\id 3JN - Maale Project
\ide UTF-8
\h ዮሓኒሴ ኪኢቶ'' 3
\toc3 3ዮሓ.
\toc2 ዮሓኒሴ ኪኢቶ'' 3
\toc1 ፆኦሲ ማዾ''ም ዳኪንቴ ዮሓኒሴኮ ሃይሣሳ ኪኢቶ''
\mt ፆኦሲ ማዾ''ም ዳኪንቴ ዮሓኒሴኮ ሃይሣሳ ኪኢቶ''
\imt ዓይፆ ካሮ''
\ip ዮሓኒሴኮ ሃይሣሳ ኪኢቶ'' ፃኣፔሢ፦ «ፆኦሲ ማዾ''ም ዳኪንቴ፥ ጋርቻሢ ዮሓኒሴ» ማዓዛ፥ ፃኣፒንቴሢ፦ ጋይዮሴ ጌይንታያ ሺኢጲፆ ማኣሮ ዓሶ ዎይሣሢምኬ፤ ሃኖ' ኪኢቶ'' ፃኣፔ ዓሢ ፔቴ'' ዛሎ''ና ጋይዮሴ ኪሪስቶሴ ጉሙርቃ ዓሶ ማኣዴ''ሢሮ ዒዛ ጋላታኔ፤ ባጎ ዛሎ''ና ጊንሣ ዲዮፄራፄሴ ጌይንታ ጌኔ ማዻ ዓሢዳፓ ፔና ካፓንዳጉዲ ጋይዮሴም ኬኤዛኔ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1-4
\io ጋይዮሴ ማዾ''ሮ ጋላቶናሢ 5-8
\io ዲዮፄራፄሴኮ ፑርቶ ማዾ'' ኬኤዞናሢ 9-10
\io ዲሜፂሮሴም ኬኤዚንቴ ባኣዚ'' 11-12
\io ጋፒንሢ ሃይሴ 13-15
\c 1
\p
\v 1 ታና፥ ጋርቻሢዳፓ ዳኪንቴ ኪኢታ፦ ታ ኮሺ'' ናሽካ ጋይዮሴም፤ \x - \xo 1 \xo*\xt ዳኪ. ማዾ'' 19፥20፤ ሮሜ 16፥23፤ 1ቆሮ. 1፥14።\xt*\x* 
\v 2 ታ ዒጊናሢዮ! ኔኤኒ ዓያኖ ናንጎና ኮሺ ዓኣሢ ታ ዔራኔ፤ ዬያጉዲ ሃሢ ናንጋ ኔኤም ኮሽካንዳጉዲና ዑፃኣ ኔኤኮ ኮሺ ናንጋንዳጉዲ ታ ሺኢቃኔ። 
\v 3 ፔቴ'' ፔቴ'' ኑ ዒሾንሢ ሙኪ ጎኑሞም ኔ ጉሙርቂንታያና ሃሣ ጎኑሞና ኔ ናንጋሢ ማርካዻንቴ ታ ዋይዚ ሚርጌና ዎዛዼኔ። 
\v 4 ዓይጎሮ ጌዔቴ ታኣኮ ናኣታ'' ጎኑሞና ናንጋሢ ዋይዚፓዓቴም ሜሌ'' ባሼ ታና ዎዛሳ ባኣዚ'' ባኣሢሮኬ።
\s ጋይዮሴ ዛሎ'' ማርካዺንቴሢ
\p
\v 5 ታ ዒጊናሢዮ! ዎዚ ዔያታ ኔኤም ሾኦቺ ማዔቴያ ዒሾንሢም ኔ ጉሙርቂንቲ ማዻኔ። 
\v 6 ዔያታ ኔ ዔያቶም ማዼ፥ ናሹሞ ማዾ'' ዛሎ'' ኪሪስቶሴ ጉሙርቃ፥ ዓሶ ዺቦ'' ቤርታ ማርካዼኔ፤ ሃሢያ ፆኦሲ ዎዛሳ ጎይሢና ዔያታ ፔኤኮ ጎይፆ ዓኣዻኣና ኔ ዔያቶ ማኣዴ''ቴ ኮሺኬ። 
\v 7 ዔያታ ኪሪስቶሴም ማዻኒ ኬስካዖ፥ ዓይሁዴ ማዒባኣ ዓሶይዳፓ ፔቴ''ታዖ ማኣዶ ዴንቂባኣሴ። 
\v 8 ጎኔ ማዾ ኑ ዎላ'' ዔያቶና ማዻያ ማዓንዳጉዲ ዬኖጉዴ ዓሶ ማኣዳ''ንዳያ ኑና ኮይሳኔ።
\s ዲዮፄራፄሴ ፑርቲሲ ዲሜፂሮሴ ኮሺ'' ጌስቶና ጌኤሲ
\p
\v 9 ሓያኮ ቤርታ ሺኢጲፆ ማኣሮም ታ ኪኢታ ፃኣፔኔ፤ ጋዓንቴ ሺኢጲፆ ማኣሮ ዓሶ ዎይሣያ ማዓኒ ኮዓ፥ ዲዮፄራፄሴ ታ ማሊፆ ዔኪባኣሴ። 
\v 10 ዬያሮ ታኣኒ ዒንሢ ኮይላ'' ሙካዖ ዒዚ ኑና ጫሽኬሢና ቶኦኮ'' ኑኡኮ ባይዜሢ፥ ሃሣ ዒ ማዼ ፑርቶ ማዾ'' ቢያ ዓሶ ቢያሢ ቤርታ ታ ኬኤዛንዳኔ፤ ዒዚ ማዼ ባካ ዬያ ሌሊቱዋሴ። ዒ ፔ ቶኦኪና ዒሾንሢ ሾኦቺንሢ ዔካያቱዋሴ፤ ሜሌ'' ዓሳ ሃሣ ሾኦቺንሢ ዔኩዋጉዲ ላኣጋኔ፤ ሺኢጲፆ ማኣሮይዳፓኣ ዳውሲ ዔያቶ ኬሳ''ኔ።
\p
\v 11 ታ ዒጊናሢዮ! ኮዣሢ፥ ማዼ ጎይፆ ማዼ፤ ፑርታሢጉዲ ማዺፖ። ኮሺ ማዾ ማዻይ ቢያ ፆኦሲ ዓሲኬ፤ ፑርታ ማዾ ማዻሢ ጋዓንቴ ፆኦሲ ዛጊባኣያኬ።
\p
\v 12 ዲሜፂሮሴ ዛሎ'' ዓሲ ቢያ «ኮሺኬ» ጌዒ ማርካዻኔ፤ ጎኑሞ ፔኤሮ ዒዛም ማርካዻኔ፤ ሃሣ ኑኡኒያ ዒዛም ማርካዻኔ፤ ኑኡኮ ማርካዺፃ ጎኔ ማዔሢ ኔ ዔራኔ።
\s ጋፒንሢ ሃይሴ
\p
\v 13 ታ ኔኤም ፃኣፓኒ ኮዓ ባኣዚ'' ሚርጌ ዓኣኔ፤ ጋዓንቴ ቢያ ፃኣፒ ጋፒሳኒ ታ ኮዑዋሴ። 
\v 14 ዑኬ ታ ኔና ዛጋንዳኔ ጌዒ ታ ጉሙርቃኔ፤ ዬኖና ኑ ዎላ'' ካኣሚ ጌስታንዳኔ።
\p
\v 15 ኮሹሞ ኔኤም ማዖንጎ፤ ኑኡኮ ዒሾንሢንታ ሚሾንሢንታ ማዓ ዓሳ ኔና «ኮሺዳ?» ጋዓኔ፤ ኔኤኒያ ኑኡኮ ዬካ ዓኣ ፔቴ'' ፔቴ'' ዒሾንሢንታ ሚሾንሢንታም «ኮሺዳ? ዒንሢ ጋዓኔ» ጌዔ።