\id MRK - Maale Project
\ide UTF-8
\h ማርቆሴ
\toc3 ማር.
\toc2 ማርቆሴ
\toc1 ጎዳ ዬሱስ ኪሪስቶሴ ዛሎ'' ማርቆሴ ፃኣፔ ኮዦ ሓይሶ
\mt ጎዳ ዬሱስ ኪሪስቶሴ ዛሎ'' ማርቆሴ ፃኣፔ ኮዦ ሓይሶ
\is ዓይፆ ካሮ''
\ip ማርቆሴ ፃኣፔ ኮዦ ሓይሳ፦ «ሃይ ፆኦሲ ናዓሢ ዬሱስ ኪሪስቶሴኮ ኮዦ ሃይሶ ቤርቶኬ» ጌይሢና ዓርቃኔ፤ ሃኖ'' ኮዦ ሃይሴሎ ጋራ ዬሱሴ ማዻ ዓሲና ሓሣ ቢታንቶ ዓኣ ዓሲ ማዒ ጴዻኔ፤ ዒዛኮ ቢታንታኣ ዔርዚፆይዳ፥ ፑርቶ ዓያኖ ዑፆይዳ ዓኣ ዎልቆና ዓሲኮ ጎሜ ዓቶም ጌይፆናይዳ ጴዼኔ፤ ሓሣ ጊንሣ ዬሱሴ፦ «ዓሲ ጎሜ ዓይሉሞይዳፓ ኬሲ''፥ ታ ሼምፖዋ ዬያ ዛሎ'' ማሂ ጉሪ ዒንጋኒ ሙኬያ ታኣኒ ዓሲናይኬ» ጌዒ ፔ ቶኦኪና ኬኤዜኔ።
\ip ማርቆሴ ዬሱሴ ዛሎ'' ዓኣ ሓይሶ ሺኢሼሢ ፒዜና ዶዲ ዎልቄና ዓኣ ጎይሢና ማዓዛ ዒዛኮ ባሼ ማሊፃ ዬሱሴኮ ቃኣሎ''ና ዔርዚፆናይዳቱዋንቴ ዒ ማዼ ዲቃሢ ሄርሺሳ ማዾ''ይዳኬ፤ ቃሲ'' ሓሣ ማስካ ዮሓኒሴ ዛሎ'' ሓይሶ፥ ዬሱሴኮ ዋኣፆና ማስቲፆና ፃላሄ ዬሱሴ ዻቢሻኑዋዖ ጌሼ ጌሺፆ ዛሎ'' ቃሚሢ ማዔ ዓይሢ ካራ ዒንጌሢኮ ጊንፃ ዬሱሴኮ ዔርዚፆና ሓርጊንቴ ዓሶ ፖዒሶ ማዾ'' ዛሎ'' ኬኤዛኔ። ጊንፃፓ ናንጊቤቃ ዬሱሴኮ ጊንፆ ሓንታ ናኣታ'' ዬሱሴ ኮሺ ዔሪ ዔሪ፥ ዱሴ ዎዶ''ና ዬሱሴ ዒፃ ዓሳኣ ባሼና ዒዛ ዒፂ ዒፂ ዴንዴኔ፤ ሓሣ ጋፒንፆ ዓይፆንሢ ዬሱሴ ሼምፓሢዳ ጋፒንፆ ቃልሾ ኬሎ'' ጋራ ማዺንቴ ማዾና ባሼ ዒዛኮ ሱፂንቶ ዛሎ''ና ሓይባ''ፓ ዔቂፆ ዛሎ''ዋ ኬኤዛያኬ።
\iot ማፃኣፔላ ዱማ ዱማ ዓርቄ ባኮ
\io ኮዦ ሓይሶኮ ቤርቶ 1፥1-13
\io ዬሱሴኮ ጌሊላይዳ ማዾ''ና ዓሶ ቤርታ ፔጋዺፆ 1፥14—9፥50
\io ጌሊላይዳፓ ዬሩሳላሜ ሄላ''ንዳኣና ማዺንቴ ባኮ 10፥1-52
\io ጋፒንፆ ቃልሾ ኬላ'' ዬሩሳላሜይዳ ሓሣ ኮይሎ'' ዓጫ'' ማዺንቴ ባኮ 11፥1—15፥47
\io ዬሱሴኮ ሓይባ''ፓ ዔቂፆ 16፥1-8
\io ሓይባ''ፓ ዔቄ ጎዳኮ ጴዺፆና ሌካ ጫሪንጮ ዓኣዺፆ 16፥9-20
\c 1
\s ማስካ ዮሓኒሴ ዬሱሴ ዛሎ'' ዼ'ጊዲ ኬኤዜሢ
\r (ማቲ. 3፥1-12፤ ሉቃ. 3፥1-18፤ ዮሓ. 1፥19-28)
\p
\v 1 ሓይ ፆኦሲ ናዓሢ\f + \fr 1፥1 \fr*\fq ፆኦሲ ናዓሢ፦ \fq*\ft ጋዓዞ ፔቴ'' ፔቴ'' ሚናኣ ማፃኣፓ «ፆኦሲ ናዓሢ» ጋዓ ቃኣላ ቃሱዋሴ።\ft*\f* ዬሱስ ኪሪስቶሴኮ ኮዦ ሓይሶ ቤርቶኬ፤ 
\v 2 ፆኦሲ ማሊፆ ኬኤዛ ዒሲያሴ ዛሎ''ና፥
\q «ፆኦሲ ኔኤኮ ቤርታ ጎይፆ ጲሻንዳያ
\q2 ታኣኮ ኪኢቶ'' ናዓሢ ታ ዳካንዳኔ፤ \x - \xo 1፥2 \xo*\xt ሚል. 3፥1።\xt*\x*
\m
\v 3 ዬይያ፦
\q ‹ዒንሢ ጎዳኮ ጎይፆ ጊኢጊሹዋቴ፤
\q2 ሉኡጎ ጎይፆዋ ፒዚሱዋቴ›
\q2 ጌዒ ጌዒ ዓሲ ናንጉዋ ዳውሎ''ይዳ ዒላታ ዓሲ ዑኡሲ»
\m ጌይንቲ ፃኣፒንቴሢ ጉዲ፦ \x - \xo 1፥3 \xo*\xt ዒሲ. 40፥3።\xt*\x*
\p
\v 4 ማስካ ዮሓኒሴ \f + \fr 1፥4 \fr*\fq ማስካ ዮሓኒሴ፦ \fq*\ft ፔቴ'' ፔቴ'' ሚናኣ ማፃኣፓ «ማስካ ዮሓኒሴ» ጌይፆ ሃሺ'' «ዮሓኒሴ ማስኪ ማስኪ» ጋዓኔ።\ft*\f* ዓሲ ናንጉዋ ዳውሎ''ይዳ ዓሶም፦ «ፆኦሲ ዒንሢም ጎሞ ዓቶም ጋዓንዳጉዲ ጎሞ ቡኡፂ ቡኡፂ ዋኣሢና ማስቱዋቴ» ጌዒ ኬኤዚ ኬኤዚ ሙኬኔ። 
\v 5 ዒማ''ና ዪሁዳ ዓጮ'' ዓሶንታ ዬሩሳላሜ ዓጮ'' ዓሳ ቢያ ዒዛ ኮራ ሙኪ ጎሞ ቡኡፂ ቡኡፂ ዮርዳኖሴ ጎዖ ዎራ ማስታኔ።
\p
\v 6 ዮሓኒሴ ጋኣሎ ጌይንታ ቆሎኮ ጋፓኔፓ ኮሾ''ና ማኣዖ ማይንቲ፥ ኬርኖይዳ ቃልሾ ቱካ''ኔ፤ ዒዛኮ ሙዓ ዓቢሢና ዑቶ ዔኤሲ''ናኬ። \x - \xo 1፥6 \xo*\xt 2ካኣቶ''. ማ 1፥8።\xt*\x* 
\v 7 ዒዚ ዓሶም ኬኤዛዖ፦ «ታ ሂርኪ ጌዒ ዒዛኮ ዱርዞ ቱኮ'' ሱዞ ቡላ''ኒ ዒጊቻያ ታ ጊዳ''ፓ ባሼ ታኣኮ ጊንፆ ሙካንዳኔ» ጌዔኔ። 
\v 8 «ታኣኒ ዒንሢ ዋኣሢና ማስካኔ፤ ዒዚ ጋዓንቴ ዒንሢ ዓያና ጌኤሺና ማስካንዳኔ» ጌዔኔ።
\s ዬሱሴኮ ማስቲፆና ፃላሄ ዒዛ ጌሺ ጎሜ ማዺሳኒ ዳንዳዒባኣሢ
\r (ማቲ. 3፥13-17፤ 4፥1-11፤ ሉቃ. 3፥21-22፤ 4፥1-13)
\p
\v 9 ዬኖ ዎዶ''ና ዬሱሴ ጌሊላ ዓጫ'' ዓኣ ናዚሬቴ ካታማፓ ሙኪ ዮርዳኖሴ ጎዖ ዎራ ዮሓኒሴ ኮራ ማስቴኔ። 
\v 10 ዬሱሴ ዋኣፆፓ ኬኬስካኣና ጫሪንጫ ቡሊ''ንቲ ጌኤዦ ዓያና'' ዒዛይዳ ዶኦሌ'' ማሊ ኬዳ''ንቴ ዒ ዛጌኔ። 
\v 11 ዬማ''ና፦ «ኔኤኒ ታኣኮ ናሽኪንታ ናዓሢኬ፤ ታና ኔ ኮሺ'' ዎዛሳኔ» ጋዓ ዑኡሲ ጫሪንጫፓ ሙኬኔ። \x - \xo 1፥11 \xo*\xt ማዢ. ማፃ 22፥2፤ ዓይኑ. 2፥7፤ ዒሲ. 42፥1፤ ማቲ. 3፥17፤ 12፥8፤ ማር. 9፥7፤ ሉቃ. 3፥22።\xt*\x*
\p
\v 12 ዬማፓ ኔጉዋዖ ጌኤዦ ዓያና'' ዓሲ ናንጉዋ ዳውሎ'' ዒዚ ዓኣዻንዳጉዲ ዔቂሴኔ። 
\v 13 ዬሱሴ ዓሲ ናንጉዋ ዳውሎ''ይዳ ዖይዲታሚ'' ኬሊ'' ፃላሄ ዒዛ ዛጋኒ ጌሻንቴ ዴዔኔ፤ ዒዚያ ዓኣሢ ካዮ ቦዖ ባኣካ''ኬ፤ ጋዓንቴ ፆኦሲኮ ኪኢታንቻ ሙኪ ዒዛ ማኣዴ''ኔ።
\s ዬሱሴ ሞላሢ ዓርቃ ዖይዶንሢ ዔኤሌ''ሢ
\r (ማቲ. 4፥12-22፤ ሉቃ. 4፥14-15፤ 5፥1-11)
\p
\v 14 ዮሓኒሴ ቱኡዞ ማኣራ ቱኡቴስካፓ ዬሱሴ ፆኦሲኮ ኮዦ ሓይሶ ኬኤዚ ኬኤዚ ጌሊላ ዓጮ'' ሙኬኔ። 
\v 15 ዒዚ ኬኤዛዖ፦ «ፒዙሞ ዎዳ'' ሙኬኔ፤ ሓሣ ፆኦሲኮ ካኣቱማ ዑኬኔ፤ ጎሞይዳፓ ማዑዋቴ፤ ሓያ ኮዦ ሓይሶዋ ጉሙርቁዋቴ» ጌዔኔ። \x - \xo 1፥15 \xo*\xt ማቲ. 3፥2።\xt*\x*
\p
\v 16 ዬካፓ ዬሱሴ ጌሊላ ባዞ''ኮ ዓጮና ዓኣዺቤቃ ሲሞኦኔና ዒዛኮ ጌርሲ ዒንዲራሴ ጎዖሢና ሞሎ ፒሪ ዓርቃያታሢሮ ሞላሢ ዓርቆ ሮኦጬ ሱሲጉዲ ጋሶና ሱዞ ባዞ'' ዋኣፆይዳ ዓጋንቴ ዛጌኔ። 
\v 17 ዬሱሴያ ዔያቶም፦ «ሓኒ ታ ጊንፆ ሙኩዋቴ፤ ታኣኒ ዒንሢ ዓካሪ ዓሲ ፒሪ ዓርቃያ ማሓንዳኔ» ጌዔኔ። 
\v 18 ዔያታ ቤዞና ፔኤኮ ሞላሢ ዓርቆ ሮኦጮጉዴ ሱዞ ሓሺ'' ዒዛ ጊንፆ ዓኣዼኔ።
\p
\v 19 ዬካፓ ዒዚ ዻካ'' ሓኬስካፓ ሓሣ ሜሌ'' ዒሾና ጌኤዚና ማዔያ ዴንቄኔ፤ ዔያታኣ ዜብዲዮሴ ናኣቶ''ንሢ ያይቆኦቤና ዮሓኒሴናኬ፤ ዬንሢያ ዋኣፆና ፒንቆ ጎንጎይዳ ፔኤኮ ሞላሢ ዓርቆ ሮኦጮጉዴ ሱዞ ኮሻ''ኔ፤ 
\v 20 ዬሱሴ ዔያቶ ዛዛጋዖ ዔኤሌ''ኔ፤ ዔያታኣ ዬሱሴ ጊንፆ ዓኣዺፆሮ ዔያቶኮ ዓዳሢ ዜብዲዮሴና ዒዛኮ ማዻ ዓሶ ዋኣፆና ፒንቆ ጎንጎይዳ ሓሺ'' ዓኣዼኔ።
\s ፑርታ ዓያና ዓርቄ ዓሢኮ ዻቂፆ
\r (ሉቃ. 4፥31-37)
\p
\v 21 ዬማፓ ዬሱሴ ዒዛና ዓኣዞንሢና ዎላ'' ቂፒርናሆሜ ጎዖ ካታሞ ጌሌኔ፤ ሔሊ''ሣ ዓይሁዶ ዓሶኮ ሓውሺፆ ኬሎ''ና ዔያቶኮ ሺኢጲፆ ማኣሮ ጌሊ ዔርዚሢ ዓርቄኔ። 
\v 22 ዬሱሴኮ ዔርዚፃ ሙሴ ዔርዜ ዎጎ ዔርዛ ዓሳ ዔርዛሢጉዲቱዋንቴ ፔኤኮ ዼኤፒ ቢታንቶና ዔርዛኔ፤ ዬያሮ ዋይዜ ዓሳ ቢያ ዒዛኮ ዔርዚፆና ዲቃቲ ሄርሼኔ። \x - \xo 1፥22 \xo*\xt ማቲ. 7፥28-29።\xt*\x*
\p
\v 23 ዒማ''ና ዓይሁዶ ዓሶኮ ሺኢጲፆ ማኣራ ፑርታ ዓያናና ዓኣ ዓሲ ዓኣኔ፤ ዒዚያ ሂዚ ጌዒ ዼ'ጊዲ ዒላቴኔ፦ 
\v 24 «ናዚሬቶ ዬሱሴ! ኔኤና ኑኡና ዎላ'' ዓይጎ ፔቱሞ ዓኣይ? ኔ ኑና ባይዛኒ ሙኪያ? ታኣኒ ኔኤኮ ዖኑሞ ዔራኔ፤ ኔኤኒ ጌኤሺ ፆኦሲ ናይኬ» ጌዔኔ።
\p
\v 25 ዬሱሴያ ፑርቶ ዓያናሢ፦ «ዚቲ ጌዔ፤ ዓሢዳፓ ኬስኬ!» ጌዒ ጎሬኔ።
\p
\v 26 ፑርቶ ዓያናሢያ ዓሢ ሚርጌና ጎቃይሴሢኮ ጊንፃ፥ ፑኡፒ ዑኡሲና ዒላቲ ዒዛይዳፓ ኬስኬኔ። 
\v 27 ዓሳ ቢያ ዲቃቲሢና ሄርሺ ዎሊ ኮራ፦ «ሓይ ዓይጎ ባኣዚ''ዳይ? ፑርቶ ዓያኖ ፔ ቢታንቶና ዒዚ ዓይሣኔ፤ ዔያታኣ ዒዛም ዓዓይሢንታኔ፤ ሓይ ዓኪ ዔራቶቱዋይ?» ጌዒ ጌዒ ሴካና ሓንጋና ዎሊ ዖኦጬኔ።
\p
\v 28 ዬያሮ ቤዞማና ዬሱሴኮ ሱ'ንፃ ጌሊላና ኮይሎ''ይዳ ዓኣ ዓጮ'' ቢያይዳ ዋይዚንቴኔ።
\s ዬሱሴ ሚርጌ ሓርጊንቴ ዓሶ ፓሤሢ
\r (ማቲ. 8፥14-17፤ ሉቃ. 4፥38-41)
\p
\v 29 ዬማ''ና ዬሱሴ ዓይሁዶኮ ሺኢጲፆ ማኣራፓ ኬስኪ ያይቆኦቤና ዮሓኒሴና ዎላ'' ሲሞኦኔና ዒንዲራሴና ማኣሪ ጌላንቴ፥ 
\v 30 ጋሮይዳ ሲሞኦኔኮ ባይሳ ቆፂንቲ ላሂ ዓኣኔ፤ ዒዞኮ ቆፂንቲፆዋ ዓሳ ዒዛም ቤዞና ኬኤዜኔ። 
\v 31 ዬሱሴ ዒዞ ባንሢ ዑካዖ ኩጮ ዒዞኮ ዓርቂ ዔቂሴኔ፤ ቆሣኣ ዒዞ ሓሼኔ፤ ዒዛ ዔቂ ዔያቶ ሾኦቺንሤኔ።
\p
\v 32 ዓባ'' ጌሊ ሳዓ ዓሜሢኮ ጊንፃፓ ዓሳ ሓርጊንቴ ዓሶንታ ፑርቶ ዓያና'' ዓርቄ ዓሶ ቢያ ዬሱሴ ባንሢ ዔኪ ዔኪ ሙካኔ። 
\v 33 ካታሞ ዓሳ ቢያ ማኣሮ ጋሮይዳ ቡኪንቲ ዓኣኔ። 
\v 34 ዬሱሴ ሚርጌ ዱማ ዱማ ዶርዖና ሜታዻ ዓሶ ፖዒሴኔ፤ ፑርቶ ዓያኖዋ ዓሶፓ ኬሴኔ፤ ፑርቶ ዓያና'' ዬሱሴ ዖናታቴያ ዔራኔ፤ ማዔቶዋ ዔያታ ፔቴ'' ባኣዚ'' ጋዓንዳጉዲ ዬሱሴ ዔያቶ ዓይሢባኣሴ።
\s ዬሱሴ ጌሊላይዳ ዔርዜሢ
\r (ሉቃ. 4፥42-44)
\p
\v 35 ካሪፆ ዑፃ፥ ሳዓ ዹሚ ዓኣንቴ ዬሱሴ ጴጪ ኬስካዖ ሺኢቃኒ ዓሲባኣ ቤሲ ዓኣዼኔ። 
\v 36 ሲሞኦኔና ዒዛኮ ላጎንሢ ዬሱሴ ኮዒ ጊንፆ ዓኣዼኔ። 
\v 37 ዔያታ ዒዛ ዴንቃዖ፦ «ዓሳ ቢያ ኔና ኮዓንቴቱዋይ?» ጌዔኔ።
\p
\v 38 ዬሱሴ ማሓዖ፦ «ታ ሙኬሢ ዔርዛኒ ማዔያታሢሮ ዔርዛኒ ሓያ ዑኬ ዓኣ ጉርዶ ኑ ዓኣዾም» ጌዔኔ።
\p
\v 39 ዬያሮ ዓይሁዶ ዓሶኮ ሺኢጲፆ ማኣራ ዔርዚ ዔርዚ ሓሣ ፑርቶ ዓያኖዋ ዓሶፓ ኬሲ'' ኬሲ'' ጌሊላ ዓጮ'' ቢያ ሓንቴኔ። \x - \xo 1፥39 \xo*\xt ማቲ. 4፥23፤ 9፥35።\xt*\x*
\s ዑፃ ኬስካ ዶርዓሢና ዓርቂንቴ ዓሢ ዬሱሴ ፓሤሢ
\r (ማቲ. 8፥1-4፤ ሉቃ. 5፥12-16)
\p
\v 40 ዑፆይዳ ኬስካ ፑርቶ ዶርዓሢና\f + \fr 1፥40 \fr*\fq ዑፆይዳ ኬስካ ፑርቶ ዶርዓሢ፦ \fq*\ft ጋዓዛ ጌኤዦ ማፃኣፓ ጋዓ ጎይፆና ዑሢዳ ኬስካያ ዓሲዳፓ ዓሲ ዓርቃኒ ዳንዳዓ ዶርዖ ቢያኬ (ሌዊ. ዓኬ 13 ጊዳ ዛጌ)።\ft*\f* ዓርቂንቴ ፔቴ'' ዓሲ ዬሱሴ ኮራ ሙኪ ዒዛኮ ቶኮ'' ዴማ'' ጉምዓታዖ፦ «ኔ ኮዔቴ ታና ጌኤሻ''ኒ ዳንዳዓኔ» ጌዒ ሺኢቄኔ።
\p
\v 41 ዬሱሴያ ሚጪንታዖ ኩጮና ዒዛ ካኣሚ፦ «ጌኤሽኬ! ኔ ጌኤሽካንዳጉዲ ታ ኮዔኔ» ጌዔኔ። 
\v 42 ዑፆይዳ ኬስካ ፑርቶ ዶርዓሢ ዓሢ ሓሻዛ ቤዞማና ዒዚ ጌኤሽኬኔ። 
\v 43 ዬሱሴ ዓሢ ዳካኣና ሂዚ ጌዒ ኮሺ'' ላቲ'' ዓይሤኔ፦ 
\v 44 «ሓያ ባኮ ዖኦማኣ ኔ ኬኤዙዋጉዲ ኔና ዔሬ፤ ጋዓንቴ ዓኣዺጋፓ ኔና ቄኤሳሢም ዻዌ፤ ዴሮ''ማኣ ኔኤኮ ጌኤሽኪፃ ማርካ ማዓንዳጉዲ ዬያጉዴ ዶርዓስካፓ ዻቄ ዓሳ ዒንጎም ጌዒ ሙሴ ዓይሤ ዒንጊፆ ፆኦሲም ዒንጌ።» \x - \xo 1፥44 \xo*\xt ሌዊ. ዓኬ 4፥1-32።\xt*\x*
\p
\v 45 ያዒ ማዔቶዋ ዓሢ ዒኢካፓ ኬስካዖ ዓሲም ቢያ ቤዞይዳ ኬኤዚሢ ዓርቄኔ። ዬያይዳፓ ዔቄያና ዬሱሴ ዎኖ ካታሞ ማዔቶዋ ፔጌና ጌላኒ ዳንዳዒባኣሴ። ጋዓንቴ ካታሞኮ ዙላ'' ዓሲባኣ ዔዌ ቤስካ ናንጋኔ፤ ዓሳ ቢያ ቤዛፓ ዒዛ ባንሢ ሙካኔ።
\c 2
\s ዬሱሴ ዎቦ ዓሢ ፒሼሢ
\r (ማቲ. 9፥1-8፤ ሉቃ. 5፥17-26)
\p
\v 1 ዬሱሴ ዻካ'' ዓቢኮ ጊንፃፓ ቂፒርናሆሜ ጌይንታ ካታሜሎ ማዒ ሙኬኔ፤ ዒዚ ዒኢካ፥ ናንጋ ማኣራ ዓኣሢ ዋይዚንቴኔ። 
\v 2 ሚርጌ ዓሲ ሙኪ ጋሮና ዙሎ''ና ቤሲባይዚ ኩሚ'' ቡኪንቴኔ፤ ዬሱሴያ ዔያቶም ቃኣሎ'' ኬኤዛኔ። 
\v 3 ዬማና ዖይዶ ዓሲ ፔቴ'' ሓንታኒ ዳንዳዑዋ ዎቦ ዓሲስኬያ ኬዲ ዬሱሴ ባንሢ ሙኬኔ። 
\v 4 ዴሮ''ኮ ዺቡሞፓ ዔቄያና ዓሢ ዔያታ ዬሱሴ ሔሊ''ሳኒ ዳንዳዒባኣሢሮ ዬሱሴ ዓኣ ዛሎ''ና ሳኮ ሻሂ ዬሱሴኮ ቤርታ ዒዛ ኬዶና ሓላሢና ዎላ'' ኬይሴኔ። 
\v 5 ዬሱሴ ዔያቶኮ ዎማዒ ጉሙርቂሢ ዓኣቴያ ዛጋዖ፥ ሓንታኒ ዳንዳዑዋ ዎቦ ዓሢም፦ «ታ ናዓሢዮ ጎማ ኔኤኮ ዓቶም ጌዒንቴኔ» ጌዔኔ።
\p
\v 6 ሙሴ ዔርዜ ዎጎ ዔርዛዞንሢዳፓ ፔቴ'' ፔቴ''ዞንሢ ዒኢካ ዴዒ ዓኣዖ ፔ ዒኖና፦ 
\v 7 «ዎዲ'' ሓይ ዓሢ ሓያ ጌዒ ጌስታይ? ሓይ ፆኦሲ ጫሽኪሢኬ፤ ፔቴ'' ፆኦሲዳፓ ዓታዛ ጎሜ ዓቶም ጋዓኒ ዳንዳዓሢ ዖናዳይ?» ጌዒ ማሌኔ።
\p
\v 8 ዬማዒ ጌዒ ዔያታ ማላኣና ዬሱሴ ቤዞማና ዔያቶኮ ዒኖ ማሊፆ ፔ ዓያኖና ዔራዖ ሂዚ ዔያቶም ጌዔኔ፦ «ዒንሢ ዒኖና ዓይጎሮ ሓያ ጌይ ማላይ? 
\v 9 ሓያ ሃንታኒ ዳንዳዑዋ ዎቦ ዓሢም ‹ጎማ ኔኤኮ ዓቶም ጌዒንቴኔ› ጌዒሢና ‹ዔቂ ኔኤኮ ኔና ዔኪሙኮና ሓላሢ ኬዲ ዓኣዼ› ጌዒሢዳፓ ዎና ሼሌዓይ? ጋዓዖ፥ 
\v 10 ዓሲ ናዓሢኮ\f + \fr 2፥10 \fr*\fq ዓሲኮ ናዓሢ፦ \fq*\ft ጋዓ ሱ'ንፃ ዬሱሴ ኮዦ ሓይሶ ማፃኣፖይዳ ፔና ዔኤላ'' ሱ'ንፆኬ።\ft*\f* ሳዖይዳ ጎሜ ዓቶም ጋዓኒ ዎልቄና ዓኣ ቢታንቶ ዓኣያ ማዔሢ ዒንሢ ዔራንዳጉዲ» ጌዔስካፓ ሓንታኒ ዳንዳዑዋ ዎባሢም፦ 
\v 11 «ታ ኔኤም ጋዓኔ፤ ዔቂ ኔና ኬዲ ሙኮና ሓላሢ ኬዲ ኔ ማኣሪ ዴንዴ» ጌዔኔ።
\p
\v 12 ሓንታኒ ዳንዳዑዋ ዎባሢያ ቤዞማና ዔቃዖ ፔና ኬዲ ዔኪ ሙኮና ሓላሢ ኬዲ ቢያ ዓሳ ዛጋንቴ ኬስኬኔ። ዬያሮ ዓሳ ቢያ ዲቃቲ ሄርሻዖ፦ «ሓያ ጉዴ ባኣዚ'' ኑ ዛጊ ቤቂ ባኣሴ» ሂዚ ጌዒ ጌዒ ፆኦሲ ጋላቴኔ።
\s ዬሱሴኮ ሌዊ ዔኤሊ''ፆ
\r (ማቲ. 9፥9-13፤ ሉቃ. 5፥27-32)
\p
\v 13 ዬማፓ ዬሱሴ ጌሊላ ባዞ'' ዓጮ ላሚ ዓኣዼኔ፤ ዴራ'' ቢያ ዒዛ ባንሢ ሙካዛ፥ ዒዚ ዔያቶ ዔርዜኔ። 
\v 14 ዬካፓ ዒዚ ዴንዳኣና ዒልፒዮሴ ናኣዚ'' ሌዊ ጎዖሢ ኮርሞም ማዓ ባኣዚ''ፓ ቢያ ሚኢሼ ቡኩሳያታሢሮ ዒዚ ፔኤኮ ማዾ'' ቤዛ ዓኣንቴ ዛጋዖ፦ «ሓኒ ዬዔ» ጌዔኔ፤ ዒዚያ ዔቂ ዒዛ ጊንፆ ዓኣዼኔ።
\p
\v 15 ዬካፓ ዬሱሴ ሌዊ ማኣራ ሙኡዚሮ ጊኢጋዛ ሚርጌ ዓሲ ዒዛ ጊንፆ ሓንታሢሮ ዔያቶይዳፓ ሚርጌሢ ኮርሞም ማዓ ባኮይዳፓ ሚኢሾ ቡኩሳዞንሢና ጎሞ ዓሶናታዖ ዬሱሴና ዒዛኮ ጊንፆ ሓንታ ናኣቶ''ና ዎላ'' ሙዓኒ ዴዔኔ። 
\v 16 ፔርሴ ዓሶ ዜርፃፓ ማዔ፥ ሙሴ ዔርዜ ዎጎ ዔርዛዞንሢ ዬሱሴ ሚኢሾ ቡኩሳ ዓሶና ጎሞ ዓሶና ዎላ'' ሙዓሢ ዛጋዖ፦ «ዓይጎሮ ዒዚ ዬያጉዴ ዓሶና ዎላ'' ሙዓይ?» ጌዒ ዬሱሴኮ ጊንፆ ሓንታዞንሢ ዖኦጬኔ።
\p
\v 17 ዬሱሴ ዔያታ ዬያ ጋዓሢ ዋይዛዖ፦ «ዼኤሻ ዔራ ዓሲ ሓርጊንቴ ዓሲም ኮይሳንዳኣፓዓቴም ዋሊ'' ዓሲም ኮይሱዋሴ፤ ታኣኒ ሙኬሢ ጎሞ ዓሶ ዔኤላ''ኒ ማዓንዳኣፓዓቴም ጌኤዦ ዓሶ ዔኤላ''ኒ ሙኪባኣሴ» ጌዔኔ።
\s ሙዖ ሓሺ''ፆ ዳምቦ ዛሎ'' ዖኦጪንቴ ዖኦጪሢ
\r (ማቲ. 9፥14-17፤ ሉቃ. 5፥33-39)
\p
\v 18 ማስካ ዮሓኒሴኮ ጊንፆ ሓንታዞንሢና ፔርሴ ዓሶና ሙዖ ሓሺ''ፆ ዳምቦ ካፓኔ፤ ዬያሮ ዓሳ ዬሱሴ ባንሢ ሙካዖ፦ «ማስካ ዮሓኒሴ ጊንፆ ሓንታዞንሢና ፔርሴ ዓሶና ሙዖ ሓሾ'' ዳምቦ ካካፓንቴ፥ ኔ ጊንፆ ሓንታዞንሢ ዬያጉዲ ካፑዋኣሢ ዓይጎሮዳይ?» ጌዔኔ።
\p
\v 19 ዬሱሴ ዔያቶም ማሓዖ፦ «ዑኡታ''ሢ ዔያቶና ዎላ'' ዓኣንቴ ዔፖ ዓሳ ሙዖ ሓሺ''ፆ ዳምቦ ካፓኒ ዳንዳዓ? ዑኡታ''ሢ ዔያቶና ዎላ'' ዓኣንቴ ዔያታ ሙዖ ሓሺ''ፆ ዳምቦ ካፓኒ ዳንዳዑዋሴ። 
\v 20 ጋዓንቴ ዑኡታ''ሢ ዔያቶይዳፓ ዱማዻንዳ ዎዴ ሙካንዳኔ፤ ዬኖ ዎዶ''ና ዔያታ ሙዖ ሓሺ''ፆ ዳምቦ ካፓንዳኔ» ጌዔኔ።
\p
\v 21 «ዖናታቴያ ዓኪ ዓፒላይዳፓ ዔኪ ጪሚ ዓፒላይዳ ዓጊ ሲኩዋሴ፤ ዓጊ ሲኬቶ ዓኮ ዓጊፃ ጉርሚ ጪሞ ዓፒሎ ዳዳርዛንዳኔ፤ ዳርዒፃኣ ቤርታኣስካፓ ፔቶ ዳልጋንዳኔ። 
\v 22 ዬያጉዲ ሶልኪ ዑሺ ዋሆ ጪንቄ ዖቲዳ ሺሜ ዋሂንቱዋሴ፤ ዋሂንቴቴ ጋዓንቴ ሺሜ ዑዣ ቡርቂ ዖቶ ዹኡሳንዳኔ። ዑዣኣ ላኣሊንታንዳኔ። ዬያሮ ሺሜ ዑሺም ዓኪ ጌኤሺ ዖቲ» ኮይሳኔ።
\s ዓይሁዶኮ ሓውሾ'' ዓቦ ዛሎ'' ዖኦጪንቴ ዖኦጪሢ
\r (ማቲ. 12፥1-8፤ ሉቃ. 6፥1-5)
\p
\v 23 ዬሱሴ ዒዛኮ ጊንፆ ሓንታዞንሢና ዎላ'' ዓይሁዶኮ ሓውሾ'' ኬሎ''ና ፔቴ'' ዛርጌ ጎሺ ጊዴና ዓኣዻንቴ ዒዛኮ ጊንፆ ሓንታዞንሢ ዛርጎ ቲሻሢ ዱኡዚ ዱኡዚ ዔኪሢ ዓርቄኔ። \x - \xo 2፥23 \xo*\xt ላሚ. ዎማ 23፥25።\xt*\x* 
\v 24 ዬያሮ ፔርሴ ዓሳ ዛጋዖ፦ «ሓኣዛጌ፥ ኔኤኮ ጊንፆ ሓንታዞንሢ ዓይሁዶኮ ሓውሾ'' ኬሎ''ና ማዺንቱዋ ባኣዚ'' ዓይጎሮ ማዻይ?» ጌዒ ዖኦጬኔ።
\p
\v 25 ዬሱሴ ማሓዖ፦ «ዳውቴ ፔኤኮ ዓሶና ናይዺንቲ ሜታዼ ዎዶ''ና ዒዚ ዓይጎ ማዼቶዋ ዒንሢ ማሊ ናባቢባኣዓዳ? \x - \xo 2፥25 \xo*\xt 1ሳሙ. 21፥1-6።\xt*\x* 
\v 26 ዓቢያታሬ ጎዖሢ ቄኤሶኮ ቢያ ዑሢ ማዒ ማዻ ዎዶ''ና ዒዚ ፆኦሲ ማኣሪ ጌሊ ቄኤሶይዳፓዓቴም ዖኦማኣ ላኣጊንቴያ ማዔ፥ ፆኦሲም ዒንጎና ካፆ ሙዔኔ፤ ዒዛና ዎላ'' ዓኣ ዓሶማኣ ዒንጌኔ።» \x - \xo 2፥26 \xo*\xt ሌዊ. ዓኬ 24፥9።\xt*\x*
\p
\v 27 ሓሣ ዬሱሴ ሂዚ ጌዔኔ፦ «ዓይሁዶኮ ሓውሺፆ ኬላ'' ዓሲም ማዢንታንዳኣፓዓቴም ዓሲ ዬኖ ሓውሾ ኬሌሎም ማዢንቲባኣሴ። 
\v 28 ዬያጉዲ ዓሲኮ ናዓሢ ዬኖ ሓውሾ ዓቤሎኮዋ ጎዳኬ።»
\c 3
\s ዬሱሴ ኩቺ ዎቦ ዓሲ ዻቂሼሢ
\r (ማቲ. 12፥9-14፤ ሉቃ. 6፥6-11)
\p
\v 1 ዬካፓ ዬሱሴ ዓይሁዶ ዓሶኮ ቡኪንቶ ቤዞ ማዒ ጌሌኔ፤ ዒኢካ ፔቴ'' ኩቺ ዎቦ ዓሲ ዓኣኔ። 
\v 2 ዓይሁዶ ዓሶኮ ቡኪንቶ ቤዞይዳፓ ፔቴ'' ፔቴ'' ዓሳ ዬሱሴ ዎጎና ዓይሢሳኒ ኮዓዖ፦ «ሂንዳ ሓኖ'' ዒዚ ሓውሾ ዓቦና ሓያ ዎቦ ዓሢ ፓሣቴ ኑ ዛጎም» ጌዒ ዒዛ ካፔኔ። 
\v 3 ዬሱሴ ኩጮ ዎቦ ዓሢም፦ «ሓይካ ሙኪ ባኣካ'' ዔቄ» ጌዔኔ። 
\v 4 ዬካፓ ዒዚ ዔያቶ ዖኦጫዖ፦ «ዓይሁዶኮ ሓውሾ ኬሎ''ና ዓይሢንቴሢ ኮሺ ማዻንዳጉዲሞ ፑርታ ማዻንዳጉዲዳይ? ሼምፖ ዻዻቂሾምሞ ባባይዞምዳይ?» ጋዓዛ፥ ዔያታ ጋዓንቴ ዚቲዮ ጌዔኔ። 
\v 5 ዬሱሴ ዔያቶኮ ዒና'' ዔኩዋያ ማዒ ዶጬሢሮ ዖዪጋፓ ዒኢካ ዓኣ ዓሶ ዻጋዺ ዛጋዖ ዎቦ ዓሢም፦ «ኩጮ ኔኤኮ ፒሼ» ጌዔኔ። ዒዚያ ፒሼ ዎዶ''ና ኩጫ ዻቄኔ። 
\v 6 ዬያሮ ፔርሴ ዓሳ ዓይሁዶ ዓሶኮ ቡኪንቶ ቤዛፓ ኬስካዖ ዑኬና ዎማይዲ ዬሱሴ ዔያታ ባይዛንዳቴያ ካኣታ''ሢ ሄሮዲሴ ዓሶና ዎላ'' ዞርቴኔ።
\s ዴራ'' ባዞ'' ዓጫ ዬሱሴ ባንሢ ቡኪንቴሢ
\p
\v 7-8 ዬሱሴ ዒዛኮ ጊንፆ ሓንታዞንሢና ዎላ'' ጌሊላ ባዞ'' ባንሢ ዴንዴኔ። ዒማ''ና ዒዚ ማዻ ባኮ ዋይዜ ዓሳ ሚርጌሢ ዒዛ ባንሢ ሙኬኔ፤ ዔያታ ሙኬሢ፦ ጌሊላይዳፓ፥ ዪሁዳይዳፓ፥ ዬሩሳላሜይዳፓ፥ ዔዶሚያሴይዳፓ፥ ዮርዳኖሴ ዎሮኮ ሱካ ዓኣ ዓጫ''ፓ ሓሣ ፂሮሴና ሲዶና ጌይንታ ካታማፓኬ። 
\v 9 ዴሮ''ኮ ኮሺ'' ዺቢፆይዳፓ ዔቄያና ዓሳ ዒዛ ቱቺ ሜታሱዋጉዲ ዋኣፆና ፒንቆ ጎንጎ ዒዛም ጊኢጊሻንዳጉዲ ዒዛኮ ጊንፆ ሓንታዞንሢ ዒ ዓይሤኔ። \x - \xo 3፥9 \xo*\xt ማር. 4፥1፤ ሉቃ. 5፥1-3።\xt*\x* 
\v 10 ሚርጌ ዓሶ ዒዚ ቤርታ ዓውሴሢሮ ሓርጌና ሜታዻ ዓሳ ቢያ ዒዛኮ ዑፆ ካኣማኒ ኮዒ ሒዒንታኔ። 
\v 11 ፑርቶ ዓያና'' ዬሱሴ ዛጌ ዎዶ''ና ቢያ ዒዛኮ ቤርታ ሎኦሚ ሎኦሚ፦ «ኔኤኒ ፆኦሲ ናዓሢኬ» ጌዒ ጌዒ ዒላቴኔ።
\p
\v 12 ዬሱሴ ፑርቶ ዓያኖም ዒዛኮ ዖኑሞ ኬኤዙዋጉዲ ዶዲሺ ጎሬኔ።
\s ዬሱሴ ታጶ ላምዖ ዳኪንቴዞንሢ ዶኦሬሢ
\r (ማቲ. 10፥1-4፤ ሉቃ. 6፥12-16)
\p
\v 13 ዬሱሴ ጌሜሮ ኬስካዖ ዒዚ ኮዔዞንሢ ፔ ባንሢ ዔኤሌ''ኔ፤ ዔያታኣ ዒዛ ባንሢ ሙኬኔ። 
\v 14 ዔያታ ዒዛና ዎላ'' ማዓንዳጉዲ፥ ዔርዛንዳጉዲ ዔያቶ ዳካኒ ታጶ ላምዖንሢ ዶኦሪ፦ «ዳኪንቴዞንሢ» ጋዓ ሱ'ንሢ ጌሤኔ። 
\v 15 ሓሣ ፑርታ ዓያና ኬሳንዳጉዲ ዎልቄና ዓኣ ቢታንቶ ዔያቶም ዒንጌኔ።
\p
\v 16 ታጶ ላምዖ ዳኪንቴዞንሢ ማዒ ዶኦሪንቴዞንሢ ሓንሢኬ፦ ጴፂሮሴ ጌዒ ሱ'ንፆ ጌሦና ሲሞኦኔ፥ 
\v 17 ቦዖኔርጌሴ ጌይፃ ጉጉንሢጉዲ ማዔ ዓሶንሢ ጌዒ ሱ'ንፃ ጌሢንቴ ዜብዲዮሴ ናኣቶ'' ያይቆኦቤና ዒዛኮ ጌርሲ ዮሓኒሴ፥ 
\v 18 ዒንዲራሴ፥ ፒሊጶሴ፥ ቤርቴሌሞሴ፥ ማቲዮሴ፥ ቶኦማኣሴ፥ ዒልፒዮሴ ናኣዚ'' ያይቆኦቤ፥ ታዲዮሴ፥ ፔ ዓጮ'' ሚጪንታ ሲሞኦኔ፥ 
\v 19 ዬሱሴ ዓኣሢ ዒንጌ ዓስቆሮንቶ ዪሁዳንታኬ።
\s ዬሱሴና ቤዔልዛቡሌ ጌይንታ ፑርቶ ዓያኖኮ ሱኡጋሢና
\r (ማቲ. 12፥22-32፤ ሉቃ. 11፥14-23፤ 12፥10)
\p
\v 20 ዬካፓ ዬሱሴ ማኣሪ ጌላዛ ሚርጌ ዓሲያ ሙኪ ቡኬሢሮ ዒዛና ዒዛኮ ጊንፆ ሓንታዞንሢናም ዴዒ ሙዓኒ ማጌኔ። 
\v 21 ዬሱሴኮ ማኣሮ ዓሳ፦ «ዒዚ ዣኣሽካኔ» ዓሳ ጋዓሢ ዋይዚ ዒዛ ዓርቂ ዔካኒ ሙኬኔ።
\p
\v 22 ዬሩሳላሜፓ ሙኬ ሙሴ ዔርዜ ዎጎ ዔርዛዞንሢ፦ «ዒዛይዳ ቢዔልዛቡሌ ዓኣኔ፥ ዒዚ ፑርቶ ዓያኖ ኬሳ''ሢ ሓያ ፑርቶ ዓያኖኮ ሱኡጋሢ ማዔ ቤዔልዛቡሌናኬ» ጌዒ ጌዒ ጌስታኔ። \x - \xo 3፥22 \xo*\xt ማቲ. 9፥34፤ 10፥25።\xt*\x*
\p
\v 23 ዬሱሴ ዔያቶ ፔ ባንሢ ዔኤሊ'' ኮኦኪንሢና ሂዚ ዔያቶም ጌዔኔ፦ «ፃላሄ ፃላሄ ዎዲ'' ኬሳ''ኒ ዳንዳዓይ? 
\v 24 ፔቴ'' ካኣቲ ዓጪ ዎሊና ፓቂንቲ ዖልቴቶ ዬኖ ዓጮ'' ካኣቱማ ዶዲ ናንጋኒ ዳንዳዑዋሴ። 
\v 25 ሓሣ ፔቴ'' ማኣሪ ዓሲ ዎሊና ዣሊ ፓቂንቴቴ ዬና ማኣሬላ ማኣሪ ማዓኒ ዳንዳዑዋሴ፤ 
\v 26 ዬያጉዲ ፃላሄ ዎሊና ፓቂንቴቶ ጋፒንሢ ማዓንዳኣፓዓቴም ዔቃኒ ዳንዳዑዋሴ፤
\p
\v 27 «ሓሣ ፔቴ'' ዎልቄና ዓኣ ዓሲ ማኣሪ ጌላኒ ዒዛ ዎልቆሲ ቤርታዺ ቱኪ''ባኣዖ ዒዛኮ ዓኣ ባኮ ቡሪ ዔካኒ ዳንዳዒንቱዋሴ።»
\p
\v 28 ዬሱሴ ሃሣ ኬኤዛዖ፦ «ጎኔ ታ ዒንሢም ጋዓኔ፤ ዓሳ ማዻ ጎሞና ሓሣ ፆኦሲ ጫሽካ ጫዣታዖ ዓቶም ጌዒንታንዳኔ። 
\v 29 ጋዓንቴ ዓያና ጌኤሺ ጫሽካሢም ቢያ ናንጊና ጋሌ ማዓንዳኣፓዓቴም ጎማ ዓቶም ጌዒንታዓኬ» ጌዔኔ። \x - \xo 3፥29 \xo*\xt ሉቃ. 12፥10።\xt*\x* 
\v 30 ዬሱሴ ዬኖ ጌዔሢ ዓሳ፦ «ዒዛይዳ ፑርታ ዓያና ዓኣኔ» ጌዔሢሮኬ።
\s ዬሱሴኮ ዒንዶና ጌርሲንሢና
\r (ማቲ. 12፥46-50፤ ሉቃ. 8፥19-21)
\p
\v 31 ዬሱሴኮ ዒንዶና ጌርሲንሢና ዒዚ ዓኣ ቤዞ ሙኪ ካራ'' ዔቃዖ ዓሲ ዳኪ ዒዛ ዔኤሊ''ሴኔ። 
\v 32 ዒዛኮ ዓጫ ዴዒ ዓኣ ዓሳ ዒዛም፦ «ኔኤኮ ዒንዳኣ፥ ጌርሲንሢ፥ ጌሮንሢ\f + \fr 3፥32 \fr*\fq ጌሮንሢ፦ \fq*\ft ጋዓዞ ፔቴ'' ፔቴ'' ሚናኣ ማፃኣፓ ቃሱ''ዋሴ።\ft*\f* ካራ'' ኔና ኮዓኔ» ጌዒ ኬኤዜኔ።
\p
\v 33 ዬሱሴ ዔያቶም፦ «ዒንዳ ታኣኮ ዖናዳይ? ጌርሲንሢያ ዖናንሢዳይ?» ጌዒ ማሓዖ፥ 
\v 34 ዒዛኮ ዓጫ ዴዔ ዓሶ ባንሢ ዛጊ ዛጊ፦ «ሓኣቶ ዛጉዋቴ፥ ታኣኮ ዒንዶና ጌርሲንሢና ሓኣቶኬ፤ 
\v 35 ዖናታቴያ ፆኦሲ ዓይሢፆ ኩንሣዞንሢ ቢያ ታኣኮ ዒሾ ሚሾንታ ዒንዶንታኬ» ጌዔኔ።
\c 4
\s ዜርሢ ዜርቃ ዓሲ ኮኦኪንሢ
\r (ማቲ. 13፥1-9፤ ሉቃ. 8፥4-8)
\p
\v 1 ዬሱሴ ጌሊላ ባዞ'' ዓጫ ላሚ ዔርዚሢ ዓርቄኔ። ኮሺ'' ሚርጌ ዓሲ ዒዛ ባንሢ ሙኪ ቡኪንቴያ ማዔሢሮ፥ ዒዚ ዋኣፆና ፒንቆ ጎንጎ ጋሮ ጌሊ ዴዔኔ፤ ዴራ'' ጋዓንቴ ቢያ ባዞ'' ዓጫ ዔቄኔ። \x - \xo 4፥1 \xo*\xt ሉቃ. 5፥1-3።\xt*\x* 
\v 2 ዒዚ ዔያቶም ኮኦኪንሢና ሚርጌ ባኣዚ'' ዔርዜኔ፤ ዔርዚፆዋ ሒዚ ጌዒ ዓርቄኔ፦
\p
\v 3 «ዋይዙዋቴ! ፔቴ'' ዓሲ ዜርሢ ዜርቃኒ ኬስኬኔ፤ 
\v 4 ዒዚ ጎዦይዳ ዜርቃኣና ፔቴ'' ፔቴ'' ዜርፃ ጎይፆ ዓጫ ኬዳ''ዛ ካፓ ሙኪ ሙዔኔ፤ 
\v 5 ዛሎ'' ዜርፃ ዻካ'' ዓጪ ዓኣ፥ ሓኣሻ ሳዓይዳ ኬዳ''ዖ ሚርጌ ዓጪ ባኣሢሮ ዑኬና ባቃሌኔ። 
\v 6 ማዔቶዋ ዓባ'' ኬስኬ ዎዶ''ና ሹሌ''ኔ፤ ፃጲ ባኣሢሮዋ ሜሌኔ። 
\v 7 ዛሎ'' ዜርፃ ዓንጊሢ ቶሻ ባኣካ ኬዴ''ም ዓንጊፃ ዑጊ ባይዜሢሮ ዓኣፑዋዖ ዓቴ''ኔ። 
\v 8 ዓቴ'' ዜርፃ ሓሣ ቃራ ሳዓይዳ ኬዴ''ሢሮ ባቃሌኔ፤ ባቃላ''ኣ ዑጊ ካፄኔ፤ ፔቴ''ዛ ሃይሢታሚ'' ዓኣፒ፥ ባጌላ ላሂ''ታሚ'' ዓቴ''ዛኣ ፄኤታ ዓኣፔኔ።»
\p
\v 9 ዬሱሴ፦ «ሓያ ዋይዛሢ ኮሺ'' ዋይዞንጎ!» ጌዔኔ።
\s ዬሱሴ ኮኦኪንሢና ኬኤዚሳኒ ማሄ ባኮ
\r (ማቲ. 13፥10-17፤ ሉቃ. 8፥9-10)
\p
\v 10 ዬሱሴ ፔኤሮ ማዔ ዎዶ''ና ዒዛ ኮራ ዋይዞሮ ሙኬ ዓሶንታ ዒዛኮ ጊንፆ ሓንታ ታጶ ላምዖ ናኣቶ''ንታ ኮኦኪንሦና ዒዚ ኬኤዜሢኮ ቡሊ''ፆ ዖኦጬኔ። 
\v 11 ዒዚ ዔያቶም ሂዚ ጌዔኔ፦ «ዒንሢም ፆኦሲኮ ካኣቱሞ ማኣሮኮ ዓኣሺንቴ ዔራቶ ዒንጊንቴኔ፤ ሓንጎዋቶ ዙላ'' ዓኣዞንሢም ጋዓንቴ ቢያ ባኣዚ'' ኮኦኪንሢና ኬኤዚንታኔ። 
\v 12 ያዺ ማዔሢ፦
\q ‹ዔያታ ፆኦሲ ባንሢ ማዒ
\q2 ጎማ ዔያቶም ዓቶም ጌዒንቱዋጉዲ
\q ዛጎ ዛጋያታዖ ዴንቁዋሴ
\q ዋይዞ ዋይዛያታዖ ዒና ዔኩዋሴ› »
\m ጌይንቴ ጎይፆናኬ። \x - \xo 4፥12 \xo*\xt ዒሲ. 6፥9-10።\xt*\x*
\s ዜርሢ ዜራ ዓሲኮ ኮኦኪንሢ ቡሊ''ፆ
\r (ማቲ. 13፥18-23፤ ሉቃ. 8፥11-15)
\p
\v 13 ዬሱሴ ዔያቶም ሂዚ ጌዔኔ፦ «ዒንሢማኣ ሓይ ኮኦኪንሣ ዔርቱዋዓዳ? ሂዳዖ ሓንጎ ኮኦኪንሦ ቢያ ዎዲ'' ዒንሢ ዔራኒ ዳንዳዔይ? 
\v 14 ዜርቃሢ ፆኦሲ ቃኣሎ'' ዜርቃኔ፤ 
\v 15 ቃኣላ'' ዜርቂንታ ዎዶ''ና ጎይፆ ዓጫ ኬዴ'' ዜርፄላ ዻዋሢ፦ ቃኣሎ'' ዋይዛኣና ቤዞማና ዔያቶኮ ዒኖይዳ ዜርቂንቴ ቃኣሎ'' ፃላሄ ዔካ ዓሶኬ። 
\v 16 ዬያጉዲ ሓኣቾ ሳዖይዳ ዜርቂንቴሢ ዻዋሢ፦ ቃኣሎ'' ዋይዛዖ ዑኬና ዎዛዺ ዔካዞንሢኬ፤ 
\v 17 ጋዓንቴ ዔያታ ዻካ'' ዎዴሮ ማዓንዳኣፓዓቴም ዖዶሲ ፃጲ ባኣሢሮ ዻካ'' ዎዴኮ ጊንፃፓ ፆኦሲ ቃኣሎ'' ዛሎና ሜቶና ዳውሲሢና ሙኬቶ ዻቢንቲ ኔጉዋዖ ሓሻ''ኔ። 
\v 18 ዓንጊፆ ቶሾ'' ባኣካ'' ዜርቂንቴ ዜርፄላ ዻዋሢ፦ ቃኣሎ'' ዋይዛ ዓሶንሢኬ፤ 
\v 19 ጋዓንቴ ሓያ ዓጮ'' ናንጎሮ ሜታዺፆና ቆሎ ናሹሞና ሜሌ'' ፓሡዋ ባኣዚ'' ሱኡካዺሢ ዔያቶኮ ዒኖይዳ ጌላዖ ፆኦሲኮ ቃኣሎ'' ዋሊ''ሲ ዓኣፑዋያ ማሓኔ። 
\v 20 ቃሮ'' ዓጮ''ይዳ ዜርቂንቴ ዜርፃ ዻዋሢ፦ ጋዓንቴ ቃኣሎ'' ዋይዚ ዔካ ዓሶኬ። ዬያጉዴ ዓሳ፦ ፔቴ''ይ ሓይሢታሚ''፥ ባጋሢ ላሒ''ታሚ''፥ ዓቴ''ሢ ፄኤታ ዓኣፒ ዓኣፓኔ።»
\s ዓኣሺንቴ ፖዒ
\r (ሉቃ. 8፥16-18)
\p
\v 21 ሄሊ''ሳዖ ዬሱሴ ዔያቶም፦ «ዓሲ ፖዒ ፖዒሳዖ ዔኤቢና ጉኡፒ ጌሣ? ጌሣሢ ፖዓ ጴዻያ ዼ'ጌ ቤሲዳቱዓዳ? \x - \xo 4፥21 \xo*\xt ማቲ. 5፥15፤ ሉቃ. 11፥33።\xt*\x* 
\v 22 ዎይቴቶዋ ዓኣሺንቴ ባኣዚ'' ፔጋዹዋዖ ዓኣቾና ባኣዚ'' ዔርቱዋዖ ዓታዓኬ። \x - \xo 4፥22 \xo*\xt ማቲ. 10፥26፤ ሉቃ. 12፥2።\xt*\x* 
\v 23 ዬያሮ ዋይዛ ዋይዚ ዓኣሢ ዋይዞንጎ» ጌዔኔ።
\p
\v 24 ዬሱሴ ላሚ ዔያቶም፦ «ዋይዛ ባኮሮ ዒንሢ ኮሺ'' ዔሩዋቴ፤ ዒንሢ ማካ'' ባኮማና ዒንሢም ማኪንታንዳኔ፤ ዬያፓ ዑሣ ዒንሢም ቃሲ''ንታንዳኔ፤ \x - \xo 4፥24 \xo*\xt ማቲ. 7፥2፤ ሉቃ. 6፥38።\xt*\x* 
\v 25 ዔኤቢ ዓኣሢም ጊዳ'' ቃሲ''ንታንዳኔ፤ ዔኤቢባኣ ዓሢዳፓ ዻካ''ታዖ ዓኣቶ ዒማ ዔኪንታንዳኔ» ጌዔኔ። \x - \xo 4፥25 \xo*\xt ማቲ. 13፥12፤ 25፥29፤ ሉቃ. 19፥26።\xt*\x*
\s ባቃሊ ዑጋ ዜርሢኮ ኮኦኪንሢ
\p
\v 26 ሄሊ''ሳዖ ዬሱሴ ዔያቶም ሂዚ ጌዔኔ፦ «ፆኦሲኮ ካኣቱማ ሳዓ ዜርሢ ዜርቃ ዓሲ ማላኔ። 
\v 27 ዓሢያ ዋንቶና ጊንዓኔ፤ ካራዛ ዒዚ ጴጫኔ፤ ዎማይዲታቴያ ዒዚ ዔሩዋንቴ ዜርፃ ባቃሊ ዑጋኔ። 
\v 28 ሳዓ ፔኤሮ ቤርታዺ ባቃልሲ፥ ሔሊ''ሳዖ ጉኡሽኪሲ ዻዋኔ፤ ጊንፃፓ ጉኡዦ ዑፆይዳ ዓኣፒ ጴዻኔ። 
\v 29 ሓኣካ ካፂ ሜሌም ቡሮ ዎዳ'' ሄላ''ዛ ዓሢ ዑኬና ሓኣኮ ቡኩሳኔ።» \x - \xo 4፥29 \xo*\xt ዒዩ. 3፥13።\xt*\x*
\s ዻካ'' ሴናፒጬ ጌዒንታ ዜርሢኮ ኮኦኮንሢ
\r (ማቲ. 13፥31-34፤ ሉቃ. 13፥18-19)
\p
\v 30 ዬሱሴ ሂዚ ጌዔኔ፦ «ፆኦሲኮ ካኣቱማ ዓይጎ ማላኔ ኑ ጋዓንዳይ? ዓይጌንዴ ኮኦኪንሢና ኑ ዒዞ ኮሺ'' ኬኤዛንዳይ?» ጌዒ ዖኦጬኔ። 
\v 31 «ዒዛ ሴናፒጬ ጌዒንታ ዻኮ'' ዜርፄሎ ማላኔ፤ ዒዛ ዜርቂንታ ዎዶ''ና ሳዓ ዜርቂንታ ዜርፆይዳፓ ቢያ ኮሺ'' ዻካ''ኬ። 
\v 32 ዜርቂንቲ ባቃሌሢኮ ጊንፃ ጋዓንቴ ዑጊፆና ቱኮ'' ባኮ ቢያይዳፓ ባሻኔ። ጫሪንጮ ካፓ ዴዓንዳያ ሄላ''ንዳኣና ዼኤፒ ካኣፒ ጌታኔ።»
\p
\v 33 ዬሱሴ ዴራ'' ጶቂሣኒ ዳንዳዓያ ዬንሢና ዬንሢ ማላ ሚርጌ ኮኦኪንሢና ፆኦሲኮ ቃኣሎ'' ኬኤዜኔ። 
\v 34 ዒዚ ዔያቶም ኮኦኪንሥሢባኣያ ኬኤዙዋሴ፤ ጋዓንቴ ዒዚ ፔኤኮ ጊንፆ ሃንታዞንሢና ሌሊ ዓኣ ዎዶ''ና ቢያ ባኣዚ'' ዔያቶም ኮሺ'' ፔጋሲ ኬኤዛኔ።
\s ዬሱሴ ባዞ'' ጉዳሢ ዚቲዴሢ
\r (ማቲ. 8፥23-27፤ ሉቃ. 8፥22-25)
\p
\v 35 ዬኖ ዓቦ'' ዋንቶ ዬሱሴ ፔኤኮ ጊንፆ ሓንታዞንሢ፦ «ኑኡኒ ባዞ''ኮ ሶንጌኖ ሱኮ ፒንቆም» ጌዔኔ። 
\v 36 ዔያታ ዴሮ''ይዳፓ ዱማዺ ዴዒ ዓኣ፥ ዋኣፆና ፒንቆ ጎንጎና ዬሱሴ ዔኪ ዴንዳኣና ሜሌ'' ዋኣፆና ፒንቆ ጎንጊያ ዓኣኔ። 
\v 37 ማዓዛ ዶዲ ዓልጋ ዋኣፆይዳ ዔቂ ዋኣፃ ጎንጋ ኩማንዳያ ሄላ''ንዳኣና ጉዳሢ ዋኣፆ ሂዓኔ። 
\v 38 ዬማና ዬሱሴ ዋኣፆና ፒንቆ ጎንጎኮ ጊንፆ ዛላ'' ኬሬ ጌሢ ላሂ ዓኣንቴ ዒዛኮ ጊንፆ ሃንታዞንሢ ዒዛ ጴቻዖ፦ «ኑና ዔርዛሢዮ! ኑኡኒ ኩዴንቴሞ ኔኤኒ ዚቲዮ ጋዓ?» ጌዔኔ።
\p
\v 39 ዒዚ ጴጫዖ ዢባሮ ጎሬኔ፤ ባዞ''ዋ፦ «ዓጊፂፖ! ዚቲ ጌዔ!» ጌኤኔ፤ ዢባራኣ ዓጊሦ ሓሻ''ዛ ቢያ ባካ'' ዚቲዮ ጌዔኔ። 
\v 40 ዬያሮ ዬሱሴ ዒዛኮ ጊንፆ ሓንታዞንሢም ጋዓዖ፦ «ዓይጎሮ ዒንሢ ሂዲ ዒጊጫይ? ጉሙርቂሢ ዎይቲ ዒንሢኮ ባይቄይ?» ጌዔኔ።
\p
\v 41 ዔያታ ኮሺ'' ዒጊጪ፦ «ዓህ! ሓይ ጉዳሢንታ ባዞ''ንታ ዓይሢንታሢ ዖናዳይ?» ዎሊ ኮራ ጌዔኔ።
\c 5
\s ዬሱሴ ፑርታ ዓያናና ዓርቂንቴ ዓሲስኬያ ፓሤሢ
\r (ማቲ. 8፥28-34፤ ሉቃ. 8፥26-39)
\p
\v 1 ዬሱሴና ዒዛኮ ጊንፆ ሓንታዞንሢና ዋኣፆና ፒንቆ ጎንጎ ቶጊ ጌሊላ ባዞ'' ፒንቃዖ ጌርሴኖኔ ዓጮ'' ሄሌ''ኔ። 
\v 2 ዒማና ዬሱሴ ዋኣፆና ፒንቆ ጎንጎይዳፓ ኬኬዳኣና ፑርታ ዓያናና ዓርቂንቴ ዓሲ ዱኡፒ ቤሲፓ ኬስኪ ካኣሜኔ። 
\v 3 ዬያ ዓሢኮ ናንጋ ዱኡፒ ቤሲዳኬ፤ ዖኦኒያ ዒዛ ካኒቢራቴና ቱኪ'' ቃዛኒ ዳንዳዑዋሴ፤ 
\v 4 ዒዛኮ ቶኮና ኩጮና ሚርጌ ኬሊ'' ዓንጊ ዱፄና ካኒ ቢራታና ቱኡታኔ፤ ጋዓንቴ ዒ ቢያ ዎዴና ካኖቢራቶዋ ዱኡዚ ዱኡዚ ቶኮ'' ዓንጎዋ ሜንሢ ሜንሢ ኬኤራኔ፤ ዬያሮ ዒዛ ዓርቂ ቃዛኒ ዳንዳዓ ዓይጎ ዓሲያ ባኣሴ። 
\v 5 ቢያ ኬሊ'' ዓሞና ሮኦሮና ዱኡፖ ባኣኮ''ይዳ፥ ዹኮ'' ዑፆይዳ ዒላቲ ዒላቲ ሓንታዖ፥ ዑፆዋ ፔኤኮ ቲሊንጊና ቲቂ ቲቂ ኪፃሳኔ።
\p
\v 6 ዒዚ ዬሱሴ ዻካ'' ሓኬ ዓኣንቴ ዴንቃዖ ባንሢ ጳሽኪ ሙኪ ጉምዓቲ ዚጌኔ። 
\v 7 ዬካፓ ፑኡፒ ዑኡሲና፦ «ኔኤኒ፥ ፑኡፖ ፆኦሲ ናዓሢዮ ዬሱሴ! ኔኤና ታኣና ዓይጎ ፔቱሞ ዓኣይ? ፆኦሲ ሱ'ንፆና ታ ኔና ሺኢቃኔ ሃዳራ ታና ሜታሲፖ» ጌዒ ዒላቴኔ። 
\v 8 ዬያ ዒዚ ጌዔሢ፦ «ሓይ ኔ ፑርቶ ዓያና''ሢ፥ ሓያ ዓሢ ሓሺ'' ኬስኬ!» ጌዒ ዬሱሴ ዓይሤሢሮኬ።
\p
\v 9 ዬሱሴ ዒዛ፦ «ሱ'ንፃ ኔኤኮ ዖናዳይ?» ጌዒ ዖኦጬኔ፤ ዒዚያ፦ «ኑኡኒ ሚርጌታሢሮ ሱ'ንፃ ታኣኮ ዴሬኬ» ጌዒ ማሄኔ።
\p
\v 10 ፑርቶ ዓያኖና ዓኣ ዓሢ ዬኖ ዓጫ''ፓ ዬሱሴ ዔያቶ ዳውሱዋጉዲ ዶዲሺ ሺኢቄኔ።
\p
\v 11 ዬኖ ቤዞይዳ ሚርጌ ዓሲኮ ቆሎ ጉዱንሢ ዉዴ ጌሜሮ ጎኦባ'' ሄንቃኔ፤ 
\v 12 ዬያሮ ፑርቶ ዓያና'' ዬሱሴ ኮራ፦ «ሓዳራ ኑና ሓሴኬ ጉዱንፆ ባንሢ ዳኬ፤ ኑኡኒ ዔያቶይዳ ዓኣዺ ጌሎም» ጌዒ ሺኢቄኔ። 
\v 13 ዒዚ ዔያታ ጌላንዳጉዲ ዓይሣዛ፥ ፑርቶ ዓያና'' ዓሢዳፓ ኬስኪ ጉዱንፆይዳ ጌሌኔ፤ ጉቤ ዉዳ'' ሴካ ላምዖ ሺያ ማዔ ጉዱንሢ ማጎ ዋኣፆ ባንሢ ዲርጊ ባዞ''ይዳ ጌሊ ዔኤዺንቲ ሓይቄኔ።
\p
\v 14 ጉዱንፆ ሄንቃዞንሢ ጳሽኪ ዴንዲ ካታሞና ኮይሎ'' ጉርዶ ቢያይዳ ሓይሶ ሚርጌና ዳልጊሼኔ፤ ዓሳ ማዔ ባኮ ዛጋኒ ፔኤኮ ማኣራፓ ማኣራፓ ኬስኬኔ፤ 
\v 15 ዔያታ ዬሱሴ ባንሢ ሙካዖ ዬይ ቤርታ ሚርጌ ፑርቶ ዓያኖና ዓርቂንቴ ዓሢ ዣኣዣሢዳፓ ዻቂ፥ ዓፒሎ ፔኤኮ ማይንቲ፥ ዴዒ ዓኣንቴ ዔያታ ዛጊ ዲቃቲ ዒጊጬኔ። 
\v 16 ዬያ ቤርታዺ ዛጌ ዓሳ ፑርቶ ዓያና'' ዓርቄ ዓሢና ጉዱንፆናይዳ ማዺንቴ ባኮ ቢያ ዔያቶም ኬኤዜኔ።
\p
\v 17 ዬያሮ ዬኖ ዓጮ'' ዓሳ ዬሱሴ' ዔያቶኮ ዓጫ''ፓ ኬስኪ ዓኣዻንዳጉዲ ዒዛ ሺኢቄኔ።
\p
\v 18 ዬሱሴ ዋኣፆና ፒንቆ ጎንጎ ጌላኣና ፑርቶ ዓያና'' ዓርቄንቴ ፖዔ ዓሢ፦ «ሓዳራ ታ ኔኤና ዎላ'' ዓኣዾም» ጌዒ ሺኢቄኔ።
\p
\v 19 ዬሱሴ ጋዓንቴ ዒዛ ላኣጌኔ፤ ዬሱሴ ዒማ''ና ዒዛም፦ «ኔ ማኣሪ ዓኣዺጋፓ ጎዳ ኔኤም ዎዚጉዴ ፑኡፒ ባኣዚ'' ማዼቶዋ ሓሣ ዎዲ'' ኔና ማኣሬቶዋ ኔ ማኣሮ ዓሶም ኬኤዜ» ጌዔኔ።
\p
\v 20 ዓሢ ዬሱሴ ዒዛም ማዼ ባኮ «ታጶ ካታሞንሢ» ጌይንታ ዓጫ'' ኬኤዛዛ፥ ዋይዜ ዓሳ ቢያ ዲቃቲ ሄርሼኔ።
\s ዒያዒሮሴኮ ናይስኬኖንታ ዬሱሴኮ ዓፒሎ'' ካኣሜ ላኣሊስኬኖ ዛላ
\r (ማቲ. 9፥18-26፤ ሉቃ. 8፥40-56)
\p
\v 21 ዬሱሴ ዋኣፆና ፒንቆ ጎንጎና ባዞ'' ሱኮ ጊንሣ ማዒ ፒንቃዛ ሚርጌ ዴሬ ዒዛ ኮራ ቡኬኔ፤ ዒማ''ና ዒዚ ባዞ'' ዓጫኬ። 
\v 22 ዒኢካ ዒያዒሮሴ ጌይንታ፥ ዓይሁዶ ዓሶኮ ቡኪንቶ ቤዞ ሱኡጎይዳፓ ፔቴ''ስኬይ ሙኪ ዬሱሴ ዴንቃዖ ዒዛኮ ቶኮ'' ዴማ'' ሎኦሚ፦ 
\v 23 «ታኣኮ ዻካ'' ዉዱሮ ናይስኬማ ሃርጊንቲ ባኣሴ ሃይቃኒ ዑኬኔ! ዬያሮ ሙኪ ዒዛ ዻቃንዳጉዲ ሓሣ ሼምፔና ዒዛ ናንጋንዳጉዲ ሓዳራ ኔኤኮ ኩጮ ዒዞ ዑፃ ጌሤቴራ» ጌዒ ዶዲሺ ሺኢቄኔ።
\p
\v 24 ዬያሮ ዬሱሴ ዒዛና ዎላ'' ዓኣዻኒ ዔቄኔ፤ ዒማ''ና ሚርጌ ዓሲ ዬሱሴና ዎላ'' ጎይፆ ዒዛ ቱቺ ዴንዳኔ።
\p
\v 25 ዒኢካ ታጶ ላምዖ ሌዔ ጉቤ ሱጉሢ ሾኦቲ ሚርጌ ሜታሳ ላኣሊስኬና ዓኣኔ። 
\v 26 ዒዛ ሚርጌ ዼኤሻ ዔራ ዓሶ ኮራ ዓኣዼቶዋ ፔኤኮ ሚኢሾ ቢያ ጉሪ ጋፕሴኔ፤ ጋዓንቴ ዻቆንዶ ዎዳ'' ሴካ ባሻንዳኣፓዓቴም ፖዒባኣሴ። 
\v 27 ዒዛ ዬሱሴ ዛሎ'' ዋይዜያታሢሮ ዴሮ''ኮ ባኣኪና ዒዛኮ ጊንፆ ዛሎ''ና ሙኪ ዓፒሎ ካኣሜኔ። 
\v 28 ዬያ ዒዛ ማዼሢ፦ «ታ ዒዛኮ ዓፒሎ''ታዖ ካኣሜቶ ዻቃንዳኔ» ጌዒኬ።
\p
\v 29 ዬማ ዒዛ ዓፒሎ'' ሄሄላዛ ዒዞኮ ሾኦታ'' ሱጉፃ ዔቄኔ፤ ሓርጋስካፓ ዻቄሢ ዒዞም ዑፆይዳ ዔርቴኔ። 
\v 30 ቤዞማና ዬሱሴይዳፓ ዎልቄ ኬስኬሢ ዒዚ ዔራዖ ዴሮ'' ባንሢ ሺሪ፦ «ታኣኮ ዓፒሎ ሔሌ''ሢ ዖናዳይ?» ጌዒ ዖኦጬኔ።
\p
\v 31 ዒዛኮ ጊንፆ ሓንታ ናኣታ''፦ «ዓሳ ሓያይዲ ቱቺንቲ ዓኣዻሢ ኔ ዛጋያታዖ ‹ዖኦኒ ታና ካኣሜይ› ኔኤኒ ዎዲ'' ጋዓይ?» ጌዒ ማሄኔ።
\p
\v 32 ዬሱሴ ጋዓንቴ ዬኖ ዖኦኒ ማዼቶዋ ዔራኒ ኮሮ ሺሪ ዛጌኔ። 
\v 33 ዓሴላ ዒዞም ዓይጌ ማዺንቴቶዋ ዔሬሢሮ ዒጊቹሞና ጎጋይቂ ጎጋይቂ ዒዛኮ ቶኮ'' ዴማ'' ሎኦሚ ጎኑሞ ቢያ ኬኤዜኔ። 
\v 34 ዬሱሴ ዒዞም፦ «ታ ናዔሌ፥ ኔና ኔኤኮ ጉሙርቂፃ ፓሤኔ፤ ኮሺና ዓኣዼ፥ ሜታ''ፓኣ ዻቄ» ጌዔኔ።
\p
\v 35 ዬሱሴ ዬኖ ኬኤዛ ጎይሣ ዓኣንቴ ዒያዒሮሴ ማኣራፓ ኪኢታ ዓሲ ሙኪ፦ «ናዔላ ኔኤኮ ሓይቄሢሮ ማይ ኔኤኒ ዔርዛሢ ዓይጎሮ ላቢ''ሳይ?» ጌዒ ዒዛም ኬኤዜኔ።
\p
\v 36 ዬሱሴ ጋዓንቴ ዬያ ዔያታ ጋዓሢ ዋይዛዖ ዒዛም፦ «ፔቴ''ታዖ ዒጊጪፖ ጉሙርቂሢ ሌሊ ጉሙርቄ» ጌዔኔ። 
\v 37 ማዓዛ ዬሱሴ ጴፂሮሴና ያይቆኦቤና ያይቆኦቤኮ ጌርሲ ዮሓኒሴናይዳፓ ዓታዛ ዖኦኒያ ዒዛና ዓኣዻንዳጉዲ ኮይባኣሴ። 
\v 38 ዔያታ ዒያዒሮሴ ማኣሪ ሔላ''ዛ ዓሳ ዒኢካ ዲርጊ ዒላቲ ዒላቲ ዬኤካንቴ ዬሱሴ ዛጌኔ። 
\v 39 ዒማ''ና ዒዚ ጋሮ ጌላዖ፦ «ሓይ ዲርጋሢና ዬኤፖና ዓይጎሮዳይ? ናዔላ ጊጊንዓንዳፓዓቴም ሓሓይቂባኣሴ» ጌዒ ዔያቶም ኬኤዜኔ።
\p
\v 40 ዓሳ ዒዛኮ ሃይሶ ቦሃዖ ሚኢጬኔ፤ ዬሱሴ ጋዓንቴ ጉቤሢ ዙሎ'' ኬሲ''፥ ናዔሎኮ ዓዶና ዒንዶና ሓሣ ዒዛኮ ሓይሦ ጊንፆ ሓንታ ናኣቶ''ንሢና ዎላ'' ናዔላ ዓኣ ቤዞ ጌሌኔ። 
\v 41 ዒዚ ዒዞኮ ኩጮ ዓርቃዖ፦ «ፃሊታ ኩሚ!» ጌዔኔ። ጌይፃ «ዓንቆ፥ ታኣኒ ኔና ዔቄ! ጋዓኔ» ጌይሢኬ።
\p
\v 42 ዬና ናዔላ ታጶ ላምዖ ሌዔ ናይኬ፤ ቤዞማና ዒዛ ዔቃዖ ሴካ ሓንጋ ጌዒ ሓንቲሢ ዓርቄኔ፤ ዬይ ያዺ ማዔ ዎዶ''ና ዓሳ ዛጋዖ ሚርጌና ዲቃቲ ሄርሼኔ። 
\v 43 ጋዓንቴ ዬሱሴ ዔያቶም ዖኦማኣ ኬኤዙዋጉዲ ዶዲሺ ላታዖ፦ «ዒዞም ሙዖንዶ ባኣዚ'' ዒንጉዋቴ» ጌዔኔ።
\c 6
\s ዬሱሴ ናዚሬቴይዳ ዒፂንቴሢ
\r (ማቲ. 13፥53-58፤ ሉቃ. 4፥16-30)
\p
\v 1 ዬሱሴ ያፓ ቤዞ ሓሺ'' ፔኤኮ ዓጮ'' ካታሞ ሙኬኔ፤ ዒዛኮ ጊንፆ ሓንታዞንሢያ ዒዛ ጊንፆ ሙኬኔ። 
\v 2 ዓይሁዶኮ ሓውሾ ዓቦ''ና ዔያቶኮ ቡኪንቶ ቤዛ ዒዚ ዔርዚሢ ዓርቄኔ፤ ሚርጌ ዓሲ ዒኢካ ዓኣኔ፤ ዒዚ ኬኤዛሢ ዔያታ ዋይዛዖ፦ «ዓንካፓ ዒዚ ሓያ ቢያ ዴንቄይ? ዎዚጉዴ ዔራቶዳይ ዒዛም ዒንጊንቴሢ? ሓያ ዲቃሣ ዓኮ ባኮ ዎዲ'' ዒዚ ማዻይ?» ጌዒ ጌዒ ዒዛ ሄርሼኔ። 
\v 3 ጊንሣ ሓሣ ዔያታ ጋዓዖ፦ «ማዔቶዋ ሃይ ሚፆ ዓርሳ ሓኣማሢቱዓዳ? ዒንዴላ ዒዛኮ ማይራሞ ሓሣ ጌርሲንሢ ዒዛኮ ያይቆኦቤ፥ ዮሳ፥ ዪሁዳ፥ ሲሞኦኔንታ ጌሮንሢያ ዒዛኮ ሓይካ ኑኡና ዓኣዞንሢቱዓዳ?» ጌዒ ዒዚ ኬኤዛ ባኮ ዔኩዋዖ ሃሼ''ኔ።
\p
\v 4 ዬሱሴ ዔያቶም ኬኤዛዖ፦ «ፆኦሲ ማሊሢ ኬኤዛይ ሜሌ'' ዓሲ ኮራ ቦቦንቺንታኔ፤ ፔኤኮ ዓጮ''ይዳ፥ ፔኤኮ ዒጊኖ ባኣኮ''ና ፔኤኮ ማኣሮ ዓሶና ባኣካ'' ቦቦሂንታኔ» ጌዒ ማሄኔ። \x - \xo 6፥4 \xo*\xt ዮሓ. 4፥44።\xt*\x*
\p
\v 5 ዒዚ ዒኢካ ዻካ'' ሓርጊንቴ ዓሲኮ ሌሊ ዑፃ ኩጮ ጌሢ ፓሤያፓዓቴም ሜሌ'' ዓኪ ዲቃሣ ባኣዚ'' ማዺኒ ዳንዳዒባኣሴ። 
\v 6 ዓሶኮ ጉሙርቂሢ ባኣሢሮ ዒዚ ዲቃቴኔ፤ ዬካፓ ዬሱሴ ጉርዶ ባኣኮ'' ሓንቲ ሓንቲ ዔርዜኔ።
\s ዬሱሴ ታጶ ላምዖ ዳኪንቴዞንሢ ኮዦ ሃይሶ ኬኤዞም ዳኬሢ
\r (ማቲ. 10፥5-15፤ ሉቃ. 9፥1-6)
\p
\v 7 ዒዚ ታጶ ላምዖ ዒዛኮ ጊንፆ ሓንታ ናኣቶ'' ፔ ባንሢ ዔኤሊ'' ላምዖ ላምዖ ማሂ ዔያቶ ዳኬኔ፤ ዒዚ ዔያቶም ፑርቶ ዓያኖ ዑፆይዳ ዎልቄና ዓኣ ቢታንቶ ዒንጌኔ። 
\v 8 ዬሱሴ ዔያቶም ኪኢታዖ፦ «ዒንሢ ጎይፆኮ ኮኦሎ''ፓ ዓታዛ ጋላ፥ ጋላ ዓርቆ ሉካ''፥ ሚኢሼታቶዋ ቡራሻይዳ ዓጊ ዔኪፖቴ» ጌዒ ዓይሤኔ። \x - \xo 6፥8 \xo*\xt ሉቃ. 10፥4-11።\xt*\x* 
\v 9 ዒ ኬኤዛዖ፦ «ቶካ'' ዒንሢኮ ዱርሲ ዓኣሣንዳፓዓቴም ቃሲ'' ላምዖ ማኣዖ ማኣዒፖቴ፤ 
\v 10 ዓንካኣ ማዖም ዒንሢ ዓሲ ማኣሪ ጌሌቶ ዒኢካፓ ኬስካንዳያ ሄላ''ንዳኣና ዒማካ ዴዑዋቴ፤ 
\v 11 ዎካ ማዔቶዋ ዓሳ ዒንሢሲ ዔኩዋያና ዋይዙዋ ቤዛ ቢያ ዒንሢኮ ቶኮ'' ሲላሎ ፒፂ''ጋፓ ኬስኪ ዓኣዹዋቴ። ዬይ፦ ዔያቶም ‹ዒንሢና ዔሩዋቴ› ጋዓ ማርካ ማዓንዳኔ» ጌዔኔ። \x - \xo 6፥11 \xo*\xt ዳኪ. ማዾ'' 13፥51።\xt*\x*
\p
\v 12 ዬያሮ ዔያታ ኬስኪ ዓሳ ፔኤኮ ጎሞ ቡኡፃንዳጉዲ ኬኤዜኔ። 
\v 13 ዔያታ ሚርጌ ፑርታ ዓያናኣ ኬሴ''ኔ፤ ሓሣ ሚርጌ ሓርጊንቴ ዓሲ ዛይቴ ቲሺና ቲሽኪ ዓውሴኔ። \x - \xo 6፥13 \xo*\xt ያይ. 5፥14።\xt*\x*
\s ማስካ ዮሓንሴኮ ሓይቦ''
\r (ማቲ. 14፥1-12፤ ሉቃ. 9፥7-9)
\p
\v 14 ዬሱሴኮ ማዻ'' ቢያ ቤዞይዳ ዋይዚንቴሢሮ ካኣቲ ሄሮዲሴያ ዒዛ ዛሎ'' ዋይዜኔ። ፔቴ'' ፔቴ'' ዓሳ፦ «ማስካ ዮሓኒሴ ሃይባ''ፓ ዔቄኔ፤ ዬያሮ ሃይ ጉቤ ዋይዚንታ ባካ ዒዛና ማዺንታያኬ» ጋዓኔ።
\p
\v 15 ዓሳ ዛላ''፦ «ዒዚ ዔኤሊያሴኬ» ጋዓኔ፤ ዛላ'' ሃሣ፦ «ሚናኣ ፆኦሲ ማሊፆ ኬኤዛዞንሢዳፓ ፔቴ''ያኬ» ጋዓኔ። \x - \xo 6፥15 \xo*\xt ማቲ. 16፥14፤ ማር. 8፥28፤ ሉቃ. 9፥19።\xt*\x*
\p
\v 16 ዬያ ካኣቲ ሄሮዲሴ ዋይዛዖ፦ «ዬይ ታኣኒ ቶኦኮ'' ቲቂሴ ማስካ ዮሓኒሴታዖ ሓይባ''ፓ ዔቄያዋይ ሜሌ''ቱዋዋይ!» ጌዔኔ። 
\v 17 ሄሮዲሴ ፔኤኮ ጌርሲ ፒልጶሴ ማቾ ሄሮዲያዳ ዔኬም፥ 
\v 18 ዬያ ዛሎ''ና ማስካ ዮሓኒሴ፦ «ጌርሲ ማቾ ዔኮና ኔኤኒ ዻቤኔ» ጌዒ ጎሬሢሮ ካኣቲ ዒዛ ዓይሢ ቱኡሴኔ። \x - \xo 6፥18 \xo*\xt ሉቃ. 3፥9-20።\xt*\x*
\p
\v 19 ዬያሮ ሄሮዲያዳ ዮሓኒሴ ኮሚ ዎዺሳኒ ኮዔቶዋ ዒዛ ዳንዳዒባኣሴ። 
\v 20 ዓይጎሮ ጌዔቶ ካኣቲ ሄሮዲሴ ማስካ ዮሓኒሴ ጌኤሺ ሓሣ ፂሎ'' ዓሲ ማዔሢ ዔሪ ዒጊጪ ካፓሢሮኬ። ማስካ ዮሓኒሴ ኬኤዛ ዎዶ''ና ካኣቲ ዲቃታቶዋ ዎዛና ዒዛሲ ዋይዛኔ።
\p
\v 21 ማዓዛ ካኣቲ ሄሮዲሴ ፔኤኮ ሾይንቴ ኬሎ'' ቦንቻያ ማዔሢሮ ዓጮ'' ዎይሣ ዓሶና ፖኦሊሶኮ ሱኡጎና ፔቴ'' ፔቴ'' ጌሊላ ዓጮ''ይዳ ዔርቴ ዓሶናም ዼኤፒ ሙኡዚ'' ጊኢጊሼኔ፤ ዬና ሄሮዲያዳም ዒዞ ማሊፆና ካኣማያ ማዔኔ። 
\v 22 ዒማ''ና ሄሮዲያዳኮ ናኣ ሙዖ ቤዞ ጌሊ ኮፆና ካኣቲንታ ዒዛና ዎላ'' ዓኣ ዓሶዋ ዎዛሴሢሮ ካኣቲ ናዔሎም፦ «ኔኤኒ ኮዓ ባካ ዓይጌንዴ ማዔታቶዋ ዖኦጬ፥ ታኣኒ ዒንጋንዳኔ፤ 
\v 23 ታኣኮ ካኣቱሞኮ ዛሎ'' ማዔቶዋ ኔኤኒ ዖኦጬ ባኣዚ'' ቢያ ዒንጋንዳኔ» ጌዒ ጫኣቄኔ።
\p
\v 24 ዒዛ ዒንዶ ኮይላ'' ኬስኪ ዓኣዺ፦ «ዓይጎ ታ ዒዛ ዖኦጬቶ ቃራዳይ?» ጌዒ ዖኦጬኔ። ዒንዳ፦ «ማስካ ዮሓኒሴኮ ቶኦኮ'' ታኣም ዒንጌ ጌዒ ዖኦጬ» ጌዒ ማሄኔ።
\p
\v 25 ናዔላ ዑኬና ሩኡሪ ካኣቲ ባንሢ ማዒ ሙካዖ፦ «ማስካ ዮሓኒሴኮ ቶኦኮ'' ሃሢ ሓይማካ ጎንጊዳ ታኣም ኔ ዒንጋንዳጉዲ ታ ኮዓኔ» ጌዒ ዖኦጬኔ።
\p
\v 26 ሂዚ ጌዒ ዒዛ ዖኦጬሢሮ ካኣቲ ኮሺ'' ዖዬኔ፤ ጋዓንቴ ዒዛ ዖኦጬ ባኣዚ'' ኩንሣኒ ዒዛኮ ሾኦጮ ጉቤሢኮ ቤርታ ዒዚ ጫኣቄሢሮ ዒዚ ላኣጋኒ ዳንዳዒባኣሴ። 
\v 27 ዬያሮ ካኣቲ ዑኬና ፖኦሊሶይዳፓ ፔቴ''ስኬያ ማስካ ዮሓኒሴኮ ቶኦኮ'' ቲቂ ዔኪ ዬዓንዳጉዲ ዳኬኔ፤ ፖኦሊሳሢ ቱኡዞ ማኣሪ ዴንዲ ማስካ ዮሓኒሴኮ ቶኦኮ'' ቲቄኔ። 
\v 28 ቲቂንቴ ቶኦኮ'' ጎንጊዳ ዓጊ ዔኪ ናዔሎም ዒንጌኔ፤ ናዔላ ዔኪ ዒንዴሎም ዒንጌኔ። 
\v 29 ማስካ ዮሓኒሴኮ ጊንፆ ሓንታዞንሢ ዬያ ዋይዜ ዎዶ''ና ሙካዖ ሌዞ ዒዛኮ ዔኪ ዱኡኬኔ።
\s ዬሱሴ ዶንጎ ሺያ ዓሲ ሙኡዜሢ
\r (ማቲ. 14፥13-21፤ ሉቃ. 9፥10-17፤ ዮሓ. 6፥1-14)
\p
\v 30 ዳኪንቴዞንሢ ዳኪንቴ ቤዞይዳፓ ማዒ ዬሱሴ ኮራ ቡኬኔ፤ ዔያታ ማዼ ባኮና ዔርዜሢ ቢያ ዒዛም ኬኤዜኔ። 
\v 31 ዒዚ ዔያቶም፦ «ዒንሢሮ ሌሊ ታኣና ዎላ'' ዓሲባኣ ቤሲ ሙኪ ዻካ'' ሓውሹዋቴ» ጌዔኔ። ዬያ ዒ ጌዔሢ ዔያቶ ኮይላ'' ሙካ ዓሶና ዓኣዻ ዓሶና ሚርጋዛ፥ ሙዓኒያ ዔያቶም ማጌሢሮኬ። 
\v 32 ዬያሮ ዓሳባኣ ቤዞይዳ ዔያታ ሌሊ ማዓኒ ዋኣፆና ፒንቆ ጎንጎ ቶጊ ዓኣዼኔ።
\p
\v 33 ማዔቶዋ ዔያታ ዓኣዻኣና ሚርጌ ዓሲ ዔያቶ ዛጊ ዔሪ ፔኤኮ ካታማፓ ኬስኪ ቶኪና ጳሽኪ ጳሽኪ ዔያቶ ቢራዖ ዔያቶ ኮራ ቡኬኔ። 
\v 34 ዬሱሴ ዋኣፆና ፒንቆ ጎንጎይዳፓ ኬዳ''ኣና ሚርጌ ቡኬ ዴሮ'' ዛጋዖ ዔያታ ሄንቃ ዓሲባኣ ማራይጉዴያ ማዔሢሮ ዒዛኮ ዒና'' ዔያቶ ሚጪንቴኔ፤ ዬያሮ ዒዚ ሚርጌ ባኣዚ'' ዔርዚሢ ዓርቄኔ። \x - \xo 6፥34 \xo*\xt ፓይ. ማፃ 27፥17፤ 1ካኣቶ''. ማ 22፥17፤ 2ፆኦሲ. ዓሃኬ 18፥16፤ ሂዚ. 34፥5፤ ማቲ. 9፥36።\xt*\x* 
\v 35 ሳዓ ዓማኣ ጋዓዛ ዒዛኮ ጊንፆ ሓንታ ናኣታ'' ዒዛ ባንሢ ሙኪ፦ «ሳዓ ዓሜኔ፤ ቤዛ ሓይ ዔኤቢባኣ ዓሲ ናንጉዋ ዳውሎ''ኬ፤ 
\v 36 ሙዖ ባኣዚ'' ዓሶኮ ባኣሢሮ ሃይካ ጉርዶይዳፓ ዴንዲ ፔኤኮ ሙዖ ባኣዚ'' ሻንቃንዳጉዲ ዓሶ ዳኬ» ጌዔኔ።
\p
\v 37 ዬሱሴ ጋዓንቴ፦ «ዔያታ ሙዓንዳ ባኣዚ'' ዒንሢ ዔያቶም ዒንጉዋቴ» ጌዒ ማሄኔ። ዔያታ፦ «ሂዴቶ ዓሳ ሙዓንዳ ካሣ ፔቴ'' ዓሲ ላምዖ ፄኤታ ኬሊ'' ማዼም ዒንጊንታንዳ ሚኢሼና ሻንቂ ኑ ዒንጎንዶሞ?» ጌዒ ዖኦጬኔ።
\p
\v 38 ዬያሮ ዬሱሴ ዔያቶ ዖኦጫዖ፦ «ዓኣፒኒ ካሣ ዓኣቴ ሂንዳ ዴንዲ ዛጉዋቴ» ጌዔኔ። ዔያታ ዛጋዖ፦ «ዶንጎ ካሣና ላምዖ ሞሎስኬንሢና ዓኣኔ» ጌይ ኬኤዜኔ።
\p
\v 39 ዬሱሴ ፔ ጊንፆ ሓንታዞንሢም ዓሶ ፓቂ ፓቂ ቡጮይዳ ዴይሡዋቴ ጌዒ ዓይሤኔ። 
\v 40 ዬያሮ ዓሳ ዎሊ ጊንፆ ዛላ'' ፄኤታ ዛላ'' ዶንጊታሚ'' ማዒ ፓቂንቲ ፓቂንቲ ዴዔኔ። 
\v 41 ዬካፓ ዬሱሴ ዶንጎ ካፆንሢና ላምዖ ሞሎንሢያ ዔኪ ጫሪንጮ ባንሢ ዛጊ ፆኦሲ ጋላታዖ ቡንፂ ዒዛኮ ጊንፆ ሓንታ ናኣታ'' ዓሶም ጊሽካንዳጉዲ ዒንጌኔ፤ ሓሣ ላምዖ ሞሎንሢያ ቢያሢም ጊሽኬኔ። 
\v 42 ቢያሢ ሙዒ ሚሽኬኔ። 
\v 43 ዓሳ ሙዒ ሚሽካዛ ዓቴ'' ካሦና ሞላሢናኮ ዶንቦ ዒዛኮ ጊንፆ ሓንታ ናኣታ'' ታጶ ላምዖ ዳልጊ ሌማቴ ኩሙሢ ዔኬኔ። 
\v 44 ካሦ ሙዔ ዓሶይዳፓ ዓቲንቆ ፓይዳ'' ሌሊ ዶንጎ ሺያኬ።
\s ዬሱሴኮ ዋኣፆ ዑፃ ሓንቲፆ
\r (ማቲ. 14፥22-33፤ ዮሓ. 6፥15-21)
\p
\v 45 ዬሱሴ ዓሶ ዳካኣና ዒዛኮ ጊንፆ ሓንታዞንሢ ዑኬና ዋኣፆና ፒንቆ ጎንጎና ሱኮ ቤቴሳይዳ ጌይንታ ቤዞ ቢሪ ዒዛ ፒንቃንዳጉዲ ዒ ዓይሤኔ። 
\v 46 ዒዚ ዓሶ ኮሺ ዓኣዹዋቴ ጌዔሢኮ ጊንፃፓ ሺኢቃኒ ጌሜሪ ኬስኬኔ። 
\v 47 ሳዓ ዓማኣና ዋኣፆና ፒንቆ ጎንጋ ዋኣፆ ሳዛ'' ዓኣንቴ ዬሱሴ ፔኤሮ ሌሊ ሳዖይዳ ዓኣኔ። 
\v 48 ዒዛኮ ጊንፆ ሓንታዞንሢ ዔያቶኮ ቤርታ ዢባርሻ ዢባሮይዳፓ ዔቄያና ዋኣፆና ፒንቆ ጎንጎ ዒሾ ባሺንቲ ሚርጌ ሜታዻንቴ ዒዚ ዛጌኔ፤ ዬይ ያዺ ማዔሢ፦ ዹሞኮ ሴካ ባራሪ ኮይዳ ቂኢቃኣና ጉዴያናኬ፤ ዬሱሴ ባዞ'' ዑፃ ቶኪና ሓንቲ ሙካዖ ኮርሳ ዔያቶኮ ቢሪ ዓኣዻኒ ዑኬኔ። 
\v 49 ጋዓንቴ ዔያታ ዒዚ ዋኣፆ ዑፃ ሓንታንቴ ዛጋዖ ዓልጎ ዔኤዤ ዔያቶም ማላዛ ዒጊጪ ዒላቴኔ። 
\v 50 ቢያሢ ዒዛ ዛጋዖ ዲቃቴኔ።
\p ዒዚ ጋዓንቴ ቤዞማና፦ «ሓይ ዒንሢ ዎይታይ፤ ታናኬ ዒጊጪፖቴ» ጌዒ ዔያቶ ዶዲሼኔ። 
\v 51 ዬካፓ ዒዚ ዔያቶ ኮራ ዋኣፆና ፒንቆ ጎንጎ ጋሮ ጌላዛ ዢባራ ዢባርሺፆ ሓሼ''ኔ። ዒዛኮ ጊንፆ ሓንታ ናኣታ'' ጉቤ ሓያጉዴ ባኣዚ'' ጌዒ ኮሺ'' ዲቃቲ ሄርሼኔ። 
\v 52 ዓይጎሮ ጌዔቶ ዒና'' ዔያቶኮ ዶንጎ ካሦና ማዺንቴ ባኮ ጶቂሡዋያ ማዒ ዶጬሢሮኬ።
\s ዬሱሴ ጌንሴሬፄ ጎዖ ቤዛ ሓርጊንቴ ዓሶ ዓውሴሢ
\r (ማቲ. 14፥34-36)
\p
\v 53 ዔያታ ባዞ''ና ፒንቂ ጌንሴሬፄ ካታሞ ሄሌ''ኔ፤ ዋኣፆና ፒንቆ ጎንጎ ዔያታ ባዞ'' ዓጫ ዓኣ ሳዖ ባንሢ ዶጪሲ ቱኬ''ኔ። 
\v 54 ዔያታ ዋኣፆና ፒንቆ ጎንጎይዳፓ ኬኬዳ''ኣና ዓሳ ዬሱሴ ቤዞና ዔሬኔ። 
\v 55 ዬያሮ ዬሱሴ ዓኣዼ ቤዞይዳ ቢያ ዒዚ ዓኣ ቤዞ ዋይዜ ዓሳ ጉርዶ ባኣኮ'' ጳሽኪ ሓርጊንቴ ዓሶ ሓሎና ኬዲ ኬዲ ዒዛ ባንሢ ዔኪ ሙኪሢ ዓርቄኔ። 
\v 56 ዬሱሴ ዓኣዼ ቤዞይዳ ቢያ፦ ጉርዶ ባኣካ''፥ ካታሞይዳ፥ ካታሞ ዙላ'' ሓርጊንቴ ዓሶ ዒዛ ቤርቶ ዓሳ ቡኪንታ ቤዞ ዔኪ ዔኪ ሙካኔ፤ ዒዛኮ ዓፒሎ ዓጮ ዓርቃኒያ ዔያታ ሺኢቃኔ። ዓፒሎኮ ዓጮ ዓርቃሢያ ቢያ ዻቃኔ።
\c 7
\s ዓሳ ኬሴ'' ዎጎ ዬሱሴ ማኬሢ
\r (ማቲ. 15፥1-9)
\p
\v 1 ፔርሴ ዓሶና ዬሩሳላሜፓ ሙኬ ፔቴ'' ፔቴ'' ሙሴ ዔርዜ ዎጎ ዔርዛ ዓሶና ዬሱሴ ኮራ ቡኬኔ። 
\v 2 ዬሱሴኮ ጊንፆ ሃንታዞንሢዳፓ ፔቴ'' ፔቴ''ዞንሢ ሙሴ ዎጋ'' ዓይሣ ጎይፆ ጌኤሽኪባኣ ኩቺና ሙዓንቴ ዔያታ ዛጌኔ።
\p
\v 3 ፔርሴ ዓሶንታ ሓሣ ዓቴ'' ዓይሁዶ ዓሳ' ጪማ ዔያቶኮ ኬሴ'' ዎጎ ካፒፆና ኩጮ ፔኤኮ ኮሺ'' ማስቲባኣዖ ሙኡዚ'' ሙዑዋሴ። 
\v 4 ዬያጉዲ ቦኦካፓ ማዓዖዋ ማስቱዋዖ ሙዑዋሴ፤ ሓሣ ዑሺ ዑሽኮ ሜሄ፥ ዖቲ፥ ጎንጊ፥ ሻኣላ''፤ ዬያ ቢያ ማስኮ ባኣዚ''ና ዬያ ማላ ሜሌ'' ሚርጌ ዎጌ ዔያታ ካፓኔ።
\p
\v 5 ዬያሮ ፔርሴ ዓሶና ሙሴ ዔርዜ ዎጎ ዔርዛ ዓሶና፦ «ኔኤኮ ጊንፆ ሓንታዞንሢ ዓይጎሮ ጪማ ኬሴ'' ዎጎኮ ዑሣ ዓኣዻይ? ዓይጎሮ ዔያታ ኩጮ ማስቱዋዖ ሙዓይ?» ሂዚ ጌዒ ዬሱሴ ዖኦጬኔ።
\p
\v 6 ዒዚ ዔያቶም ማሓዖ፦ «ዒንሢ ዓሲ ዓኣፒም ሄርሺንቲሮ ማዻ ዓሳ! ዒሲያሴ ጎዖ ፆኦሲ ማሊፆ ኬኤዛሢ ዒንሢ ዛሎ'' ኬኤዛዖ፦
\q ‹ሓይ ዴራ'' ዻንጎና ታና ቦንቻኔ
\q2 ዒና'' ዔያቶኮ ታጊዳፓ ሚርጌ ሓኬያኬ፤
\q
\v 7 ዔያታ ዓሲ ዎጌ ዔርዚ ዔርዚ
\q2 ታና ጉሪ ሉኡዙሞና ካኣሽካያ ማላኔ› ጌዒ ኬኤዜሢ ጎኔኬ። \x - \xo 7፥7 \xo*\xt ዒሲ. 29፥13።\xt*\x*
\p
\v 8 «ዬያሮ ዒንሢ ፆኦሲ ዓይሢፆ ሓሺ'' ዓሲ ዎጌ ካፓኔ።»
\p
\v 9 ላሚ ዬሱሴ ዔያቶም ሂዚ ጌዔኔ፦ «ዒንሢኮ ዎጎ ዒንሢ ካፓኒ ጌዒ ፆኦሲ ዓይሢፆ ዒንሢ ሚርጌና ቦሂ ሓሻ''ኔ፤ 
\v 10 ሙሴ ‹ዓዶና ዒንዶና ቦንቼ፤ ዓዶና ዒንዶና ጫሽኬሢ ዎዎዺንቶንጎ› ጋዓኔ። \x - \xo 7፥10 \xo*\xt ኬሲ. ማፃ 2፥12፤ 21፥17፤ ሌዊ. ዓኬ 20፥9፤ ላሚ. ዎማ 5፥16።\xt*\x* 
\v 11 ጋዓንቴ ፔቴ'' ዓሲ ዓዶና ዒንዶና ማኣዶንዶሢ ሃሺ'' ዒንሢም፦ ‹ዓዶና ዒንዶናም ማዾንዶ ባኮ ዛሎ'' ቢያ ፆኦሲም ታ ዒንጎ ባኣዚ'' ዒንጌኔ› ጋዓዛ፥ 
\v 12 ዬይ ዓሢ ዓዶና ዒንዶና ማኣዱዋጉዲ ዒንሢ ዓይሣኔ፤ 
\v 13 ሂዲፆና ዒንሢ ዒንሢኮ ዔርዚፆ ካፓኒ ጌዒ ፆኦሲኮ ቃኣሎ'' ሓሻ''ኔ፤ ሓሣ ዬያጉዴ ባኣዚ'' ሚርጌ ዒንሢ ማዻኔ።»
\s ዓሲ ኪንሢና ዓኣያ ማሃ ባኣዚ''
\r (ማቲ. 15፥10-20)
\p
\v 14 ዬሱሴ ዴሮ'' ፔ ባንሢ ላሚ ዔኤሊ'' ሂዚ ጌዔኔ፦ «ቢያሢ ዒንሢ ኮሺ'' ዋይዙዋቴ፤ 
\v 15 ዓሲ ኪንሢና ዓኣያ ማሃ ባኣዚ'' ዓሲዳፓ ኬስካ ባኣዚ'' ማዓንዳኣፓዓቴም ዙልካፓ ጌላ ባኣዚ'' ዓሲ ኪንሢና ዓኣያ ማሁዋሴ።»\f + \fr 7፥15 \fr*\fq ፔቴ'' ፔቴ'' ሚናኣ ማፃኣፓ፦ ፓይዲ ጊዳ'' ቃሳ''ኔ፤ ዬና'' ቃኣሌ''ላ 4፥23 ጊዳ'' ዓኣዞ ማላኔ።\fq*\f*
\p
\v 17 ዬካፓ ዬሱሴ ዴሮ'' ሃሺ'' ኬኤፆ ጌላዛ ዒዛኮ ጊንፆ ሓንታ ናኣታ'' ዬኖ ጌይፄሎኮ ቡሊ''ፆ ኬኤዛንዳጉዲ ዖኦጬኔ። 
\v 18 ዒዚያ ዔያቶም ሂዚ ጌዒ ማሄኔ፦ «ዒንሢያ ሃሣ ዬያ ዔሩዋዓዳ? ዙልካፓ ዓሲኮ ዻንጋና ጎጲ ጌላ ባኣዚ'' ዓሲ ኪንሢና ዓኣያ ማሁዋኣሢ ዒንሢም ዔርቱዓዳ? 
\v 19 ዓይጎሮ ጌዔቶ ዻንጎና ጎጶ ጌሌዜላ ዙሎ'' ጊንሣ ኬስካኣፓዓቴም ዒና ባንሢ ጌሉዋሴ።» ዬያሮ ዬሱሴ ሙኡዚ'' ቢያ ሙዒንታኒ ዳንዳዓያ ማዔሢ ኬኤዜኔ።
\p
\v 20 ዬሱሴ ላሚ ሂዚ ጌዔኔ፦ «ዓሲ ኪንሢና ዓኣያ ማሃ ባኣዚ'' ዓሲዳፓ ኬስካ ባኣዚ''ኬ፤ 
\v 21 ዓሲኮ ጋርሲ ዒናፓ ኬስካ ፑርታ ባኣዚ''፦ ኮይሱዋ ጎይሢና ዞኦስካ ኮኦሚሢ፥ ዉሱሞ፥ ዓሲ ዎዺሢ፥ 
\v 22 ዓኒ ሃሣ ማቾ ማዒባኣያና ላሂሢ፥ ታዻቆ ጌዒሢ፥ ፑርቱሞ፥ ጌሺሢ፥ ፔ ሼኔና ሓንቲሢ፥ ቂኢሩሞ፥ ፑሽኪሢ፥ ዖቶርሞ፥ ማሊሢ ባይሱሞኬ። 
\v 23 ዓካሪ፡ ዬይ ፑርቶ ባካ ጉቤ ዓሲ ዒኔፓ ኬስኪ ዓሲ ጎማሳኔ።»
\s ፔቴ'' ላኣሊስኬኖኮ ጉሙርቂፆ
\r (ማቲ. 15፥21-28)
\p
\v 24 ዬካፓ ዬሱሴ ዔቂ ፂሮሴ ካታሞ ኮይሎይዳ ዓኣ ጉርዳ ዴንዲ ፔቴ'' ዓሲ ማኣሪ ጌላዖ ዒኢካ ዒ ዓኣሢ ዖኦኒያ ዔሩዋጉዲ ኮዔኔ፤ ጋዓንቴ ዒ ዓኣሺንታኒ ዳንዳዒባኣሴ። 
\v 25 ናይስኬና ዒዞኮ ፑርታ ዓያናና ዓርቂንቴ ላኣሊስኬና ዬሱሴ ዒኢካ ዓኣሢ ዋይዚ ዑኬና ሙካዖ ቶካ'' ዒዛኮ ሎኦሜኔ። 
\v 26 ላኣሌላ ሶኦሪያ ዓጪዳ ፖኖቄ ጌይንታ ቤስካ ሾይንቴ ጊሪኬ ዜርፃፓ ማዔያኬ፤ ዒዛ ዒዞኮ ናዔሎይዳፓ ፑርቶ ዓያኖ ዬሱሴ ኬሳ''ንዳጉዲ ሺኢቄኔ። 
\v 27 ዬሱሴ ጋዓንቴ፦ «ናኣቶ ሙዖ ዔኪ ካናቶም ዒንጊሢ ኮይሱዋሴ፤ ሂንዳ ቤርታዺ ናኣታ'' ሙዒ ሚሽኮንጎ» ዒዞም ጌዔኔ።
\p
\v 28 ዒዛ፦ «ጎኔኬ ጎዳሢዮ፤ ያዺ ማዔቶዋ ካናታ ጎንጎ ዴማ'' ናኣቶይዳፓ ዲኢኔሢ ሙሙዓያቱዓዳ» ጌዒ ዒዛም ማሄኔ።
\p
\v 29 ዬያሮ ዬሱሴ፦ «ዬያ ኔ ጌይፆና ፑርቶ ዓያና'' ኔኤኮ ናዔሎይዳፓ ኬስኬኔ፤ ማኣሪ ማዒ ዓኣዼ» ዒዞም ጌዔኔ።
\p
\v 30 ዒዛ ማኣሪ ማዒ ሙካንቴ ፑርቶ ዓያና'' ናዔሎይዳፓ ኬስኬሢሮ ናዔላ ኮሺ ሻኣሎ''ይዳ ላሂ ዓኣንቴ ዛጌኔ።
\s ዬሱሴ ዋይዚና ዻንጋና ባይቄ ዓሲስኬያ ፓሤሢ
\p
\v 31 ዬሱሴ ፂሮሴ ዓጫ''ፓ ኬስካዖ ሲዶና ጌይንታ ዓጮ''ና ታጶ ካታሞ ጌይንታ ዓጮ''ይዴና ጌዒ ጌሊላ ባዞ'' ሙኬኔ። 
\v 32 ዒማ''ና ዒኢካ ዒዛ ባንሢ ዋይዚና ዻንጋና ባይቄ ዓሲ ዓሳ ዔኪ ሙካዖ ዬሱሴ ዒዛ ዑፃ ኩጮ ጌሣንዳጉዲ ሺኢቄኔ። 
\v 33 ዬሱሴ ዓሶ ባኣካ''ፓ ዓሢ ዱማሲ ኬሳ''ዖ ዓሢኮ ዋዮይዳ ኬኤሎ'' ዳኬኔ፤ ሓሣ ጩቺያ ጩቲ'' ዒዛኮ ዒንዲርዞ ካኣሜኔ። 
\v 34 ዬማፓ ዬሱሴ ሌካ ጫሪንጮ ባንሢ ዛጊ፥ ሚጪንቲ «ዪይያ!» ጋዓዖ፦ «ዔፓታ» ጌዔኔ። ዬኖ ጌይፃ «ቡሊ''ንቴ» ጌይሢኬ።
\p
\v 35 ዬማ ጋዓኣና ዓሢኮ ዋዮና ዒንዲርዞና ቡሊ''ንቴም ሜታባኣያ ጌኤሺ'' ጌስቲሢ ዓርቄኔ። 
\v 36 ዬሱሴ ዬያ ዖኦማኣ ኬኤዙዋጉዲ ዓሶ ዓይሤኔ፤ ጋዓንቴ ዔያቶም ኬኤዙዋጉዲ ዓይሤሢዳፓ ባሼ ዔያታ ኬኤዜኔ። 
\v 37 ዬያ ዋይዜሢ ቢያ ሚርጌና «ሃያጉዴ ባኣዚ''» ጌዒ ዲቃቲ ሄርሺሢና፦ «ጉቤ ባኣዚ'' ኮሺ ማዻኔ፥ ዋያ ባይቄሢ ዋይዛንዳጉዲ፤ ዻንጋ ባይቄሢያ ጌስታንዳጉዲ ማሃኔ» ጌዔኔ።
\c 8
\s ዬሱሴ ዖይዶ ሺዮ ዓሶ ሙኡዜሢ
\r (ማቲ. 15፥32-39)
\p
\v 1 ዬማና ላሚ ሓሣ ሚርጌ ዴሬ ቡኬኔ። ዬያ ቡኬ ዓሶኮ ሙዖንዶ ባኣዚ'' ባኣሢሮ ዬሱሴ ዒዛኮ ጊንፆ ሓንታ ናኣቶ'' ፔ ባንሢ ዔኤላ''ዖ ሂዚ ጌዔኔ፦ 
\v 2 «ሓይ ዓሳ ሃኣዛጉዋቴ ሃይሦ ኬሊ'' ሄላ''ንዳኣና ታኣና ዎላ''ኬ፤ ሓሣ ሙዖንዶ ባኣዚ'' ዔያቶኮ ባኣሢሮ ታና ሚቻኔ፤ 
\v 3 ዛላ'' ዔያቶኮ ሃኬይዳፓ ሙኬያኬ፤ ሓያ ናዮና ታኣኒ ዔያቶ ዳኬቶ ጎይፃ ዔያታ ላባ''ንዳኔ» ጌዔኔ።
\p
\v 4 ዒዛኮ ጊንፆ ሓንታ ናኣታ''፦ «ሂዴቶ ሓያ ዳውሎ'' ቦኦሎ''ይዳ ሓያ ዓሶም ቢያ ጊዳ ሙኡዚ'' ዴንቃኒ ዳንዳዓይ ዖናዳይ?» ጌዔኔ።
\p
\v 5 ዬሱሴ ዔያቶም፦ «ዓኣፒኒ ካሣ ዒንሢኮ ዓኣይ?» ጌዒ ዔያቶ ዖኦጬኔ፤ ዔያታ፦ «ላንካይ ካሣ ዓኣኔ» ጌዔኔ።
\p
\v 6 ዒዚ ዓሳ ሳዓ ዴዓንዳጉዲ ዓይሣዖ ላንካዎ ካሦንሢ ዔኪ ፆኦሲ ጋላታዖ ቡንፂ ዴሮ''ም ጊሽካንዳጉዲ ዒዛኮ ጊንፆ ሓንታ ናኣቶ''ም ዒንጋዛ፥ ናኣታ'' ዓሶም ጊሽኬኔ። 
\v 7 ዔያቶኮ ሓሣ ዻካ'' ሞላ ዓኣንቴ ዬንሢሮዋ ጋላታዖ ዴሮ''ም ዒንጋንዳጉዲ ዓይሤኔ። 
\v 8 ዓሳ ቢያ ሙዒ ሚሽካዛ ዓቴ'' ዶንቦ ዔያታ ላንካይ ዳልጊ ሌማቴ ኩንሢ ዔኬኔ። 
\v 9 ዬያ ሙዔ ዓሶኮ ፓይዳ'' ዖይዶ ሺያ ኩማንዳያኬ፤ ዬሱሴ ዔያቶ ዳኬሢኮ ጊንፃ፥ 
\v 10 ዒዛኮ ጊንፆ ሓንታ ናኣቶ''ና ዎላ'' ዋኣፆና ፒንቆ ጎንጎ ጋሮ ጌሊ ዳልማኑታ ጌይንታ ዓጮ ዓኣዼኔ።
\s ፔርሴ ዓሶኮ ዲቃሣ ዓኪ ባኣዚ'' ማዺንታንዳጉዲ ዖኦጪፆ
\r (ማቲ. 16፥1-4)
\p
\v 11 ፔርሴ ዓሳ ዬሱሴ ባንሢ ሙኪ ዒዛና ዎላ'' ማርሞ ዓርቄኔ፤ ዔያታ ዒዛ ጌኤሲና ፒራኒ ኮዓዖ ፆኦሲዳፓ ማዔያ ዓኪ ዲቃሣ ባኣዚ'' ዻዋንዳጉዲ ዒዛ ዖኦጬኔ። \x - \xo 8፥11 \xo*\xt ማቲ. 12፥38፤ ሉቃ. 11፥16።\xt*\x* 
\v 12 ዬሱሴ ዒማ''ና ፔ ዒና ጋርሲም ጌስታዖ፦ «ሃኖ'' ዎዶ'' ዓሳ ዲቃሣ ዓኪ ባኣዚ'' ማዺንታንዳጉዲ ዓይጎሮ ኮዓይ? ጎኔ ታ ዒንሢም ጋዓኔ፤ ፔቴ''ታዖ ዔያቶም ጎኑሞ ዔርዛ ባኣዚ'' ማዺንታዓኬ» ጌዔኔ። \x - \xo 8፥12 \xo*\xt ማቲ. 12፥39፤ ሉቃ. 11፥29።\xt*\x*
\p
\v 13 ዒዚ ዔያቶ ሃሻ''ዖ ላሚ ዋኣፆና ፒንቆ ጎንጎና ባዞ''ኮ ሶንጌኖ ሱኮ ፒንቄኔ።
\s ፔርሴ ዓሶና ሄሮዲሴናኮ ሙኑቆ ፃኣዞ ኮኦኪንሦ
\r (ማቲ. 16፥5-12)
\p
\v 14 ዒዛኮ ጊንፆ ሓንታ ናኣታ'' ጋላ ዔካንዳዖ ዋላ''ዛ ዋኣፆና ፒንቆ ጎንጎይዳ ዓኣ ዓሶኮ ፔቴ'' ካሣይዳፓ ዓታዛ ዓኣ ባኣዚ'' ባኣሴ። 
\v 15 ዬሱሴ፦ «ፔርሴ ዓሶና ሄሮዲሴናኮ ሙኑቆ ፃኣዞይዳፓ ካፒንቱዋቴ» ጌዔኔ። \x - \xo 8፥15 \xo*\xt ሉቃ. 12፥1።\xt*\x*
\p
\v 16 ዔያታ ዎሊ ኮይላ''፦ «ዒዚ ዬያ ጌዔሢ ኑኡኮ ጋላ ባኣሢሮ ናንዳኔ» ጌዒ ዞርቲሢ ዓርቄኔ።
\p
\v 17 ዬሱሴ ዬያ ማሊፆ ዔያቶኮ ዔራዖ ሂዚ ዔያቶም ጌዔኔ፦ « ‹ካሣ ኑኡኮ ባኣሢሮኬ› ጌይ ዒንሢ ዓይጎሮ ማላይ? ሓማ ሄላ''ንዳኣና ዒንሢ ማሊ ጶቂሡዋያ ሓሣ ዒንሢም ዔርቱዋያዳ? ዒና'' ዒንሢኮ ዔኩዋያ ማዒ ሃጊ ዶጬ ጎይሣዳ? 
\v 18 ዓኣፓ ዒንሢኮ ዛጉዋዓዳ? ዋያ ዒንሢኮ ዋይዙዋዓዳ? ዎዲ'' ዒንሢ ኮይላ'' ማሊንቱዋይ! \x - \xo 8፥18 \xo*\xt ዔር. 5፥21፤ ሂዚ. 12፥2፤ ማር. 4፥12።\xt*\x* 
\v 19 ሃያኮ ቤርታ ዶንጎ ካሦንሢ ዶንጎ ሺዮ ዓሶም ታኣኒ ቡንፂ ዒንጌ ዎዶ''ና ዶንቦ ዒንሢ ዓኣፒኒ ሌማቴ ኩሙሢ ዔቂሴይ» ጋዓዛ፥ ዔያታ፦ «ታጶ ላምዖ ሌማቴ ኩሙሢ» ጌዔኔ።
\p
\v 20 ሓሣ ዒዚ፦ «ታኣኒ ላንካዎ ካሦ ዖይዶ ሺዮ ዓሶም ቡንፂ ዒንጌ ዎዶ''ና ዓኣፒኒ ሌማቴ ኩሙሢ ሃሾና ዶንባ ዒንሢ ዔኬይ?» ጌዒ ዔያቶ ዖኦጬኔ። ዔያታኣ፦ «ላንካይ ዳልጊ ሌማቴ ኩሙሢ» ጌዒ ማሄኔ።
\p
\v 21 ዒዚ ዒማ''ና «ሂዳዖ ሓማ ሔላንዳኣና ዒንሢ ጶቂሡዋያዳ?» ዔያቶም ጌዔኔ።
\s ዬሱሴ ቤቴሳይዳይዳ ፔቴ'' ዓኣፒ ባይቄ ዓሲስኬያ ፓሤሢ
\p
\v 22 ዔያታ ቤቴሳይዳ ሄላ''ዛ ዓሳ ፔቴ'' ዓኣፒ ባይቄ ዓሲ ዬሱሴ ኮራ ዔኪ ሙካዖ ዒዚ ፔ ኩጮና ካኣማንዳጉዲ ዒዛ ሺኢቄኔ። 
\v 23 ዬሱሴ ዓኣፓ ባይቄ ዓሢኮ ኩጮ ዓርቂ ጎቺ ጉርዶ ባኣካ''ፓ ኬሳ''ዖ ዓሢኮ ዓኣፖይዳ ጩቴሢኮ ጊንፃፓ ዓኣፖ ዒዛኮ ካኣማዖ «ዻካ'' ኔኤም ዔኤቢ ጴዻ» ጌዒ ዒዛ ዖኦጬኔ።
\p
\v 24 ዓኣፓ ባይቄሢ ዼ'ግ ጌዒ ዛጋዖ፦ «ሂዮ ታኣኒ ዓሲ ዴንቃኔ፤ ጋዓንቴ ዔያታ ዓጊፃ ሚሢ ማላኔ» ጌዔኔ።
\p
\v 25 ዬሱሴ ዓሢኮ ዓኣፖይዳ ኩጮ ላሚ ጌሤኔ፤ ዬማና ዓሢ ጌኤሺ'' ዛጌኔ፤ ዓኣፓኣ ዻቄኔ፥ ቢያ ባኣዚ'' ጌኤሺ'' ዛጊሢ ዓርቄኔ። 
\v 26 ዬካፓ ዬሱሴ ዒዛም፦ «ጉርዶ ባኣኮ'' ዓኣዺፖ» ጌዒ ዓይሢ ማኣሪ ዳኬኔ።
\s ጴፂሮሴኮ ዬሱሴ ዛሎ'' ማርካቶ
\r (ማቲ. 16፥13-20፤ ሉቃ. 9፥18-21)
\p
\v 27 ዬካፓ ዬሱሴና ዒዛኮ ጊንፆ ሓንታ ናኣቶ''ና ፒልጶሴ ቂሳሪያ ጌይንታ ካታሞኮ ኮይላ'' ዓኣ ጉርዶ ባንሢ ዴንዲ ዴንዲ ጎይፃ ዓኣዖ፦ «ዓሳ ታና ዖናኬ ጋዓይ?» ጌዒ ዒዛኮ ጊንፆ ሓንታዞንሢ ኮራ ዖኦጬኔ።
\p
\v 28 ዔያታ ማሓዖ፦ «ዛላ'' ኔና ማስካ ዮሓኒሴኬ ጋዓኔ፤ ሓንጎዋታ ኔና ዔኤሊያሴኬ ጋዓኔ፤ ዓቴ'' ዓሳ ሓሣ ዖሲ ማሊፆ ኬኤዛዞንሢዳፓ ፔቴ''ያኬ ኔና ጋዓኔ» ጌዔኔ። \x - \xo 8፥28 \xo*\xt ማር. 6፥14-15፤ ሉቃ. 9፥7-8።\xt*\x*
\p
\v 29 «ዒንሢ ታና ዖናኬ ጋዓይ?» ጌዒ ዒዚ ዔያቶ ዖኦጬኔ። ጴፂሮሴ ማሓዖ፦ «ኔኤኒ ሜሲሔኬ»\f + \fr 8፥29 \fr*\fq ሜሲሔኬ፦ \fq*\ft ሜሲሔ ሃሣ ጊንሣ ኪሪስቶሴ ጌይፃ ዔብሬ ዓሶ ሙኡጮና ካኣቱሞም ዓርቆናያ (ዶኦሞናያ) ጌይሢኬ።\ft*\f* ጌዒ ማሄኔ። \x - \xo 8፥29 \xo*\xt ዮሓ. 6፥68-69።\xt*\x*
\p
\v 30 ዬሱሴ ዔያቶ፦ «ታ ዛሎ'' ዖኦማኣ ኬኤዚፖቴ» ጌዔኔ።
\s ዬሱሴ ዒዛ ሄላ''ንዳ ሜቶ''ና ሓይቦ''ና ዛሎ'' ኬኤዜሢ
\r (ማቲ. 16፥21-28፤ ሉቃ. 9፥22-27)
\p
\v 31 ዬሱሴ ፔኤኮ ጊንፆ ሓንታ ናኣቶ'' ሂዚ ጌዒ ዔርዚሢ ዓርቄኔ፦ «ዓሲኮ ናዓሢ ሚርጌ ሜቶ ዔካንዳያ ኮይሳኔ፤ ዓይሁዶ ጪሞና ቄኤሶኮ ሱኡጎና ሃሣ ሙሴ ዔርዜ ዎጎ ዔርዛዞንሢና ቤርታ ቦሂንታንዳኔ፤ ሓይቂያ ሓይቃንዳኔ። ማዔቶዋ ሓይሦ ዓቢኮ ጊንፃፓ ሓይባ''ፓ ዔቃንዳኔ።» 
\v 32 ዒዚ ዬያ ዔያቶም ጋፕዲ ፔጋሲ ኬኤዛዛ ጴፂሮሴ ዒዛ ዱማሲጋፓ፦ «ያዺ ጌዒፖ» ጌዒ ዒዛ ጎሬኔ። 
\v 33 ጋዓንቴ ዬሱሴ ዒዛኮ ጊንፆ ሓንታ ናኣቶ'' ባንሢ ሺሪ ዛጋዖ፦ «ኔኤኒ ፃላሄ ታ ኮራፓ ሺኢኬ፤ ኔኤኮ ማሊፃ ፆኦሲዳፓቱዋሴ፥ ዓሲዳፓኬ» ጌዒ ጴፂሮሴ ጎሬኔ።
\s ዬሱሴ ጊንሢ ሓንቲሢ ጪጊሳ ባኣዚ''
\r (ማቲ. 10፥38-39፤ 16፥24-28፤ ሉቃ. 9፥23-27፤ 14፥26-27)
\p
\v 34 ዬካፓ ዬሱሴ ዴሮ''ንታ ዒዛኮ ጊንፆ ሓንታ ናኣቶ''ንታ ፔ ባንሢ ዔኤላ''ዖ ሂዚ ጌዔኔ፦ «ዖናታቶዋ ታኣና ዎላ'' ሃንታኒ ናሽካሢ ፔና ሓሺ''፥ ሃይቢም ጊኢጌያ ማዒ ታ ጊንፆ ሓንቶንጎ።» \x - \xo 8፥34 \xo*\xt ማቲ. 10፥38፤ ሉቃ. 14፥27።\xt*\x* 
\v 35 ዖናታቶዋ ፔ ናንጎ ዓይሳኒ ናሽካሢ ዒዞ ባይዛንዳኔ፤ ጋዓንቴ ታናንታ ታኣኮ ኮዦ ሓይሶ ዛሎ''ሮ ፔኤኮ ናንጎ ዓኣሢ ዒንጋሢ ጋዓንቴ ናንጎ ፔኤሲ'' ባይዛዓኬ፤ \x - \xo 8፥35 \xo*\xt ማቲ. 10፥39፤ ሉቃ. 17፥33፤ ዮሓ. 12፥25።\xt*\x* 
\v 36 ዓሲ ሳዖይዳ ዓኣ ባኮ ቢያ ዴንቃዖ ፔኤኮ ናንጎ ባይዜቶ ዓይጎ ማኣዳ''ይ? 
\v 37 ሓሣ ዓሲ ፔ ናንጎ ቤዞ ዓይጎ ጪጋኒ ዳንዳዓይ? 
\v 38 ፆኦሲ ቦንቹዋ፥ ጎሞ ዓሶ ሾይንቶ ሓያ ቤርታ ታ ዛሎ''ንታ ታኣኒ ዔርዜ ባኮ ዛሎ''ዋ ኬኤዛኒ ቦርሲንታ ዓሲዳ ቢያ ዓሲኮ ናዓሢያ ፔ ዓዶኮ ቦንቾና ሃሣ ጌኤዦ ኪኢታንቾናኣ ዎላ'' ሙካዖ ዬያ ዓሢዳ ቦርሲንታንዳኔ።
\c 9
\p
\v 1 ሓሣ ዬሱሴ ዔያቶም ሂዚ ጌዔኔ፦ «ጎኔ ታ ዒንሢም ጋዓኔ፤ ሓሢ ሃይካ ዓኣ ዓሶ ባኣካ'' ፆኦሲ ካኣቱማ ዎልቄና ዬዓኣና ዛጋንዳያ ሄላ''ንዳኣና ፔቴ'' ፔቴ'' ሓይቂንዱዋ ዓሲ ዓኣኔ።»
\s ዬሱሴኮ ዓውካሮ ላኣሚንቶ
\r (ማቲ. 17፥1-13፤ ሉቃ. 9፥28-36)
\p
\v 2 ላሆ'' ዓቢኮ ጊንፃፓ ዬሱሴ ጴፂሮሴንታ ያይቆኦቤንታ ዮሓኒሴንታ ሌሊ ፔኤና ዎላ'' ዔኪ ፑኡፒ ዹካ ኬስካዛ ዔያቶኮ ቤርታ ዒዛኮ ዓውካራ ላኣሚ''ንቲ ጴዼኔ። \x - \xo 9፥2 \xo*\xt 2ጴፂ. 1፥17-18።\xt*\x* 
\v 3 ዓፒላ'' ዒዛኮ ኮሺ'' ቦኦሬኔ፤ ዓጪዳ ዖኦኒያ ማስኪ ጌኤሺ'' ቦኦሪሳያይዳፓ ዑሣ ዓኣዼ ቦኦሬኔ። 
\v 4 ዬማና ዔኤሊያሴና ሙሴና ጴዺ ዬሱሴና ዎላ'' ጌስታንቴ ዔያታ ዴንቄኔ። 
\v 5 ጴፂሮሴ ዬሱሴ ኮራ፦ «ዔርዛሢዮ! ሓይካ ኑ ናንጋቴ ኮሺኬ፤ ዬያሮ ፔቴ'' ኔኤም፥ ፔቴ'' ሙሴም፥ ፔቴ'' ዔኤሊያሴም ማዓያ ሓይሦ ዉዲ ኑኡኒ ማዦም» ጌዔኔ። 
\v 6 ዔያታ ሓይሣሢ ኮሺ'' ዲቃቲ ዓኣሢሮ ጴፂሮሴ ፔኤሮ ዓይጎ ጋዓቴያ ዔሪባኣሴ።
\p
\v 7 ሻኣሬ ዔያቶ ሙኪ ባይዜኔ፤ ባይዜ ሻኣሮይዳፓ፦ «ሓይ ታኣኮ ታኣኒ ናሽካ ናዓሢኬ፤ ዒዚ ጋዓሢ ዋይዙዋቴ» ጋዓ ዑኡሲ ዋይዚንቴኔ። \x - \xo 9፥7 \xo*\xt ማቲ. 3፥17፤ ማር. 1፥11፤ ሉቃ. 3፥22።\xt*\x* 
\v 8 ቤዞማና ሺሪ ዔያታ ዛጋዖ ዬሱሴፓ ዓታዛ ሜሌ'' ዖናኣ ዴንቂባኣሴ።
\p
\v 9 ዹካ''ፓ ዔያታ ኬዳ''ኣና ዬሱሴ፦ «ዒንሢ ዛጌ ባኮ ዓሲኮ ናዓሢ ሓይቂ ሓይባ''ፓ ዔቃንዳያ ሄላ''ንዳኣና ዖኦማኣ ኬኤዚፖቴ» ጌዔኔ።
\p
\v 10 ዬያ ዒ ጌዔ ባኮ ዔያታ ዋይዚ ዔኬኔ፤ ጋዓንቴ፦ «ሃይቢፓ ዔቂሢ ጌይሢ ዎዚ ጌይሢዳይ?» ጌዒ ዎላ'' ጌስቴኔ። 
\v 11 «ሙሴ ዔርዜ ዎጎ ዔርዛ ዓሳ ዔኤሊያሴ ቤርታ ሙካኒ ኮይሳኔ ዓይጎሮ ጋዓይ?» ጌዒ ዔያታ ዬሱሴ ኮራ ዖኦጬኔ። \x - \xo 9፥11 \xo*\xt ሚል. 4፥5፤ ማቲ. 11፥14።\xt*\x*
\p
\v 12 ዒዚ ዔያቶም፦ «ጎኔኬ፤ ዔኤሊያሴ ቤርታዺ ሙካኒና ጉቤ ባኮ ጊኢጊሻኒ ኮይሳኔ፤ ማዔቶዋ ዓሲ ናይ ሜቶ ዔካንዳሢና ቦሂንታንዳሢያ ፃኣፒንቲ ባኣዓዳ? 
\v 13 ታኣኒ ዒንሢም ኬኤዛኔ፦ ዔኤሊያሴ ቤርታዺ ሙኬኔ፤ ቤርታዺ ዒዛ ዛሎ'' ፃኣፒንቴሢጉዴያ ዓሳ ኮዓ ባኮ ቢያ ዒዛይዳ ማዼኔ» ጌዔኔ።
\s ፑርታ ዓያና ዓርቄ ናይስኬያ ዬሱሴ ዓውሴሢ
\r (ማቲ. 17፥14-21፤ ሉቃ. 9፥37-43)
\p
\v 14 ዬሱሴንታ ዒዛና ዎላ'' ዹኮ'' ኬስኬ፥ ዒዛ ጊንፆ ሓንታ ሓይሦንሢንታ ሓንጎ ዓቴ'' ጊንፆ ሓንታዞንሢ ኮይላ'' ሙካንቴ ሚርጌ ዴሬ ዔያቶ ኮራ ቡኪ፤ ሓሣ ሙሴ ዔርዜ ዎጎ ዔርዛ ዓሳኣ ዔያቶና ዎላ'' ማርማኔ። 
\v 15 ዒኢካ ዓኣ ዴራ'' ዬሱሴ ዛጌ ዎዶ''ና ሚርጌ ዲቃቲ ሄርሻዖ ዒዛ ባንሢ ጳሽኪ፦ «ኮሺዳ?» ጌዔኔ። 
\v 16 ዬሱሴ ዒዛኮ ጊንፆ ሓንታ ናኣቶ'' ኮራ፦ «ዔያቶና ዎላ'' ዒንሢ ማርማሢ ዓይጎዛላዳይ?» ጌዒ ዖኦጬኔ።
\p
\v 17 ዴሮ'' ባኣካ''ፓ ፔቴ'' ዓሲ ሂዚ ጌዔኔ፦ «ዔርዛሢዮ! ጌስቲሱዋ ፑርታ ዓያና ዓርቄ ናይ ታ ኔ ኮራ ዔኪ ሙኬኔ። 
\v 18 ዔቄ ዎዶ''ና ሳዓ ዒዛ ጳዺሳኔ፤ ዻንጎና ዱባሲ ዓቺ ዻይሲሳኔ፤ ዑፆዋ ዒዛኮ ሜልዚ ሌሲ''ጉዲ ማሃኔ፤ ዬያ ፑርቶ ዓያኖ ዒዛይዳፓ ኬሳ''ንዳጉዲ ኔኤኮ ጊንፆ ሓንታ ናኣቶ'' ታ ዖኦጬያታንቴ ዔያታ ኬሳ''ኒ ዳንዳዒባኣሴ።»
\p
\v 19 ዬሱሴ ዔያቶም ሂዚ ጌዔኔ፦ «ዒንሢ ጉሙርቁዋ ዓሳ ዓይዴ ሄላ''ንዳኣና ታ ዒንሢና ዎላ'' ናንጋንዳይ? ዓይዴ ሄላ''ንዳኣና ታኣኒ ጊባንዳይ? ሂንዳ ናዖ ታ ባንሢ ዔኪ ሙኩዋቴ።» 
\v 20 ዔያታ ናዓሢ ዬሱሴ ባንሢ ዔኪ ሙኬኔ፤ ፑርቶ ዓያና'' ዬሱሴ ዴዴንቃዖ ናዖ ሳዓ ጳዺሳዛ ናዓሢያ ሳዓ ኮላዺ ዻንጎና ዱባ ዬይሴኔ። 
\v 21 ዬሱሴ ናዖኮ ዓዶ ኮራ፦ «ዓይዳፓ ዓርቂ ሃይ ናዓሢ ሃያይዳይ?» ጌዒ ዖኦጬኔ።
\p ናዖኮ ዓዴ ማሓዖ፦ «ዓኣላ'' ዓኣንቴ ዓርቃዖኬ፤ 
\v 22 ፑርቶ ዓያና'' ዒዛ ዎዻኒያ ሚርጌ ዎዴና ታሚዳ፥ ዋኣሢዳ ኬኤራሢሮ ኔኤም ዳንዳዒንታቴ ሃዳራ ኑና ሚጪንቲ ማኣዴ''» ጌዔኔ።
\p
\v 23 ዬሱሴ፦ «ኔኤም ዳንዳዒንታቶ ኔኤኒ ዎይቲ ጋዓይ? ጉሙርቃሢም ቢያ ባኣዚ'' ዳዳንዳዒንታኔ!» ጌዔኔ።
\p
\v 24 ቤዞና ናዖኮ ዓዴ፦ «ጉሙርቂፆ ታ ጉሙርቃኔ፤ ጋዓንቴ ጉሙርቂሢ ፓጪሢፓ ታና ማኣዴ''» ጌዒ ዒላቴኔ።
\p
\v 25 ዓሳ ዲርጊ ዬዓሢ ዬሱሴ ዛጋዖ ፑርቶ ዓያናሢም፦ «ሓይ ኔኤኒ ናዖኮ ዋዮና ዻንጎና ባይቄያ ማሄ ዓያናሢዮ ናዓሢዳፓ ኔኤኒ ኬስካንዳጉዲ፥ ላሚ ጊንሣ ኔኤኒ ዒዛይዳ ጌሉዋጉዲ ታ ኔና ዓይሣኔ!» ጌዒ ጎሬኔ።
\p
\v 26 ፑርቶ ዓያናሢ ዼኤፒ ዑኡሲና ዒላታዖ ናዓሢያ ሚርጌና ባርዲሴሢኮ ጊንፃ ኬስካዛ ናዓሢ ሓይቄ ሌሲ''ጉዲ ማሌሢሮ ሚርጌ ዓሳ ሓይቄኔ ጌዔኔ። 
\v 27 ጋዓንቴ ዬሱሴ ናዓሢኮ ኩጮ ዓርቂ ዔቂሴኔ፥ ናዓሢያ ዔቄኔ።
\p
\v 28 ዬካፓ ዬሱሴ ማኣሪ ጌሌሢኮ ጊንፃ ዒዛኮ ጊንፆ ሓንታ ናኣታ'' ዒዛ ዱማሲ፦ «ዓይጎሮ ኑኡኒ ፑርቶ ዓያኖ ኬሳ''ኒ ዳንዳዒባኣይ?» ጌዒ ዖኦጬኔ።
\p
\v 29 ዬሱሴ ኬኤዛዖ፦ «ሓያ ጉዴሢ ሺኢጲሢና ሃሣ ሙኡዚ'' ሓሺ'' ሺኢቂሢና ማዒባኣታቶ ሜሌ'' ዓይጎና ኬስኩዋሴ» ጌዔኔ።
\s ዬሱሴ ዒዛ ሄላ''ንዳ ሜታሢና ሓይቦ''ና ዛሎ'' ሃሣ ኬኤዜሢ
\r (ማቲ. 17፥22-23፤ ሉቃ. 9፥43-45)
\p
\v 30 ዬሱሴና ዒዛኮ ጊንፆ ሓንታ ናኣቶ''ና ዬኖ ቤዞ ሓሺ'' ጌሊላ ዓጮና ቲቂ ዴንዴኔ፤ ዬሱሴ ዒዚ ዓኣ ቤዞ ዖኦኒያ ዔራንዳጉዲ ኮዒባኣሴ። 
\v 31 ዓይጎሮ ጌዔቶ ዒማ''ና ዒዚ ፔኤኮ ጊንፆ ሓንታ ናኣቶ''፦ «ዓሲኮ ናዓሢ ዓሲ ኩሽካ ዓኣሢ ዒንጊንታንዳኔ፤ ዔያታኣ ዒዛ ዎዻንዳኔ፤ ሓይቄሢኮ ጊንፃ ሓይባ''ፓ ሓይሣሳ ኬሎ''ና ዔቃንዳኔ» ጌዒ ዔርዚሢዳ ዓኣሢሮኬ።
\p
\v 32 ዒዛኮ ጊንፆ ሓንታዞንሢም ዬይ ዒ ጌዔ ባካ ዔርቲባኣሴ፤ ማዔቶዋ ማሂ ዒዛ ዖኦጫኒ ዔያታ ዒጊጬኔ።
\s ቢያፓ ባሼ ዖናዳይ?
\r (ማቲ. 18፥1-5፤ ሉቃ. 9፥46-48)
\p
\v 33 ዬሱሴና ዒዛኮ ጊንፆ ሓንታዞንሢና ቂፒርናሆሜ ዓጮ'' ሙኪ ማኣሪ ጌሌስካፓ ዬሱሴ ዒዛኮ ጊንፆ ሓንታዞንሢ ኮራ፦ «ዒንሢ ዎንዴ ጎይፆይዳ ዓኣዖ ዎላ'' ማርማሢ ዓይጌንዴዳይ?» ጌዒ ዖኦጬኔ።
\p
\v 34 ዔያታ ጋዓንቴ ዚቲዮ ጌዔኔ። ዓይጎሮ ጌዔቶ ዔያታ ጎይፃ፦ «ኑ ጊዳ''ፓ ቢያ ባሼሢ ዖናዳይ?» ጌዒ ማርሜሢሮኬ። \x - \xo 9፥34 \xo*\xt ሉቃ. 22፥24።\xt*\x* 
\v 35 ዬሱሴ ዴዔሢኮ ጊንፃ ታጶ ላምዖንሢ ዔኤላ''ዖ፦ «ቢያፓ ቤርታ ማዓኒ ኮዓይ ዖናታቶዋ ቢያፓ ጋፒንሢና ሓሣ ቢያም ማዻያ ማዓንዳያ ኮይሳኔ» ጌዔኔ። \x - \xo 9፥35 \xo*\xt ማቲ. 20፥26-27፤ 23፥11፤ ማር. 10፥43-44፤ ሉቃ. 22፥26።\xt*\x* 
\v 36 ዬካፓ ፔቴ'' ዻካ'' ናይ ዔያቶ ቤርታ ዔቂሲ ናዖ ኮንቂጋፓ ሂዚ ጌዔኔ፦ 
\v 37 «ሓያጉዴ ናኣቶ''ይዳፓ ፔቴ''ታዖ ታ ሱ'ንፆና ቦንቺ ዔካሢ ታና ዔካኔ፤ ታና ዔካሢ ታና ሌሊቱዋንቴ ታና ዳኬሢያ ዔካኔ።» \x - \xo 9፥37 \xo*\xt ማቲ. 10፥40፤ ሉቃ. 10፥16፤ ዮሓ. 13፥20።\xt*\x*
\s ዬሱሴኮ «ኑና ዒፁዋኣሢ ኑኡና ዎላ''ኬ» ጌዒፆ
\r (ሉቃ. 9፥49-50)
\p
\v 38 ዮሓኒሴ ዬሱሴም፦ «ዔርዛሢዮ! ፔቴ'' ዓሲ ኔ ሱ'ንፆና ፑርታ ዓያና ኬሳ''ንቴ ኑ ዛጋዖ ዒዚ ኑኡና ዎላ''ቱዋኣሢሮ ዒዛ ኑኡኒ ላኣጌኔ» ጌዒ ኬኤዜኔ።
\p
\v 39 ዬሱሴ ማሓዖ፦ «ታ ሱ'ንፆና ዓኪ ዲቃሣ ባኣዚ'' ማዺ ማዺ ቤዞና ታ ዑፃ ፑርታ ጌስታንዳይ ባኣሢሮ ሓሹ''ዋቴ ላኣጊፖቴ፤ 
\v 40 ዓይጎሮ ጌዔቶ ‹ኑና ዒፁዋኣሢ ቢያ ኑኡና ዎላ''ኬ› » ጌዔኔ። \x - \xo 9፥40 \xo*\xt ማቲ. 12፥30፤ ሉቃ. 11፥23።\xt*\x* 
\v 41 ጎኔ ታ ዒንሢም ጋዓኔ፤ ዒንሢ ታኣሮ ማዔሢሮ ፔቴ'' ሙርሳና ዋኣሢ ዒንሢ ዑሻ ዓሢም ዋኣፆ ዑሼሢ ዛሎ''ሮ ዒንጊንታንዳ ባኣዚ'' ባይቃዓኬ። \x - \xo 9፥41 \xo*\xt ማቲ. 10፥42።\xt*\x*
\s ጎሜኮ ካራ ማዓ ባኣዚ''
\r (ማቲ. 18፥6-9፤ ሉቃ. 17፥1-2)
\p
\v 42 ዬሱሴ ኬኤዛዖ፦ «ታና ጉሙርቃ፥ ሓንሢ ዻኮ''ንሢፓ ፔቴ''ማ ዻቢሳያ ዖና ማዔቶዋ ፑኡፒ ዎንሢ ሆላ'' ቱኪ'' ባዞ''ይዳ ኬኤሪንቴቶ ቃራኬ፤ 
\v 43 ዬያሮ ኩጫ ኔና ዻቢሳቴ ቲቂ ኔኤፓ ኬኤሬ፤ ላምዖ ኩቺ ዓኣንቴ ጋኣናኣሜይዳ፥ ታሞ ባይቁዋኣሢዳ ኬኤሪንቲፃፓ ኩቺ ዱጴያ ማዒ ናንጎ ማኣሪ ጌሊፃ ቃራኬ። \x - \xo 9፥43 \xo*\xt ማቲ. 5፥30።\xt*\x* [ 
\v 44 ጋኣናኣሜ ጌይንታ ቤዛ ዒኢካ ዓኣ ዛኣላ'' ሓይቁዋያ፥ ታማኣ ባይቁዋ ቤሲኬ።]\f + \fr 9፥44 \fr*\fq ፔቴ'' ፔቴ'' ሚናኣ ማፃኣፓ ፓይ. 44 ጊዳ'' ቃሳ''ኔ፤ ዬና ቃኣሌ''ላ ፓይ. 48 ጊዳ'' ዓኣዞ ማላያኬ።\fq*\f* 
\v 45 ቶካ'' ኔና ዻቢሳቴ ኔኤፓ ቲቂ ኬኤሬ፤ ላምዖ ቶኪ ቢያ ዓኣንቴ ጋኣናኣሜ ጌሊፃፓ ፔቴ'' ቶኪና ማዒ ናንጎ ማኣሪ ጌሊፃ ቃራኬ። [ 
\v 46 ጋኣናኣሜ ጌይንታ ቤዛ ዒኢካ ዓኣ ዛኣላ'' ሓይቁዋያ፥ ታማኣ ባይቁዋ ቤሲኬ።]\f + \fr 9፥46 \fr*\fq ፔቴ'' ፔቴ'' ሚናኣ ማፃኣፓ ፓይ 46 ጊዳ'' ቃሳ''ኔ፤ ዬና ቃኣሌ''ላ ፓይ. 48 ጊዳ'' ዓኣዞ ማላኔ።\fq*\f* 
\v 47 ዓኣፓ ኔና ዻቢሳቴ ኔኤፓ ኬሲ'' ኬኤሬ፤ ላምዖ ዓኣፒ ዓኣንቴ ጋኣናኣሜ ጌሊፃፓ ፔቴ'' ዓኣፒና ናንጎ ማኣሪ ጌሊፃ ቃራኬ። \x - \xo 9፥47 \xo*\xt ማቲ. 5፥29።\xt*\x* 
\v 48 ጋኣናኣሜ ጌይንታ ቤዛ ዒኢካ ዓኣ ዛኣላ'' ሓይቁዋያ፥ ታማኣ ባይቁዋ ቤሲኬ። \x - \xo 9፥48 \xo*\xt ዒሲ. 66፥24።\xt*\x*
\p
\v 49 «ፆኦሲም ዒንጎ ባኣዚ'' ሶኦጌ ዋሂ ጌኤሾ''ሢጉዲ ዓሲ ቢያ ታሚዳ ጌሊ ጌኤሽኪ ኬስካንዳኔ፤
\p
\v 50 «ሶኦጌ ኮሺኬ፤ ጋዓንቴ ሶኦጌኮ ጌኤሻ''ኒ ዎልቄ ባኣያ ማዔቶ ዓይጎና ዒንሢ ጌኤሻ''ንዳይ? \x - \xo 9፥50 \xo*\xt ማቲ. 5፥13፤ ሉቃ. 14፥34-35።\xt*\x*
\p «ዒንሢኮዋ ሶኦጌጉዲ ጌኤሻ'' ዎልቄ ዓኣያ ማዖንጎ፤ ሴካና ሓንጋና ዎላ'' ጊኢጊ ኮሺ ናንጉዋቴ።»
\c 10
\s ዬሱሴ ላኣሊ ዓንጂሢ ዛላ ዔርዜሢ
\r (ማቲ. 19፥1-12፤ ሉቃ. 16፥18)
\p
\v 1 ዬሱሴ ዬኖ ዓጮ''ይዳፓ ዔቂ ዪሁዳ ዓጮ''ና ጌዒ ዮርዳኖሴ ዎሮ ሱኮ ፒንቄኔ፤ ሚርጌ ዴሬ ዒዛ ባንሢ ሙኬሢሮ ዒዚ ሚናኣፓ ዔርዛሢጉዲ ሓሣ ዔርዚሢ ዓርቄኔ።
\p
\v 2 ፔቴ'' ፔቴ'' ፔርሴ ዓሳ ዬሱሴ ባንሢ ሙካዖ ጌኤሲና ዒዛ ፒራኒ ኮዓሢሮ፦ «ዓሲ ፔ ማቾ ዓንጃንዳጉዲ ዎጋ'' ዓይሣ?» ጌዒ ዖኦጬኔ።
\p
\v 3 ዬሱሴ፦ «ሙሴ ዒንሢ ዬያ ዛሎ'' ዎዚ ጌይ ዓይሣዖ?» ጌዒ ዖኦጪሢና ማሄኔ።
\p
\v 4 ዔያታ፦ «ሙሴ ዎጋ'' ዓንጂንቶ ዔርዛያ ፃኣፖና ዋርቃታ ዒንጊጋፓ ዓንጃንዳጉዲ ጋዓኔ» ጌዔኔ። \x - \xo 10፥4 \xo*\xt ላሚ. ዎማ 24፥1-4፤ ማቲ. 5፥31።\xt*\x*
\p
\v 5 ዬሱሴ ዔያቶም ሂዚ ጌዒ ማሄኔ፦ «ሙሴ ያዒ ጌይ ዓይሤሢ ዒንሢኮ ዒና'' ዋይዞ ዒፂ ዶዳሢ ዛጊኬ። 
\v 6 ጋዓንቴ ማዢንቶኮ ዓይፃፓ ጌኤዦ ማፃኣፓ ጋዓ ጎይፆ ‹ፆኦሲ ዓቲንቄና ላኣሊና ማሂ ማዤኔ፤› \x - \xo 10፥6 \xo*\xt ማዢ. ማፃ 1፥27፤ 5፥2።\xt*\x* 
\v 7 ‹ዬያሮ ዓሲ ዓዶና ዒንዶና ሓሺ'' ማቾና ዎላ'' ፔቴ'' ማዓኔ፤ 
\v 8 ላምዖንሢያ ፔቴ'' ዑሢ ማዓኔ› ዬካፓ ሴካ ላምዖ ማዒፃ ዓቴ''ም ፔቴ'' ማዓኔ። \x - \xo 10፥8 \xo*\xt ማዢ. ማፃ 2፥24።\xt*\x* 
\v 9 ዬያሮ ፆኦሲ ዋኣፄሢ ዖኦኒያ ቡሎ''ፓ።»
\p
\v 10 ዬሱሴኮ ጊንፆ ሓንታ ናኣታ'' ማኣሮ ባንሢ ማዔ ዎዶ''ና ላሚ ዒዞ ዛላ ዬሱሴ ዖኦጬኔ። 
\v 11 ዬሱሴ ዔያቶም ማሓዖ፦ «ዖና ማዔቶዋ ፔ ማቾ ዓንጂ ሜሌ'' ላኣሊ ዔካሢ ፔኤኮ ቤርታኣ ማቾ ዒኢሳ''ኔ ጌይሢኬ። \x - \xo 10፥11 \xo*\xt ማቲ. 5፥32፤ 1ቆሮ. 7፥10-11።\xt*\x* 
\v 12 ዬያጉዲ ሓሣ ዖናታቴያ ፔ ዓኒፓ ዓንጂንቲ ሜሌ''ም ሎዓ ላኣሌላ ዒኢታያ ማዓኔ ጌይሢኬ» ጌዔኔ።
\s ዬሱሴኮ ናኣቶ'' ዓንጂፆ
\r (ማቲ. 19፥13-15፤ ሉቃ. 18፥15-17)
\p
\v 13 ፔቴ'' ፔቴ'' ዓሳ ፔኤኮ ናኣቶ''ኮ ዬሱሴ ኩጮና ዑፆ ካኣማንዳጉዲ ዔኪ ሙካዛ ዬሱሴኮ ጊንፆ ሓንታ ናኣታ'' ዬኖ ዓሶ ጎሬኔ። 
\v 14 ዬሱሴ ዬያ ዛጊጋፓ ጎሪ''ንቲ ፔኤኮ ጊንፆ ሓንታ ናኣቶ''ም ሂዚ ጌዔኔ፦ «ፆኦሲ ካኣቱማ ሃንሢ ዔያቶ ጉዴዞንሢም ማዔሢሮ ናኣታ'' ታ ኮራ ሙኮንጎ፤ ሓሹ''ዋቴ፥ ላኣጊፖቴ፤ 
\v 15 ጎኔ ታ ዒንሢም ጋዓኔ፤ ፆኦሲኮ ካኣቱሞ ናይ ማዒ ዔኩዋ ዓሲ ፔቴ''ታዖ ዒኢካ ጌሊንዱዋሴ!» \x - \xo 10፥15 \xo*\xt ማቲ. 18፥3።\xt*\x* 
\v 16 ዬሱሴ ዬካፓ ናኣቶ'' ኮንቂ፥ ኩጮ ዑፃ ጌሢ ዓንጄኔ።
\s ፔቴ'' ዖርጎቺ ዓሲ
\r (ማቲ. 19፥16-30፤ ሉቃ. 18፥18-30)
\p
\v 17 ዬሱሴ ዬካፓ ኬስኪ ጊንሣ ዓኣዻኣና ፔቴ'' ዓሲስኬያ ጳሽኪ ሙኪ ቤርታ ጉምዓታዖ፦ «ኮዦ ዔርዛሢዮ! ናንጊና ናንጊ ዴንቃኒ ዓይጎ ማዻንዳያ ታና ኮይሳይ?» ጌዒ ዖኦጬኔ።
\p
\v 18 ዬሱሴ ማሓዖ፦ «ዓይጎሮ ኮዣሢዮ ኔኤኒ ታና ጋዓይ? ፔቴ'' ፆኦሲዳፓ ዓቴም ሜሌ'' ኮሺ ዖኦኒያ ባኣሴ። 
\v 19 ኔኤኒ ዓይሢፆንሢ ዔራኔ፤ ዬንሢያ፦ ‹ዓሲ ዎዺፖ፥ ላኣሊ ዒኢሲ''ፖ፥ ዉኡቂፖ፥ ሉኡዙሞና ማርካቲፖ፥ ጌሺፖ፥ ዓዶና ዒንዶና ቦንቼ› ጋዓዞንሢኬ።» \x - \xo 10፥19 \xo*\xt ኬሲ. ማፃ 20፥12-16፤ ላሚ. ዎማ 5፥16-20።\xt*\x*
\p
\v 20 ዓሢያ፦ «ዔርዛሢዮ! ዬያ ዓይሢፆ ቢያ ናኣቶፓ ዓርቃዖ ታኣኒ ካፓኔ» ጌዔኔ።
\p
\v 21 ዬሱሴ ናሹሞና ዒዛ ዛጋዖ፦ «ፔቴ'' ባኣዚ'' ሌሊ ዓቴ''ኔ፤ ዴንዲ ኔኤኮ ዓኣ ባኮ ቢያ ሻንቺ ማንቆ ዓሶም ጊሽኪ ዒንጌ፤ ዬካፓ ታ ጊንፆ ሙኪ ሓንቴ፤ ጫሪንጮ ማኣራ ቡኪንቴ ቆሎ ኔኤኮ ዓኣያ ማዓንዳኔ» ጌዔኔ። 
\v 22 ዓሢ ዬያ ዋይዛዖ ዓኣፖ ካሮ'' ቱኬ''ኔ፤ ኮሺ'' ዒ ዖርጎቺታሢሮ ዖዪ ዖዪ ዴንዴኔ።
\p
\v 23 ዬሱሴ ጊንፆ ሓንታ ናኣቶ'' ባንሢ ሺራዖ፦ «ዖርጎቺ ዓሲም ፆኦሲ ካኣቱሞይዳ ጌሊሢ ዎዚጉዲ ሜታንዳይ!» ጌዔኔ።
\p
\v 24 ጊንፆ ሓንታ ናኣታ'' ዬኖ ዬሱሴ ጌዔዞ ዋይዚ፦ «ሓያጉዴ ባኣዚ''» ጌዒ ዲቃቴኔ፤ ጋዓንቴ ዬሱሴ ላሚ፦ «ናይዮቴ! ፆኦሲ ካኣቱሞይዳ ጌሊሢ ዎዚ ሜታንዳይ! 
\v 25 ዖርጎቺ ዓሲ ፆኦሲ ካኣቱሞይዳ ጌላንዳስካፓ ጋኣላ ናርፔ ፂኢናና ጌላኒ ሼሌዓንዳኔ» ጌዔኔ።
\p
\v 26 ጊንፆ ሓንታ ናኣታ'' ዬሱሴ ጌዔሢና ኮሺ'' ዲቃቲ ሄርሻዖ፦ «ያዒ ማዔቶ ማይ ዖኦኒ ዻቃኒ ዳንዳዓይ!» ዎሊ ኮራ ጌዔኔ።
\p
\v 27 ዬሱሴ ዔያቶ ባንሢ ዛጋዖ፦ «ጎኔና ዬይ ዓሲም ዳንዳዒንቱዋሴ፤ ጋዓንቴ ፆኦሲም ዳዳንዳዒንታያኬ፤ ቢያ ባኣዚ'' ፆኦሲም ዳንዳዒንታኔ» ጌዔኔ።
\p
\v 28 ጴፂሮሴ ዒማ''ና፦ «ሃይሾ ኑኡኒ ቢያ ባኣዚ'' ሃሺ'' ኔ ጊንፆ ሓንታንቴሞ» ጌዔኔ።
\p
\v 29 ዬሱሴ ሂዚ ጌይ ማሄኔ፦ «ጎኔ ታኣኒ ጋዓኔ፤ ታናንታ ታኣኮ ኮዦ ሓይሶንታሮ ጌዒ ፔኤኮ ማኣሮ፥ ጌርሲንሢ፥ ጌሮንሢ፥ ዒንዳ፥ ዓዴ፥ ናኣቶ''ንታ ጎዦንታ ሓሻ''ሢ ባሼና ዴንቃንዳኔ። 
\v 30 ሓያ ዎዶ''ይዳታቴያ ዒፂንቲ ዳኪንቲፆና ፔኤኮ ማኣሮ፥ ጌርሲንሢ፥ ጌሮንሢ፥ ዒንዶንሢ፥ ናኣቶ''ንታ ጎዦንታ ሓሼ''ቶ ሚርጌ ፄኤታ ጳንጬ ማሂ ዔካንዳኔ፤ ሙካ ዓጮ''ይዳ ናንጊና ናንጊ ዴንቃንዳኔ። 
\v 31 ዬይ ያዺ ማዔቶዋ ቤርቲ ማዔ ጎኦቦ'' ማላ ሜርጌ ዓሳ ጊንሢም፤ ጊንፃ ዓቴ''፥ ላቤያ ማላ ሜርጌ ዓሳ ቤርቲም ማዓንዳኔ።» \x - \xo 10፥31 \xo*\xt ማቲ. 20፥16።\xt*\x*
\s ዬሱሴ ፔና ሄላንዳ ሜቶና ሓይቦ''ና ዛሎ'' ሃሣ ኬኤዜሢ
\r (ማቲ. 20፥17-19፤ ሉቃ. 18፥31-34)
\p
\v 32 ዬሩሳላሜ ዴንዳ ጎይፆይዳ ዔያታ ዓኣንቴ ዬሱሴ ዔያቶኮ ቤርታ ቤርታ ዴንዳኔ፤ ጊንፆ ሓንታ ናኣታ''፦ «ሓያጉዴ ባኣዚ''» ጌዒ ዬኖ ሓይሶ ዲቃቲ ሄርሼኔ፤ ሓንጎ ዒዛና ዓኣ ዓሳ ዒጊጬኔ። ዒዚ ጊንሣ ላሚ ዒዛ ሄላ''ንዳ ባኮ ኬኤዛኒ ታጶ ላምዖንሢ ፔ ባንሢ ዔኤላ''ዖ ሂዚ ጌዒ ኬኤዜኔ፦ 
\v 33 «ሓይሾ ኑኡኒ ዬሩሳላሜ ዴንዲፆይዳኬ፤ ዓሲኮ ናዓሢ ቄኤሶኮ ሱኡጎና ሙሴ ዔርዜ ዎጎ ዔርዛዞንሢናም ዓኣሢ ዒንጊንታንዳኔ፤ ዔያታኣ ዒዚ ሓይቃንዳጉዲ ጌዒ ጌስቲ ኩንሣንዳኔ፤ ዓይሁዴ ማዒባኣ ዓሶም ዒዛ ዓኣሢ ዒንጎንዶኔ፤ 
\v 34 ዓይሁዴ ማዒባኣ ዴራ'' ዒዛ ቦሃንዳኔ፥ ጩታንዳኔ፥ ዢራፓና ጳርቃንዳኔ፤ ሓሣ ዎዻንዳኔ። ጋዓንቴ ሓይሦ ዓቢኮ ጊንፃ ሓይባ''ፓ ዔቃንዳኔ።»
\s ያይቆኦቤና ዮሓኒሴናኮ ዖኦጪፆ
\r (ማቲ. 20፥20-28)
\p
\v 35 ዜብዲዮሴኮ ናኣታ'' ያይቆኦቤና ዮሓኒሴና ዬሱሴ ኮራ ሙካዖ፦ «ኑና ዔርዛሢዮ! ኑኡኒ ዖኦጫ ባኮ ኔኤኒ ማዻንዳጉዲ ኑ ኮዓኔ» ጌዔኔ።
\p
\v 36 ዬሱሴ፦ «ዓይጎ ታኣኒ ማዻንዳጉዲ ዒንሢ ኮዓይ?» ጌዒ ዖኦጬኔ።
\p
\v 37 ዔያታ ማሓዖ፦ «ኔኤኮ ቦንቺንቴ ካኣቱሞይዳ ዓኣ ቦንቾ ቤዛ፡ ኑጊዳፓ ፔቴ''ሢ ኔኤኮ ሚዛቃ፤ ፔቴ''ሢ ሻውሎ ዛላ'' ኑና ማሂ ዴይሤ» ጌዔኔ።
\p
\v 38 ዬሱሴ ጋዓንቴ፦ «ዒንሢ ዖኦጮ ባኮ ዔሩዋሴ፤ ታኣኒ ዔካ ሜታሢ ዒንሢ ዔካኒ ዳንዳዓ? ታኣኒ ጌላንዳ ሜታስካ ዒንሢ ጌላኒ ዳንዳዓ?» ጌዒ ዔያቶ ዖኦጬኔ። \x - \xo 10፥38 \xo*\xt ሉቃ. 12፥50።\xt*\x*
\p
\v 39 ያይቆኦቤና ዮሓኒሴና ማሓዖ፦ «ሂዮ ኑኡኒ ዳንዳዓንዳኔ» ጌዔኔ። ዬሱሴያ፦ «ጎኔኬ፤ ዒንሢ ታኣኒ ዔካ ሜቶ'' ዔካኒ፥ ታኣኒ ጌላ ሜታስካኣ ጌላኒ ዳንዳዓኔ። 
\v 40 ጋዓንቴ ታኣኮ ሚዛቆና ሻውሎ''ናይዳ ዴዓንዳጉዲ ዓይሣሢ ታናቱዋሴ፤ ዬይ ቤዛ ዒንጊንታሢ ዒዞ ቤዞም ፆኦሲ ጊኢጊሼ ዓሶምኬ» ጌዔኔ።
\p
\v 41 ዓቴ'' ታጶንሢ ዬያ ዋይዛዖ ያይቆኦቤና ዮሓኒሴናይዳ ዻጋዼኔ። 
\v 42 ዬሱሴ ቢያሢ ፔ ባንሢ ዔኤላ''ዖ ሂዚ ጌዔኔ፦ «ዓይሁዴ ማዒባኣ ዓሶኮ ሱኡጋ ዴሮ''ኮ ዎይሣዞንሢ ጌይንቲ ዔኤሊ''ንታያ ማዔሢና ሓሣ ዔያቶኮ ቢቶ'' ማዔዞንሢኮ ዔያቶ ዑፃ ቢታንቶ ዓኣያ ማዔሢ ዒንሢ ዔራኔ። \x - \xo 10፥42 \xo*\xt ሉቃ. 22፥25-26።\xt*\x* 
\v 43 ጋዓንቴ ዒንሢ ባኣካ'' ያዒ ማዓኒ ኮይሱዋሴ፤ ዒንሢፓ ፔቴ'' ዓሲ ፑኡፒ ማዓኒ ኮዔቶ ቢያሢም ማዻያ ማዖም፤ \x - \xo 10፥43 \xo*\xt ማቲ. 23፥11፤ ማር. 9፥35፤ ሉቃ. 22፥60።\xt*\x* 
\v 44 ዒንሢ ባኣካ''ፓ ዼ'ጌ ማዓኒ ኮዓሢ ቢያሢም ዓይሌ'' ማዖም፤ 
\v 45 ዓሲኮ ናዓሢታዖ ቢያሢኮ ዴማ'' ማዒ ማዻኒና ፔኤኮ ሼምፓሢ ሚርጌዞንሢ ዛሎ'' ዒንጊ ዻቂሻኒ ሙካንዳኣፓዓቴም ዓሲ ዒዛም ማዻንዳጉዲ ሙኪባኣሴ።»
\s ዬሱሴ ዓኣፓ ባይቄ ቤርፄሚዮሴኮ ዓኣፖ ፖዒሴሢ
\r (ማቲ. 20፥29-34፤ ሉቃ. 18፥35-43)
\p
\v 46 ዬካፓ ዬሱሴና ዒዛኮ ጊንፆ ሓንታ ናኣቶ''ና ዎላ'' ዒያርኮ ጌይንታ ካታሞ ሙኬኔ፤ ዔያቶና ዎላ'' ሚርጌ ዴሬ ዒያርኮ ካታማፓ ኬስካንቴ ፔቴ'' ፂሞሴ ናይ፥ ዓኣፒ ባይቄያ ቤርፄሞሴ ጎዖስኬይ ጎይፆ ዓጫ ዴዒ ዔኤቢ ዒንጎም ሺኢቃኔ። 
\v 47 ዒዛኮ ኮርሲና ዴንዳሢ ናዚሬቶ ዬሱሴ ማዔሢ ዒ ዋይዛዖ፦ «ዳውቴ ናዓሢዮ! ዬሱሴ ሓዳራ ታና ሚጪንቲ ማኣዴቴራ» ጌዒ ዒላቲሢ ዓርቄኔ።
\p
\v 48 ሚርጌ ዓሳ፦ «ዚቲዮ ጌዔ!» ጌይ ጎሬኔ፤ ዒዚ ጋዓንቴ «ዳውቴ ናዓሢዮ ታና ማኣሬ!» ጌዒ ሓቺም ዒላቴኔ።
\p
\v 49 ዬሱሴ ዔቃዖ፦ «ዒዛ ዔኤሉ''ዋቴ» ጌዔኔ፤ ዔያታ ዓኣፓ ባይቄሢ ዔኤላ''ዖ፦ «ዔኤዛይ ዒጊጪፖ፥ ዔቄ! ዬሱሴ ኔና ዔኤላ''ኔ» ጌዔኔ።
\p
\v 50 ዒዚ ፔኤኮ ቃሲ'' ዑፃ ማኣዔ ዓፒሎ ኬኤሪ፥ ጱሊ'' ዔቃዖ ዬሱሴ ባንሢ ዓኣዼኔ።
\p
\v 51 ዬሱሴ፦ «ታኣኒ ዓይጎ ዎኦቶም ኔኤኒ ኮዓይ?» ጌዒ ዖኦጬኔ።
\p ዒዚ፦ «ዔርዛሢዮ! ሓዳራ ታኣኒ ዛጋንዳጉዲ ዓኣፖ ታኣም ፖዒሴ» ጌዒ ማሄኔ።
\p
\v 52 ዬሱሴ፦ «ሂዴቶ ዴንዴ፤ ኔ ጉሙርቂፃ ኔና ዓውሴኔ» ጌዔኔ።
\p ዓሢያ ቤዞማና ዛጌኔ፤ ጎይፆናኣ ዬሱሴ ጊንፆ ዓኣዼኔ።
\c 11
\s ዬሱሴኮ ፑኡፒ ቦንቾና ዬሩሳላሜ ጌሊፆ
\r (ማቲ. 21፥1-11፤ ሉቃ. 19፥28-40፤ ዮሓ. 12፥12-19)
\p
\v 1 ዬሱሴና ዒዛኮ ጊንፆ ሓንታዞንሢና ዬሩሳላሜ ሙኪ ዑካዖ ዛይቶ ሪሚቶ ዹኮ'' ኮይላ'' ዓኣ ቤቴፓጌና ቢታኒያ ጌይንታ ካታሞንሢ ሙኬኔ፤ ዬሱሴ ዒዛኮ ጊንፆ ሓንታ ናኣቶ''ይዳፓ ላምዖስኬንሢ ቤርታ ሂዚ ጌዒ ዳኬኔ፦ 
\v 2 «ሃኖ'' ሴኮ ጉርዴሎ ዒንሢ ቤርታዺ ዓኣዹዋቴ፤ ዒኢካ ዒንሢ ሄሄላ''ዖ ዖኦኒያ ቶጊባኣ ሓሬ ናይ ቱኡቲ ዓኣንቴ ዴንቃንዳኔ፤ ቡሊ'' ሃኒ ዔኪ ዬዑዋቴ፤ 
\v 3 ዖኦኒያ ዒንሢ ዓይጎሮ ቡላ''ይ ጌዒ ዖኦጬቶ ‹ጎዳም ኮይሳሢሮኬ፤ ዑኬና ዒዚ ማሂ ዳካንዳኔ› ጌዒ ኬኤዙዋቴ።»
\p
\v 4 ዔያታኣ ዴንዳዖ ሓሮ'' ናዖማ ጎይፆ ዓጫ፥ ማኣሪ ካርካ ቱኡቲ ዓኣንቴ ዴንቂ ቡሌ''ኔ፤ 
\v 5 ዒማ''ና ዒኢካ ዔቂ ዓኣ ዓሶፓ ፔቴ'' ፔቴ'' ዓሲ፦ «ሃሮ'' ናዖ ዎዳ''ኒ ቡላ''ይ?» ጌዒ ዖኦጬኔ።
\p
\v 6 ዔያታኣ ዬሱሴ ጌዔሢ ዖኦጫ ዓሶም ማሂ ኬኤዛዛ ዓሳ ዔያቶ ሓሼ''ኔ። 
\v 7 ላምዖ ጊንፆ ሓንታ ናኣቶ''ንሢ ሃሮ'' ናዖ ዔኪ ዬሱሴ ኮራ ሙካዖ፥ ዔያታ ፔኤኮ ዓፒሎ ሓሮ'' ናዖ ዙላ'' ጌሣዛ ዬሱሴ ቶጌኔ። 
\v 8 ሚርጌ ዓሳ ፔኤኮ ዓፒሎ ጎይፃ ሒኢሣዛ ዛሎ'' ዓሳ ካያፓ ዋላሺ ሜንሢ ሜንሢ ጎይፃ ሂኢሤኔ። 
\v 9 ዬሱሴኮ ቤርቶና ጊንፆናይዳ ዓኣ ዴራ'' ቢያ፦ «ፆኦሲ ጋላቲንቶም! ጎዳ ሱ'ንፆና ሙካሢ ፆኦሲ ዓንጆንጎ፤ \x - \xo 11፥9 \xo*\xt ዓይኑ. 118፥25-26።\xt*\x* 
\v 10 ሓጊ ሙካ፥ ኑኡኮ ዓዳሢ፥ ዳውቴ ካኣቱማ ዓንጂንቴያኬ! ጋላታ ጫሪንጮይዳ ፆኦሲም ማዖንጎ!» ጌዒ ዒላቴኔ።
\p
\v 11 ዬሱሴ ዬሩሳላሜ ሄሊ'' ፆኦሲኮ ጌኤዦ ማኣሪ ጌላዖ ዓጫ ዓኣ ባኮ ቢያ ዛጌኔ፤ ሳዓ ዓሜሢሮ ታጶ ላምዖንሢና ዎላ'' ዬሩሳላሜፓ ኬስኪ ቢታኒያ ጎዖ ቤዞ ዓኣዼኔ።
\s ዬሱሴ ጋዳንቄ ቤሌሴ ጌይንታ ሚፄሎ
\r (ማቲ. 21፥18-19)
\p
\v 12 ጉቴ'' ቢታኒያፓ ዔያታ ማዓኣና ዬሱሴ ናይዺንቴኔ። 
\v 13 ፔቴ'' ዋርቂ ዓኣያ ቤሌሴ ጌይንታ ሚሢ ሃኬ ዴንቃዖ ጎዖንቴ ዒዞይዳ ዓኣፒ ናንጋንዳኔ ጌዒ ሚፄሎ ባንሢ ዓኣዼኔ። ጋዓንቴ ሚፄላ ዓኣፑዋ ዎዴ ማዔሢሮ ዒላሺፓ ዓታዛ ፔቴ''ታዖ ዓኣፒ ዒዚ ዴንቂባኣሴ። 
\v 14 ዬያሮ ዬሱሴ ሚፄሎ፦ «ሃይፓ ሴካ ዖኦኒያ ኔጊዳፓ ዓኣፒ ሙዖፓ» ጌዔኔ።
\p ዬያ ዒዚ ጋዓኣና ጊንፆ ሓንታ ናኣታ'' ዋይዜኔ።
\s ዬሱሴ ጌኤዦ ማኣራ ኮርማ ዓሶ ዳውሴሢ
\r (ማቲ. 21፥12-17፤ ሉቃ. 19፥45-48፤ ዮሓ. 2፥13-22)
\p
\v 15 ዬሱሴ ዬሩሳላሜ ሙካዖ ጌኤዦ ማኣሮ ጌሊ ዒኢካ ሻንቻ ዓሶና ሻንቃ ዓሶና ዳውሲሢ ዓርቄኔ። ሚኢሾ ላኣማ ዓሶኮ ሚኢሾ ጌሦሢና ዶኦሎ'' ሻንቻ ዓሶኮ ዖይቶና ሂዒ ዶይሴኔ። 
\v 16 ዖኦኒያ ዓይጎ ባኣዚ'' ኬዲ ጌኤዦ ማኣሮኮ ዲሮ ጋሮና ዓኣዻንዳጉዲ ዒ ኮዒባኣሴ። 
\v 17 ዬሱሴ ዴሮ'' ሂዚ ጌዒ ዔርዜኔ፦ « ‹ታኣኮ ማኣራ ዓሲ ዜርሢ ቢያኮ ሺኢጲሢ ማኣሪኬ› ጌዒንቲ ፃኣፒንቲባኣዓዳ? ዒንሢ ጋዓንቴ ዉሲ'' ዓኣሺንታ ቤሲ ማሔኔ» ጌዔኔ። \x - \xo 11፥17 \xo*\xt ዒሲ. 56፥7፤ ዔር. 7፥11።\xt*\x*
\p
\v 18 ቄኤሶኮ ሱኡጎና ሙሴኮ ዓሶ ዎይሣ ዎጎ ዔርዛዞንሢና ዬሱሴ ዬያ ኬኤዛኣና ዋይዜኔ፤ ዒዚ ኬኤዛሢ ዴራ'' ቢያ ዲቃቲ ሄርሻሢሮ ዔያታ ዒጊጫዖ ዎዲ'' ዓርቂ ዒዛ ባይዛንዳቴያ ካራ ኮዔኔ።
\p
\v 19 ዬሱሴና ጊንፆ ሓንታ ናኣቶ''ና ሳዓ ዓማዛ ካታማፓ ኬስኬኔ።
\s ቤሌሶ ሚፄሎኮ ሜሊፆ
\r (ማቲ. 21፥20-22)
\p
\v 20 ዚሮ ጉቴ''ሎ ጉቴ'' ዓሚ'' ጎይፆና ዔያታ ዴንዳዖ ቤሌሶ ሚፄላ ፃጲና ሜሊ ዓኣንቴ ዴንቄኔ፤ 
\v 21 ጴፂሮሴ ዚጊኖ ዬሱሴ ጌዔሢ ጶቂሣዖ፦ «ዔርዛሢዮ! ኔኤኒ ጋዳንቄ ሚፄላ ሓይሾ ሜሌኔ» ጌዔኔ።
\p
\v 22 ዬሱሴ ዔያቶም ማሓዖ፦ «ፆኦሲ ጉሙርቁዋቴ፤ 
\v 23 ጎኔ ታ ዒንሢም ጋዓኔ፤ ዖኦኒያ ላምዖ ዒኔና ማይባኣዖ ‹ታኣኒ ኮዓ ባካ ማዓንዳኔ› ጌዒ ጉሙርቂሢና ሓያ ዹኮ'' ‹ሓይፓ ዔቂ ባዞ''ይዳ ኬኤሪንቴ› ጌዔቶ ኬኤሪንታንዳኔ። \x - \xo 11፥23 \xo*\xt ማቲ. 17፥20፤ 1ቆሮ. 13፥2።\xt*\x* 
\v 24 ዬያሮ ሺኢጲሢና ዓይጎ ባኣዚ''ታቶዋ ዒንሢ ሺኢቄቶ ዒንሢም ማዔያጉዲ ጉሙርቁዋቴ፤ ዒንሢ ሺኢቃ ባካ ቢያ ዒንሢም ዒንጊንታንዳኔ። 
\v 25 ጫሪንጫ ዓኣ ዓዳሢ ዒንሢ ጎሞ ዓቶም ጋዓንዳጉዲ ዒንሢ ሺኢቃኒ ዔቃ ዎዶ''ና ዓሲዳ ዒንሢ ዓርቄ ኮሜ ዓኣቶ ሃሹ''ዋቴ። \x - \xo 11፥25 \xo*\xt ማቲ. 6፥14-15።\xt*\x* [ 
\v 26 ዒንሢ ሜሌ'' ዓሶኮ ዻቢንቶ ዓቶም ጌዒባኣቶ ጫሪንጫ ዓኣ ዓዳሢ ዒንሢ ጎሞ ዓቶም ጌዒንዱዋሴ» ጌዔኔ።]\f + \fr 11፥26 \fr*\fq ፔቴ'' ፔቴ'' ሚናኣ ማፃኣፓ ፓይ. 26 ጊዳ'' ቃሳ''ኔ፤ ዬና ቃኣሌላ ማቲ. 6፥15 ጊዳ'' ዓኣዞ ማላያኬ።\fq*\f*
\s ዬሱሴ ዓይጎ ቢታንቶና ማዻቴያ ዖኦጪንቴ ዖኦጪፆ
\r (ማቲ. 21፥23-27፤ ሉቃ. 20፥1-8)
\p
\v 27 ዔያታ ላሚ ዬሩሳላሜ ማዒ ሙኬኔ፤ ዬሱሴ ጌኤዦ ማኣሮ ጌሊ ሓንታንቴ ቄኤሶኮ ሱኡጋ፥ ሙሴ ዎጎ ዔርዛዞንሢ ሓሣ ጪማኣ ዒዛ ኮይላ'' ሙካዖ፦ 
\v 28 «ሓያ ባኮ ቢያ ኔኤኒ ማዻሢ ዓይጎ ቢታንቶናዳይ? ሓሣ ሓያ ባኮ ማዻንዳጉዲ ቢታንቶ ኔኤም ዒንጌሢ ዖናዳይ?» ጌዒ ዖኦጬኔ።
\p
\v 29 ዬሱሴ ማሓዖ፦ «ታኣኒያ ዒንሢ ፔቴ'' ባኣዚ'' ዖኦጫንዳኔ፤ ዒንሢ ታኣም ማሄቶ ታኣኒ ዓይጎ ቢታንቶና ሓያ ባኮ ማዻቴያ ዒንሢም ኬኤዛንዳኔ፤ 
\v 30 ዮሓኒሴኮ ማስኪፃ ፆኦሲፓሞ ዓሲፓዳይ? ሒንዳ ታኣም ኬኤዙዋቴ» ጌዔኔ።
\p
\v 31 ዔያታ፦ « ‹ዓካሪ ኑ ዎዚ ጋዓንዳይ?› ጌዒ ዎላ'' ዞርታዖ፥ ‹ፆኦሲፓኬ› ጌዒ ኑኡኒ ማሄቶ ‹ሂዳዖ ዒንሢ ዓይጎሮ ዮሓኒሴ ኬኤዛሢ ጉሙርቂባኣይ?› ዒዚ ጋዓንዳኔ። 
\v 32 ‹ዓሲፓኬ› ኑኡኒ ጌዔቶሽ?» ዓሲፓኬ ዔያታ ጎዑዋጉዲ ዴራ'' ቢያ ማስካ ዮሓኒሴ «ጎኔና ፆኦሲ ማሊሢ ኬኤዛ ዓሲኬ» ጋዓሢሮ ዒጊጬኔ። 
\v 33 ዬያሮ፦ «ኑኡኒ ዔሩዋሴ» ጌዒ ማሄኔ።
\p ዬሱሴያ፦ «ያዒታቶ ታኣኒያ ዓይጎ ቢታንቶና ሃያ ባኮ ማዻቶ ዒንሢም ኬኤዛዓ» ጌዔኔ።
\c 12
\s ዎይኖ ቱካ'' ዓሶ ማሊሲ ኬኤዞና ኮኦኪንሦ
\r (ማቲ. 21፥33-46፤ ሉቃ. 20፥9-19)
\p
\v 1 ሄሊ''ሳዖ ዬሱሴ ዬኖ ኮኦኪንሢና ሂዚ ጌዒ ኬኤዚሢ ዓርቄኔ፦ «ፔቴ'' ዓሲ ዎይኔ ጌይንታ ሙዖ ዓኣፒ ዓኣፓ ሚሢዳ ባልጋ ባኣዚ'' ቱኬኔ፤ ዓጮዋ ኮሺ'' ዲርቂ ዬኖ ካፃዛ ሄ'ርቂ ጩኡጲ ዑሺ ኮሾ''ንዶ ዔቴያ ላሌ ሹቺዳ ቆኦቂ ቦኦኪ ጊኢጊሼኔ፤ ሓሣ ዎይኔሎ ካፓ ዓሶም ዼ'ግ ጌዔ ሴኤላ'' ሴኤሊ''፥ ዬካፓ ዬኖ ቤዞ ጎሽኪ ጎሽኪ ታኣም ካፑዋቴ ጌዒ ጎሽካ ዓሲም ዒንጊ ሓኬ ዓጪ ዴንዴኔ። 
\v 2 ዎይኖ ማንፆ ዎዶ''ና ዒዛ ሄላ'' ዛሎ'' ዔኪ ሙካንዳጉዲ ዒዛኮ ዓይሢንቲ ማዻ ዓሲ ጎሽካ ዓሶ ኮራ ዳኬኔ። 
\v 3 ጎሽካ ዓሳ ዒዛ ዬያ ዓይሢንቲ ማዻሢ ዓርቂ ጳርቄስካፓ ኩቺ ጉሪ ማሂ ዳኬኔ። 
\v 4 ጊንሣ ሓሣ ጎዦ ዓዴ ሜሌ'' ዓይሢንቲ ማዻያ ዳካዛ ጎሽካዞንሢ ዬያኮዋ ቶኦኮ'' ዹይ ዑሪ፥ ቦርሲሲ ዳኬኔ፤ 
\v 5 ሄሊ''ሲ ሓሣ ሜሌ'' ዳካዛ ዬያኣ ዎዼኔ፤ ዬያጉዴያ ሚርጌ ዓሲ ዳካዛ ዛሎ'' ጳርቂ ዛሎ'' ዎዼኔ። 
\v 6 ዓካሪ ጎዦ ዓዴ ማዻኒ ዓቴ'' ባኣዚ'' ፔኤኮ ናሽካ ናዓሢ ዳኪሢ ሌሊኬ፤ ዬያሮ ‹ጎዖንቴ ታኣኮ ናዓሢ ዔያታ ቦንቻንዳኣናንዳኔ› ሂዚ ጌዒ ማላዖ ቢያሢኮ ጋፒንፆይዳ ፔቴ'' ናዓሢ ዳኬኔ። 
\v 7 ጋዓንቴ ጎሽካዞንሢ ዎሊ ኮራ ‹ሓይ ዒዛ ዻካላንዳሢታሢሮ ሃኒ ዬዑዋቴ፤ ኑ ዒዛ ዎዼቶ ዒዛኮ ዓዶኮ ዓኣ ባካ ቢያ ኑም ማዓንዳኔ› ጌዔኔ። 
\v 8 ዬያሮ ናዓሢ ዔያታ ዓርቂ ዎዺ ዬኖ ጎሽኮ ቤዜሎኮ ቲኢፆ ዙላ'' ዔኪ ዓኣዺ ኬኤሬኔ። 
\v 9 ዓካሪ ዬኖ ጎዤሎኮ ዓዳሢ ዓይጎ ዎኦታንዳይ? ጌዔቶ ዒዚ ፔኤሮ ሙኪጋፓ ጎሽካ ዓሶ ዎዻንዳኔ፤ ዬኖ ጎዦ ቤዜሎ ሜሌ'' ጎሽካ ዓሲም ዒንጋንዳኔ። 
\v 10 ጌኤዦ ማፃኣፖይዳ፦
\q ‹ማኣሮ ማዣ ዓሳ ቦሂ ሃሼ'' ሹጫሢ
\q2 ማኣሮኮ ሄሎ ማዔኔ፤ \x - \xo 12፥10 \xo*\xt ዓይኑ. 118፥22-23።\xt*\x*
\q
\v 11 ዬይ ሓሣ ፆኦሲ ማዾኬ፤
\q2 ኑኡኒ ዛጋዛ ዲቃሢ ሔርሺሳያኬ።› »
\m ጌይንቲ ፃኣፒንቴሢ ዒንሢ ናባቢባኣዓዳ?
\p
\v 12 ዓይሁዶኮ ሱኡጎ ማዔ ዓሳ ዬሱሴ ዬያ ኮኦኪንሦና ዔያቶ ዛላ ኬኤዜያ ማዔሢ ዔራዖ ዒዛ ዓርቃኒ ኮዔኔ፤ ጋዓንቴ ሚርጌ ዴሬ ዓኣያታሢሮ ዒጊጪ ዔያታ ዒዛ ሓሺ'' ዴንዴኔ።
\s ጊኢራ ጪጊሢ ዛላ ዖኦጪንቴ ዖኦጪሢ
\r (ማቲ. 22፥15-22፤ ሉቃ. 20፥20-26)
\p
\v 13 ፔርሴ ዓሶና ሄሮዲሴ ዓሶና ዛላ''ፓ ማዔ ፔቴ'' ፔቴ'' ዓሲ ዬሱሴ ጌስታ ጌኤዞና ዻቢንታቶ ቡኡዲ ዓርቃንዳጉዲ ዒዛ ኮራ ዳኪንቴኔ። 
\v 14 ዬንሢያ ዒዛ ኮራ ሙካዖ፦ «ዔርዛሢዮ! ኔኤኒ ጎኔ ኬኤዛያ ማዔሢ ኑኡኒ ዔራኔ፤ ዓሲ ዒጊጪሢና ዓሲ ታና ዎዚ ጋዓንዳይ? ጌዒ ኔ ማዻ ባኣዚ'' ባኣሢሮ ፆኦሲኮ ጎይፆ ጎኑሞና ኔኤኒ ዔርዛኔ፤ ያዒ ማዓዛ ሮሜ ዓጮ'' ካኣቲም ጊኢራ ጪጊሢ ዎጋ'' ዓይሣሞ? ዓይሡዋይ? ኑኡኒ ጊኢሮንዶሞ? ሓሾ''ንዶይ?» ጌዒ ዖኦጬኔ።
\p
\v 15 ዬሱሴ ዔያቶኮ ጌኖ ማሊፆ ዔራዖ፦ «ዒንሢ ታና ዓይጎሮ ጌኤሲና ቡኡዳኒ ኮዓይ? ሂንዳ ሮሜ ዓጮ'' ሚኢሾ ታና ዻውዋቴ» ጌዔኔ።
\p
\v 16 ዔያታ ሚኢሾ ዔኪ ሙካዛ ዒዚ፦ «ሓኖ ሮሜ ዓጮ'' ሚኢሼሎይዳ ዓኣሢኮ ዓውካሮና ፃኣፒንቴ ሱ'ንፆና ዖኦሮዳይ?» ጌዒ ዖኦጬኔ።
\p ዔያታ ማሓዖ፦ «ሮሜ ዓጮ'' ካኣቲሲኬ» ጌዔኔ።
\p
\v 17 ዬሱሴ፦ «ያዒ ማዔቶ ካኣቲሲ ካኣቲም፥ ፆኦሲሲ ፆኦሲም ዒንጉዋቴ» ጌዔኔ። ዔያታ ዒዛኮ ማሂፆና ኮሺ'' ዲቃቲ ሔርሼኔ።
\s ሓይቄ ዓሲኮ ዔቂሢ ዛላ ዖኦጪንቴ ዖኦጪሢ
\r (ማቲ. 22፥23-33፤ ሉቃ. 20፥27-40)
\p
\v 18 «ሓይቄ ዓሲ ሓይባ''ፓ ዔቂንዱዋሴ» ጋዓ ሶዶቄ ዓሳ ዬሱሴ ኮራ ሙካዖ ሂዚ ጌዒ ዒዛ ዖኦጬኔ፦ \x - \xo 12፥18 \xo*\xt ዳኪ. ማዾ'' 23፥8።\xt*\x* 
\v 19 «ዔርዛሢዮ! ሙሴ ዓሶ ዎይሦ ዎጎይዳ ኑም ፔቴ'' ዎጌ ፃኣፒ ዒንጌኔ፤ ዬና ‹ፔቴ'' ዓሲ ላኣሊ ዔካዖ ሾውዋዖ ሓይቄቶ ዒዛኮ ጌርሲ ላኣሌሎ ዔኪ ሓይቄሢም ፃጲ ጌሣኒ ናይ ሾዖንጎ› ጋዓያኬ። \x - \xo 12፥19 \xo*\xt ላሚ. ዎማ 25፥5።\xt*\x* 
\v 20 ዓካሪ ሂንዳ ፔቴ'' ዓሲኮ ላንካይ ዓቲንቄ ናይ ዓኣኔ ኑ ጎዖም፤ ዔያቶኮ ቶይዳሢ ላኣሊ ዔካዖ ሾውዋ ሓይቄኔ፤ 
\v 21 ሄሊ''ሴ ጌኤዚ ሓይቄሢኮ ዬኖ ላኣሌሎ ዔካዖ ሓሣ ሾውዋ ሓይቄኔ፤ ሓይሣሳሢያ ሓሣ ዬያጉዲ ማዔኔ፤ 
\v 22 ዬያይዴ ጎይሣ ላንኮ ጌርሲንሢ ቢያ ላኣሌሎ ዔካዖ ዻካላንዳ ናይ ሾውዋ ሓይቃዛ ቢያሢኮ ጋፒንፃ ላኣሌላ ሓይቄኔ፤ 
\v 23 ላንኮ ጌርሲንሢ ቢያ ዒዞ ዔኬያታሢሮ ጋፒንፃ ሓይቄ ዓሳ ዔቃ ዎዶ''ና ዬና ላኣሌላ ዎያኮ ማቾ ማዓንዳይ?» ጌዒ ዖኦጬኔ።
\p
\v 24 ዬሱሴ ዔያቶም ማሓዖ፦ «ዒንሢ ሓኣዒዲ ዻቢንታሢ ፃኣፒንቴሢና ፆኦሲኮ ዎልቆና ዔሩዋኣሢሮቱዋይ? 
\v 25 ሓይቄ ዓሳ ዔቃዖ ጫሪንጫ ዓኣ ፆኦሲኮ ኪኢታንቾጉዲ ማዓንዳፓ ዓቴም ዔኩዋሴ፤ ሎዑዋሴ። 
\v 26 ሓይቄ ዓሶ ዔቂፆ ዛሎ'' ማዔቶ ጋዓንቴ ፆኦሲ ሙሴም ካዮ ባኣካ'' ታሞና ጴዺ ኬኤዜ ዎዶ''ና ዓይጎ ኬኤዜቶዋ ሙሴ ማፃኣፖይዳ ዒንሢ ናባቢባኣዓዳ? ዬና ዓይጎዳይ ጌዔቶ፦ ‹ፆኦሲ፤ ታኣኒ ዓብራሃሜ ፆኦሲ፥ ዪሳኣቄ ፆኦሲ፥ ያይቆኦቤ ፆኦሲኬ› ጌዔሢኬ። \x - \xo 12፥26 \xo*\xt ኬሲ. ማፃ 3፥6።\xt*\x* 
\v 27 ፆኦሲ ሼምፖና ናንጋ ዓሶ ፆኦሲ፥ ሓይቄቶዋ ናንጊና ናንጋ ዓሶ ፆኦሲኬ። ዒንሢ ጋዓንቴ ኮሺ'' ዻቢንታኔ» ጌዔኔ።
\s ቢያፓ ባሼ ማዔ ዓይሥሢ
\r (ማቲ. 22፥34-40፤ ሉቃ. 10፥25-28)
\p
\v 28 ሙሴ ዔርዜ ዎጎ ዔርዛ ዓሶይዳፓ ፔቴ''ስኬያ ማርማሢ ዔያቶኮ ዋይዜኔ፤ ዬሱሴ ፔ ኮራ ዖኦጫ ዓሶም ቃራ ማሂሢ ማሔሢ ዋይዚ ዒና ዔኬኔ፤ ዬይ ዓሢ ዬሱሴ ባንሢ ሙካዖ፦ «ፆኦሲ ዓይሤ ዓይሢፆይዳፓ ቢያ ባሼ ማዔ ዓይሢፃ ዎኖዳይ?» ጌዒ ዖኦጬኔ። \x - \xo 12፥28 \xo*\xt ሉቃ. 10፥25-28።\xt*\x*
\p
\v 29 ዬሱሴ ዒዛም ማሓዖ፦ «ቢያፓ ባሼ ማዔ ዓይሢፃ ‹ዒስራዔኤሌ ዋይዜ! ፆኦሲ ኑኡኮ ፔቴ'' ፆኦሲ ሌሊኬ፤ 
\v 30 ኔኤኒያ ኔኤኮ ፆኦሲ ጉቤ ዒናፓ፥ ጉቤ ሼምፓፓ፥ ጉቤ ማሊፃፓ፥ ጉቤ ዎልቃፓ ናሽኬ› ጋዓያኬ ጌዔኔ። \x - \xo 12፥30 \xo*\xt ላሚ. ዎማ 6፥4-5።\xt*\x* 
\v 31 ሓሣ ዬያ ማላያ ላምዓሳ ዓይሢፃ ‹ሜሌ'' ዓሲ ኔናጉዲ ማሂ ናሽኬ› ጋዓያኬ። ዬንሢ ላምዖ ዓይሢፆንሢዳፓ ሜሌ'' ባሻያ ባኣሴ።» \x - \xo 12፥31 \xo*\xt ሌዊ. ዓኬ 19፥18።\xt*\x*
\p
\v 32 ሙሴ ዔርዜ ዎጎ ዔርዛሢ ዬሱሴ ኮራ፦ «ሂዮ ፔኤሮ ኮሺኬ ዔርዛሢዮ! ‹ፆኦሲ ፔቴ''ኬ፤ ዒዛይዳፓ ዓቴም ሜሌ'' ፆኦሲ ባኣሴ› ኔኤኒ ጌዔሢ ጎኔኬ፤ \x - \xo 12፥32 \xo*\xt ላሚ. ዎማ 4፥35።\xt*\x* 
\v 33 ዬያሮ ዓሲ ጉቤ ዒናፓ፥ ጉቤ ሼምፓፓ፥ ጉቤ ማሊፃፓ፥ ጉቤ ዎልቃፓ ፆኦሲ ናሽካኒ ኮይሳኔ፤ ሓሣ ሜሌ'' ዓሲያ ፔና ማሂ ናሽካኒ ኮይሳኔ፤ ታሚና ሚቺ ፆኦሲም ዒንጎ ባኮ ዒንጊፆና ዬያ ጉዴያ ሜሌ'' ዒንጎ ካኣዦይዳፓ ዬንሢ ላምዖ ዓይሢፆንሢ ካፒፃ ባሻያኬ» ጌዔኔ። \x - \xo 12፥33 \xo*\xt ሆሴ. 6፥6።\xt*\x* 
\v 34 ዬይ ዎጎ ዔርዛሢ ዔራቶና ጶቂሢ ማሄሢ ዬሱሴ ዛጋዖ፦ «ኔኤኒ ፆኦሲኮ ካኣቱማፓ ሓኬያቱዋሴ» ጌዔኔ።
\p ዬካፓ ዬሱሴ ኮራ ጫርቂ ዖኦጬ ዓሲ ባኣሴ።
\s ሜሲሔ ዛሎ'' ዖኦጪንቴ ዖኦጪሢ
\r (ማቲ. 22፥41-46፤ ሉቃ. 20፥41-46)
\p
\v 35 ዬሱሴ ፆኦሲኮ ጌኤዦ ማኣሮይዳ ዔርዚቤቃ ሂዚ ጌዒ ዖኦጬኔ፦ «ሙሴ ዔርዜ ዎጎ ዔርዛ ዓሳ ‹ኪሪስቶሴ ዳውቴ ናይኬ› ዓይጎሮ ጋዓይ? 
\v 36 ዳውቴ ፔ ቶኦኪና ዓያና ጌኤሺ ዒዛ ዒና'' ማሊሢ ጌሣዛ፦
\q ‹ፆኦሲ፥ ታ ጎዳሢም\f + \fr 12፥36 \fr*\fq ጎዳ፦ \fq*\ft ሃጊ ሙካንዳ ሜሲሔኬ።\ft*\f* (ሜሲሔም)
\q2 ኔኤኮ ሞርኮ ኔ ቢታንቶ ዴማ''
\q2 ታኣኒ ማሓንዳያ ሄላ''ንዳኣና ታኣኮ ሚዛቆ ዛላ'' ዴዔ›
\m ጌዔኔ፤ ጌኤኔ። \x - \xo 12፥36 \xo*\xt ዓይኑ. 110፥1።\xt*\x*
\p
\v 37 «ዓካሪ ዳውቴ ፔ ቶኦኪና ‹ጎዳ› ጌዒ ዔኤሌቶ ሜሲሔ ዳውቴኮ ዎይቲ ናይ ማዓይ?» ዬያ ዒዚ ጋዓኣና ሚርጌ ዓሲ ዒዛሲ ዎዛና ዋይዛኔ።
\s ዬሱሴ ዎጎ ዔርዛ ዓሶና ፔርሴ ዓሶና ዻቢንቴ ዓሲታሢ ኬኤዜሢ
\r (ማቲ. 23፥1-31፤ ሉቃ. 20፥45-47)
\p
\v 38 ዬሱሴ ዔርዚቤቃ ሂዚ ጌዔኔ፦ «ዖዶሲ ዓፒላ ማኣዒ ሴካ ሓንጋ ሓንቲሢና ሓሣ ቦኦኮ''ይዳ ኮሺ ዔኤሊ''ሢ ዔካኒ ናሽካ ሙሴ ዔርዜ ዎጎ ዔርዛ ዓሶይዳፓ ካፒንቱዋቴ፤ 
\v 39 ዔያታ ዓይሁዶ ዓሶኮ ቡኪንቶ ቤዞይዳ ቦንቾ ዖይታ፥ ሙኡዚም ዔኤሎ'' ቤስካ ቦንቾ ቤሲ ዴንቂ ዴዓኒ ሩኡራኔ። 
\v 40 ዓሲ ዛጎም ጌዒ ዖዶሲ ሺኢቆ ሺኢጲሢና ዓኒንሢባኣ ላኣሎኮ ማኣሮ ጌሺ ጌሺ ማንቂሳኔ፤ ዬያሮ ዔያቶይዳ ዴኤሢ ዎጌ ዎጊንታንዳኔ።»
\s ዜኤሮይንዴሎኮ ፆኦሲም ዒንጎ ባኮ ዒንጊፆ
\r (ሉቃ. 21፥1-4)
\p
\v 41 ፆኦሲም ጌዒ ዓሳ ሚኢሾ ዒንጋ ሳኣፂኖኮ ዬሱሴ ቤርቶ ዛላ'' ዴዒ ዓኣዖ ዴራ'' ሳኣፂኖ ጋራ ሚኢሾ ዓጋንቴ ዛጌኔ፤ ዒማ''ና ዖርጎጮ ዓሳ ሚርጌ ሚኢሼ ዓጋዛ፥ 
\v 42 ፔቴ'' ዜኤሪንዶስኬና ሙካዖ ዬኖ ዎዶ'' ሚኢሾና ላምዖ ሲኪና ማዓ ኮሺ'' ዻካ'' ሚኢሼ ዓጌኔ። 
\v 43 ዬሱሴ ፔኤኮ ጊንፆ ሓንታ ናኣቶ'' ዔኤላ''ዖ፦ «ጎኔ ታ ዒንሢም ጋዓኔ፤ ሳኣፂኖይዳ ሚኢሾ ዓጌ ዓሶይዳፓ ባሼ ዓጌዛ ሓኖ ዓኒ ሃይቄ፥ ማንቆ ላኣሌሎኬ ጌዔኔ፤ 
\v 44 ዓይጎሮ ጌዔቶ ሜሌ'' ዓሳ ቢያ ዒንጌሢ ዓኣ ቆሎ''ይዳፓ ዺቢ ዑሣ ዓኣዼሢኬ፤ ዒዛ ጋዓንቴ ማንቆታዖ ፔኤኮ ዓኣማ ዓይሱዋዖ ዓጌኔ፤ ፔና ዎይሣንዳ ባኮንሢ ቢያ ዒንጌኔ።»
\c 13
\s ዬሱሴ ጌኤዦ ማኣሮኮ ሻሂንቲፆ ዛሎ'' ኬኤዜሢ
\r (ማቲ. 24፥1-2፤ ሉቃ. 21፥5-6)
\p
\v 1 ዬሱሴ ጌኤዦ ማኣራፓ ኬስካንቴ ዒዛኮ ጊንፆ ሓንታዞንሢዳፓ ፔቴ''ስኬይ፦ «ዔርዛሢዮ! ሓያ ማኣሮ ማዦሮ ጊኢጊሾና ሹጮና ማዢንቴ ማኣራ ዎዚጉዲ ኮሽካቴያ ሂንዳ ዛጌ!» ጌዔኔ። 
\v 2 ዬሱሴ ማሓዖ፦ «ሓያ ዼኤፖ ማኣሮ፥ ሹጮና ማዦናሢ ኔኤኒ ዛጋ? ሃይ ማኣራ ዶዓንዳኔ፤ ሹቺ ሹቺዳ ሃኣዒዲ ኬልቂንቲ ፔቴ''ታዖ ዓታዓኬ» ጌዔኔ።
\s ጎዳ ሙኮኮ ቤርታ ዳውሲሢና ሜቶና ሙካንዳሢ
\r (ማቲ. 24፥3-14፤ ሉቃ. 21፥7-19)
\p
\v 3 ዬሱሴ ጌኤዦ ማኣሮኮ ቤርቶ ዛሎ''ና ሪሚቲ ዹካ ጎዖ ዹኮ''ይዳ ኬስኪ ዴዒ ዓኣንቴ ጴፂሮሴ፥ ያይቆኦቤ፥ ዮሓኒሴንታ ዒንዲራሴንታ ሌሊ ዒዛ ኮራ ሙካዖ፦ 
\v 4 «ዬይ ኔኤኒ ጌዔ ባካ ማዓንዳሢ ዓይዲዳይ? ዬይ ቢያ ማዓኒ ዑካኣና ዔርታሢ ዓይጎናዳይ? ሂንዳ ኑም ኬኤዜ» ጌዒ ዖኦጬኔ።
\p
\v 5 ዬሱሴ ዔያቶም ማሓዖ፦ «ዖኦኒያ ዒንሢ ዻቢሱዋጉዲ ዒንሢና ዔሩዋቴ፤ 
\v 6 ሚርጌሢ፦ ‹ታኣኒ ሜሲሔኬ› ጌዒ ጌዒ ታ ሱ'ንፆና ሙኪ ሚርጌ ዓሲ ዻቢሳንዳኔ፤ 
\v 7 ዒንሢኮ ዑኬ ዖልዚ ዔቄቶዋ ሓሣ ሓኬ ቤስካ ዓኣ ዖልዚ ሓይሴ ዋይዛዖ ዲቃቲፖቴ፤ ዬይ ማዑዋዖ ዓታዓኬ፤ ጋዓንቴ ጋፒንፃ ሃጊኬ። 
\v 8 ፔቴ'' ዜርፃ ሜሌ'' ዜርፆይዳ፥ ካኣታ'' ካኣቶ''ይዳ ዖልዚ ዔቂሳንዳኔ፤ ዱማ ዱማ ቤስካ ሳዓ ዓጊፂሢና ናይዚና ማዓንዳኔ፤ ዬይ ቢያ ሾይቺ ዓርቂሢ ቆፂ'' ሜታሳሢጉዲ ሜቶ''ኮ ቢያ ቤርቶኬ።
\p
\v 9 «ዒንሢያ ዒንሢ ዛሎ'' ኮሺ'' ዔሩዋቴ፤ ዓይጎሮ ጌዔቶ ዓሳ ዒንሢ ዎጌም ዓኣሢ ዒንጋንዳኔ፤ ዓይሁዴ ዓሶኮ ቡኪንቶ ቤዞይዳ ጳርቂንቲ ታኣኮ ዒንሢ ማርካ ማዓንዳጉዲ ታ ዛሎ''ና ዎይሣ ዓሶና ካኣቶ''ና ቤርታ ዒንሢ ዎጌም ሺኢካንዳኔ። \x - \xo 13፥9 \xo*\xt ማቲ. 10፥17-20።\xt*\x* 
\v 10 ጋፒንፃ ሙካንዳሢኮ ቤርታ ጋዓንቴ ኮዦ ሓይሳ ዱማ ዱማ ዜርፆም ቢያ ሄላ''ኒ ኮይሳኔ። 
\v 11 ዓሳ ዒንሢ ዓርቂ ዎጌም ሺኢሻኣና ‹ኑኡኒ ዓይጎ ኬኤዛንዳ ናንዳይ?› ጌዒ ቤርታዺ ሜታዺፖቴ፤ ዒንሢ ሺኢኬ ዎዶ''ና ዒንሢኮ ዒና'' ሙኬሢ ኬኤዙዋቴ፤ ዓይጎሮ ጌዔቶ ዒማ''ና ኬኤዛሢ ዓያና ጌኤሺ ማዓንዳፓ ዓቴም ዒንሢቱዋሴ። 
\v 12 ጌርሲ ፔኤኮ ጌርሲ፥ ዓዴ ፔኤኮ ናዖ ሓይቢም ዓኣሢ ዒንጋንዳኔ፤ ናኣታ'' ሾዔ ዓሶ ዒፂ ዓኣሢ ዒንጊሢና ዎዺሳንዳኔ። 
\v 13 ታ ዛሎሮ ዒንሢ ዓሲና ቢያ ዒፂንቴያ ማዓንዳኔ፤ ጋፒንፆ ሄላ''ንዳኣና ጊቢ'' ዶዳሢ ጋዓንቴ ዻቃንዳኔ።» \x - \xo 13፥13 \xo*\xt ማቲ. 10፥22።\xt*\x*
\s ዬሩሳላሜ ዓጮ''ይዳ ሄላ''ኒ ዓኣ ፑርቶ ሜታሢ ዛሎ''
\r (ማቲ. 24፥15-28፤ ሉቃ. 21፥20-24)
\p
\v 14 ሓሣ ዓሲ ዒኢሳ ፑርታ ባኣዚ''ና ሻኣካ'' ባኣዚ'' ጴዻኒ ኮይሱዋ ቤስካ ማዺንታንቴ ዒንሢ ዛጋንዳኔ፤ ዬያ ናባባሢ ዒና ዔኮንጎ፤ ዬኖ ዎዶ''ና ዪሁዳ ዓጮ''ይዳ ዓኣ ዓሳ ቢያ ዹኮ'' ባንሢ ቤቶንጎ።\f + \fr 13፥14 \fr*\fq ዳኣኔ. 9፥27 ጊዳ'' ዓኣሢ ዛጌ።\fq*\f* \x - \xo 13፥14 \xo*\xt ዳኣኔ. 9፥27፤ 11፥31፤ 12፥11።\xt*\x* 
\v 15 ሹጮና ማዦና ማኣሮኮ ዑፆይዳ ዓኣ ዓሲ ኬኤፃፓ ኬዲ'' ፔቴ'' ባኣዚ'' ዔካንዳኔ ጌዒ ኔጎፓ፤ \x - \xo 13፥15 \xo*\xt ሉቃ. 17፥31።\xt*\x* 
\v 16 ጎሺዳ ዓኣዺ ዓኣ ዓሲ ዓፒሎ ፔኤኮ ዔካኒ ጊንሣ ማዖፓ፤ 
\v 17 ዬኖ ዎዶ''ና ጎጶይንዳሢና ናኣቶ'' ዓኣሎ'' ዒንዶንሢናም ባዴዔ፤ 
\v 18 ዬይ ቢያ ባርጊ ዎዴና ማዑዋጉዲ ሺኢቁዋቴ። 
\v 19 ዬኖ ዎዶ''ና ፆኦሲ ሳዖ ማዤማፓ ዓርቃዖ ሙኪ ዬኖ ኬሎ'' ሄላ''ንዳኣና ዛጊቤቂቦ ሜቶና ዋኣዮና ማዓንዳኔ፤ ሴካ ቤርቲም ማዔቶዋ ዬያጉዴ ሜቶና ዋኣዮና ማሊ ሄላ''ዓኬ። \x - \xo 13፥19 \xo*\xt ዳኣኔ. 12፥1፤ ዮሓ. ፆፔዻ 7፥14።\xt*\x* 
\v 20 ፆኦሲ ዬያ ኬሎ''ኮ ፓይዶ'' ዻኪሲባኣያታቴ ዻቃኒ ዖኦኒያ ዳንዳዒንዱዋንቴኬ፤ ጋዓንቴ ዶኦሪንቴዞንሢሮ ጌዒ ዬይ ኬላ'' ቢያ ቃሚቃንዳኔ።
\p
\v 21 «ዬያሮ ዖና ማዔቶዋ ‹ሜሲሔ ሓይሾ ሓካኬ›፤ ‹ዬይሾ ያሶኬ› ጌዔቶ ጉሙርቂፖቴ። 
\v 22 ዎይቴይ ጌዔቶ ሉኡዚ ሜሲሔንሢና ሉኡዚ ፆኦሲ ማሊሢ ኬኤዛያ ማላ ዓሲ ሙካንዳኔ፤ ዔያቶም ዳንዳዒንቴቶ ፆኦሲኮ ዔርቲ ጉሙርቂንታ ዓሶታዖ ዻቢሳኒ ዓኪ ዲቃሣ ባኣዚ''ና ማላታና ዔያታ ማዻንዳኔ። 
\v 23 ዒንሢና ኮሺ'' ዔሩዋቴ! ሃያ ባኮ ቢያ ዬይ ዎዳ'' ሄላ''ንዳሢኮ ቤርታሲ ታ ዒንሢም ኬኤዛኔ።»
\s ዓሲ ናዓሢኮ ሙኮ
\r (ማቲ. 24፥29-31፤ ሉቃ. 21፥25-28)
\p
\v 24 ዬኖ ዎዶ''ና ዬያ ሜቶ''ኮ ቢያ ጊንፃ ዓባ'' ዹማንዳኔ፥ ዓጊናኣ ፖዒንዱዋሴ፤ \x - \xo 13፥24 \xo*\xt ዒሲ. 13፥10፤ ሂዚ. 32፥7፤ ዒዩ. 2፥10፤ 3፥15፤ ዮሓ. ፆፔዻ 6፥12።\xt*\x* 
\v 25 ዦኦጋሢያ ጫሪንጫፓ ኬዳ''ዛ ጫሪንጮይዳ ዎልቄና ዓኣ ባካ ቢያ ዓጊፃንዳኔ። \x - \xo 13፥25 \xo*\xt ዒሲ. 34፥4፤ ዒዩ. 2፥10፤ ዮሓ. ፆፔዻ 6፥13።\xt*\x* 
\v 26 ዬካፓ ዓሲኮ ናዓሢ ዼኤፒ ዎልቄና ቦንቺንቲ ሻኣሬና ሙኪ ጴዻንዳኔ፤ \x - \xo 13፥26 \xo*\xt ዳኣኔ. 7፥13፤ ዮሓ. ፆፔዻ 1፥7።\xt*\x* 
\v 27 ፔኤኮ ኪኢታንቾ ዒዚ ዳካዛ ዔያታ ዖይዶ ዛሎ'' ቢያ ዴንዲ ዓጮ''ኮ ጋፓፓ ጫሪንጮ ጋፖ ሄላ''ንዳኣና ዓኣ ዒዛኮ ዶኦሪንቴዞንሢ ቡኩሳንዳኔ።
\s ዎዶ''ኮ ጋፒንፆ ዔርዛ ቤሌሶ ሚፄሎ
\r (ማቲ. 24፥32-35፤ ሉቃ. 21፥29-33)
\p
\v 28 ዬሱሴ ኬኤዛዖ፦ «ቤሌሶ ሚፄሎኮ ኮኦኪንሣ ዒንሢም ዔርዛያ ማዓንዳጉዲ፤ ዒዞኮ ካኣፓ ፂሊ፥ ዒላሺ ኬሳ'' ዎዶ''ና ዖጎሢ\f + \fr 13፥28 \fr*\fq ዖጎሢ፦ \fq*\ft ዒስራዔኤሌ ዓጪና ዒኢካ ዓኣ ሚፃ ፂሊ ዒላሺ ኬሳ'' ዎዴኬ።\ft*\f* ዑኬሢ ዒንሢ ዔራኔ። 
\v 29 ዬያጉዲ ዒንሢያ ዬይ ባካ ቢያ ማዓዛ ዛጋዖ ዓሲኮ ናዓሢ ሙካ ዎዳ'' ዑኬሢና ሙኪ ካራ'' ዓኣሢ ዔሩዋቴ፤ 
\v 30 ጎኔ ታኣኒ ዒንሢም ጋዓኔ፤ ሓይ ሾይንታ ዓኣዻንዳሢኮ ቤርታ ዬይ ቢያ ማዓንዳኔ። 
\v 31 ጫሪንጮና ሳዖና ዓኣዻንዳኔ፤ ታኣኮ ቃኣላ'' ጋዓንቴ ናንጊና ዶዲ ናንጋንዳኔ» ጌዔኔ።
\s ጋፒንፆ ኬሌሎና ዎዶ''ና ዖኦኒያ ዔሩዋያ ማዒፆ
\r (ማቲ. 24፥36-44)
\p
\v 32 ዬሱሴ ሃሣ፦ «ጋዓንቴ ዬኖ ኬሌሎና ዎዴሎና ዛላ ዓዳሢፓ ዓቴም ዖኦኒያ ዔራያ ባኣሴ፤ ጫሪንጮይዳ ዓኣ ኪኢታንቾታቶዋ ሓሣ ናዓሢያ ዔሩዋሴ። \x - \xo 13፥32 \xo*\xt ማቲ. 24፥36።\xt*\x* 
\v 33 ዬና ዎዳ'' ዓይዲ ሙካንዳቴያ ዒንሢ ዔሩዋኣሢሮ ኮሺ'' ዶዱዋቴ። 
\v 34 ዬና ዎዳ'' ማኣሮ ፔኤኮ ሃሺ'' ሓኬ ዓጪ ዓኣዼ ዓሲስኬያ ማላኔ፤ ዒዚ ፔቴ'' ፔቴ'' ዒዛም ማዻ ዓሶም ዱማ ዱማ ማዾ ዒንጋዖ ካፓ ዓሢም ኮሺ'' ዶዲ ካፓንዳጉዲ ዓይሤኔ። \x - \xo 13፥34 \xo*\xt ሉቃ. 12፥36-38።\xt*\x* 
\v 35 ዬያሮ ማኣሮኮ ዓዳሢ ሙካንዳ ዎዶ'' ዒንሢ ዔሩዋያታሢሮ ዒንሢና ኮሺ'' ዔሩዋቴ፤ ጎዖንቴ ዒዚ ሴካ ዒባኒ፥ ዓቴቶ ሳዖኮ ጊዲሚሺ፥ ማዒባኣቶ ኮይዳ ቂኢቃኣና፥ ዔይዔ ጌዔቶ ጉቴ'' ዹቡርታ ሙካንዳኣናንዳኔ፤ 
\v 36 ዔሩዋዖ ዒንሢ ጊንዒ ዓኣንቴ ዒዚ ሙኪ ዒንሢ ዴንቁዋጉዲ ዶዱዋቴ፤
\p
\v 37 «ዒንሢም ታኣኒ ኬኤዛሢጉዲ ሓንጎ ዓሶማኣ ዶዱዋቴ ታ ጋዓኔ» ጌዔኔ።
\c 14
\s ኪሪስቶሴ ባይዛኒ ዓሶኮ ዎላ'' ዞርቲፆ
\r (ማቲ. 26፥1-5፤ ሉቃ. 22፥1-2፤ ዮሓ. 11፥45-53)
\p
\v 1 ዓይሁዴ ዓሳ ዑሣ ዓኣዺፆንታ ላኣዳ ሙዒ ቦንቾ ኬሎ''ንታ ማሊ ቦንቻኒ ላምዖ ዓቢ ዓታዛ ቄኤሶኮ ሱኡጎና ዎጎ ኮሺ'' ዔራ ዓሳ ጌኔ ማሊሢና ዬሱሴ ዓርቂ ዎዾንዶ ጎይሢ ኮዔኔ። \x - \xo 14፥1 \xo*\xt ኬሲ. ማፃ 12፥1-7።\xt*\x* 
\v 2 ጋዓንቴ ዴራ'' ዑራ ዔቂሳንዳኔ ጌዒ፦ «ኑኡኒ ቦንቾ ኬሎ''ና ዬያ ማዻዓ» ዔያታ ጌዔኔ።
\s ሳውቃ ቲዦና ዬሱሴኮ ዑፆ ቲሽኬ ላኣሌሎ
\r (ማቲ. 26፥6-13፤ ዮሓ. 12፥1-8)
\p
\v 3 ዬሱሴ ቢታኒያ ጎዖ ጉርዶይዳ ዑፃ ኬስካ ፑርቶ ዶርዓሢና ዓርቂንቴዖ ፖዔ፥ ሲሞኦኔ ጎዖሢ ማኣራ ዓኣዖ ካሣ ሙዓኒ ጊኢጊ ዴዒ ዓኣንቴ ፔቴ'' ላኣሊስኬና ሹቺ ቢልቃፄይዳ ናርዶሴ ጎዖያ ቦንቺንቴያ ሓሣ ሻንቾዛ ሚርጌ ሚኢሼ ዔካ፥ ሳውቃያ ዋኣሢ ማዔ ቲሺ ኩንሢ ዔኪ ሙካዖ ዬኖ ቢልቃፄሎ ዎዺ ሳውቃ ቲዤሎ ዬሱሴኮ ቶኦካ'' ዋሄኔ። \x - \xo 14፥3 \xo*\xt ሉቃ. 7፥37-38።\xt*\x* 
\v 4 ዬያ ዒዛ ማዻኣና ዒኢካ ዓኣ ዓሶይዳፓ ፔቴ'' ፔቴ'' ዓሳ ጎሪ''ንታዖ፦ «ሓይ ሳውቃ ቲዣ ጉሪ ዓታሢ ዓይጎሮዳይ? 
\v 5 ሓያ ሳውቃ ቲዦ ፔቴ'' ዓሲ ፔቴ'' ሌዔ ማዾ ማዼም ዒንጎንዶ ሚኢሼይዳፓ ዑሣ ሻንቺ ዔኤቢ ባኣ፥ ዓሶ ማንቆም ዒንጎናቴ ዓይጌ ዓኣይ?» ጌዒ ላኣሌሎዋ ዔያታ ፓሴኔ።
\p
\v 6 ዬሱሴ ማሓዖ፦ «ሓሹ''ዋቴ፤ ዒዞ ዒንሢ ዓይጎሮ ሜታሳይ? ዒዛ ታኣም ኮሺ ባኣዚ'' ማዼኔ፤ 
\v 7 ማንቆ ዓሳ ቢያ ኬሊ'' ዒንሢና ዎላ'' ዓኣሢሮ ኮዔ ዎዴና ዔያቶ ዒንሢ ማኣዳ''ኒ ዳዳንዳዓኔ፤ ጋዓንቴ ታኣኒ ቢያ ኬሊ'' ዒንሢና ዎላ'' ሓይካቱዋሴ፤ \x - \xo 14፥7 \xo*\xt ላሚ. ዎማ 15፥11።\xt*\x* 
\v 8 ሓና ላኣሌላ ፔኤም ዳንዳዒንቴሢ ጉዴያ ማዼኔ፤ ዓሽካ ታኣኮ ዱኡኪንቱዋንቴ ቤርታሲ ሳውቃ ቲሺና ዒዛ ታኣኮ ዑፆ ቲሽኪ ዱኡፖም ጊኢጊሼኔ። 
\v 9 ጎኔ ታ ዒንሢም ጋዓኔ፤ ዓጮ'' ቢያይዳ ሓይ ኮዦ ሓይሳ ኬኤዚንታ ዎዶ''ና ዓንካ ማዔቶዋ ሓይ ዒዛ ማዼ ባካ ዒዞ ጶቂሥሢ ማዒ ኬኤዚንታንዳኔ» ጌዔኔ።
\s ዪሁዳ ዬሱሴ ጌሺሢና ዓኣሢ ዒንጋኒ ዓሶና ዎላ'' ጊኢጌሢ
\r (ማቲ. 26፥14-16፤ ሉቃ. 22፥3-6)
\p
\v 10 ታጶ ላምዓሢዳፓ ፔቴ'' ዓስቆሮንቶ ዪሁዳ ጎዖሢ ዬሱሴ ጌሺሢና ዓኣሢ ዒንጋኒ ቄኤሶኮ ሱኡጎ ኮራ ዓኣዼኔ። 
\v 11 ዔያታ ዒዛኮ ጎዳ ሻንቾሮ ሙኪፆ ዔራዖ ኮሺ'' ዎዛዺ ሚኢሼ ዒዛም ዒንጋኒ ዎላ'' ጌስቲ ጊኢጌኔ። ዬካፓ ዒዚ ዬሱሴ ዓኣሢ ዒንጋኒ ዒዛም ጊኢጋንዳ ጎይሢ ኮዔኔ።
\s ዬሱሴ ዑሣ ዓኣዺፆ ኬሎ'' ካዎ ዳኪንቴዞንሢና ዎላ'' ሙዔሢ
\r (ማቲ. 26፥17-25፤ ሉቃ. 22፥7-14፤ 22፥21-23፤ ዮሓ. 13፥21-30)
\p
\v 12 ዬሱሴኮ ጊንፆ ሓንታዞንሢ ዓይሁዴ ዓሳ ዑሣ ዓኣዺፆ ቦንቾ ኬሎ'' ማራቶ ሹኪ ላኣዶዋ ሙዒ ቦንቻ ኬሎ''ኮ ዓይፆይዳ ዒዛ ኮራ ሙካዖ፦ «ዑሣ ዓኣዺፆ ኬሎ'' ማሊ ሙዎ ካዋሢ ሙዓኒ ዎካ ዓኣዺ ጊኢጊሻንዳጉዲ ኔኤኒ ኮዓይ?» ጌዒ ዖኦጬኔ።
\p
\v 13 ዒዚያ ዒዛኮ ጊንፆ ሓንታዞንሢዳፓ ላምዖንሢም ሂዚ ጌዒ ዳኬኔ፦ «ሴኬ ካታሞ ዴንዱዋቴ፤ ዒኢካ ዒንሢ ዋኣሢ ጉሲ ኬዴ ዓሲ ዴንቃንዳኔ፤ ዬያ ዓሢኮ ጊንፆ ዓኣዹዋቴ፤ 
\v 14 ዒዚ ዴንዲ ጌላ ኬኤፆማ ጌሊጋፓ ማኣሮኮ ዓዳሢ ኮራ ‹ዔርዛሢ፡ ታኣኮ ጊንፆ ሓንታዞንሢና ዎላ'' ታኣኒ ዑሣ ዓኣዺፆ ኬሎ'' ሙዖ ሙዓንዳ ኬኤፃ ዎካዳይ?› ጋዓኔ፥ ጎዑዋቴ። 
\v 15 ዒዚያ ኩቦ ጋራ ዓኣ ሂኢሢ ጊኢጊንቴ ዳልጎ ቤዞ ዒንሢም ዻውዋንዳኔ፤ ዒኢካ ኑም ጊኢጊሹዋቴ።»
\p
\v 16 ላምዖ ጊንፆ ሓንታዞንሢ ኬስኪ ካታሞ ዴንዲ ዬሱሴ ጌዔማጉዲ ቤዞዋ ዴንቂ ዑሣ ዓኣዺፆ ኬሎ'' ካዋሢ ሙዓኒ ዒኢካ ጊኢጊሼኔ።
\p
\v 17 ሳዓ ዓማዛ ዬሱሴ ታጶ ላምዖንሢና ዎላ'' ሙኬኔ፤ 
\v 18 ካሦ ሺኢሺ ዔያታ ሙዓኣና ዬሱሴ፦ «ጎኔ ታኣኒ ዒንሢም ጋዓኔ፤ ሓሢ ታኣና ዎላ'' ካሦ ሙዓያ ዒንሢዳፓ ፔቴ''ይ፥ ታና ዓኣሢ ዒንጋንዳኔ» ጌዔኔ። \x - \xo 14፥18 \xo*\xt ዓይኑ. 41፥9።\xt*\x*
\p
\v 19 ዔያታ ዬኖ ጌኤዞና ዖያዖ፦ «ጎኔ ታናቱዋሴ፤ ኔ ታናኬ ጋዓ?» ጌዒ ጌዒ ፔቴ'' ፔቴ''ሢ ዒዛ ዖኦጬኔ።
\p
\v 20 ዬሱሴ ማሓዖ፦ «ዬይ ዓሢ ሓሢ ታኣና ዎላ'' ሃኖ ጎንጋ ኩጮ ዳካያ፥ ዒንሢ ታጶ ላምዓሢዳፓ ፔቴ''ሢኬ፤ 
\v 21 ዓሲኮ ናዓሢ ቤርታዺ ዒዛ ዛሎ'' ፃኣፒንቴ ጎይፆና ሓይቂሢ ዓታዓኬ፤ ጋዓንቴ ዓሲኮ ናዓሢ ጌሺሢና ዓኣሢ ዒንጋ ዬያ ዓሢም ባዴዔ፤ ዬይ ዓሢ ቤርታዺ ሾይንቲባኣቴ ቃራታዖኬ» ጌዔኔ።
\s ጎዳኮ ማዾ'' ካዋሢ
\r (ማቲ. 26፥26-30፤ ሉቃ. 22፥14-20፤ 1ቆሮ. 11፥23-25)
\p
\v 22 ዔያታ ሙዖይዳ ዓኣንቴ ዬሱሴ ካሣ ዔካዖ ጋላቲ ቡንፂጋፓ ዒዛኮ ጊንፆ ሓንታ ናኣቶ''ም፦ «ሓኣዛጉዋቴ፥ ሓይ ታናኬ» ጌዒ ዒንጌኔ።
\p
\v 23 ሓሣ ዑሽኮ ባኮዋ ዔካዖ ጋላቲ ዔያቶም ዒንጌኔ፤ ቢያሢ ዑሽኮ ባኮይዳፓ ዑሽኬኔ። 
\v 24 ዒማ''ና ዒዚ ዔያቶም፦ «ሓይ ታኣኮ ሚርጌ ዓሶም ላኣሊንታንዳ ጫኣቁሞ ሱጉፆኬ፤ \x - \xo 14፥24 \xo*\xt ኬሲ. ማፃ 24፥8፤ ዔር. 31፥31-34።\xt*\x* 
\v 25 ጎኔ ታ ዒንሢም ጋዓኔ፤ ፆኦሲ ካኣቱሞይዳ ዓኮ ታኣኒ ዑሽካንዳያ ሄላ''ንዳኣና ሓኖ ዎይኖ ዑዦ ላሚ ታኣኒ ዑሽካዓኬ» ጌዔኔ።
\p
\v 26 ዬካፓ ዔያታ ፆኦሲ ቦንቾም ማዓ ዓይኑሞ ዓይናዻዖ ሪሚቲ ዹካ ዓኣዻኒ ኬስኬኔ።
\s ጴፂሮሴ ዒዛ ዔሩዋሴ ጋዓንዳኔ ጌዒ ዬሱሴ ኬኤዜሢ
\r (ማቲ. 26፥31-35፤ ሉቃ. 22፥31-34፤ ዮሓ. 13፥36-38)
\p
\v 27 ዬሱሴ ዒዛኮ ጊንፆ ሓንታ ናኣቶ''ም፦ « ‹ሄንቃሢ ታኣኒ ዎዻንዳኔ፤ ማራታኣ ዣኣላንዳኔ› ጌይንቲ ፃኣፒንቴሢጉዲ ታ ዒንሢኮ ዹቆ ማዔም ዒንሢ ቢያ ታና ሓሻ''ንዳኔ፤ \x - \xo 14፥27 \xo*\xt ዛካ. 13፥7።\xt*\x* 
\v 28 ጋዓንቴ ሓይባ''ፓ ታኣኒ ዔቄስካፓ ጌሊላ ጎዖ ዓጮ'' ቢሪ ታ ዒንሢ ዓኣዻንዳኔ» ጌዔኔ። \x - \xo 14፥28 \xo*\xt ማቲ. 28፥16።\xt*\x*
\p
\v 29 ጴፂሮሴ፦ «ሜሌ'' ዓሳ ኔ ዛሎ''ና ዹቂንቴታቶዋ ታኣኒ ማሊ ዹቂንታዓኬ» ጌዔኔ።
\p
\v 30 ዬሱሴ፦ «ታኣኒ ኔኤም ጎኔ ጋዓኔ፤ ሓኖ'' ዒባኒ ኮይዳ ላሚ ቂኢቁዋንቴ ኔኤኒ ታና ሓይሢ ማይንቲ ‹ታ ዒዛ ዔሩዋሴ› ጋዓንዳኔ» ጌዔኔ።
\p
\v 31 ጴፂሮሴ ጋዓንቴ፦ «ሓይቂ ሓይቆቴያ ታኣኒ ኔኤና ሓይቃንዳኣፓዓቴም ማሊ ‹ታ ኔና ዔሩዋሴ› ጋዓዓኬ» ጌዒ ጌዒ ዶዲሺ ኬኤዛኣና ሓንጎ ዓቴ'' ጊንፆ ሓንታዞንሢያ ያዒ ጌዔኔ።
\s ዬሱሴ ጌኤቴሴማኔ ጎዖ ቤዛ ሺኢቄ ሺኢጲፆ
\r (ማቲ. 26፥36-46፤ ሉቃ. 22፥39-46)
\p
\v 32 ዬማፓ ጌኤቴሴማኔ ጎዖያ፥ ቱኮ''ና ሚሢ ሚርጌ ዓኣ ቤሲ ዔያታ ዓኣዻዖ ዬሱሴ ፔኤኮ ጊንፆ ሓንታ ናኣቶ''ም፦ «ታኣኒ ሺኢቃኣና ዒንሢ ሃካ ዴዑዋቴ» ጌዔስካፓ፥ 
\v 33 ዒዛና ዎላ'' ጴፂሮሴንታ ያይቆኦቤንታ ሓሣ ዮሓኒሴንታ ዔኪ ዓኣዻዖ ዒኢካ ዒዚ ኮሺ'' ማሊ ዖዪሢ ዓርቄኔ። 
\v 34 ዔያቶ ኮራ ዒዚ፦ «ሼምፓሢ ታኣኮ ሚርጌ ዖዪ ሓይቃኒ ዑኬኔ፤ ዒንሢ ሓይማካ ዴዒ ዶዲ ካፑዋቴ» ጌዔኔ።
\p
\v 35 ዒዚ ዔያቶይዳፓ ዻካ'' ሓኪ ዓኣዻዖ ባሊቶና ሳዓ ሎኦሚ ዳንዳዒንታያ ማዔቶ ዬና ፑርቶ ሜቶ ዎዴላ ዒዛ ሄሉ''ዋጉዲ፥ 
\v 36 ሂዚ ጌዒ ሺኢቄኔ፦ «ዓዳሢዮ! ቢያ ባኣዚ'' ኔኤም ዳንዳዒንታያታሢሮ ሃኖ'' ታኣኒ ዔካኒ ጊኢጌ ሜቶ'' ታጊዳፓ ሓኪሴ፤ ጋዓንቴ ኔ ማሊፆጉዲ ማዓንዳኣፓዓቴም ታ ማሊፆጉዲ ማዖፓ።»
\p
\v 37 ዬካፓ ሓይሦ ዒዛኮ ጊንፆ ሃንታዞንሢ ኮራ ማዒ ሙካዖ ዔያታ ጊንዒ ዓኣንቴ ዴንቂ ጴፂሮሴ ኮራ፦ «ሲሞኦኔ! ኔኤኒ ጊንዒዳ? ዻካ'' ዎዴታዖ ጴጪ ዶዲ ዴዓኒ ኔኤኒ ዳንዳዒባኣዓዳ?» ጌዔኔ። 
\v 38 ሄሊ''ሳዖ ቢያሢም፦ «ዒንሢ ዻቢሳኒ ጌሾ ባኣዚ''ዳ ዒንሢ ጌሉዋጉዲ ጴጪ ሺኢቁዋቴ፤ ዓሲኮ ዓያና ጊኢጌያኬ፤ ጋዓንቴ ዓሽኪ ላቤያኬ» ጌዔኔ።
\p
\v 39 ሓሣ ጊንሣ ዓኣዺ ቤርታ ዒዚ ሺኢቄሢ ጎይፆ ላሚ ዒማ ጌዒ ሺኢቄኔ። 
\v 40 ዬካፓ ዒዚ ማዒ ሙካንቴ ጊንዓሢ ዔያቶ ሚርጌና ባሼሢሮ ጊንዒ ዓኣንቴ ዴንቄኔ፤ ዔያታ ዒዛም ማሂ ኬኤዛኒያ ዳንዳዓባኣሴ።
\p
\v 41 ሓይሣሲ ዔያቶ ኮራ ማዒ ሙካዖ ሂዚ ጌዔኔ፦ «ሓሢ ሄላ''ንዳኣና ዒንሢ ላሂ ሓውሺሢዳዳ? ማይ ዓካሪ ጊዴኔ፤ ዎዳ''ኣ ሄሌ''ኔ፤ ሓይሾ ዓሲኮ ናዓሢ ጎሞ ዓሶ ኩጫ ጌሺሢና ዓኣሢ ዒንጊንታንዳኔ። 
\v 42 ሂዮ ማይ ዔቁዋቴ ኑኡኒ ዓኣዾም! ታና ጌሺሢና ዓኣሢ ዒንጋሢ ሓይሾ ሙኬኔ» ጌዔኔ።
\s ዬሱሴ ሞርኮ ኩጫ ዓርቂንቴሢ
\r (ማቲ. 26፥47-56፤ ሉቃ. 22፥47-53፤ ዮሓ. 18፥3-12)
\p
\v 43 ዬሱሴ ሂዚ ጌዒ ኬኤዛ ጎይሣ ዓኣንቴ ዒዛኮ ጊንፆ ሓንታ ታጶ ላምዓሢዳፓ ፔቴ'' ዪሁዳ ጎዖሢ ሙኬኔ፤ ዒዛና ዎላ'' ዓፓሮና ኮኦሎ''ና ዓርቄ ሚርጌ ዓሲ ዓኣኔ፤ ዬያታ ዳኪንቴሢ ቄኤሶኮ ሱኡጎና ሙሴ ዔርዜ ዎጎ ዔርዛ ዓሶንታ ጪሞንታይዳፓኬ። 
\v 44 ጌሺፆና ዓኣሢ ዒንጋ ዪሁዳ ዓሶም፦ «ዒንሢ ዓርቃንዳሢ ዎያዳይ ጌዔቶ ‹ኮሺዳ?› ጌዒ ታኣኒ ሄርቃንዳሢኬ፤ ዒዛ ዛጊ ዓርቂ ዔኪ ዓኣዹዋቴ» ጌዒ ዔያታ ዔራንዳጉዲ ቤርታዺ ኬኤዜኔ።
\p
\v 45 ዪሁዳ ሙሙካዖ ዬሱሴ ኮራ ዶጪ፦ «ዔርዛሢዮ!» ጌዒ ሄርቄኔ። 
\v 46 ዬማፓ ዓሳ ዬሱሴ ቶሊ''ንዱዋ ጎይሢ ዓርቄኔ። 
\v 47 ዬማና ዒኢካ ዔቂ ዓኣ ዬሱሴኮ ጊንፆ ሓንታዞንሢዳፓ ፔቴ''ስኬይ ጬንቻ ቱጊ ቄኤሶ ሱኡጋሢ ዓይላ''ሢኮ ዋዮ ቆፂ'' ቲቄኔ። 
\v 48 ዬሱሴያ ዔያቶም ሂዚ ጌዔኔ፦ «ጬንቻና ኮኦሎ''ና ዒንሢ ዔኪ ሙኬሢ ሱላጉዲ ታና ዓርቃኒዳ? 
\v 49 ቢያ ኬሊ'' ጌኤዦ ማኣሮይዳ ታኣኒ ዔርዚ ዔርዚ ናንጋኣና ዒንሢ ታና ዓርቂባኣሴ፤ ጋዓንቴ ሓይ ማዔሢ ፃኣፒንቴሢ ኩማንዳጉዲኬ።» \x - \xo 14፥49 \xo*\xt ሉቃ. 19፥47፤ 21፥37።\xt*\x*
\p
\v 50 ዬማፓ ዒዛኮ ጊንፆ ሓንታ ናኣታ'' ቢያ ዒዛ ሃሺ'' ፑኒንቴኔ።
\p
\v 51 ዒማ''ና ሜሌ'' ባኣዚ'' ዑፃ ባኣያ ፓሎ ዓፒላ ማኣዔ ዼጌስኬይ ሌሊ ዬሱሴኮ ጊንፆ ጊንፆ ዓኣዻንቴ ዓሳ ዬያ ዼጌሢ ዓርቃዛ፥ 
\v 52 ዬኖ ፓሎ ዓፒሌሎ ኬኤሪ፥ ዑሢ ጉሪ ጳሽኪ ቶሌ''ኔ።
\s ዬሱሴ ዓይሁዶኮ ዎይሣ ዓሶ ቡኪንቶ ቤርቶ ሺኢኬሢ
\r (ማቲ. 26፥57-68፤ ሉቃ. 22፥54-55፤ 22፥63-71፤ ዮሓ. 18፥13-14፤ 18፥19-24)
\p
\v 53 ዬሱሴ ዔያታ ቄኤሶኮ ቢያ ዑፃሢ ማኣሪ ዔኪ ዓኣዼኔ፤ ዒኢካ ቄኤሶኮ ሱኡጎና ጪሞና ሓሣ ሙሴ ዔርዜ ዎጎ ዔርዛ ዓሳ ቢያ ቡኪንቴኔ። 
\v 54 ጴፂሮሴያ ቄኤሶኮ ቢያ ዑፃሢ ዲሮ ጋሮ ሄላ''ንዳኣና ሓኬ ሓኬ ዬሱሴኮ ጊንፆ ዓኣዻዖ ዒኢካ ዲሮ ጋሮ ካፓ ዓሶና ዎላ'' ዴዒ ታሚ ካሽታኔ። 
\v 55 ቄኤሶኮ ሱኡጎና ዓይሁዶኮ ቡኪንቶ ቢታ'' ቢያ ዬሱሴ ሓይቃንዳጉዲ ዎጊሳንዳ ማርካ ኮዔኔ፤ ጋዓንቴ ዔያታ ዴንቂባኣሴ። 
\v 56 ሚርጌሢ ሉኡቂ ማርካቴንቴ ዔያታ ኬኤዜ ጌኤዛ ፔቴ'' ማዒባኣሴ።
\p
\v 57 ፔቴ'' ፔቴ'' ዓሳ ዔቃዖ ሂዚ ጌዒ ሉኡቂ ማርካቴኔ፦ 
\v 58 « ‹ታኣኒ ሓያ ዓሲ ኩቻ ማዦና ጌኤዦ ማኣሮ ሻሂ፥ ሓይሦ ኬሊ''ዳ ሜሌ'' ዓሲ ኩቻ ማዢንቲባኣያ ማዣንዳኔ› ዒ ጋዓንቴ ኑኡኒ ዋይዜኔ።» \x - \xo 14፥58 \xo*\xt ዮሓ. 2፥19።\xt*\x* 
\v 59 ያዒ ዔያታ ጌዔንቴያ ማርካታ ዔያቶኮ ዎላ'' ካኣሚባኣሴ።
\p
\v 60 ቄኤሶኮ ቢያ ዑፃሢ ዔያቶ ባኣካ'' ዔቃዖ ዬሱሴ ኮራ፦ «ፔቴ'' ባኣዚ''ታዖ ማሂ ኔ ኬኤዙዋዓዳ? ሓይ ዓሳ ኔጊዳ ጋዓ ባካ ዓይጎዳዖ?» ጌዒ ዖኦጬኔ።
\p
\v 61 ዬሱሴ ጋዓንቴ ዚቲ ጌዔያፓዓቴም ፔቴ'' ባኣዚ''ታዖ ማሂ ኬኤዚባኣያ ማዓዛ ቄኤሶኮ ቢያ ዑፃሢ ዬሱሴ ኮራ ላሚ፦ «ዓንጂንቴ ፆኦሲኮ ናኣዚ'' ሜሲሔ ኔናዳ?» ጌዒ ዖኦጬኔ።
\p
\v 62 ዬሱሴያ ማሓዖ፦ «ሂዮ ታናኬ፤ ዓሲኮ ናዓሢ ዼኤፖ ፆኦሲኮ ሚዛቆ ዛላ'' ዴዒ ዓኣንቴ ሓሣ ጫሪንጮ ሻኣሮና ማዒ ሙካንቴ ዒንሢ ዛጋንዳኔ» ጌዔኔ። \x - \xo 14፥62 \xo*\xt ዳኣኔ. 7፥13።\xt*\x*
\p
\v 63 ዒማ''ና ቄኤሶኮ ቢያ ዑፃሢ ዻጋዺ ፔኤኮ ዓፒሎ ዳርዛዖ፦ «ሜሌ'' ማርካ ኑም ማይ ዓይጎ ኮይሳይ? 
\v 64 ሓያ ዋይዙዋቴ፤ ፆኦሲ ዒዚ ጫሽካንቴ ዒንሢ ዋይዜኔ፤ ዓካሪ ሓይ ዒንሢም ዓይጎ ማላይ?» ጋዓዛ፥ ቢያሢ ፔቴ'' ዑኡሲና፦ «ሓይቢ ዒዛም ኮይሳኔ!» ጌዒ ዎጌኔ። \x - \xo 14፥64 \xo*\xt ሌዊ. ዓኬ 24፥16።\xt*\x*
\p
\v 65 ፔቴ'' ፔቴ'' ዓሳ ዒዛይዳ ጩቲ'' ጩቲ'' ዓኣፓ ዒዛኮ ዛጉዋጉዲ ቱርጫና ቱኪ''፦ «ሂንዳ ኔኤኒ ፆኦሲ ማሊሢ ኬኤዛያታቴ ኔና ዖኦኒ ዱሌ''ቶዋ ዔሬ» ጌዒ ጌዒ ዔያታ ዒዛ ኩቺ ሙሊ ዱሌ''ኔ። ሓንጎ ዲሮ ጋሮ ካፓ ዓሳ ሓሣ ዒዛ ባዒ ባዒ ዔኪ ዓኣዼኔ።
\s ጴፂሮሴኮ ዬሱሴ ታኣኒ ዔሩዋሴ ጌይፆ
\r (ማቲ. 26፥69-75፤ ሉቃ. 22፥56-62፤ ዮሓ. 18፥15-18፤ 18፥25-27)
\p
\v 66 ጴፂሮሴ ቄኤሶኮ ቢያ ዑፃሢ ማኣሮኮ ዾኦሌ'' ዲሮ ጋራ ዓኣንቴ ቄኤሶኮ ቢያ ዑፃሢም ዓይሢንቲ ማዻ ፔቴ'' ዉዱሮ ናይስኬና ሙካዖ፥ 
\v 67 ጴፂሮሴ ዒኢካ ታሚ ካሽታንቴ ዴንቂ ኮሺ'' ዛጋዖ፦ «ኔኤኒያ ናዚሬቶ ዓሢ ዬሱሴና ዎላ'' ዓኣያቲ» ጌዔኔ።
\p
\v 68 ዒዚ ጋዓንቴ፦ «ታኣኒ ዔሩዋሴ፤ ኔኤኒ ጋዓ ባካ ታኣም ዔርቱዋሴ» ጌዔኔ። ዬማ ዒዚ ጌዒ ካሮ'' ባንሢ ኬኬስካኣና ኮይዳ ቂኢቄኔ።
\p
\v 69 ዉዱሮ ናዔላ ጴፂሮሴ ዛጋዖ ዒኢካ ዔቂ ዓኣ ዓሶም፦ «ሓይያ ዔያቶ ባኣካ'' ዓኣያኬ» ጌዒ ላሚ ኬኤዚሢ ዓርቄኔ። 
\v 70 ዒዚ ጋዓንቴ ሓሣ ጊንሣ «ታ ዒዛ ዔሩዋሴ» ጌዔኔ።
\p ዻካ'' ናጋጉዲ ጋዓዖ ዒኢካ ዔቂ ዓኣ ዓሳ ጴፂሮሴ ኮራ፦ «ኔኤኒ ጌሊላ ዓሲታሢሮ ጎኔ ኔ ዔያቶ ባኣካ'' ዓኣያኬ» ጌዔኔ።
\p
\v 71 ዒዚ ጋዓንቴ፦ «ዒንሢ ዬያ ጋዓ ዓሢ ታኣኒ ዔሩዋሴ፤ ታና ባይዞም» ጌዒ ፔና ጋዳንቂ ጫኣቂሢ ዓርቄኔ።
\p
\v 72 ዬማፓ ኔጉዋዖ ኮይዳ ላሚሣ ቂኢቃዛ ጴፂሮሴም፦ «ኮይዳ ላሚ ቂኢቁዋንቴ ሓይሢ ማይንቲ ኔኤኒ ታና ‹ዔሩዋሴ› ጋዓንዳኔ» ጌዒ ዬሱሴ ኬኤዜ ቃኣላ'' ጶቃዛ ዒናፓ ዖዪ ዬኤኬኔ።
\c 15
\s ዬሱሴኮ ጲላፆሴ ቤርቶ ሺኢኪፆ
\r (ማቲ. 27፥1-2፤ 27፥11-14፤ ሉቃ. 23፥1-5፤ ዮሓ. 18፥28-38)
\p
\v 1 ጉቴ'' ዎንፃ ቤዞና ቄኤሶኮ ሱኡጋ ጪሞንታ ሙሴ ዔርዜ ዎጎ ዔርዛ ዓሶንታ ሓሣ ዓይሁዶኮ ቡኪንቶ ቤዞ ሱኡጎንታ ዎላ'' ካኣሚ ዞርቴስካፓ ዬሱሴ ዔያታ ቱኪ'' ዔኪ ጲላፆሴም ዓኣሢ ዒንጌኔ። 
\v 2 ጲላፆሴ ዬሱሴ ኮራ፦ «ኔኤኒ ዓይሁዶኮ ካኣቲዳ?» ጌዒ ዖኦጬኔ።
\p ዒዚ፦ «ኔኤኒ ጌዔሢ ጉዴያኬ» ጌዔኔ።
\p
\v 3 ቄኤሶኮ ሱኡጋ ጋዓንቴ «ሚርጌ ዻቦ ዓኣኔ» ጌዒ ፓይዲ ፓይዲ ኬኤዛኔ። 
\v 4 ዬያሮ ጲላፆሴ፦ «ዋኣዒ ባኣዚ'' ዔያታ ኬኤዛቴያ ሂንዳ ኮሺ'' ዛጌ፤ ኔኤኒ ፔቴ''ታዖ ማሂ ኬኤዛ ባኣዚ'' ማሊ ባኣዓዳ?» ጌዒ ላሚ ዖኦጬኔ።
\p
\v 5 ጲላፆሴ «ሃያጉዴ ዓሲ» ጌዒ ዲቃቲ ማላንዳያ ሄላ''ንዳኣና ዬሱሴ ሓሣ ፔቴ'' ባኣዚ'' ማሂ ኬኤዚባኣሴ።
\s ዬሱሴ ሓይቃንዳጉዲ ዎጊንቴሢ
\r (ማቲ. 27፥15-26፤ ሉቃ. 23፥13-25፤ ዮሓ. 18፥39-40፤ 19፥1-16)
\p
\v 6 ጲላፆሴ ሌዓ ሌዓ ዓይሁዶኮ ዑሣ ዓኣዺፆ ማሊ ቦንቾ ዎዶ''ና ዓሳ ቡሊ''ንቶንጎ ጌዒ ዖኦጬ ዓሲ ፔቴ'' ሌሊ ቱኡዞ ዓሶይዳፓ ቡላ''ያኬ። 
\v 7 ዒማ''ና ዑራ ዔቂሲ ዓሲ ዎዼ ዓሲና ዓይሢንቲ ዒፃ ዓሲ ቱኡሲ ማኣሪ ጌሌያ ዓኣኔ፤ ዬኖ ዓሶይዳፓ ፔቴ''ሢ ባርባኔ ጎዖስኬያኬ። 
\v 8 ዓሳ ጲላፆሴ ኮራ ሙካዖ ዎንዴ ዔያቶኮ ሌዓ ዔርቴ ጎይፆ ቱኡዞ ዓሶም ማዺንታንዳጉዲ ዖኦጬኔ። 
\v 9 ዒዚያ ዔያቶ ኮራ፦ «ዓይሁዶ ካኣቲ ታኣኒ ዒንሢም ቡላ''ንዳጉዲ ዒንሢ ኮዓ?» ጌዒ ዖኦጬኔ። 
\v 10 ዬያ ዒ ጌዔሢ ቄኤሶኮ ሱኡጋ ዬሱሴ ዓኣሢ ዒንጌሢ ቂኢሩሞና ማዔሢ ዔራያታሢሮኬ።
\p
\v 11 ቄኤሶኮ ሱኡጋ ጋዓንቴ ዓሳ ጲላፆሴ ኮራ፦ «ባርባኔ ኑም ቡሊ''ንቶንጎ፤ ዬሱሴ ቡሊ''ንቶፓ» ጋዓንዳጉዲ ዓሶ ዓይሤኔ። 
\v 12 ጲላፆሴያ፦ «ሂዴቶ ሓያ ዓይሁዶ ካኣቲ ዒንሢ ጋዓሢ ታኣኒ ዎዶ''ንዶይ?» ጌዒ ዓሶ ላሚ ዖኦጬኔ።
\p
\v 13 ዔያታ፦ «ዒዛ ሱሱፄ!»\f + \fr 15፥13 \fr*\fq ሱሱፄ፦ \fq*\ft ጋዓዛ ሱፆሢ ሱሲና ሆላ''ቱዋንቴ ፑርቲሴ ዓሲ ሱፆ ሚሢዳ ላምዖ ኩጮና ቶኮና ሚስማሬና ጳርቂኬ።\ft*\f* ጌዒ ጌዒ ጊንሣ ዒላቴኔ።
\p
\v 14 ጲላፆሴ ዓሶ ኮራ፦ «ዒዚ ፑርቲሴ ባካ'' ዓይጎዳይ?» ጌዔኔ። ዔያታ ጋዓንቴ፦ «ዒዛ ሱፄ! ሱሱፄ!» ጌዒ ሃቺም ዒላቴኔ።
\p
\v 15 ጲላፆሴ ዓሶ ዎዛሳኒ ባርባኔ ቡላ''ዖ ዬሱሴ ዓሶና ጳርቂሲ ሱፃንዳጉዲ ዓኣሢ ዒንጌኔ።
\s ፖኦሊሳ ዬሱሴ ቦሂ ዓማሊ'' ሺሬሢ
\r (ማቲ. 27፥27-31፤ ዮሓ. 19፥2-3)
\p
\v 16 ፖኦሊሳ ዬሱሴ ዔኪ ዓጮ'' ዎይሣ ጲላፆሴ ማኣሪ ዓኣዺ ማርሾ ጋሮ ጌልዛዖ ዓቴ'' ሜሌ'' ፖኦሊሶዋ ቢያ ዔኤሌ''ኔ፤ 
\v 17 ዒማ''ና ዲንኪ ዞቄ ዖዶሲ ዓፒላ ዔያታ ዒዛ ማይሲ ሓሣ ካኣቶ''ኮ ቶኦካ ዓጎያ ዓክሊሌ ጎዖ ባኮ ማሊሲ ዓንጊሢ ጉኡሪ ማሂ ቶኦካ'' ዓጊጋፓ፦ 
\v 18 «ዓይሁዶ ካኣቲዮ! ኮሺ ኔኤም ማዖንጎ» ጌዒ ጌዒ ቦሄኔ። 
\v 19 ዎኦሺጉዴ ሚሢናኣ ቶኦካ'' ዒዛኮ ጳርቂ ጳርቂ ጩቺያ ዑፃ ዒዛኮ ጩቲ'' ጩቲ'' ሓሣ ዒዛኮ ቤርታ ጎኔ ጉምዓታያ ማሊ ጌሺሢ ጎምዓቶ ጉምዓቲ ጉምዓቲ ዚጌኔ። 
\v 20 ዬያይዲ ዒዛ ዔያታ ቦሂ ሺሬስካፓ ዲንኮ ዞቄ ዓፒሎ ዒዛ ዑፃፓ ኬሲ'' ዒዛኮ ቤርታ ማኣዖ ዓፒሎ ማይሲ ሱፃኒ ዔኪ ዓኣዼኔ።
\s ዬሱሴ ሱፂንቴሢ
\r (ማቲ. 27፥32-44፤ ሉቃ. 23፥26-43፤ ዮሓ. 19፥17-27)
\p
\v 21 ዔያታ ዓኣዻ ጎይሣ ዓኣዖ ቄሬና ጎዖ ዓጪ ዓሲ ማዔያ ዒስኪንዲሬና ሩፖሴ ጎዖስኬንሢኮ ዓዶ ሲሞኦኔ ጎዖሢ ካታሞኮ ዙላ''ፓ ካታሞ ጌላንቴ ካኣማዖ ዬሱሴ ሱፂንታንዳ ፑርቲሴ ዓሶ ሱፆ ሚፆ ዓሢ ዎልቄና ኬዲሴኔ። \x - \xo 15፥21 \xo*\xt ሮሜ 16፥13።\xt*\x* 
\v 22 ዬካፓ ዬሱሴ ዔያታ «ቶኦኪ ሜጌሢ» ጌይንታ፥ ጎልጎታ ጎዖ ቤዞ ዔኪ ዓኣዼኔ። 
\v 23 ዒኢካ ዒዚ ሄሌ''ስካፓ ፔቴ'' ካርቤ ጎዖ ጫንቺ ባኣዚ''ና ሲኢሪንቴ ዑሺ ዎይኔፓ ኮሾ''ናያ ዑሽካንዳጉዲ ዔያታ ዒንጋዛ ዒዚ ዑሽኪባኣሴ። 
\v 24 ዬካፓ ዔያታ ዒዛ ሱፃዖ ዓፒሎ ዒዛኮ ዱማሲ ዔራኒ ዓጎ ባኣዚ'' ዎሊም ዓጊ ፓቂንቲ ዔኬኔ። \x - \xo 15፥24 \xo*\xt ዓይኑ. 22፥18።\xt*\x* 
\v 25 ዬሱሴ ዔያታ ሱፄ ዎዳ'' ጉቶኮ ሶኦፓ ዎዴ ማዓኣናኬ። 
\v 26 ዬሱሴኮ ዻቢንቶ ዔርዛንዳጉዲ «ዓይሁዴ ካኣቲ» ጌይንቲ ፃኣፒንቴ ባኣዚ'' ፑርቲሴ ዓሶ ሱፆ ሚፆ ዑፃ ዓኣኔ። 
\v 27 ዒማ''ና ላምዖ ሱላ ዬሱሴና ዎላ'' ዔኪ ሙኪ ፔቴ''ሢ ዬሱሴኮ ሚዛቆ ዛላ''፥ ፔቴ''ሢ ሻውሎ'' ዛላ'' ሱፄኔ። [ 
\v 28 ያዒ ማዒፆና «ዋይዞ ዒፃ ዓሶና ዎላ'' ፓይዲንቴኔ» ጌይንቲ ቤርታ ኬኤዞና ፆኦሲ ማሊፃ ኩሜኔ።]\f + \fr 15፥28 \fr*\fq ፔቴ'' ፔቴ'' ማፃኣፖይዳ ፓይ. 28ይዳ ዓኣ ቃኣላ'' ፃኣፒንታኔ፤ ዬና ቃኣላ'' ሉቃ. 22፥ 37 ጊዳ'' ዓኣዞ ማላኔ።\fq*\f* \x - \xo 15፥28 \xo*\xt ዒሲ. 53፥12።\xt*\x*
\p
\v 29 ኮይሌና ዓኣዻ ዓሳ ቶኦኮ'' ቦሂሢና ዓጊሢ ዓጊሢ፦ «ዓኣህ! ኔኤኒ ጌኤዦ ማኣሮ ሻሂ ሓይሦ ኬሊ''ዳ ማዣሦ! \x - \xo 15፥29 \xo*\xt ዓይኑ. 22፥7፤ 109፥25፤ ማር. 14፥58፤ ዮሓ. 2፥19።\xt*\x* 
\v 30 ሂንዳ ሓሢ ፑርቲሴ ዓሶ ሱፆ ሚፃፓ ኬዲ'' ኔና ዻቂሼ!» ጌዔኔ።
\p
\v 31 ዬያጉዲ ሓሣ ቄኤሶኮ ሱኡጎና ሙሴ ዔርዜ ዎጎ ዔርዛ ዓሳ ዎሊ ኮራ፦ «ሜሌ'' ዓሶ ዒ ዻቂሼኔ፤ ፔና ጋዓንቴ ዻቂሻኒ ዳንዳዑዋሴ። 
\v 32 ዒዚ ጎኔ ሜሲሔ፥ ዒስራዔኤሌ ካኣቲታቶ ሂንዳ ሓሢ ዒዛ ሱፆና ሚፃፓ ኬዶ''ንጎ፤ ኑኡኒ ዛጊጋፓ ጉሙርቆም!» ሂዚ ጌዒ ጌዒ ዒዛ ቦሃኣና ዬኖ ጎይፆ ዒዛና ዎላ'' ሱፂንቴ ሱላ ማዔ ዓሳኣ ዒዛ ቦሂ ቦሂ ጫሽኬኔ።
\s ዬሱሴኮ ሓይቂፆ
\r (ማቲ. 27፥45-56፤ ሉቃ. 23፥44-49፤ ዮሓ. 19፥28-30)
\p
\v 33 ዒማ''ና ሮኦሮኮ ዓባ'' ሳዛ ማዔማፓ ዓርቃዖ ዴንዲ ማሢ ዶንቦልሳ ዎዴ ሄላ''ንዳኣና ሳዓ ቢያ ዹሜኔ። 
\v 34 ማሢ ዶንቦልሳ ዎዴ ማዓዛ ዬሱሴ፦ «ዔሎሄ! ዔሎሄ! ላማሳባቂታኒ!» ጌዒ ዼኤፒ ዑኡሲና ዒላቴኔ። ዬኖኮ ቡሊ''ፃ፦ «ፆኦሲዮ! ፆኦሲዮ! ኔኤኒ ታና ዓይጎሮ ሓሼ''ይ?» ጌይሢኬ። \x - \xo 15፥34 \xo*\xt ዓይኑ. 22፥1።\xt*\x*
\p
\v 35 ዒኢካ ዔቂ ዓኣ ዓሶይዳፓ ፔቴ'' ፔቴ'' ዓሳ ዒዛኮ ዒላቶ ዋይዛዖ፦ «ሓይሾ ዒዚ ዔኤሊያሴ ዔኤላ''ኔ!» ጌዔኔ። 
\v 36 ዔያቶይዳፓ ፔቴ''ስኬይ ጳሽኪ ዴንዲ ዎይኔይዳፓ ኮሾ''ና ሶልኪ ኮሽኩዋ ዑሺዳ ዓፒላ ቱርጫጉዴ ባኣዚ'' ዓጊ ዎኦሺ ሚሢና ዬሱሴ ዑሽካንዳጉዲ ዒንጋዖ፦ «ጫክ ዔኤሊያሴ ሂንዳ ሙኪ ዒዛ ኬሣቴ ኑኡኒ ዛጎም» ጌዔኔ። \x - \xo 15፥36 \xo*\xt ዓይኑ. 69፥21።\xt*\x*
\p
\v 37 ዬካፓ ሓሣ ዬሱሴ ዼኤፒ ዑኡሲና ዒላቴኔ፤ ሼምፓሢያ ዒዛኮ ዱጴኔ።
\p
\v 38 ዒማ''ና ጌኤዦ ማኣሮኮ ጋሮይዳ ዱማሲሢ ማሂ ጎኦቢ ጌሦና ዓፒላ'' ሎፓ ሉ ሄላ''ንዳኣና ዳርዒ ላምዖ ፓቂንቴኔ። \x - \xo 15፥38 \xo*\xt ኬሲ. ማፃ 26፥31-33።\xt*\x* 
\v 39 ፑርቲሴ ዓሶ ሱፆ ሚፆኮ ቤርቶ ዛላ'' ዔቂ ዓኣ፥ ፔቴ'' ፖኦሊሶ ዓይሣስኬይ ዬሱሴ ዬያይዲ ዒላቲ ሓይቄሢ ዛጋዖ፦ «ሓይ ዓሢ ጎኔና ፆኦሲ ናይታዖኬ» ጌዔኔ።
\s ጎልጎታ ጎዖ ቤዛ ዓኣ ላኣሎንሢ
\r (ማቲ. 27፥55-56፤ ዮሓ. 19፥25-27)
\p
\v 40 ዒማ''ና ሓኬ ዔቂ ዛጋ ፔቴ'' ፔቴ'' ላኣሊ ዓኣኔ። ዬያቶይዳፓ ሜግዴላ ዓጮ'' ማይራማ፥ ዻኮ'' ያይቆኦቤና ዮሳ ጎዖዞንሢኮ ዒንዶ ማይራሞ ጌይንታዞንታ ሴሎሜ ጎዖዞንታ ቢያ ዓኣኔ። 
\v 41 ዬሱሴ ጌሊላ ዓጮ''ይዳ ዓኣ ዎዶ''ና ዔያታ ዒዛኮ ጊንፆ ሓንታያ ሓሣ ዒዛ ማኣዳ''ያኬ። ዔያቶጉዴያ ዬሱሴና ዎላ'' ዬሩሳላሜ ሙኬ ሚርጌ ሜሌ'' ላኣሊ ዓኣኔ። \x - \xo 15፥41 \xo*\xt ሉቃ. 8፥2-3።\xt*\x*
\s ዬሱሴ ዱኡኪንቴሢ
\r (ማቲ. 27፥57-61፤ ሉቃ. 23፥50-56፤ ዮሓ. 19፥38-42)
\p
\v 42 ሳዓ ዓሜያታሢሮ ዓይሁዶኮ ሓውሾ ኬላ'' ዑኬም ዓሶኮ ጊኢጊንቲ ጊኢጊንቶያ ማዔኔ፤ 
\v 43 ዒማ''ና ዓይሁዶ ዓሶኮ ቡኪንቶ ቤዞ ሱኡጎይዳፓ ፔቴ'' ዮሴፔ ጌይንታያ ቦንቺንታ ዓሲ ዓርማቲያሴ ጎዖ ዓጪዳፓ ሙኬኔ። ዒዚያ ፆኦሲኮ ካኣቱሞ ዎዛና ካፓ ዓሲኬ። ዒዚ ዒጊጩዋዖ ጲላፆሴ ቤርቶ ሙኪ ዬሱሴኮ ሌዞ ዒንጋንዳጉዲ ሺኢቄኔ። 
\v 44 ጲላፆሴያ፦ «ዎይቲ ዬያይዲ ዑኬና ዒ ሓይቄይ» ጌዒ ዲቃቲ ማላዖ ፖኦሊሶ ዓይሣሢ ፔ ባንሢ ዔኤሊ''፦ «ጎኔ ዒዚ ሓይቄንቴ ናጊያ?» ጌዒ ዖኦጬኔ። 
\v 45 ዬሱሴኮ ሓይቂፆ ፖኦሊሶ ዓይሣሢ ኮራፓ ዋይዛዖ ዮሴፔ ሌዞ ዔካንዳጉዲ ዒ ዓይሤኔ። 
\v 46 ዮሴፔ ዓኪ ኮይዚንታንዳ ዓፒላ ሻንቃዖ ዬሱሴኮ ሌዞ ፑርቲሴ ዓሶ ሱፆ ሚፃፓ ኬሢ ሱኡዲ፥ ሹጮ ዶዶ ጳሊ'' ቦኦኪ ኮሾ''ና ቆኦፖይዳ ዱኡኬስካፓ ዼኤፒ ሹቺ ኮላሲ ዱኡፖ ዔቶ ካሮ'' ዎዼኔ። 
\v 47 ሜግዴላ ዓጮ'' ማይራሞና ዮሳ ዒንዶ ማይራሞና ዬሱሴ ዓሳ ዎካ ዱኡኬቴያ ዛጌኔ።
\c 16
\s ዬሱሴ ሓይባ''ፓ ዔቄሢ
\r (ማቲ. 28፥1-8፤ ሉቃ. 24፥1-12፤ ዮሓ. 20፥1-10)
\p
\v 1 ዓይሁዶኮ ሓውሾ ኬላ'' ጋፔስካፓ ሜግዴላ ዓጮ'' ማይራማ፥ ያይቆኦቤ ዒንዳ ማይራማ፥ ሴሎሜንታ ዎላ'' ዬሱሴኮ ሌዞ ቲሽካኒ ሳውቃ ቲሺ ሻንቄኔ፤ 
\v 2 ዉዴ ጉቴ'' ዓባ'' ፆፆርቃኣና ዱኡፖ ዔቶ ቤዞ ዔያታ ዓኣዼኔ። 
\v 3 ዔያታ ዎሊ ኮራ፦ «ሹጫሢ ዱኡፖ ዔቶ ካራ''ፓ ዖኦኒ ኑም ኮላሲ ሺኢሻንዳይ?» ጌዒ ዎላ'' ጌስቲ ጌስቲ ዓኣዼኔ። 
\v 4 ዔያቶ ዬያ ጌይሴሢ ዱኡፖ ዔቶ ካሮ'' ዎዾና ሹጫሢ ኮሺ'' ዼኤፒታሢሮኬ። ዬካፓ ዔያታ ዼ'ግ ጌዒ ዛጋዖ ሹጫሢ ኮላዺ ዓኣንቴ ዴንቄኔ። 
\v 5 ዱኡፖ ዔቶ ዔያታ ጌላዛ ቦኦሬ ዖዶሲ ዓፒላ ማኣዔ ዼጌ ሚዛቆ ዛላ'' ዴዒ ዓኣንቴ ዴንቃዖ ዲቃቴኔ።
\p
\v 6 ዒዚ ጋዓንቴ ዔያቶም ሂዚ ጌዔኔ፦ «ዶዱዋቴ፥ ዲቃቲፖቴ፤ ዒንሢ ኮዓሢ ሱፂንቴ ናዚሬቶ ዬሱሴ ማዔሢ ታኣኒ ዔራኔ፤ ዒዚ ዔቄኔ፥ ሓይካ ባኣሴ፤ ዱኡኪንቴ ቤዞ ሓይሾ ሓኣዛጉዋቴ፤ 
\v 7 ሓሢ ዓኣዺጋፓ ጴፂሮሴንታ ሓንጎ ዒዛኮ ጊንፆ ሓንታ ናኣቶ''ንታም ሓያኮ ቤርታ ዒዚ ዒንሢም ኬኤዜሢጉዲ ጌሊላ ዒንሢ ቢሪ ዓኣዻንዳኔ፤ ዒኢካ ዒዛ ዒንሢ ዛጋንዳኔ ጌዒ ኬኤዙዋቴ» ጌዔኔ። \x - \xo 16፥7 \xo*\xt ማቲ. 26፥32፤ ማር. 14፥28።\xt*\x*
\p
\v 8 ላኣሎንሢያ ዒጊቹሞና ጎጋይቂ ጎጋይቂ ዱኡፖ ዔታፓ ኬስኪ ጳሽኬኔ፤ ዔያታ ኮሺ'' ዒጊጬያታሢሮ ፔቴ''ታዖ ዖኦማኣ ኬኤዚባኣሴ።\f + \fr 16፥8 \fr*\fq ፔቴ'' ፔቴ'' ሚናኣ ማፃኣፖኮ ፓይ. 8ይዳ ሂዚ ጋዓ ቃኣላ ዓኣኔ፦ «ላኣሎንሢ ጴፂሮሴና ላጎንሢና ኮይላ'' ዓኣዺ ኪኢታንቻሢ ኬኤዜ ባኮ ቢያ ዔያቶም ኬኤዜኔ፤ ዬካፓ ዬሱሴ ፔኤሮ ናንጊና ዻቂንታ ማዔ፥ ላኣሚንቱዋ ኮዦ ሃይሶ ዓቦ''ኮ ኬዛፓ ዴንዲ ጌሎ ሄላ''ንዳኣና ዒዛኮ ጊንፆ ሃንታዞንሢ ዛሎ''ና ዳኬኔ።»\fq*\f*
\s ዬሱሴ ሜግዴላ ዓጮ'' ማይራሞም ጴዼሢ
\r (ማቲ. 28፥9-10፤ ዮሓ. 20፥11-18)
\p [ 
\v 9 ዬሱሴ ዉዴ ጉቴ'' ሓይባ''ፓ ዔቄስካፓ ቤርታዺ ላንካይ ፑርታ ዓያና ዒዚ ኬሴ'' ሜግዴላ ዓጮ'' ማይራሞም ጴዼኔ፤\f + \fr 16፥9 \fr*\fq ፔቴ'' ፔቴ'' ሚናኣ፥ ጉሙርቂንታ ማፃኣፓ ፓይ. 9-20 ዓኣ ፓይዶ'' ቃሱ''ዋሴ።\fq*\f* 
\v 10 ዒዛኣ ዴንዲ ዖዪሢና ዬኤፒናይዳ ዓኣ ዒዛኮ ጊንፆ ሓንታ ናኣቶ''ም ኬኤዜኔ፤ 
\v 11 ዒዛ ዔያቶም፦ «ዬሱሴ ሓይባ''ፓ ዔቂ ሓሢ ሳዛና ዓኣንቴ ታኣኒ ታ ዓኣፒና ዛጌኔ» ጌዒ ኬኤዛዛ፥ ዔያታ ጋዓንቴ ዒዞሲ ጎኔኬ ጌይ ጉሙርቂባኣሴ።
\s ዬሱሴ ዒዛኮ ጊንፆ ሓንታ ናኣቶ''ይዳፓ ላምዖንሢም ጴዼሢ
\r (ሉቃ. 24፥13-35)
\p
\v 12 ዬካፓ ሓሣ ላሚ ካታማፓ ዙሎ'' ዓኣዻያ ላምዖ ዒዛኮ ጊንፆ ሓንታስኬንሢም ዬሱሴ ዱማ ጎይሢና ጴዼኔ። 
\v 13 ዔያታ ሓሣ ዴንዲ ዓቴ'' ዬሱሴኮ ጊንፆ ሓንታ ናኣቶ''ም ኬኤዛዛ፥ ጊንፆ ሓንታ ናኣታ'' ጋዓንቴ ዬንሢሲያ ጉሙርቂባኣሴ።
\s ዬሱሴ ታጶ ፔቴ'' ዒዛኮ ዳኪንቴዞንሢም ጴዼሢ
\r (ማቲ. 28፥16-20፤ ሉቃ. 24፥36-49፤ ዮሓ. 20፥19-23፤ ዳኪ. ማዾ'' 1፥6-8)
\p
\v 14 ዬካፓ ታጶ ፔቴ''ዞንሢ ካሣ ሺኢሺ ዴዒ ሙዓንቴ ዬሱሴ ዔያቶም ጴዻዖ ዔያቶኮ ጉሙርቂፆ ዓቲፆና ሓሣ «ዬሱሴ ሓይባ''ፓ ዔቂ ሳዛና ዓኣንቴ ኑኡኒ ኑ ዓኣፒና ዛጌኔ» ጌዒ ዔያቶም ኬኤዜ ዓሶኮ ሓይሶ ዔኪባኣሢሮ ዒና''ኣ ዔያቶኮ ዒፂ ዶዴሢሮ ዔያቶ ቦሄኔ። 
\v 15 ሂዚያ ዔያቶም ጌዔኔ፦ «ዓጮ'' ቢያ ዴንዱዋቴ፤ ዓሶ ቢያሢም ሓያ ኮዦ ሓይሶ ዔርዙዋቴ። \x - \xo 16፥15 \xo*\xt ዳኪ. ማዾ'' 1፥8።\xt*\x* 
\v 16 ጉሙርቂ ጎናሲ ፆኦሲ ዔኬሢና ዋኣሢና ማስቴሢ ዻቃንዳኔ፤ ፆኦሲ ጉሙርቂ ጎናሲ ዔኩዋኣሢ ጋዓንቴ ፑርታና ዎጊንታንዳኔ። 
\v 17 ታና ጉሙርቂ ጎናሲ ዔካዞንሢም ቢያ ሓንሢ ዲቃሣ ማዾ''ንሢ ማዻንዳ ቢታንቶ ዒንጊንታንዳኔ፤ ታ ሱ'ንፆና ፑርቶ ዓያኖ'' ዔያታ ኬሳ''ንዳኔ፤ ዓኪ ሙኡቺና ጌስታንዳኔ፤ 
\v 18 ሾኦዦ ዔያታ ኩቻ ዓርቄቶዋ ሓሣ ዓሲም ዶርዖ ማዒ ዎዻ ባኣዚ''ታዖ ዔያታ ዑሽኬቶ ዔያቶም ዶርዖ ማዓዓኬ፤ ኩጮ ዔያታ ሓርጊንቴ ዓሶ ዑፃ ጌሣዛ ሓርጊንቴ ዓሳ ዻቃንዳኔ።»
\s ዬሱሴኮ ጫሪንጮ ዓኣዺፆ
\r (ሉቃ. 24፥50-53፤ ዳኪ. ማዾ'' 1፥9-11)
\p
\v 19 ጎዳ ዬሱሴ ዬያ ቢያ ኬኤዜሢኮ ጊንፃፓ ጫሪንጮ ዓኣዺ ፆኦሲኮዋ ሚዛቆ ዛላ'' ዴዔኔ፤ \x - \xo 16፥19 \xo*\xt ዳኪ. ማዾ'' 1፥9-11።\xt*\x* 
\v 20 ዬሱሴኮ ጊንፆ ሓንታ ናኣታ'' ቢያ ቤዛ ዓኣዺ ዓኣዺ ዔርዜኔ፤ ጎዳሢያ ዔያቶና ዎላ'' ማዼኔ። ዲቃሣ ማዾ ማዻንዳጉዲ ቢታንቶ ዔያቶም ዒንጊ ዔርዚፆዋ ዔያቶኮ ዒ ዶዲሼኔ።]