\id 1TH - Maale Project
\ide UTF-8
\h ቴስሎንቄ ዓሶም 1
\toc3 1ቴስ.
\toc2 ቴስሎንቄ ዓሶም 1
\toc1 ፆኦሲ ማዾ''ም ዳኪንቴ ጳውሎሴ ቤርታሲ ቴስሎንቄ ዓሶም ዳኬ ኪኢቶ''
\mt ፆኦሲ ማዾ''ም ዳኪንቴ ጳውሎሴ ቤርታሲ ቴስሎንቄ ዓሶም ዳኬ ኪኢቶ''
\imt ዓይፆ ካሮ''
\ip ቴስሎንቄ ጌይንታ ካታሜላ ሮሜ ዓጮ'' ካኣቲ ዎይሣ፥ ሜቄዶኒያኮ ዼኤፖ ካታሜሎኬ። ጳውሎሴ ቴስሎንቄይዳ ሺኢጲፆ ማኣሮ ዔቂሴሢ' ፒልጲሲዮሴ ዓጮ'' ሓሺ'' ዴንዴሢኮ ጊንፃፓኬ። ዬይ ያዺ ማዔቴያ ዓይሁዶ ካኣዦይዳ ጌሊ ካኣሽካኒ ዑኬ፥ ዓይሁዴ ማዒባኣ ዓሳ፦ ጳውሎሴ ኬኤዛ ጉሙርቂፆ ሓይሶ ዛሎ'' ዋይዚ ዒዞ ባንሢ ማዓኒ ማሌሢሮ ዓይሁዶ ዓሳ ቂኢሪ ጳውሎሴ ዒፄሢሮ ጳውሎሴ ቴስሎንቄ ሃሺ'' ቤኤሪያ ዓኣዻኒ ዳንዳዔኔ፤ ዬካፓ ቆሮንቶሴ ዓጮ'' ዒ ዓኣዺ ዓኣንቴ ዒዛና ዎላ'' ማዻ፥ ፂሞቴዎሴ ቴስሎንቄ ሺኢጲፆ ማኣሮ ዛሎ'' ባኣዚ'' ፓይዲ ፓይዲ ዒዛም ፃኣፔኔ።
\ip ጳውሎሴ ቤርታሳ ኪኢቶ'' ቴስሎንቄ ዓሶም ፃኣፔሢ' ኪሪስቶሴ ጉሙርቃ ዓሶ ዶዲሻኒኬ፤ ዔያቶኮ ኪሪስቶሴ ጉሙርቂሢና ናሹሞዋ ዓኣያ ማዔሢ ዋይዜሢሮ ፆኦሲ ዒ ጋላታኔ፤ ዒዚ ዔያቶ ባኣካ'' ዓኣ ዎዶ''ና ዎማይዲ ናንጌቴያ ዔያቶም ጶቂሢ ኬኤዛኔ፤ ዬካፓ ኪሪስቶሴኮ ላሚ ማዒ ሙኪፆ ዛሎ'' ዖኦጪንቴ ዖኦጪፆኮ ማሂ ኬኤዛኔ፤ ዬንሢ ዖኦጪፆንሢዳፓ ፔቴ'' ፔቴ''ዞንሢ፦ «ኪሪስቶሴ ላሚ ሙካንዳሢኮ ቤርታ ሓይቄ፥ ዒዛ ጉሙርቃ ዓሲ ኪሪስቶሴኮ ማዒ ሙኪፃ ዒንጋንዳ ናንጊና ናንጎ ዴንቃኒ ዳንዳዓ? ኪሪስቶሴ ማዒ ሙካንዳሢ ዓይዴዳይ?» ጋዓዞንሢኬ። ጳውሎሴ ዬንሢ ዖኦጪፆንሢዳፓ ዔቂ፦ «ኪሪስቶሴኮ ላሚ ሙኪፆ ሃጊ ማዓንዳ ዎዛና ካፒ ካፒ ዬማ ሄላ''ንዳኣና ዚቲዮ ጌዒ ማዾ'' ዒንሢኮ ማዹዋቴ» ጌይ ዔያቶ ዞራኔ።
\iot ማፃኣፔላ ዱማ ዱማ ዓርቄ ባኮ
\io ዓይፆ ካሮ'' 1፥1
\io ቴስሎንቄ ዓሶ ዛሎ''ሮ ጳውሎሴኮ ጋላቶ'' 1፥2—3፥13
\io ቴስሎንቄ ዓሶም ዞሮና ዞሮ 4፥1-12
\io ኪሪስቶሴኮ ላሚ ሙኪፆ ዛሎ'' ኬኤዚንቴ ሓይሴ 4፥13—5፥11
\io ጋፒንሢ ዞሮ 5፥12-22
\io ጋፒንሢ ሓይሴ 5፥23-28
\c 1
\p
\v 1 ፆኦሲ፥ ዓዳሢና ጎዳ ዬሱስ ኪሪስቶሴናሮ ማዔ ቴስሎንቄ ሺኢጲፆ ማኣሮ ዓሶም፤ ጳውሎሴና ሲላሴና ፂሞቴዎሴናይዳፓ ዳኪንቴ ኪኢታ፦ ፆኦሲኮ ኮሹሞ ዒንጊፃ ዒንሢም ማዖንጎ። \x - \xo 1፥1 \xo*\xt ዳኪ. ማዾ'' 17፥1።\xt*\x*
\s ቴስሎንቄ ዓሶኮ ናንጎና ጉሙርቂፆና ዛላ
\p
\v 2 ቢያ ዎዴ ኑ ዒንሢ ዛሎ'' ሺኢቃኣና ዒንሢ ዛሎ''ሮ ፆኦሲ ኑ ጋላታኔ። 
\v 3 ዒንሢ ፆኦሲ ጉሙርቂፆና ዎማይዲ ማዻቴያ ሓሣ ናሹሞና ዎማይዲ ላቢ'' ማዻቴያ ጊንሣ ሃሣ ጎዳ ዬሱስ ኪሪስቶሴ ዛሎ''ና ዒንሢኮ ዓኣ ሃጊ ማዓንዳ ዎዛ'' ዎማዒ ዶዲ ማዔቴያ ኑ ጎዳሢና ኑ ዓዳሢና ቤርታ ቢያ ዎዴ ኑ ጶቂሣኔ። 
\v 4 ፆኦሲ ዒንሢ ናሽካ፥ ታ ዒሾንሦ! ታ ሚሾንሦ! ፆኦሲ ዒንሢ ዶኦሬሢ ኑ ዔራኔ። 
\v 5 ዎይቲ ጌዔቴ ኑኡኒ ኮዦ ሓይሶ ዒንሢም ኬኤዜሢ ዻንጋና ሌሊቱዋንቴ ዓያና ጌኤሺ ዛላና፤ ሓሣ ዓያና ጌኤሺ ዒንጌ ዎልቄና ዬያጉዲ ሃሣ ኮዦ ሓይሶኮ ጎኑሞ ዔሪ ጉሙርቂሢናኬ። ዒንሢና ዎላ'' ኑ ዓኣ ዎዶ''ና ዒንሢ ዛሎ'' ጌዒ ዎይቲ ኑ ናንጌቴያ ዒንሢ ዔራኔ። 
\v 6 ዎዚ ዒንሢ ሚርጌ ሜታ ሄሌ''ቴያ ዓያና ጌኤሺ ዒንጋ ዎዛና ቃኣሎ'' ዋይዚ ዔኪ፥ ኑናንታ ጎዳ ዬሱስ ኪሪስቶሴንታ ማዻ ጎይፆ ዒንሢያ ማዻያ ማዔኔ። \x - \xo 1፥6 \xo*\xt ዳኪ. ማዾ'' 17፥5-9።\xt*\x* 
\v 7 ዬያይዳፓ ዔቄያና ሜቄዶኒያና ዓካይያናይዳ ዓኣ ኪሪስቶሴ ጉሙርቃዞንሢም ኮሺ ኮኦኪንሢ ዒንሢ ማዔኔ። 
\v 8 ጎዳኮ ቃኣላ'' ዒንሢዳፓ ኬስኪ ዋይዚንቴሢ ሜቄዶኒያና ዓካይያናይዳ ሌሊቱዋንቴ ፆኦሲ ጉሙርቂፃ ዒንሢኮ ቢያ ቤዛ ዔርቴኔ፤ ዬያ ዛሎ'' ሚርጌ ኑ ኬኤዛንዳያ ኮይሱዋሴ። 
\v 9 ኑኡኒ ዒንሢ ኮይላ'' ሙኬ ዎዶ''ና ዎማይዲ ዒንሢ ኑና ሾኦቺንሢ ዔኬቴያ፤ ናንጊና ባይቁዋያ ሓሣ ጎኔ ማዔ ፆኦዛሢም ማዻኒ ሜሌ'' ካኣዦይዳፓ ፆኦዛሢ ባንሢ ዎማይዲ ዒንሢ ማዔቴያ ዓሳ ፔ ቶኦኪና ማርካዻኔ። 
\v 10 ዬያጉዲ ሓሣ ሓይባ''ፓ ፆኦሲ ዔቂሴም ዔቄ፥ ሙካንዳ ፆኦሲ ጎሪ''ንታፓኣ ኑና ዻቂሻንዳ፥ ፆኦሲ ናዓሢ ዬሱሴኮዋ ጫሪንጫፓ ማዒ ሙኪፆ ዎማይዲ ዒንሢ ካፓቴያ ዔያታ ማርካዻኔ።
\c 2
\s ጳውሎሴ ቴስሎንቄይዳ ማዼ ማዾ''
\p
\v 1 ታ ዒሾንሦ! ታ ሚሾንሦ! ኑኡኮ ዒንሢ ኮራ ሙኪፃ ጉሪ ዓቲባኣያ ማዔሢ ዒንሢ ዒ'ንሢ ቶኦኪና ዔራኔ። 
\v 2 ዒንሢ ዔራ ጎይፆ ሓያኮ ቤርታ ፒልጲሲዮሴይዳ ኑ ዓኣ ዎዶ''ና ሜቶና ጫሺና ኑና ሄሌ''ኔ፤ ጋዓንቴ ዎዚ ዼኤፒ ዒፂሢ ኑና ሄሌ''ቴያ ፆኦሲኮ ኮዦ ሓይሶ ኑ ኬኤዛንዳጉዲ ዒዚ ኑም ጫርሹሞ ዒንጌኔ። \x - \xo 2፥2 \xo*\xt ዳኪ. ማዾ'' 16፥19-24፤ 17፥1-9።\xt*\x* 
\v 3 ኑኡኒ ዒንሢ ዞሬሢ፦ ዻቢንቲና ሃሣ ፑርታ ማሊሢና ዔቂቱዋሴ፤ ሓሣ ኑ ዒንሢ ጌሻኒ ማዼ ባኣዚ'' ፔቴ''ታዖ ባኣሴ። 
\v 4 ባሼና ኮዦ ሓይሶ ቃኣሎ'' ኑ ኬኤዛንዳጉዲ ፆኦሲ ኑም ዒንጌሢ ኑ «ዳንዳዓንዳኔ» ጌይ ጉሙርቂታሢሮ ኑ ኬኤዛኔ፤ ዬያ ኑ ማዻሢ' ኑኡኮ ዒኖ ዛጊ ዔራ፥ ፆኦዛሢ ዎዛሳኒ ጌይ ማዓንዳኣፓዓቴም ዓሲ ዎዛሳኒቱዋሴ። 
\v 5 ዒንሢ ኑ ጌሺ ሓሣ ሚኢሼ ዴንቃኒ ኬኤዚ ሃንቲባኣሢ ዒንሢ ዒ'ንሢ ቶኦኪና ዔራኔ፤ ፆኦሲያ ኑኡኮ ማርካኬ። 
\v 6 ኑኡኒ ኪሪስቶሴም ዳኪንቲ ማዻያ ማዔ ጎይፆና ኑ ዒንሢ ቢያ ባኣዚ'' ዖኦጫኒ ዳንዳዓያታዖ ዒንሢዳፓ ማዔቴያ ሜሌ'' ዖ ጊዳፓኣ ቦንቾ ኑ ኮይባኣሴ። 
\v 7 ጋዓንቴ ፔኤኮ ዲቻ ናኣቶ''ም ማላ ዒንዴሎጉዲ ዒንሢም ኑ ሚጪንታያ ማዔኔ። 
\v 8 ሓሣ ኑ ዒንሢ ሚርጌና ናሽካሢሮ ዼኤፖ ናሹማፓ ዔቄያና ፆኦሲኮ ኮዦ ሓይሶ ቃኣሎ'' ኬኤዚፆ ሌሊቱዋንቴ ዒንሢ ዛሎ'' ሓይቃኒታዖ ኑ ጊኢጊንቴንቴኬ። 
\v 9 ታ ዒሾንሦ! ታ ሚሾንሦ! ኑኡኒ ዎማዺ ማዼቴያ ሃሣ ላቤ''ቴያ ዒንሢ ዔራኔ፤ ፆኦሲኮ ኮዦ ሓይሶ ዒንሢም ኑ ኬኤዛ ዎዶ''ና ዒንሢዳፓ ፔቴ'' ዓሲምታዖ ኑ ኬዲ ማዑዋጉዲ ዋንቴና ሮኦሪና ኑ ዎይፆሮ ማዺ ማዺ ኑ ላቤ''ኔ።
\p
\v 10 ዒንሢ፥ ኪሪስቶሴ ጉሙርቃ ዓሶ ባኣካ'' ኑ ናንጌ ዎዶ''ና ዎይቲ ኑ ፆኦሲም ዱማዼያና ፂሎ'' ማዒ ሃሣ ዒኢሳ ባኣዚ'' ባኣያ ማዒ ናንጌቴ ዒንሢ ዒንሢ ቶኦኪና ዔራኔ፤ ሃሣ ፆኦሲያ ዬያኮ ማርካኬ። 
\v 11 ዓዴ ፔኤኮ ናኣቶ''ም ማዻሢ ጎይፆ ኑኡኒያ ዒንሢ ፔቴ'' ፔቴ''ሢም ዎማይዲ ማዼቴያ ዒንሢ ዔራኔ፤ 
\v 12 ቢያ ዎዴ ኑ ዒንሢ ዞሪ ዞሪ ሓሣ ዶዲሺ ዶዲሺ ፔኤኮ ካኣቱሞና ቦንቾናይዳ ዒንሢ ጌላንዳጉዲ ዒ'ንሢ ዔኤሌ''፥ ፆኦዛሢ ዎዛሳ ጎይሢ ናንጉዋቴ ጌይ ኑ ዒንሢ ሺኢቄሢ ዒንሢ ዔራኔ።
\p
\v 13 ሓሣ ኑ ዒንሢ ዛሎ'' ቢያ ዎዴ ፆኦሲ ጋላታ ባኣዚ'' ዓኣኔ፤ ዬይያ፦ ዒንሢ ኑ ጊዳ''ፓ ዋይዜ ፆኦሲ ቃኣሎ'' ጉሙርቂ ዔኬ ዎዶ''ና ኪሪስቶሴ ጉሙርቃ ዓሶይዳ ማዻ፥ ዬያ ቃኣሎ'' ጉሙርቂ ዒንሢ ዔኬሢ' ዓሲ ሓይሴ ማሂቱዋንቴ ፆኦሲ ቃኣላ ማሂኬ፤ ጎኔና ዬይ ፆኦሲ ቃኣላኬ። 
\v 14 ታ ዒሾንሦ! ታ ሚሾንሦ! ዒንሢ ዪሁዳ ዓጮ''ይዳ ዬሱስ ኪሪስቶሴና ዓኣ ፆኦሲ ጉሙርቃ ሺኢጲፆ ማኣሮ ዓሶጉዲ ማዔኔ፤ ዎይቲ ጌዔቴ ዔያቶ ዪሁዳ ዓጮ''ይዳ ዓይሁዶ ዓሳ ሜታሴሢጉዲ ዒንሢያ ዒ'ንሢ ዒጊና ሜታሴኔ። \x - \xo 2፥14 \xo*\xt ዳኪ. ማዾ'' 17፥5።\xt*\x* 
\v 15 ዓይሁዶ ዓሳ' ጎዳ ዬሱሴና ፆኦሲ ማሊፆ ኬኤዛ ዓሶና ዎዼያ፤ ሃሣ ኑናኣ ዒፂ ዳኪ ፔ ዓጫ''ፓ ኬሴ''ዞንሢኬ፤ ዔያታ ፆኦሲ ዖዪሳያ ሃሣ ዓሲያ ዒፃያኬ፤ \x - \xo 2፥15 \xo*\xt ዳኪ. ማዾ'' 9፥23፤ 13፥45፤ 14፥2፤ 5፤ 19፤ 17፥5፤ 13፤ 18፥12።\xt*\x* 
\v 16 ዔያታ ዓይሁዴ ማዒባኣ ዓሳ ዋይዚ ዻቃንዳ ቃኣሎ'' ኑ ኬኤዙዋጉዲ ላኣጋኔ፤ ዬያይዲፆና ዔያታ ጎሜይዳ ጎሜ ቃሲ'' ቃሲ'' ዓኣዻኔ፤ ዬያሮ ሃሢ ጋፒንፆይዳ ፆኦሲኮ ጎሪ''ንታ ዶዲ ዔያቶ ሄሌ''ኔ።
\s ጳውሎሴ ቴስሎንቄ ዓሶ ላሚ ዴንዲ ዛጋኒ ኮዔሢ
\p
\v 17 ጋዓንቴ ታ ዒሾንሦ! ታ ሚሾንሦ! ዓያናናቱዋንቴ ዓሽኪና ዻካ'' ዎዴ ኑ ዒንሢፓ ዱማዼቴያ ሃሢ ኑ ዒንሢ ሚርጌና ጶቂሤሢሮ ሙኪ ዒንሢ ዛጋኒ ዺቢ ካራ ኑ ኮዔኔ። 
\v 18 ዬያይዲ ዒንሢ ባንሢ ኑ ሙካኒ ማሌንቴኬ፤ ባሼ ታኣኒ፥ ጳውሎሴ ዒንሢ ባንሢ ሙካኒ ላሚ ላሚ ኮዔንቴ ፃላሄ ኑና ሙኮ ላኣጊ ቃዜኔ። 
\v 19 ማዔቴያ ኑ ጎዳሢ ዬሱሴ ሙኬ ዎዶ''ና ዒዛ ቤርቶይዳ ኑኡኮ ሃጊ ማዓንዳ ዎዞ'' ማዓንዳሢ፤ ሃሣ ኑኡኮ ቦንቺንታኣ ዖኦናዳይ? ዒንሢናቱዋዓዳ? 
\v 20 ጎኔና ኑኡኮ ቦንቾና ዎዛ''ኣ ዒንሢናኬ።
\c 3
\p
\v 1 ዬያሮ ሓይካፓ ሴካ «ዒንሢ ባንሢ ኑ ሙካንዳኔ» ጌዒ ጌዒ ዴዓኒ ኑ ዳንዳዒባኣሢሮ ዓቴናይዳ ኑኡሮ ሌሊ ኑ ፓቂንቲ ዓታንዳያ ኮይሳሢ ኑም ዔርቴኔ። \x - \xo 3፥1 \xo*\xt ዳኪ. ማዾ'' 17፥15።\xt*\x* 
\v 2 ኑኡኮ ዒሻሢ፥ ሃሣ ኪሪስቶሴኮ ኮዦ ሓይሶ ኬኤዚፆና ኑኡና ዎላ'' ፆኦሲም ማዻያ ማዔ፥ ፂሞቴዎሴ ኑ ዒንሢ ኮይላ'' ዳኬኔ፤ ኑ ዬያይዴሢ' ዒንሢ ዒ ዶዲሻንዳጉዲና ፆኦሲ ጉሙርቂፆና ዒንሢ ዶዳንዳጉዲ ዞሮም ጌይኬ። 
\v 3 ዬይያ ዒንሢ ሄሌ'' ሜታሢና ዒንሢ ፆኦሲ ጉሙርቂፆ ሃሹ''ዋጉዲ ማሃንዳኔ፤ ዬይ ሜታሢ ኑም ዒንጎና ባኣዚ'' ማዔሢ ዒንሢ ዔራኔ። 
\v 4 ቤርታ ዒንሢና ዎላ'' ኑ ዓኣ ዎዶ''ና ሜታ ኑና ሄላ''ንዳሢ ኑ ዒንሢም ኬኤዛኔ፤ ዒንሢ ዔራሢጉዲ ዬይ ሜታ'' ኑና ሄሌ''ኔ። 
\v 5 ዬያሮ ሃይፓ ሴካ «ዒንሢ ኮይላ'' ሙካንዳኔ» ጌዒ ጌዒ ዴዓኒ ታ ዳንዳዒባኣሢሮ ታኣኒ ዒንሢኮ ፆኦሲና ዓኣ ጉሙርቂፆ ዔራኒ፥ ፂሞቴዎሴ ዒንሢ ኮይላ'' ዳኬኔ፤ ዒዛ ታ ዳኬሢ' ዻቢሻኒ ጌሻሢ ዒንሢ ጌሼያ ናንዳኔ ሓሣ ማዻ''ኣ ኑኡኮ ጉሪ ዓቴ''ያ ናንዳኔ ጌይ ታ ሂርጌሢሮኬ።
\s ፂሞቴዎሴ ቴስሎንቄ ዓሶ ዛሎ'' ኬኤዜ ሓይሴ
\p
\v 6 ሓሢ ጋዓንቴ ፂሞቴዎሴ ዒንሢ ኮራፓ ሙኪ ዒንሢኮ ፆኦሲ ጉሙርቂፆና ናሹሞና ዛሎ'' ዎዛሳ ሓይሴ ኑም ኬኤዜኔ፤ ባሼና ዒንሢ ቢያ ዎዴ ኑ ዛሎ'' ሚርጌና ማላያ፥ ሃሣ ኑኡኒ ዒንሢ ዛጋኒ ጶቂሣሢጉዲ ዒንሢያ ኑና ዛጋኒ ጶቂሣያታሢ ዒ ኑም ኬኤዜኔ። \x - \xo 3፥6 \xo*\xt ዳኪ. ማዾ'' 18፥5።\xt*\x* 
\v 7 ዬያሮ ታ ዒሾንሦ! ታ ሚሾንሦ! ዎዚ ኑኡኒ ሃሢ ዓኣሢ ዋኣዪሢና ሜቶናይዳ ማዔቴያ ዒንሢኮ ፆኦሲ ጉሙርቂፆ ዋይዚ ሃሢ ኑ ዶዴኔ። 
\v 8 ዒንሢኮ ጎዳ ዬሱሴና ዶዲ ናንጊፃ ኑ ሃውሺ ናንጋንዳጉዲ ማሄኔ። 
\v 9 ዓካሪ፡ ዒንሢ ዛሎ''ና ኑ ፆኦሲ ቤርታ ዴንቄ ዎዞ''ሮ ዒዛ ኑ ዎዚ ጌይ ጋላቶንዶይ? 
\v 10 ዋንቴና ሮኦሪና ዶዲ ኑ ሺኢቃሢ ዒንሢ ዛጋኒና ፆኦሲ ጉሙርቂፆ ዛሎ''ና ዒንሢም ፓጬ ባኮ ኩንሣኒ ኑ ዳንዳዓንዳጉዲኬ።
\p
\v 11 ሓሢያ፡ ኑኡኮ ዓዳሢ ማዔ፥ ፆኦዛሢና ኑ ጎዳሢ፥ ዬሱስ ኪሪስቶሴና ኑ ዒንሢ ባንሢ ሙካንዳጉዲ ጎይፆ ኑም ጊኢጊሾንጎ። 
\v 12 ኑኡኒ ዒንሢ ናሽካሢጉዲ ዒንሢኮ ዎሊና ዓኣ ናሹሞና ሜሌ'' ዓሶ ዒንሢ ናሽካ ናሹሞ ጎዳ ዒንሢም ቃሲ'' ሚርጊሾንጎ። 
\v 13 ኑ ጎዳሢ ዬሱሴ፡ ፆኦሲም ዱማዼዞንሢና ዎላ'' ሙካኣና ኑኡኮ ዓዳሢ ማዔ፥ ፆኦዛሢ ቤርታ ቦሂሳ ባኣዚ'' ባኣያና ፆኦሲም ዱማዼያ ዒንሢ ማዓንዳጉዲ ፆኦሲ ዒንሢኮ ዒኖ ዶዲሾንጎ።
\c 4
\s ፆኦሲ ዎዛሳ ናንጊ
\p
\v 1 ዓካሪ ታ ዒሾንሦ! ታ ሚሾንሦ! ፆኦሲ ዎዛሳኒ ዎይቲ ዒንሢ ናንጋንዳቴ ኑ ዒንሢ ዔርዜኔ፤ ሓሢያ ዒንሢ ጎኔና ናንጋሢ ዬያ ጎይፆኬ፤ ጎዳ ዬሱሴ ሱ'ንፆና ኑ ዒንሢ ሺኢቃሢና ዞራሢ ሓያኮ ቤርታ ዒንሢ ማዼሢዳፓ ባሼ ማዻንዳጉዲኬ። 
\v 2 ጎዳ ዬሱሴ ሱ'ንፆና ዒንሢ ናንጋንዳ ጎይፆ ኑ ዒንሢ ዔርዜሢ ዒንሢ ዔራኔ። 
\v 3 ፆኦሲኮ ማሊፃ ዒንሢ ዒዛም ዱማዼያ ማዓንዳጉዲና ዓኒ ሃሣ ማቾ ማዒባኣያና ላሂሢፓ ሃካንዳጉዲኬ። 
\v 4 ዒንሢ ቢያሢ ዒንሢኮ ዑፆ ፆኦሲም ዱማዼያና ቦንቺንቴያና ማሂ ካፒሢ ዔራንዳያ ኮይሳኔ። 
\v 5 ፆኦሲ ዔሩዋ ዓሶጉዲ ዒንሢ ማሊፆ ሱኡኮ ኩንሣያ ማዒፖቴ። 
\v 6 ዬያ ባኮና ዖኦኒያ ዻቢንቲ፥ ሜሌ''ሢያ ጌሾፓ፤ ሓያኮ ቤርታ ኑ ዒንሢም ላቲ'' ኬኤዜሢጉዲ ዬንሢ ባኮ ማዻዞንሢዳ ቢያ ጎዳ ሜቶ ሄሊ''ሳንዳኔ። 
\v 7 ዓይጎሮ ጌዔቴ ፆኦሲ ኑና ዔኤሌ''ሢ' ዒዛም ኑ ዱማዼያ ማዒ ናንጋንዳጉዲ ማዓንዳኣፓዓቴም ዒኢቲ ኑ ናንጋንዳጉዲቱዋሴ። 
\v 8 ዓካሪ ሃያ ዞሮ'' ቦሂ ሃሻ''ሢ ጌኤዦ ዓያኖ ዒንጋ፥ ፆኦሲ ቦሃንዳኣፓዓቴም ዓሲ ቦሂባኣሴ።
\p
\v 9 ዎሊ ናሽኪሢ ዛላ ዒንሢ ዒንሢሮ ፆኦሲዳፓ ዔሬያታሢሮ ዬያ ባኮ ዛሎ'' ዖኦኒያ ዒንሢም ፃኣፓኒ ኮይሱዋሴ። 
\v 10 ዒንሢ፡ ሜቄዶኒያ ዓጮ''ይዳ ዓኣ ዒሾንሢንታ ሚሾንሢንታ ቢያ ናሽካኔ፤ ጋዓንቴ ታ ዒሾንሦ! ታ ሚሾንሦ! ሃሢ ኑ ዒንሢ ዞራ ዞራ'' ባሼ ዒንሢ ናሽካንዳጉዲና፥ 
\v 11 ሃያኮ ቤርታ ኑ ዒንሢም ኬኤዜሢጉዲ ናንጎ ዒንሢሲ ዒንሢ ዔሪ ናንጋንዳጉዲና ዒንሢ ዛሎ'' ማላንዳጉዲና ሓሣ ዒንሢ ዎይሣኒ ዒንሢ ኩቻ ዒንሢ ማዻንዳጉዲ ጌይኬ። 
\v 12 ዬያይዲ ፆኦሲ ጉሙርቁዋ ዓሶ ባኣካ'' ቦንቺንቴ ዓሲ ማዒ ሃሣ ዓሲ ሜታሱዋያ ማዒ ዒንሢ ናንጋዳጉዲኬ።
\s ጎዳኮ ሙኪፆ ኬሎ''ና ማዓንዳ ባኮ
\p
\v 13 ታ ዒሾንሦ! ታ ሚሾንሦ! ዎዛባኣ ዓሶጉዲ ሓይቄ ዓሶ ዛሎ'' ዒንሢ ዖዩዋጉዲ፤ ሃሣ ዔያታ ዎይታንዳቴያ ጎኑሞ ዒንሢ ዔራንዳጉዲ ኑ ኮዓኔ። 
\v 14 ዬሱሴ ሓይቂ ሃይባ''ፓ ዔቄሢ ኑ ዔራኔ፤ ዬያሮ ኪሪስቶሴ ጉሙርቂ ዓኣዖ ሓይቄዞንሢ ኪሪስቶሴና ዎላ'' ፆኦሲ ዔኪ ሙካንዳኔ።
\p
\v 15 ጎዳ ጌዔ ጎይፆና ኑ ዒንሢም ሂዚ ጋዓኔ፦ ጎዳ ሙካንዳያ ሄላ''ንዳኣና ኑኡኒ ሃይቂባኣዖ ዓኣ ዓሳ ሃይቄ ዓሶ ኑ ቢራዓኬ። 
\v 16 ዼኤፒ ዓይሥሢ ዒላቲ'' ዑኡሲ፥ ፆኦሲ ኪኢታንቾ ሱኡጋሢ ዑኡሲና ፆኦሲ ዛዬያ ዋይዚንታንቴ ጎዳ ፔኤሮ ጫሪንጫፓ ኬዳ''ንዳኔ፤ ዒማ''ና ኪሪስቶሴ ጉሙርቂ ዓኣዖ ሃይቄዞንሢ ቤርታዺ ዔቃንዳኔ። 
\v 17 ዬካፓ ኑኡኒ፥ ሃይቂባኣዖ ዓኣ ዓሳ ጎዳ ዢባሮ ዑፆ ኬስኪ ሞኦኪ ዔካኒ ሻኣሮ ባኣኮ'' ሳዓፓ ኑ ዔውታንዳኔ፤ ዬያይዲ ፆኦሲና ዎላ'' ናንጊና ኑ ናንጋንዳኔ። \x - \xo 4፥17 \xo*\xt 1ቆሮ. 15፥51-52።\xt*\x* 
\v 18 ዬያሮ ሃያ ቃኣሎ''ና ዎሊ ዶዲሹዋቴ።
\c 5
\s ጎዳኮ ሙኮ ጊኢጊንቲ ካፒሢ
\p
\v 1 ታ ዒሾንሦ! ታ ሚሾንሦ! ዬይ ባካ ማዓንዳ ዎዶ''ና ሌዖና ዛሎ'' ዒንሢም ታ ፃኣፓኒ ኮዑዋሴ። 
\v 2 ዓይጎሮ ጌዔቴ ጎዳ ሙካንዳ ኬላ'' ዉሲ ዹሚና ሙካሢጉዲ ማዓንዳሢ ዒንሢ ዒ'ንሢ ቶኦኪና ኮሺ'' ዔራኔ። \x - \xo 5፥2 \xo*\xt ማቲ. 24፥43፤ ሉቃ. 12፥39፤ 1ጴፂ. 3፥10።\xt*\x* 
\v 3 ዓሳ፦ «ዔኤቢ ባኣሴ፥ ኮሺኬ» ጌይ ማላንቴ ባይሲንታ ዔርቲባኣንቴ ጎጲንዶ ሾይቺ ዓርቃሢጉዲ ዔያቶይዳ ሙካንዳኔ፤ ዎይቴቴያ ዔያታ ቶላ''ዓኬ። 
\v 4 ዒንሢ ጋዓንቴ ታ ዒሾንሦ! ታ ሚሾንሦ! ዹሚዳቱዋኣሢሮ ዬና ኬሌላ ዉሲጉዲ ዔርቱዋንቴ ዒንሢ ኮይላ'' ሙካዓኬ። 
\v 5 ዎይቲ ጌዔቴ ዒንሢ ቢያሢ ፖዒም ማዔ ዓሲ፤ ሓሣ ሮኦሪም ማዔ ዓሲኬ። ኑኡኒ ዋንቶ ሃሣ ዹሞሮ ማዔ ዓሲቱዋሴ። 
\v 6 ዬያሮ ኑኡኒ ጴጪ፥ ኑና ኑ ዔሪ ዎይሣ ዓሲ ማዓንዳኣፓዓቴም ሓንጎዋቶጉዲ ኑ ጊንዒባኣቴ ቃራኬ። 
\v 7 ጊንዓ ዓሳ ዹሚና ጊንዓኔ፤ ማሢንታ ዓሳኣ ዹሚና ማሢንታኔ፤ 
\v 8 ኑኡኒ ጋዓንቴ ፖዒም ማዔ ዓሲታሢሮ ኑና ኑ ዔሪ ዎይሢ፥ ኮይሳ ናንጊ ኑ ናንጎም፤ ፆኦሲ ጉሙርቂሢና ናሹሞና ዖልዚሮ ዳዳ ማኣዖ ዓንጎጉዲ ኑ ማይንቲ፥ ዻቂንቶኮ ሃጊ ማዓንዳ ዎዞ''ዋ ቶኦካ ዓጎ ዖሎ ቆኦቦ''ጉዲ ኑ ዓጎም፤ \x - \xo 5፥8 \xo*\xt ዒሲ. 59፥17፤ ዔፕ. 6፥13-17።\xt*\x* 
\v 9 ፆኦሲ ኑና ማሊ ዔኤሌ''ሢ ሜቶ ኑም ዒንጋኒቱዋንቴ ኑ ጎዳሢ ዬሱስ ኪሪስቶሴ ዛሎ''ና ዻቂንታ ኑ ዴንቃንዳጉዲኬ። 
\v 10 ኪሪስቶሴ ኑ ጋይቴ ሓይቄሢ ሼምፔና ኑ ዓኣቴያ ሓይቄቴያ ዒዛና ዎላ'' ኑ ናንጋንዳጉዲኬ። 
\v 11 ዬያሮ ሃሢ ዒንሢ ማዻ ጎይፆ ፔቴ''ይ ባጋሢ ዶዲሺ ዔቂሲሢና ዎሊ ማኣዱ''ዋቴ።
\s ጋፒንሢ ሃይሴና ሳራሥሢ
\p
\v 12 ታ ዒሾንሦ! ታ ሚሾንሦ! ዒንሢ ባኣኮ''ይዳ ማዾ''ና ላቢ''ንታዞንሢ፥ ጎዳ ዬሱሴ ዛሎ''ና ዒንሢኮ ሱኡጎ ማዔዞንሢና ዞራ ዓሶ ዒንሢ ቦንቻንዳጉዲ ኑ ዒንሢ ሺኢቃኔ፤ 
\v 13 ዔያታ ማዻ ማዾ''ሮ ቦንቺ፥ ሃሣ ዔያቶ ናሽካያ ማዑዋቴ፤ ዒንሢያ ዎላ'' ኮሺ ናንጉዋቴ።
\p
\v 14 ታ ዒሾንሦ! ታ ሚሾንሦ! ማዾ ማዹዋ፥ ቤልፃዻ ዓሶ ጎሩዋቴ፤ ዒጊጫ ዓሶ ዶዲሹዋቴ፤ ላቢ''ንታ ዓሶዋ ማኣዱ''ዋቴ፤ ዓሲ ቢያና ጊቢ'' ዳንዳዒ ናንጉዋቴ። 
\v 15 ዒንሢ ባኣካ''ፓ ዖኦኒያ ባጋሢም ፑርታ ማዼ ዛላ ፑርታ ማሁዋጉዲ ዒንሢና ዔሩዋቴ፤ ዬያይዳፓ ፔቴ''ሢ ባጋሢም ኮሺ ማዻኒ ማሎንጎ፤ ዬያጉዲ ሜሌ'' ዓሲማኣ ቢያ ኮሺ ማዻኒ ዶዶንጎ።
\p
\v 16 ቢያ ዎዴ ዎዛዹዋቴ፤ 
\v 17 ሓሹ''ዋዖ ቢያ ዎዴ ፆኦሲ ሺኢቁዋቴ፤ 
\v 18 ቢያ ባኣዚ''ና ፆኦሲ ጋላቱዋቴ፤ ዓይጎሮ ጌዔቴ ዒንሢ ዬሱስ ኪሪስቶሴና ማዒ ናንጋኣና ፆኦዛሢ ዒንሢዳፓ ኮዓሢ ዬያታሢሮኬ።
\p
\v 19 ዓያና ጌኤሺኮ ማዾ'' ዱኡኪ ባይዚፖቴ፤ 
\v 20 ፆኦሲ ማሊሢ ኬኤዚንታ ዎዶ''ና ቦሂፖቴ፤ 
\v 21 ቢያ ባኮ ዛጊ ዔሩዋቴ፥ ኮሺ ማዔ ባኮ ዔኩዋቴ፤ 
\v 22 ዓይጎዋ ፑርታ ባኣዚ''ፓ ቢያ ሃኩዋቴ።
\p
\v 23 ኮዦ ፆኦዛሢ፡ ዒ ፔኤሮ ዒንሢ ፔኤም ዱማሶንጎ፤ ዒንሢኮ ዓያኖ፥ ዒንሢኮ ሼምፓሢ፥ ዒንሢኮ ዑፆ ቢያ ኑ ጎዳሢ ዬሱስ ኪሪስቶሴ ሙካ ኬሎ''ም ቦሂሳ ባኣዚ'' ባኣያ ማሂ ዒዚ ካፖንጎ። 
\v 24 ዒንሢ ዔኤሌ''ሢ ጉሙርቂንታያ ማዔሢሮ ዬያ ቢያ ባኮ ዒ ማዻንዳኔ።
\p
\v 25 ታ ዒሾንሦ! ታ ሚሾንሦ! ኑማኣ ሺኢቁዋቴ።
\p
\v 26 ዎሊኮ ጌርሲንሢጉዲ ሄርቂ ሄርቂ ኪሪስቶሴ ጉሙርቃ ዓሶም «ኮሺዳ?» ጌዔኔ፥ ጎዑዋቴ። 
\v 27 ሃይ ኪኢታ'' ኪሪስቶሴ ጉሙርቃ ዓሶም ቢያ ናባቢንታንዳጉዲ ጎዳ ሱ'ንፆና ታ ዒንሢ ሺኢቃኔ።
\p
\v 28 ጎዳ ዬሱስ ኪሪስቶሴኮ ኮሹሞ ዒንጊፃ ዒንሢና ማዖንጎ።