\id ZEP - MAALE Full Bible
\ide UTF-8
\h ሶፖኒያሴ ማፃኣፖ
\toc1 ፆኦሲ ማሊፆ ኬኤዛ ሶፖኒያሴ ማፃኣፖ
\toc3 ሶፖ.
\toc2 ሶፖኒያሴ ማፃኣፖ
\mt1 ሶፖኒያሴ ማፃኣፖ
\imt ዓይፆ ካሮ
\ip ፆኦሲ ማሊፆ ኬኤዛ ሶፖኒያሴ ፆኦሲኮ ኪኢቶ ኬኤዜሢ ኪሪስቶሴ ሾይንታንዳሢኮ ቤርታ ላንካሳ ፄኤቶ ሌዖኮ ሄካሢዳ ማዓዛ፥ ዬና ዎዳ ካኣቲ ዒዮሲያሴ ኪሪስቶሴ ሾይንታንዳሢኮ ቤርታ ላሆ ፄኤታና ላማታሚ ፔታሳ ሌዖይዳ ፆኦሲና ዎላ ጫኣቆና ጫኣቁሞ ዓካሳንዳሢኮ ታጶ ሌዔኮ ቤርታ ማዑዋዖ ዓታዓኬ። ማፃኣፔላ ፆኦሲ ማሊፆ ኬኤዛ ሃንጎ ዓሳ ኬኤዜ ፆኦሲ ማሊፆና ዎላ ካኣማያኬ፤ ዬይ ማሊፃ፦ ዪሁዳ ዓሳ ሜሌ ፃንጎ ማዔ ፆኦዞም ዚጌሢሮ ሜታ ሄላ ዎዶና ባይሲንታና ኩዶና ዔያቶ ሄላንዳያ ማዔሢ ኬኤዛያኬ፤ ዬያጉዲ ናንጊና ናንጋ ጎዳ ዬኖ ዎዶና ሜሌ ዴሮይዳኣ ሜቶ ዓጋንዳያ ማዔሢ ኬኤዛኔ። ዬሩሳላሜ ሻሂንቲ ዶዔቴያ ጊንሣ ካታሜላ ቤርታ ዓኣ ጎይፆ ማዓንዳኔ፤ ኮዦ ዓሶንታ ፂሎ ማዻ ዴራኣ ዒኢካ ናንጋንዳኔ።
\iot ማፃኣፔላ ዱማ ዱማ ዓርቄ ባኮ
\io1 ዪሁዳ ዴሮይዳ ዎጊንታንዳ ዎጌ (1፡1-18)
\io1 ጎሜ ቡኡፂሢ ዛላ (2፡1-3)
\io1 ዒስራዔኤሌኮ ዓሺኖ ማዔ ዓጫ ዎጊንታንዳ ዎጌ (2፡4-15)
\io1 ዪሁዳንታ ሜሌ ዓሶንታኮ ናንጊና ናንጋ ጎዳ ባንሢ ማዒፆ (3፡1-20)
\c 1
\p
\v 1 ሶፖኒያሴ ኩሺ ናይ ማዓዛ ኩሺ ጌዳሊያ ናይ፥ ጌዳሊያ ዓማሪያ ናይ፥ ዓማሪያ ካኣቲ ሂዚቂያሴ ናይኬ፤ ዓሞኔ ናኣዚ፥ ዒዮሲያሴ ዪሁዳ ዓጮይዳ ካኣታዺ ዓኣ ዎዶና ናንጊና ናንጋ ጎዳ ሶፖኒያሴም ኬኤዜ ማሊፃ ሃካፓ ዴማ ዓኣ ጎይፆጉዲኬ። \x - \xo 1፡1 \xo*\xt 2ካኣቶ. ማ 22፡1—23፡30፤ 2ፆኦሲ. ዓሃኬ 34፡1—35፡27።\xt*\x*
\s1 ናንጊና ናንጋ ጎዳኮ ዎጎ ኬሎ
\p
\v 2 ናንጊና ናንጋ ጎዳ ሂዚ ጋዓኔ፦ «ቢያ ባኣዚ ታኣኒ ሳዓፓ ጋፒሲ ባይዛንዳኔ፤ 
\v 3 ዓሶንታ ቆልሞንታ ካፖንታ ባዞ ሞላሢንታ ታኣኒ ባይዛንዳኔ፤ ፑርቶ ዓሶኮ ታኣኒ ቤሲ ባይዛንዳኔ፤ ዓሲ ዜርሢ ሳዖይዳፓ ቢያ ታኣኒ ኩርሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 4 «ዬሩሳላሜንታ ዪሁዳ ዴሮንታይዳ ቢያ ታኣኒ ሜቶ ዓጋንዳኔ፤ ዬንሢ ቤዞይዳ ባዓኣሌ ጌይንታ ሜሌ ፆኦዞኮ ዓቲ ካኣሽኪንታንዳ ባኣዚንታ ዬያ ሜሌ ፆኦዞም ማዻ ቄኤሶንታ ታኣኒ ጋፒሲ ባይዛንዳኔ። \x - \xo 1፡4 \xo*\xt ዒሲ. 14፡29-31፤ ዔር. 47፡1-7፤ ሂዚ. 25፡15-17፤ ዒዩ. 3፡4-8፤ ዓሞ. 1፡6-8፤ ዛካ. 9፡5-7።\xt*\x* 
\v 5 ዔያታ ፔ ማኣሮኮ ቶኦካ ኬስኪ ዓቦንታ ዓጊኖንታ ዦኦጋሢንታም ዚጋ ቤዞ ታኣኒ ባይዛንዳኔ፤ ዔያታ ታና ካኣሽኪ ካኣሽኪ ታ ሱንፆናኣ ጫኣቃታዖ ሚልኮሜ ጌይንታ ሜሌ ፆኦዞ ሱንፆና ጫኣቃዞንሢ ጋፒሲ ታኣኒ ባይዛንዳኔ። 
\v 6 ታ ኮራፓ ሃኪ፥ ታ ጊንፆ ዓኣዺፆዋ ሃሼዞንሢንታ ታ ባንሢ ሙኪ ታ ዔያቶ ማኣራንዳጉዲ ታና ዖኦጪባኣዞንሢ ታኣኒ ጋፒሲ ባይዛንዳኔ።»
\p
\v 7 ናንጊና ናንጋ ጎዳኮ ዎጎ ኬላ ዑኬሢሮ ናንጊና ናንጋ ጎዳ ማዔ ፆኦዛሢ ቤርታ ዚቲ ጎዑዋቴ፤ ዒዚ ፔኤኮ ዴሮ ዒንጎ ባኣዚ ማሂ ሹኮ ቆልሞጉዲ ዓኣሢ ዒንጋኒ ጊኢጊንቲዳኬ፤ ዪሁዳ ቡራንዳ ሞርኮዋ ዒዚ ዱማሲ ጊኢጊሼኔ። 
\v 8 ናንጊና ናንጋ ጎዳ ሂዚ ጋዓኔ፦ «ታኣኮ ዴሮ ታኣኒ ዓኣሢ ዒንጋ ኬሎና ካኣቶ ናኣቶንታ ሱኡጎንታ፤ ዬያጉዲ ሃሣ ፃንጎ ዓሳ ናንጋ ናንጎ ጎይፆ ናንጋዞንሢዳ ቢያ ታኣኒ ሜቶ ዓጋንዳኔ። 
\v 9 ዬኖ ኬሎና ሜሌ ዴራ ካኣሽካ ዳምቦ ጎይፆጉዲ ዔያቶኮ ጌኤዦ ማኣሮ ጋሮ ዔንዶይዳ ኮኦሚ ኮኦሚ ካኣሽካ ዓሶንታ ዔያቶኮ ጎዳሢ ማኣሮ ፑርቱሞና፤ ጊንሣ ሃሣ ጌሺ ጌሺ ዔኮና ሜሆና ኩንሣ ዓሶይዳ ሜቶ ታኣኒ ዓጋንዳኔ።» \x - \xo 1፡9 \xo*\xt 1ሳሙ. 5፡5።\xt*\x*
\p
\v 10 ናንጊና ናንጋ ጎዳሢ ሂዚ ጋዓኔ፦ «ዬኖ ኬሎና ዬሩሳላሜ ካታሞኮ ሞላሢ ካሮ ጌይንታ ባንፆና ዒላቲ ዋይዚንታንዳኔ፤ ዓሳ ቡካ ዓኮ ጶኦኮይዳ ቃያ ዋይዚንታንዳኔ፤ ጌሜሮ ባንፆና ዲቃሣ ፑርታ ሃይሴ ዋይዚንታንዳኔ። 
\v 11 ዒንሢ ካታሞኮ ዾኦሎ ባንፆይዳ ናንጋ ዓሳ ቢያ ዒንሢኮ ኮርሞ ኮርማ ዓሳ ባይቃንዳሢሮ ቢሮ ዓንጎና ኮርማ ዓሳ ቢያ ኩዳንዳሢሮ ዬያ ዑኡዞ ዒንሢ ዋይዛ ዎዶና ‹ዎኦ! ዎኦ!› ጌይ ዬኤኩዋቴ።
\p
\v 12 «ዬኖ ኬሎና ፖዒ ታኣኒ ዓርቂ ዬሩሳላሜ ካታሞ ሃንቲ ዛጋንዳኔ፤ ዖቶርቂ ናንጎ ናንጊና ዓታላይዳ ሞጫዺ ዓቴ ዎይኔ ዑሺጉዲ ማዒ ዓኣዞንሢንታ ‹ናንጊና ናንጋ ጎዳ ኮሺ ማዔቴያ ፑርታ ባኣዚ ማዹዋሴ› ጋዓዞንሢዳ ሜቶ ታኣኒ ዓጋንዳኔ። 
\v 13 ቆላ ዔያቶኮ ቡሪንታንዳኔ፤ ማኣራኣ ዔያቶኮ ሻሂንታንዳኔ፤ ዒማና ማኣሪ ዔያታ ማዣንዳኔ፤ ጋዓንቴ ዔያታ ናንጋዓኬ፤ ዎይኔ ዔያታ ቱካንዳኔ፤ ዬያ ዎይኖኮ ዑዦ ዔያታ ዑሽካዓኬ።»
\p
\v 14 ናንጊና ናንጋ ጎዳኮ ዼኤፖ ኬላ ዑኬኔ፤ ሙኪፃኣ ሩኡሪ ሩኡሪኬ፤ ዬና ኬላ ኮሺ ዒጊቻ ኬሊኬ፤ ዬኖ ኬሎ ዋይዚንታንዳ ዑኡዛ ፑርታኬ፤ ዖሎ ዖላ ዔርቴ ዓሢያ ካራ ባይቂ ዒላታንዳኔ። 
\v 15 ዬና ኬላ ዻጋ ኬሊ፥ ሜቶና ዋኣዮና ኬሊ፥ ባይሲንታ ኬሊ፥ ዹሚና ቃኣዮና ካንቂንቴ ኬሊ፥ ሻኣሬና ሻኔ ዹሚ ዹሜ ኬሊ ማዓንዳኔ፤ 
\v 16 ዬኖ ኬሎና ኬኤሎ ዲፆና ዲርቆና ካታሞና ዼጌ ኬኤሎ ዲፆ ዑፃ ዖልዚ ዛዬና ሄርሺንቲ ዑኡሲና ዋይዚንታንዳኔ።
\p
\v 17 ናንጊና ናንጋ ጎዳ ሂዚ ጋዓኔ፦ «ጎሜ ዔያታ ማዼሢሮ፤ ሃሣ ታኣኒ ዓይሢባኣ ባኣዚያ ዔያታ ማዺ ዻቢንቴሢሮ ዓኣፒ ባይቄ ዓሲጉዲ ዹቂንታንዳያ ሄላንዳኣና ዼኤፒ ሜቶ ዔያቶይዳ ታኣኒ ዔኪ ዬዓንዳኔ፤ ዔያቶኮ ሱጉፃ ዋኣሢጉዲ ሾኦታንዳኔ፤ ሌዛኣ ዔያቶሲ ቡኡራጉዲ ቢያ ቤስካ ኬኤሪንታንዳኔ።»
\p
\v 18 ናንጊና ናንጋ ጎዳ ፔኤኮ ዻጎ ፔጋሲ ዔርዛ ዬኖ ኬሎና ዓሶኮ ቢሮንታ ዎርቆንታ ዔያቶ ዓውሳኒ ዳንዳዒንዱዋሴ፤ ዒዛኮ ታሞጉዴ ዻጎና ዓጫ ቢያ ሙይንቲ ባይቃንዳኔ፤ ዬይ ያዺ ማዓንዳሢ ሳዓይዳ ናንጋ ዓሲ ቢያ ዔርቲባኣንቴ ኩዳንዳሢሮኬ።
\c 2
\s1 ጎሜ ቡኡፃንዳጉዲ ዔኤሎና ዔኤሊሢ
\p
\v 1 ዒንሢ ቦርሲንቲባኣ ዴራ ዑኬና ናንጊና ናንጋ ጎዳ ባንሢ ማዑዋቴ፤ 
\v 2 ጌይንቴ ኬላ ሄሉዋንቴ፥ ናንጊና ናንጋ ጎዳ ኬላ ዲልባጉዲ ዒንሢ ፒፂ ዔኪ ዴንዱዋንቴ፥ ናንጊና ናንጋ ጎዳኮ ዼኤፖ ዻጋ ዒንሢዳ ዬዑዋንቴ፥ ናንጊና ናንጋ ጎዳ ባንሢ ማዑዋቴ። 
\v 3 ዒዛኮ ዓይሢፆ ማዺ ኩንሣዞንሢና ሳዔሎይዳ ናንጋ ዒንሢ ሼሌዔ ማዔ ዓሳ ዒዛ ባንሢ ማዑዋቴ፤ ፂሉሞ ማዾ ማዹዋቴ፤ ሼሌዑሞና ዒንሢ ሂርኪዱዋቴ፤ ዬያይዲፆና ናንጊና ናንጋ ጎዳኮ ዻጋ ፔጋዺ ዔርታኣና ጎዖንቴ ሜታሢዳፓ ዒንሢ ቶላንዳያ ናንዳኔ።
\s1 ሜሌ ዴሮይዳ ዎጊንቴ ዎጌ
\p
\v 4 ጋኣዛ ጌይንታ ካታማ ዓሲ ናንጉዋ ዳውሌ ማዓንዳኔ፤ ዬያጉዲ ዓስቄሎናኣ ጉሪ ሳዓ ማዓንዳኔ፤ ዓሽዶኦዴይዳ ናንጋ ዓሳ ዓቢ ዹኡሲና ናንጋ ቤዛፓ ዳውሲንታንዳኔ፤ ዓቃሮኦኔ ካታሞ ዓሳኣ ካታማፓ ዳውሲንቲ ኬስካንዳኔ። 
\v 5 ዒንሢ፥ ዼኤፖ ባዞ ዓጮይዳ ናንጋ ኬሪታ ዓሳ፤ ጌይፃ፦ ፒሊስፄኤሜ ዓሳ ዒንሢና ባዴዔቴ! ናንጊና ናንጋ ጎዳ ዎጌ ዎጋ ዒንሢ ሄሌኔ፤ ፒሊስፄኤሜ ዓጪ ማዔ፥ ካኣናኔ ኔና ባዴዔ! ፔቴ ዓሲታዎ ኔ ጊዳ ናንጉዋጉዲ ማሂ ታ ኔና ባይዛንዳኔ። 
\v 6 ዒንሢኮ ዼኤፖ ባዞ ዓጮይዳ ዓኣ ሳዓ ባይ ሄንቃ ቤሲ፥ ቆልሞ ሄንቃ ናኣታ ናንጋ ቤሲና ቆልማ ዎርቂ ናንጋ ሞኦሢ ቤሲ ማዓንዳኔ። 
\v 7 ናንጊና ናንጋ ጎዳ ማዔ ዔያቶኮ ፆኦዛሢ ዔያቶ ካፓሢሮና ዔያቶኮ ዲዒንቲ ዔውቴ ባኮዋ ዔያቶም ማሃንዳሢሮ ማራቶ ዔያታ ፔኤኮ ሄንቃንዳጉዲ ዼኤፖ ባዞ ዓጫ ዓኣ ሳዓ ዪሁዳፓ ፒኢጫዺ ዓቴ ዓሶም ቤሲ ማዓንዳኔ፤ ዒባኖ ዒባኖ ዔያታ ዓስቄሎናይዳ ዓኣ ኬኤፃ ዎርቃንዳኔ።
\p
\v 8 ቢያ ባኮ ዎይሣ ጎዳ ማዔ ፆኦዛሢ ሂዚ ጋዓኔ፦ «ታኣኮ ዴሮ ሄሌ ሞዓኣቤ ዓሶኮ ቶኦቺፆና ዓሞኦኔ ዴሮኮዋ ጫዦ ታኣኒ ዋይዜኔ፤ ዔያታ ዎማይዲ ቶኦቼቴያ ዔያቶኮ ዴኖ ዔካኒ ዎያይዲ ዔያታ ዚርቄቴያ ታኣኒ ዔሬኔ። \x - \xo 2፡8 \xo*\xt ዒሲ. 15፡1—16፡14፤ 25፡10-12፤ ዔር. 48፡1—49፡6፤ ሂዚ. 21፡28-32፤ 25፡1-11፤ ዓሞ. 1፡13-15።\xt*\x* 
\v 9 ታኣኒ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ናንጊና ናንጋያ ማዔ ጎይፆና ሞዓኣቤ ዓጮ ዓዳ ሶዶኦሜጉዲ፤ ጊንሣ ሃሣ ዓሞኦኔ ዓጮዋ ጋሞኦራጉዲ ታኣኒ ማሃንዳኔ፤ ዓጬላ ካይዚ ኬሴያ፥ ሃሣ ሶኦጌ ቦኦኪ ዔኮ ቤሲ ማዒ ጉሪ ዓታንዳኔ፤ ሃይባፓ ዓቴ ታኣኮ ዴራ ዔያቶ ቡራንዳኔ፥ ቆሎዋ ዔያቶኮ ዔካንዳኔ።» \x - \xo 2፡9 \xo*\xt ማዢ. ማፃ 19፡24።\xt*\x*
\p
\v 10 ሞዓኣቤና ዓሞኦኔና ዴራ ቢያ ባኮ ዎይሣ ጎዳኮ ዴሮ ቶኦቺ፥ ዚርቄ ዚርቂፆሮ ዬይ ሜታ ዔያቶይዳ ዓጊንታሢ ዔያቶኮ ዖቶርሙሞሮኬ። 
\v 11 ዔያቶኮ ዓጮይዳ ዓኣ ሉኡዚ ማዔ ፆኦዞ ቢያ ባይዜሢሮ ናንጊና ናንጋ ጎዳ ዔያቶ ዒጊቻያ ማዓንዳኔ፤ ዼኤፖ ባዞ ኮይሎና ዋኣፆ ሳዞ ዓጮናይዳ ናንጋ ካኣታ ቢያ ዓኣ ቤዞይዳ ዓኣዖ ዬያ ፆኦዛሢም ዚጋንዳኔ።
\p
\v 12 ዒንሢ፥ ዒቶጲዮ ዓሳ ታኣኮ ጬንቾ ዓራፖና ሃይቃንዳኔ። \x - \xo 2፡12 \xo*\xt ዒሲ. 18፡1-7።\xt*\x*
\p
\v 13 ናንጊና ናንጋ ጎዳ ፔኤኮ ዎልቆና ዓጮኮ ኬዶ ባንፃ ዓኣ ዓሶኦሬ ዓጮ ባይዛንዳኔ፤ ኔኔዌ ካታሞ ጎሪ ማሂ፥ ዓሲ ናንጉዋ ዳውሌጉዲያኣ ማሂ ሜልዛንዳኔ። 
\v 14 ካዮ ቦዖ ዉዳ ዒኢካ ናንጋንዳኔ፤ ዱማ ዱማ ኩኩቴያ ዒዞኮ ሹጮና ኬልቂ ማዦናሢዳ ናንጋንዳኔ፤ ማኣሮኮ ፑልቶ ካሮና ዬይ ባካ ዖኦላንዳኔ፤ ሊባኖኦሴፓ ዔኮና ሚፆና ኮሺንቴ ኬኤፆኮ ጋራ ሜቃንዳሢሮ ዔንዴ ማሊሲ ኮሾና ባካ ፑርቲ ጋፓንዳኔ። 
\v 15 «ታጊዳፓ ዓታዛ ሜሌ ባኣሴ» ጌይ ዖቶርቂሢና ፔና ፔኤሮ ዎዛሲ ናንጋ ካታሜላ ዎይቲ ካዮ ቦዓ ናንጋ ጉሪ ቤሲ ማዔራ! ዒዞ ባንፆና ዓኣዻ ዓሳ ቢያ ኩጮና ዒዞ ኬኤላሲ ኬኤላሲ ቦሂ ዓማላንዳኔ። \x - \xo 2፡15 \xo*\xt ዒሲ. 10፡5-34፤ 14፡24-27፤ ናሆ. 1፡1—3፡19።\xt*\x*
\c 3
\s1 ዬሩሳላሜም ካፒ ዓኣ ባኣዚ
\p
\v 1 ጎሜ ማዺሢና ዴሮ ፔኤኮ ሄርቂ ዎይሥሢና ዒኢቴያ ማዒ ዋይዞ ዒፄ ዬሩሳላሜ ካታሜሎም ባዴዔ! 
\v 2 ዒዛ ዖኦማኣ ዋይዙዋሴ፤ ዞሪ ዒዞ ጎሮ ጎሮዋ ዒዛ ዔኩዋሴ፤ ናንጊና ናንጋ ጎዳኣ ዒዛ ጉሙርቁዋሴ፤ ፔኤኮ ፆኦዛሢ ባንሢያ ዒዛ ዑኩዋሴ። 
\v 3 ሱኡጋ ዒዞኮ ጉዻ ዞቢ ጉዲኬ፤ ዎጎ ዎጋ ዓሳኣ ዚራኣሮ ዓይሱዋዖ ዴንቄ ባኮ ቢያ ሙዒ ጋፒሳያ ናይዺንቴ፥ ዋንታኣ ያኣዮኬ። 
\v 4 ፆኦሲ ማሊፆ ኬኤዛዞንሢያ ዖቶርሙሞና ታንጋርጬያና ጌኔ ማሊሢያኣ ኩሜያኬ፤ ቄኤሳ ፆኦሲም ዱማዼ ቤዞ ዒዒኢሳያኬ፤ ዎጎማኣ ዔያታ ዋይዚ ዒፃያኬ። 
\v 5 ናንጊና ናንጋ ፂሎ ጎዳሢ ዒኢካ ናንጋኔ፤ ዒዚ ዻቢንቱዋሴ፤ ዒዚ ቢያ ኬሊ ፒዜ ዎጌ ዎጋኔ፤ ጉቶ ጉቶዋ ዬያ ማዺፆ ሃሹዋሴ፤ ፑርታ ማዻ ዴራ ጋዓንቴ ቦርሲንቱዋያኬ።
\p
\v 6 ናንጊና ናንጋ ጎዳ ሂዚ ጋዓኔ፦ «ሜሌ ዴሮ ካኣቶ ታኣኒ ባይዜኔ፤ ዔያቶኮ ዋርዲዮ ቤዞዋ ታኣኒ ሻሄኔ፤ ዔያቶኮ ጎይፆና ዖኦኒያ ዓኣዹዋጉዲ ታ ሴሚሴኔ፤ ካታሞ ታ ዔያቶኮ ዖኦኒያ ናንጉዋያ፥ ጉሪ ቤሲ ማሄኔ። 
\v 7 ታኣኒ ዬያ ቢያ ማዼሢሮ፥ ‹ታ ዴራ ታና ቦንቻንዳኔ፤ ታኣኮ ዞሪ ጎሮ ጎሮዋ ዔካንዳኔ፤ ዔያቶ ሄሌ ዞሪ ጎሮና ጎሪፆዋ ዔያታ ዋላዓኬ› ታኣኒ ጌዔኔ፤ ታኣኮ ዴራ ጋዓንቴ ሃቺም ፑርቴኔ፤ ፔኤኮ ፑርቶ ማዾናኣ ዒኢቴኔ።»
\p
\v 8 ናንጊና ናንጋ ጎዳ ሂዚ ጋዓኔ፦ «ዻካሮ ጊቢ ዳንዳዑዋቴ፤ ታኣኒ ዔያቶ ዑፃ ዎጋንዳ ዎዴ ዬዓንዳኔ፤ ሜሌ ዴሮንታ ካኣቶንታ ቡኪሲ ታኣኮ ዼኤፖ ዻጎ ታ ዔያቶ ዑፃ ኬይሳንዳኔ፤ ታኣኮ ዬያ ዻጎ ዎልቃዺፆፓ ዔቄያና ሳዓ ሙይንቲ ባይቃንዳኔ።
\p
\v 9 «ዬኖ ዎዶና ሜሌ ዴሮ ፒዜ ጌኤሲ ታኣኒ ጌስቲሳንዳኔ፤ ዬያ ታኣኒ ማዻንዳሢ ቢያ ዓሲ ታና፥ ናንጊና ናንጋ ጎዳኮ ሱንፆ ዔኤላንዳጉዲና ፔቱሞና ታኣም ማዻንዳጉዲኬ። 
\v 10 ዜሪንቲ ዴንዲ ናንጋ፥ ታና ካኣሽካ ዴራ ዒቶጲያ ዎሮኮ ሱካፓ ታኣም ዒንጎንዶ ባኣዚ ዔኪ ሙካንዳኔ። 
\v 11 ዖቶርቃ ዓሶና ሄርሺንታ ዓሶ ታ ዒንሢ ባኣካፓ ሺኢሻንዳሢሮ ታኣም ዒንሢ ዓይሢንቶ ዒፂ ዻቤ ዻቢንቶሮ ዬኖ ዎዶና ዒንሢ ቦርሲንታዓኬ፤ ሃካፓ ሴካ ታኣም ዱማዼ ዹኮይዳ ዴይ ዒንሢ ዖቶርቃዓኬ። 
\v 12 ዒንሢ ባኣካፓ ፔና ሂርኪዲ ሼሌዔዞንሢ ታኣኒ ዓይሳንዳኔ፤ ዔያታ ታና ጉሙርቂ፥ ታ ማኣዶዋ ኮዓያ ማዓንዳኔ። 
\v 13 ዲዒንታፓ ዓቴ ዒስራዔኤሌ ዴራ ዓይጎ ዓሲ ዑስካኣ ፑርታ ባኣዚ ማዻዓኬ፤ ሉኡዙሞዋ ሉኡቃዓኬ፤ ዔያታ ፔ ዻንጎና ጌሺያ ጌሻዓኬ፤ ዬያሮ ዔያታ ሙኡዚ ሙዒ ኮሺና ሃውሺ ናንጋንዳኔ፤ ዔያቶ ዒጊቻንዳ ባኣዚያኣ ባኣሴ።» \x - \xo 3፡13 \xo*\xt ዮሃ. ፆፔዻ 14፡5።\xt*\x*
\s1 ዎዛ ዓይኑሞ
\q
\v 14 ፂዮኔ ናዔሌ! ዓይናዼ!
\q2 ዒስራዔኤሌ ዴሬዮቴ!
\q2 ዓይናዹዋቴ! ዒላሹዋቴ!
\q ዬሩሳላሜ ዴሬዮቴ!
\q2 ጉቤ ዒናፓ ዎዛዹዋቴ።
\q
\v 15 ናንጊና ናንጋ ጎዳ ዒንሢዳ ዓጋኒ ማሌ
\q2 ፑርቶ ሜታሢ ሺኢሼኔ፤
\q2 ሞርኮዋ ዒንሢኮ ዒ ባይዜኔ፤
\q ዒስራዔኤሌ ዓሶኮ ካኣታሢ፥ ናንጊና ናንጋ ጎዳ
\q2 ዒንሢ ባኣኮይዳኬ፤
\q2 ሃካፓ ሴካ ባይሲንታ ኑና ሄላንዳኔ ጌይ ዒንሢ ዒጊጫዓኬ።
\q
\v 16 ዬኖ ዎዶና ዬሩሳላሜ ዛሎ ሂዚ ጌይንታንዳኔ፦
\q2 «ፂዮኔ ካታሜሌ! ዒጊጪፖ!
\q2 ኩጫ ኔኤኮ ዶጮፓ!
\q
\v 17 ናንጊና ናንጋ ጎዳ ማዔ ኔ ፆኦዛሢ ኔኤና ዎላኬ፤
\q2 ዒዚ ፔ ዎልቆና ኔና ባሺሳንዳኔ፤
\q ናንጊና ናንጋ ጎዳ ኔኤኒ ዎዛሳያ ማዓንዳኔ፤
\q2 ፔ ናሹሞና ኔና ዒ ዓካሳንዳኔ፤
\q ዴራ ቦንቾ ኬሊና ዓይኑሞና ዎዛዻሢጉዲ
\q2 ዒዛኣ ኔኤኒ ዎዛሳያ ማዓንዳኔ።»
\q
\v 18 ናንጊና ናንጋ ጎዳ ሂዚ ጋዓኔ፦
\q2 «ቦንቾ ኬሊና ዎዛዺንታ ዎዛጉዲ ታ ኔና ዎዛሳንዳኔ፤
\q2 ሃካፓ ሴካ ፔቴታዖ ኔ ቦርሲንታዓኬ።
\q
\v 19 ኔና ሄርቂ ዎይሣዞንሢዳ ቢያ ዬኖ ዎዶና ሜቶ ታኣኒ ዓጋንዳኔ፤
\q2 ኔኤኮ ዎቦ ዓሶ ቢያ ታኣኒ ዓውሳንዳኔ፤
\q ዱማዺ ዣኣሌዞንሢያ ማሂ ታ ቡኩሳንዳኔ፤
\q2 ዔያታ ቦርሲንታንዳጉዲ ማዾና ቤዞይዳ ቢያ
\q2 ቦርሲንቶ ዔያቶኮ ጋላታና ቦንቾና ማሂ ታኣኒ ላኣማንዳኔ።»
\q
\v 20 ናንጊና ናንጋ ጎዳ ሂዚ ጋዓኔ፦
\q2 «ዬኖ ዎዶና ታ ዒንሢ ቡኩሲ ጊንሣ ዒንሢ ዓጮ ማሃንዳኔ፤
\q2 ዒንሢ ዒንሢ ዓኣፖና ዛጋንቴ ታ ዒንሢኮ ዲዒንቲ ዔኮና ባኮ ማሃኣና
\q2 ሳዖይዳ ዓኣ ሜሌ ዴሮ ቢያሢ ባኣካ
\q2 ዒንሢ ቦንቺቴያና ዔርቴያ ማዓንዳኔ።»