\id JER - MAALE Full Bible
\ide UTF-8
\h ዔርሚያሴ ማፃኣፖ
\toc1 ፆኦሲ ማሊፆ ኬኤዛ ዔርሚያሴ ማፃኣፖ
\toc3 ዔር.
\toc2 ዔርሚያሴ ማፃኣፖ
\mt1 ዔርሚያሴ
\imt ዓይፆ ካሮ
\ip ፆኦሲ ማሊፆ ኬኤዛ፥ ዔርሚያሴ ናንጌሢ፦ ኪሪስቶሴ ሾይንቱዋንቴ ላንካሳ ፄኤቶ ሌዖኮ ጋፒንፆ ዎዶና ላሃሳ ፄኤቶ ሌዖኮ ዓይፆይዳኬ፤ ዔርሚያሴ ዬያ ዖዶሲ ማዼ ዎዶይዳ ሜሌ ፆኦዞ ካኣሽኪፆና ጎሞ ማዺፆና ዛሎ ፆኦሲ ዴሮይዳ ዼኤፒ ባይሲንታ ሙካንዳሢ ላቲ ላቲ ኬኤዛኔ፤ ዒ ኬኤዜ ፆኦሲ ማሊፆይዳፓ ዒ ሼምፔና ዓኣዖ ባብሎኔ ካኣቲ፥ ናብካዳናፆኦሬ ዬሩሳላሜ ዓርቂ ካታሞንታ ጌኤዦ ማኣሮንታ ሻሄሢና ዪሁዳ ካኣቲ ፔኤኮ ዴሮፓ ዺቢ ዴሬና ዎላ ዲዒንቲ ባብሎኔ ዔውቴሢያ ዛጌኔ። ዔርሚያሴ ዬኖ ዎዶና ዴራ ዬያ ዳውሲንቲ ዴንዴ ቤዛፓ ማዓንዳሢና ዒስራዔኤሌ ዓጮ ካኣታ ጊንሣ ካኣታዻንዳሢ ቤርታዺ ኬኤዜኔ።
\ip ዔርሚያሴ ኬኤዜ ፆኦሲ ማሊፃ ዖይዶ ቤሲ ፓቂንታኒ ዳንዳዓኔ።
\ip 1. ዒዮሲያሴ፥ ዒዮዓቄሜ፥ ዮዓኪኔንታ ሴዴቂያሴንታ ካኣታዺ ዎይሤ ዎዶይዳ ዪሁዳ ዴሮና ዔያቶኮ ሱኡጎናም ፆኦሲ ኬኤዜ ቃኣላ።
\ip 2. ዱማ ዱማ ኬኤዚንቴ ፆኦሲ ማሊሢና ዔርሚያሴ ናንጌ ዎዶይዳ ማዼ ዼኤፒ ዼኤፒ ባኣዚንታ ዔርሚያሴም ዔቦ ፃኣፒ ዓርቃ ባኣሮኬ ፃኣፒ ጌሤ ባኮፓ ጴዼ ባኣዚ።
\ip 3. ዱማ ዱማ ፃንጎ ማዔ ዴሮም ፆኦሲ ኬኤዜ ሎንሦ ቃኣላ።
\ip 4. ዬሩሳላሜ ዓርቂንቴሢና ዴራኣ ዲዒንቲ ባብሎኔ ዔውቴሢ ዛሎ ኬኤዛ ሃይሴ።
\ip ዔርሚያሴ ዴሮ ዒናፓ ኮሺ ናሽካያ፤ ጊንሣ ሃሣ ዔያቶይዳ ዻቢንቴያ ማዒፆ ዎጋኒያ ሚርጌና ዒፃ ዓሲኬ። ፆኦሲ ፔ ማሊፆ ኬኤዛያ ማሂ ዒዛ ዔኤሌሢሮ ዔርሚያሴ ማሊ ሜታዺፆና ፔጋሲ ኬኤዜ ዖዪሢ ሃይሴ ሃኖ ማፃኣፔሎይዳ ሚርጌ ቤስካ ኬኤዚንቴኔ፤ ዬያጉዲ ሃሣ ፆኦሲ ቃኣሎ ዒዚ ፔ ዒና ዓኣቺ ዓርቂ ቃዛኒ ዳንዳዒባኣሢያ ፔጋሲ ኬኤዜኔ።
\ip ሃኖ ማፃኣፔሎይዳ ፆኦሲ ማሊሢ ማዒ ኬኤዚንቴ ዼኤፖ ዼኤፖ ሃይሶፓ ዛላ ሚርጌ ሜቶና ኩሜ ዔርሚያሴ ዎዶ ጊዴና ሶፒ ዴንዲ ፆኦሲ ፔ ዴሮም ጫኣቄ ዓኮ ጫኣቁማ ማዾይዳ ፔኤቃንዳሢያ ዔርዛያኬ፤ ዬና ዓኮ ጫኣቁማ ዴሮኮ ዒኖይዳ ፃኣፒንታንዳሢሮ ዔያቶም ጶቂሢ ኬኤዚ ዔርዛ ዓሲባኣንቴ ፔኤሮ ዔያታ ዬያ ካፓንዳኔ። (ዔር. 31፡31-34)
\iot ማፃኣፔላ ዱማ ዱማ ዓርቄ ባኮ
\io1 ፆኦሲ ዔርሚያሴ ዶኦሬሢ (1፡1-19)
\io1 ፆኦሲ ዪሁዳና ዔስራዔሌ ዴሮናይዳ ሜቶ ዔኪ ዬዓንዳያ ማዒፆ (2፡1—25፡38)
\io1 ፆኦሲ ማሊፆ ኬኤዛኔ ጌይ ሉኡቃ ዓሶ ዔርሚያሴ ማኪ ጌስቴ ጌኤዞ (26—29)
\io1 ፆኦሲ ፔኤኮ ዴሮ ዔያቶ ዓጮ ባንሢ ማሃንዳሢ ዛሎ (30—33)
\io1 ዔርሚያሴ ማዼ ዱማ ዱማ ማዾ (34—38)
\io1 ዬሩሳላሜ ካታሞኮ ሎኦሚፆና ዪሁዳይዳኣ ማዺንቴ ባኮ (39—42)
\io1 ዔርሚያሴ ጊብፄ ዓጮይዳ (43—44)
\io1 ባኣሮኬም ዳኪንቴ ኪኢታ (45)
\io1 ፆኦሲ ማሊፆ ኬኤዛ ዔርሚያሴ ዱማ ዱማ ዴሮም ኬኤዜ ፆኦሲ ማሊፆ (46—51)
\io1 ዬሩሳላሜኮ ሎኦሚፆ ዛሎ ቃሲ ኬኤዚንቴ ሃይሴ (52)
\c 1
\p
\v 1 ቢኢኒያሜ ፃጶ ዴኖ ዓጮይዳ ዓኣ ዓናቶቴ ጌይንታ ጉርዳስኬኖይዳ ናንጋ ቄኤሶፓ ፔቴ ሂልቂያ ጎዖሢኮ ናኣዚ ዔርሚያሴ ሃካፓ ሊካ ኬኤዚንታ ባኮ ኬኤዜኔ፤ 
\v 2 ናንጊና ናንጋ ጎዳኮ ዬይ ቃኣላ ዔርሚያሴም ኬኤዚንቴሢ ዓሞኦኔ ናኣዚ ዒዮሲያሴ ዪሁዳይዳ ካኣታዼንቴ ታጶ ሃይሣሳ ሌዖናኬ። \x - \xo 1፡2 \xo*\xt 2ካኣቶ. ማ 22፡3—23፡27፤ 2ፆኦሲ. ዓሃኬ 34፡8—35፡19።\xt*\x* 
\v 3 ዬያጉዲ ዒዮሲያሴ ናኣዚ ዒዮዓቄሜ ካኣታዺ ዎይሤ ዎዶና፤ ጊንሣ ሃሣ ዒዮሲያሴ ናኣዚ ሴዴቂያሴ ካኣታዺ ታጶ ፔቴ ሌዔ ዎይሤ ዎዶ ሄላንዳኣና፤ ዬኖ ሌዖኮዋ ዶንጋሳ ዓጊኖና ዬሩሳላሜ ዴራ ዲዒንቲ ዔውቴ ዎዶ ሄላንዳኣና ዬይ ፆኦሲ ቃኣላ ዔርሚያሴ ዛሎና ኬኤዚንቲ ኬኤዚንቲ ዴዔኔ። \x - \xo 1፡3 \xo*\xt 2ካኣቶ. ማ 23፡36—24፡7፤ 24፡18—25፡21፤ 2ፆኦሲ. ዓሃኬ 36፡5-8፤ 11፡21።\xt*\x*
\s1 ዔርሚያሴኮ ፆኦሲ ማዾም ዔኤሊንቲፆ
\p
\v 4 ናንጊና ናንጋ ጎዳኮ ቃኣላ ሂዚ ጋዓያና ታኣም ኬኤዚንቴኔ፦
\q
\v 5 «ዔርሚያሴ!
\q2 ኔና ሃጊ ዒንዶ ጎጳ ታኣኒ ማዡዋዖ
\q2 ቤርታ ታ ኔና ዔሬኔ፤
\q ኔ ሾይታንዳሢኮ ቤርታ ታ ኔና ዱማሲ
\q ዴሮም ታ ማሊሢ ኔ ኬኤዛንዳጉዲ ታ ኔና ዶኦሬኔ» ጌዔኔ።
\p
\v 6 ታኣኒ ዒማና፦ «ናንጊና ናንጋ ጎዳ ማዔ ቢያ ባኮ ማዤሢዮ! ታኣኒ ሃጊ ናይታሢሮ ዎዚም ጌስቶቴያ ታኣኒ ዔሩዋሴ» ጌዔኔ።
\p
\v 7 ናንጊና ናንጋ ጎዳ ጋዓንቴ ታኣም፦ « ‹ታኣኒ ሃጊ ናይኬ› ጌይፖ፤ ኔ ዴንዳንዳሢ ታ ኔና ዳካ ቤሲኬ፤ ኔ ኬኤዛንዳሢያ ታ ኔና ዓይሤ ባኮ ቢያኬ፤ 
\v 8 ታኣኒ ኔኤና ዎላ ማዒ ኔጊዳ ሙካ ባኣዚፓ ቢያ ዓውሳንዳሢሮ ዔያቶ ፔቴታዖ ዒጊጪፖ፤ ዬያ ጋዓሢ ታና፥ ናንጊና ናንጋ ጎዳኬ!» ጌዔኔ።
\p
\v 9 ናንጊና ናንጊና ናንጋ ጎዳ ፔ ኩጮና ታኣኮ ሙሱሮ ካኣማዖ፦ «ዓካሪ ኔ ኬኤዛንዳ ቃኣሎ ታ ኔኤም ዒንጌኔ፤ 
\v 10 ዬያሮ ቱጋኒና ሻሃኒ፥ ባይዛኒና ሴካ ሃንጋ ማሂ ሺርሻኒ፥ ኬልቂ ኮሻኒና ቱካኒያ ኔ ዳንዳዓንዳጉዲ ዴሮ ቢያሢና ካኣቶና ዑፃ ቢታንቶ ታ ኔኤም ዒንጌኔ» ጌዔኔ።
\s1 ዔርሚያሴም ፆኦሲ ፔጋሲ ዻዌ ላምዖ ባኣዚ
\p
\v 11 ናንጊና ናንጋ ጎዳ ታና፦ «ዔርሚያሴ! ኔኤም ጴዻ ባካ ዓይጎዳይ?» ጌይ ዖኦጬኔ።
\p ታኣኒ ማሃዖ፦ «ሌውዜ ጌይንታ ሚፄሎ ካኣፒ ታኣም ጴዻኔ» ጌዔኔ።
\p
\v 12 ናንጊና ናንጋ ጎዳ ዒማና፦ «ፒዜ ኔ ዴንቄኔ፤ ታኣኒያ ዬያጉዲ ታኣኮ ቃኣሎ ማዺ ኩንሣኒ ቢያ ዎዴ ጊኢጊ ዓኣያኬ» ጌዔኔ።
\p
\v 13 ላሚ ሃሣ ናንጊና ናንጋ ጎዳ፦ «ሜሌ ኔ ዴንቃ ባኣዚ ዓይጎዳይ?» ጌይ ታና ዖኦጬኔ።
\p ዬያሮ ታኣኒ፦ «ዓጮኮ ኬዴኖ ዛሎይዳ ፔቴ ዖቲዳ ዋኣሢ ቡርቃያ ታ ዴንቃኔ፤ ዬና ቡርቄ ዋኣፃ ሃንጋ ሾኦታንዳጉዲ ዖታ ዛላዺ ዓኣኔ» ጌይ ማሄኔ።
\p
\v 14 ናንጊና ናንጋ ጎዳ ታኣም ኬኤዛዖ፦ «ዓጮኮ ኬዴኖ ዛሎይዳፓ ባይሲንታ ቡርቂ ኬስኪ ሃኖ ዓጫ ናንጋ ዓሶይዳ ቢያ ዲጲጉዲ ሙካንዳኔ፤ 
\v 15 ዬኖ ኬዶ ዛሎይዳ ናንጋ ዴሮ ሃይካ ዬዓንዳጉዲ ታ ዔኤላንዳኔ፤ ዬሩሳላሜንታ ኮይሎይዳ ዓኣ ዪሁዳ ካታሞ ዖሊ ዔያታ ፔ ዴማ ማሂ ዓርቃንዳኔ፤ ዬካፓ ዬሩሳላሜ ጌሎ ካሮይዳ ፔኤኮ ካኣቱሞ ዖይቶ ዔያታ ጌሣንዳኔ። 
\v 16 ታ ዴራ ጎሜ ማዼሢሮ ታ ዔያቶይዳ ሜቶ ዓጋንዳኔ፤ ዔያታ ታና ሃሺ ሜሌ ፆኦዞም ዑንጆ ጩቢሻኔ፤ ዬያቶ ፆኦዞኮ ማሎ ማዓ ባኣዚ ማዢ ዬያቶም ዚጋኔ። 
\v 17 ዬያሮ ዔርሚያሴ! ታ ኔና ዓይሣ ባኮ ቢያ ዔያቶም ኬኤዛኒ ዔያቶ ኮይላ ዴንዲሮ ጊኢጌ፤ ታ ኔና ታኣኒ ማዻንዳ ባኮ ዛሎ ማሊ ሜታዻንዳጉዲ ማሂባኣንቴ ዔያቶይዳ ማዺንታንዳ ባኮሮ ማሊ ሜታዺፖ። 
\v 18-19 ዔርሚያሴ! ሂንዳ ታ ጋዓሢ ኮሺ ዋይዜ! ሃኖ ዓጮይዳ ናንጋ ዓሳ ቢያ፤ ጌይፃ፦ ዪሁዳ ካኣታ፥ ቢታንታ ዓኣ ዓሳ፥ ቄኤሶንታ ዴሮንታ ዓቱዋዖ ኔጊዳ ሞርኬ ማዒ ዔቃንዳኔ፤ ያዺ ማዔቴያ ዔያቶ ዖሊ ቃዛንዳ ዎልቄና ዶዱሞና ታ ኔኤም ዒንጋንዳኔ፤ ዙሎ ኬልቂ ዲርቆና ካታማጉዲ፥ ዓንጊ ቱርቱሪጉዲ፥ ሞኦና ዓንጊና ኮሾና ኬኤሌ ዲሢጉዲያኣ ታ ኔና ዶዲ ማሃንዳኔ፤ ታ ኔኤና ዎላ ማዒ ኔና ሄላ ባኣዚ ቢያፓ ጎኦቢ ካፓንዳሢሮ ዔያታ ፔቴታዖ ኔና ባሻዓኬ፤ ዬያ ጋዓሢ ታና፥ ናንጊና ናንጋ ጎዳኬ» ጌዔኔ።
\c 2
\s1 ዒስራዔኤሌ ዴራ ፔ ፆኦሲ ሃሼሢ
\p
\v 1 ናንጊና ናንጋ ጎዳኮ ቃኣላ ሂዚ ጋዓያና ታኣም ኬኤዚንቴኔ፦ 
\v 2 «ዴንዲጋፓ ዒስራዔኤሌ ዴሮም ዑኡዞ ዼጊዲ ሂዚ ጌይ ኬኤዜ፤ ‹ሃያኮ ቤርታ ዓሲ ናንጉዋ ዳውሎ ቦኦሎ፥ ዔኤቢ ባቃሉዋኣሢዳ ታ ዓሲ ማዒ ዒንሢ ሃንቴኔ፤ ዬኖ ዎዶና ፔቴ ዑኡታ ፔኤኮ ዑኡቴሎ ናሽካ ናሹሞና ጉሙርቂንታ ጉሙርቂንቲፆጉዴያና ኔ ታኣና ዎላ ናንጌሢ ታ ጶቂሣኔ።
\q
\v 3 ዒስራዔኤሌ! ኔኤኒ ሌዖ ሃኣኮኮ ቤርቶጉዲ ታኣም ዱማዺ ዓኣያኬ፤
\q2 ታኣም ዱማዼያ ታ ዴኔ ኔ ማዒ ዓኣያኬ፤
\q ዬያሮ ኔና ቆኦዻኒ ኮዓ ዓሶ ቢያሢዳ
\q2 ሜቶና ፑርታ ዶርዖና ታ ዓጌኔ።›
\q ዬያ ጋዓሢ ታና፥ ናንጊና ናንጋ ጎዳሢኬ።»
\s1 ዒስራዔኤሌ ዴሮኮ ቤርታኣ ዓዶንሢ ማዼ ጎሞ
\q
\v 4 ዒንሢ ያይቆኦቤ ናኣቶ ማዔ ዓሳ፤
\q2 ዒስራዔኤሌ ፃጳ ቢያሢ!
\q2 ናንጊና ናንጋ ጎዳ ኬኤዜ ቃኣሎ ዋይዙዋቴ፤
\q
\v 5 ናንጊና ናንጋ ጎዳ ሂዚ ጋዓኔ፦
\q2 «ዒንሢኮ ቤርታኣ ዓዶንሢ ታኣፓ ሃኪ ዓኣዼሢ
\q2 ታጊዳ ዓይጎ ዻቢንቲ ዴንቂዳይ?
\q2 ዔያታ ጉሪ ማዔ ፆኦዞ ካኣሽኪ፥ ፔናኣ ጉሪ ዓይሴኔ።
\q
\v 6 ታኣኒ ዔያቶ ጊብፄ ዓጫፓ ኬሴኔ፤
\q2 ዓሲ ናንጉዋ ቦኦሎይዳኣ ታ ዔያቶ ዔኪ ዓኣዼኔ፤
\q2 ዔቴ ሌሊ ማዔ ጎይፆና ሻኔ ዹሚ ዓኣ ዓሲ ናንጉዋ ዳውሎይዴና
\q2 ዖኦኒያ ናንጉዋያ፥ ሃሣ ሃንቱዋያ ማዔ ሳዖና ታ ዔያቶ ዔኪ ዓኣዼኔ፤
\q2 ዔያታ ጋዓንቴ ‹ዬያ ቢያ ማዼ ናንጊና ናንጋ ጎዳ ዎካ ዓኣይ?› ጌይታዖ ዖኦጪባኣሴ።
\q
\v 7 ካፂሳ ሃኣኮና ሜሌ ኮዦ ባኮዋ ቢያ ዴንቂ ዔያታ ዎዛዻንዳጉዲ
\q2 ማሊ ማዔ ሳዔሎ ታ ዔያቶ ዔኪ ጌልዜኔ፤
\q ዔያታ ጋዓንቴ ታኣኮ ሳዖ ፑርቲሴኔ፤
\q2 ታ ዔያቶም ዒንጌ ዓጮዋ ዔያታ ዒኢሴኔ።»
\q
\v 8 ቄኤሳ ዒማና፦ «ናንጊና ናንጋ ጎዳ ዎካ ዓኣሲንታይ?» ጌይ ዖኦጪባኣሴ፤
\q2 ዎጎ ዔራ ዔሮ ዓሳታዖ ታና ዔሪባኣሴ፤
\q ታ ዴሮ ሄንቃ ዓሳ ታኣም ዋይዚ ዒፄኔ፤
\q2 ፆኦሲ ማሊፆ ኬኤዛ ዓሳኣ ባዓኣሌ ሱንፆና ኬኤዚ ዓርቄኔ፤
\q2 ጉሪ ማዔ ፆኦዞዋ ካኣሽኬኔ።
\s1 ፆኦሲ ፔ ዴሮ ጌኤዞና ጫርጌ ጫጮ
\q
\v 9 «ዬያሮ ታኣኒ፥ ናንጊና ናንጋ ጎዳሢ
\q2 ሃጊ ዒንሢም ጫቺ ሃይሴ ጌስታንዳኔ፤
\q2 ዒንሢ ናኣቶማኣ ታ ጫርጋንዳኔ፤
\q
\v 10 ሃያጉዴ ባኣዚ ሃያኮ ቤርታ ፔቴታዖ ማዺንቲ ቤቂባኣሢ ዒንሢ ዔራንዳጉዲ
\q2 ሂንዳ ዓቦኮ ጌሎ ባንፆና ዋኣፆ ሳዛ ዓኣ ቆጵሮሴ ዓጮ ዴንዱዋቴ፤
\q2 ዓባ ኬስካ ባንፆናኣ ቄዳሬ ዓጮ ኪኢታ ዓሲ ዳኪ ሙሩዋቴ።
\q
\v 11 ዔያቶኮ ፆኦዛ ጎኔ ፆኦሲ ማዒባኣያታቴያ
\q2 ፔኤኮ ፆኦዞ ሃሺ ሜሌና ላኣማ ዴሬ ባኣሴ፤
\q ታኣኮ ዴራ ጋዓንቴ ታና፥ ዔያቶ ቦንቺሴ፥ ናንጊና ናንጋ ጎዳሢ
\q2 ፔቴታዖ ዔያቶ ማኣዲንዱዋ ጉሪ ማዔ ፆኦዞና ላኣሜኔ።»
\q
\v 12 ናንጊና ናንጋ ጎዳ ሂዚ ጋዓኔ፦
\q2 «ጫሪንቺዮ! ዬያሮ ዲቃቱዋቴ፤
\q2 ሚርጌ ዒጊቹሞናኣ ጎጋይቁዋቴ።
\q
\v 13 ታኣኮ ዴራ ላምዖ ጎሜ ማዼኔ፤
\q2 ዬይ ዓይጎዳይ ጌዔቴ፦ ዓልቃ ዋኣሢ ማዔሢ ታና ዔያታ ሃሼኔ፤
\q2 ዋኣሢ ዓርቂ ቃዛኒ ዳንዳዑዋ ሄሮ ዔቴ ዔያታ ቦኦኬኔ።»
\s1 ጉሙርቂሢ ባይሱሞኮ ዓኣፒ
\q
\v 14 «ዒስራዔኤሌ ሻንቂንቲ ዔውቴ ዓይሌቱዋሴ፤
\q2 ማኣራ ሾሾይንቴ ዓይሌያኣቱዋሴ፤
\q2 ሂዳዖ፦ ዒዞኮ ሞርካ ዒዞ ቦዖጉዲ ኬማሢ ዓይጎሮዳይ?
\q
\v 15 ዒዞኮ ሞርካ ዒዞይዳ ሃጊ ዔቃ ዞቢጉዲ ጉዻኔ፤
\q2 ዓጮ ዒዞኮ ዓሲ ናንጉዋ ዳውሌ ማሂ ላኣሜኔ፤
\q2 ዒዞኮ ካታማኣ ሚቺንቲ ዓሲባኣ ባዔ ቤሲ ማዔኔ።
\q
\v 16 ሜምፒሴ ካታሞ ዓሶንታ ፃፕናሴ ካታሞ ዓሶንታ
\q2 ቶኦኮኮ ሶፖ ኔኤኮ ሜኤዳንዳኔ።
\q
\v 17 ዒስራዔኤሌ! ዬይ ቢያ ኔጊዳ ሄሌሢ ኔ ማዼ ባኣዚናኬ፤
\q2 ፒዜ ጎይፆ ዔኪ ዴንዳ ታና፥ ናንጊና ናንጋ ጎዳ ማዔ ኔ ፆኦዛሢ ኔ ሃሼሢሮኬ።
\q
\v 18 ጊብፄ ዓጮ ኔኤኒ ዴንዲ ዓባዬ ዎራፓ
\q2 ዋኣፆ ዑሽካኒ ኮዔሢ ዓይጎ ኔና ማኣዳንዳ ባኣዚ ዴንቃኒዳይ?
\q2 ዓሶኦሬ ዓጮዋ ዴንዲ ዔፕራፂሴ ዎራፓ
\q2 ዋኣፆ ዑሽካኒ ኔ ኮዔሢ ዓይጎ ኔ ዴንቃንዳጉዲ ጋዓዛዳይ?
\q
\v 19 ሃይሾ ዓካሪ ኔ ፑርቱማ ኔጊዳ ሜቶ ዔኪ ዬዓንዳኔ፤
\q2 ኔኤኒ ‹ዔሩዋሴ› ጌዔ ጌይፃ ኔጊዳ ዎጋንዳኔ፤
\q2 ታና፥ ናንጊና ናንጋ ጎዳ ማዔ ኔ ፆኦዛሢ ኔኤኮ ሃሺፃ
\q2 ታና ኔ ቦንቻ ቦንቾ ኔኤኮ ሃሺፃ
\q2 ኔጊዳ ዎማዺ ዴኤሢ፥ ሃሣ ፑርታ ዻቢንቲ ማዔቴያ ኔ ዔራንዳኔ፤
\q2 ዬያ ጌዔሢ ታና፥ ቢያ ባኮ ማዤ ጎዳ ማዔ ፆኦዛሢኬ።»
\s1 ዒስራዔኤሌ ዓሳ ፆኦሲ ካኣሽኪፆ ዒፄሢ
\q
\v 20 «ዒስራዔኤሌ! ሚርጌ ዎዴኮ ቤርታኣፓ ዓርቃዖ
\q2 ታኣም ዓይሢንቲፆና ታኣም ማዺፆ ኔ ሃሼኔ፤
\q2 ጎኔና ኔኤኒ ዹኮና ዼኤፖ ዼኤፖ ሚፆናኮ ሺባ
\q2 ሜሌ ፆኦዞ ካኣሽኪሢና ዞኦስካ ኔ ኮኦማያ ማዔኔ።
\q
\v 21 ታኣኒ ኔና ቃውቲ ዔኮና ዜርሢፓ ዔኪ ቃራ ዎይኔ ሚሢ ማሂ ቱኬኔ፤
\q2 ኔኤኒ ጋዓንቴ ያዺ ማዒፆ ሃሺ ሶልኪ ዓኣፒ ዓኣፓያ ማዔኔ።
\q
\v 22 ዎዚ ኔኤኒ ዓንጪጬናኣ ማዖም ሳኣሙናና ማስቴቴያ
\q2 ኔኤኮ ፑርቲፃ ፔጋ ታኣም ኪንቂ ጴዻኔ።
\q
\v 23 ሂዳዖ ኔኤኒ፦ ‹ታኣኒ ታና ፔቴታዖ ዒኢሲባኣሴ፤
\q2 ባዓኣሌ ጌይንታ ፆኦዞማኣ ታ ዚጊ ካኣሽኪባኣሴ› ዎዲ ኔ ጌይ ማርማኒ ዳንዳዓይ?
\q ዶኦጮይዳ ጎሞ ማዺፆና ኔኤኒ ዒኢቴ ዒኢቲፆ ሂንዳ ማሌ፤
\q2 ዓኪንታኒ ኮዓ ኪርሞሌጉዲ
\q2 ሴካ ሃንጋ ኔ ጳሽኪ ሺራኔ።
\q
\v 24 ዳውሌይዳ ናንጊ ዔሬ ኪርሞሌኮ
\q2 ዓኪንታኒ ኮዒፃ ዔቄቴ ዓይጌ ቃዛኒ ዳንዳዓይ?
\q ዓዶ ኪርሞላ ዓኣ ቤዞ
\q2 ፔኤሮ ዼሂ ዴንዲ ዒዛ ሄላሢሮ
\q2 ዔያታ ዒዞ፥ ዬኖ ኮይ ላባንዳያ ኮይሱዋሴ።
\q
\v 25 ዒስራዔኤሌ! ሜሌ ፆኦዞና ዎላ ዞኦዛ ኔ ኮኦማኒ
\q2 ቢያ ቤዞ ሃንቲ ሃንቲ ዱርዞ ኔኤኮ ሙኡዚ ኩርሲፖ፤
\q2 ሆላኣ ኔኤኮ ዋኣፆ ዼኤቦና ፃኣዺ ሜሎፓ፤
\q ኔኤኒ ጋዓንቴ፦ ‹ታኣኒ ፃንጎ ማዔ ፆኦዞ ናሽኬሢሮ
\q2 ዔያቶ ጊንፆ ታ ዴንዳንዳኔ!› » ጌዔኔ።
\p
\v 26 «ዉሲ ዓርቂንታዖ ቦርሲንታሢጉዲ፥ ዒንሢ ዒስራዔኤሌ ዴሮንታ ካኣቶንታ ዴሮኮ ሱኡጎንታ፤ ሃሣ ቄኤሶንታ ታ ማሊፆ ኬኤዛ ዓሶንታ ቢያ ቦርሲንታንዳ ዎዴ ዬዓንዳኔ። 
\v 27 ዓርሲ ኮሾና ሚፆ ኮይላ፦ ‹ኑኡኮ ዓዴ!›፤ ጊንሣ ሃሣ ላሎ ሹጮ ኮይላ፦ ‹ኑና ሾዔ ዒንዴሌ!› ጋዓ ዓሳ ቢያ ዒንሢ ቦርሲንታንዳኔ። ዬይ ያዺ ማዓንዳሢ፦ ታ ባንሢ ማዖ ዒንሢ ዒፂ ታኣፓ ሃኬሢሮኬ፤ ሃጋ ሜታ ሄላዛ ጋዓንቴ ታ ዒንሢ ሙኪ ማኣዳንዳጉዲ ታና ዒንሢ ዖኦጫንዳኔ።
\p
\v 28 «ዒንሢ ኩቻ ዒንሢ ማዤ ፆኦዛ ዎካዳይ? ዔያታ ሂንዳ ዳንዳዓያታቴ ሜታ ዒንሢ ሄላኣና ሙኪ ዒንሢ ዓውሶንጎ፤ ዪሁዳ! ኔኤኮ ካታማ ሚርጌሢጉዴያ ካኣሽኮ ፆኦዛኣ ዒማዺ ሚርጌኔ።» 
\v 29 ናንጊና ናንጋ ጎዳ ሂዚ ጋዓኔ፦ «ቢያሢ ዒንሢ ታኣም ዋይዚ ዒፄኔ፤ ሂዳዖ ታኣና ዒንሢ ማርማሢ ዎይቲዳዖ? 
\v 30 ዒንሢ ዔሪ ዒና ዔኩዋ ዓሲታሢሮ ታ ዒንሢዳ ሜቶ ዓጋሢ ጉሪ ባኣዚ ማዔኔ፤ ዒንሢ ዻጋዼ ዞቢ ማዒ ዒንሢም ታ ማሊፆ ኬኤዛ ዓሶ ጬንቾ ዓራፖና ዎዼኔ። 
\v 31 ዒንሢ ሃኖ ዎዶና ዓኣ ዒስራዔኤሌ ዴራ! ታኣኒ ናንጊና ናንጋ ጎዳሢ ዒንሢም ጋዓ ባኮ ዋይዙዋቴ፤ ታኣኒ ዒንሢም ዓሲ ናንጉዋ ዳውሌ፤ ጊንሣ ሃሣ ሻኔ ዹሚና ባይቄ ዓጪ ማዒያ? ሂዳዖ፦ ‹ኑኡኒ ኮዔ ባኣዚ ማዻንዳኔ፤ ኔ ባንሢ ኑ ማዓዓኬ› ዒንሢ ጋዓሢ ዓይጎሮዳይ? 
\v 32 ሂንዳ ማሉዋቴ፦ ዉዱሮ ናይ ፔኤኮ ፓልማሢ፤ ዑኡታኣ ፔኤኮ ዑኡቱሞ ማኣዓሢ ዋላኖ? ታኣኮ ዴራ ጋዓንቴ ፓይዲንታኒ ዳንዳዑዋ ዺቢ ዎዴይዳ ታና ዋሌኔ። 
\v 33 ኔኤኒ ዔናኣሬ ኔና ናሽኪ ኮዓ ላጎ ጊንፆ ጳሽካኒ ዎዚ ጪንጫይ? ሜሌ ላኣላ ኔ ማዻ ጎይፆ ማዻንዳጉዲ ኔኤኒ ዬያ ፑርቶ ማዾ ዔያቶም ዻዋኔ። 
\v 34-35 ኔኤኮ ማኣዓሢ ጌኤዦ ዓሶና ማንቆ ዓሶናኮ ሱጉፆና ፑርቴኔ።
\p «ጋዓንቴ ኔ ዬያ ባኮ ቢያ ማዻዖ፦ ‹ታኣኒ ጌኤሺኬ፤ ናንጊና ናንጋ ጎዳ ጎኔና ታጊዳ ዻጋዻዓኬ!› ጋዓኔ፤ ጋዓንቴ፦ ‹ታኣኒ ጎሜ ማዺባኣሴ› ጌይፆና ታኣኒ፥ ናንጊና ናንጋ ጎዳ ኔና ሜቶይዳ ዓጋንዳኔ። 
\v 36 ማዒባኣ ባኣዚና ኔኤኒ ዴንዳ ጎይፆ ሃሺ ዓይጋ ኔ ሜሌ ካራ ዴንዳይ? ሃያኮ ቤርታ ዓሶኦሬ ዓሳ ኔና ቦርሲሴሢጉዲ፥ ሃሣ ጊንሣ ጊብፄ ዓሳኣ ኔና ቦርሲሳንዳኔ። 
\v 37 ኩጮ ኔኤኮ ኔኤኒ ቶኦካ ዋሂ፥ ቦርሲንቲ ዬኖ ቤዛፓ ዓኣዻንዳኔ፤ ታኣኒ፥ ናንጊና ናንጋ ጎዳ ኔኤኒ ጉሙርቃ ባኮ ቢያ ዒፄሢሮ ዬያ ባኮይዳፓ ኔ ዴንቃንዳ ባኣዚ ባኣሴ።»
\c 3
\s1 ዒስራዔኤሌ ዓሶኮ ጉሙርቂንታ ዓሲቱዋያ ማዒፆ
\p
\v 1 ናንጊና ናንጋ ጎዳ ሂዚ ጋዓኔ፦ «ዓሲ ፔኤኮ ማቾ ዓንጄም ዒዛ ዴንዲ ሜሌ ዓሲም ሌዔቴ፥ ዬይ ዓንጄ ዓሢ ዒዞ ጊንሣ ዔካኒ ዳንዳዓ? ዬይ ያዺ ማዔቴ ጉቤና ሳዖ ዒዒኢሳያ ማዓኔ። ዒስራዔኤሌ! ኔኤኒ ሜሌ ፆኦዞ ሚርጌሢ ናሽኬኔ፤ ሃሢ ኔኤኒ ታ ባንሢ ማዓኒ ማይ ዳንዳዓ? 
\v 2 ሂንዳ ሌካ ዼጊ ጌይ ጌሜሮ ዑፆ ዛጌ፤ ኔኤኒ ሜሌ ፆኦዞም ዚጊ ካኣሽኪባኣ ቤሲ ፔቴታዖ ጴዻንዳኣናንዳ? ዓሲ ናንጉዋ ዳውሎይዳ ዓሲ ቡሪ ቡሪ ባዲባሌ ሃንታ ዓሬቦ ዓሶጉዲ ጎይፆ ዓጫ ዴዒ ኔኤኒ ናሽካ ዓሶ ካፒ ካፒ ዬያቶና ላሂ ሳዖዋ ኔኤኒ ዒኢሴኔ። 
\v 3 ሌዖ ዒሮንታ ሲሎ ዒሮንታ ዋርቁዋዖ ዓቴሢ ኔኤኒ ሴኤሉሞ ባይዚ ዞኦዛ ኮኦማ ላኣሌሎጉዲ ማዔሢሮኬ።
\p
\v 4 «ሃሢ ኔኤኒ ታና፦ ‹ታ ዓዴ፥ ታኣኮ ናኣቱሞ ዎዶ ላጋሦ› ጌይ ዔኤሊባኣዓዳ? 
\v 5 ጊንሣ ሃሣ ኔኤኒ፦ ‹ዒዚ ቢያ ዎዴ ዻዻጋዻ? ዼኤፖ ዻጋ ዒዛኮ ጋፑዋያዳ?› ጌዔኔ፤ ጋዓንቴ ኔኤኒ ኔ ዒና ኮዔ ጎይፆጉዴያ ፑርቶ ባኮ ማዻኔ።»
\s1 ዒስራዔኤሌንታ ዪሁዳ ዴሮንታ ጎሞ ቡኡፃንዳጉዲ ኬኤዚንቴሢ
\p
\v 6 ዒዮሲያሴ ካኣታዺ ዓኣንቴ ናንጊና ናንጋ ጎዳ ታኣም ሂዚ ጌይ ኬኤዜኔ፦ «ጉሙርቂንቱዋያ ማዔ፥ ዒስራዔኤሌ ማዼ ባኮ ኔ ዛጊያ? ዒዛ ታጊዳፓ ዱማዺ ዹኮ ዹኮ ቶኦኮና ሚፆ ዼኤፖ ሺቦናይዳ ሜሌ ፆኦዞ ካኣሽኪ ፔና ዒኢሴኔ። \x - \xo 3፡6 \xo*\xt 2ካኣቶ. ማ 22፡1—23፡30፤ 2ፆኦሲ. ዓሃኬ 34፡1—35፡27።\xt*\x* 
\v 7 ዬያ ቢያ ዒዛ ማዼስካፓ ጊንሣ ታ ባንሢ ማዓንዳሞ ጌይ ታ ማሌኔ፤ ዒዛ ጋዓንቴ ማዒባኣሴ፤ ጉሙርቂንቱዋያ ማዔ፥ ዒዞኮ ጌራ ዪሁዳኣ ዬያ ቢያ ዛጌኔ። 
\v 8 ዒስራዔኤሌ ታና ካኣሽኪፆ ሃሺ ሜሌ ፆኦዞ ጊንፆ ዓኣዼኔ፤ ዒዛ ዬያይዴሢሮ ታ ዒዞ ዓንጄሢ ዒዞኮ ጌራ ዪሁዳ ዴንቄኔ፤ ጉሙርቂንቱዋያ ማዔዛ፥ ዒስራዔኤሌኮ ጌሬላ፥ ዪሁዳ ዬያ ዒጊጪባኣሴ፤ ዒዛኣ ሜሌ ፆኦዞ ካኣሽካያ ማዔኔ። 
\v 9 ፔቴታዖ ዒዛ ቦርሲንቲባኣሴ፤ ዬያ ሌሊቱዋንቴ ሹቺና ሚሢና ካኣሽኪ ሳዖ ዒዛ ዒኢሴኔ። 
\v 10 ዬያ ቢያ ዒዛ ማዼስካፓ፦ ጉሙርቂንቱዋያ ማዔዛ፥ ዒስራዔኤሌኮ ጌሬላ፥ ዪሁዳ ጊንሣ ታ ባንሢ ማዓኒ ኮዓያ ማሊ ጴዼሢ ዒናፓቱዋንቴ ዑሣ ጌሺሢናኬ፤ ዬያ ጌዔሢ ታና፥ ናንጊና ናንጋ ጎዳሢኬ።»
\p
\v 11 ዎዚ ዒስራዔኤሌ ታጊዳፓ ዱማዼያ ማዔያታቴያ ጉሙርቂንቱዋያ ማዔዞ፥ ዪሁዳይዳፓ ኮሺ ማዓ ካራ ዒዞኮ ዓኣሢ ናንጊና ናንጋ ጎዳ ታኣም ኬኤዜኔ። 
\v 12 ዬያሮ ናንጊና ናንጋ ጎዳ ኬዶ ዛሎ ዓጮ ታ ዴንዲ ዒስራዔኤሌም ኬኤዛንዳጉዲ ታና ዓይሤሢ ሂዚ ጋዓያኬ፦ «ጉሙርቂንቱዋያ ማዔዜ፥ ዒስራዔኤሌ! ታ ባንሢ ማዔ፤ ታኣኮ ማኣሪፃ ዺቢታሢሮ ታ ኔጊዳ ዻጋና ዔቃዓኬ፤ ታ ኔጊዳ ዻጋዻሢያ ናንጊና ናንጊ ሄላንዳኣናቱዋሴ። 
\v 13 ኔኤኒ ዻቢንቴያ ማዔሢና ናንጊና ናንጋ ጎዳ ማዔ ኔ ፆኦዛሢም ኔ ዋይዞ ዒፄማ ሌሊ ጎኔኬ ጌይ ዔኬ፤ ሜሌ ፃንጎ ማዔ ፆኦዞና ዎላ ዋርቂ ዓኣ ሚፆ ዼኤፖ ሺቦይዳ ዞኦዛ ኮኦማ ላኣሎጉዲ ማዺ ሃንቴ ዒኢቲፆ ማዾንታ ታ ጋዓ ባኮ ዋይዞ ኔ ዒፄሢያ ቡኡፄ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 14 «ዒንሢ ጉሙርቂንቱዋያ ማዔ ታ ዴራ! ታኣሮ ዒንሢ ማዔሢሮ ታ ባንሢ ማዑዋቴ፤ ዒንሢኮ ፔቴ ፔቴ ካታሞፓ ፔቴ፥ ፔቴ ፔቴ ማኣራፓ ላምዖ ላምዖ ዓሲ ታኣኒ ዶኦሪ ፂዮኔ ዹኮ ዔኪ ኬሳንዳኔ። 
\v 15 ታኣም ዓይሢንታያ፥ ዒንሢ ካፓንዳ ዓሲ ታ ዒንሢም ዒንጋንዳኔ፤ ዔያታ ዔራ፤ ሃሣ ጶቂሣ ሱኡጌ ማዒ ዒንሢ ዔኪ ዓኣዻያ ማዓንዳኔ። 
\v 16 ዬኖ ዓጬሎይዳ ዒንሢኮ ፓይዳ ሚርጋኣና ታኣኮ ጫኣቁሞ ሳኣፂኖ ዛሎ ኬኤዛንዳ ዓሲ ጴዻዓኬ፤ ዔያታ ጶቂሣኒያ ዳንዳዒንዱዋሴ፤ ዔያታ ኮዒንዱዋሴ፤ ኮይሱዋያ ማዒ ዔያቶ ኮይላ ጴዻንዳሢሮ ጊንሣ ሜሌ ኮሻኒ ዔያታ ኮዓዓኬ። 
\v 17 ዬኖ ዎዶና ዬሩሳላሜ ፔኤሮ፦ ‹ናንጊና ናንጋ ጎዳኮ ካኣታዺ ዴዖ ዖይቶ› ጌይንቲ ዔኤሊንታንዳኔ፤ ሜሌ ዴራ ቢያ ታና ካኣሽካኒ ዒኢካ ቡካንዳኔ። ዬካፓ ዋይዞ ዒፃ ፑርቶ ማሊፆኮ ዓልቃ ካሮ ማዔ፥ ዔያቶ ዒኖ ጊንፆ ዔያታ ዓኣዻዓኬ። 
\v 18 ዒስራዔኤሌና ዪሁዳና ፔቴ ማዓንዳኔ፤ ላምዓሢ ፔቴይዳ ኬዶ ዛላ ዓኣ ዓጫ ዲዒንቲ ዔያታ ዴንዴስካፓ ማዓንዳኔ፤ ዔያቶኮ ቤርታኣ ዓዶንሢም ናንጊና ዔያቶ ዴኔ ማሂ ታ ዒንጌ ዓጬሎ ዔያታ ማዒ ጌላንዳኔ።»
\s1 ፆኦሲ ዴራ ሜሌ ፆኦዞ ካኣሽኬ ካኣዦ
\q
\v 19 ናንጊና ናንጋ ጎዳ ሂዚ ጋዓኔ፦
\q2 «ዒስራዔኤሌ! ኔና ታኣኒ ታ ናይ ማሂ ዛጊ ዔኪ
\q2 ዓጮ ቢያይዳፓ ዑሣ ዓኣዼ ሚዛጲ፥ ማሊ ዓጪ ታ ኔኤም ዒንጋኒ ኮዔኔ፤
\q ‹ዓዴ› ጌይ ኔ ታና ዔኤላንዳኔ፤ ሃሣ ታጊዳፓኣ ኔ ሃካዓኬ ጌይ ማሊኬ ታ ዬያ ማዼሢ።
\q
\v 20 ኔኤኒ ጋዓንቴ ጉሙርቂንታ ማቾጉዲ ታኣም ጉሙርቂንታያ ማዒባኣሴ፤
\q ዬያ ታና፥ ናንጊና ናንጋ ጎዳኬ ጌዔሢ።»
\b
\q
\v 21 ዓኣዔ ባኣዚ ጴዹዋ ጌሜሮ ቶኦካ ዑኡሲ ዋይዚንታኔ፤
\q2 ዬይ ዑኡዛ፦ ዒስራዔኤሌ ዴራ ፔኤኮ ናንጊና ናንጋ ጎዳ ማዔ ፆኦዛሢ ዋሊ
\q2 ጎሜ ማዼሢሮ ሃሢ ዓይጋ ኑ ዬያይዴይ ጌዒ
\q2 ዬኤካ ዬኤፒና ሺኢጲሢ ሺኢቃያናኮ ዑኡሲኬ።
\q
\v 22 ዒንሢ ሃሢ ናንጊና ናንጋ ጎዳ ሃሺ ዓኣ ዓሳ ቢያ ማዑዋቴ፤
\q2 ዒዚ ዒንሢ ፓሣንዳኔ፤ ጉሙርቂንታ ዓሲያ ዒንሢ ዒ ማሃንዳኔ።
\b
\p ዒንሢ ሂዚ ጌዔኔ፦ «ሂዮ! ናንጊና ናንጋ ጎዳ ኑኡኮ ፆኦዛሢታሢሮ ዒዛ ባንሢ ኑ ማዓንዳኔ፤ 
\v 23 ጌሜሮ ቶኦኮይዳ ጎይሢባኣያ ሜሌ ፆኦዞ ኑ ካኣሽካኔ ጌይ ማዺ ሃንቴ ባካ ኑና ማኣዴ ባኣዚ ባኣሴ፤ ዒስራዔኤሌም ዻቂንታ ጴዻሢ ናንጊና ናንጋ ጎዳ ማዔ ኑ ፆኦዛሢዳፓ ሌሊኬ። 
\v 24 ጋዓንቴ ቦርሲሳያ ማዔ ሜሌ ፆኦዞም ኑኡኮ ዚጊ ካኣሽኪፃ፦ ባኣቶንታ ዋኣሮንታ ቢያ፥ ዓቲንቆና ዉዱሮ ናኣቶንታ ቢያ፥ ሚናፓ ዓርቃዖ ኑኡኮ ቤርታኣ ዓዶንሢ ቆሊ ኑና ዻካልሴ ቆሎ ቢያ ኩርሲ ኩቺ ጉሪ ዴዓንዳጉዲ ዬይ ኑና ማሄኔ። 
\v 25 ኑናንታ ኑኡኮ ቤርታኣ ዓዶንሢንታ ላሚ ላሚ ጎሜ ማዺሢና ናንጊና ናንጋ ጎዳ ማዔ ኑ ፆኦዛሢ ኑኡኒ ዖዪሴኔ፤ ዒዛኮ ዓይሢፆዋ ኑ ማዺ ኩንሢባኣሴ፤ ዬያሮ ቦርሲንቲና ኑ ሎኦሚ ላሄም ሞኦሪንቲሢ ዓፒላጉዲ ኑና ካንቃንዳያ ኮይሳኔ።»
\c 4
\s1 ዒስራዔኤሌ ዓሳ ፆኦሲ ባንሢ ማዓንዳጉዲ ዔኤሎና ዔኤሊሢ
\p
\v 1 ናንጊና ናንጋ ጎዳ ሂዚ ጋዓኔ፦ «ዒስራዔኤሌ ዴሬዮቴ! ዓካሪ ዒንሢ ታ ባንሢ ማዓያታቴ ማዑዋቴ፤ ታኣኒ ዒፃ፥ ሜሌ ፆኦዞ ዒንሢ ባይዚ ታኣም ሌሊ ዒንሢ ጉሙርቂንታያ ማዔቴ፥ 
\v 2 ጎኑሞና ፂሉሞና ሃሣ ፒዜ ዒኔና፦ ‹ናንጊና ናንጋ ጎዳ ሃይቆ!› ጌይ ጫኣቄቴ፥ ሜሌ ዴራ ዬያና ታና ጋላታንዳኔ፤ ታኣኒያ ዔያቶ ዓንጃንዳኔ።»
\p
\v 3 ናንጊና ናንጋ ጎዳ ዪሁዳና ዬሩሳላሜ ዴሮናም ሂዚ ጋዓኔ፦ «ሻፓዼ ማኣሎ ዒንሢኮ ዋርፃፒ ጊኢጊሹዋቴ፤ ዜርፆ ጉሪ ዓንጊፆ ባኣካ ዜርቂፖቴ! \x - \xo 4፡3 \xo*\xt ሆሴ. 10፡12።\xt*\x* 
\v 4 ዒንሢ ዪሁዳና ዬሩሳላሜናይዳ ናንጋ ዓሳ! ዒንሢኮ ዓቲንቶ ቤርቶ ቲቁዋቴ፤ ዒንሢኮ ዒና ዓኣ ፑርቶ ባኮዋ ቲቂ ሺኢሺ ማሊፆ ዒንሢኮ ጌኤሺ ጉቤና ዒንሢኮ ዑፆ ናንጊና ናንጋ ጎዳም ዎርቃያ ማሁዋቴ፤ ዒንሢ ዬያይዲባኣቴ ዒንሢ ማዻ ፑርቶ ማዾ ዛሎና ታኣኮ ዻጋ ታሚጉዲ ዔኤታንዳኔ፤ ዬይ ታኣኮ ዻጋ ዔኤቴቴ ዖኦኒያ ዬያ ዎዻንዳይ ባኣሴ።»
\s1 ዪሁዳ ካታሞ ጌሊ ዓርቃኒ ሞርኮኮ ዚርቂፆ
\q
\v 5 ዬኖ ዓጮ ዓሶ ቢያሢም ዛዬ ዋርቁዋቴ!
\q2 ዑኡዞ ዒንሢኮ ዼጊዲ ዒላቱዋቴ!
\q ዬይ፥ ዪሁዳና ዬሩሳላሜና ዴራ ዙላ ኬልቂንቲ ዲርቂንቴ ካታሞ ጳሽኪ ቶላንዳጉዲ ኬኤዙዋቴ።
\q
\v 6 ፂዮኔም ጎይፆ ዻውዋቴ!
\q2 ኔጉዋዖ ሼምፖ ዒንሢኮ ዓይሳንዳ ቤሲ ባንሢ ጳሽኪ ፑኑዋቴ!
\q ናንጊና ናንጋ ጎዳ ኬዶ ዛሎ ዓጫፓ ዼኤፒ ባይሲንታ ዳካኒኬ።
\q
\v 7 ዞቢ ጌሊ ዓኣ ዴኤሊፓ ኬስካጉዲ
\q2 ዴሮ ባይዛይ ዔቃንዳኔ፤
\q ዒዚ ዬይ፥ ዪሁዳ ባይዛኒ ሙካንዳኔ፤
\q2 ዪሁዳ ካታማ ዶዒ ባይቃንዳኔ፤
\q2 ዒኢካ ናንጋንዳ ዓሲያ ጴዻዓኬ።
\q
\v 8 ናንጊና ናንጋ ጎዳኮ ዼኤፖ ዻጋ ዪሁዳፓ ሺኢኪባኣሢሮ
\q2 ሲዬ ፓቲሌ ማይንቲ፥ ቃዪ ዬኤኩዋቴ።
\b
\p
\v 9 ናንጊና ናንጋ ጎዳ ሂዚ ጋዓኔ፦ «ዬኖና ካኣቲንታ ዶንዞንታይዳ ዒጊቹሞ ጌላንዳኔ፤ ቄኤሳ ዒጊጪ ጎጋይቃንዳኔ፤ ታ ማሊፆ ኬኤዛ ዓሳኣ ዲቃታንዳኔ።»
\p
\v 10 ታኣኒ ዒማና፦ «ናንጊና ናንጋ ጎዳ ማዔ ፆኦዛሢዮ! ዬይ ዬሩሳላሜ ዴሮ ጌሺሢ ማዓዓዳ? ‹ዒንሢም ኮሺ ማዓንዳኔ› ኔ ጌዔያንቴ፤ ሃሢ ጊንሣ ‹ጬንቻ ዓፓሮ ሆላ ዔያቶኮ ጌሢንቴኔ› ታ ጌዔም ጊኢጋንዳ?» ጌዔኔ።
\p
\v 11 ዒማና ሃያ፥ ዒስራዔኤሌ ዴሮም ሂዚ ጌይ ኬኤዚንታንዳኔ፦ «ታኣኮ ዴሮይዳ ሙሙዓ ዖይዺ ዢባሬ ዓሲ ናንጉዋ ዳውሎ ዹካፓ ዢባርሻንዳኔ፤ ዬይ ፒዺሲ፥ ጊንሣ ሃሣ ሶኦሪ ጌጌኤሻ ዢባሬቱዋሴ። 
\v 12 ናንጊና ናንጋ ጎዳ ዓይሤም ሙካ ዢባሬታሢሮ ቢያ ዢባሬፓ ዶዳያ ማዓንዳኔ፤ ዬያ ዔያቶይዳ ጌስቲ ዎጌሢ ታ ቶኦኪና ታና፥ ናንጊና ናንጋ ጎዳኬ።»
\s1 ዪሁዳኮ ሞርኮና ማንጊንቲፆ
\p
\v 13 «ሃይሾ ሞርኮኮ ዖሎ ዓሳ ሻኣሬጉዲ ሙካኔ፤ ዔያቶኮ ዖሎ ሳርጌሎ ዖይታ ዓልጎጉዲ ሩኡራያኬ፤ ዔያቶኮ ፓራሢያ ኮኦኬፓ ባሼ ባራናያኬ፤ ኑና ባዴዔ! ኑ ኩዴኔ!»
\p
\v 14 ዬሩሳላሜ! ዻቂንታ ኔ ኮዔቴ ፑርቱሞ ቢያ ኔኤኮ ዒናፓ ማስኪ ባይዜ፤ ሂንዳ ኮሺ ዋይዜ ጎሜ ማሊሢ ኔ ዒናፓ ባይቁዋዖ ዴዓሢ ዎማ ሄላንዳኣናዳይ?
\p
\v 15 ዳኣኔ ዓጮና ዔፕሬኤሜ ጌሜሮናፓ ፑርታ ባኣዚ ኬኤዛኒ ዒላታ ዒላቲ ዑኡሲ ዋይዚንታኔ፤ 
\v 16 ዪሁዳ ካታሞ ጌሊ ዓርቃኒ ኮዓ ሞርካ ዖልዚ ቡላኒ ኬኤዚ ኬኤዚ ሃኬ ዓጪፓ ሙኪዳ ዓኣሢ ዴሮም ዔርዙዋቴ! ዬሩሳላሜ ዴሮማኣ ኬኤዙዋቴ! 
\v 17 ዴራ ናንጊና ናንጋ ጎዳም ዋይዞ ዒፄሢሮ ጎሺዳ ሌዖ ሃኣኮ ካፓ ዓሲ ጎይሢ ዬሩሳላሜ ሞርካ ማንጋንዳኔ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 18 ዪሁዳ! ዬይ ቢያ ኔና ሄሌሢ ኔ ሃንታ ሃንቲፆና ኔኤኮ ፑርቶ ማዾ ዛሎናኬ፤ ዬይ ቢያ ጫንጮ ሜታሢ ኔጊዳ ሙኬሢ ኔ ጎሞ ዛሎና ማዔሢሮ ኔ ዑፆ ጌሊ ዒኖ ኔኤኮ ኪፃሴኔ።
\s1 ዔርሚያሴ ዴሮ ዛሎ ዖዬሢ
\p
\v 19 ሃያጉዴ ባኣዚ! ታ ዎዎይታንዳይ!
\q ሃያ ቢያ ሜቶ ታ ዎዲ ጊቢ ዳንዳዓንዳይ!
\q2 ቻዓ ታ ሳዜሌ! ታኣኮ ሳዛ ዎዚ ሩኡሪ ዹዓይ?
\q2 ዛዬ ዑኡሲና ዖልዚ ዑኡሲና ታ ዋይዚ ዋይዚ
\q2 ዚቲ ጌይ ጊባኒ ታ ዳንዳዑዋሴ።
\q
\v 20 ባይዛ ዶርዓ ቃሲንቲ ቃሲንቲ ጊዳ ኬዳኔ፤
\q2 ሳዔላ ቢያ ባይቂ ዓሲ ናንጉዋ ካይዚ ማዔኔ፤
\q ኑኡኮ ዓፒሎና ማዦና ማኣራ ዶዒ ባይቂ ጋፔኔ፤
\q2 ጎኦቦ ዓፒላኣ ዓኣፒ ጊኢጳማጉዴያና ዳርዒ ባይቄኔ።
\q
\v 21 ዖልዚ ባንዲራ ዡጊንታሢ
\q2 ዖልዚ ዛዬ ዑኡሲያ ዋይዚንታሢ
\q2 ዓይዲ ሄላንዳኣና ታ ዋይዚ ዋይዚ ናንጋንዳይ?
\q
\v 22 ናንጊና ናንጋ ጎዳ ሂዚ ጋዓኔ፦
\q2 «ታኣኮ ዴራ ታና ዔሩዋያ፥ ዔኤያ ማዔኔ፤
\q2 ጶቂሢ ዔራ ባኣዚ ባኣሢሮ ናይጉዲ ጌሺንታያ ዔያታ ማዔኔ፤
\q ፑርታ ባኣዚ ማዻኒ ዓሲ ዔሩዋ ጎይሢ ጪንጮኬ፤
\q2 ኮሺ ባኣዚ ማዻኒ ጋዓንቴ ፔቴታዖ ዔያታ ዳንዳዑዋሴ።»
\s1 ሙካንዳ ባይሲንቶ ዔርሚያሴም ፆኦሲ ፔጋሲ ዻዌሢ
\q
\v 23 ሳዖ ታኣኒ ዛጌኔ፤
\q2 ጋዓንቴ ሃይማኬ ጌይ ዔርታ ባኣዚ ባኣያ
\q2 ሃሣ ፔቴታዖ ዔኤቢባኣያ ጉሪ ማዒ ዓኣኔ፤
\q2 ጫሪንጮዋ ታኣኒ ዛጌኔ፤
\q2 ዒኢካ ፖዒ ጋዓ ባኣዚያ ጴዹዋሴ።
\q
\v 24 ዹኮ ታኣኒ ዛጌኔ፤
\q2 ዔያታ ጎጋይቂሢዳኬ፤
\q2 ጌሜሮዋ ታ ዛጌኔ፤
\q2 ካራ ባይዚ ሴካ ሃንጋ ጌይሢዳኬ።
\q
\v 25 ዓሲ ጋዓ ባኣዚ ባኣሢያ ታ ዴንቄኔ፤
\q2 ካፓ ዒኢካፓ ቢያ ባራኒ ዴንዲ ባይቄኔ።
\q
\v 26 ዓኣዔ ሳዓ ዳውሌ ቦኦሊ ማዒ ላኣሚንቴኔ፤
\q2 ናንጊና ናንጋ ጎዳኮ ዼኤፖ ዻጋፓ ዔቄያና
\q2 ካታማ ቢያ ዶዒ ባይቄኔ።
\p
\v 27 ሳዔላ ዓሲ ናንጉዋ ዳውሌ ቦኦሊ ማዓንዳሢ፤ ጋዓንቴ ጋፒሲ ዒ ባይዚንዱዋኣሢ ናንጊና ናንጋ ጎዳ ኬኤዜኔ።
\q
\v 28 ሳዓ ዬዬኤካኔ፤
\q2 ጫሪንጫኣ ዹሚና ዓኣቺንታንዳኔ፤
\q ዬያ ናንጊና ናንጋ ጎዳ ጌዔኔ፤
\q2 ዒ ጌዔ ባካ ሺራያቱዋሴ፤
\q2 ዒዚ ጋፒ ጌስቲ ቱኬኔ፤
\q2 ጊንሢም ዒ ማዓያቱዋሴ።
\q
\v 29 ፓራሢና ዖላ ዓሶንታ ሂኢዦና ዱካ ዓሶንታኮ ካኣኖ ዋይዛዖ
\q2 ካታማ ናንጋ ዓሳ ቢያ ጳሽኪ ፑናንዳኔ፤
\q2 ፔቴ ፔቴ ዓሳ ካይዚ ጳሽካንዳኔ፤
\q2 ዛላ ጊንሣ ዼኤፖ ላሎ ሹጮ ጊዓንዳኔ፤
\q ፔቴ ፔቴ ካታማ ዓሲ ናንጉዋ ባዔ ቤሲ ማዓንዳኔ፤
\q2 ዒኢካ ናንጋንዳ ዓሲ ጴዺንዱዋሴ።
\q
\v 30 ባይቃኒ ጊኢጌዜ፥ ዬሩሳላሜ! ኔና ባዴዔ!
\q2 ኔኤኒ ዞቄ ማኣዓሢ ማይንቴሢ ዓይጎሮዳይ?
\q2 ኔኤኒ ፓልሚንቲ ዓኣፖዋ ቲሽኪ ሚዛጲሴሢ ዓይጎሮዳይ?
\q ኔኤና ኮኦማ፥ ኔኤኮ ላጋ ኔና ዒፂ ዎዻኒ ኮዓኔ።
\q
\v 31 ሾይቺ ዓርቄ ላኣሊ ዒላታ ዑኡሲጉዴያ ታ ዋይዜኔ፤
\q2 ሾይ ቤቂባኣዖ ቤርቲ ናይ ሾዓ ላኣሊ
\q2 ዒላታ ዑኡሲጉዴያ ዒላቲ ታ ዋይዜኔ፤
\q ዬይ ዑኡዛ ዒስራዔኤሌኮ ዑኡዛ ቲቂንቴም
\q2 ፔኤኮ ኩጮ ሌካ ዔቂሲ «ባዴዔ ታና! ታ ጋፔኔ!
\q2 ሃይሾ ታና ዔያታ ዎዻኒ ሙኬኔ!» ጌይ ጌይ ዒላታ ዑኡዞኬ።
\c 5
\s1 ጉሙርቂንታ ዓሲና ፒዜ ዓሲናኮ ባይሱሞ
\q
\v 1 ዒስራዔኤሌ ዴሬዮቴ!
\q2 «ሂንዳ ዬሩሳላሜ ካታሞኮ ጎይፆ ጎይፆ ሃንቲ ዛጉዋቴ!
\q ፒዜ ዎጌ ዎጋያና ጎኑሞ ኮዓ ዓሲ ፔቴታዖ ዒንሢ ዴንቃንዳ?
\q2 ሂንዳ ዓሳ ቡካ ጶኦካ ኮዑዋቴ!
\q2 ዒንሢ ዴንቄያ ማዔቴ ታኣኒ ዬሩሳላሜ ማኣራንዳኔ።
\q
\v 2 ‹ናንጊና ናንጋ ጎዳ ሃይቆ!› ጌይ ዒንሢ ጫኣቃኔ፤
\q2 ጋዓንቴ ዒንሢ ጫኣቃሢ ሉኡዙሞናኬ።»
\q
\v 3 ናንጊና ናንጋ ጎዳሢዮ! ዓኣፓ ኔኤኮ ጎኔ ባኣዚ ዴንቃያቱዋዓዳ?
\q2 ኔ ዔያቶ ሃርጌና ጳርቄኔ፤ ዔያታ ጋዓንቴ ዔኤቢኬ ጌይባኣሴ፤
\q2 ኔ ዔያቶ ጋኣጬኔ፤ ዔያታ ፔ ዻቢንታፓ ዔራኒ ኮዒባኣሴ፤
\q ዋይዚ ዒፂ ዒኖ ዔያታ ዶዲሼኔ፤ ጎማፓ ዔያታ ማዓኒ ዳንዳዒባኣሴ።
\q
\v 4 ዬካፓ ታኣኒ፦
\q2 «ዔያቶ ፆኦዛሢኮ ዎጎ ዔያታ ዔሪባኣሢሮ
\q2 ናንጊና ናንጋ ጎዳኣ ዓይሣ ጎይፆ ሃንቱዋኣሢሮ
\q2 ሃይ ዓሳ ማንቆ፥ ማሊያ ጶቂሡዋያ፥ ቤልፃኬ።
\q
\v 5 ዓካሪ ታኣኒ ቢቲ ማዒ ዎይሣ ዓሶ ኮይላ ዴንዲ
\q2 ዔያቶና ዎላ ጌስታንዳኔ፤
\q2 ዔያታ ናንጊና ናንጋ ጎዳኮ ጎይፆና ዔያቶ ፆኦዛሢኮ ዎጎዋኣ ዔራያዋይ»
\m ጌይ ማሌኔ።
\q ጋዓንቴ ዔያታኣ ሃንጎ ዓሶ ማዒ ዴዔኔ፤
\q2 ፆኦሲም ዓይሢንቶዋ ኮይባኣሴ።
\q
\v 6 ዴራ ፆኦሲኮ ዎጎ ዓይሢንቲ ኩንሦ ሚርጌ ዎዴ ዒፂ፥ ዺቢ ጎሜ ማዼኔ፤
\q2 ዬያሮ ዔያቶኮ ሞርካ ካይዚፓ ኬስካ ዞቢጉዲ
\q2 ሃሣ ዳውሌ ያኣዮጉዲ ዔያቶይዳ ሜቶ ሄሊሳንዳኔ፤
\q2 ዬያታ ሞርካ ካታሞ ሙኪ ካቲ
\q2 ዬካፓ ኬስካ ዓሶ ቢያ ማኣኪጉዲ ቡኡጪ ቡኡጪ ሾኦላንዳኔ።
\q
\v 7 ናንጊና ናንጋ ጎዳ ሂዚ ጋዓኔ፦
\q2 «ታኣኮ ዴራ ታና ሃሺ ሉኡዚ ማዔ ፆኦዞ ካኣሽካኔ፤
\q2 ሂዳዖ ታኣኒ ዔያቶኮ ጎሞ ዓቶም ጋዓንዳሢ ዓይጎ ዛላዳይ?
\q ታኣኒ ታ ዴሮም ኮይሳ ሙኡዚ ቢያ ዒንጊ ሚሼኔ፤
\q2 ዔያታ ጋዓንቴ ዞኦስካ ኮኦማያ ማዔኔ፤
\q2 ዔያቶኮ ዎርቆ ማኣራ ዞኦዛ ኮኦማ ላኣሎ ማኣሮ ማዔኔ።
\q
\v 8 ማርካ ሙኡዚ ዲቾና ፓሮጉዲ ላኣሊ ሱኡኬና ዔያታ ሜታዼኔ፤
\q2 ፔቴ ፔቴሢ ፔኤኮ ላጎ ላኣሎ ዓርቂ ዓማላኒ ኮዓኔ።
\q
\v 9 ዬያሮ ታኣኒ ዔያቶይዳ ሜቶ ዓጋንዳያ ታኣም ኮይሱዋዓዳ?
\q2 ዬያጉዴ ዋይዞ ዒፃ ዴሮ ታኣኒ ኮሜ ኮፃኒ ዳንዳዑዋዓዳ?
\q
\v 10 ታ ዴሮኮ ዎይኖ ቲቂ ቲቂ ፑርቲሳንዳ ሞርኬ ታኣኒ ዳካንዳኔ፤
\q2 ጋዓንቴ ዎይኖኮ ፃጶ ቱጊ ታ ባይዚሳዓኬ፤
\q ካኣፓ ታኣሮቱዋኣሢሮ
\q2 ቲቂ ዔያታ ኬኤራንዳጉዲ ታ ዓይሣንዳኔ።
\q
\v 11 ዒስራዔኤሌና ዪሁዳና ዴራ ጋፒ ታኣም ዋይዞ ዒፄኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\s1 ናንጊና ናንጋ ጎዳ ዒስራዔኤሌ ዴሮ ሃሼሢ
\p
\v 12 ናንጊና ናንጋ ጎዳ ዴራ ዒዛይዳ ሉኡዙሞና ሂዚ ጌይ ጌስቲሢ ዓርቄኔ፦ «ናንጊና ናንጋ ጎዳ ኑና ፔቴታዖ ዔኤቢ ዎኦታዓኬ፤ ፑርታ ባኣዚያ ኑና ሄላዓኬ፤ ዖልዚንታ ናይዚንታ ሙካዓኬ፤ 
\v 13 ናንጊና ናንጋ ጎዳ ዔኤቢ ኬኤዚባኣ፥ ዒዛ ማሊፆ ኬኤዛ ዓሳ ኬኤዛ ባካ ቢያ ዢባሬጉዲታሢሮ ዔያታ ኬኤዜ ባካ ቢያ ዔያቶ ሄላንዳኔ።» 
\v 14 ቢያ ባኮ ዎይሣ ጎዳ፦ «ዔርሚያሴ! ዴራ ያዺ ጌዔሢሮ ታኣኮ ቃኣላ ኔ ዻንጎይዳ ታሚ ማዓንዳኔ፤ ዬካፓ ዴራ ሃንፂሌ ማዔም ዬይ ታማ ዔያቶ ሙዓንዳኔ» ሂዚ ጌይ ታኣም ኬኤዜኔ።
\p
\v 15 ዒስራዔኤሌ ዴሬዮቴ! ናንጊና ናንጋ ጎዳ ዒንሢዳ ሜቶ ሄሊሳንዳ ዓሲ ሃኬ ዓጪፓ ዔኪ ዬዓንዳኔ፤ ዬይ ዴራ ዻንጎ ዔያቶሲ ዒንሢ ዔሩዋያ፥ ጌስታ ጌኤዞዋ ዒንሢ ዔሪ ዔኪንዱዋያ፥ ሚናኣ ዓሲ ማዔ ዶዲ ዴሬኬ። 
\v 16 ሂኢዦና ዒንሢ ዱካንዳ ዓሳ ሚጪንቱዋዖ ዎዎዻ ዶዲ ዖልዚ ዓሲኬ። 
\v 17 ዒንሢኮ ሃኣኮንታ ሙዖንታ ቢያ ፒፂ ሙይ ባይዛንዳኔ፤ ዓቲንቆንታ ዉዱሮ ናኣቶንታ ዒንሢኮ ቢያ ዔያታ ዎዻንዳኔ፤ ማራቶንታ ባኣቶንታ ቢያ ዒንሢኮ ዔያታ ሹኪ ሙዓንዳኔ፤ ዎይኖንታ ቤሌሶ ሚፆንታኮ ዓኣፖ ሙይ ባይዛንዳኔ፤ ዬይ ዖሎ ዓሳ ዒንሢ ጉሙርቃ፥ ኬኤሎ ዲፆና ዲርቂንቴ ካታሞ ቢያ ዒንሢኮ ሻሂ ዶይሳንዳኔ።
\p
\v 18 ናንጊና ናንጋ ጎዳ ሂዚ ጋዓኔ፦ «ዬይ ቢያ ማዓኣና ዬንሢ ኬሎንሢዳ ታኣኮ ዴሮ ጋፒሲ ታ ባይዛዓኬ፤ 
\v 19 ዔርሚያሴ! ዴራ፦ ‹ናንጊና ናንጋ ጎዳ ሃያ ቢያ ኑጊዳ ዔኪ ሙኬሢ ዓይጎሮዳይ?› ጌይ ዖኦጫ ዎዶና ታና ዔያታ ሃሺ ፔ ዓጮይዳ ሜሌ ፆኦዞ ካኣሽኬማጉዴያ ዔያታ ፔ ቶኦኪና ዔያቶሮ ማዒባኣ ዓጪ ዴንዲ ፃንጎ ዴሬኮ ዓይሌ ማዒፃ ዓቲንዱዋኣሢ ዔያቶም ኬኤዜ።»
\s1 ናንጊና ናንጋ ጎዳ ዴሮም ላቲ ኬኤዜ ባኮ
\p
\v 20 ናንጊና ናንጋ ጎዳ ሂዚ ጋዓኔ፦ «ያይቆኦቤ ዜርፆም ሃያ ዋይዚሱዋቴ፤ ዪሁዳ ማኣሮማኣ ሂዚ ጌይ ዒላቲ ኬኤዙዋቴ፤ 
\v 21 ዒንሢ ዓኣፒ ዓኣንቴ ዴንቁዋ ዓሳ፥ ዋይዚ ዓኣንቴ ዋይዙዋ ዓሳ፤ ዒንሢ ዔኤያ፥ ሃሣ ዋይዚ ዒና ዔኩዋ ዴራ! ሃያ ዋይዙዋቴ። \x - \xo 5፡21 \xo*\xt ዒሲ. 6፡9-10፤ ሂዚ. 12፡2፤ ማር. 8፡18።\xt*\x* 
\v 22 ታኣኒ ናንጊና ናንጋ ጎዳኬ፤ ሂዳዖ ታና ዒንሢ ዎይታዛ ቦንቹዋይ? ታ ቤርታ ዒንሢ ዎይታዛ ዒጊጪ ጎጋይቁዋይ? ማኣሻሎይዴና ዋኣፃ ሶፒ ዴንዱዋጉዲ ናንጊና ዼኤፖ ባዞኮ ዓጮ ዴኔ ማሂ ኮሼሢ ታናኬ፤ ዬይ ዼኤፖ ባዛ ዎዚ ዓጊፄቴያ፥ ባዞ ጉዳሢንታ ዢባሮንታ ዋኣፆ ዴቼቴያ፥ ጉኡሜቴያ ዬያ ዛጲ ማዒ ዓኣ ማኣሻሎ ዴኖይዴና ሶፒ ዴንዳኒ ዳንዳዑዋሴ። \x - \xo 5፡22 \xo*\xt ዒዮ. 38፡8-11።\xt*\x* 
\v 23 ዒንሢ ጋዓንቴ ዋይዚ ዒፃያ ፑርታ ዴሬ ማዔሢሮ ታና ዒንሢ ሃሺ ቤቴኔ። 
\v 24 ሌዖ ዒሮንታ ሲሎ ዒሮንታ ዎዶና ዒንሢም ዒንጋሢ፥ ሌዖ ጎሽኮ ዎዶዋ ሌዓ ሌዓ ዔኪ ሙካሢ ታናኬ፤ ዒንሢ ጋዓንቴ ታና ቦንቾ ዒፄኔ። 
\v 25 ዒንሢኮ ዻቢንታ ዓንጆ ዒንሢኮ ባይዜኔ፤ ዒንሢኮ ጎሞ ዺቡማ ኮሺ ባኣዚ ዴንቁዋጉዲ ዒንሢ ላኣጌኔ።
\p
\v 26 «ታ ዴሮ ባኣካ ናንጋ ፑርታ ዓሲ ዓኣኔ፤ ዬና ዓሳ ፒሮና ካፒ ዓርቃ ዓሲጉዲኬ፤ ዬያሮ ዔያታ ዓሲ ዓይሣኒ ፒራሢ ሱዞ ጊኢጊሺ ካታኔ። 
\v 27 ኬሞ ዓሲ ካፒ ዓርቃዖ ጌሦ ቤሲዳ ቡኩሲ ጌሣሢጉዲ ዔያታ ፔኤኮ ማኣሮ ዓሲዳፓ ቡሪ ዔኮ ባኣዚና ኩንሣኔ፤ ዔያታ ዶዲ፥ ሃሣ ዖርጎቺ ማዔሢ ዬያሮኬ። 
\v 28 ዔያታ ጋርካ ቃዚ ሙኡዞና ቡዋጉዲ ማሌኔ፤ ዔያታ ማዻ ፑርቶ ማዾኮ ሃይማኬ ጌይንታ ባኣዚ ባኣያኬ፤ ዜኤሮ ናኣቶ ዛሎ ዔያታ ዔቂ ጌስቱዋሴ፤ ማንቆ ዓሶም ፒዜ ዎጌ ዔያታ ዎጉዋሴ።
\p
\v 29 «ዬያሮ ታኣኒ፥ ናንጊና ናንጋ ጎዳ ዬያ ባኮ ቢያሢሮ ዔያቶይዳ ሜቶ ዓጋንዳያ ታኣም ኮይሱዋዓዳ? ዬያጉዴ ዴሮ ኮሜ ኮፂፃ ታኣም ፒዜቱዋዓዳ? 
\v 30 ዑስካ ጌላያና ዲቃሣያ ማዔ ባኣዚ ሃኖ ሳዖይዳ ማዺንቴኔ። 
\v 31 ‹ፆኦሲ ማሊሢ ኑ ኬኤዛያኬ› ጋዓ ዓሳ ሉኡዙሞና ኬኤዛኔ፤ ቄኤሳ ዬይ፥ ፆኦሲ ማሊፆ ኬኤዛ ዓሳ ዞራ ዞሮና ዎይሣኔ፤ ዴራ ዬያ ባኮ ቢያ ዒፂ ማኩዋሴ፤ ዓካሪ ዬያ ቢያ ባኮኮ ጋፒንፃ ሙካኣና ዒንሢ ዓንኮ ጌላንዳይ?»
\c 6
\s1 ዬሩሳላሜ ካታሞኮ ሞርኮና ማንጊንቲፆ
\p
\v 1 ዔዛታ ቢኢኒያሜ ዴራ! ሼምፖ ዒንሢኮ ዓውሳኒ ጳሽኪ ቶሉዋቴ! ዬሩሳላሜፓ ኬስኩዋቴ! ቴቆዓይዳ ዛዬ ዋርቁዋቴ፤ ቤትሃካሬሜይዳ ማላታ ማዓንዳጉዲ ታሚ ዔኤሡዋቴ! ዎዺ ኩርሳ ዶርዖና ባይሲንታና ዓጮኮ ኬዶ ዛላፓ ሙካኒኬ። 
\v 2 ሚዛጲ፤ ሃሣ ጋዳይሲንታያ ማዔ ፂዮኔ ካታሜላ ባይቃንዳኔ። 
\v 3 ቆልሞ ናኣታ ፔ ቆልሞና ዎላ ዒኢካ ዴዓንዳኔ፤ ፔኤኮ ዓፒሎና ማዦ ማኣሮ ካታሜሎኮ ኮይሎይዳ ቢያ ዾቃንዳኔ፤ ፔቴ ፔቴሢ ፔ ሼና ጌዔ ቤዛ ቆልሞ ሄንቃንዳኔ። 
\v 4 ዒዞኮ ሞርካ ሂዚ ጋዓንዳኔ፦ «ዬሩሳላሜ ኑ ዖላኒ ጊኢጎም! ዔቁዋቴ! ዓባ ሳዛ ጫርጋኣና ኑ ዖሎ ቡሎም! ጋዓንቴ ኑ ሃሢ ናጌኔ፤ ማይ ሳዓ ዓማኒ ዑኬኔ፤ ዓባ ጌላኒ ዑኬሢሮ ሺባ ዖዶቂ ዖዶቂ ዴንዴኔ። 
\v 5 ያዺ ማዔቴያ ጊኢጉዋቴ፤ ዹሞና ኑ ዖሊ ካታሜሎ ሻሂ ዶይሶም።»
\p
\v 6 ቢያ ባኮ ማዤ ጎዳሢ ሂዚ ጋዓኔ፦ «ሚፆ ቲቁዋቴ፤ ዬሩሳላሜ ካታሞኮ ኬኤሎ ዲፆይዴና ጊዒ ጌላኒ ዬያ ሚፆና ሳና ኮሹዋቴ፤ ዒዞይዳ ጌኔ ማዾ ሚርጌና ማዺንታሢሮ ፑርታ ሜታ ዒዞይዳ ዓጊንታንዳያ ኮይሳኔ፤ 
\v 7 ዋኣሢ ዔቴ ዋኣሢ ዓልቂሲ ኬሳሢጉዲ ዬሩሳላሜ ካታማ ፑርታ ባኣዚኮ ቢያ ዓልቃ ቤሲ ማዔኔ፤ ዒዞይዳ ታ ዋይዛሢ ጌኔ ማዾና ቡሪሢና ባኣዚ ሌሊኬ፤ ቢያ ዎዴ ዒዞይዳ ጴዻማ ሃርጌና ኪፃዺሢናኬ። 
\v 8 ዒንሢ ዬሩሳላሜ ዴራ! ሃይ ቢያ ሜታ ዒንሢም ‹ዒንሢና ዔሩዋቴ› ጋዓያ ማዖም፤ ሃንጎ ታኣኒ ዒንሢ ታ ዓኣፓፓ ሺኢሻንዳኔ፤ ካታሞ ዒንሢኮ ታኣኒ ዳውሌ ቦኦሊ ማሂ፥ ዒኢካ ናንጋ ዓሲ ባኣያ ማሃንዳኔ።»
\s1 ዒስራዔኤሌኮ ዋይዞ ዒፆ
\p
\v 9 ቢያ ባኮ ማዤ ጎዳሢ ሂዚ ጋዓኔ፦ «ዒስራዔኤሌይዳ ፒኢጫዺ ዓቴ ዓሶ ዎይኖ ሶያፓ ዓኣፖ ማንፆማጉዲ ማንፁዋቴ፤ ማንፄ ጎይሣ ዴዴዓ ዓሲጉዲ ኩጮ ዒንሢኮ ዒኢካ ካኣፖ ባንሢ ሌይሱዋቴ።»
\p
\v 10 ታኣኒ ዒማና፦ «ታ ዔያቶም ኬኤዜቴያ ላቲ ላቲ ኬኤዜቴያ ዖ ዋይዛንዳይ? ዔያታ ፑርታ ዶዲ ዓሲታሢሮ ኔኤኮ ቃኣሎ ዔያታ ዋይዛኒ ኮዒንዱዋሴ፤ ኔ ቃኣሎ ታ ዔያቶም ኬኤዛኣና ዔያታ ሚኢጪ ዓማላንዳኔ፤ ታኣኒ ኬኤዛ ባካ ዔያቶ ዎዛሳዓኬ። 
\v 11 ናንጊና ናንጋ ጎዳሢዮ! ኔ ዔያቶይዳ ዻጋዼ ዻጋ ታናኣ ዻጋሲ ሳዛ ታኣኮ ዔኤታኔ፤ ፔቴታዖ ዬያ ታ ጊባኒ ዳንዳዑዋሴ» ጌዔኔ።
\p ናንጊና ናንጋ ጎዳ ታኣም፦ «ጎይፆይዳ ዓኣ ናኣቶንታ ቡኪንቲ ዓኣ ዼጌዞንሢንታ ዑፃ ታኣኮ ዻጎ ጮኦሽኬ፤ ዓኒ ማዔቴያ ማቻ፥ ጋርቾ ማዔቴያ ባሺንቴ ጋርቻኣ ታ ዓጋ ሜታሢፓ ቶሊ ዓታዓኬ» ጌይ ኬኤዜኔ። 
\v 12 ናንጊና ናንጋ ጎዳ ሂዚ ጋዓኔ፦ «ታኣኒ ሃኖ ዓጬሎ ዴሮይዳ ሜቶ ዓጋ ዎዶና ዔያቶኮ ማኣራ፥ ጎዦንታ ላኣሎንታ ዓቱዋዖ ሜሌ ዓሲም ዒንጊንታንዳኔ። 
\v 13 ዼኤፖ ዓሶ ማዔቴያ ዻካኬ ጌይንታ ዓሳ ፔቴ ፔቴሢ ዎጌባኣ ጎይሢና ፔኤም ማዓንዳ ባኣዚ ቡኩሳኔ፤ ታ ማሊፆ ኬኤዛ ዓሶንታ ቄኤሶንታ ዓቱውዖ ዴሮ ጌሻኔ፤ 
\v 14 ታኣኮ ዴራ ሜቄሢ ዔያታ ዛጌዖ ኮኦሊፆ ሃሺ፥ ኮሺባኣ ቤስካ ‹ኮሺኬ፤ ኮሺኬ› ጋዓኔ። \x - \xo 6፡14 \xo*\xt ሂዚ. 13፡10።\xt*\x* 
\v 15 ዬያ ቢያ ሻኣካ ባኮ ማዻዖ ዔያታ ቦርሲንቴኖ? ቦርሲንቲፃ ዓታዛ ዓኣፖ ካሮታኣ ዻካሮ ዔያታ ሺርሺባኣሴ፤ ዬያሮ ሃንጎ ዓሳ ሎኦሜሢጉዲ ዔያታኣ ሎኦማንዳኔ፤ ታ ዔያቶይዳ ፑርቶ ባኮ ዓጋ ዎዶና ዬማ ዔያቶኮ ዻውሲንቶ ኬሎ ማዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።» \x - \xo 6፡15 \xo*\xt ዔር. 8፡10-12።\xt*\x*
\s1 ዒስራዔኤሌ ዴራ ናንጊና ናንጋ ጎዳ ጎይፃፓ ሃሺ ኬስኬሢ
\p
\v 16 ናንጊና ናንጋ ጎዳ ዴሮም ሂዚ ጋዓኔ፦ «ጎይፃ ዎላ ካኣማ ካራ ካራ ዔቂ ዛጉዋቴ፤ ሚናኣ ጎይፆ ማዔዞና ኮሺ ማዔ ጎይፄላ ዎኖታቴያ ዖኦጪ ዔሩዋቴ፤ ዒንሢ ዴንቄ ዎዶና ዒኢና ዓኣዹዋቴ፤ ኮሺ ናንጊ ዒንሢ ናንጋንዳኔ።» \x - \xo 6፡16 \xo*\xt ማቲ. 11፡29።\xt*\x*
\p ዴራ ጋዓንቴ «ዬኖ ጎይፆ ኑ ዓኣዻዓኬ!» ጌዔኔ። 
\v 17 ዬካፓ ናንጊና ናንጋ ጎዳ ላቲ ኬኤዛኒ ዋርቆ ዛዬ ዋርቃንዳ፥ ካፓ ዓሲ ዒኢካ ዔቂሴኔ፤ ዔያታ ጋዓንቴ «ኑ ዋይዛዓኬ» ጌዔኔ።
\p
\v 18 ዬያሮ ናንጊና ናንጋ ጎዳ ሂዚ ጌዔኔ፦ «ዒንሢ ሃይ ዴራ ዋይዙዋቴ! ታ ዴሮይዳ ማዺንታንዳ ባኮ ኮሺ ዛጊ ዒና ዔኩዋቴ። 
\v 19 ሳዔሌ! ዋይዜ! ዔያታ ታኣኒ ዔያቶ ዔርዜ ዳምቦ ዒፂ ማኬሢሮ፤ ሃሣ ጊንሣ ታ ዎጎም ዔያታ ዓይሢንቲባኣሢሮ ዔያቶኮ ፑርቶ ማሊፆ ቢያሮ ጌይ ሜቶ ዔያቶይዳ ዓጋኒ ፑርታ ባኣዚ ታ ዔኪ ዬዓንዳኔ። 
\v 20 ሳኣባ ጌይንታ ዓጫፓ ታኣም ዔያታ ዔኪ ሙካ ዑንጃ፤ ሃሣ ጊንሣ ሃኬ ዓጮይዳፓ ዔያታ ታኣም ዔኪ ሙካ ሳውቃ ዼኤሻ ታኣም ዓይጎ ዎኦታንዳያዳይ? ዔያታ ዒንጋ ባኮ ታ ዔካዓኬ፤ ሚቺ ዒንጋ ባካኣ ታና ዎዛሳያቱዋሴ። 
\v 21 ዬያሮ ሃያ ዴሮ ዹቂሲ ታኣኒ ሎንሣንዳኔ፤ ዓዶንታ ናኣቶንታ፥ ዎሊኮ ላጎ ማዓ ዓሶንታ ዓሺኖ ማዓ ዓሶንታ ፔቴይዳ ዎላ ሃይቃንዳኔ።»
\s1 ዓጮኮ ኬዶ ዛላፓ ሙካኒ ጊኢጋ ዖልዚ
\p
\v 22 ናንጊና ናንጋ ጎዳ ሂዚ ጋዓኔ፦ «ኬዶ ዛሎና ዓኣ ዓጫፓ ዖሊ ዓርቃንዳ ዓሲ ሙካንዳኔ፤ ሃኬይዳ ዎልቄና ዓኣ ዴሬ ዖልዚም ጊኢጊንቴኔ፤ 
\v 23 ዔያታ ፔኤኮ ሂኢዦ ኩጫ ዔኪ ዓኣኔ፤ ዔያታ ዓሲ ሚጪንቱዋዖ ዎዎዻያኬ፤ ዔያታ ቶጋ ፓራሢኮ ካኣና ዢባራ ዴቻ ባዞ ዋኣፆጉዲኬ። ሃይሾ ዔያታ ዬሩሳላሜ ዖላኒ ጊኢጊንቴኔ።»
\p
\v 24 ዬሩሳላሜ ዴራ ሂዚ ጋዓኔ፦ «ዬያ ሃይሶ ኑ ዋይዜሢሮ ጎጳ ኑኡኮ ዋኣፄኔ፤ ሾይቺ ዓርቄ ላኣሊጉዲ ካራ ኑም ባይቄኔ፤ 
\v 25 ጎዦ ዴንዲፖቴ፤ ጎይፆይዳኣ ሃንቲፖቴ፤ ቢያ ካሮና ሂርጊሻ ባኣዚ ዓኣሢሮ ሞርኮ ዓራፓፓ ዒንሢና ካፑዋቴ።»
\p
\v 26 ናንጊና ናንጋ ጎዳ ፔ ዴሮም ሂዚ ጋዓኔ፦ «ዒንሢ ባይዛኒ ሙኬ ሞርካ ዔሩዋንቴ ዒንሢዳ ዖልዚ ቡላኒ ጋዓሢሮ ሲዬ ፓቲሌ ማይንቲ ዲቢንሢዳ ኮላዹዋቴ፤ ናዖማ ፔቴ ሜቴታዖ ሃይቄ ዓሲጉዲ ሜቂ ዬኤኩዋቴ፤ 
\v 27 ዔርሚያሴ! ዓንጊኮ ጎኔ ዓንጊ ማዒፃ ዱማ ዱማ ጎይሢና ዛጊንቲ ዔርታሢጉዲ ታኣኮ ዴሮ ዬያይዲ ዛጊ ዔያታ ዎዚዺታቴያ ዔሬ፤ 
\v 28 ዔያታ ቢያሢ ሞኦና ዓንጊና ሜሌ ዓንጎናጉዲ ዶዲኬ፤ ዔያታ ታኣም ዋይዚያ ዋይዙዋኣያ፥ ፑርታ፥ ጌኔ ማዾ ማዻ ዓሲ ማዔኔ፤ ቢያሢ ዾንኮ ሱኡኬና ዓኣያኬ። 
\v 29 ዓንጊ ሼኤሻኒ ጊልፓ ዎልቄና ጊልፒንታኔ፤ ፑርቶ ዓሳ ሺኢኪ ባይቂባኣሢሮ ዬይ ዓንጎ ሼኤሻሢ ጉሪ ላባኔ። 
\v 30 ታኣኒ፥ ናንጊና ናንጋ ጎዳ ዔያቶ ኬኤሬሢሮ ‹ጌኤሺ ማዒባኣሢሮ ኬኤሪንቴ ቢራ ዓንጊ› ዔያታ ጌይንታንዳኔ።»
\c 7
\s1 ዔርሚያሴ ጌኤዦ ማኣራ ኬኤዜ ባኮ
\p
\v 1 ናንጊና ናንጋ ጎዳ ዔርሚያሴም፦ 
\v 2 «ናንጊና ናንጋ ጎዳ ማኣሮ ካራ ዔቂ፥ ሂዚ ጌይ ዴሮም ዒላቲ ኬኤዜ» ጌዔኔ።
\p «ፆኦሲ ካኣሽካኒ ሃንሢ ካሮንሢና ጌላ ዪሁዳ ዴራ ቢያሢ ናንጊና ናንጋ ጎዳ ኬኤዛ ባኮ ዋይዙዋቴ። 
\v 3 ዒስራዔኤሌ ፆኦዛሢ ማዔ ቢያ ባኮ ማዤ ጎዳ ሂዚ ጋዓኔ፦ ‹ዒንሢ ናንጋ ናንጎና ማዻ ማዾና ጊኢጊሹዋቴ፤ ዒንሢ ዬያይዴቴ ሃይካ ታ ዒንሢ ናንጊሻንዳኔ። 
\v 4 ሃይ ናንጊና ናንጋ ጎዳኮ ጌኤዦ ማኣሮኬ! ሃይ ናንጊና ናንጋ ጎዳኮ ጌኤዦ ማኣሮኬ! ሃይ ናንጊና ናንጋ ጎዳኮ ጌኤዦ ማኣሮኬ፤ ዬያሮ ኑኡኒ ኮሺ ናንጊ ናንጋኔ!› ጌይ ጌይ ጉሪ ዒንሢ ጌስታ ጌኤዞና ጉሙርቂንቲ ዴይፖቴ።
\p
\v 5 «ዒንሢ ናንጋ ናንጎንታ ማዻ ማዾንታ ላኣሚ ጊኢጊሹዋቴ፤ ዎላ ሴካና ሃንጋና ኮሺ ማዒ ናሹሞና ዎላ ቱኡቲ ናንጉዋቴ፤ 
\v 6 ሜሌ ዓጫፓ ሙኬ ዓሶንታ ዜኤሮ ናኣቶንታ ዜኤሮይንዶንሢንታኮ ካራ ባይዚ ቡሪ ዔያቶ ሙይ ሺሪፖቴ፤ ሃያ ዓጮይዳ ናንጋ ፒዜ ዓሶ ጌኔ ጎይሢና ዎዺፖቴ፤ ዒንሢ ባይቁዋጉዲ ሉኡዚ ማዔ ፆኦዞ ዚጊ ካኣሽኪፖቴ። 
\v 7 ዬያይዲ ናንጎ ዒንሢሲ ዒንሢ ላኣሚ ጊኢጊሼቴ ዒንሢኮ ቤርታኣ ዓዶንሢም ናንጊና ዔያቶ ዴኔ ማሂ ታ ዒንጌ ሳዖይዳ ታኣኒ ዒንሢ ናንጊሻንዳኔ።
\p
\v 8 «ዛጉዋቴ! ዒንሢ ጉሪ ጌጌሾ ጌኤሲ፥ ሎንሦ ኬኤዚንቲባኣ ባኣዚ ጉሙርቃኔ። 
\v 9 ዒንሢ ዉዉኡቃኔ፥ ዓሲያ ዎዻኔ፥ ዓኒ ሃሣ ማቾ ማዒባኣያና ላሃኔ፥ ሉኡዙሞና ዒንሢ ጫኣቃኔ፥ ባዓኣሌ ጌይንታ ፆኦዞም ዒንጎ ባኣዚ ዒንሢ ዒንጋኔ፤ ሃያኮ ቤርታ ዒንሢ ዔሩዋ ፆኦሲ ዒንሢ ካኣሽካኔ። 
\v 10 ታ ዒፃ ባኮ ዬያ ጉቤ ማዻዖ ታ ሱንፃ ካኣሽኪንታ ጌኤዦ ማኣሪ ሙኪ ታ ቤርታ ዒንሢ ዔቂጋፓ፦ ‹ኑ ባይሲንታፓ ቶሌኔ!› ጋዓኔ። 
\v 11 ታኣኮ ሱንፃ ካኣሽኪንታ ጌኤዦ ማኣራ ዉሲ ዓኣሺንታ ቤሲ ዒንሢ ኮይላ ማሊያ? ዒንሢ ማዻ ባኮ ቢያ ሃይሾ ታኣኒ ታ ቶኦኪና ዛጌኔ፤ \x - \xo 7፡11 \xo*\xt ማቲ. 21፡13፤ ማር. 11፡17፤ ሉቃ. 19፡46።\xt*\x* 
\v 12 ታኣኒ ካኣሽኪንታንዳጉዲ ቤርታዺ ታኣኒ ዶኦሬ ቤዜሎ፥ ሴኤሎ ዴንዱዋቴ፤ ታ ዴሮ፥ ዒስራዔኤሌ ዓሶ ጎሞሮ ጌይ ታኣኒ ዒኢካ ማዼ ባኮ ዛጉዋቴ። 
\v 13 ዒንሢ ሃያ ዻቢንቶ ቢያ ማዻዖ ላሚ ላሚ ታ ዒንሢም ኬኤዜም ዋይዛዓ ዒንሢ ጌዔኔ፤ ታ ዒንሢ ዔኤላዛኣ ዒንሢ ዬሂባኣሴ። 
\v 14 ዬያሮ ሴኤሎይዳ ታ ማዼ ባኮ ሃያ ዒንሢ ጉሙርቃ፥ ታኣኮ ጌኤዦ ማኣሮይዳ ታ ማዻንዳኔ፤ ሴኤሎይዳ ታ ማዼማ ጊንሣ ላሚ ዒንሢኮ ቤርታኣ ዓዶንሢንታ ዒንሢንታም ታኣኒ ዒንጌ ቤዛ ማዻንዳኔ። \x - \xo 7፡14 \xo*\xt ዒያ. 18፡1፤ ዓይኑ. 78፡60፤ ዔር. 26፡6።\xt*\x* 
\v 15 ዒንሢኮ ጌርሲንሢ ማዔ ዔፕሬኤሜ ዴሮ ቢያ ታኣኒ ዳውሲ ባይዜሢጉዲ ዒንሢያ ታኣኒ ታ ቤርታፓ ዳውሲ ባይዛንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ዴሮኮ ዋይዞ ዒፆ
\p
\v 16 ናንጊና ናንጋ ጎዳ ሂዚ ጋዓኔ፦ «ዔርሚያሴ! ሃያ ዴሮም ሺኢቂፖ፤ ሃያ ዓሶም ሺኢቃኔ ጌይ ዒላቲፖ፤ ታ ኔኤም ቃይሺንቲንዱዋኣሢሮ ኔ ታና ቃይሺ ሺኢቃንዳያ ኮይሱዋሴ፤ 
\v 17 ዬያ ሃሺጋፓዖ ዬሩሳላሜኮ ሃንቶ ጎይፆና ዪሁዳ ካታሞናይዳ ዔያታ ማዻ ባኮ ቢያ ኔ ዛጉዋዓዳ? 
\v 18 ናኣታ ሃንፂሌ ሃኣካኔ፤ ዓዶንሢ ታሞ ዔኤሣኔ፤ ላኣላ ጊንሣ፦ ‹ጫሪንጮ ጌኤሾ› ጌይንታ ፆኦዜሎም ካሣ ካሣኒ ዺኢሎ ዲርካኔ፤ ታና ዻጋሳኒ ሜሌ ፆኦዞም ዔያታ ዎይኖ ዑዦ ዔኪ ሺኢሻኔ። \x - \xo 7፡18 \xo*\xt ዔር. 44፡7-19።\xt*\x* 
\v 19 ዬያና ዔያታ ታና ዻጋሳንዳያ ዔያቶም ማላ? ዔያታ ሜቶይዳ ጌላኒ ቦርሲንቲ ፔ ባንሢ ዔኤላኔ፤ 
\v 20 ዬያሮ ታኣኒ፥ ቢያ ባኮ ማዤ ጎዳሢ ዬያ ቤዞይዳ ዶዶ ዻጎ ታኣኮ ታ ጮኦሽካንዳኔ፤ ዓሶንታ ቆልሞንታይዳ፥ ሚፆንታ ሃኣኮንታ ቢያሢዳ ታኣኮ ዻጎ ታ ዉዻንዳኔ፤ ታኣኮ ዻጋ ዖኦኒያ ዎዻኒ ዳንዳዑዋ ታሚጉዲ ማዓንዳኔ።»
\p
\v 21 «ታኣኒ፥ ዒስራዔኤሌኮ ፆኦዛሢ ማዔ ቢያ ባኮ ማዤ ጎዳ ሂዚ ጋዓኔ፦ ‹ዒንሢ ዒንጋኒ ጊኢጊሼ ቤዞይዳ ሚቺ ዒንጋኒና ሜሌ ዒንጊፆዋ ዒንሢ ዔኪ ሺኢሼሢኮ ዓሽኮ ቡኩሲ ዔኪ ዒንሢሮ ሙውዋቴ።› 
\v 22 ታኣኒ ዒንሢኮ ቤርታኣ ዓዶንሢ ጊብፄ ዓጫፓ ዔኪ ኬሴ ዎዶና ሚቺ ዒንጎ ዒንጊሢንታ ሜሌ ዒንጎ ባኮ ዛላኣ ፔቴታዖ ታ ኬኤዜ ባኣዚ ባኣሴ፤ 
\v 23 ጋዓንቴ ታኣኒ ዔያቶኮ ፆኦሲ ማዓዛ ዔያታ ታኣኮ ዴሬ ማዓኒ ታኣም ዓይሢንታኒ ኮይሳሢ ሌሊ ታ ዔያቶም ኬኤዜኔ፤ ቢያ ባካ ዔያቶም ጊኢጋንዳጉዲ ዔያታ ኮዔቴ ታ ዓይሤ ዳምቦ ጎይፆማ ዔያታ ናንጋንዳጉዲ ታ ዔያቶ ዓይሤኔ። 
\v 24 ዔያታ ጋዓንቴ ዋይዛኒ ኮይባኣሴ፤ ዔኤቢኬያ ጌይባኣሴ፤ ዔያታ ፔኤኮ ዋይዞ ዒፃ ፑርቶ ዒና ዓይሣ ጎይፆ ኮይሴ ባኣዚ ማዼኔ፤ ቤርቲምቱዋንቴ ዔያታ ጊንሢም ዴንዴኔ። 
\v 25 ዒንሢኮ ቤርታኣ ዓዶንሢ ጊብፄፓ ኬስኬማፓ ዓርቃዖ ሃይማ ሄላንዳኣና ታኣም ማዻ፥ ታ ማሊፆ ኬኤዛ ዓሶ ዎሊ ሄሊሲ ሄሊሲ ታኣኒ ዳኪሢፓ ጊንሢም ጌይባኣሴ። 
\v 26 ጋዓንቴ ታኣም ዋይዜ ዓሲንታ ዓይሢፆዋ ታኣኮ ዔኤቢኬ ጌዔ ዓሲ ባኣሴ፤ ዔያቶኮ ቤርታኣ ዓዶንሢፓ ዑሣ ዓኣዼ ዋይዚ ዒፃ፥ ፑርታ ዓሲ ዔያታ ማዔኔ።
\p
\v 27 «ኔኤኒ ዔርሚያሴ! ሃያ ቢያ ቃኣሎ ታ ዴሮም ኬኤዛንዳኔ፤ ጋዓንቴ ዔያታ ዋይዛዓኬ፤ ኔ ዔያቶ ዔኤላንዳኔ፥ ዔያታ ኔኤም ዬሃዓኬ። 
\v 28 ሃይ ዴራ ታና፥ ናንጊና ናንጋ ጎዳ ዔያቶኮ ፆኦሲም ዋይዙዋያ፤ ሃሣ ታ ዔያቶይዳ ዓጌ ሜታሢዳፓ ፒዜ ዳምቤ ዔሪ ዔካኒ ኮዑዋያ ማዔኔ፤ ዬያ ዛሎና ጎኑሞ ጋፒ ባይቄኔ፤ ዒዞ ዬኖ ጎኑሞ ዛላ ጌስታ ዓሲያኣ ፔቴታዖ ባኣሴ።
\q
\v 29 «ዬሩሳላሜ ዴሬዮቴ!
\q2 ቶኦኮ ዒንሢኮ ሜኤዲ ላኣሊ ዖዩዋቴ፤
\q2 ሚሢ ባቃሊባኣ ጌሜሮ ቶኦኮ ኬስኪ ቃዩዋቴ፤
\q ታኣኒ፥ ናንጊና ናንጋ ጎዳሢ ዻጋዼኔ፤
\q2 ሃኖ ዎዶ ዓሶ ታኣኒ ታ ቤርታፓ ዔኪ ዢቤኔ።»
\s1 ሄኖሜ ዶኦጮይዳ ማዺንቴ ፑርታ ማዾ
\p
\v 30 «ዪሁዳ ዴራ ፑርታ ባኣዚ ማዼኔ፤ ዎዎዴይ ጌዔቴ ታኣኒ ዒፃ ሜሌ ፆኦዞ ጌኤዦ ማኣሪ ዔኪ ጌልዚ ታኣኮ ጌኤዦ ማኣሮ ዒኢሴኔ። 
\v 31 ዓቲንቆንታ ዉዱሮ ናኣቶንታ ታሚና ሚቺ ዒንጋኒ ሄኖሜ ዶኦጮይዳ ‹ቶፔቴ› ጌይንታ ዒንጎ ቤሲ ዔያታ ጊኢጊሼኔ፤ ዬይ ታኣኒ ዔያቶ ዓይሣ ዓቴም ፔቴታዖ ማሊባኣ ባኣዚኬ። \x - \xo 7፡31 \xo*\xt ሌዊ. ዓኬ 18፡21፤ 2ካኣቶ. ማ 23፡10፤ ዔር. 32፡35።\xt*\x* 
\v 32 ዬያሮ ዬኖ ቤዜሎኮ ሱንፃ ቤን-ሄኖሜ ዶኦጮ፤ ሃሣ ጊንሣ ቶፔቴ ጌይንቲፃ ዓቴም ሹፒ ዶኦቺ ጌይንታንዳ ዎዴ ሙካንዳኔ፤ ሜሌ ዱኡፒ ቤሲ ጴዺንዱዋሢሮ ዬና ዶኦጬላ ዴሮኮ ዱኡፒ ቤሲ ማዓንዳኔ። 
\v 33 ዔያቶኮ ሌዛ ካፖንታ ቦዖንታኮ ሙኡዚ ማዓንዳኔ፤ ዬያ ባኮ ሙይፆ ላኣጊ ዳውሳንዳ ባኣዚያ ባኣሴ። 
\v 34 ሳዔላ ጉሪ ሳዓ ማዒ ዓታንዳኔ፤ ዬሩሳላሜኮ ዓሳ ሃንታ ጎይፆና ዪሁዳ ካታሞናይዳ ቢያ ዔፒ ኮሢንታ ዎዛ ዑኡሲያ ፔቴታዖ ዋይዚንቱዋጉዲ ታ ባይዛንዳኔ።» \x - \xo 7፡34 \xo*\xt ዔር. 16፡9፤ 25፡10፤ ዮሃ. ፆፔዻ 18፡23።\xt*\x*
\c 8
\p
\v 1 «ዒማና ዪሁዳ ዓጮ ካኣቶንታ ዼኤፖ ዼኤፖ ሱኡጎንታ፤ ዬያጉዲ ቄኤሶንታ ታ ማሊፆ ኬኤዛ ዓሶንታ ሃንጎ ዬሩሳላሜይዳ ናንጋ ዓሶ ሃይቄሢኮ ሜጌፃ ቢያ ዱኡፓፓ ቱጊንቲ ኬስካንዳኔ። 
\v 2 ዬይ ሜጌፃ ቡኩሲ ዱዱኡኪንቱዋዖ ላላኣሎ ቡኡራጉዲ ፔጌይዳ ጉሪ ኬኤሪንታንዳኔ፤ ዬይ ሜጌፃ፦ ዴራ ካኣሽኪ ካኣሽኪ፤ ሃሣ ዔኤቢ ዔያቶ ኮይላ ዖኦጪ ዦኦቺ ዦኦቺ ናሹሞና ዔያታ ማዼ ዓቦንታ ዓጊኖንታ ዦኦጋሢንታ ቤርታ ላኣሊንቲ ዴዓንዳኔ። 
\v 3 ዬያ ፑርቶ ሾይንቶ ማዔ ዓሶይዳፓ ዓቲ ታኣኒ ዜርቂ ዳኬ ቤዛ ናንጋ ዴራ ናንጊሢዳፓ ሃይቢ ዓፃዻንዳኔ» ጋዓኔ፤ ናንጊና ናንጋ ጎዳ ማዔ ቢያ ባኮ ማዤ ጎዳሢ።
\s1 ጎሜ ዔኪ ሙኬ ሜቶ
\p
\v 4 ናንጊና ናንጋ ጎዳ ሂዚ ጌይ ዴሮም ኬኤዛንዳጉዲ ታና ዓይሤኔ፦ «ሎኦሜ ዓሲ ላሚ ዔቃኒ ዳንዳዑዋዓዳ? ጎይሢ ዣኣሌ ዓሲ ጊንሣ ማዑዋዓዳ? 
\v 5 ሂዳዖ ታኣኮ ዴራ ታ ባንሢ ማዖ ሃሺ ሴካ ሃኪ ዴይ ዚቲዮ ዒንሢ ጌዔሢ ዓይጎሮዳይ? ታ ባንሢ ማዖ ዒፂ ሜሌ ፆኦዞ ባንሢ ዒንሢ ሺሬኔ። 
\v 6 ዒንሢ ጋዓሢ ዋይዛኒ ታኣኒ ኮሺ ካፔኔ፤ ዒንሢ ጋዓንቴ ጎኔ ጌስቲባኣሴ፤ ዒንሢ ባኣኮይዳ ፑርቶ ማዾ ዛሎሮ ዖዬ ዓሲ ፔቴታዖ ባኣሴ፤ ‹ታ ዓይጎ ማዺ ዻቤይ?› ጌይ ዖኦጬ ዓሲያኣ ባኣሴ፤ ዒንሢ ፔቴ ፔቴሢ ዖልዚዳ ሩኡሪ ጳሽካ ፓሮጉዲ ዒንሢ ካራና ካራና ሌሊ ጳሽካኔ። 
\v 7 ቦኦኮ ጌይንታ ካፓታዖ ዔያታ ዴንዴ ቤዛፓ ማዓንዳ ዎዶ ዔዔራኔ፤ ኪሬንታ ቦኮሮንታ ቡራይኖንታ ዎላ ቡኪ ዔያታ ቤቲ ዴንዳንዳ ዎዶዋ ዔራኔ፤ ዒንሢ ሃይ ታ ዴራ ጋዓንቴ ዒንሢ ዓይሢንቲ ዎርቃንዳጉዲ ታኣኒ ዒንጌ ዎጎ ዔሩዋሴ። 
\v 8 ሂዳዖ፦ ‹ኑኡኒ ዔራኬ፤ ናንጊና ናንጋ ጎዳኮ ዎጎ ኑ ዔራኔ› ዎይቲ ዒንሢ ጋዓይ? ዒንሢኮ ዔቦ ፃኣፓኔ ጋዓ ሉኡዞ ዓሳ ዎጎ ታኣኮ ዎቢሴሢ ዒንሢ ዛጉዋዓዳ? 
\v 9 ዒንሢኮ ዔሮ ዓሳ ቦርሲንቴኔ፤ ፒሮና ዔያታ ዓዺንቲ ዎኦቶንዶ ካራ ባይዜኔ፤ ዔያታ ታኣኮ ቃኣሎ ሃሼኔ፤ ሂዳዖ ዔያቶኮ ዎዚጉዴ ዔራቶ ዓኣያ ማዓኒ ዳንዳዓይ? 
\v 10 ዬያሮ ዔያቶኮ ጎዦ ሜሌ ዓሲ ዎልቄና ዔካንዳኔ፤ ላኣሎ ዔያቶኮ ሜሌ ዓሲም ታኣኒ ዒንጋንዳኔ፤ ዔያቶኮ ዼኤፖ ጎዖ ዓሶንታ ዻኮ ዓሶንታ ፔቴ ፔቴ ዓሳ ጌሺሢና ፔኤም ማዓ ባኣዚ ቡኩሳኔ፤ ታ ማሊፆ ኬኤዛ ዓሶንታ ቄኤሶንታ ዴሮ ሉኡዙሞና ጌሺ ጌሺ ሺራኔ፤ 
\v 11 ታኣኮ ዴራ ሜቄሢ ዔያታ ዛጌዖ ኮኦሊፆ ሃሺ፥ ኮሺባኣ ቤስካ ‹ኮሺኬ፤ ኮሺኬ› ጋዓኔ። \x - \xo 8፡11 \xo*\xt ሂዚ. 13፡10።\xt*\x* 
\v 12 ታ ዴሬዮቴ! ዬያ ዒንሢ ቢያ ማዻዖ ዻካሮታዎ ቦርሲንቴኖ? ዒንሢ ቦርሲንታ ዓታዛ ዓኣፖ ካሮታዖ ሺርሺባኣሴ፤ ዬያሮ ሜሌ ዓሳ ሎኦሜሢጉዲ ዒንሢያ ሎኦማንዳኔ፤ ታ ዒንሢዳ ሜቶ ዓጋኣና ዬማ ዒንሢኮ ጋፖ ማዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ። \x - \xo 8፡12 \xo*\xt ዔር. 6፡12-15።\xt*\x*
\p
\v 13 «ጎሺ ጎሽካ ዓሲ ፔኤኮ ሃኣኮ ቡኩሳሢጉዲ ታኣኮ ዴሮ ታ ቡኩሳኒ ኮዔኔ፤ ዔያታ ጋዓንቴ ሶዮይዳ ካፄ ባኣዚባኣ ዎይኔጉዲ፥ ዓኣፒያ ዓኣፒባኣ ቤሌሴ ሚፆጉዲ፤ ጊንሣ ሃሣ ዋላዣ ዲኢኒ ቲልቤ ሚሢ ታኣም ማዔኔ፤ ዬያሮ ታኣኒ ዔያቶም ዒንጌ ሳዔሎ ፃንጎ ዓሲ ዔካንዳኔ።»
\p
\v 14 ናንጊና ናንጋ ጎዳኮ ዴራ ሂዚ ጋዓኔ፦ «ዚቲ ጌይ ኑ ዴዓሢ ዓይጎሮዳይ? ናንጊና ናንጋ ጎዳ ማዔ ኑ ፆኦዛሢ ኑና ዻንጋ ዓይሤኔ፤ ዒዛም ኑ ፑርቲ ዻቤሢሮ ፑርቲ ዶርዖ ማዣ ዋኣሢ ኑና ዒ ዑሼኔ። ሃኒ ዬዑዋቴ! ኬኤሎና ዲርቂንቴ ካታሞ ኑ ጳሽኪ ዴንዲ ዒኢካ ሃይቆም፤ 
\v 15 ኮሹሞ ኑ ዴንቃንዳኔ ጌይ ጉሙርቂ ካፔኔ፥ ጋዓንቴ ኮሺ ባኣዚ ጴዺባኣሴ፤ ዶርዓሢፓ ፖዓንዳኔ ጌይ ጉሙርቂ ኑ ካፔኔ፥ ጋዓንቴ ሂርጊሻ ባኣዚ ዺቤኔ። 
\v 16 ኑኡኮ ሞርካ ዳኣኔ ካታሞ ሙኪ ሄሌኔ፤ ፓራሢ ዔያቶኮ ሲኢዾ ዋርቃሢ ዋይዚንታኔ፤ ዲጬ ፓራሢ ዔያቶኮ ኩኡኪ ዖኦላዛ ሳዓ ዓጊፃኔ፤ ኑኡኮ ሞርካ ሙኬሢ ኑና ፔቴታዖ ዓይሱዋዖ ኑኡኮ ዴሮንታ ካታሞንታ፤ ዒኢካ ዓኣ ባኮዋ ቢያ ባይዚ ኩርሳኒኬ።»
\p
\v 17 ናንጊና ናንጋ ጎዳ ሂዚ ጋዓኔ፦ «ዒንሢና ዔሩዋቴ! ሃይሾ፥ ማርሾ ማርሻ ዓሳ ማርሺ ቃዛኒ ዳንዳዑዋ ፑርታ ዱማ ዱማ ሾኦሺንታ ጎፖንታ ታኣኒ ዒንሢ ባኣኮ ዳካንዳኔ፤ ዬይ ሾኦዣ ዒንሢ ዻዓንዳኔ።»
\s1 ዔርሚያሴ ዴሮ ዛሎ ዖዪ ጌስቴ ጌኤዞ
\q
\v 18 ታና ዶዲሻንዳ ባኣዚ ጴዻኑዋ ዴኤሢ ዖዪሢ ታና ሄሌኔ፤
\q2 ዒና ታኣኮ ኮሺ ዖዬኔ።
\q
\v 19 ሂንዳ ዋይዙዋቴ! «ናንጊና ናንጋ ጎዳ ላሚ ፂዮኔይዳ ጴዻዓዳ?
\q2 ፂዮኔ ካኣታሢ ላሚ ዒኢካ ሙኪ ናንጋዓዳ?» ጌይ ጌይ
\q2 ታኣኮ ዴራ ሳዔሎይዳ ቢያ ዒላታንቴ ታ ዋይዛኔ።
\q ዔያቶኮ ካኣታሢ ማዔ ጎዳሢ፦
\q2 «ዒንሢ ካኣሽካ ባኮ ካኣሽኪፆና፤ ሃሣ ዒንሢኮ ሜሌ ፆኦዞም ዚጊፆና
\q2 ታና ዒንሢ ዻጋሳሢ ዎይታዛዳይ?» ጋዓንዳኔ፤
\q
\v 20 ዴራ፦ «ሃኣካ ካፃ ሌዓ ጋፔኔ፤ ዖጎፃኣ ኩዴኔ፤
\q2 ኑኡኒ ጋዓንቴ ዻቂባኣሴ!» ጌይ ጌይ ዒላታንዳኔ።
\b
\q
\v 21 ታኣኮ ዴራ ሜቄሢሮ ታ ዒናኣ ሜቄኔ፤
\q2 ታጊዳ ዒጊቹሞ ጌሌም ታ ዬኤካኔ።
\q
\v 22 ጌሌዓዴይዳ ቲሺ ማዓ ዼኤሻ ባኣዓዳ?
\q2 ዒኢካ ዼኤሻ ዔራ ዓሲ ጴዹዋዓዳ?
\q2 ሂዳዖ ዴራ ታኣኮ ፓፁዋሢ ዎይቲዳይ?
\c 9
\p
\v 1 ዎዾና ታ ዴሮ ዛሎ ሮኦሮንታ ዋንቶንታ ታ ዬኤኮም
\q ታኣኮ ቶኦካ ዋኣሢ ዔቴ ማዔቴ
\q ዓኣፓኣ ታኣኮ ዓቢሢ ዓልቃያ ማዔቴ
\q2 ታ ዓይጎ ጋዓንዳይ!
\q
\v 2 ታኣኮ ዴራ ዓኒ ሃሣ ማቾ ማዒባኣያና ላሃያ፤ ሃሣ ጌሻያ ማዔሢሮ
\q2 ዔያቶ ባኣካፓ ዓሲ ናንጉዋ ዳውሌ ታ ዱማዺ ዴንዲ ናንጋንዳ
\q2 ጎይሢ ዓሲ ዎርቃ ማኣሪ ታ ዴንቄቴ ዎዚ ታና ዎዛሳንዳይ!
\q
\v 3 ዔያታ ፔ ዻንጎና ሉኡዙሞ ባኣዚ ጌስታኒ ጊኢጌያኬ፤
\q2 ዬያሮ ሳዔሎይዳ ጎኑሞ ቤዞ ሉኡዙሞ ካኣታዼኔ።
\b
\m ናንጊና ናንጋ ጎዳ ሂዚ ጋዓኔ፦
\q «ታኣኮ ዴራ ፔቴ ጎሜ ማዻዖ ጊዴና ሜሌይዳ ፒንቃኔ፤
\q2 ታኣኒ ፆኦሲ ማዔሢ ዔሪ ዔያታ ታና ቦንቺባኣሴ።»
\b
\q
\v 4 ፔቴ ፔቴ ዓሳ ፔ ላጎኮ ጌኖ ዔሪ ፔና ካፖንጎ፤
\q2 ፔኤኮ ጌርሲ ማዔቴያ ዒ ጉሙርቃኒ ኮይሱዋሴ፤
\q ጌርሲ ጌይንታሢ ቢያ ጌሻያ ማዔኔ፤
\q2 ዒጊኖ ጎዖናሢ ቢያ ፔ ላጋሢኮ ሱንፆ ባይዛኔ።
\q
\v 5 ቢያሢ ፔኤኮ ላጎ ዔኤያሲ ጌሻኔ፤
\q2 ጎኔ ጌስታ ዓሲያ ባኣሴ፤
\q ዻንጎ ዔያታ ሉኡዙሞ ጌስቲሲ ዔርዜኔ፤
\q2 ጎሜ ማዺ ማዺ ዑፆ ዔያታ ፔኤኮ ላቢሳኔ።
\q
\v 6 ጌኔይዳ ጌኔ፥ ጌሺሢዳ ጌሺሢ ዔያታ ቃሲ ቃሲ ዓኣዻኔ፤
\q2 «ታኣኒ ዔያቶኮ ፆኦሲ ማዔሢ ዔሪ
\q2 ዔኮ ዔያታ ዒፄኔ» ጋዓኔ ናንጊና ናንጋ ጎዳ።
\q
\v 7 ዬያይዳፓ ዔቄያና ናንጊና ናንጋ ጎዳ ማዔ ቢያ ባኮ ማዤ ጎዳሢ ሂዚ ጋዓኔ፦
\q2 «ዴሮ ታኣኮ ታ ጌኤሻኒ ዓንጊጉዲ ሼኤሻንዳኔ፤
\q2 ዴራ ታኣኮ ፑርታ ባኣዚ ማዼሢሮ
\q2 ዬማይዳፓ ሜሌ ታ ዔያቶ ዎዎዳንዳይ?
\q
\v 8 ዻንጋ ዔያቶኮ ቢያ ዎዴ ጌኔ ባኣዚ ጌስታሢሮ
\q2 ፑርታ ሂኢሺጉዲኬ፤
\q2 ፔቴ ፔቴሢ ፔኤኮ ላጎና ዎላ ናሹሞ ዑኡሲና ጌስታኔ፤
\q2 ጋዓንቴ ዴሚና ዎሊም ፒሮ ፒራኔ።
\q
\v 9 ሂዳዖ ዬያ ቢያ ባኮሮ ዔያቶይዳ ታ ሜቶ ዓጋኒና
\q2 ዬያጉዴ ዓሶ ኮሜ ኮፃኒ ታና ኮይሱዋዓዳ?
\q2 ዬያ ጌዔሢ ታና፥ ናንጊና ናንጋ ጎዳኬ።»
\b
\q
\v 10 ታኣኒ ሂዚ ጌዔኔ፦
\q2 «ቢያሢ ባዔ ማዔሢሮ፤ ሃሣ ዒኢካ ሴካ ሃንጋ ሃንታ ዓሲያ ባኣሢሮ
\q2 ዹኮ ዛላ ታና ማሊሻኔ፤ ቦኦሎ ዛሎዋ ታ ዬዬኤካኔ፤
\q ቆልሞኮ ዑኡሲያ ዒኢካ ዋይዚንቱዋሴ፤
\q2 ጫሪንጫ ባራና ካፖንታ ካዮ ቦዖንታ ቢያ ዒኢካፓ ቤቲ ዴንዲ ባይቄኔ።»
\b
\q
\v 11 ናንጊና ናንጋ ጎዳ ሂዚ ጋዓኔ፦
\q2 «ዬሩሳላሜ ካታሞይዳ ዓኣ ማኣሮ ቢያ
\q2 ታኣኒ ዶዔያ ሌሊ ማሃንዳኔ፤
\q2 ዉኡካ ኮኦሚ ሺራ ቤሲ ታ ማሃንዳኔ፤
\q2 ዪሁዳ ካታሞ ሃሣ ታኣኒ ዖኦኒያ ናንጉዋያ ጉሪ ቤሲ ማሃንዳኔ።»
\b
\p
\v 12 ናንጊና ናንጋ ጎዳ ኮይላ ታኣኒ፦ «ሳዔላ ዖኦኒያ ዒኢካ ሃንታኒ ዳንዳዑዋያ ዳውሌ ቦኦሊ፤ ሃሣ ዔፄ ካይዚ ማዔሢ ዓይጎሮዳይ? ዬያ ማሊ ጶቂሢ ዔራኒ ዳንዳዓ ዔሮ ዖናዳይ? ሜሌ ዓሶም ፔጋሲ ኬኤዚ ዔርዛንዳጉዲ ኔኤኒ ዖኦም ፔጋሲ ዻዌይ?» ጌዔኔ።
\p
\v 13 ናንጊና ናንጋ ጎዳ ታኣም ሂዚ ጌይ ማሄኔ፦ «ዬይ ቢያ ማዓኒ ዳንዳዔሢ ታኣኮ ዴራ ታ ዔያቶም ዒንጌ ዎጎ ሃሼሢሮኬ፤ ዔያታ ታኣም ዓይሢንቲባኣሴ፤ ታ ዔያቶም ኬኤዜ ባኮዋ ቢያ ዔያታ ማዺ ኩንሢባኣሴ። 
\v 14 ዬያይዶንዶሢ ሃሺ ዋይዚ ዒፃ ፑርታ ዓሲ ማዔኔ፤ ዔያቶኮ ዓዶንሢ ዔያቶ ዔርዜ ጎይፆና ባዓኣሌ ማሊሲ ኮሾና ባኮ ዔያታ ዚጊ ካኣሽኬኔ። 
\v 15 ዬያሮ ታኣኒ፥ ዒስራዔኤሌ ፆኦዛሢ ማዔ ቢያ ባኮ ማዤ ጎዳ ማዻንዳ ባኮ ታ ዒንሢም ኬኤዞም፤ ሃይ ዴራ ሙዓንዳ ሙዖ ጫንቺ፥ ሃሣ ዑሽካንዳ ዋኣፆዋ ፑርቲ ዶርዖ ማዣ ዋኣሢ ታ ማሃንዳኔ። 
\v 16 ዔያቶንታ ዔያቶኮ ቤርታኣ ዓዶንሢንታ ዔሩዋያ፥ ሜሌ ዴሬ ባኣካ ታ ዔያቶ ዜርቃንዳኔ፤ ዔያቶ ጬንቻ ዓራፖና ዎዻንዳ ሞርኬ ታኣኒ ዳኪ ዎዺ ዔያቶ ባይዛንዳኔ።»
\s1 ዬሩሳላሜ ዴራ ማኣዶ ዴንቃኒ ዒላታ ዒላቶ
\q
\v 17 ቢያ ባኮ ማዤ ጎዳ ሂዚ ጋዓኔ፦
\q2 «ሂንዳ ዓካሪ ኮሺ ማሉዋቴ፤
\q ቃዮ ቃያንዳ ላኣሊ ፔቴይዳ ቡኩሱዋቴ፤
\q2 ዓይዳዺ ቃያ ላኣሊያ ዔኤሉዋቴ።»
\b
\q
\v 18 ዴራ ሂዚ ጌዔኔ፦
\q2 «ዓኣፓ ኑኡኮ ዓቢሢና ኩማንዳጉዲ
\q2 ጋጋጮ ዑፆና ሊካ ኬዳንዳጉዲ
\q2 ቃዪ ኑና ዬውሳ ላኣላ ዑኬና ቃያንዳጉዲ ኬኤዙዋቴ።»
\b
\q
\v 19 ፂዮኔይዳ፦ «ባዴዔ፥ ኑ ኩዴኔ!
\q2 ጋፒ ኑ ቦርሲንቴኔ!
\q2 ኬኤፃ ኑኡኮ ሻሂንቴሢሮ ዓጮ ኑ ሃሺ ዴንዲናኣኮኬ»
\m ጌይ ጌይ ዬኤኪንታ ዒላቶ ዑኡዞ ዋይዙዋቴ።
\q
\v 20 ታኣኒያ ሂዚ ጌዔኔ፦
\q2 «ዒንሢ ሃይ ላኣላ! ናንጊና ናንጋ ጎዳ ጋዓሢ ዋይዙዋቴ፤
\q2 ጌይንታ ባኮ ዓርቂ ዔካኒ ጊኢጌያ ማዑዋቴ፤
\q ዔያታ ዎማይዲ ቃዪ ዬኤካንዳያ ኮይሳቴያ ዒንሢኮ ዉዱሮ ናኣቶም ኬኤዙዋቴ፤
\q2 ቃያሢ ቃዮ ጎይፆ ዒንሢ ባጎንሢም ኬኤዚ ዔርዙዋቴ።
\q
\v 21 ሃይቢ ኑ ኬኤፆኮ ፑልቶ ካሮና ካሮና ጌሌኔ፤
\q2 ኑኡኮ ካኣቶ ማኣሮ ማኣሮዋ ጌሌኔ፤
\q2 ናኣቶ ጎይፆይዳ፥ ዼጌ ዓሶዋ ዓሳ ቡካ ጶኦኮይዳ ማኣሳንሢ ጋፔኔ።
\q
\v 22 ዓሲኮ ሌሲ ፔጌይዳ ላላኣሊንታ ቡኡራጉዲ
\q2 ቢያ ቤስካ ኬኤሪንቴኔ፤
\q ሃኣኮ ጮኦራ ዓሳ ጮኦራዖ ኬይሲ ሃሼም
\q ሜሌ ዓሲ ዴንቂ ዚንጉዋ ሃኣኮ ዬይ ማዔኔ፤
\q2 ናንጊና ናንጋ ጎዳ ታና ኬኤዞም ጌዔሢ ዬያኬ።»
\b
\q
\v 23 ናንጊና ናንጋ ጎዳ ሂዚ ጋዓኔ፦
\q2 «ዔራሢ ፔ ዔራቶና
\q2 ዶዳሢ ፔ ዎልቆና
\q2 ዖርጎጫሢያ ፔ ቆሎና ዖቶርቆፓ፤
\q
\v 24 ፔቴ ዓሲ ዖቶርቃንዳያ ኮይሳያ ማዔቴ
\q2 ሳዖይዳ ማኣሪሢ ዳካያ፤
\q2 ፒዜ ዎጌ ዎጊሢንታ ጎኑሞ ማዾንታ ማዺንቲ ጴዻንዳጉዲ ማሃ
\q2 ታና፥ ፆኦሲ ዔሪፆና ዖቶርቆንጎ፤
\q ታና ዎዛሳሢያ ዬያኬ፤
\q ዬያ ጌዔሢ ታና፥ ናንጊና ናንጋ ጎዳኬ።» \x - \xo 9፡24 \xo*\xt 1ቆሮ. 1፡31፤ 2ቆሮ. 10፡17።\xt*\x*
\p
\v 25 ናንጊና ናንጋ ጎዳ ሂዚ ጋዓኔ፦ «ሄርሺንቲሮ ዓቲንቶ ቤርቶ ሌሊ ቲቂንቴዞንሢዳ ሜቶ ታ ዓጋንዳ ዎዴ ዬዓንዳኔ፤ 
\v 26 ጊብፄ ዓጮ ዓሶ፥ ዪሁዳ ዓሶ፥ ዔዶኦሜ ዓሶ፥ ዓሞኦኔ ዓሶ፥ ሞዓኣቤንታ ዓሲ ናንጉዋ ዳውሎ ኮይላ ናንጋያ ሻውሎና ሚዛቆ ዛሎ ጋንጋሮይዳ ዓኣ ጋፓኖ ሜኤዳ ዴሮንታ፤ ዬያጉዲ ሃሣ ዒስራዔኤሌ ዴራኣ ዒኖይዳ ዓኣ ፑርቶ ቲቂ ሺኢሺባኣሢሮ ዬያቶ ቢያሢዳ ሜቶ ታ ዓጋንዳኔ።»
\c 10
\s1 ፆኦዞ ጌይ ካኣሽኮ ሜሌ ባኮ ዛሎ ፆኦሲ ጌዔ ባኮ
\p
\v 1 ዒስራዔኤሌ ዴሬዮቴ! ናንጊና ናንጋ ጎዳ ዒንሢም ኬኤዛ ባኮ ዋይዙዋቴ፤ 
\v 2 ናንጊና ናንጋ ጎዳ ሂዚ ጋዓኔ፦
\q «ሜሌ ዓሳ ናንጋ ጎይፆ ናንጊፖቴ፤
\q2 ፑርታ ባኣዚ ሙካንዳያ ማዒፆ ዔያቶም ዔርዛ ባኣዚ
\q2 ጫሪንጫ ጴዻማና ዒጊቹሞና ጎጋይቂሢና ዔያቶኮ ዳምቤኬ፤
\q2 ዒንሢ ጋዓንቴ ዬያ ዒጊጪ ሴካ ሃንጋ ጌይፖቴ።
\q
\v 3 ሜሌ ዓሶኮ ዔያታ ጉሙርቂ ካኣሽኪ ናንጋ ባካ ጉሪ ባኣዚኬ፤
\q2 ሚሢ ዴኤሊዳፓ ቲቂንታኔ፤
\q2 ዓርሲ ዔራ ሃኣሚ ዛንቃሬና ዑሪ ጊኢጊሻኔ፤
\q
\v 4 ዬያ ዔያታ ቢራ ዓንጊና ሃሣ ዎርቄና ጳርቂ ሚዛጲሳኔ፤
\q2 ዓጊፁዋጉዲ ሚስማሬና ጳርቂ ዓይሣኔ።
\q
\v 5 ዬይ ባካ ቲኢኪንታ ካፒንታ ዬያጉዴ ባኮዋ ዒጊቻኒ
\q2 ጎሺዳ ጌሦ ባኣዚ ጉዴያኬ፤
\q ዬይ ባካ ጌስታኒ ዳንዳዑዋያኬ፤
\q2 ሃንታኒያ ዳንዳዑዋኣሢሮ ዓሲ ኬዲ ዬያ ሃንታኔ፤
\q2 ፑርታ ባኣዚ ሄሊሳኒና ዔኤቢ ማኣዳ ባኣዚ ጴዺሳኒ
\q2 ዬይ ባካ ዳንዳዑዋኣሢሮ ዬያ ባኮ ዒጊጪፖቴ።»
\b
\q
\v 6 ናንጊና ናንጋ ጎዳሢዮ! ኔጉዴያ ዖኦኒያ ባኣሴ፤
\q2 ኔኤኒ ዼኤፒኬ፤
\q2 ኔኤኮ ሱንፃ ዼኤፒ፥ ሃሣ ዎልቄና ዓኣያኬ።
\q
\v 7 ካኣቶኮ ቢያ ኔኤኒ ካኣቲ ማዔሢሮ ኔና ዒጊጩዋይ ዖናዳይ?
\q2 ዴሮኮ ዔሮ ዓሶንታ ዔያቶኮ ካኣቶንታ ባኣካ
\q2 ኔናጉዴያ ባኣሢሮ ቦንቾ ኔኤም ኮይሳኔ። \x - \xo 10፡7 \xo*\xt ዮሃ. ፆፔዻ 15፡4።\xt*\x*
\q
\v 8 ቢያሢ ዔራቶ ባይቂ ዔዔኤያንዳኣፓዓቴም
\q2 ሚሢና ዔኤቢ ማሊሲ ኮሾና ባኮፓ ዓይጎ ዔያታ ዔኪ ዔራንዳይ?
\q
\v 9 ዬይ ማሊሲ ኮሾና ባካ ቴርሴሴፓ ዔኪ ሙኮና ቢራ ዓንጊና፤
\q2 ሃሣ ዑፓዜ ጌይንታ ቤዛፓ ጴዼ ዎርቄና ጳርቂ ኮሺንቴያኬ፤
\q2 ዔሮ ማዔ ሃኣሞ ዓሳ ዬያ ኮሼያኬ፤
\q ዬያጉዲ ዔሮ ዓሶንታ ዶርዞንታ ዹዔ
\q2 ዲንኪ ዓፒላና ጋላፒ ሚዛጲ ዓፒላና ዬያ ካንቆናኔ።
\q
\v 10 ናንጊና ናንጋ ጎዳሢዮ! ኔኤኒ ጋዓንቴ ጎኔ ፆኦሲኬ፤
\q2 ኔኤኒ ባይቁዋ ፆኦሲ፥ ናንጊና ናንጋ ካኣቲኬ፤
\q ኔኤኒ ዻጋዻ ዎዶና ዓጪ ማዔ ካራና ቢያ ዓጊፃኔ፤
\q2 ዓሶኮ ካኣታ ኔ ዻጎ ጎሪንቶ ጊቢ ዶዲ ዔቃኒ ዳንዳዑዋሴ።
\b
\q
\v 11 «ሜሌ ፆኦዛ ጫሪንጮና ሳዖና ማዢባኣያ ማዒፆ፤
\q2 ሃሣ ኔኤኒ ናንጊና ናንጋ ጎዳሢ ሜሌ ፆኦዞ ጌይንታ ካኣሽኮ ባኮ
\q2 ቢያ ባይዛንዳሢ ዔያቶም ኬኤዜ» ታኣም ኔ ጌዔኔ።
\s1 ናንጊና ናንጋ ጎዳ ጋላቶና ጋላታ
\q
\v 12 ፆኦሲ ፔ ዎልቆና ሳዖ ማዤኔ፤
\q2 ፔ ዔራቶና ዓጮ ቢያ ማዤኔ፤
\q2 ዒዛኮ ማሊ ጶቂሣ ዒኖናኣ ጫሪንጮ ዼጊዲ ዒ ዳሬኔ፤
\q
\v 13 ዒዛ ዓይሥሢና ጫሪንጮ ዑፃ ዓኣ ዋኣፃ ዴቺንታ ዑኡሲ ዋይዚሳኔ፤
\q2 ዓጫ ማዔ ካራፓ ዒዚ ሻኣሬ ዔኪ ሙካኔ፤
\q2 ዒራ ዋርቃኣና ዜኤሊንሢ ዒዚ ዜኤሊንሢሳኔ፤
\q2 ዢባሮ ፔ ኮናፓ ዒ ዳካኔ።
\q
\v 14 ቢያሢ ዔራቶ ባይዚ ዔዔኤዬኔ፤
\q2 ዔያታ ማሊሲ ኮሼ ባካ ሉኡዚ ባኣዚ፥ ሃሣ ሼምፔያ ባኣሢሮ
\q2 ዓንጎ ሼኤሺ ዹዓሢ ዒ ማዤ ፆኦዞ ዛጋዖ ቦርሲንቴኔ።
\q
\v 15 ዬይ ፆኦዞ ማሂ ኮሾና ባካ
\q ዔኤቢ ፓሣ ባኣዚ ባኣያ ዓማሊ ባኣዚኬ፤
\q ናንጊና ናንጋ ጎዳ ዬያቶ ፆኦዞ ማሂ ኮሾና ባኮይዳ
\q2 ሜቶ ዓጋኒ ሙኪ ጴዻ ዎዶና ዬይ ባካ ባይቃንዳኔ።
\q
\v 16 ያይቆኦቤ ፆኦሲ ጋዓንቴ ዬያቶጉዲቱዋሴ፤
\q2 ያይቆኦቤ ፆኦሲ ቢያ ባኮ ማዤሢኬ።
\q ዒስራዔኤሌ ፔ ዴሬ ማዓንዳጉዲ ዒ ዶኦሬኔ፤
\q2 ሱንፃ ዒዛኮ ቢያ ባኮ ማዤ ጎዳኬ።
\s1 ሙካኒ ዑኪ ዓኣ ዎዛ
\p
\v 17 ዒንሢ ማንጊንቲ ዓኣ፥ ዬሩሳላሜ ካታማ ናንጋ ዴራ!
\q ዒኢካፓ ኬስካኒ ዒንሢኮ ዓኣ ባኮ ዑኬና ቡኩሱዋቴ!
\q
\v 18 ናንጊና ናንጋ ጎዳ ሂዚ ጋዓኔ፦
\q2 «ሃኖ ዓጫ ናንጋ ዓሶ ታኣኒ ኬሲ ዳካንዳኔ፤
\q2 ዔያቶኮ ታኣኒ ካራ ባይዚ ዲዒንታንዳጉዲ ማሃንዳኔ።»
\q
\v 19 ዬሩሳላሜ ዴራ ዒላቲ ዒላቲ ሂዚ ጋዓንዳኔ፦
\q2 «ሜቂ ማኣሳኒ ኑ ኪፃዼሢሮ ኑና ባዴዔ!
\q2 ኪፃ ኑኡኮ ፓፃንዳያቱዋሴ፤
\q2 ኑ ኮራ ኑኡኒ ሃያ ሜቶ ቢያ ጊቢ ዳንዳዓንዳያ ማሌኔ።
\q
\v 20 ኑኡኮ ዓፒሎና ማዦና ማኣራ ሻሂንቴኔ፤
\q2 ፃጲ ኑ ቱካ ሱዛኣ ቲቂንቴኔ፤
\q ናኣታ ኑኡኮ ቢያ ዳውሲንቲ ዴንዲ ባይቄኔ፤
\q2 ኑኡኮ ዓፒሎና ማዦ ማኣሮ ጊንሣ ዾቃንዳያና
\q2 ጎኦቦ ዓፒሎዋ ሱፃንዳያ ፔቴታዖ ዓቲባኣሴ።»
\b
\q
\v 21 ታኣኒ ማሃዖ ሂዚ ጌዔኔ፦
\q2 «ኑኡኮ ሱኡጋ ዔኤያ ማዔሢሮ
\q2 ማኣዶ ዔያታ ናንጊና ናንጋ ጎዳ ኮይላ ዖኦጪባኣሴ፤
\q2 ዴራ ኑኡኮ ሎኦማኒ ዳንዳዔሢና ዜርቂንቲ ባይቂ ዓቴሢ ዬያሮኬ።
\q
\v 22 ዋይዙዋቴ፤ ዓኪ ሃይሴ ኬኤዚንታኔ!
\q2 ኬዴኖ ዛሎ ካኣቲ ዪሁዳ ካታሞ ጉሪ ቦኦሊ ዳውሌ
\q2 ጊንሣ ሃሣ ዉኡካ ኮኦሚ ዓማላ ቤሲ ማሃኒ ጳሺዳኬ።»
\q
\v 23 ናንጊና ናንጋ ጎዳሢዮ! ዓሲኮ ሼምፓ ዬያ ዓሢ ኩጫ ማዒባኣሢ
\q2 ዒ ናንጋ ናንጎዋ ፔኤሮ ፒዚሲ ዔኪ ዓኣዻኒ ዳንዳዑዋኣሢ ታ ዔራኔ።
\q
\v 24 ናንጊና ናንጋ ጎዳሢዮ! ኔኤኒ ፒዜ ዎጋያ ማዔሢሮ ኑና ዞሪ ጎሬ፤
\q2 ጋዓንቴ ኑኡኒ ጋፒ ባይቁዋጉዲ ኔኤኒ ዻጋዺ ዓኣንቴ ዬይ ማዖፓ።
\q
\v 25 ኔኤኮ ዻጎ ኔና ዔሩዋ ዓሶና ኔ ሱንፆ ዔኤሊ ካኣሽኩዋ ዴሮይዳ ጮኦሽኬ፤
\q2 ዔያታ ኔኤኮ ዴሮ ኩርሴኔ፤
\q2 ኑና ቢያሢ ዔያታ ጋፒሲ ባይዚ፥ ዓጮ ኑኡኮ ጉሪ ማሂ ሃሼኔ።
\c 11
\s1 ፆኦሲ ፔ ዴሮና ዎላ ጫኣቄ ጫኣቁማ ካፒንቲባኣሢ
\p
\v 1 ናንጊና ናንጋ ጎዳ ሃካፓ ሊካ ኬኤዚንታ ጎይፆጉዴያና ዔርሚያሴም ዒ ጋዓ ባኮ ኬኤዜኔ፦ 
\v 2 «ታኣኒ ታ ዴሮና ጫኣቄ ጫኣቁሞኮ ሃያ ማሊፆ ኮሺ ዋይዚ ዔኪጋፓ ዪሁዳ ዴሮና ዬሩሳላሜይዳ ናንጋ ዓሶናም ኬኤዜ። 
\v 3 ሃያ ጫኣቁሞ ዓይሢንቲ ማዺ ኩንሡዋይ ቢያ ጋዳንቂንቴያ ማዖም። 
\v 4 ሃያ ጫኣቁሞ ቃኣሎ ጊልፖ ዶኦቺጉዴ ዓጬሎ፥ ጊብፄይዳፓ ታ ዔያቶ ኬሴ ዎዶና ዒንሢኮ ቤርታኣ ዓዶንሢም ታ ኬኤዜያኬ፤ ታኣም ዔያታ ዓይሢንታንዳጉዲና ታ ዔያቶም ጋዓ ባኮ ቢያ ዔያታ ማዺ ኩንሣንዳጉዲ ታ ዔያቶም ኬኤዜኔ፤ ዔያታ ታኣም ዓይሢንታያ ማዔቴ ዔያታ ታ ዴሬ ማዓንዳሢና ታኣኒያ ዔያቶኮ ፆኦሲ ማዓንዳሢ ታ ዔያቶም ፔጋሲ ዬያ ጫኣቁሞ ቃኣሎና ዻዌኔ። 
\v 5 ዬይ ያዺ ማዔቴ ሃሢ ዔያታ ዓኣ፥ ዔኤዞና ዲኢቆና ኩሜ ማሎ ዓጬሎ ዔያቶኮ ቤርታኣ ዓዶንሢ ታ ዻካልሴ ዎዶና ታ ዔያቶም ኬኤዜ ሃጊ ማዓንዳ ዎዞ ቃኣሎ ታ ማዺ ኩንሣንዳኔ።»
\p ታኣኒ ዒማና፦ «ዔኤዔ፥ ቃራኬ ናንጊና ናንጋ ጎዳሢዮ!» ጌዔኔ።
\p
\v 6 ዬካፓ ሃሣ ታኣም ናንጊና ናንጋ ጎዳ ሂዚ ጌዔኔ፦ «ዪሁዳ ካታሞንታ ዬሩሳላሜ ካታሞ ጎይፆ ጎይፆ ዴንዲ ታኣኮ ጫኣቁሞ ቃኣሎ ዔያታ ዋይዛንዳጉዲና ታኣኮ ዓይሢፆ ዔያታ ማዺ ኩንሣንዳጉዲ ላቲ ዔያቶም ዑኡዞ ኔኤኮ ዼጊዲ ኬኤዜ፤ 
\v 7 ዔያቶኮ ቤርታኣ ዓዶንሢ ታኣኒ ጊብፄ ዓጫፓ ኬሴ ዎዶና ታኣም ዔያታ ዓይሢንታንዳጉዲ ላኣቲ ላኣቲ ታ ዔያቶም ዶዲሺ ኬኤዜኔ፤ ዴሮም ሃኖ ሄላንዳኣና ‹ዒንሢና ዔሩዋቴ› ጌይሢ ታ ሃሺ ቤቂባኣሴ። 
\v 8 ጋዓንቴ ዔያታ ታ ጋዓሢ ዋይዛኒና ዓይሢንታኒያ ኮዒባኣሴ፤ ዬያ ሃሺ ፔቴ ፔቴሢ ቤርታኣስካፓ ባሼ ዋይዚ ዒፃ ፑርታ ዓሲ ማዔኔ፤ ታ ዔያቶና ጫኣቄ ጫኣቁሞ ካፒ ዔያታ ኩንሣንዳጉዲ ታ ዔያቶ ዓይሤኔ፤ ዔያታ ጋዓንቴ ዒፄኔ፤ ዬያሮ ታኣኮ ጫኣቁሞ ቃኣሎይዳ ፃኣፒንቴ ጋዳሞ ታ ዔያቶ ሄሊሳንዳኔ።»
\p
\v 9 ሄሊሳዖ ሃሣ ናንጊና ናንጋ ጎዳ ሂዚ ጌዔኔ፦ «ዪሁዳና ዬሩሳላሜና ዴራ ታኣም ዋይዚ ዒፃኒ ዎላ ዞርቲ ታጊዳ ዔቄኔ፤ 
\v 10 ታኣኒ ዔያቶ ዓይሤ ባኮ ኩንሦ ዒፃ፥ ዔያቶኮ ቤርታኣ ዓዶንሢጉዲ ጎሜ ዔያታ ማዻኔ፤ ፃንጎ ማዔ ሜሌ ፆኦዞ ዔያታ ካኣሽካኔ፤ ዒስራዔኤሌና ዪሁዳ ዴሮና ፔቱሞና ዎላ ዔቂ ዔያቶኮ ቤርታኣ ዓዶንሢና ዎላ ታ ጫኣቄ ጫኣቁሞ ካፖ ዒፂ ሃሼኔ። 
\v 11 ዬያሮ ሃይሾ ታኣኒ፥ ናንጊና ናንጋ ጎዳ ዔያቶይዳ ባይሲንታ ዔኪ ዬዓኔ፤ ዬያ ባይሲንታፓ ዔያታ ቶላኒ ዳንዳዑዋሴ፤ ታ ዔያቶ ማኣዳንዳጉዲ ዔያታ ዒላቴቴታዖ ታ ዔያቶም ዋይዛዓኬ። 
\v 12 ዬያሮ ዪሁዳና ዬሩሳላሜ ዴሮና ዒንጎ ባኮ ዔያታ ዒንጋ፥ ሜሌ ፆኦዞ ኮይላ ዴንዲ ማኣዶ ዖኦጪሢ ዒላታንዳኔ፤ ጋዓንቴ ዬይ ባይሲንታ ዔያቶይዳ ሙካኣና ዬይ ፆኦዛ ዔያቶ ማኣዳኒ ዳንዳዑዋሴ። 
\v 13 ዪሁዳኮ ካታማ ሚርጌሢጉዴያ ካኣሽኮ ፆኦዛኣ ያዺ ዺቢ ዒንሢኮ ዓኣኔ፤ ዬሩሳላሜ ካታሞኮ ጎይፃ ሚርጌ ዓኣሢጉዲ ዒሣያ ማዔ፥ ባዓኣሌ ጌይንታ ፆኦዞም ዒንጎ ባኮ ዒንጎ ቤሲ ሚርጌ ዒንሢ ኮሼኔ። 
\v 14 ዔርሚያሴ፤ ዔያታ ሜታዻዖ ታ ዋይዞም ዒላታኣና ታ ዔያቶም ዋይዚንዱዋኣሢሮ ሃያ ዴሮ ዛሎ ታና ሺኢቂፖ፤ ዔያቶ ዛሎ ቃይሻያ ማዒ ታኣም ዔኤቢ ኬኤዚፖ።»
\p
\v 15 ናንጊና ናንጋ ጎዳ ዪሁዳ ዴሮም ታ ሂዚ ጌይ ኬኤዛንዳጉዲ ጌዔኔ፦ «ዒንሢ ታኣኒ ዒንሢ ናሽካ ዴሬኬ፤ ጋዓንቴ ዒንሢ ሃያጉዴ ፑርታ ባኣዚ ማዺ ማዺ ሃያ ታኣኮ ጌኤዦ ማኣሮ ሙኪ ጴዻንዳያ ኮይሱዋሴ፤ ዒንሢ ታኣም ቆልሞ ሹኪ ዒንጋ ዒንጊፃ ባይሲንታፓ ዒንሢ ዓውሳኒ ዳንዳዑዋሴ፤ ዬያሮ ታኣኮ ጌኤዦ ማኣሮይዳ ዬያይዲ ዎዛዻንዳኔ ጌይፆ ሃሹዋቴ። 
\v 16 ‹ሚርጌ ዓኣፒ ዓኣፔ ሚዛጲ ዛይቴ ሪሚቲ ሚሢ› ጌይ ሱንሢ ታ ዒንሢኮ ጌሤኔ፤ ጋዓንቴ ዻካ ኬሊ ጋርካ ጉጉንሢጉዲ ዹዹኡቃንዳ ታሚና ታኣኒ ዬኖ ሚፄሎኮ ካኣፖ ሚቺ ባይዛንዳኔ።
\p
\v 17 «ታኣኒ ቢያ ባኮ ማዤ ጎዳኬ፤ ዒንሢ ዪሁዳና ዬሩሳላሜና ዴራ ታኣኒ ዒንሢ ቱኬ ሚሢኬ፤ ጋዓንቴ ባዓኣሌ ጌይንታ ፆኦዞም ዒንሢ ዒንጎ ባኮ ዒንጊፆና ታና ዻጋሴኔ፤ ዬያሮ ሃሢ ባይሲንታ ታ ዒንሢዳ ዔኪ ዬዓንዳኔ።»
\s1 ዔርሚያሴ ዎዻኒ ማሎና ጌኔ ማሊሢ
\p
\v 18 ዒማና ዔያታ ማዻ ባኮ ናንጊና ናንጋ ጎዳ ታኣም ፔጋሲ ዻዌሢሮ ታ ዔያቶኮ ጌኖ ማሊፆ ዔሬኔ። 
\v 19 ታኣኒ ሹኪንታኒ ዔውቲ ዴንዳ ማራናይጉዲ ማዒ፥ ዔያታ ታኣም፦ «ዒዛኮ ሱንፃ ላሚ ኬስኪ ዋይዚንቱዋጉዲ ሚፃሢ ዓኣፖና ዎላ ኑ ቲቂ ባይዞም፤ ሼምፔና ዓኣ ዓሳ ናንጋ ዓጫፓ ኑ ዒዛ ሺኢሾም» ጌይ ዎላ ጌኖ ዞርታሢ ናንጊና ናንጋ ጎዳ ታኣም ፔጋሳንዳሢኮ ቤርታ ታኣኒ ዔሪባኣሴ።
\p
\v 20 ታኣኒ፦ «ቢያ ባኮ ማዤ ጎዳሢዮ! ኔኤኒ ዓሲኮ ዒኔና ጎጲና ዛጊ ዔሪ ፒዜ ዎጊሢ ዎጋያኬ፤ ሃይሾ ታ ሜቶ ታ ኔኤም ኬኤዜኔ፤ ዬያሮ ሃያ ዴሮይዳ ኔኤኒ ዔካ ኮሞ ታና ዛጊሴ» ጌይ ፆኦሲ ሺኢቄኔ።
\p
\v 21 «ናንጊና ናንጋ ጎዳ ሱንፆና ፆኦሲ ማሊፆ ኔ ኬኤዜያታቴ ኑ ኔና ዎዻንዳኔ» ጌይ ዔርሚያሴኮ ሼምፖ ባይዛኒ ኮዓ ዓናቶቴ ዓሶ ዛሎ ናንጊና ናንጋ ጎዳ ሂዚ ጋዓኔ፦ 
\v 22 «ታኣኒ ታ ቶኦኪና ሜቶ ዔያቶይዳ ዓጋንዳኔ፤ ዼጌሢ ዔያቶኮ ዖልዚዳ ጬንቾ ዓራፖና ኩዳንዳኔ፤ ዓቲንቆና ዉዱሮ ናኣቶና ዔያቶኮ ናይዚና ሃይቂ ጋፓንዳኔ። 
\v 23 ዓናቶቴ ዓሶ ባይዛንዳ ባኮ ታ ዔያቶይዳ ዓጋ ዎዳ ሄላኣና ዔያቶይዳፓ ፔቴ ዓሲታዎ ዜርሢ ማዒ ዓታዓኬ።»
\c 12
\s1 ናንጊና ናንጋ ጎዳ ኮይላ ዔርሚያሴ ዖኦጬ ዖኦጪሢ
\q
\v 1 ናንጊና ናንጋ ጎዳሢዮ! ታኣኒ ኔ ቤርታ ኔና ሞኦቲ ጌስታሢ ኔኤኒ ፒዜ ማዔሢ ዔሬዖኬ፤
\q2 ሃሢ ኔኤኒ ፒዜ ዎጋ ዎጊፆይዳ ታ ዖኦጫ ባኣዚ ዓኣኔ፤
\q2 ጎሜ ዓሲኮ ናንጋ ፒዜ ማዒ ዓኣዻሢ ዎይቲዳይ?
\q2 ጌሺ ናንጋ ዓሶ ቢያሢኮ ዔባ ቢያ ጊኢጋሢ ዎይቲዳይ?
\q
\v 2 ኔኤኒ ዔያቶ ቱኬም ዔያታ ፃጲ ዳኬኔ፤
\q2 ዑጊ ዓኣፒያ ዓኣፔኔ፤
\q ዻንጋና ኔና ዔያታ ቦንቻኔ፤
\q2 ዒና ጋዓንቴ ዔያቶኮ ኔጊዳፓ ሃኬያኬ።
\q
\v 3 ናንጊና ናንጋ ጎዳሢዮ! ታና ጋዓንቴ ኔ ዔራኔ፤
\q2 ኔ ዛሎ ታ ማላ ማሊፆ ኔ ዛጊ ዱማሲ ዴንቃኔ፤
\q2 ሃኣቶ ፑርቶ ዓሶ ሹካኒ ዔኪ ዴንዶ ማራይጉዲ ዒሼ፤
\q2 ሹኮንዶ ኬሎም ዱማሲ ዔያቶ ዔቂሴ።
\q
\v 4 «ኑ ማዻ ባኮ ቢያ ናንጊና ናንጋ ጎዳ ዛጉዋሴ» ጋዓ
\q2 ዴሮኮ ፑርቱማፓ ዔቄያና ኑኡኮ ሳዓ ሉማዻሢ፤ ጊንሣ ሃሣ
\q2 ካዮይዳ ዓኣ ማኣታ ሜሊ ኩዳሢ ዎማ ሄላንዳኣናዳይ?
\q2 ዬያ ዛሎና ካዮ ቦዖንታ ካፖንታ ቢያ ጋፒ ዴንዲ ባይቄኔ።
\b
\s1 ናንጊና ናንጋ ጎዳ ማሂ ኬኤዜ ባኮ
\q
\v 5 ናንጊና ናንጋ ጎዳ ሂዚ ጋዓኔ፦
\q2 «ዔርሚያሴ! ቶኪና ሄሌሎ ጳሽካ ዓሶና ዎላ
\q2 ጳሽኪፃ ኔና ላቢሳያ ማዔቴ
\q2 ፓራሢና ዎላ ኔ ዎዲ ሄሌሎ ጳሽካንዳይ?
\q2 ዔኤቢባኣ ፔጎይዳ ጳዦ ባሺንቲ ሎኦማያ ማዔቴ
\q2 ዮርዳኖሴ ዎሮ ዓጫ ዓኣ ዴኤሎ ካዮ ባኣካ ኔ ዎዎይታንዳይ?
\q
\v 6 ኔኤኮ ጌርሲንሢንታ ኔኤኮ ዑኬ ዒጊኖንታ ኔና ሃሼኔ፤
\q2 ኔና ዔያታ ዒፂ ማኪ ጌስቴኔ፤
\q2 ዬያሮ ኔ ቤርታ ዔያታ ኮሺ ባኣዚ ጌስቴቴያ ዔያቶ ጉሙርቂፖ።»
\s1 ዴሮኮ ዻቢንታ ናንጊና ናንጋ ጎዳ ዖዪሴሢ
\q
\v 7 ናንጊና ናንጋ ጎዳ ሂዚ ጋዓኔ፦
\q2 «ታኣኮ ማኣሮንታ ታ ዴኖንታ ታ ሃሼኔ፤
\q2 ታኣኒ ናሽካ፥ ታ ዴሮዋ
\q2 ዔያቶኮ ሞርኮም ታ ዓኣሢ ዒንጋንዳኔ።
\q
\v 8 ታ ዴራ ታጊዳ ፑርቱሞና ዔቂ ካይዚ ዞቢጉዲ ጉዻኔ፤
\q2 ዬያ ማዾ ዔያቶኮ ታ ዒፃኔ።
\q
\v 9 ታኣኒ ዶኦሬ፥ ታ ዴራ ቢያ ዛሎና
\q2 ዜኤጌ ካቲ ዔቄ ካፒ ማዔኔ፤
\q2 ዬያሮ ሜሌ ካዮ ቦዓ ሙኪ ዓሽኮ ዔያቶኮ ሙይ
\q2 ዎዛዻንዳጉዲ ዬያ ቦዖ ዔኤሉዋቴ።
\q
\v 10 ሜሌ ዴሮ ሱኡጋ ታኣኮ ዎይኖ ጎዦ ፑርቲሲ ባይዜኔ፤
\q2 ታ ዴኖ ማዔ ሳዖዋ ሄርቂ ዲርካቼኔ፤
\q2 ዎዛሳያ ማዔ ሳዔሎዋ ዓሲ ናንጉዋ ዳውሌ ማሂ ሃሼኔ።
\q
\v 11 ዓሲ ናንጉዋ ዳውሌ ማሂ ዔያታ ሃሼሢሮ ታ ቤርታ ጉሪ ሳዓ ማዒ ዒዛ ዓቴኔ፤
\q2 ዓጬላ ካራና ዓሲ ናንጉዋ ዳውሌ ማዒ ጋፔኔ፤
\q2 ዒዞ ዔኤቢኬ ጌይ ዛጋ ዓሲ ፔቴታዖ ባኣሴ።
\q
\v 12 ዓሲ ናንጉዋ ዳውሌ ማዒ ዓኣ ዹካፓ
\q2 ባይዛንዳ ዖልዚ ዓሲ ሙካንዳኔ፤
\q2 ናንጊና ናንጋ ጎዳ ዳኬ ጬንቻ ዓፓሮ ዓጬሎኮ
\q2 ካራፓ ካሮ ሄላንዳኣና ዓሶ ባይዛንዳሢሮ
\q2 ኮሺ ናንጊ ናንጋንዳ ዓሲ ፔቴታዖ ባኣሴ።
\q
\v 13 ዴራ ታኣኮ ዛርጌ ዜርቃዖ ማርካፄ ዓንጊሢ ጮኦሬኔ፤
\q2 ማዾና ዔያታ ላባዖ ዔያቶም ማዓንዳ ባኣዚ ፔቴታዖ ዴንቂባኣሴ፤
\q2 ታኣኮ ዶዶ ዻጋፓ ዔቄያና ዔያቶኮ ሃኣካ ባይቄሢሮ ዔያታ ዖዬኔ።»
\s1 ዪሁዳ ዴሮ
\p
\v 14 ናንጊና ናንጋ ጎዳ ሂዚ ጋዓኔ፦ «ታ ዴሮ ዒስራዔኤሌም ታ ዒንጌ ዓጬሎ ባይዜ፥ ዒስራዔኤሌኮ ዓሺኖ ዓጮም ታ ጋዓ ባኣዚ ዓኣኔ፤ ዬያቶ ፑርቶ ዓሶ ዔያቶኮ ዓጫፓ ዓጫፓ ቱጊ ዔኪ ታ ዓኣዻንዳኔ፤ ዪሁዳ ዴሮዋ ዔያቶ ባኣካፓ ዋቂ ታ ኬሳንዳኔ። 
\v 15 ጋዓንቴ ዔያቶኮ ዓጫፓ ታ ዔያቶ ኬሴስካፓ ጊንሣ ዔያቶም ታ ሚጪንቲ ዔያቶ ማኣራንዳኔ፤ ፔቴ ፔቴ ዴሮ ፔኤኮ ሳዖና ፔኤኮ ዓጮና ባንሢ ታ ማሂ ዔኪ ዬዓንዳኔ። 
\v 16 ታ ዴራ ሃንታ ጎይፆ ጉቤ ዒኔና ዔያታ ሃንታኒ ዔኤዒ ዔያታ ሃያኮ ቤርታ ታኣኮ ዴሮ ባዓኣሌ ሱንፆና ዔኤቢ ሳላዺሢ ዔርዜማ ጎይፆ ‹ናንጊና ናንጋ ጎዳ ሃይቆ!› ጌይ ዔያታ ሳላዻያ ማዔቴ ታ ዴሮ ባኣካ ታ ዔያቶ ናንጊሻንዳኔ፤ 
\v 17 ዔያቶ ባኣካ ታኣም ዋይዙዋ ዴሬ ዓኣቴ ጋዓንቴ ቱጊ ዳኪ ታኣኒ ባይዛንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\c 13
\s1 ታልቦ ጎልዚዳፓ ኮሺንቴያ ኬርና ቱኮ ባኣዚ
\p
\v 1 ናንጊና ናንጋ ጎዳ ሂዚ ጋዓኔ፦ «ታልቦ ጎልዚፓ ዎጋሮጉዲ ኮሾና ኬርና ቱኮ ባኮ ሻንቂ ዔኪ ቱኡቴ፤ ዋኣሢና ጋዓንቴ ካንሢፖ።» 
\v 2 ዬያሮ ናንጊና ናንጋ ጎዳ ታና ዓይሤ ጎይፆና ዬኖ ኬርና ቱኡቶ ባኬሎ ሻንቂ ታ ቱኡቴኔ፤ 
\v 3 ዬካፓ ጊንሣ ናንጊና ናንጋ ጎዳ ታና፦ 
\v 4 «ፔራቴ\f + \fr 13፡4 \fr*\fq ፔራቴ \fq*\ft ዬኖ ዎሬሎና ዔፕራፂሴ ጌይንታ ዎሮና ዔኤሊንታኣና ሱንፃ ዎሊ ማላያኬ።\ft*\f* ዎሮ ዴንዲጋፓ ዬኖ ኬርና ቱኡቶ ባኬሎ ላሌኮ ፃሂዳ ጌልዚ ዓኣቼ» ጌይ ዓይሤኔ። 
\v 5 ዬያሮ ታኣኒ ናንጊና ናንጋ ጎዳ ዓይሤ ጎይፆና ዴንዲ ፔራቴ ዎሮ ዓጫ ዬኖ ኬርና ቱኮ ባኬሎ ዓኣቼኔ።
\p
\v 6 ሚርጌ ዎርቄስካፓ ናንጊና ናንጋ ጎዳ ታና፦ «ፔራቴ ዎሮ ጊንሣ ዴንዲ ዬኖ ኬርና ቱኮ ባኬሎ ዔኬ» ጌይ ዓይሤኔ። 
\v 7 ታኣኒ ዒማና ዴንዲ ዬኖ ኬርና ቱኮ ባኬሎ ዓኣቼ ቤዛፓ ዴንቄኔ፤ ዬና ኬርና ቱኮ ባኬላ ፑርቲ፥ ማኣዳንዳ ባኣዚ ባኣያ ማዒ ዓኣንቴ ታ ዔኬኔ።
\p
\v 8 ዬካፓ ሃሣ ናንጊና ናንጋ ጎዳ ታኣም፦ 
\v 9 «ዪሁዳኮ ሄርሺንቶና ዬሩሳላሜኮ ዼኤፖ ዖቶርሞ ታኣኒ ዬያይዲ ባይዛንዳኔ፤ 
\v 10 ዬይ ፑርቶ ማዻ ዴራ ታኣም ዋይዞ ዒፄኔ፤ ዒኖ ፔኤኮ ዔያታ ሹቺ ማሂ ዶዲሼኔ፤ ሜሌ ፆኦዞ ካኣሽኪ ዬያቶም ማዻኔ፤ ዬያይዳፓ ዔቄያና ዔያታ ማኣዳንዳ ባኣዚ ባኣያ ማዒ ዓቴ ዬኖ ኬርና ቱኡቶ ባኬሎጉዲ ማዓንዳኔ። 
\v 11 ኬርና ቱኮ ባካ ኬርኔይዳ ቱኡቲ ዴዓሢጉዲ ዪሁዳ ዴሮ፥ ሃሣ ዒስራዔኤሌ ዴሮዋ ታ ኬርና ታኣኒ ዶዲሺ ቱኬኔ፤ ዬያ ታ ማዼሢ ታኣኮ ዴሬ ዔያታ ማዓንዳጉዲና ታና ጋላቲ ቦንቻንዳጉዲኬ፤ ዔያታ ጋዓንቴ ታኣም ዋይዚባኣሴ» ጌዔኔ።
\s1 ዎይኖ ዑዦ ዖቶ
\p
\v 12 ዒስራዔኤሌኮ ፆኦዛሢ ማዔ ናንጊና ናንጋ ጎዳ ታኣም ሂዚ ጌዔኔ፦ «ዔርሚያሴ! ‹ፔቴ ፔቴ ዖታ ዎይኖ ዑዦና ኩማንዳኔ› ጌይ ዒስራዔኤሌ ዴሮም ኬኤዜ፤ ዒማና ዔያታ ኔ ኮይላ፦ ‹ዖቶ ዎይኖ ዑዣ ኩማሢ ኑኡኒ ዔሩዋያ ኔኤም ማላ?› ጋዓንዳኔ። 
\v 13 ዬካፓ ታኣኒ፥ ናንጊና ናንጋ ጎዳ ሃኖ ዓጮይዳ ናንጋ ዴሮ ቢያ ማሢንታንዳያ ሄላንዳኣና ዎይኖ ዑዦ ዑሺ ኩንሣኒ ማሌሢ ዔያቶም ኬኤዜ፤ ዬኖ ዎዶና ዳውቴ ካኣቱሞ ዖይቶይዳ ዴዓ ካኣታ፥ ቄኤሳ፥ ታ ማሊፆ ኬኤዛ ዓሶንታ ዬሩሳላሜይዳ ናንጋ ዓሶዋ ቢያ ዎይኖ ዑዦና ታኣኒ ማሢሳንዳኔ። 
\v 14 ዒማና ታኣኒ ዓዶንሢንታ ናኣቶንታ ቢያሢ ዖቶጉዲ ዎላ ጋኣጪሳንዳኔ፤ ታኣኒ ዔያቶ ሚጪንቱዋዖ፥ ቲኢሩዋዖ፥ ማኣሩዋዖ ባይዛንዳኔ።»
\s1 ዳውሲሢ ሙካንዳያ ማዒፃ ላቲ ኬኤዚንቴሢ
\q
\v 15 ናንጊና ናንጋ ጎዳ ኬኤዜሢሮ
\q2 ዒንሢኮ ዖቶርሞ ሃሺ ዋይዙዋቴ፤
\q2 ዒና ዔኪ ኮሺ ዋይዙዋቴ።
\q
\v 16 ሳዖ ዒ ዹሚሼም ዴንቆ ባሺንቲ ዒንሢ ዹቂንታንዳሢኮ ቤርታ
\q2 ዒንሢ ሃጊ ማዓንዳ ዎዛ ጌሢ ዓኣ ፖዖ ዒንሢኮ ሻኔ ዹሚ ባንሢ፤
\q2 ጊንሣ ሃሣ ዲም ጌዔ ሻኣሬ ባንሢ ዒ ሺርሹዋንቴ ቤርታ
\q2 ናንጊና ናንጋ ጎዳ ማዔ ዒንሢኮ ፆኦዛሢ ቦንቹዋቴ።
\q
\v 17 ዒንሢ ዋይዛዓ ጌዔቴ ጋዓንቴ
\q2 ዒንሢኮ ዖቶርሞ ዛሎ ፑኒ ዔቂ ታ ዬኤካንዳኔ፤
\q2 ናንጊና ናንጋ ጎዳኮ ቆልማ ዲዒንቲ ዔውቴሢሮ
\q2 ታኣኒ ዒኔ ሜቂ ዬኤካንዳኔ፤ ዓቢፃኣ ታኣኮ ጋፑዋያ ማዒ ሾኦታንዳኔ።
\b
\p
\v 18 ናንጊና ናንጋ ጎዳ ታኣም፦ «ካኣቱሞሮ ቦንቺ ዓጎ ባካ ዔያቶ ቶኦካፓ ኬዴሢሮ ካኣቲንታ ዒዛኮ ዒንዶ፥ ጌኤሾንታ ካኣቱሞ ዖይታፓ ኬዲ ዴዓንዳጉዲ ኬኤዜ። 
\v 19 ዾኦሎ ዛሎይዳ ዓኣ ዪሁዳ ካታማ ሞርኬና ማንጊንቴሢሮ ዖኦኒያ ዒኢካ ጌላኒና ዒኢፓ ኬስካኒ ዳንዳዑዋሴ፤ ዪሁዳ ዴራ ካራና ቢያ ዲዒንቲ ዔውታንዳኔ። 
\v 20 ዬሩሳላሜ! ኬዴኖ ዛሊና ኔኤኮ ሞርካ ሙኬሢ ዛጌ፤ ታ ኔኤም ዒንጌ ሚዛጶ ቆልማ ዓካሪ ዎዎይታንዳይ?» ጌዔኔ።
\p
\v 21 ኔ ላጎ ማሂ ኔ ኩቻ ኔ ማዤ ዓሳ ኔና ዎይሣንዳጉዲ ዒ ዔኪ ሙካያ ማዔኔ፤ ዓካሪ ኔ ዎዚ ጋዓይ? ሾይቺሮ ባና ላኣሊጉዲ ኔ ማዒባኣዓዳ? 
\v 22 ዬይ ቢያ ታጊዳ ሄሌሢ ዓይጎ ዛላናዳይ? «ማኣዓሢ ታኣኮ ዳርዚ ዓሳ ታና ዒኢሴሢ ዓይጎሮዳይ?» ጌይ ኔ ዖኦጬቴ፥ ዬይ ቢያ ኔጊዳ ሄሌሢ ጎማ ኔኤኮ ዑሣ ዓኣዼ ፑርታ ማዔሢሮታሢ ዔሬ። 
\v 23 ዒቶጲያ ዓሲ ፔኤኮ ማላሢ፥ ማኣኪ ፔኤኮ ቦርጩሞ ላኣማኒ ዳንዳዑዋሴ፤ ዬያጉዲ ዒንሢ ፑርታ ማዾ ማዺ ዔሬሢሮ ኮሺ ማዾ ማዺሢ ዒንሢም ማዑዋያኬ። 
\v 24 ሃሢ ጋዓንቴ ዳውሌ ዢባሬ ሃኣኮ ዲልባ ፒፂ ዔኪ ዴንዳሢጉዲ ናንጊና ናንጋ ጎዳ ዒንሢ ዜርቃንዳኔ። 
\v 25 ዒንሢም ጌይንቴ ባኮማ ዬማታሢ ናንጊና ናንጋ ጎዳ ኬኤዜኔ፤ ዒዛ ዒንሢ ዋሊ ሉኡዚ ማዔ ፆኦዞ ዒንሢ ጉሙርቄሢሮ ዒንሢዳ ዒ ዬያይዳኒ ማሊ ዔቄኔ። 
\v 26 ናንጊና ናንጋ ጎዳ ፔኤሮ ዒንሢኮ ማኣዓሢ ዑፃፓ ጉሲ ካሎ ዒንሢ ዓይሳንዳኔ። 
\v 27 ዒዚ ዒፃ ባኣዚ ዒንሢ ማዻሢ ዒ ዴንቄኔ፤ ፔኤኮ ላጋሢኮ ማቾና ላሃኒ ዓፃዻ ዓሲጉዲ፥ ሃሣ ጊንሣ ዒንዴ ፓሮ ኮዓ ዲቺ ፓሮ ዓዴጉዲ ዒንሢ ሜሌ ዴሮ ፆኦዞ ጊንፆ ዓኣዺ ጌሜሮ ጌሜሮ ቶኦኮንታ ቦኦሎንታይዳ ማዺ ሺሬ ባኮ ዒ ዴንቄኔ። ዬሩሳላሜ ዴሬዮቴ፤ ባዴዔ ዒንሢ! ጉቤና ዒንሢ ጌኤሺ ማዓኒ ዳንዳዓሢ ዓይዲናንዳይ?
\c 14
\s1 ቂኢጮ ሉማ
\p
\v 1 ናንጊና ናንጋ ጎዳ ሃጊ ሙካንዳ ሉማ ዛላ ሂዚ ታኣም ጌዔኔ፦
\q
\v 2 «ዪሁዳ ዖዪሢዳኬ፤
\q2 ካታማ ዒዞኮ ቢያ ሃይቢሮ ሳዛ ጋሽኪሢዳኬ፤
\q ዴራ ዒዞኮ ዖዬሢሮ ሳዖ ሲላላ ዴዒ ዬኤካኔ፤
\q2 ዬሩሳላሜያ ናንጊና ናንጋ ጎዳ ባንሢ ዒላቲሢዳኬ።
\q
\v 3 ዖርጎጮ ዓሳ ዋኣሢ ዴንቃኒ ፔኤኮ ማዻ ዓሶ ኮይሲሢ ዳካንዳኔ፤
\q2 ዬያሮ ዬይ ማዻ ዓሳ ዋኣፆ ዔቶ ዔቶ ቤዞ ዴንዳንዳኔ፤
\q ጋዓንቴ ፔቴታዖ ዔያታ ዋኣሢ ዴንቂንዱዋኣሢሮ ጉዞ ጉሪ ኬዲ ማኣሪ ሙካንዳኔ፤
\q2 ዎዛ ቲቂ፥ ካራ ዔያታ ባይዛንዳሢሮ
\q2 ዖዪ ፔኤኮ ቶኦኮ ዔያታ ዔኤቢና ካንቂ ዓኣቻንዳኔ።
\q
\v 4 ዒርዚ ባይቃንዳሢሮ ሳዓ ፃኣዺ፥ ፃሃንዳኔ፤
\q2 ጎሽኪ ዎርቃ ዓሳኣ ዎዛ ባይዚ
\q2 ዖዪሢና ፔኤኮ ቶኦኮ ዔኤቢና ካንቂ ዓኣቻንዳኔ።
\q
\v 5 ማኣቲ ጋዓባኣዚኮ ዜርሢ ባይቃንዳሢሮ
\q2 ሮኦቶ ሾሾዓዖ ናዖ ቦኦላ ሃሺ ፔ ጎጲ ባኣዚ ኮይሢ ዓኣዻንዳኔ።
\q
\v 6 ኪርሞሎ ዺባ ዋኣፆ ዼኤቦና ሜታዻንዳሢሮ
\q2 ጌሜሮ ቶኦኮ ቶኦኮ ኬስኪ ዉኡኮጉዲ ሆጊንቲ ሃንታንዳኔ፤
\q ሙዖንዶ ባኣዚ ዔያታ ዴንቂንዱዋኣሢሮ ዛጎ ባሺንታንዳኔ።
\q
\v 7 ታ ዴራ ታ ባንሢ ሂዚ ጌይ ዒላታንዳኔ፦
\q2 ‹ዎዚ ኑኡኮ ዻቢንቶ ሚርጉማ ኑጊዳ ማርካዼያ ማዔቴያ
\q2 ናንጊና ናንጋ ጎዳሢዮ! ኔና ኑ ቦንቻንዳጉዲ ኑና ማኣዴ፤
\q2 ኔጊዳፓ ኑ ሃኬኔ፤ ኔና ኑ ዖዪሴኔ።
\q
\v 8 ዒስራዔኤሌ ዓሳ ዓውሳንዳኔ ጌይ ጉሙርቃሢ ኔና ሌሊኬ፤
\q2 ካራ ኑም ባይቃኣና ካሮ ጌሣሢ ኔናኬ፤
\q ሂዳዖ ኔኤኒ ኑኡኮ ሳዖይዳ ሾኦቺ፤
\q2 ጊንሣ ሃሣ ፔቴ ኬሊ ዎርቃዖ ዴዴንዳያ
\q2 ጎይሢ ዓሲ ማዔሢ ዓይጎሮዳዖ?
\q
\v 9 ዶዲ ፖኦሊሴታዖ ካራ ባይዜያ፥ ሃሣ ሜሌ ዓሲ ማኣዳኒ
\q2 ዳንዳዒባኣ ፖኦሊሴጉዲ ኔ ዓይጋ ማዓይ?
\q2 ናንጊና ናንጋ ጎዳሢዮ! ኔኤኒ ኑ ባኣካ ዓኣኔ፤
\q2 ኔ ሱንፆና ኔና ኑ ዔኤላኔ፤
\q2 ሃዳራ ኑና ኬኤሪፖ።› »
\b
\p
\v 10 ናንጊና ናንጋ ጎዳ ሃያ ዴሮ ዛሎ ሂዚ ጋዓኔ፦ «ታጊዳፓ ዔያታ ሃኪ ዓኣዻኒ ናሽካኔ፤ ፔና ዔያታ ቃዚ ቆላያቱዋሴ፤ ዬያሮ ታና ዔያቶ ባካ ዎዛሱዋሴ፤ ዔያታ ማዼ ዻቢንቶ ቢያ ማሊ ጶቂሢ ጶቂሢ ዔያቶ ጎሞ ዛሎሮ ታ ዔያቶይዳ ሜቶ ዓጋንዳኔ።»
\p
\v 11 ናንጊና ናንጋ ጎዳ ታኣም፦ «ሃያ ዴሮም ኮሺ ባኣዚ ማዺንታንዳጉዲ ሺኢቂፖ፤ 
\v 12 ዔያታ ሙኡዚ ሃሺ ሺኢቄቴያ ታ ዔያቶም ዋይዛዓኬ፤ ሚቺ ዒንጎ ዒንጊሢታቴያ ሃኣኮ ዒንጊፆዋ ዔያታ ታኣም ዒንጌቴታዖ ዔያቶ ባካ ታና ዎዛሳዓኬ፤ ታ ዔያቶ ዖልዚና ናይዚና፤ ሃሣ ፑርታ ዶርዖና ኩርሲሳንዳኔ» ጌይ ኬኤዜኔ።
\p
\v 13 ታኣኒ ዒማና፦ «ናንጊና ናንጋ ጎዳ ማዔ ቢያ ባኮ ማዤ ጎዳሢዮ! ኔ ማሊፆ ኬኤዛኔ ጋዓ ሜሌ ዓሳ ‹ዖልዚንታ ናይዚንታ ሙካዓኬ› ጌይ ጌይ ዴሮም ኬኤዛኔ፤ ዔያታ ‹ኑኡኮ ሳዖይዳ ባይቁዋዖ ዴዴዓ ኮሹሞ ሌሊ ማዓንዳሢ ኔኤኒ ኬኤዜኔ› ጋዓኔ» ጌኤኔ።
\p
\v 14 ናንጊና ናንጋ ጎዳ ሂዚ ጌይ ማሄኔ፦ «ዬያታ ታ ማሊፆ ኬኤዛኔ ጋዓ ዓሳ ታ ሱንፆና ሉኡዙሞ ባኣዚ ኬኤዚሢ ዓርቄኔ፤ ታ ዔያቶ ዳኪባኣሴ፤ ታ ዔያቶ ዓይሤ ባኣዚያ ባኣሴ፤ ፔቴ ባኣዚታዎ ታ ዔያቶም ኬኤዚባኣሴ፤ ፆኦሲ ፔጋሲ ዻዌም ኑ ዴንቄኔ ዔያታ ጋዓ ባካ ቢያ ታጊዳፓ ታ ዻዌያቱዋሴ፤ ዔያታ ሎንሣ ሎንሣ ቢያ ሉኡዙሞ ባኣዚ፥ ፔ ዦዋቶ፥ ሜሌ ካኣሽኮ ካኣዦፓ ዔያታ ዔኬያና ፔ ማሊሢፓ ኬሲ ኬኤዛያ ጉሪ ባኣዚኬ። 
\v 15 ታኣኒ ዔያቶ ዳኩዋንቴ ፔኤሮ፦ ‹ኑ ሳዖይዳ ናይዚታቴያ ዖልዚ ሙካዓኬ› ጌይ ጌይ ታ ሱንፆና ሎንሦ ኬኤዛ ዬኖ ዓሶ ታኣኒ፥ ናንጊና ናንጋ ጎዳ ዖልዚና፤ ሃሣ ናይዚና ዎዺ ኩርሲሳንዳኔ። 
\v 16 ዬይ ሎንሣ ኬኤዚንቴ ዴራኣ ቢያ ናይዚና፥ ሃሣ ዖልዚና ኩዳንዳኔ፤ ዔያቶኮ ሌዛ ቢያ ዬሩሳላሜ ካታሞይዳ ጎይፃ ጎይፃ ኬኤሪንቲ ዓታንዳኔ፤ ዔያቶ ዱኡካንዳ ዓሲ ጴዻዓኬ፤ ዬይ ዔያቶኮ ላኣሎይዳ፥ ዓቲንቆ ናኣቶይዳ፤ ሃሣ ዉዱሮ ናኣቶይዳኣ ዓቱዋዖ ቢያሢዳ ማዺንቲ ኩማንዳኔ። ዔያታ ማዼ ዻቢንቶጉዴያ ኮይሳ ሜቶ ታ ዔያቶይዳ ዓጋንዳኔ።»
\p
\v 17 ዬኖ ዛሎ ዴሮም ታኣኒ ሂዚ ጌይ ኬኤዛንዳጉዲ
\q ናንጊና ናንጋ ጎዳ ታና ዓይሤኔ፦
\q2 «ዴራ ታኣኮ ፑርታ ጎይሢ ሜቂ ኪፃዼኔ፤ ጋፒ ማኣሳኔኔ፤
\q2 ዬያሮ ዓኣፓፓ ታኣኮ ሮኦሮንታ ዋንቶንታ ቢያ ዓቢሢ ዎታኔ፤
\q2 ሃሺሢባኣያ ታኣኒ ዬኤካኔ።
\q
\v 18 ካታማፓ ታኣኒ ኬስካዖ ዖልዚና ሃይቄ ዓሲ ሌሲ ዴንቃኔ፤
\q2 ካታሞ ጊንሣ ታ ጌላኣና ናይዚና ሃይቃኒ ሳዛ ጋሽካ ዓሲ ታኣም ጴዻኔ፤
\q ታ ማሊፆ ኬኤዛ ዓሶንታ ቄኤሶንታ ፔ ሜቶሮ ሌሊ ጳሽካኔ፤
\q2 ዔያታ ዎካ ዓኣዻቴያ ዔሩዋሴ።»
\s1 ዴራ ፆኦሲ ቃይሼ ቃይዦ
\q
\v 19 ናንጊና ናንጋ ጎዳሢዮ! ዪሁዳ ጋፒ ኔኤኒ ኬኤራኒዳ?
\q2 ፂዮኔ ዴሮዋ ዒፃዖ ኔ ጋጋፒያ?
\q ዻቃኒ ኑ ዳንዳዑዋ ጎይሢ
\q2 ሃያይዲ ኑና ኔ ማኣሳንሤሢ ዓይጎሮዳዖ?
\q ኮሹሞ ኑ ዴንቃንዳኔ ጌይ ኑ ሃጋኣ ዎዛ ጌሤኔ፥
\q2 ጋዓንቴ ፔቴታዖ ኮሺ ባኣዚ ኑም ጴዺባኣሴ፤
\q ኑና ፓሣንዳ ባኣዚ ኑ ዴንቃንዳኔ ጌይ ሃጋኣ ዎዛ ኑ ጌሤኔ፥
\q2 ጋዓንቴ ሂርጊሻ ሜታ ኑጊዳ ዺቢ ዺቢ ዓኣዼኔ።
\q
\v 20 ናንጊና ናንጋ ጎዳሢዮ! ኑኡኮ ዻቢንቶ ኑ ዔሬኔ፤
\q2 ኑ ዓዶንሢ ማዼ ጎማኣ ኑኡም ዔርቴኔ፤
\q2 ጎኔና ኔ ቤርታ ጎሜ ኑ ማዼኔ።
\q
\v 21 ኔ ኑና ጉሙርሴ ቃኣሎ ኔኤኮ ቢያ ማሊ ጶቂሢጋፓ ኑና ቦሂ ሃሺፖ፤
\q2 ኔኤኮ ዼኤፑማ ፔጋዺ ዔርታ፥ ኔኤኒ ቦንቺንቲ ዴዓ ካኣቱሞ ዖይታ ጌሢንታ ዬሩሳላሜ ሞኦሪሲፖ፤
\q2 ኑኡና ዎላ ኔ ሳላዺ ጫኣቄ ጫኣቁሞ ማሊ ጶቂሤ።
\q
\v 22 ሜሌ ዴሮ ፆኦዞ ባኣካፓ
\q2 ፔቴ ፆኦሲታዖ ዒርዚ ዋርቂሳኒ ዳንዳዑዋሴ፤
\q2 ጫሪንጫኣ ፔ ሼኔና ዒርዚ ፆዺሡዋሴ፤
\q ናንጊና ናንጋ ጎዳ ማዔ ኑ ፆኦዛሢዮ!
\q2 ዬያ ቢያ ማዻሢ ኔናታሢሮ
\q2 ኑኡኒ ጉሙርቃሢ ኔናኬ።
\c 15
\s1 ዪሁዳ ዴራ ሃይቃንዳያ ማዒፃ ኬኤዚንቴሢ
\p
\v 1 ዬካፓ ናንጊና ናንጋ ጎዳ ታኣም ሂዚ ጌዔኔ፦ «ሙሴና ሳሙዔኤሌናታዖ ታ ቤርቶ ሺኢኪ ታና ቃይሼቴ ሃያ ዴሮ ታ ማኣራዓኬ፤ ዬያሮ ታ ቤርታፓ ዔያቶ ሺኢሺ ዳኬ። \x - \xo 15፡1 \xo*\xt ኬሲ. ማፃ 32፡11-14፤ ፓይ. ማፃ 14፡13-19፤ 1ሳሙ. 7፡5-9።\xt*\x* 
\v 2 ‹ሂዳዎ ኑ ዎካ ዓኣዾንዶዖ?› ጌይ ኔና ዔያታ ዖኦጬቴ፥ ሃያኮ ቤርታ ሂዚ ጌይ ኔ ኬኤዜሢ ዔያቶም ጶቂሤ፤
\q ‹ዎዾንጎ ጌይ ዳኮና ባኮና ሃይቆም ጌይንቴ ዓሳ ዬያና ሃይቃንዳኔ!
\q2 ዖልዚና ሃይቆም ጎዖና ዓሳኣ ዖልዚና ሃይቃንዳኔ!
\q2 ናይዚና ኩዶም ጌይንቴ ዓሳ ናይዚና ኩዳንዳኔ፤
\q2 ዲዒንቲ ዓሲ ኩቺዳ ጌሊ ቱኡቶም ጎዖና ዓሳኣ ዲዒንቲ ዔውታንዳኔ።› \x - \xo 15፡2 \xo*\xt ዮሃ. ፆፔዻ 13፡10።\xt*\x*
\m
\v 3 ታኣኒ፥ ናንጊና ናንጋ ጎዳ ዔያቶይዳ ዖይዶ ፑርታ ባኣዚ ሄላንዳጉዲ ማሊ ቱኬኔ፤ ዬያሮ ዔያታ፦
\q ዖልዚና ሃይቃንዳኔ፤
\q ሌዞ ዔያቶኮ ካኒ ጎቻንዳኔ፤
\q ካፓ ዔያቶኮ ዬያ ዓሽኮ ሙዓንዳኔ፤
\q ዬያፓ ዓቴሢ ካዮ ቦዓ ሙዓንዳኔ።
\m
\v 4 ሂዚቂያሴ ናኣዚ፥ ሚናኣሴ ዪሁዳይዳ ካኣታዼ ዎዶና ዬሩሳላሜይዳ ዒ ማዼ ፑርቶ ባኮ ዛሎሮ ቢያ ዔያቶይዳ ሄሌ ባኮ ዛሎና ዓጮ ቢያሢዳ ዓኣ ዓሶኮ ዑስካ ዬይ ጌላንዳጉዲ ታ ማሃንዳኔ።» \x - \xo 15፡4 \xo*\xt 2ካኣቶ. ማ 21፡1-16፤ 2ፆኦሲ. ዓሃኬ 33፡1-9።\xt*\x*
\q
\v 5 «ናንጊና ናንጋ ጎዳ ሂዚ ጋዓኔ፦
\q2 ዬሩሳላሜ ዴሬዮቴ! ዖ ዒንሢ ዛሎ ሚጪንቲ ማላንዳይ?
\q2 ዒንሢዳ ማዔ ባኮና ዖኦኒ ዖዪ ዬኤካንዳይ?
\q2 ዻካሮታዎ ዔቂ ዬያ ማዔ ባኮ ዛሎ ዖኦጫንዳይያኣ ዖና ናንዳይ?
\q
\v 6 ዒንሢ ታና ሃሼያኣዋይ፤
\q2 ጊንሢም ዒንሢ ማዔያዋይ፤
\q2 ሃይካፓ ሴካ ታ ዒንሢም ዓቶም ጌይ ማኣራዓኬ፤
\q2 ታ ኩጮ ዳኪ ታ ዒንሢ ጋኣጫንዳኔ።
\q
\v 7 ሃኣኮ ዲልባ ዢባሬይዳ ዴንዳሢጉዲ
\q2 ሳዔሎይዳ ዓኣ ካታሞ ቢያ ታ ዒንሢ ዜርቄኔ፤
\q2 ፑርቶ ማዾ ሃሺ ዒንሢ ማዓኒ ዳንዳዒባኣሢሮ
\q2 ዒንሢ፥ ታኣኮ ዴሮ ታ ኩርሴኔ፤
\q2 ላኣሎኮ ሾይፆ ታኣኒ ባይዜኔ።
\q
\v 8 ዒንሢ ሳዖይዳ ዓኣ ዓኒንሢ ሃይቄ ላኣሎኮ ሚርጉማ
\q2 ባዞ ማኣሻሎፓ ባሻያ ማዓንዳኔ፤
\q2 ዓባ ሳዛ ማዒ ዹኡቃኣና ዼጌ ማዔ ዓሶ ዎዴባኣያ ታ ዎዻንዳኔ፤
\q2 ዒንዶንሢ ዬያ ዛሎና ሚርጌ ሜቶይዳ ኬዳንዳኔ፤
\q2 ዔያቶይዳ ሂርጊሻ ባኣዚና ማሊ ሜታዺሢያ ታ ዳካንዳኔ።
\q
\v 9 ላንካይ ናይ ሾዔ ዒንዴላ
\q2 ዼኤፒ ዎዛ ቲቂሢና ዑኡሲ ዔካኒ ባሺንቲ ሜታዺሢዳኬ፤
\q2 ሮኦሮ ፖዓ ዒዞም ዹሚ ማዒ ዴዔኔ፤
\q2 ሞኦሪንቲሢና ቦርሲንቲና ዒዞም ማዔኔ፤
\q2 ሃጊ ሃይቂባኣዖ ሼምፔና ዓኣዞንሢያ
\q2 ዔያቶኮ ሞርኮና ታ ዎዺሻንዳኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\s1 ዔርሚያሴ ዒዛ ዖዪሴ ባኮ ጎዳም ፔጋሲ ኬኤዜሢ
\p
\v 10 ታ ዒንዴ፥ ታና ባዴዔ! ታና ኔ ዓይጋ ሾዔይ? ሃኖ ዓጮ ዴሮ ቢያሢና ዎላ ማርሚ ዣሊሢ ታኣም ዒንጊንቴ ባኣዚ ማዔኔ፤ ታኣኒ ሚኢሼ ዖኦማኣ ታልዒባኣሴ፥ ሃሣ ዖ ኮይላፓኣ ታኣኒ ታልዒ ዔኪባኣሴ፤ ጋዓንቴ ዓሲ ታና ቢያ ጋዳንቃኔ።
\p
\v 11 ዬካፓ ናንጊና ናንጋ ጎዳ ሂዚ ጌዔኔ፦ «ጎኔና ኮሺ ማሊሢሮ ታ ኔና ዓውሳንዳኔ፤ ሜቶና ካራ ባይዛ ባኣዚና ሄሌ ዎዶና ሞርካ ቶላኒ ኔና ሺኢቃንዳጉዲ ታ ማሃንዳኔ። 
\v 12 ዪሁዳ ዴሬዮቴ! ሞኦና ዓንጊና ዎላ ካንሢ ዹዖና ዓንጊ ሜንሣኒ ዒንሢ ዳንዳዑዋኣሢጉዲ ዓጮኮ ኬዴኖ ዛላፓ ሞርካ ዒንሢ ዖላኒ ጊኢጌሢ ዒንሢ ቃዛኒ ዳንዳዑዋሴ።»
\p
\v 13 ናንጊና ናንጋ ጎዳ ታኣም ሂዚ ጌዔኔ፦ «ዓጬሎይዳ ጉቤ ዒንሢ ማዼ ጎሞ ዛሎና ዒንሢኮ ዓኣ ቆሎና ዓኣ ባኮና ሜሌ ዒንሢም ዒንጎ ባኣዚባኣንቴ ሞርኮም ታ ዔኪ ዒንጋንዳኔ። 
\v 14 ታኣኮ ዻጋ ሃይቃኒ ዳንዳዑዋ ታሚጉዲኬ። ዬያሮ ሜሌ ፃንጎ ዓጪዳ ዒንሢ ሞርኮኮ ታ ዒንሢ ዓይሌ ማሃንዳኔ።»
\p
\v 15 ታ ዒማና ሂዚ ጌዔኔ፦ «ናንጊና ናንጋ ጎዳሢዮ! ኔኤኒ ቢያ ባኣዚ ዔራኔ፤ ሃዳራ ታና ማሊ ጶቂሤ፤ ታና ማኣዴ፤ ታና ዳውሳ ዓሶ ኮሜ ኮፄ፤ ኔኤኒ ሚርጌና ጊቢ ዳንዳዓያ ማዒፆና ታና ሞርካ ባይዛንዳጉዲ ሃሺፖ፤ ሃይ ጫዣ ታና ሄሌሢ ኔ ዛላናኬ። 
\v 16 ናንጊና ናንጋ ጎዳ ማዔ ቢያ ባኮ ማዤ ፆኦዛሢዮ! ታኣኒ ኔ ሱንፆና ዔኤሊንቴኔ፤ ኔ ኬኤዜ ቃኣላ ሙኪ ታና ሄሌ ዎዶና ጉቤ ዒናፓ ታ ዔኤዒ ዔኬኔ፤ ታ ዒኖና ታኣኒ ሚርጌና ዎዛዼኔ። 
\v 17 ዎዛዺ ኮኦሚ ሺራ ዓሶና ዎላ ታ ዒጊንቲባኣሴ፤ ዔያቶና ዎላ ታኣኒ ዎዛዺባኣሴ፤ ኔኤኮ ዻጋ ታጊዳታሢሮ ታኣሮ ሌሊ ታ ዴዔኔ። 
\v 18 ሃርጋ ታኣኮ ፖዑዋኣሢ፤ ጊንሣ ሃሣ ኪፃኣ ታኣኮ ፓፂ ዻቁዋኣሢ ዓይጎሮዳይ? ዖጎሢና ሚሚጫ ዎርዚጉዲ ሃጊ ማዓ ዎዛ ኔ ታኣኮ ባይዜንቴሞ?»
\p
\v 19 ናንጊና ናንጋ ጎዳ ታኣም ሂዚ ጌይ ማሄኔ፦ «ታ ባንሢ ኔኤኒ ጎሞ ኔኤኮ ቡኡፂ ማዔቴ፥ ታ ኔና ታ ዓሲ ማሂ ዔካንዳኔ፤ ላሚ ሃሣ ኔኤኒ ታኣም ማዻያ ማዓንዳኔ፤ ጉሪ ማዔ ባኣዚ ኬኤዚ ሃንቲፆ ሃሺ ዓኣፒ ባኣዚ ማዔ ኪኢታ ኔ ኬኤዛያ ማዔቴ፥ ጊንሣ ሃሣ ኔኤኒ ታ ማሊሢ ኬኤዛ ዓሲ ማዓንዳኔ፤ ዴራ ኔ ባንሢ ሙካንዳኔ፥ ኔኤኒ ዔያቶ ባንሢ ዓኣዻዓኬ። 
\v 20 ዔያቶ ኔ ቃዛኒ ዳንዳዓንዳጉዲ ሞኦና ዓንጊና ዲርቆና ዲሢጉዲ ታ ኔና ዶዲሻንዳኔ፤ ኔና ማኣዳኒና ዓውሳኒ ታ ኔኤና ዎላ ዓኣሢሮ ፑርታ ባኣዚ ኔጊዳ ዔያታ ማዼቴያ ኔና ዔያታ ባሻዓኬ። 
\v 21 ፑርቶ ዓሶፓ ታ ኔና ዓውሳንዳኔ፤ ዓሲም ሚጪንቱዋ ጌኖ ዓሶፓ ታ ኔና ቶሊሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\c 16
\s1 ዔርሚያሴኮ ናንጋ ዪሁዳ ዓሶም ማላታ ማዔሢ
\p
\v 1 ናንጊና ናንጋ ጎዳ ጊንሣ ሃሣ ታኣም ሂዚ ጌዔኔ፦ 
\v 2 «ሃይካ ኔ ዓኣ ቤዛ ዓኣዖ ላኣሊ ዔኪፖ፤ ናይያኣ ሾይፖ፤ 
\v 3 ሃኖ ቤዛ ሾይንታ ናኣቶና ዔያቶ ሾዓ ዓዶንሢናይዳ ታኣኒ ሄሊሳንዳ ባኮ ታ ኔኤም ኬኤዛንዳኔ፤ 
\v 4 ዓሲኮ ዑስካ ጌላ ፑርታ ዶርዖና ቢያሢ ሃይቃንዳኔ፤ ዔያቶ ዬኤካንዳ ዓሲንታ ዱኡካንዳ ዓሲያ ጴዻዓኬ፤ ዔያቶኮ ሌዛ ቡኡራጉዲ ቦኦሊዳ ጉሪ ኩሊንታንዳኔ፤ ዖልዚና፥ ሃሣ ናይዚና ዔያታ ኩዳንዳኔ፤ ዔያቶኮ ሌዛ ጫሪንጫ ባራና ካፖንታ ካዮ ቦዖንታኮ ሙኡዚ ማዓንዳኔ።
\p
\v 5 «ዬኤፒ ዓኣ ማኣሪ ጌሊፖ፤ ዓይጎ ዓሲ ሃይቄቴያ ዖኦቺ ዴንዲ ካዒፖ፤ ሃይካፓ ሴካ ታኣኮ ዴሮ ታኣኒ ኮሺና ዓንጃዓኬ፤ ናንጊና ናንጋ ናሹሞንታ ማኣሪሢያ ታ ዔያቶም ፔጋሲ ዻዋዓኬ፤ 
\v 6 ሃኖ ዓጮይዳ ዓኣ ዖርጎጮንታ ማንቆንታ ቢያ ሃይቃንዳኔ፤ ዬኤኪ ዔያቶ ዱኡካንዳ ዓሲያ ዔያታ ዴንቃዓኬ፤ ዔያቶ ዛሎ ዖዪ ዓኣፖ ካሮ ፔኤኮ ቡኡጫንዳያና ቶኦኮ ፔኤኮ ጉኡላንዳ ዓሲ ባኣያ ማዓንዳኔ። 
\v 7 ዒጊና ሃይቄሢ ዶዲሻኒ ሾቺ ዔኪ ዓኣዺ ዎላ ሙዓንዳ ዓሲና ዑሽካንዳ ዓሲያ ባኣሴ፤ ሜሌ ዓታዛ ዒንዶንታ ዓዶንታ ሃይቄ ዓሲ ሙኪ ዶዲሻንዳ ዓሲ ጴዻዓኬ።
\p
\v 8 «ዓሲ ዎላ ሙኡዚ ሙይ ዎዛዻ ማኣሪ ጌሊፖ፤ ሙዓኒና ዑሽካኒ ዔያቶና ዎላ ዴይፖ። 
\v 9 ታኣኒ፥ ዒስራዔኤሌ ፆኦዛሢ ማዔ ቢያ ባኮ ማዤ ጎዳ ጋዓሢ ዋይዜ፤ ኔኤኒ ሃሢ ዓኣ ዎዶይዳ ዎዛንታ ዔፒንታ ኮሢንታኮ ዑኡሲ ዋይዚንቱዋጉዲ ታ ማሃንዳኔ። \x - \xo 16፡9 \xo*\xt ዔር. 7፡34፤ 25፡10፤ ዮሃ. ፆፔዻ 18፡23።\xt*\x*
\p
\v 10 «ዬያ ቢያ ኔ ዔያቶም ኬኤዛ ዎዶና ዔያታ፦ ‹ናንጊና ናንጋ ጎዳ ኑጊዳ ዬያጉዴ ዴኤሢ ባይሲንታ ዓይጎሮ ዓጌይ? ኑ ዓይጎ ዻቤይ? ናንጊና ናንጋ ጎዳ ማዔ ኑ ፆኦዛሢ ቤርታ ኑ ማዼ ጎማ ዓይጎዳይ?› ጌይ ኔና ዖኦጫንዳኔ። 
\v 11 ዒማና ናንጊና ናንጋ ጎዳ ሂዚ ጋዓኔ ጌይ ዔያቶም ኬኤዜ፦ ‹ዒንሢኮ ቤርታኣ ዓዶንሢ ታጊዳፓ ዱማዺ ሉኡዚ ማዔ ሜሌ ፆኦዞ ካኣሽኪ ዬያቶም ማዼኔ፤ ታና ዔያታ ሃሼኔ፤ ታኣኮ ዎጎዋ ዔያታ ካፒ ኩንሢባኣሴ። 
\v 12 ዒንሢ ሃሣ ዒንሢኮ ዓዶንሢፓ ባሼ ፑርታ ባኣዚ ማዼኔ፤ ዒንሢ ቢያሢ ዋይዚ ዒፃያ ፑርታ ዓሲ ማዔኔ፤ ታኣማኣ ዒንሢ ዓይሢንቱዋሴ። 
\v 13 ዬያሮ ሃኖ ዓጮፓ ታ ዒንሢ ኬሲ፥ ዒንሢንታ ዒንሢኮ ቤርታኣ ዓዶንሢንታ ዔሩዋ ዓጪዳ ዢባንዳኔ፤ ዒኢካ ዒንሢ ሉኡዚ ማዔ ፆኦዞ ሮኦሮንታ ዋንቶንታ ቢያ ካኣሽካንዳኔ፤ ፔቴታዖ ታ ዒንሢም ዓቶንጎ ጌይ ማኣራዓኬ።› »
\s1 ዒስራዔኤሌ ዴሮኮ ዲዒንታፓ ማዒፆ
\p
\v 14 ናንጊና ናንጋ ጎዳ ሂዚ ጋዓኔ፦ « ‹ዒስራዔኤሌ ዴሮ ጊብፄፓ ዔኪ ኬሴ፥ ባይቁዋ ፆኦዛሢ ሃይቆ!› ጌይ ዔያታ ጌፒንዱዋ ዎዴ ሙካንዳኔ፤ 
\v 15 ዬያ ጎዖ ዔያታ ሃሺ፦ ‹ዒስራዔኤሌ ዴሮ ኬዶ ዓጮና ሜሌ ዒ ዔያቶ ዜርቄ ዓጫፓ ቢያ ዔኪ ኬሴ፥ ባይቁዋ ፆኦዛሢ ሃይቆ!› ጌይ ጌፓንዳኔ፤ ዔያቶሮ ማዔ ዓጮና ዔያቶኮ ቤርታኣ ዓዶንሢም ታ ዒንጌ ዓጮ ታ ዔያቶ ጊንሣ ዔኪ ማሃንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ፆኦሲ ዳካኒ ጊኢጌ ሜቶ
\p
\v 16 ናንጊና ናንጋ ጎዳ ሂዚ ጋዓኔ፦ «ሃያ ዴሮ ሞሎጉዲ ፒራያና ቦዖጉዲ ኬማንዳ ሚርጌ ዓሲ ታኣኒ ዳካንዳኔ፤ ዬይ ዓሳ ዔያቶ ዹኮና ጌሜሮና ዼኤፖ ዼኤፖ ሹጮኮ ዴማ ዓኣ ዔቶናይዳፓ ዳውሲ ኬሚ ዓርቃንዳኔ። 
\v 17 ዔያታ ማዻ ባኮ ቢያ ታ ዛዛጋኔ፤ ታኣም ዓኣሺንታ ባኣዚ ፔቴታዖ ባኣሴ፤ ጎማ ቢያ ዔያቶኮ ታ ቤርታ ፔጋ ጴዻኔ። 
\v 18 ሌሲጉዲ ሼምፔባኣ ፆኦዞና ዔያታ ታኣኮ ዴኖ ዒኢሴሢሮ፤ ሃሣ ሉኡዚ ባኣዚ ማዔ ካኣሽኮ ባኮና ዔያታ ኩንሤሢሮ ዔያቶኮ ጎሞና ፑርቱሞና ዛሎሮ ጳንጬ ማሂ ሜቶ ታ ዔያቶይዳ ዓጋንዳኔ።»
\s1 ዔርሚያሴ ሺኢቄ ሺኢጲፆ
\p
\v 19 ናንጊና ናንጋ ጎዳሢዮ! ታና ካፓሢና ዶዱሞ ዒንጋሢያ ኔናኬ፤ ሜቶ ዎዴና ኔ ባንሢ ታ ዶጫ ጎንጃሢ ታኣኮ ኔናኬ፤ ዓጪ ማዔ ካራፓ ዴሬ ቢያ ኔ ኮይላ ሙኪ ሂዚ ጋዓንዳኔ፦ «ኑኡኮ ቤርታኣ ዓዶንሢኮ ሉኡዚ ማዔ ፆኦዞይዳፓዓቴም ሜሌ ዓኣ ባኣዚ ባኣሴ፤ ዔያታ ካኣሽካ ባካ ቢያ ማኣዳ ባኣዚባኣያ ጉሪኬ፤ 
\v 20 ሂንዳ ዓሲ ፔኤኮ ፆኦሲ ማዣኒ ዳንዳዓኖ? ዳንዳዓያናንዳኔ፤ ጋዓንቴ ጎኔ ፆኦሱሞ ዎልቄ ዬያ ባኮኮ ባኣያኬ።»
\p
\v 21 ዬያሮ ናንጊና ናንጋ ጎዳ ማሃዖ፦ «ዴሮ ቢያ ታኣኮ ዎልቆና ዼኤፑሞና ታኣኒ ዔርዛንዳኔ፤ ሱንፃ ታኣኮ ናንጊና ናንጋ ጎዳ ማዔሢ ዔያታ ዔራንዳኔ» ጌዔኔ።
\c 17
\s1 ዪሁዳ ዴሮኮ ጎሞንታ ዬያ ዛሎ ዔያቶይዳ ዓጎና ሜቶ
\p
\v 1 ናንጊና ናንጋ ጎዳ ሂዚ ጋዓኔ፦ «ዪሁዳ ዴሬዮቴ! ጎማ ዒንሢኮ ዓንጊ ቢዒሬና ፃኣፒንቴኔ፤ ዓጬ ማዔ ዓልማዞ ጌይንታ ባኮና ዒንሢኮ ዒኖ ጋራ፤ ሃሣ ጊንሣ ዒንሢ ዒንጎ ባኮ ሺኢሻ ቤዞኮ ካኣሮጉዴ ባኮይዳ ቆኦቂንቲ ፃኣፒንቴኔ። 
\v 2 ዒንሢኮ ዓጮ ጉቤሢዳ ጌሜሮና ዹኮናይዳ፤ ዬያጉዲ ዼኤፖ ዼኤፖ ሚፆኮ ዴማ ዴራ ፔኤኮ ጊንፆ ሾይንቲ ኬስካ ናኣቶና ናኣቶና ቢያ ዒንጎ ቤሲ ኮሺ፥ ዻኣቦዋ ዻኣቢ ዓሼራ ጌይንታ ፆኦዜሎም ዚጊ ካኣሽካኔ። 
\v 3 ዒንሢኮ ዓጮይዳ ዒንሢ ማዼ ዼኤፖ ጎሞ ዛሎሮ ዒንሢኮ ዓኣ ቆሎንታ ዓኣ ባኮንታ፤ ሃሣ ጊንሣ ዒንሢ ዒንጎ ባኮ ዒንጋ ቤዞዋ ሞርካ ዒንሢኮ ዲዒ ዔኪ ዴንዳንዳጉዲ ታ ማሃንዳኔ። 
\v 4 ዻጋ ታኣኮ ታሚ ማዒ ዔኤታንዳጉዲ ዒንሢ ማዼሢሮ፤ ዬይ ሃሣ ናንጊና ዔኤቲ ዴዓንዳሢሮ ታ ዒንሢም ዒንጌ ዴና ቢያ ዒንሢኮ ዔውታንዳጉዲና ዒንሢ ዔሩዋ ዓጪዳ ዒንሢ ሞርኮም ዓይሌ ማዒ ማዻያ ታ ዒንሢ ማሃንዳኔ።»
\s1 ዱማ ዱማ ኬኤዚንቴ ኮኦኪንሢ
\p
\v 5 ናንጊና ናንጋ ጎዳ ሂዚ ጋዓኔ፦
\q «ታና ሃሺ ዓሲ ጉሙርቃይ
\q2 ‹ታኣኮ ዎልቆ ማዓንዳኔ› ጌይ ዓሲና ዖቶርቃይ ጋዳንቂንቴያ ማዖም።
\q
\v 6 ዬያጉዴ ዓሲ
\q2 ዖኦኒያ ናንጋኒ ዳንዳዑዋ ሶኦጌ ሌሊ ማዔ ሳዖና
\q2 ዓሲ ናንጉዋ ዳውሎናይዳ ባቃላ ዻካ ካይዚጉዲኬ፤
\q2 ዒ ናንጋ ዎዶይዳ ቢያ ፔቴታዖ ኮሺ ባኣዚ ዴንቃዓኬ።»
\b
\q
\v 7 «ታና ሌሊ ጉሙርቂ ናንጋ ዓሲ ጋዓንቴ ዓንጂንቴያኬ።
\q
\v 8 ዬይ ዓሢ ዎታ ዎርዚኮ ዓልቃ ካሮ ኮይላ ቱኪንቴያ
\q2 ዋኣፆኮ ዴማ ፃጶ ዳኪ ዓኣ ሚሢ ማዓንዳኔ፤
\q ቢያ ዎዴ ዋርቂ ዴዓንዳ ዬይ ሚፃሢ
\q2 ዓቢ ሚቻያ ማዒ ሩኡጴቴያ ሂርጉዋያኬ፤
\q2 ዒርዚ ዋርቁዋዖ ዓቴቴያ ዓኣፒ ዓኣፒሢ ዓቱዋሴ።» \x - \xo 17፡8 \xo*\xt ዓይኑ. 1፡3።\xt*\x*
\b
\q
\v 9 «ዓሲኮ ዒኔ ቢያ ባኣዚፓ ባሼ
\q2 ጌኔ፥ ሃሣ ዎቦኬ፤
\q2 ዬያ ጋሮ ቡሊ ዛጊ ዔራንዳይ ዖናዳይ?
\q
\v 10 ታኣኒ፥ ናንጊና ናንጋ ጎዳ ጋዓንቴ ዓሲኮ ማሊሢንታ
\q2 ዒኔያ ዎዚዒታቴ ዛጋኔ፤
\q2 ፔቴ ፔቴ ዓሶኮ ሃንቲፆና ማዾና ጎይፆ ኮይሳ ባኮ ታ ዒንጋኔ።» \x - \xo 17፡10 \xo*\xt ዓይኑ. 62፡12፤ ዮሃ. ፆፔዻ 2፡23።\xt*\x*
\b
\q
\v 11 ዎጌባኣ ጎይሢና ቆሎ ቡኩሳ ዓሲ
\q2 ጱኡሊባኣ ጱኡላ ሃጲ ቃንቃ ኮኮጉዲኬ፤
\q2 ዒ ናንጋ ሌዖኮ ሄካሢዳ ዓኣዖ ዬያ ቆሎ ቢያ ሃሺ ዓኣዻንዳኔ።
\q2 ጋፒንፆይዳ ዒዛኮ ዔኤዩማ ፔጋዺ ዔርታንዳኔ።
\b
\q
\v 12 ኑኡኮ ጌኤዦ ማኣራ ማዢንቴ ቤዛ
\q2 ቤርታኣፓ ዓርቃዖ ዼግ ጌይ ዓኣ ቦንቺንታ፥ ካኣቶ ዖይቶኬ።
\b
\q
\v 13 ናንጊና ናንጋ ጎዳሢዮ! ዒስራዔኤሌ ዓሳ ጉሙርቃሢ ኔናኬ፤
\q2 ኔና ሃሻሢ ቢያ ቦርሲንታንዳኔ፤
\q ናንጊኮ ዓልቃ ዋኣሢ ማዔሢ፥ ኔና፥ ናንጊና ናንጋ ጎዳሢ ዔያታ ሃሼሢሮ
\q2 ሳዓይዳ ፃኣፒንቴ ባኣዚጉዲ ዲርካቺንቲ ባይቃንዳኔ።
\s1 ዔርሚያሴ ሺኢቄ ሺኢጲፆ
\p
\v 14 ናንጊና ናንጋ ጎዳሢዮ! ሃርጎ ታኣኮ ፖዒሴ፥ ኪፆዋ ታኣኮ ፓሤ፥ ታኣኒ ዻቃንዳኔ፤ ቢያ ዎዴ ታ ኔና ጋላታንዳኔ። 
\v 15 ዴራ፦ «ዔርሚያሴ! ናንጊና ናንጋ ጎዳ ጌዔኔ ጌይ ኔ ኑኡም ኬኤዜያንቴ፤ ሂዳዖ ዎይቲ ዬይ ማዺንቲ ኩሙዋ ዓቴይ?» ጌይ ታና ዖኦጫኔ።
\p
\v 16 ኔ ዴሮ ሄንቃያ ማዒ ኔኤም ማዺፆ ታኣኒ ሃሼ ዎዴ ባኣሴ፤ ሜቶ ዎዴ ዬዓኣብሽ ጌይ ታኣኒ ቤቂባኣሴ፤ ናንጊና ናንጋ ጎዳሢዮ! ኔኤኒ ዬያንታ ታ ጌዔ ባኮዋ ቢያ ዔዔራኔ። 
\v 17 ኔኤኒ ሜቶ ዎዴና ታኣኮ ፑኖ ካያሢ ማዔሢሮ ታና ዲቃሣያ ማዒፖ፤ 
\v 18 ናንጊና ናንጋ ጎዳሢዮ! ታና ዳውሳ ዓሶ ቢያ ቦርሲሴ፤ ታና ጋዓንቴ ቦርሲሲፖ፤ ዔያቶ ዒጊቺ ካራ ዔያቶኮ ባይዜ፤ ታና ጋዓንቴ ዲቃሢፖ፤ ሜቂ ዔያታ ጋኣጪንታንዳያ ሄላንዳኣና ላሚ ላሚ ዔያቶ ባይዜ።
\s1 ሃውሾ ኬሎ ቦንቺሢ ዛላ
\p
\v 19 ናንጊና ናንጋ ጎዳ ታኣም ሂዚ ጌዔኔ፦ «ዬሩሳላሜ ካታሞ ካኣቲንታ ዴሮንታ ጌላ ማርሾ ካራ፤ ዬያጉዲ ሃሣ ሃንጎ ጌሎ ካሮይዳኣ ዴንዲ ዔቄ፤ 
\v 20 ታኣኒ ጋዓ ቃኣሎ ሂዚ ጌይ ዔያቶም ኬኤዜ፦ ‹ዒንሢ ዪሁዳ ካኣቶንታ ዴሮንታ! ዬያጉዲ ዬሩሳላሜይዳ ናንጋያ ማዒ ሃያ ማርሾ ካሮና ጌላ ዓሳ! ናንጊና ናንጋ ጎዳ ጋዓ ቃኣሎ ዋይዙዋቴ! 
\v 21 ዒንሢኮ ሼምፖ ዓውሳኒ ታ ዒንሢም ላቲ ኬኤዛ ባኮ ካፑዋቴ፤ ዬያሮ ሃውሾ ኬሎና ዓይጎዋ ማዖም ኬዶ ባኣዚ ኬዲ ዬሩሳላሜ ጌሎ ማርሾ ካሮና ካሮና ጌሊፖቴ። \x - \xo 17፡21 \xo*\xt ኔሄ. 13፡15-22።\xt*\x* 
\v 22 ታኣኒ ዒንሢኮ ቤርታኣ ዓዶንሢ ዓይሤ ጎይፆና ሃውሾ ኬሎ ታኣም ዱማዼያ ማሂ ቦቦንቹዋቴ፥ ሃውሾ ኬሎና ዔኤቢ ኬዲ ዒንሢ ጋራፓ ኬስኪፖቴ፤ ሃውሾ ኬሎና ፔቴታዖ ማዾ ማዺፖቴ። \x - \xo 17፡22 \xo*\xt ኬሲ. ማፃ 20፡8-10፤ ላሚ. ዎማ 5፡12-14።\xt*\x* 
\v 23 ዒንሢኮ ቤርታኣ ዓዶንሢ ታ ጋዓ ባኮ ታኣሲ ዋይዚባኣሴ፤ ታ ዓይሢፆዋ ኩንሢባኣሴ፤ ዬያ ሃሺ ዋይዚ ዒፃ፥ ፑርታ ዓሲ ማዒሢና ታኣም ዓይሢንቲ ታጊዳፓ ዔኤቢ ዔኪ ዔሪፆዋ ዒፄኔ።
\p
\v 24 « ‹ዓካሪ ዒንሢ ታ ጋዓ ባኮ ዒናፓ ዋይዛያ ማዔቴ ሃውሾ ኬሎና ዓይጎዋ ማዖም ኬዶ ባኣዚ ኬዲ ካታሞ ጌሎ ካሮና ካሮና ጌሊፖቴ፤ ሃውሾ ኬሎ ታኣም ዱማዼያ ማሂ ቦንቹዋቴ፤ ዬኖ ኬሎ ፔቴታዖ ማዾ ማዺፖቴ። 
\v 25 ዒንሢ ዬያይዴቴ ዳውቴኮ ካኣቱሞ ዖይቶይዳ ዴዔ ካኣታ ፔኤኮ ዶንዞና ዎላ ዬሩሳላሜ ጌሎ ካሮና ካሮና ጌላንዳኔ፤ ዔያታ ዪሁዳና ዬሩሳላሜና ዴራ ዔያቶኮ ቤርታ፥ ሃሣ ጊንፃ ማዔም ፓራሢና ሳርጌሎ ዖይቶናይዳ ዴዒ ጌላንዳኔ፤ ዬሩሳላሜ ካታማ ቢያ ዎዴና ዴሬ ዒኢካ ኩሚ ናንጋያ ማዓንዳኔ። 
\v 26 ዪሁዳ ካታሞና ዬሩሳላሜኮ ኮይላ ዓኣ ጉርዶናይዳፓ፥ ቢኢኒያሜ ዓሶፓ፥ ጌሜሮ ዴማፓ፥ ዹኮና ዪሁዳኮ ዾኦሎ ዛሎናፓ ሚቺ ዒንጎ ባኮንታ ሜሌ ዒንጎ ባኮዋ ዔኪ፤ ሃሣ ሃኣኮ ዒንጊፆንታ ዑንጆንታ ጋላታ ዒንጊሢያ ዔኪ ዴራ ጌኤዦ ማኣሪ ሙካንዳኔ። 
\v 27 ጋዓንቴ ዒንሢ ሃውሾ ኬሎ ታኣም ዱማሲ ቦንቾ ሃሺ ዬያ ኬሎና ዬሩሳላሜ ጌሎ ካሮና ዓይጎዋ ማዖም ኬዶ ባኣዚ ኬዲ ጌሊ፥ ታኣኮ ዓይሢፆ ዋይዞ ዒንሢ ዒፄቴ ዬሩሳላሜ ካታሞይዳ ታሚ ታኣኒ ዓጋንዳኔ፤ ዬይ ታማ ዒኢካ ዓኣ ማኣሮ ቢያ ሙዓንዳኔ፤ ዬያ ታሞ ዎዻንዳ ዓሲያኣ ባኣሴ።› »
\c 18
\s1 ዔርሚያሴ ዖቶ ማዣ ማናሢ ማኣሪ ዓኣዼሢ
\p
\v 1 ዔርሚያሴም ናንጊና ናንጋ ጎዳይዳፓ ሂዚ ጋዓ ቃኣላ ኬኤዚንቴኔ፦ 
\v 2 «ሃሢ ዔቂጋፓ ዖቶ ማዣ ማንዚ ማኣሪ ዎቴ፤ ዒኢካ ታ ኔኤም ኬኤዛንዳ ባኣዚ ዓኣኔ።» 
\v 3 ዬያሮ ታኣኒ ዒኢካ ዎታዖ ማንዚ ዖቶ ማዣ ቤዞይዳ ፔኤኮ ዖቶ ማዣንቴ ዴንቄኔ፤ 
\v 4 ዬይ ማንዚ ማዣ ዖታ ፑርታ ዎዶና ላሚ ጊንሣ ዬያ ዢኢጮ ዓጮ ዋኣሢና ዎዒሳዖ ፔ ሼኔ ጌዔ ጎይፆ ሜሌ ባኣዚ ማዣኔ።
\p
\v 5 ዒማና ናንጊና ናንጋ ጎዳ ታኣም ሂዚ ጌዔኔ፦ 
\v 6 «ዒስራዔኤሌ ዴሬዮቴ! ዖቶ ማዣ ማንዚ ኮዔ ጎይሢ ኮዔ ባኣዚ ማዣሢጉዲ ታኣኒ ዒንሢዳ ኮዔ ባኣዚ ማዻኒ ዳንዳዑዋዓዳ? ዬይ ዢኢጮ ዓጫ ዬያ ማንዚ ኩጮ ጋራ ዓኣሢጉዲ ዒንሢያ ታኣኮ ኩጮ ጋራኬ። 
\v 7 ታኣኒ ፔቴ ዴሬ፤ ሃንጎ ካኣቶ፦ ‹ቱጊ ሺኢሻንዳኔ፥ ጊንሣ ሃሣ ሜንሢ ባይዛንዳኔ› ጌይ ኬኤዜንቴ፥ 
\v 8 ዬይ ዴራ ፔኤኮ ዻቢንቶ ዔሪ ፑርቱማፓ ማዔቴ ታኣኒ ማዻንዳኔ ጌይ ማሌ ፑርቶ ባኮ ዔያቶይዳ ሄሊሳዓኬ። 
\v 9 ጊንሣ ሃሣ ታኣኒ ፔቴ ዴሬ ማዔቴያ ካኣቶ፦ ‹ዾቂ ዶዲሻንዳኔ፤ ማዢያ ሚዛጲሲ ዔቂሳንዳኔ› ጌዒ ኬኤዜንቴ፥ 
\v 10 ዬይ ዴራ ታኣም ዓይሢንቶ ዒፂ ታና ናሹዋ ፑርታ ባኣዚ ማዻያ ማዔቴ ታኣኒ ዬያ ማዻንዳኔ ጌይ ማሌ ኮዦ ባኮ ሃሃሻንዳኔ። 
\v 11 ዬያሮ ታኣኒ ዔያቶይዳ ፑርታ ባኣዚ ዔኪ ዬዓኒ ጊኢጊሺሢዳ ማዔሢ ዪሁዳ ዴሮና ዬሩሳላሜ ዴሮናም ኬኤዜ፤ ዔያታ ጎሜ ማዺሢ ሃሻንዳጉዲ፥ ዔያታ ሃንታ ሃንቲፆና ማዻ ማዾና ቢያ ላኣሚ ጊኢጊሻንዳጉዲ ዔያቶም ዞሪ ኬኤዜ። 
\v 12 ዔያታ ጋዓንቴ፦ ‹ጉሪ ላቢፖ፤ ኑ ማሌ ባኮ ማማዻንዳኔ፤ ሃቺም ኑኡኒ ዋይዞ ዒፃንዳኔ› ጌይ ኔኤም ማሃንዳኔ።»
\s1 ዒስራዔኤሌ ዴራ ናንጊና ናንጋ ጎዳ ሃሼሢ
\p
\v 13 ዬያሮ ናንጊና ናንጋ ጎዳ ሂዚ ጋዓኔ፦
\q «ዬያጉዴ ባኣዚ ሂንዳ ዴሬ ባኣካ ዋይዚንቲ ቤቄያታቴ ዖኦጩዋቴ፤ ታኣም ዱማዼ፥ ዒስራዔኤሌ ዴራ ሚርጌና ሻኣካያ ማዔ ባኣዚ ማዼኔ።
\q
\v 14 ሊባኖኦሴኮ ሹቺ ሌሊ ማዔ ዹኮይዳ ሻቺ ኬዲ ላሂባኣ ዎዴ ዓኣ?
\q2 ዬያ ዹኮይዳፓ ዓልቂ ዎታ ሺሜ ዋኣፃ ሚጪ ቤቂያ?
\q
\v 15 ታኣኮ ዴራ ጋዓንቴ ታና ዋሌኔ፤
\q2 ጉሪ ሉኡዚ ማዔ ፆኦዞም ዑንጄ ጩቢሻኔ፤
\q2 ሚናኣ ጎይፆ ዔያታ ሃሺ ሜሌ ጊኢጊባኣ ጎይሢ ዓኣዼኔ።
\q
\v 16 ዔያቶኮ ሳዖይዳ ማዺንታንዳ ባካ ዓሲኮ ዑስካ ጌላያ ማዓንዳኔ፤
\q2 ዒኢና ኮርሲና ዴንዳ ዓሳ ቢያ ዲቃቲ ፔኤኮ ዻንጎ ዓርቃንዳኔ።
\q
\v 17 ዓልጎ ዢባሬ ጫሪንካ ሲላሊ ፒፂ ዔኪ ዳካሢጉዲ
\q2 ታኣኮ ዴሮ ታኣኒ ዔያቶኮ ሞርኮ ቤርታ ዜራንዳኔ።
\q2 ባይሲንታ ዔያቶይዳ ሙካኣና ዓኣፖ ካሮ ታ ዔያቶ ባንፃፓ ማሂ
\q2 ዙሎ ታኣኮ ታ ዻዋንዳኔ።።»
\s1 ዔርሚያሴ ማዻኒ ማሎና ጌኔ ማዾ
\p
\v 18 ፔቴ ፔቴ ዓሲ ዴሮ ባኣካፓ፦ «ሃኒ ዬዑዋቴ፥ ዔርሚያሴ ኑ ማዻንዳ ባኣዚ ዎላ ዞርቶም! ፆኦሲ ዎጎ ታማርሳ ቄኤሶንታ ኑና ዞራ ዔሮ ዓሶንታ ፆኦሲ ማሊፆ ኑኡም ኬኤዛ ዓሶንታፓ ቢያ ዎዴ ኑ ዋይዚ ዔካንዳ ባኣዚ ባኣዚ ዓኣኔ፤ ዬያሮ ሃይካፓ ሴካ ዔርሚያሴ ጋዓሢ ዋይዚፆይዳፓ ዒ ጌስታ ጌኤዞና ዒዛ ቡኡዲ ዻቢሲ ዎጎና ኑ ዒዛ ዓይሢሶም» ጌይ ዎላ ጌስቴኔ።
\p
\v 19 ዔያታ ዬያ ማሌሢሮ ታኣኒ፦ «ናንጊና ናንጋ ጎዳሢዮ! ታ ሺኢቃ ሺኢጲፆ ዋይዜ፤ ታኣኮ ሞርካ ታጊዳ ጋዓ ፑርቶ ባኮ ዋይዜ። 
\v 20 ኮሺ ማዼ ማዾ ዛላ ማሂ ዒንጎማ ፑርታ ማዺሢዳ? ዔያቶይዳ ኔ ዻጋዺ ዔቁዋጉዲ ታኣኒ ኔ ቤርታ ዔቂ ኔና ቃይሼሢ ማሊ ጶቂሤ፤ ሃኣዛጌ፥ ዔያታ ጋዓንቴ ታኣም ታኣኒ ሎኦሚ ሜቃንዳ ዔቴ ቦኦኬኔ። 
\v 21 ናንጊና ናንጋ ጎዳሢዮ! ሃሢ ጋዓንቴ ዔያቶኮ ናኣቶ ናይዚና፥ ዔያቶዋ ዖልዚና ኩርሴ፤ ዔያቶኮ ላኣላ ዓኒባኣያ፥ ሃሣ ናይ ባኣያ ማዒ ዓቶንጎ፤ ዔያቶኮ ዓቲንቆ ጋርቻ ሃይቆንጎ፥ ዼጌሢ ጊንሣ ዖልዚና ሃይቂ ኩዶንጎ። 
\v 22 ዔያቶ ማንጊ ዖላንዳ ዓሲ ዔርቲባኣንቴ ዔያቶይዳ ዳኬ፤ ዔያቶ ማኣራ ዒላቲ ዋይዚንቶንጎ፤ ዔያታ ታኣኒ ሎኦማንዳ ዔቶ ታኣም ቦኦኬኔ፤ ታኣኒ ዓዺንታንዳ ፒራሢያ ታኣም ዔያታ ጊኢጊሼኔ። 
\v 23 ናንጊና ናንጋ ጎዳሢዮ! ዔያታ ታና ዎዻኒ ማሌ ጌኖ ማዾ ኔ ዔራኔ፤ ዬያሮ ዔያቶኮ ዻቢንቶ ዓቶም ጌይፖ፤ ጎማ ዔያቶኮ ጌኤሽካንዳጉዲ ማዺፖ፤ ኔ ቤርታ ዔያቶ ባሺንቲሲ፥ ኔኤኮ ዼኤፖ ዻጎና ዔያቶ ባይዜ» ጌይ ሺኢቄኔ።
\c 19
\s1 ዖቲ ዎዺ ኮኦኪንሦና ኮኦኪንሢ
\p
\v 1 ናንጊና ናንጋ ጎዳ ታኣም ሂዚ ጌዔኔ፦ «ዴንዲ ማንዚ ማኣራፓ ዖቲ ሻንቄ፤ ዬካፓ ዴሮና ቄኤሶናፓ ጫዋ ጫዋ ማዓ ጪሚ ዶኦሪ ኔኤና ዎላ ዔኪ ዴንዴ። 
\v 2 ሃይቄ ዖቶ ኩንዖ ካሮ ጌይንታዞና ጌይ ሄኖሜ ዶኦጮ ዴንዴ፤ ዒኢካ ታኣኒ ኔኤም ኬኤዛ ቃኣሎ ሂዚ ጌይ ዼጊዲ ኬኤዜ፦ \x - \xo 19፡2 \xo*\xt 2ካኣቶ. ማ 23፡10፤ ዔር. 7፡30-32፤ 32፡34-35።\xt*\x* 
\v 3 ‹ዪሁዳ ካኣቶንታ ዬሩሳላሜ ዴሮንታ ቢያ ታኣኒ ዒስራዔኤሌ ፆኦዛሢ፥ ቢያ ባኮ ማዤ ጎዳሢ ዒንሢም ጋዓ ባኮ ዋይዙዋቴ፤ ሃይሾ ዓካሪ ታኣኒ ዋይዛ ዓሲኮ ዑስካ ጌላንዳ ፑርታ ባይሲንታ ዒንሢዳ ዓጋንዳኔ። 
\v 4 ዬያ ታ ማዻንዳሢ ዴራ ታና ሃሼሢና ሜሌ ፆኦዞም ዒንጎ ባኣዚ ዒንጊ ሃያ ቤዞ ዒኢሴሢሮኬ፤ ዔያቶ ማዔቴያ ዔያቶኮ ቤርታኣ ዓዶንሢ ዪሁዳ ካኣታኣ ቢያ ዬያ ዔያታ ካኣሽካ ፆኦዞ ዛሎ ዔራ ባኣዚ ባኣያኬ፤ ዬያ ሌሊቱዋንቴ ጌኤሺ ማዔ ዓሶ ዎዺ ሃያ ቤዞ ሱጉሢ ሳዓ ዔያታ ማሄኔ። 
\v 5 ዔያታ ፔኤኮ ናኣቶ ዒንጎ ባኣዚ ማሂ ታሚና ሚቺ ዒንጋኒ ባዓኣሌ ጌይንታሢም ዒንጎ ቤሲ ኮሼኔ፤ ዔያታ ዬያይዳንዳጉዲ ታኣኒ ዔያቶ ዓይሢባኣሴ፤ ፔቴታዖ ዬያ ዛላ ማሊታዎ ታኣኒ ማሊባኣሴ። \x - \xo 19፡5 \xo*\xt ሌዊ. ዓኬ 18፡21።\xt*\x* 
\v 6 ዬያሮ ሃይ ቤዛ «ቶፔቴ» ጊንሣ ሃሣ «ሄኖሜ ዶኦጮ» ጌይንቲፃ ዓቴም «ሹፒ ዶኦቺ» ጌይንታንዳ ዎዴ ሙካንዳኔ። 
\v 7 ዪሁዳ ዴሮና ዬሩሳላሜ ዴሮና ማሊ ቱኬ ባካ ቢያ ሃኖ ቤዞይዳ ማዺንቲ ኩሙዋጉዲ ታ ላኣጋንዳኔ፤ ዔያቶኮ ሞርካ ዔያቶ ባሻንዳጉዲና ዖሊ ዔያቶ ዎዻንዳጉዲ ታ ማሃንዳኔ፤ ሌዞ ዔያቶኮ ጫሪንጫ ባራና ካፖና ካይዚ ቦዖና ታ ሙኡዛንዳኔ። 
\v 8 ሃኖ ካታሜሎ ታኣኒ ዶይሲ ባይዚ ዓሲኮ ዑስካ ጌላያ ማሃንዳኔ፤ ዒኢና ዴንዳ ዓሲያኣ ዲቃቲ ፔኤኮ ዻንጎ ዓርቃንዳኔ። 
\v 9 ሞርኬ ካታሜሎ ማንጊ ዴሮ ጋፒሳኒ ሙኪ ዔያቶኮ ካራ ባይዛንዳኔ፤ ዬኖ ዎዶና ሙዖ ባኣዚ ቢያ ጋፓንዳሢሮ ዴራ ናይዺንቲ ዎሊ ሙዓንዳኔ፤ ዬያ ሌሊቱዋንቴ ሾዔ ዓሳ ፔኤኮ ናኣቶ ሙዓንዳኔ።› » \x - \xo 19፡9 \xo*\xt ዔቃ. ማ 4፡10፤ ላሚ. ዎማ 28፡53።\xt*\x*
\p
\v 10 ዬካፓ ናንጊና ናንጋ ጎዳ ታኣና ዎላ ዓኣዻ ዓሶ ቤርታ ዖቶ ታኣኒ ጳዺሲ ዎዻንዳጉዲ ዓይሤኔ፤ 
\v 11 ቢያ ባኮ ዎይሣ ጎዳ ዔያቶም ታና ኬኤዞም ጌይ ዓይሤሢ፦ «ሃይ ሃይቄ ዖታሢ ጊንሣ ዎላ ካንሢ ማዢንታኒ ዳንዳዑዋኣሢጉዲ ሃያ ዴሮና ሃኖ ካታሞና ዒማይዲ ታ ቡርሻንዳኔ፤ ዓሳ ፔኤኮ ሃይቄ ዓሶ ዱኡካንዳ ሜሌ ቤሲ ጴዺንዱዋሢሮ ቶፔቴይዳ ዱኡካንዳኔ።» 
\v 12 ናንጊና ናንጋ ጎዳ ሂዚ ጋዓኔ፦ «ቶፔቴይዳ ታ ማዼ ጎይፆማ ሃኖ ካታሞና ናንጋ ዓሶናይዳ ታ ማዻንዳኔ፤ 
\v 13 ዬሩሳላሜ ዴሮንታ ዪሁዳ ካኣቶንታ ናንጋ ማኣራ፤ ዬያጉዲ ሃሣ ዔያታ ፔ ኬኤፆኮ ዑፃ ጫሪንጮ ማዢንቶም ዑንጆ ጩቢሻሢንታ ሜሌ ፆኦዞም ዎይኖ ዑዦ ዋሃ ኬኤፃ ቢያ ቶፔቴጉዲ ዒኢቴያ ማዓንዳኔ።»
\p
\v 14 ዬካፓ ታኣኒ ቃኣሎ ኬኤዛንዳጉዲ ናንጊና ናንጋ ጎዳ ዓይሤ፥ ቶፔቴይዳፓ ማዒ ሙኬኔ፤ ናንጊና ናንጋ ጎዳኮ ጌኤዦ ማኣሮይዳ ዴራ ቡካ ቤዛ ዔቂ ሂዚ ጌይ ታኣኒ ዔያቶም ኬኤዜኔ፦ 
\v 15 «ዒስራዔኤሌ ፆኦዛሢ፥ ቢያ ባኮ ዎይሣ ጎዳሢ ሂዚ ጋዓኔ፤ ‹ዔያታ ዋይዚ ዒፃ ፑርታ ዓሲ ማዔሢሮ ሃኖ ካታሜሎና ኮይሎይዳ ዓኣ ቤዞ ቢያይዳ ኬዳንዳኔ ጌይ ታኣኒ ኬኤዜ ፑርቶ ባኮ ቢያ ዔያቶይዳ ታኣኒ ዔኪ ሙካንዳኔ።›»
\c 20
\s1 ዔርሚያሴ ፓሽሁሬ ጌይንታ ቄኤሴስኬያና ማርሜ ማርሞ
\p
\v 1 ጌኤዦ ማኣሮኮ ሱኡጌ ማዒ ዎይሣ፥ ዒሜሬ ናኣዚ፥ ፓሽሁሬ ጌይንታ ቄኤሴስኬይ ዬያ ዋይዛዖ፥ 
\v 2 ታና ዓርቂ ዓሳ ጳርቃንዳጉዲ ዓይሤኔ፤ ጌኤዦ ማኣሮኮ ኬዶ ዛሎና ዓኣ፥ ቢኢኒያሜ ማርሾ ካሮይዳ ቶኮ ታኣኮ ዱፄና ቱኪሴኔ። 
\v 3 ዚሮ ጉቴሎ ዬያይዲ ታና ዒ ቱኪሴ ዱፃሢዳፓ ቡላዛ ታኣኒ ዒዛም፦ «ሃይካፓ ሴካ ናንጊና ናንጋ ጎዳ ኔኤኮ ሱንፆ ፓሽሁሬ ጌይ ዔኤላዓኬ፤ ኔኤም ናንጊና ናንጋ ጎዳ ጌሤ ሱንፃ ‹ቢያ ቤስካ ሜቶ ማዣ ሂርጊሻ› ጋዓያኬ። 
\v 4 ናንጊና ናንጋ ጎዳ ፔ ቶኦኪና ሂዚ ጌዔኔ፦ ‹ኔናንታ ኔ ላጎንታም ሂርጊሻ ሜቶ ማዣ ዓሲ ታ ኔና ማሃኒኬ፤ ዔያታ ቢያ ፔኤኮ ሞርኮኮ ዓራፖና ሃይቃንቴ ኔ ዛጋንዳኔ፤ ዪሁዳ ዴሮ ቢያ ባብሎኔ ካኣቲ ዴማ ታ ዎይሣንዳኔ፤ ዒዚ ዛሎ ዔያቶኮ ቱኡሲ ዓሲ ማሂ ዲዒ ዔኪ ባብሎኔ ዓኣዻንዳኔ፤ ዛሎ ዒዚ ሃይካ ዎዎዻንዳኔ። 
\v 5 ዬያጉዲ ዔያቶኮ ሞርካ ሃኖ ካታሞ ቆሎ ቢያ ቡራንዳጉዲ፥ ዒዛ ቆሊ ዴንቄ ባኮዋ ጋኣዚ ዔኪ፤ ዪሁዳ ካኣቶኮ ዱማ ቆልዓይዳ ቡኩሲ ጌሦና ኮዦ ባኮዋ ዓይሱዋዖ ፒፂ ዔኪ ባብሎኔ ዴንዳንዳጉዲ ታ ማሃንዳኔ። 
\v 6 ፓሽሁሬ! ኔናንታ ኔ ማኣሮ ዓሶንታ ቢያ ዲዒንቲ ባብሎኔ ዴንዳንዳኔ፤ ሉኡዙሞና ኔ ዔያቶም ዦኦቄ ዓሶንታ ዎላ ቢያ ዒኢካ ኔ ሃይቂ ዱኡታንዳኔ›» ጌዔኔ።
\s1 ዔርሚያሴ ናንጊና ናንጋ ጎዳና ሞኦቴ ሞኦቶ
\p
\v 7 ናንጊና ናንጋ ጎዳሢዮ! ኔ ታና ጌሼኔ፤
\q ታኣኒያ ጌሺንቴኔ፤
\q2 ኔኤኒ ታጊዳፓ ዶዳያ ማዔኔ፤
\q2 ዎልቃ ኔኤኮ ታጊዳፓ ዑሣ ዓኣዼ ማይ ባሼኔ፤
\q2 ዓሲ ቢያ ኬሊ ታና ሚኢጪ ዓማላያ ማዔኔ።
\b
\q
\v 8 ታኣኒ ኬኤዛ ዎዶና ቢያ
\q2 ታኣኒ ኬኤዛሢ ፑርቱሞና ባይሲንታና ዛላኬ፤
\q2 ናንጊና ናንጋ ጎዳሢዮ! ኔኤኒ ታና ዓይሤ፥ ኔ ማሊፆ ታ ኬኤዚፆና
\q2 ታኣኒ ቢያ ዎዴ ጫሽኪንታኔ፤ ዓሲኮ ዓማሊ ታ ማዔኔ።
\q
\v 9 ጋዓንቴ ታኣኒ፦ «ሃካፓ ሴካ ናንጊና ናንጋ ጎዳ ማሊ ጶቂሣዓ፤
\q2 ዒዛ ሱንፆና ዔኤቢ ኬኤዛዓ ጋዓኒ ማላዛ፥
\q2 ዒዛይዳፓ ታኣም ዳኪንቴ ዒዛ ማሊፆ ቃኣላ
\q2 ታኣኮ ዒኖይዳ ታሚጉዲ ዔኤታኔ፤
\q2 ታኣኮ ሜጌፆ ጋራኣ ሙርቁንሢጉዲ ታና ሙዓኔ።
\q2 ታ ዒና ታኣኒ ዓኣቺ ዓርቃኒ ኮዓዛ
\q2 ዱኡኪ ታ ቃዛኒ ዳንዳዒባኣሴ።»
\q
\v 10 ሚርጌ ዓሲ ዒጊጪ ሂዚ ጌይ ካሽካሻንቴ ታ ዋይዜኔ፦
\q2 «ሃሢ ዔርሚያሴ ዎጎና ዓይሢሳኒ ቃራ ካራ ጴዼኔ!»
\q ታኣኮ ዒጊኖኬ ታኣኒ ጋዓ ዓሳታዖ ታኣኒ ዻቢንቲ ማዾ ማዻንዳጉዲ ካፒ ዓኣኔ፤
\q2 «ዔርሚያሴ ኑ ጌሻኒ ዳንዳዓንዳኣ ናንዳኔ፤ ያዺ ማዔቴ ዒዛ ኑ ዓርቂ ኮሞ ኮፃንዳኔ» ጋዓኔ።
\q
\v 11 ናንጊና ናንጋ ጎዳ ጋዓንቴ ዔርቴ ፖኦሊሴ ማዒ ታ ኮይላ ዓኣኔ፤
\q2 ዬያሮ ታና ዳውሳ ዓሳ ሜቶይዳ ኬዲ ዎልቄ ባይቂሢና ሎኦማንዳኔ።
\q2 ዔያታ ሎኦማ ዎዶና ፑርታ ዻውሲንታንዳኔ፤
\q2 ዔያቶኮ ዬይ ዻውሲንታ ሚርጌ ዎዴ ባይቁዋያ ማዒ ዴዓንዳኔ።
\q
\v 12 ቢያ ባኮ ማዤ ጎዳሢዮ!
\q2 ፂላሢ ኔኤኒ ዛጊ ጎኔ ማዔሢ ዔራኔ፤
\q2 ዒኖይዳ ዓኣሺንቲ ዓኣ ማሊፆዋ ኮጲሲ ኔ ዴንቃኔ፤
\q2 ታኣኒ ኔኤም ዒላቶ ሺኢሻኔ፤
\q2 ዬያሮ ታኣኮ ሞርኮ ኔኤኒ ኮሚ ማዻ ባኮ ታና ዛጊሴ።
\q
\v 13 ናንጊና ናንጋ ጎዳም ዓይናዹዋቴ!
\q2 ዒዛ ጋላቱዋቴ!
\q2 ዒዚ ሜታዼ ዓሶ ፑርቶ ዓሶ ኩጫፓ ቶሊሲ ዓውሳኔ።
\b
\q
\v 14 ታኣኒ ሾይንቴ ኬሌላ ጋዳንቂንቴያ ማዖም!
\q2 ታኣኮ ዒንዳ ታና ሾዔ ኬላ ዓንጂንቴያ ማዖፓ!
\q
\v 15 ታኣኮ ዓዶ ኮይላ፦ «ዓቲንቄ ናይ ኔኤም ሾይንቴኔ ዎዛዼ!»
\q2 ጌዒ ሃይሶ ኬኤዜሢ ጋዳንቂንቴያ ማዖም!
\q
\v 16 ናንጊና ናንጋ ጎዳ ሚጪንቲሢባኣያና ዶይሲ ባይዚ ኩርሴ ካታሞጉዲ ዬይ ዓሢ ማዒ ዓቶንጎ፤
\q2 ጉቶና ዒላቲ ዑኡሲ ዒ ዋይዞንጎ፤
\q2 ዓባ ዹኡቃኣና ሃሣ ዖልዚ ሃይሴና ካራ ባይቂ ሜታዾንጎ።
\q
\v 17 ዬይ ታኣኮ ዱኡፒ ቤሲ ማዓንዳጉዲ ታ ዒንዶ ጎጳ ዓኣንቴ ታና ኔ ዎዎዼቴ ዓይጎ!
\q2 ታ ዒንዶኮ ጎጳ ቢያ ዎዴ ያዺ ዼኤፔ ጎይሣ ዴዴዓንዳንቴኬ።
\q
\v 18 ዖዪሢና ላቢሢና ዛጋኒ
\q2 ታኣኒ ናንጋ ዎዶ ቢያ ቦርሲንቲና ኩርሳኒ
\q2 ታ ዒንዶ ጎጳፓ ታኣኒ ዓይጋ ሾይንቴይ? \x - \xo 20፡18 \xo*\xt ዒዮ. 3፡1-19።\xt*\x*
\c 21
\s1 ዬሩሳላሜኮ ባሺንቲፆ ዛሎ ኬኤዚንቴ ሎንሦ
\p
\v 1 ዪሁዳ ካኣቲ፥ ሴዴቂያሴ ማልኪያ ናኣዚ ፓሽሁሬና ሜዕሴያ ናኣዚ ቄኤሳሢ ሶፖኒያሴና ታ ኮይላ ዳካዖ፦ 
\v 2 «ባብሎኔ ካኣቲ ናብካዳናፆኦሬ ፔኤኮ ዖሎ ዓሶና ዎላ ኑ ካታሞ ዖላኒ ማንጊሢዳኬ፤ ዬያሮ ጎዖንቴ ናንጊና ናንጋ ጎዳ ኑና ማኣዲ ኑኡና ዎላ ማዒጋፓ ዒዛ ዎልቆና ማዺንታ ዼኤፖ ማዾ ማዺ ናብካዳናፆኦሬ ማሂ ዳካንዳያናንዳኔ፥ ዒዛ ኑኡም ዖኦጬ» ጌዔኔ። \x - \xo 21፡2 \xo*\xt 2ካኣቶ. ማ 25፡1-11፤ 2ፆኦሲ. ዓሃኬ 36፡17-21።\xt*\x*
\p
\v 3 ታ ኮይላ ዳኪንቲ ሙኬ ዓሳ ሴዴቂያሴም ሂዚ ጌይ ኬኤዛንዳጉዲ ጌይ ታ ዳኬኔ፦ 
\v 4 «ዒስራዔኤሌ ፆኦዛሢ ማዔ ናንጊና ናንጋ ጎዳሢ ሂዚ ጋዓኔ፤ ‹ሴዴቂያሴ! ኔ ካታሞ ዲፆኮ ዙሎ ሙኪ ማንጌ፥ ባብሎኔ ካኣቲንታ ባብሎኔ ዓሶንታ ኔ ዖላኒ ጊኢጌ ዓንጋሞ ኔ ባንሢ ታኣኒ ሺርሻንዳኔ፤ ዬያ ዖሎ ዓንጋሞ ካታሞኮ ሳዞይዳ ዔኪ ሺኢሺ ታ ኩላንዳኔ። 
\v 5 ታኣኒ ታ ቶኦኪና ዔዔኤታ ዻጋና፥ ጊንሣ ሃሣ ዼኤፒ ጎሪንቲና ማዒ ታኣኮ ዎልቆና፤ ሃሣ ጊንሣ ታ ቢታንቶና ኔና ዖላንዳኔ። \x - \xo 21፡5 \xo*\xt ማቲ. 23፡38፤ ሉቃ. 13፡35።\xt*\x* 
\v 6 ሃኖ ካታሞይዳ ናንጋ ዓሶ ማዔቴያ ቆልሞ ቢያ ዓሲኮ ዑስካ ጌሊ ዒጊቻ ፑርታ ዶርዖና ዎዺ ታ ኩርሳንዳኔ፤ 
\v 7 ኔናንታ ኔኤና ዎላ ቢቶ ማዒ ማዻ ዓሶንታ ፑርቶ ዶርዓሢ፥ ናዮንታ ዖሎንታይዳፓ ቶሊ ዓቴ ዴሮዋ ቢያ ካኣቲ ናብካዳናፆኦሬና፤ ጊንሣ ሃሣ ዎዻኒ ዒንሢ ኮዓ ሞርኮና ዲዒ ዔኪ ዓኣዻንዳጉዲ ታ ማሃንዳኔ፤ ዒዚ ኔና ማኣሪ ሃንጎ ሃሣ ሚጪንቲ ፔቴ ዓሲታዎ ኔኤም ዓይሳዓኬ፤ ዬያ ጌዔሢ ታና፥ ናንጊና ናንጋ ጎዳኬ።› »
\p
\v 8 ዬካፓ ናንጊና ናንጋ ጎዳ ዴሮም ታኣኒ ሂዚ ጌይ ኬኤዛንዳጉዲ ዓይሤኔ፦ «ሂንዳ ዋይዙዋቴ! ታኣኒ፥ ናንጊና ናንጋ ጎዳ ናንጊ ባንሢ ዔኪ ዴንዳ ጎይፆና ሃይቢ ባንሢ ዔኪ ዴንዳ ጎይፆና ዒንሢ ቤርታ ጌሤኔ፤ ላምዖንሢፓ ፔቴማ ዶኦሩዋቴ፤ 
\v 9 ሃኖ ካታሞይዳ ዓቴ ዓሳ ቢያ ዖልዚና፥ ናይዚና፤ ጊንሣ ሃሣ ዱማ ዱማ ዶርዖና ሃይቂ ኩዳንዳኔ፤ ሃሢ ካታሞ ማንጊ ዓኣ፥ ባብሎኔ ዓሶም ዴንዲ ኩቺ ዒንጌ ዓሲ ጋዓንቴ ሃይቃዓኬ፤ ሜሌ ባካ ዓቴቴ ሼምፓሢ ፔኤኮ ዬይ ዓውሳንዳኔ፤ 
\v 10 ሃና ካታማ ባይቃንዳጉዲ ታኣኒ ጌዔኔ፤ ፔቴታዖ ታ ዔያቶ ማኣራዓኬ፤ ባብሎኔ ካኣቲም ታኣኒ ዓኣሢ ዒንጋንዳኔ፤ ዒዚ ታሚና ዒዞ ሚቻንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ዪሁዳ ካኣቲ ማኣሮ ዓሶይዳ ዎጎና ዎጌ
\p
\v 11-12 ዳውቴ ዜርፆ ማዔ፥ ዪሁዳ ካኣቲ ማኣሮ ዓሶም ኬኤዛንዳጉዲ ናንጊና ናንጋ ጎዳ ታና ዓይሤ ቃኣላ ያዺኬ፦ «ታኣኒ፥ ናንጊና ናንጋ ጎዳ ዒንሢም ኬኤዛ ባኮ ዋይዙዋቴ፤ ቢያ ኬላ ኬላ ዒንሢ ዎጋ ዎጎ ዎቢሲፖቴ፤ ፔቴይ ባጋሢ ቡሪ ጌኔ ማዾ ማዹዋጉዲ ካፒ ላኣጉዋቴ፤ ዬያ ዒንሢ ማዺባኣቴ ጋዓንቴ ዒንሢ ማዻ ፑርቶ ማዻፓ ዔቄያና ታኣኮ ዻጋ ታሚጉዲ ዔኤታንዳኔ፤ ዬያ ዎዻንዳ ዓሲያኣ ባኣሴ፤ \x - \xo 21፡11-12 \xo*\xt 2ካኣቶ. ማ 23፡31-34፤ 2ፆኦሲ. ዓሃኬ 36፡1-4።\xt*\x* 
\v 13 ዬሩሳላሜ! ኔኤኒ ቦኦሊዳ ዓኣ ዼኤፒ ሹቺጉዲ ዶኦጫዻ ቤዛፓ ዼግ ጌይ ጴዻኔ፤ ጋዓንቴ ታኣኒ ኔና ዖላንዳኔ፤ ኔኤም ጋዓንቴ ዓይጎ ዓሲያ ማዖም ዎልቄና ዋርዲዮ ኔኤኮ ሻሂ ጌላንዳያ ማሉዋሴ፤ 
\v 14 ጋዓንቴ ኔኤኒ ማዼ ባኮ ዛሎና ታኣኒ ኔጊዳ ሜቶ ዓጋንዳኔ፤ ካኣቶ ማኣራ ኔኤኮ ታሚና ሚቺንታንዳጉዲ ታኣኒ ማሃንዳኔ፤ ዬይ ታማ ኮይሎይዳ ዓኣ ባኮ ቢያ ፁኡጋንዳኔ፤ ዬያ ጋዓሢ ታና፥ ናንጊና ናንጋ ጎዳኬ።»
\c 22
\s1 ዔርሚያሴ ዪሁዳ ዓጮ ካኣቲ ማኣሮ ዓሶም ኬኤዜ ቃኣሎ
\p
\v 1-2 ዳውቴ ዜርሢ ማዔ፥ ዪሁዳ ካኣቲ ናንጋ ማኣሮ ዎቲ ካኣቲንታ ካኣቲ ቢታንቶ ዒንጌ ዓሶንታ ዬሩሳላሜይዳ ናንጋ ዴሮንታም ሂዚ ጌይ ታኣኒ ኬኤዛንዳጉዲ ናንጊና ናንጋ ጎዳ ታና ዓይሤኔ፦ 
\v 3 «ታኣኒ፥ ናንጊና ናንጋ ጎዳ ፒዜ ዎጌና ጎኔ ማዔ ባኣዚ ዒንሢ ማዻንዳጉዲ ዓይሣኔ፤ ፔቴይ ባጋሢ ቡሪ ጌኔ ማዾ ማዹዋጉዲ ካፒ ላኣጉዋቴ፤ ሜሌ ዓጪፓ ሙኬ ዓሶ፥ ዓዶንታ ዒንዶንታ ሃይቄ ዜኤሮ ናኣቶንታ ዜኤሮይንዶንሢንታኮ ካራ ባይዚ ሜታሲፖቴ፤ ሃይካ ዬሩሳላሜይዳ ጌኤሺ ዓሲ ዎዺፖቴ። 
\v 4 ዓዳ ታኣኒ ዓይሤማ ጎይፆ ዒንሢ ማዼቴ ዳውቴ ዜርፃ ካኣቱሞ ዖይታፓ ኬዳዓኬ፤ ሃያኮ ቤርታ ማዺንታ ጎይፆ ቢታንታ ዒንጊንቴ ዓሶንታ ዴሮንታ ዎላ ማዒ ሳርጌሎ ዖይቶና ፓራሢና ቶጊ ሃያ ካኣቱሞ ማኣሮ ጌሎ ካሮና ካሮና ጌላኒ ዒንሢ ዳንዳዓኔ። 
\v 5 ታ ዓይሣ ዓይሢፆ ዒንሢ ካፒ ኩንሡዋኣያ ማዔቴ ሃይ ካኣቶ ማኣራ ሻሂንቲ ዶዓንዳሢ ታና ታ ጌፒ ጫኣቃኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 6 «ዪሁዳ ካኣታ ናንጋ ማኣራ ጌሌዓዴ ዓጮና ሊባኖኦሴ ዹኮናጉዲ ታኣም ሚዛጳያኬ፤ ጋዓንቴ ዒኢካ ዓሲ ናንጉዋ፥ ጉሪ ቤሲ ታኣኒ ዬያ ማሃንዳኔ። 
\v 7 ዬያ ማኣሮ ሻሂ ባይዛንዳ ዓሲ ታኣኒ ዳካንዳኔ፤ ዔያታ ፔኤኮ ሄርጎ ዔኪ ዬዓንዳኔ፤ ሊባኖኦሴ ሚፆና ኮሾና ቱርቱሮ ቲቂ ቲቂ ታሚዳ ዓጋንዳኔ።
\p
\v 8 «ዬካፓ ዒኢና ዴንዳ ሜሌ ዓጮ ዓሳ፦ ‹ናንጊና ናንጋ ጎዳ ሃኖ ዼኤፖ ካታሜሎይዳ ሃያጉዴ ባይሲንታ ዔኪ ዬዔሢ ዓይጎሮናንዳይ?› ጌይ ጌይ ዎሊ ኮይላ ዖኦጫንዳኔ። 
\v 9 ያዺ ጌይ ዖኦጬስካፓ ታና፥ ናንጊና ናንጋ ጎዳ ማዔ ዒንሢኮ ፆኦዛሢና ዎላ ዒንሢ ጫኣቄ ጫኣቁሞ ሃሺ ሜሌ ፆኦዞ ዒንሢ ካኣሽኬሢሮና ዬያም ዒንሢ ማዼሢሮ ዬይ ማዺንቴሢ ዔያታ ዔራንዳኔ።»
\s1 ዔርሚያሴ ሻሉሜ ጌይንታ ዓሢ ዛሎ ኬኤዜ ባኣዚ
\p
\v 10 ዪሁዳ ዴሬዮቴ! ካኣቲ ዒዮሲያሴ ዛሎ ዬኤኪፖቴ፤
\q ዒዚ ሃይቄሢሮ ዖዪፖቴ፤
\q2 ጋዓንቴ ዒዮሲያሴ ናኣዚ፥ ሻሉሜ
\q2 ላሚ ማዒ ሙኪንዱዋ ቤሲ ዔውታሢሮ
\q2 ዒ ሾይንቴ ዓጮዋ ላሚ ዛጉዋኣሢሮ
\q2 ዒኔ ሜቂ ዒዛ ዬኤኩዋቴ።
\p
\v 11 ዓዶ ቤዛ ዪሁዳይዳ ካኣታዼ፥ ካኣቲ ዒዮሲያሴ ናኣዚ፥ ዲዒንቲ ዔውቲ ዴንዴ ሻሉሜ ዛሎ ናንጊና ናንጋ ጎዳ ሂዚ ጋዓኔ፦ «ማይ ላሚ ዒዚ ሙካዓኬ፤ 
\v 12 ዒዚ ዒኢካ ዲዒንቲ ዴንዴ ዓጮይዳ ሃይቃንዳሢሮ ላሚ ሃኖ ዓጮ ዒ ዛጊንዱዋሴ።»
\s1 ዔርሚያሴ ካኣቲ ዒዮዓቄሜ ዛላ ኬኤዜ ባኣዚ
\q
\v 13 ካኣቱሞ ማኣሮ ፔኤኮ ጌኔ ጎይሢና ማዢሳሢ
\q2 ኩቦ ኬኤፆ ፔኤኮ ፒዜ ዎጌባኣ ጎይሢና ማዣ ዓሢ
\q2 ፔ ዓጪ ዓሲታንቴ ዒንጋ ባኣዚባኣያ ጉሪ ማዺሻ ዓሢ
\q2 ዒ ማዼ ማዾኮ ጪጉዋ ዓሢም ባዴዔ!
\p
\v 14 ዬይ ዓሢ፦ «ታኣኒ ታኣኮ ዳልጊ ኩባ ጋርሲና ዓኣ ማኣሪ ማዣንዳኔ፤ ዬያጉዲ ዳልጊ ዳልጊ ፑልታ ካራ ታኣኒ ጌሣንዳኔ፤ ዬያ ማኣሮ ታኣኒ ዳልጊ ዳልጊ ዴኤሊ ዚቢቂ ሚሢና ሚዛጲሲ ኮሻንዳኔ፤ ዞቄ ዲንኪ ቃላሜና ታኣኒ ዬያ ማኣሮ ቲሽካንዳኔ» ጋዓኔ።
\q
\v 15 ሜሌ ዓሳ ማዻሢዳፓ ዑሣ ዓኣዼ
\q2 ኮሺ ቃራ ማዔ ዴኤሎ ዚቢቆ ሚፆና ማኣሮ ማዤሢሮ
\q2 ቢያሢፓ ቃራ ካኣቶ ኔኤኒ ማዔያ ኔኤም ማላ?
\q ኔ ዓዴ ኩሙሢ፥ ጊዳ ሌዔ ዎዛና ናንጌኔ፤
\q2 ዒዚ ቢያ ዎዴ ፒዜ፥ ሃሣ ጎኔ ዓሲ ማዒፆና
\q2 ዒ ማዼ ባካ ቢያ ዒዛም ጊኢጋያ ማዔኔ።
\q
\v 16 ዒዚ ማንቆ ዓሶና ሜታዼ ዓሶናም ፒዙሞና ዎጋሢሮ
\q2 ቢያ ባካ ዒዛም ጊኢጋኔ፤
\q2 ናንጊና ናንጋ ጎዳ ዔሪሢ ጌይፃ ዬያታሢ ዔሬ።
\q
\v 17 ኔኤኮ ማዻ ጌኤሺ ዓሲ ዎዺሢና ዓሲ ሄርቂ ዎይሥሢኬ፤
\q2 ኔኤኮ ዓኣፖና ዒኖና ዓኣ ቤዛ
\q2 ዔርቲባኣ ጎይሢና ጌሺ ዔኤቢ ዺቢ ዴንቂሢዳ ሌሊኬ።
\b
\m
\v 18 ዬያሮ ናንጊና ናንጋ ጎዳ ዪሁዳ ካኣቲ፥ ዒዮሲያሴ ናኣዚ ዒዮዓቄሜ ዛሎ ሂዚ ጋዓኔ፦
\q «ዒዚ ሃይቃ ዎዶና
\q2 ‹ዎኦ! ታ ዒሼ ዎኦ!› ጌይ ዖዪ ዬኤካንዳ ዓሲ ባኣሴ፤
\q2 ዬያጉዲ ሃሣ ‹ዎኦ! ኑ ጎዳ፤ ኑ ካኣቲዮ ዎኦ!› ጌይያኣ ዬኤካንዳ ዓሲ ጴዻዓኬ። \x - \xo 22፡18 \xo*\xt 2ካኣቶ. ማ 23፡36—24፡6፤ 2ፆኦሲ. ዓሃኬ 36፡5-7።\xt*\x*
\q
\v 19 ሌዛ ዒዛኮ ቦንቾባኣያና ጎቺንቲ
\q2 ዬሩሳላሜ ካታሞኮ ዲፆ ዙላ ኬሲ
\q2 ሃሬ ጎይሢ ዱኡኪንታንዳኔ።»
\s1 ዬሩሳላሜይዳ ሄላንዳ ሜቶ ዛሎ ዔርሚያሴ ኬኤዜ ቃኣሎ
\q
\v 20 ዬሩሳላሜ ዴሬዮቴ!
\q2 ዒንሢ ዎሊ ናሽካ ሚሳታ ባሺንቲ ሎኦሜኔ፤
\q2 ሊባኖኦሴ ዹኮ ኬስኪ ዒላቱዋቴ፤
\q2 ባኣሳኔ ዓጮዋ ዴንዲ ዬኤኩዋቴ፤
\q2 ሞዓኣቤ ዹኮ ቶኦካ ኬስኪ ዔቂ ቃዩዋቴ።
\q
\v 21 ዒንሢ ዖርጎጪ ናንጋ ዎዶና
\q2 ናንጊና ናንጋ ጎዳ ዒንሢም ኬኤዜኔ፤
\q2 ዒንሢ ጋዓንቴ ዋይዞ ዒፄኔ፤
\q ዓይፃፓ ዓርቃዖ ዒንሢ ማዻማ ዬማኬ፤
\q2 ዒዛም ዓይሢንቶ ዒንሢ ዒፄኔ።
\q
\v 22 ዒንሢ ማዻ ጎሞ ዛሎና
\q2 ዢባሬ ዲልባ ፒፂ ዔኪ ዴንዳሢጉዲ
\q2 ዒንሢ ሄንቃ ዓሳ ፒፂንቲ ዔውታንዳኔ፤
\q2 ዒንሢ ጉሙርቃ፥ ዒንሢኮ ዖሎ ሚሳታ
\q2 ዲዒንቲ ዔርቲባኣ ዓጪ ዴንዳንዳኔ፤
\q2 ቦርሲንቲና ዻውሲንቲና ዒንሢም ማዓንዳኔ።
\q
\v 23 ሊባኖኦሴ ዹካፓ ዔኪ ሙኮና ዴኤሎ ዚቢቆና ማዦና ማኣራ ኮሺና ሃሢ ዒንሢ ሃውሺ ናንጋኔ፤
\q2 ጋዓንቴ ሾይቺ ዓርቄ ላኣሊጉዲ ባኒፃ ዒንሢ ዓርቃኣና ዒንሢ ዎዎይታንዳይ?
\s1 ዒኮኒያይዳ ዓጊንቴ ሜታሢ
\p
\v 24 ዒዮዓቄሜ ናኣዚ፥ ዒኮኒያም ናንጊና ናንጋ ጎዳ ሂዚ ጌዔኔ፦ «ታ ሼምፓ ሃይቆ! ኔኤኒ ታኣኮ ሚዛቆ ኩጮይዳ ዓኣሢንቲ ዓኣ ማላቶ ዢኢራሢጉዲ ማዔቴያ ታ ኔና ኬሲ ኬኤራንዳኔ፤ \x - \xo 22፡24 \xo*\xt 2ካኣቶ. ማ 24፡8-15፤ 2ፆኦሲ. ዓሃኬ 36፡9-10።\xt*\x* 
\v 25 ኔና ዎዻኒ ኮዓ ዓሶና ኔኤኒያ ኮሺ ዒጊጫ ዴሮ፤ ጌይፃ፦ ባብሎኔ ካኣቲ ናብካዳናፆኦሬንታ ባብሎኔ ዓሶንታም ታ ኔና ዓኣሢ ዒንጋንዳኔ፤ 
\v 26 ኔናንታ ኔና ሾዔ ዒንዶንታ ዒንሢ ዳውሲንቲ ዴንዲ ባይቃንዳጉዲ ታኣኒ ማሃንዳኔ፤ ዒንሢ ቢያሢ ዒንሢ ሾይንቲባኣ ዓጪ ዴንዲ ዒኢካ ሃይቃንዳኔ። 
\v 27 ሃኖ ዓጬሎ ላሚ ዛጋኒ ኔኤኒ ጶቂሣንዳኔ፤ ጋዓንቴ ላሚ ኔ ማዒ ሙካዓኬ።»
\p
\v 28 ታኣኒ ዒማና ሂዚ ጌዔኔ፦ «ካኣቲ ዒኮኒያ ቶኦቺንቲ ሃይቄ ዖቲ ዖኦኒያ ኮዑዋያጉዲ ማዓንዳኔ ጌይሢዳ? ዒዛንታ ናኣቶንታ ዔያታ ዔሩዋ ዓጪ ዲዒንቲ ዔውታሢ ዓይጎሮዳይ?»
\q
\v 29 ዓጪዮ! ዓጪዮ! ዓጪዮ!
\q2 ናንጊና ናንጋ ጎዳ ጋዓ ቃኣሎ ዋይዜ!
\q
\v 30 «ሃይ ዓሢ ናኣታፓ ቢያ ፔኤኮ ጉሪ ዓቲ
\q2 ናንጋኣ ዒዛኮ ጊኢጉዋያ ማዓንዳጉዲ ናንጊና ናንጋ ጎዳ ዎጌኔ፤
\q ዳውቴኮ ካኣቱሞ ዖይቶ ዻካላኒ
\q2 ዪሁዳይዳ ካኣታዻንዳ ዜርሢባኣያ፥ ናይ ሾይባኣ ዓሲ ጌይ ዒዛ ፃኣፔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\c 23
\s1 ሃጊ ማዓንዳ ባኣዚ ዛላ ኬኤዚንቴ ባኣዚ
\p
\v 1 «ታኣኮ ቆልሞ ማዔ፥ ዴሮ ዣኣሊሳ ዓሶና ባይዛ ዓሳ ዒንሢና ባዴዔ!» ሂዚ ጋዓኔ ናንጊና ናንጋ ጎዳ። 
\v 2 ናንጊና ናንጋ ጎዳ፥ ዒስራዔኤሌኮ ፆኦዛሢ ዴሮ ሄንቃ ዓሶም ሂዚ ጋዓኔ፦ «ዴሮ ታኣኮ ዒንሢ ኮይሳ ጎይፆ ሄንቂባኣሴ፤ ዒንሢ ታኣኮ ዴሮ ዳውሲ ዣኣሊሲ ባይዜኔ፤ ዬያሮ ዒንሢ ማዼ ፑርቶ ማዾሮ ቢያ ታ ዒንሢዳ ሜቶ ዓጋንዳኔ። 
\v 3 ፒኢጫዺ ዓቴ ታ ዴሮ ታኣኒ ዜርቂ ሃሼ ዓጮይዳፓ ቢያ ቡኩሲ ዔያታ ሾይንቴ ዓጮ ዔኪ ዬዓንዳኔ፤ ዔያታ ሚርጌ ናይ ሾዓንዳሢሮ ፓይዳ ዔያቶኮ ሚርጊ ሚርጊ ዓኣዻንዳኔ። 
\v 4 ዔያቶ ሄንቃንዳ ዓሲ ታኣኒ ዶኦራንዳኔ፤ ታኣኮ ዴራ ሃካፓ ሴካ ዒጊቹሞና ዲቃቲሢና ባኣያ ናንጋንዳኔ፤ ሃሣ ዔያቶይዳፓ ፔቴ ዓሲታዎ ሴላዻዓኬ፤ ዬያ ጌዔሢ፥ ታና ናንጊና ናንጋ ጎዳኬ።»
\p
\v 5 ናንጊና ናንጋ ጎዳ ሂዚ ጋዓኔ፦ «ዳውቴ ዜርፆ ባኣካፓ ፂሎ ማዔያ ካኣቲ ታኣኒ ዶኦማንዳ ዎዴ ሙካንዳኔ፤ ዬይ ካኣታሢ ዔራቶና ዎይሣንዳኔ፤ ዓጮይዳ ቢያ ፒዜ፥ ሃሣ ጎኔ ማዔ ባኣዚ ማዻንዳኔ። 
\v 6 ዒዚ ካኣታዻ ዎዶና ዪሁዳ ዴራ ዻቂንታ ዴንቃንዳኔ፤ ዒስራዔኤሌ ዴራኣ ኮሺ ናንጊ ናንጋንዳኔ፤ ዒዛኮ ሱንፃ፦ ‹ኑኡም ፂሎ ባኣዚ ማዻ ናንጊና ናንጋ ጎዳ› ጌይንታንዳኔ። \x - \xo 23፡6 \xo*\xt ዔር. 33፡14-16።\xt*\x*
\p
\v 7 «ዓሳ፦ ‹ዒስራዔኤሌ ዴሮ ጊብፄ ዓጫፓ ዔኪ ኬሴ ናንጊና ናንጋ ጎዳ ሃይቆ!› ጌይ ጌፒንዱዋ ዎዴ ዬዓንዳኔ። 
\v 8 ዬያ ሃሺ ዔያታ፦ ‹ዒስራዔኤሌ ዴሮ ኬዶ ዛሎ ዓጫፓ፤ ጊንሣ ሃሣ ዔያታ ዜርቂንቲ ዓኣ ሜሌ ዓጫፓ ቡኩሲ ዔኪ ሙኬ ናንጊና ናንጋ ጎዳ ሃይቆ!› ጌይ ጌፓንዳኔ፤ ዬካፓ ዔያቶ ዓጮ ማዔሢዳ ዔያታ ናንጋንዳኔ።»
\s1 ዔርሚያሴ ፆኦሲ ማሊፆ ኬኤዛኔ ጌይ ሉኡቃ ዓሶ ዛሎ ኬኤዜ ባኮ
\q
\v 9 ፆኦሲ ማሊፆ ኬኤዛ ዓሶ ዛሎ ታ ማላዛ ታኣኮ ዒና ዖዪ ሜሜቃኔ፤
\q2 ሜጌፃ ታኣኮ ጎጋይቃኔ፤
\q2 ናንጊና ናንጋ ጎዳንታ ዒዛኮ ዱማዼ ቃኣሎንታሮ
\q2 ታኣኒ ዎይኖ ዑዦ ዑሽኪ ማሢንቴ ዓሲ ማዔኔ፤
\q
\v 10 ሳዓ ቢያ ናንጊና ናንጋ ጎዳ ሃሺ ዞኦስካ ኮኦማያ ማዔ ዓሶና ኩሜኔ፤
\q2 ፆኦሲ ማሊፆ ኬኤዛ ዓሳ ዒንጊንቴ ቢታንቶና ጊቴቃይዶ ማዾ ማዻኔ፤
\q2 ፑርታ ጎይሢ ዔያታ ዓኣዻኔ፤
\q2 ናንጊና ናንጋ ጎዳ ሳዖ ጋዳንቄሢሮ
\q2 ሳዔላ ዬኤካኔ፤ ቦኦሎይዳ ቆልማ ሄንቃ ባካ ቢያ ሜሌኔ።
\b
\q
\v 11 ናንጊና ናንጋ ጎዳ ሂዚ ጋዓኔ፦
\q2 «ፆኦሲ ማሊፆ ኬኤዛ ዓሶና ቄኤሴናኮ ዓያናና ናንጎ ናንጋ ፑርቴኔ፤
\q2 ሜሌ ዓታዛ ጌኤዦ ማኣሮይዳታዖ ዔያታ ፑርታ ባኣዚ ማዻኔ።
\q
\v 12 ዬያሮ ዔያታ ዴንዳ ጎይፃ ሃሊሢ ዔያቶም ማዓንዳኔ፤
\q2 ዹሞና ሃንታኣና ጎይፆ ዣኣሊ ዔያታ ሎኦማንዳኔ፤
\q2 ሜቶ ታ ዔያቶይዳ ዔኪ ዬዓኣና ዴኤሢ ባኣዚ ዳካንዳኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።
\q
\v 13 ሳማሪያይዳ ዓኣ ታ ማሊፆ ኬኤዛ ዓሳ ማዼ ሻኣካ ባኮ ታ ዴንቄኔ፤
\q2 ዔያታ ባዓኣሌ ሱንፆና ሎንሦ ኬኤዚ ኬኤዚ ታኣኮ ዴሮ፥ ዒስራዔኤሌ ዻቢሳኔ።
\q
\v 14 ጋዓንቴ ዬሩሳላሜይዳ ዓኣ ታ ማሊፆ ኬኤዛ ዓሳ
\q2 ዬያይዳፓ ዑሣ ዓኣዼ ፑርታ ባኣዚ ማዼሢ ታ ዛጌኔ፤
\q2 ዔያታ ዞኦስካ ኮኦማኔ፤ ሉኡቂያኣ ጌስታኔ፤
\q2 ዓሶ ፑርታ ማዾም ዒቂሳኔ፤
\q2 ዬያይዳፓ ዔቄያና ዴራ ፑርታ ማዺፓ ጊንሢም ጎዑዋሴ።
\q2 ዬያሮ ዔያታ ታ ቤርቶይዳ
\q2 ሶዶሜና ጋሞራ ዓሶናጉዲ ጋፒ ፑርቴኔ። \x - \xo 23፡14 \xo*\xt ማዢ. ማፃ 18፡20፤ ሂዚ. 16፡49።\xt*\x*
\b
\p
\v 15 «ዬያሮ ታኣኒ፥ ናንጊና ናንጋ ጎዳ ማዔ ቢያ ባኮ ማዤ ጎዳሢ ዬሩሳላሜይዳ ዓኣ ታ ማሊፆ ኬኤዛ ዓሶ ዛሎ ሂዚ ጋዔኔ፦
\q ‹ዓጬሎይዳ ካራና ዒኢሳ ማዾ ዔያታ ዳልጊሼሢሮ
\q ጫንቺ ዋላሺ ታ ዔያቶ ሙኡዛንዳኔ፤ ዎዎዻ ዼኤሻኣ ዔያቶ ታ ዑሻንዳኔ።› »
\p
\v 16 ናንጊና ናንጋ ጎዳ ማዔ ቢያ ባኮ ማዤ ጎዳሢ ዬሩሳላሜ ዴሮም ሂዚ ጋዓኔ፦ «ታ ማሊፆ ኬኤዛኔ ጋዓ ዓሳ ኬኤዛ ባኮ ዋይዚፖቴ፤ ዔያታ ሃጊ ማዺንታኑዋ ባኣዚ ኬኤዚ ዒንሢ ጌሻንዳኔ፤ ዔያታ ዒንሢም ኬኤዛንዳሢ ዔያታ ፔ ዒኖና ማሌ ባኣዚ ማዓንዳኣፓዓቴም ታ ዔያቶም ኬኤዜያ ማዓዓኬ፤ 
\v 17 ታ ቃኣሎ ዋይዞ ዒፃ ዴሮም፦ ‹ዒንሢሮ ዚቲ ጎዑዋቴ፥ ኮሺ ማዓንዳኔ› ዔያታ ጋዓንዳኔ፤ ዋይዞ ዒፃ ፑርቶ ዓሢም ዔያታ፦ ‹ዔኤቢ ባኣሴ፥ ፔቴታዖ ሜታ ኔና ሄላዓኬ› ጋዓንዳኔ።»
\p
\v 18 ዔያቶ ባኣካፓ ናንጊና ናንጋ ጎዳ ማዻኒ ማሊ ዞርታ ዞሮ ዋይዚ፤ ሃሣ ዬያ ጌይንቴ ባኮ ዒና ዔኪ ዓይሢንቴይ ዖናዳይ? 
\v 19 ናንጊና ናንጋ ጎዳኮ ዻጋ ፑርቶ ዓሶ ቶኦኮይዳ ባዞ ጉዳሢ ዼኤፖ ባዞ ዋኣፆ ሂዓዛ ሙካ ዋኣፆጉዲ፤ ሃሣ ጊንሣ ዶዲ ዓልጎ ዢባሬጉዲ ሙኪ ኬዳሢ ኮሺ ዛጌ። 
\v 20 ናንጊና ናንጋ ጎዳ ዒ ማሌ ባኮ ማዺ ኩንሣንዳያ ሄላንዳኣና ዒዛኮ ዻጋ ማዓያቱዋሴ፤ ሃጋ ዴራ ዬያ ቢያ ፔጋሲ ጋፒ ዔራንዳኔ።
\p
\v 21 ናንጊና ናንጋ ጎዳ ሂዚ ጋዓኔ፦ «ፔ ሼኔና ዔያታ ሩኡሪ ዴንዴኔ፥ ዬኖ ታ ማሊፆ ኬኤዛ ዓሶ ታኣኒ ዳኪባኣሴ፤ ታኣኒ ታ ማሊሢኬ ጌይ ፔቴታዖ ዔያቶም ኬኤዜ ባኣዚ ባኣሴ፤ ዔያታ ጋዓንቴ ታ ሱንፆና ታ ማሊሢኬ ጌይ ዔኤቢ ኬኤዛኔ፤ 
\v 22 ዎንዴ ዔያቶ ባኣካፓ ታኣኒ ማዻኒ ማሊ ዞርታ ዞሮ ዋይዜይ ዓኣያ ማዔቴ ታ ቃኣሎ ዔያታ ኬኤዜያናንዳኔ፤ ታኣኮ ዴሮዋ ዎቦ ጎይፃፓ፥ ጊንሣ ሃሣ ፑርቶ ናንጋፓ ሃሺሲ ማሄያናንዳንቴኬ።»
\p
\v 23 ናንጊና ናንጋ ጎዳ ሂዚ ጋዓኔ፦ «ታኣኒ ዑኬንታ ሃኬ ማዔ ቤዞ ቢያሢንታይዳ ዓኣ ፆኦሲኬ። 
\v 24 ታኣኒ ጫሪንጮንታ ሳዖንታ ኩሚ ዓኣ ፆኦሲቱዋዓዳ? ዓሲ ጴዹዋ ቤስካ ዓኣሺንቴቴ ታኣኒ ዴንቁዋ ፆኦሲዳ? 
\v 25 ታ ሱንፆና ሉኡቂ ኬኤዛ ዓሳ ጋዓ ባኮ ታኣኒ ዋይዜኔ፤ ‹ታ ዓውቲ ዓውታዼኔ፥ ዓውቲ ታኣኒ ዛጌኔ› ጌይ ጌይ ዔያታ ዒላታኔ። 
\v 26 ዬና ታ ማሊፆ ኬኤዛኔ ጋዓ ዓሳ ፔ ማሊፆና ማዢ ዔኬ፥ ሉኡዙሞ ባኮና ዴሮ ታኣኮ ዻቢሺ ናንጋሢ ዎማ ሄላንዳኣናዳይ? 
\v 27 ዔያቶኮ ዓዶንሢ ባዓኣሌ ካኣሽኪ ታ ሱንፆ ዋሌሢጉዲ ዔያታኣ ፔኤኮ ዓውቶ ዎሊም ኬኤዚ ኬኤዚ ሺሬም ታኣኮ ዴራ ታ ሱንፆ ዋላንዳያ ዔያቶም ማላኔ። 
\v 28 ታ ማሊሢ ኬኤዛያታዖ ዓውቲ ዓውታዼ ዓሲ ዓኣቶ ፔኤኮ ዓውቶማ ሌሊ ኬኤዞንጎ፤ ታኣኮ ቃኣሎ ዋይዜ፥ ታ ማሊፆ ኬኤዛ ዓሲ ጋዓንቴ ዒማ ዒ ዋይዜማ ጉሙርቂንቲሢና ኬኤዞም፤ ዲኢሪና ሜይ ዓኣፒናኮ ዓይጎ ፔቱሞ ዓኣይ? 
\v 29 ታኣኮ ቃኣላ ታሚጉዲ፥ ሃሣ ጊንሣ ዶዶ ላሎ ሹዎ ዹይ ጋኣጫ ሞቶሻጉዲኬ። 
\v 30 ፔቴ ባጋሢፓ ቃኣላ ዉኡቂሢና፦ ‹ሃይ ናንጊና ናንጋ ጎዳ ኬኤዜ ቃኣላኬ› ጌይ ኬኤዛ፥ ታ ማሊፆ ኬኤዛኔ ጋዓ ዓሶ ታኣኒ ዒዒፃኔ። 
\v 31 ዔያታ ፔ ዒናፓ ኬሲ ዔኪ፦ ‹ሃይ ናንጊና ናንጋ ጎዳ ኬኤዜ ቃኣላኬ› ጌይ ኬኤዛ፥ ታ ማሊፆ ኬኤዛ ዓሶዋ ታ ዒፃኔ። 
\v 32 ሃይሾ ታኣኒ፥ ናንጊና ናንጋ ጎዳ ጋዓሢ ዋይዙዋቴ! ሉኡዙሞ ሌሊ ማዔ ዓውቶ ፔኤኮ ኬኤዛ፥ ታ ማሊፆ ኬኤዛኔ ጋዓ ዓሶ ታ ዒፃኔ፤ ዬያ ዓውቶ ዔያታ ኬኤዚ ኬኤዚ ሉኡዚ ሌሊ ማዔ ፔኤኮ ሆኦሊንቲፆና ታኣኮ ዴሮ ጎኔ ጎይፃፓ ኬሳኔ፤ ታ ዔያቶ ዳኪባኣሴ፤ ታኣም ዴንዱዋቴ ታ ጌይባኣሴ፤ ታኣኮ ዴሮም ማኣዳ ባኣዚ ዔያታ ኬኤዛ ባኣዚያ ባኣሴ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ሉኡዚ ባኣዚ ማዔ ባኮ ኬኤዛ ዓሶ
\p
\v 33 ናንጊና ናንጋ ጎዳ ሂዚ ጋዓኔ፦ «ዔርሚያሴ! ታ ማሊፆ ኬኤዛ ዓሲ፥ ቄኤሴ፤ ሃንጎ ሃሣ ታ ዴሮፓ ፔቴ፦ ‹ናንጊና ናንጋ ጎዳኮ ባሲ ማዒ ዴኤፄ ባካ ዓይጎዳይ?› ጌይ ኔና ዖኦጬቴ፥ ‹ናንጊና ናንጋ ጎዳኮ ባሲ ማዒ ዴኤፄ ባካ ዒንሢኬ፤ ዬያሮ ፔ ቤርታፓ ዒንሢ ዒ ሺኢሻንዳኔ› ጌይ ዔያቶም ኬኤዜ። 
\v 34 ታ ማሊፆ ኬኤዛ ዓሲ፥ ቄኤሴ፤ ሃንጎ ሃሣ ዴሮፓ ፔቴ ዓሲ፦ ‹ናንጊና ናንጋ ጎዳኮ ባሲ ማዔ ዴኤሢ ባኣዚ› ጌይ ኬኤዜቴ ዬያ ዓሢንታ ዒዛኮ ማኣሮ ዓሶንታይዳ ሜቶ ታኣኒ ዓጋንዳኔ። 
\v 35 ዬያ ጌይፆ ሃሺ ፔቴ ፔቴሢ፦ ‹ናንጊና ናንጋ ጎዳ ማሂ ኬኤዜ ባካ ዓይጎዳይ? ናንጊና ናንጋ ጎዳ ኑኡም ዎዚ ጌዔይ?› ጌዒ ፔኤኮ ላጋሢና ዒጊናሢያ ዖኦጫንዳያ ኮይሳኔ። 
\v 36 ‹ናንጊና ናንጋ ጎዳኮ ባሲ ማዔ ዴኤሢ ባኣዚ› ጌይ ፔቴታዖ ዔኤቢ ኬኤዚፖቴ፤ ናንጊና ናንጋ ጎዳ ኬኤዛ ቃኣላ ዎይቲ ባሲ ማዒ ዴኤፃኒ ዳንዳዓይ? ዒንሢ ጋዓንቴ ናንጊና ናንጋ ጎዳ ማዔ ቢያ ባኮ ማዤ ጎዳሢኮ ቃኣሎ ዎቢሳኔ። 
\v 37 ኔኤኒ ዔርሚያሴ! ታ ማሊፆ ኬኤዛሢ ኮይላ፦ ‹ናንጊና ናንጋ ጎዳ ዎዚ ጌይ ማሂ ኬኤዜይ? ዓይጎ ባኣዚ ኬኤዜይ?› ጌይ ዖኦጬ። 
\v 38 ጋዓንቴ ዔያቶ ባኣካፓ ታኣኮ ዓይሢፆ ዋይዞ ዒፂ፦ ‹ናንጊና ናንጋ ጎዳኮ ባሲ ማዔ ዴኤሢ ባኣዚ› ጌይ ዔያታ ኬኤዛያ፥ ‹ናንጊና ናንጋ ጎዳኮ ባሲ ማዒ ዴኤፃ ባኣዚ ጌይፖቴ› ጌዒ ታ ዔያቶም ኬኤዜንቴ ዔያታ፦ ‹ፆኦሲኮ ባሲ ማዔ ዴኤሢ ባኣዚ› ጌዔሢሮ፥ 
\v 39 ታኣኒ ታ ቶኦኪና ዒንሢንታ ዔያቶንታ፤ ጊንሣ ሃሣ ዔያቶና ዔያቶኮ ቤርታኣ ዓዶንሢናም ዒንጌ ካታሞ ኬዲ ዔኪ ታ ቤርታፓ ሺኢሺ ኬኤራንዳሢ ዔያቶም ኬኤዜ። 
\v 40 ዔያቶይዳ ታኣኒ ፔቴታዖ ዋሊንታኑዋያ፥ ናንጊና ናናንጋንዳ ቦርሲንቲና ሞኦሪንቲሢና ዔኪ ዬዓንዳኔ።»
\c 24
\s1 ላምዖ ኮታና ጌሢንቴ ቤሌሴ ሚፆ ዓኣፖ ኮኦኪንሦ
\p
\v 1 ናንጊና ናንጋ ጎዳ ጌኤዦ ማኣሮኮ ሆታ ጌሢንቴ ቤሌሴ ሚፆ ዓኣፖ ጌሦናያ ላምዖ ኮታ ታና ዻዌኔ፤ ዬይ ያዺ ማዔሢ ባብሎኔ ካኣቲ ናብካዳናፆኦሬ ዒዮዓቄሜ ናኣዚ፥ ዪሁዳ ካኣቲ፥ ዒኮኒያኔ ዪሁዳ ዓጮ ዎይሣ ሱኡጎና ዎላ፥ ኩጮና ዔቦ ማዺ ዔራ ሃኣሞንታ ሜሌ ሜሌ ባኣዚ ማዻያ ማዔ ዔሮ ዓሶዋ ዎላ ዬሩሳላሜፓ ዲዒ ዔኪ ባብሎኔ ዴንዴሢኮ ጊንፃኣኬ። \x - \xo 24፡1 \xo*\xt 2ካኣቶ. ማ 24፡12-16፤ 2ፆኦሲ. ዓሃኬ 36፡10።\xt*\x* 
\v 2 ፔቴ ቤርታሳ ኮቴሎ ጋራ ሃንጎ ቤሌሶ ሚፆ ዓኣፓፓ ቤርታ ካፄ፥ ሚዛጲ ዓኣፒ ዓኣያኬ፤ ላምዓሳዞኮ ጊንሣ ቤሌሴ ሚፆ ዓኣፖታዖ ሙይንታኒ ዳንዳዑዋ ጎይሢ ፑርቴያ ጋራ ዓኣኔ፤ 
\v 3 ናንጊና ናንጋ ጎዳ ዒማና ታ ኮይላ፦ «ዔርሚያሴ! ኔኤም ዓይጎ ባኣዚ ጴዻይ?» ጌይ ዖኦጬኔ።
\p ታኣኒያ፦ «ታኣኒ ቤሌሴ ሚፆኮ ዓኣፒ ዴንቃኔ፤ ቃራ ማዔ ዓኣፖንሢ ኮሺ ሚዛጳያኬ፤ ፑርቴያ ዓኣኔ፥ ዬያታ ጋዓንቴ ሙዓኒ ጊኢጉዋያ ጋፒ ፑፑርቴያኬ» ጌይ ማሄኔ።
\p
\v 4 ዬያሮ ናንጊና ናንጋ ጎዳ ታኣም ሂዚ ጌዔኔ፦ 
\v 5 «ታኣኒ፥ ናንጊና ናንጋ ጎዳ ማዔ ዒስራዔኤሌ ፆኦዛሢ ባብሎኔ ዓጮ ታኣኒ ዳኬ ታ ዴሮ ዬንሢ ቃሮ ቤሌሶ ሚፆ ዓኣፖንሢጉዲ ማሂ ዛጋኔ፤ 
\v 6 ዔያቶኮ ሼምፓሢ ታኣኒ ካፒ ሃኖ ዓጮ ማሂ ዔኪ ዬዓንዳኔ፤ ታ ዔያቶ ማዢ ዔቂሳንዳኔ፤ ታ ዔያቶ ሻሃዓኬ፤ ታ ዔያቶ ሚሢጉዲ ቱካንዳኔ፤ ቱጊ ቱጋዓኬ፤ 
\v 7 ታኣኒ ፆኦሲ ማዔሢ ዔያቶ ታ ዔርዛንዳኔ። ዬካፓ ዔያታ ጉቤ ዒኔና ታባንሢ ማዓንዳሢሮ ዔያታ ታ ዴሬ ማዓንዳኔ፤ ታኣኒያ ዔያቶኮ ፆኦሲ ማዓንዳኔ።
\p
\v 8 «ዪሁዳ ካኣቲ፥ ሴዴቂያሴንታ ዒዛ ኮይላ ማዒ ዒዛ ዞራ ቢታንታ ዓኣ ዓሶንታ፤ ዬያጉዲ ሃሣ ዬሩሳላሜይዳ ናንጋ ዓሶፓ ሃኖ ዓጮይዳ ዓቲ ዓኣ ዓሶንታ ጊብፄ ዓጮ ዴንዴ ዓሶ ቢያ ጋዓንቴ ሙዓኒ ጊኢጉዋያ ማዒ፥ ፑርቴ ቤሌሴ ሚፆ ዓኣፖንሢጉዲ ታኣኒ ማሃንዳኔ። 
\v 9 ዔያታ ዳውሲንቲ ዴንዳንዳጉዲ ታኣኒ ማሄ ዓጮይዳ ዓጮ ጉቤሢኮ ካኣታ ዔያቶ ዒፃያ፥ ጫሽኪንታያ፥ ሃይሴ ማሂ ዔያቶ ጉሪ ኬኤዚ ሺሮያ፥ ሚኢጪ ዓማሎያና ዒላቶና ዓሲያ ዔያቶ ታ ማሃንዳኔ። 
\v 10 ዔያቶንታ ዔያቶኮ ቤርታኣ ዓዶንሢንታም ታኣኒ ዒንጌ፥ ሃኖ ዓጬሎፓ ዖልዚና፥ ናይዚና ዱማ ዱማ ዶርዖና ታ ዔያቶ ኩርሳንዳኔ።»
\c 25
\s1 ዓጮኮ ኬዶ ዛላፓ ዖላኒ ሙኬ ሞርኬ
\p
\v 1 ዒዮሲያሴ ናኣዚ፥ ዒዮዓቄሜ ዪሁዳይዳ ካኣታዼንቴ ዖይዳሳ ሌዓ ዪሁዳ ዴሮ ዛሎ ናንጊና ናንጋ ጎዳ ታኣም ኬኤዜ ባኣዚ ዓኣኔ፤ ዬይ ኬኤዚንቴሢ ባብሎኔ ካኣቲ፥ ናብካዳናፆኦሬ ካኣታዼ ቤርታሳ ሌዖናኬ፤\x - \xo 25፡1 \xo*\xt 2ካኣቶ. ማ 24፡1፤ 2ፆኦሲ. ዓሃኬ 36፡5-7፤ ዳኣኔ. 1፡1-2።\xt*\x* 
\v 2 ዬያሮ ታኣኒ ዪሁዳ ዴሮና ዬሩሳላሜ ዴሮናም ሂዚ ጌዔኔ፦ 
\v 3 «ዓሞኦኔ ናኣዚ፥ ዒዮሲያሴ ዪሁዳይዳ ካኣታዼንቴ ታጶ ሃይሣሳ ሌዓፓ ዓርቃዖ ዴንዲ ሃማ ሄላንዳኣና ላማታሚ ሃይሦ ሌዔይዳ ቢያ ናንጊና ናንጊና ጎዳ ታኣም ኬኤዜ ጎይሣ ዴዔኔ፤ ዒዚ ጋዓ ባኮ ታ ዒንሢም ኬኤዚፓ ጊንሢም ጌይባኣሴ፤ ዒንሢ ጋዓንቴ ጶቂሢ ዒና ዔኪባኣሴ፤ 
\v 4 ናንጊና ናንጋ ጎዳ ዒዛም ማዻ፥ ዒዛ ማሊፆ ኬኤዛ ዓሶ ዎሊ ሄሊሲ ዒንሢም ዳኬንቴያ ዒንሢ ዔኤቢኬ ጌይ ዒና ዔኪ ዋይዚባኣሴ፤ 
\v 5 ዬያታ ዒንሢም፦ ‹ናንጊና ናንጋ ጎዳ ዒንሢንታ ዒንሢኮ ቤርታኣ ዓዶንሢንታም ዒንጌ፥ ሃኖ ዓጬሎይዳ ናኣናና ዒንሢ ናንጋኒ ዒንሢኮ ፑርቶ ናንጎና ማዾና ሃሺ ማዑዋቴ፤ 
\v 6 ሜሌ ፆኦዞ ካኣሽኪፖቴ፤ ዔያቶም ማዺፖቴ፤ ዚጊያ ዚጊፖቴ፤ ዒንሢ ኩቻ ዒንሢ ማዤ ሜሌ ፆኦዞም ዚጊ ናንጊና ናንጋ ጎዳኮ ዻጎ ዔቂሲፖቴ፤ ዬያ ዓይሢፆ ዒንሢ ካፔቴ ዒዚ ዒንሢዳ ሜቶ ዓጋዓኬ› ጌይ ኬኤዚ ናኣኮኬ። 
\v 7 ሃሣ ዔያታ ዒንሢም ሂዚ ጌይ ኬኤዜኔ፦ ‹ናንጊና ናንጋ ጎዳ ሂዚ ጋዓኔ፤ ዒንሢ ኩቻ ዒንሢ ማዤ ፆኦዞ ዛሎና ታና ዒንሢ ዻጋሴኔ፤ ዒንሢዳ ዒንሢሮ ዒንሢ ፑርታ ባኣዚ ዔኪ ዬዔኔ።›
\p
\v 8 «ኑ ዒዛም ዋይዛዓ ዒንሢ ጌዔሢሮ ቢያ ባኮ ዎይሣ ጎዳሢ ሂዚ ጋዓኔ። 
\v 9 ‹ሃይሾ፥ ታኣኒ ዓጮኮ ኬዶ ዛላ ዓኣ ፃጶ ባንሢ፤ ጊንሣ ሃሣ ታኣም ማዻያ ማዔ፥ ባብሎኔ ካኣቲ ናብካዳናፆኦሬ ባንሢ ኪኢታ ዓሲ ዳካንዳኔ፤ ዪሁዳ ካታሞንታ ዒኢካ ናንጋ ዓሶዋ፥ ዬያጉዲ ጊንሣ ዓሺኒ ማዔ ዓጮ ዴሮዋ ዔያታ ዖላንዳጉዲ ታ ዔያቶ ዔኤላንዳኔ፤ ኮይላ ዓኣ ዓሺኖ ዓጮና ዎላ ሃኖ ዓጬሎ ታኣኒ ባይዛንዳኔ፤ ዛጊም ዒጊቻያ፥ ዓሲያ ሚኢጪ ዓማላንዳጉዲ ናንጊና ሻሂንቴ ካታማ ማዒ ዴዓንዳጉዲ ታኣኒ ሃሻንዳኔ፤ ዬያ ጌዔሢ ታና፥ ናንጊና ናንጋ ጎዳኬ። 
\v 10 ዎዛዾያንታ ዒላሾ ዑኡሲንታ ዔፒ ዑኡሲያ ዋይዚንቱዋጉዲ ታኣኒ ማሃንዳኔ፤ ጊንሣ ሃሣ ሃኣኮ ዒኢካ ዎዺንቱዋጉዲ፥ ዹሚና ዒኢካ ታሚ ፖዒያ ፖዑዋጉዲ ታኣኒ ላኣጋንዳኔ። \x - \xo 25፡10 \xo*\xt ዔር. 7፡34፤ 16፡9፤ ዮሃ. ፆፔዻ 18፡22-23።\xt*\x* 
\v 11 ሳዔላ ካራና ዶዔ ካታማና ዓሲያ ናንጉዋያ ጉሪ ቤሲ ማዓንዳኔ፤ ዬያታ ዴራ ላንካይታሚ ሌዔ ባብሎኔ ካኣቲ ዴማ ዎርቃንዳኔ።\x - \xo 25፡11 \xo*\xt 2ፆኦሲ. ዓሃኬ 36፡21፤ ዔር. 29፡10፤ ዳኣኔ. 9፡2።\xt*\x* 
\v 12 ዬካፓ ላንካይታሞ ሌዓ ጋፓዛ ባብሌኔንታ ዴሮንታ ካኣቲንታይዳ ዔያታ ዻቤ ዻቢንቶ ዛሎና ሜቶ ታኣኒ ዓጋንዳኔ፤ 
\v 13 ታኣኒ ዴሮ ቢያሢዳ ዔኪ ዬዓንዳኔ ጌይ ዔርሚያሴም ኬኤዜ፥ ሃያ ማፃኣፖይዳ ፃኣፒንቲ ዓኣ ፑርቶ ባኮ ቢያ ኬይሲ ባብሎኔ ታ ሜታሳንዳኔ። 
\v 14 ባብሎኔ ዓሳ ማዼ ፑርቶ ባኮሮ ቢያ ኮይሳማ ታ ዔያቶም ዒንጋንዳኔ፤ ሜሌ ዴሬ ሚርጌንታ ዼኤፒ ዼኤፒ ካኣቶንታ ዔያቶ ዓይሌ ማሂ ዎይሣንዳኔ።› »
\s1 ናንጊና ናንጋ ጎዳ ሜሌ ዴሮይዳ ዓጋንዳ ፑርቶ ባኮ
\p
\v 15 ዒስራዔኤሌኮ ፆኦሲ፥ ናንጊና ናንጋ ጎዳ ሂዚ ታኣም ጌዔኔ፦ «ታኣኮ ዻጎ ማዔ ሃያ ዎይኖ ዑዦ ኩንሦና ዑዦ ዓንጎ ታ ኩጫፓ ዔኪ፥ ታኣኒ ኔና ዳካ ዴሮ ኮይላ ዴንዲ ዔያቶ ዑሼ። 
\v 16 ዔያታ ዑሽካዖ ዔያቶይዳ ታኣኒ ዳካንዳ ዖሎ ዛሎና ዒና ባይቂ ዤኤማንዳኔ።»
\p
\v 17 ዬያሮ ዬያ ዑዦና ዓኣ ዓንጎ ታኣኒ ናንጊና ናንጋ ጎዳ ኩጫፓ ዔኪ ዒዚ ታና ዳኬ ዴሮ ቢያሢ ኮይላ ዴንዲ ዔያቶ ዑሼኔ፤ 
\v 18 ዬሩሳላሜ ዴሮንታ ዪሁዳ ካታሞ ዴሮንታ ፔኤኮ ካኣቶንታ ቢታንታ ዒንጊንቴ ዓሶንታ ዎላ ዬያ ዑዦ ዓንጎይዳ ዓኣ ዑዣፓ ዑሽኬኔ፤ ዬያይዳፓ ዔቄያና ዬንሢ ቤዛ ዛጊም ዒጊቻያ፥ ዓሲ ናንጉዋ ዳውሌ፤ ጊንሣ ሃሣ ዓሲ ጫሺ ጫሽካያና ጋዳማ ጋዳንቃ ቤሲ ማዓንዳኔ።
\p
\v 19-26 ዬያ ዑዦ ዑሽካኒ ኮይሳ ሜሌ ዓሳ ሃካፓ ሊካ ፓይዲንታ ዓሶኬ፦
\q ጊብፄ ካኣቲ ፔኤኮ ዶንዞና ቢታንቶ ዒዚ ዒንጌ ዓሶና ዎላ፤
\q ጊብፄ ዴሮና ጊብፄይዳ ሙፒ ዓሲ ማዒ ናንጋ ዓሳ ቢያ፤
\q ዖኦፄ ዓጮይዳ ናንጋ ካኣታ ቢያ፤
\q ፒሊስፄኤሜ ዓጮ ካታሞኮ ዓስቄሎናይዳ፥ ጋኣዛይዳ፥
\q ዔቅሮኔና ዓሽዶዴናይዳ፥ ጊንሣ ሃሣ ሜሌ ቤዞይዳ ናንጋ፦
\q ዔዶኦሜ ዴራ፥ ሞዓኣቤንታ ዓሞኦኔ ዴሮንታ ቢያ፤
\q ፂሮሴና ሲዶና ዓጮ ካኣታ ቢያ፤
\q ሜድቴራኒያ ባዞ ኮይላ ዓኣ ዓጮ ካኣታ ቢያ፤
\q ዴዳኔ፥ ቴማኔንታ ቡዜ ካታሞንታ ቢያ፤
\q ሻውሎና ሚዛቆ ዛሎ ጋንጋሮይዳ ዓኣ ጋፓኖ ሜኤዳ ዴራ ቢያ፤
\q ዓሬቤ ዓጮ ካኣታ ቢያ፤
\q ዳውላዻ ዓጮይዳ ናንጋ ፃጶ ካኣታ ቢያ፤
\q ዜምሪ፥ ዔላኣሜንታ ሜዶኔ ዓጮ ካኣቶንታ ቢያ፤
\q ሃንጎ ሃሣ ዓጮኮ ኬዶ ዛሎና ሃኬያ ማዖም ዑኬ ዓኣ ካኣታ ቢያ ፔ ዎዶና ዎዶና።
\p ሳዖ ቢያሢዳ ናንጋ ዴራ ጉቤ፤ ዬያ ዑዦ ዓንጎና ዓኣ ዑዣፓ ዑሽካንዳኔ፤ ጋፒንፆይዳ ባብሎኔ ካኣቲ ዬያ ዑዦ ዑሽካንዳያ ኮይሳኔ።
\p
\v 27 ናንጊና ናንጋ ጎዳ ታኣም ሂዚ ጌዔኔ፦ «ታኣኒ፥ ቢያ ባኮ ማዤ ጎዳ ማዔ ዒስራዔኤሌ ፆኦዛሢ ዔያቶይዳ ዔኪ ዬዓንዳ ዖሎ ዛሎና ዔያታ ማሢንቲ ጮኦሽካንዳያ ሄላንዳኣና፤ ጊንሣ ሃሣ ሎኦሚ፥ ዔቂ ባሺንታንዳያ ሄላንዳኣና ዬያ ዑዦ ዔያታ ዑሽካንዳጉዲ ታኣኒ ዓይሣንዳሢ ዴሮም ኬኤዜ፤ 
\v 28 ዬያ ዑዦ ዓንጎና ዓኣ ዑዦ ኔ ኩጫፓ ዔያታ ዔኪ ዑሽኮ ዒፃያ ማዔቴ፦ ‹ሃያ ዑዦ ዒንሢ ዑሽካንዳጉዲ ቢያ ባኮ ዎይሣ ጎዳ ማዔ ፆኦዛሢ ዓይሤኔ› ጌይ ዔያቶም ኬኤዜ። 
\v 29 ሃይሾ፥ ታኣኒ ባይዚፆ ታኣኮ ሱንፃ ዔኤሊንታ ካታሞፓ ዓርቃንዳኔ፤ ሂንዳ ዓካሪ፥ ዔያታ ታኣኒ ዓጋ ሜታሢፓ ቶላንዳጉዲ ዔያቶም ማላ? ታኣኒ ዓጮይዳ ቢያ ናንጋ ዴሮይዳ ዖልዚ ዔኪ ዬዓንዳሢሮ ፔቴታዖ ታኣኒ ዓጋ ሜታሢፓ ቶላንዳ ዓሲ ባኣሴ፤ ዬያ ጌዔሢ ታና፥ ቢያ ባኮ ዎይሣ ጎዳኬ።
\p
\v 30 «ዔርሚያሴ! ኔኤኒያ ታኣኒ ኔኤም ኬኤዜ ቃኣሎ ቢያ ዼጊዲ ኬኤዛንዳያ ኮይሳኔ፤ ዬያቶ ዴሮም ሂዚ ጌዔ፦
\q ‹ናንጊና ናንጋ ጎዳ ጫሪንጫፓ ዼኤፒ ዑኡሲ ዋይዚሳኔ፤
\q2 ዒዚ ናንጋ፥ ዒዛም ዱማዼ ኬኤፃፓ ጉጉንሣኔ፤
\q2 ሳዖይዳኣ ዼኤፒ ዑኡሲ ዋይዚሳኔ፤
\q ዎይኖ ጩኡጳ ዓሶ ጎይሢ ዼኤፒ ዑኡሲና ጌስታኔ፤
\q2 ሳዖይዳ ናንጋ ዓሶም ቢያ ዼኤፒ ዑኡሲ ዋይዚሳኔ።
\q
\v 31 ናንጊና ናንጋ ጎዳ ዴሮ ዞሪ ጎራ ዎዶና
\q2 ዋይዚሳ ዑኡዛ
\q2 ዴንዲ ዓጮኮ ጋፖ ሄላኔ፤
\q2 ሜሌ ዴሮ ቢያሢዳ ጌስቲ ዎጋኔ፤
\q2 ፑርቶ ዓሶዋ ዒ ዎዎዻኔ›
\q2 ዬያ ጌዔሢ ናንጊና ናንጋ ጎዳኬ።»
\p
\v 32 ቢያ ባኮ ማዤ ጎዳሢ ሂዚ ጋዓኔ፦ «ሃይሾ፥ ዴሮይዳ ቢያ ፔ ዎዴና ዎዴና ባይሲንታ ሙካንዳኔ፤ ዓጮኮ ካራፓ ቢያ ዼኤፒ ዓልጎ ዢባሬ ዔቃንዳኔ። 
\v 33 ዬኖ ዎዶና ናንጊና ናንጋ ጎዳ ዎዻንዳ ዓሶኮ ሌዛ ሳዖኮ ካራፓ ጋፖ ሄላንዳኣና ኬኤሪንቲ ኩማንዳኔ፤ ዔያቶ ዬኤካንዳ ዓሲንታ ዬያ ሌዞ ዔያቶኮ ቡኩሲ ዱኡካንዳ ዓሲያ ጴዻዓኬ፤ ዬያሮ ዔያታ ቡኡራጉዲ ቦልካ ኬኤሪንቲ ዓታንዳኔ።
\p
\v 34 «ዒንሢ፥ ሱኡጋ ዬኤኩዋቴ፤ ዒንሢ፥ ዴሮ ካፓ ዓሳ ዑኡዞ ዒንሢኮ ዼጊዲ፦ ‹ዎኦ! ዎኦ!› ጎዑዋቴ፤ ዲቢንሢዳ ኮላዺ ኮላዺ ዖዩዋቴ፤ ቢያሢ ዒንሢ ሹኪንታንዳ ዎዳ ሄሌኔ፤ ዢኢጬ ዓጪና ማዦና ቦንቺንታያ ማዔ ባኣዚ ኬዲ ሃይቃዖ ቡርሺንታሢጉዲ ዒንሢያ ያዺ ቡርሺንቲ ላኣሊንታንዳኔ። 
\v 35 ዬይ ሱኡጋ ፑኒ ጌላንዳ ቤሲ ባኣሴ፤ ዴሮ ካፓ ዓሳኣ ቶላንዳ ጎይሢ ባኣሴ። 
\v 36 ሄንቃ ዓሳ ዒላታንዳኔ፤ ናንጊና ናንጋ ጎዳ ቆልሞኮ ሄንቆ ቤዞ ባይዜሢሮ ቆልሞ ዓዶንሢ ዒናፓ ዬኤካኔ። 
\v 37 ናንጊና ናንጋ ጎዳኮ ዼኤፖ ዻጎ ዛሎና ኮሺ ዔያታ ናንጋ ማኣራ ዔያቶኮ ሻሂንቴኔ። 
\v 38 ሄርቂ ዎይሣ ዓሶኮ ጬንቾ ዓፓሮና ናንጊና ናንጋ ጎዳኮ ዼኤፖ ዻጎናፓ ዔቄያና ሳዔላ ዓሲ ናንጉዋ ጉሪ ቤሲ ማዔሢሮ ዞቢ ናንጋ ቤዞ ሃሺ ፑኒ ዴንዳሢጉዲ ዔያታ ፑኒ ባይቃንዳኔ።»
\c 26
\s1 ዔርሚያሴ ጌኤዦ ማኣራ ኬኤዜ ባኮ
\p
\v 1-2 ዒዮሲያሴ ናኣዚ፥ ዒዮዓቄሜ ዪሁዳይዳ ካካኣታዻማና ናንጊና ናንጋ ጎዳ ታኣም ሂዚ ጌዔኔ፦ «ጌኤዦ ማኣሮይዳ ዓሳ ቡካ ቤዛ ዔቂጋፓ ዪሁዳ ካታሞይዳፓ ቢያ ዚጊ ካኣሽካኒ ሙካ ዴሮም ታኣኒ ኔና ዓይሣሢ ቢያ ፔቴ ባኣዚታዎ ዓይሱዋዖ ኬኤዜ፤ \x - \xo 26፡1-2 \xo*\xt 2ካኣቶ. ማ 23፡36—24፡6፤ 2ፆኦሲ. ዓሃኬ 36፡5-7።\xt*\x* 
\v 3 ጎዖንቴ ዴራ ዋይዚ ፑርቶ ማዻፓ ማዓንዳያናንዳኔ፤ ዔያታ ማዓያ ማዔቴ ዔያቶኮ ፑርቱማፓ ዔቄያና ዔያቶይዳ ታኣኒ ዔኪ ዬዓኒ ማሌ ባይሲንቶ ሃሻንዳኔ።»
\p
\v 4 ዴሮም ሂዚ ጌይ ኬኤዞንጎ ጌይ ናንጊና ናንጋ ጎዳ ታና ዓይሤኔ፦ «ታኣኒ፥ ናንጊና ናንጋ ጎዳ ዒንሢም ዒንጌ ዎጎ ጎይፆ ዒንሢ ማዺባኣቴ፥ ታኣማኣ ዒንሢ ዓይሢንቲባኣቴ፥ 
\v 5 ዒንሢ ዋይዚባኣያ ማዔቴያ ታኣም ማዻ፥ ታ ማሊፆ ኬኤዛ ዓሶ ላሚ ላሚ ታ ዒንሢ ባንሢ ዳኬኔ፤ 
\v 6 ዋይዞ ዒፆ ሃሹዋያ ዒንሢ ማዔቴ ሴኤሎይዳ ታኣኒ ማዼ ባኮንሢ ቢያ ሃያ ጌኤዦ ማኣሮይዳ ላሚ ሃሣ ታ ማዻንዳኔ፤ ዓጮ ዴራ ቢያ ሃኖ ካታሜሎኮ ሱንፆ ጋዳንቂሢ ሱንሢ ማሂ ፓይዳንዳኔ።» \x - \xo 26፡6 \xo*\xt ዒያ. 18፡1፤ ዓይኑ. 78፡60፤ ዔር. 7፡12-14።\xt*\x*
\p
\v 7 ቄኤሶንታ ፆኦሲ ማሊፆ ኬኤዛ ዓሶንታ ዴሮንታ ቢያ ጌኤዦ ማኣሮይዳ ዬያ ታ ኬኤዛሢ ዋይዜኔ፤ 
\v 8 ናንጊና ናንጋ ጎዳ ታና ኬኤዞም ጌይ ዓይሤ ባኮ ቢያ ኬኤዚ ታ ኩኩርሳኣና ታ ዔሪባኣንቴ ታና ዔያታ ዓርቂ፦ «ሃያ ዎዎዾንዶ ዓሲኬ!» ጌይ ዒላቴኔ፤ ጊንሣ ሃሣ፦ 
\v 9 « ‹ሃይ ጌኤዦ ማኣራ ሴኤሎ ማዓንዳኔ› ጌይ ናንጊና ናንጋ ጎዳ ሱንፆና ኔኤኒ ኑኡም ሎንሦ ኬኤዜሢ ዓይጎሮዳይ? ሃሣ፦ ‹ሃና ካታማ ባይቃንዳኔ፤ ሃካ ናንጋንዳ ዓሲያ ጴዻዓኬ› ኔኤኒ ጌዔሢ ዓይጎሮዳይ?» ጌይ ታና ዖኦጬኔ። ዬካፓ ዴራ ቢያ ጌኤዦ ማኣሮይዳ ቡኪንቲ ታኣኮ ኮይሎ ሙኪ ማንጌኔ።
\p
\v 10 ዒማና ዪሁዳ ዓሶ ዎይሣ ሱኡጋ ዬያ ባኮ ዋይዛዖ ካኣቱሞ ማኣራፓ ኬስኪ ጌኤዦ ማኣሪ ሙኬኔ፤ ዬካፓ ጌኤዦ ማኣሮኮ ዓኮ ጌሎ ካሮይዳ ፔ ቤዛ ዴዔኔ። 
\v 11 ቄኤሶና ፆኦሲ ማሊፆ ኬኤዛ ዓሶና ዴሮናም ዔያታ ሂዚ ጌዔኔ፦ «ሃይ ዓሢ ጌዔ ባኮ ቢያ ዒንሢ ዒንሢ ቶኦኪና ዋይዜኔ፤ ኑ ካታሞይዳ ዒ ፑርታ ሎንሦ ባኣዚ ኬኤዜሢሮ ዒ ዎዺንታንዳያ ኮይሳኔ።»
\p
\v 12 ታኣኒ፥ ዔርሚያሴ ዬያ ዴሮኮ ሱኡጎና ዴሮናም ሂዚ ጌዔኔ፦ «ሃኖ ካታሞና ሃያ ጌኤዦ ማኣሮናይዳ ዬያ ዒንሢ ዋይዜ ሎንሦ ቃኣሎ ኬኤዛንዳጉዲ ታና ዳኬሢ ናንጊና ናንጋ ጎዳኬ። 
\v 13 ሃሢ ዒንሢ ናንጋ ናንጎና ዒንሢ ማዻ ማዾና ላኣሚ ጊኢጊሺ ዒንሢኮ ናንጊና ናንጋ ጎዳ ማዔ ፆኦዛሢም ዓይሢንታንዳያ ኮይሳኔ፤ ዬያ ዒንሢ ማዼቴ ዒንሢዳ ዒዚ ዔኪ ዬዓኒ ማሌ ባይሲንቶ ሃሻንዳኔ። 
\v 14 ታ ዛሎኮታቶ ሃይሾ ታኣኒ ዒንሢ ኩጫኬ፤ ፒዜ ሃሣ ቃራ ማሊ ዒንሢም ጴዼ ባኣዚ ቢያ ታጊዳ ማማዹዋቴ፤ 
\v 15 ጋዓንቴ ፔቴ ባኣዚ ሌሊ ዒንሢ ኮሺ ዔራኒ ኮይሳኔ፤ ዬይያ፦ ታና ዒንሢ ዎዼያ ማዔቴ ዒንሢንታ ሃኖ ካታሞይዳ ናንጋ ዴሮንታ ቢያ ጌኤሺ ዓሲ ዎዺፆና ሱጉሢ ዓሲ ማዓንዳኔ፤ ዬያ ላቲፆ ሃይሶ ኬኤዛንዳጉዲ ዒንሢ ባንሢ ታና ዳኬሢ ጎኔና ፔኤሮ ናንጊና ናንጋ ጎዳኬ።»
\p
\v 16 ዬካፓ ዴሮኮ ሱኡጎና ዴሮና፦ «ሃይ ዓሢ ኑኡም ኬኤዜሢ ኑ ፆኦሲ ማዔ ናንጊና ናንጋ ጎዳሢ ሱንፆና ማዔሢሮ ዒ ዎዺንታኒ ኮይሱዋሴ» ጌይ ቄኤሶና ፆኦሲ ማሊፆ ኬኤዛ ዓሶናም ኬኤዜኔ።
\p
\v 17 ሄሊሳዖ ሃሣ ጋርቾ ጪሞ ባኣካፓ ፔቴ ፔቴ ዓሲ ዔቂ፥ ዒኢካ ቡኬ ዴሮም ሂዚ ጌይ ኬኤዜኔ፦ 
\v 18 «ሂዚቂያሴ ዪሁዳይዳ ካኣታዺ ዓኣንቴ ሞሬሼቱ ዓጮይዳ ፆኦሲ ማሊፆ ኬኤዛ፥ ሚኪያሴ ቢያ ባኮ ማዤ ጎዳሢ ኬኤዜ ሎንሦ ቃኣሎ ዴሮም ሂዚ ጌይ ቤርታ ኬኤዚናኣኮኬ፦
\q ‹ፂዮኔ ጎሺጉዲ ጎሽኪንታንዳኔ፤
\q2 ዬሩሳላሜ ሻሂንቴ ቡኡራ ኩሎናያ ማዓንዳኔ፤
\q2 ጌኤዦ ማኣራ ማዢንቴ ጌሜሮይዳ ኩምቡሊ ካይዚ ኬስካንዳኔ።›» \x - \xo 26፡18 \xo*\xt ሚኪ. 3፡12።\xt*\x*
\p
\v 19 «ዬያ ዒ ጌዔሢሮ ካኣቲ ሂዚቂያሴንታ ዪሁዳ ዴሮንታ ሚኪያሴ ዎዺሺያ? ዎዺሺባኣሴ! ሂዚቂያሴ ዒማና ናንጊና ናንጋ ጎዳ ዒጊጪ ዒዛ ማኣራንዳጉዲ ሺኢቄኔ፤ ናንጊና ናንጋ ጎዳኣ ዔያቶይዳ ዔኪ ዬዓኒ ማሌ ፑርቶ ባኮ ሃሼኔ፤ ኑኡኒ ሃሢ ጋዓንቴ ፑርቶ ባኮ ኑ ባንሢ ዔኤላኒ ጊኢጌኔ።»
\p
\v 20 ቂሪያትይዓሪሜይዳ ናንጋ፥ ሼማያ ናኣዚ፥ ዑሪያ ጌይንታስኬይያኣ ዓኣኔ፤ ዬይ ዓሢ ዓዳ ዔርሚያሴ ኬኤዜ ጎይፆ ሃኖ ካታሞና ሃኖ ዓጮናይዳ ባይሲንታ ሙካንዳሢ ናንጊና ናንጋ ጎዳ ሱንፆና ሎንሦ ኬኤዜኔ፤ 
\v 21 ካኣቲ ዒዮዓቄሜንታ ዒዚ ቢታንቶ ዒንጌ ዓሶንታ ዖሎ ዓሶ ዓይሣ ሱኡጋሢንታ ዑሪያ ጌዔ ባኮ ዋይዜስካፓ ዑሪያ ዎዺንታንዳጉዲ ካኣቲ ኮዔኔ፤ ዑሪያ ዬያ ዋይዛዖ ሚርጌና ዒጊጬኔ፤ ዬያሮ ጊብፄ ዓጮ ፑኒ ዴንዴኔ፤ 
\v 22 ጋዓንቴ ካኣቲ ዒዮዓቄሜ ዒማና ዓክቦሬ ናኣዚ፥ ዔልናኣታኔና ሜሌ ዓሲና ጊብፄ ዓጮ ዴንዲ ዑሪያ ዔኪ ዬዓንዳጉዲ ዳኬኔ፤ 
\v 23 ዬያታ ዓሳ ዑሪያ ዔኪ ካኣቲ ዒዮዓቄሜ ኮይላ ሙኬኔ፤ ዑሪያ ዎዺንቲ ጋኣጫይዳ ኬኤሪንታንዳጉዲ ካኣቲ ዓይሤኔ።
\p
\v 24 ታኣኒ ጋዓንቴ ሳኣፓኔ ናኣዚ፥ ዓሂቃሜ ታና ዓሳ ዎዹዋጉዲ ካፔሢሮ ዴራ ዎዻንዳጉዲ ዓኣሢ ታና ዒንጊቦኦሴ።
\c 27
\s1 ዔርሚያሴ ኬዴ ቃምባሮ
\p
\v 1 ዒዮሲያሴ ናኣዚ፥ ሴዴቂያሴ ዪሁዳይዳ ካኣታዼስካፓ ኔጉዋዖ ናንጊና ናንጋ ጎዳ ታኣም ሂዚ ጌዔኔ፦ \x - \xo 27፡1 \xo*\xt 2ካኣቶ. ማ 24፡18-20፤ 2ፆኦሲ. ዓሃኬ 36፡11-13።\xt*\x* 
\v 2 «ዋኣፆ ሱዛ ቃልሾና ኮሺንቴ ሚሢ ቃምባራ ጊኢጊሺ ኔ ባቃና ዓጌ። 
\v 3 ዬካፓ ዬሩሳላሜይዳ ናንጋ፥ ዪሁዳ ካኣቲ፥ ሴዴቂያሴ ኮይላ ሙኬ ኪኢቶ ዓሶ ዑፃ ዔዶኦሜ፥ ሞዓኣቤንታ ዓሞኦኔንታ፤ ዬያጉዲ ፂሮሴና ሲዶና ዓጮ ካኣቶንታም ኪኢታ ዳኬ። 
\v 4 ዔያታ ፔኤኮ ካኣቶም ታና፥ ቢያ ባኮ ዎይሣ ጎዳሢ፥ ዒስራዔኤሌ ፆኦዛሢኮ ሃያ ኪኢቶ ኬኤዛንዳጉዲ ዓይሢ ዳኬ! 
\v 5 ‹ታኣኒ ታኣኮ ዼኤፖ ዎልቆና፥ ሃሣ ዶዱሞና ዓጮ ቢያሢንታ ዓሲ ዜርሢንታ፤ ዬያጉዲ ሳዖይዳ ናንጋ ባኮ ቢያ ማዤኔ፤ ሳዖ ሃያ ዎይሣንዳሢ ዖናታቴያ ታኣኒ ዶኦሪ ጌሣንዳኔ። 
\v 6 ሃይ ዴራ ቢያ ባብሎኔ ካኣቲ፥ ታኣም ማዻሢ፥ ናብካዳናፆኦሬ ቢታንቶ ዴማ ዎርቃንዳጉዲ ማዼሢ ታናኬ፤ ሳዖይዳ ዓኣ ቦዓኣ ዓቱዋዖ ዒዛም ዓይሢንቲ ዎርቃኔ። 
\v 7 ሜሌ ዴራኣ ቢያ ዒዛም ማዻንዳኔ፤ ዬያጉዲ ሃሣ ዒዛ ዴራኣ ዬያ ዼኤፑማፓ ዒ ኬዳንዳያ ሄላንዳኣና ዒዛኮ ናኣቶና ናኣቶኮ ናኣቶናም ዓይሢንቲ ዎርቃንዳኔ፤ ዬካፓ ዬያ ናብካዳናፆኦሬኮ ዴራ ዺቢ ዺቢ ዴሬ፤ ጊንሣ ሃሣ ዼኤፒ ዼኤፒ ካኣቶም ዓይሢንቲ ማዻያ ማዓንዳኔ።›
\p
\v 8 «ጋዓንቴ ዓይጎ ዴሬያ ማዖም ካኣታ፦ ‹ዒዛም ዓይሢንቲ ማዻዓ፤ ዒዛ ቃምባራ ባቃና ዴዔም ዎርቃዓ› ጌዔቴ ናብካዳናፆኦሬ ፔኤሮ ዬያ ዴሮንታ ካኣቶንታ ባይዛንዳጉዲ ታኣኒ ጋዓማ ሄላንዳኣና ዖልዚና ናይዚና፤ ጊንሣ ሃሣ ዱማ ዱማ ፑርታ ዶርዖና ታኣኒ ኩርሲሳንዳኔ። 
\v 9 ዒንሢም ሎንሦ ባኮ ኬኤዛ ዓሶንታ፥ ዦዎንታ ማርሾ ማርሻ ዓሶንታ፤ ዬያጉዲ ሃይቄ ዓሶኮ ዔኤዦ ዔኤሊ ጌስታ ዓሶንታ ዓውቶ ዛጋኔ ጋዓ ዓሶንታ ‹ሃጊ ማዓንዳ ባኮ ቢያ ኑ ዔራኔ› ጋዓሢ ዔያቶሲ ዋይዚፖቴ፤ ዬያታ ቢያ ዒንሢ ዞራሢ፦ ባብሎኔ ካኣቲም ዒንሢ ዓይሢንቲ ዎርቂንዱዋሴ ጌይኬ፤ 
\v 10 ዔያታ ዒንሢም ኬኤዛ ሎንሣ ሉኡዚ ባኣዚኬ፤ ዒንሢ ዬያ ዋይዜያ ማዔቴ ዒንሢ ሾይንቴ ዓጫፓ ታ ዒንሢ ሃኬ ዓጪ ዳውሲ ዳካንዳኔ፤ ዬያሮ ዒንሢ ባይቃንዳኔ። 
\v 11 ጋዓንቴ ባብሎኔ ካኣቲኮ ቃምባራ ባቃና ዴዔም ዒዛም ዓይሢንቲ ማዻ ዴሮ ፔኤኮ ሳዖ ጎሽኪ ጎሽኪ ዴዓንዳጉዲ ታኣኒ ማሃንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 12 ዪሁዳ ካኣቲ፥ ሴዴቂያሴም ሂዚ ጌይ ታኣኒ ኬኤዜኔ፦ «ባብሎኔ ካኣቲም ዒንሢ ጊኢሬቴ፥ ዒዛንታ ዒዛኮ ዴሮንታም ዒንሢ ማዼቴ ሼምፔና ዒንሢ ናንጋንዳኔ፤ 
\v 13 ‹ባብሎኔ ካኣቲም ዓይሢንቲ ዎርቃዓ› ጌዔ ዴሮይዳ ናንጊና ናንጋ ጎዳ ዔኪ ዬዓንዳኔ ጌዔ ዖሎና ናዮና ፑርቶ ዶርዓሢና ኔናንታ ዴሮንታ ዓይጋ ኩዳይ? 
\v 14 ‹ባብሎኔ ካኣቲም ዒንሢ ዓይሢንቲ ዎርቃዓኬ› ጌይ ሎንሦ ሃይሶ ኬኤዛ ዓሶሲ ዋይዚፖቴ፤ ዔያታ ኬኤዛ ሎንሣ ሉኡዚኬ። 
\v 15 ዒዚ ዔያቶ ዳኪባኣያ ማዔሢና ዔያታ ጊንሣ ዒዛ ሱንፆና ኬኤዛ ባካ ሉኡዚ ባኣዚታሢ ናንጊና ናንጋ ጎዳ ፔ ቶኦኪና ዒንሢም ኬኤዜኔ። ዬያሮ ዒዚ ዒንሢ ዳውሳንዳኔ፤ ዒንሢንታ ሃያ ሉኡዚ ማዔ ባኮ ኬኤዛ ዓሶንታ ቢያ ባይቃንዳኔ።»
\p
\v 16 ዬካፓ ቄኤሶና ዴሮናም ታኣኒ ኬኤዛንዳጉዲ ናንጊና ናንጋ ጎዳ ሃካፓ ሊካ ጌይንቴ ባኮ ኬኤዜኔ፤ ዬያሮ ታኣኒ ዔያቶም ሂዚ ጌዔኔ፦ « ‹ጌኤዦ ማኣሮይዳ ማዺንቶ ሜሃ ቢያ ባብሎኔፓ ማዒ ኔጉዋዖ ሃይካ ዬዓንዳኔ› ጌይ ጌይ ዒንሢም ሎንሦ ኬኤዛ ዓሳ ጋዓ ባኮ ዋይዚፖቴ፤ ዔያታ ኬኤዛ ሎንሣ ሉኡዚኬ፤ 
\v 17 ዬያሮ ዔያቶሲ ዋይዞ ሃሺጋፓ ባብሎኔ ካኣቲም ዒንሢ ዓይሢንቲ ዎርቄቴ ሼምፔና ዒንሢ ናንጋንዳኔ፤ ሃይ ካታማ ዒንሢኮ ዓይሢንቶ ዒፂፆና ሻሂንቲ ኩሎና ቡኡራ ቤሲ ማዓንዳጉዲ ዓይጋ ዒንሢ ማዻይ? 
\v 18 ዔያታ ሂንዳ ጎኔ ሎንሦ ኬኤዛ ዓሲ ማዔቴ፤ ጊንሣ ሃሣ ታኣኒ ዔያቶም ኬኤዜ ሎንሦ ባኣዚ ዓኣቴ ሃጊ ዔውቲባኣ ጌኤዦ ማኣሮ ሜሃ፥ ዪሁዳ ካኣቲኮ ካኣቱሞ ማኣሮና ዬሩሳላሜናይዳ ዓቲ ዓኣ ሜሃ ቢያ ባብሎኔ ዓጮ ዲዒንቲ ዔውቱዋጉዲ ታኣኒ ላኣጎም ቃይሺ፤ ቢያ ባኮ ዎይሣ ጎዳ ማዔሢ ታና ዖኦጮንጎ።»
\p
\v 19-20 ባብሎኔ ካኣቲ ናብካዳናፆኦሬ ዪሁዳ ካኣቲ፥ ዒዮዓቄሜ ናኣዚ፥ ዒኮኒያ ዪሁዳና ዬሩሳላሜናይዳ ዓኣ ዼኤፖ ዼኤፖ ዓሶና ዎላ ዲዒ ባብሎኔ ዔኪ ዴንዴ ዎዶና ቱርቱሮንታ ሞኦኖ ዓንጎና ኮሾና ዋኣፆ ዴይሦ ጎንጎንታ ዬያ ባኮ ዴይሦ ባኮንታ ጌኤዦ ማኣሮኮ ሜሌ ሜሄንታ ዬሩሳላሜይዳ ሃሺ ዴንዴኔ።
\p
\v 21 «ዬሩሳላሜይዳ፥ ጌኤዦ ማኣራ፤ ጊንሣ ሃሣ ካኣቱሞ ማኣሮይዳ ዓቲ ዓኣ ሜሆ ዛሎ ታኣኒ፥ ቢያ ባኮ ማዤ ጎዳ ማዔ ዒስራዔኤሌ ፆኦዛሢ ጋዓ ባኮ ዋይዙዋቴ፤ 
\v 22 ዬይ ባካ ባብሎኔ ዔኪ ዓኣዺንታንዳኔ፤ ታኣኒ ዬያ ባኮ ጊንሣ ሺሪ ዛጋንዳያ ሄላንዳኣና ዒኢካ ዴዓንዳኔ፤ ዬካፓ ታኣኒ ጊንሣ ማሂ ሃይካ ዔኪ ዬዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\c 28
\s1 ዔርሚያሴና ሎንሦ ኬኤዛ ሃናኒያ ጎዖስኬያና
\p
\v 1 ዬኖ ሌዖይዳ፥ ጌይፃ፦ ሴዴቂያሴ ዪሁዳይዳ ካኣታዼንቴ ዖይዳሳ ሌዖኮ ዶንጋሳ ዓጊኖና ጌባዖኦኔ ዓሲ ማዔ ዓዙሬ ናኣዚ፥ ሃናኒያ ጌኤዦ ማኣሮይዳ ታ ኮይላ ሂዚ ጌዔኔ፤ ቄኤሶንታ ዴሮ ቢያሢንታ ቤርታ ሂዚ ጌዔኔ፦ \x - \xo 28፡1 \xo*\xt 2ካኣቶ. ማ 24፡18-20፤ 2ፆኦሲ. ዓሃኬ 36፡11-13።\xt*\x* 
\v 2 «ዒስራዔኤሌ ፆኦዛሢ ማዔ ቢያ ባኮ ማዤ ጎዳ ሂዚ ጋዓኔ፤ ‹ባብሎኔ ካኣቲ ዓጌ ቃምባሮ ታኣኒ ሜንሣንዳኔ፤ 
\v 3 ካኣቲ ናብካዳናፆኦሬ ሃይካፓ ዔኪ ባብሎኔ ዴንዴ ጌኤዦ ማኣሮ ሜሆ ቢያ ላምዖ ሌዔ ጋርካ ሃይካ ማሂ ታኣኒ ዔኪ ዬዓንዳኔ፤ 
\v 4 ዬያጉዲ ሃሣ ባብሎኔ ዲዒንቲ ዔውቴ ዴሮና ዎላ ዒዮዓቄሜ ናኣዚ፥ ዪሁዳ ካኣቲ፥ ዒኮኒያ ማሂ ታኣኒ ዔኪ ዬዓንዳኔ፤ ሂዮ! ባብሎኔ ካኣቲ ዒንሢዳ ጌሢ ዎይሣ ቃምባሮ ታኣኒ ሜንሣንዳኔ፤› ዬያ ጌዔሢ ታና፥ ናንጊና ናንጋ ጎዳኬ።»
\p
\v 5 ታኣኒ ዒማና ቄኤሶንታ ጌኤዦ ማኣሮይዳ ዔቂ ዓኣ ዴሮ ቢያሢንታ ቤርታ ሃናኒያም ሂዚ ጌዔኔ፦ 
\v 6 «ሂዮ! ኔኤኒ ጌዔ ጎይፆ ናንጊና ናንጋ ጎዳ ማዾንጎ! ጌኤዦ ማኣሮ ሜሆ ዔኪ ሙኪ፤ ጊንሣ ሃሣ ዲዒንቲ ዔውቴ ዓሶዋ ማሂ ዔኪ ሙኪ ናንጊና ናንጋ ጎዳ ኔ ጌዔሢጉዲ ኔ ዻንጎ ኩንሦንጎ። 
\v 7 ጋዓንቴ ኔናንታ ዴሮንታም ታ ጋዓሢ ዋይዜ፤ 
\v 8 ሚናኣ ዎዶና ታናንታ ኔናንታኮ ቤርታ ፆኦሲ ማሊሢ ኬኤዛኔ ጌይ ዔቄ ዓሳ ሚርጌ ዴሬና ዼኤፒ ዼኤፒ ካኣቶናይዳ ዖልዚ፥ ናይዚንታ ዱማ ዱማ ዶርዖንታ ሙካንዳኔ ጌይ ሎንሦ ኬኤዜኔ፤ 
\v 9 ጋዓንቴ ኮሹሞ ዛላ ኬኤዜ ዓሢኮ ዬይ ዓሢ ጎኔ ናንጊና ናንጋ ጎዳ ዳኬ፥ ሎንሦ ኬኤዛ ዓሲታቴ ዔርታሢ ዬይ ዒ ጌዔ ሎንሦ ባካ ጎኔ ማዒ ኩሜቴኬ።»
\p
\v 10 ዬካፓ ሎንሦ ኬኤዛሢ፥ ሃናኒያ ታኣኮ ባቃና ዓኣ ቃምባሮ ዔኪ ሜንሤኔ፤ 
\v 11 ዒዚ ዒማና ዴሮ ቤርታ፦ «ላምዖ ሌዔ ጋርካ ባብሎኔ ካኣቲ፥ ናብካዳናፆኦሬኮ ዴሮይዳ ዒ ዓጌ ቃምባሮ ባቃናፓ ዔኪ ሃማይዲ ናንጊና ናንጋ ጎዳ ሜንሣንዳሢ ኬኤዜኔ» ጌዔኔ፤ ዬካፓ ታኣኒ ዬኖ ቤዛፓ ዴንዴኔ።
\p
\v 12 ሎንሦ ኬኤዛሢ፥ ሃናኒያ ቃምባሮ ታ ባቃናፓ ዔኪ ሜንሣዛ ናንጊና ናንጋ ጎዳ ታኣም ሂዚ ጌይ ኬኤዜኔ፦ 
\v 13 «ዴንዴ! ሃናኒያም ሂዚ ጌይ ኬኤዜ፦ ‹ኔኤኒ ሃሢ ሚፆ ቃምባሮ ሜንሤኔ፤ ጋዓንቴ ታኣኒ ዬያ ቤዞይዳ ዓንጊ ቃምባራ ጊኢጊሻንዳኔ፤ 
\v 14 ሃያ ዴሮ ቢያሢ ባቃኖይዳ ዓንጊ ቃምባራ ታኣኒ ዓጋንዳኔ፤ ዔያታ ባብሎኔ ካኣቲ፥ ናብካዳናፆኦሬም ዎርቃንዳኔ፤ ዬይ ዓሳ ዓታዛ ካዮ ቦዓታዖ ቢያ ዒዛም ዓይሢንቲ ዎርቃንዳጉዲ ታ ማሃንዳኔ፤› ታኣኒ፥ ዒስራዔኤሌ ፆኦዛሢ ማዔ ቢያ ባኮ ማዤ ጎዳ ዬያ ጌዔኔ።»
\p
\v 15 ታኣኒ ዬያ ሃናኒያም፦ «ሃናኒያ! ዋይዜ፤ ናንጊና ናንጋ ጎዳ ኔና ዳኪባኣሴ፤ ሃያ ዴሮ ቢያ ሉኡዚ ማዔ ባኣዚ ጉሙርቃንዳጉዲ ኔ ማሄኔ፤ 
\v 16 ዬያሮ ናንጊና ናንጋ ጎዳ፦ ‹ኔና ታኣኒ ሳዖይዳፓ ዔኪ ሺኢሻንዳኔ፤ ሃይ ዴራ ታና፥ ዔያቶኮ ፆኦዛሢም ዋይዞ ዒፃንዳጉዲ ኔ ማሄሢሮ ሃይ ሌዓ ጋፑዋንቴ ኔኤኒ ሃይቃንዳኔ› ጋዓኔ» ጌይ ኬኤዜኔ።
\p
\v 17 ዬካፓ ሃናኒያ ዬኖ ሌዖኮ ላንካሳ ዓጊኖና ሃይቄኔ።
\c 29
\s1 ዔርሚያሴ ባብሎኔይዳ ናንጋ ዓይሁዶም ፃኣፒ ዳኬ ኪኢታ
\p
\v 1 ናብካዳናፆኦሬ ዬሩሳላሜፓ ባብሎኔ ዲዒ ዔኪ ዴንዴ ቄኤሶም፥ ፆኦሲ ማሊፆ ኬኤዛ ዓሶም፤ ጊንሣ ሃሣ ዴሮኮ ሱኡጎና ሜሌ ዲዒንቲ ዔውቴ ዓሶም ቢያ ዬሩሳላሜፓ ታኣኒ ፃኣፒ ዳኬ ኪኢታ ሂዚ ጋዓያኬ፤ 
\v 2 ዬኖ ኪኢቶ ታኣኒ ፃኣፔሢ ካኣቲ ዒኮኒያኔንታ ጌኤሾ ማዔ ዒዛኮ ዒንዶንታ ዒዛና ዎላ ማዒ ዒዛም ማዻ ዓሶንታ፤ ዬያጉዲ ሃሣ ዪሁዳና ዬሩሳላሜናኮ ሱኡጎንታ ኩቺና ዔኤቢ ማዺ ዔራ ሃኣሞንታ ጊታሢንታ ቢያ ዲዒንቲ ዔውቴሢኮ ጊንፃኣኬ፤ \x - \xo 29፡2 \xo*\xt 2ካኣቶ. ማ 24፡12-16፤ 2ፆኦሲ. ዓሃኬ 36፡10።\xt*\x* 
\v 3 ዪሁዳ ካኣቲ ሴዴቂያሴ ባብሎኔ ካኣቲ ናብካዳናፆኦሬ ኮይላ ዬያኮ ቤርታ ዳኬ፥ ሻፓኔ ናኣዚ ዔልዓሳና ሂልቂያ ናኣዚ ጌማሪያና ዑፃ ዬያ ፃኣፖና ኪኢቶ ታኣኒ ዳኬኔ፤ ዬኖ ኪኢቴሎይዳ ዓኣፒ ማዒ ኬኤዚንቴ ባካ ሂዚ ጋዓያኬ፦ 
\v 4 «ዬሩሳላሜፓ ዲዒንቲ ባብሎኔ ዴንዳንዳጉዲ ዒዚ ማሄ ዴሮ ቢያሢም ዒስራዔኤሌኮ ፆኦዛሢ ማዔ ቢያ ባኮ ዎይሣ ጎዳ ሂዚ ጋዓኔ፤ 
\v 5 ‹ማኣሪ ማዢ ናንጉዋቴ፤ ቱኮ ዱማ ዱማ ሚሢያ ቱኩዋቴ፤ ዬያ ሚፆኮ ዓኣፖዋ ሙዑዋቴ፤ 
\v 6 ላኣሊ ዔኪ፥ ሃሣ ሎዒያ ሎይ ናይ ሾውዋቴ፤ ናኣቶዋ ዒንሢኮ ላኣሊ ዔኪሲ፥ ሃሣ ዉዱሮ ናኣቶ ሎይሲያ ሎይሱዋቴ፥ ዔያታ ናይ ሾዖንጎ፤ ዬያይዲ ፓይዳ ዒንሢኮ ዺዺቦንጎ፥ ዻኮፓ፤ 
\v 7 ዲዒንቲ ዒንሢ ዔውቲ ዴንዲ ናንጋንዳጉዲ ታኣኒ ማሄ ካታሞም ዲጪሢ ማዓንዳ ኮሺ ባኣዚ ኮዑዋቴ፤ ዬይ ካታሞ ዓሳ ኮሺ ናንጊ ናንጋንዳጉዲ ታና ሺኢቁዋቴ፤ ዔያታ ኮሺ ናንጊ ናንጌቴ ዒንሢያ ኮሺ ናንጊ ናንጋንዳኔ። 
\v 8 ታኣኒ፥ ዒስራዔኤሌ ፆኦዛሢ ማዔ ቢያ ባኮ ማዤ ጎዳሢ ዒንሢ ባኣካ ናንጋ ሎንሦ ኬኤዛ ዓሶናኣ ማዖም ሃጋኣ ባኣዚ ኑ ዔራኔ ጋዓ ዓሶና ቢያ ዒንሢ ጌሺንቱዋጉዲ ላቲ ታ ዒንሢም ኬኤዛኔ፤ ዔያቶኮ ዓውቶዋ ዔኤቢኬ ጌይፖቴ። 
\v 9 ዔያታ ታ ሱንፆና ዒንሢም ኬኤዛ ሎንሣ ቢያ ሉኡዚ ባኣዚኬ፤ ታ ዔያቶ ፔቴታዖ ዳኪባኣያኬ፤ ዬያ ጌዔሢ ታና፥ ናንጊና ናንጋ ጎዳኬ።› »
\p
\v 10 ናንጊና ናንጋ ጎዳ ሂዚ ጋዓኔ፦ «ባብሎኔይዳ ዒንሢ ናንጋንዳ፥ ላንካይታሞ ሌዓ ጋፔስካፓ ላሚ ታኣኒ ዒንሢ ሺሪ ዛጋንዳኔ፤ ዒንሢ ዓጮ ባንሢ ታኣኒ ዒንሢ ማሃኒ ጫኣቄ ጫኣቁሞ ኩንሣንዳኔ፤\x - \xo 29፡10 \xo*\xt 2ፆኦሲ. ዓሃኬ 36፡21፤ ዔር. 25፡11፤ ዳኣኔ. 9፡2።\xt*\x* 
\v 11 ዒንሢ ዛሎ ታኣኒ ማላ ማሊፆ ታ ዔራኔ፤ ዬይ ማሊፃ፦ ፑርታ ባኣዚቱዋንቴ ኮሺ ባኣዚ ዒንሢም ጴዺሳያ፥ ዒንሢ ዎዛ ጌሢ ካፓ ኮዦ ባካኣ ማዺንቲ ኩማንዳጉዲ ማሃያኬ፤ 
\v 12 ዬካፓ ዒንሢ ታና ዔኤላንዳኔ፤ ታ ባንሢ ዑኪ ታና ዒንሢ ሺኢቃንዳኔ፤ ታኣኒያ ዒንሢም ዋይዛንዳኔ፤ 
\v 13 ዒንሢ ታና ኮዓንዳኔ፤ ዒንሢ ታና ኮዓሢ ጉቤ ዒኔፓ ማዔቴ ታና ዒንሢ ዴንቃንዳኔ፤ \x - \xo 29፡13 \xo*\xt ላሚ. ዎማ 4፡29።\xt*\x* 
\v 14 ጎኔ ታ ዒንሢም ጋዓኔ! ታና ዒንሢ ዴንቃንዳኔ፤ ታኣኒ ዒንሢ ዒንሢኮ ዓጮ ባንሢ ማሃንዳኔ፤ ታኣኒ ዒንሢ ዜርቄ፥ ዓጮ ቢያሢዳፓ ቢያ ቡኩሳንዳኔ፤ ታኣኒ ዒንሢ ዳውሲሲ ዳካንዳሢኮ ቤርታ ዒንሢ ዓኣ ቤዞ ጊንሣ ታ ዒንሢ ማሂ ዔኪ ዬዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 15 «ናንጊና ናንጋ ጎዳ ባብሎኔይዳ ሎንሦ ኬኤዛ ዓሲ ኑኡም ኬሴኔ» ጌይ ዒንሢ ኬኤዛኔ። 
\v 16 ዳውቴኮ ካኣቱሞ ዖይቶ ዻካሊ ዴዒ ዎይሣ፥ ካኣታሢንታ ዒንሢጉዲ ዲዒንቲ ዔውቲባኣያ ማዒ ሃኖ ካታማ ናንጋ ዒንሢ ዒጊኖ ዛሎ ታኣኒ፥ ናንጊና ናንጋ ጎዳ ጋዓሢ ዋይዙዋቴ። 
\v 17 ቢያ ባኮ ዎይሣ ጎዳ ሂዚ ጋዓኔ፦ «ታኣኒ ዔያቶይዳ ዖልዚ፥ ናይዚንታ ዱማ ዱማ ዶርዖንታ ዔኪ ዬዓኒኬ፤ ሙይንታኒ ዳንዳዑዋያ ማዒ ፑርቴ ቤሌሴ ሚፆ ዓኣፖ ታ ዔያቶ ማሃንዳኔ፤ 
\v 18 ዖልዚና፥ ናይዚና፤ ሃሣ ዱማ ዱማ ዶርዖና ታ ዔያቶ ዳውሳንዳኔ። ዓጮ ጉቤይዳ ናንጋ ሜሌ ዴራ ቢያ ዔያቶይዳ ማዺንቴም ዛጋ ባኮና ዲቃታንዳኔ፤ ዔያታ ዜርቂንቲ ዴንዳንዳጉዲ ታኣኒ ማሃ ቤዞይዳ ቢያ ዔያቶይዳ ታ ዔኪ ዬዓ ፑርቶ ባኮ ዛጋ ሜሌ ዴራ ቢያ ዒጊቹሞና ካራ ባይዛንዳኔ፤ ዬይ ዴራ ቢያ ሚኢጪ ዓማሎ ባኣዚ ዔያቶ ማሃንዳኔ። 
\v 19 ዬይ ቢያ ዔያቶይዳ ሄላሢ ታኣም ማዻ፥ ታ ማሊፆ ኬኤዛ ዓሶ ዛሎና ላሚ ላሚ ታ ዔያቶም ኬኤዜ ቃኣሎ ዔያታ ዋይዚ ዓይሢንቶ ዒፄሢሮኬ።» 
\v 20 ዬሩሳላሜፓ ባብሎኔ ዳውሲሲ ታኣኒ ዳኬ ዓሳ ዒንሢ ቢያሢ ታኣኒ፥ ናንጊና ናንጋ ጎዳ ጋዓ ባኮ ዋይዙዋቴ።
\p
\v 21 «ናንጊና ናንጋ ጎዳ ሱንፆና ሉኡዙሞ ሎንሦ ዒንሢም ኬኤዛ፥ ቆላያ ናኣዚ ዓክዓቤና ማዕሴያ ናኣዚ ሴዴቂያሴና ዛሎ ዒስራዔኤሌኮ ፆኦዛሢ ቢያ ባኮ ዎይሣ ጎዳ ሂዚ ጌይ ኬኤዜኔ፦ ዬያቶ ታኣኒ ባብሎኔ ካኣቲ፥ ናብካዳናፆኦሬም ዓኣሢ ዒንጋንዳኔ፤ ዒዚ ዔያቶ ዒንሢ ዛጋንቴ ዎዻንዳኔ። 
\v 22 ዬሩሳላሜፓ ዲዒንቲ ባብሎኔ ዔውቴ ዴራ ቢያ ፔቴ ዓሲ ጋዳንቃኒ ኮዓ ዎዶና፦ ‹ባብሎኔ ካኣቲ ሼምፔና ዓኣንቴ ታሚና ሚቺ ዎዼ ሴዴቂያሴና ዓክዓቤናጉዲ ፆኦሲ ኔና ማሆንጎ! ጋዓንዳኔ፤ 
\v 23 ዔያታ ያዺ ማይ ዓታንዳጉዲ ጌይንቴሢ ዓሲኮ ዑስካ ጌላ ጎሜ ዔያታ ማዼሢሮኬ፤ ዔያታ ዎዎዴይ ጌዔቴ ፔኤኮ ላጎ ማዔ ዓሶኮ ላኣሎ ዒኢሴኔ፤ ታኣኒ ዔያቶ ዓይሢባኣ ሉኡዚ ባኣዚ ታ ሱንፆና ዔያታ ኬኤዜኔ፤ ዬይ ታኣኒ ዔያቶ ዓይሤ ባኣዚቱዋሴ፤ ዔያታ ማዼ ባኮ ቢያ ታ ዔራሢሮ ዬያኮ ታኣኒ ማርካኬ፤ ዬያ ጌዔሢ ታና፥ ናንጊና ናንጋ ጎዳኬ።› »
\s1 ሼማዒያም ፃኣፒ ዳኪንቴ ኪኢታ
\p
\v 24-25 ኔሄላሜ ዓጮይዳ ሾይንቴ ሼማዒያም ሂዚ ጌዔ፤ ሃይ ቢያ ባኮ ዎይሣ ጎዳሢ ማዔ ዒስራዔኤሌ ፆኦዛሢ ኬኤዜ ቃኣላኬ፤ ዬሩሳላሜይዳ ናንጋ ዓሶም፥ ማዕሴያ ናኣዚ ቄኤሳሢ ሶፖኒያሴና ሃንጎ ቄኤሶናም ኔ ሱንሢና ኔኤኒ ሂዚ ጌይ ኪኢታ ዳኬኔ፤ ኔ ዳኬ ኪኢቶይዳ ሶፖኒያሴም ኔኤኒ ሂዚ ጌዔኔ፦ 
\v 26 «ቄኤሳሢ፥ ዮዳሄ ቤዛ ናንጊና ናንጋ ጎዳ ኔና ቄኤሴ ማሂ ዶኦሬኔ፤ ጌኤዦ ማኣሮይዳ ቢቲ ማዒ ዎይሣንዳ ሱኡጋሢ ኔናኬ፤ ዬያሮ ‹ታኣኒ ፆኦሲ ማሊሢ ኬኤዛያኬ› ጌይ ጌይ ዔኤቢ ኬኤዚ ሺራ ዣኣዦ ዓሲ ቢያ ቶኮ ዱፄና፥ ባቃኖዋ ካኒ ቢራታና ጪጭዲ ቱካኒ ኔኤኒ ዳንዳዓኔ፤ 
\v 27 ሂዳዖ ኔኤኒ፦ ‹ታኣኒ ፆኦሲ ማሊሢ ኬኤዛያኬ› ጌይ ጌይ ዴሮም ዔቦ ኬኤዚ ሺራ፥ ዓናቶቴ ዓጮይዳ ሾይንቴ፥ ዔርሚያሴ ኔኤኒ ጎሩዋዖ ዎይታዛ ዚቲ ጌዔይ? 
\v 28 ዒዚ ዔኤቢ ኬኤዙዋጉዲ ላኣጊንታኒ ኮይሳኔ፤ ዓይጎሮ ጌዔቴ ባብሎኔ ዓጮ ዲዒንቲ ዔውቴ ዴራ ሃጊ ሚርጌ ሌዔ ናንጋንዳኔ ጌይ፦ ‹ማኣሪ ማዢ፥ ሜታባኣያ ናንጉዋቴ፤ ዱማ ዱማ ሚሢያ ቱኩዋቴ፤ ዬያ ሚፆኮ ዓኣፖዋ ሙዑዋቴ› ጌይ ዴሮም ዒ ኬኤዜኔ።»
\p
\v 29 ዬያ ፃኣፒንቴ ኪኢቶ ሶፖኒያሴ ታና፥ ዔርሚያሴም ናባቤኔ፤ 
\v 30 ዬካፓ ናንጊና ናንጋ ጎዳ ታኣም ሂዚ ጌዔኔ፦ 
\v 31 «ዲዒንቲ ዴንዲ ባብሎኔይዳ ናንጋ ዴሮ ቢያሢም ሼማዒያ ዛሎ ኬኤዚንቴ፥ ሃያ ሎንሦ ቃኣሎ ሂዚ ጌይ ዳኬ፦ ‹ሼማዒያ ታኣኒ ዒዛ ዳኩዋንቴ ሎንሦ ኬኤዚ ሉኡዚ ባኣዚና ዒንሢ ጉሙርሴኔ፤ 
\v 32 ዬያሮ ታኣኒ፥ ናንጊና ናንጋ ጎዳ ዒዛንታ ዒዛኮ ዜርፆንታይዳ ሜቶ ዓጋንዳኔ፤ ሃይካፓ ሴካ ዬያ ዓሢኮ ዒንሢ ባኣካ ቶሊ ዓታንዳ ዜርሢ ባኣያ ማዓንዳኔ፤ ዒዚ ፔ ቶኦኪና ታ ዴሮም ታኣኒ ኮሺ ባኣዚ ማዻሢ ቢያ ዛጋንዳ ካራ ባኣሴ፤ ዓይጎሮ ጌዔቴ ዒዚ ታኣም ዒንሢ ዋይዞ ዒፃንዳጉዲ ማሄኔ፤ ዬያ ጌዔሢ ታና፥ ናንጊና ናንጋ ጎዳኬ።› »
\c 30
\s1 ዒስራዔኤሌ ዴራ ማዒ ሙካንዳያ ማዒፃ ኬኤዚንቴሢ
\p
\v 1 ዒስራዔኤሌኮ ፆኦሲ ማዔ ናንጊና ናንጋ ጎዳ ታኣም ሂዚ ጌይ ኬኤዜኔ፤ ዒስራዔኤሌ ፆኦሲ ማዔ ናንጊና ናንጋ ጎዳሢ ሂዚ ጋዓኔ፦ 
\v 2 «ታ ኔኤም ኬኤዜ ባኮ ቢያ ማፃኣፔይዳ ፃኣፔ። 
\v 3 ታኣኮ ዴሮ ዒስራዔኤሌንታ ዪሁዳ ዴሮንታ ጊንሣ ማሂ ታኣኒ ዔኪ ዬዓንዳ ዎዳ ዑኬኔ፤ ዔያቶኮ ቤርታኣ ዓዶንሢም ታኣኒ ዒንጌ ዓጮ ታ ዔያቶ ማሃንዳኔ፤ ዔያታ ጊንሣ ዬያ ዓጮ ፔ ዓጪ ማሃንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 4 ናንጊና ናንጋ ጎዳ ዒስራዔኤሌና ዪሁዳ ዴሮናም ሂዚ ጋዓኔ፦
\q
\v 5 «ኮሺ ዑኢሲቱዋንቴ ካራ ባይቂ
\q2 ዒጊቹሞና ጎጋይቂሢ ዑኡሲ ታኣኒ ዋይዛኔ፤
\q
\v 6 ሂንዳ ጫክ ጌይ ማሉዋቴ!
\q2 ዓቲንቄ ባኒ ናይ ሾዓ?
\q ሂዳዖ ዓቲንቃ ቢያ ሾሾዓ ላኣሊጉዲ
\q2 ፔኤኮ ኩጮና ጎጶ ዓርቂ ዓኣንቴ ታ ዛጋሢ ዎይቲዳይ?
\q2 ፔቴ ፔቴ ዓሶኮ ዓኣፖ ካራ ዎይቲ ቦኦሬይ?
\q
\v 7 ዬና ኬላ ዎዚ ሜታሳያ ማዓንዳይ!
\q2 ዬኖጉዴ ኬሊ ሜሌ ባኣያ ማዓንዳኔ፤
\q2 ያይቆኦቤም ዬይ ሜቶ ዎዴ ማዓንዳኔ፤
\q2 ያዺ ማዔቴያ ዔያታ ዬያ ዋኣዪፃፓ ቢያ ዻቃንዳኔ።»
\p
\v 8 ቢያ ባኮ ማዤ ጎዳ ሂዚ ጋዓኔ፦ «ዬኖ ኬላ ሄላኣና ታኣኮ ዴሮኮ ባቃና ዓጊ ዎይሦ ቃምባሮ ታኣኒ ሜንሣንዳኔ፤ ዔያታ ቱኪንቴ ካኖ ቢራቶዋ ታኣኒ ዱኡዛንዳኔ፤ ዬካፓ ዔያታ ሜሌ ፃንጎ ማዔ ዴሮም ዓይሌ ማዒ ዎርቃዓኬ፤ 
\v 9 ጋዓንቴ ታና፥ ዔያቶኮ ፆኦዛሢም ዔያታ ዚጋንዳኔ፤ ታኣኒ ካኣቱሞ ዖይቶይዳ ጌሣ፥ ዳውቴ ዜርፆ ማዔ ዔያቶኮ ካኣቲም ዔያታ ዎርቃንዳኔ።»
\q
\v 10 «ታኣም ማዻ፥ ያይቆኦቤ ዒጊጪፖ፤
\q2 ዒስራዔኤሌ ዲቃቲፖ፤
\q2 ታኣኒ ኔና ሃኬ ማዔ ዓጮይዳፓ
\q2 ኔኤኮ ዜርፆዋ ዲዒንቲ ዴንዲ ዓኣ ሳዖይዳፓ ዓውሲ ዔኪ ማሃንዳኔ፤
\q2 ያይቆኦቤ ማዒ ሙኪ ሂርጋ ባኣያ ኮሺ ናንጊ ናንጋንዳኔ፤
\q2 ዒዛ ዒጊቻንዳ ባኣዚያ ባኣሴ።
\q
\v 11 ታኣኒ ታኣሮ ዒንሢና ዎላ ማዒ ዒንሢ ዓውሳንዳኔ፤
\q2 ታኣኒ ዒንሢ ዜርቂ ዔያቶ ባኣኮ ዳኬ ዴሮ ታኣኒ ባይዛንዳኔ፤
\q2 ዒንሢ ጋዓንቴ ታኣኒ ባይዛዓኬ፤
\q2 ያዺ ማዔቴያ ሜቶ ታ ዒንሢዳ ዓጉዋ ሃሻዓኬ፤
\q2 ታ ዒንሢዳ ሜቶ ዓጋንዳሢ ዒንሢ ዻቤ ጎይፆጉዴያኬ፤
\q ዬያ ጌዔሢ ታና፥ ናንጊና ናንጋ ጎዳኬ።» \x - \xo 30፡11 \xo*\xt ዔር. 46፡27-28።\xt*\x*
\q
\v 12 ናንጊና ናንጋ ጎዳ ሂዚ ጋዓኔ፦
\q2 «ኪፃ ዒንሢኮ ፓፁዋያ
\q2 ዒንሢ ጋፒ ማኣሳኔኔ።
\q
\v 13 ዒንሢ ዛሎ ሞኦታንዳ ዓሲ ባኣሴ፤
\q2 ዒንሢ ኪፆኮ ዼኤሻኣ ጴዻዓኬ፤
\q2 ዒንሢ ዻቃዓኬ።
\q
\v 14 ዒንሢ ማኣዲ ዖላ ዓሳ ቢያ ዒንሢ ዋሌኔ፤
\q2 ዔያታ ዒንሢ ኮዑዋሴ፤
\q2 ጎማ ዒንሢኮ ዺቢ፤
\q2 ፑርቱማኣ ዒንሢኮ ዑሣ ዓኣዼ ሚርጌሢሮ
\q2 ታ ዒንሢ ታኣኮ ሞርኬጉዲ ጳርቄኔ፤
\q2 ሚጪንቱዋዖ ታ ዒንሢዳ ሜቶ ዓጌኔ።
\q
\v 15 ጎማ ዒንሢኮ ዺቢ፤
\q2 ፑርቱማ ዒንሢኮ ዑሣ ዓኣዼ ሚርጌሢሮ
\q2 ፓፃንዳ ካራ ዒንሢ ባኣሴ፤
\q2 ዬያሮ ዒንሢኮ ኪፆ ዛሎ ጉንዱሚፖቴ፤
\q2 ታኣኒ ዬያይዲ ዒንሢ ሜቶይዳ ዓጋንዳኔ።
\q
\v 16 ጋዓንቴ ጋኣሺ ዒንሢ ሙዔ ዓሳ ቢያ
\q2 ዔያታኣ ፔኤሮ ጋኣሺንቲ ሙይንታንዳኔ፤
\q2 ዒንሢኮ ሞርካ ቢያ ዲዒንቲ ዔውታንዳኔ፤
\q ዒንሢ ቡራ ዓሳ ቢያ ቡሪንታንዳኔ።
\q2 ዒንሢዳፓ ሳሪ ዔቦ ዔኬ ዓሳ ቢያ
\q2 ዒማይዲ ሳሪንቲ ዔውታያ ማዓንዳኔ።
\q
\v 17 ዒንሢኮ ሞርካ፦ ‹ፂዮኔ ኬኤሪንቲ ዓቴኔ፤
\q2 ዒዞም ኮሺ ባኣዚ ማዻያኣ ባኣሴ› ጌዔቴያ፥
\q ታኣኒ ጊንሣ ዒንሢኮ ዒቢሎ ማሃንዳኔ፤
\q2 ኪፆዋ ታ ዒንሢኮ ፓፂሳንዳኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\q
\v 18 ናንጊና ናንጋ ጎዳ ሂዚ ጋዓኔ፦
\q2 «ዒስራዔኤሌ ናኣቶኮ ማኣሮ ጊንሣ ታኣኒ ማዣንዳኔ፤
\q2 ፔቴ ፔቴ ማኣሮ ታኣኒ ሚጪንቲ ማኣራንዳኔ፤
\q2 ዬሩሳላሜ ካታማ ላሚ ጊንሣ ማዢንታንዳኔ፤
\q2 ካኣቱሞ ማኣራ ጊንሣ ሚናኣ ቤዛ ማዢንታንዳኔ።
\q
\v 19 ዒኢካ ናንጋ ዴራ ቢያ
\q2 ጋላታ ዓይኑሞ ዓይናዻንዳኔ፤
\q2 ዎዛናኣ ዒሊሻንዳኔ፤
\q2 ታ ዔያቶ ዺዺቢሻንዳኔ፥ ፓይዳ ዔያቶኮ ዻካዓኬ፤
\q2 ታ ዔያቶ ቦንቺሳንዳኔ፤ ዬካፓ ዔያታ ቦሂንታዓኬ።
\q
\v 20 ዔያቶኮ ናኣታ ቤርታኣ ዓዶንሢጉዲ ዒጊጪንቲ ናንጋንዳኔ፤
\q2 ዔያታ ዎላ ናንጋ ናንጋኣ ታ ቤርታ ዶዲ ማዓንዳኔ፤
\q2 ዔያቶ ሄርቂ ዎይሣ ዓሶ ቢያ ታኣኒ ሜቶይዳ ዓጋንዳኔ።
\q
\v 21 ዔያቶኮ ዒጊኒ ዔያቶ ባኣካፓ ዔቂ
\q2 ዔያቶኮ ሱኡጌ ማዓንዳኔ፤
\q ታኣኒ ታኣሮ ዒዛ ዔኪ ዬዓንዳሢሮ ታ ባንሢ ዒዚ ዑካንዳኔ፤
\q2 ያዺ ማዒባኣቴ ዖኦኒ ጫርቂ ዑካኒ ዳንዳዓይ?
\q
\v 22 ዒንሢ ታ ዴሬ ማዓንዳኔ፤
\q2 ታኣኒያ ዔያቶኮ ፆኦሲ ማዓንዳኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\p
\v 23 ዓልጎ ዢባሬጉዲ ማዔ፥ ጎዳኮ ዻጋ ዶዲ ዢባሬጉዲ ዢባርሺ ፑርቶ ዓሶ ዑፃ ዬዓንዳኔ። 
\v 24 ናንጊና ናንጋ ጎዳኮ ዼኤፖ ዻጋ ማዻኒ ማሌ ባኮ ማዺ ኩንሡዋዖ ጊንሣ ማዓዓኬ፤ ዬይ ዎዳ ሄላዛ ዴራ ፔኤሮ ዬያ ቢያ ፔጌና ዔራንዳኔ።
\c 31
\s1 ዒስራዔኤሌ ዴሮኮ ፔ ዓጮ ማዒ ሙኪፆ
\p
\v 1 ናንጊና ናንጋ ጎዳ ሂዚ ጋዓኔ፦ «ታኣኒ ዒስራዔኤሌ ፃጶኮ ቢያ ፆኦሲ ማዓንዳያና ዔያታኣ ታዴሬ ማዓንዳ ዎዴ ሙካንዳኔ፤ 
\v 2 ጬንቾ ዓራፖና ሃይቦይዳፓ ቶሌ ዴራ ቦኦሎ ጉሮይዳ ቦንቺንታንዳኔ፤ ታኣኒያ ዒስራዔኤሌ ዴሮም ሃውሾ ዒንጋኒ ሙካንዳኔ። 
\v 3 ታኣኒ ዔያቶም ሃኬፓ ፔጋዺ ጴዼኔ፤ ዒስራዔኤሌ ዴሬዮቴ፥ ታኣኒ ዒንሢ ናንጊና ናሽኬኔ፤ ታኣኮ ናንጊና ናንጋ ኮሹማ ዒንሢም ዶዲ ዴዓንዳኔ። 
\v 4 ታ ዴሬዮ ዒስራዔኤሌ፥ ላሚ ጊንሣ ዒንሢ ታኣኒ ዓካሲ ማዣንዳኔ፤ ዬያሮ ኔኤኒ ማዢንታንዳኔ፤ ጊንሣ ኔኤኒ ካራቤ ዔካንዳኔ፤ ዎዛዻ ዓሶና ዎላ ኬስኪ ኔኤኒ ኮርጋንዳኔ። 
\v 5 ጊንሣ ኔኤኒ ሳማሪያኮ ጌሜሮይዳ ዎይኖ ቱካንዳኔ፤ ዬያ ዓኣፖ ማዺ ላቤ ዓሳ ሙዓንዳኔ፤ 
\v 6 ዬያ ጎዦ ካፓ ዓሳ ዔፕሬኤሜ ዹኮይዳ ዔቂ፦ ‹ሃኒ ዬዑዋቴ፤ ኑ ፆኦዛሢ ማዔ ናንጊና ናንጋ ጎዳ ዓኣ ቤዞ ፂዮኔ ኑኡኒ ዴንዶም› ጋዓንዳ ዎዴ ዬዓንዳኔ።»
\q
\v 7 ናንጊና ናንጋ ጎዳ ሂዚ ጋዓኔ፦
\q2 «ሜሌ ዴሮ ቢያይዳፓ ኔኤኒ ባሻያታሢሮ ያይቆኦቤ ዛሎ ዎዛና ዓይናዹዋቴ፤
\q ‹ናንጊና ናንጋ ጎዳ ፔኤኮ ዴሮ ዓውሴኔ፤
\q2 ዒስራዔኤሌ ሳዖይዳ ዓቲ ዓኣ ዓሶ ቢያ ፔ ዓሲ ማሂ ዔኬኔ›
\q2 ጌይ ጌይ ጋላታ ዓይኑሞ ዓይናዹዋቴ።»
\q
\v 8 «ታኣኒ ዓጮኮ ኬዶ ዛላፓ ዔያቶ ዔኪ ዬዓንዳኔ፤
\q2 ዓጫ ማዔ ካራፓ ቢያ ዔኪ ዬይ ቡኩሳንዳኔ፤
\q2 ዓኣፓ ባይቄ ዓሳ፥ ዎቦ ዓሳ፥ ጎጶይንዳሢንታ ሾይፆና ዓዺንቴ ላኣላኣ ቢያ
\q ዔያቶና ዎላ ዬዓንዳኔ፤
\q2 ዺቢ ዴሬ ማዒ ፔ ዓጮ ዔያታ ማዓንዳኔ፤
\q
\v 9 ታኣኒ ዔያቶ ፔ ዓጮ ባንሢ ዔኪ ዬዓኣና
\q2 ታኣኮ ዴራ ዎዛፓ ዔቄያና ዬኤኪ ዬኤኪ፤ ሃሣ ታና ሺኢቂ ሺኢቂ ዬዓንዳኔ።
\q ዔያታ ዹቂንቲንዱዋ፥ ጊኢጋ ጎይሢና
\q2 ቃራ ዓልቃ ዋኣሢ ባንሢ ታ ዔያቶ ዳካንዳኔ።
\q ታኣኒ ዒስራዔኤሌኮ ዓዶኬ፤
\q2 ዔፕሬኤሜያ ታኣኮ ናኣዚ ቶይዲኬ።»
\q
\v 10 ናንጊና ናንጋ ጎዳ ሂዚ ጋዓኔ፦
\q2 «ሜሌ ዴራ ዒንሢ ዋይዙዋቴ!
\q2 ባዞ ዼኤፖኮ ኮይሎና ሱኮናይዳ ሃኬ ዓኣ ዓጮም
\q ቃኣሎ ታኣሲ ዼጊዲ ኬኤዙዋቴ፤
\q2 ታኣኒ ታኣኮ ዴሮ ሃያኮ ቤርታ ዜርቄኔ፤
\q2 ሃሢ ጋዓንቴ ታ ማሂ ዔኪ ዬይ ዔያቶ ቡኩሳንዳኔ፤
\q2 ቆልሞ ሄንቃሢ ፔኤኮ ቆልሞ ሄንቃ ጎይፆ ታ ዔያቶ ሄንቃንዳኔ።
\q
\v 11 ታኣኒ ያይቆኦቤ ማሂ ጊንሣ ሻንቂ ዓይላታፓ ኬሴኔ፤
\q2 ዼኤፖ ካኣቶኮ ኩጫፓ ማኣዲ ታ ዔያቶ ዻቂሼኔ፤
\q
\v 12 ዬያሮ ዔያታ ማዒ ሙኪ ፂዮኔ ዹኮይዳ ዎዛና ዓይናዻንዳኔ፤
\q2 ታኣኒ ዔያቶም ዒንጋንዳ ሃኣኮና፥ ዎይኖ ዑዦና፥ ሪሚቶ ዛይቶና
\q2 ማራቶና ባኣቶናፓ ዔያታ ዴንቃ ዓንጆና ቢያ ሜታባኣያ ዎዛዻንዳኔ፤
\q2 ጊዳ ዋኣሢ ሙኪ ዑሻ ዎይኔ ጎሺጉዲ ዔያታ ማዓንዳኔ፤
\q2 ሃይካፓ ሴካ ዔያታ ዖያዓኬ።
\q
\v 13 ዉዱሮ ናኣታ ዔያቶኮ ዎዛና ኮርጋንዳኔ፤
\q2 ዓቲንቆንታ ዼጌሢንታ ጋርቾንታ ዎዛዻንዳኔ፤
\q ታ ዔያቶ ዶዲሻንዳኔ፤ ዬኤፖ ታ ዔያቶኮ ዎዛ ባንሢ
\q2 ዖዪፆዋ ታ ዔያቶኮ ሺርሺ ዎዛ ማሂ ላኣማንዳኔ፤
\q
\v 14 ቄኤሶ ታኣኒ ሳዖይዳፓ ጴዻ ዓንጆና ሚሻንዳኔ፤
\q ታ ዴሮም ታኣኒ ታ ኮሹሞና ዒንጋ ባኮ ዺቢሺ ዒንጋንዳኔ፤
\q ዬያ ጌዔሢ ታና፥ ናንጊና ናንጋ ጎዳኬ።»
\s1 ናንጊና ናንጋ ጎዳ ዒስራዔኤሌ ዴሮ ማኣሬሢ
\q
\v 15 ናንጊና ናንጋ ጎዳ ሂዚ ጋዓኔ፦
\q2 «ዒላቲና ዒናፓ ዬኤኮ ዬኤፒ ዑኡሲ ራኣማይዳ ዋይዚንቴኔ፤
\q2 ራሄላ ፔ ናኣቶ ዛሎ ዬኤካኔ፤
\q2 ናኣታ ዒዞኮ ሃይቄሢሮ ዶዲፆ ባሺንቴኔ። \x - \xo 31፡15 \xo*\xt ማዢ. ማፃ 35፡16-19፤ ማቲ. 2፡18።\xt*\x*
\q
\v 16 ዬኤፖ ሃሺ፥ ዓቢፆ ዒንሢኮ ዑጩዋቴ፤
\q2 ዒንሢ ናኣቶ ዛሎ ዒንሢ ማዼ ባካ ቢያ ጉሪ ዓታዓኬ፤
\q2 ዔያታ ሞርኮ ዓጫፓ ማዒ ዬዓንዳኔ።
\q
\v 17 ናኣታ ዒንሢኮ ፔ ዓጮ ማዒ ሙካንዳሢሮ
\q2 ሃጊ ማዓንዳ ዎዛ ዒንሢኮ ዓኣኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\q
\v 18 «ዔፕሬኤሜ ዖዪሢና ሂዚ ጋዓንቴ ታኣኒ ዋይዜኔ፤
\q2 ‹ናንጊና ናንጋ ጎዳሢዮ! ኑኡኒ ጎሽኪ ዔርዚቦኦ ዎፓናጉዲታንቴ
\q2 ኔኤኒ ኑና ዓይሢንቲሢ ዔርዜኔ፤
\q2 ኔኤኒ ኑኡኮ ፆኦሲታሢሮ
\q2 ሃሢ ኔና፥ ኑ ፆኦዛሢ ባንሢ ኑና ማሄ፤ ኑኡኒያ ማዓንዳኔ።
\q
\v 19 ኔጊዳፓ ኑ ሃኪ ዴንዴቴያ ሃሢ ጎሞ ኑኡኮ ኑ ቡኡፄኔ፤
\q2 ኑ ዬያ ማዼ ባኮ ዔሪ ቦርሲንቲና ኑ ቶኦኮ ሂርኪዲ ዳዶ ኑኡኮ ኑ ዹዓኔ፤
\q2 ዼጋቶ ዎዶና ኑ ማዼ ጎማ ኑና ዻውሲሴኔ›»
\q
\v 20 «ዔፕሬኤሜ! ታኣኒ ዒንሢ ናሽካ፥ ታኣኮ ዒንሢ ናኣቶኬ፤
\q2 ቢያፓ ባሼ ማሂ ታ ዒንሢ ናሽካያቱዋዓዳ?
\q2 ታ ዒንሢ ማኣራኒ፥ ታ ባንሢ ዑኪሳኒ ኮዓኔ፤
\q2 ዬያ ጋዓሢ ታና፥ ናንጊና ናንጋ ጎዳኬ።
\q
\v 21 ዒንሢኮ ጎይፆይዳ ማላታ ማዓንዳ ባኣዚ ኮሹዋቴ፤
\q2 ጎይፆ ዔርዛንዳ ዻኣቦዋ ዻኣቡዋቴ፤
\q2 ዒንሢ ዴንዳ ዚጊሮ ጎይፆ ዒናፓ ኮሺ ዛጉዋቴ፤
\q2 ታ ዴሬዮ፥ ዒስራዔኤሌ!
\q2 ሃያ ኔኤኮ ካታሞ ማዒ ጌሉዋቴ።
\q
\v 22 ዒንሢ ሃይ ጉሙርቂፃ ፓጬ ዴራ
\q2 ዓይዲ ሄላንዳኣና ዒንሢ ዓልታይ?
\q2 ታኣኒ፥ ናንጊና ናንጋ ጎዳ ሳዖይዳ ዓኪ ባኣዚ ማዤኔ፤
\q2 ዬይ ዓይጎዳይ ጌዔቴ ላኣሊ ዓቲንቄ ማኣዳኒ ዔቃኔ፤
\q2 ዬያ ዱማ ማዔ ዓኮ ባኮ ታኣኒ ማዤኔ።»
\s1 ናንጊና ናንጋ ጎዳ ዴራ ሃጊ ዖርጎጫንዳ ዖርጎቹሞ
\p
\v 23 ዒስራዔኤሌ ፆኦዛሢ፥ ቢያ ባኮ ዎይሣ ጎዳሢ ሂዚ ጋዓኔ፦ «ታኣኒ ዴሮ ፔ ዓጮ ባንሢ ማሄ ዎዶና ዪሁዳና ካታሞናይዳ ላሚ ጊንሣ ዔያታ ‹ኔኤኒ ጎኑሞ ዎርቃ ቤሲ ማዔዜ፥ ፆኦሲም ዱማዼ ዹኬሌ ናንጊና ናንጋ ጎዳ ኔና ዓንጆንጎ› ጋዓንዳኔ። 
\v 24 ዪሁዳ ዓጮንታ ካታሞንታ ቢያ ዴራ ናንጋ ቤሲ ማዓንዳኔ፤ ሳዖ ጎሽካ ዓሲና ቆልሞ ሄንቃ ዓሲና ዒኢካ ዓኣያ ማዓንዳኔ፤ 
\v 25 ላቤዞንሢኮ ቢያ ዎልቆ ታኣኒ ዶዲሻንዳኔ፤ ናዮና ካራ ባይቂ ሜታዼዞንሢም ሙኡዚ ዒንጊ ታኣኒ ሚሻንዳኔ።»
\p
\v 26 ዒማና ታኣኒ ኮሺ ጊንዖ ጊንዒ፥ ጊንዓስካፓ ጴጫዖ ኮይሎ ዛጌኔ።
\p
\v 27 «ታኣኒ፥ ናንጊና ናንጋ ጎዳ ዒስራዔኤሌንታ ዪሁዳንታ ሳዖ ሚርጌ ዴሬና፤ ጊንሣ ሃሣ ቆልሞና ኩንሣንዳ ዎዴ ዬዓንዳኔ። 
\v 28 ዔያቶ ታኣኒ ቱጋኒና ሻሃኒ፤ ሴካ ሃንጋ ሺርሺ ጉኡፓኒና ባይዛኒ፤ ኩርሳኒያ ዚርቂ ዔቂ ማዼሢጉዲ ዔያቶ ጊንሣ ዾቂ ዔቂሳኒ ዒማዺ ታኣኒ ማዻንዳኔ።
\q
\v 29 ዬኖ ዎዶና፦ ‹ዓዶንሢ ሙዔ ሶልኮ ዎይኖ ዓኣፓ
\q2 ናኣቶ ዓጮ ዎዼኔ› ጌይንቲ ጌስቲንታ
\q2 ኮኦኪንሣ ዓታንዳኔ። \x - \xo 31፡29 \xo*\xt ሂዚ. 18፡2።\xt*\x*
\m
\v 30 ዬያ ማዒፃ ዓቴም ሶልኮ ዎይኖ ዓኣፖ ሙዔ ዓሶማኮ ዒማና ዓጫ ሃይቃንዳኔ፤ ፔቴ ፔቴ ዓሳ ፔ ጎሞማና ሃይቃንዳኔ።»
\p
\v 31 ናንጊና ናንጋ ጎዳ ሂዚ ጋዓኔ፦ «ሃይሾ ታኣኒ ዒስራዔኤሌ ዴሮና ዪሁዳ ዴሮና ዎላ ዓኪ ጫኣቁሞ ጫኣቃንዳ ዎዴ ሙካንዳኔ፤ \x - \xo 31፡31 \xo*\xt ማቲ. 26፡28፤ ዔብ. 8፡8-12፤ ማር. 14፡24፤ ሉቃ. 22፡20፤ 1ቆሮ. 11፡25፤ 2ቆሮ. 3፡6።\xt*\x* 
\v 32 ዬይ ጫኣቁማ ዔያቶ ታኣኒ ጊብፄ ዓጫፓ ኩጮ ዔያቶኮ ዓርቂ ዔኪ ኬሴ ዎዶና ጌሌ ጫኣቁሞጉዲ ማዓዓኬ፤ ታኣኒ ዔያቶኮ ፆኦዛሢታንቴ ዔያታ ታኣኮ ዬያ ጫኣቁሞ ጉሙርቂንቲ ካፒባኣሴ፤ ዬያሮ ታኣኒ ዔያቶ ቄል ጌይ ዛጌኔ፤ 
\v 33 ሃሢ ዓካሪ ሃካፓ ሴካ ዒስራዔኤሌ ዴሮና ዎላ ታኣኒ ጫኣቃንዳ ጫኣቁማ ያዺ ማዓንዳኔ፤ ታኣኮ ዎጎ ታኣኒ ዔያቶኮ ዒና ጌሣንዳኔ፤ ዒና ታ ዔያቶኮ ፃፃኣፓንዳኔ፤ ታኣኒ ዔያቶኮ ፆኦዛሢ ማዓንዳኔ፤ ዔያታኣ ታኣኮ ዴሬ ማዓንዳኔ፤ \x - \xo 31፡33 \xo*\xt ዔብ. 10፡16።\xt*\x* 
\v 34 ሃይካፓ ሴካ ‹ናንጊና ናንጋ ጎዳ ዔሬ› ጌይ ፔኤኮ ላጋሢምታቴያ ጌርሲም ኬኤዚ ዔርዛንዳ ዓሲ ባኣሴ፤ ዼኤፖፓ ዴንዲ ዻኮ ዓሶ ጌይንታሢ ሄላንዳኣና ቢያሢ ታና ዔራንዳኔ፤ ዻቢንቶዋ ታ ዔያቶኮ ዓቶም ጋዓንዳኔ፤ ጎሞዋ ታ ዔያቶኮ ዔኤቢኬ ጌይ ማሊ ዔካዓኬ፤ ዬያ ጌዔሢ ታና፥ ናንጊና ናንጋ ጎዳኬ።» \x - \xo 31፡34 \xo*\xt ዔብ. 10፡17።\xt*\x*
\q
\v 35 ዓቦ ሮኦሮና ፖዒሣሢ
\q2 ዓጊኖንታ ዦኦጋሢንታ ዹሞና ፖዓንዳጉዲ ዳምቦ ኬሴሢ
\q2 ዼኤፖ ባዞዋ ዢባሮና ዴቺ ዓጊሣ፥ ናንጊና ናንጋ ጎዳሢ
\m ሂዚ ጋዓኔ፤
\q ሱንፃኣ ዒዛኮ ቢያ ባኮ ማዤ ጎዳኬ።
\q
\v 36 ታኣኒ ዬያ ባኮ ዓይሢ ማዺሻ ዳምባ ዓታያ ማዔቴ፤
\q2 ዓካሪ ዒስራዔኤሌ ዜርፃ ታ ቤርታ ዴሬ ማዒ ናንጊና ናንጊፃ ዓታንዳኔ።
\q
\v 37 ዒዛኮ ዴራ፥ ዒስራዔኤሌ ማዼ ጎሞ ዛሎና ናንጊና ናንጋ ጎዳ ዔያቶ ኬኤራንዳኔ ጌይንታኒ ዳንዳዓሢ
\q2 ጫሪንጮኮ ዳልጉማ ዋርቂንቲ ዔርቲ
\q2 ሳዖኮዋ ማዢንቴ ካራ ቢያ ዛጊንቲ ዔርታኒ ዳንዳዒንቴቴ ሌሊኬ።
\q ዬያ ጌዔሢ ናንጊና ናንጋ ጎዳኬ።
\p
\v 38 ናንጊና ናንጋ ጎዳ ሂዚ ጋዓኔ፦ «ሃናኒዔኤሌ ኬኤሎ ካራፓ ዓርቃዖ ዴንዲ ኬኤሎ ዲፃ ዎላ ካኣማ ካሮ ሄላንዳኣና ዬሩሳላሜ ታ ካታማ ማዒ ማዢንታንዳ ዎዴ ዬዓንዳኔ። 
\v 39 ዬያኮ ዛጳ ኬኤሎ ዲፃ ዎላ ካኣማ ካራፓ ጋሬቤ ጌሜሮ ባንሢ ዴንዳያ ማዓዖ ዒኢና ጎዓ ባንሢ ዴንዳንዳኔ። 
\v 40 ሼምፓ ሃይቄ ባኮንታ ዲቢንፆንታ ላኣሎ ዶኦጫ ቢያ ዓባ ኬስካ ባንፆና ዴንዲ ፓራሢ ካሮ ሄላንዳኣና ጉቤ ናንጊና ናንጋ ጎዳም ዱማዼያ ማዓንዳኔ፤ ዬይ ካታማ ማይ ላሚ ሻሂንቲ ባይቃዓኬ።»
\c 32
\s1 ዔርሚያሴ ሳዖ ሻንቄሢ
\p
\v 1 ዪሁዳ ካኣቲ፥ ሴዴቂያሴ ካኣታዼንቴ ታጳሳ ሌዖና፤ ጊንሣ ሃሣ ባብሎኔ ካኣቲ ናብካዳናፆኦሬ ካኣታዼንቴ ታጶ ሳላሳ ሌዖና ናንጊና ናንጋ ጎዳ ታና፥ ዔርሚያሴም ሂዚ ጌይ ኬኤዜኔ፦ \x - \xo 32፡1 \xo*\xt 2ካኣቶ. ማ 25፡1-7።\xt*\x* 
\v 2 ዬና ዎዳ ባብሎኔ ካኣቲ፥ ናብካዳናፆኦሬኮ ዖሎ ዓሳ ዬሩሳላሜ ዖሊ ዓርቃኒ ሙኪ ማንጌ ዎዴኬ፤ ታኣኒ ዒማና ካኣቱሞ ማኣሮኮ ዲሮ ጋራ ቱኡሲ ዓሲ ማዒ ዓኣኔ፤ 
\v 3 ካኣቲ ሴዴቂያሴ ታና ዒኢካ ቱኪ ጌሤሢ፤ ጊንሣ ሃሣ ዎጎና ዓይሢሴሢ ናንጊና ናንጋ ጎዳ ታኣም ኬኤዜ ማሊፆ ዒዛም ታ ኬኤዜሢሮ ማዓዛ፥ ዬይ ሂዚ ጋዓያኬ፦ «ባብሎኔ ካኣቲ ሃኖ ካታሜሎ ዎልቄና ዓርቃንዳጉዲ ታኣኒ ዒዛም ዒንጋኒኬ፤ 
\v 4 ካኣቲ፥ ሴዴቂያሴ ቶላንዳ ካራ ባኣሴ፤ ዒዚ ባብሎኔ ካኣቲም ዓኣሢ ዒንጊንታንዳኔ፤ ዒዚ ካኣቲኮ ቤርታ ዔቂ ዬያ ካኣቲ ዛጋንዳኔ፤ ፔኤሮ ዒዚ ዒዛና ዎላ ጌስታንዳኔ። 
\v 5 ሴዴቂያሴ ባብሎኔ ዓጮ ዲዒንቲ ዔውታንዳኔ፤ ታ ሙኪ ዒዛኮ ጌኤዞ ጌስታንዳኣና ዒዚ ናንጋንዳኔ፤ ባብሎኔ ዓሶና ዒ ዖልታኒ ኮዔቴያ ዒዛም ሃናዓኬ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 6 ጊንሣ ሃሣ ናንጊና ናንጋ ጎዳ ሂዚ ጌዔኔ፦ 
\v 7 «ኔ ዓዶ ዒሾ ሻሉሜ ናኣዚ፥ ሃናሚዔኤሌ ቢኢኒያሜ ዓጫ ዓናቶቴይዳ ዓኣ ጎዦ ፔኤኮ ኔኤም ሻንቻኒ ኔ ኮይላ ዬዓንዳኔ፤ ኔ ዒዛኮ ዑኬ ዒጊኒታሢሮ ዬኖ ጎዦ ሻንቃኒ ኮይሳሢ ኔናኬ።» 
\v 8 ናንጊና ናንጋ ጎዳ ጌዔ ጎይፆና ታኣኒ ቱኡቲ ዓኣ፥ ካፓ ዓሳ ዎርቃ ኬኤፆ ሃናሚዔኤሌ ታ ኮይላ ሙካዖ፦ «ሻንቃኒ ኮይሳሢ ኔናታሢሮ ታኣኮ ጎዦ ሻንቄ» ጌዔኔ፤ ዬያሮ ታኣኒ ናንጊና ናንጋ ጎዳ ታኣም ዬያ ባኮ ኬኤዜያታሢ ዔሬኔ። 
\v 9 ዬኖ ጎዦ ሃናሚዔኤሌፓ ሻንቃኒ ቢሮ ታኣኒ ፓይዲ ዒንጌኔ፤ ዬና ጎዤላ ሻንቂንቴ ሚኢሻ ላምዖ ፄኤታ ጊራኣሜ ማዓያ ሹቺ ቢራኬ። 
\v 10 ዬያ ታኣኒ ሻንቄያ ማዒፆ ዔርዛ ማርካ ማዓ ዋርቃታ ፓራሚ ጊኢጊሼስካፓ ዖሼኔ፤ ኮይሳ ቢሮኮ ዴኤሡሞ ታኣኒ ዛጊ ዔሪ ዒንጌኔ። 
\v 11 ዬካፓ ዬያ ባኮ ፔቴይዳ ዓርቄያ ማሂ ማላቶ ዓይሢ ጊኢጊሾና ዋርቃቶ ዖሾናሢንታ ጉሮንታ ማላታ ዓይሢንቲባኣ ሻንቺፆ ዔርዛ ዋርቃቶናኮ ጊዳፓ ዔኪ ፃኣፖና ላምዖ ዋርቃታ ዔኪ፥ 
\v 12 ማሂሴያኮ ናኣዚ ናይ ማዔ ኔሪያ ናኣዚ ባኣሮኬም ታኣኒ ዒንጌኔ፤ ዬንሢ ዋርቃቶንሢ ታኣኒ ዒንጌሢ ሃናሚዔኤሌንታ ኮርሚንታ ዎዶና ማርካ ማዒ ፓራሜ ዓሶንታ ዒኢካ ጶኦካ ዓኣ ዓሶንታኮ ቤርታኬ፤ 
\v 13 ዬያ ዓሶ ቢያሢ ቤርታ ባኣሮኬም ታኣኒ ሂዚ ጌዔኔ፦ 
\v 14 «ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ሂዚ ጋዓኔ፤ ‹ዖሺንቴዞንታ ፔጋ ጴዻያ ማዔ ሻንቺፆ ዔርዛ ላምዖ ዋርቃቶንሢ ዔኪ ዖቲ ጋርካ ሚርጌ ዎዴ ዴዓንዳጉዲ ጌሤ፤› 
\v 15 ላሚ ጊንሣ ሃኖ ሳዖይዳ ማኣሪ፥ ጎሺንታ ዎይኔ ቱኮ ቤሲንታ ሻንቃኒ ዳንዳዒንታ ዎዴ ዬዓንዳኔ ጌዔኔ።»
\s1 ዔርሚያሴ ሺኢቄ ሺኢጲፆ
\p
\v 16 ዬያ ሻንቂፆ ዔርዛ ዋርቃቶ ኔሪያ ናኣዚ፥ ባኣሮኬም ታኣኒ ዒንጌስካፓ ሂዚ ጌይ ታኣኒ ሺኢቄኔ፦ 
\v 17 «ናንጊና ናንጋ ጎዳ ማዔ ፆኦዛሢዮ! ኔኤኮ ዼኤፖ ቢታንቶና ዎልቆና ኔኤኒ ጫሪንጮንታ ሳዖንታ ማዤኔ፤ ፔቴታዖ ኔና ባሻ ባኣዚ ባኣሴ፤ 
\v 18 ሚርጌ ሺያ ዴሬም ኔኤኮ ናንጊና ናንጋ ናሹሞ ኔኤኒ ፔጋሲ ዻዌኔ፤ ያዺ ማዔቴያ ዓዶንሢ ማዼ ጎሞሮ ኔኤኒ ናኣቶይዳ ሜቶ ዓጋኔ፤ ኔኤኒ ዼኤፒ፥ ሃሣ ዎልቄና ዓኣ ፆኦሲኬ፤ ኔኤኒ ቢያ ባኣዚ ዳንዳዓያ፥ ሱንፃኣ ኔኤኮ ቢያ ባኮ ማዤ ጎዳኬ፤ 
\v 19 ኔኤኒ ማሊ ቱካ ማሊፃ ዼኤፒኬ፤ ኔኤኮ ማዻኣ ፑኡፒኬ፤ ዓሲ ማዢንቲ ቢያ ማዻ ባኮ ኔኤኒ ዛጋኔ፤ ፔቴ ፔቴ ዓሶም ዓሳ ሃንታ ጎይፆና ማዻ ማዾ ጎይፆ ኔኤኒ ኮይሳ ባኮ ዒንጋኔ። 
\v 20 ሚና ጊብፄ ዓጮይዳ ኔ ዎልቄና ማዺንታ ዓኪ ባኣዚና ሄርሺሳ ባኣዚያ ኔኤኒ ማዼኔ፤ ሃሢ ሄላንዳኣና ዬያ ዓኮ ዲቃሢ ሄርሺሳ ባኮ ዒስራዔኤሌ ዴሮንታ ሜሌ ዴሮንታ ባኣካ ማዺፆ ኔኤኒ ሃሺባኣሴ፤ ዬያሮ ቢያ ቤዞይዳ ሱንፃ ኔኤኮ ሄርሺንቲ ዼኤፔኔ። 
\v 21 ዲቃሢ ሄርሺሳ ማዾዋ ማዺ ኔ ዎልቆና፥ ሃሣ ኔኤኮ ዼኤፑሞና፤ ዬያጉዲ ሃሣ ኔኤኮ ዒጊቻያ ማዔ ቦንቾና ኔኤኮ ዴሮ ዒስራዔኤሌ ጊብፄ ዓጫፓ ኔኤኒ ኬሴኔ፤ 
\v 22 ዔያቶኮ ቤርታኣ ዓዶንሢም ኔኤኒ ጫኣቄ ጎይፆጉዴያና ሃኖ ዔኤቢ ቢያ ኩሜ ማሎ ዓጬሎ ኔ ዔያቶ ዻካልሴኔ። 
\v 23 ጋዓንቴ ዔያታ ሃኖ ዓጮ ሙኪ ዻካሌስካፓ ኔኤኮ ቃኣሎም ዓይሢንቲፆና ኔኤኒ ዔያቶ ዔርዜ ዎጎና ዶዲ ናንጊፆ ዒፄኔ፤ ኔ ዔያቶ ዓይሤ ባኮ ቢያ ዔያታ ማዺ ኩንሢባኣሴ፤ ዬያይዳፓ ዔቄያና ዬያ ቢያ ባይሲንቶ ኔ ዔያቶይዳ ኬይሴኔ።
\p
\v 24 «ሃይሾ፥ ባብሎኔ ዓሳ ካታሜሎ ዓርቃኒ ዓጪ ዋርዲያ ማሂ ኩሊ ማንጊሢዳኬ፤ ዖልዚ፥ ናይዚንታ ዱማ ዱማ ዶርዖንታ ዔያቶ ባብሎኔ ዓሶ ኩጮ ጋሮ ጌልዛንዳኔ፤ ኔኤኒ ጌዔ ባካ ቢያ ማዺንቲ ኩማንቴ ኔኤኒ ዛጋንዳኔ፤ 
\v 25 ናንጊና ናንጋ ጎዳ ማዔ ፆኦዛሢዮ! ካታሜሎ ባብሎኔ ዓሳ ዓርቃኒ ዑካዛ ማርካዻ ጪሞ ቤርታ ጎዦ ታኣኒ ሻንቃንዳጉዲ ዓይሤሢ ኔናኬ።»
\p
\v 26 ናንጊና ናንጋ ጎዳ ታኣም ሂዚ ጌዔኔ፦ 
\v 27 «ዓሲ ዜርሢ ቢያኮ ፆኦሲ ማዔ ናንጊና ናንጋ ጎዳሢ ታናኬ፤ ታና ባሻ ባኣዚ ፔቴታዖ ዓኣኖ? 
\v 28 ሃኖ ካታሜሎ ባብሎኔ ዓሶና ዔያቶኮ ካኣታሢ ናብካዳናፆኦሬናም ታኣኒ ዓኣሢ ዒንጋንዳኔ፤ ዒዚያ ዒዞ ዓርቃንዳኔ። \x - \xo 32፡28 \xo*\xt 2ካኣቶ. ማ 25፡1-11፤ 2ፆኦሲ. ዓሃኬ 36፡17-21።\xt*\x* 
\v 29 ሃኖ ካታሜሎ ማንጌ ባብሎኔ ዓሳ ሙኪ ታሚና ካታሞ ሚቻንዳኔ፤ ዬያጉዲ ሃሣ ታና ዻጋሳኒ ዔያቶኮ ማኣሮ ዑፆይዳ ባዓኣሌ ጌይንታ ፆኦዞም ዑንጆ ዔያታ ጩቢሻሢንታ ሜሌ ፆኦዞማኣ ዔያታ ዑዦ ዒንጋ ኬኤፆዋ ታሞና ዬይ ዓሳ ሚቻንዳኔ። 
\v 30 ዒስራዔኤሌ ዴሮንታ ዪሁዳ ዴሮንታ ዴሬ ማዒ ዶዴማፓ ዓርቃዖ ፑርታ ማዺሢፓዓቴም ፔቴታዖ ኮሺ ባኣዚ ማዻያ ባኣሴ። ዒስራዔኤሌ ዴራ ፔ ኩጮና ኮሻ ፆኦዞ ዛሎና ታና ዻጋሲሢፓ ዓታዛ ፔቴታዖ ሜሌ ማዼ ባኣዚ ባኣሴ። 
\v 31 ሃና ካታሜላ ማዢንቴማፓ ዓርቃዖ ዴራ ታና ሚርጌና ዻጋሴሢሮ ሃኖ ካታሜሎ ባይዛኒ ታኣኒ ዚርቂ ዔቄኔ። 
\v 32 ዒስራዔኤሌንታ ዪሁዳንታ ዴራ፥ ዔያቶኮ ካኣታ፥ ቢታንታ ዓኣ ዓሳ፥ ዔያቶኮ ቄኤሶንታ ታ ማሊፆ ኬኤዛኔ ጋዓ ዓሳ፥ ዪሁዳ ዓሶንታ ዬሩሳላሜይዳ ናንጋ ዓሳ ማዼ ፑርቶ ባኮና ቢያ ታኣኮ ዻጎ ዔያታ ዔቂሴኔ። 
\v 33 ዔያታ ታና ሃሺ ዴንዴኔ፤ ቢያ ዎዴ ላሚ ላሚ ታ ዔያቶም ኬኤዜቴያ ዔያታ ዋይዚባኣሴ፤ ታኣኒ ጎሪ ዞራ ዞሮዋ ዔያታ ዔኪባኣሴ፤ 
\v 34 ዬያ ሌሊቱዋንቴ ታኣኮ ሱንፃ ዔኤሊንቲ ካኣሽኪንታንዳጉዲ ማዢንቴ ጌኤዦ ማኣሮይዳ ሻኣካያ ማዔ ፆኦዞ ዔያታ ጌልዚ ዔቂሲ ዒኢሴኔ። \x - \xo 32፡34 \xo*\xt 2ካኣቶ. ማ 23፡10፤ ዔር. 7፡30-31፤ 19፡1-6።\xt*\x* 
\v 35 ዔያቶኮ ዓቲንቆ ናኣቶና ዉዱሮ ናኣቶና ሞሎኬ ጌይንታ ፆኦዞም ዒንጎ ባኣዚ ማሂ ሺኢሻኒ ሄኖሜ ዶኦጮይዳ ባዓኣሌም ዒንጎ ባኣዚ ዒንጎ ቤሲ ዔያታ ኮሼኔ፤ ዔያታ ዬያይዳንዳጉዲ ታኣኒ ዔያቶ ዓይሢባኣሴ፤ ዪሁዳ ዴሮዋ ዻቢሲ ጎሜይዳ ጌልዛኒ ዔያታ ዬያይዳንዳኔ ጌይ ታኣኒ ማሊባኣሴ።» \x - \xo 32፡35 \xo*\xt ሌዊ. ዓኬ 18፡21፤ 2ካኣቶ. ማ 23፡10፤ ዔር. 7፡31።\xt*\x*
\s1 ጉሙርሳያ ማዒ ኬኤዚንቴ ባኣዚ
\p
\v 36 ዒስራዔኤሌ ፆኦዛሢ ማዔ ናንጊና ናንጋ ጎዳ ሂዚ ጋዓኔ፦ «ዔርሚያሴ! ዴራ፥ ‹ሃኖ ካታሞ ዖልዚንታ ናይዚንታ ዱማ ዱማ ዶርዖንታ ባብሎኔ ካኣቲ ኩጮ ጋሮ ጌልዛኒኬ› ኮዓኔ፤ ጋዓንቴ ታኣኒ ጋዓ ሜሌ ባኣዚ ሃሣ ዋይዜ፤ 
\v 37 ታሚጉዲ ታኣኮ ዔኤታ ዼኤፖ ዻጎና ታኣኒ ዜርቄ ዴሮ ታኣኒ ዜሬ ዓጫፓ ቢያ ጊንሣ ዔኪ ዬይ ቡኩሳንዳኔ፤ ኮሺናኣ ታ ዔያቶ ናንጊሻንዳኔ። 
\v 38 ዔያታ ታኣኮ ዴሬ ማዓንዳኔ፤ ታኣኒያ ዔያቶኮ ፆኦሲ ማዓንዳኔ፤ 
\v 39 ፔቴ ማሊሢ ዔያቶኮ ዓኣያ ታኣኒ ማሃንዳኔ፤ ዬያ ታኣኒ ማዻንዳሢ ዔያቶንታ ዔያቶኮ ናኣቶንታ ቢያ ታና ቦንቻንዳጉዲኬ፤ ዬይ ዔያቶም ኮሺ ባኣዚ ማዓንዳኔ። 
\v 40 ዔያቶና ዎላ ናንጊና ናንጋ ጫኣቁሞ ታኣኒ ጫኣቃንዳኔ፤ ዔያቶም ኮሺ ባኣዚ ማዺሢ ታኣኒ ሃሻዓኬ፤ ጎኔና ዔያታ ታና ዒጊጫንዳጉዲ ታኣኒ ማሃንዳኔ። ዬካፓ ዔያታ ዓኣፖ ካሮ ሜሌ ባንሢ ሺርሻዓኬ። 
\v 41 ታኣኒያ ዔያቶም ኮሺ ባኣዚ ማዺሢና ዎዛዻንዳኔ፤ ታኣኒ ታ ሼኔና ሃኖ ዓጮይዳ ጎኔና ማዢ ዔያቶ ዶዲሻንዳኔ።
\p
\v 42 «ሃያ ዴሮይዳ ሃያ ባይሲንቶ ጉቤ ዔኪ ታኣኒ ዬዔሢጉዲ፥ ጊንሣ ሃሣ ታኣኒ ዔያቶም ጫኣቄ ኮዦ ባኮዋ ዒንጋንዳኔ፤ 
\v 43 ‹ሳዔላ ባብሎኔ ዓሶም ዒንጊንቴሢሮ ዓሲንታ ቆልሞንታ ናንጉዋ ጉሪ ሳዓ ማዓንዳኔ› ዒንሢ ጌዔ፥ ሃኖ ሳዔሎይዳ ጎሺ ሻንቂሢና ሻንቺሢና ጊንሣ ዓርቂንታንዳኔ። 
\v 44 ዴራ ጎሺ ፔኤኮ ሻንቃንዳኔ፤ ሻንቺፆ ዔርዛ ዋርቃታኣ ፓራሚንቲ ማርኮ ዓሶ ቤርታ ዖሺንታንዳኔ፤ ዬይ ባካ ቢያ ቢኢኒያሜ ዓጮይዳ ዬሩሳላሜ ካታሞ ኮይላ ዓኣ ጉርዶይዳ፥ ዪሁዳኮ ኮይላ ኮይላ ዓኣ ዻኮ ካታሞይዳ፥ ጌሜራዻ ቤዞይዳ ዓኣ ካታሞይዳ፥ ጌሜሮ ዴሞና ዪሁዳኮ ዾኦሎ ዛሎ ዓጮናይዳ ቢያ ማዺንታንዳኔ። ዴራ ቢያ ፔ ዓጮ ማዒ ሙኪ ፔኤኮ ዓኣ ቆሎ ዔካንዳጉዲ ታኣኒ ማሃንዳኔ።»
\c 33
\s1 ዴራ ፔ ዓጮ ማዓንዳያታሢ ኬኤዚንቴሢ
\p
\v 1 ካኣቱሞ ማኣሮኮ ዲሮ ጋራ ታኣኒ ቱኡሲ ዓሲ ማዒ ዓኣ ጎይሣ ዓኣንቴ ናንጊና ናንጋ ጎዳ ሂዚ ጋዓ ቃኣላ ታኣም ኬኤዜኔ፤ 
\v 2 ሳዖ ማዤሢና ጊኢጊሼሢ፥ ኮሺ ማዒ ዴዓንዳጉዲያ ማሄ ናንጊና ናንጋ ጎዳሢ ታኣም ሂዚ ጌዔኔ፤ ሱንፃ ዒዛኮ ናንጊና ናንጋ ጎዳኬ፤ 
\v 3 ዒዚ ሂዚ ታኣም ጌዔኔ፦ «ታ ባንሢ ዒላቲ ታኣም ኬኤዜ፤ ታ ኔኤም ኔ ኮዓ ባኮ ማሃንዳኔ፤ ሃያኮ ቤርታ ኔኤኒ ዔሩዋኣያ፥ ዓሲ ጋፒሲ ዔራኑዋ ዼኤፒ ዼኤፒ ባኣዚ ፔጋሲ ታ ኔና ዻዋንዳኔ። 
\v 4 ሞርካ ሙኪ ማንጌሢሮ፥ ሃሣ ዖላሢሮ ዬሩሳላሜ ካታሞይዳ ዓኣ ማኣሮንታ ዪሁዳኮ ካኣቶ ማኣሮንታ ሻሂንቲ ዶዓንዳኔ፤ 
\v 5 ዔያቶኮ ፑርቱሞፓ ዔቄያና ታኣኒ ታ ዓኣፖ ካሮ ሃኖ ካታሜሎፓ ሺርሼሢሮ ዴሮ ባኣካፓ ዔያታ ባብሎኔ ዓሶና ዖልታኣና ታኣኮ ዻጎና፤ ጊንሣ ሃሣ ታ ዔያቶይዳ ዓጋንዳ ፑርቶ ባኮና ታ ዎዻንዳ ዓሶኮ ሌዛ ማኣሮ ማኣሮ ኩማንዳኔ። 
\v 6 ያዺ ማዔቴያ ሃኖ ካታሞና ዴሮና ታኣኒ ጊንሣ ፓሣንዳኔ፤ ዒቢሎዋ ታኣኒ ዔያቶኮ ማሃንዳኔ፤ ቢያ ቤዞይዳ ሼምፔና ዴይሢ ኮሺ ናንጊያ ታኣኒ ዔያቶ ናንጊሳንዳኔ፤ 
\v 7 ዪሁዳና ዒስራዔኤሌናኮ ዲዒ ዔኪ ዓኣዾና ዓሶ ጊንሣ ታኣኒ ማሃንዳኔ፤ ቤርታ ዔያታ ዓኣ ጎይፆ ጊንሣ ዒማይዲ ማሂ ታኣኒ ዔያቶ ጊኢጊሻንዳኔ። 
\v 8 ታኣኮ ዎጎ ዔያታ ካፖ ዒፂ ማዼ ጎሞ ቢያ ታ ዔያቶኮ ጌኤሻንዳኔ፤ ዔያቶኮ ዻቢንቶና ዋይዞ ዒፂፆና ቢያ ታኣኒ ዓቶም ጋዓንዳኔ። 
\v 9 ዬሩሳላሜም ታኣኒ ማዻ ኮዦ ማዻ ቢያ ዬያ ባኮ ዋይዛ ዴራ ታና ዼኤፒሳንዳጉዲ፥ ቦንቻንዳጉዲ፥ ጋላታንዳጉዲ ማሃንዳኔ፤ ዬሩሳላሜ ዴሮም ታኣኒ ማዻ ኮዦ ባኮና ካታሜሎም ታኣኒ ዔኪ ሙካ ዖርጎቹሞንታ ኮሹሞንታ ዋይዛ ዎዶና ዴራ ቢያ ዒጊቹሞና ጎጋይቃንዳኔ።»
\p
\v 10 ናንጊና ናንጋ ጎዳ ሂዚ ጋዓኔ፦ «ዔርሚያሴ! ‹ሃኖ ዓጬሎይዳ ዓሲታቴያ ቆልሞ ናንጊንዱዋ ጉሪ ቤሲ ማዓንዳኔ› ኔ ጌዔኔ፤ ጎኔኬ ዪሁዳ ካታሞና ዬሩሳላሜ ካታሞ ጎይፆናይዳ ዓሲንታ ቆልሞንታ ባኣያ ጉሪ ቤሲ ማዔኔ፤ ፔቴ ኬሊ ጋዓንቴ ዬያ ቤዞይዳ ዎዛና ዒላሺሢ ዑኡሲና ዋይዚንታንዳኔ፤ 
\v 11 ዬኖ ቤዞይዳ ዎዛ ዑኡሲንታ ዔፒንታ ኮሢንታኮዋ ዑኡሲ ጊንሣ ዋይዚንታንዳኔ፤ ዲዒንቲ ዴንዴ ቤዛፓ ማዔ ዓሶም ዔያቶኮ ዓኣ ቆሎ ታኣኒ ማሃንዳሢሮ ጋላታ ዒንጎ ባኣዚ ማሂ ዒንጋኒ ታኣኮ ጌኤዦ ማኣሪ ዔያታ ሙካ ዎዶና፦ ‹ቢያ ባኮ ዎይሣ ጎዳሢ ጋላቱዋቴ፤ ዒዚ ኮሺኬ፤ ናሹማ ዒዛኮ ናንጊና ናንጋያኬ› ጌይ ጌይ ዼግ ጌዔ ዑኡሲና ዔያታ ዓይናዻንዳኔ፤ ዬያ ጌዔሢ ታና፥ ናንጊና ናንጋ ጎዳኬ።» \x - \xo 33፡11 \xo*\xt 1ፆኦሲ. ዓሃኬ 16፡34፤ 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 100፡5፤ 106፡1፤ 107፡1፤ 118፡1፤ 136፡1።\xt*\x*
\p
\v 12 ቢያ ባኮ ዎይሣ ጎዳ ሂዚ ጋዓኔ፦ «ዓሲታቴያ ቆልሞ ናንጉዋ ዳውሎ ቦኦሎ ማዔ ሃኖ ሳዔሎይዳ ሄንቃ ዓሳ ቆልሞ ሄንቃንዳ ቤሲ ዓኣያ ማዓንዳኔ። 
\v 13 ጌሜራዻ ቤዞይዳ ዓኣ ካታሞይዳ፥ ጌሜሮ ዴሞና ዪሁዳኮ ዾኦሎ ዛሎ ካታሞይዳ፥ ቢኢኒያሜ ዓጮ ማዔ ካታሞይዳ፥ ዬሩሳላሜኮ ኮይላ ዓኣ ጉርዶና ዪሁዳይዳ ዓኣ ዻኮ ዻኮ ካታሞንታይዳ ቢያ ቆልሞ ሄንቃ ዓሳ ማራቶ ፔኤኮ ቤርታኣሲ ጎይፆ ጊንሣ ኬሲ ሄንቃንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 14 ናንጊና ናንጋ ጎዳ ሂዚ ጋዓኔ፦ «ዒስራዔኤሌና ዪሁዳ ዴሮናም ሃጊ ማዓ ዎዛ ማሂ ኬኤዜ ቃኣላ ኩማንዳ ዎዳ ዑኬኔ፤ \x - \xo 33፡14 \xo*\xt ዔር. 23፡5-6።\xt*\x* 
\v 15 ዬኖ ዎዶና ዳውቴ ዜርፃፓ ማዔያ፥ ፔቴ ፂሎ ካኣቲ ታኣኒ ዶኦማንዳኔ፤ ዬይ ካኣታሢ ዓጬሎይዳ ፒዜ ማዔ ባኣዚ ማዻንዳኔ፤ ፒዜ ዎጌያኣ ዎጋንዳኔ። 
\v 16 ዪሁዳና ዬሩሳላሜና ዴራ ፔኤኮ ሞርኮ ኩጫፓ ቶሊ ኮሺ ናንጋንዳኔ። ዬኖ ካታሜሎኮ ሱንፃ፦ ‹ኑኡም ፂሎ ባኣዚ ማዻ ናንጊና ናንጋ ጎዳ› ጌይንታንዳኔ፤ 
\v 17 ዳውቴ ዜርፃፓ ዒስራዔኤሌይዳ ካኣታዻንዳ ካኣቲ ፔቴታዖ ባይቂንዱዋኣሢ ታኣኒ፥ ናንጊና ናንጋ ጎዳ ኬኤዜኔ፤ \x - \xo 33፡17 \xo*\xt 2ሳሙ. 7፡12-16፤ 1ካኣቶ. ማ 2፡4፤ 1ፆኦሲ. ዓሃኬ 1፡11-14።\xt*\x* 
\v 18 ዬያጉዲ ሃሣ ሚቺ ዒንጎ ዒንጊሢንታ ሃኣኮ ዒንጊፆንታ ሜሌ ዒንጎ ባኮዋ ዒንጊ ታኣም ማዻንዳ ቄኤሴ ሌዊ ፃጳፓ ፔቴታዖ ባይቃዓኬ።» \x - \xo 33፡18 \xo*\xt ፓይ. ማፃ 3፡5-10።\xt*\x*
\p
\v 19 ናንጊና ናንጋ ጎዳ ታኣም ሂዚ ጌዔኔ፦ 
\v 20-21 «ታ ዓይላሢ ዳውቴ ቤዛ ካኣታዻንዳ ናይ ታኣኒ ዒዛም ዒንጋንዳያታሢ ጫኣቄሢንታ ታ ዓይላ፥ ሌዊ ዓሳ ታኣም ማዻንዳጉዲ ኑ ዎላ ጫኣቄ ጫኣቁሞንታ ሃሺንታኒ ዳንዳዓሢ ሮኦሮና ዋንቶና ዔያታ ማዻንዳጉዲ ጌይንቴ ዓቦና ታ ዔያቶም ኬሴ ዳምቦ ዒንሢ ባኣካፓ ማዺ ኩንሡዋዖ ሃሻኒ ዳንዳዓ ዓሲ ኬስኬያታቴኬ። 
\v 22 ዬያሮ ታ ዓይላሢ ዳውቴ ዜርፆና ሌዊ ፃጶ ማዔ ቄኤሶናኮ ፓይዶ ታኣኒ ሚርጊሻንዳኔ፤ ዬይ ዔያቶኮ ፓይዳ ፓይዲንታኒ ዳንዳዑዋ ባዞ ማኣሻሎና ጫሪንጮ ዦኦጋሢጉዲ ማዓንዳኔ።»
\p
\v 23 ናንጊና ናንጋ ጎዳ ታኣም ሂዚ ጌዔኔ፦ 
\v 24 «ዬይ ዴራ ‹ዒዚ ዶኦሬ ዬያቶ ላምዖ ካኣቶ ናንጊና ናንጋ ጎዳ ሃሼኔ› ጌይ ታኣኮ ዴሮ ቦሂ ዓሲኬ ዔያቶ ጎዑዋኣሢ ኔ ዛጊባኣዓዳ?» 
\v 25 ሄሊሳዖ ሃሣ ናንጊና ናንጋ ጎዳ ሂዚ ጌዔኔ፦ «ሮኦሮና ዋንቶና ዎሊም ቤሲ ጌሣንዳጉዲ፥ ጫሪንጮና ሳዖናኮዋ ናንጊና ናንጋ ዳምቤ ዓኣያ ማዓንዳጉዲ ጫኣቂ ዶዲሼሢ ታናኬ፤ ዬያ ታኣኒ ማዺባኣያ ማዔቴ፥ 
\v 26 ያይቆኦቤንታ ታ ዓይላሢ ዳውቴ ዜርፆዋ ታኣኒ ሃሼኔ ጌይሢኬ፤ ያዺ ማዓያታቴ ታ ዓይላሢ ዳውቴም ዓብራሃሜና ዪሳኣቄና ያይቆኦቤና ዜርፆፓ ዒዛ ቤዛ ካኣታዻንዳ ናይ ፔቴታዖ ታኣኒ ኬሳዓኬ ጌይሢኬ። ያዺቱዋንቴ ታኣኒ ዔያቶ ማኣራንዳኔ፤ ዔያቶኮ ዲዒንቲ ዔውቴ ባኮዋ ታኣኒ ማሃንዳኔ።»
\c 34
\s1 ሴዴቂያሴ ዛላ ኬኤዚንቴ ፆኦሲ ማሊሢ
\p
\v 1 ባብሎኔ ካኣቲ፥ ናብካዳናፆኦሬና ዒዛኮ ዖሎ ዓሶና ዒዚ ካኣታዺ ዎይሣ ዓጮ ካኣቶንታ ዴሮንታ ዒዛ ማኣዴም ዬሩሳላሜ ካታሞና ኮይሎ ካታሞዋ ዖላ ዎዶና ናንጊና ናንጋ ጎዳ ታኣም ሂዚ ጌይ ኬኤዜኔ። \x - \xo 34፡1 \xo*\xt 2ካኣቶ. ማ 25፡1-11፤ 2ፆኦሲ. ዓሃኬ 36፡17-21።\xt*\x* 
\v 2 ታኣኒ ዪሁዳ ካኣቲ ሴዴቂያሴ ኮይላ ዴንዲ ሂዚ ጌይ ኬኤዛንዳጉዲ ዒስራዔኤሌኮ ፆኦዛሢ ማዔ ናንጊና ናንጋ ጎዳ ታና ዓይሤኔ፦ «ታኣኒ፥ ናንጊና ናንጋ ጎዳ ሃኖ ካታሜሎ ባብሎኔ ካኣቲም ዓኣሢ ዒንጋንዳኔ፤ ዒዚ ዒዞ ታሚና ሚቻንዳኔ። 
\v 3 ኔኤኒ ቶላኒ ዳንዳዑዋሴ፤ ኔኤኒ ዲዒንቲ ዔውታንዳኔ፤ ዒዛ ኩጫ ኔኤኒ ዓዺንታንዳኔ፤ ዒዛኮ ቤርታ ዔቂ ኔ ዒዛ ዛጋንዳኔ፤ ዒዚ ኔኤና ዎላ ጌስታንዳኔ፤ ዬካፓ ኔኤኒ ባብሎኔ ዓኣዻንዳኔ። 
\v 4 ሴዴቂያሴ! ናንጊና ናንጋ ጎዳ ጋዓ ባኮ ዋይዜ፤ ኔኤኒ ዖልዚዳ ሃይቃዓኬ፤ 
\v 5 ኮሺ ሃይቢ ኔኤኒ ሃይቃንዳኔ፤ ኔኤኮ ቤርታ ካኣታዼ፥ ኔኤኮ ቤርታኣ ዓዶንሢ ሃይቄ ዎዶና ዴራ ዔያቶ ቦንቺ ታሞ ዔኤሣሢጉዲ ኔኤማኣ ኔና ቦንቺ ታሞ ዔኤሣንዳኔ፤ ‹ኑ ካኣቲዮ ኔና ዎኦ!› ጌይ ጌይ ኔና ዬኤካንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 6 ዬያ ፆኦሲ ማሊፆ ዪሁዳ ካኣቲ ሴዴቂያሴም ታኣኒ ዬሩሳላሜይዳ ኬኤዛኣና፥ 
\v 7 ባብሎኔ ካኣቲኮ ዖሎ ዓሳ ዬሩሳላሜንታ፤ ጊንሣ ዬካፓኣ ዓኣዺ ዪሁዳይዳ ዙሎ ኬኤሎ ዲፆና ዲርቂ ዋርዲዮና ካታሞፓ ዓቲ ዓኣ ላኪሼና ዓዜቃ ጌይንታ ካታሞ ዖሊ ዖሊ ዓኣኔ።
\s1 ዓይላቶፓ ኬስኪሢ ዛላ
\p
\v 8 ዓይሌ ማዒ ናንጊሢ ዓታንዳጉዲ ዴሮም ኬኤዛኒ ሴዴቂያሴ ዬሩሳላሜ ዴሮና ዎላ ቡኪ ጌስቲ ጊኢጌስካፓ ናንጊና ናንጋ ጎዳፓ ሂዚ ጋዓ ቃኣላ ታኣም ኬኤዚንቴኔ። 
\v 9 ዬይ ዔያታ ጌስቴ ባካ፦ ዔብሬ ዓሲ ማዔያታዖ ዔብሬ ዓሲ ዓይሌ ማሂ ዎይሣ ዓይሎ ቢያ፤ ዓቲንቄንታ ላኣሊንታ ጎዑዋዖ ዓይላቶ ናንጎ ሃሺሳንዳጉዲኬ፤ ዓይጎ ዓሲያኣ ማዖም ዒስራዔኤሌ ፃጲ ማዔይ ፔ ዒጊኖ ዓይሌ ማሂ ዎይሡዋጉዲ ዔያታ ዎላ ጌስቲ ዔቂሴኔ። 
\v 10 ዴሮንታ ሱኡጎንታ ቢያ ዒማና ፔኤኮ ዓይሎ ዓይላታፓ ኬሲ ሃሻኒና ጊንሣ ሺሪ ዓይሌ ማሂ ዔኪንዱዋኣያ ማዒፆዋ ዎላ ጌስቲ ዔኤዔኔ፤ ዬያ ዔያታ ጌስቲ ጊኢጌ ጎይፆና ቢያ ዓይሎ ዔያታ ዓይላታፓ ኬሴኔ፤ 
\v 11 ጋዓንቴ ዻካ ጋዓዖ ዔያታ ፔ ማሊፆ ሺርሺ ዬያ ዓሶ ጊንሣ ዓይሌ ማሂ ዎይሣኒ ዎልቃዺሢ ዓርቄኔ።
\p
\v 12 ዬካፓ ዔርሚያሴም ናንጊና ናንጋ ጎዳይዳፓ ሂዚ ጋዓ ቃኣላ ኬኤዚንቴኔ፦ 
\v 13 ዒስራዔኤሌ ፆኦዛሢ ማዔ ናንጊና ናንጋ ጎዳ ሂዚ ጋዓኔ፤ «ታኣኒ ታ ቶኦኪና ዒንሢኮ ቤርታኣ ዓዶንሢ ጊብፄ ዓጫፓ፥ ዓይላቶ ናንጋፓ ዓውሲ ኬሴ ዎዶና ሂዚ ጌይ ታ ዔያቶና ዎላ ጫኣቄኔ። 
\v 14 ዬያ ጫኣቁሞ ጎይፆና ፔ ፃጶ ማዔ፥ ዔብሬ ዓሲ ዓይሌ ማሂ ዔኪ ዎይሣ ዓሲ ቢያ ላሆ ሌዔ ማዼስካፓ ላንካሳ ሌዖና ዓይላታፓ ኬሳንዳጉዲ ታኣኒ ዓይሤኔ፤ ጋዓንቴ ዒንሢኮ ቤርታኣ ዓዶንሢ ታኣም ዓይሢንታኒና ታ ጋዓ ባኮ ዋይዛኒያ ኮይባኣሴ፤ \x - \xo 34፡14 \xo*\xt ኬሲ. ማፃ 21፡2፤ ላሚ. ዎማ 15፡12።\xt*\x* 
\v 15 ሃይሾ ዒንሢያ ሃሢ ዻካ ኬሊኮ ቤርታ ዒንሢ ማዻ ማዻ ዻቢንቲ ማዔሢ ዔሪ ታና ዎዛሳ ማዾ ማዺሢ ዓርቄዖኬ፤ ዒንሢ ዎዎዴይ፦ ቢያሢ ዒስራዔኤሌ ፃጲ ማዔ፥ ዒንሢ ዒጊኖ ዓይላታፓ ኬሳኒ ዎላ ጌስቲ ጊኢጌኔ፤ ታኣኒ ካኣሽኪንታ ጌኤዦ ማኣሮይዳ ቡኪ ታ ቤርታ ዒንሢ ጫኣቄኔ፤ 
\v 16 ጋዓንቴ ዒንሢ ጊንሣ ዒንሢኮ ማሊፆ ሺርሺ ቦርሲሳ ማዾ ማዼኔ፤ ዒንሢ ዎዎዴይ ጌዔቴ፦ ዒንሢ ቢያሢ ዒንሢ ሼኔና ጉሪ ሃሼ ዓይሎ ጊንሣ ዔኪ ዎይሥሢ ዓርቄኔ። 
\v 17 ዓካሪ ዋይዙዋቴ፤ ታኣኒ፥ ናንጊና ናንጋ ጎዳ ዒንሢማኣ ሂዚ ጋዓኔ፦ ‹ታኣም ዒንሢ ዓይሢንቲባኣሴ፤ ዒንሢ ዒጊኖ ማዔ ዒስራዔኤሌ ዓሶ ዓይላታፓ ዒንሢ ኬሲባኣሴ፤› ዬያሮ ዖልዚ፥ ናይዚንታ ፑርታ ዶርዓኣ ዒንሢ ኩርሳንዳጉዲ ታኣኒ ሃሻንዳኔ፤ ዒንሢዳ ታ ማዻ ባካ ዓጪ ዴሬ ቢያኮ ዑስካ ጌላንዳጉዲ ታኣኒ ማሃንዳኔ። 
\v 18 ዒንሢኮ ዓይሎ ዒንሢ ሃሻኒ ታ ቤርታ ጫኣቄ ዎዶና ፔቴ ናኣሪ ላምዖ ቤሲ ቲቂ ዬያኮ ባኣኪና ዒንሢ ዓኣዼኔ፤ ጋዓንቴ ዒንሢ ዬያ ጫኣቁሞንታ ታኣኒያ ዒስራዔኤሌ ዴሮና ዎላ ጫኣቄ ጫኣቁሞዋ ኬኤሪ ሃሼኔ፤ ዬያሮ ዒንሢ ናኣሮማ ማዼ ጎይፆ ታኣኒያ ዒንሢዳ ዒማይዳንዳኔ። 
\v 19 ዪሁዳና ዬሩሳላሜናኮ ዼኤፖ ዼኤፖ ዓሶንታ ካኣቱሞ ማኣራ ቢታንቶና ዓኣ ዓሶንታ ቄኤሶንታ ዬያ ናኣሮ ላምዖ ቤሲ ቲቃዖ ዬያይዴና ሃንቲ ዴንዴ ዬኖ ዓጮ ዴሮዋ ቢያ፥ 
\v 20 ዔያቶ ዎዻኒ ኮዓ፥ ዔያቶኮ ሞርኮም ታ ዔያቶ ዓኣሢ ዒንጋንዳኔ፤ ዔያቶኮ ሌዞ ቢያ ካፖና ካዮ ቦዖና ሙዓንዳኔ።
\p
\v 21 «ዪሁዳ ካኣቲ ሴዴቂያሴና ቢታንታ ዓኣ ዓሶና ቢያ ዔያቶ ዎዻኒ ኮዓ ሞርኮም ታኣኒ ዓኣሢ ዒንጋንዳኔ፤ ታ ዒንሢ ዓኣሢ ዒንጋንዳሢ ዒንሢ ዖሊፆ ዻካሮ ሃሼ፥ ባብሎኔኮ ዖሎ ዓሶምኬ።
\p
\v 22 «ታኣኒ ዔያቶ ዓይሣንዳኔ፤ ዔያታ ሃኖ ካታሞ ጊንሣ ማዒ ሙካንዳኔ፤ ዬካፓ ዔያታ ዖሊ ዓርቄስካፓ ታሚና ሚቻንዳኔ፤ ዪሁዳይዳ ዓኣ ካታሞ ቢያ ዓይጎ ዓሲያኣ ናንጉዋ ቤሲ ታኣኒ ማሃንዳኔ። ዬያ ጌዔሢ ታና፥ ናንጊና ናንጋ ጎዳኬ።»
\c 35
\s1 ሬካባ ዓሶኮ ጉሙርቂንቲፆ
\p
\v 1 ዒዮሲያሴ ናኣዚ፥ ዒዮዓቄሜ ዪሁዳይዳ ካኣታዼ ዎዶና ናንጊና ናንጋ ጎዳ፦ \x - \xo 35፡1 \xo*\xt 2ካኣቶ. ማ 23፡36—24፡6፤ 2ፆኦሲ. ዓሃኬ 36፡5-7።\xt*\x* 
\v 2 «ሬካባ ዓሶ ማኣሮ ዓሶ ኮይላ ዴንዲ ዔያቶና ጌስቴ፤ ዬካፓ ጌኤዦ ማኣሮኮ ዓኣ ቆልዖፓ ፔቴይዳ ዔያቶ ጌልዚ ዔያታ ዑሽካንዳ ዎይኔ ዑሺ ዔያቶም ዒንጌ» ጌይ ታኣም ኬኤዜኔ። 
\v 3 ዬያሮ ታኣኒ ዔርሚያሴ ናኣዚ ዬዓዛኒያንታ ሃባዲኒያ ናኣዚንታ ጌርሲንሢንታ ዔያቶኮ ናኣቶንታ ቢያ፥ ሬካባ ማኣሮ ዓሶ ጉቤ ዔኪ ዴንዴኔ። 
\v 4 ዬያቶ ታኣኒ ጌኤዦ ማኣሪ ዔኪ ዬዒ፥ ሃናኒ ናኣቶ ቆልዖ ጌልዜኔ፤ ሃናኒኮ ዓዴ፥ ጌዴሊያ ፆኦሲ ዓሲኬ። ዬና ቆልዓ ቢታንታ ዓኣ ዓሶ ቆልዖኮ ኮይላ፥ ማዒሴያ ጌይንታ ዓሢ ቆልዖኮ ኬዴኬ፤ ማዒሴያ ጌኤዦ ማኣሪ ጌሎ ካሮ ካፓ፥ ሼሉሜ ናይኬ። 
\v 5 ታኣኒ ዒማና ዎይኖ ዑዦ ኩንሢ ጌሦና ዓንጎንታ ዑዦ ዑሽኮ ዓንጎንታ ሬካባ ዓሶ ቤርታ ጌሢ፦ «ሃያ ዎይኖ ዑዦ ዑሽኩዋቴ» ጌዔኔ።
\p
\v 6 ዔያታ ጋዓንቴ ማሃዖ፦ «ኑኡኒ ዎይኖ ዑዦ ዑሽካዓኬ፤ ሬካባ ናይ ማዔሢ፥ ኑኡኮ ዓዳሢ፥ ዒዮናዳኣቤ ኑና ማዔቴያ ኑኡኮ ዜርፃኣ ቢያ ፔቴታዖ ዎይኔ ዑሺ ጋዓ ባኣዚ ዑሽኩዋጉዲ ላኣጌኔ። 
\v 7 ዬያ ሌሊቱዋንቴ ማኣሪ ኑ ማዡዋጉዲ፥ ጎሺ ኑ ጎሽኩዋጉዲ፥ ዎይኔ ቱኮንዶ ቤሲያ ዔኪ ኑኡሮ ማሂ ኑ ኮሺ ዓርቁዋጉዲ ኑና ላኣጌኔ፤ ሾኦቺጉዲ ሌሊ ማዒ ሃያ ሳዖይዳ ሚርጌ ዎዴ ናንጋንዳጉዲ ዓፒላና ማዦ ማኣሪ ኑ ማዣኒ ኮይሳሢ ኑኡም ዒዚ ኬኤዚ ዓይሤኔ። 
\v 8 ዒዮናዳኣቤ ኑኡም ኬኤዚ ዔርዜ ባኮ ቢያ ኑ ዔኬኔ፤ ዬያሮ ኑና ማዔቴያ ኑኡኮ ላኣላ፥ ኑኡኮ ዓቲንቆንታ ዉዱሮ ናኣቶንታ ዎይኖ ዑዦ ኑ ዑሽኩዋሴ፤ 
\v 9 ሚርጌ ዎዴ ናንጎ ማኣሪ ኑ ማዡዋዖ ዓፒላና ማዦና ማኣሪዳ ኑ ናንጋኔ፤ ዎይኔ ቱኮ ቤሲንታ ሃኣኮ ኑ ጎሽካ ጎሺያ ኑኡኮ ባኣሴ፤ 
\v 10 ኑኡኒ ዓፒላና ማዦና ማኣሪዳ ናንጋኔ፤ ኑኡኮ ቤርታኣ ዓዳሢ፥ ዒዮናዳኣቤ ኑና ዓይሤ ባኮ ጉቤ ዒኔፓ ኑ ዓይሢንቲ ካፒ ናንጋኔ። 
\v 11 ጋዓንቴ ባብሎኔ ካኣቲ፥ ናብካዳናፆኦሬ ሙኪ ዓጬሎ ዖሊ ዓርቄ ዎዶና ባብሎኔ ዓሶና ሶኦሪያ ዓሶናኮ ዖሎ ዓሳፓ ኑኡኒ ፑኒ ቶላኒ ሃይካ ዬሩሳላሜ ሙኬኔ፤ ሃሢ ኑኡኒ ሃይካ ዬሩሳላሜይዳ ናንጋሢ ዬያሮኬ» ጌዔኔ።
\p
\v 12-13 ዬካፓ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳ ዪሁዳና ዬሩሳላሜና ዴሮ ኮይላ ዴንዲ ሂዚ ጌይ ዔያቶ ዓይሣንዳጉዲ ታኣም ኬኤዜኔ፦ «ኬኤዞ ባኣዚ ዒንሢ ዔኪ ታ ቃኣሎም ዓይሢንታኒ ዒንሢ ዳንዳዑዋዓዳ? 
\v 14 ዒዮናዳኣቤ ዜርፃታዖ ዎይኖ ዑዦ ዑሽኩዋጉዲ ዔያቶኮ ዓዳሢ ዔያቶ ዓይሤ ቃኣሎ ካፒ ሃኣዛጉዋቴ ሃይማ ሄላንዳኣና ፔቴታዖ ዎይኔ ዑሺና ካኣሙዋሴ፤ ታኣኒ ጋዓንቴ ዒንሢም ቢያ ዎዴ ላሚ ላሚ ኬኤዛኔ፤ ዒንሢ ጋዓንቴ ታኣም ዓይሢንታኒ ኮዑዋሴ፤ 
\v 15 ታ ማሊፆ ኬኤዛ፥ ታ ዓይሎ ታ ዒንሢ ኮይላ ላሚ ላሚ ዳኬኔ፤ ዔያታ ዒንሢም ዒንሢ ፑርቶ ማዾ ሃሺ ፒዜ ባኣዚ ማዻንዳጉዲ ኬኤዜኔ፤ ዒንሢ ሜሌ ፆኦዞም ዚጉዋጉዲና ዔያቶም ማዻያ ዒንሢ ማዑዋጉዲ ዒንሢም ላቲ ኬኤዜኔ፤ ዒንሢና ዒንሢኮ ቤርታኣ ዓዶንሢናም ታኣኒ ዒንጌ ዓጬሎይዳ ዒንሢ ናንጋንዳጉዲ ዬያ ቢያ ታ ዒንሢ ዓይሤኔ፤ ዒንሢ ጋዓንቴ ታኣም ዋይዛኒና ታ ዒንሢም ኬኤዛ ቃኣሎ ዔኤቢኬ ጋዓኒ ኮይባኣሴ። 
\v 16 ሬካቤ ናኣዚ፥ ዒዮናዳኣቤ ዜርፃ ዔያቶኮ ቤርታኣ ዓዶንሢ ዔያቶ ዓይሤ ባኮ ቢያ ማዺ ኩንሤኔ፤ ዒንሢ ታ ዴራ ጋዓንቴ ታኣም ዓይሢንቲባኣሴ። 
\v 17 ዬያሮ ታኣኒ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ‹ዒንሢዳ ዓጋንዳኔ› ጌዔ ባይሲንቶ ቢያ ዪሁዳና ዬሩሳላሜናይዳ ናንጋ ዓሶ፥ ዒንሢዳ ዔኪ ዬዓንዳኔ፤ ዬያ ታኣኒ ማዻንዳሢ ዒንሢም ታኣኒ ኬኤዛንቴ ዒንሢ ዋይዞ ዒፄሢና ታኣኒ ዔኤላዛኣ ዒንሢ ዬሆ ዒፄሢሮኬ።»
\p
\v 18 ዬካፓ ታኣኒ ዔርሚያሴ ሬካባ ዓሶም ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ኬኤዜ ቃኣሎ ሂዚ ጌይ ፔጋሲ ኬኤዜኔ፦ «ዒንሢኮ ቤርታኣ ዓዳሢ፥ ዒዮናዳኣቤ ዒንሢ ዓይሤ ባኮ ቢያ ማዺ ዒንሢ ኩንሤኔ፤ ዒዚ ዒንሢ ኬኤዚ ዔርዜ ባኮዋ ቢያ ዒንሢ ማዼኔ፤ ዒዚ ዓይሤ ባኮዋ ቢያ ዒንሢ ዓይሢንቲ ኩንሤኔ፤ 
\v 19 ዬያሮ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳ ሂዚ ጋዓኔ፦ ‹ሬካባ ናኣዚ፥ ዒዮናዳኣቤኮ ዜርፃፓ ቢያ ዎዴና ታኣም ማዻንዳ ዓሲ ባይቃዓኬ።› »
\c 36
\s1 ቁሪንቴ ቢራኖ ማፃኣፖ ባኣሮኬ ናባቤሢ
\p
\v 1 ዒዮሲያሴ ናኣዚ፥ ዒዮዓቄሜ ዪሁዳይዳ ካኣታዼንቴ ዖይዳሳ ሌዖና ናንጊና ናንጋ ጎዳ ታኣም ሂዚ ጌዔኔ፦\x - \xo 36፡1 \xo*\xt 2ካኣቶ. ማ 24፡1፤ 2ፆኦሲ. ዓሃኬ 36፡5-7፤ ዳኣኔ. 1፡1-2።\xt*\x* 
\v 2 «ታኣኒ ኔኤና ዎላ ጌስቶ ዓርቄማፓ፤ ጊንሣ ሃሣ ዒዮሲያሴ ካኣታዼማፓ ዓርቃዖ ሃኖ ሄላንዳኣና ዒስራዔኤሌ ዴሮ ዛሎ፥ ዪሁዳ ዴሮ ዛሎንታ ሜሌ ዴሮ ዛሎዋ ቢያ ታ ኔኤም ኬኤዜ ባኮ ቢያ ቢራናይዳ ፃኣፔ። 
\v 3 ዪሁዳ ዴራ ታኣኒ ዔያቶይዳ ዔኪ ዬዓኒ ማሌ ባይሲንቶ ዋይዜ ዎዶና ጎዖንቴ ፑርቶ ማዻፓ ማዓንዳያናንዳኔ፤ ታኣኒያ ዔያቶኮ ዻቢንቶንታ ጎሞዋ ዓቶም ጋዓንዳኔ።»
\p
\v 4 ዬያሮ ታኣኒ ኔሪያ ናኣዚ፥ ባኣሮኬ ዔኤሊ ናንጊና ናንጋ ጎዳ ታኣም ኬኤዜ ባኮ ቢያ ፔቴ ፔቴ ኬኤዜም ዒዚ ቁሪንታ ቢራናይዳ ፃኣፔኔ። 
\v 5 ዬካፓ ታኣኒ ባኣሮኬም ሂዚ ጌይ ኬኤዚ ዓይሤኔ፦ «ሃይካፓ ሴካ ጌኤዦ ማኣሪ ታኣኒ ጌሉዋጉዲ ታና ላኣጎናኔ፤ 
\v 6 ጋዓንቴ ጊንፃኣ ዓቦ ዴራ ሙዖ ሃሺ ሺኢጲፆ ሺኢቃኣና ኔኤኒ ዒኢካ ዴንዳንዳጉዲ ታኣኒ ኮዓኔ፤ ናንጊና ናንጋ ጎዳ ታኣም ኬኤዜ ቃኣሎ ቢያ ፔቴ ፔቴ ታ ኔኤም ኬኤዜም ቁሪንታ ቢራኖ ማፃኣፖይዳ ኔ ፃኣፔ ባኮ ቢያ ዑኡዞ ኔኤኮ ዼጊዲ ዔያቶም ናባቤ፤ ካታሞኮ ዙላ ዓኣ ጉርዶ ጉርዶፓኣ ሙኬ፥ ዪሁዳ ዴራኣ ዓቱዋዖ ቢያሢ ዋይዛንዳ ቤሲዳ ዔቂ ዬያ ማዼ፤ 
\v 7 ናንጊና ናንጋ ጎዳ ዒጊቻያ ማዔ ዻጎና ፑርቶ ባኮና ዴሮይዳ ዔኪ ዬይ ዴሮ ሜቶይዳ ዓጋንዳያ ማዔሢ ኬኤዜያታሢሮ ጎዖንቴ ዔያታ ፑርቶ ማዼ ማዾ ዔሪ፥ ሃሺ ናንጊና ናንጋ ጎዳ ሺኢቃንዳያናንዳኔ።» 
\v 8 ዬያሮ ባኣሮኬ ዓዳ ታ ጌዔማ ጎይፆ ጌኤዦ ማኣሮይዳ ናንጊና ናንጋ ጎዳኮ ቃኣሎ ናባቤኔ።
\p
\v 9 ዪሁዳ ካኣቲ፥ ዒዮሲያሴ ናኣዚ ዒዮዓቄሜ ካኣታዼንቴ ዶንጋሳ ሌዖኮ ታዞጳሳ ዓጊኖና ዬሩሳላሜ ዴሮንታ ዪሁዳ ካታማፓ ሙኬ ዴሮንታ ናንጊና ናንጋ ጎዳፓ ማኣሪሢ ዴንቃኒ ሙኡዚ ሃሺ ሺኢቆ ሺኢጲሢ ኬሊ ጌሤኔ። 
\v 10 ዴራ ዋይዛኒ ዳንዳዓ ጎይሢና ታኣኒ ዒዛም ኬኤዜም ቢራኖ ማፃኣፖይዳ ዒዚ ፃኣፔ ቃኣሎ ቢያ ባኣሮኬ ዒማና ዴሮም ናባቤኔ። ጌኤዦ ማኣሮይዳ ዒዚ ዬኖ ማዼሢ ፃኣፒ ዓርቆ ባኮ ፃኣፓ፥ ሳኣፓኔ ናኣዚ፥ ጌማሪያኮ ቆልዖ ጋሮና ጌሊኬ፤ ዬና ቆልዓ ጌኤዦ ማኣሪ ጌሎ «ማርሾ ካሮ ዓኮ» ጌይንታዞኮ ኮይላ ኬዶ ዛሊና ዴራ ቡካ ቤዞና ዻካ ዖኦኪ ዓኣያኬ።
\s1 ቢራኖ ማፃኣፖይዳ ዓኣ ቃኣላ ቢታንታ ዓኣ ዓሶም ናባቢንቴሢ
\p
\v 11 ሳፓኔኮ ናኣዚ ናዖ ማዔሢ፥ ጌማሪያ ናኣዚ፥ ሚኪያሴ ናንጊና ናንጋ ጎዳኮ ቃኣሎ ቢያ ቢራኖ ማፃኣፓፓ ባኣሮኬ ናባባሢ ዋይዜኔ። 
\v 12 ዬካፓ ዒዚ ካኣቱሞ ማኣሮይዳ፥ ቢታንቶና ዓኣ ዓሳ ዓኣ ቤዞ ፃኣፓሢ ኬኤፆ ዴንዲ ጌሌኔ፤ ዒማና፦ ፃኣፓሢ ዔሊሻማዔ፥ ሼማዒያ ናኣዚ ዴላያ፥ ዓክቦኦሬ ናኣዚ ዔልናኣታኔ፥ ሳኣፓኔ ናኣዚ ጌማሪያ፥ ሃናኔ ናኣዚ ሴዴቂያሴንታ ሜሌ ቢታንቶ ዓኣ ዓሲያኣ ዒኢካ ዴዒ ዓኣኔ። 
\v 13 ዬያሮ ዒዚ ዴሮም ባኣሮኬ ናባባንቴ ዋይዜ ቃኣሎ ቢያ ዔያቶም ኬኤዜኔ፤ 
\v 14 ቢታንታ ዓኣ ዓሳ ቢያሢ ዴሮም ዒ ናባቤ፥ ቁሪንቴ ቢራኖ ማፃኣፔሎ ባኣሮኬ ዔኪ ዬዓንዳጉዲ ኬኤዞም ጌይ ዪሁዲ ጎዖስኬያ ዳኬኔ፤ ባኣሮኬያ ቁሪንቴ ቢራኖ ማፃኣፔሎ ዔኪ ዬያቶ ቢታንታ ዓኣ ዓሶ ኮይላ ዬዔኔ፤ 
\v 15 ዔያታ ዒማና፦ «ሂንዳ ዓካሪ ዴይጋፓ ፃኣፒንቴ ባኮ ናባቤ!» ጌዔኔ፤ ባኣሮኬያ ዓይሢንቴ ጎይፆማ ማዼኔ። 
\v 16 ዒዚ ናባቢ ጋፒሴስካፓ ዔያታ ዲቃቴሢሮ ዎሊ ሴካ ሃንጋ ዛጋዖ፦ «ሃያ ባኮ ካኣቲም ኑኡኒ ዔርዛኒ ኮይሳኔ» ጌዔኔ፤ 
\v 17 ዬካፓ ሃሣ ዔያታ፦ «ሃያ ባኮ ኔኤኒ ዎይቲ ፃኣፔቴያ ሂንዳ ኬኤዜ፤ ሃያ ኔኤኒ ፃኣፔሢ ዔርሚያሴ ፔ ዻንጋና ኔኤም ኬኤዜምዳ?» ጌይ ባኣሮኬ ዖኦጬኔ።
\p
\v 18 ባኣሮኬ ማሃዖ፦ «ጎኔኬ፥ ቃኣሎ ፔቴ ፔቴ ታኣም ኬኤዜሢ ዔርሚያሴኬ፤ ታኣኒያ ዬያ ቃኣሎ ሃያ ቢራኖይዳ ቃላሜና ፃኣፔኔ» ጌዔኔ።
\p
\v 19 ዔያታ ዒማና፦ «ኔናንታ ዔርሚያሴንታ ማይ ፔቴ ቤሲ ዴንዲ ፑፑኑዋቴ፤ ዒንሢ ዓኣ ቤዞ ዓይጎ ዓሲያኣ ዔሮፓ» ጌዔኔ።
\s1 ካኣቲ ቢራኖ ማፃኣፖ ሚቼሢ
\p
\v 20 ቢታንታ ዓኣ ዓሳ ቁሪንቴ ቢራኖ ማፃኣፖ ፃኣፓሢ ዔሊሻማዔ ኬኤፃ ጌሢ፥ ካኣቲ ዴዒ ዎጎ ዎጋ ቤዞ ዴንዳዖ ዬያ ሃይሶ ቢያ ኬኤዜኔ፤ 
\v 21 ካኣቲ ዬያ ቁሪንቴ ቢራኖ ማፃኣፖ ዔኪ ዬዓንዳጉዲ ዪሁዲ ዓይሤኔ፤ ዬያሮ ዒዚ ዬያ ቢራኖ ዔሊሻማዔ ኬኤፃፓ ዔኪ ካኣቲና ካኣቲኮ ኮይላ ዔቂ ዓኣ፥ ቢታንታ ዓኣ ዓሶ ቢያሢም ናባቤኔ። 
\v 22 ታዞጳሳ ዓጊኖና ዬና ዓጊኔላ ባርጊ ዓጊኒታሢሮ ካኣቲ ዬኖ ዎዶ ዴዒ ዓኣሣ፥ ካኣቱሞ ማኣሮይዳ ታሞ ዔኤሦ ናኣቦኮ ሆታ ዴዒ ዓኣኔ፤ 
\v 23 ዪሁዲ ሃይሦ፥ ጊንሣ ሃሣ ዖይዶ ፓቆና ቤሲ ማዓያ ናባቢ ጋፓማና ጋፓማና ካኣቲ ናባቢንቴ ቢራኖ ማፃኣፖ ፃኣፓሢኮ ዓፓሮና ቲቂ ቲቂ ታሞይዳ ዓጋኔ፤ ዬያይዴ ጎይሣ ቁሪንቴ ቢራኖ ማፃኣፖ ጉቤ ሚቼኔ። 
\v 24 ካኣቲንታ ቢታንታ ዓኣ ዓሶንታ ዬያ ናባቢንቴ ባኮ ዋይዛዖ ፔቴታዖ ዒኔ ዱጲ ዒጊጩዋያ ማዔኔ፤ ሃሣ ዖዪ ፔኤኮ ማኣዓሢያ ዳርዚባኣሴ። 
\v 25 ዒማና ዔልናኣታኔንታ ዴላያንታ ጌማሪያንታ ካኣቲ ዬያ ቢራኖ ማፃኣፖ ሚቹዋጉዲ ሺኢቄንቴያ ካኣቲ ዔያቶም ዋይዚባኣሴ። 
\v 26 ዬካፓ ዒዛኮ ናኣዚ ዪሬሂሜዔኤሌ ፔኤና ዎላ ዓዝሪዔኤሌ ናኣዚ ሴራያና ዓብዲዔኤሌ ናኣዚ ሼሌሚያ ዔኪ ታናንታ ባኣሮኬንታ ዓርቃንዳጉዲ ዒ ዓይሤኔ፤ ኑና ጋዓንቴ ናንጊና ናንጋ ጎዳ ዔያቶ ዓኣፓፓ ዓኣቼኔ።
\s1 ዔርሚያሴ ላሚ ጊንሣ ፃኣፔ ቃኣሎ
\p
\v 27-28 ታኣኒ ኬኤዜም ባኣሮኬ ፃኣፔ፥ ቁሪንታ ቢራኖ ማፃኣፖ ካኣቲ ዒዮዓቄሜ ሚቼስካፓ ሜሌ ቁሪንታ ቢራና ታኣኒ ዔኪ ቤርታ ኬኤዚንቴ ቃኣሎ ፃኣፓንዳጉዲ ናንጊና ናንጋ ጎዳ ታና ዓይሤኔ። 
\v 29 ካኣቲማኣ ታኣኒ ሂዚ ጌይ ኬኤዛንዳጉዲ ታና ናንጊና ናንጋ ጎዳ ዓይሤኔ፦ «ኔኤኒ ቁሪንታ ቢራኖ ማፃኣፖ ሚቼኔ፤ ‹ባብሎኔ ካኣቲ ሙኪ ሃኖ ዓጮንታ ዒዞይዳ ናንጋ ዴሮንታ፤ ዬያጉዲ ሃሣ ቆልሞዋ ቢያ ባይዛንዳኔ› ጌይ ዓይጋ ኔኤኒ ፆኦሲ ማሊፆ ኬኤዜይ? ጌይሢና ዔርሚያሴ ኮይላ ኔኤኒ ዖኦጬኔ፤ 
\v 30 ካኣቲዮ ዒዮዓቄሜ! ዋይዜ፤ ናንጊና ናንጋ ጎዳ ኔ ዛሎ ሂዚ ጋዓኔ፦ ‹ኔ ዜርፃፓ ፔቴ ዓሲታዖ ዳውቴኮ ካኣቱሞ ዖይቶይዳ ዴዒ ካኣታዻዓኬ፤ ኔኤኮ ሌዛ ቦልካ ዓቦ ሩኡጶና ዒባኖ ጪኢዦናይዳ ኬኤሪንታንዳኔ፤ 
\v 31 ዒንሢ ማዼ ጎሞ ዛሎ ኔናንታ ኔኤኮ ናኣቶንታ ኔኤኒ ቢታንቶ ዒንጌ ዓሶንታይዳ ታኣኒ ሜቶ ዓጋንዳኔ። ኔኤኒ፤ ጊንሣ ሃሣ ዬሩሳላሜና ዪሁዳ ዴሮና ታ ዒንሢም ላቲ ኬኤዜ ባኮ ዔኤቢኬ ዒንሢ ጌይባኣሴ፤ ዬያሮ ሃያኮ ቤርታ ዒንሢዳ ታኣኒ ዓጋንዳኔ ጌይ ማሌ ፑርቶ ባኮ ቢያ ዒንሢዳ ሄሊሳንዳኔ።› »
\p
\v 32 ዬካፓ ታኣኒ ሜሌ ቁሪንታ ቢራና ዔኪ ታኣኮ ዔቦ ፃኣፒ ዓርቃ ባኣሮኬም ዒንጌኔ፤ ዒዚያ ዻንጋና ታ ዒዛም ኬኤዜ ባኮ ቢያ ዒኢካ ፃኣፔኔ፤ ዬያይዲ ዪሁዳ ካኣቲ ዒዮዓቄሜ ታሞና ሚቼ ቢራኖይዳ ፃኣፒንቲ ዓኣ ባካ ጊንሣ ፃኣፒንቴኔ፤ ዒማና ሜሌ ቤርታኣሲ ማላ ሚርጌ ቃኣላ ጊዳ ቃሲንቴኔ።
\c 37
\s1 ሴዴቂያሴ ዔርሚያሴ ዖኦጬ ዖኦጪሢ
\p
\v 1 ባብሎኔ ካኣቲ፥ ናብካዳናፆኦሬ ዒዮሲያሴ ናኣዚ ሴዴቂያሴ ዒኮኒያ ቤዛ ዪሁዳይዳ ካኣታሤኔ፤ ዒዚ ዒዮዓቄሜ ናይኬ። \x - \xo 37፡1 \xo*\xt 2ካኣቶ. ማ 24፡17፤ 2ፆኦሲ. ዓሃኬ 36፡10።\xt*\x* 
\v 2 ሴዴቂያሴንታ ሃንጎ ቢታንታ ዓኣ ዓሶንታ፤ ጊንሣ ሃሣ ዴሮንታ ናንጊና ናንጋ ጎዳ ታኣም ኬኤዜ ቃኣሎም ዔያታ ዓይሢንታያ ማዒባኣሴ።
\p
\v 3 ካኣቲ፥ ሴዴቂያሴ ሼሌሚያ ናኣዚ ሁካሌና ማዒያ ናኣዚ ቄኤሳሢ ሶፖኒያሴና ታ ኮይላ ዳኪ፦ «ኑ ዴሮ ዛሎ ኑኡኮ ፆኦዛሢ ማዔ ናንጊና ናንጋ ጎዳ ኑኡም ሺኢቄ» ጌይ ዖኦጪሴኔ። 
\v 4 ታኣኒ ዬማና ሃጊ ቱኡዞ ማኣሪ ጌሊ ቱኡቲባኣሴ፤ ዬያሮ ታኣኒ ዴሮ ባኣካ ሜታ ባኣያ ሴካ ሃንጋ ሃንታኔ። 
\v 5 ዒማና ሃሣ ባብሎኔ ዓጮኮ ዖሎ ዓሳ ዬሩሳላሜ ሙኪ ማንጌኔ፤ ጋዓንቴ ጊብፄ ዓጮ ዖሎ ዓሳ ዛጶና ፒንቂ ሙካሢ ዔያታ ዋይዛዖ ዬያ ቤዞ ሃሺ ጊንሢም ዶጬኔ።
\p
\v 6-7 ዬካፓ ዒስራዔኤሌ ፆኦዛሢ ማዔ ናንጊና ናንጋ ጎዳ ሴዴቂያሴም ኪኢቶ ዓሶንሢ ዑፃ ሂዚ ጌይ ኬኤዚ ዳካንዳጉዲ ታና ዓይሤኔ፦ «ሃይሾ፤ ኔና ማኣዳኒ ሙኬ፥ ጊብፄ ዓጮ ዖሎ ዓሳ ፔ ዓጮ ጊብፄ ጊንሣ ማዒሢዳኬ። 
\v 8 ባብሎኔ ዓሳ ማዒ ጊንሣ ሙካንዳኔ፤ ዔያታ ዖልዚ ቡሊ ካታሜሎ ዓርቃንዳኔ፤ ታሚናኣ ዔያታ ካታሞ ሚቻንዳኔ፤ 
\v 9 ናንጊና ናንጋ ጎዳ ሂዚ ጋዓኔ፦ ‹ባብሎኔ ዓሳ ጊንሣ ማዒ ዓኣዻንዳኔ› ጌይ ዒንሢና ጌሺፖቴ፤ ዔያታ ማዒ ዴንዳያቱዋሴ። 
\v 10 ባብሎኔ ዓጮ ዖሎ ዓሶ ጋፒ ዒንሢ ባሼያ ማዔቴያ ዔያቶፓ ዱኡቲ ኪፃዺ ዻካ ቶሊ ዓቲ ፔ ኬኤፆይዳ ዓኣዞንሢ ጊንሣ ዶዲ ዔቂ ካታሜሎ ታሚና ሚቺ ባይዛንዳኔ።»
\s1 ዔርሚያሴ ዓርቂንቲ ቱኡቴሢ
\p
\v 11 ዬያኮ ቤርታ ጊብፄ ዓጮ ዖሎ ዓሳ ሙኪ ዑኬሢ ባብሎኔ ዓሳ ዋይዛዖ ቤዞ ሃሺ ጊንሢም ዶጬኔ፤ 
\v 12 ታኣኒ ታ ማኣሮ ዓሶፓ ታኣም ማዓ ዛላ ማሂ ኑ ዴኖ ዛሎ ዒንጎ ባኮ ዔካኒ ቢኢኒያሜ ዓጮ ዴንዳኒ ዬሩሳላሜፓ ዔቄኔ። 
\v 13 ጋዓንቴ ቢኢኒያሜ ዓጮ ጌሎ ዲሮ ካሮ ታ ሄላኣና ካሮ ካፓ ዓሶኮ ሱኡጌ፥ ሱንፃ ዪሪያ ጌይንታ፥ ሃናኒያኮ ናኣዚ ናይ ማዔ፥ ሼሌሚያ ናይስኬይ፦ «ኔኤኒ ሃይና ፑኒ ባብሎኔ ዓጮ ዓኣዾ ዓኣዻያቱዋይ!» ጌይ ታና ቃዜኔ።
\p
\v 14 ታኣኒ ዒማና፦ «ኔ ጋዓሢጉዲ ታኣኒ ሃይና ፑኒ ዴንዳ ዓሲቱዋሴ!» ጌይ ማሄኔ፤ ጋዓንቴ ዪሪያ ታ ጋዓሢ ዋይዛኒ ኮይባኣሴ፤ ቱኪ ታና ዔኪ ቢታንታ ዓኣ ዓሶ ቤርቶ ዔኪ ዴንዴኔ፤ 
\v 15 ዔያታኣ ዒናፓ ዻጋዺ ታና ጳርቂሴስካፓ ቱኡሲ ማኣሪ ማሂ ዔያታ ጊኢጊሼ፥ ፃኣፓሢ ዮናታኣኔ ኬኤፆ ዔኪ ጌልዚ ታና ቱኬኔ፤ 
\v 16 ታኣኒ ዒማና ማኣሮ ኮይላ ቦኦኮና ጮኦራ ዔቴይዳ ሚርጌ ዎዴ ዴዔኔ።
\p
\v 17 ዻካ ኔጌስካፓ ካኣቲ፥ ሴዴቂያሴ ኪኢታ ዓሲ ዳኪ ፔ ኮይላ ዔኪ ሙኡሲ ዒዚ ሌሊ ታኣና ጌስታዖ፦ «ናንጊና ናንጋ ጎዳ ኔኤም ኬኤዜ ባኣዚ ዓኣ?» ጌይ ታና ዖኦጬኔ።
\p ታኣኒያ፦ «ሂዮ፥ ዓኣኔ!» ጌይ ሃይሶ ኬኤዚ ዓርቃዖ «ኔኤኒ ባብሎኔ ካኣቲም ዓኣሢ ዒንጊንታንዳኔ» ዒዛም ጌዔኔ። 
\v 18 ዬካፓ ታኣኒ፦ «ቱኡሲ ማርካ ኔ ታና ቱካንዳጉዲ ኔናንታ ኔኤኒ ቢታንቶ ዒንጌ ዓሶንታ ሃያ ዴሮንታም ታኣኒ ዓይጎ ፑርቲሴይ? 
\v 19 ሂንዳ ዋይዜ፤ ‹ባብሎኔ ካኣቲ ኔናንታ ኔ ዓጮንታ ዎኦታንዳ ባኣዚ ባኣሴ› ጌይ ሎንሦ ኬኤዜ ዓሳ ሃሢ ዎካዳይ? 
\v 20 ዬያሮ ካኣቲዮ! ኔኤኒ ታ ጋዓሢ ዋይዛንዳጉዲና ታ ኔና ዖኦጫ ባኮዋ ማዺ ኔ ኩንሣንዳጉዲ ታ ኔና ሺኢቃኔ፤ ዬይ ዓይጎዳይ ጌዔቴ፦ ቱኡዞ ማኣሮ ማዔ፥ ዮናታኣኔ ኬኤፆ ጊንሣ ታና ማሂ ዳኪፖ፤ ዬካ ኔ ታና ማሂ ዳኬቴ ታ ሃይቃንዳኔ» ጌይ ዒዛ ዖኦጬኔ።
\p
\v 21 ዬያሮ ካኣቲ፥ ሴዴቂያሴ ካኣቱሞ ማኣሮኮ ዲሮ ጋራ ቱኡሲ ዓሲ ማዒ ዴዓንዳጉዲ፥ ጊንሣ ሃሣ ካታሞይዳ ሙዓኒ ካሦ ባኣዚ ጋፒ ባይቃንዳ ኬሎ ሄላንዳኣና ላኣዶ ላኣዳ ዓሳ ኬላ ኬላ ፔቴ ላኣዳ ታኣም ዒንጋንዳጉዲ ዓሶ ዒ ዓይሤኔ፤ ዬያሮ ታኣኒያ ዒኢካ ዴዔኔ።
\c 38
\s1 ዔርሚያሴ ጮኦራ ዔቴይዳ ኬኤሪንቴሢ
\p
\v 1 ማኣታኣኔ ናኣዚ ሴፓፂያ፥ ፓሽሁሬ ናኣዚ ጌዳሊያ፥ ሼሌሚያ ናኣዚ ሁካሌና ማልኪያ ናኣዚ ፓሽሁሬ ናንጊና ናንጋ ጎዳ ታኣም ኬኤዜ ቃኣሎ ዴሮም ታኣኒ ኬኤዚ ዔርዜሢ ዋይዜኔ፤ 
\v 2 ታኣኒ ዴሮም ኬኤዜ ቃኣላ፦ «ካታሞይዳ ዓቴ ዓሳ ቢያ ዖልዚና፥ ናይዚና፤ ዬያጉዲ ሃሣ ዶርዖናኣ ሃይቂ ኩዳንዳኔ፤ ጋዓንቴ ባብሎኔ ዓጮ ዴንዲ ኩቺ ዒንጌ ዓሲ ጋዓንቴ ዎዺንታዓኬ፤ ዬይ ፔኤኮ ሼምፓሢ ዬያይዲ ቶሊሲ ዓይሳንዳኔ» ጋዓያኬ። 
\v 3 ጊንሣ ሃሣ ታኣኒ ዴሮም ኬኤዛንዳጉዲ ናንጊና ናንጋ ጎዳ ታኣም ኬኤዜ ቃኣላ፦ «ታኣኒ ሃኖ ካታሞ ባብሎኔኮ ዖሎ ዓሶም ዓኣሢ ዒንጋንዳኔ፤ ዔያታ ፔ ዴማ ማሂ ዒዞ ዎይሣንዳኔ» ጋዓያኬ።
\p
\v 4 ዬካፓ ቢታንታ ዒንጊንቴ ዓሳ ካኣቲ ኮይላ ዓኣዺ፦ «ሃይ ዓሢ ዎዺንታንዳያ ኮይሳኔ፤ ዒዚ ኬኤዛ ባኮና ካታሞይዳ ዓቲ ዓኣ ዖሎ ዓሶኮ ጎጶ ዒዚ ዋኣፂሴኔ፤ ካታሞይዳ ዓኣ ዓሶ ቢያሢ ዒዚ ዒማይዳኔ፤ ዒዚ ዴሮ ባይዛኒ ኮዓ ዓሲኬ፥ ማኣዳኒ ኮዓ ዓሲቱዋሴ» ጌዔኔ።
\p
\v 5 ካኣቲ፥ ሴዴቂያሴ ዒማና፦ «ዒዚ ዒንሢ ኩጮ ጋራኬ፤ ኮዔ ባኣዚ ዒንሢ ማዼቴ ታ ዒንሢ ላኣጋኒ ዳንዳዑዋሴ» ጌይ ዔያቶም ኬኤዜኔ። 
\v 6 ዬያሮ ዔያታ ታና ዓርቂ ዔኪ ካኣቱሞ ማኣሮኮ ዓሳ ቡካ ጶኦኮይዳ ዓኣ ካኣቲ ናኣዚ፥ ማልኪያኮ ዋኣፆሮ ቦኦኮና ጮኦሮ ዔቶይዳ ሱሲና ታና ሊካ ኬይሴኔ፤ ዒኢካ ዔቶይዳ ቶርጳ ዓኣኔ፥ ዋኣሢ ባኣያኬ፤ ዬያ ቶርጳስካ ታኣኒ ዓዺንቴኔ።
\p
\v 7 ጋዓንቴ ዓቤሜሌኬ ጌይንታያ፥ ካኣቱሞ ማኣራ ዓሽቲንቂ ማዻ፥ ፔቴ ዒቶጲያ ዓሲስኬይ ታና ዓሳ ዔታ ዓጌሢ ዋይዜኔ፤ ዒማና ቢኢኒያሜ ዓጮ ጌሎ ዲሮ ካራ ዎጎ ዎጎ ቤዞይዳ ካኣቲ ዴይ ዓኣኔ፤ 
\v 8 ዬያሮ ዬይ ዓቤሜሌኬ ካኣቲ ኮይላ ዴንዲ ካኣቲም፦ 
\v 9 «ካኣቲዮ! ዬና ዓሳ ዼኤፒ ዻቢንቲ ማዾ ማዼኔ፤ ዔያታ ዔርሚያሴ ዔኪ ጮኦራ ዔቴይዳ ዓጌኔ፤ ካታሞይዳ ሙኡዚ ባኣሢሮ ማይ ዒዚ ዒኢካ ሃይቄኔ ጌይሢኬ» ጌይ ኬኤዜኔ። 
\v 10 ዬካፓ ካኣቲ፦ «ሃይካፓ ሃይሢታሚ ዓሲ ዔኪ ዓኣዺ ፆኦሲ ማሊፆ ኬኤዛ፥ ዔርሚያሴ ሃይቁዋንቴ ዋኣፆሮ ቦኦኮና ዔታፓ ኬሱዋቴ» ጌይ ዒቶጲዮ ዓሢ፥ ዓቤሜሌኬ ዓይሤኔ። 
\v 11 ዬያሮ ዓቤሜሌኬ ፔኤና ዎላ ዓሲ ዔኪ ዴንዴኔ፤ ዒዚ ዒማና ካኣቱሞ ማኣሮኮ ሜሆ ጌሦ ኬኤፆ ጌላዖ ዓንዲሪ ቱርጫና ጪሚ ዓፒላና ዴንቂ ዔኪ፥ ሱሲዳ ማሪ ቱኬስካፓ ታኣም ሊካ ዳኬኔ። 
\v 12 ዬይ ሱዛ ታኣኮ ዑፆ ቲልቢሹዋጉዲ ዬያ ቱርጮ ሾኦጳ ታኣኒ ቱካንዳጉዲ ታኣም ዒዚ ኬኤዜኔ፤ ዬያሮ ታኣኒ ዒማይዴኔ፤ 
\v 13 ዬይ ሙኬ ዓሳ ታና ጮኦሮ ዔታፓ ሱዞና ጎቺ ዔኪ ኬሲ፥ ካኣቱሞ ማኣሮኮ ዲሮ ጋሮይዳ ዓኣ ቤዛ ታና ቱኬኔ።
\s1 ሴዴቂያሴ ዔርሚያሴፓ ዞሮ ዖኦጬሢ
\p
\v 14 ካኣቲ፥ ሴዴቂያሴ ኪኢታ ዓሲ ዳኪ ታና ዔኤሊሳዖ ጌኤዦ ማኣሮኮ ሃይሣሳ ካሮ ኮይላ፦ «ፔቴ ባኣዚ ታ ኔና ዖኦጮም፤ ፔቴታዖ ዓኣቹዋዖ ኔኤኒ ታኣም ኬኤዛንዳጉዲ ታኣኒ ኮዓኔ» ጌዔኔ።
\p
\v 15 ታኣኒ ዒማና፦ «ታኣኒ ጎኔማ ኬኤዜቴ ኔኤኒ ታና ዎዻዓዳ? ታ ኔና ዞሬቴ ኔኤኒ ዋይዚ ዔካዓኬ» ጌዔኔ።
\p
\v 16 ዬያሮ ካኣቲ፥ ሴዴቂያሴ፦ «ታ ኔና ዎዻዓኬ፤ ታኣኒ ኔና ዎዻንዳ ዓሶም ዓኣሢ ዒንጊንዱዋያ ማዒፆ ሼምፖ ኑኡም ዒንጌ፥ ናንጊና ናንጋ ጎዳ ሃይቆ!» ጌይ ዓሲ ዋይዙዋንቴ ታኣም ጫኣቄኔ።
\p
\v 17 ዬካፓ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳ ዒዛ ዛሎ ኬኤዜ ባኮ ቢያ ሂዚ ጌይ ታ ዒዛም ኬኤዜኔ፦ «ባብሎኔ ካኣቲ ዳኬ፥ ቢታንታ ዓኣ ዓሶም ኩጮ ኔኤኒ ዒንጌቴ ሼምፓሢ ኔኤኮ ዓታንዳኔ፤ ካታሜላኣ ታሞና ሚቺንቱዋዖ ዓታንዳኔ፤ ኔናንታ ኔ ማኣሮ ዓሶንታ ቢያ ሃይቢፓ ቶላንዳኔ፤ 
\v 18 ዔያቶም ኩጮ ኔኤኒ ዒንጊባኣቴ ጋዓንቴ ሃና ካታማ ባብሎኔ ዓሶም ዒንጊንታንዳኔ፤ ዔያታ ዒዞ ታሚና ሚቻንዳኔ፤ ኔኤኒያ ቶላኒ ዳንዳዑዋሴ።»
\p
\v 19 ካኣቲ ዒማና፦ «ታኣኒ ዒጊጫሢ ኑ ዓጫፓ ዒፂ ሃሺ ዴንዲ፥ ባብሎኔ ዓጮ ጌሌ ኑ ዓሶኬ፤ ዔያቶም ታና ባብሎኔ ዓሳ ዓኣሢ ዒንጌቴ ታና ዔያታ ሜታሳንዳኔ» ጌዔኔ።
\p
\v 20 ታኣኒ ዒዛም፦ «ዶዴ ዒጊጪፖ! ዬያቶም ኔና ዔያታ ዓኣሢ ዒንጊንዱዋሴ፤ ናንጊና ናንጋ ጎዳ ኬኤዜ ቃኣሎ ኔኤኒ ዋይዛንዳጉዲ ታ ኔና ሺኢቃኔ፤ ኔኤማ ዬይ ኮሺ ማዓንዳኔ፤ ሼምፓሢ ኔኤኮ ሃይቢፓ ቶላንዳኔ። 
\v 21 ኩጮ ኔኤኒ ዔያቶም ዒንጎ ዒፄቴ ናንጊና ናንጋ ጎዳ ታኣም ፔጋሲ ዻዌ ባኣዚ ዓኣኔ፤ 
\v 22 ዬይ ዓይጎዳይ ጌዔቴ ዪሁዳ ዓጮኮ ካኣቱሞ ማኣራ ዓቲ ዓኣ ላኣላ ቢያ ባብሎኔ ዓጮይዳ ቢታንታ ዓኣ ዓሶ ኮይላ ዔውቲ ዴንዳንዳኔ፤ ዴንዳ ዎዶና ዔያታ፦
\q ‹ኔኤኮ ዶንዛ ኔና ዻቢሼኔ፤
\q ዔያታ ኔና ዓይሣ፥ ቢቲ ኔኤኮ ማዔኔ፤
\q ሃሢ ጋዓንቴ ቶርጶና ኔ ዓርቂንቴሢሮ ሃሺ ኔና ዔያታ ዓኣዼኔ› ጋዓንዳኔ» ጌይ ኬኤዜኔ።
\p
\v 23 ሃሣ ታ ዒዛም፦ «ኔኤኮ ላኣሎንታ ናኣቶንታ ቢያ ባብሎኔ ዓጮ ዔውታንዳኔ፤ ኔናኣ ባብሎኔ ካኣቲ ዓርቂ ቱካንዳኔ፤ ዒዛ ኩጫፓ ፔቴታዖ ኔኤኒ ቶላዓኬ፤ ሃይ ካታማ ታሚና ሚቺንቲ ባይቃንዳኔ» ጌይ ኬኤዜኔ።
\p
\v 24 ሴዴቂያሴ ዒማና ታኣም፦ «ኔና ዓሳ ዎዹዋጉዲ ሃያ ኑ ጌስቴ ባኮ ዓይጎ ዓሲያ ዔሮፓ፥ ኬኤዚፖ፤ 
\v 25 ቢታንታ ዓኣ ዓሳ ታኣኒ ኔኤና ዎላ ጌስቴሢ ዋይዜቴ ኔ ኮይላ ሙኪ ኑኡኒ ዓይጎ ጌስቴቴያ ዖኦጫንዳኔ፤ ‹ቢያ ባኮንሢ ጋፒ ኔኤኒ ኬኤዚባኣቴ ኔና ኑ ዎዻንዳኔ› ጌይ ኔና ዔያታ ዒጊቻንዳኔ፤ 
\v 26 ዬያሮ ኔኤኒ፦ ‹ዒኢካ ታኣኒ ሃይቁዋጉዲ ላሚ ታና ዮናታኣኔ ኬኤፆ ዳኪፖ› ጌይ ጌይ ታ ዒዛ ሺሺኢቄኔ ጌይ ዔያቶም ኬኤዜ» ጌዔኔ። 
\v 27 ዬካፓ ቢታንታ ዓኣ ዓሳ ሙኪ ታና ዖኦጬኔ፤ ታኣኒያ ካኣቲ ታና ጎዖንጎ ጌዔማ ሌሊ ዔያቶም ኬኤዜኔ፤ ዒማና ኑኡኒ ካኣቲና ጌስታ ዎዶና ዋይዜ ዓሲ ባኣሢሮ ታና ዖኦጪፆ ዔያታ ሃሼኔ፤ 
\v 28 ታኣኒ ዬሩሳላሜ ካታማ ዓዺንቴ ኬሎ ሄላንዳኣና ካኣቱሞ ማኣሮ ዲሮ ጋራ ቱኡቲ ዴዔኔ።
\c 39
\s1 ዬሩሳላሜ ካታማ ሞርኮና ዓዺንቴሢ
\p
\v 1 ሴዴቂያሴ ዪሁዳይዳ ካኣታዼንቴ ታዞጳሳ ሌዖኮ ታጳሳ ዓጊኖና ባብሎኔ ካኣቲ ናብካዳናፆኦሬ ፔኤኮ ዖሎ ዓሶ ቢያሢና ዎላ ሙኪ ዬሩሳላሜ ካታሞ ማንጌኔ። 
\v 2 ሴዴቂያሴ ካኣታዼንቴ ታጳሳ ሌዖይዳ ዖይዳሳ ዓጊኖኮ ታዞጳሳ ኬሎና ካታሞኮ ዙሎ ዲርቆና ኬኤሎ ዲፃ ሻሂንቴኔ።
\p
\v 3 ዬሩሳላሜ ካታማ ዓዺንቴ ዎዶና ባብሎኔ ካኣቲ ቢታንቶ ዒንጌ ዓሳ ሙኪ ባኣካ ማዔ ማርሾ ካሮይዳ ቤሲ ቤሲ ዓርቄኔ፤ ዬያቶ ባኣኮይዳ፦ ኔርጋልሻሬፄሬ፥ ሳሚርጋኔቦ፥ ሳርሴኪሜንታ ሜሌ ሃሣ ኔርጋልሻሬፄሬ ጌይንታስኬያንታ፤ ዬያጉዲ ሜሌ ዓሲያኣ ዓኣኔ።
\p
\v 4 ካኣቲ ሴዴቂያሴንታ ዖሎ ዓሶንታ ቢያ ዬያ ባኮ ዛጋዖ ዹማ ካታማፓ ኬስኪ ዴንዳኒ ማሌኔ፤ ካኣቱሞ ማኣሮኮ ቱኮ ባኮ ቱኮ ጎዦ ባንፆና ጌይ ካታሞኮ ላምዖ ዎላ ካኣማ ካሮይዳ ዓኣ ካሮና ኬስኪ ዮርዳኖሴ ዶኦጮ ባንሢ ቶላኒ ዔያታ ጳሽኬኔ። 
\v 5 ጋዓንቴ ባብሎኔኮ ዖሎ ዓሳ ጊንፆ ዔያቶኮ ዳውሲ ዴንዲ ዒያርኮ ኮይሎይዳ ዓኣ ቦኦላ ሄላዖ ሴዴቂያሴ ዓርቂ ዲዒ ዔኬኔ፤ ዬካፓ ካኣቲ፥ ናብካዳናፆኦሬ ኮይላ ዔኪ ዬዔኔ፤ ዒማና ካኣቲ፥ ናብካዳናፆኦሬ ሃማቴ ዓጮ ዴማ ዓኣ ሪቢላ ጌይንታ ካታማይዳ ዓኣኔ፤ ካኣቲ፥ ናብካዳናፆኦሬ ዒኢካ ሴዴቂያሴይዳ ማዺንታኒ ኮይሳ ባኮ ጌስቲ ዎጌኔ። 
\v 6 ዬያሮ ዒኢካ፥ ሪቢላይዳ ካኣቲ ሴዴቂያሴ ዛጋንቴ ዒዛኮ ናኣታ ዎዺንቴኔ፤ ዪሁዳይዳ ቢታንቶና ዎይሤ ዓሳኣ ቢያ ሃይቃንዳጉዲ ጌስቲ ዎጊንቴኔ። 
\v 7 ዬያ ቢያ ማዼስካፓ ሴዴቂያሴኮ ዓኣፖ ጳቂ ኬሴኔ፤ ባብሎኔ ዔኪ ዴንዳኒ ካኒ ቢራታናኣ ቱኬኔ። 
\v 8 ባብሎኔ ዓሳ ዒማና ዬሩሳላሜ ካታሞኮ ዙሎ ዲርቆና ኬኤሎ ዲፆ ሻሄኔ፤ ካኣቱሞ ማኣሮንታ ዴራ ናንጋ፥ ዓሶኮ ማኣሮ ጉቤ ታሚና ሚቼኔ፤ 
\v 9 ጋፒንፆይዳ ባብሎኔ ካኣቲ ካፓ ፖኦሊሶ ሱኡጋሢ፥ ናቡዛርዳኣኔ ካታሞይዳ ዓቲ ዓኣ ዴሮና ዬያኮ ቤርታ ፔ ዓጮ ዒፂ ዒዛ ኮራ ሙኪ ጌሌ ዓሶ ቢያ ፔቴይዳ ቡኩሲ ቱኪ ዔኪ ባብሎኔ ዴንዴኔ፤ 
\v 10 ዒዚ ዒማና ፔቴታዖ ቆሎባኣ፥ ማንቆ ዓሶንሢ ሌሊ ዪሁዳይዳ ሃሺ ዴንዴኔ፤ ዒዚ ዔያቶም ዎይኔ ቱኮንዶ ቤሲና ሜሌ ሃኣኮ ዔያታ ጎሽካንዳ ጎሺያኣ ዒንጌኔ።
\s1 ዔርሚያሴኮ ቱኡዛፓ ቡሊንቲፆ
\p
\v 11 ናብካዳናፆኦሬ ዒዛ ካፓ ፖኦሊሶ ሱኡጋሢ፥ ናቡዛርዳኣኔ፦ 
\v 12 «ዴንዲ ዔርሚያሴ ኮይ ዴንቂጋፓ ኮይሳ ባኣዚ ዒዛም ማዺ፥ ቶኦኮ ዒዛኮ ዛጌ፤ ዒዚ ኮዓ ባኮ ዒዛም ማዼ፥ ፔቴታዖ ፑርታ ባኣዚ ዒዛይዳ ማዺፖ» ጌይ ዓይሤኔ። 
\v 13 ዬያሮ ናቡዛርዳኣኔ ናቡሻዝባኔንታ ኔርጋልሻሬፄሬንታ ሜሌ ቢታንቶ ዓኣ ዓሲ ፔኤና ዎላ ዔኪ ሙኪ፥ 
\v 14 ታኣኒ ቱኡቲ ዓኣ ካኣቱሞ ማኣሮ ዲሮ ጋራፓ ታና ኬሴኔ፤ ዒማና ሳፓኔኮ ናኣዚ ናዖ ማዔሢ፥ ዓሂቃሜ ናኣዚ ጌዳሊያ ታ ማኣሪ ታና ዔኪ ዴንዴኔ፤ ዬያሮ ታኣኒ ታ ዴሮና ዎላ ዒኢካ ናንጌኔ።
\s1 ዓቤሜሌኬም ናንጊና ናንጋ ጎዳ ኮሺ ባኣዚ ማዻንዳያታሢ ኬኤዜሢ
\p
\v 15 ካኣቱሞ ማኣሮኮ ዓሳ ቡካ ጶኦኮይዳ ቱኡቲ ታኣኒ ዓኣንቴ ናንጊና ናንጋ ጎዳ ሂዚ ጌይ ታኣም ኬኤዜኔ፤ 
\v 16 ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ዒቶጲዮ ዓሢ ዓቤሜሌኬም ታኣኒ፦ «ዓዳ ሃያኮ ቤርታ ታኣኒ ኬኤዜማ ጎይፆ ሃኖ ካታሞይዳ ታኣኒ ዖርጎቹሞቱዋንቴ ባይሲንታ ዔኪ ዬዓንዳኔ፤ ኔኤኒ ሃይካ ካታማ ዴዒ ዬይ ቢያ ማዺንታሢ ኔ ዓኣፒና ዛጋንዳኔ፤ 
\v 17 ዬኖ ኬሎና ታኣኒ፥ ናንጊና ናንጋ ጎዳ ኔና ዓውሳንዳኔ፤ ኔኤኒ ዒጊጫ ኔ ሞርኮ ኩጮ ጋሮ ኔኤኒ ጌላዓኬ፤ 
\v 18 ታኣኒ ኔና ኮሺና ካፓንዳሢሮ ኔ ሃይቃዓኬ፤ ኔኤኒ ታና ጉሙርቄሢሮ ሼምፔና ኔ ቶሊ ዓታንዳኔ፤ ዬያ ጌዔሢ ታና፥ ናንጊና ናንጋ ጎዳኬ» ጌይ ኬኤዛንዳጉዲ ዓይሤኔ።
\c 40
\s1 ዔርሚያሴ ጌዳሊያና ዎላ ናንጌሢ
\p
\v 1 ካኣቲ ካፓ ፖኦሊሶ ሱኡጋሢ፥ ናቡዛርዳኣኔ ታና ቱኡዛፓ ቡሊ ራኣማይዳ ሃሼስካፓ ናንጊና ናንጋ ጎዳ ታኣም ፔ ቃኣሎ ኬኤዜኔ፤ ዬያኮ ቤርታ ታኣኒ ዒኢካ ዔውቲ ዴንዴሢ ዬሩሳላሜፓ ሃጊ ዲዒንቲ ዔውቲ፥ ቱኡሲ ዓሲ ማዒ ባብሎኔ ዔኪ ዓኣዾና ዴሮ ቢያሢና ዎላ ካኒ ቢራታና ቱኡቲኬ።
\p
\v 2 ካኣቲ ካፓ ፖኦሊሶኮ ሱኡጋሢ ታና ዓሶ ቤርታፓ ዔኪ ሺርሻዖ ሂዚ ጌዔኔ፦ «ኔ ፆኦዛሢ ማዔ ናንጊና ናንጋ ጎዳሢ ሃኖ ዓጮ ባይዛንዳሢ ቤርታሲ ኬኤዜኔ፤ 
\v 3 ዒዚ ማዻንዳኔ ጌይ ማሌ ባኮ ቢያ ሃሢ ሃይሾ ማዺ ኩንሤኔ፤ ሃይ ቢያ ማዺንቴሢ ዒንሢ ጎሞ ማዼሢሮና ናንጊና ናንጋ ጎዳም ዒንሢ ዓይሢንቶ ዒፄሢሮኬ። 
\v 4 ሃኣዛጌ፥ ሃሢ ታ ኔና ኩጮ ኔኤኮ ቱኮና ካኖ ቢራቶ ቡሊ ሃሼኔ፤ ኔኤኒ ታኣና ዎላ ባብሎኔ ዴንዳኒ ኮዔቴ ኔ ሼና ጌዔሢ ማዼ፤ ታኣኒ ኔኤም ኮይሳ ባኣዚ ማዺ፥ ኔ ቶኦኮ ዛጋንዳኔ፤ ዒኢካ ኔ ዴንዳኒ ኮይባኣቴ ዓታኒ ዳንዳዓኔ፤ ሃያ ዓጮኮ ጉቤ ኔ ኮዔ ቤሲ ዴንዳኒ ዳንዳዓኔ።»
\p
\v 5 ታኣኒ ዒማና ማሂ ዒዛም ኬኤዙዋንቴ ናቡዛርዳኣኔ፦ «ሃሢ ኔኤሮ ሳፓኔኮ ናኣዚ ናዖ ማዔ ዓሂቃሜ ናኣዚ ጌዳሊያ ኮይላ ዴንዴ፤ ባብሎኔ ካኣቲ፥ ናብካዳናፆኦሬ ዪሁዳ ካታሞ ዎይሣንዳጉዲ ጌዳሊያ ዶኦሬኔ፤ ዬያሮ ዒዛና ዎላ ዴሮ ባኣካ ኔኤኒ ናንጋኒ ዳንዳዓኔ፤ ያዺ ማዒባኣቴ ሃሣ ታና ማኣዳንዳኔ ጋዓ ቤሲ ቢያ ኔኤኒ ዴንዳኒ ዳንዳዓኔ» ጌዔኔ።
\p ዬካፓ ዒዚ ታኣም ዒንጋኒ ኮዔ ባኣዚና ጎይፆኮዋ ጋላ ታኣም ዒንጊ ታና ዳኬኔ። 
\v 6 ዬያሮ ታኣኒ ጌዳሊያና ዎላ ናንጋኒ ሚፂጳ ዴንዴኔ፤ ዒኢካ ታኣኒ ቤዛ ዓቲ ዓኣ ዴሮና ዎላ ናንጌኔ።
\s1 ጌዳሊያ ዪሁዳይዳ ሱኡጌ ማዒ ዶኦሪንቴሢ
\r (2ካኣቶ. ማ 25፡22-24)
\p
\v 7 ዒማና ዪሁዳ ዓጮኮ ዖሎ ዓሶ ሱኡጌና ዻካ ፖኦሊሴና ሃጊ ኩቺ ዒንጊባኣያ ዓኣኔ፤ ባብሎኔ ካኣቲ ዬኖ ዓጮ ዎይሣንዳጉዲ ጌዳሊያ ዶኦሬሢና ባብሎኔ ዔውቱዋዖ ዓቴ፥ ማንቆ ዓሶኮዋ ሱኡጌ ማሄሢ ዔያታ ዋይዜኔ፤ 
\v 8 ዬያሮ ኔታኒያ ናኣዚ ዒስማዔኤሌ፥ ቃሬሃ ናይ ማዔ ዮሃናና ዮናታኣኔና፥ ታንሁሜቴ ናኣዚ ሴራያ፥ ኔፆፓይዳፓ ዔፓዬ ናኣታ፥ ማዒካፓ ዛኒያ ጎዖሢ ፔ ዓሶ ቢያሢና ዎላ ሚፂጳይዳ ዓኣ ጌዳሊያ ኮይላ ሙኬኔ። 
\v 9 ጌዳሊያ ዔያቶም ሂዚ ጌይ ጫኣቄኔ፦ «ጎኔ ታ ዒንሢም ጫኣቆም፤ ባብሎኔ ዓሶም ኩጮ ዒንሢ ዒንጉዋጉዲ ዒንሢ ዒጊቻንዳ ባኣዚ ፔቴታዖ ባኣሴ፤ ሃይካ ዓጮይዳ ዴዒ ናንጉዋቴ፤ ባብሎኔ ካኣቲም ጊኢራ ጊኢሩዋቴ፤ ዒንሢም ቢያ ባካ ጊኢጋያ ማዓንዳኔ፤ \x - \xo 40፡9 \xo*\xt 2ካኣቶ. ማ 25፡22-24።\xt*\x* 
\v 10 ታኣኒ ሃይካ ዒንሢና ዎላ ሚፂጳይዳ ዓኣሢሮ ባብሎኔ ዓሳ ሙካኣና ታ ዒንሢ ዛሎ ዔቂ ጌስታያ ማዓንዳኔ፤ ዒንሢ ጋዓንቴ ዒንሢ ናንጋ ጉርዶይዳ ቢያ ዎይኖ ሶዮና ዎላ ቲቂ ዔኪ ዔኪ፥ ሪሚቶ ዛይቶንታ ሜሌ ሚፆኮዋ ዓኣፖ ጊኢጊሺ ዔኪ ኮናይዳ ዓርሡዋቴ።» 
\v 11 ዬይ ያዺ ማዓዛ ሞዓኣቤይዳ፥ ዓሞኦኔይዳ፥ ዔዶኦሜይዳ፤ ጊንሣ ሃሣ ሜሌ ዓጮይዳኣ ናንጋ ዒስራዔኤሌ ዓሳ ባብሎኔ ካኣቲ ዻካ ዓይሁዴ ዓሲ ሌሊ ዓይሲ፥ ዬያቶ ዎይሣንዳጉዲ ጌዳሊያ ሱኡጌ ማሂ ዶኦሬሢ ዋይዜኔ፤ 
\v 12 ዬያሮ ዔያታ ዜርቂንቲ ዴንዲ ናንጋ ዓጮይዳፓ ቢያ ሃሺ ዪሁዳ ማዒ ሙኬኔ፤ ሚፂጳይዳ ዓኣ፥ ጌዳሊያ ኮይላ ሙኪ ኮሺ ሚርጌ ዎይኔ ሶያፓ ቲቆናያንታ ሜሌ ሚፆኮዋ ዓኣፖ ማንፂ ቡኩሴኔ።
\s1 ጌዳሊያ ዎዾናሢ
\r (2ካኣቶ. ማ 25፡25-26)
\p
\v 13 ዬካፓ ዮሃናኔንታ ዬያኮ ቤርታ ኩጮ ዒንጊባኣ፥ ዖሎ ዓሶኮ ሱኡጋ ቢያ ሚፂጳይዳ ዓኣ ጌዳሊያ ኮይላ ሙካዖ፦ 
\v 14 «ኔታኒያ ናኣዚ ዒስማዔኤሌ ኔና ዎዻንዳጉዲ ዓሞኦኔ ካኣቲ፥ ቤዓሊሴ ዳኬያ ማዔሢ ኔ ዔሩዋዓዳ?» ጌይ ዖኦጬኔ። ጌዳሊያ ጋዓንቴ ዬያ ጎኔኬ ጌይባኣሴ፤ 
\v 15 ሃሣ ጊንሣ ዮሃናኔ ሚፂጳይዳ ፔኤሮ ጌዳሊያ ኮይላ ሙኪ፦ «ዖ ዎዼቴያ ዔርቱዋ ጎይሢና ታኣኒ ዴንዲ ኔታኒያ ናኣዚ ዒስማዔኤሌ ዎዾም፤ ዎይቲ ኔና ዒዚ ዎዻኒ ጫርቃይ? ዒዚ ኔና ዎዼቴ ኔና ጉሙርቂ፥ ኔ ኮይላ ዓኣ ዓይሁዶ ዓሳ ላኣሊንቲ ባይቄኔ ጌይሢኬ፤ ዪሁዳይዳ ዲዒንቲ ዔውቲባኣዖ ዓቴ ዴራ ዼኤፒ ባይሲንታይዳ ኬዳንዳኔ» ጌዔኔ።
\p
\v 16 ጌዳሊያ ጋዓንቴ፦ «ዒስማዔኤሌ ዛሎ ዬይ ኔ ኬኤዛ ባካ ቢያ ጎኔቱዋኣሢሮ ፔቴታዖ ዬያ ኔ ጋዓ ባኮ ማዺፖ» ጌዔኔ።
\c 41
\p
\v 1 ዬኖ ሌዖኮ ላንካሳ ዓጊኖና ካኣቲ ቢታንቶ ዒንጌ ዼኤፖ ዼኤፖ ዓሶፓ ፔቴ፥ ካርናይ ፃጲ ማዔያ፥ ዔሊሻማዔኮ ናኣዚ ናዖ ኔታኒያ ናይ ዒስራማዔኤሌ ጌይንታሢ ታጶ ዓሲና ዎላ ዓጬሎ ዎይሣ ጌዳሊያ ዛጋኒ ሚፂጳ ሙኬኔ፤ ዬካፓ ዔያታ ቢያሢ ዎላ ዴዒ ሙኡዚ ሙዓንቴ፥ 
\v 2 ኔታኒያ ናኣዚ ዒስማዔኤሌንታ ዒዛና ዎላ ሙኬ ታጶ ዓሶንሢንታ ባብሎኔ ካኣቲ ዪሁዳይዳ ሱኡጌ ማሂ ዶኦሬ፥ ጌዳሊያ ጬንቻ ዓራፖና ዎዼኔ። 
\v 3 ዒማና ዒስማዔኤሌ ሚፂጳይዳ ጌዳሊያና ዎላ ዓኣ ዓይሁዶ ዓሶንታ ዒኢካ ሙኪ ዓኣ ባብሎኔ ዓጮ ፖኦሊሶዋ ዎዼኔ። \x - \xo 41፡3 \xo*\xt 2ካኣቶ. ማ 25፡25።\xt*\x*
\p
\v 4 ዚሬሎ ጌዳሊያ ዎዾናሢ ዖኦኒያ ዔሩዋንቴ፦ 
\v 5 ሴኬሜይዳፓ፥ ሴኤሎይዳፓ፥ ሳማሪያይዳፓ ሳሊታሚ ዓሲ ዔርቲባኣንቴ ሙኬኔ፤ ዔያታ ዒማና ዖዪሢና ቡኡጮ ፔኤኮ ሜኤዲ፥ ማኣዓሢያ ፔኤኮ ዳርዚ፥ ዓኣፖ ካሮዋ ቡኡጪንቲ ሙኬኔ፤ ጊንሣ ሃሣ ዔያታ ጌኤዦ ማኣሮይዳ ዒንጎንዶ ሃኣኮንታ ዑንጄንታ ዔኪ ዓኣኔ፤ 
\v 6 ዬያሮ ኔታኒያ ናኣዚ ዒስማዔኤሌ ሚፂጳፓ ዬኤኪ ዬኤኪ ዔያቶ ጎይሣ ዔካኒ ኬስኬኔ፤ ዒዚ ዔያቶ ኮይላ ሙካዖ፦ «ዓሂቃሜ ናኣዚ፥ ጌዳሊያ ማኣሪ ዬዑዋቴ» ጌዔኔ። 
\v 7 ዬንሢ ዓሳ ሙኪ ካታሞ ጌጌላዛ ኔታኒያ ናኣዚ፥ ዒስማዔኤሌንታ ዒዛ ዓሶንታ ዬንሢ ዓሶ ዎዺ ዔቴይዳ ዓጌኔ።
\p
\v 8 ዬንሢ ሳሊታሞ ዓሶንሢኮ ባኣካፓ ታጶ ዓሲ፦ «ሃዳራ ኑና ዎዺፖ! ኑኡኒ ጎሺዳ ዓኣቺ ጌሤ ዛርጌ፥ ዔልዓ፥ ሪሚቲ ዛይቴንታ ዔኤሲንታ ዓኣኔ፤ ኔኤም ኑ ዒንጋንዳኔ» ጌይ ዒስማዔኤሌ ሺኢቄኔ። ዬያሮ ዔያቶ ዒ ዎዹዋዖ ሃሼኔ። 
\v 9 ዬያ ዓሶ ዒዚ ዎዺ ኬኤሬ ዔታ ዒስራዔኤሌ ካኣቲ ባዕሻ ሙኪ ዖሎ ቡሌ ዎዶና ካኣቲ፥ ዓኣሳ ካራ ባይቄቴ ዒሮ ዋኣፆ ዒኢካ ጌልዚ ዒኢፓ ዔካኒ ማሊ ቦኦኪሴያ ዼኤፒ ዔቴኬ፤ ኔታኒያ ናኣዚ ዒስማዔኤሌ ዬያ ዔቶይዳ ሌዞ ዓጊ ኩንሤኔ። 
\v 10 ዬካፓ ዒዚ ካኣቲኮ ዉዱሮ ናኣቶንታ ሃንጎ ዓቴ ዓሶ ሚፂጳይዳ ቱኬኔ፤ ዬይ ዓሳ ቢያ ባብሎኔ ካኣቲ ካፓ ፖኦሊሶ ዓይሣ፥ ናቡዛርዳኣኔ ጌዳሊያም ዔያቶ ቶኦኮ ዒ ዛጋንዳጉዲ ሃዳርሲ ዒንጌያኬ፤ ኔታኒያ ናኣዚ ዒስማዔኤሌ ጋዓንቴ ዬያቶ ዓሶ ቢያ ዲዒ ዔኪ ዓሞኦኔ ዓጮ ባንሢ ፒንቄኔ።
\p
\v 11 ዮሃናኔንታ ዒዛና ዎላ ዓኣ ዖሎ ዓሶኮ ሱኡጋ ቢያ ኔታኒያ ናኣዚ ዒስማዔኤሌ ማዼ ጌኖ ማዾ ዋይዜኔ፤ 
\v 12 ዬያሮ ዔያታ ፔ ዓሶና ዎላ ዒዛ ኮጲሲ ጌባዖኦኔይዳ ዓኣ ዼኤፒ ቦቆሊ ኮርካ ዓኣንቴ ሄሌኔ። 
\v 13 ዒማና ዒስማዔኤሌ ቱኪ ዔኪ ዓኣዻ ዓሳ ቢያ ዮሃናኔንታ ዒዛና ዎላ ዓኣ ዖሎ ዓሶንታ ዴንቃዖ ሚርጌና ዎዛዼኔ። 
\v 14 ዬካፓ ዔያታ ጊንሢም ጳሽኪ ዴንዲ ዬያቶ ዓሶ ባኣኮ ጌሌኔ፤ 
\v 15 ኔታኒያ ናኣዚ ዒስማዔኤሌና ሳሊ ዓሲና ጋዓንቴ ዮሃናኔንሢ ኩጫፓ ቶሊ ዓሞኦኔ ዓጮ ጳሽኪ ጌሊ ፑኔኔ።
\p
\v 16 ዬያይዲ ዮሃናኔንታ ዒዛና ዎላ ዓኣ ዖሎ ዓሶ ሱኡጎንታ ኔታኒያ ናኣዚ ዒስማዔኤሌ ጌዳሊያ ዎዻዖ ሚፂጳፓ ዲዒ ዔኬ ፖኦሊሶንታ ላኣሎንታ ናኣቶ ዻኮንታ ዓሽቲንቂ ማዾ ማዻ ዓሶንታ ቢያ ማሂ ዔኬኔ። 
\v 17-18 ዔያታ ዒማና ኔታኒያ ናኣዚ ዒስማዔኤሌ ባብሎኔ ካኣቲ ዪሁዳ ዓጮ ዎይሣንዳጉዲ ዶኦሬ፥ ጌዳሊያ ዎዼሢሮ ባብሎኔ ዓሳ ዔያቶይዳ ዖልዚ ቡላንዳኔ ጌይ ሂርጊ ዒጊጬኔ፤ ዬያሮ ዔያታ ባብሎኔ ዓሶፓ ፑኒ ጊብፄ ዓጮ ዴንዳኒ ዔቄኔ፤ ዬካፓ ዔያታ ቤኤቴሌሄሜ ካታሞ ኮይላ ዓኣ ጌሩትኪምሃሜ ጌይንታ ቤዛ ሃውሼኔ።
\c 42
\s1 ዔርሚያሴ ዔያቶ ዛሎ ሺኢቃንዳጉዲ ዴራ ዒዛ ዖኦጬሢ
\p
\v 1 ቃሬሃ ናኣዚ ዮሃናኔ፥ ሆሻያ ናኣዚ ዓዛሪያሴንታ ዖሎ ዓሶኮ ሱኡጋ ቢያሢ፤ ዬያጉዲ ዴራኣ ቢያ ዻካ ጌይንታ ዓሶፓ ዴንዲ ዼኤፖ ዓሶ ሄላንዳኣና ቢያሢ ታ ኮይላ ሙካዖ፦ 
\v 2 «ሃዳራ ኑኡኒ ኔና ሺኢቃ ባኮ ኑኡም ማዼ! ናንጊና ናንጋ ጎዳ ማዔ ኔ ፆኦዛሢ ኑኡም ሺኢቄ! ኑና ሃንሢ ፒኢጫዺ ዓቲ ዓኣዞንሢም ቢያ ሺኢቄ! ሃያኮ ቤርታ ኑኡኒ ዺቢኬ፤ ሃሢ ጋዓንቴ ኔኤኒ ዛጋሢጉዲ ኑኡኒ ዻካ ሌሊ ዓቴኔ፤ 
\v 3 ዬያሮ ናንጊና ናንጋ ጎዳ ማዔ ኔ ፆኦዛሢ ዓጮኮ ዎኖ ዛሎ ኑ ዴንዳንዳቴያ፤ ሃሣ ኑኡኒ ዎዎዳንዳቴያ ፔጋሲ ኑኡም ኬኤዛንዳጉዲ ዒዛ ኑኡም ሺኢቄ» ጌዔኔ።
\p
\v 4 ታኣኒ ዒማና ዔያቶም፦ «ቃራኬ፤ ዒንሢ ሃሢ ጌዔ ጎይፆማ ታኣኒ ዒንሢም ናንጊና ናንጋ ጎዳ ማዔ ዒንሢኮ ፆኦዛሢ ሺኢቃንዳኔ፤ ታኣም ዒዚ ፔጋሲ ኬኤዛ ባኮዋ ፔቴታዖ ዒንሢም ዓኣቹዋዖ ታኣኒ ኬኤዛንዳኔ» ጌይ ማሄኔ።
\p
\v 5 ዬካፓ ዔያታ ታኣም፦ «ናንጊና ናንጋ ጎዳ ማዔ ኔኤኮ ፆኦዛሢ ኔኤም ኬኤዜም ኔ ኑና ዓይሣ ባኮ ቢያ ማዺ ኩንሢ ዬያ ቃኣሎም ኑኡኒ ዓይሢንቲባኣቴ ዒዚ ፔ ቶኦኪና ጎኔ፤ ሃሣ ጉሙርቂንታ ማርካ ማዖንጎ! 
\v 6 ዬይ ዓይሢፃ ኮሺ ማዔቴያ ማዒባኣቴያ ናንጊና ናንጋ ጎዳ ማዔ ኑ ፆኦዛሢኮ ቃኣሎ ዋይዚ ኑ ዓይሢንታንዳኔ፤ ኑኡኒ ኔና ዒዛ ኮይላ ዳካሢ ናንጊና ናንጋ ጎዳ ማዔ ኑ ፆኦዛሢኮ ዓይሢፆ ኑ ቦንቼቴ ቢያ ባኣዚ ኑኡም ጊኢጋንዳሢሮኬ» ጌይ ኬኤዜኔ።
\s1 ዔርሚያሴ ሺኢቄሢሮ ናንጊና ናንጋ ጎዳ ማሄ ማሂፆ
\p
\v 7 ታጶ ኬሊኮ ጊንፃፓ ናንጊና ናንጋ ጎዳ ፔ ቃኣሎ ታኣም ኬኤዜኔ፤ 
\v 8 ዬያሮ ዮሃናኔንታ ዒዛና ዎላ ዓኣ ዖሎ ዓሶ ሱኡጎንታ ዴራኣ ቢያ ዻካፓ ዴንዲ ዼኤፖ ዓሶ ሄላንዳኣና ታ ኮይላ ዬዓንዳጉዲ ታኣኒ ዔኤሌኔ፤ 
\v 9 ዒማና ታ ዔያቶም ሂዚ ጌዔኔ፦ «ታኣኒ ዒዛ ዖኦጫንዳጉዲ ዒንሢ ታና ዳኬ፥ ዒስራዔኤሌ ፆኦሲ ማዔ ናንጊና ናንጋ ጎዳ ሂዚ ጋዓኔ፤ 
\v 10 ‹ዒንሢ ሃኖ ዓጮይዳ ናንጋያ ማዔቴ ታኣኒ ዒንሢ ጊንሣ ማዣንዳኔ፥ ሻሃዓኬ፤ ታኣኒ ዒንሢ ቱቱካንዳኔ፥ ቱጋዓኬ፤ ዒንሢዳ ታኣኒ ዔኪ ዬዔ ባይሲንታ ታና ሚርጌና ዖዪሴኔ፤ 
\v 11 ሃሢ ዒንሢ ዒጊጫሢጉዲ ባብሎኔ ካኣቲ ሃካፓ ሴካ ዒጊጪፖቴ፤ ታኣኒ ዒንሢና ዎላ ዓኣሢሮ ዔያቶ ኩጫፓ ዒንሢ ዓውሳንዳኔ፤ 
\v 12 ታ ዒንሢ ሚጪንታንዳኔ፤ ዒዚያ ዒንሢ ሚጪንቲ ዒንሢ ዓጮ ዒንሢ ማሃንዳጉዲ ታኣኒ ማዻንዳኔ፤ ዬያ ጌዔሢ ታና፥ ናንጊና ናንጋ ጎዳኬ።›
\p
\v 13 «ጋዓንቴ ዒንሢ ዒንሢኮ ፆኦዛሢ ማዔ ናንጊና ናንጋ ጎዳም ዋይዞ ዒፂ ሃኖ ዓጫ ዴዓዓ ጌዔቴ፥ 
\v 14 ጊንሣ ሃሣ፦ ‹ኑኡኒ ዖልዚ ሃይሴና ዛዬ ዑኡሲና ዋይዚንቱዋያ፤ ናይዚያባኣ፥ ጊብፄ ዓጮ ዴንዲ ኑ ዒኢካ ናንጋንዳኔ› ጌዔቴ፥ 
\v 15 ዒንሢ ዪሁዳ ፒኢጬዮቴ! ናንጊና ናንጋ ጎዳ ጋዓ ቃኣሎ ዋይዙዋቴ፤ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ሂዚ ጋዓኔ፦ ‹ጊብፄ ዓጮ ዒንሢ ዴንዲ ዒኢካ ናንጋኒ ኮዔቴ፥ 
\v 16 ዬይ ዒንሢ ዒጊጫ ዖላ ዒንሢዳ ሙካንዳኔ፤ ዒንሢ ዒጊጫ ናያኣ ዒንሢ ጊንፆ ዒኢካ ዴንዳንዳኔ፤ ዒንሢ ዒኢካ ጊብፄይዳ ሃይቃንዳኔ። 
\v 17 ጊብፄ ዓጮ ዴንዲ ዒኢካ ናንጋኒ ኮዔ ዓሳ ቢያ ዖልዚና፥ ናይዚና፤ ሃንጎ ዶርዖና ሃይቂ ኩዳንዳኔ፤ ዔያቶፓ ፔቴ ዓሲታዎ ዓታዓኬ፤ ዔያቶይዳ ታኣኒ ዔኪ ዬዓኒ ማሌ ፑርቶ ባካፓ ቶላንዳ ዓሲ ባኣሴ።›
\p
\v 18 «ቢያ ባኮ ዎይሣ ጎዳ ማዔ ዒስራዔኤሌ ፆኦዛሢ ሂዚ ጋዓኔ፦ ‹ጊብፄ ዓጮ ዒንሢ ዴንዳንዳኔ ጌይ ማሊ ዔቄቴ፥ ሃያኮ ቤርታ ዬሩሳላሜ ዴሮይዳ ታኣኒ ኬይሴ ታኣኮ ዻጎና ፑርቶ ባኮና ዒንሢዳ ኬዳንዳኔ፤ ዒንሢ ሄሌ ባካ ዴሮ ቢያ ዒጊቻ ባኣዚ ማዓንዳኔ፤ ዒንሢ ዛጌ ዓሲ ቢያ ሚኢጪ ዓማሎ ባኣዚ ዒንሢ ማሃንዳኔ፤ ሱንፃኣ ዒንሢኮ ዒማዺ ማዓንዳኔ፤ ሃኖ ቤዞ ላሚ ዒንሢ ዛጋዓኬ።› »
\p
\v 19-20 «ዒንሢ ፒኢጫዺ ዓቴ ዪሁዳ ዴራ! ናንጊና ናንጋ ጎዳ ኮይላ ታና ዒንሢ ዳኬ ዎዶና ‹ዒዚ ኑና ዓይሣ ባኮ ቢያ ኑኡም ኬኤዜ፤ ኑኡኒ ማዺ ኩንሣንዳኔ› ጌይ ማዻኑዋ ባኣዚ ጫኣቂፆና ፑርታ ዻቢንቲ ዒንሢ ዻቤኔ፥ ሃሢያ ናንጊና ናንጋ ጎዳ ‹ጊብፄ ዓጮ ዴንዲፖቴ› ጌይ ላኣጌሢሮ ታኣኒ ዬይ ጎኔ ማዒፆ ፔጋሲ ላቲ ዒንሢም ኬኤዛኔ። 
\v 21 ሃይሾ፤ ሃኖ ታ ዒንሢም ፔጋሲ ኬኤዜኔ፤ ዒንሢ ጋዓንቴ ናንጊና ናንጋ ጎዳ ማዔ ዒንሢ ፆኦዛሢ ታኣም ኬኤዜም ታ ኬኤዜ ባኮ ቢያ ዓይሢንቲ ኩንሢባኣሴ። 
\v 22 ዬያሮ ሃሢ ዒንሢ ዴንዲ ናንጋኒ ኮዓ ቤዞይዳ ዖልዚና፥ ናይዚና፤ ጊንሣ ሃሣ ፑርታ ዶርዖና ሃይቃንዳሢ ጎኔና ዔሩዋቴ።»
\c 43
\s1 ዔርሚያሴ ጊብፄ ዓጮ ዔውቲ ዓኣዼሢ
\p
\v 1 ዔያቶኮ ናንጊና ናንጋ ጎዳ ማዔ ፆኦዛሢ ዔያቶም ኬኤዛንዳጉዲ ታና ዓይሤ ባኮ ቢያ ዴሮም ታኣኒ ኬኤዚ ጋፒሴኔ፤ 
\v 2 ዬካፓ ሆሻያ ናኣዚ ዓዛሪያሴ፥ ቃሬሃ ናኣዚ ዮሃናኔንታ ዖቶርሙሞና ጋኣቤ ሜሌ ዓሲንታ ቢያ ታ ኮይላ፦ «ኔኤኒ ሉሉኡቃኔ፤ ናንጊና ናንጋ ጎዳ ማዔ ኑ ፆኦዛሢ ኑኡኒ ጊብፄ ዴንዲ ዒኢካ ናንጉዋጉዲ ኬኤዞም ኔና ዳኪባኣሴ፤ 
\v 3 ባብሎኔ ዓሳ ኑና ቢቲ ዎይሣንዳጉዲና ዔያታ ኮዔቴ ኑና ዎዻንዳጉዲ፥ ሃንጎ ባብሎኔ ዓጮ ዲዒ ዔኪ ዴንዳንዳጉዲ ኔና ዞሪ ዔቂሴሢ ኔሪያ ናኣዚ ባኣሮኬኬ» ጌዔኔ። 
\v 4 ዔያታ ሂዚ ጌዒ ዮሃናኔንታ ዖሎ ዓሶኮ ሱኡጋኣ ቢያ፤ ዬያጉዲ ዴሮይዳፓኣ ፔቴ ዓሲታዖ ዪሁዳይዳ ናንጋኒ ናንጊና ናንጋ ጎዳኮ ዓይሢፆ ኩንሢባኣሴ፤ 
\v 5 ዬካፓ ዮሃናኔንታ ዖሎ ዓሶኮ ሱኡጎንታ ዪሁዳይዳ ዓቲ ዓኣ ዓሶ ቢያ ጊብፄ ዓጮ ዔኪ ዴንዴኔ፤ ዬይ ዓሳ ዬያኮ ቤርታ ሜሌ ዴሮ ባኣካ ዜርቂንቲ ናንጊቤቃ ጊንሣ ዪሁዳ ዓጮ ማዒ ሙኬ ዴሮኬ፤ 
\v 6 ጊንሣ ቃሲ ጊዳ ዓቲንቆንታ ላኣሎንታ፥ ናኣቶንታ ካኣቲኮ ዉዱሮ ናኣቶዋ ዔኪ ዴንዴኔ፤ ባብሎኔ ዓጮኮ ዖሎ ዓሶ ሱኡጋሢ፥ ናቡዛርዳኣኔ ጌዳሊያም ዔያቶኮ ቶኦኮ ዛጊ ካፓንዳጉዲ ዒንጊ ዓኣዼ ዓሶ ቢያ፤ ጊንሣ ሃሣ ታናንታ ባኣሮኬንታኣ ዓይሱዋዖ ዔኪ ዴንዴኔ። 
\v 7 ዔያታ ናንጊና ናንጋ ጎዳም ዋይዞ ዒፂ ጊብፄ ዓጮ ዴንዳዖ ፃፕናኣሴ ካታሞ ሄሌኔ። \x - \xo 43፡7 \xo*\xt 2ካኣቶ. ማ 25፡26።\xt*\x*
\p
\v 8 ዒማና ናንጊና ናንጋ ጎዳ ታኣም ሂዚ ጌዔኔ፦ 
\v 9 «ዼኤፒ ዼኤፒ ሹቺ ዻካ ኮይ ዔኪጋፓ ዪሁዳ ዓሶፓ ዻካ ዓሲ ዛጋንቴ ካታሞኮ ካኣታ ናንጋ ኬኤፆ ቃምዖ ጋራ ዱኡኪ ሲቢርቶና ሜኤቼ። 
\v 10 ዬካፓ ታኣኒ፥ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳ ታኣኮ ዓይላሢ ማዔ ባብሎኔ ካኣቲ ናብካዳናፆኦሬ ሃይካ ዔኪ ዬዔም ኔኤኒ ዱኡኬ ዬንሢ ሹጮንሢ ዑፃ ፔኤኮ ካኣቱሞ ዖይቶ ጌሢ ፔኤኮ ካኣቱሞ ማኣሮኮዋ ዓፒሎና ማዦ ማኣሮ ዾቃንዳያ ማዔሢ ዔያቶም ኬኤዜ። 
\v 11 ናብካዳናፆኦሬ ሙኪ ጊብፄ ዓጮ ዖሊ ባሻንዳኔ፤ ዶርዖና ሃይቂ ኩዳንዳጉዲ ጎዖና ዓሳ ዶርዓሢና ሃይቂ ጋፓንዳኔ፤ ዲዒንቲ ዔውታንዳጉዲ ጎዖና ዓሳ ዲዒንቲ ዔውታንዳኔ፤ ዖልዚና ሃይቆም ጎዖና ዓሳኣ ዖልዚና ሃይቃንዳኔ። 
\v 12 ዒዚ ጊብፄይዳ ዓኣ ሜሌ ፆኦዞኮ ካኣዦ ማኣሮ ሚቻንዳኔ፤ ዬያ ፆኦዞዋ ዲዒ ዔኪ ዴንዳንዳኔ፤ ቆልሞ ሄንቃ ናይ ጉፓሌይዳ ጉፓሌ ቃሲ ማኣዓሢጉዲ ዒዚ ፔቴታዖ ሜታባኣያ ፔ ዓጮይዳ ጊብፄ ቃሲ ዔካንዳኔ። 
\v 13 ጊብፄ ዓጮይዳ ሄሊዮፖሊሴ ካታማ ሹጮ ቆኦቂ ኮሾና ዻኣቦዋ ጋኣጪ ዒዚ ባይዛንዳኔ፤ ጊብፄ ዓጮ ፆኦዞንታ ካኣዦ ማኣሮንታ ቢያ ዒ ታሚና ሚቻንዳኔ።»
\c 44
\s1 ጊብፄይዳ ናንጋ ዒስራዔኤሌ ዓሶም ናንጊና ናንጋ ጎዳ ኬኤዜ ቃኣላ
\p
\v 1 ጊብፄ ዓጮኮ ኬዶ ዛሎና ሚግዶኦሌና ፃፕናኣሴና ሜምፒሴ ጌይንታ ካታሞናይዳ፤ ዬያጉዲ ሃሣ ዾኦሎ ዛሎና ዱማ ዱማ ቤስካ ዜርቂንቲ ናንጋ ዒስራዔኤሌ ዓሶም ቢያ ኬኤዛንዳጉዲ ናንጊና ናንጋ ጎዳ ሂዚ ጌዔኔ፤ 
\v 2 ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂዚ ጌዔኔ፦ «ዬሩሳላሜና ሜሌ ሃንጎ ዪሁዳ ካታሞናይዳ ቢያ ታኣኒ ዔኪ ዬዔ ባይሲንቶ ዒንሢ ዒንሢ ቶኦኪና ዛጌኔ፤ ሃሢ ሄላዖ ዔያታ ሻሂንቲ ዶዔ ጎይሣ ዓይ ዓኣኔ፤ ዒኢካ ዓይጎ ዓሲያኣ ናንጉዋሴ፤ 
\v 3 ዬያ ታኣኒ ማዼሢ ዬንሢ ካታሞይዳ ናንጋ ዴራ ፑርታ ማዾ ማዺ ታና ዻጋሴሢሮኬ፤ ዔያታ ሜሌ ፆኦዞም ዒንጎ ባኣዚ ዒንጌኔ፤ ዔያቶንታ ዒንሢንታ፥ ዬያጉዲ ዒንሢኮ ቤርታኣ ዓዶንሢያ ካኣሽኪባኣ ፆኦዞ ዔያታ ካኣሽኬኔ፤ 
\v 4 ታኣኒ ዒፃ፥ ዬያ ሻኣካ ባኮ ዒንሢ ማዹዋጉዲ ዒንሢ ጎሪ ላቲ ኬኤዛንዳጉዲ ታኣኮ ዓይሎ ታ ማሊፆ ኬኤዛ ዓሶ ታኣኒ ዒንሢ ኮይላ ላሚ ላሚ ዳኬኔ። 
\v 5 ዒንሢ ጋዓንቴ ዔያቶም ዋይዛ ዓታዛ ዔያታ ኬኤዛ ቃኣሎ ዔኤቢኬያኣ ጌይባኣሴ፤ ሜሌ ፆኦዞም ዒንጎ ባኮ ዒንሢ ዒንጋ፥ ዬያ ፑርቶ ማዾ ዒንሢ ሃሻኒ ኮይባኣሴ፤ 
\v 6 ዬያሮ ዪሁዳ ካታሞና ዬሩሳላሜ ካታሞኮ ጎይፆናይዳ ታኣኮ ዻጎና ባይዛ ፑርቶ ባኮና ታኣኒ ላኣሌም ዬይ ዬይካ ዔኤቴኔ፤ ዬይ ካታማ ሃኖ ዒንሢ ዛጋሢጉዲ ዶዒ ጋፔም፥ ዒኢካ ናንጋ ዓሲያኣ ባኣያ ማዒ ዓኣኔ።
\p
\v 7 «ሃሢያኣ ታኣኒ፥ ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂንዳ ዒንሢ ታኣኒ ዖኦጮም፤ ዒንሢ ዒንሢሮ ዎይታዛ ሃያ ፑርቶ ባኮ ቢያ ማዻይ? ዪሁዳ ዴሮይዳፓ ዜርሢ ማዓንዳ ፔቴ ዓሲታዎ ዓቱዋጉዲ ዓቲንቆንታ ላኣሎንታ ዻኮ ናኣቶንታ ዓኣሎ ናኣቶንታይዳ ሃይ ባይሲንታ ዬዓንዳጉዲ ዓይጋ ዒንሢ ኮዓይ? 
\v 8 ዒንሢ ሙኬ ዓሲ ማዒ ናንጋ ዓጬሎ፥ ጊብፄይዳ ሜሌ ፆኦዞ ዚጊ ካኣሽኪ፤ ሃሣ ዬያ ዒንሢ ኩቻ ዒንሢ ማዤ ፆኦዞም ዑንጆ ጩቢሲፆና ዓይጋ ታና ዻጋሳይ? ዓጮ ቢያይዳ ናንጋ ዓሳ ቢያ ዒንሢ ሚኢጪ ዓማላንዳጉዲ፥ ሱንፆዋ ዒንሢኮ ጋዳማ ሱንሢ ማሃንዳጉዲ ዒንሢሮ ዒንሢ ዒንሢ ባይዛኒ ኮዓ ዓሲዳ? 
\v 9 ዪሁዳ ሳዖና ዬሩሳላሜ ካታሞኮ ጎይፆናይዳ ዒንሢኮ ዓዶንሢንታ ዪሁዳ ካኣቶንታ ዔያቶኮ ላኣሎንታ፤ ዬያጉዲ ሃሣ ዒንሢንታ ዒንሢኮ ላኣሎንታ ዒንሢ ማዼ ፑርቶ ማዾ ዒንሢ ዋሊያ? 
\v 10 ዒንሢ ሃኖ ሄላንዳኣና ዒንሢ ቶኦኮ ሂርኪዲ ሼሌዔ ዓሲ ማዒባኣሴ፤ ታናኣ ዒንሢ ቦንቺባኣሴ፤ ዒንሢኮ ቤርታኣ ዓዶንሢንታ ዒንሢንታም ታኣኒ ዒንጌ ዎጎና ዳምቦና ዶዲ ካፒ ዒንሢ ናንጋኒ ኮይባኣሴ።
\p
\v 11 «ዬያሮ ታኣኒ፥ ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ዒንሢዳ ዻጋዺ ዔቂ ዪሁዳ ዓጮ ጉቤና ባይዛንዳኔ፤ 
\v 12 ዲዒንቲ ዔውቱዋዖ ዪሁዳይዳ ፒኢጫዺ ዓቴ ዓሶፓ ጊብፄ ዓጮ ዴንዲ ዒኢካ ናንጋኒ ማሌዞንሢ ቢያ ታኣኒ ባይዛንዳኔ፤ ዻኮ ዓሶ ጌይንታ ዓሶፓ ዴንዲ ዼኤፖ ሄላንዳኣና ዖልዚና፥ ሃንጎ ጊንሣ ናይዚና ጊብፄይዳ ሃይቃንዳኔ። ዬይ ዔያቶይዳ ማዺንቴ ባካ ዓሲ ዲቃሣያ ማዓንዳኔ፤ ዓሲ ቢያ ዔያቶ ሚኢጪ ዓማላያ ዔያታ ማዓንዳኔ፤ ሱንፃኣ ዔያቶኮ ጋዳማ ሱንሢ ማዓንዳኔ። 
\v 13 ታኣኒ ዬሩሳላሜይዳ ዖልዚና ናይዚና ዱማ ዱማ ዶርዖዋ ዔኪ ዬዒ ሜቶ ዔያቶይዳ ዓጌሢጉዲ፥ ጊብፄይዳ ናንጋ ዓሶይዳኣ ታኣኒ ሜቶ ዓጋንዳኔ፤ 
\v 14 ዲዒንቲ ዔውቱዋዖ ዪሁዳይዳ ዓቲ፥ ዬካፓ ጊብፄ ዓኣዺ ናንጋ ዓሶይዳ ፔቴ ዓሲታዎ ቶሊ ዓታንዳይ ባኣሴ፤ ጊንሣ ዔያታ ዒኢካ ሙኪ ናንጋኒ ጶቂሳ ሳዔሎ፥ ዪሁዳ ማሂ ዔያቶ ዔኪ ዬዓንዳ ዓይጎ ዓሲያኣ ባኣሴ፤ ዻካ ዓሲፓ ዓቴም ማዒ ሙካንዳ ዓሲ ባኣሴ።»
\p
\v 15 ላኣላ ዔያቶኮ ሜሌ ፆኦዞም ዒንጎ ባኮ ዒንጋሢ ዔራያ ማዔ ዓቲንቃ ቢያ፤ ጊንሣ ሃሣ ጊብፄ ዓጮኮ ዾኦሎ ዛሎይዳ ናንጋ ዒስራዔኤሌ ዓሶንታ ዒኢካ ዔቂ ዓኣ ላኣላኣ ቢያ ፔቴይዳ ቡኪ ታ ኮይላ ዬዓዖ፦ 
\v 16 «ኔኤኒ ናንጊና ናንጋ ጎዳ ሱንፆና ኬኤዜ ባኮ ቢያ ኑ ዋይዛኒ ኮዑዋሴ፤ 
\v 17 ኑኡኒ ኑኡኮ ማዻንዳኔ ጌዒ ማሌ ባኮ ቢያ ማዻንዳኔ፤ ‹ጫሪንጮ ጌኤሾ› ጌይንታ ኑ ፆኦዜሎም ዑንጆ ኑ ጩቢሻንዳኔ፤ ኑናንታ ኑኡኮ ቤርታኣ ዓዶንሢንታ ኑኡኮ ካኣቶንታ ሱኡጎንታ ዪሁዳ ካታሞና ዬሩሳላሜ ካታሞናኮ ጎይፆይዳ ማዻ ጎይፆ ሃሢያኣ ዎይኖ ዑዦ ዔኪ ሺኢሺ ኑ ዒዞም ዒንጋንዳኔ። ሃያኮ ቤርታ ዬያ ኑኡኒ ማዻኣና ሚርጌ ባኣዚ ኑኡኮ ዓኣኔ፤ ኑኡኒ ዬያና ዖርጎቺታሢሮ ፔቴታዖ ሜታ ኑኡኮ ባኣሴ። 
\v 18 ጋዓንቴ ሃሢ ጫሪንጮ ጌኤሾም ዑንጆ ጩቢሺፆንታ ዎይኖ ዑዦ ዒንጎ ባኣዚ ማሂ ዋሂፆ ኑ ሃሼማፓ ዓርቃዖ ፔቴታዖ ኑኡኒ ቃሲ ዴንቄ ባኣዚ ባኣሴ፤ ኑኡኮ ዴራ ዖልዚና ናይዚና ኩኩዴኔ» ጌዔኔ።
\p
\v 19 ዬያ ጊዳ ላኣላ ቃሳዖ፦ «ጫሪንጮ ጌኤሾ ማሊሲ ላኣዶ ኑ ላኣዳ ዎዶና፥ ዒዞም ኑኡኒ ዒንጎ ባኮንታ ዎይኖ ዑዦዋ ዒንጎ ባኣዚ ማሂ ኑ ዋሃ ዎዶና ኑ ዓኒንሢ ዔሩዋንቴ ኑ ማዼ ባኣዚ ፔቴታዖ ባኣሴ» ጌዔኔ።
\p
\v 20 ዬያይዲ ታኣም ማሂ ኬኤዜ ዓቲንቆንታ ላኣሎንታ ዴሮንታም ቢያ ታኣኒ ሂዚ ጌዔኔ፦ 
\v 21 «ዒንሢንታ ዒንሢኮ ቤርታኣ ዓዶንሢንታ፥ ዒንሢኮ ካኣቶንታ ሱኡጎንታ፥ ዒንሢ ዓጮይዳ ናንጋ ዓሳ ቢያ ዪሁዳ ካታሞና ዬሩሳላሜናኮ ጎይፆይዳ ዑንጆ ጩቢሻሢ ናንጊና ናንጋ ጎዳ ጶቂሡዋያ፤ ሃሣ ዋሌያ ዒንሢም ማላ? 
\v 22 ናንጊና ናንጋ ጎዳ ዒንሢኮ ፑርቶ ማዾ ዛጊ ጊባኒ ዳንዳዒባኣሢሮ ሃሢ ዒንሢ ዛጋሢጉዲ ሳዓ ጋዳንቂንቴያ፥ ዓሲ ናንጉዋ ጉሪ ሳዓ ማዔኔ። 
\v 23 ዬይ ፑርቶ ባካ ቢያ ዒንሢዳ ሙኬሢ ሜሌ ፆኦዞም ዒንሢ ዑንጆ ጪቢሼሢሮ፥ ናንጊና ናንጋ ጎዳም ዋይዞ ዒንሢ ዒፄሢሮ፥ ዒዛኮ ዎጎና ዳምቦና ዓይሣ ጎይፆ ዒንሢ ዓይሢንቲ ማዺባኣሢሮኬ።»
\p
\v 24-25 ዪሁዳ ዓጮይዳፓ ጊብፄ ሙኪ ናንጋ ዴሮም ታኣኒ ኬኤዛንዳጉዲ ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ታኣም ኬኤዜ ባኮ ቢያ ዴሮም ቢያ፤ ባሼና ጊንሣ ላኣሎም ሂዚ ጌይ ታኣኒ ኬኤዜኔ፦ «ዒንሢንታ ዒንሢኮ ላኣሎንታ ጫሪንጮ ጌኤሾም ዔኤቢ ዒንጋኒ ናኣቢ ዒንሢ ናኣቤኔ፤ ዒንሢ ዎዎዳኒ ጌዔይ ጌዔቴ ዒንሢ ዒዞም ዑንጄ ጩቢሻኒና ዎይኖ ዑዦ ዒንጎ ባኣዚ ማሂ ዋሃኒያ ጫኣቄኔ፤ ያዺ ጌይ ዒንሢ ዔቄሢሮ ዼዼኤሹዋቴ፤ ዒንሢ ጫኣቄ ቃኣሎ ዒንሢሲ ካፒ፥ ዒንሢ ጌዔ ጎይፆማ ማዺ ኩኩንሡዋቴ፤ 
\v 26 ጋዓንቴ ጊብፄይዳ ናንጋ ዒስራዔኤሌ ዓሶ ቢያሢም ታኣኒ፥ ናንጊና ናንጋ ጎዳ ታኣኮ ዼኤፖ ሱንፆ ዔኤሊ ጫኣቂ ማዻኒ ቱኪ ዔቄ ባኮ ዋይዙዋቴ፤ ዒንሢዳፓ ፔቴ ዓሲታዎ፦ ‹ሼምፔና ናንጋ ዼኤፖ ፆኦዛሢ ሃይቆ!› ጌይ ታ ሱንፆና ዔኤቢ ጫኣቁዋጉዲ ታኣኒ ላኣጋንዳኔ። 
\v 27 ኮሺ ባኣዚቱዋንቴ ፑርታ ባኣዚ ዒንሢም ታኣኒ ዒንጋንዳኔ፤ ዒንሢዳፓ ፔቴ ዓሲታዎ ዓቱዋዖ ቢያሢ ዖልዚና፥ ሃሣ ናይዚና ሃይቃንዳኔ፤ 
\v 28 ጋዓንቴ ዒንሢዳፓ ዻካ ዓሲ ሌሊ ጊብፄ ዓጮይዳ ሃይቁዋዖ ዓቲ ዪሁዳ ማዒ ዴንዳንዳኔ፤ ጊብፄ ዓጮይዳ ናንጋኒ ሙኬ ዪሁዳ ዓሶፓ ፒኢጫዺ ዓቴ ዓሳ ዒማና ታኣኒ ጋዓ ባኮና ዒንሢ ጋዓ ባኮናፓ ዎና ጎናዻቴያ ዱማሲ ዔራንዳኔ፤ 
\v 29 ዬኖ ቤዞይዳ ዒንሢዳ ሜቶ ታኣኒ ዓጋ ዎዶና፦ ‹ታኣኒ ዒንሢ ባይዛንዳ ባኣዚ ዒንሢዳ ዔኪ ዬዓንዳኔ› ጌዔ ቃኣላ ጎኔ ማዓንዳሢ ታኣኒ፥ ናንጊና ናንጋ ጎዳ ዒንሢም ፔጋሲ ኬኤዛኔ፤ 
\v 30 ዪሁዳ ካኣቲ፥ ሴዴቂያሴ ታኣኒ ቤርታ ዒዛኮ ሞርኬ ማዒ ዓኣያ፤ ሃሣ ዒዛ ዎዻኒያ ኮዓ ባብሎኔ ካኣቲ፥ ናብካዳናፆኦሬም ዓኣሢ ዒንጌሢጉዲ ዒዛ ዎዻኒ ኮዓ ዒዛኮ ሞርኮም ሆፒራ ጌይንታ ጊብፄ ካኣቲ ዓኣሢ ታኣኒ ዒንጋንዳኔ።» \x - \xo 44፡30 \xo*\xt 2ካኣቶ. ማ 25፡1-7።\xt*\x*
\c 45
\s1 ፆኦሲ ባኣሮኬም ማዻኒ ጫኣቄ ባኮ
\p
\v 1 ዒዮሲያሴ ናኣዚ፥ ዒዮዓቄሜ ዪሁዳይዳ ካኣታዼንቴ ዖይዳሳ ሌዖና ታኣኒ ኬኤዜም ባኣሮኬ ናንጊና ናንጋ ጎዳኮ ቃኣሎ ቢራኖ ማፃኣፖይዳ ፃኣፔኔ፤\x - \xo 45፡1 \xo*\xt 2ካኣቶ. ማ 24፡1፤ 2ፆኦሲ. ዓሃኬ 36፡5-7፤ ዳኣኔ. 1፡1-2።\xt*\x* 
\v 2 ዒስራዔኤሌ ፆኦሲ ማዔ ናንጊና ናንጋ ጎዳሢ ባኣሮኬም ኬኤዛንዳጉዲ ታኣም ኬኤዜ ባኮ ሂዚ ጌይ ታኣኒ ዒዛም ኬኤዜኔ፦ 
\v 3 ኔኤኒ፦ «ናንጊና ናንጋ ጎዳ ታኣኮ ሜቶይዳ ታና ዖዪሳ ባኣዚ ቃሳዛ ሃውሾ ታኣኮ ባይቄሢሮ ዔኤቢ ታኣም ዹሜም ታኣኒ ላቤኔ፥ ታና ባዴዔ!» ጋዓኔ።
\p
\v 4 ጋዓንቴ ናንጊና ናንጋ ጎዳ፦ «ታኣኒ፥ ናንጊና ናንጋ ጎዳ ማዤ ባኮ ጊንሣ ሻሃንዳኔ፤ ቱኬሢያ ጊንሣ ታኣኒ ቱጋንዳኔ፤ ዬያ ታኣኒ ዓጮ ቢያይዳ ማዻንዳኔ፤ 
\v 5 ዬያሮ ኔኤኒ ኔኤም ኮሺ ባኣዚ ማዺንታንዳጉዲ ዎይቲ ኮዓይ? ኔኤኒ ያዺ ማላንዳያ ኮይሱዋሴ፤ ታኣኒ ባይዛንዳ ባኣዚ ዓሲ ዜርሢ ቢያይዳ ኬይሳንዳኔ፤ ያዺ ማዔቴያ ኔኤኒ ዴንዳ ቤዞ ቢያይዳ ሜሌ ዓቴቴ ሼምፓሢታዖ ታ ኔኤኮ ዓይሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ» ጋዓኔ ጌይ ኬኤዜኔ።
\c 46
\s1 ጊብፄ ዓጮ ዛላ ኬኤዚንቴ ባኣዚ
\p
\v 1-2 ናንጊና ናንጋ ጎዳ ታኣም ጊብፄፓ ዓርቃዖ ሜሌ ዓጮ ካኣቶ ዛሎዋ ቢያ ኬኤዜኔ፤ ዒዮዓቄሜ ዪሁዳይዳ ካኣታዼንቴ ዖይዳሳ ሌዖና ዔፕራፂሴ ዎሮ ኮይላ ዓኣ ቤዞ ካርካሚሼይዳ፥ ኔኮ ጌይንታ ጊብፄ ዓጮ ካኣቲስኬይ ዖሎሮ ዔኪ ኬሴ ዓሶ ባብሎኔ ካኣቲ ናብካዳናፆኦሬ ዖሊ ባሼሢ ዛሎ ናንጊና ናንጋ ጎዳ ሂዚ ጌይ ኬኤዜኔ፦ \x - \xo 46፡1-2 \xo*\xt ዒሲ. 19፡1-25፤ ሂዚ. 29፡1—32፡32።\xt*\x*
\q
\v 3 «ጊቲሞንታ ዎርፆንታ ዒንሢኮ ጊኢጊሺ
\q2 ዖልዚሮ ዖሎ ጶኦኮ ዴንዱዋቴ፤
\q
\v 4 ፓራሢ ዒንሢኮ ቢፃልቂ፥ ዒልካዮ ሄርቂጋፓ ቶጉዋቴ፤
\q2 ቶኦካ ዓጎ ዖሎ ዓንጎ ዓጊ ቤሲ ቤሲ ዓርቁዋቴ፤
\q2 ዎርፆ ዒንሢኮ ዑጪ ጊኢጊሹዋቴ፤
\q2 ዖሎ ማኣዓሢያ ማይንቱዋቴ።»
\b
\q
\v 5 «ጋዓንቴ ሃይ ታኣኒ ዛጋ ባካ ዓይጎዳዖ?
\q2 ዒጊጪ ዓሳ ጊንሢም ማዒሢዳኬ፤
\q ዖሎ ዓሳ ሃይሾ ባሺንቴኔ፤
\q2 ቢያ ዛሎና ዒጊቻ ባኣዚና ሂርጊሻ ባኣዚ ዓኣሢሮ
\q2 ጊንሢም ሺሪታዖ ዛጉዋዖ ቤርቲም ሌሊ ጳሽኪ ዔያታ ፑኔኔ።
\q
\v 6 ሩኡሪ ጳሽካ ዓሳታዖ ጳሽኪ ቶላኒ ዳንዳዑዋሴ፤
\q2 ጎኦባኬ ጌይንታ ዓሳኣ ፔና ዓይሳኒ ዳንዳዑዋሴ፤
\q2 ዔፕራፂሴኮ ኬዶ ዛሎይዳ ዹቂንቲ ዔያታ ሎኦሚ ጋፓኔ።
\q
\v 7 ሃይ ዓባዬ ዎሮጉዲ ሙካሢና
\q2 ዎሮ ዓጮ ቢያ ኩሚ ጮኦሽኪ
\q2 ዔቦ ቢያ ዔኤዻንዳ ዎርዚ ማዔሢ ሃይ ዖናዳዖ?
\q
\v 8 ዓባዬ ዎሮጉዲ ሙኬሢና
\q2 ዎሮ ዓጮ ኬስኪ ኩሚ ጮኦሽኪ
\q2 ዔቦ ቢያ ዔኤዻያ ማዔዛ፥
\q ጊብፄ ዓጮኬ፤
\q2 ጊብፄ ሂዚ ጌዔኔ፦ ‹ታኣኒ ዔቂ ዓጮ ቢያ ዋኣሢጉዲ ዔኤዺ ባይዛንዳኔ፤
\q2 ካታሞንታ ዒኢካ ናንጋ ዴሮንታ ቢያ ኩርሳንዳኔ።›
\q
\v 9 ፓራሢ ቤርቲም ዴንዳንዳጉዲ
\q2 ሳርጌሎ ዖይታኣ ዒጊቻ ጎይሢና ሺሪ ሺሪ ዴንዳንዳጉዲ ዒሹዋቴ፤
\q2 ዒቶጲያና ሊኢቢያናፓ ጊቲሞ ዔኪ ሙኬ ዓሶንታ
\q2 ሊኢዲያፓ ሙኬ ሂኢዦ ዱካ ጎኦቦ ዓሶዋ ቃሲ
\q2 ዶዲ ዖላ ዓሲ ጊኢጊሺ ዳኩዋቴ» ጋዓኔ ናንጊና ናንጋ ጎዳ።
\b
\q
\v 10 ሃና ኬላ ቢያ ባኮ ዎይሣ ጎዳ ዶኦሬ ኬሊኬ፤
\q2 ዒዚ ሃኖ ኮሜ ዔካንዳኔ፤
\q2 ፔኤኮ ሞርኮይዳ ሜቶ ዓጋንዳኔ።
\q2 ዒዛኮ ጬንቾ ዓፓራ ሚርጌ ዓሲ ሙዓንዳኔ፤
\q2 ሱጉፆዋ ዔያቶኮ ዑሽካንዳኔ፤
\q ቢያ ባኮ ዎይሣ ጎዳ ማዔ ፆኦዛሢ
\q2 ዔፕራፂሴ ዎሮኮ ኬዶ ዛላ ዓኣ ዓሶ
\q2 ዒዛም ሹኪ ዒንጎ ባኣዚ ማሂ ሹካንዳኔ።
\q
\v 11 ኩሙሢ ዉዱሮ ማዒ ጴዻዜሌ፥ ጊብፄ! ጌሌዓዴ ዓጮ ዴንዲ
\q2 ቲሽቶንዶ ዼኤሻ ኮዔ፤
\q2 ኔኤኮ ዼኤሻ ቢያ ጉሪ ባኣዚኬ፤
\q2 ኔና ፓሣኒ ዳንዳዓይ ፔቴታዖ ባኣሴ።
\q
\v 12 ዴራ ኔኤኮ ዻውሲንቶ ዋይዜኔ፤
\q2 ዓጮ ዴሮም ጉቤ ኔኤኮ ዒላታ ሱቴኔ፤
\q2 ፔቴ ፖኦሊሳሢ ባጋሢ ዋርቴም ቢያሢ ዎሊ ዔኪ ሳዓ ሎኦማኔ።
\s1 ናብካዳናፆኦሬ ዖሎሮ ዬዓንዳሢ ዛላ
\p
\v 13 ባብሎኔ ካኣቲ፥ ናብካዳናፆኦሬ ጊብፄ ዓጮ ዖላኒ ሙካንዳሢ ዛሎ ናንጊና ናንጋ ጎዳ ሂዚ ጌይ ታኣም ኬኤዜኔ፦ \x - \xo 46፡13 \xo*\xt ዔር. 43፡10-13።\xt*\x*
\q
\v 14 «ጊብፄ ካታሞ ሚግዶኦሌንታ፥ ሜምፒሴንታ
\q2 ፃፕናኣሴንታይዳ ሃያ ቃኣሎ ዼጊዲ ኬኤዜ፤
\q2 ‹ዒንሢ ዛሎ ዖልታኒ ጊኢጉዋቴ፤
\q2 ዒንሢ ኮይሎይዳ ዓኣ ዖላ ቢያ ባይቃንዳኔ።
\q
\v 15 ዼኤፒኬ ዒንሢ ጋዓ ዓጲሴ ጌይንታ ፆኦዛ ዎይቲ ዒንሢኮ ሎኦሜይ?
\q2 ናንጊና ናንጋ ጎዳ ሂዒ ኬኤሬሢሮቱዋዓዳ?›
\q
\v 16 ዔያቶኮ ዖሎ ዓሳ ፔቴይ ባጋሢ ዋርቲ ዎላ ሎኦማንዳኔ፤
\q2 ዔያታ ፔቴ ባጋሢ ኮይላ፦
\q2 ‹ሞርኮኮ ዖላፓ ኑ ጳሽኪ ፑኒ
\q2 ኑ ዓጮ ዴሮ ባኣኮ ጌላኒ ሩኡሮም› ጋዓንዳኔ።»
\b
\q
\v 17 «ጊብፄ ካኣቲም፦ ‹ማዾንዶ ባኮ ዳይዲ ሃሼ፥ ጉሪ ሆኦሊንቲ ሺራያ› ጌይንታ
\q2 ዓኪ ሱንሢ ጌሢንታንዳኔ፤
\q
\v 18 ሱንፃ፦ ‹ቢያ ባኮ ዎይሣ ጎዳ ማዔ ፆኦሲ› ጌይንታ ካኣታሢ ሂዚ ጋዓኔ፤
\q2 ታኣኒ ሼምፔና ናንጋያኬ፤ ዹኮ ባኣኮይዳ ታኣቦኦሬ ዹካ፥ ባዞ ኮይሎዳ ሃሣ ቄርሜሎሴ ዼጊ ጌይ ጴዻሢጉዲ ዒንሢ ዑፃ ዼግ ዼጊ ጌይ ዒንሢ ባሻንዳ ዎልቄ ዬዓንዳኔ።»
\q
\v 19 «ጊብፄ ዴሬዮቴ! ዒንሢ ዲዒንቲ ዔውታንዳሢሮ
\q2 ዒንሢኮ ዓኣ ሜሆ ቢያ ታኣጊንቱዋቴ፤
\q2 ሜምፒሴ ካታማ ሻሂንቲ ዓሲ ናንጉዋ ዳውሌ ማዒ ዓታንዳኔ፤
\q
\v 20 ጊብፄ ዑፃ ኮሽኪ ሚዛጴ ማሮጉዲኬ፤
\q2 ኬዶ ዛሎና ሙካ ሶኦፆምቦ ዉፃላ ዒዞ ዑፃ ቁንዳንዳኔ።
\q
\v 21 ሚኢሾሮ ማዺሻኒ ዔኮና ፖኦሊሳ ማሌ ዎፓናጉዲኬ፤
\q2 ጊንሢም ሺሪ ዔያታ ጳሽኪ ፑናንዳኔ፤
\q2 ዔያቶይዳ ፑርታ ዎጌ ዎጊንቴሢሮና ባይሲንታኣ ዔያቶ ሄሌሢሮ
\q2 ዶዲ ዔቂ ዔያታ ዖላኒ ዳንዳዑዋሴ።
\q
\v 22-23 ሞርኮኮ ዖሎ ዓሳ ሙኪ ዑካኣና
\q2 ሾኦሺጉዲ ሱኡሪንሢ ዑኡሲ ዋይዚሲ ጊብፄ ጳሽኪ ፑናንዳኔ፤
\q ዲም ጌዔ ዓንሢ ካይዚ ዓሲ ጲሻሢጉዲ
\q2 ዬይ ዖሎ ዓሳ ሄርጋና ዔያቶይዳ ጌሊ ዔያቶ ኩርሳንዳኔ።
\q ዬያ ዓሶኮ ፓይዳ ፓይዲንታኒ ዳንዳዑዋያኬ፤
\q2 ዖሎ ዓሶኮ ሚርጉማኣ ዓቢሢዳፓ ባሻያ ማዓንዳኔ።
\q
\v 24 ጊብፄ ዴሮ ኬዶ ዛሎይዳ ናንጋ ዴራ ዖሊ ባሻንዳሢሮ
\q2 ዔያታ ቦርሲንታንዳኔ፤
\q2 ዬያ ጌዔሢ ታና፥ ናንጊና ናንጋ ጎዳኬ።»
\p
\v 25 ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂዚ ጋዓኔ፦ «ጊብፄ ዓጮንታ ዒኢካ ካኣሽኪንታ ፆኦዞንታ ካኣቶንታ፤ ቴቤሴ ጌይንታ ካታሞኮ ካኣሽኮ ፆኦዛሢንታ ጊብፄ ካኣቲንታ ዒዛ ጉሙርቃ ዓሶ ቢያሢንታይዳ ሜቶ ታኣኒ ዓጋንዳኔ። 
\v 26 ሃሣ ጊንሣ ዔያቶ ዎዻኒ ኮዓ፥ ባብሎኔ ካኣቲ፥ ናብካዳናፆኦሬና ዒዛኮ ዖሎ ዓሶ ኩጮናይዳ ዓኣሢ ታኣኒ ዔያቶ ዒንጋንዳኔ፤ ዬካፓ ዻካ ጋዓዖ ዬያኮ ቤርታ ዓኣ ጎይፆ ዓሲ ጊንሣ ጊብፄይዳ ናንጋያ ማዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ናንጊና ናንጋ ጎዳ ዴሮ ዓውሳንዳያ ማዒፃ ኬኤዚንቴሢ
\q
\v 27 «ታኣኮ ዓይላሢ፥ ያይቆኦቤ ናኣታ!
\q2 ዒንሢ ዒስራዔኤሌ ዓሳ! ዒጊጪ ዎዛ ቲቂፖቴ፤
\q2 ዒንሢ ታኣኒ ሃኬ ዓጮይዳፓ
\q2 ዒንሢኮ ዜርፆዋ ታኣኒ ዲዒንቲ ዴንዴ ቤዛፓ
\q2 ዔኪ ዬይሢና ዓውሳንዳኔ።
\q2 ቤርታኣሲጉዲ ዖኦኒያ ዒንሢ ዲቃሡዋንቴ
\m ጊንሣ ኮሺ ናንጊ ዒኢካ ናንጋንዳኔ። \x - \xo 46፡27 \xo*\xt ዔር. 30፡10-11።\xt*\x*
\q
\v 28 ታኣኒ ዒንሢና ዎላታሢሮ ዒንሢ ታኣኮ ዓይላ፥ ዒስራዔኤሌ ዓሳ!
\q2 ዒጊጪ ዲቃቲፖ፤
\q2 ዒንሢ ዜርቂንቲ ዴንዲ ዔያቶ ባኣካ ዴዓንዳጉዲ
\q2 ታኣኒ ማሄ ዴሮ ቢያ ታኣኒ ባይዛንዳኔ፤
\q2 ዒንሢ ጋዓንቴ ታኣኒ ጋፒሲ ባይዛዓኬ፤
\q2 ያዺ ማዔቴያ ዻካ ታ ዒንሢ ፁንቃንዳኔ፤
\q2 ታ ዒንሢ ፁንቁዋዖ ጋዓንቴ ሃሻዓኬ፤ ዬያ ጌዔሢ ታና፥ ናንጊና ናንጋ ጎዳኬ።»
\c 47
\s1 ፒሊስፄኤሜ ዛሎ ኬኤዚንቴ ፆኦሲ ማሊሢ
\p
\v 1 ጊብፄ ካኣቲ ጋኣዛ ዖላንዳሢኮ ቤርታ ናንጊና ናንጋ ጎዳ ፒሊስፄኤሜ ዓጮ ዛሎ ሂዚ ጌይ ታኣም ኬኤዜኔ፤ \x - \xo 47፡1 \xo*\xt ዒሲ. 14፡29-31፤ ሂዚ. 25፡15-17፤ ዒዩ. 3፡4-8፤ ዓሞ. 1፡6-8፤ ሶፖ. 2፡4-7፤ ዛካ. 9፡5-7።\xt*\x*
\q
\v 2 ናንጊና ናንጋ ጎዳ ሂዚ ጋዓኔ፦
\q2 «ሃይሾ፥ ኬዶ ዛላፓ ዺቢ ዋኣሢ
\q2 ዎርዚ ኩኩሜ ዲጲጉዲ ዎታኔ፤
\q2 ዬይ ዋኣፃ ሳዖና ሳዖይዳ ዓኣ ባኮ ቢያ
\q ካታሞንታ ዒኢካ ናንጋ ዴሮንታ ቢያ ዔኤዻንዳኔ።
\q2 ዒማና ዴራ ቢያ ማኣዶ ዴንቃኒ ዒላታንዳኔ፤
\q2 ሳዖይዳ ናንጋ ዓሳኣ ቢያ ዒኔ ሜቂ ዬኤካንዳኔ።
\q
\v 3 ጳሽኪ ሙካ ፓራሢ ቶኮኮ ዑኡዞይዳፓ ዔቄያና፤
\q2 ሞርኮ ሳርጌሎ ዖይቶኮ ሺራሢ ዋይዚሳ ዑኡዞፓ ዔቄያና፤
\q2 ሃሣ ዬይ ሳርጌሎ ዖይታ ጎዒ ሙካሢ ዔያታ ዛጋዖ
\q2 ናኣቶኮ ዓዶንሢ ዎልቃ ዔያቶኮ ጌሌም ላባንዳሢሮ
\q2 ፔኤኮ ናኣቶታዖ ዓውሳኒ ሺሪ ጊንሢም ዛጋዓኬ።
\q
\v 4 ፒሊስፄኤሜ ባይቃንዳ ዎዳ ሄሌኔ፤
\q2 ሃይቁዋዖ ቶሊ ዓቲ ፂሮሴና ሲዶናና ማኣዳንዳ ዓሳ ቢያ
\q2 ካኣሙዋያ ማዒ ሃኬ ሃኬ ዴዓንዳ ዎዴ ዑኬኔ።
\q ታኣኒ፥ ናንጊና ናንጋ ጎዳ ሃይቦፓ ዓቲ ባዞ ዓጫ ዓኣ
\q2 ካፕቶኦሬ ዜርፆ ማዔ ፒሊስፄኤሜ ዓሶ ቢያ ባይዛንዳኔ።
\q
\v 5 ጋኣዛ ዓጮ ዴራ ዖዪ ፔኤኮ ቶኦኮ ሜኤዳንዳኔ፤
\q2 ዓስቄሎና ዓሳ ዚቲ ጋዓንዳጉዲ ማዺንታንዳኔ።
\q2 ፒሊስፄኤሜ ዶኦጮይዳ ባይሲንቶፓ ቶሊ ዓቲ ዓኣ ዓሳ
\q2 ዑፆ ፔኤኮ ቲሊንጎና ቲቂ ቲቂ ዖያሢ ዎማ ሄላንዳኣናዳዖ?
\q
\v 6 ‹ናንጊና ናንጋ ጎዳኮ ጬንቾ ዓራፓሦ! ማዾ ሃሺ ኔ ሃውሻንዳ ዎዳ ዓይዲዳይ?
\q2 ሃዳራ ኔኤኮ ጎንጎኖ ጋሮ ጌሊ ሃውሼ› ጌይ ጌይ ዒንሢ ዒላታንዳኔ።
\q
\v 7 ጋዓንቴ ታኣኒ፥ ናንጊና ናንጋ ጎዳ ዒዛም ዒንጌ ማዾ ኩርሱዋዖ ዎይቲ ዒዚ ሃውሻንዳይ?
\q2 ዓስቄሎናና ባዞ ዓጮናይዳ ናንጋ ዓሶ ኩርሳንዳጉዲ ዒዛ ታኣኒ ዓይሤኔ።»
\c 48
\s1 ሞዓኣቤኮ ባይሲንቶ
\p
\v 1 ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂዚ ጋዓኔ፦
\q «ኔቦ ካታማ ሻሂንቲ ዶዒ ባይቃንዳሢሮ
\q2 ኔቦ ዴሮ ባዴዔ!
\q2 ቂሪያታይሜ ካታማኣ ሞርኮ ኩጮ ጋሮ ጌላንዳኔ፤
\q ዶዲ ማዒ ዓኣ ዒዞኮ ዋርዲዮ ኬኤላ ሻሂንታንዳኔ፤
\q2 ዴራኣ ዒዞኮ ዻውሲንታንዳኔ። \x - \xo 48፡1 \xo*\xt ዒሲ. 15፡1—16፡14፤ 25፡10-12፤ ሂዚ. 25፡8-11፤ ዓሞ. 2፡1-3፤ ሶፖ. 2፡8-11።\xt*\x*
\q
\v 2 ሞዓኣቤኮ ቦንቺንታ ጋፓንዳኔ፤
\q2 ሃሴቦኦኔ ባይዛኒ ዓሳ ዞርቲ ዔቃንዳኔ፤
\q2 ዔያታ፦ ‹ሃኒ ዬውዋቴ፥ ሃይካፓ ሴካ ሱንሢ ዒዞኮ ኬስኩዋጉዲ
\q ኑኡኒ ዒዞ ባይዞም› ጋዓንዳኔ፤
\q ዒንሢ ማድሚኔ ካታሞ ዓሳ! ጬንቼ ዓራፖ ዒንሢ ዳውሳንዳሢሮ
\q2 ዔኤቢ ጎውዋዖ ዚቲ ዒንሢ ጋዓንዳኔ።
\q
\v 3 ሆሮናይሜ ካታሞይዳ ሄላንዳ ባይሲንቶና
\q2 ዔያታ ዒላታንዳ ዒላቶ ዋይዙዋቴ።»
\b
\q
\v 4 «ሞዓኣቤ ካታሞ ዶይሲ ባይዞናኔ፤
\q2 ዬያሮ ናኣታ ዒዞኮ ዒላታኔ።
\q
\v 5 ሌካ ዔያታ ሉሂቴ ካታሞ ዖዳኣና ዒናፓ ዬኤካንዳኔ፤
\q2 ሆሮናይሜ ባንሢ ሊካ ዔያታ ኬዳኣና
\q2 ካታማ ዶዒ ባይቄሢሮ ዋኣዪሢ ዑኡሲ ዋይዚሳንዳኔ።
\q
\v 6 ዔያታ ዎሊ ኮይላ፦ ‹ዒንሢኮ ሼምፖ ዓውሳኒ ሩኡሪ ጳሽኩዋቴ!
\q2 ዓሲ ናንጉዋ ዳውሎ ኪርሞሎጉዲ ባባራኑዋቴ!›» ጋዓንዳኔ።
\b
\q
\v 7 «ሞዓኣቤ ዴሬዮቴ! ዒንሢ ዒንሢኮ ዎልቆና
\q2 ቆሎ ሚርጉሞናይዳ ጌኤቂንቴኔ፤
\q2 ሃሢ ጋዓንቴ ዒንሢ ዲዒንቲ ዔውታንዳኔ፤
\q2 ኬሞሼ ጌይንታ ፆኦዛ ዼኤፖ ሱኡጎና ቄኤሶና ዎላ ዲዒንቲ ዔውታንዳኔ።
\q
\v 8 ናንጊና ናንጋ ጎዳ ኬኤዜ ጎይፆ
\q2 ባይዛሢ ካታሞ ቢያ ሙካንዳኔ፤
\q ፔቴታዖ ቶላንዳ ዓሲ ባኣሴ።
\q2 ዶኦጮንታ ቦኦሎንታ ኩርሲ፥ ባኣያ ማሃንዳኔ።
\q
\v 9 ሞዓኣቤ ሳዓ ጎሺ ጎሽኪንቱዋያ ጉሪ ሳዓ ማዒ ዓታንዳጉዲ ሶኦጌ ዒኢካ ላኣሉዋቴ፤
\q2 ዬኖ ዓጫ ዓኣ ካታማኣ ዓሲ ናንጉዋያ ጉሪ ቤሲ ማዓንዳኔ።»
\p
\v 10 ቄል ጌዒ ናንጊና ናንጋ ጎዳኮ ማዾ ዒናፓ ማዺ ኩንሡዋይ ጋዳንቂንቴያ ማዖም! ናንጊና ናንጋ ጎዳ ዓይሣ ዎዶና ጬንቾ ዓራፓ ዓሲ ዎዹዋጉዲ ላኣጋ ዓሲያኣ ጋዳንቂንቴያ ማዖም!
\s1 ሞዓኣቤ ካታሞኮ ሻሂንቲ ዶዒፆ
\p
\v 11 ናንጊና ናንጋ ጎዳ ሂዚ ጋዓኔ፦ «ፔቴ ዖቲፓ ሜሌ ዖቲዳ ዛኣሪንቱዋዖ ዓታሎና ዎላ ዓኣ ዎይኔ ዑሺ ዓኣፃ ጎይፆማ ዓኣፂ ዴዴዓኔ፤ ሜሌ ሜሌ ጎዑዋሴ፤ ዬያጉዲ ሞዓኣቤ ዴራ ዓጫ ዔያቶኮ ዔያቶሮ ማዒ ዔቄማፓ ዓርቃዖ ሜታዺ ሴካ ሃንጋ ዓጊፁዋዖ ዴዔኔ፤ ዲዒንቲ ሜሌ ዓጪያኣ ዔያታ ዔውቲ ቤቂባኣሴ። 
\v 12 ፔቴ ዓሲ ዎይኖ ዑዦ ዖታፓ ላኣሊ ዬኖ ጉሪ ማዔ ዖቶ ዎዻሢጉዲ፥ ታኣኒያ ሞዓኣቤ ካታሞ ዶይሲ ባይዛንዳያና ዴሮዋ ዔኪ ሜሌ ቤሲ ሺኢሻንዳ ዓሲ ዳካንዳ ዎዴ ዑኬኔ። 
\v 13 ዒስራዔኤሌ ዓሳ ጉሙርቃ፥ ቤኤቴሌይዳ ዻኣቢ ዔቂሶና ፆኦዞይዳ ማዺንቴ ባኮና ዔያታ ቦርሲንቴሢጉዲ ሞዓኣቤ ዓሳኣ ኬሞሼ ጌይንታ ፆኦዞይዳ ታ ማዻ ባኮና ቦርሲንታንዳኔ።»
\q
\v 14 «ሞዓኣቤ ዴሬዮቴ! ‹ኑኡኒ ዖልዚና ዔርቴያ
\q2 ዖልዚ ዖሊያ ኑ ዛጊ ሚኒ ኬስኬያኬ› ጌይ ዎይቲ ዒንሢ ዖቶርቃይ?
\q
\v 15 ሞዓኣቤ ካታማ ሃይሾ ሻሂንቲ ዶዔኔ፤
\q2 ሚዛጲ ሚዛጲ ማዔ ዼጌሢ ቲቂንታኒ ዒኢካ ዎቴኔ፤
\q2 ታኣኒ፥ ካኣታሢ ዬያ ጌዔኔ፤ ሱንፃ ታኣኮ ‹ቢያ ባኮ ዎይሣ ጎዳ› ጌይንታኔ።
\q
\v 16 ሞዓኣቤኮ ባይቂፃ ዑኬኔ፤
\q2 ሻሂንቲ ዶዓንዳ ዎዳኣ ሩኡሪ ዬዔኔ።»
\b
\q
\v 17 «ዒዞኮ ዼኤፖ ሱንፆ ዔራያ ማዒ፥ ኮይላ ዑኬ ናንጋ ዴራ ቢያ፦
\q2 ‹ዒዞኮ ቢታንቶ ዔርዛ ዼኤፖ ዎልቃ ዎይቲ ጉሪ ማዔዖ፤
\q2 ዶዶ ካኣቱሞ ኮኦላኣ ዎይቲ ሜቄዖ› ጌይ ቃዪ ዬኤኩዋቴ!
\q
\v 18 ዙሎ ዲርቆና ኬኤሎ ዲፃ ሻሂንቲ ዶዔሢ ኩሊንቴ ቤሲ ማዓንዳጉዲ
\q2 ሞዓኣቤ ሻሂ ባይዛንዳሢ ሃይሾ፥ ሃይካ ዓኣሢሮ
\q2 ዲቦኔ ካታሞይዳ ናንጋ ዓሳ፥ ዒንሢ ቢያሢ
\q2 ዒንሢኮ ቦንቾ ቤዛፓ ኬዲ ሳዖ ሲላሎይዳ ዴውዋቴ፤
\q
\v 19 ዒንሢ ዓሮዔኤሬይዳ ናንጋ ዓሳ ቢያ
\q2 ጎይፆ ዓጫ ዔቂ ካፑዋቴ፤
\q2 ፑኒ ዴንዳ ዓቲንቆና ቶሊ ዴንዳ ላኣሎና ቢያ ዖኦጪ
\q2 ዬይ ዓይጎ ባኣዚታቴያ ዔሩዋቴ።
\q
\v 20 ሞዓኣቤ ሻሂንቲ ዻውሲንቲ ሎኦሞ ሎኦሜሢሮ
\q2 ዒላቲ ቃዪ ቃዪ ዬኤኩዋቴ፤
\q2 ዒዛ ዓሲ ናንጉዋ ዓጪ ማዔሢ ዓርኖኦኔ ዎሮ ኮይላ ዓኣ ዓጮም ቢያ ኬኤዙዋቴ።
\b
\p
\v 21-24 «ዓሌ ማዔ ቤዞይዳ ማዢንቴ ካታሞ ጌይፃ፦ ሆሎኔ፥ ያሂፃ፥ ሜፓዓቴ፥ ዲቦኔ፥ ኔቦ፥ ቤትዲብላታይሜ፥ ቂሪያታይሜ፥ ቤትጋሙሌ፥ ቤትሜዖኔ፥ ቄሪዮቴንታ ቦፂራ ጌይንታ ካታሞንታ፤ ዑኬያ ሃኬያ ዓኣያ ማዔ ሞዓኣቤ ካታሞ ቢያሢዳ ዼኤፒ ሜታ ዬዔኔ፤ 
\v 25 ሞዓኣቤኮ ዎልቆ ማዔ ባካ ሜቄኔ፤ ቢታንታኣ ዒዞኮ ዔውቴኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ሞዓኣቤኮ ዻውሲንቶ
\p
\v 26 ናንጊና ናንጋ ጎዳ ሂዚ ጋዓኔ፦ «ታኣም ዒዛ ዋይዞ ዒፂ ዖቶርቄሢሮ ሞዓኣቤ ዑሺ ማሢሱዋቴ፤ ዒዛ ፔኤኮ ጮኦዦይዳ ኮላዾንጎ፤ ዓሲም ዒዛ ሚኢቺ ባኣዚ ማዖንጎ፤ 
\v 27 ሞዓኣቤ! ዒስራዔኤሌ ዉዞና ዎላ ዓዺንቲባኣቴያ ኔኤኒ ዒዞ ሚኢጪ፥ ዒዞ ዛሎ ኔኤኒ ኬኤዛዖ ቶኦኮ ኔኤኮ ኔኤኒ ዓጊሣኔ።
\p
\v 28 «ሞዓኣቤ ካታማ ናንጋ ዴሬዮ! ዒንሢኮ ካታሞ ሃሺ ማጊ ዓቺዳ ፔኤኮ ማኣሮ ማዣ ዶኦሌጉዲ ዼኤፒ ሹቺ ባኣካ ዴንዲ ናንጉዋቴ። 
\v 29 ሞዓኣቤ ሚርጌና ዖቶርቂ፥ ፔናኣ ዼግ ዼጊዲ ሆኦሊንታያ ማዒ ዒኖዋ ፔኤኮ ሹቺ ማሄሢ ታኣኒ ዋይዜኔ። 
\v 30 ታኣኒ ዒዞኮ ዖቶርሞ ዔራኔ፤ ሄርሺንቶንታ ዒዛ ማዻ ማዾንታ ጉሪኬ። 
\v 31 ሞዓኣቤ ዛሎ ታኣኒ ዎኦ! ዎኦ! ጋዓንዳኔ፤ ሞዓኣቤ ዓሶ ጉቤሢ ዛሎ ዑኡዞ ዼጊዲ ታኣኒ ዒላታንዳኔ፤ ቂሪሄሬሴ ዓሶ ዛሎዋ ዖዪ ታኣኒ ዬኤካንዳኔ። 
\v 32 ያዕዜሬ ዴሮ ዛሎ ታኣኒ ዬኤካስካፓ ባሼ ሲቢማ ዴሮ ዛሎ ዒላቲ ዒላቲ ዬኤካንዳኔ፤ ሲቢማ ካታሜሌ! ኔኤኒ ኔኤኮ ካኣፓ ባልጊ ዴንዲ ሶኦጌ ባዚና ጌይ ያዕዜሬ ሄሌ ዎይኔጉዲኬ፤ ጋዓንቴ ኔኤኮ ጎሮኪ ካፄ ዓኣፖ ባይዛሢ ሃይሾ ሙኬኔ። 
\v 33 ማሊ ማዔ ዓጬሎ፥ ሞዓኣቤይዳፓ ዎዛንታ ሚኢቺንታ ዔውቴኔ፤ ዎይኖ ጩኡጶ ቤዞ ቢያይዳ ዎይኔ ጩኡጲንታይ ባኣያ ማዓንዳጉዲ ታኣኒ ላኣጌኔ፤ ዎዛና ሶራይቲ ሶራይቲ ዒኢካ ዎይኖ ሄርቂ ጩኡጳንዳ ዓሲ ባኣሴ፤ ዔኤቢኮ ዑኡሲ ዋይዚንታያ ማዔቴያ ዎዛ ዑኡሲ ዓሲ ዋይዛዓኬ።
\p
\v 34 «ሃሴቦኦኔና ዔሊዔኤሌ ዴሮና ዑኡዞ ፔኤኮ ዼጊዲ ዒላታኔ፤ ዒላታ ዔያቶኮ ዴንዲ ያሃፄ ሄሊ ሱታኔ፤ ሃሣ ፆዓሬፓ ዴንዲ ሆሮናይሜና ዔግላትሺሊሺያ ጌይንታ ቤዛ ዋይዚንቴኔ፤ ኒሚሪሜ ዋኣፃኣ ሚጬኔ። 
\v 35 ሞዓኣቤ ዓሳ ፔ ፆኦዞም ዒንጋ ባኮንታ ዚጋ ዚጊፆንታ ዑንጆ ጩቢሻሢያ ታኣኒ ላኣጊ ሃሺሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 36 «ሞዓኣቤና ቂሪሄሬሴናይዳ ናንጋ ዴራ ፔኤኮ ዓኣ ባኮ ቢያ ባይዚ ኩቺ ጉሪ ማዓንዳሢሮ ሹሉንጎ ዋርቂ ዋርቂ ቃያ ዓሲጉዲ ታኣኒ ዔያቶ ቃዪ ዬኤካንዳኔ። 
\v 37 ሞዓኣቤ ዴራ ፔኤኮ ማኣሮኮ ዑፆይዳ ዓኣ ዼጌ ቤዞና ጎይፆ ዓጮናይዳ ዴዒ ዬኤካንዳኔ፤ ዒማና ዓቲንቃ ፔኤኮ ቡኡጮ ሜኤዳንዳኔ፤ ዴራ ሃሣ ፔኤኮ ቶኦኮ ጉኡላንዳኔ፤ ኩጮ ዑፆዋ ቲሊንጊና ዔያታ ቲቃንዳኔ፤ ሃሣ ሲዬ ፓቲሌያኣ ዔያታ ማኣዓንዳኔ። 
\v 38 ሞዓኣቤ ታኣኒ ፑርቴ ሜሄጉዲ ዎዼሢሮ ማኣሮኮ ቶኦካ ዓኣ ዼጌ ቤዞና ዴራ ቡካ ቤዞናይዳ ቢያ ዬኤፒፓዓቴም ሜሌ ዋይዚንታንዳ ዑኡሲ ባኣሴ። 
\v 39 ሞዓኣቤይዳ ዓይጎ ዲቃሣ ባኣዚ ሄሌምዳዖ ዒዛ ዬኤካሢ? ዎይቲ ዒዛ ቦርሲንቲ ዓኣፖ ካሮ ሺርሼዖ? ዬያሮ ዒዛ ዒዞኮ ዓሺኖ ማዔ ዓጮም ቢያ ሚኢቺ ሚኢጮያና ዓሶ ዲዲቃሣያ ማዒ ዓቴኔ።»
\p
\v 40 ጋኣዞ ፔኤኮ ፒሺ ሊካ ባራኒ ኬዳ ኮኦኬጉዲ ሞዓኣቤ ባንሢ ሞርኬ ዡኡዢ ሙካሢ ናንጊና ናንጋ ጎዳ ኬኤዜኔ፤ 
\v 41 ካታሞና ዋርዲዮ ቤዞና ቢያ ዓርቂንታንዳኔ፤ ያዺ ማዓዛ ሞዓኣቤ ዓጮኮ ዖሎ ዓሳ ሾይቺ ዓርቄ ላኣሊጉዲ ዒጊቹሞና ሜታዻንዳኔ፤ 
\v 42 ሞዓኣቤ ታኣም ዋይዞ ዒፂ ዖቶርቄሢሮ ሻሂንቲ ዶዒ ባይቃንዳኔ፤ ሃይካፓ ሴካ ካኣቲ ዓኣ ዓጪ ማዒ ዔርታዓኬ። 
\v 43 ሞዓኣቤ ዴሬዮቴ! ናንጊና ናንጋ ጎዳ ሂዚ ጋዓኔ፦ «ዒንሢ ካፒ ዓኣሢ ዒጊጪ ካራ ባይቂሢ፥ ዹቂ ሎንሣ ባኣዚ፥ ዔቴንታ ፒሮንታኬ።» 
\v 44 «ዬያ ዒጊቺ ካራ ባይዛ ባኮፓ ቶላኒ ጳሽካሢ ዔቴይዳ ሎኦማንዳኔ፤ ዔታፓ ኮኦሚ ኬስካሢ ሃሣ ፒሮና ዓዺንታንዳኔ፤ ሞዓኣቤ ሜቶ ዛጋንዳ ኬሊ ታኣኒ ዔኪ ዬዓንዳኔ» ጋዓኔ። 
\v 45 ፑኒ ቶሎሮ ጳዦና ላቤ ዓሳ ሃሴቦኦኔ ዓጮኮ ሺቦ ዴማ ዴዔኔ፤ ዔያታ ዬያይዴሢ ታሚ ሃሴቦኦኔይዳ፥ ታሚኮ ሎስታ ሲሆኔይዳፓ ዔቂ ሞዓኣቤ ዖሎ ዓሶኮ ቤርታ ኬስኪ ዖላ ጫርዦ ዓሶንታ ኮይላ ካኣላ ዓሶዋ ሙዔሢሮኬ። 
\v 46 ሞዓኣቤ ዓሶ ዒንሢ ባዴዔቴ! ካሞሼ ጌይንታ ፆኦዞ ዚጊ ካኣሽካ ዴሮ ዎዺ ኩርሶናኔ፤ ዓቲንቆንታ ዉዱሮ ናኣቶንታ ዔያቶኮ ዲዒንቲ ዔውቴኔ።
\p
\v 47 «ያዺ ማዔቴያ ሞዓኣቤ ዓጮኮ ዓኣ ቆሎ ታኣኒ ጊንሣ ማሃንዳ ኬሊ ዬዓንዳኔ» ጋዓኔ፥ ናንጊና ናንጋ ጎዳ፤ ሞዓኣቤይዳ ዓጎና ፑርቶ ባካ ያዺና ጋፔኔ።
\c 49
\s1 ዓሞኦኔ ዓጮ ዛሎ ኬኤዚንቴ ፆኦሲ ማሊሢ
\p
\v 1 ናንጊና ናንጋ ጎዳ ዓሞኦኔ ዓጮ ዛሎ ሂዚ ጋዓኔ፦ «ዒስራዔኤሌ ዓሶኮ ዓቲንቄ ናይ ባኣዓዳ? ዔያቶ ዻካላያኣ ባኣዓዳ? ሂዳዖ ፆኦዞ ማሂ ካኣሽኮ፥ ሚልኮሜ ካኣሽካ ዓሳ ጋኣዴ ፃጶ ዳውሲ ዳኪ ካታሞይዳ ዔያቶኮ ዴዔሢ ዎይቴሢሮዳይ? \x - \xo 49፡1 \xo*\xt ሂዚ. 21፡28-32፤ 25፡1-7፤ ዓሞ. 1፡13-15፤ ሶፖ. 2፡8-11።\xt*\x* 
\v 2 ዬያሮ ዓሞኦኔ ዓጪ ካታማ ማዔ ራኣባ ዖላኒ ዖላ ዓሲ ታኣኒ ዔኤላንዳ ኬሊ ዬዓንዳኔ፤ ዒዛ ሻሂንቲ ዶዔ ባኣዚ ኩሜያ፥ ሃሣ ዓሲ ናንጉዋ ጉሪ ቤሲ ማዓንዳኔ፤ ጉርዳ ዒዞኮ ታሚና ሚቺንታንዳኔ፤ ዬካፓ ዒስራዔኤሌ ዓሳ ቤርታ ዔያቶ ሳዖ ቡሪ ዔኮናሢጉዲ ዒማይዲ ማሂ ቡሪ ዔካንዳኔ። 
\v 3 ዓይ ካታማ ሻሂንቲ ዶዔሢሮ ዬኤኩዋቴ! ራኣባ ካታሞኮ ኮይሎ ጉርዶይዳ ናንጋ ዴራ ቢያ ዒላቲ ዬኤኩዋቴ! ፆኦዞ ማሂ ካኣሽኮ ሚልኮሜ ፔኤኮ ቄኤሶና ቄኤሶ ማኣዲ ማዻ ዓሶና ዎላ ዲዒንቲ ዔውቴሢሮ ሲዬ ፓቲሌ ማይንቲ ካታሞኮ ዙሎ ዲሮ ጋሮይዳ ሴካ ሃንጋ ጳሽኪ ጳሽኪ ዬኤኩዋቴ! 
\v 4 ላኣፒ ላኣፒ ዓኣዻ ዎልቆና ዒንሢኮ ዒንሢ ዖቶርቃሢ ዎይታዛዳይ? ዒንሢ ሃይ ጉሙርቁዋ ዴራ! ‹ኑና ዖላንዳሢ ዖናዳይ› ጌይ ዒንሢኮ ቆሎ ዺቡሞና ዒንሢ ዖቶርቄኔ። 
\v 5 ታኣኒ ዔያቶይዳ ቢያ ዛሎና ሂርጊሻ ሜቶ ዔኪ ዬዓንዳኔ፤ ቢያሢ ዒንሢ ፑኒ ጳሽካንዳኔ፤ ቢያሢ ፔ ካራና ካራና ጳሽኪ ዴንዳንዳሢሮ ዬያ ጳሽኬ ዓሶ ማሂ ቡኩሳንዳ ዓሲ ባኣሴ።
\p
\v 6 «ጋዓንቴ ዬካፓ ታኣኒ ዓሞኦኔ ዓሶኮ ዓኣ ባኮ ጊንሣ ማሃንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ዔዶኦሜ ዓሶ ዛሎ ናንጊና ናንጋ ጎዳ ኬኤዜ ባኣዚ
\p
\v 7 ቢያ ባኮ ዎይሣ ጎዳ ዔዶኦሜ ዓሶ ዛሎ ሂዚ ጌዔኔ፦ «ቴማኣኔ ካታሞ ዴራ ሃያኮ ቤርታ ዔያቶም ዒንጊንቴ ዔራቶ ባይዚያ? ዔያቶ ዞራ ዓሳ ዞሪፆ ባሺንቲያ? ዔያቶኮ ዔራታ ዎካ ዓኣዼይ? \x - \xo 49፡7 \xo*\xt ዒሲ. 34፡5-17፤ 63፡1-6፤ ሂዚ. 25፡12-14፤ 35፡1-5፤ ዓሞ. 1፡11-12፤ ዓብዲ. 1-14፤ ሚል. 1፡2-5።\xt*\x* 
\v 8 ዔኤሳዎ ዜርፆ ታኣኒ ሻርሻ ዎዶና ሜቶ ዔያቶይዳ ዓጋንዳሢሮ፥ ዒንሢ ዴዳኔ ካታሞ ዴራ! ጊንሢም ጳሽኩዋቴ፤ ዴንዲ ካይካ ዔቴ ቆኦፔይዳ ፑኑዋቴ! 
\v 9 ዓሳ ዎይኖ ዓኣፖ ሶዮና ቲቂ ቲቂ ዔካ ዎዶና ዎይኖይዳ ዻካ ቃኣሉሚ ሃሻኔ፤ ዉሲ ዹሚና ሙኬቴያ ዔያታ ኮዓዞንሢ ሌሊ ዔኪ ዴንዳኔ፤ 
\v 10 ታኣኒ ጋዓንቴ ዔኤሳዎ ዜርፆ ጋፒ ካላሳንዳኔ። ዔያታ ፑኒንታ ቤዞዋ ታኣኒ ፔጋሳንዳኔ፤ ዬያሮ ሃይካፓ ሴካ ዔያታ ፑናንዳ ካይዚ ዴንቃዓኬ፤ ዔያቶኮ ናኣቶንታ ዒጊኖንታ ዓሺናኣ ቢያ ባይቃንዳኔ፤ ዔያታኣ ናንጋዓኬ። 
\v 11 ዒንሢ ባኣካ ዓኣ ዜኤሮ ናኣቶ ሃሹዋቴ፥ ታኣኒ ዔያቶ ሼምፔና ናንጊሻንዳኔ፤ ሃሣ ዜኤሮ ዒንዶንሢ ታና ጉሙርቆንጎ።
\p
\v 12 «ሻርሺሢ ኮይሱዋ ዓሳታዖ ዬያ ሜቶ ዔካያ ማዔቴ ዒንሢ ሜቶ ዔኪ ሻርሺንቱዋ ዓታንዳያ ዒንሢም ማላ? ያዺ ማዓዓኬ፤ ዒንሢ ዬያ ሜቶ ዔካንዳያ ኮይሳኔ። 
\v 13 ቦፂራ ካታማ ዓሲ ዒዒጊቻ፥ ዓሲ ናንጉዋ ዳውሌ ማዒ ዓታንዳሢ ታኣኒ ታና ጌፒ ጫኣቄኔ፤ ዓሲ ቢያ ዒዞ ሚኢቺ ባኣዚ ማሃንዳኔ፤ ሱንፆዋ ዒዞኮ ጋዳማ ሱንሢ ማሂ ዔያታ ኬኤዛንዳኔ። ዒዞኮ ኮይላ ዓኣ ጉርዳ ቢያ ናንጊና ሻሂንቲ ዶዔያ ማዒ ዓታንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 14 ፔቴ ኪኢታ ናንጊና ናንጋ ጎዳ ኬኤዜያ ታኣኒ ዋይዜኔ፤ «ዔዶኦሜ ዴሮ ዖላኒ ቡኩዋቴ! ዖሎሮ ዔቁዋቴ!» ጌይ ኬኤዛንዳ ኪኢታ ዓሲ ዴሮ ኮይላ ዳኪንቴኔ። 
\v 15 «ዓካሪ ታኣኒ ኔና ካኣቶ ባኣካ ላኣፓ፤ ዴሮ ባኣኮይዳኣ ቦሂንቴ ዓሲ ማሃንዳኔ። 
\v 16 ላሎ ሹጮይዳ ኬስኪ ናንጋዜሌ፥ ዹኮኮዋ ቶኦኮ ሄሊ ኔና ዼጊሴዜ! ኔኤኒ ዒጊቻያ ማዔሢና ዒናኣ ኔኤኮ ዖቶርቃያ ማዔሢ ኔና ጌሼኔ፤ ዎዚ ኔኤኒ ኔኤኮ ማኣሮ ኮኦኬ ማዣ ቤሲዳ ማዤቴያ ታኣኒ ኔና ዬካፓ ጎቺ ኬይሳንዳኔ፤ ጋዓኔ፥ ናንጊና ናንጋ ጎዳ።»
\p
\v 17 ናንጊና ናንጋ ጎዳ ሂዚ ጋዓኔ፦ «ዔዶኦሜይዳ ማዺንቴ ባኮና ዓሲ ዲቃታያ ማዓንዳኔ፤ ዒኢና ዓኣዻ ዓሲ ቢያ ዛጋ ዎዶና ዲቃታንዳኔ፤ ዒዞይዳ ሄሌ ባይሲንቶዋ ዛጊ ዲቃቲ ሄርሻንዳኔ። 
\v 18 ሶዶሜንታ ጋሞራ ካታሞንታ ዔያቶኮ ኮይላ ዓኣ ካታሞና ዎላ ሻሂንቲ ዶዔ ዎዶና ዔያቶይዳ ሄሌ ዬያ ባይሲንቶጉዲ ዔዶኦሜይዳኣ ባይሲንታ ሄላንዳኔ። ላሚ ዬኖ ቤዞይዳ ናንጋንዳ ዓሲ ፔቴታዖ ባኣያ ማዓንዳኔ። \x - \xo 49፡18 \xo*\xt ማዢ. ማፃ 19፡24-25።\xt*\x* 
\v 19 ዲም ጌዔ ዮርዳኖሴ ካዮይዳፓ ዞቢ ኬስኪ ዓኣዔ ማኣቲ ዓኣ፥ ማራታ ሄንቃ ቤዞ ሙካሢጉዲ ታኣኒያ ዔርቲባኣንቴ ሙኪ ዔዶኦሜ ዓጮ ሱኡጎ ዳውሳንዳኔ፤ ዬካፓ ታኣኒ ኮዔ ሱኡጌ ዶኦሪ ጌሣንዳኔ፤ ታጉዴያ ዖናዳይ? ታና ጫርቂ ዖኦጫያኣ ዖናዳይ? ታ ቤርታ ዔቂ ታና ቃዛንዳ ቆልሞ ሄንቃኔ ጋዓንዳ ቢቲ ዖናዳይ? 
\v 20 ዬያሮ ታኣኒ ዔዶኦሜ ዴሮ ማዻኒ ማሌ ባኮና ቴማኣኔ ካታሞ ዴሮይዳኣ ዔኪ ዬዓኒ ማሌ ባኮ ዋይዙዋቴ፤ ናኣታ ዔያቶኮ ማራናይጉዲ ጎቺንቲ ጎቺንቲ ዔውታንዳኔ፤ ዬያ ዛሎና ዔያቶ ዛጋ ዓሲ ቢያ ዲቃታንዳኔ። 
\v 21 ዔዶኦሜ ዓሶኮ ሎኦማሢ ዋይዛዖ ሳዓ ዓጊፃንዳኔ፤ ዲቃቲፆ ዒላታ ዬይካፓ ዴንዲ ዞቄ ባዞ ሄሊ ዋይዚንታንዳኔ። 
\v 22 ኮኦኬ ጋኣዞ ፔኤኮ ፒሺ ዡኡዢ ኬዳሢጉዲ ሞርካ ቦፂራይዳ ኬዲ ዴዓንዳኔ፤ ዬኖ ዎዶና ዔዶኦሜኮ ዖሎ ዓሳ ሾይቺ ዓርቄም ሜታዻ ላኣሊጉዲ ማዓንዳኔ።
\s1 ዴማስቆ ዛሎ ኬኤዚንቴ ፆኦሲ ማሊሢ
\p
\v 23 «ሃማቴና ዓርፓዴ ካታሞናይዳ ናንጋ ዴራ ዴማስቆኮ ባይሲንቶ ሃይሶ ዋይዛዖ ዎኦቶንዶ ጎይሢ ባይዜኔ፤ ሌካ ሊካ ሂዒንቲ ሺራ ዼኤፒ ፄኤሬ ዋኣሢጉዲ ዒና ዔያቶኮ ዲቃቲ ካራ ባይዜኔ። \x - \xo 49፡23 \xo*\xt ዒሲ. 17፡1-3፤ ዓሞ. 1፡3-5፤ ዛካ. 9፡1።\xt*\x* 
\v 24 ዴማስቆ ዴሮኮ ዎልቃ ላቤኔ፤ ፑናኒ ዔያታ ጊንሢም ማዔኔ፤ ዔያቶይዳ ዒጊቹሞ ጌሌኔ፤ ሾይቺ ዓርቄ ላኣሊጉዲ ዔያታ ሜታዼኔ። 
\v 25 ዬና ዔርቴያ ማዔ ካታሜላ፤ ሃሣ ዎዛሳያ ማዔ ካታሜላ ዎይቲ ጉሪ ዓቴራ? 
\v 26 ዬኖ ኬሎና ዬኖ ካታሞኮ ዖሎ ዖላ ዼጌ ናኣታ ካታሞ ሳዛ ዓኣ ጎይፆይዳ ዎዺንታንዳኔ፤ ዒዞ ዓጮኮ ዖሎ ዓሳኣ ዎዺንቲ ኩዳንዳኔ። 
\v 27 ዴማስቆ ካታሞኮ ዙሎ ዲፆ ቢያ ታሚና ታኣኒ ሚቻንዳኔ፤ ካኣቲ፥ ቤኔሃዳዴኮ ካኣቱሞ ማኣሮዋ ታኣኒ ሚቻንዳኔ፤ ዬያ ጌዔሢ ታና፥ ቢያ ባኮ ዎይሣ ጎዳኬ።»
\s1 ቄዳሬና ሃፆሬ ፃጶ ዛላ ኬኤዚንቴ ፆኦሲ ማሊሢ
\p
\v 28 ባብሎኔ ካኣቲ፥ ናብካዳናፆኦሬ ዖሊ ባሼ ቄዳሬና ሃፆሬና ካኣቶ ዓጮ ዛሎ ናንጊና ናንጋ ጎዳ ሂዚ ጋዓኔ፦ «ዔቁዋቴ፥ ቄዳሬ ዴሮ ዖሉዋቴ፤ ዓባ ኬስካ ባንፃ ዓኣ ዴሮ ባይዙዋቴ! 
\v 29 ዔያቶኮ ዓፒሎና ማዦ ማኣሮ፥ ዔያቶኮ ቆልሞ፥ ዔያቶኮ ኬኤፆ ጋራ ጎኦቦ ዓፒሎንታ ጋራ ዔያቶኮ ዓኣ ሜሆ ቢያ ዔኩዋቴ፤ ዔያቶኮ ጋኣላሢያ ዒንሢሮ ማሂ ዔኩዋቴ። ‹ኑና ባይዛ ባኣዚ ሙኬኔ!› ጌይ ዔያታ ዒላታንዳኔ።»
\p
\v 30 ሃፆሬይዳ ናንጋ ዴሬዮቴ! ናንጊና ናንጋ ጎዳ ሂዚ ጋዓኔ፦ «ባብሎኔ ካኣቲ፥ ናብካዳናፆኦሬ ዒንሢም ዚርቂ ዔቄ ፑርታ ባኣዚ ዓኣሢሮ ጳሽኪ ዴንዲ ባይቁዋቴ፤ ኮሺ ዔታዻ ዴኔ ቆኦፔይዳ ፑኑዋቴ።»
\p
\v 31 ናንጊና ናንጋ ጎዳ ሂዚ ጋዓኔ፦ «ካሮ ዎዾ ኮምባሎንታ ጋጋርዞንታ ባኣያ፥ ፔኤሮ ሌሊ ማዒ ሜታባኣያ ኮንጋቲ ኮሺ ዴዒ ዓኣ ዴሮ ዖላኒ ዴንዱዋቴ። 
\v 32 ዔያቶኮ ጋኣላሢንታ ሃንጎ ቆልሞንታ ዲዒንቲ ዔውታንዳኔ፤ ሻውሎና ሚዛቆ ዛሎ ጋንጋሮናይዳ ዓኣ ጋፓኖ ሜኤዳ ዴሮ ቢያ ዱማ ዱማ ካራና ታ ዜርቂ ዳካንዳኔ፤ ቢያ ዛሎና ሜቶ ታ ዔያቶይዳ ዔኪ ዬዓንዳኔ።» 
\v 33 ዬያሮ ሃፆሬ ናንጊና ዉኡካ ናንጋያ፥ ዓሲ ናንጉዋ ጉሪ ቤሲ ማዒ ዓታንዳኔ፤ ላሚ ዒኢካ ሙኪ ማኣሪ ማዢ ናንጋንዳ ዓሲ ፔቴታዖ ጴዻዓኬ።
\s1 ዔኤላሜ ዴሮ ዛሎ ኬኤዚንቴ ፆኦሲ ማሊሢ
\p
\v 34 ሴዴቂያሴ ዪሁዳይዳ ካካኣታዻማና ናንጊና ናንጋ ጎዳ ዔኤላሜ ዓጮ ዛላ ባኣዚ ታኣም ኬኤዜኔ፤ 
\v 35 ቢያ ባኮ ዎይሣ ጎዳሢ ታኣም ሂዚ ጌዔኔ፦ «ዔኤላሜ ሃኣዺ ዎልቃዻያ ማዓንዳጉዲ ማሄ፥ ዒዞ ዛሎ ሂኢዦና ዖልታ ዓሶ ታኣኒ ዎዺ ባይዛንዳኔ። 
\v 36 ቢያ ዛሎና ሴካ ሃንጋ ዒዞ ሂዓንዳ ዢባሬ ታኣኒ ዢባርሺሻንዳኔ፤ ዴሮ ታ ዒዞኮ ቢያ ቤሲዳ ዜርቃንዳኔ፤ ዬያሮ ዒዞፓ ዳውሲንቲ ዴንዴ ዓሳ ዴንዱዋ ዓታንዳ ዓጪ ባኣሴ። 
\v 37 ዔኤላሜ ዴራ ዔያቶኮ ሼምፓሢ ዎዻኒ ኮዓ ሞርኮ ዒጊጫንዳጉዲ ታኣኒ ጎጳ ሻኣሎ ዔያቶኮ ዋሃንዳኔ። ዔያቶ ባይዛንዳ፥ ታኣኮ ዼኤፖ ዻጎ ታ ዔያቶይዳ ዔኪ ዬዓንዳኔ፤ ጋፒ ዔያታ ቲፅ ጋዓንዳያ ሄላንዳኣና ዖልዚና ዔያታ ዳውሲንታንዳጉዲ ታ ማሃንዳኔ። 
\v 38 ዒዞ ዓጮይዳ ካኣታዺ ዓኣ ካኣቲንታ ሱኡጎንታ ታኣኒ ባይዛንዳኔ፤ ታኣኒ ዒኢካ ካኣታዺ ዎይሣንዳኔ። 
\v 39 ያዺ ማዔቴያ ዔላኣሜኮ ዲዒንቲ ዔውቴ ባኮ ቢያ ታኣኒ ማሃንዳ ዎዴ ዬዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\c 50
\s1 ባብሎኔ ሞርኮና ዓዺንታንዳሢ ዛላ ኬኤዚንቴ ፆኦሲ ማሊሢ
\p
\v 1 ባብሎኔንታ ዒዞይዳ ናንጋ ዴሮንታ ዛሎ ናንጊና ናንጋ ጎዳ ታኣም ሂዚ ጌዔኔ፦ \x - \xo 50፡1 \xo*\xt ዒሲ. 13፡1—14፡23፤ 47፡1-15።\xt*\x*
\q
\v 2 «ዴሬም ቢያ ዼጊዲ ሃይሶ ኬኤዙዋቴ!
\q2 ባንዲራ ዔኪ፥ ዬያ ዛሎ ዓሶም ኬኤዚ ዔርዙዋቴ!
\q2 ዓኣቺንታ ባኣዚ ማሂ ፔቴ ባኣዚታዎ ዓይሲፖቴ!
\q ሃይሾ ባብሎኔ ዓዺንቴኔ፤ ‹ቤሌ› ጌይንታ ፆኦዛ ዻውሲንቲናኣኮኬ፤
\q2 ‹ማርዱኬ› ጌይንታ ፆኦዞዋ ሜንሦናኔ፤
\q ባብሎኔይዳ ካኣሽኮ ሜሌ ፆኦዛ ቦርሲንቴኔ፤
\q2 ሻኣካያ ማዔ፥ ዬያ ፆኦዞኮ ማላሢያ ሜንሢ ኩርሶናኔ።»
\q
\v 3 «ባብሎኔይዳ ዖልዚ ቡሊ
\q2 ሳዔሎ ዓሲ ናንጉዋ ጉሪ ሳዓ ማሃንዳ ዓሲ ኬዶ ዛላፓ ዔቄኔ፤
\q ዓሲንታ ቆሎንታ ቢያ ዒኢካፓ ፑኒ ዴንዲ ባይቃንዳኔ፤
\q2 ዒኢካ ናንጋንዳ ባኣዚ ባኣሴ።»
\s1 ዒስራዔኤሌኮ ጊንሣ ፔ ዓጮ ማዒፆ
\p
\v 4 ናንጊና ናንጋ ጎዳ ሂዚ ጋዓኔ፦ «ዎዶና ኬሎና ሄላዛ፥ ዒስራዔኤሌና ዪሁዳና ዴራ ፔቴይዳ ታና፥ ዔያቶኮ ፆኦዛሢ ኮዒ ዬኤኪ ዬኤኪ ዬዓንዳኔ፤ 
\v 5 ፂዮኔ ባንሢ ዔኪ ዴንዳ ጎይፆ ዔያታ ዖኦጫንዳኔ፤ ዒማ ዔያቶም ዻዎና ጎይፆማ ዔያታ ዓኣዻንዳኔ፤ ታኣና ዎላ ዔያታ ናንጊና ናንጋ ጫኣቁሞ ጫኣቃንዳኔ፤ ፔቴታዖ ዔያታ ዬያ ጫኣቁሞ ሃሻዓኬ።
\p
\v 6 «ዴራ ታኣኮ ዣኣሊ ባይቄ ማራይ ማዔኔ፤ ሄንቃ ዓሳ ዔያቶ ዣኣሊሴኔ፤ ዹኮይዳ ዔያታ ታኣኮ ማራቶ ዣኣሊሲ ባይዜኔ፤ ዹካፓ ጌሜሮ ባንሢ ዣኣሊ ዴንዳ ማራይጉዲ ታኣኮ ማራታ ዣኣሌኔ፤ ሙኪ ሺሪ ዎርቆ ቤዞዋ ታኣኮ ማራታ ባይዜኔ። 
\v 7 ማራቶ ካይዚ ቦዖ ሙዓሢጉዲ ታኣኮ ዴሮ ዴንቄሢ ቢያ ሾኦሊ ሙዓኔ፤ ዔያቶኮ ሞርካ፦ ‹ኑኡኒ ፔቴታዖ ማዼ ፑርታ ባኣዚ ባኣሴ፤ ሃይ ቢያ ፑርቶ ባካ ዔያቶይዳ ሄሌሢ ዔያቶኮ ቤርታኣ ዓዶንሢ ጉሙርቂ ናንጋ፥ ናንጊና ናንጋ ጎዳሢም ዔያታ ዋይዞ ዒፄሢሮኬ፤ ዔያታኣ ዔያቶኮ ቤርታኣ ዓዶንሢጉዲ ዒዛም ጉሙርቂንታያ ማዒ ናንጋንዳያታዖኬ ዓቴሢ።›
\p
\v 8 «ዒስራዔኤሌ ዴሬዮቴ! ባብሎኔፓ ፑኒ ጳሽኪ ኬስኩዋቴ! ዓጬሎ ሃሺ ዴንዱዋቴ! ዋኣሮኮ ቤርታ ሶሮፒ ማዒ ጎቻ ኮላይጉዲ ማዑዋቴ! \x - \xo 50፡8 \xo*\xt ዮሃ. ፆፔዻ 18፡4።\xt*\x* 
\v 9 ኬዴኖ ዛሎይዳፓ ዎላ ፔቴ ማዒ ዔቄ ዴሬና ባብሎኔ ታኣኒ ዖሊሻንዳኔ፤ ዔያታኣ ዒዞ ዖላንዳኔ፤ ዬካፓ ዔያታ ዒዞ ዓርቃንዳኔ፤ ዔያቶኮ ሂኢዣ ዱኪንታኣና ዻቡዋዖ ዱካ፥ ጎኦባ ዖልዚ ዓሲ ሂኢሺጉዲ ማዓንዳኔ። 
\v 10 ባብሎኔ ቡሪንታንዳኔ፤ ቡራ ዓሳ ዔያቶም ጊዳንዳያ ሄላንዳኣና ዴንቄ ባኮ ቢያ ዒኢፓ ዔካንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ባብሎኔኮ ሎኦሚፆ
\p
\v 11 ናንጊና ናንጋ ጎዳ ሂዚ ጋዓኔ፦ «ባብሎኔ ዴሬዮቴ! ታኣኮ ዴሮ ቡሪፆና ዎዛዺ ዒንሢ ዒላሺ ኮኦሜኔ፤ ዞኦዜይዳ ሚሽኪ ፂካ ማሮጉዲ ዒንሢ ፂኪ፥ ዚያ ፓሮጉዲያ ዒንሢ ኩኡኪ ዖኦሌኔ፤ 
\v 12 ሃሢ ጋዓንቴ ዒንሢኮ ዼኤፖ ካታሜላ ሚርጌና ዻውሲንታንዳኔ፤ ዒንሢኮ ዓጬላ ዻውሲንታንዳኔ፤ ሜሌ ካኣቶ ዓጮይዳፓ ሃቶ ዓጪ ማዓንዳኔ። ዋኣሢ ዒዞይዳ ባኣያ ማዒ ዓሲ ናንጉዋ ዳውሌ ዒዛ ማዓንዳኔ። 
\v 13 ታኣኮ ዻጋፓ ዔቄያና ባብሎኔይዳ ናንጋንዳ ዓሲያኣ ባኣሴ፤ ሻሂንቴያ ማዒ ዒዛ ዓታንዳኔ፤ ዒኢና ኮርሳ ዓኣዻ ዓሲ ቢያ ሄርሺ ዲቃታንዳኔ፤ ሚኢጪያ ሚኢጫንዳኔ።
\p
\v 14 «ዒንሢ ሂኢዦና ዖላ ዓሳ፦ ባብሎኔ ዖላኒ ሙኪ ዒዞ ማንጉዋቴ፤ ታኣኒ፥ ናንጊና ናንጋ ጎዳ ዔያቶ ላኣጌ ባኣዚ ማዺ ዔያታ ጎማዼሢሮ ዒንሢኮ ሂኢዦና ቢያ ባብሎኔ ዱኩዋቴ፤ ሂኢዦ ዒንሢኮ ሚጪንቲፖቴ። 
\v 15 ካታሜሎኮ ኮይሎ ሺሪ ሺሪ ዲቃሣ ዑኡሲ ዋይዚሱዋቴ! ባብሎኔ ኩጮ ዒንጊናኣኮኬ፤ ዴዒ ካፖ ካፖ ዼጌ ቤዛ ዶዔኔ፤ ኬኤሎ ዲፃኣ ዒዞኮ ሻሂንቴኔ፤ ባብሎኔ ዓሶ ታኣኒ ኮሜ ኮፃንዳኔ፤ ዒንሢያ ዔያቶ ኮሜ ኮፁዋቴ፤ ሜሌ ዓሶይዳ ዔያታ ሚጪንቱዋዖ ማዼ ጌኖ ማዾ ዔያቶይዳ ማዹዋቴ። 
\v 16 ጎዦይዳ ዜርፆ ዜርቃሢንታ ሃኣኮ ቡኩሳሢንታ ባብሎኔፓ ባይዙዋቴ፤ ዬያሮ ዬኖ ዓጮይዳ ሙፒ ዓሲ ማዒ ናንጋ ዓሳ ዬያ ዖላ ዓሶ ዒጊጪ ፔ ዒጊኖ ባንሢ ማዒ ዴንዳንዳኔ፤ ፔ ዓጮ ጊንሣ ማዒ ፑኒ ዴንዳንዳኔ።»
\s1 ዒስራዔኤሌ ዴሮኮ ፔ ዓጮ ጊንሣ ማዒፆ
\p
\v 17 ናንጊና ናንጋ ጎዳ ሂዚ ጋዓኔ፦ «ዒስራዔኤሌ ዴራ ዞቢ ዳውሲ ዣኣሊሲ ዳካ ማራይጉዲ ማዔኔ፤ ቤርታ ዔያቶ ዓሶኦሬ ካኣቲ ሾኦሊ ሾኦሊ ሙዔኔ፤ ዬካፓ ሃሣ ባብሎኔ ካኣቲ ናብካዳናፆኦሬ ሜጌፆ ጋኣሺ ሙዔኔ። 
\v 18 ዬያሮ ታኣኒ፥ ዒስራዔኤሌ ፆኦዛሢ ማዔ ቢያ ባኮ ዎይሣ ጎዳሢ ዓሶኦሬ ካኣቲ ሜቶይዳ ዓጌሢጉዲ ናብካዳናፆኦሬንታ ዒዛኮ ዓጮዋ ታኣኒ ሜቶይዳ ዓጋንዳኔ። 
\v 19 ዒስራዔኤሌ ዴሮ ጊንሣ ታኣኒ ዔያቶኮ ዓጮ ማሃንዳኔ፤ ቄርሜሎሴ ዹኮና ባኣሳኣኔ ዓጮናይዳ ባቃላንዳ ባኮ ቢያ ዔያታ ሙዓንዳኔ፤ ዔፕሬኤሜና ጌሌዓዴ ዓጮናይዳ ባቃላንዳ ሃኣኮይዳፓ ኮዔሢጉዴያ ዔያታ ሙዓንዳኔ፤ 
\v 20 ዬኖ ዎዶና ዒስራዔኤሌና ዪሁዳ ካኣቶ ዓጮ ዓሶናይዳፓ ቶሊሲ ታኣኒ ዓይሳንዳ ዓሶ ማኣራንዳሢሮ ጎሜና ዻቢንቲና ዔያቶኮ ኮይንቴቴ ጴዻዓኬ።»
\s1 ናንጊና ናንጋ ጎዳ ባብሎኔ ዓጮይዳ ዓጌ ሜታሢ
\p
\v 21 ናንጊና ናንጋ ጎዳ ሂዚ ጋዓኔ፦ «ሚራታይሜና ፔቆዴና ዓጮ ዴሮ ዖሉዋቴ፤ ዔያቶ ዎዎዹዋቴ፥ ባባይዙዋቴ፥ ታኣኒ ዓይሣ ባኮ ቢያ ዔያቶ ማማዹዋቴ፤ ዬያ ጌዔሢ ታና፥ ናንጊና ናንጋ ጎዳኬ። 
\v 22 ዓጬሎይዳ ዖልዚ ዑኡሲ ዋይዚንቴኔ፤ ዼኤፒ ባይሲንታኣ ኬዴኔ። 
\v 23 ዓጪ ዴሬ ካራና ሙቁሣጉዲ ዹይ ጋኣጫዜላ፥ ባብሎኔ ዎይቲ ጋኣጪንቴይ! ዎይቲ ዬያይዲ ሜቄይ! ሜሌ ዴሮ ባኣካ ባብሎኔ ዎይቲ ጉሪ ማዒ ዓቴይ! 
\v 24 ባብሎኔ! ታኣኒ ኔኤም ፒሮ ፒሬኔ፤ ኔኤኒ ጋዓንቴ ዔሩዋዖ ዬያና ዓዺንቴኔ፤ ኔኤኒ ናንጊና ናንጋ ጎዳ ማካኒ ኮዔሢሮ ዬያና ፔጋዺ ኔኤኒ ዓዺንቴኔ። 
\v 25 ናንጊና ናንጋ ጎዳ ፔኤኮ ዖሎ ዓንጋሞ ጌሦ ኬኤፆ ቡሊ ፔኤኮ ዻጎ ዓንጋሞ ዔኪ ኬስኬኔ፤ ቢያ ባኮ ዎይሣ ጎዳ ማዔ ፆኦዛሢ ዬያይዴሢ ካላዳ ዓሶ ዓጮይዳ ዒ ማዻንዳ ባኣዚ ዓኣሢሮኬ። 
\v 26 ቢያ ዛሎና ዬኖ ዓጬሎ ዖላኒ ኬስኩዋቴ፤ ሃኣካ ዒዞኮ ናቲንቲ ዓኣ ኮኖ ቢያ ቡሉዋቴ፤ ዒኢፓ ዒንሢ ዲዒ ዔኬ ባኮ ሃኣኮጉዲ ናቲ ኩሉዋቴ፤ ፔቴ ባኣዚታዎ ዓይሱዋዖ ሳዔሎ ባባይዙዋቴ! 
\v 27 ዔያቶኮ ዖሎ ዖላ ዓሶ ሹካኒ ዒሺ ዴንዶ ጌማይጉዲ ዔኪ ዴንዲ ዎዹዋቴ፤ ዔያቶይዳ ሜቶ ታኣኒ ዓጋ ዎዳ ሄሌሢሮ ባብሎኔ ዓሶ ባዴዔ!
\p
\v 28 «ናንጊና ናንጋ ጎዳ ማዔ ኑ ፆኦዛሢ ዔኬ ኮሞ፤ ዒዚ ፔኤኮ ጌኤዦ ማኣሮ ዛሎ ኮሜ ኮሞ፤ ባብሎኔፓ ጳሽኪ ቶሊ ሙኬ ዓሶንታ ዳውሲንቲ ዒኢካ ናንጋ ዓሶንታ ፂዮኔይዳ ኬኤዛ ባኮ ዋይዙዋቴ።»
\p
\v 29 ናንጊና ናንጋ ጎዳ ሂዚ ጋዓኔ፦ «ሂኢሺና ዱካኒ ዳንዳዓ ዖልዚ ዓሲ ባብሎኔ ዴንዲ ዖላንዳጉዲ ዔኤሉዋቴ፤ ዔያታ ካታሜሎ ሙኪ ማንጎንጎ፤ ዖኦኒያ ቶሊ ዴንዱዋጉዲ ኮሺ ካፑዋቴ፤ ዒዛ ማዼ ፑርቶ ዛሎ ማሂ ዒዞም ዒንጉዋቴ፤ ሜሌ ዓሶይዳ ዒዛ ማዼ ጌኖ ማዾ ዒዞይዳ ማዹዋቴ፤ ዒዛ ዒስራዔኤሌኮ ጌኤሺ ማዔ ፆኦዛሢ፥ ታና ቶኦቼኔ። \x - \xo 50፡29 \xo*\xt ዮሃ. ፆፔዻ 18፡6።\xt*\x* 
\v 30 ዬያሮ ዼጌሢ ዒዞኮ ካታሞ ሳዛ ዓኣ ጎይፆይዳ ዎዺንታንዳኔ፤ ዒዞኮ ዖሎ ዓሳኣ ቢያ ዒማና ዎዺንቲ ጋፓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 31 «ዖቶሬሌ፥ ባብሎኔ! ታኣኒ፥ ቢያ ባኮ ዎይሣ ጎዳ ማዔ ፆኦዛሢ ኔ ጊዳ ዔቃንዳኔ፤ ታኣኒ ኔጊዳ ሜቶ ዓጋንዳ ዎዳ ሄሌኔ። 
\v 32 ኔኤኒ ሃና ዖቶሬላ ሎኦሚ ኔ ሜቃንዳኔ፤ ኔና ኬኤሊንቂ ዔቂሳንዳ ዓሲ ባኣሴ፤ ካታሞ ኔኤኮ ታኣኒ ታሚና ሚቺሳንዳኔ፤ ኔ ኮይላ ዓኣ ባኮ ቢያ ታኣኒ ኩርሲሳንዳኔ።»
\p
\v 33 ቢያ ባኮ ዎይሣ ጎዳሢ ሂዚ ጋዓኔ፦ «ዒስራዔኤሌና ዪሁዳና ዴራ ሄርቂንቴኔ፤ ዲዒ ዔያቶ ዔኬ ዓሳ ቢያ ቶሉዋ ጎይሢ ዔያቶ ዓርቄኔ፤ ሃሻኒያ ዔያቶ ኮይባኣሴ። 
\v 34 ጋዓንቴ ዔያቶ ማኣዲ ዓውሳሢ ዶዲ ዎልቄና ዓኣያኬ፤ ሱንፃ ዒዛኮ ቢያ ባኮ ዎይሣ ጎዳኬ፤ ዒዚ ፔ ቶኦኪና ዔያቶ ማኣዳንዳኔ፤ ኮሹሞ ሳዖይዳ ዔያቶም ዔኪ ዬዓንዳኔ፤ ባብሎኔ ዴሮይዳ ሃጊ ዒዚ ሜቶ ዔኪ ዬዓንዳኔ።»
\q
\v 35 ናንጊና ናንጋ ጎዳ ሂዚ ጋዓኔ፦ «ባብሎኔም፥ ዒዞ ዓጮ ዴሮም፥ ሱኡጎንታ ዔሮ ዓሶንታም ጬንቻ ዓራፖ ቱጊንቶንጎ!
\q
\v 36 ማርሾ ማርሻ ዓሳ ዔያቶኮ ዔኤያ ማዓንዳጉዲ
\q2 ዖሎ ዖላ ዓሳኣ ዒጊጪ ጎጋይቃንዳጉዲ
\q2 ጬንቻ ዓራፖ ዔያቶም ቱጊንቶንጎ!
\q
\v 37 ዔያቶኮ ፓራሢንታ ሳርጌሎ ዖይቶንታ ሚኢሾና ማዻ ፖኦሊሶንታይዳ
\q2 ጬንቻ ዓራፖ ቱጊንቶንጎ! ዔያታ ላኣሊጉዲ ማዖም!
\q2 ዔያቶኮ ዖርጎጫ ጬንቻ ዓራፖ ቱጊንቴም ቡሪንታንዳኔ።
\q
\v 38 ባብሎኔ ሻኣካያና ዓሲ ዣዣኣሻ ሜሌ ፆኦዞና ኩሜያታሢሮ
\q2 ዎሮ ዋኣፃ ዒዞኮ ቢያ ሚጮንጎ!
\p
\v 39 «ዬያሮ ካዮ ቦዓ፥ ዉኡካሢንታ ቱኡቶንታ ዒኢካ ባብሎኔይዳ ናንጋንዳኔ፤ ዓይዲ ሄላንዳኣና ማዖም ሾይንቲፓ ሜሌ ሾይንቲ ኬስካንዳኣና ዓሲ ናንጋ ቤሲ ዒዛ ማዓዓኬ። \x - \xo 50፡39 \xo*\xt ዮሃ. ፆፔዻ 18፡2።\xt*\x* 
\v 40 ታኣኒ ሶዶሜና ጋሞራና ኮይላ ዔያቶኮ ዓኣ ካታሞንታ ዎላ ባይዜ ዎዶና ማዺንቴሢጉዲ ባብሎኔይዳ ዓይጎ ዓሲያኣ ማኣሪ ማዢ ናንጊንዱዋሴ፤ ዬያ ጌዔሢ ታና፥ ናንጊና ናንጋ ጎዳኬ። \x - \xo 50፡40 \xo*\xt ማዢ. ማፃ 19፡24-25።\xt*\x*
\q
\v 41 ሃይሾ፥ ዖልዚ ዖላ ዴሬ ዓጮኮ ኬዶ ዛላፓ ሙካኔ፤
\q2 ሚርጌ ዺቢ ዴሬና ሚርጌ ካኣቶና
\q2 ዓጪ ማዔ ካራፓ ሙካኒ ዓጊፄኔ።
\q
\v 42 ዔያታ ፔኤኮ ሂኢዦንታ ጬንቾ ዓራፖንታ ዓርቂኬ፤
\q2 ዔያታ ዓሲም ሚጪንቱዋኣያ ፑርታ ዓሲኬ፤
\q2 ዔያቶኮ ፓራሢ ዲርጋኣና ካኣና ባዚ ዴቺንታ ዑኡሲጉዲኬ፤
\q2 ባብሎኔ! ዔያታ ኔና ዖላኒ
\m ዖልዚሮዋ ጊኢጊ ሙካ ዓሲጉዲ ኔ ባንሢ ዬይሢዳኬ።
\q
\v 43 ባብሎኔ ካኣቲ ዬያ ሃይሶ ዋይዛዛ
\q2 ኩጫ ዒዛኮ ዎቢ ጉሪ ዉልኪንታያ ማዓንዳኔ፤
\q2 ሾይቺ ዓዺንቴ ላኣሊጉዲያኣ ዒዚ ሜታዻንዳኔ።
\p
\v 44 «ዮርዳኖሴ ዎሮ ዓጮይዳ ዓኣ ዴኤሎ ካያፓ ቆልማ ሄንቃ ማኣታ ዓኣ ዞኦዞ ኬስካ ዞቢጉዲ ታኣኒ፥ ናንጊና ናንጋ ጎዳ ሙኪ ባብሎኔ ዓሳ ዔሩዋንቴ ዳውሲ ዔያቶ ዳካንዳኔ፤ ዬካፓ ታኣኒ ኮዔ ዓሲ ዶኦሪ ጌሣንዳኔ፤ ዓካሪ ታጉዲ ማዓንዳይ ዖናዳይ? ታና ጫርቂ ዖኦጫንዳሢያኣ ዖናዳይ? ታና ቃዛንዳ ሱኡጋሢያ ዖና ናንዳይ? 
\v 45 ናንጊና ናንጋ ጎዳ ባብሎኔ ዓሶም ቃዼ ባኮና ካላዳ ዓሶ ዓጮይዳ ዒ ማዻኒ ማሌ ባኮ ዋይዙዋቴ፤ ናኣታታዖ ዔያቶኮ ማራናይጉዲ ጎቺንቲ ዔውታንዳኔ፤ ዔያታ ዎርቃ ቤዛኣ ጉሪ ማዓንዳኔ። 
\v 46 ባብሎኔ ዓዺንቴሢ ዋይዛዖ ሳዓ ቢያ ዓጊፃንዳኔ፤ ዒዞኮ ዒላታ ሜሌ ዴሮማኣ ዋይዚንታንዳኔ።»
\c 51
\s1 ባብሎኔይዳ ናንጊና ናንጋ ጎዳ ቃሲ ዓጋኒ ጊኢጌ ሜቶ
\p
\v 1 ናንጊና ናንጋ ጎዳ ሂዚ ጋዓኔ፦ «ባብሎኔና ዴሮና ፒፂ ባይዛንዳ ዼኤፒ ዓልጎ ዢባሬ ታኣኒ ዢባርሺሳንዳኔ፤ 
\v 2 ዒዞ ሃኣኮጉዲ ሺርካንዳያና ሳዖ ዒዞኮ ባይዛንዳ ሞርኬ ሜሌ ዓጪፓ ታኣኒ ዳካንዳኔ፤ ዒንሢ ባይቃንዳ ዎዳ ሄላዛ ዔያታ ቢያ ዛሎና ዖልዚ ዒንሢዳ ቡላንዳኔ። 
\v 3 ዒዞ ካፓ ፖኦሊሳ ሂኢዦ ፔኤኮ ዓኣሣንዳኣና፤ ጊንሣ ሃሣ ዖሎ ማኣዓሢያ ማኣዓንዳኣና ዚቲ ጌይ ዔያቶ ዛጊፖቴ፤ ዼጌሢ ዔያቶኮ ዎዺፆ ሚጪንቲ ሃሺፖቴ፤ ዔያቶኮ ዖሎ ዓሶ ቢያ ዎዺ ኩኩርሱዋቴ። 
\v 4 ዔያቶኮ ዖሎ ዓሳ ዔያቶ ካታሞኮ ሳዛ ዓኣ ጎይፃ ዱኪንቲ ሃይቃንዳኔ፤ 
\v 5 ታኣኒ፥ ዒስራዔኤሌኮ ጌኤዣሢ ላኣጌ ባኮ ዔያታ ማዺ ሳዖ ዔያቶኮ ዔያታ ካራና ቢያ ዻቢንቴያ ማሄቴያ ታኣኒ፥ ቢያ ባኮ ዎይሣ ጎዳ ማዔ ዔያቶ ፆኦዛሢ ዒስራዔኤሌና ዪሁዳና ዋላዓኬ። 
\v 6 ባብሎኔፓ ፑኒ ጳሽኪ ባይቁዋቴ! ዒንሢኮ ሼምፓሢ ዓውሳኒ ጳሽኩዋቴ! ባብሎኔ ማዼ ጎሞ ዛሎና ጉሪ ሃይቂ ዒንሢ ጋፒፖቴ! ታኣኒ ዒዞም ኮይሳ ሜቶ ዒንጊ ኮሜ ዔካንዳ ዎዴኬ። 
\v 7 ዓጪ ማዔ ካራና ዓኣ ዓሳ ቢያ ዒዞፓ ዑሽኪ ማሢንታንዳጉዲ ባብሎኔ ታኣኮ ኩጫ ታኣኒ ዓርቂ ዓኣ ዎይኖ ዑሽኮ ዓንጎኬ፤ ዴራ ቢያ ዒዞፓ ዎይኖ ዑዦ ዑሽኪ ማሢንቲ ዣኣሌኔ። \x - \xo 51፡7 \xo*\xt ዮሃ. ፆፔዻ 17፡2-4፤ 18፡3።\xt*\x* 
\v 8 ባብሎኔ ዔርቲባኣንቴ ሎኦሚ ሜቄሢሮ ዒዞ ዛሎ ዬኤኩዋቴ፤ ጎዖንቴ ዒዛ ፖዓንዳያታቴ ሂንዳ ቲሽኪ ዓውሶ ዼኤሻ ኮዑዋቴ። 
\v 9 ዒኢካ ሙፒ ዓሲ ማዒ ናንጋ ዓሳ፦ ‹ባብሎኔ ኑ ፓሣኒ ሚርጌ ካራ ኮዔኔ፤ ዒዛ ጋዓንቴ ፓፂ ፖዓኒ ዳንዳዒባኣሴ፤ ዒዞይዳ ዓጎና ሜታ ሌካ ዼጌ ሻኣሮ ቤዞ፤ ጊንሣ ሃሣ ጫሪንጮ ኬስኬያ ማዔሢሮ ዒዞ ኑኡኒ ሃሺ ኑ ዓጮ ዓጮ ዴንዶም› ጌዔኔ።» \x - \xo 51፡9 \xo*\xt ዮሃ. ፆፔዻ 18፡5።\xt*\x*
\p
\v 10 ዒስራዔኤሌ ዓሳ ዒማና ዎሊ ኮይላ፦ «ናንጊና ናንጋ ጎዳ ኑኡም ባብሎኔ ዓሳ ማዼ ባኮኮ ኮሞ ኮፄሢሮ ሃኒ ዬውዋቴ! ዬሩሳላሜ ዴንዲ ናንጊና ናንጋ ጎዳ ማዔ ኑ ፆኦዛሢ ማዼ ባኮ ቢያ ኑ ኬኤዞም» ጌዔኔ።
\p
\v 11 ናንጊና ናንጋ ጎዳኮ ማሊፃ ዒዛኮ ጌኤዦ ማኣሮይዳ ማዺንቴ ባኮ ዛሎ ኮሜ ዔካኒታሢሮ ባብሎኔ ባይዛኒ ዒዚ ሜዶኔ ዓጮ ካኣቶ ዔቂሴኔ፤ ዬያሮ ዒንሢኮ ፓልዖ ዋርቂ ጊኢጊሹዋቴ! ጊቲሞዋ ዒንሢኮ ኩጫ ዔኪ ዔቁዋቴ!
\p
\v 12 ባብሎኔኮ ኬኤሎ ዲፆ ሻሃኒ ባንዲራ ዔኪ ኬስኩዋቴ! ዒንሢና ዶዲ ካፑዋቴ! ዴንዲ ሙራንዳ ዓሲያኣ ጊኢጊሹዋቴ! ካቲ ዴይ ዱካንዳ ዖልዚ ዓሲያ ዱማሲ ኬሱዋቴ፤ ዬያ ቢያ ዒንሢ ማዻንዳሢ ባብሎኔ ዴሮ ናንጊና ናንጋ ጎዳ ማዻኒ ማሌ ባኮ ኩንሣንዳሢሮኬ።
\p
\v 13 ኔኤኒ ዼኤፖ ዼኤፖ ዎሮ ዓጮይዳ ናንጋ ዖርጎጬሌ፥ ባብሎኔ! ኔ ባይቃንዳጉዲ ጌይንቴ ዎዳ ዓካሪ ሄሌኔ። \x - \xo 51፡13 \xo*\xt ዮሃ. ፆፔዻ 17፡1።\xt*\x* 
\v 14 ቢያ ባኮ ዎይሣ ጎዳ ባብሎኔ ዓሶይዳ ሚርጉማ ዓቢሢጉዲ ማዔ ዖልዚ ዓሲ ዔኪ ዬዓንዳሢ ፔ ሱንፆ ጌፒ ጫኣቄኔ፤ ዬይ ዖሎ ዓሳ ባብሎኔ ባሺ ሜርታንዳኔ።
\s1 ፆኦሲ ቦንቾም ማዓ ዓይኑሞ
\q
\v 15 ናንጊና ናንጋ ጎዳ ፔ ዎልቆና ሳዖ፤ ፔ ዔራቶና ሃሣ ዓጮ ማዔ ካራና ቢያ ማዤኔ፤
\q2 ዒዛኮ ማሊ ጶቂሣ ዒኖናኣ ጫሪንጮ ዼጊዲ ዒ ዳሬኔ፤
\q
\v 16 ጫሪንጮይዳ ዓኣ ዋኣፃ ዒዛ ዓይሢሥና ዴቺንቲ ጉኡማኔ፤
\q2 ዒዚ ዓጫ ማዔ ካራፓ ሻኣሮ ዔኪ ዬዓኔ፤
\q2 ዒሮና ዎላ ዜኤሊንፆዋ ዒዚ ዜኤሊንሢሳኔ፤
\q2 ዒዛ ኮኖይዳፓ ዢባሮ ዒ ኬሲ ዳኪ ዢባርሺሳኔ።
\q
\v 17 ዓሳ ቢያ ካራና ዔኤቢ ዔሩዋኣያ፥ ዔኤያ ማዔኔ፤
\q2 ዓንጎ ሼኤሺ ዹይ ፆኦዞ ኮሻሢ
\q2 ዒዚ ፆኦዞ ማሊሲ ኮሼ ባካ ቦርሲሳያ፤
\q2 ሃሣ ሼምፔና ማዒ ዑኡሲ ዔኩዋኣሢሮ ዒ ዻውሲንቴኔ።
\q
\v 18 ዬያታ ፆኦዛ ፓሣ ባኣዚ ባኣያ፥ ዓማሊ ባኣዚኬ፤
\q2 ናንጊና ናንጋ ጎዳ ዎጋኒ ሙካ ኬሎ ዬይ ባካ ጋኣጪንቲ ባይቃንዳኔ።
\q
\v 19 ያይቆኦቤ ፆኦሲ ጋዓንቴ ዬያቶጉዲቱዋሴ፤
\q2 ዒዚ ቢያ ባኮ ማዤሢኬ፤
\q2 ዒዛም ዱማዼ ዴሬ ማዓንዳጉዲ ዒዚ ዒስራዔኤሌ ዶኦሬኔ፤
\q2 ዒዛኮ ሱንፃ ቢያ ባኮ ዎይሣ ጎዳኬ።
\s1 ፆኦሲኮ ዓንጎ ሙቁሦ
\q
\v 20 ናንጊና ናንጋ ጎዳ ሂዚ ጋዓኔ፦ «ባብሎኔ!
\q2 ኔኤኒ ታኣኮ ዓንጎ ሙቁሦና ዖሎ ዓንጋሞናኬ፤
\q2 ኔና ታኣኒ ዓንጋሞ ማሂ ዴሮ ጋኣጪናኣኮኬ፤
\q
\v 21 ፓራሢንታ ፓራሢና ዖላ ዓሶንታ
\q2 ሳርጌሎ ዖይቶንታ ሳርጌሎ ዖይቶ ቶጋ ዓሶዋ
\q2 ታኣኒ ኔና ዓንጋሞ ማሂ ጋኣጬኔ፤
\q
\v 22 ኔና ታኣኒ ዓንጋሞ ማሂ ላኣሎንታ ዓቲንቆንታ
\q2 ጋርቾንታ ዼጌሢንታ
\q2 ዓቲንቆ ናኣቶንታ ዉዱራሢንታ ሜንሢ ባይዜኔ።
\q
\v 23 ቆልሞ ሄንቃሢንታ ቆልሞንታ
\q2 ጎዦ ጎሽካሢንታ ዋኣፂንቲ ጎሽካ ጌማቶንታ
\q2 ዓጮ ዎይሣ ዓሶንታ ዼኤፖ ዼኤፖ ሱኡጎንታ
\q2 ታኣኒ ኔና ዓንጋሞ ማሂኬ ባይዚ ኩርሴሢ።»
\s1 ባብሎኔይዳ ሜታ ዓጊንቴሢ
\p
\v 24 ናንጊና ናንጋ ጎዳ ሂዚ ጋዓኔ፦ «ባብሎኔና ዒዞይዳ ናንጋ ዴሮና ዬሩሳላሜይዳ ማዼ ጌኖ ማዾ ዛሎሮ ቢያ ኮሞ ታኣኒ ዔካንቴ ዒንሢ ዛጋንዳኔ። 
\v 25 ባብሎኔ! ዓጮ ካራና ቢያ ባይዛ፥ ባይሲንቶ ዔኪ ዬዓ ዹኬሌ! ሃኣዛጌ ታ ሃኖ ዬዓኔ፤ ታ ኔና ታ ኩቻ ዓርቂ ማጎ ኮላሲ ዳካንዳኔ፤ ታ ኔና ታሚና ሚቾና ዹካ ማሃንዳኔ። 
\v 26 ማኣሮ ማዣኒ ዓርቃዖ ጌሦ ዶዶ ሹጮንታ ማኣራ ዎላ ካኣማ ካሮይዳ ጌሦ ሹጮ ዓሲ ኔጊዳፓ ዴንቂ ዔካዓኬ፤ ኔኤኒ ናንጊና ዓሲ ናንጉዋ ዓጪ ማዒ ዓታንዳኔ፤ ዬያ ጌዔሢ ታና፥ ናንጊና ናንጋ ጎዳኬ።
\p
\v 27 «ዓጬሎ ቢያ ዖላኒ ዒንሢ ኬስኬሢ ዔርዛኒ ባንዲራ ዔኩዋቴ! ዴራ ቢያ ዋይዛንዳጉዲ ዛዬ ዋርቁዋቴ! ባብሎኔ ሙኪ ዔያታ ዖላንዳጉዲ ዴሮ ዔኤሉዋቴ! ዓራራቴ፥ ሚኒንታ ዓሽኬናዜንታ ዓጮ ካኣታ ሙኪ ዖላንዳጉዲ ዔያቶማኣ ኬኤዙዋቴ፤ ዖሎ ዓሶ ዓይሣንዳ ሱኡጌያ ዶኦሩዋቴ፤ ሚርጉማ ዓቢሢ ማዔ ፓሮዋ ዔኪ ዬውዋቴ። 
\v 28 ባብሎኔ ዖላንዳጉዲ ዴሮ ዔቂሱዋቴ፤ ዱማ ዱማ ፓቂ ጊኢጊሹዋቴ፤ ሜዶኔ ዓጮ ካኣቶም፥ ዒኢካ ዓኣ ሱኡጎና ዖሎ ዓሶ ዓይሣ ዓሶናም፤ ዬያጉዲ ዔያታ ፔ ዴማ ማሂ ዎይሣ ዓጮይዳ ዓኣ ዖሎ ዓሶማኣ ሜኤሢ ዳኩዋቴ። 
\v 29 ባብሎኔይዳ ዓይጎ ዓሲያ ናንጉዋያ ጉሪ ቤሲ ማሃኒ ናንጊና ናንጋ ጎዳ ማሌ ማሊፆ ኩንሣ ዎዶታሢሮ ሳዓ ዓጊፂ ጎጋይቃንዳኔ። 
\v 30 ባብሎኔኮ ዖሎ ዓሳ ዖሎ ሃሺ ፔ ዋርዲዮይዳ ዴይ ዚቲ ጌዔኔ፤ ዖልዚ ዖላ ዓቲንቄ ማዖ ዔያታ ባሺንቲ ላኣሊንቲኖ ማዔኔ፤ ካታሞ ጌሎ ካሮኮ ጋጋርዞ ሚፃኣ ሜቄኔ፤ ማኣራኣ ዔያቶኮ ታሚና ሚቺንቴኔ። 
\v 31 ካታማ ዔያቶኮ ካራና ዓዺንቴሢሮ ባብሎኔ ካኣቲም ኬኤዛኒ ጳዦ ጳሽካ ፔቴሢ ባጋሢም፥ ኪኢቶ ዔኪ ሃንታሢ ፔ ባጋሢም ኬኤዛኒ ጳሽኪ ጳሽኪ ሺራኔ። 
\v 32 ሞርኮኮ ዖሎ ዓሳ ዎሮና ፒንቆ ካሮ ቲቂ ዓርቂ ዔያቶኮ ዴይ ካፖ ካፖ ቤዞ ታሚና ሚቼኔ፤ ባብሎኔኮ ዖሎ ዓሳ ዲቃቲ ካራ ባይዜኔ፤ 
\v 33 ባብሎኔ ሃኣኮ ሺርኮ ቆይዳ ማዓንዳኔ፤ ሃኣኮ ሺርካ ቆልሞጉዲ ዴሮ ዔያቶኮ ሞርካ ሄርቂ ጊዶ ሃንታንዳኔ። ዬያ ጌዔሢ ታና፥ ዒስራዔኤሌ ፆኦሲ ማዔ ቢያ ባኮ ዎይሣ ጎዳሢኬ።» 
\v 34 ባብሎኔ ካኣቲ ናብካዳናፆኦሬ ዬሩሳላሜ ካታሞ ቡሬኔ፥ ሺርኪያ ሺርኪ ዔኤቢባኣ ጉሪ ባኣዚ ማሂ ሃሼኔ፤ ቃሮጉዲ ዬሩሳላሜ ዴሮ ዒዚ ዔኤዼኔ፤ ዒዚ ኮዦ ኮዦ ዔኤዺ ሃንጎዋቶ ጊንሣ ዻንጋፓ ኬሴኔ።
\q
\v 35 ዬያሮ ፂዮኔ ካታሞ ዴራ፦
\q2 «ኑና ሄሌ ካሮ ባይዛ ሜታሢ
\q2 ባብሎኔ ዓሶ ሄሎንጎ!» ጋዓንዳኔ፤
\q2 ዬሩሳላሜ ዴራኣ፦ «ኑኡኮ ሱጉፃ ሾኦቴ ጎይፆማ
\q2 ባብሎኔ ዓሶ ሱጉፃኣ ሾኦቶም!» ጋዓንዳኔ።
\p
\v 36 ዬያሮ ናንጊና ናንጋ ጎዳ ዬሩሳላሜ ዴሮም ሂዚ ጋዓኔ፦ «ታኣኒ ዒንሢ ማኣዳንዳኔ፤ ባብሎኔ ዓሶ ታኣኒ ዒንሢ ዛሎ ኮማንዳኔ፤ ባብሎኔ ዓጮይዳ ዓኣ ዓልቃ ዋኣፆንታ ዎታ ዎሮንታ ጉቤ ታኣኒ ሚጪሳንዳኔ። 
\v 37 ዬና ዓጬላ ሻሂንቴ ባኣዚ ኩሊንቴ ቤሲና ዉኡካ ኮኦሚ ሺራ ቤሲ ማዓንዳኔ፤ ዓሲ ዛጋኣና ዓሲኮ ዑስካ ጌላያ ዒዛ ማዓንዳኔ፤ ዒኢካ ዓይጎ ዓሲያኣ ናንጋዓኬ፤ ዛጋ ዓሲኮ ቢያ ሚኢቺ ባኣዚ ማዓንዳኔ። 
\v 38 ባብሎኔ ዓሳ ቢያ ዞቢጉዲ ጉዻኔ፤ ሃጊ ዔቃ ናኣቶ ዞቢጉዲያኣ ዖርዳኔ። 
\v 39 ዔያቶኮ ሆላ ፃኣዻኣና ታኣኒ ዔያቶም ዑሺ ጊኢጊሺ፥ ዑሺ ዔያቶ ማሢሳንዳኔ፤ ዬካፓ ዔያታ ጴጪያ ጴጩውዎ ጊንዖ ናንጊና ጋፒ ጊንዓንዳኔ። 
\v 40 ናንጊና ናንጋ ጎዳ ሂዚ ጋዓኔ፦ ዔያቶ ታኣኒ ማራናይጉዲ፤ ሃሣ ጊንሣ ኮይላጉዲ ሹፒ ቤሲ ዔኪ ዳካንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\p
\v 41 ናንጊና ናንጋ ጎዳ ሂዚ ጋዓኔ፦ «ባብሎኔ ካታማ ዎይቲ ሞርኮና ዓዺንቴይ! ዬና ዓጮ ቢያሢኮ ዖቶርቆዜላ ዎይቲ ሞርኮ ኩጮ ጋሮ ጌሌይ! ባብሎኔይዳ ሜሌ ዴሮ ዲቃሣ ማዾ ዎይቲ ማዺንቴይ! 
\v 42 ባብሎኔኮ ሞርካ ዼኤፖ ባዞጉዲ ጮኦሽኪ ኬስኪ ካታሞ ባይዜኔ። 
\v 43 ዒዞይዳ ዓኣ ካታማ ዋኣሢ ባኣያ፤ ጊንሣ ሃሣ ዓይጎ ዓሲያኣ ዒኢካ ናንጋኒና ዒኢና ሃንታኒ ዳንዳዑዋኣያ ዳውሌ ሳዓ ማዔኔ። 
\v 44 ባብሎኔ ዓሳ ፆኦሲ ማሂ ካኣሽካ ቤሌይዳ ታኣኒ ፑርታ ሜቶ ዓጋንዳኔ፤ ዉኡቂንቲ ዔውቴ ሜሆ ታኣኒ ዒዛ ኩጫፓ ጊንሣ ማሂሳንዳኔ፤ ሃካፓ ሴካ ሜሌ ዴራ ዒዛም ዚጊ ዒዛ ካኣሽካዓኬ።»
\m «ባብሎኔ ካታሞኮ ዙሎ ዲርቆና ኬኤሎ ዲፃ ዶዔኔ፤ 
\v 45 ታ ዴሬዮቴ! ዒኢፓ ጳሽኪ ፑኑዋቴ! ሚርጌና ዒጊቻ፥ ታኣኮ ዼኤፖ ዻጎፓ ዒንሢ ሼምፓሢ ጳሽኪ ዓይሱዋቴ! 
\v 46 ሉኡዚ ማዔ ሃይሶ ዋይዚ ዬያና ዲቃቲ ጎጶ ዒንሢኮ ዋኣፂሲፖቴ፤ ሌዓ ሌዓ ዬያጉዴ ሃይሴ ዋይዚንቲ ዓታዓኬ፤ ዓጬሎይዳ ፔቴ ካኣቲ ሜሌ ካኣቶ ዖላንዳያ ማሂ ኬኤዚንታንዳ ሃይሴ ዓኣኔ። 
\v 47 ዬያሮ ታኣኒ ባብሎኔ ዓጮይዳ ዓኣ ሜሌ ፆኦዞ ሺኢሻንዳ ዎዴ ዬዓንዳኔ፤ ዓጬሎይዳ ቢያ ዻውሲንቲ ማዓንዳኔ፤ ዓሳ ቢያ ዒዞኮ ዒኢካ ሃይቃንዳኔ። 
\v 48 ዓጮኮ ኬዶ ዛሎፓ ባይዛኒ ሙካ ዖሎ ዓሶ ኩጫ ባብሎኔ ጌሌስካፓ ጫሪንጮና ሳዖናይዳ ዓኣ ዖሎ ዓሳ ቢያ ዒላሻንዳኔ። \x - \xo 51፡48 \xo*\xt ዮሃ. ፆፔዻ 18፡20።\xt*\x* 
\v 49 ዓጮ ዴሮ ኩርሲሴዛ ባብሎኔ ማዔኔ፤ ሚርጌ ዒስራዔኤሌ ዓሲ ዒዛ ኩርሲሴሢሮ ባብሎኔ ሎኦማንዳያ ኮይሳኔ፤ ዬያ ጌዔሢ ታና፥ ናንጊና ናንጋ ጎዳኬ።» \x - \xo 51፡49 \xo*\xt ዮሃ. ፆፔዻ 18፡24።\xt*\x*
\s1 ባብሎኔይዳ ዓኣ ዒስራዔኤሌ ዓሶም ዳኪንቴ ኪኢታ
\p
\v 50 ናንጊና ናንጋ ጎዳ ባብሎኔይዳ ዓኣ ዴሮም ሂዚ ጋዓኔ፦ «ዒንሢ ሃይባፓ ቶሌ ዴራ! ኔጉዋዖ ዴንዱዋቴ! ሃኬ ዓጮይዳ ዓኣዖ ታና፥ ናንጊና ናንጋ ጎዳ ማሊ ጶቂሡዋቴ! ዒንሢ ዒኖይዳፓ ዬሩሳላሜ ባይዚፖቴ! 
\v 51 ‹ኑ ጫሽኪንቴሢሮ ኑ ቦርሲንቴኔ፤ ፆኦሲኮ ጌኤዦ ማኣሮይዳ ፆኦሲም ዱማዼ ጌኤዦ ቤዞ ሜሌ ዓጮ ዓሳ ጌሌሢሮ ቦርሲንቲ ኑ ቁኡሉምቤኔ።› ጎዑዋቴ። 
\v 52 ታኣኒ፥ ናንጊና ናንጋ ጎዳ ሂዚ ጋዓኔ። ባብሎኔይዳ ዓኣ ሜሌ ፆኦዞይዳ ፑርታ ባኣዚ ታኣኒ ዓጋንዳ ዎዴ፤ ጊንሣ ሃሣ ዓጬሎይዳ ሜቂ ኪፃዼ ዓሳ ጎኦሺንቲሢ ዑኡሲ ዋይዚሳንዳ ዎዴ ዬዓንዳኔ፤ 
\v 53 ባብሎኔ ዎዚ ጫሪንቺ ኬስኬቴያ፥ ዼጌ ዋርዲያ ዒዛ ኮሼቴያ ታኣኒ ዒዞ ሻሂ ባይዛንዳያ ዳካንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»
\s1 ባብሎኔይዳ ሄላንዳ ባኣዚ ላሚ ኬኤዚንቴሢ
\q
\v 54 ናንጊና ናንጋ ጎዳ ሂዚ ጋዓኔ፦ «ባብሎኔይዳ ዒላቲ ዑኡሲ፤
\q2 ባብሎኔ ዓሶ ዓጮይዳኣ ዼኤፒ ባይሲንታ ኬዴያ ዋይዚንታንዳኔ።
\q
\v 55 ዼኤፖ ባዞኮ ዴቺንታ ዋኣፆጉዴ ዖልዚ ዓሲ
\q2 ዔያታ ዔሩዋንቴ ባብሎኔ ሙኪ
\q2 ሄርሺንቲ ዑኡሲ ዋይዚሲጋፓ ዔያቶ ዖላንዳኔ፤
\q2 ዬያይዲ ታ ዔያቶ ባይዛንዳኔ፤ ዚቲ ታ ዒዞ ጌይሳንዳኔ።
\q
\v 56 ባይዛንዳ ዖልዚ ዓሲ ባብሎኔ ዖላኒ ሙኬሢሮ
\q2 ዖሎ ዓሳ ዒዞኮ ዲዒንቲ ዔውቴኔ፤
\q2 ዔያቶኮ ሂኢዣኣ ሜቄኔ፤
\q ታኣኒ ቢያ ዓሲም ማዼማጉዴያ ማሂ ጪጋ ፆኦሲታሢሮ
\q2 ባብሎኔ ማዼ ጌኖጉዴያ ታ ዒዞም ማሃንዳኔ።
\q
\v 57 ዒዞኮ ሱኡጎ፥ ዔሮ ዓሶ፥ ዎይሣ ዓሶንታ ዖሎ ዓሶ ዓይሣ ዓሶዋ
\q2 ዑሺ ታኣኒ ማሢሳንዳኔ፤
\q2 ዬካፓ ዔያታ ጊንዓንዳኔ፤ ናንጊና ዔያታ ያኣፓ ጴጫዓኬ፤
\q2 ዬያ ጌዔሢ ታና፥ ካኣቲኬ፤ ታኣኮ ሱንፃ ቢያ ባኮ ዎይሣ ጎዳኬ።
\q
\v 58 ባብሎኔኮ ዳልጎ ኬኤሎ ዲፃ ዶዒ ሳዓ ማዓንዳኔ፤
\q2 ዼጊዲ ኮሾና ካታሞ ጌሎ ካራ ታሚና ሚቺንታንዳኔ።
\q2 ዴራ ላባ ላቢፃ ጉሪ ማዓንዳኔ፤
\q2 ዴራ ላቤ ባካ ቢያ ታሚና ሙይንታንዳኔ።
\q2 ዬያ ጌዔሢ ታና፥ ቢያ ባኮ ዎይሣ ጎዳኬ።»
\s1 ዔርሚያሴ ባብሎኔ ዳኬ ኪኢቶ
\p
\v 59 ማዕሴያኮ ናኣዚ ናዖ ማዔሢ፥ ሴራያ ካኣቲ ሴዴቂያሴም ጉሙርቂንቲ ማዾ ማዻ ዓሲኬ፤ ሴራያ ኔሪያ ናይኬ፤ ሴዴቂያሴ ዪሁዳይዳ ካኣታዼንቴ ዖይዳሳ ሌዖና ሴራያ ዒዛና ዎላ ባብሎኔ ዴንዴኔ፤ ታኣኒ፥ ዔርሚያሴ ዒማና ሴራያም ኪኢቴ ባኣዚ ዓኣኔ፤ 
\v 60 ባብሎኔይዳ ሄላንዳ ባይሲንቶ፤ ጊንሣ ሃሣ ባብሎኔ ካታሞ ዛሎ ኬኤዚንቴ ባኮ ታኣኒ ማፃኣፔይዳ ፃኣፔኔ፤ 
\v 61 ዬካፓ ታኣኒ ሴራያም፦ «ዴንዲ ባብሎኔ ሄላዖ ሃኖ ማፃኣፖይዳ ፃኣፒንቴ ባኮ ቢያ ዑኡዞ ኔኤኮ ዼጊዲ ዴሮም ናባቤ፤ 
\v 62 ጊንሣ ሃሣ ‹ናንጊና ናንጋ ጎዳሢዮ! ኔኤኒ ሃኖ ቤዜሎ ባይዛንዳሢ ኬኤዜኔ፤ ዬያሮ ሃይካ ሼምፔና ዓጊፂ ሃንታ ባኣዚ ናንጊንዱዋሴ፤ ዓሲንታ ቆልሞንታ ሃይፓ ባይቃንዳሢሮ ሃይ ቤዛ ዓሲ ናንጉዋ ዳውሌ ማዒ ዓታንዳኔ› ጌዔ። 
\v 63 ሴራያ! ማፃኣፔሎ ናባቢ ጋፒሴስካፓ ሹቺና ዎላ ዓይሢ ማሪ ቱኪ ዔፕራፂሴ ዎሮይዳ ኬኤሬ። 
\v 64 ዒማና ሃሣ፦ ‹ዒዞይዳ ናንጊና ናንጋ ጎዳ ዔኪ ሙካንዳ ባይሲንቶና ባብሎኔ ሃይማ ጎይፆ ዔኤዺንቲ ሎኦሚ ዓታንዳኔ፤ ጊንሣ ዬካፓ ቶሊ ዔቃኒ ዳንዳዒንዱዋኣሴ› ጌዔ።» ጌይ ኬኤዜኔ። \x - \xo 51፡64 \xo*\xt ዮሃ. ፆፔዻ 18፡21።\xt*\x*
\p ዔርሚያሴ ኬኤዜ ባካ ያዺና ጋፔኔ።
\c 52
\s1 ዬሩሳላሜ ካታሞኮ ሎኦሚፆ
\r (2ካኣቶ. ማ 24፡18-20፤ 25፡1-7)
\p
\v 1 ሴዴቂያሴ ዪሁዳይዳ ካኣታዻኣና ሌዓ ዒዛኮ ላማታሚ ፔቴኬ፤ ዒዚ ዬሩሳላሜይዳ ዴዒ ታጶ ፔቴ ሌዔ ዪሁዳ ዎይሤኔ፤ ዒዛኮ ዒንዶ ሱንፃ ሃሙፃኣሎ ጌይንታኔ፤ ዒዛ ሊቢና ካታማ ሾይንቴያ ዔርሚያሴ ጎዖስኬያ ናይኬ። 
\v 2 ዬያኮ ቤርታ ካኣቲ ዒዮዓቄሜ ማዼ ጎይፆ ሴዴቂያሴያኣ ናንጊናን ናንጋ ጎዳ ናሽኩዋ ፑርታ ባኣዚ ማዼኔ። 
\v 3 ዬያሮ ናንጊና ናንጋ ጎዳ ዬሩሳላሜና ዪሁዳ ካታሞ ዴሮናይዳ ዻጋዺ ፔ ቤርታፓ ዔያቶ ሺኢሼኔ።
\p ዒማና ሴዴቂያሴ ባብሎኔ ካኣቲ ናብካዳናፆኦሬም ዋይዞ ዒፄኔ፤ 
\v 4 ሴዴቂያሴ ካኣታዼንቴ ታዞጳሳ ሌዖይዳ ታጳሳ ዓጊኖኮ ታጳሳ ኬሎና ባብሎኔ ካኣቲ ናብካዳናፆኦሬ ፔኤኮ ዖሎ ዓሶ ዔኪ ዬዒ ዬሩሳላሜ ዖላኒ ማንጌኔ፤ ዒማና ዖሎ ዓሳ ካታሜሎኮ ዙሎ ማንጊ ዴዔኔ፤ ካታሜሎኮ ኬኤሎ ዲፆዋ ካናሲ ዓጪ ኩሌኔ። \x - \xo 52፡4 \xo*\xt ሂዚ. 24፡2።\xt*\x* 
\v 5 ሴዴቂያሴኮ ካኣቱማ ዴንዲ ታጶ ፔታሳ ሌዖ ሄላንዳኣና ዔያታ ካታሜሎ ማንጊ ዴዔኔ። 
\v 6 ዬኖ ሌዖይዳ ዖይዳሳ ዓጊኖኮ ታዞጳሳ ኬሎና ዴራ ሙዓንዳ ባኣዚ ባይዜሢሮ ፑኡፒ ናይዚ ኬስኬኔ። 
\v 7 ዒማና ዬይ ማንጊ ዓኣ ዖሎ ዓሳ ካታሜሎኮ ኬኤሎ ዲፆ ሻሄኔ፤ ዬይ ዓሳ ማንጊ ዓኣንቴ ዪሁዳ ካታሞ ዖሎ ዓሳ ዹማ ቶሊ ዴንዴኔ፤ ዔያታ ካኣቲኮ ዱማ ዱማ ሚፆ ቱኮ ጎዦ ባንሢ ዔኪ ዴንዳ ጎይፆሲና ጌይ ካታሞኮ ላምዖ ኬኤሎ ዲፃ ዎላ ካኣማ ካሮይዳ ዓኣ ካታሞ ጌሎ ካሮና ኬስኪ ዮርዳኖሴ ዶኦጮ ባንሢ ዴንዴኔ፤ \x - \xo 52፡7 \xo*\xt ሂዚ. 33፡21።\xt*\x* 
\v 8 ጋዓንቴ ባብሎኔ ዓጮ ዖሎ ዓሳ ሴዴቂያሴኮ ጊንፆ ዳውሲ ዴንዲ ዒያርኮ ኮይሎይዳ ዓኣ ቦኦላ ዓርቄም ዒዛኮ ዖሎ ዓሳ ዒዛ ሃሺ ፔ ካራና ካራና ጳሽኬኔ። 
\v 9 ዬካፓ ሴዴቂያሴ ናብካዳናፆኦሬ ኮይላ ዔውቲ ዴንዴኔ፤ ዒማና ናብካዳናፆኦሬ ሃማቴ ዓጮይዳ ሪቢላ ጌይንታ ካታማይዳኬ፤ ሴዴቂያሴ ዻቢንቴ ዓሲ ማዒፆ ናብካዳናፆኦሬ ዒኢካ ጌስቲ ዎጌኔ። 
\v 10 ዒኢካ ሪቢላይዳ ሴዴቂያሴ ዛጋንቴ ዓቲንቆ ናኣቶ ዒዛኮ ናብካዳናፆኦሬ ቲቂ ዎዺ፥ ዪሁዳ ካታሞ ሱኡጎዋ ቃሲ ዎዼኔ። 
\v 11 ሴዴቂያሴኮዋ ዓኣፖ ዋቂ ኬሲ፥ ዓንጊ ዱፄና ቶኮ ቱካዖ ባብሎኔ ዔኪ ዴንዴኔ፤ ሴዴቂያሴ ሃይቃንዳያ ሄላንዳኣና ዒኢካ ቱኡሲ ማርካ ቱኪ ጌሤኔ። \x - \xo 52፡11 \xo*\xt ሂዚ. 12፡13።\xt*\x*
\s1 ጌኤዦ ማኣሮኮ ሻሂንቶ
\r (2ካኣቶ. ማ 25፡8-17)
\p
\v 12 ናብካዳናፆኦሬ ባብሎኔይዳ ካኣታዼንቴ ታጶ ታዞጳሳ ሌዖይዳ ዶንጋሳ ዓጊኖኮ ታጳሳ ኬሎና ካኣቲ ካፓ ፖኦሊሶ ሱኡጋሢ፥ ናቡዛርዳኣኔ ዬሩሳላሜ ካታሞ ሙኪ ጌሌኔ፤ 
\v 13 ዒዚ ዒማና ጌኤዦ ማኣሮንታ ካኣቱሞ ማኣሮንታ ዬሩሳላሜይዳ ናንጋ ዼኤፖ ዼኤፖ ዓሶኮዋ ማኣሮ፤ ዬያጉዲ ሹጮና ኬልቂ ማዦና ዼኤፖ ዼኤፖ ማኣሮዋ ታሚና ሚቼኔ፤ \x - \xo 52፡13 \xo*\xt 1ካኣቶ. ማ 9፡8።\xt*\x* 
\v 14 ዬይ፥ ካኣቲ ካፓ፥ ናቡዛርዳኣኔ ዓይሤም ዖላ ዓሳ ዬሩሳላሜ ካታሞኮ ኬኤሎ ዲፆ ሻሂ ዶይሴኔ። 
\v 15 ዒዚ ዬይ ናቡዛርዳኣኔ ፔቴ ፔቴ ማንቆ ዓሲ፥ ዒኢካ ካታሞይዳ ቤርታ ዓቲ ዓኣ ዓሲ፥ ሜሌ ዓጮፓ ዒፂ ዒኢካ ሙኪ ጌሌ ዓሲንታ ሃኣሚ ማዒ ዒኢካ ማዾ ማዻ ዓሶዋ ቢያ ዲዒ ዔኪ ዴንዴኔ። 
\v 16 ጋዓንቴ ፔቶ ኩፒ ማዔ ዓሶ ዎይኔ ቱካንዳጉዲና ጎሺያኣ ጎሽካንዳጉዲ ዪሁዳይዳ ሃሺ ዴንዴኔ።
\p
\v 17 ዒማና ባብሎኔ ዓጮ ዓሳ፦ ጌኤዦ ማኣሮይዳ ሞኦኖ ዓንጎና ኮሺንቴ ቱርቱሮንታ ሂዖዛ ቶካ ሺሪ ሺሪ ዓጊፃ ሜሆ ጌሦ ባኮንታ ሞኦኖ ዓንጎና ኮሺንቴ ዋኣፆ ኩንሢ ጌሦ ጎንጎዋ ሜንሢ ዱማሲ ዱማሲ ዬያ ሞኦኖ ዓንጎ ቢያ ባብሎኔ ዔኪ ዴንዴኔ። \x - \xo 52፡17 \xo*\xt 1ካኣቶ. ማ 7፡15-47።\xt*\x* 
\v 18 ቲኢሎ ዖቶንታ ፆኦሲም ዒንጎ ባኮ ጎኦዒ ፒፂ ጌኤሾ ዳልጎ ባላሾጉዴ ባኮንታ ታሞ ካኣሾሢንታ ዲቢንፆ ዓርሢ ጌሦሢንታ ዔቴ ማዔ ዓንጎ ሳኣኖንታ ዱዎ ሙርሶንታ ሞኦኖ ዓንጎና ኮሺንቴ ጌኤዦ ማኣሮይዳ ማዾ ማዺንቶ ፆኦሲም ዱማዼ ሜሌ ሜሆዋ ቢያ ዔኪ ዴንዴኔ። 
\v 19 ካኣቲ ካፓ ፖኦሊሶ ሱኡጋሢ፥ ናቡዛርዳኣኔ ዔቴ ማዔ ዓንጎ ሳኣኖ፥ ዑንጆ ጩቢሾ ባካ፥ ሺልዓ፥ ቲኢሎ ዖታ፥ ፖዖ ጌሦ ሻርና፥ ዱዎ ሙርሳ፥ ፆኦሲም ዑዦ ዒንጎ ባካ፥ ዎርቆናኣ ቢሮ ዓንጎና ኮሺንቴ ባኮ ቢያ ዔኪ ዴንዴኔ።
\p
\v 20 ዬያጉዲ ላምዖ ቱርቱሪ፥ ዋኣፆ ዓርሢ ዴይሢ ጌሦ ፔቴ ዼኤፒ ጎንጊ፥ ዼኤፖ ጎንጎ ዴይሣኒ ጌማይ ማሊሲ ሞኦኖ ዓንጎና ኮሾና ታጶ ላምዖ ባኮንታ ካኣቲ ሴሎሞኔ ፆኦሲኮ ጌኤዦ ማኣሮም ኮሺሴ ሺራ ቶኪ ዓኣ ፒዝ ጌይ ዔቃ ዓንጎንታ ቢያ ዔኪ ዴንዴኔ። ዬይ ባካ ቢያ ማዢንቴ ሞኦኖ ዓንጋ ኮሺ ዴኤሢ ማዔሢሮ ዴኤሡሞ ዛጊ ዔራኒ ዳንዳዒንቲባኣሴ። 
\v 21 ላምዖ ቱርቱራ ዎሊ ማላያ ማዓዛ ፔቴ ፔቴሢኮ ዼጉማ ታጶ ሳሊ ዋዻ፥ ሺሪ ዎላ ካኣማ ዳልጉማ ታጶ ላምዖ ዋዻኬ፤ ዬያ ቱርቱሮኮ ጋራ ጉሪ ዒቲንሢጉዴያኬ፤ ዾዹማ ኬኤላ ዋዻ ዖይዶ ማዓያኬ። 
\v 22 ፔቴ ፔቴ ቱርቱሮኮ ሙስኩላ ሞኦና ዓንጊና ኮሺንቴያ ማዓዖ ዶንጎ ዋዻ ሌካ ዼጋያኬ፤ ዬያ ሮኦጬጉዴ ባኣዚና፥ ሃሣ ሮኦማኣኔ ሚፆ ዓኣፖ ማላ ባኣዚናኣ ሚዛጲሲ ኮሾናያኬ። 
\v 23 ሮኦማኣኔ ዓኣፖ ማሊሲ ኮሾና ባካ ጎኦቦ ዛሊና ዛጎዛ ታዙጲታሚ ላሃሢ ጴጴዻያኬ፤ ዎሊ ዑፃ ጉቤ ዒኢካ ኮሺንቲ ዓኣ ሮኦማኣኔ ዓኣፖ ማላ ባካ ፔቴ ፄኤታኬ።
\s1 ዪሁዳ ዴራ ባብሎኔ ዔውቲ ዴንዴሢ
\r (2ካኣቶ. ማ 25፡18-21፤27-30)
\p
\v 24 ካኣቲ ካፓ ፖኦሊሶ ሱኡጋሢ፥ ናቡዛርዳኣኔ ዬያ ባኮ ቢያሢና ዎላ ቄኤሶ ቢያኮ ሱኡጋሢ ሴራያንታ ሴራያኮ ዴሚ ማዒ ቢታንቶና ማዻ ቄኤሳሢ ሶፖኒያሴንታ ሜሌ ጌኤዦ ማኣሮ ካፓ ሃይሦ ዓሲያኣ ቱኪ ዔኪ ዴንዴኔ። 
\v 25 ዬኖ ካታሞይዳ ማዻ ፖኦሊሶ ሱኡጌስኬያንታ ዒማ ኬሎ ሄላንዳኣና ካኣቲ ዞራያ ማዒ ማዻያታዖ ዒኢካ ካታማ ዓኣ ላንካይ ዓሲስኬንሢንታ ዖልዚ ባኣዚ ዛላ ፃኣፖ ባኣዚ ፃኣፓያ፥ ዖሎ ዓሶ ሱኡጋሢኮ ዴሚ ማዒ ማዻስኬያንታ ሜሌ ዼኤፒ ዼኤፒ ላሂታሚ ዓሲ ዓርቂ ዔኪ ዒዚ ዴንዴኔ፤ 
\v 26 ናቡዛርዳኣኔ ዬያ ዓሶ ቢያ ሃማቴ ዓጮይዳ ሪቢላ ጌይንታ ካታማ ዓኣ ባብሎኔ ካኣቲ ኮይላ ዔኪ ዴንዴኔ፤ 
\v 27 ካኣቲ ዔያቶ ዒኢካ ጳርቂሲ ካራ ባይዚ ዎዼኔ።
\p ዪሁዳ ካታሞ ዴራ ዬያይዲ ፔ ዓጫፓ ዲዒንቲ ዔውቲ ዴንዴኔ፤ 
\v 28 ናብካዳናፆኦሬ ዲዒ ዔኬ ዓሶኮ ሚርጉማ ሃካፓ ሊካ ኬኤዚንታ ጎይፆኬ፦ ዒዚ ካኣታዼዖ ላንካሳ ሌዖና ዲዒ ዔኬ ዓሳ ሃይሦ ሺያና ላማታሚ ሃይሦ ዓሲ ዪሁዳይዳፓ፥ 
\v 29 ዒዚ ካኣታዼዖ ታጶ ሳላሳ ሌዖና ሳሊ ፄኤታና ሃይሢታሚ ላምዖ ዓሲ ዬሩሳላሜፓ፥ 
\v 30 ዬያጉዲ ሃሣ ዒዚ ካኣታዼንቴ ላማታሚ ሃይሣሳ ሌዖና ላንካይ ፄኤታና ዖይዲታሚ ዶንጎ ዓሲ ናቡዛርዳኣኔ ዪሁዳይዳፓ ዲዒ ዔኪ ዴንዴኔ፤ ዬያሮ ዎሊ ዑፃ ዲዒንቲ ዔውቴ ዓሶኮ ፓይዳ ዖይዶ ሺያና ላሆ ፄኤታናኬ።
\p
\v 31 ዪሁዳ ካኣቲ፥ ዒኮኒያኔ ዲዒንቲ ዔውቲ ዴንዴንቴ ሃይሢታሚ ላንካሳ ሌዖኮ ታጶ ላምዓሳ ዓጊኖና ዬኖ ዓጊኖኮ ላማታሚ ዶንጋሳ ኬሎና ባብሎኔይዳ ካኣታዼ ካኣቲ ዔዌልሜሮዳኣኬ ጌይንታሢ ዒ ካካኣታዼ ሌዖና ዬያ ዒኮኒያኔ ቱኡዛፓ ቡሌኔ። 
\v 32 ዔዌልሜሮዳኣኬ ዒኮኒያኔና ዎላ ኮሺ ዑኡሲና ጌስቴኔ፤ ዒኮኒያኔጉዲ ዲዒንቲ ሙኪ ባብሎኔይዳ ዓኣ ካኣቶፓ ቢያ ባሼ ዒዛ ዒ ቦንቼኔ። 
\v 33 ዬያሮ ዒኮኒያኔ ቱኡዞ ማኣራ ዓኣዖ ማይንታ ማኣዓሢ ሃሺሲ ሜሌ ማይሲ፥ ዒዚ ዴንዲ ሃይቃንዳያ ሄላንዳኣና ካኣቲ ሙዓ ሙዖ ዎላ ሙዓንዳጉዲ ጌይንቴኔ። 
\v 34 ዒዚ ናንጌ ሌዖ ቢያይዳ ኬላ ኬላ ዒዛም ኮይሳ ሙዎ ባኣዚ ሻንቆንዶ ሚኢሼ ዒኮኒያኔም ዒንጊንታኔ።