\id JOB - MAALE Full Bible
\ide UTF-8
\h ዒዮቤ ማፃኣፖ
\toc1 ዒዮቤ ማፃኣፖ
\toc3 ዒዮ.
\toc2 ዒዮቤ ማፃኣፖ
\mt1 ዒዮቤ ማፃኣፖ
\imt ዓይፆ ካሮ
\ip ዒዮቤ ማፃኣፖይዳ ኑ ዛጋ ሃይሳ ዼኤፒ ሜቶና ባይሲንታና ሄሌ ፔቴ ኮሺ ዓሲስኬያ ዛላ ኬኤዛያኬ፤ ዬይ ዓሢ ፔኤኮ ናኣቶና ቆሎ ቢያናፓ ዓቴያ ማዒፆ ሌሊቱዋንቴ ቶኦሶ ኪሢና ሜታዼኔ፤ ካላሊ ጎይሢ ሃይሦ ፓቂ ፓቂ ጌስቶና ጌኤሲና ዒዮቤንታ ዒዛኮ ላጎንታ ዬይ ሜታ ዔያቶ ማሊሼሢ ኬኤዛኔ፤ ጋፒንፃ ፆኦሲ ፔኤሮ ዒዮቤም ፔጋዺ ጴዼኔ።
\ip ዒዮቤኮ ላጎንሢ ዒማና ዒዮቤይዳ ሄሌ ሜቶ ዛሎ ጌስቴ ሃይሳ ፆኦሲ ካኣሽካኔ ጋዓ ዓሳ ጌስታ ዔርቴ ማሊፆ ጎይፆኬ፤ ዬያሮ ዔያታ፦ «ፆኦሲ ኮሺ ዓሲም ኮሺ ባኣዚ ዒንጋዖ ፑርታ ዓሲ ሜታሳኔ፤ ዬያ ጎይፆና ዬይ ቢያ ሜታ ዒዮቤ ሄሌሢ ዒ ጎሜ ማዼሢሮ ናንዳኔ» ጋዓኔ፤ ጋዓንቴ ዒዮቤ ፂሎ፥ ሃሣ ኮሺ ዓሲያኣ ማዔሢሮ ዬያጉዴ ዴኤሢ ሜታ ዒዛም ኮይሳያቱዋንቴኬ፤ ባሼ ዔርቱዋያ ዓኣቺሢ ማዔ ባካ ዒዛጉዴ ኮሺ ዓሲዳ ዬያጉዴ ዴኤፆ ሜታ ሄሊፆኬ፤ ዎዚ ዒዮቤኮ ፆኦሲ ጉሙርቂፃ ዓጊፂባኣያታቴያ ፆኦሲ ፒዜ ዎጌ ዎጊ ዬያይዳፓ ዒዛ ኬሲ ቤርታ ዒ ዓኣ ጎይፆ ዒዛ ማሃንዳጉዲ ፆኦሲ ዶዲ ዖኦጪሢዳፓ ዒ ጊንሢም ጌይባኣሴ።
\ip ዒዮቤ ዖኦጬ ባኮ ዛሎ ቢያ ፆኦሲ ፓይዲ ፓይዲ ማሂባኣቴያ ዒዮቤኮ ዒዛ ጉሙርቂፆ ዶዱሞ ሄርሺ ሄርሺ ፔኤኮ ፆኦሱሞ ዎልቆና ቢታንቶና ዲቃሢ ሄርሺሳያ ማዓ ካላሊ ጎይሢና ፔጋሲ ዔርዜኔ፤ ዬካፓ ዒዮቤ ፆኦሲ ዼኤፒ፥ ሃሣ ቢታንቶ ዓኣያ ማዔሢ ዔራዖ ጫርቂ ሚርጌ ጎሪንቲ ጎሪንቴሢሮ ዻቢንቶ ዔሪ ጎሞ ፔኤኮ ቡኡፄኔ።
\ip ጋፒንፆይዳ ካላሊቱዋ ጎይሢና ፃኣፒንቴ ባካ፦ ዒዮቤ ሚና ቤርታ ዓኣ ጎይፆ ማዔሢና ቆሎዋ ቤርታኣስካፓ ባሼ ዴንቄሢኬ፤ ዬያሮ ዒዮቤኮ ላጎንሢ ዒዛይዳ ሄሌ ሜታሢ ዓይጎ ዛላናታቴያ ዔያቶም ዔርቲባኣሢሮ ፆኦሲ ዔያቶ ኮሺ ዶዲና ጎሬኔ፤ ሜሌ ፆኦዞ ካኣሽካ ዓሶ ማሊፆይዳፓ ፆኦሲ ባሼ ማዔሢ ዔሬሢ ዒማና ዒዮቤ ሌሊኬ።
\iot ማፃኣፔላ ዱማ ዱማ ዓርቄ ባኮ
\io1 ዒዮቤ ቆልሞንታ ማኣሮ ዓሶንታ ባይዚ ፔኤሮዋ ሃርጌሢ (1፡1—2፡13)
\io1 ዒዮቤ ፔኤኮ ሾይንቴ ኬሎ ጋዳንቄሢ (3፡1-26)
\io1 ቤርታሲ ጌስቲንቴ ጌኤዞ (4፡1—14፡22)
\io1 ላምዓሲ ጌስቲንቴ ጌኤዞ (15፡1—21፡34)
\io1 ሃይሣሲ ጌስቶና ጌኤዞ (22፡1—26፡14)
\io1 ዒዮቤኮ ጋፒንፆ ሃይሶ (27፡1—30፡31)
\io1 ዒዮቤ ፔኤኮ ዻቢንቲ ባኣሢ ዔርዚ ኬኤዜሢ (31፡1-40)
\io1 ዔሊሁ ጎዖሢ ጌስቴ ጌኤዞ (32፡1—37፡24)
\io1 ፆኦሲ ቤርታሲ ጌስቴ ጌኤዞ (38፡1—39፡30)
\io1 ፆኦሲ ላምዓሲ ጌስቴ ጌኤዞና ዒዮቤኮዋ ማሂፆ (40፡1—42፡6)
\io1 ፆኦሲ ዒዮቤኮ ናንጎንታ ቆሎንታ ማኣሮ ዓሶንታ ጊንሣ ዓንጄሢ (42፡7-17)
\c 1
\s1 ፃላሄ ዒዮቤ ዎይታቴያ ዛጋኒ ጌሼሢ
\p
\v 1 ዖኦፄ ጌይንታ ዓጫ ናንጋ፥ ፔቴ ዒዮቤ ጎዖ ዓሲ ዓኣኔ፤ ዬይ ዓሢ ፑርታ ባኣዚፓ ቢያ ሃኪ ፆኦሲ ዒጊጫያ፥ ዾንኪሳ ባኣዚ ባኣያ፥ ፒዜ ዓሲኬ። 
\v 2 ዒዛኮ ላንካይ ዓቲንቄና ሃይሦ ዉዱሮ ናይና ዓኣኔ። 
\v 3 ቆሎ ዛሎናታቴያ፦ ላንካይ ሺያ ማራይ፥ ሃይሦ ሺያ ጋኣሎ፥ ዶንጎ ፄኤታ ዋኣፃ ጌማይና ዶንጎ ፄኤታ ሃሬያ ዒዛኮ ዓኣኔ፤ ዬያጉዲ ሃሣ ዒዛኮ ማዾ ማዻ ሚርጌ ዓሲያኣ ዓኣኔ፤ ዬይ ዓሢ ዓባ ኬስካ ባንፆና ዓኣ ዓጫ ናንጋ ዓሶይዳፓ ቢያ ዒዛጉዴ ዖርጎቺንታ ዼኤፒ ዓሲያ ባኣያኬ።
\p
\v 4 ዬኖ ዎዶና ዒዛኮ ዓቲንቆ ናኣታ ፔቴ ፔቴሢ ፔ ማኣራ ማኣራ ሙኡዚ ጊኢጊሺ ዎሊ ዑፃ ቡኪንቲ ዎዛዻኔ፤ ዒማና ዔያቶኮ ሃይሦ ጌሮንሢያኣ ዔያታ ዔኤሊሲ ዔኤሊሲ ዔያቶና ዎላ ሙይ ዑሽካኔ። 
\v 5 ዬይ ሙዖ ኬላ ጋፔስካፓ ዒዮቤ ጉቶማ ኬስኪ ፔቴ ፔቴ ዒዛኮ ናኣቶ ዔኤሊሲ ዔኪ ሙኪ ዔያቶኮ ሱንፆና ፆኦሲም ዒንጎ ባኣዚ ሺኢሻኔ፤ ዬያ ዒ ማዻሢ «ጎዖንቴ ታኣኮ ናኣታፓ ፆኦሲ ጫሽኪ ዻቤይ ናንዳኔ!» ጋዓ ዒጊቹሞና ፔኤኮ ናኣቶ ጎሜፓ ጌኤሻኒ ጌይኬ፤ ዒዮቤ ዬያ ዳምቦ ሃሹዋዖ ቢያ ዎዴ ማዺ ኩንሣኔ።
\p
\v 6 ፔቴ ዓቢና ጫሪንጮ ኪኢታንቻ ናንጊና ናንጋ ጎዳ ቤርቶ ሺኢካኣና ፃላሄያኣ ዔያቶና ዎላ ሺኢኬኔ። \x - \xo 1፡6 \xo*\xt ማዢ. ማፃ 6፡2።\xt*\x* 
\v 7 ናንጊና ናንጋ ጎዳ ዒማና ፃላሃሢ ኮይላ፦ «ዓንካፓ ኔ ሙኬይ?» ጌይ ዖኦጬኔ።
\p ፃላሃሢ ማሃዖ፦ «ዓጫ ማዔ ካሮና ቢያ ሴካ ሃንጋ ታ ሃንቴኔ» ጌዔኔ።
\p
\v 8 ናንጊና ናንጋ ጎዳ፦ «ታ ዓይላሢ ዒዮቤ ኮሺ ኔ ዛጊያ? ዒዛጉዴ ጉሙርቂንታያና ኮሺ ዓሲና ሳዖይዳ ባኣሴ፤ ዒዚ ፑርታ ባኣዚ ቢያይዳፓ ሃኪ፥ ታና ዒጊጫ ፒዜ ዓሲኬ» ጌዔኔ።
\p
\v 9 ፃላሄ ጊንሣ፦ «ዒዮቤ ኔና፥ ፆኦሲ ዒጊጫሢ ጉሪ ኔኤም ማላ? 
\v 10 ዒዚ ኔና ዒጊጫሢ ዒዛንታ ናኣቶንታ ሃሣ ዒዛኮ ዓኣ ባኮዋ ቢያ ኮሺና ኔ ዒዛም ካፒ፥ ጊንሣ ዒ ማዼ ባኮዋ ቢያ ኔ ዒዛም ዓንጄሢሮና ሜርጌ ባይ ቆሎዋ ኔ ዒዛም ዒንጌሢሮቱዋዓዳ? 
\v 11 ጋዓንቴ ኔ ኩጮና ኔ ካኣሚ ዒዛኮ ዓኣ ባኮ ቢያ ባይዜቴ ኔና ዒዚ ዒጊጩዋዖ ጫሽካንዳኔ» ጌዔኔ። \x - \xo 1፡11 \xo*\xt ዮሃ. ፆፔዻ 12፡10።\xt*\x*
\p
\v 12 ናንጊና ናንጋ ጎዳ ፃላሃሢም፦ «ዔኤዔ፤ ያኣዼ ማዔቴ ዒዮቤይዳ ሌሊ ፔቴ ሜቶዋ ሄሊሲፖ፥ ጋዓንቴ ዒዛኮ ዓኣ ቆሎ ቢያይዳ ኔ ኮዔ ባኣዚ ማዻኒ ዳንዳዓኔ» ጋዓዛ፥ ፃላሃሢ ፆኦሲ ቤርታፓ ኬስኪ ዴንዴኔ።
\s1 ዒዮቤኮ ናኣታ ሃይቄሢና ቆላኣ ቢያ ጋፔሢ
\p
\v 13 ዬካፓ ፔቴ ኬሊ ዒዮቤኮ ናኣታ ዔያቶኮ ቶይዲ ማኣራ ቡኪንቲ ሙኡዚ ሙይ፥ ዎይኔ ዑሺያ ዑሽኪ ዎዛዻኔ። 
\v 14 ዬኖ ኬሎና ፔቴ ኪኢታ ዓሲ ጳሽኪ ጳሽኪ ዒዮቤ ኮራ ሙካዖ፦ «ኑኡኒ ጌማቶ ዋኣፂ ጎሽካንቴ፥ ሃራ ዒማና ኑ ኮራ ሄንቃኔ፤ 
\v 15 ኑ ማሊያ ማሊባኣንቴ ሳኣባ ዓጪ ዓሲ ሙኪ ኑና ዖላዖ ቢያ ባኮ ዔኬኔ፤ ሃሣ ኔኤኮ ዓይሎዋ ጬንቾ ዓፓሮና ዎዼም፥ ዔያቶ ባኣካፓ ታኣኒ ሌሊ ቶሊ ዬያ ባኮ ኔኤም ኬኤዛኒ ሙኬኔ» ጌዔኔ።
\p
\v 16 ዬይ ኪኢቶ ዓሢ ሃይሶ ሃጊ ኬኤዚ ጋፑዋንቴ ሜሌ ኪኢታ ዓሲ ጳሽኪ ሙካዖ፦ «ኔኤኮ ማራቶና ሄንቃ ዓሶና ጉቤ ጉጉንሢ ጫሪንጫፓ ዱኪ ዎዼም፥ ዬያቶይዳፓ ታኣኒ ሌሊ ቶሊ ዬያ ባኮ ኔኤም ኬኤዛኒ ሙኬኔ» ጌዔኔ።
\p
\v 17 ዬይያኣ ኬኤዚ ጋፑዋንቴ ሜሌ ኪኢታ ዓሲ ሙካዖ፦ «ካላዳ ዓጮ ዓሲታዖ ቡራ ዓሳ ሃይሦ ቤሲ ፓቂንቲ ኑ ዔሪባኣንቴ ኑና ዖሊ፥ ኔኤኮ ጋኣላሢ ቢያ ዔካዖ፥ ኔኤኮ ዓይሎዋ ቢያ ጬንቾ ዓፓሮና ዎዼም ታኣኒ ሌሊ ቶሊ ዬያ ባኮ ኔኤም ኬኤዛኒ ሙኬኔ» ጌዔኔ።
\p
\v 18 ዬይ ኪኢቶ ዓሢያ ሃጊ ኬኤዚ ጋፑዋንቴ ሜሌ ኪኢታ ዓሲ ሙካዖ፦ «ናኣታ ኔኤኮ ዔያቶኮ ቶይዲ ማኣራ ቡኪንቲ ሙዖ ሙይ፥ ዎይኖ ዑዦዋ ዑሽኪ ዎዛዻንቴ፥ 
\v 19 ዓሲ ናንጉዋ ዳውላፓ ዔሩዋንቴ ዓልጋ ሙካዖ ማኣሮ ጉቤ ዶይሳዛ ማኣራ ዔያቶ ዑፃ ዶዔሢሮ ዔያታ ሃይቄኔ፤ ታኣኒ ሌሊ ዔያቶ ባኣካፓ ቶሊ ዬያ ባኮ ኔኤም ኬኤዛኒ ሙኬኔ» ጌዔኔ።
\p
\v 20 ዬያ ቢያ ባኮኮ ጊንፃፓ ዒዮቤ ዔቃዖ ዖዪሢና ፔኤኮ ማኣዓሢ ዳርዚ፥ ቶኦኮዋ ፔኤኮ ጉኡሊንቴኔ፤ ባሊቶናኣ ሳዖ ሄሊሲ ዚጋዖ፦ 
\v 21 «ታ ዒንዶ ጎጳፓ ካሎ ታ ሾይንቴኔ፤ ሃይቃዖዋ ካሎ ታ ዓኣዻንዳኔ፤ ናንጊና ናንጋ ጎዳ ታኣም ዒንጌኔ፤ ዒዚ ሃሣ ማሂ ዔኬኔ፤ ዬያሮ ዒዛ ሱንፃ ጋላቲንቴያ ማዖንጎ!» ጌዔኔ።
\p
\v 22 ዬያ ቢያና ዒዮቤ ዻቢንቲ ጎሜ ማዺባኣሴ፤ ፆኦሲዳኣ ፑርታ ባኣዚ ጌስቲባኣሴ።
\c 2
\s1 ፃላሄ ዒዮቤ ዛጋኒ ላሚ ጌሼሢ
\p
\v 1 ሜሌ ዓቢና ሃሣ ጫሪንጮ ኪኢታንቻ ናንጊና ናንጋ ጎዳ ቤርቶ ሺኢካዛ፥ ፃላሄያኣ ዔያቶና ዎላ ሺኢኬኔ።
\p
\v 2 ናንጊና ናንጋ ጎዳ ፃላሃሢ ኮይላ፦ «ዓንካፓ ኔ ሙኬይ?» ጌይ ዖኦጬኔ።
\p ፃላሃሢ ማሃዖ፦ «ዓጫ ማዔ ካሮና ቢያ ሴካ ሃንጋ ታ ሃንቴኔ» ጌዔኔ።
\p
\v 3 ናንጊና ናንጋ ጎዳ ፃላሃሢም፦ «ታ ዓይላሢ፥ ዒዮቤ ኮሺ ኔ ዛጊያ? ዒዛጉዴ ጉሙርቂንታያና ኮሺ ዓሲ ሳዖይዳ ባኣሴ፤ ዒዚ ፑርታ ባኣዚ ቢያፓ ሃኪ፥ ታና ዒጊጫ ፒዜ ዓሲኬ፤ ዒዛ ኔ ባይዛንዳጉዲ ታ ኔና ዓይሦም ኔ ታና ዒዛይዳ ዔቂሴሢ ጉሪኬ፤ ሃኣዛጌ፤ ዒዮቤ ሃሢያ ጉሙርቂንቲፆና ዶዴ ጎይሣኬ» ጌዔኔ።
\p
\v 4 ዬካፓ ፃላሃሢ፦ «ዓሲ ታልዔ ባኣዚ፤ ጊንሣ ሃሣ ኮሺ ባኣዚ ማዼ ዛላ ማሂ ዔኤቢ ዒንጋሢጉዲ ዓሲ ፔኤኮ ሼምፓሢ ዓይሳኒ ጋዓዖ ዓኣ ባኮ ቢያ ዒዒንጋስካይ። 
\v 5 ጋዓንቴ ሃሢ ኔኤኒ ኔ ኩጮና ዒዛኮ ዑፆ ካኣሚ ፔቴ ሜቶ ዒዛይዳ ሄሊሴቴ ጎኔና ኔና ዒ ዒጊጩዋዖ ጫሽካንዳኔ!» ጌዔኔ።
\p
\v 6 ናንጊና ናንጋ ጎዳ ጊንሣ፦ «ኮሺኬ፤ ዎዺ ዒዛ ዎዺፖ፥ ጋዓንቴ ኔ ኮዔ ባኣዚ ዒዛይዳ ማዻኒ ዳንዳዓኔ» ጌዔኔ።
\p
\v 7 ዬካፓ ፃላሄ ናንጊና ናንጋ ጎዳ ቤርታፓ ኬስኪ ዒዮቤኮ ቶኦኮ ጋፓናፓ ዴንዲ ቶኮ ፁንጎ ሄላንዳኣና ቶኦሶ ኪሢና ሜታዻንዳጉዲ ዶርዖ ዓጌኔ። 
\v 8 ዬያይዳፓ ዔቄያና ዒዮቤ ፔኤኮ ዴማ ቢዲንሢ ኩሊ ዑፃ ዴይ፥ ዑፆ ፔኤኮ ቦኦቆ ሜቂሢና ዋኣጪሢ ዓርቄኔ።
\p
\v 9 ዒማና ማቻ ዒዛኮ ዒዛ ኮራ፦ «ሃይማ ሄላንዳኣና ኔኤኮ ፆኦሲዳ ዓኣ ጉሙርቂፃ ዶዴ ጎይሣዳ? ሃያይዳፓ ፆኦሲ ጉሙርቂፆ ሃሺጋፓ ሃይቄ!» ጌዔኔ።
\p
\v 10 ዒዮቤ ዒዞም፦ «ዎይቲ ኔኤኒ ዔኤያ ላኣሊ ጌኤሲ ጌስታይ? ፆኦሲ ኑም ኮሺ ባኣዚ ዒንጋኣና ዎዛና ኑ ዔካኔ፤ ሃሢ ሜቶ ኑም ዒ ዔኪ ሙካዛ ዒዛይዳ ጉንዱማንዳያ ኑም ኮይሳ?» ጌዔኔ።
\p ዒዮቤይዳ ዎዚ ዬያ ቢያ ሜታሢና ዋኣዪፃ ሄሌቴያ ፆኦሲ ዑፃ ፑርታ ጌስቲ ዒ ጎሜ ማዺባኣሴ።
\s1 ዒዮቤኮ ሃይሦ ላጎንሢ ዒዛ ዖኦጫኒ ሙኬሢ
\p
\v 11 ቴማኔ ዓጮ ዓሢ ዔልፓዜንታ ሹሃ ዓጮ ዓሢ ቢልዳዴና ናዒማ ዓጮ ዓሢ ፆፓሬና፤ ዬንሢ ሃይሦንሢ ዒዮቤኮ ላጎንሢኬ። ዔያታ ዒዮቤይዳ ሄሌ ዋኣዪሳ ሜታሢ ዋይዛዖ ዒዛ ዛሎ ዔያታ ዖዬያ ማዔሢና ዒዛ ዶዲሻኒ ፔኤኮ ዓጫፓ ዓጫፓ ዎሊ ዔኤሊ ዔኪ ዎላ ዒዮቤ ኮይላ ሙኬኔ። 
\v 12 ዔያታ ሙኮ ሙኪ ሃጊ ሃኬ ዓኣዖ ዒዮቤ ዴንቄኔ፤ ጋዓንቴ ዬይ ዒዛታሢ ቤዞና ዱማሲ ዔራኒ ዔያታ ዳንዳዒባኣሴ። ጊንፃፓ ዒዛ ማዔሢ ዔራዖ ዖዪ ፔኤኮ ማኣዓሢ ዔያታ ዳርዜኔ፤ ሲላሊያ ሌካ ጫሪንጮ ባንሢ ላኣሊ ላኣሊ፥ ጊንሣ ፔኤኮ ቶኦኮይዳ ሲላሎ ዋሂ ዋሂ ዒላቲ ዬኤኪሢ ዓርቄኔ። 
\v 13 ዒዛና ዎላ ዔያታ ላንካይ ሮኦሪና ላንካይ ዋንቴና ሳዓይዳ ዴዔኔ፤ ዒዛኮ ዋኣዪፃ ዴኤሢ ማዔሢያ ዔያታ ዔሬኔ፤ ዬያሮ ዔያቶይዳፓ ፔቴ ባኣዚያ ዒዛም ጌዔይ ባኣሴ።
\c 3
\s1 ዒዮቤ ፔ ሾይንቴ ኬሎ ጋዳንቄሢ
\sp ዒዮቤ
\p
\v 1 ዬካፓ ዒዮቤ ጌስቲፆ ዓርቃዖ ፔ ሾይንቴ ኬሎ ሂዚ ጌይ ጋዳንቄኔ፦
\q
\v 2-3 «ታ ዒንዶኮ ዑፃ ታ ዓቴ ዋንቴላ
\q2 ታ ሾይንቴ ኬሌላኣ ጋዳንቂንቴያ ማዖም!
\q
\v 4 ዬና ኬሌላ ዹሚ ባንሢ ላኣሚንቶም፤
\q2 ጫሪንጮ ፆኦዛሢ ዒዞም ማሎፓ፤
\q2 ፖዒ ፔቴታዖ ዒዞይዳ ጴዾፓ።
\q
\v 5 ቃኣዮና ሻኔ ዹሚና ዒዛ ካንቂቴያ ማዖም፤
\q2 ዒዞ ኬሌሎኮ ፖዓ ሻኣሬ ዹሚና ካንቂንቴያ ማዖም፤
\q
\v 6 ዬኖ ኬሌሎ ሻኔ ዹሚ ካንቆንጎ፤
\q2 ሌዖ ጋራ ዓኣ ኬሎና ዎላ ፓይዲንቶፓ፤
\q2 ዓጊኖ ባኣኮዋ ጌሊ ዒዛ ዓዺንቶፓ።
\q
\v 7 ዬኖ ኬላ ዓሲ ሾይንቱዋ ኬሊ ማዖንጎ፤
\q2 ዎዛ ዑኡሲያ ዒዞይዳ ዋይዚንቶፓ።
\q
\v 8 ሌዋታኔ\f + \fr 3፡8 \fr*\fq ሌዋታኔ \fq*\ft ጌይፃ፦ ሚናኣ ዎዴና ዓኣኔ ጌይንታያ ጉርጉሮ ማላ ዼኤፒ ቦዖኬ።\ft*\f* ጌይንታ ቦዖ ጴቻኒ ዳንዳዓዞንሢና
\q2 ኬሎ ጋዳንቃ ማርሾ ዓሳ ዬኖ ኬሎ ጋዳንቆንጎ።
\q
\v 9 ዬኖ ዋንቶኮ ካሪፆ ዦኦጋሢ ዹሞንጎ፤
\q2 ፖዒኮ ሃጊ ማዓንዳ ዎዛኣ ዒኢካ ጴዾፓ፤
\q2 ካሪሢ ዓቢያ ዒዞይዳ ፆርቆፓ። \x - \xo 3፡9 \xo*\xt ዔር. 20፡14-18።\xt*\x*
\q
\v 10 ዬና ዋንቴላ ታኣኒ ታ ዒንዶ ጎጳፓ ኬስኩዋጉዲ
\q2 ሃሣ ሜቶዋ ታ ዓኣፓፓ ዓኣቻኒ
\q2 ሾይፆ ካሮ ታ ጊዳ ዎዺባኣሢሮ ጋዳንቂንቴያ ማዖንጎ።»
\q
\v 11 «ዎንዴ ታ ዒንዶ ጎጳ ዓኣዖ
\q2 ሃሣ ዒንዶ ጎጳፓ ታ ኬኬስካዖ ሃይቄቴ ዓይጎ?
\q
\v 12 ታ ዒንዳ ፔ ጉባዛ ዓይጋ ታና ጎዴይ?
\q2 ዓይጋ ታና ዒዛ ፔ ዻንፆ ዻንሢሤይ?
\q
\v 13 ዒማና ታ ሄኤዶ ሃይቂ ላሄያታቶ
\q2 ሄኤዶ ታ ሃውሼያ ናንዳንቴኬ።
\q
\v 14 ሃሢ ሻሂንቲ ዓኣ ቤዞ ፔኤም ጌዒ ኮሼ
\q2 ዓጮ ካኣቶንታ ዔያቶኮ ዞራ ዓሶንታ ዎላ
\q2 ሄኤዶ ታ ላሂ ሃውሾ ዴንቄያ ናንዳንቴኬ።
\q
\v 15 ፔኤኮ ማኣሮ ዎርቄና ቢራና ኩንሤ ሱኡጎና ዎላ
\q ታ ሄኤዶ ላሄያ ናንዳንቴኬ፤
\q
\v 16 ሃጊ ዓጊኒ ሄሊባኣንቴ ሾይንቲ ዱኡቴያ
\q2 ፖዒያ ፔቴታዖ ዛጊባኣ ናይጉዲ ታ ማዔቴ ዓይጎ?
\q
\v 17 ፑርታ ዓሲ ዱኡኪንቲና ፔኤኮ ፑርቶ ማዾ ሃሻኔ፤
\q2 ማዾ ማዺ ላቤ ዓሳኣ ዱኡፖይዳ ሃውሻኔ።
\q
\v 18 ቱኡዞ ዓሳታዖ ዒኢካ ኮሹሞ ዴንቃኔ፤
\q2 ዔያቶ ማዺሻ ዓሶ ጎሪንታፓ ዔያታ ዻቃኔ።
\q
\v 19 ዻኮንታ ዼኤፖ ዼኤፖ ዓሶንታ ዒኢካ ፔቴይዳ ዓኣኔ፤
\q2 ሃሣ ካራማኣ ዒኢካ ዔያቶ ዎይሣ ዓሶ ዓይላታፓ ኬስካኔ።»
\b
\q
\v 20 «ዋኣዪሢዳ ዓኣዞንሢም ፖዒ
\q2 ናንጋ ጫንቄ ዖዪሢና ኩሜ ዓሶም
\q2 ሼምፔ ዓይጋ ዒንጊንታይ?
\q
\v 21 ዺቢ ቆሎፓ ባሼ
\q2 ሃይቢ ኮዒ ዴንቁዋኣዞንሢም
\q2 ሼምፔ ዓይጋ ዒንጊንታይ? \x - \xo 3፡21 \xo*\xt ዮሃ. ፆፔዻ 9፡6።\xt*\x*
\q
\v 22 ዱኡኪንታ ዎዶና ዎዛዻዞንሢም
\q2 ሼምፓ ዓይጋ ዒንጊንታይ?
\q
\v 23 ጎይፃ ባይቄሢም
\q2 ፆኦሲ ካራ ዎዼ ዓሢም
\q2 ፖዒ ዓይጋ ዒንጊንታይ?
\q
\v 24 ሙዖ ሙዖንዶ ቤዞ ታ ዖዪሢና ሜታዻኔ፤
\q2 ዒላታ ታኣኮ ዓልቂ ጋፑዋ ዋኣሢጉዲኬ።
\q
\v 25 ታ ዒጊጬ ባካ ታ ኮይላ ሙኬኔ፤
\q2 ዓልቲ ታ ማሌ ባካ ታና ሄሌኔ።
\q
\v 26 ኮሹሞና ሃውሺሢና ታኣኮ ባኣሴ፤
\q2 ታ ሜቶኮዋ ጋፒንሢ ባኣሴ።»
\c 4
\ms ቤርታሲ ጌስቲንቴ ጌኤዞ
\mr (4፡1—14፡22)
\sp ዔልፓዜ
\p
\v 1 ቴማኔ ዓጮ ዓሢ ዔልፓዜ ሂዚ ጌይ ማሄኔ፦
\q
\v 2 «ዒዮቤ! ፔቴ ዓሲ ጫርቂ ኔኤም ኬኤዜቴ
\q2 ጊቢ ኔ ዋይዛንዳ?
\q2 ጋዓንቴ ኬኤዚሢዳፓ ዖኦኒ ጊንሢም ጋዓንዳይ?
\q
\v 3 ሚርጌ ዓሲ ኔ ዔርዜኔ፤
\q2 ላቤ ኩጮዋ ኔ ዶዲሼኔ።
\q
\v 4 ኔ ጌኤዛ ዹቂንታ ዓሶዋ ማኣዳኔ፤
\q2 ጎጋይቃ ጉኡዦዋ ኔ ዶዲሻኔ።
\q
\v 5 ሃሢ ሜታ ኔና ሄሌሢሮ
\q2 ሃጊ ማዓ ዎዛ ባኣ ዓሲ ኔ ማዔኔ፤
\q2 ሜታ ኔኤኮ ዴኤፄሢሮ
\q2 ሃጋኣ ማዓ ዎዞ ኔ ቲቄኔ።
\q
\v 6 ፆኦሲ ዒጊቹማ ኔኤኮ ጌኤቂንቶ ባኮ
\q2 ፒዜ ጎይፃ ኔኤኮ
\q2 ሃጊ ማዓ ዎዞቱዋዓዳ?
\q
\v 7 ጌኤሺ ዓሲታንቴ ፆኦሲ ፑርታ ሜቶ ዓጌ ዓሲ
\q2 ፂሎ ዓሲታንቴ ፆኦሲ ባይዜ ዓሲ
\q2 ዓኣቴ ሂንዳ ማሌ።
\q
\v 8 ታ ዔራ ጎይፆና
\q2 ፑርቱሞ ጎሽካዞንሢና ሜቶ ዜርቃዞንሢና
\q2 ጊንሣ ዒንሢ ዔካኔ።
\q
\v 9 ዔያታ ፆኦሲ ዑኡዞና ባይቃኔ፤
\q2 ዒዛኮ ዻጎ ዋኣፆ ጉዳሢና ሙይንታኔ።
\q
\v 10 ፑርቶ ዓሳ ዓዳ ዞቢጉዲ ጉዻኔ፤
\q2 ዑኡዞዋ ፔኤኮ ዔያታ ዼጊዲ ዒላታኔ፤
\q2 ፆኦሲ ዔያቶኮ ጋዓንቴ ዓጮ ሜንሤኔ።
\q
\v 11 ዞቢ ኬሚ ሙዓ ባኣዚ ባይዛዖ
\q2 ሃይቃሢጉዲ ዔያታ ሃይቃኔ፤
\q2 ዞቤሎኮ ናኣታ ዣኣላሢጉዲ ዔያቶ ናኣታኣ ዣኣላኔ፤»
\b
\q
\v 12 «ፔቴ ዓቢና ዓኣሺንቴ ኪኢታ ታና ሄሌኔ፤
\q2 ዬያ ኪኢቶ ካሽካሺና ታ ዋይዜኔ።
\q
\v 13 ዓሶ ዼኤፒ ጊንዓ ዓርቂ
\q2 ሜታሲ ዹማ ባልባሣ ዎዶና \x - \xo 4፡13 \xo*\xt ዒዮ. 33፡15።\xt*\x*
\q
\v 14 ዒጊቹሞና ጎጋይቂሢና ታና ዓርቄኔ፤
\q2 ታኣኮ ሜጌፆ ቢያ ጎቃይሴኔ።
\q
\v 15 ዢባሬ ታ ቤርቲና ዢባርሺ ዓኣዼኔ፤
\q2 ዲቃቲሢና ቶኦኮ ጋማ ታኣኮ ጋማሽኬኔ።
\q
\v 16 ዒኢካ ፔቴ ባኣዚ ዔቂ ዓኣንቴ ታ ዛጌኔ፤
\q2 ጊዥ ጌይ ታ ዛጌቴያ
\q2 ዓይጎሞ ዔራኒ ታ ዳንዳዒባኣሴ።
\q2 ዒማና ዔዌ ቤስካፓ
\q ሂዚ ጋዓ ዑኡሲ ታ ዋይዜኔ፦
\q
\v 17 ‹ፆኦሲ ቤርቲዳ
\q2 ፂሎ ማዒ ጴዻኒ ዳንዳዓ ዓሲ ዓኣ?
\q ሃሣ ማዤሢ ቤርቶይዳ
\q2 ጌኤሺ ማዓንዳ ዓሲ ጴዻንዳኣ ናንዳ?
\q
\v 18 ፆኦሲ ፔኤኮ ማዻዞንሢ ጉሙርቁዋያ ማዔቴ
\q2 ዒዛኮ ኪኢታንቾይዳታዖ ዻቢንቲ ዒ ዴንቃቴ
\q
\v 19 ዓካሪ ራዔ ሙዑዋንቴ ሻሂንታዞንሢ
\q2 ፃጳ ዔያቶኮ ዓጪና
\q2 ዢኢጬ ዓጪና ኮሺንቴ ማኣሪዳ ናንጋዞንሢ
\q2 ዎይቲ ዒ ጉሙርቃንዳይ?
\q
\v 20 ዋንቴና ጉቴናኮ ባኣካ ዔያታ ሜቃኔ፤
\q2 ዔርቱዋንቴ ናንጊና ዔያታ ባይቂ ዋሊንታኔ።
\q
\v 21 ፃውና ቱጊንቴ ዓፒሎና ኮሾና ማኣሪጉዲ
\q2 ዔራቶ ባኣያ ዔያታ ሃይቃኔ።› »
\c 5
\p
\v 1 «ዒዮቤ! ማሂ ኔኤም ኬኤዛንዳ ዓሲ ኔ ዴንቄቴ
\q ሂንዳ ዔኤሊንቴ፤
\q ኔና ማኣዳንዳጉዲ
\q2 ፆኦሲ ኪኢታንቾፓ ዎያ ባንሢ ኔ ዛጋይ?
\q
\v 2 ዔኤያ ዓሲ ዻጋ ዎዎዻኔ፤
\q2 ቂኢሩሞዋ ዒኔባኣ ዓሲ ባባይዛኔ።
\q
\v 3 ዔኤያ ዓሲ ፃጲ ዳኪ ናንጋንቴ ታ ዛጌኔ፤
\q2 ፆኦሲ ጎሪንቲና ማኣራ ዒዛኮ ዔሩዋንቴ ሻሂንቴኔ።
\q
\v 4 ናኣታ ዒዛኮ ኮሺ ናንጊ ዴንቃዓኬ፤
\q2 ዓሳ ቡካ ጶኦኮይዳ ዔያቶ ዛሎ ጌስታንዳ ዓሲ
\q2 ዔያታ ዴንቂንዱዋኣሢሮ ፑርታ ባኣዚ ዔያቶ ሄላኔ።
\q
\v 5 ዒዛኮ ሃኣኮ ናይዺንቴ ዓሲ ሙዓኔ፤
\q2 ዓንጊፆ ባኣካ ባቃሌ ሃኣኮታዖ ዒዛም ሃሺንዱዋኣሴ፤
\q2 ዼኤቢንቴ ዓሳኣ ዒዛኮ ቆሎ ዔካኒ ዓፃዻኔ።
\q
\v 6 ሜታ ዓጪዳፓ ኬስኩዋኣሴ፤
\q2 ሜታ ሃሣ ሳዓይዳፓ ባቃሉዋኣሴ።
\q
\v 7 ታሚ ቄንሢዳፓ ፂንቂ ዓኣዻሢጉዲ
\q2 ዓሲያኣ ሜቶም ሾይንታኔ።»
\b
\q
\v 8 «ዎንዴ ታኣኒ ኔናታቴ ፆኦሲ ባንሢ ሺኢኪ
\q2 ሜታሢ ታኣኮ ቢያ ዒዛም ታ ኬኤዜያ ናንዳኔ።
\q
\v 9 ዒዚ ፓይዲንቱዋያ ማዔ ዒዛ ዎልቆና ማዺንታ ማዾ
\q2 ሃይማኬ ጌይ ዔርቱዋ ዼኤፒ ባኣዚ ማዻኔ።
\q
\v 10 ሳዖይዳ ዒርዚ ዋርቂሳኔ፤
\q2 ጎዦዋ ዋኣሢና ሎጪሳኔ።
\q
\v 11 ቶኦቺንቴዞንሢ ቦንቺሲ ዼጊዳኔ፤
\q2 ዖዬዞንሢያ ዶዲሺ ዎዛሳኔ።
\q2
\v 12 ዔያቶኮ ማዻ ጊኢጉዋጉዲ ጌኖ ዓሶኮ ማሊፆ ጉሪ ማሃኔ።
\q
\v 13 ዔሮ ዓሶ ዔያቶኮ ጌና ፒሮጉዲ ዓርቃንዳጉዲ ዒ ማሃኔ፤
\q2 ጌኖ ዓሶኮ ማሊፃኣ ሩኡሪና ባይቃኔ። \x - \xo 5፡13 \xo*\xt 1ቆሮ. 3፡19።\xt*\x*
\q
\v 14 ሮኦራ ዔያቶም ዹሚ ማዓኔ፤
\q2 ሃጊ ዓባ ሳዛ ዓኣንቴ፥ ዋንቶ ዹሞይዳ ዓኣያጉዲ ዔያታ ዹቃዻኔ።
\q
\v 15 ማንቆ ዓሶ ዔያቶ ሞርኮኮ ጬንቾ ዓፓራፓ ፆኦሲ ዓውሳኔ፤
\q2 ሜታዼ ዓሶዋ ሄርቂ ሜታሳ ዓሶ ዴማፓ ዒ ኬሳኔ።
\q
\v 16 ማንቆ ዓሶም ሃጊ ማዓንዳ ዎዛ ዒንጋኔ፤
\q2 ዋይዚ ዒፂሢያ ዒዚ ዓጪፓ ጋፒሲ ባይዛኔ።»
\b
\q
\v 17 «ፆኦሲ ዞሪ ጎራ ዓሲ ዓንጂንቴያኬ!
\q2 ዬያሮ ዼኤፖ ፆኦዛሢኮ ጎሮ ቦሂፖ። \x - \xo 5፡17 \xo*\xt ኮኦኪ. 3፡11፤ ዔብ. 12፡5-6።\xt*\x*
\q
\v 18 ፆኦሲ ኔና ሜንሤቶ ማሂ ዒ ኔና ኮኦላኔ፤
\q2 ፔቴ ኩጮና ኔና ዒ ሜንሤቶ ባጎ ኩጮና ኔና ፓሣኔ። \x - \xo 5፡18 \xo*\xt ሆሴ. 6፡1።\xt*\x*
\q
\v 19 ባይዛ ሜቶ ላሆይዳፓ ዒ ኔና ዓውሳንዳኔ፤
\q2 ላንካሳሢናኣ ዓይጎ ሜታኣ ኔና ሄላዓኬ።
\q
\v 20 ናዮ ዎዶና ሼምፔና ኔና ዒ ጌሣኔ፤
\q2 ዖሎ ዎዶናኣ ሃይቢፓ ኔና ዒ ዓውሳኔ።
\q
\v 21 ፆኦሲ ፑርታ ዒንዲርሲዳፓ ኔና ካፓኔ፤
\q2 ባይሲንታ ሙኬቴያ ኔ ዒጊጫዓኬ።
\q
\v 22 ፑርታ ዖልዚና ናይዚና ሙኬ ዎዶና ኔኤኒ ሚሚኢጫንዳኔ፤
\q2 ካዮ ቦዖዋ ኔ ዒጊጫዓኬ።
\q
\v 23 ኔ ጎሽካ ጎዣ ሹቺ ማዒ ኔና ሜታሳዓኬ፤
\q2 ካዮ ቦዖና ዎላ ኔ ኮሺና ናንጋንዳኔ።
\q
\v 24 ማኣሮይዳ ኔኤኮ ኮሹሞ ኩማንዳሢ ኔ ዔራንዳኔ፤
\q2 ማራቶኮ ባርቶ ኔ ዛጋኣና ቢያሢ ኮሺ ዓኣንቴ ኔ ዴንቃንዳኔ።
\q
\v 25 ኔኤኮ ሾይንታ ሚርጋንዳሢያ ኔ ዔራንዳኔ፤
\q2 ዜርፃ ኔኤኮ ቦኦሎ ማኣቶጉዲ ሚርጋንዳኔ።
\q
\v 26 ዛርጎ ቲሻሢ ካፃንዳኣና ጎዣ ኔጋሢጉዲ
\q2 ኔኤኒያ ጋርቻንዳያ ሄላንዳኣና ሚርጌ ሌዔ ናንጋንዳኔ።
\q
\v 27 ኑኡኒ ዬይ ቢያ ጎኔ ማዔሢ ዛጊ ዔሬኔ፤
\q2 ዬያሮ ኔኤኒ ማሊ ጶቂሢጋፓ ማዾይዳ ፔኤሼ።»
\c 6
\sp ዒዮቤ
\p
\v 1 ዬካፓ ዒዮቤ ሂዚ ጌይ ማሄኔ፦
\q
\v 2 «ዖዪፃ ታኣኮ ዴኤሡሞ ዔሮ ባኮይዳ ጌሢንቴያታቴ ዓይጎ!
\q2 ሜታሢያ ቢያ ታኣኮ ዴኤሡሞ ዔሮ ባኮና ዛጊንቴያታቴ ዓይጎ!
\q
\v 3 ባዞ ማኣሻሎይዳፓ ባሼ ዴኤፃንዳንቴኬ።
\q2 ዬያሮ ዳንዳዒፃ ፓጬ ታኣኮ ጌኤዛ ኔና ዲቃሢ ሄርሺሳንዳያ ኮይሱዋሴ።
\q
\v 4 ቢያ ባኮ ዳንዳዓ ጎዳሢ ፔ ሂኢዦና ታና ዱኬኔ፤
\q2 ዬያ ሂኢዦኮ ዳኣና ዑፆ ታኣኮ ዓኣዺ ሃሼኔ፤
\q2 ፆኦሲኮ ዲቃሣያ ማዔ ባይዛ ባካ ኮይሎ ታኣኮ ማንጌኔ።
\q
\v 5 ኪርሞሌ ማኣቲ ዋዺ ዴንቄቴ
\q2 ጌማይያኣ ዖሃ ዴንቄቴ ጉዹዋሴ፤
\q
\v 6 ሶኦጌ ዋሂንቲባኣ፥ ዓኣፁዋ ካሣ ሙይንታ?
\q2 ጱኡላኮ ሃሎ ዋኣፃ ዓኣፃ?
\q
\v 7 ታኣኒ ታ ዛሎና ዬያጉዴ ሙዖ ሻሻኣኪንታኔ፤
\q2 ታ ሙዔታቴያ ታኣም ኮሽኩዋሴ።»
\q
\v 8 «ፆኦሲ ታ ኮዓ ባኮ ታኣም ዒንጋቴ ዓይጎ!
\q2 ታኣኮ ሺኢጲፆዋ ዒ ዋይዛቴ ዓይጎ!
\q
\v 9 ሃያ ቢያይዳፓ ዒ ታና ዎዼቴ ኮሺቱዋኣዓዳ?
\q2 ፔ ኩጮ ዔቂሲ ዒ ታና ባይዜቴ!
\q2 ዬይ ታኣም ዶዲሢ ዒንጋንዳንቴኬ።
\q
\v 10 ዓይዲ ማዔቴያ ዱማዼ ፆኦዛሢኮ ቃኣሎ ታ ሃሺባኣሢሮ
\q2 ዎዚ ታኣኮ ሜታሢ ሚርጌቴያ
\q2 ዎዛና ታ ኮኦማንዳንቴኬ።
\q
\v 11 ሼምፔና ናንጋኒ ታና ማሃ ዓይጎ ዶዱሞ ታኣኮ ዓኣይ?
\q2 ሃጊ ማዓ ዎዛ ታኣኮ ባኣያ ማዔቴ ታ ዓይጋ ናንጋይ?
\q
\v 12 ታኣኒ ሹቺጉዲ ዶዳያዳ?
\q2 ታኣኮ ዑፃኣ ሞኦና ዓንጊጉዲ ጪኢሊዳ?
\q
\v 13 ታኣኒ ታና ማኣዳኒ ዎልቄ ታኣኮ ፔቴታዖ ባኣሴ፤
\q2 ታኣኮ ዓኣ ዎልቃ ቢያ ዔውቴኔ።»
\b
\q
\v 14 «ፔ ላጋሢም ዓኣ ጉሙርቂንቲፆ ፓጪሳ ዓሲ
\q2 ፆኦሲ ዒጊቹሞ ሃሼ ዓሲኬ።
\q
\v 15 ታ ላጎንሢ ጋዓንቴ ዲጲ ዴንዴስካፓ ሚጫያና
\q2 ጉሙርሱዋኣ ዎሮጉዲ ጌጌሻያኬ።
\q
\v 16 ዎሮይዳ ባርጎ ዎዶና
\q2 ሻጫ ኩሊንታኔ።
\q
\v 17 ዖጎፆና ጋዓንቴ ዓልቂ ዴንዲ ባይቃኔ፤
\q2 ዎራኣ ሚጪ ጉሪ ማዓኔ።
\q
\v 18 ጫኣኖ ጫኣና ቆልሞ ዒሺ ዒሺ ጎይፆ ዓኣዻ ዓሳ
\q2 ጎይፃፓ ኬስኪ ዋኣፆ ኮይፆ ዓሳ ናንጉዋ ዳውሎ ጌሊ ዒኢካ ሃይቃኔ።
\q
\v 19 ቴማ ዓጫፓ ሃንቲፆ ዴንዳ ዓሳ ዋኣሢ ኮዓኔ፤
\q2 ሳኣባ ዓጮኮ ኮርሞ ኮርማ ዓሳኣ ዋኣሢ ዴንቃኒ ሃጋኣ ዎዛ ጌሣኔ።
\q
\v 20 ዔያታ ጉሙርቄ ዎራ ሚጪ ጴዻዛ ሃጋኣ ዎዛ ዔያታ ቲቃኔ፤
\q2 ዒኢካ ቤዞ ሄላዖ ዔያታ ዻዻጋዻኔ።
\q
\v 21 ዒንሢ ሃሢ ታኣም ዬንሢ ሚጬ ዎሮንሢጉዲኬ፤
\q2 ታና ሄሌ ሜታሢ ዛጊ ዒጊቹሞና ጊንሢም ዒንሢ ዶጬኔ።
\q
\v 22 ዔዛታ ሃያ፥ ዬያ ታኣም ዒንጉዋቴ፤
\q2 ሃሣ ጊንሣ ዒንሢኮ ቆሎና ታና ዓውሱዋቴ ታ ዒንሢ ጌይያ?
\q
\v 23 ታ ሞርኮ ኩጫፓ ታና ዓውሱዋቴ፤
\q2 ታና ሄርቂ ዎይሣ ዓሶ ኩጫፓኣ ታና ዓውሱዋቴ ታ ዒንሢ ጌይያ?»
\b
\q
\v 24 «ዒንሢ ታና ዔርዙዋቴ፥ ታ ዚቲ ጋዓንዳኔ፤
\q2 ዻቢንቶዋ ታኣኮ ታኣም ኬኤዙዋቴ።
\q
\v 25 ጎኔ ሃይሴ ጫንቺታቴያ ዔውታያኬ፤
\q2 ዒንሢኮ ቦሂፆ ጌኤዛ ጋዓንቴ ፔቴታዖ ፓሡዋያኬ።
\q
\v 26 ዒንሢ ታ ጌኤዞ ዛጋሢ ጉሪ ዢባሬ ማሂኬ፤
\q2 ሂንዳ ታና፥ ሃጋኣ ዎዛ ቲቄሢም ዓይጎ ማሂ ዒንሢ ኬኤዛኒ ኮዓይ?
\q
\v 27 ዜኤሮ ናኣቶይዳ ዒፃ ዒንሢ ዓጋኔ፤
\q ዒንሢኮ ላጎ ዒንሢ ሻንቻኒ ሻንቾንዶ ባኮ ዛሎ ማርማኔ!
\q
\v 28 ሃዳራቴ ታኣኮ ዓኣፖ ካሮ ዛጉዋቴ፤
\q2 ዒንሢ ቤርታ ታ ሉኡቃ?
\q
\v 29 ዻቢንቲ ዒንሢኮ ማዑዋጉዲ ሃሹዋቴ፤
\q2 ሃሢ ሃሹዋቴ፤ ታኣኒ ፒዜኬ።
\q
\v 30 ጎኔና ታ ዒንዲርዛ ዻቢንቲ ዓኣ?
\q2 ታ ዻንጋ ጌኖ ማሊፆ ዱማሲ ዔራኒ ዳንዳዑዋኣዓዳ?»
\c 7
\q
\v 1 «ዓሲኮ ናንጊ ሳዖይዳ ዶዲ ማሹምቦቱዋኣዓዳ?
\q2 ኬላ ዔያቶኮ ማዾ ማዼም ዓጊኒና ጪጎ ኬሎ ጉዲቱዋኣዓዳ?
\q
\v 2 ዔያታ ሺቢ ዴንካ ሃውሻኒ ኮዓ ማዾ ማዻ ዓሲና
\q2 ማዼሢ ዛሎ ጪጎ ሚኢሾ ዔካኒ ካፓ ማዻዞንሢጉዲ ቱዋኣዓዳ?
\q
\v 3 ታኣኒ ላቤ ዓጊና ታና ማኣዱዋኣያ ማዔኔ፤
\q2 ታኣኮ ሜታሢ ዒባኖንሢ ታኣም ዋኣዪሢ ዋንታ ማዔኔ።
\q
\v 4 ታኣኒ ላሃ ዎዶና
\q2 ዓይዶ ካሬም ታ ዔቃንዳይ ጋዓኔ፤
\q2 ጋዓንቴ ዋንታ ታኣም ዖዶቃኔ፤
\q2 ካራንዳያ ሄላንዳኣና ጉሪ ሺሪ ሺሪ ታ ላሃኔ።
\q
\v 5 ዑፃ ታኣኮ ቢያ ዛኣሌ ኩሜኔ፤
\q2 ዓሽካ ታኣኮ ጎኦጌ ዒልዒ ሌሊ ማዔኔ፤
\q2 ዹኡቂያኣ ጊኢሽኬኔ።
\q
\v 6 ታኣኮ ናንጎ ሌዓ ሃርፖኮ ሞኮኬይዳፓ ባሼ ሩኡራኔ፤
\q2 ፔቴታዖ ሃጊ ማዓንዳ ዎዛ ባኣያ ማዒ ጋፒንፆ ሄላኔ።
\q
\v 7 ፆኦሲዮ! ታኣኮ ሼምፓሢ ዑኡሲ ዔኪሢፓ ቃሚቄሢ ማሌ፤
\q2 ሃካፓ ሴካ ፔቴታዖ ኮሺ ባኣዚ ታ ዛጋዓኬ።»
\b
\q
\v 8 «ሃሢ ታና ዛጋሢ ላሚ ዛጋዓኬ፤
\q2 ኮዔቴያ ዒ ታና ዴንቃኒ ዳንዳዑዋሴ።
\q
\v 9 ሻኣሬ ላኣሊንቲ ባይቃሢጉዲ
\q2 ሃይቂ ዱኡኪንታ ዓሲ ማዒ ጊንሣ ሙኩዋሴ፤
\q
\v 10 ጊንሣ ሃሣ ፔ ማኣሪያ ማዑዋሴ፤
\q2 ዒዛ ዔራ ዓሳኣ ቢያ ዒዛ ዋላኔ።
\q
\v 11 ማይ ሃካፓ ሴካ ታኣኒ ዚቲ ጋዓዓኬ!
\q2 ታኣኮ ዓያኖ ዋኣዪፆይዳፓ ዔቄያና ታ ኬኤዛኔ፤
\q2 ሼምፓሢ ታኣኮ ሜታዼሢሮ ታ ጉንዱማኔ።»
\b
\q
\v 12 «ሃያይዲ ኔ ታና ካፖ ዓሲ ማዓንዳጉዲ ማሄሢ
\q2 ታኣኒ ባዚዳ? ሃሣ ባዛ ናንጋ ዼኤፖ ቦዖዳ?
\q
\v 13 ‹ታኣኮ ሻኣላ ታና ዶዲሻኔ፤
\q2 ታኣኮ ላሆ ቤዛኣ ሃርጋሢ ዳንዳዒሳኔ፤›
\q2 ጌይ ታ ማሌኔ።
\q
\v 14 ኔኤኒ ጋዓንቴ ዓውቲና ታና ዒጊቻኔ፤
\q2 ባልባቲሢናኣ ኔ ታና ዲቃሣኔ።
\q
\v 15 ሃያ ዋኣዪፃ ዺቤ ዑፆ ኬዲ ሃንቲፃፓ
\q2 ሱፂንቲ ታ ሃይቃኒ ኮዓኔ።
\q
\v 16 ሃጊ ማዓ ዎዛ ታ ቲቄኔ፤ ናንጋኒያ ታ ኮዑዋሴ፤
\q ታኣኮ ናንጎ ዎዳ ቃሚሢታሢሮ ታና ሃሼ።»
\q
\v 17 «ሃኣዺኬ ኔ ጋዓኒና
\q2 ዔያቶ ዛሎ ኔ ማላንዳጉዲ ዓሲ ዓይጎ ባኣዚዳይ? \x - \xo 7፡17 \xo*\xt ዓይኑ. 8፡4፤ 14፡3።\xt*\x*
\q
\v 18 ጉቴ ጉቴ ኔ ዔያቶ ማሂ ዛጋንዳጉዲ
\q2 ሃሣ ቢያ ዎዴ ዎይታቴያ ዛጋንዳጉዲ ዓሲንሢ ዓይጎ ባኣዚዳይ?
\q
\v 19 ጩጮ ታ ዔኤዻንዳኣናታዖ
\q2 ዻካ ዎዴ ኔ ታና ሃሹዋዓዳ?
\q
\v 20 ኔኤኒ ዓሲ ሙሪ ዛጋ ፆኦዛሢዮ፥
\q2 ታኣኒ ጎሜ ማዼሢሮ ኔኤም ዓይጌ ፑርቴይ?
\q ታጊዳ ኔ ቲፕ ጌይ ዓይጋ ዔቄይ?
\q2 ያዺ ማዓንዳኣና ታ ኔኤም ኬዲ ማዒያ?
\q
\v 21 ጎሞ ኔ ታኣኮ ፔቴታዖ ዓቶም ጎውዋዓዳ?
\q2 ታ ማዼ ዻቢንቶ ኔ ታኣኮ ባይዙዋዓዳ?
\q ዱኡኪንቲፃ ታኣኮ ሄሌኔ፤
\q2 ሃካፓ ሴካ ኔ ታና ኮዔያታቴያ ታ ጴዻዓኬ።»
\c 8
\sp ቢልዳዴ
\p
\v 1 ሹሃ ዓጮ ዓሢ፥ ቢልዳዴ ሂዚ ጌይ ማሄኔ፦
\q
\v 2 ኔኤኮ ዒንዲርዛፓ ኬስካ ሃይሳ ዓልጎ ዢባሬጉዲኬ፤
\q2 ዎማ ሄላንዳኣና ዬማይዲ ኔ ጌስታንዳይ?
\q
\v 3 ፆኦሲ ፔቴታዖ ዎጌ ዎቢሱዋሴ፤
\q2 ቢያሢ ዳንዳዓ ጎዳሢ ቢያ ዎዴ ፒዜ ባኣዚ ማዻኔ።
\q
\v 4 ናኣታ ኔኤኮ ፆኦሲም ዻቤያ ማዔቴ
\q2 ዔያታ ዔያቶም ኮይሳ ሜቶ ዔኬኔ ጌይሢኬ።
\q
\v 5 ጋዓንቴ ፆኦሲ ባንሢ ኔ ማዔቴ
\q2 ቢያ ባኮ ዳንዳዓ ጎዳ ኔ ሺኢቄቴ
\q
\v 6 ፒዜ ሃሣ ኔ ጌኤሺ ማዔቴ
\q2 ዒዚ ዑኬና ኔና
\q2 ኔኤም ኮይሳ ቤዞ ጊንሣ ማሃንዳኔ።
\q
\v 7 ዓይፃ ኔኤኮ ዻካ ማሊ ጴዼቴያ
\q2 ሴካ ቤርታኣ ናንጋ ኔኤኮ ዑሣ ዓኣዼ ማዓንዳኔ።
\b
\q
\v 8 «ሂንዳ ቤርታኣ ሾይንቶ ዖኦጬ፤
\q2 ሃሣ ቤርታኣ ዓዶንሢ ማዼ ጎይፆዋ ዛጌ።
\q
\v 9 ሌዓ ኑኡኮ ሃጊ ዻካታሢሮ ፔቴ ባኣዚታዎ ኑ ዔሩዋሴ፤
\q2 ናንጎ ሌዓ ኑኡኮ ሺቢጉዲ ቤዛፓ ዴንዳያኬ።
\q
\v 10 ዔያታ ኔኤም ዔርዛሢና ኬኤዛሢ
\q2 ዔያታ ማሊ ጶቂሤሢፓ ዔኪቱዋዓዳ?
\q
\v 11 ጎኔና ጫሬ ማዒባኣ ቤሲዳ ማጫሬ ኬስካ?
\q2 ዋኣሢባኣ ቤሲዳ ሃሣ ፒሌ ኬስኪ ዑጋ?
\q
\v 12 ያዺ ማዒባኣቶ ዑጊ ጲሺንታንዳሢኮ ቤርታ
\q2 ሜሌ ባቃላ ባኮፓ ቢያ ቤርታዺ ሜላኔ።
\q
\v 13 ፆኦሲ ዋላ ዓሲኮ ቢያ ጋፒንፃ ዒማጉዲኬ፤
\q2 ሃሣ ፆኦሲ ባኣሴ ጋዓ ዓሶኮ ሃጊ ማዓ ዎዛ ቲቂንታኔ።
\q
\v 14 ዔያታ ሻንጌ ፓቲሌጉዲ ዱጳ ባኣዚና ጉሙርቂንታኔ፤
\q2 ሃጋ ማዓ ዎዛ ዔያታ ጌሣ ባኣዚ ዓኣታቴያ ቤዞና ባይቃኔ።
\q
\v 15 ሻንጎ ፓቲሎይዳ ዔያታ ጌኤቂንቴቴ ዶዲ ዔያታ ዔቃዓኬ፤
\q2 ዬያ ሻንጎ ፓቲሎ ዔያታ ዓርቄቴ ዱዱጳንዳኔ።»
\b
\q
\v 16 «ሆኦሪ ዓቢና ኬስኪ ጎሺዳ ዺባሢጉዲ
\q2 ፑርታ ዓሲ ዒማዺ ሚርጋኔ።
\q
\v 17 ፃጳ ዔያቶኮ ኬኤላ ሹቺ ዑስካ ማርታኔ፤
\q2 ሃሣ ዼኤፖ ሹጮ ዑፃኣ ዓዓርቂንታኔ።
\q
\v 18 ፔቴ ዓሲ ዓኣ ቤዛፓ ዔያቶ ቱጌቴ
\q2 ቤርታ ዓኣ ቤዛ ዔያቶኮ ዔርቱዋሴ።
\q
\v 19 ጎሞ ዓሶኮ ዎዛ ያዺ ማዓኔ፤
\q2 ሜሌ ዓሲ ዔያቶ ቤዞ ዔካኔ።»
\b
\q
\v 20 «ፆኦሲ ኮዦ ዓሶ ኬኤሩዋሴ፤
\q2 ሃሣ ፑርቶ ዓሶዋ ማኣዱዋሴ።
\q
\v 21 ዬያሮ ኔኤኒያ ዎዛና ሚኢጫንዳጉዲና
\q2 ዒላሻንዳጉዲያኣ ኔና ማሃንዳኔ።
\q
\v 22 ኔና ዒፃ ዓሳ ጋዓንቴ ቦርሲንታንዳኔ፤
\q2 ፑርቶ ዓሶኮዋ ማኣራ ባይቃንዳኔ።»
\c 9
\sp ዒዮቤ
\p
\v 1 ዒዮቤ ሂዚ ጌዒ ማሄኔ፦
\q
\v 2 «ሂዮ! ዬይ ቢያ ጎኔታሢ ታ ዔራኔ፤
\q2 ጋዓንቴ ዓሲ ፆኦሲ ቤርቲዳ
\q2 ዎይቲ ጌኤሺ ማዓኒ ዳንዳዓይ? \x - \xo 9፡2 \xo*\xt ዒዮ. 4፡17።\xt*\x*
\q
\v 3 ዒዛና ዎላ ማርማኒ ዳንዳዓሢ ዖናዳይ?
\q2 ዒዚ ፔቴ ሺያ ዖኦጪሢ ዖኦጬቶ
\q2 ዒንሢዳፓ ፔቴማታዎ ማሃኒ ዳንዳዓ ዓሲ ባኣሴ።
\q
\v 4 ፆኦሲ ዔሮ፥ ሃሣ ዎልቄና ዓኣያኬ፤
\q2 ዖናዳይ ዒዛ ቃዛኒ ጌይ ባሺንቲባኣይ?
\q
\v 5 ዔርቲባኣንቴ ዹኮ ዒ ዓዓጊሣኔ፤
\q2 ፔኤኮ ዻጎና ዒ ዶይሳኔ።
\q
\v 6 ፆኦሲ ሳዖ ዓኣ ቤዛፓ ጎቃይሳኔ፤
\q2 ሃሣ ሳዖኮ ቱርቱሮዋ ዒ ሪቂንሣኔ።
\q
\v 7 ዓባ ፆርቁዋጉዲ ዒ ማሃኒ ዳንዳዓኔ፤
\q2 ዦኦጋሢያ ፖዑዋጉዲ ዒ ማሃኔ።
\q
\v 8 ዖኦኒያ ዒዛ ማኣዱዋንቴ ጫሪንጮ ዒ ቡሊ ዳሬኔ፤
\q2 ዒዚ ባዞ ጉዳሢዳ ሃሃንታኔ።
\q
\v 9 ዛኣፖንታ ፑንጫሮንታ
\q2 ዬያጉዲ ሃንጎ ዦኦጎዋ ቢያ
\q2 ቡኪሲ ጫሪንጫ ጌሤሢ ዒዛ ፆኦሲኬ። \x - \xo 9፡9 \xo*\xt ዒዮ. 38፡31፤ ዓሞ. 5፡8።\xt*\x*
\q
\v 10 ዒ ማዻ ዲቃሢ ሄርሺሳ ባኮ
\q2 ኮሺ ማሂ ዛጊ ኑ ጶቂሣኒ ዳንዳዑዋሴ፤
\q ፔ ዎልቆና ዒ ማዺ ኩንሣ ዓኮ ባኮ
\q2 ኑ ፓይዳኒ ዳንዳዑዋሴ።»
\b
\q
\v 11 «ፆኦሲ ታ ኮይሌና ዓኣዻቴ ታ ዒዛ ዴንቃዓኬ፤
\q2 ዒ ታ ባንሢ ዑኬቴያ ዒዛ ማዔሢ ታ ዱማሲ ዔሪንዱዋሴ፤
\q
\v 12 ዒ ኮዔ ባኣዚ ዔኬቴ ዖኦኒያ ዒዛ ላኣጉዋሴ፤
\q2 ‹ሃያ ኔ ዓይጋ ሂዳይ?› ጌይ
\q2 ጫርቂ ዒዛ ዖኦጫይ ባኣሴ።
\q
\v 13 ፆኦሲ ዻጋዼቶ ማዑዋሴ፤
\q2 ሬዓቤ ጌይንታ ባዞ ቦዖ ማኣዳ ቦዓታዖ
\q2 ዒዛኮ ቶኮ ዴማ ጉምዓታኔ።
\q
\v 14 ዓካሪ ታ ዒዛም ማሂ ኬኤዛኒ ዎዲ ዳንዳዓንዳይ?
\q2 ዒዛና ዎላ ማርማኒ ዓይጎ ዑኡሲ ታ ዴንቃንዳይ?
\q
\v 15 ጌኤሺ ማዒ ታ ጴዼቴታዖ
\q2 ዎጎ ዎጋ ጎዳሢ ታና ማኣራንዳጉዲ
\q2 ታ ዒዛ ሺኢቃንዳፓዓቴም
\q2 ማሂ ታ ዒዛም ኬኤዛኒ ጫርቁዋሴ።
\q
\v 16 ዒዛኮ ሱንፆ ታ ዔኤሌም ማሂ ታኣም ዒ ኬኤዜቴታዖ
\q2 ጌኤዞ ታኣኮ ዒ ዋይዛንዳኔ ጌይ ታ ጉሙርቁዋሴ።
\q
\v 17 ዓልጎ ዢባሮና ታና ዒ ሜንሣኔ፤
\q2 ታ ዎኦቴ ባኣዚ ባኣንቴ ኪፆ ታኣኮ ዒ ዳልጊሻኔ።
\q
\v 18 ዑኡሲ ዔኮምታዖ ዻካ ታኣም ቤሲ ዒንጉዋሴ፤
\q2 ሼምፓሢ ታኣኮ ሜቶና ዒ ኩንሤኔ።
\q
\v 19 ታኣኮ ዓኣ ዎልቆና ማሹምቦ ታ ዒዛ ዓርቆም ጎዑዋጉዲ
\q2 ዎልቄና ዒዛ ዓርቂ ቃዛይ ባኣሴ፤
\q2 ሞኦቲ ታ ዒዛ ላሣንዳኔ ጎዑዋጉዲ
\q2 ዎጎ ዓሶ ቤርቶ ዒዛ ሺኢሻኒ ዳንዳዓ ዓሲ ባኣሴ።
\q
\v 20 ታኣኒ ጌኤሺ ሃሣ ጎኔ ዓሲኬ፤
\q2 ጋዓንቴ ጌኤዛ ታኣኮ ታና ዻቢንቴያ ማሃኔ፤
\q2 ታ ጋዓ ባካ ቢያ ታ ዑፃ ዎጋኔ።
\q
\v 21 ዎዚ ታ ፂሎታቴያ
\q2 ታ ዛሎ ታ ማሉዋሴ፤
\q2 ታ ሼምፓሢያ ታኣኒ ሻኣኪንታኔ።
\q
\v 22 ፆኦሲ ፂላሢንታ ዻቢንቴሢንታ ዎላ ባይዛሢሮ
\q2 ‹ፔቴታዖ ዱሙሞ ባኣሴ›
\q2 ታ ጌዔሢ ዬያሮኬ።
\q
\v 23 ዓሲ ፔቴ ባኣዚና ቤዛ ሃይቄቴ
\q2 ፆኦሲ ዬያ ጌኤዦ ዓሢኮ ሜቶ ሚኢጪ ዓዓማላኔ።
\q
\v 24 ሳዓ ፑርቶ ዓሶ ኩጫ ዓኣሢ ዒንጊንታዛ
\q2 ዒዚ ዎጎ ዎጋ ዓሶኮ ዓኣፖ ካንቃኔ፤
\q ዓካሪ ዬያ ቢያ ማዼሢ ፆኦሲቱዋቴ
\q2 ሃንጎ ዖናዳይ?»
\b
\q
\v 25 «ታኣኮ ናንጎ ሌዓ ጳሽካ ዓሲዳፓ ባሼ ሩኡራኔ፤
\q2 ፔቴታዖ ዎዛ ታ ዴንቁዋንቴ ዓኣዻኔ።
\q
\v 26 ዔያታ ማጫሬና ኮሺንቴ ዋኣፆና ፒንቆ ጎንጎጉዲ ጳሽካኔ፤
\q2 ሃሣ ዓርቂ ዔካ ኮኦኬጉዲያኣ ሩኡራኔ።
\q
\v 27 ታ ሜታሢ ኬኤዚ ሺሪፆ ታ ዋሎም
\q2 ዓኣፖ ካሮዋ ታኣኒ ቱኪፆ ሃሺ ሙስታንዳኔ ጋዓዛ፥
\q
\v 28 ፆኦሲ ጌኤሺ ማሂ ታና ፓይዲንዱዋሢ ታ ዔራሢሮ
\q2 ሜቶና ዋኣዪሢና ታና ሄላንዳኔ ጌይ ታ ዒጊጫኔ።
\q
\v 29 ዓካሪ ዻቢንቴያ ማዒ ታ ፓይዲንቴቴ
\q2 ጉሪ ታኣኮ ላቢፃ ዓይጎሮዳይ?
\q
\v 30 ዑፆ ታኣኮ ታ ሳኣሙናና ማስቴቴ
\q2 ኩጮዋ ታኣኮ ታ ዖንዶዴና ጌኤሼቴ፤
\q
\v 31 ዬይ ቢያ ማዺንቴቴያ
\q2 ኔ ታና ዔኪ ቶርጴይዳ ኬኤራኔ፤
\q2 ታኣኮ ማኣዓሢታዖ ታና ሻኣኪንታኔ።
\q
\v 32 ዒዚ ታጉዲ ዓሲቱዋኣሢሮ
\q2 ዎጎ ዎጋ ዓሶ ኮይላ ኑ ዎላ ዴንዲ
\q2 ሞኦቶም ታ ዒዛ ጋዓኒ ዳንዳዑዋሴ።
\q
\v 33-34 ታኣኮ ዙላፓ ፆኦሲ ፔ ኮኦሎ ዔቂሳንዳጉዲና
\q2 ዒዛኮ ዓውካራ ታና ዒጊቹዋጉዲ
\q2 ፔኤኮ ኩጮ ኑና ላምዓሢ ዑፃ ጌሣ ሱኡጌ ጴዻቴ ዓይጎ!
\q
\v 35 ታኣኒ ዓሳ ታና ማላ ጎይፆጉዲ ማዒባኣሢሮ
\q2 ታ ዒዛ ዒጊጩዋዖ ኬኤዜያ ናንዳንቴኬ።»
\c 10
\q
\v 1 «ናንጊ ታና ዒሤኔ፤
\q2 ታ ሃሢ ናንጋ ጫንጮ ናንጎ
\q2 ፔጌና ታ ዋይዚሲ ኬኤዛኔ።
\q
\v 2 ፆኦሲ ታ ሂዚ ጋዓንዳኔ፦
\q2 ኔ ታና ዓርቄ ባካ ዓይጎናታቴያ
\q2 ፔጋሲ ታኣም ዻዻዋንዳፓዓቴም
\q2 ዻቢንቴያኬ ጌይ ዎዎጊፖ!
\q
\v 3 ሃያይዲ ኔ ዒዛ ሜታሳሢ ኮይሳያዳ?
\q2 ኔኤኒ ኔ ኩጮና ማዤ ዓሢ ቶኦቻኒ ኔኤም ኮይሳ?
\q2 ፑርቶ ዓሶኮ ጌኖ ማሊፃ ኔና ዎዛሳ?
\q
\v 4 ኔ ዓኣፓ ዓሲ ዓኣፒጉዲዳ?
\q2 ኔ ዛጋሢ ዓሲ ዛጋ ጎይሢዳ?
\q
\v 5 ኔ ኬላ ዓሲ ኬሊጉዴያዳ?
\q2 ሃሣ ሌዓ ኔኤኮ ዓሲ ሌዔጉዲ ቃሚሢዳ?
\q
\v 6 ታ ዻቢንቶ ኔ ዛጋሢ፥
\q2 ጎሞዋ ኔ ታኣኮ ኮጲሳሢ ዓይጎሮዳይ?
\q
\v 7 ታኣኒ ዻቢንቲ ባኣያ ማዔሢና ኔ ኩጫፓኣ ታና
\q2 ዖኦኒያ ዻቂሻኒ ዳንዳዑዋኣሢ ኔ ዔራኔ።»
\b
\q
\v 8 «ጪጊቺንታ ማሎንታ ዒንጊ ታና ኮሼሢ ኔ ኩጮኬ፤
\q2 ዓካሪ ሃሢ ዬንሢ ኔ ኩጮንሢ ጊንሣ ታና ሻሃንዳ?
\q
\v 9 ዓጪና ኮሾና ሜሄጉዲ ዓጪፓ ኔ ታና ኮሼሢ ማሌ፤
\q2 ሂዳዖ ሃሢ ጊንሣ ኔ ታና ሲላሊ ማሂ ጋኣጫኒዳ?
\q
\v 10 ዓዳ ዲኢቂጉዲ ዋኣፂሲ
\q2 ሜቄ ዲኢቂ ጉዴያኣ ኔ ታና ሜቂሴኔ።
\q
\v 11 ዑፆ ኔ ታኣኮ ዒልዒና ዓሽኪና ማሂ ካንቄኔ፤
\q2 ሜጌሢና ሻሺና ማሂያ ካንሢ ኔ ኮሼኔ።
\q
\v 12 ሼምፔንታ ናንጊና ናንጋ ናሹሞዋ ኔ ታኣም ዒንጌኔ፤
\q2 ኔኤኮ ካፒፃኣ ዓያኖ ታኣኮ ዶዲሼኔ።
\q
\v 13 ሃይሾ ዬያ ባኮ ኔ ዒና ኔ ዓኣቺ ዓርቄኔ፤
\q2 ኔኤኮ ማሊፃ ዬያ ማዔሢ ታ ዔሬኔ።
\q
\v 14 ዻቢንቲ ታ ማዼቴ ኔ ታና ዛዛጋኔ፤
\q2 ታኣኮ ጎሞሮዋ ኔ ፑርታና ዎጉዋዖ ሃሻዓኬ።
\q
\v 15 ጎሜ ታ ማዼቴ ቤዞና ሜቶይዳ ታ ሎኦማኔ፤
\q2 ኮሺ ባኣዚ ታ ማዼቴያ ታ ጋላቲንቱዋሴ፤
\q2 ኮሺ ታኣኒ ሜታዼም
\q2 ቦርሲንቲ ታና ሄሌኔ።
\q
\v 16 ዒና ታኣኮ ጊንሣ ዶዴያ ማዔቴ
\q2 ዞቢጉዲ ኔ ታና ኬሚ ዓርቃኔ፤
\q2 ታና ባይዛኒ ኔ ዎልቆና ማዺንታ ዓኮ ባኮ
\q2 ላሚ ላሚ ኔ ማዻኔ።
\q
\v 17 ታ ጊዳ ማርካዻንዳ ዓሲ
\q2 ቢያ ዎዴና ኔ ዴንቃኔ፤
\q2 ታ ጊዳ ኔ ዻጋዻ ዻጋ
\q2 ቃሲንቲ ቃሲንቲ ዓኣዻኔ፤
\q2 ኔ ታና ዖላኒ ቢያ ኬሊ ዓኪ ዓኪ ማሊሢ
\q2 ዖልዚ ዓሲጉዲ ኔ ዳካኔ።»
\b
\q
\v 18 «ፆኦሲዮ! ዓይጋ ኔ ታኣኒ ሾይንታንዳጉዲ ማሄይ?
\q2 ዖኦኒያ ታና ዛጊባኣንቴ ታ ሃይቄያ ማዔቴ ኮሺታንቴኬ!
\q
\v 19 ማዢንቲ ባኣዖ ታ ዓታኣባሽ፤
\q2 ዒንዶ ጎጳፓ ኬኬስካዖ ዱኡፒ ባንሢ ታ ዔውቴቴ ቃራታዖኬ።
\q
\v 20 ታ ናንጎ ዎዳ ቃሚሢቱዋዓዳ?
\q2 ዬማ ቃሚፆ ዎዶማካ ዻካታዎ ታ ዎዛዻንዳጉዲ
\q ሃዳራ ታና ሃሼቴራ!
\q
\v 21 ዬያ ኔ ሃሻንዳሢ ላሚ ታ ማዓኑዋ ቤዞ፥ ሃይቢ ሺቢና
\q2 ሻኔያ ማዔ ዓጮ ታ ዴንዳንዳሢኮ ቤርታኬ።
\q
\v 22 ታ ዴንዳ ቤዛ ዹሚኮ ሺቢና ዣሎና ኩሜ ሳዓኬ፤
\q2 ዬካ ዓኣ ፖዓኣ ዹሞጉዴያኬ።»
\c 11
\sp ፆፓሬ
\p
\v 1 ናዕማታ ዓጮ ዓሢ ፆፓሬ ሂዚ ጌዔኔ፦
\q
\v 2 «ሃያ ቢያ ጉሪ ጌይንቴ ባኮኮ ማሂ ኬኤዛይ ባኣዓዳ?
\q2 ፔቴ ዓሲ ሃያጉዴ ጋፑዋ ባኣዚ ጌስቲሢና ፒዜ ማዓኒ ዳንዳዓ?
\q
\v 3 ዒዮቤ! ጉሪ ኔ ጌስቴ ባኮኮ ማሂ ኔኤም ኬኤዞንዶ ባኣዚ ባኣያ ማላ?
\q2 ሃያይዲ ኔ ቶኦቺ ጌስታዛ ኔና ጎራንዳ ዓሲ ባኣያ ኔኤም ማላ?
\q
\v 4 ኔኤኒ ኔ ማሊፆና፦ ‹ታኣኒ ፒዜኬ› ጋዓኔ፤
\q2 ፆኦሲማኣ ኔኤኒ፦ ‹ታ ኔ ቤርታ ጌኤሺኬ› ጋዓኔ።
\q
\v 5 ፆኦሲ ኔኤም ማሂ
\q2 ፒዜ ማዔ ባኮ ኬኤዛቴ ዓይጎ!
\q
\v 6 ዔራቶኮ ጎይሢ ሚርጌታሢሮ
\q2 ዔራቶኮ ዓኣሺንቴ ባኮ ኔና ፆኦሲ ዔርዜቴ ዓይጎ!
\q2 ዓካሪ ፆኦሲ ኔና ሜቶይዳ ዓጌሢ
\q2 ኔኤም ኮይሳሢዳፓ ዻኪሲ ማዔሢ ዔሬ።»
\b
\q
\v 7 «ፆኦሲ ዓኣቺ ዓርቄ ባኮ ኔ ዔራኒ ዳንዳዓ?
\q2 ቢያ ባኮ ዳንዳዓ ጎዳሢ ዎዚዒታቴያ
\q2 ማርማሪ ዔራኒ ኔ ዳንዳዓ?
\q
\v 8 ዒዛኮ ዼኤፑማ ጫሪንጮኮ ዑሣኬ፤
\q2 ኔ ዒዛ ዎዳኒ ዳንዳዓይ?
\q2 ሊካ ዔቱማ ዒዛኮ ዱኡፖ ዔታፓ ዴማኬ፤ ኔ ዓይጎ ዔራይ?
\q
\v 9 ፆኦሲኮ ዼኤፑማ ሳዖይዳፓ ባሼ ዖዶቃኔ፤
\q2 ዼኤፖ ባዞ ዋኣፃፓ ባሼ ዳልጋኔ።
\q
\v 10 ፆኦሲ ሙኪ ቱኬቴ
\q2 ዎጎ ዎጋ ዓሶ ቤርቶዋ ሺኢሼቴ
\q2 ዖ ዒዛ ላኣጋንዳይ?
\q
\v 11 ፆኦሲ ፓሡዋ ዓሶ ዔዔራኔ፤
\q2 ዻቢንቲ ዒ ዴንቄ ዎዶና ዚቲ ጌይ ዛጉዋሴ።
\q
\v 12 ዔኤያ ዓሲ ዔራ ማዓያይዳፓ
\q2 ኪርሞሌ ዓሲ ማዒ ሾይንታቴ ሼሌዔኬ።»
\b
\q
\v 13 «ጋዓንቴ፥ ዒኖ ኔኤኮ ኔ ፒዜ ማሄቴ
\q2 ሃሣ ኩጮ ኔኤሲ ኔ ዔቂሲ ፆኦሲ ሺኢቄቴ
\q
\v 14 ጎሞ ኔጊዳፓ ኔ ሃኪሴቴ
\q2 ፑርታ ባኣዚያ ኔ ማኣራፓ ኔ ባይዜቴ
\q
\v 15 ዬማ ዎዶና ኔ ዼግ ጌዒ
\q2 ቦርሲንቲባኣያ ቢያ ባኣዚ ኔ ዛጋንዳኔ፤
\q2 ሃሣ ዒጊቹሞ ባኣያ ዶዲ ኔ ዔቃኒ ዳንዳዓኔ።
\q
\v 16 ሜቶ ኔኤኮ ኔ ቢያ ዋላንዳኔ፤
\q2 ኔ ማሊ ጶቂሣንዳሢ ኩሚ ዓኣዼ
\q2 ዲጲጉዲ ሌሊኬ።
\q
\v 17 ናንጋ ኔኤኮ ዓቢ ዹኡሲ ፖዒፓ ባሼ ፖዓንዳኔ፤
\q2 ዹማ ጊንሣ ሃሣ ጉታኣ ፖዒጉዲ ማዓንዳኔ።
\q
\v 18 ሃጊ ማዓንዳ ዎዛ ኔኤኮ ዓኣሢሮ ጉሙርቂ ኔ ናንጋንዳኔ፤
\q2 ፆኦሲ ኔና ካፓያታሢሮ ሂርጋባኣያ ሃውሺ ኔ ናንጋንዳኔ።
\q
\v 19 ዖናኣ ዒጊጩዋዖ ኔ ላሃንዳኔ፤
\q2 ሚርጌ ዓሲ ኔ ቤርታ ቦንቺንቲ ዴንቃኒ ኮዓንዳኔ።
\q
\v 20 ፑርቶ ዓሶኮ ዓኣፓ ባይቃንዳኔ፤
\q2 ዔያታ ቶላንዳ ጎይፃ ዔያቶኮ ቢያ ዲርቂንቴያ ማዓንዳኔ፤
\q2 ዔያቶኮ ጋፒንፃኣ ሃይቢኬ።»
\c 12
\sp ዒዮቤ
\p
\v 1 ዬካፓ ዒዮቤ ሂዚ ጌይ ማሄኔ፦
\q
\v 2 «ጎኔኬ ዒንሢ ኮሺ ጪንጫኬ፤
\q2 ዒንሢ ሃይቃኣና ዔራቶ ዒንሢና ዎላ ሃይቃያ ዒንሢም ማላኔ!
\q
\v 3 ያዺ ማዔቴያ
\q2 ታኣኮ ዒንሢጉዲ ማሊ ጶቂሣ ዒኔ ዓኣያኬ፤
\q2 ፔቴታዖ ዒንሢዳፓ ዓይጎናኣ ታ ዻኩዋያኬ፤
\q2 ዒንሢ ኬኤዛ ባኮ ዓሲ ቢያ ዔራያኬ።
\q
\v 4 ፆኦሲ ታኣኒ ዔኤሌም ማሂ ታኣም ዒ ኬኤዜ ዎዴ ዓኣኔ፤
\q2 ሃሢ ታኣኒ ታ ላጎና ሚኢጪንታያ ማዔኔ፤
\q2 ዻቢንቲ ባኣያ ታኣኒ ፒዜ ዓሲታዖ ዓሲ ቢያኮ
\q ዓማሎ ባኣዚ ታ ማዔኔ።
\q
\v 5 ሜታ ሄሊባኣ ዓሲ ኮርካ
\q2 ሜታዼ ዓሲኮ ሜቶ ቶኦቺሢ ሼሌዔኬ።
\q2 ጋዓንቴ ሎኦማኒ ጋኣዲንታ ዓሢ ዒንሢ ሂሂዓኔ።
\q
\v 6 ፔኤኮ ዎልቆ ፆኦሲ ማሂ ፓይዳ
\q2 ዉዞንታ ፆኦሲ ሃሼ ዓሶንታታዖ ኮሺና ናንጋኔ። »
\q
\v 7 «ሂንዳ ቆልሞ ዖኦጬ ኔና ዔርዛንዳኔ፤
\q2 ጫሪንጮ ካፖዋ ዖኦጬ ኔኤም ኬኤዛንዳኔ።
\q
\v 8 ሳዖም ኬኤዜ፥ ኔና ዔርዛንዳኔ፤
\q2 ባዞ ሞላሢያ ኔኤም ኬኤዛንዳኔ።
\q
\v 9 ዬያቶ ቢያሢፓ ናንጊና ናንጋ ጎዳኮ ኩጫ
\q2 ዬያ ማዤሢ ዔሩዋይ ዖናዳይ?
\q
\v 10 ሼምፓ ዓኣ ማዢንታ ቢያ
\q2 ሃሣ ፔቴ ፔቴ ዓሶኮዋ ሼምፓሢ
\q2 ፆኦሲ ቢታንቶ ዴማኬ።
\q
\v 11 ዒንዲርሲ ዓኣሢ ካሣ ዱማሲ ዔራሢጉዲ
\q2 ዋይዚያኣ ዎዚ ጌይ ጌስቲንቴቴ ዔሪ ዱማሳኔ።»
\b
\q
\v 12 «ዔራቶ ጋርቻቶና
\q2 ማሊ ጶቂሥሢያ ሚርጌ ሌዔ ናንጊሢፓ ጴዻኔ።
\q
\v 13 ዔራቶና ዎልቄና ፆኦሲኮ ዓኣኔ፤
\q2 ዞሮና ማሊ ጶቂሥሢና ጴዻሢ ፆኦሲ ኮራፓኬ።
\q
\v 14 ፆኦሲ ሻሄሢ ጊንሣ ማሂ ኮሻኒ ዖኦኒያ ዳንዳዑዋሴ፤
\q2 ፆኦሲ ቱኬሢ ዖኦኒያ ቡላኒ ዳንዳዑዋሴ፤
\q
\v 15 ፆኦሲ ዒርዚ ላኣጌቴ ሳዓ ቦኦሪ ሜላኔ፤
\q2 ዒሮ ዒ ላኣሊ ሃሼቴ ጋዓንቴ ዓጫ ዲጲና ባይቃኔ።
\q
\v 16 ፆኦሲ ዶዲ ሃሣ ዖልዚናኣ ባሻያኬ፤
\q2 ጌሺንታሢታቴያ ጌሻሢ
\q2 ላምዓሢ ዒዛ ቢታንቶ ዴማኬ።
\q
\v 17 ዒዚ ዞራ ዓሶ ዔራቶ ላኣጋኔ፤
\q2 ዴሮ ሱኡጎዋ ዔኤያ ማሃኔ።
\q
\v 18 ዒዚ ካኣቶ ካኣቱሞ ዓልጋፓ ኬይሳኔ፤
\q2 ጊልዲማ ሌሊ ቱኬ፥ ቱኡሲ ዓሲ ዔያቶ ዒ ማሃኔ።
\q
\v 19 ቄኤሶ ቢታንታፓ ኬይሲ ዒ ዳውሳኔ፤
\q2 ቢታንታ ዓኣ ዓሶዋ ቢቲ ማዒፆይዳፓ ኬይሳኔ።
\q
\v 20 ዔርቴ ጉሙርቂንታ ዓሶ ዚቲዳኔ፤
\q2 ጋርቾ ዓሶይዳፓኣ ማሊ ጶቂሣ ዒኖ ዔካኔ።
\q
\v 21 ዖሎ ዓሶ ዓይሣ ዓሶዋ ቦርሲሳኔ፤
\q2 ዎልቆ ዓሶኮዋ ዎልቆ ባይዛኔ።
\q
\v 22 ዹሚዳ ዓኣቺንቴ ባኮዋ ፔጋሳኔ፤
\q2 ሻኔ ዹሞዋ ፖዒ ባንሢ ላኣማኔ።
\q
\v 23 ካኣቶ ዎልቄ ዓኣያ፥ ዔርቴያ ማሃኔ፤
\q2 ጋዓንቴ ጊንሣ ዔያቶ ዒ ባሺ ባይዜኔ፤
\q2 ዴሮ ዒ ዺቢሻኔ፤ ዜርቂያኣ ባይዛኔ።
\q
\v 24 ሱኡጎኮ ማሊ ጶቂሢፃ ፓጫንዳጉዲና
\q2 ጎይሢባኣ ዳውሎ ቦኦሎይዳ ዣኣሊ ሃንታንዳጉዲ ማሃኔ።
\q
\v 25 ፖዒ ባይዚ ዹሚዳ ዹቂንታንዳጉዲና
\q2 ማሢንቴ ዓሲጉዲ ጋኣዲንታንዳጉዲያኣ ዒ ማሃኔ።»
\c 13
\q
\v 1 «ሃይሾ፤ ሃያ ቢያ ታኣኮ ዓኣፓ ዛጊናኣኮኬ፤
\q2 ዋያኣ ታኣኮ ዋይዚ ዒና ዔኬኔ።
\q
\v 2 ዒንሢ ዔራሢጉዲ ታኣኒያ ዔዔራኔ፤
\q2 ፔቴታዖ ታ ዒንሢዳፓ ዻካያቱዋሴ።
\q
\v 3 ጋዓንቴ ታኣኮ ጌኤዛ ዼኤፖ ፆኦዛሢናኬ፤
\q2 ታ ዒዛና ማርማኔ።
\q
\v 4 ዒንሢ ጋዓንቴ ሉኡዙሞና ኩሜያኬ፤
\q2 ዒንሢ ዼኤሻ ዔራያታዖ
\q2 ዖናኣ ዓውሳኒ ዳንዳዑዋ ዓሲጉዲኬ።
\q
\v 5 ሃያይዳፓ ዚቲ ዒንሢ ጌዔያታቴ
\q2 ዒንሢ ዔራ ማዒ ጴዻንዳያታዖኬ!»
\b
\q
\v 6 «ታኣኒ ማርማ ማርማሢ ዋይዙዋቴ፤
\q2 ታና ሄሌም ታኣኒ ሞኦታ ሞኦቶ ዚቲ ጌይ ዋይዙዋቴ።
\q
\v 7 ዓይጎሮ ዒንሢ ፆኦሲ ሱንፆና ሉኡዙሞ ጌስታይ?
\q2 ፆኦሲ ጌሺሢና ዒንሢ ዒዛ ዎዛሳያ ማላ?
\q
\v 8 ሃንጎ ዒዛ ዛላ ዒንሢ ማዓኒ ማላ?
\q2 ዒዛኮ ታርዤ ማዒ ዒንሢ ዔቃ?
\q
\v 9 ዒዚ ዒንሢ ባኮ ዛጋያ ማዔቴ
\q2 ዒንሢዳፓ ፔቴ ባኣዚታዎ ኮሺ ዒ ዴንቃንዳኣሲንታኔ?
\q ዓሶ ዒንሢ ዔኤያሳሢጉዲ
\q2 ዒዛ ዒንሢ ዔኤያሳንዳያ ዒንሢም ማላ?
\q
\v 10 ዴሜና ዓኣሺንቲ ዓሲ ዒንሢ ዱማሳያ ማዔቴ
\q2 ጎኔና ፆኦሲ ዒንሢ ጎራንዳኔ።
\q
\v 11 ዒዛኮ ቦንቻ ዒንሢ ዒጊቹዋዓዳ?
\q2 ዒዛኮ ዼኤፑማ ዒንሢ ዲቃሡዋዓዳ?
\q
\v 12 ዒንሢ ኮኦኪንሦና ጌስታ ጌኤዛ ፓሡዋያ ዲቢንሢጉዲኬ፤
\q2 ዒንሢኮ ማርማሢያ ዓጪዳፓ ኮሾና ሜሄጉዲ ሃይቃያኬ።
\q
\v 13 ሂንዳ ዚቲ ጎዑዋቴ፤
\q2 ታኣኒያ ጌስቶም ታኣም ቤሲ ጌሡዋቴ፤
\q2 ዬካፓ ማዓ ባኣዚ ማዖንጎ። »
\q
\v 14 «ታኣኒ ዓጮ ዻይ ሜታዺ ናንጋሢ ዓይጎሮዳዖ?
\q2 ታኣኮ ዬያይዲፃ ታሼምፓሢ ባይዚ ማዓኔ።
\q
\v 15 ፆኦሲ ታና ዎዼያታቴያ
\q2 ዒዛ ጉሙርቂፆ ታ ሃሻዓኬ፤
\q2 ያዺ ማዔቴያ ታ ዓኣ ጎይፆዋ ዒዛም ኬኤዛንዳኔ።
\q
\v 16 ጎሜና ዓኣ ዓሲ ፆኦሲ ቤርቶ ሺኢካኒ ዳንዳዑዋኣሢሮ
\q2 ጎዖንቴ ሃይ ታኣኮ ጫርሹማ ዻቂንታ ካራ ማዓኒ ዳንዳዓኔ።
\q
\v 17 ሂንዳ ታ ኬኤዛ ባኮ ዒና ዔኩዋቴ፤
\q2 ታ ሺኢሻ ማርካቶዋ ኮሺ ዋይዙዋቴ።
\q
\v 18 ጌኤዞ ታኣኮ ኮይሳ ጎይፆ ዔኪ ታ ሺኢሼኔ፤
\q2 ታኣም ዎጊንታንዳሢያ ታ ጉሙርቃኔ።
\q
\v 19 ታና ዎጎና ዓይሢሳ ዓሲ ዓኣያ ማዔቴ
\q2 ታ ማርሙዋዖ ዚቲ ጌይ ሃይቃንዳኔ።
\q
\v 20 ፆኦሲዮ! ኔ ቤርታፓ ታ ዓኣሺንቱዋጉዲ
\q2 ሃንሢ ላምዖ ባኮንሢ ታኣም ማዼ፤
\q
\v 21 ዬንሢያ፦ ኔኤኮ ሜታሳ ኩጮ ታጊዳፓ ዔቂሴ፤
\q2 ኔኤኮ ዒጊቻያ ማዔ ዼኤፑሞና ታና ዲቃሢፖ።»
\b
\q
\v 22 «ፆኦሲዮ! ቤርታዺ ኔ ኬኤዜ፤
\q2 ታ ኔኤኒ ኬኤዜ ባኮኮ ማሂፆ ኬኤዛንዳኔ፤
\q2 ሃንጎ ቤርታዺ ታ ኬኤዜም
\q2 ኔኤኒ ታ ኬኤዜ ባኮኮ ማሂ ታኣም ኬኤዜ።
\q
\v 23 ታ ማዼ ዻቢንቶና ጎሞና ዎማጉዴያዳይ?
\q2 ሂንዳ ታ ዻቢንቶና ጎሞና ታኣም ኬኤዜ።
\q
\v 24 ዓይጎሮ ታጊዳፓ ኔ ሃካይ?
\q2 ሃሣ ዓይጎሮ ታና ኔኤኮ ሞርኬ ማሂ ኔ ዛጋይ?
\q
\v 25 ዢባሬ ዲኢኒሻ ዋላሺና ሜልዚ ጎቦናጉዲ
\q2 ዓይጋ ዒጊቺ ኔ ታና ዳውሳይ?»
\b
\q
\v 26 «ኔ ታ ዑፃ ዻቢንቲኬ ጌዒ ኮሺ ጫንቺ ባኣዚ ፃኣፔኔ፤
\q2 ናይ ዓኣዖ ታ ዻቢንቴ ዻቢንቶታዖ ኔ ዓይሲባኣሴ፤
\q
\v 27 ቶኮ ኔ ታኣኮ ዱፄና ቱኬኔ፤
\q2 ፔቴ ፔቴ ታ ሃንታ ሃንቲፆ ኔ ታኣኮ ፓይዳኔ፤
\q2 ታ ሄርቄ ኮጲዞዋ ኔ ዛጋኔ። \x - \xo 13፡27 \xo*\xt ዒዮ. 33፡11።\xt*\x*
\q
\v 28 ዬያሮ ታኣኒ ዎዔ ባኣዚ ማዒ ዓታኔ፤
\q2 ቢላ ሙዔ ማኣዖጉዲያኣ ታኣኒ ባይቃኔ።»
\c 14
\q
\v 1 «ዓሲኮ ናንጎ ሌዖማ ቃሚሢኬ፤
\q2 ያዺታቴያ ሜታ ኩሜያኬ።
\q
\v 2 ቡኒጉዲ ጴዻዖ ቤዞማና ዲኢናኔ፤
\q2 ሺቢጉዲ ሚርጌ ኔጉዋዖ ቤዛፓ ዑኬና ሺራኔ።
\q
\v 3 ዓካሪ ዬያጉዴ ዓሢ ኔ ኮጲሲ ሺራንዳያዳ?
\q2 ኔ ቤርቶ ዎጌም ኔ ሺኢሻንዳያዳ?
\q
\v 4 ዒኢቴ ባኣዚፓ ጌኤሺ ባኣዚ ዴንቃኒ ዳንዳዓ
\q2 ዓይጎ ዓሲያኣ ባኣሴ።
\q
\v 5 ዓሲኮ ናንጊ ሌዔ ዔርቲ ጌሢንቴያኬ፤
\q2 ናንጋ ዓጊናኣ ኔ ቤርታ ፓይዲንቴያኬ፤
\q2 ኔ ናንጋንዳጉዲ ጌሤማፓ ዑሣ ዓኣዻይ ባኣሴ።
\q
\v 6 ሚኢሾም ጌይ ማዻሢ ማዻ ኬሎ ጋፒሲ ሃውሻሢጉዲ
\q2 ዓሲያ ፔኤኮ ላቢፆ ዎዶይዳ ዎዛዻንዳጉዲ ጊቢ ዳንዳዔ።»
\b
\q
\v 7 «ቲቂንቴ ሚሢ ዱርሚኮታዖ
\q2 ሃጋ ማዓንዳ ዎዛ ዓኣኔ፤
\q2 ዎይቲ ጌዔቴ ላሚ ቶሻኒና
\q2 ካኣፒ ኬሳኒ ዳንዳዓሢሮኬ።
\q
\v 8 ዎዚ ፃጳ ሳዖ ዴማ ጋርቼቴያ፤
\q2 ሃሣ ዱርማ ዓጮ ዴማ ዎዔቴያ
\q
\v 9 ሳዓ ዎዒ ዴንቄቴ ጊንሣ ቶሻኔ፤
\q2 ሃጊ ቱቱኮና ሚሢጉዲ ካኣፒ ኬሳኔ።
\q
\v 10 ዓሲ ጋዓንቴ ሃይቃዖ ባኣያ ማዓኔ፤
\q2 ዒ ሃይቄስካፓ ማይ ዓንካዳይ?»
\b
\q
\v 11 «ዴዔ ዋኣሢ ሱኡሌና ዔቂ ጋፓሢጉዲ
\q2 ዎርዚ ዋኣሢያ ሚጫሢጉዲ
\q
\v 12 ዬያጉዲ ዓሲያኣ ሃይቄስካፓ ጊንሣ ማዑዋሴ፤
\q2 ጫሪንጫኣ ባይቃንዳያ ሄላንዳኣና ጴጩዋሴ፤
\q2 ጊንዓስካፓኣ ዔቁዋሴ።»
\q
\v 13 «ሄኤዶ ኔ ታና ዱኡፓ ዓኣቼያታቶ!
\q2 ዻጋ ኔኤኮ ጋፓንዳያ ሄላንዳኣና ኔ ታና ዓኣቼያታቶ!
\q2 ኬሊ ኔ ታኣም ሜንሢ ማሌያታቴ ዓይጎ!
\q
\v 14 ዓሲ ሃይቄስካፓ ጊንሣ
\q2 ሼምፔና ናንጋኒ ዳንዳዓ?
\q2 ጊንሣ ታና ዓካሲ ኮሾንዶ ዎዳ ሄላንዳኣና
\q2 ሃያ ታኣኮ ማሹምባሢ ናንጎኮ ጋፒንፆ
\q2 ጊቢ ታ ካፓንዳኔ።
\q
\v 15 ዬኖ ዎዶና ኔ ታና ዔኤላንዳኔ፤
\q2 ታኣኒያ ኔኤም ዬሃንዳኔ፤
\q2 ኔኤኮ ማዢንቲ ማዔሢ፥ ታና ኔ ዛጋኒ ጶቂሣንዳኔ።
\q
\v 16 ሃሢ ኔ ታኣኮ ሃንቲፆ ቢያ ዛጋኔ፤
\q2 ጋዓንቴ ጎሞ ኔ ታኣኮ ዓርቁዋሴ።»
\q
\v 17 «ዔኤቢ ጋርካ ቱኪንቲ ኬኤሪንታ ቡኡራጉዲ
\q2 ዻቢንቶ ቢያ ታኣኮ ኔ ሺኢሻንዳኔ፤
\q2 ጎሞዋ ታኣኮ ኔ ባይዛንዳኔ።
\q
\v 18 ሃኖ ዓጮይዳ ጋዓንቴ
\q2 ዹኬ ዲኢሞ ዶዓሢጉዲ
\q2 ዼኤፖ ሹጫ ቤዛፓ ቡምባላሢጉዲ
\q
\v 19 ዋኣሢ ሹቺ ቦኦኪ ቦኦኪ ኩርሳሢጉዲ፤
\q2 ሃሣ ዼኤፒ ዒርዚያ ሳዖ ዛራሢጉዲ
\q2 ኔኤኒያ ላቤ ዓሲኮ ዬያጉዲ ሃጊ ማዓንዳ ዎዞ ባይዛኔ።
\q
\v 20 ኔኤኮ ዎልቃ ናንጊና ዒዛይዳ ዶዳኔ፤
\q2 ዒዚያ ባኣያ ማዓኔ፤
\q2 ዒዛኮ ማላሢ ኔ ላኣሚ ኔ ቤርታፓ ባይዛኔ።
\q
\v 21 ዒዛኮ ናኣታ ቦንቾ ዴንቄቴያ ዒ ዔሩዋሴ፤
\q2 ዔያታ ዻውሲንቴቴያ ዒ ዴንቁዋሴ።
\q
\v 22 ዒዛም ዒዛ ዑፆ ሜታሢ ዔርታኔ፤
\q2 ዒዚ ፔ ቶኦኮ ሜታሢሮ ሌሊ ዬኤካኔ።»
\c 15
\ms ላምዓሲ ጌስቲንቴ ጌኤዞ
\mr (15፡1—21፡34)
\sp ዔልፓዜ
\p
\v 1 ቴሜና ዓጮ ዓሢ፥ ዔልፓዜ ሂዚ ጌይ ማሄኔ፦
\q
\v 2 «ሂንዳ ማሌ፤ ዔራ ዓሲ
\q2 ዢባሬጉዲ ዓርቂንቱዋ ባኣዚ ጌስታ?
\q2 ዓባ ኬስካ ባንፆ ዢባሮጉዲ ጉሪ ማሊሢ ዓኣያ ማዓኒ ኮይሳ?
\q
\v 3 ዔራ ዓሲ ዔኤቢ ፓሡዋ ጌኤሲና
\q2 ማኣዳ ባኣዚባኣ ሃይሴና ማርሚ ሺራ?
\q
\v 4 ሂዳያ ማዔቴ ፆኦሲ ዒጊቹሞ ኔኤኒ ሃሼኔ ጌይሢኬ፤
\q2 ሃሣ ሜሌ ዓሶዋ ፆኦሲ ካኣሽኩዋጉዲ ኔ ማሃያኬ።
\q
\v 5 ኔ ዻቢንቴያ ማዔሢ ኔኤኮ ጌኤዛፓ ዔርታኔ፤
\q2 ጋዓንቴ ጪንጩሞ ሃይሴና ዬያ ዓኣቺ ካንቃኒ ኔ ማላኔ።
\q
\v 6 ኔ ጊዳ ዎጋሢ ኔ ዒንዲርዞ ማዓንዳፓዓቴም ታናቱዋሴ፤
\q2 ኔ ጌኤዛ ኔና ፔጋሲ ዔርዛኔ። »
\q
\v 7 «ዓሲኮ ቤርታ ሾይንቴሢ ኔናዳ?
\q2 ዹካ ማዢንታንዳሢኮዋ ቤርታ ኔ ሾይንቲናኣኮዳ?
\q
\v 8 ፆኦሲኮ ዓኣሺንቴ ባኮ ኔ ዋይዚናኣኮዳ?
\q2 ዓሲ ዔራ ባኣዚ ቢያ ዔራሢ
\q2 ኔና ሌሊ ኔኤም ማላ?
\q
\v 9 ኑ ዔራሢዳፓ ዱማ ኔ ዔራ ባካ ዓይጎዳይ?
\q2 ኑጊዳፓ ዓኣሺንቲ ኔኤም ፔጋዼ ዓይጎ ዔራቶ ዓኣይ?
\q
\v 10 ሾይንቶና ኔ ዓዶይዳፓ ባሻያ
\q2 ቶኦካ ቡኡቄ ጋርቻ
\q2 ማሊፆና ኑኡና ዎላኬ።»
\b
\q
\v 11 «ኑ ዛሎና ኔኤም ኬኤዚንታ
\q2 ፆኦሲዳፓ ኔኤም ዒንጊንታ ዶዱማ ኔኤም ጊዳዓዳ?
\q
\v 12 ዒና ኔኤኮ ሜሌ ቤሲ ዓይጋ ዓኣዻይ?
\q2 ሃሣ ኔ ጎሪንቲ ዓይጋ ዓኣፖ ኔኤኮ ኬሳይ?
\q
\v 13 ፆኦሲ ዑፃ ኔ ዻጋዻንዳጉዲ
\q2 ሃያጉዴ ባኣዚ ኔ ዻንጋፓ ኬስካንዳጉዲ
\q2 ኔና ማሄሢ ዓይጌንዴዳይ?»
\b
\q
\v 14 «ዓሲ ጌኤሺ ማዓኒ ዳንዳዓ?
\q2 ዓሲ ሾዔ ዓሲያኣ ፂሎ ማዓኒ ዳንዳዓ?
\q
\v 15 ፆኦሲ ፔኤኮ ኪኢታንቾታዖ ጉሙርቁዋሴ፤
\q2 ጫሪንጫታዖ ዒዛ ቤርታ ጌኤሺቱዋሴ፤
\q
\v 16 ዓካሪ ፑርቱሞ ዋኣሢጉዲ ዑሽካያ
\q2 ዒሣያና ዒኢቴ ዓሲ
\q2 ዎዲ ጉሙርቂንታንዳይ?» \x - \xo 15፡16 \xo*\xt ዒዮ. 25፡4-6።\xt*\x*
\b
\q
\v 17 «ዒዮቤ! ሂንዳ ዋይዜ ታ ኔኤም ኬኤዛንዳኔ፤
\q2 ታኣኒ ዔራ ባኮ ቢያ ኔና ዔርዛንዳኔ።
\q
\v 18 ዔሮ ዓሳ ፔ ዓዶንሢዳፓ ዔኬሢ
\q2 ዓኣቹዋዖ ዔያታ ታኣም ኬኤዜ ባኮ ታ ኔኤም ኬኤዛኔ።
\q
\v 19 ዓጬላ ዔያቶም ሌሊ ዒንጊንቴኔ፤
\q2 ሜሌ ዓጪ ዓሲ ዔያቶ ባኣካ ዔያቶና ዎላ ሲኢሪንቲባኣሴ።»
\b
\q
\v 20 «ዓሲ ሄርቂ ዎይሢ ናንጌ ፑርታ ዓሲ
\q2 ዒ ዓኣ ዎዶማና ሜታ ዒዛይዳፓ ሺኢኩዋሴ፤
\q
\v 21 ዒዛኮ ዋዮይዳ ዲቃሣ ሃይሴ ቢያ ዎዴ ዋይዚንታኔ፤
\q2 ‹ታ ኮሺ ናንጋኔ› ጌዒ ማላ ዎዶና ሱላ ዒዛይዳ ሜቶ ዓጋኔ።
\q
\v 22 ጬንቾ ዓፓሮና ዎዻ ዓሳ ዒዛ ካፓሢሮ
\q2 ዹማፓ ቶላኒ ሃጊ ማዓ ዎዛ ዒዛኮ ባኣሴ።
\q
\v 23 ዒዛኮ ዓሽካ ሃምፑራሢኮ ሙኡዚ ማዓኔ፤
\q2 ዬይ ዓሢ ዹማ ዒዛም ዑኬሢ ዔራኔ።
\q
\v 24 ማሊ ሜታዺሢና ዖዪሢና ዒዛ ዒጊቻኔ፤
\q2 ዖላኒ ጊኢጌ ካኣቶጉዲ ዒዛይዳ ዔያታ ዎልቃዻኔ።»
\b
\q
\v 25 «ዎይቲ ጌዔቴ ዬይ ዓሢ ፆኦሲዳ ሻሎ ፔኤኮ ዻዌኔ፤
\q2 ቢያ ባኮ ዳንዳዓ ጎዳሢ ዒ ሄርቄኔ።
\q
\v 26 ዓንዲሪና ዶዲ ጊቲማ ዓርቂ
\q2 ፆኦሲ ቃዛኒ ዒ ኬስኬኔ።
\q
\v 27 ዓኣፖ ካራ ዒዛኮ ሃኣቤና ካንቂንቴኔ፤
\q2 ኬርና ዒዛኮ ዓንዲርሙሞና ሙሊንቴኔ።»
\b
\q
\v 28 «ዬይ ዓሢ ናንጋ ካታማ
\q2 ዖልዚና ሻሂንታንዳኔ፤
\q2 ዒ ናንጋ ማኣራኣ ባዓ ማዓኔ።
\q
\v 29 ዖርጎቹሞና ዒ ሚርጌ ዎዴ ናንጋዓኬ፤
\q2 ቆላ ዒዛኮ ዒዛና ዎላ ኔጋዓኬ፤
\q2 ዒዛኮ ዓኣ ባካ ሳዖይዳ ዳልጋዓኬ።
\q
\v 30 ዹሚዳፓ ዒ ቶላኒ ዳንዳዑዋሴ፤
\q2 ካኣፓ ታሚና ሚጬያ፤
\q2 ፆኦሲኮ ዑኡዛኣ ዒዛ ጊልፒ ባይዜያ ማዓንዳኔ።
\q
\v 31 ጉሪ ባኣዚ ጉሙርቂ ፔና ጌሾፓ፤
\q2 ዬያይዲፆና ዒ ጉሪ ማዒ ዓታኔ።
\q
\v 32 ዎዴ ሄሊባኣንቴ ሹላያና
\q2 ካኣፓኣ ዋርቁዋ ሚሢ ዒ ማዓኔ።
\q
\v 33 ሃጊ ካፂባኣንቴ ሶያፓ ዓኣፖ ፔኤኮ ዲኢኒሻ ዎይኔ ሚሢጉዲ፤
\q2 ሃሣ ጊንሣ ቡናኣ ዲኢና ዛይቶ ሪሚቶ ዒ ማዓኔ።»
\q
\v 34 «ፆኦሲ ዒጊጩዋ ዓሶኮ
\q2 ዜርሢ ኬስካዓኬ፤
\q2 ዴሚና ዔኮና ባኮና ማዦና ማኣሮዋ ታሚ ሙዓንዳኔ።
\q
\v 35 ዬያጉዴ ዓሳ ፑርቱሞ ማሊ ቱካኔ፤
\q2 ጌኔ ማዾዋ ማዺ ኩንሣኔ፤
\q2 ዒና ዔያቶሲ ጌሺሢ ማሊሢና ኩሜያኬ።»
\c 16
\sp ዒዮቤ
\p
\v 1 ዬካፓ ዒዮቤ ሂዚ ጌይ ማሄኔ፦
\q
\v 2 «ሃያ ማላ ሃይሴ ሚርጌ ዎዴ ታ ዋይዜኔ፤
\q2 ዒንሢ ታና ዶዲሻያ ማሊ ዖዪሢዳ ዖዪሢ ታኣም ቃሴኔ።
\q
\v 3 ሃያ ዒንሢኮ ፓሡዋ ጌኤዞኮ ጋፒንሢ ባኣያዳ?
\q2 ሃያይዲ ዒንሢ ታኣና ማርማንዳጉዲ
\q2 ዒንሢ ማሄሢ ዓይጎዳይ?
\q
\v 4 ዒንሢ ታ ቤዛ ማዔም
\q2 ታ ዎንዴ ዒንሢ ቤዛ ማዔያታቴ
\q ቦሂሢና ቶኦኮ ታኣኮ ታ ዓጊሢ ዓጊሢ፤
\q2 ሃሢ ዒንሢ ጋዓ ባኮ ቢያ
\q2 ዒንሢዳ ሚዛጲሲ ጌስታኒ ታ ዳንዳዔያ ናንዳንቴኬ።
\q
\v 5 ዬያጉዲ ሃሣ ታ ዒንሢ ዞሬያና
\q2 ዒንሢ ዶዲሻኒ ታ ሚርጌ ባኣዚ ጌስታኒ ዳንዳዔያ ናንዳንቴኬ።»
\b
\q
\v 6 «ጋዓንቴ ሚርጌ ታ ጌስቴታቶዋ ሃርጋ ታኣኮ ሼሌዒንዱዋሴ፤
\q2 ዚቲ ጌይ ታ ጊቤቴያ ዋኣዪፃ ታኣኮ ጋፒንዱዋሴ።
\q
\v 7 ፆኦሲዮ! ዓካሪ ኔ ታና ላቢሴኔ፤
\q2 ታኣኮ ማኣሮ ዓሶዋ ቢያ ኔ ባይዜኔ።
\q
\v 8 ዑፆኮ ታኣኮ ጉርሚፃ ማርካ ማዔኔ፤
\q2 ሜጌፆ ጴዺ ዖኦፒፃኣ ‹ኔ ጎሜ ዓሲኬ› ጌይ ታጊዳ ማርካዻኔ።
\q
\v 9 ፆኦሲ ዻጋዺ ዑፆ ታኣኮ ቲቄኔ፤
\q2 ታና ዒፂፆና ዓጮ ፔኤኮ ዒ ዻዔኔ፤
\q2 ታኣኮ ሞርካሢ ፔ ዓኣፖና ታና ጎዜኔ።
\q
\v 10 ዓሳ ታ ኮይላ ቡኪ ታና ሚኢጫኔ፤
\q2 ቦሂ ቦሂ ባዒያ ታና ባዓኔ።
\q
\v 11 ፆኦሲ ፑርቶ ዓሶም ታና ዓኣሢ ዒንጌኔ፤
\q2 ዋይዞ ዒፃ ዓሶ ኩጫ ታና ኬኤሬኔ።
\q
\v 12 ኮሺ ታ ናንጋንቴ
\q2 ዒዚ ፔ ዻጎና ታና ሜንሤኔ፤
\q ባቃኖ ታኣኮ ዺዺ ዓርቂ ታና ጋኣጬኔ፤
\q2 ታና ዒ ባይዛኒ ታጊዳ ዔቄኔ።
\q
\v 13 ዒዛኮ ሂኢዦ ዓሳ ታና ማንጌኔ፤
\q2 ሚጪንቱዋዖ ጳላሢ ታኣኮ ዔያታ ዱኡዜኔ፤
\q2 ጪሾዋ ታኣኮ ዔያታ ሳዓ ላኣሌኔ፤
\q
\v 14 ላሚ ላሚ ዒ ታና ዱኬኔ፤
\q2 ዶዲ ዖልዚ ዓሲ ማዒ ኮኦሚ ታጊዳ ዒ ሙኬኔ።
\q
\v 15 ታኣኮ ዖዪፃ ሚርጌሢሮ ሲዬ ማኣዖ ታ ማይንቴኔ፤
\q2 ባሺንቲ ታኣኒ ሲላሊዳ ሎኦሜኔ።
\q
\v 16 ሚርጌና ታ ዬኤኬሢሮ ዓኣፖ ካራ ታኣኮ ዞቄኔ፤
\q2 ሻኔ ዹሚ ዓኣፖ ዴምዔራሢ ታኣኮ ካንቂ ዓርቄኔ።
\q
\v 17 ዬይ ቢያ ማዔቴያ ታ ማዼ ዻቢንቲ ባኣሴ፤
\q2 ፆኦሲ ታ ሺኢቃሢያ
\q2 ጌኤሺ ዒናናኬ።»
\b
\q
\v 18 «ሳዔሌ! ታጊዳ ሄሌ ጌኖ ማዾ ካንቂፖ!
\q2 ታኣኮ ሃዳሮ ዒላታ ሹኡሚንቲ ዓታንዳጉዲ ማሂፖ!
\q
\v 19 ዓካሪ ታኣም ማርካዻንዳያና
\q2 ታርዤ ታኣኮ ማዓንዳሢ ጫሪንጮይዳ ዓኣኔ። \x - \xo 16፡19 \xo*\xt ዒዮ. 19፡25።\xt*\x*
\q
\v 20 ታኣኮ ላጋ ቶኦቺ ታና ዛጋኔ፤
\q2 ታ ጋዓንቴ ሌካ ፆኦሲ ባንሢ ዒላታኔ።
\q
\v 21 ፔቴ ዓሲና ባጊና ጌስቲ ቡኩሳይ ዓኣሢጉዲ ቢያ
\q2 ፆኦሲና ዓሲና ጌስቲ
\q2 ቡኩሳይ ዓኣቶ ዓይጎ ጎዖንዶይ!
\q
\v 22 ታ ናንጎ ሌዖኮ ጋፒንፃ ሄሊ ሄሊኬ፤
\q2 ማዒ ታ ሙኪንዱዋ ቤሲ ዓኣዻኒኬ፤
\q2 ዻካ ዎዴ ሌሊ ታኣኮ ዓቴኔ።»
\c 17
\q
\v 1 «ዑኡዞ ዔካኒ ታኣኒ ባሺንቲ
\q2 ናንጎ ዎዳ ታኣኮ ጋፓኒ ዑኬኔ፤
\q2 ዓካሪ ዱኡፒ ታና ካፔኔ።
\q
\v 2 ታና ቦሃ ዓሳ ማንጌኔ፤
\q2 ዓኣፓ ታኣኮ ዔያታ ታና ዒፃሢ ዛጋኔ።
\q
\v 3 ፆኦሲዮ! ኔጊዳፓ ዓታዛ
\q2 ሜሌ ታኣም ዔቄያ ባኣሴ፤
\q2 ኔኤኒ ኔኤሮ ታኣም ዋኣሴ ማዔ።
\q
\v 4 ዔያታ ማሊ ጶቂሡዋጉዲ
\q2 ዒኖ ኔ ዔያቶኮ ዓርቄኔ፤
\q2 ዬያሮ ዔያታ ባሻንዳጉዲ ማሂፖ።
\q
\v 5 ሚኢሼ ዴንቃኒ ጌዒ
\q2 ፔ ላጋሢ ዓኣሢ ዒንጋ ዓሲ
\q2 ዒ ማዼ ጌና ናኣቶ ሄላኔ።
\q
\v 6 ፆኦሲ ታና ዓሲ ዓማላንዳጉዲ ማሄኔ፤
\q2 ዓሳ ፔኤኮ ጩጮ ዒዛኮ ቤርታ ጩታ ዓሲጉዲ ታ ማዔኔ።
\q
\v 7 ታኣኮ ዖዪፃፓ ዔቄያና ዓኣፓ ታኣኮ ዴይ ዓቴኔ፤
\q2 ዑፃ ታኣኮ ጉቤ ሺቢጉዲ ማዔኔ።
\q
\v 8 ፔና ጎኔ ዓሲኬ ጋዓ ዓሳ ሃያ ባኮና ዲቃቴኔ፤
\q2 ጌኤዦ ዓሳኣ ፆኦሲ ጉሙርቁዋ ዓሶይዳ ዻጋዼኔ።
\q
\v 9 ያዺ ማዔቴያ ፂሎ ዓሳ ጎኑሞ ጎይፃፓ ሺኢኩዋሴ፤
\q2 ጌኤዦንሢያ ዶዱሞይዳ ዶዱሞ ቃሳኔ።
\q
\v 10 ዒንሢ ቢያሢ ላሚ ሙኪ ታ ቤርታ ማርሜቶ
\q2 ዒንሢ ባኣኮይዳፓ ፔቴታዖ ማሊ ጶቂሣ ዓሲ ታ ዴንቃዓኬ።»
\b
\q
\v 11 «ታኣኮ ናንጎ ዎዳ ጋፔኔ፤
\q2 ታ ቱኬ ቱኡዞና ታኣኮ ዒኖ ማሊፆና ጉሪ ማዒ ዓቴኔ።
\q
\v 12 ሃኣታ ዓሳ ዹሞ ‹ሮኦሪኬ› ጋዓኔ፤
\q2 ሮኦሮ ሃሣ ‹ዹማኒ ዑኬኔ› ጋዓኔ።
\q
\v 13 ሃካፓ ሴካ ታኣኮ ዓኣማ
\q2 ሃይቂ ዱኡኪንቲሢ ሌሊኬ፤
\q2 ዒኢካ ዹሞይዳ ሻኣሎ ታኣኮ ታ ሂኢሣንዳኔ።
\q
\v 14 ዬካፓ ዱኡፖ፦ ‹ዓዴ› ጌይ ታ ዔኤላንዳኔ፤
\q2 ታና ሙዓ ዛኣሎ፦ ‹ታ ዒንዴ፤ ታ ጌሮ› ታ ጋዓንዳኔ።
\q
\v 15 ዓካሪ ዓይጎ ሃጊ ማዓ ዎዛ ታኣኮ ዓኣይ?
\q2 ታኣኮ ሃጊ ማዓ ዎዞ ዖ ታኣም ዴንቃንዳይ?
\q
\v 16 ታኣኒ ሊካ ሃይቄ ዓሳ ዓኣ ቤዞ ኬዳኣና
\q2 ሃጊ ማዓንዳ ዎዛ ታኣና ዎላ ኬዳንዳ?
\q2 ሃሣ ታኣና ዎላ ዱኡፓ ኑ ጌላንዳ?»
\c 18
\sp ቢልዳዴ
\p
\v 1 ሹሃ ዓጮ ዓሢ፥ ቢልዳዴ ሂዚ ጌይ ማሄኔ፦
\q
\v 2 «ዔዞ ዒዮቤ! ዓይጎሮ ሃያጉዴ ጌኤሲ ኔ ሚርጊሻይ?
\q2 ሂንዳ ኮሺ ዋይዜ፤ ኑዋ ጌስቶም።
\q
\v 3 ዓይጎሮ ኔ ኑና ቆልሞ ማሂ ፓይዳይ?
\q2 ሃሣ ዓይጋ ኔ ኑና ዋይዚ ባይቄያ
\q2 ማሉዋ ዓሲ ማሂ ዛጋይ?
\q
\v 4 ኔኤኒ ዻጋዼቴ ኔና ኔ ባይዛንዳፓዓቴም
\q2 ኔ ዻጎና ሳዓ ዓጊፃዓኬ፤
\q2 ጊንሣ ሃሣ ላላኣ ዓኣ ቤዛፓ ዶጫዓኬ።»
\b
\q
\v 5 «ጎሞ ዓሶኮ ፖዓ ባይቃንዳኔ፤
\q2 ታማ ዔኤታሢያ ላሚ ጴዻዓኬ።
\q
\v 6 ዔያቶኮ ማኣሮይዳ ዓኣ ፖዓ ሃይቃንዳኔ፤
\q2 ዬይ ፖዓ ዹማንዳኔ። \x - \xo 18፡6 \xo*\xt ዒዮ. 21፡17።\xt*\x*
\q
\v 7 ዔያታ ዶዲ ሄርቂ ታኣኪ ሃንታ ሃንቲፃ
\q2 ኬዲ ኬዲ ሙካንዳኔ፤
\q2 ዔያቶኮ ጌኖ ቱኡዛኣ ዔያቶ ዔኪ ኬኤራንዳኔ።
\q
\v 8 ፔ ሃንቲፆና ዔያታ ፒሮይዳ ጌላንዳኔ፤
\q2 ዔያቶኮ ቶካኣ ሱዞና ቡኡዲንታንዳኔ።
\q
\v 9 ቡኡዶ ፒራሢ ዔያቶኮ ቶኮ ዓርቃንዳኔ፤
\q2 ዶንቂ ዓርቃ ፒራሢያ ካራ ባይዚ ዔያቶ ዓርቃንዳኔ።
\q
\v 10 ሳዖይዳ ዔያቶም ቡኡዶ ፒራ ፒሪንቴኔ፤
\q2 ጎይፆይዳ ዔያቶም ፒራ ጊኢጊንቴኔ።»
\b
\q
\v 11 «ኮይሎ ዔያቶኮ ዒጊቻ ባኣዚ ማንጌኔ፤
\q2 ጊንፆ ዓኣዺ ዓኣዺ ዬይ ዔያቶ ዳውሳኔ።
\q
\v 12 ዎልቃ ዔያቶኮ ናዮና ጋፔኔ፤
\q2 ባይዛ ባካ ዔያቶ ባይዛኒ ጊኢጌኔ።
\q
\v 13 ዶርዓሢ ዑፆ ዔያቶኮ ዖኦፒሴኔ፤
\q2 ሃይቢ ጋፒንሢ ዔያቶ ዔካንዳኔ።
\q
\v 14 ሂርጋባኣያ ጉሙርቂ ናንጋ ማኣራፓ
\q2 ዔያታ ዳውሲንታንዳኔ፤
\q2 ዓሲ ቢያ ዎይሣያ ማዔ ሃይቢ ባንሢ ዔያታ ዔውታኔ።
\q
\v 15 ዔያቶኮ ማኣሮይዳ ዓይጎ ባኣዚያ ዔያቶም ዓታዓኬ፤
\q2 ዔያታ ናንጋ ማኣሮይዳ ታሚ ሙርቁንሢ ዋሂንታንዳኔ።
\q
\v 16 ፃጳ ካራፓ ሜላያ፤
\q2 ካኣፖ ዒላዣኣ ዲኢና ሚሢጉዲ ዔያታ ማዓንዳኔ።
\q
\v 17 ሳዖይዳ ዔያቶ ማሊ ጶቂሣንዳ ዓሲ ጴዺንዱዋሴ።
\q2 ዔያቶኮ ዔርቴ ሱንፃ ዓጫፓ ባይቃንዳኔ።
\q
\v 18 ፖዓፓ ዹሞ ባንሢ ዔያታ ዳውሲንታንዳኔ፤
\q2 ዓሳ ናንጋ ዓጫፓኣ ዔያታ ባይቃንዳኔ።
\q
\v 19 ዔያቶኮ ዒጊኖ ባኣኮይዳ ዔያቶ ዻካላያ ማዓ
\q2 ሾይንቲ ዔያቶም ጴዻዓኬ፤
\q2 ዔያቶኮ ማኣሮይዳ ዜርሢ ዓታዓኬ።
\q
\v 20 ዓባ ጌላ ዛሎንታ ኬስካ ባንፆንታይዳ ዓኣ ዓሳ
\q2 ዔያቶይዳ ሄሌ ሜታሢና ዒጊጪ ጎጋይቄኔ።
\q
\v 21 ዓይዲ ማዔቴያ ፑርታ ዓሲኮ ጋፒንፃ ያዺኬ፤
\q2 ፆኦሲ ዒጊጩዋ ዓሲያ ሄላማ ዬማኬ።»
\c 19
\sp ዒዮቤ
\p
\v 1 ዬካፓ ዒዮቤ ሂዚ ጌይ ማሄኔ፦
\q
\v 2 «ዒንሢ ዓይዲ ሄላንዳኣና ታና ሜታሳይ?
\q2 ሃሣ ዓይዲ ሄላንዳኣና ጌኤዞና ዒኖ ታኣኮ ዒንሢ ዱኡዛይ?
\q
\v 3 ሃይሾ ዒንሢ ታጶ ማይንቲ ታና ጫሽካኔ፤
\q2 ቦርሲንቱዋዖ ታና ዒንሢ ቶኦቻኔ።
\q
\v 4 ጎኔና ታ ዻቢንቴያ ማዔቴ
\q2 ዻቢንታ ሜታሳንዳሢ ታና ሌሊኬ።
\q
\v 5 ጎኔና ዒንሢ ዒንሢ ቶኦኮ ዼግ ዼጊዳኔ፤
\q2 ታኣኮ ሜቶይዳ ጌሊፃ፦
\q2 ታኣኒ ዻቤም ፆኦሲ ታጊዳ ዓጌያኬ ጌይ
\q2 ዬያ ባኮ ማርካ ማሂ ዔኪ ታና ዒንሢ ሞኦታኔ።
\q
\v 6 ጋዓንቴ ሃይ ሜታሢ ታና ሄሌሢና
\q2 ቡኡዳሢ ሱዞይዳ ታና ኬኤሬሢ
\q2 ፆኦሲታሢ ዒንሢ ዔራንዳጉዲ ታ ኮዓኔ።
\q
\v 7 ታ ሜታዼኔ ጌይ ዒላቴያታቶዋ
\q2 ታኣሲ ዋይዛ ዓሲ ታ ዴንቂባኣሴ፤
\q2 ዑኡዞ ታ ዼጊዲ ዒላቴቶዋ
\q2 ፒዜ ዎጌ ታ ዴንቂባኣሴ።
\q
\v 8 ጎይፆ ታኣኮ ቢያ ፆኦሲ ዲርቄሢሮ
\q2 ታ ኬስካንዳ ጎይሢ ባኣሴ፤
\q2 ታ ዓኣዻ ጎይፆዋ ዹሚና ዒ ካንቄኔ።
\q
\v 9 ቦንቾዋ ታኣኮ ቶኦካፓ ጉሲ ታና ቦርሲሴኔ።
\q
\v 10 ዑፆ ታኣኮ ቢያ ዛሎና ዹይ ዹይ
\q2 ጋፒሲ ሾኦሌኔ፤
\q2 ታኣኮ ሃጊ ማዓ ዎዞ ፃጳፓ ቱጊንቲ ዶዓ
\q2 ሚሢጉዲ ዒ ማሄኔ።
\q
\v 11 ፆኦሲኮ ዻጋ ታጊዳ ታሚጉዲ ዔኤቴኔ፤
\q2 ዓዳ ሞርኬጉዲ ታና ዒ ፓይዴኔ።
\q
\v 12 ታና ባይዛኒ ፔኤኮ ዖላ ዓሶ ዒ ዳኬኔ፤
\q2 ዔያታ ታ ማኣሮኮ ዙሎ
\q2 ዋርዲ ዴዒ ታና ማንጌኔ።»
\b
\q
\v 13 «ፆኦሲ ታ ጌርሲንሢ ታ ኮራፓ ሃኪሴኔ፤
\q2 ታና ዔራ ዓሳ ቢያ ፃንጎ ማሂ ታና ዛጌኔ።
\q
\v 14 ታኣኮ ዒጊና ታጊዳፓ ዱማዼኔ፤
\q2 ታኣኮ ላጋኣ ታና ዋሌኔ።
\q
\v 15 ታ ማኣራ ሾኦቺንሢ ታ ዔኬ ዓሳ
\q2 ቢያ ታና ዋሌኔ፤
\q2 ታኣኮ ማዾ ማዻ ላኣላ ቢያ ሙፒ ዓሲ ማሂ ታና ፓይዴኔ፤
\q2 ሜሌ ፃንጎ ዓሲ ማሂ ታና ዛጌኔ።
\q
\v 16 ታኣኮ ዓይላሢ ታ ዔኤላዛ ታኣም ዬሁዋሴ፤
\q2 ‹ሃዳራ ታና ማኣዴቴራ› ጌይ ታ ዒዛ ሺኢቃዛታዖ
\q2 ዒ ታኣም ዔኤዑዋሴ።
\q
\v 17 ታ ማቻ ታኣኮ ካሶ ዒፄኔ፤
\q2 ታኣኮ ጌርሲንሢያ ታና ሻኣኪንቴኔ።
\q
\v 18 ዻኮ ናኣታታዖ ታና ቶቶኦቻኔ፤
\q2 ታና ዔያታ ዛጋ ዎዶናኣ ቦቦሃኔ።
\q
\v 19 ታኣኮ ዑኬ ላጋ ታና ሻኣኪንቴኔ፤
\q2 ሚርጌና ታ ናሽካ ዓሳኣ
\q2 ታኣኮ ሞርኬ ማዒ ዔቄኔ።
\q
\v 20 ዓሽካ ታኣኮ ጋፒ ዒልዓ ሜጌፆይዳ ፓፄኔ፤
\q2 ታኣኒ ጉቤና ጋፔዖ ዻካሮ ዓቴኔ።»
\b
\q
\v 21 «ታ ላጎንሢዮቴ! ፆኦሲ ኩጫ ታና ጳርቄሢሮ
\q2 ዒንሢ ታኣም ዖዪ፥ ሚጪንቱዋቴ!
\q
\v 22 ፆኦሲ ታና ዳውሳሢጉዲ
\q2 ዒንሢያ ሃሣ ታና ዓይጋ ዳውሳይ?
\q2 ሃያ ሄላንዳኣና ዒንሢ ታና ሜታሴሢ ጊዳኑዋይ?»
\q
\v 23 «ሃይማ ሄላንዳኣና ታ ጌስቴ ባኮ ማሊ ጶቂሣያና
\q2 ማፃኣፔይዳኣ ፃኣፓ ዓሲ ጴዼቴ
\q2 ዎዚ ታና ዎዛሳንዳዖ ዓቴይ!
\q
\v 24 ዓንጊና፤ ሃሣ ዒርሳሴ ጌይንታ ባኮና ፃኣፒንቴቴ
\q2 ዬያጉዲ ሹቺዳ ቆኦቂንቲ
\q2 ናንጊና ናንጋንዳጉዲ ጌሦናቴ ዎዚ ታና ዎዛሳንዳይ!
\q
\v 25 ጋዓንቴ ታና ዓውሳሢ ባይቁዋያ ማዔሢና
\q2 ጋፒንፆ ዎዶና ታና ዓውሳኒ
\q2 ሳዖይዳ ዒ ዔቃንዳሢ ታ ዔራኔ።
\q
\v 26 ዒልዓ ታኣኮ ሙይንቲ ጋፔቴያ
\q2 ዓሽካፓ ታ ዱማዺ
\q2 ፆኦሲ ዛጋንዳሢ ታ ዔራኔ።
\q
\v 27 ዒዚያ ታኣኒ ታኣሮ ዒዛ ዛጋንዳሢኬ፤
\q2 ታ ዓኣፓ ዒዛ ዛጋንዳኔ፥ ሜሌቱዋሴ፤
\q2 ታኣኮ ዒና ዬኖ ኬሌሎ ሚርጌና ጶቂሣኔ።»
\q
\v 28 «ታ ላጎንሦ! ሜቶ ማዤሢ ዒዛታሢሮ
\q2 ‹ኑ ዒዛ ዳውሶም› ዓይጎሮ ዒንሢ ጋዓይ?
\q
\v 29 ፆኦሲኮ ዻጋ ጬንቻ ዓፓሮና ሜቶና ዔኪ ሙካሢሮ
\q2 ጬንቾ ዓፓራ ዒንሢ ዎዹዋጉዲ ዔሩዋቴ።
\q2 ፆኦሲ ዎጋ ዎጌ ዓኣሢያ ዔሩዋቴ።»
\c 20
\sp ፆፓሬ
\p
\v 1 ናዕማታ ዓጮ ዓሢ ፆፓሬ ሂዚ ጌይ ማሄኔ፦
\q
\v 2 «ዒዮቤ! ታ ዒና ታና ዻጋሲ ኔኤም ኬኤዛንዳጉዲ ታና ማሄኔ፤
\q2 ዬያሮኬ ኔጉዋዖ ታ ኔኤም ኬኤዛኒ ሩኡሬሢ።
\q
\v 3 ታኣኒ ዋይዛሢ ታና ዻውሲሳ ጎሮኬ፤
\q2 ማሊ ጶቂሢፆ ዔራታ ታኣኮ
\q2 ማሂ ኔኤም ኬኤዛንዳጉዲ ታና ሂዓኔ።»
\q
\v 4 «ዓሲ ሳዖይዳ ጴዼሢዳፓ ዓርቃዖ
\q2 ሚናፓ ሃይማዒታሢ ኔ ዔራኔ።
\q
\v 5 ፑርታ ዓሲኮ ሄርሺንቲ ዻካ ዎዴምኬ፤
\q2 ፆኦሲ ሃሻ ዓሶኮዋ ዎዛ ባይቃሢ ዓኣፒ ጊኢጳማጉዴያናኬ።
\q
\v 6 ፑርታ ዓሲ ዎዚ ዖቶርሙሞና
\q2 ጫሪንጮ ሄላንዳኣና ዼግ ጌዔቴያ
\q2 ሃሣ ቶኦካ ዒዛኮ ሻኣሮ ሄሌቴያ
\q
\v 7 ዒዚ ፔኤኮ ሺዖጉዲ ጋፒ ዑጪንታንዳኔ፤
\q2 ዒዛ ቤርታ ዛጌ ዓሳ ‹ዒ ዎካ ዓኣይ?› ጋዓንዳኔ።
\q
\v 8 ዓውቲጉዲ ፒው ጌይ ባይቃንዳሢሮ ዒ ጴዻዓኬ፤
\q2 ጊንዒ ዓኣንቴ ጴዼ ባኣዚጉዲ ዒ ባይቃንዳኔ።
\q
\v 9 ዒ ናንጋ ቤዛፓ ቤሲ ባይቃንዳሢሮ
\q2 ፔቴና ዒዛ ዛጌ ዓሲ ላሚ ዒዛ ዛጋዓኬ።
\q
\v 10 ናኣታ ዒዛኮ ሺኢቂ ሺኢቂ
\q2 ዓዴ ማንቆ ዓሶይዳፓ ጌኔና ቡሪ ዔኬ ሚኢሾ ጪጋንዳኔ።
\q
\v 11 ዎልቆና ዓኣ ዒዛኮ ዼጋቶ ዑፃ
\q2 ዻካ ዎዴኮ ጊንፃፓ ዓጪ ማዓንዳኔ።»
\q
\v 12 «ዎዚ ዒዛኮ ፑርቱማ ዻንጎይዳ ሙኡዚጉዲ
\q2 ዒዛም ዓኣፄቴያ
\q2 ዒንዲርዞና ዒ ጊኢጊሼቴያ
\q
\v 13 ጋፑዋጉዲ ፔ ዻንጋ ዓርቂ
\q2 ጮንቂ ጮንቂ ዒ ኔጌቴያ
\q
\v 14 ዒዛኮ ጎጶ ጋራ ጋዓንቴ ዬይ ጫንቃንዳኔ፤
\q2 ዓዳ ሾኦሺኮ ዎዻ ዳኣኖጉዲ ማዓንዳኔ።
\q
\v 15 ፑርታ ዓሲ ዓሲኮ ሙዔ ባኮ ዎልቄና ማሃንዳኔ፤
\q2 ዒዛኮ ጎጶ ጋራ ዓኣ ባኮ ቢያ ፆኦሲ ዒዛ ጮኦሻንዳኔ።
\q
\v 16 ፑርታ ዓሲ ሙዓ ባካ ቢያ ዒዛ ዎዻ ዳኣኒ ማዓንዳኔ፤
\q2 ያዺ ማዒ ዒዛ ዎዻንዳኔ።
\q
\v 17 ሪሚታፓ ኮሾ ዛይታ ዲጲጉዱ ዎታሢ
\q2 ዔኤዞና ዲኢቆና ዎርዚ ዋኣሢጉዲ ጎዓሢ
\q2 ዛጉዋዖ ዒ ሃይቃንዳኔ።
\q
\v 18 ዒዛ ላቢፆኮ ዓኣፖ ሜሌም ዒዚ ዒንጋንዳፓዓቴም
\q2 ዒ ሙይንዱዋሴ፤
\q2 ኮርሚ ዒ ዴንቄ ቆሎና ዎዛዺንዱዋሴ።
\q
\v 19 ዬይ ማዓንዳሢ ማንቆ ዓሶ ዒ ሄርቄሢሮና
\q2 ዓሳ ማዤ ማኣሮዋ ጌኖ ማሊፆና ዒ ቡሪ ዔኬሢሮኬ።
\q
\v 20 ጎጋይቂፃ ዒዛ ሃውሾ ባሼኔ፤
\q2 ዒ ቡኩሴ ባካኣ ዒዛ ዓውሳኒ ዳንዳዑዋሴ።
\q
\v 21 ዒዛኮ ቡኩሶና ባካ ቢያ
\q2 ዓቱዋዖ ጋፓንዳሢሮ
\q2 ዒዛ ፔኤሻንዳ ሙኡዚታዖ ዒ ዴንቃዓኬ።
\q
\v 22 ዎዚ ዒ ዖርጎጬቴያ ዻጋሳ ባኣዚ ዒዛ ሄላንዳኔ፤
\q2 ሚርጌ ሜታ ዒዛ ሄላንዳኔ፤
\q2 ሜቶና ዋኣዪሢና ዒዛም ሚርጋንዳኔ።
\q
\v 23 ‹ሙይ ታ ሚሽካንዳኔ› ዒ ጋዓኣና
\q2 ፆኦሲ ፔኤኮ ዼኤፖ ዻጎ
\q2 ዒዛይዳ ኬይሳንዳኔ፤
\q2 ባይዛ ፑርቶ ባኮዋ ዒዛይዳ ዋርቂሳንዳኔ።
\q
\v 24 ዓንጎ ጬንቾ ዓፓሮፓ ዒ ቶሌቴ
\q2 ሞኦኖ ዓንጎ ሂኢዦና ዒ ዱኡታንዳኔ፤
\q
\v 25 ሂኢዣ ዒዛኮ ጊዴና ሶፒ ኬስካንዳኔ፤
\q2 ሂኢዦኮ ቤርቶ ፖዓሢ ማዮ ዒዛኮ ዱኡዚ ዓኣዻንዳኔ፤
\q2 ዼኤፒ ዒጊቹሞና ዒና ዒዛኮ ዲቃታንዳኔ።
\q
\v 26 ዒ ቡኩሴ ቆላ ቢያ ሻኔ ዹሞይዳ ጋፓንዳኔ፤
\q2 ዓሲ ዔኤሢባኣ ታሚ ዒዛ ሙዓንዳኔ፤
\q2 ዒዛኮ ማኣሮይዳ ዓቴ ባኮዋ ቢያ ላይ ባይዛንዳኔ።
\q
\v 27 ዒ ማዼ ጎሞ ቢያ ጫሪንጫ ፔጋሲ ዻዋንዳኔ፤
\q2 ሳዓኣ ዒዛኮ ሞርኬ ማዒ ዔቃንዳኔ።
\q
\v 28 ፆኦሲኮ ዻጎ ኬሎና
\q2 ዒዛኮ ማኣራ ዓኣ ባካ ቢያ ዲጲና ዔውታንዳኔ።
\q
\v 29 ዋይዞ ዒፄ ዓሶም ፆኦሲ ማሊ ጌሤ ባካ
\q2 ፑርቶ ዓሶማኣ ዒንጎንዶ ባካ ዬያኬ።»
\c 21
\sp ዒዮቤ
\p
\v 1 ዒዮቤ ሂዚ ጌይ ማሄኔ፦
\q
\v 2 «ሂንዳ ታኣኮ ጌኤዞ ኮሺ ዋይዙዋቴ፤
\q2 ዒንሢ ያዺዴቶ ታና ዒንሢ ዶዲሼያ ማዒ
\q2 ዒንሢም ፓይዲንታንዳኔ።
\q
\v 3 ሂንዳ ታ ጌስታንዳጉዲ ፔቴና ቤሲ ታኣም ሃሹዋቴ፤
\q2 ዬካፓ ዒንሢ ኮዔሢጉዲ ቦሃኒ ዳንዳዓኔ።»
\b
\q
\v 4 «ታኣኒ ቆፃሢ ዓሲቱዋንቴ ፆኦሲኬ፤
\q2 ዓካሪ ሃሢ ጊቢ ዳንዳዒፆ ታኣኒ ሃሼቴ ዓይጌ ዓኣይ?
\q
\v 5 ሂንዳ ታ ባንሢ ዛጉዋቴ፤
\q2 ጌስታኒ ዒንሢ ባሻንዳያ ሄላንዳኣና
\q2 ታኣኮ ጊታ ዒንሢኮ ዑስካ ጌላንዳኔ።
\q
\v 6 ታ ማላዛታዖ ታና ዲቃሣኔ፤
\q2 ዑፆ ታኣኮ ዒጊቹሞና ጎጋይቂሳኔ። »
\b
\q
\v 7 «ፑርቶ ዓሶኮ ሌዓ ዖዶቂ፥ ቆላኣ ሚርጊ
\q2 ዓይጎሮ ዔያታ ሳዓ ናንጋይ?
\q
\v 8 ዔያቶኮ ናኣቶና ናኣቶኮ ናኣቶና
\q2 ዲጪ ኮሺና ናንጋሢ ዓይጋ ዔያታ ዛጋይ?
\q
\v 9 ፔቴታዖ ሂርጋባኣያ ኮሺና ዔያታ ናንጋኔ፤
\q2 ፆኦሲኮ ባይዛ ፑርቶ ባካ ዔያቶ ሄሊ ቤቂባኣሴ፤
\q
\v 10 ባኣታ ዔያቶኮ ፔቴታዖ ሜታባኣያ ቆሊንታኔ፤
\q2 ዒንዶ ባኣታ ዔያቶኮ ዓጊሱዋዖ ሾዓኔ።
\q
\v 11 ናኣቶ ዔያታ ፔኤኮ ማራይጉዲ ሄንቃኔ፤
\q2 ዓኣሎ ናኣታኣ ዔያቶኮ ማራናይጉዲ ፂካኔ።
\q
\v 12 ካራቤ ዔያታ ባዒ ባዒ
\q2 ጎኦላኣ ዋርቂ ዋርቂ
\q2 ዲንኮዋ ዋርቂ ዎዛና ዔያታ ኮርጋኔ።
\q
\v 13 ዔያታ ፔኤኮ ናንጎ ሌዖ ኮሹሞና ሃሣ ዎዛና ጋፒሳኔ፤
\q2 ዋኣዪሢባኣያ ሃያ ሳዖይዳፓ ሃይቢና ዔያታ ዱማዻኔ።»
\b
\q
\v 14 «ዬይ ያዺታንቴ ፆኦሲ ዔያታ፦
\q2 ‹ኑ ኮይላፓ ሃኬ፤ ጎይፆዋ ኔኤኮ ኑ ዔራኒ ኮዑዋሴ› ጋዓኔ።
\q
\v 15 ዬያጉዲ ሃሣ፦ ‹ኑ ዒዛ ካኣሽካንዳጉዲ
\q2 ቢያ ባኮ ዳንዳዓ ጎዳሢ ዒ ዖናዳይ?
\q2 ዒዛ ሺኢቂፃ ኑና ዓይጎ ማኣዳይ?› ጋዓኔ።
\q
\v 16 ዬያ ዔያታ ጋዓሢ፦ ዔያቶኮ ኩጫ ዓኣ ቆላ ቢያ
\q2 ዔያቶ ላቢሢና ጴዼያ ዔያቶም ማላሢሮኬ፤
\q2 ታ ጋዓንቴ ፑርቶ ዓሶኮ ማሊፆ ዔካዓኬ።»
\b
\q
\v 17 «ጌኤዞ ጋሳ ፑርቶ ዓሶኮ ፖዒ ባይቂ ቤቂያ?
\q2 ሃሣ ባይዛ ባኣዚ ዔያቶይዳ ኬዲ ዔራ?
\q2 ፆኦሲ ዔያቶ ፔ ዻጎና ሜታሲ ቤቂያ?
\q
\v 18 ዔያታ ጎቦጉዲ ዢባሬና ዔውቴ ዎዴ
\q2 ሲላሊጉዲ ዓልጎና ፒፂንቴ ዎዴ ዓኣ?»
\q
\v 19 «ዒንሢ፦ ‹ፆኦሲ ዓዶንሢ ዻቢንቶሮ
\q2 ዔያቶኮ ናኣቶ ሜታሳኔ› ጋዓኔ፤
\q2 ሂንዳ ፆኦሲ ጎሞ ዓሶ ሆቲና ዔያቶ ሜታሶንጎ፤
\q2 ያዺ ማዔያታቴ ዻቢንቴያ ማዔሢ ዔያታ ዔራኒ ዳንዳዓኔ።
\q
\v 20 ጎሞ ዓሳ ዔያታ ፔኤሮ ማዼ ዻቢንቶሮ
\q2 ሜቶ ዔያታ ዔኮንጎ፤
\q2 ቢያ ባኮ ዳንዳዓ ጎዳሢ ፔ ዻጎ ዔያቶይዳ ኬይሶንጎ፤
\q
\v 21 ዓሲ ሃይቄስካፓ
\q2 ፔ ናኣቶ ዛሎ ዓይጎ ማላ ባኣዚ ዓኣይ?
\q
\v 22 ፆኦሲ ዼኤፖ ዼኤፖ ዓሶይዳታዖ ዎዎጋኔ፤
\q2 ዓካሪ ዓሲ ዒዛ ዎጌ ዎጊሢ ዔራቶ ዔርዛኒ ዳንዳዓ?»
\b
\q
\v 23 «ፔቴ ፔቴ ዓሳ ናንጎ ጋፖ ሄላንዳኣና
\q2 ፔቴታዖ ሜታ ዔያቶ ሄሉዋንቴ ዶዲ፥ ሃሣ ኮሺ ማዒ
\q
\v 24 ዑፃኣ ዔያቶኮ ዓንዲርቄ ጎይሣ ዓኣንቴ
\q2 ሜጌፃ ዔያቶኮ ሶሬና ኩሙሢ ዓኣ ጎይሣ ዓኣንቴ ሃይቃኔ።
\q
\v 25 ዛላ ጋዓንቴ ዶዲ ዖዪሢ ዔያቶፓ ዱማዹዋንቴ
\q2 ሜቶና ቁራይኒንቴ ጎይሣ ኮሺ ባኣዚ ዴንቁዋዖ ሃይቃኔ።
\q
\v 26 ቢያሢ ዱኡኪንታዖ ዓጪ ማዓኔ፤
\q2 ዛኣሌያ ዔያቶኮ ዑፆ ባይዛኔ።»
\b
\q
\v 27 «ሃሢ ታና ሜታሳኒ ማሊሢና
\q2 ዒንሢ ዒኖና ዒንሢ ማሌ ጌኖ ማሊፆ ታ ዔራኔ።
\q
\v 28 ዒንሢ፦ ‹ዬያ ዼኤፖ ዓሢኮ ማኣራ ዎካ ዓኣይ?
\q2 ፑርቶ ዓሢኮ ናንጎ ቤዛ ዓንካዳይ?› ጋዓኔ።
\q
\v 29 ጎይፆ ሃንታ ዓሶ ዒንሢ ዖኦጪባኣዓዳ?
\q2 ዔያታ ኬኤዜ ማርካቶ ዒንሢ ዔኩዋዓዳ?
\q
\v 30 ዔያታ፦ ‹ባይዛ ባካ ሙካኣና ፑርቶ ዓሶ ሜታ ሄሉዋሴ፤
\q2 ፆኦሲኮ ዻጋ ፔጋዺ ጴዻ ዎዶና ዔያታ ቶቶላኔ› ጌዔኔ።
\q
\v 31 ፑርቶ ዓሢ ፑርቶ ማዼሢ ዛሎ ‹ኔ ፑርታኬ›
\q2 ጋዓንዳሢ ዖናዳይ?
\q2 ዒዛኮ ፑርቶ ማዾሮ ዒዛይዳ ሜቶ ዖ ዓጋንዳይ?
\q
\v 32 ዒ ሃይቄስካፓ ሌዛ ዒዛኮ ዱኡፖ ቤዞ ዔውታኔ፤
\q2 ዬካፓ ዱኡፓ ዒዛኮ ካፒንታኔ፤
\q
\v 33 ዒዚ ዱኡኪንታኣና ዒዛ ዑፃ ማሆ ዓጫ ዒዛ ዴኤፃዓኬ፤
\q2 ዓሳ ዒዛኮ ጊንፆ ሙካንዳኔ፤
\q2 ሃሣ ኮሺ ሚርጌ ዴሬ ቤርታ ዒዛኮ ዓኣዻንዳኔ።»
\b
\q
\v 34 «ዓካሪ ዒንሢ ጉሪ ማዔ ሃይሴና
\q2 ዓይጋ ታና ዶዲሻኒ ኮዓይ?
\q2 ዒንሢ ታኣም ማሂ ኬኤዛ ባካ ቢያ ሉኡዚኬ።»
\c 22
\ms ሃይሣሲ ጌስቲንቴ ጌኤዞ
\mr (22፡1—26፡14)
\sp ዔልፓዜ
\p
\v 1 ቴሜና ዓጮ ዓሢ፥ ዔልፓዜ ሂዚ ጌይ ማሄኔ፦
\q
\v 2 «ዓሲ ፆኦሲ ማኣዳ ባኣዚ ዓኣ?
\q2 ሜሌ ዓታዛ ዒ ዔራ ማዔታቶዋ ፔኤም ማዓንዳፓዓቴም
\q2 ፆኦሲም ማዓያቱዋሴ።
\q
\v 3 ኔኤኮ ኮዦ ማዻ ቢያ ባኮ ዳንዳዓ ጎዳሢም ዓይጎ ማኣዳይ?
\q2 ኔኤኮ ፒዜ ናንጋ ዒዛም ዓይጎ ዎኦታይ? \x - \xo 22፡3 \xo*\xt ዒዮ. 35፡6-8።\xt*\x*
\q
\v 4 ዓካሪ ኔጊዳ ዎጌሢና
\q2 ሃያይዲ ኔና ጎሬሢ
\q2 ኔኤኒ ፆኦሲኮ ላጌ ማዔሢሮዳ?
\q
\v 5 ሃይ ቢያ ጌና ኔና ሄሌሢ ፑርቱማ ኔኤኮ ዺቤሢሮ
\q2 ጎማኣ ኔኤኮ ኩዱዋኣያ ሚርጌታሢሮቱዋዓዳ?
\q
\v 6 ኔኤኮ ጌርሲንሢ ዎኦቴ ባኣዚ ባኣንቴ
\q2 ዓይሢ ባኣዚ ማሂ ዔያቶ ባኮ ኔ ዔኬኔ፤
\q2 ዛሎ ዓሶኮ ማኣዓሢ ጉሲ ካሎ ኔ ዔያቶ ዓይሴኔ።
\q
\v 7 ናይዺ ዼኤቢንቲ ላቤዞንሢ
\q2 ካሣንታ ዋኣሢንታ ኔ ላኣጌኔ።
\q
\v 8 ሳዔላ ዎልቄና ዓኣ ዓሶ ቆሎ
\q2 ዻካ ዓሲኮ ሌሊ ዴኔ ማዔኔ።
\q
\v 9 ዜኤሮይንዶ ኩቺ ጉሪ ኔ ዳኬኔ፤
\q2 ዜኤሮ ናኣቶኮዋ ዔያቶ ዎይሣ ባኮ ኔ ባይዜኔ።
\q
\v 10 ዬያሮ ኮይላ ኔኤኮ ፒሮና ማንጊንቴኔ፤
\q2 ዔርቲባኣ ሜታኣ ኔና ዲቃሣንዳኔ፤
\q
\v 11 ዛጋኒ ኔና ባሻንዳያ ሄላንዳኣና ዹሚ ኔና ዓርቄኔ፤
\q2 ዲጲ ዋኣሢያ ኔና ዔኤዼኔ።»
\b
\q
\v 12 «ፆኦሲ ዼግ ጌዔ ጫሪንጮይዳ ናንጋያቱዋዓዳ?
\q2 ዦኦጋሢ ዎዚ ዼግ ጌዔ ቤስካ ዓኣያ ማዔቴያ
\q2 ዒዚ ዔያቶኮ ዑፃ ማዒ ዔያቶ ዛጋኔ።
\q
\v 13 ኔኤኒ ጋዓንቴ፦ ‹ፆኦሲ ዓይጎ ዔራይ?
\q2 ሻኔ ዹሞኮ ሶ ሱካ ዔቂ
\q2 ዎዲ ኑጊዳ ዎጋኒ ዳንዳዓይ?
\q
\v 14 ጫሪንጮኮ ዑፃ ዒ ሃንታኣና
\q2 ሻኔ ዹማ ዒዛ ዓኣቻሢሮ
\q2 ዒ ዛጋኒ ዳንዳዑዋሴ› ጋዓኔ።»
\b
\q
\v 15 «ጎሞ ዓሳ ሃንቴ
\q2 ሚናኣ ጎይፆ ኔ ሃንታ?
\q
\v 16 ዔያታ ዎዳ ዔያቶኮ ሄሉዋንቴ ኩዴኔ፤
\q2 ዲጲ ዋኣሢናኣ ፒፂንቲ ባይቄኔ።
\q
\v 17 ዔያታ ቢያ ባኮ ዳንዳዓ ጎዳሢ፦ ‹ኑ ኮይላፓ ሃኬ፤
\q2 ኔ ኑም ዓይጎ ማዻኒ ዳንዳዓይ?› ጌዔኔ።
\q
\v 18 ጋዓንቴ ማኣሮ ዔያቶኮ ዖርጎቹሞና ኩንሤሢ ፆኦሲኬ።
\q2 ዬያሮ ታኣኒ ፑርቶ ዓሶኮ ማሊፆ ዔኩዋሴ።
\q
\v 19 ፑርቶ ዓሳ ሜታዻሢ ዛጊ ዛጊ
\q2 ኮዦ ዓሳ ዎዛዻኔ፤
\q2 ፒዜ ዓሳ ሂዚ ጌይ ጌይ ዔያቶ ሚኢጫኔ፦
\q
\v 20 ‹ጎኔ፥ ኑኡኮ ሞርካ ባይቄኔ፤
\q2 ዔያቶኮ ዓኣ ባካ ቢያ ታሚና ሚጪ ጋፔኔ።›»
\b
\q
\v 21 «ዬያሮ ዒዮቤ፥ ኔና ፆኦሲም ዎይሤ፤
\q2 ኔኤኮ ዒዛና ዎላ ኮሹሞ ዓኣያ ማዖንጎ፤
\q2 ኔ ያዺዴቴ ኮሺ ባኣዚ ዴንቃንዳኔ።
\q
\v 22 ፆኦሲ ኔና ዔርዛ ዔርዚፆ ዋይዜ፤
\q2 ዒዛኮ ቃኣሎዋ ዒና ዔኬ።
\q
\v 23 ኔ ቶኦኮ ኔኤኒ ቢያሢ ዳንዳዓ ጎዳ ባንሢ ማሄቶ
\q2 ኔኤኒ ቤርታኣሲ ጎይፆ ማዓንዳኔ፤
\q2 ኔ ማኣራፓ ፑርቶ ማዾ ባይዜ።
\q
\v 24 ዎርቆ ሲላሎይዳ ኬኤሬ፤
\q2 ዖፔሬ ዓጮ ዎርቆዋ ዎርዚ ሹቺጉዲ ዹይ ዳኬ፤
\q
\v 25 ዬኖ ዎዶና ቢያሢ ዳንዳዓ ጎዳሢ ኔኤም
\q2 ዎርቄና ጌኤሺ ቢራና ማዓንዳኔ።
\q
\v 26 ቢያሢ ዳንዳዓ ጎዳሢና ኔ ዎዛዻንዳኔ፤
\q2 ዒዛ ኔ ጉሙርቂ ናንጋዳኔ።
\q
\v 27 ዒዛ ኔ ሺኢቃ ዎዶና
\q2 ኔ ሺኢቄ ባካ ቢያ ኔኤም ማዺንታዳሢሮ
\q2 ናኣቦ ኔኤኮ ኔ ጪጋንዳኔ።
\q
\v 28 ማሊፃ ቢያ ኔኤኮ ጊኢጋንዳኔ፤
\q2 ጎይፃኣ ቢያ ኔኤኮ ፖዒ ማዓንዳኔ።
\q
\v 29 ፆኦሲ ዖቶርቃ ዓሶ ዻውሲሳንዳኔ፤
\q2 ሼሌዔ ዓሶ ጋዓንቴ ዓውሳንዳኔ።
\q
\v 30 ኔኤኒ ዎንዴ ፂሎ ማዔያታቴ
\q2 ፆኦሲ ኔ ዛሎሮ ጌይ ፑርቶ ዓሶ ዓውሳንዳኔ።»
\c 23
\sp ዒዮቤ
\p
\v 1 ዒዮቤ ሂዚ ጌይ ማሄኔ፦
\q
\v 2 «ሃሢያ ታኣኮ ዖዪፃ ጫንቺኬ፤
\q2 ሜታዺ ሜታዺ ታ ዒላቴቴያ
\q2 ፆኦሲኮ ኩጫ ታጊዳ ዴኤፂ ዴኤፂ ዓኣኔ።
\q
\v 3 ዒዚ ጴዻ ቤዞ ዎንዴ ታ ዔራያታቶ
\q2 ዎዚ ታኣም ኮሽካንዳይ?
\q2 ዒዚ ናንጋ ቤዞ ታ ሄሌቶ ዎዚ ታ ዎዛዻንዳይ?
\q
\v 4 ታኣኮ ዓኣ ሜቶ ታ ዒዛም ኬኤዛንዳንቴ፤
\q2 ታ ዒዛ ሞኦታ ሞኦቶዋ ፓይዲ ፓይዲ
\q2 ታ ዒዛም ሺኢሻንዳንቴኬ።
\q
\v 5 ዎዚ ጌይ ዒ ታኣም ማሃቴያ
\q2 ሃሣ ዒ ታኣም ዎዚ ጋዓቴያ ታ ዔራንዳንቴኬ።
\q
\v 6 ጎዖንቴ ፆኦሲ ፔኤኮ ዼኤፖ ዎልቆና ታና ሞኦታንዳኖ?
\q2 ታ ሺኢቃ ባኮ ታኣም ዒ ዋይዛንዳፓዓቴም
\q2 ዬያ ዒ ማዻዓኬ።
\q
\v 7 ዒኢካ ፒዜ ዓሲ ዒዛና ሞኦታንዳኔ፤
\q2 ታኣኮ ጌኤዞ ጌስታ ፆኦዛሢ
\q2 ናንጊና ታና ሜታ ባኣያ ማሂ ኬሳንዳኔ።»
\b
\q
\v 8 «ጋዓንቴ ዓባ ኬስካ ባንፆ ታ ዓኣዼቴያ
\q2 ዒ ዬካ ባኣሴ፤
\q2 ጊንሣ ዓባ ጌላ ባንፆ ታ ማዔቴያ
\q2 ዒዛ ዴንቃኒ ታ ዳንዳዒባኣሴ።
\q
\v 9 ዒዚ ኬዶ ዛሎና ማዾ ፔኤኮ ማዻኔ፤
\q2 ጋዓንቴ ታ ዒዛ ዴንቂባኣሴ፤
\q2 ዾኦሎ ዛሎ ታ ሺሬቴያ
\q2 ዒዛ ዴንቃኒ ታ ዳንዳዒባኣሴ።
\q
\v 10 ዒ ታኣኮ ሄፆ ቢያ ዔራኔ፤
\q2 ዒ ታና ዎይታቴ ዛጌቶዋ
\q2 ዎርቄጉዲ ጌኤሺ ማዔሢ ዴንቃዳኔ።
\q
\v 11 ቶካ ታኣኮ ዒዚ ናሽካ ጎይፆ ዓኣዻኔ፤
\q2 ሻውላ ሚዛቂ፥ ሴካ ሃንጋ ታ ጎዑዋሴ።
\q
\v 12 ቢያ ዎዴ ዒዛኮ ዓይሢፆ ታ ካፓኔ፤
\q2 ቃኣሎዋ ታ ዒዛኮ ዒና ካፒ ዓኣኔ።»
\q
\v 13 «ፆኦሲ ላኣሚንቱዋሴ፤
\q2 ዒዛም ዋይዚ ዒፃይ ባኣሴ፤
\q2 ዒ ናሽኬ ባኣዚ ቢያ ማዻኔ።
\q
\v 14 ታኣም ዒ ማሌ ባኮ ቢያ ማዺ ኩንሣንዳኔ፤
\q2 ዬያጉዴ ሚርጌ ማሊሢ ዒዛኮ ዓኣኔ።
\q
\v 15 ዬያሮ ዒዛ ቤርታ ዔቂፃ ኮሺ ታና ዒጊቻኔ፤
\q2 ዬያ ታ ማላዖ ጎጎጋይቃኔ።
\q
\v 16 ፆኦሲ ታኣኮ ዒኖ ባይዜኔ፤
\q2 ቢያ ባኮ ዳንዳዓ ጎዳ ታና ዲቃሤኔ።
\q
\v 17 ዎዚ ሻኔ ዹማ ዓኣፖ ታኣኮ ዓርቄቴያ
\q2 ዹሞኮ ዎልቃዺፃ ጌስቲፆ ታና ባሺባኣሴ።»
\c 24
\p
\v 1 «ፆኦሲ ዎጎ ዎጋ ዎዶ ዓይጎሮ ሜንሡዋይ?
\q ዒዛኮ ማዻዞንሢ ዬያ ዎጎ ቃኣሎ
\q2 ዓይዲ ሄላንዳኣና ካፓይ?»
\b
\q
\v 2 «ፑርቶ ዓሳ ፔ ቤዞ ዳልጊሻኒ ዛጶ ሻሃኔ፤
\q2 ማራቶ ቡሪ ዔኪ ዔኪ ፔ ቆልሞና ዎላ
\q2 ሲኢሪ ሲኢሪ ሄንቃኔ።
\q
\v 3 ዜኤሮ ናኣቶኮ ሃሮ ዔያታ ቡሪ ዔካኔ፤
\q2 ዜኤሮ ዒንዴሎኮ ቆሎ ማዔ ጌሜ
\q2 ዔኤቢኮ ዓይሢ ማሂ ዔካኔ።
\q
\v 4 ማንቆ ዓሶ ሻኣኪንቲሢና ጎይፃፓ ዔያታ ዳውሳኔ፤
\q2 ዔያቶኮ ቤርታፓ ጳሽኪ ዓኣሺንታንዳጉዲ ማሃኔ።»
\q
\v 5 «ማንቆ ዓሳ ዓሲ ናንጉዋ ዳውሎይዳ
\q2 ዓኣ ኪርሞሌጉዲ
\q2 ፔኤኮ ናኣቶም ሙኡዚ ኮዓኒ ኬስኪ ሜታዺ ሃንታኔ፤
\q
\v 6 ዔያታ ቆልማ ሙዓ ባኮ ፔኤሮ ሙዓኒ ፔኤም ቡኩሳንዳኔ፤
\q2 ፑርቶ ዓሶሮ ማዔ ዎይኖ ጎዣፓ
\q ዔያታ ዚንጋንዳኔ።
\q
\v 7 ዔያታ ዋንቶ ጉቤ ካሎ ላሂ ዎርቃኔ፤
\q2 ጪኢዦሮ ዔያታ ማይንታ ማኣዓ ዔያቶኮ ባኣሴ።
\q
\v 8 ዹኮይዳ ዋርቃ ዒሮና ዑፃ ዔያቶኮ ዎዓኔ፤
\q2 ማኣሪ ዔያታ ባይዚ ዼኤፖ ሹጮ ባንሢ ዶጪ ዎርቃኔ።»
\q
\v 9 «ፑርቶ ዓሳ ዓዴባኣ ዜኤሮ ናኣታ ዔያቶም ማዻያ ማዓንዳጉዲ
\q2 ዒንዶንሢኮ ዻንፃፓ ናኣቶ ቡሪ ዔካኔ፤
\q2 ሜታዼ ዓሲኮዋ ናዖ ጋሌ ጪጎያኮ ዓይሢ ባኣዚ ማሂ ዔካኔ።
\q
\v 10 ማንቆ ዓሳ ፔቴታዖ ማኣዓ ባኣንቴ
\q2 ማዾይዳ ካሎ ኬስካኔ፤
\q2 ማኣሎ ቡሮ ዎዶና ናኣሮ ኬዲ ኬዲ፤
\q2 ሃሣ ባሲ ባሲ ዔያታ ፔኤሮ ናናይዺንታኔ።
\q
\v 11 ፑርቶ ዓሶኮ ዔቦ ቱኮ ጎዦይዳ
\q2 ሪሚቶ ዓኣፓፓ ኮሾ ዛይቶ ዔያታ ኬሳኔ፤
\q2 ዎይኖ ካፆ ሶያፓ ዔኪ ዑዦ ዔያታ ኮሻኔ፤
\q2 ጋዓንቴ ዔያታ ዼኤቢንታኔ።
\q
\v 12 ካታማ ካታማ ሃይቃኒ
\q2 ሳዞ ጋሽካ ዓሳ ዚኢሊንታኔ፤
\q2 ሜቄ ዓሳኣ ማኣዶ ዖኦጪሢና ዒላታኔ፤
\q2 ፆኦሲ ጋዓንቴ ዔያቶይዳ ማዺንቴ ጌኖ ዛጊባኣሴ።»
\q
\v 13 «ፖዒ ዒፃ ዓሲ ዓኣኔ፤
\q2 ፖዒ ዓይጎ ማዔቴያ ዔያታ ዔሩዋኣሢሮ
\q2 ፖዖኮ ጎይፆ ዔያታ ሃንቱዋሴ።
\q
\v 14 ዓሲ ዎዻ ዓሲ ሃጊ ዹሚ ዓኣንቴ ሚኢሪ ዔቂ
\q2 ማንቆ ዓሶንታ ሜታዼ ዓሶንታ ዎዻኔ፤
\q2 ዹሚ ዓኣንቴ ዉሱሞይዳኣ ኬስካኔ።
\q
\v 15 ዞኦስካ ኮኦማ ዓሲ ሳዓ ዓማንዳማ ካፓኔ፤
\q2 ዓይጎ ዓሲያ ዛጉዋጉዲ
\q2 ዓኣፖ ካሮ ፔኤኮ ካንቃኔ።
\q
\v 16 ዉሲ ዹሚና ማኣሪ ቦኦኪ ዉኡቃኒ ጌላኔ፤
\q2 ሮኦሮ ጋዓንቴ ዓኣሺንቲ ፔኤቃኔ።
\q2 ፖዒያኣ ዔያታ ዒዒፃኔ።
\q
\v 17 ዹሚና ሜቶ ማዢሢ ዔያቶ ዎዛሳሢሮ
\q2 ቢያሢም ሻኔ ዹማ ካሬያ ማዓኔ» ጌዒ ማሄኔ።
\b
\sp [ዬካፓ ፆፓሬ፦]
\q
\v 18 «ፑርቶ ዓሳ ዲጲ ዋኣሢና ፒፂንቲ ዔውታንዳኔ፤
\q2 ዔያቶኮ ዓጫ ጋዳንቂንቴያ ማዓንዳኔ፤
\q2 ዔቦ ቱኮ ቤዞዋ ዔያቶኮ ካኣማ ዓሲ ባኣሴ።
\q
\v 19 ሻቺ ዖይዺና ዓልቄም ዋኣፃኣ ሚጪ ባይቃሢጉዲ
\q2 ጎሞ ዓሳ ሃይቂ፥ ሃይቄ ዓሶ ዓጮ ዴንዲ ባይቃንዳኔ።
\q
\v 20 ዓሲ ቢያ ዔያቶ ዋላንዳኔ፤
\q2 ዔያቶ ዒንዶንሢታዖ ማሊ ጶቂሢንዱዋሴ፤
\q2 ዓሽኮ ዔያቶኮ ዛኣሌ ሙዓንዳኔ፤
\q2 ዔያቶኮ ፑርቱሞ ማዻ
\q2 ዶዔ ሚሢጉዲ ሜቂ ዓታንዳኔ።
\q
\v 21 ዬይ ቢያ ዔያቶ ሄሌሢ
\q2 ዔያታ፦ ናኣታባኣ ዞኦካሢ ላኣሎ ቡሪፆና
\q2 ዜኤሮ ዒንዶንሢ ማዔ ላኣሎም
\q2 ፔቴታዖ ሚጪንቲባኣሢሮኬ።
\q
\v 22 ፆኦሲ ጋዓንቴ ፔ ዎልቆና
\q2 ቢታንቶይዳ ዓኣ ዓሶ ባይዛንዳኔ፤
\q2 ሃሣ ዒ ዻጋዺ ዔቄ ዎዶና
\q2 ፑርቶ ዓሳ ሼምፔና ዓታዓኬ።
\q
\v 23 ዔያታ ኮሺና ናንጋንዳጉዲ ፆኦሲ ዓይሤቴያ
\q2 ዔያታ ዓኣዻ ጎይፆ ቢያ ኮሺ ዒ ዛጋኔ።
\q
\v 24 ፑርቶ ዓሳ ዻካ ዎዴም ዖርጎጫኔ፤
\q2 ጋዓንቴ ቤዞማና ሆኦሪጉዲ ሹሊ ባይቃኔ፤
\q2 ሃኣኮኮዋ ቶኦኪጉዲ ዔያታ ታይዚንታኔ።
\q
\v 25 ‹ዬይ ያዺ ማዓኒ ዳንዳዑዋሴ› ጋዓ ዓሲ ዓኣ?
\q2 ታ ጌዔ ባካ ‹ሉኡዚኬ› ጋዓ ዓሲ ዓኣ?» ጌይ ማሄኔ።
\c 25
\sp ቢልዳዴ
\p
\v 1 ሹሃ ዓጮ ዓሢ፥ ቢልዳዴ፦
\q
\v 2 «ቢታንቶንታ ዒጊጪንታያ ማዒሢንታ ፆኦሲሮኬ፤
\q2 ማዢንታ ቢያ ዒጊቹሞና ዒዛም ዎርቃያኬ።
\q2 ዒዚ ፔኤኮ ጫሪንጮ ካኣቱሞ ኮሹሞና ካፓኔ።
\q
\v 3 ዒዛኮ ዖላ ዓሶ ሚርጉማ ፓይዲባኣያኬ፤
\q2 ፆኦሲኮ ፖዓ ሄሉዋ ቤሲያኣ ባኣሴ።
\q
\v 4 ዓሲ ፆኦሲ ቤርቲዳ ዎይቲ ፂሎ ማዓኒ ዳንዳዓይ?
\q2 ዓሲ ማዒ ማዢንታዖ
\q2 ‹ታ ጌኤሺኬ› ጌይ ሄርሺንታኒ ዳንዳዓ ዓሲ ዓኣ?
\q
\v 5 ዬያሮ ፆኦዛሢ ቤርታ
\q2 ዓጊኖ ፖዓታዖ ጌኤሽኪ ፖዓያቱዋሴ፤
\q2 ዦኦጋሢያ ዒዛ ቤርታ ጌኤሺቱዋሴ።
\q
\v 6 ዓካሪ፦ ፁርቃሌና ዛኣሌናጉዲ ማዔ ዓሲንሢ
\q2 ዎማጉዲ ዻካንዳያ ናንዳይ?» ጌዔኔ።
\c 26
\sp ዒዮቤ
\p
\v 1 ዬካፓ ዒዮቤ፦
\q
\v 2 «ዬያ ኔኤኒ ጌስቲፆና
\q2 ላቤሢ ማኣዴያ ኔኤም ማላ?
\q2 ኩጫ ላቤሢ ዶዲሼጉዲ ኔኤም ጋዓ?
\q
\v 3 ዔራታ ፓጬሢም ዓይጎ ዞሮ ኔ ዞሬይ
\q2 ዓይጎ ባኣዚ ኔ ዒዛ ዔርዜይ!
\q
\v 4 ዓካሪ ሃያ ኔ ጌስታንዳጉዲ ኔና ማኣዴሢ ዖናዳይ?
\q2 ኔና ማሊሲ ዔቂሴሢያ ዖ ዓያናዳይ?» ጌዔኔ።
\b
\sp [ቢልዳዴ]
\q
\v 5 «ሃይቄ ዓሶኮ ሼምፓሢ
\q2 ዼኤፖ ባዞኮ ዴማ ዓኣዖ
\q2 ሚርጌና ዒጊጪሢዳ ዓኣኔ።
\q
\v 6 ሃይቄ ዓሳ ናንጋ ዓጫ
\q2 ፆኦሲ ቤርታ ፔጋኣኬ፤
\q2 ዓይጎ ባኣዚያ ዬያ ዓኣቻኒ ዳንዳዑዋሴ።
\q
\v 7 ፆኦሲ ኬዶ ዛሎ ጫሪንጮ
\q2 ጉሮ ዢባሮይዳ ሂኢሤኔ፤
\q2 ዬያጉዲ ሃሣ ሳዖዋ ዢባራ ሱፄኔ።
\q
\v 8 ሻኣራ ዋኣሢ ዓርቃንዳጉዲ ፆኦሲ ማሄኔ፤
\q2 ዬይ ዋኣፃ ዴኤፂ ሻኣሮ ዳርዙዋሴ።
\q
\v 9 ዒዚ ዓጊኖኮ ፖዖ ሻኣሮና ዓኣቻኔ።
\q
\v 10 ፖዖና ዹሞና ዱማሳኒ
\q2 ዼኤፖ ባዞ ዋኣፆኮ ቤርቶይዳ
\q2 ጫሪንጮና ሳዖና ካኣማያ ማላ ቤዞዋ ዛጲ ማሂ ሂኢሤኔ።
\q
\v 11 ዒዚ ዔያቶ ጎራ ዎዶና
\q2 ጫሪንጮኮ ቱርቱራ ዲቃቲፆና ዓጊፃኔ።
\q
\v 12 ፔ ዎልቆና ባዞ ዒ ዚቲዳኔ፤
\q2 ፔኤኮ ዔራቶናኣ ሬዓቤ ጌይንታ
\q2 ዼኤፖ ቦዓሢ ዎዺ ባይዛኔ።
\q
\v 13 ፔኤኮ ዑኡዞና ዒ ጫሪንጮ ጌኤሻኔ፤
\q2 ፔ ኩጮና ዶርቢንታ ሾኦዣሢያ ጫርጋኔ።
\q
\v 14 ዬይ ቢያ ፆኦሲ ማዻ ባኮፓ ዻኮንሢኬ፤
\q2 ኑ ዋይዛሢ ዒዛኮ ካሽካሺፆ ሌሊኬ፤
\q2 ዒዛኮ ዎልቆ ጉጉንሢፆ ዖኦኒ ማሊ ጶቂሣኒ ዳንዳዓይ?» ጌይ ማሄኔ።
\c 27
\ms ዒዮቤኮ ጋፒንፆ ሃይሶ
\mr (27፡1—30፡31)
\sp ዒዮቤ
\p
\v 1 ዒዮቤ ቃሲ ኬኤዛዖ ሂዚ ጌዔኔ፦
\q
\v 2 «ፒዜ ዎጌ ዎጊሢ ዒፂ
\q2 ናንጎ ታኣኮ ጫንቺ ማሄ
\q2 ቢያ ባኮ ዳንዳዓ ፆኦሲ ሃይቆ!
\q
\v 3 ሼምፓሢኮ ዑኡሲ ታኣም ፆኦሲ ዒንጌም
\q2 ታ ዓኣ ዎዶማና
\q
\v 4 ፔቴታዖ ፑርታ ባኣዚ ታ ዻንጋፓ ኬስካዓ፤
\q2 ታ ዒንዲርዞና ሉኡዙሞ ታ ጌስታዓ።
\q
\v 5 ዒንሢ ጌዔ ባኮ ቢያ ፒዜኬ ጌይ
\q2 ፔቴታዖ ታኣኒ ዔካዓ፤
\q2 ታኣኒ ሃይቃንዳያ ሄላንዳኣና ጎኑሞና ዶዲፆ ታ ሃሻዓ። »
\q
\v 6 « ‹ታ ፒዜኬ› ጌይፆይዳፓ ዎይቴቴያ ጊንሢም ታ ጋዓዓ፤
\q2 ታ ናንጋ ዎዶይዳ ቢያ ታ ዒና ታና
\q2 ‹ዬያ ቢያና ኔ ዻቤኔ› ጎዑዋሴ።»
\b
\q
\v 7 «ታና ዒፃ ዓሶና ማካ ዓሳኣ ቢያ
\q2 ጌኔ ዓሲና ዔኤቢ ዋይዚ ዒፃ ዓሲጉዲ
\q2 ዔያቶም ዓጊንታ ሜቶ ዔኮንጎ።
\q
\v 8 ፆኦሲ ሼምፓሢ ዔያቶኮ ዓሽካፓ ዱማሲ
\q2 ናንጎ ዔያቶኮ ቃሚሤ ዎዶና
\q2 ፆኦሲ ዋላ ዓሶኮ ዓይጎ ሃጊ ማዓ ዎዛ ዓኣይ?
\q
\v 9 ሜታ ዔያቶ ሄሌ ዎዶና
\q2 ፆኦሲ ዔያቶኮ ዒላቶ ዋይዛንዳ?
\q
\v 10 ቢያ ባኮ ዳንዳዓ ጎዳሢና ዔያታ ዎዛዻ?
\q2 ቢያ ዎዴ ፆኦሲኮ ሱንፆ ዔያታ ዔኤላ?»
\b
\q
\v 11 «ፆኦሲ ዎልቃ ዎዚጉዲ ዼኤፒታቴያ
\q2 ታ ዒንሢ ዔርዛንዳኔ፤
\q2 ቢያ ባኮ ዳንዳዓ ጎዳ ማሌ ባኮ ፔጋሲ ታ ዒንሢም ኬኤዛንዳኔ፤
\q
\v 12 ዒንሢ ዬያ ቢያ ዔዔራያኬ፤
\q2 ዓካሪ ሃያ ማዑዋ ባኮ ዓይጋ ዒንሢ ጌስታይ?» ጌዔኔ።
\sp [ፆፓሬ]
\q
\v 13 «ቢያ ባኮ ዳንዳዓ ጎዳ
\q2 ፑርቶ ዓሶና ጌኖ ዓሶ ዎጋሢ ዬያ ጎይፆኬ፤
\q
\v 14 ናኣታ ዔያቶኮ ሚርጌቴያ ዖልዚና ጋፓንዳኔ፤
\q2 ዜርፃ ዔያቶኮ ሙኡዚ ባይዚ ናይዺንታንዳኔ።
\q
\v 15 ዬያይዳፓ ዓቴዞንሢ ሃርጌና ጋፓንዳኔ፤
\q2 ዜኤሮይንዶ ማዔዞንሢያ ዔያቶ ዬኤካዓኬ።
\q
\v 16 ፑርቶ ዓሶኮ ማኣሻላጉዲ ፓይዲባኣ
\q2 ሚኢሼንታ ማኣዖንታ ዓኣያ ማዓኒ ዳንዳዓኔ፤
\q
\v 17 ጋዓንቴ ፑርቶ ዓሳ ቡኩሴ ማኣዓሢ
\q2 ፂሎ ዓሳ ማይንታንዳኔ፤
\q2 ዔያታ ቡኩሴ ቆሎዋ ጌኤዦ ዓሳ ጊሽቲ ዔካንዳኔ።
\q
\v 18 ዔያታ ማዣ ማኣራ ሻንጌ ፓቲሌና ማዦናያ
\q2 ጎሺ ዉዲጉዲያኣ ሻኣሂንታንዳኔ።
\q
\v 19 ፑርቶ ዓሳ ጋፒንሢ ዖርጎቺ ማዒ ሻኣሎይዳ ላሃንዳኔ፤
\q2 ጊንዓስካፓ ዔያታ ጴጫኣና ጋዓንቴ
\q2 ቆላ ቢያ ዔያቶኮ ባይቃንዳኔ።
\q
\v 20 ዲቃቲሢ ዲጲጉዲ ዔሩዋንቴ ዔያቶ ሄላንዳኔ፤
\q2 ዋንቶና ዓልጎ ዢባሬ ዔያቶ ዔካንዳኔ።
\q
\v 21 ዓባ ኬስካ ባንፆ ዢባራ
\q2 ዔያታ ናንጋ ቤዛፓ ፒፂ ዔኪ ዓኣዺ ዔያቶ ባይዛንዳኔ፤
\q
\v 22 ጳሽኪ ዔያታ ቶላኒ ማላ ዎዶና
\q2 ፔቴታዖ ሚጪንቲሢ ባኣያና ዢባራ ዔያቶይዳ ዶዳንዳኔ።
\q
\v 23 ዬይ ዢባራ ቶኦቺሢና ኩጮ ፔኤሲ ባዒ ባዒ
\q2 ሃሣ ሱኡሩንሢናኣ ዔያቶ ዒጊቻንዳኔ።»
\c 28
\s1 ዔራቶ ጋዳይሲሢና ጌስቶና ካላሊ
\q
\v 1 «ቢሮ ዓንጎ ኬሳኒ ማዒዲኔ ጌይንታ ባካ ቦኦኪንታያንታ
\q2 ዎርቄ ሼኤሾ ቤሲያ ዓኣኔ።
\q
\v 2 ዓንጊ ሳዓይዳፓ ቦኦኪንቲ ጴዻኔ፤
\q2 ማዳኣቤ ጌይንታ ባካኣ ሹቺዳፓ ሼኤሺንታኔ።
\q
\v 3 ዓሳ ዹሞይዳ ዓኣ ባኮ ፔጋሲ ኬሳኔ፤
\q2 ዴንዲ ሳዖኮ ዴሞ ሄሊ ሻኔ ዹሞይዳ ዓኣ
\q2 ማዒዲኖ ሹጮ ኮዓኔ።
\q
\v 4 ዓሲ ናንጋ ቤዛፓ ሃኪ ዴንዲ
\q2 ዓሲ ሄሊ ቤቂባኣ ቤሲ ሄላኔ።
\q2 ዒኢካ ኮሺ ዔታዻ ዔቴ ቦኦካኔ፤
\q2 ሱሲዳኣ ሹላሊ ሹላሊ ዓሲዳፓ ዱማዺ ፔኤኮ ማዻኔ።
\q
\v 5 ሳዓ ሙኡዚም ማዓ ሃኣኮ ባቃልሳኔ፤
\q2 ዒዞኮ ጋራ ጋዓንቴ ታሚና ዓልቂ ባይቃኔ።
\q
\v 6 ሴኔፔሬ ጌይንታ ቦንቺንታ ሹጫ
\q2 ዒዞይዳ ዓኣ ሹጮ ባኣካፓ ጴዻኔ፤
\q2 ዒኢካ ዓኣ ዓጮይዳፓኣ ዎርቄ ጴዻኔ።
\q
\v 7 ዬያ ማዒዲኖ ባንሢ ዔኪ ዓኣዻ ጎይፆ
\q2 ኪላንቄያ ዔሩዋሴ፤
\q2 ሃምፑራኣ ዴንቁዋሴ።
\q
\v 8 ፑርቶ ቦዓ ዬኖ ባንሢ ዓኣዺያ ዓኣዹዋሴ፤
\q2 ዞቢያ ዒኢና ሃንቱዋሴ።»
\b
\q
\v 9 «ዓሲ ሳዖ ቦኦካኣና ፔ ኩጮና ዓጬ ሹጮ ቡጋኔ፤
\q2 ዹኮዋ ማዢንቶ ፃጳፓ ዶይሳኔ።
\q
\v 10 ላሎ ቆኦቂ ኬስኮ ጎይሢ ኮሻኔ፤
\q2 ቦንቺንታያ ማዔ ማዒዲና ኬስካ ሹጮዋ ዒኢፓ ዴንቃኔ።
\q
\v 11 ዋኣሢ ዬያ ማዒዲኖ ባንሢ ዎቱዋጉዲ
\q2 ዎራ ዔቃ ካሮ ዲርቂ ቃዛኔ፤
\q2 ሳዖ ዴማ ዓኣቺንቲ ዓኣ ቆሎዋ ዴንቃኔ።
\q
\v 12 ዓካሪ፦ ዔራቶ ዓንካፓ ጴዻይ?
\q2 ማሊ ጶቂሥሢኮዋ ቤዛ ዓንካዳይ?»
\q
\v 13 «ዔራቶ ሼምፓ ዓኣ ማዢንታ ናንጋ ሳዖይዳ ጴዹዋሴ፤
\q2 ዒዛ ዋኣዺም ሻንቺንታቴያ ዔራይ ባኣሴ።
\q
\v 14 ዼኤፖ ባዞንታ ዳልጎ ዋኣፆንታ
\q2 ‹ዔራቶ ኑ ኮራ ባኣሴ› ጋዓኔ።
\q
\v 15 ዔራቶ ጌኤሺ ዎርቄና ሻንቂንቱዋሴ፤
\q2 ዒዛ፦ ‹ያኣዼ ቢራ ዔካንዳኔ› ጌይንቱዋሴ።
\q
\v 16 ዔራቶ፦ ዖፔሬ ጌይንታ ዎርቆንታ ሜሬጊዴንታ
\q2 ሴንፔሬ ጌይንታ ሚዛጶ ሹጮፓኣ ባሼ ቦንቺንታያኬ።
\q
\v 17 ዎርቄንታ ጌኤሺ ሌማሌኤሼያ ዒዞና ቤቃያቱዋሴ፤
\q2 ዎርቄፓ ኮሾና ፓልሞናኣ ላኣሚንታያቱዋሴ።
\q
\v 18 ዔራቶ ኪቤና ዓልማዞ ጌይንታ ባኮፓ ቢያ ባሼኬ፤
\q2 ዞቄ ሚዛጶ ሹጮፓኣ ዑሣ ባሻያኬ።
\q
\v 19 ‹ቶጳዚዮኔ› ጌይንታ ዒቶጲያኮ ሚዛጶ ሹጫ ዒዞ ሄሉዋሴ፤
\q2 ኮሺ ጌኤሺ ማዔ ዎርቄናኣ ማላቲንቱዋሴ።
\q
\v 20 ሂዴቶ፦ ዔራቶ ዓንካፓ ሙካይ?
\q2 ማሊ ጶቂሥሢያ ዎካፓ ጴዻይ?»
\q
\v 21 «ሼምፓ ዓኣ ማዢንቲ ቢያፓ ዒዛ ዓኣሺንቴያኬ፤
\q2 ጫሪንጫ ባራና ካፓታዖ ኮይ ዴንቁዋያኬ።
\q
\v 22 ባይሲንታና ሃይቢና፦
\q2 ‹ኑ ዒዞ ዛሎ ዔራሢ
\q ኬኤዚንታ ሃይሴና ሌሊኬ› ጋዓኔ።»
\q
\v 23 «ዔራቶ ባንሢ ዔኪ ዓኣዻ ጎይፆና
\q2 ዒዛ ናንጋ ቤዞዋ ፆኦሲ ሌሊ ዔራኔ።
\q
\v 24 ዓይጎሮ ጌዔቴ ፆኦሲ ሳዖኮ ጋፖ ሄላንዳኣና ቢያ ዛጋኔ፤
\q2 ጫሪንጮኮዋ ዴማ ዓኣ ባኮ ቢያ ዴንቃኔ።
\q
\v 25 ዢባሮኮዋ ዎልቆ ዒ ማዤ ዎዶና
\q2 ዳልጎ ባዞ ዋኣፆዋ ዒ ማኬ ዎዶና
\q
\v 26 ዒሮና ጉጉንፆናም
\q2 ዳምቦ ዒ ጊኢጊሼ ዎዶና
\q
\v 27 ፆኦሲ ዔራቶ ዛጌኔ፤
\q2 ቦንቺሲ ዼጊሴኔ፤
\q2 ማሂ ማሂያ ዛጊያ ዶዲሼኔ።»
\q
\v 28 «ዒማና ፆኦሲ ዓሲም፦
\q2 ‹ዓካሪ ዔራቶ ጌይሢ ፆኦሲ ዒጊጪሢኬ፤
\q2 ማሊ ጶቂሥሢ ጌይሢያ ፑርቱሞፓ ሃኪሢኬ› » ጌዔኔ። \x - \xo 28፡28 \xo*\xt ዓይኑ. 111፡10፤ ዒሲ. 1፡7፤ 9፡10።\xt*\x*
\c 29
\s1 ዒዮቤኮ ጋፒንፆ ሃይሶ
\sp
\v 1 ዒዮቤ ኬኤዛዖ፦
\q
\v 2 «ታኣኮ ሃሣኣ ናንጋ
\q2 ፆኦሲ ታና ቤርታ ካፓ ዎዶጉዲ ማዔቴ
\q2 ዎዚ ታና ዎዛሳንዳይ!
\q
\v 3 ዬያ ዎዶና ዹማ ታ ዓኣዻኣና
\q2 ፆኦሲ ፔኤኮ ፖዖ ታኣም ፖዔም
\q2 ፖዒዳ ታ ሃንታኔ።
\q
\v 4 ፆኦሲ ታኣና ታ ማኣሮ ዓሶና ካፓ
\q2 ታኣኮ ዼጋቶ ዎዶጉዲታቴ
\q2 ታ ዓይጎ ጋዓንዳይ!
\q
\v 5 ቢያ ባኮ ዳንዳዓ ጎዳ ሃጊ ታጊዳፓ ዱማዺባኣሢሮ
\q2 ናኣታ ታኣኮ ቢያ ኮይላ ዓኣኔ።
\q
\v 6 ቶኮ ታኣኮ ታ ዲኢቂና ማስታንዳያ ሄላንዳኣና
\q2 ሚርጌ ዲኢቂ ታ ዴንቃኔ።
\q2 ታኣኮ ሪሚቶ ሚፃ ሃኣቾ ሳዖይዳ ቱኪንቴንቴታዖ
\q2 ዲጲጉዲ ዎታ ሚርጌ ዛይቴ ታ ዔካኔ።
\q
\v 7 ካታማ ዓሳ ቡኪንታ ጶኦኮ ታ ዓኣዺ
\q2 ዎጎ ዎጋ ቤዛ ዴዔ ዎዶና
\q
\v 8 ዼጌሢ ታና ዛጋዖ ቦንቾና ታ ቤርታፓ ሺሺኢካኔ፤
\q2 ጋርቾ ዓሳኣ ታና ቦንቺ ዴዔ ቤዛፓ ዔቃኔ።
\q
\v 9 ዴሮም ጌስቲ ጌስቲ ዓኣ ሱኡጋኣ ታና ዛጋኣና
\q2 ኩጮና ፔኤኮ ዻንጎ ዓርቂ ዚቲዮ ጋዓኔ።
\q
\v 10 ዓጮኮ ቢቶ ማዔ ዓሳ ታ ዓኣ ቤዞይዳ ዚቲ ጋዓኔ፤
\q2 ዒንዲርዛ ዔያቶኮ ቱኡቲ ጌስታኒ ዔያቶ ባሻኔ።»
\b
\q
\v 11 «ዋይዜ ዓሲ ቢያ ታና ሄርሻኔ፤
\q2 ዛጌሢያ ቢያ ታና ጋላታኔ።
\q
\v 12 ዬይ ያዺ ማዔሢ፦
\q2 ማንቆ ዓሶኮ ዒላቶ ታ ዋይዚ ዓውሳያና
\q2 ዜኤሮ ናኣቶዋ ታ ማኣዳሢሮኬ።
\q
\v 13 ሃይቃኒ ዑኪ ዓኣ ዓሶ ታ ማኣዴሢሮ
\q2 ዔያታ ታና ዓንጄኔ፤
\q2 ዜኤሮ ዒንዶ ማዔ ላኣሎዋ ታ ማኣዳሢሮ
\q2 ዎዛና ዔያታ ፆኦሲ ቦንቾም ዓይኑሞ ዓይናዻኔ።
\q
\v 14 ፂሉሞ ዓዳ ማኣዖጉዲ ታ ማይንቴኔ፤
\q2 ፒዜ ዎጌያ ዓዳ ዼኤፒ ኮኦቴጉዲ
\q2 ቃሲ ታ ማይንቴኔ፤ ቆኦቤጉዲያኣ ቶኦካ ታ ዓጌኔ።
\q
\v 15 ዓኣፓ ባይቄሢም ዓኣፒ
\q2 ዎቦ ዓሶኮዋ ታኣኒ ቶኪኬ።
\q
\v 16 ማንቆ ዓሶኮ ታኣኒ ዓዶ፤
\q2 ታ ዔሩዋ ዓሶማኣ ታኣኒ ታርዤኬ።
\q
\v 17 ጌናሢኮ ባንጋሎ ታ ሜንሤኔ፤
\q2 ሙዓኒ ዒ ዓርቄሢ ዻንጋፓ ታ ኬይሲሴኔ።»
\q
\v 18 « ‹ታኣኮ ናንጎ ሌዓ ማኣሻላጉዲ ሚርጌም
\q2 ታ ማኣራ ቦንቾና ዓኣዖ ታ ሃይቃንዳኔ› ታ ጌዔኔ።
\q
\v 19 ፃጳ ታኣኮ ቢያ ዎዴ ዋኣሢ ዴንቃያና
\q2 ካኣፓኣ ዖልካዻ ሚሢጉዲኬ።
\q
\v 20 ቢያ ዎዴ ቦንቺንቴ ጎይሣ ታ ናንጋኔ፤
\q2 ዎልቃኣ ታኣኮ ቢያ ዎዴ ዓኪ ማዓኔ።
\q
\v 21 ዓሳ ታኣም ዋይዚ ዚቲ ጋዓኔ፤
\q2 ታ ዞሮ ዚቲ ጌይ ዒናፓ ዔያታ ዋይዛኔ።
\q
\v 22 ጌኤዛ ታኣሲ ዔያቶኮ ዼኤቦ ዛኣራያታሢሮ
\q2 ታ ጌስቴስካፓ ሜሌ ጌስታ ዓሲ ባኣሴ።
\q
\v 23 ጎሽካ ዓሲ ሌዔ ዒርዚ ዴንቃኒ ኮዓሢጉዲ
\q2 ዔያታ ታ ጌኤዞ ዋይዛኒ ዻንጎ ፔኤሲ ሃሺ ካፓኔ።
\q
\v 24 ታ ዓኣፖ ካሮ ፖዒሲ ታኣኒ ሙስታዛ
\q2 ካርቴ ዓኣፖ ካራ ዔያቶኮ ቡሊንቲ ፖዓኔ።
\q
\v 25 ታኣኒ ታ ኮዔሢ ጎይፆ ዔያቶ ዎይሣኔ፤
\q2 ዖሎ ዓሶ ፔኤኮ ዔኪ ዓኣዻ ካኣቲጉዲ
\q2 ታ ዔያቶ ዔኪ ዓኣዻኔ፤
\q2 ዔያታ ዖያ ዎዶናኣ ታ ዔያቶ ዶዲሻኔ።»
\c 30
\q
\v 1 «ሃሢ ጋዓንቴ ታጊዳፓ ናንጎና ሃቶ ማዔ ዓሳ ታና ሚኢጫኔ፤
\q2 ዔያቶኮ ዓዶንሢ ታኣኮ ማራቶ ሄንቃ
\q2 ካናቶና ዎላታዖ ሶኦፓኒ ኮይሱዋ ዓሲኬ።
\q
\v 2 ዎልቃ ላቤያና ዑፃ ዔያቶኮ ዖኦፔያ ማዔሢሮ
\q2 ታና ዔያታ ዓይጎዋ ማኣዱዋሴ።
\q
\v 3 ሜታሢና ናዮና ሚርጌሢሮ
\q2 ዓሲ ናንጉዋ ዳውሎ ዔያታ ዓኣዺ ዓኣዺ
\q2 ሚሢኮ ፃጲ ኮይ ኮይ ዻዓኔ።
\q
\v 4 ዳውሎይዳ ሶኦጌ ሶኦጌ ጋዓ
\q2 ዱማ ዱማ ዒላዦ ዔያታ ማንፃኔ፤
\q ዓኣፁዋያ ማዔ ሳሪንጎ ፃጶ ዔያታ ሙዓኔ።
\q
\v 5 ዓሲ ዉሲ ዒላቲ ዒላቲ ዳውሳሢጉዲ
\q2 ዔያቶዋ ሃንጎ ዓሶ ባኣካፓ ዳውሲ ዳውሶኔ፤
\q
\v 6 ዔያታ ናሽኪባኣዖ ፔኤኮ ናንጎ ቤዞ ዴኖ ዔቶና
\q2 ማጎ ዴማ ቆኦፓዼ ዔቶይዳ ማሄኔ።
\q
\v 7 ሃሣ ዔያታ ካያ ሃንቲ ሃንቲ ሃሬጉዲ ጫኣጋኔ፤
\q2 ጊንሣ ቶሾ ዴማኣ ዶጪ ዶጪ ዎርቃኔ።
\q
\v 8 ዢራፓና ጳርቂንቲ ጳርቂንቲ ዓጫፓ ዔያታ ዳውሲንቴሢሮ
\q2 ሱንሢ ባይቂ፥ ማሊሢባኣያ ማዒ ዔያታ ናንጌኔ።»
\q
\v 9 «ታኣኒ ዔያቶኮ ሚኢጪ ዓማሎ ባኣዚ ማዔኔ።
\q
\v 10 ሻኣኪንቲ ታ ኮይላፓ ዔያታ ሺኢካኔ፤
\q2 ፔቴታዖ ቦርሲንቲባኣያ ታ ቤርታ ዔያታ ጩታኔ።
\q
\v 11 ፆኦሲ ዎልቆ ታኣኮ ላቢሲ ታና ዻውሲሴሢሮ
\q2 ዔያታ ቢፃላ ቶሌ ፓሮጉዲ
\q2 ታ ዑፃ ፂኪ ሺራኔ።
\q
\v 12 ጎሪ ዲቺቦኦ ናኣታ ታና ማንጌኔ፤
\q2 ቶኮ ታኣኮ ዔያታ ኮሪ ኬኤሪ
\q2 ሜቶ ታና ሄሊሳኒ ጊኢጊንቴኔ።
\q
\v 13 ታ ሃንታ ጎይፆ ዲርቂ
\q2 ታና ባይዛኒ ዔያታ ኮዓኔ፤
\q2 ዬያ ማዺፆ ቃዛ ባኣዚያ ዔያቶ ባኣሴ።
\q
\v 14 ዲጲ ዑሪ ጌላሢጉዲ
\q2 ኬኤሎ ዲፆ ታኣኮ ዔያታ ዳርዚ ጌሌኔ፤
\q2 ቢያ ባኮ ሜንሢ ባይዚ ባይዚ ታጊዳ ዔያታ ሙኬኔ።
\q
\v 15 ሚርጌና ታ ዲቃቴኔ፤
\q2 ቦንቻ ታኣኮ ዢባሬ ዢባርሻያጉዲ ማዒ ዓኣዼኔ፤
\q2 ታኣኮ ዻቂንቶኮዋ ሃጊ ማዓ ዎዛ
\q2 ሊኢሎጉዲ ላኣሊንቲ ባይቄኔ።»
\b
\q
\v 16 «ሜታሢ ታኣኮ ኮሺ ሚርጌሢሮ
\q2 ሼምፓሢ ታኣኮ ሃይቃኒ ዑኪ ሜታዼኔ።
\q
\v 17 ዋንቶ ዋንቶ ዶዲ ሃርጌ
\q2 ሜጌፆ ታኣኮ ጋኣጫኔ፤
\q2 ሜታሢያ ታኣኮ ታና ሃውሺሱዋሴ።
\q
\v 18 ሃርጋ ታኣኮ ዖይዼሢሮ
\q2 ዓፒላ ታኣኮ ጉርሚ ፑርቴኔ፤
\q2 ሆሌ ዓርቃ ማኣዖጉዲ ታና ጩኡሊ ዓርቄኔ።
\q
\v 19 ፆኦሲ ታና ዾቃላ ዢቢ ኬኤሬሢሮ
\q2 ሲላሊና ዲቢንሢና ታ ማላኔ።»
\q
\v 20 «ታ ፆኦዛሢዮ! ታ ኔ ባንሢ ዒላቴኔ፤
\q2 ኔ ታኣም ጋዓንቴ ማሂባኣሴ፤
\q2 ዔቂ ታ ኔና ሺኢቄኔ፤
\q2 ጋዓንቴ ኔ ታኣም ዋይዚባኣሴ።
\q
\v 21 ኮሺ ኔ ታኣም ዶዴኔ፤
\q2 ኔኤኮ ዼኤፖ ዎልቆና ኔ ታና ዳውሴኔ።
\q
\v 22 ዢባራ ዔቂሲ ዔካንዳጉዲ ኔ ታና ማሄኔ፤
\q2 ዓልጎ ዢባሬናኣ ኔ ታና ቡምባልሴኔ።
\q
\v 23 ዓሲ ቢያም ዓቱዋያ ማዔ ሃይቢም
\q2 ኔ ታና ዓኣሢ ዒንጋንዳሢ ታ ኔና ዔሬኔ።
\q
\v 24 ሎኦሚ ሜቄ ዓሲ ሜታዺ ማኣዶሮ
\q2 ኩጮ ፔኤሲ ዔቂሲ ዒላታዛ
\q2 ዶዳ ዓሲ ዓኣ?
\q
\v 25 ታኣኒ ሜታዼ ዓሶ ዬኤኪባኣዓዳ?
\q2 ማንቆ ዓሶዋ ሚጪንቲ ታኣኒ ማኣዲባዓዳ?
\q
\v 26 ኮሺ ባኣዚ ዴንቃንዳኔ ጌይ ታ ማላዛ
\q2 ፑርታ ባኣዚ ታና ሄሌኔ፤
\q2 ፖዒ ታኣም ኬስካንዳኔ ጌይ ታ ካፔንቴ
\q2 ሮኦራ ታኣም ዹሜኔ።
\q
\v 27 ማሊፆና ታ ሜታዼኔ፤
\q2 ኮሹሞ ታ ዴንቃኒ ዳንዳዒባኣሴ፤
\q2 ኬላ ኬላ ዋኣዪፃ ታኣኮ ሚርጊ ሚርጊ ዓኣዼኔ።
\q
\v 28 ዑፃ ታኣኮ ዓቢ ሚቼምቱዋንቴ
\q2 ዖዪፆና ካርቴኔ፤
\q2 ዓሳ ቡኪንታ ጶኦኮይዳኣ ዔቂ ማኣዶ ታ ዖኦጫኔ።
\q
\v 29 ዓሲዳፓ ዱማዺ ዉኡኮኮ ታ ጌርሲ ማዔኔ፤
\q2 ቱኡቲኮዋ ታ ላጌ ማዔኔ።
\q
\v 30 ታኣኮ ካርቴ ዑፃ ጎኦጊ ጎኦጊ ኬዳኔ፤
\q2 ዑፃ ታኣኮ ቆሦና ዔኤታኔ።
\q
\v 31 ዎዞ ታኣኮ ታ ፔጋሲ ዔርዛ
\q2 ፔቴ ሻዦና ዋርቆ ጎኦሎና ዲንካሢና
\q2 ሃሢ ታኣኮ ዖዪፆ ታ ቃዪ ዋይዚሳ ዓንጋሞ ማዔኔ።»
\c 31
\q
\v 1 «ሚዛጲ ዉዱሮ ናይና ላሃኒ ታና ሱኡካሱዋጉዲ
\q2 ታ ዓኣፖና ‹ዛጋዓ› ጌይ ታ ጫኣቄኔ።
\b
\q
\v 2 ዬያ ዛሎ ፆኦሲ ሎፓ ታኣም ዓይጎ ዒንጌይ?
\q2 ጫሪንጫ ዓኣ ቢያ ባኮ ዳንዳዓ ፆኦዛሢዳፓ
\q2 ታኣም ጎዖና ባካ ዓይጎዳይ?
\q
\v 3 ፑርቶ ዓሶይዳ ዱማ ዱማ ሜታ
\q2 ዻቢንቴ ዓሶይዳኣ ባይሲንታ
\q2 ሄላሢ ዔርቴያቱዋዓዳ?
\q
\v 4 ፆኦሲ ታ ማዼ ባኮ ቢያ ዛጉዋዓዳ?
\q2 ሃሣ ታ ሃንቴ ሃንቲፆዋ ዒ ፓይዱዋዓዳ?»
\b
\q
\v 5 «ሉኡዚ ባኣዚ ታኣኒ ጌስቲባኣያታሢ
\q2 ዓሲያ ታኣኒ ጌሺባኣያታሢ ታኣኒ ጫኣቃኔ፤
\q
\v 6 ዬይ ጎኔ ማዒፆ፦ ፆኦሲ ዴኤሡሞ ዔሮ ባኮ
\q2 ፒዜሢዳ ጌሢ ታና ዛጎንጎ፤
\q2 ታኣኮ ፂሉሞና ዶዲፆዋ ዔሮንጎ።
\q
\v 7 ፒዜ ጎይፃፓ ታ ኬስኬያ ማዔቴ
\q2 ዓኣፓ ታኣኮ ዛጌሢ ቢያ ዒና ታኣኮ ዓፃዼያ ማዔቴ
\q2 ሃሣ ኩጫኣ ታኣኮ ጎሜና ኪንቄያ ማዔቴ፥
\q
\v 8 ታ ጎሽኬ ሃኣኮ ሜሌ ዓሲ ሙዖንጎ፤
\q2 ታ ባቃላ ቢያ ቱጊንቲ ባይቆንጎ።
\q
\v 9 ዒና ታኣኮ ሜሌ ላኣሊ ናሹሞና
\q2 ዲዒንቲ ዔውቴያ ማዔቴ
\q2 ታኣኮ ዓሺናሢ ማቾ ዴንቃኒ
\q2 ዒዛኮ ካራ ካቲ ታ ዴዔያ ማዔቴ
\q
\v 10 ታ ማቻ ሜሌ ዓሲም ዎንሢ ዎዻያ ማዒ ማዾንጎ፤
\q2 ሃሣ ዒዛ ሜሌ ዓቲንቄና ላሆንጎ።
\q
\v 11 ዬይ ማዻ ዎጌና ዓይሢሳያታሢሮ
\q2 ዼኤፒ ዻቢንቲኬ።
\q
\v 12 ዬይ ጎማ ታሚጉዲ ሚቺ ባይዛያታሢሮ
\q2 ታኣኒ ዬያ ማዼያ ማዔቴ ታኣኮ ቆልሞ ቢያ
\q2 ዬይ ጋፒሴያ ናንዳኔ።»
\q
\v 13 «ታኣኮ ማዾ ማዻ ዓቲንቆና ላኣሎና
\q2 ታ ዔያቶም ጌስታንዳጉዲ ታኣም ዔያታ ኬኤዜንቴ
\q2 ታ ቶኦቼያ ማዔቴ
\q
\v 14 ፆኦሲ ፔኤኮ ዻጎና ታና ዎጋኒ ዔቄ ዎዶና
\q2 ዓይጌ ታኣም ኮሽካንዳይ?
\q2 ዎጎና ታና ዒ ዖኦጫ ዎዶና
\q2 ታና ዖኦጮ ዖኦጪፆም ዎዚ ጌይ ታ ማሃንዳይ?
\q
\v 15 ዒንዶ ጎጶይዳ ታና ማዤሢ
\q2 ታኣኮ ማዻ ዓሶዋ ማዤሢቱዋዓዳ?
\q2 ኑና ቢያሢ ኑ ዒንዶንሢ ጎጶይዳ ጎጶይዳ
\q2 ማዤሢ ዒዛ ቱዋዓዳ?»
\b
\q
\v 16 «ማንቆ ዓሳ ሺኢቃ ባኮ ላኣጊ ታ ዔሩዋሴ፤
\q2 ዜኤሮ ዒንዶንሢያ ዶዲሺሢዳፓ
\q2 ጊንሢም ጌይ ታ ዔሩዋሴ፤
\q
\v 17 ዜኤሮ ናኣታ ጉሪ ዎርቃንቴ
\q2 ታ ታኣሮ ሙይ ዎርቄ ዎዴ ባኣሴ።
\q
\v 18 ታኣኮ ዼጋቶ ዎዶይዳፓ ዓርቃዖ
\q2 ታ ዔያቶኮ ዓዶ ማዒ ናንጌኔ፤
\q2 ታ ናንጎ ዎዶ ቢያይዳ ዜኤሮ ዒንዶንሢ ታ ማኣዴኔ።
\q
\v 19 ሜታዼ ዓሳ ማኣዖ ባኣዚ ባይዚ፥
\q2 ካላዺ፤ ሃሣ ጪኢሺና ዔያታ ሜታዻንቴ ታ ዛጊ
\q
\v 20 ታኣኮ ማራቶ ጋፓኖና ኮሺንቴ ማኣዓሢ
\q2 ታ ዔያቶም ዒንጉዋዖ ዓቴ ዎዴ ባኣሴ።
\q2 ዬያሮ ዔያታ ጉቤ ዒናፓ ታና ጋጋላታኔ።
\q
\v 21 ዓሳ ቡካ ጶኦካ ታኣኒ ዔርቴያኬ ጌዒ
\q2 ዜኤሮ ናኣቶ ታ ኩጮና ታኣኒ ሌኤቂንሤያ ማዔቴ
\q
\v 22 ሻላ ታኣኮ ጌኤታፓ ኬስኮንጎ፤
\q2 ካኣላሢዳፓኣ ሾኦሊንቲ ኬዶንጎ።
\q
\v 23 ዬያ ታ ማዻሢ ፆኦሲኮ ጎሪንቶ ታ ዒጊጫሢሮና
\q2 ዒዛኮ ዲቃሣ ዼኤፑሞሮ
\q2 ዒዛ ቤርታ ዔቃኒ ታ ዳንዳዑዋሢሮኬ።»
\q
\v 24 «ታኣኒ ታ ቆሎና ጉሙርቂንቲ ቤቂባኣሴ፤
\q2 ጊንሣ ጌኤሺ ዎርቄያ ታኣኮ ጌኤቂንቶያ ታ ማሂባኣሴ።
\q
\v 25 ‹ታኣኮ ቆላ ሚርጌኔ፤
\q2 ዖርጎቹሞንታ ሚርጌ ሚኢሼንታ ታ ዴንቄኔ›
\q2 ጌይ ታ ዎዛዺ ቤቂባኣሴ።
\q
\v 26 ዓቦኮ ፖዒፆ ሚዛጱሞ
\q2 ዓጊኖኮዋ ዖይዺ ፖዒፆ ታኣኒ ዛጊ
\q
\v 27 ዒና ታኣኮ ጋርሲና ዬያቶና ዲዒንቲባኣሴ፤
\q2 ታ ኩጮዋ ታኣኒ ፒሺ ሄርቂሢና
\q2 ቦንቾ ታ ዔያቶም ዒንጊባኣሴ።
\q
\v 28 ዬያ ማዺፃ ሎ ዑፃ ዓኣ ጎዳም
\q2 ጉሙርቂንቱዋያ ማዒሢታሢሮ
\q2 ዬንሢ ማዺፃ ሃይቢ ዔኪ ሙካ ጎሜኬ።»
\q
\v 29 «ታና ዒፃ ዓሳ ሎኦሜሢሮ ታ ዎዛዺባኣሴ፤
\q2 ፑርታ ባኣዚያ ዔያቶ ሄላዛ ታ ኮኦሚባኣሴ፤
\q
\v 30 ‹ታ ሞርካ ባይቆም› ጌይ ጋዳንቂሢና
\q2 ፔቴታዖ ታ ጎሜ ማዺባኣሴ።
\q
\v 31 ቢያ ዎዴ ሾኦቺ ታ ዔካያ ማዔሢ
\q2 ታኣኮ ማዻ ዓሳ ታኣም ማርካዻኔ።
\q
\v 32 ጎይሢ ዴንዳንቴ ሳዓ ዓሜ ዓሲ ዙልካ ዎርቁዋጉዲ
\q2 ታ ማኣሪ ዔኪ ዓኣዺ ታ ዔያቶ ዎይሣኔ። »
\q
\v 33 «ዻቢንቲ ታ ጋራ ታኣኒ ዱኡኪባኣሴ፤
\q2 ሜሌ ዓሶጉዲ ታ ጎሜ ታ ዓኣቺባኣሴ።
\q
\v 34 ዴሮኮ ሚርጉማ ታና ዒጊቼም
\q2 ታ ማኣሮ ዓሶኮዋ ቶኦቺፃ ታና ዲቃሤም
\q2 ታ ማኣሮይዳ ዻንጋ ባይቂ ታ ዓኣሺንቴ ዎዴ ባኣሴ።»
\q
\v 35 «ታኣም ዋይዛ ዓሲ ታ ዴንቃቶ ዓይጎ!
\q2 ታኣኒ ጎኔ ጋዓኔ፤
\q2 ቢያ ባኣዚ ዳንዳዓ ጎዳ ታኣም ማሆንጎ!
\q2 ታና ዎጎና ዓይሢሳሢ፦ ዒ ዓይሢሳ ባኮ
\q2 ፓይዲ ፓይዲ ሺኢሼም ታ ዛጋቴ ዓይጎ!
\q
\v 36 ታኣም ዒንጎና ባኣዚጉዲ ጌኤታ ታ ጌሣንዳንቴኬ፤
\q2 ቦንቾሮ ቶኦካ ዓጎ ባኮጉዲያኣ ቶኦካ ታ ዓጌያ ናንዳኔ።
\q
\v 37 ቢታንቶ ዓኣ ዓሲጉዲ ፆኦሲ ቤርቶይዳ ታ ጫርቂ ዔቂ
\q2 ታ ማዼ ባኮ ቢያ ፓይዲ ፓይዲ ኬኤዛንዳንቴኬ።»
\q
\v 38 «ዓሲኮ ጎሺ ታኣኒ ጩቦና
\q2 ቡሪ ዔኪ ጎሽኬያ ማዔቴ፥
\q
\v 39 ዬኖ ጎዦይዳ ባቃሌ ሃኣኮ ዔኤቢ ጪጉዋዖ
\q2 ቡኪሲ ዔኪ ታ ሙዒ ዔያቶ ዖዪሴያ ማዔቴ፥
\q
\v 40 ዬኖ ጎዤሎይዳ ዛርጋሢ ዛሎ ዓንጊሢ፤
\q2 ዔልዓሢ ቤዞ ሆኦሪ ባቃሎንጎ!» ጌዔኔ።
\b
\q ዬያይዲ ዒዮቤኮ ጌኤዛ ጋፔኔ።
\c 32
\ms ዔሊሁ ጎዖሢ ጌስቴ ጌኤዞ
\mr (32፡1—37፡24)
\p
\v 1 ዒዮቤ፦ «ታኣኒ ፂሎ ዓሲኬ» ጌዒ ፔ ማሊፆና ዶዴሢሮ ሃይሦ ዓሶንሢ ጌኤዞ ሃሼኔ። 
\v 2 ዒዮቤ ፔና ፂሎ ማሂ፥ ፆኦሲ ዻቢንቴያ ማሂ ፓይዴሢሮ ራሜ ዜርፃፓ ማዔ ቡዛ ዓሲ ማዔ ባርኬሌ ናኣዚ፥ ዔሊሁ ሚርጌና ዻጋዼኔ። 
\v 3 ዒዮቤኮ ላጎንሢ ዒዮቤ ዔያቶ ዖኦጫሢኮ ኮይሳሢጉዲ ማሂ ኬኤዚ ዒዛ ላሣኒ ዳንዳዒባኣዖ ዒዮቤ ዻቢንቴያ ሌሊ ማሂ ፓይዴሢሮ ዔሊሁ ሃሣ ሚርጌና ዻጋዼኔ። 
\v 4 ዔሊሁ ሃንጎዋቶይዳፓ ናኣቶ ማዔሢሮ ቢያሢ ዒዮቤም ኬኤዚ ጋፒሳንዳያ ሄላንዳኣና ዒ ጌስታንዳ ዎዶ ጊቢ ዚቲ ጌይ ካፔኔ። 
\v 5 ሃይሦ ዓሳ ዒዮቤ ዖኦጬሢኮ ኮይሳሢጉዴያ ማሂ ኬኤዛኒ ዳንዳዒባኣሢ ዒ ዛጋዖ ሚርጌና ዻጋዼኔ።
\sp
\v 6 ዬካፓ ዔሊሁ፦
\q «ታኣኒ ዒንሢዳፓ ጌኤዛታያኬ፤
\q2 ዒንሢ ጋዓንቴ ጋርቺኬ፤
\q2 ዬያሮ ታ ማሊፆ ታ ዒንሢም ኬኤዛኒ ዒጊጬኔ።
\q
\v 7 ‹ጋርቻ ቤርታዺ ጌስቶንጎ፤
\q2 ዔያታ ናንጌ ዖዶዞ ሌዖይዳ ዴንቄ ዔራቶ
\q2 ዒዛ ዔርዞንጎ› ታ ጌዔኔ።
\q
\v 8 ጋዓንቴ ዓሲ ጋርካ ማዒ ዔራቶ ዒንጋሢ
\q2 ዼኤፖ ፆኦዛሢኮ ሼምፖ ዒንጋ ዑኡዞኬ።
\q
\v 9 ዓሲ ዔራ ማሃሢ ጋርቻቶቱዋሴ፤
\q2 ፒዜ ባኣዚ ማሊ ጶቂሣኒያ ማኣዳሢ
\q2 ሚርጌ ሌዔ ናንጊሢቱዋሴ።»
\q
\v 10 «ዬያሮ ታኣኒያ ታ ማሊፆ ዒንሢም ኬኤዞም፤
\q2 ዒንሢያ ዒናፓ ዋይዙዋቴ።
\q
\v 11 ዒንሢ ጌስታ ዎዶና
\q2 ታ ጊቢ ዒንሢሲ ዚቲ ጌይ ዋይዜኔ፤
\q2 ዔራቲ ጌስቶ ጎይፆ ዒንሢ ኮዓኣናኣ
\q2 ታ ዒንሢሲ ዋይዜኔ።
\q
\v 12 ዒናፓ ታ ዒንሢሲ ዋይዜኔ፤
\q2 ጋዓንቴ ዖኦኒያ ዒዮቤ ጌስቲ ማሃኒ ዳንዳዔይ ባኣሴ፤
\q2 ዒንሢዳፓ ዒ ጌስቴ ጌኤዞም ጊዳያ ማሂ
\q2 ዒዛም ኬኤዜ ዓሲ ባኣሴ።
\q
\v 13 ዒዮቤም ጊዳያ ማሂ ኬኤዛኒ ዳንዳዓይ
\q2 ፆኦሲዳፓዓቴም ዓሲቱዋሢሮ
\q2 ዒንሢ ‹ዔራቶ ኑ ዴንቄኔ› ጌይ ጉሪ ሄርሺንቲፖቴ።
\q
\v 14 ዒዮቤ ማርሜሢ ዒንሢና ማዓንዳፓዓቴም ታኣናቱዋሴ፤
\q2 ታኣኒ ዒንሢ ጌስቴ ጎይፆ ዒዛም ማሂ ኬኤዛዓኬ።»
\q
\v 15 «ዬያ ዒ ጌዔሢሮ ዔያታ ዲቃቲ
\q2 ጎዖንዶ ጎይሢ ባይዜሢሮ
\q2 ፔቴታዖ ዔኤቢ ጋዓኒ ዔያታ ዳንዳዒባኣሴ።
\q
\v 16 ማይ ሃይሾ ዔያታ ጎዖንዶ ባኣዚ ባይዚ ዚቲ ጌይ ዔቄኔ፤
\q2 ዓካሪ ዔያታ ዚቲ ጌዔቴ
\q2 ታኣኒያ ጊቢ ዚቲ ጌይ ካፓንዳያ ኮይሳ?
\q
\v 17 ያዺቱዋሴ! ታ ዛሎና ማሂ ታ ዒዛም ኬኤዛንዳኔ፤
\q2 ታኣኮ ዓኣ ማሊፆዋ ታ ዒዛም ፔጋሲ ኬኤዛንዳኔ።
\q
\v 18 ሚርጌ ታ ኬኤዛ ባኣዚ ዓኣሢሮ
\q2 ማይ ታኣኒ ዚቲ ጋዓኒ ዳንዳዑዋሴ።
\q
\v 19 ጎጳ ታኣኮ ዹኡቃኒ ዑኬ
\q2 ሺሜ ዎይኖ ዑዦ ዋሆና ሱርባጉዲ ጋኣቤኔ።
\q
\v 20 ታ ጌስቴም ዬይ ጋፖንጎ፤
\q2 ታ ዻንጎና ማሂ ታ ዒዛም ኬኤዛንዳያ ኮይሳኔ።
\q
\v 21 ሃያ ጌኤዞና ዖ ዛላ ማዒያኣ ታ ጌስታዓ፤
\q2 ሃሣ ዖናኣ ታ ጋዳይሳዓኬ።
\q
\v 22 ታኣም ዓሲ ጋዳይሲሢ ማዑዋሴ፤
\q2 ዬያ ታ ማዻያታቴ
\q2 ታና ማዤሢ ዑኬና ባባይዛንዳኔ።»
\c 33
\q
\v 1 «ዔኤዞ ዒዮቤ! ታ ኔኤም ኬኤዛሢ ዋይዜ፤
\q2 ታ ኔኤም ጋዓ ባኮዋ ኮሺ ዒና ዔኬ።
\q
\v 2 ታ ኔኤም ማሂ ኬኤዛኒ ጊኢጊንቴኔ፤
\q2 ዒንዲርዛኣ ታኣኮ ጌስታኒኬ።
\q
\v 3 ታ ጋዓ ባካ ዒኖኮ ታኣኮ ፒዙሞ ዔርዛኔ፤
\q2 ዒንዲርዛኣ ታኣኮ ጎኑሞ ጌስታኔ።
\q
\v 4 ታና ማዤሢ ፆኦሲ ዓያናኬ፤
\q2 ሼምፖ ታኣም ዒንጌሢ ቢያ ባኮ ዳንዳዓ ጎዳኮ ዑኡዞኬ።»
\b
\q
\v 5 «ኔ ዳንዳዓያ ማዔቴ ታ ጋዓ ሃይሶ ማሂ ታኣም ኬኤዜ፤
\q2 ማርማሢ ጊኢጊሺ ዔቂ ታኣና ማርሜ።
\q
\v 6 ኔናንታ ታናንታ ፆኦሲ ቤርታ ኑ ሄኮኬ፤
\q2 ላምዓሢ ኑ ማዢንቴሢ ዓጪዳፓኬ።
\q
\v 7 ዬያሮ ኔ ታና ዒጊጫንዳያ ኮይሱዋሴ፤
\q2 ታኣኒ ኔኤና ማርሚፆና ኔኤም ጌኤታዻያ ማዓኒ ኮዑዋሴ።»
\q
\v 8 «ጎኔኬ፤ ኔ ኬኤዜ ባኮ ቢያ ታ ዋይዜኔ፤
\q2 ኔ ዒንዲርዛፓ ኬስኬ ባኮዋ ታ ዔኬኔ።
\q
\v 9 ኔኤኒ ኬኤዛዖ፦ ‹ዻቢንቲና ዔኤቢያ ታኣኮ ባኣያ፥
\q2 ታ ጌኤሺ ዓሲኬ፤
\q2 ፔቴታዖ ታ ጎሜ ማዺባኣያ ፂሎ ዓሲኬ፤
\q
\v 10 ጋዓንቴ ፆኦሲ ታና ሜታሳኒ
\q2 ታ ጋዓ ባኣዚ ዋይዛኒ ኮዓኔ፤
\q2 ዓዳ ፔኤኮ ሞርኬጉዲ ታና ማሄኔ።
\q
\v 11 ቶኮ ታኣኮ ዱፄና ዓይሣኔ፤
\q2 ታ ዓኣዻ ጎይፆዳ ቢያ ዒ ታና ዛጋኔ› ኔ ጌዔኔ።» \x - \xo 33፡11 \xo*\xt ዒዮ. 13፡27።\xt*\x*
\b
\q
\v 12 «ዔኤዞ ዒዮቤ! ዬይ ሃይሳ ኔኤኮ ዻቢንቲ ማዔሢ
\q2 ታ ኔና ዔርዛኒ ኮዓኔ፤
\q2 ፆኦሲ ዓሲዳፓ ቢያ ባሼኬ።
\q
\v 13 ዓካሪ፦ ‹ፆኦሲ ዓሲ ሃይሴ ዋይዙዋሴ› ጌይ
\q2 ዓይጋ ኔ ፆኦሲዳ ዻጋዻይ?
\q
\v 14 ዓሲ ማሊ ጶቂሡዋፓዓቴም
\q2 ፆኦሲ ዱማ ዱማ ጎይሢና ኬኤዛኔ።
\q
\v 15 ዋንታ ዓሲ ፔኤኮ ሻኣሎይዳ ላሂ
\q2 ዼኤፒ ጊንዖይዳ ዓኣንቴ
\q2 ፆኦሲ ዓውቲና ፔ ዻዋ ባኣዚና ኬኤዛኔ። \x - \xo 33፡15 \xo*\xt ዒዮ. 4፡13።\xt*\x*
\q
\v 16 ዒማና ዓሳ ዒዛኮ ቃኣሎ ዋይዛንዳጉዲ ዒ ማሃኔ፤
\q2 ዔያቶም ኬኤዛ ላቲፆና ዔያቶ ዲቃሣኔ።
\q
\v 17 ዬያይዲ ዓሳ ጎሜ ማዺሢዳፓ ካፒንታንዳጉዲ ማሃኔ፤
\q2 ዖቶርሙሞዋ ዔያቶይዳፓ ባይዛኔ።
\q
\v 18 ሼምፓሢ ዔያቶኮ ባይሲንታፓ ዒ ካፓኔ፤
\q2 ዱማ ዱማ ዎዻ ዶርዖፓኣ ዓውሳኔ።
\q
\v 19 ጊንሣ ሃሣ ዓሶኮ ሜጌፆ ጋራ ጋፑዋ ዶርዓ ጌሌም
\q2 ሻኣሎይዳ ላሂ ሜታዻንዳጉዲ ማሃኔ።
\q
\v 20 ዬያይዲ ሃርጊንቴ ዓሲ ሙኡዚ ዻንጋ ጌሡዋጉዲ ዒሣኔ፤
\q2 ዓኣሢ ሙኡዚታዖ ዒዛ ዒዒሣኔ።
\q
\v 21 ዑፃ ዒዛኮ ዖኦፒ ላይታኔ፤
\q2 ዓንዲርሙማ ባይቂ ሜጌፃ ጴዻኔ።
\q
\v 22 ናንጋ ዒዛኮ ጋፒ
\q2 ሼምፓሢያ ዒዛኮ ሃይቄ ዓሶ ዓጮ ኬዳኒ ዑኬኔ።»
\b
\q
\v 23 «ዓሲም ፒዜ ጎይሢ ዻዋያ
\q2 ሺያና ፓይዲንታ ፆኦሲ ኪኢታንቾፓ ፔቴይ
\q2 ዒዛ ባንሢ ሙኪ ዒዛ ማኣዳንዳያ ናንዳኔ፤
\q
\v 24 ኪኢታንቻሢ ዒዛ ሚጪንቲ፦
\q ‹ታ ዒዛ ዓይሳንዳ ጎይሢ ዴንቄሢሮ
\q2 ዒ ዱኡኪንቱዋጉዲ ዒዛ ሃሼ!› ጌዒ
\q2 ሃይቢ ዓይሣንዳኔ።
\q
\v 25 ዬያሮ ዑፃ ዒዛኮ ጊንሣ ናይ ዑሢ ማዓንዳኔ፤
\q2 ዑፃ ዒዛኮ ቤርታ ዼጌ ዓኣሢጉዲ ማዓንዳኔ።
\q
\v 26 ዒማና ዒ ፆኦሲ ሺኢቃንዳኔ፤
\q2 ሺኢጲፆዋ ፆኦሲ ዒዛኮ ዋይዛንዳኔ፤
\q2 ዒዚያ ፆኦሲኮ ዓኣፖ ካሮ ዛጊ ዎዛዻንዳኔ፤
\q2 ፆኦሲያ ዒዛኮ ፂሉሞ ዛሎ
\q2 ዒዛም ማዓ ባኣዚ ጪጋንዳኔ።
\q
\v 27 ዬያሮ ዒዚ ዓሶ ቤርታ፦
\q2 ‹ታ ጎሜ ማዼኔ፤
\q2 ፒዜ ባኮዋ ታ ዎቢሤኔ፤
\q2 ፆኦሲ ጋዓንቴ ታኣም ታኣኮ ዻቢንቶጉዴያ ሜቶ ዒንጊባኣሴ።
\q
\v 28 ሃይቄ ዓሶ ዓጮ ኬዲሢፓ ዒ ታና ዓውሴኔ፤
\q2 ዓካሪ ሃሢ ሼምፔና ዓኣያ ማዒ ፖዒ ታ ዛጋኔ›
\q2 ጌይ ዓይናዻንዳኔ።»
\q
\v 29 «ሃሢ ፆኦሲ ዬያ ባኮ ቢያ
\q2 ዓሲም ማሂ ማሂ ማዻኔ።
\q
\v 30 ናንጊኮ ፖዒ ዛጋንዳጉዲ
\q2 ሼምፓሢ ዱኡፓፓ ዒዛኮ ማሃኔ።»
\q
\v 31 «ዔኤዞ ዒዮቤ! ታ ኔኤም ኬኤዛሢ ኮሺ ዋይዜ፤
\q2 ሂንዳ ኔ ዚቲ ጌዔ፥ ታ ኔኤም ኬኤዞም።
\q
\v 32 ኔ ጋዓ ባኣዚ ዓኣቶ ማሂ ታኣም ኬኤዜ፤
\q2 ታ ኔና ዓይላቶፓ ኬሳኒ ኮዓሢሮ ኔ ጌስቴ።
\q
\v 33 ሃንጎ ዚቲ ጌይ ታ ጋዓሢ ዋይዜ፤
\q2 ታ ኔና ዔራቶ ዔርዛንዳኔ» ጌዔኔ።
\c 34
\p
\v 1 ዔሊሁ ጊንሣ ጌስታዖ፦
\q
\v 2 «ዒንሢ ሃይ ዔሮ ዓሳ ታ ጋዓሢ ዋይዙዋቴ፤
\q2 ዒንሢ ሃይ ጪንጮ ዓሳ ታኣሲ ዒናፓ ዋይዙዋቴ።
\q
\v 3 ሙኡዚ ዎማዺታቴያ ዒንዲርሲዳ ዔርታሢጉዲ
\q2 ጌኤሲ ጌስቶ ጎይሢያ ዋይዚዳ ዱማዺ ዔርታኔ። \x - \xo 34፡3 \xo*\xt ዒዮ. 12፡11።\xt*\x*
\q
\v 4 ፒዜ ማዔ ባኣዚ ኮሺ ኑ ዛጊ ዶኦሮም፤
\q2 ኮሺ ማዔ ባኣዚያ ዎላ ኑ ዔሮም።
\q
\v 5 ዒዮቤ፦ ‹ታኣኒ ጌኤሺኬ፤
\q2 ፆኦሲ ጋዓንቴ ፒዜ ዎጊሢ ታኣም ዒፄኔ።
\q
\v 6 ታኣኒ ጎኔ ዓሲታዖ
\q2 ሉኡዚ ዓሲ ማዒ ፓይዲንቴኔ።
\q2 ፔቴታዖ ዻቢንቲ ታኣኮ ባኣንቴ
\q ፓፁዋ ኪሢና ታ ሜታዻኔ› ጌዔኔ።»
\b
\q
\v 7 «ዒዮቤጉዲ ፆኦሲዳ ሌቂ ጌስታ ዓሲ
\q2 ጎዖንቴ ጴዻንዳኣሲንታኔ?
\q
\v 8 ዒዛኮ ላጎንሢ ፑርታ ማዻያኬ፤
\q2 ዒ ፔኤቃሢያ ፑርቶ ማዻዞንሢናኬ።
\q
\v 9 ‹ፆኦሲ ዎዛሲሢ
\q2 ዓሲም ዓይጎዋ ማኣዱዋሴ› ዒ ጋዓኔ።»
\q
\v 10 «ሂንዳ ዒንሢ ማሊ ጶቂሣያ ማዔ ዓሳ ዋይዙዋቴ!
\q2 ፆኦሲ ፑርታ ባኣዚ ማዻኒ
\q2 ዻቢንቲያ ማዻኒ ቢያ ባኮ ዳንዳዓ ጎዳፓ ሃኮም!
\q
\v 11 ፆኦሲ ዓሲም ዓሢ ማዼማ ጉዴያ ጪጋኔ፤
\q2 ዒ ሃንቴማ ጎይፆዋ ኮይሳሢጉዴያ ማዻኔ። \x - \xo 34፡11 \xo*\xt ዓይኑ. 62፡12።\xt*\x*
\q
\v 12 ቢያ ባኮ ዳንዳዓ ጎዳሢ
\q2 ፔቴታዖ ፑርታ ባኣዚ ማዹዋሴ፤
\q2 ዖጊዳኣ ዒ ዎጌ ዎቢሱዋሴ።
\q
\v 13 ዓጮ ፆኦሲ ዎይሣንዳጉዲ
\q2 ፆኦሲም ሃዳራና ዒንጌ ዓሲ ባኣሴ፤
\q2 ዓጮ ዑፆይዳ ዒዛ ሱኡጌ ማሂ ዶኦሬ ዓሲያ ባኣሴ።
\q
\v 14 ፆኦሲ ፔኤኮ ዓያኖንታ ዑኡዞዋ
\q2 ፔ ባንሢ ማሃኒ ማሌቴ፥
\q
\v 15 ዓሲ ዜርሢ ፔቴና ቢያ ባይቄያናንዳኔ፤
\q2 ጊንሣ ዓጮ ባንሢያ ማዔያ ናንዳኔ።
\q
\v 16 ኔ ማሊ ጶቂሣያታቴ ሃያ ዋይዜ፤
\q2 ታ ጌኤዞዋ ዒናፓ ዋይዜ።
\q
\v 17 ፒዜ ዎጌ ዒፃያ ዎይሣኒ ዳንዳዓ?
\q2 ፂላሢና ዼኤፖ ፆኦዛሢና ኔኤኒ ዻቢንቴያኬ ጋዓኒ ዳንዳዓ?
\q
\v 18 ካኣቲ ኮይላ፦ ‹ኔ ፓሡዋያኬ›
\q2 ፖኦሊሶ ዓይሣ ሱኡጎዋ፦
\q2 ‹ዒንሢ ፑርታኬ› ዔያቶ ጋዓይ ዖናዳይ?
\q
\v 19 ቢያሢ ማዤሢ ፆኦሲታሢሮ
\q2 ዒዚ ፖኦሊሶ ሱኡጎ ዛላ ሌሊ ዔቃዓኬ፤
\q2 ዖርጎጫሢ ማንቃሢፓ ዱማሳዓኬ።
\q
\v 20 ሳዓ ጊዲሚሺ ማዓዛ ዓሲ ቤዛ ሃይቃኒ ዳንዳዓኔ፤
\q2 ዒዚ ጎጋይቃንቴ ሼምፓሢ ዒዛኮ ኬስካኔ፤
\q2 ዎልቆና ዓኣ ዓሳ
\q2 ዓሲ ዔያቶ ፔ ኩቻ ካኣሙዋንቴ ባይቃንዳኔ።
\q
\v 21 ፆኦሲ ዓሲኮ ቢያ ሃንቲፆ ፓይዲ ዛጋኔ።
\q2 ፔቴ ፔቴሢኮ ሃንቲፆዋ ዒ ካፓኔ።
\q
\v 22 ፑርቶ ማዻ ዓሳ ዓኣሺንታ ቤሲ፥
\q2 ሻኔ ዹሚያኣ ፔቴታዖ ባኣሴ።
\q
\v 23 ፆኦሲ ዓሲ ዎጌም ፔ ቤርቶ ሺኢሻኒ
\q2 ሺኢካንዳ ኬሊ ጌሡዋሴ።
\q
\v 24 ዎይሣ ዓሶ ቢታንታፓ ኬይሲ
\q2 ዔያቶ ቤዛ ሜሌ ጌሣኒ
\q2 ዔሮንዶ ጎይሢያ ዖኦጪ ዛጋኒ ዒዛ ኮይሱዋሴ።
\q
\v 25 ዬያሮ ማዾ ዔያቶሲ ዔሪ
\q2 ፔቴ ዋንቴና ቢታንታፓ ዒ ኬይሲ ባይዛኔ።
\q
\v 26 ዔያታ ማዼ ዋይዞ ዒፆ ዛሎሮ
\q2 ጎሞ ዓሶ ዓሲ ቤርታ ዒ ሜታሳንዳኔ።
\q
\v 27 ዬያ ዔያቶይዳ ዒ ማዻሢ
\q2 ዒዛ ጊንፆ ሃንቲፆ ዔያታ ሃሼሢሮና
\q2 ዒዛኮ ዓይሢፆዋ ዔያታ ቶኦቼሢሮኬ።
\q
\v 28 ማንቆ ዓሶ ዔያታ ሄርቂሢና
\q2 ፆኦሲ ባንሢ ዒላታንዳጉዲ ማሄኔ፤
\q2 ፆኦሲያ ማንቆ ዓሶኮ ዒላቶ ዋይዜኔ።»
\q
\v 29-30 «ፆኦሲ ጉሙርቁዋያ
\q2 ፔኤኮ ዴሮም ዔቴ ቦኦካ ካኣታ ካኣታዻዛ
\q2 ፆኦሲ ዚቲ ጌይ ዛጌቴ
\q2 ዴራ ዓይጎ ዎኦታኒ ዳንዳዓይ?»
\q
\v 31 «ዓሲ ፆኦሲም ሂዚ ጌዔቴ ኮሺኬ፦
\q2 ‹ታኣኒ ዻቢንቴያኬ፤ ጋዓንቴ
\q2 ሃካፓ ሴካ ታኣኒ ዻቢንታዓኬ፤
\q
\v 32 ታኣኒ ማዼ ጎማ ዎኖታቴያ ታና ዔርዜ፤
\q2 ታ ዻቤያ ማዔቴ ማይ ላሚ ታኣኒ ማዻዓኬ›
\q2 ጌዔ ዓሲ ዓኣ?
\q
\v 33 ዓካሪ ኔኤኒ ፆኦሲ ማኪ ጌስቲፆ ሃሾ ዒፄኔ፤
\q2 ዬያሮ ዒዚ ኔና ሜታሴ ጎይሣ ዴዓንዳጉዲ ኔ ኮዓ?
\q2 ዬያ ዛሎ ዔራሢ ኔናኬ፥ ታናቱዋሴ፤
\q2 ሂንዳ ኔ ጋዓ ባኮ ማሂ ታኣም ኬኤዜ።»
\b
\q
\v 34 «ታኣም ዋይዛ ዓሳ ሂዚ ታኣም ጋዓኔ፤
\q2 ጶቂሢ ማላ ዓሳኣ ሂዚ ጋዓኔ፦
\q
\v 35 ‹ዒዮቤ ኬኤዛሢ ዔሩዋዖኬ፤
\q2 ዒዛኮ ሃይሳኣ ካኣፒኬ›
\q
\v 36 ፑርቶ ዓሶጉዲ ዒ ማሂ ኬኤዛሢሮ
\q2 ዒ ጋፒንፆ ሄላንዳኣና ዎይታቴያ ዛጊንታቴ ዓይጎ!
\q
\v 37 ዒ ጎሜይዳ ጎሜ ቃሳኔ፤
\q2 ኑ ባኣኮይዳታዖ ቦሂሢና ኩቺ ዒ ባዓኔ፤
\q2 ፆኦሲ ዑፆይዳ ማኪሢ ጌኤሲ ዒ ጌስታኔ።»
\c 35
\p
\v 1 ዔሊሁ ሃሣ ጌስታዖ፦
\q
\v 2 «ዔዞ ዒዮቤ! ኔኤኒ ፆኦሲ ቤርታ ታኣኒ ፂሎኬ ጌይፃ
\q2 ኔኤኮ ፒዜዳ?
\q
\v 3 ‹ጎሜ ታ ማዺባኣቴ ታና ዓይጎ ማኣዳንዳይ?
\q2 ሃሣ ዓይጎ ታ ዴንቃንዳይ?›
\q2 ጌይ ፆኦሲ ኔ ዖኦጫያ ናንዳኔ።
\q
\v 4 ሃሢ ታኣኒ ኔናንታ ኔኤና ዎላ ዓኣ
\q2 ኔኤኮ ላጎም ማሂ ታ ኬኤዛንዳኔ። »
\b
\q
\v 5 «ሌካ ዼግ ጌይ ጫሪንጮ ባንሢ ዛጌ፤
\q2 ሌካ ዑፃ ኔኤኮ ዓኣ ሻኣሮ ኮሺ ማሊ ዛጌ።
\q
\v 6 ጎሜ ኔ ማዼቴ ፆኦሲኮ ኔ ዓይጎ ዎኦታንዳይ?
\q2 ዻቢንቲ ኔ ሚርጊሼቴያ ዒዛ ኔ ዎዳንዳይ?
\q
\v 7 ፂሎ ኔ ማዔቴ ዒዛም ኔ ዓይጎ ዒንጋንዳይ?
\q2 ዒዚ ኔጊዳፓ ዓይጎዋ ኮዑዋሴ።
\q
\v 8 ጎሜ ኔ ማዼቴ ኔ ፑርቲሳንዳሢ ኔናጉዴ ዓሲኬ፤
\q2 ኮሺ ማዾ ኔ ማዼቴ ዓሲ ኔ ፓሣንዳኔ። \x - \xo 35፡8 \xo*\xt ዒዮ. 22፡2-3።\xt*\x*
\q
\v 9 ሄርቂ ዎይሥሢ ሚርጋዛ ዓሲ ዒዒላታኔ፤
\q2 ዔያቶይዳ ዎልቃዻሢ ኩጫፓ ዔያቶ ዓውሳንዳያ ዴንቃኒ
\q2 ኑና ዓውሴ ጌይ ዒላታኔ።
\q
\v 10 ጋዓንቴ ዔያቶይዳፓ ፔቴ ዓሲታዖ፦
\q2 ‹ዎዛ ዓይኑሞ ዹሞና ኑ ዓይናዻንዳጉዲ ማሃ፥
\q2 ኑናኣ ማዤ ፆኦዛሢ ዓንካ ዓኣይ?› ጌይ ዖኦጫይ ባኣሴ።
\q
\v 11 ቆልሞይዳፓ ባሼ ማሂ ኑና ዔርዛሢ
\q2 ካፖይዳፓኣ ዑሣ ዓኣዼ ዔሮ ኑና ማሃሢ ዒዛኬ።
\q
\v 12 ዔያታ ዒላታኔ፤
\q2 ዒዚ ጋዓንቴ፦ ዔያታ ዖቶርቃያና ፑርታ ማዔሢሮ
\q2 ማሂ ዔያቶም ዒ ኬኤዙዋሴ።
\q
\v 13 ጎኔና ፆኦሲ ዒናፓ ማዒባኣ ዒላቲ ዋይዙዋሴ፤
\q2 ቢያ ባኮ ዳንዳዓ ጎዳሢ ዬያ ዛጋያቱዋሴ።»
\q
\v 14 «ዎዚ ‹ታኣኒ ፆኦሲ ዛጋዓ› ኔ ጌዔቴያ
\q2 ኔ ሃይሳ ዒዛ ቤርታታሢሮ
\q2 ኔ ዒዛ ጊቢ ዳንዳዒ ካፓንዳያ ኮይሳኔ።
\q
\v 15 ፆኦሲ ዓሲ ዻጋዺ ጎሩዋያ
\q2 ሃሣ ዓሲኮ ጎሜያ ቄል ጌይ ሃሻያ ኔኤም ማላ?
\q
\v 16 ዔዞ ዒዮቤ! ኔ ጉሪ ሃይሴ ሚርጊሻኔ፤
\q2 ዔራቶ ባኣያ ጉሪ ዑኡሲና ኔ ጌስቲ ሺራኔ።»
\c 36
\p
\v 1 ዔሊሁ ሃሣ ጌስታዖ፦
\q
\v 2 «ፆኦሲ ዛላ ባኣዚ ታ ኬኤዛንዳ ሃጊ ሜሌ ባኣዚ ዓኣሢሮ
\q2 ቡሊ ታ ኔኤም ኬኤዛንዳጉዲ ዻካ ጊቢ ዋይዜ።
\q
\v 3 ታኣኒ ዔሬ ዔራታ ሃያኬ ጌይንቱዋኣያኬ፤
\q2 ታና ማዤ ፆኦዛሢ ፂሎ ማዔሢ ታ ኔኤም ኬኤዛንዳኔ።
\q
\v 4 ጌኤዛ ታኣኮ ሉኡዚቱዋኣሢ ጎናሲ ዔሬ፤
\q2 ኔኤና ዎላ ጌስታሢ፥ ታኣኒ ኩሙሢ ዔራቶና ዓኣያታሢ ዔሬ።»
\b
\q
\v 5 «ጎኔና ፆኦሲ ዼኤፒኬ፤
\q2 ዖናኣ ዒ ቶኦቹዋኣያኬ፤
\q2 ቢያ ባኮ ዒ ማሊ ጶቂሣያኬ።
\q
\v 6 ዒዚ ፑርቶ ዓሶ ሼምፔና ጌሡዋኣሴ፤
\q2 ሄርቂንቲ ዎርቃ ዓሶም ጋዓንቴ ዒ ፒዜ ዎጋኔ።
\q
\v 7 ፆኦሲ ኮዦ ዓሶ ካፓኔ፤
\q2 ካኣቶጉዲ ካኣቱሞ ዓልጎይዳ ዔያቶ ዒ ዴይሣኔ፤
\q2 ናንጊና ዒ ዔያቶ ዼግ ዼጊዳኔ።
\q
\v 8 ጋዓንቴ ዓሲ ካኒ ቢራታና ቱኡቴቴ
\q2 ሃንጎ ሃሣ ሜቶ ፒሮና ዓዺንቴቴ
\q
\v 9 ዔያታ ፔኤኮ ዖቶርሙሞና ማዼ ጎሞ
\q2 ፔጋሲ ዻዋኔ።
\q
\v 10 ዔያታ ዞሮ ዋይዛንዳጉዲ ዋዮ ዔያቶኮ ዒ ቡላኔ፤
\q2 ዔያታ ፔኤኮ ፑርቶ ማዻፓ ማዒ ጎሞ ቡኡፃንዳጉዲ ዓይሣኔ።
\q
\v 11 ፆኦሲም ዔያታ ዓይሢንቲ ዒዛም ዔያታ ማዼቴ
\q2 ዔያታ ናንጋኒ ዓኣ ዎዶ ዖርጎቹሞና ዎዛና ናንጊ ዓኣሣንዳኔ።
\q
\v 12 ዒዛም ዔያታ ዋይዚባኣቴ ጬንቻ ዓፓሮና ዔያታ ባይቃንዳኔ፤
\q2 ዔኤቢ ዔሪባኣ ጎይሣ ዓኣዖ ዔያታ ሃይቃንዳኔ።»
\b
\q
\v 13 «ፔኤኮ ዒኖና ‹ፆኦሲ ኑ ዔሩዋሴ› ጋዓ ዓሳ
\q2 ቢያ ዎዴ ዎዛዺሢባኣ ናንጊ ናጋኔ፤
\q2 ዔያታ ሜቶይዳ ጌሌቴታዖ ማኣሪንቲሢ ዴንቃኒ ዒዛ ሺኢቁዋኣሴ።
\q
\v 14 ዞኦስካ ኮኦሚፆና ቦርሲሳ ናንጊ ዔያታ ናንጋሢሮ
\q2 ሃጊ ዼጌ ዓኣዖ ዔያታ ሃይቂ ባይቃንዳኔ።
\q
\v 15 ፆኦሲ ዋኣዪንቲሢዳ ዓኣ ዓሶ ዋኣዪፆፓ ዓውሳኔ።
\q2 ዔያቶ ሄሌ ሜታሢና ዔያቶ ዒ ጪንጪሳኔ።»
\q
\v 16 «ሃሢ ፆኦሲ ማላ ማሊፃ
\q2 ሜቶይዳፓ ኔና ኬሲ
\q2 ዶኦሪንቴያ ማዔ ሙዖ ባንሢ ኔና ዔኪ ዓኣዻኒኬ።
\q
\v 17 ሃሢ ዻቢንቴ ዓሲም ዎጊንታ ዎጌ ኔጊዳ ዎጊንቴሢሮ
\q2 ኔኤም ኮይሳ ሜቶ ኔ ዔኪሢዳኬ።
\q
\v 18 ዓይጎ ዓሲያ ቆሎ ሚርጉሞና ኔና ዻቢሱዋጉዲ
\q2 ዴሜና ዒንጎ ሚኢሼና ኔና ጌሹዋጉዲ ኔና ዔሬ።
\q
\v 19 ኔኤኮ ቆሎና ቢታንቶና ዎዚዒ ዼጌ ማዔቴያ
\q2 ዋኣዪሢዳፓ ኔና ዬይ ዓውሱዋኣሴ።
\q
\v 20 ዴራ ፔኤኮ ዓኣ ቤዛፓ ባይቃንዳ
\q2 ዹሞ ዎዳ ሙካንዳጉዲ ኮዒፖ።
\q
\v 21 ፑርታ ባኣዚ ኔ ማዻሢዳፓ ሜታዺ ኔኤኮ ዋኣዪንቲፃ ኮሺኬ፤
\q2 ላሚ ጊንሣ ፑርታ ባኣዚ ኔ ማዹዋጉዲ ኮሺ ኔና ዔሬ።
\q
\v 22 ፆኦሲኮ ዎልቃ ዎዚጉዲ ዼኤፒታቴ ማሊ ጶቂሤ፤
\q2 ዔርዛያፓ ቢያ ዒዚ ባሼ ዔርዛያኬ።
\q
\v 23 ‹ሃያይዴ› ጌይ ዒዛ ዓይሣይ
\q2 ‹ፑርታ ማዾ ኔ ማዼኔ› ጌይያኣ ዒዛ ጎራንዳይ ዖናዳይ?
\q
\v 24 ዓሳ ቢያ ዎዴ ዒ ማዼ ማዾሮ
\q2 ዓይኑሞና ዒዛ ጋላታሢጉዲ
\q2 ኔኤኒያ ዒዛኮ ማዾ ዓይኑሞና ጋላቴ።
\q
\v 25 ፆኦሲኮ ማዾ ዓሲ ዜርሢ ቢያ ዛጌኔ፤
\q2 ዓሳ ሃኬና ዬያ ዴንቃኔ።
\q
\v 26 ዒዛኮ ዼኤፑሞ ዖኦጪ ኑ ዔራኒ ዳንዳዑዋኣሴ፤
\q2 ዒ ናንጋ ዎዳኣ ሃይማዼኬ ጌይ ፓይዲ ዔርታያቱዋኣሴ።»
\q
\v 27 «ፆኦሲ ባዞ ዋኣፆ ሱኡሌና ሌካ ዔቂሳኔ፤
\q2 ጫሪንጫፓ ዒርዚ ማሂያ ዋርቂሳኔ።
\q
\v 28 ሻኣሮይዳፓ ዒራ ዲጲጉዲ ዎታኔ፤
\q2 ዓሶ ዑፆይዳኣ ሚርጌና ዋርቃኔ።
\q
\v 29 ያዺ ማዔቴያ ፆኦሲ ሻኣሮ ዎማይዲ ላይሣቴያ
\q2 ሃሣ ጉጉንፆና ማዒ ዎማይዲ ጌስታቴያ
\q2 ዖኦኒ ዔራኒ ዳንዳዓይ?
\q
\v 30 ፆኦሲ ዔቶ ባዞ ካንቂ
\q2 ዜኤሊንፆዋ ጫሪንጮ ቢያ ዳካ ጎይፆ ዛጌ።
\q
\v 31 ዬያይዲ ፆኦሲ ዴሮ ዎይሣኔ፤
\q2 ሙኡዚያ ሚርጌና ዔያቶም ዒ ጊኢጊሻኔ።
\q
\v 32 ዜኤሊንፆ ፔ ኩጮና ዒ ዓርቃኔ፤
\q2 ጌይንቴ ጊንፆ ባንሢ ዓኣዻንዳጉዲያኣ ዓይሣኔ።
\q
\v 33 ጉጉንሢ ዼኤፒ ዒርዚ ዬዓሢ ዔርዛኔ፤
\q2 ቆልሞዋ ዢኢፓ ዒርዚ ሙካሢ ዔዔራኔ።»
\c 37
\q
\v 1 «ዢኢፖ ዒሮ ዎልቆና ዒና ታኣኮ ዲቃቴኔ፤
\q2 ዒጊቹሞናኣ ጎጋይቄኔ።
\q
\v 2 ዒዛኮ ዻንጋፓ ኬስካ ዑኡዞ ዋይዙዋቴ፤
\q2 ጉጉንፆጉዲ ጉጉንሣ ቃኣሎ ዒዛሲ ዋይዙዋቴ።
\q
\v 3 ዜኤሊንፆ ጫሪንጮ ዴሞ ቢያ ዳካኔ፤
\q2 ሳዖኮ ጋፖ ሄላንዳኣና ዳኪ ሄሊሳኔ።
\q
\v 4 ዬካፓ ፔኤኮ ዎልቆ ዑኡዞ ዒ ጉኡሚሳኔ፤
\q2 ዒጊቻ ዑኡዞዋ ጉጉንሢጉዲ ማሂ ዋይዚሳኔ፤
\q2 ዜኤሊንፃ ዒዛኮ ላሚ ላሚ ዜኤሊንሣኔ።
\q2 ዲቃሣያ ማዔ ዑኡዞና ዒ ጉጉንሣኔ፤
\q2 ዑኡዞ ዒ ዋይዚሳ ዎዶና ዜኤሊንፆ ዒዚ ላኣጉዋሴ።
\q
\v 5 ፆኦሲ ዲቃሢ ሄርሺሳያ ማዔ ዑኡዞና ጉጉንሣኔ፤
\q2 ኑ ዔራኒ ዳንዳዑዋ ዼኤፒ ዼኤፒ ባኣዚ ዒ ማዻኔ።
\q
\v 6 ሻቺ ሳዖይዳ ዒ ኬይሳኔ፤
\q2 ዼኤፒ ዒርዚያኣ ዋርቃንዳጉዲ ዓይሣኔ።
\q
\v 7 ዒ ማዤ ዓሳ ዒዛ ማዾ ዔራንዳጉዲ
\q2 ዓሲ ቢያ ፔ ማዾ ሃሻንዳጉዲ ዒ ማሃኔ።
\q
\v 8 ዒማና ካዮ ቦዓ
\q2 ዓኣሺንቲ ፔኤኮ ዓኣሺንቶ ቤዞ ጌላኔ፤
\q2 ዔያታ ፔኤኮ ዔታኣ ዔታ ዓኣሺንታኔ።
\q
\v 9 ዼኤፒ ዢባሬ ዾኦሎ ዛላፓ ዔቃኔ፤
\q2 ሺሜ ዢባሬያ ኬዶ ዛላፓ ሙካኔ።
\q
\v 10 ፆኦሲ ዑኡዛ ዋኣፆ ሺሚሻኔ፤
\q2 ሻቺ ማሂያኣ ላኣማኔ።
\q
\v 11 ሻኣራ ዋኣሢ ዓርቃንዳጉዲ ዒ ማሃኔ፤
\q2 ዬያ ባኣካ ዜኤሊንሢያ ዜኤሊንሢሳኔ።
\q
\v 12 ናንጊና ናንጋ ጎዳ ዓይሤም ሻኣራ ዓጮ ቢያ ሺራኔ፤
\q2 ዒ ዓይሣ ባኮዋ ማዺ ኩንሣኒ ዔያታ ሃንታኔ።
\q
\v 13 ፆኦሲ ዒርዚ ዋርቂሻሢ፦
\q2 ሳዖ ሎጪሳኒ
\q ዓሶ ሜታሳኒ
\q2 ሃንጎ ፔ ናሹሞ ቤኤዛኒኬ።»
\b
\q
\v 14 «ዔዞ ዒዮቤ! ሂንዳ ሊኢጊ ዋይዜ፤
\q2 ፆኦሲ ማዻ ዲቃሢ ሄርሺሳ ማዾ
\q2 ዒና ዔኪ ጶቂሤ።
\q
\v 15 ፆኦሲ ሻኣሮ ዎማይዲ ፓይዲ ዛጋቴያ
\q2 ዜኤሊንፆዋ ዎማይዲ ዜኤሊንሢሳቴያ ኔ ዔራ?
\q
\v 16 ሻኣሮ ሌካ ዢባሮ ዑፃ ዒ ማሃሢና
\q2 ቢያ ባኮ ዔራ ፆኦሲኮ ዲቃሢ ሄርሺሳ ማዾ ኔ ዔራ?
\q
\v 17 ጫሪንጫ ሞኦና ዓንጊጉዲ ዶዴ ዎዶና
\q2 ኔኤኒ ዓሲ ናንጉዋ ዳውሎ ዢባሮ ዖይዾና ዓልቃንዳኔ።
\q
\v 18 ፆኦሲ ጫሪንጮ ዓልቄ ሌማሌኤሼጉዲ ቡሊ ዼጊዲ ሂኢሤቴ
\q2 ኔ ዒዛኮ ኮራ ማዒ ማኣዳኒ ዳንዳዓ?
\q
\v 19 ኑኡኮ ዒና ዹሚ ማዔም
\q2 ኑኡኮ ሜቶ ኑ ሺኢሻኒ ዳንዳዑዋኣሢሮ
\q2 ፆኦሲም ዓይጎ ኑ ኬኤዛኒ ኮይሳቴያ ኔ ኑም ኬኤዜ፤
\q
\v 20 ፆኦሲም ኬኤዛንዳኔ ጌዒ ዖኦጪሢና
\q2 ዒ ታና ባይዛንዳጉዲ ዓይጋ ታ ዒዛ ዔቂሳይ?»
\b
\q
\v 21 «ዢባራ ሻኣሮ ጫሪንጫፓ ዳኪ ፖዒሴ ዎዶና
\q2 ዖኦኒያ ዓቦ ጊዥ ጌይ ዛጋኒ ዳንዳዑዋኣሴ።
\q
\v 22 ኬዶ ዛላፓ ዎርቄጉዲ ጌኤሺ ፖዔ ሙካንዳኔ፤
\q2 ፆኦሲያ ዲቃሢ ሄርሺሳ ዼኤፑሞና ፔጋዺ ጴዻንዳኔ።
\q
\v 23 ፆኦሲ ዛጊንታኒ ዳንዳዓያቱዋሴ፤
\q2 ቢታንታ ዒዛኮ ዼኤፒኬ፤
\q2 ዒዚ ፒዜ ዎጋያኬ፥ ዒዚ ዖናኣ ሄርቂ ዎይሡዋኣሴ።
\q
\v 24 ፔ ማሊፆና ‹ኑ ዔራኬ› ጋዓዞንሢ ዒ ቦሃሢሮ
\q2 ዓሲ ቢያ ዒዛ ዒጊጫኔ።»
\c 38
\s1 ናንጊና ናንጋ ጎዳ ዒዮቤም ማሂ ኬኤዜ ባኮ
\p
\v 1 ናንጊና ናንጋ ጎዳ ዓልጎ ዢባሬና ማዒ ዒዮቤም ሂዚ ጌዔኔ፦
\sp ናንጊና ናንጋ ጎዳ
\q
\v 2 «ሃይ ዔራቶባኣያ ጌስቲንታ ጌኤሲና
\q2 ታኣኮ ዞሮ ሼሌዒሲ ዛጋሢ ዒ ዖናዳይ?
\q
\v 3 ሂንዳ ታ ቤርታ ዓቲንቄ ማዒ ቱኡቲ ዔቄ፤
\q2 ታ ኔና ዖኦጫንዳኔ፥ ታኣም ማሂ ኬኤዜ።
\q
\v 4 ጎዖንቴ ታኣኒ ሳዖ ማዣኣና
\q2 ኔኤኒ ዒኢካ ዓኣ?
\q2 ኔኤኒ ዔራያ ሃሣ ጶቂሣያ ማዔቴ ሂንዳ ታኣም ኬኤዜ።
\q
\v 5 ሳዓ ዬማዺ ማዖንጎ ጌዔሢ ዖናዳይ?
\q2 ዒዞኮ ዳልጉሞና ዖዶሱሞና ዔራኒ
\q2 ዋርቆ ሱዞ ዓርቄሢ ዖናታቴያ ኔ ዔራ?
\q
\v 6 ሳዖኮ ቱርቱሮ ዶዲሺ ዓርቄ ዎልቃ ዓይጌንዴዳይ?
\q2 ሳዖ ማዣኒ ቦኦኮልቄሢያ ዖናዳይ?
\q
\v 7 ካሪፆ ዦኦጋሢ ፔቱሞና ዓይናዻኣና
\q2 ኪኢታንቻ ቢያ ዒላሻኣና ኔኤኒ ዓንካዳይ?»
\b
\q
\v 8 «ባዛ ሳዖ ዴማፓ ዹኡቂ ኬስኬ ዎዶና
\q2 ዑርቴ ካሮ ዎዼሢ ዖናዳይ?
\q
\v 9 ባዞ ሻኣሮና ካንቄሢ
\q2 ሻኔ ዹሞናኣ ካንቂ ባይዜሢ ታናኬ።
\q
\v 10 ባዛ ማዓንዳ ዛጶ ኮሼሢ
\q2 ካራና ቤሲና ዓኣያ ማዓንዳጉዲ ማሄሢ ታናኬ።
\q
\v 11 ሃይማ ሄላንዳኣና ሙኬ!
\q2 ሃይማፓ ዑሣ ዓኣዺፖ! ኔኤኮ ዼኤፖ ጉዳሢ ዢባራ
\q2 ሃይማካ ዔቆም! ጌዔሢ ታናኬ። \x - \xo 38፡11 \xo*\xt ዔር. 5፡22።\xt*\x*
\q
\v 12 ዔዞ ዒዮቤ!
\q2 ኔ ናንጌ ዎዶይዳ ቢያ ፔቴታዖ ሳዓ ካራንዳጉዲ ዓይሢ ቤቂያ?
\q2 ሳዖ ካሪፆኮ ጌኤሽካ ቤዞ ኔ ጌሢያ?
\q
\v 13 ዬይ ካሪፃ ሳዖም ፖዓንዳጉዲ
\q2 ፑርቶ ዓሶዋ ዓኣሺንቴ ቤዛፓ ፔጋሲ ዻዋንዳጉዲ
\q2 ኔኤኒ ዓይሢ ቤቂያ?
\q
\v 14 ሳዖ ካሪፆ ፖዓ ጌሜሮና ዶኦጮና
\q2 ጳንጪንቴ ዓፒላጉዲ ማዒ ጴዻንዳጉዲ ማሃኔ።
\q2 ዢኢጬ ዓጪና ቆኦቂ ኮሾና ማላታጉዲ ማሂያኣ ዼኤፒሲ ዻዋኔ።
\q
\v 15 ፑርቶ ዓሳ ፖዒ ዴንቁዋጉዲ ላኣጊንቴኔ፤
\q2 ዋይዞ ዒፂሲ ጌኤታሳ ቃሳ ዔያቶኮ ሜቄኔ።»
\q
\v 16 «ሊካ ባዞ ዋኣፆ ዔቶ ኔኤኒ ኬዲያ?
\q2 ዼኤፖ ዋኣፆኮ ዴማ ዓኣ ሳዓ ኔ ሃንቲ ቤቂያ?
\q
\v 17 ሃይቄ ዓሶ ዓጮ ማዔ ዹሞ ዓጮኮ
\q2 ጌሎ ካራ ኔኤም ፔጋዺ ጴዼም ኔ ዛጊያ?
\q
\v 18 ሳዓ ዎዚዒ ዼኤፒታቴያ ኔ ዔራኒ ዳንዳዓ?
\q2 ሂንዳ ዬያ ቢያ ዔራያ ማዔቴ ታኣም ኬኤዜ። »
\b
\q
\v 19 «ፖዖ ባንሢ ዔኪ ዓኣዻ ጎይፃ
\q2 ሃሣ ዹማኣ ዓንካ ናንጋቴ ኔ ዔራ?
\q
\v 20 ፖዖንታ ዹሞንታ ፔ ቤዞ ቤዞ ዔኪ ኔ ዓኣዻኒ ዳንዳዓ?
\q2 ዔያቶኮ ናንጎ ቤዞ ዔኪ ዓኣዻ ጎይፆ ኔ ዔራ?
\q
\v 21 ሳዓ ማዢንቴ ዎዶና ኔኤኒ ሾይንቲ ዓኣሢሮ
\q2 ጎኔኬ ኔኤኒ ዔራኔ!
\q2 ሚርጌ ሌዔያ ኔኤኒ ናንጌያኬ!»
\b
\q
\v 22 «ሻጮ ጌሦ ማኣሮ ኔኤኒ ጌሊያ?
\q2 ጊንሣ ሃሣ ቡኩሲ ጌሦና ሻጮ ኔኤኒ ዛጊያ?
\q
\v 23 ዬያ ሻጮ ዖልዚ ዖልታኒ
\q2 ሜቶ ዎዴም ታኣኒ ጌሤያኬ።
\q
\v 24 ፖዒ ዳኪንታ ቤዛ ዎካፓዳይ?
\q2 ሃሣ ጊንሣ ዖይዺ ዢባሬ ሳዖ ባንሢ ዳኪንታሢ ዓንካፓዳይ?»
\q
\v 25 «ዒሮም ኬዶንዶ ጎይፆ ጊኢጊሼሢ
\q2 ጉጉንፆና ዎላ ዓኣ ዢኢፖ ዒሮም
\q2 ጎይፆ ኮሼሢ ዖናዳይ?
\q
\v 26 ዬያጉዲ ዖኦኒያባኣ ሳዖይዳ
\q2 ዓሲ ናንጉዋ ዳውሎ ቦኦላ
\q
\v 27 ዒርዚ ዋርቂሻሢ ዖናዳይ?
\q2 ካዮና ጉሮ ሳዖና ሎጪ
\q2 ሳዓ ማኣቲ ባቃልሳንዳጉዲ ማሃሢ ዖናዳይ?
\q
\v 28 ዒሮንታ ዖልኮንታ
\q2 ማዤሢ ዖናዳይ?
\q
\v 29 ዼኤፖ ሻጮንታ ዻኮንታ
\q2 ማዢ ኬሳሢ ዖናዳይ?
\q
\v 30 ጪኢዣ ዋኣፆ ሹቺጉዲ ዶዲሻኔ፤
\q2 ዼኤፖ ዋኣፆኮ ዴሞ ሻቺጉዲ ዶዲሻኔ።»
\b
\q
\v 31 «ፑንጫሮ ዦኦጎ ፔቴይዳ ኔ ቱካኒ ዳንዳዓ?
\q2 ዛኣፖ ዦኦጋሢያ ጋሢንቲ ዓኣ ሱዞ ዱኡዛኒ ኔ ዳንዳዓ? \x - \xo 38፡31 \xo*\xt ዒዮ. 9፡9፤ ዓሞ. 5፡8።\xt*\x*
\q
\v 32 ዦኦጋሢ ቢያ ፔ ዎዶና ዎዶና ኔ ኬሳኒ ዳንዳዓ?
\q2 ዦኦጎኮ ዓኒና ማቾና ዎላ ኔ ዔኪ ዓኣዻኒ ዳንዳዓ?
\q
\v 33 ጫሪንጫ ዎዚጉዴ ዳምቤና ዎርቃያታቴ ኔ ዔራ?
\q2 ዬይ ዳምባ ሳዖይዳ ማዺንታንዳጉዲ ማሃኒ ኔ ዳንዳዓ?»
\b
\q
\v 34 «ሚርጌ ዒርዚ ኔኤም ዋርቂሳንዳጉዲ
\q2 ሻኣሮ ኔኤኒ ዓይሣኒ ዳንዳዓ?
\q
\v 35 ዜኤሊንፃ ኔ ዓይሥሢና ዜኤሊንሣ?
\q2 ዔያታ፦ ‹ሃይሾ ኑ ሙኬኔ› ኔ ኮይላ ጋዓ?
\q
\v 36 ዒሮ ማቻ ዒርዚ ዋርቃኒ ጋዓኣና ዖኦላንዳጉዲና
\q2 ኮይዳኣ ቂኢቃንዳጉዲ ዔያቶም ኬኤዛሢ ዖናዳይ?
\q
\v 37-38 ፔ ዔራቶና ሻኣሬ ፓይዳኒ ዳንዳዓይ ዖናዳይ?
\q2 ኩሊንቴ ዓጫ ዎዒ ቶርጴ ማዓንዳጉዲ
\q2 ዴዔ ቤዞ ጫሪንጫፓ ዋኣፆ ሊካ ላኣላሢ ዖናዳይ?
\q
\v 39 ካዮይዳ ካቲ ላሂ ዓኣንቴ
\q2 ዒንዴ ዞቢም ኬሞ ኔኤኒ ኬማ?
\q2 ዒዞኮ ናይዼ ናኣቶ ሙኡዛኒ ኔ ዳንዳዓ?
\q
\v 40 ዔያታ ዴኖ ቆኦፖይዳ ካፒ ዴዓኔ፤
\q2 ዴኤሎ ካዮ ባኣካኣ ላሃኔ።
\q
\v 41 ናኣታ ዒዞኮ ሙኡዚ ባይዚ ሜታዺ
\q2 ታ ባንሢ ዔያታ ዒላታኣና
\q2 ቁራኬሎም ሙኡዚ ዒንጋሢ ዖናዳይ?»
\c 39
\q
\v 1 «ሹኡጌ ሾዓ ዎዴ ኔ ዔራ?
\q2 ዎሻ ባኒ ሾዓንቴ ኔ ዛጊ ቤቂያ?
\q
\v 2 ዎዚጉዴ ዎዴ ዒዛ ካኣሽኪ ዴዓቴ
\q2 ሃሣ ዓይዴ ሾዓቴያ ኔ ዔራ?
\q
\v 3 ጉምዓቲ ባኒ ናዖ ዒዛ ሾዓሢ
\q2 ዓይዲታቴያ ኔ ዔራ?
\q
\v 4 ናኣታ ዒዞኮ ካያ ዲጪ ዶዳኔ፤
\q2 ኬስኪ ዓኣዼስካፓ ላሚ ጊንሣ ፔ ዒንዶ ባንሢ ማዑዋኣሴ።»
\b
\q
\v 5 «ሚርዳሢ ፔ ሼኔጉዴያ ናንጋንዳጉዲ ማሄሢ ዖናዳይ?
\q2 ቱኡዛፓ ዔያቶ ቡሌሢያ ዖናዳይ?
\q
\v 6 ዓሳ ናንጉዋ ዳውሎ ሄንቆ ቤሲ ማሂ ታ ዔያቶም ዒንጌኔ፤
\q2 ሶኦጋ ዓኣ ቦኦላ ታ ዔያቶ ናንጊሼኔ።
\q
\v 7 ዣላ ዑኡሲባኣ ካታማፓ ሃኪ ዔያታ ናንጋኔ፤
\q2 ጊንፃ ዔቂ ዒላቲ ዒላቲ ዒሻ ዓሲ ዔያታ ናሽኩዋኣሴ።
\q
\v 8 ዔያታ ዹኮይዳ ሄንቃኔ፤
\q2 ዒኢካ ዔያታ ሄንቃንዳ ዓኣዔ ማኣቲ ኮዓኔ። »
\b
\q
\v 9 «ካዮይዳ ናንጋ ሜኤኒ
\q2 ኔና ማኣዲ ዔኤቢ ማዻያ ማዓንዳ?
\q2 ኔኤኮ ባርቶ ጋራ ዎርቃኒያ ዳንዳዓ?
\q
\v 10 ሜኤኒ ኔኤኒ ዋኣፄም ካዶ ጎቺ
\q2 ጎሽካንዳጉዲ ኔ ማሃኒ ዳንዳዓ?
\q
\v 11 ዒዛኮ ዼኤፖ ዶዱሞሮ ኔ ዒዛ ጉሙርቃ?
\q2 ዴኤፆ ማዾ ዒዛም ኔኤኒ ሃሻንዳ?
\q
\v 12 ሃኣኮ ኔኤም ዒ ጮኦራንዳያና
\q2 ሺርኮ ቆይዶ ዔኪ ኔኤም ሙካንዳኔ ጌይ ኔ ጉሙርቃ?»
\b
\q
\v 13 «ቱኡቴ ፔኤኮ ጋኣዞ ዑኬና ዔቂሳኔ፤
\q2 ጋዓንቴ ዒዛ ቦኦኮጉዲ ባራኑዋኣሴ።
\q
\v 14 ቱኡቴ ጱኡላ ሳዓይዳ ጱኡላኔ፤
\q2 ሳዖ ዴማ ዴዒ ዖይዻንዳጉዲ ጌሣኔ።
\q
\v 15 ‹ዒኢና ዓኣዻ ባኣዚ ቶኪና ሄርቂ ዎዻንዳኔ፤
\q2 ካይዚ ቦዖዋ ሄርቂ ጋኣጫንዳኔ› ጌይ ዒዛ ማሉዋኣሴ።
\q
\v 16 ናኣታ ዒዞሮቱዋኣያጉዲ ሚጪንቱዋኣያ ዒዛ ማዓኔ፤
\q2 ላቢፃ ዒዞኮ ጉሪ ዓቴቴያ ዬይ ዒዞኮ ዔኤቢቱዋኣሴ።
\q
\v 17 ዬያይዲ ዔራቶ ዒዞ ላኣጌሢና
\q2 ዔኤያ ዒዞ ማሄሢ ታናኬ።
\q
\v 18 ዒዛ ዔቂ ጳሺ ጳሽካ ዎዶና ጋዓንቴ
\q2 ፓሮንታ ፓራሢ ቶጋ ዓሶንታ ሄሌሎ ዓርቃኒ ማሌቴ
\q ዒዛ ዔያቶ ሚሚኢጫኔ።»
\b
\q
\v 19 «ዔዞ ዒዮቤ! ፓራሢም ዎልቆ ዒንጌሢ
\q2 ዖዶዞ ጋኣሳሢና ዔያቶ ፓልሚሴሢ ኔናዳ?
\q
\v 20 ዓቢሢጉዲ ኮኦሚ ኮኦሚ ኩኡኪ ጫኣጊፆና
\q2 ዓሶ ዔያታ ዲቃሣንዳጉዲ ማሃሢ ኔናዳ?
\q
\v 21 ፓራሢ ዖሎ ቤዞ ቶጊ ዓኣዾዋኣና
\q2 ፔኤኮ ዎልቆ ጉሙርቂ ካኣናዺ ታኣካኔ።
\q
\v 22 ዒጊቹሞ ጎዖ ባኣዚ ፔቴታዖ ዔያታ ዔሩዋኣሴ፤
\q2 ዓይጎ ባኣዚያ ዔያቶ ዲቃሡዋኣሴ፤
\q2 ዔያቶም ጬንቻ ዓፓሮ ቱጎናቴያ ጊንሢም ዔያታ ማዑዋኣሴ።
\q
\v 23 ዔያቶ ቶጊ ዓኣ ዖሎ ዓሳ ዓርቄ ዓንጋማ
\q2 ዓቦይዳ ፖዒ ፖዒ ዎላ ካኣሚያ ዹይንቲ ዖኦላንቴ ዋይዚንታኔ።
\q
\v 24 ዲንካሢ ዋርቂንታኣና ዔያቶ ዎዛሳዛ
\q2 ጫርሹሞና ሃሣ ዻጋዺ ዖሎ ቤዞ ዡኡዣኔ።
\q
\v 25 ዲንካሢ ዋርቂንታኣና ዋርቂንታኣና ዎዛና ዔያታ ዖኦላኔ፤
\q2 ሃኬ ዓኣዖ ዼሄና ዔያታ ዖሎ ዔራኔ፤
\q2 ዖሎ ዓሶ ዓይሣ ዓሳ ዓይሣ ዓይሢፆና
\q2 ዖሎ ዓሶኮ ሄርሺንቶ ጌኤዞ ዔያታ ዋይዛኔ።
\q
\v 26 ጎኔና ፂላ ባራናሢ
\q2 ጋኣዞ ፔኤኮ ዔቂሲ ዾኦሎ ዛሎ ባንሢ ባራናሢ
\q2 ኔ ዔራቶናዳ?
\q
\v 27 ኮኦኬ ሌካ ኬስኪ ባራናሢና
\q2 ዼጌ ቤሲዳ ፔኤኮ ማኣሮ ማዣሢ ኔ ዓይሤምዳ?
\q
\v 28 ኮኦኬ ፑኡፒ ሹቺ ባኣካ ናንጋኔ፤
\q2 ዒኢካ ማኣሮዋ ፔኤኮ ማዣኔ።
\q2 ዬይ ፑኡፖ ሹጫ ዔኤቢዳፓ ዲርቂ ዒዛ ቃዛያ ማዓኔ።
\q
\v 29 ዒኢካ ዓኣዖ ዒ ዓርቂ ዔካንዳ ባኣዚ ዛጋኔ፤
\q2 ዓኣፓ ዒዛኮ ሃኬ ዓኣ ባኣዚ ዴንቃኔ።
\q
\v 30 ኮኦኬ ዬያይዲ ሃይቄ ባኣዚ ኮይላ ቡካኔ፤
\q2 ዔያቶኮ ናኣታኣ ዬያ ባኮኮ ሱጉፆ ዑሽካኔ።» \x - \xo 39፡30 \xo*\xt ማቲ. 24፡28፤ ሉቃ. 17፡37።\xt*\x*
\c 40
\p
\v 1 ሄሊሳዖ ሃሣ ናንጊና ናንጋ ጎዳ ዒዮቤም፦
\q
\v 2 «ዔዞ ዒዮቤ! ሂንዳ ቢያ ባኮ ዳንዳዓ ፆኦዛሢ፥ ታኣና
\q2 ዓሲ ማርሚ ላሣንዳያ ኔኤም ማላ?
\q ታና፥ ፆኦሲና ዎላ ማርማሢ ኔናታሢሮ
\q2 ሂንዳ ማሂ ታኣም ኬኤዜ» ጌዔኔ።
\sp ዒዮቤ
\q
\v 3 ዬካፓ ዒዮቤ፦
\q
\v 4 «ናንጊና ናንጋ ጎዳሢዮ! ታኣኒ ፓሡዋያ ላኣፓ ዓሲኬ፤
\q2 ሃካፓ ሴካ ታ ዻንጎ ታ ኩጮና ታ ዓርቂ
\q2 ዚቲ ጋዓንዳኣፓዓቴም
\q2 ማሂ ታ ኔኤም ኬኤዛ ባኣዚ ባኣሴ።
\q
\v 5 ፔቴና ሃሣ ጊንሣ ላሚያኣ ታ ጌስቴኔ፤
\q2 ሃካፓ ሴካ ፔቴታዖ ታ ጌስታዓኬ» ጌዔኔ።
\b
\q
\v 6 ናንጊና ናንጋ ጎዳ ዓልጎ ዢባሬና ማዒ ዒዮቤም ሂዚ ጌዔኔ፦
\sp ናንጊና ናንጋ ጎዳ
\q
\v 7 «ዔቂጋፓ ኬርኖ ኔኤኮ ዓቲንቄ ማይ ቱኡቴ፤
\q2 ታ ኔና ዖኦጫንዳኔ፤ ታኣም ማሂ ኬኤዜ።
\q
\v 8 ታና ኔኤኒ ዻቢንቲ ዎጋያ ማሂ ጌስቲ ጌስቲ
\q2 ኔና ኔኤኒ ጌኤሺ ማሃኒ ማላ?
\q
\v 9 ዓካሪ ዎልቃ ኔኤኮ ታ ዎልቆጉዴያ ዶዲዳ?
\q2 ሃሣ ዑኡዛ ኔኤኮ ታ ዑኡዞጉዴያ ዎልቃዻያዳ?
\q
\v 10 ያዺ ማዔያታቴ ኔ ቶኦኮ ዒጊቻያ ማሂ ቦንቺሴ፤
\q2 ቦንቾና ዼኤፑሞና ኔ ዔኬ።
\q
\v 11 ዖቶርቃ ዓሶ ዛጊ ዔያቶ ቦርሲሴ፤
\q2 ኔኤኮ ዻጎዋ ዔያቶ ዑፃ ጮኦሽኬ።
\q
\v 12 ቢያሢ ኮሺ ዛጊ ዔያቶ ቦርሲሴ፤
\q2 ፑርቶ ዓሶ ዔያታ ዓኣ ቤዛ ዓኣንቴ ባይዜ።
\q
\v 13 ዓጪ ዔያቶ ዑፃ ማሂ
\q2 ቢያሢ ፔቴይዳ ዱኡኬ።
\q
\v 14 ዬካፓ ታኣኒ ታ ዛሎና
\q2 ኔኤኒ ኔ ዎልቄና ዖሊ ባሻያ ማዔሢ ማርካዻንዳኔ።»
\b
\q
\v 15 «ታኣኒ ኔናንታ ሃይላሻሢንታ ማዤኔ፤
\q2 ሃይላሻሢ ጌማይጉዲ ማኣቲ ሄንቃኔ።
\q
\v 16 ዒዛኮ ጊኢሮይዳ ዓኣ ዶዱሞና
\q2 ጎጶ ጋራ ዓኣ ሻዦ ዶዱሞዋ ዛጌ።
\q
\v 17 ዑንካ ዒዛኮ ዚቢቂ ሚሢጉዲ ፒዝ ጌዔያኬ፤
\q2 ጉባዞ ሻዣ ዒዛኮ ዓንዲሪ ሃሣ ዶዲኬ።
\q
\v 18 ሜጌፃ ዒዛኮ ሞኦና ዓንጊጉዲኬ፤
\q2 ሃሣ ዓንጊ ኮኦሎጉዲያኣ ዶዲኬ።»
\b
\q
\v 19 «ታ ማዤ ማዢንቶይዳፓ ቢያ ዒ ዎልቄና ዓኣያኬ፤
\q2 ታጊዳፓዓቴም ዒዛ ባሻይ ባኣሴ።
\q
\v 20 ካዮ ቦዓ ፂካ ዹካ
\q2 ዒዛም ሄንቆ ማኣቶ ባቃልሳኔ።
\q
\v 21 ሚሢ ሺቢና ማጫሬና ባኣካ
\q2 ሃሣ ጫሮ ባኣካኣ ዒ ላሃኔ።
\q
\v 22 ሺባ ዓኣ ሚፃ ፔ ሺቦና ዒዛ ዓኣቻኔ፤
\q2 ዎሮ ዓጫ ባቃላ ዓሃያ ጌይንታ ሚፃኣ ዒዛ ዓኣቻኔ።
\q
\v 23 ዎሮይዳ ዋኣፆ ኩሙፃ ዒዛ ፔቴታዖ ዲቃሡዋኣሴ፤
\q2 ዮርዳኖሴ ዎራታዖ ዓጮ ኬስኪ ሄላንዳኣና ኩሜቴያ ዒዚ ዒጉጩዋኣሴ።
\q
\v 24 ዓኣፖ ዒዛኮ ዎዺ ሲኢዾዋ ዒዛኮ ዑሪ
\q2 ዒዛ ዓርቃኒ ዳንዳዓይ ዖናዳይ?»
\c 41
\q
\v 1 «ሌዋታኔ ጌይንታ ባዞ ቦዓሢ
\q2 ዓንጊ ኪሬና ባዛፓ ኔ ዓርቃኒ ዳንዳዓ?
\q2 ዒንዲርዞ ሱሲና ኔ ዒዛኮ ቱካንዳ? \x - \xo 41፡1 \xo*\xt ዓይኑ. 74፡14፤ 104፡26፤ ዒሲ. 27፡1።\xt*\x*
\q
\v 2 ዒዛኮ ሲኢዾይዳ ዱንዶ ዓኣሢ
\q2 ባንጋሎዋ ዒዛኮ ዓንጊ ኪሬና ጫርጊ ዓርቃኒ ኔ ዳንዳዓ?
\q
\v 3 ዒዛ ማኣሪ ሃሻንዳጉዲ ዒ ኔና ሺኢቃንዳ?
\q2 ኮሺ ዑኡሲና ዒ ኔና ሺኢቃዳ?
\q
\v 4 ናንጊና ዓይሌ ማዒ ኔኤም ማዻኒ
\q2 ኔኤና ዎላ ዒ ጌስቲ ጊኢጋንዳ?
\q
\v 5 ካፒጉዲ ዒዛ ኔ ቱጊ ጌሢ
\q2 ዉዱሮ ናኣቶ ኔኤኮ ዓማልሳንዳጉዲ ቃዛኒ ዳንዳዓ?
\q
\v 6 ሞላሢ ኮርማ ዓሳ ዒዛ ባሺ ዔካንዳኔ ጌይ
\q2 ዎላ ማንዲንታ?
\q2 ቲቂያ ዎሊና ዒዛ ዔያታ ጊሽታ?
\q
\v 7 ኔ ኮዔ ካራና ዒልዖ ዒዛኮ ጫርጊ ዑራኒና
\q2 ቶኦኮዋ ዒዛኮ ኔ ዓጬ ዓንጊና ጫርጊ ዑራኒ ዳንዳዓ?
\q
\v 8 ሂንዳ ዳንዳዓቴ ኩጮና ዒዛ ካኣሜ፤
\q2 ኔ ዒዛ ዓርቃኒ ማዺ ሺሬ ባኮ ፔቴታዖ ዋላዓኬ፤
\q2 ላሚ ዒዛ ኔ ዓርቃኒያ ኮዓዓኬ።»
\b
\q
\v 9 «ሌዋታኔ ዓርቂ ቃዛኒ ማዺንታ ባኣዚ ቢያ ጉሪኬ፤
\q2 ዒዛ ዛጌሢ ቢያ ዒጊቹሞና ጎጋይቃኔ።
\q
\v 10 ዒዛይዳ ፑርታ ባኣዚ ማዺሢ ዬያይዲ ሜታያ ማዔቴ
\q2 ዓካሪ ታኣም ዋይዚ ዒፃኒ ጫርቃንዳይ ዖናዳይ?
\q
\v 11 ጫሪንጮኮ ዴማ ዓኣ ባካ ቢያ ታኣሮኬ፤
\q2 ዓካሪ ታ ማሃንዳጉዲ ታኣም ታልዔሢ ዖናዳይ?»
\b
\q
\v 12 «ሌዋታኔኮ ቶኮንታ ዶዶ ዎልቆንታ
\q2 ሚዛጳ ዑፆ ዛሎ ታ ኬኤዙዋዖ ሃሻዓኬ።
\q
\v 13 ዒዛኮ ዾዾ ዒልዖ ሹካኒ
\q2 ሃሣ ባንጋሎዋ ዒዛኮ ሾኦላኒ ዖ ዳንዳዓይ?
\q
\v 14 ኮሺ ዒጊቻ ዓጫ ዓኣ ዻንጎ ዒዛኮ ቡሊ
\q2 ባንጋሎዋ ዒዛኮ ሾኦካኒ ዳንዳዓይ ዖናዳይ?
\q
\v 15 ዒዛኮ ጊኢሮ ዒልዓ ዎሊ ሄሊሲ ጌሦና ጊቲማጉዲኬ፤
\q2 ኮሺ ዎሊ ዓርቄያ ማዔሢሮ ዓንጊጉዲ ዶዳያኬ።
\q
\v 16 ፔቴይ ሜሌሢና ዎላ ዳዳዼያታሢሮ
\q2 ዔያቶኮ ባኣኪና ዢባሬታዎ ዓኣዻኒ ዳንዳዑዋኣሴ።
\q
\v 17 ቢያሢ ዎላ ዓርቂንቴያታሢሮ
\q2 ዓይጎ ባኣዚያ ፔቴታዖ ዔያቶ ዱማሳኒ ዳንዳዑዋኣሴ።
\q
\v 18 ዒዚ ፒኢዝጋ ዎዶና
\q2 ፖዒ ዜኤሊንሢ ጴዻኔ፤
\q2 ዓኣፓ ዒዛኮ ፆርቄ ዓቢጉዲ ፖዓኔ።
\q
\v 19 ዻንጋፓ ዒዛኮ ታሚ ሎስታ ኬስካኔ፤
\q2 ታሚ ቄንሢያ ፂንቂ ጴዻኔ።
\q
\v 20 ዲስቴ ዴይሦና ናኣቦይዳ ሻርሻ ጩባሢጉዲ
\q2 ሲኢዻፓ ዒዛኮ ጩቢ ኬስኪ ጴዻኔ።
\q
\v 21 ዒዛኮ ዑኡዞ ዖይዹማ ቃኣጫ ዔዔኤሣኔ፤
\q2 ታሚ ሎስታ ዒዛኮ ዻንጋፓ ኬስካኔ።
\q
\v 22 ዒዛኮ ዴዔ ባቃና ዎልቄና ዓኣያኬ፤
\q2 ዓኣፖ ካራኣ ዒዛኮ ሚርጌና ዒጊቻያኬ።
\q
\v 23 ዓሽካ ዒዛኮ ዎሊ ዑፃ ናቲንቴያ ዳዶታሢሮ
\q2 ዑፃ ዒዛኮ ዓንጊጉዲ ዶዳኔ።
\q
\v 24 ዒና ዒዛኮ ሹቺጉዲኬ፤
\q2 ዶዱማኣ ዎንሢ ሹቺጉዲኬ።
\q
\v 25 ዬይ ቦዓሢ ዔቃ ዎዶና
\q2 ዎልቆ ዓሳታዖ ዒጊጪ ጎጎጋይቃኔ።
\q
\v 26 ዓይጎጉዴ ጬንቻ ዓፓሮንታ ዎርሢንታ
\q2 ሂኢሺንታ ጫርጎ ባኣዚያ ዔኤቢ ዒዛ ዎኦቱዋሴ።
\q
\v 27 ዒዚ ዓንጎ ማኣቲጉዲ ሜንሣኔ፤
\q2 ሞኦኖ ዓንጎዋ ሙርዔ ሚሢጉዲ ጋኣጫኔ።
\q
\v 28 ሂኢሺ ዱኮናቴታዖ ዒጊጪ ዒ ጳሽኩዋኣሴ፤
\q2 ዎራ ሹቺ ዒዛ ኮይላ ጎቦጉዲኬ።
\q
\v 29 ኮኦሎ ዒዚ ዓዳ ማኣቲ ማሂ ዛጋኔ፤
\q2 ዓሳ ዒዛ ዎርፆና ዶርባኣና ዒ ቦሂ ሚሚኢጫኔ።
\q
\v 30 ዾቃሎይዳ ዒ ኮላዻኣና ዓጬ ማዔ ዒልዓ ዒዛኮ
\q2 ሳዖ ማራሻጉዲ ጳላኔ።
\q
\v 31 ባዞ ዋኣፆዋ ፔንታ ዋኣሡጉዲ ቡርቂሻኔ፤
\q2 ዖቲ ጋርካ ፔንታ ዛይቴጉዲያኣ ዒ ቡርቂሻኔ።
\q
\v 32 ዒዚ ዓኣዻ ጎይፃ ፖፖዓኔ፤
\q2 ባዞ ዋኣፆዋ ዒ ዱባሳኔ።
\q
\v 33 ዒዚ ዒጊቹሞ ዔሩዋ ማዢንቲታሢሮ
\q2 ዓጪዳ ዒዛ ማላ ማዢንቲ ፔቴታዖ ባኣሴ።
\q
\v 34 ሚርጌና ዼኤፖ ማዔ ማዢንቶታዖ ዒ ቦሃኔ፤
\q2 ዒዚ ካዮ ቦዖ ቢያኮ ዑፃ ካኣቲኬ።»
\c 42
\p
\v 1 ዬካፓ ዒዮቤ ናንጊና ናንጋ ጎዳም ሂዚ ጌይ ማሄኔ፦
\sp ዒዮቤ
\q
\v 2 «ናንጊና ናንጋ ጎዳሢዮ!
\q2 ኔኤኒ ቢያ ባኣዚ ማዻኒ ዳንዳዓሢ ታ ዔራኔ፤
\q2 ኔ ማሊፆ ዹቂሳኒ ዳንዳዓይ ባኣሴ።
\q
\v 3 ታኣኒ ዔራ ባካ ኮሺ ዻካታንቴ
\q2 ዓይጎሮ ታ ሚርጌ ጌስታቴያ ኔ ታና ዖኦጬኔ፤
\q2 ጎኔና ታ ዔሩዋ ባኣዚንታ
\q2 ሚርጌና ዲቃሢ ሄርሺሳ ባኣዚ ታ ጌስቴኔ። \x - \xo 42፡3 \xo*\xt ዒዮ. 38፡2።\xt*\x*
\q
\v 4 ‹ዋይዚጋፓ ታ ዖኦጫሢ ማሂ ታኣም ኬኤዜ› ኔ ታና ጌዔኔ፤ \x - \xo 42፡4 \xo*\xt ዒዮ. 38፡3።\xt*\x*
\q
\v 5 ታ ሃኖ ሄላንዳኣና ኔ ዛሎ ዔራሢ
\q2 ዓሳ ታኣም ኬኤዜ ባኮ ዋይዚሢና ሌሊኬ፤
\q2 ሃሢ ጋዓንቴ ታ ዓኣፒና ታ ኔና ዛጌኔ።
\q
\v 6 ዬያሮ ታ ጌስቴ ባካ ታና ዒጊቼሢሮ
\q2 ዲቢንሢና ሲላሊናዳይዳ ዴዒ ታ ቡኡፃኔ።»
\s1 ጋፒንሢ
\p
\v 7 ናንጊና ናንጋ ጎዳ ዒዮቤና ዎላ ዬንሢ ባኮ ጌስቴስካፓ ቴሜና ዓጮ ዓሢ ዔሊፓዜ ኮይላ፦ «ዒንሢ ታ ዓይላሢ፥ ዒዮቤጉዲ ታ ዛሎ ፒዜ ባኣዚ ጌስቲባኣሢሮ ታኣኒ ኔናንታ ላምዖ ኔ ላጎንሢንታይዳ ዻጋዼኔ። 
\v 8 ዬያሮ ሃሢ ላንካይ ዚያ ጌማይና ላንካይ ዓዴ ማራይና ዔኪጋፓ ታ ዓይላሢ ዒዮቤ ኮራ ዓኣዹዋኣቴ፤ ዒኢካ ዒንሢኮ ጎሞ ዛሎ ሚቺ ዒንጎ ዒንጊሢ ማሂ ሺኢሹዋቴ፤ ታ ዓይላሢ፥ ዒዮቤያ ዒንሢም ሺኢቃንዳኔ፤ ታኣኒ ዒዛኮ ሺኢጲፆ ዋይዛንዳኔ፥ ዒንሢ ዻቢንቶጉዴያ ዒንሢዳ ሜቶ ታ ዓጋዓኬ፤ ዒንሢ ዒዮቤጉዲ ታ ዛሎ ፒዜ ማዔ ባኣዚ ኬኤዚባኣሴ» ጌዔኔ።
\p
\v 9 ዬካፓ ቴሜና ዓጮ ዓሢ ዔሊፓዜንታ ሹሃዌ ዓጮ ዓሢ ቢልዳዴንታ ናዕማታ ዓጮ ዓሢ ፆፓሬንታ ዴንዲ ናንጊና ናንጋ ጎዳ ዔያቶ ዓይሤ ጎይፆ ማዼም፥ ፆኦሲ ዒዮቤኮ ሺኢጲፆ ዋይዜኔ።
\p
\v 10 ዒዮቤ ሃይሦ ዒዛኮ ላጎንሢም ሺኢቄስካፓ ናንጊና ናንጋ ጎዳ ዒዛ ጊንሣ ዖርጎቼኔ፤ ቤርታ ዒዛኮ ዓኣ ባኮይዳፓ ባሼ ጳንጬ ማሂ ዒዛም ዒንጌኔ። \x - \xo 42፡10 \xo*\xt ዒዮ. 1፡1-3።\xt*\x* 
\v 11 ዒማና ዒዮቤኮ ጌርሲንሢንታ ጌሮንሢንታ ቤርታ ዒዛ ዔራ ዓሳኣ ቢያ ዒዛ ዖኦጫኒ ሙኬኔ፤ ዬያታ ዒዛኮ ማኣሮይዳ ዒዛና ዎላ ሙኡዚ ሙዒ ዒዛይዳ ናንጊና ናንጋ ጎዳ ሄሊሴ ዶዶ ሜታሢ ዛሎ ዖያያ ማዔሢ ዔርዚ ዒዛ ዶዲሼኔ፤ ዬካፓ ፔቴ ፔቴሢ ቢራና ዎርቄናፓ ኮሾና ዢኢሮ ዒዛም ዒንጌኔ።
\p
\v 12 ናንጊና ናንጋ ጎዳ ዒዮቤኮ ጋፒንፆ ናንጎ ቤርታኣስካፓ ዑሣ ዓኣሢ ዓንጄኔ፤ ዬያሮ ዒዮቤኮ ታጶ ዖይዶ ሺያ ማራይ፥ ላሆ ሺያ ጋኣላ፥ ፔቴ ሺያ ዋኣፃ ጌማይ፤ ሃሣ ፔቴ ሺያ ዒንዴ ሃሬያ ዓኣያ ማዔኔ። 
\v 13 ዬያጉዲ ሃሣ ላንካይ ዓቲንቄና ሃይሦ ዉዱሮ ናይና ዒ ጊንሣ ሾዔኔ። 
\v 14 ዒዛኮ ዉዱሮ ናኣቶፓ ቤርታሳዜሎኮ ሱንፆ ዪሚማ፥ ላምዓሳዜሎኮ ቄፂዓ፥ ሃይሣሳዜሎኮ ቄሬንሃፑኬ ጌይ ዒ ጌሤኔ። 
\v 15 ዒዮቤ ዉዱሮ ናኣቶጉዲ ሚዛጱሞና ዔያቶ ቤቃ ላኣሊ ዓጪዳ ባኣያ ማዔኔ፤ ዔያቶኮ ዓዴ ዔያቶንታ ጌርሲንሢንታም ቢያ ፔ ሳዖ ፓቂ ፓቂ ዒንጌኔ።
\p
\v 16 ዬካፓ ዒዮቤ ፄኤታና ዖይዲታሚ ሌዔ ናንጌኔ፤ ናኣቶኮ ናኣቶ፥ ዴንዲ ዖይዶ ሾይንቲ ሄላንዳኣና ዛጋኒ ዳንዳዔኔ። 
\v 17 ሚርጌ ሌዔ ናንጊ ጋርቼስካፓ ዒ ሃይቄኔ።