\id 2TH - Maale Project
\ide UTF-8
\h ቴስሎንቄ ዓሶም 2
\toc3 2ቴስ.
\toc2 ቴስሎንቄ ዓሶም 2
\toc1 ፆኦሲ ማዾ''ም ዳኪንቴ ጳውሎሴ ቴስሎንቄ ዓሶም ላሚ ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ቴስሎንቄ ዓሶም ላሚ ዳኬ ኪኢቶ''
\imt ዓይፆ ካሮ''
\ip ኪሪስቶሴኮ ላሚ ሙኪፆ ዛሎ'' ዖኦጪንቴ ዖኦጪፆና ዣላ ማዢንቲ ማዢንቲ ዴንዴሢሮ ቴስሎንቄ ሺኢጲፆ ማኣሮይዳ ዓኣ ሜታሢ ሚርጌና ዳልጌኔ፤ ጳውሎሴ ቴስሎንቄ ዓሶም ፃኣፔ ላምዓሳ ኪኢታ''፦ «ጎዳኮ ሙኮ ኬላ'' ዑኬኔ» ጋዓ ማሊፆ ባሼና ዔርዛኒኬ፤ ጳውሎሴ፦ «ኪሪስቶሴ ሙካንዳሢኮ ቤርታ ‹ፑርቶ ዓሢ› ጌይንታ፥ ኪሪስቶሴ ዒፂ ማካ ዓሢ ዛሎ''ና ዓጮ''ይዳ ፑርቱሞና ዓይሢንቲሢ ዒፂሢና ሚርጊ ሚርጊ ዓኣዻንዳኔ» ጌዒ ዔያቶኮ ዻቢንቴ ማሊፆ ኮሻ''ኒ ማሌኔ።
\ip ጳውሎሴ፡ ኪኢቶ'' ናባባ ዓሳ ሜቶና ዋኣዮና ዔያቶም ሚርጌቴያ ፔኤኮ ፆኦሲ ጉሙርቂፆና ዶዳንዳጉዲ፥ ዒዛንታ ሜሌ'' ዒዛና ዎላ'' ማዻ ዓሳ ማዻሢጉዲ ዔያቶኮ ናንጎሮ ኮይሳ ባኣዚ'' ዴንቃኒ ዶዲ ማዾ'' ማዻንዳጉዲ፤ ዬያጉዲ ሃሣ ኮሺ ማዾ ማዺሢ ሃሹ''ዋጉዲ ኮሺ'' ዔያቶ ዞራኔ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1-2
\io ጳውሎሴኮ ጋላቶ''ና ዓይሢፆና 1፥3-12
\io ኪሪስቶሴኮ ሙኮ ዛላ 2፥1-17
\io ኪሪስቶሴ ጉሙርቃ ዓሳ ናንጋንዳ ጎይሢ ዞሮና ዞሮ 3፥1-15
\io ጋፒንሢ ሃይሴ 3፥16-18
\c 1
\p
\v 1 ኑ ዓዳሢ ማዔ፥ ፆኦዛሢና ኑ ጎዳሢ ዬሱስ ኪሪስቶሴናሮ ማዔ ቴስሎንቄ ሺኢጲፆ ማኣሮ ዓሶም፤ ጳውሎሴና ሲላሴና ፂሞቴዎሴናይዳፓ ዳኪንቴ ኪኢታ፦ \x - \xo 1፥1 \xo*\xt ዳኪ. ማዾ'' 17፥1።\xt*\x*
\p
\v 2 ፆኦሲ፥ ዓዳሢና ጎዳ ዬሱስ ኪሪስቶሴናይዳፓ ኮሹሞ ዒንጊፆና ዎዛና ዒንሢም ማዖንጎ።
\s ኪሪስቶሴ ሙካኣና ዎጊንታንዳ ዎጌ
\p
\v 3 ታ ዒሾንሦ! ታ ሚሾንሦ! ዒንሢ ዛሎ'' ፆኦሲ ኑ ቢያ ዎዴ ጋላታኔ፤ ሃሣ ጋላታኒያ ኑም ኮይሳያኬ፤ ኑኡኒ ጋላታሢ' ዒንሢኮ ፆኦሲ ጉሙርቂፃ ባሼና ዲጪ ዲጪ ሃሣ ዒንሢኮ ናሹማኣ ቃሲ''ንቲ ቃሲ''ንቲ ዓኣሢሮኬ። 
\v 4 ዒንሢዳ ሄሌ'' ዳኪንቲፆ ሜታሢና ቢያ ዒንሢ፡ ፆኦሲ ጉሙርቂፆና ዶዲ ዓኣሢሮ ሃሣ ዒንሢ ጊቢ'' ዳንዳዒ ዓኣሢሮ ኪሪስቶሴ ጉሙርቃ ዱማ ዱማ ሺኢጲፆ ማኣሮ ቤርታ ዒንሢና ኑ ሄርሺንታኔ።
\p
\v 5 ዬይ ዻዋሢ' ፆኦሲ ዎጊፃ ፒዜ ማዒፆኬ፤ ዬያይዳፓ ዔቄያና ዒንሢ ዬኖ ዛሎ''ና ሜታሢ ዔካ፥ ፆኦሲ ካኣቱሞይዳ ዒንሢ ጌላያ ማዓንዳኔ። 
\v 6 ፆኦሲ ፒዜ ዎጋያ ማዔሢሮ ዒንሢ ሜታሳ ዓሶ ዒ ሜታሳንዳኔ። 
\v 7 ሓሢ ዒንሢ፥ ሜታሢ ዔካ ዓሶም ኑኡና ዎላ'' ሓውሺሢ ዒንሢም ዒ ዒንጋንዳኔ። ዬይ ማዓንዳሢ' ጎዳ ዬሱስ ኪሪስቶሴ ዎልቆና ዓኣ ፆኦሲ ኪኢታንቾና ዎላ'' ጫሪንጫፓ ታሞ ሎስታሢና ኬዳ'' ዎዶ''ናኬ፤ 
\v 8 ዒማ''ና ፆኦሲ ዔሩዋዞንሢና ኑ ጎዳሢ ዬሱሴኮ ኮዦ ሃይሶም ዓይሢንቱዋዞንሢም ሜቶ ዒንጋንዳኔ። 
\v 9 ዔያታ ጎዳኮ ቤርታፓ ሃሣ ዼኤፖ ቦንቾይዳፓ ኬስኪ ናንጊና ባይሲንታይዳ ሜታዻንዳኔ። \x - \xo 1፥9 \xo*\xt ዒሲ. 2፥10።\xt*\x* 
\v 10 ዔያታ ፑርቶና ዎጊንታንዳሢ' ዒዚ ዒዛም ዱማዼዞንሢና ቦንቺንታኒ፥ ሃሣ ዒዛ ጉሙርቃዞንሢ ቢያሢና ዒዚ ዲቃቲ ሄርሺንታኒ ሙካ ኬሎ''ናኬ፤ ኑ ዒንሢም ኬኤዜ ባኮ ዒንሢ ጉሙርቂ ዔኬሢሮ ዒንሢ ጉሙርቃዞንሢ ባኣካ'' ማዓንዳኔ።
\p
\v 11 ዬያ ማሊ ማሊ ቢያ ዎዴ ኑ ዒንሢ ዛሎ'' ሺኢቃ ሺኢጲፃ' ዒንሢ ዔኤሊ''ንቴ ዔኤሊ''ንቲፆም ማዓያ ፆኦሲ ዒንሢ ማሃንዳጉዲና ኮሺ ማዻኒ ዒንሢኮ ዓኣ ኮዦ ማሊፆና ፆኦሲ ጉሙርቂፆ ማዾ''ና ቢያ ዒ ፔ ዎልቆና ዒንሢም ኩንሣንዳጉዲኬ። 
\v 12 ዬያጉዲ ሃሣ ኑ ፆኦዛሢና ጎዳ ዬሱስ ኪሪስቶሴናኮ ኮሹሞ ዒንጊፆጉዲ ኑ ጎዳሢ፥ ዬሱስ ኪሪስቶሴኮ ሱ'ንፃ ዒንሢዳ ቦንቺንታንዳጉዲና ዒንሢያ ዒዛና ቦንቺንታንዳጉዲ ዬያ ኑ ሺኢቃኔ።
\c 2
\s ፑርቶ ዓሢ
\p
\v 1 ታ ዒሾንሦ! ታ ሚሾንሦ! ኑ ጎዳሢ፥ ዬሱስ ኪሪስቶሴኮ ሙኪፆና ኑኡኒያ ዒዛ ባንሢ ቡካንዳሢ ዛሎ'' ዒንሢ ዔራንዳጉዲ ኑ ዒንሢ ሺኢቃሢ ሃያኬ፤ \x - \xo 2፥1 \xo*\xt 1ቴስ. 4፥15-17።\xt*\x* 
\v 2 ፆኦሲ ማሊሢ ኬኤዞናያ ማሂ፥ ፆኦሲ ቃኣላ''ፓ ዒንሢም ኬኤዞናያ ማሂ ሃሣ ኑ ጊዳ''ፓ ፃኣፒንቲ ዳኪንቴ ኪኢታ ማሂ፦ «ጎዳኮ ሙኮ ኬላ'' ሄሌ''ኔ» ጌዒ ሩኡሪና ዒንሢኮ ማሊፆና ሴካ ሃንጋ ጌይፖቴ፥ ዲቃቲፖቴ፤ 
\v 3 ዖኦኒያ ዓይጎ ጎይሢና ዒንሢ ጌሹዋጉዲ፤ ዓይጎሮ ጌዔቴ ቤርታዺ ጋፒንፆና ዓሳ ፆኦሲም ዋይዞ ዒፂ ፑርቱዋንቴ ሃሣ ፑርቶ ዓሢ ፔጋዺ ጴዺባኣንቴ ኪሪስቶሴኮ ሙኪፆ ዎዳ'' ማዓዓኬ። 
\v 4 ዬይ ፑርቶ ዓሢ'፦ «ፆኦሲኬ» ጌዒ ዓሳ ካኣሽካ ባኮይዳፓ ቢያ ዑሣ ፔና ዼ'ግ ዼ'ጊዲ ዬያቶ ቢያ ዒፃንዳኔ፤ ሃሣ፦ «ታኣኒ ፆኦሲኬ» ጌዒ ፆኦሲ ካኣሽኪንታ ማኣሮይዳ ጫርቂ ዴዓያ ማዓንዳኔ። \x - \xo 2፥4 \xo*\xt ዳኣኔ. 11፥36፤ ሂዚ. 28፥2።\xt*\x*
\p
\v 5 ቤርታ ታ ዒንሢና ዎላ'' ዓኣና ዬያ ባኮ ኬኤዜያታሢ ዒንሢም ጶቁዋዓዳ? 
\v 6 ዒዛም ጌሢንቴ ኬሎ''ና ዒ ፔጋዺ ዔርታንዳጉዲ ሃሢ ዒዛ ላኣጋሢ ዓይጎታቴያ ዒንሢ ዔራኔ። 
\v 7 ፑርቶ ዓሢ ዔርቱዋንቴ ዴሜና ሃሢ ማዻኔ፤ ዬይ ያዺ ማዔሢ' ሃሢ ዒዛ ላኣጋሢ ጎይፃፓ ሺኢካንዳያ ሄላ''ንዳኣናኬ። 
\v 8 ዬካፓ ጎዳ ዬሱሴ ፔ ዑኡዞና ዒዛ ባይዛንዳሢና ማዒ ሙኪፆ ቦንቾና ጉቤ ዒዛ ባይዛንዳ፥ ዬይ ፑርቶ ዓሢ ፔጋዺ ጴዻንዳኔ። \x - \xo 2፥8 \xo*\xt ዒሲ. 11፥4።\xt*\x* 
\v 9 ዬይ ፑርቶ ዓሢ ሙካንዳሢ ፃላሄ ዎልቄና ማዓዛ፥ ዒዚ ፆኦሲ ዎልቄና ማዺንታ ዓኪ ባኣዚ'' ማላያ ሃሣ ዓኪ ማላታንታ ዲቃሢ ሄርሺሳ ባኣዚ''ንታ ማሊሲ ሉኡዙሞና ማዻንዳኔ፤ \x - \xo 2፥9 \xo*\xt ማቲ. 24፥24።\xt*\x* 
\v 10 ዬያጉዲ ሃሣ ዻቂሻንዳ ጎኑሞ ናሽኪ ዔኮ ዒፂ፥ ባይቃ ዓሶ ዱማ ዱማ ፑርታ ማዾና ዒ ጌሻንዳኔ። 
\v 11 ዬያ ዛሎ''ና ሉኡዙሞ ባኣዚ'' ዔያታ ጉሙርቃያ ማዓንዳጉዲ ፆኦሲ ዔያቶ ዻቢንቲ ማዾ ማዺሻንዳኔ። 
\v 12 ዬይ ያዺ ማዓንዳሢ' ጎኑሞ «ኑ ጉሙርቃዓ» ጌዒ ጎሜ ማዾና ዎዛዻዞንሢ ቢያ ፑርታና ዎጊንታንዳጉዲኬ።
\s ጉሙርቂሢና ዶዲ ዔቂሢ
\p
\v 13 ጎዳ ሱ'ንፆና ኑ ዒንሢ ናሽካ፥ ታ ዒሾንሦ! ታ ሚሾንሦ! ኑኡኒ ጋዓንቴ ዒንሢ ዛሎ''ሮ ፆኦሲ ቢያ ዎዴ ጋላታንዳያ ኮይሳኔ፤ ኑኡኒ ፆኦሲ ጋላታሢ' ዒንሢ ዓያኖ ጌኤዦ ዛሎ''ና ፆኦሲም ዱማዼያ ማዔሢሮና ጎኔ ማዔሢ ጉሙርቂፆና ዒንሢ ዻቃንዳጉዲ ፆኦሲ ቤርታዻዞንሢ ማሂ ዒንሢ ዶኦሬሢሮኬ። 
\v 14 ኑ ዒንሢም ኬኤዜ ኮዦ ሃይሶ ቃኣሎ'' ዛሎ''ና ፆኦሲ ዒንሢ ዔኤሌ''ሢ ኑ ጎዳሢ ዬሱስ ኪሪስቶሴና ዎላ'' ዒንሢ ቦንቺንታንዳጉዲኬ። 
\v 15 ዬያሮ ታ ዒሾንሦ! ታ ሚሾንሦ! ዶዲ ዔቁዋቴ፤ ኑኡኒ ዒንሢም ዻንጎና ኬኤዜሢ ማዔቴያ ፃኣፒ ዒንሢም ኑ ኬኤዜ ኪኢቶ'' ዓርቁዋቴ።
\p
\v 16 ኑ ጎዳሢ፥ ዬሱስ ኪሪስቶሴ ሃሣ ኮሹሞ ዒንጊፆ ዛሎ''ና ናንጊና ናንጋ ዶዲሢና ሃጊ ማዓንዳ ኮሺ ዎዛ ኑም ዒንጌያ ሃሣ ኑና ናሽኬ፥ ኑ ዓዳሢ፥ ፆኦዛሢ፥ 
\v 17 ኮሺ ማዔ ባኣዚ'' ቢያ ዒንሢ ማዻንዳጉዲና ኬኤዛንዳጉዲ ዒኖ ዒንሢኮ ዶዲሾንጎ፤ ዎልቄያ ዒንሢም ዒንጎንጎ።
\c 3
\s ጳውሎሴ ሺኢቃንዳጉዲ ኬኤዜ ማሊፆ
\p
\v 1 ዓካሪ ታ ዒሾንሦ! ታ ሚሾንሦ! ዒንሢ ኮራ ማዔሢ ጎይፆ ፆኦሲ ቃኣላ'' ዳልጊና ኬኤዚንታንዳጉዲና ቦንቺንታንዳጉዲ ኑም ሺኢቁዋቴ፤ 
\v 2 ዬያጉዲ ሃሣ ቃኣሎ'' ዋይዛሢ ቢያ ፆኦሲ ጉሙርቁዋያታሢሮ ዓይሢንቶ ዒፃ ዓሶና ፑርቶ ዓሶናይዳፓ ፆኦሲ ኑና ካፓንዳጉዲ ኑም ሺኢቁዋቴ።
\p
\v 3 ጎዳ ጋዓንቴ ጉሙርቂንታያኬ፤ ዒዚ ዒንሢ ዶዲሻንዳኔ፤ ፃላሄይዳፓኣ ዒንሢ ዒ ካፓንዳኔ። 
\v 4 ኑ ዒንሢ ዓይሣ ባኮ ሃሢ ዒንሢ ማዻያ፥ ሓጊያ ዒንሢ ማዻንዳሢ ጎዳ ሱ'ንፆና ኑ ዒንሢ ጉሙርቃኔ።
\p
\v 5 ጎዳ ዒንሢኮ ዒኖ ፆኦሲ ናሹሞና ኪሪስቶሴ ዳንዳዒፆና ባንሢ ማሆንጎ።
\s ማዾ ማዻንዳያ ኮይሳያ ማዒፆ
\p
\v 6 ታ ዒሾንሦ! ታ ሚሾንሦ! ማዾ ናሽኩዋያ፥ ሃሣ ኑ ዒንሢ ዔርዜ ጎይፆ ናንጉዋ ኪሪስቶሴ ጉሙርቃ ዓሶይዳፓ ዒንሢ ዱማዻንዳጉዲ ጎዳ ዬሱስ ኪሪስቶሴ ሱንፆና ኑ ዒንሢ ዓይሣኔ። 
\v 7 ዓይጎሮ ጌዔቴ ዒንሢ ኑ ማዼሢጉዲ ማዻኒ ኮይሳያታሢ ዒንሢ፥ ዒ'ንሢ ቶኦኪና ዔራኔ፤ ኑኡኒ ዒንሢና ዎላ'' ዓኣ ዎዶ''ና ማዾ ማዹዋዖ ዴይባኣሢያ ዒንሢ ዔራኔ። 
\v 8 ሃሣ ዖኦኮዋ ካሣ ጉሪ ኑ ሙዒባኣሴ፤ ጋዓንቴ ዒንሢዳፓ ዖኦማኣ ኑ ሜቶ ማዑዋጉዲ ጌይ ዋንቴና ሮኦሪና ላቢ''፥ ሜታዺ ኑ ማዼኔ። 
\v 9 ዬያ ኑ ማዼሢ' ዒንሢ ኑ ማዻሢ ዛጊ ማዻንዳጉዲ ማዓንዳኣፓዓቴም ዒንሢዳፓ ማኣዶ ኑ ዔካኒ ዳንዳዑዋያ ማዔምቱዋሴ። 
\v 10 ኑ ዒንሢና ዎላ'' ዓኣ ዎዶ''ና፦ «ማዻኒ ናሽኩዋኣሢ ሙዖፓ» ጋዓ ዎጌ ኑ ዒንሢም ኬሴ''ኔ።
\p
\v 11 ዬያ ኑ ጋዓሢ' ዒንሢ ባኣኮ''ይዳ ፔቴ'' ፔቴ'' ማዾ ናሽኩዋ ዓሲ ዓኣሢ ኑ ዋይዜሢሮኬ፤ ዬንሢ ዓሳ ኮይሱዋ ቤሲዳ ጌሊ ጌሊ ሜሌ'' ዓሶ ዣሊሲሢዳፓ ዓታዛ ፔቴ''ታዖ ማዾ ማዹዋዖ ናንጋዞንሢኬ። 
\v 12 ዬኖጉዴ ዓሳ ማዾ ማዺ ሙኡዚ'' ሙዓንዳጉዲ ጎዳ ዬሱስ ኪሪስቶሴ ሱ'ንፆና ኑ ዓይሣኔ፤ ሃሣ ላቲ''ያ ኑ ዒንሢም ኬኤዛኔ።
\p
\v 13 ዒንሢ ጋዓንቴ ታ ዒሾንሦ! ታ ሚሾንሦ! ኮሺ ማዔ ማዾ ማዺሢዳፓ ቤልፃዺ ላቢ''ፖቴ። 
\v 14 ሓያ ኪኢቶ''ይዳ ኑ ዒንሢም ኬኤዜ ዞሮ'' ዋይዚ ዔኩዋ ዓሲ ዓኣቶ ዬያጉዴ ዓሶ ኮሺ'' ዔሩዋቴ፤ ዒ ፔ ማዾ''ና ቦርሲንታንዳጉዲ ዒዛና ዎላ'' ፔቴ'' ማዒፖቴ። 
\v 15 ማዔቴያ ዒንሢኮ ላጌ ማሂ ዞዞራንዳኣፓዓቴም ዒንሢኮ ሞርኬ ማሂ ዒዛ ዛጊፖቴ።
\s ጋፒንሢ ሃይሴ
\p
\v 16 ኮሹሞ ጎዳሢ፡ ዒ ቢያ ባኣዚ''ና ሃሣ ቢያ ዎዴ ኮሹሞ ዒንሢም ዒንጎንጎ፤ ጎዳ ዒንሢ ቢያሢና ዎላ'' ማዖንጎ።
\p
\v 17 ሃንሢ ጋፒንፆ ሳራሢፆንሢ ታኣኒ፥ ጳውሎሴ ታ ኩቻ ፃኣፔኔ፤ ታ ዳኬ ኪኢቶ''ይዳ ቢያ ዓኣ ማላታ'' ሃያኬ፤ ታ ፃኣፔሢያ ሂዲኬ።
\p
\v 18 ኑ ጎዳሢ፥ ዬሱስ ኪሪስቶሴኮ ኮሹሞ ዒንጊፃ ዒንሢ ቢያሢና ዎላ'' ማዖንጎ።