\id LAM - MAALE Full Bible
\ide UTF-8
\h ዔርሚያሴኮ ቃዮ ማፃኣፖ
\toc1 ዔርሚያሴኮ ቃዮ ማፃኣፖ
\toc3 ዔቃ. ማ
\toc2 ዔርሚያሴኮ ቃዮ ማፃኣፖ
\mt1 ዔርሚያሴኮ ቃዮ ማፃኣፖ
\imt ዓይፆ ካሮ
\ip ዔርሚያሴኮ ቃዮ ማፃኣፓ፦ ኪሪስቶሴ ሾይንታንዳሢኮ ቤርታ ዶንጎ ፄኤታና ሳሊታሚ ላሆ ማዓ ሌዖይዳ ዬሩሳላሜ ካታማ ሻሂንቴሢሮ፤ ጊንሣ ሃሣ ዒኢካ ናንጋ ዴራኣ ዳውሲንቲ ዴንዴሢሮ ዖዪ ካላሎና ዶንጎ ካላሊ ዓርቄያኬ። ሃኖ ማፃኣፖይዳ ዓኣ ባካ ባሼ ዬኤፒ ዛላና ሲዬ ዛላ ኬኤዛያ ማዔቴያ ፆኦሲዳ ጉሙርቂሢ ጌሥሢ ዛላንታ ሃጋኣ ማዓንዳ ዎዛ ጌሢ ናንጊሢ ዛላኣ ኬኤዛ ቤሲ ዓኣኔ፤ ዬያቶ ካላሎ ኪሪስቶሴ ሾይንታዳሢኮ ቤርታ ዶንጎ ፄኤታና ሳሊታሚ ላሃሳ ሌዖና ዓጬሎይዳ ሄሌ ባይሲንቶ ማሊ ጶቂሣኒ ዓይሁዶ ዓሳ ሙኡዚ ሃሺሢና ዖዪሢ ካኣሺ ሌዓ ሌዓ ካኣሽካ ዎዶና ዬያቶ ካላሎ ናባባኔ።
\iot ማፃኣፔላ ዱማ ዱማ ዓርቄ ባኮ
\io1 ቤርታሳ ቃዮ፦ ዬሩሳላሜ ሜታዼ ሜቶንታ ዖዪንቴ ዖዪፆ (1፡1-22)
\io1 ላማሳ ቃዮ፦ ፆኦሲ ዬሩሳላሜይዳ ዓጌ ዴኤፆ ሜቶ (2፡1-22)
\io1 ሃይሣሳ ቃዮ፦ ሃጊ ማዓንዳ ዎዛ ባኣዚ ዓኣያ ማዒፆ (3፡1-66)
\io1 ዖይዳሳ ቃዮ፦ ዬሩሳላሜኮ ባይሲንቶ (4፡1-22)
\io1 ዶንጋሳ ቃዮ፦ ማኣሪሢ ዴንቃኒ ሺኢቂንታ ሺኢጲሢ (5፡1-22)
\c 1
\s1 ዬሩሳላሜ ካታሞኮ ሜቶንታ ዖዪፆንታ
\q
\v 1 ሃያኮ ቤርታ ዓሲ ኩሚ ዓኣ ካታሜላ
\q2 ሃሢ ዎዎይቴዖ ሃሺንቴ ቤሲ ማዒ ዓቴንቴሞ!
\q2 ዓጮ ባኣኮይዳ ዼኤፒ ማዒ ዓኣዛ
\q2 ዓኒ ሃይቄ ላኣሊጉዲ ማዔንቴሞ!
\q2 ዱማ ዱማ ፓቂንቴ ዓጮፓ ጌኤሾ ማዒ ዓኣዛ
\q2 ሃሢ ዓይሌ ማዒ ዴዔኔ።
\b
\q
\v 2 ዒዛ ዹሞና ዒናፓ ዬኤካኔ፤
\q2 ዓቢፃ ዒዞኮ ጋጋጮና ሊካ ኬዳኔ፤
\q2 ዒዞ ሃያኮ ቤርታ ናሽካ ዓሶ ቢያሢዳፓ
\q2 ዒዞ ዶዲሻ ዓሲ ፔቴታዖ ባኣሴ፤
\q2 ዒዞኮ ላጎ ማዔ ዓሳ ቢያ ዒዞ ሃሼኔ፤
\q2 ሞርኬ ማዒያኣ ዒዞይዳ ዔቄኔ።
\b
\q
\v 3 ዪሁዳ ዴራ ሚርጌ ዋኣዪንቲ ዓይላቶ ማዾዋ ማዼስካፓ
\q2 ዲዒንቲ ዔውቴኔ፤
\q2 ሃሢ ዔያታ ሜሌ ዴሮ ባኣካ ናንጋኣና
\q2 ፔቴታዖ ዔያቶኮ ሃውሾ ባኣሴ፤
\q2 ዔያታ ሚርጌና ካራ ባይዚ ዓኣንቴ
\q2 ዔያቶ ዳውሳ ዓሳ ሙኪ ሄሌኔ።
\q
\v 4 ዖኦኒያ ዒኢካ ቦንቺንታ ቦንቾ ቦንቻኒ ሙኪንዱዋኣሢሮ
\q2 ፂዮኔ ዹኮ ባንሢ ዴንዶ ጎይፃ ቦቦይታሳያ ዔዌ ማዓንዳኔ፤
\q2 ዬሩሳላሜ ጌሎ ካሮና ጌላ ዓሲንታ ኬስካ ዓሲያ ባኣሴ፤
\q2 ዒኢካ ዓኣ ቄኤሳ ሜታዺ ፔ ዒኖና ዚኢሊንታኔ፤
\q2 ዉዱሮ ናኣታኣ ዖዪ ሜታዻኔ፤
\q2 ፂዮኔ ካራ ባይዚ ሜታዺሢዳኬ።
\q
\v 5 ዒዛ ሚርጌ ጎሜ ማዼሢሮ
\q2 ናንጊና ናንጋ ጎዳ ዒዞ ሜቶይዳ ዓጌኔ፤
\q2 ዒዞኮ ናኣቶ ሞርካ ዲዒ ዔኪ ዴንዴኔ፤
\q2 ዒዞኮ ሞርካ ዒዞ ዎይሣያ ማዔሢሮ
\q2 ሞርኮም ዔኤቢ ጊኢጌኔ።
\q
\v 6 ዬሩሳላሜኮ ቦንቺንታ ቢያ ባይቂ ጋፔኔ፤
\q2 ዒዞ ዎይሣ ሱኡጋ ሄንቆ ቤሲ ባይዜ ሞይሌ ማዔኔ፤
\q2 ዔያቶ ኬማ ዓሳ ዳውሳዛ
\q2 ዎልቃ ዔያቶኮ ጋፒ ላባንዳያ ሄላንዳኣና ዔያታ ጳሽኪ ፑኔኔ።
\q
\v 7 ዬሩሳላሜ ዴራ ካራ ባይዚ ሜታዺ ዋኣዪንታ ዎዶና
\q2 ሃያኮ ቤርታ ዔያቶኮ ዓኣ ባኮ ማሊ ጶቂሣንዳኔ፤
\q2 ዔያታ ሞርኮ ኩጮ ጋሮ ጌላዛ
\q2 ዔያቶ ማኣዳ ዓሲ ባኣያ ማዓዛ
\q2 ሞርካ ዔያቶኮ ካታሞ ዶዒፆ ዛጋዖ ሚኢጬኔ።
\b
\q
\v 8 ዬሩሳላሜ ዼኤፒ ጎሜ ማዼኔ፤
\q2 ዬያሮ ዒዛ ዒኢቴያ ማዔኔ፤
\q2 ዒዛ ዑፆ ካላዺ ዓኣንቴ ዔያታ ዛጌሢሮ
\q2 ቦንቻ ዓሳ ቢያ ቦሂ ዒዞ ቶኦቻኔ፤
\q2 ዓኣፖ ካሮዋ ዔያቶ ቤርታፓ ዚኢሊንቲ ዒዛ ሺርሼኔ።
\b
\q
\v 9 ሻቱማ\f + \fr 1፡9 \fr*\fq ሻቱማ፦ \fq*\ft ዬኖ ጌይንቴሢ ዬሩሳላሜኮ ጎሞ ዔርዛ ማላታ ማሂኬ።\ft*\f* ዒዞኮ ማኣዓሢዳ ጴዼኔ፤
\q2 ሃጋ ዒዞ ዓይጌ ሄላንዳቴያ ዒዛ ማሊባኣሴ፤
\q2 ዒዞኮ ሎኦሚፃ ዓሲኮ ዑስካ ጌላያኬ፤
\q2 ዒዞ ዶዲሻ ዓሲያኣ ፔቴታዖ ባኣሴ፤
\q2 ሞርካ ዒዞ ባሼሢሮ
\q2 ዬያ ሜቶ ዒዞኮ ዛጋንዳጉዲ ናንጊና ናንጋ ጎዳ ዒዛ ሺኢቄኔ።
\q
\v 10 ዬሩሳላሜ ዴሮኮ ዼኤፒ ቦንቺንታያ ማዔ ቆሎ ሞርካ ጌሊ ቡሬኔ፤
\q2 ናንጊና ናንጋ ጎዳ ዴሮ ባኣኮ ጌሉዋጉዲ ላኣጊንቴ
\q2 ሜሌ ዓሳታዎ ዓቱዋዖ
\q2 ጌኤዦ ማኣሮ ጌላንቴ ዒዛ ዴንቄኔ።
\b
\q
\v 11 ዴራ ዒዞኮ ሙዖንዶ ባኣዚ ባይዚ ዒላቲዳኬ፤
\q2 ዔያታ ሃይቁዋዖ ሼምፔና ናንጋኒ
\q2 ፔኤኮ ዓኣ ቆሎ ቢያ ሙኡዚና ዖኦካኔ፤
\q2 ዬሩሳላሜ ዴራ «ናንጊና ናንጋ ጎዳሢዮ! ኑም ማሌ!
\q2 ኑኡኮ ዻውሲንቶ ቢያ ዛጌ!» ጌይ ዒላታኔ።
\q
\v 12 ናንጊና ናንጋ ጎዳ ፔኤኮ ዼኤፖ ዻጎ ኑጊዳ ጮኦሽኬ ኬሎና
\q2 ኑና ሄሌ ሜቶጉዴያ
\q2 ሜታ ሄሌ ዓሲ ዓኣቶ
\q ሂንዳ ዒንሢ
\q2 ጎይፆና ሴካ ሃንጋ ሃንታ ዓሳ ዛጉዋቴ!
\q2 ዬይ ባካ ዒንሢም ሼሌዔ ባኣዚ ማላ?
\q
\v 13 «ሎኦፓ ታሚ ዒዚ ኬይሴኔ፤
\q2 ዬይ ታማ ሚቺ ሜጌፆ ጋሮ ኑኡኮ ዴንዴኔ፤
\q2 ቶኮም ኑኡኮ ቡኡዶ ፒሮ ፒሬኔ፤
\q2 ጊንሢም ኑና ጎቺ ማሄኔ፤
\q2 ዒኖ ኑኡኮ ባይዚ ፔቴ ኬሊ ጉቤ ዑፆ ኑኡኮ ዶጪሴኔ።»
\b
\q
\v 14 «ዻቢንታ ታኣኮ ዎሊ ዑፃ ዳፂንቲ
\q2 ባቃኖይዳ ቃንባራጉዲ ጌሢንቴኔ፤
\q2 ዬይ ሚርጌ ዴኤፃያ ማዔሢሮ ዎልቄ ኑኡኮ ባይዜኔ፤
\q2 ኑኡኒ ቃዛኒ ዳንዳዑዋ ኑኡኮ ሞርኮም ዒዚ ኑና ዔኪ ዒንጌኔ።»
\b
\q
\v 15 «ኑና ካፓ ፖኦሊሶ ናንጊና ናንጋ ጎዳ ዒፂ፥ ዔኪ ሺኢሼኔ፤
\q2 ኑኡኮ ዼጌሢኮ ዎልቆ ጋኣጫኒ ዖልዚ ዓሲ ኑጊዳ ዳኬኔ፤
\q2 ዖኦኒያ ጫርቂ ጌሊ ቤቂባኣ ካታሞይዳ ናንጋ ኑኡኮ ዴሮ
\q2 ዎይኖ ጩኡጶ ቤዛ ሄርቂንታ ዎይኔጉዲ ሄርቂ ዒዚ ዳኣፄኔ።»
\b
\q
\v 16 «ሞርካ ኑና ባሼሢሮ ናኣቶም ኑኡኮ ካራ ባይቄኔ፤
\q2 ኑና ዶዲሻ ዓሲ ባይቄሢሮ
\q2 ዓቢሢ ላኣሊ ላኣሊ ኑኡኒ ዬኤካኔ።»
\b
\q
\v 17 «ፂዮኔ ኩጮ ፔኤኮ ሌካ ዔቂሴኔ፤
\q2 ጋዓንቴ ዒዞ ማኣዳ ዓሲያኣ ባኣሴ፤
\q2 ዓሺኖ ማዔ ዓጮይዳ ዓኣ ዓሳ ቢያ ያይቆኦቤ ዜርፆኮ
\q2 ሞርኬ ማዓንዳጉዲ ናንጊና ናንጋ ጎዳ ዓይሤኔ፤
\q2 ዬሩሳላሜ ዔያቶ ባኣካ ዒኢቴ ባኣዚ ማዔኔ።»
\b
\q
\v 18 «ዒዚ ዓይሤ ባኮ ዔያታ ዋይዞ ዒፄሢሮ
\q2 ዒ ማዼ ባኮና ናንጊና ናንጋ ጎዳ ዻቢንቲባኣሴ፤
\q2 ዒንሢ ዴራ ቢያ ዋይዙዋቴ፥ ሜቶዋ ታኣኮ ዛጉዋቴ፤
\q2 ዼጌ ማዔ ዓቲንቆንታ ዉዱራሢንታ ታኣኮ ዲዒንቲ ዔውቴኔ።»
\b
\q
\v 19 «ታኣኮ ላጎ ታኣኒ ዔኤሌኔ፤
\q2 ዔያታ ጋዓንቴ ታና ዒፄኔ።
\q2 ቄኤሶንታ ሱኡጎንታ ቢያ ፔኤኮ ሼምፓሢ ዓውሳኒ
\q2 ሙዖ ኮይፆይዳ ዓኣዖ ዒኢካ ካታሞ ሳዛ ጎይፆይዳ ሃይቄኔ።»
\b
\q
\v 20 «ናንጊና ናንጋ ጎዳሢዮ!
\q2 ታኣኒ ካራ ባይቂ ሜታዺ ዋኣዪሢዳ ዓኣሢ ኔ ዛጉዋዓዳ?
\q2 ታኣኒ ኔኤም ዋይዞ ዒፄሢሮ ጎጳ ታኣኮ ዋኣፄኔ፥ ዒናኣ ታኣኮ ዖዬኔ፤
\q2 ካታሞ ሳዛ ዓኣ ጎይፆይዳ ማዖም ኬኤፆይዳ ዴራ ታኣኮ ሃይቂ ኩዳኔ።»
\b
\q
\v 21 «ታኣኒ ሜታዺ ዬኤካ ዬኤፖ ዓሳ ዋይዜኔ፤
\q2 ጋዓንቴ ታና ዶዲሻ ዓሲ ፔቴታዖ ባኣሴ፤
\q2 ታኣኒ ካራ ባይዚ ዋኣዪንታሢ ሞርካ ቢያ ዋይዜኔ፤
\q2 ኔ ማዼ ባኮ ዛሎና ዔያታ ዎዛዼኔ፤
\q2 ሃዳራ ኔኤኒ ጌዔ ኬሌላ ዬዖንጎ፤
\q2 ዔያቶይዳኣ ታና ሄሌ ባኮጉዴያ ሄሎንጎ።»
\b
\q
\v 22 «ዔያቶኮ ፑርቶ ማዾ ቢያ ዛጌ፤
\q2 ታኣኮ ዻቢንቶ ቢያሢሮ ኔኤኒ ታጊዳ ሄሊሴ
\q2 ፑርቶ ባኮጉዴያ ዔያቶይዳኣ ሄሊሴ፤
\q2 ታኣኮ ሜቶ ዬኤፓ ዺቤኔ፥ ዒናኣ ታኣኮ ላቤኔ።»
\c 2
\s1 ናንጊና ናንጋ ጎዳ ዬሩሳላሜይዳ ዓጌ ሜቶ
\q
\v 1 ናንጊና ናንጋ ጎዳ ፔ ዻጎና ፂዮኔ ዻውሲሴኔ፤
\q2 ጫሪንጮ ሌካ ኬስኪ ዼጊ ጌይ ዴዔዞ
\q2 ዒስራዔኤሌኮ ሄርሺንቶዞ ዒዚ ሳዓ ጎቺ ዔኪ ኬኤሬኔ፤
\q ዒዚ ዻጋዼ ዓቦና ዒዛኮ ቶካ ሄርቃ ቤዜሎ
\q2 ዔኤቢኬያ ጌይ ሺሪ ዛጊባኣሴ።
\b
\q
\v 2 ናንጊና ናንጋ ጎዳ ዒስራዔኤሌኮ ናንጎ ቤዞ ቢያ ሚጪንቱዋዖ ባይዜኔ፤
\q2 ዒዚ ዻጋዺ ዪሁዳ ዴሮኮ ዋርዲዮ ሻሄኔ፤
\q2 ዒኢካ ዓኣ ካኣቶና ቢታንታ ዓኣ ዓሶና ሳዓ ዔኪ ዢቢ ዻውሲሴኔ።
\b
\q
\v 3 ዒዛኮ ዼኤፖ ዻጎና ዒስራዔኤሌኮ ዎልቆ ቢያ ላቢሴኔ፤
\q2 ሞርካ ዒስራዔኤሌይዳ ሙካኣና ዒዚ ዔያቶ ማኣዶ ሃሺ
\q2 ያይቆኦቤ ዜርፆይዳ ፔኤኮ ዻጎ ታሞ ዔኤሤኔ፤
\q2 ኮይላ ዓኣ ባኮ ቢያ ሙዓ ታሚጉዲ ሙዔኔ።
\b
\q
\v 4 ዒዚ ሞርኬጉዲ ሂኢዦና ፔኤኮ ኑና ዱካኒ ዓኣሤኔ፤
\q2 ዒዛኮ ሚዛቆ ኩጫ ኑና ማኣሳንሣኒ ጊኢጌኔ፤
\q2 ዬሩሳላሜይዳ ዓኣ፥ ኑኡኒ ናሽካ ዓሶ ቢያ ዒ ዎዼኔ፤
\q2 ፔኤኮ ዻጎ ታሚጉዲ ዒዚ ዔኤሤኔ።
\b
\q
\v 5 ናንጊና ናንጋ ጎዳ ሞርኬጉዲ ማዒ ዒስራዔኤሌ ባይዜኔ፤
\q2 ካኣቱሞ ማኣሮዋ ዶይሲ ኩርሴኔ።
\q ዋርዲዮ ሻሄኔ፤
\q2 ዪሁዳ ዴሮይዳ ዬኤፒና ዒላቲና ዺቢሼኔ።
\b
\q
\v 6 ናንጊና ናንጋ ጎዳ ፔኤኮ ጌኤዦ ማኣሮ ጎሺዳ ዓኣ ዉልሻጉዲ ሻሄኔ፤
\q2 ፂዮኔይዳ ቦንቾ ቦንቾንታ ሃውሾ ኬሎዋ ዓይሴኔ፤
\q2 ፔኤኮ ዼኤፖ ዻጎና ካኣቲንታ ቄኤሶዋ ዻውሲሴኔ።
\b
\q
\v 7 ናንጊና ናንጋ ጎዳ ዒዛም ዒንጎ ባኮ ዒንጎ ቤዞ ቦሄኔ፤
\q2 ፔኤኮ ጌኤዦ ማኣሮዋ ሃሼኔ።
\q2 ካኣቱሞ ማኣሮኮ ኬኤሎ ዲፆ ሞርካ ዶይሳንዳጉዲ
\q2 ዒዚ ዓኣሢ ሞርኮም ዒንጌኔ፤
\q2 ዬያሮ ሞርካ ቦንቾ ኬሊና ማዺንታ ጎይሢ
\q2 ጌኤዦ ማኣሮይዳ ዎዛና ኮርጌኔ።
\b
\q
\v 8 ናንጊና ናንጋ ጎዳ ዬሩሳላሜ ካታሞኮ ኬኤሎ ዲፆ ሻሃኒ ጊኢጊ
\q2 ሚፆ ሱዞ ሊካ ኬይሴኔ፤
\q ካታሜሎ ባይዚፃፓ ጊንሢም ጌይባኣሴ፤
\q2 ካታሞ ካፖ ዼጌ ኬኤሎ ዲፃኣ ዹኡቂ ሻሂንቴኔ፤
\q2 ዬይ ቢያ ፔቴና ዶዔኔ።
\q
\v 9 ካታሞ ጌሎ ካሮ ዎዾ ካራ ሳዖ ዴማ ዱኡኪንቴኔ፤
\q2 ኮምባልቂ ዎዾ ጋጋርዛኣ ሜቂ ሜቂ ጋፔኔ፤
\q2 ካኣቲንታ ዒዚ ቢታንቶ ዒንጌ ሱኡጎንታ
\q2 ሜሌ ዴሮ ባኣኮይዳ ዳውሲንቲ ዴንዲ ዓኣኔ፤
\q2 ሙሴ ዔርዜ ዎጎ ሃካፓ ሴካ ኬኤዚ ዔርዛ ዓሲ ባኣያ ማዓንዳኔ፤
\q2 ፆኦሲ ማሊፆ ኬኤዛ ዓሶም ሃካፓ ሴካ ናንጊና ናንጋ ጎዳ ፔጋሲ ዻዋንዳ ባኣዚ ባኣሴ።
\b
\q
\v 10 ዬሩሳላሜ ካታሞይዳ ዓኣ ጋርቻ ሳዓ ዚቲ ጌይ ዴዔኔ፤
\q2 ዔያታ ፔኤኮ ቶኦኮይዳ ሲላሊ ዋሂ፥ ሲዬ ፓቲሌያ ማኣዔኔ፤
\q2 ዒኢካ ካታሞይዳ ዓኣ ዉዱሮ ናኣታ ካራ ባይዚ ሳኣ ዛጌኔ።
\b
\q
\v 11 ዴሮ ታኣኮ ዎዺ ኩርሶናሢሮ
\q2 ናኣታ ካታሞ ሳዞ ጎይፆይዳ ላቢ ሎኦማሢሮ
\q2 ዬኤኬ ጎይሣ ዓኣፓ ታኣኮ ዶጬኔ፤
\q2 ጎጳኣ ታኣኮ ዋኣፄኔ፥ ሃጊ ማዓ ዎዛኣ ታኣኮ ባኣያ ማዔኔ።
\b
\q
\v 12 ዖልዚ ቦኦሊዳ ዱኡቴ ፖኦሊሴጉዲ
\q2 ካታሞ ሳዞ ጎይፆይዳ ላቢ ሎኦሚ ላሂ ላሂ
\q2 ዒንዶንሢኮ ቃሶይዳ ጌኤቂንቲ ዴዒ
\q2 «ዒንዴ! ሙኡዚ፥ ዋኣሢ ዒንጌ» ጌይ ዬኤኪ ዬኤኪ
\q2 ሼምፓሢ ዔያቶኮ ዬያይዲ ዱጲ ጋፓኔ።
\b
\q
\v 13 ታ ዎዚ ጎዖንዶይ? ዓይጎና ታ ዒንሢ ሄካሳኒ ዳንዳዓይ?
\q2 ታኣኒ ናሽካ፥ ዬሩሳላሜ ካታሞ ዴራ!
\q2 ታ ዒንሢ ዶዲሻኒ ዓይጎና ታ ዒንሢ ቤቂሶንዶይ?
\q2 ዒንሢ፥ ዬሩሳላሜ ካታሞ ዴራ!
\q2 ዒንሢዳ ሄላንዳ ባይሲንታ ዳልጎ ባዞጉዲ ዼኤፒታሢሮ
\q2 ዖኦኒ ዒንሢ ዓውሳኒ ዳንዳዓይ?
\b
\q
\v 14 ዒንሢም ሎንሦ ኬኤዛ ዓሳ ዒንሢም ሉኡቂ፥ ሃሣ ዒንሢ ጌጌሼኔ፤
\q2 ዔያታ ሉኡዚ፥ ሃሣ ዻዻቢሻ ሎንሦ ዒንሢም ኬኤዜኔ፤
\q2 ዒንሢም ጊኢጊ ዓኣ ፑርቶ ባካፓ ዒንሢ ማሃኒ
\q2 ዒንሢኮ ዻቢንቶ ዒንሢም ፔጋሲ ኬኤዚባኣሴ።
\b
\q
\v 15 « ‹ኮሺ ሚዛጲኬ› ጎዖዛ፥ ዓጮ ዴራ ቢያ
\q2 ዒኢካ ሙኪ ዎዛዻዛ፥ ሃኖ ካታሜሎዳ?»
\q2 ጌይ ጌይ ጎይፆና ዴንዳ ዓሳ ቢያ
\q2 ዬሩሳላሜ ዛጋ ዓሳ ቦሂሢና ኩቺ ባዒ ባዒ
\q ቶኦኮዋ ፔኤኮ ዓጊሢ ዓጊሢ ሚኢጫንዳኔ።
\q
\v 16 ዒንሢኮ ሞርካ ቢያ ዒንሢ ጫሽኪ ጫሽኪ ሚኢጪ ዓማላኔ፤
\q2 ዒንሢ ቶኦቺ፥ ዓጮ ፔኤኮ ዻዓኔ፤
\q2 ሂዚ ጌይያኣ ዒላታኔ፦ «ኑ ዔያቶ ኩርሲናኣኮኬ!
\q2 ሂዮ! ሃይማ ኑ ማሊ ሃይቃ ኬሎማዋይ!
\q2 ጋፒንሢ ዑስካ ኑ ዓካሪ ዴንቄያኣዋይ።»
\b
\q
\v 17 ናንጊና ናንጋ ጎዳ ማሌ ባኮ ማዺ ኩንሤኔ፤
\q2 ቤርታ ዒዚ ኬኤዜ ቃኣሎ ማዾይዳ ፔኤሼኔ፤
\q2 ሚርጌ ዎዴኮ ቤርታ ዒ ማሊ ቱኬ ጎይፆ ማኣሚቃይዶ ሻሄኔ፤
\q2 ሞርካ ዒንሢኮ ካሮ ባይዚፆና ዎዛዻንዳጉዲ ዒ ማሄኔ፤
\q2 ዒንሢ ሞርኮኮ ዎልቆ ዒዚ ዶዲሼኔ።
\b
\q
\v 18 ዬሩሳላሜ ዴሬዮቴ! ዒንሢኮ ዒላታ
\q2 ኬኤሎ ዲፆይዳ ማኣሞንጎ!
\q2 ናንጊና ናንጋ ጎዳ ዋይዛንዳጉዲ ዒላቱዋቴ!
\q2 ዓቢፃ ዒንሢኮ ዋንቶንታ ሮኦሮንታ ቢያ ዲጲጉዲ ዎቶንጎ፤
\q2 ፔቴታዖ ሃውሺፖቴ፤ ዓኣፓ ዬኤፖ ሃሻንዳጉዲ ዚቲ ጌይፖቴ።
\b
\q
\v 19 ዹሞና ዎዶ ካፒ ዔቂ ዔቂ ዒላቲ ዒላቱዋቴ፤
\q2 ዒንሢም ማሊንታ ባኮ ቢያ ናንጊና ናንጋ ጎዳም ኬኤዙዋቴ፤
\q2 ካታሞ ሳዛ ዎላ ካኣማ ጎይፆይዳ ናይዺ ላቢንቲ ሎኦማ ናኣቶ ሼምፓሢም
\q2 ናንጊና ናንጋ ጎዳ ሺኢቂ፥ ኩጮ ዒንሢኮ ሌካ ዔቂሱዋቴ።
\b
\q
\v 20 ናንጊና ናንጋ ጎዳሢዮ! ሃዳራ ኑና ዛጌ!
\q2 ሃያኮ ቤርታ ሃያይዲ ኔኤኒ ዙሌ ዻዌ ዴሬ ዓኣኖ?
\q2 ላኣላ ፔኤኮ ሾይ ዲቼ ናኣቶ ሙዔንቴሞ!
\q2 ፆኦሲኮ ጌኤዦ ማኣሮይዳ ቄኤሶንታ
\q2 ፆኦሲ ማሊፆ ኬኤዛ ዓሶንታ ዎዺንቴንቴሞ!
\b
\q
\v 21 ዼጌሢንታ ጋርቾንታ ዒማ ጎይፆ ዎዺንቲ ጎይፃ ኬኤሪንቴኔ፤
\q2 ዼጌ ዓቲንቆንታ ዉዱራሢንታ ሞርኮኮ ጬንቾ ዓራፓ ዎዺ ኩርሴኔ፤
\q2 ኔኤኒ ዻጋዼ ዓቦና ማኣሚቃይዶ ኔ ዔያቶ ሹኪሲሴኔ።
\b
\q
\v 22 ቦንቾ ኬሊና ሙኡዚሮ ዔኤሎጉዲ ሞርኮ ቢያ ቤዛፓ ኔኤኒ ዔኤሌኔ፤
\q2 ኔኤኒ ዻጋዼ ዓቦና ፔቴታዖ ሼምፔና ቶሊ ዓቴ ዓሲ ባኣሴ፤
\q2 ታኣኒ ሾይ ዲቼ ናኣቶ ሞርካ ዎዺ ኩርሴኔ።
\c 3
\s1 ጎሜ ቡኡፂሢና ዻቆ ዻቂንታ
\p
\v 1 ፆኦሲኮ ዻጎ ኮኦሎና ጳዺንቲ ሜቶ ዛጌ ዓሲ ታናኬ።
\q
\v 2 ዒዚ ፔ ቤርታፓ ታና ፔቴታዖ ፖዒባኣ
\q2 ዹሚ ቤሲ ዳውሲ ዳኬኔ።
\q
\v 3 ኬስኬ ዓባ ጌሊ ካራንዳኣና
\q2 ታና ሌሊ ዒዚ ጳርቄ ጎይሣ ዴዔኔ።
\b
\q
\v 4 ዒዚ ታኣኮ ዑፆ ዓሽኮንታ ዒልዖንታ ጋርቺሴኔ፤
\q2 ሜጌፆዋ ታኣኮ ሜንሤኔ።
\q
\v 5 ዒናፓ ዻጋሳ ዻጋና ላቢሢና ታጊዳ ዳኪ ታና ማንጊሴኔ።
\q
\v 6 ሃይቄዖ ሚርጌ ናንጌ ዓሲጉዲ
\q2 ዹሚዳ ታና ዴይሢ ሃሼኔ።
\b
\q
\v 7 ኮይሎ ታኣኮ ዒዚ ዲርቄሢሮ ቶላኒ ታ ዳንዳዒባኣሴ፤
\q2 ካኒ ቢራታና ታና ዒ ቱኬኔ።
\q
\v 8 ታና ዒ ማኣዶም ታኣኒ ዒላቴቴያ
\q2 ታኣሲ ዋይዛኒ ዒዚ ኮዒባኣሴ።
\q
\v 9 ጎይፆ ታኣኮ ዓርሲንቴ ዼኤፒ ዼኤፒ ሹቺና ዲርቄኔ፤
\q2 ታኣኒ ዴንዳ ካሮዋ ሺርሺ ዎቢሴኔ።
\b
\q
\v 10 ዒዚ ታና ሙዓኒ ካቲ ዓኣ ዲቤ ጌይንታ ቦዖጉዲ፤
\q2 ጊንሣ ሃሣ ታና ዎዻኒ ጊኢጊ ዔቄ ዞቢ ማዔኔ።
\q
\v 11 ጎይፃፓ ታና ጎቺ ዔኪ ሺኢሺ ሾኦሌኔ፤
\q2 ታና ማኣዳያኣ ባኣያ ማሂ ሃሺ ዴንዴኔ።።
\q
\v 12 ፔ ሂኢዦና ታና ዱካኒ ዓኣሤኔ፤
\q2 ሆቲና ታና ዱኪ ዓይዲሳኒ ዒ ጊኢጌኔ።
\b
\q
\v 13 ሂኢዦና ሳዞ ታኣኮ ቂርፂዲ ዱኬኔ።
\q
\v 14 ታ ዴሮኮ ታኣኒ ሚኢቺ ባኣዚ ማዔኔ፤
\q2 ዔያታ ኮርጋ ኬሎ ዴንዲ ዚሮ ሄላንዳኣና ታና ቦሂ ቦሂ ኮርጋኔ።
\q
\v 15 ሜቶ ታጊዳ ዺቢሲ ናንጎ ታኣኮ ጫንቂሴኔ፤
\q2 ታና ዒዚ ዋላንጋ ላይሲ ሚሼኔ።
\b
\q
\v 16 ቃንፆ ታና ዻይሲ ዓጮ ታኣኮ ሜንሤኔ፤
\q2 ሳዖ ሲላሎይዳኣ ታና ሂዒ ኬኤሬኔ።
\q
\v 17 ታኣኮ ሼምፓሢ ኮሹሞ ጋዓ ባኣዚ ዴንቃኒ ዳንዳዒባኣሴ፤
\q2 ዎዛ ጎዖ ባኣዚ ዓይጎታቴያ ታኣም ጶቁዋሴ።
\q
\v 18 ዬያሮ ታኣኒ፦ «ቦንቻ ታጊዳፓ ዴንዲ ባይቄኔ፤
\q2 ናንጊና ናንጋ ጎዳ ታኣም ሃጊ ዒንጋንዳኣዋይ ታ ጋዓ ባካ ቢያ
\q2 ሙኪ ታና ሄላ ካራ ባኣያ ማዒ ዓቴኔ» ጌዔኔ።
\b
\q
\v 19 ታኣኮ ሜቶና ካሮ ባይቂፆና ዛሎ ማሊፃ
\q2 ዓዳ ዋላንጋና ጪሼናጉዲ ታኣም ጫንቄኔ።
\q
\v 20 ዬያ ዛሎ ቢያ ዎዴ ታኣኒ ማላኣና
\q2 ዒና ታኣኮ ኮሺ ዖያኔ።
\q
\v 21 ጋዓንቴ ፔቴ ታኣኒ ማላ ባኣዚ ዓኣኔ፤
\q2 ዬኖ ታ ማላማና ሃጊ ማዓንዳ ዎዛና ዒና ታኣኮ ሃውሻኔ።
\b
\q
\v 22 ዬና ዓይጎዳይ ጌዔቴ፦
\q2 ኑኡኒ ባይቁዋዖ ሼምፔና ዓቲ ዓኣሢ
\q2 ናንጊና ናንጋ ጎዳኮ ሚጪንቲፃ ፔቴታዖ ጋፑዋያ
\q2 ናሹማኣ ናንጊና ናንጋያ ማዔሢሮኬ።
\q
\v 23 ዬይ ሚጪንቲፃ ኬላ ኬላ ዓካዻኔ፤
\q2 ናንጊና ናንጋ ጎዳ ማዔ ኔኤኮ ጉሙርቂንቲፃ ዼኤፒኬ።
\q
\v 24 ናንጊና ናንጋ ጎዳ ታኣኮ ጊሽኮና ጊሺ ማዔሢሮ
\q2 ዒዛ ሌሊ ታኣኒ ጉሙርቃንዳኔ።
\b
\q
\v 25 ዒዛ ጉሙርቂ ሃጋኣ ዎዛ ዒዛይዳ ጌሣዞንሢና
\q2 ዒዛ ኮዓዞንሢናም ዒዚ ኮሺኬ።
\q
\v 26 ዓሲ ዚቲ ጋዓዖ ናንጊና ናንጋ ጎዳ ዻቂሻ ዻቂሺፆ
\q2 ጉሙርቂ ካፔያታቴ ቃራኬ።
\q
\v 27 ዓሲ ዼጌ ዓኣዖ ሜቶ ጊቢ
\q2 ዳንዳዒ ዔኬቴ ኮሺኬ።
\b
\q
\v 28 ናንጊና ናንጋ ጎዳ ዒዛይዳ ሜቶ ዓጋኣና
\q2 ዚቲ ጌይ ፔኤሮ ዒ ዴዔቴ ቃራኬ።
\q
\v 29 ሃጊ ጊንሣ ኮሺ ባኣዚ ሙካኒ ዳንዳዓሢሮ
\q2 ሳዓ ባሊቲና ላሂ ናንጊና ናንጋ ጎዳም ዓይሢንቲ ዎርቆንጎ።
\q
\v 30 ባዓሢም ጋንጋሮ ዻዊ ሃሾንጎ፤
\q2 ጫሺታቴያ ዔዔኮንጎ።
\b
\q
\v 31 ናንጊና ናንጋ ጎዳ ዬያ ቢያ ማዼቴያ
\q2 ናኣናና ኬንኬሊዲ ዓሲ ሃሹዋሴ።
\q
\v 32 ዎዚ ዓሲዳ ፑርታ ባኣዚ ሄላንዳጉዲ
\q2 ዒዛ ማሊሢ ማዔቴያ
\q2 ዒዛኮ ዑሣ ዓኣዼ ዺቦ፥ ናንጊና ናንጋ ናሹሞና
\q2 ዓሲም ዒዚ ሚሚጪንታኔ።
\q
\v 33 ዬይ ያዺ ማዓሢ ዒዚ ፔ ሼኔና
\q2 ዓሲዳ ሜቶና ዖዪሢና ሄሊሱዋኣሢሮኬ።
\b
\q
\v 34 ዓጬሎይዳ ቢያ ቱኡቲ ዓኣ ዓሳ ቢያ
\q2 ጌኔ ጎይሢና ሄርቂንታሢ፥
\q
\v 35 ዼኤፖ ፆኦዛሢ ዛጋንቴ
\q2 ዓሲኮ ቶኦኪ ባይዞሢ፥
\q
\v 36 ፔቴ ዓሲኮ ጌኤሲ ዎቦ ጎይሢና ዎጊንታሢ
\q2 ጎኔና ናንጊና ናንጋ ጎዳ ሃያ ባኮ ዛጉዋዓዳ?
\b
\q
\v 37 ናንጊና ናንጋ ጎዳ ቤርታ ማሊ ቱኪባኣ ባኣዚታቴ
\q2 ዒዛ ዓይሢ ፔቴ ባኣዚታዎ ማዺሻኒ ዳንዳዓ ዓሲ ዖናዳይ?
\q
\v 38 ፑርታ ባኣዚታቴያ ኮሺ ባኣዚ ማዺንታሢ
\q2 ዼኤፖ ፆኦዛሢ ዓይሤምኬ።
\q
\v 39 ሂዳዖ ዓካሪ ሼምፔና ዓኣ ዓሲ ፔ ጎሞና ሜቶ ዔካዖ
\q2 ጉንዱማሢ ዓይጎሮዳዖ?
\b
\q
\v 40 ኑ ሃንታ ሃንቲፆ ማሂ ኑ ዛጎም፤
\q2 ናንጊና ናንጋ ጎዳ ባንሢ ኑ ማዖም።
\q
\v 41 ኑኡኮ ዒኖ ኑ ኩጮና ዎላ ጫሪንጫ ዓኣ
\q2 ኑ ፆኦዛሢ ባንሢ ኑ ዔቂሲ፥ ሂዚ ኑ ጎዖም፦
\q
\v 42 «ኑ ፆኦዛሢዮ! ኑኡኒ ኔኤም ዋይዞ ዒፂ
\q2 ጎሜ ማዼኔ፤ ኔኤኒ ኑና ማኣሪባኣሴ።»
\b
\q
\v 43 «ዻጋዺ ፑኡካኒ ዑኪ ኑና ኔ ዳውሴኔ፤
\q2 ማኣሚቃይዶ ኑና ኔ ዎዼኔ።
\q
\v 44 ኑ ሺኢጲፃ ሙኪ ኔና ሄሉዋጉዲ
\q2 ዲም ጌዔ ሻኣሬና ኔና ኔኤኒ ዓኣቼኔ።
\q
\v 45 ዴሮ ባኣኮይዳ ቡኡራጉዲ ኔ ኑና ላኣሊ ሃሼኔ።»
\b
\q
\v 46 «ኑኡኮ ሞርካ ቢያሢ ኑና ጫሽኪ ጫሽኪ
\q2 ሚኢጪ ኑና ዓማሌኔ።
\q
\v 47 ዒጊቹሞና ባይሲንታና
\q2 ሜቶንታ ሂርጋንታ ሙኪ ኑና ሄሌኔ።
\q
\v 48 ታኣኮ ዴሮይዳ ሄሌ ባይሲንቶ ዛሎ
\q2 ዓቢሢ ታኣኮ ዓኣፓፓ ዎርዚ ዋኣሢጉዲ ጎዓኔ።»
\b
\q
\v 49 «ዓኣፓ ታኣኮ ሃውሾ ባኣያ ዬኤካኔ።
\q
\v 50 ዬይ ያዺ ማዒ ዴዓንዳሢ
\q2 ናንጊና ናንጋ ጎዳ ጫሪንጫፓ ሊካ ዛጊ ዴንቃንዳያ ሄላንዳኣናኬ።
\q
\v 51 ታኣኮ ካታሞይዳ ዓኣ ዉዱሮ ናኣቶ ቢያሢዳ
\q2 ሄሌ ባኮ ዛሎና ታኣኒ ካራ ባይቂ ታ ዒኖና ማሊ ሜታዼኔ።»
\b
\q
\v 52 «ጉሪ ታና ዒፃ ሞርካ
\q2 ካፒም ፒሮ ፒሮጉዲ ታኣም ፒሬኔ።
\q
\v 53 ታኣኒ ሃይቂባኣንቴ ዔቴይዳ ታና ዓጊ
\q2 ዔቶ ካሮ ሹቻ ዔያታ ዎዼኔ።
\q
\v 54 ዋኣሢ ታኣኮ ዑሢና ኩሚ ዴንዳኣና
\q2 ታኣኒ ሃይቃንዳ ዎዳ ዑኬያ ታኣም ማሌኔ።»
\b
\q
\v 55 «ናንጊና ናንጋ ጎዳሢዮ! ዼኤፖ ዔቶይዳ
\q2 ታኣኒ ጌሊ ዓኣዖ ኔና ሺኢቄኔ።
\q
\v 56 ታኣኒ፦ ‹ዋዮ ኔኤኮ ታ ባንሢ ማሄ፤
\q2 ዑኬና ሙኪ ታና ማኣዴ› ጌይ ሺኢቃሢ ኔኤኒ ዋይዜኔ።»
\q
\v 57 ታኣኒ ኔና ዔኤሌ ዎዶና
\q2 ኔኤኒ፦ «ዒጊጪፖ!» ጌይ ታና ዶዲሼኔ።
\b
\q
\v 58 «ናንጊና ናንጋ ጎዳሢዮ! ኔኤኒ ታ ዛሎ ሞኦቲ
\q2 ታና ኔኤኒ ዓውሴኔ።
\q
\v 59 ናንጊና ናንጋ ጎዳሢዮ!
\q2 ታኣም ማዾና ጌኖ ቢያ ኔኤኒ ዛጌሢሮ
\q2 ታኣም ጌስቲ ዎጌ።
\q
\v 60 ታኣኮ ሞርካ ታና ኮማኒ
\q2 ዎላ ጌስቲ ቱኬ ቱኡዞ ኔኤኒ ዴንቄኔ።»
\b
\q
\v 61 «ናንጊና ናንጋ ጎዳሢዮ!
\q2 ታና ዔያታ ጫሽኬ ጫዦና
\q2 ታኣም ዔያታ ማሌ ጌኖ ኔ ዋይዜኔ።
\q
\v 62 ኬስኬ ዓቢ ዴንዲ ጌሊ ካራንዳያ ሄላንዳኣና
\q2 ሞርካ ታና ባይዞንዶ ጎይፆ
\q2 ዎላ ካሽካሺ ጌስታኔ።
\q
\v 63 ዔያታ ዴዒያ ማዖም ዔቂ ቶሳ ቶሶና
\q2 ታና ጫርጋ ጫጮ ዔያቶኮ ዛጌ።»
\b
\q
\v 64 «ናንጊና ናንጋ ጎዳሢዮ! ዔያታ ማዼ ባኮ ዛሎ
\q2 ኮይሳማጉዴያ ማሂ ዔያቶም ዒንጌ።
\q
\v 65 ዔያቶ ጋዳንቂ
\q2 ካራ ዔያቶኮ ባይዜ!
\q
\v 66 ናንጊና ናንጋ ጎዳሢዮ! ኔ ዻጎና ዔያቶ ዳውሴ፤
\q2 ጫሪንጮ ዴማፓ ጋፒሲ ዔያቶ ኩርሴ!»
\c 4
\s1 ዬሩሳላሜይዳ ሄሌ ሜቶ
\q
\v 1 ጌኤዦ ማኣሮ ማዦና ሹጫ ጉሪ ዞኦስካ ኬኤሪንቴኔ።
\q2 ዎዎይቴዖ ዎርቃ ሳልፔንቴሞ!
\q2 ጌኤዦ ዎርቃ ሜሌ ባኣዚ ማዔንቴሞ!
\b
\q
\v 2 ፂዮኔይዳ ዓኣ ዓቲንቆ ናኣታ ጌኤሺ ዎርቄጉዲታዖኬ፤
\q2 ሃይሾ ሃሢ ማኒ ዢኢጬ ዓጪና ማዤ
\q2 ሜሄ ማዒ ዓቴንቴሞ!
\b
\q
\v 3 ዉኡካሢታዖ ፔኤኮ ሾዖና ናኣቶ ዻዻንሢሣኔ፤
\q2 ሃይ ታኣኮ ዴራ ዓሲ ናንጉዋ ዳውሎይዳ ዓኣ ቱኡቴጉዲ
\q2 ፔኤኮ ናኣቶም ሚጪንቱዋያ ማዔንቴሞ!
\b
\q
\v 4 ናኣቶ ዔያቶኮ ዋኣፃ ዼኤቤሢሮ ናኣቶኮ ዒንዲርዛ
\q2 ዻንጎይዳ ዓዺንቲ ዴዔኔ፤
\q2 ናኣታ ዔያቶኮ ሙኡዚ ሺኢቃኔ፤
\q ጋዓንቴ ፔቴታዖ ዔኤቢ ዔያቶም ዒንጋ ዓሲ ባኣሴ።
\q
\v 5 ሃያኮ ቤርታ ቃውቲ ቃውቲ ኮሺ ባኣዚ ሙዓ ዓሳ
\q2 ካራ ባይዚ ሴካ ሃንጋ ጉሪ ዤኤማኔ።
\q2 ጋላፒ ማዔ ሚዛጶ ማኣዓሢ ማይንቲ ዲጬ ዓሳ
\q2 ሃሢ ዲቢንሢ ላኣሎ ዱባይዳ ፔና ሃሺ ላሄኔ።
\b
\q
\v 6 ታ ዴሮይዳ ሄሌ ሜታ
\q2 ዖኦኒያ ካኣሙዋንቴ ዶዒ ባይቄ
\q2 ሶዶሜ ካታሞ ሜታፓ ባሻያኬ። \x - \xo 4፡6 \xo*\xt ማዢ. ማፃ 19፡24።\xt*\x*
\b
\q
\v 7 ካኣቶ ናኣቶ ማዔ ዔያቶ ሱኡጋ ዔያቶ ኮይላ
\q2 ሻቺፓ ባሼ፤ ዲኢቂፓኣ ባሼ ጌኤሽኪ ጴዻያኬ፤
\q2 ዔያቶኮ ሚዛጱማ ሴንፔሬ ጌይንታ ሹጮጉዲኬ።
\b
\q
\v 8 ሃሢ ጋዓንቴ ዓኣፖ ካራ ዔያቶኮ ጪላንቺጉዲ ካርቴኔ፤
\q2 ዞኦዛ ዔያታ ሜታዺ ሃንታኣና ዔያቶ ዔራ ዓሲያኣ ባኣሴ፤
\q2 ሜልዚ ሚሢጉዲ ዒልዓ ዔያቶኮ ዑፆይዳ ፓፂ ባይቄኔ።
\b
\q
\v 9 ናዮና ሃይቂ ኩዳ ዓሶይዳፓ
\q2 ጬንቾ ዓራፖና ዎዾ ዓሳ ቃራኬ፤
\q2 ሙዓ ባይቄሢሮ ዓሳ ዞኦዛ ናዮና ሜሊ ጉሪ ኩዳኔ።
\q
\v 10 ባይሲንታ ኬዴም ካታማ ካራ ባይቄ ዎዶና
\q2 ናኣቶ ሚጪንታ ላኣላ ፔ ኩቻ ፔኤኮ ናኣቶ ካሢ ሙዔኔ። \x - \xo 4፡10 \xo*\xt ላሚ. ዎማ 28፡57፤ ሂዚ. 5፡10።\xt*\x*
\q
\v 11 ናንጊና ናንጋ ጎዳ ፔኤኮ ዼኤፖ ዻጎ ዴንሢ
\q2 ፂዮኔኮ ፃጶ ሙይ ዶዶይሳንዳ ታሚጉዲ
\q2 ዔዔኤታ ፑርታ ባኣዚ ኬይሴኔ።
\q
\v 12 ዓጮ ቢያሢዳ ዓኣ ካኣቶዋ ማዖም ዴራ
\q2 ዬሩሳላሜ ካታሞኮ ጌሎ ካሮና
\q2 ሞርኬ ጌላንዳኔ ጌይ ፔቴታዖ ማሊባኣሴ።
\b
\q
\v 13 ጋዓንቴ ዬይ ያዺ ማዔሢ ዒኢካ ጌኤዦ ዓሶ ዎዼ
\q2 ቄኤሶንታ ፆኦሲ ማሊፆ ኬኤዛ ዓሶ ጎሞ ዛሎናኬ።
\b
\q
\v 14 ዔያታ ዬያ ሱጉፆና ዒኢቴያታሢሮ
\q2 ዔያቶኮ ማኣዓሢታዖ ጫርቂ ካኣማ ዓሲ ባኣሴ፤
\q2 ዔያታ ዓኣፒ ባይቄ ዓሲጉዲ ጎይፆይዳ ሴካ ሃንጋ ቴኤም ጋዓኔ።
\b
\q
\v 15 ዬያሮ ዴራ፦ «ዴንዲ ባይቁዋቴ!
\q2 ዒንሢ ዒኢቴ ዓሲታሢሮ ኑና ሄሊፖቴ!» ጌይ ዒላታኔ።
\b
\q ዬያሮ ዔያታ ዒፂ ዳውሶና ዓሲ፥ ሃሣ ቤሲ ባይዜ ዓሲ ማዔኔ፤
\q2 ዴራ፦ «ሃካፓ ሴካ ማይ ዔያታ ኑ ባኣካ ዴይንዱዋሴ» ጌዔኔ።
\b
\q
\v 16 ናንጊና ናንጋ ጎዳ ዔያቶ ፔኤሮ ዜሪ ዳኬሢሮ
\q2 ሃካፓ ሴካ ዒዚ ዔያቶ ዛሎ ማላዓኬ፤
\q2 ቄኤሶዋ ዒዚ ቦንቺሳዓኬ፤
\q2 ዒኢካ ዓኣ ጋርቾማኣ ኮሺ ባኣዚ ማዺንታዓኬ።
\b
\q
\v 17 «ኑና ማኣዳንዳያ ሙካንዳኔ» ጌይ ኑ ጎይሢ ዛጋኣና ላቤኔ፤
\q2 ኑና ዓውሳኒ ዳንዳዑዋ ዓሲ ኑኡኮ ሴኤሎይዳ ዔቂ ኑ ጉሪ ካፔኔ።
\b
\q
\v 18 ኑኡኒ ጎይፆይዴና ሴካ ሃንጋ ሃንቱዋጉዲ
\q2 ሞርካ ኑና ዚርቂ ዔቂ ካፓኔ፤
\q2 ኑኡኮ ጋፒ ዎዴ ሄሌኔ፥ ኬሊ ኑም ሜንሦናኣኬ፤
\q2 ኑኡኒ ኩዳኒ ዑኬኔ።
\b
\q
\v 19 ኑና ዳውሳ ሞርካ ኮኦኬይዳፓ ባሼ ሩኡራያኬ፤
\q2 ዹኮ ዑፆይዳ ኑና ዳውሴኔ፤
\q2 ዓሲ ናንጉዋ ዳውሎ ቦኦሎይዳኣ ኑና ካቴኔ።
\b
\q
\v 20 ናንጊና ናንጋ ጎዳ ካኣቲ ማሂ ዶኦሜ
\q2 ኑኡኮ ሼምፓሢኮ ዑኡዞ ማዔሢ
\q2 ዔያታ ፔ ፒራሢና ፒሪ ዓይሤኔ፤
\q ዒዛ ሺቦ ዴማ ዴዒ
\q2 ዴሮ ባኣኮይዳ ናንጋንዳኔ ጌይ ኑኡኒ ማሌንቴኬ።
\b
\q
\v 21 ዒንሢ ዑፄይዳ ናንጋ፥ ዔዶኦሜ ዴራ
\q2 ዎዛዹዋቴ፥ ዒላሹዋቴ!
\q2 ጋዓንቴ ዒንሢም ጊኢጊሾና ጳዻሢ
\q2 ፔ ዎዶ ካፒ ሙኮ ዓታዓኬ፤
\q2 ዒንሢያ ማሢንቲ፥ ማኣዓሢ ኬኤሪ ካላዻንዳኔ።
\b
\q
\v 22 ዬሩሳላሜ ዴሬዮቴ! ዒንሢ ዻቢንቶሮ
\q2 ዒንሢም ዓጎና ፑርቶ ባካ ጊዳንዳኔ፤
\q2 ናንጊና ናንጋ ጎዳ ዑኬና ዒንሢ ዳውሲንቲ ዴንዴ ባዛፓ ማሃንዳኔ፤
\q2 ጋዓንቴ ዔዶሚያሴ ዴሬዮቴ! ዒንሢ ዻቢንቶ ዛሎ
\q2 ናንጊና ናንጋ ጎዳ ዒንሢዳ ሜቶ ዓጋንዳኔ፤ ዻቢንቶዋ ዒንሢኮ ፔጋሳንዳኔ።
\c 5
\s1 ፆኦሲ ሚጪንታንዳጉዲ ሺኢቂንቴ ሺኢጲሢ
\q
\v 1 ናንጊና ናንጋ ጎዳሢዮ! ኑና ሄሌ ባኮ ዛሎሮ ኑም ማሌ፤
\q2 ኑኡኮ ዻውሲንቶ ዛጌ!
\b
\q
\v 2 ኑኡኮ ዴና ዔውቲ ሜሌ ዓሲም ዒንጊንቴኔ፤
\q2 ኑኡኮ ኬኤፃ ቢያ ሜሌ ፃንጎ ዓሲ ናንጋ ኬኤሢ ማዔኔ።
\b
\q
\v 3 ኑኡኒ ዓዴ ሃይቄ ዜኤሪ ማዔም
\q2 ኑኡኮ ዒንዶንሢያ ዜኤሪ ዒንዶ ማዔኔ።
\b
\q
\v 4 ኑኡኒ ዑሽካ ዋኣፆንታ
\q2 ካያፓ ሃኣኮ ሃንፂሎንታ ሻሻንቃኔ።
\b
\q
\v 5 ኑና ዳውሳ ዓሳ ኑኡኮ ባቃና ዴዒ ዓኣኔ፤
\q2 ኑኡኒ ላቤኔ፥ ሃውሾዋ ኑኡኮ ባኣሴ።
\b
\q
\v 6 ኑም ጊዳ ሙኡዚ ዴንቃኒ ጊብፄ ዓጮና
\q2 ዓሶኦሬ ዓጮናም ኩቺ ኑ ዒንጌኔ።
\b
\q
\v 7 ኑ ዓዶንሢ ጎሜ ማዺ ኑም ሃሼኔ፤
\q2 ኑኡኒ ዔያቶም ዓጎና ሜቶ ዔኪሢዳኬ።
\b
\q
\v 8 ሃያኮ ቤርታ ዓይሌ ማዔ ዓሳ ሃሢ ኑና ዎይሣያ ማዔኔ፤
\q2 ዔያቶ ኩጫፓ ኑና ዓውሳኒ ዳንዳዓ ዓሲያኣ ባኣሴ።
\b
\q
\v 9 ዳውሎ ቦኦሎይዳ ዎዻ ዓሲ ዓኣሢሮ
\q2 ኑኡኒ ሙዖ ባኣዚ ዴንቃኒ ዳንዳዓሢ
\q2 «ዎዼቴ ዎዼ፥ ዻቂሼቴ ዻቂሼ» ጌይኬ።
\b
\q
\v 10 ናያ ኑና ባሼሢሮ
\q2 ዑፃ ኑኡኮ ናኣቦጉዲ ጪላንቄኔ።
\b
\q
\v 11 ኑኡኮ ላኣላ ፂዮኔይዳ
\q2 ኑኡኮ ዉዱሮ ናኣታኣ ዪሁዳ ካታሞይዳ
\q2 ዎልቄና ዓርቂንቴኔ።
\b
\q
\v 12 ኑ ሱኡጎኮ ኩጮ ቱኪ ሱፂ ዎዾናኔ፤
\q2 ኑኡኮ ጋርቾዋ ቦንቺቦኦሴ።
\b
\q
\v 13 ዓቲንቆ ዼጌሢ ዎልቃዺ ዎንሢ ዎዺሾናኔ፤
\q2 ዓቲንቆ ናኣቶ ዻካኣ ዴኤሢ ሃንፂሌ ኬዲና ሜታዼኔ።
\b
\q
\v 14 ዓጮ ጋርቻ ዴይ ዎጎ ዎጋ ቤዞ ሃሺ ዴንዴኔ፤
\q2 ዼጌሢያ ኮርጋ ኮፆ ሃሼኔ።
\b
\q
\v 15 ዎዛ ኑኡኮ ዒናፓ ባይቄኔ፤
\q2 ኑ ዎንዴ ዎዛዺ ኮርጋ ኮፆ ባይዚ ዖዪሢ ዓርቄኔ።
\b
\q
\v 16 ቦንቻ ኑኡኮ ዔውቲ ባይቄኔ፤
\q2 ኑኡኒ ጎሜ ማዼሢሮ ኑና ባዴዔ!
\b
\q
\v 17 ያዺ ማዔሢሮ ኑኡኒ ሃርጌ ዓሲ ማዔኔ፤
\q2 ዓኣፓኣ ኑኡኮ ፒዜ ዛጎ ባሺንቲ ላቤኔ።
\b
\q
\v 18 ፂዮኔ ዹካ ዓሲባኣያ ጉሪ ቤሲ ማዒ ዓቴሢሮ
\q2 ዉኡካ ዒኢካ ዓማሊ ሺራ ቤሲ ማዔኔ።
\b
\q
\v 19 ኔኤኒ ጋዓንቴ ናንጊና ናንጋ ጎዳሢዮ! ናኣናና ካኣቲኬ፤
\q2 ኔኤኮ ካኣቱሞ ዖይታ ሙካ ዎዶ ቢያይዳ ባይቃዓኬ።
\b
\q
\v 20 ኔ ኑና ዎይታዛ ጋፒ ዋሊ ሃሼዖ?
\q2 ሚርጌ ዎዴ ኔ ኑና ኬንኬሊዲ ሃሼንቴሞ?
\b
\q
\v 21 ናንጊና ናንጋ ጎዳሢዮ! ኔ ባንሢ ኑና ማሄ፥ ኑኡኒ ማዓንዳኔ፤
\q2 ኑኡኒ ናንጋ ናንጎ ቤርታኣ ዎዶጉዲ ማሂ ጊንሣ ኮሼ።
\b
\q
\v 22 ኔኤኒ ዬያይዲባኣቴ ጋፒ ኑና ኔ ሃሺ
\q2 ኑኡኒ ማዼ ባኮሮዋ ዑሣ ዓኣዼ ኔ ዻጋዼኔ ጌይሢኬ።