\id COL - Maale Project
\ide UTF-8
\h ቆላሲያሴ ዓሶም
\toc3 ቆላ.
\toc2 ቆላሲያሴ ዓሶም
\toc1 ፆኦሲ ማዾ''ም ዳኪንቴ ጳውሎሴ ቆላሲያሴ ዓሶም ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ቆላሲያሴ ዓሶም ዳኬ ኪኢቶ''
\imt ዓይፆ ካሮ''
\ip ጳውሎሴ ቆላሲያሴ ካታሞ ዓሶም ፃኣፔ ኪኢታ'' ፃኣፒንቴሢ' ዻኮ'' ዒሲያ ዓጮ'' ጌይንታ ዔፕሶኔ ካታሞኮ ዓባ'' ኬስካ ዛሎ''ና ዓኣ፥ ቆላሲያሴ ሺኢጲፆ ማኣሮ ዓሶምኬ፤ ዬኖ ሺኢጲፆ ማኣሬሎ ዔቂሴሢ ጳውሎሴቱዋንቴ ሮሜ ካኣቲ ዓጮ'' ዴማ'' ማዔ፥ ዒሲያ ዓጮ''ኮ ዼኤፖ ካታሞ፥ ዔፕሶኔይዳፓ ማዻ ዓሲ ዒ ዳኬሢሮ ዬኖ ሺኢጲፆ ማኣሬሎም ዒ ማላያ ማዔኔ፤ ዬይያ፡ ቆላሲያሴ ሺኢጲፆ ማኣሮይዳ፦ «ፆኦሲ ዔራያና ዻቃያ ማዓኒ ፔቴ'' ፔቴ'' ዓሳ ጫሪንጫ ዎልቆና ዓኣ ፆኦሲ ማዢንቶ ካኣሽካንዳያ ኮይሳኔ» ጋዓ ሉኡዙሞና ዔርዛ ዓሳ ዓኣሢ ጳውሎሴ ዋይዜሢሮኬ፤ ዬና ሉኡዙሞና ዔርዛ ዓሳ፦ «ፔቴ'' ፔቴ'' ዓሳ ዓቲንቶ ቤርቶ ቲቂፆ ካኣዦና ሙኡዚ'' ዎጌና፤ ዬያጉዴ ዱማ ዱማ ዎጎ ካፓንዳያ ኮይሳኔ» ጋዓኔ።
\ip ጳውሎሴ ሃኖ' ኪኢቶ'' ፃኣፔሢ' ጎኔ ዻቂንቶ ጎይፆ ኬኤዚሢና ዔያቶኮ ዔርዚፃ ሉኡዚ ማዔሢ ዔርዛኒኬ፤ ዒዚ ኬኤዜ ባኮይዳፓ ዼኤፒ ማዔ ባካ፦ «ዬሱስ ኪሪስቶሴ ጉቤና ዓሲ ዻቂሻኒ ዳንዳዓኔ፤ ዬያታ፥ ሜሌ'' ካኣዦና ዱማ ዱማ ማዻ'' ዒዛይዳፓ ዓሲ ዱማሳኒ ዳንዳዓኔ» ጋዓዞኬ። ፆኦሲ ኪሪስቶሴና ዓጮ'' ማዤኔ፤ ሃሣ ዒዛና ዬያ ቢያ ፔ ባንሢ ዔኪ ሙካኔ፤ ዓጮ''ኮ ሃጊ ማዓንዳ ዻቂንታ ዎዛ ዓኣያ ማዓንዳሢ ኪሪስቶሴና ዎላ'' ፔቴ'' ማዒሢና ሌሊኬ። ዬያጉዲ ጳውሎሴ፡ ሓይ ዼኤፖ ዔርዚፃ ኪሪስቶሴ ጉሙርቃ ዓሶኮ ናንጎይዳ ዎይቲ ጴዻንዳያ ኮይሳቴያ ዔርዛኔ።
\ip ሓኖ' ኪኢቶ'' ጳውሎሴይዳፓ ዔኪ ቆላሲያሴ ዓሶም ሄሊ''ሳኒ ዳኪንቴ ቲኪቆሴና ዎላ'' ዓናሲሞሴ ጎዖሢ ዓኣያ ማዔሢ ዔሪፃ ቃራኬ፤ ዓይጎሮ ጌዔቴ ጳውሎሴ ዬያ ዓናሲሞሴ ጎዖ ዓይላ''ሢ ዛሎ'' ፒልሞናም ሜሌ'' ኪኢታ ፃኣፔያ ማዔሢሮኬ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1-8
\io ኪሪስቶሴኮ ማዢንቲፓ ዓኣ ዖኑሞና ዒዛኮ ማዾ'' ዛላ 1፥9—2፥19
\io ኪሪስቶሴና ዓኪ ናንጊ ዴንቂሢ 2፥20—4፥6
\io ጋፒንሢ ሃይሴ 4፥7-18
\c 1
\p
\v 1 ፆኦሲ ማሊሢና ዬሱስ ኪሪስቶሴ ማዾ''ም ዳኪንቴያ ማዔ፥ ጳውሎሴና ኑ ዒሻሢ፥ ፂሞቴዎሴናይዳፓ፦
\p
\v 2 ቆላሲያሴይዳ ናንጋያ፥ ኪሪስቶሴ ዛሎ''ና ፆኦሲም ዱማዼዞንሢና ጉሙርቂንታያ ማዔ፥ ዒሾንሢንታ ሚሾንሢንታም፤
\p ኑ ዓዳሢ፥ ፆኦሲኮ ኮሹሞ ዒንጊፃ ዒንሢም ማዖንጎ።
\s ጳውሎሴኮ ጋላቶ'' ሺኢጲፆ
\p
\v 3 ኑ ዒንሢ ዛሎ'' ሺኢቃ ዎዶ''ና ኑ ጎዳሢ ዬሱስ ኪሪስቶሴኮ ዓዳሢ ማዔ፥ ፆኦዛሢ ቢያ ዎዴ ኑ ጋላታኔ። 
\v 4 ዓይጎሮ ጌዔቴ ዒንሢ ዬሱስ ኪሪስቶሴ ጉሙርቃሢና ፆኦሲም ዱማዼ ዓሶ ዒንሢ ናሽካሢ ኑ ዋይዜኔ። 
\v 5 ጎኑሞ ማዔ፥ ኮዦ ሃይሳ ዒንሢም ሄሌ'' ዎዶ''ና ሃጋ ማዓንዳ ዎዞ'' ዬያ ዛሎ''ና ዒንሢ ዋይዜኔ፤ ዬያሮ ዒንሢኮ ጉሙርቂፆና ናሹሞናኮ ካራ'' ጫሪንጫ ዒንሢም ጊኢጊንቲ ዓኣ ሃጊ ማዓንዳ ዎዞ''ይዳኬ። 
\v 6 ዒንሢ ኮዦ ሃይሶ ዋይዜሢና ፆኦሲኮዋ ኮሹሞ ዒንጊፆ ጎናሲ ዔኬስካፓ ዓርቃዖ፥ ሃይ ኮዦ ሃይሳ ዒንሢ ባኣካ'' ማዻ ጎይፆ ዓጮ'' ቢያይዳ ዓኣፒ ዓኣፒ ሃሣ ዳልጊሢዳ ዓኣኔ። 
\v 7 ዬያ፡ ኑና ማዒ\f + \fr 1፥7\fr* \fk «ኑና ማዒ»\fk* ጋዓዞ፦ ፔቴ'' ፔቴ'' ሚናኣ ማፃኣፓ «ዒንሢ ማዒ» ጋዓኔ።\f* ኪሪስቶሴም ጉሙርቂንቲ ማዻያ ማዔያ ሃሣ ኑኡና ዎላ'' ማዻያ ማዔ፥ ናሽኪንታ ዔጳፒራ ዒንሢም ኬኤዜኔ። \x - \xo 1፥7 \xo*\xt ቆላ. 4፥12፤ ፒልሞ. 23።\xt*\x* 
\v 8 ሃሣ ዒዚ ዓያና ጌኤሺ ዒንሢም ዒንጌ ናሹሞ ኑም ኬኤዜኔ።
\p
\v 9 ዬያሮ ዬያ ኑ ዋይዜስካፓ ዓርቃዖ፥ ዒንሢም ዓያናፓ ማዔ ዔራቶና ማሊ ጶቂሲሢና ቢያ ፆኦሲ ማሊፆጉዴያ ዺባንዳጉዲ ኑኡኒ ፆኦሲ ሺኢጲሢ ሃሺ''ባኣሴ። 
\v 10 ኑኡኒ ሺኢቃሢ ጎዳም ዒንሢ ኮይሳሢጉዲ ናንጋንዳጉዲና ቢያ ባኣዚ''ና ዒዛ ዒንሢ ዎዛሳያ ማዓንዳጉዲኬ፤ ዬይያ፦ ኮሺ ማዺ ማዺ፥ ፆኦሲ ዔሪሢና ዲጪ ዲጪ፥ 
\v 11 ዼኤፒ ዶዱሞና ዳንዳዒሢና ዒንሢኮ ዓኣያ ማዓንዳጉዲ፥ ዒዛኮ ቦንቺንቴ ዎልቆጉዴያ ዎልቄና ቢያ ዒንሢ ዶዲ ሃሣ ዎዛዺ ዎዛዺ፥ 
\v 12 ሃሣ ፖዖ ካኣቱሞይዳ ፆኦሲም ዱማዼ ዓሶና ዎላ'' ፆኦሲ ዒንጋ ባኮ ዒንሢ ዔካያ ማዓንዳጉዲ ዒንሢ ማሄ ፆኦዛሢ፥ ዓዳሢ ዎዛና ዒንሢ ጋላታንዳጉዲኬ። 
\v 13 ዓይጎሮ ጌዔቴ ዒዚ ዹሞ ካኣቱሞ ዴማ''ፓ ኑና ዻቂሺ፥ ፔኤኮ ናሽኪንታ ናዓሢ ካኣቱሞ ዴሞ ጌላንዳጉዲ ኑና ማሄኔ። 
\v 14 ዒዛ ዛሎ''ና ኑ ዻቂ፥ ጎሜፓ ማኣሪንቲሢያ ኑ ዴንቄኔ። \x - \xo 1፥14 \xo*\xt ዔፕ. 1፥7።\xt*\x*
\s ኪሪስቶሴኮ ቢያፓ ባሼ ማዒፆ
\p
\v 15 ኪሪስቶሴ ዓሲም ጴዹዋ ፆኦዛሢኮ ጎኔ ማሎኬ። ዒዚ ቢያ ማዢንቶኮ ቤርታ ዓኣ ቶይዳሢኬ። 
\v 16 ዎይቲ ጌዔቴ ጫሪንጮና ሳዖናይዳ ዓኣ ባካ፥ ዓኣፒዳ ጴዻሢንታ ጴዹዋ ባካ፥ ጫሪንጫ ዼኤፖ ማዢንቶና ዎይሣዞንሢ፥ ሱኡጎንታ ቢታንታ ዓኣዞንሢያ ቢያ ማዢንቴሢ ዒዛናኬ። ፆኦሲ ቢያ ባኮ ማዤሢ ዒዛና ሃሣ ዒዛምኬ። 
\v 17 ዒ ቢያ ባኮኮ ቤርታፓ ዓኣያኬ፤ ቢያ ባካ ዎላ'' ካኣሚ ዶዲ ዔቄሢ ዒዛናኬ። 
\v 18 ዒዚ ዒዛኮ ዑፆ ማዔ፥ ሺኢጲፆ ማኣሮ ዓሶኮ ቶኦካ''ሢኬ፤ ቢያ ባኮና ዒ ቤርቲ ማዓንዳጉዲ ሃይቢፓ ዔቂሢናኣ ቤርታሳሢ ዒዛኬ። \x - \xo 1፥18 \xo*\xt ዔፕ. 1፥22-23።\xt*\x* 
\v 19 ዬይ ማዔሢ ፆኦሲኮ ዓኣ ዎልቃ ናዓሢዳ ኩሙሢና ዓኣያ ማዓንዳጉዲ ፆኦሲ፥ ዓዳሢ ኮዔሢሮኬ። 
\v 20 ዒዛ ዛሎ''ና ጫሪንጮይዳ ማዔቴያ ሳዖይዳ ዓኣ ባኮ ቢያ ፆኦሲ' ፔኤና ዎላ'' ጊኢጊሺ፥ ቡኩሴኔ፤ ፑርቶ ዓሶ ሱፆ ሚፆይዳ ዒ ሓይቄም ላኣሊንቴ ሱጉፆናኣ ኮሹሞ ዔኪ ሙኬኔ። \x - \xo 1፥20 \xo*\xt ዔፕ. 2፥16።\xt*\x*
\p
\v 21 ሓያኮ ቤርታ ዒንሢኮ ፑርቶ ማዾ''ና ፆኦሲፓ ዒንሢ ሃኪ፥ ዒንሢኮ ማሊፆናኣ ፆኦሲኮ ዒንሢ ሞርኬኬ። 
\v 22 ሃሢ ጋዓንቴ ፆኦሲኮ ናዓሢ ዓሲ ማዒ ኬዲ'' ሃይቄ ዛሎ''ና ፆኦሲ ፔኤና ዎላ'' ዒንሢ ቡኩሴኔ፤ ዬያ ዒ ማዼሢ' ዒንሢ ዒዛም ዱማዼያና ጌኤሺ፥ ሃሣ ዔኤቢ ቦሂሳ ባኣዚ'' ባኣያ ማሂ ፔ ቤርቶ ሺኢሻኒኬ። 
\v 23 ዬይ ያዺ ማዓንዳሢ' ዒንሢ ጉሙርቂሢና ፃጲ ዳኪ፥ ሃሣ ዶዲ ዔቂ ኮዦ ሃይሶይዳፓ ጴዼ ሃጊ ማዓንዳ ዎዞ'' ቃኣሎ''ና ዓጊፁዋዖ ዶዲ ናንጌቴ ሌሊኬ፤ ዬይ ኮዦ ቃኣላ'' ዒንሢ ዋይዛሢና ዓጫ'' ዓኣ ዓሶም ቢያ ኬኤዚንቴሢኬ፤ ታኣኒ፥ ጳውሎሴያ ማዻያ ማዔሢ ዬያ ኮዦ ቃኣሎ'' ማዾ''ኬ።
\s ጳውሎሴ ሺኢጲፆ ማኣሮም ዶዲ ማዼ ማዾ
\p
\v 24 ሃሢ ዒንሢ ዛሎ''ና ታ ዔካ ሜታሢ ታና ዎዎዛሳኔ፤ ኪሪስቶሴኮ ዑፆ ማዔ፥ ሺኢጲፆ ማኣሮ ዓሶ ዛሎ''ሮ ኪሪስቶሴይዳ ሄሊ'' ዓቴ'' ሜታሢ ታጊዳ ማዒ ኩማዳንዳጉዲ ታ ማሃኔ። 
\v 25 ፆኦሲኮ ኮዦ ሃይሶ ፔቴ''ታዖ ታ ዓይሱዋዖ፥ ጉቤ ዒንሢም ኬኤዛንዳጉዲ ፆኦሲዳፓ ታኣም ዒንጊንቴ ጎይፆና ሺኢጲፆ ማኣሮ ዓሶም ታ ማዻያ ማዔኔ። 
\v 26 ሓይ፥ ታ ኬኤዛ ኮዦ ሃይሶ ቃኣላ'' ሃያኮ ቤርታ ዓሲም ዓኣሺንቲ ዓኣያ፤ ሃሢ ጋዓንቴ ፆኦሲ ፔኤም ዱማዼዞንሢም ዔርዜ ዓኣሺንቴ ባኣዚ''ኬ፤ 
\v 27 ፆኦሲኮ ማሊፃ ዬያ ዓኣሺንቴ ባኮኮ ቦንቾና ዖርጎቹሞና ዓይሁዴ ማዒባኣ ዓሶ ባኣካ'' ዎዚጉዲ ዼኤፒታቴ ዒዛም ዱማዼ ዓሶም ዔርዛኒኬ፤ ዬይ፥ ዓኣሺንቴ ባካ ሃጊ ማዓንዳ ዎዛ ጌሢ ኑ ካፓ ቦንቻ ዒዛና ጴዻንዳ፥ ዒንሢ ባኣካ'' ዓኣ ኪሪስቶሴኬ። 
\v 28 ዔራቶና ዓይጎ ዓሲያ ኑ ዞሪ ዞሪ ሃሣ ዔርዚ ዔርዚ ፔቴ'' ፔቴ'' ዓሶ ኪሪስቶሴ ዛሎ''ና ዒናዼ ዓሲ ማሂ ፆኦሲ ቤርቶ ሺኢሻኒ ኪሪስቶሴ ዛሎ'' ኑ ኬኤዛኔ። 
\v 29 ፆኦሲ ፔኤኮ ዼኤፖ ዎልቆና ታኣና ማዻሢሮ ዬያ ዼኤፖ ዎልቆና ዶዲ ማዺፆይዳ ታ ዓኣኔ።
\c 2
\p
\v 1 ዒንሢንታ ሎዶቂያይዳ ዓኣ ዓሶ ዛሎ''ንታ፥ ሃሣ ዬያጉዲ ታና ዔሩዋ ዓሶማኣ ቢያ ታ ዎማይዲ ዶዲ ማዻቴ ዒንሢ ዔራንዳጉዲ ታ ኮዓኔ። 
\v 2 ታ ዶዲ ማዻሢ' ዒና'' ዔያቶኮ ዶዲ፥ ናሹሞናኣ ፔቴ'' ማዒ፥ ፒዜ ማዔ ማሊ ጶቂሥሢ ዖርጎቹሞ ዴንቂ ፆኦሲኮ ዓኣሺንቴ ማሊፆ ማዔ፥ ኪሪስቶሴ ዔያታ ዔራንዳጉዲኬ። 
\v 3 ሃኣማቶና ዔራቶናኮ ቆሎ ዓኣሺንቲ ዓኣሢ ኪሪስቶሴ ኮይላ''ኬ።
\p
\v 4 ዬያ ታ ዒንሢም ጋዓሢ ዖኦኒያ ጌሺሢ ሃይሴና ዒንሢ ዻቢሹዋጉዲ ጌይኬ። 
\v 5 ዎዚ ታ ዒንሢዳፓ ሃኪ ዓኣያ ማዔቴያ ዓያናና ታ ዒንሢና ዎላ''ኬ፤ ዒንሢ ኮይሳማ ጎይፆ ናንጊሢና ኪሪስቶሴይዳ ዒንሢኮ ዓኣ ጉሙርቂፆ ዶዱሞ ታ ዛጋሢሮ ዎዛዻኔ።
\s ኪሪስቶሴና ጴዻ ኩሙሢ ናንጊ
\p
\v 6 ጎዳ ዬሱስ ኪሪስቶሴ ዒንሢ ጉሙርቂ ዔኬ ጎይፆና ዒዛና ዎላ'' ፔቴ'' ማዒ ናንጉዋቴ፤ 
\v 7 ዒዛይዳ ፃጲ ዳኪ፥ ናንጎ ዒንሢ ዒዛና ማሂ ዓርቂ፥ ዒንሢ ዔሬ ጎይፆና ኪሪስቶሴ ጉሙርቂፆና ዶዲ ናንጉዋቴ፤ ሚርጌና ሃሣ ፆኦሲ ጋላቱዋቴ።
\p
\v 8 ኪሪስቶሴ ዔርዜ ጎይፆጉዲቱዋንቴ ዓሲ ኬሴ'' ዎጌና ሓይ ዓጫ'' ዎርቃ ዎጌይዳፓ ማዔ ጉሪ ጌሺሢ ባኣዚ''ና ሃሣ ሃምዓቶና ማዢንቴ ሃይሴና ጎኔ ጎይፃፓ ዖኦኒያ ዒንሢ ዲዒ ዔኩዋጉዲ ዒንሢና ዔሩዋቴ። 
\v 9 ፆኦሲኮ ፆኦሱማ ጉቤና ፔጋዺ ዔርቲ ናንጋሢ ዓሲ ማዔ፥ ኪሪስቶሴይዳኬ። 
\v 10 ዒንሢያ ኩሙሢ ናንጊ ዴንቄሢ ሱኡጉሞና ቢታንቱሞናኮ ዑፃሢ ማዔ፥ ኪሪስቶሴናኬ።
\p
\v 11 ዒዛና ዎላ'' ፔቴ'' ማዒፆና ዒንሢ ዓቲንቶ ቤርቶ ቲቂንቴያ ማዔኔ፤ ዬይ ዓቲንቶ ቤርቶ ቲቂንቲፃ ዒንሢኮ ጎሞ ማዾ'' ላኣማኒ ኪሪስቶሴና ማዺንቴያ ማዓንዳፓዓቴም ዓሲ ቲቃ፥ ዓቲንቴ ቤርቲ ቲቂንቲቱዋሴ። 
\v 12 ዓይጎሮ ጌዔቴ ዒንሢ ዋኣፆና ማስቴ ዎዶ''ና ኪሪስቶሴና ዎላ'' ዒንሢ ዱኡቴኔ፤ ሃሣ ዒዛና ዎላ'' ሃይባ''ፓኣ ዒንሢ ዔቄኔ፤ ዒንሢ ሃይባ''ፓ ዔቄሢ' ኪሪስቶሴ ሃይባ''ፓ ዔቂሴ፥ ፆኦዛሢ ዎልቆ ዒንሢ ጉሙርቃሢሮኬ። \x - \xo 2፥12 \xo*\xt ሮሜ 6፥4።\xt*\x* 
\v 13 ዒንሢኮ ጎሞ ዓቲንቶ ቤርታ ቲቂንቲባኣሢሮ ቤርታ ዒንሢ ሃይቄያኬ፤ ሃሢ ጋዓንቴ ፆኦሲ ኪሪስቶሴና ዎላ'' ናንጊና ባይቁዋያ ዒንሢ ማሄኔ፤ ጎሞዋ ኑኡኮ ቢያ ዓቶም ጌዔኔ። \x - \xo 2፥13 \xo*\xt ዔፕ. 2፥1-5።\xt*\x* 
\v 14 ኑና ዻቢንቲ ዓሲ ማሂ ዒፃያ፥ ሃሣ ኑኡኒ ጋሌ ዓሲ ማዒፆ ኑኡኮ ዔርዛ ፃኣፒንቴ ባኮ ዑጪ ባይዚ፥ ፑርቶ ዓሶ ሱፆ ሚፃ ጳርቂ ኑጊዳፓ ዒዚ ሺኢሼኔ። 
\v 15 ዒዛኮ ሞርኮ ማዔ፥ ጫሪንጫ ዓኣ ሱኡጎና ቢታንታ ዓኣ ማዢንቶ ቢያ ፑርቶ ዓሶ ሱፆ ሚፆይዳ ባሺ ዖሎ ዓንጋሞዋ ጉሲሲ ባሺንቴያ ማዒፆ ዓሲ ቢያ ዴንቃንዳጉዲ ዒ ማሄኔ።
\p
\v 16 ዓካሪ ሙኡዚ'' ዛላ ማዔቴ ዑሺ ዛላ ቦንቾ ኬሊ'' ቦንቺሢ ዛላ፥ ዓጊኒ ፄኤሪ ቦንቺሢ ዛላና ዓይሁዶ ዓሶኮ ሃውሾ ኬሎ'' ቦንቺሢ ዛላና ዖኦኒያ ዒንሢ ዻቤኔ ጎዖፓ። \x - \xo 2፥16 \xo*\xt ሮሜ 14፥1-6።\xt*\x* 
\v 17 ዬንሢ ቢያ ሃጊ ሙካንዳ ባኮኮ ሺቦ'' ማዔዞንሢኬ፤ ጎኔ ዓኣያ ማዒ ሺባሢ ኪሪስቶሴኬ። 
\v 18 ኮይሱዋ ሼሌዑሞ ዓኣያ፥ ሃሣ ፆኦሲ ኪኢታንቾ ካኣሽኪሢ ናሽካ ዓሲ ጌሺ ዒንሢ ጉሪ ዓይሱዋጉዲ ዒንሢና ዔሩዋቴ። ዬያጉዴ ዓሢ' ዒዛም ፔጋዺ ጴዻ ባኮና ሄርሺንቲ ሄርሺንቲ ጉሪ ማዔ ዓሲ ማሊሢና ዖቶርቃያኬ። 
\v 19 ዬያ ዓሢኮ ዑሢ ቢያ ጪጊቺና ሻሺና ካኣሚ ካኣሚ ሙኡዚ''ያ ዴንቂ ዴንቂ ፆኦሲ ዒንጋ ዲጪሢና ዲጪሳ ቶኦካ''ሢናኮ ዎላ'' ካኣሚሢ ባኣያኬ። \x - \xo 2፥19 \xo*\xt ዔፕ. 4፥16።\xt*\x*
\s ናንጌቴያ ሃይቄቴያ ኪሪስቶሴና ማዒሢ
\p
\v 20 ኪሪስቶሴና ዎላ'' ዒንሢ ሃይቂ ሃያ ዓጮ'' ባኮይዳፓ ዱማዼያ ማዔቴ ዓካሪ ዬያይዳፓ ዱማዺባኣያጉዲ ዎዲ'' ዒንሢ ዬንሢጉዴ ዓይሢፆም ዓይሢንታይ? 
\v 21 ዬንሢ ዓይሢፆንሢ፦ «ዓርቂፖ፥ ዻንጋና ካንሢፖ፥ ካኣሚፖ» ጋዓዞንሢኬ። 
\v 22 ዬንሢ ቢያ ዓሲ ኬሴ'' ዎጌና ዓይሥሢ ዔርዚሢና ማዺንታያ ማዔሢሮ ዬንሢ ማዺንቴሢኮ ጊንፃ ማኣዳ'' ባኣዚ'' ባኣያ ማዒ ባይቃያኬ። 
\v 23 ዬንሢ ዓይሢፆንሢ' ዓሲ ፔኤሮ ኬሲ'' ካኣሽካ ካኣሺንታ ኮይሱዋ ሼሌዑሞና ዑሢ ፑርቲሲሢ ማዾ ማዺሺሳሢሮ ዛጎዛ ፒዜ ዔራቶና ማዺንታያ ማላኔ፤ ጋዓንቴ ዓሲ' ኮዓ ሱኡኮ ማዾ'' ቃዛኒ ማኣዳ'' ባኣዚ'' ባኣያኬ።
\c 3
\s ኪሪስቶሴ ጉሙርቃ ዓሲ ናንጋንዳ ናንጊ
\p
\v 1 ዓካሪ ኪሪስቶሴና ዎላ'' ሃይባ''ፓ ዒንሢ ዔቄሢሮ ኪሪስቶሴ ዴዒ ዓኣ ፆኦሲኮ ሚዛቆ ዛላ''፥ ቦንቺንቴ ቤዛ፥ ሎ ጫሪንጮይዳ ዓኣ ባኮ ዶዲ ኮዑዋቴ። \x - \xo 3፥1 \xo*\xt ዓይኑ. 110፥1።\xt*\x* 
\v 2 ቢያ ዎዴ ሎ ጫሪንጫ ዓኣ ባኮ ማላንዳኣፓዓቴም ሃይካ ሳዓ ዓኣ ባኮ ዛሎ'' ማሊፖቴ። 
\v 3 ዓይጎሮ ጌዔቴ ሃይቂ ዱማዾያጉዲ ሃያ ዓጮ'' ፑርቶ ባካፓ ዒንሢ ዱማዼኔ፤ ዒንሢኮ ሼምፓሢያ ኪሪስቶሴና ዎላ'' ፆኦሲ ኮይላ'' ዓኣሺንቲ ዓኣኔ። 
\v 4 ዒንሢኮ ሼምፓሢ ማዔ፥ ኪሪስቶሴ ሙኪ ጴዻ ዎዶ''ና ዒንሢያ ዒዛና ዎላ'' ጴዻንዳኔ፤ ሃሣ ዒዛና ዎላ'' ዒንሢ ቦንቺንታንዳኔ።
\p
\v 5 ዬያሮ ዒንሢዳ ዓኣ ዒንሢኮ ሳዖ ፑርቶ ማዾ'' ሱኡኮ ቢያ ዓያኖና ዎዹዋቴ፤ ዬንሢያ፦ ማቾ ሃሣ ዓኒ ማዒባኣያና ላሂሢ፥ ዒኢሳ ማዾ ማዺሢ፥ ማቾ ሃሣ ዓኒ ማዒባኣያና ላሃኒ ኮዒ ሱኡካዺሢ፥ ፆኦሲፓ ሜሌ'' ካኣሺ ካኣሽኪሢጉዴያ ማዔ ፔኤም ማዓ ባኣዚ''ሮ ጎጋይቂሢንታኬ። 
\v 6 ዬንሢ ባኮንሢ ዛሎ''ና ፆኦሲም ዓይሢንቲፆ ዒፃ ዓሶ ዑፆይዳ ፆኦሲኮ ጎሪ''ንታ ዬዓንዳኔ። 
\v 7 ዒንሢያ ሃያኮ ቤርታ ዬንሢ ባኮ ማዺ ናንጋያኬ።
\p
\v 8 ሃሢ ጋዓንቴ ጎሪ''ንቲ፥ ዻጋ፥ ዓሲ ዒፂሢ፥ ዾንኮ፤ ዬንሢ ቢያ ሃሹ''ዋቴ፤ ሃሣ ቦርሲሳ ጌኤሲያ ጌስቲፖቴ። 
\v 9 ሚናኣ ዓሢ ዒዛኮ ማዾ''ና ዎላ'' ዒንሢ ጉሲ ሃሼ''ሢሮ ዎሊና ሉኡዙሞ ባኣዚ'' ጌስቲፖቴ። \x - \xo 3፥9 \xo*\xt ዔፕ. 4፥22።\xt*\x* 
\v 10 ሃሢ ዓኪ ዓሲ ዒንሢ ማዔኔ፤ ዬይ ዓኪ ማዔ ዑፃ ዒዛ ኮሺ'' ዒንሢ ዔራንዳጉዲ ማዤ ፆኦዛሢ' ቢያ ኬሊ'' ፔና ማላንዳጉዲ ዒ ዓካሳሢኬ። \x - \xo 3፥10 \xo*\xt ማዢ. ማፃ 1፥26፤ ዔፕ. 4፥24።\xt*\x* 
\v 11 ያዒ ማዒፆና ዓይሁዴ ማዒባኣሢና ዓይሁዴ ማዔሢናኮ፥ ዓቲንቶ ቤርቶ ቲቂንቴሢና ቲቂንቲባኣሢናኮ፥ ጊሪኬ ሙኡጮ ዔሩዋ ዓሶንታ ቦዖጉዲ ማዔ ዓሶንታኮ፥ ካራሚና ካራሚ ማዒባኣያናኮ ባኣካ'' ዱሙሞ ባኣያ ማዔኔ። ኪሪስቶሴ ጋዓንቴ ቢያሢኬ፤ ቢያሢምኬ።
\p
\v 12 ዓካሪ ዒንሢ ፆኦሲም ዱማዼያና ዶኦሪንቴያ ሃሣ ናሽኪንታያ ማዔ ጎይፆና ሚጪንቲሢ፥ ዓሲም ኮሺ ማዾ፥ ሼሌዑሞ፥ ኮሹሞ፥ ጊቢ'' ዳንዳዒሢንታ ዒንሢዳ ሚርጌና ዓኣያ ማዑዋቴ። 
\v 13 ዒንሢ ዎሊም ማሊ፥ ፔቴ''ይ ባጋሢም ዻቤ ባኣዚ'' ዓኣቶ ኪሪስቶሴ ዒንሢኮ ጎሞ ዓቶም ጌዔሢጉዲ ዒንሢያ ዎሊም ዓቶም ጎዑዋቴ። \x - \xo 3፥13 \xo*\xt ዔፕ. 4፥32።\xt*\x* 
\v 14 ዬያ ቢያሢኮ ዑሣ ቢያሢ ፔቴ''ይዳ ማሃ፥ ናሹሞ ዓኣያ ማዑዋቴ። 
\v 15 ፔቴ'' ዑፆኮ ዱማ ዱማ ቤዞ ማዒ ዒንሢ ዔኤሊ''ንቴሢ ዬያ ኮሹሞም ማዔሢሮ ኪሪስቶሴ ኮሹማ ዒንሢ ዒና'' ካኣታዾንጎ፤ ፆኦሲ ጋላታያ ማዑዋቴ። 
\v 16 ኪሪስቶሴ ቃኣላ'' ዒንሢኮ ዒና'' ሚርጌና ዓኣያ ማዖንጎ፤ ዒንሢዳፓ ፔቴ''ይ ባጋሢ ዔራቶ ቢያና ዔርዞንጎ፥ ዞሮንጎ፤ ፆኦሲም ዓይናዺሢና ፆኦሲ ቦንቺሲሢና፥ ሃሣ ፆኦሲ ጋላቲ ጋላቲ ዓይናዹዋቴ። 
\v 17 ፆኦሲ፥ ዓዳሢ፡ ዬሱስ ኪሪስቶሴ ሱ'ንፆና ጋላቲ ጋላቲ ዻንጋና ጌስቶ ባኣዚ''ያ ማዖም ዒንሢ ማዻ ባኮዋ ቢያ ጎዳ ዬሱሴ ሱ'ንፆና ማዹዋቴ። \x - \xo 3፥17 \xo*\xt ዔፕ. 5፥19-20።\xt*\x*
\s ኪሪስቶሴ ጉሙርቃ ፔቴ'' ማኣሪ ዓሲ ናንጋንዳ ጎይሢ
\p
\v 18 ዒንሢ ላኣሎ ናኣታ''! ዒንሢ ጎዳ ዬሱሴሮ ማዔ ጎይፆና ሃሣ ዓይሢንቲሢ ኮይሳያታሢሮ ዒንሢ ዓኒንሢም ዓይሢንቱዋቴ። \x - \xo 3፥18 \xo*\xt ዔፕ. 5፥22፤ 1ጴፂ. 3፥1።\xt*\x*
\p
\v 19 ዒንሢ ዓቲንቃ! ዒንሢኮ ላኣሎ ናሽኩዋቴ፤ ዔያቶም ፑርታያ ማዒፖቴ። \x - \xo 3፥19 \xo*\xt ዔፕ. 5፥25፤ 1ጴፂ. 3፥7።\xt*\x*
\p
\v 20 ናይዮቴ! ቢያ ባኣዚ''ና ዒንሢ ሾዔ ዓሶም ዓይሢንቱዋቴ፤ ዓይጎሮ ጌዔቴ ዬያ ጎዳ ናሽካ ባኣዚ''ታሢሮኬ። \x - \xo 3፥20 \xo*\xt ዔፕ. 6፥1።\xt*\x*
\p
\v 21 ዒንሢ ናኣቶ'' ሾዔ ዓሳ! ናኣታ'' ዒንሢኮ ፑርቱሞም ማሉዋጉዲ ጎሪ'' ዔያቶም ካራ ባይዚፖቴ። \x - \xo 3፥21 \xo*\xt ዔፕ. 6፥4።\xt*\x*
\p
\v 22 ዒንሢ ዓሶም ዓይሌ'' ማዒ ማዻ ዓሳ! ሳዖይዳ ዒንሢ ዎይሣ ዓሶም ቢያ ባኣዚ''ና ዓይሢንቱዋቴ፤ ዬያ ዒንሢ ዓይሢንታሢ' ዓሲ ዎዛሳኒና ዓሲ ቤርቲም ጴዺሢሮ ማዒባኣንቴ ጎዳ ዬሱሴ ዒጊጪሢና ጌኤሺ ዒናፓ ማዖንጎ። \x - \xo 3፥22 \xo*\xt ዔፕ. 6፥5-8።\xt*\x* 
\v 23 ዒንሢ ማዻ ባኮ ቢያ ዓሲምቱዋንቴ ጎዳ ዬሱስ ኪሪስቶሴም ማዻያ ማሂ ዶዲ ዎዛና ማዹዋቴ። 
\v 24 ዒንሢ ማዼ ዛሎ''ሮ ጎዳ ዒንሢም ዒንጋንዳ ባኣዚ'' ዓኣሢ ዒንሢ ዔራኔ፤ ዒንሢ ማዻሢ ጎዳ ኪሪስቶሴምኬ። 
\v 25 ፑርታ ማዻሢ' ፑርቶ ማዾ'' ዛሎ'' ሜቶ ዔካንዳኔ፤ ዓይጎሮ ጌዔቴ ፆኦሲ ዓሲ ዱማሲ ዛጉዋኣሢሮኬ። \x - \xo 3፥25 \xo*\xt ላሚ. ዎማ 10፥17፤ ዔፕ. 6፥9።\xt*\x*
\c 4
\p
\v 1 ዒንሢ ዓይሎ'' ዎይሣ ዓሳ! ዒንሢያ ጫሪንጮይዳ ዒንሢኮ ጎዳ ዓኣሢ ዔራያታሢሮ ዒንሢኮ ዓይሎ'' ፒዜ ማዔ ጎይሢና ሄኮ ዛጊ ዎይሡዋቴ። \x - \xo 4፥1 \xo*\xt ዔፕ. 6፥9።\xt*\x*
\s ዞሮ
\p
\v 2 ፆኦሲ ጋላቲሢና ሓሹ''ዋዖ ቢያ ዎዴ ዶዲ ሺኢቁዋቴ፤ 
\v 3 ፆኦሲ ፔኤኮ ኮዦ ሃይሶ ኑ ኬኤዛንዳ ካራ ኑም ቡላ''ንዳጉዲና ዒዛ ዛሎ'' ታ ቱኡቴ፥ ኪሪስቶሴኮ ዓኣሺንቴ ኮዦ ሃይሶ ኑ ኬኤዛንዳጉዲ ኑማኣ ሺኢቁዋቴ። 
\v 4 ሃሣ ታኣኒያ ኮይሳሢጉዲ ፔጋሲ ፆኦሲ ቃኣሎ'' ዓሶም ኬኤዛንዳጉዲ ታኣም ሺኢቁዋቴ።
\p
\v 5 ዓይጎ ካራና ማዔቴያ ዒንሢ ዴንቄማና ዔሪ ማዺ ማዺ፥ ኪሪስቶሴ ጉሙርቁዋ ዓሶ ባኣካ'' ዔራቶና ናንጉዋቴ። \x - \xo 4፥5 \xo*\xt ዔፕ. 5፥16።\xt*\x* 
\v 6 ዒንሢኮ ጌኤዛ ቢያ ዎዴና ዓሲም ዋይዛኒ ናሻያ ሃሣ ኮሺ ማዖንጎ፤ ሃሣ ዒንሢ፡ ዓሶም ፒዜና ማሂ ኬኤዞንዶ ባኮዋ ዔራንዳያ ኮይሳኔ።
\s ጋፒንሢ ሃይሴ
\p
\v 7 ቲኪቆሴ ታ ዛሎ'' ዓኣ ባኮ ቢያ ዒንሢም ኬኤዛንዳኔ፤ ዒዚ ናሽኪንታያ ሃሣ ጉሙርቂንቲ ማዻያ ማዔ፥ ታኣና ዎላ'' ጎዳ ማዾ'' ማዻ ታ ዒሻሢኬ። \x - \xo 4፥7 \xo*\xt ዳኪ. ማዾ'' 20፥4፤ 2ፂሞ. 4፥12።\xt*\x* 
\v 8 ዒዛ ታ ዒንሢ ኮይላ'' ዳካሢ ኑ ዛሎ'' ዒንሢም ኬኤዛንዳጉዲና ዒኖ ዒንሢኮ ዶዲሻንዳጉዲኬ። \x - \xo 4፥8 \xo*\xt ዔፕ. 6፥21-22።\xt*\x* 
\v 9 ዒዛና ዎላ'' ዒንሢኮ ፃጳሢ ማዔ፥ ጉሙርቂንታያና ናሽኪንታ ዒሻሢ፥ ዓናሲሞሴያ ዒንሢ ኮይላ'' ሙካንዳኔ፤ ዔያታ ሃይካ ዓኣ ባኮ ቢያ ዒንሢም ኬኤዛንዳኔ። \x - \xo 4፥9 \xo*\xt ፒልሞ. 10-12።\xt*\x*
\p
\v 10 ታኣና ዎላ'' ቱኡቴ ዓሪስፂሮኮሴንታ ዒንሢ ኮይላ'' ሙኬቴ ዒንሢ ዒዛ ሾኦቺንሢ ዔካንዳጉዲ ታ ዒንሢም ቤርታ ኬኤዜ፥ ባርናባሴኮ ዔኤዚሜ፥ ማርቆሴያ ዒንሢ «ኮሺዳ?» ጌዔኔ። \x - \xo 4፥10 \xo*\xt ዳኪ. ማዾ'' 19፥29፤ 27፥2፤ ፒልሞ. 24፤ ዳኪ. ማዾ'' 12፥12፤ 25፤ 13፥13፤ 15፥37-39።\xt*\x* 
\v 11 ዒዮስፆሴ ጌይንታ ዒያሱዋ «ኮሺዳ?» ዒንሢ ጋዓኔ። ፆኦሲ ካኣቱሞ ማዾ'' ታኣና ዎላ'' ማዻ ዓሶ ባኣካ''ፓ ዓይሁዴ ማዔ ዓሶንሢ ዬንሢ ሌሊኬ፤ ዔያታ ታና ዶዲሼኔ።
\p
\v 12 ዬሱስ ኪሪስቶሴም ማዻያ ማዔ፥ ዒንሢ ፃጳሢ ዔጳፒራ «ኮሺዳ?» ዒንሢ ጋዓኔ። ፆኦሲ ማሊፆጉዴያ ሂርጋ ባኣያ ማዒ፤ ሃሣ ዓያና ናንጊናኣ ዲጪ፥ ዶዲ ዒንሢ ዔቃንዳጉዲ ቢያ ዎዴ ዒንሢ ዛሎ'' ዒ ዶዲ ሺኢቃኔ። \x - \xo 4፥12 \xo*\xt ቆላ. 1፥7፤ ፒልሞ. 23።\xt*\x* 
\v 13 ዒንሢ፥ ሎዶቂያይዳ ዓኣ ዓሶና ሂራፖሊዮሴይዳ ዓኣ ዓሶ ዛሎ'' ሚርጌና ዒ ላቢ'' ማዻሢኮ ታ ማርካኬ። 
\v 14 ዼኤሾ ዔራ፥ ናሽኪንታ ሉቃሴንታ ዴማሴንታ «ኮሺዳ?» ዒንሢ ጋዓኔ። \x - \xo 4፥14 \xo*\xt 2ፂሞ. 4፥10-11፤ ፒልሞ. 24።\xt*\x*
\p
\v 15 ሎዶቂያይዳ ዓኣ ዒሾንሢታ ሚሾንሢንታ፥ ኒምፑንታ ሃሣ ዒዞ ማኣሮይዳ ቡኪንታ ኪሪስቶሴ ጉሙርቃ ዓሶንታም «ኮሺዳ?» ጋዓኔ፥ ጎውዋቴ። 
\v 16 ሓኖ' ኪኢቴሎ ዒንሢ ናባቤሢኮ ጊንፃ ሎዶቂያይዳ ዓኣ ሺኢጲፆ ማኣሮ ዓሶማኣ ናባቢሱዋቴ፤ ዒንሢያ ታኣኒ ሎዶቂያ ዓሶም ዳኬ ኪኢታ'' ዒንሢ ሄላ''ኣና ናባቡዋቴ። 
\v 17 ዓርኪፖሴም፦ «ጎዳይዳፓ ኔኤም ዒንጊንቴ ማዾ'' ዶዲ፥ ጋፒንፆ ሄሊ''ሲ ማዼ» ጋዓኔ፥ ጌይ ኬኤዙዋቴ። \x - \xo 4፥17 \xo*\xt ፒልሞ. 2።\xt*\x*
\p
\v 18 ሃይማ ጋፒንፆ ማሊፆማ ታኣኒ ጳውሎሴ ታ ኩቻ ፃኣፔኔ። ታ ሓሢ ሄላ''ዖ ቱኡዞ ማኣራ ዓኣሢ ዔሩዋቴ።
\p ፆኦሲኮ ኮሹሞ ዒንጊፃ ዒንሢም ማዖንጎ።