\id 1TI - Maale Project
\ide UTF-8
\h ፂሞቴዎሴም 1
\toc3 1ፂሞ.
\toc2 ፂሞቴዎሴም 1
\toc1 ፆኦሲ ማዾ''ም ዳኪንቴ ጳውሎሴ ፂሞቴዎሴም ቤርታሲ ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ፂሞቴዎሴም ቤርታሲ ዳኬ ኪኢቶ''
\imt ዓይፆ ካሮ''
\ip ፂሞቴዎሴ ጌይንታ ኪሪስቶሴ ጉሙርቃ ዼጌሢኮ ሾይንታ ዻኮ'' ዒሲያ ጌይታዞይዳ ማዓዛ፡ ዒንዶ ዜርፃ ዒዛኮ ዓይሁዴ፥ ዓዶ ዜርፃ ዓይሁዴ ማዒባኣ ጊሪኬ ዓሲኬ፤ ዒዚ ጳውሎሴኮ ላጌ ማዔያ፥ ሃሣ ኮዦ ሃይሶ ኬኤዚፆ ማዾ''ና ዴማ'' ማዒ ዎላ'' ማዻያኬ። ጳውሎሴ ዒዛም ቤርታሲ ፃኣፔ ኪኢታ'' ሃይሦ ዼኤፒ ዼኤፒ ማሊሢ ዓርቄያኬ።
\ip ቢያፓ ቤርታሳዖ፦ ዒዛኮ ኪኢታ'' ሺኢጲፆ ማኣሮይዳ ዔቄ ሉኡዙሞ ዔርዚፆ ዛሎ'' ላቲ'' ኬኤዛያኬ፤ ዬይ ዓኪ ማዔ ዔርዚፃ' ዛሎ''ና ዓይሁዶ ዓሶ ማሊፆ፤ ዛሎ''ና ሃሣ ዓይሁዴ ማዒባኣ ዓሳ ማላ ባኮ ዓርቄያ ማዓዛ፥ ዬና ማሊፃ፦ «ሓይ ጴዻ ዓጫ'' ጎሜና ፑርቴያ ማዔሢሮ ዓሲ ዻቃኒ ዳንዳዓሢ ዱማ ማዔ ዓኣሺንቴ ዔራቶና ጊንሣ ፔቴ'' ፔቴ'' ሙኡዚ'' ሃሺ''ሢና ዔኩዋዖ ጊንሣ ሎውዋዖ ሃሺ''ሢናኬ» ጋዓያኬ። ሓሣ ጊንሣ ጳውሎሴኮ ኪኢታ'' ሺኢጲፆ ማኣሮ ዎይሦንዶ ጎይሢና ፆኦሲ ካኣሽኪሢ ዎጌ፤ ሃሣ ሺኢጲፆ ማኣሮ ዎይሣ ዓሶና ዔያቶኮ ዴማ'' ማዒ ዎይሢፆ ማዾ'' ማዻ ዓሳ ዎይቲ ናንጋንዳቴያ ዔርዛ ማሊሢ ዓኣያኬ።
\ip ጋፒንፆይዳ ፂሞቴዎሴ ዬሱስ ኪሪስቶሴም ኮሺ ማዻያ ዎይቲ ማዓኒ ዳንዳዓቴ፤ ሃሣ ዱማ ዱማ ኪሪስቶሴ ጉሙርቃ ዓሶ ዛሎ'' ዒዛም ዒንጊንቴ ማዾ'' ዛሎ'' ጳውሎሴ ዒዛ ዞራ ዞሮ ዓኣኔ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1-2
\io ሺኢጲፆ ማኣሮ ዛሎ'' ዓይሢንቴ ዓይሥሢ 1፥3—3፥16
\io ጳውሎሴ ፂሞቴዎሴም ዓይሤ ዓይሢፆ 4፥1—6፥21
\c 1
\p
\v 1 ኑና ዻቂሻያ ማዔ፥ ፆኦዛሢና ኑኡኮ ሃጊ ማዓንዳ ዎዛሢ ማዔ፥ ዬሱስ ኪሪስቶሴ ዓይሢፆና ዬሱስ ኪሪስቶሴም ዳኪንቲ ማዻ ጳውሎሴይዳፓ፦
\p
\v 2 ፆኦሲ ጉሙርቂፆ ዛሎ''ና ጎኔ ታኣኮ ናዓሢ ማዔ፥ ፂሞቴዎሴም፤
\p ኑ ዓዳሢ፥ ፆኦዛሢዳፓ ሃሣ ኑ ጎዳሢ፥ ዬሱስ ኪሪስቶሴይዳፓ ኮሹሞ ዒንጊፆና ማኣሪሢና ሃሣ ዎዛና ኔኤም ማዖንጎ። \x - \xo 1፥2 \xo*\xt ዳኪ. ማዾ'' 16፥1።\xt*\x*
\s ሉኡዙሞና ዔርዞ ዔርዚፆ ዛሎ'' ኬኤዚንቴ ባኮ
\p
\v 3 ታኣኒ ሜቄዶኒያ ዓኣዺቤቃ ኔኤም ላቲ'' ኬኤዜ ጎይፆ ዔፕሶኔይዳ ዴዔ፤ ዒኢካ ዓኣ ፔቴ'' ፔቴ'' ዓሳ ሉኡዙሞ ባኮ ዔርዙዋጉዲ፥ 
\v 4 ሃሣ ዓሳ ማዒባኣ ሃይሴና ጋፒንሢባኣ፥ ዓሶ ዜርፆ ፓይዶይዳ ጌሉዋጉዲ ዔያቶም ኬኤዜ፤ ዬያጉዴ ባካ ማርሞ ማዣኣፓዓቴም ጉሙርቂሢና ማዺንታ ፆኦሲ ማዾ''ም ማኣዳ'' ባኣዚ'' ባኣያኬ። 
\v 5 ሃያ ዓይሢፆኮ ማሊፃ ጋዓንቴ ጌኤሺ ዒናፓ፥ ኮሺ ማሊሢዳፓ ሃሣ ጎኔ ጉሙርቂሢዳፓ ጴዻ ናሹሞ ዛላኬ። 
\v 6 ፔቴ'' ፔቴ'' ዓሳ ዬንሢ ባካ''ፓ ዱማዺ ፓሡዋ ማርሞ ባንሢ ማዔኔ። 
\v 7 ዬያ ዔያታ ማዻሢ' ሙሴ ዔርዜ ዎጎ ዔርዛ ዓሶ ማዓኒ ኮዒ ማዓንዳኣፓዓቴም ዔያታ ማርማ ባኮ ዛሎ'' ኮሺ'' ዔሩዋያኬ፤ «ጎኔ ባኣዚ''ኬ» ዔያታ ጋዓ ባኮዋ ጶቂሢ ዔሩዋያኬ።
\p
\v 8 ዓሲ ሙሴ ዎጎ ፒዜ ማሊሢም ማዾይዳ ፔኤሼቶ ዎጋ'' ኮሺ ማዔሢ ኑ ዔራኔ፤ 
\v 9 ሃሣ ዬይ ዎጋ'' ኬስኬሢ ኮዦ ዓሶም ማዒባኣሢያ ኑ ዔራኔ፤ ዎጋ'' ኬስኬሢ' ዓይሢንቶ ዒፃ ዓሶና ፑርቶ ማዻ ዓሶናም፥ «ፆኦሲ ዔሩዋሴ» ጋዓ ዓሶና ጎሞ ዓሶናም፥ ፆኦሲም ማዒባኣ ዓሶና ዓያኖ ዛሎ'' ባኮ ቦሃ ዓሶም፥ ዓዶና ዒንዶና ዎዻ ዓሶና ዓሲ ዎዻዞንሢናም፥ 
\v 10 ማቾ ሃሣ ዓኒ ማዒባኣ ዓሶና ላሃ ዓሶም፥ ዓቲንቆና ላሃ ዓቲንቆም፥ ዓሲ ሻንቺ ኮርማ ዓሶና ሉኡቃ ዓሶናም፥ ሉኡዙሞና ጫኣቃዞንሢና ጎኔ ማዔ ባኮ ዔርዚፆይዳፓ ዱማ ማዔ ባኣዚ'' ማዻ ዓሶምኬ፤ 
\v 11 ዬና ጎኔ ማዔ ባኮ ዔርዚፃ ጴዻሢ ዓንጂንቴ ፆኦዛሢም ታ ማዻንዳጉዲ ታኣም ዒንጌ ኮዦ ሓይሶይዳፓኬ።
\s ጳውሎሴ ፆኦሲ ኮሹሞሮ ጋላቴ ጋላቶ''
\p
\v 12 ታና ፔ ማዾ''ም ዶኦሪ፥ ጉሙርቂንታያ ማሂ ታና ፓይዴ፥ ዎልቆ ታኣም ዒንጌ፥ ኑ ጎዳሢ ዬሱስ ኪሪስቶሴ ታ ጋላታኔ። 
\v 13 ዎዚ ሓያኮ ቤርታ ኪሪስቶሴ ታ ጫሽኬያ፥ ዒፂ ዳውሴያ ሃሣ ሱ'ንፆዋ ታ ዒዛኮ ባይዚሴቴያ ዒዚ ታኣም ዬያ ጉቤ ዓቶም ጌዔኔ። ዓይጎሮ ጌዔቴ ዬያ ቢያ ታ ማዼሢ' ዔሩዋዖ ሃሣ ታ ዒዛ ጉሙርቂባኣዖ ማዼሢሮኬ። \x - \xo 1፥13 \xo*\xt ዳኪ. ማዾ'' 8፥3፤ 9፥4-5።\xt*\x* 
\v 14 ዬሱስ ኪሪስቶሴና ዎላ'' ኑኡኮ ዓኣ ፔቱሞ ዛሎ''ና ጴዻ ጉሙርቂፆና ናሹሞና ዎላ'' ፆኦሲኮ ኮሹሞ ዒንጊፃ ባሼና ታኣም ሚርጌኔ። 
\v 15 «ዬሱስ ኪሪስቶሴ ጎሞ ዓሶ ዻቂሻኒ ሃያ ዓጮ'' ሙኬኔ» ጋዓ ቃኣላ'' ጎኔ ሃሣ ዓሲ ቢያ ጉሙርቂ ዔካኒ ኮይሳያኬ፤ ጎሞ ዓሶ ቢያሢዳፓ ባሼ ጎሞሲ ታናኬ። 
\v 16 ጋዓንቴ ዬሱስ ኪሪስቶሴ ዒዛ ጉሙርቃዞንሢና ናንጊና ናንጊ ዴንቃንዳዞንሢናም ጋፑዋ ጊቢ'' ዳንዳዒፆ ጎሞ ዓሶፓ ባሼ ማዔሢ፥ ታና ኮኦኪንሢ ማሂ ዻዋኒ ጎሞ ታኣም ዓቶም ጌዔኔ። 
\v 17 ዬያሮ ናንጊና ካኣቲ ማዔ፥ ሃይቁዋኣሢም፤ ሃሣ ጴዹዋ፥ ፔቴ'' ፆኦዛሢም ቦንቾና ጋላታና ናንጊና ዒዛም ማዖንጎ፤ ዓኣሜን።
\p
\v 18 ታ ናዓሢዮ ፂሞቴዎሴ! ሃያኮ ቤርታ ኔ ዛሎ'' ኬኤዚንቴ ፆኦዛሢ ማሊፆጉዴያ ሓያ ዓይሢፆ ታ ኔኤም ሃዳርሲ ዒንጋኔ፤ ፆኦሲ ማሊፃ ኬኤዚንቴ ጎይፆ ዛጊ ዖልቴ፤ 
\v 19 ፆኦሲ ጉሙርቂሢና ኮሺ ዒኔና ኔኤኮ ዓኣያ ማዖንጎ፤ ፔቴ'' ፔቴ'' ዓሳ ዒኔ ባይቂ ፔኤኮ ጉሙርቂፆ ዣኣሊሲ ባይዜኔ። 
\v 20 ዔያቶ ባኣካ''ፓ ሄማኔዎሴና ዒስኪንዲሬና ዓኣኔ፤ ዔያታ ፆኦሲ ጫሽኪፆ ሃሻ''ንዳጉዲ ፃላሄም ታ ዔያቶ ዳኪ ሃሼ''ያኬ።
\c 2
\s ሺኢጲፆ ማኣራ ፆኦሲ ካኣሽኮንዶ ጎይሢ
\p
\v 1 ዓካሪ ቢያፓ ቤርታሲ ኔ ዛላ፥ ሜሌ'' ዓሲ ዛላ ሓሣ ዓሲ ዛላ ቢያ ሺኢቃንዳጉዲና ጋላታንዳጉዲ ታ ኔና ዞራኔ። 
\v 2 ዓያናና ዓኣ ዓሲ ማዒ ሃሣ ኮሺ ዓሲ ማዒ ኮሹሞና ዚቲዮ ጌይ ኑ ናንጋንዳጉዲ ባሼ ካኣቶ''ና ቢታንታ ዓኣ ዓሶናም ሺኢቁዋቴ። 
\v 3 ዬይ ኑና ዻቂሻ ፆኦዛሢም ኮሺ ማዔያ፥ ሃሣ ዎዛሳያኬ። 
\v 4 ዓይጎሮ ጌዔቴ ፆኦሲ ማሊፃ ዓሲ ቢያ ዻቃንዳጉዲና ጎኑሞ ዔራንዳጉዲ ማዔሢሮኬ። 
\v 5 ፆኦሲ ፔቴ''ኬ፤ ዓሲና ፆኦሲና ባኣካ'' ማዒ ጊኢጊሻሢያ ፔቴ''ኬ፤ ዬይያ ዓሲ ማዔ፥ ዬሱስ ኪሪስቶሴኬ። 
\v 6 ዓሲ ቢያ ጎሜፓ ጌኤሺ'' ዔካኒ ፔና ዓሶ ዛሎ'' ዓኣሢ ዒንጌሢ ዒዛኬ፤ ዬይ ኮይሳ ዎዳ'' ሄላ''ዛ ፆኦሲ ዓሲ ዻቂሻኒ ማሌ ማሊፆ ዔርዛ ማርካ ማዔኔ። 
\v 7 ታኣኒያ ፆኦሲ ጉሙርቂሢና ጎኑሞና ዛላ ኬኤዛንዳጉዲ ፆኦሲ ማዾ''ም ዳኪንቴያ፥ ሃሣ ዔርዛ ዓሲ ማዒ ዓይሁዴ ማዒባኣ ዓሶም ዳኪንቴሢ ዬያሮኬ፤ ዬያ ታ ጎኔ ኬኤዛፓዓቴም ሉኡቁዋሴ። \x - \xo 2፥7 \xo*\xt 2ፂሞ. 1፥11።\xt*\x*
\p
\v 8 ዓካሪ ቢያ ቤዞይዳ ዓኣ ፆኦሲም ዱማዼ ዓቲንቃ ጎሪ''ንቲና ዑራና ሃሺ'' ኩጮ ሌካ ዔቂሲ ፆኦሲ ሺኢቃንዳጉዲ ታ ኮዓኔ። 
\v 9 ዬያጉዲ ላኣላ ሃሣ ቶኦኪ ማዢሢና ዎርቄ ፓልሞ ፓልሚሢና ሚዛጶ ፓልማ ዓኣያ፥ ሃሣ ጊንሣ ሚርጌ ሚኢሼ ዔካ ማኣዖ ማይንቲ ፓልሚሢቱዋንቴ ሼሌዑሞና ፔኤም ኮይሳ ማኣዖ ማይንቶንጎ። \x - \xo 2፥9 \xo*\xt 1ጴፂ. 3፥3።\xt*\x* 
\v 10 ፆኦሲ ካኣሽካኔ ጋዓ ላኣላ ማዻኒ ኮይሳ ጎይፆ ኮሺ ማዾ ማዺሢና ፓልሚንቶንጎ። 
\v 11 ላኣሊ ዚቲ ጌይሢና ዓይሢንቲሢና ዋይዚ ዔራያ ማዖንጎ፤ 
\v 12 ላኣሊ፡ ዓቲንቄ ዔርዛያና ዓቲንቄ ዎይሣያ ማዓንዳጉዲ ታ ኮዑዋሴ፤ ዒዛ ዚቲ ጋዓንዳያ ኮይሳኔ። 
\v 13 ዓይጎሮ ጌዔቴ ቤርታ ማዢንቴሢ ዓዳኣሜኬ፤ ጊንፃፓኬ ሒዋና ማዢንቴሢ። \x - \xo 2፥13 \xo*\xt ማዢ. ማፃ 2፥7፤ 2፥21-22።\xt*\x* 
\v 14 ሃሣ ጊንሣ ፃላሄና ጌሺንቴዞና ፆኦሲኮ ዓይሢፆ ዻቢ ሓሼ''ዛ ላኣሌሎ ማዓንዳኣፓዓቴም ጌሺንቴሢ ዓዳኣሜቱዋሴ። \x - \xo 2፥14 \xo*\xt ማዢ. ማፃ 3፥1-6።\xt*\x* 
\v 15 ያዺ ማዔቴያ ላኣሊ ፆኦሲ ጉሙርቂሢና ናሹሞና ዓኣያ ማዒ ሃሣ ፆኦሲም ፔና ዱማሲ ዶዴቴ፥ ጊንሣ ሼሌዔ ማዒ ናንጌቴ ናይ ሾይሢና ዻቃንዳኔ።
\c 3
\s ሺኢጲፆ ማኣሮ ዎይሣ ዓሶ ዛላ
\p
\v 1 «ፔቴ'' ዓሲ ሺኢጲፆ ማኣሮ ዓሶ ዎይሣ ዓሲ ማዓኒ ኮዔቴ ኮሺ ማዻኒ ኮዓኔ» ጌይንታ ቃኣላ'' ጎኔኬ። 
\v 2 ዬያሮ ሺኢጲፆ ማኣሮ ዓሶ ዎይሣ ዓሲ ያዺ ማዓኒ ኮይሳኔ፦ ዾንኪሳ ባኣዚ'' ባኣያ፥ ፔቴ'' ላኣሊ ዔኬያ፥ ኮይሳ ጎይሢ ናንጋያ፥ ፔና ዔሪ ዎይሣያ፥ ቤሲ ዔሪ ማዻያ፥ ዓሲ ሾኦቺንሢ ዔካያ፥ ዓሲ ዔርዛኒ ዳንዳዓያ፥ 
\v 3 ዑሽኪ ማሢንቱዋያ፥ ዓሲና ዣሉዋያ፥ ሼሌዔ ዓሲ፥ ኮሺ ዓሲ፥ ሚኢሼ ባሼ ናሽኩዋያ፥ 
\v 4 ፔ ናኣቶ'' ዒዛም ዓይሢንታያና ቦንቻያ ማሂ ዲቺ፥ ፔ ማኣሮ ዓሶ ኮሺ ጎይሢና ዎይሣ ዓሲ ማዓንዳያ ኮይሳኔ። 
\v 5 ዓሲ ፔ ማኣሮ ዓሶ ዎይሣኒ ዳንዳዒባኣያ ማዔቴ ፆኦሲ ዓሶ ዎዲ'' ዎይሣኒ ዳንዳዓንዳይ! 
\v 6 ፃላሄ ዖቶርሞና ሄርሺንቲ ሎኦሚ፥ ፑርታና ዎጊንቴ ጎይፆ ማዑዋጉዲ ኪሪስቶሴ ጉሙርቂ ዶዲባኣ ዓሲ ሺኢጲፆ ማኣሮ ዓሶ ዎይሣያ ማዖፓ። 
\v 7 ዾንኪንታ ዓሲ ማዒ ፃላሄ ፒሮይዳ ጌሉዋጉዲ ኪሪስቶሴ ጉሙርቁዋ ዓሳ «ኮሺ ዓሲኬ» ዒዛ ጋዓያ ማዖንጎ። \x - \xo 3፥7 \xo*\xt ቲቶ 1፥6-9።\xt*\x*
\s ሺኢጲፆ ማኣሮይዳ ዲያቆኔ ማዒ ማዻ ዓሶ ዛላ
\p
\v 8 ዬያጉዲ ሺኢጲፆ ማኣሮይዳ ዲያቆኔ ማዒ ማዻ ዓሳ ቦንቺንታያና ጌስታ ጌኤዞና ጉሙርቂንታያ፥ ሚርጌ ዑሺ ሱኡካዹዋያ፥ ሚኢሼ ዴንቃኒ ሌሊ ጳሽኪ ሃንቱዋያ፥ 
\v 9 ኪሪስቶሴ ጉሙርቂፆ ዛሎ''ኮ ዓኣሺንቴ ማሊፆዋ ጌኤሺ ዒናና ዔሪ ካፓያ ማዓኒ ኮይሳኔ። 
\v 10 ዔያታ ቤርታዺ ዛጊንቲ ዔርቶንጎ፤ ዬካፓ ዾንኪሳ ባኣዚ'' ባኣያ ማዒ ጴዼቶ ሺኢጲፆ ማኣሮ ዓሶ ዎይሣ ዓሶ ማኣዲ'' ማዻዞንሢ ማዖንጎ። 
\v 11 ዬያጉዲ ሃሣ ላኣላ ዔያቶኮ ኮሺ ዓሲ ሃሣ ዓሲ ዾንኩዋያ፥ ኮይሳ ጎይሢ ናንጋያ፥ ቢያ ባኣዚ''ናኣ ጉሙርቂንታያ ማዓኒ ኮይሳኔ። 
\v 12 ማኣዲ'' ማዻ ዓሳ ፔቴ'' ላኣሊ ዔኬያ ማዓኒ ኮይሳኔ፤ ሃሣ ፔኤኮ ናኣቶ''ና ማኣሮ ዓሶና ኮሺ'' ዓርቂ ዎይሣያ ማዓኒ ኮይሳኔ። 
\v 13 ማኣዲ'' ማዺፆና ኮሺ ማዾ ማዻዞንሢ፦ ዼኤፒ ቦንቺንቲሢና ዬሱስ ኪሪስቶሴ ጉሙርቂፆ ዛሎ''ዋ ጫርቂ ኬኤዛያ ማዓንዳኔ።
\s ፆኦሲ ፔጋሴ ዼኤፖ ዓኣሺንቴ ማሊፆ
\p
\v 14 ሓያ ኪኢቶ'' ታ ኔኤም ፃኣፓኣና ዑኬ ታ ኔና ሙኪ ዛጋንዳሢ ጉሙርቂኬ። 
\v 15 ታ ኔጌያ ማዔቴያ ፆኦሲ ማኣራ ዓሳ ዎዲ'' ናንጋንዳቴያ ኔ ዔራንዳጉዲ ጌይ ታ ኔኤም ሃያ ፃኣፓኔ፤ ዬና ማኣሮ ዓሳ ጎኑሞኮ ቱርቱሮና ቦኦኮላሢና ማዔ፥ ናንጊና ባይቁዋ ፆኦዛሢ ጉሙርቃ ዓሶኬ። 
\v 16 ኑኡኮ ካኣሽኪፆኮ ፆኦሲ ፔጋሴ ዓኣሺንቴ ማሊፃ ጎኔና ዼኤፒኬ፤ ዬይያ ኪሪስቶሴ ዛሎ''፦
\q «ዓሲ ማዒ ጴዼሢ
\q2 ጎኑማ ዓያኖና ዔርቴሢ
\q2 ፆኦሲ ኪኢታንቾም ጴዼሢ
\q ዴሮ'' ቢያም ኬኤዚንቴሢ
\q2 ዓጮ''ይዳ ዓኣ ዓሳ ጉሙርቄሢ
\q2 ቦንቾና ሌካ ጫሪንጮ ዔውቴሢ» ጋዓሢኬ።
\c 4
\s ሉኡዙሞና ዔርዛ ዓሶ ዛላ
\p
\v 1 ዓያና ጌኤሺ፦ «ጋፒንፆ ዎዶ'' ባንሢ ማዓኣና ፔቴ'' ፔቴ'' ዓሳ ዻቢሻ ዓያናና ፑርታ ዓያናናይዳፓ ማዔ ዔራቶ ዔኪ ፆኦሲ ካኣዦ ሃሻ''ንዳኔ» ጌይ ፔጋሲ ኬኤዛኔ። 
\v 2 ዬያጉዴ ዔርዚፃ ኬስካሢ ዔያቶኮ ዒና'' ዖይዼ ዓንጊና ሚቺንቴ ዑሢጉዲ ዶጬያ ማዔ፥ ጎኔ ማሊሲ ሉኡቂ ኬኤዛ ዓሶይዳፓኬ። 
\v 3 ዬያጉዴ ዓሳ ዔፒ ላኣጋኔ፤ ሓሣ ፆኦሲ ጉሙርቃ ዓሶና ጎኑሞ ዔራ ዓሳ ፆኦሲ ጋላቲ ጋላቲ ሙዑዋጉዲ ፆኦሲ ማዤ ሙዖ «ሙዒፖቴ» ጌይ ጌይ ላኣጋኔ። 
\v 4 ጋዓንቴ ፆኦሲ ማዤ ባካ ቢያ ኮሺኬ፤ ፆኦሲ ጋላቲ ሙይንቴያ ማዔቴ ሃሺ''ንታ ባኣዚ'' ባኣሴ። 
\v 5 ዎይቲ ጌዔቴ ፆኦሲ ቃኣላ'' ጌዔ ጎይፆ ዒንሢኮ ሺኢጲፆና ሙይንታኒ ዳንዳዓያ ማዓንዳኔ።
\s ጳውሎሴ ፂሞቴዎሴም ዞሬ ዞሮ
\p
\v 6 ሓያ ባኮ ኪሪስቶሴ ጉሙርቃ ዓሶም ኔ ኬኤዚ ዔርዜቶ ፆኦሲ ጉሙርቂፆ ቃኣሎ''ና ኮዦ ዔርዚፆና ዋይዚ ዋይዚ ዲጬያ፥ ዬሱስ ኪሪስቶሴም ኮሺ ማዻያ ማዔሢ ዬያና ኔ ማርካሳንዳኔ። 
\v 7 ጋርቼ ላኣሎኮ ፓሡዋ ሓይሶና ሃያ ዓጮ''ኮ ጉሪ ማዔ ሃይሶይዳፓ ሃኪ፥ ዓያና ዛላ ባኣዚ'' ማዺ ማዺ ዔሬ። 
\v 8 ዑሢ ዶዲሻኒ ማዺንታ ማዾ ዻካ'' ዎዴሮ ማኣዳ''ኔ፤ ዓያና ዛላ ባኣዚ'' ማዺ ማዺ ዔሪሢ ጋዓንቴ ሓሢያ ማዖም ሃጊያ ማዓንዳ ናንጎም ዎዛ ዓኣያ ማዔሢሮ ቢያሢም ማኣዳ''ያኬ። 
\v 9 ዬይ ዓሲ ቢያ ዔራኒ ኮይሳ ጎኔ ሓይሴኬ። 
\v 10 ኑኡኒያ ሜታዺ ማዾና ላቢ''ንታሢ ዬያሮኬ፤ ዓይጎሮ ጌዔቴ ኑኡኒ ሃጊ ማዓንዳ ዎዞ'' ጌሣሢ ዓሶ ቢያ፤ ባሼና ሓሣ ፆኦሲ ጉሙርቃ ዓሶ ቢያ ዻቂሻያ፥ ባይቁዋ፥ ፆኦዛሢዳታሢሮኬ።
\p
\v 11 ሃንሢ ባኮ ዓሶ ዓይሤ፤ ሃሣ ዔርዜ። 
\v 12 ኔኤኒ ዼጌ ማዔሢሮ ዖኦኒያ ኔና ቦሆፓ፤ ኔኤኒ ጋዓንቴ ጌስታ ጌኤዞና፥ ናንጋ ናንጎና፥ ናሹሞና፥ ፆኦሲ ጉሙርቂፆና ሃሣ ኔ ናንጎ ዒኢሳ ባኣዚ''ፓ ጌኤሺ'' ካፒሢና ኪሪስቶሴ ጉሙርቃ ዓሶም ኮሺ ማላታ ማዔ። 
\v 13 ታኣኒ ኔ ኮራ ሙካንዳያ ሄላ''ንዳኣና ጌኤዦ ማፃኣፖ ዴሮ''ም ናባቢሢና፥ ኬኤዚሢና፥ ዔርዚሢና ዶዴ። 
\v 14 ፆኦሲ ማሊፃ ኔኤም ኬኤዚንቴ ዎዶ''ና ሓሣ ሺኢጲፆ ማኣሮ ዎይሣ ጪማ ኔ ዑፃ ኩጮ ጌሤ ዎዶ''ና ኔኤም ዒንጊንቴ ዓያኖ ዒንጊፆ ማዾይዳ ፔኤሺፆ ዋሊ''ፖ። 
\v 15 ኔኤኮ ዲጪፆ ዓሳ ቢያ ዴንቃንዳጉዲ ዬንሢ ባኮንሢ ዶዲ ማዼ፤ ሃሣ ዬንሢ ባኮ ዒናፓ ማዼ። 
\v 16 ኔ ዛሎ''፤ ሃሣ ኔ ዔርዛ ዔርዚፆ ዛሎ'' ኔና ዔሬ፤ ዬንሢ ባኮንሢ ዶዲ ማዼ፤ ዬያ ኔ ማዼቴ ኔናንታ ኔኤፓ ዋይዛ ዓሶንታ ኔ ዻቂሻንዳኔ።
\c 5
\s ዓሲ ማኣዲ''ሢ ዛላ
\p
\v 1 ጋርቼ ዓቲንቆ ዓዶ ማሂ ዛጊ ዞዞራንዳኣፓዓቴም ጎሪ''ፖ፤ ዼጌ ዓቲንቆ ናኣቶ'' ኔኤኮ ጌርሲንሢ ማሂ፥ 
\v 2 ሃሣ ጋርቾ ላኣሎ ኔኤኮ ዒንዶንሢ ማሂ ዛጌ፤ ዬያጉዲ ዼጌ ዉዱሮ ናኣቶ'' ኔኤኮ ጌሮንሢ ማሂ ጌኤሺ ዒናና ዛጌ።
\p
\v 3 ጎኔና ዜኤሮይንዶ ማዒ፥ ሜታዼ ላኣሎ ዛጊ ማኣዴ''። 
\v 4 ዜኤሪንዶኮ ናይ፤ ሃሣ ናኣዚ'' ናይ ዓኣቶ ዬንሢ ናኣቶ''ንሢ ፔ ማኣሮ ዓሶ ማኣዳ''ያ ሃሣ ዔያቶ ሾዔ ዓሶና ዓሆ፥ ማዖ ማዔ ዓሶም ኮሺ ማዺ ማሃኒ ኮይሳያ ማዔሢ ዔሮንጎ፤ ዓይጎሮ ጌዔቴ ዬይ ፆኦሲ ዎዛሳያ ማዔሢሮኬ። 
\v 5 ጎኔና ዜኤሪንዶ ማዒ፥ ፔኤሮ ናንጋዛ ፔኤኮ ሃጊ ማዓንዳ ዎዞ'' ፆኦዛሢዳ ጌሢ፥ ዋንቴና ሮኦሪና ፆኦሲ ማኣዶ ኮዒ፥ ዒዛ ሺኢጲሢና ዶዲ ናንጋኔ። 
\v 6 ሓያ ዓጮ'' ዎዞ'' ሌሊ ናሽካ፥ ዜኤሮይንዶ ማዔ ላኣላ ጋዓንቴ ዔቂ ዓኣዖ ሓይቄያኬ። 
\v 7 ዔኤቢ ዾንኪሳ ባኣዚ'' ባኣያ ማዒ ናንጋንዳጉዲ ዔያቶ ዞሬ። 
\v 8 ፔ ዒጊኖም ባሼና ፔኤኮ ዑኬ ማኣሮ ዓሶ ማኣዱዋኣሢ፦ ፆኦሲ ጉሙርቂፆ ካኣዦ ሃሼ''ያኬ፤ ፔቶ'' ኪሪስቶሴ ጉሙርቁዋ ዓሶፓ ባሼ ፑርታ ዓሲኬ።
\p
\v 9 ሌዓ ላሂታሚ'' ሌዔኮ ዴማ'' ማዔ ዜኤሪንዶ ማዔ ላኣሎ ፃኣፒ ዓርቆ ቤዛ ዓርቂፖ፤ ሓሣ ሱ'ንፃ ዓርቂንታ ዓሳ ፔቴ'' ዓሲም ሎዔ ላኣሊ ማዓንዳያ ኮይሳኔ። 
\v 10 ሓሣ ናይ ቃራሲ ዲቻያ፥ ሾኦቺ ዔካያ፥ ፆኦሲም ዱማዼ ዓሶኮ ቶኪ ማስካያ፥ ሜታዼ ዓሶ ማኣዳ''ያና ዓይጎዋ ኮሺ ማዾ ቢያ ማዺሢና ዔርቴያ ማዓኒ ኮይሳኔ።
\p
\v 11 ጋርቺባኣ፥ ዶዲ ማዔ፥ ዜኤሮይንዳሢ ጋዓንቴ ፃኣፒ ዓርቂፖ፤ ዓይጎሮ ጌዔቴ ዔያቶ ዓሽኮ ሱኡካ ባሼም፥ ኪሪስቶሴ ዔያታ ናሽካ ናሹማ ዻኬ''ም ሎዓኒ ዔያታ ኮዓንዳያታሢሮኬ። 
\v 12 ዬያይዲ፦ ቤርታ ዔያታ ኪሪስቶሴና ጫኣቄ ጫኣቁሞ ሃሻ''ንዳሢሮ ፑርታና ዎጊንታንዳኔ። 
\v 13 ሓሣ ዔያታ ማዾ ሃሺ'' ዓሲ ማኣሪ ሃንቲሢ ዓርቃንዳኔ፤ ማዾ ሃሺ'' ሃንታ ዓሲ ሌሊ ማዒባኣዖ፦ ዓሲ ዾንካያ፥ ዓሲ ባኣዚ''ዳ ጌላያ፤ ሃሣ ጌስታኒ ኮይሱዋ ባኣዚ'' ጌስታያ ማዓንዳኔ። 
\v 14 ዬያሮ ጋርቺባኣ ዜኤሪንዶ ማዔ ዶዶ ላኣላ፦ ሎዓንዳጉዲ፥ ናይ ሾዓንዳጉዲ፥ ማኣሮዋ ፔኤኮ ኮይሳ ጎይሢና ዎይሣያ ማዓንዳጉዲ ታ ዞራኔ፤ ያዺዴቴ፦ ሞርካሢ ኑና ጫሽኮንዶ ባኣዚ'' ባይዛንዳኔ። 
\v 15 ጎኔና ሃያኮ ቤርታ ፃላሄ ጊንፆ ሃንታኒ ፔቴ'' ፔቴ'' ዜኤሪንዶ ማዔ ላኣላ ፆኦሲ ጉሙርቂፆ ጎይፃፓ ዻቢንቲ ኬስኬኔ። 
\v 16 ፔቴ'' ኪሪስቶሴ ጉሙርቃያ ማዔ፥ ላኣሊኮ ማርካ ዜኤሪንዶ ማዔ ላኣሊ ዓኣቶ፦ ዔያታ ሺኢጲፆ ማኣሮኮ ሜቶ ማዑዋጉዲ ዒዛ ዔያቶ ማኣዶ''ንጎ፤ ዬያይዲፆና ሺኢጲፆ ማኣራ ፔቴ''ታዖ ማኣዳ'' ዓሲባኣ፥ ዜኤሮይንዶ ሌሊ ማኣዳ''ኒ ዳንዳዓንዳኔ።
\p
\v 17 ሺኢጲፆ ማኣሮ ዓሶ ቃራሲ ዎይሣያ፤ ባሼ ኮዦ ሃይሶ ኬኤዚሢና ዔርዚሢና ላባ'' ጪሞም ዒንጎ ባኣዚ'' ጳንጬ ማሂ ዒንጋኒ ኮይሳኔ፤ 
\v 18 ዓይጎሮ ጌዔቴ ጌኤዦ ማፃኣፓ፦ «ሃኣኮ ሺርካ ጌሜኮ ዻንጎ ቱኪ''ፖ» ዬያጉዲ ሃሣ፦ «ማዻሢም ማዾ'' ዛሎ'' ዒንጊንታንዳያ ኮይሳኔ» ጋዓኔ። \x - \xo 5፥18 \xo*\xt ላሚ. ዎማ 25፥4፤ ማቲ. 10፥10፤ ሉቃ. 10፥7።\xt*\x* 
\v 19 ላምዖ ሃሣ ሃይሦ ዓሲ ማርካዺባኣንቴ ሺኢጲፆ ማኣሮ ጪሞ ዑፃ «ዻቤኔ» ጎዖ ባኮ ዋይዚፖ። \x - \xo 5፥19 \xo*\xt ላሚ. ዎማ 17፥6፤ 19፥15።\xt*\x* 
\v 20 ሜሌ'' ዓሳ ዒጊጪ ካፒንታንዳጉዲ ጎሞ ማዻ ዓሶ፡ ዓሶ ቢያኮ ቤርታ ጎሬ።
\p
\v 21 ኔኤኒ ማዻ ማዾ''ና ቢያ፡ ፔቴ''ያ ባጋሢዳፓ ባሺሱዋዖ ሃሣ ዖናኣ ዱማሱዋዖ ሃያ ታኣኮ ዞሮ'' ቢያ ኔ ኩንሣንዳጉዲ ፆኦሲና ዬሱስ ኪሪስቶሴና ሃሣ ዶኦሪንቴ ኪኢታንቾና ማርካ ማሂ ታ ኔኤም ኬኤዛኔ። 
\v 22 ዖጊዳኣ ኔ ኩጮ ጌሥሢና ዶኦራኒ ሩኡሪፖ፤ ሜሌ'' ዓሶና ዎላ'' ጎሜ ማዺሢሮ ፔቴ'' ማዒፖ፤ ኔ ቶኦኮ'' ጌኤሺ'' ካፔ።
\p
\v 23 ኔኤኮ ጎጶ ዶርዓሢና ቢያ ዎዴ ኔና ሃርጋ ሃርጎ ዛሎ'' ዎይናፓ ኮሾ''ና ዑዦ ዻካ'' ዑሽኬ፤ ዋኣሢ ሌሊ ዑሽኪፖ።
\p
\v 24 ፔቴ'' ፔቴ'' ዓሶኮ ጎማ ዔርቴያ ማዒ፥ ጋፒንፆ ዎጎ ኬላ'' ሄሉ''ዋንቴ ቤርታዺ ዔያቶ ዓርቃኔ፤ ዛሎ'' ዓሶ ጎማ ጋዓንቴ ጊንፃዺ ዓርቃኔ። 
\v 25 ዬያጉዲ ኮሺ ማዾ ፔጋኣኬ፤ ፔጋ ማዒባኣዖ ዓቴ''ያ ያዺ ዓኣሺንቲ ዓታ''ዓኬ።
\c 6
\s ዓሶኮ ዓይሌ'' ማዒ ማዻ ዓሶም ኬኤዚንቴ ዞሮ
\p
\v 1 ፆኦሲ ሱ'ንፆና ኑ ዔርዛ ዔርዚፆና ጫሽኪንቱዋጉዲ ዓሶም ዓይሌ'' ማዒ ማዻ ዓሳ ቢያ ዔያቶ ዎይሣ ዓሳ ቦንቺንታኒ ኮይሳሢ ዔሮንጎ። 
\v 2 ዔያቶ ዎይሣ ዓሳ፡ ኪሪስቶሴ ጉሙርቃ ዓሲ ማዔ፥ ጎዳ ዬሱሴ ሱ'ንፆና ዔያቶኮ ዒሾንሢ ማዔሢሮ ዓይሎ'' ማዔ ዓሳ ፔኤኮ ዎይሣ ዓሶ ቦሆፓ፤ ዔያታ ማዻ ማዾ''ና ማኣዲ''ንታ ዓሳ ኪሪስቶሴ ጉሙርቃያና ናሽኪንታ ዒሾንሢያ ማዔሢሮ ቤርታኣስካፓ ባሼ ዔያቶም ማዾንጎ። ዬያሮ ኔኤኒ ዔርዛንዳያና ዞራንዳያና ኮይሳሢ ዬያኬ።
\s ሚኢሼ ናሹሞ
\p
\v 3 ጎኔ ፆኦሲ ካኣዦና ዎላ'' ፔቴ'' ማዔ ባኮ ዔርዚፆ፤ ሃሣ ጎዳ ዬሱስ ኪሪስቶሴኮ ጎኔ ቃኣሎ'' ሃሺ''፥ ዱማዼ ባኣዚ'' ዔርዛ ዓሲ ዓኣቶ፦ 
\v 4 ዬይ ዓሢ ዖዖቶርቃያኬ፤ ዔራ ባኣዚ''ያ ባኣያኬ። ጋዓንቴ ፔቴ'' ጌይንቴ ባኣዚ''ዳ ማርሚሢና ዣሊሢናኮ ፑርታ ሱኡኬ ዓኣያኬ፤ ዬይ ባካ ቂኢሩሞ፥ ዑራ፥ ጫሺ፥ ፑርታ ዓልቲሢንታ፥ 
\v 5 ዒና ባይቄያና ጎኑሞባኣ ዓሲ ማዣ ጋፑዋ ማርሞንታ ዔኪ ሙካኔ። ዬያጉዴ ዓሶም ፆኦሲ ካኣሽኪፃ ቆሎ ዴንቂሢኮ ካራ ማዒ ጴዻኔ።
\p
\v 6 ጎኔና፦ «ታኣም ዓኣሢ ጊዳንዳኔ» ጋዓ ዓሲም ጋዓንቴ ፆኦሲ ካኣሽኪፃ ዑሣ ዓኣዼ ዖርጎቹሞኬ። 
\v 7 ዓይጎሮ ጌዔቴ ሃያ ዓጮ'' ዓይጎዋ ኑ ዔኪ ዬዒባኣሴ፤ ሃሣ ሃያ ዓጫ''ፓ ዔኪ ኑ ዓኣዻንዳ፥ ዓይጎ ባኣዚ''ያ ባኣሴ። 
\v 8 ጋዓንቴ ኑ ሙዓንዳ ባኣዚ''ና ማኣዓንዳ ባኣዚ''ና ዴንቄቴ ኑም ጊዳንዳኔ። 
\v 9 ዖርጎቺ ማዓኒ ኮዓዞንሢ ጋዓንቴ ዻቢሻ ፒሮይዳ ጌሊ ዓሲ ፑርቲሳያና ባይዛ፥ ፓሡዋያና ሜቶ ማዔ ሱኡኬይዳ ዓርቂንቲ ሎኦማንዳኔ። 
\v 10 ዎይቲ ጌዔቴ ሚኢሼ ኮሺ'' ናሽኪሢ ፑርቱሞ ቢያኮ ካራኬ፤ ፔቴ'' ፔቴ'' ዓሳ ሚኢሼ ዴንቃኒ ሱኡካዺፆና ፆኦሲ ጉሙርቂፆዳፓ ሃኪ፥ ፔ ናንጎ ሜቶይዳ ዓጌኔ።
\s ጳውሎሴ ፂሞቴዎሴም ዓይሤ ባኮ
\p
\v 11 ኔኤኒ ፆኦሲ ዓሢዮ! ዬያ ቢያይዳፓ ሺኢኬ፤ ፂሉ''ሞ፥ ጎኔ ዓያናና ዓኣ ዓሲ ማዒሢ፥ ፆኦሲ ጉሙርቂሢ፥ ናሹሞ፥ ጊቢ'' ዳንዳዒሢና ሼሌዑሞና ዓኣያ ማዔ። 
\v 12 ፆኦሲ ጉሙርቂፆ ዛሎ''ና ዓኣ ኮዦ ዖሎ ዖልቴ፤ ሚርጌ ዓሶ ቤርቶይዳ ኮሺ'' ጉሙርቂንቲሢና ኔ ማርካዼ፥ ሃሣ ዬያም ኔ ዔኤሊ''ንቴ፥ ናንጊና ናንጎይዳ ዶዴ። 
\v 13 ቢያ ባኣዚ''ም ሼምፖ ዒንጋ፥ ፆኦዛሢንታ ሃሣ ጴንፆስጲላፆሴ ቤርታ ጎኑሞ ዛሎ'' ማርካዼ፥ ዬሱስ ኪሪስቶሴንታ ማርካ ማሂ ታ ኔና ዓይሣኔ። \x - \xo 6፥13 \xo*\xt ዮሓ. 18፥37።\xt*\x* 
\v 14 ኑ ጎዳሢ፥ ዬሱስ ኪሪስቶሴ ሙካንዳያ ሄላ''ንዳኣና ሃያ ዓይሢፆ ዻቢንቲ ባኣያና ዾንኪሳ ባኣዚ'' ባኣያ ማዒ ካፔ። 
\v 15 ኪሪስቶሴኮ ሙኪፆ ኬላ'' ዓንጂንቴያና ፔኤሮ ዎይሣያ ማዔ፥ ካኣቶ''ኮ ካኣቲ፥ ጎዳቶኮ ጎዳ ጌሤ ኬሎ''ና ማዓንዳኔ፤ 
\v 16 ዒዚ ሌሊ ሓይቁዋያኬ፤ ሃሣ ዖኦኒያ ባንሢ ዑካኒ ዳንዳዑዋ፥ ፖዒዳ ዒ ናንጋያኬ፤ ዒዛ ፔቴ''ታዖ ዛጌ ዓሲ ባኣሴ፤ ሃሣ ዖኦኒያ ዒዛ ዛጋኒ ዳንዳዑዋሴ። ቦንቾና ዎልቄና ናንጊና ዒዛም ማዖንጎ፤ ዓኣሜን።
\p
\v 17 ሓያ ዓጮ''ኮ ዖርጎጮ ዓሳ ዖቶርቁዋጉዲ ሃሣ ሃጊ ማዓንዳ ዎዞ'' ዔያታ ፔኤኮ ባይቃ ቆሎ''ይዳ ማሁዋጉዲ፤ ዔያታ ጌሣ ሃጊ ማዓንዳ ዎዞ'' ኑና ዎዛሳኒ ቢያ ባኣዚ'' ዑሣ ዓኣሢ ኑም ዒንጋ፥ ፆኦዛሢ ዑፃ ማሃንዳጉዲ ዞሬ። 
\v 18 ሃሣ ኮሺ ማዾ ዔያታ ማዻንዳጉዲ፥ ዬያ ማዾ'' ማዺፆና ዔርቴ ዓሲ ማዓንዳጉዲ ሃሣ ዔያቶኮ ዓኣ ባኮ ዒንጋኒና ፓቂ ጊሽታኒ ናሽካያ ማዓንዳጉዲ ዞሬ። 
\v 19 ዬያ ማዺፆና ጎኔ ናንጎ ዴንቃኒ ዓይፃ ዶዲ ማዔ፥ ቆሎ'' ሃጊ ሙካንዳ ዎዶ''ኮ ፔኤም ዔያታ ቡኩሳያ ማዓንዳኔ።
\p
\v 20 ፂሞቴዎሴ! ፆኦሲ ኔኤም ዒንጌ ባኮ ቢያ ካፔ፤ ዔራቶቱዋንቴ «ዔራቶኬ» ጌይንቴ፥ ፓሡዋ ዣላሢና ማርማሢ ሃሼ''። 
\v 21 ፔቴ'' ፔቴ'' ዓሳ፦ «ዬያጉዴ ዔራታ'' ኑኡኮ ዓኣኔ» ጌዒ ፆኦሲ ጉሙርቂፆ ጎይፆ ሃሺ'' ኬስኬኔ። ፆኦሲኮ ኮሹሞ ዒንጊፃ ኔኤና ዎላ'' ማዖንጎ።