\id PHP - Maale Project
\ide UTF-8
\h ፒልጲሲዮሴ ዓሶም
\toc3 ፒልጲ.
\toc2 ፒልጲሲዮሴ ዓሶም
\toc1 ፆኦሲ ማዾ''ም ዳኪንቴ ጳውሎሴ ፒልጲሲዮሴ ዓሶም ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ፒልጲሲዮሴ ዓሶም ዳኬ ኪኢቶ''
\imt ዓይፆ ካሮ''
\ip ጳውሎሴ ፒልጲሲዮሴ ዓሶም ፃኣፔ ኪኢታ'' ፃኣፒንቴሢ' ሮሜ ዓጮ'' ዴማ'' ማዔ፥ ሜቄዶኒያ ዓጮ''ይዳ፥ ፒልጲሲዮሴ ካታማ'' ዓኣ ሺኢጲፆ ማኣሮ ዓሶምኬ፤ ዬና ሺኢጲፆ ማኣሬላ ጳውሎሴ ዓውሮፓ ዓጮ''ይዳ ቤርታ ዔቂሴዜሎኬ፤ ኪኢታ'' ፃኣፒንቴሢ፦ ኪሪስቶሴ ጉሙርቃ ሜሌ'' ማዻ ዓሳ ጳውሎሴ ዒፂ፥ ዒዛ ማካ ዎዶ''ና ሃሣ ፒልጲሲዮሴ ሺኢጲፆ ማኣሮይዳ ዔቄ ሉኡዙሞና ዔርዛ ዓሶ ዛሎ''ና ዒና'' ዒዛኮ ዖዪ፥ ቱኡዞ ማኣራ ዒ ዓኣዖኬ፤ ዬይ ያዺ ማዔቴያ ጳውሎሴ ዬሱስ ኪሪስቶሴና ዓኣ ጉሙርቂፆና ሚርጌና ካፄያ ማዔሢሮ ሃኖ' ኪኢቶ''ይዳ ሚርጌና ጴዻ ባካ ዎዛና ዒናፓ ፆኦሲ ዓያናና ዶዲሢ ዛላኬ።
\ip ሃኖ' ኪኢቶ'' ጳውሎሴ ፃኣፒሴ ባካ ዒዛኮ ሜታሢ ዎዶ''ና ዒዛ ማኣዳ''ኒ ማኣዳ ዳኪንቴያታሢሮ ፒልጲሲዮሴይዳ ዓኣ ኪሪስቶሴ ጉሙርቃ ዓሶ ጋላታኒኬ፤ ዒዛንታ ዔያቶንታ ዱማ ዱማ ሜታ ሄሌ''ያ ማዔቴያ ዒጊጩዋዖ ጉቤ ዒናፓ ጉሙርቂሢ ዔያቶኮ ዓኣያ ማዓንዳጉዲ ቃሲ'' ዔያቶ ዶዲሻኔ። ዖቶርሙሞና ሄርሺንቲና ሃሺ'' ዬሱስ ኪሪስቶሴኮ ሼሌዑሞና ሚርጌና ዎሊ ሚጪንታያ ማዓንዳጉዲ ኮሺ'' ዔያቶም ላቲ'' ኬኤዛኔ። ዔያታ ዬሱስ ኪሪስቶሴና ዎላ'' ማዒፆና ዴንቄ ናንጋ ፆኦሲኮ ኮሹሞ ዒንጊፆይዳፓ ማዔያ፤ ሃሣ ጉሙርቂሢና ዔያታ ዴንቄያ ማዓንዳኣፓዓቴም ዓይሁዴ ዓሶኮ ዎጎ ማዺ ኩንሥሢና ጴዼያቱዋሴ ጌይ ዔያቶም ጶቂሢ ኬኤዛኔ። ዬሱስ ኪሪስቶሴና ፔቴ'' ማዒ ናንጋዞንሢም ቢያ ፆኦሲ ዒንጋንዳ ኮሹሞንታ ዎዞ''ንታ ዛሎ''ዋ ዔያቶም ዒ ፃኣፔኔ።
\ip ሃና' ኪኢታ'' ዱማዺ ዔርታሢ፦ ዎዛንታ ጉሙርቂሢንታ ፔቱሞንታ ሃሣ ኪሪስቶሴ ጉሙርቂ ናንጎ ናንጊና ዶዲሢንታ ዛላ ፔጋሲ ዔርዚፆናኬ፤ ቃሳ''ዖ ጳውሎሴ ፒልጲሲዮሴ ሺኢጲፆ ማኣሮ ዓሶ ሚርጌና ናሽካያ ማዒፆ ዛሎ'' ኬኤዛኔ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1-11
\io ጳውሎሴ ዓኣ ጎይፆ 1፥12-26
\io ኪሪስቶሴና ጴዻ ናንጊ 1፥27—2፥18
\io ጳውሎሴና ዎላ'' ማዻ ዓሶ 2፥19-30
\io ሉኡቂ ዔርዛ ዓሶም ላቲ'' ኬኤዚንቴ ባኣዚ'' 3፥1—4፥9
\io ጳውሎሴኮ ፒልጲሲዮሴ ዓሶ ጋላቲፆንታ ጋፒንፆ ሳራሢፆ 4፥10-23
\c 1
\s ጳውሎሴ ዳኬ ሳራሢፆ
\p
\v 1 ሓይ ኪኢታ'' ዬሱስ ኪሪስቶሴም ማዻያ ማዔ፥ ጳውሎሴና ፂሞቴዋሴናይዳፓ ዳኪንቴያኬ፤ \x - \xo 1፥1 \xo*\xt ዳኪ. ማዾ'' 16፥12።\xt*\x*
\p ዳኪንቴሢያ ፒልጲሲዮሴ ካታማ'' ናንጋ ዬሱስ ኪሪስቶሴ ጉሙርቂፆና ፆኦሲም ዱማዼ ዓሶና ሺኢጲፆ ማኣሮ ዎይሣ ዓሶና ዲያቆኔ ማዒ ዔያቶ ማኣዲ'' ማዻ ዓሶናምኬ፤
\p
\v 2 ኑኡኮ ዓዳሢ፥ ፆኦዛሢዳፓ፤ ዬያጉዲ ሃሣ፥ ጎዳ ዬሱስ ኪሪስቶሴይዳፓ ፆኦሲኮ ኮሹሞ ዒንጊፆና ዎዛና ዒንሢም ማዖንጎ።
\s ጳውሎሴኮ ጋላቶ'' ሺኢጲፆ
\p
\v 3 ዒንሢ ታ ጶቂሣ ዎዶ''ና ቢያ፡ ታ ፆኦዛሢ ታኣኒ ጋላታኔ። 
\v 4 ዒንሢ ቢያሢም ታ ሺኢቃኣና ዼኤፒ ዎዛና ታ ሺኢቃኔ። 
\v 5 ታኣኒ ፒልጲሲዮሴ ካታሞ ሄሌ'' ኬላ''ፓ ዓርቃዖ ሃኖ'' ሄላ''ንዳኣና ኮዦ ሃይሶ ኬኤዚፆ ማዾ''ና ታኣና ዎላ'' ዒንሢ ማዔሢሮ ፆኦሲ ታ ጋላታኔ። 
\v 6 ዬሱስ ኪሪስቶሴ ማዒ ሙካ ኬሎ''ና ኩንሣኒ ዬያ ኮዦ ማዾ'' ዒንሢና ማዻኒ ዓርቄ ፆኦዛሢ ሃሢያ ማዺሺ ዴዴዓንዳሢ ታ ጉሙርቃኔ። 
\v 7 ታ ዒንሢ ዛሎ'' ዬያይዲ ማላንዳያ ኮይሳኔ፤ ዓይጎሮ ጌዔቴ ጎኔ ዒናፓ ታ ዒንሢ ናሽካያታሢሮኬ፤ ሃሣ ታ ዒንሢሮ ዬያይዲ ማላሢ ኮዦ ሃይሶ ዛሎ'' ዖኦጪንታ ባኮሮ ማሂ ታ ኬኤዛ ዎዶ''ና፤ ሃሣ ታ ሃይካ ቱኡዞ ማኣራ ኬኤዛኣና ዒንሢ ታኣና ዎላ'' ፆኦሲኮ ኮሹሞ ዒንጊፆ ዔካያ ማዔሢሮኬ። 
\v 8 ዬሱስ ኪሪስቶሴ ዒንሢ ናሽካሢጉዲ ታኣኒያ ዒንሢ ናሽካያ ማዒ ዒንሢ ጶቂሣሢኮ ፆኦሲ ማርካኬ።
\p
\v 9 ናሹማ ዒንሢኮ ዔራቶና ጶቂሥሢና ዓኣያ ማዒ፥ ዳልጊ ዳልጊ ዓኣዻንዳጉዲ ታ ፆኦሲ ሺኢቃኔ። 
\v 10 ዬይ ዑሣ ዓኣዼ ኮዦ ባኮ ዱማሲ ዒንሢ ዔራንዳጉዲና ኪሪስቶሴ ማዒ ሙካ ኬሎ''ና ጌኤሺ፤ ሃሣ ቦሂሳ ባኣዚ''ያ ባኣያ ማዒ ዒንሢ ጴዻንዳጉዲኬ። 
\v 11 ያዒ ማዒፆና ዬሱስ ኪሪስቶሴ ዒንሢም ዒንጋ ፂሉ''ሞ ዓኣፖና ኩሚ ፆኦሲ ቦንቻያና ጋላታያ ዒንሢ ማዓንዳኔ።
\s ጳውሎሴኮ ቱኪ''ንቲፃ ኮዦ ሃይሶ ኬኤዚፆ ላኣጊባኣሢ
\p
\v 12 ታ ዒሾንሦ! ታ ሚሾንሦ! ታጊዳ ሄሌ'' ባካ ቢያ ኮዦ ሃይሶ ማዾ'' ባሼና ዳልጋንዳጉዲ ማሄሢ ዒንሢ ዔራንዳጉዲ ታ ኮዓኔ። 
\v 13 ታኣኒ ቱኡቴሢ ኪሪስቶሴኮ ኮዦ ሃይሶ ኬኤዚፆ ዛሎ''ናታሢ ሮሜ ዓጮ'' ካኣቲ ማኣሮ ካፓ ዓሶንታ ሜሌ'' ዓሳኣ ቢያ ታና ዔሬኔ። \x - \xo 1፥13 \xo*\xt ዳኪ. ማዾ'' 28፥30።\xt*\x* 
\v 14 ታ ቱኡቴቴያ ኪሪስቶሴ ጉሙርቃ፥ ታ ዒሾንሢና ታ ሚሾንሢናፓ ሚርጌዞንሢ ፆኦሲ ቃኣሎ'' ዒጊቹሞ ባኣያ ኬኤዛኒ ዳንዳዔኔ።
\p
\v 15 ጋዓንቴ ፔቴ'' ፔቴ''ዞንሢ ኮዦ ሃይሶ ኬኤዛሢ' ቄኤሙሞና ዒፂሢ ዓያናናኬ፤ ዛላ'' ኬኤዛሢ ፒዜ ዒናፓኬ። 
\v 16 ዬንሢ ኮዦ ሃይሶ ፒዜ ዒናፓ ኬኤዛዞንሢ ናሹሞና ኬኤዛኔ፤ ዔያታ ዬያ ማዻሢ' ታኣኒ ኪሪስቶሴኮ ኮዦ ሃይሶ ዛሎ'' ሞኦታንዳጉዲ ፆኦሲ ታና ዶኦሬሢ ዔራሢሮኬ። 
\v 17 ሃንጎዋታ ኮዦ ሃይሶ ዎቢሲ ኬኤዛሢ ፔና ዼ'ግ ዼ'ጊዳኒ ዓኣ ማሊፆይዳፓ ዔቄያና ቱኡዞኮ ጊዳ'' ቃሲ'' ታና ሜቶ ሄሊ''ሳኒ ማሊኬ።
\p
\v 18 ዬይ ያዺ ማዔቴያ ዬይ ቢያ ታና ዎዎዛሳኔ፤ ሴካ ቤርታ ዓኣ ዎዛ'' ታኣኮ ሃያኬ ጌይንቱዋያኬ፤ ዎይቲ ጌዔቴ ኮሺና ማዖም ፑርታ ማሊሢና ኪሪስቶሴኮ ኮዦ ሃይሳ ኬኤዚንታሢሮኬ። 
\v 19 ሜሌ'' ሃሣ ታና ዎዛሳ ባካ ዒንሢ ሺኢጲፆና፤ ሓሣ ዬሱስ ኪሪስቶሴኮ ዓያኖ ጌኤዣ ታና ማኣዴ''ም ታኣኒ ቱኡዛፓ ቡሊ''ንታንዳሢ ታ ዔሬሢሮኬ። 
\v 20 ዬያሮ ዓይጎ ባኣዚ''ናኣ ታ ባሺንቲንዱዋኣሢ ጉቤ ዒናፓ ሃጊ ማዓንዳ ዎዛ ጌሢ ታ ጉሙርቃኔ፤ ዬያጉዲ ሃሣ ቤርታኣስካፓ ባሼና ሓሢ ታ ናንጌቴያ ሃይቄቴያ ታኣና ኪሪስቶሴ ቦንቺንታንዳጉዲ ማሃኒ ጫርሹሞ ታኣኮ ዓኣኔ። 
\v 21 ዬያሮ ታኣኮ ናንጎ ጌይፃ፦ ኪሪስቶሴና ናንጊሢኬ፤ ታ ሃይቄቴያ ዑሣ ዓኣዼ ኮሺ ታኣም ማዓኔ። 
\v 22 ታኣኮ ኪሪስቶሴና ማዒ ናንጊፃ ዓኣፒ ማዾ ማዺሻያ ማዔቴ፥ ሃሢ ናንጊና ሃይቢናይዳፓ ዎኖ ታ ዶኦራንዳቴያ ታኣም ዔርቱዋሴ። 
\v 23 ዬንሢ ላምዖ ማሊፆንሢና ታ ሜታዻኔ፤ ፔቴ'' ዛሎ''ና ሃካ ናንጊፆይዳፓ ሃይቢና ዱማዺ፥ ኪሪስቶሴና ዎላ'' ታ ናንጋኒ ኮዓኔ፤ ዓይጎሮ ጌዔቴ ኪሪስቶሴና ማዒፃ ቢያፓ ባሼ ታኣም ማዔሢሮኬ። 
\v 24 ሜሌ'' ዛሎ''ና ዒንሢ ማኣዳ''ኒ ታኣኮ ሃካ ሳዓ ናንጊፃ ሚርጌ ኮይሳያ ማዔሢ ታ ዛጋኔ። 
\v 25 ታኣኮ ዬኖ ዛሎ'' ማሊፃ ባሼያ ማዔሢሮ ሃይቢዳፓ ታ ዓቲ'' ዒንሢና ዎላ'' ናንጋንዳሢ ታ ጉሙርቃኔ፤ ያዺ ማዔቴ፦ ኪሪስቶሴ ጉሙርቂ ዲጪሢና ዎዛና ዒንሢ ዴንቃንዳኔ። 
\v 26 ላሚ ዒንሢ ኮይላ'' ታ ሙካኣና ታ ዛሎ''ና ኪሪስቶሴና ዒንሢኮ ዓኣ ዎዞና ዒንሢ ሚርጌና ዎዛዻንዳኔ።
\p
\v 27 ዓካሪ ቢያፓ ባሼ ማዔ ባካ ዓይጎዳይ ጌዔቴ፦ ናንጋ ዒንሢኮ ኪሪስቶሴ ኮዦ ሃይሶ ጋላቲሳያ ማዓኒ ኮይሳሢኬ፤ ዬይ ያዺ ማዔቴ ታ ዒንሢ ሙኪ ዛጌቴያ ሃኬ ማዔቴያ ፔቴ'' ማሊሢና ዶዲ ዒንሢ ዔቃንዳሢንታ ኮዦ ሃይሶ ማዾ'' ዶዲ ዒንሢ ማዻንዳሢ ታ ጉሙርቃኔ። 
\v 28 ዓይጎ ባኣዚ''ናኣ ማዖም ዒንሢ ማዾ'' ማካ ዓሶ ዒጊጪፖቴ፤ ዬይ ዒንሢኮ ጫርሹማ ዔያቶም ባይሲንታ ማላታ ማዓዛ ዒንሢም ጋዓንቴ ዻቂንታም ፆኦሲ ዒንጌ ማላታ ማዓንዳኔ። 
\v 29 ኪሪስቶሴ ዛሎ'' ዒንሢ ሜቶ ዔካንዳጉዴያ ማዓንዳፓዓቴም ዒዛ ጉሙርቃንዳጉዲ ሌሊ ሃይ ፆኦሲኮ ኮሹሞ ዒንጊፆ ማዻ'' ዒንሢም ዒንጊንቲባኣሴ። 
\v 30 ዬያሮ ሃሢ ዒንሢ ታኣና ዎላ'' ሜታዻያ ማዔኔ፤ ዬይ ሜታሢ ሃያኮ ቤርታ ታና ሄሌ''ሢና ሃሢያ ታኣኒ ሜታሢዳ ዓኣሢ ዒንሢ ዋይዛሢኬ። \x - \xo 1፥30 \xo*\xt ዳኪ. ማዾ'' 16፥19-40።\xt*\x*
\c 2
\s ኪሪስቶሴ ዻዌ ሼሌዑሞ
\p
\v 1 ኪሪስቶሴሮ ዒንሢ ማዔሢሮ ዒዛና ዒንሢ ዎልቄ ዴንቄኔ፤ ሃሣ ዒዛ ናሹሞና ዒንሢ ዶዴኔ፤ ዓያኖ ጌኤዦ ዛሎ''ናኣ ፔቱሞ ዒንሢ ዴንቄኔ፤ ዎላ'' ዒንሢ ኮሹሞና ሚጪንቲሢና ናንጌኔ፤ 
\v 2 ዬያሮ ፔቴ'' ማሊሢና ናሹሞ ዓያናና ዎላ'' ጊኢጊ ናንጊሢና ታኣኮ ዎዞ'' ኩሙሢ ዎዛ ማሁዋቴ። 
\v 3 ሚርጌና ሼሌዔ ማዒ፥ ሜሌ'' ዓሶ ዒንሢዳፓ ባሼ ማሂ ዛጉዋቴ፤ ፔና ናሽኪሢና ሃሣ ዬያጉዲ፦ «ታ ጊዳ''ፓ ሜሌ'' ዖናዳይ?» ጋዓ ሄርሺንቲና ዓይጎ ባኣዚ''ያ ማዺፖቴ። 
\v 4 ሃሣ ዬያጉዲ ፔቴ'' ፔቴ''ሢ ፔኤም ኮይሳ ባኮ ሌሊቱዋንቴ ሜሌ'' ዓሲማኣ ማዓንዳ ባኣዚ'' ማሎንጎ። 
\v 5 ዬያይዲ ዬሱስ ኪሪስቶሴ ዒንሢ ዻዌ ሼሌዑሞ ማዻ'' ዒንሢ ናንጎይዳ ጴዻንዳያ ኮይሳኔ።
\q
\v 6 ዒ ፔኤሮ ፆኦሲታዖ
\q2 ፆኦሲና ዎላ'' ዒዛ ሄኮ ማሃ
\q2 ዒዛኮ ፆኦሱሞ ዓርቂ ዴዓኒ ኮይባኣሴ።
\q
\v 7 ጋዓንቴ ዒዚ ፔና ጉሪ ማሄኔ፤
\q2 ዓይሌ'' ማሎዋ ዔኬኔ፤
\q2 ሃሣ ዓሲ ማዒያ ጴዼኔ፤
\q
\v 8 ዓሲ ማዔዖዋ ሼሌዑሞና ፔ ቶኦኮ'' ሂርኪዴኔ፤
\q2 ሃይቢ ሄላ''ንዳኣና
\q2 ዬይያ ፑርቶ ዓሶ ሱፆ ሚፆይዳ ሱፂንቲ ሃይቃኒ
\q2 ዓይሢንታያ ማዔኔ።
\q
\v 9 ዬያ ዛሎ''ሮ ፆኦሲ ዒዛ ቢያፓ ዑፃ ዼ'ጊዴኔ፤
\q2 ሱ'ንሢ ቢያይዳፓ ባሼ ሱ'ንሢ
\q2 ዒዛም ጌሤኔ።
\q
\v 10 ዬያሮ ዬሱሴ ሱ'ንፆ ቦንቺ
\q2 ጫሪንጮና ሳዖናይዳ ሃሣ ሳዖኮዋ ዴማ'' ዓኣሢ ቢያ
\q2 ዒዛም ጉምዓታንዳኔ።
\q
\v 11 ሃሣ ዔያታ ፔ ዻንጎና
\q2 «ዬሱስ ኪሪስቶሴ ጎኔ ጎዳኬ» ጌዒ ማርካዺሢና
\q2 ፆኦሲ፥ ዓዳሢ ቦንቻንዳኔ። \x - \xo 2፥11 \xo*\xt ዒሲ. 45፥23።\xt*\x*
\s ዓጮ'' ዓሶም ፖዒ ማዒሢ
\p
\v 12 ታ ዒጊኖንሢዮቴ! ታኣኒ ዒንሢና ዎላ'' ማዔ ዎዶ'' ቢያና ዒንሢ ዓይሢንታያኬ፤ ዓካሪ ባሼና ታ ዒንሢዳፓ ሃኬ ዎዶ''ናኣ ዓይሢንታያ ማዓንዳጉዲ ታ ዒንሢ ዞራኔ። ዬያሮ ዒንሢ ፔቴ'' ፔቴ''ሢኮ ዓኣ ዻቂንታ ጋፒንፆ ሄላ''ንዳኣና ዶዲ ዴዓንዳጉዲ ፆኦሲ ዒጊጪሢና ቦንቺሢና ዶዲ ማዹዋቴ። 
\v 13 ዓይጎሮ ጌዔቴ ዒዛ ማሊፆጉዴያ ዓይሢንቲሢና ናሽኪ ዔኤዒሢና ዒንሢም ዒንጊ ዒንጊ ማዻሢ ፆኦሲታሢሮኬ።
\p
\v 14 ዓይጎ ማዾዋ ዒንሢ ማዻ ዎዶ''ና ጉንዱሚ ጉንዱሚ ጎሪ''ንቲያ ዎላ'' ጎሪ''ንቲ ማርሚፖቴ። 
\v 15 ያዺዴቴ ሃያ ዎርቆ ጎይፃ ዔርቱዋ ሾይንቶ ዓሶ ባኣካ'' ቦሂሳ ባኣዚ'' ባኣያ፥ ጌኤሺ ፆኦሲ ናይ ማዒ፥ ዦኦጌጉዲ ፖዒ ዒንሢ ጴዻንዳኔ። \x - \xo 2፥15 \xo*\xt ላሚ. ዎማ 32፥5።\xt*\x* 
\v 16 ዬይ ያዺ ማዓንዳሢ' ናንጊ ዒንጋያ ማዔ፥ ኮዦ ሃይሶ ሃሹ''ዋዖ ዒንሢ ኬኤዛኒ ዳንዳዔቶኬ፤ ዬያ ጎይፆና ታኣኮ ጳዦ ማዔቴያ ማዻ'' ጉሪ ማዒ ዓቲንዱዋኣሢሮ ኪሪስቶሴ ማዒ ሙካኣና ታና ሄርሺንቲሳንዳ ባኣዚ'' ዓኣኔ ጌይሢኬ።
\p
\v 17 ፆኦሲም ጉሙርቂሢና ዒንሢ ዒንጎ ባኮ ሺኢሻኣና ታ ሼምፓሢያ ቃሲ'' ዋሆ ዑዦጉዲ ማዒ ዒንጊንታያታቴ ታና ዎዛሳያ ማዓንዳኔ፤ ዒንሢያ ታኣና ዎላ'' ዎዛዻንዳኔ። 
\v 18 ዬያይዲ ዒንሢያ ታኣና ዎላ'' ዎዛዹዋቴ።
\s ፂሞቴዎሴና ዔፓራዲቶሴናኮ ማዾ''
\p
\v 19 ታኣኒ ዒንሢ ዛሎ'' ዋይዚ ዎዛዻኒ ፂሞቴዎሴ ዑኬና ዒንሢ ባንሢ ዳካንዳጉዲ ጎዳ ታና ማኣዳ''ንዳሢ ታ ጉሙርቃኔ። 
\v 20 ዒንሢ ዛሎ'' ሜታዺ ማላ ዓሲ ፂሞቴዎሴይዳፓዓቴም ሜሌ'' ዓሲ ታኣኮ ባኣሴ። 
\v 21 ሜሌ'' ዓሳ ጋዓንቴ ቢያ ፔኤም ማዓ ባኣዚ'' ሌሊ ዳኪ ሃንታኣፓዓቴም ዬሱስ ኪሪስቶሴ ማዾ'' ዛሎ'' ዔኤቢ ዓቴ''ኔ ጎዑዋሴ። 
\v 22 ፂሞቴዎሴኮ ጉሙርቂንቲፃ ዛጊንቲ ዔርቴያ፤ ሃሣ ኮይሳ ዓሲ ማዔሢ ታኣና ዎላ'' ዓዶና ናይናጉዲ ፔቴ'' ማዒ ኮዦ ሃይሶ ኬኤዚፆና ዎላ'' ኑ ማዺ ናንጌሢ ዒንሢ ዒ'ንሢ ቶኦኪና ዔራኔ። 
\v 23 ታ ጌኤዛ ዎይታንዳቴያ ታ ዔሬሢኮ ጊንፃ ፂሞቴዎሴ ዑኬና ዒንሢ ባንሢ ታ ዳካኒ ማላኔ። 
\v 24 ሃሣ ታኣኒያ ታኣሮ ዒንሢ ኮይላ'' ሙካንዳጉዲ ጎዳ ታና ማኣዳ''ንዳኔ ጌዒ ታ ጉሙርቃኔ።
\p
\v 25 ዬያጉዲ ሃሣ ዒንሢ ታና ማኣዶ''ንጎ ጌዒ ዳኬ፥ ጎዳ ሱ'ንፆና ኑኡኮ ዒሻሢ ማዔ፥ ዔፓራዲቶሴያ ዒንሢ ባንሢ ዳካኒ ኮይሳያ ማዒ ታኣም ጴዼኔ፤ ዒዚያ ታኣና ዎላ'' ዬሱስ ኪሪስቶሴ ማዾ''ና ፖኦሊሴጉዲ ማዒ፥ ዶዲ ማዺ ናንጌያኬ። 
\v 26 ዒዛ ታ ዒንሢ ኮይላ'' ዳካሢ' ዒንሢ ዒዛ ዛጋኒ ጶቂሣሢሮና ዒዚ ሃርጊንቴሢያ ዒንሢ ዋይዜሢናሮ ዒ ማላያታሢሮኬ። 
\v 27 ጎኔና ዒ ኮሺ'' ሃርጊንቲ ሃይቃኒ ዑኬዖኬ፤ ጋዓንቴ ፆኦሲ ዒዛ ሚጪንቲ ዓውሴኔ፤ ዒዛም ሌሊቱዋንቴ ታኣማኣ ሚጪንቴሢሮ ታኣኮ ቤርታኣ ማሊፆይዳ ቃሲ'' ቃሲ'' ታ ማሉዋጉዲ ታናኣ ማኣዴ''ኔ። 
\v 28 ዬያሮ ዒንሢ ዒዛ ዛጊ ዎዛዻንዳጉዲና ታኣኮዋ ማሊፃ ሼሌዓንዳጉዲ ዒዛ ታ ዒንሢ ባንሢ ዳካኒ ባሼና ኮዔኔ። 
\v 29 ዓካሪ ጎዳ ሱ'ንፆና ዒዚ ዒንሢኮ ዒሾ ማዔሢ ዔሪ፥ ዎዛና ዒዛ ሾኦቺንሢ ዔኩዋቴ፤ ሃሣ ዒዛጉዴ ዓሶዋ ቢያ ቦንቹዋቴ። 
\v 30 ዓይጎሮ ጌዔቴ ዒንሢ ታ ኮይላ'' ሙኪ ማኣዳ''ኒ ዳንዳዒባኣ ማኣዶ ዒዚ ታና ማኣዳ''ኒ ጌዒ ኪሪስቶሴኮ ኮዦ ሃይሶ ኬኤዚፆ ማዾ''ሮ ፔ ሼምፓሢ ሚጪንቱዋዖ ሃይቃኒ ዑኬዖ ዓቴ''ሢሮኬ።
\c 3
\s ጎኔ ፂሉ''ሞ
\p
\v 1 ዓካሪ ታ ዒሾንሦ! ታ ሚሾንሦ! ጎዳና ዎዛዹዋቴ፤ ዬያ፥ ታኣኒ ቤርታ ፃኣፔ ባኮ ላሚ ፃኣፓኒ ታና ዒሡዋሴ፤ ዒንሢ ዬይ ዻቢንቲፓ ካፓኒ ዳንዳዓኔ። 
\v 2 ካናቶጉዲ ፑርቶ ማዾ'' ማዻ ዓሶይዳፓ ዒንሢና ካፑዋቴ፤ ዬያታ ዓቲንቴ ቤርቲ ቲቂሢ ኮይሳያኬ ጌይ ዔርዛዞንሢኬ። 
\v 3 ኑኡኒ ዓያናና ፆኦሲ ካኣሽካያ፥ ዙልካ ዓሲም ጴዻ ዎጌና ማዒባኣንቴ ዬሱስ ኪሪስቶሴና ሌሊ ሄርሺንታያ ማዔሢሮ ጎኑሞና ዓቲንቴ ቤርቲ ኑ ቲቂንቴያኬ። 
\v 4 ዓሲም ጴዻ ባኣዚ''ና ሄርሺንታኒ ኮይሳያ ማዔቴ ሚርጌ ባኣዚ''ና ታ ሄርሺንታኒ ዳንዳዓኔ፤ ዓሲ ቤርቲዳ ጴዻ ባኣዚ''ና ሄርሺንታኒ ጋዓይ ዓኣቶ ታ ዒዛፓ ባሼ ሄርሺንታንዳ ሚርጌ ባኣዚ'' ታኣኮ ዓኣኔ። 
\v 5 ታኣኒ ሾይንቴስካፓ ሳላ''ሳ ኬሎ''ና ዓቲንቶ ቤርቶ ቲቂንቴኔ፤ ሃሣ ቢኢኒያሜ ዜርሢ ማዔያ፥ ታኣኒ ዒስራዔኤሌ ዓሲኬ፤ ዬያጉዲ ሃሣ ዔብሬ ዓሲ ታ ማዔሢኮ ዖኦጪሳ ባኣዚ'' ባኣያኬ፤ ጊንሣ ዓይሁዶ ዎጎ ካፒፆ ዛሎ'' ማዔቴ ታ ፔርሴ ዓሶይዳፓኬ። \x - \xo 3፥5 \xo*\xt ዳኪ. ማዾ'' 23፥6፤ 26፥5፤ ሮሜ 11፥1።\xt*\x* 
\v 6 ፆኦሲ ካኣዦ ሚጪንቶ ዛሎ'' ማዔቴ ዬሱስ ኪሪስቶሴ ጉሙርቃዞንሢ ዒፂ ታ ዳውሳሢኬ፤ ሃሣ ዎጌ ካፒሢና ፂሊ''ሢ ዛላ ማዔቴ ዔኤቢ ቦሂሳ ባኣዚ'' ባኣያ ታ ናንጋያኬ። \x - \xo 3፥6 \xo*\xt ዳኪ. ማዾ'' 8፥3፤ 22፥4፤ 26፥9-11።\xt*\x* 
\v 7 ጋዓንቴ ሃያኮ ቤርታ ታኣም ኮይሳያኬ ጌዒ ታ ጉሙርቃ ባኮ ቢያ ኪሪስቶሴሮ ጌዒ ዔኤቢ ፓሡዋ ባኣዚ'' ማሂ ታ ዛጋኔ። 
\v 8 ታ ጎዳሢ ዬሱስ ኪሪስቶሴ ዔሪፃፓ ባሼ፥ ሜሌ'' ዓይጎ ባኣዚ''ያ ባኣሢ ታ ጉሙርቃሢሮ ቢያ ባኣዚ'' ዔኤቢ ፓሡዋያ ማሂ ታ ዛጊ ዒዛሮ ጌዒ ቢያ ባኣዚ'' ታ ሃሼ''ኔ፤ ሃሣ ዒዛ ዴንቃኒ ጌዒ ቢያ ባኣዚ'' ፒፆ''ና ቡኡራጉዲ ማሂ ታ ዛጋኔ። 
\v 9 ዬያ ታ ማዻሢ ዎጌ ካፒሢና ጴዻ፥ ታ ቶኦኮ'' ፂሉ''ሞናቱዋንቴ ጉሙርቂሢና ጴዻ ፂሉ''ሞ ኪሪስቶሴ ዛሎ''ና ዴንቃኒና ዒዛና ዎላ'' ማዓኒኬ። 
\v 10 ሃሣ ኪሪስቶሴንታ ዒዛኮ ሃይባ''ፓ ዔቂፆ ዎልቆንታ ዔራኒ፥ ሃሣ ዒዛኮ ሃይቦ''ናኣ ዒዛ ማላኒና ሜታሢያ ዒዛና ዎላ'' ዔካኒኬ። 
\v 11 ዬያጉዲ ሃይቄሢኮ ጊንፃ ዔቂ፥ ናንጊና ሼምፔና ናንጋኒ ሃጊ ማዓንዳ ዎዛ ታ ጌሣኔ።
\s ጋፒንፆ ሄላ''ኒ ጳሽኪሢ
\p
\v 12 ዬያ ቢያ ሃጊ ታ ዴንቂባኣሴ፤ ሃሣ ዬያ ቢያ ታ ኩንሤኔ ጋዓኒ ዳንዳዑዋሴ፤ ማዔቴያ ዬሱስ ኪሪስቶሴ ታና ዒዛም ማሂ፥ ታኣም ዒንጋኒ ጊኢጊሼ ባኮ ዔካኒ ሴካ ቤርቲም ዶዲ ታ ጳዦይዳኬ። 
\v 13 ታ ዒሾንሦ! ታ ሚሾንሦ! ሃሢ ታ ዒኢካ ሄሌ''ኔ ታና ታ ጎዑዋሴ፤ ጋዓንቴ ፔቴ'' ባኣዚ'' ታ ማዻኔ፤ ዬይያ፦ ታኣኮ ጊንፃ ዓኣ ባኮ ታ ሃሺ'' ሃሺ'' ቤርታ ዓኣሢ ዴንቃኒ ዶዲ ታ ማዻኔ። 
\v 14 ታኣም ዒንጊንታ ባኮ ዔካኒ፥ ታኣኮ ቤርታ ሄሎ''ም ጌሦና ቤዞ ታ ጳሽካኔ፤ ዬይ ታኣም ዒንጊንታንዳሢ' ፆኦሲ ዬሱስ ኪሪስቶሴ ዛሎ''ና ሌካ ታና ዔኤሊ'' ዒንጋንዳ ሼምፖኬ።
\p
\v 15 ዓካሪ፡ ዓያኖ ናንጎና ዶዶ ዓሳ፥ ኑኡኒ ቢያ ዬያጉዴ ማሊሢና ናንጋንዳያ ኮይሳኔ፤ ዒንሢ ዱማሳ ማሊሢ ባኣካ'' ማዢንቴቴ ዬያ ማሊፆዋ ፆኦሲ ዒንሢም ፔጋሳንዳኔ። 
\v 16 ዬይ ያዺ ማዔቴያ ኑኡኮ ዬይ ናንጋ፡ ኑ ሃሢ ናንጋ ዓያኖ ናንጎና ዎላ'' ሄኮ ማዖንጎ።
\p
\v 17 ታ ዒሾንሦ! ታ ሚሾንሦ! ታ ማዼ ባኮ ዛጊ ማዺሢና ሓንጎ ዓሶና ዎላ'' ፔቴ'' ማዑዋቴ፤ ሓሣ ኑ ማዼ ባኮ ዛጊ ሓንታ ዓሶዋ ቢያ ዒናፓ ኮሺ'' ዛጉዋቴ። \x - \xo 3፥17 \xo*\xt 1ቆሮ. 4፥16፤ 11፥1።\xt*\x* 
\v 18 ሃያኮ ቤርታ ሚርጌ ዎዴ ታ ኬኤዜሢጉዲ ሃሢያ ታ ዬኤኪ ዬኤኪ ዒንሢም ኬኤዛ ጎይፆ ሚርጌ ዓሳ ኪሪስቶሴ ፑርቲሴ ዓሶ ሱፆ ሚፃ ሓይቄ ሓይቦኮ ሞርኬ ማዔኔ። 
\v 19 ዔያቶኮ ፆኦዛሢ ጎጲኬ፤ ሃሣ ቦርሲሳያ ማዔ፥ ፑርቶ ባካ ዔያቶኮ ቦንቾኬ፤ ባሼ ዔያቶኮ ማሊፃ ሳዓይዳ ዓኣ ባኣዚ''ዳኬ፤ ዬያሮ ጋፒንፃ ዔያቶኮ ባይሲንታኬ ጌይሢኬ። 
\v 20 ኑኡኒ ጋዓንቴ ጫሪንጮ ዓጪ ዓሲኬ፤ ዒኢካፓ ሙካንዳ ዼኤሻሢ፥ ኑ ጎዳሢ፥ ዬሱስ ኪሪስቶሴ ጶቂሢ ኑ ካፓያኬ። 
\v 21 ዒዚ ሃያ ኑኡኮ ላቤ''ያ ማዔ፥ ሓይቃ ዑፆ ላኣሚ ዒዛኮ ቦንቺንታ ዑፆ ማላያ ማዓንዳጉዲ ማሃንዳኔ፤ ዬያ ዒ ማዻንዳሢ' ቢያሢ ዒዛ ቢታንቶ ዴማ'' ማዒ ዎርቃንዳጉዲ ማሃ ዎልቆናኬ።
\c 4
\s ጋፒንሢ ዞሮ
\p
\v 1 ታ ዒንሢ ናሽካያ፥ ጶቂሣያ፤ ሃሣ ታና ዎዛሳያና ታ ማዼ ማዾ''ኮ ቦንቺ ዒንጎ ባኮ ማዔ ታ ዒጊኖንሢዮቴ! ዓካሪ ዬያይዲ ጎዳና ዶዲ ዒንሢ ናንጋንዳጉዲ ታ ዒጊኖ ዒንሢ ማዔ ጎይፆና ታ ዒንሢ ዞራኔ።
\p
\v 2 ዔዎዲያና ሲንፂኬና ዔያታ ዎላ'' ቡኪ ጎዳና ዓኣ ፔቱሞና ናንጋንዳጉዲ ታ ዔያቶ ሺኢቃኔ። 
\v 3 ኔኤኒያ፥ ዒኢካ ዓኣ ጉሙርቂንታ ታኣኮ ማዾ'' ላጋሢ' ዬንሢ ላኣሎንሢኮ ዑኬ ማዒ ዓያኖ ናንጎ ዛሎ''ና ዔያቶ ኔ ማኣዳ''ንዳጉዲ ጌዒ ታ ኔኤም ኬኤዛኔ፤ ዓይጎሮ ጌዔቴ ዬንሢ ላኣሎንሢ ቄሌማፆሴና፤ ሃሣ ሱ'ንፃ ናንጎ ማፃኣፖይዳ ፃኣፒንቴ፥ ሜሌ'' ኑኡኮ ማዾ'' ላጎንሢንታ ዎላ'' ማዒ ኮዦ ሓይሶ ኬኤዚፆና ታኣና ዎላ'' ዔያታ ላቤ''ያታሢሮኬ። 
\v 4 ጎዳና ዒንሢ ዓኣሢሮ ቢያ ዎዴ ዎዛዹዋቴ፤ ላሚ ላሚ ታ ዒንሢ «ዎዛዹዋቴ» ጋዓኔ።
\p
\v 5 ዒንሢኮ ኮሹማ ዓሲ ቢያም ዔርቴያ ማዖንጎ፤ ጎዳ ሙካኒ ዑኬኔ። 
\v 6 ዬያሮ ዒንሢም ኮይሳ ባኣዚ'' ዓኣቶ ጋላቲ ጋላቲ ፆኦሲ ሺኢቃንዳኣፓዓቴም ዓይጎ ባኣዚ''ሮዋ ማሊ ሜታዺፖቴ። 
\v 7 ዓሲ ማሊሢኮ ዑሣ ማዔ፥ ፆኦሲኮ ኮሹማ ዒንሢኮ ዒኖና ማሊፆና ዬሱስ ኪሪስቶሴ ዛሎ''ና ካፓንዳኔ።
\p
\v 8 ታ ዒሾንሦ! ታ ሚሾንሦ! ዓካሪ ጋፒንፆይዳ ታ ዒንሢም ኬኤዛሢ' ጎኔ ማዔ ባኣዚ''፥ ዒናና ዓኣያ ማሃ ባኣዚ''፥ ጌኤሺ ማዔ ባኣዚ''፥ ፂሎ'' ማዔ ባኣዚ''፥ ናሹሞ ዓኣ ባኣዚ''፥ ኮሺ ሃይሴ ማዓ ባኣዚ'' ቢያ፤ ሃሣ ኮሺ ማዾ ማዔቴያ ጋላቲሢ፤ ዬንሢ ባኮንሢ ማሉዋቴ ጌይኬ። 
\v 9 ታኣኒ ዔርዛኣና ዋይዚ ዒንሢ ዔኬ ባኮና ታ ማዻኣና ዛጌ ባኮ ቢያ ማዹዋቴ፤ ዬያ ዒንሢ ማዼቴ ኮሹሞ ዒንጋ ፆኦዛሢ ዒንሢና ዎላ'' ማዓንዳኔ።
\s ጳውሎሴ ዒዛም ዒንጊንቴ ባኮ ዛሎ''ሮ ዓሶ ጋላቴሢ
\p
\v 10 ሚርጌ ዎዴኮ ጊንፃፓ ታ ሜታሢ ዛሎ'' ዒንሢ ማሊሢ ዓርቄሢሮ ፆኦሲ ሱ'ንፆና ሚርጌና ታ ዎዛዻኔ፤ ዬያ ታ ጋዓሢ' ዒንሢ ማሌ ባኮ ማዻኒ ዒንሢም ጊኢጉዋዖ ዓቴ''ኔ ጌይሢ ማዓንዳኣፓዓቴም ታ ሜታሢ ዛሎ'' ማሊፆ ዒንሢ ሃሼ''ዖ ዓርቄኔ ጌይሢቱዋሴ። 
\v 11 ሃሣ ዬያ ታ ጋዓሢ' ታና ሜቴ ባኣዚ'' ዓኣኔ ጌይቱዋሴ፤ ዓይጎሮ ጌዔቴ «ታኣኮ ዓኣ ባካ ታኣም ጊዳንዳኔ» ጌይሢ ታ ዔራሢሮኬ። 
\v 12 ዬያሮ ዔኤቢ ዴንቂሢ ማዔቴያ ዔኤቢኮ ባይቂሢ ታ ዔራኔ፤ ዓይጎ ቤስካ ማዔቴያ ዓይጎ ዎዴና ማዖም ሚሽኪሢና ናይዺንቲሢና፥ ሃሣ ዴንቂሢና ዔኤቢ ባይዚሢናኮ ዓኣ ባኣዚ'' ታ ዔራኔ። 
\v 13 ዬያሮ ኪሪስቶሴ ታኣም ዒንጋ ዎልቆና ቢያ ባኣዚ'' ታ ዳንዳዓንዳኔ።
\p
\v 14 ጋዓንቴ ዒንሢ ታ ሜታሢ ታኣና ዎላ'' ዔካያ ማዒፆና ኮሺ ማዾ ዒንሢ ማዼኔ። 
\v 15 ዬያ ሌሊቱዋንቴ ኮዦ ሃይሶ ማዾ'' ታ ዓርቄ ዎዶ''ና ሜቄዶኒያ ዓጫ''ፓ ታ ኬስካኣና ዒንሢ፥ ፒልጲሲዮሴይዳ ዓኣ ዓሶፓ ዓታዛ ሜሌ'' ታና ማኣዴ'' ሺኢጲሢ ማኣሪ ዓሲ ባኣሢ ዒንሢ ዒ'ንሢሮ ዔራያኬ፤ ዬያሮ ታኣኮ ዔቦ'' ዴንቂፆናኣ ማዖም ባይዚፆናይዳ ታና ማኣዴ''ሢ ዒንሢ ሌሊኬ። \x - \xo 4፥15 \xo*\xt 2ቆሮ. 11፥9።\xt*\x* 
\v 16 ቴስሎንቄይዳ ታ ዓኣና ሜታዼሢ ዔሪ፥ ላሚ ላሚ ታና ዒንሢ ማኣዴ''ኔ። \x - \xo 4፥16 \xo*\xt ዳኪ. ማዾ'' 17፥1።\xt*\x* 
\v 17 ዬያ ታ ጋዓሢ' ዒንሢ ሃያኮ ቤርታ ማዼ ባኮፓ ባሼ ሚርጌ ኮሺ ማዾ ዒንሢም ቃሲ''ንታንዳጉዲኬ። 
\v 18 ታኣም ኮይሳሢጉዲ ሌሊቱዋንቴ ዑሣ ዓኣዼ ማዔ፥ ዒንሢ ታኣም ዳኬ ባኮ ዔፓራዲቶሴይዳፓ ታ ዔኬኔ፤ ዬይ ዒንሢ ዳኬ ባካ፦ ኮሺ ሳውሞ ዓኣ ፆኦሲም ዒንጎ ባኣዚ''ጉዲ ማሂ ፆኦሲ ዔካንዳያና ዎዛዻንዳ ዒንጊሢኬ። \x - \xo 4፥18 \xo*\xt ኬሲ. ማፃ 29፥18።\xt*\x* 
\v 19 ዬያሮ ታ ፆኦዛሢ ሃይማኬ ጌይንቱዋ፥ ዒዛኮ ዓኣ ባኮይዳፓ ዬሱስ ኪሪስቶሴ ዛሎ''ና ዒንሢም ኮይሳ ባኮ ቢያ ዺቢሺ ዒንጋንዳኔ። 
\v 20 ኑ ዓዳሢ፥ ፆኦዛሢም ናንጊና ናንጊ ሄላ''ንዳኣና ቦንቾ ማዖንጎ፤ ዓኣሜን።
\s ጋፒንሢ ሳራሥሢ
\p
\v 21 ዬሱስ ኪሪስቶሴ ጉሙርቂ ፆኦሲም ዱማዼያ ማዔ፥ ዒዛ ዓሶም ቢያ «ኮሺዳ?» ጌዔኔ፥ ጎዑዋቴ፤ ታኣና ዎላ'' ዓኣ ዒሾንሢንታ ሚሾንሢንታ «ኮሺዳ?» ዒንሢ ጋዓኔ። 
\v 22 ዓቴ'' ኪሪስቶሴ ጉሙርቃ ዓሳ ቢያ፤ ሃሣ ዱማና ሮሜ ካኣቲም ማዻ ኪሪስቶሴ ጉሙርቃ ዓሳኣ «ኮሺዳ?» ዒንሢ ጋዓኔ።
\p
\v 23 ጎዳ ዬሱስ ኪሪስቶሴኮ ኮሹሞ ዒንጊፃ ዒንሢ ቢያሢም ማዖንጎ።