\id 2JN - Maale Project \ide UTF-8 \h ዮሓኒሴ ኪኢቶ'' 2 \toc3 2ዮሓ. \toc2 ዮሓኒሴ ኪኢቶ'' 2 \toc1 ፆኦሲ ማዾ''ም ዳኪንቴ ዮሓኒሴኮ ላምዓሳ ኪኢቶ'' \mt ፆኦሲ ማዾ''ም ዳኪንቴ ዮሓኒሴኮ ላምዓሳ ኪኢቶ'' \imt ዓይፆ ካሮ'' \ip ዮሓኒሴኮ ላምዓሳ ኪኢቶ'' ፃኣፔሢ' ፆኦሲ ማዾ''ም ዳኪንቴ ጋርቻሢ፥ ዮሓኒሴ ማዓዛ ፃኣፒንቴሢያ ቦንቺንታ ዒንዴሎና ናኣቶ''ናም ጋዓያኬ። ዬና ጌይፃ፦ ጎዖንቴ ፔቴ'' ሺኢጲሢ ማኣሪና ዓሶናም ማውዋዖ ዓታዓኬ። ሓና' ዻካ''ና ፃኣፒንቴ ኪኢቴላ፦ ዎሊ ዔያታ ናሽካንዳጉዲ ኬኤዛያና ሃሣ ሉኡዙሞና ዔርዛ ዓሶና ዔያቶኮ ዔርዚፆናይዳፓ ዔሪ ካፒንታንዳጉዲ ላቲ ኬኤዛያኬ። \iot ማፃኣፔላ ዱማ ዱማ ዓርቄ ባኮ \io ዓይፆ ካሮ'' 1-3 \io ጎኔ ናሹሞ ዛላ 4-6 \io ሉኡዙሞና ዔርዛ ዓሶ ዛሎ'' ላቲ'' ኬኤዚንቴ ሃይሴ 7-11 \io ጋፒንሢ ሃይሴ 12-13 \c 1 \p \v 1 ታና፥ ጋርቻሢዳፓ ዳኪንቴ ኪኢታ፦ ቦንቺንታ ዒንዴሎና ናኣቶ'''ናም፤ ታ ዒንሢ ጎኔና ናሽካኔ፤ ዬይያ ታና ሌሊቱዋንቴ ጎኔሢ ዔራ ዓሳ ቢያ ዒንሢ ናሽካኔ፤ \v 2 ዬይ ጎኔሢ፦ ኑኡና ዎላ'' ዓኣያ፤ ሃሣ ሃጊ ሴካ ናንጊና ናንጋንዳያኬ። \p \v 3 ዬያሮ ፆኦሲ፥ ዓዳሢና ናዓሢ ዬሱስ ኪሪስቶሴናኮ ኮሹሞ ዒንጊፃ፥ ማኣሪፃ፥ ኮሹማ ጎኑሞና ናሹሞና ማዒ ኑኡና ዎላ'' ማዖንጎ። \s ጎኔና ናሹሞና ዛላ \p \v 4 ኔኤኮ ናኣቶ''ይዳፓ ፔቴ'' ፔቴ''ዞንሢ ፆኦሲ፥ ዓዳሢ ኑና ዓይሤ ጎይፆ ጉሙርቂሢና ዶዲ ዓኣንቴ ታ ዔያቶ ዴንቄሢሮ ሚርጌና ታና ዎዛሳኔ። \v 5 ቦንቺንታ ዒንዴሌ! ሃሢ ታ ኔኤም ፃኣፓ ዓይሢፃ፦ «ዎሊ ኑ ናሽኮም» ጋዓ ቤርታኣፓ ዓኣ ዓይሢፆ ማዓንዳኣፓዓቴም ዓኪቱዋሴ። \x - \xo 5 \xo*\xt ዮሓ. 13፥34፤ 15፥12፤ 17።\xt*\x* \v 6 ጎኔ ናሹሞ ጌይሢ፦ ፆኦሲ ዓይሥሢ ኩንሥሢኬ፤ ዬይ ዓይሢፃ ቤርታ ዒንሢ ዋይዜሢጉዲ «ናሹሞና ናንጉዋቴ» ጋዓያኬ። \p \v 7 ዬሱስ ኪሪስቶሴ ዓሲ ማዒ ጴዼሢ ጉሙርቁዋ፥ ሚርጌ ዻቢሻ ዓሲ ዓጮ''ይዳ ኬስኬኔ። ዬያጉዴ ዓሲ ቢያ ሉኡቃያና ኪሪስቶሴ ዒፃ ሞርኬኬ። \v 8 ዒንሢኮ ጋዓንቴ ላቢ'' ማዾና ባካ ጉሪ ዓቱዋጉዲ ዒንሢ ዔሩዋቴ፤ ዒንጎ ባኮ ኩሙሢና ዔካኒ ዶዱዋቴ። \p \v 9 ኪሪስቶሴ ዔርዜ ባኮና ዶዲ ናንጉዋኣሢና ዬያይዳፓ ሃኪ ዓኣዻሢና ዎላ'' ፆኦሲ ባኣሴ፤ ኪሪስቶሴ ዔርዜ ባኮና ዶዲ ናንጋሢና ጋዓንቴ ፆኦሲ፥ ዓዳሢና ናዖና ዎላ'' ዓኣኔ። \v 10 ሓያ ዔርዚፆ ዓርቁዋዖ ዖኦኒያ ዒንሢ ኮይላ'' ሙኬቶ ሾኦቺንሢ ዒዛ ዔኪፖቴ፤ ሃሣ ሳራሢታዖ ሳራሢፖቴ። \v 11 ዓይጎሮ ጌዔቴ ዒዛ ሳራሤ ዓሲ ዒዛኮ ፑርቶ ማዾ'' ዎላ'' ማዻያ ማዓንዳሢሮኬ። \s ጋፒንሢ ሓይሴ \p \v 12 ታ ዒንሢም ፃኣፓኒ ኮዓ ባኣዚ'' ሚርጌ ዓኣኔ፤ ጋዓንቴ ቢያሢ ፃኣፒ ሌሊ ኬኤዛኒ ታ ኮዑዋሴ፤ ባሼ ሚርጌና ኑ ዎዛዻንዳጉዲ ታኣኒ ሙኪ፥ ዎሊ ኑ ዛጊ ጌስታኒ ሃጊ ማዓንዳ ዎዛ ጌሣኔ። \p \v 13 ቦንቺንቴ፥ ኔ ጌሬሎ ናኣታ'' «ኮሺዳ?» ኔና ጋዓኔ።