\id REV - MAALE Full Bible
\ide UTF-8
\h ዮሃኒሴም ፆኦሲ ዻዌ ባኮ
\toc1 ዮሃኒሴም ፆኦሲ ፔጋሲ ዻዌ ባኮ
\toc3 ዮሃ. ፆፔዻ
\toc2 ዮሃኒሴም ፆኦሲ ዻዌ ባኮ
\mt1 ዮሃኒሴም ፆኦሲ ፔጋሲ ዻዌ ባኮ
\imt ዓይፆ ካሮ
\ip ዮሃኒሴም ፆኦሲ ፔጋሲ ዻዌ ባካ ፃኣፒንቴሢ ኪሪስቶሴ ጉሙርቃዞንሢ ዬሱስ ኪሪስቶሴ ፔኤኮ ጎዳ ማሂ ሃሣ ፆኦሲም ዱማዼያ ማዒ ናንጋሢሮ ዒፂንቲ ዳኪንቲ፥ ዔያታ ሜታዻ ዎዶናኬ፤ ፃኣፔ ዓሢኮ ዼኤፖ ማሊፃ ናባባ ዓሶኮ ሃጊ ማዓንዳ ዎዛ ጎኔ ዎዛ ማዓንዳጉዲ ዶዲሻኒና ዔያቶ ሄሌ ዒፂንቲ ዳኪንቲፆ ሜታሢዳ ዔያታ ፆኦሲ ጉሙርቂፆና ዶዳንዳጉዲኬ።
\ip ማፃኣፔሎኮ ባሼሢ ሚርጌ ሃሣ ዎሊ ሄሊ ሄሊ ዓኣ ባካ ዮሃኒሴም ፆኦሲ ፔጋሲ ዻዌ ባኮ ኬኤዛያ ማዓዛ ዬንሢ፥ ዮሃኒሴም ፆኦሲ ፔጋሲ ዻዌ ባኮንሢ ዬኖ ዎዶና ዓኣ ኪሪስቶሴ ጉሙርቃ ዓሶ ማኣዳኒ ዳንዳዓያ፥ ሜሌ ዓሶም ጋዓንቴ ዓኣሺንቴ ባኣዚ ማዒ ማሊሲ ጌስቶናያኬ። ዓይኑሞኮ ላሚ ላሚ ጌይንታ ማሊፆጉዲ ሃኖ ማፃኣፖኮ ጌሊፆ ካራ ካራ ጉቤ ዱማ ዱማ ፆኦሲ ዮሃኒሴም ፔጋሲ ዻዌ ባካ ዱማ ዱማ ጎይሢና ላሚ ላሚ ኬኤዚንቴኔ፤ ማፃኣፔሎኮ ቡሊፆይዳ ዱማ ዱማ ማሊሢ ዓኣያታቴያ ዼኤፖ ማሊፃ ጋዓንቴ ዔርቴያኬ፤ ዬይያ «ጎዳ ማዔ፥ ኪሪስቶሴ ዛሎና ፆኦሲ ላሚሱዋ ጎይሢ ፔቴና ፃላሄንታ ቃሲ ሜሌ ሞርኮዋ ቢያ ባሻንዳኔ፤ ዒ ባሼ ዎዶና ዒዛም ጉሙርቂንታያ ማዔ፥ ዒጊኖንሢም ዓኪ ጫሪንቺና ዓኪ ሳዓናኮ ዓንጆ ዔያቶም ዒንጋንዳኔ» ጋዓያኬ።
\iot ማፃኣፔላ ዱማ ዱማ ዓርቄ ባኮ
\io1 ዓይፆ ካሮ (1፡1-8)
\io1 ላንካዎ ሺኢጲፆ ማኣሮም ዳኪንቴ ኪኢቶ (1፡9—3፡22)
\io1 ላንካዎ ዔርዛ ማላቶና ማሪንቴ ማፃኣፖ (4፡1—8፡2)
\io1 ላንካዎ ዛያሢ ዛሎ (8፡3—11፡19)
\io1 ዼኤፖ ሾኦዣሢና ላምዖ ቦዖንሢና ዛሎ (12፡1—13፡18)
\io1 ፆኦሲ ዮሃኒሴም ፔጋሲ ዻዌ ዱማ ዱማ ባኮ (14፡1—15፡8)
\io1 ላንካዎ ፆኦሲኮ ጎሪንቶ ዑዦ (16፡1-21)
\io1 ባብሎኔኮ ባይሲንቶ፤ ሃሣ ቦዖንታ ሉኡዙሞና ፆኦሲ ማሊፆ ኬኤዛያ ማላ ዓሶንታ ፃላሄንታኮ ባሺንቲፆ (17፡1—20፡10)
\io1 ጋፒንፆ ዎጎ (20፡11-15)
\io1 ዓኮ ጫሪንጮንታ ዓኮ ሳዖንታ ዓኮ ዬሩሳላሜ ካታሜሎንታ ዛሎ (21፡1—22፡5)
\io1 ጋፒንሢ ማሊሢ (22፡6-21)
\c 1
\p
\v 1 ሃይ ዮሃኒሴም ፆኦሲ ፔጋሲ ዻዌ ባካ፦ ዑኬ ማዓንዳ ባኮ ፆኦሲ ፔኤም ማዻዞንሢም ዻዋንዳጉዲ ዬሱስ ኪሪስቶሴም ዻዌያኬ፤ ዬሱስ ኪሪስቶሴያ ፔ ኪኢታንቻሢ ዳኪ ዒዛም ማዻ ዮሃኒሴም ሃያ ባኮ ፔጋሲ ዻዌኔ። 
\v 2 ዮሃኒሴያ ፆኦሲ ቃኣሎና ዬሱስ ኪሪስቶሴ ማርካዼ ባኮ ዛሎ ቢያ፤ ሃሣ ዒ ዛጌ ባኮዋ ቢያ ፔኤሮ ማርካዺ ኬኤዜኔ። 
\v 3 ዬይ ቢያ ማዓንዳሢ ዑኬ ዎዴይዳታሢሮ ሃኖ ፆኦሲ ማሊፆ ኬኤዛ ማፃኣፖ ናባባ ዓሢ ዓንጆ ዎዛ ዴንቃንዳኔ፤ ዬያጉዲ ኬኤዚንቴ ፆኦሲ ማሊፆ ዋይዛዞንሢና ፃኣፒንቴሢ ኩንሣሢ ቢያ ዓንጆ ዎዛ ዴንቃንዳኔ።
\s1 ዒሲያ ዓጫ ዓኣ ላንካዎ ሺኢጲፆ ማኣሮንሢም ዳኪንቴ ሳራሥሢ
\p
\v 4-5 ዒሲያይዳ ዓኣ፥ ላንካዎ ሺኢጲፆ ማኣሮ ዓሶም ዮሃኒሴይዳፓ ዳኪንቴ ሳራሥሢ፦
\p ሃሢ ዓኣሢ፥ ሚናፓ ናንጋሢና ሃጊ ሙካንዳ ፆኦሲዳፓ፥ ፆኦሲ ካኣቱሞ ዖይቶ ቤርታ ዓኣ ላንካዎ ዓያኖንሢዳፓ፤ ሃሣ ጉሙርቂንታያ ማዔሢዳፓ፥ ሃይቢፓ ዔቂፆና ኮይሪ ማዔሢዳፓ፥ ዓጮ ካኣቶ ዎይሣያ ማዔ፥ ዬሱስ ኪሪስቶሴይዳፓ ኮሹሞና ዎዛና ዒንሢም ማዖንጎ።
\p ኑና ናሽኬሢም፥ ፔ ሱጉፆና ሻንቂ ጎማፓ ኑና ጌኤሼሢም፥\x - \xo 1፡4-5 \xo*\xt ኬሲ. ማፃ 3፡14፤ ዒሲ. 55፡4፤ ዓይኑ. 89፡27፤ ዮሃ. ፆፔዻ 4፡5።\xt*\x* 
\v 6 ዒዛኮ ዓዳሢ ማዔ፥ ፆኦዛሢም ኑኡኒ ቄኤሴ ማዒ ማዻንዳጉዲ ካኣቱሞ ኑም ዒንጌ፥ ዬሱስ ኪሪስቶሴም ቦንቾና ዎልቄና ናንጊና ማዖንጎ፤ ዓኣሜን። \x - \xo 1፡6 \xo*\xt ኬሲ. ማፃ 19፡6፤ ዮሃ. ፆፔዻ 5፡10።\xt*\x*
\q
\v 7 ዒዚ ሻኣሬና ሙካንዳኔ፤
\q2 ዒዛ ጫርጌ ዓሳኣ ዓቱዋዖ ዓሲ ቢያ ዒዛ ዛጋንዳኔ፤
\q2 ሳዖይዳ ዓኣ ዴራ ቢያ ዒዛ ዛሎና ዬኤካንዳኔ፤
\q ሂዮ! ዬይ ባካ ቢያ ጎኔ ማዓንዳኔ፤ ዓኣሜን። \x - \xo 1፡7 \xo*\xt ዳኣኔ. 7፡13፤ ማቲ. 24፡30፤ ማር. 13፡26፤ ሉቃ. 21፡27፤ 1ቴስ. 4፡17፤ ዛካ. 12፡10፤ ዮሃ. 19፡34፤37።\xt*\x*
\p
\v 8 «ሃሢ ዓኣሢንታ ሚናፓ ናንጋሢ ሃሣ ሃጊያ ሙካንዳሢ፥ ቢያ ባኣዚ ዳንዳዓ ጎዳ ማዔ ፆኦሲ ዔኤቢ ቢያ ዓርቃሢና ጋፒሳሢና ታናኬ» ጋዓኔ። \x - \xo 1፡8 \xo*\xt ዮሃ. ፆፔዻ 22፡13፤ ኬሲ. ማፃ 3፡14።\xt*\x*
\s1 ኪሪስቶሴኮ ፔጋዺ ጴዺፆ
\p
\v 9 ታኣኒ ዒንሢኮ ዒሻሢ ማዔሢ፥ ዒንሢና ዎላ ኪሪስቶሴኮ ሜታሢና ዓኣ ካኣቱሞና ሃሣ ጊቢ ዳንዳዒፆና ዴንቃያ ማዔ፥ ዮሃኒሴ ፆኦሲ ቃኣሎና ዬሱሴ ዛሎናሮ ማርካዻሢሮ ፒፂሞ ጌይንታ ዋኣፆ ሳዛ ዓኣ ዓጬሎይዳ ቱኡቲ ዓኣዖ፦ 
\v 10 ጎዳ ኬሎና\f + \fr 1፡10 \fr*\fq ጎዳ ኬሎና፦ \fq*\ft ጌይፃ ጎዳ ሃይባፓ ዔቄ ኬሎኬ፤ ሃሣ ኪሪስቶሴ ጉሙርቃ ዓሳኣ ካኣዦ ካኣሽካ ኬሎኬ።\ft*\f* ዓያና ጌኤሺኮ ዎልቆ ጋሮ ጌሊ ታ ዓኣንቴ ዛዬ ዑኡሲጉዴ ዼኤፒ ዑኡሲ ታኣኮ ጊንሢና፦ 
\v 11 «ኔ ዛጋ ባኮ ማፃኣፔይዳ ፃኣፒ ላንካዎ ሺኢጲፆ ማኣሮም ጌይፃ፦ ዔፕሶኔም፥ ሴሜርኔሴም፥ ጴርጋሞኔም፥ ቲያፂሮኔም፥ ሴርዴሴም፥ ፒላዴልፒያና ሎዶቂያናም ዳኬ» ጋዓንቴ ታ ዋይዜኔ።
\p
\v 12 ዬያ ታኣም ዖ ኬኤዛቴያ ዔራኒ ጊንሢም ታ ሺሬኔ፤ ዬማና ላንካይ ዎርቄፓ ኮሾና ፖዒ ጌሦ ሻርና ታ ዴንቄኔ፤ 
\v 13 ዬንሢ ሻርኖ ባኣካ ዓሲ ናዓሢ ማላ ዓሲ ታ ዴንቄኔ፤ ዒዚያ ቶኮ ሄላ ዖዶሲ ማኣዖ ማይንቴያ፥ ዳዶይዳ ዎርቄይዳፓ ኮሺንቴ ቃልሾ ቱኪ ዓኣኔ። \x - \xo 1፡13 \xo*\xt ዳኣኔ. 7፡13፤ 10፡5።\xt*\x* 
\v 14 ዒዛኮ ቶኦኮንታ ቶኦኮ ጋፓኖንታ ቦኦሬ ማራይ ጋፓኔጉዴያ ሃሣ ሻቺጉዲ ቦኦሬኬ፤ ዓኣፓኣ ዔኤታ ታሚጉዲኬ፤ \x - \xo 1፡14 \xo*\xt ዳኣኔ. 7፡9፤ 10፡6።\xt*\x* 
\v 15 ቶካ ጊንሣ ታሚዳ ዓጊ፥ ጊልፒ ዞቂሶና ዓንጊ ማላያኬ፤ ዑኡዛ ሃሣ ዼኤፒ ሶኦሪንታ ዋኣሢ ጉኡማያጉዲኬ። \x - \xo 1፡15 \xo*\xt ሂዚ. 1፡24፤ 43፡2።\xt*\x* 
\v 16 ሚዛቆ ኩጮይዳ ዒዚ ላንካይ ዦኦጌ ዓርቂ ዓኣኔ፤ ዻንጋፓ ዒዛኮ ቢያ ዛላ ዓጬ ማዔ፥ ጬንቻ ዓፓሮ ኬስካኔ፤ ሃሣ ዒዛኮ ዓኣፖ ካራ ሚርጌና ፖዓ ዓቢጉዲ ፖዓያኬ። 
\v 17 ዬያ ታ ዛጋዖ ዶሊንቲ፥ ቶኮ ዴማ ዒዛኮ ሎኦማዛ ዒዚ ጋዓንቴ ሚዛቆ ኩጮ ታ ዑፃ ጌሣዖ፦ «ዒጊጪፖ፤ ዔኤቢ ቢያ ዓርቃሢና ጋፒሳሢና ታናኬ፤ \x - \xo 1፡17 \xo*\xt ዒሲ. 44፡6፤ 48፡12፤ ዮሃ. ፆፔዻ 2፡8፤ 22፡13።\xt*\x* 
\v 18 ሼምፔና ታ ናንጋያኬ፤ ሃያኮ ቤርታ ታ ሃይቄኔ፤ ጋዓንቴ ሃይሾ ታኣኒ ናንጊና ሃይቁዋዖ ናንጋያ ማዔኔ፤ ሃይቢና ሃይቄ ዓሳ ዴዓ ቤዞናይዳ ቢታንቶ ታኣኮ ዓኣኔ» ታኣም ጌዔኔ። 
\v 19 ሃሣ ዒ ኬኤዛዖ፦ «ዓካሪ ኔ ዛጌሢና ሃሢ ዓኣ ባኮና ሃጊ ማዺንታንዳ ባኮና ፃኣፔ፤ 
\v 20 ታኣኮ ሚዛቆ ኩጫ ኔ ዛጌ፥ ላንካዎ ዦኦጎንሢና ፖዖ ጌሦ ላንካዎ ዎርቆ ሻርኖንሢኮ ዓኣሺንቴ ማሊፃ ያዺኬ፤ ላንካዎ ዦኦጎንሢ፦ ላንካዎ ሺኢጲፆ ማኣሮኮ ኪኢታንቾኬ፤ ላንካዎ ፖዖ ጌሦ ሻርኖንሢ፦ ላንካዎ ሺኢጲፆ ማኣሮኬ» ጌዔኔ።
\c 2
\s1 ዔፕሶኔ ሺኢጲፆ ማኣሮም ኬኤዚንቴ ባኣዚ
\p
\v 1 ሃሣ ኬኤዛዖ፦ ዔፕሶኔ ሺኢጲፆ ማኣሮ ኪኢታንቻሢም ሂዚ ጌይ ፃኣፔ፤
\p «ሃይ ላንካዎ ዦኦጋሢ ፔኤኮ ሚዛቆ ኩጫ ዓርቄሢና ላንካዎ ዎርቆ ሻርኖ ባኣኮይዳ ሃንታ ዓሢ ኬኤዜያኬ፤ 
\v 2 ኔኤኮ ማዾ፥ ዶዲ ኔ ማዻ ማዾ ሃሣ ጊቢ ዳንዳዒፆዋ ታ ኔኤሲ ዔራኔ፤ ፑርቶ ዓሶ ዛጊ ኔ ዚቲ ጌይባኣሢ፤ ሃሣ ፆኦሲ ማዾም ዳኪንቲባኣያታዖ ኑ ዳኪንቴያኬ ፔና ጋዓዞንሢ ዛጊ ዱማሲ ሉኡዚ ዔያታ ማዔሢ ኔ ዔሬሢያ ታ ዔራኔ። 
\v 3 ዬያጉዲ ጊቢ ዳንዳዒ፥ ኔኤኮ ዶዲፆና ታ ሱንፆሮ ቤልፃዹዋዖ ዶዲ ሜታሢ ኔ ዔኬሢ ታ ዔራኔ። 
\v 4 ጋዓንቴ ፔቴ ታ ኔኤኮ ቦሃ ባኣዚ ዓኣኔ፤ ዬና ዓይጎዳይ ጌዔቴ ኔኤኮ ቤርታኣ ናሹሞ ኔ ሃሼኔ፤ 
\v 5 ዓካሪ ኔ ሃኣዒ ሎኦማንዳሢኮ ቤርታ ዎካ ኔ ዓኣቴያ ማሊ ጶቂሤ፥ ጎሞዋ ኔኤኮ ቡኡፄ፤ ቤርታ ማዻሢጉዲ ማዼ፤ ዬያ ቢያ ኔ ማዺባኣቴ ታ ኔ ኮይላ ሙካንዳኔ፤ ጎሞዋ ኔ ቡኡፂባኣቴ ፖዖ ጌሦ ሻርኖ ቤዛፓ ታ ኔኤኮ ሺኢሻንዳኔ። 
\v 6 ጋዓንቴ ታ ኔና ሄርሻ ፔቴ ባኣዚ ዓኣኔ፤ ዬና፦ ታኣኒ ዒፃ፥ ኒቆላ ዓሶኮ ማዾ ኔኤኒያ ዒፄሢኬ።»
\p
\v 7 «ሺኢጲፆ ማኣሮ ዓሶም ዓያና ጋዓ ባኮ ዋይዛ ዋይዚ ዓኣሢ ዋይዞንጎ! ዖሎና ባሼሢ ፆኦሲ ኮሼ፥ ኮዦ ቤዛ ዓኣ ሼምፖ ዒንጋ ሚፃሢ ዓኣፖ ታ ሙኡዛንዳኔ።» \x - \xo 2፡7 \xo*\xt ማዢ. ማፃ 2፡9፤ ሂዚ. 28፡13፤ 31፡8።\xt*\x*
\s1 ሴሜርኔሴ ሺኢጲፆ ማኣሮም ኬኤዚንቴ ባኣዚ
\p
\v 8 ሃሣ ዒዚ ኬኤዛዖ፦ «ሴሜርኔሴ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤ \x - \xo 2፡8 \xo*\xt ዒሲ. 44፡6፤ 48፡12፤ ዮሃ. ፆፔዻ 1፡17፤ 22፡13።\xt*\x*
\p «ሃይ ዓይፃሢና ጋፒንፃሢና ማዔያ ሃሣ ሃይቄዖዋ ሼምፖና ዓኣያ ማዔሢ ኬኤዜያኬ፤ 
\v 9 ኔኤኮ ሜታሢና ማንቃቶና ታ ዔራኔ፤ ያዺ ማዔቴያ ኔ ዖርጎቺኬ፤ ዓይሁዴ ዓሲቱዋዖ ‹ኑ ዓይሁዴኬ› ፔና ጋዓ ዓሶንታ ፃላሄ ዓሲ ማዔ ዓሶንታ ሱንፆ ኔኤኮ ፑርቲሳሢ ታ ዔራኔ፤ 
\v 10 ኔና ሄላንዳ ሜታሢ ዒጊጪፖ፤ ሃኣዛጉዋቴ ፃላሄ ዒንሢ ዎይታቴያ ዛጋኒ ዒንሢዳፓ ፔቴ ፔቴ ዓሶ ቱኡሲ ማኣሪ ጌልዚ ቱኪሴም፥ ታጶ ኬሊ ዒንሢ ሜታዻንዳኔ፤ ጋዓንቴ ሃይቢ ሄላንዳኣና ጉሙርቂንታያ ማዔ፤ ቦንቺ ዒንጎ ባኣዚ ማሂ ዒንጊንታ ናንጎ ታ ኔኤም ዒንጋንዳኔ።
\p
\v 11 « ‹ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ!› ዖሎና ባሼሢ ላምዓሳ ሃይባ ዎኦታንዳ ባኣዚ ባኣሴ» ጌዔኔ። \x - \xo 2፡11 \xo*\xt ዮሃ. ፆፔዻ 20፡14፤ 21፡8።\xt*\x*
\s1 ጴርጋሞኔ ሺኢጲፆ ማኣሮም ኬኤዚንቴ ባኣዚ
\p
\v 12 ሃሣ ዒ ኬኤዛዖ፦ «ጴርጋሞኔ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤
\p «ሃይ ላምዖ ዛላ ዋርቂንቴ ጬንቾ ዓፓሮ ዓርቄሢ ኬኤዜያኬ፤ 
\v 13 ኔኤኒ ፃላሄኮ ካኣቱሞ ዖይታ ዓኣ ቤዛ ዓኣሢ ታ ዔራኔ፤ ያዺ ማዔቴያ ታ ሱንፆ ዶዲ ኔ ዓርቄኔ፤ ካኣዦዋ ኔ ሃሺባኣሴ፤ ሃሣ ታኣኮ ጉሙርቂንታ ማርካ ማዔ ዓንቲጳሴ ዬያ ፃላሄ ካኣታዼ፥ ዒንሢ ካታማ ዎዺንቴ ዎዶናታዖ ኔ ታና ጉሙርቂፆ ሃሺባኣሴ። 
\v 14 ያዺ ማዔቴያ ታ ኔኤኮ ቦሃ ፔቴ ፔቴ ባኣዚ ዓኣኔ፤ ዬና ዓይጎዳይ ጌዔቴ ባኣላኣሜ ጎዖሢኮ ዔርዚፆ ዓርቄ ፔቴ ፔቴ ዓሲ ዒንሢ ባኣካ ዓኣኔ፤ ዬይ ባኣላኣሜ ዒስራዔኤሌ ዴራ ሜሌ ካኣሺም ሹኪንቴ ዓሽኮ ሙዓንዳጉዲና ማቾ ሃሣ ዓኒ ማዒባኣያና ላሂ፥ ዻቢንታንዳጉዲ ማሆም ጌዒ ባኣላኣቄ ጎዖሢ ዒ ዞሬ ዞሮኬ። \x - \xo 2፡14 \xo*\xt ፓይ. ማፃ 22፡5፤ 7፤ 31፡16፤ ላሚ. ዎማ 23፡4፤ ፓይ. ማፃ 25፡1-3።\xt*\x* 
\v 15 ዬያጉዲ ሃሣ ኒቆላ ዓሶኮ ዔርዚፆ ዓርቄ ዓሲያ ዒንሢ ባኣካ ዓኣኔ፤ 
\v 16 ዬያሮ ጎሞ ኔኤኮ ቡኡፄ! ሃንጎ ዑኬና ታ ኔ ኮይላ ሙኪ፥ ታ ዻንጋፓ ኬስካ ጬንቾ ዓፓሮና ታ ዔያቶ ጫርጋንዳኔ።
\p
\v 17 «ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ! ዖሎና ባሼሢም ዓኣቺ ጌሦና፥ ማና ጌይንታ ሙዖ ታ ዒንጋንዳኔ፤ ሃሣ ጊንሣ ዓኪ ሱንሢ ጊዳ ፃኣፒንቴ፥ ቦኦሬ ሹቺ ታ ዒዛም ዒንጋንዳኔ፤ ዬኖ ዔኬ ዓሢዳፓ ዓታዛ ሜሌ ዖኦኒያ ዬኖ ሱንፄሎ ዔራንዳያ ባኣሴ» ጌዔኔ። \x - \xo 2፡17 \xo*\xt ኬሲ. ማፃ 16፡14-15፤ 16፡33-34፤ ዮሃ. 6፡48-50፤ ዒሲ. 62፡2፤ 65፡15።\xt*\x*
\s1 ቲያፂሮኔ ሺኢጲፆ ማኣሮም ኬኤዚንቴ ባኣዚ
\p
\v 18 ሃሣ ዒ ኬኤዛዖ፦ ቲያፂሮኔ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤
\p «ሃይ ዔኤታ ታሚ ማላ ዓኣፒ ዓኣያ፤ ሃሣ ታሚዳ ዓጊ፥ ጊልፒ ዞቂሶና ዓንጊ ማላ ቶኪ ዓኣ፥ ፆኦሲ ናዓሢ ኬኤዜያኬ፤ 
\v 19 ታ ኔኤኮ ማዾ፥ ናሹሞ፥ ጉሙርቂፆ ሃሣ ኔኤኒ ዔኤዒ ማዻ ማዾንታ ጊቢ ዳንዳዒ ዶዲፆንታ ዔራኔ፤ ቤርታኣስካፓ ሃሢ ኔ ባሼ ማዻሢያ ታ ዔራኔ። 
\v 20 ጋዓንቴ ፔቴ ታ ኔኤኮ ቦሃ ባኣዚ ዓኣኔ፤ ዬና፦ ‹ፆኦሲ ማሊሢ ታ ኬኤዛያኬ› ጋዓ ላኣሌሎ፥ ዔልዛቤሎኮ ማዾ ኔ ዛጊ ዚቲ ጌዔኔ፤ ዒዛ ጋዓንቴ ታኣም ማዻ ዓሳ ማቾ ሃሣ ዓኒ ማዒባኣያና ላሃንዳጉዲና ሜሌ ካኣሺም ሹኪንቴ ዓሽኮ ሙዓንዳጉዲ ዔርዚሢና ዓሶ ዻቢሼኔ። \x - \xo 2፡20 \xo*\xt 1ካኣቶ. ማ 16፡31፤ 2ካኣቶ. ማ 9፡22፤30።\xt*\x* 
\v 21 ዒዛ ጎሞ ፔኤኮ ቡኡፃንዳጉዲ ቤሲ ታ ዒዞም ጌሤኔ፤ ዒዛ ጋዓንቴ ጎሞ ፔኤሲ ቡኡፃኒ ኮይባኣሴ። 
\v 22 ዬያሮ ሃርጊሺ ታ ዒዞ ላይሣንዳኔ፤ ዒዞና ዎላ ማዼ ፑርቶ ማዾ ቡኡፂ ሃሺባኣቴ ዒዞና ዎላ ላሄ ዓሶ ቢያሢዳ ዼኤፒ ሜቶ ታ ዔኪ ዬዓንዳኔ፤ 
\v 23 ዒዞና ዎላ ዬያ ማዻ ዓሶ ታ ዎዻንዳኔ፤ ሺኢጲፆ ማኣሮ ዓሳ ቢያ ዓሲኮ ዒኔ ማሊሢ ጋፒሲ ዛጊ ታኣኒ ዔራያ ማዔሢ ዔራንዳኔ፤ ዒንሢ ፔቴ ፔቴሢም ዒንሢኮ ማዾ ጎይፆ ታ ዒንጋንዳኔ።
\p
\v 24 «ዒንሢ ቲያፂሮኔይዳ ዓኣያታዖ ሃያ ፑርቶ ዔርዚፆ ዔኪ ባኣዞንሢም ቢያ ዬያጉዲ ፔቴ ፔቴዞንሢ ‹ፃላሄኮ ሃይ ዓኣሺንቴ ማሊሢኬ› ጋዓ ማሊፆይዳ ጌሊባኣዞንሢም፥ ሜሌ ዴኤሢ ዓይሥሢ ታ ዒንሢም ዓይሣዓኬ፤ 
\v 25 ጋዓንቴ ታኣኒ ሙካዳንያ ሄላንዳኣና ዒንሢኮ ዓኣ ጉሙርቂፆ ዶዲሺ ዓርቁዋቴ ታ ጋዓኔ። 
\v 26 ዖሎና ባሼሢና ታኣኮ ማዾ ጋፒንሢ ሄሊሲ ዶዲ ማዼሢም ሜሌ ዴሮ ዑፃ ቢታንቶ ታ ዒንጋንዳኔ፤
\q
\v 27 ‹ዒዚ ዔያቶ ሄርቂ ዎይሣንዳኔ፤
\q2 ዓጪና ማዦና ሜሄጉዲ ዎዺ ዒ ጋኣጫንዳኔ›
\q ዬይ ቢታንታ ታኣኒ ታ ዓዶይዳፓ ዔኬ ጎይፆጉዴያኬ፤
\q
\v 28 ዒ ባሻያ ማዒፆ ዔርዛኒ ካሪፆ ዦኦጎ ታ ዒዛም ዒንጋንዳኔ።»
\p
\v 29 «ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ!» ጌዔኔ።
\c 3
\s1 ሴርዴሴ ሺኢጲፆ ማኣሮም ኬኤዚንቴ ባኣዚ
\p
\v 1 ሃሣ ዒ ኬኤዛዖ፦ ሴርዴሴ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤
\p «ሃይ ፆኦሲኮ ላንካዎ ዓያኖንሢና ላንካዎ ዦኦጎንሢ ኩጫ ዓርቄሢ ኬኤዜያኬ፤ ማዾ ታ ኔኤኮ ዔራኔ፤ ሱንፆና ኔኤኒ ዋሊኬ፤ ጋዓንቴ ኔ ሃይቄያኬ። 
\v 2 ዬያሮ ጴጬ! ኔኤኮ ማዻ ታ ፆኦዛሢ ቤርታ ፒዜ ማዔም ታ ዴንቂባኣሢሮ ሃይቃኒ ዑኪ ዓኣ፥ ዓቴ ባኮ ኔኤኮ ዶዲሼ። 
\v 3 ዓካሪ ቤርታ ኔ ዎዚጉዴ ዔራቶ ዔኬያታቶዋ ሃሣ ዋይዜያታቶዋ ማሊ ጶቂሢ ካፔ፤ ጎሞዋ ኔኤኮ ቡኡፄ፤ ጋዓንቴ ኔ ጴጪባኣያ ማዔቴ ዉሲጉዲ፥ ኔ ዔሩዋንቴ ታ ሙካንዳኣኬ፤ ዎማ ዎዴ ታ ሙካንዳቴያ ኔ ዔራዓኬ። \x - \xo 3፡3 \xo*\xt ማቲ. 24፡43-44፤ ሉቃ. 12፡39-40፤ ዮሃ. ፆፔዻ 16፡15።\xt*\x* 
\v 4 ጋዓንቴ ፔኤኮ ማኣዓሢ ኪንቂሲባኣ፥ ዻካ ዻካ ዓሲ ኔኤና ዎላ ሴርዴሴይዳ ዓኣኔ፤ ታኣና ዎላ ዔያታ ዓኣዻንዳያ ኮይሳያታሢሮ ቦኦሬ ማኣዖ ማይንቲ ታኣና ዎላ ዓኣዻንዳኔ። 
\v 5 ዖሎና ባሼሢ ዔያቶጉዲ ቦኦሬ ዓፒላ ማይንታንዳኔ፤ ሱንፆ ዒዛኮ ታኣኒ ታ ዓዶና ኪኢታንቾናም ዔርዛንዳኔ፤ ናንጊና ናንጋ ዓሶኮ ሱንፃ ፃኣፒንቲ ዓኣ፥ ናንጎ ማፃኣፖይዳፓ ሱንፆ ታ ዒዛኮ ባይዛዓኬ።» \x - \xo 3፡5 \xo*\xt ኬሲ. ማፃ 32፡32-33፤ ዓይኑ. 69፡28፤ ዮሃ. ፆፔዻ 20፡12፤ ማቲ. 10፡32፤ ሉቃ. 12፡8።\xt*\x*
\p
\v 6 «ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ!» ጌዔኔ።
\s1 ፒላዴልፒያ ሺኢጲፆ ማኣሮም ኬኤዚንቴ ባኣዚ
\p
\v 7 ሃሣ ኬኤዛዖ፦ ፒላዴልፒያ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤
\p «ሃይ ፆኦሲም ዱማዼያ ሃሣ ጎኔ ማዔ፥ ካኣቲ ዳውቴ ቁልፖ ኩጫ ዓርቄሢ ኬኤዜያኬ፤ ዒዚ ቡሌሢ ዖኦኒያ ዎዹዋሴ፤ ዒዚ ዎዼሢ ዖኦኒያ ቡሉዋሴ። \x - \xo 3፡7 \xo*\xt ዒሲ. 22፡22፤ ዒዮ. 12፡14።\xt*\x* 
\v 8 ማዾ ታ ኔኤኮ ዔራኔ፤ ሃይሾ ዖኦኒያ ዎዻኒ ዳንዳዑዋ ቡሊንቴ ካራ ታ ኔ ቤርታ ጌሤኔ፤ ዎልቃ ኔኤኮ ዻካ ማዔሢ ታ ዔራኔ፤ ማዔቴያ ታ ቃኣሎ ኔ ካፔኔ፤ ታ ሱንፆዋ ኔ ዔሩዋሴ ጌይ ሃሺባኣሴ። \x - \xo 3፡8 \xo*\xt ዒሲ. 49፡23፤ 60፡14፤ 43፡4።\xt*\x* 
\v 9 ዓካሪ ዓይሁዴ ማዒባኣዖ ኑ ዓይሁዴኬ ጋዓ ዓሶና ፃላሄ ዓሲ ማዔዞንሢና ሃሣ ሉኡቃዞንሢ ሙኪ ኔ ቶኮ ዴማ ሎኦሚ ኔኤም ዚጋንዳጉዲ ታ ማሃንዳኔ፤ ታ ኔና ናሽካያታሢ ዔያቶ ታ ዔርዛንዳኔ። 
\v 10 ጊቢ ዳንዳዓያ ማዔ ታ ኔኤም ጌዔሢ ኔ ካፔሢሮ ሳዖይዳ ናንጋ ዓሳ ዎይታቴያ ዛጋኒ ጌዒ ዓጮ ቢያይዳ ሙካንዳ ሜታሢዳፓ ታ ኔና ካፓንዳኔ። 
\v 11 ታኣኒ ዑኬና ሙካንዳኔ፤ ቦንቺ ኔኤም ዒንጎ ባኮ ዖኦኒያ ኔኤሲ ዔኩዋጉዲ ኔኤኮ ዓኣ ባኮ ዶዲሺ ዓርቄ። 
\v 12 ዖሎና ባሼሢ ታ ፆኦዛሢኮ ጌኤዦ ማኣሮይዳ ቱርቱሮ ታ ማሃንዳኔ፤ ዬካፓ ዒ ዓጊፃዓኬ፤ ታ ፆኦዛሢኮ ሱንፆንታ ታ ፆኦዛሢኮ ካታሞ ሱንፆንታ ዒዛይዳ ታ ፃኣፓንዳኔ፤ ዬና ካታሜላ ጫሪንጮ፥ ታ ፆኦዛሢ ኮራፓ ኬዳንዳ ዓኮ ዬሩሳላሜኬ፤ ታኣኮዋ ዓኮ ሱንፆ ዒዛ ዑፃ ታ ፃኣፓንዳኔ። \x - \xo 3፡12 \xo*\xt ዮሃ. ፆፔዻ 21፡2፤ ዒሲ. 62፡2፤ 65፡15።\xt*\x*
\p
\v 13 «ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ!» ጌዔኔ።
\s1 ሎዶቂያ ሺኢጲፆ ማኣሮም ኬኤዚንቴ ባኣዚ
\p
\v 14 ሃሣ ዒ ኬኤዛዖ፦ ሎዶቂያ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤
\p «ሃይ ጎኔ ማዔያ፥ ጉሙርቂንታያ፥ ጎኔ ማርካ ማዔያ፤ ሃሣ ፆኦሲ ማዢንታ ቢያ ዒዛ ዛሎና ማዔሢ ኬኤዜያኬ፤ \x - \xo 3፡14 \xo*\xt ሱኡጎ. ማፃ 8፡22።\xt*\x* 
\v 15 ኔኤኮ ማዾ ታ ዔራኔ፤ ሺሜታቴ ሺሜ፥ ዖይዺታቴያ ኔ ዖይዺቱዋሴ፤ ኔኤኒ ሺሜ ሃንጎ ዖይዺታቴ ኮሺታዖ ዓቴኔ፤ 
\v 16 ያዺ ኔ ማዑዋዖ ጉሪ ቦልዕ ቦልዕ ጋዓያታሢሮ ዻንጋፓ ታ ኔና ጩታኒኬ፤ 
\v 17 ‹ታኣኒ ዖርጎቺኬ፤ ሚርጌ ቆሎ ታኣኮ ዓኣኔ፤ ታኣም ፓጬ፥ ዓይጎ ባኣዚያ ባኣሴ› ኔ ጋዓኔ፤ ጋዓንቴ ኔ ሜታዻያ፥ ማንቃቶና ዓሲኮ ዎልቃ ጌላያ፥ ዔኤቢባኣ ማንቆ፥ ዓኣፒ ባይቄያ፤ ሃሣ ካሎታሢያ ኔ ኔና ዔሩዋሴ፤ 
\v 18 ኔኤኒ ዖርጎጫኒ ታሞይዳ ዓጊንቲ ጎኑማ ዔርቴ ዎርቆንታ ኔኤኮ ቦርሳ ካሉሞ ዓኣቻኒ ቦኦሬ ዓፒላንታ ታ ጊዳፓ ኔ ሻንቃንዳጉዲ፥ ዛጋኒያ ዓኣፖ ቲሽኮ ዼኤሾ ኔ ሻንቂ ቲሽካንዳጉዲ ታ ኔና ዞራኔ። 
\v 19 ታኣኒ ናሽካዞንሢ ቢያ ሜቶ ዒንጊ ጎራኔ፤ ዬያሮ ዶዴ፤ ጎሞዋ ኔኤኮ ቡኡፄ። \x - \xo 3፡19 \xo*\xt ኮኦኪ. 3፡12፤ ዔብ. 12፡6።\xt*\x* 
\v 20 ሃይሾ ታኣኒ ካራ ዔቂ ‹ማኣሪ ዓሲዮ› ጌይ ዔኤሊንታኔ፤ ዖኦኒያ ታኣኮ ዑኡዞ ዋይዚ ካሮ ታኣም ቡሌቴ ዒዛ ባንሢ ታ ጌሊ ዒዛና ዎላ ሙኡዚ ሙዓንዳኔ፤ ዒዚያ ታኣና ዎላ ሙዓንዳኔ፤ 
\v 21 ታኣኒ ዖሎ ባሺ ታ ዓዶና ዎላ ታ ዓዶኮ ካኣቱሞ ዖይታ ዴዔሢጉዲ፥ ዖሎ ባሼሢያ ታኣና ዎላ ታ ካኣቱሞ ዖይቶይዳ ታ ዴይሣንዳኔ።
\p
\v 22 «ሺኢጲፆ ማኣሮም ዓያና ጋዓ ባኮ ዋይዛ ዋይዚ ዓኣሢ ዋይዞንጎ!» ጌዔኔ።
\c 4
\s1 ጫሪንጮይዳ ፆኦሲኮ ካኣቱሞ ዖይቶና ዒኢካ ሺኢቂንታ ሺኢጲፆ
\p
\v 1 ዬካፓ ጫሪንጮይዳ ቡሊንቲ ዓኣ ካራ ታ ዴንቄኔ፤ ዬማና ዛዬ ዑኡሲጉዲ ኬኤዛ ቤርታኣ ዑኡዛሢ፦ «ሃኒ፥ ሃንጋ ኬስኬ፤ ሃይፓ ሴካ፥ ቤርታ ማዓንዳ ባኣዚ ታ ኔና ዻዋንዳኔ» ታኣም ጋዓዛ፥ 
\v 2 ቤዞማና ታኣኒ ዓያና ጌኤሺ ማሊሢዳ ጌሌኔ፤ ዓካሪ ዒማና ጫሪንጮይዳ ካኣታ ዴዓ ዖይታ ጌሢንቲ ዓኣንቴ ታ ዴንቄኔ፤ 
\v 3 ዬኖ ዖይቶይዳ ዴዒ ዓኣሢኮ ዓውካራ ሚርጌ ሚዛጳ ዒያስጲዴና ሴርዲኖኔ ጌይንታ ሹጮ ዑፆ ማላያኬ፤ ካኣቱሞ ዖይቶኮ ኮይላ ሜሬጊዴ ጌይንታ ሹጮ ዑፆ ማላ ሚዛጲ ዡኡሎ ዓኣኔ። \x - \xo 4፡3 \xo*\xt ሂዚ. 1፡26-28፤ 10፡1።\xt*\x* 
\v 4 ዬያጉዲ ሃሣ ካኣቱሞ ዖይቶ ኮይላ ሜሌ ላማታሚ ዖይዶ ካኣቱሞ ዖይታ ዓኣኔ፤ ዬንሢ ዖይቶንሢዳ ቦኦሬ ማኣዖ ማይንቴያ ሃሣ ቶኦኮይዳኣ ዎርቄፓ ኮሾና ቦንቾም ዓጎ ባኮ ዓጌ ላማታሚ ዖይዶ ጋርቺ ዴዒ ዓኣኔ። 
\v 5 ካኣቱሞ ዖይታሢዳፓ ዜኤሊንሢና ዑኡሲና ሃሣ ጉጉንሢያ ኬስኬኔ፤ ሃሣ ዬያ ዖይታሢኮ ቤርታ ፖዒ ፖዓ ላንካይ ፆምፔ ዓኣኔ፤ ዬያታ ላንካዎ ፆኦሲ ዓያኖንሢኬ። \x - \xo 4፡5 \xo*\xt ኬሲ. ማፃ 19፡16፤ ዮሃ. ፆፔዻ 8፡5፤ 11፡19፤ 16፡18፤ ሂዚ. 1፡13፤ ዮሃ. ፆፔዻ 1፡4፤ ዛካ. 4፡2።\xt*\x* 
\v 6 ሃሣ ዬያ ዖይታሢ ቤርታ ሌማሌኤሼጉዲ፥ ጌኤሽኪ ጴዻ ባዚ ዓኣኔ።
\p ካኣቱሞ ዖይቶ ኮይሎይዳ ዖይዶ ዛላ ሚርጌ ዓኣፒ ዓኣ ዖይዶ ዱማ ዱማ ማዢንቲ ዓኣኔ። 
\v 7 ቤርታኣ ባካሢ ዞቢ ማላያ፥ ላምዓሳሢ ጌማይ ማላያ፥ ሃይሣሳሢ ጊንሣ ዓሲ ዓኣፒ ካራ ማላ ዓውካሬ ዓኣያኬ፤ ዖይዳሳ፥ ጋፒንፃሢ ባራና ኮኦኬ ማላያኬ። \x - \xo 4፡7 \xo*\xt ሂዚ. 1፡5-10፤ 10፡14።\xt*\x* 
\v 8 ዬንሢ ዖይዶ ባኮንሢኮ ላሆ ላሆ ጋኣሲ ዓኣኔ፤ ዬያቶኮ ዙሎና ጋሮናይዳ ዺቢ ዓኣፒ ዓኣያኬ፤ ዔያታ ዋንቶና ሮኦሮና፦
\q «ፆኦሲም ዱማዼሢዮ! ዱማዼሢዮ! ዱማዼሢዮ!
\q2 ቢያ ባኣዚ ዳንዳዓ፥ ጎዳ ማዔ ፆኦዛሢዮ!
\q2 ሃሢ ዓኣሢና ሚናፓኣ ናንጋሢዮ
\q ሃጊያ ሙካንዳሢዮ!»
\m ጋዓኔ፤ ዬያ ዔያታ ሃሹዋዖ ጋዓኔ። \x - \xo 4፡8 \xo*\xt ሂዚ. 1፡18፤ 10፡12፤ ዒሲ. 6፡2-3።\xt*\x*
\p
\v 9 ዬንሢ ባኮንሢ ካኣቱሞ ዖይቶይዳ ዴዔሢም፥ ናንጊና ናንጋሢም፤ ቦንቾ፥ ሄርሺሢ፥ ጋላታኣ ሺኢሻ ዎዶና ቢያ፥ 
\v 10 ላማታሞ ዖይዶ ጋርቾንሢ ናንጎና ናንጋሢም፥ ካኣቱሞ ዖይቶይዳ ዴዔሢም ጉምዓቲ ዚጋኔ፤ ዔያቶኮ ቶኦካ ዓጎ፥ ቦንቾ ባኮ ካኣቱሞ ዖይቶ ቤርታ ጌሢ፦
\q
\v 11 «ኑ ጎዳ ማዔ ኑ ፆኦዛሢዮ!
\q2 ቢያ ባኣዚ ኔ ማዤሢሮ
\q ቢያ ባካ ማዢንቴሢና ማዔሢ፥
\q ኔ ማሊፆና ማዔሢሮ
\q2 ቦንቾና ሄርሺሢና ዎልቄያ ኔኤም ኮይሳያኬ»
\m ዔያታ ጋዓኔ።
\c 5
\s1 ማሪንቴ ማፃኣፖና ማራዓሢና ዛላ
\p
\v 1 ካኣቱሞ ዖይቶይዳ ዴዔሢኮ ሚዛቆ ኩጫ ጋሮና ዙሎናይዳ ቢያ ፃኣፒንቴያ ሃሣ ላንካይ ዔርዛ ማላታ ዑፃ ዖኦኒያ ቡሉዋጉዲ ዓይሦና ማሪንቴ ማፃኣፔ ታ ዛጌኔ፤ \x - \xo 5፡1 \xo*\xt ሂዚ. 2፡9-10፤ ዒሲ. 29፡11።\xt*\x* 
\v 2 ፔቴ ዼኤፒ፥ ኪኢታንቾስኬይ ዼጊ ጌዔ ዑኡሲና፦ «ዬንሢ ዔርዛ ማላቶንሢ ቡላኒና ማፃኣፖዋ ቡላኒ ዳንዳዓሢ ዖናዳይ?» ጋዓንቴ ታ ዛጌኔ። 
\v 3 ጋዓንቴ ጫሪንጮይዳ ሳዖይዳ ሃሣ ሳዖኮዋ ዴማ ማፃኣፖ ቡሊ ጋሮይዳ ዓኣ ባኮ ዛጋኒ ዳንዳዓ ዓሲ ዖኦኒያ ባኣያ ማዔኔ፤ 
\v 4 ማፃኣፓሢ ቡሊ ጋሮ ዛጋኒ ዳንዳዓ ዓሲ ጴዺባኣያ ማዔሢ ታ ዴንቄ ዎዶና ሚርጌና ዬኤኬኔ፤ 
\v 5 ዬማና ጋርቾንሢዳፓ ፔቴይ፦ «ዬኤኪፖ፤ ሃኣዛጌ ዪሁዳ ማኣራፓ ማዔ፥ ዞባሢ፥ ዳውቴ ፃጳሢ ዖሎና ባሼያ ማዔሢሮ ዒዚ ማፃኣፓሢና ላንካዎ ‹ቡሎፓ› ጌይንቴ ማላቶንሢ ቡላኒ ዳንዳዓያኬ» ታኣም ጌዔኔ። \x - \xo 5፡5 \xo*\xt ማዢ. ማፃ 49፡9፤ ዒሲ. 11፡1፤ 10።\xt*\x*
\p
\v 6 ዬካፓ ካኣቱሞ ዖይቶና ዖይዶ ባኮንሢናኮ ሃሣ ጪሞንሢኮዋ ባኣካ ዎዾናያ ማላ ማራይ ዔቂ ዓኣንቴ ታ ዛጌኔ፤ ዬያ ማራዓሢኮ ላንካይ ጉራኒና ላንካይ ዓኣፒና ዓኣኔ፤ ዬያታ ዓጮ ቢያ ዳኪንቴ ላንካዎ ፆኦሲ ዓያኖንሢኬ። \x - \xo 5፡6 \xo*\xt ዒሲ. 53፡7፤ ዛካ. 4፡10።\xt*\x* 
\v 7 ማራዓሢ ሙኪ ካኣቱሞ ዖይቶይዳ ዴዔሢኮ ሚዛቆ ኩጫ ዓኣ፥ ማፃኣፓሢ ዔኬኔ፤ 
\v 8 ዒዚ ማፃኣፖ ዔካማና ዖይዶ ባኮንሢንታ ላማታሞ ዖይዶ ጪሞንሢንታ ማራዓሢኮ ቤርታ ጉምዓቲ፥ ባሊቶና ሂርኪ ጌዒ ዚጌኔ፤ ዬያታ ፔቴ ፔቴሢ ኩጮይዳ ጎኦላ ዔኪ ሃሣ ፆኦሲም ዱማዼ ዓሶኮ ሺኢጲፆ ማዔ ዑንጆ ዓርቄያ ዎርቄና ኮሾና ዔቴ ማዔ ዻካ ሳኣኔ ዔኪ ዓኣኔ። \x - \xo 5፡8 \xo*\xt ዓይኑ. 141፡2።\xt*\x* 
\v 9 ዔያታ ቤርታ ጌይንቲ ቤቂባኣ ፆኦሲ ቦንቾም ማዓ ዓይኑሞ፦
\q «ማፃኣፓሢ ዔካኒና
\q2 ‹ቡሎፖ› ጌይንቴ ማላቶንሢያ ቡላኒ
\q2 ኔ ዳንዳዓያ ማዔኔ፤
\q ዎይቲ ጌዔቴ ኔኤኒ ዎዺንቴኔ፤
\q2 ኔኤኮ ሱጉፆና ዱማ ዱማ ቶኦካፓ
\q2 ዱማ ሙኡቺ ጌስታ ዓሶፓ፥ ዜርፃፓ
\q2 ሃሣ ዓሲ ቢያ ባኣካፓ ዱማሲ
\q2 ዓሶ ፆኦሲም ኔ ጊንሣ ማሂ ሻንቄኔ፤ \x - \xo 5፡9 \xo*\xt ዓይኑ. 33፡3፤ 98፡1፤ ዒሲ. 42፡10።\xt*\x*
\q
\v 10 ኑ ፆኦዛሢማኣ ቄኤሴ ማዒ
\q2 ዔያታ ማዻንዳጉዲ ኔ ማሄኔ፤
\q2 ሳዖይዳኣ ዔያታ ካኣታዻንዳኔ»
\m ጌዒ ጌዒ ዓይናዼኔ። \x - \xo 5፡10 \xo*\xt ኬሲ. ማፃ 19፡6፤ ዮሃ. ፆፔዻ 1፡6።\xt*\x*
\p
\v 11 ዬካፓ ሃሣ ታ ዛጋዖ ካኣቱሞ ዖይቶና ዖይዶ ባኮንሢና ጪሞንሢናኮ ኮይላ ሚርጌ ኪኢታንቾኮ ዑኡሲ ታ ዋይዜኔ፤ ዬያቶኮ ሚርጉማ ሚርጌ ሺያፓ ዑሣ ሃሣ ፓይዲንታኒያ ዳንዳዒንቱዋያኬ፤ \x - \xo 5፡11 \xo*\xt ዳኣኔ. 7፡10።\xt*\x* 
\v 12 ዬያታ ዼኤፒ ዑኡሲና፦
\q «ዎዺንቴ ማራዓሢም ዎልቄ፥ ቆሎ
\q2 ዔራቶ፥ ዶዱሞ፥ ቦንቾንታ ሄርሺሢንታ
\q2 ጋላታንታ ኮይሳያኬ» ጌይ ዓይናዼኔ።
\p
\v 13 ዬካፓ ጫሪንጮና ሳዖናይዳ፥ ሳዖኮዋ ዴማ ሃሣ ዼኤፖ ባዞናይዳ፥ ዬያ ባኮ ቢያይዳ ዓኣ ማዢንታ ቢያ፦
\q «ካኣቱሞ ዖይቶይዳ ዴዔሢና ማራዓሢናም
\q2 ጋላታ፥ ቦንቾ፥ ሄርሺሢንታ ዎልቄንታ
\q2 ናንጊና ማዖንጎ» ጌይ ዓይናዻንቴ ታ ዋይዜኔ።
\p
\v 14 ዖይዶ ባኮንሢያ «ዓኣሜን» ጌዔኔ፤ ጋርቾንሢ ጊንሣ ባሊቶ ሳዖ ባንሢ ሂርኪዲ ጉምዓቲ ዚጌኔ።
\c 6
\s1 «ቡሎፖ» ጌይ ዓይሦና ዔርዛ ማላቶንሢኮ ቡሊንቲፆ
\p
\v 1 ዬካፓ ማራዓሢ ላንካዎ «ቡሎፖ» ጌይ ዓይሦና ዔርዛ ማላቶንሢዳፓ ቤርታሳዞ ቡላንቴ ታ ዛጌኔ፤ ዒማና ዖይዶ ባኮንሢዳፓ ፔቴሢ ጉጉንሢጉዴ ዑኡሲና «ሃኒ ዬዔ!» ጋዓንቴ ታ ዋይዜኔ። 
\v 2 ዒማና ቦኦሬ ፓሮ ታ ዴንቄኔ፤ ዬያ ፓራሢ ዓኣዛ ዓርቄ ዓሲ ቶጊ ዓኣኔ፤ ዒዛም ቦንቾሮ ቶኦካ ዓጎ ባካ ዒንጊንቴኔ፤ ዒዚያ ዖሎና ባሻያ ማዒ ባሺ ባሺ ዓኣዻኒ ኬስኬኔ። \x - \xo 6፡2 \xo*\xt ዛካ. 1፡8፤ 6፡3፤ 6።\xt*\x*
\p
\v 3 ማራዓሢ ላምዓሳ ዔርዛ ማላቶ ቡሌ ዎዶና ላምዓሳ ባካሢ «ሃኒ ዬዔ!» ጋዓንቴ ታ ዋይዜኔ። 
\v 4 ሃሣ ሜሌ ሱጉሢጉዲ ዞቄ ፓራ ኬስኬኔ፤ ዬያ ቶጌሢም ሳዖይዳ ኮሺ ናንጊ ባይዛንዳጉዲና ዓሲ ዎሊ ዎዻንዳጉዲ ማሃንዳ ቢታንቶ ዒንጊንቴኔ፤ ዼኤፒ ጬንቻ ዓፓሮዋ ዒዛም ዒንጊንቴኔ። \x - \xo 6፡4 \xo*\xt ዛካ. 1፡8፤ 6፡2።\xt*\x*
\p
\v 5 ማራዓሢ ሃይሣሳ ዔርዛ ማላቶ ቡሌ ዎዶና ሃይሣሳ ባካሢ «ሃኒ ዬዔ!» ጋዓንቴ ታ ዋይዜኔ፤ ዒማና ታ ሃሣ ካርሢ ፓሮ ዴንቄኔ፤ ዬያ ፓራሢ ቶጌሢ ኩጫ ዴኤሡሞ ዔርዛ ባኣዚ ዔኪ ዓኣኔ። \x - \xo 6፡5 \xo*\xt ዛካ. 6፡2፤ 6።\xt*\x* 
\v 6 ዬካፓ ዖይዶ ባኮንሢ ባኣካፓ ዑኡሲጉዴ ባኣዚ ታኣም ዋይዚንቴያ ማሌኔ፤ ዬና ዑኡዛ «ዛላ ኪሎ ማዓ ዛርጌ ፔቴ ኬሊ ማዾና ማዾ ዛላ ዒንጊንታያ፥ ፔቴ ኪሎና ዛላና ማዓ ዔልዓ ዬኖ ጎይፆ ፔቴ ኬሊ ማዾ ማዼም ዒንጊንታያ ማዖም፤ ዛይቶና ዎይናፓ ኮሾና ዑዦና ጋዓንቴ ፑርቲሲ፥ ባይዚፖ» ጋዓንቴ ታ ዋይዜኔ።
\p
\v 7 ማራዓሢ ዖይዳሳ ዔርዛ ማላቶ ቡሌ ዎዶና ዖይዳሳ ባካሢ «ሃኒ ዬዔ!» ጋዓንቴ ታ ዋይዜኔ፤ 
\v 8 ዬማና ጋላፒ ፓሮ ታ ዴንቄኔ፤ ዬያ ቶጊ ዓኣ፥ ዓሢኮ ሱንፃ ሃይቢ ጌይንታያኬ፤ ዒዛኮ ጊንፆ ዓርቂ ሃይቄ ዓሳ ኬዳ ቤዛ ሙኪ ሙኪ ዓኣኔ፤ ዔያቶም ሳዖኮ ዛሎኮ ዛሎ ዖልዚና፥ ናይዚና፥ ፑርታ ዶርዖና ሃሣ ካይዚ ቦዖና ዎዺሺ ባይዛንዳጉዲ ቢታንቶ ዒንጊንቴኔ። \x - \xo 6፡8 \xo*\xt ሂዚ. 14፡21።\xt*\x*
\p
\v 9 ዶንጋሳ ዔርዛ ማላቶ ዒ ቡሌ ዎዶና ፆኦሲ ቃኣሎና ዔያታ ማርካዼ ማርካቶ ዛሎናሮ ጌይ ዎዾና ዓሶኮ ሼምፓሢ ፆኦሲም ዒንጊ ካኣሽኮ ቤዞኮ ዴማ ዓኣንቴ ታ ዴንቄኔ፤ 
\v 10 ዔያታ ዼጊ ጌዔ ዑኡሲና፦ «ዱማዼያ ሃሣ ጎኔ ማዔያ፥ ቢያሢኮ ዑፃ ማዔ ጎዳሢዮ! ሳዖይዳ ዓኣ ዓሶይዳ ኔ ዎጉዋኣሢና ኑ ሱጉፆ ዛሎዋ ኮሞ ኔ ዔኩዋኣሢ ዎማ ሄላንዳኣናዳይ!» ጌዒ ጌዒ ዒላታኔ። 
\v 11 ዬካፓ ፔቴ ፔቴዞንሢም ቦኦሬ ማኣዓ ዒንጊንቴኔ፤ ሃጊ ዔያቶጉዲ ዎዾንዶ፥ ፆኦሲም ማዻያ ማዔ፥ ዔያቶኮ ላጎ ሃሣ ዒሾንሢ ማዔዞንሢኮ ፓይዳ ኩማንዳያ ሄላንዳኣና ዻካ ዔያታ ጊቢ ዳንዳዒ ዴዓንዳጉዲ ዔያቶም ኬኤዚንቴኔ።
\p
\v 12 ዬካፓ ማራዓሢ ላሃሳ ዔርዛ ማላቶ ቡላንቴ ታ ዛጌኔ፤ ዬማና ሳዓ ሚርጌና ዓጊፄኔ፤ ዓባ ካርሢ ዓፒላጉዲ ካርታዛ ዓጊና ጉቤና ሱጉሢጉዲ ዞቄኔ፤ \x - \xo 6፡12 \xo*\xt ዮሃ. ፆፔዻ 11፡13፤ 16፡18፤ ዒሲ. 13፡10፤ ዒዩ. 2፡10፤31፤ 3፡15፤ ማቲ. 24፡29፤ ማር. 13፡24-25፤ ሉቃ. 21፡25።\xt*\x* 
\v 13 ዼኤፒ ዢባሬ ቤሌሴ ሚፆ ዓጊሣ ዎዶና ካፂባኣ ዓኣፓ ሚፃፓ ዲኢናሢጉዲ ጫሪንጮ ዦኦጋሢያ ዲኢኔኔ። \x - \xo 6፡13 \xo*\xt ዒሲ. 34፡4።\xt*\x* 
\v 14 ጫሪንጫ ማሪንቴ ማፃኣፖጉዲ ማዒ፥ ማርቲ ዴንዴኔ፤ ሃሣ ዹኮንታ ዋኣፆ ሳዛ ዓኣ ዓጫ ዓኣ ቤዛፓ ሺኢኪ ባይቄኔ። \x - \xo 6፡14 \xo*\xt ዮሃ. ፆፔዻ 16፡20።\xt*\x* 
\v 15 ዓጮኮ ዱማ ዱማ ካኣታ፥ ዎይሣ ዓሳ፥ ፖኦሊሶ ዓይሣ ዓሳ፥ ዖርጎጮ ዓሳ፥ ዶዶ ዓሳ፥ ዴማ ማዒ ማዻ ዓሶንታ ማዺሻ ዓሶንታ ቢያ ዴኖ ባኣካ ዓኣ ዔቶና ዹኮና ሃሣ ላሎ ቆኦፖናይዳ ዓኣሺንቴኔ፤ \x - \xo 6፡15 \xo*\xt ዒሲ. 2፡19-21።\xt*\x* 
\v 16 ዬካፓ ዹኮና ላሎናም፦ «ኑ ዑፆይዳ ዶዑዋቴ! ካኣቱሞ ዖይቶይዳ ዴዔሢና ማራዓሢናኮ ጎሪንታፓ ኑና ዓኣቹዋቴ! \x - \xo 6፡16 \xo*\xt ሆሴ. 10፡8፤ ሉቃ. 23፡30።\xt*\x* 
\v 17 ዓይጎሮ ጌዔቴ ዼኤፖ ዔያቶኮ ጎሪንቶ ኬላ ሙኬሢሮ ዖኦኒ ዬያኮ ቤርታ ዔቃኒ ዳንዳዓንዳይ?» ጌዔኔ። \x - \xo 6፡17 \xo*\xt ዒዩ. 2፡11፤ ሚል. 3፡2።\xt*\x*
\c 7
\s1 144000 ዒስራዔኤሌ ዓሶ
\p
\v 1 ዬካፓ ዖይዶ ኪኢታንቻ ዓጮኮ ዖይዶ ዛሎና ዔቂ ዓኣንቴ ታ ዴንቄኔ፤ ዔያታ ሳዖይዳ ማዖም ባዞይዳ ሃሣ ሚፆይዳ ዓይጎ ዢባሬያ ዢባርሹዋጉዲ ዓጮኮ ዖይዶ ዛላፓ ሙካ ዢባሮ ቢያ ላኣጊ ዓርቄኔ። \x - \xo 7፡1 \xo*\xt ዔር. 49፡36፤ ዳኣኔ. 7፡2፤ ዛካ. 6፡5።\xt*\x* 
\v 2 ሃሣ ጊንሣ ናንጊና ናንጋ ፆኦዛሢኮ ዔርዛ ማላቶ ኩጫ ዔኬ፥ ሜሌ ፆኦሲ ኪኢታንቻ ዓባ ኬስካ ዛላፓ ሙካንቴ ታ ዴንቄኔ፤ ዒዚያ ሳዖና ባዞና ባይዛንዳጉዲ ቢታንታ ዒንጊንቴ ዖይዶ ኪኢታንቾንሢም ዼኤፒ ዑኡሲና፦ 
\v 3 «ኑ ፆኦዛሢም ማዻ ዓሶኮ ባሊቶይዳ ዱማሲ ዔርዛ ማላቶ ኑ ዓይሣንዳያ ሄላንዳኣና ሳዖ ማዔቴያ ባዞ፤ ሃሣ ሚፆዋ ዔኤቢ ዎኦቲፖቴ» ጌዔኔ። \x - \xo 7፡3 \xo*\xt ሂዚ. 9፡4፤ 6።\xt*\x* 
\v 4 ዔርዛ ማላቶ ዓይሢንቴ ዓሶኮ ፓይዶ ታ ዋይዜኔ፤ ዬያታ ዒስራዔኤሌ ፃጶ ቢያይዳፓ ማዔያ ፄኤታና ዖይዲታሚ ዖይዶ ሺያ ዓሲኬ። 
\v 5-8 ዪሁዳ ፃጳፓ፥ ሮኦቤኤሌ ፃጳፓ፥ ጋኣዴ ፃጳፓ፥ ዓሴኤሬ ፃጳፓ፥ ኒፕታኣሌኤሜ ፃጳፓ፥ ሚናኣሴ ፃጳፓ፥ ሲሞኦኔ ፃጳፓ፥ ሌዊ ፃጳፓ፥ ዪሳኮኦሬ ፃጳፓ፥ ዛብሎኦኔ ፃጳፓ፥ ዮሴፔና ቢኢኒያሜና ፃጳፓ፤ ዬያ ፔቴ ፔቴሢ ፃጳፓ ታጶ ላምዖ ሺያ፥ ሺያ ዓሲም ማላታ ዓይሢንቴኔ።
\s1 ቦኦሬ ማኣዖ ማይንቴ ሚርጌ ዴሬ
\p
\v 9 ዬካፓ ዖኦኒያ ፓይዳኒ ዳንዳዑዋ፥ ሚርጌ ዓሲ ታ ዴንቄኔ፤ ዬያታ ዱማ ዱማ ዴሬይዳፓ፥ ቶኦኪዳፓ፥ ዜርሢዳፓ፥ ሙኡቺ ጌስታ ዓሲዳፓ ቡኬ ዓሲኬ፤ ዔያታ ቦኦሬ ማኣዖ ማይንቲ፥ ሜኤፄ ዒላሺያ ፔ ኩጫ ዓርቂ ካኣቱሞ ዖይቶና ማራዓሢና ቤርታ ዔቃዖ፥ 
\v 10 ዼኤፒ ዑኡሲና፦
\q «ዻቂንታ ኑም ጴዼሢ ካኣቱሞ ዖይቶይዳ ዴዔ፥
\q2 ኑ ፆኦዛሢና ማራዓሢናይዳፓኬ» ጌዒ ጌዒ ዒላታኔ።
\p
\v 11 ኪኢታንቻ ቢያ ሃሣ ካኣቱሞ ዖይቶና ጋርቾንሢና ሃሣ ዖይዶ ባኮንሢኮ ዓጫ ዔቂ፥ ካኣቱሞ ዖይቶ ቤርታ ባሊቶና ሂርኪ ጌዒ ፆኦሲም ዚጋዖ፥ 
\v 12 ሂዚ ጌዔኔ፦
\q «ዓኣሜን፤ ሄርሺሢና ቦንቾና ዔራቶና፥
\q2 ጋላታና ዼኤፒሲሢና ዎልቄና ዶዱሞና፥
\q2 ኑ ፆኦዛሢም ናንጊና ማዖንጎ፤ ዓኣሜን።»
\p
\v 13 ዬማና ጋርቾንሢዳፓ ፔቴ ታ ባንሢ ሺራዖ፦ «ሃንሢ ቦኦሬ ማኣዓሢ ማይንቴዞንሢ ዖናንሢዳይ? ዓንካፓ ዔያታ ሙኬይ?» ጌዒ ታና ዖኦጬኔ።
\p
\v 14 ታኣኒያ ማሃዖ፦ «ጎዳሢዮ! ኔ ዔራኔ» ጋዓዛ፥ ዒዚ «ሃንሢ ዼኤፖ ሜታሢ ጊዴና ኬስኪ ሙኬዞንሢኬ፤ ዔያታ ፔኤኮ ማኣዓሢያ ማራዓሢ ሱጉፆና ማስኪ ቦኦሪሼኔ፤ \x - \xo 7፡14 \xo*\xt ዳኣኔ. 12፡1፤ ማቲ. 24፡21፤ ማር. 13፡19።\xt*\x* 
\v 15 ዬያሮ ፆኦሲ ካኣቱሞ ዖይቶ ቤርታ ዋንቴና ሮኦሪና ጌኤዦ ማኣሮይዳ ዒዛም ማዻኔ፤ ካኣቱሞ ዖይቶይዳ ዴዔሢ ዔያቶ ባኣካ ማዒ ዔያቶኮ ሺባሢ ማዓንዳኔ። 
\v 16 ሃካፓ ሴካ ዔያታ ናይዺንታዓኬ፤ ዼኤቢያ ዼኤቢንታዓኬ፤ ዓቢ ዔያቶ ሚቻዓኬ፤ ሩኡጲያ ዔያቶ ሄላዓኬ፤ \x - \xo 7፡16 \xo*\xt ዒሲ. 49፡10።\xt*\x* 
\v 17 ዓይጎሮ ጌዔቴ ካኣቱሞ ዖይቶ ባኣካ ዓኣ ማራዓሢ ዔያቶኮ ሄንቃሢ ማዓንዳኔ፤ ናንጎ ዓልቃ ዋኣፆ ባንሢያ ዔያቶ ዒ ዔኪ ዓኣዻንዳኔ፤ ፆኦሲ ዔያቶኮ ዓቢፆ ዓኣፓፓ ቢያ ዑጫንዳኔ» ታኣም ጌዔኔ። \x - \xo 7፡17 \xo*\xt ዓይኑ. 23፡1፤ ሂዚ. 34፡23፤ ዓይኑ. 23፡2፤ ዒሲ. 49፡10፤ 25፡8።\xt*\x*
\c 8
\s1 ቡሊንቶፓ ጌይ ዓይሦና ላንካሳዞኮ ቡሊንቲፆ
\p
\v 1 ማራዓሢ ቡሊንቶፓ ጌይ ዓይሦና ላንካሳ፥ ባኬሎ ቡሌ ዎዶና ጫሪንጫ ዋይዚንታ ባኣዚ ባኣያ ማዒ፥ ዻካ ዚቲዮ ጌዔኔ፤ 
\v 2 ዬካፓ ፆኦሲ ቤርታ ዔቃ፥ ላንካዎ ኪኢታንቾ ታ ዴንቄኔ፤ ዔያቶም ዒማና ላንካይ ዛዬ ዒንጊንቴኔ።
\p
\v 3 ዑንጆ ጩቢሶያ ዎርቄና ኮሺንቴ ሱሢ ኩንዔ ኩጫ ዔኬ፥ ኪኢታንቻ ሙካዖ ፆኦሲም ዒንጎ ባካ ዒንጊንታ ቤዞ ኮይላ ዔቃዛ ካኣቱሞ ዖይቶ ቤርታ ዓኣ፥ ዎርቆና ኮሺንቴ ፆኦሲም ዒንጎ ባኮ ዒንጎ ቤዛ፥ ፆኦሲም ዱማዼ ዓሶኮ ሺኢጲፆና ዎላ ፆኦሲ ቤርቶ ሺኢሻንዳጉዲ ሚርጌ ዑንጄ ዒዛም ዒንጊንቴኔ። \x - \xo 8፡3 \xo*\xt ዓሞ. 9፡1፤ ኬሲ. ማፃ 30፡1፤ 3።\xt*\x* 
\v 4 ዑንጆኮ ጩባ ፆኦሲም ዱማዼ ዓሶኮ ሺኢጲፆና ዎላ ኪኢታንቻሢ ኩጫፓ ፆኦሲ ቤርቶ ኬስኬኔ። 
\v 5 ዬካፓ ኪኢታንቻሢ ጩቢሶ፥ ሱፆ ኩንዖ ዔኪ ፆኦሲም ዒንጎ ባኮ ዒንጎ ቤዛፓ ታሚ ካኣሺ ሱፆ ኩንዖይዳ ኩንሤስካፓ ሳዖ ባንሢ ኬኤራዛ ጉጉንሢና ዼኤፒ ዑኡሲና ሃሣ ዜኤሊንሢያ ዜኤሊንሤም ሳዓ ዓጊፄኔ። \x - \xo 8፡5 \xo*\xt ሌዊ. ዓኬ 16፡12፤ ሂዚ. 10፡2፤ ኬሲ. ማፃ 19፡16፤ ዮሃ. ፆፔዻ 11፡19፤ 16፡18።\xt*\x*
\s1 ኪኢታንቻ ዛያሢ ዋርቄሢ
\p
\v 6 ዬካፓ ላንካይ ዛዬ ኩጫ ዔኬ፥ ላንካይ ኪኢታንቾስኬንሢ ዛያሢ ዋርቃኒ ጊኢጊንቴኔ።
\p
\v 7 ቤርታሳ ኪኢታንቻሢ ዛያሢ ዋርቃዛ፥ ሱጉሢ ሲኢሪንቴ ሻቺና ታሚና ሳዓ ኬዴኔ፤ ዬማና ዛላኮ ዛላ ጊንሢ ማዓ ሳዓ ሚጬኔ፤ ሚፆንታ ዓኣዔ ማኣቶንታኮዋ ዛላኮ ዛላ ማዓይ ቢያ ሚጬኔ። \x - \xo 8፡7 \xo*\xt ኬሲ. ማፃ 9፡23-25፤ ሂዚ. 38፡22።\xt*\x*
\p
\v 8 ሃሣ ላምዓሳ ኪኢታንቻሢ ዛያሢ ዋርቃዛ ታሚ ዔኤታ፥ ዼኤፒ ዹካ ማላ ባኣዚ ባዞይዳ ኬዳዛ ዛላኮ ዛላ ጊንሢ ማዓይ ቢያ ባዞኮ ሱጉሢ ማዔኔ፤ 
\v 9 ባዞይዳ ናንጋ፥ ሼምፓ ዓኣ ባኮኮ ዛላኮ ዛላ ማዓይ ቢያ ሃይቄኔ፤ ሃሣ ዋኣፆ ካኣሚሎኮዋ ዛላኮ ዛላ ጊንሢ ማዓይ ቢያ ፑርቲ ጋፔኔ።
\p
\v 10 ሃይሣሳ ኪኢታንቻሢ ዛያሢ ዋርቃዛ ፆምፔጉዲ ዔኤታ ዼኤፒ ዦኦጌ ጫሪንጫፓ ዎሮ ዋኣፆና ዓልቃ ዋኣፆናኮ ዛላኮ ዛላ ማዓ ጊንፆይዳ ኬዴኔ። \x - \xo 8፡10 \xo*\xt ዒሲ. 14፡12።\xt*\x* 
\v 11 ዬያ ዦኦጋሢኮ ሱንፃ «ዋላንጋ» ጌይንታያኬ፤ ዬያሮ ዋኣፆኮ ዛላኮ ዛላ ጊንሢ ማዓይ ቢያ ጫንቺ ማዔኔ፤ ዋኣፆኮ ጫንቂፆይዳፓ ዔቄያና ሚርጌ ዓሲ ሃይቄኔ። \x - \xo 8፡11 \xo*\xt ዔር. 9፡15።\xt*\x*
\p
\v 12 ዖይዳሳ ኪኢታንቻሢ ዛያሢ ዋርቃዛ ዓቦንታ ዓጊኖንታ ዦኦጋሢንታኮ ዛላኮ ዛላ ጊንሢ ማዓይ ቢያ ዹይንቴኔ፤ ሮኦሮንታ ዒባኖንታኮ ዛላኮ ዛላ ማዓ ጊንፆይዳ ፖዒ ፖዑዋጉዲ ላኣጊንቴኔ። \x - \xo 8፡12 \xo*\xt ዒሲ. 13፡10፤ ሂዚ. 32፡7፤ ዒዩ. 2፡10፤ 3፡15።\xt*\x*
\p
\v 13 ዬካፓ ሃሣ ፔቴ ኮኦኬ ጫሪንጫ ባራናንቴ ታ ዴንቄኔ፤ ዬይ ዼኤፒ ዑኡሲና፦ «ዓቴ ሃይሦ ኪኢታንቾንሢ ዛያሢ ዋርቃዛ ዋይዚንታንዳ ዑኡዞ ዛሎና ሳዖይዳ ናንጋ ዓሶም ባዴዔ! ባዴዔ! ባዴዔ!» ጋዓንቴ ታ ዋይዜኔ።
\c 9
\p
\v 1 ዶንጋሳ ኪኢታንቻሢ ዛያሢ ዋርቃዛ፥ ዒማና ጫሪንጫፓ ሳዓ ኬዴ ፔቴ ዦኦጌ ታ ዴንቄኔ፤ ዬያ ዦኦጋሢም ዼኤፖ፥ ዒጊቻ ዔቶ\f + \fr 9፡1 \fr*\fq ዼኤፖ፥ ዒጊቻ ዔቶ፦ \fq*\ft ጌይፃ ሳዖኮ ዴማ ፃላሆ ዓያና ጋፒንፆ ዎጎ ኬሎ ሄላንዳኣና ዴዒ ዓኣ ቤዞኬ።\ft*\f* ቡሎ ቁልፔ ዒንጊንቴኔ። 
\v 2 ዒዚ ዔቶ ቡሌ ዎዶና ዓንሢ ታሚፓ ኬስካ፥ ጩቢጉዴ ጩቢ ዔታፓ ኬስኬኔ፤ ዬይ ዔታፓ ኬስካ ጩባ ዓቦንታ ጫሪንጮንታ ቢያ ዹሚሼኔ፤ \x - \xo 9፡2 \xo*\xt ማዢ. ማፃ 19፡28።\xt*\x* 
\v 3 ዬያ ጩቦ ባኣካፓ ዓቢሢ ሳዖይዳ ኬዴኔ፤ ዬያቶም ሳዖይዳ ዓኣ ኮርናሢም ዒንጊንቴ ዎልቆጉዴ ዎልቄ ዒንጊንቴኔ፤ \x - \xo 9፡3 \xo*\xt ኬሲ. ማፃ 10፡12-15።\xt*\x* 
\v 4 ሳዖይዳ ዓኣ ማኣቶንታ ዋርቂ ዓኣ ዒላሺንታ ሃሣ ዱማ ዱማ ሚፆ ዔያታ ካኣሙዋጉዲ ዔያቶም ኬኤዚንቴኔ፤ ጋዓንቴ ዔያታ ሜታሳንዳጉዲ ጌይንቴሢ ባሊቶይዳ ፆኦሲሮ ማዒፆ ዔርዛ ማላታባኣ ዓሶኬ። \x - \xo 9፡4 \xo*\xt ሂዚ. 9፡4።\xt*\x* 
\v 5 ዬያቶዋ ዶንጎ ዓጊኒ ሌሊ ሜታሳንዳጉዲ ማዓንዳኣፓዓቴም ዎዻንዳጉዲ ዎልቄ ዒንጊቦኦሴ፤ ዔያታ ሜታሳንዳ ጎይፃ ኮርና ዓሲ ዻዓዖ ሜታሳሢ ጎይፆ ሜታሳንዳጉዲኬ። 
\v 6 ዬንሢ ኬሎንሢዳ ዬና ዓሳ ሃይቃኒ ኮዓንዳኔ፤ ጋዓንቴ ዔያቶም ማዓዓኬ፤ ሃይቢ ዔያታ ሱኡካዻንዳኔ፤ ጋዓንቴ ሃይቢ ዔያቶ ኮይላፓ ዴንዲ ባይቃንዳኔ። \x - \xo 9፡6 \xo*\xt ዒዮ. 3፡21፤ ዔር. 8፡3።\xt*\x*
\p
\v 7 ዓቢፃ ዖልዚም ጊኢጌ ፓሮ ማላኔ፤ ዔያቶኮ ቶኦኮይዳ ዓጎያ፥ ዎርቄና ኮሺንቴ ቦንቾሮ ዓጎ ባካ ዓኣኔ፤ ዓኣፖ ካራ ዔያቶኮ ዓሲሮ ማላያኬ፤ \x - \xo 9፡7 \xo*\xt ዒዩ. 2፡4።\xt*\x* 
\v 8 ዔያቶኮ ቶኦኮ ጋፓና ላኣሊሮ ማላኔ፤ ዓጫ ዔያቶኮ ዞቢ ዓቺ ማላያኬ፤ \x - \xo 9፡8 \xo*\xt ዒዩ. 1፡16።\xt*\x* 
\v 9 ዓንጊና ኮሺንታ ዖሎ ማኣዓሢ ማላ፥ ማኣዓ ዔያቶኮ ዓኣኔ፤ ዔያቶ ጋኣዞኮ ዑኡዛ ዖልዚሮ ዓኣዻ ሚርጌ ፓሮና ሳርጌላ ዖይታናኮ ካኣኒ ማላያኬ። \x - \xo 9፡9 \xo*\xt ዒዩ. 2፡5።\xt*\x* 
\v 10 ኮርኖጉዲ ዑንኪና ዻዓ፥ ቤልሢ ዔያቶኮ ዓኣኔ፤ ዓሶ ዔያታ ዶንጎ ዓጊኒ ሜታሳንዳ ዎልቃ ዔያቶኮ ዑንኮይዳ ዓኣኔ። 
\v 11 ዔያቶ ዎይሣ ካኣቲ ዔያቶኮ ዓኣኔ፤ ዒዚ ዼኤፖ፥ ዒጊቻ ዔቶኮ ኪኢታንቻሢኬ፤ ሱንፃ ዒዛኮ ዔብሬ ዓሶ ሙኡጮና «ዓብዶኔ»፥ ጊሪኬ ዓሶ ሙኡጮና «ዓጲሎኔ» ጌይንታኔ፤ ዬና ጌይፃ «ባይዛ» ጌይሢኬ።
\p
\v 12 ቤርታሳ ሜቶ ዎዳ ጋፔኔ፤ ዓካሪ ሃሣ ሜሌ ላምዖ ሜቶ ዎዴ ሙካንዳኔ።
\p
\v 13 ላሃሳ ኪኢታንቻሢ ዛያሢ ዋርቃዛ፥ ፆኦሲ ቤርታ ዓኣ ዎርቆና ኮሺንቴ ፆኦሲም ዒንጎ ቤዞኮ ዖይዶ ዛላ ዓኣ፥ ጉራኖ ማላ ባካፓ ዑኡሲ ኬስካንቴ ታ ዋይዜኔ፤ \x - \xo 9፡13 \xo*\xt ኬሲ. ማፃ 30፡1-3።\xt*\x* 
\v 14 ዬና ዑኡዛ ዛያሢ ዔኪ ዓኣ፥ ላሃሳ ኪኢታንቻሢም፦ «ዼኤፖ ዔፕራፂሴ ዎሮይዳ ቱኡቴ፥ ዖይዶ ኪኢታንቾንሢ ቡሌ!» ጌዔኔ። 
\v 15 ዬኖ ኬሎና፥ ዬኖ ዎዶና፥ ዬኖ ዓጊኖና፥ ዬኖ ሌዖናም ጊኢጊንቴ ዖይዶ ኪኢታንቾንሢ ዓሶይዳፓ ዛላኮ ዛላ ማዓ ዓሲ ዎዻንዳጉዲ ቱኡዛፓ ቡሊንቴኔ። 
\v 16 ፓራሢና ዖላ ዓሶኮ ሚርጉማ ዺቢ ሺያና ፓይዲንታያ ኮሺ ዺቢታሢ ፓይዶ ታ ዔያቶኮ ዋይዜኔ። 
\v 17 ፓራሢና ፓራሢ ቶጊ ዓኣ ዓሶና ፆኦሲ ታና ዻዌም ታኣኒ ዛጋንቴ ያዺኬ፦ ዳዳ ዔያቶኮ ዖሎሮ ዔያታ ማኣዔ ባካ ታሚጉዲ ዞቄ ሃሣ ጮልዔ ጊንሣ ጪኢጬ ቡኒጉዲ ጋላፒኬ፤ ፓሮንሢኮ ቶኦካ ዞቢ ቶኦኪ ማላያ፥ ዔያቶኮ ዻንጋፓ ታሚና ጩቢና ዓንሢ ፂኢሊጉዴ ፂኢሊያ ኬስካኔ፤ 
\v 18 ዔያቶኮ ዻንጋፓ ኬስኪ «ባይዞም» ጎዖና ባኮና ጌይፃ፦ ታሞና ጩቦና ሃሣ ፂኢሎና ዓሶኮ ዛላኮ ዛላ ጊንሢ ማዓያ ቢያ ዎዼኔ። 
\v 19 ፓሮንሢኮ ዎልቃ ዔያቶኮ ዻንጎና ዑንኮናይዳኬ፤ ዑንካ ዔያቶኮ ሾኦሺ ማላኔ፤ ሃሣ ሾኦሺ ቶኦኪጉዴ ቶኦኪ ዔያቶኮ ዓኣኔ፤ ዓሶ ዔያታ ሜታሲ ዎዻሢ ዬያናኬ።
\p
\v 20 ዬንሢ «ባይዞም» ጌይንቴ ባኮንሢ ዎዹዋንቴ ዓቴ ዓሳ ፔኤኮ ማዼ ፑርቶ ማዾ ቡኡፂ ሃሺባኣሴ፤ ዬይያ፦ ፃላሄንታ ዎርቄይዳፓ፥ ቢራ ዓንጊዳፓ፥ ሞኦኖ ዓንጋፓ፥ ሹቺፓ ሃሣ ሚሢፓ ኮሺንቴያ፥ ዛጋኒያ ዋይዛኒያ፤ ሃሣ ዓጊፂ ሃንታኒያ ዳንዳዑዋ ካኣሽኮ ባኮንታ ዔያታ ካኣሽኪፆ ሃሺባኣሴ ጌይሢኬ። \x - \xo 9፡20 \xo*\xt ዓይኑ. 115፡4-7፤ 135፡15-17፤ ዳኣኔ. 5፡23።\xt*\x* 
\v 21 ዬያጉዲ ሃሣ ሼምፖ ዎዺሢ፥ ማርሻ ማርሺሢ፥ ማቾ ሃሣ ዓኒ ማዒባኣያና ላሂሢ፥ ዉሱሞ፤ ዬያ ባኮ ዔያታ ቡኡፂ ሃሺባኣሴ ጌይሢኬ።
\c 10
\s1 ኪኢታንቻሢና ዻኮ ማሪንቴ ማፃኣፔሎና
\p
\v 1 ዬካፓ ሃሣ ሻኣሬ ማይንቴያ፥ ሜሌ ዼኤፒ ኪኢታንቻ ጫሪንጫፓ ኬዳንቴ ታ ዴንቄኔ፤ ዒዛኮ ቶኦኮ ዓጮ ሺሬ፥ ዡኡሎ ዓኣኔ፤ ዬያኮ ዓኣፖ ካራ ዓቢጉዴያ፥ ቶካ ዒዛኮ ሃሣ ቱርቱሪጉዲ ዔቄ ታሚ ማላያኬ፤ 
\v 2 ዒዚ ኩጮይዳ ዻካ ቡሊንቲ ዓኣ፥ ማሪንቴ ማፃኣፔ ዔኪ ዓኣኔ፤ ዒማና ዒ ሚዛቆ ቶኮና ባዞይዳ፥ ሻውሎ ቶኮና ሳዖይዳ ሄርቂ ዔቂ ዓኣኔ፤ 
\v 3 ሃሣ ዒ ዞቢ ዑኡሲ ማላ፥ ዼኤፒ ዑኡሲና ዒላቴኔ፤ ዒዚ ዒላታዛ ላንካዎ ጉጉንፆንሢ ፔ ዑኡዞና ዑኡዞና ጌስቴኔ። 
\v 4 ዬያታ ፔ ዑኡዞና ጌስቴ ዎዶና ታኣኒ ፃኣፓኒ ማሌኔ፤ ጋዓንቴ፦ «ላንካዎ ጉጉንፆንሢ ጌስቴ ባኮ ዓኣቺ ዓርቄ፤ ፃኣፒፖ» ጋዓ ዑኡሲ ጫሪንጫፓ ታ ዋይዜኔ።
\p
\v 5 ዬካፓ ባዞና ሳዖናይዳ ሄርቂ ዔቂ ዓኣንቴ ታ ዛጌ ኪኢታንቻሢ ፔኤኮ ሚዛቆ ኩጮ ሌካ ጫሪንጮ ባንሢ ዔቂሳዖ፥ 
\v 6 ዒዚ ናንጊና ናንጋሢ፥ ጫሪንጮና ሳዖና ባዞና ዬያቶይዳ ዓኣ ባኮ ቢያ ማዤ ፆኦዛሢ ሱንፆና ጫኣቄኔ፤ ዒ ጫኣቄሢ፦ «ዓካሪ ማይ ኔጋዓኬ! 
\v 7 ጋዓንቴ ላንካሳ ኪኢታንቻሢ ዛያሢ ዋርቃ ኬሎንሢና ፆኦሲም ማዻ፥ ዒዛ ማሊፆ ኬኤዛዞንሢም ፔጋሲ ዔርዜ ጎይፆና ዒዛኮ ዓኣሺንቴ ማሊፃ ኩማንዳኔ» ጌይኬ። \x - \xo 10፡7 \xo*\xt ኬሲ. ማፃ 20፡11፤ ላሚ. ዎማ 32፡40፤ ዳኣኔ. 12፡7፤ ዓሞ. 3፡7።\xt*\x*
\p
\v 8 ዬካፓ ጫሪንጫፓ ታ ዋይዜ ዑኡዛ፦ «ባዞና ሳዖናይዳ ሄርቂ ዔቂ ዓኣ ኪኢታንቻሢ ፔ ኩጫ ዔኬ፥ ቡሊንቲ ዓኣ፥ ማሪንቴ ማፃኣፔሎ ዴንዲ ዔኬ» ጌይ ላሚ ሃሣ ታኣም ኬኤዜኔ።
\p
\v 9 ዬማና ታኣኒ ኪኢታንቻሢ ባንሢ ዓኣዺ፦ «ዻኮ፥ ማሪንቴ ማፃኣፔሎ ታኣም ዒንጌ» ጋዓዛ፥ ዒዚያ፦ «ዔኪጋፓ፥ ዒዞ ሙዔ፤ ጎጶም ዒዛ ኔኤኮ ጫንቃንዳኔ፤ ዻንጋ ኔኤኮ ጋዓንቴ ዔኤሲጉዲ ዓኣፃንዳኔ» ታኣም ጌዔኔ።
\p
\v 10 ታኣኒ ዻኮ፥ ማሪንቴ ማፃኣፔሎ ኪኢታንቻሢ ኩጫፓ ዔኪ ሙዓዛ ዻንጋ ታኣም ዔኤሲጉዲ ዓኣፄኔ፤ ጊንፃፓ ታኣኮ ጎጳ ዒዛ ጫንቄኔ። \x - \xo 10፡10 \xo*\xt ዒዝ. 2፡8-33።\xt*\x* 
\v 11 ዬካፓ ሃሣ፦ «ሚርጌ ዓሶ ዜርፆ ዛሎ፥ ዱማ ዱማ ዴሮና ዱማ ሙኡጮ ጌስታ ዓሶና ካኣቶና ዛሎ ላሚ ሃሣ ፆኦሲ ማሊሢ ኬኤዛንዳያ ኔና ኮይሳኔ» ታኣም ጌይንቴኔ።
\c 11
\s1 ላምዖ ማርካ
\p
\v 1 ዬካፓ ዖዶሱሞና ዳልጉሞና ሃሣ ዔጶና ዋርቆያ ዎኦሺ ማላ ሚሢ ታኣም ዒንጊንታዖ፦ «ዓኣዺ፥ ፆኦሲኮ ጌኤዦ ማኣሮና ፆኦሲም ዒንጊፆ ዒንጎ ቤዞና ዋርቄ፤ ሃሣ ዒኢካ ካኣሽካ ዓሶዋ ፓይዴ፤ \x - \xo 11፡1 \xo*\xt ሂዚ. 40፡3፤ ዛካ. 2፡1-2።\xt*\x* 
\v 2 ጌኤዦ ማኣሮኮ ዙላ ዓኣ ጶኦኮ ጋዓንቴ ዋርቂፖ፥ ሃሼ፤ ዬይ፦ ሜሌ ዴሮም ዒንጊንቴ ቤሲኬ፤ ዔያታ ፆኦሲም ዱማዼ ካታሜሎ ዖይዲታሚ ላምዖ ዓጊኒ ጉቤ ባሺ ዎይሣንዳኔ፤ \x - \xo 11፡2 \xo*\xt ሉቃ. 21፡24።\xt*\x* 
\v 3 ላምዖ ታኣኮ ማርኮንሢ ሲዬ ፓቲሌ ማይንቲ ፔቴ ሺያና ላምዖ ፄኤታና ላሂታሚ ኬሊ ታ ማሊሢ ኬኤዛንዳጉዲ ዎልቄ ታ ዔያቶም ዒንጋንዳኔ» ጌይንቴኔ።
\p
\v 4 ዬንሢ ማርኮንሢ ሳዖይዳ ጎዳ ቤርታ ዔቃ፥ ላምዖ ሪሚቶ ሚፆንሢና ላምዖ ፖዖ ጌሦ ሻርኖንሢናኬ፤ \x - \xo 11፡4 \xo*\xt ዛካ. 4፡3፤11-14።\xt*\x* 
\v 5 ዖኦኒያ ዔያቶ ማኣሳንሣኒ ማሌቶ ታሚ ዔያቶ ዻንጋፓ ኬስኪ ዬያቶ ሚቻንዳኔ፤ ዔያቶ ማኣሳንሣኒ ኮዓሢ ቢያ ሃይቃንዳ ጎይፃ ዬያይዲኬ። 
\v 6 ዔያታ ታ ማሊፆ ኬኤዛ ዎዶንሢዳ ዒርዚ ዋርቁዋጉዲ ጫሪንጮ ዲርቃኒ ዔያቶኮ ቢታንቶ ዓኣኔ፤ ዬያጉዲ ዋኣፆ ሱጉሢ ማሂ ላኣማኒ ኮዔ ዎዶና ቢያ ዓይጎ ባኣዚናኣ ማዖም ሳዖ ባይዛንዳ ባኣዚና ጳርቃኒ ቢታንቶ ዔያቶኮ ዓኣኔ። \x - \xo 11፡6 \xo*\xt 1ካኣቶ. ማ 17፡1፤ ኬሲ. ማፃ 7፡17-19፤ 1ሳሙ. 4፡8።\xt*\x*
\p
\v 7 ዔያታ ፔኤኮ ማርካቶ ጋፒሴሢኮ ጊንፃ ዼኤፖ፥ ዒጊቻ ዔታፓ ኬስካንዳ ቦዓሢ ዔያቶና ዖልቲ ባሻንዳኔ፤ ዎዺያ ዔያቶ ዎዻንዳኔ። \x - \xo 11፡7 \xo*\xt ዳኣኔ. 7፡7፤21፤ ዮሃ. ፆፔዻ 13፡5-7፤ 17፡8።\xt*\x* 
\v 8 ሌዛ ዔያቶኮ ኮኦኪንሢና ሶዶኦሜ፥ ሃሣ ጊብፄ ጌይንታ ዼኤፖ ካታሜሎኮ ዓሳ ቡካ ጶኦካ ኬኤሪንታንዳኔ፤ ዬና ካታሜላ ዔያቶኮ ጎዳሢ ሱፂንቴ ካታሜሎኬ። \x - \xo 11፡8 \xo*\xt ዒሲ. 1፡9-10።\xt*\x* 
\v 9 ዱማ ዱማ ዜርፃፓ፥ ቶኦካፓ ሃሣ ዱማ ዱማ ሙኡቺ ጌስታ ዓሶና ዴሮናይዳፓ ማዔ ዓሳ ሃይሦ ኬሊና ዛላና ማዓንዳኣና ሌዞ ዔያቶኮ ዒኢካ ዓኣንቴ ዛጋንዳኔ፤ ሌዛ ዔያቶኮ ዱኡኪንቱዋጉዲ ላኣጊንታያ ማዓንዳኔ፤ 
\v 10 ዬንሢ፥ ላምዖ፥ ፆኦሲ ማሊፆ ኬኤዛዞንሢ ሳዖይዳ ናንጋ ዓሶ ሜታሴሢሮ ሳዖይዳ ናንጋ ዓሳ ዔያታ ሃይቄሢሮ ዎዛዻንዳኔ፤ ዬያ ዎዛፓ ዔቄያና ዔያቶኮ ሃይቦ ኬሎ ቦንቾ ኬሊ ማሂ፥ ዎሊም ዒንጎ ባኣዚያ ዒንጋንዳኔ፤ 
\v 11 ሃይሦ ኬሊና ዛላና ማዔሢኮ ጊንፃ ጋዓንቴ ሼምፖ ዒንጋ፥ ፆኦሲኮ ዑኡዛ ፆኦሲዳፓ ሙኪ ሌዛ ዔያቶኮ ጌሌም፥ ዔያታ ዔቄሢሮ ዔያቶ ዛጌ ዓሳ ሚርጌና ዒጊጬኔ። \x - \xo 11፡11 \xo*\xt ሂዚ. 37፡10።\xt*\x* 
\v 12 ዬካፓ ላምዖ ፆኦሲ ማሊፆ ኬኤዛዞንሢ፦ «ሃንጋ ኬስኩዋቴ!» ጋዓ ዼኤፒ ዑኡሲ ጫሪንጫፓ ዋይዜኔ፤ ዬማና ዔያቶኮ ሞርካ ዔያቶ ዛጋ ጎይሣ ዓኣንቴ ሻኣሬና ሌካ ጫሪንጮ ዔያታ ዓኣዼኔ። \x - \xo 11፡12 \xo*\xt 2ካኣቶ. ማ 2፡11።\xt*\x* 
\v 13 ዒማና ሳዓ ሚርጌ ዓጊፄኔ፤ ካታሜሎኮዋ ታጶይዳፓ ፔቴማ ማዓ፥ ቤዛ ቢያ ዶዒ ጋፔኔ፤ ዬያይዲ ዓጊፂፆና ላንካይ ሺያ ዓሲ ሃይቄኔ፤ ሃይባፓ ዓቴዞንሢ ሚርጌና ዒጊጪ፥ ጫሪንጮ ፆኦዛሢ ጋላቲ፥ ቦንቼኔ። \x - \xo 11፡13 \xo*\xt ዮሃ. ፆፔዻ 6፡12፤ 16፡18።\xt*\x*
\p
\v 14 ላምዓሳ ሜታሢ ዎዳ ጋፔኔ፤ ሃይሾ ዓካሪ ሃይሣሳ ሜታሢ ዎዳ ዑኬና ዬዓንዳኔ።
\s1 ኪኢታንቻሢ ዋርቄ ላንካሳ ዛያሢ
\p
\v 15 ላንካሳ ኪኢታንቻሢ ዛያሢ ዋርቃዛ፥ ጫሪንጮይዳ፦
\q «ዓጮ ካኣቱማ
\q2 ኑ ጎዳሢ ማዔ ፆኦዛሢና ዒዛኮ ሜሲሄናም ማዔኔ፤
\q2 ዒዚያ ናንጊና ካኣታዻንዳኔ» ጋዓ ዼኤፒ፥ ዼኤፒ ዑኡሲ ዋይዚንቴኔ። \x - \xo 11፡15 \xo*\xt ኬሲ. ማፃ 15፡18፤ ዳኣኔ. 2፡44፤ 7፡14፤27።\xt*\x*
\p
\v 16 ፆኦሲ ቤርታ፥ ካኣቱሞ ዖይቶይዳ ዴዒ ዓኣ፥ ላማታሞ ዖይዶ ጋርቾንሢ ባሊቶና ሳዖ ባንሢ ሂርኪ ጌዒ ጉምዓቲ ፆኦሲም ዚጌኔ፤
\p
\v 17 ዔያታ ዚጋ ዎዶና፦
\q «ሃሢ ዓኣያ ሚናፓ ናንጋያ
\q2 ቢያ ባኣዚ ዳንዳዓ ጎዳ ማዔ ፆኦዛሢዮ!
\q2 ዼኤፖ ዎልቆ፥ ኔኤሮ ኔ ማሄሢሮ
\q2 ሃሣ ኔ ካኣታዼሢሮዋ ኔና ኑ ጋላታኔ።
\q
\v 18 ሜሌ ዴራ ሚርጌና ዻጋዼኔ፤
\q2 ሃሣ ኔ ዻጋኣ ሙኬኔ፤
\q2 ሃይቄ ዓሶይዳ ኔ ዎጋ ዎዳኣ ሄሌኔ።
\q ኔኤም ማዻ፥ ኔ ማሊፆ ኬኤዛዞንሢና
\q2 ኔኤም ዱማዼዞንሢና ሱንፆዋ ኔኤኮ ቦንቻዞንሢም
\q2 ዻኮና ዼኤፖ ማዔዞንሢናም
\q ዔያታ ማዼሢ ዛሎ ማሂ ኔ ዒንጋንዳ ዎዳ
\q2 ሃሣ ዓጮ ባይዜዞንሢያ ኔ ባይዛንዳ ዎዳ ሄሌኔ» ጌዔኔ። \x - \xo 11፡18 \xo*\xt ዓይኑ. 2፡5፤ 110፡5፤ 115፡13።\xt*\x*
\p
\v 19 ዬካፓ ጫሪንጫ ዓኣ፥ ፆኦሲኮ ጌኤዦ ማኣራ ቡሊንታዛ ጋሮይዳ ዒዛኮ ጫኣቁሞ ሳኣፂና ዓኣያ ማዒ ጴዼኔ፤ ዬማና ዜኤሊንሢ ዜኤሊንሤኔ፥ ዼኤፒ ዑኡሲ ዋይዚንቴኔ፥ ጉጉንሢያ ጉጉንሤኔ፥ ሳዓኣ ዓጊፄኔ፥ ዼኤፒ ሻቺያ ኬዴኔ። \x - \xo 11፡19 \xo*\xt ዮሃ. ፆፔዻ 8፡5፤ 16፡18፤ 21።\xt*\x*
\c 12
\s1 ላኣሌሎና ዼኤፖ ሾኦዣሢና
\p
\v 1 ዬካፓ ዼኤፒ ሃሣ ዲቃሢ ሄርሺሳ ማላታ ጫሪንጮይዳ ጴዼኔ፤ ዒኢካ ዓቢ ማኣዖጉዲ ማይንቲ፥ ዓጊኖ ቶኪና ሄርቂ ዔቂ፥ ሃሣ ታጶ ላምዖ ዦኦጌ ቦንቾሮ ዓጎ ባኮጉዲ ፔኤኮ ቶኦካ ዓጊንቲ ዓኣ ፔቴ ላኣሊስኬና ጴዼኔ። 
\v 2 ዒዛ ጎጲና ዓኣያታዖ ሾይቺ ዓርቄም ሜታዺ ዒላቴኔ፤
\p
\v 3 ዬያጉዲ ሃሣ ሜሌ ማላታ ማዔ ባኣዚ ጫሪንጫ ጴዼኔ፤ ዬይያ፦ ላንካይ ቶኦኪና ታጶ ጉራኒና ዓኣ፥ ዼኤፒ ዞቄ ፑኡፒ ሾኦሺ ጴዼኔ፤ ዒዚ ቶኦካ ቶኦካ ላንካይ ቦንቾሮ ዓጎ ባኮ ዓጊ ዓኣኔ፤ \x - \xo 12፡3 \xo*\xt ዳኣኔ. 7፡7።\xt*\x* 
\v 4 ዒዚ ፔኤኮ ዑንኮና ዛላኮ ዛላ ጊንሢ ማዓ ዦኦጎ ቢያ ጫሪንጫፓ ጎቺ ዔኪ ሳዓ ኬኤሬኔ፤ ዬካፓ ላኣሌላ ሾዓዛ፥ ናዖ ሙዓኒ ላኣሌሎኮ ቤርታ ዔቄኔ፤ \x - \xo 12፡4 \xo*\xt ዳኣኔ. 8፡10።\xt*\x* 
\v 5 ላኣሌላ ዓጮ ዴሮ ቢያ ባሺ፥ ዎይሣንዳ ዓቲንቄ ናይ ሾዔኔ፤ ናዓሢ ጋዓንቴ ሌካ ፆኦሲኮ ካኣቱሞ ዖይቶ ባንሢ ዔውቴኔ፤ \x - \xo 12፡5 \xo*\xt ዒሲ. 66፡7፤ ዓይኑ. 2፡9።\xt*\x* 
\v 6 ዒማና ላኣሌላ ዓሲ ናንጉዋ ዳውሎ ዓኣሺንቲ ዓኣዼኔ፤ ዒኢካ ፔቴ ሺያና ላምዖ ፄኤታና ላሂታሚ ኬሊ ኮይሳ ባኣዚ ቢያ ዒንጊ ካፒንታንዳ ቤሲ ፆኦሲ ዒዞም ጊኢጊሼኔ።
\p
\v 7 ዬካፓ ጫሪንጮይዳ ዖልዚ ዔቄኔ፤ ዒኢካ ሚካዔኤሌ ጌይንታ ኪኢታንቻሢና ዒዛም ዓይሢንቲ ማዻ ኪኢታንቻ ዼኤፖ ሾኦዣሢና ዒዛኮ ኪኢታንቾና ዎላ ዖልቲሢ ዓርቄኔ፤ \x - \xo 12፡7 \xo*\xt ዳኣኔ. 10፡13፤21፤ 12፡1፤ ዪሁ. 9።\xt*\x* 
\v 8 ጋዓንቴ ዼኤፖ ሾኦዣሢና ዒዛኮ ኪኢታንቾና ባሺንቴኔ፤ ዬማፓ ጫሪንጫ ዔያቶኮ ቤሲ ባይቄኔ። 
\v 9 ዼኤፖ ሾኦዣሢ ሊካ ሳዓ ኬኤሪንቴኔ፤ ዬይ፦ ዓሶ ቢያ ዻቢሻሢ፥ ዲያቢሎኦሴ ሃሣ ጊንሣ ፃላሄ ጌይንታ ሚናኣ ሾኦዣሢኬ፤ ዒዛና ዎላ ዒዛኮ ኪኢታንቻኣ ኬኤሪንቴኔ። \x - \xo 12፡9 \xo*\xt ማዢ. ማፃ 3፡1፤ ሉቃ. 10፡18።\xt*\x*
\p
\v 10 ዬካፓ ፔቴ ዼኤፒ ዑኡሲ ጫሪንጮይዳ፦
\q «ዓካሪ፥ ዻቂሺሢና ዎልቄና
\q2 ሃሣ ካኣቱሞዋ ኑ ፆኦዛሢም ማዔኔ፤
\q2 ቢታንቶዋ ሜሲሄም ማዔኔ!
\q ዎይቲ ጌዔቴ ኑ ዒሾንሢና ኑ ሚሾንሢና
\q2 ኑ ፆኦዛሢ ቤርታ ዋንቴና ሮኦሪና
\q2 ‹ዔያታ ዻቤያኬ› ጌዒ ፑሽካሢ ኬኤሪንቴኔ። \x - \xo 12፡10 \xo*\xt ዒዮ. 1፡9-11፤ ዛካ. 3፡1።\xt*\x*
\q
\v 11 ዔያታ ማራዓሢኮ ሱጉፆና
\q2 ሃሣ ዔያታ ማርካዼ ማርካቶና
\q2 ዖሊ ዔያታ ዒዛ ባሼኔ፤
\q ፔ ሼምፓሢ ሃሣ ዔያታ ሚጪንቱዋዖ
\q2 ፔና ሃይቢም ዓኣሢ ዒንጌኔ፤
\q
\v 12 ዬያሮ ጫሪንጮና ዒኢካ ናንጋዞንሢዮ ዎዛዹዋቴ!
\q2 ሳዖንታ ባዞንታ ዒንሢም ጋዓንቴ ባዴዔቴ!
\q ዓይጎሮ ጌዔቴ ዲያቢሎኦሴ ዒ ማዻንዳ ዎዳ ዻካ ሌሊ ዓቴሢ ዔሪ
\q2 ዼኤፒ ዻጋና ዒንሢ ባንሢ ኬዴኔ» ጋዓንቴ ታ ዋይዜኔ።
\p
\v 13 ዼኤፖ ሾኦዣሢ ሳዖይዳ ኬኤሪንቴሢ ዛጋዖ ዓቲንቆ ናዓሢ ሾዔ ላኣሌሎ ዳውሴኔ፤ 
\v 14 ዬማና ላኣሌላ ዓሲ ናንጉዋ ዳውሎይዳ ዒዞም ጊኢጊሾና ቤዞ ባራኒ ዓኣዻንዳጉዲ ዼኤፒ፥ ኮኦኬ ጋኣሲ ማላ ላምዖ ጋኣሲ ዒዞም ዒንጊንቴኔ፤ ዬይያ፦ ዒኢካ ሾኦዣሢዳፓ ሃኪ ሃይሦ ሌዔና ዛላና ኮይሳ ባኣዚ ዒዞም ዒንጊንቴም ሜታ ባኣያ ናንጋንዳጉዲኬ። \x - \xo 12፡14 \xo*\xt ዳኣኔ. 7፡25፤ 12፡7።\xt*\x* 
\v 15 ላኣሌሎ ዲጲ ሙዓንዳጉዲ ሾኦዣሢ ዎርዚ ዋኣሢጉዴ፥ ዺቢ ዋኣሢ ዻንጋፓ ኬሲ ላኣሌሎ ጊንፆ ጮኦሽኬኔ። 
\v 16 ሳዓ ጋዓንቴ ላኣሌሎ ማኣዳኒ ሾኦኪንቲ፥ ዼኤፖ ሾኦዣሢ ፔ ዻንጋፓ ኬሲ ላኣሌ ዋኣፆ ዑሽኬኔ። 
\v 17 ዒማና ሾኦዣሢ ላኣሌሎይዳ ዻጋዺ ፆኦሲ ዓይሢፆ ካፓዞንሢና ዬሱሴም ጉሙርቂንታያ ማዒ ማርካዻ፥ ዒዞ ዜርፃፓ ዓቴዞንሢና ዖልታኒ ዓኣዼኔ። 
\v 18 ዼኤፖ ሾኦዣሢ ባዞ ዓጫ ዓኣ፥ ማኣሻላ ዔቄኔ።
\c 13
\s1 ባዞና ሳዖናፓ ኬስኬ ላምዖ ቦዖንሢ
\p
\v 1 ዬካፓ ፔቴ ቦዖ ባዛፓ ኬስካንቴ ታ ዛጌኔ፤ ዬያኮ ታጶ ጉራኒና ላንካይ ቶኦኪና ዓኣያ ማዓዛ፥ ዒዛኮ ጉራኖይዳ ታጶ ቦንቾሮ ዓጎ ባካ ዓጊንቲ ዓኣኔ፤ ሃሣ ዒዛኮ ቶኦኮንሢዳ ጫሺ ሱንሢ ፃኣፒንቲ ዓኣኔ። \x - \xo 13፡1 \xo*\xt ዳኣኔ. 7፡3፤ ዮሃ. ፆፔዻ 17፡3፤7-12።\xt*\x* 
\v 2 ዬይ ታ ዛጌ ቦዓሢ ማኣኪ ማላያኬ፤ ቶካ ዒዛኮ ጋዓንቴ ጉዱሪ ማላ «ዲቤ» ጌይንታ ቦዖ ቶኪ ማላያ፥ ዻንጋ ሃሣ ዒዛኮ ዞቢ ዻንጋ ማላያኬ። ዼኤፖ ሾኦዣሢ ፔኤኮ ዎልቆና ፔኤኮ ካኣቱሞ ዖይቶ ሃሣ ዼኤፖ ቢታንቶዋ ዬያ ቦዓሢም ዒንጌኔ። \x - \xo 13፡2 \xo*\xt ዳኣኔ. 7፡4-6።\xt*\x* 
\v 3 ዒዛ ቶኦኮኮ ፔቴማይዳ ዎዻንዳያ ማላ ኪሢ ዓኣያ ታ ዛጌኔ። ጋዓንቴ ዬይ ኪፃ ፓፄም፥ ዓጮ ዓሳ ቢያ ዲቃቲ ሄርሺ ሄርሺ ዒዛ ጊንፆ ዓኣዼኔ። 
\v 4 ቦዓሢም ዒዚ ቢታንቶ ዒንጌሢሮ ዓሳ ቢያ ዼኤፖ ሾኦዣሢም ዚጌኔ፤ ዔያታ ዚጋሢ፦ «ቦዓሢጉዲ ማዓንዳይ ዖናዳይ? ዒዛና ዎላ ዖልታንዳሢ ዖናዳይ?» ጌዒ ጌዒኬ።
\p
\v 5 ዖቶርቂ ጌስታንዳያና ጫሺ ጫሽካንዳ ዻንጋ ቦዓሢም ዒንጊንቴኔ፤ ሃሣ ዖይዲታሚ ላምዖ ዓጊኒያ ዒዚ ቢታንቶና ማዻንዳጉዲ ዒዛም ዓይሢንቴኔ። 
\v 6 ዒዚ ፆኦሲንታ ፆኦሲ ሱንፆንታ ፆኦሲ ናንጋ ቤዞንታ ሃሣ ጫሪንጫ ናንጋዞንሢያ ጫሽኪሢ ዓርቄኔ። \x - \xo 13፡6 \xo*\xt ዳኣኔ. 7፡8፤25፤ 11፡36።\xt*\x* 
\v 7 ፆኦሲም ዱማዼ ዓሶ ዒ ዖላንዳጉዲና ዖሊያ ባሻንዳ ቢታንቶ ዒዛም ዒንጊንቴኔ። ዱማ ዱማ ዜርፆ፥ ቶኦኮ፥ ዱማ ሙኡቺ ጌስታ ዓሶ፥ ዱማ ዱማ ዴሮ ዑፃ ቢታንቶ ዒዛም ዒንጊንቴኔ። \x - \xo 13፡7 \xo*\xt ዳኣኔ. 7፡21።\xt*\x* 
\v 8 ሳዓ ማዢንቴማፓ ዓርቃዖ ዎዾና ማራዓሢኮ ናንጎ ማፃኣፓ ሱንፃ ፃኣፒንቲባኣያ፥ ሳዖይዳ ናንጋ ዓሳ ቢያ ቦዓሢም ዚጊ ካኣሽካንዳኔ። \x - \xo 13፡8 \xo*\xt ዓይኑ. 69፡28።\xt*\x*
\p
\v 9 «ዋይዛ ዋይዚ ዓኣይ ዓኣቶ ዋይዞንጎ!
\q
\v 10 ዖኦኒያ ዲዒንታኒ ዓኣይ ዓኣቴ ዲዒንታንዳኔ፤
\q2 ጬንቻ ዓፓሮና ሃይቃንዳይ ዓኣቶዋ
\q2 ጬንቾና ሃይቃንዳኔ»
\m ዓካሪ፥ ፆኦሲም ዱማዼ ዓሶኮ ጊቢ ዳንዳዒፆና ጉሙርቂፆና ዔርታንዳሢ ዬኖ ዎዶናኬ። \x - \xo 13፡10 \xo*\xt ዔር. 15፡2፤ 43፡11።\xt*\x*
\p
\v 11 ዬካፓ ሃሣ ሜሌ ቦዖ ሳዓፓ ኬስካንቴ ታ ዛጌኔ፤ ዬያኮ ማራይ ጉራኒ ማላ፥ ላምዖ ጉራኒ ዓኣኔ፤ ዒ ጌስታ ጎይፃ ዼኤፖ ሾኦዣሢ ጎይፆኬ። 
\v 12 ቤርታኣ ቦዓሢ ሱንፆና ጉቤ ቢታንቶ ዓኣያ ማዒ ዒ ማዻኔ፤ ሳዖና ዒኢካ ናንጋ ዓሳ ቢያ ዎዻኒ ዑኬ ኪፃ ፓፄ፥ ቤርታኣ ቦዓሢም ዚጊ ካኣሽካንዳጉዲ ዓሶ ማሄኔ። 
\v 13 ዬይ ላምዓሳ ቦዓሢ ዓሶ ቤርታ ጫሪንጫፓ ታሚ ኬይሳንዳያ ሄላንዳኣና ዒዛኮ ዓኣ ቢታንቶና ዼኤፒ ዼኤፒ ማላታ ዻዋኔ። 
\v 14 ቤርታኣ ቦዓሢ ሱንፆና ዒ ማዻንዳጉዲ ቢታንቶ ዒዛም ዒንጊንቴያታሢሮ ዒ ዻዋ ማላቶ ዛሎና ሳዓ ናንጋ ዓሶ ቢያ ዻቢሻኔ፤ ሃሣ ጬንቾ ዓፓሮና ኪፃሶናንቴ ዻቄ፥ ቦዓሢኮ ማላታ ማዣንዳጉዲ ዓሶ ዓይሤኔ። 
\v 15 ዬያ ቦዓሢም ቤርታኣ ቦዓሢኮ ማላቶም ሼምፖ ዒንጋ ዑኡሲ ዒንጋንዳጉዲ ቢታንቶ ዒንጊንቴኔ፤ ዬይ ቢታንታ ዒንጊንቴሢ ማላታ ጌስታንዳጉዲና ዬያ ማላቶም ዚጊ ካኣሽኩዋ ዓሳ ሃይቃንዳጉዲ ማሆም ጌይኬ። 
\v 16 ዬያጉዲ ሃሣ ዻኮ ማዔቴያ ዼኤፓ፥ ዖርጎጮ ዓሶ ማዔቴያ ማንቆ ዓሳ፥ ማዺሻሢ ማዔቴያ ማዻ ዓሳ ቢያ ፔኤኮ ሚዛቆ ኩጮይዳታቴያ ባሊቶይዳ ማላቶ ጌሣንዳጉዲ ዓሶይዳ ዎልቃዼኔ፤ 
\v 17 ዬይ ያዺ ማዔሢ ቦዓሢ ሱንፆ ማዔ፥ ማላታ ሃሣ ጊንሣ ፓይዳባኣ ዓይጎ ዓሲያ ዔኤቢ ሻንቻኒና ሻንቃኒያ ዳንዳዑዋጉዲኬ።
\p
\v 18 ዬይ ዔራቶ ኮይሳያኬ፤ ዒኔና ጪንጫ ማዔሢ ቦዓሢኮ ፓይዶ ፓይዲ ዔሮንጎ፤ ዓይጎሮ ጌዔቴ ፓይዳ ዓሲ ፓይዲ ማዔሢሮኬ፤ ዬና ፓይዳ ላሆ ፄኤታና ላሂታሚ ላሆኬ።
\c 14
\s1 ማራዓሢንታ ፄኤታና ዖይዲታሚ ዖይዶ ሺዮ ዓሶ
\p
\v 1 ዬካፓ ሃሣ ማራዓሢ ፂዮኔ ዹኮይዳ ዔቂ ዓኣንቴ ታ ዛጌኔ፤ ዒዛና ዎላ ዒዛ ሱንፆና ዒዛኮ ዓዶ ሱፆና ባሊታ ፃኣፒንቲ ዓኣ፥ ፄኤታና ዖይዲታሚ ዖይዶ ሺያ ዓሲ ዓኣኔ። \x - \xo 14፡1 \xo*\xt ሂዚ. 9፡4፤ ዮሃ. ፆፔዻ 7፡3።\xt*\x* 
\v 2 ዬኖና ጫሪንጮይዳፓ ዼኤፒ ሶኦሪንታ ዋኣሢ ዑኡሲ ሃሣ ዼኤፒ ጉጉንሢ ማላ ዑኡሲ ታ ዋይዜኔ፤ ዬይ ታ ዋይዜ ዑኡዛ ጎኦሎ ዓይናዺ ዋርቃ ዓሳ ጎኦሎ ዋርቃዛ ዋይዚንታ ዑኡዞጉዴያኬ። 
\v 3 ካኣቱሞ ዖይቶና ዖይዶ ባኮንሢና ሃሣ ጋርቾንሢ ቤርታ ዬና ዺቦ ዓሳ ቤርታ ጌይንቲ ቤቂባኣያ፥ ፆኦሲ ቦንቾም ማዓ ዓይኑሞ ዓይናዼኔ፤ ዬያ ዓይኑሞ ዓጮ ቢያይዳፓ ሻንቂ፥ ዱማሲ ዔኮና ፄኤታና ዖይዲታሚ ዖይዶ ሺዮ ዓሶፓ ዓታዛ ሜሌ ዖኦኒያ ዔሪ ጋዓኒ ዳንዳዒባኣሴ። 
\v 4 ዬያታ ኩሙሢ ማዔሢሮ ላኣሊና ዒኢቲባኣያኬ፤ ዔያታ ማራዓሢ ዓኣዻ ቤዞ ቢያ ዒዛ ጊንፆ ዓኣዻያኬ፤ ሃሣ ዔያታ ፆኦሲና ማራዓሢናኮ ቶይዶ ማዓኒ ዓሶ ባኣካፓ ሻንቂ፥ ዱማሲ ዔኮና ዓሶኬ። 
\v 5 ዔያታ ሉኡዙሞ ሉኡቂ ዔሩዋያኬ፤ ሃሣ ዔያቶ ቦሂሳ ባኣዚያ ባኣያኬ። \x - \xo 14፡5 \xo*\xt ሶፖ. 3፡13።\xt*\x*
\s1 ሃይሦ ፆኦሲ ኪኢታንቾንሢ
\p
\v 6 ዬካፓ ሳዖይዳ ናንጋ ዴሮና ዜርፆና ዱማ ሙኡጮ ጌስታ ዓሶና ዱማ ዱማ ቶኦኮናም ቢያ ናንጊና ባይቁዋ ኮዦ ሃይሶ ኬኤዛኒ ኮሺ ሃይሴ ዔኪ ዓኣ፥ ሜሌ ኪኢታንቾ ጫሪንጫ ባራናንቴ ታ ዛጌኔ፤ 
\v 7 ዬይ ዼኤፒ ዑኡሲና፦ «ፆኦሲ ዒጊጩዋቴ፤ ሃሣ ቦንቹዋቴ፤ ዓይጎሮ ጌዔቴ ዒዛኮ ዎጎ ዎጎ ዎዳ ሄሌኔ፤ ጫሪንጮና ሳዖና ባዞና ዓልቃ ዋኣፆና ማዤ ፆኦዛሢም ዚጉዋቴ!» ጌዔኔ።
\p
\v 8 ሜሌ ላምዓሳ ኪኢታንቻሢ፦ «ፑርታ፥ ዒኢሳ ማዾ ማዺሻ፥ ማሣ ዳጋፆ ዴሮ ቢያ ዑሼ፥ ዼኤፖ ባብሎኔ ካታሜላ ዶዔኔ! ዶዔኔ!» ጌዒ ጌዒ ቤርታኣ ኪኢታንቻሢ ጊንፆ ዓኣዼኔ። \x - \xo 14፡8 \xo*\xt ዒሲ. 21፡9፤ ዔር. 51፡8፤ ዮሃ. ፆፔዻ 18፡2።\xt*\x*
\p
\v 9 ሃይሣሳ ኪኢታንቻስኬይ ሃሣ ዼኤፒ ዑኡሲና፦ «ቦዓሢና ዒዛኮ ማላቶናም ዚጊ ካኣሽካሢ ሃሣ ማላቶዋ ባሊታታቴያ ኩጮ ዑፃ ዓይሤሢ ቢያ፥ 
\v 10 ዓይጎ ባኣዚናኣ ሲኢሪንቲባኣ፥ ፆኦሲኮ ጎሪንቶ ዑዦ ዓንጎይዳ ኩንሦና ጎሪንቶ ዳጋፆ ዑዦ ዑሽካንዳኔ፤ ዬያጉዲ ሃሣ ፆኦሲም ዱማዼ ኪኢታንቾና ማራዓሢና ቤርታ ታሚና ታሚ ፂኢሊናይዳ ዓጊንቲ ሜታዻንዳኔ፤ \x - \xo 14፡10 \xo*\xt ዒሲ. 51፡17፤ ማዢ. ማፃ 19፡24፤ ሂዚ. 38፡22።\xt*\x* 
\v 11 ዔያቶ ሜታሳ ታሞይዳፓ ኬስካ ጩባ ናንጊና ባይቁዋዖ ጩቢ ዴዓያ ማዓንዳኔ፤ ቦዓሢና ዒዛኮ ማላቶናም ዚጊ፥ ዒዛኮ ሱንፆ ማላቶዋ ዔኪ ዓኣዞንሢኮ ቢያ ሮኦሪና ዋንቴና ሃውሾ ባኣያ ማዓንዳኔ» ጌዒ ጌዒ ሃንጎዋቶ ጊንፆ ሃሣ ዓኣዼኔ። \x - \xo 14፡11 \xo*\xt ዒሲ. 34፡10።\xt*\x*
\p
\v 12 ፆኦሲ ዓይሢፆ ካፓዞንሢና ዬሱሴም ጉሙርቂንታያ ማዒ፥ ዶዳዞንሢኮ ጊቢ ዳንዳዒፃ ዔርታንዳሢ ዒኢካኬ።
\p
\v 13 ዒማና ሃሣ ጫሪንጮይዳፓ፦ « ‹ሃይካፓ ሴካ ጎዳ ዬሱሴሮ ማዒ ሃይቃዞንሢ ባሊቲና ዓኣያኬ› ጌዒ ፃኣፔ» ጋዓ ዑኡሲ ታ ዋይዜኔ። ዓያኖ ጌኤዣ፦ «ሂዮ፥ ዔያቶኮ ማዻ ዔያቶና ዎላ ዓኣዻንዳሢሮ ላቢፃፓ ዔያታ ሃውሻንዳኔ» ጋዓኔ።
\p
\v 14 ዬካፓ ቦኦሬ ሻኣሬ ታ ዛጌኔ፤ ዒማና ሻኣሮ ዑፆይዳ ዓሲ ናዓሢ ማላ ዓሲ ዴዒ ዓኣኔ፤ ዒዚ ቶኦኮይዳ ዎርቄና ኮሺንቴ፥ ቦንቾሮ ዓጎ ባኮ ዓጊ ዓኣኔ፤ ኩጮይዳኣ ሃሣ ዓጬ ባኣቺ ዓርቂ ዓኣኔ። \x - \xo 14፡14 \xo*\xt ዳኣኔ. 7፡13።\xt*\x* 
\v 15 ሜሌ ኪኢታንቾ ሃሣ ጌኤዦ ማኣራፓ ኬስካዖ ሻኣሮ ዑፃ ዴዔሢም ዼኤፒ ዑኡሲና፦ «ሳዓ ጮኦሮንዶያጉዲ ካፄኔ፤ ጮኦሮንዶ ዎዳኣ ሄሌሢሮ ጮኦሮ ባኣጮና ጮኦሬ» ጋዓዛ፥ \x - \xo 14፡15 \xo*\xt ዒዩ. 3፡13።\xt*\x* 
\v 16 ሻኣሮ ዑፃ ዴዒ ዓኣሢ ባኣጮ ሳዖ ባንሢ ዳካዛ ሳዓ ጮኦሪንቴኔ።\f + \fr 14፡16 \fr*\fq ሳዓ ጮኦሪንቴኔ፦ \fq*\ft ጌይንቴሢ ጋፒንፆ ዎጎ ኬሎና ኪኢታንቻ ሳዖይዳ ዓኣ ዓሶ ዔኪ ፆኦሲ ቤርቶ ሺኢሻንዳሢ ዛላ ኬኤዞናያኬ።\ft*\f*
\p
\v 17 ዬያጉዲ ሜሌ ኪኢታንቻ ሃሣ ጫሪንጫ ዓኣ፥ ጌኤዦ ማኣራፓ ኬስኬኔ፤ ዒዚያ ዓጬ ባኣቺ ዔኪ ዓኣኔ።
\p
\v 18 ሜሌ ጊንሣ ታሚ ዑፃ ቢታንቶ ዓኣ፥ ኪኢታንቻ ፆኦሲም ዒንጊ ካኣሽኮ ቤዛፓ ኬስካዖ፥ ዓጬ ባኣጮ ዔኪ ዓኣ ኪኢታንቻሢም፦ «ሳዖይዳ ዓኣ ዎይኖ ዓኣፖኮ ካፂፆ ሶያ ዔርዛሢሮ ሳዖይዳፓ ዎይኖ ቲቂ ቲቂ ዔኬ» ጌዒ ዼኤፒ ዑኡሲና ዒላቴኔ። 
\v 19 ኪኢታንቻሢ ዒማና ባኣጮ ሳዖ ባንሢ ዳኪ ዎይኖኮ ሶዮ ቲቂ ቲቂ ዔኬስካፓ ፆኦሲ ዻጎና ዎይኖ ሄርቂ ጩኡጳ ቤዛ ዓጌኔ። 
\v 20 ዬይ ዎይና ካታሞኮ ዙላ፥ ዎይኖ ሄርቂ ጩኡጶ ቤዛ፥ ጩኡጲንቴኔ፤ ዬካፓ ኬስኬ ሱጉፃ ሃይሦ ዋዻ ማዓንዳያ ሳዓፓ ዼጊ ጌዔኔ፤ ሃሣ ሱጉፃ ጎዒ ዴንዴ ዖዶሱማ ሃይሦ ፄኤታ ሺያ ታኣካ ሄላያ ማዔኔ። \x - \xo 14፡20 \xo*\xt ዒሲ. 63፡3፤ ዔቃ. ማ 1፡15፤ ዮሃ. ፆፔዻ 19፡15።\xt*\x*
\c 15
\s1 ጋፒንፆ ማዔ ባይዛ ባኮ ዔኪ ዓኣ ኪኢታንቾንሢ
\p
\v 1 ዬካፓ ሜሌ ዼኤፒ ሃሣ ዲቃሢ ሄርሺሳ ማላታ ጫሪንጫ ታ ዛጌኔ፤ ዬይያ፦ ፆኦሲ ዻጋ ዔያቶና ኩማያ ማዔ፥ ላንካይ ባይዛ ባኣዚ ዔኪ ዓኣ፥ ላንካይ ኪኢታንቾ ታ ዛጌኔ።
\p
\v 2 ዒማና ሃሣ ታሚ ሲኢሪንቴያ ሌማሌኤሼ ባዚ ማላያ ታ ዴንቄኔ፤ ዒኢካ ባዞ ዓጫ ቦዓሢና ቦዓሢኮ ማላቶና ሃሣ ዒዛ ሱንፆ ፓይዶ ዖሊ ባሼ ዓሳ ዔቂ ዓኣንቴ ታ ዴንቄኔ፤ ዔያታ ፆኦሲዳፓ ዒንጊንቴ ጎኦላ ዔኪ ዓኣኔ፤ 
\v 3 ዔያታ ፆኦሲም ማዻ፥ ሙሴ ዓይኑሞና ማራዓሢናኮ ዓይኑሞ፦
\q «ቢያ ባኣዚ ዳንዳዓ ጎዳ ማዔ ፆኦዛሢዮ!
\q2 ማዻ ኔኤኮ ዼኤፒ ሃሣ ዲቃሢ ሄርሺሳያኬ፤
\q ሚርጌ ዴሮኮ ካኣታሢዮ!
\q2 ኔኤኮ ጎይፃ ፒዜ ሃሣ ጎኔኬ። \x - \xo 15፡3 \xo*\xt ኬሲ. ማፃ 15፡1።\xt*\x*
\q
\v 4 ጎዳሢዮ! ኔና ዒጊጩዋያ
\q2 ሃሣ ሱንፆዋ ኔኤኮ ቦንቹዋይ ዖናዳይ?
\q2 ኔኤኒ ሌሊ ዱማዼያኬ።
\q ኔኤኮ ፒዜ ማዻ ፔጋዺ ዔርቴሢሮ
\q2 ዺቦ ዴራ ቢያ ሙኪ ኔ ቤርታ ኔኤም ዚጋንዳኔ»
\m ጌዒ ጌዒ ዓይናዻኔ። \x - \xo 15፡4 \xo*\xt ዔር. 10፡7፤ ዓይኑ. 86፡9።\xt*\x*
\p
\v 5 ዬካፓ ሃሣ ዓፒላና ማዢንቴ፥ ፆኦሲም ዱማዼ፥ ጌኤሺ ማኣሪ ጫሪንጫ ቡሊንቲ ዓኣንቴ ታ ዛጌኔ፤ \x - \xo 15፡5 \xo*\xt ኬሲ. ማፃ 38፡21።\xt*\x* 
\v 6 ዒማና ላንካዎ ባይዛ ባኮንሢ ዔኪ ዓኣ፥ ላንካይ ኪኢታንቻ ጌኤዦ ማኣራፓ ኬስኬኔ፤ ዬያታ ዓኣፒዳ ዱካ ቦኦሬ ማኣዖ ማይንቲ ዓኣኔ፤ ሃሣ ዳዶይዳኣ ዎርቄና ኮሺንቴ ቃልሾ ቱኡቲ ዓኣኔ። 
\v 7 ዬኖና ዖይዶ ባኮንሢዳፓ ፔቴሢ ናንጊና ናንጋ ፆኦዛሢኮ ዻጋ ኩሚ ዓኣ፥ ዎርቆና ኮሺንቴ ላንካይ ዑሺ ዓንጊ ላንካዎ ኪኢታንቾንሢም ዒንጌኔ፤ 
\v 8 ሃሣ ጌኤዦ ማኣራ ፆኦሲኮ ቦንቾና ዎልቆናይዳፓ ኬስካ ጩቦና ኩሜኔ፤ ላንካዎ ኪኢታንቾንሢኮ ላንካዎ ባይዛ ባኮንሢ ማዺንቲ ኩማንዳያ ሄላንዳኣና ዖኦኒያ ጌኤዦ ማኣሮ ጌላኒ ዳንዳዒባኣሴ። \x - \xo 15፡8 \xo*\xt ኬሲ. ማፃ 40፡34፤ 1ካኣቶ. ማ 8፡10-11፤ 2ፆኦሲ. ዓሃኬ 5፡13-14፤ ዒሲ. 6፡4።\xt*\x*
\c 16
\s1 ፆኦሲኮ ዻጋ ኩሜ ላንካዎ ዑዦ ዓንጎ
\p
\v 1 ዬካፓ ላንካዎ ኪኢታንቾንሢም ዼኤፒ ዑኡሲና፦ «ዓኣዹዋቴ! ፆኦሲኮ ዻጋ ኩሜ፥ ዑዦ ዓንጎይዳ ዓኣ ዑዦ ሳዖይዳ ላኣሉዋቴ» ጌኤዦ ማኣራፓ ጋዓንቴ ታ ዋይዜኔ።
\p
\v 2 ዒማና ቤርታሳ ኪኢታንቻሢ ዴንዳዖ፥ ዑዦ ዓንጎይዳ ዓኣ ዑዦ ሳዖይዳ ላኣላዛ ቦዓሢኮ ማላቶ ዔኪ ዓኣ ዓሶና ዬያ ማላቶም ዚጊ ካኣሽካ ዓሶናይዳ ፑርታ ሜታሳ ኪሢ ኬዴኔ። \x - \xo 16፡2 \xo*\xt ኬሲ. ማፃ 9፡10።\xt*\x*
\p
\v 3 ላምዓሳ ኪኢታንቻሢ ዑዦ ዓንጎይዳ ዓኣ ዑዦ ባዞ ዋኣፆይዳ ላኣላዛ፥ ዋኣፃ ሃይቄ ዓሲ ሱጉሢጉዲ ካርቴ ሱጉሢ ማዔኔ፤ ባዞይዳ ዓኣ፥ ሼምፔና ናንጋ ባካ ቢያ ሃይቄኔ።
\p
\v 4 ሃይሣሳ ኪኢታንቻሢ ዑዦ ዓንጎይዳ ዓኣ ዑዦ ዎሮ ዋኣፆንታ ዓልቃ ዋኣፆንታይዳ ላኣላዛ፥ ዬይያ ሱጉሢ ማዔኔ፤ 
\v 5 ዬካፓ ዋኣፆ ዑፃ ቢታንታ ዓኣ፥ ኪኢታንቻሢ፦
\q «ሃሢያ ዓኣያ ሚናፓ ናንጋ ዱማዼ ጎዳሢዮ!
\q2 ሃያይዲ ኔ ዎጌሢሮ
\q2 ኔኤኒ ፂሎኬ፤
\q
\v 6 ዓሳ ኔኤም ዱማዼዞንሢንታ ኔ ማሊፆ ኬኤዛዞንሢያ
\q2 ዎዺ ሱጉፆ ላኣሌሢሮ
\q ኔኤኒ ዔያቶ ሱጉሢ ዑሼኔ፤
\q ዬይ ዔያቶም ኮይሳያኬ»
\m ጋዓንቴ ታ ዋይዜኔ።
\p
\v 7 ዬያጉዲ ሃሣ ፆኦሲም ዒንጊ ካኣሽኮ ቤዞይዳፓ፦
\q «ሂዮ፤ ቢያ ባኣዚ ዳንዳዓ ጎዳ ማዔ ፆኦዛሢዮ!
\q2 ኔኤኮ ዎጊፃ ጎኔ፥ ሃሣ ፒዜኬ» ጋዓ ዑኡሲ ታ ዋይዜኔ።
\p
\v 8 ዖይዳሳ ኪኢታንቻሢ ዑዦ ዓንጎይዳ ዓኣ ዑዦ ዓባ ላኣላዛ፥ ዓቦም ዓሶ ዓዳ ታሚጉዲ ሚቻንዳ ዎልቄ ዒንጊንቴኔ፤ 
\v 9 ዬያሮ ዓሳ ዼኤፒ ሩኡጲና ሚቺንቴኔ፤ ዬንሢ ባይዛ ባኮንሢ ዑፃ ቢታንቶ ዓኣ፥ ፆኦዛሢኮ ሱንፆ ዔያታ ጫሽኬኔ፤ ጎሞ ፔኤኮ ቡኡፂ፥ ዒዛ ቦንቺፆዋ ዔያታ ዒፄኔ።
\p
\v 10 ዶንጋሳ ኪኢታንቻሢ ዑዦ ዓንጎይዳ ዓኣ ዑዦ ቦዓሢኮ ካኣቱሞ ዖይቶይዳ ላኣላዛ፥ ቦዓሢኮ ካኣቱማ ዹሚ ማዔኔ፤ ዓሳ ኮሺ ሜታዺ ሜታሢዳፓ ዔቄያና ዒንዲርዞ ፔኤኮ ዻዓኔ፤ 
\v 11 ሃሣ ዔያቶኮ ሜታዺፆና ኪፃዺፆናይዳፓ ዔቄያና ጫሪንጮ ፆኦዛሢ ዔያታ ጫሽኬኔ፤ ዔያታ ማዼ፥ ዻቢንቶ ቡኡፂባኣሴ።
\p
\v 12 ላሃሳ ኪኢታንቻሢ ዑዦ ዓንጎይዳ ዓኣ ዑዦ ዼኤፖ ዎሮ፥ ዔፕራፂሴይዳ ላኣላዛ ዓባ ኬስካ ዛላፓ ሙካ ካኣቶም ጎይሢ ማዓንዳጉዲ ዎሮ ዋኣፃ ሚጬኔ። 
\v 13 ዼኤፖ ሾኦዣሢ ዻንጎና ቦዓሢ ዻንጎና ሃሣ ሉኡዙሞና ፆኦሲ ማሊፆ ኬኤዛያ ማሊሳሢ ዻንጋፓ ፓንቆ ማላ፥ ሃይሦ ፑርታ ዓያና ኬስካንቴ ታ ዛጌኔ። 
\v 14 ዔያታ ዱማ ዓኪ ባኣዚ ማዻ ፃላሄ ዓያናኬ፤ ዬንሢ ሃይሦ ዓያኖንሢ ቢያ ባኮ ዳንዳዓ ፆኦዛሢኮ ዼኤፖ ኬሎና ኬስካንዳ ዖሎም ዓሶ ቡኩሳኒ ዓጮ ካኣቶ ቢያሢ ባንሢ ዓኣዻኔ።
\p
\v 15 «ታኣኒ ዉሲጉዲ ዔሩዋንቴ ዬዓንዳኔ፤ ካሎ ማዑዋጉዲና ካሉሞዋ ዓሲ ዛጉዋጉዲ ጴጪ ፔኤኮ ማኣዓሢ ካፓሢ ዓንጆ ዎዛ ዴንቃንዳኔ» \x - \xo 16፡15 \xo*\xt ማቲ. 24፡43-44፤ ሉቃ. 12፡30-40፤ ዮሃ. ፆፔዻ 3፡3።\xt*\x*
\p
\v 16 ዬንሢ ዓያኖንሢ ዓጮ ካኣቶ ቢያ ዔብሬ ዓሶ ሙኡቺና ዓርማጌዶኔ ጌይንታ ቤዞይዳ ቡኩሲ ዖሎም ጊኢጊሼኔ። \x - \xo 16፡16 \xo*\xt 2ካኣቶ. ማ 23፡29፤ ዛካ. 12፡11።\xt*\x*
\p
\v 17 ላንካሳ ኪኢታንቻሢ ዑዦ ዓንጎይዳ ዓኣ ዑዦ ዢባሮይዳ ላኣላዛ፥ ጌኤዦ ማኣራ ዓኣ ካኣቱሞ ቤዛፓ፦ «ዓካሪ ቢያ ባካ ማዺንቲ ኩሜኔ!» ጋዓ ዼኤፒ ዑኡሲ ዋይዚንቴኔ። 
\v 18 ዒማና ዜኤሊንሢ ዜኤሊንሤኔ፥ ዼኤፒ ዑኡሲያ ዋይዚንቴኔ፥ ጉጉንሢ ጉጉንሤኔ ሃሣ ሳዓኣ ሚርጌና ዓጊፄኔ፤ ዬያጉዴ ሳዓ ዓጊፂሢ ዓሲ ማዢንቴማፓ ዓርቃዖ ዓጊፂ ቤቂባኣሴ። \x - \xo 16፡18 \xo*\xt ዮሃ. ፆፔዻ 8፡5፤ 11፡13፤ 19።\xt*\x* 
\v 19 ዼኤፖ ካታሜላ ሃይሦ ቤሲ ዱጲ ዱጲ ፓቂንቴኔ፤ ሜሌ ዓጮ ዓሶ ካታማኣ ቢያ ዶዔኔ፤ ፆኦሲ ዼኤፖ፥ ባብሎኔ ካታሜሎ ጶቂሢ ዒዛኮ ዼኤፖ ዻጎ ዑዦ ኩንሦና ዑዦ ዑሽካንዳጉዲ ዒዞም ዒንጌኔ። \x - \xo 16፡19 \xo*\xt ዒሲ. 51፡17።\xt*\x* 
\v 20 ዋኣፆ ሳዛ ዓኣ ዓጫ ዓኣዺ ባይቄኔ፤ ሃሣ ዹካኣ ቢያ ዓኣ ቤዛፓ ባይቄኔ። \x - \xo 16፡20 \xo*\xt ዮሃ. ፆፔዻ 6፡14።\xt*\x* 
\v 21 ዴኤሡማ ፔቴ ዼኤፒ ዎንሢ ሹቺጉዴ ሻቺ ጫሪንጫፓ ዓሶይዳ ኬዴኔ፤ ዬይ ባይዞም ዳኪንቴ ባካ ሚርጌ ካራ ባይዚ ሜታሴያ ማዔሢሮ ዓሳ ፆኦሲ ጫሽኬኔ። \x - \xo 16፡21 \xo*\xt ኬሲ. ማፃ 9፡23፤ ዮሃ. ፆፔዻ 11፡19።\xt*\x*
\c 17
\s1 ዞኦስካ ኮኦማ ላኣሊ
\p
\v 1 ላንካዎ ዑዦ ዓንጎ ዔኪ ዓኣ፥ ላንካዎ ኪኢታንቾንሢፓ ፔቴይ ታ ባንሢ ሙካዖ ታኣም፦ «ሃኒ ሙኬ፤ ሚርጌ ዋኣፆ ዑፃ ዴዒ ዓኣ፥ ዞኦዛ ኮኦማ ላኣሌሎም ዒንጊንታንዳ ሜታሢ ታ ኔና ዻዋንዳኔ፤ \x - \xo 17፡1 \xo*\xt ዔር. 51፡13።\xt*\x* 
\v 2 ዓጮ ካኣታ ዒዞና ዎላ ዞኦዛ ኮኦሜኔ፤ ሃሣ ዓጮይዳ ናንጋ ዓሳ ዒዞኮ ዬያ ፑርቶ ሱኡኮ ማዾ ዑዦና ማሢንቴኔ» ጌዔኔ። \x - \xo 17፡2 \xo*\xt ዒሲ. 23፡17፤ ዔር. 51፡7።\xt*\x*
\p
\v 3 ዬካፓ ኪኢታንቻሢ ዓያና ጌኤሺ ማሊፆይዳ ታና ጌልዚ፥ ዓሲ ናንጉዋ ዳውሎ ዔኪ ዓኣዼኔ፤ ዒኢካ ጫሺ ዑፆይዳ ቢያ ፃኣፒንቲ ዓኣ፥ ላንካይ ቶኦኪና ታጶ ጉራኒና ዓኣ፥ ዞቄ ቦዖስኬያኮ ዑፃ ዴዒ ዓኣ ፔቴ ላኣሊ ታ ዴንቄኔ። \x - \xo 17፡3 \xo*\xt ዮሃ. ፆፔዻ 13፡1።\xt*\x* 
\v 4 ላኣሌላ ጮልዔ ዲንኪ ማኣዖና ዞቄ ማኣዖና ማይንቲ ዓኣኔ፤ ጊንሣ ዎርቄና ዱማ ዱማ ሚዛጶ ሹጮና ፓልሚንቲ ዓኣኔ፤ ኩጮይዳ ሃሣ ዒዛ ሻኣካ ባኣዚና ዒዞኮ ፑርቶ ሱኡኮ ማዾና ኩሜያ፥ ዎርቄና ኮሺንቴ ዑሺ ዓንጊ ዔኪ ዓኣኔ። \x - \xo 17፡4 \xo*\xt ዔር. 51፡7።\xt*\x* 
\v 5 ዒዞኮ ባሊቶይዳ፦ «ዞኦዛ ኮኦማ ዓሶና ዓጮይዳ ፑርቶ፥ ዒኢቴ ማዾናኮ ዒንዶ ማዔ ዼኤፖ ካታሜሎ ባብሎኔ» ጌይንታያ ዓኣሺንታያ፥ ዔርቱዋ ሱንሢ ፃኣፒንቲ ዓኣኔ። 
\v 6 ዬና ላኣሌላ ፆኦሲም ዱማዼ ዓሶኮ ሱጉፆና ዬሱስ ኪሪስቶሴ ዛሎ ማርካዻ ዓሶኮ ሱጉፆና ማሢንቲ ዓኣንቴ ታ ዛጌኔ፤ ታ ዒዞ ዴንቃዖ ሚርጌና ዲቃቲ ሄርሼኔ። 
\v 7 ኪኢታንቻሢ ጋዓንቴ ታኣም፦ «ዓይጎሮ ኔ ዲቃቲ ሄርሻይ? ላኣሌሎና ዒዛ ዴዒ ዓኣ፥ ላንካዎ ቶኦኮና ታጶ ጉራኖና ዓኣ ቦዓሢናኮ ዓኣሺንታያ ማዔ ዔርቱዋ ባኮ ታ ኔኤም ጋፒሲ ኬኤዛንዳኔ፤ 
\v 8 ኔኤኒ ዛጌ ቦዓሢ ቤርታ ዓኣያኬ፤ ሃሢ ጋዓንቴ ባኣሴ፤ ሃጊ ዼኤፖ፥ ዒጊቻ ዔቶይዳፓ ኬስኪ ባይቆሮ ዓኣዻንዳኔ፤ ዒማና ሳዓ ማዢንቴማፓ ዓርቃዖ ሱንፃ ናንጎ ማፃኣፖይዳ ፃኣፒንቲባኣያ፥ ሳዖይዳ ናንጋ ዓሳ፦ ቦዓሢ ቤርታ ዓኣያ፤ ሃሢ ጋዓንቴ ባኣያ ጊንፃፓ ሙካንዳያታሢ ዛጋዖ ዲቃቲ ሄርሻንዳኔ።» \x - \xo 17፡8 \xo*\xt ዳኣኔ. 7፡7፤ ዮሃ. ፆፔዻ 11፡7፤ ዓይኑ. 69፡28።\xt*\x*
\p
\v 9 «ዔሪ ማላ ዒኔና ዓኣያ ማዓኒ ኮይሳሢ ዒማናኬ፤ ላኣሌላ ዴዒ ዓኣ ቶኦኮንሢ ላንካይ ዹካኬ፤ 
\v 10 ዔያታ ላንካይ ካኣቶኬ፤ ዔያቶይዳፓ ዶንጋሢ ሎኦሜኔ፤ ፔቴሢ ሃሢ ዓኣኔ፤ ባጋሢ ጋዓንቴ ሃጊ ሙኪባኣሴ፤ ዒ ሙካዖ ካኣታዺ ዴዓኒ ኮይሳሢ ዻካ ዎዴሮ ሌሊኬ። 
\v 11 ቤርታ ዓኣያ፥ ሃሢባኣ ቦዓሢ ሳላሳ ካኣታሢኬ፤ ዒዚ ላንካዎ ካኣቶንሢፓ ፔቴሢኬ፤ ዒዚያ ባይቆሮ ዓኣዻኔ።»
\p
\v 12 «ኔኤኒ ዛጌ ታጶ ጉራና ሃጊ ካኣታዺባኣ፥ ታጶ ካኣቶኬ፤ ጋዓንቴ ኮሺ ዻካ ዎዴ ቦዓሢና ዎላ ካኣታዻንዳ ቢታንቶ ዔያታ ዴንቃንዳኔ። \x - \xo 17፡12 \xo*\xt ዳኣኔ. 7፡24።\xt*\x* 
\v 13 ዬንሢ ካኣቶንሢኮ ማሊፃ ፔቴኬ፤ ዔያታ ፔኤኮ ዎልቆና ቢታንቶና ቦዓሢም ዒንጋንዳኔ፤ 
\v 14 ዬያታ ማራዓሢና ዎላ ዖልታንዳኔ፤ ጋዓንቴ ማራዓሢ ጎዳቶኮ ጎዳ ሃሣ ካኣቶኮዋ ካኣቲ ማዔሢሮ ዖሎና ዔያቶ ባሻንዳኔ፤ ዒዛና ዎላ ዓኣ፥ ዔኤሊንቴዞንሢንታ ዶኦሪንቴዞንሢንታ ሃሣ ጉሙርቂንታዞንሢያ ዖሎና ባሻያ ማዓንዳኔ» ጌዔኔ።
\p
\v 15 ሃሣ ኪኢታንቻሢ ታኣም፦ «ዞኦዛ ኮኦማ ላኣሌላ ዴዒ ዓኣንቴ ኔ ዛጌ ዋኣፃ ዱማ ዱማ ዜርሢ፥ ቶኦኪ፥ ዴሬ ሃሣ ዱማ ሙኡቺ ጌስታ ዺቢ ዓሲኬ፤ 
\v 16 ቦዓሢና ኔ ዛጌ ታጶ ጉራኖንሢና ዬኖ ዞኦዛ ኮኦማ ላኣሌሎ ዒፂ፥ ጉሪ ካሎ ዒዞ ዓይሳንዳኔ፤ ዒዞኮ ዓሽኮዋ ሙዒ፥ ታሚና ዒዞ ዔያታ ሚቻንዳኔ። 
\v 17 ፆኦሲ ፔኤኮ ማሊፆ ዔያታ ኩንሣንዳጉዲ ዬያ ዔያቶ ዒኖይዳ ጌሤኔ፤ ዓይጎሮ ጌዔቴ ፆኦሲ ቃኣላ ማዺንቲ ኩማንዳያ ሄላንዳኣና ዔያታ ፔቴ ማሊሢና ዎላ ጊኢጊ፥ ዔያቶኮ ካኣቱሞ ቢታንቶ ቦዓሢም ዒንጋንዳጉዲኬ።
\p
\v 18 «ዬና ኔ ዛጌ ላኣሌላ ዓጮ ካኣቶ ዑፃ ካኣታዻንዳ፥ ዼኤፖ ካታሜሎኬ» ጌዔኔ።
\c 18
\s1 ባብሎኔ ካታሞኮ ሎኦሚፆ
\p
\v 1 ዬካፓ ሃሣ ዼኤፒ ቢታንቶ ዓኣ፥ ሜሌ ኪኢታንቾስኬይ ጫሪንጫፓ ኬዳንዳቴ ታ ዛጌኔ፤ ዒዛኮ ቦንቾ ፖዖ ሼኤሪፃፓ ዔቄያና ሳዓ ፖዔኔ፤ 
\v 2 ዒዚ ዼኤፒ ዑኡሲና፦
\q «ዼኤፖ፥ ባብሎኔ ካታሜላ ሎኦሜኔ! ሎኦሜኔ!
\q2 ፃላሄኮዋ ናንጊ ቤሲ ማዔኔ!
\q2 ሃሣ ፑርቶ ዓያኖኮዋ ዎይሢ ቤሲ ማዔኔ፤
\q ፑርታ ሃሣ ሻኣካያ ማዔ፥ ካፖኮ ቢያ
\q2 ዎይሢ ቤሲ ማዔኔ። \x - \xo 18፡2 \xo*\xt ዒሲ. 13፡21፤ 21፡9፤ ዔር. 50፡39፤ 51፡8፤ ዮሃ. ፆፔዻ 14፡8።\xt*\x*
\q
\v 3 ዴራ ቢያ ዒዞኮ
\q2 ፑርቶ ሱኡኮ ማዾ ዑዦ ዑሽኬኔ፤
\q2 ዓጮ ካኣታ ዒዞና ዎላ ዞኦዛ ኮኦሜኔ፤
\q ሃሣ ዓጮይዳ ኮርሞ ኮርማ ዓሳኣ
\q2 ዑሣ ዓኣዼ ዒዛ ሳኣ ናንጊም ጊኢጋያታሢሮ ዖርጎጬኔ»
\m ጌዒ ዒላቴኔ። \x - \xo 18፡3 \xo*\xt ዒሲ. 23፡17፤ ዔር. 51፡7።\xt*\x*
\q
\v 4 ሃሣ ሜሌ ዑኡሲ ጫሪንጫፓ፦
\q2 «ታ ዴሬዮቴ! ዒዛ ማዻ ጎሞ ዒንሢ ማዹዋጉዲ
\q2 ዒዞም ዓጎና ባይሲንቶና ዒንሢያ ባይቁዋጉዲ፤
\q ዒዞይዳፓ ኬስኩዋቴ። \x - \xo 18፡4 \xo*\xt ዒሲ. 48፡20፤ ዔር. 50፡8፤ 51፡6፤ 45።\xt*\x*
\q
\v 5 ዓይጎሮ ጌዔቴ ጎማ ዒዞኮ ኩሊንቲ
\q2 ጫሪንጮ ሄሌሢሮ
\q ፆኦሲ ዒዞኮ ፑርቱሞ ጶቂሤሢሮኬ። \x - \xo 18፡5 \xo*\xt ማዢ. ማፃ 18፡20-21፤ ዔር. 51፡9።\xt*\x*
\q
\v 6 ዒዛ ዒንጌማጉዲ ማሂ ዒንጉዋቴ፤
\q2 ዒዛ ማዼ ማዾኮዋ ጳንጬ ዒዞም ማሁዋቴ፤
\q ዒዛ ሲኢሪ ዒንጌ ዑዦ፥ ጳንጬ ማሂ
\q2 ሲኢሪ ዒዞም ዒንጉዋቴ። \x - \xo 18፡6 \xo*\xt ዓይኑ. 137፡8፤ ዔር. 50፡29።\xt*\x*
\q
\v 7 ዒዛ ፔና ቦንቺሲ ሳኣ ናንጊም ጊኢጋያ ማሄማጉዲ
\q2 ዒዞ ሜታሲ ዖዪሱዋቴ፤
\q ዒዛ ፔኤኮ ዒኖና፦
\q ‹ታኣኒ ካኣቲ ማዒ ዴዔኔ፤
\q2 ዓኒ ታኣኮ ሃይቄያቱዋሴ፤
\q2 ፔቴታዖ ዖዪያ ታ ዖዩዋሴ›
\m ጌዒ ጌዒ ሄርሺንታኔ።
\q
\v 8 ዬያሮ ዒዞም ዓጎና ባይሲንታ
\q2 ፔቴ ኬሊ ዒዞ ሄላንዳኔ፤
\q2 ሃይቢና ዖዪሢና ናይዚና ዒዞ ሄላንዳኔ፤
\q ዒዞይዳ ዎጋ ጎዳ ማዔ ፆኦዛሢ ዼኤፒ ማዔሢሮ
\q2 ታሚና ዒዛ ሚቺንታንዳኔ»
\m ጋዓንቴ ታ ዋይዜኔ።
\p
\v 9 ዒዞና ዎላ ዞኦዛ ኮኦሚ፥ ጊኢጋ ናንጊ ናንጌ፥ ሳዖ ካኣታ ዒዛ ሚቺንታ ዎዶና ኬስካ ጩቦ ዛጊ ዒዞሮ ዒላቲ ዒላቲ ዬኤካንዳኔ። 
\v 10 ዔያታ ዒዞይዳ ሄሌ ሜታሢ ዛጎ ዒጊጪ፥ ሃኬ ዔቂ፦
\q «ኔኤኒ ሃና ዼኤፖ ካታሜሌ!
\q2 ኔኤኒ ሃና ፑኡፒ ማዔ፥ ባብሎኔ!
\q ፑርቶ ዎጋ ኔ ጊዳ ዑኬና ሙኬሢሮ
\q2 ባዴዔ ኔና! ባዴዔ ኔና!»
\m ጋዓንዳኔ። \x - \xo 18፡10 \xo*\xt ሂዚ. 26፡16-17።\xt*\x*
\p
\v 11 ዔያቶኮ ዋኣፆ ካኣሚላ ጫኣኔ ባኮ ሃካፓ ሴካ ሻንቃ ዓሲ ባኣሢሮ፥ ሳዖይዳ ኮርሞ ኮርማ ዓሳ ዒዞ ዛሎ ዬኤኪ ዖያንዳኔ፤ \x - \xo 18፡11 \xo*\xt ሂዚ. 27፡31-36።\xt*\x* 
\v 12 ዔያታ ዋኣፆ ካኣሚሎይዳ ጫኣኔ ባካ፦ ዎርቄ፥ ቢራ ዓንጊ፥ ቦንቺንታ ሹቺ፥ ሚዛጲ ሹቺ፥ ቦኦሬ ሻኣዣ ዓፒላ፥ ጮልዔ ዲንኪ ማኣዓ፥ ሱኡፔ ዓፒላ፥ ዞቄ ዓፒላ፥ ቃራ ሳውቃ ዱማ ዱማ ሚሢ፥ ዳርሲ ዓቺንታ ሚርጌ ሚኢሼ ዔካ ሚሢንታ ሞኦና ዓንጊንታ ሜሌ ዓንጎንታ ቦኦሬ ሚዛጶ ሹጮንታይዳፓ ኮሺንቴ ባካ ቢያ፥ 
\v 13 ሳውቃ ሚሢ ቁኡሪ፥ ዱማ ዱማ ሳውቃ ዼኤሻ፥ ካርቤ፥ ቲሺ፥ ዑንጄ፥ ዎይኖ ዑዣ፥ ሪሚቶ ዛይታ፥ ሺኢቺ ዺኢሊ፥ ዛርጌ፥ ባይ፥ ማራይ፥ ፓራ፥ ሳርጌላ ዖይታ፤ ዬያጉዲ ሃሣ ዓይሎ ማዔ ዓሶንታ ዖሎና ዲዒ ዔኮና ዓሶንታኬ። \x - \xo 18፡13 \xo*\xt ሂዚ. 27፡12፤ 13፤ 22።\xt*\x* 
\v 14 ዬንሢ ኮርሞ ኮርማዞንሢ፦ «ኔኤኒ ናሽካ ኮዦ ባካ ቢያ ኔ ጊዳፓ ቤቲ፥ ዴንዴኔ፤ ኔኤኮ ዖርጎቹሞና ፓልሞና ቢያ ባይቄኔ፤ ማይ ዬይ ባካ ኔኤም ጊንሣ ጴዻዓኬ» ዒዞም ጋዓኔ። 
\v 15 ዬያ ባኮ ዒዞይዳፓ ሻንቂ ኮርሚ ዖርጎጬ ኮርማ ዓሳ ዒዞይዳ ሄሌ ሜቶ ዒጊጪሢና ሃኬ ዒዞኮ ዔቃንዳኔ፤ ሃሣ ዔያታ ዒዞ ዛሎ ዬኤኪ ዬኤኪ ዖያንዳኔ፤ \x - \xo 18፡15 \xo*\xt ሂዚ. 27፡31፤ 36።\xt*\x* 
\v 16 ዑኡዞዋ ዔያታ ዼጊዲ፦
\q «ሻኣዦ ዓፒሎንታ ዲንኮ ዞቄ ዓፒሎንታ ማይንታዞ
\q2 ዎርቆና ሚዛጶ ሹጮና ፓልሚንቴዞ
\q2 ዼኤፖ፥ ካታሜሎ ባብሎኔም ባዴዔ! ባዴዔ!
\q
\v 17 ዬይ ቆላ ቢያ ኔጉዋዖ ኔኤኮ ባይቂባይ!» ጋዓንዳኔ።
\p ዋኣፆ ካኣሚሎኮ ሱኡጋ ቢያ፥ ዋኣፆ ካኣሚሎ ቶጊ ዓኣዻ ዓሳ ቢያ፥ ዋኣፆ ካኣሚሎይዳ ማዻ ዓሶንታ ባዞ ዑፃ ሃንቲ ሃንቲ ኮርማ ዓሳ ቢያ ዒዞኮ ሃኬ ዔቃንዳኔ፤ \x - \xo 18፡17 \xo*\xt ዒሲ. 23፡14፤ ሂዚ. 27፡26-30።\xt*\x* 
\v 18 ዒዛ ሚቺንታኣና ኬስካ ጩቦ ዛጋዖ፦ «ሃኖ ዼኤፖ ካታሜሎጉዴያ ሜሌ ካታማ ዎካዳይ?» ጌይ ጌይ ዔያታ ዒላቴኔ። \x - \xo 18፡18 \xo*\xt ሂዚ. 27፡32።\xt*\x* 
\v 19 ሃሣ ዔያታ ፔኤኮ ቶኦካ ሲላሊ ዋሂ፥ ዖዪ ዬኤኪ ዬኤኪ፦
\q «ባዞይዳ ዋኣፆ ካኣሚላ ዓኣ ዓሳ ቢያ
\q2 ዒዞ ቆሎና ዖርጎጬ ዓሳ
\q ዼኤፖ ካታሜላ ዑኬና፥ ኔጉዋዖ ባይቄሢሮ
\q ባዴዔ! ባዴዔ! \x - \xo 18፡19 \xo*\xt ሂዚ. 27፡30-34።\xt*\x*
\q
\v 20 ጫሪንቺዮ! ዒዛ ባይቄሢሮ ዎዛዼ፤
\q2 ዒንሢ ፆኦሲም ዱማዼዞንሢና ፆኦሲ ማዾም ዳኪንቴዞንሢዮ
\q2 ሃሣ ፆኦሲ ማሊፆ ኬኤዛዞንሢዮ ዎዛዹዋቴ፤
\q ዓይጎሮ ጌዔቴ፦
\q2 ፆኦሲ ዒንሢዳ ዒዛ ሄሊሴ ሜቶሮ ጌዒ
\q2 ዒዞ ፑርታና ዎጌኔ» ጌይ ጌይ ዒላቴኔ። \x - \xo 18፡20 \xo*\xt ላሚ. ዎማ 32፡43፤ ዔር. 51፡48።\xt*\x*
\p
\v 21 ዬካፓ ሃሣ ፔቴ ዼኤፒ ኪኢታንቻስኬይ ፑኡፒ ዎንሢ ሹቺጉዴ ሹቺ ዔኪ ባዞይዳ ኬኤራዖ፦ «ዼኤፖ ካታሜላ፥ ባብሎኔ ሃኣዺዲ ዎልቄና ኬኤሪንታንዳኔ፤ ሃካፓ ሴካ ዒዛ ጴዻዓኬ፤ \x - \xo 18፡21 \xo*\xt ዔር. 51፡63-64፤ ሂዚ. 26፡21።\xt*\x*
\q
\v 22 ጎኦሎ ዋርቃ ዓሶንታ ዓይኑሞ ዓይናዻ ዓሶ ዑኡዛ
\q2 ሹሉንጎንታ ዛያሢንታ ዋርቃ ዓሶ ዑኡዛ
\q2 ላሚ ኔ ጊዳ ማይ ዋይዚንታዓኬ፤
\q ዱማ ዱማ ባኣዚ ሃኣማቶና ማዻ ዓይጎ ዓሲያ
\q2 ሃይፓ ሴካ ኔ ጊዳ ጴዻዓኬ፤
\q2 ዎንሢ ዎዺንታያኣ ማይ ኔ ጊዳ ዋይዚንታዓኬ። \x - \xo 18፡22 \xo*\xt ሂዚ. 26፡13፤ ዒሲ. 24፡8።\xt*\x*
\q
\v 23 ፖዓ፥ ፖዒያ ኔ ጊዳ
\q2 ሃይፓ ሴካ ፖዓዓኬ፤
\q2 ዔፒ ሃይሴያ ሃይፓ ሴካ ኔ ጊዳ ዋይዚንታዓኬ።
\q ኔ ዓጮኮ ኮርሞ ኮርማ ዓሳ
\q2 ዓጮ ቢያይዳ ዔርቴ ዼኤፖ ዓሶኬ፤
\q2 ኔኤኮ ማርሾና ዓሶ ቢያ ኔ ዻቢሼኔ። \x - \xo 18፡23 \xo*\xt ዔር. 7፡34፤ 25፡10።\xt*\x*
\q
\v 24 ዒዞይዳ ፆኦሲ ማሊፆ ኬኤዛዞንሢንታ
\q2 ፆኦሲም ዱማዼዞንሢንታ
\q2 ሳዖይዳ ዎዺንቴ ዓሶኮዋ ቢያ ሱጉፃ ጴዼኔ» ጌዔኔ። \x - \xo 18፡24 \xo*\xt ዔር. 51፡49።\xt*\x*
\c 19
\p
\v 1 ዬካፓ ሚርጌ ዓሲ ዑኡሲ ማላ፥ ዼኤፒ ዑኡሲ ጫሪንጮይዳ፦
\q «ፆኦሲም ጋላታ!
\q2 ዻቂሺሢና ቦንቾና ሃሣ ዎልቄያ ኑ ፆኦዛሢሮ ማዔኔ፤
\q
\v 2 ዒዚ ዎጋ ዎጊፃ ጎኔ፤ ሃሣ ፒዜኬ።
\q2 ዞኦዛ ኮኦሚፆና ሳዖ ዒኢሴ
\q2 ዞኦዛ ኮኦማ ዼኤፔሎ ፑርታና ዒ ዎጌኔ፤
\q ዒዞ ፑርታና ዎጊፆና
\q2 ዒዛም ማዻ ዓሶኮ ሱጉፆ ማሄኔ፤ \x - \xo 19፡2 \xo*\xt ላሚ. ዎማ 32፡43፤ 2ካኣቶ. ማ 9፡7።\xt*\x*
\q
\v 3 ላሚ ሃሣ
\q2 ፆኦሲም ጋላታ! ዒዞይዳፓ ጩባ ናንጊና ጩቢ ጩቢ ኬስካኔ»
\m ጋዓ ዑኡሲ ታ ዋይዜኔ። \x - \xo 19፡3 \xo*\xt ዒሲ. 34፡10።\xt*\x*
\p
\v 4 ዒማና ላማታሚ ዖይዶ ጋርቾንሢና ዖይዶ ባኮንሢ ካኣቱሞ ዖይታ ዴዒ ዓኣ፥ ፆኦዛሢም ባሊቶና ሳዖ ባንሢ ሂርኪ ጌይ፦
\q «ዓኣሜን፤ ፆኦሲም ጋላታ!» ጌዒ ጌዒ ዚጌኔ።
\s1 ማራዓሢኮ ዔፖ ሙዖ
\p
\v 5 ዬካፓ፦
\q «ዒዛ ዒጊጪ፥ ዒዛም ማዻ
\q ዻኮንታ ዼኤፖንታ ቢያ
\q2 ኑ ፆኦዛሢ ጋላቱዋቴ!»
\m ጋዓ ዑኡሲ ካኣቱሞ ዖይታ ዓኣ ቤዛፓ ዋይዚንቴኔ። \x - \xo 19፡5 \xo*\xt ዓይኑ. 115፡13።\xt*\x*
\p
\v 6 ሃሣ ጊንሣ ሚርጌ ዓሲ ዑኡሲ፥ ዼኤፒ ዎታ ዎርዚ ዋኣሢና ዼኤፒ ጉጉንሢ ዑኡሲ ማላ ዑኡሲ፦
\q «ቢያ ባኣዚ ዳንዳዓ ጎዳ ማዔ ፆኦዛሢ
\q2 ካኣታዼሢሮ ጋላቱዋቴ! \x - \xo 19፡6 \xo*\xt ሂዚ. 1፡24፤ ዓይኑ. 93፡1፤ 97፡1፤ 99፡1።\xt*\x*
\q
\v 7 ማራዓሢኮ ዔፓ ሄሌሢሮ
\q2 ዒዛኮ ዑኡቴላ ጊኢጊንቴሢሮ
\q ዎዛ ኑም ማዖንጎ፥ ኑ ዎዛዾም፤
\q2 ቦንቺያ ዒዛ ኑ ቦንቾም።
\q
\v 8 ዓኣፒዳ ዱካያ፥ ጌኤሺ ማዔ
\q2 ሻኣዣ ዓፒላ ማይንታንዳጉዲ ዒዞም ዒንጊንቴኔ፤
\q ዬይ ቦኦሬ ሻኣዦ ዓፒላ ፆኦሲም ዱማዼ ዓሶኮ
\q ፂሉሞ ማዾኬ» ጋዓንቴ ታ ዋይዜኔ።
\p
\v 9 ኪኢታንቻሢ ሃሣ፦ « ‹ማራዓሢኮ ዔፖ ሙዖም ዔኤሊንቴ ዓሳ ባሊቲና ዓኣያኬ› ጌይ ፃኣፔ» ታኣም ጌዔኔ፤ ሄሊሳዖ ሃሣ፦ «ሃይ ፆኦሲኮ ጎኔ ቃኣላኬ» ጌዔኔ። \x - \xo 19፡9 \xo*\xt ማቲ. 22፡2-3።\xt*\x*
\p
\v 10 ታኣኒ ዬያ ኪኢታንቻሢም ዚጋኒ ዒዛ ቶኮ ዴማ ባሊቶና ሂርኪ ጋዓዛ፥ ዒዚ ጋዓንቴ፦ «ሃሼ! ሃያይዲፖ! ታኣኒያ ኔናንታ ዬሱሴ ዛሎ ማርካዻ ዒሾንሢንታ ዎላ ማማዻያኬ፤ ፆኦሲም ዚጌ።
\p «ዬሱሴ ፔጋሲ ዻዌ ጎኑማ ፆኦሲ ማሊፆ ኬኤዛ ዓሶ ዻንጎና ኬኤዛ ዓያኖኬ» ጌዔኔ።
\s1 ቦኦሬ ፓራሢ ቶጊ ዓኣ ዓሢ
\p
\v 11 ዬካፓ ጫሪንጫ ቡሊንቴም፥ ዒኢካ ቦኦሬ ፓሮ ታ ዴንቄኔ፤ ፓራሢ ቶጌሢ፦ «ጉሙርቂንታያ ሃሣ ጎኔ ዓሲ» ጌይንታያኬ፤ ዒዚ ፂሉሞና ዎጋያ ሃሣ ዖልታያኬ። \x - \xo 19፡11 \xo*\xt ሂዚ. 1፡1፤ ዓይኑ. 96፡13፤ ዒሲ. 11፡4።\xt*\x* 
\v 12 ዓኣፓ ዒዛኮ ዔኤታ ታሚ ማላኔ፤ ሃሣ ዒዛኮ ቶኦኮይዳ ቦንቾሮ ዓጎ ባካ ሚርጌ ዓጊንቲ ዓኣኔ፤ ዒዛይዳፓ ዓታዛ ሜሌ ዖኦኒያ ዔሩዋያ፥ ፃኣፒንቴ ሱንሢ ዒዛይዳ ዓኣኔ፤ \x - \xo 19፡12 \xo*\xt ዳኣኔ. 10፡6።\xt*\x* 
\v 13 ዒዚ ሱጉሢ ሄሊ ፑርቲሴ ማኣዖ ማይንቲ ዓኣኔ፤ ዒዛኮ ሱንፃ «ፆኦሲ ቃኣላ» ጌይንታያኬ። 
\v 14 ዒማና ቦኦሬ ፓሮ ቶጌ፥ ቦኦሬ ጌኤሺ ዓፒላ ማይንቴ፥ ጫሪንጫ ዓኣ ዖሎ ዓሳ ዒዛ ጊንፆ ዓኣዻኔ፤ 
\v 15 ሜሌ ዴሮ ዖሊ ባሻንዳ ዓጬ፥ ጬንቻ ዓፓሮ ዒዛኮ ዻንጋፓ ኬስኬኔ፤ ዒዚ ሚጪንቱዋዖ ሄርቂ ዔያቶ ዎይሣንዳኔ፤ ሃሣ ዒዚ ቢያ ባኣዚ ዳንዳዓ ፆኦዛሢኮ ዼኤፖ ዻጎና ዎይኖ ሄርቂ ጩኡጶ ቤዛ ዎይኖ ሄርቃንዳኔ፤ \x - \xo 19፡15 \xo*\xt ዓይኑ. 2፡9፤ ዒሲ. 63፡3፤ ዒዮ. 3፡13፤ ዮሃ. ፆፔዻ 14፡20።\xt*\x* 
\v 16 ዒዛኮ ማኣዓሢና ጉባዞናይዳ፦ «ካኣቶኮ ካኣቲ፥ ጎዳቶኮ ጎዳ» ጋዓ ሱንሢ ፃኣፒንቲ ዓኣኔ።
\p
\v 17 ዬካፓ ሃሣ ፔቴ ፆኦሲኮ ኪኢታንቻ ዓቦ ዑፃ ዔቂ ዓኣንቴ ታ ዛጌኔ፤ ዒዚ ጫሪንጮይዳ ባራና ካፖም ዼኤፒ ዑኡሲና፦ «ፆኦሲ ጊኢጊሼ፥ ዼኤፖ ሙዖ ሙዓኒ ቡኪንቱዋቴ፤ 
\v 18 ዒንሢ ቡኪንታሢ ካኣቶ ዓሽኮ፥ ፖኦሊሶ ዓይሣ ዓሶ ዓሽኮ፥ ዖሎ ዖላ ዶዶ ዓሶ ዓሽኮ፥ ፓራሢ ቶጊ ዖላ ዓሶና ፓራሢና ዓሽኮ፥ ዎይሣ ዓሶና ዴማ ማዒ ዎርቃ ዓሶናኮ ዓሽኮ፥ ዻኮ ዓሶና ዼኤፖ ዓሶና ዓሽኮ፤ ዬያጉዲ ዓሲ ቢያኮ ዓሽኮ ሙዓኒኬ» ጌይ ዒላቴኔ። \x - \xo 19፡18 \xo*\xt ሂዚ. 39፡17-20።\xt*\x*
\p
\v 19 ሃሣ ቦዓሢንታ ሳዖ ካኣቶንታ ፔኤኮ ዖላ ዓሶና ዎላ ቦኦሬ ፓራሢ ቶጌሢና ዒዛኮ ዖላ ዓሶና ዖልታኒ ቡኪንቲ ዓኣንቴ ታ ዛጌኔ፤ 
\v 20 ጋዓንቴ ቦዓሢ ዓዺንቴኔ፤ ሃሣ ዒዛና ዎላ ዒዛ ቤርታ ዱማ ዱማ ዓኪ ባኣዚ ማዻ፥ ሉኡዙሞና ፆኦሲ ማሊፆ ኬኤዛሢያ ዓዺንቴኔ፤ ዒዚ ቦዓሢ ማላቶ ዔኪ ዓኣዞንሢና ዬያም ዚጋዞንሢ ዱማ ዱማ ዓኪ ባኣዚ ማዺ ዻዊሢና ዻቢሻኔ፤ ዒማና ዬንሢ ላምዖንሢ ሼምፔና ዓኣ ጎይሣ ዓኣንቴ ዔኤታ ታሞ ባዞይዳ ዓጊንቴኔ። \x - \xo 19፡20 \xo*\xt ዮሃ. ፆፔዻ 13፡1-18።\xt*\x* 
\v 21 ዓቴዞንሢ ሃሣ ቦኦሬ ፓራሢ ቶጌ ዓሢኮ ዻንጋፓ ኬስካ፥ ጬንቾ ዓፓራ ዎዼኔ፤ ዒማና ካፓ ቢያ ዓሽኮ ዔያቶኮ ሙይ ሚሽኬኔ።
\c 20
\s1 ሺዮ ሌዖ ካኣታዾንዶ ካኣቱሞ
\p
\v 1 ዬካፓ ሃሣ ዼኤፖ፥ ዒጊቻ ዔቶ ካሮ ቡሎ ቁልፔና ዼኤፒ ካኒ ቢራታና ዔኪ ዓኣ፥ ኪኢታንቾስኬይ ጫሪንጫፓ ኬዳንቴ ታ ዛጌኔ፤ 
\v 2 ዒዚ ዼኤፖ ሾኦዣሢ ዓርቂ ሺያ ሌዔ ቱኬኔ፤ ዬይ ዼኤፖ ሾኦዣሢ ዲያቢሎኦሴ፥ ሃሣ ጊንሣ ፃላሄ ጌይንቴ ቤርታኣ ሾኦዣሢኬ፤ \x - \xo 20፡2 \xo*\xt ማዢ. ማፃ 3፡1።\xt*\x* 
\v 3 ዬይ ሺዮ ሌዓ ጋፓንዳያ ሄላንዳኣና ማይ ዴሮ ዻቢሹዋጉዲ ፆኦሲኮ ኪኢታንቻሢ ዒዛ ዼኤፖ ዒጊቻ ዔታ ዓጊ፥ ካሮ ዖኦኒያ ቡሉዋጉዲ ዔርዛ ማላቶና ዓይሤኔ፤ ጋዓንቴ ዬካፓ ዻካ ዎዴም ዒ ቡሊንታንዳያ ኮይሳኔ።
\p
\v 4 ዬካፓ ካኣታ ዴዓ ሚርጌ ዖይታ ታ ዴንቄኔ፤ ዬኖ ዖይቶይዳ ዎጌ ዎጋኒ ቢታንቶ ዒንጊንቴ ዓሲ ዴዒ ዴዒ ዓኣንቴ ታ ዛጌኔ፤ ሃሣ ዬሱሴ ዛሎና ፆኦሲ ቃኣሎ ኬኤዜሢ ዛሎናሮ ጬንቾ ዓፓሮና ዎዾና ዓሶኮ ሼምፓሢ ታ ዴንቄኔ፤ ዔያታ ቦዓሢና ዒዛኮ ማላቶናም ዚጊባኣያ ሃሣ ዬያ ማላቶ ባሊታ ማዔቴያ ኩጫ ጌሢባኣ ዓሶኬ፤ ዔያታ ሃይባፓ ዔቂ ኪሪስቶሴና ዎላ ሺያ ሌዔ ካኣታዻንዳኔ። \x - \xo 20፡4 \xo*\xt ዳኣኔ. 7፡9፤22።\xt*\x* 
\v 5 ዓቴ ሃይቄ ዓሳ ጋዓንቴ ዬይ ሺዮ ሌዓ ጋፓንዳያ ሄላንዳኣና ሃይባፓ ዔቂባኣሴ። ዬና ቤርታሳ ሃይባፓ ዔቂፆኬ። 
\v 6 ቤርታሳ ሃይባፓ ዔቂፆ ዔቄዞንሢኮ ዓንጆ ዎዛ ዓኣያ፥ ሃሣ ፆኦሲማኣ ዔያታ ዱማዼያኬ፤ ላምዓሳ ሃይባ ዔያቶ ዎኦታንዳ ባኣዚያ ባኣሴ፤ ዔያታ ፆኦሲና ኪሪስቶሴናኮ ማዻ ቄኤሶ ማዒ፥ ኪሪስቶሴና ዎላ ሺያ ሌዔ ካኣታዻንዳኔ።
\s1 ፃላሄኮ ዖሎና ባሺንቲፆ
\p
\v 7 ዬና ሺዮ ሌዓ ጋፔሢኮ ጊንፃ ፃላሄ ቱኡዛፓ ቡሊንታንዳኔ፤ 
\v 8 ዬካፓ ዒ ዓጮ ቢያይዳ ዓኣ፥ ጎኦጌና ማኣጎኦጌ ጌይንታ ዴሮ ዻቢሺ ዖልዚሮዋ ዔያቶ ዔኪ ኬስካንዳኔ፤ ዬያ ዴሮኮ ፓይዳ ባዞ ዓጫ ዓኣ ማኣሻሎጉዲኬ። \x - \xo 20፡8 \xo*\xt ሂዚ. 7፡2፤ 38፡2፤ 9፤ 15።\xt*\x* 
\v 9 ዔያታ ዓጮ ቢያ ኬስኪ ዴንዳዖ ፆኦሲም ዱማዼ ዓሳ ናንጋ ጉርዶና ዒዚ ናሽካ ካታሜሎዋ ማንጌኔ፤ ጋዓንቴ ጫሪንጫፓ ታሚ ኬዲ ዔያቶ ሙዔኔ። 
\v 10 ዔያቶ ዻቢሼ ፃላሄና ቦዓሢና ሃሣ ሉኡዙሞና ፆኦሲ ማሊፆ ኬኤዛያ ማላሢ ዓኣ ቤዞ፥ ፂኢሎ ኬስኪ ዔኤታ ታሞ ባዞይዳ ዔያታ ዓጊንቴኔ፤ ዒኢካ ዔያታ ዋንቶንታ ሮኦሮንታ ናንጊና ጋፑዋ ሜቶ ናንጊ ናንጋንዳኔ።
\s1 ጋፒንፆ ዎጎ
\p
\v 11 ዬካፓ ቦኦሬ፥ ዼኤፒ፥ ካኣቱሞ ዖይታና ዬያ ዖይቶይዳ ዴዒ ዓኣ ዓሲ ታ ዴንቄኔ፤ ዒማና ሳዖና ጫሪንጮና ዒዛ ቤርታፓ ዓኣሺንቴኔ፤ ቤሲያ ዔያቶኮ ጴዺባኣሴ፤ 
\v 12 ዼኤፖንታ ዻኮንታ ማዔ፥ ሃይቄ ዓሳ ካኣቱሞ ዖይቶ ቤርታ ዔቂ ዓኣንቴ ታ ዛጌኔ፤ ዒማና ማፃኣፔ ቡሊንቴኔ፤ ሜሌ ናንጊ ማፃኣፔ ማዔ፥ ማፃኣፔያ ቡሊንቴኔ፤ ሃይቄ ዓሳ ዒማና ማፃኣፖይዳ ፃኣፒንቲ ዓኣ፥ ፔኤኮ ማዾ ጎይፆ ዎጎ ዔኬኔ። \x - \xo 20፡12 \xo*\xt ዳኣኔ. 7፡9-10።\xt*\x* 
\v 13 ባዞይዳ ጌሊ ሙይንቲ ሃይቄ ዓሶ ባዛ ኬሲ ዒንጌኔ፤ ሃይቢንታ ሃይቄ ዓሳ ናንጋ ቤዞንታ ዔያቶ ኮይላ ዓኣ ሃይቄ ዓሶ ኬሲ ኬሲ ዒንጌኔ፤ ዬያይዲ ፔቴ ፔቴ ዓሳ ፔኤኮ ማዾ ጎይፆ ዎጎ ዔኬኔ። 
\v 14 ዬካፓ ሃይቢንታ ሃይቄ ዓሳ ናንጋ ቤዞንታ ታሞ ባዞይዳ ዓጊንቴኔ፤ ዬይ ታሞ ባዛ ላምዓሳ ሃይቦኬ፤ 
\v 15 ሱንፃ ናንጎ ማፃኣፓ ፃኣፒንቲ ጴዺባኣሢ ቢያ ታሞ ባዞይዳ ዓጊንቴኔ።
\c 21
\s1 ዓኪ ጫሪንቺና ዓኪ ሳዓና
\p
\v 1 ዬካፓ ዓኪ ጫሪንቺና ዓኪ ሳዓና ታ ዛጌኔ፤ ዎይቲ ጌዔቴ ቤርታኣ ጫሪንጮና ቤርታኣ ሳዖና ባይቄሢሮኬ፤ ባዚያ ባኣያ ማዔኔ። \x - \xo 21፡1 \xo*\xt ዒሲ. 65፡17፤ 66፡22፤ 2ጴፂ. 3፡13።\xt*\x* 
\v 2 ፆኦሲም ዱማዼ ካታሜላ፥ ዓኮ ዬሩሳላሜ ዓኒም ሎዓኒ ፓልሚ፥ ጊኢጊንቴያ ማዒ ፆኦሲ ኮይሎ ጫሪንጫፓ ኬዳንቴ ታ ዛጌኔ፤ \x - \xo 21፡2 \xo*\xt ዒሲ. 52፡1፤ 61፡10፤ ዮሃ. ፆፔዻ 3፡12።\xt*\x* 
\v 3 ካኣቱሞ ዖይታ ዓኣ ቤዛፓ፦ «ፆኦሲኮ ዎይፆ ቤዛ ዓሶ ባኣካኬ፤ ዒዚያ ዔያቶና ዎላ ናንጋንዳኔ፤ ዔያታ ዒዛ ዓሲ ማዓንዳኔ፤ ፆኦሲ ፔ ቶኦኪና ዔያቶና ዎላ ማዓንዳኔ፤ ፆኦዛሢያ ዔያቶኮ ዒዛ ማዓንዳኔ፤ \x - \xo 21፡3 \xo*\xt ሂዚ. 37፡27፤ ሌዊ. ዓኬ 26፡11-12።\xt*\x* 
\v 4 ሃሣ ዓቢፆ ቢያ ዔያቶኮ ዓኣፓፓ ዒ ዑጫንዳኔ፤ ሃይቢ ማዔቴያ ዖዪሢ፥ ዬኤፒ ማዔቴያ ሜታ ማይ ዔያቶኮ ባኣሴ፤ ዓይጎሮ ጌዔቴ ቤርታኣ ባካ ቢያ ዓኣዼኔ» ዼኤፒ ዑኡሲና ጋዓንቴ ታ ዋይዜኔ። \x - \xo 21፡4 \xo*\xt ዒሲ. 25፡8፤ 35፡10፤ 65፡19።\xt*\x*
\p
\v 5 ዒማና ካኣቱሞ ዖይቶይዳ ዴዔሢ፦ «ዓካሪ፥ ታ ቢያ ባኮ ዓካሳንዳኔ» ጌዔኔ፤ ዬካፓ ሃሣ፦ «ሃይ ቃኣላ ጉሙርቂንታያ፤ ጊንሣ ጎኔ ማዔሢሮ ፃኣፔ» ታኣም ጌዔኔ። 
\v 6 ሃሣ ዒዚ፦ «ዓካሪ ቢያ ባካ ጋፔኔ! ዔኤቢኮ ቢያ ዓርቃሢና ጋፒሳሢና ታናኬ፤ ዼኤቢንቴሢም ናንጎ ዋኣፆይዳፓ ጪጎ ባኣዚ ባኣንቴ፥ ጉሪ ታ ዒንጋንዳኔ፤ \x - \xo 21፡6 \xo*\xt ዒሲ. 55፡1።\xt*\x* 
\v 7 ዖሎና ባሼሢ ዬያ ቢያ ዴንቃንዳኔ፤ ታ ዒዛኮ ፆኦሲ ማዓንዳኔ፤ ዒ ታኣኮ ናዖ ማዓንዳኔ፤ \x - \xo 21፡7 \xo*\xt 2ሳሙ. 7፡14፤ ዓይኑ. 89፡26-27።\xt*\x* 
\v 8 ጋዓንቴ ዒጊጫ ዓሳ፥ ጉሙርቁዋ ዓሳ፥ ዒኢቴያ ማዔ ፑርቶ ዓሳ፥ ዓሶ ዎዻ ዓሳ፥ ማቾ ሃሣ ዓኒ ማዒባኣያና ላሃ ዓሳ፥ ማርሾ ማርሻ ዓሳ፥ ሜሌ ፆኦዞ ካኣሽካ ዓሶንታ ሉኡቃ ዓሶንታኮ ቢያ ዔያታ ጌላንዳ ቤዛ ፂኢሊ ኬስኪ ዔኤታ ታሞ ባዞይዳኬ፤ ዬይያ፦ ላምዓሳ ሃይቦኬ» ታኣም ጌዔኔ።
\s1 ዓኮ ዬሩሳላሜ
\p
\v 9 ጋፒንሢ ማዔ፥ ባይዛ ባኮ ላንካዎንሢ ኩንሦና ላንካዎ ዑዦ ዓንጎ ዔኪ ዓኣ ላንካዎ ኪኢታንቾንሢዳፓ ፔቴሢ ታ ኮይላ ሙካዖ፦ «ማራዓሢኮ ማቾ ማዓ፥ ዑኡቴሎ ታ ኔና ዻዋንዳኔ» ጌዔኔ። 
\v 10 ዓያና ጌኤሺ ማሊሢ ጋሮ ታኣኒ ጌሊ ዓኣንቴ ዒዚ ፔቴ፥ ዼኤፒ ዹካ ታና ዔኪ ዓኣዻዖ ፆኦሲም ዱማዼ፥ ዬሩሳላሜ ካታሜላ ፆኦሲ ኮይሎ፥ ጫሪንጫፓ ኬዳያ ታና ዻዌኔ፤ \x - \xo 21፡10 \xo*\xt ሂዚ. 40፡2።\xt*\x* 
\v 11 ፆኦሲኮ ቦንቻ ዒዞም ፖዓኔ፤ ዒዞኮ ፖዓ ሚርጌና ሚዛጳያ ማዔ፥ ዒያስጲዴ ጌይንታ ሹጮጉዲ ኮሺ ፖዓያ፤ ሃሣ ጌኤሺ ሌማሌኤሼጉዲ ፖዓያኬ፤ 
\v 12 ታጶ ላምዖ ጌሎ ካራ ዓኣ፥ ዼኤፒ ሃሣ ሹቺና ኬልቆና ዼጌ ኬኤሌ ዲሢ ዒዞኮ ዓኣኔ፤ ዬኖ ታጶ ላምዖ ጌሎ ካሮይዳ ታጶ ላምዖ ኪኢታንቻ ዔቂ ዓኣኔ፤ ዒኢካ ሃሣ ታጶ ላምዖ ዒስራዔኤሌ ፃጶ ሱንፃ ፃኣፒንቲ ዓኣኔ። 
\v 13 ዓባ ኬስካ ዛሎና ሃይሦ ካራ፥ ኬዶ ዛሎና ሃይሦ፥ ዾኦሎ ዛሎና ሃይሦ፥ ዓባ ጌላ ዛሎናኣ ሃይሦ ካራ ዓኣኔ። \x - \xo 21፡13 \xo*\xt ሂዚ. 48፡30-35።\xt*\x* 
\v 14 ካታሜሎ ሹጮና ኬልቂ፥ ዲርቆና ዲፆኮ ዶዲሻኒ ዴማ ጌሢ ማዦና ታጶ ላምዖ ሹቺ ዓኣኔ፤ ዬያቶ ዑፆይዳ ማራዓሢ ማዾም ዳኪንቴ፥ ታጶ ላምዖንሢኮ ሱንፃ ፃኣፒንቲ ዓኣኔ፤ 
\v 15 ዒማና ታኣና ጌስታ ኪኢታንቻሢ ካታሞንታ ካታሞኮ ጌሎ ካሮንታ ሹጮና ኬልቂ ዲርቆና ዲፆዋ ዋርቆ፥ ዎርቄና ኮሺንቴ ዖዶሲ ዓንጊ ኮኦሎ ዔኪ ዓኣኔ፤ \x - \xo 21፡15 \xo*\xt ሂዚ. 40፡3።\xt*\x* 
\v 16 ካታሜሎኮ ዖዶሱሞና ዳልጉሞና ዖይዶ ዛሎና ቢያ ሄኮ ማዔያኬ፤ ኪኢታንቻሢያ ካታሜሎ ዬኖ ዓንጌሎና ዋርቃዛ ዒዞኮ ዖዶሱማ ታጶ ላምዖ ሺያ ሚራፔ \f + \fr 21፡16 \fr*\fq ሚራፔ፦ \fq*\ft ጌይፃ ሚናኣ ዎዶና ዔኤቢኮ ዖዶሱሞንታ ዳልጉሞንታ ዔጲንታ ዋርቂ ዔሮያ ማዓዛ ፔቴ ሚራፔ ፔቴ ፄኤታና ሳሊታሚ ዶንጎ ታኣኪሢ ማዓያኬ።\ft*\f* ማዔኔ፤ ዒዞኮ ዳልጉሞና ዔጶና ዬኖ ጎይፆ ማዔኔ፤ 
\v 17 ኪኢታንቻሢ ሹጮና ኬልቂ ዲርቆና ዲፆ ዋርቄኔ፤ ዋርቃዛ ዖዶሱማ ኪኢታንቻሢ ዋርቃ፥ ዔርቴ ዋርቆ ባኮና ፄኤታና ዖይዲታሚ ዖይዶ ዋዻ ማዔኔ። 
\v 18 ዬይ ኮሾና ኬኤሎ ዲራ፥ ዒያስጲዴ ሹጮና ኮሾናያኬ፤ ካታሜላ ሌማሌኤሼጉዴ ጌኤሺ ዎርቄና ማዦናያኬ፤ \x - \xo 21፡18 \xo*\xt ዒሲ. 54፡11-12።\xt*\x* 
\v 19 ካታሜሎኮ ኬኤሎ ዲፆ ዶዲሻንዳጉዲ ዴማ ጌሢ ማዦና ሹጫ ዱማ ዱማ ሹጮና ቢያ ማይሊ ጊኢጊሾናያኬ፤ ቤርታሲ ዒያስጲዴ፥ ላምዓሶ ሴንፔሬ፥ ሃይሣሶ ኬልቂዶኔ፥ ዖይዳሶ ሜሬጊዴ፥ 
\v 20 ዶንጋሶ ሴርዴንክሴ፥ ላሃሶ ሴርዲዮኔ፥ ላንካሶ ኪሪስቶሎቤ፥ ሳላሶ ቢሬሌ፥ ታዞጳሶ ዌራዊሬ፥ ታጳሶ ኪሪስጲራሲሴ፥ ታጶ ፔታሶ ያኪንቴ፥ ታጶ ላምዓሶ ዓሜቴስፂሮ ጌይንታ ሹጮ ጌሢ ማዢንቴያኬ። 
\v 21 ታጶ ላምዖ ካሮይዳ ታጶ ላምዖ ሚዛጲ ሹቺ ዓኣኔ፤ ፔቴ ፔቴ ካራ ፔቴ ፔቴ ሚዛጲ ሹቺና ማዢንቴያኬ፤ ካታሜሎኮ ሳዞ ዼኤፖ ጎይፃ ሌማሌኤሼጉዲ ፖዓ፥ ጌኤሺ ዎርቄና ኮሾናያኬ።
\p
\v 22 ቢያ ባኣዚ ዳንዳዓ ጎዳ ማዔ ፆኦዛሢና ማራዓሢና ዬኖ ካታሜሎኮ ጌኤዦ ማኣሮ ማዔሢሮ ካታሞይዳ ጌኤሺ ማኣሪ ታ ዴንቂባኣሴ። 
\v 23 ፆኦሲኮ ቦንቾ ፖዓ፥ ዒዞም ፖዓሢሮና ሃሣ ማራዓሢያ ዒዞኮ ፖዓሢ ማዔሢሮ ካታሜሎም ዓቢያ ማዖም ዓጊኒያ ፖዓንዳጉዲ ኮይሱዋሴ። \x - \xo 21፡23 \xo*\xt ዒሲ. 60፡19-20።\xt*\x* 
\v 24 ዴራ ዒዞ ፖዖና ሃንታንዳኔ፤ ሃሣ ዓጮ ካኣታ ፔኤኮ ዓኣ ባኮ ዒዞ ባንሢ ዔኪ ዬዓንዳኔ። \x - \xo 21፡24 \xo*\xt ዒሲ. 60፡3።\xt*\x* 
\v 25 ዒኢካ ዹሚ ባኣያታሢሮ ካታሜሎኮ ካራ ቢያ ዎዴ ዎዺንቱዋዖ ዴዓኔ። 
\v 26 ዴሮኮ ዓኣ ባካ ቢያ ዒዞ ጋሮ ጌላንዳኔ፤ \x - \xo 21፡26 \xo*\xt ዒሲ. 60፡11።\xt*\x* 
\v 27 ፑርታ፥ ሻኣካ ባኣዚ ማዔያ ፔቴታዖ ዒዞ ካታሜሎ ጌላዓኬ፤ ሃሣ ፔና ዒኢሳ ማዾ ማዻያና ሉኡቃ ዓሲ ፔቴታዖ ዒኢካ ጌላዓኬ፤ ዒኢካ ጌላንዳዞንሢ ሱንፃ ማራዓሢኮ ናንጎ ማፃኣፖይዳ ፃኣፒንቴዞንሢ ሌሊኬ። \x - \xo 21፡27 \xo*\xt ዒሲ. 52፡1፤ ሂዚ. 44፡9።\xt*\x*
\c 22
\p
\v 1 ዬካፓ ኪኢታንቻሢ ፆኦሲና ማራዓሢናኮ ካኣቱሞ ዖይቶይዳፓ ኬስካ፥ ጌኤሺ ሌማሌኤሼጉዲ ጌኤሽካ ናንጊ ዋኣሢ ዎርዚ ታና ዻዌኔ፤ \x - \xo 22፡1 \xo*\xt ሂዚ. 47፡1፤ ዛካ. 14፡8።\xt*\x* 
\v 2 ዬይ ዎራሢ ካታሜሎኮ ሳዛ ዓኣ ዼኤፖ ጎይፆ ጊዴና ዓኣዻያኬ፤ ዎሮኮ ሻውሎና ሚዛቆናይዳ ዓጊና ዓጊና ዓኣፒ ዓኣፓያ፥ ሌዖይዳ ታጶ ላምዒ ማይንቲ ዓኣፓ ናንጊ ሚሢ ዓኣኔ፤ ዬያ ሚፃሢኮ ዒላዣ ዴሮኮ ዼኤሻኬ፤ \x - \xo 22፡2 \xo*\xt ማዢ. ማፃ 2፡9፤ ሂዚ. 47፡12።\xt*\x* 
\v 3 ሃይካፓ ሴካ ማይ ጋዳማ ባኣያ ማዓንዳኔ፤ ፆኦሲና ማራዓሢናኮ ካኣቱሞ ዖይታ ካታሜሎይዳ ማዓንዳኔ፤ ዒዛም ማዻዞንሢያ ዒዛ ካኣሽካንዳኔ፤ \x - \xo 22፡3 \xo*\xt ዛካ. 14፡11።\xt*\x* 
\v 4 ዒዛኮ ዓውካሮዋ ዔያታ ዛጋንዳኔ፤ ዒዛኮ ሱንፃኣ ዔያቶኮ ባሊታ ፃኣፒንቴያ ማዓንዳኔ፤ 
\v 5 ዬካፓ ሴካ ዹሚያ ዹማዓ፤ ናንጊና ናንጋ ጎዳ ማዔ ፆኦዛሢ ዔያቶም ፖዓንዳሢሮ ፖዒ ፖዓ ባኣዚታቴያ ዓቢያ ዔያቶም ኮይሱዋያኬ፤ ናንጊና ዔያታ ካኣታዼ ጎይሣ ናንጋንዳኔ። \x - \xo 22፡5 \xo*\xt ዒሲ. 60፡19፤ ዳኣኔ. 7፡18።\xt*\x*
\s1 ዬሱሴኮ ማዒ ሙኪፆ ዛላ
\p
\v 6 ዬካፓ ሃሣ ኪኢታንቻሢ፦ «ሃንሢ ጌይንቴ ባኮንሢ ጉሙርቂንታያ ሃሣ ጎኔኬ፤ ፔ ዓያኖ ዒዛ ማሊፆ ኬኤዛ ዓሶም ዒንጋ ጎዳ ማዔ ፆኦዛሢ ዻካ ዎዴኮ ጊንፃፓ ማዓንዳ ባኮ ዒዛም ማዻዞንሢም ፔጋሲ ዻዋኒ ፔኤኮ ኪኢታንቻሢ ዳኬኔ» ታኣም ጌዔኔ።
\p
\v 7 ዬሱሴ ታኣም ኬኤዛዖ፦ «ታ ዑኬና ዬዓንዳኔ፤ ሃኖ ማፃኣፖይዳ ኬኤዚንቴ ፆኦሲ ማሊፆ ካፒ፥ ማዺ ኩንሣሢ ዓንጆ ዎዛ ዴንቃንዳኔ» ጌዔኔ።
\p
\v 8 ሃያ ባኮ ዋይዜሢና ዛጌሢ ታና ዮሃኒሴኬ፤ ዬንሢ ታ ዋይዛዖ ሃሣ ዛጋዖ ዬንሢ ባኮንሢ ታኣም ዻዌ ኪኢታንቻሢም ዚጋኒ ዒዛኮ ቶኮ ዴማ ሎኦሜኔ። 
\v 9 ኪኢታንቻሢ ጋዓንቴ፤ «ሃሼ! ሃያይዲፖ! ታኣኒ ኔናንታ ኔኤኮ ጌርሲንሢንታ ማዔ፥ ፆኦሲ ማሊፆ ኬኤዛዞንሢና ዎላ፤ ሃሣ ሃያ ማፃኣፓ ጌይንቴ ባኮ ካፓዞንሢና ዎላ ማማዻያኬ፤ ፆኦሲም ዚጊ ካኣሽኬ» ታኣም ጌዔኔ። 
\v 10 ሃሣ ዒዚ ኬኤዛዖ፦ «ቢያ ባካ ማዺንቲ ኩማንዳ ዎዳ ዑኬያ ማዔሢሮ ሃያ ማፃኣፖይዳ ፆኦሲ ማሊፆና ኬኤዚንቴ ባኮ ዓሲም ዔርቱዋጉዲ ዓኣቺፖ፤ 
\v 11 ዓካሪ ፑርቶ ማዻሢ ፑርቶ ማማዾንጎ፤ ፔና ዒኢሳ ባኣዚ ማዻሢያ ማማዾንጎ፤ ፂላሢያ ፂፂሎንጎ፤ ፆኦሲም ዱማዼሢያ ፔና ዱዱማሶንጎ» ጌዔኔ። \x - \xo 22፡11 \xo*\xt ዳኣኔ. 12፡10።\xt*\x*
\p
\v 12 ዬሱሴ ዒማና ታኣም፦ «ታኣኒ ዑኬ ዬዓንዳኔ፤ ፔቴ ፔቴሢም ፔ ማዾጉዴያ ታ ዒንጋንዳ ባካ ታ ኮይላ ዓኣኔ፤ \x - \xo 22፡12 \xo*\xt ዒሲ. 40፡10፤ 62፡11፤ ዓይኑ. 28፡4፤ ዔር. 17፡10።\xt*\x* 
\v 13 ቤርታሳሢና ጋፒንፃሢና፥ ዔኤቢ ቢያ ዓርቃሢና ጋፒሳሢያ ታናኬ።» \x - \xo 22፡13 \xo*\xt ዮሃ. ፆፔዻ 1፡8፤ 17፤ 2፡8፤ ዒሲ. 44፡6፤ 48፡12።\xt*\x*
\p
\v 14 «ናንጎ ሚፆ ዓኣፖ ሙዓኒና ካታሜሎ ጌሎ ካሮና ጌላኒ ዳንዳዓያ ማዓኒ ማኣዓሢ ፔኤኮ ማስኬዞንሢ ባሊቲና ዓኣያኬ። \x - \xo 22፡14 \xo*\xt ማዢ. ማፃ 2፡9፤ 3፡22።\xt*\x* 
\v 15 ጌኔ ማዾ ማዻይ፥ ማርሻ ማርሻይ፥ ዓኒ ሃሣ ማቾ ማዒባኣያና ላሃይ፥ ዓሲ ዎዻይ፥ ሜሌ ፆኦዞ ካኣሽካይ፥ ሉኡዙሞ ናሽካያና ሉኡቃ ዓሲ ቢያ ካታሜሎኮ ዙላ ማዓንዳኔ።»
\p
\v 16 «ታኣኒ፥ ዬሱሴ ሃያ ማርካቶ ማርካዻንዳጉዲ ታኣኮ ኪኢታንቻሢ ሺኢጲፆ ማኣሮ ዓሶም ታ ዳኬኔ፤ ታኣኒ ዳውቴ ዜርሢ ሃሣ ፃጲኬ፤ ዬያጉዲ ታኣኒ ፖፖዓ ካሪሢ ዦኦጌኬ» ጌዔኔ። \x - \xo 22፡16 \xo*\xt ዒሲ. 11፡1፤ 10።\xt*\x*
\p
\v 17 ዓያኖ ጌኤዦና ዑኡቴሎና «ሙኬ» ጋዓኔ፤ ሃያ ዋይዛሢያ «ሙኬ» ጎዖንጎ፤ ዼኤቢንቴሢያ ሙኮንጎ፤ ዑሽካኒ ኮዓሢያ ቢያ ናንጎ ዋኣፆ ዔኤቢ ጪጉዋዖ ጉሪ ዑሽኮንጎ። \x - \xo 22፡17 \xo*\xt ዒሲ. 55፡1።\xt*\x*
\p
\v 18 ሃያ ማፃኣፖይዳ ፃኣፒንቴ ፆኦሲ ማሊፆ ዋይዛዞንሢም ቢያ ታ ላታኔ፤ ዖኦኒያ ሃያ ቃኣሎይዳ ፔቴ ባኣዚ ቃሴቴ ፆኦሲ ሃያ ማፃኣፖይዳ ፃኣፒንቴ ባይሲንቶ ዒዛይዳ ቃሲ ቃሲ ሄሊሳንዳኔ። 
\v 19 ዖኦኒያ ሃያ ፆኦሲ ማሊፆ ኬኤዛ ቃኣሎይዳፓ ፔቴ ባኣዚ ፓጪሴቴ ሃያ ማፃኣፖይዳ ኬኤዚንቴ ናንጎ ሚፆ ዓኣፖና ፆኦሲም ዱማዼ ካታሜሎናይዳፓ ዒዛ ሄላንዳ ባኮ ፆኦሲ ፓጪሳንዳኔ። \x - \xo 22፡19 \xo*\xt ላሚ. ዎማ 4፡2፤ 12፡32።\xt*\x*
\p
\v 20 ሃንሢ ባኮ ማርካዻሢ፦ «ሂዮ፤ ታ ዑኬ ዬዓንዳኔ» ጋዓኔ።
\p ዓኣሜን፤ ጎዳ ዬሱሴ ሙኬ!
\p
\v 21 ጎዳ ዬሱሴኮ ኮሹሞ ዒንጊፃ ዒንሢ ቢያሢና ዎላ ማዖንጎ፤ ዓኣሜን።