\id SNG - MAALE Full Bible
\ide UTF-8
\h ቢያፓ ባሼ ዓይኑሞ
\toc1 ቢያፓ ባሼ ማዔ ዓይኑሞ
\toc3 ቢባ. ዓይ
\toc2 ቢያፓ ባሼ ዓይኑሞ
\mt1 ቢያፓ ባሼ ማዔ ዓይኑሞ
\imt ዓይፆ ካሮ
\ip «ቢያፓ ባሼ ማዔ ዓይኑሞ» ጌይንቴ፥ ሃና ማፃኣፓ ናሹሞ ካላሊ ጊኢጊሾናያኬ፤ ዬንሢ ካላሎንሢዳፓ ባሼሢ ፃኣፒንቴሢ ዓይኑሞ ጎይሢ ማዓዛ ዓቲንቃሢ ላኣሌሎም፥ ላኣሌላ ሃሣ ዓቲንቃሢም ዓይናዼያኬ። ሃና ማፃኣፔላ ፔቴ ፔቴ ቡሊፆ ማፃኣፖይዳ «ሴሎሞኔኮ ቢያፓ ባሻ ዓይኑሞ» ጌይንታዛ ሜሌ ማፃኣፖይዳ ጊንሣ «ዓይኑሞይዳፓ ቢያ ባሼ ኮሽካ ዓይኑሞ» ጌይንቲ ዔርታኔ፤ ሜሌ ቡሊፆ ማፃኣፖይዳ ሃሣ «ሴሎሞኔ ዓይኑሞ» ጌይንታኔ፤ ዓይጎሮ ጌዔቴ ዔብሬ ዓሶ ሙኡጮ ማፃኣፖይዳ ዬይ ዓይኑማ ሴሎሞኔሮ ማዔያታሢ ዔርቴሢሮኬ።
\ip ሃና ዓይኑማ ኪሪስቶሴና ሺኢጲፆ ማኣሮና ባኣካ ዓኣ ናሹሞ ዔርዛ ኮኦኪንሢ ዓርቄያኬ፤ ዓይሁዶ ዓሳ ጋዓንቴ «ፆኦሲና ዒስራዔኤሌ ዴሮና ባኣካ ዓኣ ናሹሞ ዔርዛ ኮኦኪንሢ ዓርቄያኬ» ጋዓኔ።
\iot ማፃኣፔላ ዱማ ዱማ ዓርቄ ባኮ
\io1 ቤርታሳ ዓይኑሞ (1፡1—2፡7)
\io1 ላምዓሳ ዓይኑሞ (2፡8—3፡5)
\io1 ሃይሣሳ ዓይኑሞ (3፡6—5፡1)
\io1 ዖይዳሳ ዓይኑሞ (5፡2—6፡3)
\io1 ዶንጋሳ ዓይኑሞ (6፡4—8፡4)
\io1 ላሃሳ ዓይኑሞ (8፡5-14)
\c 1
\p
\v 1 ሴሎሞኔ ዓይናዼ፥ ቢያፓ ባሻ ዓይኑሞ \x - \xo 1፡1 \xo*\xt 1ካኣቶ. ማ 4፡32።\xt*\x*
\s1 ቤርታሳ ዓይኑሞ
\sp ዑኡቴሎ ዓይኑሞ
\q
\v 2 ናሹማ ኔኤሲ ዎይኖ ዑዣፓ ባሼ ታና ዎዛሳያ ማዔሢሮ
\q2 ኔ ሙሱራ ታና ሄርቆንጎ።
\q
\v 3 ኔኤኒ ቲሽቴ ቲዣ ቃራ ሳውቃያኬ፤
\q2 ሱንፆ ኔኤኮ ዔኤሊፃ ሳውቃ ቲዦ ፑኡኪሢጉዲኬ፤
\q2 ዉዱራሢ ኔና ናሽካሢ ዬያሮኬ።
\q
\v 4 ኩጮ ታኣኮ ዓርቂ ጎቺ ታና ዔኪ ዓኣዼ፤
\q ኑ ዎላ ዑካዺ ዓኣዾም፤
\q2 ካኣቲ ፔ ቆልዖ ጋሮ ታና ዔኪ ጌልዜኔ።
\sp ዑኡቴሎኮ ላጎ ዓይኑሞ
\q ኔኤኮ ናሹማ ኮሺ ኑና ዎዛሳኔ፤
\q2 ዎይኖ ዑዦይዳፓ ባሼ ናሹሞ ኔኤሲ ኑ ሄርሻኔ።
\sp ዑኡቴሎ ዓይኑሞ
\q ዔያታ ኔና ሃያይዲ ናሽካሢ ፒዜኬ።
\q
\v 5 ዒንሢ ዬሩሳላሜ ዓጮ ዉዱራሢ ዋይዙዋቴ!
\q2 ታኣኒ ካርሢኬ፤
\q2 ማዔቴያ ታኣኒ ሚዛጲኬ፤
\q2 ካርሡማ ታኣኮ ቄዳሬይዳ ዓፒሎና ማዢንቴ ማኣሮጉዲኬ፤
\q2 ሚዛጱማ ታኣኮ ጋዓንቴ ሴሎሞኔኮ ካኣቱሞ ማኣሮ ጎኦቦ ዓፒሎጉዲኬ።
\q
\v 6 ታና ካርሤሢ ዓቦ ሩኡጶኬ፤
\q2 ታኣኒ ካርቴሢሮ ታና ቶኦቺፖቴ፤
\q2 ታ ዒንዶ ናኣቶ ማዔ ታ ጌርሲንሢ ታኣና ፑርቴሢሮ
\q2 ዎይኖ ጎዦ ታና ዔያታ ካፒሴኔ፤
\q2 ዬያሮ ታኣኒ ታ ዎይኖ ጎዦ ካፒፆ ሃሼኔ።
\q
\v 7 ታ ዒሼ! ታኣም ሂንዳ ኬኤዜ፤
\q2 ኔኤኮ ማራቶ ኔኤኒ ዓንካ ሄንቃይ?
\q2 ዓባ ሳዛ ማዓኣና ኔ ዔያቶ ዓንካ ቃኣቲሳንዳቴያ ታኣም ኬኤዜ፤
\q2 ታ ኔና ኮይፆ ኔ ላጎ ቆልሞ ጊንፆ ዓኣዺሢና
\q2 ዓፒላ ቶኦኪና ጉኡሊንቴ ላኣሊጉዲ ማዒሢና
\q2 ዣኣሊ ሺራሢ ዓይጎሮዳይ?
\b
\sp ዑኡቴሎኮ ላጎ ዓይኑሞ
\q
\v 8 ኔኤኒ ላኣሎይዳፓ ቢያ ባሼ ሚዛጴሌ!
\q2 ቤዞ ኔ ዔሩዋያ ማዔቴ
\q2 ማራቶ ኮጲዞ ዓርቂ ዓኣዼ፤
\q ዋናናኣቶ ኔኤኮ
\q2 ሞኦፆ ናኣቶ ጉርዶ ዓጫ ሄንቄ።
\b
\sp ዑኡታሢ ዓይኑሞ
\q
\v 9 ታ ሚሼ! ጊብፄ ካኣቲኮ ሳርጌሎ ዖይቶ ጎቻ
\q2 ፓራሢ ባኣካ ዓኣ ዒንዶ ፓሮ ኔኤኒ ማላኔ፤
\q
\v 10 ጋንጋራ ኔኤኮ ሚዛጲ ሙሊሢ ሹቺጉዲኬ፤
\q2 ባቃና ኔኤኮ ሚዛጶ ፓልማሢና ማዒ ዴንቃያኬ።
\q
\v 11 ኑኡኒ ጋዓንቴ ቢራ ዓንጊ ፓልሞ
\q2 ዎርቄና ሚዛጲሶናያ ኔኤም ኮሻንዳኔ።
\b
\sp ዑኡቴሎ ዓይኑሞ
\q
\v 12 ካኣቲ ቃሚፆ ሻኣሎይዳ ሙዖሮ ዴይ ዓኣንቴ
\q2 ታኣኮ ሳውቃ ቲዦ ሳውማ ጋሮ ዒዛኮ ዔኬኔ።
\q
\v 13 ታ ዒሼ፥ ታኣኮ ዻንፆ ባኣካ ላሃ
\q2 ሳውማ ዒዛኮ ዖሺንቲ ዓኣ ኬርቤጉዲኬ።
\q
\v 14 ታ ዒሼ፥ ዒንጌዴ ጌይንታ ዎይኖ ቱኮ ቤዛ
\q2 ባቃሊ ዓኣ ቦኦሊ ቡኒጉዲኬ።
\b
\sp ዑኡታሢ ዓይኑሞ
\q
\v 15 ታ ሚሼ! ዎዚ ኔኤኒ ሚዛጳይ!
\q2 ዓውካራ ኔኤኮ ዎዚ ኮሽካይ!
\q2 ዓኣፓ ኔኤኮ ዶኦሌ ዓኣፒጉዲ ሚዛጳኔ።
\b
\sp ዑኡቴሎ ዓይኑሞ
\q
\v 16 ታ ዒሼ! ኔኤኒያ ሚዛጲታንቴሞ፤
\q2 ኮሺ ኔ ታና ዎዛሳኔ፤
\q2 ሻኣላ ኑኡኮ ዋርቂ ዓኣ ማኣቲጉዲ ዎዛሳያኬ።
\sp ዑኡታሢ ዓይኑሞ
\q
\v 17 ማኣሮኮ ኑኡኮ ቱርቱራ ሊባኖኦሴ ሚፆኬ፤
\q2 ሳካኣ ዚቢቆ ሚፆና ማዢንቴያኬ።
\c 2
\sp ዑኡቴሎ ዓይኑሞ
\q
\v 1 ታኣኒ፥ ሳኣሮኔ ቦኦሎ ቡኖጉዲ
\q2 ዶኦቺዳ ባቃሌ ሚዛጲ ቡኒጉዲኬ።
\b
\sp ዑኡታሢ ዓይኑሞ
\q
\v 2 ታኣኮ ሚሼላ፥ ኔኤኒ ዉዱራሢ ባኣካ ጴዻ ዎዶና
\q2 ዓንጊሢ ባኣካ ዓኣ ሚዛጲ ቡኒጉዲኬ።
\b
\sp ዑኡቴሎ ዓይኑሞ
\q
\v 3 ታኣኮ ዒሼ፥ ሜሌ ዼጌሢና ዎላ ቤኤዞዛ
\q2 ካዮ ሚፆ ባኣካ ሚዛጲ ጴዻ ጋሲጉዲኬ፤
\q ታኣኒያ ሚርጌ ታና ዎዛሴም ዒዛኮ ሺባ ዴይ ሃውሼኔ፤
\q2 ዓኣፖዋ ሙይ ታኣኒ ዎዛዼኔ።
\q
\v 4 ዒዛኮ ሙዖ ሙዎ ዳልጎ ኬኤፆ ታና ዒ ጌልዜኔ፤
\q2 ዒ ታ ዑፃ ባንዴራ ማሂ ዓርቄ ባካ ናሹሞኬ።
\q
\v 5 ታ ዒዛ ናሽኪ ሃርጊንቴሢሮ
\q2 ዎይኖኮ ሜሌ ዓኣፖ ሙኡዚ ታና ዶዲሹዋቴ፤
\q2 ጋዞ ዓኣፖዋ ሙኡዚ ታና ዎዛሱዋቴ።
\q
\v 6 ፔኤኮ ሻውሎ ኩጮ ኬሬ ማሂ ጌሣኔ፤
\q2 ሚዛቆ ኩጮና ታና ዒ ኮንቃኔ።
\q
\v 7 ዒንሢ፥ ዬሩሳላሜ ዉዱራሢ!
\q2 ዒዚ ፔኤሮ ኮዓንዳያ ሄላንዳኣና
\q2 ዒዛ ዒንሢ ካኣሚ ጴቹዋጉዲ፤
\q2 ካዮ ቦዖ፥ ዶቆዞና ሞይሎ\f + \fr 2፡7 \fr*\fq ዶቆዞና ሞይሎ \fq*\ft ዬንሢ ቦዖንሢ ሚናኣ ጫኣቁሞ ዎዶና ጌኤሺ ቦዖኬ ጌይ ካኣሽኪንታሢሮ ዔያቶኮ ዱማ ዎልቄ ዓኣኔ ጌይ ዬኖ ዎዶ ዓሳ ጉሙርቃኔ።\ft*\f* ሱንፆና
\q2 ታኣኒ ዒንሢ ሺኢቃኔ።
\s1 ላምዓሳ ዓይኑሞ
\sp ዑኡቴሎ ዓይኑሞ
\q
\v 8 ታ ዒሼ ዹኮና ጌሜሮና ዑፃ ኮኦሚ ኮኦሚ ሙካኣና
\q2 ዑኡዛ ዒዛሲ ታኣም ዋይዚንታኔ።
\q
\v 9 ታኣኮ ዒሼ፥ ሞይሌና ዶቆሲናኮ ናይ ማላኔ፤
\q2 ሃይሾ ኑ ማኣሮኮ ቲኢፆ ዓጫ ዒ ዔቂ ዓኣኔ፤
\q ማኣሮኮ ፑልቶ ካሮና ጋሮ ባንሢ ዒ ዛጋኔ፤
\q2 ፑልቶ ካራ ጋሲ ኮሾና ፂኢኖና ሞኦኪ ዒ ታና ዛጋኔ።
\q
\v 10 ታ ዒሼ ሂዚ ታኣም ጋዓኔ፦
\b
\sp ዑኡታሢ ዓይኑሞ
\q ታ ሚሼሌ! ዔቄ፤
\q2 ታኣኮ ሚዛጴሌ! ሃኒ ዬኤ ኑ ዎላ ዓኣዾም፤
\q
\v 11 ማይ፥ ባርጋ ጋፔኔ፤
\q2 ዒራኣ ሻንቄኔ፤
\q
\v 12 ዱማ ዱማ ቦኦሎ ቡና ቡኒፆ ዓርቄኔ፤
\q2 ዓይናዺ ኮርጎ ዎዳ ሄሌኔ፤
\q2 ዶኦሎ ዱላሢያኣ ኑ ዓጫ ዋይዚንታኔ።
\q
\v 13 ቤሌሶ ሚፃ ዓሚፆ ዓርቄኔ፤
\q2 ዎይኖ ቡኖ ሳውማ ሳዖ ዔኬኔ፤
\q ዬያሮ ታ ሚሼሌ! ዔቄ፤
\q2 ታኣኮ ሚዛጴሌ! ሃኒ ዬኤ ኑ ዎላ ዓኣዾም።
\q
\v 14 ጋጋ ዓኣ ላሎ ዛኣዚንፆይዳ
\q2 ዓኣሺንቲ ዴዔ ታኣኮ ዶኦሌሌ
\q ሂንዳ ዓኣፖ ካሮ ኔኤኮ ታና ዻዌ፤
\q2 ዑኡዞዋ ኔኤኮ ታና ዋይዚሴ፤
\q2 ዑኡዛ ኔኤኮ ታና ዎዛሳያ
\q2 ኔኤኒ ኮሺ ሚዛጳያኬ።
\m ዑኡቴሎኮ ጌርሲንሢ ዓይኑሞ
\q
\v 15 ዎይኖ ጎዣ ቡኒ ዓኣ ዎይኖ ፑርቲሳ
\q2 ዬያ ዻኮ ዻኮ ዉኡካሢ
\q2 ፒሪ ኑም ዓርቁዋቴ።
\b
\sp ዑኡቴሎ ዓይኑሞ
\q
\v 16 ታ ዒሼ ታኣሮኬ፥ ታኣኒያ ዒዛሮኬ፤
\q2 ዒዚ ሚዛጶ ቡኖ ባኣካ ቆልሞ ፔኤኮ ሄንቃኔ።
\q
\v 17 ዹማ ካራንዳያ ሄላንዳኣና
\q2 ጉቶ ዢባራ ዢባርሻንዳያ ሄላንዳኣና
\q ታ ዒሼ! ሞይሌ ናይ፥ ጊንሣ ሃሣ ዶቆሲ ናይጉዲ
\q2 ጋጎ ማዔ ዹኮ ቶኦካ ኮኦሚ ኮኦሚ ማዒ ሙኬ።
\c 3
\q
\v 1 ዋንቶ ጉቤ ሻኣሎይዳ ታ ላሃዖ
\q2 ዒናፓ ታ ናሽኬሢ ታኣኒ ኮዔኔ፤
\q2 ታ ኮዔኔ፥ ጋዓንቴ ታ ዒዛ ዴንቂባኣሴ።
\q
\v 2 ሃሢ ታኣኒ ዔቂ ካታሞ ኬስካንዳኔ፤
\q2 ዼኤፖ ጎይፆና ዓሳ ቡካ ጶኦኮናይዳ ታ ሃንታንዳኔ፤
\q ዒናፓ ታ ናሽኬሢ ታ ኮዓንዳኔ፤
\q2 ታ ዒዛ ኮዔኔ፥ ጋዓንቴ ታኣኒ ዴንቂባኣሴ።
\q
\v 3 ዒማና ካታሞ ሳዛ ሃንታ
\q2 ካታሞ ካፓ ዓሳ ታና ዴንቄኔ፤
\q ታኣኒያ ዔያቶ ኮራ
\q2 «ዒናፓ ታ ናሽካ ናዓሢ ዒንሢ ዴንቂያ?» ጌይ ዖኦጬኔ።
\q
\v 4 ዔያቶይዳፓ ዻካ ታ ዓኣዻዖ
\q2 ዒናፓ ታ ናሽካሢ ታኣኒ ዴንቄኔ፤
\q2 ቶሉዋጉዲ ዶዲሺ ታ ዒዛ ዓርቄኔ፤
\q ዬካፓ ታ ዒንዶ ማኣሪ ታ ዒዛ ዔኪ ዓኣዺ
\q2 ታና ፔ ጎጳ ኬዴ፥ ታ ዒንዶ ቆልዖ ሄሊሳንዳኣና
\q2 ታ ዒዛ ሃሺባኣሴ።
\b
\q
\v 5 ዒንሢ ዬሩሳላሜ ዉዱራሢ!
\q2 ታ ናሽካሢ ፔኤሮ ኮዓንዳያ ሄላንዳኣና
\q2 ዒንሢ ዒዛ ካኣሚ ጴቹዋጉዲ
\q2 ካዮ ቦዖ፥ ዶቆዞና ሞይሎ\f + \fr 3፡5 \fr*\fq ዶቆዞና ሞይሎ \fq*\ft ጋዓዞ፦ ዓይሢ 2፡7ይዳ ዛጌ።\ft*\f* ሱንፆና
\q2 ታ ዒንሢ ሺኢቃኔ።
\s1 ሃይሣሳ ዓይኑሞ
\q
\v 6 ኮርሞ ዓሶኮ ሳውቃ ዼኤሾጉዲ ቃራ ሳውሞ ዓኣ
\q2 ዑንጄና ኬርቤ ጩቦናጉዲ ዔቂ
\q2 ዓሳ ናንጉዋ ዳውላፓ ሙካዛ ዬና ዖናዳይ?
\q
\v 7 ሃይሾ፥ ሴሎሞኔኮ ሳርጌሎ ዖይታ ሙኪ ሙኪኬ፤
\q2 ዒስራዔኤሌኮ ዖሎና ዔርቴ ዓሶ ባኣካፓ ዶኦሪንቴያ
\q2 ዒዞ ካፓ ላሂታሚ ፖኦሊሴ ዎላ ዓኣኔ።
\q
\v 8 ቢያሢ ጬንቾ ዓፓሮና ዖልቶ ጎይፆ ዔሬያ
\q2 ዖልዚናኣ ኮሺ ዔርቴያኬ፤
\q ዹሞና ሄላኒ ዳንዳዓ ሜቶ ቃዛኒ
\q2 ፔቴ ፔቴ ጬንቻ ዓፓሮ ኬርና ዔያታ ቱኡቲ ዓኣኔ።
\q
\v 9 ካኣቲ ሴሎሞኔ ፔኤም ሳርጌላ ዖይታ ኮሼኔ፤
\q2 ዒዚ ኮሼሢያ ሊባኖኦሴ ሚፆናኬ።
\q
\v 10 ዬያ ዖይቶኮ ቶካ ቢራ ዓንጊና ጳርቂንቴያኬ፤
\q2 ቶኦኮ ጌኤቂሶሢያ ዎርቄና ኮሾናያኬ፤
\q ዒ ዴዓ ቤዛኣ ዞቄ ዲንኪ ሻኣዣ ዓፒላና ካንቂንቴያኬ፤
\q2 ኬኤፆ ጋራ ዬሩሳላሜ ዉዱራሢ ሚዛጲሴያኬ።
\q
\v 11 ዒንሢ ፂዮኔ ዉዱራሢ! ካኣቲ ሴሎሞኔ ዛጋኒ ሃኒ ኬስኩዋቴ፤
\q2 ካኣቲ ሴሎሞኔ ፔኤኮ ቦንቾሮ ዓጎ ባኮ ዓጊ ዓኣሢ ዛጉዋቴ፤
\q2 ዒዛኮ ዬይ ቦንቾሮ ዓጎ ባካ ዒና ዒዛኮ ዎዛዼ
\q2 ዒዛኮ ዔፖ ዓቤሎና ዒንዳ ዒዛኮ ቶኦካ ዓጌ ቦንቾ ባኮኬ።
\c 4
\sp ዑኡታሢ ዓይኑሞ
\q
\v 1 ታ ሚሼሌ! ዎዚ ኔ ሚዛጳይ!
\q2 ዎዚ ኔኤኒ ኮሽካይ!
\q ዓኣፖ ካሮ ኔኤኮ ካንቆና ባኮ ባኣኪና ዓኣፓ ኔኤኮ ጴዻኣና
\q2 ዶኦሌ ዓኣፒጉዲ ሚዛጳያኬ፤
\q ቶኦኮ ጋማ ኔኤኮ ጌሌዓዴ ዹካፓ ጎዒ ኬዳ
\q2 ዺቢ ዋኣሪጉዲኬ።
\q
\v 2 ዓጫ ኔኤኮ ዔያቶ ባኣካ ሴኤካባኣ
\q2 ጉቤሢ ሜንቴ ሜንቴ ሾዓ
\q ጋፓኖ ታይዛዖዋ ዋኣሢና ማስታ
\q2 ቦኦሬ ማራይጉዲ ሚዛጳያኬ።
\q
\v 3 ሙሱራ ኔኤኮ ዲንኪ ዞቄ ፓቲሌጉዲ ሚዛጳኔ፤
\q2 ኔ ጌስታኣና ሚርጌና ኮሽካኔ፤
\q ኔኤኮ ላምዖ ዛሎ ጋንጋራ
\q ዓኣፖ ካሮ ካንቆና ባኮ ባኣኪና ጴዻኣና
\q2 ላምዖ ፓቂንቴ ሮኦማኔ ዓኣፒ ማላያኬ።
\q
\v 4 ባቃና ኔኤኮ ሺያና ፓይዲንታ ዖሎና ዔርቴ ዓሶኮ
\q2 ጊቲሞና ዖሎ ዓንጋሞና ሱፂንቲ ዴዓ
\q ዖልዚም ዋርዲያ ማዓንዳጉዲ ኮሺንቴያ
\q2 ዳውቴኮ ዼጌ ቤዞ ማላኔ።
\q
\v 5 ላምዖ ዻንፃ ኔኤኮ ሜንቴ ማይ ሾይንቴያ
\q2 ሚዛጶ ቡኖ ባኣካ ሄንቃ
\q2 ሞይሌ ናይ ማላኔ።
\q
\v 6 ሳዓ ካራንዳያ ሄላንዳኣና
\q2 ዹማ ፖዓንዳያ ሄላንዳኣና
\q2 ሌካ ኬርቤ ዹኮ
\q2 ጊንሣ ሃሣ ዑንጆ ጌሜሮ ታ ዴንዲ ሃውሻንዳኔ።
\q
\v 7 ታ ሚሼሌ! ጉቤ ካራና ኔኤኒ ሚዛጲኬ፤
\q2 ሃይማ ፓጬኔ ጎዖንዶ ባኣዚ ኔኤኮ ባኣሴ።
\b
\q
\v 8 ታኣኮ ዑኡቴሌ! ሊባኖኦሴፓ ታ ባንሢ ሃኒ ዬዔ፤
\q2 ሂዮ፥ ሊባኖኦሴፓ ታ ኮይላ ሙኬ።
\q ዓማኣና ዹኮ ቶኦካፓ ኬዴ፤
\q ዞቢና ማኣኪናኮ ናንጎ ቤዞ ማዔ
\q2 ሴኒሬና ሄርሞኔ ዹኮናፓ ኬዲ ሃኒ ዬዔ።
\q
\v 9 ታኣኮ ናሽኪንታያ ሜዔ ዑኡቴሌ
\q2 ፔቴና ኔኤኒ ታና ዛጌ ዛጎና
\q2 ኔኤኮ ቆርጮይዳ ዓኣ ሚዛጶ ፓልማሢና
\q2 ዒኖ ታኣኮ ኔኤኒ ዲዔኔ።
\q
\v 10 ታኣኮ ናሽኪንታ ዑኡቴሌ!
\q2 ናሹማ ኔኤሲ ዎዚ ታና ዎዛሳይ!
\q ናሹማ ኔኤሲ ዎይኖ ዑዣፓ ባሼ ታኣም ኮሽካኔ፤
\q2 ሳውቃ ቲዦኮ ሳውማ ሳዎ ቲዦ ቢያፓ ባሼኬ።
\q
\v 11 ታኣኮ ዑኡቴሌ! ኔኤኮ ሙሱራፓ ዔኤሲ ፆሎሊ ፆዻኔ፤
\q2 ዻንጋፓ ኔኤኮ ዔኤሲና ዲኢቂና ዓልቃኔ፤
\q2 ዓፒሎኮ ኔኤኮ ሳውማ ሊባኖኦሴይዳ ዓኣ ሳውቃ ዼኤሾጉዲኬ።
\b
\q
\v 12 ኔኤኒ ታኣኮ ናሽኪንታ ዑኡቴሌ!
\q2 ኔኤኒ ዲርቆና ዱማ ዱማ ባኣዚ ቱኮ ጎሺ
\q2 ጊንሣ ሃሣ ኮይላ ዲርቂንቴ ዓልቃ ዋኣሢኬ።
\q
\v 13 ኔኤኮ ሃንቶ ጎይፃ ዓኣሢ ዓኣፒ ኩሜ
\q2 ሮኦማኖ ሚፃ ዓኣ ጎሺጉዲኬ።
\q
\v 14 ናርዶኦሴ፥ ሃምባልታ፥ ዳጅሳኣሬንታ ቄሬፓንታ
\q2 ዬያጉዲ ሳውማ ዑንጄጉዲ ማዔ
\q2 ዱማ ዱማ ቱኮና ባኣዚ ዒዞይዳ ዓኣኔ፤
\q ኬርቤንታ ዋላንጎ ቡኒንታ
\q2 ዱማ ዱማ ሳዊ ዼኤሻ ዒኢካ ባቃላኔ።
\q
\v 15 ኔኤኒ ቱኪንቴ ዱማ ዱማ ባኮ ዑሻ ዓልቃ ዋኣሢጉዲኬ፤
\q2 ዓልቃ ዋኣሢ ዓኣ ዋኣሢ ዔቴጉዲኬ፤
\q2 ዬያ ሌሊቱዋንቴ ሊባኖኦሴ ዹኮ ዴማፓ ዓልቃ ዎርዚጉዲኬ።
\b
\sp ዑኡቴሎ ዓይኑሞ
\q
\v 16 ኬዶ ባንፆ ዢባራሢዮ! ጴጪ ዔቄ!
\q2 ኔኤኒ ሃሣ ዾኦሎ ባንፆ ዢባራሢዮ! ሃኒ ሙኬ!
\q2 ታኣኮ ዱማ ዱማ ባኮ ቱኮና ቤዞይዳ ዢባርሼ፤
\q2 ዬይ ዢባራ ኮሺ ሳውሞ ዓኣያ ማዖንጎ፤
\q ታ ዒሼ፥ ዱማ ዱማ ባኮ ቱኮና ቤዞ ሙኮንጎ፤
\q2 ኮሺ ዓኣፃያ ማዔ ሚፆ ዓኣፖዋ ሙዖንጎ።
\c 5
\sp ዑኡታሢ ዓይኑሞ
\q
\v 1 ታኣኮ ናሽኪንታ ዑኡቴሌ!
\q2 ሃይሾ ታኣኒ ታኣኮ ዱማ ዱማ ባኮ ቱኮና ጎዦ ጋሮ ጌሌኔ፤
\q ኬርቤንታ ዱማ ዱማ ሳውቃ ቡኖ ታኣኒ ማንፄኔ፤
\q2 ዔኤዞ ፆሎሎ ሾፖና ዎላ ታኣኒ ሙዔኔ፤
\q2 ዎይኖ ዑዦንታ ዲኢቆንታ ታኣኒ ዑሽኬኔ።
\b
\s1 ዑኡቴሎ ላጎንሢ ዓይኑሞ
\q ኑ ላጎንሢዮቴ!
\q2 ናሹሞ ዒንሢ ዒና ዓኣሣንዳያ ሄላንዳኣና
\q2 ሙይ፥ ዑሽኩዋቴ።
\b
\s1 ዖይዳሳ ዓይኑሞ
\sp ዑኡቴሎ ዓይኑሞ
\q
\v 2 ታኣኒ ጊንዓዛ፥ ዒና ታኣኮ ጋዓንቴ ጴቺኬ፤
\q2 ታ ዒሼ ሂዚ ጌይ ዔኤሊንታንቴ ታ ዋይዜኔ፤
\q2 «ታኣኮ ናሽኪንታ ዑኡቴሌ!
\q2 ሃይማ ፓጬኔ ጌይሳ ባኣዚ ባኣ ዶኦሌሌ!
\q2 ሃዳራ ካሮ ታኣም ቡሌ፤
\q2 ቶኦካ ታኣኮ ዖልካዼኔ፤
\q2 ጋማኣ ታኣኮ ዋንታኣ ቃኣያሢና ዎዔኔ።»
\q
\v 3 ማኣዓሢ ታኣኮ ታኣኒ ኬሴኔ፤
\q2 ማይ ጊንሣ ታኣኒ ማኣዖንዶ?
\q ቶኮዋ ታኣኮ ታኣኒ ማስቴኔ፤
\q2 ዓካሪ፥ ጊንሣ ዎዲ ፑርቲሶንዶይ?
\q
\v 4 ታ ዒሼ ፂኢኖና
\q2 ኩጮ ፔኤሲ ዳኬኔ፤
\q2 ዒና ታኣኮ ዒዛ ጋይቴ ዱጴኔ።
\q
\v 5 ዬያሮ ታ ዒሾም ካሮ ቡላኒ ታኣኒ ዔቄኔ፤
\q2 ካሮ ጎቺ ቡሎ ባኮ ታኣኒ ዓርቃዛ
\q2 ኩጫ ታኣኮ ኬርቤ ፆዺሴኔ፤
\q2 ኬኤላኣ ታኣኮ ዬያ ሌሊ ማዔኔ።
\q
\v 6 ታ ዒሾም ካሮ ታኣኒ ቡሌኔ፤
\q2 ጋዓንቴ ታ ዒሼ ባኣሴ፥ ዴንዴኔ፤
\q ዬያሮ ዒና ታኣኮ ኮሺ ዱጴኔ፤
\q2 ሚርጌና ታ ኮዔኔ፥ ጋዓንቴ ዒዛ ዴንቃኒ ዳንዳዒባኣሴ፤
\q2 ታ ዒዛ ዔኤሌኔ፥ ጋዓንቴ ዒ ታኣም ዬሂባኣሴ።
\q
\v 7 ካታሞ ሳዞ ሃንቲ ሃንቲ ካፓ ዓሳ ዒማና ታና ዴንቄኔ፤
\q2 ዔያታ ታና ጳርቂ ማኣሳንሤኔ፤
\q ኬኤሎ ዲፆ ዑፃ ዴዒ ካታሞ ካፓ ዓሳ
\q2 ዖዶዞ ማኣዓሢ ታኣኮ ጉሲ ዔኬኔ።
\b
\q
\v 8 ዒንሢ ዬሩሳላሜ ዉዱራሢ
\q2 ታ ዒሾ ዒንሢ ዴንቄያ ማዔቴ
\q ታኣኒ ዒዛ ማሊፃፓ ዔቄያና ሃርጊንቴያታሢ
\q2 ዒንሢ ዒዛም ኬኤዛንዳጉዲ ታ ሺኢቃኔ።
\b
\sp ዑኡቴሎ ላጎንሢ ዓይኑሞ
\q
\v 9 ኔኤኒ ላኣሎ ቢያይዳፓ ሚዛጴሌ!
\q2 ጎኔና ዒሼ ኔኤኮ ሃንጎ ዓሶይዳፓ ዱማዻ?
\q ኔ ዒዛ ዛሎ ሃያይዲ ሃዳርሳሢ?
\q2 ዒዚ ሜሌ ዓሶይዳፓ ዱማዻሢ ዓይጎናዳይ?
\b
\sp ዑኡቴሎ ዓይኑሞ
\q
\v 10 ዒሼ ታኣኮ ኮሺ ሚዛጳያ ሃሣ ሃርጌ ባኣያኬ፤
\q2 ታጶ ሺያ ዓቲንቄ ባኣካፓ
\q2 ዒዛ ሄላያ ባኣሴ።
\q
\v 11 ቶኦካ ዒዛኮ ጌኤሺ ዎርቄ ማላኔ፤
\q2 ጋሞ ዒዛኮ ጋምፒ ማዦናያ ቁራኬጉዲ ካርታያኬ።
\q
\v 12 ዓኣፓ ዒዛኮ ዎርዚ ዓቺዳ ዓኣ
\q2 ዑፆ ፔኤኮ ዲኢቂና ማስቴ ዶኦሌ ማላኔ።
\q
\v 13 ጋንጋሮ ሚዛጱማ ዒዛኮ ዱማ ዱማ ሳውቃ ዼኤሻ
\q2 ባቃሊ ዓኣ ጎሺጉዲኬ።
\q ሙሱራ ዒዛኮ ቃራ ሳውሞ ዓኣ ኬርቤ ጌይንታ ዼኤሾ
\q2 ፆዺሳ ሚዛጶ ቡኖጉዲኬ።
\q
\v 14 ቃሳ ዒዛኮ ሚዛጶ ሹዎና ሚዛጲሶና ዎርቄ ኮኦሎጉዲኬ፤
\q2 ዑፃ ዒዛኮ ሴንፔሬ ጌይንታ ሚዛጶ ሹዎና ሚዛጲሶና ዳርሲ ዓቺጉዲኬ።
\q
\v 15 ቶካ ዒዛኮ ዎርቄይዳ ዾቂንቴ
\q2 ዒብኔቤሬዴ ጌይንታ ሹዎ ቱርቱሮ ማላኔ፤
\q ማላሢ ዒዛኮ ሊባኖኦሴ ሚፆና ሚዛጲሶና
\q2 ሊባኖኦሴ ዹኮጉዲኬ።
\q
\v 16 ዻንጋ ዒዛኮ ዔኤሲጉዲ ዓኣፃያኬ፤
\q2 ጉቤና ዒዚ ኮሺ ሚዛጳኔ፤
\q ዒንሢ፥ ዬሩሳላሜ ዉዱራሢዮቴ
\q2 ታኣኮ ዒሼ ያዺኬ፤ ታ ላጋሢያ ዒዛኬ።
\c 6
\sp ዑኡቴሎ ላጎንሢ ዓይኑሞ
\q
\v 1 ኔኤኒ ላኣሎ ቢያይዳፓ ሚዛጴሌ!
\q2 ኔ ዒሼ ዎዚም ዓኣዼይ?
\q ኑ ዎላ ዒዛ ኮዓንዳጉዲ
\q2 ዒ ዴንዴ ባንፆ ኔ ኑም ኬኤዜ።
\b
\sp ዑኡቴሎ ዓይኑሞ
\q
\v 2 ታኣኮ ዒሼ ማራቶ ሄንቃኒና
\q2 ሚዛጶ ቡኖ ዔካኒ
\q2 ዱማ ዱማ ሳውቃ ዼኤሻ ቱኪንቴ ቤዞ ዓኣዼኔ።
\q
\v 3 ታ ዒሼ ታኣሮኬ፥ ታኣኒያ ዒዛሮኬ፤
\q2 ዒዚ ሚዛጶ ቡኖ ባኣካ ቆልሞ ሄንቃኔ።
\s1 ዶንጋሳ ዓይኑሞ
\sp ዑኡታሢ ዓይኑሞ
\q
\v 4 ታ ሚሼሌ! ኔኤኒ ቲርፃ ካታሞጉዲ ሚዛጳኔ፤
\q2 ዬሩሳላሜ ካታማ ኮሽካሢጉዲ ኔኤኒ ኮሽካኔ፤
\q ዖሎ ባንዲሮ ዓርቂ ኬስኬ ዓሶጉዲ
\q2 ዓውካራ ኔኤሲ ዓሲ ዲቃሣያኬ።
\q
\v 5 ታ ሚሼሌ፥ ሃዳራ ዓኣፖ ኔኤኮ ታጊዳፓ ሺርሼ፤
\q2 ዬይ ዓኣፓ ኔኤኮ ታና ዲዒ ዔኪ ቱኡሲ ዓሲ ማሄኔ።
\q ቶኦኮ ጋማ ኔኤኮ ጌሌዓዴ ዹካፓ
\q2 ጎዒ ኬዳ ዋኣሪጉዲኬ።
\q
\v 6 ዓጫ ኔኤኮ ዔያቶ ባኣካ ፔቴታዖ ሴኤካባኣ
\q2 ሜንቴ ሜንቴ ሾዓያና ዋኣሢና ማስቴ
\q2 ቦኦሬ ማራይጉዲ ዎዛሳያኬ።
\q
\v 7 ኔኤኮ ላምዖ ዛሎ ጋንጋራ
\q2 ዓኣፖ ካሮ ካንቆና ባኮ ባኣኪና ጴዻኣና
\q2 ላምዖ ፓቂንቴ ሮኦማኔ ዓኣፒ ማላኔ።
\q
\v 8 ላሂታሚ ጌኤሾንሢንታ ሳሊታሚ ሌጎንሢንታ
\q2 ፓይዳ ዔርቱዋያ ማዔ ሚዛጲ ዉዱሮ ናይ ዓኣያ ማዓኒ ዳንዳዓኔ፤
\q
\v 9 ጋዓንቴ ታኣኒ ናሽካዛ ፔቴዞ ሌሊኬ፤
\q2 ዒዛ ሃይማ ፓጬኔ ጌይንታ ባኣዚባኣ
\q2 ዶኦሌጉዲ ሚዛጳያኬ፤
\q ዒዛ ፔ ዒንዶኮ ፔቴኬ፤
\q2 ዒዞ ሾኤ ዒንዳ ቢያፓ ዑሣ ዓኣሢ ዒዞ ናሽካኔ፤
\q ዉዱሮ ናኣታ ዒዞ ዛጊ ዛጊ «ኔ ዓንጂንቴያኬ» ጋዓኔ፤
\q2 ጌኤሾንሢንታ ሜሌ ሌጎንሢ ማዔ ካኣቲ ላኣላ ዒዞ ሄርሻኔ።
\b
\q
\v 10 ሃና ፖዒጉዲ ፖዒ ጴዻዛ
\q2 ዓጊኒ ዖይዺ ፖዓያጉዲ ፖዓዛ
\q2 ዓቢጉዲ ፖዒ ጴዻዛ
\q2 ዖሎ ባንዲሮ ዓርቂ ኬስኬ ዖሎ ዓሶጉዲ
\q2 ዓውካራ ዒጊቻያ ማዔዛ
\q2 ሃና ዖናዳይ?
\q
\v 11 ዶኦጮይዳ ባቃሊ ዋርቂ ዓኣ ባኮ ታኣኒ ዛጋኒ
\q2 ዎይና ቱሼቴ፥ ሮኦማናኣ ቡኔቴ ዛጋኒ
\q2 ሌውዞ ጎዦ ታኣኒ ኬዴኔ፤
\q
\v 12 ታ ዬያ ዔሪባኣንቴ፥ ታኣኮ ዓፃዺፃ ታና
\q2 ሳርጌሎ ዖይቶይዳ ካኣቲ ናይጉዲ ዔኪ ዴይሤኔ።
\b
\sp ዑኡቴሎ ላጎንሢ ዓይኑሞ
\q
\v 13 ኔኤኒ ሱላሜ ዓሲ ማዔዜሌ! ዔዞ ሃኒ ማዔቴራ፤
\q2 ኔና ኑ ኮሺ ዛጎም ሃዳራ ማዔቴራ።
\b
\sp ዑኡቴሎ ዓይኑሞ
\q ማሃናይሜ ኮፆ ዛጋ ዓሲ ማሂ
\q2 ሱላሜ ዓሴሎ ዒንሢ ዓይጋ ዛጋይ?
\c 7
\sp ዑኡታሢ ዓይኑሞ
\q
\v 1 ካኣቲ ናዔሌ!
\q2 ዱርዞ ዓኣሢ ዓኣ ቶካ ኔኤኮ ዎዚ ሚዛጳይ!
\q2 ጉባዛ ኔኤኮ ዓንጎ ሼኤሺ ኮሻ ዓሳ ሚዛጲሲ ኮሼ ፓልሞ ማላኔ።
\q
\v 2 ጉልዓ ኔኤኮ ዎይኔ ዑሺ ዓርሦና ቢሪሌ ማላኔ፤
\q2 ኬርና ኔኤኮ ሚዛጲ ቡኒ ሺርሺ ቱኮና
\q2 ዛርጎ ናቲጉዲኬ።
\q
\v 3 ላምዖ ዻንፃ ኔኤኮ ሜንቴ ሾይንቴ ሞይሌ ናይ ማላኔ።
\q
\v 4 ባቃና ኔኤኮ ዳርሲ ዓቺና ሚዛጲሶና ዼጌ ቤዞጉዲኬ፤
\q2 ዓኣፓ ኔኤኮ ዼኤፖ ካታሞ ሃሴቦኦኔ ጌሎ ካራ ዓኣ
\q2 ቦቆሎ ዋኣፆ ማላኔ።
\q ሲኢዻ ኔኤኮ ዒኢካ ዴዒ ዴማስቆ ዛጋኒ
\q2 ኮሾና ሊባኖኦሴይዳ ዓኣ ዼጌ ቤዞጉዲኬ።
\q
\v 5 ኔኤኮ ቶኦካ ቄርሜሎሴ ዹኮጉዲኬ፤
\q2 ኔኤኮ ማዢንቴ ቶኦኮ ጋማ ጉኡፂሲ ሱኮና ቃጪና ማላኔ።
\q2 ካኣቲ ኔኤኮ ዬያ ማዢንቴ ቶኦኮ ሚዛጱሞና ዲዒንቴኔ።
\b
\q
\v 6 ታ ሚሼሌ! ዎዚ ኔኤኒ ሚዛጳይ?
\q2 ዎዚ ኔኤኒ ኮሽካይ?
\q2 ኔ ናሽካ ናሹማ ዎዚ ዎዛሳይ?
\q
\v 7 ዔጳ ኔኤኮ ሜኤፄጉዲኬ፤
\q2 ዻንፃ ኔኤኮ ሜኤፆ ዓሞ ማላኔ።
\q
\v 8 ሜኤፆ ሚፆ ታኣኒ ጊዒ
\q2 ዓኣፖ ማንፂፆ ናሽካኔ፤
\q ዻንፃ ኔኤኮ ዎይኖ ዓሞጉዲኬ፤
\q2 ካሳ ኔኤኮ ጋሲ ካሢ ሳውቃያጉዲኬ።
\q
\v 9 ዻንጋ ኔኤኮ ቃራ ዎይኔ ዑሺጉዲኬ።
\b
\sp ዑኡቴሎ ዓይኑሞ
\q ያዺ ማዔቴ ኮዦ ዎይኖ ዑዣ
\q ታ ዒሾኮ ሙሱሮና ዓጮ ባኣኪና
\q2 ሻኣዺ ኬዳያ ማዖንጎ።
\q
\v 10 ታኣኒ ታ ዒሻሢሮኬ፤
\q2 ዒዚያ ዓፃዺ ማላሢ ታናኬ።
\q
\v 11 ታ ዒሼ! ሃኒ ዬዔ፤
\q2 ካታማፓ ዙሎ ኬስኪ ኑ ዎላ ዓኣዾም፤
\q2 ዒባኖ ዒኢካ ኑ ዴንዲ ዎርቆም።
\q
\v 12 ሚኢሪ ዔቂ ዎይኖ ጎዦ ኑ ዓኣዾም፤
\q2 ዎይኖ ቡና ዹኡቄያ ማዔቴ
\q2 ሮኦማናኣ ቡኔቴ ኑ ዛጎም፤
\q2 ዒኢካ ታና ታኣኒ ኔኤም ጉቤና ዓኣሢ ዒንጋንዳኔ።
\q
\v 13 ማንዳሪክሴ\f + \fr 7፡13 \fr*\fq ማንዳሪክሴ \fq*\ft ጋዓዞ፦ ማዢ. ማፃ 30፡14ይዳ ዛጌ።\ft*\f* ጌይንታ ሚፆ ቡኖ ሳውሞንታ
\q2 ሃሢ ዱኡዞናሢ ማዔቴያ ካፄ ሚፆ ዓኣፓኣ
\q2 ኑ ካራ ኩሚ ዓኣኔ፤
\q ታ ዒሼ! ዬያይዳፓ ታ ኔኤም ጌሤኔ።
\c 8
\q
\v 1 ኔኤኒ ታ ዒንዶ ዻንፆ ዻንቄ
\q2 ታ ጌርሲጉዲ ማዔቴ ዓይጎ፤
\q ጎይፃ ታ ኔኤና ካኣሚ ሄርቄቴ
\q2 ዓይጎ ዓሲያኣ ታና ቶኦቺንዱዋንቴኬ።
\q
\v 2 ታ ዒንዶ ማኣሪ ታ ኔና ዔኪ ጌልዜም
\q2 ዒኢካ ናሹሞ ዛላ ኔ ታና ዔርዛንዳያታንቴኬ፤
\q ታኣኒ ሮኦማኖ ዓኣፖ ጩኡጴ
\q2 ዓኣፆ ዎይኖ ዑዦ ኔና ዑሼያናንዳንቴኬ።
\b
\q
\v 3 ዒዚ ሻውሎ ኩጮ ኬሬ ማሂ ታኣም ጌሣኔ፤
\q2 ሚዛቆ ኩጮና ታና ዒ ኮንቃኔ።
\b
\q
\v 4 ዒንሢ ዬሩሳላሜ ዉዱራሢ!
\q2 ታ ዒሻሢ ፔኤሮ ዔቂ ኮዓንዳያ ሄላንዳኣና
\q2 ዒንሢ ዒዛ ካኣሚ ጴቹዋጉዲ ሃዳራ ታ ዒንሢ ጋዓኔ።
\s1 ላሃሳ ዓይኑሞ
\sp ዑኡቴሎ ላጎንሢ ዓይኑሞ
\q
\v 5 ፔ ላጋሢኮ ጌኤታ ጌኤቂንቲ
\q2 ዓሳ ናንጉዋ ዳውላፓ ሙካዛ ሃና ዖናዳይ?
\b
\sp ዑኡቴሎ ዓይኑሞ
\q ሚና ኔ ዒንዳ ኔና ባኒ ሾዔ ቤዞ
\q2 ጋዞ ዴማፓ ታ ኔና ጴቼኔ።
\q
\v 6 ጋፑዋ ናሹሞና ኔ ዒኖ ጋራ ታና ኮንኮጉዲ ጫርጊ ሃሼ፤
\q2 ኔኤኮ ኩጮይዳኣ ዒማይዲ ታና ሌሊ ዓርቄ።
\q ናሹሞ ሃይቢጉዲ ዎልቄና ዓኣያኬ፤
\q2 ዒናፓ ናሽኮ ናሹሞዋ ዱኡፒጉዲ ፑርታኬ፤
\q2 ናሹሞ ሼኤላሢ ፆኦሲ ታሞ ሼኤሎጉዲኬ።
\q
\v 7 ሚርጌ ዋኣሢ ናሹሞ ታሚ ዎዻኒ ዳንዳዑዋሴ፤
\q2 ዬይ ዺቦ ዋኣፃ ዔኤዻኒያ ዳንዳዑዋሴ፤
\q ዓሲ ፔኤኮ ዓኣ ቆሎና ቢያ ናሹሞ ሻንቃኒ ማሌቴ
\q2 ናሹሞ ሚኢሼና ሻንቂንቱዋኣሢሮ ዬይ ሚሚኢቻ ባኣዚ ማዓኔ።
\b
\sp ዑኡቴሎኮ ጌርሲንሢ ዓይኑሞ
\q
\v 8 ሃጊ ኮንቾ ዴይሢባኣ ዻካ ጌኤዳ ኑኡኮ ዓኣኔ፤
\q2 ዓሲ ዒዞ ጎቻኒ ኑና ዖኦጬቴ
\q2 ኑ ዓይጎ ባኣዚ ማዻኒ ዳንዳዓይ?
\q
\v 9 ዎንዴ ዒዛ ኬኤሌ ዲሢ ማዔያታቴ
\q2 ዒዞ ዑፃ ቢራ ዓንጊ ሴኤላ ኑ ኮሼያናንዳኔ፤
\q ዒዛ ካታሞ ጌሎ ካሮ ማዔያታቴ
\q2 ሊባኖኦሴ ሚፆ ዓርሶና ላሾ ጋጋርዞና ኑ ዎዼያናንዳኔ።
\b
\sp ዑኡቴሎ ዓይኑሞ
\q
\v 10 ዓካሪ ታኣኒ ኬኤሌ ዲሢኬ፤
\q2 ዻንፃ ታኣኮ ሹዎና ኮሺንቴ ካፒፆ ካፖ ዼጌ ቤዞኬ፤
\q2 ታኣኒ ዒዛና ዎላ ማዓኣና ታ ዒሾ ሃውሺሳያኬ።
\b
\sp ዑኡቴሎኮ ላጎ ዓይኑሞ
\q
\v 11 ሴሎሞኔኮ ባዓልሃሞኔይዳ ዎይኔ ጎሺ ዓኣኔ፤
\q2 ዬያ ዎይኖ ጎዦ ጎሽኪ ዎርቃ ዓሶም
\q2 ሚኢሼ ጪጊ ጪጊ ጎሽካንዳጉዲ ዒዚ ዒንጌኔ፤
\q ዬይ ፔቴ ፔቴ ዓሳ ፔቴ ሺያ ማዓ ሹቺ ቢራ ዒዛም ጪጋኔ።
\sp ዑኡቴሎ ዓይኑሞ
\q
\v 12 ታኣኮ ዎይኖ ጎዣ ታኣሮኬ፤
\q2 ዔዞ ሴሎሞኔ! ኔኤኒ ፔቴ ሺያ ሹቺ ቢራ
\q2 ጎዦ ጎሽካ ዓሳኣ ላምዖ ፄኤታ ሹቺ ቢራ ዔካኒ ዳንዳዓኔ።
\sp ዑኡታሢ ዓይኑሞ
\q
\v 13 ኔኤኒ ታ ዑኡቴሌ! ዱማ ዱማ ባኮ ቱኮና ቤዞ ኬስኬቴ
\q2 ታ ላጋ ኔኤኮ ዑኡዞ ዋይዛኒ ኮዓኔ፤
\q2 ታኣም ሂንዳ ኔኤኮ ዑኡዞ ዋይዚሴ።
\b
\sp ዑኡቴሎ ዓይኑሞ
\q
\v 14 ታ ዒሼ! ዑኬና ታ ባንሢ ሙኬ፤
\q2 ሳውቃ ዼኤሻ ባቃላ ዹኮ ዑፃ
\q2 ፂካ ሮኦታሢንታ ሞይላሢ ናኣቶጉዲ ማዔ።