\id EPH - Maale Project
\ide UTF-8
\h ዔፕሶኔ ዓሶም
\toc3 ዔፕ.
\toc2 ዔፕሶኔ ዓሶም
\toc1 ፆኦሲ ማዾ''ም ዳኪንቴ ጳውሎሴ ዔፕሶኔ ዓሶም ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ዔፕሶኔ ዓሶም ዳኬ ኪኢቶ''
\imt ዓይፆ ካሮ''
\ip ጳውሎሴ ዔፕሶኔ ዓሶም ፃኣፔ ኪኢታ'' ባሼና ዔርዛሢ፦ «ፆኦሲ ማሊፃ ጫሪንጮና ሳዖናይዳ ዓኣ ባኮ ቢያ ፔቴ'' ማሂ፥ ፔቴ'' ኪሪስቶሴ ቢታንቶ ዴማ'' ማሂሢኬ» ጋዓ ማሊፆኬ (1፥10)። ሃሣ ጊንሣ ዬሱስ ኪሪስቶሴና ማዒ ዓሲኮ ዜርሢ ፔቴ'' ማዓንዳጉዲ ሓያ ዼኤፖ ማሊፆ ማዾይዳ ዔያታ ፔኤሻንዳጉዲ ፆኦሲኮ ዴሮ''ም ዔርዛያኬ።
\ip ዔፕሶኔ ኪኢቶ''ኮ ዓይፆይዳ፡ ፃኣፓ ዓሢ ዓሲኮ ፔቱሞ ዛላ ዓርቄ ማሊፆ ዳልጊሺሢና ፆኦሲ፥ ዓዳሢ ፔኤኮ ዴሮ'' ዎዲ'' ዶኦሬቴያ፤ ሃሣ ፔኤኮ ናዖ፥ ዬሱስ ኪሪስቶሴ ዛሎ''ና ዔያቶኮ ጎማ ዓቶም ጌይንቴም ዎይቲ ዔያታ ጌኤሽኬቴያ ፆኦሲኮዋ ዼኤፖ ሃጊ ማዓንዳ ዎዛ'' ዓያኖ ጌኤዦ ዛሎ''ና ዎይቲ ጎናዺ ዔርቴቴያ ኬኤዛኔ። ላምዓሲ ኬኤዛ ማሊፆይዳ ፃኣፓ ዓሢ ሃኖ' ኪኢቴሎ ናባባ ዓሶኮ ፔቱሞ ናንጋ ዔያቶኮ ኪሪስቶሴና ዓኣ ፔቱማ ጎኔ ማዓንዳጉዲ ዎይቲ ዔያታ ናንጋንዳያ ኮይሳቴያ ኬኤዛኔ።
\ip ዓሳ ኪሪስቶሴና ዓኣ ፔቱሞና ዎይቲ ፔቴ''ይዳ ናንጋኒ ዳንዳዓቴያ ዱማ ዱማ ኮኦኪንሢ ማዓ ሃይሴና ኬኤዚንቴኔ፤ ዬይያ፦ ሺኢጲፆ ማኣሮ ዓሳ ፔቴ'' ዑሢጉዲ ማዓዛ ኪሪስቶሴ ቶኦካ''ሢኬ፤ ሃሣ ሺኢጲፆ ማኣሮ ዓሳ ማኣሮ ማዓዛ፥ ኪሪስቶሴ ማኣሮኮ ሄላሢኬ፤ ሺኢጲፆ ማኣሮ ዓሳ ማቾጉዲ ማዓዛ፥ ኪሪስቶሴ ዓኒጉዲ ማዔኔ፤ ፃኣፓ ዓሢ፦ ኪሪስቶሴ ዛሎ''ና ፔጋዼ ፆኦሲኮ ኮሹሞ ዒንጊፆ ሚርጌና ሄርሺ ሄርሺ ኬኤዛ ዎዶ''ና ኮሺ'' ዓኣሺንቴ ማሊሢ ኬኤዛኔ፤ ቢያ ባኣዚ'' ዒ ዛጋሢ ኪሪስቶሴኮ ናሹሞና ፆኦሲም ዒንጎ ባኣዚ'' ማዒ ዒንጊንቶና ጎሞ ዓሶኮ ዓቶም ጌይፆና ዒዛኮ ኮሹሞ ዒንጊፆና ጌኤሹሞና ካንሢኬ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1-2
\io ኪሪስቶሴና ሺኢጲፆ ማኣሮ ዓሶና 1፥3—3፥21
\io ኪሪስቶሴና ጴዻ ዓኪ ናንጊ 4፥1—6፥20
\io ጋፒንሢ ሓይሴ 6፥21-24
\c 1
\p
\v 1 ፆኦሲ ማሊሢና ዬሱስ ኪሪስቶሴ ማዾ''ም ዳኪንቴያ ማዔ፥ ጳውሎሴፓ ዬሱስ ኪሪስቶሴ ዛሎ''ና ጉሙርቂንታያ ማዔ፥ ዔፕሶኔይዳ ዓኣ ፆኦሲም ዱማዼዞንሢም፤ \x - \xo 1፥1 \xo*\xt ዳኪ. ማዾ'' 18፥19-21።\xt*\x*
\p
\v 2 ኑ ዓዳሢ ኑኡኮ ፆኦዛሢና ኑ ጎዳ ዬሱስ ኪሪስቶሴኮ ኮሹሞ ዒንጊፆና ዎዞ''ና ዒንሢም ማዖም።
\s ኪሪስቶሴ ዛሎ''ና ጴዻ ዓያና ዓንጆ
\p
\v 3 ጫሪንጮይዳ ዓያኖ ዓንጆ ዒንጊሢና ኪሪስቶሴ ዛሎ''ና ኑና ዓንጄ፥ ኑ ጎዳ ዬሱስ ኪሪስቶሴኮ ዓዶ ማዔ፥ ፆኦዛሢ ጋላቲንቶንጎ። 
\v 4 ፆኦሲም ኑ ዱማዼያ ሃሣ ቦሂሳ ባኣዚ'' ባኣያ ማዒ ዒዛ ቤርታ ኑ ጴዻንዳጉዲ፥ ዓጫ'' ማዢንቱዋንቴ ኪሪስቶሴ ዛሎ''ና ኑና ዒ ዶኦሬኔ።
\p
\v 5 ፆኦሲኮ ናሹሞና ዒዛኮ ኮሺ ማሊሢ ማዔም ዬሱስ ኪሪስቶሴ ዛሎ''ና ዒዛኮ ኑ ናይ ማዓንዳጉዲ ቤርታዺ ዒ ማሌኔ። 
\v 6 ዬያ ዒ ማዼሢ ፔኤኮ ዒ ናሽካ ናዓሢ ዛሎ''ና ጉሪ ኑም ዒንጊንቴ፥ ቦንቺንቴ ዒንጊፃ ጋላቲንታንዳጉዲኬ። 
\v 7 ፆኦዛሢኮ ኮሹሞ ዒንጊፆ ሚርጉማፓ ዔቄያና ዒዛኮ ናዓሢ ሱጉፆና ኑ ጎማፓ ጌኤሽኪ፥ ጎሜፓ ማኣሪንቲሢያ ኑ ዴንቄኔ። \x - \xo 1፥7 \xo*\xt ቆላ. 1፥14።\xt*\x* 
\v 8 ፆኦሲ ፔኤኮ ኮሹሞ ዒንጊፆ ፔ ዔራቶና ፔ ማሊፆ ዳልጉሞና ሚርጊሺ ኑም ዒንጌኔ። 
\v 9 ሓሣ ዒዚ ፔ ኮሹሞና ኪሪስቶሴ ዛሎ''ና ቤርታዺ ዒ ማሌ ጎይፆና ዒዛኮ ኮዦ ማሊፆኮ ዓኣሺንቴ ባኮ ኑና ዔርዜኔ። 
\v 10 ፆኦሲ ማሊፃ ማዾይዳ ፔኤቃንዳሢ' ጫሪንጮና ሳዖናይዳ ዓኣ ባካ ቢያ ፔቱሞና ኪሪስቶሴ ቢታንቶ ዴማ'' ማዓኣናኬ።
\p
\v 11 ቢያ ባኮ ፔ ማሊፆና ማዻ፥ ፆኦዛሢ ማሊፆ ጎይፆ ዒዛ ማሊፆ ጋራ ኑ ማዔሢሮ ሃሢ ኪሪስቶሴ ዛሎ''ና ኑ ዶኦሪንቴኔ። 
\v 12 ዬይ ያዺ ማዔሢ' ቤርታዺ ኪሪስቶሴይዳ ሃጊ ማዓንዳ ዎዛ ኑ ጌሤ ጎይፆና ኑ ዛሎ''ና ፆኦሲም ቦንቾና ጋላታና ማዓንዳጉዲኬ።
\p
\v 13 ዒንሢያ ዒንሢኮ ዻቂንቶ ኮዦ ሃይሶ ማዔ፥ ጎኑሞ ቃኣሎ'' ዋይዜ ዎዶ''ና ኪሪስቶሴ ዒንሢ ጉሙርቄኔ፤ ዒዚያ ዒንሢም ዒንጋኒ ሃጊ ማዓንዳ ዎዛ ማሂ ጌሤ፥ ዓያኖ ዒንሢም ዒንጊፆና ዒንሢኮ ዒዛሮ ማዒፃ ዔርቴኔ። 
\v 14 ፆኦሲ ቦንቺንቲ ጋላቲንታንዳጉዲ ዒዚ ፔኤም ማዔዞንሢ ጎሜ ዓይሉሞይዳፓ ኬሲ'' ዔካንዳያ ሄላ''ንዳኣና ዓያኖ ጌኤዣ ኑም ጊኢጊሾና ባኮ ዔኪሳኒ ዓይሢ ማሂ ዒንጎናያኬ።
\s ጳውሎሴ ዔፕሶኔ ዓሶም ሺኢቄ ሺኢጲፆ
\p
\v 15 ዬያሮ ጎዳ ዬሱስ ኪሪስቶሴና ዓኣ ዒንሢኮ ጉሙርቂፆና ፆኦሲም ዱማዼዞንሢ ቢያ ዒንሢ ናሽካ ናሹሞና ታ ዋይዚ፥ 
\v 16 ታኣኒ ሺኢቃ ዎዶ''ና ቢያ ዒንሢም ማሊ ማሊ ዒንሢ ዛሎ''ሮ ፆኦሲ ጋላቲፆ ሃሺ''ባኣሴ። 
\v 17 ቦንቾ ኮይሳ፥ ኑ ጎዳሢ ዬሱስ ኪሪስቶሴኮ ዓዶ ማዔ፥ ፆኦዛሢ ኮሺ'' ዒንሢ ዔራንዳጉዲ ዔራቶና ዓኣሺንቴ ባኣዚ'' ዔርዛያ ማዔ፥ ዓያና ዒንሢም ዒንጊንታንዳጉዲ ታ ሺኢቃኔ። 
\v 18 ዎዚጉዴ ሃጊ ማዓንዳ ዎዛም ዒንሢ ዔኤሊ''ንቴቴያ፥ ሃሣ ጌኤዦ ዓሳ ዔካንዳ ቦንቺንቴ ባካ ዎዚጉዲ ዺቤቴያ ዒንሢ ዔራኒ ዒና'' ዒንሢኮ ቡሊ''ንታንዳጉዲ ጌዒ ታ ሺኢቃኔ። 
\v 19 ዬያጉዲ ሃሣ ኑና ኪሪስቶሴ ጉሙርቃዞንሢም ጊኢጊንቴ ዎልቃ ዎዚጉዲ ዶዲ ማዔቴያ ዒንሢ ዔራንዳጉዲ ታ ሺኢቃኔ፤ ዬያ ኑጊዳ'' ማዻ ፑኡፖ ዎልቆ፥ 
\v 20 ፆኦሲ፥ ዓዳሢ፡ ኪሪስቶሴ ሓይባ''ፓ ዔቂሶና ጫሪንጮይዳ ፔኤኮ ሚዛቆ ዛላ'' ዴይሢፆና ኪሪስቶሴ ዛሎ''ና ዻዌኔ። \x - \xo 1፥20 \xo*\xt ዓይኑ. 110፥1።\xt*\x* 
\v 21 ዒዚ ኪሪስቶሴ ጫሪንጫ፥ ፔኤኮ ሚዛቆ ዛላ'' ዴይሤሢ ዓይጎ ካኣታቶና ቢታንቶናኮ ዎልቁሞና ጎዳቱሞናኮዋ ዑፃሲኬ፤ ዬያጉዲ ሃያ ዓጫ'' ሌሊቱዋንቴ ሃጊ ሙካንዳ ዎዶ''ይዳኣ ሱ'ንሢፓ ቢያ ዑሣ ዓኣዼ ቦንቺንታ ሱ'ንሢ ዒዛም ጌሢኬ። 
\v 22 ቢያ ባኣዚ'' ዒዛ ቢታንቶኮ ዴማ'' ማዓንዳጉዲ ማሄኔ፤ ሺኢጲፆ ማኣሮ ዓሶና ቢያ ባኣዚ''ኮዋ ዑፃ ማሂ፥ ዶኦሪ ጌሤኔ። \x - \xo 1፥22 \xo*\xt ዓይኑ. 8፥6።\xt*\x* 
\v 23 ሺኢጲፆ ማኣሮ ዓሳ ዒዛ ዑፆ ኩሙሢ ማሃያ ማዓዛ፥ ቢያ ባካ ዒዛና ኩሙሢ ማዓኔ። \x - \xo 1፥23 \xo*\xt ቆላ. 1፥18።\xt*\x*
\c 2
\s ኪሪስቶሴና ሓይቢፓ ናንጊ ባንሢ ፒንቂሢ
\p
\v 1 ዒንሢ ዒንሢኮ ዻቢንቶና ጎሞ ዛሎ''ና ቤርታ ዓያኖ ናንጎ ዛሎ''ና ሓይቄያኬ፤ 
\v 2 ዬያ ዎዶ''ና ሃያ ዓጮ''ኮ ፑርቶ ማዾ'' ማዺ ማዺ ዻቢንቲና ጎሜናይዳ ዒንሢ ናንጋያኬ፤ ዬያጉዲ ሃሣ ሳዖኮ ዑፃ፥ ዢባራ ዓኣ ፑርቶ ዓያኖ ዓይሣሢሲ፤ ሃሢያ ፆኦሲም ዓይሢንቱዋ ዓሶ ቆላሢሲ ዒንሢ ኩንሣኔ። 
\v 3 ኑኡኒያ ቢያሢ ዬያ ዓሶ ባኣካ'' ኑኡኮ ዓሱሞ ማሊፆ፥ ዒኖሲ ኩንሢ ኩንሢ ሃያኮ ቤርታ ኑም ኮይሳ ጎይሢ ኑ ናንጋኔ፤ ሃሣ ዓቴ'' ዬያ ዓሶጉዲ ኑ ሾይንታፓ ዓርቃዖ ፆኦሲ ዻጋሳ ዓሲኬ።
\p
\v 4 ጋዓንቴ ማኣሪፆና ዖርጎቺ ማዔ ፆኦዛሢ ኑና ዒ ናሽኬ፥ ዼኤፖ ናሹማፓ ዔቄያና፥ 
\v 5 ዎዚ ኑ ዻቢንቶና ሓይቄያ ማዔቴያ ኪሪስቶሴና ናንጊ ኑም ፆኦሲ ዒንጌኔ፤ ዒንሢያ ዻቄሢ ዒዛኮ ኮሹሞ ዒንጊፆናኬ። \x - \xo 2፥5 \xo*\xt ቆላ. 2፥14።\xt*\x* 
\v 6 ፆኦሲ ዬሱስ ኪሪስቶሴና ዎላ'' ኑና ሃይባ''ፓ ዔቂሲ፥ ዬሱሴና ዎላ'' ጫሪንጫ ዒ ዓኣ ቤዛ ኑና ጌሤኔ። 
\v 7 ዬያ ዒ ማዼሢ' ሙካ ዎዶ''ይዳ ዬሱስ ኪሪስቶሴ ዛሎ''ና ፔ ኮሹሞና ኑም ፔጋሲ ዻዋ ኮሹሞ ዒንጊፆ ሚርጉሞ ዔርዛኒ ኮዒኬ። 
\v 8 ዓይጎሮ ጌዔቴ ዒንሢ ዻቄሢ ጉሙርቂሢና ፆኦሲኮ ኮሹሞ ዒንጊፆ ዛሎ''ናኬ፤ ዬይ ፆኦሲ ዒንጊሢ ማዓንዳኣፓዓቴም ዒንሢ ማዾና ጴዼያቱዋሴ። 
\v 9 ሓይ ዻቂንታ ጴዼሢ ማዾናቱዋኣሢሮ ዓይጎ ዓሲያ ሄርሺንታኒ ኮይሱዋሴ፤ 
\v 10 ዓይጎሮ ጌዔቴ ኑኡኒ ቤርታዺ ፆኦሲ ጊኢጊሼ፥ ኮዦ ማዾ'' ማዻንዳጉዲ ዬሱስ ኪሪስቶሴ ዛሎ''ና ማዢንቴ ፆኦሲ ማዢንቲኬ።
\s ኪሪስቶሴና ጴዻ ፔቱሞ
\p
\v 11 ዬያሮ ዒንሢ ቤርታ ሾይንቶና ዓይሁዴ ማዒባኣ ዓሳ፡ ዓይሁዶ ዓሳ ዔያቶኮ ዓቲንቶ ቤርቶ ዓሲ ቲቄያታንቴ ሄርሺንቲ ሄርሺንቲ፦ «ዒንሢ ዓቲንቶ ቤርቶ ቲቂንቲባኣዞንሢ ሓይ!» ዒንሢ ጋዓሢ ማሉዋቴ። 
\v 12 ዬኖ ዎዶ''ና ዒንሢ ዒስራዔኤሌ ዜርሢ ጌይንቱዋዖ ሃሣ ቤርታ ዔያቶም ጫኣቆና ጫኣቁሞኮ ዙላ'' ማዒ፥ ሃያ ዓጮ''ይዳ ሃጊ ማዓ ዎዛ ባኣያ ማዒ ጊንሣ ፆኦሲዳፓኣ ዱማዺ ኪሪስቶሴያ ዔሩዋዖ ዒንሢ ናንጋኔ። 
\v 13 ሓሢ ጋዓንቴ ቤርታ ዒንሢ ሃኪ ዓኣ ዓሳ ዬሱስ ኪሪስቶሴ ዛሎ''ና፤ ሓሣ ዒዛኮ ሱጉፆና ፆኦሲ ባንሢ ዒንሢ ዑኬኔ። 
\v 14 ቤርታ ኑና ፓቂ ዎላ'' ካኣሞ ላኣጌ ባኮ ሺኢሺ፥ ዓይሁዶና ዓይሁዴ ማዒባኣ ዓሶና ፔቴ'' ማሂ ቡኩሴሢ ኪሪስቶሴኬ። 
\v 15 ኮሹሞ ዒንጋኒ ላምዖ ዴሮ''ይዳፓ ዒዛና ፔቴ'' ማዓ፥ ፔቴ'' ዓኪ ዜርሢ ማሂ ማዣኒ ዎጎኮ ዓይሢፆና ማዾ ጎይፆና ፔ ሃይቦ''ና ባይዜኔ። 
\v 16 ኪሪስቶሴ ፑርቶ ዓሶ ሱፆ ሚፆይዳ ሓይቂ፥ ዎላ'' ካኣሙዋ ዓሶዋ ካንሢ ላምዖ ዜርፆ ፔቴ'' ማሂ ፆኦሲና ዎላ'' ቡኩሴኔ። \x - \xo 2፥16 \xo*\xt ቆላ. 1፥20።\xt*\x* 
\v 17 ዒዚ ሙኪ ዒንሢ ፆኦሲፓ ሃኪ ዓኣ ዓሶና ዑኬ ዓኣ ዓይሁዶ ዓሶናም ኮሹሞ ዛላ ኬኤዜኔ። \x - \xo 2፥17 \xo*\xt ዒሲ. 57፥19።\xt*\x* 
\v 18 ዬያሮ ኑኡኒ ቢያሢ ዒዛ ዛሎ''ና ፔቴ'' ዓያናና ማዒ ዓዳሢ ባንሢ ሙካኒ ዳንዳዓኔ።
\p
\v 19 ዓካሪ ዒንሢ፡ ፆኦሲም ዱማዼዞንሢና ዎላ'' ፔቴ'' ዓጪ ዓሲ፤ ሃሣ ፆኦሲ ማኣሪ ዓሲ ማዓንዳኣፓዓቴም ሃካፓ ሴካ ዒንሢ ሾኦቺና ቤቲ ሙኬ ዓሲናቱዋሴ። 
\v 20 ፆኦሲ ማዾ''ም ዳኪንቴዞንሢና ፆኦሲ ማሊፆ ኬኤዛ ዓሳ ዓርቄ ቦኦኮላሢዳ ዒንሢ ማዢንቴኔ፤ ማኣሮኮዋ ሄሎ ማዔ ሹጫሢ ዬሱስ ኪሪስቶሴኬ። 
\v 21 ማኣሮ ማዦ ባካ ቢያ ዒዛና ካኣሚ ካኣሚ ጎዳም ዱማዼ ጌኤሺ ማኣሪ ማዓኒ ማዢንታኔ። 
\v 22 ፆኦሲ ፔ ዓያኖና ዎርቃ ማኣሪ ማዓንዳጉዲ ኪሪስቶሴ ዒንሢያ ማዣኔ።
\c 3
\s ጳውሎሴ ዓይሁዴ ማዒባኣ ዓሶም ማዼ ባኮ
\p
\v 1 ዬያሮ፡ ዒንሢ፥ ዓይሁዴ ማዒባኣ ዓሶም ዬሱስ ኪሪስቶሴ ዛሎ''ና ማዻሢሮ ቱኡቲ ዓኣ፥ ታኣኒ ጳውሎሴ' ፆኦሲ ሺኢቃኔ። 
\v 2 ዒንሢም ታ ማኣዳ''ንዳ ማዾ'' ኮሹሞ ዒንጊፆና ፆኦሲ ታኣም ዒንጌሢ ዒንሢ ዋይዜኔ። 
\v 3 ቤርታ ታ ዒንሢም ዻካ''ና ፃኣፔሢጉዲ ፆኦሲ ዓኣሺንቴ ባኣዚ'' ታና ፔጋሲ ዻዌኔ። 
\v 4 ሃሢ ታ ዒንሢም ፃኣፔሢ ዒንሢ ናባቤቶ ኪሪስቶሴ ዛሎ'' ዓኣሺንቴ ባኮ ታ ዔሬያ ማዔሢ ዒንሢም ጴዻንዳኔ። 
\v 5 ዬይ ዓኣሺንቴ ባካ ፆኦሲ ዓያኖ ዛሎ''ና ፆኦሲም ዱማዼ፥ ዒዛ ማዾ''ም ዳኪንቴዞንሢና ዒዛኮ ማሊፆ ኬኤዛዞንሢም ሃሢ ጴዼ ጎይፆ ሚናኣ ዎዶ''ና ዓኣ ዓሶም ጴዺባኣሴ። 
\v 6 ዬይያ፦ ኮዦ ሃይሶ ዛሎ''ና ዓይሁዴ ማዒባኣ ዓሳ ዓይሁዶ ዓሶና ዎላ'' ፆኦሲ ዒንጋ ዓንጆ ዔካያ፥ ፔቴ'' ዑሢኮ ዱማ ዱማ ቤዞጉዲ ማዓያ ሃሣ ፆኦሲ ዬሱስ ኪሪስቶሴ ዛሎ''ና ዒንጌ ሃጊ ማዓንዳ ዎዞ'' ዎላ'' ዔካያ ማዔሢ ዔያቶም ጴዺባኣሴ ጌይሢኬ። \x - \xo 3፥6 \xo*\xt ቆላ. 1፥26-27።\xt*\x*
\p
\v 7 ፆኦሲ ፔ ዎልቆና ማዻ ጎይፆ ታኣም ዒንጌ ኮሹሞ ዒንጊፆና ሓያ ኮዦ ሃይሶ ማዾ'' ታ ማዻያ ማዔኔ። 
\v 8 ዎዚ ታኣኒ ፆኦሲም ዱማዼ ዓሶይዳፓ ላኣፓ ማዔቴያ ዛጳባኣ ኪሪስቶሴኮ ዖርጎቹሞ ዓይሁዴ ማዒባኣ ዓሶም ታ ኬኤዛንዳጉዲ ሃይ ኮሹሞ ዒንጊፆ ማዻ'' ታኣም ዒንጊንቴኔ። 
\v 9 ዬያጉዲ ሃሣ ቢያ ባኮ ማዤ ፆኦዛሢ' ሓያኮ ቤርታኣ ዎዶ''ይዳ ዓኣቺ ጌሢ ዓኣ ዒዛኮ ማሊፃ ዓይጎ ማዔቴያ ቢያሢም ታ ዔርዛንዳጉዲ ሃይ ኮሹሞ ዒንጊፆ ማዻ'' ታኣም ዒንጊንቴኔ። 
\v 10 ዬይ ማዔሢ' ሓሣኣ ዎዶ'' ሺኢጲፆ ማኣሮ ዓሶ ዛሎ''ና ጫሪንጫ ዓኣ ሱኡጎና ቢታንታ ዓኣ ማዢንቶና ፆኦሲኮ ዔራቶዋ ዱማ ዱማ ጎይሢና ዔራንዳጉዲኬ። 
\v 11 ኑ ጎዳ፥ ዬሱስ ኪሪቶስቶሴ ዛሎ''ና ፆኦሲ ዬያ ማዼሢ ቤርታፓ ዓርቃዖ ማዻኒ ማሌ ጎይፆናኬ። 
\v 12 ኪሪስቶሴ ኑ ጉሙርቄ ጎይፆና ፆኦሲ ቤርቶ ዒጊቹሞ ባኣያ ዶዲ ኪሪስቶሴና ኑ ሙካኒ ዳንዳዓኔ። 
\v 13 ዬያሮ ሓይ ታና ዒንሢ ዛሎ''ሮ ሄሌ'' ሜታሢ' ዒንሢኮ ቦንቾ ማዔሢሮ ሃጋኣ ዎዛ ባኣያ ዒንሢ ማዑዋጉዲ ታ ዒንሢ ሺኢቃኔ።
\s ጳውሎሴኮ ዔፕሶኔ ዓሶም ሺኢጲፆ
\p
\v 14 ዓካሪ ፆኦሲ፥ ዓዳሢ ቤርታ ጉምዓቲ ታ ሺኢቃሢ ዬያ ዛሎ''ኬ። 
\v 15 ጫሪንጮና ሳዖናይዳ ዓኣ ፔቴ'' ማኣሮ ዓሳ ሱ'ንፆ ዴንቃንዳሢ ፆኦሲዳፓኬ። 
\v 16 ዒንሢኮ ጋሮ ዒኖ ዶዲሻ ዎልቄ፥ ዓያኖ ዛሎ''ና ፆኦሲ ፔኤኮ ቦንቾ ዼኤፑማፓ ዒንሢም ዒንጋንዳጉዲ ታ ሺኢቃኔ። 
\v 17 ዬያጉዲ ሃሣ ዒንሢኮ ጉሙርቂፆና ኪሪስቶሴ ዒንሢ ዒና'' ናንጋንዳጉዲ፤ ሃሣ ዒንሢኮ ፃጶና ዓይፆና ናሹሞና ዶዲ ማዓንዳጉዲ ታ ሺኢቃኔ። 
\v 18 ሃሣ ጊንሣ ኪሪስቶሴ ናሹሞኮ ዳልጉሞ፥ ዖዶሱሞ፥ ዼ'ጉሞ፥ ሊካ ዔታዺፃኣ ዎማዒታቴ ፆኦሲም ዱማዼዞንሢንታ ቢያ ዒንሢ ዔራንዳጉዲና፥ 
\v 19 ዔርታያፓ ዑሣ ዓኣዼ ማዔ፥ ኪሪስቶሴኮ ናሹሞ ዒንሢ ዔራንዳጉዲና ፆኦሲ ፓጬ ባኣዚ'' ባኣያ ማዔሢጉዲ ዒንሢያ ያዺ ማዓንዳጉዲ ፆኦሲ ታ ሺኢቃኔ።
\p
\v 20 ዬያሮ ኑጊዳ ማዻ ዎልቆ ዛሎ''ና ኑ ሺኢቃሢና ማላሢናይዳፓ ዑሣ ዓኣዼ ማዻኒ ዳንዳዓ ፆኦዛሢም፥ 
\v 21 ሺኢጲፆ ማኣሮ ዓሶና ዬሱስ ኪሪስቶሴ ዛሎ''ና ዎዶ'' ቢያይዳ ቦንቾ ዒዛም ማዖንጎ።
\c 4
\s ኪሪስቶሴ ዓኣ ዓሶኮ ፔቱሞ
\p
\v 1 ዓካሪ ፆኦሲ ዒንሢ ናንጎንጎ ጌዒ ዔኤሌ'' ናንጎ ዒንሢ ናንጋንዳጉዲ ጎዳ ማዾ'' ዛሎ''ሮ ቱኪ''ንቲ ዓኣሢ፥ ታኣኒ ዒንሢ ሺኢቃኔ። 
\v 2 ቢያ ዎዴ ሴካና ሃንጋና ዎሊ ናሽኪሢና ሃሣ ሚጪንቲሢና ኮሹሞና ዳንዳዒሢና ዓኣያ ማዒ ናንጉዋቴ። \x - \xo 4፥2 \xo*\xt ቆላ. 3፥12-13።\xt*\x* 
\v 3 ኮሹሞና ናንጊ ናንጊ ዓያኖ ጌኤዦ ዛሎ''ና ጴዻ ፔቱሞ ናንጎ ዶዲ ካፑዋቴ። 
\v 4 ዒንሢ ፔቴ'' ሃጊ ማዓ ዎዛም ዔኤሊ''ንቴያ ማዔሢጉዲ ፔቴ'' ዑሢና ፔቴ'' ዓያናና ዒንሢኮ ዓኣኔ። 
\v 5 ዬያጉዲ ሓሣ ፔቴ'' ጎዳ፥ ፔቴ'' ጉሙርቂሢና ፔቴ'' ዋኣሢ ማስቲሢና ዓኣኔ። 
\v 6 ሃሣ ዬያ ቢያይዳፓ ዑሣ ማዔ፥ ቢያሢና ማዻ፥ ቢያሢና ናንጋ፥ ቢያሢኮ ዓዶ ማዔ፥ ፔቴ'' ፆኦሲ ዓኣኔ።
\p
\v 7 ጋዓንቴ ኪሪስቶሴ ዒንጋኒ ማሌ ጎይፆ ኑና ፔቴ'' ፔቴ''ሢም ፆኦሲኮ ኮሹሞና ዒንጎ ዒንጊፃ ዒንጊንቴኔ። 
\v 8 ዬይያ፦
\q «ሌካ ዒ ኬስኬ ዎዶ''ና ሚርጌ ዓሲ ዲዒ ዔኪ ዒ ዓኣዼኔ፤
\q2 ሚርጌ ዓሲማኣ ሚርጌ ዒንጊሢ ዒንጌኔ»
\m ጌይንቴሢ ጉዲኬ። \x - \xo 4፥8 \xo*\xt ዓይኑ. 68፥18።\xt*\x* 
\v 9 ዓካሪ «ሌካ ኬስኬኔ» ጌይፃ ሊካ ሳዖ ዴሞ'' ኬዴ''ያ ማዒባኣያታቴ ሜሌ'' ዓይጎ ዻዋይ? 
\v 10 ዬይ ሊካ ዴሞ'' ኬዴ''ሢ ሳዖና ጫሪንጮና ዒኢካ ዓኣ ባኮ ቢያናይዳ ጴዻያ ማዓኒ ጫሪንጮኮ ቢያ ዑፆ ኬስኬሢኬ። 
\v 11 ዒዚ ፔቴ'' ፔቴ''ሢ ፆኦሲ ማዾ''ም ዳኪንቴዞንሢ፥ ፆኦሲ ማሊፆ ኬኤዛዞንሢ፥ ኮዦ ሓይሶ ኬኤዛዞንሢ፥ ፆኦሲ ዓሶ ሄንቃዞንሢና ዔርዛዞንሢ ማዓንዳጉዲ ዒንጊሢ ዒንጌኔ። 
\v 12 ዬያ ዒ ማዼሢ ዒዛኮ ዑፆ ማዔ፥ ሺኢጲፆ ማኣሮ ዓሶ ዲቻኒና ዒዛ ጉሙርቃ ዓሶ ፆኦሲ ዓሲ' ማዻ ማዾ ማዻንዳጉዲ ጊኢጊሻኒኬ። 
\v 13 ዬያጉዲ ሃሣ ፆኦሲ ናዓሢ ጉሙርቂሢና ዔሪሢ ዛላና ጴዻ ፔቱሞ ዴንቂ፥ ኪሪስቶሴ ፓጬ ባኣዚ'' ባኣያ ኩሙሢ ማዔሢጉዲ ኑኡኒ ኩሙሢ ዓሲ ማዓንዳጉዲኬ። 
\v 14 ዓካሪ ሃካፓ ሴካ ዓሶኮ ዻቢሻ ጌሺፆ ዔርዚፆ ዢባሮና ሴካ ሃንጋ ጌዒ ጌዒ ናይ ኑ ማዓዓኬ። 
\v 15 ዬያይዳፓ ጎኑሞ ናሹሞ ዓያናና ጌስቲ ጌስቲ ቶኦካ''ሢ ማዔ፥ ኪሪስቶሴ ማላኒ ቢያና ኑ ዲዲጫንዳኔ። 
\v 16 ዑፆኮ ዱማ ዱማ ዓኣ ቤዛ ካኣማሢ ኪሪስቶሴናኬ፤ ዑፃ ቢያ ዎላ'' ዓርቂንቲ ዓኣሢ ዱማ ዱማ ካኣማ ካራናኬ፤ ዬያሮ ፔቴ'' ፔቴ'' ዑፆኮ ቤዛ ፔኤም ዒንጊንቴ ማዾ'' ማዻዛ፥ ዑፃ ቢያ ናሹሞና ዲጪ ዲጪ ዼኤፓኔ። \x - \xo 4፥16 \xo*\xt ቆላ. 2፥19።\xt*\x*
\s ኪሪስቶሴና ጴዻ ዓኪ ናንጊ
\p
\v 17 «ሓይፓ ሴካ ፓሡዋ ማሊሢና ናንጋ፥ ዓይሁዴ ማዒባኣ ዓሶጉዲ ናንጊፖቴ» ጌዒ ጎዳ ሱ'ንፆና ታ ዒንሢም ላቲ'' ዞራኔ፤ 
\v 18 ዔያቶኮ ዒኖ ባይቂፆይዳፓ ዔቄያና ዔያታ ጶቂሡዋኣሢሮ ዒና'' ዔያቶኮ ዹሜኔ፤ ፆኦሲ ዒንጋ ናንጎይዳፓኣ ዔያታ ሃኬኔ። 
\v 19 «ዓሲ ዎዚ ጋዓንዳይ» ጋዓ ማሊሢ ዔያቶኮ ባይቄሢሮ ፔና ፑርታ ማዾም ዓኣሢ ዒንጌኔ፤ ዬያሮ ቢያ ዎዴ ቦርሲሳ ባኣዚ'' ማዻኒ ኮሺ'' ዔያታ ኮዓኔ።
\p
\v 20 ዒንሢ ጋዓንቴ ኪሪስቶሴ ዛሎ''ና ዔሬሢ ያዺቱዋሴ፤ 
\v 21 ጎኔና ዒንሢ ዒዛ ዛሎ'' ዋይዜኔ፤ ጎኑሞ ዬሱሴና ዓኣሢያ ዒዛይዳፓ ዒንሢ ዔሬኔ። 
\v 22 ዬያሮ ጌሺ ዒንሢ ጎሜ ባንሢ ዔኪ ዓኣዻ ማሊፆና ፑርቴያ፥ ሚና ቤርታ ዒንሢ ናንጋ ናንጎ ሃሹ''ዋቴ። \x - \xo 4፥22 \xo*\xt ቆላ. 3፥9።\xt*\x* 
\v 23 ዒና'' ዒንሢኮ ላኣሚንቲ ዓኪ ማዖንጎ። 
\v 24 ጎኔ ፂሉ''ሞና ፆኦሲም ዱማዺሢና ፆኦሲ ማላኒ ማዢንቴ ዓኪ ዓሲ ማዑዋቴ። \x - \xo 4፥24 \xo*\xt ማዢ. ማፃ 1፥26፤ ቆላ. 3፥10።\xt*\x*
\p
\v 25 ዬያሮ ሉኡዙሞ ጌስቲፖቴ! ቢያሢ ኑኡኒ ፔቴ'' ዑሢኮ ዱማ ዱማ ቤሲ ማዔሢሮ ሴካና ሃንጋና ጎኑሞ ኑ ጌስቶም። \x - \xo 4፥25 \xo*\xt ዛካ. 8፥16።\xt*\x* 
\v 26 ዒንሢ ዻጋዼያ ማዔቴያ ጎሜ ማዓንዳ ጎይሢ ዔኪ ዓኣዺፖቴ፤ ዻጎ ዒንሢኮ ዒንሢ ሃሹ''ዋንቴ ዓቢ ጌሎፓ፤ \x - \xo 4፥26 \xo*\xt ዓይኑ. 4፥4።\xt*\x* 
\v 27 ሃሣ ፃላሄማኣ ቤሲ ጌሢፖቴ። 
\v 28 ዉኡቃያ ዓኣቴ ሃይፓ ሴካ ዉኡቆፓ፤ ዬያይዳፓ ሜታዼ ዓሲያ ማኣዳ''ንዳ ሚኢሼ ዴንቃኒ ፔ ኩቻ ዶዲ ማማዾንጎ። 
\v 29 ፔቴ''ታዖ ዒንሢኮ ዻንጋፓ ፑርታ ዑኡሲ ኬስኮፓ፤ ጋዓንቴ ዓሲ ዶዲሻያና ፓሣ ባኣዚ''ና ጌስቱዋቴ። 
\v 30 ዒንሢ ጋፒ ዓይላ''ቶፓ ሻንቂንቲ ኬስካንዳ ኬሎ'' ጎናሲ ዔርዛኒ ፆኦሲ ዒንሢም ዒንጌ፥ ጌኤዦ ዓያኖ ዖዪሲፖቴ። 
\v 31 ዒንሢዳፓ ፑርቱሞ ማሊሢ፥ ዻጋ፥ ጎሪ''ንቲ፥ ዒላቲ''፥ ጫሺንታ ዓይጌያ ፑርታ ባኣዚ'' ቢያ ሃኮንጎ። 
\v 32 ዎላ'' ሴካና ሃንጋና ኮሺ ዓሲ ሃሣ ዎሊም ማላ ዓሲና ማዑዋቴ፤ ፆኦሲ' ኪሪስቶሴ ዛሎ''ና ዒንሢም ዓቶም ጌዔሢጉዲ ዒንሢያ ዎሊም ዓቶም ጋዓያ ማዑዋቴ። \x - \xo 4፥32 \xo*\xt ቆላ. 3፥13።\xt*\x*
\c 5
\s ፖዒ ናንጊ ናንጊሢ
\p
\v 1 ዓካሪ ዒንሢ ፆኦሲ ዒ'ንሢ ናሽካያ፥ ዒዛኮ ናኣቶ'' ማዔሢሮ ዒዛ ማሉዋቴ። 
\v 2 ኪሪስቶሴ ኑና ናሽኬሢና ፆኦሲ ዎዛሳ ሳውሞ ዓኣ ዒንጎ ባኣዚ'' ማሂ ፔ ሼምፓሢ ኑ ጋይቴ ዓኣሢ ዒንጌሢጉዲ ዒንሢያ ናሹሞና ናንጉዋቴ። \x - \xo 5፥2 \xo*\xt ኬሲ. ማፃ 29፥18፤ ዓይኑ. 40፥6።\xt*\x*
\p
\v 3 ማቾ ሃሣ ዓኒ ማዒባኣያና ላሂሢ፥ ቦርሲሳ ማዾ፥ ዓሲሮ ዛጊ ሱኡካዺሢ ማዔቴያ ዒንሢ ባኣካ'' ጴዾፓ፤ ዬይ ጌኤሺ ማዔ፥ ፆኦዛሢ ዴሬም ኮይሳ ማዾቱዋሴ፤ 
\v 4 ዒንሢ ፆኦሲ ጋላታንዳኣፓዓቴም ቦርሲሳ ባኣዚ''ና ፓሣ ባኣዚ''ባኣ ጊኢጉዋ ሃይሴ ጌስታንዳያ ኮይሱዋሴ። 
\v 5 ማቾ ሃሣ ዓኒ ማዒባኣያና ላሃያኮ፥ ቦርሲሳ ማዾ ማዻያኮ፥ ሜሌ'' ካኣሺ ካኣሽኪሢጉዲ ዓሲሮ ዛጊ ሱኡካዻ ዓሲኮ ኪሪስቶሴና ፆኦሲ ካኣቱሞናይዳ ቤሲባኣያ ማዓንዳሢ ዔሩዋቴ።
\p
\v 6 ዬንሢ ባኮንሢ ዛሎ''ና ፆኦሲም ዓይሢንቱዋ ዓሶ ዑፃ ዒዛኮ ጎሪ''ንቲ ሙካንዳሢሮ ዖኦኒያ ዒንሢ ጉሪ ማዔ ሃይሴና ጌሾፓ። 
\v 7 ዬያሮ ዬንሢ፥ ዒዛም ዓይሢንቱዋ ዓሶና ዎላ'' ፔቴ'' ማዒፖቴ። 
\v 8 ቤርታ ዒንሢ ዹሚዳ ናንጋኔ፤ ሃሢ ጋዓንቴ ጎዳና ፖዓ ዒንሢ ዓኣሢሮ ፖዖ ዓሳ ናንጋ ጎይፆ ናንጉዋቴ። 
\v 9 ዓይጎሮ ጌዔቴ ኮሹሞ ቢያ፤ ፂሉ''ሞንታ ጎኑሞንታኮዋ ዓኣፒ ጴዻሢ ፖዒዳፓኬ። 
\v 10 ዬያሮ ጎዳ ዎዛሳያ ማዓ ባካ ዓይጎታቴያ ዱማሲ ዔሩዋቴ። 
\v 11 ዓኣፒባኣ ዹሞ ማዾ'' ዒንሢያ ማዻያ ማዒፖቴ፤ ፖዓ ኬሲ'' ፔጋሲ ዻውዋቴ። 
\v 12 ዹሞ ማዾ'' ማዻ ዓሳ ዓኣቺ ማዻ ባኮ ዛሎ'' ኬኤዛኒታዖ ቦርሳያኬ። 
\v 13 ቢያ ባኣዚ'' ፖዒዳ ኬስካዛ ዬይ ዓይጎ ማዔቴያ ጌኤሽኪ ዔርታኔ። 
\v 14 ዎይቲ ጌዔቴ ቢያ ባኣዚ'' ፔጋሲ ዻዋሢ ፖዒታሢሮኬ፤ ዬያሮ፦
\q «ኔኤኒ ሃይ ጊንዓሦ ጴጬ! ሓይባ''ፓ ዔቄ!
\q2 ኪሪስቶሴ ኔኤም ፖዓንዳኔ» ጌይንቴኔ።
\p
\v 15 ዓካሪ ዒንሢ ዎማይዲ ናንጋንዳቴያ ኮሺ'' ማሉዋቴ፤ ዔራ ዓሲ ማዑዋቴ፤ ዔኤያ ዓሲ ጎይሢ ናንጊፖቴ። 
\v 16 ሓይ ዎዳ'' ፑርታ ማዔሢሮ ዓይጎ ካራና ማዔቴያ ዒንሢ ዴንቄ ዎዶ''ማና ማዻ ባኮ ዔሪ ማዹዋቴ። \x - \xo 5፥16 \xo*\xt ቆላ. 4፥5።\xt*\x* 
\v 17 ዬያሮ ጎዳኮ ማሊፃ ዓይጎታቴያ ዔራያ ማዑዋቴ፤ ዔኤያ ማዒፖቴ።
\p
\v 18 ዒንሢ ባይሲንታ ባንሢ ዔኪ ዓኣዻያታሢሮ ዳጋሢ ዑሺና ማሢንቲፖቴ፤ ዬያይዳፓ ዓያና ጌኤሺ ቢታንቶ ዴሞ ጌላያ ማዑዋቴ። 
\v 19 ፆኦሲም ማዓ ዓይኑሞና ፆኦሲ ሄርሺ ሄርሺ ዒንሢ ዎላ'' ቡኬ ዎዶ''ና ዓይናዹዋቴ፤ ዬያይዲ ዒኔፓ ጎዳ ጋላቱዋቴ። 
\v 20 ኑ ጎዳሢ ዬሱስ ኪሪስቶሴ ሱንፆና ቢያ ባኣዚ''ሮ ፆኦሲ፥ ዓዳሢ ቢያ ዎዴ ጋላቱዋቴ። \x - \xo 5፥20 \xo*\xt ቆላ. 3፥16-17።\xt*\x*
\p
\v 21 ኪሪስቶሴ ቦንቾሮ ጌዒ ዒንሢ ፔቴ'' ፔቴ''ሢ ዎሊም ዓይሢንታያ ማዑዋቴ።
\s ዓኒና ማቾና ዛላ
\p
\v 22 ዒንሢ፥ ላኣሎ ናኣታ! ጎዳ ዬሱሴም ዒንሢ ዓይሢንታሢጉዲ ዒንሢኮ ዓኒንሢም ዓይሢንቱዋቴ፤ \x - \xo 5፥22 \xo*\xt ቆላ. 3፥18፤ 1ጴፂ. 3፥1።\xt*\x* 
\v 23 ዓይጎሮ ጌዔቴ ኪሪስቶሴ ሺኢጲፆ ማኣሮ ዓሶኮ ዑፃ ቶኦኪ ማዔሢጉዲ ዓኒያ ማቾኮ ቶኦኪኬ፤ ዬያጉዲ ኪሪስቶሴ ፔኤኮ ዑፆ ማዔ፥ ሺኢጲፆ ማኣሮ ዓሶ ዻቂሻሢኬ። 
\v 24 ሺኢጲፆ ማኣሮ ዓሳ ኪሪስቶሴም ዓይሢንታሢጉዲ ማቾንሢ ቢያ ባኣዚ''ና ፔ ዓኒንሢም ዓይሢንቶንጎ።
\p
\v 25 ዒንሢ፥ ዓቲንቃ! ኪሪስቶሴ ሺኢጲፆ ማኣሮ ዓሶ ናሽኬሢና ፔ ቶኦኮ''ዋ ዔያቶ ጋቴ ሃይቢም ዓኣሢ ዒንጌሢጉዲ ዒንሢያ ዒንሢ ላኣሎ ናሽኩዋቴ፤ \x - \xo 5፥25 \xo*\xt ቆላ. 3፥19፤ 1ጴፂ. 3፥7።\xt*\x* 
\v 26 ኪሪስቶሴ ዬያ ማዼሢ' ሺኢጲፆ ማኣሮ ዓሳ ፆኦሲም ዱማዼያ ማዓንዳጉዲ ጌይኬ፤ ዒ ዔያቶ ፆኦሲም ዱማሴሢያ ቃኣሎ'' ዛሎ''ና ሓሣ ዋኣሢናኣ ማስኪ ጌኤሺ''ኬ። 
\v 27 ዬያይዲ፦ ኪንሢ፥ ዓኣፒ ካራ ቱኪ''ሢ፥ ፑርታ ባኣዚ''ያ ፔቴ''ታዖ ባኣያ፥ ጌኤሺ፤ ሃሣ ሚዛጲ ሺኢጲሢ ማኣሪ ዓሲ ማሂ ፔ ቤርቶ ዒንሢ ዒ ሺኢሻኒኬ። 
\v 28 ዓኒንሢ ፔና ናሽካሢጉዴያ ፔ ማቾንሢ ናሽካኒ ኮይሳኔ፤ ፔ ማቾ ናሽካሢ ፔና ናሽካኔ። 
\v 29 ዎይቲ ጌዔቴ ፔና ዒፃ ዓሲ ዖኦኒያ ባኣሴ፤ ጋዓንቴ ኪሪስቶሴ ሺኢጲፆ ማኣሮ ዓሶ ሙኡዚ'' ሙኡዚ'' ካፓ ጎይፆ ዒዚ ሙኡዚ'' ሙዒ ሙዒ ፔናኣ ካፓኔ። 
\v 30 ኑኡኒ ኪሪስቶሴ ዑፆኮ ዱማ ዱማ ቤዞኬ፤ 
\v 31 «ዓሲ ዬያሮ ዓዶና ዒንዶና ሃሺ'' ማቾና ዎላ'' ፔቴ'' ማዓኔ፤ ላምዖንሢያ ፔቴ'' ዓሲ ዑሢጉዲ ማዓኔ» ጌይንቴኔ። \x - \xo 5፥31 \xo*\xt ማዢ. ማፃ 2፥24።\xt*\x* 
\v 32 ዬይ ዼኤፒ ዓኣሺንቴ ባኣዚ''ኬ፤ ሓያ ታ ጋዓሢ' ኪሪስቶሴና ሺኢጲፆ ማኣሮ ዓሶና ማላታ ማሂኬ። 
\v 33 ጋዓንቴ ሓይ ባካ ዒንሢማ ማዓያኬ፤ ዬያሮ ዓኒ ፔ ማቾ ፔናጉዲ ማሂ ናሽኮንጎ፤ ማቻኣ ዓኒ ቦንቾንጎ።
\c 6
\s ናኣቶ''ና ሾዔ ዓሶና ዛላ
\p
\v 1 ናይዮቴ! ጎዳ ዬሱሴሮ ዒንሢ ማዔ ጎይፆና ዒንሢ ሾዔ ዓሶም ዓይሢንቱዋቴ፤ ዓይጎሮ ጌዔቴ ዬይ ባካ ኮይሳያታሢሮኬ። \x - \xo 6፥1 \xo*\xt ቆላ. 3፥20።\xt*\x* 
\v 2 «ኔ ዓዶና ኔ ዒንዶና ቦንቼ» ጋዓ ቤርታኣ ዓይሢፆይዳ ዓኣ ሃጊ ማዓ ዎዛ''፥ 
\v 3 «ቢያ ባኣዚ'' ኔኤም ኮሽካንዳኔ፤ ናንጎ ሌዓኣ ሳዓ ኔኤም ዖዶቃንዳኔ» ጋዓያኬ። \x - \xo 6፥3 \xo*\xt ኬሲ. ማፃ 20፥12፤ ላሚ. ዎማ 5፥16።\xt*\x*
\p
\v 4 ዒንሢ ሾዔ ዓሳ! ጎዳ ዬሱስ ኪሪስቶሴ ዓይሣ ዓይሢፆ ጎይፆ ዞሪ ዲቹዋቴ፤ ናኣቶ'' ዒንሢኮ ጎሪ'' ዻጋሲሢና ፑርቱሞ ማሊሲሲፖቴ። \x - \xo 6፥4 \xo*\xt ቆላ. 3፥22-25።\xt*\x*
\s ማዺሻ ዓሲና ዓይሌ''ና ዛላ
\p
\v 5 ዓሲም ዓይሌ'' ማዒ ማዻዞንሢዮቴ! ዒንሢ ማዺሻያ ማዔ ዓሶም ዒጊቹሞና ቦንቺ ዓይሢንቱዋቴ፤ ኪሪስቶሴም ዒንሢ ማዻ ጎይፆ ፒዜ ዒናና ዓይሢንቱዋቴ። 
\v 6 ዒንሢ ዓይሢንታንዳሢያ ፆኦሲ ማሊፆ ዒናፓ ኩንሣ፥ ኪሪስቶሴም ማዻ ዓሶጉዲ ማዓንዳኣፓዓቴም ዓሲ ዎዛሳኒ ጌዒ ዓሲ ቤርቲም ጴዺሢሮ ማዖፓ። 
\v 7 ዓሲም ማዒባኣንቴ ጎዳ ዬሱስ ኪሪስቶሴም ማዻያ ማዒ ናሽኪ ኮሺ ማሊሢና ማዹዋቴ። 
\v 8 ዓይጎሮ ጌዔቴ ዓይላ''ሢ ማዔቴያ ማዺሻሢ ፔቴ'' ፔቴ''ሢ ማዼ ኮዦ ማዾ''ሮ ጎዳ ዬሱሴ ኮይላ''ፓ ዒንጊንታ ባኣዚ'' ዔካንዳያ ማዔሢ ዒንሢ ዔራኔ።
\p
\v 9 ሃሣ ዒንሢ ዓሶ ማዺሻ ዓሳ! ዓሲ ዱማሱዋ፥ ዒንሢንታ ዔያቶንታኮ ጎዳ ጫሪንጮይዳ ዓኣሢ ዔሪ ዔያቶ ዲቃሢፆ ሃሺ''ጋፓ ዒንሢም ማዻ ዓሶም ኮሺ ማዹዋቴ። \x - \xo 6፥9 \xo*\xt ላሚ. ዎማ 10፥17፤ ቆላ. 3፥25፤ 4፥1።\xt*\x*
\s ፆኦሲ ዒንጋ ዖሎ ዓንጋሞ
\p
\v 10 ዓካሪ ጎዳና ዒዛኮ ዼኤፖ ዎልቆና ዶዱዋቴ፤ 
\v 11 ፃላሄኮ ጌኖ'' ማዾ'' ዒንሢ ባሻኒ ዳንዳዓንዳጉዲ ፆኦሲ ዒንጋ ዖሎ ዓንጋሞ ቢያ ዓርቁዋቴ። 
\v 12 ዓይጎሮ ጌዔቴ ኑኡኮ ዖላ ዓሲናቱዋንቴ ሃያ ዹሞ ዓጮ'' ዎይሣ፥ ቢቶ'' ማዔያ፤ ሃሣ ሃያ ዓጮ''ኮ ዎልቆ ማዔያ፥ ሳዖ ዑፃ ዢባራ ዓኣ ፑርቶ ዓያኖናኬ። 
\v 13 ዬያሮ ፆኦሲ ዒንጋ ዖሎ ዓንጋሞ ጉቤ ዓርቁዋቴ! ዬያይዲ ፑርታ ኬሊ'' ዒንሢ ሄላ''ኣና ዒንሢ ሞርካሢኮ ዎልቆ ቃዚ ጋፒንፆ ሄላ''ኒ ዖሌስካፓ ዶዲ ዒንሢ ዔቃኒ ዳንዳዓኔ።
\p
\v 14 ዓካሪ ፂኢቶ ዓርቃ ቡራሾጉዲ ጎኑሞ ኬርና ቱኡቲ፥ ፂሉ''ሞዋ ዖሎሮ ዳዳ ማኣዖ ዓንጎጉዲ ማይንቲ፥ \x - \xo 6፥14 \xo*\xt ዒሲ. 11፥5፤ 59፥17።\xt*\x* 
\v 15 ኮዦ ሃይሶ ቃኣሎ'' ቶካ ዱርሲጉዲ ዓኣሢ፥ ጊኢጊ ዔቁዋቴ፤ \x - \xo 6፥15 \xo*\xt ዒሲ. 52፥7።\xt*\x* 
\v 16 ሃሣ ታሚ ሎስቶጉዲ ዔኤታ፥ ፃላሄኮ ፓልዖ ሜንሣኒ ዳንዳዓንዳጉዲ ቢያፓ ዑሣ ማዔ ጉሙርቂፆ ጊቲማ ማሂ ዓርቁዋቴ። 
\v 17 ዬያጉዲ ሃሣ ዻቂንቶ' ቶኦካ ዓጎ ዖሎ ዓንጎ ቆኦቦ''ጉዲ ዓጊ፥ ፆኦሲኮ ቃኣሎ''ዋ ዓያና ጌኤሺ ጬንቻ ዓፓሮ ማሂ ዓርቁዋቴ። \x - \xo 6፥17 \xo*\xt ዒሲ. 59፥17።\xt*\x* 
\v 18 ዒንሢም ኮይሳ ባኮ ቢያ ዒንሢ ሺኢቃኣና ዓያና ጌኤሺና ቢያ ዎዴ ሺኢቁዋቴ፤ ዬያይዲ ዶዲ ጴጩዋቴ፤ ኪሪስቶሴ ጉሙርቃ ዓሶማኣ ቢያ ዋሉ''ዋዖ ሺኢቁዋቴ፤ 
\v 19 ኮዦ ሃይሶኮ ዓኣሺንቴ ባኮ ዒጊጩዋዖ ታኣኒ ዓሶ ዔርዛንዳጉዲ፤ ሃሣ ታ ኬኤዛ ዎዶ''ና ኮይሳ ቃኣላ ታኣም ዒንጊንታንዳጉዲ ሺኢቁዋቴ። 
\v 20 ሃሢያ ታ ካኖ ቢራቶና ቱኡቲ ዓኣዖ ዬያ ኮዦ ሃይሶኮ ታኣኒ ኪኢታ ዓሲኬ፤ ዬያሮ ታኣም ኮይሳሢጉዲ ዒጊጩዋዖ ታኣኒ ኬኤዛንዳጉዲ ሺኢቁዋቴ።
\s ጋፒንፆ ሳራሢፆ
\p
\v 21 ኑ ዒዛ ናሽካ፥ ኑኡኮ ዒሻሢ፥ ጎዳ ዬሱስ ኪሪስቶሴ ማዾ'' ጉሙርቂንቲ ማዻያ ማዔሢ፥ ቲኪቆሴ ታ ዛሎ''፤ ሃሣ ታ ዓይጎ ማዻቴያ ዒንሢ ዋይዛንዳጉዲ ቢያ ባኮ ዒንሢም ዒ ኬኤዛንዳኔ። \x - \xo 6፥21 \xo*\xt ዳኪ. ማዾ'' 20፥4፤ 2ፂሞ. 4፥12።\xt*\x* 
\v 22 ዬያሮ ኑኡኒ ዎይቲ ዓኣቴያ ዒንሢ ዔራንዳጉዲና ዒንሢያ ዒ ዶዲሻንዳጉዲ ጌዒ ዒዛ ታ ዒንሢ ኮይላ'' ዳኬኔ። \x - \xo 6፥22 \xo*\xt ቆላ. 4፥7-8።\xt*\x*
\p
\v 23 ፆኦሲ፥ ዓዳሢና ጎዳ ዬሱስ ኪሪስቶሴናይዳፓ ማዔ ኮሹሞና ናሹሞና ሃሣ ጉሙርቂሢና ዎላ'' ኪሪስቶሴ ጉሙርቃዞንሢም ቢያ ማዖንጎ። 
\v 24 ጋፑዋ ናሹሞና ኑ ጎዳ፥ ዬሱስ ኪሪስቶሴ ጉሙርቂ ናሽካዞንሢም ቢያ ፆኦሲኮ ኮሹሞ ዒንጊፃ ዒንጊንቴያ ማዖንጎ።