\id PRO - MAALE Full Bible
\ide UTF-8
\h ኮኦኪንሢ ማፃኣፔ
\toc1 ኮኦኪንሢ ማፃኣፔ
\toc3 ኮኦኪ.
\toc2 ኮኦኪንሢ ማፃኣፔ
\mt1 ኮኦኪንሢ ማፃኣፔ
\imt ዓይፆ ካሮ
\ip ኮኦኪንሦ ማፃኣፓ፦ ቶሴና ኮኦኪንሢ ሃይሴና ጌስቶ ጎይሢና ጊኢጊንቴያ፥ ዓሲ ናንጊ ጎይሢንታ ካኣሺ ባኣዚ ዛላንታ ዔርዛያኬ። ባሼና ኬኤዛሢ፦ ዓሲ ናንጋ ናንጎይዳ ኬላ ኬላ ማዓ ባኣዚ ዛላኬ፤ «ዔራቶኮ ቤርቲ ናንጊና ናንጋ ጎዳ ዒጊጪሢኬ» ጋዓ ዳምቦ ዔራንዳጉዲ ኬኤዚሢና ዓርቃኔ። ማፃኣፔላ ዔርዛሢ፦ ካኣሺ ማዾ ባኣዚ ሌሊቱዋንቴ ዓሲ ናንጋ ናንጎይዳ ኬላ ኬላ ማዺ ኩንሣኒ ኮይሳ ኮሺ ማሊሢንታ ኮሺ ማዾዋ ቃሲ ዔርዛኔ። ሃኖ ማፃኣፔሎይዳ ሼሌዑሞ ዛላንታ ጊቢ ዳንዳዒሢ ዛላንታ ዓሲኮ ሚጪንቲሢ ዛላና ጉሙርቂንቲሢ ዛላንታ ሚርጌ ባኣዚ ኮኦኪንሢና ኬኤዚንቴኔ።
\iot ማፃኣፔላ ዱማ ዱማ ዓርቄ ባኮ
\io1 ኮኦኪንሦ ዓይጎ ጎይሢና ማዾይዳ ፔኤሾንዶቴያ (1፡1-6)
\io1 ዔራቶ ኮዒሢ ዛላኮ ዞሮና ዞሮ (1፡7—7፡27)
\io1 ዔራቶ ሄርሺሢና ኬኤዚንቴ ዓይኑሞ (8፡1—9፡18)
\io1 ሴሎሞኔ ኮኦኪንሦ (10፡1—29፡27)
\io1 ዓጉሬ ጌስቴ ጌኤዞ (30፡1-33)
\io1 ካኣቲ ሊሙዔኤሌም ዒንዳ ኬኤዚ ዔርዜ ባኮ (31፡1-31)
\c 1
\s1 ኮኦኪንሢኮ ማኣዶ
\p
\v 1 ሃይ ኮኦኪንሣ ዳውቴ ናኣዚ፥ ዒስራዔኤሌ ካኣቲ ሴሎሞኔ ኬኤዜያኬ። \x - \xo 1፡1 \xo*\xt 1ካኣቶ. ማ 4፡32።\xt*\x* 
\v 2 ኮኦኪንሣ፦ ዔራቶና ኮሺ ዞሮና ዔራኒ፥ ኮሺ ዴኤሢ ማሊሢ ዓኣ ዔራቶ ጌኤሲ ዔራኒያ ማኣዳያኬ። 
\v 3 ዬያታ፦ ጎኑሞንታ ፒዜ ዎጌንታ ፒዙሞዋ ማዺሺሢና ዳምቤና ዔራቶና ሚርጌ ዓኣ ናንጊ ባንሢ ዔኪ ዓኣዻኔ። 
\v 4 ኮሺ ዔኤቢ ዔሪባኣሢም ጪንጩሞ ዔራቶ፤ ዼጌዞንሢማኣ ዔራቶና ማሊ ጶቂሥሢና ዴንቂሳኔ። 
\v 5 ሃይ ኮኦኪንሣ፦ ዔሮ ዓሳ ዔራቶ ፔኤሲ ቃሳንዳጉዲ፥ ማሊ ጶቂሣዞንሢያ ቃሲ ዔያቶም ዳምቤ ማዓ ዞሮ ዴንቃንዳጉዲ ማሃኔ። 
\v 6 ዔርቲባኣያ ማዔ ኮኦኪንሦኮ ዓኣሺንቴ ባኮ ዔሮ ዓሳ ሺኢሻ ዓኣቺፆ ባኮ ዬያና ዔራንዳጉዲ ዳንዳዒሳያኬ።
\s1 ዼጌ ዓሶ ዞሮና ዞሮ
\p
\v 7 ዔራቶኮ ቤርቲ ናንጊና ናንጋ ጎዳ ዒጊጪሢኬ፤ ዔኤዮ ዓሳ ጋዓንቴ ዔራቶና ዳምቤና ቦቦሃኔ። \x - \xo 1፡7 \xo*\xt ዒዮ. 28፡28፤ ዓይኑ. 111፡10፤ ኮኦኪ. 9፡10።\xt*\x*
\p
\v 8 ታ ናዓሢዮ! ኔ ዓዶ ዞሮ ዋይዜ፤ ኔ ዒንዳ ኔና ዔርዛ ባኮ ቢያ ቦሂፖ። 
\v 9 ዬይ ዞራ፦ ኔና ቦንቺሳያ ቶኦካ ዓጎ ባኮጉዲ፤ ሃሣ ባቃኖዋ ሚዛጲሳያ ቂንቴ ኔኤም ማዓንዳኔ።
\p
\v 10 ታ ናዓሢዮ! ጎሞ ዓሳ ኔኤኒ ዔያቶና ዎላ ዓኣዻንዳጉዲ ኔና ጌሼቴ ዔያቶም ዔኤዒፖ። 
\v 11 ጎዖንቴ ዔያታ ኔና፦ «ዻቢንቲባኣ ጌኤሺ ዓሲ ‹ጎይፃ ካቲ ዴዒ ኑ ዎዾም፥ ኑኡና ዎላ ሃኒ ዬዔ! 
\v 12 ሃይቄ ዓሲ ዱኡፒ ዔኤዻሢጉዲ ኑኡኒያ ዔያታ ኮሺ ሼምፔና ዓኣንቴ ዔኤዾም፤ ዔቴይዳ ሎኦማ ዓሲጉዴያ ኑ ዔያቶ ማሆም! 
\v 13 ጴዹዋያ ማዔ ሚርጌ ዱማ ዱማ ኮሺ ባኣዚ ኑ ዔካንዳኔ፤ ቡሪ ኑ ዔካ ባኮና ኑኡኮ ማኣሮ ኑ ኩንሣንዳኔ፤ 
\v 14 ሃኒ ዬዒ ኑኡና ዎላ ፔቴ ማዔ፤ ዉኡቂ፥ ሃሣ ቡሪ ኑ ዴንቃ ቆሎ ኑ ዎላ ዔካንዳኔ› » ጋዓንዳያ ናንዳኔ።
\p
\v 15 ታ ናዓሢዮ! ዬያጉዴ ዓሶና ዎላ ዓኣዺፖ፤ ዬያቶይዳፓ ሺኢኬ። 
\v 16 ዔያታ ፑርታ ባኣዚ ማዻኒ ጳሽካኔ፤ ሃሣ ዓሲ ዎዻኒያ ሩኡራያኬ። 
\v 17 ፒሪ ኔ ዓይሣኒ ኮዓ ካፔላ ኔና ዛጋንቴ ኔ ፒሬ ፒራሢ ኔና ማኣዳያቱዋሴ። 
\v 18 ዬያ ማዻ ዓሳ ዔያታ ዓዺንቲ ሃይቃንዳ ፒራሢ ፔኤም ፒራኔ። 
\v 19 ዔርቲባኣ ጎይሢና ቆሎ ቡኩሳ ዓሶ ዬይ ዔያታ ቡኩሴ ቆላ ዔያቶኮ ሼምፓሢ ባይዛንዳኔ። ጎርቲኖና ዖርጎጫ ዓሶኮ ጋፒንፃ ዬማዼኬ።
\s1 ዔራቶ ዔኤላ ዔኤሊሢ
\p
\v 20 ዔራቶ ጎይሢዳ ዔቂ ዔኤሊንታኔ፤ ዓሳ ቡካ ጶኦኮይዳኣ ዑኡዞ ፔኤሲ ዼጊዲ ዋይዚሳኔ። 
\v 21 ዓሲ ሚርጌ ዓኣ ጎይፆይዳኣ ዒላታኔ፤ ካታሞ ጌሎ ካሮኮ ዴራ ቡካ ቤዞይዳ ጌኤዞ ፔኤሲ ጌስታኔ፤ ሂዚያ ጋዓኔ፦ \x - \xo 1፡21 \xo*\xt ኮኦኪ. 8፡1-3።\xt*\x*
\p
\v 22 «ዒንሢ ሃይ ዔራታ ፓጬ ዓሳ! ዓይዴ ሄላንዳኣና ዔኤያ ማዒ ዒንሢ ናንጋኒ ኮዓይ! ዒንሢ ቦሃ ዓሳ! ዎማ ሄላንዳኣና ዒንሢ ቦሂፆና ዎዛዺ ዒንሢ ናንጋንዳይ! ዒንሢ ዔኤዮ ዓሳ! ዎማ ሄላንዳኣና ዔራቶ ዒንሢ ዒፃይ? 
\v 23 ታ ዞሮ ዒንሢ ዔካቶ ታ ማሊፆ ታ ዒንሢም ፔጋሴያ ናንዳንቴኬ፤ ታኣኮ ቃኣሎዋ ታ ዒንሢ ዔርዜያናንዳንቴኬ። 
\v 24 ታ ባንሢ ዒንሢ ሙካንዳጉዲ ታ ኩጮ ቤኤዚ ታ ዒንሢ ዔኤሌኔ፤ ዒንሢ ጋዓንቴ ታ ዔኤሊፆ ዋይዚባኣሴ። 
\v 25 ታ ዞሮ ዒንሢ ቶኦቼኔ፤ ታ ጎሮዋ ዒንሢ ዔኪባኣሴ። 
\v 26 ዬያሮ ሜታ ዒንሢ ሄሌ ዎዶና ታ ሚኢጫንዳኔ፤ ባይሲንታ ዒንሢዳ ሄሌ ዎዶና ታኣኒ ቦሂ ዓዓማላንዳኔ። 
\v 27 ዲቃቲሢ ጉዶ ዢባሬጉዲ ዒንሢዳ ዢባርሻኣና፥ ሜታኣ ዓልጎ ዢባሬጉዲ ዒንሢ ጊልፓኣና፥ ዋኣዪሢና ሜቶና ዒንሢ ሄላዛ ታ ዒንሢ ሚሚኢጫንዳኔ። 
\v 28 ዬኖ ዎዶና ዒንሢ ታና፥ ዔራቶ ጋዓዞ ዔኤላንዳኔ፤ ታ ጋዓንቴ ዒንሢም ዬሃዓኬ፤ ዱማ ዱማ ቤስካ ዒንሢ ታና ኮዓንዳኔ፤ ጋዓንቴ ዒንሢ ታና ዴንቃዓኬ። 
\v 29 ዔራቶ ዒንሢ ዒፄኔ፤ ናንጊና ናንጋ ጎዳ ዒጊጫኒያ ዒንሢ ናሽኪባኣሴ። 
\v 30 ታ ዞሮ ዒንሢ ኮዒባኣሴ፤ ታ ጎሮዋ ዒንሢ ቦሄኔ። 
\v 31 ዬያሮ ዒንሢም ኮይሳ ሜቶ ዒንሢ ዔካንዳኔ፤ ዒንሢኮ ጌኖ ማዾኮ ዓኣፖዋ ዒንሢ ዴንቃንዳኔ። 
\v 32 ዔራቶ ፓጬ ዓሳ ዔራቶም ዋይዞ ዒፂ ዋያ ኬኤሎ ዳኬሢሮ ዔያታ ሃይቃንዳኔ፤ ዔኤዮ ዓሳ ቄል ጌይፆፓ ዔቄያና ባይቃንዳኔ። 
\v 33 ታኣም ዋይዛሢ ጋዓንቴ ሂርጋ ባኣያ ናንጋንዳኔ፤ ዒጊቻ ባኣዚያ ባኣያ ሃውሻንዳኔ።»
\c 2
\s1 ዔራቶፓ ጴዻ ዓንጆ
\p
\v 1 ታ ናዓሢዮ! ታ ኔና ዔርዛ ባኮ ዔኬ፤ ታ ዓይሢፆዋ ኔ ዒና ዓርቄ። 
\v 2 ዔራቶ ኬኤዛ ሃይሴ ዒናፓ ዋይዜ፤ ዛጊ ማሊ ዔኪ ጶቂሤ። 
\v 3 ማሊ ጶቂሥሢ ዔኤሌ፤ ዔራቶም ሃሣ ዑኡዞ ኔኤኮ ዼጊዲ ዒላቴ። 
\v 4 ቢራ፤ ሃሣ ጊንሣ ዓኣቾና ሚኢሼ ዴንቃኒ ኔ ኮዓሢጉዲ ዔራቶ ዶዲ ኮዔ። 
\v 5 ዬያ ቢያ ኔ ማዼቴ ናንጊና ናንጋ ጎዳ ዒጊጪሢ ዓይጎታቴያ ኔ ዔራንዳኔ፤ ፆኦሲ ዔራቶዋ ኔ ዴንቃንዳኔ። 
\v 6 ዔራቶ ዒንጋሢ ናንጊና ናንጋ ጎዳኬ፤ ዔራቶንታ ማሊ ጶቂሥሢንታ ጴዻሢያ ዒዛይዳፓኬ። 
\v 7 ዒዚ ፒዜ ዓሶም ኮሺ ዔራቶ ዒንጋኔ፤ ማዻ ማዾይዳ ቦሂሳ ባኣዚባኣ ዓሶም ዒ ጊቲማኬ። 
\v 8 ዒዚ ፒዜ ዎጌ ዎጊንታ ጎይፆ ዛጋኔ፤ ዒዛም ጉሙርቂንቲ ማዻዞንሢ ዒ ካፓኔ።
\p
\v 9 ታ ኔኤም ጋዓ ባኮ ቢያ ኔ ዋይዜቴ ፂሉሞ፥ ፒዜ ዎጌ፥ ጎኔ ማዾዋ ኔ ዔራንዳኔ፤ ኔ ማዻኒ ኮይሳ ባኮዋ ቢያ ኔ ዔራንዳኔ። 
\v 10 ዔራ ዓሲ ኔ ማዓንዳኔ፤ ዔራታ ኔኤም ዎዛ ዒንጋንዳኔ። 
\v 11 ሃኪሲ ማሊሢ ኔና ካፓኔ፤ ማሊ ዒና ዔኪሢያኣ ፑርታ ባኣዚፓ ኔና ዓይሳኔ። 
\v 12 ዔራቶ ኔና ፑርቶ ዓሶ ጎይፆና ዔያቶኮ ዎቦ ጌኤዞናፓ ዓውሳንዳኔ። 
\v 13 ዬያጉዴ ዓሳ ጎሞ ዹሞይዳ ናንጋኒ ፂሉሞ ጎይፆ ሃሼዞንሢኬ። 
\v 14 ዬያ ዓሶ ዎዛሳ ባኣዚ፦ ፒዜ ባኮ ዎቢሲሢና ጌኔ ማዔ ፑርታ ማዾ ማዺሢኬ። 
\v 15 ዔያታ ጉሙርቂንቱዋያ ዎቦ ዓሲኬ።
\p
\v 16 ዓካሪ ታኣኒ ኔኤም ጋዓ ባኮ ኔ ዋይዜቴ ሺኢቲ ጌስቲሢና ኔና ፒራ ዞኦዛ ኮኦማ ላኣሎፓ ቶላኒ ኔ ዳንዳዓኔ። 
\v 17 ዬያጉዴ ላኣላ ዒዛ ዼጌ ዓኣዖ ሌዔ ዓኒም ዓኣ ጉሙርቂንቲፆ ፓጪሳያና ፆኦሲ ቤርታ ዒዛ ጫኣቄ ጫኣቁሞ ዋላያኬ። 
\v 18 ዒዞ ማኣሪ ኔ ዓኣዼቴ ጎይፃ ኔኤሲ ሃይቢ ባንሢ ዓኣዺሢ ማዓንዳኔ፤ ዒዞ ባንሢ ዓኣዺፃ፦ ሃይቄ ዓሶ ዓጮ ባንሢ ኬዲሢጉዲኬ። 
\v 19 ዒዞ ባንሢ ዓኣዻሢ ቢያ ማዑዋሴ፤ ናንጊ ጎይሢያ ዴንቃኒ ዳንዳዑዋሴ። 
\v 20 ዬያሮ ኮዦ ዓሳ ሃንቴ ጎይፆ ሃንታኒና ዬይ ዓሳ ናንጌ ጎይፆ ናንጋኒ ኔና ኮይሳኔ። 
\v 21 ሃኖ ዓጬሎይዳ ናንጋኒ ኮይሳዞንሢ ዒኖ ፒዜዞንሢና ኮዦ ዓሶንሢናኬ። 
\v 22 ፑርቶ ዓሶ ጋዓንቴ ፆኦሲ ሳዓፓ ሃይቢና ዓርቂ ዔካንዳኔ፤ ዒዛም ጉሙርቂንቱዋ ዓሶ ሆኦሪጉዲ ዒ ቱጊ ባይዛንዳኔ።
\c 3
\s1 ዼጌ ዓሶ ዞሮና ዞሮ
\p
\v 1 ታ ናዓሢዮ! ታ ኔና ዔርዛ ባኮ ዋሊፖ፤ ታ ዓይሣ ዓይሢፆዋ ኔ ዒና ዓርቄ። 
\v 2 ታ ዔርዚፃ ኔኤም ሚርጌ ዖዶሲ ሌዔንታ ኮሹሞንታ ዎዛንታ ዒንጋንዳኔ። 
\v 3 ጉሙርቂንቲሢና ጎኑሞና ሃሺፖ፤ ኔ ሆላ ማይንታ ቂንቴጉዲ ዛጊ ዓርቄ፤ ኔኤኮ ዒኖ ጋራ ፃኣፔ። 
\v 4 ዬያ ኔ ማዼቴ ፆኦሲና ዓሲና ቤርታ ናሽኪንቲሢና ኮሺ ሱንሢና ዴንቃንዳኔ። \x - \xo 3፡4 \xo*\xt ሉቃ. 2፡52።\xt*\x*
\p
\v 5 ጉቤ ዒናፓ ናንጊና ናንጋ ጎዳ ጉሙርቄ፥ ኔ ዔራቶና ሄርሺንቲፖ። 
\v 6 ኔ ማዻ ባኮና ቢያ ናንጊና ናንጋ ጎዳ ኔኤኮ ቤርታሴ፤ ዒዚ ኔና ፒዜ ጎይሢ ዔኪ ዓኣዻንዳኔ። 
\v 7 «ታኣኒ ዔሮኬ» ጌይፖ። ዬያይዳፓ ናንጊና ናንጋ ጎዳ ዒጊጬ፤ ፑርታ ባኣዚዳፓ ሃኬ። \x - \xo 3፡7 \xo*\xt ሮሜ 12፡16።\xt*\x* 
\v 8 ዬያ ኔ ማዼቴ ዑፃ ኔኤኮ ማዓንዳኔ፤ ሜጌፆማኣ ዶዱሞ ኔ ዴንቃንዳኔ። 
\v 9 ኔኤኮ ቆሎና ጎዣኣ ኔኤኮ ካፂሳ ባኮናፓ ቢያ ቤርቶ ናንጊና ናንጋ ጎዳም ዒንጊ ዒዛ ቦንቼ። 
\v 10 ኔ ዬያይዴቴ ኮና ኔኤኮ ሃኣኮና ኩማንዳኔ፤ ዎይኖ ጩኡጶ ቤዞይዳ ዓኪ ሃጊ ጩኡጶ ዎይኖ ዑዣ ኩሚ ላኣሊንታንዳኔ።
\p
\v 11 ታ ናዓሢዮ! ናንጊና ናንጋ ጎዳ ጎሪ ዞራ ዞሮ ቶኦቺፖ፤ ኔና ዒ ጎሪ ዞራ ዎዶና ዒናፓ ዻጋዺፖ። \x - \xo 3፡11 \xo*\xt ዒዮ. 5፡17።\xt*\x* 
\v 12 ዓዴ ፔኤኮ ናሽካ ናዖ ጎሪ ዞራሢጉዲ ናንጊና ናንጋ ጎዳ ዒ ናሽካ ዓሶ ጎሪ ዞራኔ። \x - \xo 3፡12 \xo*\xt ዔብ. 12፡6፤ ዮሃ. ፆፔዻ 3፡19።\xt*\x*
\s1 ዔራቶኮ ኮሺ ኮይሳያ ማዒፆ
\p
\v 13 ዔራቶ ዴንቃያና ማሊ ጶቂሥሢ ሚኢሼ ማሂ ዛጋ ዓሲ ዓንጂንቴያኬ። 
\v 14 ዬያሮ ዔራቶ ቢራ ዓንጊፓ ባሼ ባኣዚ ኔኤም ጴዺሳኔ፤ ሃሣ ዎርቄይዳፓኣ ዑሣ ዓኣዼ ባኣዚ ኔኤም ዴንቂሳንዳኔ። 
\v 15 ዔራቶ፦ ኮሺ ሚዛጳ ሹጫፓ ባሼ ቦንቺንታያኬ፤ ኔኤኒ ዴንቃኒ ኮዓ ባኮይዳፓ ቢያ ዒዞና ቤቃ ባኣዚ ፔቴታዖ ባኣሴ። 
\v 16 ዔራቶ ፔኤኮ ሚዛቆ ኩጫ ሚርጌ ሌዔ፤ ሻውሎ ኩጫ ሃሣ ዖርጎቹሞንታ ቦንቾንታ ዓርቄኔ። 
\v 17 ጎይፃ ዒዞኮ ዎዛ ጎይሢኬ፤ ሃንቶ ጎይፃኣ ቢያ ኮሹሞ ኩሜያኬ። 
\v 18 ዔራቶ፦ ዒዞ ዛጊ ዓርቃ ዓሲም ናንጊ ዒንጋያኬ፤ ዒዞ ሚኢሼ ማሂ ዛጋ ዓሳ ዓንጂንቴያኬ።
\q
\v 19 ናንጊና ናንጋ ጎዳ ዔራቶና ሳዖ ማዤኔ፤
\q2 ማሊ ጶቂሥሢና ጫሪንጮ ዶዲሺ ዔቂሴኔ።
\q
\v 20 ዒዛ ዔራቶና ዎሮ ዋኣፃ ዎታኔ፤
\q2 ሻኣራ ሳዖም ዒሮ ዋርቂሳኔ።
\p
\v 21 ታ ናዓሢዮ! ኮሺ ዔራቶና ሃኪሲ ማሊ ጶቂሥሢና ዶዲሺ ዓርቄ፤ ኔጊዳፓ ዔያቶ ሃኪሲፖ። 
\v 22 ዔያታ ኔኤም ዖዶሲ ናንጊንታ ኮሺ ናንጊያ ዒንጋንዳኔ። 
\v 23 ኔኤኒ ዓኣዻ ጎይፆ ዒጊቹሞ ባኣያ ጉሙርቂ ዓኣዻኒ ዳንዳዓኔ፤ ፔቴታዖ ኔኤኒ ዹቂንታዓኬ። 
\v 24 ኔኤኒ ላሃ ዎዶና ዒጊጫዓኬ፤ ዋንቶ ጉቤ ኮሺ ጊንዖ ኔ ጊንዓንዳኔ። 
\v 25 ፑርቶ ዓሶ ዑፃ ዔሩዋንቴ ሄላ ሜታሢና ባይሲንቶና «ታና ሄላንዳኔ» ጌይ ኔ ዒጊጫዓኬ። 
\v 26 ናንጊና ናንጋ ጎዳ ኔኤኮ ጉሙርቂንቶሢ ማዒ ፒሮና ኔ ዓርቂንቱዋጉዲ ኔና ካፓንዳኔ።
\s1 ዓሲና ዎላ ኮሺ ናንጊሢ
\p
\v 27 ኔ ማኣዳኒ ኮይሳ ዓሲም ኔ ዳንዳዔሢጉዴያ ኮሺ ባኣዚ ማዺሢፓ ጊንሢም ጌይፖ። 
\v 28 ሜታዼ ኔ ዓሺናሢ ሃኖ ኔ ማኣዳኒ ዳንዳዓያታዖ «ቃራኬ፥ ዚሮ» ጌይ ጌይ ሃንቲሲ ዒዛ ላቢሲፖ። 
\v 29 ኔና ጉሙርቂ ኔ ኮይላ ናንጋ ኔ ዓሺናሢዳ ጌኔና ፑርታ ባኣዚ ማዻኒ ማሊፖ። 
\v 30 ዓይጎዋ ፑርታ ማዺባኣ ዓሲ ዔኤቢ ማዺባኣንቴ ዎጌና ዓይሢሲፖ። 
\v 31 ጌኖ ማዻ ዓሶ ቂኢሪፖ፤ ሃሣ ዔያታ ማዻ ጌኖ ማዾ ጎይፆ ማዺፖ። 
\v 32 ናንጊና ናንጋ ጎዳ ፑርቶ ማዻ ዓሶ ዒዒፃኔ፤ ዒኖ ፒዜዞንሢም ጋዓንቴ ፔኤኮ ዒና ዓኣ ባኮ ዒዚ ፔጋሲ ኬኤዛኔ። 
\v 33 ናንጊና ናንጋ ጎዳ ፑርቶ ማዻ ዓሶ ማኣሪ ጋዳማ ዳካኔ፤ ኮዦ ዓሶ ማኣሮ ጋዓንቴ ዓንጃኔ። 
\v 34 ናንጊና ናንጋ ጎዳ ቦሂ ዓማላ ዓሶ ቶኦቻኔ፤ ሼሌዔ ዓሶ ጋዓንቴ ቦንቺሳኔ። \x - \xo 3፡34 \xo*\xt ያይ. 4፡6፤ 1ጴፂ. 5፡5።\xt*\x* 
\v 35 ዔራ ማዔ ዓሳ ኮሺ ቦንቾ ዴንቃንዳኔ፤ ዔኤዮ ዓሳ ጋዓንቴ ዻውሲንታንዳኔ።
\c 4
\s1 ዔራቶፓ ጴዻ ባኣዚ
\p
\v 1 ታ ናይዮቴ! ዒንሢ ዓዶንሢኮ ዞሮ ዋይዙዋቴ፤ ኮሺ ዒናፓ ዋይዙዋቴ፤ ማሊ ጶቂሥሢያ ዒንሢ ዴንቃንዳኔ። 
\v 2 ታኣኒ ዒንሢ ዔርዛ ዔርዚፃ ኮሺ ማዔሢሮ ቄል ጌይፖቴ። 
\v 3 ታኣኒ ታ ዓዶና ዎላ ዻካ ናይ ዓኣዖ ናንጌኔ፤ ታ ዒንዶኮዋ ታ ፔቴኬ። 
\v 4 ዒማና ታ ዓዴ ታና ሂዚ ጌይ ዔርዛኔ፦ «ታ ኬኤዛ ባኮ ጉቤ ኔ ዒና ዓርቄ፤ ታኣኮ ዓይሢፆዋ ማዺ ኩንሤ፤ ሼምፔና ኔ ናንጋንዳኔ። 
\v 5 ዔራቶና ማሊ ጶቂሥሢና ዴንቃኒ ዶዴ፤ ታ ኔና ጋዓ ባኮ ዋሊፖ፤ ሃሣ ቄል ጌይፖ። 
\v 6 ዔራቶ ሃሺፖ፤ ዒዛ ኔና ካፓንዳኔ፤ ዒዞ ናሽኬ፤ ሜቶ ቢያይዳፓ ኔና ዓይሳንዳኔ። 
\v 7 ዔራቶ ቢያይዳፓ ዑሣ ማዔሢሮ ዒዞ ሚኢሼ ማሂ ዛጌ፤ ኔኤኮ ዓኣ ባኮ ቢያ ኔና ጪጊሻያ ማዔቴያ ማሊ ጶቂሥሢ ዴንቃኒ ዶዴ። 
\v 8 ዔራቶ ቦንቼ፤ ዒዛ ኔና ዼግ ዼጊዳንዳኔ፤ ዶዲሺ ኔ ዒዞ ዓርቄቴ ኔና ቦንቺሳንዳኔ። 
\v 9 ቦንቾሮ ቶኦካ ዓጎ ባኮ ኔና ዒዛ ዓጊሲሳንዳኔ፤ ሃሣ ሚዛጲ ማዔ ካኣቶ ቶኦካ ዓጎ ባኮዋ ኔኤም ዒንጋንዳኔ።»
\p
\v 10 ታ ናዓሢዮ! ዋይዜ፤ ታ ኔኤም ኬኤዛ ባኮ ዋይዜ፤ ናንጎ ሌዔ ኔኤኮ ዖዶቃንዳኔ። 
\v 11 ኔና ታኣኒ ዔራቶ ጎይሢ ዻዌኔ፤ ፒዜ ጎይሢ ታ ኔና ዔኪ ዓኣዼኔ። 
\v 12 ዔራቶና ኔ ሃንቴቴ ታኣካ ኔኤኮ ቃዚንታዓኬ፤ ኔ ጳሽኬቴያ ዹቂንታዓኬ። 
\v 13 ኔ ዔሬ ዔራታ ሼምፔ ኔኤም ዒንጋሢሮ ዶዲሺ ዓርቄ፤ ሃሺፖ፤ ኮሺ ዛጊ ካፔ። 
\v 14 ፑርቶ ዓሳ ዓኣዻ ጎይፆና ዓኣዺፖ፤ ዔያታ ማዻ ጎይፆዋ ማዺፖ። 
\v 15 ዒኢፓ ሺኢኬ፤ ዒኢና ሃንቲፖ፤ ዬያፓ ሃኪ ኔ ጎይሢና ዓኣዼ። 
\v 16 ፑርታ ባኣዚ ማዺባኣንቴ ዔያቶኮ ሃውሾ ባኣሴ፤ ዓሲዳ ሜቶ ዔያታ ሄሊሲባኣቴ ዋንቶ ጉቤ ጊንዓባኣያ ዔያታ ዎርቃኔ። 
\v 17 ዋይዚ ዒፂሢና ጌኔ ማዾና ዔያቶኮ ሙኡዚና ዑሺናጉዴያኬ።
\p
\v 18 ኮዦ ዓሶኮ ጎይፃ፦ ካሪሢ ፖዔጉዲኬ፤ ሮኦሮ ፖዓ ጉቤ ፖዓንዳያ ሄላንዳኣና ዬይ ቃሲንቲ ቃሲንቲ ዓኣዻኔ። 
\v 19 ፑርቶ ዓሶ ጎይፃ ጋዓንቴ ሻኔ ዹሚጉዲኬ፤ ዔያታ ሎኦማኔ፤ ዔያቶ ሎንሤ ባካ ዓይጎታቴያ ዔያታ ዔሩዋሴ።
\p
\v 20 ታ ናዓሢዮ! ታ ጋዓሢ ዒና ዔኪ ዋይዜ፤ ታ ኬኤዛ ባኮዋ ዚቲ ጌይ ኮሺ ዋይዜ። 
\v 21 ኔኤኮ ዓኣፓፓ ዔያቶ ሺኢሺፖ፤ ኔ ዒና ዔያቶ ዓርቂ ካፔ። 
\v 22 ዬያታ ዔያቶ ማሊ ጶቂሣዞንሢም ናንጊ ዒንጋኔ፤ ዑፆዋ ኔኤኮ ማሃንዳኔ። 
\v 23 ዒኔ ናንጊኮ ካራ ማዔሢሮ ዒኖ ኔኤኮ ቢያ ባኣዚዳፓ ባሼ ማሂ ዛጊ ካፔ። 
\v 24 ፑርታ ጌኤሲ ኔ ዻንጋፓ ኬሲፖ፤ ሉኡዙሞና ጌሺሢና ኔኤፓ ሃኪሴ። 
\v 25 ዓኣፓ ኔኤኮ ፒዜ ዛጎንጎ፤ ሻውላ ሚዛቃ ጎውዋዖ ሴካ ቤርቲም ዛጌ። 
\v 26 ቶካ ኔኤኮ ፒዜ ጎይሢ ሃንቶንጎ፤ ኔ ሃንታ ጎይፃ ቢያ ኔኤም ጊኢጋንዳኔ። \x - \xo 4፡26 \xo*\xt ዔብ. 12፡13።\xt*\x* 
\v 27 ኔ ዴንዳ ጎይፆ ሚዛቂ፥ ሻውላ ጌይሲፖ፤ ፑርታ ባኣዚ ባንሢ ዓኣዺሢፓ ቶኮ ኔኤኮ ማሄ።
\c 5
\s1 ዞኦስካ ኮኦሚሢዳፓ ሃኪሢ ዛላ
\p
\v 1 ታ ናዓሢዮ! ታ ኔኤም ኬኤዛ ዔራቶና ማሊ ጶቂሢፆና ኮሺ ዒናፓ ዋይዜ። 
\v 2 ዬያ ኔ ማዼቴ ጶቂሢ ዔራያ ኔ ማዓንዳኔ፤ ጌኤዛ ኔኤኮ ዔራቶ ዓኣያ ማዔሢ ፔጋሲ ዻዋንዳኔ። 
\v 3 ዞኦስካ ኮኦማ ላኣሊኮ ሙሱራ ፆሎሊ ዔኤሲ ፆዻያ ማላኔ፤ ጌኤዛ ዒዞኮ ዛይቶ ቲዣፓ ባሼ ሺኢታያኬ። 
\v 4 ጋፒንፃ ጋዓንቴ ዒዛ ዋላንጋጉዲ ጫንቃያና ላምዖ ዛላ ዓጬ ማዔ ጬንቻ ዓፓሮጉዲ ቲቃያኬ። 
\v 5 ጎይፃ ዒዞሲ ሃይቢ ባንሢ ዔኪ ሄሊሳያ፤ ዒዛ ሄርቃ ፔቴ ፔቴ ታኣካ ሃይቄ ዓሶ ዓጮ ባንሢ ዔኪ ዴንዳያኬ። 
\v 6 ናንጊ ባንሢ ዔኪ ዓኣዻ ጎይፆ ባንሢ ዴንዱዋሴ፤ ጉሪ ዒዛ ዣዣኣላኔ፤ ጋዓንቴ ዬያ ዣኣሊፆ ዒዛ ዔሩዋሴ።
\p
\v 7 ታ ናዓሢዮ! ዋይዜ፤ ታ ኔኤም ኬኤዛ ባኮፓ ሃኪፖ። 
\v 8 ዬኖጉዴ ላኣሎፓ ሃኬ፤ ዒዞ ማኣሮ ካሮ ባንሢታዖ ዑኪፖ። 
\v 9 ኔ ያዺዲባኣቴ፦ ኔኤኮ ዓኣ ቦንቾ ሜሌ ዓሲ ዔካንዳኔ፤ ሃጊ ኔ ዼጌ ዓኣዖ ፑርታ ዓሲ ኩሽካ ሃይቃንዳኔ፤ 
\v 10 ቆሎ ኔኤኮ ቢያ ፃንጎ ዓሲ ዔካንዳኔ፤ ኔ ላቤ ባካ ሜሌ ዓሲም ማዓንዳኔ። 
\v 11 ዑፃ ኔኤኮ ሙይንቲ ጋፓንዳሢሮ ሃይቃኒ ኔ ሳዛ ጋሽካንዳኔ፤ 
\v 12 ኔ ዒማና፦ «ዓሲ ጋዓ ባኣዚ ታ ዋይዚባኣሢና ዓሲ ጎራ ጎሪ ፔቴታዖ ታ ዔኪባኣሢ ዓይጎሮዳይ! 
\v 13 ታና ዔርዛ ዓሳ ጋዓ ባኮ ታ ዋይዛኒ ኮዒባኣሴ፤ ዔያቶኮ ዞሮዋ ታ ዔኪባኣሴ። 
\v 14 ዬያሮ ዴራ ቡኪንታ ጶኦኮይዳ ባይሲንታ ባንሢ ሄላኒ ታ ዑኬኔ» ጋዓንዳኔ።
\s1 ማቾ ናሽኪሢ ዛላ
\p
\v 15 ኔ ቦኦኬ ዔቶ ዋኣፆና ዓልቃ ዋኣፆናፓ ኔ ዑሽኪ ዼኤቦ ዛኣራሢጉዲ ኔ ማቾም ጉሙርቂንታያ ማዒ ዒዞ ሌሊ ናሽኪሢና ዎዛዻያ ማዔ። 
\v 16 ላኣሊ ጌዔሢ ጉቤ ዑሽካ ዓልቃ ዋኣሢ ማዒፖ። 
\v 17 ኔኤኒ ቦኦኬ ዔቶ ዋኣፆና ዓልቃ ዋኣፆ ኔኤና ዎላ ዱይ ዑሽካ ዓሲባኣያ ኔኤሮ ሌሊ ማዖንጎ። 
\v 18 ዬያሮ ዼጋቶና ዓኣዖ ኔ ዔኬ ማቻ ቃራ ዓልቃ ዋኣሢ ማዔሢሮ ኔኤም ዓንጂንቶንጎ፤ ዒዞና ዎላ ዎዛዼ። 
\v 19 ዒዛ ናሻ ሞይሌ፤ ሃሣ ጊንሣ ሚዛጲ ጌንዖ ኔኤም ማዖንጎ። ዒዞኮ ሚዛጱማ ቢያ ዎዴ ኔና ዎዛሳያ ማዖንጎ፤ ሃሣ ዒዞኮ ናሹሞና ቢያ ዎዴ ዎዛዼ። 
\v 20 ታ ናዓሢዮ! ዞኦዛ ኮኦማ ላኣሎና ኔ ዓይጋ ዲዒንቲ ዔውታይ? ሜሌ ዓሲ ላኣሊና ዎላ ኔ ዓይጋ ላሃይ? 
\v 21 ፆኦሲ ዓሲ ማዻ ባኣዚ ቢያ ዛዛጋኔ፤ ሃሣ ዓኣዻ ጎይፆዋ ቢያ ዴንቃኔ። 
\v 22 ጎሜ ዓሲ ዒዛኮ ፑርቱማ ፒሪ ዓርቃኔ፤ ፔኤኮ ጎሞ ሱዞና ዒ ማርታኔ። 
\v 23 ቢያፓ ዑሣ ማዔ ዔኤያቶና ጎይፆ ፔኤኮ ዻባኔ፤ ፔና ዓርቂ ካፓኒ ዳንዳዖ ባሺንታፓ ዔቄያና ሃይቃኔ።
\c 6
\s1 ሜሌ ዓሲም ጋሌ ጪጊሢ ዛላ ላቶና ላቲሢ
\p
\v 1 ታ ናዓሢዮ! ፔኤኮ ጋሎ ጪጋኒ ዳንዳዒባኣ ዓሲም ዒዛ ዛሎ ኔ ጪጋኒ ጫኣቂ፥ ኔ ጌስቴ ጌኤዞና ፒሮጉዲ ኔ ዓርቂንቴቴ፥ 
\v 2 ኔ ጫኣቄ ጫኣቁሞናኣ ዓዺንቴያ ማዔቴ፥ 
\v 3 ታ ናዓሢዮ! ዬያ ዓሢኮ ቢታንቶ ዴማ ኔ ጌሌኔ፤ ዬያሮ ዒዛ ዴማፓ ኔ ኬስካኒ ኮዔቴ ሩኡሪና ዒዛ ኮይላ ዴንዲ፥ ኔ ዋኣሶ ማዔሢ ዒ ሃሻንዳጉዲ ዒዛ ሺኢቄ። 
\v 4 ዬያይዱዋዖ ላሂፖ፤ ጊንዓኣ ኔና ዓርቆፓ። 
\v 5 ጌንዓ ኬሞ ዓሲዳፓ፥ ካፒያኣ ፒሮይዳፓ ቶላሢጉዲ ኔኤኒያ ኔና ዓውሴ።
\s1 ቤልፁሞ
\p
\v 6 ኔኤኒ ሃይ ቤልፃሢ ዓንካ ዓኣ ቤሲ ዴንዲ ዒዛ ማዻ ባኮ ዛጊ ዔራቶ ዔኬ። 
\v 7 ዓንኮ ዔኪ ዓኣዻ ሱኡጌንታ ዎይሣያንታ ባኣሴ፤ 
\v 8 ጋዓንቴ ዔያታ ፔኤኮ ሙዖ ዖጎፆና ቡኩሳኔ፤ ሃኣካ ካፄ ዎዶናኣ ዔያቶም ኮይሳ ሙዖ ዔያታ ቡኩሳኔ። 
\v 9 ዓካሪ ሃይ ኔ ቤልፃሢ! ኔ ላሃሢ ዎማ ሄላንዳኣናዳይ? ጊንዓስካፓ ኔ ጴጫንዳሢ ዓይዴዳይ? 
\v 10 «ዻካ ታ ላሂ፥ ጊንዓንዳኔ፤ ኩጮና ማዾ ሃሺ ዻካ ታ ሃውሻንዳኔ» ኔኤኒ ጌዒ፥ 
\v 11 ሃጊ ኔ ላሄ ቤዛ ዓኣንቴ ማንቃቶና ዔኤቢኮ ባይቂሢ ዖልዚ ዓንጋሞ ቱኡቴ ሱላጉዲ ኔ ዔሩዋንቴ ጊዳ ሙካንዳኔ። \x - \xo 6፡11 \xo*\xt ኮኦኪ. 24፡33-34።\xt*\x*
\s1 ሉኡዙሞና ዓሲ ጌሻ ዓሲ
\p
\v 12 ፓሡዋ ዓሲና ፑርታ ዓሲና ቢያ ቤሲ ሃንቲ ሃንቲ ጌኤሲ ዺዺ ሺራኔ። 
\v 13 ዒዚ ጌሺሢና ዓኣፒ ዎዻኔ፤ ቶኪናኣ ዻዋኔ፤ ፔ ኩጮናኣ ኬኤላሲ ዻዋኔ። 
\v 14 ቢያ ዎዴ ፔኤኮ ዎቦ ማሊፆና ፑርታ ባኣዚ ማዻኒ ማላኔ፤ ሃሣ ቢያ ዎዴ ዑራ ማዣኔ። 
\v 15 ዬያሮ ዒ ዔሩዋንቴ ባይሲንታ ዒዛ ሄላንዳኔ፤ ዻቃኒ ዒ ዳንዳዑዋ ጎይሢና ዓኣፒ ጊኢጳማጉዴያና ጋፒ ዒ ባይቃንዳኔ።
\s1 ፆኦሲ ዒፃ ላንካይ ባኣዚ
\p
\v 16 ናንጊና ናንጋ ጎዳ ዒፃ ላሆ ባኣዚ ዓኣኔ፤ ላሆ ሌሊቱዋንቴ ዒዚ ዒፃ ባካ ላንካይኬ፤ ላንካሳዞ ዒዚ ዒናፓ ዒፃኔ፤ ዬንሢ ሃካፓ ዴማ ፓይዲንታዞንሢኬ፦
\q
\v 17 ቦሂሢና ዛጋ ዓኣፒ
\q ሉኡዙሞ ጌስታ ዒንዲርሲ
\q ጌኤሺ ዓሲ ዎዻ ኩቺ
\q
\v 18 ፑርታ ማሊሢ ማላ ዒኔ
\q ፑርቱሞ ባንሢ ጳሽካኒ ሩኡራ ቶኪ
\q
\v 19 ሉኡዙሞይዳ ሉኡዙሞ ቃሲ ቃሲ ኬኤዛ ማርካና
\q ዎሊኮ ላጌ ማዔ ዓሲ ባኣካ ዑራ ማዢሲሳ ዓሲናኬ።
\s1 ዞኦስካ ኮኦሚሢዳፓ ሃኪሢ
\p
\v 20 ታ ናዓሢዮ! ኔ ዓዶኮ ዓይሢፆ ማዺ ኩንሤ፤ ኔ ዒንዳ ኔና ዔርዜ ባኮ ፔቴታዖ ሃሺፖ። 
\v 21 ዔያቶኮ ዳምቦ ጎይፆ ቢያ ዎዴ ሃንቴ፤ ዔያታ ጌዔ ባኮ ቢያ ዎዴ ካፔ፤ 
\v 22 ዔያታ ኔና ዔርዜ ባካ ኔ ዓኣዻ ጎይፆ ኔና ዔኪ ዓኣዻንዳኔ፤ ዋንቶ ኔ ላሃኣና ኔና ካፓንዳኔ፤ ሮኦሮዋ ኔና ዞራንዳኔ። 
\v 23 ናንጊና ናንጋ ጎዳኮ ዓይሢፃ ፆምፔጉዲ፥ ዒ ዔርዛ ባካኣ ፖዒጉዲ ኔኤም ፖዓንዳኔ፤ ዒዛኮ ጎሪ ዞሮ ዞራ ዎማይዲ ኔ ናንጋኒ ዳንዳዓቴያ ኔና ዔርዛንዳኔ። 
\v 24 ፑርቶ ላኣሎይዳፓ ኔ ሃካንዳጉዲና ሜሌ ዓሶ ላኣሎኮ ዻቢሳ ጌኤዞይዳፓ ኔ ካፒንታንዳጉዲ ኔና ማኣዳንዳኔ። 
\v 25 ዔያቶኮ ሚዛጱሞ ዛጊ ዓፃዺፖ፤ ዓኣፖ ዔያታ ዎዻሢና ጌሺንቲ ዔውቲፖ። 
\v 26 ፔቴ ዓቲንቄ ዞኦስካ ኮኦማ ላኣሊ ፔቴ ካሣ ሻንቆ ሚኢሼና ዴንቃኒ ዳንዳዓኔ፤ ሜሌ ዓሲ ላኣሊና ዞኦስካ ኮኦሚሢ ጋዓንቴ ሼምፔ ጪጊሲሳኔ።
\p
\v 27 ቶኪ ባኣካ ታሚ ዓርቂ ማኣዓ ሙይንቱዋንቴ ቶላ ዓሲ ዓኣ? 
\v 28 ሃሣ ታሚ ቄንሢ ሄርቂ ዴንዳዖ ቶኪ ሚቺንቱዋ ዓሲ ዓኣ? 
\v 29 ሜሌ ዓሲ ላኣሊና ላሃ ዓሲ ዬያጉዲኬ፤ ሜሌ ዓሲ ላኣሊና ካኣማይ ሜቶ ሄሉዋዖ ዓቱዋሴ፤ 
\v 30 ዉሲ ናይዺንታዖ ካሣ ዉኡቄቴ ዓሲ ዲቃሢ ሄርሺሳ ባኣዚቱዋሴ። 
\v 31 ዒ ዓርቂንቴም ዒዛኮ ማኣራ ዓኣ ባኮ ቢያ ሻንቺሳያ ማዔቴያ ላንካይ ጳንጬ ማሂ ዒዚ ጪጪጋንዳኔ። 
\v 32 ዓሲ ላኣሊና ላሃሢ ጋዓንቴ ዒና ባይቄ ዓሲኬ፤ ሼምፓሢ ፔኤኮ ዒ ጉሪ ባይዛንዳኔ። 
\v 33 ዻውሲንቲና ጳዺና ዒዛ ሄላንዳኔ፤ ቢያ ዎዴ ቦርሲንቴ ጎይሣ ዒ ናንጋንዳኔ። 
\v 34 ዬኖ ላኣሌሎ ዓኒኮ «ታጊዳፓ ሜሌም ማዓኒ ኮይሱዋሴ» ጋዓ ዻጎ ዔቂሳንዳኔ፤ ዒ ኮሞ ዔካ ዎዶና ዬያ ዓሢም ሚጪንቲንዱዋሴ። 
\v 35 ዓይጎጉዴ ዻቦዋ ዒ ዔካኒ ኮዒንዱዋሴ፤ ዒዛም ዒንጎ ባኮኮ ሚርጉማ ዻጎ ዒዛኮ ሺሚሱዋሴ።
\c 7
\s1 ጉሙርቂንቱዋ ማቾ
\p
\v 1 ታ ናዓሢዮ! ቃኣሎ ታኣኮ ካፔ፤ ታኣኮ ዓይሢፆዋ ኔ ዒና ዓርቄ። 
\v 2 ሼምፔና ናንጋኒ ታ ዓይሢፆ ካፔ፤ ታ ኔና ዔርዛ ባኮ ቢያ ዓኣፖኮ ኔኤኮ ካርፆማጉዲ ዛጊ ካፔ፤ 
\v 3 ኬኤሎይዳ ዓኣ ዢኢራሢጉዲ ካፔ፤ ኔኤኮ ዒኖ ሳሌዶይዳ ባይቁዋ ጎይሢ ፃኣፔ። 
\v 4 ዔራቶ ኔኤኮ ጌሮጉዲ፥ ማሊ ጶቂሥሢያ ዑኬ ዒጊኒጉዲ ማሂ ፓይዴ። 
\v 5 ዬንሢ ባኮንሢ ዞኦዛ ኮኦማ ላኣሎፓ ኔ ሃካንዳጉዲና ሜሌ ዓሶ ላኣሎኮ ዻቢሳ ጌኤዞይዳፓ ኔ ካፒንታንዳጉዲ ማሃንዳኔ።
\s1 ዞኦዛ ኮኦማ ላኣሊኮ ጌሺሢ
\p
\v 6 ፔቴ ኬሊ ታ ማኣሮኮ ፑልቶ ካሮና ሴካ ዙሎ ታ ዛጋንቴ፥ 
\v 7 ዔራቶ ፓጬ ዓሶ ባኣካፓ ዼጌስኬንሢ ታኣም ጴዼኔ፤ ዬያቶ ባኣካፓ ፔቴ ዒናባኣ ዼጌስኬያ ታ ዴንቄኔ። 
\v 8 ፔቴ ላኣሊስኬና ናንጋ ማኣሪኮ ኮይላ ጎይፃ ቃሳዻ ካራና ዒ ዓኣዻኔ፤ ዒዚ ዒዞኮ ማኣሮ ባንፆና ዴንዳኔ። 
\v 9 ዬያ ዒዚ ማዻሢ ዓባ ጌሌም ሳዓ ሃባርታንቴኬ፤ 
\v 10 ዬካፓ ላኣሌላ ኬስካዖ ዼጌሢ ዴንቄኔ፤ ዒዛ ማኣዔ ጎይፃ ዞኦስካ ኮኦማ ላኣሊ ማዔሢ ዔርዛያኬ፤ ዒዞኮ ዓሲ ዻቢሻንዳ ማሊሢያ ዓኣኔ። 
\v 11 ዒዛ ዒጊቹሞ ባኣያ፥ ጫርሺ ላኣሊኬ፤ ዒዞኮ ማኣራ ዴይፃ ዒዞ ዎዛሱዋኣሢሮ ቢያ ዎዴ ሃንቲ ሺራኔ፤ 
\v 12 ጎይፃ ቃሳዻ ካሮንታ ጎይፆንታይዳ፤ ሃሣ ቦኦካ ጶኦካይዳኣ ዔቂ ዔቂ ካፓኔ። 
\v 13 ዬያ ዼጌሢ ዒዛ ኮንቂ ዓርቂ ሄርቄኔ፤ ዬካፓ ቦርሲንቲ ባኣያና ሂዚ ዒዛ ጌዔኔ፦ 
\v 14 «ታኣኒ ፔቱሞና ዒንጎ ዒንጊሢ ፆኦሲም ዒንጋኔ፤ ሃኖ ታኣኮ ናኣቢ ታ ዒንጋያኬ፤ 
\v 15 ዬያሮ ታ ኔና ዔካኒ ሃይካ ኬስኬኔ፤ ታ ኔና ኮሺ ኮዒ፥ ሃይሾ ታ ዴንቄኔ! 
\v 16 ጊብፄ ዓጮይዳፓ ሙኬ ሚዛጶ ዓንሦሎ ሻኣላ ታ ሂኢሤኔ። 
\v 17 ኬርቤንታ ዓልሙኔንታ ቄሬፓ ጌይንታ ሳውቃ ባኮንታይዳፓ ኮሺንቴ ሳውዎ ባኮ ታ ፑኡኬኔ። 
\v 18 ዬያሮ ሃኒ ሙኬ፥ ዒባኒ ሳዓ ካራንዳያ ሄላንዳኣና ኑ ዎላ ናሹሞና ዎዛዾም፤ ኑ ዎሊ ኮንቂያ ዎዛዾም! 
\v 19 ታኣኮ ዓኒ ማኣራ ባኣሴ፤ ዒዚ ሃኬ ዓጪ ዓኣዼኔ፤ 
\v 20 ሚርጌ ሚኢሼ ዒ ዔኪ ዓኣዼሢሮ ላምዖ ቃልሾ ኬሊ ጋርካ ዒ ማዓዓኬ።» 
\v 21 ሂዚ ጌይ ኮሽካ ጌኤሲና ዒዛ ማዢሴኔ፤ ሺኢቺ ዑኡሲናኣ ዒዛ ዒዛ ጌሼኔ። 
\v 22 ጌማይ ሹኪንታ ቤሲ ዒሺንቲ ዴንዳሢጉዲ፥ ዶቆሲያኣ ሩኡሪ ፒሮይዳ ጌላሢጉዲ ቤዞማና ዒ ዒዞ ጊንፆ ዴንዴኔ፤ 
\v 23 ሂኢሺ ጎጲ ዱካሢጉዲ ማዔኔ፤ ፒሮይዳ ጌላ ካፒያኣ ዒ ማዔኔ፤ ዬይ ያዺ ማዓኣና ሼምፓሢ ዒዛኮ ሜቶይዳ ኬዳኒ ዑኬሢ ዒ ዔሪባኣሴ።
\p
\v 24 ዓካሪ፦ ታ ናዓሢዮ! ሂንዳ ዋይዜ፤ ታ ኔኤም ጋዓ ባኮ ዒና ዔኪ ዋይዜ፤ 
\v 25 ዬኖጉዴ ላኣሎና ዒና ኔኤኮ ጌሺንቲ ዔውቶፓ፤ ዒዞ ጎይፆ ሃንቲ ዻቢንቲፖ። 
\v 26 ዒዛ ሚርጌ ዓሲኮ ባይሲንታ ካራ ማዔኔ፤ ኮሺ ሚርጌ ዓሲ ዒዞና ዲዒንቲ ባይቄኔ። 
\v 27 ዒዞ ማኣሮ ባንሢ ዔኪ ዓኣዻ ጎይፃ፦ ሃይቢና ዱኡፒና ባንሢ ዔኪ ኬይሳ ዳልጊ ጎይሢኬ።
\c 8
\s1 ዔራቶ ዔኤላ ዔኤሊሢ
\q
\v 1 ዋይዙዋቴ! ዔራቶ ዔኤሊንታኔ፤
\q2 ማሊ ጶቂሥሢያ ዑኡዞ ፔኤኮ ዋይዚሳኔ።
\q
\v 2 ጎይፆ ኮይላ ዓኣ ጌሜሮና
\q2 ጎይፃ ዎላ ካኣማ ካኣማ ካራኣ ዔቃኔ፤
\q
\v 3 ካታሞ ጌሎ ካራ ዔቂ ሂዚ ጌይ ዒዛ ዔኤሊንታኔ፦ \x - \xo 8፡3 \xo*\xt ኮኦኪ. 1፡20-21።\xt*\x*
\q
\v 4 «ዓሲዮቴ! ዒንሢና ቢያ ታ ዔኤላኔ፤
\q2 ዓሲ ዜርሢ ቢያ ታ ዔኤላኔ፤
\q
\v 5 ዒንሢ ዔራቶባኣ ዓሳ፥ ዔራቶ ዴንቃኒ ኮዑዋቴ፤
\q2 ዒንሢ ዔኤዮ ዓሳ፥ ማሊ ጶቂሥሢ ሚኢሼ ማሁዋቴ።
\q
\v 6 ታ ዒንሢም ኬኤዛ ዼኤፒ ባኣዚ ዓኣሢሮ ዋይዙዋቴ፤
\q2 ታ ዻንጋፓ ፒዜ ባኣዚ ኬስካኔ።
\q
\v 7 ታኣኒ ጎኔ ማዔ ባኣዚ ኬኤዛኔ፤
\q2 ፑርቱሞ ታ ኮራ ዒፂንቴ ባኣዚኬ።
\q
\v 8 ታኣኒ ኬኤዛ ባካ ቢያ ጎኔኬ፤
\q2 ዎቦ፤ ጊንሣ ሃሣ ዺዺንቴያቱዋሴ።
\q
\v 9 ማሊ ጶቂሥሢ ዓኣ ዓሲም ቢያ ባካ ፔጋኣኬ፤
\q2 ዔራቶ ዓኣ ዓሲማኣ ፒዜ ማዒ ጴዻኔ።
\q
\v 10 ቢራይዳፓ ባሼ ታ ዞሮ ዶኦሩዋቴ፤
\q2 ጌኤሺ ዎርቄይዳፓ ባሼ ዔራቶ ዶኦሩዋቴ።»
\b
\q
\v 11 «ታኣኒ፥ ዔራቶ ሚዛጶ ሹጫፓ ባሼ ማዔሢሮ
\q2 ዓይጎ ባኣዚያ ዒንሢ ዓፃዼቴ ታኣና ዎላ ሄካንዳይ ፔቴታዖ ባኣሴ።
\q
\v 12 ታና፥ ዔራቶኮ ማሊ ጶቂሥሢ ዓኣኔ፤
\q2 ዔራቶና ፒዜ ጌስቲሢና ታኣሮኬ።
\q
\v 13 ፑርታ ባኣዚ ዒፂሢ ናንጊና ናንጋ ጎዳ ዒጊጪሢኬ፤
\q2 ታኣኒ ዖቶርሙሞና ሄርሺንቲና ዒዒፃኔ፤
\q2 ፑርታ ጎይሢና ዎቦ ጌኤሲና ታ ናሽኩዋሴ።
\q
\v 14 ዞሮና ኮሺ ዔራቶና ታጊዳፓ ጴዻኔ፤
\q2 ማሊ ጶቂሥሢና ዶዱሞና ታኣሮኬ።
\q
\v 15 ታ ዎልቄና ካኣታ ዎይሣኔ፤
\q2 ሱኡጎ ማዒ ዶኦሪንቴ ዓሳ ፒዜ ዳምቤ ጊኢጊሻኔ።
\q
\v 16 ታ ማኣዴም ሱኡጋ ዎይሣኔ፤
\q2 ሃሣ ዖሎ ዓሶ ሱኡጋኣ ዓጮ ዎይሣኔ።
\q
\v 17 ታኣኒ ታና ናሽካዞንሢ ናናሽካኔ፤
\q2 ታና ኮዓዞንሢ ዴንቃንዳኔ።
\q
\v 18 ዖርጎቹሞና ቦንቾና ታ ኮይላ ዓኣኔ፤
\q2 ጋፑዋ ቆሎና ዲጪሢና ታኣሮኬ።
\q
\v 19 ታጊዳፓ ዒንሢ ዴንቃ ባካ፦
\q2 ጌኤሺ ዎርቄና ሼኤሺ ጊኢጊሾና ቢራናፓኣ ባሻያኬ።
\q
\v 20 ታ ጎይፃ ፂሉሞ ጎይሢኬ፤
\q2 ታ ሃንታሢ ፒዜ ዎጌ ጎይሢኬ።
\q
\v 21 ታና ናሽካዞንሢም ቆሎ ታ ዒንጋንዳኔ፤
\q2 ማኣሮ ታ ዔያቶኮ ዖርጎቹሞና ኩንሣንዳኔ።»
\b
\q
\v 22 «ናንጊና ናንጋ ጎዳ ቢያ ባኣዚኮ ቤርታ ታና ማዤኔ፤
\q2 ሚና ዓዓርቃዖ ዒዛ ማዾኮ ታና ቤርቲ ማሄኔ። \x - \xo 8፡22 \xo*\xt ዮሃ. ፆፔዻ 3፡14።\xt*\x*
\q
\v 23 ሳዓ ማዢንታንዳሢኮ ቤርታ
\q2 ሚርጌ ዎዴኮዋ ቤርታ ታ ዶኦሪንቴኔ።
\q
\v 24 ዓልቃ ዋኣፃ ዓልቃንዳሢኮ
\q2 ዼኤፖ ባዞ ዋኣፃኣ ጴዻንዳሢኮ ቤርታ ታ ሾይንቴኔ።
\q
\v 25 ዹኮና ጌሜሮና ማዢንታንዳሢኮ ቤርታ ታ ሾይንቴኔ።
\q
\v 26 ፆኦሲ ሳዖ ቢያ ማዣንዳሢኮ ቤርታ
\q2 ሃሣ ጊንሣ ቤርታሳ ዓጫታዖ ማዢንታንዳሢኮ ቤርታ ታ ሾይንቴኔ።
\q
\v 27 ናንጊና ናንጋ ጎዳ ጫሪንጮ ዼጊዲ ሚጬ ዎዶና
\q2 ሳዖኮ ዑፃ ዓኣ ጉሮ ቤዞዋ ዼኤፖ ባዞኮ ዑፃ ማሂ ጊኢጊሼ ዎዶና
\q2 ታኣኒ ዒኢካ ዒዛና ዎላኬ።
\q
\v 28 ሻኣሮ ሳዖኮ ዑፃ ጉሮ ቤዛ ዒ ጌሤ ዎዶና
\q2 ዼኤፖ ባዞኮ ዓልቃ ካሮ ቡሌ ዎዶና
\q
\v 29 ባዞ ዋኣፃ ዔያቶም ጌይንቴ ቤዛፓ ዑሣ
\q2 ሌካ ዼግ ጎዑዋጉዲ ዒ ዓይሤ ዎዶና
\q2 ሳዖኮ ዓይፆ ካሮ ዒ ዶዲሺ ማዤ ዎዶና
\q2 ታኣኒ ዒኢካ ዒዛና ዎላኬ።
\q
\v 30 ዒማና ታኣኒ ዔርቴ ማዻ ዓሲ ማዒ ዒዛና ዎላ ዓኣኔ፤
\q2 ቢያ ኬሊ ታ ዒዛ ዎዛሳኔ፤
\q2 ታኣኒያ ዒዛ ቤርታ ዎዛዻኔ።
\q
\v 31 ዒዚ ማዤ ዓጮሮ ታ ዎዛዻኔ፤
\q2 ዓሶ ዜርፆሮዋ ታ ኮኦማኔ።»
\b
\q
\v 32 «ታ ናይዮቴ! ዋይዙዋቴ፤
\q2 ታ ጎይፆ ሃንታዞንሢ ዎዎዛዻኔ።
\q
\v 33 ታ ዞራ ዞሮ ማሊ ጶቂሡዋቴ፤
\q2 ጪንጫ ማዑዋቴ፥ ቄል ጌይፖቴ።
\q
\v 34 ታኣም ዋይዛሢ
\q2 ቢያ ዎዴ ታ ካሮይዳ ዶዲ ጴዻሢ
\q2 ታ ማኣሪ ጌሎ ካሮ ኮይላ ታና ካፓ ዓሢ ዓንጂንቴያኬ።
\q
\v 35 ታና ዴንቃሢ፥ ሼምፖ ዴንቃኔ፤
\q2 ናንጊና ናንጋ ጎዳይዳፓኣ ቦንቺንቲ ዴንቃንዳኔ።
\q
\v 36 ታና ዴንቁዋ ዓቴሢ ፔጊዳ ሜቶ ዔኪ ዬዓኔ፤
\q2 ታና ዒፃሢ ሃይቢ ናሽካኔ።»
\c 9
\s1 ጪንጩሞና ዔኤያቶና
\p
\v 1 ዔራቶ ማኣሪ ፔኤኮ ማዤኔ፤ ዬያ ማኣሮኮ ላንካይ ቱርቱሪ ዒዛ ዾቄኔ። 
\v 2 ዒዛ ሶቦሪ ሹኬኔ፤ ዓኣሢ ዎይኔ ዑሺያ ዓሌኔ፤ ሙኡዚያ ጊኢጊሼኔ። 
\v 3 ዒዞም ማዾ ማዻ ላኣላ ካታሞኮ ዼጌ ቤዛ ዔቂ፦ 
\v 4 «ዒንሢ ሃያኮ ቤርታ ዔኤቢ ዛጊ ዔሪባኣ ዓሳ ቢያ ሃኒ ዬዑዋቴ!» ጌይ ጌይ ዔኤላንዳጉዲ ዒዛ ዓይሣኔ፤ ዔኤዮ ዓሶም ዒዛ ሂዚ ጋዓኔ፦ 
\v 5 «ዔኤዛይ፥ ሃኒ ዬይ ታ ጊኢጊሼ ሙዖ ሙዔ! ታ ዓሌ ዎይኖ ዑዦዋ ዑሽኬ! 
\v 6 ዔራታ ፓጬ ዓሶይዳፓ ዱማዼ! ሼምፔና ኔ ናንጋንዳኔ፤ ማሊ ጶቂሥሢ ጎይፆማና ቤርቲም ዓኣዼ።» 
\v 7 ዖቶርቃ ዓሲ ኔ ዞሬቴ ጫሺ ዔካንዳኔ፤ ፑርታ ዓሲያ ኔ ጎሪ ዞሬቴ ሜታ ኔና ሄላንዳኔ። 
\v 8 ዖቶርቃ ዓሲ ጎሪ ኔ ዞሬቴ ኔና ዒዒፃንዳኔ፤ ዔራ ዓሲ ኔ ዬያይዴቴ ጋዓንቴ ኔና ናሽካንዳኔ። 
\v 9 ዔራ ዓሲም ኔ ዔራ ባኮ ኬኤዜ፥ ባሼ ዔሮ ማዓንዳኔ፤ ኮሺ ዓሲማኣ ኬኤዚ ዔርዜ፥ ዒ ዔራቶ ቃሳንዳኔ።
\p
\v 10 ዔራቶኮ ቤርቲ ናንጊና ናንጋ ጎዳ ዒጊጪሢኬ፤ ዬያ ዱማዼሢ ዔሪፃኣ ማሊ ጶቂሥሢኬ። \x - \xo 9፡10 \xo*\xt ዒዮ. 28፡28፤ ዓይኑ. 111፡10፤ ኮኦኪ. 1፡7።\xt*\x* 
\v 11 ታ ዛሎና ናንጋ ሌዓ ኔኤኮ ዖዶቃንዳኔ፤ ሼምፔና ኔ ናንጋንዳ ሌዓኣ ኔኤም ቃሲንታንዳኔ። 
\v 12 ዔራቶ ኔኤኮ ዓኣቶ ኔና ኔ ፓሣንዳኔ፤ ቦሂ ኔ ዓማላያ ማዔቴ ኔጊዳ ኔ ሜቶ ዔኪ ዬዓንዳኔ።
\p
\v 13 ዔራቶ ባኣያ ማዒሢ ጉሪ ጌኤሲ ጌስቲ ሺራያ፥ ፔቴታዖ ዔኤቢ ዔሩዋያ ዋይዚ ባይቄያ፤ ቦርሲንቲባኣ ላኣሊጉዲ ማዒሢኬ። 
\v 14 ዒዛ ፔ ማኣሮኮ ካራ፥ ሃንጎ ካታሞኮ ዼጌ ቤዞይዳ ኬስኪ ዴዓኔ፤ 
\v 15 ማዾ ፔኤኮ ፒዙሞና ማዺ ማዺ ጎይፆና ዓኣዻ ዓሶ ቢያ ሂዚ ጌይ ዒዛ ዔኤሊንታኔ፦ 
\v 16 «ሃይ ዒንሢ ዔራታ ፓጬ ዓሳ ታ ኮይላ ሃኒ ሙኩዋቴ!» ጊንሣ ሃሣ ዔኤዮ ዓሢማኣ ዒዛ ሂዚ ጋዓንዳኔ፦ 
\v 17 «ዉኡቂ ዑሽኮ ዋኣሢ ዓዓኣፃኔ፤ ዓኣሺንቲ ሙዖ ካሣኣ ዎዎዛሳኔ።» 
\v 18 ዒዛ ዔኤሌ ዓሳ ቢያ ሃይቃያታሢና ሃይማ ሄላንዳኣና ዒዞ ማኣሪ ጌሌ ዓሳ ሃይቄ ዓሶ ዓጮ ኬዴሢ ዒዚ ዬይ ዔኤያሢ ዔሩዋሴ።
\c 10
\s1 ሴሌሞኔ ኬኤዜ ዱማ ዱማ ኮኦኪንሢ
\p
\v 1 ሃይ ሴሎሞኔ ኬኤዜ ኮኦኪንሢኬ፦
\q ዔራ ናይ ፔ ዓዶ ዎዛሳኔ፤
\q2 ዔኤያ ናይ ጋዓንቴ ፔ ዒንዶ ዖዪሳያ ማዓኔ።
\q
\v 2 ኮይሱዋ ካራና ጴዼ ቆሎ ፓሡዋያኬ፤
\q2 ፂሉሞ ጋዓንቴ ሼምፖ ሃይቢፓ ዓውሳኔ።
\q
\v 3 ናንጊና ናንጋ ጎዳ ኮሺ ዓሲ ናይዺሱዋሴ፤
\q2 ፑርቶ ዓሶ ጋዓንቴ ዔያታ ማሊ ኮዓ ባኮ ዴንቂሱዋሴ።
\q
\v 4 ቤልፁሞ ዓሲ ማማንቂሳኔ፤
\q2 ዶዲ ማዺሢ ጋዓንቴ ዖዖርጎቻኔ።
\q
\v 5 ጪንጫ ዓሲ ሃኣኮ ፔኤኮ ዎዴና ቡኩሳኔ፤
\q2 ማኣሎ ቡሮ ዎዶና ላሃ ዓሲ ጋዓንቴ ዻውሲንታኔ።
\q
\v 6 ኮሺ ዓሲ ዓንጆ ዴንቃኔ፤
\q2 ፑርታ ዓሲ ጋዓንቴ ፔ ፑርቱሞ ኮሺ ጌኤሲና ካንቂ ዓኣቻኔ።
\q
\v 7 ፂሎ ዓሲኮ ሙካ ዎዶይዳ ኬኤዚንታ ባካ ዓንጆም ማዓኔ፤
\q2 ፑርቶ ዓሶ ሱንፃ ጋዓንቴ ቤዞማና ዋሊንታኔ።
\q
\v 8 ጎኔና ዔራ ማዔ ዓሲ ዓይሢፆ ዔዔካኔ፤
\q2 ማሉዋዖ ጌኤሲ ጌስታ ዔኤያ ዓሲ ጋዓንቴ ባይሲንታ ባንሢ ዓኣዻኔ።
\q
\v 9 ቢያ ባኣዚና ጉሙርቂንታያ ማዓ ዓሲ ሂርጋባኣያ ናንጋኔ፤
\q2 ዎቦ ዓሶኮ ጋዓንቴ ዎቡሞ ናንጋ ፔጋዺ ጴዻኔ።
\q
\v 10 ዓሲ ኬኤላሲ ሺሪሢ ሜቶ ዔኪ ሙካኔ፤
\q2 ፔጌና ጎሪ ኬኤዚሢ ጋዓንቴ ኮሹሞ ዴንቂሳኔ።
\q
\v 11 ኮሺ ዓሲኮ ጌኤሲ ሼምፖኮ ካራኬ፤
\q2 ፑርታ ዓሲ ጌኤሲ ጋዓንቴ ፑርቱሞ ካንቂ ዓኣቻያኬ።
\q
\v 12 ዎሊ ዒፂሢ ዣሎ ማዣኔ፤
\q2 ናሹሞ ጋዓንቴ ዻቢንቲ ቢያ ዛጌዖ ዓቶም ጌይሳኔ። \x - \xo 10፡12 \xo*\xt ያይ. 5፡20፤ 1ጴፂ. 4፡8።\xt*\x*
\q
\v 13 ዒናዼ ዓሲ ማሊ ዔኪ ጌስታኔ።
\q2 ዔኤያ ዓሲ ጋዓንቴ ሜቶ ዔካኒ ኮይሳያኬ።
\q
\v 14 ዔሮ ዓሳ ዔያቶም ዳንዳዒንታ ጎይፆና ቢያ ዔራቶ ቡኩሳኔ፤
\q ዔኤዮ ዓሳ ጌስታ ዎዶና ጋዓንቴ ባይሲንታ ሙኪፃ ዓቱዋያኬ።
\q
\v 15 ዖርጎቺ ዓሲኮ ቆላ ዋርዲያ ማዒ ዒዛ ካፓኔ፤
\q2 ማንቆ ዓሲ ጋዓንቴ ማንቃታ ባይዛኔ።
\q
\v 16 ኮሺ ዓሲም ኮዦ ማዻ ናንጊ ዒንጋኔ፤
\q2 ጋዓንቴ ፑርታ ዓሲኮ ጎማ ሜቶ ዒዛይዳ ዔኪ ዬዓኔ።
\q
\v 17 ጎሪ ዞሮ ዞሮ ዔካ ዓሲ ናንጊ ጎይሢ ባንሢ ዓኣዻኔ፤
\q2 ፔ ዻቢንቶ ዔሩዋ ዓሲ ጋዓንቴ ሜቶይዳ ኬዳኔ።
\q
\v 18 ዓሲ ሼናዻ ዒኖ ፔኤኮ ዓኣቻ ዓሲ ሉኡዚኬ፤
\q2 ዾንኮ ጌስቲ ሺራ ዓሲ ዔኤያኬ።
\q
\v 19 ሚርጌ ጌኤሲዳ ዻቢንቲ ባይቁዋሴ፤
\q2 ዬያሮ ማሊ ጶቂሣ ዓሲ ሚርጌ ጌስቱዋሴ።
\q
\v 20 ኮሺ ዓሲኮ ጌኤሲ ሼኤሺ ኮሾና ቢራ ዓንጊጉዲኬ፤
\q2 ፑርታ ዓሲኮ ማሊሢ ጋዓንቴ ዔኤቢ ፓሡዋያኬ።
\q
\v 21 ኮሺ ዓሲኮ ጌኤሲ ሚርጌ ዓሲ ማኣዳያኬ፤
\q2 ዔኤዮ ዓሳ ጋዓንቴ ማሊ ጶቂሥሢ ፓጪሢና ሃይቃኔ።
\q
\v 22 ናንጊና ናንጋ ጎዳኮ ዓንጃ ዓሲ ዖዖርጎቻኔ፤
\q2 ዓሲኮ ላቢ ማዺሢ ዬያይዳ ማዻ ባኣዚ ባኣሴ።
\q
\v 23 ዻቢንቲ ማዾ ማዺ ዎዛዺሢ ዔኤዩሞኬ፤
\q2 ዒናዼ ዓሲ ዎዛዻሢ ዔራቶ ዴንቂሢናኬ።
\q
\v 24 ኮሺ ዓሲ ኮዓ ባኮ ዴንቃኔ፤
\q2 ፑርታ ዓሲ ጋዓንቴ ሚርጌና ዔያታ ዒጊጬ ባካ ዔያቶ ሄላኔ።
\q
\v 25 ዓልጋሢ ዔቄ ዎዶና ፑርቶ ዓሳ ፒፂንቲ ዴንዳኔ፤
\q2 ኮዦ ዓሳ ጋዓንቴ ቢያ ዎዴ ዶዲ ናንጋኔ።
\q
\v 26 ሶልኪ ባኣዚ ዓቺ፥ ጩቢ ዓኣፒ ማኣሳንሣሢጉዲ
\q2 ቤልፃ ዓሲያ ዒዛ ማዺሻሢም ዒማዺኬ።
\q
\v 27 ናንጊና ናንጋ ጎዳ ዒጊጪሢ ናንጎ ሌዖ ዖዶሳኔ፤
\q2 ፑርታ ዓሲ ጋዓንቴ ናንጎ ሌዓ ዓኣ ጎይሣ ዓኣንቴ ሃይቃኔ።
\q
\v 28 ኮዦ ዓሶኮ ሃጊ ማዓ ዎዛ ዎዛ ባንሢ ዔያቶ ዔኪ ዴንዳኔ፤
\q2 ፑርቶ ዓሶኮ ሃጊ ማዓ ዎዛ ጋዓንቴ ጉሪ ማዒ ዓታኔ።
\q
\v 29 ናንጊና ናንጋ ጎዳ ፂሎ ዓሶኮ ጊቲማኬ፤
\q2 ፑርቶ ማዻ ዓሶ ጋዓንቴ ዒ ባይዛኔ።
\q
\v 30 ኮሺ ዓሲ ቢያ ዎዴ ዓኣ ቤዛፓ ዓጊፁዋሴ፤
\q2 ፑርቶ ዓሳ ጋዓንቴ ሳዖይዳ ናንጉዋሴ።
\q
\v 31 ኮሺ ዓሲ ዔራቶ ጌኤሲ ጌስታኔ፤
\q2 ዎቦ ባኣዚ ጌስታ ዒንዲርሲ ጋዓንቴ ቲቂንታኔ።
\q
\v 32 ኮሺ ዓሲኮ ጌኤዛ ጊጊኢጋያኬ፤
\q2 ፑርታ ዓሲኮ ጌኤዛ ጋዓንቴ ዎቦኬ።
\c 11
\q
\v 1 ዴኤሡሞ ዔሮ ባኮና ጌሺ ሺራ ዓሶ ናንጊና ናንጋ ጎዳ ዒፃኔ፤
\q2 ዴኤሡሞ ዔሮ ባኮና ፒዜ ማዻ ዓሶና ጋዓንቴ ዒዚ ዎዛዻኔ።
\q
\v 2 ዖቶርሙሞ ዻዻውሲሳኔ፤
\q2 ሼሌዑሞ ጋዓንቴ ዔራቶ ዴንቂሳኔ።
\q
\v 3 ፂሉሞ ዓርና ማዒ ፒዜ ዓሶ ዔኪ ዓኣዻኔ፤
\q2 ጉሙርቂንቱዋ ዓሶ ጋዓንቴ ዔያቶኮ ዎቡማ ባይዛኔ።
\q
\v 4 ኔኤኒ ሃይቃኒ ዑኬ ኬሎና ቆላ ኔኤኮ ኔና ፓሣዓኬ፤
\q2 ፂሉሞ ጋዓንቴ ሃይቢዳፓ ዓውሳኔ።
\q
\v 5 ኮሹሞ ኮሺ ዓሲኮ ናንጎ ፒዚሳኔ፤
\q2 ፑርታ ዓሲ ጋዓንቴ ፔ ፑርቱሞና ሎኦማኔ።
\q
\v 6 ፒዜ ዓሲ ፔ ኮሹሞና ዻቃኔ፤
\q2 ጉሙርቂንቱዋ ዓሲ ጋዓንቴ ዒዛኮ ፑርቶ ማሊፃ ፒሮ ማዒ ዒዛ ዓርቃኔ።
\q
\v 7 ፑርታ ዓሲ ሃይቃኣና ዒዛኮ ሃጊ ማዓ ዎዛ ዒዛና ዎላ ሃይቃኔ፤
\q2 ጊንሣ ዒዚ ፔ ዎልቆና ሄርሺንታ ሄርሺንታኣ ዒዛና ዎላ ባይቃኔ።
\q
\v 8 ፂሎ ዓሲ ሜቶይዳፓ ዻቃኔ፤
\q2 ዬይ ሜታ ጋዓንቴ ፑርቶ ዓሶ ሄላኔ።
\q
\v 9 ናንጊና ናንጋ ጎዳ ካኣሽኩዋ ዓሳ ፔ ጌኤዞና ዓሲ ባይዛኔ፤
\q2 ፂሎ ዓሳ ጋዓንቴ ዔራቶና ዻቃኔ።
\q
\v 10 ፂሎ ዓሶም ቢያ ባካ ጊኢጋዛ ካታሞይዳ ዎዛ ማዓኔ።
\q2 ፑርቶ ዓሳ ሃይቃኣና ዒላሺሢ ሚርጋኔ።
\q
\v 11 ጎኔ ዓሳ ዓንጂንቴ ዓንጆ ዛሎና ካታማ ዲጪ ዲጪ ዴንዳኔ፤
\q2 ፑርቶ ዓሶኮ ፑርቶ ጌኤዛ ጋዓንቴ ባይሲንታይዳ ጌልዛኔ።
\q
\v 12 ቦሂ ጌስቲ ዓሲ ዻውሲሳሢ
\q2 ማሊሢ ፓጬ ዓሲኬ፤
\q2 ማሊ ጶቂሣ ዓሲ ጋዓንቴ ዚቲ ጋዓኔ።
\q
\v 13 ዾንኮ ዾንካ ዓሲ ጌኤሲ ዒና ዓርቁዋሴ፤
\q2 ጉሙርቂንታ ዓሲ ጋዓንቴ ዬያጉዴ ጌኤዞ ዒና ዓኣቺ ዓርቃኔ።
\q
\v 14 ዞራ ዓሲባኣ ካኣታ ሎሎኦማኔ፤
\q2 ሚርጌ ዞራ ዓሲ ዓኣ ካኣቶ ጋዓንቴ ሜታ ሄሉዋሴ።
\q
\v 15 ኔ ዔሩዋ ዓሲኮ ጋሌ ጪጋኒ ዋኣሴ ማዔቴ
\q2 ሜቶይዳ ኔኤኒ ኬዳንዳኔ፤
\q2 ጋዓንቴ ዋኣሶ ኔ ማዑዋ ዓቴቴ ኮሺ ኔኤም ማዓንዳኔ።
\q
\v 16 ሚጪንታ ኮሺ ላኣሊ ቦቦንቺንታኔ፤
\q2 ዎልቄና ፑርታ ማዻ ዓሲ ቆሎ ሌሊ ዴንቃኔ።
\q
\v 17 ሚጪንታ ዓሲ ኔኤኒ ማዔቴ ኔና ኔ ማኣዳኔ፤
\q2 ጌኔ ማዻ ዓሲ ኔኤኒ ማዔቴ ኔና ኔ ሜቶይዳ ዓጋኔ።
\q
\v 18 ፑርታ ዓሲ ዴንቃንዳ ባኣዚ ባኣሴ፤
\q2 ፒዜ ማዔ ባኣዚ ኔ ማዼቴ
\q2 ኔኤኮ ኮዦ ማዾ ዛሎ ዒንጎ ባኮ ኔ ዴንቃንዳኔ።
\q
\v 19 ኮሺ ማዾ ዒናፓ ማዻ ዓሲ ሼምፔና ናንጋኔ፤
\q2 ፑርቱሞ ማዺ ሺራ ዓሲ ጋዓንቴ ሃይቃኔ።
\q
\v 20 ናንጊና ናንጋ ጎዳ ዒኖ ዎቦ ዓሶ ሻሻኣኪንታኔ፤
\q2 ቦሂሳ ባኣዚባኣ ጎይሢና ዴንዳ ዓሶና ዎዛዻኔ።
\q
\v 21 ፑርቶ ዓሶ ጎኔና ሜታ ሄሊሢ ዓቱዋያኬ፤
\q2 ኮዦ ዓሶ ዜርፃ ጋዓንቴ ሜቶፓ ዻቃኔ።
\q
\v 22 ማሊ ጶቂሥሢ ፓጬ ሚዛጶ ላኣሌላ
\q2 ዒዞኮ ሚዛጱማ ጉዱንሢኮ ሲኢዾይዳ ዎርቄ ዱንዶ ዓኣሥሢጉዲኬ።
\q
\v 23 ፂሎ ዓሶኮ ማሊፃ ኮሺና ኩማያኬ፤
\q2 ፑርቶ ዓሶ ማሊፃ ጋዓንቴ ባይሲንታ ዔኪ ሙካኔ።
\q
\v 24 ፔቴ ፔቴ ዓሳ ኮሹሞና ሚኢሾ ፔኤኮ ዒንጊ ላኣላኔ፤
\q2 ጋዓንቴ ቆላ ዔያቶኮ ሚርጊ ሚርጊ ዓኣዻኔ፤
\q2 ሃንጎ ዓሳ ሃሣ ፔኤኮ ሚኢሾ ዑሣ ዓኣዼ ዱኡዻዻኔ፤
\q2 ጋዓንቴ ማንቁማ ዔያቶኮ ሚርጊ ሚርጊ ዴንዳኔ።
\q
\v 25 ኮሹሞና ዒንጋያ ማዔ፤ ኔኤኒ ዖርጎጫንዳኔ፤
\q2 ሜሌ ዓሶ ማኣዴ፤ ኔኤኒያ ማኣዲንታንዳኔ።
\q
\v 26 ቆኦዙሚ ጌሢ ዺቢ ሚኢሼም ሻንቻኒ ሃኣኮ ናቲ ጌሣ ዓሲ፥
\q2 ዴራ ዒዛ ጋዳንቃያ ማዓኔ፤
\q2 ጋዓንቴ ሃኣኮ ቦኦኮ ኬሳ ዓሢ
\q2 ዴራ ጋላታያ ማዓኔ።
\q
\v 27 ኮሺ ባኣዚ ዶዲ ኮዓሢ ኮሺ ባኣዚ ዴንቃንዳኔ፤
\q2 ፑርታ ባኣዚ ማዻሢ ጋዓንቴ ፑርታ ሄላንዳኔ።
\q
\v 28 ፔ ቆሎና ጉሙርቂንታ ዓሳ ዒላሺጉዲ ዲኢናኔ፤
\q2 ጎኑሞ ዓኣ ዓሳ ጋዓንቴ ቱኮና ኮሺ ሚሢጉዲ ዓኣዓኔ።
\q
\v 29 ፔ ማኣሮይዳ ዣሎ ማዣ ዓሲ
\q2 ዬይ ማኣዳንዳ ባኣዚ ባኣሴ፤
\q ዔኤዮ ዓሳ ቢያ ዎዴ ዔሮ ዓሶም ማዻያ ማዓኔ።
\q
\v 30 ፂሎ ዓሶኮ ማዻ ናንጊና ናንጊ ዴንቂሳኔ፤
\q2 ዋይዚ ዒፂሢ ጋዓንቴ ሼምፖኮ ባይሲንታ ካራ ማዓኔ።
\q
\v 31 ኮዦ ዓሳ ሳዖይዳ ዓኣዖ ኮዦ ማዾ ዛሎ ዒንጎ ባኮ ዴንቃኔ፤
\q2 ፑርቶ ዓሶንታ ጎሞ ዓሶንታ ጋዓንቴ ሚርጌ ዶዲ ሜቶ ዔካኔ። \x - \xo 11፡31 \xo*\xt 1ጴፂ. 4፡18።\xt*\x*
\c 12
\q
\v 1 ዔራቶ ናሽካ ዓሲ ዻቢንቲዳፓ ዔሪ ማዓኒ ኮዓኔ፤
\q2 ዞሮ ዒፃ ዓሲ ጋዓንቴ ዔኤያ ዓሲኬ።
\q
\v 2 ናንጊና ናንጋ ጎዳ ኮሺ ዓሲ ቦንቻኔ፤
\q2 ፑርታ ማሊሢ ዓኣ ዓሶ ጋዓንቴ ዒዚ ፑርታና ዎጋኔ።
\q
\v 3 ዓይጎ ዓሲ ማዔቴያ ፑርቱሞና ዶዲ ዔቃኒ ዳንዳዑዋሴ፤
\q2 ጎኔ ዓሲኮ ፃጳ ዓጊፁዋሴ።
\q
\v 4 ማሊ ጶቂሣ ላኣሌላ ዓኒኮ ቦንቾኬ፤
\q2 ፔኤኮ ዓኒ ቦርሲሳ ላኣሌላ ጋዓንቴ ሜጌፆ ቆፂሳ ሃርጌጉዲኬ፤
\q2 ሃሣ ጊንሣ ሜታሳ ዒሶ ዶርዖጉዴያኬ።
\q
\v 5 ጎኔ ዓሲኮ ማሊሢ ፒዜኬ፤
\q2 ፑርቶ ዓሶኮ ዞራ ጋዓንቴ ጌሺሢኬ።
\q
\v 6 ፑርቶ ዓሳ ዓሲ ባይዛኒ ፔ ጌኤዞና ፒራኔ፤
\q2 ፒዜ ዓሶኮ ጌኤዛ ጋዓንቴ ዻዻቂሻኔ።
\q
\v 7 ዋይዞ ዒፃ ዓሳ ሎኦሚ ቤሲ ባይቃኔ፤
\q2 ኮዦ ዓሶኮ ሾይንታ ጋዓንቴ ዶዲ ናንጋኔ።
\q
\v 8 ዓሲ ፔኤኮ ዔራቶና ጋላቲንታኔ፤
\q2 ማሊፃ ዎቦ ማዔ ዓሲ ጋዓንቴ ቶቶኦቺንታኔ።
\q
\v 9 ዖርጎቺ ማላዖ ሙዖ ባኣዚባኣ ዓሲዳፓ
\q2 ዔርቲባኣ ዓሲ ማሊ ማዾና ፔ ናንጎ ሂዓ ዓሲ ባሼኬ።
\q
\v 10 ኮሺ ዓሲ ፔ ማኣራ ዓኣ ቆልሞም ሚሚጪንታኔ፤
\q2 ፑርታ ዓሲኮ ሚጪንቲፃ ጋዓንቴ ጌኔ ማዺሢኬ።
\q
\v 11 ጎሺ ዶዲ ጎሽካ ዓሲኮ ሚርጌ ሙዖ ባኣዚ ዓኣያ ማዓኔ፤
\q2 ፓሡዋ ማሊሢና ናንጊሢ ዔኤያቶኬ።
\q
\v 12 ፑርታ ዓሲኮ ማሊፃ ቢያ ዎዴ ፑርታ ባኣዚ ማዻኒኬ፤
\q2 ኮሺ ዓሲ ጋዓንቴ ቱኮና ኮሺ ሚሢጉዲ ቃራ ዓኣፒ ዓኣፓኔ።
\q
\v 13 ፑርታ ዓሲ ዒዛኮ ፑርቶ ጌኤዛ ፒሮ ማዒ ዒዛ ዓርቃኔ፤
\q2 ኮሺ ዓሲ ጋዓንቴ ሜቶይዳፓ ቶላኔ።
\q
\v 14 ኔኤኒ ዴንቃ ዓንጃ ኔኤኮ ኮዦ ጌኤዞና ማዾናፓኬ፤
\q2 ዬያ ጎይፆና ኔኤም ኮይሳሢ ኔኤኒ ዴንቃኔ።
\q
\v 15 ማሊ ጶቂሥሢ ፓጬ ዓሳ ማዻ ባካ ቢያ ዎዴ ፒዜ ዔያቶም ማላኔ፤
\q2 ዔሮ ዓሲ ጋዓንቴ ኮሺ ዞሮ ዔካኔ።
\q
\v 16 ዔኤያ ዓሲኮ ዻጋ ቤዞና ዔርታኔ፤
\q2 ጪንጫ ዓሲ ጋዓንቴ ዒዛ ጫሽኮ ጫዦ ዔዔኤዻኔ።
\q
\v 17 ጎኑሞ ጌስታ ዓሲ ቢያ ጉሙርቂንታ ማርካቶ ማርካዻኔ፤
\q2 ሉኡዙሞ ማርካዻይ ጋዓንቴ ዓሲ ጌሻኔ።
\q
\v 18 ማሊባኣዖ ጌስቲንቴ ጌኤሲ ጬንቻ ዓራፖጉዲ ቲቃኔ፤
\q2 ዔራቶና ጌስቲንቴ ጌኤሲ ጋዓንቴ ፓፓሣኔ።
\q
\v 19 ጎኑሞ ናንጊና ዶዲ ናንጋኔ፤
\q2 ሉኡዙሞ ጋዓንቴ ዶዲ ናንጉዋሴ።
\q
\v 20 ፑርቱሞ ማላ ዓሶኮ ዒኖይዳ ጌኔ ማሊሢ ዓኣኔ፤
\q2 ኮሹሞ ዴንቃኒ ዞራ ዓሳ ጋዓንቴ ዎዛ ዴንቃኔ።
\q
\v 21 ኮሺ ዓሲ ፔቴታዖ ፑርታ ባኣዚ ሄሉዋሴ፤
\q2 ፑርታ ዓሲኮ ጋዓንቴ ሜታ ሚርጋኔ፤
\q2 ዔያታ ዴንቃ ባኣዚያ ባኣሴ።
\q
\v 22 ናንጊና ናንጋ ጎዳ ሉኡዙሞ ሉኡቃ ዒንዲርሲ ሻሻኣኪንታኔ፤
\q2 ጎኑሞ ዓኣ ዓሶና ጋዓንቴ ዎዎዛዻኔ።
\q
\v 23 ማሊ ጶቂሣ ዓሳ «ኑ ዔራኬ» ጌይ ጌይ ፔና ኬኤዙዋሴ፤
\q2 ዔኤዮ ዓሳ ጋዓንቴ «ኑ ዔራኬ» ጌይፆና ፔኤኮ ዔኤያቶ ፔጋሲ ዻዋኔ።
\q
\v 24 ማዾና ዶዲ ማዒሢ ዎይሣ ሱኡጌ ማሃኔ፤
\q2 ቤልፃ ማዒሢ ጋዓንቴ ዓሲ ዴንካ ዎርቃያ ማሃኔ።
\q
\v 25 ማሊሢና ሜታዺሢ ዖዪሢ ዔኪ ሙካኔ፤
\q2 ኮሺ ጌኤሲ ጋዓንቴ ዎዎዛሳኔ።
\q
\v 26 ጎኔ ዓሲ ፔ ላጋሢ ዞሪ ፒዜ ጎይሢ ዔኪ ዓኣዻኔ፤
\q2 ዋይዞ ዒፃ ዓሶ ጎይፃ ጋዓንቴ ጎኑሞፓ ሃኪሳያኬ።
\q
\v 27 ቤልፃ ዓሲ ሙዓኒ ካሣንዳ ባኣዚ ባኣሴ፤
\q2 ዶዲ ማዻ ዓሲ ጋዓንቴ ዖርጎጫኔ።
\q
\v 28 ፂሉሞ ጎይሢዳ ሼምፔና ናንጊሢ ዓኣኔ፤
\q2 ዬኖ ጎይፆይዳ ሃይቢ ባኣሴ።
\c 13
\q
\v 1 ጪንጫ ናይ ፔ ዓዶኮ ዞሮ ዋዋይዛኔ፤
\q2 ቶኦቻያ ጋዓንቴ ጎሪ ዞራ ዞሮ ዋይዙዋሴ።
\q
\v 2 ዓሲ ፔኤኮ ኮሺ ጌስቴ ጎይፆ ዒንጎ ባኮ ዔካኔ፤
\q2 ጌሻ ዓሶ ሱኡካ ጋዓንቴ ጌኔ ማዾ ማዺ ኩንሣኒኬ።
\q
\v 3 ማሊ ዔኪ ጌስታ ዓሲ ፔ ሼምፓሢ ካፓኔ፤
\q2 ማሉዋዖ ጌስታሢ ጋዓንቴ ባይቃኔ።
\q
\v 4 ቤልፃ ዓሲ ፔቴ ባኣዚ ዴንቃኒ ኮሺ ኮዓኔ፤
\q2 ያዺ ማዔቴያ ዒዚ ዴንቁዋሴ፤
\q2 ዶዲ ማዻ ዓሲ ጋዓንቴ ኮዔ ባኮ ቢያ ዴንቃኔ።
\q
\v 5 ኮሺ ዓሲ ሉኡዙሞ ዒዒፃኔ፤
\q2 ፑርቶ ዓሶኮ ጌኤዛ ጋዓንቴ ቦርሲሳያና ዻውሲሳያናኬ።
\q
\v 6 ኮዦ ዓሶ ዔያቶኮ ኮሹማ ካፓኔ፤
\q2 ጎሞ ዓሶ ጋዓንቴ ዔያቶኮ ጎማ ባይዛኔ።
\q
\v 7 ፔቴ ፔቴ ዓሳ ፔቴታዖ ዓኣ ባኣዚ ባኣንቴ
\q2 ዖርጎቺ ዓሲ ማዒ ጴዻኒ ኮዓኔ፤
\q2 ሃንጎ ዓሳ ሃሣ ሚርጌ ቆሎ ዓኣንቴ
\q2 ፔቴታዖ ቆሎባኣ ዓሲ ማሊ ናንጋኔ።
\q
\v 8 ዖርጎቺ ዓሲ ፔኤኮ ሼምፓሢ ሚኢሼና ዻቂሻኒ ማላኔ፤
\q2 ማንቆ ዓሲ ጋዓንቴ ዔውታንዳ ቆሎ ዒዛኮ ባኣሢሮ ማሊ ሜታዹዋሴ።
\q
\v 9 ፂሎ ዓሶኮ ፖዓ ዓኣፓ ዱዱካያኬ፤
\q2 ጎሞ ዓሶኮ ፖዓ ጋዓንቴ ሃሃይቃኔ።
\q
\v 10 ዖቶርሙሞ ዑራ ማዣኔ፤
\q2 ዔራቶ ጋዓንቴ ዞሮ ዋይዛ ዓሲ ኮይላ ጴዻኔ።
\q
\v 11 ላቢንቲባኣዖ ዴንቆና ቆሎ ቤዞና ባይቃኔ፤
\q2 ዶዲ ማዼም ጴዼ ቆሎ ጋዓንቴ ሚርጊ ሚርጊ ዓኣዻኔ።
\q
\v 12 ሃጊ ማዓ ዎዛ ባይቂ ኔጋዖ ዒና ዖዪሳኔ፤
\q2 ዴንቃኒ ማሎና ባኣዚ ኩማዛ ጋዓንቴ ዎዎዛሳኔ።
\q
\v 13 ዓሲ ዑሣ ዓኣዼሢ ዓንካ ሙዓኔ፤
\q2 ዓይሥሢ ቦንቻሢ ጋዓንቴ ዬያ ዛሎ ዒንጎ ባኮ ዴንቃኔ።
\q
\v 14 ዔሮ ዓሳ ዔርዛ ባካ ናንጊኮ ካራኬ፤
\q2 ኔኤኮ ሼምፓሢ ሜቶይዳ ጌሌያታቴያ
\q2 ኔኤኒ ቶሊ ኬስካንዳጉዲ ኔና ማኣዳያኬ።
\q
\v 15 ማሊ ጶቂሣያ ማዒሢ ዓሲ ቦቦንቺሳኔ፤
\q2 ጉሙርቂንቱዋያ ማዒሢ ባይሲንታይዳ ጌልዛኔ።
\q
\v 16 ማሊ ጶቂሣ ዓሳ ማዾ ማዻኒ ቤርታ ማሊ ቱኪ ማዻኔ፤
\q2 ማሊ ጶቂሥሢ ፓጬ ዓሳ ጋዓንቴ ዔኤቢ ዔሩዋያ ማዒፆ ፔጋሲ ዔርዛኔ።
\q
\v 17 ጉሙርቂንቱዋ ኪኢታ ዓሲ ሜቶ ዔኪ ዬዓኔ፤
\q2 ጉሙርቂንታያ ማዔ ኪኢታ ዓሲ ኮሹሞ ዴንቂሳኔ።
\q
\v 18 ዞሮ ናሽኩዋ ዓሲ ማንቃቶና ዻውሲንቲና ሄላኔ፤
\q2 ጎሪ ዞሮ ዞሮ ዔካ ዓሲ ጋዓንቴ ቦንቺንታኔ።
\q
\v 19 ዴንቃኒ ዓፃዾና ባኣዚ ዴንቂሢ ሚርጌና ዎዛሳኔ፤
\q2 ማሊ ጶቂሥሢ ፓጬ ዓሳ ጋዓንቴ ፑርታ ባኣዚፓ ሃካኒ ኮዑዋሴ።
\q
\v 20 ጪንጫ ዓሲና ላጋታ ዓሲ ዔሮ ዓሲ ማዓኔ፤
\q2 ማሊ ጶቂሥሢ ፓጬ ዓሲና ላጋታ ዓሲ ጋዓንቴ ሜሜታዻኔ።
\q
\v 21 ጎሞ ዓሳ ዴንዳ ቤዞ ቢያ ሜታ ዔያቶ ጊንፆ ዓኣዻኔ፤
\q2 ኮዦ ዓሳ ጋዓንቴ ፔኤኮ ኮዦ ማዾ ዛሎሮ ዒንጎ ባኮ ዔካኔ።
\q
\v 22 ኮሺ ዓሲ ፔኤኮ ናኣዚ ናኣቶም ሄላንዳ ቆሎ ቆላኔ፤
\q2 ጎሞ ዓሶ ቆሎ ጋዓንቴ ፒዜ ዓሳ ዻካላኔ።
\q
\v 23 ማንቆ ዓሲኮ ጎዣ ዑሣ ዓኣዼ ሚርጌ ሃኣኮ
\q2 ካፃኒ ዳንዳዓንዳያ ናንዳኔ፤
\q2 ጋዓንቴ ፒዜ ዎጌ ባይቄያ ማዓዛ ዬይ ባካ ዔውቲ ባባይቃኔ።
\q
\v 24 ናዖ ፔኤሲ ጳርቁዋ ዓሲ ናሽኩዋሴ ጌይሢኬ፤
\q2 ናዖ ፔኤኮ ናሽካሢ ጋዓንቴ ጳርቂ ዲቻኔ።
\q
\v 25 ጎኔ ዓሳ ሙዓኒ ኮዓሢጉዴያ ሙሙዓኔ፤
\q2 ጎሞ ዓሳ ጋዓንቴ ቢያ ዎዴ ናናይዺንታኔ።
\c 14
\q
\v 1 ዔራ ላኣሊ ማኣሮ ፔኤኮ ዛጊ ማዣኔ፤
\q2 ዔኤያ ላኣሊ ጋዓንቴ ፔ ኩቻ ማኣሮ ሻሻሃኔ።
\q
\v 2 ሃንቲፃ ፒዜ ማዔ ዓሲ ናንጊና ናንጋ ጎዳ ዒጊጫያኬ፤
\q2 ጎይፃ ዎቦ ማዔ ዓሲ ጋዓንቴ ናንጊና ናንጋ ጎዳ ቶቶኦቻኔ።
\q
\v 3 ዔኤያ ዓሲኮ ጌኤዛ ዒዛ ሜቶይዳ ዓጋኔ፤
\q2 ዔሮ ዓሶ ጋዓንቴ ዔያቶኮ ኮዦ ጌኤዛ ካፓኔ።
\q
\v 4 ኔኤኮ ጎሽካ ጌማይ ባኣቴ ኮና ጉሪ ማዓኔ፤
\q2 ጌማይ ኔኤኮ ዓኣቴ ኮና ኔኤኮ ሃኣኮና ኩማኔ።
\q
\v 5 ጉሙርቂንታ ማርካ ሉኡቁዋሴ፤
\q2 ሉኡዚ ማርካዻይ ጋዓንቴ ኬኤዛሢ ሉኡዚ ባኣዚኬ።
\q
\v 6 ዔኤቢ ቦሂ ሺራ ዓሲ ዔራቶ ኮኮዓኔ፥ ጋዓንቴ ዒ ዴንቁዋሴ፤
\q2 ማሊ ጶቂሣ ዓሳ ጋዓንቴ ዔራቶ ሼሌዔና ኮርማኔ።
\q
\v 7 ዔያቶይዳፓ ኔ ዔራንዳ ዔራቶ ባኣሢሮ
\q2 ዔኤዮ ዓሶይዳፓ ሃኬ።
\q
\v 8 ጪንጮ ዓሲኮ ዔራታ ጎይፆ ዒዛ ዣኣሊሱዋሴ፤
\q2 ዔኤያ ዓሲ ጋዓንቴ ዒዛኮ ዔኤያታ ጎይፆ ዣዣኣሊሳኔ።
\q
\v 9 ዔኤዮ ዓሳ ጎሜ ማዻኣና ዖዮንዶ ቤዞ ቦሂ ዓዓማላኔ፤
\q2 ኮዦ ዓሳ ጋዓንቴ ጎማ ዔያቶኮ ዓቶም ጌይንታንዳጉዲ ኮዓኔ።
\q
\v 10 ኔኤኮ ዎዞ ማዔቴያ ዖዪፃ ኔኤሮኬ፤
\q2 ዖኦኒያ ኔኤና ጊሽታንዳይ ባኣሴ።
\q
\v 11 ፑርታ ዓሲኮ ማኣራ ሻሂንታኔ፤
\q2 ኮሺ ዓሲኮ ማኣራ ጋዓንቴ ዶዲ ናንጋኔ።
\q
\v 12 ዓሲም ፒዜ ማሊ ጴዻ ጎይሢ ዓኣኔ፤
\q2 ጋፒንፃ ጋዓንቴ ሃይቢ ባንሢ ዔኪ ዴንዳያኬ። \x - \xo 14፡12 \xo*\xt ኮኦኪ. 16፡25።\xt*\x*
\q
\v 13 ሚኢቺ ሚኢጪንታኣናታዖ ዒኔ ዖዖያኔ፤
\q2 ዎዛኮዋ ጋፒንሢ ዬኤፒኬ።
\q
\v 14 ዎቦ ዓሳ ዔያቶኮ ፑርቶ ማዾ ዛሎ ዒንጊንታ ባኮ ዔካኔ፤
\q2 ኮዦ ዓሳ ጋዓንቴ ፔኤኮ ኮዦ ማዾ ዛሎ ዒንጊንታ ባኮ ዴንቃኔ።
\q
\v 15 ዔኤያ ዓሲ ዒዛም ኬኤዞ ባኮ ቢያ ጉሙርቂ ዔካኔ፤
\q2 ጪንጮ ዓሳ ጋዓንቴ ፔኤኮ ሃንቲፆ ሺርሺ ዛጋኔ።
\q
\v 16 ዔራ ዓሲ ፔና ካፓኔ፥ ፑርታፓኣ ሃካኔ፤
\q2 ዔኤዮ ዓሳ ጋዓንቴ ፑርታ ባኣዚፓ ፔና ካፑዋኣያ፥ ሩኡራያኬ።
\q
\v 17 ዻጋ ዻጋዻ ዓሲ ዔኤያቶ ማዾ ማዻኔ፤
\q2 ፔ ዒኖና ጌኔ ባኣዚ ሱካሢ ዓሲ ናሽኩዋሴ።
\q
\v 18 ዔራቶ ፓጬ ዓሳ ፔኤኮ ቤልፁሞ ዛሎ ዒንጊንታ ባኮ ዔካኔ፤
\q2 ጪንጮ ዓሳ ጋዓንቴ ዔራቶ ፔኤኮ ቶኦካ ዓጎ ቦንቾ ባኮጉዲ ዓጋኔ።
\q
\v 19 ፑርቶ ዓሳ ኮዦ ዓሶ ቤርታ ጉምዓታኔ፤
\q2 ጎሞ ዓሳ ፂሎ ዓሶ ካራ ጉምዓቲ ዚጋኔ።
\q
\v 20 ማንቆ ዓሲ ፔኤኮ ዓሺኖ ኮይላታዖ ዒፂንታያኬ፤
\q2 ዖርጎቺ ዓሲኮ ጋዓንቴ ሚርጌ ላጌ ዓኣኔ።
\q
\v 21 ዓሲ ቶኦቻያ ጎሜ ማዻያኬ፤
\q2 ማንቆ ዓሶም ሚጪንታሢ ጋዓንቴ ዓንጂንቴያኬ።
\q
\v 22 ፑርቱሞ ማሊ ቱካ ዓሳ ዻቢንቴ ዓሲቱዋዓዳ?
\q2 ኮሺ ባኣዚ ማሊ ቱካ ዓሳ ጋዓንቴ ማኣሪንቲሢና ጉሙርቂንቲና ዴንቃኔ።
\q
\v 23 ዶዲ ማዺሢ ዔኤቢ ማኣዳንዳ ባኣዚ ጴዺሳኔ፤
\q2 ጉሪ ሃይሴ ዓሲ ማዒሢ ጋዓንቴ ማማንቂሳኔ።
\q
\v 24 ጪንጮ ዓሶኮ ቶኦካ ዓጎ ቦንቾ ባካ ዔያቶኮ ዔራቶኬ፤
\q2 ዔኤዮ ዓሶኮ ፓልማሢ ጋዓንቴ ዔያቶኮ ዔኤያቶኬ።
\q
\v 25 ጎኑሞ ኬኤዛ ማርካ ሼምፔ ዓውሳኔ፤
\q2 ሉኡዙሞ ኬኤዛ ማርካ ጋዓንቴ ጌሻያኬ።
\q
\v 26 ናንጊና ናንጋ ጎዳ ዒጊጫ ዓሲ
\q2 ፔ ቶኦኮና ፔ ማኣሮ ዓሶናም ዶዲ ጉሙርቆያ፥ ሃሣ ጌኤቂንቶ ጎንጃኬ።
\q
\v 27 ናንጊና ናንጋ ጎዳ ዒጊጪሢ ናንጊኮ ካራኬ፤
\q2 ዬያሮ ሃይቢ ፒሮይዳፓ ቶላኒ ኔ ኮዔቴ ናንጊና ናንጋ ጎዳ ዒጊጬ።
\q
\v 28 ካኣቶኮ ዼኤፑማ ዛጊንቲ ዔርታሢ ዒዚ ዎይሣ ዴሮ ሚርጉሞናኬ፤
\q2 ዒዛም ዎርቃ ዴሬ ባኣያ ማዔቴ ጋዓንቴ ካኣቲም ባይሲንታኬ።
\q
\v 29 ጊቢ ዳንዳዓ ዓሲ ኔ ማዔቴ ማሊ ጶቂሣ ዓሲ ማዔሢ ፔጋሲ ኔኤኒ ዻዋኔ፤
\q2 ዻጋዻ ዓሲ ማዔቴ ጋዓንቴ ቦኦዙሞ ኔኤኮ ኔኤኒ ፔጋሳኔ።
\q
\v 30 ኮሹሞ ዓኣ ዒኔ ዑሢኮ ዒቢሊ ማሃኔ፤
\q2 ቂኢሩሞ ጋዓንቴ ሜጌሢ ጋኣጫኔ።
\q
\v 31 ማንቆ ዓሶ ሄርቂ ዎይሢፃ ማዤሢ ቶኦቺሢኬ፤
\q2 ማንቆ ዓሶም ኮሺ ባኣዚ ማዺሢ ጋዓንቴ
\q2 ፆኦሲ ቦንቺሢ ማዒ ፓይዲንታኔ።
\q
\v 32 ሜታ ሄላዛ ፑርቶ ዓሳ ሎሎኦማኔ፤
\q2 ፂሎ ዓሳ ጋዓንቴ ዔያታ ሃይቄቴያ
\q2 ፔኤኮ ጉሙርቂንቲፆና ካፒንታኔ።
\q
\v 33 ማሊ ጶቂሣ ዓሶኮ ዒና ዔራቶና ኩሜያኬ፤
\q2 ጋዓንቴ ዔኤዮ ዓሶ ዒኖይዳ ዔራቶ ዔርቱዋያኬ።
\q
\v 34 ጎኑሞ ፔቴ ዴሬ ዼኤፒ ማሃኔ፤
\q2 ጎሜ ጋዓንቴ ዓይጎ ዴሬያ ማዖም ዻዻውሲሳኔ።
\q
\v 35 ካኣታ ዔራቶና ማዻ ዓሶ ዛሎና ዎዎዛዻኔ፤
\q2 ቦርሲሳያ ማዔ ማዻ ዓሳ ጋዓንቴ ካኣቲ ዻጋሳኔ።
\c 15
\q
\v 1 ሺኢቲ ጌስቲሢ ዻጋ ሺሚሻኔ፤
\q2 ዻጋ ዑኡሲ ጋዓንቴ ዻጎ ሃቺም ዶዲሻኔ።
\q
\v 2 ዔሮ ዓሲ ጌስታ ጌኤሲ፦ ዓሲ ዔራቶ ኮዓንዳጉዲ ማሃኔ፤
\q2 ዔኤያ ዓሲ ዻንጋፓ ጋዓንቴ ጉሪ ዔኤያቶ ባኣዚ ኬስካኔ።
\q
\v 3 ናንጊና ናንጋ ጎዳ ቢያ ቤስካ ማዺንታ ባኮ ጉቤ ዛጋኔ፤
\q2 ኮሺ ማዔቴያ ፑርታ ባኣዚ ማዺንታሢ ዒዚ ዴዴንቃኔ።
\q
\v 4 ኮሺ ጌኤሲ ናንጊኮ ዼኤሻኬ፤
\q2 ጌኔ ኩሜ ጌኤሲ ጋዓንቴ ዒኔ ሜንሣኔ።
\q
\v 5 ዔኤያ ዓሲ ፔ ዓዶኮ ዞሮ ቶቶኦቻኔ፤
\q2 ጎሪ ዞሮ ዞሮ ዔካሢ ጋዓንቴ ማሊ ጶቂሣ ዓሲኬ።
\q
\v 6 ኮሺ ዓሲኮ ማኣራ ሚርጌ ቆሎና ኩማኔ፤
\q2 ፑርቶ ዓሳ ዴንቃ ባካ ጋዓንቴ ሜቶ ዔያቶም ዔኪ ዬዓኔ።
\q
\v 7 ዔራቶ ዳልጊ ዴንዳሢ
\q2 ጪንጮ ዓሶና ማዓንዳፓዓቴም ዔኤዮ ዓሶናቱዋሴ።
\q
\v 8 ናንጊና ናንጋ ጎዳ ጎሞ ዓሳ ዒዛም ዒንጋ ባኮ ሻሻኣኪንታኔ፤
\q2 ዒኖ ፒዜዞንሢኮ ሺኢጲፃ ጋዓንቴ ዒዛ ዎዎዛሳኔ።
\q
\v 9 ናንጊና ናንጋ ጎዳ ፑርቶ ዓሶኮ ጎይፆ ዒፃኔ፤
\q2 ፒዜ ማዻ ዓሶ ጋዓንቴ ዒ ናሽካኔ።
\q
\v 10 ፒዜ ማዔ ጎይፆ ሃሺ ዻቢንቲ ማዔ ባኣዚ ማዻሢ ሜቶ ዔካኔ፤
\q2 ጎሪ ዞሮ ዞሮ ዒፃሢያ ባይቃኔ።
\q
\v 11 ናንጊና ናንጋ ጎዳ ሃይቄ ዓሳ ዓኣ ቤዞንታ
\q2 ባይሲንቶ ቤዞንታይዳ ዓኣ ባኮ ዛጋያ ማዔቴ
\q2 ኑኡኮ ዒኖ ጋራ ዓኣሢ ዎይቲ ዒዚ ዛጊንዱዋይ?
\q
\v 12 ዔኤቢ ቦሂ ሺራ ዓሲ ዞሮ ናሽኩዋሴ፤
\q2 ዔሮ ዓሲዳፓ ዞሮ ዖኦጩዋሴ።
\q
\v 13 ዒና ዎዛ ዓኣፒ ካራ ፖዒሣኔ፤
\q2 ዒና ዖዪሢ ጋዓንቴ ጎጲ ዋኣፂሳኔ።
\q
\v 14 ማሊ ጶቂሣ ዒኔ ዓኣ ዓሲ ዔራቶ ኮኮዓኔ፤
\q2 ዔኤዮ ዓሳ ጋዓንቴ ፔ ዔኤያቶ ኮሺ ማሂ ዎዎዛዻኔ።
\q
\v 15 ሄርቂንቲ ዎርቃ ዓሶኮ ናንጋ ቢያ ዎዴ ሜቶናኬ፤
\q2 ዎዛዻ ዓሳ ጋዓንቴ ቢያ ዎዴ ፔ ናንጋ ጊኢጌም ናንጋኔ።
\q
\v 16 ዖርጎቺታዖ ዣሎና ናንጊሢዳፓ
\q2 ማንቆ ማዒ ናንጊና ናንጋ ጎዳ ቦንቺ ናንጊሢ ኮሺኬ።
\q
\v 17 ዎሊ ዒፂሢ ዓኣ ቤስካ ማሊ ዓሽኪ ሙይሢዳፓ
\q2 ናሹሞ ዓኣ ቤስካ ኮልፖ ሙይሢ ቃራኬ።
\q
\v 18 ጎሪንቲ ዣሎ ማዣኔ፤
\q2 ጊቢ ዳንዳዒሢ ጋዓንቴ ዑራ ጪጪኢሻኔ።
\q
\v 19 ቤልፃ ዓሲኮ ጎይሢ ሜቶ ዓንጊሢና ዲርቂንቴያኬ፤
\q2 ፒዜ ዓሲኮ ጎይፃ ጋዓንቴ ባኣሶና ዳልጊ ጎይሢጉዴያኬ።
\q
\v 20 ጪንጫ ናይ ፔ ዓዶ ዎዎዛሳኔ፤
\q2 ዔኤያ ናይ ጋዓንቴ ፔ ዒንዶ ቶኦቻኔ።
\q
\v 21 ማሊ ጶቂሥሢ ፓጬ ዓሳ ፔ ዔኤያቶና ዎዛዻኔ፤
\q2 ጪንጮ ዓሳ ጋዓንቴ ፒዜ ማዔ ባኣዚ ማዻኔ።
\q
\v 22 ኮሺ ዞሮ ኔ ዋይዚ ዔኬቴ ቢያ ባኣዚ ኔኤም ጊኢጋንዳኔ፤
\q2 ዞሮ ኔ ዋይዚባኣቴ ዓይጎ ባኣዚያ ኔኤም ጊኢጋዓኬ።
\q
\v 23 ኮይሳ ጌኤሲ ኮይሳ ቤስካ ጌስቲሢ ሚርጌና ዎዛሳኔ።
\q
\v 24 ጪንጮ ዓሳ ሌካ ዔኪ ዓኣዻ ሼምፓሢ ጎይፆ ዓኣዻኣፓዓቴም
\q2 ሊካ ኬይሳ ሃይቢ ጎይፆ ዓኣዹዋሴ።
\q
\v 25 ናንጊና ናንጋ ጎዳ ዖቶርቃ ዓሶኮ ማኣሮ ባይዛኔ፤
\q2 ዜኤሮ ዒንዶኮ ዛጳ ሂዒንቱዋጉዲ ዒዚ ካፓኔ።
\q
\v 26 ናንጊና ናንጋ ጎዳ ፑርታ ማሊሢ ዒፃኔ፤
\q2 ጌኤሺ ማዔ ሃይሴና ጋዓንቴ ዒ ዎዛዻኔ።
\q
\v 27 ጋኣዶና ዔኤቢጊዳ ቃሲ ዴንቃኒ ኔኤኒ ማሌቴ
\q2 ኔ ማኣሮ ዓሶ ሜቶይዳ ኔኤኒ ኬኤራንዳኔ፤
\q2 ዴሚና ዒንጎ ሚኢሼ ዔኪፖ፤ ሚርጌ ዎዴ ኔኤኒ ናንጋንዳኔ።
\q
\v 28 ኮሺ ዓሲ ጌስታንዳሢኮ ቤርታ ማማላኔ፤
\q2 ፑርቶ ዓሳ ጋዓንቴ ሩኡሩሞና ፑርታ ሃይሴ ጌስታኔ።
\q
\v 29 ናንጊና ናንጋ ጎዳ ፑርቶ ዓሶ ሺኢጲፆ ቄል ጋዓኔ፤
\q2 ኮዦ ዓሳ ዒዛ ሺኢቃዛ ጋዓንቴ ዒ ዋዋይዛኔ።
\q
\v 30 ዎዛዼ ዓኣፒ ካራ ዒና ዎዎዛሳኔ፤
\q2 ኮሺ ሃይሴያ ማሊሢ ዓካሲ ዶዲሻኔ።
\q
\v 31 ናንጊ ዒንጋ ዞሮ ዋይዚ ዔካሢ
\q2 ዔሮ ዓሲኮ ላጌ ማዓኔ።
\q
\v 32 ጎሪ ዞሮ ዞሮ ዒፃሢ ፔና ሜቶይዳ ዓጋኔ፤
\q2 ጎሪ ዞሮ ዞሮ ዔካሢ ጋዓንቴ ዔራቶ ቃሳኔ።
\q
\v 33 ናንጊና ናንጋ ጎዳ ዒጊጪሢ ዔራቶ ዴንቂሢኬ፤
\q2 ቦንቾ ዴንቃኒ ቤርታዺ ሼሌዔ ማዓኒ ኮይሳኔ።
\c 16
\q
\v 1 ዓሲ ማሊሢ ማሊ ቱካኔ፤
\q2 ጋዓንቴ ዬይ ማሊፃ ማዾይዳ ፔኤቃሢ
\q2 ናንጊና ናንጋ ጎዳ «ማዖንጎ» ጌይ ዓይሣዛ ሌሊኬ።
\q
\v 2 ዓሲ ማዻ ባካ ቢያ ዬያ ማዻ ዓሢም ፒዜ ማዔያ ማላኒ ዳንዳዓኔ፤
\q2 ጋዓንቴ ናንጊና ናንጋ ጎዳ ዬይ ማሊፃ ዎዚምታቴያ ዛጋኔ።
\q
\v 3 ኔ ማዻ ባኮ ቢያ ናንጊና ናንጋ ጎዳም ሃዳርሲ ዒንጌ፤
\q2 ኔ ማሊ ቱኬ ቱኡዛ ቢያ ኔኤም ጊኢጋንዳኔ።
\q
\v 4 ናንጊና ናንጋ ጎዳ ማዤ ባኮ ቢያ ጉሪ ማዢባኣሴ፤
\q2 ፑርቶ ዓሶታዖ ዒዚ ባይዛኒ ኬሊ ጌሤኔ።
\q
\v 5 ናንጊና ናንጋ ጎዳ ሄርሺንታ ዓሶ ቢያ ሻሻኣኪንታኔ፤
\q2 ሜቶይዳፓ ዔያቶ ዒ ቶሊሲንዱዋሴ።
\q
\v 6 ናሹሞና ጉሙርቂሢና ጎሜ ጌጌኤሻኔ፤
\q2 ፆኦሲ ዒጊጪሢና ዓሲ ፑርታ ባኣዚፓ ሃካኔ።
\q
\v 7 ዓሲ ፔ ሃንቲፆና ናንጊና ናንጋ ጎዳ ዎዛሳያ ማዔቴ
\q2 ዬይ ዒዛኮ ሞርኮናታዖ ዒዛ ኮሺ ናንጊሻኔ።
\q
\v 8 ፒዚ ዎጌ ዎቢሺ ዴንቆ ሚርጌ ቆሎይዳፓ
\q2 ጎኑሞና ጴዻ ዻካ ቆሎ ባሼኬ።
\q
\v 9 ዓሲ ማሊሢ ማሊ ቱካኔ፤
\q2 ጋዓንቴ ዬይ ማሊፃ ጋፒንሢ ሄላሢ ናንጊና ናንጋ ጎዳ ማኣዴምኬ።
\q
\v 10 ካኣታ ዎጋሢ ናንጊና ናንጋ ጎዳይዳፓ ዔኬ ቢታንቶናኬ፤
\q2 ዬያሮ ዒዚ ጌስቲ ቲቃ ባካ ቢያ ዎዴ ፒዜ ማዓኒ ኮይሳኔ።
\q
\v 11 ዔቦኮ ዴኤሡሞ ዔሮ ባኮንታ ማኮ ባኮንታ ፒዜ ማዓንዳጉዲ፤
\q2 ሻንቺንቶም ኬሶ ባካኣ ቢያ ፒዜና ሻንቺንታንዳጉዲ
\q2 ናንጊና ናንጋ ጎዳኮ ዓይሥሢኬ።
\q
\v 12 ካኣታ ዶዲ ዴዓሢ ፒዜ ዎጊሢናታሢሮ
\q2 ፑርታ ማዾ ሱኡጎ ዒዒሣያኬ።
\q
\v 13 ካኣታ ጎኑሞ ሃይሴና ዎዛዻኔ፤
\q2 ጎኑሞ ጌስታ ዓሲያ ዔያታ ቦቦንቻኔ።
\q
\v 14 ካኣቶ ዻጋ ሃይቢኮ ኪኢታ ዓሲኬ፤
\q2 ጪንጫ ዓሲ ጋዓንቴ ዒዛኮ ዻጎ ሺሚሻኔ።
\q
\v 15 ካኣቶኮ ዓኣፒ ካራ ፖዒሲፃ ዎዛዼያ ማዒፆ ዔርዛኔ፤
\q2 ዒዛና ናሽኪንታያ ማዒፃ ዓዳ ባርጊ ዒርዚጉዲ ዓኣዒሳያ ማዓኔ።
\q
\v 16 ዎርቄ ዴንቂሢዳፓ ዔራቶ ዴንቂሢ ባሼኬ፤
\q2 ቢራ ዴንቂሢዳፓኣ ዔራቶ ዴንቂሢ ኮሺኬ።
\q
\v 17 ኮሺ ዓሲ ፑርታባኣ ጎይሢና ዓኣዻኔ፤
\q2 ሃንቲፆ ፔኤኮ ኮሻሢ ሼምፓሢ ፔኤኮ ካፓኔ።
\q
\v 18 ዖቶርሞ ባይሲንታ ባንሢ ዔኪ ዓኣዻኔ፤
\q2 ሄርሺንቲያ ሎኦሞ ሄሊሳኔ።
\q
\v 19 ዖቶሮ ዓሲና ዎላ ቡሪ ዔኮና ባኣዚ ጊሽቲ ዔኪሢዳፓ
\q2 ሼሌዔ ዓሲ ማዒ ማንቂ ናንጊሢ ኮሺኬ።
\q
\v 20 ዒዛም ኬኤዚንታ ዞሮ ዋይዛሢ ዖርጎጫንዳኔ፤
\q2 ናንጊና ናንጋ ጎዳ ጉሙርቃሢያ ዓንጂንቴያኬ።
\q
\v 21 ማላ ማሊፆና ዒናዼ ዓሲ ማዒሢ ዔራ ዓሲ ማዒፆ ዔርዛኔ፤
\q2 ኮሺ ማዓ ዑኡሲና ጌስቲሢ ሜሌ ዓሶ ዔኤቢ ዔርዛኔ።
\q
\v 22 ዔራቶ ሚኢሼ ማሂ ዓርቄሢም ናንጊኮ ካራኬ፤
\q2 ዔኤዮ ዓሳ ጋዓንቴ ፔኤኮ ዔኤያቶና ሜቶ ዔካኔ።
\q
\v 23 ዔሮ ዓሲኮ ዒና ዒ ጌስታ ጌኤዞ ካፒ ጌስቲሳኔ፤
\q2 ዒዛ ዻንጋፓ ኬስካ ጌኤዛ ሚርጌ ባኣዚ ዔርዛያ ማዓኔ።
\q
\v 24 ኮሺ ጌኤሲ ዔኤሲ ፆሎሊጉዲ ዓኣፃኔ፤
\q2 ዑሢኮዋ ዻቂንታኬ።
\q
\v 25 ዓሲም ፒዜ ማሊ ጴዻ ጎይሢ ዓኣኔ፤
\q2 ጋፒንፃ ጋዓንቴ ሃይቢ ባንሢ ዔኪ ዓኣዻያኬ። \x - \xo 16፡25 \xo*\xt ኮኦኪ. 14፡12።\xt*\x*
\q
\v 26 ዓሲ ዶዲ ማዻንዳጉዴያ ማሃሢ ዒዚ ሙዓኒ ማላ ማሊፆኬ፤
\q2 ናይዚ ሃሣ ማዾም ዓሲ ዔቂሳኔ።
\q
\v 27 ሱላ ፑርታ ባኣዚ ማሊ ቱካኔ፤
\q2 ጌኤዛ ዒዛኮ ታሚጉዲ ሚቻኔ።
\q
\v 28 ጌኔ ዓሲ ዑራ ማዣኔ፤
\q2 ዾንኮ ዾንካ ዓሲ ዎላ ፔቴ ማዔ ላጎ ዎሊፓ ዱማሳኔ።
\q
\v 29 ዑራ ኮዓ ዓሲ ዓሲ ጌሺ
\q2 ባይሲንታ ባንሢ ዔኪ ዓኣዻኔ።
\q
\v 30 ዓሲዳ ዓኣፒ ዎዺ ሺራይ ጌኔ ማዾ ማዻኒ ማሊ ቱኬያኬ፤
\q2 ሃኣሚ ፔኤኮ ዻዓሢያ ፑርቱሞ ባንሢ ዓኣዻያኬ።
\q
\v 31 ቡኡቂ፦ ፆኦሲ ዓሲም ዒንጋ ዼኤፒ ቦንቾኬ፤
\q2 ዬይ ጴዻሢያ ዱማዺ ናንጎ ናንጊናኬ።
\q
\v 32 ዎልቃዻያ ማዒሢዳፓ ባሼ ጊቢ ዳንዳዓያ ማዒሢ ኮሺኬ፤
\q2 ሚርጌ ካታማ ዖሊ ባሺ ዓርቂሢዳፓ ፔና ዔሪ ቆሊሢ ባሼኬ።
\q
\v 33 ናንጊና ናንጋ ጎዳኮ ማሊፆ ዔራኒ ዓሳ ዒፃ ዓጋኔ፤
\q2 ጋዓንቴ «ማዖንጎ» ጌይ ጎናሳሢ ዒዛኬ።
\c 17
\q
\v 1 ዑራና ማርሞና ሚርጌ ማኣሪዳ
\q2 ጊኢጊሾና ዼኤፒ ሙኡዚሮ ዴይሢፓ
\q2 ኮሹሞ ዓኣ ማርካ ሜልዚ ላኣዳ ቡርሺሢ ሙይሢ ቃራኬ።
\q
\v 2 ማኣሮ ዓዶ ማዒ ዎይሣሢኮ ናዓ ፓሡዋያ ቦኦዛ ማዔቴ
\q2 ዓይሌ ማዒ ማዻ ጪንጮ ዓሲ ፔ ጎዳ ናዖኮ ዑሢ ማዓኔ፤
\q2 ዬያ ናማኮ ጌርሲንሢጉዲ ዓዶ ባኮ ዻካላያ ማዓኔ።
\q
\v 3 ዎርቄና ቢራና ታሚዳ ሼኤሺ ዶዱሞ ዔሮሢጉዲ
\q2 ናንጊና ናንጋ ጎዳ ዓሲኮ ዒኔ ዬያይዲ ዛጋኔ።
\q
\v 4 ፑርታ ዓሲ ፑርታ ባኣዚ ዋይዛኔ፤
\q2 ሉኡዚ ዓሲያ ሉኡዙሞ ባኣዚ ዒናፓ ዋይዛኔ።
\q
\v 5 ማንቆ ዓሶ ኔኤኒ ቶኦቻያ ማዔቴ
\q2 ዔያቶ ማዤ ጎዳ ጫሽኪሢ ማዓኔ፤
\q2 ሜሌ ዓሲ ዑስካ ሄላ ሜቶና ኔኤኒ ዎዛዻያ ማዔቴ
\q2 ኔኤኒያ ሜቶ ዔካንዳኔ።
\q
\v 6 ጋርቾ ዓሳ ፔኤኮ ናኣቶኮ ናኣቶና ሄርሺንታሢጉዲ
\q2 ናኣታኣ ፔኤኮ ዓዶንሢና ሄርሺንታኔ።
\q
\v 7 ዔኤያ ዓሲ ዔራቶ ጌኤሲ ጌስቱዋሴ፤
\q2 ቦንቺንታ ዓሲ ሃሣ ሉኡዙሞ ጌኤሲ ጌስታያቱዋሴ።
\q
\v 8 ፔቴ ፔቴ ዓሶም ዴሚና ዒንጎ ሚኢሼ ዓዳ ማርሻጉዲ ማዻያ ማላኔ፤
\q2 ዴሚና ዒንጎ ሚኢሼ ዒንጊሢና ቢያ ባካ ኑኡም ጊኢጋንዳኔ ጌይ ዔያታ ጉሙርቃኔ።
\q
\v 9 ዻቤሢም ዓቶም ጋዓሢ ላጋቶ ዶዲሻኔ፤
\q2 ዻቢንቲ ማሂ ማሂ ኬኤዛ ዓሲ ጋዓንቴ ፔኤኮ ዑኬ ላጋሢ ሴካ ዳካኔ።
\q
\v 10 ዔኤያ ዓሲ ፄኤታ ማይንቲ ዢራፓና ጳርቂንቲ ዔኤቢ ዔራያይዳፓ
\q2 ማሊ ጶቂሣ ዓሲ ፔቴይዳፓ ዓኣዹዋያና ጎሪ ዞሮ ዞሮና ዔራሢ ባሻያኬ።
\q
\v 11 ፑርታ ዓሲ ቢያ ዎዴ ዋይዚ ዒፃያኬ፤
\q2 ዬያሮ ዒዛም ማኣሪሢ ዔሩዋ ኪኢታ ዓሲ\f + \fr 17፡11 \fr*\fq ማኣሪሢ ዔሩዋ ኪኢታ ዓሲ \fq*\ft ጋዓዞ፦ ፔቴ ፔቴ ማፃኣፓ «ሃይቢ» ጋዓኔ።\ft*\f* ዳኪንታኔ።
\q
\v 12 ዔኤያ ዓሲ ዔኤዩሞ ማዾ ማዻንቴ ካኣሚሢፓ
\q2 ናይ ዔውቴ ዲቤ ጌይንታ ቦዖና ካኣሚፃ ቃራኬ።
\q
\v 13 ኮሺ ባኣዚ ማዺንቴንቴ ፑርታ ባኣዚ ማሃሢኮ
\q2 ፑርታ ባኣዚ ቢያ ዎዴ ማኣራፓ ሺኢኩዋሴ።
\q
\v 14 ዑራ ማዢሢ፦ ቃዚ ዴይሦና ዋኣሢ ዑሪሢጉዲኬ፤
\q2 ዬያሮ ዑራ ማዢንታንዳሢኮ ቤርታ ማርሞ ሃሼ።
\q
\v 15 ጌኤሺ ዓሲ ፑርታ ማሂ ዎጊሢንታ
\q2 ዻቢንቴ ዓሲ ጌኤሺ ማሂ ዎጊሢንታ
\q2 ዬንሢ ላምዖ ባኮ ናንጊና ናንጋ ጎዳ ዒፃ ማዾኬ።
\q
\v 16 ዔኤያ ዓሲኮ ማዢንቲፓ ዓርቃዖ ማሊ ጶቂሥሢ ማሊሢ ባኣሢሮ
\q2 ፔኤኮ ሚኢሾ ዔራቶ ሻንቃኒ ኬሴያታቴያ ዬይ ዒዛ ማኣዳንዳ ባኣዚ ባኣሴ።
\q
\v 17 ላጌ ዓይጎ ዎዴናታቴያ ፔ ላጋሢ ናናሽካኔ፤
\q2 ጌርሲንሢ ማዒ ሾይንታሢያ ሜቶ ዎሊኮ ኬዳኒኬ።
\q
\v 18 ማሊ ጶቂሥሢ ፓጬ ዓሲ ዔሩዋ ዓሲኮ ጋሌ ጪጋኒ ጫኣቃኔ፤
\q2 ፔና ዋኣሴ ማሂያኣ ሺኢሻኔ።
\q
\v 19 ዑራ ናሽካሢ ጎሜ ናሽካኔ፤
\q2 ዼጊዲ ኮሾና ማርሻ ካራጉዲ ፔና ዼጊሳ ዓሲ ሎኦሚሢ ዔኤላኔ።
\q
\v 20 ፑርታ ማላ ዒኔና ዓኣ ዓሲም ጊኢጋ ባኣዚ ባኣሴ፤
\q2 ጌሺሢ ጌኤሲ ጌስታ ዓሲያኣ ሜቶይዳ ሎኦማኔ።
\q
\v 21 ቤልፃ ናይ ሾዔ ዓሲ ዖዖያኔ፤
\q2 ፑርታ ናይ ዓዶኮ ዎዛ ባኣሴ።
\q
\v 22 ዎዛዻያ ማዒሢ ዒኔም ኮሺ ዼኤሻኬ፤
\q2 ዖዪሢ ጋዓንቴ ዓሲኮ ዎልቄ ባይዛኔ።
\q
\v 23 ፑርታ ዓሲ ዎጌ ዎቢሳኒ
\q2 ዴሜና ዒንጎ ሚኢሾ ዔካኔ።
\q
\v 24 ማሊ ጶቂሣ ዓሲ ፔ ዓኣፖ ካሮ ዔራቶ ባንሢ ሺርሻኔ፤
\q2 ዔኤያ ዓሲኮ ዓኣፖ ካራ ጋዓንቴ ቢያ ዛሎ ጉሪ ሊሲ ሊሲ ዛጋኔ።
\q
\v 25 ቤልፃ ናይ ፔ ዓዶ ዖዪሢዳ ጌልዛኔ፤
\q2 ፔ ዒንዶማኣ ፑርታ ማሊሢ ዔኪ ሙካኔ።
\q
\v 26 ጌኤሺ ዓሲ ዻቦ ጪጊሺሢ፤
\q2 ሃሣ ጊንሣ ቦንቺንታ ዓሲ ዢራፓና ጳርቂሲሢ ኮይሳያቱዋሴ።
\q
\v 27 ጌኤዞ ፔኤኮ ቃዚ ጌስታሢ ዔራኬ፤
\q2 ታሣ ማሊሢ ዓኣ ዓሲ ማሊ ጶቂሣ ዓሲኬ።
\q
\v 28 ዔኤያ ዓሲ ዚቲ ጋዓዛ ዔራ ዓሲ ማላኔ፤
\q2 ፔቴታዖ ዒዚ ጌስቱዋዖ ዓቴቴ ጪንጫ ዓሲ ማዒ ፓይዲንታኔ።
\c 18
\q
\v 1 ፔና ናሽካ ዓሲ ፔ ማሊፆ ጎይፆማ ሌሊ ዓኣዻኔ፤
\q2 ሜሌ ዓሲዳፓ ዒዛም ኬኤዚንታ ፒዜ ማሊሢታቴታዖ ዒፂ ማማካኔ።
\q
\v 2 ዔኤያ ዓሲ ፔ ኬኤዛ ባኮማ ሌሊ ፔጋሳኒ ኮዓፓዓቴም
\q2 ዔራቶ ሜሌ ዓሲዳፓ ዔኪሢ ዒዛ ዎዛሱዋሴ።
\q
\v 3 ጎሜና ቦርሲንቲና ዎሊፓ ዱማዹዋ ባኣዚኬ፤
\q2 ኔኤኒ ቦንቺንቲ ባኣቴ ቦቦርሲንታንዳኔ።
\q
\v 4 ዓሲ ዻንጋፓ ኬስካ ዔራቶ ጌኤሲ
\q2 ኮሺ ዔታዼ ዔቴይዳ ዓኣ ዋኣሢጉዲኬ፤
\q2 ሃሣ ዓልቃ ዋኣሢጉዲያኣ ዓኣፃያኬ።
\q
\v 5 ዻቤ ዓሲ ማኣዲ ጌስቲሢና
\q2 ጌኤሺ ዓሲ ፒዜ ዎጌ ዴንቁዋጉዲ ማዺሢ ኮይሳያቱዋሴ።
\q
\v 6 ዔኤያ ዓሲ ጌኤሲ ዑራ ማዣኔ፤
\q2 ዒዚ ጉሪ ጌስቲ ሺራ ባካ ኮኦሎና ጳርቂሳኔ።
\q
\v 7 ዔኤያ ዓሲ ጌስታኣና ፔና ሜቶይዳ ዓጋኔ፤
\q2 ዒዛኮ ጌኤዛ ፒሮ ማዒ ዒዛ ዓርቃኔ።
\q
\v 8 ዾንኮ ዓሲኮ ጌኤዛ ዓኣሢ ሙኡዚጉዲ
\q2 ዎዛሲ ዎዛሲ ዴንዲ ዓሽኮ ጋሮ ሄላያኬ።
\q
\v 9 ቤልፃ ዓሲ ዔኤቢ ፑርቲሴ ዓሲፓ ዱማዺ ዛጊንቱዋሴ፤
\q
\v 10 ናንጊና ናንጋ ጎዳኮ ሱንፃ ዶዲ ዋርዲያ ቤሲጉዲኬ፤
\q2 ዬያሮ ኮሺ ዓሲ ዬያ ባንሢ ዶጪጋፓ ዻቃኔ።
\q
\v 11 ዖርጎጮ ዓሳ ጋዓንቴ ዔያቶኮ ቆላ ካታሞ ዙላ ዓኣ ዼጌ፤
\q2 ሃሣ ጊንሣ ዶዲ ኬኤሌ ማዒ ዔያቶ ካፓያ ዔያቶም ማላኔ።
\q
\v 12 ሎኦሞኮ ቤርታ ዓሲኮ ዒኔ ዖዖቶርቃኔ፤
\q2 ሼሌዔ ዓሲ ቦቦንቺንታኔ።
\q2 ሼሌዑሞ ጋዓንቴ ቦንቾፓ ቢራኔ።
\q
\v 13 ዋይዚ ዔኩዋዖ ማሂ ኬኤዚሢ
\q2 ዔኤያ ማሃኔ፤ ሃሣ ቦርሲሳያኬ።
\q
\v 14 ሃርጌ ሃርጋ ዎዴና ዶዲሢ ማማኣዳኔ፤
\q2 ላቢ ሺኢታያ ማዔቴ ማኣዳ ባኣዚ ባኣሴ።
\q
\v 15 ዔራ ዓሲኮ ዒኔ ዔራቶ ሚኢሼ ማሃኔ፤
\q2 ማሊ ጶቂሣ ዓሶኮ ዋያ ዔራቶ ኮዓኔ።
\q
\v 16 ዒንጊሢ ዒንጋሢም ጎይሢ ቡላኔ፤
\q2 ዼኤፖ ዓሶ ቤርቶዋ ዒዛ ኬሳኔ።
\q
\v 17 ዓሳ ቡካ ጶኦካ ቤርታዺ ኬስኪ ጌስታ ዓሢ
\q2 ዒዛና ሞኦታሢ ሙኪ ዒዛ ዖኦጫንዳያ ሄላንዳኣና
\q2 ቢያ ዎዴ ዒዚ ሌሊ ፒዜ ማዔያ ዒዛም ማላኔ።
\q
\v 18 ዒፃ ዓጊሢ ዑራ ሺሚሳኔ፤
\q2 ላምዖ ዶዲ ማርማዞንሢያ ዎላ ቡቡኩሳኔ።
\q
\v 19 ኔ ጌርሲ ማኣዴ፤
\q ዒዚ ካታሞኮ ዙላ ዓኣ ዶዲ ኬኤሌጉዲ ኔና ካፓኔ፤
\q2 ዒዛና ኔ ፑርቴቴ ጋዓንቴ ካሮ ኔኤም ዒ ዎዻንዳኔ።
\q
\v 20 ኔኤኮ ኮዦ ጌኤዛ ዔኪ ሙካ ባኮና
\q2 ኔኤኒ ዎዛዺ ናንጋኔ።
\q
\v 21 ኔ ዻንጋ ሼምፓሢ ኔኤኮ ዓውሳኒና ባይዛኒያ ዳንዳዓኔ፤
\q2 ዬያሮ ኔ ዻንጎና ላጌ ኔኤኮ ኔ ማዤቴ ዎዛዺ ናንጋንዳኔ።
\q
\v 22 ማቻ ናንጊና ናንጋ ጎዳይዳፓ ዒንጊንታ ዓንጆ ማዔሢሮ
\q2 ማቾ ኔኤኒ ዔኬቴ ኮሺ ባኣዚ ኔ ዴንቄኔ ጌይሢኬ።
\q
\v 23 ማንቆ ዓሲ ፔና ሂርኪሲ ሼሌዑሞና ጌስታኔ፤
\q2 ዖርጎቺ ዓሲ ጋዓንቴ ሄርሺንቲና ማሂ ኬኤዛኔ።
\q
\v 24 ዎሊኮ ላጌቱዋዖ ላጌ ማሊ ጴዻ ዓሲ ዓኣኔ፤
\q2 ጎኔ ላጌ ጋዓንቴ ጌርሲዳፓ ባሼኬ።
\c 19
\q
\v 1 ጌኤዛ ዎቦ ማዔ ፓሡዋ ዓሲዳፓ
\q2 ፒዜና ናንጋ ማንቆ ዓሲ ባሼኬ።
\q
\v 2 ዔራቶ ጊዳ ቃሲንቲባኣንቴ ዶዲ ማዺሢ ማኣዳያቱዋሴ፤
\q2 ሩኡሪ ጳሽካ ዓሲ ጎይፆ ዻዻባኔ።
\q
\v 3 ፔቴ ዓሲ ዒዛ ዔኤያቶና ባይሲንታ ዒዛ ሄላዛ
\q2 ዒዚ ጋዓንቴ ናንጊና ናንጋ ጎዳ ዑፃ ዻጋዻኔ።
\q
\v 4 ዓሲ ፔ ቆሎና ሚርጌ ላጌ ማዣኔ፤
\q2 ማንቆ ዓሶኮ ጋዓንቴ ዔያቶኮ ዓኣ ዻኮ ላጎንሢታዖ ዔያቶይዳፓ ሃካኔ።
\q
\v 5 ሉኡዙሞና ማርካዻ ዓሲ ሜቶ ዔኩዋዖ ዓቱዋሴ፤
\q2 ሉኡዙሞ ጌስታ ዓሲ ሜቶፓ ቶላዓኬ።
\q
\v 6 ሚርጌ ዓሲ ቦንቺንታ ዓሲኮ ላጌ ማዓኒ ኮዓኔ፤
\q2 ዔኤቢ ዒንጋ ዓሲም ቢያሢ ዒዛኮ ላጌኬ።
\q
\v 7 ማንቃሢ ዒዛኮ ጌርሲንሢታዖ ዒዛ ዒዒፃኔ፤
\q2 ዒዛኮ ላጋኣ ዒዛ ባሼና ሃኪሲ ዱማሳኔ፤
\q2 ዔያቶኮ ዒዚ ጊንፆ ሃንቲ ሺኢቂንቴቴያ ላጌ ዒዛኮ ባኣያ ማዓኔ።
\q
\v 8 ዔራቶ ሻንቃ ዓሲ ፔና ናሽካኔ፤
\q2 ዔራቶ ኮሺ ዶዲሺ ዓርቃሢ ዖርጎጫኔ።
\q
\v 9 ሉኡዙሞ ማርካዻ ዓሲ ሜቶ ዔኩዋ ዓቱዋሴ፤
\q2 ሉኡዙሞ ጌስታሢያ ባይሲንታ ሄላኔ።
\q
\v 10 ዔኤያ ዓሲም ኮሺ ናንጊ ኮይሱዋሴ፤
\q2 ዓይሌ ማዔ ዓሳ ዔያቶ ዎይሣ ዓሶ ሺሪ ዎይሣያ ማዒፃ ዎዚ ፑርታይ?
\q
\v 11 ጎሪንቲ ሼኔ ዓርቂ ቃዛሢ ማሊ ጶቂሥሢኬ፤
\q2 ዻቤ ዓሲም ዓቶም ጌይሢያ ዒኔና ዓኣ ዓሲ ማዒሢኬ።
\q
\v 12 ካኣቲኮ ጎሪንቲ ዞቢ ጉዻጉዲ ዒጊቻያኬ፤
\q2 ካኣቶ ቤርታ ዓሲ ማዒ ጴዺፃ ጋዓንቴ
\q2 ማኣቲ ዓኣዒሳ ዖልኬጉዲኬ።
\q
\v 13 ዔኤያ ናይ ፔ ዓዶ ባይሲንታይዳ ጌልዛኔ፤
\q2 ጎሪንቲ ሺራ ማቻ ፆዻ ማኣሪጉዲኬ።
\q
\v 14 ፔቴ ዓሲ ማኣሪና ቆሎና ሾዔ ዓሶፓ ዻካላኒ ዳንዳዓኔ፤
\q2 ማሊ ጶቂሣ ማቾ ዒንጋሢ ጋዓንቴ ናንጊና ናንጋ ጎዳ ሌሊኬ።
\q
\v 15 ቤልፁሞ ሃይቄያጉዲ ጊንዒሻኔ፤
\q2 ዬያሮ ቤልፃ ዓሲ ናናይዺንታኔ።
\q
\v 16 ናንጊና ናንጋ ጎዳኮ ዓይሢፆ ካፓሢ ሼምፔና ናንጋኔ፤
\q2 ዒዛኮ ቃኣሎ ቶኦቻሢ ጋዓንቴ ባይቃኔ።
\q
\v 17 ማንቆ ዓሲም ዒንጋሢ
\q ናንጊና ናንጋ ጎዳም ታልዔያ ማዓኔ፤
\q2 ናንጊና ናንጋ ጎዳኣ ዒ ማዼ ኮዦ ማዾ ዛሎ ጪጋኔ።
\q
\v 18 ሃጊ ዔያታ ናኣቶ ዓኣንቴ ናኣቶ ኔኤኮ ሻርሼ፤
\q2 ኔ ሻርሺባኣቶ ጋዓንቴ ባይሲንታም ኔ ዔያቶ ዓኣሢ ዒንጌያ ማዓኔ።
\q
\v 19 ኔጉዋዖ ዻጋዻ ዓሲ ዓኣቶ
\q ዒዛኮ ዻጎ ዛሎ ዒንጎ ባኮ ዴንቃንዳጉዲ ሃሼ፤
\q2 ፔቴና ሜታሢዳፓ ኬሳኒ ኔ ዒዛ ማሌያታቴ
\q2 ሜሌ ዎዴናኣ ዒማይዲፃ ኔኤኮ ዓታዓኬ።
\q
\v 20 ዞሮ ኔ ዋይዜቴ፥ ሃሣ ዔራኒያ ናሽካያ ማዔቴ
\q2 ናንጊቤቃ ዔራቶ ዴንቂሢ ኔ ዓታዓኬ።
\q
\v 21 ዓሲ ሚርጌ ባኣዚ ማሊ ቱካኔ፤
\q2 ማዺንቲ ኩማሢ ጋዓንቴ ናንጊና ናንጋ ጎዳ «ማዖንጎ» ጋዓዛኬ።
\q
\v 22 ዓሲዳፓ ኮይንታማ ጉሙርቂንቲሢኬ፤
\q2 ሉኡዚ ዓሲ ማዒሢዳፓ ማንቆ ዓሲ ማዒሢ ባሼኬ።
\q
\v 23 ናንጊና ናንጋ ጎዳ ኔ ዒጊጬቴ ናንጎ ሌዓ ኔኤኮ ዖዶቃኔ፤
\q2 ሜታ ኔና ሄሊባኣንቴ ዎዛዺ ኮሹሞና ኔኤኒ ናንጋንዳኔ።
\q
\v 24 ፔቴ ፔቴ ዓሳ ኮሺ ቤልፃኬ፤
\q2 ሜሌዓቴም ዔያታ ዓንዳ ኩጮ ዳኬሢ
\q2 ማሂ ዔኪ ካሦ ኩኡሊፃ ዔያቶ ባባሻኔ።
\q
\v 25 ቦሂ ዓማሊ ሺራ ዓሲ ኔኤኒ ሻርሼቴ
\q ዔኤያ ዓሲ ዬያ ዛጊ ጪንጫ ማዓኔ፤
\q2 ማሊ ጶቂሣ ዓሲ ጎሪ ኔ ዞሬቴ ባሼ ዔራቶ ቃሳኔ።
\q
\v 26 ቦርሲሳያና ዻውሲሳያ ማዔ ናይ ፔ ዓዶ ላቢሳኔ፤
\q2 ፔኤኮ ዒንዶዋ ማኣራፓ ዳውሳኔ።
\q
\v 27 ታ ናዓሢዮ! ዞሮ ታኣኮ ኔ ዋይዚባኣቴ
\q2 ኔ ዔራ ዔራቶታዖ ዑኬና ዋሊ ኔ ዻቢንታንዳኔ።
\q
\v 28 ሜሌ ዓሲም ፑርታ ማዻኒ
\q2 ሉኡዙሞና ማርካዻ ዓሲ ዓኣቶ
\q2 ፒዜ ዎጌ ባይቃኔ።
\q2 ዋይዚ ዒፃ ዓሳኣ ፑርቱሞ ማዾ ሚርጊሻኔ።
\q
\v 29 ቦሂ ዓማሊ ሺራ ዓሶም ፑርታ ዎጌ
\q2 ዔኤዮ ዓሶማኣ ዢራፓና ጳዺ ጊኢጊንቴኔ።
\c 20
\q
\v 1 ዎይኔ ዑሺ ዒኔ ዣኣሊሳኔ፥ ካፄ ዑሺያ ዑዑራሳኔ፤
\q2 ዬያ ዑዦ ሱኡኮና ዓዺንቴ ዓሳ ዔራ ዓሲ ማዓኒ ዳንዳዑዋሴ።
\q
\v 2 ካኣቲ ዻጋ ጉዻ ዞቢጉዲ ዒጊቻያኬ፤
\q2 ዒዛኮ ዻጎ ዒቂሳሢ
\q2 ፔና ዎዻኒ ዔቄያ ማዒ ፓይዲንታኔ።
\q
\v 3 ዔኤያ ዓሲ ጎሪንቲ ዑራ ማዣኒ ዳንዳዓኔ፤
\q2 ዓሲ ቦንቺሳይ ጋዓንቴ ማርሞይዳፓ ሃኪሢኬ።
\q
\v 4 ጎዦ ፔኤኮ ዎዶማና ጎሽኩዋ ቤልፃ ዓሲ
\q2 ማኣሎ ቡሮ ዎዶና ዒ ቡኩሳንዳ ሃኣኮ ባኣሴ።
\q
\v 5 ዓሲኮ ማሊሢ ኮሺ ዔታዻ ዔቴይዳ ዓኣ ዋኣሢጉዲኬ፤
\q2 ያዺ ማዔቴያ ማሊ ጶቂሥሢ ዓኣ ዓሲ ዬያ ዱዱዓኔ።
\q
\v 6 ዓሲ ቢያ ፔ ጉሙርቂንቲፆማ ኬኤዛኔ፤
\q2 ጋዓንቴ ጎኔና ጉሙርቂንታ ዓሲ
\q2 ዖኦኒ ዴንቃኒ ዳንዳዓይ!
\q
\v 7 ፂሎ ዓሲ ፒዙሞና ናንጋኔ፤
\q2 ናኣታ ዒዛሲያ ዓንጂንቴያኬ።
\q
\v 8 ፔኤኮ ዎጎ ዖይታ ዎጊፆሮ ዴዔ ካኣቲኮ
\q2 ፑርታ ማዔ ባኮ ቢያ ጌኤሺ ዔራ ዓኣፒ ዓኣኔ።
\q
\v 9 «ማሊፃ ታኣኮ ጌኤሺኬ፤
\q2 ጎሜ ታኣኮ ባኣሴ» ጋዓ ዓሲ ናንዳ?
\q
\v 10 ናንጊና ናንጋ ጎዳ ሉኡዚ ማዔ ዴኤሡሞ ዔሮ ባኮና
\q ፒዜ ማዒባኣ ማኮ ባኮና ማዺ ሃንታ ዓሶ ዒዒፃኔ።
\q
\v 11 ዓኣላ ናይታዖ ኮሺ፥ ሃሣ ፒዜ ዓሲ ማዒፃ
\q2 ማዻ ባኮና ፔጋዺ ዔዔርታኔ።
\q
\v 12 ዋይዛ ዋይዚና ዛጋ ዓኣፒና
\q2 ማዤሢ ናንጊና ናንጋ ጎዳኬ።
\q
\v 13 ዎዶ ኔኤኮ ኔኤኒ ጊንዖና ኩርሴቴ ኔ ማንቃንዳኔ፤
\q2 ዶዲ ኔ ማዼቴ ጋዓንቴ ጊዳ ሙኡዚ ኔኤኮ ዓኣያ ማዓኔ።
\q
\v 14 ዔኤቢ ሻንቃ ዓሲ ቢያ ዎዴ «ፑርታኬ» ጌይ ጌይ ሻንቆ ባኬሎ ዻኪሳኔ፤
\q2 ሻንቂ ዴንዴስካፓ ጋዓንቴ «ላኣፓና ታ ሻንቄያዋይ» ጌይ ሄሄርሻኔ።
\q
\v 15 ዔራቶና ጌስቶ ጌኤሲ
\q2 ዎርቄና ቦንቺንታ ሹጮናፓ ባሼ፥ ጴዹዋያኬ።
\q
\v 16 ዓይጎ ዓሲያኣ ዔርቱዋ ዓሲኮ ዋኣሴ ማዔቴ ማኣዓሢ ዒዛኮ ዔኬ፤
\q2 ዬይ ዔርቱዋ ዓሢ ዛሎ ዓይሢ ባኣዚ ማዓንዳጉዲ ኔ ኮይላ ጌሤ።
\q
\v 17 ሉኡቂ ጋኣዲሢና ኔ ዴንቃ ባካ
\q2 ዓኣሢ ሙኡዚጉዲ ኔና ዎዛሳኒ ዳንዳዓኔ፤
\q2 ዎርቂ ፔኤቃዖ ጋዓንቴ ዻንጋ ኔኤኮ ማኣሻላጉዲ ማዓንዳኔ።
\q
\v 18 ኮሺ ዞሮ ኔ ዋይዚ ዔኬቴ
\q2 ቢያ ባኣዚ ኔኤም ጊኢጋንዳኔ፤
\q ዬያሮ ኮሺ ዞሮ ዋይዚ ዔኩዋዖ ዖልዚ ዖላኒ ዓኣዺፖ።
\q
\v 19 ዾንኮ ዾንካ ዓሲ ዓኣቾንዶ ሃይሴ ዒና ዓርቁዋሴ፤
\q2 ዬያሮ ጉሪ ጌስቲ ሺራ ዓሶይዳፓ ሃኬ።
\q
\v 20 ፔኤኮ ዓዶ፥ ሃንጎ ዒንዶ ጫሽካያኮ
\q2 ናንጋ ሻኔ ዹሚዳ ባይቃ ፖዒጉዲ ማዓኔ።
\q
\v 21 ቤርታ ላቢንቲቦኦንቴ ሼሌዔና ዴንቆና ቆሎ
\q2 ጋፒንፆይዳ ዓንጂንቱዋሴ።
\q
\v 22 ኔኤም ፑርታ ማዼ ዓሲም
\q2 ኔኤኒያ ማሂ ፑርታ ዒዛም ማዺፖ፤
\q2 ናንጊና ናንጋ ጎዳ ጉሙርቄ፤ ዒዚ ኔና ዓውሳንዳኔ።
\q
\v 23 ናንጊና ናንጋ ጎዳ ጊኢጊባኣ ማኮ ባኮንታ
\q2 ሉኡዚ ማዔ ዴኤሡሞ ዔሮ ባኮዋ ሻሻኣኪንታኔ።
\q
\v 24 ናንጊና ናንጋ ጎዳ ኑኡኒ ሃንታንዳ ጎይፆ ማሊ ጌሤኔ፤
\q2 ዓካሪ ዓሲ ናንጎ ፔኤኮ ዎኖ ባንሢ ዔኪ ዓኣዻንዳቴ
\q2 ዎይቲ ዔራኒ ዳንዳዓይ?
\q
\v 25 ፆኦሲም ሩኡሪ ናኣቢ ናኣባዖ
\q2 ጊንሣ «ዓይጋ ታ ናኣቤይ» ጌይ ማሊሢ ዓሲኮ ፒሮኬ።
\q
\v 26 ጪንጫ ካኣቲ ዋይዞ ዒፃ ዓሶ ዱማሲ ዔራኔ፤
\q2 ዔያቶ ዒ ሚጪንቱዋዖ ሜታሳኔ።
\q
\v 27 ዓሲኮ ዒኔ ናንጊና ናንጋ ጎዳ ዓሲም ዒንጌ ፖዒታሢሮ
\q2 ዓሲኮ ጋሮ ዒኖ ቢያ ዔራኒ ዛጋኔ።
\q
\v 28 ኮሹሞና ጉሙርቂንቲሢና ፑርታ ባኣዚፓ ካኣቲ ካፓኔ፤
\q2 ዒዛኮ ካኣቱማ ጎኑሞና ዶዲ ናንጋኔ።
\q
\v 29 ዼጌ ዓሳ ሄርሺንታሢ ፔኤኮ ዎልቆናኬ፤
\q2 ጋርቾ ዓሳ ፔኤኮ ቡኡቆና ቦንቺንታኔ።
\q
\v 30 ኪፃሲ ጳርቆ ጳዺ ፑርታ ባኣዚ ባይዛኔ፤
\q2 ዢራፓና ጳዺያኣ ዒኔይዳ ዓኣ ፑርታ ባኣዚ ጌኤሻኔ።
\c 21
\q
\v 1 ካኣቲኮ ዒና ናንጊና ናንጋ ጎዳ ኩጮይዳኬ፤
\q2 ናንጊና ናንጋ ጎዳ ዒዛ ዎታ ዋኣሢጉዲ ኮዔ ቤሲ ባንሢ ዔኪ ዓኣዻኔ።
\q
\v 2 ዓሲ ማዻ ባካ ቢያ ዬያ ማዻ ዓሢም ፒዜ ማላኔ፤
\q2 ናንጊና ናንጋ ጎዳ ጋዓንቴ ዓሲኮ ዒኖ ማሊፆ ዛጊ ዔራኔ።
\q
\v 3 ፆኦሲም ዒንጎ ባኣዚ ዒንጊሢዳፓ ባሼ
\q2 ፒዜና ጎኔ ማዔ ባኣዚና ማዺሢ ናንጊና ናንጋ ጎዳ ዎዛሳኔ።
\q
\v 4 ፑርቶ ዓሳ ዔርታሢ
\q ዖቶርሙሞና ሄርሺንቲናኬ፤
\q2 ዬይ ጎሜኬ።
\q
\v 5 ኮሺ ማሊ ቱኮና ቱኡሲና ማዺንታ ማዾ ሚርጌ ባኣዚ ጴዺሳኔ፤
\q2 ማሊሢ ባኣያ ሩኡሩሞና ማዾ ማዾ ጋዓንቴ ማማንቂሳኔ።
\q
\v 6 ሉኡዙሞና ጴዻ ቆሎ ባባይቃ ሱኡሌጉዴያ፤
\q2 ጊንሣ ሃሣ ዎዻ ፒሮጉዴያኬ።
\q
\v 7 ዋይዚ ዒፃ ዓሳ ኮሺ ማዔ ባኣዚ ማዺሢ ናሽኩዋኣሢሮ
\q2 ዔያቶኮ ጌኖ ማዾና ዔያታ ባይቃኔ።
\q
\v 8 ጎሞ ዓሳ ዎቦ ጎይሢና ዓኣዻኒ ናሽካኔ፤
\q2 ዒኖ ጌኤዦ ዓሳ ጋዓንቴ ኮሺ ባኣዚ ማዻኔ።
\q
\v 9 ጎሪንቲ ሺራ ላኣሊና ዎላ ፔቴ ማኣሪዳ ናንጊሢዳፓ
\q2 ማኣሮኮ ኮጮ ዙላ ናንጊሢ ቃራኬ።
\q
\v 10 ዋይዞ ዒፃ ፑርቶ ዓሳ ቢያ ዎዴ ፑርታ ባኣዚ ማዻኒ ናሽካኔ፤
\q2 ዓይጎ ዓሲማኣ ዔያታ ሚጪንቱዋሴ።
\q
\v 11 ቦሂ ዓማሊ ሺራ ዓሲ ሻርሺንታ ዎዶና
\q ዔኤያ ዓሲ ዬያ ዛጋዖ ዔራቶ ዴንቃኔ፤
\q2 ጪንጫ ዓሲ ዔርዞ ዎዶና ባሼ ዔራ ማዓኔ።
\q
\v 12 ፂሎ ፆኦዛሢ ፑርቶ ዓሶ ማኣሮይዳ ማዾ ባኮ ቢያ ዛዛጋኔ።
\q2 ፑርቶ ዓሶ ዒዚ ኬዲ ኬኤሪ ባይዛኔ።
\q
\v 13 ማንቆ ዓሲኮ ዒላቶ ዋይዛኒ ናሽኩዋ ዓሲ
\q2 ዒዚያ ሜታዺ ዒላታ ዎዶና ዒዛ ማኣዳንዳ ዓሲ ዴንቂንዱዋሴ።
\q
\v 14 ዻጋዼ ዓሲም ዓኣቺ ዒንጎ ባኣዚ ዒንጊንታኣና
\q2 ዻጋ ዒዛኮ ሺሺማኔ፤
\q2 ዴሚና ዓኣቺ ዒንጊንታ ዒንጊሢያ ዻጋ ጪኢሻኔ።
\q
\v 15 ፒዜ ዎጌ ዎጊንታ ዎዶና
\q2 ኮዦ ዓሳ ዎዎዛዻኔ፤
\q2 ፑርቶ ዓሶ ጋዓንቴ ዲዲቃሣኔ።
\q
\v 16 ማሊ ጶቂሥሢዳፓ ሃካ ዓሲ
\q2 ሃይቢ ካፓኔ።
\q
\v 17 ዔኤቢ ቃውቲሢ ናሽካ ዓሲ ማማንቃኔ፤
\q2 ዎይኔ ዑሺንታ ዛይቶ ቲዦንታ ናሽካ ዓሲ ዎይቴቴያ ዖርጎጩዋሴ።
\q
\v 18 ኮዦ ዓሶይዳ ሄላኒ ዓኣ ሜታሢ ፑርቶ ዓሶ ሄላኔ፤
\q2 ፒዜ ዓሶ ሄላኒ ዓኣ ሜታሢያ ጉሙርቂሢባኣ ዓሶ ሄላኔ።
\q
\v 19 ጎሪንቲ ሺራ ማቾና ዎላ ናንጊሢዳፓ
\q2 ዓሲ ናንጉዋ ዳውሎይዳ ናንጊሢ ቃራኬ።
\q
\v 20 ጪንጫ ዓሲ ሚርጌ ቆሎንታ
\q ሚርጌ ሚኢሼ ኬሳ ባኣዚንታ ፔ ማኣራ ቡኩሳኔ፤
\q ማሊ ጶቂሥሢ ፓጬ ዓሲ ጋዓንቴ ፔኤኮ ዓኣ ባኮ ቢያ ላኣሊ ባይዛኔ።
\q
\v 21 ፂሉሞና ናሹሞና ጋዓ ጊንፆ ማዻ ዓሲ
\q2 ናንጊንታ ዖርጎቹሞንታ፥ ሃሣ ቦንቺንቲያኣ ዴንቃኔ።
\q
\v 22 ዖሎ ዓሶኮ ጪንጮ ሱኡጌ
\q2 ዶዲ ዖላ ዓሲና ካፒንታ ካታሞ ዖሊ ባሺ ዓዓርቃኔ፤
\q2 ጉሙርቂንታ ዋርዲዮ ቤዞዋ ዶይሳኔ።
\q
\v 23 ሜቶይዳፓ ቶላኒ ኮዓ ዓሲ
\q2 ፑርታ ጌስቲሢ ሃሻኔ።
\q
\v 24 ዖቶርቃያና ሄርሺንታያና ማዔ ዓሲ ቦኦዛኬ፤
\q2 ማዻ ዒዛኮ ዖቶርሙሞ ሌሊኬ።
\q
\v 25 ማዾ ማዻኒ ኮዑዋ ቤልፃ ዓሲ
\q2 ፔና ዎዼ ዓሲ ማዒ ፓይዲንታኔ።
\q
\v 26 ቤልፃ ቢያ ዎዴ ኮዓሢ ሚርጌ ባኣዚ ዴንቃኒኬ፤
\q2 ኮሺ ዓሲ ጋዓንቴ ኮሹሞና ዒዒንጋኔ።
\q
\v 27 ዋይዞ ዒፃ ዓሳ ዒንጋ ዒንጊፃ ፆኦሲ ሻኣካያኬ፤
\q2 ዬያፓ ባሼ ፑርታ ማሊሢና ዔቂ ዒንጎ ዒንጊፃ ሚርጌና ዒዛ ዒሣያኬ።
\q
\v 28 ሉኡዚ ዓሲኮ ማርካቶ ዔውቱዋያ ማዓኔ፤
\q2 ኮሺ ማሊ ጌስታ ዓሲኮ ጌኤዛ ጋዓንቴ ጎናዻኔ።
\q
\v 29 ጎኔ ዓሲ ፔ ማዻ ባኮ ዛሎ ኮሺ ዔራኔ፤
\q2 ፑርታ ዓሲ ጋዓንቴ ዻቤዖ «ታ ዻቢባኣሴ» ጌይ ማዖ ዒፂ ዶዳኔ።
\q
\v 30 ዓሲ ፔ ዔራቶና ፔኤኮ ማሊ ጶቂሢፆና፤ ሃሣ ቱካ ቱኡዞና
\q2 ናንጊና ናንጋ ጎዳ ቃዛኒ ዳንዳዑዋሴ።
\q
\v 31 ዖልዚ ዖሊሢሮ ፓሮ ጊኢጊሻኒ ዳንዳዓኔ፤
\q2 ባሺሢ ዒንጋሢ ጋዓንቴ ናንጊና ናንጋ ጎዳኬ።
\c 22
\q
\v 1 ኮሺ ሱንሢ ሚርጌ ቆሎይዳፓ
\q2 ዓሲና ናሽኪንቲሢያ ቢራና ዎርቄናፓ ባሻኔ።
\q
\v 2 ዖርጎጫሢታቴያ ማንቃሢ
\q ማዤሢ ናንጊና ናንጋ ጎዳታሢሮ
\q2 ላምዓሢ ፔቴኬ።
\q
\v 3 ጪንጫ ዓሲ ሜታ ሙካሢ ዛጋዖ ዓዓኣሺንታኔ፤
\q2 ማሊ ጶቂሥሢ ፓጬ ዓሲ ጋዓንቴ ማሉዋዖ ሜቶይዳ ኬዳኔ።
\q
\v 4 ናንጊና ናንጋ ጎዳ ዒጊጪሢንታ ኮሺ ማዒሢንታ
\q2 ቆሎና ቦንቾና ናንጊያኣ ዴንቂሳኔ።
\q
\v 5 ፑርቶ ዓሶኮ ጎይፆይዳ ዓንጊሢና ፒሮና ዓኣኔ፤
\q2 ፔ ቶኦኮ ካፓሢ ጋዓንቴ ዬያፓ ሃካኔ።
\q
\v 6 ናይ ዎማይዲ ናንጋኒ ኮይሳቴያ ኔ ዔርዜያቴቴ
\q2 ፔ ናንጎ ዎዶ ቢያይዳ ዬኖይዳፓ ሺኢካዓኬ።
\q
\v 7 ማንቆ ዓሲ ዖርጎቺ ዓሲም ማዻያኬ፤
\q2 ሚኢሼ ታልዓሢ ታልዒሴሢኮ ዓይሌኬ።
\q
\v 8 ጎሜ ዜርቃሢ ሜቶ ጮኦሪ ዔካኔ፤
\q2 ዻጋ ዒዛኮ ዓንኮዋ ዒዛ ሄሊሲንዱዋሴ።
\q
\v 9 ፔኤኮ ሙዖ ማንቆ ዓሶና ዎላ ዒዚ ጊሽታሢሮ
\q2 ዔኤቢ ዒንጋ ዓሲ ዓንጂንቴያ ማዓኔ።
\q
\v 10 ዔኤቢ ቦሂ ሺራ ዓሲ ኔኤኒ ዳውሴቴ ዑራ ጋፓኔ፤
\q2 ዑራንታ ጫሺንታ ባኣያ ማዓኔ።
\q
\v 11 ዒና ጌኤሹሞንታ ኮሺ ጌኤሲንታ ናሽካ ዓሲ
\q2 ካኣቶና ናሽኪንታያ ማዓኔ።
\q
\v 12 ናንጊና ናንጋ ጎዳኮ ዓኣፓ ዔራቶና ዓኣ ዓሶ ኮሺ ዛጋኔ፤
\q2 ጉሙርቂፃባኣ ዓሳ ቱኬ ቱኡዞ ጋዓንቴ ዒ ጉሪ ማሃኔ።
\q
\v 13 ቤልፃ ዓሲ፦ «ካራ ዞቢ ዓኣኔ፤ ታ ኬስኬቴ ታና ሙዓንዳኔ» ጋዓኔ።
\q
\v 14 ዞኦስካ ኮኦማ ላኣሊኮ ዻንጋ ኮሺ ዔታዻ ዔቴጉዲኬ፤
\q2 ናንጊና ናንጋ ጎዳ ዒፄ ዓሳ ዓዺንቲ ዬያ ዔቶይዳ ሎኦማኔ።
\q
\v 15 ናይ ዒኔይዳ ዔኤዩሞ ዓኣኔ፤
\q2 ጎሪ ዞሪሢ ዣኣቺ ጋዓንቴ ዬያ ዒኖ ዒዛይዳፓ ሺኢሻኔ።
\q
\v 16 ዖርጎቺ ዓሲም ዔኤቢ ዒንጋሢ
\q2 ጊንሣ ሃሣ ቆሎ ዴንቃኒ ጌይ
\q2 ማንቆ ዓሶ ሄርቂ ዎይሣ ዓሲ ኩፓታንዳኔ።
\s1 ዔሮ ዓሲ ዞሬ ዞሮ
\p
\v 17 ዔሮ ዓሳ ኬኤዜ ባኮ ታ ኔና ዔርዞም ዋይዜ፤ ዔያቶይዳፓ ኔ ዔካ ዔራቶ ባንሢ ዒኖ ኔኤኮ ማሄ፤ 
\v 18 ቢያ ዎዴ ኔ ማሊ ማሊ ማዾይዳ ፔኤሻያ ማዔቴ ኔና ዎዛሳንዳኔ፤ 
\v 19 ዬያ ታ ኔኤም ኬኤዛሢ ጉሙርቂፃ ኔኤኮ ናንጊና ናንጋ ጎዳይዳ ማዓንዳጉዲኬ። 
\v 20 ሃኣዛጌ፦ ታ ኔኤም ሃይሢታሚ ዳምቤ ፃኣፔኔ፤ ዬያታ ዔራቶንታ ኮሺ ዞሮንታ ዓኣያኬ፤ 
\v 21 ጎኑሞ ዓይጎ ማዔቴያ ኔና ዔያታ ዔርዛንዳኔ፤ «ጎኑሞ ኮይ ዔኪ ሙኬ» ጌይ ኔና ዖኦጮናያታቴ ፒዜ ባኣዚ ማሂ ኔኤኒ ኬኤዛንዳኔ።
\s2 1
\p
\v 22 ፔቴታዖ ዔያቶኮ ዔኤቢባኣሢሮ ማንቆ ዓሶ ቡሪፖ፤ ሄርቂንቲ ዎርቃ ዓሶዋ ዎጎ ዎጋ ዓሶ ቤርታ ላቢሲ ሺሪፖ። 
\v 23 ዓይጎሮ ጌዔቴ ናንጊና ናንጋ ጎዳ ዔያቶ ዛሎ ሞኦታንዳሢሮና ዔያቶ ሄርቂ ሜታሳ ዓሶዋ ዒ ሜታሳንዳሢሮኬ።
\s2 2
\p
\v 24 ሮኦጋዻያና ጎሪንታ ዓሲና ዎላ ላጌ ማዒፖ፤ 
\v 25 ኔኤኒ ዒዛ ባኮ ዔሬቴ ዬያፓ ቶሊ ኬስካዓኬ።
\s2 3
\p
\v 26 ሜሌ ዓሲኮ ጋሌ ጪጋኒ ዋኣሴ ማዒፖ፤ 
\v 27 ጪጋኒ ኔኤኒ ዳንዳዒባኣቴ ኔ ላሃ ሻኣላታዖ ዓቱዋንቴ ዓኣ ቆላ ኔኤኮ ቢያ ዔውታንዳኔ።
\s2 4
\p
\v 28 ሚና ኔኤኮ ቤርታኣ ዓዶንሢ ጌሤ ዛጶ ዚጎ ሺኢሺፖ።
\s2 5
\p
\v 29 ማዾ ፔኤኮ ኮሺ ማዺ ዔሬ ዓሲ ኔ ዛጋ? ዬያጉዴ ዓሲ ጉሪ ዓሲ ጌይንታ ዓሲ ቤርታቱዋንቴ ካኣቶ ቤርታ ማዾ ማዻኒ ዔቃንዳኔ።
\c 23
\s2 6
\p
\v 1 ቢታንቶ ዓኣ ዓሲና ዎላ ሙኡዚሮ ፔቴይዳ ኔኤኒ ዴዔቴ ዒዚ ዖናታቴያ ዋሊፖ፤ 
\v 2 ዎዚ ኔኤኒ ዓልቱንቂ ሙዓያታቴያ ሚርጌ ሙይፆ ሃሼ። 
\v 3 ጎዖንቴ ዒዚ ኔና ኔ ዎይታቴያ ዛጋኒ ዳንዳዓሢሮ ኔኤም ሺኢካ ኮዦ ሙዖ ዓልቱንቂ ሙይፖ።
\s2 7
\p
\v 4 ዖርጎጫኒ ጳሽኪ ላቢፖ፤ ዬያጉዴ ዓልቱሙሞይዳፓ ሃካኒ ዔራ ማዔ፤ 
\v 5 ዬያጉዴ ቆላ ኔኤኒ ዛጋ ጎይሣ ዓኣንቴ ቤዞና ባይቃንዳኔ፤ ጫሪንቺዳ ባራና ኮኦኬጉዲ ጋኣሲ ኬሲ ባራናንዳኔ።
\s2 8
\p
\v 6 ዱኡዺ ዓሲ ካሣ ሙይፖ፤ ዒዚ ኔኤም ሺኢሻ ካሣ ኔና ጮኦዻሱዋጉዲ፤ 
\v 7 ዒዚ ፔኤኮ ዒናፓቱዋንቴ ካሦ ኔ ዒዛም ሃሻንዳጉዲ ኮዒ ጎኔ ጋዓያ ማሊሲ፦ «ሙዔ፥ ዑሽኬ» ኔና ጋዓኔ። 
\v 8 ኔ ዬያ ሙዔሢታዖ ጩታንዳኔ፤ ዒዛ ኔኤኒ ሳልማሲ ጌስቴ ሃይሳኣ ኔኤኮ ጉሪ ማዓንዳኔ።
\s2 9
\p
\v 9 ዔራቶ ዓኣ ዞሮ ኔኤኮ ዒ ቶኦቻንዳሢሮ ዔኤያ ዓሲም ዔኤቢ ቃራ ባኣዚ ኬኤዚፖ።
\s2 10
\p
\v 10 ሚርጌ ዎዴ ናንጌ ዛጶ ዚጎ ሺኢሺፖ፤ ዬያጉዲ ሃሣ ዜኤሮ ናኣቶኮዋ ጎዦ ዎልቄና ዔኪፖ፤ 
\v 11 ፆኦሲ ዔያቶኮ ዶዶ ጎንጃሢ ማዔሢሮ ዔያቶ ዛሎ ዒ ሞኦቲንታኔ።
\s2 11
\p
\v 12 ማሊፆ ኔኤኮ ዔራቶይዳ፤ ዋያኣ ኔኤኮ ዔራቶ ዋይዛንዳጉዲ ሺርሼ።
\s2 12
\p
\v 13 ናዖ ኔኤኮ ዳምቤና ሻርሺሢ ሃሺፖ፤ ዣኣቺና ኔ ጳርቄቴ ሃይቃዓኬ። 
\v 14 ዣኣቺና ኔኤኒ ጳርቄቴ ሼምፓሢ ሃይቢዳፓ ዓውሳኒ ኮሺ ጎይሢ ዒዛም ማዓንዳኔ።
\s2 13
\p
\v 15 ታ ናዓሢዮ! ዔራ ኔ ማዔቴ ሚርጌና ኔ ታና ዎዛሳኔ፤ 
\v 16 ፒዜ ጌኤሲ ኔ ጌስታ ዎዶና ታና ዖዖቶርሳኔ።
\s2 14
\p
\v 17 ጎሞ ዓሶ ቂኢሪፖ፤ ናንጊና ናንጋ ጎዳ ዒጊጪሢ ቢያ ዎዴ ኔኤኮ ማሊሢ ማዖንጎ፤ 
\v 18 ዬያ ኔ ማዼቴ ሴካ ኔኤኮ ቤርታኣ ናንጋ ጊኢጌያ ማዓንዳኔ፤ ሃጊ ማዓ ዎዛኣ ባይቃዓኬ።
\s2 15
\p
\v 19 ታ ናዓሢዮ! ዋይዜ፤ ጪንጫ ማዔ፤ ፆኦሲ ጎይፃፓ ሺኢኪፖ፤ 
\v 20 ሚርጌ ዎይኔ ዑሽካ ዓሲና ሚርጌ ሙኡዚ ሙዓ ዓሲና ዎላ ላጌ ማዒፖ፤ 
\v 21 ማሢንታ ዓሶና ጎጳ ሚሽኩዋ ዓሶና ማንቃኔ፤ ማዻ ጊንዖ ሌሊ ማዔ ዓሢያ ማንቂ ቱርጫ ማኣዓኔ።
\s2 16
\p
\v 22 ኔና ሾዔሢ ዒዛታሢሮ ኔ ዓዶኮ ዞሮ ዋይዜ፤ ዒንዳኣ ኔኤኮ ጋርቼ ዎዶና ዒዞ ቶኦቺፖ።
\p
\v 23 ጎኑሞ፥ ዔራቶ፥ ጎሪ ዞሮ ዞሮንታ ማሊ ጶቂሥሢንታ ሚኢሼ ማሂ ዓርቄ፤ ሃሺፖ። 
\v 24 ዒኔና ዓኣ ናይኮ ዓዴ ዼኤፒ ዎዛ ዎዛዻኔ፤ ሃሣ ጪንጫ ናይ ሾዔ ዓሲ ዖዖቶርቃኔ። 
\v 25 ኔ ዓዶና ኔ ዒንዶና ኔ ዛላ ዎዛሳያ ማዖንጎ፤ ኔ ዒንዳኣ ኔ ዛሎና ዎዛዾንጎ።
\s2 17
\p
\v 26 ታ ናዓሢዮ! ዒናፓ ዋይዜ፤ ታ ናንጌ ናንጋ ኔኤም ማላታ ማዖንጎ፤ 
\v 27 ዞኦዛ ኮኦማ ላኣሎና ፓሡዋ ላኣሎና ኬሴ ፒሮጉዲ ሃይቢ ባንሢ ዔኪ ዴንዳኔ። 
\v 28 ዓዳ ሱላጉዲ ካቲ ኔና ዔያታ ካፓኔ፤ ሚርጌ ዓቲንቆ ዔያታ ዔፖ ሳሎ ሻሂሲሴኔ።
\s2 18
\p
\v 29 ዖዪሢና ዬኤፒና ዖና ሄላይ? ቢያ ዎዴ ማርሞና ጎሪንቲና ዔቂሳሢ ዖናዳይ? ዎይቲታቴያ ዔርቱዋንቴ ዑርቲ ጴዻሢ ዖናዳይ? ዓኣፓ ዞቃሢ ዖኦኮዳይ? 
\v 30 ዬይ ቢያ ባካ ሄላሢ ሚርጌ ዎይኖ ዑዦ ዑሽኪፆና ሲኢሪንቴ ካፄ ዑዦ ዑሽኪፆና ዎዶ ፔኤኮ ጉሪ ጋፒሳ ዓሶይዳኬ። 
\v 31 ዬያሮ ዎዚ ቡርጩቆይዳ ዞቃያ ማዒ ጴዼቴያ ዔያታ ዑሽካኣናኣ ዻንጋ ጌላ ጎይፃ ኔና ጮኦዻሶፓ። 
\v 32 ጋፒንፆይዳ ሾኦሺጉዲ ኔና ዬይ ዻዓንዳኔ፤ ጎፖ ሾኦሺጉዲያኣ ዳኣኖ ኔ ዑፃ ፑኡካንዳኔ፤ 
\v 33 ዓኣፓ ኔኤኮ ሺራንዳሢሮ ዓኪ ዓኪ ባኣዚ ኔ ዛጋያ ኔኤም ማላኔ፤ ጋዓንቴ ኔኤኒ ፒዜ ማላኒና ጌስታኒ ዳንዳዑዋሴ። 
\v 34 ባዚዳ ኔ ዓኣያና ባዞ ጉዳሢና ሂዒንቲ ሜታዻ ዋኣፆ ካኣሚሎ ቱርቱሮና ኔ ዒጊንቴያ ኔኤም ማላንዳኔ። 
\v 35 ዬያጉዲ ሃሣ፦ «ታ ጳዺንቴኔ፤ ጋዓንቴ ታኣኒ ዔኤቢ ዎኦቲባኣሴ፤ ጳዺንቶ ታኣኒ ጳዺንቴኔ፤ ጋዓንቴ ታና ሃርጊባኣሴ፤ ታ ጴጫንዳሢ ዓይዴዳይ? ቃሲ ሃሣ ታኣኒ ዓይዲ ዑዦ ዑሽካንዳይ?» ኔ ጋዓንዳኔ።
\c 24
\s2 19
\p
\v 1 ፑርቶ ዓሶ ቂኢሪፖ፤ ዔያቶና ዎላ ላጌ ማዓኒያ ኮይፖ፤ 
\v 2 ዔያታ ቢያ ዎዴ ፔ ማሊፆና ጌኔ ማሊ ቱካኔ፤ ዻንጎናኣ ጌጌሻኔ።
\s2 20
\p
\v 3 ማኣሪ ዔራቶና ማዢንታኔ፤ ማሊ ጶቂሥሢና ዶዲ ናንጋኔ። 
\v 4 ዔራቶ ዓኣያ ማዓዛ ማኣሪ ቦንቺንታያና ሚዛጲ ማዔ ሜሄና ኩማኔ።
\s2 21
\p
\v 5 ዶዲ ማዒሢዳፓ ጪንጫ ማዒሢ ባሼኬ፤ ጎኔና ዔራቶ ዎልቄይዳፓ ዑሣኬ፤ 
\v 6 ዖልዚም ጊኢጊ ኬስኪፆኮ ቤርታ ማዾንዶ ጎይፆ ኮሺ ዛጊ ቱካንዳያ ኮይሳኔ፤ ሚርጌ ዞራ ዓሲ ዴንቄያ ኔ ማዔቴ ባሺሢ ኔ ዓታዓኬ።
\s2 22
\p
\v 7 ማሊ ጶቂሥሢ ፓጬ ዓሲ ዔራቶ ዔራኒ ዳንዳዑዋሴ፤ ዓሳ ኮይሳ ባኣዚ ጌስታኣና ዒዚ ሺኢሻ ማሊሢ ባኣሴ።
\s2 23
\p
\v 8 ቢያ ዎዴ ፑርቱሞ ቱኪ ሃንታ ዓሲ «ጌኔ ዓሲ» ጌይንቲ ዔርታኔ፤ 
\v 9 ዔኤያ ዓሲ ቢያ ዎዴ ማላሢ ጎሜ ማዻኒኬ፤ ዔኤቢ ቦሂ ሺራ ዓሢ ዓሲ ቢያ ዒዒፃኔ።
\s2 24
\p
\v 10 ሜታ ኔና ሄላ ዎዶና ዶዳኒ ኔኤኒ ዳንዳዑዋያ ማዔቴ ፔቴታዖ ዶዱሞ ኔኤኮ ባኣሴ ጌይሢኬ።
\s2 25
\p
\v 11 ኮይሱዋ ጎይሢና ሃይቢም ዔውታ ዓሶ ዓውሴ፤ ዎዻኒ ሂዒ ዔኪ ዓኣዻ ዓሶ ኩጫፓ ቶሊሴ። 
\v 12 ጎዖንቴ «ታ ዔሩዋሴ» ኔ ጋዓኒ ዳንዳዓኔ፤ ጋዓንቴ ዒኖ ዛጋሢ ዬያ ማሊ ጶቂሣዓዳ? ዒዚ ኔኤኮ ሼምፓሢ ካፓሢ ዬያ ዔራዓዳ? ሃሣ ፔቴ ፔቴሢም ፔኤኮ ማዾጉዴያ ዒዚ ጪጋዓዳ?
\s2 26
\p
\v 13 ታ ናዓሢዮ! ኮሺታሢሮ ዔኤሲ ሙዔ፤ ዔኤሲኮ ፆሎሊ ዻንጋም ዓኣሢኬ። 
\v 14 ዔራቶ ኔኤኮ ሼምፓሢም ኮሺ ማዔሢ ዔሬ፤ ዔራቶ ኔኤኒ ዴንቄቴ ሴካ ቤርታኣ ናንጋ ኔኤኮ ጊኢጌያ ማዓንዳኔ፤ ሃጊ ማዓንዳ ዎዛኣ ኔኤኮ ባይቃዓኬ።
\s2 27
\p
\v 15 ዋይዞ ዒፃ ዓሶጉዲ ፂላሢኮ ማኣሮ ቡራኒ ካቲፖ፤ ሃሣ ማንጊፖ። 
\v 16 ፂሎ ዓሲ ላንካይ ማይንቲ ሎኦሜታቴያ ጊንሣ ዔዔቃኔ፤ ዋይዞ ዒፃ ዓሶ ጋዓንቴ ባይሲንታ ሄላኔ።
\s2 28
\p
\v 17 ኔኤኮ ሞርካሢ ዹቂንታኣና ኔና ዎዛሶፓ፤ ዒ ሎኦማ ዎዶናኣ ዎዛዺፖ። 
\v 18 ዬያ ባኮና ኔ ዎዛዼቴ ጋዓንቴ ናንጊና ናንጋ ጎዳ ኔ ዖዪሳኔ፤ ኔ ሞርካሢዳ ዒዚ ዻጋዼ ዻጎዋ ሃሻኔ።
\s2 29
\p
\v 19 ፑርቶ ዓሶ ማዾሮ ኔኤኒ ማሊ ሜታዺፖ፤ ዔያቶ ቂኢሪፖ፤ 
\v 20 ዋይዚ ዒፃ ዓሲ «ሃጊ ታኣኒ ሃያ ዴንቃንዳኔ» ጌይ ሃጊ ማዓ ዎዛ ጌሣ ባኣዚ ባኣሴ።
\s2 30
\p
\v 21 ታ ናዓሢዮ! ፆኦሲ ዒጊጬ፥ ካኣቲያ ቦንቼ፤ ዔያቶም ዋይዞ ዒፃ ዓሶና ዎላ ፔቴ ማዒፖ። 
\v 22 ዬንሢ ዋይዞ ዒፃዞንሢዳ ዼኤፒ ባይሲንታ ዔርቲባኣንቴ ሄላኔ፤ ፆኦሲንታ ካኣቲንታ ዔያቶይዳ ዓጋንዳ ሜታ ዓይጎታቴያ ዔራ ዓሲ ባኣሴ።
\s1 ዔሮ ዓሳ ቃሲ ዞሬ ዞሮ
\p
\v 23 ዔሮ ዓሳ ቃሲ ጌዔ ባካ፦
\p ዎጌ ዎጊንታ ዎዶና ፔቴሢ ዛላ ማዒ ጌስቲሢ ዻቢንቲኬ፤ 
\v 24 ዻቢንቴሢ ጌኤሺ ማሂ ዎጋ ሱኡጋሢ ዓሳ ጫሽካኔ፤ ሜሌ ዴራኣ ዒዛ ዒፃኔ። 
\v 25 ዻቢንቴሢ ፒዜና ጌስቲ ዎጋ ሱኡጋሢም ጋዓንቴ ኮሺ ማዓንዳኔ፤ ሚርጌ ዓንጆዋ ዴንቃንዳኔ።
\p
\v 26 ዔኤቢ ፒዜና ማሂ ኬኤዛ ዓሲ ዒናፓ ዎሊ ናሽካ ላጌ ማዒ ፓይዲንታኔ።
\p
\v 27 ቤርታዺ ኔ ሳዖይዳ ኔ ናንጎም ኮይሳ ባኮ ቢያ ጊኢጊሼ፤ ዬካፓ ማኣሪ ማዤ።
\p
\v 28 ዓይጎ ዓሲዳኣ ማዖም ዔርቴ ባኣዚ ባኣንቴ ማርካዺፖ፤ ዒዛይዳ ሉኡዚ ባኣዚያ ጌስቲፖ። 
\v 29 «ዓሲ ታኣም ፑርታ ማዼማጉዴያ ታኣኒያ ፑርታ ባኣዚ ዒዛም ማዻንዳኔ! ታኣኒ ኮሞ ማሃንዳኔ!» ጌይፖ።
\p
\v 30 ቤልፃና ማሊ ጶቂሥሢ ፓጬ ዓሲናኮ ጎዦና ዎይኖ ቱኮ ቤዞዋ ታኣኒ ዓኣዼኔ፤ 
\v 31 ዒማና ዬያ ጎዦይዳ ሆኦሪና ቶሻና ኩሚ ዓኣኔ፤ ዓጮ ዲርቆና ኬኤሎ ዲፃኣ ዶዔኔ። 
\v 32 ዬያ ታኣኒ ዛጌ ዎዶና ዬያ ዛሎ ታ ማሌኔ፤ ታኣኒ ዛጌ ባኮይዳፓኣ ዔራቶ ዔኬኔ። 
\v 33 «ዻካ ታ ሊጵ ሊጵ ጎዖም፤ ዻካ ታ ጊንዖም፤ ኩጮዋ ታኣኮ ታኣኒ ጳንጪ ዻካ ሃውሾም» ኔ ጌዔቴ፥ 
\v 34 ሃጊ ኔ ላሂ ዓኣንቴ ማንቃቶና ዔኤቢኮ ባይሲንታና ዖልዚ ዓንጋሞ ዓርቄ ሱላጉዲ ዔሩዋንቴ ኔ ጊዳ ሙካንዳሢ ዔሬ። \x - \xo 24፡34 \xo*\xt ኮኦኪ. 6፡10-11።\xt*\x*
\c 25
\s1 ሴሌሞኔ ኬኤዜ ሜሌ ኮኦኪንሦ
\p
\v 1 ሃይካፓ ሊካ ኬኤዚንታ ኮኦኪንሣ ሴሌሞኔ ኬኤዜ ሜሌ ኮኦኪንሢኬ፤ ዬይ ኩቻ ፃኣፒንቴሢ ዪሁዳ ካኣቲ ሂዚቂያሴኮ ካኣቱሞ ማኣራ ዓኣ ዓሶ ዛሎናኬ።
\p
\v 2 ፆኦሲ ቦንቺንታሢ ዔኤቢ ዓኣቺ ዓርቃያ ማዒፆናኬ፤ ካኣታ ቦንቺንታሢ ጋዓንቴ ዔቦ ዛጊ ፔጋሲፆናኬ።
\p
\v 3 ካኣቲ ማላ ባኮ ኔኤኒ ዔራኒ ዳንዳዑዋሴ፤ ካኣቲኮ ማሊሢ ጫሪንጮጉዲ ዼጋያ፥ ሃሣ ዼኤፖ ባዞ ዋኣፆጉዲ ዔታዻያኬ።
\p
\v 4 ቢሮ ዓንጎፓ ሳልፒፆ ባይዜ፤ ዬካፓ ዓንጎ ሼኤሺ ኮሻሢ ኮሻንዳኔ። 
\v 5 ካኣቲ ቤርታፓ ፑርቶ ዓሶ ሺኢሼ፤ ዒዛኮ ካኣቱማ ፒዜ ዎጌና ዶዲ ናንጋንዳኔ።
\p
\v 6 ኔኤኒ ካኣቲ ቤርታ ዔቃ ዎዶና ሄርሾያና ዔርቴ ዓሲ ማዓኒ ማሊፖ፤ ዼኤፖ ዓሶ ቤዞ ባንሢ ዼግ ዼግ ጋዓኒ ኮይፖ። 
\v 7 ኔኤፓ ባሼ ዓሲም ኔ ቤዞ ኔኤኒ ሃሻንዳጉዲ ሱኡጌ ኔና ዖኦጬም ኔ ቦርሲንታንዳሢዳፓ፦ «ሃኒ ሃይካ ዼጌ ቤዞ ኬስኬ!» ኔ ጌይንቴቴ ቃራኬ። \x - \xo 25፡7 \xo*\xt ሉቃ. 14፡8-10።\xt*\x*
\p
\v 8 ኔኤኒ ማርካዼስካፓ ሜሌ ዓሲ ኔ ማርካታ ዻቢንቴያ ማዔሢ ዔርዜም ኔ ቦርሲንታንዳሢሮ ኔ ዛጌ ባኮ ዛሎ ማርካዻኒ ሩኡሪና ዎጎ ዎጎ ቤዞ ዓኣዺፖ።
\p
\v 9 ኔኤና ኔ ላጋሢና ባኣካ ማርማ ዔቄቴ ዒዛና ዎላ ጌስቲ ዒንሢ ማርሚሳ ባኮ ጊኢጊሻንዳፓዓቴም ሜሌ ዓሲኮ ዓኣሺንቴ ባኣዚ ኬሲፖ። 
\v 10 ኔ ዬያይዲባኣቴ ኔኤኒ ጌኤሲ ዒና ዓርቁዋያ ማዔሢ ዔራ ሜሌ ዓሲ ኔና ዻውሲሳንዳኔ፤ ኔኤኮ ባይቃኒ ዳንዳዑዋ ፑርታ ሱንሢ ኬስካንዳኔ።
\p
\v 11 ዬኖ ዎዶና ፒዜና ጌስቲንቴ ባካ ቢራ ዓንጊ ዑስካ ዎርቄ ፓልሞ ኮሾናጉዲ ሚዛጲ ማዓንዳኔ።
\p
\v 12 ዋይዛኒ ናሽካያ ማዔ ዓሲም ጪንጫ ዓሲ ጎሪ ዞራ ዞሮ ዎርቄ ዱንዶፓ፤ ጊንሣ ሃሣ ቃራ ዎርቄይዳፓ ኮሺንቴ ፓልሞይዳፓ ባሼ ናሽኪንታያ ማዓኔ።
\p
\v 13 ሺሜ ዋኣሢ ዖጎሢና ዼኤቢ ማሃሢጉዲ ጉሙርቂንታ ኪኢታ ዓሲ ዳኬ ዓሢም ዒማዒ ማዓኔ።
\p
\v 14 ዔኤቢ ዒንጉዋያታዖ «ታ ዒንጋኔ» ጌይ ጉሪ ሆኦሊንታ ዓሲ ዒርዚባኣ ሻኣሬና ዢባሬናጉዲኬ።
\p
\v 15 ጊቢ ዳንዳዒሢና ሺኢቲ ጌስቲሢ ዼኤፒ ማኪ ዒፂሢ ሺሚሻኔ፤ ሱኡጌታዖ ማሊፆና ዔኤዓንዳጉዲ ማሃኔ።
\p
\v 16 ሚርጋዖ ኔና ዒሡዋጉዲ ኮይሳሢዳፓ ዑሣ ዓኣሢ ዔኤሲ ሙይፖ፤ 
\v 17 ኔ ዓሺናሢ ማኣሪ ቢያ ኬሊ ዓኣዺፖ፤ ሼናዺ ኔና ዒፃኒ ዳንዳዓኔ።
\p
\v 18 ፔ ላጋሢ ዑፃ ሉኡዙሞና ማርካዻ ዓሲ ጬንቻ ዓፓሮ፥ ኮኦሎ፤ ሃሣ ዋርቂንቴ ሂኢሺጉዲ ዬያ ዓሢ ማኣሳንሣኒ ዳንዳዓኔ።
\p
\v 19 ሜቶ ዎዴና ጉሙርቂንቱዋ ዓሲዳ ጌኤቂንቲሢ ዓጊፃ ዓቺና ዔኤቢ ዻይሢ፤ ሃሣ ቶኪ ሜጌሢ ሜቄንቴ ሃንቲሢጉዲኬ።
\p
\v 20 ዖያ ዓሲም ኮርጊሢ፦ ጪኢሺ ኬሊና ማኣዖ ኬሲሢና ኪሢዳ ዱካ ባኣዚ ዋሂሢናጉዲ ፑርታያኬ።
\p
\v 21 ሞርካሢ ኔኤኮ ናይዺንቴቴ ዒዛ ሙኡዜ፤ ሃሣ ዒዛ ዼኤቤቴያ ዑሼ፤ 
\v 22 ዬያ ኔ ማዼቴ ቦርሲንቲ ታሚና ኔ ዒዛ ሚቻኔ፤ ኔኤም ጋዓንቴ ናንጊና ናንጋ ጎዳ ኔ ማዼ ኮዦ ማዾ ዛሎ ጪጋንዳኔ። \x - \xo 25፡22 \xo*\xt ሮሜ 12፡20።\xt*\x*
\p
\v 23 ኬዶ ዛሎ ዢባራ ዒርዚ ዔኪ ዬዓሢጉዲ ዾንኮዋ ጎሪንቲ ዔኪ ዬዓሢ ዔርቴያኬ።
\p
\v 24 ጎሪንቲ ሺራ ማቾና ዎላ ፔቴ ማኣሪዳ ናንጊሢዳፓ ማኣሮኮ ዙላ ናንጊሢ ቃራኬ።
\p
\v 25 ሃኬ ዓጪዳፓ ሙኬ ኮሺ ሃይሴ ዋይዚሢ ላቤ ዓሲ ሺሜ ዋኣሢ ዑሽኪ ዼኤቢ ማሃሢጉዲ ዎዛሳያኬ።
\p
\v 26 ፑርታ ዓሲኮ ፑርቶ ማዾ ዛጊ ዔካ ኮሺ ዓሲ ዱኡሊንቄ ዓልቃ ዋኣሢጉዲ፤ ጊንሣ ሃሣ ፑርቴ ቦቆሊ ዋኣሢጉዲኬ።
\p
\v 27 ሚርጌ ዔኤሲ ሙይሢ ኮሺቱዋሴ፤ ዬያጉዲ ሃሣ ዓሲዳፓ ቦንቾ ዴንቃኒ ኮይሢያ ዓሲ ቦንቺሱዋሴ።
\p
\v 28 ዻጎ ኔኤኮ ኔ ቃዛኒ ዳንዳዒባኣቴ ቃዛ ቲኢሢባኣያ፤ ሃሣ ሞርኬም ፔጋዼ ካታማጉዲ ኔኤኒ ማዓንዳኔ።
\c 26
\p
\v 1 ሻቺ ዖጎሢ ዓጊኒና፥ ዒርዚ ሃሣ ማኣሊ ቡሪሢና ኮይሱዋኣሢጉዲ ዔኤያ ዓሲም ቦንቾ ኮይሱዋሴ።
\p
\v 2 ካፓ ሴካ ሃንጋ ባራናዖ ፔቴታዖ ሜቶ ኔጊዳ ሄሊሳኒ ዳንዳዑዋኣሢጉዲ ጉሪ ጋዳማ ፔቴታዖ ሜቶ ኔጊዳ ሄሊሳዓኬ።
\p
\v 3 ፓሮ ጳርቂሢ፥ ባቁሎ ቢፃልቂሢ ኮይሳሢጉዲ ቤልፃ ዓሲም ጳዺ ኮይሳኔ።
\p
\v 4 ፓሡዋ ዖኦጪሢ ኔና ዖኦጫ ዔኤያ ዓሲም፥ ኔኤኒያ ዒዛጉዲ ማዑዋጉዲ ማሂ ዒዛም ኬኤዚፖ።
\p
\v 5 ጋዓንቴ «ታ ዔራኬ» ጌይ ሙኩዋጉዲ ዒዚ ዔኤያ ማዔሢ ፔጋሲ ዒዛም ማሂ ኬኤዜ።
\p
\v 6 ዔኤያ ዓሲ ኪኢታሮ ዳኪሢ ፔ ቶኮ ቲቂሢጉዴያ፤ ሃሣ ዎዻ ዼኤሻ ዑሽኪሢጉዲኬ።
\p
\v 7 ዔኤያ ዓሲኮ ኮኦኪንሢና ጌስቲፃ ዎቦ ዓሲ ዎቦ ቶኮና ሃንታሢጉዴያኬ።
\p
\v 8 ዔኤያ ዓሲ ቦንቺሢ ሹቺ ዎራይዳ ዓይሢ ቱኪ ዎራኒ ማሊሢጉዴያኬ።
\p
\v 9 ዔኤያ ዓሲኮ ኮኦኪንሢና ኬኤዚፃ ማሢንቴ ዓሲ ፔኤኮ ኩጫ ጫርጌ ዓንጊሢ ኬሳኒ ላባሢጉዴያኬ።
\p
\v 10 ጎይሢና ዓኣዻ ዔኤያ ዓሲ፤ ጊንሣ ሃሣ ማሢንቴ ዓሲ ቢያ ማዾም ዔኪ ማዺሻ ሱኡጌ ዴንቄ ዓሲ ቢያ ሂኢሺና ዱካ ዓሲጉዲኬ።
\p
\v 11 ፔኤኮ ዔኤያቶ ላሚ ላሚ ፔጋሲ ዻዋ ዔኤያ ዓሲ ፔ ጮኦሽኬ ጮኦዦ ጊንሣ ሙዓ ካኒጉዲኬ።
\p
\v 12 ፔ ማሊፆና ዔራ ማዔያ ማላ ዓሢዳፓ ዔኤያ ዓሲኮ ሃጊ ማዓ ዎዛ ዓኣኔ። 
\v 13 ቤልፃ ዓሲ፦ «ዞቢ ጎይፆይዳ ዓኣኔ፤ ኮሺ ዒጊቻ ዞቢ ዳልጎ ጎይፆይዳ ሃንታኔ» ጋዓኔ።
\p
\v 14 ካሮ ሳንቃ ጳንጪንታ ዓንጎይዳ ሺራሢጉዲ ቤልፃ ዓሲ ፔኤኮ ሻኣሎይዳ ሴካ ሃንጋ ሺሪ ሺሪ ላሂሢ ሚርጊሻኔ።
\p
\v 15 ፔቴ ፔቴ ዓሳ ኮሺ ቤልፃኬ፤ ሜሌዓቴም ዔያታ ዓንዳ ኩጮ ዳኬሢ ማሂ ዔኪ ካሦ ኩኡሊፃ ዔያቶ ባባሻኔ።
\p
\v 16 ቤልፃ ዓሲ ጊዳያ ማዓ ላንካይ ዓሲ ማርካዻያፓ ዒዚ ባሼ ማሊ ጶቂሣ ዓሲ ማዔያ ዒዛም ማላኔ።
\p
\v 17 ኔና ኮይሱዋ ባኣዚዳ ጌሊ ማርሚሢ ጎይሢና ዓኣዻ ካኒኮ ዋይዚ ዓርቂሢጉዲኬ።
\p
\v 18-19 ዓሲ ጌሺጋፓ «ታ ዓማሊ ማዼኔ» ጋዓ ዓሲ ፑርታ ዖልዚ ዓንጋሞና ዓማላ ዣኣዦ ዓሲጉዲኬ።
\p
\v 20 ሃንፂሌ ባኣቴ ታሚ ሃሃይቃኔ፤ ኬኤሴ ዓሲ ባኣቴ ዑራ ባይቃኔ።
\p
\v 21 ቃኣጫ ቄንሢ፤ ሃንፂሌ ሃሣ ታሚ ዔኤሣሢጉዲ ዑራ ማዣ ዓሲ ዑራ ዳልጊሻኔ።
\p
\v 22 ኬኤሴ ዓሲኮ ሃይሳ ዓኣሢ ሙኡዚጉዲ ኮሽኪ ኮሽኪ ኬዲ ዑፆኮ ጋሮ ጌላኔ።
\p
\v 23 ዒኖ ጋሮና ፑርቱሞ ዓኣንቴ ዻንጎና ሺኢቲ ጌስታ ዓሲ ዙላ ሚዛጳ ቢራ ዓንጊ ሼኤሾናያና ቲሽኪ ሚዛጲሶና ዓጪፓ ኮሾና ሜሄጉዴያኬ።
\p
\v 24 ጌኔ ዓሲ ዻንጋና ጌሻኔ፤ ፔኤኮ ዒኖና ጋዓንቴ ጌኖ ማሊፆ ሱካኔ። 
\v 25 ዒዛኮ ዒና ዒሡሞና ኩሜያ ማዔሢሮ ጌሻ ዑኡሲና ኔና ዒ ሳልማሴቴ ዒዛ ጉሙርቂፖ፤ 
\v 26 ዒዚ ፔኤኮ ዒፂፆ ዓኣቼያታቴያ ዒ ማዻ ፑርቶ ማዻ ዓሲ ቢያኮ ቤርታ ፔጋኣኬ።
\p
\v 27 ሜሌ ዓሲም ፒሮ ፒራ ዓሳ ፔኤሮ ዬያና ዓርቂንታንዳኔ፤ ዓሶይዳ ዔያታ ኮላሲ ዳካ ሹዋ ማዒ ጊንሣ ዔያቶ ዳኣፃንዳኔ።
\p
\v 28 ሉኡቃ ዓሲ ዒዚ ሉኡቂ ኬኤዛ ዓሶ ዒፃኔ፤ ሃሣ ጌኔ ማዾ ዔያቶም ማዻኔ።
\c 27
\p
\v 1 ኬሊ ዔኪ ሙካ ባኣዚ ዔርቱዋኣሢሮ ዚሮ ማዓንዳ ባኣዚና ሄርሺንቲፖ። \x - \xo 27፡1 \xo*\xt ያይ. 4፡13-16።\xt*\x*
\p
\v 2 ሜሌ ዓሲ ኔና ጋላታንዳኣፓዓቴም ኔኤኒ ኔና ጋላቲፖ፤ ዓሲ ኔ ዛሎ ማርካዻንዳኣፓዓቴም ኔኤኒ ኔ ዛሎ ኮሹሞ ኬኤዚፖ።
\p
\v 3 ሹቺና ማኣሻላና ዴኤሢኬ፤ ዔኤያ ዓሲ ዔቂሳ ዻጋ ጋዓንቴ ዬያይዳፓ ባሼ ዴኤፃኔ።
\p
\v 4 ዻጋ ሚጪንቲሢ ባኣያ፥ ሃሣ ሮኦጋዻያ ማሃኔ፤ ቂኢሩሞ ጋዓንቴ ዻጋፓ ባሼኬ።
\p
\v 5 ፔጌና ጎሪ ኬኤዚንታ ዞሮ ዓኣሺንቴ ናሹሞይዳፓ ቃራኬ።
\p
\v 6 ላጌኮ ጌኤሲና ዖዪሲሢ ኮሹሞምኬ፤ ሞርኬኮ ሄሢ ጋዓንቴ ባይዛኒኬ።
\p
\v 7 ሚሺ ዓሲ ዔኤሲ ናሹዋሴ፤ ናይዼ ዓሲም ጋዓንቴ ጫንቺባኣዚታዖ ዓዓኣፃኔ።
\p
\v 8 ፔ ማኣሮፓ ሃኪ ዓኣዻ ዓሲ ማኣራፓ ሃኪ ዴንዲ ጉሪ ባራኒ ሺራ ካፒ ማዓኔ።
\p
\v 9 ሳውቃ ቲሺና ቃራ ሳውሞ ዓኣ ዑንጄና ዓሲም ኮሽካሢጉዲ ላጌኮ ዞሮ ዬያጉዲ ዎዛሳኔ።
\p
\v 10 ኔ ላጌ ማዔያ፥ ሃሣ ኔኤኮ ዓዶ ላጌ ማዔያ ዋሊፖ፤ ሜታ ኔና ሄላዛ ኔ ጌርሲ ኔና ማኣዶም ኮዒ ዓኣዺፖ፤ ሃኬ ዓኣ ጌርሲዳፓ ዑኬ ዓኣ ዓሺኒ ማማኣዳኔ።
\p
\v 11 ታ ናዓሢዮ! ዔራ ኔ ማዔቴ ታና ዎዛሳኔ፤ ታና ጫሽካሢም ቢያ ታኣኒ ማሂ ኬኤዛ ባኣዚ ዓኣኔ።
\p
\v 12 ጪንጫ ዓሲ ሜታ ሙካሢ ዛጋዖ ዓዓኣሺንታኔ፤ ማሊ ጶቂሥሢ ፓጬ ዓሲ ጋዓንቴ ዬያ ሜቶይዳ ጌሌስካፓ ጊንፃ ዖያኔ።
\p
\v 13 ዓይጎ ዓሲያ ዔርቱዋ ዓሲም ዋኣሴ ጌሌቴ ማኣዓሢ ዒዛኮ ዔኬ፤ ዬያ ዔርቱዋ ዓሢኮ ዓይሢ ባኣዚ ማዓንዳጉዲ ኔ ኮይላ ጌሤ።
\p
\v 14 ጉቴ ዓሚ ዼግ ጌዔ ዑኡሲና ፔኤኮ ዓሺኖ ዔኤሎ ዔኤሊሢ ዓዳ ጋዳማ ማዒ ፓይዲንታኔ።
\p
\v 15 ጎሪንቲ ሺራ ማቻ ፆዻ ማኣሪጉዲኬ፤ 
\v 16 ዢባሬ ቃዛኒ፥ ጊንሣ ሃሣ ዛይቴ ቲሺያ ኩቺና ዱኡሚ ዓርቂንቱዋኣሢጉዲ ዬኖ ላኣሌሎ ዚቲዳኒ ዳንዳዒንቱዋሴ። 
\v 17 ዓንጊ ዓንጊ ዴንሣሢጉዲ ዓሲያኣ ፔቴይ ባጋሢዳፓ ዔኤቢ ዔራኔ።
\p
\v 18 ቤሌሴ ሚፆ ኮሺ ዛጊ ኔኤኒ ዓርቄቴ ዒዞኮ ዓኣፖ ኔኤኒ ሙዓንዳኔ፤ ፔኤኮ ዎይሣሢኮ ቶኦኮ ዛጋ ማዻሢያ ቦንቺንታንዳኔ።
\p
\v 19 ዋኣሢ ሌማሌኤሼጉዲ ዓኣፖ ካሮ ኔኤኮ ቤኤዛሢጉዲ ኔኤኮ ዒና ሌማሌኤሼ ማዒ ኔና ማሂ ዻዋኔ።
\p
\v 20 ሃይቢና ዱኡፒና ኑኡም ጊዴኔ ጎዑዋኣሢጉዲ ዓሲ ማሊሢያ ዒማጉዲኬ።
\p
\v 21 ዎርቄንታ ቢሮ ዓንጎንታ ታሚና ዛጊንቲ ዔያቶኮ ጌኤሹማ ዔርታሢጉዲ ዓሲኮዋ ኮሹማ ዒዛ ጋላቲንታ ጋላቶ ዔካ ጎይፆና ዛጊንቲ ዔርታኔ።
\p
\v 22 ሃኣኮ ዑዳይዳ ዑዲንታሢጉዲ ዔኤያ ዓሲ ሃይቃንዳያ ሄላንዳኣና ጳርቄቴያ ዔኤያቶ ዒዛይዳፓ ባይዛኒ ኔኤኒ ዳንዳዑዋሴ።
\p
\v 23 ማራቶ ኔኤኮ ኮሺ ዛጊ ዔሬ፤ ባኣቶኮዋ ኔኤኮ ቶኦኮ ኮሺ ዛጌ። 
\v 24 ቆሎ ቢያ ዎዴ ናንጋ ባኣዚቱዋሴ፤ ሃሣ ካኣታኣ ናንጊና ናንጋያቱዋሴ። 
\v 25 ማኣታ ባቃሊ ኬስኩዋንቴ ሃንጎ ማኣቶ ዎዼ፥ ዹኮይዳ ዋርቂ ዓኣ ማኣቶዋ ዎዺ ዔኪ ዬይ ቡኩሴ፤ 
\v 26 ኔ ዬያይዴቴ ማራታ ኔኤኮ ዓፒላ ኮሾንዶ ጋፓኔ ኔኤም ኬሳንዳኔ፤ ዋኣሮይዳፓኣ ዛላ ሻንቺ ጎሺ ሻንቆንዶ ሚኢሼ ኔኤኒ ዴንቃንዳኔ። 
\v 27 ዓቴ ዋኣራ ኔኤና ኔ ማኣሮ ዓሶናም፤ ጊንሣ ሃሣ ማዾ ማዻ ላኣሎማኣ ጊዳንዳ ዲኢቂ ሶርቃንዳኔ።
\c 28
\p
\v 1 ጎሜ ዓሲ ዖኦኒያ ዔያቶ ዳውሱዋንቴ ጳሽካኔ፤ ኮሺ ዓሲ ጋዓንቴ ዓዳ ዞቢጉዲ ጫርቃኔ።
\p
\v 2 ፔቴ ዴሬ ዋይዚ ዒፃያ ማዓዛ፥ ሱኡጌ ዔያቶ ላኣሚንቲ ላኣሚንቲ ዎይሣኔ፤ ዔራና ማሊ ጶቂሣ ሱኡጌና ዓኣያ ማዓዛ ጋዓንቴ ሚርጌ ሌዔ ዶዲ ዴሬ ማዓኔ።
\p
\v 3 ማንቆ ዓሶ ሄርቂ ዎይሣ ሱኡጌ ሃኣኮ ባቃሊ ዲርካቺ ባይዛ ዼኤፒ ዒርዚጉዴያኬ።
\p
\v 4 ዎጎ ቦንቹዋ ዓሳ ፑርቶ ዓሶ ጋጋላታኔ፤ ዎጎ ቦንቻ ዓሳ ጋዓንቴ ፑርቶ ዓሶ ማኪ ዒፃኔ።
\p
\v 5 ፑርቶ ዓሳ ፒዜ ዎጌ ዓይጎታቴያ ዔሩዋሴ፤ ናንጊና ናንጋ ጎዳ ኮዓ ዓሳ ጋዓንቴ ጉቤና ዒዛ ማሊ ጶቂሣኔ።
\p
\v 6 ዖርጎቺታዖ ጌሻያ ማዓ ዓሲዳፓ ማንቆታዖ ጉሙርቂንታ ዓሲ ማዒሢ ኮሺኬ።
\p
\v 7 ዎጌ ቦንቻ ናይ ዔራ ናይኬ፤ ፓሡዋኣያ ማዓዞሢና ዎላ ላጌ ማዓ ናይ ጋዓንቴ ፔኤኮ ዓዶ ዻውሲሳኔ።
\p
\v 8 ሚኢሼ ሾይቺና ማሆም ታልዓሢና ዓሲኮ ዔኤቢ ቡሪ ዔኪ ቦንቺንታ ዓሲኮ ቆላ ቢያ ማንቆ ዓሶም ዒንጋ ዓሲም ዒንጊንታኔ።
\p
\v 9 ፔቴ ዓሲ ዎጌ ቦንቹዋያ ማዔቴ ሺኢጲፃ ዒዛኮ ፆኦሲ ቤርታ ሻኣካያ ማዓኔ።
\p
\v 10 ጎኔ ዓሲ ጌሺ ዔኪ ፑርታ ባንሢ ዓኣዻሢ ዒ ፒሬ ፒራሢዳ ዓርቂንታኔ፤ ጌኤሺ ዓሲ ጋዓንቴ ኮዦ ማዾ ዛሎ ዒንጎ ባኮ ዴንቃንዳኔ።
\p
\v 11 ዖርጎቺ ዓሲ ቢያ ዎዴ ዔሮ ማዔያ ዒዛም ማላኔ፤ ማሊ ጶቂሣያ ማዔ ማንቃሢ ጋዓንቴ ዬያ ዓሢ ዛጊ ዔዔራኔ።
\p
\v 12 ኮዦ ዓሳ ባሻ ዎዶና ዓሲ ቢያ ዎዎዛዻኔ፤ ፑርቶ ዓሳ ቢታንቶ ዓርቃ ዎዶና ጋዓንቴ ዓሲ ቢያ ዖዪሢና ቶኦኪ ሱሊሳኔ።
\p
\v 13 ፔኤኮ ጎሞ ዓኣቻሢም ናንጊ ጊኢጉዋሴ፤ ፔኤኮ ጎሞ ቡኡፃዖ ላሚ ጎሜ ማዺሢ ሃሻሢ ጋዓንቴ ፆኦሲኮ ማኣሪፆ ዴንቃንዳኔ።
\p
\v 14 ቢያ ዎዴ ናንጊና ናንጋ ጎዳ ዒጊጫ ዓሲ ዓንጂንቴያኬ፤ ዒፃያ ማዔ ዓሲ ጋዓንቴ ሜቶይዳ ኬዳንዳኔ።
\p
\v 15 ማንቆ ዓሶ ሄርቂ ዎይሣ ሱኡጌ ጉዻ ዞቢና ናይዺንቲ ሙዖ ፔኤኮ ኬማኒ ካቲ ዴዔ ዲቤ ጌይንታ ቦዖጉዴያኬ።
\p
\v 16 ማሊ ጶቂሥሢ ፓጬ ሱኡጌ ቡራያና ቂኢራያና ማዓኔ፤ ቡሪሢ ዒፃ ሱኡጌ ጋዓንቴ ሚርጌ ዎዴ ዎይሣንዳኔ።
\p
\v 17 ዓሲ ዎዼ ዓሲ ሃይቃንዳያ ሄላንዳኣና ጳሽኪ ጳሽኪ ናንጋኔ፤ ዓይጎ ዓሲያ ዒዛ ፔ ባንሢ ዑኪሱዋሴ።
\p
\v 18 ጉሙርቂንታያ ኔ ማዔቴ ኮሺና ናንጋንዳኔ፤ ዎቦ ዓሲ ማዔቴ ጋዓንቴ ዑኬና ኔኤኒ ሎኦማንዳኔ።
\p
\v 19 ጎሺ ዶዲ ጎሽካ ዓሲኮ ጊዳ ሙኡዚ ዓኣያ ማዓኔ፤ ዎዶ ፔኤኮ ጉሪ ጋፒሳ ዓሲ ጋዓንቴ ቢያ ዎዴ ማንቄ ጎይሣ ናንጋንዳኔ።
\p
\v 20 ጉሙርቂንታ ዓሲኮ ዎዛና ኩሜ ናንጊ ዓኣያ ማዓንዳኔ፤ ዖርጎቺ ማዓኒ ጎጋይቃ ዓሲ ጋዓንቴ ሜታ ሄላኔ።
\p
\v 21 ዎጎ ዎቢሲሢና ፔቴሢ ማኣዲፃ ኮይሳያቱዋሴ፤ ፔቴ ፔቴ ዓሲ ጋዓንቴ ካሣ ቡንፂሢ ዴንቃኒ ጋዓዖ ፔቴሢ ዛላ ማዓኔ።
\p
\v 22 ዱኡዺ ዓሲ ዖርጎጫኒ ሩኡራኔ፤ ማንቃቶ ዑኬና ሙካሢ ዔሩዋሴ።
\p
\v 23 ዓሲ ሳልማሲሢዳፓ ዞሪ ዞሪ ጎራ ዓሢ ጋፒንፆይዳ ዬይ ዓሢ ጋላታንዳኔ።
\p
\v 24 ፔ ዓዶና ፔ ዒንዶናፓ ዉኡቂ፦ «ታኣኒ ጎሜ ማዺባኣሴ» ጋዓ ዓሲ ዓይጎ ባኣዚያ ማዖም ፑርቲሴ ዓሲዳፓ ዱማቱዋሴ።
\p
\v 25 ዱኡዺ ዓሲ ዑራ ማዣኔ፤ ናንጊና ናንጋ ጎዳ ጉሙርቃ ዓሲ ጋዓንቴ ዖርጎጫኔ።
\p
\v 26 ፔና ጉሙርቃ ዓሲ ዔኤያኬ፤ ዔራቶና ዓኣዻ ዓሲ ጋዓንቴ ኮሺ ናንጊ ናንጋኔ።
\p
\v 27 ማንቆ ዓሲም ዒንጋሢ ሜታዺንዱዋሴ፤ ማንቆ ዓሶ ዛጎ ዒፂ ዓኣፖ ካሮ ሺርሻሢ ጋዓንቴ ዓሳ ጋዳንቄ ዓሲ ማዓንዳኔ።
\p
\v 28 ፑርቶ ዓሳ ሱኡጌ ማዒ ዶኦሪንታዛ ዓሳ ዓዓኣሺንታኔ፤ ዔያታ ኬዳ ዎዶና ጋዓንቴ ፂሎ ዓሳ ሚርጊ ናንጋኔ።
\c 29
\p
\v 1 ሚርጌ ዎዴ ጎሪ ዞሮናንቴ ዋይዞ ዒፄ ዓሲ ዔርቲባኣንቴ ሜቃኔ፤ ፓሣንዳ ባኣዚያ ባኣያ ማዓኔ።
\p
\v 2 ኮዦ ዓሳ ሱኡጌ ማዒ ዶኦሪንቴ ዎዶና ዴራ ዎዎዛዻኔ፤ ፑርቶ ዓሳ ሱኡጌ ማዒ ዶኦሪንታኣና ጋዓንቴ ዴራ ማሊ ሜታዻኔ።
\p
\v 3 ዔራቶ ናሽካ ዓሲ ፔ ዓዶ ዎዛሳኔ፤ ዞኦዛ ኮኦማ ላኣሎ ጊንፆ ሃንታሢ ጋዓንቴ ፔኤኮ ቆሎ ላላኣላኔ።
\p
\v 4 ካኣታ ፒዜ ዎጌ ዎቡዋጉዲ ማሃ ዎዶና ዓጮ ፔኤኮ ዶዲሻኔ፤ ዴሮ ቡራ ሱኡጌ ጋዓንቴ ዓጮ ፔኤኮ ባይሲንታ ባንሢ ዔኪ ዓኣዻኔ።
\p
\v 5 ፔኤኮ ላጎ ሳልማሳ ዓሲ ዬያቶኮ ቶኮም ፒሮ ፒራኔ።
\p
\v 6 ፑርታ ዓሲ ዒዛኮ ጎማ ፒሮ ማዒ ዓርቃኔ፤ ኮሺ ዓሲ ጋዓንቴ ፆኦሲ ቦንቾም ዓይናዺ ዓይናዺ ዎዛዻኔ።
\p
\v 7 ኮሺ ዓሲ ማንቆ ዓሶም ፒዜ ዎጌ ዎጊንታንዳጉዲ ማሊ ሜታዻኔ፤ ፑርቶ ዓሳ ጋዓንቴ ዬያጉዴ ባኮ ዔኤቢኬ ጎዑዋሴ።
\p
\v 8 ሜሌ ዓሶ ዛሎ ዔኤቢኬ ጎዑዋ፥ ቦሂ ሺራ ዓሳ ካታሞይዳ ዣሎ ማዣኔ፤ ዔሮ ዓሲ ጋዓንቴ ዱኡላዼ ናንጎ ማሂ ጊንሣ ጊኢጊሻኔ።
\p
\v 9 ዔራ ዓሲ ዔኤያ ዓሲ ዎጌና ዓይሢሲ ዎጎ ማኣሪ ሺኢሼቴ ዔኤያሢ ጎሪንቲ፤ ሃንጎ ሚኢጪ ጌኤዞ ፑርቲሳኔ።
\p
\v 10 ሼምፔ ዎዻ ዓሳ ጌኤዦ ዓሶ ዒፃኔ፤ ኮዦ ዓሶዋ ዎዻኒ ኮዓኔ።
\p
\v 11 ዔኤዮ ዓሢ ፔኤኮ ዻጎ ዒኖ ፔጋሲ ዔርዛኔ፤ ዔራ ዓሲ ጋዓንቴ ፔኤኮ ዻጎ ጊቢ ዳንዳዒሢና ቃዛኔ።
\p
\v 12 ፔቴ ሱኡጌ ሉኡዙሞ ሃይሴ ዔካያ ማዔቴ ዒዛኮ ዶንዞ ማዔ ቢታንታ ዓኣ ዓሳ ቢያ ጌኔ ማዻ ዓሲ ማዓኔ።
\p
\v 13 ማንቃሢና ዒዛ ሄርቂ ዎይሣሢናም ዓኣፖ ፖዖ ዒንጋሢ ፆኦሲ ማዔሢሮ ቢያሢ ፖዖና ሄኮ ዛጋኔ።
\p
\v 14 ፔቴ ካኣቲ ማንቆ ዓሶም ፒዜና ዎጋያ ማዔቴ ሚርጌ ሌዔ ዒዚ ዎይሣኔ።
\p
\v 15 ናይ ጎሪሢና ሻርሺሢና ዔራቶ ዴንቂሳኔ፤ ናይ ዳኪ ሃሾም ዲጫያ ማዔቴ ጋዓንቴ ፔ ዒንዶ ቦርሲሳኔ።
\p
\v 16 ፑርታ ዓሲ ቢታንቶ ዓርቃዛ ዎጌ ሄርቂሢ ሚርጋኔ፤ ኮሺ ዓሲ ጋዓንቴ ፑርቶ ዓሶኮ ሎኦማሢ ዛጉዋዖ ሃይቁዋሴ።
\p
\v 17 ናዖ ኔኤኮ ሻርሼ፤ ሃውሾና ኮሹሞና ኔኤኒ ዴንቂ ዎዛዻንዳኔ።
\p
\v 18 ፆኦሲ ፔጋሲ ዻዋ ባኣዚ ባኣቴ ዴሬ ዳኪ ሃሾናያ ማዓኔ፤ ፆኦሲኮ ዎጎ ቦንቻ ዓሢ ጋዓንቴ ዓንጂንቴያኬ።
\p
\v 19 ፔቴ ዓይሌ ዻንጋ ዞሪሢና ሌሊ ኮሻኒ ዳንዳዒንቱዋሴ፤ ኔ ዒዛም ጋዓ ባካ ዔርቴታቶዋ ዒ ኔኤም ዓይሢንታዓኬ።
\p
\v 20 ማሊ ዔኩዋዖ ሩኡሪና ጌስታ ዓሲዳፓ ባሼ ዔኤያሢኮ ሃጊ ማዓ ዎዛ ዓኣኔ።
\p
\v 21 ፔቴ ካራሚ ናኣቱሞፓ ዓርቃዖ ዖቶርቂ ዲጬቴ ጋፒንፃ ዒዛኮ ኮሽኩዋሴ።
\p
\v 22 ዻጋ ዓሲ ዑራ ማዣኔ፤ ዑኬና ዻጋዻ ዓሲ ሚርጌ ዻቢንቲ ማዾ ማዻኔ።
\p
\v 23 ሄርሺንቲ ሎሎንሣኔ፤ ሼሌዔ ኔኤኒ ማዔቴ ጋዓንቴ ቦንቺንታንዳኔ።
\p
\v 24 ዉሲና ዎላ ፔቴ ማዓ ዓሲ ፔና ዒፄ ዓሲኬ፤ ዒዚ ጫኣቄቴያ ጎኔ ባኣዚ ዒ ኬኤዙዋሴ።
\p
\v 25 ዓሲ ዒጊጫሢ ሜቶይዳ ኬዳኔ፤ ናንጊና ናንጋ ጎዳ ጉሙርቃሢ ጋዓንቴ ኮሺና ናንጋኔ።
\p
\v 26 ሚርጌ ዓሲ ቢታንታ ዓኣ ዓሶፓ ማኣዶ ኮዓኔ፤ ፒዜ ዎጌ ጴዻሢ ጋዓንቴ ናንጊና ናንጋ ጎዳይዳፓ ሌሊኬ።
\p
\v 27 ፑርቶ ዓሶ ኮዦ ዓሳ ዒፃኔ፤ ሃሣ ኮዦ ዓሶዋ ፑርቶ ዓሳ ዒዒፃኔ።
\c 30
\s1 ዓጉሬ ጌይንታ ዓሢ ኬኤዜ ባኮ
\p
\v 1 ማሳ ዓጮ ዓሢ፥ ያቄ ናኣዚ፥ ዓጉሬ ዒናፓ ኬኤዜ ሃይሳ ሃካፓ ዴማ ኬኤዚንታ ጎይፆኬ፦
\q «ፆኦሲ ታኣና ዎላቱዋሴ፤
\q2 ጎኔና ፆኦሲ ታኣና ዎላቱዋሴ፤
\q2 ዬያሮ ታና ማኣዳያ ታ ባይዚ ሃጊ ማዓ ዎዛ ታኣኒ ቲቄኔ።
\q
\v 2 ዓሲ ማዒፃ ታኣኮ ጋፔም ቆልሞ ታኣኒ ማዔኔ፤
\q2 ዓሲኮ ዓኣያ ማዓኒ ኮይሳ ማሊ ጶቂሳ ዒኔ ታኣኮ ባኣሴ።
\q
\v 3 ፔቴታዖ ዔራቶ ታኣኒ ዔሪባኣሴ፤
\q2 ፆኦሲ ዛላ ታ ዔራ ዓይጎ ባኣዚያ ባኣሴ።
\q
\v 4 ሌካ ጫሪንቺ ኬስኪ ጊንሣ ኬዴሢ ዖናዳይ?
\q2 ዢባሬ ኩቺና ዱኡሚ ዓርቄያ፥
\q2 ሃሣ ዋኣሢ ፔኤኮ ዓፒላ ዖሼያ፥
\q ዓጫ ማዔ ካሮና ማሂ ዶዲሼሢ ዖናዳይ?
\q2 ዬያ ዓሢኮ ሱንፃ ዖናዳይ?
\q2 ናዖ ሱንፃ ዒዛኮ ዖና ጌይንታይ?
\q2 ኔኤኒ ዔራቶ ታኣም ኬኤዜ።
\p
\v 5 «ፆኦሲ ኬኤዛ ቃኣላ ቢያ ጎኔኬ፤ ዒዛ ጉሙርቃሢም ቢያ ዒዚ ጊቲማኬ። 
\v 6 ዒዚ ጌይባኣ ባኣዚ ‹ዒ ጌዔኔ› ኔ ጌዔቴ ዒ ኔና ጎራኔ፤ ኔ ሉኡዚ ዓሲ ማዔሢያ ኔኤኮ ፔጋዺ ዔርታንዳኔ።»
\s1 ሜሌ ሚርጌ ኮኦኪንሢ
\p
\v 7 ናንጊና ናንጋ ጎዳሢዮ! ታኣኒ ሃይቃንዳሢኮ ቤርታ ሃካፓ ዴማ ዓኣ ላምዖ ባኮንሢ ኔ ታና ላኣጉዋጉዲ ታ ኔና ሺኢቃኔ፦
\p
\v 8 ማልቴና ሉኡዙሞና ጌኤሲናፓ ታና ካፔ፤ ታኣም ኮይሳሢጉዴያ ሙኡዚ ኔ ዒንጋንዳማፓ ዓታዛ ዖርጎቺ ሃንጎ ማንቆ ታና ማሂፖ።
\p
\v 9 ሚርጌ ቆሎ ታኣኮ ዓኣቴ፦ «ናንጊና ናንጋ ጎዳ ዖናዳይ» ጌይ ታ ኔና ዔሩዋሴ ጋዓንዳኔ፤ ጊንሣ ሃሣ ማንቆ ታኣኒ ማዔቴ ዉኡቃንዳያናንዳኔ፤ ዬያይዲፆና ኔና ታኣኮ ፆኦዛሢኮ ሱንፆ ታኣኒ ጫሽኪሳንዳኔ።
\p
\v 10 ኔ ጋዳንቂንቱዋጉዲና ሜቶይዳ ኔኤኒ ኬዱዋጉዲ ፔቴ ዓሲም ማዾ ማዻሢ ማዺሻሢ ቤርቶይዳ ዾንኪፖ።
\p
\v 11 ፔኤኮ ሾዔ ዓዶንሢ ጫሽካያ፤ ሃሣ ዒንዶንሢያ ጋላቱዋ ዓሲ ዓኣኔ።
\p
\v 12 ዔያታ ጎሜና ዓኣያታዖ ጌኤሺ ማዔያ ዔያቶም ማላ ዓሲ ዓኣኔ።
\p
\v 13 ዑሣ ዓኣዼ ዖቶርቃያና ዓሲ ቶኦቻ ዓሲ ዓኣኔ።
\p
\v 14 ዓጫ ዔያቶኮ ጬንቻ ዓፓሮጉዲ፥ ባንጋላኣ ዔያቶሲ ቁምፓይቴ ማዒ ማንቆ ዓሶንታ ሜታዼ ዓሶንታ ጌኔና ቡራ ዓሲ ዓኣኔ።
\p
\v 15 ቁሉሢኮ፦ «ታኣም ዒንጌ! ዒዒንጌ!» ጌይ ጌይ ዒላታ ላምዖ ዉዱሮ ናይ ዓኣኔ፤
\p ዬያጉዲ ሃሣ ፔቴታዖ ሚሽኩዋያና «ኑኡም ጊዴኔ» ጎዑዋ ሃይሦ ባኣዚ ዓኣኔ፤ ዬንሢ ሌሊቱዋንቴ ዖይዶ ባኣዚኬ፦ 
\v 16 ዬንሢያ፦
\q «ዱኡፒ፥ ናይ ሾዓኒ ዓፃዻ ዞኦኮ ላኣሊ፥
\q2 ዒርዚ ዋርቃዛ ዎዑዋ ሳዓና
\q2 ዎዺንታኒ ዳንዳዑዋ ካይዚ ዓርቄ ታሚናኬ።»
\p
\v 17 ፔኤኮ ዓዶ ቶኦቻያና ዒንዳኣ ጋርቻዛ ዒዞ ቦሃ ዓሲኮ ማጊዳ ናንጋ ቁራካ ዓኣፖ ዒዛኮ ቆሂ ቆሂ ኬሳንዳኔ፤ ሃሣ ሃምፑራኣ ዒዛ ሙዓንዳኔ።
\p
\v 18 ታኣኒ ማሊ ጶቂሣኒ ዳንዳዑዋ ሚርጌና ዓኣሺንቴያ ማዔ ሃይሦ ባኣዚ ዓኣኔ፤ ዬንሢ ሌሊቱዋንቴ ዖይዶ ባኣዚኬ።
\p
\v 19 ዬንሢያ፦
\q «ጫሪንጫ ባራና ኮኦኬ፥
\q2 ላሌ ዑሢዳ ሃንታ ሾኦሺ፥
\q2 ባዚ ዑሢዳ ሃንታ ዋኣሢ ካኣሚሌና
\q2 ላኣሊ ናሽኪ ላጌሦ ዓርቄ ዓቲንቄናኬ።»
\p
\v 20 ጉሙርቂንቱዋ ማቾ ዛላኣ ዒማጉዲኬ፤ ዔኤቢ ሙዓዖ ሙሱሮ ዑጫ ዓሲጉዲ ዒዛ ዓኒ ዒዞኮ ዓኣንቴ ዞኦዜይዳ ኮኦሚጋፓ ጌኤሺ ዓሲ ፔና ማሊሲሢና፦ «ፔቴታዖ ዻቢንቲ ባኣዚ ታኣኒ ማዺባኣሴ» ጋዓኔ።
\p
\v 21 ሃይሦ ባኣዚ ዛላና ሳዓ ዓጊፃንዳኔ፤ ዬያ ኔኤኒ ጊቢ ዳንዳዒንዱዋሴ፤ ሃይሦ ሌሊቱዋንቴ ዖይዶኬ፤
\q
\v 22 ዬንሢያ፦ «ካራሚ ካኣታዻዛ፥ ቦኦዛ ዓሲ ሚሽካዛ፥
\q
\v 23 ዒፂንቴ ላኣሊ ዓሲም ሌዓዛ፤
\q2 ላኣሊ ካራሚታዖ ማኣሮ ዒንዶ ቤዛ ማቾ ማዓዛኬ።»
\p
\v 24 ዓጪዳ ጪንጩሞና ዔርቴ ዖይዶ ዻካ ዻካ ማዢንቲ ዓኣኔ፤
\q
\v 25 ዬንሢዳፓ ፔታሳዖ ዓንኮ፤
\q2 ዓንካ ዻካ ባኣዚኬ፥ ጋዓንቴ ዔያታ ፔኤኮ ሙዖ ዖጎፆና ቡኩሳኔ።
\q
\v 26 ላምዓሳዖ ሾኦኖ፤ ሾኦና ዶዲ ቦዖቱዋሴ፤
\q2 ጋዓንቴ ዔያታ ፔኤኮ ናንጎ ቤዞ ላሌ ባኣካ ኮሻኔ።
\q
\v 27 ሃይሣሳዖ ዓቢሢ፤ ዓቢሢኮ ካኣቲ ባኣሴ፤
\q2 ጋዓንቴ ቢያሢ ዳምቤና ባራኒ ሃንታኔ።
\q
\v 28 ዖይዳሳዖ ሞዾ፤ ሞዻ ኩቺና ዓዺንታኒ ዳንዳዓ፥ ፓሡዋ ማዢንቲ ማሊ ጴዼቴያ
\q2 ካኣቶ ማኣሮይዳታዖ ዓቱዋ ቢያ ቤስካ ጴዻኔ።
\p
\v 29 ሃንቲፃ ዎዛሳያ ማዔ ሃይሦ ባኣዚ ዓኣኔ፤ ዬንሢ ሌሊቱዋንቴ ዖይዶኬ፤
\q
\v 30 ዬንሢ ባካ፦ ካዮ ቦዖይዳፓ ዎልቄና ማዔያ፥ ሃሣ ዓይጎ ባኣዚያ ዒጊጪ ዓኣፖ ካሮ ሺርሹዋ ዞቢ፤
\q
\v 31 ዖቶርቂ ታኣካ ኮይዳ ዓዴና ዚያ ኮላይና፤
\q2 ዬያጉዲ ሃሣ ፔኤኮ ዴሮ ቤርታ ቦንቺንቲ ጴዻ ካኣቲ።
\p
\v 32 ኔኤኮ ዔኤዩማ ኔና ሄርሺንታያ ማዓንዳጉዲ ማሄም ፑርታ ባኣዚ ማዻኒ ኔ ቱኪ ዔቄቴ ታክ ጌይ ማሌ።
\q
\v 33 ዲኢቂ ዴቺንቴቴ ዖይሲ ኬስካኔ፤
\q2 ዓሲኮ ሲኢዺ ዹይንቴቴ ሶሶርቃኔ፤
\q2 ጎሪንቲ ማዢንቴቴ ዑራ ኬስካኔ።
\c 31
\s1 ካኣቲ ሊሙዔኤሌም ዒንዳ ዞሬ ዞሮ
\p
\v 1 ሃካፓ ሊካ ኬኤዚንታሢ ማኣሳ ዓጮ ካኣቲ፥ ሊሙዔኤሌም ዒንዳ ዞሬ ዞሮኬ።
\p
\v 2 «ናኣቢና ታኣኒ ሾዔ ናኣዚዮ፥ ሊሙዔኤሌ! ሂንዳ ኮሺ ዒናፓ ዋይዜ፤ 
\v 3 ሚርጌ ላኣሊ ዔኪ ዎልቆ ኔኤኮ ጋፒሲፖ፤ ዬያጉዴ ማዻ ካኣቶዋ ዓይሱዋዖ ዻውሲሴኔ።
\p
\v 4 «ሊሙዔኤሌ! ካኣታ ዎይኖ ዑዦ ዑሽካኒ፤ ሱኡጋኣ ካፄ ዑሺ ዑሽካኒ ሱኡካዻንዳያ ኮይሱዋሴ። 
\v 5 ዔያታ ዑሽኪ ማሢንቴቴ ዎጎ ዋላኔ፤ ሜታዼ ዓሶኮዋ ጌኤዞ ቄል ጋዓኔ።
\p
\v 6 «ሃይቃኒ ሳዛ ጋሽካ ዓሶና ዋኣዪ ናንጋ ዓሶናም ዎይኖ ዑዦንታ ማሣ ዑዦንታ ዒንጉዋቴ። 
\v 7 ዔያታ ፔኤኮ ዋኣዪፆና ማንቃቶና ዋላንዳጉዲ ዑሽኮንጎ።
\p
\v 8 «ታ ናዓሢዮ! ፔ ሜታሢ ዛሎ ኬኤዛኒ ዳንዳዑዋ ዓሶ ዛሎ ኔኤኒ ጌስቴ፤ ፒዜ ዎጌ ዴንቁዋዖ ሜታዼ ዓሶ ዛሎ ኔኤኒ ሞኦቲንቴ። 
\v 9 ዔያቶ ዛሎ ኔ ጌስቴ፤ ፒዜ ዎጌ ዔያቶም ዎጌ፤ ማንቆና ሜታዼ ዓሶ ዛሎናሮ ሞኦቴ።»
\s1 ፆቃማ ላኣሊ
\p
\v 10 ኮሺ ላኣሊ ዖኦኒ ዴንቃኒ ዳንዳዓይ? ዒዛ ቦንቺንታያ ማዔ ሹጮፓ ባሼ ቦንቺንቴያኬ።
\p
\v 11 ዓኒ ዒዞኮ ዒዞ ጉሙርቃኔ፤ ዒ ኮዔ ባኣዚ ቢያ ዒዞይዳፓ ዴንቁዋ ዓቱዋሴ።
\p
\v 12 ዒዛ ናንጋ ዎዶ ቢያይዳ ኮሺ ባኣዚ ዒዛም ማዻንዳኣፓዓቴም ፑርታ ባኣዚ ማዺንዱዋሴ።
\p
\v 13 ማራይ ጋፓኔና ጉኡፂሲ ሱኮና ፓቲሌና ዓፒላ ዹይሲ፥ ዒዞም ኮሽኬያ ማዔም ማዾ ሌሊ ማዻኔ። 
\v 14 ኮርሞ ኮርማ ዓሶኮ ዋኣፆ ካኣሚሎጉዲ ሃኬ ቤሲ ዓኣዺ ዱማ ዱማ ሙኡዚ ዒዛ ቡኩሳኔ። 
\v 15 ዒዛ ፔ ማኣሮ ዓሶም ሙዖ ጊኢጊሻኒና ዒዞኮ ማዾ ማዻ ዓሶም ማዾ ጊሽካኒ ሃጊ ሳዓ ካሩዋንቴ ዔቃኔ።
\p
\v 16 ኮሺ ሳዓ ኮይ ዒዛ ሻንቃኔ፤ ዒዛ ማዺ ዴንቃ ሚኢሾና ዎይኔ ቱኮንዶ ቤሲ ጊኢጊሻኔ።
\p
\v 17 ዒዛ ጪንጫ ማዻያ ማዒፆ ሌሊቱዋንቴ ማዾናኣ ዶዲኬ።
\p
\v 18 ዒዛ ማዻ ባካ ቢያ ዒዞ ማኣዳያ ማዔሢ ዒዛ ዔራኔ፤ ዋንቶ ማዼ ጎይሣ ዒዛ ዎርቃሢሮ ፖዓ ዒዞኮ ሃይቁዋሴ፤
\p
\v 19 ዒዛ ፔኤኮ ቢላቢጮና ሱኪ ዓፒሎ ዹይሳኔ።
\p
\v 20 ማንቆና ሜታዼ ዓሶናም ዒዛ ዒንጋኔ።
\p
\v 21 ዒዞ ማኣሮ ዓሶኮ ቢያ ዖይዻ ማኣዓ ዓኣሢሮ ሻቺ ዋርቄቴታዎ ዒዛ ዓልቱዋሴ።
\p
\v 22 ሻኣሎ ዑፃ ሂኢሦ ዓፒሎ ዒዛ ማዣኔ፤ ዞቄ ዲንኪ ሼኤሜና ኮሾና ሚዛጲ ማኣዖ ዒዛ ማኣዓኔ።
\p
\v 23 ዓኒ ዒዞኮ ዓጮ ጋርቻ ቡኪንታ ጶኦካ ቦንቺንታያኬ።
\p
\v 24 ሻኣዣሲ ሱኪ ዹይሶና ዓፒሎ ዒዛ ሻንቻኔ፤ ኬርና ቱኮ ቃልሾዋ ኮርሞ ኮርማ ዓሳ ዒዞ ኮይላፓ ዔኪ ዴንዲ ኮርማኔ።
\p
\v 25 ዒዛ ዶዲ፥ ሃሣ ቦንቺንታያኬ፤ ሙካ ዎዶይዳ ቢያ ዒዛ ዎዛዺ ናንጋኔ።
\p
\v 26 ዒዛ ዔራቶና ጌስታኔ፤ ጊንሣ ሃሣ ኮሺ ዞሮዋ ዞራኔ።
\p
\v 27 ቢያ ዎዴ ማዾ ማዺ ማኣሮ ዓሶ ቶኦኮ ዒዛ ዛጋሢሮ ቤልፁሞ ዒዞኮ ባኣሴ።
\p
\v 28 ናኣታ ዒዞኮ ዒዞ ሄርሻኔ፤ ሃሣ ዓኒያኣ ዒዞ ጋላታኔ።
\p
\v 29 «ኮሺ ማቾ ማዔ ሚርጌ ላኣሊ ዓኣኔ፤ ኔኤኒ ጋዓንቴ ቢያፓ ባሼኬ» ዒዞም ጋዓኔ።
\p
\v 30 ሚዛጱሞ ጉሪኬ፤ ሱጉሢ ዴንቃ ዓሲ ማዒፃኣ ባባይቃኔ፤ ናንጊና ናንጋ ጎዳ ዒጊጫ ላኣሊ ጋዓንቴ ጋላቲንታንዳያ ኮይሳኔ።
\p
\v 31 ዒዛ ማዻ ባኮ ቢያ ዛጊ ዒዞ ጋላቱዋቴ፤ ዒዞኮ ኮዦ ማዾና ዓሲ ቢያ ቤርታ ዒዛ ቦንቺንታኒ ኮይሳኔ።