\id PSA - MAALE Full Bible
\ide UTF-8
\h ዓይኑሞ ማፃኣፖ
\toc1 ዓይኑሞ ማፃኣፖ
\toc3 ዓይኑ.
\toc2 ዓይኑሞ ማፃኣፖ
\mt1 ዓይኑሞ ማፃኣፖ
\imt ዓይፆ ካሮ
\ip ሃና ዓይኑሞ ማፃኣፓ ጌኤዦ ማፃኣፖ ጋራ ዓኣ ማፃኣፖይዳፓ ቢያ ዺቢ ዓይሢ ዓኣ ዳልጊ ማፃኣፔኬ። ዬይ ሚርጌ ዓይኑማ ፔቴ ዓሲ ፔኤሮ፥ ጊንሣ ሃሣ ፔቱሞና ዓይናዻያ ሃሣ ናባባያኬ።
\ip ሃኖ ማፃኣፔሎ ጋራ ፄኤታና ዶንጊንታሚና ዓይኑሞ ዓኣኔ። ዬያ ዓይኑሞ ባሼሢ ፃኣፔሢ ካኣቲ ዳውቴኬ። ዬያ ዓይኑሞ ዎላ ቡኩሲ ጊኢጊሻኒ ሚርጌ ዎዴ ዔኬያ ማዓዛ ዒስራዔኤሌ ዴራ ፆኦሲ ካኣሽካ ዳምቦኮ ዬይ ኮሺ ኮይሳያ ማዔኔ። ዬያ ዓይኑሞፓ ፔቴ ፔቴ ዓይኑማ ዎዚጉዴ ዓንጋሞና፥ ሃሣ ዎዚም ዓይናዺንታንዳቴያ ዓይኑሞ ዓይናዻ ዓሶኮ ሱኡጋሢም ዬይ ፔኤሮ ዔርዛኔ። ኮኦኪንሢና ዓይኑሞ ማፃኣፖ ዓይሢ ዖይዶና ዖይዲታሚ ዶንጎናይዳ ዛጋኒ ዳንዳዓኔ። ዬያቶ ዓይኑሞይዳ ፆኦሲ ሄርሺሢ፥ ጋላቲሢ፥ ጉሙርቂሢ፥ ሃጊ ማዓ ዎዛ ጌሥሢ፥ ዻቢንቲ ማዺንቴ ጎሜ ዛላ ዖዪሢ፥ ፆኦሲኮ ጉሙርቂንታያ ማዒፆንታ ዒ ማኣዳ ማኣዲፆንታ፤ ዬያጉዴ ዼኤፒ ዼኤፒ ማዔ ጌኤዦ ማፃኣፖ ማሊፃ ዓኣያ ማዔኔ።
\ip ዬያ ዓይኑሞኮ ዼኤፖ ማሊፃ ዓሲ ፆኦሲ ዒናፓ ጉሙርቃንዳጉዲኬ፤ ዬያ ዓይኑሞ ፃኣፔ ዓሳ ፆኦሲ ጋላቲሢና፥ ጊንሣ ሃሣ ፔኤኮ ሜታሢያ ዒዛም ኬኤዚሢና ዔያቶኮ ዒኖ ማሊፆ ፔጋሲ ዔርዛኔ።
\ip ሚናኣ ዎዶና ዒስራዔኤሌ ዓሳ ዬያ ዓይኑሞ ዱማ ዱማ ጎይሢና ማዾይዳ ፔኤሻኔ፤ ዬይያ፦
\ip 1. ዓይኑሞ ማፃኣፖኮ ዓይ. 105ይዳ ዓይናዺንቴ ጎይፆ ፆኦሲ ጋላታኒ፤
\ip 2. ዓይኑሞ ማፃኣፖኮ ዓይ. 13ይዳ ዓይናዺንቴ ጎይፆ ዖዪሢ ዔርዛኒ፤
\ip 3. ዓይኑሞ ማፃኣፖኮ ዓይ. 1ይዳ ዓይናዺንቴ ጎይፆ ዱማ ዱማ ባኣዚ ዔርዛኒ፤
\ip 4. ዓይኑሞ ማፃኣፖኮ ዓይ. 72ይዳ ዓይናዺንቴ ጎይፆ ዒስራዔኤሌ ካኣታ ፒዙሞና ዎጋንዳጉዲ ሺኢጲሢሮ፤
\ip 5. ዓይኑሞ ማፃኣፖኮ ዓይ. 47ይዳ ዓይናዺንቴ ጎይፆ ፆኦሲኮ ቢታንታ ዒ ማዤ ባኮ ቢያኮ ዑፃ ማዔሢ ዔርዛኒ፤
\ip 6. ዓይኑሞ ማፃኣፖኮ ዓይ. 122ይዳ ዓይናዺንቴ ጎይፆ ዬሩሳላሜ ናሽካያ ማዒፆ ዔርዛኒ፤
\ip 7. ዓይኑሞ ማፃኣፖኮ ዓይ. 126ይዳ ዓይናዺንቴ ጎይፆ ቦንቾ ኬሊያኣ ቦንቻኒኬ።
\ip ጎኔና ሚርጌ ዓይኑሞኮ ማሊፃ ፔቴ ማሊሢዳፓ ዑሣ ማዓኒ ዳንዳዓኔ። ኑ ጎዳ ዬሱስ ኪሪስቶሴ ቃኣሎ ኬኤዜያና፥ ጊንሣ ሃሣ ዱማ ዱማ ባኮ ዔርዜያና ዓይኑሞ ማፃኣፖፓ ዔኪ ዔኪ ሚርጌ ባኣዚ ኬኤዜኔ። ዓኮ ጫኣቁሞ ማፃኣፖ ፃኣፔ ዓሳኣ ሚርጌ ቤስካ ዬያ ዓይኑሞ ዔኪ ዔኪ ፃኣፔኔ። ዬያ ሌሊቱዋንቴ ቤርታዺ ኪሪስቶሴ ጉሙርቂ ዔኬ ዓሳኣ ፆኦሲ ዬሱስ ኪሪስቶሴ ዛሎና ማዼ ኮዦ ባኮ ዬያ ዓይኑሞና ኬኤዚ ኬኤዚ ፆኦሲ ካኣሽኬኔ። ዬያኮ ኮኦኪንሢ ማዓይ ዓይኑሞ ማፃኣፖ ዓይ. 118ኮ ፓይዲ 22ይዳ ዓኣ ማሊፃ ዓኮ ጫኣቁሞ ማፃኣፖይዳ ላሆ ማይንቲ ፃኣፒንቲፆኬ።
\is2 ማፃኣፔላ ዱማ ዱማ ዓርቄ ባኮ
\ip ዓይኑሞ ማፃኣፓ ዻካ ዻካ ቤሲ ዶንጎ ፓቂንታኔ፤ ዬያቶይዳፓ ባሼዞንሢ ጌይፃ ቤርታሶና ላምዓሶ ማዒ ፓቂንቴ ማሊፆ ፃኣፔሢ ካኣቲ ዳውቴኬ። ሃይሣሶ ማዒ ፓቂንቴ ዓይኑሞ ፃኣፔሢ ዓሳኣፔ፥ ሃንጎ ቆሬኬ ጌይንታኔ።
\ip ዓይሢ 120—134 ሄላንዳኣና ዓኣ ዓይኑማ ቦንቾ ኬሊ ቦንቺንታኣና ዓይናዺንታ ዓይኑሞኬ። ሃካፓ ዴማ ዓይኑሞ ማፃኣፓ ዻካ ዻካ ዶንጎ ቤሲ ፓቂንቴ ጎይፃ ኬኤዚንታኔ፦
\io1 ዓይኑሞ ማፃኣፖ ዓይ. 1—41
\io1 ዓይኑሞ ማፃኣፖ ዓይ. 42—72
\io1 ዓይኑሞ ማፃኣፖ ዓይ. 73—89
\io1 ዓይኑሞ ማፃኣፖ ዓይ. 90—106
\io1 ዓይኑሞ ማፃኣፖ ዓይ. 107—150
\c 1
\ms ቤርታሳ ፓቂፆ
\mr (ዓይኑሞ ማፃኣፖ ዓይ. 1—41)
\s1 ኮሺ ዓሲና ፑርታ ዓሲናኮ ናንጊ
\q
\v 1 ፑርቶ ዓሶ ዞሮ ዋይዙዋኣሢ
\q2 ጎሞ ዓሳ ሃንታ ጎይፆ ሃንቱዋኣሢ
\q2 ፆኦሲ ባኮ ቦሃ ዓሶና ፔቴ ማዒባኣሢ ዓንጂንቴያኬ።
\q
\v 2 ዬያ ጉዴ ዓሢ
\q2 ናንጊና ናንጋ ጎዳኮ ዎጎና ዎዛዻኔ፤
\q2 ዬያ ዎጎዋ ዋንቶና ሮኦሮና ፔ ዒኖና ማላኔ።
\q
\v 3 ዒዚ፦
\q2 ዎዶና ዎዶና ዓኣፒ ዓኣፓያ
\q2 ዒላዣኣ ዲኢኑዋያ
\q2 ዓልቃ ዋኣሢ ዓሽካ ቱኪንቴ ሚሢጉዲ ማዓኔ፤
\q2 ዒዚ ማዻ ባካኣ ቢያ ዒዛም ጊኢጋኔ። \x - \xo 1፡3 \xo*\xt ዔር. 17፡8።\xt*\x*
\b
\q
\v 4 ፑርቶ ማዻ ዓሳ ጋዓንቴ ያዺቱዋሴ፤
\q2 ዢባሬ ፒፂ ዔኪ ዓኣዻ ዲልባጉዲኬ።
\q
\v 5 ዬያሮ ፑርቶ ማዻ ዓሳ
\q2 ፆኦሲ ዎጎ ዎጋ ኬሎና ቶላዓኬ፤
\q2 ጎሞ ዓሳኣ ፂሎ ዓሶ ባኣካ ጴዻዓኬ።
\q
\v 6 ፂሎ ዓሳ ሃንታ ጎይፆ ናንጊና ናንጋ ጎዳ ዔራኔ፤
\q2 ፑርቶ ማዻ ዓሶ ጎይፃ ጋዓንቴ ባይሲንታ ባንሢ ዔኪ ዓኣዻያኬ።
\c 2
\s1 ፆኦሲ ዶኦሚ ካኣታሤ ካኣቲ
\q
\v 1 ዴራ ዓይጎሮ ጉንዱማይ?
\q2 ዓሳኣ ጌኔ ማዻኒ ዓይጋ ዞርታይ?
\q
\v 2 ዓጮ ካኣታ ዔቄኔ፤
\q2 ዔያቶ ዎይሣ ዓሳኣ ናንጊና ናንጋ ጎዳና
\q2 ዒዚ ዶኦሚ ካኣታሤ ካኣቲናም ጌኔ ማዻኒ
\q2 ሂዚ ጌይ ዞርቴኔ፦ \x - \xo 2፡2 \xo*\xt ዳኪ. ማዾ 4፡25-26።\xt*\x*
\q
\v 3 «ኑና ዔያታ ቱኬ ዓንጎ ዱፆ ቶካፓ ኑ ቲቆም፤
\q2 ሱዞዋ ዱኡዚ ኑኡኒ ኬኤሮም» ጌዔኔ።
\b
\q
\v 4 ጫሪንጫ፥ ካኣቱሞ ቤዛ ዴዔሢ ዔያቶ ሚኢጫኔ፤
\q2 ዬያ ዔያቶኮ ፓሡዋ ማሊፆ ናንጊና ናንጋ ጎዳ ቶኦቻኔ።
\q
\v 5 ሃካፓ ሴካ ዒዚ ፔ ዻጎና ዔያቶ ጎራንዳኔ፤
\q2 ታሞጉዴ ዻጎና ዔያቶ ዒዚ ዒጊቻንዳኔ።
\q
\v 6 «ታኣኮ ዱማዼ ፂዮኔ ዹኮይዳ
\q2 ታኣኒ ዶኦሜ ካኣቲ ታ ካኣታሤኔ» ጋዓንዳኔ።
\b
\q
\v 7 «ናንጊና ናንጋ ጎዳ ጌዔ ባኮ ዒላቲ ታ ኬኤዛንዳኔ፤
\q2 ዒዚ ታኣም ሂዚ ጌዔኔ፦
\q2 ‹ኔኤኒ ታኣኮ ናዓሢኬ፤
\q2 ታ ኔና ሃኖ ሾዔኔ፤ \x - \xo 2፡7 \xo*\xt ዳኪ. ማዾ 13፡33፤ ዔብ. 1፡5፤ 5፡5።\xt*\x*
\q
\v 8 ታና ሺኢቄ፤ ዴራ ቢያ
\q2 ኔ ቢታንቶ ዴማ ዎርቃንዳጉዲ ታ ማሃንዳኔ፤
\q2 ዓጪ ማዔ ካራና ቢያ ኔ ዴኔ ማዓንዳኔ።
\q
\v 9 ዓንጊ ኮኦሎና ኔ ዔያቶ ጳርቃንዳኔ፤
\q2 ዓጪና ማዢንቴ ሜሄጉዲ ኔ ዔያቶ ጋኣጫንዳኔ› » ጌዔኔ። \x - \xo 2፡9 \xo*\xt ዮሃ. ፆፔዻ 2፡26-27፤ 12፡5፤ 19፡15።\xt*\x*
\b
\q
\v 10 ዒንሢ፥ ካኣታ ማሊ ጶቂሡዋቴ፤
\q2 ዒንሢ፥ ዓጮ ዎይሣ ዓሳ ዒንሢና ዔሩዋቴ።
\q
\v 11 ናንጊና ናንጋ ጎዳም ዒጊቹሞና ማዹዋቴ፤
\q2 ጎጋይቂ ጎጋይቂያኣ ዒዛ ቢታንቶ ዴማ ዎርቁዋቴ።
\q
\v 12 ዻጋ ዒዛኮ ዔኤታንዳሢኮ ቤርታ
\q2 ዒንሢያ ዒ ባይዙዋንቴ ቤርታ
\q2 ጎጋይቂ ጎጋይቂ ናዓሢም ዳዲ ባዑዋቴ፤
\q2 ዒዛ ፑኖ ካይዚ ማሃዞንሢ ቢያ ዓንጂንቴያኬ።
\c 3
\s1 ዳውቴ ፔ ናኣዚ ዓብሴሎሜፓ ቶላኒ ጳሽኬያና ዓይናዼ ዓይኑሞ
\d ማኣዶሮ ጉቴና ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ሞርካ ታኣኮ ዎዚ ሚርጌዖ!
\q2 ዓኣፒኒ ዓሲ ታ ዑፃ ፑርቱሞና ዔቄዖ!
\q
\v 2 ሜርጌ ዓሳ፦ «ፆኦሲ ዒዛ ዓውሲንዱዋሴ» ጌይ ጌይ
\q2 ታ ዛሎ ጌስታኔ።
\b
\q
\v 3 ናንጊና ናንጋ ጎዳሢዮ! ኔኤኒ ታኣኮ ጊቲማሢኬ፤
\q2 ታ ባሻንዳጉዲ ማሂ ቦንቾ ታኣም ዒንጌሢ ኔናኬ።
\q
\v 4 ታኣኒ ዑኡዞ ዼጊዲ ናንጊና ናንጋ ጎዳ ባንሢ ዒላታኔ፤
\q2 ዒዚያኣ ፔኤኮ ዱማዼ ዹኮ ዑፃ ማዒ ታ ዒላቶ ዋይዛኔ።
\b
\q
\v 5 ታ ላሃኔ፥ ጊንዓኔ፤
\q2 ናንጊና ናንጋ ጎዳ ዋንቶ ቢያ ታና ካፔሢሮ
\q2 ጊንዓስካፓኣ ጊንሣ ታኣኒ ጴጫኔ።
\q
\v 6 ዓጮ ታኣኮ ማንጊ ዓኣ
\q2 ፓይዲንቱዋ ታ ሞርኮ ታኣኒ ዒጊጩዋሴ።
\b
\q
\v 7 ናንጊና ናንጋ ጎዳሢዮ! ዔቄ!
\q2 ታ ፆኦዛሢዮ! ሙኪ ታና ዓውሴ!
\q2 ታ ሞርኮኮ ባንጋሎ ሜንሤ፤
\q2 ዓጮዋ ዔያቶኮ ኬይሴ።
\q
\v 8 ዓሲ ዓውሳይ ናንጊና ናንጋ ጎዳኬ፤
\q2 ፆኦሲዮ! ዓንጃ ኔኤሲ ኔ ዴሮም ማዖንጎ። \x - \xo 3፡8 \xo*\xt 2ሳሙ. 15፡13—17፡22።\xt*\x*
\c 4
\s1 ዓይኑሞ ሱኡጋሢ ዓይሣ ጎይፆና ጎኦላና ዓይናዺንታ ዳውቴ ዓይኑሞ
\d ፆኦሲ ጉሙርቂ ሺኢቂንታ ሺኢጲሢ
\q
\v 1 ታኣኮ ፂሎ ፆኦዛሢዮ!
\q2 ታኣኒ ዔኤላ ዎዶና ታኣም ዬሄ፤
\q2 ሚርጌና ታ ዋኣያ ዋኣዪፆፓ ታና ሃውሺሴ፤
\q2 ታና ማኣሬ፥ ሺኢጲፆዋ ታኣሲ ዋይዜ።
\b
\q
\v 2 ዒንሢ፥ ሃይ ዓሳ
\q2 ዎማ ሄላንዳኣና ታና ዒንሢ ቶኦቻይ?
\q2 ዓይዴ ሄላንዳኣና ፓሡዋ ባኣዚ ዒንሢ ናሽካይ?
\q2 ዎማ ሄላንዳኣናዳዖ ሉኡዙሞ ዒንሢ ኮዓሢ?
\b
\q
\v 3 ናንጊና ናንጋ ጎዳ ጉሙርቂንታ ዓሶ ፔኤም ማሂ ዶኦሬሢ ዔሩዋቴ፤
\q2 ዬያሮ ታኣኒ ዒዛ ሺኢቃ ዎዶና ዒዚ ታኣም ዋይዛኔ።
\b
\q
\v 4 ዎዚ ዒንሢ ዻጋዼቴያ ጎሜ ማዺፖቴ፤
\q2 ዒንሢ ላሃ ቤዛ ዓኣዖ ዚቲ ጌይ
\q2 ዒኖ ዒንሢኮ ኮሺ ማሂ ዛጉዋቴ። \x - \xo 4፡4 \xo*\xt ዔፕ. 4፡26።\xt*\x*
\q
\v 5 ናንጊና ናንጋ ጎዳም
\q2 ፒዜ ማዔ ዒንጎ ባኣዚ ሺኢሹዋቴ፤
\q2 ዒዛ ጉሙርቁዋቴ።
\b
\q
\v 6 «ዓይጌ ኑና ኮሺ ባኣዚ ዻዋንዳይ?»
\q2 ጋዓ ዓሳ ሚርጌኬ፤
\q ናንጊና ናንጋ ጎዳሢዮ!
\q2 ኔ ዓኣፖ ካሮ ፖዓ ኑኡም ፖዖንጎ\f + \fr 4፡6 \fr*\fq ኔ ዓኣፖ ካሮ ፖዓ ኑኡም ፖዖንጎ \fq*\ft ጋዓዞ፦ ዒስራዔኤሌ ዓሳ ፆኦሲፓ ዓንጆ ዴንቃኒ ኮዓዖ ሂዚ ጌይ ሺኢቃ ሺኢጲሢኬ።\ft*\f*
\q
\v 7 ሜሌ ዓሳ ሃኣኮንታ ዎይኖ ዓኣፖዋ ዴንቃዖ ዎዛዻ ዎዛፓ
\q2 ኔኤኒ ታ ዒኖ ዎዛሴሢ ባሼኬ።
\b
\q
\v 8 ናንጊና ናንጋ ጎዳሢዮ!
\q2 ኮሺ ናንጊ ታና ናንጊሻሢ ኔናታሢሮ
\q2 ሂርጋ ባኣያ ታ ላሃኔ፥ ጊንዒያ ታ ጊንዓኔ።
\c 5
\s1 ዓይኑሞ ሱኡጋሢ ዓይሣ ጎይፆና ሹሉንጎና ዓይናዺንታ ዳውቴ ዓይኑሞ
\d ፆኦሲ ማኣዳንዳጉዲ ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ! ታ ዑኡዞ ዋይዜ፤
\q2 ጋርሲና ታ ዚኢሊንቲ ጋዓ ባኮ ዔኬ።
\q
\v 2 ታ ካኣቲዮ፥ ታኣኮ ፆኦዛሢዮ!
\q2 ታ ኔና ሺኢቃሢሮ
\q2 ታና ኔ ማኣዳንዳጉዲ ታ ዒላታ ዒላቶ ዋይዜ።
\b
\q
\v 3 ናንጊና ናንጋ ጎዳሢዮ!
\q2 ጉቶ ጉቶ ታ ሺኢቃ ሺኢጲፆ ዋይዜ፤
\q2 ኔኤኒ ታኣም ዎዚ ጋዓቴያ ጉሙርቂ ታ ካፓኔ።
\b
\q
\v 4 ኔኤኒ ፑርታ ማዾና ዎዛዻ ፆኦሲቱዋሴ፤
\q2 ፑርቶ ማዻ ዓሳኣ ኔኤና ዎላ ናንጉዋሴ።
\q
\v 5 ዖቶርቃ ዓሳ ኔ ቤርታ ዔቁዋሴ፤
\q2 ፑርቶ ማዻ ዓሶዋ ቢያ ኔኤኒ ዒፃኔ።
\q
\v 6 ሉኡዙሞ ጌስታ ዓሶ ቢያ ኔ ባይዛኔ፤
\q2 ዓሲ ዎዻ ዓሶንታ ጌሻ ዓሶዋ ኔኤኒ ሻኣኪንታኔ።
\b
\q
\v 7 ታኣኒ ጋዓንቴ ኔኤኮ ዼኤፖ ማኣሪፆና ኔ ማኣሪ ጌላንዳኔ፤
\q2 ኔኤም ዱማዼ ጌኤዦ ማኣሮ ባንሢያ ቦንቾና ታ ዚጋንዳኔ።
\q
\v 8 ናንጊና ናንጋ ጎዳሢዮ! ታኣኮ ሚርጌ ሞርኬ ዓኣሢሮ
\q2 ኔ ፂሉሞና ኔኤኒ ታና ዔኪ ዓኣዼ፤
\q2 ኔ ጎይፆዋ ኔኤኒ ታኣም ኮሼ።
\b
\q
\v 9 ዔያታ ጌስታ ጌኤዞይዳ ጎኑሞ ባኣሴ፤
\q2 ማሊፆ ዔያቶሲዳ ጌኔ ኩሜያኬ፤
\q2 ቆርጫ ዔያቶሲ ሲንሢንቲባኣ ዱኡፒ ዔቴጉዲኬ፤
\q2 ዻንጋ ዔያቶሲያኣ ዓሲ ጌሻያኬ። \x - \xo 5፡9 \xo*\xt ሮሜ 3፡13።\xt*\x*
\q
\v 10 ፆኦሲዮ! ዔያቶ ዒንሢ ዻቢንቴያኬ ጌዔ፤
\q2 ጌኖ ማዻ ዔያቶሲ ዔያቶ ባይዞንጎ፤
\q2 ዔያቶኮ ጎማ ሚርጌሢሮ ዔያቶ ባይዜ።
\b
\q
\v 11 ኔና ፑኖ ካዮ ማሃዞንሢ ቢያ ዎዛዾንጎ፤
\q2 ናንጊና ዔያታ ዒላሾንጎ፤
\q2 ሱንፆ ኔኤኮ ናሽካ ዓሳ ቢያ ዒናፓ ዎዛዻንዳጉዲ
\q2 ኔኤኒ ዔያቶኮ ጊቲማ ማዒ ካፔ።
\q
\v 12 ናንጊና ናንጋ ጎዳሢዮ! ኔኤኒ ፂሎ ዓሶ ዓንጃኔ፤
\q2 ኔኤኮ ሚጪንቲፆና ጊቲማ ማዒ ኔ ዔያቶ ዓውሳኔ።
\c 6
\s1 ዓይኑሞ ሱኡጋሢ ዓይሣ ጎይፆና ሳሊ ሻሺ ጎኦላና ዓይናዺንታ ዳውቴ ዓይኑሞ
\d ሜቶ ዎዴና ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ! ኔ ዻጎና ታና ጎሪፖ፤
\q2 ኔኤኮ ታሞጉዴ ዻጎና ታጊዳ ሜቶ ዓጊፖ። \x - \xo 6፡1 \xo*\xt ዓይኑ. 38፡1።\xt*\x*
\q
\v 2 ናንጊና ናንጋ ጎዳሢዮ! ታኣኒ ላኣፓታሢሮ ታና ሚጪንቴ፤
\q2 ሜጌፃ ታኣኮ ኮልኮልቄሢሮ ሃዳራ ታና ዓውሴ።
\b
\q
\v 3 ናንጊና ናንጋ ጎዳሢዮ!
\q2 ሼምፓሢ ታኣኮ ጉቤ ካራ ባይዚ ሜታዼኔ፤
\q2 ኔኤኒ ማኣዱዋዖ ዴዓሢ ዎማ ሄላንዳኣናዳይ?
\q
\v 4 ናንጊና ናንጋ ጎዳሢዮ! ጊንሣ ማዒ ታና ዓውሴ፤
\q2 ኔኤኮ ናንጊና ናንጋ ናሹሞና ታና ፓሤ።
\q
\v 5 ሃይቄ ዓሶይዳፓ ኔና ማሊ ጶቂሣይ ባኣሴ፤
\q2 ዱኡኪንቴ ቤዛ ዓኣዖ ኔና ጋላታይ ዖናዳይ?
\b
\q
\v 6 ዖዪፆ ሚርጊፆፓ ዔቄያና ታኣኒ ላቤኔ፤
\q2 ዬኤፓ ታኣኮ ሚርጌሢሮ ዋንቶ ሻኣላ ታኣኮ ዎዓኔ፤
\q2 ኬራኣ ታኣኮ ማስኪንታኔ።
\q
\v 7 ታ ሞርኮኮ ማኪፃፓ ዔቄያና
\q2 ሚርጌ ታ ዬኤኬሢሮ ዓኣፓ ታኣኮ ዴይ ዔቴኔ፤
\q2 ዴንቃኒያ ታኣኒ ዳንዳዑዋሴ።
\b
\q
\v 8 ናንጊና ናንጋ ጎዳ ዬኤፖ ዒላቶ ታኣኮ ዋይዜሢሮ
\q2 ዒንሢ ፑርቶ ማዻ ዓሳ ታ ኮራፓ ባይቁዋቴ! \x - \xo 6፡8 \xo*\xt ማቲ. 7፡23፤ ሉቃ. 13፡27።\xt*\x*
\q
\v 9 ናንጊና ናንጋ ጎዳ ሺኢጲፆ ታኣኮ ዋይዜኔ፤
\q2 ታ ሺኢቄ ሺኢጲፆዋ ዒዚ ዔኬኔ።
\q
\v 10 ሞርካ ታኣኮ ቢያ ቦርሲንታንዳኔ፤
\q2 ማሊባኣዖ ዻውሲንቲ ጊንሢም ዔያታ ጳሽካንዳኔ።
\c 7
\s1 ዳውቴ ቢኢኒያሜ ዓሢ ኩዛ ዛሎ ፆኦሲም ዓይናዼ ዓይኑሞ
\d ፒዚ ዎጌ ዎጊንታንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳ ማዔ ታ ፆኦዛሢዮ!
\q2 ኔኤኒ ታኣኮ ዓኣሺንቲ ቶሎ ካያሢኬ፤
\q2 ታና ዳውሳ ዓሶ ቢያሢፓ ማኣዲ ዓውሴ።
\q
\v 2 ኔኤኒ ዬያይዲባኣያ ማዔቴ
\q2 ዔያታ ታና ዓዳ ዞቢጉዲ ሾኦላንዳኔ፤
\q2 ዓውሳ ዓሲባኣ ቤስካ ዳርዚ ታና ዔያታ ላኣላንዳኔ።
\b
\q
\v 3-4 ናንጊና ናንጋ ጎዳ ማዔ ታ ፆኦዛሢዮ!
\q2 ፔቴ ዓሲምታዎ ፑርታ ባኣዚ ታ ማዼቴ
\q2 ታ ላጋሢ ታኣም ማዼ ኮዦ ባኮ ዛሎ ፑርታ ማዺ ታ ማሄቴ
\q2 ታ ሞርካሢ ዚቲ ጋዓዖ ታኣኒ ቡሬያ ማዔቴ
\q2 ዬያ ባኮ ቢያይዳፓ ፔቴማታዎ ታ ማዼያታቴ፥
\q
\v 5 ታ ሞርካሢ ዳውሲ ታና ዓርቆንጎ!
\q2 ሲላሎይዳ ኮላሲ ቦንቾ ታኣኮ ባይዞንጎ፤
\q2 ዒዚ ታና ዎዎዾንጎ።
\b
\q
\v 6 ናንጊና ናንጋ ጎዳሢዮ! ኔ ዻጎና ዔቄ፤
\q2 ታ ሞርኮኮ ዻጎ ኔኤኒ ባይዜ፤
\q2 ዎጋ ፒዜ ማዓንዳጉዲ ኔኤኒ ዓይሤ ጎይፆና
\q2 ታና ማኣዳኒ ዔቄ።
\q
\v 7 ሜሌ ዴሮ ኔ ባንሢ ቡኩሲ
\q2 ዑፃ ዔያቶኮ ካኣቲ ማዒ ዎይሤ።
\q
\v 8 ናንጊና ናንጋ ጎዳ ሜሌ ዴሮ ዑፃ ዎጋኔ፤
\q2 ናንጊና ናንጋ ጎዳሢዮ! ታ ፂሉሞጉዴያ ታኣም ዎጌ፤
\q2 ዼኤፖ ፆኦዛሢዮ! ታ ፒዙሞጉዴያ ታኣም ዒንጌ።
\q
\v 9 ዓሲኮ ዒኔና ማሊሢና ዛጋ ፂሎ ፆኦዛሢዮ!
\q2 ፑርቶ ዓሶኮ ዋይዞ ዒፂፆ ባይዜ፤
\q2 ፂሎ ዓሶ ጋዓንቴ ኔኤኒ ካፔ። \x - \xo 7፡9 \xo*\xt ዮሃ. ፆፔዻ 2፡23።\xt*\x*
\b
\q
\v 10 ታኣኮ ጊቲማሢ፥ ዼኤፖ ፆኦዛሢኬ፤
\q2 ዒኖ ፒዜ ዓሶ ዒዚ ዓውሳኔ።
\q
\v 11 ፆኦሲ ፂሎ ዎጌ ዎጋያኬ፤
\q2 ዻጎዋ ፔኤሲ ኬላ ኬላ ፔጋሲ ዻዋያኬ።
\q
\v 12 ዓሲ ፔኤኮ ጎሞ ቡኡፂ ሃሹዋያ ማዔቴ
\q2 ዒዚ ጬንቾ ዓፓሮ ፔኤሲ ዋርቃኔ፤
\q2 ሂኢዦዋ ፔኤኮ ዓኣሣኔ።
\q
\v 13 ዒዚ ፔኤኮ ዎዻ ዖሎ ዓንጋሞ ኮሻኔ፤
\q2 ታሚጉዲ ዔኤታ ሂኢዦዋ ጊኢጊሻኔ።
\b
\q
\v 14 ፑርቱሞ ማሊ ማሊ ዓኣ ዓሲ
\q2 ጌኔ ማዾ ጎጳዺ፥ ሉኡዙሞ ሾዓኔ።
\q
\v 15 ሜሌ ዓሲም ኬሴ ዔቴ ቦኦካ ዓሲ
\q2 ዬያ ዒ ቦኦኬ ዔታ ፔኤሮ ጌላኔ።
\q
\v 16 ዒዚ ማዼ ጌኖ ማዻ ዒዛም ማዓኔ፤
\q2 ዒ ማዼ ፑርቶ ባካ ዒዛ ቶኦካ ኬዳኔ።
\b
\q
\v 17 ናንጊና ናንጋ ጎዳኮ ፂሉሞሮ ታ ዒዛ ጋላታንዳኔ፤
\q2 ዼኤፖ ፆኦዛሢ ሱንፆ ቦንቺ ጋላታ ዓይኑሞ ታ ዓይናዻንዳኔ።
\c 8
\s1 ዓይኑሞ ሱኡጋሢ ዓይሣ ጎይፆና ሹሉንጎና ዓይናዺንታ ዳውቴ ዓይኑሞ
\d ፆኦሲ ዼኤፑሞና ዓሲኮዋ ቦንቾ
\q
\v 1 ናንጊና ናንጋ ጎዳ ማዔ ኑ ፆኦዛሢዮ!
\q2 ሱንፃ ኔኤኮ ሳዖ ቢያይዳ ዼኤፒ ዔርቴያኬ።
\q2 ኔኤኮ ቦንቻኣ ጫሪንጮኮ ዑፃ ማዒ ዼጌኔ።
\q
\v 2 ኔ ሞርኮኮ ዻንጎ ባይዛኒ
\q2 ዻኮ ናኣቶንታ ዻንፆ ዻንቃ ናኣቶንታ ኔና ጋላታንዳጉዲ ኔ ማሄኔ። \x - \xo 8፡2 \xo*\xt ማቲ. 21፡16።\xt*\x*
\q
\v 3 ኔ ማዤ ጫሪንጮ ታ ዛጋኣና
\q2 ፔ ቤዛ ቤዛ ኔኤኒ ጌሤ
\q ዓጊኖንታ ዦኦጋሢንታ ታ ዛጋኣና
\q
\v 4 ኔ ማሊ ጶቂሣንዳጉዲ ዓሲንሢ ዓይጎ ባኣዚዳይ?
\q2 ሃሣ ኔ ዔያቶ ዛሎ ማላንዳጉዲ ዓሲ ዓይጌንዴዳይ? \x - \xo 8፡4 \xo*\xt ዒዮ. 7፡17-18፤ ዓይኑ. 144፡3፤ ዔብ. 2፡6-8።\xt*\x*
\q
\v 5 ኪኢታንቻ ዓኣ ጎይፃፓ ዻካሮ ኔ ዔያቶ ኬይሴቴያ
\q2 ቦንቾና ዼኤፑሞና ኔ ዔያቶም ዒንጌኔ።
\q
\v 6 ኔ ማዤ ባኮኮ ቢያ ዑፃ ማሂ
\q2 ዔያቶ ኔኤኒ ዶኦሬኔ፤
\q2 ቢያ ባኮ ዔያታ ዎይሣንዳጉዲ ኔኤኒ ማሄኔ። \x - \xo 8፡6 \xo*\xt 1ቆሮ. 15፡27፤ ዔፕ. 1፡22፤ ዔብ. 2፡8።\xt*\x*
\q
\v 7 ማራቶንታ ባኣቶንታ፥ ካዮ ቦዖዋ ዓይሱዋዖ
\q
\v 8 ጫሪንጮ ካፖንታ ባዞ ሞላሢንታ
\q2 ባዞ ዋኣፆ ዴማ ናንጋ ባኮ ቢያ
\q2 ዔያታ ዎይሣንዳጉዲ ኔኤኒ ማሄኔ።
\b
\q
\v 9 ናንጊና ናንጋ ጎዳ ማዔ ኑ ፆኦዛሢዮ!
\q2 ሱንፃ ኔኤኮ ሳዖ ቢያይዳ ዼኤፒ ዔርቴያኬ።
\c 9
\s1 ዓይኑሞ ሱኡጋሢ ዓይሣ ጎይፆና «ናኣዚ ሃይቦና» ጌይ ዓይናዾ ዳውቴ ዓይኑሞ
\d ፒዜ ዎጋያ ማዔ ፆኦሲም ሺኢካ ጋላታ
\q
\v 1 ናንጊና ናንጋ ጎዳሢዮ! ጉቤ ዒናፓ ታ ኔና ጋላታኔ፤
\q2 ኔኤኮ ዲቃሢ ሄርሺሳ ማዾ ዛሎ ቢያ ታኣኒ ኬኤዛኔ።
\q
\v 2 ኔኤና ዔኤቢ ታኣም ኮሽካሢሮ ታ ዎዛዻኔ፤
\q2 ዼኤፖ ፆኦዛሢዮ!
\q2 ኔ ሱንፆ ጋላታ ዓይኑሞና ታ ሄርሻኔ።
\b
\q
\v 3 ኔኤኒ ፔጋዺ ጴዻኣና ታ ሞርካ ጊንሢም ማዓንዳኔ፤
\q2 ዹቂንቲ ሎኦሚ ኔ ቤርታፓ ዔያታ ባይቃንዳኔ።
\q
\v 4 ኔኤኮ ካኣቱሞ ዖይቶይዳ ኔኤኒ ዴዒ
\q2 ፒዜ ዎጌ ዎጋያኬ፤
\q2 ታ ጌኤዞዋ ጌስቲ ፒዜና ኔ ታኣም ዎጋንዳኔ።
\b
\q
\v 5 ሜሌ ዴሮ ኔኤኒ ጎሬኔ፤
\q2 ፑርቶ ማዻ ዓሶዋ ኔ ባይዜኔ፤
\q2 ሱንፆዋ ኔ ዔያቶኮ ናንጊና ዲርካቺ ባይዜኔ።
\q
\v 6 ሞርካ ኑኡኮ ናንጊና ባይቄኔ፤
\q2 ካታሞዋ ኔ ዔያቶኮ ዶይሲ ጋፒሴኔ፤
\q2 ማሊ ዔያቶ ጶቂሦ ባኣዚ ባኣያ ማዒ ባይቄኔ።
\b
\q
\v 7 ናንጊና ናንጋ ጎዳ ጋዓንቴ ካኣታዺ ናኣናና ናንጋኔ፤
\q2 ካኣቱሞ ዖይቶዋ ዒኢካ ዴዒ ዎጋኒ ዒዚ ጊኢጊሼኔ።
\q
\v 8 ዓጮም ዒዚ ፂሉሞና ዎጋንዳኔ፤
\q2 ሜሌ ዴሮዋ ፒዙሞና ዒ ዎይሣንዳኔ።
\b
\q
\v 9 ናንጊና ናንጋ ጎዳ ሄርቂንቲ ዎርቃ ዓሶም ፑኖ ካይዚኬ፤
\q2 ሜታሢ ዎዶና ዼጌ ቤዞ ማዒ ዒዚ ማኣዳኔ።
\q
\v 10 ሱንፆ ኔኤኮ ዔራ ዓሳ ኔና ጉሙርቃኔ፤
\q2 ናንጊና ናንጋ ጎዳሢዮ! ኔና ኮዓ ዓሶዋ ኔ ሃሹዋሴ።
\b
\q
\v 11 ፂዮኔይዳ ናንጋ፥ ናንጊና ናንጋ ጎዳም
\q2 ጋላታ ዓይኑሞ ዓይናዹዋቴ!
\q2 ዒዛኮ ዲቃሢ ሄርሺሳ ማዾዋ
\q2 ዴሮ ባኣካ ኬኤዙዋቴ!
\q
\v 12 ሱጉፆ ማሃሢ ዔያቶም ማሌኔ፤
\q2 ሄርቂንቲ ዎርቃ ዓሶኮ ዒላቶ ዒዚ ዋሊባኣሴ።
\b
\q
\v 13 ናንጊና ናንጋ ጎዳሢዮ!
\q2 ታኣኮ ሞርካ ታና ሜታሳ ሜቶ ዛጌ!
\q ታኣም ሚጪንቴ!
\q2 ሃይቦ ቤዛፓኣ ዔኪ ታና ማሄ።
\q
\v 14 ዬያ ኔኤኒ ታኣም ማዼቴ
\q2 ፂዮኔይዳ ዓሳ ቡካ ቤዛ
\q ዼጊዲ ታ ኔና ጋላታንዳኔ፤
\q2 ኔኤኒ ታና ዓይሴሢሮዋ ታ ዎዛዻንዳኔ።
\b
\q
\v 15 ሜሌ ዴራ ፔ ቦኦኬ ዔታ ፔኤሮ ሎኦሜኔ፤
\q2 ዔያታ ዓኣቺ ፒሬ ፒራሢዳ ቶካ ዔያቶኮ ዓዺንቴኔ።
\q
\v 16 ናንጊና ናንጋ ጎዳ ፒዜ ዎጊሢና ዔርቴያኬ፤
\q2 ፑርቶ ማዻ ዓሳ ፔኤኮ ፑርቶ ማዾ ፒራሢና ዓዺንቴኔ።
\b
\q
\v 17 ፑርቶ ማዻ ዓሳ ሃይቄ ዓሶ ዓጮ ዴንዳንዳኔ፤
\q2 ፆኦሲ ዋሊ ሃሻ ዓሳኣ ቢያ ዒማዒ ማዓንዳኔ።
\q
\v 18 ሜታዻ ዓሳ ጋዓንቴ ቢያ ዎዴ ዋሊንቲንዱዋሴ፤
\q2 ማንቆ ዓሶኮ ሃጊ ማዓ ዎዛኣ ናንጊና ጉሪ ማዒ ዓቱዋሴ።
\b
\q
\v 19 ናንጊና ናንጋ ጎዳሢዮ! ዓሲ ፔ ዶዱሞና
\q2 ኔጊዳፓ ዑሣ ዎልቃዻንጉዲ ማሂፖ፤
\q2 ኔኤኒ ዔቄ፥ ሜሌ ዴሮ ዑፃ ኔ ዎጌ።
\q
\v 20 ናንጊና ናንጋ ጎዳሢዮ!
\q2 ዲቃሣ ባኣዚ ዔያቶ ዑፃ ኬይሴ፤
\q2 ዔያታ ዓሲ ማዒ ማዢንቴሢያ ኔኤኒ ዔያቶ ዔርዜ።
\c 10
\s1 ፒዜ ዎጌ ዎጊንታንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ!
\q2 ዓይጎሮ ኔኤኒ ሃያይዲ ሃኪ ዔቄይ?
\q2 ሜታሢ ዎዶና ዓይጋ ኔ ዓኣሺንታይ?
\q
\v 2 ፑርቶ ማዻ ዓሳ ዖቶርቃኔ፥ ማንቆ ዓሶዋ ዔያታ ዳውሳኔ፤
\q2 ሜሌ ዓሶም ዔያታ ፒራ ፒራሢዳ ፔኤሮ ዓዺንቶንጎ።
\b
\q
\v 3 ፑርቶ ዓሳ ፔኤኮ ፑርቶ ዓፁሞና ሄርሺንታኔ፤
\q2 ዔኤቢ ጊዴኔ ጎዑዋ ጎጋይቂ ሺራ ዓሶ ዔያታ ዓንጃኔ፤
\q2 ናንጊና ናንጋ ጎዳ ዔያታ ጫጫሽካኔ።
\q
\v 4 ፑርቶ ማዻ ዓሳ ፆኦሲ ዔኤቢኬ ጎዑዋሴ፤
\q2 ዔያታ ፔ ዖቶርሙሞና ፆኦሲ ባኣሴ ጌይ ማላኔ።
\b
\q
\v 5 ፑርቶ ዓሶም ዔኤቢ ቢያ ዎዴ ጊኢጋኔ፤
\q2 ፆኦሲ ዎጎ ዔያታ ዔራኒ ዳንዳዑዋሴ፤
\q2 ዬያሮ ዒዚ ፔ ሞርኮ ሚሚኢጫኔ።
\q
\v 6 ዔያታ ፔ ማሊፆና፦ «ኑና ዓጊሣንዳይ ባኣሴ፤
\q2 ዓይጎ ሜታኣ ባኣያ ቢያ ዎዴ ኑ ዎዛዻንዳኔ» ጋዓኔ።
\q
\v 7 ዔያታ ጌስታ ጌኤዞይዳ
\q2 ጋዳማንታ ሉኡዙሞንታ ዚርቂሢያ ኩሜያኬ፤
\q2 ጌኔ ባኣዚንታ ፑርቱሞዋ ዔያቶ ዻንጋኬ። \x - \xo 10፡7 \xo*\xt ሮሜ 3፡14።\xt*\x*
\b
\q
\v 8 ጉርዶኮ ጎይፆ ዓጫ ካቲ ዔያታ ዴዓኔ፤
\q2 ፂሎ ዓሶዋ ዉቱንቃ ካርካ ዔያታ ዎዻኔ፤
\q2 ዓኣፓ ዔያቶኮ ማንቆ ዓሶ ፑርቱሞና ዛጋኔ።
\q
\v 9 ካይዚዳ ናንጋ ዞቢጉዲ ዓኣሺንቲ ዔያታ ዴዓኔ፤
\q2 ማንቆ ዓሶ ዓርቃኒ ዒኢካ ካታኔ፤
\q2 ዔያቶኮ ፒራሢና ዓይሢ ጎቺ ዔያታ ዔካኔ።
\b
\q
\v 10 ማንቆ ዓሶ ጳርቂ ዔያታ ኬኤራኔ፤
\q2 ማኣዳይ ባኣ ላቤ ዓሳ
\q2 ዔያቶ ኩጮ ጋሮ ጌሊ ሎኦሚ ዓታኔ።
\q
\v 11 ፑርታ ማዻ ዓሲ ፔ ዒኖና፦
\q2 «ፆኦሲ ታና ዋሌኔ፤
\q2 ዓኣፖ ካሮ ፔኤኮ ካንቂ ታና ዴንቁዋሴ!» ጋዓኔ።
\b
\q
\v 12 ናንጊና ናንጋ ጎዳሢዮ ዔቄ!
\q2 ፆኦዛሢዮ ኔኤኮ ዎልቆ ኩጮ ዔቂሴ!
\q2 ሄርቂንቲ ዎርቃ ዓሶ ዋሊፖ።
\q
\v 13 ፑርቶ ማዻ ዓሳ
\q2 ፆኦሲ ዑፃ ዓይጋ ፑርታ ጌስታይ?
\q2 ፔ ዒኖና፦
\q2 «ታ ማዻ ባኮሮ ዒ ታጊዳ ሜቶ ዓጋዓኬ» ዓይጋ ጋዓይ?
\b
\q
\v 14 ፆኦሲዮ! ኔኤኒ ጋዓንቴ ሜቶና ዋኣዮና ዛጊ
\q2 ዬያ ሼሌዒሶንዶ ጎይሢ ጊኢጊሻኔ፤
\q2 ሜታዼ ዓሳ ፔና ኔኤም ሃሻኔ፤
\q2 ዜኤሮ ናኣቶዋ ኔኤኒ ማኣዳኔ።
\q
\v 15 ጎሞ ዓሶንታ ፑርቶ ዓሶንታኮ ዎልቆ ላቢሴ፤
\q2 ሃካፓ ሴካ ፑርታ ባኣዚ ዔያታ ማዹዋጉዲ
\q2 ዔያታ ማዻ ፑርቶ ማዾሮ ሜቶ ዔያቶይዳ ዓጌ።
\b
\q
\v 16 ናንጊና ናንጋ ጎዳ ካኣቲ ማዒ ናኣናና ናንጋኔ፤
\q2 ሜሌ ፆኦዞም ዚጋ ሜሌ ዴራ ጋዓንቴ
\q2 ሳዖይዳፓ ጋፒ ባይቃንዳኔ።
\q
\v 17 ናንጊና ናንጋ ጎዳሢዮ!
\q2 ኔኤኒ ማንቆ ዓሶኮ ሺኢጲፆ ዋይዛኔ፤
\q2 ዔያታ ሺኢቃ ሺኢጲፆ ዋይዚ ኔ ዔያቶ ዶዲሻኔ።
\q
\v 18 ሳዖይዳ ዓሲ ማዒ ማዢንቴ ዓሲ
\q2 ሜሌ ዓሶ ዲቃሡዋጉዲ
\q2 ዜኤሮ ናኣቶንታ ሄርቂንቲ ዎርቃ ዓሶንታ ዛሎ
\q ኔኤኒ ሞኦታኔ።
\c 11
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ፆኦሲ ጉሙርቂሢ
\q
\v 1 ናንጊና ናንጋ ጎዳ ታኣኮ ፑኖ ካያሢኬ፤
\q2 ዓካሪ ዒንሢ ታኣኮ ሼምፔሎ
\q2 «ካፒጉዲ ዹኮ ባንሢ ባራኒ ዓኣሺንቴ» ዓይጎሮ ጋዓዖ?
\q
\v 2 ፑርቶ ማዻ ዓሳ ሃይሾ ቆኦዞ ፔኤኮ ዴንሤኔ፤
\q2 ዒና ፒዜ ማዔዞንሢ ዹሞና ዔያታ ዱካኒ
\q2 ሂኢዦ ዔያታ ዓኣሤኔ።
\q
\v 3 ፃጲ ማዔ ባካ ዶዓዛ
\q2 ፂሎ ዓሲ ዓይጎ ዎኦታኒ ዳንዳዓይ?
\b
\q
\v 4 ናንጊና ናንጋ ጎዳ ፔኤኮ ዱማዼ ማኣራ ዓኣኔ፤
\q2 ካኣቱሞ ዖይታ ዒዛኮ ጫሪንጮይዳኬ፤
\q2 ዒዚ ዓሶ ቢያ ዛጋኔ፤
\q2 ጊዥ ጌይ ዛጊፆና
\q2 ዓሳ ዓይጎ ማዻቴያ ዓኣፓ ዒዛኮ ዴንቃኔ።
\q
\v 5 ናንጊና ናንጋ ጎዳ
\q2 ፂሎ ዓሶንታ ጎሞ ዓሶዋ ዎይታቴያ ዛጋኔ፤
\q2 ፑርቱሞ ናሽካ ዓሶ ጋዓንቴ ዒዚ ዒዒፃኔ።
\b
\q
\v 6 ዒዚ ፑርቶ ማዻ ዓሶ ዑፃ
\q2 ታሚ ቄንሢና ሙርቁንሢና ኬይሳኔ፤
\q2 ዔያቶም ዓጊንቴ ባካ ታሚጉዲ ሼሼኤላ ዢባሬኬ።
\q
\v 7 ናንጊና ናንጋ ጎዳ ፂሎ ማዔሢሮ ፂሉሞ ማዾ ዒ ናሽካኔ፤
\q2 ፒዜ ማዾ ማዻ ዓሲ ቢያ ዒዛኮ ዓኣፖ ካሮ ዛጋንዳኔ።
\c 12
\s1 ዓይኑሞ ሱኡጋሢ ዓይሣ ጎይፆ ሳሊ ሻሺና ዴንሦ ጎኦላና ዓይናዺንታ ዳውቴ ዓይኑሞ
\d ማኣዶ ዴንቃኒ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ማኣዴ፤
\q2 ዓሶ ባኣካ ፔቴታዖ ጉሙርቂንታ ዓሲ ጴዹዋሴ።
\q
\v 2 ዎሊም ዔያታ ሉሉኡቃኔ፤
\q2 ላምዖ ዒኔና ማዒ ዎሊ ጌሺ ዔያታ ጌስታኔ።
\b
\q
\v 3 ጌሺሢ ጌሻ ዻንጋንታ ሃይሴ ሚርጊሻ ዒንዲርሲያ
\q2 ናንጊና ናንጋ ጎዳ ባይዞንጎ!
\q
\v 4 ዔያታ፦ «ኑኡኒ ጌስቲፆና ኮዔ ባኣዚ ዴንቃንዳኔ፤
\q2 ሼኔ ጌዔ ጎይሢያኣ ኑኡኒ ጌስታንዳኔ፤
\q2 ላኣጋኒ ኑና ዳንዳዓሢ ዖናዳይ?» ጋዓኔ።
\b
\q
\v 5 ናንጊና ናንጋ ጎዳ ጋዓንቴ
\q2 «ሜታዼ ዓሳ ካራ ባይዜኔ፤
\q2 ዳውሲንቴ ዓሳኣ ሜታሢ ዺቡሞፓ ዔቄያና ዚኢሊንታኔ፤
\q ዬያሮ ዔያቶ ሄላ ባካፓ ጎኦቢ ቃዛኒ ታ ዔቃንዳኔ» ጋዓኔ።
\b
\q
\v 6 ናንጊና ናንጋ ጎዳኮ ሃጊ ማዓንዳ ዎዞ ቃኣላ ጉሙርቂንታያኬ፤
\q2 ናኣቦ ታሚዳ ላንካይ ማይንቲ ሼኤሾና ቢራ ዓንጊጉዲ ጌኤሺኬ።
\b
\q
\v 7 ናንጊና ናንጋ ጎዳሢዮ!
\q2 ኔኤኒ ቢያ ዎዴ ኑና ካፔ፤
\q2 ፑርታ ማዔ ሃያ ዎዶ ዓሶይዳፓ ኔ ኑና ዓውሴ።
\q
\v 8 ፑርታ ማዺሢ ዓሲ ጋላቲሳ ዎዴይዳ
\q2 ፑርቶ ማዻ ዓሳ ዖቶርቂ ታኣካኔ።
\c 13
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ማኣዶ ዴንቃኒ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ!
\q2 ዎማ ሄላንዳኣና ኔኤኒ ታና ዋላይ?
\q ናኣናና ጋፒ ኔ ታና ዋላንዳ?
\q2 ዎማ ሄላንዳኣና ታ ዓኣፓፓ ኔኤኒ ኔና ሺርሻይ?
\q
\v 2 ታ ማሊፆና ታኣኒ ሞኦቲንታሢ
\q2 ታ ዒኖና ሮኦሮ ጉቤ ታኣኒ ዖያሢ
\q ዓይዲ ሄላንዳኣናዳይ?
\q2 ዓይዲ ሄላንዳኣና ታ ሞርካሢ
\q ታና ባሺ ናንጋንዳይ?
\b
\q
\v 3 ናንጊና ናንጋ ጎዳ ማዔ ታ ፆኦዛሢዮ!
\q2 ሃዳራ ታና ዛጌ፥ ታ ጋዓ ባኮ ዋይዜ፤
\q2 ሃይቄያ ማዒ ጊንዒ ታ ዓቱዋጉዲ
\q2 ዶዱሞ ታኣም ዒንጌ።
\q
\v 4 ታ ሞርካ፦ «ኑ ዒዛ ባሼኔ» ጌይ ሄርሺንታንዳጉዲ
\q2 ታ ሎኦሚፆና ዔያቶ ዎዛሲፖ።
\b
\q
\v 5 ታኣኒ ኔኤኮ ጋፑዋ ናሹሞ ጉሙርቃኔ፤
\q2 ዒና ታኣኮ ኔ ዓውሴሢሮ ዎዛዻኔ።
\q
\v 6 ናንጊና ናንጋ ጎዳሢዮ!
\q2 ኔኤኒ ታኣም ኮሺ ባኣዚ ማዼሢሮ
\q2 ኔ ቦንቾም ታ ዓይናዻኔ።
\c 14
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ዓሲኮ ፑርቱሞ
\r (ዓይኑ. 53)
\q
\v 1 ዔኤዮ ዓሳ ፔ ዒኖና፦ «ፆኦሲ ባኣሴ» ጋዓኔ፤
\q2 ዬያጉዴ ዓሳ ማኣሳኔ ዓሲኬ፤
\q2 ዔያታ ሻኣካ ማዾ ማዻኔ፤
\q2 ዔያቶ ባኣኮይዳ ኮሺ ባኣዚ ማዻ ዓሲ ፔቴታዖ ባኣሴ።
\b
\q
\v 2 ማሊ ጶቂሣ ዓሲንታ
\q2 ናንጊና ናንጋ ጎዳ ኮዓ ዓሲያኣ ዓኣቶ ዴንቃኒ
\q2 ናንጊና ናንጋ ጎዳ ጫሪንጫፓ ሊካ ዓሶ ዛጌኔ።
\q
\v 3 ጋዓንቴ ዓሳ ቢያሢ ዣኣሌኔ፤
\q2 ጉቤሢ ፔቴ ማዒ ፑርቴኔ፤
\q2 ዔያቶይዳፓ ፔቴ ዓሲታዎ ኮሺ ማዻይ ባኣሴ። \x - \xo 14፡3 \xo*\xt ሮሜ 3፡10-12።\xt*\x*
\b
\q
\v 4 ናንጊና ናንጋ ጎዳ፦ «ፆኦሲ ዔሪ ሺኢቁዋ ዓሶኮ
\q2 ታኣኮ ዴሮ ዓዳ ካሣጉዲ ሙዓ
\q2 ፑርቶ ማዻ ዓሶኮ ማሊ ጶቂሣ ዒኔ ባኣዓዳ?» ጋዓኔ።
\b
\q
\v 5 ናንጊና ናንጋ ጎዳ ፂሎ ዓሶ ባኣካ ዓኣሢሮ
\q2 ዔያታ ዓኣ ቤዛ ዓኣዖ ዲቃቲ ጋፔኔ።
\q
\v 6 ዒንሢ ማንቆ ዓሶኮ ማሊፆ ዹቃኒ ማሌያታቴያ
\q2 ናንጊና ናንጋ ጎዳ ጋዓንቴ ዔያቶኮ ጊቲማሢኬ።
\b
\q
\v 7 ዒስራዔኤሌ ዓሶም ዻቂንታ ፂዮኔይዳፓ ሙካቴ ዓይጎ!
\q2 ናንጊና ናንጋ ጎዳ ፔ ዴሮኮ ዲዒንቴ ባኮ ማሃ ዎዶና
\q ያይቆኦቤ ዎዛዻንዳኔ፤
\q2 ዒስራዔኤሌ ዴራኣ ዒላሻንዳኔ።
\c 15
\s1 ዳውቴ ዓይኑሞ
\d ናንጊና ናንጋ ጎዳ ዓሲዳፓ ኮዓ ባኣዚ
\q
\v 1 ናንጊና ናንጋ ጎዳሢዮ!
\q2 ኔኤኮ ጌኤዦ ማኣሪ ጌላኒ ዖኦኒ ዳንዳዓይ?
\q ኔኤኮ ዱማዼ ዹኮይዳ
\q2 ናንጋኒ ዳንዳዓሢ ዖናዳይ?
\b
\q
\v 2 ሃይ ፓጬኔ ጌይሳ ባኣዚ ባኣ ዓሲ
\q2 ፂሎ ማዾ ማዻ ዓሲ
\q2 ዒናፓ ጎኔ ማዔ ባኣዚ ጌስታ ዓሲ፥
\q
\v 3 ጌስታ ጌኤዞና ዓሲ ጌሹዋ ዓሲ
\q2 ፔ ላጎም ፑርታ ባኣዚ ማዹዋ ዓሲ
\q2 ፔ ዓሺኖ ዾንኩዋ ዓሲ፥
\q
\v 4 ፑርቶ ማዻ ዓሶኮ ማሊፆ ዔኩዋ ዓሲ
\q2 ናንጊና ናንጋ ጎዳም ዓይሢንታ ዓሶ ጋዓንቴ ቦንቻ ዓሲ
\q ዎዚ ዴኤፃያ ማዔታቴያ ጫኣቄ ጫኣቁሞ ማዺ ኩንሣ ዓሲ፥
\q
\v 5 ሚኢሾ ፔኤሲ ሾይቺና ዔካኒ ታልዑዋ ዓሲ
\q2 ፂሎ ዓሶ ሜቶይዳ ዓጋኒ ዴሜና ሚኢሼ ዔኩዋ ዓሲ
\q ያኣዼ ማዔ ዓሲ ፔቴታዖ ዓጊፃዓኬ፤
\q2 ኮሺ ናንጊ ናንጋንዳኔ።
\c 16
\s1 ዳውቴ ካላሎ
\d ፆኦሲ ጉሙርቂ ሺኢቂንቴ ሺኢጲሢ
\q
\v 1 ፆኦሲዮ!
\q2 ታኣኒ ኔና ጉሙርቃሢሮ ታና ካፔ።
\q
\v 2 ናንጊና ናንጋ ጎዳም ታኣኒ፦ «ኔኤኒ ታኣኮ ጎዳኬ፤
\q2 ኔኤፓ ዓታዛ ኮሺ ባኣዚ ታኣም ባኣሴ» ጌዔኔ።
\b
\q
\v 3 ፆኦሲም ዱማዼያ ማዒ ሳዖይዳ ናንጋ ዓሳ
\q2 ቦንቺንቴያኬ፤ ታኣኒያኣ ዔያቶ ዛጋዖ ዎዛዻኔ።
\b
\q
\v 4 ሜሌ ፆኦዞ ካኣሽካ ዓሶ
\q2 ሚርጌ ዖዪሳ ባኣዚ ሄላንዳኔ፤
\q ታኣኒ ዬያጉዴ ሜሌ ፆኦዞ ሹኪ ዑሻዓኬ፤
\q2 ዬያቶም ታኣኒ ዚጊያኣ ካኣሽካዓኬ።
\b
\q
\v 5 ናንጊና ናንጋ ጎዳሢዮ! ታኣኮ ዴናሢንታ ዑዣሢያ ኔናኬ፤
\q2 ታ ዛላ ባኣዚ ቢያ ኔ ኩጮ ጋራኬ።
\q
\v 6 ታኣም ዴኖ ፓቃኒ ዓጊንቴ ሱዛ ኮሺ ቤስካ ኬዴኔ፤
\q2 ጎኔና ታና ዎዛሳ ኮሺ ዴኔ ታና ሄሌኔ።
\b
\q
\v 7 ታና ዞራ ናንጊና ናንጋ ጎዳ ታኣኒ ጋላታኔ፤
\q2 ዋንቶ ማዔቴያ ዒና ታኣኮ ፒዜ ማዔ ባኣዚ ታና ዔርዛኔ።
\q
\v 8 ቢያ ዎዴ ታኣኒ ናንጊና ናንጋ ጎዳ ቤርታሳኔ፤
\q2 ዒዚ ታኣኮ ሚዛቆ ዛሊናታሢሮ ታኣኒ ዓጊፃዓኬ።
\b
\q
\v 9 ዬያሮ ዒና ታኣኮ ኮሺ ዎዛዻኔ፤
\q2 ዑፃኣ ታኣኮ ሂርጋ ባኣያ ሃውሻኔ።
\q
\v 10 ኔኤኒ ሼምፓሢ ታኣኮ ዱኡፖ ዔታ ሃሺንዱዋሴ፤
\q2 ኔኤም ዱማዼሢያኣ ኔኤኒ ዎዒሲንዱዋሴ። \x - \xo 16፡10 \xo*\xt ዳኪ. ማዾ 13፡35።\xt*\x*
\b
\q
\v 11 ኔኤኒ ናንጊ ጎይሢ ታና ዻዋንዳኔ፤
\q2 ኔ ኮራ ሚርጌ ዎዛ ኩሜያኬ፤
\q2 ኔኤኮ ሚዛቆ ዛላ ናንጊና ሃውሺሢያኣ ዓኣኔ። \x - \xo 16፡11 \xo*\xt ዳኪ. ማዾ 2፡25-28።\xt*\x*
\c 17
\s1 ዳውቴ ሺኢጲፆ
\d ጌኤሺ ዓሲኮ ሺኢጲሢ
\q
\v 1 ናንጊና ናንጋ ጎዳሢዮ!
\q2 ፒዜ ዎጌ ታኣም ዎጊንታንዳጉዲ
\q2 ታ ሺኢቃ ሺኢጲፆ ዋይዜ፤
\q2 ዒላቶዋ ታኣኮ ዒና ዔኬ፤
\q ጌሺሢናቱዋንቴ ጎኔና ታ ኔና ሺኢቃሢ ዋይዜ።
\q
\v 2 ዓኣፓ ኔኤኮ ታ ፒዙሞ ዴንቃኒ ዳንዳዓሢሮ
\q2 ኔኤኒ ሌሊ ታኣም ዎጋኒ ዳንዳዓኔ።
\b
\q
\v 3 ዒኖ ኔ ታኣኮ ዛጌያታቴያ
\q2 ዋንቶ ኔ ታና ሙኪ ዖኦጬቴያ
\q2 ታ ዎይታቴ ኔኤኒ ዛጌቴያ
\q2 ፑርቱሞ ታኣፓ ኔኤኒ ዴንቃዓኬ፤
\q2 ዻንጋ ታኣኮ ዻቢንታያቱዋሴ።
\q
\v 4 ዓሳ ማዻ ጎይፆቱዋንቴ
\q2 ኔኤኒ ኬኤዛ ቃኣሎ ጎይፆና
\q ዋይዞ ዒፃ ዓሳ ሃንታ ጎይፃፓ
\q2 ታኣኒ ታና ካፔኔ።
\q
\v 5 ቢያ ዎዴ ኔ ጎይፆ ታ ሃንታኔ፤
\q2 ቶካ ታኣኮ ኔ ጎይፃፓ ኬስኪ ዣኣሊባኣሴ።
\b
\q
\v 6 ፆኦሲዮ!
\q2 ሺኢጲፆ ኔ ታኣኮ ዋይዛሢሮ
\q2 ኔና ታኣኒ ሺኢቃኔ፤
\q2 ዋዮ ኔኤሲ ታ ባንሢ ማሄ፤
\q2 ታኣኒ ጋዓ ባኮ ዋይዜ።
\q
\v 7 ፔ ሞርኮፓ ቶላኒ ኔና ፑኖ ካይዚ ማሃዞንሢ
\q2 ኔኤኮ ሚዛቆ ኩጮና ዓውሳ ፆኦዛሢዮ!
\q2 ናንጊና ናንጋ ናሹሞ ኔኤሲ ዲቃሢ ሄርሺሳ ጎይሢና ፔጋሲ ዻዌ።
\q
\v 8 ዓኣፒኮ ጪልሼ ካፖማጉዲ ታና ካፔ፤
\q2 ኔኤኮ ጋኣዞ ዴማ ታና ዓኣቼ።
\b
\q
\v 9 ታና ሜታሳ ፑርቶንሢዳፓ
\q2 ዎዻኒ ታና ማንጌ ታኣኮ ሞርካፓ ታና ዓኣቼ።
\q
\v 10 ሚጪንቱዋያ ማዒ ዒኖ ዔያታ ፔኤሲ ዎዺ ሃሼኔ፤
\q2 ዻንጋ ዔያቶሲ ዖቶርሙሞ ጌስታኔ።
\q
\v 11 ዳውሲ ዔያታ ታና ሄሌኔ፥ ማንጊያኣ ማንጌኔ፤
\q2 ዎዺ ሳዓ ዔያታ ታና ሚጫኒ ጎዚ ዔቄኔ።
\q
\v 12 ዔያታ ዓርቂ ዔካኒ ኮዓ ዞቢጉዲ
\q2 ዓኣሺንቲ ካቲ ዴዔ ሃጊ ዔቃ ዞቢጉዲኬ።
\q
\v 13 ናንጊና ናንጋ ጎዳሢዮ! ዔቂ ዔያቶ ዓርቂ ዓጌቴራ፤
\q2 ኔኤኮ ጬንቾ ዓፓሮና ፑርቶ ዓሶፓ ታና ዓውሴ።
\q
\v 14 ናንጊና ናንጋ ጎዳሢዮ!
\q2 ዔያታ ናንጋ ናንጋ ሃያ ዓጮ ባኣዚም ሌሊ ማዔ
\q ዓሶ ኩጫፓ ታና ዓውሴ።
\q2 ኔኤኒ ናሽካ ዓሶም ሙኡዚ ዒንጌ፤
\q2 ናኣታ ዔያቶኮ ሚርጎንጎ፤
\q2 ናኣቶኮ ናኣቶም ማዓንዳ ሙኡዚ ዔያቶም ዒንጌ።
\b
\q
\v 15 ታኣኒ ፂሉሞና ዓኣፖ ካሮ ኔኤኮ ዛጋንዳኔ፤
\q2 ጊንዓሢፓ ታኣኒ ጴጫዖ ኔኤኮ ዓውካሮ ዛጊ ዎዛዻንዳኔ።
\c 18
\s1 ዓይኑሞ ሱኡጋሢ ዓይሣ ጎይፆና ዓይናዺንታ ፆኦሲ ዓይላሢ ዳውቴ ዓይኑሞ፤ ፆኦሲ ሳኣዖኦሌና ዒዛኮ ሞርኮናይዳፓ ዒዛ ቶሊሴያና ፆኦሲ ቦንቾም ዓይናዺንቴያኬ።
\d ዳውቴ ባሺሢ ዴንቃዖ ዓይናዼ ዓይኑሞ
\r (2ሳሙ. 22፡1-51)
\q
\v 1 ናንጊና ናንጋ ጎዳሢዮ!
\q2 ታኣም ዎልቄ ዒንጋሢ ኔናታሢሮ ታ ኔና ናሽካኔ።
\b
\q
\v 2 ናንጊና ናንጋ ጎዳ ታኣኮ ላላሢ
\q2 ታኣኮ ዹካሢንታ ታና ዓውሳሢያኬ፤
\q2 ታ ፆኦዛሢ ታኣኮ ዓኣሺንቶ ካያሢኬ፤
\q2 ዒዚ ታኣኮ ጊቲማሢና ጉራናሢኬ።
\q
\v 3 ጋላታ ኮይሳ ናንጊና ናንጋ ጎዳ ታኣኒ ሺኢቃኔ፤
\q2 ዒዚ ታ ሞርኮይዳፓ ታና ዓውሳኔ።
\b
\q
\v 4 ሃይቢ ካራ ባይዚ ታና ሜታሴኔ፤
\q2 ባይሲንታ ዲጲያ ታና ዱኡኬኔ።
\q
\v 5 ዱኡፒ ሱሲ ታና ማሬኔ፤
\q2 ሃይቢ ፒሮጉዲ ታኣም ፒሪንቴኔ።
\q
\v 6 ታኣኒ ሜታዼ ዎዶና ናንጊና ናንጋ ጎዳ ዔኤሌኔ፤
\q2 ታና ዒ ማኣዳንዳጉዲ ታ ፆኦሲ ታኣኒ ሺኢቄኔ፤
\q ዒዚያ ፔኤኮ ጌኤዦ ማኣራ ዓኣዖ ዑኡዞ ታኣሲ ዋይዜኔ፤
\q2 ታኣኮ ዒላቶዋ ዒዚ ዒና ዔኬኔ።
\b
\q
\v 7 ሳዓ ዚምባሪ ጎጋይቄኔ፤
\q2 ዹኮኮዋ ፃጳ ዓጊፂፆና ኮሬኔ፤
\q2 ናንጊና ናንጋ ጎዳ ዻጋዼሢሮ ዔያታ ዓጊፄኔ።
\q
\v 8 ዒዛኮ ሲኢዻፓ ዻጎ ጩባ ኬስኬኔ፤
\q2 ዻንጋፓ ዒዛኮ ሙሙዓ ታሚ ሎስቶና
\q2 ሚሚቻ ቄንሢያኣ ኬስኬኔ።
\q
\v 9 ጫሪንጮ ዳርዚ ሊካ ዒ ኬዴኔ፤
\q2 ዒዛኮ ቶኮ ዴማ ዲም ጌዔ ሻኣሬ ዓኣኔ።
\q
\v 10 ዒዚ ኪሩቤኤሎ ዑፃ ዴይ ባራኔኔ፤
\q2 ዢባሮ ጋኣዞና ባራኒ ሌካ ዒ ኬስኬኔ።
\q
\v 11 ፔና ዒዚ ዹሞና ዓኣቼኔ፤
\q2 ካርሤ ሻኣራኣ ዒዛ ካንቂ ዓኣኔ።
\q
\v 12 ዒዛኮ ዓኣ ፖዖፓ ዔቄያና ሻቺንታ ታሚ ፖዒንታ
\q2 ዲም ጌዔ ሻኣሮ ባኣኪና ሶፒ ኬስኬኔ።
\b
\q
\v 13 ናንጊና ናንጋ ጎዳ ጫሪንጫፓ ጉጉንሤኔ፤
\q2 ዼኤፖ ፆኦዛሢ ዑኡዞ ፔኤሲ ማኣሚሴኔ።
\q
\v 14 ዒዚ ሂኢዦ ፔኤሲና ዱኪ ሞርኮ ላኣሊሼኔ፤
\q2 ጉጉንፆ ሚርጊሺ ካራ ባይዚ ዔያቶ ዳውሴኔ።
\q
\v 15 ናንጊና ናንጋ ጎዳሢዮ!
\q2 ኔኤኒ ኔኤኮ ሞርኮ ጎሬ ዎዶና
\q2 ዻጎ ዑኡዞ ኔኤኮ ኔ ዋይዚሴ ዎዶና
\q2 ዼኤፖ ባዞኮ ዴማ ፔጋዺ ጴዼኔ፤
\q2 ሳዖኮዋ ማዢንቶ ዓይፆ ካራ ፔጋ ኬስኬኔ።
\b
\q
\v 16 ናንጊና ናንጋ ጎዳ ሎኦፓ ኩጮ ዳኪ ታና ዓርቄኔ፤
\q2 ሚርጌና ዔቴ ማዔ ዋኣፆፓ ጎቺ ታና ዒ ኬሴኔ።
\q
\v 17 ታጊዳፓ ዎልቆና ባሼ ማዔ ታ ሞርኮፓ
\q2 ታና ዒዚ ዓውሴኔ፤
\q2 ታና ዒፃ ዓሶ ቢያሢ ኩጫፓ
\q2 ዒዚ ታና ዓይሴኔ።
\q
\v 18 ዔያታ ታኣኒ ሜታዼ ዎዶና ታኣኮ ሞርኬ ማዒ ዔቄኔ፤
\q2 ናንጊና ናንጋ ጎዳ ጋዓንቴ ታና ካፔኔ።
\q
\v 19 ዒዚ ታና ዳልጊ ቤሲ ኬሴኔ፤
\q2 ዒዛ ታኣኒ ዎዛሴሢሮ ዒ ታና ዓውሴኔ።
\b
\q
\v 20 ናንጊና ናንጋ ጎዳ ታኣም ታ ፂሉሞጉዲ ጪጋንዳኔ፤
\q2 ታ ጌኤሹሞጉዲያኣ ማሂ ታኣም ዒንጋንዳኔ።
\q
\v 21 ናንጊና ናንጋ ጎዳኮ ጎይፆ ታ ሃንቴኔ፤
\q2 ፑርታ ባኣዚ ማዻኒ
\q2 ታ ዓኣፖ ካሮ ታ ፆኦዛሢ ቤርታፓ ሺርሺባኣሴ።
\q
\v 22 ዒዛኮ ዎጎ ቢያ ታኣኒ ማዺ ኩንሣኔ፤
\q2 ዳምቦዋ ታ ዒዛኮ ቦንቺፆ ሃሺባኣሴ።
\q
\v 23 ዒዚ ታና ዛጌ ጎይፆ ታኣኒ ፂሎኬ፤
\q2 ጎሜይዳፓ ታና ታኣኒ ካፔኔ።
\q
\v 24 ናንጊና ናንጋ ጎዳ ታኣኮ ፂሉሞጉዴያ
\q2 ኩጫኣ ታኣኮ ጌኤሺ ማዔሢጉዴያ
\q2 ታኣም ኮይሳ ባኮ ዒዚ ጪጌኔ።
\b
\q
\v 25 ናንጊና ናንጋ ጎዳሢዮ! ኔኤም ጉሙርቂንታዞም
\q2 ኔኤኒያኣ ጉሙርቂንታያኬ፤
\q2 ጎኔ ዓሲ ማዔዞንሢም ኔኤኒያኣ ጎኔ ማዓያኬ።
\q
\v 26 ጌኤዦ ዓሶም ኔኤኒ ጌኤሺኬ፤
\q2 ዎቦ ዓሶም ጋዓንቴ ዔያቶም ኮይሳሢ ኔ ዒንጋኔ።
\q
\v 27 ዒኖ ሼሌዔ ዓሶ ኔኤኒ ዓውሳኔ፤
\q2 ዖቶርቃዞንሢ ጋዓንቴ ኔኤኒ ዻውሲሳኔ።
\b
\q
\v 28 ናንጊና ናንጋ ጎዳሢዮ! ታኣኮ ኔኤኒ ፖዓሢኬ፤
\q2 ታ ፆኦዛሢዮ! ዹሞ ታኣኮ ኔ ፖዒሣኔ።
\q
\v 29 ኔ ዎልቆና ዖሎ ዖላ ዓሶ ባሺ ታኣኒ ሄርቄኔ፤
\q2 ኔ ዎልቆና ኬኤሎ ዲሮና ጱሊ ታ ጌሌኔ።
\b
\q
\v 30 ፆኦሲ ጎይፃ ሃይማ ፓጬኔ ጌይሳ ባኣዚ ባኣያ ፒዜኬ!
\q2 ቃኣላኣ ዒዛሲ ጌኤሺኬ!
\q2 ዒዛና ካናዻ ዓሶም ዒዚ ጊቲማሢኬ።
\q
\v 31 ናንጊና ናንጋ ጎዳፓ ዓታዛ ዖናዳይ ፆኦሲ?
\q2 ዒዛይዳፓ ዓታዛ ላሌ ማዓሢ ዖናዳይ?
\q
\v 32 ታኣም ዶዱሞ ዒንጋሢንታ
\q2 ጎይፆዋ ታኣኮ ፒዚሳሢ ፆኦሲኬ።
\q
\v 33 ዒዚ ቶኮ ታኣኮ ዎሾ ቶኪጉዲ ዶዲሻኔ፤
\q2 ጌሜሮይዳ ሂርጋ ባኣያ ታና ዒዚ ዔቂሳኔ። \x - \xo 18፡33 \xo*\xt ዒምባ. 3፡19።\xt*\x*
\q
\v 34 ኩጮ ታኣኮ ዒ ዖልዚ ዖሎንዶ ጎይሢ ዔርዛኔ፤
\q2 ኩጫ ታኣኮ ሞኦኖ ዓንጎ ቆኦዞ ጎቻንዳጉዲ ዒ ዶዲሻኔ።
\b
\q
\v 35 ኔኤኮ ባሺፆ ጊቲሞ ኔኤኒ ታኣም ዒንጌኔ፤
\q2 ኔኤኮ ሚዛቆ ኩጫኣ ታና ካፓኔ፤
\q2 ኔኤኒ ታና ማኣዳኒ ሙኪ ዼኤፒ ማዾ ማዼኔ።
\q
\v 36 ታ ሃንታንዳ ጎይፆ ኔኤኒ ታኣም ዳልጊሼኔ፤
\q2 ቶካኣ ታኣኮ ዹቂንቲባኣሴ።
\q
\v 37 ሞርኮ ታኣኮ ታኣኒ ዳኪ ዓርቄኔ፤
\q2 ጋፒሲ ባይዙዋዖ ጊንሢም ታኣኒ ማዒባኣሴ።
\q
\v 38 ላሚ ጊንሣ ዔያታ ዔቁዋጉዲ ታኣኒ ዔያቶ ጋኣጬኔ፤
\q2 ዔያታ ታኣኮ ቶኮ ዴማኣ ሎኦሜኔ።
\q
\v 39 ዖላንዳጉዲ ዎልቄ ኔኤኒ ታኣም ዒንጌኔ፤
\q2 ታ ሞርኮ ታ ቶኮ ዴማ ኔኤኒ ጉምዓሤኔ።
\q
\v 40 ታ ሞርካ ጊንሢም ባሺንቲ ጳሽካንዳጉዲ ኔ ማሄኔ፤
\q2 ታኣኒያ ታና ዒፃዞንሢ ጋፒሲ ባይዜኔ።
\q
\v 41 ዔያቶ ማኣዳ ዓሲ ኮይ ዔያታ ዒላቴኔ፤
\q2 ጋዓንቴ ዔያታ ዴንቂባኣሴ፤
\q ናንጊና ናንጋ ጎዳ ባንሢ ዔያታ ዒላቴኔ፤
\q2 ዒዚ ጋዓንቴ ዔያቶም ዋይዚባኣሴ።
\q
\v 42 ዢባሬ ፒፂ ዔኪ ዓኣዻ ሲላሊ ማዓንዳያ ሄላንዳኣና
\q2 ታኣኒ ዔያቶ ጋኣጬኔ፤
\q2 ጎይሢዳ ዓኣ ዾቃሌጉዲ ታ ዔያቶ ሄርቄኔ።
\b
\q
\v 43 ዋይዞ ዒፃ ዴሮይዳፓ ኔኤኒ ታና ዓውሴኔ፤
\q2 ዴሮ ዑፃ ኔ ታና ዶኦሬኔ፤
\q2 ታኣኒ ዔሩዋ ዴሬ ታ ቢታንቶ ዴማ ዎርቃኔ።
\q
\v 44 ፃንጎ ማዔ ዓሳ ታኣም ዚጋኔ፤
\q2 ታ ማዻ ባኮ ዋዋይዛዖ ታኣም ዔያታ ዓይሢንታኔ።
\q
\v 45 ዒጊቹሞና ካራ ዔያታ ባይዛኔ፤
\q2 ፔኤኮ ዋርዲዮ ቤዛፓ ጎጋይቂ ጎጋይቂ ኬስኪ ሙካኔ።
\b
\q
\v 46 ናንጊና ናንጋ ጎዳ ባይቁዋያኬ!
\q2 ታ ፆኦዛሢ፥ ታኣኮ ላላሢ ቦንቺንቶንጎ!
\q2 ታና ዓውሴ ዎልቆ ፆኦዛሢ ዼግ ዼግ ጎዖንጎ።
\q
\v 47 ዒዚ ታ ሞርኮ ኮሜ ኮፃኔ፤
\q2 ዴሮዋ ታ ዴማ ማሂ ታኣም ዒ ዎይሣኔ።
\q
\v 48 ዒዚ ታኣኮ ሞርካፓ ታና ዓውሳኔ፤
\q2 ታ ሞርኮኮ ዑፃ ማሂ ኔኤኒ ታና ዼጊሳኔ፤
\q2 ጎርቲኖ ማዻ ዓሶይዳፓ ኔ ታና ዓውሳኔ።
\q
\v 49 ናንጊና ናንጋ ጎዳሢዮ! ዬያሮ ዴሮ ባኣካ
\q2 ታኣኒ ኔና ጋላታኔ፥ ሱንፆዋ ታ ኔኤኮ ዓይኑሞና ሄርሻኔ። \x - \xo 18፡49 \xo*\xt ሮሜ 15፡9።\xt*\x*
\b
\q
\v 50 ዒዚ ካኣታሤ ካኣቲም ዼኤፒ ባሺሢ ዒንጋንዳኔ፤
\q2 ዒ ፔኤሮ ዶኦሜ ካኣቲም ናንጊና ናሹሞ ፔኤሲ ዒ ቤኤዛንዳኔ፤
\q2 ዳውቴና ዜርፆናም ናንጊና ዬያ ዒ ማዻንዳኔ።
\c 19
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ማዢንታ ቢያ ፆኦሲኮ ቦንቾ ፔጋሲ ዔርዛያ ማዒፆ
\q
\v 1 ጫሪንጫ ፆኦሲኮ ቦንቾ ኬኤዛኔ፤
\q2 ሳዓፓ ሌካ ዼጌ ቤዛኣ ዒዛኮ ማዾ ዒላቲ ዋይዚሳኔ።
\q
\v 2 ፔቴ ኬላ ሜሌ ኬሎም ዬያ ኬኤዛኔ፤
\q2 ዋንታኣ ሄላ ዋንቶም ዔራቶ ዒዛሲ ሃይሳታኔ።
\q
\v 3 ዔያታ ጌስታ ሃይሴንታ ሙኡቺያ ባኣሴ፤
\q2 ዔያቶኮ ዑኡሲያ ዋይዚንቱዋሴ።
\q
\v 4 ያኣዼ ማዔቴያ ዔያቶኮ ኪኢታ ዓጮ ቢያ ሄላኔ፤
\q2 ሳዓ ማዔ ካሮ ሄላንዳኣና ዋይዚንታኔ፤
\q ፆኦሲ ጫሪንጮይዳ ዓቢም ማኣሪ ማዤኔ። \x - \xo 19፡4 \xo*\xt ሮሜ 10፡18።\xt*\x*
\q
\v 5 ዑኡቱሞ ማርካፓ ዑኡታ ኬስካሢጉዲ
\q2 ዓቢያኣ ጌኤሺ ማዒ ፆርቃኔ፤
\q2 ጳሺ ጳሽካ ዓሲ ሄሌሎ ጳሽካኒ ዎዛዻሢጉዲ ዎዛዻኔ።
\q
\v 6 ዓባ ፆርቃሢ ጫሪንጮኮ ዓይፆ ካራፓኬ፤
\q2 ሺሪ ዴንዲ ጌላሢ ባጎ ዛሎ ጋፖይዳኬ፤
\q2 ዬያኮ ሩኡጶ ዖይዻፓ ቶሊ ዓታኒ ዳንዳዓይ ባኣሴ።
\s1 ናንጊና ናንጋ ጎዳኮ ዎጎ
\q
\v 7 ናንጊና ናንጋ ጎዳ ዎጎኮ
\q2 ሃይማ ፓጬኔ ጌይሳ ባኣዚ ባኣያኬ፤
\q2 ሼምፔ ማሂ ጊንሣ ዓካሳኔ፤
\q ዓይሢፃ ዒዛኮ ጉሙርቂንታያኬ፤
\q2 ዔኤዮ ዓሶ ዔሮ ማሃኔ።
\q
\v 8 ናንጊና ናንጋ ጎዳኮ ዎጋ ፒዜኬ፤
\q2 ዓሲኮ ዒና ዎዛሳኔ፤
\q ዓይሢፃ ዒዛኮ ጌኤሺኬ፤
\q2 ዓሲኮ ዓኣፒማኣ ፖዒ ማዓኔ።
\q
\v 9 ናንጊና ናንጋ ጎዳ ዒጊጪሢ
\q2 ናንጊና ናንጋ ጌኤሹሞኬ፤
\q2 ዒ ዎጋ ዎጊፃ ፔቴ ፔቴሢ ጎኔ፥ ሃሣ ፂሎኬ።
\q
\v 10 ዬይ ዒ ዎጋ ዎጋ ጌኤሺ ዎርቄፓ ባሼ ዋኣጌ ኬሳያኬ፤
\q2 ዔኤሲ ፆሎሊዳፓ ባሼ ዓኣፃያኬ።
\q
\v 11 ኔኤም ማዻሢ ዬይ ዎጋ ዞራኔ፤
\q2 ዬያ ካፒሢና ዼኤፒ ባኣዚ ዒዚ ዴንቃኔ።
\b
\q
\v 12 ፔ ዻቢንቲ ዴንቃ ዓሲ ባኣሴ፤
\q2 ናንጊና ናንጋ ጎዳሢዮ!
\q2 ታኣኮ ዓኣሺንቴ ዺቢንቶፓ ታና ጌኤሼ።
\q
\v 13 ታኣኒ ኔኤኮ ዓይላሢ ጫርቂ ማዻ ጎሞይዳፓ ታና ካፔ፤
\q2 ዬይ ጎማ ታና ቆሉዋጉዲ ኔኤኒ ታና ማኣዴ።
\q ኔኤኒ ያዺዴያታቴ ታኣኒ ዻቢንቲ ባኣያ ማዓንዳኔ፤
\q ዼኤፖ ዻቢንቶይዳፓኣ ታኣኒ ጌኤሽካንዳኔ።
\b
\q
\v 14 ታኣኮ ላላሢንታ ታና ዓውሳ ናንጊና ናንጋ ጎዳሢዮ!
\q2 ታኣኮ ጌኤዞንታ ዒኖ ማሊፆንታ ኔኤም ኮሽካያ ማዖንጎ።
\c 20
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ባሺሢ ዴንቃኒ ሺኢቂንቴ ሺኢጲሢ
\q
\v 1 ኔኤኒ ሜታዻኣና ናንጊና ናንጋ ጎዳ ኔኤኮ ሺኢጲፆ ዋይዞንጎ!
\q2 ያይቆኦቤ ፆኦዛሢ ኔና ካፖንጎ!
\q
\v 2 ፔኤኮ ጌኤዦ ማኣራፓ ማኣዶ ኔኤም ዒ ዳኮንጎ፤
\q2 ፂዮኔ ዹካፓ ኔና ዒ ማኣዶንጎ።
\q
\v 3 ኔ ዒዛም ዒንጋ ባኮ ቢያ ኔኤኮ ዒ ዔኮንጎ፤
\q2 ኔ ሚቺ ዒንጋ ባኮናኣ ዒዚ ዎዛዾንጎ።
\q
\v 4 ኔ ዒና ዓፃዺ ማላ ባኮ ኔኤም ዒዚ ዒንጎንጎ፤
\q2 ማሊፆ ኔኤኮ ቢያ ዒ ኩንሦንጎ።
\q
\v 5 ኔኤኮ ባሺፆና ኑኡኒ ዎዛዻኔ፤
\q2 ኑ ፆኦዛሢ ሱንፆና ባንዲሮ ዼጊዲ ኑ ዓርቃኔ፤
\q2 ናንጊና ናንጋ ጎዳ ኔ ሺኢቃ ባኮ ቢያ ኔኤም ኩንሦንጎ።
\b
\q
\v 6 ናንጊና ናንጋ ጎዳ ዶኦሚ ካኣታሤ ካኣቲ
\q2 ዒዚ ማኣዳንዳሢ ታኣኒ ዔራኔ፤
\q2 ዒዛኮ ሚዛቆ ኩጮና ዒዛ ኔኤኒ ባሺሲ
\q2 ኔኤም ዱማዼ፥ ጫሪንጫፓ ሺኢጲፆ ኔ ዒዛኮ ዋይዛንዳኔ።
\q
\v 7 ፔቴ ፔቴ ዖሎ ዓሳ ፔኤኮ ዖሎ ሳርጌሎ ዖይቶና
\q2 ዓቴ ዓሳ ሃሣ ፔኤኮ ፓራሢና ሄርሺንታኔ፤
\q ኑኡኒ ጋዓንቴ ናንጊና ናንጋ ጎዳ ማዔ
\q2 ኑ ፆኦዛሢ ዎልቆ ጉሙርቃኔ።
\q
\v 8 ዔያታ ዹቂንቲ ሎኦማንዳኔ፤
\q2 ኑኡኒ ጋዓንቴ ዔቃንዳኔ፥ ዶዲያኣ ኑ ዓታንዳኔ።
\b
\q
\v 9 ናንጊና ናንጋ ጎዳሢዮ!
\q2 ካኣታሢ ዒዛኮ ሞርኮ ኩጫፓ ዓውሴ፤
\q2 ኑኡኒያኣ ኔና ዔኤላ ዎዶና ኑኡም ዋይዜ።
\c 21
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ባሼ ባሺሢሮ ጋላቲንቴ ጋላታ
\q
\v 1 ናንጊና ናንጋ ጎዳሢዮ!
\q2 ዎልቄ ኔ ዒዛም ዒንጌሢሮ ካኣቲ ዎዛዼኔ፤
\q2 ኔ ዒዛ ባሺሴሢሮዋ ሚርጌና ዒዚ ዎዛዻኔ።
\q
\v 2 ዒዛኮ ዒና ማሌ ባኮ ኔ ዒዛም ዒንጌኔ፤
\q2 ዒዚ ኔና ሺኢቄ ባኮዋ ኔ ዒዛ ላኣጊባኣሴ።
\b
\q
\v 3 ሚርጌ ዓንጆ ኔ ዒዛም ዒንጊ ሾኦቺንሢ ዔኬኔ፤
\q2 ዒዛኮ ቶኦኮይዳ ጌኤሺ ዎርቄና ኮሺንቴ ቦንቾ ባኮ ኔ ዓጌኔ።
\q
\v 4 ናንጊ ዒዛም ኔኤኒ ዒንጋንዳጉዲ ዒዚ ኔና ሺኢቄኔ፤
\q2 ኔኤኒ ዒዛም ዖዶሲ ሌዔንታ
\q2 ጋፑዋ ናንጊያኣ ዒንጌኔ።
\q
\v 5 ኔ ዒዛ ባሺሴሢሮ ቦንቻ ዒዛኮ ዼኤፒ ማዔኔ፤
\q2 ቦንቾንታ ዼኤፑሞንታ ኔኤኒ ዒዛም ዒንጌኔ።
\q
\v 6 ናንጊና ጋፑዋ ዓንጆ ኔ ዒዛም ዒንጌኔ፤
\q2 ኔኤኒ ዒዛና ዎላ ማዒፆና ዒዛ ኔኤኒ ዎዛሳኔ።
\b
\q
\v 7 ካኣታሢ ናንጊና ናንጋ ጎዳ ጉሙርቃኔ፤
\q2 ዼኤፖ ፆኦዛሢ ጋጋፑዋ ናሹሞና
\q2 ዒዛ ናሽኬሢሮ ዒዚ ዓጊፂንዱዋሴ።
\q
\v 8 ኔ ኩጫ ኔኤኮ ሞርኮ ቢያ
\q2 ኔኤኮ ሚዛቆ ኩጫኣ ኔና ዒፃዞንሢ ቢያ ዓርቃንዳኔ።
\q
\v 9 ፔጋዺ ኔኤኒ ጴዻ ዎዶና ናኣቦፓ ኬስካ
\q2 ታሚ ላኣፁሚጉዲ ኔ ዔያቶ ሚቻንዳኔ፤
\q ናንጊና ናንጋ ጎዳኮ ዻጎ ሼኤላኣ ዔያቶ ጋውላንዳኔ፤
\q2 ታማኣ ዔያቶ ሙዓንዳኔ።
\q
\v 10 ዜርፆ ኔኤኒ ዔያቶኮ ሳዖይዳፓ ባይዛንዳኔ፤
\q2 ሜሌ ዴሮ ባኣካፓ ዱማሲ ኔ ዔያቶ ዎዺ ኩርሳንዳኔ።
\b
\q
\v 11 ኔኤም ፑርታ ማዻኒ ዔያታ ማሌያታቴያ
\q2 ጌኔ ማሊሢያኣ ማሊ ቱኬቴያ ዔያቶም ጊኢጋዓኬ።
\q
\v 12 ዔያታ ሙኬ ጎይፆና ማሂ ኔኤኒ ዔያቶ ጳሻንዳኔ፤
\q2 ኔኤኮ ሂኢዦናኣ ዔያቶ ኔ ዱካንዳኔ።
\b
\q
\v 13 ናንጊና ናንጋ ጎዳሢዮ!
\q2 ኔኤኒ ኔ ዶዱሞና ዼግ ዼጊ ጌዔ፤
\q2 ዎልቆ ኔኤኮ ኑኡኒ ሄርሻኔ፥ ዓይናዺያ ኑ ዓይናዻኔ።
\c 22
\s1 ዓይኑሞ ሱኡጋሢ ዓይሣ ጎይፆና ካሪፆ ዎልቄ ዛላ ዓይናዺንታ ዳውቴ ዓይኑሞ
\d ዖዪሢ ዒላቲና ጋላታ ዓይኑሞና
\q
\v 1 ታ ፆኦዛሢዮ! ታ ፆኦዛሢዮ! ኔ ታና ዓይጋ ሃሼይ?
\q2 ኔኤኒ ታና ዓውሲፆ ሃሺ ሃኬሢ ዓይጎሮዳይ?
\q2 ታኣኮ ዚኢሊንቲፆ ዑኡዞይዳፓ ዓይጋ ኔ ሃኬይ? \x - \xo 22፡1 \xo*\xt ማቲ. 27፡46፤ ማር. 15፡34።\xt*\x*
\q
\v 2 ታ ፆኦዛሢዮ! ሮኦሮ ታ ኔ ባንሢ ዒላታኔ፤
\q2 ኔኤኒ ጋዓንቴ ታኣም ዋይዙዋሴ፤
\q2 ዋንቶዋ ታ ዔኤሊንታኔ፥ ሃውሺያ ታኣኮ ባኣሴ።
\q
\v 3 ኔኤኒ ጋዓንቴ ዒስራዔኤሌ ዓሳ ኔና ጋላታያ
\q2 ኔኤኮ ካኣቱሞ ዖይቶይዳ ዴዒ ዎይሣ ዱማዼ ፆኦሲኬ።
\q
\v 4 ኑኡኮ ቤርታኣ ዓዶንሢ ኔና ጉሙርቄኔ፤
\q2 ዔያታ ኔና ጉሙርቄም ኔኤኒያ ዔያቶ ዓውሴኔ።
\q
\v 5 ኔ ማኣዳንዳጉዲ ዔያታ ኔ ባንሢ ዒላቴ ዎዶና
\q2 ኔኤኒ ዔያቶ ዓውሴኔ፤
\q2 ዔያታ ኔና ጉሙርቄሢሮ ኔ ዔያቶ ቦርሲሲባኣሴ።
\b
\q
\v 6 ታኣኒ ጋዓንቴ ዓሲዳፓ ቢያ ላኣፓ፥ ዛኣሌ ማዔያኬ፤
\q2 ዓሳ ታና ሚኢጫኔ፥ ዓሲ ባኣካ ታኣኒ ቶኦቺንቴያኬ።
\q
\v 7 ታና ዛጋ ዓሳ ቢያ ቦሂ ሺራኔ፤
\q2 ዔያታ ቶኦኮ ፔኤሲ ዓጊሢ ዓጊሢ
\q2 ሂዚ ጌዒ ታና ሚኢጫኔ፦ \x - \xo 22፡7 \xo*\xt ማቲ. 27፡39፤ ማር. 15፡29፤ ሉቃ. 23፡35።\xt*\x*
\q
\v 8 «ናንጊና ናንጋ ጎዳ ዒዛ ዓውሳንዳኔ ጌዒ
\q2 ዒዚ ጎዳ ጉሙርቃኔ፤
\q2 ሂንዳ ዒዚ ዒዛ ናሽካያታቴ ዓውሶንጎ» ጋዓኔ። \x - \xo 22፡8 \xo*\xt ማቲ. 27፡43።\xt*\x*
\b
\q
\v 9 ኮሺና ታ ሾይንታንዳጉዲ ማሄሢ ኔናኬ፤
\q2 ናይ ማዒ፥ ታ ዒንዶኮ ዻንፆ ታ ዻንቃንቴያ
\q2 ታ ጉሙርቄሢ ኔናኬ።
\q
\v 10 ታ ዒንዶ ጎጳፓ ኬስካዖ ኔ ዑፃ ታ ሃሺንቴኔ፤
\q2 ታ ዒንዳ ታና ሾዔማፓ ዓርቃዖ ታኣኮ ኔ ፆኦዛሢኬ።
\q
\v 11 ታና ሜታ ሄላኒ ዑኬሢሮ፥ ሃሣ ታና ማኣዳያኣ ባኣሢሮ
\q2 ሃዳራ ኔኤኒ ታ ኮራፓ ሃኪፖ!
\b
\q
\v 12 ሚርጌ ሞርካ ዓዳ ዹዋ ጌማይጉዲ ታና ማንጌኔ፤
\q2 ዎልቆና ዓኣ ባኣሳኔ ዓጮ ዚዮ ጌማቶጉዲ ማንጊ ታና ዔቄኔ።
\q
\v 13 ኬሚ ዎዺ ሾኦሊ ሙዓንዳ ዞቢ ጉዻሢጉዲ
\q2 ዻንጎ ፔኤኮ ዔያታ ታ ዑፃ ሻዔኔ።
\b
\q
\v 14 ዎልቃ ታኣኮ ላቢ ዓዳ ዋኣሢ ማዔኔ፤
\q2 ሜጌፃኣ ታኣኮ ቢያ ጪጊጫፓ ኮልኮልቄኔ፤
\q2 ጋሮይዳ ዒና ታኣኮ ሾፒጉዲ ዓልቄኔ።
\q
\v 15 ዎልቃ ታኣኮ ሃይቄ ቦኦቆ ሜቂሢጉዲ ዶዴኔ፤
\q2 ዒንዲርዛ ታኣኮ ፃኣዺ ሆንጎላሢዳ ዓዺንቴኔ፤
\q2 ኔኤኒ ታና ሃይቄ ዓሲጉዲ ሲላሎይዳ ሃሼኔ።
\b
\q
\v 16 ፑርቶ ማዻ ዓሳ ካኒ ቡኪ ማንጋሢጉዲ ታና ማንጌኔ፤
\q2 ዞባ ታኣኮ ኩጮንታ ቶኮንታ ፔ ፁንጎና ፃጴኔ።
\q
\v 17 ሜጌፃ ቢያ ታኣኮ ፓይዲንታያ ማዒ ፔጋዺ ጴዼኔ፤
\q2 ታ ሞርካ ታና ጊዥ ጌዒ ቶኦቺሢና ዛጌኔ።
\q
\v 18 ዓፒሎ ዔያታ ታኣኮ ጊሽቲ ዔኬኔ፤
\q2 ታኣኮ ዖዶዞ ዓፒሎይዳኣ ዱማሲ ዔሮ ባኮ ዓጌኔ። \x - \xo 22፡18 \xo*\xt ማቲ. 27፡35፤ ማር. 15፡24፤ ሉቃ. 23፡34፤ ዮሃ. 19፡24።\xt*\x*
\b
\q
\v 19 ናንጊና ናንጋ ጎዳሢዮ! ታ ኮራፓ ሃኪፖ፤
\q2 ታና ማኣዳሢዮ! ታና ማኣዳኒ ዑካዼ።
\q
\v 20 ሼምፓሢ ታኣኮ ጬንቾ ዓፓሮና
\q2 ዬያቶ ካናቶ ዎልቆናፓ ዓውሴ።
\q
\v 21 ዞቦ ዻንጋፓ ታና ዓይሴ፤
\q2 ጫርጋ ሜኤኖ ጉራናፓ ታና ካፔ።
\b
\q
\v 22 ኔ ሱንፆኮ ዼኤፑሞ ታ ዒጊኖም ታ ኬኤዛንዳኔ፤
\q2 ዔያታ ቡኪንቴ ቤዛ ታ ኔና ጋላታንዳኔ። \x - \xo 22፡22 \xo*\xt ዔብ. 2፡12።\xt*\x*
\q
\v 23 ዒንሢ ናንጊና ናንጋ ጎዳ ዒጊጫ ዓሳ ጋላቱዋቴ!
\q2 ዒንሢ ያይቆኦቤ ዜርፃ ቢያ ዒዛ ቦንቹዋቴ!
\q2 ዒንሢ ዒስራዔኤሌ ዜርፃ ቢያ ዒጊቹሞና ዒዛ ዼግ ዼጊዱዋቴ!
\q
\v 24 ዒዚ ሄርቂንቲ ዎርቃ ዓሶኮ ሜቶ ቶኦቺባኣሴ፤
\q2 ዬያ ዔያቶኮ ዒ ዛጊ ሻኣኪንቲባኣሴ፤
\q2 ፔኤኮ ዓኣፖ ካሮዋ ዔያቶይዳፓ ዒ ሺርሺባኣሴ፤
\q2 ጋዓንቴ ፔና ማኣዳንዳጉዲ ዒላታ ዒላቶ ዋይዜኔ።
\b
\q
\v 25 ኔኤኒ ማዼ ኮዦ ማዾሮ
\q2 ሚርጌ ኔ ዴራ ቡኬ ቤዛ ታ ኔና ጋላታንዳኔ፤
\q2 ኔና ዒጊጫ ዓሶ ቤርታ ታ ዔቂ
\q2 ታኣኒ ናኣቤ ናኣቦ ኩንሣንዳኔ።
\q
\v 26 ማንቆ ዓሳ ሚሽካንዳያ ሄላንዳኣና ሙዓኔ፤
\q2 ናንጊና ናንጋ ጎዳ ኮዓዞንሢያ ዒዛ ጋላታኔ፤
\q2 ዒና ዔያቶኮ ዔያታ ናንጋ ዎዶ ቢያይዳ ዎዛዻኔ።
\b
\q
\v 27 ዓጮኮ ጋፖ ሄላንዳኣና ዓኣ ዓሳ ቢያ ማሊ ጶቂሥሢና
\q ናንጊና ናንጋ ጎዳ ባንሢ ማዓኔ፤
\q2 ዓጮይዳ ዓኣ ዴራ ቢያ ዒዛም ዚጋንዳኔ።
\q
\v 28 ቢታንቶ ቢያ ኔኤሮኬ፤
\q2 ዴሬ ቢያ ኔኤም ዎርቃኔ።
\b
\q
\v 29 ናንጊና ናንጋ ጎዳሢዮ! ሚርጌ ቆሎ ዓኣ ዓሳ ቢያ ኔኤም ዚጋንዳኔ፤
\q2 ሃይቂ ዱኡታኒ ዑኪ ዓኣሢያ ቢያ ሙኪ ኔ ቤርታ ጉምዓታንዳኔ።
\q
\v 30 ሙካንዳ ሾይንታ ዒዛም ማዻንዳኔ፤
\q2 ሴካ ቤርታኣ ሾይንቶማኣ ፆኦሲ ባኣዚ ኬኤዚንታንዳኔ።
\q
\v 31 ሃጊ ሾይንቲባኣ ዴሬም
\q2 ዔያታ ዒዛኮ ፂሉሞ ማዾ
\q2 «ናንጊና ናንጋ ጎዳ ዴሮ ፔኤሲ ዓውሴኔ» ጌዒ ጌዒ ኬኤዛንዳኔ።
\c 23
\s1 ዳውቴ ዓይኑሞ
\d ናንጊና ናንጋ ጎዳ ኮሺ ሄንቃያ ማዒፆ
\q
\v 1 ናንጊና ናንጋ ጎዳ ታና ሄንቃሢኬ፤
\q2 ፔቴታዖ ታኣም ፓጫ ባኣዚ ባኣሴ።
\q
\v 2 ዒዚ ታና ዋሻሌ ቤስካ ቃኣቲሳኔ፤
\q2 ኮሺ ማዔ ዎታ ዎርዚ ባንሢ ዔኪ ዓኣዻኔ። \x - \xo 23፡2 \xo*\xt ዮሃ. ፆፔዻ 7፡17።\xt*\x*
\q
\v 3 ናንጎ ዒ ታኣኮ ዓኪ ማሃኔ፤
\q2 ፔ ሱንፆሮ ጌዒ ፂሎ ጎይሢ ታና ዔኪ ዓኣዻኔ።
\q
\v 4 ሻኔ ዹሚ ማዔ ዶኦቺናታዖ ታ ዓኣዼታቴያ
\q2 ኔኤኒ ታኣና ዎላ ማዔሢሮ ዓይጎ ፑርታ ባኣዚ ታ ዒጊጫዓኬ።
\q2 ኔኤኮ ኮኦላ ታና ዶዲሻኔ።
\b
\q
\v 5 ታ ሞርካ ዛጋንቴ ሙኡዚ ኔ ታኣም ጊኢጊሻኔ፤
\q2 ቶኦኮዋ ኔ ታኣኮ ዛይቶ ቲዦና ቲሽካኔ፤
\q2 ታኣኮ ዑዦ ዓንጎ፥ ዑዣ ኩሚ ላኣሊንታኔ።
\q
\v 6 ታ ናንጎ ዎዶ ቢያይዳ ኮሹሞና ናሹሞና ዓኣያ ማዓንዳኔ፤
\q2 ናንጊና ናንጋ ጎዳ ማኣራ ቢያ ዎዴ ታ ናንጋንዳኔ።
\c 24
\s1 ዳውቴ ዓይኑሞ
\d ዼኤፖ ካኣታሢ
\q
\v 1 ሳዖንታ ዒኢካ ዓኣ ባካ ቢያ
\q2 ዓጮንታ ጋሮይዳ ዓኣ ባካ ቢያ
\q2 ናንጊና ናንጋ ጎዳሮኬ። \x - \xo 24፡1 \xo*\xt 1ቆሮ. 10፡26።\xt*\x*
\q
\v 2 ዒዚ ሳዖ ባዞ ዑፃ ማዤኔ፤
\q2 ዬያ ዋኣፆ ዑፆይዳ ዶዲሺ ዲይሤሢያ ዒዛኬ።
\b
\q
\v 3 ሌካ ናንጊና ናንጋ ጎዳኮ ዹኮ ዖኦኒ ኬስካንዳይ?
\q2 ዒዛኮ ዱማዼ ቤዞይዳ ዖ ዔቃንዳይ?
\q
\v 4 ዬያ ማዻኒ ዳንዳዓሢ
\q2 ጌኤሺ ኩቺና ፒዜ ዒኔና ዓኣያ
\q2 ሜሌ ፆኦዞ ካኣሽኩዋያ
\q2 ሉኡዙሞና ጫኣቁዋዞንሢኬ። \x - \xo 24፡4 \xo*\xt ማቲ. 5፡8።\xt*\x*
\q
\v 5 ዬይ ዓሳ
\q2 ናንጊና ናንጋ ጎዳይዳፓ ዓንጆ
\q2 ዻቂሻያ ማዔ ፔ ፆኦዛሢዳፓ ማኣዶዋ ዴንቃንዳኔ።
\q
\v 6 ናንጊና ናንጋ ጎዳ ባንሢ ዑካንዳዞንሢና
\q2 ያይቆኦቤ ፆኦዛሢ ኮዓንዳዞንሢ
\q2 ዬንሢጉዴ ዓሶንሢኬ።
\b
\q
\v 7 ዒንሢ ዼኤፖ ዓሳ ጌሎ ካሮ ቡሉዋቴ፤
\q2 ናንጊና ናንጋ ጌሎ ካራ ቡሊንቶንጎ፤
\q2 ቦንቺንቴ ካኣታሢያ ጌሎንጎ።
\q
\v 8 ዬይ ቦንቺንታ ካኣቲ ዖናዳይ?
\q2 ናንጊና ናንጋ ጎዳኬ፤
\q2 ዒዚ ዶዳሢና ዖሎናኣ ዔርቴሢኬ።
\b
\q
\v 9 ዒንሢ ዼኤፖ ዓሳ ጌሎ ካሮ ቡሉዋቴ፤
\q2 ናንጊና ናንጋ ጌሎ ካራኣ ቡሊንቶንጎ፤
\q2 ቦንቺንታ ካኣታሢያ ጌሎንጎ።
\q
\v 10 ዬይ ቦንቺንታ ካኣታሢ ዖናዳይ?
\q2 ዬይ ቦንቺንታ ካኣቲ
\q2 ቢያ ባኮ ዎይሣ ጎዳሢኬ።
\c 25
\s1 ዳውቴ ዓይኑሞ
\d ሜቶ ዎዴና ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ!
\q2 ታኣኮ ዒኖ ማሊፆ ታ ኔኤም ሺኢሻኔ።
\q
\v 2 ታ ፆኦዛሢዮ! ታኣኒ ኔና ጉሙርቃኔ፤
\q2 ታ ሞርካ ታና ባሻንዳጉዲ ማሂ ታና ቦርሲሲፖ።
\q
\v 3 ኔና ጉሙርቃዞንሢ ቦርሲንቱዋሴ፤
\q2 ቦርሲንታዞንሢ
\q2 ኔኤም ዋይዞ ዒፆሮ ሩኡራዞንሢኬ።
\b
\q
\v 4 ናንጊና ናንጋ ጎዳሢዮ! ኔ ኮጲዞ ታና ዔርዜ፤
\q2 ኔ ጎይፆዋ ኔኤኒ ታና ዻዌ።
\q
\v 5 ኔኤኒ ታና ዓውሳ ፆኦዛሢኬ፤
\q2 ኔኤኮ ጎኑሞ ጊንፆ ሃንቲ ናንጋንዳጉዲ ታና ዔርዜ፤
\q2 ታኣኒ ቢያ ዎዴ ጉሙርቃሢ ኔናኬ።
\b
\q
\v 6 ናንጊና ናንጋ ጎዳሢዮ!
\q2 ሚናፓ ዓርቃዖ ኔ ዻዋ
\q2 ሚጪንቲፆንታ ናንጊና ናንጋ ናሹሞዋ ማሌ።
\q
\v 7 ታኣኒ ዼጌ ዓኣዖ ማዼ ጎሞ
\q2 ዻቢንቶዋ ታኣኮ ማሊፖ፤
\q2 ናንጊና ናንጋ ጎዳሢዮ! ኔኤኮ ኮሹማ
\q2 ሚርጌ ጎይፆ፥ ኔ ሚጪንቲፆጉዲያኣ ታኣም ማሌ።
\b
\q
\v 8 ፆኦሲ ኮሺ፥ ሃሣ ፒዜ ማዔሢሮ
\q2 ጎሞ ዓሳ ዓኣዻኒ ኮይሳ ጎይፆ
\q2 ዒዚ ዔዔርዛኔ።
\q
\v 9 ሼሌዔ ማዔዞንሢ ፒዜ ጎይሢ ዒ ዔኪ ዓኣዻኔ፤
\q2 ጎይፆዋ ዔያቶ ዒ ዔርዛኔ።
\q
\v 10 ዒዛኮ ጫኣቁሞና ዳምቦና ካፓዞንሢም
\q2 ጎይፃ ቢያ ናሹሞና ጉሙርቂንቲሢናኬ።
\b
\q
\v 11 ናንጊና ናንጋ ጎዳሢዮ! ጎማ ታኣኮ ዼኤፒታሢሮ
\q2 ኔኤኮ ሱንፆ ቦንቾሮ ጌዒጋፓ ዓቶንጎ ታኣም ጌዔ።
\q
\v 12 ናንጊና ናንጋ ጎዳ ዒጊጫሢ ዖናዳይ?
\q2 ዔያታ ሃንታኒ ኮይሳ ጎይፆ ዶኦራንዳጉዲ ዒዚ ዔያቶ ዔርዛኔ።
\q
\v 13 ዬይ ዓሳ ዎዶ ቢያ ዖርጎቹሞና ናንጋንዳኔ፤
\q2 ዔያቶኮ ናኣታኣ ሳዖ ዔካንዳኔ።
\q
\v 14 ናንጊና ናንጋ ጎዳ ዒዛም ዓይሢንታዞንሢኮ ቢያ ላጌኬ፤
\q2 ዔያቶም ዒዚ ጫኣቄ ጫኣቁሞዋ ዶዲሻኔ።
\b
\q
\v 15 ዒዚ ታና ፒራሢዳፓ ቢያ ዓውሴሢሮ
\q2 ቢያ ዎዴ ታ ዒዛ ባንሢ ዛጋኔ።
\q
\v 16 ታኣኒ ታኣሮ ሌሊ ማዒ ሜታዻያ ማዔሢሮ
\q2 ታ ፆኦዛሢዮ! ኔ ሃንጋ ታ ባንሢ ማዔ፤
\q2 ታኣም ኮሺ ባኣዚያ ማዼ።
\q
\v 17 ታኣኮ ዒኖ ሜታሢ ሚርጌኬ፤
\q2 ዋኣዪፃፓኣ ታና ሃውሺሴ።
\q
\v 18 ታኣኮ ዋኣዪፆንታ ሜታሢንታ ኔ ዛጌ፤
\q2 ጎሞዋ ቢያ ኔ ታኣም ዓቶም ጌዔ።
\b
\q
\v 19 ሞርካ ታኣኮ ዎማጉዲ ሚርጌቴያ
\q2 ዔያታ ታና ዎማይዲ ዒፃቴያ
\q2 ኔኤኒ ሂንዳ ዛጌ።
\q
\v 20 ሼምፓሢ ታኣኮ ካፔ፥ ታና ዓውሴ፤
\q2 ኔና ታኣኒ ታኣኮ ፑኖ ካያሢ ማሄሢሮ
\q2 ታና ቦርሲሲፖ።
\q
\v 21 ታኣኒ ኔና ሃጊ ማዓ ዎዛ ማሂ ጌሤሢሮ
\q2 ፂሉሞንታ ፒዙሞንታ ታና ካፓንዳጉዲ ማሄ።
\b
\q
\v 22 ፆኦዛሢዮ! ዒስራዔኤሌ ዓሶ
\q2 ሜቶ ቢያይዳፓ ዓውሴ!
\c 26
\s1 ዳውቴ ዓይኑሞ
\d ጌኤሺ ዓሲ ሺኢጲሢ
\q
\v 1 ናንጊና ናንጋ ጎዳሢዮ! ፒዙሞና ሴካ ሃንጋ ዓጊፁዋዖ
\q2 ኔና ጉሙርቂ ታ ናንጌሢሮ ታኣም ዎጌ።
\q
\v 2 ናንጊና ናንጋ ጎዳሢዮ! ታ ዒና ዎማዺታቴያ ዓጊሢ ዛጌ፤
\q2 ታኣኒ ሱኡካዻ ሱኡኮንታ ታኣኮ ማሊፆዋ ዛጊ ዔሬ።
\q
\v 3 ኔኤኮ ጋፑዋ ናሹማ ታ ዓኣፓፓ ባይቁዋሴ፤
\q2 ቢያ ዎዴ ታና ዔኪ ዓኣዻሢ ኔኤኮ ጉሙርቂንቲፆኬ።
\b
\q
\v 4 ጌሻ ዓሶና ዎላ ታኣኒ ላጋቲባኣሴ፤
\q2 ፔና ጌኤሺ ማሃ ዓሶና ዎላ ታ ሶኦሪባኣሴ።
\q
\v 5 ፑርቶ ማዻ ዓሶኮ ቡኪንቶ ታኣኒ ዒፄኔ፤
\q2 ዬያ ዓሶና ዎላ ታ ዴዓኒያ ናሽኩዋሴ።
\b
\q
\v 6 ናንጊና ናንጋ ጎዳሢዮ!
\q2 ታኣኒ ጌኤሺ ማዔሢ ዔርዛኒ
\q2 ኩጮ ታኣኮ ታኣኒ ማስታኔ፤
\q ዒንጎ ባኮ ኔኤም ሺኢሾ ቤዞኮ
\q2 ዓጮ ታ ሺሪ ሺሪ ኔና ካኣሽካኔ።
\q
\v 7 ጋላታ ዓይኑሞ ዓይናዺ ዓይናዺ
\q2 ኔ ዎልቆና ማዺንታ ዓኮ ባኮ ቢያ ታ ኬኤዛኔ።
\b
\q
\v 8 ናንጊና ናንጋ ጎዳሢዮ!
\q2 ኔኤኒ ናንጋ ማኣሮና
\q2 ቦንቻኣ ኔኤኮ ጴዻ ቤዞ ታ ናሽካኔ።
\q
\v 9 ሼምፓሢ ታኣኮ ሱጉፆ ላኣላ ዓሶሲና ዎላ ዔኪፖ፤
\q2 ናንጎዋ ታኣኮ ዓሶ ዎዻ ዓሶና ዎላ ባይዚፖ።
\q
\v 10 ዬያቶኮ ኩጫ ጌኔ ማዾ ማዻኒ ዔቄያ
\q2 ሚዛቆ ኩጫኣ ዔያቶኮ ዴሜና ዒንጎ ሚኢሼ ቡኩሳያኬ።
\b
\q
\v 11 ታኣኒ ታ ዛሎና ፓጬ ባኣዚባኣ ፒዜ ናንጊ ናንጋኔ፤
\q2 ታና ሚጪንቴ፥ ዓውሲያ ዓውሴ!
\b
\q
\v 12 ቶካ ታኣኮ ባኣሲንቲ ጊኢጌ ቤሲዳ ዔቄኔ፤
\q2 ሚርጌ ቡኬ ኔ ዓሶ ባኣካ ናንጊና ናንጋ ጎዳ ታ ጋላታኔ።
\c 27
\s1 ዳውቴ ዓይኑሞ
\d ጋላታ ሺኢጲሢ
\q
\v 1 ናንጊና ናንጋ ጎዳ ታኣኮ
\q2 ፖዓሢና ዼኤሻሢናታሢሮ ዖናኣ ታ ዒጊጩዋሴ፤
\q ናንጊና ናንጋ ጎዳ ታ ናንጎኮ
\q2 ሺባሢታሢሮ ዖኦኒያ ታና ዒጊቹዋሴ።
\b
\q
\v 2 ፑርቶ ማዻ ዓሳ ባሺ ታና ዎዻኒ ማላኔ፤
\q2 ጋዓንቴ ፔኤሮ ዔያታ ዹቂንቲ ሎኦማኔ።
\q
\v 3 ሚርጌ ዖላ ዓሳ ታና ማንጌታቴያ ታኣኒ ዒጊጩዋሴ፤
\q2 ታኣኮ ሞርካ ታና ዖሌታቴያ
\q2 ታኣኒ ፆኦሲ ጉሙርቂፆ ሃሻዓኬ።
\b
\q
\v 4 ናንጊና ናንጋ ጎዳ ታኣኒ ፔቴ ባኣዚ ሺኢቃኔ፤
\q2 ዬና ታ ሺኢቃዛ
\q2 ታ ናንጎ ዎዶ ቢያይዳ ፆኦሲ ማኣራ ናንጋኒ
\q2 ናንጊና ናንጋ ጎዳኮ ዲቃሢ ሄርሺሳያ ማዒፆዋ ዛጋኒ
\q2 ዒዛኮ ጌኤዦ ማኣሮይዳኣ ሺኢቃኒ ዳንዳዓንዳጉዲኬ።
\q
\v 5 ሜታሢ ኬሎና ዒዚ ታና ፔ ሺቦ ዴማ ዓኣቻኔ፤
\q2 ዬያ ዒዛ ማኣሮኮ ጋሮይዳ ታና ዒ ጌልዚ ጌሣኔ፤
\q2 ላሌ ሹቺዳኣ ዼጊዲ ታና ዔቂሳኔ።
\q
\v 6 ሃሢ ታ ኮሮይዳ ዓኣ ታ ሞርኮ ዑፃ
\q2 ታኣኒ ታና ዼግ ዼጊዴኔ፤
\q2 ዎዛና ታ ዒላሺ ዒላሺ
\q2 ዒዛኮ ጌኤዦ ማኣሮይዳ ዒንጎ ዒንጊሢ ታ ሺኢሻንዳኔ፤
\q2 ዓይናዺ ዓይናዺ ናንጊና ናንጋ ጎዳ ጋላታንዳኔ።
\b
\q
\v 7 ናንጊና ናንጋ ጎዳሢዮ!
\q2 ዑኡዞ ታኣኒ ዼጊዲ ዒላታኣና ኔኤኒ ዋይዜ!
\q2 ማኣሪያ ታና ማኣሬ፤ ሺኢጲፆዋ ታኣኮ ዋይዜ!
\q
\v 8 ዒና ታና «ዒዛኮ ዓኣፖ ካሮ ኮዔ» ጌዔኔ፤
\q2 ናንጊና ናንጋ ጎዳሢዮ! ታኣኒ ኔኤኮ ዓኣፖ ካሮ ኮዓኔ።
\q
\v 9 ኔኤኮ ዓኣፖ ካሮ ታጊዳፓ ማሂፖ፤
\q2 ዻጋዺ ኔ ዓይላሢ፥ ታና ኔኤፓ ሃኪሲፖ፤
\q ዎይቴቴያ ኔኤኒ ታኣኮ ማኣዳሢኬ፤
\q2 ታና ዓውሳ ታ ፆኦዛሢዮ!
\q2 ታና ኬኤሪፖ፥ ሃሺያ ሃሺፖ።
\q
\v 10 ታ ዓዶና ታ ዒንዶና ታና ሃሼቴያ
\q2 ናንጊና ናንጋ ጎዳ ታ ቶኦኮ ዛጋንዳኔ።
\b
\q
\v 11 ናንጊና ናንጋ ጎዳሢዮ! ጎይፆ ኔኤሲ ታና ዔርዜ፤
\q2 ታኣኮ ሚርጌ ሞርኬ ዓኣሢሮ ኮሺ ጎይሢና ታና ዔኪ ዓኣዼ።
\q
\v 12 ሉኡዙሞና ማርካዻ ዓሳ ፑርቱሞ ጌስቲ ጌስቲ ታ ዑፃ ዔቄሢሮ
\q2 ታ ሞርካ ኮዓ ጎይፆ ዓኣሢ ታና ኔ ዔያቶም ዒንጊፖ።
\b
\q
\v 13 ሼምፓሢና ዓኣ ዓሳ ናንጋ ሳዔሎይዳ ታ ዓኣ ዎዶና
\q2 ናንጊና ናንጋ ጎዳኮ ኮሹሞ ታ ዛጋንዳሢ ጉሙርቃኔ።
\q
\v 14 ናንጊና ናንጋ ጎዳ ጉሙርቄ፤
\q2 ዶዴ፥ ዎዛ ቲቂፖ፤
\q2 ናንጊና ናንጋ ጎዳ ጉሙርቄ።
\c 28
\s1 ዳውቴ ዓይኑሞ
\d ማኣዶ ዴንቃኒ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ኔ ባንሢ ታ ዒላታኔ፤
\q2 ታኣኮ ላላሢዮ፥ ዋይዜዖ ታኣም ዋይዚባኣያ ማዒፖ፤
\q ኔኤኒ ታኣም ዚቲዮ ጌዔያታቴ
\q2 ዔቴይዳ ዱኡኪንቴ ዓሲ ታኣኒ ማዓንዳኔ።
\q
\v 2 ማኣዶሮ ኔ ባንሢ ታ ዒላታ ዎዶና
\q2 ኔኤኮ ዱማዼ ጌኤዦ ማኣሮ ባንሢ
\q2 ኩጮ ታኣኮ ታ ዔቂሳኣና
\q2 ሺኢጲፆ ታኣኮ ዋይዜ።
\q
\v 3 ዔያቶኮ ዒኖ ጋራ ጌኔ ባኣዚ ዓኣታንቴ
\q2 ፔ ላጎና ዎላ ኮሺ ጌስታ ፑርቶ ማዻ ዓሶና
\q2 ዋይዞ ዒፃ ዓሶና ዎላ ጎቺ ታና ዔኪ ዓኣዺፖ።
\b
\q
\v 4 ዔያቶኮ ማዾ ጉዴያ
\q2 ዔያታ ማዼ ፑርቱሞ ጉዴያ
\q2 ዔያቶም ጪጌ፤
\q2 ዔያታ ማዼሢ ጉዴያ ዔያቶም ማሂ ዒንጌ። \x - \xo 28፡4 \xo*\xt ዮሃ. ፆፔዻ 22፡12።\xt*\x*
\q
\v 5 ናንጊና ናንጋ ጎዳ ዔያታ ዔኤቢኬ ጎዑዋሢሮ
\q2 ዒዚ ማዼ ማዾዋ ዔያታ ማሉዋሢሮ
\q2 ዒዚ ዔያቶ ሻሃንዳኔ፤
\q2 ጊንሣ ማሂያ ዒ ዔያቶ ኮሻዓኬ።
\b
\q
\v 6 ታኣኮ ሺኢጲፆ ዒዚ ዋይዜሢሮ
\q2 ናንጊና ናንጋ ጎዳ ዓንጂንቴያ ማዖንጎ።
\q
\v 7 ናንጊና ናንጋ ጎዳ ታኣኮ ዎልቃሢና ጊቲማሢናኬ፤
\q2 ዒና ታኣኮ ዒዛ ጉሙርቃኔ፤
\q2 ዒዚያ ታና ማኣዴኔ፤
\q2 ዒና ታኣኮ ኮሺ ዋዛዼኔ፥ ዓይኑሞናኣ ታ ዒዛ ጋላታንዳኔ።
\b
\q
\v 8 ናንጊና ናንጋ ጎዳ ፔ ዴሮኮ ዎልቃሢኬ፤
\q2 ዒዚ ዶኦሚ ካኣታሤሢማኣ ዻቂንታ ማዓ ዼጌ ዹካሢኬ።
\q
\v 9 ዴሮ ኔኤኮ ዓውሴ!
\q2 ኔኤሮ ማዔ ዓሶዋ ዓንጄ፥ ዔያቶ ሄንቃሢ ኔና ማዔ፤
\q2 ናንጊና ዔያቶ ቶኦኮ ዛጋያ ማዔ።
\c 29
\s1 ዳውቴ ዓይኑሞ
\d ናንጊና ናንጋ ጎዳ ዑኡዞኮ ዎልቆ
\q
\v 1 ዒንሢ ፆኦሲ ኪኢታንቻ! ናንጊና ናንጋ ጎዳም ዒንጉዋቴ፤
\q2 ቦንቾና ዶዱሞና ዒዛሮኬ ጎዑዋቴ።
\q
\v 2 ዒዛኮ ሱንፆም ኮይሳ ቦንቾ ዒንጉዋቴ፤
\q2 ዒዛኮ ዱማዼ ዼኤፑሞሮዋ ዒዛም ዚጉዋቴ። \x - \xo 29፡2 \xo*\xt ዓይኑ. 96፡7-9።\xt*\x*
\b
\q
\v 3 ናንጊና ናንጋ ጎዳኮ ዑኡዛ ዋኣፆ ዑፃ ማኣማኔ፤
\q2 ቦንቺንታ ፆኦዛሢያ ጉጉንሣኔ፤
\q2 ናንጊና ናንጋ ጎዳ ዼኤፖ ዋኣፆ ዑፃ ጉኡማኔ።
\q
\v 4 ናንጊና ናንጋ ጎዳኮ ዑኡዛ ዎልቄና ዓኣያኬ፤
\q2 ዒዛኮ ዑኡዛ ዼኤፒ ዲቃሣያኬ።
\b
\q
\v 5 ናንጊና ናንጋ ጎዳኮ ዑኡዛ ዴኤሎ ዚቢቆ ሜንሣኔ፤
\q2 ዑኡዛ ዒዛኮ ሊባኖኦሴ ሚፆዋ ሾኦላኔ።
\q
\v 6 ሊባኖኦሴ ዹኮ ማርሶ ዻንቄ ናኣሪጉዲ
\q2 ሲሪዮኔ ዹኮዋ ዖሶ ናይጉዲ
\q2 ዎዛሲ ፂኪሳኔ።
\b
\q
\v 7 ናንጊና ናንጋ ጎዳኮ ዑኡዛ
\q2 ታሚ ሎስቶጉዲ ፖዓኔ።
\q
\v 8 ናንጊና ናንጋ ጎዳኮ ዑኡዛ ዓሲ ናንጉዋ ዳውሎ ዓጊሣኔ፤
\q2 ቃዴሴኮዋ ዓሳ ናንጉዋ ሳዖ ጎቃይሳኔ።
\q
\v 9 ናንጊና ናንጋ ጎዳኮ ዑኡዛ ዶቆዞ ሾይዣኔ፤
\q2 ሚፆኮዋ ዋላዦ ዲኢኒሻኔ፤
\q2 ዒዛኮ ዱማዼ ቤዞይዳ ዓኣዞንሢ ዑኡዞ ዒዛሲ ዋይዛዖ፦
\q2 «ቦንቾ ፆኦሲም ማዖንጎ!» ጋዓኔ።
\b
\q
\v 10 ናንጊና ናንጋ ጎዳ ዼኤፖ ዋኣፆ ዎይሣሢኬ፤
\q2 ዒዚ ናንጊና ካኣታዺ ዬያ ዑፃ ዴዓኔ።
\q
\v 11 ናንጊና ናንጋ ጎዳ ፔ ዴሮም ዎልቄ ዒንጋኔ፤
\q2 ዒዚ ዴሮ ፔኤሲ ኮሹሞና ዓንጃኔ።
\c 30
\s1 ጌኤዦ ማኣሮ ዓንጂ ማዾም ጊኢጊሾ ኬሎ ዓይናዺንቴ ዳውቴ ዓይኑሞ
\d ጋላታ ሺኢጲሢ
\q
\v 1 ናንጊና ናንጋ ጎዳሢዮ! ሂርኬ ቤዛፓ ኔ ታና ዔቂሴሢሮ
\q2 ታ ሞርካ ታኣኮ ሜቶና ዎዛዻንዳጉዲ ኔ ማሂባኣሢሮ
\q2 ታ ኔና ዼግ ዼጊዳኔ።
\q
\v 2 ናንጊና ናንጋ ጎዳ ማዔ ፆኦዛሢዮ!
\q2 ኔ ታና ማኣዳንዳጉዲ ታ ኔና ዔኤሌም
\q2 ኔኤኒያ ታና ፓሤኔ።
\q
\v 3 ናንጊና ናንጋ ጎዳሢዮ! ሼምፓሢ ታኣኮ ሄሊንቱዋያ ማዔ
\q2 ዹሞ ዔታፓ ኔኤኒ ኬሴኔ፤
\q2 ሊካ ዱኡፖ ዔቶ ኬዲፆይዳፓ ኔ ታና ካፔኔ።
\b
\q
\v 4 ዒንሢ ዒዛም ጉሙርቂንታያ ማዒ ማዻዛንሢ ቢያ
\q2 ናንጊና ናንጋ ጎዳ ዓይኑሞና ጋላቱዋቴ!
\q2 ዒዛኮ ዱማዼ ሱንፆማኣ ጋላታ ሺኢሹዋቴ።
\q
\v 5 ዒዚ ዻጋዻሢ ቃሚሢ ዎዴምኬ፤
\q2 ኮሹማ ዒዛኮ ጋዓንቴ ናንጊና ናንጋያኬ፤
\q ዋንቶ ዬኤኬ ጎይሣ ዎርቂንቴቴያ
\q2 ጉቶ ዎዎዛዺንታኔ።
\b
\q
\v 6 ታና ጉሙርሳ ዓሢ ታኣኒ ዔራሢሮ
\q2 «ፔቴታዖ ታ ባሺንታዓኬ» ጌዔኔ።
\q
\v 7 ናንጊና ናንጋ ጎዳሢዮ! ኔ ዼኤፑሞና ዹካ ታኣሲ ዶዴኔ፤
\q2 ኔኤኮ ዓኣፖ ካሮ ታ ጊዳፓ ኔ ማሄ ዎዶና ዒና ታኣኮ ዲቃቴኔ፤
\b
\q
\v 8 ናንጊና ናንጋ ጎዳሢዮ! ኔና ታ ዔኤላኔ፤
\q2 ኔ ባንሢ ሂዚ ጌዒያ ታ ሺኢቄኔ፦
\q
\v 9 ታኣኮ ዱኡኪንቲፆና ሃይቦና ዓይጎ ኔና ማኣዳንዳይ?
\q2 ዓጪ ኔና ጋላታ?
\q2 ኔኤኒ ጉሙርቂንታያ ማዔሢ ዓጫ ኬኤዛንዳ?
\q
\v 10 ናንጊና ናንጋ ጎዳሢዮ! ታኣም ዋይዜ፥ ታና ሚጪንቴ፤
\q2 ናንጊና ናንጋ ጎዳሢዮ! ታና ማኣዳሢ ኔና ማዔ።
\b
\q
\v 11 ዖዪፆ ኔኤኒ ታኣኮ ዎዛና ላኣሜኔ፤
\q2 ሲዮ ፓቲሎ ኔኤኒ ታኣኮ ጉሲ
\q2 ፓልሞ ኔ ታና ማይሴኔ።
\q
\v 12 ዬያያሮ ታኣኒ ዚቲ ጋዓዓኬ፤
\q2 ጋላታ ዓይኑሞ ኔኤም ታ ዓይናዻንዳኔ፤
\q ናንጊና ናንጋ ጎዳሢዮ! ኔኤኒ ታ ፆኦዛሢኬ፤
\q2 ዬያሮ ናንጊና ታኣኒ ኔና ጋላታንዳኔ።
\c 31
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ሜቶ ዎዴና ፆኦሲ ጉሙርቂ ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ!
\q2 ኔኤኒ ታኣኮ ፑኖ ካያሢ ማዓንዳጉዲ
\q2 ታ ኔ ባንሢ ሙኬኔ፤
\q ዬያሮ ታና ቦርሲሲፖ፤
\q2 ኔኤኮ ፂሉሞና ታና ዓውሴ።
\q
\v 2 ዋዮ ኔኤኮ ታ ባንሢ ማሂ ታኣም ዋይዜ፤
\q2 ዑካዺ ሙኪ ታና ዓውሴ፤
\q2 ታኣኮ ጌኤቂንቲ ዔቆ ላላሢ ማዔ፤
\q2 ታና ዓውሳኒ ታኣኮ ዶዶ ዋርዲዮ ቤዛሢያ ማዔ።
\b
\q
\v 3 ኔኤኒ ታኣኮ ዓኣሺንቶ ዋርዲዮ ቤዛሢኬ፤
\q2 ኔኤኮ ሱንፆሮ ጌዒጋፓ ታና ዔኪ ዓኣዼ፤
\q2 ታኣኒ ዓኣዻንዳ ጎይፆዋ ኔ ታና ቤኤዜ።
\q
\v 4 ኔኤኒ ታኣኮ ፑኖ ካያሢ ማዔሢሮ
\q2 ታ ሞርካ ታኣም ዓኣቺ ፒሬ ፒራሢዳፓ ታና ኔ ቶሊሴ።
\q
\v 5 ጎኑሞ ፆኦሲ ማዔ ናንጊና ናንጋ ጎዳሢዮ!
\q2 ታኣኮ ሼምፓሢ ታ ኔኤም ሃሼኔ፤
\q2 ታና ኔኤኒ ዓውሴ። \x - \xo 31፡5 \xo*\xt ሉቃ. 23፡46።\xt*\x*
\b
\q
\v 6 ዔኤቢ ፓሡዋያ ማዔ ሜሌ ፆኦዞም
\q2 ዚጋዞንሢ ቢያ ኔኤኒ ዒዒፃኔ፤
\q2 ታኣኒ ጋዓንቴ ኔና ጉሙርቃኔ።
\q
\v 7 ኔኤኮ ናንጊና ናንጋ ናሹማ ታና ዎዎዛሳኔ፤
\q2 ሚርጌናኣ ታ ዎዛዻኔ፤
\q ሜታሢ ኔ ታኣኮ ዛጌኔ፥ ዋኣዪፆዋ ታኣኮ ኔ ዔራኔ።
\q
\v 8 ሞርኮም ዓኣሢ ኔ ታና ዒንጊባኣሴ፤
\q2 ጋዓንቴ ኔኤኒ ታኣም ዳልጊ ጎይሢ ጲሼኔ።
\b
\q
\v 9 ናንጊና ናንጋ ጎዳሢዮ! ታኣኒ ሜቶይዳታሢሮ
\q2 ታና ሚጪንቴ፤
\q ዓኣፓ ታኣኮ ዖዪፆና ላቤኔ፤
\q2 ሼምፓሢንታ ዑፆንታ ታኣኮ ዶጬኔ።
\q
\v 10 ታኣኮ ናንጋ ሜቶና፥ ሌዓኣ ታኣኮ ዚኢሊንቲሢና ጋፔኔ፤
\q ሜታ ታኣኮ ሚርጌሢሮ ዎልቄ ታኣኮ ባይቄኔ፤
\q2 ሜጌፃኣ ታኣኮ ላቤኔ።
\b
\q
\v 11 ታኣኒ ታኣኮ ሞርኮም ሚኢቺ
\q2 ታኣኮ ዓሺኖማኣ ዲቃሣያ
\q2 ታና ዔራ ዓሶም ታኣኒ ዒጊቻያ
\q2 ጎይፃ ታና ዔያታ ዴንቃዖ ታ ጋይቴ ዓዓኣሺንታኔ።
\q
\v 12 ዓዳ ሃይቄ ዓሲጉዲ ታኣኒ ዋሊንቴኔ፤
\q2 ሃይቄም ኬኤሮና ቦኦቆና ዖቲናጉዲ ታ ማዔኔ።
\q
\v 13 ሚርጌ ዓሲ ካሽካሻንቴ ታኣኒ ዋይዜኔ፤
\q2 ጉቤ ባንፆና ዒጊቻያ ማዔኔ፤
\q ታና ባይዛኒ ዔያታ ዎሊና ጌስታኔ፤
\q2 ዎዻኒያ ዎላ ዔያታ ዞርታኔ።
\b
\q
\v 14 ናንጊና ናንጋ ጎዳሢዮ! ኔኤኒ ታኣኮ ፆኦዛሢኬ፤
\q2 ታኣኒ ኔና ጉሙርቃኔ።
\q
\v 15 ታኣኒ ቢያ ዎዴ ኔ ኩጫኬ፤
\q2 ታኣኮ ሞርኮና ዒፂ ታና ዳውሳዞንሢናፓ ቢያ ታና ዓውሴ።
\q
\v 16 ኔኤኮ ዓይላሢ፥ ታና ጌኤሺ ዓኣፒ ካራና ዛጌ፤
\q2 ኔኤኮ ጋፑዋ ናሹሞና ታና ዓውሴ።
\q
\v 17 ናንጊና ናንጋ ጎዳሢዮ!
\q2 ታኣኒ ኔና ዔኤላ ዎዶና ኔ ታና ቦርሲሲፖ፤
\q ፑርቶ ማዻ ዓሳ ጋዓንቴ ቦርሲንቶንጎ፤
\q2 ዔያታ ዓጊፁዋያ ማዒ ሊካ ዹሞ ዔታ ሎኦሞንጎ።
\q
\v 18 ፂላሢዳ ዔያታ ሆኦሊንቲሢና ዖቶርሙሞና ጌስታሢሮ
\q2 ዔያቶኮ ሉኡቃ ዻንጎ ዚቲዴ።
\b
\q
\v 19 ኔ ዴማ ዓታኒ ኔ ባንሢ ዑካዞንሢም
\q2 ዓሶ ቢያ ቤርታ ኔ ዒንጋ
\q2 ኔና ዒጊጫዞንሢም ኔ ጊኢጊሼ ኮሹማ
\q ዎዚ ዼኤፓይ!
\q
\v 20 ዓሳ ዔያቶ ባይዛኒ ዞርታሢዳፓ ኔ ማኣሮ ዴማ ኔ ዔያቶ ዓኣቼኔ፤
\q2 ማርማሢዳፓ ዔያቶ ዓውሳኒ ኔ ኬኤፆ ጋሮ ኔ ዔያቶ ጌልዜኔ።
\b
\q
\v 21 ማንጊንቴ ካታሜሎ ጋራ ታኣኒ ዓኣንቴ
\q2 ዲቃሢ ሄርሺሳ ናሹሞ ኔኤኒ ታና ዻዌኔ፤
\q2 ናንጊና ናንጋ ጎዳ ዓንጂንቶንጎ!
\q
\v 22 ታኣኒ ሚርጌና ዲቃቴሢሮ
\q2 ኔ ዓኣፓፓ ኔ ታና ጋፒ ሂዔያ ታኣም ማሌኔ፤
\q ጋዓንቴ ታ ኔ ባንሢ ማኣዳሢ ኮዒ ዒላታዛ
\q2 ዒላቶ ኔ ታኣሲ ዋይዜኔ።
\b
\q
\v 23 ዒንሢ ዒዛም ዱማዼ ዓሳ ቢያ
\q2 ናንጊና ናንጋ ጎዳ ናሽኩዋቴ፤
\q2 ዒዚ ጉሙርቂንታዞንሢ ካፓኔ፤
\q2 ዖቶርቃዞንሢም ጋዓንቴ ሜቶ ዒ ዓጋኔ።
\q
\v 24 ዒንሢ ናንጊና ናንጋ ጎዳ ሃጋኣ ዎዛ ማሂ ጌሣ ዓሳ ቢያ
\q2 ዒጊጪፖቴ፤ ዒናኣ ዒንሢኮ ዶዶንጎ።
\c 32
\s1 ዳውቴ ኬኤዚ ዔርዜ ባኮ
\d ጎሜ ቡኡፂ ማኣሪንቲሢ
\q
\v 1 ጎሞ ዓቶም ጌይንቴዞንሢና
\q2 ዻቢንቶዋ ካንቆና ዓሳ
\q2 ዓንጂንቴያኬ።
\q
\v 2 ናንጊና ናንጋ ጎዳ ጎሞ ዒዛኮ ዓርቂባኣሢ
\q2 ሉኡዙሞ ሉኡቁዋ ዓሲያ ዓንጂንቴያኬ። \x - \xo 32፡2 \xo*\xt ሮሜ 4፡7-8።\xt*\x*
\b
\q
\v 3 ጎሞ ታኣኮ ታኣኒ ቡኡፁዋዖ ሃሼ ዎዶና
\q2 ሮኦሮ ጉቤ ታኣኒ ዚኢሊንታሢሮ ዑፃ ታኣኮ ላቤኔ።
\q
\v 4 ሮኦሮና ዋንቶና ኔ ታና ኮሺ ሜታሴኔ፤
\q2 ሎጪ ባኣዚኮ ሎጩማ ዖጎሢና ሜላሢጉዲ
\q2 ዎልቃ ታኣኮ ጋፒ ባይቄኔ።
\b
\q
\v 5 ጎሞ ታኣኮ ታኣኒ ኔኤም ቡኡፄኔ፤
\q2 ዻቢንቶዋ ታኣኮ ታኣኒ ዓኣቺባኣሴ፤
\q ጎሞ ታኣኮ ቢያ ኔኤም ታ ቡኡፃኒ ማሌኔ፤
\q2 ኔኤኒያ ጎሞ ታኣኮ ቢያ ዓቶም ጌዔኔ።
\b
\q
\v 6 ዬያሮ ፂሎ ዓሲ ቢያ ሜቶ ዎዴና ኔና ሺኢቆንጎ፤
\q2 ዎልቄና ዓኣ ዶዲ ዲጲ ኩሚ ሙካ ዎዶና
\q ዬይ ዲጳ ዒዛ ዔኤቢ ዎኦታዓኬ።
\q
\v 7 ኔኤኒ ታኣኮ ፑኖ ካያሢኬ፤
\q2 ሜታስካፓ ኔ ታና ካፓንዳኔ፤
\q ኔኤኒ ታና ዓውሴሢሮ ዒላቲ ዎዛና ታኣኒ ዓይናዻኔ።
\b
\q
\v 8 ናንጊና ናንጋ ጎዳ ታኣም፦ «ታኣኒ ኔና ዔርዛንዳኔ፤
\q2 ኔኤኒ ሃንታንዳ ጎይፆዋ ታ ኔና ዻዋንዳኔ፤
\q2 ታ ኔና ዞራንዳኔ፥ ካፒያ ካፓንዳኔ» ጌዔኔ።
\q
\v 9 ዔያቶ ዓርቂ ቃዛኒ፥ ቢፃልቂያ ጫኣናኒ
\q2 ጎቺ ዓኣዾ ፓሮና ባቁሎናጉዲ
\q2 ጊኢጉዋያ ማዒፖቴ።
\q2 ፓሮና ባቁሎና ዒንሢ ዬያይዲባኣቴ
\q2 ዒንሢ ባንሢ ዑካዓኬ።
\b
\q
\v 10 ጎሞ ዓሶኮ ሜታሢ ሚርጌኬ፤
\q2 ናንጊና ናንጋ ጎዳ ጉሙርቃ ዓሳ ጋዓንቴ
\q2 ዒዛኮ ናንጊና ናንጋ ናሹሞና ካንቂንታንዳኔ።
\q
\v 11 ፂሎ ዓሲዮቴ! ናንጊና ናንጋ ጎዳና ዎዛዹዋቴ፤
\q2 ዒኖ ፒዜዞንሢዮቴ! ዒላሹዋቴ።
\c 33
\s1 ጋላታ ዓይኑሞ
\q
\v 1 ዒንሢ ፂሎ ዓሳ! ናንጊና ናንጋ ጎዳ ማዼ ባኮሮ ዎዛዹዋቴ፤
\q2 ፒዜዞንሢ ዒዛ ጋላታንዳያ ኮይሳኔ።
\q
\v 2 ጎኦላ ዋርቂ ናንጊና ናንጋ ጎዳ ጋላቱዋቴ፤
\q2 ታጶ ሻዦ ዴንሢ ዋርቆ ጎኦሎናኣ ዒዛም ዓይናዹዋቴ።
\q
\v 3 ዓኪ ዓይኑሞ ዒዛም ዓይናዹዋቴ!
\q2 ጎኦሎ ሚዛጲሲ ዴንሢ ዋርቁዋቴ፤
\q2 ዎዛናኣ ዒላሹዋቴ።
\b
\q
\v 4 ናንጊና ናንጋ ጎዳኮ ቃኣላ ጎኔ ቃኣላኬ፤
\q2 ማዻኣ ቢያ ዒዛኮ ጉሙርቂንታያኬ።
\q
\v 5 ናንጊና ናንጋ ጎዳ ፂሉሞና ፒዜ ዎጊሢና ናሽካኔ፤
\q2 ዒዛኮ ናንጊና ናንጋ ናሹማ ሳዖ ኩማኔ።
\q
\v 6 ናንጊና ናንጋ ጎዳሢ ቃኣሎና
\q2 ጫሪንጫ ማዢንቴኔ፤
\q2 ዒዛኮ ዑኡዞና ዓቦንታ ዓጊኖንታ
\q2 ዦኦጋሢያ ማዢንቴኔ።
\q
\v 7 ባዞ ዋኣፆ ቢያ ዒ ፔቴ ቤስካ ቡኩሲ ዴይሤኔ፤
\q2 ዼኤፖ ዔቶ ባዞ ዋኣፆማኣ
\q2 ዴዓንዳ ቤሲ ዒዚ ጊኢጊሼኔ።
\b
\q
\v 8 ሳዖይዳ ናንጋ ዓሳ ቢያ ናንጊና ናንጋ ጎዳ ዒጊጩዋቴ፤
\q2 ዓጮይዳ ዓኣ ሜሌ ዴራ ቢያ ዒዛ ቦንቹዋቴ።
\q
\v 9 ዒዚ «ማዖም» ጋጋዓዛ ሳዓ ማዢንቴኔ፤
\q2 ዒዛኮ ዓይሢፆና ቢያ ባካ ዶዲ ዔቄኔ።
\b
\q
\v 10 ናንጊና ናንጋ ጎዳ
\q2 ዴሮኮ ጌኖ ማሊፆ ቱኡዞ ሁርዲሳኔ፤
\q2 ዔያቶኮ ማሊፆዋ ፓሡዋያ ማሃኔ።
\q
\v 11 ናንጊና ናንጋ ጎዳ ቱኬ ቱኡዛ ናንጊና ዶዲ ናንጋያኬ፤
\q2 ዒዛኮ ማሊፃኣ ሾይንቲፓ ሜሌ ሾይንቲ ሄላያኬ።
\q
\v 12 ናንጊና ናንጋ ጎዳ ማዔ ፆኦዛሢ ዓሲ ማዔያና
\q2 ዒዚ ፔ ዓሲ ማሂ ዶኦሬ ዴሬ ዓንጂንቴያኬ!
\b
\q
\v 13 ናንጊና ናንጋ ጎዳ ጫሪንጫፓ ሊካ ዛጋኔ፤
\q2 ዓሲ ዜርሢ ቢያ ዒ ዴዴንቃኔ።
\q
\v 14 ዒዚ ፔኤኮ ካኣቱሞ ዖይታ ዴዒ
\q2 ሳዖይዳ ዓኣ ዓሶ ቢያ ዛጋኔ።
\q
\v 15 ዒዚ ቢያሢኮ ዒኖ ማዤሢኬ፤
\q2 ዔያታ ማዻ ባኮዋ ቢያ ዛጋኔ።
\b
\q
\v 16 ካኣታ ፔ ዖሎ ዓሶ ሚርጉሞና ዖሊ ባሹዋሴ፤
\q2 ዖሎና ዔርቴሢ ፔኤኮ ዼኤፖ ዎልቆና ሃይባፓ ቶሉዋሴ።
\q
\v 17 ፓራሢና ዖሊ ባሻንዳኔ ጌዒ ዎዛ ጌሥሢ ጉሪኬ፤
\q2 ዔያታ ዬያ ዎልቆና ዖናኣ ዓውሳኒ ዳንዳዑዋሴ።
\b
\q
\v 18 ናንጊና ናንጋ ጎዳ ዒዛ ዒጊጫዞንሢና
\q2 ዒዛኮ ናንጊና ናንጋ ናሹሞ ሃጋኣ ዎዛ ማሃዞንሢ ዛጋኔ።
\q
\v 19 ሃይቦይዳፓ ዒዚ ዔያቶ ዬያና ዓውሳኔ፤
\q2 ናዮ ዎዶናኣ ሼምፔና ዒዚ ዔያቶ ዓይሳኔ።
\b
\q
\v 20 ሼምፓሢ ኑኡኮ
\q2 ናንጊና ናንጋ ጎዳ ሃጊ ማዓ ዎዛ ማሂ ካፓኔ፤
\q2 ኑና ማኣዳሢና ኑኡኮ ጊቲማሢያኣ ዒዛኬ።
\q
\v 21 ዒዛኮ ዱማዼ ሱንፆ ኑ ጉሙርቃሢሮ
\q2 ዒዚ ኑና ዎዛሳኔ።
\b
\q
\v 22 ናንጊና ናንጋ ጎዳሢዮ!
\q2 ኑኡኮ ሃጊ ማዓ ዎዞ ኔና ኑ ማሄ ጎይፆና
\q ኔኤኮ ጋፑዋ ናሹማ ኑኡም ማዖንጎ።
\c 34
\s1 ዳውቴ ዓቤሜሌኬ ቤርቶ ዣኣዦ ማሊ ሙኬሢሮ ዳውሴም ዒ ጳሽካዖ ዓይናዼ ዓይኑሞ
\d ናንጊና ናንጋ ጎዳኮ ኮሹሞሮ ጋላቲንታ ጋላታ
\q
\v 1 ታኣኒ ቢያ ዎዴ ናንጊና ናንጋ ጎዳ ጋላታኔ፤
\q2 ታ ዒዛ ጋላቴ ጎይሣ ዴዓኔ። \x - \xo 34፡1 \xo*\xt 1ሳሙ. 21፡13-15።\xt*\x*
\q
\v 2 ታኣኒ ታኣኮ ጉቤ ዒናፓ ናንጊና ናንጋ ጎዳና ሄርሺንታኔ፤
\q2 ዒኖ ሼሌዞንሢ ዬያ ዋይዚ ዎዛዻኔ።
\q
\v 3 ሃኒ ሙኩዋቴ፥ ታኣና ዎላ ናንጊና ናንጋ ጎዳ ኑ ቦንቾም፤
\q2 ኑኡኒ ዎላ ሱንፆ ዒዛኮ ዼግ ዼጊዶም።
\b
\q
\v 4 ናንጊና ናንጋ ጎዳ ታና ማኣዳንዳጉዲ
\q2 ታኣኒ ኮዓዛ ዒ ታኣም ዋይዜኔ፤
\q2 ታ ዒጊጫ ባኮ ቢያይዳፓ ታና ዒ ዓውሴኔ።
\q
\v 5 ዒዛ ባንሢ ዛጋ ዓሶኮ ቢያ ዓኣፖ ካራ ፖዔኬ፤
\q2 ፔቴታዖ ቦርሲንቲ ዔያታ ቦርሲንቱዋሴ።
\q
\v 6 ሜታዺ ማኣዶ ኮዓ ዓሢ ዒላቴኔ፤
\q2 ናንጊና ናንጋ ጎዳኣ ዒዛኮ ዬያ ዋይዜኔ፤
\q2 ሜታሢዳፓኣ ቢያ ዒዛ ዓውሴኔ።
\q
\v 7 ናንጊና ናንጋ ጎዳኮ ኪኢታንቻሢ
\q2 ፆኦሲ ዒጊጫ ዓሶኮ ዓጮ ማንጊ ዔቂ ካፓኔ፤
\q2 ዔያቶኮ ኮይላ ማዒ ፑርታ ሜቶይዳፓ ዓውሳኔ።
\q
\v 8 ናንጊና ናንጋ ጎዳኮ ኮሹሞ ሂንዳ ዛጉዋቴ፤
\q2 ዒዛ ፔኤኮ ጊቲማ ማሃ ዓሳ ዓንጂንቴያኬ። \x - \xo 34፡8 \xo*\xt 1ጴፂ. 2፡3።\xt*\x*
\q
\v 9 ዒንሢ ዱማዼ ዓሳ ዒዛ ዒጊጩዋቴ፤
\q2 ናንጊና ናንጋ ጎዳ ዒጊጫ ዓሶም ፓጫ ባኣዚ ባኣሴ።
\q
\v 10 ዞባ ካራ ባይዛኒና ናይዺንታኒያ ዳንዳዓኔ፤
\q2 ናንጊና ናንጋ ጎዳ ኮዓዞንሢም ጋዓንቴ
\q2 ኮሺ ባኣዚ ፔቴታዖ ፓጫዓኬ።
\b
\q
\v 11 ታ ናይዮቴ! ሃኒ ሙኪ ዋይዙዋቴ፤
\q2 ናንጊና ናንጋ ጎዳ ዒጊጮንዶ ጎይሢ ታ ዒንሢ ዔርዛንዳኔ።
\q
\v 12 ዒንሢዳፓ ናንጊ ናንጋኒ ናሽካያና
\q2 ሚርጌ ዎዴ ኮሺ ባኣዚ ዛጋኒ ኮዓሢ ዖናዳይ?
\q
\v 13 ያዺ ማዔቴ ዻንጎ ኔኤኮ ፑርታ ባኣዚ ጌስቱዋጉዲ ዓርቄ፤
\q2 ዒንዲርዛ ኔኤኮ ሉኡዙሞ ባኣዚ ጌስቱዋጉዲ ካፔ።
\q
\v 14 ፑርታ ባኣዚዳፓ ሺኢኬ፤
\q2 ኮሺ ባኣዚ ማዼ፤
\q2 ኮሹሞ ኮዔ፥ ጊንፆማ ዒዞኮ ዓኣዼ።
\b
\q
\v 15 ናንጊና ናንጋ ጎዳሢኮ ዓኣፓ ፂሎንሢ ባንሢ ዛጋኔ፤
\q2 ዋያ ዒዛሲ ዒላቶ ዔያቶኮ ዋይዛኒ ቡሊንቴያኬ።
\q
\v 16 ሳዓፓ ዔያቶ ማሊሲ ጶቂሣ ባኣዚ ባይዛኒ
\q2 ዓኣፓ ዒዛኮ ፑርቶ ማዻዞንሢዳኬ። \x - \xo 34፡16 \xo*\xt 1ጴፂ. 3፡10-12።\xt*\x*
\q
\v 17 ፂሎ ዓሳ ዒላታዛ ናንጊና ናንጋ ጎዳ ዋይዛኔ፤
\q2 ዔያቶኮ ዓኣ ሜታስካፓ ዒ ዔያቶ ዓውሳኔ።
\q
\v 18 ናንጊና ናንጋ ጎዳ ዒኖ ሜቂ ማላዞንሢም ዑኬኬ፤
\q2 ካራ ባይቂ ማላዞንሢያ ዒ ዓውሳኔ።
\b
\q
\v 19 ፂሎ ዓሶኮ ሜታ ሚርጌኬ፤
\q2 ናንጊና ናንጋ ጎዳ ጋዓንቴ ዬያ ቢያይዳፓ ዔያቶ ዓውሳኔ።
\q
\v 20 ዔያቶኮ ሜጌፆ ቢያ ዒ ካፓሢሮ
\q2 ዬያቶይዳፓ ፔቴ ሜጌሢታዖ ሜቁዋሴ። \x - \xo 34፡20 \xo*\xt ዮሃ. 19፡39።\xt*\x*
\q
\v 21 ፑርቶ ማዻ ዓሶ ፑርቱማ ዎዻኔ፤
\q2 ኮዦ ዓሶ ዒፃ ዓሳ ሜቶ ዛጋንዳኔ።
\b
\q
\v 22 ናንጊና ናንጋ ጎዳ ዒዛም ማዻዞንሢኮ ሼምፓሢ ዓውሳንዳኔ፤
\q2 ዒዛ ጉሙርቃ ዓሶ ፑርታ ባኣዚ ሄላዓኬ።
\c 35
\s1 ዳውቴ ዓይኑሞ
\d ሜታዼ ዓሲ ሺኢቄ ሺኢጲሢ
\q
\v 1 ናንጊና ናንጋ ጎዳሢዮ! ታና ዒፂ ማካ ዓሶ ኔ ማኬ፤
\q2 ታና ዖላ ዓሶዋ ኔኤኒ ዖሌ።
\q
\v 2 ኔኤኮ ዖሎ ዓንጋሞንታ ጊቲሞንታ ዓርቄ፤
\q2 ሙኪያ ታና ማኣዴ።
\q
\v 3 ዒፂ ታና ዳውሳ ዓሶም
\q ኔኤኮ ዎርፆንታ ጬንቾ ዓፓሮንታ ቱጊ
\q2 «ታኣኒ ኔና ዓውሳሢኬ» ጌዒ ጎናሲ ኬኤዜ።
\b
\q
\v 4 ታና ዎዻኒ ኮዓዞንሢም ቢያ
\q2 ቦርሲንቲና ዻውሲንቲና ማዖንጎ!
\q ታኣም ፑርታ ማዻኒ ዎሊና ዞርታዞንሢ ቢያ
\q2 ዻውሲንቲ ጊንሢም ማዖንጎ!
\q
\v 5 ናንጊና ናንጋ ጎዳኮ ኪኢታንቻ ዔያቶ ዳውሳኣና
\q2 ዢባሬ ፒፂ ዔኪ ዓኣዻ ዱባጉዲ ዔያታ ማዖንጎ!
\q
\v 6 ናንጊና ናንጋ ጎዳኮ ኪኢታንቻ ዔያቶ ዳውሳኣና
\q2 ጎይፃ ዔያቶሲ ዹሜያና ሃሊፃያና ማዖንጎ!
\b
\q
\v 7 ታኣኒ ዔኤቢ ፑርቲሴ ባኣዚ ባኣንቴ
\q2 ፒሮ ዔያታ ታኣም ዓኣቺ ፒሬኔ፤
\q2 ታና ሎንሣኒ ዔቴያ ቦኦኬኔ።
\q
\v 8 ዔያታ ማሊባኣ ባይሲንታ ዔያቶ ሄሎም፤
\q2 ዔያታ ዓኣቼ ፒራሢ ዔያቶ ዓርቆም፤
\q2 ዔያታ ቦኦኬ ዔቶይዳ ፔኤሮ ሎኦሞንጎ!
\b
\q
\v 9 ሼምፔላ ታኣኮ ናንጊና ናንጋ ጎዳሢና ዎዛዻኔ፤
\q2 ዒዚ ዓውሴሢሮ ሚርጌና ዎዛዻኔ።
\q
\v 10 ናንጊና ናንጋ ጎዳሢዮ! ኔኤኒ ማዤ ታኣኮ ዑፃ፦
\q2 «ሄርቂንቲ ዎርቃ ዓሶ ሄርቃ ዓሶይዳፓ ዓውሳያ
\q2 ማንቆ ዓሶንታ ሜታዻ ዓሶንታ ቡራ ዓሶይዳፓ ካፓያ
\q2 ኔጉዴያ ዖኦኒ ዓኣይ?» ጋዓኔ።
\b
\q
\v 11 ፑርቶ ዓሳ
\q2 ታኣኒ ማዺባኣ ዻቢንቲሮ ዎጌና ታና ዓይሢሴኔ፤
\q2 ታኣኒ ዔሩዋ ባኣዚ ሉኡዙሞና ታ ዑፃ ማርካዼኔ።
\q
\v 12 ታኣኒ ኮሺ ማዼሢ ዛሎ ፑርታ ታኣም ዔያታ ማሄኔ፤
\q2 ታና ታኣሮ ሌሊ ማሂ ዔያታ ሃሼኔ።
\q
\v 13 ታኣኒ ጋዓንቴ ዔያታ ሃርጊንቴ ዎዶና ሲዬ ፓቲሌ ማይንቴኔ፤
\q2 ታኣኮ ዑፆዋ ሙዖ ሃሾ ዳምቦና ታ ዖኦፒሴኔ፤
\q2 ታኣኒ ሺኢቄ ሺኢጲፃ ዋይዚንቱዋያ ማዒ ዓቴኔ።
\q
\v 14 ታኣኒ ዖዬ ዖዪፃ
\q2 ታኣኮ ላጌም ጊንሣ ሃሣ ጌርሲም ዖያያጉዲኬ፤
\q ዒንዳ ሃይቄ ዓሲ ዖያሢጉዲ
\q2 ታኣኒ ሱሊ ዴዒ ዬኤኬኔ።
\b
\q
\v 15 ታኣኒ ዹቂንቴ ዎዶና ዔያታ ዎዛና ቡኬኔ፤
\q2 ታኣኒ ዔሩዋ ጌኔ ማዻ ዓሲ ሙኪ
\q2 ታና ሚኢጫዖ ጋፒ ዒፄኔ።
\q
\v 16 ፑርቶ ማዻ ዓሳ ማዻ ጎይፆ
\q2 ፑርቱሞና ታና ሚኢጪ
\q2 ሃኣሚያ ታኣም ዔያታ ዻዔኔ።
\b
\q
\v 17 ናንጊና ናንጋ ጎዳሢዮ!
\q2 ዎማ ሄላንዳኣና ዚቲዮ ጌይ ኔ ታና ዛጋይ?
\q ዔያቶኮ ፑርቶ ማዻፓ ታና ዓውሴ፤
\q2 ሃንሢ ዞቦጉዲ ቂኢሮንሢዳፓ ኔ ታና ካፔ!
\q
\v 18 ሚርጌ ቡኬ ኔ ዴሮ ባኣካ ታኣኒ ኔና ጋላታንዳኔ፤
\q2 ዬያ ቡኬ ዓሶ ቤርታ ታ ኔና ቦንቻንዳኔ።
\b
\q
\v 19 ዔኤቢ ማዺንቴ ባኣዚ ባኣንቴ ታና ዒፃ ታ ሞርካ
\q2 ታ ሜቶ ዛጊ ዎዛዻንዳጉዲ ማሂፖ፤
\q2 ዔያታ ታና ዓኣፒ ዎዺ ዓማሊ ሺራንዳጉዲ ሃሺፖ። \x - \xo 35፡19 \xo*\xt ዓይኑ. 69፡4፤ ዮሃ. 15፡25።\xt*\x*
\b
\q
\v 20 ዔያታ ጌስታ ጌኤዛ ሞርኬ ጌስታንዳ ጌኤሲኬ፤
\q2 ኮሺ ዓሲ ዑስካ ጌኔ ማሊሢ ማሊ ዔያታ ቱካኔ።
\q
\v 21 «ሂዮ! ቃራ!
\q2 ኑኡኒ ኑ ቶኦኪና ኔ ማዼሢ ዛጌኔ!»
\q2 ጌዒ ጌዒ ዒላቲና ቶኦኪ ዔያታ ታኣኮ ባይዜኔ።
\q
\v 22 ናንጊና ናንጋ ጎዳሢዮ!
\q2 ኔኤኒ ዬያ ዛጌኔ፤
\q ዬያሮ ናንጊና ናንጋ ጎዳሢዮ!
\q2 ኔኤኒ ዚቲዮ ጌዒፖ! ታ ኮራፓኣ ሃኪፖ!
\q
\v 23 ታኣኮ ናንጊና ናንጋ ጎዳ ማዔ ፆኦዛሢዮ!
\q2 ታ ዛሎ ኔኤኒ ሞኦቲንቴ፤
\q2 ዎጊያ ታኣም ዎጌ።
\q
\v 24 ናንጊና ናንጋ ጎዳ ማዔ ታ ፆኦዛሢዮ!
\q2 ኔኤኮ ፂሉሞጉዴያ
\q2 ጎኑሞና ታኣም ዎጌ፤
\q2 ታ ሞርካ ታ ሜቶና ዎዛዻንዳጉዲ ማሂፖ።
\q
\v 25 «ሂዮ! ቃራ! ኑ ማሊፆጉዲ ማዔኔ!» ጌዒ ዔያታ ማላንዳጉዲ
\q2 ጊንሣ ሃሣ «ኑኡኒ ዒዛ ባሼያንቴ!» ኔኤኒ ዔያቶ ጌይሲፖ።
\b
\q
\v 26 ታና ሄሌ ሜታሢና ዎዛዺ ቶኦቺሢና ዛጋ ዓሳ ቢያ
\q2 ቦርሲንቶንጎ፥ ዔርቶ ዒፂ ካራ ዔያቶም ባይቆንጎ፤
\q ታ ዑፃ ፔና ዼግ ዼጊዳዞንሢ ቢያ
\q2 ቦርሲንቲ ዻውሲንቶንጎ።
\b
\q
\v 27 ታኣኮ ባሺፃ ዎዛሳ ዓሳ ቢያ ዎዛዾንጎ፤
\q2 «ናንጊና ናንጋ ጎዳ ዼኤፒኬ!
\q2 ዒዛም ማዻ ዓይላሢም ዔባ ቢያ ጊኢጋዛ
\q2 ናንጊና ናንጋ ጎዳኣ ዎዎዛሳኔ!» ጎዖንጎ።
\q
\v 28 ታኣኮ ዻንጋ ሮኦሮ ጉቤ
\q2 ኔኤኮ ፂሉሞና ጋላቶና ዛላ ኬኤዛኔ።
\c 36
\s1 ዓይኑሞ ሱኡጋሢ ዓይሣ ጎይፆና ዓይናዺንታ ፆኦሲ ዓይላሢ ዳውቴ ዓይኑሞ
\d ጎሞ ዓሶኮ ፑርቱሞና ፆኦሲኮዋ ኮሹሞ
\q
\v 1 ፑርታ ባኣዚ ማዻ ዓሲ ፔ ዒኖና ዬያ ፑርቱሞ ማላኔ፤
\q2 ፆኦሲ ዒጊጩዋሴ፥ ቦንቺያ ቦንቹዋሴ። \x - \xo 36፡1 \xo*\xt ሮሜ 3፡18።\xt*\x*
\q
\v 2 ፑርቶ ማዻ ዓሢ ዒዛኮ ፑርቱማ ሳልማሳሢሮ
\q2 ፔኤኮ ጎሞ ዛጋኒታቴያ ዒፃኒ ኮዑዋሴ።
\q
\v 3 ጌኤዛ ዒዛኮ ጌኔ ማሊሢና ሉኡዙሞና ኩሜያኬ፤
\q2 ማሊ ጶቂሥሢና ኮሺ ባኣዚ ማዺሢያ ዒዛ ባሼኔ።
\q
\v 4 ላሄ ቤዛ ዓኣዖ ጌኔ ባኣዚ ማሊ ቱካኔ፤
\q2 ፔና ዒ ፑርታ ጎይሢ ዔኪ ዓኣዻኔ፤
\q2 ፑርቱሞ ባኮዋ ፔ ኮራፓ ሃኪሱዋሴ።
\q
\v 5 ናንጊና ናንጋ ጎዳሢዮ!
\q2 ኔኤኮ ናንጊና ናንጋ ናሹማ ጫሪንጮ
\q2 ጎኑማኣ ኔኤኮ ሻኣሮ ዴንዲ ሄላኔ።
\q
\v 6 ናንጊና ናንጋ ጎዳሢዮ!
\q2 ዓሶንታ ቆልሞንታ ሜቶይዳፓ ኔኤኒ ዓውሳኔ፤
\q ፂሉማ ኔኤሲ ዓዳ ዹኮጉዲ ኮሺ ዼግ ጌዔያኬ፤
\q2 ኔኤኮ ዎጋ ባዚ ዔታዻጉዲ ዔታዻያኬ።
\q
\v 7 ፆኦዛሢዮ!
\q2 ኔኤኮ ናንጊና ናንጋ ናሹማ ዎዚ ቦንቺንታያዳይ!
\q2 ዓሶ ኔኤኒ ካፓሢሮ ኔ ዴማ ካፒንቲ ዴዓኔ።
\q
\v 8 ኔ ማኣራ ጊዲ ዑሣ ዓኣዻ ሙኡዚ ዔያታ ሙዓኔ፤
\q2 ኔኤኮ ዎዛሳ ዎራፓ ዋኣፆ ዔያቶ ኔ ዑሻኔ።
\q
\v 9 ኔኤኒ ናንጊኮ ቢያ ዓልቃ ካራኬ፤
\q2 ኔኤኮ ፖዓ ፖዓሢሮ ኑ ዛጋኔ።
\b
\q
\v 10 ኔና ዔራዞንሢም ናንጊና ናንጋ ናሹማ ኔኤኮ ጋፖፓ፤
\q2 ዓውሲፃኣ ኔኤኮ ዒኖ ፒዜዞንሢም ጋፑዋያ ማዖንጎ።
\q
\v 11 ዖቶርቃ ዓሶኮ ቶካ ታና ሄርቃንዳጉዲ
\q2 ፑርቶ ማዻ ዓሳ ዎልቃዺ ታና ዳውሳንዳጉዲ
\q2 ታና ሃሺፖ።
\b
\q
\v 12 ፑርቶ ማዻ ዓሳ ዎማይዲ ሎኦሚ ላሄቴያ ዛጌ!
\q2 ዔያታ ኬኤሪንቴኔ፥ ዔቃኒያ ያፓ ዳንዳዑዋሴ።
\c 37
\s1 ዳውቴ ዓይኑሞ
\d ፑርቶ ዓሶንታ ኮዦ ዓሶዋ ካፒ ዓኣ ባኣዚ
\q
\v 1 ፑርቶ ማዻ ዓሶ ዛጊ ዻጋዺፖ፤
\q2 ጎሞ ማዻ ዓሶሲ ዛጊ «ዔያቶም ዬይ ዓይጋ ማዔይ!» ጌይ ማሊፖ።
\q
\v 2 ዔያታ ማኣቲጉዲ ዑኬና ሜላንዳኔ፤
\q2 ዋላሺጉዲያኣ ሹሊ ዲኢናንዳኔ።
\b
\q
\v 3 ናንጊና ናንጋ ጎዳ ጉሙርቂ ኮሺ ባኣዚ ማዼ፤
\q2 ዓጮይዳ ኮሺና ኔኤኒ ናንጋንዳኔ።
\q
\v 4 ናንጊና ናንጋ ጎዳና ዎዛዼ፤
\q2 ዒዚያ ኔኤኮ ዒና ኮዓ ባኮ ዒንጋንዳኔ።
\b
\q
\v 5 ዒዚ ኔና ዔኪ ዓኣዻንዳጉዲ
\q2 ናንጊና ናንጋ ጎዳም ሃዳርሲ ኔና ዒንጌ፤
\q2 ዒዛ ጉሙርቄ፥ ዒዚ ኔና ማኣዳንዳኔ።
\q
\v 6 ዒዚ ፂሉሞ ኔኤኮ ፖዒጉዲ
\q2 ኔኤም ዎጊንታ ዎጎዋ
\q2 ዓቢ ዹኡሲጉዲ ፖዒሳንዳኔ።
\b
\q
\v 7 ጊቢ ዳንዳዒሢና ዶዲ
\q2 ናንጊና ናንጋ ጎዳ ማዻ ባኮ ዛጋኒ ካፔ፤
\q2 ሜሌ ዓሶኮ ፑርቶ ማሊፃ ዔያቶም ጊኢጌያ ማዔቴያ ሮኦጋዺፖ።
\b
\q
\v 8 ዻጋ ፑርታ ባኣዚዳ ሄሊሳሢሮ
\q2 ዻጋይዳፓ ኔና ማሄ፥ ሮኦጋዺሢዳፓኣ ካፒንቴ።
\q
\v 9 ፑርቶ ማዻ ዓሳ ዎዺንታንዳኔ፤
\q2 ናንጊና ናንጋ ጎዳ ጉሙርቃዞንሢ ጋዓንቴ ሳዖ ዔካንዳኔ።
\b
\q
\v 10 ዻካ ዎዴም ማዓንዳፓዓቴም
\q2 ፑርቶ ማዻ ዓሳ ሩኡሪና ባይቃንዳኔ፤
\q2 ኔኤኒ ዔያቶ ኮዔያታቴያ ዴንቃዓኬ።
\q
\v 11 ዒኖ ሼሌዔዞንሢ ዓጮ ዔካንዳኔ፤
\q2 ዖርጎቹሞና ኮሹሞና ዴንቂ ዔያታ ዎዛዻንዳኔ። \x - \xo 37፡11 \xo*\xt ማቲ. 5፡5።\xt*\x*
\b
\q
\v 12 ፑርቶ ማዻ ዓሢ ኮዣሢ ባይዛኒ
\q2 ሜሌ ዓሶ ፑርቱሞና ዒዛ ዑፃ ዔቂሳኔ፤
\q2 ዒዛ ዒፂሢና ሃኣሚ ዻዓኔ።
\q
\v 13 ፑርቶ ማዻ ዓሳ ባይቃንዳ ኬላ ዑኬሢ ዔራሢሮ
\q2 ናንጊና ናንጋ ጎዳ ዔያቶ ሚኢጫኔ።
\b
\q
\v 14 ፑርቶ ማዻ ዓሳ
\q2 ማንቆ ዓሶንታ ሜታዻ ዓሶዋ ዎዻኒ
\q2 ኮዦ ማዾ ማዻዞንሢያ ሹካኒ
\q2 ፔኤኮ ጬንቾ ዓፓሮ ቱጋኔ፤
\q2 ሂኢዦዋ ፔኤኮ ጊኢጊሻኔ።
\q
\v 15 ጋዓንቴ ዔያቶኮ ጬንቾ ዓፓራ
\q2 ዔያቶ ሳዞ ማዒ ጫርጋንዳኔ፤
\q2 ሂኢዣኣ ዔያቶሲ ሜቃንዳኔ።
\b
\q
\v 16 ፑርታ ማዻ ዓሲኮ ሚርጌ ቆሎይዳፓ
\q2 ኮሺ ዓሲኮ ዻኮ ቆሎንሢ ባሼኬ።
\q
\v 17 ፑርቶ ማዻ ዓሶኮ ቃሳ ሜቃንዳኔ፤
\q2 ፂሎ ዓሶ ጋዓንቴ ናንጊና ናንጋ ጎዳ ዶዲሻንዳኔ።
\b
\q
\v 18 ናንጊና ናንጋ ጎዳ ፂሎ ዓሳ ናንጋንዳ ዎዶ ዔዔራኔ፤
\q2 ዴና ዔያቶሲ ዔያቶም ማዒ ቢያ ዎዴ ናንጋንዳኔ።
\q
\v 19 ፑርታ ኬሊ ሙኬቴ ሜታ ዔያቶ ሄላዓኬ፤
\q2 ሉማሢ ዎዶና ሙኡዚ ዴንቂ ዔያታ ሚሽካንዳኔ።
\q
\v 20 ፑርቶ ማዻ ዓሳ ጋዓንቴ ባይቃንዳኔ፤
\q2 ናንጊና ናንጋ ጎዳኮ ሞርካ ቡኒጉዲ ዲኢናንዳኔ፤
\q2 ዓዳ ጩቢ ባይቃሢጉዲ ዓኣፓፓ ባይቃንዳኔ።
\b
\q
\v 21 ጎሜ ማዻ ዓሲ ዓሲዳፓ ታታልዓኔ፤
\q2 ጋዓንቴ ማሂ ዬያ ጪጉዋሴ፤
\q2 ፂሎ ዓሲ ጋዓንቴ ሚጪንታኔ፤
\q2 ማሂያኣ ዒንጋኔ።
\b
\q
\v 22 ናንጊና ናንጋ ጎዳ ዓንጄ ዓሳ ሳዖ ዔካንዳኔ፤
\q2 ዒዚ ጋዳንቄ ዓሳ ጋዓንቴ ባይቃንዳኔ።
\q
\v 23 ዓሲኮ ናንጊ ናንጊና ናንጋ ጎዳ ዎዛሳያ ማዔቴ
\q2 ዒዚ ዬያ ዓሢኮ ናንጋ ፒዜ ማዒፆ ጎናሳኔ።
\q
\v 24 ዬይ ዓሢ ዹቂንቴቴያ ሎኦማዓኬ፤
\q2 ናንጊና ናንጋ ጎዳ ፔ ኩጮና ኬኤሊንቂ ዒዛ ዓርቃንዳኔ።
\b
\q
\v 25 ዼጋቶይዳፓ ጋርቻንዳያ ሄላንዳኣና ታ ናንጌኔ፤
\q2 ዬያይዳ ናንጊና ናንጋ ጎዳ ኮሺ ዓሲ ሃሼም
\q2 ናኣታ ዒዛኮ ሙኡዚ ባይዚ ሺኢቃንቴ
\q2 ፔቴታዖ ታኣኒ ዛጊባኣሴ።
\q
\v 26 ኮሺ ዓሲ ቢያ ዎዴና ዓሲም ዔኤቢ ጉሪ ዒዒንጋኔ፤
\q2 ዒዛኮ ናኣታኣ ዓንጂንቴያ ማዓንዳኔ።
\b
\q
\v 27 ፑርታ ማዾፓ ሃኬ፥ ኮሺ ባኣዚ ማዼ፤
\q2 ናንጊና ኔኤኒ ናንጋንዳኔ።
\q
\v 28 ናንጊና ናንጋ ጎዳ ፒዜ ዎጌ ናሽካኔ፤
\q2 ዒዛም ጉሙርቂንታዞንሢ ዒ ሃሹዋሴ፤
\q ናንጊና ዔያቶ ዒ ካፓኔ፤
\q2 ፑርቶ ማዻ ዓሶኮ ዜርፃ ጋዓንቴ ባይቃንዳኔ።
\q
\v 29 ሳዓ ፂሎ ዓሶም ዓታንዳኔ፤
\q2 ዒዞይዳ ዔያታ ናንጊና ናንጋንዳኔ።
\b
\q
\v 30 ፂሎ ዓሲ ፔ ዻንጋፓ ዔራቶ ኬሳኔ፤
\q2 ዒንዲርዛ ዒዛኮ ፒዙሞ ጌስታኔ።
\b
\q
\v 31 ዒዛ ፆኦዛሢኮ ዎጋ ዒዛኮ ዒናኣኬ፤
\q2 ቶካ ዒዛኮ ቡኡዲንቱዋሴ።
\q
\v 32 ፑርታ ማዻ ዓሲ ፂላሢ ካታኔ፤
\q2 ዎዻኒያ ዒዛ ዒ ኮዓኔ።
\q
\v 33 ናንጊና ናንጋ ጎዳ ጋዓንቴ
\q2 ዒዛኮ ሞርኮም ዓኣሢ ዒንጊንዱዋሴ፤
\q2 ዓሲ ቡካ ቤዞይዳ ሞኦቶና ዓሳ ዒዛ ላሢንዱዋሴ።
\b
\q
\v 34 ናንጊና ናንጋ ጎዳኮ ማኣሮ ካራ ዴዔ፤
\q2 ጎይፆዋ ዒዛሲ ካፔ፤
\q2 ዒዚ ሳዖ ኔኤም ዻካልሲ ኔና ቦንቺሳንዳኔ፤
\q2 ፑርቶ ዓሳ ባይቃንቴ ኔ ዛጋንዳኔ።
\b
\q
\v 35 ፑርታ ማዻያና ቂኢሮ ዓሲስኬይ
\q2 ዓዳ ሊባኖኦሴ ሚፆጉዲ ዋርቂ ዓኣንቴ ታ ዛጌኔ፤
\q
\v 36 ጊንሣ ሃሣ ሜሌ ዓቢና ዒኢና ታ ዓኣዻንቴ
\q2 ዒኢካ ዬይ ሚፃሢ ባኣሴ፤
\q2 ኮዒያ ታ ዒዛ ዴንቂባኣሴ።
\b
\q
\v 37 ኮሺ ማዔ ዓሢና ፒዜ ማዔሢያ ዒናፓ ዛጌ፤
\q2 ኮሺ ማዔ ዓሲኮ ሃጊ ማዓ ዎዛ ዓኣኔ።
\q
\v 38 ጎሞ ማዻ ዓሳ ጋዓንቴ ጋፒ ሃይቃንዳኔ፤
\q2 ዜርፃኣ ዔያቶሲ ባይቃንዳኔ።
\b
\q
\v 39 ፂሎ ዓሲኮ ዻቂንታ ሙካንዳሢ ናንጊና ናንጋ ጎዳፓኬ፤
\q2 ሜታሢ ዎዶና ፑኖ ካያሢ ዔያቶኮ ዒዛኬ።
\q
\v 40 ናንጊና ናንጋ ጎዳ ዔያቶ ማኣዳኔ፥ ዓውሲያ ዓውሳኔ፤
\q2 ፑርቶ ማዻ ዓሶ ኩጫፓ ዔያቶ ዒ ኬሳንዳኔ፤
\q2 ዔያታ ዒዛ ፔኤኮ ፑኖ ካያሢ ማሄሢሮ
\q2 ዒዚ ዔያቶ ዓውሳንዳኔ።
\c 38
\s1 ዓይሁዶኮ ሃውሾ ኬሎ ማሊ ጶቂሢ ዓይናዾ ዳውቴ ዓይኑሞ
\d ሜቶ ዎዴና ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ! ኔ ዻጎና ታና ጎሪፖ፤
\q2 ኔኤኮ ዼኤፖ ዻጎና ታጊዳ ሜቶ ዓጊፖ።
\q
\v 2 ኔ ሂኢዦና ኔ ታና ዱኬኔ፤
\q2 ኔኤኮ ዶዶ ኩጮና ኔ ታና ጳርቄኔ።
\b
\q
\v 3 ኔኤኒ ጎሪንቴሢሮ ዑፃ ታኣኮ ኮሺቱዋሴ።
\q2 ታ ጎማፓ ዔቄያና ዒቢሊ ታኣኮ ባኣሴ።
\q
\v 4 ዻቢንታ ታኣሲ ታና ዴኤፃያኬ፤
\q2 ዬይ ታኣኒ ኬዳኒ ዳንዳዓሢፓ ዑሣኬ።
\b
\q
\v 5 ታኣኮ ዔኤያቶና ታ ማዼ ዻቢንቶሮ
\q2 ኪፃ ታኣኮ ጊኢሽኪ ዛዓኔ።
\q
\v 6 ታኣኒ ጊኢራፓ ዎቤኔ፥ ሚርጌና ታ ኩንቲ ሃንቴኔ፤
\q2 ኬሎ ቢያ ዖዪሢና ታ ፔኤቄኔ።
\q
\v 7 ጊኢራ ታኣኮ ታሚጉዲ ዔኤቴኔ፤
\q2 ዑስካኣ ታኣኮ ኮሽኩዋሴ።
\q
\v 8 ሚርጌና ታ ላቤኔ፥ ጋፒ ታኣኒ ሺኢቴኔ፤
\q2 ዒና ታኣኮ ሜታዼያታሢሮ ታ ዚኢሊንታኔ።
\b
\q
\v 9 ናንጊና ናንጋ ታ ጎዳሢዮ! ታኣኒ ኮዓ ባኮ ቢያ ኔ ዔራኔ፤
\q2 ታኣኮ ዚኢሊንቲፃ ኔኤም ዓኣሺንቴያቱዋሴ።
\q
\v 10 ሳዛ ታኣኮ ዑኮ ዑኮ ዹዓኔ፥ ቆሳኣ ታኣኮ ጌላኔ፤
\q2 ዓኣፓ ታኣኮ ዛጎ ዒፄኔ።
\q
\v 11 ታኣኮ ዒጊኖንታ ላጎንታ ኪፆ ታኣኮ ሻኣኪንቴኔ፤
\q2 ታ ዒጊና ታ ኮራፓ ሃኬኔ።
\q
\v 12 ታ ሼምፓሢ ባይዛኒ ኮዓዞንሢ ፒሮ ታኣም ፒራኔ፤
\q2 ፑርታና ታና ሜታሳኒ ማላዞንሢያ ባይዛኒ ታኣም ዚርቃኔ፤
\q2 ሮኦሮ ጉቤ ታና ባይዛኒ ጌኔ ማሊሢ ሱካኔ።
\b
\q
\v 13 ታኣኒ ዋይዚ ባይቄያ
\q2 ጌስታኒያ ዳንዳዑዋያ
\q2 ዻንጋ ባይቄ ዓሲጉዲኬ።
\q
\v 14 ጎኔና ዋይዚ ባይቄ ዓሲና
\q2 ዻንጋ ቡሊንቲ ጌስቱዋ ዓሲጉዲ ታ ማዔኔ።
\b
\q
\v 15 ናንጊና ናንጋ ጎዳሢዮ! ኔና ታ ጉሙርቃኔ፤
\q2 ናንጊና ናንጋ ጎዳ ማዔ ታ ፆኦዛሢዮ! ኔ ታኣም ማሂ ኬኤዛንዳኔ።
\q
\v 16 «ሞርካ ታኣኮ ቶኦቺ ታና ዛጋንዳጉዲና
\q2 ቶካ ታኣኮ ሃሊፄም ፔና ዔያታ ጎኦቢሣንዳጉዲ ማዺፖ!»
\q ጌዒ ታ ኔና ሺኢቃኔ።
\q
\v 17 ሎኦማኒ ታ ዑኬኔ፤
\q2 ታኣኮ ዋኣዪፆይዳፓ ፔቴታዖ ታ ኬስኪባኣሴ።
\b
\q
\v 18 ዻቢንቶ ታኣኮ ታ ቡኡፃኔ፤
\q2 ጎማ ታኣኮ ታና ሜታሴኔ።
\q
\v 19 ታኣኮ ዶዶ ሞርካ ሚርጌኬ፤
\q2 ታ ዔኤቢ ዎኦቲባኣንቴ ታና ዒፃዞንሢኮ ፓይዲ ባኣሴ።
\q
\v 20 ታኣኒ ኮሺ ማዾ ማዼሢሮ
\q2 ዬያ ኮዦ ማዾ ዛሎ ፑርታ ታኣም ማዺ ማሃ ዓሳ
\q2 ታኣኮ ሞርኬ ማዒ ዔቄኔ።
\b
\q
\v 21 ናንጊና ናንጋ ጎዳሢዮ! ታና ሃሺፖ፤
\q2 ታ ፆኦዛሢዮ! ታ ኮራፓ ሃኪፖ።
\q
\v 22 ታ ዼኤሻሢ ማዔ ናንጊና ናንጋ ጎዳሢዮ!
\q2 ታና ዑካዺ ማኣዴ።
\c 39
\s1 ዓይኑሞ ሱኡጋሢ ዓይሣ ጎይፆና ዔዶታሜ ዛሎ ዓይናዺንቴ ዳውቴ ዓይኑሞ
\d ዓሲ ሜታ ሄላዛ ዔልቃሚጉዲ ሺኢቃ ሺኢጲሢ
\q
\v 1 ታኣኒ፦ «ታ ማዾንታ ዒንዲርዞዋ ጎሜፓ ካፓንዳኔ፤
\q2 ፑርቶ ማዻ ዓሳ ታ ኮራ ዓኣ ዎዶና ዻንጎ ታኣኮ ታ ቢፃልቃንዳኔ»
\q ጌዒ ታ ጫኣቄኔ።
\q
\v 2 ዻንጋ ባይቄ ዓሲጉዲ ዚቲ ታ ጌዔኔ፤
\q2 ኮሺ ባኣዚ ጌስታኒታዖ ዻንጎ ታኣሲ ታ ዓርቄኔ፤
\q2 ዬይ ያዺ ማዔታቴያ ሜታሢ ታኣኮ ሃቺም ሚርጌኔ።
\q
\v 3 ዒና ታኣኮ ጋራ ዖይዼኔ፤
\q2 ማሊፆ ታ ማሌሢሮ ዬይ ታማ ዔኤቴኔ፤
\q2 ዬካፓ ዻንጎ ቡሊ ሂዚ ጌይ ታ ኬኤዜኔ፦
\q
\v 4 «ናንጊና ናንጋ ጎዳሢዮ!
\q2 ናንጎኮ ታኣኮ ጋፒንፆ ሌዖኮዋ ፓይዶ ታና ዔርዜ፤
\q2 ታኣኒ ዓኣዻያና ባይቃያ ማዔሢ ታ ዔሮም።»
\b
\q
\v 5 «ሃይሾ ታኣኒ ናንጋንዳ ዎዶ ኬኤላና ዋርቂ ኔ ዛጊ ሃሼኔ፤
\q2 ታኣኒ ናንጋ ሌዓ ኔ ቤርታ ዔኤቢ ማዒ ፓይዲንቱዋሴ፤
\q2 ጎኔና ዓሲኮ ናንጊ ቢያ ዓዳ ሱኡሌጉዴያኬ።
\q
\v 6 ዓሲ ናንጊ ሺቢዳፓ ዱማቱዋሴ፤
\q2 ጉሪ ላቢንታኔ፥ ቆሎዋ ቡኩሳኔ፤
\q2 ጋዓንቴ ዬይ ቆላ ዖኦም ማዓንዳቴያ ዔሩዋሴ።»
\b
\q
\v 7 «ናንጊና ናንጋ ጎዳሢዮ!
\q2 ሂዴቴ ታኣኮ ሃጊ ማዓ ዎዛሢ ዖናዳይ?
\q2 ናንጊና ናንጋ ጎዳቱዋዓዳ?
\q
\v 8 ታኣኮ ጎማፓ ቢያ ታና ዓውሴ፤
\q2 ዔቦ ዔሩዋ ዓሶም ሚኢቺ ታና ማሂፖ።
\q
\v 9 ሃያ ቢያ ማዼሢ ኔናታሢሮ
\q2 ታኣኒ ዚቲዮ ጋዓንዳኔ፤
\q2 ዻንጎዋ ታኣኮ ታ ቡላዓኬ።
\q
\v 10 ቃሶ ኔኤኮ ታ ዑፃፓ ዔቂሴ፤
\q2 ኩጫ ኔኤኮ ታና ጳርቄሢሮ ሚርጌና ታ ላቤኔ።
\q
\v 11 ዓሶ ዔያቶኮ ጎሞ ዛሎሮ ሜታሳኒ፥ ኔ ዔያቶ ጎራኔ፤
\q2 ቆሎዋ ኔ ዔያቶኮ ቢሎና ባይዛኔ፤
\q2 ጎኔና ዓሲኮ ናንጊ ሱኡሌይዳፓ ባሼቱዋሴ።»
\b
\q
\v 12 «ናንጊና ናንጋ ጎዳሢዮ!
\q2 ሺኢጲፆ ታኣኮ ዋይዜ፥ ዒላቶዋ ዔኬ፤
\q2 ታ ዬኤካኣና ዑኬና ታና ማኣዴ፤
\q2 ዻካ ዎዴም ታ ኔኤኮ ሾኦቺኬ፤
\q ታኣኒ ታኣኮ ቤርታኣ ዓዶንሢጉዲ ቤሲባኣያ ማዒ ናንጌያኬ።
\q
\v 13 ሃይቂ ታኣኒ ማዑዋ ቤዞ ዓኣዻንዳሢኮ ቤርታ
\q2 ሃዳራ ታ ዎዛዻንዳጉዲ ዻካ ታኣም ጌዔቴራ።»
\c 40
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ጋላታ ዓይኑሞ
\q
\v 1 ናንጊና ናንጋ ጎዳ ታና ማኣዳንዳጉዲ ጊቢ ዳንዳዒ ታ ካፔኔ፤
\q2 ዒዚያ ታ ባንሢ ሺሪ፥ ሺኢጲፆ ታኣኮ ዋይዜኔ።
\q
\v 2 ዓጊፃ ጫሬና ቶኦጶ ማዔ
\q2 ሃሊፃ ዔታፓ ዒ ታና ኬሴኔ፤
\q2 ቶኮ ታኣኮ ላሎ ሹጮ ዑፃ ዔቂሲ
\q2 ዶዲ ታ ዔቃንዳ ቤሲ ዒ ታኣም ዒንጌኔ።
\q
\v 3 ታ ዻንጎይዳ ዓኪ ዓይኑሞ
\q2 ኑ ፆኦዛሢም ጋላታ ዓይኑሞ ታኣም ዒ ዒንጌኔ፤
\q ዬያ ሚርጌ ዓሳ ዒጊጪ ዛጊ
\q2 ናንጊና ናንጋ ጎዳ ጉሙርቃንዳኔ።
\b
\q
\v 4 ናንጊና ናንጋ ጎዳ ሌሊ ጉሙርቃዞንሢ
\q2 ሜሌ ፆኦዞ ካኣሽኪሮ ሺሩዋዞንሢ
\q2 ዬያ ሜሌ ፆኦዞ ጊንፆ ሃንታ
\q2 ዋይዞ ዒፃ ዓሶና ዎላ ፔቴ ማዑዋዞንሢ ዓንጂንቴያኬ።
\q
\v 5 ናንጊና ናንጋ ጎዳ ማዔ ታ ፆኦዛሢዮ!
\q2 ኔኤኒ ሚርጌና ዲቃሢ ሄርሺሳ ባኣዚ ኑም ማዼኔ፤
\q2 ዖኦኒያ ኔኤና ቤቃይ ባኣሴ፤
\q2 ኔኤኒ ኑም ማሌ ኮዦ ባኮ
\q2 ዖኦኒያ ፓይዲ ዔራኒ ዳንዳዑዋሴ፤
\q ኬኤዛኒና ሃይሳዻኒ ታ ዓርቄታቴያ
\q2 ፓይዳ ታኣም ዔርቱዋያ ማዓንዳኔ።
\b
\q
\v 6 ኔኤኒ ሚቺ ዒንጎ ዒንጊፆንታ ሜሌ ዒንጊፆዋ ኮዑዋሴ፤
\q2 ቆልማ ሚቺ ዒንጎ ቤዞይዳ ሚቺንታንዳጉዲ
\q2 ጊንሣ ሃሣ ጎሞ ጌኤሻኒ ዒንጊንታ ዒንጊፃኣ
\q2 ኔኤም ዒንጊንታንዳጉዲ ኔ ኮዑዋሴ፤
\q2 ዬያ ማዾንዶ ቤዞ ዓይሢፆ ኔኤኮ ዋይዚ
\q2 ኔኤም ታ ማዻንዳጉዲ ኔ ታና ማሄኔ። \x - \xo 40፡6 \xo*\xt ዔብ. 10፡5-7።\xt*\x*
\q
\v 7 ዬያሮ ታኣኒ፦ «ዎጎ ማፃኣፖይዳ ታ ዛሎ ፃኣፒንቴ ጎይፆና
\q2 ሃይሾ ታኣኒ ሙኬኔ።
\q
\v 8 ታ ፆኦዛሢዮ! ማሊፆ ኔኤሲ ማዺ ኩንሣኒ ታ ኮዓኔ፤
\q2 ዎጋኣ ኔኤኮ ታ ዒኖይዳኬ» ጌዔኔ።
\b
\q
\v 9 ዼኤፖ ቡኪንቶ ቤዛ ፒዜ ባኣዚ ታ ኬኤዜኔ፤
\q2 ናንጊና ናንጋ ጎዳሢዮ! ኔኤኒ ዔራሢጉዲ
\q2 ታ ኬኤዛ ባኮ ኬኤዚፆ ሃሻዓኬ።
\q
\v 10 ኮሹሞ ኔኤሲ ታ ዒና ታ ዓኣቻዓኬ፤
\q2 ኔኤኒ ጉሙርቂንታያና ዓውሳያ ማዔሢ ታ ኬኤዜኔ፤
\q ዬያ ዼኤፖ ቡኪንቶ ቤዛ ኔኤኮ ናንጊና ናንጋ
\q2 ናሹሞንታ ጎኑሞንታ ታ ዓኣቺባኣሴ።
\b
\q
\v 11 ናንጊና ናንጋ ጎዳሢዮ! ኔ ማኣሪፆ ታጊዳፓ ሃኪሲፖ፤
\q2 ኔኤኮ ናሹሞንታ ናንጊና ናንጋ ጉሙርቂንቲፃኣ ናንጊና ታና ካፖንጎ።
\q
\v 12 ሚርጌ ሜታ ታና ዋኣዪሳኔ!
\q2 ዻቢንታ ታኣኮ ሚርጌሢሮ ዛጋኒ ታ ዳንዳዑዋሴ፤
\q2 ዬይ ታኣኮ ቶኦኮ ጋፓናፓ ባሻያኬ፤
\q2 ዬያሮ ታ ዒና ታና ዒፂ ሃሼኔ።
\q
\v 13 ናንጊና ናንጋ ጎዳሢዮ! ሃዳራ ታና ዓውሴ፤
\q2 ፆኦዛሢዮ! ዑካዺ ታና ማኣዴ።
\q
\v 14 ታና ዎዻኒ ኮዓ ዓሳ ቢያ ቦርሲንቶንጎ፤
\q2 ዔርቶ ዒፂ ካራ ዔያቶም ባይቆንጎ፤
\q2 ታና ፑርታ ባኣዚ ሄላንዳጉዲ ማላዞንሢም ቢያ
\q2 ቦርሲንቲ ማዖንጎ።
\q
\v 15 ታ ሎኦሜሢሮ፦ «ሂዮ! ማዳ!» ጋዓዞንሢ
\q2 ፔኤሮ ቦርሲንቲና ዲቃቶንጎ።
\b
\q
\v 16 ኔና ኮዓዞንሢ ጋዓንቴ ቢያ ዎዛዾንጎ፤
\q2 ኮሺ ዑሣ ዓኣዼያ ዎዛዾንጎ፤
\q ቢያ ዎዴ ኔ ዓውሲፆ ናሽካዞንሢ
\q2 «ናንጊና ናንጋ ጎዳ ዼኤፒኬ!» ጎዖንጎ።
\q
\v 17 ታ ፆኦዛሢዮ! ታኣኒ ሜታዼ ዓሲኬ፤
\q2 ጋዓንቴ ኔኤኒ ታና ዋሊባኣሴ፤
\q ኔኤኒ ታኣኮ ማኣዳሢና ዓውሳሢ ማዔ ጎይፆና
\q2 ሃሢያ ዑኬና ታና ማኣዴ።
\c 41
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ዓሲ ሃርጊንታዖ ሺኢቃ ሺኢጲሢ
\q
\v 1 ማንቆ ዓሶ ማኣዳ ዓሳ ዓንጂንቴያኬ፤
\q2 ዔያታ ሜታዼ ዓቦና ናንጊና ናንጋ ጎዳ ዔያቶ ማኣዳኔ።
\q
\v 2 ዒዚ ዔያቶ ካፓኔ፤
\q2 ሼምፔናኣ ጌሣኔ፤
\q2 ሳዖይዳ ዔያቶ ዓንጃኔ፤
\q2 ዔያቶኮ ሞርኮማኣ ዓኣሢ ዒንጉዋሴ።
\q
\v 3 ሃርጊንቲ ዔያታ ላሃዛ ናንጊና ናንጋ ጎዳ ዔያቶ ማይሣኔ፤
\q2 ፓሢያ ዔያቶ ፓሣኔ።
\b
\q
\v 4 ታኣኒያ፦ «ናንጊና ናንጋ ጎዳሢዮ!
\q2 ታ ዻቤሢሮ ታና ሚጪንቲ ማኣሬ፤
\q2 ሃርጎይዳፓኣ ታና ፖዒሴ» ጌዔኔ።
\q
\v 5 ታ ሞርካ ታ ዑፃ ፑርቱሞ ጌስታዖ፦
\q2 «ዓይዲ ዒዚ ሃይቃንዳይ?
\q2 ሱንፃ ዒዛኮ ሳዖይዳፓ ዋሊንታንዳሢ ዓይዲ ናንዳይ» ጋዓኔ።
\q
\v 6 ታና ዔያታ ዖኦጫኒ ሙካሢ ዒናፓቱዋሴ፤
\q2 ታ ዑፃ ፑርታ ባኣዚ ጌስታኔ፤
\q2 ዱማ ዱማ ቤዞ ሃንቲ ሃንቲ ሱንፆ ዔያታ ታኣኮ ፑርቲሳኔ።
\q
\v 7 ሞርካ ታኣኮ ዎላ ፔቴ ማዒጋፓ ታ ዑፃ ካሽካሻኔ፤
\q2 ፑርታ ታና ሄላንዳጉዲ ፑርቱሞ ማላኔ።
\q
\v 8 ዔያታ ማላዖ፦ «ዒዚ ሃርጊንቲ ሃይቃኒ ዑኬኔ፤
\q2 ማይ ላሄ ቤዛፓ ዒዚ ዔቃዓኬ» ጋዓኔ።
\q
\v 9 ታኣኮ ካሦ ታኣና ዎላ ሙዔሢ
\q2 ታ ጉሙርቃ ዑኬ ማዔ ላጋሢ
\q2 ዬይያ ዓቱዋዖ ሞርኬ ማዒ ታ ጊዳ ዔቄኔ። \x - \xo 41፡9 \xo*\xt ማቲ. 26፡23፤ ማር. 14፡18፤ ሉቃ. 22፡21፤ ዮሃ. 13፡18።\xt*\x*
\b
\q
\v 10 ናንጊና ናንጋ ጎዳሢዮ! ኔኤኒ ጋዓንቴ ታና ሚጪንቴ፤
\q2 ታ ሞርኮ ኮሜ ታ ኮፃንዳጉዲ ታና ፓሤ።
\q
\v 11 ታ ሞርካ ታና ባሺፆና ዎዛዺ ዴዒንዱዋሴ፤
\q2 ዬያና ኔኤኒ ታና ናሽካያ ማዔሢ ታ ዔሬኔ።
\q
\v 12 ታኣኮ ፂሉሞሮ ኬልቂ ኔ ታና ዓርቄኔ፤
\q2 ናንጊና ኔ ኮራ ኔኤኒ ታና ናንጊሻንዳኔ።
\b
\q
\v 13 ናንጊና ናንጊ ሄላንዳኣና
\q2 ናንጊና ናንጋ ጎዳ ማዔ ዒስራዔኤሌ ፆኦዛሢ ጋላቲንቶንጎ! \x - \xo 41፡13 \xo*\xt ዓይኑ. 106፡48።\xt*\x*
\b
\q2 ዓኣሜን! ዓኣሜን!
\c 42
\ms ላምዓሳ ፓቂፆ
\mr (ዓይኑ. ማፃ ዓይ. 42—72)
\s1 ዓይኑሞ ሱኡጋሢ ዓይሣ ጎይፆና ቆሬ ናኣታ ኬኤዚ ዔርዜ ባኮ
\d ዒፂ ዳውሶ ዎዴና ሺኢቆ ሺኢጲሢ
\q
\v 1 ሮኦቶ ዼኤቢንቲ ዓልቃ ዋኣሢ ዴንቃኒ ኮዓሢጉዲ
\q2 ፆኦሲዮ! ታ ሼምፓሢያ ኔና ዴንቃኒ ዼኤቢንቲ ኮዓኔ።
\q
\v 2 ታ ሼምፓሢ ፆኦሲ፥ ናንጊና ባይቁዋ ፆኦዛሢ ዼኤቤኔ፤
\q2 ዓይዲ ታኣኒ ሄሊ ፆኦሲኮ ዓኣፖ ካሮ ዛጋንዳይ?
\q
\v 3 ዓሳ ቢያ፦ «ፆኦዛሢ ኔኤኮ ዎካዳዖ?» ጋዓ ዎዶና
\q2 ዓቢፃ ታኣኮ ሮኦሮንታ ዋንቶዋ ሙኡዚ ማዔኔ።
\b
\q
\v 4 ታኣኒ ዓሶኮ ዓርና ማዒ
\q2 ሚርጌ ዓሶና ዎላ ፆኦሲ ማኣሪ ዴንዳኔ፤
\q2 ቦንቾ ኬሎ ቦንቻ ዓሳ ዓይኑሞና ዒላሺሢና
\q2 ናንጊና ናንጋ ጎዳ ጋላታኔ፤
\q2 ዬያ ታኣኒ ሚናኣ ናንጎ ማላዛ
\q2 ዒና ታኣኮ ዖዪሢና ዋኣፃኔ።
\q
\v 5 ታኣኒ ዓይጎሮ ዎዛ ቲቃንዳይ?
\q2 ዓይጌንዴሮ ታ ሜታዻንዳይ?
\q2 ታኣኒ ፆኦሲ ጉሙርቃኔ፤
\q2 ዒዚ ታና ማኣዳሢሮዋ ታ ጋላታኔ።
\b
\q
\v 6 ታ ፆኦዛሢዮ! ታ ዎዛ ቲቄኔ፤
\q2 ሼምፔላ ታኣኮ ዖዬኔ፤
\q ዬያሮ ዮርዳኖሴንታ ዓርሞኒዔሜ ዓጮይዳ ዓኣ
\q2 ሚዛሬ ዹካ ዴዒ ታ ኔና ማላኔ።
\q
\v 7 ኔኤኮ ሶኦሪንታ ዋኣፆኮ ጉኡሚፃፓ ዔቄያና
\q2 ፔቴ ቁልባ ባጎ ቁልቦ ዔኤላኔ፤
\q2 ኔኤኮ ዋኣፆ ጉዳሢ ዢባራ ዱኡኪ ታና ባይዜኔ።
\q
\v 8 ናንጊና ናንጋ ጎዳ ፔ ማኣሪፆ ሮኦራ ዳካኔ፤
\q2 ዋንቶ ታ ዒዛም ዓይናዻ ዓይኑሞ ታኣኮ ዓኣኔ፤
\q2 ታ ናንጎኮ ፆኦዛሢያ ታ ሺኢቃኔ።
\b
\q
\v 9 ታኣኒ ታ ፆኦዛሢ፥ ታኣኮ ላላሢም፦
\q2 «ኔኤኒ ታና ዓይጋ ዋሌይ?
\q2 ሞርካ ታና ዋኣዪሴም ዓይጋ ታ ዖዪ ሃንታዖ?» ጋዓንዳኔ።
\q
\v 10 ሞርካ ታኣኮ ቢያ ዎዴ፦ «ፆኦዛሢ ኔኤኮ ዎካ ዓኣዖ?» ጌዒ
\q2 ቶኦቻ ዎዶና ሜጌፃኣ ታኣኮ ዓቱዋዖ ቆፃኔ።
\b
\q
\v 11 ታኣኮ ሼምፔሌ ዓይጋ ኔ ዖያይ?
\q2 ዓይጋ ኔኤኒ ሻሊንታይ?
\q ጉሙርቂፆ ዎዞ ኔኤኮ ፆኦዛሢዳ ማሄ፤
\q2 ታና ዓውሳያ ማዔ ታ ፆኦዛሢ ሃጋኣ ታኣኒ ጋላታንዳኔ።
\c 43
\s1 ዒፂ ዳውሶ ዎዴና ሺኢቆ ሺኢጲሢ
\q
\v 1 ፆኦሲዮ! ታኣም ዎጌ፤
\q2 ኔና ጉሙርቁዋ ሜሌ ዴሮና ዎላ ታ ዛሎ ሞኦቲንቴ፤
\q2 ፑርቶ ማዻ ዓሶና ጌሻ ዓሶናይዳፓ ታና ዓውሴ።
\q
\v 2 ታ ፆኦዛሢዮ! ኔኤኒ ታኣኮ ዶዶ ዋርዲያሢኬ፤
\q2 ኔኤኒ ታና ዓይጋ ሃሻይ?
\q ሞርካ ታና ዓይጋ ሮኦጋሲ ዖዪሳይ?
\b
\q
\v 3 ኔኤኮ ፖዖና ጎኑሞና ታኣም ዳኬ፤
\q2 ዔያታ ታና ዔኪ ኔኤኮ ዱማዼ ዹኮ
\q2 ኔኤኮ ዎርቆ ማኣሮዋ ታና ሄሊሶንጎ።
\q
\v 4 ታኣኒ ፆኦሲም ዒንጎ ባኮ ሺኢሾ ቤዞ ዓኣዻንዳኔ፤
\q2 ሃይማ ፓጬኔ ጌይሱዖ ዎዛሳ ፆኦዛሢ ባንሢ ታ ዴንዳንዳኔ፤
\q2 ናንጊና ናንጋ ጎዳ ማዔ ታ ፆኦዛሢዮ!
\q2 ሚርጌ ሻዦ ዴንሦ ጎኦሎ ዋርቂ ዋርቂ ታ ኔና ጋላታንዳኔ።
\q
\v 5 ታኣኮ ሼምፔሌ ዓይጋ ኔ ዖያይ?
\q2 ዓይጋ ኔኤኒ ሻሊንታይ?
\q ጉሙርቂፆ ዎዞ ኔኤኮ ፆኦዛሢዳ ማሄ፤
\q2 ታና ዓውሳሢ ማዔ ፆኦዛሢ ሃጊ ታ ጋላታንዳኔ።
\c 44
\s1 ዓይኑሞ ሱኡጋሢ ዓይሣ ጎይፆና ቆሬ ናኣታ ኬኤዚ ዔርዜ ባኮ
\d ማኣዶ ኮዒ ሺኢቆና ሺኢጲሢ
\q
\v 1 ፆኦሲዮ!
\q2 ሚናኣ ዎዶና ኔኤኒ ማዼ ባኮ ቢያ
\q2 ኑኡኒ ኑ ዋዮና ዋይዜኔ፤
\q ኑኡኮ ቤርታኣ ዓዶንሢ ዔያቶ ዎዶና
\q2 ኔኤኒ ዔያቶም ማዼ ዲቃሣ ዓኮ ባኮ ኑም ኬኤዜኔ።
\q
\v 2 ሚናኣ ዎዶና ኔኤኒ ማዼ ባኮ ቢያ
\q2 ኑ ዓዶንሢ ኑም ኬኤዜኔ፤
\q2 ዬይያ፦ ኑ ዓዶንሢ ቤዞ ጌልዛኒ
\q ሜሌ ዴሮ ኔኤኒ ዳውሴኔ፤
\q2 ዔያቶ ጊኢጊሺ ዴይሣኒ ቤርታ ዒኢካ ናንጋ ዓሶ ኔ ባይዜኔ።
\q
\v 3 ዓጬሎ ዔያታ ዓርቄሢ ዔያቶኮ ጬንቾ ዓፓሮና ዖሊቱዋሴ፤
\q2 ባሺ ዔያታ ዔኬሢያ ዔያቶ ዎልቄናቱዋሴ፤
\q ዬያ ቢያ ዔያታ ማዼሢ ኔኤኒ ዔያቶ ናሽኬሢሮና
\q2 ዔያቶና ዎላ ማዒ ኔኤኮ ዎልቆና ዶዱሞና
\q2 ዔያቶ ኔ ማኣዴሢሮኬ።
\b
\q
\v 4 ኔኤኒ ታኣኮ ካኣቲኬ፤
\q2 ጊንሣ ሃሣ ኔ ታኣኮ ፆኦዛሢኬ፤
\q ያይቆኦቤ ዜርፆ ማዔ ኔ ዴራ
\q2 ባሻንዳጉዲ ማዼሢ ኔናኬ።
\q
\v 5 ኔ ኑና ማኣዴም ኑ ሞርኮ ኑ ባሻኔ፤
\q2 ኑ ዑፃ ዔቃ ዓሶ ኔ ሱንፆና ኑ ዻውሲሳኔ።
\q
\v 6 ታኣኒ ታኣኮ ሂኢዦ ጉሙርቁዋሴ፤
\q2 ታኣኮ ጬንቾ ዓፓራኣ ታና ዓውሱዋሴ።
\q
\v 7 ኑ ሞርካፓ ኑና ዓውሳንዳሢ ኔናኬ፤
\q2 ኑና ዒፃ ዓሶ ቦርሲሳንዳሢያ ኔናኬ።
\q
\v 8 ፆኦሲዮ! ኔኤና ኑ ሄርሺንታኔ፤
\q2 ሱንፆዋ ኑ ኔኤኮ ናንጊና ጋላታኔ።
\b
\q
\v 9 ሃሢ ጋዓንቴ ኔ ኑና ኬኤሬኔ፥ ቦርሲሲያ ቦርሲሴኔ፤
\q ኑኡኮ ዖሎ ዓሶና ዎላ
\q2 ኔኤኒ ኬስኪፆዋ ሃሼኔ።
\q
\v 10 ኑኡኮ ሞርኮ ቤርታፓ ዓኣሺንቲ ጳሽካንዳጉዲ ኔ ኑና ማሄኔ፤
\q2 ኑ ሞርካኣ ኑኡኮ ዓኣ ባኮ ቢያ ቡሬኔ።
\q
\v 11 ኔ ኑና ሹኪንታ ማራይጉዲ ማሄኔ፤
\q2 ሜሌ ዴሮ ዓጫ ኔ ኑና ዜርቄኔ።
\q
\v 12 ዴሮ ኔኤኮ ኔ ዻካ ሚኢሼም ሻንቼኔ፤
\q2 ዬያ ኔ ሻንቺፆና ቃሲ ዴንቄ ባኣዚ ባኣሴ።
\q
\v 13 ኑኡኮ ዓሺና ኑና ጫሽካንዳጉዲ
\q2 ኑ ኮሮይዳ ዓኣ ዓሶማኣ ኑ ሚኢቺ
\q2 ሃሣ ዓማሊ ባኣዚ ማዓንዳጉዲ ኔ ማዼኔ።
\q
\v 14 ዴሬ ኑ ዛላ ጌስቲ ዓማላያ
\q2 ቶኦቺሢና ቶኦኮዋ ፔኤኮ ዓጊሣንዳጉዲ ኔ ማዼኔ።
\q
\v 15 ቢያ ኬላ ዓኣፖ ካራ ታኣኮ ዻውሲንቲናኬ፤
\q2 ቢያ ባኣዚና ታ ቦርሲንታያ ማዔኔ።
\q
\v 16 ታኣኒ ያዺ ማዔሢ
\q2 ሞርካ ታኣኮ ኮሞ ኮፃ ዎዶና
\q2 ሜሌ ዓሳ ቄኤዺ ታና ቶኦቻሢ ዋይዜሢሮኬ።
\b
\q
\v 17 ዬይ ቢያ ኑና ሄሌሢ
\q2 ኔና ኑ ዋሊባኣንቴ፥ ኔኤኮ ጫኣቁሞ ኑ ሃሺ ሻሂባኣንቴኬ።
\q
\v 18 ዒና ኑኡኮ ኔኤም ጉሙርቂንታ ጎይሣ ዓኣንቴኬ፤
\q2 ቶካኣ ኑኡኮ ኔ ጎይፃፓ ኬስኪባኣሴ።
\q
\v 19 ኔኤኒ ጋዓንቴ ቦዓ ፔኤቃ ቤዛ ሜንሢ ኑና ኬኤሬኔ፤
\q2 ሻኔ ዹሚና ኔ ኑና ባይዜኔ።
\b
\q
\v 20 ኑ ፆኦዛሢኮ ሱንፆ ኑ ዋሊ
\q2 ኩጮዋ ሜሌ ፆኦዞ ባንሢ ዔቂሴያ ኑ ማዔቴ፥
\q
\v 21 ኑ ፆኦዛሢ ዬያ ዔሩዋዓዳ?
\q2 ዒዚ ዒናይዳ ዓኣ ባኣዚ ዔዔራያኬ።
\q
\v 22 ጋዓንቴ ኔ ዛሎ ኬላ ኬላ ኑ ሃይቄዖ ዓቲ ዓቲ ዓኣኔ፤
\q2 ሹኪንታ ማራይጉዲያ ኑ ፓይዲንቴኔ። \x - \xo 44፡22 \xo*\xt ሮሜ 8፡36።\xt*\x*
\b
\q
\v 23 ናንጊና ናንጋ ጎዳሢዮ! ዔቄ! ዓይጋ ኔ ጊንዓይ?
\q2 ዔቄ! ናንጊና ኑና ኔ ኬኤሪ ሃሺፖ!
\q
\v 24 ኔኤኮ ዓኣፖ ካሮ ኑ ጊዳፓ ኔ ዓይጋ ሺርሻይ?
\q2 ኑኡኮ ሜታዺፆና ሄርቂንቲ ዎይፆዋ ዓይጋ ኔ ዋላይ?
\b
\q
\v 25 ሳዖ ኬዲ ሄላኒ ዑኪ ኑ ኩንቴኔ፤
\q2 ዒኢካ ኑ ሎኦሚ ላሄኔ።
\q
\v 26 ዔቂጋፓ ኑና ማኣዳኒ ሙኬ!
\q ኔኤኮ ናንጊና ናንጋ ናሹሞሮ ጌይጋፓ
\q2 ጊንሣ ማሂ ኑና ሻንቂ ዔኪ ዓውሴ!
\c 45
\s1 ዓይኑሞ ሱኡጋሢ ዓይሣ ጎይፆና ዛዬና ዓይናዺንቴ ቆሬ ናኣታ ዔርዜ ባኮ
\d ናሹሞ ዛላ ካላሊ
\q
\v 1 ዒና ታኣኮ ኮሺ ማሊሢ ኬሳኔ፤
\q2 ታኣኒ ጊኢጊሼ ካላሎ ካኣቲም ዋይዚሳንዳኔ፤
\q2 ዻንጋ ታኣኮ ዔሮ ዓሲ ዓርቂ ፃኣፓ ቢዒሬጉዲኬ።
\b
\q
\v 2 ሚዛጱማ ኔኤሲ ዓሲዳፓ ቢያ ባሼኬ፤
\q2 ኔኤኒ ጌስታ ጌኤዛኣ ሄርሺሳያኬ፤
\q2 ዬያሮ ናንጊና ናንጋ ጎዳ ኔና ዓንጄኔ።
\q
\v 3 ቦንቾና ዲቃሥሢና ኩሜ ዎልቆ ካኣቲዮ
\q2 ጬንቾ ዓፓሮ ኔኤሲ ቱኬ።
\b
\q
\v 4 ጎኑሞንታ ፒዜ ዎጌንታ ፂሉሞንታ ዛላ
\q2 ኔኤኮ ዲቃሣ ፑኡፑሞና ባሻኒ ቱኡቲ ኬስኬ፤
\q2 ሚዛቆ ኩጫ ኔኤኮ ዲቃሣ ዓኮ ባኮ ማዾንጎ።
\q
\v 5 ሂኢዣ ኔኤሲ ዋርቂንቴያኬ፤
\q2 ኔ ሞርኮኮ ሳዞ ዱካንዳኔ፤
\q ዓጮ ካኣታ ባሺንቲ ኔ ቢታንቶ ዴማ ሎኦማንዳኔ።
\b
\q
\v 6 ፆኦዛሢዮ! ኔኤኮ ካኣቱሞ ዖይታ ናንጊና ናንጋኔ፤
\q2 ካኣቱሞ ኔኤሲ ፒዙሞና ኔ ዎይሣያኬ።
\q
\v 7 ፂሉሞ ኔኤኒ ናሽካኔ፤
\q2 ዋይዚ ዒፂሢ ኔኤኒ ናሽኩዋሴ፤
\q ዬያሮ ናንጊና ናንጋ ጎዳ ማዔ ፆኦዛሢ ኔና ዶኦሬኔ፤
\q2 ኔ ላጎይዳፓ ባሼ
\q2 ቶኦኮ ኔኤኮ ዎዛ ዛይቴና ዒ ቲሽኬኔ። \x - \xo 45፡7 \xo*\xt ዔብ. 1፡8-9።\xt*\x*
\q
\v 8 ኬርቤንታ ዒሬቴንታ ቢሬጉዴንታፓ ኮሺንቴ ሳውቃ ባካ
\q2 ኔኤኮ ካኣቱሞ ዓፒሎይዳ ፑኡኪንቴኔ፤
\q2 ዳርዞ ዓጮና ሚዛጲሶና ካኣቱሞ ማኣራ
\q2 ሚርጌ ሻዦ ዴንሢ ዋርቆ ጎኦሎ ዋርቆዛ ኔና ዎዛሳኔ።
\q
\v 9 ኔኤኮ ካኣቱሞ ማኣራ ዓኣ ዉዱሮ ናኣቶ ባኣካ
\q2 ካኣቶ ናኣቶ ማዔ ዉዱራሢ ዓኣኔ፤
\q2 ጌኤሻ ጌኤሺ ዎርቄና ሚዛጲሶና
\q2 ሚዛጲ ዓፒላ ማይንቲ
\q2 ኔኤኮ ካኣቱሞ ዖይቶኮ ሚዛቆ ዛላ ዔቄኔ።
\b
\q
\v 10 ኔኤኒ ታ ናዔሌ!
\q2 ታኣኒ ኔኤም ጋዓ ባኮ ዋይዜ፥ ሃይሶዋ ታኣኮ ዒናፓ ዋይዜ፤
\q2 ኔኤኮ ዓዶ ማኣሮንታ ዴሮንታ ዋሊ ሃሼ።
\q
\v 11 ሚዛጱማ ኔኤኮ ካኣቲ ዒኖ ባይዜኔ፤
\q2 ጋዓንቴ ዒዚ ኔኤኮ ጎዳታሢሮ ዒዛ ቦንቼ።
\q
\v 12 ፂሮሴኮ ዉዱሮ ናኣታ ዒንጎ ባኣዚ ኔኤም ዔኪ ዬዓኔ፤
\q2 ዖርጎጮ ዓሳኣ ቃይሺ ኔና ሺራኔ።
\q
\v 13 ካኣቲኮ ናኣ ቶኦካፓ ቶኮ ሄሊ ፓልሚ ዑኡቱሞ ማኣራ ዓኣኔ፤
\q2 ማኣዓሢያ ዒዞኮ ዎርቄ ሌሊኬ።
\q
\v 14 ዒዛ ፔኤኮ ሚዛጶ ማኣዓሢ ማኣዒ
\q2 ካኣቲ ኮራ ዔውቲ ዓኣዻኔ፤
\q2 ዒዞኮ ዔርጎና ዉዱራሢያኣ ዒዞ ጎኦቢሣኔ።
\q
\v 15 ኮሺ ዎዛዺ ዎዛዺ
\q2 ካኣቲ ማኣሪ ዎላ ዔያታ ጌላንዳኔ።
\b
\q
\v 16 ዓቲንቆ ናኣታ ኔኤኮ ዓዶንሢ ቤዞ ካኣቱሞ ጌላንዳኔ፤
\q2 ዎይሣንዳ ዓሶ ማሂ ዓጮ ቢያይዳ ኔ ዔያቶ ዶኦራንዳኔ።
\q
\v 17 ሱንፆ ታ ኔኤኮ ሾይንቶ ቢያሢም ማላታ ማሃንዳኔ፤
\q2 ዬያሮ ዴሬ ናኣናና ኔና ሄርሼ ጎይሣ ናንጋንዳኔ።
\c 46
\s1 ዓይኑሞ ሱኡጋሢ ዓይሣ ጎይፆና ዓላሞዜሦ ዓይናዺንታ ቆሬ ናኣቶ ዓይኑሞ
\d ፆኦሲኮ ኑኡና ዎላ ማዒፆ
\q
\v 1 ፆኦሲ ኑኡኮ ፑኖ ካያሢና ዎልቃሢናኬ፤
\q2 ኑና ሄላ ሜታሢና ቢያ ኑኡኮ ዑኬ ማዒ ማኣዳሢኬ።
\q
\v 2 ዬያሮ ሳዓ ዓጊፄቴታዖ
\q2 ዹካኣ ዔቶ ባዛ ዔኤዺንቴቴያ ኑ ዒጊጩዋሴ።
\q
\v 3 ባዞ ዋኣፃ ጉኡሚ ዓጊፄቴያ
\q2 ዹካ ዬያ ዋኣፆ ኩሚፃፓ ዔቄያና ዓጊፄቴያ
\q2 ኑኡኒ ዲቃታዓኬ።
\b
\q
\v 4 ፆኦሲኮ ካታሞ
\q2 ዼኤፖ ፆኦዛሢኮ ዱማዼ ማኣሮ
\q2 ዎዛሳያ ማዔ ዎታ ዋኣሢ ዓኣኔ።
\q
\v 5 ፆኦሲ ዬኖ ካታሜሎ ባኣካኬ፤
\q2 ዒዛ ዓጊፂያ ዓጊፃዓኬ፤
\q2 ጉቶ ዓማ ዒዞ ዒ ማኣዳንዳኔ።
\q
\v 6 ዴሬ ዎኦቶንዶ ካራ ባይዜኔ፤
\q2 ካኣታኣ ሎኦሜኔ፤
\q2 ናንጊና ናንጋ ጎዳ ዑኡዞ ፔኤሲ ዋይዚሴ ዎዶና
\q2 ሳዓ ዓልቃኔ።
\b
\q
\v 7 ቢያ ባኮ ዎይሣ ጎዳ ኑኡና ዎላኬ፤
\q2 ያይቆኦቤ ፆኦዛሢ ኑኡኮ ፑኖ ካያሢኬ።
\b
\q
\v 8 ናንጊና ናንጋ ጎዳኮ ማዾ
\q2 ሳዖይዳኣ ዒ ማዼ ዓኮ ባኮ ዛጋኒ ሃኒ ሙኩዋቴ።
\q
\v 9 ዓይፃፓ ዴንዲ ጋፖ ሄላንዳኣና
\q2 ሳዓፓ ዖልዚ ዒ ባይዛንዳኔ፤
\q2 ሂኢዦ ሜንሣንዳኔ፤
\q2 ዎርፆዋ ጋኣጫንዳኔ፤
\q2 ጊቲሞዋ ታሚና ሚቻንዳኔ።
\q
\v 10 ሃውሹዋቴ፥ ታኣኒ ፆኦሲ ማዔሢያ ዔሩዋቴ፤
\q2 ታኣኒ ዴሮ ቢያ ባኣካ ዼግ ዼጊ ጋዓንዳኔ፤
\q2 ሳዖ ዑፃኣ ታኣኒ ፑኡፒ ጴዻንዳኔ።
\q
\v 11 ቢያ ባኮ ዎይሣ ጎዳሢ ኑኡና ዎላኬ፤
\q2 ያይቆኦቤኮ ፆኦዛሢ ኑኡኮ ፑኖ ካያሢኬ።
\c 47
\s1 ዓይኑሞ ሱኡጋሢ ዓይሣ ጎይፆና ዓይናዺንታ ቆሬ ናኣቶ ዓይኑሞ
\d ፆኦሲ ዓጮኮ ቢያ ካኣቲ ማዔሢ
\q
\v 1 ዴሬዮቴ ቢያ ኩጮ ዒንሢኮ ባዑዋቴ!
\q2 ዑኡዞዋ ዒንሢኮ ዼጊዲ
\q2 ፆኦሲም ዒላሹዋቴ!
\q
\v 2 ዓጮ ቢያይዳ ዼኤፒ ማዔ ካኣታሢ
\q2 ዼኤፒ ማዔ ናንጊና ናንጋ ጎዳ ዒጊቻያኬ።
\q
\v 3 ዒዚ ዴሮ ኑ ቢታንቶ ዴማ ማሄኔ፤
\q2 ካኣታ ኑ ዴማ ማዒ ዎርቃንዳጉዲ ማዼኔ።
\q
\v 4 ዒዚ ናሽካ ያይቆኦቤም ቦንቾ ማዔ
\q2 ኑኡኮ ዴኔሎዋ ዒዚ ኑም ዶኦሬኔ።
\b
\q
\v 5 ዓሳ ዒላሻኣና፥ ዛያሢያኣ ዋርቃኣና
\q2 ፆኦሲ ፔ ካኣቱሞ ዖይቶ ቤዞ
\q2 ናንጊና ናንጋ ጎዳ ሌካ ዒ ዴዓ ቤዞ ኬስኬኔ።
\q
\v 6 ዓይናዹዋቴ፥ ኑ ፆኦዛሢም ዓይናዹዋቴ!
\q2 ዓይናዹዋቴ፥ ኑ ካኣቲም ዓይናዹዋቴ!
\q
\v 7 ኑ ፆኦዛሢ ዓጮ ቢያኮ ካኣቲኬ፤
\q2 ዬያሮ ጋላታ ዓይኑሞ ዒዛም ዓይናዹዋቴ!
\b
\q
\v 8 ፆኦሲ ፔኤኮ ዱማዼ ካኣቱሞ ዖይታ ዴዔኔ፤
\q2 ዓጮ ዴሮዋ ዎይሣሢ ዒዛኬ።
\q
\v 9 ዓብራሃሜ ፆኦዛሢ ዴሮና ዎላ
\q2 ዓጮ ዴሮኮ ሱኡጋ ቡኪንቴኔ፤
\q2 ዓጮ ካኣታኣ ዒዛሮኬ፤
\q2 ዒዚያ ኮሺ ዼግ ዼጊ ጌዔያኬ።
\c 48
\s1 ቆሬ ናኣቶ ዓይኑሞ
\d ፆኦሲ ካታሞ ማዔ ፂዮኔ
\q
\v 1 ናንጊና ናንጋ ጎዳ ዼኤፒኬ፤
\q2 ኑ ፆኦዛሢ ካታሞይዳ፥ ዒዛም ዱማዼ ዹካ
\q2 ዼጊ ጌዔ ጋላታ ዒዛም ጋላቲንታንዳያ ኮይሳኔ።
\q
\v 2 ዓጮ ቢያኮ ዎዛ ማዔ
\q2 ኬዶ ባንፆና ሃኬና ጴዻ ዼጌ ቤዞይዳ ሚዛጳ ፂዮኔ ዹካ
\q2 ዼኤፖ ካኣታሢ ካታሞኬ። \x - \xo 48፡2 \xo*\xt ማቲ. 5፡35።\xt*\x*
\q
\v 3 ፆኦዛሢ ዒዞኮ ዋርዲዮ ጋራ ማዒ
\q2 ዒዞኮ ጊቲማሢ ማዒፆ ማርካሴኔ።
\b
\q
\v 4 ካኣታ ዎላ ቡኪንቲ ሙኬኔ፤
\q2 ዔያታ ዎሊ ዑፃ ዖሎሮ ጎዔኔ።
\q
\v 5 ጋዓንቴ ዔያታ ዬኖ ካታሜሎ ዛጋዖ ዲቃቴኔ፤
\q2 ዒጊጪያ ጳሽኬኔ።
\q
\v 6 ሾይቺ ዓርቄ ላኣሊጉዲ
\q2 ዒኢካ ጎጋይቂ ዔያታ ዚኪንቴኔ።
\q
\v 7 ዓባ ኬስካ ባንፆ ዢባራ
\q2 ቴርሴሴ ዓጮኮ ዋኣፆ ካኣሚሎ ሜንሣሢጉዲ
\q2 ኔኤኒያ ዔያቶኮ ዎልቆ ላቢሲ ጎቃይሴኔ።
\b
\q
\v 8 ናንጊና ናንጋ ጎዳ ማዼ ባኮ ኑ ዋይዜሢጉዲ
\q2 ቢያ ባኮ ዳንዳዓ ጎዳሢ ካታማ ዬኖ ጎይፆ ማዓንቴ
\q2 ኑ ዓኣፒና ኑ ዛጌኔ፤
\q2 ዒዚ ዬኖ ካታሜሎ
\q2 ናንጊና ዶዲሺ ዴይሣንዳኔ።
\b
\q
\v 9 ፆኦሲዮ! ኑኡኒ ኔኤኮ ጌኤዦ ማኣሮይዳ ማዒ
\q2 ኔኤኮ ማኣሪፆ ኑ ማላኔ።
\q
\v 10 ፆኦዛሢዮ! ኔና ጋላቲፃ ዓጫ ማዔ ካሮና ሄሌሢጉዲ
\q2 ሱንፃኣ ኔኤኮ ዒማ ጎይፆ ማዔኔ።
\q
\v 11 ኔኤኒ ፒዜ ዎጋያ ማዔሢሮ
\q2 ፂዮኔይዳ ናንጋ ዴራ ዎዛዻኔ፤
\q2 ዪሁዳ ካታማ ናንጋ ዓሶዋ ዎዛሳኔ።
\b
\q
\v 12 ዎሊ ጊንፆ ኬስኪ ፂዮኔ ሺሩዋቴ፤
\q2 ዒዞ ዴዒ ካፖ ሴኤሎዋ ፓይዱዋቴ።
\q
\v 13 ዒንሢ ሙካ ሾይንቶም ኬኤዛኒ
\q2 ዒዞኮ ዶዶ ኬኤሎ ዲፆዋ ማሊ ጶቂሡዋቴ፤
\q2 ዋርዲዮ ቤዞዋ ዛጉዋቴ።
\q
\v 14 ዒንሢ ዔያቶም ኬኤዛንዳሢ፦ «ፆኦሲ ያዺኬ፤
\q2 ኑ ፆኦዛሢ ናንጊና ናንጋያኬ፤
\q2 ሴካ ቤርቲማኣ ዒ ኑና ዔኪ ዓኣዻንዳኔ» ጌዒኬ።
\c 49
\s1 ዓይኑሞ ሱኡጋሢ ዓይሣ ጎይፆና ዓይናዺንታ ቆሬ ናኣቶ ዓይኑሞ
\d ቆሎ ጉሙርቂሢ ዔኤዩሞ ማዒፆ
\q
\v 1 ዓሳ ቢያሢ ዋይዙዋቴ!
\q2 ዓጮይዳ ናንጋ ዴራ ቢያ ዋይዙዋቴ!
\q
\v 2 ዒንሢ ሂርኬ ዓሶንታ ዼጌ ዓሶንታ
\q2 ዖርጎጮንታ ማንቆንታ
\q2 ሃያ ዋይዙዋቴ።
\q
\v 3 ዻንጋ ታኣኮ ዔራቶ ጌኤሲ ጌስታኔ፤
\q2 ታኣኮ ዒኖ ማሊፃኣ ማሊ ጶቂሥሢ ዔርዛኔ።
\q
\v 4 ዋዮ ታኣሲ ታኣኒ ኮኦኪንሦ ባንሢ ማሃንዳኔ፤
\q2 ታኣኮ ዓኣቺፆዋ ሚርጌ ሻዦ ዴንሢ ዋርቆ ጎኦሎ
\q2 ዋርቂ ታ ፔጋሳንዳኔ።
\b
\q
\v 5 ፑርታ ኬሊ ሙኬም ፑርቶ ዓሳ ታና ማንጋኣና
\q2 ታኣኒ ዓይጋ ዒጊጫይ?
\q
\v 6 ዬያጉዲ ሃሣ ፔኤኮ ቆሎ ጉሙርቃዞንሢና
\q2 ፔ ዖርጎቹሞና ሄርሺንታ ፑርቶ ዓሳ
\q2 ታና ማንጌቴያ ዓይጋ ታ ዒጊጫዖ?
\q
\v 7 ሜሌሢኮ ሼምፓሢ ማሂ ሻንቂ ዓውሳኒ ዳንዳዓ ዓሲ
\q2 ጊንሣ ሃሣ ዬያ ማሂፆ ሚኢሾ ፆኦሲም ጪጋኒ ዳንዳዓ ዓሲ
\q2 ፔቴታዖ ባኣሴ።
\q
\v 8 ዓሲኮ ሼምፔ ዛላ ሚኢሼ ጪጊሢ ሚርጌ ሜቶኬ፤
\q2 ዎዚጉዴ ሚርጌ ሚኢሼ ጪጊንቴቴያ ጊዱዋሴ።
\q
\v 9 ሃይቁዋጉዲ፥ ዱኡኪንቱዋጉዲ
\q2 ናንጊና ናንጋያ ማሃኒ
\q2 ዎዚጉዴ ሚርጌ ሚኢሼ ጪጊንቴቴያ ጊዱዋሴ።
\b
\q
\v 10 ዔሮ ዓሳ ሃይቃያ ማዔሢ ዔርቴያኬ፤
\q2 ዬይ ዔሮ ዓሳ ዔኤዮና ቤልፆ ዓሶና ዎላ ሄኮ ሃይቃኔ፤
\q2 ዬያታ ቢያ ቆሎ ፔኤኮ ሃሺ ዴንዳኔ።
\q
\v 11 ሚርጌ ዴኖም ዔያታ ፔ ሱንሢ ሱንሢ ጌሢ ዔኤሌታቴያ
\q2 ዔያቶኮ ዱኡፓ ናንጊና ናንጎ ማኣሮ
\q ሾይንታፓ ሾይንቲ ሄላንዳኣና
\q2 ዬይ ዔያቶኮ ናንጎ ቤዞ ማዓንዳኔ።
\q
\v 12 ዓሲ ፔኤኮ ቆሎና ቦንቺንቴ ጎይሣ ጋፒንሢ ሄሉዋሴ፤
\q2 ጴዺ ባይቃ ቆልሞ ማላኔ።
\q
\v 13 ዬይ ፔና ጉሙርቃ ዔኤዮ ዓሶና
\q2 ዔያታ ጋዓ ባኮ ዋይዚ ዔካ ዓሶናኮ
\q2 ጋፒንፆ ካሮኬ።
\q
\v 14 ማራይጉዲ ሳዓ ዴሜም ዔያታ ጊኢጌያኬ፤
\q2 ሃይቢ ዔያቶ ማራይ ሄንቆሢጉዲ ሄንቃንዳኔ፤
\q2 ፒዜ ዓሳ ጉቴና ዔያቶ ዎይሣንዳኔ፤
\q2 ፔኤኮ ቦንቺንቴ ማኣራፓ ሃኪ ሳዖ ዴማ ዔያታ ዎዓንዳኔ።
\q
\v 15 ፆኦሲ ጋዓንቴ ሼምፓሢ ታኣኮ ሳዖ ዴማፓ
\q2 ማሂ ሻንቂ ዔካንዳኔ፤
\q2 ጎኔና ዒዛ ቤርታ ታኣኒ ዔርቴያኬ።
\b
\q
\v 16 ዓሲ ዖርጎቺ ማዓዛ
\q2 ዖርጎቹማኣ ሚርጊ ሚርጊ ዓኣዻዛ
\q2 ዒዛ ዒጊጪፖ።
\q
\v 17 ዒዚ ሃይቄ ዎዶና ዔኪ ዓኣዻንዳ ፔቴ ባኣዚታዖ ባኣሴ፤
\q2 ዬይ ቆላ ዒዛና ዎላ ዱኡቲንዱዋሴ።
\q
\v 18 ዓሲ ፔኤኮ ናንጋ ዎዶማና ዎዛዼያታቴያ
\q2 ቢያ ባካ ዒዛም ጊኢጌሢሮ ዒ ጋላቲንታያ ማዔቴያ፥
\q
\v 19 ሃይቂ ላሚ ዒ ፖዒ ዛጉዋ ቤሲ
\q2 ፔኤኮ ቤርታኣ ዓዶንሢ ባንሢ
\q2 ዒዚ ዓኣዻንዳኔ።
\q
\v 20 ማሊ ጶቂሥሢ ባኣ ዖርጎቺ ዓሲ
\q2 ካይዚ ቦዖጉዲ ጉሪ ሃይቂ ባይቃያኬ።
\c 50
\s1 ዓሳኣፔ ዓይኑሞ
\d ፆኦሲ ዎዛሳ ጎኔ ካኣሺ
\q
\v 1 ዼኤፖ ፆኦዛሢ ማዔ ናንጊና ናንጋ ጎዳ ኬኤዛኔ፤
\q2 ዓባ ኬስካ ካራፓ ዴንዲ ጌላ ካሮ ሄላንዳኣና
\q ሳዖይዳ ዓኣ ዓሶ ቢያ ዒዚ ዔኤላኔ።
\q
\v 2 ፆኦሲ ሚርጌና ሚዛጳያ ማዔ
\q2 ፂዮኔ ካታማፓ ሼኤሪ ፖዓኔ።
\b
\q
\v 3 ኑ ፆኦሲ ሙካንዳኔ፥ ዚቲ ጋዓዓኬ፤
\q2 ዒዛኮ ቤርታ ዔኤታ ታሚ ዓኣኔ፤
\q2 ኮሮይዳኣ ዎልቄና ዓኣ ዓልጎ ዢባሬ ዓኣኔ።
\q
\v 4 ዒዚ ፔ ዴሮ ዎጋ ዎዶና
\q2 ጫሪንጮንታ ሳዖንታ ማርካ ማሂ ዔኤላንዳኔ።
\q
\v 5 «ዒንጎ ባኮ ታኣም ሺኢሺፆና ታኣና ዎላ ጫኣቄ ዓሶ
\q2 ታኣም ጉሙርቂንታያ ማዔ ታ ዓሶ
\q2 ታ ቤርታ ቡኩሱዋቴ» ጋዓኔ።
\q
\v 6 ፆኦሲ ፔኤሮ ዎጋያ ማዔሢሮ
\q2 ጫሪንጫ ዒዛኮ ዼጊ ጌዔ ፂሉሞ ኬኤዛኔ።
\q
\v 7 «ዒስራዔኤሌ! ታ ኔ ዑፃ ማርካዾም፤
\q2 ዒንሢ ታ ዴራ! ዋይዙዋቴ ታ ኬኤዞም፤
\q2 ታኣኒ ናንጊና ናንጋ ጎዳ ማዔ ኔ ፆኦዛሢኬ።
\q
\v 8 ኔኤኒ ታኣም ዒንጋ ዒንጊፆሮ ታ ኔና ቦሁዋሴ፤
\q2 ቢያ ዎዴ ሚቺ ኔ ዒንጋ ዒንጊፃ ታ ቤርታ ጴዻኔ።
\q
\v 9 ታኣኒ ጋዓንቴ ኔኤኮ ሞኦፃፓ ዚዮ ጌማቶ
\q2 ኔኤኮ ባርታፓ ኮላቶ ኮዑዋሴ።
\q
\v 10 ካዮ ቦዓ ቢያ
\q2 ዹካ ሄንቃ፥ ሺያና ፓይዲንታ ቆልማ ታኣሮኬ።
\q
\v 11 ጫሪንጮ ካፖ ቢያ ታኣኒ ዔራኔ፤
\q2 ዓሳ ናንጉዋ ዳውሎይዳ ዓኣ ቦዓኣ ታኣሮኬ።
\b
\q
\v 12 ሳዖንታ ዒኢካ ዓኣ ባካ ቢያ ታኣሮታሢሮ
\q2 ዔያታ ናይዺንቴቴያ ታ ኔኤም ኬኤዙዋሴ።
\q
\v 13 ታኣኒ ዚዮ ጌማቶኮ ዓሽኮ ሙዓ?
\q2 ኮላቶ ሱጉፆዋኣ ታኣኒ ዑሽካ?
\q
\v 14 ፆኦሲም ጋላታ ዒንጊሢ ሺኢሼ፤
\q2 ናኣቦዋ ኔኤኮ ዼኤፖ ፆኦዛሢም ዒንጌ።
\q
\v 15 ሜታ ኔና ሄሌ ዎዶና ታና ዔኤሌ፤
\q2 ታኣኒ ኔና ዓውሳንዳኔ፤
\q2 ዬካፓ ኔ ታና ጋላታንዳኔ» ጋዓኔ።
\b
\q
\v 16 ጎሞሲም ጋዓንቴ ፆኦሲ፦
\q2 «ኔኤኒ ታኣኮ ዎጎ ናባባኒ
\q2 ታኣኮ ጫኣቁሞ ኔ ዻንጎና ኬኤዛኒ
\q2 ዓይጎ ዔራቶ ኔኤኮ ዓኣይ?
\q
\v 17 ጎሪ ታ ኔና ዞራ ዞሮ ኔ ዒፃኔ፤
\q2 ቃኣሎ ታኣሲ ጊንሢም ኬኤራኔ።
\q
\v 18 ዉሲ ዓሲ ኔ ዴንቃዖ ዎላ ጳሽካኔ፤
\q2 ዞኦዛ ኮኦማ ዓሶና ዎላ ፔቴ ኔ ማዓኔ።»
\b
\q
\v 19 «ኔ ዻንጋ ፑርታ ባኣዚ ጌስታንዳጉዲ ኔ ሃሻኔ፤
\q2 ጌኤዛ ኔኤኮ ቢያ ጌሺሢ ሌሊኬ።
\q
\v 20 ዴዒጋፓ ኔኤኒ ኔ ጌርሲ ዾንካኔ፤
\q2 ኔ ዒንዶ ናዖኮዋ ሱንፆ ፑርቲሳኔ።
\q
\v 21 ዬያ ኔ ማዼንቴያ ታኣኒ ዚቲዮ ጌዔኔ፤
\q2 ዬያሮ ታኣኒ ኔጉዲ ማዔያ ኔኤም ማላኔ፤
\q2 ሃሢ ጋዓንቴ ፔጌና ታ ኔና ጎሪ ዞራኔ። »
\b
\q
\v 22 «ዒንሢ ታና ቶኦቻ ዓሳ ቢያ ሃያ ዒና ዔኪ ዋይዙዋቴ፤
\q2 ሃንጎ ታ ዒንሢ ባይዛንዳኔ፤
\q2 ዒንሢ ዓውሳንዳያኣ ባኣሴ።
\b
\q
\v 23 ታኣም ጋላታ ዒንጊሢ ሺኢሻሢ ታና ቦንቻኔ፤
\q2 ጎይፆ ፔኤሲ ፒዚሳሢም
\q ፆኦሲኮ ዓውሲፆ ታኣኒ ቤኤዛንዳኔ» ጋዓኔ።
\c 51
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ፤ ዳውቴ ቤርሳቤሄ ዒኢሴያና ፆኦሲ ማሊፆ ኬኤዛ ናኣታኔ ሙኪ ዒዛ ጎሬኔ።
\d ማኣሪንታኒ ሺኢቂንቴ ሺኢጲሢ
\q
\v 1 ፆኦሲዮ! ኔኤኮ ኮሹሞጉዴያ ታና ማኣሬ፤
\q2 ኔኤኮ ሚጪንቲፆ ሚርጉሞና
\q2 ዻቢንቶ ታኣኮ ዓቶም ጌዔኔ። \x - \xo 51፡1 \xo*\xt 2ሳሙ. 12፡1-15።\xt*\x*
\q
\v 2 ዻቢንቶ ታኣኮ ጋፒሲ ማስኬ፤
\q2 ታ ጎማፓ ታና ጌኤሼ።
\b
\q
\v 3 ታኣኒ ታኣኮ ዻቢንቶ ዔራኔ፤
\q2 ቢያ ዎዴ ጎማ ታኣሲ ታ ቤርታ ታኣም ጴዻኔ።
\q
\v 4 ታኣኒ ዋይዞ ዒፄሢ ኔኤምኬ፤
\q2 ታ ኔ ቤርታ ፑርታ ባኣዚ ማዼኔ፤
\q2 ኔኤኒ ዒፃ ባኮ ታ ማዼኔ፤
\q ዬያሮ ኔኤኒ ታኣም ዎጌ ዎጊፆና
\q2 ሜታሢያ ሄሊሴሢ ፒዜኬ። \x - \xo 51፡4 \xo*\xt ሮሜ 3፡4።\xt*\x*
\q
\v 5 ታ ዒንዳ ታና ጎጳዼማፓ ታኣኒ ጎሜናኬ፤
\q2 ሾይቴማፓ ዓርቃዖ ታ ዻቢንቴያኬ።
\b
\q
\v 6 ኔኤኒ ፒዜ ማዒሢና ጎኑሞና ናሽካሢሮ
\q2 ኔ ዔራቶኮ ዓኣሺንቴ ባኮ ታና ዔርዜ።
\q
\v 7 ሂሶጴ ዒላዦና ታና ኮርዴ፤
\q2 ታኣኒያ ጌኤሽካንዳኔ፤
\q2 ታና ማስኬ፥ ሻቺዳፓ ባሼ ታኣኒ ቦኦራንዳኔ።
\q
\v 8 ዎዛ ዑኡሲ ኔ ታና ዋይዚሴ፤
\q2 ኔ ታኣኮ ሜንሤ ሜጌፃ ዎዛዻንዳኔ።
\q
\v 9 ታኣኮ ጎሞ ዛጊፖ፤
\q2 ዻቢንቶዋ ታኣም ዓቶም ጌዔ።
\b
\q
\v 10 ታ ፆኦዛሢዮ! ጌኤሺ ዒና ታኣም ዒንጌ፤
\q2 ፒዜ ማዔ ዓያና ጋራ ታኣኮ ጌሤ።
\q
\v 11 ኔ ቤርታፓ ታና ሺኢሺፖ፤
\q2 ኔኤኮ ዱማዼ ዓያኖዋ ታጊዳፓ ዔኪፖ።
\q
\v 12 ኔኤኒ ታና ዓውሴ ዎዶና ዒንጌ ዎዞጉዴ ዎዛ ታኣም ዒንጌ፤
\q2 ዓይሢንታያ ማዓንዳጉዲ ታና ማኣዴ።
\q
\v 13 ዬካፓ ታኣኒ ዓይሢፆ ኔኤኮ ካፑዋ ዓሶ ዔርዛንዳኔ፤
\q2 ጎሞ ዓሳኣ ኔ ባንሢ ማዓንዳኔ።
\b
\q
\v 14 ታኣኮ ዼኤሻሢ ማዔ ታ ፆኦዛሢዮ!
\q2 ዓሲ ዎዺሢዳፓ ታና ኔ ካፔ፤
\q2 ኔኤኒ ዓውሳያ ማዔሢሮ ጋላታ ዓይኑሞ ታ ዓይናዻኔ።
\q
\v 15 ናንጊና ናንጋ ጎዳሢዮ! ዻንጎ ታኣኮ ቡሌ፤
\q2 ታኣኒያ ኔና ጋላታንዳኔ።
\b
\q
\v 16 ዎንዴ ኔ ዒንጎ ባኣዚ ናሽካያ ማዔቴ
\q2 ታኣኒ ኔኤም ዒንጌያ ናንዳኔ፤
\q2 ሚቺ ዒንጎ ዒንጊፃኣ ኔና ዎዛሱዋሴ።
\q
\v 17 ፆኦሲም ዒንጊንታ ዒንጊሢ ሜቄ ዒኔኬ፤
\q2 ሜቄያና ሂርኪ ጌዔ ዒና ዒዚ ቦሁዋሴ።
\b
\q
\v 18 ፆኦዛሢዮ!
\q2 ፂዮኔ ማኣዳኒ፥ ዬሩሳላሜኮዋ ኬኤሎ ዲፆ ኮሻኒ
\q2 ሃዳራ ኔኤኒ ጌዔሢጉዲ ማዖንጎ።
\q
\v 19 ዬማ ዎዶና ፒዜ ዒንጎ ዒንጊፆንታ
\q2 ሚቺ ዒንጎ ዒንጊፆናኣ ኔኤኒ ዎዛዻንዳኔ፤
\q2 ኑኡኒያ ኔኤም ዒንጎ ባኮ ዒንጎ ቤዛ ዚዮ ጌማቶ ሺኢሻንዳኔ።
\c 52
\s1 ዓይኑሞ ሱኡጋሢ ዓይሣ ጎይፆና ዔራቶና ካላሊንታ ዳውቴ ካላሎ፤ ዔዶኦሜ ዓሢ ዶይቄ ሳኣዖኦሌ ኮራ ሙኪ፥ «ዳውቴ ዓቤሜሌኬ ማኣሪ ሙኬኔ» ጌይ ኬኤዜያና ዓይናዺንቴያኬ።
\d ፆኦሲኮ ዎጎና ኮሹሞና
\q
\v 1 ዔዞ ዎልቆሶ ፑርቱሞና ዓይጋ ኔ ጪኢዺንታይ?
\q2 ፆኦሲ ዓኣፓ ኔኤኒ ቶኦቺንቴያታዖ
\q ቢያ ዎዴ ዎይቲ ኔ ዖቶርቃይ? \x - \xo 52፡1 \xo*\xt 1ሳሙ. 22፡9-10።\xt*\x*
\q
\v 2 ኔኤኒ ጌሺሢ ታኣኮ ማዾኬ ጌዒ ዓርቄሦ
\q2 ዻንጋ ኔኤኮ ዓጬ ሺጊሬጉዲ ባይሲንታ ሱኪ ሺራኔ።
\q
\v 3 ኮሹሞይዳፓ ባሼ ፑርቱሞ
\q2 ጎኑሞይዳፓ ሉኡዙሞ ባሼ ኔኤኒ ዶኦራኔ።
\q
\v 4 ኔኤኒ ዓሶ ጌሻ ዓሢ
\q2 ዓሲ ማኣሳንሦንዶ ጎይሢ ጌስታኒ ናሽካኔ።
\b
\q
\v 5 ዬያሮ ፆኦሲ ኔና ጋፒ ባይዛንዳኔ፤
\q2 ኔ ማኣራፓ ኬሲ ኔና ዒዚ ዳውሳንዳኔ፤
\q2 ዓሳ ናንጋ ሳዓፓ ኔና ቱጊ ኬኤራንዳኔ።
\q
\v 6 ፂሎ ዓሳ ዬያ ዛጊ ዒጊጫንዳኔ፤
\q2 ሚኢቺያ ሂዚ ጌዒ ዔያታ ሚኢጫንዳኔ፦
\q
\v 7 «ፆኦሲ ፔኤኮ ጊቲማጉዲ ማሂባኣ
\q2 ፔ ቆሎ ሚርጉሞና ሄርሺንቴ
\q2 ፔ ፑርቱሞናኣ ዶዴ
\q2 ሃያ ዓሢ ዛጉዋቴ።»
\q
\v 8 ታኣኒ ጋዓንቴ ፆኦሲ ማኣሮይዳ
\q2 ዋርቂ ዓኣ ዛይቶ ሪሚቶጉዲኬ፤
\q ዒዛኮ ጋፑዋ ናሹሞ
\q2 ናኣናና ታ ጉሙርቄ ጎይሣ ናንጋንዳኔ።
\q
\v 9 ፆኦሲዮ!
\q2 ኔኤኒ ማዼ ኮዦ ባኮሮ ቢያ ናንጊና ታ ኔና ጋላታኔ፤
\q2 ሱንፃ ኔኤኮ ኮሺታሢሮ ኔ ሱንፆ ታ ሃጋኣ ዎዛ ማሃኔ፤
\q2 ኔኤም ዱማዼ ዓሶ ባኣካ ታ ኔና ጋላታኔ።
\c 53
\s1 ዓይኑሞ ሱኡጋሢ ዓይሣ ጎይፆና ዔራቶና ካላሊንቴ ዳውቴ ዓይኑሞ
\d ዓሲኮ ፑርቱሞ
\q
\v 1 ዔኤያ ዓሲ ፔ ዒናና «ፆኦሲ ባኣሴ» ጋዓኔ፤
\q2 ዬያታ ፑርታ ዓሲኬ፤
\q2 ማዻ ዔያቶኮ ሻኣካያኬ፤
\q2 ዔያቶ ባኣካ ፔቴታዖ ኮሺ ማዻይ ባኣሴ።
\b
\q
\v 2 ማሊ ጶቂሣ ዓሲና ፆኦሲ ኮዓ ዓሲያ ዓኣቴ ዛጋኒ
\q2 ዒዚ ጫሪንጫፓ ዓሶ ዛጌኔ።
\q
\v 3 ጋዓንቴ ቢያሢ ዣኣሌኔ፤
\q2 ዔያታ ፔቴ ማዒያ ፑርቴኔ፤
\q ዔያቶይዳ ፔቴታዖ ኮሺ ባኣዚ ማዻይ ባኣሴ። \x - \xo 53፡3 \xo*\xt ሮሜ 3፡10-12።\xt*\x*
\b
\q
\v 4 ዓሲ ካሣ ሙዓሢጉዲ ዴሮ ታኣኮ ሙዓ ዓሳ
\q2 ታና ዔኤሊ ዔሩዋ ዓሳ
\q ዬያታ ፑርቶ ማዻ ዓሳ
\q2 ፔቴታዖ ዔኤቢ ዛጊ ዔሩዋዓዳ?
\b
\q
\v 5 ፆኦሲ ፔ ዴሮ ሞርኮ ሜንሤሢሮ
\q2 ዎኖ ዎዳፓኣ ባሼ ዒጊቹሞ ዔያታ ዓርቄኔ፤
\q2 ዒዚ ዔያቶ ዒፄሢሮ ጋፒ ዔያታ ቦርሲንታንዳኔ።
\b
\q
\v 6 ፂዮኔይዳፓ ዒስራዔኤሌም ዻቂንታ ዬዓያታቴ ዓይጎ!
\q2 ፆኦሲ ፔ ዴሮኮ ዲዒንቴ ባኮ ማሃ ዎዶና
\q ያይቆኦቤ ናኣታ ዎዛዻንዳኔ፤
\q2 ዒስራዔኤሌ ዴራኣ ኮሺ ዎዛዻንዳኔ።
\c 54
\s1 ዓይኑሞ ሱኡጋሢ ዓይሣ ጎይፆና ጎኦላና ዓይናዺንታ ዳውቴ ዓይኑሞ፤ ዜፓ ዓሳ ሳኣዖኦሌ ኮራ ሙኪ፥ «ዳውቴ ፑኒ ኑ ኮራ ዓኣኔ» ጌዒ ኬኤዜያና ዓይናዺንቴያኬ።
\d ሞርኮ ኩጫፓ ዓታኒ ሺኢቂንቴ ሺኢጲሢ
\q
\v 1 ፆኦሲዮ! ኔ ሱንፆና ታና ዓውሴ፤
\q2 ኔ ዎልቆና ታኣም ዎጌ።
\q
\v 2 ፆኦሲዮ! ሺኢጲፆ ታኣኮ ዋይዜ!
\q2 ታኣኒ ጋዓ ባኮዋ ዒና ዔኬ።
\q
\v 3 ፃንጎ ዓሳ ታኣም ዔቄኔ፤
\q2 ጌኔ ማዻ ዓሳ ሼምፓሢ ታኣኮ ዼሂ ሃንታኔ፤
\q2 ፆኦሲ ዔያታ ዔኤቢኬ ጎዑዋሴ።
\b
\q
\v 4 ጋዓንቴ ፆኦሲ ታና ማኣዳሢኬ፤
\q2 ናንጊና ናንጋ ጎዳኣ ታና ኬኤሊንቂ ዓርቄኔ።
\q
\v 5 ዔያቶኮ ጌኖ ማዾ ታና ዋኣዪሳ ታ ሞርኮም ማሄ፤
\q2 ዔያቶ ባይዚ፥ ኔኤኒ ጉሙርቂንታያ ማዒፆ ዻዌ።
\b
\q
\v 6 ኔኤም ዒንጎ ባኣዚ ታ ሼኔና ታ ዒንጋንዳኔ፤
\q2 ናንጊና ናንጋ ጎዳሢዮ!
\q2 ዬይ ኮይሳያ ማዔሢሮ ታ ኔና ጋላታኔ።
\q
\v 7 ታ ሜታፓ ቢያ ኔ ታና ዓውሴኔ፤
\q2 ታ ሞርኮኮዋ ሎኦሚፆ ታ ዛጌኔ። \x - \xo 54፡7 \xo*\xt 1ሳሙ. 23፡19፤ 26፡1።\xt*\x*
\c 55
\s1 ዓይኑሞ ሱኡጋሢ ዓይሣ ጎይፆና ጎኦላና ዓይናዺንታ ዳውቴ ኬኤዚ ዔርዜ ባኮ
\d ላጌ ዒፄ ዓሲ ሺኢቄ ሺኢጲሢ
\q
\v 1 ፆኦሲዮ! ሺኢጲፆ ታኣሲ ዋይዜ፤
\q2 ታ ኔና ሺኢቃ ሺኢጲፆ ቶኦዛዺፖ!
\q
\v 2 ታ ባንሢ ዛጌ፥ ዋይዚያ ታኣም ማሄ፤
\q2 ጋርሲና ታኣኒ ዲቃቴኔ፥ ዓጊፂያ ዓጊፄኔ።
\q
\v 3 ታ ሞርካ ታኣም ዚርቃሢሮ ታ ዒጊጬኔ፤
\q2 ፑርቶ ሄርቂ ዎይሢፃ ታና ሺኢቼኔ፤
\q ዔያታ ፑርታ ሜቶ ታ ጊዳ ዔኪ ሙካኔ፤
\q2 ዒፂ ዻጋና ታና ዔያታ ዛጋኔ።
\b
\q
\v 4 ዒና ታኣኮ ታና ማሊሢና ዋኣዪሳኔ፤
\q2 ታኣኒ ሃይቄኔ ጌይሲ ታና ዒጊቺ ዓርቄኔ።
\q
\v 5 ዒጊቹሞና ዲቃቲሢና ታ ዓርቄኔ፤
\q2 ዑፃ ታኣኮ ማዔ ካራና ዲቃታኔ።
\q
\v 6 ዶኦሌጉዲ ጋኣሲ ታኣኮ ዓኣቴ ዓይጎ!
\q2 ባራኒ ዴንዲ ታ ሃውሼያ ናንዳኔ።
\q
\v 7 ሄኤዶ ቤቲ ታኣኒ ሃኬ ዓኣዼቴ
\q2 ዓሳ ናንጉዋ ዳውሎይዳ ታ ናንጋንዳቴኬ።
\q
\v 8 ዓልጋሢ ዢባሮና ዢኢፖናፓ ታ ጳሽኪ
\q2 ሩኡሪና ታ ማኣሮ ባንሢ ታ ሄሌያ ናንዳኔ።
\q
\v 9 ናንጊና ናንጋ ጎዳሢዮ!
\q2 ካታሜሎይዳ ጌኔ ማዾና ዣሎና ታ ዛጋሢሮ
\q2 ዲቃሢ ካራ ዔያቶኮ ባይዜ፤
\q2 ጌስታ ሙኡጮዋ ዔያቶሲ ሲኢሬ።
\b
\q
\v 10 ዒዛ ሜቶና ባይሲንታና ኩሜ ካታማኬ፤
\q2 ፑርቶ ዓሳ ዋንቶንታ ሮኦሮንታ ዒዞኮ ኬኤሎ ዲፆ ዑፃ ሃንታኔ።
\q
\v 11 ባይሲንታ ዒዞይዳ ዓኣኔ፤
\q2 ጌኔ ማዾና ጌሺሢና ዓሳ ቡካ ጶኦካፓ ዒዞኮ ባይቁዋሴ።
\b
\q
\v 12 ታና ጫሽካሢ ታ ሞርካሢቱዋሴ፤
\q2 ዎንዴ ዬያታቴ ጊቢ ታ ዳንዳዔያ ናንዳኔ፤
\q2 ታ ዑፃ ዖቶርቃሢያ ዒዛቱዋሴ፤
\q2 ዒዛታቴ ቤርታፓ ታ ዒዛኮ ዓኣሺንቴያ ናንዳኔ።
\q
\v 13 ጋዓንቴ ዬያ ማዻሢ ታ ኔና ጉሙርቃ
\q2 ታኣኮ ላጋሢና፥ ዒጊናሢ ማዔ ኔናኬ።
\q
\v 14 ኑኡኒ ፆኦሲ ማኣራ ዴሮ ባኣካ ዎላ ሃንቴኔ፤
\q2 ዎዛሳ ናሹሞዋ ኑኡኮ ዓኣኔ።
\q
\v 15 ዒና ዔያቶኮ ፑርቱሞ ቡኬ ቤሲታሢሮ
\q2 ታ ሞርኮይዳ ዔያታ ዔሩዋንቴ ሃይቢ ዬዖንጎ!
\q2 ሳዛና ዓኣዖዋ ዱኡኪንቶንጎ!
\b
\q
\v 16 ታኣኒ ጋዓንቴ ፆኦሲ ባንሢ ዒላታኔ፤
\q2 ናንጊና ናንጋ ጎዳሢ ታና ዓውሳኔ።
\q
\v 17 ዋንቶንታ ጉቶንታ ሮኦሮንታ
\q2 ታኣኒ ዔኤሊንታኔ፥ ዚኢሊንቲያ ታ ዚኢሊንታኔ፤
\q2 ዑኡዞዋ ዒ ታኣኮ ዋይዛኔ።
\q
\v 18 ታና ማኪ ዔቄ ዓሳ ሚርጌኬ፤
\q2 ታኣም ማሎና ዖላፓ ሼምፓሢ ታኣኮ ዒዚ
\q ማሂ ሻንቂ ዔኪ ዓውሳንዳኔ።
\q
\v 19 ዔያታ ፔኤኮ ሃንቲፆ ላኣሚባኣሴ፤
\q2 ፆኦሲያ ዔያታ ዒጊጩዋሴ፤
\q2 ሚናፓ ዓርቃዖ ፔኤኮ ካኣቱሞይዳ ዓኣ ፆኦዛሢ
\q2 ዋይዚ ዔያቶ ዒ ዻውሲሳንዳኔ።
\b
\q
\v 20 ታኣኒ ዒዛ ታ ላጌኬ ጋዓ ዓሢ
\q2 ፔ ላጎ ጳርቃኒ ፔ ኩጮ ዔቂሴኔ፤
\q2 ዎላ ጫኣቄ ጫኣቁሞዋ ሃሼኔ።
\q
\v 21 ዻንጋ ዒዛኮ ዖይሲዳፓ ባሼ ሺኢታኔ፤
\q2 ዒና ጋዓንቴ ዒዛኮ ዖልዚ ማላኔ፤
\q ዑኡዛ ዒዛኮ ዛይቴይዳፓ ባሼ ኮሽካኔ፤
\q2 ጋዓንቴ ቱጊንቴ ጬንቻ ዓፓሮጉዲኬ።
\b
\q
\v 22 ኔና ዴኤፃ ባኮ ቢያ ናንጊና ናንጋ ጎዳም ሃሼ፤
\q2 ዒዚ ኔ ቶኦኮ ዛጊ ዓርቃንዳኔ፤
\q2 ዒዚ ኮዦ ዓሶ
\q2 ፔቴታዖ ሜታዻንዳጉዲ ሜቶም ዓኣሢ ዒንጉዋሴ።
\b
\q
\v 23 ፆኦሲዮ! ኔኤኒ ጋዓንቴ ፑርቶ ዓሶ
\q2 ባይሲንታ ዔቴይዳ ኬኤራንዳኔ፤
\q2 ዬያታ ዓሶ ዎዻ ዓሶና ጌሻ ዓሳ
\q2 ዔያታ ናንጋኒ ኮይሳ ሌዖኮ ሄካሢታዖ ናንጋዓኬ፤
\q ታኣኒ ጋዓንቴ ኔና ጉሙርቃኔ።
\c 56
\s1 «ዶኦሌላ ሃኬ ዓኣ ሻኣቦይዳ» ጌይንቴ ዓይኑሞና ዓይኑሞ ሱኡጋሢ ዓይሣ ጎይፆ ካላሊንቴ ዳውቴ ካላሎ (ፒሊስፄኤሜ ዓሳ ጌኤቴይዳ ዳውቴ ዓርቄያና ዒ ካላሌያኬ።)
\d ፆኦሲ ጉሙርቂ ሺኢቂንታ ሺኢጲሢ
\q
\v 1 ፆኦሲዮ! ዓሳ ታና ዋኣዪሳሢና
\q2 ሞርካኣ ታኣኮ ታና ቢያ ዎዴ ዳውሳሢናሮ
\q2 ታኣም ሚጪንቴ።
\q
\v 2 ዖቶርሙሞና ታና ዖላ ዓሳ ሚርጌኬ፤
\q2 ሞርካ ታኣኮ ሮኦሮ ጉቤ ታ ዑፃ ዔቄኔ።
\q
\v 3 ታና ዒጊቻ ዎዶና
\q2 ታኣኮ ጉሙርቂፆ ታ ኔጊዳ ማሃኔ።
\q
\v 4 ታኣኒ ፆኦሲ ጉሙርቃሢሮ ዒጊጫዓ፤
\q2 ታኣም ዒንጊንቴ ሃጊ ማዓ ዎዞሮ ዒዛ ታ ጋላታኔ፤
\q2 ታኣኒ ዒዛ ጉሙርቃሢሮ
\q2 ዔዞ ዓሲ ታና ዎዳንዳይ?
\b
\q
\v 5 ሞርካ ታኣኮ ሮኦሮ ጉቤ
\q2 ታ ዻቢንቴቴ ዓርቃኒ ኮዒ ሃንታኔ፤
\q2 ቢያ ዎዴ ታና ባይዛኒ ዎላ ዞርታኔ።
\q
\v 6 ቡኪንቲ ታና ዔያታ ካታኔ፤
\q2 ሄፆ ቢያ ዔያታ ታኣኮ ኮጲሳኔ፤
\q2 ሼምፓሢ ታኣኮ ባይዛኒ ኮዓኔ።
\q
\v 7 ፆኦሲዮ! ዎይቴቴያ ዔያታ ቶሊ ዓቱዋጉዲ ማዼ!
\q2 ያቶ ዴሮ ኔኤኮ ጎሪንቶና ዻውሲሴ።
\b
\q
\v 8 ቃያሢ ታኣኮ ፃኣፒ ዓርቄ፤
\q2 ዓቢፆዋ ኔ ዶሎዞይዳ ቃዼ፤
\q2 ቢያሢ ፃኣፒ ዓርቆ ቤዛ ዓርቂንቴያቱዋዓዳ?
\q
\v 9 ኔ ባንሢ ታኣኒ ዔኤሊንታ ኬሎና
\q2 ሞርካ ታኣኮ ጊንሢም ማዓኔ፤
\q ዬያና ፆኦሲ ታኣኮ ኮራ ማዔሢ ታ ዔራኔ።
\q
\v 10 ዬይ ታኣና ዎላ ማዔ ፆኦዛሢ
\q2 ቃኣሎ ታ ዒዛኮ ጋላታሢና ቦንቻ ፆኦዛሢኬ።
\q
\v 11 ታኣኒ ዒዛ ጉሙርቃሢሮ ዒጊጫዓ፤
\q2 ዓሲ ታና ዓይጎ ዎዳንዳይ?
\b
\q
\v 12 ፆኦሲዮ!
\q2 ኔኤም ታኣኒ ናኣቤ ናኣቢ ዓኣኔ፤
\q2 ዬይያ ጋላታ ታ ኔኤም ሺኢሻያኬ። \x - \xo 56፡12 \xo*\xt 1ሳሙ. 21፡13-15።\xt*\x*
\q
\v 13 ሃይቢዳፓ ኔኤኒ ታና ዓውሴኔ፤
\q2 ዹቂንቲ ታኣኒ ሎኦሙዋጉዲ ኔ ታና ማኣዴኔ፤
\q ዬያሮ ሼምፖና ዓኣ ዓሶ ዑፃ ፖዓ ፖዖይዳ
\q2 ፆኦሲ ቤርታ ታኣኒ ሃንታኔ።
\c 57
\s1 «ባይዚፖ» ጌይንታ ዓይኑሞና ዓይኑሞ ሱኡጋሢ ዓይሣ ጎይፆ ካላሊንቴ ዳውቴ ካላሊ (ዳውቴ ሳኣዖኦሌ ቤርታፓ ፑኒ ዴኖ ዔቶ ጌሌያና ዓይናዼያኬ።)
\d ፆኦሲ ማኣዳንዳጉዲ ሺኢቂንቴ ሺኢጲሢ
\q
\v 1 ፆኦሲዮ! ታኣም ሚጪንቴ፥ ታና ማኣሬ፤
\q2 ታ ሼምፓሢኮ ፑኖ ካያሢ ኔናኬ፤
\q ሜቶ ዲጳ ዓኣዻንዳያ ሄላንዳኣና
\q2 ኔኤኮ ጋኣዞ ዴሞ ታኣኒ ጌላንዳኔ።
\b
\q
\v 2 ታኣም ማሌ ባኮ ማዺ ኩንሣ ፆኦዛሢ
\q2 ዒዛ ዼኤፓሢ ባንሢ ታኣኒ ዒላታኔ።
\q
\v 3 ፆኦሲ ፔ ሚጪንቲፆና ጉሙርቂንቲፆዋ
\q2 ጫሪንጫፓ ዳኪ ታና ዓውሳንዳኔ፤
\q2 ታና ሜታሳ ዓሶ ዒዚ ዻውሲሳንዳኔ።
\b
\q
\v 4 ሼምፔላ ታኣኮ ዞቢና ማንጊንቴኔ፤
\q2 ሾኦሊ ታና ሙዓ ቦዖ ባኣካ ታ ኬዴኔ፤
\q2 ዓጫ ዔያቶኮ ዎርሢና ሂኢሺናጉዲ
\q2 ዒንዲርዛኣ ዔያቶሲ ዋርቂንቴ ጬንቻ ዓፓሮኬ።
\b
\q
\v 5 ፆኦሲዮ!
\q2 ሌካ ጫሪንጮኮ ዑፃ ዼግ ዼጊ ጌዔ፤
\q2 ቦንቻ ኔኤሲ ሳዖ ቢያይዳ ኩሞንጎ።
\b
\q
\v 6 ሞርካ ታኣኮ ታና ዓይሣኒ ፒሮ ታኣም ፒሬኔ፤
\q2 ታና ጉቤና ዎቢሳ ዎዛ ቲቂሢ ታና ሄሌኔ፤
\q ዔያታ ታኣኮ ጎይፆይዳ ዔቴ ቦኦኬኔ፤
\q2 ጋዓንቴ ዬያ ዔቶይዳ ፔኤሮ ዔያታ ሎኦሜኔ።
\b
\q
\v 7 ፆኦዛሢዮ! ዒና ታኣኮ ዶዲኬ፤
\q2 ካላሊያ ካላሊ ታኣኒ ዓይናዻኔ።
\q
\v 8 ታኣኮ ሼምፔሌ ጴጬ!
\q2 ጎኦሎንታ ሃንጎ ዓይኑሞ ዓንጋሞንታ ዔቁዋቴ!
\q2 ታኣኒያ ሚኢሪ ዔቃንዳኔ።
\q
\v 9 ናንጊና ናንጋ ጎዳሢዮ! ዴሮ ባኣካ ታ ኔና ጋላታንዳኔ፤
\q2 ታ ዴሮ ባኣካኣ ታ ኔኤም ጋላታ ዓይኑሞ ዓይናዻንዳኔ።
\q
\v 10 ኔኤኮ ናንጊና ናንጋ ናሹማ ጫሪንጮ ሄላያኬ፤
\q2 ጉሙርቂንቲፃኣ ሻኣሮ ሄላኔ።
\q
\v 11 ፆኦሲዮ! ጫሪንጮኮ ዑፃ ዼግ ዼጊ ጌዔ፤
\q2 ቦንቻ ኔኤኮ ሳዖ ቢያይዳ ማዖንጎ። \x - \xo 57፡11 \xo*\xt 1ሳሙ. 22፡1፤ 24፡3።\xt*\x*
\c 58
\s1 «ባይዚፖ» ጌይንታ ዓይኑሞና ዓይኑሞ ሱኡጋሢ ዓይሣ ጎይፆ ካላሊንቴ ዳውቴ ካላሎ
\d ፆኦሲ ፑርቶ ዓሶ ዎጋንዳጉዲ ሺኢቂንቴ ሺኢጲሢ
\q
\v 1 ዒንሢ ዎይሣ ዓሳ!
\q2 ፒዜ ዒንሢ ጌስታ?
\q ዓሶም ጎኑሞና ሄኮ ዒንሢ ዎጋ?
\q
\v 2 ዬያ ዒንሢ ሃሺ ዒኖና ዒንሢ ፑርታ ባኣዚ ማሊ ቱካኔ፤
\q2 ሳዖይዳ ዒንሢ ማዻ ባካ ቢያ ፑርታ ሌሊኬ።
\b
\q
\v 3 ፑርቶ ዓሳ ዒንዶ ጎጳ ዓኣዖ ዣኣሌያኬ፤
\q2 ሾይንቴማፓ ዓርቃዖ ዻባኔ፥ ሉኡዙሞዋ ዔያታ ጌስታኔ።
\q
\v 4 ዔያታ ሾኦሺጉዲ ዳኣኒናኬ፤
\q2 ዋይዚ ባይቄ ጎፖ ሾኦሺ ጉዴያኬ።
\q
\v 5 ጎፖ ሾኦዣ ዋዮ ፔኤሲ ቱጫሢ
\q2 ሾኦዦ ማርሻ ዓሶንታ ሳጎ ዓሶንታኮ ዑኡዞ ዋይዞ ዒፂኬ።
\b
\q
\v 6 ፆኦሲዮ! ዬያቶ ዞቦጉዴ ፑርቶ ዓሶንሢኮ ዓጮ ሜንሤ፤
\q2 ባንጋሎዋ ዔያቶሲ ሾኦሌ።
\q
\v 7 ላኣሊንታዖ ጋፓ ዋኣሢጉዲ ዔያታ ባይቆንጎ!
\q2 ሂኢዦ ዔያታ ዱካዛ ዻዻቦንጎ!
\q
\v 8 ሃንታዖ ማኣሽኪ ጋፓ ዻኣዼጉዲ
\q2 ጊንሣ ሃሣ ፖዒ ዛጉዋ፥ ቡሊሢጉዲ
\q2 ዔያታ ማዖንጎ!
\q
\v 9 ዔያታ ዔርቲባኣንቴ ዓንጊሢጉዲ
\q2 ቱጊንቲ ኬኤሪንታንዳኔ፤
\q2 ፆኦሲ ፔኤኮ ዼኤፖ ዻጎና
\q2 ሼምፔና ዓኣንቴ ዜርቂ ዔያቶ ባይዛንዳኔ።
\b
\q
\v 10 ጎሞ ዓሶኮ ኮማ ኮፂንታኣና ዛጋዖ
\q2 ፂሎ ዓሳ ዎዛዻኔ፤
\q2 ዔያታ ቶኮ ፔኤሲ ፑርቶ ዓሶ ሱጉፆና ማስታኔ።
\q
\v 11 ዬኖ ዎዶና ዓሳ፦ «ፂሎ ዓሳ
\q2 ፔኤኮ ኮዦ ማዾ ዛሎ ዒንጎ ባኮ ዔኬኔ፤
\q2 ሳዖይዳ ዎጋ ፆኦሲ ጎኔና ዓኣኔ» ጋዓንዳኔ።
\c 59
\s1 «ባይዚፖ» ጌይንታ ዓይኑሞና ዓይኑሞ ሱኡጋሢ ዓይሣ ጎይፆ ካላሊንቴ ዳውቴ ካላሊ (ዳውቴ ዎዻኒ ማኣሮ ዒዛኮ ማንጋንዳጉዲ ሳኣዖኦሌ ዓሶ ዳኬያና ዒ ዓይናዼያኬ።)
\d ፆኦሲ ካፓንዳጉዲ ሺኢቂንቴ ሺኢጲሢ
\q
\v 1 ፆኦሲዮ! ታኣኮ ሞርኮይዳፓ ታና ዓውሴ፤
\q2 ታና ማኣሳንሣኒ ዔቄ ዓሶይዳፓ ካፔ። \x - \xo 59፡1 \xo*\xt 1ሳሙ. 19፡11።\xt*\x*
\q
\v 2 ፑርቶ ማዻ ዓሶይዳፓ ሄሊ ታና ዓይሴ፤
\q2 ዓሶ ዎዻ ዓሶይዳፓኣ ታና ዓውሴ።
\b
\q
\v 3 ዔያታ ታና ካቲ ዓኣ ጎይፆ ዛጌ!
\q2 ፆኦሲዮ! ሚጪንቱዋ ዓሳ
\q2 ታ ዻቤ ባኣዚንታ ጎሜያ ታኣኮ ባኣንቴ
\q2 ታ ዑፃ ቡኪ ዔያታ ዞርቴኔ።
\q
\v 4 ዔያታ ታ ዻቤ ባኣዚ ባኣንቴ ታና ማኣሳንሣኒ ጊኢጊንቴኔ፤
\q2 ኔኤኒ ዬያ ዛጊጋፓ ዔቂ ታና ማኣዴ።
\b
\q
\v 5 ኔኤኒ ቢያ ባኮ ዎይሣ ጎዳ ማዔ ዒስራዔኤሌ ፆኦዛሢኬ፤
\q2 ሜሌ ዴሮይዳ ሜቶ ዓጋኒ ኬስኬ፤
\q ዔያታ ፔኤኮ ጌኖ ማዾና ማዻ ባኮሮዋ
\q2 ሚጪንቱዋዖ ሜቶ ዔያቶይዳ ኬኤሬ።
\b
\q
\v 6 ካታሞይዳ ዔያታ ዓዳ ካኒጉዲ
\q2 ቦጪ ሃንቲ ሺራኣ ሺራ ፔኤቂ ዒባኒ ማዓንዳኔ።
\q
\v 7 ዻንጋፓ ዔያቶኮ ኬስካ ባኮ ኔኤኒ ዋይዜ፤
\q2 ዻንጋ ዔያቶኮ ጬንቻ ዓፓሮ ዓኣኔ፤
\q2 ዔያታ፦ «ዖኦኒያ ኑኡሲ ዋይዙዋሴ» ጋዓኔ።
\b
\q
\v 8 ናንጊና ናንጋ ጎዳሢዮ!
\q2 ኔኤኒ ጋዓንቴ ዔያቶ ሚሚኢጫኔ፤
\q2 ሜሌ ዴሮ ቢያ ቶኦቺ ኔ ዛጋኔ።
\q
\v 9 ታኣኮ ዶዱማሢዮ! ታና ኔ ካፔ፤
\q2 ፆኦዛሢዮ! ኔኤኒ ታኣኮ ፑኖ ካያሢኬ።
\q
\v 10 ፆኦሲ ፔ ማኣሪፆና ታኣና ካኣማንዳኔ፤
\q2 ታ ጎዳሢ ታ ሞርኮኮ ሎኦሚፆ ታና ዻዋንዳኔ።
\b
\q
\v 11 ናንጊና ናንጋ ጎዳ ማዔ ኑ ጊቲማሢዮ!
\q2 ታኣኮ ዒጊና ኔኤኒ ኮሜ ኮፃያ ማዔሢ ዋሉዋጉዲ ዔያቶ ዎዺፖ፤
\q2 ጋዓንቴ ኔኤኮ ዎልቆና ዔያቶ ዜርቄ፥ ሃሣ ዻውሲሴ።
\q
\v 12 ፔኤኮ ዔያታ ዻንጋፓ ኬሳ ጎሞሮ
\q2 ፔ ሙሱሮና ዔያታ ጌስታ ዑኡዞሮ
\q ዔያታ ጋዳንቂ ሉኡቃሢሮ
\q2 ፔ ዖቶርሙሞና ዓዺንቶንጎ።
\q
\v 13 ኔኤኮ ዻጎና ዔያቶ ባይዜ፤
\q2 ዔያቶ ጋጋፒሴ፤
\q ያዺ ማዓዛ ፆኦሲ ዒስራዔኤሌ ዓሶ ዎይሣያ ማዔሢ
\q2 ዓጮኮ ጋፖ ሄላንዳኣና ዔርቴያ ማዓንዳኔ።
\q
\v 14 ታኣኮ ሞርካ ጉሪ ካታሞይዳ
\q2 ካኒጉዲ ቦጪ ሃንቲ ሺራኣ ሺራ
\q2 ዒባኒ ማዒ ሙካኔ።
\q
\v 15 ሙዖ ባይዚ ዔያታ ጳሽኪ ሺራኔ፤
\q2 ዔያታ ሚሽኪባኣያታቴ ጉሪ ቦጪ ሺራኔ።
\b
\q
\v 16 ታኣኒ ጋዓንቴ ኔኤኮ ዎልቆ ዛሎ ዓይናዻንዳኔ፤
\q2 ኔኤኒ ታኣኮ ፑኖ ካያሢኬ፤
\q2 ታና ሜቴ ኬሎ ኔ ታኣኮ ዹካሢኬ።
\q
\v 17 ፆኦዛሢዮ! ኔ ታኣኮ ዱማዼሢኬ፤
\q2 ኔኤኒ ታኣኮ ፑኖ ካያሢኬ፤
\q2 ኔኤኮ ናንጊና ናንጋ ናሹሞ ኔ ታና ቤኤዛኔ፤
\q2 ዬያሮ ጋላታ ዓይኑሞ ታ ኔኤም ሺኢሻኔ።
\c 60
\s1 ዓይኑሞ ሱኡጋሢ ዓይሣ ጎይፆና «ሳሌ ቡኒ» ጌይንታ ዓይኑሞና ዓይናዺንታ ዳውቴ ካላሊ (ኬዶ ዛሎኮ ዓባ ጌላ ባንፃ ዓኣ ሜሴፖታሚያና ሶኦሪያ ዓጮኮ ሳዞይዳ ናንጋ ዓራማ ዓሳ ዒስራዔኤሌ ዓሶ ዖሌያና፥ ጊንሣ ሃሣ ዒዮዓኣቤያ ሶኦጎ ዶኦጮይዳ ታጶ ላምዖ ሺያ ማዓ ዔዶኦሜ ዓሶ ዎዼያና ዓሶ ዔርዛኒ ዳውቴ ካላሌ ካላሊኬ።)
\d ፆኦሲ ዓውሳያ ማዒፆ ዔርዛ ሺኢጲሢ
\q
\v 1 ፆኦሲዮ! ኔ ኑና ኬኤሬኔ፥ ሜንሢያ ጋኣጬኔ፤
\q2 ኔ ኑና ጎሬኔ፤
\q ሃሢ ጋዓንቴ ማሂ ኑና ኮሼ።
\q
\v 2 ሳዔሎ ኔ ዓጊሢ ፃሂሲ ዳርዜኔ፤
\q2 ሴካ ሃንጋ ዒዛ ጋዓሢሮ ዒዞ ኮኦሌ።
\q
\v 3 ኔኤኮ ዴሮ ሜቶ ኔ ዻዌኔ፤
\q2 ማሣ ዎይኔ ዑሺ
\q2 ኑ ዑሽካንዳጉዲ ኔ ዒንጌኔ።
\q
\v 4 ፔኤኮ ሞርኮ ዓንጋፓ ቶሊ ዓታንዳጉዲ
\q2 ኔና ዒጊጫዞንሢ ዴንቂ ፔና ካፓንዳንጉዲ
\q2 ማላታ ማሂ ኔ ዔያቶም ዒንጌኔ።
\q
\v 5 ኔ ናሽካ ዴራ ዻቃንዳጉዲ
\q2 ሚዛቆ ኩጮና ኑና ማኣዴ፥ ማሂያ ኑም ኬኤዜ።
\b
\q
\v 6 ፆኦሲ ፔ ናንጋ ዱማዼ ማኣራፓ ኬኤዛዖ፦
\q2 «ታኣኒ ዎዛና ሴኬሜ ሳዖ ጊሽካንዳኔ፤
\q2 ሱኮቴ ዶኦጮዋ ፓቃንዳኔ።
\q
\v 7 ጌሌዓዴንታ ሚናኣሴ ዓጮንታ ታኣሮኬ፤
\q2 ዔፕሬኤሜ ዖሎሮ ታኣኮ ቶኦካ ዓጎ ዓንጎኬ፤
\q2 ዪሁዳ ታኣኮ ካኣቱሞ ዎልቆኮ ማላታኬ።
\q
\v 8 ሞዓኣቤ ታኣኮ ዑፆ ማስቶ ጎንጎኬ፤
\q2 ዔዶኦሜ ታኣሮ ማዒፆ ዔርዛኒ ዱርዞ ታኣሲ
\q2 ዒኢካ ታ ጌሣንዳኔ፤
\q2 ፒሊስፄኤሜ ዓሳኣ ታ ዴማ ዎርቃንዳኔ» ጌዔኔ።
\b
\q
\v 9 ኬልቂ ዲርቂንቴ ካታሜሎ ዖ ታና ዔኪ ዓኣዻንዳይ?
\q2 ዴንዲ ዔዶሚያሴ ሄላኒ ዖ ታና ካኣሌሣንዳይ?
\q
\v 10 ፆኦሲዮ! ኑና ኬኤሬሢ ኔናኬ፤
\q2 ኑኡኮ ዖሎ ዓሶና ዎላ ኬስኪፆ ኔ ሃሼኔ።
\q
\v 11 ዓሲ ዓሲ ማኣዳሢ ዔኤቢ ፓሡዋያኬ፤
\q2 ዬያሮ ሞርኮ ኑኡኮ ኑ ባሻንዳጉዲ ኔ ኑና ማኣዴ።
\q
\v 12 ፆኦሲ ኑኡና ዎላ ማዔያታቴ ኑ ባሻንዳኔ፤
\q2 ዒዚ ሞርኮ ኑኡኮ ዻውሲሳንዳኔ። \x - \xo 60፡12 \xo*\xt 2ሳሙ. 8፡13፤ 1ፆኦሲ. ዓሃኬ 18፡12።\xt*\x*
\c 61
\s1 ዓይኑሞ ሱኡጋሢ ዓይሣ ጎይፆ ጎኦላና ዓይናዺንታ ዳውቴ ዓይኑሞ
\d ሜቶፓ ቶሊ ኬስካኒ ሺኢቂንቴ ሺኢጲሢ
\q
\v 1 ፆኦሲዮ! ዒላቶ ታኣኮ ዒናፓ ዋይዜ፤
\q2 ሺኢጲፆዋ ታኣኮ ዔኬ።
\q
\v 2 ዒና ታኣኮ ዶጬ ዎዶና
\q2 ሳዖኮ ጋፓ ዓኣዖ ታኣኒ ኔና ዔኤላኔ፤
\q2 ታ ጊዳፓ ባሼ ዼግ ጌዔ ላላሢ ባንሢ
\q2 ዔኪ ታና ዓኣዼ።
\b
\q
\v 3 ኔኤኒ ታኣኮ ፑኖ ካያሢኬ፤
\q2 ታ ሞርካፓ ታ ዓኣሺንታ ዶዲ ኬኤሌ ኔ ታኣኮ ማዔኔ።
\b
\q
\v 4 ኔ ማኣሮይዳ ናንጊና ታ ናንጎም፤
\q2 ኔ ጋኣዞ ሺቦ ዴማ ታኣኒ ዔቆም።
\q
\v 5 ፆኦሲዮ ናኣቦ ኔ ታኣሲ ዋይዜኔ፤
\q2 ኔኤኮ ሱንፆ ዒጊጫ ዓሶም ኔ ጊኢጊሼ ዓንጆ
\q ታኣማኣ ኔ ዒንጌኔ።
\b
\q
\v 6 ካኣቲ ናንጎይዳ ሚርጌ ሌዔ ቃሴ፤
\q2 ሚርጌ ዎዴ ዒዛ ናንጊሼ!
\q
\v 7 ኔ ቤርታ ናንጊና ዒ ካኣታዾንጎ፤
\q2 ዒዛ ካፓንዳጉዲ ኔኤኮ ማኣሪፆንታ ጉሙርቂንቲፆዋ
\q2 ዒዛም ጊኢጊሼ።
\b
\q
\v 8 ኬላ ኬላ ኔኤም ታ ናኣቤ ናኣቦ ሺኢሺሢና
\q2 ቢያ ዎዴ ጋላታ ዓይኑሞ ታ ኔኤም ዓይናዻንዳኔ።
\c 62
\s1 ዓይኑሞ ሱኡጋሢ ዓይሣ ጎይፆና ዔዶታኣሜ ዛሎ ዓይናዺንቴ ዳውቴ ዓይኑሞ
\d ፆኦሲ ሌሊ ጉሙርቂሢ
\q
\v 1 ሼምፓሢ ታኣኮ ሃውሾ ዴንቃሢ ፆኦሲና ሌሊኬ፤
\q2 ዻቂንታ ታኣም ሙካሢ ዒዛይዳፓኬ።
\q
\v 2 ታኣኮ ላሎ ሹጫሢና ዼኤሻሢ ዒዛ ሌሊኬ፤
\q2 ታኣኮ ፑኖ ካያሢያ ዒዛኬ፤
\q2 ፔቴታዖ ታ ዓጊፃዓኬ።
\b
\q
\v 3 ዓሲ ዒንሢ ማኣሳንሣሢ ዓይዲ ሄላንዳኣናዳይ?
\q2 ሃያ ዢኢፔ ኮጮና ዓጊፃ ዲሮ
\q2 ዒንሢ ቢያሢ ሂዒ ዶይሳኒ ኮዓ?
\q
\v 4 ዔያታ ኮዓሢ ዒዛ ቦንቻፓ ሺኢሻኒ ማዔሢሮ
\q2 ዒዛይዳ ሉኡዙሞ ጌስታኒ ዔያታ ናሽካኔ፤
\q ዔያታ ዻንጎና ዒዛ ዓንጃኔ፤
\q2 ዒኖና ጋዓንቴ ዒዛ ጋጋዳንቃኔ።
\b
\q
\v 5 ታኣኮ ሼምፔሌ ሃውሺጋፓ ፆኦሲ ሌሊ ካፔ፤
\q2 ታኣኮ ሃጊ ማዓ ዎዛ ሙካሢ ዒዛይዳፓኬ።
\q
\v 6 ታኣኮ ላሎ ሹጫሢና ዼኤሻሢ ዒዛ ሌሊኬ፤
\q2 ፑኖ ካያሢያ ታኣኮ ዒዛኬ፤
\q2 ታኣኒ ዓጊፃዓኬ።
\q
\v 7 ታኣኮ ዻቂንቶና ቦንቾና ፆኦሲናኬ፤
\q2 ዶዶ ላላሢንታ ዓኣሺንቶ ቤዛሢያ ዒዛኬ።
\b
\q
\v 8 ዓሲዮቴ! ቢያ ዎዴና ዒዛ ጉሙርቁዋቴ፤
\q2 ዒኖ ዒንሢሲ ዒዛ ቤርቶ ሺኢሹዋቴ፤
\q2 ዒዚ ኑኡኮ ፑኖ ካያሢኬ።
\b
\q
\v 9 ቶኦቺንቴ ዜርሢዳፓ ሾይንቲሢ ጉሪኬ፤
\q2 ቦንቺንቴ ዜርሢዳፓኣ ሾይንቲሢያ ሉኡዙሞኬ፤
\q2 ዴኤሡሞ ዔሮ ባኮይዳ ዴኤፂ ጴዼያታቴያ
\q2 ዬይ ቢያ ዎሊ ዑፃ ዢባሬይዳፓ ሼሌዓያኬ።
\q
\v 10 ቡሪ ዔኮና ባኣዚና ሄርሺንቲፖቴ፤
\q2 ዒንሢ ሳሪ ዔኬ ባኮናኣ ቦንቺንታኒ ዎዛዺፖቴ፤
\q2 ቆላ ዒንሢኮ ሚርጌታቴያ ዬያና ጉሙርቂንቲፖቴ።
\b
\q
\v 11 ዎልቄ ፆኦሲሮኬ፤
\q2 ዒዚ ፔቴ ባኣዚ ኬኤዛንቴ
\q2 ላምዒ ማይንቲ ታ ዋይዜኔ።
\q
\v 12 ናንጊና ናንጋ ጎዳሢዮ! ሚጪንቲሢ ኔኤሮኬ፤
\q2 ኔኤኒ ፔቴ ፔቴሢም ማዾጉዴያ ጪጋንዳኔ። \x - \xo 62፡12 \xo*\xt ዒዮ. 34፡11፤ ዔር. 17፡10፤ ማቲ. 16፡27፤ ሮሜ 2፡6፤ ዮሃ. ፆፔዻ 2፡23።\xt*\x*
\b
\c 63
\s1 ዳውቴ ዓሲ ናንጉዋ ዪሁዳ ቦኦሎይዳ ዓኣና ዓይናዼ ዓይኑሞ
\d ፆኦሲ ኮዒሢ
\q
\v 1 ፆኦሲዮ! ኔኤኒ ታ ፆኦዛሢኬ፤
\q2 ዒናፓ ታ ኔና ዴንቃኒ ኮዓኔ፤
\q ዑፃ ታኣኮ ኔና ሱኡካዻኔ፤
\q2 ዋኣሢ ባይዚ ሜሊ ፃሄ ሳዓጉዲ
\q2 ሼምፓሢ ታኣኮ ኔና ዼኤቤኔ።
\q
\v 2 ታኣኒ ኔና ኔ ማኣሮይዳ ዛጌኔ፤
\q2 ኔኤኮ ዎልቆንታ ቦንቾዋ ታ ዴንቄኔ።
\q
\v 3 ሚጪንቲፃ ኔኤኮ ናንጊዳፓ ባሼታሢሮ
\q2 ዻንጋ ታኣኮ ኔና ጋላታኔ።
\q
\v 4 ዓካሪ ናንጎ ዎዶይዳ ቢያ ኔና ታ ጋላታኔ፤
\q2 ኔ ሱንፆና ታ ኩጮ ታኣኒ ሌካ ዔቂሳኔ።
\q
\v 5 ሼምፓሢ ታኣኮ
\q2 ዔኤሲና ማሊና ሙዒ ዎዛዻ ዓሲጉዲ ዎዛዻኔ፤
\q2 ዻንጋ ታኣኮ ዎዛና ጋላታ ዓይኑሞ ኔኤም ዓይናዻኔ።
\q
\v 6 ታ ላሄ ቤዛ ዓኣዖ ኔና ማላኔ፤
\q2 ዋንቶ ቢያ ኔ ባኣዚ ታ ሱካኔ።
\q
\v 7 ኔኤኒ ታና ማኣዳሢታሢሮ
\q2 ኔኤኮ ጋኣዞ ሺቦ ዴማ ዔቂ ዎዛና ታ ዓይናዻኔ።
\q
\v 8 ሼምፔላ ታኣኮ ኔና ጩጫምቢ ዓርቄኔ፤
\q2 ኔኤኮ ሚዛቆ ኩጫኣ ታና ኬልቄኔ።
\b
\q
\v 9 ታና ዎዻኒ ኮዓሢ ቢያ
\q2 ሃይቂ ዱኡኪንታንዳኔ።
\q
\v 10 ጬንቾ ዓፓሮና ዔያታ ዎዺንታንዳኔ፤
\q2 ሌዞ ዔያቶኮ ቦዖ ሙዓንዳኔ።
\q
\v 11 ፆኦሲ ዒዛም ባሺሢ ዒንጋሢሮ
\q2 ካኣቲ ዎዛዻኔ፤
\q ፆኦሲ ሱንፆና ጌፓ ዓሳ ቢያ
\q2 ዒዛ ጋላታንዳኔ፥ ሉኡቃ ዓሶ ዻንጋ ጋዓንቴ ዓርቂንታንዳኔ። \x - \xo 63፡11 \xo*\xt 1ሳሙ. 23፡14።\xt*\x*
\c 64
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
\d ሜታፓ ቶሊ ኬስካኒ ሺኢቂንቴ ሺኢጲሢ
\q
\v 1 ፆኦሲዮ! ታኣኮ ሜቶሮ ኔና ታ ሺኢቃሢ ዋይዜ፤
\q2 ታ ሞርካ ታና ዒጊቻሢዳፓ ታና ካፔ።
\q
\v 2 ፑርቶ ዓሳ ታ ጊዳ ጌኔ ማሊሢና ዔቄሢፓ
\q2 ዔያቶኮ ዎጎ ዎጋኒ ቡኮሢዳፓኣ ታና ዓይሴ።
\q
\v 3 ዔያታ ዒንዲርዞ ፔኤኮ ዓዳ ጬንቻ ዓፓሮጉዲ ዋርቃኔ፤
\q2 ዔያቶኮ ጫንጮ ዑኡዛ ሂኢሺጉዲ ዱካኔ።
\q
\v 4 ካቲ ዴዒ ፂሎ ዓሶ ዔያታ ዱካኔ፤
\q2 ዓሳ ማሊባኣንቴ ዒጊጩዋዖ ዱካኔ።
\q
\v 5 ፑርታ ባኣዚ ማዻኒ ዎላ ዞርታኔ፤
\q2 ፒራሢያ ዓኣቺ ፒራኒ ዔያታ ጌስታኔ፤
\q ዔያታ ዬያ ቢያ ሂዳዖ፦
\q2 «ዖኦኒያ ዴንቃኒ ኑና ዳንዳዑዋሴ» ጋዓኔ።
\q
\v 6 ዔያታ ጌኔ ማሊሢ ማሊ ቱኬስካፓ፦
\q2 «ዓካሪ ፑርታ ማሊሢ ዶዲ ኑኡኒ ቱኬኔ» ጋዓኔ።
\q ዬይያ፦
\q2 ዓሲኮ ዒናንታ ማሊሢያ ጌኔ ባኣዚና ኩሜያ ማዒፆ ዔርዛኔ።
\b
\q
\v 7 ፆኦሲ ጋዓንቴ ዔያቶ ፔ ሂኢዦና ዱካንዳኔ፤
\q2 ዔያታ ማሊባኣዖ ማኣሳናንዳኔ።
\q
\v 8 ፔ ዻንጎና ዔያታ ዹቂንታንዳኔ፤
\q2 ባይሲንታ ዔያቶ ሄላንዳኔ፤
\q2 ዬያሮ ዔያቶ ዛጋ ዓሳ ቢያ ዔያቶ ዾንኪ
\q2 ቶኦኮ ፔኤሲ ዓጊሣንዳኔ።
\q
\v 9 ዓሲ ቢያ ዒጊጫንዳኔ፤
\q2 ፆኦሲ ማዼ ባኮ ፔጌና ዔያታ ኬኤዛንዳኔ፤
\q2 ዒናፓኣ ዔያታ ማላንዳኔ።
\q
\v 10 ፂሎ ዓሳ ፆኦሲና ዎዛዾንጎ፤
\q2 ዒዛ ፔኤኮ ፑኖ ካያሢ ማሄ ዓሳ
\q ዒኖ ፒዜዚንሢያ ቢያ ዎዛዾንጎ።
\c 65
\s1 ዓይኑሞ ሱኡጋሢ ዓይሣ ጎይፆና ዓይናዺንታ ዳውቴኮ ጋላታ ዓይኑሞ
\d ፆኦሲ ጋላቲሢና ቦንቺሢ
\q
\v 1 ፆኦሲዮ! ፂዮኔይዳ ጋላታ ኔኤም ኮይሳኔ፤
\q2 ኔኤም ኑኡኒ ናኣቤ ናኣቦዋ ዒንጊ ኩንሣንዳኔ።
\q
\v 2 ኔኤኒ ሺኢጲሢ ዋይዛያ ማዔሢሮ
\q2 ዓሲ ቢያ ኔ ባንሢ ሙካንዳኔ።
\q
\v 3 ጎማ ኑና ኩሚ ባይዜ ዎዶና
\q2 ኔኤኒ ኑ ዻቢንቶ ዓቶም ጌዔኔ።
\q
\v 4 ኔኤኒ ዶኦሬ፥ ኔ ባንሢያ ኔ ዑኪሴ
\q2 ዓሳ ቡካ ጶኦካ ኔ ጌሤዞንሢ ዎዛዾንጎ፤
\q ኔኤኮ ዱማዼ ጌኤዦ ማኣራፓ
\q2 ኔ ኬኤፃፓ ዓንጆ ኑ ሚሽካንዳኔ።
\b
\q
\v 5 ኑና ዓውሳ ፆኦዛሢዮ!
\q2 ኔኤኮ ዲቃሣ ፂሉሞና ኑኡም ማሄ፤
\q ኔኤኒ ሳዖኮ ጋፖም ቢያ
\q2 ሃኬ ዓኣ ባዞማኣ ጉሙርሳ ዎዛሢኬ።
\q
\v 6 ዹኮ ኔኤኒ ኔ ዶዱሞና ማዤኔ፤
\q2 ዎልቆዋ ኔኤኮ ኔኤኒ ቱኡቴኔ።
\q
\v 7 ኔኤኒ ባዞኮ ዖኦዢፆ
\q2 ባዞ ጉዳሢኮዋ ጉኡሚፆ
\q2 ዴሮኮዋ ዣላሢ ኔ ዚቲዳኔ።
\q
\v 8 ሳዖኮ ጋፓ ሃኬ ዓኣሢ
\q2 ኔኤኮ ዲቃሣ ዓኮ ማዾሮ ዲቃታኔ፤
\q2 ካሪፆንታ ዓሚፆንታ ሙካኣና
\q2 ዎዛዺ ዒላሻንዳጉዲ ኔ ማሃኔ።
\b
\q
\v 9 ሳዖም ዒርዚ ኔ ዋርቂሻኔ፤
\q2 ዔባ ዓኣፓንዳጉዲ ማሂሢና ዖርጎቻኔ፤
\q ዎሮ ዋኣሢና ኔ ኩንሣኔ፤
\q2 ሳዖይዳ ሃኣኮ ኔ ባቃልሳኔ፤
\q2 ዬያ ኔ ማዻሢያ ሂዲኬ፦
\q
\v 10 ጎሽኪንቴ ጎዦይዳ ዒርዚ ኔ ዋርቂሳኔ፤
\q2 ሂርኪ ዼግ ጋዓ ቤዞ ኔ ጊኢጊሻኔ፤
\q ሳዖ ዓጮ ዒሮኮ ዑኡፖና ኔ ዎዒሳኔ፤
\q2 ባቃሎ ባቃልሲ ኔ ዑጊሳኔ።
\q
\v 11 ኔ ኮሹሞና ካፃ ሃኣካ ዎዚ ሚርጋይ!
\q2 ኔ ዓኣ ቤዛ ቢያ ሚርጌ ሃኣኮ ዓኣኔ።
\q
\v 12 ዓሳ ናንጉዋ ዳውላ ሚርጌ ማኣቲ ዋርቄኔ፤
\q2 ጌሜራኣ ዎዛና ኩሜኔ።
\q
\v 13 ቦኦላዻ ጊንፃ ቆልሞ ሌሊ ማዔኔ፤
\q2 ዶኦጮ ጊንፃኣ ሃኣኮና ኩሜኔ፤
\q2 ዬያሮ ቢያሢ ዎዛዺ ዒላሺሢና ኔኤም ዓይናዻኔ።
\c 66
\s1 ዓይኑሞ ሱኡጋሢ ዓይሣ ጎይፆና ዓይናዺንታ ፆኦሲ ሄርሺሢ ዓይኑሞ
\d ዎላ ቡኪ ጋላቶ ጋላታ
\q
\v 1 ዒንሢ ሳዖይዳ ዓኣ ዓሳ ቢያ
\q2 ፆኦሲም ዒላሺ ጋላቱዋቴ።
\q
\v 2 ሱንፆ ዒዛኮ ቦንቺ ዓይናዹዋቴ፤
\q2 ጋላታና ዒዛ ቦንቹዋቴ።
\q
\v 3 ፆኦሲም ሂዚ ጎዑዋቴ፦
\q2 «ማዻ ኔኤኮ ዎዚ ዲቃሢ ሄርሺሳያዳይ!
\q2 ዎልቃ ኔኤኮ ዼኤፒታሢሮ
\q2 ኔ ሞርካ ኔ ቤርቶይዳ ዒጊቹሞና ጎጋይቃኔ።
\q
\v 4 ሳዖይዳ ዓኣ ዓሳ ቢያ ኔኤም ዚጋኔ፤
\q2 ኔኤም ዔያታ ጋላታ ዓይኑሞዋ ሺኢሻኔ፤
\q2 ሱንፆዋ ኔኤኮ ቦንቺሢና ዓይናዻኔ።»
\b
\q
\v 5 ሃኒ ሙኪ ፆኦሲ ማዼ ባኮ ዛጉዋቴ፤
\q2 ዓሶ ባኣካ ዒዛኮ ማዻ ዒጊቻያኬ።
\q
\v 6 ባዞ ዒዚ ሳዓ ማሄኔ፤
\q2 ኑኡኮ ቤርታኣ ዓዶንሢ ዎሮ ቶኪና ፒንቄኔ፤
\q ዒዚ ማዼ ባኮና ኑኡኒያ ዎዛዼኔ። \x - \xo 66፡6 \xo*\xt ኬሲ. ማፃ 14፡21፤ ዒያ. 3፡14-17።\xt*\x*
\q
\v 7 ፔኤኮ ዎልቆና ዒዚ ናንጊና ዎይሣኔ፤
\q2 ዓኣፖና ዴሮ ጊዥ ጌዒ ዛጋኔ፤
\q2 ዬያሮ ዋይዞ ዒፃ ዓሳ ዒዛ ዑፃ ዔቂባኣቴ ቃራኬ።
\q
\v 8 ዒንሢ ዴራ ቢያ ኑ ፆኦዛሢ ቦንቹዋቴ፤
\q2 ዑኡዞ ዒንሢሲ ዼጊዲ ዒዛም ጋላታ ሺኢሹዋቴ።
\q
\v 9 ኑና ሼምፔና ጌሣሢ
\q2 ቶኮዋ ኑኡኮ ሃሊፁዋጉዲ ካፓሢ ዒዛኬ።
\b
\q
\v 10 ፆኦሲዮ! ኑ ዎይታቴያ ኔ ኑና ዛጌኔ፤
\q2 ዓዳ ቢራ ዓንጊጉዲ ኔ ኑና ሼኤሼኔ።
\q
\v 11 ፒሮይዳ ኔ ኑና ዓይሤኔ፤
\q2 ዴኤሢ ባሲ ኑና ኔ ባሲሴኔ።
\q
\v 12 ኑኡኮ ሞርካ ኑና ጎይሢ ባይዚ ሄርቃንዳጉዲ ኔ ኑና ማሄኔ፤
\q2 ታሚና ዲጲናኮ ባኣኪና ኑ ዓኣዼኔ፤
\q2 ሃሢ ጋዓንቴ ዖርጎቹሞ ኩሜ ዳልጎ ቤዞ ዔኪ ኔ ኑና ሙኬኔ።
\b
\q
\v 13 ኔ ማኣሪ ሚቺ ዒንጎ ዒንጊፆ ዔኪ ታ ጌላንዳኔ፤
\q2 ታኣኮ ናኣቦዋ ታ ኔኤም ሺኢሻንዳኔ።
\q
\v 14 ፑርታ ሜታ ታና ሄሌ ዎዶና
\q2 «ኔኤም ታ ዒንጋንዳኔ» ጌዔ ናኣቦ ታ ሺኢሻንዳኔ።
\q
\v 15 ሶቦሮ ጌማቶ ሚቺ ዒንጎ ዒንጊሢ ማሂ
\q2 ዓዶ ማራቶዋ ሳውቃ ዒንጊሢ ማሂ
\q2 ታ ኔኤም ሺኢሻንዳኔ፤
\q2 ዚዮ ጌማቶንታ ኮላቶንታ ታ ኔኤም ሹካንዳኔ።
\b
\q
\v 16 ዒንሢ ፆኦሲ ዒጊጫ ዓሳ ሃኒ ሙኪ ዋይዙዋቴ፤
\q2 ታ ሼምፔሎም ዒዚ ማዼ ባኮ ታ ዒንሢም ኬኤዞም።
\q
\v 17 ታኣኒ ዒዛ ባንሢ ዒላቴኔ፤
\q2 ታ ዻንጎናኣ ታ ዒዛ ጋላቴኔ።
\q
\v 18 ጎሞ ታኣኮ ታ ቡኡፁዋዖ ዎንዴ ዒና ዓኣቼያታቴ
\q2 ናንጊና ናንጋ ጎዳ ሺኢጲፆ ታኣኮ ዋይዚንዱዋንቴኬ።
\q
\v 19 ሃሢ ጋዓንቴ ፆኦሲ ጎኔና ዋይዜኔ፤
\q2 ታኣኒ ሺኢቃ ዑኡዞ ዒናፓ ዒ ዋይዜኔ።
\b
\q
\v 20 ሺኢጲፆ ታኣኮ ቦሂባኣሢ
\q2 ሚጪንቲፆዋ ታና ሃሺባኣሢ
\q2 ዬይ ፆኦዛሢ ጋላቲንቶንጎ።
\c 67
\s1 ዓይኑሞ ሱኡጋሢ ዓይሣ ጎይፆ ጎኦላና ፆኦሲ ሄርሺ ዓይናዾ ዳውቴ ዓይኑሞ
\d ጋላታ ዓይኑሞ
\q
\v 1 ፆኦሲ ኑና ሚጪንቶንጎ፥ ዓንጆንጎ፤
\q2 ዒዛኮ ዓኣፖ ካራ ኑም ፖዖንጎ።
\q
\v 2 ጎይፃ ኔኤሲ ሳዖ ዑፃ
\q2 ዓውሲፃኣ ኔኤሲ ዴሮ ባኣካ ዔርቶንጎ።
\b
\q
\v 3 ፆኦሲዮ! ዴራ ኔና ጋላታኔ፤
\q2 ዓሲ ቢያኣ ኔኤም ጋላታ ሺኢሻኔ።
\q
\v 4 ዴሮም ፒዙሞና ኔ ዎጋሢሮ
\q2 ዓሶዋ ሳዖይዳ ኔ ዔኪ ዓኣዻሢሮ
\q2 ዴራ ዎዛዾንጎ፤
\q2 ዒላሺያ ኔኤም ዓይናዾንጎ።
\b
\q
\v 5 ፆኦሲዮ! ዴሬ ኔና ጋላቶንጎ፤
\q2 ዓሳ ቢያኣ ኔኤም ጋላታ ሺኢሾንጎ።
\b
\q
\v 6 ዬካፓ ሳዓ ሃኣኮ ካፂሳንዳኔ፤
\q2 ናንጊና ናንጋ ጎዳ ማዔ ኑ ፆኦሲ ኑና ዓንጃንዳኔ።
\q
\v 7 ፆኦሲ ኑና ዓንጆንጎ፤
\q2 ዓጫ ማዔ ካራና ቢያ ዒዛ ዒጊጫንዳኔ።
\c 68
\s1 ዓይኑሞ ሱኡጋሢ ዓይሣ ጎይፆ ፆኦሲ ሄርሺ ዓይናዾ ዳውቴ ዓይኑሞ
\d ባሻዖ ዓይናዾ ዓይኑሞ
\q
\v 1 ፆኦሲ ዔቆንጎ!
\q2 ሞርካ ዒዛኮ ላኣሊንቶንጎ!
\q2 ዒዛ ዒፃዞንሢ ዒዛ ቤርታፓ ጳሽኮንጎ!
\q
\v 2 ጩቢ ላኣሊንቲ ባይቃሢጉዲ ዔያቶ ፒፒንፂዴ፤
\q2 ታሚ ሾፒ ዓልቂሳሢጉዲ ፑርቶ ዓሳ ፆኦሲ ቤርታፓ ባይቆንጎ።
\q
\v 3 ፂሎ ዓሳ ጋዓንቴ ዎዛዾንጎ፤
\q2 ዒዛ ቤርታ ዔያታ ኮኦሞንጎ፤
\q2 ዎዛና ዔያታ ኮርጎንጎ!
\b
\q
\v 4 ፆኦሲም ዓይናዹዋቴ፤
\q2 ዒዛ ሱንፆም ጋላታ ዓይኑሞ ሺኢሹዋቴ፤
\q2 ሻኣሮይዳ ሃንታሢም ጎይሢ ጊኢጊሹዋቴ፤
\q ሱንፃ ዒዛኮ ናንጊና ናንጋ ጎዳኬ፤
\q2 ዒዛ ቤርታ ዎዛዹዋቴ!
\b
\q
\v 5 ዒዛም ዱማዼ ጌኤዦ ማኣራ ዓኣ ፆኦዛሢ
\q2 ዓዴባኣ ናኣቶም ዓዶኬ፤
\q2 ዜኤሮንዳሢ ዛሎ ዒ ሞኦቲንታሢኬ።
\q
\v 6 ፆኦሲ ሴሎ ዓሶ ማኣሪ ዓሲ ባኣካ ጌሣኔ፤
\q2 ቱኡዞ ዓሶ ቱኡዛፓ ቡሊ ዎዛሲ ኮኦሚሳኔ፤
\q ዋይዞ ዒፃ ዓሳ ጋዓንቴ ዓሲ ናንጎዋ ዳውሎይዳ ናንጋንዳኔ።
\b
\q
\v 7 ፆኦሲዮ! ዴሮ ኔኤኮ ኔ ዔኪ ዓኣዼ ዎዶና
\q2 ዓሳ ናንጉዋ ዳውሎይዴና ሃንቲሴ ዎዶና
\q
\v 8 ሲና ዹኮ ፆኦዛሢ ቤርታ
\q2 ዒስራዔኤሌ ፆኦዛሢኮዋ ቤርታ
\q2 ሳዓ ዓጊፄኔ፥ ጫሪንጫኣ ዒሪዶኦቦ ዋርቂሴኔ። \x - \xo 68፡8 \xo*\xt ኬሲ. ማፃ 19፡18።\xt*\x*
\q
\v 9 ፆኦሲዮ! ጊዳ ዒርዚ ኔ ዋርቂሴኔ፤
\q2 ፃኣዺ ሜሌ ኔ ዓጮ ኔ ዑሼኔ።
\q
\v 10 ኔ ዴራ ዒኢካ ማኣሪ ማዢ ዴዔኔ፤
\q2 ኔኤኒ ፆኦሲ ኔ ዓንጃፓ ማንቆ ዓሶም ዒንጌኔ።
\b
\q
\v 11 ናንጊና ናንጋ ጎዳ ሂዚ ጋዓ ዓይሥሢ ኬሴኔ፤
\q2 ዒዛኮ ዓይሢፆ ኬኤዛዞንሢ ኮሺ ሚርጌኬ።
\q
\v 12 ዔያታ ሂዚ ጌዔኔ፦
\q2 «ካኣቶንታ ዔያቶኮ ዖሎ ዓሳኣ ዑኬና ፑኒ ጳሽኬኔ!
\q2 ዖሎ ኬስኩዋዖ ማኣራ ዓቴ ላኣላ ዲዖና ባኮ ጊሽቲ ዔኬኔ።
\q
\v 13 ዲዒ ዔኮና ባኮ ባኣካ፦ ዑፃ ቢራ ዓንጊና ማዢንቴ
\q2 ዓኣፓ ዱካ ዎርቄና ጋኣዛ ኮሺንቴ
\q2 ዶኦሌ ማሊሲ ኮሾና ባኣዚያ ዓኣኔ።
\q2 ዓሳ ዖሎ ዖላኣና ዒንሢዳፓ ዛሎ ዓሳ
\q ዓይጎሮ ማራቶ ሞኦፃ ዴዔይ?
\q
\v 14 ቢያ ባኮ ዳንዳዓ ፆኦዛሢ ካኣቶ ላኣሌ ዎዶና
\q2 ሻቺ ፃልሞኔ ዹኮ ቶኦካ ኬዳንዳጉዲ ማሄኔ።»
\b
\q
\v 15 «ባኣሳኣኔ ዹካ ሚርጌ ዛሬና ጌሜሪያ ኩሜ
\q2 ዒጊቻያ ማዔ ዹካኬ።
\q
\v 16 ዒንሢ ያዺ ማዔ ዹካ
\q2 ፆኦሲ ናንጋኒ ዶኦሬ ዹኮ
\q2 ቂኢሪ ዒንሢ ዛጋሢ ዓይጎሮዳይ?
\q ዬካ ናንጊና ናንጋ ጎዳ ናኣናና ናንጋንዳኔ።»
\b
\q
\v 17 «ፆኦሲ ሚርጌ ሺያና ፓይዲንታ
\q2 ዼኤፖ ሳርጌሎ ዖይቶና ሲና ዹካፓ
\q2 ፔኤኮ ዱማዼ ጌኤዦ ማኣሪ ሙካንዳኔ።
\q
\v 18 ሌካ ጫሪንጮ ኔ ዓኣዼኔ፤
\q2 ዲዒሢ ኔ ቡኩሴኔ፤
\q2 ናንጊና ናንጋ ጎዳሢዮ! ኔኤኒ ዒኢካ ናንጋኒ
\q ዋይዞ ዒፃ ዓሶይዳፓኣ ዓይሱዋዖ ዒንጎ ባኣዚ ኔ ዔኬኔ።» \x - \xo 68፡18 \xo*\xt ዔፕ. 4፡8።\xt*\x*
\b
\q
\v 19 «ባሶ ኑኡኮ ኬላ ኬላ ኬዳ
\q2 ኑና ዓውሳ ፆኦዛሢ ዓንጂንቶንጎ።
\q
\v 20 ኑ ፆኦዛሢ ኑና ዓውሳ ፆኦሲኬ፤
\q2 ሃይቢፓ ቶሊ ዓታኒ ዳንዳዒንታሢያ
\q ናንጊና ናንጋ ጎዳናኬ።
\q
\v 21 ጎኔና ፆኦሲ ፔ ሞርኮኮ
\q ጎሞና ዶዲ ናንጋ ዓሶኮ
\q2 ቶኦኮ ዒ ዳኣፃንዳኔ።»
\q
\v 22 ናንጊና ናንጋ ጎዳ፦
\q2 «ታ ዔያቶ ባኣሳኣኔፓ ማሂ ዔኪ ሙካንዳኔ፤
\q2 ባዞ ዔቶይዳፓ ኬሲ ዔኪ ዬዓንዳኔ።
\q
\v 23 ቶካ ኔኤሲ ሞርኮኮ ሱጉፆይዳ ሄርቃንዳኔ፤
\q2 ኔ ካናታኣ ዬያ ሱጉፆ ላዓንዳኔ» ጋዓኔ።
\b
\q
\v 24 ፆኦሲዮ! ኔኤኮ ቦንቺንታ ሃንቲፃ ጴዼኔ፤
\q2 ዬይያ ታኣኮ ፆኦዛሢና ካኣታሢ ጌኤዦ ማኣሪ ዓኣዻኣና
\q2 ሃንታ ሃንቲፆኬ።
\q
\v 25 ዓይኑሞ ዓይናዻ ዓሳ ቤርቲና
\q2 ዓይኑሞ ዓንጋሞ ዋርቃ ዓሳ ጊንሢና
\q2 ካራባሢ ባዓ ዉዱራሢያ ዔያቶኮ ባኣካ ዓኣኔ።
\q
\v 26 ዔያታ፦ «ዒዛ ዓሳ ቡኬ ቤዛ ፆኦሲ ጋላቱዋቴ!
\q2 ናንጊና ናንጋ ጎዳ ዴሬ ማዔ
\q2 ዒስራዔኤሌ ዓሳ ቡኬ ቤዛ ዒዛ ጋላቱዋቴ!» ጋዓኔ።
\q
\v 27 ዔኪ ዔያቶ ዓኣዻሢ ዻኮ ፃጳሢ ቢኢኒያሜኬ፤
\q2 ዒኢካ ሚርጌና ፓይዲንታ ዪሁዳ ዓሶ ሱኡጋ
\q2 ዬያጉዲ ሃሣ ዛብሎኦኔንታ ኒፕታሌሜንታ ሱኡጋኣ ዓኣኔ።
\b
\q
\v 28 ፆኦሲዮ! ዎልቆ ኔኤሲ ቤኤዜ፤
\q2 ሚና ኔ ኑኡም ማዼ ጎይፆ ሃሢያ ዶዱሞ ኔኤሲ ዻዌ።
\q
\v 29 ዬሩሳላሜይዳ ዓኣ ኔኤኮ ጌኤዦ ማኣሮም
\q2 ዒንጎ ባኣዚ ካኣታ ኔኤም ዔኪ ዬዓንዳኔ።
\q
\v 30 ፒሎ ባኣካ ዓኣ ካዮ ቦዖ
\q2 ዚዮ ጌማቶና ናኣሮ ማላ ካኣቶ ጎሬ፤
\q2 ቢያሢ ጉምዓቲ ቢሮ ኔኤም ጊኢራንዳጉዲ ማዼ፤
\q ዖሎ ዖላኒ ናሽካ ዴሮዋ ኔ ላኣሌ።
\q
\v 31 ጊብፄ ዓጫፓ ፖኦሊሶ ሱኡጋ ዬዓንዳኔ፤
\q2 ዒቶጲያ ዓሳኣ ኩጮ ሌካ ፆኦሲ ባንሢ ዔቂሳንዳኔ።
\b
\q
\v 32 ዒንሢ ዓጮ ካኣታ ቢያ ፆኦሲም ዓይናዹዋቴ፤
\q2 ናንጊና ናንጋ ጎዳም ዓይኑሞ ሺኢሹዋቴ።
\q
\v 33 ሚናፓ ዓርቃዖ ዓኣ ጫሪንጮኮ ዑፆ ኬስኬሢም
\q2 ፔኤኮ ዼኤፖ ዑኡዞና ጉኡማሢም ዓይናዹዋቴ።
\q
\v 34 ዲቃሢ ሄርሺሲፃ ዒዛኮ ዒስራዔኤሌይዳ
\q2 ዎልቃኣ ዒዛሲ ሻኣሮኮ ዑሣ ማዔሢሮ
\q2 ፆኦሲኮ ዶዱሞ ኬኤዙዋቴ።
\q
\v 35 ፆኦሲዮ! ኔኤኒ ኔኤኮ ጌኤዦ ማኣራ ዲቃሢ ሄርሺሳያኬ፤
\q2 ዒስራዔኤሌ ዓሶኮ ፆኦዛሢ ፔ ዴሮም
\q2 ዎልቄና ዶዱሞና ዒንጋኔ፤
\b
\q ፆኦሲም ጋላታ!
\c 69
\s1 ዓይኑሞ ሱኡጋሢ ዓይሣ ጎይፆ ዛዬና ዓይናዺንታ ዳውቴ ዓይኑሞ
\d ማኣዶ ዴንቃኒ ሺኢቂንቴ ሺኢጲሢ
\q
\v 1 ፆኦሲዮ! ታና ዓውሴ፤
\q2 ዋኣፃ ታኣኮ ቆርጮ ሄሌኔ።
\q
\v 2 ቶኪ ዔቃ ቤሲባኣ ዔቴ ቶኦጶይዳ
\q2 ታኣኒ ጌሊ ዔኤዺንቴኔ፤
\q ዔታዻ ቁልቤ ዋኣሢዳ ታ ጌሌኔ፤
\q2 ዋኣፆ ጉዳሢያ ታና ዔኤዼኔ።
\q
\v 3 ዒላቲና ታ ላቤኔ፤
\q2 ቆርጫኣ ታኣኮ ፃኣዼኔ፤
\q ታ ፆኦዛሢኮ ጎይፆ ታ ዛጋንቴ ዓኣፓ ታኣኮ ታይሬኔ።
\b
\q
\v 4 ታኣኒ ማዼ ባኣዚባኣንቴ ታና ዒፃ ዓሳ
\q2 ታ ቶኦኮ ጋፓናፓ ባሼ ሚርጌኔ፤
\q ሼምፓሢ ታኣኮ ባይዛኒ ኮዓ ዓሳ
\q2 ጉሪ ታና ዒፃ ዓሳ ሚርጌ ማዔኔ፤
\q2 ዉኡቂ ታኣኒ ዔኪባኣ ባኣዚ
\q2 «ማሂ ዔኪ ዬዔ» ጌይንቴኔ። \x - \xo 69፡4 \xo*\xt ዓይኑ. 35፡19፤ ዮሃ. 15፡25።\xt*\x*
\q
\v 5 ፆኦሲዮ! ኔኤኒ ታኣኮ ዔኤያቶ ዔራኔ፤
\q2 ታ ዻቢንታ ኔኤም ዓኣሺንቴያቱዋሴ።
\q
\v 6 ቢያ ባኮ ዎይሣ ጎዳሢዮ!
\q2 ኔና ዎዛ ማሂ ካፓ ዓሳ
\q ታ ጊዳ ማዺንታ ባኮ ዛጊ ቦርሲንቶፓ፤
\q2 ናንጊና ናንጋ ጎዳ ማዔ ዒስራዔኤሌ ፆኦዛሢዮ!
\q2 ኮሺ ኔና ኮዓ ዓሳ ታ ጊዳ ማዺንታ ባኮ ዛጊ ዻውሲንቶፓ።
\q
\v 7 ኔ ጋይቴ ጌዒ ጫሺ ታ ጊቤኔ፤
\q2 ቦርሲንቲና ዓኣፖ ካራ ታኣኮ ቦኦሬኔ።
\q
\v 8 ታ ጌርሲንሢም ዓዳ ፃንጎ ዓሲጉዲ
\q2 ታኣኮ ዒንዶ ናኣቶማኣ ሾኦቺ ታ ማዔኔ።
\b
\q
\v 9 ኔ ማኣሮ ዛሎ ባካ ታና ሻላኔ፤
\q2 ኔና ጫሽኮ ጫዣ ታ ዑፃ ማዔኔ። \x - \xo 69፡9 \xo*\xt ዮሃ. 2፡17፤ ሮሜ 15፡3።\xt*\x*
\q
\v 10 ሼምፓሢ ታኣኮ ታ ሙዖ ሃሾ ዳምቦና ሜታሴኔ፤
\q2 ዬያሮዋ ዔያታ ታና ፓሴኔ።
\q
\v 11 ሲዮ ፓቲሎ ታ ማይንቴ ዎዶና
\q2 ዔያታ ታና ዓማሊ ማሂ ሚኢጬኔ።
\q
\v 12 ዲሮ ካራ ዴዓ ዓሶም ጌኤሲ ጌስቶያ
\q2 ማሢንቴ ዓሶማኣ ኮሢ ኮርጎያ ታ ማዔኔ።
\b
\q
\v 13 ናንጊና ናንጋ ጎዳሢዮ!
\q2 ኔ ናሽካ ዎዶና ታ ኔና ሺኢቃንዳኔ፤
\q ፆኦሲዮ! ኔኤኮ ዼኤፖ ማኣሪፆና
\q2 ኔኤኮ ዓውሲፆ ጎኑሞና ታኣም ዋይዜ።
\q
\v 14 ቶኦጳሢዳፓ ታና ኬሴ፤
\q2 ዔኤዺንታንዳጉዲ ታና ሃሺፖ፤
\q ዋኣፆ ዔታፓ
\q2 ዬያቶንታ ታና ዒፃዞንሢናፓ ሄሊ ዓውሴ።
\q
\v 15 ዲጳ ኩሚ ዔኪ ታና ዓኣዾፓ፤
\q2 ዋኣፆ ዔታኣ ታና ዔኤዾፓ፤
\q2 ዔታ ዶዒ ካሮ ታኣኮ ባይዞፓ።
\b
\q
\v 16 ናንጊና ናንጋ ጎዳሢዮ! ማኣሪፃ ኔኤኮ ሚርጌ ማዔሢሮ
\q2 ታኣም ዋይዜ፤
\q2 ኔኤኮ ሚጪንቶ ሚርጉሞና
\q2 ታ ባንሢ ሺሬ።
\q
\v 17 ታና ኔ ዓይላሢዳፓ ዓኣፖ ኔኤሲ ሺርሺፖ፤
\q2 ታኣኒ ሜቶይዳታሢሮ ዑኬና ታኣም ዋይዜ።
\q
\v 18 ታ ባንሢ ሙኪጋፓ ታና ዓውሴ፤
\q2 ታ ሞርኮ ኩጫፓኣ ታና ጊንሣ ማሂ ሻንቂ ዓይሴ።
\b
\q
\v 19 ታና ሄሌ ጫዦንታ ቦርሲንቶንታ
\q2 ዻውሲንቶዋ ኔ ዔራኔ፤
\q2 ታኣኮ ሞርኮዋ ፔቴ ፔቴ ኔ ዔራኔ።
\q
\v 20 ጫዣ ዒኖ ታኣኮ ሜንሤኔ፤
\q2 ዎዛ ባይቂ ታኣኮ ጋፔኔ፤
\q2 ታኣም ሚጪንታ ዓሲ ታ ኮዔኔ፤
\q2 ጋዓንቴ ታ ዴንቂባኣሴ።
\q ታና ዶዲሻ ዓሲያ ታ ኮዔንቴ
\q2 ፔቴታዖ ባኣሴ።
\q
\v 21 ዔያታ ሙዖ ታኣኮ ጪሼና ሲኢሬኔ፤
\q2 ታ ዼኤቢንታዛ ሶልኪ ዑሺ ታኣም ዒንጌኔ። \x - \xo 69፡21 \xo*\xt ማቲ. 27፡48፤ ማር. 15፡36፤ ሉቃ. 23፡36፤ ዮሃ. 19፡28-29።\xt*\x*
\q
\v 22 ዔያቶም ሺኢሾና ካፃ ፒሮ ዔያቶም ማዖንጎ፤
\q2 ዔያቶኮ ሙዖሮ ቡኪንቲፃኣ ባይሲንታ ካራ ማዖንጎ።
\q
\v 23 ዓኣፓ ዔያቶሲ ዛጉዋጉዲ ዹሞንጎ፤
\q2 ጊኢራ ቢያ ዎዴ ዎቦንጎ። \x - \xo 69፡23 \xo*\xt ሮሜ 11፡9-10።\xt*\x*
\q
\v 24 ዱማ ዱማ ኔኤኮ ዎዻ ባኮ ዔያቶ ዑፃ ኬይሴ፤
\q2 ዔያታ ዔሪባኣንቴ ኔ ዻጎ ዔያቶ ዑፃ ጮኦሽኬ።
\q
\v 25 ጉርዳ ዔያቶሲ ዳውሌ ማዖንጎ፤
\q2 ዓፒሎና ማዦና ማኣራ ዔያቶኮ ዓሲ ናንጎፓ። \x - \xo 69፡25 \xo*\xt ዳኪ. ማዾ 1፡20።\xt*\x*
\q
\v 26 ኔ ጳርቄ ዓሶ ዔያታ ዳውሴኔ፤
\q2 ኔ ኪፃሴ ዓሶኮ ሜታሢ ዔያታ ዳልጊሼኔ።
\q
\v 27 ዻቢንቶይዳ ዔያቶኮ ዻቢንቲ ቃሴ፤
\q2 ኔ ፂሉሞ ባንሢያ ዑኮፓ።
\q
\v 28 ናንጎ ማፃኣፓፓ ዔያታ ቃኣጪንቶንጎ፤
\q2 ፂሎ ዓሶና ዎላ ፃኣፒንቶፓ። \x - \xo 69፡28 \xo*\xt ኬሲ. ማፃ 32፡32፤ ዮሃ. ፆፔዻ 3፡5፤ 13፡8፤ 17፡8።\xt*\x*
\b
\q
\v 29 ጋዓንቴ ታኣኒ ሜቶ ዋኣዪሢዳ ዓኣኔ፤
\q2 ፆኦሲዮ! ኔኤኮ ዓውሲፃ ኬልቂ ታና ዓርቆንጎ።
\q
\v 30 ፆኦሲኮ ሱንፆ ጋላቲሢና ታ ዓይናዻንዳኔ፤
\q2 ጋላቲሢና ታኣኒ ዼግ ዼጊዳንዳኔ።
\q
\v 31 ዬይያ ጌማይዳፓ ባሼ
\q2 ጉራኒንታ ሹቁሊንታ ኬሴ
\q2 ዚያ ጌማይ ዒዛም ዒንጊሢዳፓ ባሼ
\q ናንጊና ናንጋ ጎዳ ዎዛሳኔ።
\q
\v 32 ማንቆ ዓሳ ዬያ ዛጋዖ ዎዛዻንዳኔ፤
\q2 ዒንሢ ፆኦሲ ኮዓ ዓሳ ዒና ዒንሢኮ ዶዶንጎ።
\q
\v 33 ናንጊና ናንጋ ጎዳ ሜታዼ ዓሶኮ ዒላቶ ዋይዛኔ፤
\q2 ቱኡቲ ዓኣ ዓሶዋ ዒዚ ቶኦዛዺ ዛጉዋሴ።
\b
\q
\v 34 ጫሪንጮንታ ሳዖንታ ባዞንታ
\q2 ዬያኮ ጋሮይዳ ዓጊፃ ባካ ቢያ
\q2 ፆኦሲ ጋላቶንጎ።
\q
\v 35 ፆኦሲ ፂዮኔ ዓውሳንዳኔ፤
\q2 ዪሁዳ ካታሞዋ ማሂ ጊንሣ ማዣንዳኔ፤
\q ዬካፓ ዴራ ዒዛኮ ዒኢካ ናንጋንዳኔ፤
\q2 ሳዔሎዋ ዔያታ ፔኤሮ ማሃንዳኔ።
\q
\v 36 ዒዛ ዓይሎ ዜርፃ ዬኖ ዻካላንዳኔ፤
\q2 ዒዛ ናሽካዞንሢያ ቢያ ዒኢካ ናንጋንዳኔ።
\c 70
\ms ማኣዶ ዴንቃኒ ሺኢቂንቴ ሺኢጲሢ
\mr (ዓይኑ. 40፡13-17ይዳ ዓኣሢና ዎሊ ማላያኬ)
\s1 ዓይኑሞ ሱኡጋሢ ዓይሣ ጎይፆና ማሊ ጶቂሥሢሮ ዓይናዺንታ ዳውቴ ዓይኑሞ
\q
\v 1 ፆኦሲዮ! ታና ዓውሳኒ ታ ባንሢ ሺሬ!
\q2 ናንጊና ናንጋ ጎዳሢዮ! ታና ማኣዳኒ ሩኡሬቴራ!
\q
\v 2 ታኣኮ ሼምፓሢ ባይዛኒ ኮዓዞንሢ
\q2 ቦርሲንቶንጎ፥ ዲቃቲ ካራ ባይዞንጎ፤
\q ታኣኮ ባይሲንቶ ካፓዞንሢ
\q2 ዻውሲንቲ ጊንሢም ማዖንጎ።
\q
\v 3 ታ ዑፆይዳ፦ «ማዳ ዒዛም!» ጋዓዞንሢ
\q2 ቦርሲንቲ ጊንሢም ማዖንጎ።
\b
\q
\v 4 ጋዓንቴ ኔና ኮዓዞንሢ ቢያ ኔኤና ሚርጌና ዎዛዾንጎ፤
\q2 ኔኤኮ ዓውሲፆ ናሽካዞንሢ ቢያ ዎዴ፦
\q2 «ፆኦሲ ዼኤፒኬ!» ጎዖንጎ።
\b
\q
\v 5 ፆኦሲዮ! ታኣኒ ጋዓንቴ ማንቆ፥ ሃሣ ሜታዼ ዓሲኬ፤
\q2 ናንጊና ናንጋ ጎዳሢዮ! ሩኡሪና ታና ሄሌ፤
\q ታና ማኣዳሢና ዓውሳሢያ ኔናታሢሮ
\q2 ፆኦሲዮ! ኔኤኒ ኔጊፖ!
\c 71
\s1 ፆኦሲ ካፓንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ታ ኔና ታኣኮ ጊቲማሢ ማሄሢሮ
\q2 ፔቴታዖ ታኣኒ ቦርሲንታዓኬ።
\q
\v 2 ኔ ፂሉሞና ቶሊሲ ታና ዓውሴ፤
\q2 ዋዮ ኔኤኮ ታ ባንሢ ማሂ ታና ዓይሴ።
\q
\v 3 ዓይጎ ዎዴናኣ ታ ዓኣሺንቲ ጌኤቂንታ ላላሢ ታኣኮ ማዔ፤
\q2 ኔ ታኣኮ ዋርዲዮ ላሎ ሹጫሢኬ፤
\q2 ዬያሮ ታና ዓውሳንዳ ዓይሥሢ ኬስኮንጎ።
\b
\q
\v 4 ፆኦሲዮ! ፑርቶ ዓሶ ኩጫፓ
\q2 ሚጪንቱዋ ጌኔ ማዻ ዓሶፓ ታና ዓውሴ።
\q
\v 5 ናንጊና ናንጋ ጎዳሢዮ!
\q2 ኔኤኒ ታኣኮ ሃጊ ማዓ ዎዛሢ
\q2 ናኣቱማፓ ዓርቃዖ ኔ ታኣኮ ጌኤቂንቶሢኬ።
\q
\v 6 ታኣኒ ሾይንታፓ ዓርቃዖ ኔ ዑፃ ጌኤቂንቴኔ፤
\q2 ታ ዒንዶ ጎጳፓ ታና ኔ ኬሴኔ፤
\q2 ቢያ ዎዴ ታኣኮ ጋላቶሢ ኔናኬ።
\b
\q
\v 7 ኔኤኒ ታ ዛሎ ዶዲ ዖልታሢ ማዔሢሮ
\q2 ናንጋ ታኣኮ ሚርጌ ዓሶም ማላታ ማዔኔ።
\q
\v 8 ሮኦሮ ጉቤ ኔኤኮ ቦንቾ ኬኤዛኒ
\q2 ዻንጋ ታኣኮ ጋላታ ሌሊ ማዔኔ፤
\q
\v 9 ሃሢ ታ ጋርቼቴያ ታና ኬኤሪፖ፤
\q2 ዎልቃ ታኣኮ ጋፓዛኣ ታና ሃሺፖ።
\q
\v 10 ሞርካ ታኣኮ ዎላ ጌስቴኔ፤
\q2 ሼምፓሢ ታኣኮ ባይዛኒ ኮዓ ዓሳ ዎሊና ዞርቴኔ።
\q
\v 11 ዔያታ ዒማና፦ «ፆኦሲ ዒዛ ሃሼኔ፤
\q2 ዒዛ ዓውሳንዳይ ባኣሢሮ
\q2 ዳውሲ ዒዛ ዓርቁዋቴራ» ጌዔኔ።
\b
\q
\v 12 ፆኦሲዮ! ኔ ታ ኮራፓ ሃኪፖ፤
\q2 ታ ፆኦዛሢዮ! ታና ማኣዳኒ ሩኡሬ።
\q
\v 13 ማኪ ታና ዒፃዞንሢ ዒጊጪ ባይቆንጎ፤
\q2 ማኣሳንሣኒ ኮዓዞንሢያ ቶኦቺንቲ ዻውሲንቶንጎ።
\q
\v 14 ታኣኒ ጋዓንቴ ቢያ ዎዴ ኔና ጉሙርቃኔ፤
\q2 ቃሲ ቃሲ ጋላታ ታ ኔኤም ሺኢሻኔ።
\q
\v 15 ዻንጋ ታኣኮ ኔ ፂሉሞ ሮኦሮ ጉቤ
\q2 ኔ ዻቂሺፆ ኬኤዛኔ፤
\q2 ጌኤዞ ዎማካ ዔቂሶንዶቴያ ታኣም ዔርቲባኣሴ።
\q
\v 16 ታኣኒ ሙኪ ናንጊና ናንጋ ጎዳኮ
\q2 ዶዶ ማዾ ኬኤዛንዳኔ፤
\q2 ኔ ፂሉሞ ሌሊ ታኣኒ ኬኤዛንዳኔ።
\b
\q
\v 17 ፆኦሲዮ! ኔኤኒ ታና ናኣቱሞፓ ዓርቃዖ ዔርዜኔ፤
\q2 ታኣኒያ ሃኖ ሄላንዳኣና ኔኤኮ ሄርሺሲ ዲቃሣ ዓኮ ማዾ ኬኤዛኔ።
\q
\v 18 ፆኦሲዮ! ታኣኒ ጋርቺ ቡኡቄቴያ
\q2 ኩጮ ኔኤኮ ሙካ ሾይንቶም
\q2 ዎልቆዋ ጊንፃ ኬስካ ዴሮም
\q2 ቢያ ታ ኬኤዛንዳያ ሄላንዳኣና ኔ ታና ሃሺፖ።
\b
\q
\v 19 ፆኦሲዮ! ፂሉማ ኔኤሲ ጫሪንጮ ሄላያኬ፤
\q2 ኔኤኒ ዼኤፒ ዼኤፒ ባኣዚ ማዼኔ፤
\q2 ፆኦዛሢዮ! ኔጉዴያ ዖናዳይ?
\q
\v 20 ኔኤኒ ታና ሚርጌ ሜቶና ዋኣዪሢና ሄሊሴታቴያ
\q2 ናንጎ ታኣሲ ኔ ጊንሣ ዓካሳንዳኔ፤
\q2 ሳዖ ዴሞ ዔቶይዳፓ
\q2 ላሚ ታና ኔ ኬሳንዳኔ።
\q
\v 21 ታኣኮ ቦንቾ ታኣም ኔ ቃሳንዳኔ፤
\q2 ማሂ ኔ ታና ጊንሣ ዶዶሻንዳኔ።
\b
\q
\v 22 ፆኦሲዮ! ኔኤኮ ጉሙርቂንቲፆ ዛሎ
\q2 ጎኦላ ዋርቂ ታ ኔና ጋላታንዳኔ፤
\q2 ዒስራዔኤሌ ዓሶኮ ፆኦዛሢዮ!
\q2 ዓይኑሞ ዓንጋሞና ጋላታ ዓይኑሞ ታ ኔኤም ሺኢሻኔ።
\q
\v 23 ታኣኒ ኔኤም ዓይኑሞ ዓይናዻ ዎዶና
\q2 ሙሱራ ታኣኮ ዎዛና
\q2 ኔኤኒ ማሂ ሻንቂ ዓውሴ ሼምፔላኣ ዒላሻኔ።
\q
\v 24 ዻንጋ ታኣኮ ኔ ፂሉሞ ዛሎ ሮኦሮ ጉቤ ኬኤዛኔ፤
\q2 ታና ሜታ ሄላንዳጉዲ ኮዓዞንሢ
\q2 ቦርሲንቴኔ፥ ጋፒ ዻውሲንቴኔ።
\c 72
\s1 ሃጊ ሙካ ካኣታሢ ፆኦሲ ማኣዳንዳጉዲ ሺኢቂንቴ ሺኢጲሢ
\q
\v 1 ፆኦሲዮ! ኔኤኮ ዎጎ ካኣቲም
\q2 ፂሉሞዋ ኔኤኮ ካኣቲ ናኣዚም ዒንጌ።
\q
\v 2 ዒዚ ኔ ዴሮኮ ጌኤዞ ፂሉሞና ዛጋንዳኔ፤
\q2 ሜታዼዞንሢማኣ ፒዙሞና ዎጋንዳኔ።
\q
\v 3 ዹካ ዖርጎቹሞ
\q2 ጌሜራኣ ዴሮም ፂሉሞ ዓኣፒ ዔኪ ዬዓንዳኔ።
\q
\v 4 ዒዚ ሜታዼ ዴሮም ሞኦቲንታንዳኔ፤
\q2 ማንቆ ዓሶዋ ዓውሳንዳኔ፤
\q2 ዓሶ ሄርቂ ዎይሣ ዓሶዋ ዒ ጋኣጫንዳኔ።
\q
\v 5 ዓባ ዓኣ ዎዶይዳ ቢያ
\q2 ዓጊናኣ ፖዓ ዎዶይዳ ቢያ
\q2 ሾይንቲፓ ሾይንቲ ሄላንዳኣና ዒዚ ናንጋንዳኔ።
\b
\q
\v 6 ሃኣኮ ቡሪንቴም ማኣሊዳ ዋርቃ ዒርዚጉዲ
\q2 ዒ ዋርቃንዳኔ፤
\q2 ዓዳ ፁቢ ዒርዚጉዲ ሳዓ ጌላንዳኔ።
\q
\v 7 ዒዛ ካኣቱሞና ፂሉሞ ሚርጋንዳኔ፤
\q2 ዓጊና ፖዖ ሃሻንዳያ ሄላንዳኣና
\q2 ዖርጎቹማ ዒዛኮ ሚርጊ ዴዓንዳኔ።
\b
\q
\v 8 ዒዛ ዓጮኮ ዛጳ ባዛፓ ባዞ ሄላንዳኣና
\q2 ዔፕራፂሴ ዎራፓ ዴንዲ ዓጮ ጋፖ ሄላንዳኣናኬ። \x - \xo 72፡8 \xo*\xt ዛካ. 9፡10።\xt*\x*
\q
\v 9 ዳውሎ ዓጮ ዓሳ ዒዛም ዚጋንዳኔ፤ \f + \fr 72፡9 \fr*\fq ዳውሎ ዓጮ ዓሳ ዒዛም ዚጋንዳኔ \fq*\ft ጋዓዞ፦ ላንካይታሞ ዓሳ ቡሌ ማፃኣፖይዳ «ዒቶጲያ ዒዛም ዚጋንዳኔ» ጋዓኔ።\ft*\f*
\q2 ሞርካ ዒዛኮ ዒዛ ቤርታ ሎኦሚ ዓጪ ኩኡላንዳኔ።
\q
\v 10 ቴርሴሴንታ ዋኣፆ ሳዛ ዓኣ ዓጮ ካኣታኣ
\q2 ጊኢራ ሚኢሼ ዒዛም ዔኪ ዬዓንዳኔ፤
\q2 ዓሬቤንታ ሳኣባ ዓጮ ካኣታኣ ዔኤቢ ዒንጋኒ ዒዛም ሺኢሻንዳኔ።
\q
\v 11 ካኣታ ቢያ ዒዛም ዚጋንዳኔ፤
\q2 ዴራኣ ቢያ ዒዛም ዎርቃንዳኔ።
\b
\q
\v 12 ሜታዼሢ ዒላታ ዎዶና
\q2 ማንቆ ዓሶንታ ማኣዳይ ባኣ ዓሶዋ ዒዚ ሄሊ ዓውሳንዳኔ።
\q
\v 13 ማንቆንታ ሜታዼ ዓሶንታም ዒ ሚጪንታንዳኔ፤
\q2 ዬያቶ ሃይቢዳፓኣ ዒ ዓውሳንዳኔ።
\q
\v 14 ሄርቂንቲ ዎርቆ ዎይፆይዳፓ ዒዚ ዔያቶ ኬሳኔ፤
\q2 ሱጉፃ ዔያቶሲ ዒዛ ቤርታ ቦንቺንቴያኬ።
\b
\q
\v 15 ካኣታሢ ሚርጌ ሌዔ ናንጎም!
\q2 ሳኣባ ዓጮይዳፓ ዎርቄ ዒዛም ሺኢኮም፤
\q2 ሺኢጲሢያ ቢያ ዎዴ ዒዛም ሺኢቂንቶም፤
\q2 ቢያ ዎዴ ፆኦሲኮ ዓንጃ ዒዛም ማዖም።
\q
\v 16 ዓጫ ዒዛሲ ሚርጌ ሃኣኮ ካሦም፤
\q2 ዹካ ዒዛኮ ሃኣኮ ባቃልሶም፤
\q2 ሊባኖኦሴ ዹኮጉዲ ማሊ ማዖም፤
\q ሃኣኮኮ ናታ ዒዛኮ ማኣቲጉዲ ሚርጎም።
\q
\v 17 ሱንፃ ዒዛሲ ናንጊና ዶዲ ናንጎም!
\q2 ዔርቲፃ ዒዛኮ ዓቢ ናንጋሢጉዲ ማዖም፤
\q ዴሬ ቢያ ዒዛና ዓንጂንቶም፤
\q2 ዴራ ቢያ፦ «ኔኤኒ ዓንጂንቴያኬ!» ዒዛ ጎዖም።
\b
\q
\v 18 ፔኤሮ ሌሊ ሄርሺሲ ዲቃሣ ዓኪ ባኣዚ ማዻ
\q2 ናንጊና ናንጋ ጎዳ ማዔ ዒስራዔኤሌ ፆኦዛሢ ዓንጂንቶም!
\q
\v 19 ዒዛኮ ቦንቾ ሱንፃ ናንጊና ዓንጂንቶም፤
\q2 ዓጫ ቢያ ዒዛኮ ቦንቾና ኩሞም!
\b
\q2 ዓኣሜን! ዓኣሜን!
\b
\q
\v 20 ዒሴዬ ናኣዚ ዳውቴ ሺኢጲፃ
\q2 ሃይማ ሄሊ ጋፔኔ።
\c 73
\ms ሃይሣሳ ፖቂፆ
\mr (ዓይኑ. ማፃ ዓይ. 73—89)
\d ዓሳኣፔ ዓይኑሞ
\s1 ፆኦሲኮ ፒዜ ዎጊፆ
\q
\v 1 ዒና ጌኤሺ ማዔ ዒስራዔኤሌ ዓሶም
\q2 ፆኦሲ ዎዚ ኮሺዳይ!
\q
\v 2 ታኣኒ ጋዓንቴ ቶካ ታኣኮ ዹቂንታኒ
\q2 ሃሊፄም ሎኦማኒ ዻካሮ ዓቴኔ።
\q
\v 3 ታኣኒ ፑርቶ ዓሶም ዔባ ኮሽካዛ ዛጊ
\q2 ዋይዞ ዒፃ ዓሶማኣ «ዬይ ዎዲ ማዔዖ»
\q2 ጌይ ማሌኔ።
\b
\q
\v 4 ፔቴታዖ ሜታ ዔያቶኮ ባኣሴ።
\q2 ዑፃ ዔያቶሲ ኩሙሢ ኮሺኬ።
\q
\v 5 ዓሲ ሄላ ፑርታ ሜታ ዔያቶ ሄሉዋሴ፤
\q2 ዓይጎ ዓሲዳኣ ማዓ ሜታ ዔያቶ ዑፃ ማዑዋሴ።
\q
\v 6 ዬያሮ ዖቶርሙሞ ዔያቶኮ ቆርጫ ማይንቶ ፓልሞኬ፤
\q2 ዋይዚ ዒፂሢያ ዓዳ ዔያታ ማኣዖጉዲ ማይንቴኔ።
\q
\v 7 ዔያቶኮ ማሌ ዓኣፓ ቴልዮ ጌይ ዛጋኔ፤
\q2 ዒናኣ ዔያቶሲ ፑርታ ማሊሢ ኬሳኔ።
\q
\v 8 ቶኦቺሢና ፑርቱሞ ዔያታ ጌስታኔ፤
\q2 ሌካ ጪኢዺንቲ ጪኢዺንቲ ዋይዞ ዒፂፆና ዚርቃኔ።
\q
\v 9 ጫሪንጫ ዓኣ ፆኦዛሢ ማኪ ዔያታ ጌስታኔ፤
\q2 ጌኤዛ ዔያቶኮ ሳዓ ማዔ ካሮ ሄላኔ።
\q
\v 10 ዬያሮ ፆኦሲ ዴራኣ ዓቱዋዖ ዔያቶ ባንሢ ጎዓኔ፤
\q2 ዋኣፆዋ ዔያቶኮ ካራባኣ ጎይሢና ዑሽካኔ።
\q
\v 11 «ዓካሪ ፆኦሲ ዎይቲ ዔራይ?
\q2 ዼኤፖ ፆኦዛሢ ኮራ ዔራቶ ዓኣ?» ዔያታ ጋዓኔ።
\q
\v 12 ፑርቶ ዓሳ ያዺ ማላኔ፤
\q2 ዔያቶኮ ዓኣ ቆላ ጊዳያኬ፤
\q2 ዬያይዴንቴያ ቃሲ ቆሎ ዔያታ ዴንቃኔ።
\b
\q
\v 13 ሃይሾ ዒኖ ታኣኮ ታ ጌኤሺ ማሄሢ ጉሪኬ፤
\q2 ዔኤቢ ታ ካኣሚባኣዋይ ጌዒ ኩጮ ማስታሢያ ጉሪኬ።
\q
\v 14 ሮኦሮ ጉቤ ታ ሜታዼኔ፤
\q2 ጉቶ ጉቶዋ ሜቶ ታ ዔኬኔ።
\b
\q
\v 15 ታኣኒ ሃያይዲ ጌስታንዳኔ ጌዔያ ማዔያታቶ
\q2 ኔኤኮ ናኣቶ ሾይንቶይዳ ሄኤዶ ፑርታ ባኣዚ ማዼያናንዳኔ።
\q
\v 16 ዬያ ባኮ ታ ዔራኒ ማሌ ዎዶና
\q2 ላቢሢ ማዾ ማሊ ታኣም ጴዼኔ።
\q
\v 17 ዬይያ ፆኦሲኮ ዱማዼ ማኣሮ ታ ጌላንዳያ ሄላንዳኣና
\q2 ጋፒንፆዋ ዔያቶኮ ታ ዛጋንዳያ ሄላንዳኣናኬ።
\q
\v 18 ጎኔና ሃሊፃ ቤስካ ኔ ዔያቶ ጌሤኔ፤
\q2 ባይሲንታ ባንሢያ ኔ ዔያቶ ኬይሴኔ።
\q
\v 19 ዔያታ ቤዞና ሩኡሪ ዎይቲ ባይቄይ?
\q2 ዲቃቲ ጋፒ ዔያታ ኩዴኔ።
\q
\v 20 ዓሲ ዓውቲዳፓ ዲቃታዖ ዎኦታሢጉዲ
\q2 ናንጊና ናንጋ ጎዳሢዮ!
\q ኔኤኒ ዔቃ ዎዶና ባልባቲሢጉዲ ጉሪ ኔ ዔያቶ ማሃንዳኔ።
\b
\q
\v 21 ማሊፃ ታኣኮ ሚርጌና ጫንቄኔ፤
\q2 ዒናኣ ታኣኮ ሜቄኔ።
\q
\v 22 ማሊሢባኣያና ዔሩዋ ዓሲያ ታ ማዔኔ፤
\q2 ኔ ቤርታ ቆልሞጉዲ ታ ማዔኔ።
\q
\v 23 ያዺ ማዔያታቴያ ቢያ ዎዴ ታ ኔኤና ዎላኬ፤
\q2 ኔኤኒያ ታኣኮ ሚዛቆ ኩጮ ዓርቄኔ።
\q
\v 24 ኔ ዞሪፆና ዔኪ ታና ኔ ዓኣዼኔ፤
\q2 ጊንፃፓ ኔ ታና ቦንቺሳንዳኔ።
\q
\v 25 ጫሪንጮይዳ ኔኤፓ ዓታዛ ታኣኮ ዖኦኒ ዓኣይ?
\q2 ሳዖይዳ ኔ ጊዳፓ ሜሌ ታ ኮዓይ ባኣሴ።
\q
\v 26 ታኣኮ ዑፆንታ ዒኖንታ ላባኒ ዳንዳዓኔ፤
\q2 ፆኦሲ ጋዓንቴ ዒኖኮ ታኣኮ ዶዱማሢና
\q2 ናንጊና ታኣሮ ማሂ ታ ዔኬሢኬ።
\b
\q
\v 27 ዓካሪ ኔኤፓ ሃካዞንሢ ባይቃንዳኔ፤
\q2 ኔኤኒ ኔኤም ጉሙርቂንቱዋዞንሢ ቢያ ባይዛንዳኔ።
\q
\v 28 ታኣም ጋዓንቴ ፆኦሲ ባንሢ ዑኪሢ ኮይሳኔ፤
\q2 ናንጊና ናንጋ ጎዳ ጊቲማሢ ታኣኮ ታ ማሄኔ፤
\q2 ኔኤኮ ማዾ ዛሎዋ ታኣም ኬኤዛኒ ኮሺኬ።
\c 74
\s1 ዓሳኣፔ ዔራቶና ካላሌ ካላሊ
\d ዴራ ኮሺ ናንጋንዳጉዲ ሺኢቂንቴ ሺኢጲሢ
\q
\v 1 ፆኦሲዮ!
\q2 ናንጊና ኔ ኑና ዓይጋ ኬኤሬይ?
\q2 ሄንቆ ቦኦሎይዳ ዓኣ ኔ ማራቶይዳ ዻጋ ኔኤኮ ዓይጋ ዔኤቴይ?
\q
\v 2 ሚናፓ ዓርቃዖ ኔ ዶኦሬ
\q2 ኔ ዒጊኒ ማዓንዳጉዲ ዓይላታፓ ሻንቂ ኔ ኬሴ
\q2 ዴሮ ኔኤኮ ማሌ፤
\q ሃያኮ ቤርታ ኔኤኮ ናንጎ ቤሲ ኔ ማሄ
\q2 ፂዮኔ ዹኮም ማሌ።
\q
\v 3 ሄፆ ኔኤኮ ናንጊና ቆይዳ ማዔ ቤዞ ባንሢ ማሄ፤
\q2 ሞርካ ኔኤኮ ጌኤዦ ማኣራ ዓኣ ባኮ ቢያ ፑርቲሴኔ።
\q
\v 4 ሞርካ፦ «ኑ ባሼኔ» ጌዒ
\q2 ኔኤኮ ጌኤዦ ማኣሮይዳ ሄርሺንታኔ፤
\q ባሺፆ ዔርዛ ዔያቶኮ ባንዲሮዋ ሱፄኔ።
\q
\v 5 ካዮ ባኣካ ሚሢ ቆፃኒ
\q2 ሄርጋ ዓርቄ ዓሲ ዔያታ ማላኔ።
\q
\v 6 ሚፆ ቃርፂ ኮጫ ሱፆና ባኮ
\q2 ሄርጋና ቆፂ፥ ሞቶሾናኣ ጳርቂ ሜንሤኔ።
\q
\v 7 ኔኤኮ ጌኤዦ ማኣሮ ሚቺ ዔያታ ባይዜኔ፤
\q2 ኔ ሱንፆኮ ዎይፆ ቤዞዋ ዒኢሴኔ።
\q
\v 8 ዔያታ ፔኤኮ ዒኖና፦
\q2 «ጋፒንሢ ሄርቂ ኑ ዔያቶ ዎይሣንዳኔ» ጌዔኔ፤
\q2 ሳዔሎይዳ ፆኦሲ ካኣሽኪንታ ቤዞ ቢያ ዔያታ ሚቼኔ።
\b
\q
\v 9 ማይ ኑ ዛጋንዳ ማላታ ማዓ ባኣዚ ባኣሴ፤
\q2 ፔቴታዖ ፆኦሲ ማሊሢ ኬኤዛኒ ኬስካ ዓሲያ ባኣሴ፤
\q2 ሃይ ዎማ ሄላንዳኣና ሃማይዲ ዴዓቴያ
\q2 ዔራይ ኑ ባኣካ ባኣሴ።
\q
\v 10 ፆኦሲዮ! ሞርካ ሚኢጫሢ ዎማ ሄላንዳኣናዳይ?
\q2 ኔ ሱንፆ ጫርቂ ዔያታ ቶኦቻሢ ዎማካ ጋፓይ?
\q
\v 11 ኩጮ ኔኤኮ ኔ ዓይጋ ማሂ ዔካይ?
\q2 ሚዛቆ ኩጮ ኔኤኮ ሾኦጶ ዴማ ዓይጋ ዳካይ?
\b
\q
\v 12 ፆኦሲዮ! ሚናፓ ዓርቃዖ ኔ ታኣኮ ካኣቲኬ፤
\q2 ሳዖይዳ ኔኤኮ ዓውሲፆ ማዾ ኔ ማዼኔ።
\q
\v 13 ኔኤኮ ዎልቆና ባዞ ፓቄሢ ኔናኬ፤
\q2 ባዞይዳ ናንጋ ቦዖኮዋ ቶኦኮ ዋኣፆይዳ ኔ ዳኣፄኔ። \x - \xo 74፡13 \xo*\xt ኬሲ. ማፃ 14፡21።\xt*\x*
\q
\v 14 ሌዋታኔ ጌይንታ ቦዖኮ ቶኦኮ ኔ ጋኣጬኔ፤
\q2 ዓሲ ናንጉዋ ዳውሎ ማዢንቶማዋኣ \f + \fr 74፡14 \fr*\fq ዓሲ ናንጉዋ ዳውሎ ማዢንቶማኣ \fq*\ft ጋዓዞ፦ ላንካይታሞ ዓሳ ቡሌ ማፃኣፖይዳ «ዒቶጲያ ዓሶማኣ ሙኡዚ ኔ ዒንጌኔ» ጋዓኔ።\ft*\f*
\q2 ሙኡዚ ማሂ ኔ ዒንጌኔ። \x - \xo 74፡14 \xo*\xt ዒዮ. 41፡1፤ ዓይኑ. 104፡26፤ ዒሲ. 27፡1።\xt*\x*
\q
\v 15 ዓልቃ ዋኣፆንታ ዎታ ዎሮንታ ዑሬሢ ኔናኬ፤
\q2 ቢያ ዎዴ ዎታ ዎሮ ኔ ሚጪሴኔ።
\q
\v 16 ሮኦሮንታ ዋንቶንታ ኔኤሮኬ፤
\q2 ዓጊኖና ዓቦና ኔኤኒ ዶዲሺ ዴይሤኔ።
\q
\v 17 ሳዖኮ ማዓ ካሮ ጌሤሢ ኔናኬ፤
\q2 ዖጎፆንታ ባርጎንታ ኔኤኒ ኬሴኔ።
\b
\q
\v 18 ናንጊና ናንጋ ጎዳሢዮ!
\q2 ኔ ሞርካ ኔና ቦሂ ዓማላሢ ዛጌ፤
\q2 ዔያታ ዔኤያ ማዔሢሮ ኔ ሱንፆይዳ ጫርቃኔ።
\q
\v 19 ኔኤም ዎርቃ ሼምፓሢ ቦዖም ዓኣሢ ዒንጊፖ፤
\q2 ኔኤም ማዻዞንሢኮ ሜቶ ናንጊና ዋሊፖ!
\q
\v 20 ጫኣቁሞ ኔኤሲ ማሌ፤
\q2 ዋይዚ ዒፂሢ ቡኬ ቤሲ
\q ሳዔሎኮ ዹሜ ጊንፃ ኩሜኔ።
\q
\v 21 ሄርቂንቲ ዎርቃዞንሢ ቦርሲንቲ ማዖፓ፤
\q2 ማንቆንታ ሜታዼ ዓሶንታ ሱንፆ ኔኤሲ ጋላቶንጎ።
\b
\q
\v 22 ፆኦሲዮ! ዔቄ!
\q2 ኔ ጌኤዞ ዛሎ ሞኦቲንቴ፤
\q ፓሡዋ ዓሳ ሮኦሮ ጉቤ
\q2 ኔና ቶኦቻሢ ዛጌ።
\q
\v 23 ኔ ሞርኮኮ ሄርሺንቶ
\q2 ቢያ ዎዴ ዺቢ ዺቢ ዓኣዻ ሆኦሊንቶ
\q2 ዔያቶኮ ኔኤኒ ዋሊፖ።
\c 75
\s1 «ባይዚፖ» ጌይንታ ዓይኑሞና ዓይኑሞ ሱኡጋሢ ዓይሣ ጎይፆ ዓይናዺንቴ ዓሳኣፔኮ ፆኦሲ ሄርሺፆ ዓይኑሞ
\d ፆኦሲ ዎጋያ ማዒፆ
\q
\v 1 ፆኦሲዮ! ኑኡኒ ኔና ጋላታኔ፤
\q2 ኔኤኒ ሃንጋ ኑ ባንሢ ዑኬሢሮ
\q2 ኔ ሱንፆም ኑ ጋላታ ሺኢሻኔ፤
\q2 ኔ ማዼ ዲቃሢ ሄርሺሳ ማዾ ኑ ኬኤዛኔ።
\b
\q
\v 2 ኔኤኒ፦ «ታኣኒ ዎጌ ዎጋንዳ ኬሊ ሜንሤኔ፤
\q2 ዬኖ ዎዶና ፒዜ ታ ዎጋንዳኔ።
\q
\v 3 ሳዓ ዓጊፄታቴያ
\q2 ዒኢካ ዓኣ ማዢንታ ጎጋይቄቴያ
\q2 ታኣኒ ሳዖኮ ዓይፆ ዶዲሻኔ።
\q
\v 4 ዖቶርቃዞንሢያ ‹ዒንሢ ሄርሺንቲፖቴ›
\q2 ፑርቶ ዓሶዋ ‹ጪኢዺንቲፖቴ› ታኣኒ ጋዓንዳኔ፤
\q
\v 5 ፆኦሲ ዑፆይዳ ኔና ዼግ ዼጊዲፖ፤
\q2 ሃንጎ ሃሣ ዖቶርቂ ጌስቲፖ» ጌዔኔ።
\q
\v 6 ዎጌ ዓባ ኬስካ ባንፃፓ ማዖም ጌላ ባንፃፓ
\q2 ጊንሣ ሃሣ ዓሲ ናንጉዋ ዳውላፓ ሙኩዋሴ።
\q
\v 7 ፔቴሢ «ዻቤኔ» ጌዒ ዎጋሢ
\q2 ባጋሢ «ዔኤቢ ኔኤኮ ባኣሴ» ጌዒ
\q2 ፒዜ ዎጋሢ ፆኦሲኬ።
\q
\v 8 ዑዦ ዑሽኮ ዓንጋ ናንጊና ናንጋ ጎዳኮ ኩጫ ዓኣኔ፤
\q2 ኮይሳሢጉዲ ጊኢጊሾና ዱባዻ ዎይኖ ዑዣ ኩሚ ዓኣኔ፤
\q2 ዬያ ዒ ዓንጋፓ ላኣላዛ ሳዖይዳ ዋይዞ ዒፃ ዓሳ
\q2 ሞጮዋ ዓይሱዋዖ ጋፒሲ ዑሽካንዳኔ።
\b
\q
\v 9 ታኣኒ ጋዓንቴ ዬያ ናንጊና ኬኤዛንዳኔ፤
\q2 ያይቆኦቤ ፆኦዛሢም ዓይኑሞ ሺኢሻንዳኔ።
\q
\v 10 ፑርቶ ዓሶኮ ካኣሮ ቢያ ታ ሜንሣንዳኔ፤
\q2 ፂሎ ዓሶሲ ጋዓንቴ ዼግ ጋዓንዳኔ።
\c 76
\s1 ዓይኑሞ ሱኡጋሢ ዓይሣ ጎይፆ ጎኦላና ዓይናዺንቴ ዓሳኣፔኮ ፆኦሲ ሄርሺፆ ዓይኑሞ
\d ፆኦሲ ባሻያ ማዔሢ
\q
\v 1 ፆኦሲ ዪሁዳ ዓጫ ዔርቴኔ፤
\q2 ሱንፃ ዒዛኮ ዒስራዔኤሌይዳ ዼኤፒኬ።
\q
\v 2 ጌኤዦ ማኣራ ዒዛኮ ዬሩሳላሜይዳ (ሳሌሜይዳ)
\q2 ዒዚ ዎርቃ ቤዛኣ ፂዮኔይዳ።
\q
\v 3 ዒኢካ ዱኪንታ ሂኢዦንታ ጊቲሞንታ
\q2 ዎርፆዋ ዒ ሜንሤኔ።
\b
\q
\v 4 ፆኦሲዮ! ኔኤኒ ዒጊቻያኬ፤
\q2 ኔኤኮ ዲቃሢ ሄርሺሲፃ ዼኤፖ ዹካፓ ባሼኬ።
\q
\v 5 ዖሎና ዔርቴ ፖኦሊሳ ዲዒ ዔኬ ባካ
\q2 ጊንሣ ቡሪንቲ ዔውቴኔ፤
\q2 ኩጮ ዔያታ ዔቂሶ ባሺንቲ
\q2 ጋፒ ጊንዖ ጊንዔኔ።
\q
\v 6 ያይቆኦቤ ፆኦዛሢዮ!
\q2 ኔኤኒ ዔያቶ ጎሬ ዎዶና
\q2 ፓራሢ ቶጌ ዓሳ ፓራሢና ዎላ ሃይቄኔ።
\b
\q
\v 7 ዒጊጮንዶያ ኮይሳሢ ኔና ሌሊኬ፤
\q2 ኔኤኒ ዻጋዼ ዎዶና ኔ ቤርታ ዖኦኒ ዔቃኒ ዳንዳዓንዳይ?
\q
\v 8 ኔኤኒ ጫሪንጫፓ ዎጎ ኬኤዜም
\q2 ሳዔላ ዋይዚ ዒጊቹሞና ዚቲዮ ጌዔኔ።
\q
\v 9 ፆኦሲዮ! ዬይ ያዺ ማዔሢ
\q2 ኔኤኒ ሳዖይዳ ሜታዼ ዓሶ ዓውሳኒ
\q2 ዎጎሮ ዔቄ ዎዶናኬ።
\b
\q
\v 10 ዓሲ ሜቶ ዓጊ ኔኤኒ ጎሬቴያ ኔ ቦንቾም ማዓኔ፤
\q2 ዬያ ጎሪንቶፓ ቶሌዞንሢያ ሪኢራኔ።
\b
\q
\v 11 ናንጊና ናንጋ ጎዳ ማዔ ዒንሢ ፆኦዛሢም ናኣቡዋቴ፤
\q2 ዒንሢ ናኣቤ ናኣቦዋ ኩንሡዋቴ፤
\q ዒዛኮ ዑኬ ዓኣ ዓሳ ቢያ
\q2 ዒጊቻያ ማዔሢም ዒንጎ ባኣዚ ሺኢሾንጎ።
\q
\v 12 ዒዚ ዖቶርቃ ሱኡጎ ዻውሲሳኔ፤
\q2 ዼኤፖ ዼኤፖ ካኣቶዋ ጎቃይሳኔ።
\c 77
\s1 ዓይኑሞ ሱኡጋሢ ዓይሣ ጎይፆ ዔዶታሜ ዛሎ ዓይናዺንቴ ዓሳኣፔ ዓይኑሞ
\d ሜቶፓ ቶላኒ ሺኢቂንቴ ሺኢጲሢ
\q
\v 1 ዑኡዞ ታኣኮ ዼጊዲ ፆኦሲ ባንሢ ዒላቴኔ፤
\q2 ዒዚ ታኣም ዋይዛንዳጉዲ ዒዛ ባንሢ ዔኤሊንቴኔ።
\q
\v 2 ታኣኮ ሜታሢ ኬሎና
\q2 ናንጊና ናንጋ ጎዳ ታ ኮዔኔ፤
\q2 ዋንቶ ላቢሢ ባኣንቴ ኩጮ ታ ዒዛ ባንሢ ዔቂሴኔ፤
\q2 ሼምፔላ ጋዓንቴ ታኣኮ ዶዲፆ ዒፄኔ።
\q
\v 3 ፆኦሲ ዛሎ ታ ማላ ዎዶና ታ ዖዬኔ፤
\q2 ዒናፓ ታ ማላዛ ዒና ታኣኮ ዶጬኔ።
\q
\v 4 ዋንቶ ጉቤ ኔ ታና ጴቼኔ፤
\q2 ዖዪፃ ታኣኮ ሚርጌሢሮ ጌስታኒ ታ ዳንዳዒባኣሴ።
\q
\v 5 ጊንሢም ዓኣዼ ኬሎ ታ ማሌኔ፤
\q2 ሚና ዓኣ ሌዖዋ ማሊ ታ ጶቂሤኔ።
\q
\v 6 ዋንቶ ታ ዓይናዼ ዓይኑሞ ማሌኔ፤
\q2 ታኣኮ ዒኖና ታ ጌስቴኔ፤
\q2 ታ ዓያኖና ታ ማላዖ፦
\q
\v 7 «ናንጊና ናንጋ ጎዳ ኑና ጋፒ ኬኬኤሪያ?
\q2 ሃካፓ ሴካ ፔ ኮሹሞ ዒ ፔቴታዖ ዻዋዓዳ?
\q
\v 8 ዒዛኮ ማኣሪፃኣ ኑኡም ናንጊና ባይቂያ?
\q2 ጫኣቁማኣ ሃካፓ ሴካ ዶዲ ዴዑዋዓዳ?
\q
\v 9 ፆኦሲ ፔኤኮ ኮሹሞ ዋሊያ?
\q2 ዻጎይዳፓ ዔቄያና ሚጪንቶ ዒ ሃሺያ?» ጌዔኔ።
\q
\v 10 ታኣኒ፦ «ዼኤፖ ፆኦዛሢኮ ሚዛቆ ኩጫ ላኣሚንቴያ ማሂ ማሊፃ
\q2 ታኣኮ ላቢሢኬ» ጌዔኔ።
\b
\q
\v 11 ናንጊና ናንጋ ጎዳኮ ማዾ ታ ጶቂሣኔ፤
\q2 ሚና ዒ ፔ ዎልቆና ማዻ ዲቃሣ ማዻ
\q2 ጎኔና ታኣም ጶቃኔ።
\q
\v 12 ማዾ ቢያ ታ ኔኤኮ ማላኔ፤
\q2 ዲቃሣ ዓኮ ማዾ ቢያ ማሊ ታ ሱካኔ።
\b
\q
\v 13 ፆኦሲዮ!
\q2 ኔኤኒ ማዻ ባካ ቢያ ዱማዼያኬ፤
\q2 ኔጉዴያ ዼኤፒ ፆኦሲ ዖናዳይ?
\q
\v 14 ኔ ዎልቄና ማዺንታ ዓኪ ባኣዚ ማዻይ ኔናኬ፤
\q2 ሜሌ ዴሮ ባኣካ ኔ ዎልቆ ኔ ፔጋሲ ዻዋኔ።
\q
\v 15 ያይቆኦቤንታ ዮሴፔንታ ናኣቶ
\q2 ኔ ዎልቆና ዴሮ ኔኤኮ ማሂ ሻንቂ ኔኤኒ ዓውሴኔ።
\b
\q
\v 16 ፆኦሲዮ!
\q2 ዋኣፃ ኔና ዛጋዖ ዒጊጬኔ፤
\q2 ዔቶ ባዞ ዋኣፃኣ ጎጋይቄኔ።
\q
\v 17 ሻኣራ ዒሮ ዋርቄኔ፤
\q2 ጫሪንጫ ጉጉንፃ ጉጉንሤኔ፤
\q2 ዜኤሊንፃኣ ጫሪንጫፓ ቢያ ባንፆና ፖዔኔ።
\q
\v 18 ኔኤኮ ጉጉንሣ ዑኡዛ ዓልጋሢ ዢባሮይዳ ዋይዚንቴኔ፤
\q2 ዜኤሊንፃ ኔኤኮ ዓጮ ፖዒሴኔ፤
\q2 ሳዓ ጎጋይቂ ዓጊፄኔ።
\q
\v 19 ኔኤኮ ጎይፃ ባዞ ዋኣፆይዴና ዓኣዻኔ፤
\q2 ኔ ሃንቲፃ ዼኤፖ ዋኣፆይዳኬ፤
\q2 ኮጲሲ ጋዓንቴ ኔኤኮ ጴዺባኣሴ።
\q
\v 20 ሙሴና ዓኣሮኔና ዎላ ኔ ማዒ
\q2 ዴሮ ኔኤኮ ዓዳ ማራይጉዲ ዔኪ ኔ ዓኣዼኔ።
\c 78
\s1 ዓሳኣፔ ዔራቶና ካላሌ ካላሊ
\d ፆኦሲና ዒዛኮ ዴሮና
\q
\v 1 ታ ዴሬዮቴ! ታ ዔርዛ ባኮ ዋይዙዋቴ፤
\q2 ታ ቃኣሎዋ ዒና ዔኩዋቴ።
\q
\v 2 ሃይሶ ታኣኮ ታኣኒ ኮኦኪንሢና ዓርቃንዳኔ፤
\q2 ሚናፓ ዓኣቺ ዓማሎ ዓማሊና ታ ኬኤዛንዳኔ። \x - \xo 78፡2 \xo*\xt ማቲ. 13፡35።\xt*\x*
\q
\v 3 ዬይ ኑኡኒ ዔሬሢና ዋይዜሢኬ፤
\q2 ኑ ዓዶንሢያ ኑኡም ኬኤዜሢኬ።
\q
\v 4 ዬንሢ ባኮ ኑ ናኣቶም ኑ ዓኣቻዓኬ፤
\q2 ናንጊና ናንጋ ጎዳኮ ዎልቆ ዛሎ
\q2 ዒዚ ማዼ ዼኤፖ ማዾና
\q2 ዒ ፔ ዎልቆና ማዼ ዲቃሢ ሄርሺሳ ባኮ
\q2 ሙካ ሾይንቶም ኑ ኬኤዛንዳኔ።
\b
\q
\v 5 ዒዚ ያይቆኦቤም ዳምቤ ኬሴኔ፤
\q2 ዒስራዔኤሌይዳኣ ዎጌ ዒ ጌሤኔ፤
\q ናኣቶ ፔኤኮ ዔያታ ዔርዛንዳንጉዲ
\q2 ኑ ዓዶንሢም ዓይሤኔ።
\q
\v 6 ዬያ ሙካ ሾይንታ ዔራንዳጉዲ
\q2 ዔያታ ፔ ዎዶና ዔያቶኮ ናኣቶም
\q2 ሃጊ ሾይንታዞንሢማኣ ኬኤዛንዳጉዲኬ።
\q
\v 7 ዬያይዶናሢሮ ዔያታ ፆኦሲ ጉሙርቃንዳኔ፤
\q2 ዒዛኮ ማዾዋ ዔያታ ዋላዓኬ፤
\q2 ዓይሢፆዋ ዔያታ ካፓንዳኔ።
\q
\v 8 ጋዓንቴ ዔያታ ፔ ዓዶንሢጉዲ ዋይዚፆና
\q2 ዓይሢንቲፆዋ ዒፃ፥ ዒኖዋ ፔኤኮ ፒዚሲባኣ
\q2 ዓያናኣ ፆኦሲ ጉሙርቁዋ ሾይንቲ ማዓዓኬ።
\b
\q
\v 9 ሂኢዦና ዖላ ዔፕሬኤሜ ናኣታ
\q2 ሂኢዦ ዓርቄያ ማዔያታቴያ
\q2 ዖሎ ኬሎና ጊንሢም ዔያታ ማዔኔ።
\q
\v 10 ፆኦሲ ጫኣቄ ጫኣቁሞ ዔያታ ካፒባኣሴ፤
\q2 ዒዛኮ ዎጎ ጎይፆ ዓኣዺፆዋ ዒፄኔ።
\q
\v 11 ዒዚ ማዼ ማዾ
\q2 ዔያቶ ዒ ዻዌ ዲቃሣ ዓኮ ባኮዋ ዔያታ ዋሌኔ።
\q
\v 12 ዓዶንሢ ዔያቶኮ ፔ ዓኣፖና ዛጋንቴ
\q2 ጊብፄ ዓጫ ፆዓኔ ጌይንታ ቤዛ
\q ዒ ፔ ዎልቆና ማዺንታ ዓኪ ባኣዚ ማዼኔ። \x - \xo 78፡12 \xo*\xt ኬሲ. ማፃ 7፡8—12፡32።\xt*\x*
\q
\v 13 ባዞ ፓቂ ዔያቶ ዒ ፒንሤኔ፤
\q2 ዋኣፆዋ ናቲጉዲ ዔቂሴኔ። \x - \xo 78፡13 \xo*\xt ኬሲ. ማፃ 14፡21-22።\xt*\x*
\q
\v 14 ሮኦሮ ሻኣሬና ዔኪ ዔያቶ ዓኣዼኔ፤
\q2 ዋንቶዋ ቢያ ታሚ ፆምፔ ዔያቶም ፖዔኔ። \x - \xo 78፡14 \xo*\xt ኬሲ. ማፃ 13፡21-22።\xt*\x*
\q
\v 15 ዓሳ ናንጉዋ ዳውሎይዳ ላሎ ዹኡሴኔ፤
\q2 ዬካፓ ባዚ ዋኣሢጉዴ ሚርጌ ዋኣሢ ዒ ዔያቶ ዑሼኔ። \x - \xo 78፡15 \xo*\xt ኬሲ. ማፃ 17፡1-7፤ ፓይ. ማፃ 20፡2-13።\xt*\x*
\q
\v 16 ሹጮ ዼኤፓፓ ዓልቃ ዋኣሢ ዑሬኔ፤
\q2 ዋኣፆ ዎርዚጉዲ ዎይሴኔ።
\b
\q
\v 17 ዔያታ ጋዓንቴ ዓሲ ናንጉዋ ዳውሎይዳ
\q2 ዼኤፖ ፆኦዛሢም ዋይዞ ዒፂፆና ጎሜ ማዺሢዳፓ ማዒባኣሴ።
\q
\v 18 ኮሺ ዔያቶ ዓፃሴ ሙኡዚ ዖኦጪሢና
\q2 ዔያታ ዒኖና ዔሬያታዖ «ፆኦሲ ዎይታቴያ» ጌዒ ዛጌኔ። \x - \xo 78፡18 \xo*\xt ኬሲ. ማፃ 16፡2-15፤ ፓይ. ማፃ 11፡4-23፤31-35።\xt*\x*
\q
\v 19 ፆኦሲ ዑፃ ጉንዱሚ ጌስቴሢ
\q2 «ፆኦሲ ዓሲ ናንጉዋ ዳውሎይዳ ሙኡዚ ጊኢጊሺ ዒንጋኒ ዳንዳዓ?
\q
\v 20 ዒዚ ላሎ ዹኡሲሢና ዋኣፆ ዲጲጉዲ ዎይሴሢ ጎኔኬ፤
\q2 ሂዴቴያ ሙኡዚ ኑም ዒንጋኒና ዓሽኪ ጊኢጊሻኒ ዳንዳዓኔ ጌይሢዳ?» ጌዔኔ።
\b
\q
\v 21 ናንጊና ናንጋ ጎዳ ዬያ ዋይዛዖ ሚርጌና ዻጋዼኔ፤
\q2 ያይቆኦቤ ዑፆይዳ ታሚ ዔኤቴኔ፤
\q2 ዻጋ ዒዛኮ ዒስራዔኤሌይዳ ዔቄኔ።
\q
\v 22 ዔያታ ዒዛ ጉሙርቂባኣሴ፤
\q2 ዒዛኮ ዓውሲፆናኣ ጌኤቂንቲባኣሴ።
\q
\v 23 ዒዚ ጋዓንቴ ሎፓ ሻኣሮ ዓይሤኔ፤
\q2 ጫሪንጮኮዋ ካሮ ቡሌኔ።
\q
\v 24 ዔያታ ሙዓንዳጉዲ ማና ዒ ዲኢኒሼኔ፤
\q2 ጫሪንቺዳ ዓኣ ሙኡዚ ዔያቶም ዒንጌኔ። \x - \xo 78፡24 \xo*\xt ዮሃ. 6፡31።\xt*\x*
\q
\v 25 ዓሲ ኪኢታንቾ ካሦ ሙዔኔ፤
\q2 ሚሽኪ ዶምባ ዓይሳንዳያ ሄላንዳኣና
\q ሙዖ ዔያቶም ዒንጌኔ።
\q
\v 26 ጫሪንጫፓ ዓባ ኬስካ ባንፆ ዢባሮ ዒ ዔቂሴኔ፤
\q2 ዾኦሎ ባንፆ ዢባሮዋ ዔኪ ሙኬኔ።
\q
\v 27 ዓሽኪ ዔያቶም ዓጪጉዲ
\q2 ባራና ካፖዋ ባዞ ዓጮ ማኣሻሎጉዲ ዒ ኬይሴኔ።
\q
\v 28 ዔያቶኮ ጉርዶ ባኣኮይዳ
\q2 ዓፒሎና ማዢንቴ ማኣሮ ኮራኣ ኬይሴኔ።
\q
\v 29 ዔያታ ሚሽካንዳያ ሄላንዳኣና ሙዔኔ፤
\q2 ዔያታ ሚርጌና ዓፃዼ ባኮ ዔያቶም ዒ ዒንጌኔ።
\q
\v 30 ጋዓንቴ ሃጊ ሱኡካ ዔያቶኮ ማዑዋንቴ
\q2 ሙዓ ዔያቶኮ ዻንጋ ዓኣ ጎይሣ ዓኣንቴ
\q
\v 31 ፆኦሲኮ ጎሪንታ ዔያቶ ዑፃ ሙኬኔ፤
\q2 ዔያቶ ባኣካፓ «ኑ ዶዲኬ» ጋዓ ዓሶ ዎዼኔ፤
\q2 ሃጋ ቡኖ ማዔ ዼጌሢያ ማንፄኔ።
\b
\q
\v 32 ዬይ ቢያ ማዔንቴያ ዔያታ ፔኤኮ ዻቢንቶና ዶዴኔ፤
\q2 ዒዚ ማዻ ዲቃሣ ባኮዋ ዔያታ ጉሙርቂባኣሴ።
\q
\v 33 ዬያሮ ዎዶ ዔያታ ፔኤሲ ጉሪ
\q2 ናንጎዋ ዲቃቲሢና ጋፒሴኔ።
\q
\v 34 ዒዚ ዔያቶ ዎዼ ዎዶና ዔያታ ዒዛ ኮዔኔ፤
\q2 ዒናፓ ኮዒሢና ዒዛ ባንሢ ማዔኔ።
\q
\v 35 ፆኦሲ ዔያቶኮ ላላሢ ማዔሢ ዔያታ ጶቂሤኔ፤
\q2 ዼኤፖ ፆኦዛሢ ዔያቶ ዓውሳሢ ማዔሢያ ማሌኔ።
\q
\v 36 ጋዓንቴ ዔያታ ፔ ዻንጎና ዒዛ ጌሼኔ፤
\q2 ዬያ ዻንጎና ዒዛም ዔያታ ሉኡቄኔ።
\q
\v 37 ዒና ዔያቶኮ ዒዛና ዶዲባኣያኬ፤
\q2 ዒዛኮ ጫኣቁሞማኣ ጉሙርቂንቲባኣሴ።
\b
\q
\v 38 ዒዚ ጋዓንቴ ማኣራያ ማዔ ጎይፆና
\q2 ዻቢንቶ ዔያቶሲ ዓቶም ጌዔኔ፤
\q2 ዔያቶ ዒዚ ባይዚባኣሴ፤
\q2 ዻጎዋ ሚርጌ ዎዴ ቲኢሬኔ፤
\q2 ዱማ ዱማ ዎዻ ባኮዋ ዔያቶይዳ ዒ ኬይሲባኣሴ።
\q
\v 39 ኬስካዖ ማዑዋ ዢባሬጉዲ
\q2 ዔያታ ዓሲ ማዔሢያ ዒ ማሌኔ።
\b
\q
\v 40 ዓሲ ናንጉዋ ዳውሎይዳ ዎማይዲ ዔያታ ዋይዞ ዒፄይ!
\q2 ዬያ ዳውሎይዳ ዎማዼ ዒዛ ዖዪሴይ!
\q
\v 41 ፆኦሲ ዎይታቴያ ጌዒ ላሚ ላሚ ዔያታ ዛጌኔ፤
\q2 ዒስራዔኤሌኮ ዱማዼሢያ ዔያታ ዻጋሴኔ።
\q
\v 42 ዔያቶ ዬኖ ዎዶና ሞርካፓ ዒ ዓውሴሢ
\q2 ዬያ ዎልቆ ዒዛኮ ዔያታ ማሊ ጶቂሢባኣሴ።
\q
\v 43 ጊብፄ ዓጫ ዒ ፔ ዎልቆና ማዻ ዓኮ ባኮ ማላቶ
\q2 ፆዓኔ ጌይንታ ዓሳ ናንጉዋ ዳውላ
\q2 ዒዚ ዻዌ ዲቃሢ ሄርሺሳ ማዾ ዔያታ ማሊባኣሴ።
\q
\v 44 ዎሮ ዋኣፆ ዔያቶኮ ዒ ሱጉሢ ማሄኔ፤
\q2 ዛሮ ዋኣፆ ዑሽካኒ ዔያታ ዳንዳዒባኣሴ። \x - \xo 78፡44 \xo*\xt ኬሲ. ማፃ 7፡17-21።\xt*\x*
\q
\v 45 ሻኣሬጉዴ ሶኦፆምቦ ዉፃሌ ዔያቶም ዒ ዳኬኔ፤
\q2 ዬይ ሶኦፆምባሢያ ዔያቶ ዻዔኔ፤
\q2 ፓንቆዋ ዔያቶም ዳኬኔ፤
\q2 ዬይያ ዓሶኮ ካራ ባይዜኔ። \x - \xo 78፡45 \xo*\xt ኬሲ. ማፃ 8፡1-6፤ 20፡24።\xt*\x*
\q
\v 46 ባቃሎ ዔያቶኮ ማኮም
\q2 ሃኣኮዋ ዔያቶኮ ዒ ዓቢሢም ዒንጌኔ። \x - \xo 78፡46 \xo*\xt ኬሲ. ማፃ 10፡12-15።\xt*\x*
\q
\v 47 ቱኮና ዎይኖ ዔያቶኮ ሻቺና
\q2 ቤሌሶ ሚፆዋ ቃኣዮና ዒ ዎዺሺ ባይዜኔ።
\q
\v 48 ባኣቶ ዔያቶኮ ሻቺና
\q2 ሃንጎ ቆልሞዋ ጉጉንሢና ዎዼኔ። \x - \xo 78፡48 \xo*\xt ኬሲ. ማፃ 9፡22-25።\xt*\x*
\q
\v 49 ፔኤኮ ዒ ዶዶ ዻጎ ዔያቶ ዑፃ ዳኬኔ፤
\q2 ዱማ ዱማ ዎዻ ባኮንታ ዒ ሌሊ ካኣሽኪንታኒ ኮዓ ዻጎዋ ኬይሴኔ፤
\q2 ዖሊ ባይዛ ኪኢታንቾዋ ዔያቶይዳ ዳኬኔ።
\q
\v 50 ጎሪንቲም ጎይሢ ዒዚ ጲሼኔ፤
\q2 ዔያቶኮ ሼምፓሢ ሃይቢዳፓ ዓውሲባኣሴ፤
\q2 ሼምፓሢ ዔያቶኮ ዱማ ዱማ ዎዻ ባኮም ዓኣሢ ዒንጌኔ።
\q
\v 51 ዔያቶ ዼጋቶ ዎልቆኮ ቤርቶ ማዔዞንሢ
\q2 ካኣሜኮ ዓፒሎና ኮሾና ማኣራ
\q2 ቶይዶ ናኣቶዋ ዔያቶኮ ቢያ ጊብፄ ዓጫ ዒ ጋፒሲ ዎዼኔ። \x - \xo 78፡51 \xo*\xt ኬሲ. ማፃ 12፡29።\xt*\x*
\b
\q
\v 52 ዴሮ ፔኤኮ ዓዳ ማራይጉዲ ሄንቃኒ ኬሴኔ፤
\q2 ዓሲ ናንጉዋ ዳውሎይዳ ማራይ ጎይሢ ሄንቄኔ። \x - \xo 78፡52 \xo*\xt ኬሲ. ማፃ 13፡17-22።\xt*\x*
\q
\v 53 ኮሺና ዔያቶ ዒ ዔኪ ዓኣዼሢሮ ዔያታ ዒጊጪባኣሴ፤
\q2 ሞርኮ ዔያቶኮ ጋዓንቴ ባዛ ሙዔኔ። \x - \xo 78፡53 \xo*\xt ኬሲ. ማፃ 14፡26-28።\xt*\x*
\q
\v 54 ዒዛኮ ሚዛቆ ኩጮና ዒ ዓርቄ ዹኮ ባንሢ
\q2 ዒዛም ዱማዼ ዓጬሎዋ ዔያቶ ዒ ጌልዜኔ። \x - \xo 78፡54 \xo*\xt ኬሲ. ማፃ 15፡17፤ ዒያ. 3፡14-17።\xt*\x*
\q
\v 55 ሜሌ ዴሮ ዔያቶ ቤርታፓ ዳውሴኔ፤
\q2 ዬያ ዓሶኮ ዓጮ ዔያቶ ዴኔ ማሂ ዒዚ ጊሽኬኔ፤
\q2 ዒስራዔኤሌ ዓሶ ፃጶ ዔያቶ ሞርኮ ማኣራ ናንጊሼኔ። \x - \xo 78፡55 \xo*\xt ዒያ. 11፡16-23።\xt*\x*
\b
\q
\v 56 ዔያታ ጋዓንቴ ዼኤፖ ፆኦዛሢ ዎይታቴያ ጌይ ዛጌኔ፤
\q2 ዋይዚያ ዒዛም ዔያታ ዒፄኔ፤
\q2 ዳምቦዋ ዒዛሲ ካፒባኣሴ። \x - \xo 78፡56 \xo*\xt ሱኡጎ. ማፃ 2፡11-15።\xt*\x*
\q
\v 57 ዔያቶኮ ዓዶንሢጉዲ ዒዛም ዋይዙዋያ ማዔኔ፤
\q2 ጉሙርሱዋ ዎቦ ሂኢሺጉዲ ዔያታ ማዔኔ።
\q
\v 58 ጌሜሮይዳ ሜሌ ፆኦዞ ካኣሽኮ ቤዞ ኮሺሢና
\q2 ዔያታ ዒዛ ዻጋሴኔ፤
\q2 ዓርሲ ኮሾና ሜሌ ፆኦዞ ካኣሽኪፆና
\q2 ዻጎ ዒዛኮ ዔያታ ዔቂሴኔ።
\q
\v 59 ፆኦሲ ዬያ ዋይዜ ዎዶና ሚርጌና ዻጋዼኔ፤
\q2 ዒስራዔኤሌ ዓሶዋ ጋፒ ዒዚ ሃሼኔ።
\q
\v 60 ዓሶ ባኣካ ዒዚ ዾቄ ዓፒላፓ ኮሾና ማኣሮ
\q2 ሴኤሎይዳ ፔኤኮ ዎርቆ ቤዞ ዒ ሃሼኔ። \x - \xo 78፡60 \xo*\xt ዒያ. 18፡1፤ ዔር. 7፡12-14፤ 26፡6።\xt*\x*
\q
\v 61 ዒዛኮ ዎልቆ ማላታ ማዔ ጫኣቁሞ ታኣቦቶ ዲዒሴኔ፤
\q2 ዒዛኮ ቦንቾዋ ሞርኮም ዓኣሢ ዒንጌኔ። \x - \xo 78፡61 \xo*\xt 1ሳሙ. 4፡4-22።\xt*\x*
\q
\v 62 ዴሮ ፔኤሲ ዒዚ ጬንቾ ዓፓሮም ማሄኔ።
\q2 ፔ ዴሮይዳ ሚርጌና ዒ ዻጋዼኔ።
\q
\v 63 ዼጌሢ ዔያቶኮ ታሚ ሙዔኔ፤
\q2 ዉዱሮ ናኣቶማኣ ዔፒ ጋኣዴ ጋኣዲንቲባኣሴ።
\q
\v 64 ቄኤሳ ዔያቶኮ ጬንቻ ዓፓሮና ዎዺንቴኔ፤
\q2 ዔያቶ ላኣላ ዬኤካኒ ዔያቶ ዳንዳዒባኣሴ።
\b
\q
\v 65 ናንጊና ናንጋ ጎዳ ጊንዓፓ ጴጫ ዓሲጉዲ
\q2 ዳጋሢ ማሤ ዓሲ ማሢንታዖ ጫርቃሢጉዲ
\q2 ጫርሺ ዓሲ ማዒ ዔቄኔ።
\q
\v 66 ሞርካ ዒዛኮ ባሺንቲ ጊንሢም ጳሽካንዳጉዲና
\q2 ናንጊና ጋፑዋ ቦርሲንቲ ቦርሲንታንዳጉዲ ማሄኔ።
\q
\v 67 ዮሴፔኮ ዓፒሎና ማዢንቴ ማኣሮ ዒዚ ሃሼኔ፤
\q2 ዔፕሬኤሜ ፃጶዋ ዒዚ ዶኦሪባኣሴ።
\q
\v 68 ጋዓንቴ ዪሁዳ ፃጶ
\q2 ዒዚ ሚርጌና ናሽኬ ፂዮኔ ዹኮ ዶኦሬኔ።
\q
\v 69 ፔኤኮ ጌኤዦ ማኣሮ ኮሺ ዼጋያ
\q2 ናንጊና ናንጋያ ማሂ ሳዖ ዒ ዶዲሺ ማዤ ጎይፆ ማዤኔ።
\q
\v 70 ፔኤኮ ዓይላሢ ዳውቴ ዒ ዶኦሬኔ፤
\q2 ማራቶ ሄንቆ ቤዛፓ ዒ ዔኬኔ። \x - \xo 78፡70 \xo*\xt 1ሳሙ. 16፡11-12፤ 2ሳሙ. 7፡8፤ 1ፆኦሲ. ዓሃኬ 17፡7።\xt*\x*
\q
\v 71 ፔ ዴሮ ያይቆኦቤ
\q2 ዒዛ ዴኖ ማዔ ዒስራዔኤሌ ሄንቃንዳንጉዲ
\q2 ማራቶ ሄንቂፃፓ ዔኪ ሙኬኔ።
\q
\v 72 ዬካፓ ዒዚ ፒዜ ዒናና ዔያቶ ሄንቄኔ፤
\q2 ዔራቶናኣ ዔኪ ዔያቶ ዓኣዼኔ።
\c 79
\s1 ዓሳኣፔ ዓይኑሞ
\d ዴሮኮ ኮሹሞ ዛላ ሺኢቂንቴ ሺኢጲሢ
\q
\v 1 ፆኦሲዮ! ሜሌ ዴራ ዴኖ ኔኤኮ ዓርቄኔ፤
\q2 ኔኤኮ ዱማዼ ጌኤዦ ማኣሮዋ ዔያታ ዒኢሴኔ፤
\q2 ዬሩሳላሜ ሻሂ ዔያታ ባይዜኔ። \x - \xo 79፡1 \xo*\xt 2ካኣቶ. ማ 25፡8-10፤ 2ፆኦሲ. ዓሃኬ 36፡17-19፤ ዔር. 52፡12-14።\xt*\x*
\q
\v 2 ኔ ዓይሎኮ ሌዞ ጫሪንጮ ካፖም
\q2 ኔኤኮ ዱማዼዞንሢኮዋ ዓሽኮ ካዮ ቦዖም
\q2 ሙኡዚ ማሂ ዔያታ ዒንጌኔ።
\q
\v 3 ሱጉፆ ዔያቶኮ ዬሩሳላሜይዳ ዓዳ ዋኣሢጉዲ ዔያታ ላኣሌኔ፤
\q2 ዬያ ዓሶ ዱኡካ ዓሲያ ጴዺባኣሴ።
\q
\v 4 ኑኡኒ ኑ ዓሺኖም ሚኢቺ
\q2 ኑ ኮይላ ዓኣ ዓሶማኣ ዓማሊ ባኣዚ ማዔኔ።
\b
\q
\v 5 ናንጊና ናንጋ ጎዳሢዮ! ሃይ ዓይዲ ሄላንዳኣናዳይ?
\q2 ኔኤኒ ዻጋዻሢ ናንጊና ጋፑዋያዳ?
\q2 ሜሌ ካኣሽኪንቱዋጉዲ ኮዓ ኔ ማሊፃ ታሚጉዲ ዔኤቴ ጎይሣ ናናንጋ?
\q
\v 6 ኔና ዔሩዋ ሜሌ ዴሮ ዑፃ
\q2 ሱንፆዋ ኔኤኮ ዔኤሉዋ ካኣቶ ዑፃ
\q2 ዱማ ዱማ ኔኤኮ ዎዻ ባኮ ዳኬ።
\q
\v 7 ዔያታ ያይቆኦቤ ሙዔኔ፤
\q2 ዔያቶኮ ናንጎ ቤዞዋ ዓሲ ናንጉዋ ዳውሌ ማሄኔ።
\b
\q
\v 8 ኑ ዓዶንሢ ጎሞ ኑ ዑፃ ማሂፖ፤
\q2 ማኣሪፃ ኔኤኮ ዑኬና ኑ ባንሢ ሙኮንጎ፤
\q2 ኑኡኒ ዓኣሢያ ሜቶይዳኬ።
\q
\v 9 ኑና ዓውሳያ ማዔ ፆኦዛሢዮ!
\q2 ኔ ሱንፆ ቦንቾሮ ጌዒ ኑና ማኣዴ፤
\q2 ኔ ሱንፆሮ ጌዒያ ሄሊ ኑና ዓውሴ፤
\q2 ጎሞዋ ኑኡኮ ዓቶም ጌዔ።
\q
\v 10 ዴራ፦ «ፆኦዛሢ ዔያቶኮ ዎካዳዖ?» ዓይጎሮ ጋዓይ?
\q2 ኔኤም ማዻ ዓሶ ሱጉፆ ዛሎ ኮሞ ኮፄ፤
\q2 ኑ ዓኣፓ ዛጋንቴ ዬያ ማዼ።
\b
\q
\v 11 ቱኪንቲ ዓኣ ዓሶኮ ሜቶ ዒላታ ኔ ቤርቶ ሄሎንጎ፤
\q2 ሃይቆንጎ ጌይ ዎጊንቴ ዓሶዋ ኔ ዎልቆና ዓውሴ።
\q
\v 12 ናንጊና ናንጋ ጎዳሢዮ! ኑ ዓሺና ኔና ሚኢጬ ሚኢጮ
\q2 ላንካይ ጳንጬ ማሂ ዔያቶ ኮንቂሴኔ።
\q
\v 13 ኑኡኒ ኔኤኮ ዴራ፥ ኔኤኒ ሄንቃ ማራታ
\q2 ናንጊና ጋላታ ኔኤም ሺኢሻኔ፤
\q2 ሾይንታፓ ሾይንቲ ሄላንዳኣና
\q2 ኔ ኑም ማዼ ባኮ ኑ ኬኤዛንዳኔ።
\c 80
\s1 «ጫኣቁሞ ቡኒ» ጌይንታ ዓይኑሞና ሱኡጋሢ ዓይሣ ጎይፆ ዓይናዺንታ ዓሳኣፔ ዓይኑሞ
\d ዒስራዔኤሌ ካኣታ ጊንሣ ዶዳንዳጉዲ ሺኢቂንቴ ሺኢጲሢ
\q
\v 1 ዮሴፔ ማራይጉዲ ሄንቃ፥ ዒስራዔኤሌያ ሄንቃሦ ኑም ዋይዜ!
\q2 ኪሩቤኤሎይዳ ዓኣ ካኣቱሞ ዖይታ ዴዓሦ
\q2 ኔኤኮ ፖዖና ፔጋዺ ጴዼ።\x - \xo 80፡1 \xo*\xt ኬሲ. ማፃ 25፡22።\xt*\x*
\q
\v 2 ዔፕሬኤሜንታ ቢኢኒያሜንታ ሚናሴንታም
\q2 ኔና ፔጋሲ ዻዌ፤
\q2 ዎልቆ ኔኤሲ ዓጊሤ፤
\q2 ሙኪያ ኑና ዓውሴ።
\b
\q
\v 3 ፆኦሲዮ! ኑና ማሄ፤
\q2 ኑ ዻቃንዳጉዲ ኔ ዓኣፖ ካሮ ኑኡም ፖዒሤ።
\b
\q
\v 4 ቢያ ባኮ ዎይሣ ጎዳ ማዔ ዼኤፖ ፆኦዛሢዮ!
\q2 ኔ ዴሮኮ ሺኢጲፆ ዋይዞ ዒፂ
\q2 ጎሪንቶ ኔኤኮ ኔ ቤኤዛሢ ዎማ ሄላንዳኣናዳይ?
\q
\v 5 ዖዪሢ ዓዳ ሙኡዚጉዲ
\q2 ዓቢሢያ ዑሺጉዲ ሚርጌና ኔ ዔያቶ ዑሼኔ።
\q
\v 6 ኑ ዓሺኖም ኔ ኑና ዑራ ማዣ ዓሲ ማሄኔ፤
\q2 ኑኡኮ ሞርካኣ ኑና ሚኢጬኔ።
\b
\q
\v 7 ቢያ ባኮ ዳንዳዓ ፆኦዛሢዮ! ኑና ማሄ፤
\q2 ኑ ዻቃንዳጉዲ ኔ ዓኣፖ ካሮ ኑም ፖዒሴ።
\b
\q
\v 8 ጊብፄ ዓጫፓ ዎይኔ ዞንዜ ኔ ዔኪ ሙኬኔ፤
\q2 ሜሌ ዴሮ ዳውሲ ዔያቶ ቤዛ ዬያ ኔ ቱኬኔ።
\q
\v 9 ዬይ ዑጋንዳ ቤዞ ኔ ጲሺ ጊኢጊሼኔ፤
\q2 ዬያሮ ፃጲ ዳኪ ዓጬሎ ባልጊ ኩሜኔ።
\q
\v 10 ዹካ ዬያ ዒላዦና ሺቢንቴኔ፤
\q2 ዼኤፖ ዚቢቃኣ ዬያ ካኣፖ ዴማ ዔቄኔ።
\q
\v 11 ዬይ ካኣፓ ዴንዲ ባዞ ሄላንዳኣና
\q2 ቶሻኣ ዔፕራፂሴ ዎሮ ሄላንዳኣና ጋምፒንቴኔ።
\q
\v 12 ዓካሪ ዒኢና ሊካ ሌካ ጋዓሢ ዓኣፖ ዬያ ማንፃንዳጉዲ
\q2 ዲፆ ኔኤኒ ዓይጋ ሻሄይ?
\q
\v 13 ጉዱንፃ ካያፓ ኬስኪ ዬያ ፑርቲሳንዳኔ፤
\q2 ቆልማ ሄንቃ ቤዛ ዲርጋ ቆልማ ቢያ ሙዓንዳኔ።
\b
\q
\v 14 ቢያ ባኮ ዎይሣ ጎዳሢዮ! ዓካሪ ኑ ባንሢ ማዔ፤
\q2 ጫሪንጫፓ ሊካ ኑ ባንሢ ዛጌ፤
\q2 ሃኖ ኔኤኒ ቱኬ ዎይኔሎ ዛጊ ካፔ።
\q
\v 15 ሃይ ኔኤኮ ሚዛቆ ኩጫ ቱኬ ባቃላ
\q2 ኔ ዛላ ማሂ ኔ ባቃልሴ ናዓሢኬ።
\b
\q
\v 16 ዬይ ዎይናሢ ቲቂንቲ ታሚዳ ሚጬኔ፤
\q2 ኔ ዻጎ ጎሪንታ ኔ ዓሶ ባይዛንዳኔ።
\q
\v 17 ኔኤሮ ማሂ ኔኤኒ ዶዲሺ ዔቂሴ ዓሢ ዑፃ
\q2 ኔኤኮ ሚዛቆ ዛላ ዓኣ ኔ ናዓሢ ዑፃ
\q ኔ ኩጫ ማዖንጎ።
\q
\v 18 ሃይካፓ ሴካ ኔና ሃሺ ጊንሢም ኑ ማዓዓኬ፤
\q2 ናንጊና ባይቁዋያ ኑና ማሄ፤
\q2 ኑኡኒያ ኔና ካኣሽካንዳኔ።
\b
\q
\v 19 ናንጊና ናንጋ ጎዳ ማዔ ዼኤፖ ፆኦዛሢዮ!
\q2 ኑና ጊንሣ ቤዞ ማሄ፤
\q2 ኑኡኒ ዻቃንዳጉዲ ኔ ዓኣፖ ካሮ ኑም ፖዒሴ።
\c 81
\s1 ዓይኑሞ ሱኡጋሢ ዓይሣ ጎይፆ ሹሉንጎና ዓይናዺንታ ዓሳኣፔ ዓይኑሞ
\d ቦንቾ ኬሊና ዓይናዺንታ ዓይኑሞ
\q
\v 1 ኑኡኮ ዶዱማሢ ማዔ ፆኦዛሢም ዓይናዹዋቴ!
\q2 ያይቆኦቤ ፆኦዛሢም ዒላሹዋቴ!
\q
\v 2 ዓይኑሞ ዓርቁዋቴ፥ ታምቡሮዋ ባዑዋቴ፤
\q2 ፔቴ ሻሺና ዴንሢ ዋርቆ ጎኦሎንታ
\q2 ሜሌ ዓይኑሞ ዓንጋሞዋ ዴንሢ ኮሺ ዑኡሲና ዓይናዹዋቴ።
\q
\v 3 ዓጊና ፄኤራኣና ጊንሣ ዋኣፃ ጌላኣና
\q2 ዼኤፖ ቦንቾ ኬሎናይዳኣ ዛዬ ዋርቁዋቴ። \x - \xo 81፡3 \xo*\xt ፓይ. ማፃ 10፡10።\xt*\x*
\q
\v 4 ዬይ ዒስራዔኤሌ ዓሶም ዒንጊንቴ ዳምቤ
\q2 ያይቆኦቤ ፆኦዛሢ ኬሴ ዎጌኬ።
\q
\v 5 ዒዚ ጊብፄ ዓጮይዳ ሜቶ ዓጌ ኬሎና
\q2 ዬይ ዮሴፔም ኬሶናያኬ፤
\q ታ ዔሩዋ ሙኡቺና ሂዚ ጋዓንቴ ታ ዋይዜኔ፦
\b
\q
\v 6 «ጌኤቶ ታ ዒዛኮ ኬዲዳፓ ሃውሺሴኔ፤
\q2 ኩጫ ዒ ዔካ ዴኤፆ ባኮ ታ ዒዛ ሃሺሴኔ።
\q
\v 7 ኔና ሜቴ ዎዶና ኔ ታና ዔኤሌኔ፤
\q2 ታኣኒያ ኔና ዓውሴኔ፤
\q ታ ዓኣሺንቲ ዓኣ ዹሞ ሻኣሮ ጉጉንፆሲ ባኣካ ዓኣዖ
\q ታ ኔኤም ዋይዜኔ፤
\q2 ዣላሢ ዎሮኮ ዋኣፃ ዓልቃ ቤዛ
\q2 ኔ ዎይታቴያ ጌዒ ታ ኔና ዛጌኔ። \x - \xo 81፡7 \xo*\xt ኬሲ. ማፃ 17፡7፤ ፓይ. ማፃ 20፡13።\xt*\x*
\q
\v 8 ታ ዴሬዮቴ! ታ ላታ ባኮ ዋይዙዋቴ፤
\q2 ዒስራዔኤሌ! ኔ ታኣም ዋይዛቴ ዓይጎ!
\q
\v 9 ኔ ካኣሽካ ፃንጎ ፆኦሲ
\q ሃሣ ዔርቱዋ ፆኦሲ ኔኤኮ ባኣያ ማዖንጎ፤
\q2 ዬያ ካኣሽኪፖ።
\q
\v 10 ጊብፄ ዓጫፓ ኔና ኬሴ ናንጊና ናንጋ ጎዳ ማዔ
\q2 ኔ ፆኦዛሢ ታናኬ፤
\q2 ዻንጎ ኔኤሲ ኮሺ ሾኦኬ፤
\q2 ታኣኒ ኩንሢ ኩልሳንዳኔ።» \x - \xo 81፡10 \xo*\xt ኬሲ. ማፃ 20፡2-3፤ ላሚ. ዎማ 5፡6-7።\xt*\x*
\b
\q
\v 11 «ታኣኮ ዴራ ጋዓንቴ ታኣም ዋይዚባኣሴ፤
\q2 ዒስራዔኤሌ ዓሳኣ ታኣም ዓይሢንቲባኣሴ።
\q
\v 12 ዬያሮ ዔያታ ማሌ ማሊፆጉዴያ ዓኣዻንዳጉዲ
\q2 ዔያቶኮ ባይቄ ዒኖም ዓኣሢ ታ ዔያቶ ዒንጌኔ።
\q
\v 13 ታ ዴራ ዎንዴ ታኣም ዋይዜያ ማዔያታቴ
\q2 ዒስራዔኤሌ ዓሳ ታ ጎይፆና ዓኣዼያታቴ
\q
\v 14 ቤዞና ታ ዔያቶኮ ሞርኮ ባሼያ ናንዳንቴኬ፤
\q2 ዔያቶ ሞርኮ ዑፃ ታ ኩጮ ታ ዔቂሴያ ናንዳንቴኬ።
\q
\v 15 ፆኦሲም ዋይዞ ዒፃ ዓሳ ዒዛ ቤርታ ዻውሲንታንዳኔ፤
\q2 ዔያቶ ሄላ ሜታሢያ ናንጊና ጋፑዋያ ማዓንዳኔ።
\q
\v 16 ዒንሢ ታ ጋዓንቴ ኮሺ ዛርጌ ሙኡዛንዳኔ፤
\q2 ዑታሢ ዔኤዞና ታ ዒንሢ ሚሻንዳኔ።»
\c 82
\s1 ዓሳኣፔ ዓይኑሞ
\d ፆኦሲ ቢያፓ ዑሣ ማዔሢ
\q
\v 1 ፆኦሲ ጫሪንጮ ቡኪንቶይዳ
\q2 ሜሌ ፆኦዛ ቡካ ቡኪንቶይዳ
\q2 ሙኪ ጴዺ ዎጌ ዎጋኔ፦
\q
\v 2 «ዎጎ ዒንሢ ፒዜ ዎጉዋኣሢ ዎማ ሄላንዳኣናዳይ?
\q2 ፑርቶ ዓሶ ማኣዲ ዒንሢ ጌስታሢ ዓይዲ ሄላንዳኣናዳይ?
\q
\v 3 ዎልቃባኣ ዓሶና ዜኤሮ ናኣቶናም ፒዜ ዎጉዋቴ፤
\q2 ሜታዼሢና ማንቃሢና ሄርቂንቱዋጉዲ ማዹዋቴ።
\q
\v 4 ዒጊኒ ባኣሢና ሜታዼሢና ሄሊ ዓውሱዋቴ፤
\q2 ሄርቂ ዎይሣ ዓሶይዳፓ ዔያቶ ዓይሱዋቴ።»
\q
\v 5 «ዔራቶና ማሊ ጶቂሥሢና ዒንሢኮ ባኣሴ፤
\q2 ዹሚዳ ሴካ ሃንጋ ዒንሢ ሃንታኔ፤
\q2 ሳዖኮዋ ዴማ ቢያ ካራና ዓጊፄኔ።
\q
\v 6 ታኣኒ፦ ‹ዒንሢ ፆኦዞኬ፤
\q2 ቢያሢ ዒንሢ ዼኤፖ ፆኦዛሢ ናኣቶኬ› ጌዔኔ። \x - \xo 82፡6 \xo*\xt ዮሃ. 10፡34።\xt*\x*
\q
\v 7 ጋዓንቴ ዒንሢ ዓሲ ሃይቃ ጎይሢ ሃይቃንዳኔ፤
\q2 ዎይሣ ሱኡጎ ጎይፆ ጉሪ ዒንሢ ሎኦማንዳኔ።»
\b
\q
\v 8 ፆኦሲዮ! ዔቄ፤
\q2 ሳዖ ዴሮ ዑፃ ቢያ ዎጌ፤
\q2 ዴራኣ ቢያ ኔኤሮኬ።
\c 83
\s1 ዒስራዔኤሌኮ ሞርካ ባሺንታንዳጉዲ ሺኢቂንቴ ሺኢጲሢ
\d ዓሳኣፔኮ ፆኦሲ ሄርሺፆ ዓይኑሞ
\q
\v 1 ፆኦሲዮ! ኔኤኒ ዚቲዮ ጌዒፖ፤
\q2 ፆኦሲዮ! ኔኤኒ ጬዊዮ ጌዒፖ።
\q
\v 2 ሞርካ ኔኤኮ ዎማይዲ ዔቄያታቴ ዛጌ፤
\q2 ኔና ዒፃ ዓሳ ቶኦኮ ፔኤሲ ዎማይዲ ዼጊሴቴያ ዛጌ።
\q
\v 3 ኔኤኮ ዴሮ ዑፃ ጌኔ ማዻኒ ዓኣቺ ጌስታኔ፤
\q2 ኔኤኒ ካፓ ዓሶ ኮምባኒ ዔያታ ዞርታኔ።
\q
\v 4 «ሃካፓ ሴካ ዒስራዔኤሌ ዓሶ ሱንፃ ዔርቱዋጉዲ
\q2 ሃኒ ሙኩዋቴ ዴሬ ማዑዋጉዲ ኑ ዔያቶ ጋፒሶም» ጋዓኔ።
\b
\q
\v 5 ፔቴ ማሊሢና ዎላ ጊኢጊ ዔያታ ዞርቴኔ፤
\q2 ኔ ዑፃ ዔቃኒ ዎላ ጫኣቄኔ።
\q
\v 6 ዔያታ፦ ዔዶኦሜ፥ ዒስማዔኤሌ፥ ሞዓኣቤ፥ ዓጋሪያኔ፥
\q
\v 7 ጌባሌ፥ ዓሞኔ፥ ዓማሌቄ፥ ፒሊስፄኤሜንታ ፂሮሴ ዴሮንታኬ።
\q
\v 8 ዓሶኦሬ ዓሳኣ ዔያቶና ዎላ ፔቴ ማዔኔ፤
\q2 ሎኦፄ ናኣቶዋ ዔያታ ማኣዳያ ማዔኔ።
\b
\q
\v 9 ሚዲያሜ ዓጮይዳ ኔ ማዼ ጎይፆ ዔያቶይዳ ማዼ፤
\q2 ቂሶኔ ዎራ ሲሳራና ዒያቢሴናይዳ ኔ ሄሊሴ ባካ ዔያቶ ሄሎንጎ። \x - \xo 83፡9 \xo*\xt ሱኡጎ. ማፃ 4፡6-22፤ 7፡1-23።\xt*\x*
\q
\v 10 ዔያታ ዓይኔዶሬ ጌይንታ ቤዛ ባይቄኔ፤
\q2 ዓዳ ሳዓይዳ ኬኤሪንቴ ቡኡራ ማዔኔ።
\q
\v 11 ዖሬቤና ዜቤ ዓሶና ዑፃ ኔ ማዼ ጎይፆ
\q2 ሃያ ዓሶ ሱኡጎ ዑፃኣ ማዼ፤
\q ዜባሄና ፃልሙናዔ ዓሶና ዑፃ ኔ ማዼ ጎይፆ
\q2 ሃያ ዓሶ ዎይሣ ዓሶይዳኣ ማዼ። \x - \xo 83፡11 \xo*\xt ሱኡጎ. ማፃ 7፡25፤ 8፡12።\xt*\x*
\q
\v 12 ዔያታ፦ «ፆኦሲ ዓሶ ቤዞ
\q2 ኑኡኒ ኑኡሮ ማሃንዳኔ» ጌዔኔ።
\b
\q
\v 13 ዬያሮ ታ ፆኦዛሢዮ! ዔያቶ ሲላሊጉዲ
\q2 ዢባሬ ዔኪ ዓኣዻ ዲልባጉዲ ላኣሌ።
\q
\v 14 ታሚ ዴኤሊ ካይዚ ሙዓሢጉዲ
\q2 ታሚኮ ሎስታ ዹካ ዓርቃሢጉዲ
\q
\v 15 ኔኤኮ ጉዳሢ ዢባሮና ዔያቶ ዳውሴ፤
\q2 ዓልጎ ዢባሮናኣ ዲቃሤ።
\q
\v 16 ናንጊና ናንጋ ጎዳሢዮ! ዔያታ ሱንፆ ኔኤሲ ኮዓንዳጉዲ
\q2 ቦርሲንቲ ዔያቶይዳ ዋሄ።
\q
\v 17 ናንጊና ዔያታ ካራ ባይዚ ቦርሲንቶንጎ፤
\q2 ዻውሲንቲ ዔያታ ባይቆንጎ።
\q
\v 18 ሱንፃ ኔኤኮ ናንጊና ናንጋ ጎዳ ማዔሢ ኔ ሌሊ
\q2 ሳዖ ቢያይዳ ዼኤፓሢ ኔና ማዔሢያ ዔያታ ዔሮንጎ።
\c 84
\s1 ዓይኑሞ ሱኡጋሢ ዓይሣ ጎይፆና ቆሬ ናኣታ ሹሉንጎና ዓይናዼ ዓይኑሞ
\d ፆኦሲኮ ጌኤዦ ማኣሮ ጶቂሥሢ
\q
\v 1 ቢያ ባኮ ዎይሣ ጎዳሢዮ!
\q2 ኔ ዎርቃ ማኣራ ዎዚጉዲ ናሽኪንታያዳይ!
\q
\v 2 ሼምፓሢ ታኣሲ ናንጊና ናንጋ ጎዳ ካራ
\q2 ዓሳ ቡካ ጶኦኮ ጶቂሣኔ፤
\q2 ታኣኮ ዒኖንታ ዑፆንታ ናንጊና ባይቁዋ ፆኦዛሢም ዒላሹዋቴ።
\q
\v 3 ቢያ ባኮ ዎይሣ ጎዳ ማዔ ፆኦዛሢዮ፥ ታ ጎዳ!
\q2 ኔኤም ዒንጎ ባኮ ሺኢሾ ቤዞ ኮራ
\q2 ሱኡታታዖ ናንጋ ማኣሪ
\q2 ዶኦሌያ ፔ ናኣቶ ዴይሣ ማኣሪ ማዣኔ።
\q
\v 4 ኔ ማኣራ ናንጋዞንሢ ዓንጂንቴያኬ፤
\q2 ናንጊና ዔያታ ኔና ጋላታኔ።
\b
\q
\v 5 ኔና ፔኤኮ ዎልቃሢ ማሄዞንሢ
\q2 ዒኖና ፔኤኮ ፂዮኔ ጎይፆ ማላዞንሢ
\q2 ሚርጌና ዓንጂንቴያኬ።
\q
\v 6 ባካ ጌይንታ ዋኣፃ ባኣ ዶኦጮና ዔያታ ፒንቃ ዎዶና
\q2 ዓልቃ ዋኣሢ ፆኦሲ ዔያቶም ዑራኔ፤
\q2 ሲሎ ዒራኣ ቦቆሎ ዔቶ ዋኣሢና ኩንሣንዳኔ።
\q
\v 7 ዎልቄይዳ ዎልቄ ዔያታ ቃሳንዳኔ፤
\q2 ፔቴ ፔቴሢ ፂዮኔ ዹኮይዳ ዓኣ ፆኦሲ ቤርቶ ሺኢካንዳኔ።
\b
\q
\v 8 ቢያ ባኮ ዎይሣ ጎዳሢዮ! ሺኢጲፆ ታኣኮ ዋይዜ፤
\q2 ያይቆኦቤ ፆኦዛሢዮ! ታኣም ዋይዜ።
\q
\v 9 ፆኦሲዮ! ዶኦሪ ኔ ኑም ዶኦሜ ካኣቲ ዓንጄ፤
\q2 ዒዚ ኑኡኮ ጊቲማ ማዔሢሮ ዒዛ ዛጌ።
\b
\q
\v 10 ሜሌ ቤስካ ሺያ ኬሊ ዴይሢዳፓ
\q2 ኔ ጌኤዦ ማኣሮ ካራ ፔቴ ኬሊ ፔኤቂሢ ኮሺኬ፤
\q ፑርቶ ዓሶ ማኣራ ናንጊፆይዳፓ
\q2 ፆኦሲ ማኣሮ ካፓያ ማዒ ናንጋኒ ታ ኮዓኔ።
\q
\v 11 ኑኡኮ ጎዳሢና ፆኦዛሢዮ!
\q2 ኔኤኒ ዓዳ ዓቢና ጊቲማና ጉዲኬ፤
\q2 ኔ ኮሹሞና ኔ ቦንቾና ኔ ኑና ካፓኔ፤
\q2 ኮሺ ማዻ ዓሲም ዓይጎዋ ኮሺ ማዔ ባኣዚ ኔ ላኣጉዋሴ።
\q
\v 12 ቢያ ባኮ ዎይሣ ጎዳሢዮ!
\q2 ኔና ጉሙርቃዞንሢ ዎዚ ዓንጂንቴያዳይ!
\c 85
\s1 ዓይኑሞ ሱኡጋሢ ዓይሣ ጎይፆና ቆሬ ናኣታ ዓይናዼ ዓይኑሞ
\d ኮሹሞ ዛላ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ!
\q2 ኔ ሳዖም ኔኤኒ ኮሺ ባኣዚ ማዼኔ፤
\q2 ያይቆኦቤኮ ዲዒንቴ ዓሶ ማሂ ኔ ዓንጄኔ።
\q
\v 2 ኔ ዴሮኮ ጎሞ ዓቶም ኔኤኒ ጌዔኔ፤
\q2 ጎሞ ዔያቶሲ ቢያ ኔ ካንቄኔ።
\q
\v 3 ኔኤኮ ዎዻ ባኮ ቢያ ኔ ሺኢሼኔ፤
\q2 ዼኤፖ ዻጎይዳፓኣ ኔ ማዔኔ።
\b
\q
\v 4 ኑኡኮ ዼኤሻሢ ማዔ ፆኦዛሢዮ!
\q2 ኑና ኑ ቤዞ ማሄ፤
\q2 ኑ ዑፃ ዔቃኒ ማላ ዻጎ ኔኤኮ ሺርሼ።
\q
\v 5 ኔ ኑና ጎሬ ጎይሣ ናኣናና ናንጋ?
\q2 ዻጋ ኔኤሲ ሾይንቲፓ ሾይንቲ ሄሄላኒዳ?
\q
\v 6 ዴራ ኔኤኮ ዎዛዻንዳጉዲ
\q2 ኔ ኑም ጊንሣ ሼምፖ ዒንጋዓዳ?
\q
\v 7 ናንጊና ናንጋ ጎዳሢዮ!
\q2 ኔኤኮ ማኣሪፆ ኑና ዻዌቴራ፥ ኑና ዓውሴ።
\b
\q
\v 8 ናንጊና ናንጋ ጎዳ ማዔ ፆኦዛሢ ኬኤዛ ባኮ ታ ዋይዛንዳኔ፤
\q2 ኑኡኒ ኑኡኮ ዔኤዩሞ ጎይፆ ማዒ ዴንዲባኣቴ
\q2 ዒዚ ኑና ፔ ዴሮ፥ ዱማዼዞንሢም ኮሹሞ ዒንጋኒ ጫኣቄኔ።
\q
\v 9 ቦንቻ ዒዛኮ ኑ ሳዖይዳ ናንጋንዳጉዲ
\q2 ዒዛ ዒጊጫዞንሢም ዓውሲፃ ዒዛኮ ዑኬኬ።
\q
\v 10 ማኣሪሢና ጉሙርቂንቲሢና ዎላ ካኣማያኬ፤
\q2 ፂሉሞና ኮሹሞና ዎሊ ዔካያኬ።
\q
\v 11 ጉሙርቂንቲሢ ሳዓፓ ሌካ ባቃላኔ፤
\q2 ፂሉሞ ጫሪንቺፓ ሊካ ዛጋኔ።
\q
\v 12 ናንጊና ናንጋ ጎዳ ኮሺ ባኣዚ ዒንጋኔ፤
\q2 ዓጬላ ኑኡኮ ጎሽኮዛ ሚርጌ ባኣዚ ካሣኔ።
\q
\v 13 ፂሉማ ዒዛኮ ቤርታ ቤርታ ዓኣዻኔ፤
\q2 ሃንታንዳጉዲ ጎይፆ ዒዛም ጊኢጊሻኔ።
\c 86
\s1 ዳውቴኮ ሺኢጲፆ
\d ፆኦሲ ማኣዳንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ!
\q2 ዋዮ ኔኤሲ ታ ባንሢ ማሂ ዋይዜ፤
\q2 ታኣኒ ማንቆ ሃሣ ሜታዼ ዓሲኬ።
\q
\v 2 ኔኤም ታኣኒ ዱማዼ ዓሲታሢሮ ሼምፓሢ ታኣኮ ካፔ፤
\q2 ኔኤኒ ታኣኮ ፆኦዛሢኬ፤
\q2 ኔና ጉሙርቃ ኔኤኮ ዓይላሢ፥ ታና ዓውሴ።
\b
\q
\v 3 ናንጊና ናንጋ ጎዳሢዮ! ታና ሚጪንቴ፤
\q2 ሮኦሮ ጉቤ ታ ኔ ባንሢ ዒላታኔ፤
\q
\v 4 ኔ ዓይላሢኮ ሼምፓሢ ዎዛሴ፤
\q2 ናንጊና ናንጋ ጎዳሢዮ! ታ ሼምፓሢ ታ ኔኤም ዒንጋኔ።
\q
\v 5 ናንጊና ናንጋ ጎዳሢዮ! ኔኤኒ ሚጪንታያና ዓቶም ጋዓያናኬ፤
\q2 ኔና ዔኤላዞንሢም ቢያ ሚጪንቲፆኮ ዛጲ ኔኤኮ ባኣሴ።
\b
\q
\v 6 ናንጊና ናንጋ ጎዳሢዮ! ሺኢጲፆ ታኣኮ ዒናፓ ዋይዜ፤
\q2 ታ ሜታዺ ሺኢቃ ሺኢጲፆ ዋይዜ።
\q
\v 7 ኔኤኒ ታኣም ማሂ ኬኤዛያታሢሮ
\q2 ታኣኮ ሜታሢ ኬሎ ታ ኔ ባንሢ ዒላታኔ።
\b
\q
\v 8 ጎዳሢዮ! ሜሌ ፆኦዞ ባኣካ ኔጉዴይ ባኣሴ፤
\q2 ኔ ማዾና ቤቃ ማዾዋ ባኣሴ።
\q
\v 9 ጎዳሢዮ! ኔኤኒ ማዤ ዴራ ቢያ
\q2 ኔ ቤርቶ ሙኪ ኔኤም ዚጋንዳኔ፤
\q2 ኔ ሱንፆም ቦንቾዋ ዒንጋንዳኔ። \x - \xo 86፡9 \xo*\xt ዮሃ. ፆፔዻ 15፡4።\xt*\x*
\q
\v 10 ኔኤኒ ዼኤፒ ማዔሢሮ
\q2 ኔ ዎልቄና ማዺንታ ዓኪ ባኣዚ ኔ ማዻኔ፤
\q2 ኔኤኒ ሌሊ ፆኦሲኬ።
\b
\q
\v 11 ናንጊና ናንጋ ጎዳሢዮ!
\q2 ኔኤኮ ጎይፆ ታና ዔርዜ፤
\q2 ኔ ጎኑሞና ታ ዓኣዻንዳኔ፤
\q2 ሱንፆ ኔኤኮ ታ ዒጊጫንዳጉዲ ኩሙሢ ዒኔ ታኣም ዒንጌ።
\q
\v 12 ናንጊና ናንጋ ጎዳ ማዔ ታ ፆኦዛሢዮ!
\q2 ጎኔ ዒናፓ ታ ኔና ጋላታኔ፤
\q2 ናንጊና ሱንፆ ታ ኔኤኮ ቦንቻኔ።
\q
\v 13 ኔ ታና ሚጪንቴ ሚጪንቲፃ ኮሺ ዼኤፒኬ!
\q2 ሼምፓሢ ታኣኮ ኔ ሄሊንቱዋ ዔታፓ ዓውሴኔ።
\q
\v 14 ፆኦሲዮ! ዖቶርቃ ዓሳ ታ ጊዳ ፑርቱሞና ዔቄኔ፤
\q2 ዒጊቻ ፑርቶ ዓሳ ዎዻኒ ታና ኮዓኔ።
\q2 ኔና ዔያታ ዔኤቢኬ ጌይባኣሴ።
\q
\v 15 ጎዳሢዮ!
\q2 ኔኤኒ ጋዓንቴ ኮሺ ሃሣ ሚጪንታ ፆኦሲኬ፤
\q2 ሩኡሪና ዻጋዹዋያ፥ ኮሹሞንታ ጉሙርቂንቲፃኣ ኔኤኮ ሚርጌኬ።
\q
\v 16 ታ ባንሢ ዛጊ ታና ሚጪንቴ፤
\q2 ታና ኔ ዓይላሢም ዎልቄ ዒንጌ፤
\q ታና፥ ኔ ዓይሌሎ ናዓሢ ዓውሴ።
\q
\v 17 ታና ዒፃ ዓሳ ዛጊ ቦርሲንታንዳጉዲ
\q2 ኔኤኮ ሚጪንቲፆ ማላቶ ታና ዻዌ፤
\q2 ናንጊና ናንጋ ጎዳሢዮ!
\q2 ኔ ታና ማኣዴኔ፥ ዶዲሼኔ።
\c 87
\s1 ቆሬ ናኣቶኮ ጋላታ ዓይኑሞ
\d ዬሩሳላሜ ሄርሾና ሄርሺሢ
\q
\v 1 ናንጊና ናንጋ ጎዳ ካታሞ ፔኤሲ
\q2 ዱማዼ ዹኮ ቶኦካ ዔቂሴኔ።
\q
\v 2 ናንጊና ናንጋ ጎዳ ያይቆኦቤኮ ዎርቆ ማኣራፓ ባሼ
\q2 ፂዮኔኮ ጌሎ ካሮ ናሽካኔ።
\q
\v 3 ፆኦሲ ካታሜሌ!
\q2 ቦንቾ ማዔ ባኣዚ ሂዚ ጌይ ኔ ዛሎ ኬኤዚንታንዳኔ፦
\b
\q
\v 4 «ታና ዔራዞንሢ ባኣካ
\q2 ጊብፄንታ ባብሎኔንታ ታኣኒ ፃኣፓንዳኔ፤
\q ፒሊስፄኤሜንታ ፂሮሴንታ ዒቶጲያ ዓሳኣ ዒኢካ ሾይንቴኔ።
\b
\q
\v 5 ጎኔና ፂዮኔ ዛሎ፦ ‹ሃያ ዴሮንታ ዬያ ዴሮንታ ዒዞይዳ ሾይንቴኔ፤
\q2 ዼኤፖ ፆኦዛሢ ፔኤሮ ዒዞ ዶዲሺ ዔቂሳንዳኔ› ጌይንታንዳኔ።
\q
\v 6 ናንጊና ናንጋ ጎዳ ዴሮ ፔኤሲ ፃኣፓ ዎዶና
\q2 ‹ሃይ ዴራ ሾይንቴሢ ዒኢካኬ› ጌይ ፃኣፒንታንዳኔ።
\q
\v 7 ዓይኑሞ ዓይናዻ ዓሶንታ ኮፆ ኮርጋ ዓሳ
\q2 ‹ሃያ ዓንጆኮ ቢያ ካሬላ ፂዮኔኬ› ጌይ ጌይ
\q2 ዎዛና ዓይናዻንዳኔ።»
\c 88
\s1 ቆሬ ናኣቶኮ ጋላቶ ዓይኑሞ
\d ዓይኑሞ ሱኡጋሢ ዓይሣ ጎይፆና ዎሊም ዓጊ ዓጊ ዓይናዾያ፥ ዒዝራዔኤሌ ዓሢ ዔማኔ ካላሎ፥ ፆኦሲ ማኣዶ ዴንቃኒ ሺኢቂንቴ ሺኢጲሢ
\q
\v 1 ናንጊና ናንጋ ጎዳ ማዔ ታና ዓውሳ ፆኦዛሢዮ!
\q2 ሮኦሮና ዋንቶና ታ ኔ ቤርታ ዒላታኔ።
\q
\v 2 ሺኢጲፃ ታኣሲ ኔ ቤርቶ ሄሎንጎ፤
\q2 ዋዮ ኔኤኮ ታ ዒላቶ ባንሢ ማሄ!
\b
\q
\v 3 ሚርጌ ሜታ ታና ሄሌሢሮ
\q2 ሃይቃኒ ታኣኒ ዑኬኔ።
\q
\v 4 ሃይቂ ዱኡኪንታ ዓሶና ዎላ ታኣኒ ፓይዲንቴኔ፤
\q2 ፔቴታዖ ማኣዳ ዓሲባኣያ ታ ማዔኔ።
\q
\v 5 ሃይቄ ዓሶ ባኣካ ኬኤሪንቴ ዓሶጉዲ
\q2 ዎዺ ዱኡኮና ዓሲጉዲ ታ ላሄኔ፤
\q2 ሃካፓ ሴካ ኔ ማሊ ጶቂሡዋ ዓሶጉዲ
\q2 ኔ ኩጫፓ ኬስኪ ኬኤሪንቴ ዓሶጉዲ ታ ማዔኔ።
\q
\v 6 ኔ ታና ዔቶ ቶርጳሢዳ ኬኤሬኔ፤
\q2 ዹሚ ዔቴይዳ ኔ ታና ዓጌኔ።
\q
\v 7 ኔ ጎሪንቶ ዴኤሡማ ታ ዑፃ ማዔኔ፤
\q2 ኔኤኮ ዋኣፆ ጉዳሢና ኔ ታና ዱኡኬኔ።
\b
\q
\v 8 ታኣኮ ዑካ ላጎ ታ ኮራፓ ኔ ሃኪሴኔ፤
\q2 ዔያታ ታና ሻኣኪንታንዳጉዲ ኔ ማዼኔ፤
\q2 ታ ማንጊንቴኔ፥ ቶላኒያ ታ ዳንዳዒባኣሴ።
\q
\v 9 ዓኣፓ ታኣኮ ዖዪፆና ዴዒ ዓቴኔ፤
\q2 ናንጊና ናንጋ ጎዳሢዮ! ታ ኔ ባንሢ ዒላታኔ፤
\q2 ኩጮዋ ታ ኔ ባንሢ ዔቂሳኔ።
\b
\q
\v 10 ኔኤኮ ዲቃሢ ሄርሺሳ ማዾ ሃይቄ ዓሶም ኔ ቤኤዛ?
\q2 ሃይቄ ዓሶኮ ዔኤዣ ዔቂ ኔና ጋላታ?
\q
\v 11 ሚጪንቲፃ ኔኤኮ ዱኡፒ ቤስካ
\q2 ጉሙርቂንቲፃኣ ባይሲንታ ቤስካ ኬኤዚንታ?
\q
\v 12 ዲቃሢ ሄርሺሳ ማዻ ኔኤኮ ዹሞ ቤዛ
\q2 ፂሉማኣ ኔኤሲ ዋሊንቴ ሳዓይዳ ዔርታ?
\b
\q
\v 13 ናንጊና ናንጋ ጎዳሢዮ!
\q2 ኔ ታና ማኣዳንዳጉዲ ኔ ባንሢ ታ ዒላታኔ፤
\q2 ጉቶዋ ሺኢጲፆ ታኣኮ ታ ኔ ቤርቶ ሺኢሻኔ።
\q
\v 14 ናንጊና ናንጋ ጎዳሢዮ! ዓይጋ ኔ ታና ሃኪሳይ?
\q2 ኔኤኮ ዓኣፖ ካሮዋ ታ ጊዳፓ ዓይጋ ኔ ሺርሻይ?
\q
\v 15 ታኣኒ ናኣቱሞፓ ዓርቃዖ ሜታዼያና
\q2 ሃይቃኒያ ዑኬያኬ፤
\q2 ኔ ታና ሚርጌና ዲቃሤኔ፤
\q2 ዔርቲያ ታኣም ዒፄኔ።
\q
\v 16 ኔ ጎሪንታ ዑፆ ታኣኮ ካንቄኔ፤
\q2 ዱማ ዱማ ባይዛ ባካኣ ታና ኩርሴኔ።
\q
\v 17 ሮኦሮ ጉቤ ዓዳ ዲጲጉዲ ታና ማንጌኔ፤
\q2 ጋፒ ታና ዬይ ዔኤዼኔ።
\q
\v 18 ታኣኮ ዒጊኖንታ ላጎንታ ኔኤኒ ታ ኮራፓ ሃኪሴኔ፤
\q2 ዹሚ ሌሊ ታኣኮ ላጌ ማዒ ዓቴኔ።
\c 89
\s1 ዒዝራዔኤሌ ዓሢ ዔታኔኮ ካላሎ
\d ሜቶ ዎዴና ዓይናዺንቴ ዓይኑሞ
\q
\v 1 ናንጊና ናንጋ ጎዳኮ ሚጪንቶ ዛሎ ዓይናዼ ጎይሣ ታ ናንጋንዳኔ፤
\q2 ታ ዻንጎና ኔኤኮ ጉሙርቂንቲፆ ሙካ ሾይንቶም ታ ኬኤዛንዳኔ።
\q
\v 2 ሚጪንቲፃ ኔኤኮ ናንጊና ናንጋያ ማዔሢ
\q2 ጉሙርቂንቲፆዋ ጫሪንጫ ኔ ዶዲሻሢ ታ ኬኤዛንዳኔ።
\q
\v 3 ኔኤኒ ቤርታሲ፦ «ታኣኒ ዶኦሬ ዓሢና ዎላ ጫኣቄኔ፤
\q2 ታ ዓይላሢ ዳውቴም ታ ሳላዼኔ» ጌዔኔ።
\q
\v 4 ኔ ዒዛም ሳላዼ ሳላ፦
\q2 «ኔ ዜርፃፓ ናንጊና ካኣታዻንዳይ ኬስካንዳኔ፤
\q2 ካኣቱሞ ዖይቶ ታኣኒ ሾይንቲፓ ሾይንቲ ሄላንዳኣና ዶዲሻንዳኔ» ጋዓያኬ። \x - \xo 89፡4 \xo*\xt 2ሳሙ. 7፡12-16፤ 1ፆኦሲ. ዓሃኬ 17፡11-14፤ ዓይኑ. 132፡11፤ ዳኪ. ማዾ 2፡30።\xt*\x*
\b
\q
\v 5 ናንጊና ናንጋ ጎዳሢዮ! ጫሪንጫ ኔኤኮ ዲቃሢ ሄርሺሳ ማዾ
\q2 ጉሙርቂንቲፆዋ ኔኤኮ ኔኤም ማዻ ኪኢታንቻ ፔ ቡኪንታ ሄርሾንጎ።
\q
\v 6 ናንጊና ናንጋ ጎዳና ጫሪንጮይዳ ዖኦኒ ቤቃይ?
\q2 ዒዛኮ ኪኢታንቾይዳፓ ዒዛጉዴይ ዖናዳይ?
\q
\v 7 ዒዛም ዱማዼ ኪኢታንቾ ባኣካ ሚርጌና ዒጊጪንታያ
\q2 ዒዛ ኮራ ዓኣዞንሢዳፓ ቢያ ዑሣ ዒ ዲቃሣያኬ።
\b
\q
\v 8 ናንጊና ናንጋ ጎዳ ማዔ ዼኤፖ ፆኦዛሢዮ!
\q2 ኔጉዴያ ዖኦኒ ዓኣይ!
\q ናንጊና ናንጋ ጎዳሢዮ! ኔኤኒ ዼኤፒኬ፤
\q2 ኔኤኮ ጉሙርቂንቲፃኣ ኮሮ ማንጊ ዓኣኔ።
\q
\v 9 ኔኤኮ ቢታንቶና ባዛ ዓጊፃሢ ኔ ዔቂሳኔ፤
\q2 ባዞ ጉዳሢያ ኔኤኒ ዚቲዳኔ።
\q
\v 10 ሬዓባ ጌይንታ ቦዓሢ ጳርቂ ኔ ዎዼኔ፤
\q2 ኔኤኮ ዼኤፖ ዎልቆና ሞርኮ ኔኤኮ ኔ ላኣሌኔ።
\q
\v 11 ጫሪንጮንታ ሳዖንታ ኔኤሮኬ፤
\q2 ዓጮንታ ዒኢካ ዓኣ ባኮ ኔኤኒ ማዤኔ።
\q
\v 12 ኬዶ ባንፆንታ ዾኦሎ ባንፆዋ ማዤሢ ኔናኬ፤
\q2 ታቦኦሬንታ ሄርሞኔ ዹኮንታ ኔ ሱንፆና ዎዛዻኔ።
\q
\v 13 ቢታንታ ኔኤኮ ኮሺ ዶዲኬ፤
\q2 ኩጫኣ ኔኤሲ ዎልቄናኬ፤
\q2 ሚዛቆ ኩጫኣ ኔኤኮ ዼግ ዼጊ ጌዔያኬ።
\q
\v 14 ካኣቱሞ ዖይታ ኔኤኮ ፂሉሞና ፒዜ ዎጌና ዶዲሾናያኬ፤
\q2 ሚጪንቲፆንታ ጉሙርቂንቲፆንታ ኔኤኮ ቤርታ ቤርታ ዓኣዻኔ።
\b
\q
\v 15 ናንጊና ናንጋ ጎዳሢዮ! ዎዛና ዒላሻዞንሢና
\q2 ኔኤኮ ፖዓ ናንጋዞንሢ ዓንጂንቴያኬ።
\q
\v 16 ሮኦሮ ጉቤ ኔ ሱንፆና ዔያታ ዎዛዻኔ፤
\q2 ኔ ፂሉሞናኣ ዔያታ ኮሺ ዎዛዻኔ።
\q
\v 17 ዔያቶ ዶዱሞኮ ቦንቻሢ ኔናኬ፤
\q2 ኔ ኮሹሞና ካኣሮ ኑኡኮ ኔኤኒ ዼግ ዼጊዴኔ።
\q
\v 18 ኑኡኮ ጊቲማሢ ናንጊና ናንጋ ጎዳሮኬ፤
\q2 ኑኡኮ ካኣቲያ ዒስራዔኤሌኮ ዱማዼ ፆኦዛሢሮኬ። \x - \xo 89፡18 \xo*\xt 1ካኣቶ. ማ 4፡31።\xt*\x*
\s1 ፆኦሲ ዳውቴም ጫኣቄ ጫኣቁሞ
\q
\v 19 ኔኤኒ ፔጋሲ ዻዋ ባኮና
\q2 ሚና ኔ ናኣቶም ኔ ኬኤዛዖ ሂዚ ጌዔኔ፦
\q «ዖሎና ዔርቴሢ ታኣኒ ማኣዴኔ፤
\q2 ዴሮ ባኣካፓ ዶኦሪንቴሢ ታኣኒ ዼግ ዼጊዴኔ።
\q
\v 20 ታኣኮ ዓይላሢ ዳውቴ ታ ዴንቄኔ፤
\q2 ዱማዼ ዛይቶ ቲዦና ታ ዒዛ ቲሽኪ ዶኦሜኔ። \x - \xo 89፡20 \xo*\xt 1ሳሙ. 13፡14፤ 16፡12፤ ዳኪ. ማዾ 13፡22።\xt*\x*
\q
\v 21 ታ ኩጫ ኬልቂ ዒዛ ዓርቃንዳኔ፤
\q2 ቃሳ ታኣኮ ዒዛ ዶዲሻንዳኔ።
\q
\v 22 ዒዛኮ ሞርካ ዒዛ ባሻዓኬ፤
\q2 ፑርቶ ማዻ ዓሳኣ ሄርቂ ዎይሣዓኬ።
\q
\v 23 ሞርኮ ዒዛኮ ታኣኒ ዒዛ ቤርታ ጋኣጫንዳኔ፤
\q2 ዒዛ ዒፃዞንሢ ታ ሺርኪ ባይዛንዳኔ።
\q
\v 24 ታኣኮ ጉሙርቂንቲፆንታ ሚጪንቲፃኣ ዒዛና ማዓንዳኔ፤
\q2 ታ ሱንፆና ካኣራ ዒዛኮ ዼግ ዼጊ ጋዓንዳኔ።
\q
\v 25 ዒዚ ዎይሣ ዓጮ ሜዲቴራኒያ ባዞ ሄላንዳኣና
\q2 ዒዛ ዓጮኮ ዛጶ ፄግሮሴና ዔፕራፂሴ ዎሮ ሄላንዳኣና
\q2 ታኣኒ ዳልጊሻንዳኔ።
\q
\v 26 ዒዚ ታና፦ ‹ኔ ታኣኮ ዓዶኬ፤
\q2 ኔ ታኣኮ ፆኦዛሢና ዻቂንቶ ላላሢናኬ› ጋዓንዳኔ።
\q
\v 27 ታኣኒ ዒዛ ታኣኮ ናኣዚ ቶይዲ ማሃንዳኔ፤
\q2 ዓጮ ካኣቶይዳፓ ዑሣ ዼጊ ዒ ጋዓንዳኔ። \x - \xo 89፡27 \xo*\xt ዮሃ. ፆፔዻ 1፡5።\xt*\x*
\q
\v 28 ሚጪንቲፆ ታኣኮ ናንጊና ዒዛም ታ ማሃንዳኔ፤
\q2 ታ ዒዛና ጫኣቄ ጫኣቁማ ዶዲ ናንጋንዳኔ።
\q
\v 29 ዒዛኮ ዜርፆ ናንጊና ታኣኒ ናንጊሻንዳኔ፤
\q2 ካኣቱሞዋ ጫሪንጫ ናንጋማ ጎይፆ ታ ዶዲሻንዳኔ።»
\b
\q
\v 30 «ጋዓንቴ ዜርፃ ዒዛኮ ታ ዎጎ ዑሣ ዓኣዼቴ
\q2 ታ ዳምቦና ዔያታ ናንጊባኣያታቴ፥
\q
\v 31 ታኣኒ ቱኬ ዳምቦ ዑሣ ዔያታ ኬስኬቴ
\q2 ታኣኮ ዓይሢፆዋ ካፒባኣቴ፥
\q
\v 32 ዔያቶኮ ጎሞሮ ታ ዔያቶ ኮኦሎና
\q2 ዻቢንቶሮዋ ታ ዔያቶ ዢራፓና ጳርቃንዳኔ።
\q
\v 33 ሂዴያታቴያ ሚጪንቲፆ ታኣኮ ታ ዒዛይዳፓ ሺኢሻዓኬ፤
\q2 ታ ጉሙርቂንቲፆዋ ታ ዒዛም ፓጪሳዓኬ።
\q
\v 34 ታ ዒዛና ጫኣቄ ጫኣቁሞ ሻሃዓኬ፤
\q2 ታ ዻንጋፓ ታ ኬሴ ባኮዋ ማሃዓኬ።»
\b
\q
\v 35 «ፔቴና ታኣኮ ጌኤሹሞና ታ ጫኣቄኔ፤
\q2 ዳውቴም ታኣኒ ሉኡቃዓኬ።
\q
\v 36 ዒዛኮ ዜርፆ ናንጊና ታኣኒ ናንጊሻንዳኔ፤
\q2 ካኣቱማኣ ዒዛኮ ዓቢ ናንጋማጉዲ ታ ቤርታ ዶዲ ናንጋንዳኔ።
\q
\v 37 ጫሪንጮይዳ ጉሙርቂንታ ማርካ ማዒ ናንጋ ዓጊኒጉዲ
\q2 ዒዛኮ ካኣቱማ ናንጊና ዶዲ ዴዓያ ማዓንዳኔ።»
\s1 ካኣቲ ዳውቴ ባሺንቴሢሮ ሄሌ ዖዪሢ
\q
\v 38 ሃሢ ኔ ጋዓንቴ ዒዛ ቶኦቺ ሃሼኔ፤
\q2 ኔኤኒ ዶኦሚ ካታሤሢያ ሚርጌና ጎሬኔ።
\q
\v 39 ኔ ዓይላሢና ኔ ጫኣቄ ጫኣቁሞዋ ሻሄኔ፤
\q2 ቦንቾሮ ቶኦካ ዓጎ ባኮዋ ሲላላ ኔ ኬኤሬኔ።
\q
\v 40 ዒዛኮ ኬኤሎ ዲፆ ቢያ ኔ ሻሄኔ፤
\q2 ዋርዲዮ ቤዞዋ ዶይሲ ኔ ባይዜኔ።
\q
\v 41 ዒኢና ቱሮ ሊካ ዓኣዻሢያ ቢያ ዒዛ ቡሬኔ፤
\q2 ዒዛኮ ዓሺኖማኣ ዓማሊ ዒ ማዔኔ።
\q
\v 42 ዒዛ ሞርኮኮ ሚዛቆ ኩጮ ኔ ዼግ ዼጊዴኔ፤
\q2 ዒዛ ዒፃ ዓሶ ቢያ ኔ ዎዛሴኔ።
\q
\v 43 ዒዛ ጬንቾ ዓፓሮኮ ዓጪፆ ኔ ቱኒሴኔ፤
\q2 ዖሎ ዎዶና ኔ ዒዛ ማኣዲባኣሴ።
\q
\v 44 ዓሶ ዒዛኮ ዲቃሣ ዼኤፑሞ ኔ ባይዜኔ፤
\q2 ካኣቱሞ ዖይቶዋ ኔኤኒ ሳዓ ኬኤሬኔ።
\q
\v 45 ኔ ዒዛኮ ዼጋቶ ዎዶ ቃሚሤኔ፤
\q2 ቦርሲሲያ ኔ ዒዛ ዴይሤኔ።
\s1 ዻቂንታሮ ሺኢቂንቴ ሺኢጲሢ
\q
\v 46 ናንጊና ናንጋ ጎዳሢዮ!
\q2 ኔ ኑም ፔጋዹዋዖ ናንጊና ናናንጋኒዳ?
\q2 ዻጋ ኔኤኮ ታሚጉዲ ዔኤታሢ ዓይዲ ሄላንዳኣናዳይ?
\q
\v 47 ታኣኮ ናንጎ ሌዓ ዎዚ ቃሚሢታቴያ ሂንዳ ማሌ፤
\q2 ዓሲ ኔ ማዤሢ ዔኤቢ ጉሪ ባኣዚምዳ?
\q
\v 48 ሃይቢ ሃይቁዋዖ ናንጋንዳ ዓሲ ዓኣ?
\q2 ፔ ቶኦኮ ዱኡፒፓ ዓውሳንዳይ ዖናዳይ?
\b
\q
\v 49 ናንጊና ናንጋ ጎዳሢዮ!
\q2 ዳውቴም ኔኤኮ ጉሙርቂንቲፆና ኔ ጫኣቄሢ
\q2 ኔኤኮ ሚናኣ ሚጪንቲፃ ዎካ ዓኣይ?
\q
\v 50 ጎዳሢዮ!
\q2 ዓይላሢ ኔኤኮ ዎማይዲ ቶኦቺንቴቴያ
\q2 ሚርጌ ዓሶኮ ቦሂፆ ዒዚ ዔኤዼሢያ ማሌ።
\q
\v 51 ናንጊና ናንጋ ጎዳሢዮ!
\q2 ሞርካ ኔኤኮ ዒዛ ሚኢጬሢ
\q2 ኔኤኒ ካኣታሤ ዓሢኮ ሄፆ ዔያታ ቶኦቼሢ
\q2 ሂንዳ ማሌ።
\b
\q
\v 52 ናንጊና ናንጋ ጎዳ ጋላቲንቴ ጎይሣ ዴዖም!
\b
\q ዓኣሜን! ዓኣሜን!
\c 90
\ms ዖይዳሳ ፖቂፆ
\mr (ዓይኑ. ማፃ ዓይ. 90—106)
\d ፆኦሲ ዓሢ ሙሴኮ ሺኢጲፆ
\s1 ፆኦሲና ዓሲናኮ ናንጎ ሌዖ ዱሙሞ
\q
\v 1 ናንጊና ናንጋ ጎዳሢዮ!
\q2 ኔኤኒ ሾይንቲፓ ሾይንቲ ሄላንዳኣና
\q2 ኑኡኮ ፑኖ ካያሢኬ።
\q
\v 2 ዹኮ ማዻንዳሢና ዓጮዋ ኔ ማዣንዳሢኮ ቤርታ
\q2 ኔኤኒ ናኣናና ናናንጋ ፆኦሲኬ።
\b
\q
\v 3 ዓሶ ኔኤኒ ሳዖ ባንሢ ማሃኔ፤
\q2 «ዓሲዮቴ! ዒንሢ ቤዞ ማዑዋቴ!» ጋዓኔ።
\q
\v 4 ሺያ ሌዔ ኔኤም ካሪ ዓኣዼ ዚጊናኣ ኬሊጉዲኬ፤
\q2 ዻካ ዴዓዖ ካራ ዹሚጉዲኬ። \x - \xo 90፡4 \xo*\xt 2ጴፂ. 3፡8።\xt*\x*
\q
\v 5 ዲጲጉዲ ፒፂ ኔ ዔያቶ ዔኪ ዓኣዻኣና
\q2 ዓውቲጉዲ ዔያታ ማዓንዳኔ፤
\q2 ጉቶ ጉቶ ባቃላ ማኣቲጉዲ ዔያታ ዋርቃኔ።
\q
\v 6 ማኣታ ጉቶ ባቃላዖ ዓኣዓኔ፤
\q2 ዓቦ ጌሎ ሹሊ ሜላኔ።
\b
\q
\v 7 ኔኤኮ ጎሪንታ ኑና ኩርሴኔ፤
\q2 ዱማ ዱማ ዎዻ ባኮናኣ ኑ ዲቃቴኔ።
\q
\v 8 ጎሞ ኑኡሲ ኔ ቤርታ ኔ ጌሣኔ፤
\q2 ኑኡኮ ዓኣሺንቴ ዻቢንቶ ኔኤም ጴዻ ቤስካ ኔኤኒ ዴይሣኔ።
\b
\q
\v 9 ኑኡኮ ናንጎ ዎዳ ቢያ ኔ ጎሪንቶና ጋፔኔ፤
\q2 ናንጎ ኑኡሲ ኑ ጎኦሺንቴ ጎይሣ ጋፒሳኔ።
\q
\v 10 ናንጎ ሌዓ ኑኡኮ ላንካይታሚ ሌዔ፤
\q2 ሚርጌኔ ጌዔያታቴ ሳሊታሚ ሌዔኬ፤
\q ዬካፓ ዑሣ ዓኣዼያ ማዔቴ
\q2 ላቢሢና ሜቶና ሌሊ ማዓያኬ፤
\q2 ናንጋ ኑኡኮ ዑኬ ጋፓኔ፥ ኑኡኒ ዓዓኣዻኔ።
\b
\q
\v 11 ኔኤኮ ዻጎ ዎልቆ ዖኦኒ ዔራይ?
\q2 ዱማ ዱማ ዎዻ ባካ ኔኤኮ ዒጊቺፆጉዴያ ዼኤፒኬ።
\q
\v 12 ኑኡኮ ናንጎ ሌዖንሢዳ ዔራቶና ኑ ናንጋንዳጉዲ
\q2 ዔራቶ ዓኣ ዒኔ ኑም ዒንጌ።
\b
\q
\v 13 ናንጊና ናንጋ ጎዳሢዮ! ኔኤኒ ማዔ፤
\q2 ሃይ ዓይዲ ሄላንዳኣና ሃኣዺ ማዓንዳይ?
\q2 ኔኤኮ ማዻ ዓይሎም ሚጪንቴ።
\q
\v 14 ኑኡኮ ናንጎ ዎዶይዳ ቢያ ኑ ዎዛዻንዳጉዲ
\q2 ኔኤኮ ሚጪንቲፆ ጉቴና ጉቴና ዺቢሺ ዻዌ።
\q
\v 15 ሜታሢ ኔ ኑና ዻዌ ሌዖጉዴያ
\q2 ፑርቶ ባኮዋ ኑ ዛጌ ሌዖጉዴያ
\q2 ኑና ዎዛሴ።
\q
\v 16 ማዻ ኔኤኮ ኔ ዓይሎም
\q2 ቦንቻኣ ዔያቶኮ ናኣቶም ፔጋዺ ጴዾም።
\q
\v 17 ናንጊና ናንጋ ጎዳ ማዔ ኑ ፆኦዛሢኮ ኮሹማ
\q2 ኑ ዑፃ ማዖም!
\q2 ኑ ማዻ ባኮዋ ኑኡም ዓንጄ፤
\q2 ሂዮ ኑኡም ዓኣፒሴ።
\c 91
\s1 ፆኦሲኮ ካፒፆ
\q
\v 1 ናንጊና ናንጋ ጎዳ ፑኖ ካይዚ ማሂ ናንጋ ዓሲ
\q2 ቢያ ባኮ ዳንዳዓ ፆኦዛሢ ሺባ ዎርቃኔ።
\q
\v 2 ታኣኒ ዒዛ፦ «ታኣኮ ፑኖ ካያሢ፥ ዋርዲዮ ቤዛሢ፤
\q2 ጊንሣ ሃሣ ጉሙርቆ ፆኦዛሢ ጋዓኔ።
\q
\v 3 ዒዚ ዓኣቺንቴ ፒራሢና
\q2 ዎዻኒ ዳንዳዓ ዶርዓሢናይዳፓ
\q2 ኔና ካፓኔ።
\q
\v 4 ዒዚ ፔ ጋፓኖና ኔና ዓኣቻንዳኔ፤
\q2 ዒዛኮ ጋኣዞ ዴማ ዓኣሺንቶ ቤሲ ኔ ዴንቃንዳኔ፤
\q2 ጉሙርቂንቲፃ ዒዛሲ ጊቲማጉዲ ኔና ቃዛያ ማዓንዳኔ።»
\q
\v 5 «ዹሞኮ ዲቃሢፆይዳፓ
\q2 ሮኦሮናኣ ዱኮ ሂኢዦ ኔ ዒጊጫዓኬ።
\q
\v 6 ዹሚና ሃንታ ፑርታ ባኣዚዳፓ
\q2 ዓቢ ሮኦሪ ሙካ ባይሲንታኣ ኔ ሂርጋዓኬ።»
\b
\q
\v 7 «ኮይሎይዳ ኔኤኮ ሺያ፤
\q2 ሚዛቆ ዛሎና ታጶ ሺያ ሎኦማንዳኔ፤
\q2 ጋዓንቴ ዬይ ኔ ባንሢ ዑካዓኬ።
\q
\v 8 ኔኤኒ ኔኤኮ ዓኣፖና ሌሊ ዬያ ዛጋንዳኔ፤
\q2 ፑርቶ ዓሳ ሜታሢ ዔካሢ ዛጊ ኔ ዛጋንዳኔ።»
\b
\q
\v 9 «ናንጊና ናንጋ ጎዳ ኔኤኮ ዓኣሺንቶ ቤዛሢ
\q2 ዼኤፖ ፆኦዛሢያ ፑኖ ካያሢ
\q2 ኔኤኒ ማሄኔ።
\q
\v 10 ዬያሮ ፑርታ ባኣዚ ኔና ሄላዓኬ፤
\q2 ባይዛ ሃይቢያ ኔ ማኣሪ ጌላዓኬ።
\q
\v 11 ኔ ሃንታ ጎይፃ ቢያ ኔና ዒ ካፓንዳጉዲ
\q2 ኪኢታንቾ ዒዚ ኔኤም ጌዒ ዓይሣንዳኔ። \x - \xo 91፡11 \xo*\xt ማቲ. 4፡6፤ ሉቃ. 4፡10።\xt*\x*
\q
\v 12 ቶካ ኔኤኮ ሹጮይዳ ዹቂንቱዋጉዲ
\q2 ዔያታ ፔኤኮ ኩጮና ኔና ኬዲ ዓርቃንዳኔ። \x - \xo 91፡12 \xo*\xt ማቲ. 4፡6፤ ሉቃ. 4፡11።\xt*\x*
\q
\v 13 ዞቦንታ ዶርቦ ሾኦዦንታይዳ ኔ ሄርቃንዳኔ፤
\q2 ሃጊ ዔቃ ዓዶ ዞቦንታ ቃራሢያ ኔኤኒ ዒማይዳንዳኔ።» \x - \xo 91፡13 \xo*\xt ሉቃ. 10፡19።\xt*\x*
\b
\q
\v 14 ናንጊና ናንጋ ጎዳ ሂዚ ጋዓኔ፦
\q2 «ታና ዒ ናሽኬሢሮ ታ ዒዛ ሄሊ ዓውሳንዳኔ፤
\q2 ታ ሱንፆ ዒዚ ዔሬሢሮ ታ ዒዛ ጎኦቢ ዓይሳንዳኔ።
\q
\v 15 ዒዚ ታና ዔኤላኣና ታ ዋይዛንዳኔ፤
\q2 ዒዛኮ ሜታሢ ዎዶና ዒዛና ማዓንዳኔ፤
\q2 ታ ዒዛ ዓውሳንዳኔ፥ ቦንቻንዳኔ።
\q
\v 16 ሚርጌ ሌዔ ዒዛ ታ ናንጊሻንዳኔ፤
\q2 ታኣኮ ዓውሲፆዋ ዒዛም ዻዋንዳኔ።»
\c 92
\s1 ዓይሁዶኮ ሃውሾ ኬሎና ዓይናዺንታ ዓይኑሞ
\d ጋላታ ዓይኑሞ
\q
\v 1 ናንጊና ናንጋ ጎዳ ጋላቲሢ ኮሺኬ፤
\q2 ዼኤፖ ፆኦዛሢዮ! ኔ ሱንፆም ዓይናዺሢያ ቃራኬ።
\q
\v 2 ሚጪንቲፆ ኔኤሲ ጉቴ ጉቴ
\q2 ጉሙርቂንቲፆዋ ዋንታ ዋንታ ኬኤዚፃ ኮሺኬ።
\q
\v 3 ታጶ ሻዦ ዴንሢ ዋርቆ ጎኦሎና
\q2 ዬያጉዴ ዓይኑሞ ዓንጎና ዓይናዺ ኬኤዚፃ ቃራኬ።
\q
\v 4 ናንጊና ናንጋ ጎዳሢዮ!
\q2 ኔኤኮ ማዾና ታ ዎዛዼሢሮ
\q2 ኔ ኩጮና ኔ ማዼ ማዾሮ ዎዛና ታ ዓይናዻኔ።
\b
\q
\v 5 ናንጊና ናንጋ ጎዳሢዮ!
\q2 ማዻ ኔኤኮ ዎዚ ዼኤፒዳይ!
\q2 ማሊፃኣ ኔኤኮ ዎዚጉዴ ሄሊንቱዋያዳይ!
\q
\v 6 ቦኦዛ ዓሲ ዔራኒ
\q2 ዔኤያ ዓሲያ ማሊ ጶቂሣኒ
\q2 ዬያ ዳንዳዑዋሴ።
\q
\v 7 ፑርቶ ማዻ ዓሳ ማኣቲጉዲ ባቃላያ ማዔቴያ
\q2 ጌኔ ማዻ ዓሳ ቡኔቴያ
\q2 ናንጊና ዔያታ ባይቃንዳኔ።
\q
\v 8 ናንጊና ናንጋ ጎዳሢዮ!
\q2 ኔኤኒ ጋዓንቴ ዼኤፒ ማዒ ናንጋያኬ።
\b
\q
\v 9 ናንጊና ናንጋ ጎዳሢዮ! ሞርካ ኔኤኮ ባይቃንዳኔ፤
\q2 ፑርቶ ማዻዞንሢያ ቢያ ላኣሊንታንዳኔ።
\q
\v 10 ታኣኮ ካኣሮ ጋዓንቴ ዖሶ ካኣሪጉዲ ኔ ዼጊሴኔ፤
\q2 ሃጊ ጊሲንቴ ዛይቴና ኔኤኒ ታና ቲሽኬኔ።
\q
\v 11 ታ ሞርኮኮ ሎኦሚፆ ዓኣፓ ታኣኮ ዛጌኔ፤
\q2 ዋያ ታኣኮ ፑርቶ ሞርኮኮ ባሺንቲፆ ዋይዜኔ።
\b
\q
\v 12 ፂሎ ዓሳ ዓዳ ሜኤፄጉዲ ጋምፒንታኔ፤
\q2 ሊባኖኦሴ ሚፆጉዲያኣ ዑጋኔ።
\q
\v 13 ዔያታ ናንጊና ናንጋ ጎዳ ማኣራ ቱኪንቴኔ፤
\q2 ዓሳ ቡካ ጶኦካኣ ጋምፒንታንዳኔ።
\q
\v 14 ጋርቼ ዎዶናታዖ ዔያታ ዓኣፓንዳኔ፤
\q2 ዓኣዓያ ማዒ ዶዴ ጎይሣ ናንጋንዳኔ።
\q
\v 15 «ናንጊና ናንጋ ጎዳ ፒዜኬ፤
\q2 ዒዚ ታኣኮ ላላሢኬ፤
\q2 ዒዛኮ ዻቢንቲ ባኣያኬ» ዔያታ ጋዓንዳኔ።
\c 93
\s1 ፆኦሲ ካኣቲ ማዔሢ
\q
\v 1 ናንጊና ናንጋ ጎዳ ካኣቲኬ፤
\q2 ዒዚ ዲቃሣ ዼኤፑሞ ማይንቴኔ፤
\q ዶዱሞዋ ቱኡቶ ባኣዚጉዲ ቱኡቴኔ፤
\q2 ሳዓ ዓጊፁዋጉዲ ዒ ዶዲሼኔ፤
\q2 ዖኦኒያ ዬያ ዓጊሡዋሴ።
\q
\v 2 ኔኤኮ ካኣቱሞ ዖይታ ሚናፓ ዓርቃዖ ዶዲኬ፤
\q2 ኔኤኒ ናኣናና ዓኣያኬ።
\b
\q
\v 3 ናንጊና ናንጋ ጎዳሢዮ! ዎራ ዑኡዞ ዼጊዴኔ፤
\q2 ዋኣፃ ዼጊ ጌዒ ጉኡሜኔ፤
\q2 ዎራ ጉኡማ ጉዳሢ ዢባሮኮ ዑኡዞ ማኣሚሴኔ።
\q
\v 4 ሚርጌ ጉኡማ ዋኣፆይዳፓ ባሼ
\q2 ባዞ ጉዳሢ ዢባራፓ ዑሣ
\q2 ናንጊና ናንጋ ጎዳኮ ዎልቃ ዼጊ ጌዔያኬ።
\b
\q
\v 5 ዳምባ ኔኤሲ ዶዴያኬ፤
\q2 ናንጊና ናንጋ ጎዳሢዮ!
\q ጌኤዦ ማኣራ ኔኤኮ ዱማዼያና ሚዛጳያ ማዒ
\q2 ናኣናና ናናንጋያኬ።
\c 94
\s1 ፆኦሲ ቢያሢም ዎጋያ ማዔሢ
\q
\v 1 ናንጊና ናንጋ ጎዳ ማዔ ኮሜ ኮፃ ፆኦዛሢዮ!
\q2 ኮሜ ኮፃ ፆኦዛሢዮ! ፖዒ ፔጋዺ ጴዼ።
\q
\v 2 ሳዖይዳ ዎጋያ ማዔሦ ዔቄ!
\q2 ዖቶርቃ ዓሶም ዔያቶ ማዾጉዴያ ዒንጌ።
\q
\v 3 ናንጊና ናንጋ ጎዳሢዮ!
\q2 ፑርቶ ማዻ ዓሳ ዓይዲ ሄላንዳኣናዳይ ፂካንዳሢ?
\q
\v 4 ዔያታ ሄርሺንቲ ዑኡሲ ሚርጊሻኔ፤
\q2 ፑርቶ ዓሳ ሆኦሊንቲ ዺቢሻኔ።
\b
\q
\v 5 ናንጊና ናንጋ ጎዳሢዮ!
\q2 ዔያታ ዴሮ ኔኤኮ ላቢሳኔ፤
\q2 ዓሶ ኔኤሲያ ዋኣዪሳኔ።
\q
\v 6 ዜኤሮይንዶንሢና ቤዛባኣ ዓሶዋ ዔያታ ዎዻኔ፤
\q2 ዜኤሮ ናኣቶኮዋ ሼምፓሢ ባይዛኔ።
\q
\v 7 ዬያይዳዖ ዔያታ፦
\q2 «ናንጊና ናንጋ ጎዳ ኑና ዴንቁዋሴ፤
\q2 ያይቆኦቤ ፆኦዛሢ ዬያ ዔሩዋሴ» ጋዓኔ።
\b
\q
\v 8 ዒንሢ ዒዛ ዴሮ ባኣካ ዓኣ ማሉዋ ዓሳ
\q2 ሂንዳ ኮሺ ማሉዋቴ፤
\q2 ዒንሢ ዔኤዮ ዓሳ ዔራ ዒንሢ ማዓንዳሢ ዓይዲዳይ?
\q
\v 9 ዋዮ ዾቄሢ ፔኤሮ ዋይዙዋያዳ?
\q2 ዓኣፖ ማዤሢያ ዛጉዋዓዳ?
\q
\v 10 ዴሮ ጎሪ ዞሪ ፔ ጎይፆ ባንሢ ማሃሢ
\q2 ዔራቶ ዓሲም ዒንጋሢ ሜቶ ዓጋዓዳ?
\q
\v 11 ናንጊና ናንጋ ጎዳ ዓሲኮ ማሊሢ
\q2 ዔኤቢ ፓሡዋያ ጉሪ ማዔሢ ዔራኔ። \x - \xo 94፡11 \xo*\xt 1ቆሮ. 3፡20።\xt*\x*
\b
\q
\v 12 ናንጊና ናንጋ ጎዳሢዮ! ኔኤኒ ጎሪ ዞራ ዓሲ
\q2 ኔ ዎጎዋ ኔ ዔርዛ ዓሲ ዓንጂንቴያኬ።
\q
\v 13 ጎሞ ዓሳ ሎኦማንዳ ዔቴ ቦኦኪንታንዳያ ሄላንዳኣና
\q2 ኔኤኒ ዒዛ ፑርታ ሜቶፓ ሃውሺሳንዳኔ።
\q
\v 14 ናንጊና ናንጋ ጎዳ ዴሮ ፔኤሲ ኬኤሩዋሴ፤
\q2 ፔ ዓሶዋ ሃሹዋሴ።
\q
\v 15 ዎጌ ጊንሣ ፒዜ ጎይሢና ዎጊንታንዳኔ፤
\q2 ዒኖ ፒዜ ዓሳ ቢያ ዬያ ጊንፆ ዓኣዻንዳኔ።
\b
\q
\v 16 ፑርቶ ዓሶ ታኣም ቃዛንዳያ ዖናዳይ?
\q2 ፑርቶ ማዻ ዓሶና ታ ዛሎ ሞኦቲንታንዳያ ዖናዳይ?
\q
\v 17 ናንጊና ናንጋ ጎዳ ዎንዴ ታና ማኣዲባኣያታቴ
\q2 ቤዞና ታ ሄኤዶ ሃይቄ ዓሶ ሳዖ ኬዴያ ናንዳኔ።
\q
\v 18 ታኣኒ «ታና ሃሊፄኔ» ጌዔ ዎዶና
\q2 ናንጊና ናንጋ ጎዳሢዮ!
\q2 ኔኤኮ ሚጪንቲፃ ላባዒ ታና ዓርቄኔ።
\q
\v 19 ማሊፃ ታኣኮ ሚርጌ ጎይፆ
\q2 ኔኤኮ ዶዲሺፃ ሼምፓሢ ታኣኮ ዎዛሳኔ።
\b
\q
\v 20 ዎጌ ሱንሢና ጊኢጊሺንቴ ጌኔ ማዾና
\q2 ዎቢሲ ዎጊንቴ ዎጌና ፔቴ ኔ ማዓንዳ?
\q
\v 21 ፂሎ ዓሶ ዑፃ ጌኔ ጌስቲ ዔያታ ኬስካኔ፤
\q2 ጌኤዦ ዓሳ ሃይቃንዳጉዲ ዔያታ ዎጋኔ።
\q
\v 22 ታኣም ጋዓንቴ ናንጊና ናንጋ ጎዳ ዋርዲዬ ቤሲ፤
\q2 ታኣኮ ፆኦዛሢያ ፑኖ ካይዚ ማዔኔ።
\q
\v 23 ዒዚ ዻቢንቶ ዔያቶሲ ዔያቶም ማሃንዳኔ፤
\q2 ዔያቶ ፑርቱሞሮ ዒ ባይዛንዳኔ፤
\q2 ናንጊና ናንጋ ጎዳ ማዔ ኑ ፆኦዛሢ ዔያቶ ጋጋፒሳንዳኔ።
\c 95
\s1 ጋላታ ዓይኑሞ
\q
\v 1 ሃኒ ሙኩዋቴ፤ ዎዛና ኑ ናንጊና ናንጋ ጎዳም ዓይናዾም!
\q2 ኑኡኮ ዻቂንቶ ላላሢም ኑ ዒላሾም!
\q
\v 2 ዒዛም ማዓ ጋላታ ዓይኑሞ ዔኪ
\q2 ኑ ዒዛ ቤርቶ ሺኢኮም!
\q2 ዓይኑሞና ኑ ዒዛ ሄርሾም፤
\q
\v 3 ናንጊና ናንጋ ጎዳ ዼኤፒ ፆኦሲታሢሮ
\q2 ሜሌ ፆኦዛፓ ዑሣ ዒ ዼኤፒ ካኣቲታሢሮ።
\q
\v 4 ሳዖ ዴማኣ ቢያ ዒዛ ኩጮ ጋራኬ፤
\q2 ዹኮኮ ቶኦካኣ ዒዛሲኬ።
\q
\v 5 ዒዚ ማዤሢሮ ባዛ ዒዛሮኬ፤
\q2 ኩጫ ዒዛኮ ሳዖ ኮሼኔ።
\q
\v 6 ሃኒ ሙኩዋቴ፤ ኑ ዒዛ ካኣሽኪ ዚጎም!
\q2 ኑና ማዤ ናንጊና ናንጋ ጎዳ ቤርታ ኑ ጉምዓቶም።
\q
\v 7 ዒዚ ኑኡኮ ፆኦዛሢኬ፤
\q2 ኑ ዒዛ ኩጮ ካፒፆ ዴማ ዓኣ ማራቶ
\q2 ኑና ዒ ሄንቃ ዒዛኮ ዴሮኬ፤
\q ዬያሮ ዒዚ ሃኖ ሂዚ ጌዒ ኬኤዛሢ ዋይዙዋቴ፦
\b
\q
\v 8 «ዬያ ዓሳ ናንጉዋ ዳውላ ሜሪባና ማሳ ጌይንታ ቤዛ
\q2 ዒንሢኮ ቤርታኣ ዓዶንሢ ማዼሢጉዲ
\q2 ዒንሢያ ዋይዚ ዒፃያ ማዒፖቴ። \x - \xo 95፡8 \xo*\xt ዔብ. 3፡15፤ 4፡7።\xt*\x*
\q
\v 9 ዔያታ ማዾ ታኣሲ ዛጌያ ማዔያታቴያ
\q2 ‹ታ ዎይታቴያ› ጌዒ ታና ዔያታ ዛጌኔ፤
\q2 ማሂ ማሂ ታና ዔያታ ዎይታቴያ ዛጌኔ። \x - \xo 95፡9 \xo*\xt ኬሲ. ማፃ 17፡1-7፤ ፓይ. ማፃ 20፡2-13።\xt*\x*
\q
\v 10 ዬኖ ሾይንቶ ዖይዲታሚ ሌዔ ጉቤ ታኣኒ ሻኣኪንቴኔ፤
\q2 ዒማና ታኣኒያ፦ ‹ዒና ዔያቶኮ ታና ሃሼ ዴሬኬ፤
\q2 ጎይፆዋ ታኣሲ ዔያታ ዔሩዋሴ› ጌዔኔ።
\q
\v 11 ዬያሮ፦ ‹ፔቴታዖ ታኣኮ ሃውሾይዳ ዔያታ ጌላዓኬ›
\q2 ጌዒ ታኣኮ ዻጎና ታ ጫኣቄኔ።» \x - \xo 95፡11 \xo*\xt ፓይ. ማፃ 14፡20-23፤ ላሚ. ዎማ 1፡34-36፤ 12፡9-10፤ ዔብ. 4፡3-5።\xt*\x*
\c 96
\s1 ፆኦሲ ቢያሢኮ ዑፃ ማዔሢ
\r (1ፆኦሲ. ዓሃኬ 16፡23-33)
\q
\v 1 ናንጊና ናንጋ ጎዳም ዓኪ ዓይኑሞ ዓይናዹዋቴ!
\q2 ዓጫ ቢያ ናንጊና ናንጋ ጎዳም ዓይናዹዋቴ!
\q
\v 2 ናንጊና ናንጋ ጎዳም ዓይናዹዋቴ፥ ዒዛኮ ሱንፆ ዓንጁዋቴ፤
\q2 ዒዛኮ ዓውሲፆ ጉቴ ጉቴ ኬኤዙዋቴ።
\q
\v 3 ቦንቾ ዒዛኮ ዴሮ ባኣካ
\q2 ዲቃሢ ሄርሺሳ ማዾዋ ዓሲ ቢያ ቤርታ ኬኤዙዋቴ!
\b
\q
\v 4 ናንጊና ናንጋ ጎዳ ዼኤፒኬ፤
\q2 ዒዛ ሄርሻኒያ ኮይሳያኬ፤
\q2 ሜሌ ካኣሽኮ ፆኦዛፓ ቢያ ዑሣ
\q2 ዒዚ ዒጊጪንታንዳያ ኮይሳኔ።
\q
\v 5 ሜሌ ዴሮ ፆኦዛ ቢያ ፃላሄሮኬ፤
\q2 ናንጊና ናንጋ ጎዳ ጋዓንቴ ጫሪንጮ ማዤኔ።
\q
\v 6 ቦንቾና ዼኤፑሞዋ ዒዛ ኮራኬ፤
\q2 ዒዛኮ ጌኤዦ ማኣራ ዶዱሞና ሚዛጱሞና ዓኣኔ።
\b
\q
\v 7 ሳዖይዳ ናንጋ ዴራ ናንጊና ናንጋ ጎዳ ጋላቱዋቴ!
\q2 ዒዛኮ ቦንቾና ዎልቆናሮ ዒዛ ጋላቱዋቴ።
\q
\v 8 ናንጊና ናንጋ ጎዳ ሱንፆም ቦንቾ ዒንጉዋቴ፤
\q2 ዒንጎ ባኣዚ ዓርቂ ዒዛኮ ዓሳ ቡካ ጶኦኮ ጌሉዋቴ።
\q
\v 9 ዒዛኮ ዱማዼያ ማዔ ዼኤፑሞሮ ዒዛም ዚጉዋቴ፤
\q2 ሳዓ ቢያ ዒዛ ቤርታ ጎጋይቁዋቴ።
\b
\q
\v 10 ዴሮ ቢያሢ ባኣካ፦ «ናንጊና ናንጋ ጎዳ ካኣታዼኔ!» ጎዑዋቴ፤
\q2 ሳዔላ ዶዲና ማዢንቴሢሮ ዓጊፃዓኬ፤
\q2 ዓሲም ቢያ ዒ ፒዙሞና ዎጋኔ።
\q
\v 11 ጫሪንጫ ዎዛዹዋቴ! ሳዔሌ ኔኤኒያ ዎዛዼ!
\q2 ባዞንታ ዬያይዳ ዓኣ ባካ ቢያ ዑኡዞ ዋይዚሱዋቴ።
\q
\v 12 ጎዦንታ ጊዳ ዓኣ ባካኣ ቢያ ፂኩዋቴ!
\q2 ያዺ ማዓዛ ካዮ ሚፃ ቢያ ዎዛና ዓይናዻንዳኔ።
\q
\v 13 ዒዚ ሙካንዳኔ፤
\q2 ናንጊና ናንጋ ጎዳ ቤርታ ዔያታ ዓይናዻንዳኔ፤
\q2 ሳዖይዳ ዎጋኒ ዒ ሙካንዳኔ፤
\q2 ሳዖይዳ ፂሉሞና ዴሮ ዑፃ ጎኑሞና ዎጋንዳኔ።
\c 97
\s1 ፆኦሲ ቢያፓ ዑሣ ማዒፆ
\q
\v 1 ናንጊና ናንጋ ጎዳ ካኣቲኬ!
\q2 ሳዔሌ ኔኤኒ ዎዛዼ፤
\q ዒንሢ ባዞ ሳዛ ዓኣ ዓጫ
\q2 ቢያ ዎዛዹዋቴ!
\q
\v 2 ዒዛኮ ኮሮ ሻኣሬንታ ዹሜ ቃኣዮንታ ካንቂ ዓኣኔ፤
\q2 ካኣቱሞ ዖይታ ፂሉሞና ፒዜ ዎጌና ጌሢንቴኔ።
\q
\v 3 ዒዛኮ ቤርታ ታሚ ዓኣዻኔ፤
\q2 ኮይሎ ዒዛኮ ማንጊ ዓኣ ሞርኮዋ ሚቻኔ።
\q
\v 4 ዜኤሊንፃ ዒዛኮ ዓጮ ፖዓኔ፤
\q2 ሳዓ ዬያ ዛጋዖ ጎጋይቃኔ።
\q
\v 5 ዹካ ናንጊና ናንጋ ጎዳ ቤርታ
\q2 ሳዓኣ ቢያ ዓዳ ሾፒጉዲ ዓልቄኔ።
\q
\v 6 ጫሪንጫ ፂሉሞ ዒዛሲ ኬኤዛኔ፤
\q2 ዴሬ ቢያ ቦንቾ ዒዛሲ ዛጋኔ።
\b
\q
\v 7 ዓርሲ ኮሾና ማላቶም ዚጋዞንሢ
\q2 ሜሌ ካኣሽኮ ፆኦዞና ሄርሺንታዞንሢ
\q2 ቢያ ቦርሲንቶንጎ፤
\q2 ዒንሢ ሃይ ሜሌ ፆኦዛ ዒዛም ዚጉዋቴ።
\q
\v 8 ናንጊና ናንጋ ጎዳሢዮ!
\q2 ዎጋ ኔኤሲ ፒዜ ማዔሢሮ ፂዮኔ ዴራ ዋይዚ ዎዛዼኔ፤
\q2 ዪሁዳ ዓጮ ካታማኣ ሚርጌና ዎዛዼኔ።
\q
\v 9 ናንጊና ናንጋ ጎዳሢዮ! ኔኤኒ ሳዖይዳ ቢያ ዼኤፒኬ፤
\q2 ሜሌ ፆኦዞፓ ቢያ ኮሺ ኔኤኒ ዼጊ ጋዓያኬ። \x - \xo 97፡9 \xo*\xt ዓይኑ. 29፡1-2።\xt*\x*
\b
\q
\v 10 ዒንሢ ናንጊና ናንጋ ጎዳ ናሽካ ዓሳ
\q2 ፑርታ ባኣዚ ሻኣኪንቱዋቴ፤
\q ጉሙርቂንታዞንሢኮ ዒዚ ሼምፓሢ ካፓሢሮ
\q2 ዋይዞ ዒፃ ዓሶ ኩጫፓ ሄሊ ዒ ዔያቶ ዓውሳንዳኔ።
\q
\v 11 ፖዓ ፂሎ ዓሶም
\q2 ዎዛኣ ዒና ፒዜ ማዔዞንሢም ኬስኪ ጴዻኔ።
\q
\v 12 ዒንሢ ፂሎ ዓሳ ናንጊና ናንጋ ጎዳና ዎዛዹዋቴ!
\q2 ዒዛኮ ዱማዼ ሱንፆዋ ጋላቱዋቴ።
\c 98
\s1 ዓይኑሞ
\d ፆኦሲ ዓጮ ዎይሣያ ማዔሢ
\q
\v 1 ናንጊና ናንጋ ጎዳም ዓኪ ዓይኑሞ ሺኢሹዋቴ፤
\q2 ፆኦሲ ፔ ዎልቄና ማዺንታ ዓኪ ባኣዚ ማዼኔ፤
\q2 ዒዛኮ ሚዛቆ ኩጮንታ ዱማዼ ቃሳኣ
\q2 ዻቂንታ ዔኪ ሙኬኔ።
\q
\v 2 ናንጊና ናንጋ ጎዳ ዻቂሺፆ ፔኤሲ ዔርዜኔ፤
\q2 ፂሉሞ ፔኤሲ ዴሮ ቤርታ ፔጋሴኔ።
\q
\v 3 ዒስራዔኤሌ ዓሶም ፔኤኮ ሚጪንቲፆ
\q ጉሙርቂንታያ ማዒፆዋ ማሌኔ፤
\q2 ዓጫ ማዓ ካሮና ቢያ ኑ ፆኦዛሢኮ ዓውሲፆ ዛጌኔ።
\b
\q
\v 4 ሳዓ ናንጋ ዴራ ቢያ ናንጊና ናንጋ ጎዳም ዒላሹዋቴ!
\q2 ሄርሺሢያ ዒዛም ሚርጊሹዋቴ፥ ዎዛና ዓይናዺ ጋላቱዋቴ።
\q
\v 5 ናንጊና ናንጋ ጎዳም
\q2 ሚርጌ ሻዦ ዴንሢ ዋርቆ ጎኦሎና ዓይናዹዋቴ፤
\q2 ዓይኑሞ ዓንጋሞና ዑኡሲ ኬሲ ዒዛም ዓይናዹዋቴ።
\q
\v 6 ዲንኮና ዛዬ ዑኡሲና
\q2 ናንጊና ናንጋ ጎዳ ማዔ ካኣታሢ ቤርታ ዒላሹዋቴ።
\b
\q
\v 7 ባዞንታ ዬያይዳ ዓኣ ባካ ቢያ
\q2 ሳዖንታ ዒኢካ ናንጋ ባካ ቢያ
\q2 ዑኡዞ ዋይዚሱዋቴ!
\q
\v 8 ዎራ ኩጮ ፔኤኮ ባዖንጎ፤
\q2 ዹካኣ ዎሊ ዑፃ ዓይናዾንጎ።
\q
\v 9 ዬያታ ፆኦዛሢ ቤርታ ዓይናዾንጎ፤
\q2 ዒዚ ሳዖይዳ ዎጋኒ ሙካንዳኔ፤
\q ዓጮ ዑፃ ዒዚ ፂሉሞና
\q2 ዴሮ ዑፃኣ ጎኑሞና ዎጋንዳኔ።
\c 99
\s1 ፆኦሲ ዼኤፒ ካኣቲ ማዔሢ
\q
\v 1 ናንጊና ናንጋ ጎዳ ካኣታዼኔ፤
\q2 ዴራ ጎጋይቆንጎ፤
\q ዒዚ ኪሩቤኤሎ ዑፃ ዓኣ ካኣቱሞ ዖይታ ዴዔኔ፤
\q2 ሳዓኣ ዓጊፆንጎ። \x - \xo 99፡1 \xo*\xt ኬሲ. ማፃ 25፡22።\xt*\x*
\q
\v 2 ናንጊና ናንጋ ጎዳ ፂዮኔይዳ ዼኤፒኬ፤
\q2 ዴሮኮ ቢያ ዑሣ ዒ ዼግ ዼጊ ጌዔኔ።
\q
\v 3 ኔኤኮ ዔያታ ዼኤፑሞና ዒጊቻ ሱንፆና ሄርሾንጎ፤
\q2 ዒዚ ዱማዼያኬ።
\b
\q
\v 4 ፒዜ ዎጌ ናሽካ ዎልቆ ካኣቲዮ!
\q2 ኔኤኒ ፒዜ ባኣዚ ማዺንታንዳጉዲ ማሄኔ፤
\q2 ፒዜ ዎጊሢና ፂሉሞና ያይቆኦቤ ዓሶም ዔኪ ሙኬኔ።
\q
\v 5 ናንጊና ናንጋ ጎዳ ማዔ ኑ ፆኦዛሢ ዼግ ዼጊዱዋቴ!
\q2 ቶካ ዒዛኮ ሄርቃ ሳዖይዳ ዚጉዋቴ!
\q2 ዒዚ ዱማዼያኬ።
\q
\v 6 ዒዛም ቄኤሶ ማዔዞንሢ ባኣካ ሙሴና ዓኣሮኔና ዓኣኔ፤
\q2 ሃሣ ዒዛ ሺኢቄዞንሢ ባኣካፓ ሳሙዔኤሌ ፔቴሢኬ፤
\q ዔያታ ናንጊና ናንጋ ጎዳ ዔኤላዛ
\q2 ዒዚ ዔያቶም ማሂ ዬሄኔ።
\q
\v 7 ቱርቱሮጉዲ ዔቄ ሻኣሮ ባኣኮይዳ ዒ ጌስቴኔ፤
\q2 ዔያታኣ ዒዚ ዔያቶም ዒንጌ ዳምቦና ዎጎና ካፔኔ። \x - \xo 99፡7 \xo*\xt ኬሲ. ማፃ 33፡9።\xt*\x*
\b
\q
\v 8 ናንጊና ናንጋ ጎዳ ማዔ ኑ ፆኦዛሢዮ!
\q2 ኔኤኒያ ዔያቶም ዬሄኔ፤
\q2 ኔ ዔያቶኮ ዻቢንቶሮ ኮሜ ኮፃያ ማዔቴያ
\q ኔኤኒ ዔያቶም ዓቶንጎ ጋዓ ፆኦሲኬ።
\q
\v 9 ናንጊና ናንጋ ጎዳ ማዔ ኑ ፆኦዛሢ ዼግ ዼጊዱዋቴ!
\q2 ዒዛኮ ዱማዼ ዹካ ዒዛም ዚጉዋቴ፤
\q2 ናንጊና ናንጋ ጎዳ ማዔ ኑ ፆኦዛሢ ዱማዼያኬ።
\c 100
\s1 ጋላታ ዓይኑሞ
\q
\v 1 ሳዓ ቢያ ናንጊና ናንጋ ጎዳም ዒላሹዋቴ!
\q
\v 2 ናንጊና ናንጋ ጎዳም ዎዛና ማዹዋቴ!
\q2 ዎዛ ዓይኑሞ ዓይናዺሢና ዒዛ ቤርቶ ሺኢኩዋቴ።
\b
\q
\v 3 ናንጊና ናንጋ ጎዳ ፆኦሲ ማዔሢ ዔሩዋቴ፤
\q2 ኑና ማዤሢ ዒዛኬ፥ ኑኡኒ ዒዛሮኬ፤
\q2 ኑኡኒ ዒዛ ዴሮ፥ ዒዚ ሄንቃ ማራቶኬ።
\b
\q
\v 4 ጋላታና ዒዛ ካሮ ባንሢ
\q2 ሄርሺሢና ዓሳ ቡካ ጶኦኮዋ ጌሉዋቴ፤
\q2 ጋላቱዋቴ፥ ሱንፆዋ ዒዛሲ ዓንጁዋቴ።
\q
\v 5 ናንጊና ናንጋ ጎዳ ኮሺ
\q2 ሚጪንቲፃኣ ዒዛኮ ናንጊና ናንጋያኬ፤
\q2 ዒዛኮ ጉሙርቂንቲፃ ሾይንቲፓ ሾይንቲ ሄላኔ። \x - \xo 100፡5 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 106፡1፤ 107፡1፤ 118፡1፤ 136፡1፤ ዔር. 33፡11።\xt*\x*
\c 101
\s1 ዳውቴ ዓይኑሞ
\d ካኣታ ፆኦሲም ጫኣቃ ጫኣቁሞ
\q
\v 1 ኔኤኮ ሚጪንቲፆና ፒዜ ዎጊፆና ዛሎ ታ ዓይናዻኔ፤
\q2 ናንጊና ናንጋ ጎዳሢዮ! ጋላታ ዓይኑሞ ታ ኔኤም ሺኢሻኔ።
\q
\v 2 ዻቢንቲባኣ ጎይፄሎ ዶዲሺ ታ ዓርቃንዳኔ፤
\q2 ኔኤኒ ታ ኮራ ዓይዲ ዬዓንዳይ?
\q2 ታ ማኣሮ ዓሶና ዎላ ፒዜ ዒኔና ታ ናንጋንዳኔ።
\q
\v 3 ፑርታ ባኣዚ ማዺንቴም ታ ዛጊ ዚቲ ጋዓዓኬ፤
\q2 ፆኦሲዳፓ ሃኬ ዓሳ ማዻ ባኮ ቢያ ታ ዒፃኔ፤
\q2 ፔቴታዖ ታ ዔያቶና ዎላ ካኣማዓኬ።
\q
\v 4 ዎቦ ዒና ዓኣ ዓሳ ታ ኮራፓ ሺኢኮንጎ፤
\q2 ፑርቱሞና ዎላ ታኣኮ ፔቱሞ ባኣሴ።
\q
\v 5 ፔ ላጋሢ ካሽካሺ ዾንካሢ ታ ጎራኔ፤
\q2 ዖቶርቃ ዓኣፒና ሄርሺንታ ዒኔያ ዓኣ ዓሢ ታ ቲኢሩዋሴ።
\b
\q
\v 6 ታኣና ዎላ ናንጋንዳጉዲ
\q2 ታኣኮ ዓኣፓ ሳዖይዳ ጉሙርቂንታዞንሢዳኬ፤
\q2 ጌኤሺ ጎይሢና ሃንታሢ ዒዚ ታኣም ማዻንዳኔ።
\b
\q
\v 7 ጌሻያ ማዔ ዓይጎ ዓሲያ ታ ማኣሮይዳ ናንጋዓኬ፤
\q2 ሉኡዙሞ ጌስታሢያ ታ ቤርታ ፒዝ ጌዒ ዔቃዓኬ።
\q
\v 8 ሳዖይዳ ፑርቶ ማዻ ዓሶ ቢያ
\q2 ጉቴ ጉቴ ታ ባይዛንዳኔ፤
\q2 ፑርቶ ማዻ ዓሶ ቢያ
\q2 ናንጊና ናንጋ ጎዳ ካታማፓ ታ ጋፒሳንዳኔ።
\c 102
\s1 ሜታዼ ዓሲ ዖዪሢና ናንጊና ናንጋ ጎዳ ሺኢቃ ሺኢጲሢ
\d ሜታዼ ዓሲ ሺኢቃ ሺኢጲሢ
\q
\v 1 ናንጊና ናንጋ ጎዳሢዮ! ሺኢጲፆ ታኣሲ ዋይዜ፤
\q2 ታኣኒ ዒላታ ዒላታ ኔ ኮራ ሄሎንጎ።
\q
\v 2 ታኣኒ ሜታዼ ኬሎና ዓኣፖ ኔኤሲ ታ ጊዳፓ ማሂፖ!
\q2 ዋዮ ኔኤኮ ታ ባንሢ ማሄ፤
\q2 ታኣኒ ኔና ዔኤላ ኬሎና ሩኡሪና ታኣም ዬሄ።
\b
\q
\v 3 ናንጎ ዎዳ ታኣኮ ጩቢጉዲ ዴንዲ ጋፓኔ፤
\q2 ሜጌፃ ታኣኮ ዓዳ ናኣቦጉዲ ዖይዼኔ።
\q
\v 4 ዒና ታኣኮ ቃኣያ ዎዼ ማኣቲጉዲ ሜሌኔ፤
\q2 ካሣ ሙኡዚያ ታ ዋሌኔ።
\q
\v 5 ታኣኮ ዒላታፓ ዔቄያና
\q2 ዑፃ ታኣኮ ሜሊ ዓቴኔ።
\q
\v 6 ዓሳ ናንጉዋ ዳውሎይዳ ዓኣ ሙኡታሌ ታ ማሌኔ፤
\q2 ዶዔ ባዓ ቤስካ ዓኣ ኩኩቴ ማዔኔ።
\q
\v 7 ጊንዓ ባኣያ ታ ዎርቃኔ፤
\q2 ማኣሮኮ ሄላሢዳ ፔኤሮ ዓኣ
\q2 ሚኢሻካፒ ታ ማዔኔ።
\q
\v 8 ሞርካ ታኣኮ ሮኦሮ ጉቤ ታና ሚኢጫኔ፤
\q2 ታና ፑርቲሳ ዓሳ ሱንፆ ታኣኮ ጋዳንቂንቴያ ማሂ ዛጋኔ።
\b
\q
\v 9 ዲቢንሢ ታኣኒ ዺኢሊጉዲ ኩኡሌኔ፤
\q2 ዑዦ ታኣኮ ታኣኒ ዓቢፆና ሲኢሬኔ።
\q
\v 10 ኔኤኮ ጎሪንቶና ዻጎናፓ ዔቄያና
\q2 ሌካ ታና ኔ ኬሴ ቤዛፓ ሊካ ኬኤሬኔ።
\q
\v 11 ናንጎ ሌዓ ታኣኮ ዓቢ ጌሊ ዔኤዤጉዲኬ፤
\q2 ታኣኒያ ማኣቲጉዲ ሹሌኔ።
\b
\q
\v 12 ናንጊና ናንጋ ጎዳሢዮ!
\q2 ኔኤኒ ጋዓንቴ ናንጊና ኔኤኮ ካኣቱሞ ዖይታ ዴዔኔ፤
\q2 ሱንፃ ኔኤኮ ሾይቲፓ ሾይንቲ ሄላንዳኣና ናንጋኔ።
\q
\v 13 ኔ ዔቃንዳኔ፥ ፂዮኔያ ሚጪንታ ዓኣፒና ዛጋንዳኔ፤
\q2 ዒዞም ኔኤኒ ኮሹሞ ኔኤሲ ዻዋ ዎዶ ማዔሢሮ
\q2 ኔ ጌዔ ዎዳ ሄሌኔ።
\q
\v 14 ኔኤኮ ዓይላ ሹጮ ዒዞኮ ዛጊ ዎዛዻንዳኔ፤
\q2 ሳዖ ዓጮማኣ ሚጪንታንዳኔ።
\b
\q
\v 15 ዴራ ናንጊና ናንጋ ጎዳሢ ሱንፆ
\q2 ሳዖ ካኣታኣ ቢያ ቦንቾ ኔኤሲ ዒጊጫንዳኔ።
\q
\v 16 ናንጊና ናንጋ ጎዳ ፂዮኔ ጊንሣ ማሂ ማዣንዳኔ፤
\q2 ፔኤኮ ቦንቾና ፔጋዺ ጴዻንዳኔ።
\q
\v 17 ዒዚ ማንቆ ዓሶ ሺኢጲፆ ባንሢ ዛጋንዳኔ፤
\q2 ዔያታ ሺኢቃ ሺኢጲፆ ዒ ቦሃዓኬ።
\b
\q
\v 18 ሃጊ ሾይንቲባኣ ዓሳ ዒዛ ጋላታንዳንጉዲ
\q2 ሃያ ናንጊና ናንጋ ጎዳ ማዼ ዲቃሢ ሄርሺሳ ባኮ
\q2 ሙካ ሾይንቶም ፃኣፑዋቴ።
\q
\v 19 ናንጊና ናንጋ ጎዳ ዼጌ ቤዛ ዓኣ
\q2 ናንጎ ማኣራፓ ሊካ ዛጌኔ፤
\q2 ጫሪንጮይዳ ዓኣዖ ሳዖ ዛጌኔ።
\q
\v 20 ዬያ ዒ ማዼሢ
\q2 ቱኡቴ ዓሶኮ ዒላቶ ዋይዛኒ
\q2 ሃይቆም ዎጊንቴ ዓሶዋ ዓውሳኒኬ።
\q
\v 21 ዬያሮ ናንጊና ናንጋ ጎዳኮ ሱንፃ ፂዮኔይዳ
\q2 ጋላታኣ ዬሩሳላሜይዳ ኬኤዚንታንዳኔ።
\q
\v 22 ዬይያ ዴሮንታ ካኣቶንታ
\q2 ናንጊና ናንጋ ጎዳ ካኣሽካኒ
\q2 ፔቱሞና ቡኪንታኣና ማዓንዳኔ።
\b
\q
\v 23 ዶዱሞ ታኣኮ ጎይፃ ዓይሴኔ፤
\q2 ናንጎ ታኣኮ ዒ ዑኬና ጋፒሴኔ።
\q
\v 24 ዬካፓ ታኣኒያ፦ «ፆኦሲዮ ኔኤኒ ናንጋሢ
\q2 ሾይንቲፓ ሾይንቲ ሄላንዳኣናታሢሮ
\q2 ናንጎ ታኣሲ ታኣኒ ጋፒሲባኣንቴ
\q2 ታ ናንጋ ሃጊ ዓኣ ጎይሣ ዓኣንቴ
\q2 ታና ዔኪፖ» ጌዔኔ።
\b
\q
\v 25 ኔኤኒ ሚና ቤርታ ሳዖ ማዤኔ፤
\q2 ጫሪንጫኣ ኔ ማዤሢኬ።
\q
\v 26 ዔያታ ባይቃንዳኔ፤
\q2 ኔኤኒ ጋዓንቴ ዶዲ ናንጋንዳኔ።
\q2 ዬይ ቢያሢ ማኣዖጉዲ ጪንቃንዳኔ፤
\q2 ዓፒላጉዲያኣ ኔ ዔያቶ ላኣማንዳኔ፤
\q2 ዔያታ ቤዞና ኬኤሪንታንዳኔ።
\q
\v 27 ኔኤኒ ጋዓንቴ ኔናኬ፤
\q2 ሌዓኣ ኔኤኮ ፔቴታዖ ጋፑዋሴ። \x - \xo 102፡27 \xo*\xt ዔብ. 1፡10-12።\xt*\x*
\q
\v 28 ኔ ዓይሎኮ ናኣታ ዔያቶም ጊኢጌም ናንጋንዳኔ፤
\q2 ዜርፃ ዔያቶኮ ኔ ቤርታ ዶዲ ዴዓንዳኔ።
\c 103
\s1 ዳውቴ ዓይኑሞ
\d ፆኦሲ ናሹሞ
\q
\v 1 ታኣኮ ሼምፔሌ! ናንጊና ናንጋ ጎዳ ዓንጄ!
\q2 ታኣኮ ጋሮ ዑፃኣ ቢያ ዒዛኮ ዱማዼ ሱንፆ ጋላቱዋቴ።
\q
\v 2 ታኣኮ ሼምፔሌ! ናንጊና ናንጋ ጎዳ ዓንጄ፤
\q2 ኔኤም ዒ ማዼ ባኮ ቢያ ዋሊፖ።
\q
\v 3 ጎሞ ቢያ ኔኤኮ ዓቶም ጋዓሢ
\q2 ሃርጎ ኔኤኮ ቢያ ፓሣሢ፥
\q
\v 4 ናንጎ ኔኤኮ ባይሲንቶ ዔቶፓ ዓውሳሢ
\q2 ፔኤኮ ሚጪንቲፆና ኮሹሞና ኔና ጎኦባሢ፥
\q
\v 5 ጋርቼ ዎልቆ ኔኤኮ ዓዳ ኮኦኬ ጎይሢ ዓካሳሢ
\q2 ኔኤኒ ማላ ባኮ ፔ ኮሹሞና ኩንሣሢ
\q2 ኔኤም ዒዛኬ።
\b
\q
\v 6 ናንጊና ናንጋ ጎዳ ሄርቂንቲ ዎርቃዞንሢም ቢያ
\q2 ፒዜ ዎጌ ዎጋኔ።
\q
\v 7 ጎይፆ ፔኤሲ ሙሴም
\q2 ማዾዋ ፔኤሲ ዒስራዔኤሌ ዓሶም ዒ ቤኤዜኔ።
\q
\v 8 ናንጊና ናንጋ ጎዳ ሚጪንታያና ዓቶም ጋዓያ
\q2 ዻጋዻኒ ሩኡሩዋያና ናሹማኣ ሚርጌያኬ። \x - \xo 103፡8 \xo*\xt ያይ. 5፡11።\xt*\x*
\q
\v 9 ዒዚ ቢያ ዎዴ ዻቢንቲ ሙሪ ሃንቱዋሴ፤
\q2 ዻጋዼ ጎይሣኣ ዴዑዋሴ።
\q
\v 10 ዒዚ ኑም ኑኡኮ ጎሞጉዴያ ማሂ ዒንጊባኣሴ፤
\q2 ኑ ዻቢንቶጉዴያኣ ጪጊባኣሴ።
\q
\v 11 ጫሪንጫ ሳዓፓ ሌካ ዼጋሢጉዲ
\q2 ዒዛኮ ሚጪንቲፃ ዒዛ ዒጊጫ ዓሶም ዼኤፒኬ።
\q
\v 12 ዓባ ኬስካ ባንፃ ጌላ ባንፃፓ ሃካሢጉዲ
\q2 ዻቢንቶ ኑኡሲ ኑፓ ዒ ሃኪሴኔ።
\q
\v 13 ዓዴ ፔኤኮ ናኣቶ ሚጪንታሢጉዲ
\q2 ናንጊና ናንጋ ጎዳ ዒዛ ዒጊጫዞንሢ ሚጪንታኔ።
\q
\v 14 ዒዚ ኑኡኮ ማዢንቶ ዔዔራኔ፤
\q2 ኑኡኒ ሲላሊ ማዔሢያ ማላኔ።
\b
\q
\v 15 ዓሲኮ ናንጎ ዎዳ ማኣቲጉዴያኬ፤
\q2 ካይዚዳ ዑጊ ቡና ቡኒጉዲኬ።
\q
\v 16 ካይዚ ቡኒ ዢባሬ ዢባርሻ ዎዶና ቤዞና ዲኢኒ ባይቃኔ፤
\q2 ዬይ ዎንዴ ዒኢካ ዓኣያ ማዔሢያ ዔርቱዋሴ።
\q
\v 17 ናንጊና ናንጋ ጎዳኮ ሚጪንቲፃ ጋዓንቴ
\q2 ናኣናና ዒዛ ዒጊጫዞንሢምኬ፤
\q2 ዒዛኮ ፂሉማኣ ናዖኮ ናዖ ሄላንዳኣናኬ።
\q
\v 18 ዒዚ ዬያ ማዻሢ ጫኣቁሞ ካፓዞንሢና
\q2 ዓይሢፆዋ ዶዲ ካፓዞንሢምኬ።
\b
\q
\v 19 ናንጊና ናንጋ ጎዳኮ ካኣቱሞ ዖይታ ጫሪንጫ ዶዴኔ፤
\q2 ካኣቱማኣ ዒዛሲ ቢያሢ ዎይሣኔ።
\q
\v 20 ዒንሢ ዒዛኮ ቃኣሎም ዓይሢንታ ኪኢታንቻ
\q2 ዒዛኮ ዓይሢፆ ማዺ ኩንሣ ዎልቆሮንሢ
\q2 ናንጊና ናንጋ ጎዳ ዓንጁዋቴ።
\q
\v 21 ዒንሢ ዒዛኮ ማሊፆ ማዺ ኩንሣ
\q2 ጫሪንጫ ዓኣ ማዢንታ
\q2 ናንጊና ናንጋ ጎዳ ዓንጁዋቴ።
\q
\v 22 ዒንሢ ዒዚ ዎይሣ ዓጫ ናንጋ ዓሳ ቢያ
\q2 ማዢንታኣ ቢያ ናንጊና ናንጋ ጎዳ ዓንጁዋቴ፤
\q ታ ሼምፔሌ! ዒዛ ዓንጄ።
\c 104
\s1 ማዤ ፆኦዛሢም ሺኢኬ ጋላታ
\q
\v 1 ታ ሼምፔሌ! ናንጊና ናንጋ ጎዳ ዓንጄ!
\q2 ናንጊና ናንጋ ጎዳ ማዔ ታ ፆኦዛሢዮ! ኔኤኒ ኮሺ ዼኤፒኬ፤
\q2 ቦንቾና ዼኤፑሞና ኔ ማይንቴኔ።
\q
\v 2 ኔ ኔና ፖዒና ካንቄኔ፤
\q2 ጫሪንጮ ኔኤኒ ዓፒላጉዲ ዳሬኔ።
\q
\v 3 ማኣሮ ኔኤሲ ኔኤኒ ሎ ዋኣፆ ዑፃ ማዤኔ፤
\q2 ሻኣሮ ኔኤኮ ሳርጌሎ ዖይቶ ማሄኔ፤
\q2 ዢባራ ኔኤኮ ጋኣሲ ማዔም ኔ ባራናኔ።
\q
\v 4 ኪኢታንቾ ኔኤኮ ኔ ዢባሬ
\q2 ዓይሎ ኔኤሲ ታሚ ሎስቴ ኔኤኒ ማሄኔ። \x - \xo 104፡4 \xo*\xt ዔብ. 1፡7።\xt*\x*
\b
\q
\v 5 ናንጊና ዓጊፁዋጉዲ
\q2 ሳዖ ማዢንቴ ቤዛ ዶዲሺ ኔ ዴይሤኔ።
\q
\v 6 ባዞና ዓፒላጉዲ ሳዖ ኔ ካንቄኔ፤
\q2 ዋኣፃ ዹኮኮ ቶኦኪና ማዔኔ።
\q
\v 7 ዔያቶ ኔ ጎሬ ዎዶና ጋዓንቴ ቤዞና ሺኢኬኔ፤
\q2 ኔኤኮ ጉጉንፆ ዑኡዞ ዔያታ ዋይዛዖ
\q2 ጳሽኪ ፑኔኔ።
\q
\v 8 ዹኮኮ ዑፃ ዔያታ ላኣሊንቴኔ፤
\q2 ኔኤኒ ዔያቶም ጊኢጊሼ፥ ዶኦጫዼ ጊንፆ ዎቴኔ።
\q
\v 9 ጊንሣ ዔያታ ሳዖ ዔኤዺ ባይዙዋጉዲ
\q2 ዑሣ ኬስኪያ ላኣሊንቱዋጉዲ
\q2 ጌዲ ኔ ጌሤኔ።
\b
\q
\v 10 ዓልቃ ዋኣፃ ዶኦጫዼ ጊንፆ ዎታንዳጉዲ ኔ ማሄኔ፤
\q2 ዹኮኮዋ ባኣኮና ዔያታ ዎታኔ።
\q
\v 11 ካዮ ቦዓ ዒኢካፓ ዑሽካኔ፤
\q2 ኪርሞላ ዒኢካፓ ዼኤቦ ፔኤሲ ዛኣራኔ።
\q
\v 12 ካፓ ማኣሮ ፔኤኮ ዎሮ ዓጫ ማዣኔ፤
\q2 ሚፆ ካኣፖ ባኣካኣ ዱላኔ።
\b
\q
\v 13 ኔኤኒ ሎ ኔ ማኣራፓ ዹኮ ዑሻኔ፤
\q2 ሳዓኣ ኔ ማዾ ዓኣፖ ሙይ ሚሽካኔ።
\q
\v 14 ቆልሞም ሳዓፓ ማኣቲ ኔ ባቃልሳኔ፤
\q2 ዓሲም ሙኡዚ ማኣዳንዳ ዱማ ዱማ ባኣዚ ኔ ኬሳኔ።
\q
\v 15 ዓሲ ዎዛሳ ዎይኔ
\q2 ዓኣፖ ካሮዋ ዓኣዒሳ ዛይቴ
\q2 ዎልቄ ዒንጊ ዶዲሻ ሃኣኮዋ ዒኢፓ ጴዻኔ።
\b
\q
\v 16 ዬያጉዲ ሃሣ ናንጊና ናንጋ ጎዳኮ ሚፃ
\q2 ዒዚ ቱኬ ሊባኖኦሴ ሚፃ ዋኣፆ ዑሽኪ ሚሽካኔ።
\q
\v 17 ካፓ ፔኤኮ ማኣሮ ዒኢካ ማዣኔ፤
\q2 ቦኦካሢ ዚቢቆ ባኣካ ዎርቆ ቤሲ ዴንቃኔ።
\q
\v 18 ዖዶዞ ዹካ ዎሻ ናንጋ ቤሲ
\q2 ላሎ ቆኦፓኣ ሾኦና ጌላ ቤሲኬ።
\b
\q
\v 19 ዓጊና ዎዶ ዱማሳንዳጉዲ ኔ ማዼኔ፤
\q2 ዓባኣ ፔ ጌላ ዎዶ ዔዔራኔ።
\q
\v 20 ሳዓ ኔ ዓሚሻዛ ዹሚ ማዓኔ፤
\q2 ዒማና ካዮ ቦዓ ቢያ ኬስኪ ዲርጊ ሺራኔ።
\q
\v 21 ሃጊ ዔቃ ዞባ ሙዖ ኮይ ጉዻኔ፤
\q2 ሙዖንዶ ባኮዋ ፆኦሲዳፓ ኮዓኔ።
\q
\v 22 ዓባ ፆርቃኣና ዓኣሺንቲ ካዮ ጌላኔ፤
\q2 ፔኤኮ ቡኡላ ቡኡላ ጌሊ ላሃኔ።
\q
\v 23 ዬካፓ ዓሳ ማዾይዳ ሶኦፓኔ፤
\q2 ሳዓ ዓማንዳያ ሄላንዳኣና ፔኤቃኔ።
\b
\q
\v 24 ናንጊና ናንጋ ጎዳሢዮ!
\q2 ማዻ ኔኤኮ ዎዚ ሚርጋይ!
\q2 ዬያ ቢያ ኔኤኒ ኔ ቢታንቶና ኮሼኔ፤
\q2 ሳዓ ኔኤኒ ማዤ ማዢንቶና ኩሜኔ።
\q
\v 25 ሃይ ዼኤፖ ባዛ ዳልጊና ሚጪንቴያኬ፤
\q2 ዼኤፒንታ ዻካ ቦዖንታ ፓይዲባኣ ዓጊፃ ባኣዚ ዒኢካ ዓኣኔ።
\q
\v 26 ዋኣፆ ካኣሚላ ዒኢካ ዑፃ ሃንታኔ፤
\q2 ኔኤኒ ማዤ ሌዋታኔያ\f + \fr 104፡26 \fr*\fq ሌዋታኔ \fq*\ft ሌዋታኔ ጌይንታ ቦዓሢ ጉርጉሮጉዴያ ዼኤፒ ቦዖ ዋኣሢዳ ናንጋያኬ። \ft*\f* ዒኢካ ዴማ ዓማላኔ። \x - \xo 104፡26 \xo*\xt ዒዮ. 41፡1፤ ዓይኑ. 74፡14፤ ዒሲ. 27፡1።\xt*\x*
\b
\q
\v 27 ዔያታ ሙዓንዳ ባኮ ዎዶና ኔ ዔያቶም ዒንጋኔ፤
\q2 ዬይ ቢያ ዎዛና ኔና ካፓኔ።
\q
\v 28 ኔኤኒ ዔያቶም ዒንጋ ዎዶና ዬያ ዔያታ ቡኩሳኔ፤
\q2 ኔኤኮ ኩጮ ኔ ቡላ ዎዶና
\q2 ኮሺ ባኣዚ ሙዒ ዔያታ ሚሽካኔ።
\q
\v 29 ዔያቶይዳፓ ዓኣፖ ካሮ ኔኤኮ ኔ ሺርሻዛ
\q2 ዲቃቲሢ ሌሊ ዔያታ ሚርጋኔ፤
\q2 ሼምፓሢ ኔ ዔያቶኮ ዔካዛ ሃሃይቃኔ፤
\q2 ኬስኬ ዓጮ ባንሢያ ማዓኔ።
\q
\v 30 ኔኤኮ ዓያኖ ኔ ዳካዛ ዔያታ ማማዢንታኔ፤
\q2 ሳዖዋ ኔኤኒ ዓኪ ማሃኔ።
\b
\q
\v 31 ናንጊና ናንጋ ጎዳኮ ቦንቻ ናንጊና ዶዲ ናንጎም፤
\q2 ዒዚ ፔኤኮ ማዼ ማዾና ዎዛዾንጎ።
\q
\v 32 ሳዖ ዒዚ ዛጋዛ ዓዓጊፃኔ፤
\q2 ዹኮዋ ካኣማዛ ጩጩባኔ።
\b
\q
\v 33 ታኣኒ ሼምፔና ዓኣና ናንጊና ናንጋ ጎዳም ዓይናዻንዳኔ፤
\q2 ዔቂ ታ ሃንታ ዎዳ ዒዛ ታ ዓኣሣንዳኔ።
\q
\v 34 ታኣኒ ናንጊና ናንጋ ጎዳና ዎዛዻሢጉዲ
\q2 ታ ማሊፃ ዒዛ ዎዛሶንጎ።
\q
\v 35 ጎሞ ዓሳ ሳዓፓ ባይቆንጎ!
\q2 ዋይዞ ዒፃ ዓሳ ማይ ሃይፓ ሴካ ጴዾፓ!
\b
\q ታ ሼምፔሌ! ናንጊና ናንጋ ጎዳ ዓንጄ!
\q ጋላቲያ ዒዛ ጋላቴ።
\c 105
\s1 ፆኦሲና ዒዛኮ ዴሮና
\r (1ፆኦሲ. ዓሃኬ 16፡8-22)
\q
\v 1 ናንጊና ናንጋ ጎዳ ጋላቱዋቴ፤
\q2 ሱንፆ ዒዛኮ ዔኤሉዋቴ፤
\q2 ማዾዋ ዒዛሲ ዴሮ ባኣካ ፔጋሲ ዻውዋቴ።
\q
\v 2 ናንጊና ናንጋ ጎዳም ጋላታ ዓይኑሞ ዓይናዹዋቴ፤
\q2 ዒዛኮ ዲቃሢ ሄርሺሳ ማዾዋ ቢያ ኬኤዙዋቴ።
\q
\v 3 ዱማዼ ሱንፆ ዒዛኮ ሄርሹዋቴ!
\q2 ናንጊና ናንጋ ጎዳ ኮዓ ዓሳ ቢያ ዎዛዾንጎ።
\q
\v 4 ናንጊና ናንጋ ጎዳንታ ዶዱሞዋ ዒዛኮ ኮዑዋቴ፤
\q2 ቢያ ዎዴ ዓኣፖ ካሮ ዒዛሲ ኮዑዋቴ።
\q
\v 5-6 ፆኦሲ ዓይላሢ ዓብራሃሜ ናይዮቴ!
\q2 ዒንሢ ያይቆኦቤ ናኣታ!
\q ፆኦሲ ማዼ ዲቃሢ ሄርሺሳ ባኮንታ ዒዚ ዒንጌ ዎጎንታ
\q2 ዒ ማዼ ዲቃሢ ሄርሺሳ ባኮዋ ማሊ ጶቂሡዋቴ።
\b
\q
\v 7 ዒዚ ናንጊና ናንጋ ጎዳ ማዔ ፆኦዛሢኬ፤
\q2 ዎጋ ዒዛሲ ዓጮ ቢያይዳኬ።
\q
\v 8 ዒ ጫኣቄ ጫኣቁሞ ዒዛሲ ናንጊና
\q2 ዒ ዓይሤ ቃኣሎዋ ሺያ ሾይንቲ ሄላንዳኣና
\q2 ማሌ ጎይሣኬ።
\q
\v 9 ዓብራሃሜና ዒዚ ጫኣቄ ጫኣቁሞ
\q2 ዪሳኣቄም ሳላዺ ዒ ዒንጌ ዎዞ ዋሉዋሴ። \x - \xo 105፡9 \xo*\xt ማዢ. ማፃ 12፡7፤ 17፡8፤ 26፡3።\xt*\x*
\q
\v 10 ያይቆኦቤም ዒ ዬያ ዳምቤ ማሂ
\q2 ዒስራዔኤሌማኣ ናንጊና ጫኣቄያ ማሂ ዶዲሼኔ።
\q
\v 11 ዒማና ዒዚ፦ «ኔ ዴኔ ማሂ
\q2 ካኣናኔ ታ ኔኤም ዒንጋንዳኔ» ጌዔኔ። \x - \xo 105፡11 \xo*\xt ማዢ. ማፃ 28፡13።\xt*\x*
\b
\q
\v 12 ዬይ ያዼ ማዔሢ ዔያቶኮ ፓይዳ ሚርጊባኣንቴ
\q2 ዬኖ ዓጬሎም ዔያታ ሾኦቺ ማዒ ዓኣንቴኬ።
\q
\v 13 ዬያ ዴሮ ኮራፓ ሜሌ ዴሬ ባንሢ
\q2 ፔቴ ዓጮፓ ሜሌ ዓጪ ባንሢ
\q2 ቤቲ ቤቲ ዔያታ ሜታዼኔ።
\q
\v 14 ዖኦኒያ ጌኔ ማዾ ዔያቶ ዑፃ ማዻንዳጉዲ ዒ ሃሺባኣሴ፤
\q2 ዔያቶ ዛሎሮ፦
\q
\v 15 «ታ ዶኦሜዞንሢ ሄሊፖቴ፤
\q2 ታ ማሊፆ ኬኤዛዚንሢ ዑፃ ፑርታ ማዺፖቴ» ጌዒ ካኣቶ ጎሬኔ። \x - \xo 105፡15 \xo*\xt ማዢ. ማፃ 20፡3-7።\xt*\x*
\b
\q
\v 16 ዓጮይዳ ዒ ናይዚ ዔኤሌኔ፤
\q2 ሃኣኮ ጎዖ ባኣዚያ ቢያ ባይዜኔ። \x - \xo 105፡16 \xo*\xt ማዢ. ማፃ 41፡53-57።\xt*\x*
\q
\v 17 ዓይሌ ማዒ ሻንቺንቴ ዓሢ
\q2 ዮሴፔ ዔያቶኮ ቤርታሲ ዳኬኔ። \x - \xo 105፡17 \xo*\xt ማዢ. ማፃ 37፡28፤ 45፡5።\xt*\x*
\q
\v 18 ዒማና ቶካ ዒዛኮ ዓንጊ ዱፄና
\q2 ዒዛኮ ዑፃኣ ዓንጊና ቱኡቴኔ።
\q
\v 19 ዒዛም ሎንሢንቴ ቃኣላ ኩማንዳያ ሄላንዳኣና
\q2 ናንጊና ናንጋ ጎዳኮ ቃኣላ ዮሴፔ ዎይታቴያ ጌዒ ዛጌኔ። \x - \xo 105፡19 \xo*\xt ማዢ. ማፃ 39፡20—40፡23።\xt*\x*
\q
\v 20 ዬካፓ ካኣቲ ዓሲ ዳኪ ዒዛ ቡሊሴኔ፤
\q2 ዓሶ ዎይሣሢያ ዒዛ ኬሴኔ። \x - \xo 105፡20 \xo*\xt ማዢ. ማፃ 41፡14።\xt*\x*
\q
\v 21 ማኣሮኮ ዓዳሢ
\q2 ፔኤኮ ዓኣ ባኮ ቢያ ዎይሣያ ዒዛ ማሄኔ። \x - \xo 105፡21 \xo*\xt ማዢ. ማፃ 41፡39-41።\xt*\x*
\q
\v 22 ዬይያ ሱኡጎ ዒ ፔ ዔራ ጎይፆ ማዺሻንዳጉዲ
\q2 ዼኤፖ ዓሶዋ ዔራቶ ዔርዛንዳጉዲኬ።
\b
\q
\v 23 ዒስራዔኤሌ ጊብፄ ዓኣዼኔ፤
\q2 ያይቆኦቤያ ካኣሜ ዓጫ ሙኬ ዓሲ ማዒ ናንጌኔ። \x - \xo 105፡23 \xo*\xt ማዢ. ማፃ 46፡6፤ 47፡11።\xt*\x*
\q
\v 24 ናንጊና ናንጋ ጎዳ ዴሮ ፔኤሲ ኮሺ ሚርጊሼኔ፤
\q2 ዔያቶኮ ሞርኮይዳፓ ባሼ ዶዲ ማሄኔ።
\q
\v 25 ፔኤኮ ዴሮ ዬይ ዓሳ ዒፃንዳጉዲ
\q2 ዒዛ ዓሶ ዑፃ ፑርቱሞ ማላንዳጉዲ
\q2 ዒኖ ዔያቶኮ ዱማሴኔ። \x - \xo 105፡25 \xo*\xt ኬሲ. ማፃ 1፡7-14።\xt*\x*
\b
\q
\v 26 ዒዛኮ ዓይላሢ ሙሴ
\q2 ዒዚ ዶኦሬ ዓኣሮኔያ ዳኬኔ። \x - \xo 105፡26 \xo*\xt ኬሲ. ማፃ 3፡1—4፡17።\xt*\x*
\q
\v 27 ዔያታ ፆኦሲ ፔ ዎልቆና ማዻ ማላቶ ዬያቶ ባኣካ
\q2 ዲቃሢ ሄርሺሳ ባኮዋ ካኣሜ ዓጮይዳ ማዼኔ።
\q
\v 28 ፆኦሲ ሳዖ ዹማንዳጉዲ ማሂ ዹሚሼኔ፤
\q2 ያዺ ማዔቴያ ጊብፄ ዓሳ ዓይሢፆ ዒዛሲ ኩንሢባኣሴ። \x - \xo 105፡28 \xo*\xt ኬሲ. ማፃ 10፡21-23።\xt*\x*
\q
\v 29 ዋኣፆ ዔያቶኮ ዒ ሱጉሢ ማሄኔ፤
\q2 ሞላሢያ ዎዼኔ። \x - \xo 105፡29 \xo*\xt ኬሲ. ማፃ 7፡17-21።\xt*\x*
\q
\v 30 ዔያቶኮ ዓጮንታ ካኣቲ ማኣራኣ ዓቱዋንቴ
\q2 ፓንቃ ኩሚ ካራ ባይዜኔ፤ \x - \xo 105፡30 \xo*\xt ኬሲ. ማፃ 8፡1-6።\xt*\x*
\q
\v 31 ፆኦሲ ዓይሣዛ፥ ዉፃሌ ሻኣሬጉዴያ ሙኬኔ፤
\q2 ጉኡኔያ ዓጮ ዔያቶኮ ባይዜኔ። \x - \xo 105፡31 \xo*\xt ኬሲ. ማፃ 8፡16-17፤ 20፡24።\xt*\x*
\q
\v 32 ዒሮ ዔያቶኮ ዒ ሻቺ ማሄኔ፤
\q2 ሳዖ ዔያቶሲ ቢያ ጉጉንሢ ዱኬኔ።
\q
\v 33 ዎይኖ ሚፆንታ ቤሌሶዋ ባይዜኔ፤
\q2 ዓጫ ዓኣ ሚፆ ሜንሢ ዒ ጋኣጬኔ። \x - \xo 105፡33 \xo*\xt ኬሲ. ማፃ 9፡22-25።\xt*\x*
\q
\v 34 ፆኦሲ ዓይሣዛ ዓቢሢ ሙኬኔ፤
\q2 ሃይማኬ ጌይንቱዋ ማካ ቤዞና ዬዔኔ።
\q
\v 35 ሳዖይዳ ባቃሌ ባኮ ቢያ ሙዔኔ፤
\q2 ዔያቶኮ ጎሽኮና ጎዦዋ ፒፂ ባይቄኔ። \x - \xo 105፡35 \xo*\xt ኬሲ. ማፃ 10፡12-15።\xt*\x*
\q
\v 36 ዔያቶኮ ዓጮይዳ ዓኣ ቆልሞኮ ቤርቶ ናኣቶንታ
\q2 ዓሶኮዋ ቶይዶ ናኣቶ ቢያ ዎዼኔ። \x - \xo 105፡36 \xo*\xt ኬሲ. ማፃ 12፡29።\xt*\x*
\b
\q
\v 37 ዒማና ዒስራዔኤሌ ዓሳ ቢሮንታ ዎርቆንታ
\q2 ጫኣኒ ዔኪ ኬስካንዳጉዲ ዒ ማዼኔ፤
\q2 ዔያቶ ዜርፃፓ ፔቴታዖ ጊንሢም ዓቲባኣሴ።
\q
\v 38 ጊብፄ ዓሳ ዔያቶ ሚርጌና ዒጊጬሢሮ
\q2 ኬስኪ ዔያታ ዓኣዻኣና ዎዛዼኔ። \x - \xo 105፡38 \xo*\xt ኬሲ. ማፃ 12፡33-36።\xt*\x*
\q
\v 39 ሻኣሮ ዔያቶም ጎኦቦ ዓቢላጉዲ ጌሤኔ፤
\q2 ዋንቶ ታሚ ዔያቶም ዒ ፖዒሴኔ። \x - \xo 105፡39 \xo*\xt ኬሲ. ማፃ 13፡21-22።\xt*\x*
\q
\v 40 ዔያታ ዒዛ ዖኦጫዛ ፑሮ ዔያቶም ዒ ዳኬኔ፤
\q2 ጫሪንጮ ካሦዋ ሙኡዚ ሚሼኔ። \x - \xo 105፡40 \xo*\xt ኬሲ. ማፃ 16፡2-15።\xt*\x*
\q
\v 41 ላሎ ዒ ዳርዜም ዋኣሢ ጎዔኔ፤
\q2 ዓሲ ናንጉዋ ዳውሎይዳ ዎርዚጉዲ ዎቴኔ። \x - \xo 105፡41 \xo*\xt ኬሲ. ማፃ 17፡1-7፤ ፓይ. ማፃ 20፡2-13።\xt*\x*
\q
\v 42 ፔኤኮ ዓይላሢ ዓብራሃሜም ዒ ዒንጌ
\q2 ዱማዼ ዎዞ ቃኣሎ ማሌኔ።
\b
\q
\v 43 ዴሮ ፔኤኮ ዎዛና
\q2 ዒ ዶኦሬዞንሢያ ዒላሺሲ ኬሴኔ።
\q
\v 44 ሜሌ ዴሮ ዓጮ ዔያቶም ዒንጌኔ፤
\q2 ዬያታ ላቤ ላቢፆ ሃኣታ ዔኬኔ። \x - \xo 105፡44 \xo*\xt ዒያ. 11፡16-23።\xt*\x*
\q
\v 45 ዬይያ ዳምቦ ዒዛኮ ዔያታ ካፓንዳጉዲ
\q2 ዎጎ ዒዛሲያ ማዺ ኩንሣንዳጉዲኬ።
\b
\q ናንጊና ናንጋ ጎዳም ጋላታ!
\c 106
\s1 ፆኦሲ ፔ ዴሮም ኮሽካ ኮሹሞ
\q
\v 1 ናንጊና ናንጋ ጎዳ ጋላቱዋቴ!
\q2 ዒዚ ኮሺታሢሮና ናሹማኣ ናንጊና ናንጋያታሢሮ
\q2 ዒዛ ጋላቱዋቴ! \x - \xo 106፡1 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ ዒዝ. 3፡11፤ ዓይኑ. 100፡5፤ 107፡1፤ 118፡1፤ 136፡1፤ ዔር. 33፡11።\xt*\x*
\q
\v 2 ናንጊና ናንጋ ጎዳ ማዻ ዼኤፖ ማዾ ዛሎ
\q2 ዖኦኒ ኬኤዛኒ ዳንዳዓይ?
\q2 ዒዛም ማዓ ጋላቶዋ ቢያ ዖ ኬኤዚ ጋፒሳንዳይ?
\q
\v 3 ፒዜ ዎጌ ዎቡዋጉዲ ካፓዞንሢ
\q2 ቢያ ዎዴ ፂሎ ማዔዞንሢ
\q2 ዓንጂንቴያኬ።
\b
\q
\v 4 ናንጊና ናንጋ ጎዳሢዮ!
\q2 ኔኤኮ ዴሮ ኔ ማኣዳ ዎዶና ማሊ ጶቂሤ፤
\q2 ዔያቶ ኔ ዓውሳ ዎዶና ታና ማሌ።
\q
\v 5 ዬይያ ኔኤኒ ዶኦሬዞንሢኮ ዖርጎቹሞ ታ ዛጋኒ
\q2 ኔ ዴሮ ዎዞና ታ ዎዛዻኒ
\q2 ኔ ዓሶና ዎላ ታ ኔና ሄርሻንዳጉዲኬ።
\b
\q
\v 6 ኑኡኒ ኑ ዓዶንሢጉዲ ጎሜ ማዼኔ፤
\q2 ኑ ዻቢንቴኔ፥ ፑርታ ማዼኔ።
\q
\v 7 ኑኡኮ ዓዶንሢ ጊብፄ ዓጫ ዓኣዖ
\q2 ኔ ዎልቆና ማዺንታ ዓኮ ባኮ ማሊ ጶቂሢባኣሴ፤
\q2 ኔኤኮ ሚጪንቲፆ ሚርጉሞዋ ዔያታ ማሊባኣሴ፤
\q2 ዞቄ ባዞ ዓጫ ዋይዚ ኔኤም ዒፄኔ። \x - \xo 106፡7 \xo*\xt ኬሲ. ማፃ 14፡10-12።\xt*\x*
\q
\v 8 ዒዚ ጋዓንቴ ፔ ዎልቆኮ ዼኤፑሞ ቤኤዛኒ
\q2 ፔ ሱንፆሮ ዔያቶ ዒ ዓውሴኔ።
\q
\v 9 ዞቄ ባዞ ዒ ጎሬኔ፤
\q2 ባዛኣ ሚጬኔ፤
\q ዓሲ ናንጉዋ ዳውሌ ቦኦሊና ዓኣዾሢጉዲ
\q2 ዋኣፆ ዔቶኮ ባኣኪና ዔኪ ዔያቶ ዒ ዓኣዼኔ።
\q
\v 10 ዔያቶ ዒፃ ዓሶ ኩጫፓ ዒ ዓውሴኔ፤
\q2 ሞርኮ ኩጫፓኣ ዒ ሄሊ ዓይሴኔ።
\q
\v 11 ሞርኮ ዔያቶኮ ዋኣፃ ሙዔኔ፤
\q2 ዬያ ሞርኮይዳፓ ፔቴታዖ ቶሊ ዓቲባኣሴ።
\q
\v 12 ዬካፓ ዔያታ ዔያቶም ኬኤዞና ቃኣሎ ጉሙርቄኔ፤
\q2 ዓይኑሞናኣ ዒዛ ጋላቴኔ። \x - \xo 106፡12 \xo*\xt ኬሲ. ማፃ 14፡31።\xt*\x* \x - \xo 106፡12 \xo*\xt ኬሲ. ማፃ 15፡1-21።\xt*\x*
\b
\q
\v 13 ጋዓንቴ ዔያታ ዒ ማዼ ባኮ ቤዞና ዋሌኔ፤
\q2 ዒዛኮ ዞሮና ዓኣዻኒ ጊቢ ዳንዳዒባኣሴ።
\q
\v 14 ዓሳ ናንጉዋ ዳውሎይዳ ሱኡካዺሢ ዔያታ ዓርቄኔ፤
\q2 ዒኢካ ፆኦሲ ዎይታቴያ ጌዒ ዒዛ ዛጌኔ።
\q
\v 15 ዒዚ ዔያታ ዒዛ ዖኦጬሢ ዔያቶም ዒንጌኔ፤
\q2 ጋዓንቴ ዔያቶ ዖኦፒሳ ዶርዓ ዳኪንቴኔ። \x - \xo 106፡15 \xo*\xt ፓይ. ማፃ 11፡4-34።\xt*\x*
\b
\q
\v 16 ጉርዶይዳ ዔያታ ዓኣዖ
\q2 ሙሴንታ ፆኦሲም ዱማዼ ዓኣሮኔንታ
\q2 ማዻ ማዾ ዛጊ «ዬይ ዔያቶም ሌሊ ዓይጋ ማዔይ» ጌዒ ማሌኔ።
\q
\v 17 ሳዓ ዳርዒ ዳኣታኔ ጎዖሢ ዔኤዼኔ፤
\q2 ዓቤሮኔንታ ዒዛኮ ማኣሮ ዓሶዋ ጉኡፔኔ።
\q
\v 18 ዔያቶኮ ቡኪንቶ ባኣካ ታሚ ዔኤቴኔ፤
\q2 ሎስታሢ ፑርቶ ዓሶ ሚቺ ባይዜኔ። \x - \xo 106፡18 \xo*\xt ፓይ. ማፃ 16፡1-35።\xt*\x*
\b
\q
\v 19 ዔያታ ኮሬቤ ጌይንታ ቤዛ ዓኣዖ ዎርቄና ናኣሪ ኮሼኔ፤
\q2 ዬያ ዓንጎ ሼኤሺ ማዦና ፆኦዞም ዚጌኔ።
\q
\v 20 ዔያቶኮ ቦንቾ ማዔ ፆኦዛሢ ዔያታ
\q2 ማኣቶ ሄንቃ ቆልሞ ማላ ባኮና ላኣሜኔ።
\q
\v 21 ጊብፄ ዓጮይዳ ዼኤፒ ባኣዚ ማዺ
\q2 ዔያቶ ዓውሴ ፆኦዛሢ ዔያታ ዋሌኔ።
\q
\v 22 ዒዚ ጋዓንቴ ካኣሜ ዓጮይዳ ዲቃሣ ማዾ
\q2 ዞቄ ባዞይዳኣ ዲቃሢ ሄርሺሳ ባኣዚ ማዼኔ።
\q
\v 23 ዬያሮ ዱማ ዱማ ዎዻ ባኮና
\q2 ዔያቶ ዒ ባይዙዋጉዲ ማዻኒ
\q ዒዚ ዶኦሬ ሙሴ ፆኦሲንታ ዔያቶንታ ባኣኮ ጌሊ
\q2 ዒዛኮ ቤርታ ዔቂባኣያታቴ
\q2 ዔያቶ ዒ ባይዛንዳሢ ኬኤዜያኬ። \x - \xo 106፡23 \xo*\xt ኬሲ. ማፃ 32፡1-14።\xt*\x*
\b
\q
\v 24 ዬካፓ ዔያታ ኮዦ ዓጬሎ ቶኦቼኔ፤
\q2 ዒዚ ዔያቶም ዒንጌ ዎዞ ቃኣሎዋ ጉሙርቂባኣሴ።
\q
\v 25 ዔያታ ዓፒሎና ማዢንቴ ፔ ማኣራ ማኣራ ጉንዱሜኔ፤
\q2 ናንጊና ናንጋ ጎዳሢ ዑኡዞዋ ዋይዚባኣሴ።
\q
\v 26 ዓሳ ናንጉዋ ዳውሎ ቦኦላ ዔያቶ ኬኤራኒ
\q2 ኩጮ ፔኤሲ ዔቂሲ ዒ ጫኣቄኔ። \x - \xo 106፡26 \xo*\xt ፓይ. ማፃ 14፡1-35።\xt*\x*
\q
\v 27 ዜርፆ ዔያቶኮ ዒ ሜሌ ዴሮ ባኣካ ሃሻኒ
\q2 ዱማ ዱማ ዓጮ ዔያቶ ላኣላኒ ጫኣቄኔ። \x - \xo 106፡27 \xo*\xt ሌዊ. ዓኬ 26፡33።\xt*\x*
\b
\q
\v 28 ዔያታ ፔና ቢዔልፔጎሬና ዎላ ፔቴ ማሄኔ፤
\q2 ሼምፓባኣ ፆኦዞም ሹኮና ዓሽኮዋ ሙዔኔ።
\q
\v 29 ዔያታ ፔ ማዾና ናንጊና ናንጋ ጎዳ ዻጋሴኔ፤
\q2 ዱማ ዱማ ባይዛ ባካ ዔያቶ ሄሌኔ።
\q
\v 30 ጋዓንቴ ፒንሃሴ ዔቂ
\q2 ዻቢንቶ ማዼ ዓሶ ዎዼ ዎዶና
\q2 ዱማ ዱማ ዎዻ ባካ ዎዺፆ ሃሼኔ።
\q
\v 31 ዬይያ ሾይንቲፓ ሾይንቲ ሄላንዳኣና
\q2 ናንጊና ዒዛም ፂሉሞ ማዒ ፓይዲንቴኔ።
\q
\v 32 ዬያጉዲ ሃሣ ሜሪባ ጌይንታ ዋኣፆ ዓጫ
\q2 ናንጊና ናንጋ ጎዳ ዔያታ ዻጋሴኔ፤
\q2 ሙሴያ ዬያ ዛሎና ሜቶይዳ ኬዴኔ።
\q
\v 33 ሙሴ ዔያታ ዻጋሴሢሮ
\q2 ዒዚ ኮይሱዋ ዑኡሲ ፔ ዻንጋፓ ኬሴኔ። \x - \xo 106፡33 \xo*\xt ፓይ. ማፃ 20፡2-13።\xt*\x*
\b
\q
\v 34 ናንጊና ናንጋ ጎዳ ዔያቶ ዓይሤ
\q2 ሜሌ ዴሮ ባይዚፆ ዔያታ ሃሼኔ።
\q
\v 35 ዔያታ ሜሌ ዴሮና ዎላ ሲኢሪንቴኔ፤
\q2 ዬይ ዓሳ ማዺ ሃንታ ባኮ ዔያታኣ ዔሬኔ።
\b
\q
\v 36 ዬያቶኮ ካኣሽኮ ፆኦዞዋ ዔያታ ካኣሽኬኔ፤
\q2 ዬይ ዔያቶም ፒሮ ማዔኔ። \x - \xo 106፡36 \xo*\xt ሱኡጎ. ማፃ 2፡1-3፤ 3፡5-6።\xt*\x*
\q
\v 37 ዔያቶኮ ዓቲንቆንታ ዉዱሮ ናኣቶንታ
\q2 ፑርቶ ዓያኖም ዔያታ ሹኬኔ። \x - \xo 106፡37 \xo*\xt 2ካኣቶ. ማ 17፡17።\xt*\x*
\q
\v 38 ዔያቶኮ ዓቲንቆንታ ዉዱሮ ናኣቶንታኮ ጌኤዦ ሱጉፆ
\q2 ሜሌ ካኣናኔ ፆኦዞም ላኣሊፆና
\q2 ሳዔሎ ሱጉሢ ሳዓ ማሂ ዔያታ ዒኢሴኔ። \x - \xo 106፡38 \xo*\xt ፓይ. ማፃ 35፡33።\xt*\x*
\q
\v 39 ዔያታ ፔ ማዾና ዒኢቴኔ፤
\q2 ዞኦስካ ኮኦማ ላኣሊጉዲ ፔ ፆኦዛሢም ዔያታ ጉሙርቂንቲባኣሴ።
\b
\q
\v 40 ዬያሮ ናንጊና ናንጋ ጎዳኮ ዻጋ
\q2 ዒዛ ዴሮ ዑፃ ዔኤቴኔ፤
\q2 ፔ ዓሶዋ ዒ ሻኣኪንቴኔ። \x - \xo 106፡40 \xo*\xt ሱኡጎ. ማፃ 2፡14-18።\xt*\x*
\q
\v 41 ዔያቶ ዒዚ ሜሌ ዴሮም ዓኣሢ ዒንጌኔ፤
\q2 ሞርካ ዔያቶኮ ዔያቶ ዎይሣያ ማዔኔ።
\q
\v 42 ሞርካ ሄርቂ ዔያቶ ዎሣያ ማዔኔ፤
\q2 ፔ ቢታንቶኮ ዴማ ማሄኔ።
\q
\v 43 ዒዚ ሚርጌ ዎዴና ዔያቶ ሄሊ ዓውሴኔ፤
\q2 ዔያታ ጋዓንቴ ዋይዚ ዒፂሢ «ኑ ሃሻዓኬ» ጌዔኔ፤
\q2 ፔ ጎሞና ዔያታ ዻውሲንቴኔ።
\q
\v 44 ጋዓንቴ ዒላቶ ዔያቶኮ ዒ ዋይዜ ዎዶና
\q2 ሜታሢ ዔያቶኮ ዛጌኔ።
\q
\v 45 ዔያቶሮ ጌይጋፓ ጫኣቄ ጫኣቁሞ ዒ ማሌኔ፤
\q2 ዒዛኮ ዓኣ ሚጪንቲፆ ሚርጉሞጉዴያ
\q2 ዻጋፓ ዒ ማዔኔ።
\q
\v 46 ዔያቶ ዲዒ ዔኬ ዓሳ ቢያ
\q2 ሚጪንታንዳጉዲ ዒ ማዼኔ።
\b
\q
\v 47 ናንጊና ናንጋ ጎዳ ማዔ ኑ ፆኦዛሢዮ! ዓውሴ ኑና፤
\q ኔኤኮ ዱማዼ ሱንፆም ጋላታ ኑ ሺኢሻንዳጉዲ
\q2 ኔና ኑ ኬኤዚ ሄርሻንዳጉዲ
\q ዴሮ ባኣካፓ ቡኩሲ ኑና ኔ ዔኪ ዬዔኔ።
\b
\q
\v 48 ናንጊና ናንጋ ጎዳ ማዔ ዒስራዔኤሌ ፆኦዛሢ
\q2 ናንጊፓ ናንጊ ሄላንዳኣና ዓንጂንቶንጎ!
\q2 ዴራ ቢያ ዓኣሜን ጎዖንጎ፤
\q2 ናንጊና ናንጋ ጎዳ ጋላቱዋቴ! \x - \xo 106፡48 \xo*\xt 1ፆኦሲ. ዓሃኬ 16፡35-36።\xt*\x*
\b
\c 107
\ms ዶንጋሳ ፓቂፆ
\mr (ዓይኑ. ማፃ ዓይ. 107—150)
\s1 ፆኦሲ ኮሹሞ ዛሎ ጋላቲንቴ ጋላታ
\q
\v 1 ኮሺ ማዔሢሮ ናንጊና ናንጋ ጎዳ ጋላቱዋቴ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 107፡1 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 100፡5፤ 106፡1፤ 118፡1፤ 136፡1፤ ዔር. 33፡11።\xt*\x*
\q
\v 2 ናንጊና ናንጋ ጎዳ ማሂ ሻንቂ ዓውሴ ዓሳ
\q2 ዒዚ ሞርኮ ኩጫፓ ሄሊ ዓውሴ ዓሳ
\q2 ሂዚ ጎዖንጎ፦
\q
\v 3 ዓባ ኬስካ ባንፃፓ
\q2 ጌላ ባንፃፓ
\q2 ኬዶ ዛሎና ዾኦሎ ዛሎናይዳፓ
\q2 ዓጮ ቢያይዳፓ ቡኬ ዓሳ ሂዚ ጎዖንጎ።
\b
\q
\v 4 ፔቴ ፔቴዞንሢ ዓሲ ናንጉዋ ዳውላ ዣኣሊ ሃንቴኔ፤
\q2 ዔያታ ናንጋ ካታሞ ሄሊሳ ጎይፆዋ ባይዜኔ።
\q
\v 5 ናይዺንቴኔ፥ ዼኤቢንቴኔ፤
\q2 ማሊፃኣ ዔያቶኮ ላቤኔ።
\q
\v 6 ዔያታ ሜታዼ ዎዶና ናንጊና ናንጋ ጎዳ ባንሢ ዒላቴኔ፤
\q2 ዒዚያ ሜታሢዳፓ ዔያቶ ዓውሴኔ።
\q
\v 7 ዔያታ ናንጋ ካታሞ ባንሢ
\q2 ፒዜ ጎይሢና ዔኪ ዓኣዼኔ።
\q
\v 8 ናንጊና ናንጋ ጎዳኮ ሚጪንቲፆ ዛሎሮ
\q2 ዓሶማኣ ዒ ማዼ ዲቃሢ ሄርሺሳ ማዾሮ
\q2 ዒዛ ጋላቶንጎ።
\q
\v 9 ዒዚ ዼኤቢንቴ ዓሶኮ ዼኤቦ ማሃኔ፤
\q2 ናይዺንቴ ዓሶዋ ኮሺ ባኣዚ ሙኡዚ ሚሻኔ።
\b
\q
\v 10 ፔቴ ፔቴ ዓሳ ካኒ ቢራታና ቱኡቲ
\q2 ሄርቂንቲያ ሜታዺ
\q2 ሻኔ ዹሚዳኣ ዴዔኔ።
\q
\v 11 ፆኦሲ ቃኣሎ ዋይዞ ዒፂፆና
\q2 ዼኤፖ ፆኦዛሢኮ ዞሮ ዔያታ ቶኦቼኔ።
\q
\v 12 ዬያሮ ዎልቄ ማዾ ማዺሲሢና ዒኖ ዔያቶኮ ዒ ላቢሴኔ፤
\q2 ጋፒ ዔያታ ላቤኔ፥ ማኣዳያ ጴዺባኣሴ።
\q
\v 13 ዔያታ ሜታዼ ዎዶና ናንጊና ናንጋ ጎዳ ባንሢ ዒላቴኔ፤
\q2 ዒዚያ ሜታሢዳፓ ዔያቶ ዓውሴኔ።
\q
\v 14 ሻኔ ዹሞይዳፓ ዔያቶ ዒ ኬሴኔ፤
\q2 ቱኮና ካኖ ቢራቶዋ ሜንሤኔ።
\q
\v 15 ናንጊና ናንጋ ጎዳ ዒዛኮ ጋፑዋ ሚጪንቲፆሮ
\q2 ዓሶማኣ ዒ ማዼ ዲቃሢ ሄርሺሳ ማዾሮ
\q2 ዔያታ ዒዛ ጋላቶንጎ።
\q
\v 16 ዒዚ ሞኦኖ ዓንጎና ዎዾና ካሮ ሜንሤኔ፤
\q2 ዓንጎ ጋጋርዞዋ ሾኦሌኔ።
\b
\q
\v 17 ፔቴ ፔቴ ዓሳ ዋይዞ ዒፂፃፓ ዔቄያና ዔኤያ ማዔኔ፤
\q2 ዻቢንታፓ ዔቄያናኣ ሜቶይዳ ኬዴኔ።
\q
\v 18 ዑፃ ዔያቶኮ ዱማ ዱማ ሙዖ ሻኣኪንቴኔ፤
\q2 ሃይቃኒ ዔያታ ዑኬኔ።
\q
\v 19 ዔያታ ሜታዼ ዎዶና ናንጊና ናንጋ ጎዳ ባንሢ ዒላቴኔ፤
\q2 ዒዚያ ዔያቶ ሜታሢዳፓ ዓውሴኔ።
\q
\v 20 ዒዚ ፔ ቃኣሎ ዳኪ ዔያቶ ፓሤኔ፤
\q2 ዱኡካኒ ዔኪ ዓኣዾንቴያ ዓውሴኔ።
\q
\v 21 ናንጊና ናንጋ ጎዳ ዒዛኮ ጋፑዋ ሚጪንቲፆሮ
\q2 ዓሶማኣ ዒ ማዼ ዲቃሢ ሄርሺሳ ማዾሮ
\q2 ዔያታ ጋላቶንጎ።
\q
\v 22 ጋላታ ዒዛም ዒንጎ ባኣዚ ማሂ ዔያታ ሺኢሾንጎ፤
\q2 ማዾ ዒዛኮ ዎዛሳ ዓይኑሞና ፔጋሲ ዔርዞንጎ።
\b
\q
\v 23 ፔቴ ፔቴ ዓሳ ዋኣፆ ካኣሚሎና
\q2 ባዞ ባንሢ ኬዴኔ፤
\q2 ዼኤፖ ዋኣፆ ዑፃኣ ፔ ማዾ ማዼኔ።
\q
\v 24 ናንጊና ናንጋ ጎዳኮ ማዾ ዒኢካ ዔያታ ዛጌኔ፤
\q2 ዒዛኮ ዲቃሢ ሄርሺሳ ማዾ ዼኤፖ ዋኣፆይዳ ዴንቄኔ።
\q
\v 25 ዒዚ ዓይሢ ዓልጎ ዢባሮ ዢባርሺሴኔ፤
\q2 ዢባራኣ ዋኣፆ ዓጊሢ ዴቼኔ።
\q
\v 26 ሌካ ጫሪንጮ ኬስኬኔ፥ ሊካ ዴሞዋ ኬዴኔ፤
\q2 ሜታሢዳፓ ዔቄያና ጎጳ ዔያቶኮ ዋኣፄኔ።
\q
\v 27 ዓዳ ማሢንቴ ዓሲጉዲ ዓኣፓ ሺሬም
\q2 ሴካ ሃንጋ ዔያታ ቡኡዲንቴኔ፤
\q ጎዖንዶ ጎይፆንታ ማዾንዶሢኮዋ
\q2 ካራ ዔያቶም ባይቄኔ።
\q
\v 28 ዔያታ ሜታዼ ዎዶና ናንጊና ናንጋ ጎዳ ባንሢ ዒላቴኔ፤
\q2 ዒዚያ ሜታሢዳፓ ዔያቶ ዓውሴኔ።
\q
\v 29 ዓልጋሢ ዢባሮ ዒ ዚቲዴኔ፤
\q2 ባዞ ጉዳሢያ ዓጊፆ ላኣጌኔ።
\q
\v 30 ዬይ ዚቲዮ ጌዔሢሮ ዔያታ ዎዛዼኔ፤
\q2 ዔያታ ዔቂሳኒ ማሌ ዋኣፆ ካኣሚሎ ቤዞ
\q2 ዒ ዔያቶ ሄሊሴኔ።
\q
\v 31 ናንጊና ናንጋ ጎዳ ዒዛኮ ጋፑዋ ሚጪንቲፆሮ
\q2 ዓሶማኣ ዒዚ ማዼ ዲቃሢ ሄርሺሳ ማዾሮ
\q2 ዔያታ ዒዛ ጋላቶንጎ።
\q
\v 32 ዴራ ቡኪንታ ቤዛ ዒዛ ዼግ ዼጊዶንጎ፤
\q2 ጋርቾ ዓሶ ቡኪንቶይዳኣ ዒዛ ሄርሾንጎ።
\b
\q
\v 33 ዎሮ ዒዚ ዓሳ ናንጉዋ ዳውሎ ባንሢ
\q2 ዓልቃ ዋኣፆዋ ዶዲ ሳዓ ማሄኔ።
\q
\v 34 ዒኢካ ናንጋ ዓሶኮ ፑርቱማፓ ዔቄያና
\q2 ኮዦ ዓጬሎ ሶኦጌና ሲኢሪንቴያ ዒ ማሄኔ።
\q
\v 35 ዓሲ ናንጉዋ ዳውሎ ቦኦሎ ዋኣሢ ዴዓያ
\q2 ሜሎ ሳዖዋ ዓልቃ ዋኣሢ ዒ ማሄኔ።
\q
\v 36 ናይዺንቴ ዓሶ ዒ ዒኢካ ጌሤኔ፤
\q2 ዔያታ ናንጋ ካታማኣ ማዤኔ።
\q
\v 37 ጎዦይዳ ዔያታ ዜርቄኔ፥ ዎይኔያ ቱኬኔ፤
\q2 ሚርጌ ባኣዚያ ካፂሴኔ።
\q
\v 38 ዔያቶ ዒ ዓንጄኔ፥ ኮሺያ ዔያታ ሚርጌኔ፤
\q2 ዔያቶኮ ባኣቶ ፓይዶዋ ዒ ዻኪሲባኣሴ።
\b
\q
\v 39 ካራ ዔያታ ባይዚ ሜታዺ ዖዪሢና
\q2 ፓይዳ ዔያቶኮ ዻኬም ቦርሲንቴኔ፤
\q
\v 40 ቢቶ ዓሶ ፆኦሲ ዻውሲሴኔ፤
\q2 ዓሳ ናንጉዋ ዳውሎ ማኣሻሎይዳ
\q2 ሜታዺ ሃንታንዳጉዲ ማዼኔ።
\q
\v 41 ሜታዼ ዓሶ ጋዓንቴ ሜታሢዳፓ ጎቺ ዒ ኬሴኔ፤
\q2 ዔያቶኮ ማኣሮ ዓሶዋ ማራይጉዲ ሚርጊሼኔ።
\q
\v 42 ዒኖ ፒዜ ዓሳ ዬያ ዛጊ ዎዛዻኔ፤
\q2 ፑርቶ ማዻ ዓሳ ጋዓንቴ ቦርሲንቲ ዚቲ ጋዓኔ።
\b
\q
\v 43 ዓካሪ ዖኦኒያ ጪንጫ ማዔቴ
\q2 ሃያ ባኮ ዒና ዔኮንጎ፤
\q2 ዬያይዳሢ ናንጊና ናንጋ ጎዳኮ ሚጪንቲፆ ማሊ ጶቂሦንጎ።
\c 108
\s1 ዳውቴኮ ጋላቶ ዓይኑሞ
\d ፆኦሲዳፓ ማኣዶ ዴንቃኒ ሺኢቂንቴ ሺኢጲሢ
\r (ዓይኑ. 57፡7-11፤ 60፡5-12)
\q
\v 1 ፆኦሲዮ! ዒና ታኣኮ ኔና ጉሙርቂ ሂርጉዋሴ፤
\q2 ታኣኒ ዓይናዻንዳኔ፤
\q2 ጎኔ ዒናፓኣ ታ ዓይናዻንዳኔ።
\q
\v 2 ሚርጌ ሻዦ ዴንሢ ዋርቆ ጎኦሎንታ
\q2 ሜሌ ዓይኑሞ ዓንጋማኣ ዔቁዋቴ፤
\q2 ታኣኒያ ሚኢሪ ዔቃንዳኔ።
\q
\v 3 ናንጊና ናንጋ ጎዳሢዮ! ዴሮ ባኣካ ታ ኔና ጋላታኔ፤
\q2 ዓሶ ባኣካኣ ታ ኔኤም ዓይናዻኔ።
\q
\v 4 ሚጪንቲፃ ኔኤኮ ጫሪንጫፓ ዑሣ ዼኤፒኬ፤
\q2 ጉሙርቂንቲፃኣ ሌካ ሻኣሮ ሄላኔ።
\b
\q
\v 5 ፆኦሲዮ! ኔኤኒ ጫሪንጫፓ ዑሣ ሌካ ዼግ ዼጊ ጌዔ፤
\q2 ቦንቻ ኔኤሲ ሳዖ ዑፃ ቢያ ማዖንጎ።
\q
\v 6 ኔ ናሽካ ዴራ ዻቃንዳጉዲ
\q2 ኔኤኮ ሚዛቆ ኩጮና ታና ዓውሴ፤
\q2 ታኣም ዋይዜ።
\b
\q
\v 7 ፆኦሲ ፔኤኮ ዱማዼ ማኣራፓ ሂዚ ጌዔኔ፦
\q2 «ታኣኒ ባሺ ሴኬሜ ዶኦጮ ፓቃንዳኔ፤
\q2 ሱኩቴ ዶኦጮዋ ታ ዴሮም ታ ጊሽካንዳኔ።
\q
\v 8 ጌሌዓዴንታ ሚናሴንታ ታኣሮኬ፤
\q2 ዔፕሬኤሜ ታኣኮ ዖሎሮ ቶኦካ ዓጎ ዓንጎ ቆኦባሢኬ፤
\q2 ዪሁዳ ታኣኮ ካኣቱሞ ኮኦሎኬ።
\q
\v 9 ሞዓኣቤ ታኣኮ ዋኣፆ ማስቶ ጎንጎኬ፤
\q2 ዔዶኦሜይዳ ታ ዱርዞ ታኣኒ ኬሲ ጌሣንዳኔ፤
\q2 ፒሊስፄኤሜ ዓሶ ባሺ ታኣኒ ሜርታንዳኔ።»
\b
\q
\v 10 ኬልቂ ዲርቆና ካታሜሎ ባንሢ ዖ ታና ዔኪ ዓኣዻንዳይ?
\q2 ዔዶኦሜያ ዖ ታና ሄሊሳንዳይ?
\q
\v 11 ፆኦሲዮ! ኬኤሪ ታና ሃሼሢ ኔናቱዋዓዳ?
\q2 ኑኡኮ ዖላ ዓሶና ዎላ ኬዞ ኔ ዒፄኔ።
\q
\v 12 ሃሢያ ዓሲ ዓሲ ዓውሳኔ ጎዖሢ ጉሪኬ፤
\q2 ኑ ሞርኮ ኑ ባሻንዳጉዲ ኔ ኑና ማኣዴ።
\q
\v 13 ፆኦሲ ኑና ማኣዳዛ ዶዲ ኑ ማዓንዳኔ፤
\q2 ኑ ሞርኮ ኑ ቶኮ ዴማ ሄርቂሳንዳሢ ዒዛኬ።
\c 109
\s1 ዓይኑሞ ሱኡጋሢ ዓይሣ ጎይፆ ዓይናዺንታ ዳውቴ ዓይኑሞ
\d ሜቶይዳ ዓኣ ዓሲ ሺኢቃ ሺኢጲሢ
\q
\v 1 ታ ኔና ጋላታ፥ ፆኦዛሢዮ!
\q2 ሃዳራ ዚቲዮ ጌዒፖ።
\q
\v 2 ፑርቶ ዓሶና ጌሻ ዓሶና ታና ማኬኔ፤
\q2 ታ ጊዳ ሉኡዙሞና ጌስታኔ።
\q
\v 3 ዔያታ ታና ዒፃ ዑኡሲና ማንጌኔ፤
\q2 ታ ማዼ ባኣዚ ባኣንቴ ታና ዔያታ ዖሌኔ።
\q
\v 4 ታ ዔያቶ ናሽኬቴያ ዔያታ ታና ፑርታ ማሃኔ፤
\q2 ታኣኒ ጋዓንቴ ዔያቶም ሺኢቄኔ።
\q
\v 5 ታ ዔያቶም ኮሺ ማዼሢሮ ፑርታ
\q2 ታኣኒ ናሽኬሢሮ ዒፂ ታና ዔያታ ዒፄኔ።
\b
\q
\v 6 ዒዛም ዎጋንዳያ ፑርታ ዓሲ ጌሤ፤
\q2 ዓሲ ዒዛ ዎጌና ዓይሢሳንዳጉዲ ማዼ።
\q
\v 7 ዎጎና ጌስቶ ቤዛ ዻቢንቴያ ማዒ ዒ ጴዾንጎ፤
\q2 ዒዚ ሺኢቃ ሺኢጲፃኣ ዒዛ ዎጋያ ማዖንጎ።
\q
\v 8 ናንጎ ዎዳ ዒዛኮ ቃሚቆንጎ፤
\q2 ሱኡጋቶ ዒዛሲ ሜሌ ዔኮንጎ። \x - \xo 109፡8 \xo*\xt ዳኪ. ማዾ 1፡20።\xt*\x*
\q
\v 9 ናኣታ ዒዛኮ ዓዴ ባኣያ ማዒ ዓቶንጎ፤
\q2 ማቻኣ ዜኤሪንዶ ማዖንጎ።
\q
\v 10 ናኣታ ዒዛሲ ካራ ባይዚ ሜታዾንጎ፤
\q2 ሺኢቂ ሃንታያ ማዖንጎ፤
\q2 ዔያቶኮ ሻሂንቴ ማኣራፓ ዳውሲንቲ ባይቆንጎ።
\q
\v 11 ዒዛ ባኮ ቢያ ጋሌ ዓኣ ዓሲ ዔኮንጎ፤
\q2 ዒዚ ላቢ ዴንቄ ባኮ ፃንጎ ዓሲ ቡሮንጎ።
\q
\v 12 ዖኦኒያ ዒዛም ሚጪንቶፓ፤
\q2 ዒዛኮ ዜኤሮ ናኣቶም ዓይጎ ዓሲያ ማሎፓ።
\q
\v 13 ዜርፃ ዒዛሲ ዱማዺ ባይቆንጎ፤
\q2 ሱንፃ ዔያቶሲ ሙካ ሾይንቶ ባኣካፓ ዲርካቺንቶንጎ።
\q
\v 14 ዒዛኮ ዓዶንሢ ዻቢንቶ
\q2 ናንጊና ናንጋ ጎዳ ዓርቃያ ማዖንጎ፤
\q2 ዒንዶ ጎማኣ ባይቆፓ።
\q
\v 15 ሳዓፓ ዜርሢ ዔያቶኮ ባይዛኒ
\q2 ጎማ ዔያቶሲ ናንጊና ናንጋ ጎዳ ቤርታ
\q2 ዔርቴያ ማዒ ዴዖንጎ።
\b
\q
\v 16 ዓይጎሮ ጌዔቴ ዒዚ ሜታዼ ዓሶንታ ማንቆ ዓሶንታ
\q2 ሃሣ ዒና ሜቄ ዓሶዋ
\q2 ሃይቃንዳያ ሄላንዳኣና ዳውሳንዳኣፓ ዓቴም ሚጪንቲባኣሴ።
\q
\v 17 ጋዳማ ዒዚ ናሽኬሢሮ ዒዛ ባንሢ ሙኬኔ፤
\q2 ዓንጆ ናሽኪባኣሢሮ ዒዛፓ ሃኬኔ።
\q
\v 18 ጋዳማ ዓዳ ማኣዖጉዲ ዒ ማይንቴኔ፤
\q2 ዬይ ዋኣሢጉዲ ዒዛኮ ዑፆ ጋሮ
\q2 ዛይቴጉዲያ ዒዛኮ ሜጌፆና ዓኣዼኔ።
\q
\v 19 ዑፆ ዒዛኮ ዒ ዓኣቻ ማኣዓሢጉዲ
\q2 ቢያ ዎዴ ዒ ቱኡታ ቃልሾጉዲ ዬይ ማዖንጎ።
\b
\q
\v 20 ታና ፑርታ ማሃ ዓሶም
\q2 ታ ሼምፓሢዳ ፑርታ ጌስታዞንሢም
\q2 ናንጊና ናንጋ ጎዳ ጪጋንዳ ባካ ዬያ ማዖም።
\q
\v 21 ኔኤኒ ጋዓንቴ ናንጊና ናንጋ ጎዳሢዮ!
\q2 ኔ ሱንፆሮ ጌዒ ኮሹሞና ታና ዛጌ፤
\q2 ሚጪንቲፃ ኔኤኮ ዼኤፒታሢሮ ታና ዓውሴ።
\q
\v 22 ታኣኒ ማንቆ፥ ሜታዼ ዓሲኬ፤
\q2 ጋሮ ዒና ታኣኮ ኪፃዼኔ፤
\q
\v 23 ዋኣንታኣ ዔኤዤጉዲ ታ ዛጋማፓ ሺሬኔ፤
\q2 ታኣኒ ዓቢሢጉዲ ሃርፒንቴኔ።
\q
\v 24 ሙዖ ሃሺፆ ዳምቦና ዎልቃ ታኣኮ ላቤኔ፤
\q2 ዑፃኣ ታኣኮ ዖኦፒ ዲቢንሢ ማዔኔ።
\q
\v 25 ታ ዔያቶኮ ሚኢቺ ማዔኔ፤
\q2 ታና ዔያታ ዛጋዖ ቦሂ ቶኦኪ ዓጊሣኔ። \x - \xo 109፡25 \xo*\xt ማቲ. 27፡39፤ ማር. 15፡29።\xt*\x*
\b
\q
\v 26 ናንጊና ናንጋ ጎዳ ማዔ ታ ፆኦዛሢዮ! ታና ማኣዴ፤
\q2 ኔ ሚጪንቲፆና ታና ዓውሴ።
\q
\v 27 ናንጊና ናንጋ ጎዳሢዮ! ኔ ኩጮኬ ሃያይዴሢ
\q2 ኔኤኒ ማዼያ ማዔሢ ዔያታ ዔሮንጎ።
\q
\v 28 ዔያታ ጋጋዳንቃኔ፥ ኔ ጋዓንቴ ዓንጃኔ፤
\q2 ዔያታ ዔቃዖ ዻውሲንታኔ፤
\q ኔኤኮ ዓይላሢ ጋዓንቴ ዎዛዻኔ።
\q
\v 29 ታና ፑርታ ማሃ ዓሳ ዻውሲንቶንጎ፤
\q2 ቦርሲንቲና ዔያታ ቦኦሪ ዴዖንጎ።
\b
\q
\v 30 ናንጊና ናንጋ ጎዳ ታ ዻንጎና ታኣኒ ጋላታኔ፤
\q2 ሚርጌ ዓሶ ባኣካ ታ ዒዛ ሄርሻኔ።
\b
\q
\v 31 ዓይጎሮ ጌዔቴ ዎዻኒ ዎጋ ዓሶይዳፓ ዓውሳኒ
\q2 ዬያ ሜታዼ ዓሢኮ ሚዛቆ ዛላ ዒ ዔቃሢሮኬ።
\c 110
\s1 ዳውቴ ዓይኑሞ
\d ናንጊና ናንጋ ጎዳ ዶኦሬ ካኣቲ
\q
\v 1 ናንጊና ናንጋ ጎዳ ታ ጎዳሢም (ሜሲሄም)
\q2 «ኔ ሞርኮ ኔኤኒ ቶኪና ሄርቃንዳጉዲ
\q2 ታ ኔኤም ማሃንዳ ሄላንዳኣና
\q2 ሚዛቆ ዛላ ታኣኮ ዴዔ» ጌዔኔ። \x - \xo 110፡1 \xo*\xt ማቲ. 22፡44፤ ማር. 12፡36፤ ሉቃ. 20፡42-43፤ ዳኪ. ማዾ 2፡34-35፤ 1ቆሮ. 15፡25፤ ዔፕ. 1፡20-22፤ ቆላ. 3፡1፤ ዔብ. 1፡13፤ 8፡1፤ 10፡12-13።\xt*\x*
\q
\v 2 ናንጊና ናንጋ ጎዳ ኔኤኮ ዶዶ ካኣቱሞ
\q2 ፂዮኔይዳፓ ኬስኪ ዙሎ ሄላንዳኣና ዳልጊሻንዳኔ፤
\q2 ዒዚ፦ «ኔ ሞርኮ ኔ ዴማ ማሂ ዎይሤ» ጋዓንዳኔ።
\q
\v 3 ዖልዚ ዖላኒ ኔ ኬስካ ዎዶና
\q2 ኔኤኮ ዖሎ ዓሳ ናሽኪ ኔኤና ኬስካንዳኔ፤
\q ካሪፆ ዑፃ ኔ ሙኪ
\q2 ኔኤኮ ዲቃሢ ሄርሺሳ ዒጊቺፆና ፖዓኣና
\q2 ዖሎ ዼጌሢ ዓዳ ፆፆርቃ ዓቢጉዲ ማዒ ሙካንዳኔ።
\b
\q
\v 4 «ኔኤኒ ሜልኬ ፃዲቄጉዲ
\q2 ናንጊና ቄኤሴ ማዒ ናንጋንዳኔ» ጌዒ
\q2 ናንጊና ናንጋ ጎዳ ጫኣቄኔ፤
\q2 ዒዚ ፔኤኮ ማሌ ማሊፆ ሺርሹዋሴ። \x - \xo 110፡4 \xo*\xt ዔብ. 5፡6፤ 6፡20፤ 7፡17፤21።\xt*\x*
\b
\q
\v 5 ናንጊና ናንጋ ጎዳ ኔኤኮ ሚዛቃኬ፤
\q2 ፔኤኮ ጎሪንቶ ዓቦና ካኣቶ ዒ ጋኣጫንዳኔ።
\q
\v 6 ዴሮ ባኣካ ዒዚ ዎጋንዳኔ፤
\q2 ዖሎ ቤዞዋ ሌሲ ሌሊ ማሃንዳኔ፤
\q2 ሳዖይዳ ዓኣ ካኣታ ቢያ ጋፒ ባይቃንዳኔ።
\q
\v 7 ዒዚ ጎይፆ ዓጫ ዓኣ ዓልቃ ዋኣፆ ዑሽካንዳኔ፤
\q2 ዬያሮ ዒዚ ዼግ ዼጊ ጋዓንዳኔ።
\c 111
\s1 ናንጊና ናንጋ ጎዳ ጋላቶና ጋላታ
\q
\v 1 ናንጊና ናንጋ ጎዳም ጋላታ!
\q2 ፒዜ ዓሳ ቡኪንታ ቤዞይዳ
\q2 ናንጊና ናንጋ ጎዳ ታኣኒ ጉቤ ዒናፓ ጋላታንዳኔ።
\q
\v 2 ናንጊና ናንጋ ጎዳኮ ማዻ ዼኤፒኬ፤
\q2 ዬያና ዎዛዻ ዓሳ ቢያ ዬያ ማላኔ።
\q
\v 3 ማዻ ዒዛሲ ቦንቺንታያና ዲቃሢ ሄርሺሳያናኬ፤
\q2 ፂሉማ ዒዛኮ ዶዲ ናንጋያኬ።
\b
\q
\v 4 ዲቃሢ ሄርሺሳ ዓኮ ማዻ
\q2 ማሊንቲ ናንጋንዳጉዲ ዒ ማዼኔ፤
\q2 ናንጊና ናንጋ ጎዳ ኮሺ፥ ሃሣ ሚጪንታያኬ።
\q
\v 5 ዒዛ ሚጪንታዞንሢም ሙኡዚ ዒ ዒንጋኔ፤
\q2 ዒዚ ዔያቶም ጫኣቄ ጫኣቁሞ ዋሉዋሴ።
\q
\v 6 ዒዚ ፔ ዴሮም ሜሌ ዴሮ ዴኖ ዒንጊሢና
\q2 ፔ ማዾኮ ዶዱሞ ቤኤዜኔ።
\b
\q
\v 7 ማዻ ዒዛኮ ጎኔ፥ ሃሣ ፒዜኬ፤
\q2 ዳምባ ዒዛሲ ቢያ ጉሙርቂንታያኬ።
\q
\v 8 ዬይ ናኣናና ዶዲ ዴዓያኬ፤
\q2 ጎኑሞና ፒዙሞና ማዺንቴያኬ።
\q
\v 9 ፔ ዴሮም ዻቂንታ ዒዚ ዳኬኔ፤
\q2 ናንጊና ዶዲ ዴዓ ጫኣቁሞ ዒ ጫኣቄኔ፤
\q2 ሱንፃ ዒዛሲ ዱማዼያና ዒጊጪንታያኬ።
\q
\v 10 ዔራቶኮ ካራ ማዓ ባኣዚ
\q2 ናንጊና ናንጋ ጎዳ ዒጊጪሢኬ፤
\q ዓይሢፆ ዒዛሲ ማዺ ኩንሣዞንሢኮ
\q2 ማሊ ጶቂሣ ዒኔ ዓኣያ ማዓኔ፤
\q ናንጊና ናንጋ ጎዳ ጋላቲንቴ ጎይሣ ናንጋንዳኔ! \x - \xo 111፡10 \xo*\xt ዒዮ. 28፡28፤ ኮኦኪ. 1፡7፤ 9፡10።\xt*\x*
\c 112
\s1 ኮሺ ዓሲኮ ዎዛ
\q
\v 1 ናንጊና ናንጋ ጎዳም ጋላታ!
\q2 ናንጊና ናንጋ ጎዳ ዒጊጫያና
\q2 ዓይሢፆ ዒዛኮ ኩንሢፆና ዎዛዻሢ
\q2 ዎዚ ዓንጂንቴያዳይ!
\q
\v 2 ዬያ ዓሢኮ ዜርፃ ሳዓ ዼኤፒ ማዓንዳኔ፤
\q2 ፒዜ ዓሶ ሾይንታ ዓንጂንታንዳኔ።
\q
\v 3 ቆሎንታ ዖርጎቹሞንታ ማኣሮ ዒዛኮ ኩማንዳኔ፤
\q2 ፂሉማ ዒዛኮ ናንጊና ናንጋንዳኔ።
\b
\q
\v 4 ዒዚ ኮሺ፥ ሚጪንታያ፤ ሃሣ ፂሎ ማዔ ጎይፆና
\q2 ፒዜ ዓሲም ዹሞይዳ ፖዒ ፖዓኔ።
\q
\v 5 ዔኤቢ ዒንጋያና ሂርጉዋ ታልዓያም
\q2 ማዾ ፔኤሲ ፒዜ ማዻሢም
\q2 ኮሺ ባኣዚ ማዓንዳኔ።
\q
\v 6 ዬይ ዓሢ ናንጊና ዓጊፃዓኬ፤
\q2 ፂሎ ዓሲኮ ማዻ ማሊንቴ ጎይሣ ዴዓንዳኔ።
\b
\q
\v 7 ፑርታ ሃይሴ ዒዛ ዲቃሡዋሴ፤
\q2 ዒና ዒዛኮ ናንጊና ናንጋ ጎዳ ጉሙርቂ ዶዴያኬ።
\q
\v 8 ዒና ዒዛኮ ዶዲኬ፥ ፔቴታዖ ዒጊጩዋሴ፤
\q2 ጋፒንፆይዳ ሞርካ ዒዛኮ ሎኦማሢ ዒ ዛጋንዳኔ።
\q
\v 9 ማንቆ ዓሶም ፔ ሼኔና ዒዚ ዒንጌኔ፤
\q2 ፂሉማ ዒዛሲ ናንጊና ናንጋንዳኔ፤
\q2 ዒዚ ቦንቺንቲ ዎልቄና ዼግ ዼጊ ጋዓንዳኔ። \x - \xo 112፡9 \xo*\xt 2ቆሮ. 9፡9።\xt*\x*
\q
\v 10 ፑርቶ ዓሳ ዬያ ዛጋዖ ሮኦጋዻንዳኔ፤
\q2 ዓቺ ዻይ፥ ዖኦፒ ዖኦፒ ዓኣዻንዳኔ፤
\q2 ዬያ ዓሶኮ ማሊፃ ጉሪ ማዓንዳኔ።
\c 113
\s1 ናንጊና ናንጋ ጎዳኮ ኮሹሞ ዔርዛ ጋላታ
\q
\v 1 ናንጊና ናንጋ ጎዳም ጋላታ!
\q2 ዒንሢ ናንጊና ናንጋ ጎዳ ዓይላ ጋላቱዋቴ!
\q2 ሱንፆ ዒዛኮ ሄርሹዋቴ።
\q
\v 2 ሃናፓ ዓርቃዖ ናንጊና ናንጊ ሄላንዳኣና
\q2 ናንጊና ናንጋ ጎዳኮ ሱንፃ ጋላቲንቶንጎ።
\q
\v 3 ዓባ ፆርቃ ካራፓ ጌላ ካሮ ሄላንዳኣና
\q2 ናንጊና ናንጋ ጎዳኮ ሱንፃ ጋላቲንቴያ ማዖም!
\q
\v 4 ናንጊና ናንጋ ጎዳ ዴራፓ ዑሣ ዼግ ጌዔያኬ፤
\q2 ዒዛኮ ቦንቻ ጫሪንጮኮ ዑሣኬ።
\b
\q
\v 5 ናንጊና ናንጋ ጎዳ ማዔ ኑ ፆኦዛሢጉዲ ዖኦኒያ ባኣሴ፤
\q2 ዒዛኮ ካኣቱሞ ዖይታ ቢያፓ ባሼኬ።
\q
\v 6 ጫሪንጮና ሳዖናይዳ ዓኣዞንሢ ዛጋኒ
\q2 ፔ ቶኦኮ ሂርኪዳይ ዖናዳይ?
\q
\v 7 ዒዚ ማንቆ ዓሶ ሳዖ ሲላላፓ ዔቂሳኔ፤
\q2 ሜታዼሢያ ዲቢንሢፓ ዼግ ዼጊዳኔ።
\q
\v 8 ቦንቺንታ ዓሶና ዎላ ሄኮ ማሃኔ፤
\q2 ዴሮኮ ሱኡጎና ዎላ ዒዛ ዴይሣኔ።
\q
\v 9 ዞኦኮ ላኣሎዋ ማኣሪንዶ ማሂ ዴይሣኔ፤
\q2 ዎዛዻያ፥ ሃሣ ናይንዶዋ ማሃኔ።
\b
\q ናንጊና ናንጋ ጎዳም ጋላታ!
\c 114
\s1 ዑሣ ዓኣዺፆ ቦንቾ ኬሎ ማሊ ዓይናዺንቴ ዓይኑሞ
\q
\v 1 ዒስራዔኤሌ ዴራ ጊብፄ ዓጫፓ
\q2 ያይቆኦቤ ማኣራ ፃንጎ ማዔ ሜሌ ዴሮ ባኣካፓ ኬስኬያና፥ \x - \xo 114፡1 \xo*\xt ኬሲ. ማፃ 12፡51።\xt*\x*
\q
\v 2 ዪሁዳ ዴራ ፆኦሲኮ ዱማዼ ማኣሮ
\q2 ዒስራዔኤሌያ ዒዛ ዴማ ዎርቃያኬ።
\q
\v 3 ባዛ ዒዛ ዛጋዖ ጊንሢም ፑኒ ጳሽኬኔ፤
\q2 ዮርዳኖሴ ዎራኣ ጊንሢም ማዔኔ። \x - \xo 114፡3 \xo*\xt ኬሲ. ማፃ 14፡21፤ ዒያ. 3፡16።\xt*\x*
\q
\v 4 ዹካ ዓዳ ዓዴ ማራይጉዲ
\q2 ጌሜራኣ ዓዴ ማራናይጉዲ ፂኬኔ።
\b
\q
\v 5 ባዚዮ! ዓይጋ ኔ ፑኒ ጳሽኬይ?
\q2 ዮርዳኖሴ ዓይጋ ኔ ጊንሢም ማዔይ?
\q
\v 6 ዒንሢ ዹካ ዓዴ ማራይጉዲ
\q2 ጌሜራኣ ዓዴ ማራናይጉዲ ዓይጋ ፂኬይ?
\b
\q
\v 7 ዔዞ ሃይ ሳዓ!
\q2 ጎዳ ቤርታ
\q2 ያይቆኦቤ ፆኦዛሢ ቤርታ
\q2 ዒጊቹሞና ጎጋይቄ።
\q
\v 8 ዒዚ ላሎ ዴዔ ዋኣሢ ባንሢ
\q2 ዼኤፖ ሹጮዋ ዓልቃ ዋኣሢ ባንሢ ማሄኔ። \x - \xo 114፡8 \xo*\xt ኬሲ. ማፃ 17፡1-7፤ ፓይ. ማፃ 20፡2-13።\xt*\x*
\c 115
\s1 ፆኦሲም ኮይሳ ጋላታ
\q
\v 1 ናንጊና ናንጋ ጎዳሢዮ!
\q2 ኑጋይቴቱዋንቴ ኔኤኮ ናንጊና ናንጋ ናሹሞና
\q2 ጉሙርቂንቲፆናሮ ሱንፆ ኔኤሲ ቦንቼ።
\b
\q
\v 2 ሜሌ ዴራ፦
\q2 «ዔያቶ ፆኦዛሢ ዎካ ዓኣዖ?» ዓይጋ ጋዓንዳይ?
\q
\v 3 ኑ ፆኦዛሢ ጫሪንጫኬ፤
\q2 ዒዚ ፔና ዎዛሳ ባኣዚ ማማዻኔ።
\q
\v 4 ዔያቶኮ ካኣሽኮ ፆኦዛ ጋዓንቴ
\q2 ዓሲ ኩቻ ቢራና ዎርቄናፓ ኮሺንቴያኬ።
\q
\v 5 ዻንጋ ዔያቶኮ ዓኣኔ፥ ጌስቲ ጌስቱዋሴ፤
\q2 ዓኣፒያ ናንጊኬ፥ ጋዓንቴ ዛጉዋሴ፤
\q
\v 6 ዋይዚ ዓኣኔ፥ ዋይዛያቱዋሴ፤
\q2 ሲኢዺ ናንጊታዖ ዼሁዋያኬ፤
\q
\v 7 ኩቺያ ናንጊኬ፥ ጋዓንቴ ሄሊ ዓርቁዋሴ፤
\q2 ቶኪ ናንጊታዖ ሃንቲ ሃንቱዋሴ፤
\q2 ፔ ጎርዦና ዑኡሲያ ዔያታ ኬሳኒ ዳንዳዑዋሴ።
\q
\v 8 ዬያጉዴ ባኮ ኮሻ ዓሳ
\q2 ዬያቶ ጉሙርቃ ዓሳኣ ቢያ
\q2 ዔያቶጉዴያ ማዖንጎ። \x - \xo 115፡8 \xo*\xt ዓይኑ. 135፡15-18፤ ዮሃ. ፆፔዻ 9፡20።\xt*\x*
\b
\q
\v 9 ዒስራዔኤሌ ዓሲዮቴ! ናንጊና ናንጋ ጎዳ ጉሙርቁዋቴ፤
\q2 ዒንሢ ማኣዳሢና ጊቲማሢያ ዒንሢኮ ዒዛኬ።
\q
\v 10 ዓኣሮኔ ዓሲዮቴ! ናንጊና ናንጋ ጎዳ ጉሙርቁዋቴ፤
\q2 ዒንሢ ማኣዳሢና ጊቲማሢያ ዒንሢኮ ዒዛኬ።
\q
\v 11 ዒንሢ ናንጊና ናንጋ ጎዳ ዒጊጫ ዓሳ ዒዛ ጉሙርቁዋቴ፤
\q2 ዒንሢ ማኣዳሢና ጊቲማሢያ ዒንሢኮ ዒዛኬ።
\b
\q
\v 12 ናንጊና ናንጋ ጎዳ ኑም ማላኔ፤
\q2 ዓንጂያ ኑና ዓንጃንዳኔ፤
\q2 ዒዚ ዓኣሮኔንታ ዒስራዔኤሌንታ ማኣሮ ዓንጃንዳኔ።
\q
\v 13 ናንጊና ናንጋ ጎዳ ዒዛ ዒጊጫዞንሢ ቢያ
\q2 ዼኤፖንታ ዻኮንታ ዓንጃንዳኔ። \x - \xo 115፡13 \xo*\xt ዮሃ. ፆፔዻ 11፡18፤ 19፡5።\xt*\x*
\b
\q
\v 14 ናንጊና ናንጋ ጎዳ ዒንሢንታ ዒንሢኮ ናኣቶንታ
\q2 ዓንጂ ዒዚ ዒንሢ ሚርጊሾንጎ!
\q
\v 15 ጫሪንጮንታ ሳዖንታ ማዤ፥ ናንጊና ናንጋ ጎዳ
\q2 ዒንሢ ዓንጆንጎ!
\q
\v 16 ጫሪንጮኮ ጫሪንጫ ናንጊና ናንጋ ጎዳሮኬ፤
\q2 ሳዖ ጋዓንቴ ዓሲም ዒዚ ዒንጌኔ።
\q
\v 17 ናንጊና ናንጋ ጎዳ ጋላታዞንሢ
\q2 ሃይቄ ዓሶቱዋሴ፤
\q2 ዚቲዮ ጌዔ፥ ዱኡፖ ጌሌ ዓሶዋቱዋሴ።
\q
\v 18 ሃናፓ ዓርቃዖ ዒዛ ዓንጃንዳዞንሢ ኑናኬ።
\b
\q ናንጊና ናንጋ ጎዳም ጋላታ!
\c 116
\s1 ሃይቢፓ ዓቴ ዓሲ ፆኦሲም ጋላቴ ጋላታ
\q
\v 1 ታኣኮ ዒላቶንታ ሺኢጲፆዋ ዋይዜሢሮ
\q2 ናንጊና ናንጋ ጎዳ ታ ናሽካኔ።
\q
\v 2 ዋዮ ፔኤሲ ዒ ታ ባንሢ ማሄሢሮ
\q2 ታ ናንጎ ዎዶ ቢያይዳ ታ ዒዛ ባንሢ ዒላታንዳኔ።
\q
\v 3 ሃይቢ ፒራ ታና ዓርቄኔ፤
\q2 ዱኡፖኮ ዒጊቺፃ ታና ሜታሴኔ፤
\q2 ዖዪሢንታ ሜቶንታ ታና ባሼኔ።
\q
\v 4 ታኣኒ ናንጊና ናንጋ ጎዳ ሱንፆ ዔኤላዖ፦
\q2 «ናንጊና ናንጋ ጎዳሢዮ! ታኣኮ ሼምፓሢ
\q2 ኔ ዓውሳንዳጉዲ ታ ሺኢቃኔ» ጌዔኔ።
\b
\q
\v 5 ናንጊና ናንጋ ጎዳ ኮሺ፥ ሃሣ ፂሎኬ፤
\q2 ኑ ፆኦዛሢ ሚጪንታያኬ።
\q
\v 6 ናንጊና ናንጋ ጎዳ ዒና ሼሌዔዞንሢ ካፓኔ፤
\q2 ታኣኒ ሚርጌና ሜታዺ ዓኣንቴ ዒ ታና ዓውሴኔ።
\q
\v 7 ናንጊና ናንጋ ጎዳ ኮሺ ባኣዚ ኔኤም ማዼሢሮ
\q2 ታ ሼምፔሌ! ኔኤኮ ሃውሾሢ ባንሢ ማዔ።
\b
\q
\v 8 ዒዚ ሼምፓሢ ታኣኮ ሃይቢፓ
\q2 ዓኣፖዋ ታኣኮ ዓቢሢዳፓ
\q2 ቶኮ ታኣኮ ዹቆይዳፓ ዓይሴኔ።
\q
\v 9 ዬያሮ ሼምፔና ዓኣ ዓሳ ናንጋ ቤዛ
\q2 ናንጊና ናንጋ ጎዳ ኮራ ታ ናንጋንዳኔ።
\q
\v 10 «ኮሺ ታ ሜታዼኔ» ጌዔ ዎዶናታዖ
\q2 ኔና ጉሙርቂፆ ታ ሃሺባኣሴ። \x - \xo 116፡10 \xo*\xt 2ቆሮ. 4፡13።\xt*\x*
\q
\v 11 ካራ ታኣም ባይቄ ዎዶና
\q2 «ዓሲ ቢያ ሉኡዚኬ» ታ ጌዔኔ።
\b
\q
\v 12 ዒዚ ታኣም ማዼ ኮዦ ባኮሮ ቢያ
\q ናንጊና ናንጋ ጎዳም ታ ዓይጎ ጪጋንዳይ?
\q
\v 13 ናንጊና ናንጋ ጎዳ ታና ዓውሴሢሮ ጋላታንዳኔ፤
\q2 ዎይኖ ዑዦ ዒንጊሢ ማሂ ታ ዒዛም ሺኢሻንዳኔ።
\q
\v 14 ቡኬ ዴሮ ቢያሢ ቤርታ ኬስኪ
\q2 ታ ናኣቤ ናኣቦ ኩንሣንዳኔ።
\b
\q
\v 15 ፆኦሲም ዱማዼ ዓሶኮ ሃይባ
\q2 ናንጊና ናንጋ ጎዳ ቤርታ ቦንቺንቴያኬ።
\q
\v 16 ናንጊና ናንጋ ጎዳሢዮ! ታኣኒ ኔኤኮ ዓይላሢኬ፤
\q2 ታ ኔ ዓይሌሎ ናኣዚ፥ ኔኤም ማዻሢኬ፤
\q2 ታኣኮ ቱኡዛፓ ኔ ታና ቡሌኔ።
\q
\v 17 ታ ኔኤም ዒንጎ ባኣዚ ማሂ ጋላታ ሺኢሻኔ፤
\q2 ሱንፆዋ ኔኤኮ ታ ዔኤላኔ።
\q
\v 18 ቡኬ ዴሮ ቢያሢ ቤርታ
\q2 ናንጊና ናንጋ ጎዳም ታ ናኣቤ ናኣቦ ኩንሣንዳኔ።
\q
\v 19 ዬሩሳላሜ! ታኣኒ ኔ ጋራ
\q2 ናንጊና ናንጋ ጎዳ ማኣሮኮ ዓሳ ቡካ ጶኦካ
\q2 ዬያ ማዻንዳኔ።
\b
\q ናንጊና ናንጋ ጎዳም ጋላታ!
\c 117
\s1 ፆኦሲ ጋላቶና ጋላታ
\q
\v 1 ዒንሢ ሜሌ ዴራ ቢያሢ
\q2 ናንጊና ናንጋ ጎዳ ጋላቱዋቴ!
\q2 ዴራ ቢያ ዒዛ ጋላታና ዼግ ዼጊዱዋቴ። \x - \xo 117፡1 \xo*\xt ሮሜ 15፡11።\xt*\x*
\q
\v 2 ዒዚ ኑና ናሽካ ናሹማ ዶዲኬ፤
\q2 ጉሙርቂንቲፃኣ ዒዛኮ ጋፑዋያኬ።
\b
\q ናንጊና ናንጋ ጎዳም ጋላታ!
\c 118
\s1 ናንጊና ናንጋ ጎዳ ቢያ ዎዴ ሚጪንታያ ማዔሢ
\q
\v 1 ናንጊና ናንጋ ጎዳ ኮሺ ማዔሢሮ
\q2 ዒዛ ጋላቱዋቴ፤
\q2 ሚጪንቲፃ ዒዛኮ ናንጊና ዶዲ ናንጋኔ። \x - \xo 118፡1 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 100፡5፤ 106፡1፤ 107፡1፤ 136፡1፤ ዔር. 33፡11።\xt*\x*
\q
\v 2 ዒስራዔኤሌ ዴራ ቢያ
\q2 «ሚጪንቲፃ ዒዛኮ ናንጊና ናንጋያኬ» ጎዖንጎ።
\q
\v 3 ዓኣሮኔ ማኣሮ ዓሳ
\q2 «ሚጪንቲፃ ዒዛኮ ናንጊና ናንጋያኬ» ጎዖንጎ።
\q
\v 4 ዒዛ ዒጊጫ ዓሳ ቢያ
\q2 «ሚጪንቲፃ ዒዛኮ ናንጊና ናንጋያኬ» ጎዖንጎ።
\b
\q
\v 5 ታኣኒ ሜታዼ ዎዶና ናንጊና ናንጋ ጎዳ ዔኤሌኔ፤
\q2 ዒዚያ ታኣም ማሂ ዬሄኔ፤
\q2 ኩንዒንቲፃፓ ዒ ታና ኬሴኔ።
\q
\v 6 ናንጊና ናንጋ ጎዳ ታኣና ዎላኬ፤
\q2 ታኣኒ ዒጊጫዓኬ፤
\q2 ዓሲ ታና ዓይጎ ዎኦታንዳይ? \x - \xo 118፡6 \xo*\xt ዔብ. 13፡6።\xt*\x*
\q
\v 7 ታና ማኣዳኒ ዒዚ ታኣና ዎላኬ፤
\q2 ታ ሞርካ ሎኦማሢ ታ ዛጋንዳኔ።
\q
\v 8 ዓሲዳ ጌኤቂንቲሢዳፓ ባሼ
\q2 ናንጊና ናንጋ ጎዳ ፑኖ ካይዚ ማሂሢ ቃራኬ።
\q
\v 9 ዎይሣ ዓሶ ጉሙርቂፆይዳፓ ባሼ
\q2 ናንጊና ናንጋ ጎዳ ፑኖ ካይዚ ማሂፃ ቃራኬ።
\b
\q
\v 10 ዴራ ቢያ ታና ማንጌኔ፤
\q2 ጋዓንቴ ታ ዔያቶ ናንጊና ናንጋ ጎዳ ሱንፆና ባይዜኔ።
\q
\v 11 ማንጊፆ ዔያታ ቢያ ዛሎና ታና ማንጌኔ፤
\q2 ጋዓንቴ ታ ዔያቶ ናንጊና ናንጋ ጎዳ ሱንፆና ባሼኔ።
\q
\v 12 ዓዳ ማሢጉዲ ዔያታ ታ ዑፃ ቁንዴኔ፤
\q2 ጋዓንቴ ዓንጊሢ ታሚዳ ዔኤታሢጉዲ ዔያታ ጋፔኔ፤
\q2 ጎኔና ናንጊና ናንጋ ጎዳ ሱንፆና ታ ዔያቶ ባይዜኔ።
\q
\v 13 ሂዖም ሎኦማኒ ታ ጋኣዲንቴኔ፤
\q2 ጋዓንቴ ናንጊና ናንጋ ጎዳ ታና ማኣዴኔ።
\q
\v 14 ናንጊና ናንጋ ጎዳ ታኣኮ ዶዱማሢና ዓይናዾሢናኬ፤
\q2 ዒዚ ታኣኮ ታና ዓውሳሢኬ። \x - \xo 118፡14 \xo*\xt ኬሲ. ማፃ 15፡2፤ ዒሲ. 12፡2።\xt*\x*
\b
\q
\v 15 ፂሎ ዓሶኮ ማኣራ ዒላሺሢና ሶራይቲና ዋይዚንታኔ፤
\q2 ዑኡዛ ሂዚ ጋዓኔ፦
\q2 «ናንጊና ናንጋ ጎዳኮ ዎልቃ ዶዲ ማዾ ማዼኔ!»
\q
\v 16 ናንጊና ናንጋ ጎዳኮ ሚዛቆ ኩጫ ዼግ ዼጊ ጌዔኔ፤
\q2 ዬይ ኩጫ ዶዲ ማዾ ማዼኔ።
\b
\q
\v 17 ቶሊ ዓቲ ሼምፔና ናንጋንዳኣፓ ዓቴም ታ ሃይቂንዱዋሴ፤
\q2 ናንጊና ናንጋ ጎዳኮ ማዾ ታ ሃጋኣ ኬኤዛንዳኔ።
\q
\v 18 ጎሪፆ ናንጊና ናንጋ ጎዳ ታና ኮሺ ጎሬኔ፤
\q2 ጋዓንቴ ሃይቢም ዓኣሢ ታና ዒዚ ዒንጊባኣሴ።
\b
\q
\v 19 ፂሉሞኮ ካራ ታኣም ቡሉዋቴ\f + \fr 118፡19 \fr*\fq ፂሉሞኮ ካራ ታኣም ቡሉዋቴ \fq*\ft ጋዓዛ ዔብሬ ዓሶ ሙኡጮ ማፃኣፖይዳ ዒማዺ ጋዓያ ማዓዛ ማሊፆ ዛጎዛ ጌኤዦ ማኣሮኮ ካሮ ታኣም ቡሉዋቴ ጋዓያ ማላኔ።\ft*\f*፤
\q2 ዬያና ጌሊ ታ ናንጊና ናንጋ ጎዳ ጋላታንዳኔ።
\b
\q
\v 20 ዬና ካሬላ ዒዛ ካራኬ፤
\q2 ፂሎ ዓሳ ዒዞና ጌላኔ።
\b
\q
\v 21 ዋይዚ ኔ ታኣም ማሄኔ፤
\q2 ታና ኔ ዓውሳሢ ማዔሢሮዋ ታ ኔና ጋላታኔ።
\b
\q
\v 22 ማኣሮ ሹጮና ማዣ ዓሳ ቶኦቼ ሹጫሢ
\q2 ማኣሮኮ ሄላሢ ማዔኔ። \x - \xo 118፡22 \xo*\xt ሉቃ. 20፡17፤ ዳኪ. ማዾ 4፡11፤ 1ጴፂ. 2፡7።\xt*\x*
\q
\v 23 ዬያ ናንጊና ናንጋ ጎዳ ማዼኔ፤
\q2 ዬይ ኑ ዓኣፖም ዲቃሣያኬ። \x - \xo 118፡23 \xo*\xt ማቲ. 21፡42፤ ማር. 12፡10-11።\xt*\x*
\q
\v 24 ናንጊና ናንጋ ጎዳ ማዤ ኬሌላ ሃኖኬ፤
\q2 ዬያሮ ኮሺ ኑ ዎዛዾም!
\q
\v 25 ናንጊና ናንጋ ጎዳሢዮ! ሃዳራ ኑና ዓውሴ!
\q2 ናንጊና ናንጋ ጎዳሢዮ! ሃዳራ ኑኡም ጊኢጊሼ። \x - \xo 118፡25 \xo*\xt ማቲ. 21፡9፤ ማር. 11፡9፤ ዮሃ. 12፡3።\xt*\x*
\b
\q
\v 26 ፆኦሲ ሱንፆና ሙካሢ ዓንጂንቴያኬ!
\q2 ናንጊና ናንጋ ጎዳ ማኣራፓ ኑ ዒንሢ ዓንጄኔ። \x - \xo 118፡26 \xo*\xt ማቲ. 21፡9፤ 23፡39፤ ማር. 11፡9፤ ሉቃ. 13፡35፤ 19፡38፤ ዮሃ. 12፡13።\xt*\x*
\q
\v 27 ናንጊና ናንጋ ጎዳ ፆኦሲኬ፤
\q2 ፔኤኮ ፖዖ ዒ ኑ ዑፃ ፖዔኔ፤
\q ዒንሢ ቦንቾ ኬሎሮ ዔኪ ሙካ ባኮ
\q2 ዒንጊፆ ሺኢሾ ባኮኮ ጉራኖና ዓይሢ ቱኩዋቴ።
\q
\v 28 ኔኤኒ ታኣኮ ፆኦሲኬ፥ ታ ኔና ጋላታኔ፤
\q2 ኔኤኒ ታኣኮ ፆኦሲኬ፥ ታ ኔና ዼግ ዼጊዳንዳኔ።
\b
\q
\v 29 ዒዚ ኮሺ ማዔሢሮ ዒዛ ጋላቱዋቴ!
\q2 ሚጪንቲፃ ዒዛኮ ናንጊና ዶዲ ናንጋያኬ።
\c 119
\s1 ፆኦሲ ዎጌ
\q
\v 1 ናንጋ ናንጎና ዔኤቢ ቦሂሳ ባኣዚ ባኣዞንሢ
\q2 ናንጊና ናንጋ ጎዳ ዎጎና ሃንታዞንሢ
\q2 ዓንጂንቴያኬ።
\q
\v 2 ዒዛኮ ዓይሢፆ ካፓዞንሢ
\q2 ፔኤኮ ጎኔ ዒናፓ ኮዓዞንሢ
\q2 ዓንጂንቴያኬ።
\q
\v 3 ዻቢንቲ ባኣዚ ዔያታ ማዹዋሴ፤
\q2 ጋዓንቴ ዒዛ ጎይፆና ዓኣዻኔ።
\q
\v 4 ዛጊ ኑ ካፓንዳጉዲ
\q2 ዳምቦ ኔኤኮ ኔ ኑና ዓይሤኔ።
\q
\v 5 ዳምቦ ኔኤኮ ኑ ካፓንዳጉዲ
\q2 ጎይፃ ታኣሲ ዶዲ ታኣም ማዔቴ ዓይጎ!
\q
\v 6 ኔ ዓይሢፆ ባንሢ ታ ዛጋኣና ቦርሲንቱዋሴ።
\q
\v 7 ኔኤኮ ፂሉሞ ዎጎ ታ ዔራ ዎዶና
\q2 ፒዜ ዒኔና ጋላታ ታ ኔኤም ሺኢሻንዳኔ።
\q
\v 8 ዎጎ ኔኤሲ ታ ካፓንዳኔ፤
\q2 ኔኤኒ ታና ጋፒ ሃሺፖ።
\s1 ፆኦሲ ዎጎም ዓይሢንቲሢ
\q
\v 9 ዼጌሢ ጎይፆ ፔኤሲ ዎማይዲ ጌኤሻንዳይ?
\q2 ኔኤኮ ቃኣላ ጋዓ ጎይፆ ናንጊሢናኬ።
\q
\v 10 ታኣኒ ጉቤ ዒናፓ ኔና ኮዔኔ፤
\q2 ኔ ዓይሢፃፓ ታ ዓጊፁዋጉዲ ታና ካፔ።
\q
\v 11 ታ ኔኤም ዋይዞ ዒፂ ዻቢንቱዋጉዲ
\q2 ቃኣሎ ኔኤሲ ታ ዒና ታኣኒ ዓኣቼኔ።
\q
\v 12 ናንጊና ናንጋ ጎዳሢዮ! ኔኤኒ ዓንጂንቴያኬ፤
\q2 ዳምቦ ኔኤሲ ኔ ታና ዔርዜ።
\q
\v 13 ኔ ዻንጋፓ ኬስካ ዎጎ ቢያ
\q2 ታ ዻንጎና ታኣኒ ኬኤዛንዳኔ።
\q
\v 14 ዓሲ ፔ ቆሎና ዎዛዻሢጉዲ
\q2 ኔ ዓይሢፆጉዴያ ሃንቲፃ ታና ዎዎዛሳኔ።
\q
\v 15 ኔኤኮ ዳምቦ ታኣኒ ታ ዒኖና ማላኔ፤
\q2 ዒኖ ታኣሲ ታኣኒ ኔ ጎይፃ ማሄኔ።
\q
\v 16 ዳምባ ኔኤሲ ታና ዎዛሳኔ፤
\q2 ቃኣሎዋ ኔኤኮ ታ ዋሉዋሴ።
\s1 ፆኦሲ ዎጋፓ ጴዻ ዎዛ
\q
\v 17 ናንጊና ናንጋኒ ቃኣሎ ኔኤኮ ታ ካፓንዳንጉዲ
\q2 ታና ኔኤኮ ዓይላሢም ኮሺ ማዼ።
\q
\v 18 ኔኤኮ ዎጋፓ ዲቃሢ ሄርሺሳ ባኣዚ ታ ዛጋንዳጉዲ
\q2 ዓኣፖ ታኣሲ ቡሌ።
\q
\v 19 ታኣኮ ሳዖይዳ ቤሲባኣ ዓሲኬ፤
\q2 ኔኤኮ ዓይሢፆ ታ ጊዳፓ ዓኣቺፖ።
\q
\v 20 ቢያ ዎዴ ዎጎ ኔኤኮ ጶቂሥሢና
\q2 ሼምፓሢ ታኣኮ ኮሺ ዶጬኔ።
\q
\v 21 ኔኤኮ ዓይሢፆይዳፓ ዻቢንቴዞንሢ
\q2 ሄርሺንታዞንሢና ጋዳንቂንቴዞንሢና ኔ ጎራኔ።
\q
\v 22 ኔኤኮ ዓይሢፆ ታ ካፔሢሮ
\q2 ዔያቶኮ ጫዦና ቶኦቺፆና ታኣፓ ሺኢሼ።
\q
\v 23 ዎይሣ ዓሳ ዴዒ ታና ባይዛኒ ዞርቴያታቴያ
\q2 ኔኤኮ ዓይላሢ ዳምቦ ኔኤሲ ዒኖና ማላኔ።
\q
\v 24 ዓይሢፃ ኔኤኮ ታኣም ዎዛኬ፤
\q2 ዞሪያ ታና ዞራያኬ።
\s1 ፆኦሲ ዎጎ ማዺ ኩንሣኒ ዔቂሢ
\q
\v 25 ታኣኒ ሳዖ ዓጮና ፔቴ ማዒ ዓዺንቴኔ፤
\q2 ኔኤኮ ቃኣሎ ጉዴያ ሼምፔና ማሂ ታና ጌሤ።
\q
\v 26 ታ ናንጎ ጎይፆ ታ ኔኤም ኬኤዜኔ፤
\q2 ኔኤኒ ታኣሲ ዋይዜኔ፤
\q2 ዳምቦ ኔኤኮ ታና ዔርዜ።
\q
\v 27 ኔ ዳምቦ ማሊ ታ ጶቂሣንዳጉዲ ታና ማሄ፤
\q2 ታኣኒያ ኔኤኮ ዲቃሢ ሄርሺሳ ማዾ ማላኔ።
\q
\v 28 ማሊፃፓ ዔቄያና ዒና ታኣኮ ላቤኔ፤
\q2 ኔ ቃኣሎ ጉዴያ ታና ዶዲሼ።
\q
\v 29 ሉኡዙሞ ታ ጊዳፓ ሺኢሼ፤
\q2 ኔ ኮሹሞና ዎጎ ኔኤሲ ታና ዔርዜ።
\q
\v 30 ታኣኒ ጉሙርቂንታያ ማዓኒና
\q2 ዎጎዋ ኔኤሲ ካፓኒ ጋፒ ታ ዔቄኔ።
\q
\v 31 ናንጊና ናንጋ ጎዳሢዮ!
\q2 ኔ ዎጎ ታኣኒ ዶዲሺ ዓርቄኔ፤
\q2 ሃዳራ ታና ቦርሲሲፖ።
\q
\v 32 ታ ዒኖ ዓርቃ ባኣዚፓ ኔ ኬሴሢሮ
\q2 ኔ ዓይሤ ጎይፆና ታ ጳሽካንዳኔ።
\s1 ማሊ ጶቂሥሢ ዴንቃኒ ሺኢቂንቴ ሺኢጲሢ
\q
\v 33 ናንጊና ናንጋ ጎዳሢዮ! ኔ ዎጎ ጎይፆ ታና ዔርዜ፤
\q2 ታኣኒያ ጋፒንፆ ሄላንዳኣና ካፓንዳኔ።
\q
\v 34 ዎጎ ኔኤሲ ታ ካፓንዳጉዲና
\q2 ጉቤ ዒናፓ ታ ዓይሢንታንዳጉዲ
\q2 ማሊ ጶቂሥሢ ኔ ታኣም ዒንጌ።
\q
\v 35 ዬያና ታ ዎዛዻሢሮ
\q2 ኔ ዓይሢፆ ጎይፆ ዔኪ ታና ዓኣዼ።
\q
\v 36 ታኣም ኮይሳ ባኣዚዳ ጎጋይቂሢዳፓ ባሼ
\q2 ዒኖ ታኣሲ ኔ ዓይሢፆ ባንሢ ማሄ።
\q
\v 37 ዔኤቢ ፓሡዋ ባኣዚ ዛጊሢፓ ዓኣፖ ታኣሲ ማሄ፤
\q2 ኔኤኮ ቃኣሎ ጉዴያ ናንጎ ታኣኮ ዓካሴ።
\q
\v 38 ኔ ዒጊጪንታያ ማዓንዳጉዲ
\q2 ታና ኔ ዓይላሢም ኔ ዒንጌ ዎዞ ቃኣሎ ማዺ ኩንሤ።
\q
\v 39 ዎጋ ኔኤሲ ፒዜ ማዔሢሮ
\q2 ታ ዒጊጫ ዻውሲንታፓ ታና ካፔ።
\q
\v 40 ዓይሢፆ ታ ኔኤኮ ካፓኒ ኮዓኔ፤
\q2 ኔኤኒ ፂሎ ማዔሢሮ ናንጎ ታኣኮ ዓካሴ።
\s1 ፆኦሲ ዎጎና ጌኤቂንቲሢ
\q
\v 41 ናንጊና ናንጋ ጎዳሢዮ! ሚጪንቲፃ ኔኤኮ ታ ባንሢ ሙኮንጎ፤
\q2 ኔኤኮ ዓውሲፃኣ ኔ ቃኣሎጉዴያ ታኣም ዳኪንቶንጎ።
\q
\v 42 ኔ ቃኣሎ ታ ጉሙርቃሢሮ
\q2 ታና ጫሽካ ዓሶም ማሂ ታ ኬኤዛንዳኔ።
\q
\v 43 ዎጎ ኔኤኮ ታ ጉሙርቃኔ፤
\q2 ጎኑሞ ሃይሴ ታ ዻንጋፓ ፔቴታዖ ሺኢሺፖ።
\q
\v 44 ናኣናና ናንጊ ሄላንዳኣና
\q2 ቢያ ዎዴ ዎጎ ታ ኔኤሲ ካፓንዳኔ።
\q
\v 45 ዳምቦ ታ ኔኤኮ ኮዓኔ፤
\q2 ታ ሼኖጉዴያ ሃንጋ ሴካ ታ ሃንታንዳኔ።
\q
\v 46 ዓይሢፆ ኔኤኮ ታኣኒ ካኣቶም ኬኤዛንዳኔ፤
\q2 ዬያ ታ ማዼሢሮ ቦርሲሳ ባኣዚ ታና ባኣሴ።
\q
\v 47 ታ ኮሺ ናሽካ ኔ ዓይሢፆና ዎዛዻኔ።
\q
\v 48 ኩጮ ታኣሲ ታኣኒ ናሽካ ኔ ዓይሢፆ ባንሢ ዔቂሳኔ፤
\q2 ዳምቦዋ ኔኤሲ ማሊ ታ ጶቂሣኔ።
\s1 ፆኦሲ ዎጎና ጉሙርቂንቲሢ
\q
\v 49 ሃጋኣ ዎዛ ታ ማሃሢ ዬያይዳ ማዔሢሮ
\q2 ታና ኔኤኮ ዓይላሢም ኔ ዒንጌ ቃኣሎ ማሌ።
\q
\v 50 ኔኤኮ ቃኣላ ታና ናንጋያ ማሃኔ፤
\q2 ዬይ ታኣኮ ሜታሢ ዎዶና ዶዱሞ ማዓያኬ።
\q
\v 51 ዖቶርቃ ዓሳ ሚርጌና ታና ሚኢጬኔ፤
\q2 ታኣኒ ጋዓንቴ ኔኤኮ ዎጋፓ ዓጊፃዓኬ።
\q
\v 52 ናንጊና ናንጋ ጎዳሢዮ!
\q2 ሚናፓ ዓኣ ዎጎ ኔኤኮ ታ ማሌኔ፤
\q2 ዬያና ታኣኒ ታና ዶዲሼኔ።
\q
\v 53 ዎጎ ኔኤሲ ሃሼ ፑርቶ ዓሶይዳፓ ዔቄያና
\q2 ዻጋሲ ታና ዻጋሳኔ።
\q
\v 54 ታኣኮ ሾኦቹሞ ዓጫ
\q2 ዳምባ ኔኤሲ ታኣኮ ዓይኑሞኬ።
\q
\v 55 ናንጊና ናንጋ ጎዳሢዮ!
\q2 ዋንቶና ሱንፆ ኔኤኮ ታ ማላኔ፤
\q2 ዎጎ ኔኤሲያ ታ ካፓኔ።
\q
\v 56 ኔ ዳምቦ ጎይፆ ታ ሃንታኔ፤
\q2 ዬይ ታኣኮ ማዾ ማዔኔ።
\s1 ፆኦሲ ዎጎም ዓይሢንቲሢ
\q
\v 57 ናንጊና ናንጋ ጎዳሢዮ! ታኣኒ ኮዓሢ ኔና ሌሊኬ፤
\q2 ኔኤኮ ዎጎዋ ካፓኒ ታ ጫኣቃኔ።
\q
\v 58 ጉቤ ዒናፓ ታ ኔ ዓኣፖ ካሮ ኮዔኔ፤
\q2 ኔኤኮ ቃኣሎጉዴያ ኮሹሞ ኔኤሲ ታና ዻዌ።
\q
\v 59 ታኣኒ ጎይፆ ታኣሲ ዛጌኔ፤
\q2 ታ ሃንቲፆዋ ኔ ዓይሢፆ ባንሢ ታ ማሄኔ።
\q
\v 60 ኔ ዓይሢፆ ታኣኒ ካፓኒ ሩኡሬኔ፤
\q2 ኔጊያ ታ ኔጉዋሴ።
\q
\v 61 ፑርቶ ዓሶኮ ሱዛ ታና ማሬኔ፤
\q2 ታኣኒ ጋዓንቴ ዎጎ ኔኤሲ ዋሊባኣሴ።
\q
\v 62 ኔኤኮ ፂሎ ዎጎ ዛሎሮ
\q2 ሳዖኮ ጊዲሚዣ ኔና ጋላታኒ ታ ዔቃኔ።
\q
\v 63 ታኣኒ ኔና ዒጊጫዞንሢም ቢያ
\q2 ዳምቦዋ ኔኤሲ ካፓዞንሢኮ ታ ላጌኬ።
\q
\v 64 ናንጊና ናንጋ ጎዳሢዮ! ሳዓ ኔኤኮ ሚጪንቲፆና ኩሜኔ፤
\q2 ዳምቦዋ ኔኤሲ ታና ኔ ዔርዜ።
\s1 ፆኦሲ ዎጋ ቦንቺንቴያ ማዒፆ
\q
\v 65 ናንጊና ናንጋ ጎዳሢዮ! ኔኤኮ ቃኣሎጉዴያ
\q2 ኔ ዓይላሢም ኮሺ ባኣዚ ኔ ማዼኔ።
\q
\v 66 ኔኤኮ ዓይሢፆ ታ ጉሙርቃኔ፤
\q2 ኮሺ ማሊሢንታ ዔራቶዋ ታና ዔርዜ።
\q
\v 67 ኔ ታ ጊዳ ሜቶ ዓጋንዳሢኮ ቤርታ ጎይፆ ዻቢ ታ ዓኣዼኔ፤
\q2 ሃሢ ጋዓንቴ ቃኣሎ ኔኤኮ ታ ካፓኔ።
\q
\v 68 ኔኤኒ ኮሺኬ፥ ኔ ማዻ ባካኣ ኮሺኬ፤
\q2 ዬያሮ ዳምቦ ኔኤሲ ታና ዔርዜ።
\q
\v 69 ዖቶርቃ ዓሳ ሱንፆ ታኣኮ ሉኡዙሞና ፑርቲሴኔ፤
\q2 ታኣኒ ጋዓንቴ ዓይሢፆ ኔኤኮ ጉቤ ዒናፓ ካፓኔ።
\q
\v 70 ዒና ዔያቶኮ ባይቂ ዶጬያኬ፤
\q2 ታኣኒ ጋዓንቴ ኔ ዎጎና ዎዛዻኔ።
\q
\v 71 ዳምቦ ኔኤሲ ታ ዔራንዳንጉዲ
\q2 ሜታሢዴና ኬዛ ታኣም ኮሺ ማዔኔ።
\q
\v 72 ፓይዲባኣ ቢራና ዎርቄናይዳፓ ባሼ
\q2 ኔ ዻንጋፓ ኬስካ ዎጋ ታኣም ኮሺኬ።
\s1 ፆኦሲ ዎጎኮ ፒዙሞ
\q
\v 73 ኔ ኩጫ ታና ማዤኔ፥ ኮሺያ ታና ኮሼኔ፤
\q2 ኔኤኮ ዓይሢፆ ታ ዔራንዳጉዲ
\q2 ማሊ ጶቂሥሢ ታኣም ዒንጌ።
\q
\v 74 ኔኤኮ ቃኣሎ ሃጋኣ ዎዛ ማሂ ታ ጌሤሢሮ
\q2 ኔና ዒጊጫዞንሢ ታና ዛጊ ዎዛዾንጎ።
\q
\v 75 ናንጊና ናንጋ ጎዳሢዮ! ኔ ዎጋ ፂሎ ዎጌኬ፤
\q2 ኔ ታና ሜታሴሢያ ኔኤኮ ጉሙርቂንቲፆናታሢ ታ ዔሬኔ።
\q
\v 76 ታና ኔኤኮ ዓይላሢም ኔ ጫኣቄ ጎይፆና
\q2 ኔ ሚጪንቲፃ ታና ዶዲሻያ ማዖንጎ።
\q
\v 77 ኔኤኮ ዎጋ ታኣኮ ዎዞኬ፤
\q2 ሼምፔና ታ ናንጋንዳጉዲ ኮሹማ ኔኤሲ ታኣም ሙኮንጎ።
\q
\v 78 ዖቶርቃ ዓሳ ሉኡዙሞና
\q2 ታና ሜቶይዳ ጌልዜሢሮ ቦርሲንቶንጎ፤
\q2 ታኣኒ ጋዓንቴ ዓይሢፆ ኔኤሲ ማላኔ።
\q
\v 79 ኔና ዒጊጫዞንሢ
\q2 ዓይሢፆዋ ኔኤሲ ዔራዞንሢ
\q2 ሃንጋ ታ ባንሢ ሙኮንጎ።
\q
\v 80 ታኣኒ ቦርሲንቱዋጉዲ
\q2 ዒና ታኣኮ ኔ ዎጎ ካፒፆና ፒዜ ማዖንጎ።
\s1 ዻቂንታ ዴንቃኒ ሺኢቂንቴ ሺኢጲሢ
\q
\v 81 ታ ሼምፓሢ ኔ ዻቂሺፆ ሚርጌና ኮዔኔ፤
\q2 ቃኣሎ ኔኤኮ ታኣኒ ሃጋኣ ዎዛ ማሃንዳኔ።
\q
\v 82 «ዓይዲ ኔ ታና ዶዲሻንዳይ?» ጌዒ ጌዒ
\q2 ዓኣፓ ታኣኮ ኔ ቃኣሎ ካፒፆና ላቤኔ።
\q
\v 83 ታኣኒ ጩቢዳ ሱፂንቴ ዎይኔ ዓርሦ ሱርባጉዲ ማዔያታቴያ
\q2 ዳምቦ ኔኤኮ ታ ዋሊባኣሴ።
\q
\v 84 ኔ ዓይላሢ ዎማ ሄላንዳኣና ሜታዺ ዴዓንዳይ?
\q2 ታና ዳውሳዞንሢዳ ሜቶ ኔ ዓጋንዳሢ ዓይዲዳይ?
\q
\v 85 ኔኤኮ ዎጋ ጋዓ ጎይፆ ዓኣዹዋያታዖ ዖቶርቃዞንሢ
\q2 ዔቴ ታኣም ቦኦኬኔ።
\q
\v 86 ዓይሢፃ ቢያ ኔኤኮ ጉሙርቂንታያኬ፤
\q2 ዓሳ ታና ታ ማዼ ባኣዚ ባኣንቴ ዳውሳሢሮ
\q2 ኔኤኒ ታና ማኣዴ።
\q
\v 87 ሳዖይዳፓ ዔያታ ታና ባይዛኒ ዻካ ዓቴኔ፤
\q2 ታኣኒ ጋዓንቴ ዓይሢፆ ኔኤሲ ሃሺባኣሴ።
\q
\v 88 ኔ ሚጪንቲፆጉዴያ ጊንሣ ማሂ ታና ሼምፔና ጌሤ፤
\q2 ታኣኒያ ኔ ዓይሢፆ ካፓንዳኔ።
\s1 ፆኦሲ ዎጎና ጉሙርቂንቲሢ
\q
\v 89 ናንጊና ናንጋ ጎዳሢዮ! ቃኣላ ኔኤኮ ጫሪንጮይዳ
\q2 ናኣናና ዶዲ ናንጋያኬ።
\q
\v 90 ኔኤኮ ጉሙርቂንቲፃ ሾይንቲፓ ሾይንቲ ሄላንዳኣና ናንጋኔ፤
\q2 ሳዖ ኔ ማዤኔ፥ ዬይ ዶዲ ናንጋኔ።
\q
\v 91 ቢያሢ ኔ ዓይሌ ማዔሢሮ
\q2 ኔ ዎጋ ሃኖ ሄላንዳኣና ዶዲ ናንጋኔ።
\q
\v 92 ዎጋ ኔኤሲ ታኣኮ ዎዛ ማዒባኣያታቴ
\q2 ሜታሢ ዎዶና ታ ሄኤዶ ባይቄያ ናንዳኔ።
\q
\v 93 ዬያና ኔ ታና ሼምፔና ማሄሢሮ
\q2 ኔ ዓይሢፆ ፔቴታዖ ታኣኒ ዋላዓኬ።
\q
\v 94 ታኣኒ ኔኤሮታሢሮ ሃዳራ ታና ዓውሴ!
\q2 ኔኤኮ ዎጎዋ ታኣኒ ኮዔኔ።
\q
\v 95 ፑርቶ ዓሳ ታና ባይዛኒ ካቴኔ፤
\q2 ታኣኒ ጋዓንቴ ዎጎ ኔኤሲ ማሌኔ።
\q
\v 96 ፒዙሞኮ ቢያ ዛጲ ዓኣሢ ታ ዛጌኔ፤
\q2 ዓይሢፃ ጋዓንቴ ኔኤሲ ኮሺ ዳልጊኬ።
\s1 ፆኦሲ ዎጎ ናሽኪሢ
\q
\v 97 ዎጎ ኔኤሲ ታ ኮሺ ናሽካኔ፤
\q2 ሮኦሮ ጉቤያ ታኣኒ ማላኔ።
\q
\v 98 ኔኤኮ ዓይሢፃ ዓይጎ ዎዴናኣ ታኣፓ ዱማዹዋኣሢሮ
\q2 ታ ሞርኮይዳፓ ባሼ ታና ኔ ማሊ ጶቂሣያ ማሄኔ።
\q
\v 99 ኔ ዎጎ ታኣኒ ማላሢሮ
\q2 ታና ዔርዛ ዓሶይዳፓ ባሼ ማሊ ጶቂሣ ዒኔ ታ ዔኬኔ።
\q
\v 100 ኔኤኒ ኬሴ ዎጎ ጊንፆ ታ ዓኣዻሢሮ
\q2 ጋርቼ ዓሶይዳፓ ባሼ ታኣኒ ዔራ ማዔኔ።
\q
\v 101 ኔኤኮ ቃኣሎ ታኣኒ ካፓኒ
\q2 ቶኮ ታኣኮ ታ ፑርታ ጎይሢዳፓ ቃዜኔ።
\q
\v 102 ኔኤኒ ኔኤሮ ታና ዔርዜሢሮ
\q2 ኔ ዎጎይዳፓ ታ ኬስኪባኣሴ።
\q
\v 103 ቃኣላ ኔኤሲ ዎዚ ዓኣፃይ!
\q2 ፆሎሊ ዔኤሲዳፓኣ ባሼ ዓኣፃኔ።
\q
\v 104 ኔ ዎጎይዳፓ ማሊ ጶቂሥሢ ታኣኒ ዴንቄኔ፤
\q2 ዬያሮ ሉኡዙሞ ጎይፆ ቢያ ታኣኒ ዒፄኔ።
\s1 ፆኦሲ ዎጋፓ ጴዻ ፖዒ
\q
\v 105 ቃኣላ ኔኤሲ ታ ቶኮኮ ፆምፔ
\q2 ታ ጎይፆኮዋ ፖዔኬ።
\q
\v 106 ኔኤኮ ፂሎ ዎጎ ታኣኒ ካፓኒ ጫኣቄሢሮ
\q2 ዬያ ታኣኒ ዶዲሺ ዓርቃንዳኔ።
\q
\v 107 ሚርጌና ታ ሜታዼኔ፤
\q2 ናንጊና ናንጋ ጎዳሢዮ! ኔ ቃኣሎጉዴያ
\q2 ጊንሣ ማሂ ሼምፔና ታና ጌሤ።
\q
\v 108 ናንጊና ናንጋ ጎዳሢዮ! ታ ሼኔና ታ ኔኤም ሺኢሼ
\q2 ታኣኮ ጋላቶ ዒንጊፆ ኔ ዔኬ፤
\q2 ኔኤኮ ዎጎዋ ታና ዔርዜ።
\q
\v 109 ሼምፔላ ታኣኮ ቢያ ዎዴ ሜቶይዳኬ፤
\q2 ጋዓንቴ ታ ኔኤኮ ዎጎ ዋሊባኣሴ።
\q
\v 110 ፑርቶ ዓሳ ቡኡዶ ፒሮ ታኣም ፒሬኔ፤
\q2 ታኣኒ ጋዓንቴ ዳምቦኮ ዑሣ ዓኣዺባኣሴ።
\q
\v 111 ኔ ዎጋ ናንጊና ታኣኮ ዻካሊ ባኣዚ ማዔኔ፤
\q2 ዬያና ዒና ታኣኮ ሚርጌና ዎዛዻኔ።
\q
\v 112 ዓይሢፆ ኔኤሲ ናንጊና ናንጊ ሄላንዳኣና
\q2 ማዺ ታ ኩንሣኒ
\q2 ዒኖ ታኣሲ ዬያ ባንሢ ማሄኔ።
\q
\v 113 ላምዖ ማሊሢና ዓኣ ዓሶ ታ ዒፃኔ፤
\q2 ታኣኒ ጋዓንቴ ኔ ዎጎ ናሽኬኔ።
\q
\v 114 ኔኤኒ ታኣኮ ፑኖ ካያሢና ጊቲማሢናኬ፤
\q2 ቃኣሎ ኔኤሲ ታ ዎዛና ካፓኔ።
\q
\v 115 ታ ፆኦዛሢኮ ዎጎ ታኣኒ ካፓንዳጉዲ
\q2 ዒንሢ ፑርቶ ዓሳ ታ ኮራፓ ሃኩዋቴ።
\q
\v 116 ኔኤኮ ቃኣሎጉዴያ ታና ኬልቂ ዓርቄ፤
\q2 ታኣኒ ሼምፔና ናንጋንዳኔ፤
\q2 ዎዛ ታኣኮ ጉሪ ማዔም ታ ቦርሲንቱዋጉዲ።
\q
\v 117 ሂርጋ ባኣያ ታ ናንጋንዳጉዲ ኬልቂ ታና ዓርቄ፤
\q2 ኔ ዳምቦዋ ቢያ ዎዴ ታ ዛጋንዳኔ።
\q
\v 118 ማሊፃ ዔያቶኮ ጌኔና ሉኡዙሞና ኩሜያ ማዔሢሮ
\q2 ኔ ዎጋፓ ዒፂ ኬስካዞንሢ ቢያ ኔያ ዒፃንዳኔ።
\q
\v 119 ሳዖይዳ ፑርቶ ዓሶ ቢያ ቡኡራጉዲ ኔ ሺኢሼኔ፤
\q2 ዬያሮ ታ ኔኤኮ ዳምቦ ናሽኬኔ።
\q
\v 120 ዑፃ ታኣኮ ኔና ዒጊቹሞና ጎጋይቃኔ፤
\q2 ኔ ዎጎዋ ሚርጌና ታ ዒጊጬኔ።
\q
\v 121 ፒዙሞና ፂሉሞና ዓኣ ባኣዚ ታ ማዼኔ፤
\q2 ሄርቂ ዎይሣ ዓሶም ዓኣሢ ታና ዒንጊፖ።
\q
\v 122 ታና ኔ ዓይላሢኮ ዻቂንቶ ጎናሴ፤
\q2 ዖቶርቃዞንሢ ታና ሄርቂ ዎይሣንዳጉዲ ማሂፖ።
\q
\v 123 ዓኣፓ ታኣኮ ኔ ዓውሲፆንታ
\q2 ፂሉሞ ቃኣሎዋ ካፒሢና ላቤኔ።
\q
\v 124 ታና ኔ ዓይላሢም ናሹሞ ኔኤሲ ቤኤዜ፤
\q2 ኔ ዎጎዋ ታና ዔርዜ።
\q
\v 125 ታኣኒ ኔ ዓይላሢኬ፤
\q2 ኔ ዳምቦ ዔራንዳጉዲ ታና ማሄ።
\q
\v 126 ናንጊና ናንጋ ጎዳሢዮ!
\q2 ዎጋ ኔኤሲ ሃሺንቲዳ ዓኣሢሮ
\q2 ኔኤኒ ማዾ ማዻንዳ ዎዳ ሃሢኬ።
\q
\v 127 ዓይሢፆ ኔኤሲ ዎርቄይዳፓ ባሼ ታ ናሽካኔ፤
\q2 ጎኔኬ ጌኤሺ ዎርቄይዳፓኣ ባሼ ሚጪንታኔ።
\q
\v 128 ኔ ዓይሢፃ ቦሂሳ ባኣዚ ባኣያ
\q2 ፒዜኬ ታ ጋዓኔ፤
\q2 ዬያሮ ሉኡዙሞ ጎይፆ ታ ዒዒፃኔ።
\s1 ፆኦሲ ዎጎ ቦንቻኒ ናሽኪሢ
\q
\v 129 ዳምባ ኔኤኮ ዲቃሢ ሄርሺሳያኬ፤
\q2 ዬያሮ ታ ሼምፓሢ ዬያ ካፓኔ።
\q
\v 130 ኔ ቃኣሎኮ ቡሊፃ ፖፖዓኔ፤
\q2 ዔሩዋ ዓሶ ማሊ ጶቂሣያ ማሃኔ።
\q
\v 131 ዓይሢፆ ታ ኔኤኮ ኮሺ ናሽካሢሮ
\q2 ሱኡኮና ታ ዻንጎ ታ ዋሊ ዴዓኔ።
\q
\v 132 ሱንፆ ኔኤኮ ናሽካዞንሢም ቢያ ኔ ማዻ ጎይፆ
\q2 ታ ባንሢ ማዒጋፓ ታኣም ሚጪንቴ።
\q
\v 133 ሃንቲፆ ታኣኮ ኔ ቃኣሎጉዴያ ፒዚሴ፤
\q2 ጎሜ ታና ዎይሣንዳጉዲ ሃሺፖ።
\q
\v 134 ኔ ዓይሢፆ ታ ካፓኒ ዳንዳዓንዳጉዲ
\q2 ዓሲ ታና ማኣሳንሣያይዳፓ ዓውሴ።
\q
\v 135 ታና ኔኤኮ ዓይላሢም ዓኣፖ ካሮ ኔኤኮ ፖዒሴ፤
\q2 ዳምቦዋ ኔኤኮ ታና ዔርዜ።
\q
\v 136 ዎጋ ኔኤኮ ቦንቺንቲባኣሢሮ
\q2 ዓቢፃ ታኣኮ ዋኣሢጉዲ ዎታኔ።
\s1 ፆኦሲ ዎጋ ፒዜ ማዔሢ
\q
\v 137 ናንጊና ናንጋ ጎዳሢዮ! ኔኤኒ ፂሎኬ፤
\q2 ዎጊፃኣ ኔኤኮ ፒዜኬ።
\q
\v 138 ኔ ዓይሢፆ ኔኤኒ ፂሉሞና ኬሴኔ፤
\q2 ዬይያ ኮሺ ጉሙርሳያኬ።
\q
\v 139 ታ ሞርካ ቃኣሎ ኔኤሲ ዔኪባኣሢ
\q2 ኮሺ ታና ሮኦጋሳኔ።
\q
\v 140 ቃኣላ ኔኤኮ ኮሺ ጊሶናያኬ፤
\q2 ታኣኒ ኔ ዓይላሢ ዬያ ናሽኬኔ።
\q
\v 141 ታኣኒ ፓሡዋያና ቶኦቺንቴያናኬ፤
\q2 ጋዓንቴ ታ ኔኤኮ ዓይሢፆ ዋሊባኣሴ።
\q
\v 142 ፂሉማ ኔኤኮ ናንጊና ናንጋያኬ፤
\q2 ዎጋኣ ኔኤሲ ጎኔኬ።
\q
\v 143 ሜቶና ዋኣዪሢና ታና ሄሌኔ፤
\q2 ጋዓንቴ ኔ ዓይሢፃ ታኣኮ ዎዛኬ።
\q
\v 144 ዓይሢፃ ኔኤሲ ናንጊና ፂሉሞ ዓይሥሢኬ፤
\q2 ሼምፔና ታ ናንጋንዳጉዲ ማሊ ጶቂሥሢ ታኣም ዒንጌ።
\s1 ሞርኬ ኩሽካፓ ዻቃኒ ሺኢቂንቴ ሺኢጲሢ
\q
\v 145 ናንጊና ናንጋ ጎዳሢዮ! ጉቤ ዒናፓ ታ ዒላታኔ፤
\q2 ኔ ታኣም ዋይዜ፤
\q2 ዳምቦዋ ኔኤኮ ታ ካፓንዳኔ።
\q
\v 146 ታ ኔ ባንሢ ዒላታሢሮ ታና ዓውሴ፤
\q2 ዓይሢፆዋ ታ ኔኤኮ ካፓንዳኔ።
\q
\v 147 ኔ ታና ማኣዳንዳጉዲ
\q2 ዓባ ፆርቁዋንቴ ጴጪ ታ ዒላታኔ፤
\q2 ኔ ቃኣሎዋ ሃጋኣ ዎዛ ማሂ ታ ጌሣኔ።
\q
\v 148 ኔኤኮ ቃኣሎ ታ ማላኒ
\q2 ዓኣፓ ታኣኮ ዋንቶ ጉቤ ዱኡሚንቱዋዖ ዎርቃኔ።
\q
\v 149 ኔ ኮሹሞጉዴያ ዑኡዞ ታኣሲ ዋይዜ፤
\q2 ናንጊና ናንጋ ጎዳሢዮ! ኔ ዎጎጉዴያ
\q2 ጊንሣ ማሂ ታና ሼምፔና ናንጋያ ማሄ።
\q
\v 150 ፑርታ ባኣዚ ታኣም ቱካ ዓሳ ታ ባንሢ ዑኬኔ፤
\q2 ጋዓንቴ ዔያታ ኔ ዎጎኮ ዙላኬ።
\q
\v 151 ናንጊና ናንጋ ጎዳሢዮ!
\q2 ኔኤኒ ጋዓንቴ ዑኬኬ፤
\q2 ዓይሢፃኣ ኔኤሲ ቢያ ጎኔኬ።
\q
\v 152 ናንጊና ኔኤኒ ዬያ ኔ ዎጎ ዶዲሺ ኬሴያ ማዔሢ
\q2 ሚርጌ ዎዴኮ ቤርታፓ ታ ዔሬኔ።
\s1 ፆኦሲ ሺኢጲሢ
\q
\v 153 ታኣኒ ዎጎ ኔኤኮ ዋሊባኣሴ፤
\q2 ዋኣዪፆ ታኣኮ ዛጌ፤
\q2 ሄሊያኣ ታና ዓውሴ።
\q
\v 154 ታ ዛሎ ኔ ሞኦቲንቴ፥ ታና ዓይሴ፤
\q2 ኔ ቃኣሎ ጎይፆ ሼምፔና ታና ናንጊሼ።
\q
\v 155 ዳምቦ ኔኤሲ ዔያታ ኮዑዋኣሢሮ
\q2 ዻቂንታ ፑርቶ ዓሶይዳፓ ሃኬኬ።
\q
\v 156 ናንጊና ናንጋ ጎዳሢዮ! ሚጪንታ ኔኤኮ ዼኤፒኬ፤
\q2 ኔ ዎጎጉዴያ ሼምፔና ታና ናንጊሼ።
\q
\v 157 ታና ዳውሳ ሞርካ ሚርጌኬ፤
\q2 ታኣኒ ጋዓንቴ ኔኤኮ ዓይሢፃፓ ሺኢኪባኣሴ።
\q
\v 158 ዔያታ ቃኣሎ ኔኤሲ ካፑዋሴ፤
\q2 ዬያሮ ጉሙርቂንቱዋ ዓሶ ዛጊ ታ ሻኣኪንቴኔ።
\q
\v 159 ናንጊና ናንጋ ጎዳሢዮ!
\q2 ኔኤኮ ዓይሢፆ ታ ናሽካያ ማዔሢ ዛጌ፤
\q2 ኔኤኮ ናንጊና ናንጋ ናሹሞና ሼምፔና ታና ጌሤ።
\q
\v 160 ኔኤኮ ቃኣላ ጉቤና ጎኔኬ፤
\q2 ኔኤኮ ፂሎ ማዔ ዎጋኣ ናንጊና ናንጋያኬ።
\s1 ፆኦሲ ዎጎም ዓይሢንቲሢ
\q
\v 161 ሱኡጋ ታኣኒ ዔኤቢ ማዺባኣንቴ ዳውሴኔ፤
\q2 ታ ጋዓንቴ ቃኣሎ ኔኤኮ ዒጊቹሞና ቦንቻኔ።
\q
\v 162 ዔኤቢ ሚርጌ ዲዒ ዔኬ ዓሲጉዲ
\q2 ቃኣላ ኔኤኮ ታና ዎዛሴኔ።
\q
\v 163 ሉኡዙሞ ታ ዒፃኔ፥ ሻሻኣኪንታኔ፤
\q2 ዎጎ ኔኤሲ ጋዓንቴ ናሽካኔ።
\q
\v 164 ኔኤኮ ፂሎ ማዔ ዎጎ ዛሎ
\q2 ፔቴ ኬሊዳ ላንካይ ማይንቲ ታ ኔና ጋላታኔ።
\q
\v 165 ኔኤኮ ዎጎ ናሽካ ዓሶም ሚርጌ ኮሹሞ ዓኣኔ፤
\q2 ዹቃ ባኣዚያ ዔያቶ ባኣሴ።
\q
\v 166 ናንጊና ናንጋ ጎዳሢዮ! ዓውሲፆ ኔኤሲ
\q2 ዎዛ ጌሢ ታ ካፓኔ፤
\q2 ኔ ዓይሢፆዋ ማዺ ታ ኩንሣንዳኔ።
\q
\v 167 ሼምፓሢ ታኣኮ ኔ ዓይሢፆ ካፓኔ፤
\q2 ሚርጌና ዬያ ታ ናሽካኔ።
\q
\v 168 ጎይፃ ታኣኮ ጉቤ ኔ ቤርታ ፔጋኣኬ፤
\q2 ዬያሮ ኔኤኮ ዎጎንታ ዓይሢፆንታ ታ ካፓኔ።
\s1 ማኣዶ ዴንቃኒ ሺኢቂንቴ ሺኢጲሢ
\q
\v 169 ናንጊና ናንጋ ጎዳሢዮ! ታ ዒላታ ኔ ቤርቶ ሄሎንጎ፤
\q2 ኔ ቃኣሎጉዴያ ማሊ ጶቂሥሢ ታኣም ዒንጌ።
\q
\v 170 ሺኢጲፃ ታኣሲ ኔ ቤርቶ ሄሎንጎ፤
\q2 ኔ ቃኣሎጉዴያ ሄሊ ታና ዓውሴ።
\q
\v 171 ኔ ዎጎ ኔ ታና ዔርዜሢሮ
\q2 ዻንጋ ታኣሲ ጋላታ ዓልቂሳኔ።
\q
\v 172 ዓይሢፃ ኔኤሲ ቢያ ፂሉሞ ዓይሥሢታሢሮ
\q2 ዒንዲርዛ ታኣሲ ኔ ቃኣሎ ዛሎ ዓይናዾንጎ።
\q
\v 173 ኔኤኮ ዓይሢፆ ታ ዶኦሬሢሮ
\q2 ኩጫ ኔኤሲ ታና ማኣዳኒ ጊኢጌያ ማዖንጎ።
\q
\v 174 ናንጊና ናንጋ ጎዳሢዮ! ዓውሲፆ ታ ኔኤሲ ኮዔኔ፤
\q2 ኔኤኮ ዎጋ ታና ዎዛሳያኬ።
\q
\v 175 ታ ኔና ጋላታኒ ሼምፔና ናንጎም!
\q2 ኔ ዎጋኣ ታና ማኣዶንጎ።
\q
\v 176 ዓዳ ዣኣሌ ማራይጉዲ ታ ማዔኔ፤
\q2 ዓይሢፆ ታ ኔኤሲ ዋሊባኣሢሮ
\q2 ታና ኔ ዓይላሢ ኔኤኒ ኮዔ።
\c 120
\s1 ፂዮኔ ኬዞ ዓይኑሞ
\d ሉኡቃ ዓሲና ጌሻ ዓሲናፓ ቶላኒ ሺኢቂንታ ሺኢጲሢ
\q
\v 1 ሜታዺ ካራ ታኣኒ ባይዛዖ
\q2 ናንጊና ናንጋ ጎዳ ባንሢ ዒላቴኔ፤
\q2 ዒዚያኣ ታኣኮ ሺኢጲፆ ዋይዜኔ።
\q
\v 2 ናንጊና ናንጋ ጎዳሢዮ!
\q2 ሉኡቃ ዓሶና ጌሻ ዓሶናፓ ታና ዓውሴ።
\q
\v 3 ዒንሢ ጌሺ ማልታ ዓሳ!
\q2 ፆኦሲ ዒንሢ ዎዎዴቴ ኮሺኬ ጎዖንዶይ?
\q2 ዎዚጉዴ ሜቶ ዒንሢዳ ቃሴቴ ታኣም ጊኢጋንዳይ?
\q
\v 4 ዒዚ ዒንሢ ዓጬ ሂኢዦና ዱካንዳኔ፤
\q2 ታሚ ቄንሢናኣ ዒንሢ ዒ ሚቻንዳኔ።
\q
\v 5 ቄዳሬ ዓጮ ዴሮ ባኣካ
\q2 ጊንሣ ሃሣ ሜሼኬ ዴሮ ባኣካ
\q2 ሙፒ ዓሲ ማዒ ታ ናንጌሢሮ ታና ባዴዔ!
\q
\v 6 ኮሹሞ ዒፃ ዴሬና ዎላ
\q2 ሚርጌ ሌዔ ታኣኒ ናንጌኔ።
\q
\v 7 ታኣኒ ኮሹሞ ኮኮዓኔ፤
\q2 ታኣኒ ኮሹሞ ዛላ ጌስታኣና
\q2 ዔያታ ዖልዚ ሃይሴ ሌሊ ዔካኔ።
\c 121
\s1 ፂዮኔ ኬዞ ዓይኑሞ
\d ፆኦሲ ኑና ፑርታፓ ካፓያ ማዒፆ
\q
\v 1 ታ ሌካ ዼኤፖ ዹኮ ባንሢ ዛጋኔ፤
\q2 ሃንጎሾ፥ ታኣኒ ማኣዶ ዓንካፓ ዴንቃንዳዖ?
\q
\v 2 ማኣዳ ታኣም ሙካሢ
\q2 ጫሪንጮና ሳዖና ማዤ ናንጊና ናንጋ ጎዳፓኬ።
\q
\v 3 ኔና ካፓሢ ቢያ ዎዴ ጴቺ ዴይ ካፓሢሮ
\q2 ቶኮ ኔኤኮ ሃርቻቼ ዔኪ ኔና ሎንሣዓኬ።
\q
\v 4 ዒስራዔኤሌ ካፓሢ ፔቴታዖ ጊንዑዋሴ፤
\q2 ሃውሻኒ ጌይያኣ ላሁዋሴ።
\q
\v 5 ኔና ካፓሢ ናንጊና ናንጋ ጎዳኬ፤
\q2 ኔኤኮ ሚዛቆ ዛላ ዒ ሺቢ ማዒ ዓኣኔ።
\q
\v 6 ሮኦሮና ዓባ ኔና ሚቻዓኬ፤
\q2 ዒባኖናኣ ዓጊና ፔቴታዖ ፑርታ ባኣዚ ሄሊሳዓኬ።
\q
\v 7 ናንጊና ናንጋ ጎዳ ፑርታ ባኣዚ ቢያይዳፓ ኔና ካፓንዳኔ፤
\q2 ኔኤኮ ሼምፓሢ ኮሺና ዒዚ ካፓያኬ።
\q
\v 8 ኔ ማኣራፓ ኬስኪ ኔኤኒ ዴንዳኣና
\q2 ጊንሣ ኔኤኒ ዬካፓ ማዓኣና
\q2 ሃኖዋ ማዖም ሃጊያ ናንጊና ዒ ኔና ካፓንዳኔ።
\c 122
\s1 ፂዮኔ ኬዞ ዓይኑሞ ዳውቴ ዓይናዼሢ
\d ዬሩሳላሜ ሄርሺ ዓይናዺንቴ ዓይኑሞ
\q
\v 1 «ናንጊና ናንጋ ጎዳሢ ማኣሪ ኑ ዓኣዾም!» ዔያታ ጋዓኣና
\q2 ሚርጌና ታና ዎዛሴኔ።
\q
\v 2 ዬሩሳላሜ!
\q2 ካሮና ኔኤኮ ኑኡኒ ጌሊ ጋራ ዔቄኔ።
\q
\v 3 ዬሩሳላሜ ካታማ
\q2 ዎላ ካንሢ ጋጋሦናጉዲ ዶዲሺ ማዢንቴ ካታማኬ።
\q
\v 4 ዒስራዔኤሌም ዒንጊንቴ ዳምቦ ጎይፆጉዲ
\q2 ናንጊና ናንጋ ጎዳሢም ጋላታ ሺኢሻኒ
\q ፆኦሲ ፃጳ ቢያ ቡካሢ
\q2 ሃኖ ካታሜሎይዳኬ።
\q
\v 5 ዳውቴ ፃጳፓ ካኣታዼ ካኣታ ቢያ
\q2 ፔኤኮ ዴሮም ዎጎ ዎጋኒ
\q2 ሃኖ ካታሜሎይዳ ዴዓኔ።
\q
\v 6 ዬሩሳላሜ ካታሞይዳ ኮሹሞ ዓኣያ ማዓንዳጉዲ
\q2 ሂዚ ጌይ ፆኦሲ ሺኢቁዋቴ፦
\q2 «ኔና ናሽካ ዓሳ ቢያ ጊኢጎንጎ፤
\q
\v 7 ኔኤኮ ኬኤሎ ዲፃ ቢያ ኮሺ ማዒ ዴዖንጎ፤
\q2 ኔኤኮ ካኣቶ ማኣራ ሜታ ባኣያ ኮሺ ናንጎንጎ።»
\q
\v 8 ታኣኮ ዒጊኖንታ ታ ላጎንታሮ
\q2 «ዬሩሳላሜ! ኮሹሞ ኔኤም ማዖንጎ!» ታኣኒ ጋዓንዳኔ።
\q
\v 9 ዬሩሳላሜ!
\q2 ናንጊና ናንጋ ጎዳ ማዔ ኑ ፆኦዛሢ ማኣሮ ዛሎሮ
\q2 ኔኤም ኮሺ ሙካንዳጉዲ ታ ኮዓኔ።
\c 123
\s1 ፂዮኔ ኬዞ ዓይኑሞ
\d ፆኦሲ ሚጪንቲ ማኣዳንዳጉዲ ሺኢቂንቴ ሺኢጲሢ
\q
\v 1 ጫሪንጫ ካኣቱሞ ዖይታ ዴዒ ዓኣሢዮ!
\q2 ኔ ባንሢ ታኣኒ ዛጋኔ።
\q
\v 2 ናንጊና ናንጋ ጎዳ ማዔ ኑ ፆኦዛሢዮ!
\q2 ዓይሎ ማዒ ማዻ ዓቲንቃ ማኣሮ ዓዶ ኩጮ
\q2 ላኣላ ጊንሣ ማኣሮ ዒንዶ ኩጮ
\q ዛጋሢጉዲ ኔኤኒ ኑና ሚጪንቲ ማኣዳንዳያ ሄላንዳኣና
\q2 ኔ ማኣዳሢ ሙካንዳ ጎይፆማ ኑ ካፓኔ።
\q
\v 3 ናንጊና ናንጋ ጎዳሢዮ! ሚርጌና ኑ ጫሽኪንቴሢሮ
\q2 ሃዳራ ኑና ሚጪንቲ ማኣዴ።
\q
\v 4 ዖቶሮ ዓሳ ኑና ቦሃ ቦሂፃ
\q2 ዖርጎጮ ዓሳ ኑና ቶኦቻ ቶኦቺፃ
\q ሚሺ ኑና ቴኤቄኔ።
\c 124
\s1 ፂዮኔ ኬዞ ዓይኑሞ ዳውቴ ዓይናዼሢ
\d ፆኦሲ ፔ ዓሶ ካፓያ ማዒፆ
\q
\v 1 ናንጊና ናንጋ ጎዳ ኑኡና ዎላ ማዒባኣቴ
\q2 ኑ ዎዎይታንዳዖ ዓቴይ?
\q ዒስራዔኤሌ ሂዚ ጎዖንጎ፦
\q
\v 2 «ዎንዴ ናንጊና ናንጋ ጎዳሢ ኑኡና ማዒባኣቴ
\q2 ኑኡኮ ሞርካ ኑና ባይዛኒ ሙኬያና፥
\q
\v 3 ዼኤፖ ዻጎና ኑጊዳ ዔያታ ዔቄያና
\q2 ሼምፔና ዔቂ ዓኣንቴ ኑና ዔያታ ዔዔኤዼዖ ዓቴኔ፤
\q
\v 4 ዲጳ ኑና ዔኤዺ ጋፔያታንቴ
\q2 ዬይ ሴኤሊንቲ ዴንዳ ዋኣፃ ኑና ሙይ ጋፔያታንቴኬ፤
\q
\v 5 ሩኡሪና ዴንዳ ዲጳ ፒፂ ኑና ዔኪ ዴንዴናንዳንቴኬ።»
\q
\v 6 ኑኡኮ ሞርካ ዓጮና ኑና ዻይ ሾኦሉዋጉዲ ካፔ
\q2 ናንጊና ናንጋ ጎዳሢ ጋላቲንቶም።
\q
\v 7 ኑኡኒ ካፒጉዲ ኑኡም ፒሮና ፒራስካፓ ቶሌኔ፤
\q2 ዬይ ፒራሢ ሜቄም፥ ኑኡኒ ዓዺንቱዋዖ ዓቴኔ።
\q
\v 8 ዬያይዲ ኑና ማኣዴሢ
\q2 ጫሪንጮና ሳዖና ማዤ ናንጊና ናንጋ ጎዳ ሱንፆኬ።
\c 125
\s1 ፂዮኔ ኬዞ ዓይኑሞ
\d ፆኦሲ ፔ ዓሶ ጉሙርሳያ ማዒ ካፓ ካፒሢ
\q
\v 1 ናንጊና ናንጋ ጎዳ ጉሙርቃ ዓሳ
\q2 ፔቴታዖ ዓጊፁዋዖ ናኣናና ናንጋ
\q2 ፂዮኔ ዹኮጉዲ ዶዲ ዴዓያኬ።
\q
\v 2 ዹካ ዬሩሳላሜኮ ኮይሎ ቢያ ዲርቂ ዓኣሢጉዲ
\q2 ሃናኣፓ ዓርቃዖ ዴንዲ ናንጊና ናንጋንዳያና
\q2 ፆኦሲ ፔ ዴሮኮ ኮይሎ ዲርቂ ዓኣኔ።
\q
\v 3 ፂሎ ዓሳ ፑርታ ባኣዚ ማዺ ዓርቁዋጉዲ
\q2 ፑርቶ ዓሳ ፂሎ ዓሶ ሳዖይዳ ዴይ
\q2 ዎይሣንዳሢ ሚርጌ ናንጋዓኬ።
\q
\v 4 ናንጊና ናንጋ ጎዳሢዮ!
\q2 ኔኤኮ ዓይሢፆ ካፒ ኩንሣ
\q2 ኮዦ ዓሶም ኮሺ ባኣዚ ማዼ።
\q
\v 5 ዎቦ ጎይፆ ባንሢ ጊንሣ ማዓ ዓሶ ጋዓንቴ
\q2 ፑርቶ ማዻ ዓሶና ዎላ ፆኦሲ ባይዛንዳኔ።
\b
\q ኮሹሞ ዒስራዔኤሌም ማዖንጎ!
\c 126
\s1 ፂዮኔ ኬዞ ዓይኑሞ
\d ዲዒንቲፓ ማዓዖ ዎዛና ዓይናዺንቴ ዓይኑሞ
\q
\v 1 ናንጊና ናንጋ ጎዳ ኑና ፂዮኔ ዔኪ ማሄያና
\q2 ዓውቲ ኑኡም ማሌኔ፥ ጎኔ ባኣዚኬ ኑ ጌይባኣሴ።
\q
\v 2 ዻንጋ ኑኡኮ ሚኢቺ ሌሊ ሚኢጫያ
\q2 ዎዛና ዓይኑሞ ሌሊ ዓይናዻያ ማዔኔ፤
\q ዬያሮ ሜሌ ዴራ፦
\q2 «ናንጊና ናንጋ ጎዳ ዼኤፒ ባኣዚ ዔያቶም ማዼኔ» ጌዔኔ።
\q
\v 3 ጎኔና ናንጊና ናንጋ ጎዳ ሚርጌ ዼኤፒ ባኣዚ ኑኡም ማዼኔ፤
\q2 ዬያሮ ሚርጌና ኑኡኒ ዎዛዻኔ።
\q
\v 4 ናንጊና ናንጋ ጎዳሢዮ!
\q2 ዒራ ዋርቃዛ ዾኦሎ ዛሎይዳ ዓኣ
\q2 ዓሲ ናንጉዋ ዳውሎም ዲጶ ዋኣፆ ዔኪ ሙካ ዎሮጉዲ
\q2 ኑ ባኮ ኑኡም ማሂ ዒንጊ ዎንዴ ኑ ዓኣ ጎይፆ ማሄ።
\q
\v 5 ዬኤኪ ዬኤኪ ዜርቄ ዓሳ
\q2 ዎዛና ዒላሺ ዒላሺ ማኣሎ ቡራንዳኔ።
\q
\v 6 ዜርፆ ዔኪ ዴንዳኣና ዬኤኬ ዓሳ
\q2 ናኣሮ ኬዲ ዎዛና ማዒ ሙካንዳኔ።
\c 127
\s1 ፂዮኔ ኬዞ ዓይኑሞ ሴሎሞኔ ዓይናዼሢ
\d ፆኦሲኮ ኮሹሞሮ ጋላቲንቴ ጋላታ
\q
\v 1 ናንጊና ናንጋ ጎዳ ኬኤሢ ማዢባኣንቴ
\q2 ማኣሮ ማዣኔ ጋዓ ዓሳ ላባሢ ጉሪኬ።
\q ናንጊና ናንጋ ጎዳ ካታሞ ካፒባኣንቴ
\q2 ካታሞ ካፓኔ ጋዓ ዓሳ ጉሪ ላባኔ።
\q
\v 2 ጉቴ ዹቡርታ ዔቂ
\q2 ጊንሣ ሃሣ ዒባኒ ላሆንዶ ዎዶ ዓኣሢ
\q2 ሳዖይዳ ዓኣ ናንጎሮ ላቢፃ ጉሪኬ።
\q ናንጊና ናንጋ ጎዳ
\q2 ዒዚ ናሽካ ዓሶም ሃውሾ ዒንጋኔ።
\q
\v 3 ናይ ናንጊና ናንጋ ጎዳ ዒንጋ ባኣዚኬ፤
\q2 ጎኔ ፒዜ ማዔ ዓንጆኬ።
\q
\v 4 ዓሲ ዼጌ ዓኣዖ ሾዓ ዓቲንቄ ናይ
\q2 ዖልዚ ዓሲኮ ኩሽካ ዓኣ ሂኢሺጉዴያኬ።
\q
\v 5 ካቲላ ዬያጉዴ ሂኢዦና ኩሜ ዓሲ
\q2 ጎኔና ባሊቲ ዓኣ ዓሲኬ፤
\q ፔ ሞርኮና ዎላ ካታሞ ጌሎ ካራ ማርማኣና
\q ባሺንቲ ቦርሲንቱዋያኬ። \f + \fr 127፡5 \fr*\fq ዬኖ ዎዶና ማዺንታ ጎይፆ፦ ዬይ ዺቦ ዓቲንቆ ናኣታ ዓዶና ዎላ ዓዶ ዛሎ ማርማኒ ሙካያ ማዒፆ ዔርዛያኬ።\fq*\f*
\c 128
\s1 ፂዮኔ ኬዞ ዓይኑሞ
\d ፆኦሲም ዓይሢንቲና ጴዻ ዓንጆ
\q
\v 1 ናንጊና ናንጋ ጎዳ ዒጊጫዞንሢና
\q2 ዓይሢፆዋ ካፓዞንሢ ዓንጂንቴያኬ።
\q
\v 2 ኔ ማዺ ላቤ ጮጋጮ ኔኤሲ ኔኤኒ ሙዓንዳኔ፤
\q2 ኔ ዓንጂንታንዳኔ፥ ዔኤቢ ቢያ ኔኤም ጊኢጋንዳኔ።
\q
\v 3 ኔኤኮ ላኣሌላ ማኣሮይዳ ዓሚ ካፃ ዎይኔ ማዓንዳኔ፤
\q2 ኔኤኮ ናኣታኣ ካሦ ሙዖ ጎንጎ ዓጮይዳ
\q2 ፑሪ ኬስኬ ዛይቶ ሪሚቶ ናኣቶጉዲ ማዓንዳኔ።
\q
\v 4 ናንጊና ናንጋ ጎዳ ቦንቺ ዒጊጫ ዓሲ
\q2 ያዺ ዓንጂንታያ ማዓንዳኔ።
\q
\v 5 ናንጊና ናንጋ ጎዳ ፂዮኔፓ ኔና ዓንጆንጎ!
\q2 ዬሩሳላሜኮ ዖርጎቹሞ ኔ ናንጋ ዎዶ ቢያይዳ
\q2 ኔና ዻዎንጎ!
\q
\v 6 ኔ ናኣቶኮ ናኣቶ ሄላንዳኣና
\q2 ኔና ዒዚ ዛጊሶንጎ!
\b
\q ኮሹሞ ዒስራዔኤሌም ማዖም!
\c 129
\s1 ፂዮኔ ኬዞ ዓይኑሞ
\d ዒስራዔኤሌኮ ሞርኮፓ ቶላኒ ሺኢቂንቴ ሺኢጲሢ
\q
\v 1 ናኣቶፓ ዓርቃዖ ፑርታ ባኣዚ ታና ሄሌኔ፤
\q2 ዒስራዔኤሌ ዓሳ ሂዚ ጎዖንጎ፦
\q
\v 2 «ታኣኒ ናኣቶ ዓኣንቴ ዓርቃዖ
\q2 ታኣኮ ሞርካ ታና ሚጪንቲቃይዶ ዳውሳኔ፤
\q2 ጋዓንቴ ታና ዔያታ ባሺባኣሴ።
\q
\v 3 ታኣኮ ዙሎ ዔያታ ዢራፓና ጳርቂ
\q2 ጎሺ ጎሽኮማጉዲ ሹኬኔ።
\q
\v 4 ናንጊና ናንጋ ጎዳ ቢያ ዎዴ ፒዜኬ፤
\q2 ዬያቶ ሚጪንቱዋ ፑርቶ ዓሶ ቱኡዛፓ ታና ዒ ቡሌኔ።»
\q
\v 5 ፂዮኔ ዒፃ ዓሲ ቢያ
\q2 ቦርሲንቲ ጊንሢም ማዖም።
\q
\v 6 ማኣሪ ዑሢዳ ባቃሌ ማኣቲጉዲ
\q2 ሃጊ ዑጉዋዖ ሹሊ ባይቃያ ማዖም።
\q
\v 7 ዬያጉዴ ማኣታ ዎዻ ዓሲኮ ኩጮ ኩሙዋያ
\q2 ጌኤቴ ማሂ ቱካኒ ጋዓሢማኣ ኮኦማ ኩሙዋያ ማዖም።
\q
\v 8 ዔያቶኮ ኮይሊና ዴንዳ ዓሲ ቢያ ፂዮኔኮ ሞርኮ፦
\q2 «ናንጊና ናንጋ ጎዳ ዒንሢ ዓንጆንጎ!
\q2 ኑኡኒያ ናንጊና ናንጋ ጎዳ ሱንፆና ዒንሢ ዓንጃኔ!»
\q2 ዔያቶ ጋዓዓኬ።
\c 130
\s1 ፂዮኔ ኬዞ ዓይኑሞ
\d ፆኦሲ ማኣዳንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ዼኤፒ ዖዪሢዳ ዓኣዖ
\q2 ኔ ታና ማኣዳንዳጉዲ ኔ ባንሢ ታ ዒላታኔ።
\q
\v 2 ጎዳሢዮ! ታ ሺኢቃ ሺኢጲፆ ዋይዜ፤
\q2 ኔ ዋያ ታኣኮ ዒላቶ ዋይዛያ ማዖም።
\q
\v 3 ኔኤኒ ኑኡኮ ጎሞ ኮጲሳያ ማዔቴ
\q2 ዖኦኒ ፒዜ ማዒ ሜቶ ዔኩዋ ዓታንዳይ?
\q
\v 4 ጋዓንቴ ኔና ኑ ቦንቻንዳጉዲ
\q2 ኑኡኮ ጎሞ ኔኤኒ ዓቶም ጋዓኔ።
\q
\v 5 ታኣኒ ናንጊና ናንጋ ጎዳ ጶቂሢ ካፓኔ፤
\q2 ታ ሼምፓሢያ ዒዛ ጊቢ ካፓኔ፤
\q2 ዒዛኮ ቃኣሎዋ ታ ጉሙርቃኔ።
\q
\v 6 ዛቤ ካፓ ዓሲ ሳዓ ካራንዳጉዲ ኮዓያይዳፓ ባሼ
\q2 ታኣኒ ናንጊና ናንጋ ጎዳ ጶቂሢ ካፓኔ።
\q
\v 7 ዒስራዔኤሌ! ዒዛኮ ናሹማ ናንጊና ናንጋያ ማዔሢሮ
\q2 ዓሲ ዓውሳኒያ ዎልቄ ዓኣያ ማዔሢሮ
\q2 ናንጊና ናንጋ ጎዳይዳ ሃጋ ዎዛ ጌሢ ጉሙርቄ።
\q
\v 8 ናንጊና ናንጋ ጎዳ ፔኤኮ ዴሮ ዒስራዔኤሌ
\q2 ዔያቶኮ ጎሞ ቢያይዳፓ ዓውሳያኬ። \x - \xo 130፡8 \xo*\xt ማቲ. 1፡21፤ ቲቶ 2፡14።\xt*\x*
\c 131
\s1 ፂዮኔ ኬዞ ዓይኑሞ ዳውቴ ዓይናዼሢ
\d ፆኦሲ ጉሙርቂሢ
\q
\v 1 ናንጊና ናንጋ ጎዳሢዮ! ታ ዒኖይዳ ዖቶርሙሞ ባኣሴ፤
\q2 ዓኣፓ ታኣኮ ዖቶርሙሞና ዛጌ ጎይሢ ባኣሴ፤
\q ዒና ታኣኮ ኮይሱዋ ዼኤፓቶ ኮዒባኣሴ፤
\q2 ታኣም ሃናኑዋ ባኣዚ ሄላኒ ታ ጪኢዺንቲባኣሴ።
\q
\v 2 ዻንሢፓ ጉኡጴ ናይ ዒንዶኮ ዳዳ ሊች ጌይ ዴዓሢጉዲ
\q2 ታኣኒ ዔኤቢያ ጎዑዋዖ ዚቲ ጌዔኔ።
\q
\v 3 ዒስራዔኤሌ! ሃሢፓ ዓርቃዖ ናንጊና ናንጊ ሄላንዳኣና
\q2 ናንጊና ናንጋ ጎዳሢ ጉሙርቂ ናንጌ!
\c 132
\s1 ፂዮኔ ኬዞ ዓይኑሞ
\d ጌኤዦ ማኣሮ ዛሎ ዓይናዺንቴ ዓይኑሞ
\q
\v 1 ናንጊና ናንጋ ጎዳሢዮ!
\q2 ታና ዳውቴያ ማሊ ጶቂሣዎ፤
\q2 ዒዚ ሜታዺ ዓኣሤ ሜቶዋ ቢያ ሃዳራ ዋሊፖ።
\q
\v 2 ናንጊና ናንጋ ጎዳሢዮ! ኔኤና ዎላ ዒ ጫኣቄ ጫኣቁሞና
\q2 ቢያ ባኮ ዳንዳዓ፥ ያይቆኦቤ ፆኦዛሢ፥ ኔኤም
\q2 ሂዚ ጌይ ዒ ጫኣቂ ናኣቤ ናኣቦ ማሊ ጶቂሤ፦
\q
\v 3-5 «ናንጊና ናንጋ ጎዳሢም ኬኤሢ ታኣኒ ማዣንዳኣና
\q2 ቢያ ባኮ ዳንዳዓ ያይቆኦቤ ፆኦሲም ማኣሪ ታ ኮሻንዳኣና
\q2 ታ ኬኤፆ ታኣኒ ጌላዓኬ፤
\q2 ታ ዓርሶይዳኣ ታኣኒ ላሃዓኬ፤
\q2 ሃውሺ ጊንዖ ጋዓ ባኣዚያ ታ ጊንዓዓኬ።»
\q
\v 6 ዔፕራታይዳ ኑ ዓኣዖ
\q2 ዒዚ ጫኣቁሞ ጫኣቄ ሳኣፂኖ ዛሎ ኑ ዋይዜኔ፤
\q2 ቂሪያትይዓሪሜይዳ ዬያ ሳኣፂኖ ኑኡኒ ዴንቄኔ።
\q
\v 7 ዬካፓ ኑኡኒ፦ «ናንጊና ናንጋ ጎዳሢኮ ማኣሪ ኑ ዓኣዾም፤
\q2 ቶካ ዒዛኮ ሄርቃ ሳዖይዳ ሂርኪ ጌይ ኑ ዒዛም ዚጎም» ጌዔኔ።
\q
\v 8 ናንጊና ናንጋ ጎዳሢዮ!
\q2 ኔኤኮ ዎልቆ ፔጋሲ ዔርዛያ ማዔ
\q2 ጫኣቁሞ ሳኣፂኖና ዎላ ኔኤኒ ሃውሻ ቤዞ
\q2 ኔኤኮ ጌኤዦ ማኣሮ ጌሌ።
\q
\v 9 ኔኤም ማዻ ቄኤሳ ፂሎ ማዾ ማዾም!
\q2 ኔኤም ጉሙርቂንታያ ማዔዞንሢ ዎዛና ኔና ቦንቺ ዓይናዾም!
\q
\v 10 ኔ ዓይላሢ ዳውቴ ጋይቴ ጌይጋፓ
\q2 ኔኤኒ ካኣታሣኒ ቲሽኪ ዶኦሜሢ ሃሺፖ። \x - \xo 132፡10 \xo*\xt 2ፆኦሲ. ዓሃኬ 6፡41-42።\xt*\x*
\q
\v 11 ናንጊና ናንጋ ጎዳ ዳውቴም
\q ሂዚ ጌይ ላኣሚንቱዋ ጫኣቁሞ ጫኣቄኔ፦
\q2 «ኔ ናኣቶፓ ፔቴሢ ታኣኒ ካኣታሣንዳኔ፤ \x - \xo 132፡11 \xo*\xt 2ሳሙ. 7፡12-16፤ 1ፆኦሲ. ዓሃኬ 17፡11-14፤ ዓይኑ. 89፡3-4፤ ዳኪ. ማዾ 2፡30።\xt*\x*
\q
\v 12 ኔኤኮ ናኣታ ታኣኒ ዔያቶም ጫኣቄ ጫኣቁሞንታ
\q2 ታ ዔያቶ ዓይሤ ባኮንታ ካፒ ኩንሣያ ማዔቴ
\q ዔያቶኮ ናኣታ ሃሣ ኔና ሄሊሲ
\q2 ናንጊና ካኣታዺ ናንጋያ ማዓንዳኔ።»
\q
\v 13 ናንጊና ናንጋ ጎዳ ፂዮኔ ፔኤም ማሂ ዶኦሬኔ፤
\q2 ዒኢካ ማኣሪ ማሂ ናንጋኒያ ኮዔኔ።
\q
\v 14 ሃና ታኣኮ ናንጊና ሃውሺ ናንጎ ቤሲኬ፤
\q2 ሃይካ ታኣኒ ናንጋኒ ሚርጌ ኮዔያታሢሮ
\q2 ሃኖ ቤዞ ታ ማኣሪ ታኣኒ ማሄኔ።
\q
\v 15 ፂዮኔ ታ ኮሺ ዑሣ ዓኣሢ ዓንጃንዳኔ፤
\q2 ማንቆ ዓሶ ሙኡዚ ታኣኒ ሚሻንዳኔ።
\q
\v 16 ቄኤሶ ታኣኒ ዻቂንታ ማኣዖጉዲ ማይሳንዳኔ፤
\q2 ዒኢካ ናንጋ፥ ጉሙርቂንታ ዓሳኣ ዎዛና ዓይናዻንዳኔ።
\q
\v 17 ዳውቴ ዜርፃፓ ካኣቲ ማዓያ ታኣኒ ኬሳንዳኔ፤
\q2 ታኣኒ ዶኦሚ ካኣታሤሢም ዼኤፒ ዎልቄ ታ ዒንጋንዳኔ። \x - \xo 132፡17 \xo*\xt 1ካኣቶ. ማ 11፡36።\xt*\x*
\q
\v 18 ዒዛኮ ሞርኮ ታኣኒ ቦርሲንቲ ዓፒላንቲኖ ማይሳንዳኔ፤
\q2 ጋዓንቴ ዒዛኮ ቶኦካ ታኣኒ ዓጋንዳ ቦንቾ ባካ ዓኣፓ ዱካያ ማዓንዳኔ።
\c 133
\s1 ፂዮኔ ኬዞ ዓይኑሞ ዳውቴ ዓይናዼሢ
\d ፔቱሞና ናሽኪንቲ ናንጊሢ ዛላ ዓይናዺንቴ ዓይኑሞ
\q
\v 1 ፆኦሲ ዓሳ ዎላ ፔቱሞና ናንጋዛ
\q2 ሚርጌና ኮሺኬ፥ ዎዛሳያኬ።
\q
\v 2 ዓኣሮኔኮ ቶኦካ ዋሆዛ
\q2 ቡኡጮ ባኣፆና ጌይ
\q2 ዓፒሎ ማጫሮ ሄላኒ ሻኣዺ ዴንዳ
\q2 ኮሺ ሳውሞ ዓኣ ሪሚቶ ዛይቶ ጉዴያኬ።
\q
\v 3 ዬያጉዲ ሃሣ
\q2 ሄርሞኔ ዹካፓ ፂዮኔ ጌሜሮ ጎኦባ ፆዻ ዖልኮጉዲኬ፤
\q2 ናንጊና ናንጋ ጎዳሢ ባይቁዋያ ማዒ ናንጋ
\q2 ኮሺ ናንጊንታ ዓንጆንታ ዒኢካ ማዓንዳጉዲ ዓይሤኔ።
\c 134
\s1 ፂዮኔ ኬዞ ዓይኑሞ
\d ፆኦሲ ጋላታኒ ዓይናዺንታ ዓይኑሞ
\q
\v 1 ዒንሢ ናንጊና ናንጋ ጎዳም ማዻ ዓይላ
\q2 ዹሞና ጌኤዦ ማኣራ ዔቂ ዒዛም ማዻ ዓሳ ቢያ
\q2 ሃኒ ዬይ ናንጊና ናንጋ ጎዳ ጋላቱዋቴ።
\q
\v 2 ጌኤዦ ማኣሮይዳ ኩጮ ዒንሢኮ ሌካ ዔቂሲ
\q2 ናንጊና ናንጋ ጎዳሢ ጋላቱዋቴ።
\q
\v 3 ጫሪንጮና ሳዖና ማዤ፥ ናንጊና ናንጋ ጎዳሢ
\q2 ፂዮኔፓ ዒንሢ ዓንጆንጎ!
\c 135
\s1 ጋላታ ዓይኑሞ
\q
\v 1 ናንጊና ናንጋ ጎዳ ጋላቱዋቴ!
\b
\q ዒንሢ፥ ናንጊና ናንጋ ጎዳኮ ዓይላ
\q2 ዒዛኮ ሱንፆ ቦንቺ ጋላቱዋቴ።
\q
\v 2 ኑ ፆኦዛሢኮ ጌኤዦ ማኣሮይዳ
\q2 ናንጊና ናንጋ ጎዳኮ ማኣሮ ጋሮይዳ
\q2 ሙኪ ዔቂ ማዾ ማዻ ዓሳ ዒዛ ጋላቱዋቴ።
\q
\v 3 ዒዚ ኮሺ ማዔሢሮ ናንጊና ናንጋ ጎዳ ጋላቱዋቴ፤
\q2 ዒዚ ሚጪንታያ ማዔሢሮዋ ሱንፆ ዒዛሲ ቦንቺ ዓይናዹዋቴ።
\q
\v 4 ዒዚ ያይቆኦቤ ፔኤም ማሂ
\q2 ዒስራዔኤሌ ፔ ሚኢሼ ማሂ ዶኦሬኔ።
\q
\v 5 ናንጊና ናንጋ ጎዳ ዼኤፒታሢ
\q2 ኑ ጎዳ ሜሌ ፆኦዞፓ ቢያ ባሻያ
\q2 ዼኤፒ ፆኦሲ ማዔሢ ታ ዔራኔ።
\q
\v 6 ናንጊና ናንጋ ጎዳ ጫሪንጮይዳ ሳዖይዳ
\q2 ዬያጉዲ ዼኤፖ ባዞይዳ
\q2 ኮይሴ ባኣዚ ቢያ ዒ ማማዻያኬ።
\q
\v 7 ዒርዚና ዓኣ ሻኣሬ ሳዖኮ ጋፓፓ ዔኪ ዬዓኔ፤
\q2 ዒራ ዋርቃኣና ዜኤሊንሢ ዒዚ ዜኤሊንሢሳኔ፤
\q2 ዢባሮዋ ፔ ኮናፓ ኬሲ ዳካኔ።
\q
\v 8 ጊብፄ ዓጮይዳ ዓሶንታ ቆሎንታኮ
\q2 ቶይዶ ናኣቶ ዎዼሢ ዒዛኬ።
\q
\v 9 ጊብፄ! ኔ ጊዳ ኔኤኮ ካኣቲንታ
\q2 ዒዛም ማዻ ዓሶ ቢያሢዳ ሜቶ ዓጋኒ
\q2 ፔ ዎልቆና ማዺንታ ባኣዚንታ
\q2 ዲቃሢ ሄርሺሳ ባኣዚ ናንጊና ናንጋ ጎዳ ዳኬኔ።
\q
\v 10 ዒዚ ሜሌ ሚርጌ ዴሬ ዎዺ ኩርሴኔ፤
\q2 ዼኤፖ ዼኤፖ ካኣቶዋ ዎዼኔ።
\q
\v 11 ዓሞራ ዓሶ ካኣቲ ሲሆኔ
\q2 ባኣሳኣኔ ዓሶ ካኣቲ ዖኦጌ
\q2 ካኣናኔ ዓጮ ካኣቶዋ ቢያ ዒዚ ዎዼኔ።
\q
\v 12 ዬያቶ ዓሶኮ ሳዖ ፔ ዴሮ ዒስራዔኤሌም
\q2 ዴኔ ማሂ ዒዚ ዒንጌኔ።
\q
\v 13 ናንጊና ናንጋ ጎዳሢዮ! ሱንፃ ኔኤኮ ናንጊና ናንጋያኬ፤
\q2 ዎዶና ዎዶና ኬስካ ዓሳ ቢያ ኔና ዋሉዋ ጶቂሣንዳኔ።
\q
\v 14 ናንጊና ናንጋ ጎዳ ፔ ዴሮም ፒዜ ዎጌ ዎጋኔ፤
\q2 ዒዛም ማዻ ዓይሎማኣ ሚጪንታኔ።
\q
\v 15 ሜሌ ዴሮኮ ፆኦዛ
\q2 ቢራ ዓንጊና ዎርቄናይዳፓ ዹይ ኮሾናያኬ።
\q
\v 16 ዬያ ፆኦዞኮ ዻንጋ ዓኣዖ ጌስቱዋያ
\q2 ዓኣፒ ዓኣዖዋ ዴንቁዋያኬ።
\q
\v 17 ዋይዚያ ዓኣኔ፥ ጋዓንቴ ዋይዙዋሴ፤
\q2 ፔ ሲኢዾና ዑኡሲ ዔካኒ ዳንዳዑዋያኬ።
\q
\v 18 ዬያቶ ኮሼ ዓሶንታ ጉሙርቃ ዓሳኣ ቢያ
\q2 ዬያቶ ፆኦዞጉዲ ማዒ ዓቶንጎ።
\q
\v 19 ዒስራዔኤሌ ዴሬዮቴ!
\q2 ናንጊና ናንጋ ጎዳ ጋላቱዋቴ፤
\q2 ዒንሢ፥ ናንጊና ናንጋ ጎዳም ማዻ ቄኤሳ!
\q2 ናንጊና ናንጋ ጎዳሢ ጋላቱዋቴ።
\q
\v 20 ዒንሢ ሌዊ ፃጶ ማዔ ዓሳ!
\q2 ናንጊና ናንጋ ጎዳ ጋላቱዋቴ፤
\q2 ዒንሢ፥ ናንጊና ናንጋ ጎዳሢ ቦንቻ ዓሳ ቢያ ዒዛ ጋላቱዋቴ።
\q
\v 21 ናንጊና ናንጋ ጎዳ ፂዮኔይዳ ጋላቱዋቴ፤
\q2 ዒዚ ናንጋ፥ ዬሩሳላሜይዳኣ ጋላቱዋቴ።
\b
\q ናንጊና ናንጋ ጎዳ ጋላቱዋቴ!
\c 136
\s1 ጋላታ ዓይኑሞ
\q
\v 1 ዒዚ ኮሺ ማዔሢሮ ናንጊና ናንጋ ጎዳ ጋላቱዋቴ፤
\q2 ዒዛኮ ሚጪንቲፃ ናንጊና ናንጋያኬ። \x - \xo 136፡1 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 100፡5፤ 106፡1፤ 107፡1፤ 118፡1፤ ዔር. 33፡11።\xt*\x*
\q
\v 2 ፆኦዞኬ ጌይ ካኣሽኮ ባኮይዳፓ ቢያ ባሼ ማዔ ፆኦዛሢ ጋላቱዋቴ፤
\q2 ዒዛኮ ሚጪንቲፃ ናንጊና ናንጋያኬ።
\q
\v 3 ጎዳቶኮ ቢያ ጎዳ ማዔ ፆኦዛሢ ጋላቱዋቴ፤
\q2 ዒዛኮ ሚጪንቲፃ ናንጊና ናንጋያኬ።
\q
\v 4 ዒዚ ፔኤሮ ሌሊ ዼኤፒ ዲቃሢ ሄርሺሳ ባኣዚ ማዻኔ፤
\q2 ዒዛኮ ሚጪንቲፃ ናንጊና ናንጋያኬ።
\q
\v 5 ዒ ፔ ዔራቶና ጫሪንጮ ማዤኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡5 \xo*\xt ማዢ. ማፃ 1፡1።\xt*\x*
\q
\v 6 ዼኤፖ ዋኣፆይዳ ሳዖ ቦኦኮልቂ ዒዚ ዾቄኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡6 \xo*\xt ማዢ. ማፃ 1፡2።\xt*\x*
\q
\v 7 ዼኤፖ ዼኤፖ ጫሪንጮ ፖዖ ዒ ማዤኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 8 ዓቢ ሮኦራ ፖዓንዳጉዲ ዓይሤኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 9 ዓጊኖንታ ዦኦጋሢንታ ዹማ ፖዓንዳጉዲ ዓይሤኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡9 \xo*\xt ማዢ. ማፃ 1፡16።\xt*\x*
\q
\v 10 ጊብፄ ዓጮ ዓሶኮ ቶይዶ ናኣቶ ዒ ዎዼኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡10 \xo*\xt ኬሲ. ማፃ 12፡29።\xt*\x*
\q
\v 11 ዒስራዔኤሌ ዴሮ ጊብፄ ዓጫፓ ዒዚ ዔኪ ኬሴኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡11 \xo*\xt ኬሲ. ማፃ 12፡51።\xt*\x*
\q
\v 12 ዒዛኮ ዎልቄ ዓኣያ፥ ሃሣ ቢታንቶ ዓኣያ ማዒፆና ዬያይዴኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 13 ዞቄ ባዞ ዒዚ ፓቄኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 14 ዒስራዔኤሌ ዓሶ ባዞኮ ባኣኪና ዳኬኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 15 ጊብፄ ካኣቲንታ ዖሎ ዓሶንታ ዞቄ ባዛ ዱኡኬኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡15 \xo*\xt ኬሲ. ማፃ 14፡21-29።\xt*\x*
\q
\v 16 ፔኤኮ ዴሮ ዓሲ ናንጉዋ ዳውላ ዔኪ ሃንቴኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 17 ዼኤፖ ዼኤፖ ካኣቶ ዒ ዎዼኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 18 ዎልቆና ዓኣ ካኣቶ ዲርካቺ ባይዜኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 19 ዓሞራ ዓሶ ካኣቲ፥ ሲሆኔ ዒዚ ዎዼኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡19 \xo*\xt ፓይ. ማፃ 21፡21-30።\xt*\x*
\q
\v 20 ባኣሳኔ ዓሶ ካኣቲ፥ ዖኦጌ ዒ ዎዼኔ፤
\q2 ሚጪንቲፃ ዒዛኮ ናንጊና ናንጋያኬ። \x - \xo 136፡20 \xo*\xt ፓይ. ማፃ 21፡31-35።\xt*\x*
\q
\v 21 ዬያ ዓሶኮ ሳዖ ቢያ ፔ ዴሮም ዴኔ ማሂ ዒንጌኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 22 ፔ ዓይላሢ ዒስራዔኤሌ ዒዚ ዻካልሴኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 23 ዖሎና ኑ ባሺንቴያና ኑና ዒ ዋሊ ሃሺባኣሴ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 24 ኑ ሞርኮ ኩጫፓ ቶሊሲ ኑና ዒዚ ዓውሴኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 25 ማዢንቲም ቢያ ሙኡዚ ዒዚ ዒንጋኔ፤
\q2 ሚጪንቲፃ ዒዛኮ ናንጊና ናንጋያኬ።
\q
\v 26 ጫሪንጮ ፆኦዛሢ ጋላቱዋቴ፤
\q2 ሚጪንቲፃ ዒዛኮ ናንጊና ናንጋያኬ።
\c 137
\s1 ዲዒንቲ ዴንዲ ዓኣ ዒስራዔኤሌ ዓሶኮ ዬኤፖ
\q
\v 1 ኑኡኒ ባብሎኔ ዎሮ ዓጫ ዴዒ
\q2 ፂዮኔ ማሊ ጶቂሣዖ ዬኤኬኔ።
\q
\v 2 ዒኢካ ዓሃይያ ጌይንታ ሚፆ ዑፃ
\q2 ጎኦሎ ኑኡኮ ኑ ሱፂ ሃሼኔ።
\q
\v 3 ኑና ዲዒ ዔኪ ዴንዲ ሜታሳ ዓሳ
\q2 ዓይኑሞ ዓይናዺ ኑ ዔያቶ ዎዛሳንዳጉዲ
\q2 «ፂዮኔይዳ ዒንሢ ዓይናዻ ዓይኑሞፓ ፔቴ ሂንዳ ዓይናዹዋቴ» ጌዔኔ።
\q
\v 4 ናንጊና ናንጋ ጎዳ ቦንቺ ዓይናዾ ዓይኑሞ
\q2 ዓሲ ዓጪዳ ዴይ ዎይቲ ኑ ዓይናዻንዳይ?
\q
\v 5 ዬሩሳላሜ! ኔና ታ ዋሌያ ማዔቴ
\q2 ታኣኮ ጎኦሎ ዋርቃ ሚዛቆ ኩጫ ዞዲ ዓቶም።
\q
\v 6 ዬሩሳላሜ! ታ ኔና ጶቂሡዋዖ ዓቲ፥ ጊንሣ ሃሣ
\q2 ታና ጋፒንሢ ዎዛሳያ ማዓሢ ኔና ማሂ ታ ዔኪባኣቴ
\q2 ዒንዲርዛ ታኣኮ ሆንጎላሢና ዎላ ዓዺንቶም።
\q
\v 7 ናንጊና ናንጋ ጎዳሢዮ! ዬሩሳላሜ ዓዺንቴ ዓቦና
\q2 ዔዶኦሜ ዓሳ ማዼ ባኮ ማሊ ጶቂሤ፤
\q «ሹጮና ኬልቆና ዲፆ ፃጳፓ ቱጊ ዶይሱዋቴ!» ጌይ
\q2 ዔያታ ዒላቴ ዒላቶ ጶቂሤ።
\q
\v 8 ባብሎኔ! ኔኤኒ ሻሂንቲ ባይቃንዳኔ፤
\q2 ኔኤኒ ኑጊዳ ማዼ ጌኖ ማዾ ቢያሢ ዛሎ
\q2 ኮሞ ኮፃሢ ጋላቲንቴያኬ። \x - \xo 137፡8 \xo*\xt ዮሃ. ፆፔዻ 18፡6።\xt*\x*
\q
\v 9 ኔኤኮ ናኣቶ ዔኪ ዔኪ
\q2 ላሎ ሹጮይዳ ጳዺሲ ዳኣፃሢ ጋላቲንቴያኬ።
\c 138
\s1 ዳውቴ ዓይኑሞ
\d ጋላታ ሺኢጲሢ
\q
\v 1 ናንጊና ናንጋ ጎዳሢዮ! ጉቤ ዒኔፓ ታ ኔና ጋላታኔ፤
\q2 ሜሌ ፆኦዛ ዛጋንቴ ኔኤም ታኣኒ ጋላታ ዓይኑሞ ዓይናዻኔ።
\q
\v 2 ኔኤኮ ናንጊና ናንጋ ናሹሞንታ ፒዙሞንታ
\q2 ኔኤኮ ሱንፆ ዼኤፑሞንታ፥ ሃሣ ኔ ዓይሢፆ ፑኡፑሞንታ
\q2 ፔጋሲ ኔኤኒ ታኣም ዻዌሢሮ
\q ኔኤም ዱማዼ ኔኤኮ ጌኤዦ ማኣሮ ባንሢ ሺሪ
\q2 ሂርኪ ጌይ ዚጊ ዚጊ ታ ኔና ጋላታኔ።
\q
\v 3 ታ ኔና ዔኤላዛ ኔ ታኣኮ ሺኢጲፆ ዋይዜኔ፤
\q2 ኔ ዶዱሞና ኔኤኒ ታና ዶዲሼኔ።
\q
\v 4 ናንጊና ናንጋ ጎዳሢዮ!
\q2 ኔ ጌዔ ቃኣሎ ዔያታ ዋይዜሢሮ
\q2 ዓጮ ካኣታ ቢያ ኔና ጋላታኔ።
\q
\v 5 ኔ ማዼ ባኮ ቢያሢንታ
\q2 ኔኤኮ ዼኤፖ ቦንቾንታሮ
\q2 ዓይናዺ ዔያታ ዼኤፒሳኔ።
\q
\v 6 ኔኤኒ ሌካ ዼጌ ቤዛ ዓኣያ ማዔቴያ
\q2 ሂርኬ ማዔ ቦሂንቴዞንሢ ኔ ዛጋኔ፤
\q2 ዖቶሮ ዓሶ ሃኬ ዓኣ ቤዛ ዓኣዖ ኔኤኒ ዔራኔ።
\q
\v 7 ታኣኒ ሜቶኮ ባኣኮ ጌሌቴያ
\q2 ኔኤኒ ሼምፔና ታና ጌሣኔ።
\q ዻጋዺ ታጊዳ ዔቄ ሞርኮ ኔኤኒ ማካኔ፤
\q2 ኔኤኮ ዼኤፖ ዎልቆና ኔ ታና ዓውሳኔ።
\q
\v 8 ናንጊና ናንጋ ጎዳ ታኣም ማሌ ማሊፆ ኩንሣንዳኔ፤
\q2 ናንጊና ናንጋ ጎዳሢዮ! ኔኤኮ ናሹማ ናንጊና ናንጋያኬ፤
\q2 ኔ ኩጮና ኔኤኒ ማዤሢ ዋሊ ሃሺፖ።
\c 139
\s1 ዓይኑሞ ሱኡጋሢ ዓይሣ ጎይፆ ዓይናዺንታ ዳውቴ ዓይኑሞ
\d ፆኦሲ ቢያ ዎዴ ዑኬ ማዒፆ
\q
\v 1 ናንጊና ናንጋ ጎዳሢዮ! ኔ ታና ሙሪ ዛጊ ዔሬኔ።
\q
\v 2 ታኣኒ ዴዓኣና ማዖም ዔቃኣና ኔ ታና ዔራኔ፤
\q2 ታኣኮ ማሊፆ ሃኬ ዓኣዖ ኔኤኒ ዔዔራኔ።
\q
\v 3 ታ ሃንታ ቤዞንታ ዴይ ሃውሻ ቤዞ ኔ ዋሉዋሴ፤
\q2 ታ ማዺ ሃንታ ባኮ ቢያ ኔ ዔራኔ።
\q
\v 4 ናንጊና ናንጋ ጎዳሢዮ! ታኣኒ ሃጊ ኬኤዛንዳሢኮ ቤርታ
\q2 ታ ዎዚ ጋዓኒ ጋዓቴያ ኔ ዔራኔ።
\q
\v 5 ታ ኮይሎይዳ ቢያ ኔኤኒ ዓኣኔ፤
\q2 ኔ ኩጮና ጎኦቢ ፑርታፓ ኔ ታና ካፓኔ።
\q
\v 6 ኔኤኮ ዔራታ ኮሺ ጪሊል ጋዓያኬ፤
\q2 ታኣኒ ማሊ ጶቂሢ ዔራንዳሢኮ ዑሣኬ።
\q
\v 7 ዓንኮዋ ታ ዓኣዺ ኔኤፓ ቶላኒ ዳንዳዑዋሴ፤
\q2 ኔ ቤርታፓ ዓንኮዋ ታ ዴንዲ ፑናንዳ ቤሲ ባኣሴ።
\q
\v 8 ጫሪንጮ ታ ኬስኬቶ ኔኤኒ ዒኢካ ዓኣኔ፤
\q2 ሳዖ ዴሞ ዓሶ ኮይላ ታኣኒ ጌሌቴያ ኔ ዒኢካኬ።
\q
\v 9 ዓባ ኬስካ ባንፆ ታኣኒ ባራኒ ዴንዴቴያ
\q2 ባዞ ዼኤፖ ሶፒ ዴንዲ ታ ናንጌቴያ፥
\q
\v 10 ዒኢካ ኔ ዓኣያ ማዒ ኔ ኩቻ ኔ ታና ጎቺ ሃንቲሳኔ፤
\q2 ኔኤኮ ሚዛቆ ኩጮና ኔ ታና ዶዲሺ ዓርቃኔ።
\q
\v 11 ታኣኒ፦ «ዹማ ታና ዓኣቺ ዓይሳንዳኔ፤
\q2 ታ ኮይላ ዓኣ ፖዓ ዹሞንጎ» ጌዔቴያ፥
\q
\v 12 ዹማ ኔኤኮ ዓኣፖ ዴንቂ ላኣጉዋሴ፤
\q2 ዹማ ኔ ኮይላ ሮኦሪጉዲ ፖዓኔ፤
\q2 ኔ ኮይላ ዹሚንታ ሮኦሪንታ ዱማዹዋያኬ።
\q
\v 13 ታና ጉቤና ማዤሢ ኔናኬ፤
\q2 ታ ዒንዶ ጎጳ ታ ዑፆ ዎላ ካንሢ ማዤሢ ኔናኬ።
\q
\v 14 ዲቃሢ ሄርሺሳ ጎይሢና ታ ማዢንቴሢሮ ታ ኔና ጋላታኔ፤
\q2 ኔኤኮ ማዻ ቢያ ሄርሺሲ ዲቃሣያ ማዔሢ ጋፒ ታኣኒ ዔራኔ።
\q
\v 15 ጴዹዋያ ማዔ ዓኣሺንቴ ቤዛ ታ ማዢንቴያና
\q2 ሳዖ ዴሞ ማዔ ቤዞይዳኣ ታ ዑፃ ፔቴይዳ ዎላ ካንሢንቴያና
\q2 ታ ዑፃ ኔ ዓኣፓፓ ዓኣቺንቲ ማዢንቴያቱዋሴ።
\q
\v 16 ታ ዒንዶ ጎጳ ታኣኒ ሱጉሢ ዓኣንቴ ኔ ታና ዴንቄኔ፤
\q2 ታኣም ጎዖና ኬላ ሃጊ ፔቴ ጌይ ዓርቂንቱዋንቴ
\q2 ኔኤኮ ማዝጋቦይዳ ፃኣፒንቲ ዴዔኔ።
\q
\v 17 ፆኦሲዮ! ኔ ታኣም ማላ ማሊፃ ኮሺ ዼኤፒኬ፤
\q2 ፓይዳኣ ኮሺ ዺባያኬ።
\q
\v 18 ኔ ታኣም ማላ ማሊፃ ፓይዲንቴቴ
\q2 ባዚ ዓቺ ማኣሻላፓ ባሻያኬ፤
\q2 ታኣኒ ጊንዒ፥ ጊንሣ ጴጫኣናኣ
\q2 ሃይሾ ኔ ታ ኮይላ ዓኣ ጎይሣኬ።
\q
\v 19 ፆኦሲዮ! ፑርቶ ዓሶ ባይዜቴራ!
\q2 ዒንሢ ሃይ፥ ሱጉፆ ዼኤቤ ዓሳ ታ ኮይላፓ ባይቁዋቴ!
\q
\v 20 ዔያታ ኔኤም ፑርታ ጌኤሲ ጌስታኔ፤
\q2 ኔኤኮ ሞርኬ ማዒ ኔ ሱንፆ ፑርቲሲ ዔያታ ዾንካኔ።
\q
\v 21 ናንጊና ናንጋ ጎዳሢዮ! ኔና ዒፃ ዓሶ ዒናፓ ታ ዒፃዓዳ?
\q2 ኔኤም ጌኤታዻ ዓሶ ኮሺ ታኣኒ ሻኣኪንታዓዳ?
\q
\v 22 ጉቤ ዒናፓ ጋፒ ታ ዔያቶ ዒፃኔ፤
\q2 ታ ሞርኬ ማሂ ታ ዔያቶ ዛጋኔ።
\q
\v 23 ፆኦሲዮ! ታና ሙሪ ዛጊ፥ ታ ዒኖ ዴንቄ፤
\q2 ታ ዎዚምታቴያ ዛጊ፥ ታ ሜታዺ ማላ ማሊፆ ዔሬ።
\q
\v 24 ፑርታ ጎይሢ ማላ ዒኔ ታኣኮ ዓኣቴ ዛጊ ዴንቄ፤
\q2 ናንጊና ናንጋ ጎይፆ ታ ዓኣዻንዳጉዲ ታና ዻዌ።
\c 140
\s1 ዓይኑሞ ሱኡጋሢ ዓይሣ ጎይፆ ዓይናዺንታ ዳውቴ ዓይኑሞ
\d ፆኦሲ ማኣዳንዳጉዲ ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ! ፑርቶ ዓሶፓ ታና ዓውሴ፤
\q2 ጌኖ ማዻ ዓሶ ኩጫፓኣ ታና ቶሊሴ።
\q
\v 2 ዔያቶኮ ዒና ፑርታ ማዾንዳያ ማሊ ቱካኔ፤
\q2 ቢያ ዎዴ ዑራ ሌሊ ዔያታ ማዣኔ።
\q
\v 3 ዔያቶኮ ዒንዲርዛ ፑርታ ሾኦሺጉዲ ዻዻዓያኬ፤
\q2 ዔያታ ዻንጋፓ ኬሳ ባካ ዶርባ ሾኦሺ ማርዜኬ። \x - \xo 140፡3 \xo*\xt ሮሜ 3፡13።\xt*\x*
\q
\v 4 ናንጊና ናንጋ ጎዳሢዮ! ፑርቶ ዓሶ ኩጫፓ ታና ዓውሴ፤
\q ታኣኮ ቶኮ ቡኡዳኒ ማላ ጌኖ ዓሶፓ ቶሊሴ።
\q
\v 5 ዖቶሮ ዓሳ ፒሮ ታኣም ዓኣቺ ፒሬኔ፤
\q2 ፒሮ ሱሲ ታና ቡኡዳኒ ዔያታ ታ ቤርታ ዋሄኔ፤
\q2 ፒራሢና ታና ዓይሣኒ ታኣኒ ሃንታ ጎይፃ ዔያታ ፒሬኔ።
\q
\v 6 ናንጊና ናንጋ ጎዳሢ፥ «ታኣኮ ኔኤኒ ፆኦሲኬ» ታ ጋዓኔ፤
\q2 ናንጊና ናንጋ ጎዳሢዮ! ታ ኔና ሺኢቂ ዒላታ ዒላቶ ዋይዜ።
\q
\v 7 ዎልቄና ዓኣያ ማዒ ታና ዓውሳ
\q ናንጊና ናንጋ ታ ጎዳ ማዔ ፆኦዛሢዮ!
\q2 ዖሎ ዓቦና ጊቲማ ማዒ ሂኢዣ ታና ዓይዱዋጉዲ ቃዜ።
\q
\v 8 ፑርቶ ዓሶም ዔያታ ኮዓ ባኮ ዒንጊፖ፤
\q2 ዔያታ ማሊ ቱካ ቱኡዞ ዔያቶም ሃኒሲፖ።
\q
\v 9 ታና ማንጌ ታ ሞርካ ታና ባሻንዳጉዲ ማሂፖ፤
\q2 ዔያታ ማዻኒ ማላ ጌኖ ማዾ ዔያቶ ባንሢ ሺርሼ።
\q
\v 10 ታሚ ቄንሢ ዔያቶ ዑፃ ኬዶም፤
\q2 ዬካፓ ዔያታ ቶሊ ኬስኩዋጉዲ ታሚዳ ዓጊንቶም፤
\q2 ኮሺ ዔታዻያ ቶርጴ ዓኣ ዔቴይዳ ኬኤሪንቶም።
\q
\v 11 ሉኡዙሞና ዓሲ ፑሽኪ ሃንታ ዓሲ ሳዖይዳ ናንጎፓ፤
\q2 ጌኔ ማዻ ፑርቶ ዓሶ ፑርታ ባኣዚ ኬሚ ባባይዞም።
\q
\v 12 ናንጊና ናንጋ ጎዳሢዮ! ማንቆ ዓሶም ፒዜ ዎጌ ኔ ዎጋሢንታ
\q2 ሄርቂንቲ ዎይሢፆና ሜታዻ ዓሶ ዛሎ ኔ ሞኦታሢ ታ ዔራኔ።
\q
\v 13 ኮዦ ዓሳ ጎኔና ኔና ጋላታኔ፤
\q2 ኔ ዓኣ ቤዞይዳ ኔኤና ዎላ ዶዲ ዔያታ ናንጋንዳኔ።
\c 141
\s1 ዳውቴ ዓይኑሞ
\d ፆኦሲ ዓውሳንዳጉዲ ሺኢቂንታ ሺኢጲሢ
\q
\v 1 ናንጊና ናንጋ ጎዳሢዮ! ታ ኔ ዋይዞም ዒላታኔ፤
\q2 ኔጉዋዖ ዑኬና ታና ማኣዴ፤
\q2 ታኣኒ ኔ ዋይዞም ዒላታሢ ዋይዜ።
\q
\v 2 ታኣኒ ሺኢቃ ሺኢጲፃ ዑንጄ ኔኤም ጩቢሾያጉዲ
\q2 ኔ ባንሢ ዔቂሳ ኩጫኣ ዒባናኣና ዒንጎ ዒንጊፆጉዲ ማዖም። \x - \xo 141፡2 \xo*\xt ዮሃ. ፆፔዻ 5፡8።\xt*\x*
\q
\v 3 ናንጊና ናንጋ ጎዳሢዮ! ታ ዻንጎ ካፓ ዓሲ ጌሤ፤
\q2 ታ ሙሱሮዋ ቃዛንዳ ዓሲ ዔቂሴ።
\q
\v 4 ፑርቶ ዓሶና ዎላ ፑርታ ማዾ ታ ማዹዋጉዱ
\q2 ታኣኮ ዒኖ ፑርቱሞ ባንሢ ማሊሲፖ፤
\q2 ዔያቶና ዎላ ዴይ ሙዎ ሙኡዚያ ታና ሙዒሲፖ።
\q
\v 5 ፂሎ ዓሲ ታና ፁንቆንጎ፥ ዬይ ታና ሚጪንቲሢኬ፤
\q2 ዒዚ ታና ጎሮንጎ፥ ዬይ ታ ቶኦኮ ዖይሲና ቲሽኪሢኬ፤
\q2 ጋዓንቴ ታ ቢያ ዎዴ ፑርቶ ዓሶ ማዾ ማኪ ማኪ ሺኢቃኔ።
\q
\v 6 ሱኡጋ ዔያቶኮ ዼኤፖ ላሎ ማጋ ኬኤሪንታኣና
\q2 ታ ጋዓ ባካ ጎኔታሢ ዔያታ ዔራንዳኔ።
\q
\v 7 ሳዓ ጎሽኪንታኣና ቦኪ ቡርሺንታሢጉዲ
\q2 ዔያቶኮ ሜጌፃ ዱኡፖ ካራ ካራ ዜርቂንታንዳኔ።
\q
\v 8 ናንጊና ናንጋ ጎዳ ማዔ ታ ፆኦዛሢዮ!
\q2 ታኣኒ ጋዓንቴ ኔና ጉሙርቂፆ ሃሻዓኬ፤
\q2 ኔ ታና ዓኣቻንዳጉዲ ታ ኮዓሢሮ ሃይቆም ጌይ ታና ሃሺፖ።
\q
\v 9 ዔያታ ዓኣቺ ፒሬ ፒራስካፓ ታና ቶሊሴ፤
\q2 ፑርቶ ማዻ ዓሶኮ ዹቃስካፓ ታና ዓይሴ።
\q
\v 10 ታኣኒ ኮሺና ዖኦኪ ዴንዳዛ
\q2 ፑርቶ ዓሳ ዔያታ ፒሬ ፒራስካ ፔኤሮ ዓዺንቶንጎ።
\c 142
\s1 ዳውቴ ዴኖ ዔቶይዳ ዓኣ ዎዶና ዔራቶና ካላሌ ካላሎ
\d ፆኦሲ ማኣዳንዳጉዲ ሺኢቆ ሺኢጲሢ
\q
\v 1 ዑኡዞ ታኣኒ ዼጊዲ ናንጊና ናንጋ ጎዳ ዋይዞም ዒላታኔ፤
\q2 ታና ዒዚ ሚጪንታንዳጉዲ ታ ሺኢቃኔ።
\q
\v 2 ታ ዒዛ ሃዳርሳ ባኮ ቢያ ዒዛ ቤርቶ ሺኢሻኔ፤
\q2 ሜቶዋ ታኣኮ ቢያ ታ ዒዛም ኬኤዛኔ።
\q
\v 3 ዒና ታኣኮ ጋፒ ዖያኒ ዑካኣና
\q2 ታኣኒ ዓይጎ ዎዳኒ ኮይሳቴያ ዒዚ ዔዔራኔ፤
\q ታኣኒ ዴንዳ ጎይፆይዳ
\q2 ሞርካ ታኣም ፒሮ ዓኣቺ ፒሬኔ።
\q
\v 4 ኮይሎ ታ ሺሪ ዛጋንቴ ታና ዓኣቻንዳ ካይዚ ባይቄኔ፤
\q2 ፔቴታዖ ታና ማኣዳ ዓሲ ባኣያ ማዔኔ፤
\q2 ታና ካፓያና ታ ዛሎ ሂርጋ ዓሲያኣ ባኣሴ።
\q
\v 5 ናንጊና ናንጋ ጎዳሢዮ! ኔኤኒ ታና ማኣዳንዳጉዲ
\q2 ታኣኒ ኔ ባንሢ ዒላታኔ፤
\q ናንጊና ናንጋ ጎዳሢዮ! ኔኤኒ ታኣኮ ፑኖ ካያሢኬ፤
\q2 ሼምፖና ዓኣ ዓሳ ናንጋ ዓጮይዳ ታኣኮ ዓኣያ ማዔሢ ኔናኬ።
\q
\v 6 ታኣኒ ጋፒ ዎዛ ቲቂ ዴዔሢሮ
\q2 ኔ ታና ማኣዳንዳጉዲ ኔ ባንሢ ታ ዒላታሢ ዋይዜ፤
\q2 ዑሣ ዓኣዼ ታኣም ዔያታ ዎልቃዼሢሮ ታ ሞርኮፓ ታና ዓውሴ።
\q
\v 7 ታኣኒ ኔና ጋላታንዳጉዲ ሃያ ቱኡዛፓ ታና ቡሌ፤
\q2 ኔኤኒ ታኣም ማዼ ኔኤኮ ኮሹሞ ማዾ ዛጋዖ
\q2 ፂሎ ዓሳ ሙኪ ታ ኮይላ ቡካንዳኔ። \x - \xo 142፡7 \xo*\xt 1ሳሙ. 22፡1፤ 24፡3።\xt*\x*
\c 143
\s1 ዳውቴ ዓይኑሞ
\d ፆኦሲፓ ማኣዶ ዴንቃኒ ሺኢቆ ሺኢጲሢ
\q
\v 1 ናንጊና ናንጋ ጎዳሢዮ! ሺኢጲፆ ታኣኮ ዋይዜ፤
\q2 ታኣኒ ኔና ሺኢቃ ሺኢጲፆ ባንሢ ዋይዚ ጌሤ፤
\q2 ኔኤኒ ጉሙርቂንታያ፥ ሃሣ ፒዜ ማዔ ጎይፆና
\q2 ታ ሺኢቃ ባኮ ታኣም ዒንጌ።
\q
\v 2 ኔ ቤርታ ፔቴታዖ ፂሎ ማዓ ዓሲ ባኣሢሮ
\q2 ታና ኔ ዓይላሢ ዎጌሮ ኔ ቤርቶ ዔኪ ሺኢሺፖ። \x - \xo 143፡2 \xo*\xt ሮሜ 3፡20፤ ጋላ. 2፡16።\xt*\x*
\q
\v 3 ታ ሞርካሢ ታና ዎዻኒ ዳውሳኔ፤
\q2 ዹሚዳ ጌልዚ ቱኪ ታኣኮ ካራ ባይዜኔ፤
\q2 ሚርጌ ዎዴኮ ቤርታ ሃይቂ ዱኡቴ ዓሶጉዲ ታኣኒ ማዔኔ።
\q
\v 4 ታኣኮ ጋሮይዳ ዓኣ ሼምፓሢ ባኣያ ማዔኔ፤
\q2 ዒና ዲቃቴም ካራ ታኣኮ ባይቄኔ።
\q
\v 5 ታኣኒ ሚናኣ ዎዶ ጶቂሢ ማሌኔ፤
\q2 ኔኤኒ ማዼ ማዾዋ ሺርሺ ሺርሺ ታ ማሌኔ፤
\q2 ኔ ዎልቆና ኔ ማዼ ባኮዋ ቢያ ታ ጶቂሴኔ።
\q
\v 6 ታ ኩጮ ኔና ሺኢቂ፥ ኔ ባንሢ ታ ዔቂሴኔ፤
\q2 ዳውሌ ዓጪዳ ዋኣሢ ዼኤባሢጉዲ
\q2 ታኣኮ ሼምፔላ ዒማዺ ኔና ዼኤቤኔ።
\q
\v 7 ናንጊና ናንጋ ጎዳሢዮ! ሼምፓሢ ታኣኮ ላቤሢሮ
\q2 ኔጉዋዖ ታ ሺኢቃ ባኮ ታኣም ዒንጌ፤
\q2 ኔ ዓኣፖ ካሮ ታ ባንፃፓ ሺርሺፖ፤
\q2 ኔ ዬያይዴቴ ሳዖ ዴሞ ኬዳ ዓሶጉዲ ታኣኒ ማዓንዳኔ።
\q
\v 8 ታኣኒ ጉሙርቃሢ ኔና ማዔሢሮ
\q2 ኬላ ኬላ ኔኤኮ ናንጊና ናንጋ ናሹሞ ታና ዔርዜ፤
\q ታ ሼምፓሢ ሃዳርሲ ታ ኔኤም ዒንጌሢሮ
\q2 ታኣኒ ዴንዳንዳ ጎይፆ ታና ዻዌ።
\q
\v 9 ናንጊና ናንጋ ጎዳሢዮ! ታኣኒ ኔና ፑኖ ካያሢ ማሄሢሮ
\q2 ታኣኮ ሞርኮይዳፓ ታና ማኣዲ ዓውሴ።
\q
\v 10 ኔኤኒ ታኣኮ ፆኦዛሢኬ፤
\q2 ኔ ጋዓ ባኮ ታኣኒ ማዺ ኩንሣንጉዲ ታና ዔርዜ፤
\q2 ኔኤኮ ኮዦ ዓያኖና ኮሺ ጎይሢ ታኣም ዻዌ።
\q
\v 11 ናንጊና ናንጋ ጎዳሢዮ! ኔ ቦንቾም ጌይ ታ ሼምፓሢ ካፔ፤
\q2 ኔኤኮ ፒዙሞ ማዾና ታኣኮ ሜቶይዳፓ ቢያ ታና ኬሴ።
\q
\v 12 ኔኤኮ ናንጊና ናንጋ ናሹሞ ፔጋሲ ታኣም ዻዋኒ
\q2 ታኣኮ ሞርኮ ዎዺ ባይዜ፤
\q ታኣኒ ኔኤኮ ዓይላሢታሢሮ
\q2 ታኣም ፑርታ ባኣዚ ማዻ ዓሶ ቢያ ኩርሴ።
\c 144
\s1 ዳውቴ ዓይኑሞ
\d ባሺሢ ዴንቃዖ ዓይናዾ ዓይኑሞ
\q
\v 1 ናንጊና ናንጋ ጎዳ ማዔ ታኣኮ ላላሢ ጋላቲንቶንጎ!
\q2 ዒዚ ታና ዖልዚ ዖሎ ጎይሢ ዔርዚ፥ ዖልዚም ጊኢጊሻኔ።
\q
\v 2 ናንጊና ናንጋ ጎዳ ታና ካፓያ ታኣኮ ጊቲማኬ፤
\q2 ታኣኮ ፑኖ ካያሢ፥ ሃሣ ታና ዓውሳሢኬ፤
\q ታኣኒ ዒዛ ጉሙርቂ ኮሺ ናንጋኔ፤
\q2 ዴራኣ ታኣም ዓይሢንታንዳጉዲ ማሃሢ ዒዛኬ።
\q
\v 3 ናንጊና ናንጋ ጎዳሢዮ!
\q2 ዓሲንሢ ዓይጎኬ ጌይ ኔ ሃያይዲ ቶኦኮ ዛጋይ?
\q2 ሃያይዲ ኔ ሂርጊ ዔያቶም ማላሢ ዓይጎኬ ጌይዳይ? \x - \xo 144፡3 \xo*\xt ዒዮ. 7፡17-18፤ ዓይኑ. 8፡4።\xt*\x*
\q
\v 4 ዓሲ ዢባሬጉዴ ባኣዚኬ፤
\q2 ናንጋ ዎዳኣ ዔኤዤ ሺቢጉዴ ዴንዲ ባይቃያኬ።
\q
\v 5 ናንጊና ናንጋ ጎዳሢዮ! ጫሪንጮ ዳርዚ ሊካ ኬዴ፤
\q2 ዹኮ ኔ ኩጮና ካኣሚ ጩቢሼ።
\q
\v 6 ኔኤኮ ዜኤሊንፆ ዜኤሊንሢ ኔ ሞርኮ ዳውሲ ባይዜ፤
\q2 ኔኤኮ ሂኢዦና ዔያቶ ዱኪ ዳውሴ።
\q
\v 7 ኔ ኩጮ ሎኦፓ ሊካ ዳኬ፤
\q2 ዼኤፖ ዋኣፆ ዴማፓ ታና ጎቺ ኬሲ፥ ዓውሴ፤
\q2 ፃንጎ ማዔ ሜሌ ዓጮ ዓሶፓ ታና ዓይሴ።
\q
\v 8 ዔያታ ፔቴታዖ ጎኔ ባኣዚ ጌስቱዋሴ፤
\q2 ሚዛቆ ኩጮ ዔያታ ዔቂሲ ሉኡዙሞና ጫኣቃኔ።
\q
\v 9 ፆኦሲዮ! ዓኪ ዓይኑሞ ኔና ቦንቺ ታ ዓይናዻንዳኔ፤
\q2 ታጶ ሻሺ ዴንሢንታ ጎኦሎዋ ዋርቂ ታኣኒ ዓይናዻንዳኔ።
\q
\v 10 ዖልዚና ባሻንዳጉዲ ካኣቶም ኔኤኒ ዎልቄ ዒንጋኔ፤
\q2 ኔ ዓይላሢ ዳውቴያ ጬንቾ ዓራፖ ዓጬሢፓ ኔ ዓውሳያኬ።
\q
\v 11 ፃንጎ ማዔ ሜሌ ዓጮ ሞርኮይዳፓ ታና ዓውሴ፤
\q2 ዔያቶኮ ዻንጋ ሉኡዚ ባኣዚ ጌስታያኬ፤
\q2 ሚዛቆ ኩጮ ዔያታ ሉኡዙሞ ጫኣቁሞሮ ዔዔቂሳኔ።
\q
\v 12 ኑኡኮ ዼጌ ናኣታ ሃጊ ዔቃኣና
\q2 ሃጊ ባቃሊ ዑጊ ዴንዳ ሚሢጉዲ ማዖንጎ፤
\q ኑኡኮ ዉዱሮ ናኣታ ካኣቱሞ ማኣሮኮ ጎንጃሢ ዎላ ካኣማ ካሮይዳ
\q2 ዾቂንቲ ኬኤፆ ሚዛጲሳ፥ ዓርሲ ኮሾና ፒዜ ቱርቱሮጉዲ ማዖንጎ።
\q
\v 13 ኮና ኑኡኮ ዱማ ዱማ ቶኦኪ ሃኣኮና ኩሜያ ማዖንጎ፤
\q2 ሄንፆሮ ዞኦዞ ኬስኬ ኑኡኮ ማራታ
\q2 ሚርጌ ሺያና ፓይዲንታ ማሪናይ ሾይ ዺቦንጎ።
\q
\v 14 ባኣታ ኑኡኮ ካኣሽኮንጎ፤
\q2 ቡሉዋዖ ሾይ ሾይ ዺቦንጎ፤
\q2 ኑና ዲዒ ዔኪ ዴንዳ ባኣዚ ባይቆንጎ፤
\q2 ኑ ካታሞኮ ሳዞ ጎይፆ ዼኤፖይዳ ዬኤፒ ዑኡሲ ዋይዚንቶፓ።
\q
\v 15 ዬያጉዴ ዓንጆ ዒንጊንቴ ዴሬ ጋላቲንቴያኬ፤
\q2 ናንጊና ናንጋ ጎዳ ዔያቶኮ ፆኦሲ ማዔ ዴሬ ዓንጂንቴያኬ።
\c 145
\s1 ዳውቴ ዓይኑሞ
\d ጋላታ ዓይኑሞ
\q
\v 1 ታ ፆኦዛሦ፥ ታ ካኣቲዮ!
\q2 ታ ኔኤኮ ዼኤፑሞ ሄርሺ ኬኤዛንዳኔ፤
\q2 ናንጊና ታ ኔ ሱንፆ ጋላቴ ጎይሣ ናንጋንዳኔ።
\q
\v 2 ቢያ ኬላ ኬላ ታ ኔና ጋላታንዳኔ፤
\q2 ናንጊና ታ ኔኤኮ ሱንፆ ቦንቼ ጎይሣ ናንጋንዳኔ።
\q
\v 3 ናንጊና ናንጋ ጎዳ ዼኤፒኬ፤
\q2 ፑኡፒ ጋላታ ዒዛም ኮይሳያኬ፤
\q2 ዒዛኮ ዼኤፑማ ዓሲ ዔራኒ ዳንዳዓያይዳፓ ዑሣኬ።
\q
\v 4 ዎዶና ዎዶና ኬስካ ዓሳ ኔኤኮ ማዾ
\q2 ሄሊሲ ሙካ ዓሶም ኬኤዚ ዔርዛንዳኔ፤
\q2 ኔኤኮ ዲቃሢ ሄርሺሳ ማዾዋ ፔጋሲ ዔያታ ኬኤዛንዳኔ።
\q
\v 5 ዴራ ኔኤኮ ቦንቾንታ ቦንቺንቶኮዋ ዼኤፑሞ ኬኤዛንዳኔ፤
\q2 ታኣኒያ ኔኤኮ ዲቃሢ ሄርሺሳ ማዾ ማሊ ማሊ ናንጋንዳኔ።
\q
\v 6 ዴራ ኔኤኮ ዲቃሢ ሄርሺሳ ዼኤፖ ማዾ ዛሎ ኬኤዛንዳኔ፤
\q2 ታኣኒያ ኔኤኮ ዼኤፖ ማዾ ሄርሺ ዼጊዲ ኬኤዛንዳኔ።
\q
\v 7 ዔያታ ኔኤኮ ኮሹሞ ሚርጊፆ ኬኤዛንዳኔ፤
\q2 ኔኤኮ ፂሉሞ ዎልቆ ዛሎ ዼግ ጌዔ ዑኡሲና ዓይናዻንዳኔ።
\q
\v 8 ናንጊና ናንጋ ጎዳ ኮሺ፥ ሃሣ ሚጪንታያኬ፤
\q2 ዻጋዻኒ ሩኡሩዋያ፥ ናሹማኣ ናንጊና ጋፑዋያኬ።
\q
\v 9 ዒዚ ቢያ ባኮም ኮሺኬ፤
\q2 ዒ ማዤ ባኮ ቢያ ሚጪንታያኬ።
\q
\v 10 ናንጊና ናንጋ ጎዳሢዮ!
\q2 ኔ ማዤ ባካ ቢያ ኔና ጋላታንዳኔ፤
\q2 ኔኤም ዱማዼ ኔ ዴራ ቢያ ኔና ዼኤፒሲ ሄርሻንዳኔ።
\q
\v 11 ኔኤኮ ካኣቱሞ ቦንቾ ዛሎ ኬኤዛንዳኔ፤
\q2 ኔኤኮ ዎልቆ ዛሎዋ ሄርሺ ጌስታንዳኔ።
\q
\v 12 ዬያይዲ፥ ዓሲ ቢያ
\q2 ኔ ዎልቆና ኔኤኒ ማዼ ዼኤፖ ማዾንታ
\q2 ጊንሣ ሃሣ ኔኤኮ ካኣቱሞ ቦንቾ ዼኤፑሞዋ ዔራንዳኔ።
\q
\v 13 ኬስካ ዎዶ ቢያይዳ ዎይሣ ካኣታሢ ኔናኬ፤
\q2 ኔኤኮ ካኣቱማ ናንጊና ባይቁዋያኬ።
\b
\q ናንጊና ናንጋ ጎዳ ጋዓ ባኮ ጉሙርቂንቲ ኩንሣያኬ፤
\q2 ዒዚ ማዻ ባካ ቢያ ኮሺኬ።
\q
\v 14 ሎኦማኒ ቡኡዲንታ ዓሶ ዒ ኬኤሊንቃኔ፤
\q2 ሳዓ ሎኦሚ ዓኣ ዓሶዋ ዔቂሳኔ።
\q
\v 15 ቢያሢ ጉሙርቂ ኔና ዛጋኔ፤
\q ኔኤኒያ ዔያቶም ኮይሳ ዎዶና
\q2 ዔያታ ሙዓንዳ ሙዖ ዒንጋኔ።
\q
\v 16 ኔኤኒ ኔኤኮ ኩጮ ቡሊ
\q2 ፔቴ ፔቴ ሼምፔና ዓኣ ባኮም
\q2 ኮይሳ ባኮ ዒንጊ ዒኖ ዔያቶኮ ሃውሺሳኔ።
\q
\v 17 ናንጊና ናንጋ ጎዳ ማዻ ባኮና ቢያ ፂሎኬ፤
\q2 ጊንሣ ሃሣ ኮሺኬ።
\q
\v 18 ናንጊና ናንጋ ጎዳ ዒዛ ሺኢቃዞንሢም ቢያ
\q2 ጎኔ ዒኔፓ ሺኢቃዞንሢም ቢያ ዒ ዑኬኬ።
\q
\v 19 ቦንቺ ዒዛ ዒጊጫዞንሢም
\q2 ኮይሳ ባኮ ቢያ ዒዚ ዒንጋኔ፤
\q2 ሜታዺ ዒላታ ዒላቶዋ ዋይዚ ዔያቶ ማኣዳኔ።
\q
\v 20 ዒዛ ናሽካዞንሢ ቢያ ዒ ፑርታፓ ካፓኔ፤
\q2 ፑርቶ ዓሶ ጋዓንቴ ዒዚ ዎዺ ባይዛኔ።
\b
\q
\v 21 ታኣኒ ቢያ ዎዴ ናንጊና ናንጋ ጎዳ ጋላታንዳኔ፤
\q2 ዒዚ ማዤ ባካ ቢያ
\q2 ዒዛኮ ዱማዼ ጌኤዦ ሱንፆ ሄርሺ ሄርሺ ናንጎንጎ።
\c 146
\s1 ዻቂሻ ፆኦሲም ሺኢካ ጋላታ
\q
\v 1 ናንጊና ናንጋ ጎዳም ጋላታ!
\q2 ታ ሼምፔሌ! ናንጊና ናንጋ ጎዳ ጋላቴ።
\q
\v 2 ሼምፔና ዓኣ ዎዶ ቢያይዳ ናንጊና ናንጋ ጎዳ ታ ጋላታንዳኔ፤
\q2 ናንጋ ዎዶ ቢያይዳ ታ ፆኦዛሢ ታኣኒ ቦንቺ ዓይናዻንዳኔ።
\q
\v 3 ዻቂሻኒ ዳንዳዑዋ፥ ዓሲ ማዢንቲ ማዔ ዓሶና
\q2 ሱኡጎ ማዒ ዎይሣ ዼኤፖ ዓሶ ጉሙርቂፖቴ።
\q
\v 4 ዔያታ ሃይቃዖ ሳኣ ዴሚ ጌላኔ፤
\q2 ዒማ ኬሎይዳ ዔያታ ማዻኒ ማሌ ባካ ቢያ ጉሪ ባይቃኔ።
\q
\v 5 ያይቆኦቤ ፆኦሲ ዒዛ ማኣዳያ ማዔ ዓሢ
\q2 ናንጊና ናንጋ ጎዳ ማዔ ፔ ፆኦዛሢዳ ጌኤቂንቴሢ ዎዛዾንጎ።
\q
\v 6 ናንጊና ናንጋ ጎዳ ጫሪንጮንታ ሳዖንታ
\q2 ዼኤፖ ባዞንታ ጊዳ ዓኣ ባኮ ቢያ ማዤሢኬ፤
\q2 ናንጊና ጉሙርቂንቴ ጎይሣ ናንጋያኬ። \x - \xo 146፡6 \xo*\xt ዳኪ. ማዾ 4፡24፤ 14፡15።\xt*\x*
\q
\v 7 ሄርቂንቲ ዎርቃ ዓሶም ፒዜ ዎጌ ዎጋኔ፤
\q2 ናይዺንቴዞንሢም ሙኡዚ ዒንጋኔ፤
\q2 ናንጊና ናንጋ ጎዳ ቱኡቴ ዓሶዋ ቱኡዛፓ ዒ ቡላኔ።
\q
\v 8 ናንጊና ናንጋ ጎዳ ዓኣፓ ባይቄ ዓሶኮ ዓኣፖ ቡላኔ፤
\q2 ሎኦሚ ዓኣ ዓሶ ሳዓፓ ዔቂሳኔ፤
\q2 ፂሎ ማዔ ዓሶዋ ዒዚ ናሽካኔ።
\q
\v 9 ናንጊና ናንጋ ጎዳ ሜሌ ዓጪፓ ሙኬ ዓሲ ማዒ ናንጋ ዓሶ ካፓኔ፤
\q2 ዜኤሪንዶ ማዔ ላኣሎንታ ዜኤሮ ናኣቶዋ ማኣዳኔ፤
\q2 ፑርቶ ዓሶኮ ጌኖ ማሊፆ ጉሪ ማሃኔ።
\q
\v 10 ናንጊና ናንጋ ጎዳ ካኣቲ ማዒ ናንጋያኬ፤
\q2 ፂዮኔ! ኔ ፆኦዛሢ ኬስካ ዎዶ ቢያይዳ ካኣታዺ ናንጋኔ።
\b
\q ናንጊና ናንጋ ጎዳም ጋላታ!
\c 147
\s1 ቢያ ባኮ ዳንዳዓ ፆኦሲም ሺኢካ ጋላታ
\q
\v 1 ናንጊና ናንጋ ጎዳ ጋላቱዋቴ!
\q2 ኑ ፆኦሲ ቦንቺ ጋላታ ዓይኑሞ ዓይናዺሢ ቃራኬ፤
\q2 ዒዛ ጋላቲፃ ዎዛሳያ፥ ሃሣ ኮይሳያኬ።
\q
\v 2 ናንጊና ናንጋ ጎዳ ዬሩሳላሜ ጊንሣ ዓካሲ ማዣኔ፤
\q2 ዒስራዔኤሌፓ ዳውሲንቲ ዴንዴ ዓሶ ጊንሣ ዒ ማሃኔ።
\q
\v 3 ዒኔ ሜቂ ዖዬ ዓሶ ዒዚ ዶዲሻኔ፤
\q2 ኪፆዋ ኑኡኮ ዒ ፓሣኒ ማራኔ።
\b
\q
\v 4 ዦኦጋሢኮ ሚርጉሞ ዒዚ ፓይዲ ዔራኔ፤
\q2 ፔቴ ፔቴሢኮዋ ሱንፆ ዒ ጌሣኔ።
\q
\v 5 ናንጊና ናንጋ ኑ ጎዳሢ ዼኤፒ፥ ሃሣ ዎልቄና ዓኣያኬ፤
\q2 ዒዚ ዔራ ዔራታ ሃይማኬ ጌይንቱዋያኬ።
\q
\v 6 ዒኖ ሼሌዔ ዓሶ ዒዚ ቦንቺሲ ዼጊሳኔ፤
\q2 ፑርቶ ማዻ ዓሶ ጋዓንቴ ሳዓ ኬኤሪ ዻውሲሳኔ።
\q
\v 7 ናንጊና ናንጋ ጎዳ ቦንቺ ዓይኑሞ ዓይናዹዋቴ፤
\q2 ጎኦላ ዋርቂ ዋርቂያኣ ኑ ፆኦዛሢ ዓይናዺ ቦንቹዋቴ።
\q
\v 8 ዒዚ ሻኣሮ ጫሪንጮይዳ ሚጫኔ፤
\q2 ሳዖይዳ ዒርዚ ዋርቂሳኔ፤
\q2 ዹኮይዳ ማኣቲ ኬሲ ዓኣዒሳኔ።
\q
\v 9 ካዮ ቦዖንታ ቆሎንታም ቢያ ሙኡዚ ዒንጋኔ፤
\q2 ሙኡዚ ባይቄም ዒላታ ቁራኮ ናኣቶ ዒ ሙኡዛኔ።
\q
\v 10 ዒዚ ዎዛዻሢ ዶዶ ፓራሢንታ
\q2 ዖሎ ዓሶንታኮ ዎልቆ ዛጊቱዋሴ።
\q
\v 11 ዒዛ ዎዛሳሢ
\q2 ዒዛ ቦንቺ ዒጊጫዞንሢና
\q2 ናንጊና ናንጋ ናሹሞ ዒዛኮ ጉሙርቃዞንሢኬ።
\q
\v 12 ዬሩሳላሜ! ናንጊና ናንጋ ጎዳ ጋላቴ!
\q2 ፂዮኔ! ኔ ፆኦዛሢ ፑኡፒሲ ዒላሼ!
\q
\v 13 ዒዚ ኔኤኮ ማርሾ ካሮኮ ጋጋርዞ ዶዲሺ ካፓኔ፤
\q2 ኔ ጋራ ዓኣ ዴሮ ዒዚ ዓንጃኔ።
\q
\v 14 ዒዚ ኔ ዓጮኮ ዛጶ ኮሺ ማሂ ካፓኔ፤
\q2 ቃራ ዛርጌ ካፂሲ ኔና ዒ ሚሻኔ።
\q
\v 15 ሳዖ ፔ ቢታንቶና ዒዚ ዓይሣኔ፤
\q2 ዒዚ ጋዓ ባካ ኔጉዋዖ ማዺንቲ ኩማኔ።
\q
\v 16 ዼኤፖ ሻጮ ዎዺንቴ ፑኡታጉዲ ሳዓ ዒዚ ሚጫኔ፤
\q2 ሊኢሎጉዲ ላሃ ዖልኮዋ ዲቢንሢጉዲ ሳዓ ላኣላኔ።
\q
\v 17 ሻጮ ቃንፆጉዲ ሳዓ ዒዚ ዲኢኒሻኔ፤
\q2 ዬያ ኬዳ ሻጮ ቤርታ ዖኦኒያ ጫርቂ ዔቃኒ ዳንዳዑዋሴ።
\q
\v 18 ዬካፓ ዒዚ ዓይሥሢ ዓይሣኔ፤
\q2 ዬይ ላኣዳዺ ዴይ ዓኣ ሻጫ ዓልቃኔ፤
\q2 ዢባሬ ዒዚ ዢባርሺሴም ዋኣሢ ዒኢፓ ጎዓኔ።
\q
\v 19 ፔ ቃኣሎ ያይቆኦቤ ናኣቶም
\q2 ዒዛኮ ዎጎንታ ዳምቦንታ ዒስራዔኤሌም ፔጋሲ ዔርዛኔ።
\q
\v 20 ዬያ ቢያ ዒዚ ሜሌ ዓይጎ ዴሬማኣ ማዺባኣሴ፤
\q2 ዬያታ ዒዛኮ ዎጎ ዔሩዋሴ።
\b
\q ናንጊና ናንጋ ጎዳም ጋላታ!
\c 148
\s1 ማዢንቲ ቢያ ፆኦሲ ጋላታንዳያ ኮይሳሢ
\q
\v 1 ናንጊና ናንጋ ጎዳ ጫሪንጫፓ ጋላቱዋቴ!
\q2 ሎ ዼጌ ጫሪንጫ ዓኣ ማዢንታ
\q2 ናንጊና ናንጋ ጎዳሢ ጋላቱዋቴ።
\b
\q
\v 2 ዒንሢ፥ ዒዛኮ ኪኢታንቻ ዒዛ ጋላቱዋቴ፤
\q2 ጫሪንጮይዳ ዓኣ ዒዛኮ ዖሎ ዓሳ ቢያ ዒዛ ጋላቱዋቴ።
\q
\v 3 ዓቦንታ ዓጊኖንታ ጋላቱዋቴ፤
\q2 ጫሪንጫ ፖዓ ዦኦጋሢያ ዒዛ ጋላቱዋቴ።
\q
\v 4 ሌካ ዼግ ጌይ ዓኣ ጫሪንጫ ዒዛ ጋላቱዋቴ፤
\q2 ዼጌ ቤዞኮ ዑፃ ዓኣ ዋኣፃኣ ጋላቱዋቴ።
\q
\v 5 ቢያ ባካ ናንጊና ናንጋ ጎዳ ጋላቶንጎ!
\q2 ዒዚ ዓይሤም ዬይ ባካ ቢያ ማዢንቴኔ።
\q
\v 6 ኬስካ ዎዶይዳ ቢያ ላኣሚንቱዋ ዳምቤና
\q2 ናንጊና ናንጋንዳጉዲ ማዢ ዶዲሺ ዔያቶ ዒ ጌሤኔ።
\q
\v 7 ባዞይዳ ዓኣ ዼኤፖ ቦዖንታ
\q2 ኮሺ ዔታዻ ቁልቦ ዋኣፃኣ ቢያ
\q2 ሳዓፓ ናንጊና ናንጋ ጎዳ ጋላቱዋቴ።
\q
\v 8 ዜኤሊንፃ፥ ዻኮ ሻጫ፥ ሻጮ ዼኤፖንታ ሻኣሮንታ
\q2 ዒዛኮ ዓይሢፆ ማዺ ኩንሣ ዼኤፖ ዓልጋሢ ቢያ
\q2 ናንጊና ናንጋ ጎዳ ጋላቱዋቴ።
\q
\v 9 ጌሜሮንታ ዹኮንታ
\q2 ዓኣፓ ሙይንታ ሚፆንታ
\q2 ዴኤሎ ካያ ዓኣ ሚፃኣ ቢያ ዒዛ ጋላቱዋቴ።
\q
\v 10 ካዮ ቦዖንታ ጋራ ዓኣ ቆልሞንታ
\q2 ሳዖይዳ ጎቺንቲ ሃንታ ባኮንታ ጋኣዞና ባራና ባካ ቢያ
\q2 ናንጊና ናንጋ ጎዳሢ ጋላቱዋቴ።
\q
\v 11 ካኣቶንታ ሳዖይዳ ዓኣ ዴራ ቢያ
\q2 ቢታንታ ዓኣ ሱኡጎንታ ዎጎ ዎጋ ዓሳኣ ቢያ ዒዛ ጋላቱዋቴ።
\q
\v 12 ዓቲንቆ ዼጌሢንታ ዉዱራሢንታ
\q2 ጋርቾንታ ናኣቶንታ ቢያ ዒዛ ጋላቱዋቴ።
\q
\v 13 ዒዛኮ ሱንፃ ሜሌ ሱንፆ ቢያፓ ባሻሢሮ
\q2 ዒዛኮ ቦንቻ ሳዖና ጫሪንጮናፓ ባሼ ዼኤፒታሢሮ
\q2 ቢያሢ ናንጊና ናንጋ ጎዳ ጋላቶንጎ!
\q
\v 14 ዒዛኮ ዒኖና ዎላ ቱኡቴያ ማዔ ዒዛ ዴሮ
\q2 ዒስራዔኤሌ ዒዚ ዼጊዲ ቦንቺሴኔ፤
\q2 ጋላታ ጋላታንዳጉዲያኣ ዒዚ ዔያቶ ማሄኔ።
\b
\q ናንጊና ናንጋ ጎዳ ጋላቱዋቴ!
\c 149
\s1 ጋላታ ዓይኑሞ
\q
\v 1 ናንጊና ናንጋ ጎዳ ጋላቱዋቴ!
\q ናንጊና ናንጋ ጎዳሢም ዓኪ ዓይኑሞ ኬሲ ዓይናዹዋቴ!
\q2 ፆኦሲ ዓሳ ቡኬ ቤዞይዳ ዒዛ ቦንቾም ዓይናዹዋቴ!
\q
\v 2 ዒስራዔኤሌ ማዤ ፆኦሲና ዎዛዾንጎ!
\q2 ፂዮኔ ዴራኣ ካኣቲሮ ኮኦሚ ዎዛዾንጎ!
\q
\v 3 ዒዛ ቦንቾም ዓጊፂ ዓጊፂ ጋላቶንጎ፤
\q2 ካራቤ ባዒ፥ ጎኦላኣ ዋርቂ ዋርቂ ዒዛ ጋላቶንጎ።
\q
\v 4 ናንጊና ናንጋ ጎዳ ፔ ዴሮ ዛጋዖ ዎዛዻኔ፤
\q2 ባሺሢ ዒንጊ፥ ዒኖ ሼሌዔ ዓሶ ዒዚ ቦንቺሳኔ።
\q
\v 5 ፆኦሲ ዴራ ዬያ ቦንቺንቴ ቦንቾሮ ዎዛዾንጎ፤
\q2 ዋንቶ ላሄ ቤዛ ቢያ ዎዛዺ ዓይናዾንጎ።
\q
\v 6 ጬንቻ ዓራፖ ዔያቶኮ ኩጫ ዓኣኔ፤
\q2 ዬያሮ ዔያታ
\q2 ዒላሺ ዒላሺ፥ ዼግ ጌዔ ዑኡሲና ፆኦሲ ጋላቶንጎ።
\q
\v 7 ዔያታ ዬያይዴቴ
\q2 ሜሌ ካኣቶ ባሻኒ
\q2 ሜሌ ዴሮይዳ ዼኤፒ ሜቶ ዓጋኒ፥
\q
\v 8 ዬያ ዴሮኮ ካኣቶ ካኒ ቢራታና
\q2 ዼኤፖ ዼኤፖ ሱኡጎዋ ዱፄና ዓርቂ ቱካኒ፥
\q
\v 9 ናንጊና ናንጋ ጎዳ ዔያቶይዳ ዎጌ ዎጎ ማዺ ኩንሣኒ
\q ናንጊና ናንጋ ጎዳኮ ዴራ ባሺሢ ዎልቄ ዴንቃንዳኔ።
\b
\q ናንጊና ናንጋ ጎዳ ጋላቲንቶም!
\c 150
\s1 ናንጊና ናንጋ ጎዳ ጋላቱዋቴ!
\q
\v 1 ናንጊና ናንጋ ጎዳሢ ጋላቱዋቴ!
\q ዒዛም ዱማዼ ጌኤዦ ማኣሮይዳ ፆኦሲ ጋላቱዋቴ!
\q2 ዒዛኮ ዲቃሢ ሄርሺሳ ዎልቃ ዓኣ ጫሪንጮይዳኣ ዒዛ ጋላቱዋቴ!
\q
\v 2 ዒዚ ማዼ ዲቃሢ ሄርሺሳ ማዾሮ ጋላቱዋቴ፤
\q2 ቤቃያ ባኣያ ማዔ ዼኤፑሞሮ ዒዛ ጋላቱዋቴ።
\q
\v 3 ዛዬ ዋርቂ ዒዛ ጋላቱዋቴ፤
\q2 ጎኦላንታ ዺቢ ሻሺና ዴንሢ ዋርቆ ጎኦሎዋ
\q2 ዋርቂ ዋርቂ ዒዛ ጋላቱዋቴ።
\q
\v 4 ካራቤ ባዒ ዒዛ ቦንቾም ዓጊፂ ዓጊፂ ጋላቱዋቴ፤
\q2 ጎኦላንታ ሹሉንጎንታ ዋርቂ ዒዛ ጋላቱዋቴ።
\q
\v 5 ዑኡቱቡሎ ዎሺ ዎሺ ዒዛ ጋላቱዋቴ፤
\q2 ዑኡዛ ኮሺ ሚዛጳ ዑኡቱቡሎናኣ ዒዛ ጋላቱዋቴ።
\q
\v 6 ሼምፔና ዓኣያ ማዔ ማዢንታ ቢያ
\q2 ናንጊና ናንጋ ጎዳ ጋላቱዋቴ!
\b
\q ናንጊና ናንጋ ጎዳ ጋላቲንቶም!