\id JON - MAALE Full Bible
\ide UTF-8
\h ዮናኣሴ ማፃኣፖ
\toc1 ፆኦሲ ማሊፆ ኬኤዛ ዮናኣሴ ማፃኣፖ
\toc3 ዮና.
\toc2 ዮናኣሴ ማፃኣፖ
\mt1 ዮናኣሴ
\imt ዓይፆ ካሮ
\ip ፆኦሲ ማሊፆ ኬኤዜ ዮናኣሴ ማፃኣፓ ፆኦሲ ዓይሤ ባኮ ዋይዞ ዒፄ፥ ዮናኣሴይዳ ሄሌ ሜቶ ሃይሴ ኬኤዛያ ማዒፆና ሃንጎ ፆኦሲ ማሊፆ ኬኤዛ ማፃኣፖይዳፓ ዱማዻያኬ። ፆኦሲ ዒማና፦ «ዒስራዔኤሌ ዓሶኮ ሞርኬ ማዒ ናንጋ፥ ዼኤፖ ዓሶኦሬ ካኣቲ ካኣታዺ ዴዒ ዎይሣ ኔኔዌ ካታሞ ዴንዴ!» ጌይ ዮናኣሴ ዓይሤኔ፤ ዮናኣሴ ጋዓንቴ፦ «ፆኦሲ ካታሜሎ ‹ባይዛንዳኔ› ጌይ ዶዲሺ ኬኤዜ ጎይፆ ማዺንዱዋሴ» ጌይ ማሌሢሮ ፆኦሲኮ ኪኢቶ ዔኪ ኔኔዌ ዴንዳኒ ኮይባኣሴ።
\ip ዬካፓ ሚርጌ ባኣዚ ዒዛና ካኣሜም ናሽኪባኣዖ ፆኦሲም ኪኢቲንቲ ኔኔዌ ዴንዳዛ ፆኦሲ ጌዔ ጎይፆ ማዺባኣሢሮ ዒዚ ዻጋዼኔ። ማፃኣፔላ፦ ማዢንቴ ባኮ ቢያይዳ ፆኦሲኮ ቢታንቶ ዓኣሢ ኬኤዛኔ፤ ዬያ ሌሊቱዋንቴ ፆኦሲ ዓሲ ናሽካያና ማኣራ ጎዳ ማዒፆና ፔ ዴሮኮ ሞርኮይዳ ሜቶ ዓጊ ዔያቶ ባይዚፆይዳፓ ዔያቶም ዓቶም ጋዓኒና ዓውሳኒ ናሽካሢ ኬኤዛኔ።
\iot ማፃኣፔላ ዱማ ዱማ ዓርቄ ባኮ
\io1 ናንጊና ናንጋ ጎዳ ቤርታፓ ዮናኣሴ ዓኣሺንታኒ ማሌሢ (1፡1-17)
\io1 ዮናኣሴ ናንጊና ናንጋ ጎዳ ሺኢቄ ሺኢጲፆ (2፡1-10)
\io1 ዮናኣሴኮ ኔኔዌ ዓኣዺፆና ዴሮኮዋ ጎሞ ቡኡፂፆ (3፡1-10)
\io1 ዴሮ ፆኦሲ ማኣሬሢሮ ዮናኣሴኮ ዻጎ (4፡1-11)
\c 1
\s1 ዮናኣሴ ናንጊና ናንጋ ጎዳም ዓይሢንቶ ዒፄሢ
\p
\v 1 ናንጊና ናንጋ ጎዳ ዓሚታዬ ናኣዚ፥ ዮናኣሴም ፔጋሲ ኬኤዜ ቃኣላ ያዺኬ፦ \x - \xo 1፡1 \xo*\xt 2ካኣቶ. ማ 14፡25።\xt*\x* 
\v 2 «ሃሢ ዔቂጋፓ ዼኤፖ ካታሜሎ፥ ኔኔዌ ዓኣዼ፤ ታኣኒ ዒኢካ ናንጋ ዴሮኮ ፑርቱሞ ዛጌኔ፤ ዒኢካ ዴንዳዖ ዒላቲ ኬኤዜ» ጌዔኔ። 
\v 3 ዮናኣሴ ጋዓንቴ ናንጊና ናንጋ ጎዳ ቤርታፓ ፑናኒ ማሊ ቴርሴሴ ካታሞ ዴንዳኒ ዔቄኔ፤ ዒዚ ዒማና ዒዮጴ ኬዲ ዒኢና ጌይ ቴርሴሴ ዓኣዻ ዋኣሢ ካኣሚሌ ዴንቄኔ፤ ዬካፓ ዬያ ዋኣፆ ካኣሚሎም ኮይሳ ሚኢሾ ጪጊ፥ ዋኣፆ ካኣሚሎይዳ ጌሌኔ፤ ዒዚ ዬያይዴሢ ናንጊና ናንጋ ጎዳፓ ፑናኒ ማሊኬ።
\p
\v 4 ናንጊና ናንጋ ጎዳ ጋዓንቴ ባዞይዳ ዼኤፒ ጉዶ ዢባሬ ዔቂሴኔ፤ ዬይ ባዞይዳ ዔቄ ጉዳሢ ዢባራ ሚርጌ ዎልቃዻያ ማዔሢሮ ዋኣፆ ካኣሚላ ሜቃኒ ዑኬኔ፤ 
\v 5 ዒማና ዋኣፆ ካኣሚሎይዳ ዓኣዻ ዓሳ ኮሺ ዒጊጬሢሮ ፔቴ ፔቴሢ ፔኤኮ ፆኦዛ ዔያቶ ማኣዳንዳጉዲ ዒላቴኔ፤ ሃሣ ዋኣፆ ካኣሚሎኮ ጫኣኖ ሼሌዒሳኒ ጋሮይዳ ዓኣ ባኮ ዔኪ ዔኪ ባዞይዳ ኬኤሬኔ፤ ዮናኣሴ ጋዓንቴ ዋኣፆ ካኣሚሎኮ ጋራ ሊካ ዴማ ዓኣ ቆልዓ ጋርካ ጌሊ ላሂ ሃሃይቄጉዲ ጊንዔኔ።
\p
\v 6 ዋኣፆ ካኣሚሎ ሱኡጋሢ ዒ ዓኣ ቤዞ ሙካዖ፦ «ዎይቲ ኔ ጊንዓይ? ዔቂጋፓ ኔ ፆኦዛሢ ሺኢቄ፤ ጎዖንቴ ዒ ኑና ሚጪንቲ ኑ ሼምፓሢ ዓውሳንዳያ ናንዳኔ» ጌዔኔ።
\p
\v 7 ዋኣፆ ካኣሚሎ ጋራ ዓኣ ዓሳ ቢያ ዎሊ ኮይላ፦ «ሃያጉዴ ሜታሢዳ ኑ ኬዴሢ ዖ ዛላና ማዔቴያ ዔራኒ ዒፃ ኑ ዓጎም፥ ሃኒ ዬውዋቴ» ጌዔኔ። ዬካፓ ዔያታ ዒፃሢ ዓጋዛ ዬና ዓጎና ባካ ዮናኣሴሲ ማዒ ጴዼኔ። 
\v 8 ዬያሮ ዔያታ ዮናኣሴ ኮራ፦ «ሂንዳ ኑኡም ኬኤዜ! ሃይ ፑርቶ ባካ ቢያ ኑና ሄሌሢ ዖ ዛላና ኔኤም ማላይ? ኔ ዓይጎ ማዻ ዓሲዳይ? ኔኤኒ ዓንካፓ ሙኬይ? ዓጫ ኔኤኮ ዎካዳይ? ኔ ዓይጎ ዓሲዳይ?» ጌዔኔ።
\p
\v 9 ዮናኣሴ ዒማና፦ «ታኣኒ ዔብሬ ዓሲኬ፤ ሳዖንታ ባዞንታ ማዤ፥ ጫሪንጮኮዋ ፆኦሲ ማዔ ናንጊና ናንጋ ጎዳ ታኣኒ ካኣሽካኔ» ጌዔኔ። 
\v 10 ቤርታ ዔያቶም ዒ ኬኤዜያታሢሮ ዮናኣሴ ናንጊና ናንጋ ጎዳ ቤርታፓ ፑኒ ዓኣዻያ ማዔሢ ዔያታ ዔሬኔ፤ ዬያሮ ሚርጌና ዔያታ ዒጊጫዖ፦ «ሃይ ኔ ዓይጎ ማዾ ማዼይ?» ጌዔኔ። 
\v 11 ባዞ ጉዳሢ ዶዲ ዶዲ ዓኣዼሢሮ ዋኣፆ ካኣሚሎይዳ ዓኣ ዓሳ፦ «ሃይ ዋኣፆ ዴቻ ጉዳሢ ዢባራ ዚቲ ጋዓንዳጉዲ ኔና ኑ ዎዴቴ ኮሽካንዳይ?» ጌይ ዖኦጬኔ።
\p
\v 12 ዮናኣሴ ማሃዖ፦ «ሃይ ዋኣፆ ዴቻ ጉዳሢ ዒንሢ ሄሌሢ ታ ዻቢንቶሮታሢ ታ ዔራኔ፤ ዬያሮ ታና ዔኪ ባዞይዳ ዓጉዋቴ፤ ዬካፓ ሃይ ዋኣፆ ጉዳሢ ዚቲ ጋዓንዳኔ» ጌዔኔ።
\p
\v 13 ዋኣፆ ካኣሚሎይዳ ዓኣ ዓሳ ዔያቶም ዳንዳዒንቴ ጎይፆጉዴያ ዋኣፆ ካኣሚሎ ዒሺ ዔኪ ባዞ ዓጮ ሄሊሳኒ ማሌኔ፤ ጋዓንቴ ዬይ ዋኣፆ ዴቻ ጉዳሢ ዑሣ ዓኣዼ ዶዴሢሮ ዔያታ ዬያይዳኒ ዳንዳዒባኣሴ። 
\v 14 ዬያሮ፦ «ናንጊና ናንጋ ጎዳ ማዔ ኑ ፆኦዛሢዮ! ሃያ ዓሢ ኑ ዎዼኔ ጌይ ኑና ባይዚፖ፤ ኔ ማሌ ባኮ ማዼሢሮ ኑኡኒ ጌኤሺ ዓሲ ዎዼያ ማሂ ኑና ፓይዲፖ!» ጌይ ናንጊና ናንጋ ጎዳ ዔያቶ ማኣዶም ዒላቴኔ። 
\v 15 ዬካፓ ዮናኣሴ ዔያታ ዔኪ ባዞይዳ ኬኤሬም፥ ባዞ ጉዳሢ ዚቲ ጌዔኔ። 
\v 16 ዓሳ ዒማና ናንጊና ናንጋ ጎዳ ኮሺ ዒጊጬሢሮ ናንጊና ናንጋ ጎዳም ዒንጎ ባኣዚ ሺኢሼኔ፤ ናኣቢያ ናኣቤኔ።
\p
\v 17 ዒማና ፔቴ ዼኤፒ ሞላ ዮናኣሴ ዔኤዻንዳጉዲ ናንጊና ናንጋ ጎዳ ዓይሤኔ፤ ዬያሮ ዮናኣሴ ሞላሢ ጎጶይዳ ሃይሦ ሮኦሪና ዋንቴና ዴዔኔ። \x - \xo 1፡17 \xo*\xt ማቲ. 12፡40።\xt*\x*
\c 2
\s1 ዮናኣሴ ሺኢቄ ሺኢጲፆ
\p
\v 1 ዮናኣሴ ሞላሢ ጎጶይዳ ዓኣዖ ሂዚ ጌይ ናንጊና ናንጋ ጎዳ ማዔ ፔ ፆኦዛሢ ሺኢቄኔ፦
\q
\v 2 «ናንጊና ናንጋ ጎዳሢዮ! ታኣኒ ሜታዺ ዓኣዖ ኔና ዔኤሌኔ፤
\q2 ኔኤኒያ ታኣም ዬሄኔ፤
\q ኔኤኒ ታና ማኣዶንጎ ጌይ ሃይቄ ዓሶ ዓጮ፥ ዔቶይዳ ዓኣዖ
\q2 ኔ ዓውሳንዳጉዲ ታኣኒ ዒላቴኔ፤
\q2 ኔኤኒያ ታኣም ዋይዜኔ።
\q
\v 3 ኮሺ ዔታዻ ባዞኮ ዴሞይዳ ኔኤኒ ታና ኬኤሬኔ፤
\q2 ኮይላ ታኣኮ ዋኣሢ ሌሊ ማዔኔ፤
\q2 ኔኤኮ ዴቺንታ ዋኣፆና ባዞ ጉዳሢና ታኣኮ ዑሢና ዓኣዼኔ።
\q
\v 4 ኔ ዓኣፓፓ ታኣኒ ኬኤሪንቲ ባይቄኔ፤
\q2 ያዺ ማዔቴያ ኔኤኮ ጌኤዦ ማኣሮ ላሚ ታኣኒ ዛጋኔ።
\q
\v 5 ዋኣፃ ታኣኮ ሆሎ ሄላንዳኣና
\q2 ዼኤፖ ባዞ ዋኣፃኣ ጋፒሲ ታና ዔኤዼኔ፤
\q2 ዼኤፖ ባዞይዳ ባቃሊ ዓኣ ማኣታ ቶኦኮ ታኣኮ ማሬኔ።
\q
\v 6 ሊካ ዹኮኮ ዴሞ ታኣኒ ኬዴኔ፤
\q2 ዬያኮዋ ዴማ ዓኣ ሳዖ ዴማ
\q2 ናንጊና ታኣኒ ካራ ዎዺንቴም ዴዔኔ፤
\q ኔኤኒ ጋዓንቴ ናንጊና ናንጋ ጎዳ ማዔ ታ ፆኦዛሢዮ!
\q2 ዬያ ዋኣፆ ዔቶይዳፓ ኬሲ ዔኪ ሼምፓሢ ታኣኮ ዓውሴኔ።
\q
\v 7 ታኣኒ ሃይቄያ ታኣም ማሌ ዎዶና
\q2 ናንጊና ናንጋ ጎዳ ታኣኒ ማሊ ጶቂሤኔ፤
\q2 ኔና ታኣኮ ፆኦዛሢ ታኣኒ ሺኢቄኔ፤
\q2 ሺኢቂፆ ታኣሲ ኔኤኮ ጌኤዦ ማኣሮይዳ ኔ ዋይዜኔ።
\q
\v 8 ሉኡዚ ማዔ ፆኦዞ ካኣሽካ ዓሳ ቢያ
\q2 ኔኤም ጉሙርቂንታያ ማዒፆ ሃሼኔ።
\q
\v 9 ዻቂሻሢ ናንጊና ናንጋ ጎዳታሢሮ
\q2 ታኣኒ ጋላታ ዓይኑሞና ዎላ ዒንጎ ባኣዚያ ሺኢሻንዳኔ፤
\q2 ዒዛም ታኣኒ ናኣቤ ባኮዋ ዒንጋንዳኔ።»
\p
\v 10 ዬካፓ ናንጊና ናንጋ ጎዳ ዓይሤም ሞላሢ ዮናኣሴ ዔኪ ኬሲ ባዞ ዓጫ ጮኦሽኬኔ።
\c 3
\s1 ዮናኣሴ ናንጊና ናንጋ ጎዳም ዓይሢንቴሢ
\p
\v 1 ናንጊና ናንጋ ጎዳ ላሚ ዮናኣሴም፦ 
\v 2 «ሃሢ ዔቂ ዼኤፖ ካታሜሎ ኔኔዌ ዓኣዺጋፓ ታ ኔኤም ኬኤዛ ቃኣሎ ዴሮም ዑኡዞ ዼጊዲ ኬኤዜ» ጌዔኔ። 
\v 3 ዬያሮ ዮናኣሴ ናንጊና ናንጋ ጎዳም ዓይሢንቲ ኔኔዌ ካታሞ ዓኣዼኔ፤ ኔኔዌ ካታማ ኮሺ ዼኤፒታሢሮ ካራፓ ጋፖ ሄላኒ ሃይሦ ኬሊ ሃንቲንታያኬ። 
\v 4 ዮናኣሴ ዒማና ካታሜሎ ጌሊ ሃንቲፆ ዓርቄኔ፤ ዒዚ ፔቴ ኬሊ ሃንቴስካፓ፦ «ኔኔዌ ዖይዲታሚ ኬሊ ጋርካ ሻሂንቲ ዶዒ ባይቃንዳኔ!» ጌይ ዒላቲ ኬኤዜኔ።
\p
\v 5 ዒማና ኔኔዌ ዴራ ፆኦሲ ጌዔ ባኮ ጉሙርቄኔ፤ ዬካፓ ሙኡዚ ሃሻንዳ ኬሊያ ሜንሤኔ፤ ዔያቶኮ ዼኤፖ ጌይንታ ዓሶፓ ዴንዲ ዻኮ ሄላንዳኣና ቢያሢ ሲዬ ፓቲሌ ማይንቴኔ። \x - \xo 3፡5 \xo*\xt ማቲ. 12፡41፤ ሉቃ. 11፡32።\xt*\x*
\p
\v 6 ዬያ ባኮ ኔኔዌ ካኣቲ ዋይዛዖ ዒ ዴዔ ዖይታፓ ኬዲ፥ ካኣቱሞ ማኣዓሢ ላኣሚ ሲዬ ፓቲሌ ማይንቲ ሳዓ ሲላሎይዳ ዴዔኔ። 
\v 7 ዬካፓ ኔኔዌ ዴሮም፦ «ዓይጎ ዓሲያ ማዖም ቆልሞታቴያ ባይ፥ ማራይ ፔቴታዖ ዔኤቢ ሙዖፓ፤ ዋኣሢያ ዑሽኮፓ፤ 
\v 8 ዓሶንታ ቆልሞንታ ቢያ ሲዬ ፓቲሌ ማይንቶንጎ፤ ፔቴ ፔቴ ዓሳ ፆኦሲ ማኣዳንዳጉዲ ዒናፓ ሺኢቆንጎ፤ ፑርቶ ማሊፆና ጌኖ ማዾዋ ሃሾንጎ። 
\v 9 ኑኡኒ ባይሲንቶፓ ቶሊ ዓታንዳጉዲ ፆኦሲ ሚጪንቲ ሃያ ዒጊቻ ፑርቶ ባኮ ኑጊዳ ሄሊሱዋዖ ዻጎ ፔኤኮ ሃሻንዳኣናንዳኔ፤ ሃያ ኪኢቶ ካኣቲና ዒዛና ዎላ ማዻ ሱኡጎና ዳኬያኬ» ጋዓ ኪኢታ ዳኬኔ።
\p
\v 10 ፆኦሲ ዒማና ኔኔዌ ዓሳ ማዼ ባኮና ፑርቶ ማዾዋ ዔያታ ሃሼሢ ዛጌኔ፤ ዬያሮ ዔያቶ ዒዚ ሚጪንቲ ዔያቶይዳ ዓጋኒ ማሌ ሜታሢ ዓጉዋዖ ሃሼኔ።
\c 4
\s1 ፆኦሲ ኔኔዌ ዴሮ ማኣሬሢሮ ዮናኣሴ ዻጋዼ ዻጎ
\p
\v 1 ዮናኣሴ ዬይ ባካ ዎዛሲባኣሢሮ ዒዚ ዻጋዼኔ፤ 
\v 2 ዒዚ ዒማና፦ «ናንጊና ናንጋ ጎዳሢዮ! ኔኤኒ ሃያ ማዻንዳሢ ሃጊ ሶ ታ ዓጫ ዓኣዖ ታ ኔኤም ኬኤዚባይ? ኔ ቤርታፓ ቴርሴሴ ካታሞ ታኣኒ ቤቲ ዓኣዻኒ ማሌሢ ዬያሮኬ፤ ኔኤኒ፦ ኮሺ፥ ዻቤ ዓሲም ዓቶንጎ ጋዓያ፥ ጊቢ ዳንዳዓያና ማኣሪፃኣ ኔኤኮ ሚርጌ፥ ናንጊና ናንጋ ናሹሞ ዓኣያ፥ ዻጎ ኔኤኮ ሃሺ ቲኢራ ፆኦሲ ኔ ማዔሢ ታ ዔራያኬ። \x - \xo 4፡2 \xo*\xt ኬሲ. ማፃ 34፡6።\xt*\x* 
\v 3 ናንጊና ናንጋ ጎዳሢዮ! ሃዳራ ሃሢ ታና ዎዎዼ፤ ታኣኒ ናንጋስካፓ ሃይቃቴ ኮሺኬ» ጌይ ሺኢቄኔ። \x - \xo 4፡3 \xo*\xt 1ካኣቶ. ማ 19፡4።\xt*\x*
\p
\v 4 ናንጊና ናንጋ ጎዳ ዒዛም ማሃዖ፦ «ሃያይዲ ኔኤኮ ዻጋዺፃ ኮይሳያዳ?» ጌዔኔ።
\p
\v 5 ዮናኣሴ ዒማና ካታሜሎ ሃሺ ኬስኪ ዓባ ኬስካ ባንፆይዳ ዉልሻ ዉልሺ ዴማ ዴዔኔ፤ ዒዚ ዒኢካ ዴዒ ካታሜሎይዳ ዓይጌ ማዺንታቴያ ዛጋኒ ካፓኔ። 
\v 6 ሺቢ ዴንቂ ዓቦ ዖይዻፓ ዒዚ ዓታንዳጉዲ ናንጊና ናንጋ ጎዳ ማዔ ፆኦዛሢ ፔቴ ጉሲ ባቃልሲ ዮናኣሴኮ ዉልሾ ዑፆ ባልጊሺ ዳኬኔ፤ ዬና ጉዞ ዒላዤላ ሺቤሢሮ ዮናኣሴ ሚርጌና ዎዛዼኔ። 
\v 7 ጋዓንቴ ዚሮ ጉቴሎ ፆኦሲ ፔቴ ቂኢራማሮ ዳኬም ዬና ዛኣሌላ ጉዜሎ ቲቄኔ፤ ዬያሮ ጉዜላ ሃይቄኔ። 
\v 8 ዓባ ፆርቃዛ ፆኦሲ ዓባ ኬስካ ባንፃፓ ዖይዺ ዢባሬ ዢባርሺሴኔ፤ ዬይ ዓቦ ዖይዻ ዮናኣሴኮ ቶኦኮ ሚቼሢሮ ዮናኣሴ ዶሊንቴኔ፤ ዬካፓ ዒዚ ሃይቢ ዓፃዺ፦ «ታኣኒ ናንጋስካፓ ሃይቃቴ ኮሺኬ!» ጌዔኔ።
\p
\v 9 ፆኦሲ ዒዛ ኮይላ፦ «ሃኖ ጉዜሎ ዛሎ ኔኤኒ ዻጋዻንዳያ ኮይሳ?» ጌዔኔ። ዮናኣሴ ማሃዖ፦ «ጎኔና ታኣኒ ዻጋዻንዳያ ኮይሳኔ፤ ጉሪ ዻጋ ሌሊቱዋንቴ ሃይቃንዳያ ሄላንዳኣና ዻጋዻንዳያ ኮይሳኔ!» ጌዔኔ።
\p
\v 10 ዬካፓ ሃሣ ናንጊና ናንጋ ጎዳ ዒዛ ኮይላ፦ «ፔቴ ኬሊዳ ባቃሊ፥ ጊንሣ ፔቴ ኬሊና ሃይቄ፥ ጉዜሎ ዛሎ ኔኤኒ ዖያኔ፤ ኔኤኒ ዒዞ ዱኡቂ ባቃልሳኒ ላቤ ባኣዚ ዓኣ? 
\v 11 ኔኔዌ ካታማ ፑርቶንታ ኮዦንታ ዱማሲ ዔሩዋ ፔቴ ፄኤታና ላማታሚ ሺያፓ ዑሣ ዓኣዼ ዴሬ ናንጋ ካታማኬ፤ ዬያ ሌሊቱዋንቴ ሚርጌ ቆልሞዋ ዒኢካ ዓኣኔ፤ ዓካሪ፦ ታኣኒ ዬኖ ዼኤፖ ካታሜሎ ሚጪንታንዳያ ኮይሱዋዓዳ?» ጌዔኔ።