau muridiai, Iosua Nunu, Iehova ena hesiai tauna, e mase. Ena laḡani iboudiai na sinahu-ta dikoana gwauta.  
\v 30 Ena tano ai e guria, Timnata-sera ai; una na Efraim ororodia ai, Gaasa ororona mirigini kahana ai.   
\p
\v 31 Israel taudia ese Iehova isiaina e lao heniva, Iosua ena maun dinadia iboudiai lalodiai, bona tau-badadia, Iosua ena mase murinai dounu e mauriva bona Iehova ena kara Israel taudia ediai na matadia amo e itava taudia, edia mauri dinadia lalodiai danu.   
\p
\v 32 Iosef turiana, Israel taudia ese Aigupto amo e mailaidia, na Sekem ai e guridia, Iakob ese Sekem tamana Hamoro ena amo e hoia tanona ai. Davana be \it silver\it* monidia sinahu-ta e heni; bena Iosef garana edia tano ai ela.\f + \fr 24:32 \ft Genese, Karoa 33, siri 19 ba itaia.\f*   
\s1 Eleasara e mase  
\p
\v 33 Eleasara Aaron danu e mase; bena Gibea ai e guria, natuna Fineha vada e henia hanuana bunai, Efraim ororodia ai.