\id 1CH - MAALE Full Bible
\ide UTF-8
\h 1 ፆኦሲ ዓሶ ሃይሶ
\toc1 1 ፆኦሲ ዓሶ ሃይሶ ኬኤዛ ማፃኣፖ
\toc3 1ፆኦሲ. ዓሃኬ
\toc2 1 ፆኦሲ ዓሶ ሃይሶ
\mt1 1 ፆኦሲ ዓሶ ሃይሶ ኬኤዛ ማፃኣፖ
\imt ዓይፆ ካሮ
\ip ሃይ ፆኦሲ ዓሶ ሃይሶ ኬኤዛ ማፃኣፓ ሳሙዔኤሌ ማፃኣፖና ካኣቶ ማፃኣፖናይዳ ኬኤዚንቴ ሃይሶ ዱማ ዱማ ጎይሢና ጊንሣ ላሚ ኬኤዛኔ፤ ፆኦሲ ዓሶ ሃይሶ ኬኤዛ ማፃኣፖይዳ ዒስራዔኤሌ ዓጮ ካኣታ ዎይሤ ሃይሶ ዛሎኮ ላምዖ ዼኤፒ ዼኤፒ ማሊሢ ዓኣሢ ኬኤዚንቴኔ።
\ip 1. ዒስራዔኤሌንታ ዪሁዳንታኮ ካኣታ ባይሲንታይዳ ኬዴያ ማዔያታቴያ ፆኦሲ ዴሮም ዒንጌ ሃጊ ማዓንዳ ዎዞ ቃኣሎ ቢያ ሃሺባኣዖ ካፔያ ማዔሢና ዪሁዳይዳ ናንጋ ዓሶ ዛሎና ዒዚ ፔ ዴሮም ማላ ማሊፆ ማዾይዳ ፔኤሼያ ማዔሢ ዔርዛኔ፤ ሃኖ ማፃኣፖ ፃኣፔ ዓሢ ዬይ ሃይሳ ጎኔ ማዒፆኮ ዓይሢ ካራ ዒዛም ማዓንዳጉዲ ዳውቴንታ ሴሎሞኔንታ ማዼ ዼኤፖ ዼኤፖ ማዾ፤ ሃሣ ጊንሣ ዒዮሳፒፄንታ ሂዚቂያሴንታ ዒዮሲያሴንታ ዔኪ ሙኬ፥ ፆኦሲና ዎላ ዓኣ ጫኣቁሞ ዓካሲፆንታ ፆኦሲም ጉሙርቂንታያ ማዒፆ ዶዲሺ ዓርቄ ዴሮ ሃይሶ ባንሢ ማሊፆ ዔኪ ዳካኔ።
\ip 2. ዬሩሳላሜይዳ ዓኣ ጌኤዦ ማኣሮይዳ ፆኦሲ ካኣሽኪሢ ዎይቲ ዓርቂንቴቴያ ዔርዛኒኬ፤ ባሼ ሃሣ ካኣዦ ዎጎ ማዺ ኩንሣ፥ ቄኤሶንታ ሌዊ ዓሶንታኮ ዎላ ፔቴ ማዒ ማዾ ማዻ ዎይቲ ዓርቂንቴቴያ ዔርዛኒኬ፤ ጌኤዦ ማኣሮ ማዤሢ ሴሎሞኔ ማዔቴያ ጌኤዦ ማኣሮንታ ካኣዦ ዎጎንታ ማዺንታንዳ ጎይፆ ጊኢጊሼሢ ዳውቴ ማዒፆ ዔርዛኒኬ።
\iot ማፃኣፔላ ዱማ ዱማ ዓርቄ ባኮ
\io1 ዓዳኣሜ ዜርፆኮ ዴንዲ ካኣቲ ሳኣዖኦሌ ሄላንዳኣና (1፡1—9፡44)
\io1 ሳኣዖኦሌና ናኣቶናኮ ሃይቦ (10፡1-14)
\io1 ዳውቴኮ ካኣታዺፆ፤ ሃሣ ዬሩሳላሜ ዒዚ ዓርቄሢ (11፡1-9)
\io1 ዳውቴኮ ዔርቴ ፖኦሊሶ (11፡10—12፡40)
\io1 ጫኣቁሞ ሳኣፂኖኮ ዬሩሳላሜ ዔውቲፆ (13፡1—16፡43)
\io1 ጌኤዦ ማኣሮ ሴሎሞኔ ማዣንዳያ ማዔሢ (17፡1-27)
\io1 ዳውቴ ዖሎና ባሼ ባሺፆ (18፡1—20፡8)
\io1 ዳውቴ ዴሮ ፓይዴሢሮ ፆኦሲ ዻጋዼሢ (21፡1-30)
\io1 ጌኤዦ ማኣሮ ማዣኒ ጊኢጊንቶና ጊኢጊንቲ (22፡1—28፡21)
\io1 ጌኤዦ ማኣሮ ማዣኒ ዴራ ዒንጌ ባኮ (29፡1-20)
\io1 ሴሎሞኔ ካኣታዼሢ (29፡21-25)
\io1 ዳውቴኮ ሃይቦ (29፡26-30)
\c 1
\s1 ዓዳኣሜይዳፓ ዴንዲ ዓብራሃሜ ሄላንዳኣና ሾይንቴ ዓሶ ዜርፆ
\r (ማዢ. ማፃ 5፡1-32፤ 10፡1-32፤ 11፡10-26)
\p
\v 1 ዓዳኣሜ፦ ሴቴ፥ ሴቴ ሄኖሴ፥ ሄኖሴ ቃይናኔ ሾዔኔ፤ 
\v 2 ቃይናኔ ሜላሊዔኤሌ፥ ሜላሊዔኤሌ ያሬዴ ሾዔኔ፤ ዬያታ ፔ ሱንሢና ሱንሢና ዔኤሊንታ ዴሮኮ ቤርታሳ ማዖንሢኬ። 
\v 3 ያሬዴ፦ ሄኖኬ፥ ሄኖኬ ማቶሳላ፥ ማቶሳላ ላሜሄ ሾዔኔ፤ 
\v 4 ላሜሄ ኖሄ፤ ኖሄ ሴኤሜንታ ካኣሜንታ ያኣፔቴንታ ሾዔኔ።
\p
\v 5 ያኣፔቴያ ጎሜሬ፥ ማጎጌ፥ ማዳያ፥ ያዋኔ፥ ቱባሌ፥ ሜሼኬንታ ቴራሴ ጌይንታ ዓቲንቄ ናይ ሾዔኔ፤ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ማዖንሢኬ። 
\v 6 ጎሜሬ ናኣታ ዓሽኬናዜ፥ ሪፖቴንታ ቶጋርማንታኬ። 
\v 7 ያዋኔ ናኣታ፦ ዔሊሻ፥ ዒስፔኔ፥ ቆጵሮሴንታ ሮዴ ዴሮንታኬ።
\p
\v 8 ካኣሜኮ ዓቲንቆ ናኣታ ኩሼ፥ ሚፂራይሜ፥ ፑኡፄንታ ካኣናኔንታ ማዓዛ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ማዖንሢኬ፤ 
\v 9 ኩሼ ዜርፃ፦ ሳባ፥ ሃዊላ፥ ሳቢታ፥ ራዒማንታ ሳቢቴካ ጌይንታ ዴሮኬ፤ ራዒማኮ ዓቲንቆ ናኣታ፦ ሳባና ዴዳኔናኬ። 
\v 10 ኩሼ ናምሩዴ ሾዔኔ፤ ዬይ ናምሩዴ ዓጪዳ ቤርታዺ ዖልዚና ዔርቴ ዓሲ ማዒ ኬስኬኔ። 
\v 11 ጊብፄ ዜርፃ፦ ሉዲሜ፥ ዓናሚሜ፥ ሌሃቢሜ፥ ናፕቱሄሜ፥ 
\v 12 ፔትሩሲሜ፥ ካስሉሂሜና ፒሊስፄኤሜ ዓሶኮ ቤርታሳ ዓዶንሢ ማዔ ቄርፄሴ ዴሮኬ። 
\v 13 ካኣናኔ ናኣቶኮ ቶይዳሢ፦ ፂዶኔ፤ ጌኤዛሢ ሄቴ ማዓዛ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ዓዶንሢኬ። 
\v 14 ዬያጉዲ ሃሣ ዒዚ፥ ዬይ፥ ካኣናኔ፦ ዒያቡሳ ዓሶ፥ ዓሞራ ዓሶ፥ ጌርጌሳ ዓሶ፥ 
\v 15 ሂዋዌ ዓሶ፥ ዓርቃ ዓሶ፥ ሲናዌ ዓሶ፥ 
\v 16 ዓርዋዳ ዓሶ፥ ፄማራ ዓሶንታ ሃማታዌ ዓሶኮ ቤርታሳ ዓዳሢኬ።
\p
\v 17 ሴኤሜ ናኣታ፦ ዔላኣሜ፥ ዓሶኦሬ፥ ዓርፓክሳዴ፥ ሉዴ፥ ዓራሜ፥ ዑፄ፥ ሁሌ፥ ጌቴሬንታ ሜሼኬንታ ማዓዛ ዬያታ ፔኤኮ ሱንፆና ሱንፆና ዔኤሊንታ ፃጶኮ ማዖንሢኬ። 
\v 18 ዓርፓክሳዴ ሼላሄ ሾዔኔ፤ ሼላሄ ዔቦሬ፥ 
\v 19 ዔቦሬ ሃሣ ላምዖ ዓቲንቄ ናይ ሾዔኔ፤ ዒዛ ዎዶና ዓጮ ዴራ ፓቂንቴሢሮ ዒዛኮ ቶይዶ ናዓሢኮ ሱንፃ ፔሌጌ ጌይንቲ ጌሢንቴኔ፤ ጌኤዛሢ ሱንፃ ዮቅፃኔ ጌይንቴኔ። 
\v 20 ዮቅፃኔ ዜርፃ፦ ዓልሞዳዴ፥ ሼሌፔ፥ ሃፃርማዌቴ፥ ዬራሄ፥ 
\v 21 ሃዶራሜ፥ ዑዛሌ፥ ዲቅላ፥ 
\v 22 ዔባሌ፥ ዓቢማዔሌ፥ ሳባ፥ 
\v 23 ዖፕሬ፥ ሃዊላንታ ዮባቤ ጌይንታ ዴሮንታኬ።
\p
\v 24 ሴኤሜፓ ዴንዲ ዓብራሃሜ ሄላንዳኣና ዓኣ ሾይንቶ ዜርፃ፦ ሴኤሜ፥ ዓርፓክሳዴ፥ ሼላሄ፥ 
\v 25 ዔቦሬ፥ ፔሌጌ፥ ሬዑኔ፥ 
\v 26 ሴሩጌ፥ ናኮሬ፥ ታራንታ 
\v 27 ጊንፃፓ ሱንፃ ዓብራሃሜ ጌይንቲ ላኣሚንቴ ዓብራሜንታ ቢያሢኬ።
\s1 ዒስማዔኤሌ ዜርፆ
\r (ማዢ. ማፃ 25፡12-16)
\p
\v 28 ዓብራሃሜ፦ ዪሳኣቄና ዒስማዔኤሌና ሾዔኔ፤ 
\v 29 ዒስማዔኤሌ ናኣታ ታጶ ላምዖ ፃጲኮ ሱኡጌ ማዔኔ፤ ዬያታ ፃጳ ዒስማዔኤሌኮ ቶይዶ ናዓሢ ሱንፆና ዔኤሊንታ ኔባዮቴ፥ ቄፃሬ፥ ዓድቤዔሌ፥ ሚብሳሜ፥ 
\v 30 ሚሽማዔ፥ ዱማ፥ ማሳ፥ ሃዳዴ፥ ቴማ፥ 
\v 31 ዪፁሬ፥ ናፕሼንታ ቄድማ ጌይንታ ፃጶኬ።
\p
\v 32 ዓብራሃሜም ኬፁራ ጌይንታ ዒዛኮ ጊንፃ ማቾስኬና ዚምራኔ፥ ዮቅሻኔ፥ ሜዳኔ፥ ሚዲያሜ፥ ዮሽባቄና ሹሃ ጌይንታ ላሆ ዓቲንቄ ናይ ሾዔኔ። ዮቅሻኔያ ሳባና ዴዳኔ ጌይንታ ላምዖ ዓቲንቄ ናይ ሾዔኔ፤ 
\v 33 ሚዲያሜ ሃሣ ዔፓ፥ ዔፔሬ፥ ሃኖኬ፥ ዓቢዳዔና ዔልዳዔ ጌይንታ ዶንጎ ዓቲንቄ ናይ ሾዔኔ።
\s1 ዔኤሳዎ ዜርፆ
\r (ማዢ. ማፃ 36፡1-19)
\p
\v 34 ዓብራሃሜ ናኣዚ ዪሳኣቄ ዔኤሳዎና ያይቆኦቤና ሾዔኔ፤ 
\v 35 ዔኤሳዎ፦ ዔሊፓዜ፥ ሬዑዔኤሌ፥ ዪዑሼ፥ ያዕላሜንታ ቆራሄንታ ሾዔኔ፤ 
\v 36 ዔሊፓዜ፦ ቴማኔ፥ ዖማሬ፥ ፄፔ፥ ጋዕታሜ፥ ቄናዜ፥ ቲምናዔንታ ዓማሌቄ ጌይንታ ላምዖ ፃጶኮ ቤርታሳ ዓዶ ማዔኔ። 
\v 37 ሬዑዔኤሌያ፦ ናሃቴ፥ ዛራሄ፥ ሻማናንታ ሚዛ ጌይንታ ፃጶኮ ቤርታሳ ማዓሢ ማዔኔ።
\s1 ቤርታዺ ዔዶኦሜ ዓጮይዳ ናንጋ ዓሶ
\r (ማዢ. ማፃ 36፡20-30)
\p
\v 38-42 ቤርታዺ ዔዶኦሜይዳ ናንጋ ዓሳ ሴዒሬ ናኣቶ ዜርፆ ማዓዛ ዔያታ፦ ሎፃኔ፥ ሼባል ፄባዖኔ፥ ዓና፥ ዲሾኔ፥ ዔፄሬና ዲሻኔናኬ።
\p ሎፃኔ ናኣታ፦ ሆሪና ሆማሜና ማዓዛ ቲሚና ሎፃኔኮ ጌሮኬ።
\p ሾባሌ ናኣታ፦ ዓልዋኔ፥ ማናሃቴ፥ ዔባል ሼፒና ዖናሜናኬ።
\p ፄባዖኔ ናኣታ፦ ዓያና ዓናናኬ።
\p ዓና ናኣዚ ዲሾኔኬ።
\p ዲሾኔ ናኣታ፦ ሄሚዳኔ፥ ዔሽባኔ፥ ዒትራኔና ኪራኔናኬ።
\p ዔፅሬ ናኣታ፦ ቢልሃኔ፥ ዛዕዋኔና ዓቃኔናኬ።
\p ዲሾኔ ናኣታ፦ ዑፄና ዓራኔናኬ።
\s1 ዔዶኦሜ ዓጮ ካኣቶ
\r (ማዢ. ማፃ 36፡31-43)
\p
\v 43 ዒስራዔኤሌ ዓጮይዳ ካኣታ ካኣታዹዋንቴ ዔዶኦሜ ዓጫ ሃይካፓ ዴማ ፓይዲንታ ካኣቶንሢ ዎሊ ሄሊ ሄሊ ካኣታዼኔ፤ ዬንሢያ፦ ዲንሃባ ጌይንታ ካታማ ሾይንቴ ቤዖሬ ናኣዚ ቤላዔ ካኣታዼኔ፤ 
\v 44 ቤላዔ ሃይቃዛ ዒዛ ቤዛ ባሶሬ ዓጮ ዓሢ ዛራ ናኣዚ ዮባቤ ካኣታዼኔ። 
\v 45 ዮባቤ ሃይቃዛ ቴማኔ ዓጮ ዓሢ ሁሻሜ ካኣታዼኔ፤ 
\v 46 ሁሻሜ ሃይቄስካፓ ሞዓኣቤ ዓጮይዳ ሚዲያሜ ዓሶ ዖሎና ባሼ ቤዳዴ ናኣዚ፥ ሃዳዴ ካኣታዼኔ፤ ዒዚ ካኣታዺ ዴዔ ካታሜላ ዓዊ ጌይንታኔ፤ 
\v 47 ሄሊሳዖ ሃዳዴ ሃይቃዛ ማስሬቃ ዓጮ ዓሢ ሳሚላ ካኣታዼኔ። 
\v 48 ሳሚላ ሃይቄስካፓ ዔፕራፂሴ ዎሮ ዓጫ ዓኣ ሬሃቦቴይዳ ሾይንቴ ሻዑሌ ካኣታዼኔ። 
\v 49 ሻዑሌ ሃይቃዛ ዓክቦሬ ናኣዚ፥ ቤዓልሃናኔ ካኣታዼኔ፤ 
\v 50 ቤዓልሃናኔ ሃይቄስካፓ ፓዑ ካታሞ ዓሢ፥ ሃዳዴ ካኣታዼኔ፤ ሃዳዴኮ ማቻ፥ ሜሄፃቤሎ ጌይንታያ ዛሃቤኮ ናኣዚ ናዖ ማዔሢ ማናሬንዴ ናይኬ።
\p
\v 51 ሃዳዴያኣ ሃይቄኔ፤ ዬካፓ ሃሣ ዔዶኦሜ ዓሶኮ ሱኡጎ ማዔዞንሢ፦ ቲምናዒ፥ ዓልዋ፥ ዬቴቴ፥ 
\v 52 ዖሆሊባማ፥ ዔላ፥ ፒኖኔ፥ 
\v 53 ቄናዜ፥ ቴማኔ፥ ሚብሳሬ፥ 
\v 54 ሜግድዔሌና ዒራሜ ጌይንታዞንሢኬ።
\c 2
\s1 ዪሁዳ ዜርፆ
\p
\v 1 ዒስራዔኤሌ ታጶ ላምዖ ዓቲንቄ ናይ ሾዔኔ፤ ዔያታ፦ ሮኦቤኤሌ፥ ሲሞኦኔ፥ ሌዊ፥ ዪሁዳ፥ ዪሳኮኦሬ፥ ዛብሎኦኔ፥ 
\v 2 ዳኣኔ፥ ዮሴፔ፥ ቢኢኒያሜ፥ ኒፕታኣሌኤሜ፥ ጋኣዴንታ ዓሴኤሬንታኬ።
\p
\v 3 ዪሁዳ ፔኤኮ ማቾ ካኣናኔ ዓጮ ላኣሌሎ፥ ባትሹዖይዳፓ ሃይሦ ዓቲንቄ ናይ ሾዔኔ፤ ዬንሢያ፦ ዔሬ፥ ዖናኔና ሼላ ጌይንታያኬ፤ ዒዛኮ ቶይዶ ናዓሢ ዔሬ ናንጊና ናንጋ ጎዳም ዓይሢንቱዋ ሚርጌና ፑርታታሢሮ ናንጊና ናንጋ ጎዳ ዒዛ ዎዼኔ፤ 
\v 4 ዪሁዳ ፔኤኮ ናኣዚ ማቾ ቲዕማሮፓ ፓርሴና ዛራሄ ጌይንታ ላምዖ ዓቲንቄ ናይ ሾዔኔ፤ ዪሁዳኮ ዎሊ ዑፃ ዶንጎ ናይ ዓኣኔ።
\p
\v 5 ፓርሴያ ሄፂሮኔና ሃሙሌ ጎዖ ላምዖ ዓቲንቄ ናይ ሾዔኔ፤ 
\v 6 ዒዛኮ ጌርሲ ዛራሄ ዶንጎ ዓቲንቄ ናይ፦ ዚምሪ፥ ዔታኔ፥ ሄማኔ ካልኮሌና ዳርዳዔ ጎዖዞንሢ ሾዔኔ፤ ዒዛኮ ዎሊ ዑፃ ዶንጎ ናይ ዓኣኔ። 
\v 7 ዛራሄ ዜርፃፓ ፔቴይ ካርሚ ናዓሢ፥ ዓካኔ ዖሎና ባሺ ዲዒ ዔኪ ናንጊና ናንጋ ጎዳም ዱማሶና ባኮ ዉኡቂ ዔኪ ዓኣቼሢሮ ናንጊና ናንጋ ጎዳ ዒስራዔኤሌ ዴሮይዳ ሜቶ ዓጌኔ። \x - \xo 2፡7 \xo*\xt ዒያ. 7፡1።\xt*\x*
\p
\v 8 ዔታኔ ዓዛሪያ ጌይንታ ፔቴ ዓቲንቄ ናይ ሾዔኔ።
\s1 ካኣቲ ዳውቴ ማኣሮ ዓሶ
\p
\v 9 ሄፂሮኔ ጎዖሢ ሃይሦ ዓቲንቄ ናይ፦ ዪራህሜዔሌ፥ ራማና ካኣሌቤ ጎዖዞንሢ ሾዔኔ፤ 
\v 10 ዓራሜ ዓምናኣዳኣቤኮ ዓዶኬ፤ ዓምናኣዳኣቤያ ዪሁዳ ናኣቶኮ ሱኡጌ ማዔ፥ ኔዓሶኔ ሾዔኔ። 
\v 11 ዬካፓ ኔዓሶኔ ሳልሞኔ፤ ሳልሞኔ ቦዔዜ ሾዔኔ። 
\v 12 ሄሊሳዖ ቦዔዜ ዒዮቤዴ ሾዓዛ፥ ዒዮቤዴ ዒሴዬ ሾዔኔ፤ 
\v 13 ዒሴዬ ላንካይ ዓቲንቄ ናይ ሾዔኔ፤ ዔያታ ዎሊ ሄሊ ሄሊ ሾይንቴ ጎይፆ ሃካፓ ሊካ ፓይዲንቴኔ፦ ዔሊዓቤ፥ ዓቢናዳኣቤ፥ ሻማ፥ 
\v 14 ናትናዔሌ ራዳዬ፥ 
\v 15 ዓፄሜና ዳውቴናኬ። 
\v 16 ዒማና ዒሴዬ ፂሩያና ዓቢጋይሎ ጌይንታ ላምዖ ዉዱሮ ናይስኬንሢያ ሾዔኔ፤
\p ዒሴዬ ናኣ፥ ፂሩያ ሃይሦ ዓቲንቄ ናይ፦ ዓቢሻዬ፥ ዒዮዓቤና ዓሳሄሌ ጎዖዞንሢ ሾዔኔ። 
\v 17 ሃንጎ ሃሣ ዒሴዬኮ ናኣ፥ ዓቢጋይላ ዒስራማዔሌ ዜርፃሢ ሄቴሬም ሎዓዖ ዓማሳ ጌይንታ ዓቲንቄ ናይ ሾዔኔ።
\s1 ሄፂሮኔ ዜርፆ
\p
\v 18 ሄፂሮኔ ናኣዚ ካኣሌቤ፦ ዓዙባ ጌይንታ ላኣሊስኬኖ ዔኪ ዪሪዖቴ ጎዖ ዉዱሮ ናይ ሾዔኔ፤ ዪሪዖቴ፦ ዬሼሬ፥ ሾባቤና ዓርዶኔ ጌይንታ ሃይሦ ዓቲንቄ ናይ ሾዔኔ። 
\v 19 ዓዙባ ሃይቄስካፓ ካኣሌቤ ዔፕራታ ጌይንታ ላኣሊስኬኖ ዔኪ ሁሬ ጌይንታ ዓቲንቄ ናይ ሾዔኔ፤ 
\v 20 ዬካፓ ሁሬ ዑሬ፤ ዑሬ ጊንሣ ባፂዔሌ ጌይንታ ዓቲንቄ ናይ ሾዔኔ፤
\p
\v 21 ሄፂሮኔኮ ሌዓ ላሂታሚ ማዓዛ ጌሌዓዴ ጎዖሢኮ ጌሮ ማኪሪኖ ዔካዖ ሱጉቤ ጌይንታ ዓቲንቄ ናይ ሾዔኔ፤ 
\v 22 ዬካፓ ሱጉቤ ያዒሬ ሾዔኔ፤ ዬይ፥ ያዒሬ ጌሌዓዴ ዓጮይዳ ዓኣ ላማታሚ ሃይሦ ካታማ ዬኖ ዎዶና ዎይሣያኬ፤ 
\v 23 ጋዓንቴ ጌሹሬና ዓራሜ ዓጮ ካኣቶና ላሂታሚ ማዓ ዻኮ ዻኮ ካታሞ ዬያ፥ ጌሌዓዴይዳፓ ዖሎና ባሺ ዓርቄኔ፤ ዬያታ፦ ያዒሬንታ ቄናቲኔንታ ጉርዶ፤ ዬያጉዲ ዔያቶኮ ኮይላ ዓኣ ዻኮ ዻኮ ካታሞንሢያ ቃሲ ዓርቃያኬ፤ ዒኢካ ናንጋ ዴራ ቢያ ጌሌዓዴኮ ዓዶ ማኪሬ ዜርሢኬ፤ 
\v 24 ሄፂሮኔ ካኣሌቤ ጌይንታ ዓጮ፥ ዔፕራታይዳ ሃይቄስካፓ ዓቢያ ጌይንታ ዒዛ ማቻ ዓሽሁሬ ጌይንታ ዓቲንቄ ናይ ሾዔኔ፤ ዓሽሁሬ ቴቆዓ ጌይንታ ካታማ ማዤኔ።
\s1 ዪራህሜዔሌ ዜርፆ
\p
\v 25 ሄፂሮኔኮ ናኣዚ ቶይዲ፥ ዪራህሜዔሌ ዶንጎ ዓቲንቄ ናይ ሾዔኔ፤ ዔያታ፦ ቤርታሳ ቶይዳሢ ራሜ፥ ሄሊሴሢ ቡና፥ ሃይሣሳሢ ዖሬኔ፥ ዖይዳሳሢ ዓፄሜ፥ ዶንጋሳሢ ዓሂያ ጌይንታያኬ። 
\v 26-27 ራሜ ሃይሦ ዓቲንቄ ናይ፦ ማዓፄ፥ ያሚኔና ዔቄሬ ጌይንታስኬንሢ ሾዔኔ፤ ዒማና ዪራህሜዔሌ ዓታራ ጌይንታ ፔቴ ሜሌ ላኣሊስኬኖ ዔኪ ዖናሜ ጌይንታ ዓቲንቄ ናይ ሾዔኔ፤ 
\v 28 ዬያጉዲ ሃሣ ዖናሜ ሻማያና ያዳዔ ጌይንታ ላምዖ ዓቲንቄ ናይ ሾዔኔ፤ ሻማያኣ ናኣዳኣቤና ዓቢሹሬ ጌይንታ ላምዖ ዓቲንቄ ናይ ሾዔኔ።
\p
\v 29 ዓቢሹሬ ዒማና ዓቢሃይሎ ጌይንታ ፔቴ ላኣሊስኬኖ ዔኪ ዓህባኔና ሞሊዴ ጌይንታ ላምዖ ዓቲንቄ ናይ ሾዔኔ፤ 
\v 30 ዓቢሹሬኮ ጌርሲ ናኣዳኣቤ ሴሌዴና ዓፓይሜ ጌይንታ ላምዖ ዓቲንቄ ናይ ሾዔኔ፤ ሴሌዴ ጋዓንቴ ፔቴታዖ ዓቲንቄ ናይ ሾዑዋዖ ሃይቄኔ። 
\v 31 ዓፓይሜ ዪሺዒ ጌይንታ ዓቲንቄ ናይ ሾዔኔ፤ ዬካፓ ዪሺዒያ ሼሻኔ ጌይንታ ዓቲንቄ ናይ፥ ሼሻኔ ዓህላዬ ጌይንታ ዓቲንቄ ናይ ሾዔኔ።
\p
\v 32 ሻማዬኮ ጌርሲ ያዳዔ ዬቴሬና ዮናታኣኔ ጌይንታ ላምዖ ዓቲንቄ ናይ ሾዔኔ፤ ዬቴሬ ጋዓንቴ ዓቲንቄ ናይ ሾዑዋዖ ሃይቄኔ፤ 
\v 33 ዮናታኣኔ ፔሌቴና ዛዛ ጌይንታ ላምዖ ዓቲንቄ ናይስኬንሢ ሾዔኔ፤ ዬንሢ ቢያ ዪራህሜዔሌ ዜርፆኬ።
\p
\v 34 ዔሻኔኮ ዉዱሮ ናይዳፓ ዓታዛ ዓቲንቄ ናይ ባኣሴ፤ ዒዛኮ ያሬሃዔ ጌይንታ ፔቴ ጊብፄ ዓሲታዖ ማዾ ማዻስኬይ ዓኣኔ፤ 
\v 35 ዬያ ማዻሢም ዒዚ ፔኤኮ ዉዱሮ ናኣቶይዳፓ ፔቴዞ ማቾ ማሂ ዒንጌኔ፤ ዬካፓ ያሬሃዔ ዓታዬ ጌይንታ ዓቲንቄ ናይ ሾዔኔ፤ 
\v 36 ዓታዬይዳፓ ዴንዲ ዔልሻማዔ ሄላንዳኣና ዎሊ ሄሊ ሄሊ ኬስኬ ሾይንታ፦ ዒታዬ፥ ናኣታኣኔ፥ ዛባዴ፥ 
\v 37 ዔፕላሌ፥ ዖቤዴ፥ 
\v 38 ዬሁ፥ ዓዛሪያ፥ 
\v 39 ሄሌፄ፥ ዔልዓሳ፥ 
\v 40 ሲስማዬ፥ ሻሉሜ፥ 
\v 41 ዪቃምያንታ ዔሊሻማዔንታኬ።
\s1 ዓቴ ሃሣ ካኣሌቤ ዜርፆ
\p
\v 42 ዪራህሜዔሌኮ ጌርሲ ማዔ ካኣሌቤኮ ቶይዶ ናዓሢኮ ሱንፃ ሜሻዔ ጌይንታኔ፤ ዬይ ሜሻዔ ዚፔ ጌይንታ ዓቲንቄ ናይ ሾዔኔ፤ ዬካፓ ዚፔ ማሬሻኔ ሾዓዛ፥ ማሬሻኔ ሃሣ ኬብሮኦኔ ሾዔኔ። 
\v 43 ኬብሮኦኔ፦ ቆራሄ፥ ታፑሃ፥ ሬቄሜንታ ሼማዔ ጌይንታ ዖይዶ ዓቲንቄ ናይ ሾዔኔ። 
\v 44 ሼማዔያ ራሃሜ ሾዓዛ፥ ራሃሜ ዮርቄዓሜ ሾዔኔ፤ ሼማዔኮ ጌርሲ ሬቄሜ ሻማዬ ሾዔኔ፤ 
\v 45 ሻማዬ ማዖኔ ሾዓዛ፥ ማዖኔ ቤትፁሬ ሾዔኔ።
\p
\v 46 ካኣሌቤኮ ዔፓ ጌይንታ ሜሌ ላኣሊስኬና ዓኣኔ፤ ዒዞይዳፓ ካኣሌቤ፦ ሃራኔ፥ ሞፃንታ ጋዜዜ ጌይንታ ሜሌ ሃይሦ ዓቲንቄ ናይ ሾዔኔ፤ ሃራኔ ሃሣ ጋዜዜ ጌይንታ ሜሌ ዓቲንቄ ናይ ሾዔኔ።
\p
\v 47 ያህዳዬ ጌይንታ ዓሢ፦ ሬጌሜ፥ ዮታሜ፥ ጌሻኔ፥ ፔሌፄ፥ ዔፓና ሻዓፔ ጌይንታ ላሆ ዓቲንቄ ናይ ሾዔኔ።
\p
\v 48 ካኣሌቤኮ ማዕካ ጌይንታ ሜሌ ላኣሊስኬና ዓኣንቴ ዒዞይዳፓ ዒ ሼቤሬና ቲርሃ ጌይንታ ላምዖ ዓቲንቄ ናይ ሾዔኔ፤ 
\v 49 ዬና ላኣሌላ ናንጊቤቃ ጊንፃፓ ሜሌ ላምዖ ዓቲንቄ ናይ ሾዔኔ፤ ዔያቶኮ ቶይዳሢ ማድማና ጌይንታ ካታሞ ማዤ፥ ሻዓፔ ማዓዛ ላምዓሳሢ ሃሣ ማክቢና ጊቢዓ ጌይንታ ላምዖ ካታሞንሢ ማዤ፥ ሻዋኬ።
\p ቃሲ ሃሣ ካኣሌቤኮ ዓክሳ ጌይንታ ፔቴ ዉዱሮ ናይስኬና ዓኣኔ።
\p
\v 50 ሃካፓ ሊካ ዴማ ፓይዲንታዞንሢያ ካኣሌቤ ዜርፆኬ፦ ካኣሌቤ ፔኤኮ ማቾ ዔፕራታይዳፓ ሾዔ ቤርታሳ ናዓሢ ሁሬ ማዓዛ ሁሬኮ ናኣዚ፥ ቂሪያትይዓሪሜኮ ዓዴ ሾባሌኬ፤ 
\v 51 ሁሬኮ ላምዓሳ ናዓሢ፥ ሳልሞኔ ቤቴልሄሜኮ ዓዶ ማዓዛ ሃይሣሳ ናዓሢ ሃሬፔ ቤትጋኣዴሬ ዓዶኬ።
\p
\v 52 ቂሪያትይዓሪሜ ዓዶ፥ ሾባሌኮ ሜሌ ናይ ዓኣኔ፤ ዬያታ፦ ሄሮዔቴና ሜንሆቴ ቶኦኮኮ ዛሎኬ። 
\v 53 ዬያጉዲ ሃሣ ቂሪያትይዓሪሜይዳ ናንጋ ዩትራ ዓሳ፥ ፑታ ዓሳ፥ ሹማታ ዓሶና ሚሽራዓ ዓሶ ጌይንቲ ዔኤሊንታ ዜርፆኮ ቤርታሳ ዓዳሢ ሾባሌኬ፤ ዬያቶይዳፓ ሃሣ ፆርዓና ዔሽታዖሌ ጌይንታ ቶኦካ ኬስኬኔ።
\p
\v 54 ቤኤቴሌሄሜ ካታሞ ማዤ፥ ሳልሞኔ ናኣታ፦ ኔፆፓ ዓሶንታ ዓፃሮት ቤቴዮዓቤንታ ሜናሃ ዓሶኮ ዛሎንታ ፆርዓ ዓሶንታኬ።
\p
\v 55 ቲርዓ ዓሶንታ ሺምዓ ዓሶንታ ሱካ ዓሶ ጌይንታ ቶኦኮንሢ ሃይሴ ፃኣፒሢና ጊንሣ ሃሣ ጊዳፓ ዔኪ ዺቢሺ ፃኣፒሢኮ ዔራቶ ዓኣያ፥ ያቤፄ ጌይንታ ዻካ ካታማስኬማይዳ ናንጋያኬ፤ ዔያታ ሬካቤ ዓሶኮ ዓዶ፥ ሃሜቴና ዎላ ዔፒ ዛላና ካኣሜያ ቄና ዓሶኬ።
\c 3
\s1 ካኣቲ ዳውቴ ናኣቶ
\p
\v 1-3 ዳውቴ ኬብሮኦኔይዳ ዓኣዖ ሾዔ ዓቲንቆ ናኣታ ዎሊ ጊንፆ ሃካፓ ዴማ ፓይዲንታኔ፦
\q ዒይዚራዔኤሌ ዓጮ ዓሴላ ዓሂኖዓማ ሾዔ ቶይዳሢ ዓምኖኦኔ፥
\q ቄርሜሎሴ ላኣሌሎ ዓብጋይሎይዳፓ ሾይንቴ ዳኣኔኤሌ፥
\q ጌሹሬ ካኣቲ ታልማዬ ናኣ ማዕካ ሾዔ ዓቤሴሎሜ፥
\q ሃጊታ ሾዔ ዓዶኒያሴ፥
\q ዓቢፃላ ሾዔ ሼፓፂያ፥
\q ዔግላ ሾዔ ዪትሬዓሜንታኬ፤
\m
\v 4 ዬንሢ ላሆ ናኣቶ ዒ ሾዔሢ ኬብሮኦኔይዳ ናንጌ ዎዶናኬ፤ ዳውቴ ኬብሮኦኔይዳ ናንጊ ላንካይ ሌዔና ዛላና ዓጮ ዎይሤኔ።
\p ዬካፓ ዳውቴ ዬሩሳላሜይዳ ናንጊ ሃይሢታሚ ሃይሦ ሌዔ ዎይሤኔ፤ \x - \xo 3፡4 \xo*\xt 2ሳሙ. 5፡4-5፤ 1ካኣቶ. ማ 2፡11፤ 1ፆኦሲ. ዓሃኬ 29፡27።\xt*\x* 
\v 5 ዬኖ ቤዞይዳኣ ዒዚ ሚርጌ ዓቲንቄ ናይ ሾዔኔ።
\p ዒዛኮ ማቻ፥ ዓሚዔኤሌ ናኣ፥ ቤርሳቤ ዒዛም፦ ሺምዓ፥ ሾባቤ፥ ናኣታኔና ሴሎሞኔ ጌይንታ ዖይዶ ዓቲንቄ ናይ ሾዔኔ። \x - \xo 3፡5 \xo*\xt 2ሳሙ. 11፡3።\xt*\x*
\p
\v 6 ዬንሢ ሌሊቱዋንቴ ሜሌ ዒዛኮ ታዞጳ ዓቲንቄ ናይያኣ ዓኣኔ፤ ዬያታ፦ ዪብሃሬ፥ ዔሊሹዓ፥ ዔሊፓሌፄ፥ 
\v 7 ኖጋሄ፥ ኔፔጌ፥ ያፒዓ፥ 
\v 8 ዔሊሻማዓ፥ ዔሊያዳዔና ዔሊፔሌፄ ጌይንታያኬ፤ 
\v 9 ሃሣ ዬንሢዳፓ ሜሌ ሃንጎ ላኣሊና ሾዖና ዓቲንቄ ናይ ዓኣኔ፤ ዒዛኮ ቲዕማሮ ጌይንታ ዉዱሮ ናይስኬናኣ ዓኣኔ።
\s1 ካኣቲ ሴሎሞኔ ዜርፆ
\p
\v 10 ካኣቲ፥ ሴሎሞኔኮ ሾይንቶ ዜርፃ ዎሊ ሄሌ ጎይፆ ሃካፓ ዴማ ፓይዲንታኔ፤ ሴሎሞኔ፥ ሮቢዓሜ፥ ዓቢያ፥ ዓኣሳ፥ ዒዮሳፒፄ፥ 
\v 11 ዒዮራሜ፥ ዓካዚያሴ፥ ዒዮዓሴ፥ 
\v 12 ዓሜሲያሴ፥ ዓዛሪያሴ፥ ዒዮዓታሜ፥ 
\v 13 ዓካኣዜ፥ ሂዚቂያሴ፥ ሚናኣሴ፥ 
\v 14 ዓሞኦኔንታ ዒዮሲያሴንታኬ፤ 
\v 15 ዒዮሲያሴኮ ናኣዚ ቶይዲ ዮሃናኔ፤ ሄሌ ጌኤዚ ዒዮዓቄሜ፤ ሃይሣሳሢ ሴዴቂያሴ ማዓዛ ዖይዳሳሢ ሻሉሜኬ፤ 
\v 16 ዒዮዓቄሜ ዒኮኒያኔና ፄዴቂያ ጌይንታ ላምዖ ዓቲንቄ ናይ ሾዔኔ።
\s1 ካኣቲ ዒኮኒያኔ ዜርፆ
\p
\v 17 ባብሎኔ ዓሳ ዖሎና ባሺ ዲዒ ዔኪ ቱኡሲ ዓሲ ማሄ ካኣቲ፥ ዮዓኪኔኮ ዜርፃ ሃይማፓ ዴማ ዓኣዞንሢኬ፤ ዒዚ፥ ዮዓኪኔ ላንካይ ዓቲንቄ ናይ ሾዔኔ፤ ዔያታኣ፦ ሳላቲያሌ፥ 
\v 18 ማልኪራሜ፥ ፔዳያ፥ ሼናፃሬ፥ ዪቃሚያ፥ ሆሻማዓና ኔዳቤ ጎዖዞንሢኬ። 
\v 19 ፔዳያ ዜሬባቡሌና ሺምዒ ጌይንታ ላምዖ ዓቲንቄ ናይ ሾዔኔ፤ ዜሬባቡሌኮ ሃሣ ሜሹላሜና ሃናኒያ ጌይንታ ላምዖ ዓቲንቄ ናይና ሼሎሚቶ ጌይንታ ዉዱሮ ናይያኣ ዓኣኔ። 
\v 20 ዬያጉዲ ሃሣ ፔዳያኮ ሜሌ ዶንጎ ዓቲንቄ ናይ ዓኣያ ማዓዛ ዔያታ፦ ሃሹባ፥ ዓሄሌ፥ ቤሬኪያ፥ ሃሳድያና ዩሻብሄሴዴ ጌይንታያኬ።
\p
\v 21 ሃናኒያ ፔላፂና ዪሻዕያ ጌይንታ ላምዖ ዓቲንቄ ናይ ሾዔኔ፤ ዪሻዕያ ሬፓያ፤ ሬፓያ ዓርናኔ፤ ዓርናኔ ዓብዲዩኔ፥ ዓብዲዩኔያ ሼካኒያ ሾዔኔ። 
\v 22 ሼካኒያ ሼማዒያ፤ ሼማዒያ፦ ሃፁሼ፥ ዩጋሌ፥ ባሪያሄ፥ ኔዓሪያና ሻፓፄ ጌይንታ ዶንጎ ዓቲንቄ ናይ ሾዔኔ፤ ዬያሮ ሼካኒያኮ ዜርፃ ዎሊ ዑፃ ላሆኬ፤ 
\v 23 ኔዓሪያ፦ ዔልዮዔናዬ፥ ሂዚቂያሴንታ ዓዝሪቃሜ ጌይንታ ሃይሦ ዓቲንቄ ናይ ሾዔኔ፤ 
\v 24 ዔልዮዔናዬያኣ፦ ሆዳውያ፥ ዔሊያሺቤ፥ ፔላያ፥ ዓቁቤ፥ ዮሃናኔ፥ ዴላያንታ ዓናኒ ጌይንታ ላንካይ ዓቲንቄ ናይ ሾዔኔ።
\c 4
\s1 ዪሁዳ ማኣሮ ዜርፆ
\p
\v 1 ዪሁዳኮ ዜርፃ፦ ፓሬሴ፥ ሄፂሮኔ፥ ካርሚ፥ ሁሪና ሾባሌናኬ። 
\v 2 ሾባሌ ሬዓያ፤ ሬዓያ ያሃቴ ሾዔኔ፤ ዬይ፥ ያሃቴ ፆርዓይዳ ናንጋ ዓሶኮ ቤርታሳ ዓዶንሢ ማዔ ዓሁማዬና ላሃዴ ጌይንታዞንሢ ሾዔኔ። 
\v 3-4 ሁሬ ካኣሌቤና ካኣሌቤኮ ማቾ ዔፕራታናኮ ቶይዶ ናዓሢኬ፤ ቤኤቴሌሄሜ ካታሞ ማዤዞንሢ ዒዛ ፃጶኬ፤ ዬይ፥ ሁሬ፦ ዔፃሜ፥ ፔኑዔሌና ዔዜሬ ጌይንታ ሃይሦ ዓቲንቄ ናይ ሾዔኔ፤ ዔፃሜ፦ ዒይዚራዔኤሌ፥ ዒሻማ፥ ዔድባሼንታ ጌዶሬ ካታሞ ማዤ፥ ፓኑዔሌንታ ሁሻኔ ካታሞ ማዤ፥ ዔፄሬ ሾዔኔ፤ ዬያቶኮ ሃፅሌልፓኖ ጌይንታ ጌሮስኬና ዓኣኔ።
\p
\v 5 ቴቆዓኔ ካታሞ ማዤ፥ ዓሽሁሬኮ ሄላና ናዕራ ጌይንታ ላምዖ ላኣሊስኬንሢ ዓኣኔ፤ 
\v 6 ዓሹሬ ናዕራይዳፓ፦ ዓሁዛሜ፥ ሄፔሬ፥ ቴሚኒና ዓሃሽታሬ ጌይንታ ዖይዶ ዓቲንቄ ናይ ሾዔኔ፤ 
\v 7 ሃሣ ሄላ ጌይንታ ማቾይዳፓ፦ ፄሬቴ፥ ዪፅሃሬና ዔትናኔ ጌይንታ ሃይሦ ዓቲንቄ ናይ ሾዔኔ።
\p
\v 8 ቆፄ ጎዖሢ ዓኑቤና ፆባቤ ጌይንታ ላምዖ ዓቲንቄ ናይ ሾዔኔ፤ ዬይ ቆፄ ሃሩሜ ናኣዚ ዓሃርሄሌ ዜርፆ ማዔዞንሢኮ ቤርታሳ ዓዳሢኬ።
\p
\v 9 ቆፄ ዜርፆ ባኣካ ሚርጌና ቦንቺንታ ያዕቤፄ ጌይንታ ፔቴ ዓሲ ዓኣኔ፤ ዒዚ ሾይንቴ ዎዶና ዒዛኮ ዒንዳ ሾይፆና ሚርጌ ሜታዼሢሮ ሱንፆ ዒዛኮ «ያዕቤፄ» ጌይ ጌሤኔ፤ 
\v 10 ፔቴ ኬሊ ያዕቤፄ፦ «ታ ፆኦዛሢዮ! ታና ዓንጄ፤ ዳልጊ ዓጪ ታኣም ዒንጌ፤ ፔቴታዖ ታጊዳፓ ዱማዺፖ፤ ታና ሜታሳኒ ዳንዳዓ ዓይጎዋ ፑርታ ባኣዚፓ ታና ካፔ» ጌይ ዒስራዔኤሌ ፆኦዛሢ ሺኢቄም፥ ፆኦሲያ ዒ ሺኢቄሢጉዲ ዒዛም ዋይዜኔ።
\p
\v 11 ሹሃኮ ጌርሲ ካሉቤ ሜሂሬ ጌይንታ ፔቴ ዓቲንቄ ናይ ሾዓዛ፥ ሜሂሬያ ዔሽቶኔ ሾዔኔ፤ 
\v 12 ዔሽቶኔ ሃሣ ቤትራፓ፥ ፓሴሃና ቴሂና ጌይንታ ሃይሦ ዓቲንቄ ናይ ሾዔኔ፤ ቴሂና ናሃሼ ጎዖ ካታማ ማዤኔ፤ ዬንሢ ዜርፃ ሬካ ጌይንታ ዓጪዳ ናንጋኔ።
\p
\v 13 ቄናዚሜ ዖትኒዔኤሌና ሴራያ ጌይንታ ላምዖ ዓቲንቄ ናይ ሾዔኔ፤ ዖትኒዔኤሌያ ሃታቴና ሜዖኖታዬ ጌይንታ ላምዖ ዓቲንቄ ናይ ሾዔኔ፤ 
\v 14 ሜዖኖታዬ ዖፕራ ሾዔኔ።
\p ሴራያ ዔኤቢ ኮሺሢ ሃኣማቶ ማዾና ዔርቴ ዓሳ ናንጋ ቤዞ «ሃኣሞ ዶኦጮ» ጌይንታ ካታማ ማዤ፥ ዒዮዓቤ ሾዔኔ።
\p
\v 15 ዪፑኔ ናኣዚ ካኣሌቤያ፦ ዒሩ፥ ዔላና ናዓሜ ጌይንታ ሃይሦ ዓቲንቄ ናይ ሾዔኔ፤ ዔላ ቄናዜ ሾዔኔ።
\p
\v 16 ዪሃልዔሌ ጎዖሢ፦ ዚፔ፥ ዚፓ፥ ቲሬያና ዓሳርዔሌ ጌይንታ ዖይዶ ዓቲንቄ ናይ ሾዔኔ። 
\v 17-18 ዔዝራ፦ ዬቴሬ፥ ሜሬዴ፥ ዔፔሬና ያሎኔ ጌይንታ ዖይዶ ዓቲንቄ ናይ ሾዔኔ። ሜሬዴያኣ ቢትያ ጌይንታ፥ ጊብፄ ካኣቲ ናዎ ዔኪ ማይራሞ ጌይንታ ዉዱሮ ናይስኬኖና ሻማዬንታ ዩሽባሄ ጌይንታ ላምዖ ዓቲንቄ ናይ ሾዔኔ፤ ዩሽባሄ ዔሽቴሞዓ ጌይንታ ካታማ ማዤኔ፤ ሜሬዴያ ጊንሣ ዪሁዳ ፃጳፓ ፔቴ ላኣሊ ዔኪ ጌዶሬ ካታሞ ማዤ፥ ዬሬዴ፤ ዬያጉዲ ሃሣ ሶኮ ካታሞ ማዤ፥ ሄቤሬና ዛኖሃ ካታሞ ማዤ ቂቲዔሌ ጎዖሢ ሾዔኔ።
\p
\v 19 ሆዲያ ናሃሚኮ ጌሮ ዔኬኔ፤ ዒዛ ዜርፃ፦ ቄዒላ ካታማ ናንጋ ጋርሚ ቶኦኮና ዔሽቴሞዓ ካታማ ናንጋ ማዕካቴ ቶኦኮኮ ማዖንሢኬ።
\p
\v 20 ሺሞኔያ፦ ዓምኖኦኔ፥ ሪና፥ ቤንሃኔና ቲሎኔ ጌይንታ ዖይዶ ዓቲንቄ ናይ ሾዔኔ።
\p ዩሽዒ፦ ዞሄቴና ቤንዞሄቴ ጌይንታ ላምዖ ዓቲንቄ ናይ ሾዔኔ።
\s1 ሼኤላ ዜርፆ
\p
\v 21 ሼኤላ ዪሁዳኮ ዓቲንቆ ናኣቶይዳፓ ፔቴሢ ማዓዛ ዒዛኮ ዜርፃ ሌካኔ ካታሞ ማዤ ዔሬ፥ ማሬሻ ካታሞ ማዤ ላዕዳ፥ ቤትዓሽቤዓ ካታማ ናንጋ ሻኣዦ ሚዛጶ ዓፒሎ ዹዓ ቶኦኮ፤ 
\v 22 ዮቂሜና ኮዜባ ካታሞይዳ ናንጋ ዴራ ሞዓኣቤ ዓጮ ላኣሌሎ ዔኪ ቤኤቴሌሄሜይዳ ማዤ ዒዮዓሴና ሳራፔናኬ፤ [ዬያቶ ዓሶ ዛሎ ሃይሳ ሚናፓ ኬኤዚንቲ ዓኣያኬ] 
\v 23 ዔያታ ካኣቱሞ ማኣሮይዳ ዱማ ዱማ ባኣዚ ዓጪና ማዣያ ኔፃዒሜና ጌዴራ ጌይንታ ካታማይዳ ናንጋ ማኒኬ።
\s1 ሲሞኦኔ ዜርፆ
\p
\v 24 ሲሞኦኔ ጎዖሢ ኔሙዔኤሌ፥ ያሚኔ፥ ያሪቤ፥ ዜራሄና ሻዑሌ ጌይንታ ዶንጎ ዓቲንቄ ናይ ሾዔኔ፤ 
\v 25 ሻዑሌ፦ ሻሉሜ ሾዓዛ ሻሉሜ ሚብሳሜ ሾዔኔ፤ ሚብሳሜ ሃሣ ሚሽማዔ ሾዔኔ፤ 
\v 26 ሚሽማዔ ሃሙዔኤሌ፥ ሃሙዔኤሌ ዛኩሬ፥ ዛኩሬ ሺምዒ ሾዔኔ፤ 
\v 27 ሺምዒ፦ ታጶ ላሆ ዓቲንቄና ላሆ ዉዱሮ ናይና ሾዔኔ፤ ዒዛኮ ጌርሲንሢ ጋዓንቴ ሚርጌ ናይ ሾይባኣሴ፤ ዬያሮ ሲሞኦኔ ፃጳ ዪሁዳ ፃጶጉዲ ዺቢባኣሴ።
\p
\v 28 ዴንዲ ዳውቴ ካኣታዼ ዎዶ ሄላንዳኣና ሲሞኦኔ ዜርፃ ናንጌሢ፦ ቤርሳቤ፥ ሞላዳ፥ ሃፃርሹዓሌ፥ 
\v 29 ቤልሃ፥ ዔፄሜ፥ ቶላዴ፥ 
\v 30 ቤቱዔሌ፥ ሆርማ፥ ፂቅላጌ፥ 
\v 31 ቤትማርካቦቴ፥ ሆፃር ሱሲሜ፥ ቤትቢሪና ሻዕራይሜ ካታሞይዳኬ፤ 
\v 32 ዬያጉዲ ሃሣ ዔፃሜ፥ ዓይኔ፥ ሪሞኔ፥ ቶኬኔና ዓሻኔ ጌይንታ ሜሌ ዶንጎ ዻካ ዻካ ካታማስኬንሢዳ፥ 
\v 33 ኮይሎይዳ ዓኣ ጉርዶይዳኣ ናንጌኔ፤ ዬይ ዔያታ ናንጌ ቤዛ ዾኦሎ ዛሎና ዴንዲ ባዕላቴ ካታሞ ሄላኔ። ሲሞኦኔ ዜርፃ ፔኤኮ ማኣሮ ዓሶንታ ዔያታ ናንጌ ቤዞንታ ዛሎ ፃኣፒ ጌሤሢ ያዺኬ። \x - \xo 4፡33 \xo*\xt ዒያ. 19፡2-8።\xt*\x*
\p
\v 34 ዱማ ዱማ ቶኦኮኮ ሱኡጋ ሃይካፓ ሊካ ፓይዲንታዞንሢኬ፦
\q ሜሾባቤ፥ ያምሌኬ፥ ዓሜሲያሴ ናኣዚ ዮሻ፥
\p
\v 35 ዮዔሌ፥ ዮሺቢያ ናኣዚ ዒዩ፥ [ሴራያ ናኣዚ ዮሺቢያ፥ ዓሴዔሌ ናኣዚ ሴራያ፥]
\q
\v 36 ዔልዮዔናዬ፥ ያዕቆባ፥ ዬሾሃያ፥ ዓሳያ፥ ዓዲዔኤሌ፥ ሺሚዔኤሌ፥ ቤናያ፥
\q
\v 37 ሺፕዒ ናኣዚ ዚዛ፥ ዬዳያንታ ሺምሪንታ ሼማዒያንታ ዜርሢ ማዔ ዓሎኔ ናኣዚ ሺፕዓንታኬ።
\p
\v 38 ዬንሢ ዓሶኮ ማኣሮ ዓሳ ሚርጊ ሚርጊ ዴንዴኔ፤ 
\v 39 ዬያሮ ዔያታ ፔኤኮ ቆልሞ ሄንቆ ቤሲ ኮዒ ዔያታ ናንጋ ቤዞኮ ዓባ ጌላ ዛሎና ዴንዲ ጌራሬ ሄላንዳኣና ዴዔኔ፤ ዬካ ዶኦጮኮ ዓባ ኬስካ ዛላ ጌራሬ ካታማ ዓኣ ዛሎና ቆልሞ ዔያታ ሄንቃኔ። 
\v 40 ዬና ቤዜላ ዔያቶ ዲቃሣ ባኣዚባኣ ፔጌ ቤሲኬ፤ ዒኢካ ዔያታ ቆልማ ሄንቃንዳ ዓኣዔ ማኣቲ ዓኣ ቤሲ ሚርጌ ዴንቄኔ፤ ቤርታ ዬኖ ቤዞይዳ ናንጋ ዴራ ካኣሜ ዓሶ ጌይንታኔ።
\p
\v 41 ዪሁዳ ካኣቲ፥ ሂዚቂያሴ ካኣታዼ ዎዶና ዬና ኬኤዚንቴ ዓሳ ጌራሬ ዓጮ ዴንዲ ዒኢካ ናንጋ ዓሶኮ ዓፒሎና ማዦና ማኣሮንታ ማኣቶ ማኣሮዋ ቢያ ሻሄኔ፤ ሃሣ ካኣሜ ፃጶንታ ሜዑና ዓሶዋ ዓይሱዋዖ ጋፒሲ ዎዺ ፔኤኮ ቆልሞም ሚርጌ ሄንቆ ቤሲ ዴንቄሢሮ ዒኢካ ዓኣ ዓሶ ዳውሲ ዳኪ ፔኤሮ ዒኢካ ቤዛ ናንጊሢ ዓርቄኔ። 
\v 42 ሲሞኦኔ ዜርፆይዳፓ ዶንጎ ፄኤታ ማዓ ዓሲ ዔዶኦሜ ዹኮ ባንሢ ዴንዴኔ፤ ዔያቶ ሱኡጌ ማዒ ዔኪ ዓኣዼዞንሢ ዩሽዒ ናኣቶ ፔላፂያ፥ ኔዓሪያ፥ ሬፓያና ዑዚዔኤሌናኬ፤ 
\v 43 ዔያታ ዒኢካ ዓቲ ዓኣ ዓማሌቄ ዓሶ ዎዺ ጋፒሲ፥ ሃኖ ሄላንዳኣና ዒኢካ ናንጋኔ።
\c 5
\s1 ሮኦቤኤሌ ዜርፆ
\p
\v 1 ዒስራዔኤሌኮ ናኣዚ ቶይዲ፥ ሮኦቤኤሌኮ ዜርፃ ሃይካፓ ዴማ ፓይዲንታዞንሢኬ፤ [ሮኦቤኤሌ ዒስራዔኤሌኮ ናኣዚ ቶይዲታዖ ዒንዶ ሌጎ ዓርቂ ዒኢሴሢሮ ቶይዳታ ዮሴፔ ናኣቶም ዒንጊንቴኔ፤ ዬያሮ ዔያቶኮ ቶይዱማ ዔያታ ዎሊ ሄሊ ሾይንቴ ጎይፆ ዓኣዻኒ ዳንዳዒባኣሴ። \x - \xo 5፡1 \xo*\xt ማዢ. ማፃ 35፡22፤ 49፡3-4።\xt*\x* 
\v 2 ሂዴቶዋ ቢያፓ ባሼ ዶዲ ማዔሢና ፃጶ ቢያኮ ሱኡጌ ማዔ ዓሲ ጴዼሢ ዪሁዳ ፃጳፓኬ፤] \x - \xo 5፡2 \xo*\xt ማዢ. ማፃ 49፡8-10።\xt*\x* 
\v 3 ያይቆኦቤኮ ናኣዚ ቶይዲ፥ ሮኦቤኤሌ ዖይዶ ዓቲንቄ ናይ ሾዔኔ፤ ዔያታ፦ ሃኖኬ፥ ፓሉ፥ ሄፂሮኔና ካርሚ ጌይንታያኬ። 
\v 4-6 ሾይንታፓ ሜሌ ሾይንቲ ሄላንዳኣና ናንጌ ዮዔኤሌ ዜርፃ፦ ሼማዒያ፥ ጎጊ፥ ሺምዒ፥ ሚካ፥ ሬዓያ፥ ቤዓሌና ቤዔራናኬ፤ ዓሶኦሬ ካኣቲ ቲግላትፔሌሴሬ ሮኦቤኤሌ ቶኦኮኮ ሱኡጋሢ ማዔ ቤዔራ ዓርቂ ዲዒ ዔኪ ዓኣዼኔ። \x - \xo 5፡4-6 \xo*\xt 2ካኣቶ. ማ 15፡29።\xt*\x*
\p
\v 7 ማኣሮ ዓሶኮ ፃኣፒንቴ ሱንፃ ዛጊንቴ ጎይፆና ሮኦቤኤሌ ፃጶኮ ቶኦኮ ቶኦኮኮ ሱኡጎ ማዔዞንሢ፦ ዒዩዔኤሌንታ ዛካሪያሴንታ፥ 
\v 8 ዒዩዔኤሌ ዜርፃፓ ሼማዒኮ ናኣዚ ናዖ፥ ዓዛዜ ናኣዚ ማዔ ቤላዔንታኬ፤ ዬና ቶኦካ ናንጋ ቤዛ ዓሮዔኤሬና ዬያኮ ኬዶ ዛሎና ኔቦና ባዓልሜዖኔ ዓጮ ሄላንዳኣናኬ፤ 
\v 9 ዔያቶኮ ጌሌዓዴ ዓጮይዳ ሚርጌ ቆልሞ ዓኣሢሮ ዓባ ኬስካ ዛሎና ዴንዲ ዔፕራፂሴ ዎሮ ሄላንዳኣና ፒዺ ጌይ ዓኣ ዓሲ ናንጉዋ ዳውሎ ቢያ ዔያታ ዓርቄኔ። 
\v 10 ካኣቲ ሳኣዖኦሌ ዎዶና ሮኦቤኤሌ ፃጳ ሃጋራ ዓሶ ዖሊ ቢያ ዎዺ ኩርሴኔ፤ ጌሌዓዴኮ ዓባ ኬስካ ዛሎና ዓኣ ዬያ ዓሶኮ ቤዞ ፔ ዓጪ ዔያታ ማሄኔ።
\s1 ጋኣዴ ዜርፆ
\p
\v 11 ጋኣዴ ፃጳ፦ ሮኦቤኤሌ ፃጳ ናንጋ ቤዞኮ ኬዶ ዛሎና ዓኣ ዓጮይዳ ናንጋኔ፤ ዬይ ዓጫ ባኣሳኣኔ ዓጮ ጋራ ዓኣያ ማዓዛ ዓባ ኬስካ ዛሎና ዴንዲ ሳሌካ ሄላኔ። 
\v 12 ዒዩዔኤሌ ቢያፓ ባሼ ዜርፆኮ ዓዶኬ፤ ሄሊሳዖ ሻፓሜ ዒዛኮ ዴማ ሄሊሲ ዓኣ ቶኦኮኮ ዓዶኬ፤ ያዕናዬና ሻፓፄና ባኣሳኣኔይዳ ናንጋ ሃንጎ ቶኦኮኮ ማዖንሢኬ፤ 
\v 13 ሜሌ ዓቴ ዬኖ ፃጶ ዓሲ ማዔ ዓሳ፦ ሚካዔኤሌ፥ ሜሹላሜ፥ ሼባዒ፥ ዮራዬ፥ ያዕካኔ፥ ዚዓና ዔቤሬ ጌይንታ ላንካዎ ቶኦካኣ ዬኖ ዓሶና ዎላኬ፤ 
\v 14 ዔያታ ሁሬ ናኣዚ ዓቢሃይሌ ዜርፆ ማዓዛ ዔያቶኮ ቤርታሳ ዓዶንሢ፦ ዓቢሃይሌ፥ ሁሪ፥ ያሮሃ፥ ጌሌዓዴ፥ ሚካዔኤሌ፥ ሺሻዬ፥ ያህዶና ቡዜናኬ፤ 
\v 15 ጉኒኮ ናኣዚ ናዓሢ፥ ዓብዲዔሌ ናኣዚ፥ ዓሂ ዬንሢ ቢያ ቶኦኮኮ ሱኡጋሢኬ፤ 
\v 16 ዬያታ ቢያ ባኣሳኣኔና ጌሌዓዴ ዓጮ ዴማ ዓኣ ዻኮ ዻኮ ካታሞና፤ ዬያጉዲ ሃሣ ሳኣሮኔ ዓጮይዳ ቆልማ ሄንቃ ቤዞ ቢያይዳ ናንጋኔ። 
\v 17 ዬይ፥ ማኣሮ ዓሶኮ ሱንፆ ፃኣፒ ዓርቆና ባካ ጊኢጊሺንቴሢ ዪሁዳ ካኣቲ ዒዮዓታሜና ዒስራዔኤሌ ካኣቲ ዒዮርቢዓሜ ዎዶናኬ።
\s1 ዓባ ኬስካ ዛሎና ዓኣ ፃጶኮ ዖሎ ዓሶ
\p
\v 18 ሮኦቤኤሌንታ ጋኣዴንታ ዓባ ኬስካ ዛሎና ዓኣ ሚናኣሴ ፃጶ ሄካሢንታኮ ጊቲማና ጬንቻ ዓፓሮና፤ ዬያጉዲ ዓኣዛናኣ ኮሺ ዖልቲ ዔሬ ዖይዲታሚ ዖይዶ ሺያና ላንካይ ፄኤታና ላሂታሚ ፖኦሊሴ ዓኣኔ፤ 
\v 19 ዔያታ ሃጋራ ፃጶ ማዔ፦ ዬፁሬ፥ ናፒሼንታ ኖዳቤ ዴሮ ዖላኒ ዴንዴኔ። 
\v 20 ዔያታ ፆኦሲ ጉሙርቂ ዒዚ ዔያቶ ማኣዳንዳጉዲ ሺኢቄኔ፤ ዬያሮ ፆኦሲ ሺኢጲፆ ዔያቶኮ ዋይዚ ሃጋራ ዓሶንታ፥ ዬያቶ ዛላ ማዒ ዖላ ላጎዋ ባሺሲሴኔ፤ 
\v 21 ዬያ ሞርኮ ኩጫፓ ዶንጊታሚ ሺያ ጋኣሎ፥ ላምዖ ፄኤታና ዶንጊታሚ ሺያ ማራይና ላምዖ ሺያ ሃሬ ዲዒ ዔያታ ዔኬኔ፤ ዬያጉዲ ፔቴ ፄኤታ ሺያ ዓሲያኣ ዲዒ ዔኬኔ። 
\v 22 ዖላ ፆኦሲሮ ማዔሢሮ ሞርኮ ዛላፓ ሚርጌ ዓሲ ዔያታ ዎዼኔ፤ ዬካፓ ዔያታ ጊንሣ ፔኤሮ ዖልዚና ባሺንቲ ዲዒንታንዳያ ሄላንዳኣና ዬኖ ዓጬሎይዳ ናንጌኔ።
\s1 ዓባ ኬስካ ዛሎና ዓኣ ሚናኣሴ ፃጶ
\p
\v 23 ዓባ ኬስካ ዛላ ዓኣ ሚናኣሴ ፃጶኮ ሄካሢ ኬዶ ዛሎና ዴንዲ ባዓልሄርሞኔ ሄላኔ፤ ዬካፓ ዴንዲ ሴኒሬና ጋዓዖ ሄርሞኔ ዹኮ ሄላ ባኣሳኣኔ ዓጮይዳ ናንጋኔ፤ ዔያቶኮ ዴራኣ ሚርጊ ሚርጊ ዴንዴኔ፤ 
\v 24 ዬያቶ ቶኦኮኮ ሱኡጋ፦ ዔፔሬ፥ ዩሽዒ፥ ዔሊዔኤሌ፥ ዓዝሪዔኤሌ፥ ዔርሚያሴ፥ ሆዳውያና ያህዲዔኤሌናኬ፤ ዬያታ ቢያ ቶኦኮኮ ሱኡጎና ዖሎ ሱኡጌያ ማዒ ዔርቴ ዓሶኬ።
\s1 ዓባ ኬስካ ዛሎና ዓኣ ፃጶኮ ዲዒንቶ
\p
\v 25 ያዺ ማዔቴያ ዴራ ዔያቶኮ ቤርታኣ ዓዶንሢ ፆኦዛሢም ጉሙርቂንታያ ማዒባኣሴ፤ ዔያታ ዎይቴይ ጌዔቴ ፆኦሲ ካኣሽኪፆ ሃሺ ዔያታ ዓኣ ዓጬሎይዳፓ ፆኦሲ ባይዜ፥ ሜሌ ዴራ ካኣሽካ ፆኦዞ ዚጊ ካኣሽኬኔ፤ 
\v 26 ዬያሮ ዒስራዔኤሌ ፆኦሲ ዔያቶይዳ ፑሌ፥ ሃሣ ባጎ ሱንፃ ቲግላትፔሌሴሬ ጌይንታ ዓሶኦሬ ካኣቲ ዔቂሲ ዓጮ ዔያቶኮ ዓይሤኔ፤ ዬያይዲ ቲግላትፔሌሴሬ ሮኦቤኤሌንታ ጋኣዴንታ ዓባ ኬስካ ዛሎይዳ ዓኣ ሚናኣሴ ፃጶኮ ሄካሢ ዲዒ ዔኪ ሃላሄ፥ ሃቦሬንታ ሃራንታ፤ ዬያጉዲ ጎዛኔ ዎሮ ዓጫ ዔያታ ሃኖ ሄላንዳኣና ናንጋንዳጉዲ ማሄኔ። \x - \xo 5፡26 \xo*\xt 2ካኣቶ. ማ 15፡19፤29፤ 17፡6።\xt*\x*
\c 6
\s1 ቄኤሶ ቢያኮ ሱኡጎ ማኣሮ ዓሶ
\p
\v 1 ሌዊ ሃይሦ ዓቲንቄ ናይ ሾዔኔ፤ ዔያታ፦ ጌርሾኔ፥ ቄዓቴና ሜራሪ ጎዖያኬ፤ 
\v 2 ቄዓቴ፦ ዓምራሜ፥ ዪፅሃሬ፥ ኬብሮኦኔና ዑዚዔሌ ጌይንታ ዖይዶ ዓቲንቄ ናይ ሾዔኔ።
\p
\v 3 ዓምራሜያ ዓኣሮኔና ሙሴ ጌይንታ ላምዖ ዓቲንቄና ማይራሞ ጌይንታ ፔቴ ዉዱሮ ናይ ሾዔኔ።
\p ዓኣሮኔ፦ ናኣዳኣቤ፥ ዓቢሁ፥ ዓላዜሬንታ ዒታማሬ ጌይንታ ዖይዶ ዓቲንቄ ናይ ሾዔኔ።
\p
\v 4 ዓላዜሬ ፒንሃሴ ሾዔኔ፤ ፒንሃሴ ዓቢሹዓ፥ ዓቢሹዓ ቡቂ ሾዔኔ፤ 
\v 5 ቡቂ ዑዚ ሾዔኔ፤ 
\v 6 ዑዚ፦ ዜራህያ ሾዓዛ፥ ዜራህያ ሜራዮቴ ሾዔኔ፤ 
\v 7 ሜራዮቴ ዓማሪያ፥ ዓማሪያ ሃሣ ዓሂፆቤ ሾዔኔ፤ 
\v 8 ዓሂፆቤ ፃዶቄ፥ ፃዶቄ ዓሂማዓፄ ሾዔኔ፤ 
\v 9 ዓሂማዓፄ ዓዛሪያሴ፥ ዓዛሪያሴ ዮሃና ሾዔኔ፤ 
\v 10 ዮሃና ዓዛሪያሴ ሾዔኔ፤ ዓዛሪያሴ ካኣቲ፥ ሴሎሞኔ ዬሩሳላሜይዳ ማዢሴ ጌኤዦ ማኣሮይዳ ቄኤሴ ማዒ ማዼያኬ። 
\v 11 ዓዛሪያሴ ዓማሪያ፥ ዓማሪያ ሃሣ ዓሂፁቤ ሾዔኔ፤ 
\v 12 ዓሂፁቤ ፃዶቄ፥ ፃዶቄ ሻሉሜ ሾዔኔ፤ 
\v 13 ሻሉሜ ሂልቂያ ሾዔኔ፤ ሂልቂያ ዓዛሪያሴ ሾዔኔ፤ 
\v 14 ዓዛሪያሴ ሴራያ፥ ሴራያ ዒዮፄዴቄ ሾዔኔ። 
\v 15 ናንጊና ናንጋ ጎዳ ዪሁዳና ዬሩሳላሜና ዴሮ ናቡካዳናፆሬ ዖሎና ባሺ ዲዒ ዔኬም ቤሲ ባኣያ ማዒ ናንጋንዳጉዲ ማሄ ዎዶና ዒዮፄዴቄያ ዬያ ዓሶና ዎላ ዲዒንቲ ዴንዴኔ።
\s1 ሌዊ ዜርፆ
\p
\v 16 ሌዊ ሃይሦ ዓቲንቄ ናይ ሾዔኔ፤ ዔያታ፦ ጌርሾኔ፥ ቄዓቴና ሜራሪ ጎዖያኬ፤ 
\v 17 ጌርሾኔ፦ ሊቢኒና ሺምዒና ሾዔኔ፤ 
\v 18 ቄዓቴያ፦ ዓምራሜ፥ ዪፅሃሬ፥ ኬብሮኦኔንታ ዑዚዔኤሌንታ ሾዔኔ፤ 
\v 19 ሜራሪ ሃሣ ማህሊና ሙሺና ሾዔኔ። ሌዊ ፃጶ ዒጊኖ ሾይንታ ሃይካፓ ዴማ ዓኣዞንሢኬ፦ \x - \xo 6፡19 \xo*\xt ኬሲ. ማፃ 6፡16-19።\xt*\x*
\p
\v 20 ጌርሾኔ ሊቢኒ ሾዔኔ፤ ሊቢኒ ያሃቴ ሾዔኔ፤ ያሃቴ ዚማ ሾዔኔ፤ 
\v 21 ዚማ ዮዓሄ፥ ዮዓሄ ዒዶ፥ ዒዶ ዜራሄ፥ ዜራሄ ዓትራዬ ሾዔኔ።
\p
\v 22 ቄዓቴ ዓምናኣዳኣቤ፥ ዓምናኣዳኣቤ ቆራሄ፥ ቆራሄ ዓሲሬ ሾዔኔ፤ 
\v 23 ዓሲሬ ዔልቃና፥ ዔልቃና ዔቢያሳፔ፥ ዔቢያሳፔ ዓሲሬ ሾዔኔ፤ 
\v 24 ዓሲሬ ታሃቴ፥ ታሃቴ ዑሪዔኤሌ፥ ዑሪዔኤሌ ዑዚያ ሾዓዛ፥ ዑዚያ ሻዑሌ ሾዔኔ።
\p
\v 25 ዔልቃና ጎዖሢ ዓማሳዬና ዓሂሞቴና ሾዔኔ፤ 
\v 26 ዓሂሞቴ ዔልቃና፥ ዔልቃና ፆፓዬ፥ ፆፓዬ ናሃቴ ሾዔኔ፤ 
\v 27 ናሃቴ፦ ዔሊያቤ፥ ዔሊያቤ ዪሮሃሜ፥ ዪሮሃሜያኣ ሂልቃና ሾዔኔ።
\p
\v 28 ሳሙዔኤሌ ላምዖ ዓቲንቄ ናይ ሾዔኔ፤ ዬያቶኮ ቶይዳሢ ዒዩዔኤሌ፤ ሄሌሢ ዓቢያ ጌይንታኔ።
\p
\v 29 ሜራሪ ማሂሊ፥ ማሂሊ ሊቢኒ፥ ሊቢኒ ሺምዒ፥ ሺምዒ ዑዛ ሾዔኔ፤ 
\v 30 ዑዛ ሺምዓ፥ ሺምዓ ሃጊያ፥ ሃጊያ ዓሳያ ሾዔኔ።
\s1 ጌኤዦ ማኣሮይዳ ፆኦሲ ቦንቾም ዓይናዻ ዓሶ
\p
\v 31 ጫኣቁሞ ሳኣፂና ዬሩሳላሜ ሙኬሢዳፓ ካኣቲ፥ ዳውቴ ናንጊና ናንጋ ጎዳ ማኣሮይዳ ዓይኑሞና ማዻዞንሢም ሱኡጌ ማዓ ዓሲ ዶኦሬኔ፤ 
\v 32 ካኣቲ ሴሎሞኔ ናንጊና ናንጋ ጎዳኮ ጌኤዦ ማኣሮ ዬሩሳላሜይዳ ማዣንዳሢኮ ቤርታ ዬና ዓሳ ቢያ ዎዴ ፔ ኬሎና ኬሎና ዓፒሎና ማዢንቴያ ፆኦሲ ዴሮና ካኣማ ማኣሮይዳ ዓይኑሞ ዓይናዻያኬ። 
\v 33 ዬኖ ቤዞይዳ ማዻ ዓሶኮ ማኣሮ ዓሳ ሃካፓ ሊካ ኬኤዚንታሢጉዲኬ፦
\p ቄዓቴ ቶኦኮፓ፦ ቤርታዻያ ማዔ፥ ፆኦሲ ቦንቾም ዓይኑሞ ዓይናዻ ዓሶኮ ሱኡጋሢ ዒዩዔኤሌ ናኣዚ ሄማኔኬ፤ ዒዛ ማኣሮ ዓሳ ሃይካፓ ዴማ ፓይዲንታ ጎይፆና ዴንዲ ያይቆኦቤ ሄላኔ፤ ዔያታ፦ ሄማኔ፥ ዒዩዔኤሌ፥ ሳሙዔኤሌ፥ 
\v 34 ሂልቃና፥ ዪሮሃሜ፥ ዔሊዔኤሌ፥ ቶሃ፥ 
\v 35 ፁፒ፥ ዔልቃና፥ ማሃቴ፥ ዓማሳዬ፥ 
\v 36 ዔልቃና፥ ዒዩዔኤሌ፥ ዓዛሪያ፥ ሶፖኒያሴ፥ 
\v 37 ታሃቴ፥ ዓሲሬ፥ ዓቢያሳፔ፥ ቆሬ፥ 
\v 38 ዪፅሃሬ፥ ቄዓቴ፥ ሌዊንታ ያይቆኦቤንታኬ።
\p
\v 39 ሚዛቆ ዛላ ዔቂ ማዻ ላምዓሳ፥ ዓይናዻ ዓሶ ሱኡጋሢ ዓሳኣፔኬ፤ ዬያኮ ማኣሮ ዓሶ ፓይዳ ሃካፓ ዴማ ፓይዲንታ ጎይፆና ዴንዲ ሌዊ ሄላኔ፤ ዔያታ፦ ዓሳኣፔ፥ ቤራኪያ፥ ሺምዓ፥ 
\v 40 ሚካዔኤሌ፥ ባዕሴያ፥ ማልኪያ፥ 
\v 41 ዔትኒ፥ ዜራሄ፥ ዓዳያ፥ 
\v 42 ዔታኔ፥ ዚማ፥ ሺምዒ፥ 
\v 43 ያሃቴ፥ ጌርሾኔንታ ሌዊንታኬ።
\p
\v 44 ሻውሎ ዛላ ዔቂ ማዻ፥ ሃይሣሳ ዓይናዻ ዓሶ ሱኡጋሢ ሜራሪ ናኣዚ ዔታኔኬ፤ ዒዛኮ ማኣሮ ዓሶኮ ፓይዳ ሃይካፓ ዴማ ፓይዲንቴ ጎይፆና ዴንዲ ሌዊ ሄላኔ፤ ዔያታ፦ ዔታኔ፥ ቂሺ፥ ዓብዲ፥ ማሉኬ፥ 
\v 45 ሃሻቢያ፥ ዓሜሲያሴ፥ ሂልቂያ፥ 
\v 46 ዓሞፂ፥ ባኒ፥ ሼሜሬ፥ 
\v 47 ማሂሊ፥ ሙሺ፥ ሜራሪንታ ሌዊንታኬ።
\p
\v 48 ሌዊ ዓሶ ማዔ፥ ዔያቶኮ ዒጊና ፆኦሲ ዚጊ ካኣሽኮ ቤዛ ማዺንታ ሜሌ ሜሌ ማዾ ቢያ ማዻኔ።
\s1 ዓኣሮኔ ዜርፆ
\p
\v 49 ዓኣሮኔና ዒዛኮ ዜርፆና ዑንጆንታ ዒንጎ ባኮ ዒንጎ ቤዞይዳ ሚቺ ዒንጎ ባኮዋ ቢያ ሚቺ ፆኦሲም ዒንጋኔ፤ ዬያጉዲ ሃሣ ዑሣ ዓኣዼ ጌኤዦ ማኣሮይዳ ካኣሽኮ ዳምቦና ፆኦሲ ዒስራዔኤሌ ዓሶኮ ጎሞ ዓቶም ጋዓንዳጉዲ ዒንጊንታ ባኮኮ ቢያ ሱኡጋ ዔያቶኬ፤ ዔያታ ዬያ ቢያ ማዺ ኩንሣሢ ፆኦሲ ፔ ዓይላሢ ሙሴ ዓይሤ ጎይፆናኬ። 
\v 50 ዓኣሮኔ ዜርፆኮ ፓይዳ ሃካፓ ዴማ ዓኣ ጎይፆኬ፤ ዔያታ፦ ዓላዜሬ፥ ፒንሃሴ፥ ዓቢሹዓ፥ 
\v 51 ቡቂ፥ ዑዚ፥ ዜራህያ፥ 
\v 52 ሜራዮቴ፥ ዓማሪያ፥ ዓሂፆቤ፥ 
\v 53 ሳዶቄንታ ዓሂማዓፄንታኬ።
\s1 ሌዊ ዓሳ ናንጎም ዒንጊንቴ ቤዞ
\p
\v 54 ዓኣሮኔ ዜርፆይዳፓ ቄዓቴ ዜርፃ ሌዊ ዓሶም ዒንጊንቴ ቤዞይዳፓ ቤርታዺ ዒዛም ማዓ ቤዞ ዱማሲ ዔራኒ ዓጎ ባኮና ዔኬኔ፤ 
\v 55 ዬይ ቤዛ ዪሁዳ ዓጮይዳ ዓኣ ኬብሮኦኔና ዬኖኮ ኮይሎይዳ ቆልማ ሄንቃ ቤዞዋ ቢያ ዓርቃያኬ። 
\v 56 ኬብሮኦኔኮ ጎዦ ቤዞና ጉርዳ ጋዓንቴ ዪፑኔ ናኣዚ፥ ካኣሌቤም ጌይንቴያኬ። 
\v 57-59 ዓኣሮኔና ዒዛኮ ዜርፆናም ዒንጊንቴ፥ ዓሲ ዎዼ ዓሲ ዓኣሺንቲ ቶላንዳጉዲ ጌይንቴ ካታሞንሢ፦ ኬብሮኦኔ፥ ያቲሬ፥ ሊቢና፥ ዔሽቴሞዓ፥ ሂሌኔ፥ ዴቢሬ፥ ዓሻኔንታ ቤትሼሜሼንታ ማዓዛ ቆልማ ሄንቃ ቤዞንታ ዎላኬ። 
\v 60 ቢኢኒያሜ ዓጮይዳ፦ ጌባዒ፥ ዓሌሜቴና ዓናቶቴ ጌይንታ ካታሞና ቆልማ ሄንቃ ቤዞና ዓኣሮኔ ዜርፆም ዒንጊንቴያኬ፤ ዓካሪ ዓኣሮኔ ዜርፆም ቢያ ናንጊ ቤሲ ማዓያ ዎሊ ዑፃ ታጶ ሃይሦ ካታማኬ። 
\v 61 ዓባ ጌላ ዛሎና ዓኣ ሚናኣሴ ፃጶኮ ሄካሢ ዓጮፓ ታጶ ካታማ ሃንጎ ቄዓቴ ዜርፆም ዒፃ ዓጊንቴም ጊሽኪንቴኔ።
\p
\v 62 ጌርሾኔ ፃጶኮ ዱማ ዱማ ቶኦኮም፦ ዪሳኮኦሬይዳፓ፥ ዓሴኤሬይዳፓ፥ ኒፕታኣሌኤሜና ባኣሳኣኔናይዳ ዓኣ ዓባ ኬስካ ዛሎና ዓኣ ሚናኣሴ ዓጮይዳፓ ዎሊ ዑፃ ታጶ ሃይሦ ካታማ ዒንጊንቴኔ። 
\v 63 ዬያጉዲ ሃሣ ሜራሪ ፃጶኮ ዱማ ዱማ ቶኦኮም፦ ሮኦቤኤሌሲዳፓ፥ ጋኣዴና ዛብሎኦኔ ዓጮናይዳፓ ዎሊ ዑፃ ታጶ ላምዖ ካታማ ዒፃና ዱማሲ ዒንጊንቴኔ። 
\v 64 ዬያይዲ ዒስራዔኤሌ ዓሳ ሌዊ ዓሳ ናንጋንዳ ካታሞ ዔያቶም ዒንጌኔ፤ ዬይያ ካታሞ ካታሞኮ ኮይላ ቆልማ ሄንቃ ቤዞና ዎላኬ። 
\v 65 ኬዴና ኬኤዚንቴ ቤዛ፦ ዪሁዳይዳ፥ ሲሞኦኔና ቢኢኒያሜና ዓጮይዳ ዓኣ ካታሞዋ ሃንጎዋቶጉዲ ቢያ ዱማሲ ዔሮ ባኮና ዒንጊንቴያኬ።
\p
\v 66 ቄዓቴ ቶኦካፓ ፔቴ ፔቴ ማኣሪ ዓሲም ዔፕሬኤሜ ዓጮይዳ ካታማና ቆልሞ ሄንቃ ቤሲና ዒንጊንቴኔ። 
\v 67 ዬንሢያ ዔፕሬኤሜ ጌሜሮይዳ ዓኣያ፥ ዓሶ ዎዼ ዓሳ ዓኣሺንቲ ቶላ ካታሞንሢ፦ ሴኬሜ፥ ጌዜሬ፥ 
\v 68 ዮቅሜዓሜ፥ ቤትሆሮኔ፥ 
\v 69 ዓያሎኔና ጋትሪሞኔናኬ፤ ዬይ ካታማ ቆልማ ሄንቃ ቤዞና ዎላኬ። 
\v 70 ዓባ ጌላ ዛሎና ዓኣ ሚናኣሴ ዓጮይዳ ሃሣ ዓኔሬና ቢልዓሜ ካታማ ኮይላ ዓኣ ቆልማ ሄንቃ ቤዞና ዎላ ቄዓቴ ቶኦኮም ዒንጊንቴኔ።
\p
\v 71 ጌርሾኔ ቶኦኮም፦ ሃካፓ ዴማ ፓይዲንታ ካታማ ኮይላ ዓኣ ቆልማ ሄንቃ ቤዞና ዎላ ዒንጊንቴያኬ፤
\p ዓባ ኬስካ ዛሎና ዓኣ ሚናኣሴ ዓጮይዳፓ ባኣሳኣኔይዳ ዓኣ ጎላኔና ዓስታሮቴና።
\p
\v 72 ዪሳኮኦሬ ዓጮይዳ፦ ቃዴሴ፥ ዳቤራቴ፥ 
\v 73 ራሞቴና ዓኔሜናኬ።
\p
\v 74 ዓሴኤሬ ዓጮይዳ፦ ማሻሌ፥ ዓብዶኔ፥ 
\v 75 ሁቆቄና ሬሆቤናኬ፤
\p
\v 76 ኒፕታኣሌኤሜ ዓጫ ጌሊላይዳ ዓኣ ቄዴሼ፥ ሃሞኔና ቂርያታይሜናኬ፤
\p
\v 77 ሃንጎ ሜራሪ ቶኦኮም ሃካፓ ዴማ ፓይዲንታ ካታሞንሢ ኮይላ ዓኣ ቆልማ ሄንቃ ቤዞና ዎላ ዒንጊንቴኔ፦
\p ዛብሎኦኔ ዓጮይዳ፦ ሪሞኖና ታቦሬና፤
\p
\v 78 ዮርዳኖሴ ዎሮኮ ዓባ ኬስካ ዛሎና ዒያርኮኮ ሱካ ዓኣ ሮኦቤኤሌ ዓጫ ዳውሎይዳ ዓኣ፦ ቤፄሬ፥ ያህፄ፥ 
\v 79 ቄዴሞቴና ሜፓዓቴናኬ፤
\p
\v 80 ጋኣዴ ዓጫ ጌሌዓዴይዳ ዓኣ ራሞቴ፥ ማሂናይሜ፥ 
\v 81 ሃሴቦኦኔና ያዕዜሬናኬ።
\c 7
\s1 ዪሳኮኦሬ ዜርፆ
\p
\v 1 ዪሳኮኦሬ ዖይዶ ዓቲንቄ ናይ ሾዔኔ፤ ዬንሢያ፦ ቶላዒ፥ ፑዋ፥ ያሹቤና ሺምሮኔ ጌይንታዞንሢኬ።
\p
\v 2 ቶላዒ ላሆ ዓቲንቄ ናይ ሾዔኔ፤ ዬያታ፦ ዑዚ፥ ሬፓያ፥ ዪሪዔሌ፥ ያህማዬ፥ ዩብሳሜንታ ሼሙዔሌ ጌይንታያኬ፤ ዬንሢ ቶላዒ ቶኦኮ ማኣሮ ዓሶኮ ሱኡጌ፥ ጊንሣ ሃሣ ዖልዚናኣ ዔርቴ ዓሲኬ፤ ዔያቶ ዜርፆኮ ሚርጉማ ካኣቲ ዳውቴ ዎዶና ላማታሚ ላምዖ ሺያና ላሆ ፄኤታናኬ።
\p
\v 3 ዑዚ ጎዖሢ ዩዝራህያ ጌይንታ ፔቴ ዓቲንቄ ናይ ሾዔኔ፤ ዬያ ዩዝራህያና ዒዛኮ ዖይዶ ዓቲንቆ ናኣታ፦ ሚካዔኤሌ፥ ዓብዲዩ፥ ዒዮዔኤሌንታ ዩሺያንታ ዔያቶ ማኣሮ ዓሶኮ ሱኡጎኬ። 
\v 4 ዔያቶኮ ሚርጌ ላኣሊና ናይና ዓኣሢሮ ዜርፃ ዔያቶሲ ፖኦሊሴ ማዾ ማዻኒ ዳንዳዓ ሃይሢታሚ ላሆ ሺያ ዓቲንቄ ኬሳኒ ዳንዳዓያኬ።
\p
\v 5 ዪሳኮኦሬ ፃጳፓ ፖኦሊሴ ማዾ ማዻኒ ዳንዳዓ ሳሊታሚ ላንካይ ሺያ ዓቲንቄ ዓኣያ ማዔሢ ፃኣፒ ዓርቆና ባካ ዔርዛኔ።
\s1 ቢኢኒያሜና ዳኣኔና ዜርፆ
\p
\v 6 ቢኢኒያሜ ሃይሦ ዓቲንቄ ናይ ሾዔኔ፤ ዔያታ ቤላዔ፥ ቤኬሬና ዪዲዔኤሌ ጎዖያኬ።
\p
\v 7 ቤላዔ ዶንጎ ዓቲንቄ ናይ ሾዔኔ፤ ዬያታ፦ ዔፅቦኔ፥ ዑዚ፥ ዑዚዔኤሌ፥ ያሪሞቴና ዒሪ ጌይንታዞንሢኬ፤ ዔያታ ፔ ዜርፆኮ ሱኡጌ፥ ጊንሣ ሃሣ ዖልዚናኣ ዔርቴ ፖኦሊሴኬ፤ ዔያቶ ዜርፃፓ ፖኦሊሴ ማዾ ማዻኒ ዳንዳዓ ላማታሚ ላምዖ ሺያና ሃይሢታሚ ዖይዶ ዓቲንቄ ዓኣኔ።
\p
\v 8 ቤኬሬ ጎዖሢ ታዞጳ ዓቲንቄ ናይ ሾዔኔ፤ ዬያታ፦ ዜሚራ፥ ዮዓሼ፥ ዔሊዔዜሬ፥ ዔልዮዔናዬ፥ ዖምሪ፥ ዪሬሞቴ፥ ዓቢያ፥ ዓናቶቴና ዓሌሜቴ ጌይንታያኬ። 
\v 9 ዔያቶኮ ዜርፆይዳፓ ፖኦሊሴ ማዾ ማዻኒ ዳንዳዓያ ማዔም ፃኣፒንቴ ዓቲንቃ ላማታሚ ሺያና ላምዖ ፄኤታታሢ ዔርቴኔ።
\p
\v 10 ዪዲዒዔኤሌ፦ ቢልሃኔ ጌይንታ ዓቲንቄ ናይ ሾዔኔ፤ ቢልሃኔ፦ ያዑሼ፥ ቢኢኒያሜ፥ ዔሁዴ፥ ኬናዒና፥ ዜታኔ፥ ታርሺሼንታ ዓሂሻሃሬ ጌይንታ ላንካይ ዓቲንቄ ናይ ሾዔኔ፤ 
\v 11 ዬያታ ፔ ቶኦኮኮ ማኣሮ ዓሶ ሱኡጌ፤ ሃሣ ዔርቴ ዖልዚ ዓሲኬ፤ ዔያቶ ዓሶ ዜርፃፓ ፖኦሊሴ ማዾ ማዻኒ ዳንዳዓ ዓቲንቃ ታጶ ላንካይ ሺያና ላምዖ ፄኤታናኬ። 
\v 12 ሹፒሜና ሁፒሜ ጎዖዞንሢ ዓሂሬ ዜርሢኬ፤ ሁሺሜ ጎዖሢ ዓሄሬ ናይኬ።
\s1 ኒፕታኣሌኤሜ ዜርፆ
\p
\v 13 ኒፕታኣሌኤሜ ዖይዶ ዓቲንቄ ናይ ሾዔኔ፤ ዬያታ፦ ያሃፂዔኤሌ፥ ጉኒ፥ ዬፄሬና ሻሉሜ ጌይንታዞንሢኬ፤ ዔያታ ቢልሃ ዜርሢኬ።
\s1 ሚናኣሴ ዜርፆ
\p
\v 14 ሚናኣሴ ፔኤኮ ማቾ፥ ሶኦሪያ ዓጮ ላኣሌሎይዳፓ ዓስሪዔኤሌና ማኪሬ ጌይንታ ላምዖ ዓቲንቄ ናይ ሾዔኔ፤ ማኪሬ ጌሌዓዴ ሾዔኔ፤ 
\v 15 ዬይ ማኪሬ፦ ሁፒሜና ሺፒሜ ዜርፃፓ ፔቴ ፔቴ ላኣሊ ዔኬኔ፤ ማኪሬኮ ማዕካ ጌይንታ ጌራ ዓኣኔ፤ ፄሎፒሃዴ ጌይንታ ማኪሬ ዜርሢስኬይ ዉዱሮ ናይ ሌሊ ሾዔኔ።
\p
\v 16 ማኪሬኮ ማቻ፥ ማዕካ ፔሬሼና ሼሬሼ ጌይንታ ላምዖ ዓቲንቄ ናይ ሾዔኔ፤ ፔሬሼ ጌይ ሱንፆ ጌሤዛ ዒንዶ ማዕካኬ፤ ፔሬሼያ ዑላሜና ሬቄሜ ጌይንታ ላምዖ ዓቲንቄ ናይ ሾዔኔ። 
\v 17 ዑላሜ ባዳኔ ጌይንታ ፔቴ ዓቲንቄ ናይ ሾዔኔ፤ ዬንሢ ቢያ ሚናኣሴ ናኣዚኮ ናኣዚ፥ ማኪሬ ናኣዚ፥ ጌሌዓዴ ዜርፆኬ።
\p
\v 18 ጌሌዓዴኮ ጌራ ሃሞሌኬቴ ሃይሦ ዓቲንቄ ናይ ሾዔኔ፤ ዬያታ፦ ዒሾዴ፥ ዓቢዔዜሬና ማህላ ጌይንታያኬ፤ 
\v 19 ሼሚዳዔ ጎዖሢ ዓህያኔ፥ ሼኬሜ፥ ሊቅሂንታ ዓኒዓሜ ጌይንታ ዖይዶ ዓቲንቄ ናይ ሾዔኔ።
\s1 ዔፕሬኤሜ ዜርፆ
\p
\v 20 ዔፕሬኤሜ ሹቴላሄ፤ ሹቴላሄ ቤሬዴ፥ ቤሬዴ ታሃቴ፥ ታሃቴ ዔልዓዳ፥ ዔልዓዳ ታሃቴ ሾዔኔ፤ 
\v 21 ታሃቴ ዛባዴ፥ ዛባዴ ሹቴላሄ ሾዔኔ፤ ዔፕሬኤሜ ሹቴላሄፓ ሜሌ ዔዜሬና ዔልዓዴ ጌይንታ ላምዖ ዓቲንቄ ናይ ሾዔኔ፤ ዬንሢ ጋኣቴይዳ ናንጋ ዓሶኮ ባይ ዉኡቃንቴ ዓርቂ ዔያቶ ዎዾናኔ፤ 
\v 22 ዓዳሢ ዔያቶኮ ዔፕሬኤሜ ሚርጌ ኬሊ ዔያቶ ዛሎ ዖዪ ዖዪ ናንጋሢሮ ዒዛኮ ጌርሲንሢ ዒዛ ዶዲሻኒ ሙኬኔ፤ 
\v 23 ዬካፓ ዔፕሬኤሜ ፔ ማቾና ላሄም፥ ዒዛ ጎጳዺ ዓቲንቄ ናይ ሾዔኔ፤ ዔያቶኮ ማኣራ ሄሌ ሜታሢዳፓ ዔቄያና ዬያ ናዓሢኮ ሱንፆ «ቤሪዓ»\f + \fr 7፡23 \fr*\fq ቤሪዓ \fq*\ft ጌይፃ፦ ዔብሬ ዓሶ ሙኡጮና «ሜቶና (ሜታሴ)» ጌይሢኬ።\ft*\f* ጌይ ጌሤኔ።
\p
\v 24 ጊንፃፓ ዔፕሬኤሜ ሼዒራ ጌይንታ ዉዱሮ ናይ ሾዔኔ፤ ዒዛ ኬዶ ዛሎና ዾኦሎ ዛሎናይዳ ዓኣ ቤትሆሬንታ ዑዜንሼዒራ ጌይንታ ካታማኣ ማዢሴኔ።
\p
\v 25 ዔፕሬኤሜ ሃሣ ሬፓሄ ጌይንታ ሜሌ ዓቲንቄ ናይ ሾዔኔ፤ ዬያ ሬፓሄኮ ዜርፃ፦ ሬሼፔ፥ ቴላሄ፥ ታሃኔ፥ 
\v 26 ላዒዳኔ፥ ዓሚሁዴ፥ ዔሊሻማዔ፥ 
\v 27 ኔዌንታ ዒያሱንታኬ።
\p
\v 28 ዔፕሬኤሜ ዜርፃ ጉቤ ዔኪ ፔኤኮ ናንጎ ቤሲ ማሄ ዓጫ ቤኤቴኤሌና ኮይሎይዳ ዓኣ ዻኮ ዻኮ ካታሞ ማዓዛ፥ ዓባ ኬስካ ዛሎና ዴንዲ ናዕራና፤ ዓባ ጌላ ዛሎና ዴንዲ ጌዜሬ ሄላዖ፤ ዬያጉዲ ሃሣ ጌዜሬ ኮይላ ዓኣ ዻኮ ዻኮ ካታሞዋ ቢያ ዔካኔ፤ ሴኬሜንታ ዓያንታ ኮይላ ዓኣ ዻኮ ዻኮ ካታሞዋ ፔ ጋራ ማሂ ዔካኔ።
\p
\v 29 ሚናኣሴ ዜርፃ፦ ቤትሻኔ፥ ታዕናኬ፥ ሜጊዶኔና ዶሬና፤ ዬያጉዲ ሃሣ ዬያ ካታሞኮ ኮይላ ዓኣ ዻኮ ዻኮ ካታሞዋ ፔ ዴማ ማሂ ዎይሣኔ።
\p ዬይ ቢያ ዒስራዔኤሌ ናኣዚ፥ ዮሴፔ ዜርፃ ናንጌ ቤዞኬ።
\s1 ዓሴኤሬ ዜርፆ
\p
\v 30 ዓሴኤሬ ዖይዶ ዓቲንቄ ናይ ሾዔኔ፤ ዬንሢያ፦ ዪምና፥ ዪሺዋ፥ ዪሺዊና ቤሪዓ ጌይንታያኬ፤ ዬያጉዲ ሃሣ ሴራሄ ጌይንታ ፔቴ ዉዱሮ ናይያኣ ሾዔኔ።
\p
\v 31 ቤሪዓ ሄቤሬና ማልኪዔኤሌ ጌይንታ ላምዖ ዓቲንቄ ናይ ሾዔኔ፤ ማልኪዔኤሌ፦ ቢርዛዊ ጌይንታ ዓቲንቄ ናይ ሾዔኔ።
\p
\v 32 ሄቤሬ ሃይሦ ዓቲንቄ ናይ ሾዔኔ፤ ዔያታ፦ ያፕሌፄ፥ ሾሜሬና ሆታሜ ጎዖያኬ፤ ሃሣ ፔቴ ሹዓ ጌይንታ ዉዱሮ ናይያኣ ዒ ሾዔኔ።
\p
\v 33 ያፕሌፄ፦ ፓሳኬ፥ ቢምሃሌና ዓሽዋቴ ጌይንታ ሃይሦ ዓቲንቄ ናይ ሾዔኔ።
\p
\v 34 ያፕሌፄኮ ጌርሲ ሾሜሬ ጎዖሢያ፦ ዓሂ፥ ሮህጋ፥ ዬሁባና ዓራሜ ጌይንታ ዖይዶ ዓቲንቄ ናይ ሾዔኔ።
\p
\v 35 ያፕሌፄ ጌርሲ ሆታሜያ፦ ፆፓሄ፥ ዩምናዔ፥ ሼሌሼና ዓማሌ ጌይንታ ዖይዶ ዓቲንቄ ናይ ሾዔኔ።
\p
\v 36 ፆፓሄ ዜርፃ፦ ሱሃ፥ ሃርኔፔሬ፥ ሹዓሌ፥ ቤሪ፥ ዩምራ፥ 
\v 37 ቤፄሬ፥ ሆዴ፥ ሻማ፥ ሺልሻ፥ ዩትራኔና ቤዔራ ጌይንታያኬ።
\p
\v 38 ዬቴሬ ዜርፃ፦ ዪፑኔ፥ ፒስፓና ዓራ ጌይንታያኬ፤ 
\v 39 ዑላ ዜርፃ፦ ዓራሄ፥ ሃኒዔሌና ሪፅያ ጌይንታያኬ።
\p
\v 40 ዬያታ ቢያ ዓሴኤሬ ዜርፆኬ፤ ዔያታ ፔ ማኣሮ ዓሶኮ ሱኡጌ፥ ጊንሣ ሃሣ ዔርቴ ዖልዚ ዓሲ ማዔያ ዱማ ዱማ ቢታንቶ ዓኣ ዓሲኬ፤ ዓሴኤሬ ዜርፃፓ ፖኦሊሴ ማዾ ማዻኒ ዳንዳዓ ዓቲንቃ ላማታሚ ላሆ ሺያኬ።
\c 8
\s1 ቢኢኒያሜ ዜርፆ
\p
\v 1 ቢኢኒያሜ ዶንጎ ዓቲንቄ ናይ ሾዔኔ፤ ዬንሢያ ዎሊ ሄሊ ሄሊ ሾይንቴ ጎይፆና፦ ቤላዔ፥ ዓሽቤሌ፥ ዓህራሄ፥ 
\v 2 ኖሃና ራፓ ጌይንታያኬ።
\p
\v 3 ቤላዔ ዜርፃ፦ ዓዳሬ፥ ጌራ፥ ዓቢሁዴ፥ 
\v 4 ዓቢሹዓ፥ ናዕማኔ፥ ዓሆሃ፥ 
\v 5 ጌራ፥ ሼፑፓኔና ሁራሜ ጌይንታያኬ።
\p
\v 6-7 ዔሁዴ ዜርፃ፦ ናዕማኔ፥ ዓሂያና ጌራ ጎዖያኬ፤ ዔያታ ጌባዔይዳ ናንጌዖ ጊንፃፓ ዳውሲንቲ ማናሃቴ ዴንዲ ዒኢካ ናንጌ ማኣሮ ዓሶ ሱኡጎኬ፤ ዬካ ዔያቶ ዔኪ ዴንዴሢ ዑዛና ዓሂሁዴኮ ዓዶ፥ ጌራናኬ።
\p
\v 8-9 ሻሃራሜ፦ ሁሺሜና ባዕራ ጌይንታ ላምዖ ላኣሊ ዓኣንቴ ዔያቶ ዓንጄኔ፤ ዬካፓ ሞዓኣቤ ዓጮይዳ ናንጊቤቃ ሆዶሾ ጌይንታ ፔቴ ላኣሊስኬኖ ዔኪ ላንካይ ዓቲንቄ ናይ ሾዔኔ፤ ዬንሢያ፦ ዮባቤ፥ ፂቢያ፥ ሜሻ፥ ማልካኣሜ፥ 
\v 10 ዬዑፄ፥ ሳክያና ሚርማ ጌይንታያኬ፤ ዒዛኮ ዓቲንቆ ናኣታ ጉቤ ዒዛ ማኣሮ ዓሶኮ ሱኡጌ ማዔኔ።
\p
\v 11 ቃሲ ሃሣ ሁሻሜ ጌይንታ ማቾይዳፓ ዓሂቱቤና ዔልፓዓሌ ጌይንታ ላምዖ ዓቲንቄ ናይ ሾዔኔ።
\p
\v 12 ዔልፓዓሌያኣ፦ ዔቤሬ፥ ሚሼዓሜና ሼሜዴ ጌይንታ ሃይሦ ዓቲንቄ ናይ ሾዔኔ፤ ሼሜዴ ዖኖና ሎዴ ጌይንታ ካታማስኬንሢና ኮይላ ዓኣ ጉርዶዋ ማዤያኬ።
\s1 ጋኣቴንታ ዓያሎኔይዳ ናንጋ ቢኢኒያሜ ዓሶ
\p
\v 13 ቤሪዓና ሴማዓና ዓያሎኔ ካታሞይዳ ዴዔ ማኣሮ ዓሶኮ ሱኡጎኬ፤ ዔያታ ቤርታ ጋኣቴይዳ ናንጋ ዴሮ ዳውሲ ኬሴኔ፤ 
\v 14 ቤሪዓ ዜርፃ፦ ዓሂዮ፥ ሻሻቄ፥ ዪሬሞቴ፥ 
\v 15 ዜባድያ፥ ዓራዴ፥ ዔዴሬ፥ 
\v 16 ሚካዔኤሌ፥ ዩሽፓና ዮሃ ጌይንታያኬ።
\s1 ዬሩሳላሜይዳ ናንጌ ቢኢኒያሜ ዓሶ
\p
\v 17 ዔልፓዓሌ ናኣታ፦ ዜባድያ፥ ሜሹላሜ፥ ሂዝቂ፥ ሄቤሬ፥ 
\v 18 ዩሽሜራዬ፥ ዩዝሊዓና ዮባቤ ጌይንታያኬ።
\p
\v 19 ሺምዒ ናኣታ፦ ያቂሜ፥ ዚክሪ፥ ዛብዲ፥ 
\v 20 ዔሊዔናዬ፥ ፂልታዬ፥ ዔሊዔኤሌ፥ 
\v 21 ዓዳያ፥ ቤራያና ሺምራቴ ጌይንታያኬ።
\p
\v 22 ሻሻቄ ናኣታ፦ ዒሽጳኔ፥ ዔቤሬ፥ ዔሊዔኤሌ፥ 
\v 23 ዓብዶኔ፥ ዚክሪ፥ ሃናኔ፥ 
\v 24 ሃናኒያ፥ ዔላኣሜ፥ ዓንቶቲያ፥ 
\v 25 ዩፕዴያና ፓኑዔሌ ጌይንታያኬ።
\p
\v 26 ዪሮሃሜ ናኣታ፦ ሻምሼራዬ፥ ሼሃሪያ፥ ዓታልዓያ፥ 
\v 27 ያዕሬሺያ፥ ዔሊያና ዚክሪ ጌይንታያኬ።
\p
\v 28 ዬያታ ቢያ ዬሩሳላሜይዳ ናንጌ፥ ቤርታሳ ማኣሮ ዓሶኮ ሱኡጎንታ ዔያቶ ማኣሮኮ ቶይዶ ቶይዶኬ።
\s1 ጌባዖኦኔና ዬሩሳላሜናይዳ ናንጌ ቢኢኒያሜ ዓሶ
\p
\v 29 ዪዒዔኤሌ ጌባዖኦኔ ካታሞ ማዢ ዒኢካ ዴዔኔ፤ ዒዛኮ ማቻ ማዒካ ጌይንታያ ማዓዛ፥ 
\v 30 ዒዛኮ ናኣዚ ቶይዲ ዓብዶኔ ጌይንታኔ፤ ሜሌ ዒዛኮ ዓቲንቆ ናኣታ፦ ፁሬ፥ ቂሼ፥ ባዓኣሌ፥ ኔሬ፥ ናኣዳኣቤ፥ 
\v 31 ጌዶሬ፥ ዓሂዮ፥ ዜኬሬንታ፥ 
\v 32 ሺምዓኮ ዓዶ ሚቅሎቴ ጌይንታሢንታኬ፤ ዔያቶኮ ዜርፃ ዔያቶ ቶኦኮ ማዔ ዒጊኖ ኮይላ ዬሩሳላሜይዳ ናንጋኔ።
\s1 ካኣቲ ሳኣዖኦሌ ማኣሮ ዓሶ
\p
\v 33 ኔሪ ቂሴ ሾዔኔ፤ ቂሴ ካኣቲ ሳኣዖኦሌ፤ ሳኣዖኦሌ፦ ዮናታኣኔ፥ ማልኪሹዓ፥ ዓቢናዳኣቤና ዔሽባዓኣሌ ጌይንታ ዖይዶ ዓቲንቄ ናይ ሾዔኔ፤ 
\v 34 ዮናታኣኔያ ሜሪባዓኣሌ፤ ሜሪባዓኣሌ\f + \fr 8፡34 \fr*\fq ሜሪባዓኣሌ \fq*\ft ጌይንቴሢ፦ 2ሳሙ. 4፡4ይዳ «ሜፒቦሼቴ» ጌይንቴኔ።\ft*\f* ሚካ ሾዔኔ።
\p
\v 35 ሚካ፦ ፒቶኔ፥ ሜሌኬ፥ ታሬዓና ዓሃዜ ጌይንታ ዖይዶ ዓቲንቄ ናይ ሾዔኔ። 
\v 36 ዓሃዜ፦ ዬሆዓዳ ሾዔኔ፤ ዬሆዓዳ፦ ዓሌሜቴ፥ ዓዝማዌቴንታ ዚምሪ ጌይንታ ሃይሦ ዓቲንቄ ናይ ሾዔኔ፤ ዚምሪ ሞፃ ጎዖሢ ሾዔኔ፤ 
\v 37 ሞፃ፦ ቢንዓ፥ ቢንዓ ራፓ፥ ራፓ ዔልዓሳ፥ ዔልዓሳ ዓፄሌ ሾዔኔ።
\p
\v 38 ዓፄሌ፦ ዓዝሪቃሜ፥ ቦኬሩ፥ ዒስማዔኤሌ፥ ሼዓሪያ፥ ዓብዲዩና ሃናኔ ጌይንታ ላሆ ዓቲንቄ ናይ ሾዔኔ፤ 
\v 39 ዓፄሌ ጌርሲ ዔሼቄ ቶይዶ ናዓሢ ዑላሜ፥ ሄሌሢ ያዑሼ፤ ሃይሣሳሢ ዔሊፔሌፄ ጌይንታያ ዓቲንቄ ናይ ሾዔኔ።
\p
\v 40 ዑላሜኮ ዓቲንቆ ናኣታ ሂኢሺ ዱኪሢና ዔርቴ ዖልዚ ዓሲኬ፤ ዔያቶኮ ዜርፃ ዎሊ ዑፃ ፔቴ ፄኤታና ዶንጊታሚ ናይና ናኣቶኮ ናይና ዓኣያኬ፤ ዓካሪ ሱንፃ ኬዴ ዔኤሊንቴዞንሢ ቢያ ቢኢኒያሜ ፃጶኬ።
\c 9
\s1 ዲዒንታፓ ማዔ ዒስራዔኤሌ ዴሮ
\p
\v 1 ዒስራዔኤሌ ዴራ ፔ ማኣሮ ዓሶና ዓሶና ፃኣፒንቴኔ፤ ዬይ ሃይሳ ዒስራዔኤሌ ዓሶኮ ካኣቶ ሃይሶ ማፃኣፓ ፃኣፒንቲ ዓኣኔ።
\p ዪሁዳ ዴራ ማዼ ጎሞ ዛሎና ሜቶ ዔኪ ዲዒንቲንሢና ባብሎኔ ዓጮ ዓኣዼኔ፤
\p
\v 2 ካታሞይዳ ካታሞይዳ ዔያቶኮ ናንጎ ቤዞ ባንሢ ማዔ ቤርታሳ ዓሳ፦ ቄኤሳ፥ ሌዊ ዓሳ፥ ጌኤዦ ማኣሮይዳ ማዻ ዓሶንታ ሃንጎ ዒስራዔኤሌ ዓሲንታኬ። 
\v 3 ዪሁዳይዳፓ፥ ቢኢኒያሜይዳፓ፥ ዔፕሬኤሜንታ ሚናኣሴንታ ፃጳፓ ዓሲ ዬሩሳላሜይዳ ናንጋኒ ዴንዴኔ። \x - \xo 9፡3 \xo*\xt ዒዝ. 2፡27፤ ኔሄ. 7፡73።\xt*\x*
\p
\v 4-6 ዪሁዳ ፃጶይዳፓ ዬሩሳላሜይዳ ናንጋኒ ዴንዴ ዓሳ ላሆ ፄኤታና ታዞጲታሚ ማኣሪ ዓሲኬ።
\p ዪሁዳ ናኣዚ ፓሬሴ ዜርፃ፦ ዖሚሪኮ ናኣዚ ናዖ፥ ዓሚሁዴ ናኣዚ፥ ዑታዬ ሱኡጌ ማሂ ዶኦሬኔ፤ ሜሌ ሃንጎ ፓሬሴ ዜርፃ ዒምሪና ባኒናኬ።
\p ዪሁዳ ናኣዚ፥ ሼኤላ ዜርፆኮ ቶይዳሢ ዓሳያ ዒዛኮ ናኣቶና ዎላ ማኣሮ ዓሶኮ ሱኡጋሢኬ።
\p ዪሁዳ ናኣዚ ዛራሄ ዜርፃ፦ ዪዑዔሌ ዔያቶኮ ሱኡጌ ማሄኔ።
\p
\v 7-8 ቢኢኒያሜ ዜርፃፓ ዬሩሳላሜይዳ ናንጋኒ ዴንዴ ዓሳ ሃይካፓ ዴማ ፓይዲንታዞንሢኬ፦
\q ሃሴኑዓ ናኣዚ ሆዳውያ፥ ሆዳውያ ናኣዚ ሜሹላሜ፥
\q ሜሹላሜ ናኣዚ ሳሉ፥ ዪሮሃሜ ናኣዚ ዩብኔያ፥
\q ሚክሪ ናኣዚ ናዖ ዑዚ ናኣዚ ዔላ፥
\q ዩብኒያ ናኣዚ ሬዑዔኤሌ፥ ሬዑዔኤሌ ናኣዚ ሼፓፂያ፥ ሼፓፂያ ናኣዚ ሜሹላሜንታኬ።
\p
\v 9 ቢኢኒያሜ ፃጳፓ ዬሩሳላሜይዳ ናንጋኒ ዴንዴ ዓሳ ዎሊ ዑፃ ታዞጳ ፄኤታና ዶንጊታሚ ላሆ ማኣሪ ዓሲኬ፤ ሃይካፓ ኬዴ ፓይዲንቴ ዓቲንቃ ቢያ ማኣሮ ዓሶኮ ሱኡጎ ሱኡጎኬ።
\s1 ዬሩሳላሜይዳ ናንጌ ቄኤሶ
\p
\v 10-12 ዬሩሳላሜይዳ ናንጌ ቄኤሳ ሃይካፓ ዴማ ፓይዲንታዞንሢኬ፦
\q ዪዳዒያ፥ ዪሆያሪቤና ያኪኔ፥
\q ጌኤዦ ማኣሮይዳ ቢታንታ ዓኣ ሂልቂያ ናኣዚ ዓዛሪያሴ፤
\q ዒዛኮ ቤርታኣ ዓዶንሢ፦ ሜሹላሜ፥ ፃዶቄ፥ ሜራዮቴንታ ዓሂፁቤንታኬ።
\q ዪሮሃሜ ናኣዚ ዓዳያ፤ ዒዛኮ ቤርታኣ ዓዶንሢ፦ ፓሽሁሬና ማልኪያናኬ።
\q ዓዲዔኤሌ ናኣዚ ማዕሳዬ፤ ዒዛኮ ቤርታኣ ዓዶንሢ፦ ያህዜራ፥ ሜሹላሜ፥ ሜሺሌሚቴንታ ዒሜሬንታኬ።
\p
\v 13 ማኣሮ ዓሶኮ ሱኡጎ ማዔ ቄኤሳ ዎሊ ዑፃ ፔቴ ሺያና ላንካይ ፄኤታና ላሂታሚኬ፤ ዬያታ ቢያ ጌኤዦ ማኣሮይዳ ማዺንታ ማዾ ማዻኒ ዔራቶ ዓኣያኬ።
\s1 ዬሩሳላሜይዳ ናንጌ ሌዊ ዓሶ
\p
\v 14-16 ዬሩሳላሜይዳ ናንጌ ሌዊ ዓሳ ሃይማፓ ዴማ ፓይዲንታ ዓሶኬ፦
\q ሃሹቤ ናኣዚ ሼማዒያ፤ ዒዛኮ ቤርታኣ ዓዶንሢ፦ ሜራሪ ቶኦኮይዳፓ ዓዝሪቃሜና ሃሻቢያናኬ።
\q ባቅባቃሬ፥ ሄሬሼንታ ጋላሌ፤
\q ሚካ ናኣዚ ማታኒያ፤ ዒዛኮ ቤርታኣ ዓዶንሢ፦ ዚክሪና ዓሳኣፔናኬ።
\q ሼማዒያ ናኣዚ ዓብዲዩ፤ ዒዛኮ ቤርታኣ ዓዶንሢ፦ ጋላሌና ዪዱታናኬ።
\q ኔፆፓ ካታሞ ዴማ ማዔ ዓጫ ናንጋ፥ ዔልቃናኮ ናኣዚ ናዖ፥ ዓኣሳ ናኣዚ ቤሬኪያ።
\s1 ዬሩሳላሜይዳ ናንጊ ጌኤዦ ማኣሮ ካፓ ዓሶ
\p
\v 17 ዬሩሳላሜይዳ ናንጊ ጌኤዦ ማኣሮ ካፓ ዓሳ ሃኣቶኬ፦
\p ሻሉሜ፥ ዓቁቤ፥ ፃልሞኔ፥ ዓሂማኔንታ ጌርሲንሢንታኬ፤ ዬያቶኮ ሱኡጋሢ ሻሉሜኬ፤ 
\v 18 ዴንዲ ዬኖ ዎዶ ሄላንዳኣና ዓባ ኬስካ ባንፆና ካኣቲ ጌላ ዲሮ ካሮ ካፓንዳጉዲ ዬያታ ዓይሢንቴኔ፤ ዔያታ ቤርታ ሌዊ ዓሶ ጉርዶ ባንሢ ጌሎ ዲሮ ካሮ ካፓያኬ።
\p
\v 19 ዔቢያሳፔኮ ናኣዚ ናዖ፥ ቆሬ ናኣዚ ሻሉሜ ቆሬ ቶኦኮ ማዔ፥ ዒዛኮ ዒጊኖና ዎላ ዔያቶኮ ቤርታኣ ዓዶንሢ ናንጊና ናንጋ ጎዳ ዴሮና ዎላ ካኣማ ማኣሮ ጌሎ ካሮ ካፓሢጉዲ ዔያታኣ ዓፒሎና ማዢንቴ ጌኤዦ ማኣሮ ጌሎ ካሮ ካፓኔ። 
\v 20 ቤርታ ዓላዜሬ ናኣዚ ፒንሃሴ ዔያቶኮ ሱኡጋሢኬ፤ ዒማና ናንጊና ናንጋ ጎዳኣ ዒዛና ዎላኬ።
\p
\v 21 ሜሼሌሚያ ናኣዚ፥ ዛካሪያሴ ዓፒሎና ማዦና ናንጊና ናንጋ ጎዳ ዴሮና ካኣማ ማኣሮ ጌሎ ካሮ ካፓያኬ።
\p
\v 22 ኬኤፆ ጌሎ ካሮንታ ዲሮ ካሮንታ ካፓንዳጉዲ ዶኦሪንቴ ዓሳ ዎሊ ዑፃ ላምዖ ፄኤታና ታጶ ላምዖ ዓሲኬ፤ ዔያታ ናንጋ ጉርዶ ጉርዶ ጎይፆ ፓይዲንቲ ፃኣፒንቴኔ፤ ዔያቶኮ ቤርታኣ ዓዶንሢ ዬኖ ማዾ ማዻንዳጉዲ ዓይሤሢ ካኣቲ ዳውቴና ፆኦሲ ማሊፆ ኬኤዛ ሳሙዔኤሌናኬ። 
\v 23 ዬኖ ዓሶና ዬኖ ዓሶኮ ናኣቶና ጌኤዦ ማኣሮ ጌሎ ዲሮ ካሮ ካፒፆ ሃሺባኣሴ። 
\v 24 ዱማ ዱማ ባንፆና ጌይፃ፦ ኬዶ ባንፃ፥ ዾኦሎ ባንፃ፥ ዓባ ኬስካ ባንፆንታ ጌላ ባንፆ ሆቶና ፔቴ ፔቴ ዲሮ ጋሮ ጌሎ ካራ ካፓ ዓሲ ዓኣኔ፤ 
\v 25 ዬያቶ ካፓ ዓሶ ዔያታ ዓኣ ጉርዶይዳ ናንጋ ዒጊና ላንካሳ ኬሎና ኬሎና ዎሊ ዓኣሢ ጌሊ ጌሊ ማኣዳኔ፤ 
\v 26 ዖይዶ ሌዊ ዓሶንሢ ካፓ ዓሶኮ ሱኡጎ ማዓዛ ዔያታ ጉቤ ቢታንቶ ዒንጊንቴያኬ፤ ዬያጉዲ ሃሣ ጌኤዦ ማኣሮይዳ ዓኣ ቆልዖና ጋሮይዳ ጌሦ ሜሆኮዋ ዔያታ ሱኡጌኬ። 
\v 27 ጌኤዦ ማኣሮ ካፓኒና ጉቶ ጉቶ ዲሮ ጋሮ ጌሎ ካሮ ቡላሢ ዔያቶ ማዔሢሮ ዔያታ ዎርቃሢ ጌኤዦ ማኣሮኮ ዑኬኬ።
\s1 ሜሌ ሌዊ ዓሶ
\p
\v 28 ሜሌ ሌዊ ዓሳ ጌኤዦ ማኣሮይዳ ማዺንቶ ሜሆ ሱኡጌ ማዒ ዛጋኔ፤ ሜሆ ማዾሮ ኬሶዋና ሃሣ ጋፒንፆይዳ ማሂ ጌልዞዋና ዔያታ ፓይዲ ፓይዲ ዛጋኔ። 
\v 29 ሃንጎዋታ ሃሣ ዛሎ ማዺንቶ ሜሆንታ፥ ዺኢሎንታ፥ ዎይኖ ዑዦንታ፥ ሪሚቶ ዛይቶንታ፥ ዑንጆና ዱማ ዱማ ሳውቃ ዼኤሾኮዋ ቢያ ሱኡጎኬ። 
\v 30 ሳውቃ ዼኤሾ ዎላ ሲኢሪፃ ጋዓንቴ ዓይሢንቴሢ ቄኤሶም ሌሊኬ።
\p
\v 31 ቆሬ ቶኦካፓ ሻሉሜኮ ቶይዶ ናዓሢ፥ ማቲትያ ናንጊና ናንጋ ጎዳም ዒንጊንታ ካፆ ካሢሳ ሱኡጋሢኬ፤ 
\v 32 ቄዓቴ ቶኦካ ሃሣ ጌኤዦ ማኣሮም ማዓ ካፆ ሃውሾ ኬሎና ኬሎና ካሢሳ ሱኡጎኬ።
\p
\v 33 ዛላ ሌዊ ማኣሮ ዓሶኮ ሱኡጋ ጌኤዦ ማኣሮይዳ ዋንቴና ሮኦሪና ፆኦሲ ቦንቾም ዓይኑሞ ዓይናዻኔ፤ ዔያታ ዋንቶና ሮኦሮና ቢያ ማዻያ ማዔሢሮ ሜሌ ማዾ ቢያ ሃሺ ጌኤዦ ማኣሮኮ ዲሮ ጋራ ዔያቶም ጊኢጊንቴ ቆልዖይዳ ናንጋኔ።
\p
\v 34 ዬንሢ ቢያ ሌዊ ማኣሮ ዓሶኮ ሱኡጎኬ፤ ዔያቶኮ ፃጳ ፓይዲንቴ ጎይፆና ሱኡጌ ማዒ ዬሩሳላሜይዳ ናንጌኔ።
\s1 ካኣቲ ሳኣዖኦሌኮ ቤርታኣ ዓዶንሢና ዜርፆና
\r (1ፆኦሲ. ዓሃኬ 8፡29-38)
\p
\v 35 ዪዒዔኤሌ ጎዖሢ ጌባዖኦኔ ካታሞ ማዢ ዒኢካ ዴዔኔ፤ ዒዛኮ ማቻ ማዕካ ማዓዛ፥ 
\v 36 ናኣዚ ቶይዲ ዒዛኮ ዓብዶኔ ጌይንታኔ፤ ሜሌ ዒዛኮ ዓቲንቆ ናኣታ፦ ፁሬ፥ ቂሼ፥ ባዓኣሌ፥ ኔሬ፥ ናኣዳኣቤ፥ 
\v 37 ጌዶሬ፥ ዓሂዮ፥ ዛካሪያሴና ሺምዓኮ ዓዶ ሚቅሎቴ ጎዖያኬ፤ 
\v 38 ሚቅሎቴ ሺምዓኮ ዓዶኬ፤ ዔያታ ሃንጎ ዔያቶኮ ዒጊኖኮ ዑኬ ዬሩሳላሜይዳ ናንጋኔ።
\p
\v 39 ኔሬ ቂሴ፥ ቂሴ ካኣቲ ሳኣዖኦሌ ሾዔኔ፤ ሳኣዖኦሌያ ዮናታኣኔ፥ ማልኪሹዓ፥ ዓቢናዳኣቤና ዔሽባዓኣሌ ጌይንታ ዓቲንቄ ናይ ሾዔኔ፤ 
\v 40 ዮናታኣኔ ሜሪባዓኣሌ፥ ሜሪባዓኣሌ\f + \fr 9፡40 \fr*\fq ሜሪባዓኣሌ \fq*\ft ጌይንቴሢ፦ 2ሳሙ. 4፡4ይዳ «ሜፒቦሼቴ» ጌይንቴኔ።\ft*\f* ሚካ፥ 
\v 41 ሚካ ፒቶኔ፥ ሜሌኬ፥ ታሬዓና ዓሃዜ ጌይንታ ዓቲንቄ ናይ ሾዔኔ። 
\v 42 ዓሃዜ ያዕራ፥ ያዕራ ዓሌሜቴ፥ ዓሌሜቴ ዓዝማዌቴና ዚምሪ ጌይንታ ዓቲንቄ ናይ ሾዔኔ፤ ዚምሪያ ሞፃ ጎዖሢ ሾዔኔ፤ 
\v 43 ሞፃ ቢንዓ፥ ቢንዓ ሬፓያ፥ ሬፓያ ዔልዓሳ፥ ዔልዓሳ ዓፄሌ ሾዔኔ።
\p
\v 44 ዓፄሌ፦ ዓዝሪቃሜ፥ ቦኬሩ፥ ዒስማዔኤሌ፥ ሼዓሪያ፥ ዓብዲዩና ሃናኒ ጌይንታ ላሆ ዓቲንቄ ናይ ሾዔኔ።
\c 10
\s1 ካኣቲ ሳኣዖኦሌኮ ሃይቦ
\r (1ሳሙ. 31፡1-13)
\p
\v 1 ፒሊስፄኤሜ ዓሳ ሙኪ ዒስራዔኤሌ ዓሶ ዖሌም ዒስራዔኤሌ ዓሳ ዔያቶ ቤርታፓ ጳሽኬኔ፤ ዬያ ዖሎና ሚርጌ ዒስራዔኤሌ ዓሲ ጊልቦዓ ዹካ ሃይቄኔ፤ 
\v 2 ዒማና ፒሊስፄኤሜ ዓሳ ባሼና ሳኣዖኦሌና ዒዛኮ ናኣቶና ዳውሴኔ፤ ዬካፓ ሳኣዖኦሌኮ ናኣቶ፦ ዮናታኣኔንታ ዓቢናዳኣቤንታ ማልኪሹዓንታ ዎዼኔ፤ 
\v 3 ሃሣ ሳኣዖኦሌ ዓኣ ዛሎና ዖላ ኮሺ ዶዴሢሮ ሞርካ ዒዛ ሂኢሺና ማኣሳንሢ ዱኬኔ፤ 
\v 4 ዒዚ ዒማና ዒዛኮ ጊቲሞ ዓርቂ ዒዛና ዎላ ሃንታ ዼጌስኬያም፦ «ሃይ ዓይሁዴ ማዒባኣ ዓሳ ታና ዓማሉዋጉዲ ኔኤኮ ጬንቾ ዓፓሮ ቱጊ ታና ዎዼ!» ጋዓዛ፥ ዼጌሢ ጋዓንቴ ዬያይዳኒ ሚርጌና ዒጊጬሢሮ ዒዛ ሃሼኔ፤ ዬያሮ ሳኣዖኦሌ ፔ ጬንቾ ዓፓሮ ቱጊ ሳዓ ዔቂሲ ጊዳ ሎኦሜኔ፤ 
\v 5 ዬይ ዼጌሢ ሳኣዖኦሌ ሃይቄሢ ዛጌ ዎዶና ዒዚያ ፔ ጬንቾ ዓፓሮ ሳዖይዳ ዔቂሲ ጊዳ ጫቲ ሃይቄኔ። 
\v 6 ዬያሮ ሳኣዖኦሌና ሃይሦ ዓቲንቆ ናኣታኣ ዎሊ ዑፃ ሃይቄኔ፤ ዒዛ ቤዛ ካኣታዻንዳ ዓሲ ዓቱዋዖ ቢያ ሃይቄኔ። 
\v 7 ዒማና ዒይዝራዔኤሌ ዶኦጫ ናንጋ ዒስራዔኤሌ ዓሳ ዔያቶኮ ፖኦሊሳ ጳሽኬሢ፤ ሃሣ ሳኣዖኦሌና ዒዛኮ ናኣቶና ሃይቄሢ ዋይዛዖ ፔኤኮ ካታሞ ካታሞ ሃሺ ጳሽኬም ፒሊስፄኤሜ ዓሳ ሙኪ ዔያቶኮ ካታሞ ዓርቄኔ።
\p
\v 8 ዖሎ ዓቦኮ ዚሮ ጉቴሎ ፒሊስፄኤሜ ዓሳ ሃይቄ፥ ዒስራዔኤሌ ዓሶኮ ዓኣ ባኮ ጉሲ ዔካኒ ዴንዳዖ ሳኣዖኦሌና ናኣቶናኮ ሌዛ ጊልቦዓ ዹካ ዓኣንቴ ዴንቄኔ፤ 
\v 9 ዬካፓ ዔያታ ሳኣዖኦሌኮ ቶኦኮ ቲቂ፥ ሃሣ ዖሎ ዓንጋሞዋ ጉሴስካፓ ዔያቶኮ ዎዞ ዔያታ ካኣሽካ ፆኦዞና ዓሶናም ኬኤዛንዳጉዲ ኪኢታ ዓሲ ዳኬኔ። 
\v 10 ሳኣዖኦሌኮ ዖሎ ዓንጋሞ ዔያቶ ፆኦዞኮ ጌኤዦ ማኣሮፓ ፔቴዞይዳ ዔያታ ጌሤኔ፤ ቶኦኮ ዒዛኮ ዔያታ ዔያቶ ፆኦዛሢ፥ ዳኣጎኔ ጎዖሢ ጌኤዦ ማኣሮይዳ ሱፄኔ። 
\v 11 ዒማና ጌሌዓዴይዳ ናንጋ ያቤሼ ዴራ ፒሊስፄኤሜ ዓሳ ሳኣዖኦሌይዳ ማዼ ጌኖ ማዾ ዋይዜ ዎዶና፥ 
\v 12 ጫርሺ ዓሲ ዴንዲ ሳኣዖኦሌና ናኣቶናኮ ሌዞ ዔኪ ያቤሼ ሙኬኔ፤ ዒኢካ ዓኣ ሻኣቦ ዴማ ዔያታ ዱኡኬስካፓ ላንካይ ኬሊ ጉቤ ሙኡዚ ሃሺ ሲዬኔ።
\p
\v 13 ሳኣዖኦሌ ናንጊና ናንጋ ጎዳም ጉሙርቂንታያ ማዒባኣሢሮ ሃይቄኔ፤ ዒዚ ናንጊና ናንጋ ጎዳኮ ዓይሢፆ ማዺ ኩንሦ ዒፄኔ፤ ሃሣ ናንጊና ናንጋ ጎዳ ጋዓ ባኮ ሃሺ ሃይቄ ዓሶኮ ዔኤዦ ዔኤላ ዓሶ ዦኦቺሢና ካራ ዴንቃኒ ኮዔኔ፤ 
\v 14 ናንጊና ናንጋ ጎዳ ዎዚ ጋዓቴያ ዒዚ ዖኦጮ ዒፄሢሮ ናንጊና ናንጋ ጎዳ ዒዛ ዎዼኔ፤ ዬካፓ ካኣቱሞዋ ዒዛኮ ዒሴዬ ናኣዚ፥ ዳውቴ ባንሢ ሺርሼኔ። \x - \xo 10፡14 \xo*\xt ሌዊ. ዓኬ 19፡31፤ 20፡6፤ 1ሳሙ. 13፡8-14፤ 15፡1-24፤ 28፡7-8።\xt*\x*
\c 11
\s1 ዳውቴ ዒስራዔኤሌና ዪሁዳ ዓሶናኮ ካኣቲ ማዔሢ
\r (2ሳሙ. 5፡1-10)
\p
\v 1 ዒስራዔኤሌ ዴራ ቢያ ዳውቴ ኮራ ኬብሮኦኔ ሙካዖ፦ «ኑኡኒ ቢያሢ ኔኤኮ ዒጊኖኬ፤ 
\v 2 ቤርታ ሳኣዖኦሌ ካኣታዺ ዓኣንቴታዖ ዒስራዔኤሌ ዴሮ ዖሎም ዔኪ ዓኣዻሢ ኔናኬ፤ ዬያ ሌሊቱዋንቴ ናንጊና ናንጋ ጎዳ ማዔ ኔ ፆኦዛሢ ‹ታኣኮ ዴሮ ዔኪ ዓኣዻንዳሢና ዔያቶኮ ካኣቲ ማዓንዳሢያ ኔናኬ› ጌዒ ኔኤም ኬኤዜኔ» ጌዔኔ። 
\v 3 ዬያይዲ ዒስራዔኤሌኮ ሱኡጋ ቢያ ዳውቴ ኮራ ኬብሮኦኔ ሙካዛ፥ ካኣቲ ዳውቴያ ናንጊና ናንጋ ጎዳ ቤርታ ዔያቶና ዎላ ኬብሮኦኔይዳ ጫኣቄኔ፤ ናንጊና ናንጋ ጎዳ ሳሙዔኤሌ ዛሎና ኬኤዜ ቃኣሎ ጎይፆና ዳውቴ ዔያታ ካኣቱሞም ዶኦሚ ዒስራዔኤሌይዳ ካኣታሤኔ።
\s1 ዳውቴ ዬሩሳላሜ ዖሊ ባሼሢ
\p
\v 4 ካኣቲ ዳውቴና ዒስራዔኤሌ ዓሳ ጉቤ ዴንዲ ዬሩሳላሜ ካታሞ ዖሌኔ፤ ዒማና ካታሜሎኮ ሱንፃ፦ «ዒያቡሴ» ጌይንታኔ፤ ዒዞ ዓጮይዳ ናንጋዞንሢ ዒያቡሳ ዓሶኬ። \x - \xo 11፡4 \xo*\xt ዒያ. 15፡63፤ ሱኡጎ. ማፃ 1፡21።\xt*\x* 
\v 5 ዬና ዓሳ ዳውቴም፦ «ኔ ሃይካ ፔቴታዖ ጌላዓኬ» ጋዓዛ፥ ዳውቴ ጋዓንቴ ፂዮኔይዳ ዔያታ ዋርዲ ዴዔ ቤዞ ዓርቄኔ፤ ዬካፓ ዬና ቤዛ «ዳውቴ ካታማ» ጌይንቲንሢ ዓርቄኔ። 
\v 6 ዳውቴ ዒማና፦ «ዒያቡሳ ዓሶ ቢሪ ቤርታዺ ዱኬ ዓሢ ዖሎ ዓሶኮ ሱኡጌ ማዓንዳኔ!» ጌዔኔ፤ ዬያሮ ፄሩያ ናኣዚ፥ ዒዮዓቤ ቤርታዺ ዴንዲ ዒያቡሳ ዓሶ ዱኬሢሮ ዒዚ ዖሎ ዓሶኮ ሱኡጋሢ ማዔኔ፤ 
\v 7 ዳውቴ ዴንዲ ዋርዲዮ ቤዛ ጌሊ ዴዔሢሮ ዬና ካታማ «ዳውቴ ካታማ» ጌይንቴኔ። 
\v 8 ዳውቴያ ሚሎ ጌይንታ ቤዛፓ ዓርቃዖ ካታሜሎኮ ዙሎ ኬልቂ ዲርቄኔ፤ ሄሊሳዖ ዒዮዓቤያኣ ካታሜሎኮ ዓቴ ዛሎ ኮሼኔ፤ 
\v 9 ቢያ ባኮ ዎይሣ ጎዳ ማዔ ፆኦዛሢ ዒዛና ዎላ ማዔሢሮ ዳውቴ ሃቺም ዶዲ ዶዲ ዓኣዼኔ።
\s1 ዖሎና ዔርቴ ዳውቴኮ ፖኦሊሶ
\r (2ሳሙ. 23፡8-39)
\p
\v 10 ዳውቴኮ ዖሎና ዔርቴ ፖኦሊሶ ሱንፃ ሃይካፓ ዴማ ፓይዲንታ ጎይፆኬ፤ ዔያታ ሃንጎ ዒስራዔኤሌ ዓሶና ዎላ ማዒ ናንጊና ናንጋ ጎዳ ዳውቴም ኬኤዜ ዎዞ ቃኣሎ ጎይፆና ዳውቴ ካኣታዻንዳጉዲ፤ ሃሣ ካኣቱማኣ ዶዲ ኮሺ ዔርቴያ ማዓንዳጉዲ ማሄኔ።
\p
\v 11 ቤርታሳሢ ሃኪሞኔ ቶኦኪ ማዔ ያሾብዓሜ ማዓዛ፥ ዒዚያ ዖሎና ዔርቴ ሃይሦንሢኮ\f + \fr 11፡11 \fr*\fq ሃይሦንሢኮ \fq*\ft ፔቴ ሚናኣ ማፃኣፔ፦ 2ሳሙ. 23፡8ይዳ «ዖሎና ዔርቴ ሃይሢታሚ ዓሲ» ጌዔኔ፤ ዔብሬ ዓሶ ሙኡጮና ሃይሦንታ ሃይሢታሚንታ ፃኣፒንታ ዎዶና ፔቴ ማዔሢሮ ዬኖ ቤዛ ዋኣዺ ጋዓቴያ ዔርቱዋያኬ።\ft*\f* ሱኡጋሢኬ፤ ዒዚ ዓይጎ ዎኦቴይ ጌዔቴ ዎርሢ ዔኪ ሃይሦ ፄኤታፓ ዑሣ ማዔ ዓሲና ዎላ ፔቴና ዖልታዖ ዬያቶ ቢያ ዎዼኔ፤ 
\v 12 ዒዛ ሄሊሳዖ ሃይሦ ዖሎና ዔርቴዞንሢፓ ፔቴሢ ዓሆሄ ቶኦካፓ ዶዶ ናኣዚ ዓላዜሬኬ፤ 
\v 13 ዒዚያ ፒሊስፄኤሜ ዓሳ ዖሎሮ ጊኢጊንቴ ዎዶና ፓስዴሚሜይዳ ዳውቴና ዎላኬ፤ ዒዞ ቤዞይዳ ዔልዓ ሚርጌ ጎሽኮና ጎሺ ዓኣንቴ ዒስራዔኤሌ ፖኦሊሳ ፒሊስፄኤሜ ዓሶ ቤርታፓ ጳሽኬኔ። 
\v 14 ጋዓንቴ ዓላዜሬና ዒዛና ዓኣ ዓሳ ዬያ ጎዦ ጋራ ፒሊስፄኤሜ ዓሶ ቃዚ ዖሌኔ፤ ናንጊና ናንጋ ጎዳኣ ዔያቶ ዖሎና ባሺሲሴኔ።
\p
\v 15 ፔቴ ኬሊ ሃይሢታሚ ዖሎና ዔርቴ ፖኦሊሶፓ ሃይሦ ፖኦሊሴ ፒሊስፄኤሜኮ ፖኦሊሳ ራፓይሜ ዶኦጫ ዱንኪ ዴዒ ዓኣንቴ ዳውቴ ናንጋ፥ ዓዱላሜ ዴኖ ዔቶ ኮይላ ዓኣ ላሎ ዴንዴኔ፤ 
\v 16 ዳውቴ ዒማና ዋርዲዮ ማላ ጌሜሮይዳ ዓኣንቴ ፒሊስፄኤሜ ፖኦሊሶኮ ዛላ ቤኤቴሌሄሜ ካታሞ ጌሊ ዓርቄኔ። 
\v 17 ዳውቴ፦ «ቤኤቴሌሄሜ ጌሎ ዲሮ ካሮ ኮይላ ዓኣ ዋኣፆ ዔታፓ ዑሽኮ ዋኣሢ ዓይጌ ታኣም ዒንጋንዳይ?» ጌይ ዓፃዼኔ። 
\v 18 ዬማና ዖሎና ዔርቴ ሃይሦ ፖኦሊሶንሢ ፒሊስፄኤሜ ዓሳ ዓኣ ቤዞይዴና ዓኣዺ ዋኣፆ ዱዖ ዔታፓ ዋኣሢ ዱዒ ዳውቴም ዔኪ ሙኬንቴ፥ ዳውቴ ዑሽካኒ ኮዒባኣሢሮ ዋኣፆ ናንጊና ናንጋ ጎዳም ዒንጎ ባኣዚ ማሂ ሳዓ ላኣሊ፦ 
\v 19 «ታኣኒ ሃያ ዋኣፆ ፔቴታዖ ዑሽካዓኬ! ታኣኒ ዑሽኬያ ማዔቴ ዬንሢ፥ ፔ ሼምፓሢ ዒፂ ዴንዴ ዖሎና ዔርቴ ዓሶንሢኮ ሱጉፆ ዑሽኪሢጉዴያኬ!» ጌዔኔ። ዬያሮ ዋኣፆ ዑሽካኒ ዒ ናሽኪባኣሴ፤ ዬንሢ ዖሎና ዔርቴ ሃይሦ ፖኦሊሲንሢ ጫርቂ ማዼ ባካ ዬያኬ።
\p
\v 20 ዒዮዓቤኮ ጌርሲ ዓቢሳ ጎዖሢ ዬንሢ፥ ዖሎና ዔርቴ ሃይሦ ፖኦሊሶንሢኮ ዑፆ ሱኡጋሢኬ፤ ዒዚ ዎርፆ ዓርቂ ሃይሦ ፄኤታ ዓሲ ዎዼሢሮ ዬንሢ፥ ዖሎና ዔርቴ ሃይሦ ፖኦሊሶንሢጉዲ ዔርቴያ ዒ ማዔኔ፤ 
\v 21 ዖሎና ዔርቴ ሃይሦንሢጉዲ\f + \fr 11፡21 \fr*\fq ሃይሦንሢጉዲ \fq*\ft ጋዓዞ ዛሎ፦ ፓይ. 11ይዳ ዛጌ።\ft*\f* ማዒ ዒ ፓይዲንቲባኣያ ማዔቴያ ዒ ጫርቂ ማዼ ማዾና ዔያቶይዳፓ ባሼ ጳንጬ ቦንቾ ዴንቄሢሮ ዔያቶኮ ሱኡጌ ማዓኒ ዳንዳዔኔ።
\p
\v 22 ቃብፂዔኤሌ ዓጮይዳ ዮዳሄ ናኣዚ ቤናያ ዖልዚና ዔርቴ ፖኦሊሴኬ፤ ዒዚ ላምዖ፥ ሞዓኣቤ ዓጮኮ ዖሎና ዔርቴ ዓሲ ዎዼሢ ሃሾዛ ሜሌ ሚርጌ ጫርሹሞ ማዾ ማዼኔ፤ ፔቴና ሳዖይዳ ዼኤፒ ሻቺ ኬዲ ሳዖ ባይዜ ኬሊስኬኖ ዒዚ ፔቴ ዴኔ ዔቴ ጌሊ ዞቢ ዎዼኔ፤ 
\v 23 ዬያጉዲ ሃሣ ኮሺ ዼኤፒ ዎርሢ ዓርቄያ፥ ዔጳ ዶንጎ ዋዻ ማዔ ዓንዲሪ ጊብፄ ዓሲስኬያኣ ዎዼኔ፤ ዒማና ቤናያ ኩጮይዳ ኮኦሎፓ ዓታዛ ሜሌ ዓንጋሞ ዔኩዋዖ ጊብፄ ዓሢ ባንሢ ሙኪ ጊብፄ ዓሢ ጳርቄስካፓ ጊብፄ ዓሢኮ ዞዓ ዓንዳራሾ ሚፆጉዲ ማዔ ዎርፆ ሳሪ ዔኪ ዒዛና ዎዼኔ። 
\v 24 ዬንሢ ሃይሢታሞንሢዳፓ\f + \fr 11፡24 \fr*\fq ሃይሢታሞንሢዳፓ \fq*\ft ጋዓዞ ዛሎ፦ ፓይ. 11ይዳ ዛጌ።\ft*\f* ፔቴሢ ማዔ፥ ቤናያ ጫርቂ ማዼ ባካ ዬያኬ፤ 
\v 25 ሃይሢታሞንሢ ባኣካፓ ሚርጌና ዒዚ ዖሎና ዔርቴያ ማዔቴያ ዒ ጫርቂ ማዼ ማዻ ሃይሦ ጫርዦ ፖኦሊሶንሢሲጉዲ ማዒባኣሴ፤ ዳውቴ ፔና ካፓ ዓሶኮ ሱኡጌ ማሂ ቤናያ ዶኦሬኔ።
\p
\v 26-47 ዬንሢ ዖሎና ዔርቴ ሃይሢታሞንሢዳፓ ሜሌ ዖሎና ዔርቴ ዓሶኮ ሱንፃ ሃይካፓ ዴማ ፓይዲንታዞንሢኬ፦
\q ዒዮዓቤ ጌርሲ ዓሳሄሌ፥
\q ቤኤቴሌሄሜ ካታሞ ዓሢ ዶዶ ናኣዚ ዔልሃናኔ፥
\q ሃሮዴ ዓጮ ዓሢ ሻሞቴ፥
\q ፔሌፄ ዓጮ ዓሢ ሄሌፄ፥
\q ቴቆዓ ካታሞ ዓሢ ዒቄሼ ናኣዚ ዒራ፥
\q ዓናቶቴ ካታሞ ዓሢ ዓቢዔዜሬ፥
\q ሁሻ ዓጮ ዓሢ ሲቤካዬ፥
\q ዓሆሄ ዓጮ ዓሢ ዒላዬ፥
\q ኔፆፓ ዓጮ ዓሢ ማሂራዬ፥
\q ሃሣ ኔፃፓ ዓጮ ዓሢ ባዕና ናኣዚ ሄሌዴ፥
\q ቢኢኒያሜ ዓጮይዳ ዓኣ ጊቢዓ ካታሞ ዓሢ ሪባዬ ናኣዚ ዒታዬ፥
\q ፒርዓቶኔ ዓጮ ዓሢ ቤናያ፥
\q ጋዓሼ ዓጮ ኮይላ ዓኣ ዶኦጮይዳ ሾይንቴ ሁራዬ፥
\q ዓሬባ ዓጮ ዓሢ ዓቢዔኤሌ፥
\q ባሁሩሜ ዓጮ ዓሢ ዓዝማዌቴ፥
\q ሻዓልቦኔ ዓጮ ዓሢ ዔልያህባ፥
\q ጊዞኔ ዓጮ ዓሢ ሃሼሜ፥
\q ሃራሬ ዓጮ ዓሢ ሻጌ ናኣዚ ዮናታኣኔ፥
\q ሃሣ ሃራሬ ዓጮ ዓሢ ሳኮሬ ናኣዚ ዓሂዓሜ፥
\q ዑሬ ናኣዚ ዔልፓሌ፥
\q ሜኬሬ ዓጮ ዓሢ ሄፔሬ፥
\q ፔሎኔ ዓጮ ዓሢ ዓሂያ፥
\q ቄርሜሎሴ ዓጮ ዓሢ ሄፅሮ፥
\q ዔዝባዬ ናኣዚ ናዕራዬ፥
\q ናኣታኣኔ ጌርሲ ዮዔሌ፥
\q ሃግሪ ናኣዚ ሚብሃሬ፥
\q ዓሞኦኔ ዓጮ ዓሢ ፄሌቄ፥
\q ቤዔሮቴ ዓጮ ዓሢ ዒዮዓቤኮ ዖሎ ዓንጋሞ ዔኪ ሃንታ ናህራዬ፥
\q ያቲሬ ዓጮ ዓሶንሢ ዒራና ጋሬቤና፥
\q ሂታ ዓሢ ዖሪዮኔ፥
\q ዓህላዬ ናኣዚ ዛባዴ፥
\q ሺዛ ናኣዚ ዓዲና፤ [ዬይ ዓሢ ዒዛና ዎላ ሃይሢታሚ ፖኦሊሴ ዓኣያ ማዒ ሮኦቤኤሌ ፃጳፓ ዔርቴ ዓሲኬ፤]
\q ማዕካ ናኣዚ ሃናኔ፥
\q ሚታኔ ዓጮ ዓሢ ዒዮሳፒፄ፥
\q ዓሽቴራ ዓጮ ዓሢ ዑዚያ፥
\q ዓሮዔኤሬ ዓጮ ዓሢ ሆታሜ ናኣቶ ሻማዕና ዪዒዔኤሌና፥
\q ቲፂ ዓጮ ዓሢ ሺምሪ ናኣቶ ዪዲዕዔኤሌና ዮሃና፥
\q ማሃዋ ዓጮ ዓሢ ዔሊዔኤሌ፥
\q ዔልናዓሜ ናኣቶ ዪሪባሄና ዮሻውያና፥
\q ሞዓኣቤ ዓጮ ዓሢ ዩትማ፥
\q ፆባ ዓጮ ዓሶንሢ፦ ዔሌዔሌ፥ ዖቤዴንታ ያዕሲዔሌንታኬ።
\c 12
\s1 ቢኢኒያሜ ፃጳፓ ዳውቴ ጊንፆ ሺሬ ዓሶ
\p
\v 1 ዳውቴ ቂሴ ናኣዚ ሳኣዖኦሌይዳፓ ዓኣሺንቲ ፂቅላጌይዳ ናንጋንቴ ጉሙርቂንታያና ዖልዚ ዛላ ዔራያና ማዔ ሚርጌ ፖኦሊሴ ዒዛና ዎላ ፔቴ ማዒ ዒዛ ጊንፆ ሺሬኔ። 
\v 2 ዔያታ ሳኣዖኦሌጉዲ ቢኢኒያሜ ፃጲኬ፤ ዔያታ ሚዛቆና ሻውሎ ኩጮናኣ ቢያ ሂኢሺ ዱካኒ፥ ሃሣ ዎራ ዎራኒ ዳንዳዓያኬ፤ 
\v 3-7 ዬያታ ጊቢዓ ካታሞይዳ ሾይንቴ፥ ዒሼማዓ ናኣቶ ማዔ ዓሂዓዜሬና ዮዓሼናኮ ቢታንቶ ዴማ ዎርቃያኬ። ዬያ ፖሊሶኮ ሱንፃ ሃይካፓ ዴማ ዓኣ ጎይፆ ፓይዲንቴኔ፦
\q ዓዝማዌቴ ናኣቶ ዪዚዔሌና ፔሌፄና፥
\q ዓናቶቴ ካታሞ ዓሶንሢ ቤራካና ዒዩና፥
\q ዖሎና ዔርቴያታዖ ጊንፃፓ ሃይሢታሞ ዔርቴ ሱኡጎ ማዔዞንሢኮ ፔቴያ ማዔ፥ ጌባዖኦኔ ካታሞ ዓሢ ዩሽማዕያ፥
\q ጌዴራ ካታሞ ዓሶንሢ፦ ዪርሜያ፥ ያሂዝዔኤሌ፥ ዮሃናኔንታ ዮዛባዴና፥
\q ሃሪፔ ዓጫ ሾይንቴ፦ ዔልዑዛዬ፥ ያሪሞቴ፥ ቤዓልያ፥ ሼማሪንታ ሼጳፂያንታ፥
\q ቆሬ ቶኦኮ ማዔ፦ ዔልቃና፥ ዩሺያሁ፥ ዓዛርዔሌ፥ ዮዔዜሬንታ ያሼብዓሜንታ፥
\q ጌዶሬ ካታሞ ዓሶንሢ ዪሮሃሜ ናኣቶ፦ ዮዔላና ዜባድያና።
\s1 ጋኣዴ ፃጳፓ ዳውቴ ጊንፆ ሺሬ ዓሶ
\p
\v 8 ዳውቴ ዓሲ ናንጉዋ ዳውሎይዳ ዋርዲዮ ቤዛ ዓኣንቴ ጋኣዴ ፃጳፓ ሙኪ ዒዛኮ ዖሎ ዓሶ ባኣኮ ጌሌ፥ ዖሎና ዔርቴያ፤ ሃሣ ዖልዚያ ዖሊ ዔሬ ፖኦሊሶኮ ሱንፃ ሃካፓ ዴማ ዓኣዞንሢኬ፤ ዬያታ ጊቲማና ዎርሢና ዔኪ ዖሊሢና ዔርቴያኬ፤ ዔያታ ዞቢ ዒጊቻሢጉዲ ዒጊቻያ፥ ሩኡሩማኣ ጌሜሪዳ ናንጋ ሹኡጌ ጳሽካሢጉዲኬ፤ 
\v 9-13 ዔያቶኮ ሱንፃ ዔያቶኮ ሱኡጋቶጉዴያ ጉዴያ ዎሊ ጊንፆ ፓይዲንቴኔ፦ ዔዜሬ፥ ዓብዲዩ፥ ዔሊዓቤ፥ ሚሽማና፥ ዔርሚያሴ፥ ዓታዬ፥ ዔሊዔኤሌ፥ ዮሃናኔ፥ ዔልዛባዴ፥ ዔርሚያሴንታ ማክባናዬንታኬ።
\p
\v 14 ጋኣዴ ፃጶ ማዔ ዬንሢ ዓሶይዳፓ ዛላ ዓሲ ሺዮ ፖኦሊሶ ዓይሣ ሱኡጋቶ ዓኣያና ፄኤቶ ፖኦሊሶ ዓይሣ ሱኡጋቶ ዓኣያኬ። 
\v 15 ፔቴ ኬሊ ቤርታሳ ዓጊና ፄፄኤራኣና ዮርዳኖሴ ዎራ ሱካፓ ሱኮ ሄሊ ኩሚ ዓኣንቴ ዎሮና ዔያታ ፒንቄኔ፤ ዎሮኮ ዓባ ኬስካ ዛሎና ጌላ ዛሎናይዳ ዓኣ ዶኦጮ ጊንፃ ናንጋ ዴሮዋ ዔያታ ዳውሴኔ።
\s1 ቢኢኒያሜና ዪሁዳ ፃጶናፓ ዳውቴ ጊንፆ ሺሬ ዓሶ
\p
\v 16 ፔቴና ዪሁዳና ቢኢኒያሜና ፃጳፓ ኬስኬ ዛላ ዓሲ ዳውቴ ዋርዲ ዴዒ ዓኣ ቤዞ ዴንዴኔ፤ 
\v 17 ዳውቴ ዬኖ ዓሶ ጎይሣ ዔካኒ ኬስካዖ፦ «ዒንሢ ሃይካ ሙኬሢ ታና ማኣዳኒ ማዔቴ ቃራኬ፤ ዒንሢ ታ ዛላ ማዒ ታኣና ዎላ ዔቃያ ማዔቴ ታ ዒንሢ ዔካኒ ጊኢጌያኬ፤ ጋዓንቴ ታ ዻቤ ባኣዚ ባኣያ፥ ጌኤሺ ዓኣንቴ ታ ሞርኮም ዓኣሢ ዒንሢ ታና ዒንጋያ ማዔቴ ቤርታኣ ኑ ዓዶንሢ ፆኦዛሢ ዛጊ ዎጎንጎ!» ጌዔኔ።
\p
\v 18 ዬካፓ ፆኦሲኮ ዓያና ዖሎና ዔርቴ ሃይሢታሞ ዓሶኮ ሱኡጋሢ፥ ዓሜሲያሴ ዑፃ ኬዴም ዒዚ፦
\q «ዳውቴ! ኑኡኒ ኔኤሮኬ!
\q ዒሴዬ ናዓሦ ዳውቴ፥ ኑኡኒ ኔኤና ዎላኬ!
\q2 ኔኤና ኔና ማኣዳ ዓሶናም ኮሹሞ ማዖንጎ!
\q2 ፆኦሲ ኔኤና ዎላ ማዒ ኔና ማኣዳንዳኔ»
\m ጌዒ ዑኡዞ ፔኤሲ ዼጊዲ ዒላቴም፥ ዳውቴ ዔያቶ ዎዛና ዔኪ ፔ ፖኦሊሶኮ ሱኡጌ ማሄኔ።
\s1 ሚናኣሴ ፃጳፓ ዳውቴ ጊንፆ ሺሬ ዓሶ
\p
\v 19 ዳውቴ ፒሊስፄኤሜ ዓሶና ዎላ ፔቴ ማዒ ካኣቲ፥ ሳኣዖኦሌ ዖላኒ ዓኣዼ ዎዶና ሚናኣሴ ፃጳፓ ዛላ ፖኦሊሴ ዳውቴ ፖኦሊሶና ዎላ ፔቴ ማዓኒ ዴንዴኔ፤ ዒማና ፒሊስፄኤሜ ዓሶኮ ሱኡጋ ጋዓንቴ፦ «ዳውቴ ኑና ዒፂ ቤርታ ዒዛኮ ጎዳ፥ ሳኣዖኦሌ ባንሢ ሺሪ ኑና ኩርሳንዳኔ» ጌዒ ዒዛ ዒጊጬሢሮ ዎላ ጌስታዖ ዒዚ ቲግላጌ ማዒ ዴንዳንዳጉዲ ዳኬኔ፤ 
\v 20 ዳውቴ ቲግላጌ ማዔስካፓ ሚናኣሴ ፃጳፓ ዒዛ ጊንፆ ሺሬ ፔቴ ፔቴ ፖኦሊሶኮ ሱንፃ ሃካፓ ዴማ ፓይዲንቴ ጎይፆኬ፦ ዓድናሄ፥ ዮዛባዴ፥ ዪዲዕዔኤሌ፥ ሚካዔኤሌ፥ ዮዛባዴ፥ ዔሊሁና ፂሌታዬናኬ፤ ዬንሢ ቢያ ሚናኣሴ ዓጮይዳ ዓኣዖ ሺዮ ዓሶኮ ሱኡጋቶ ዓኣያኬ። 
\v 21 ቢያሢ ዔርቴ ፖኦሊሴታሢሮ ዖሎ ዖላ ዓሶ ባኣካ ዖሎ ዖሊሳ ሱኡጎ ማዒ ዔያታ ማዼኔ፤ ዬካፓ ናንጊቤቃ ዒስራዔኤሌኮ ዖሎ ዖላ ዓሶ ጉቤኮ ሱኡጌ ማዔኔ። 
\v 22 ቢያ ኬሊ ዓሲ ሙኪ ሙኪ ዳውቴኮ ዖሎ ዓሶ ባኣኮ ጌላሢሮ ኔጉዋዖ ዳውቴኮ ዖሎ ዓሳ ዑሣ ዓኣዼ ዎልቃዺ ሚርጊ ሚርጊ ዓኣዼኔ።
\s1 ዳውቴኮ ዖሎ ዓሶ ሚርጉሞ
\p
\v 23-37 ቤርታ ናንጊና ናንጋ ጎዳ ዳውቴም ጫኣቄ ጎይፆና ሳኣዖኦሌ ካኣቱሞ ዳውቴ ባንሢ ማሃኒ ኬብሮኦኔ ሙኬ ዓሳ፦
\p ዪሁዳ ፃጳፓ፦ ጊቲማና ዖልዚ ዓንጋሞ ኮይሳሢጉዴያ ዓርቄ ላሆ ሺያና ሳሊ ፄኤታ ፖኦሊሴ፥
\p ሲሞኦኔ ፃጳፓ፦ ኮይሳሢጉዴያ ዔሬያ ላንካይ ሺያና ፔቴ ፄኤታ ፖኦሊሴ፥
\p ሌዊ ፃጳፓ፦ ዖይዶ ሺያና ላሆ ፄኤታ ዓሲ፤
\q ዓኣሮኔ ዜርፆ ማዔያ፥ ዮዳሄና ዎላ ዓኣ ዓሳ ሃይሦ ሺያና ላንካይ ፄኤታ ዓሲ፤
\q ዖሎና ዔርቴያ ማዔ ፃዶቄ ዒጊናፓ፦ ላማታሚ ላምዖ ዔርቴ ሱኡጌ፤
\p ሳኣዖኦሌኮ ዒጊናሢ ማዔ ቢኢኒያሜ ፃጳፓ፦ ሃይሦ ሺያ ዓሲ፤
\p ዬያ፥ ቢኢኒያሜ ዓሶኮ ባሼሢ ዴንዲ ዬማ ሄላንዳኣና ሳኣዖኦሌም ጉሙርቂንታያ ማዒ ዓኣ ጎይሣኬ።
\p ዔፕሬኤሜ ፃጳፓ፦ ላማታሚ ሺያና ሳሊ ፄኤታ ዓሲ ማዓዛ ቢያሢ ፔኤኮ ቶኦኮና ቶኦኮና ዖልዚና ዔርቴያኬ።
\p ዓባ ጌላ ዛሎና ዓኣ ሚናኣሴ ፃጳፓ፦ ታጶ ሳሊ ሺያ ዓሲ፤ ዳውቴ ካኣታሢፆኮ ዔያቶ ዱማሲ ዶኦሮናያኬ።
\p ዪሳኮኦሬ ፃጳፓ፦ ላምዖ ፄኤታ ዓሲ ሱኡጌ ማዓዛ፥ ዔያቶ ቢታንቶኮ ዴማ ዓኣ ዓሳ ጉቤሢ ዔያቶና ዎላኬ፤ ዬንሢ ሱኡጎንሢ ዒስራዔኤሌ ዓሳ ዓይጎ ማዻኒና ዓይዲ ማዻኒ ኮይሳቴያ ዔራ ዓሶኬ።
\p ዛብሎኦኔ ፃጳፓ፦ ጉሙርቂንታያ፥ ዓጪ ናሽካ ዓቲንቄ ዖልዚም ጊኢጌያ ማዔ ዓይጎ ዓንጋሞና ማዔቴያ ዖላኒ ዳንዳዓ ዶንጊታሚ ሺያ ፖኦሊሴ፤
\p ኒፕታኣሌኤሜ ፃጳፓ፦ ጊቲማና ዎርሢና ዓርቄያ ሃይሢታሚ ላንካይ ሺያ ፖኦሊሴ ማዓዛ፥ ፔቴ ሺያ ሱኡጌ ማዓ ዓሲና ዎላኬ።
\p ዳኣኔ ፃጳፓ፦ ላማታሚ ሳሊ ሺያና ላሆ ፄኤታ ዖልዚ ዔራ ፖኦሊሴ፤
\p ዓሴኤሬ ፃጳፓ፦ ዖይዲታሚ ሺያ ዖልዚም ጊኢጊንቴ ፖኦሊሴ፤
\p ዮርዳኖሴኮ ዓባ ኬስካ ዛሎና ዓኣ ሮኦቤኤሌ፥ ጋኣዴና ሚናኣሴና ፃጳፓ፦ ዓይጎ ዓንጋሞናታቴያ ዖላኒ ዳንዳዓ ፔቴ ፄኤታና ላማታሚ ሺያ ፖኦሊሴ ዓኣኔ።
\p
\v 38 ዬይ ዖሎም ጊኢጊንቴያ ማዔ ፖኦሊሳ ቢያ ዳውቴ ዒስራዔኤሌይዳ ካኣታሣኒ ጋፒንሢ ማሊሢ ጌሢ ኬብሮኦኔ ዴንዴኔ፤ ዓቴ ዒስራዔኤሌ ዓሳ ዬያ ማሊፆ ቃራኬ ጌይ ዔኬኔ፤ 
\v 39 ዬያታ ቢያ ዔያቶኮ ዒጊና ዒጊና ዔያቶም ጊኢጊሼሢ ዎዛና ሙዒ ዑሽኪ ዑሽኪ ዳውቴና ዎላ ሃይሦ ኬሊ ፔኤቄኔ፤ 
\v 40 ዓጮኮ ኬዶ ዛሎና ዓኣ ዪሳኮኦሬ፥ ዛብሎኦኔና ኒፕታኣሌኤሜ ፃጳፓኣ ዓቱዋዖ ሚርጌ ዓሲ ሃሬና ጋኣሎና ባቁሎና ጌማይና ሚርጌ ሙኡዚ፥ ዺኢሊ፥ ቤሌሴ ሚፆ ዓኣፓ፥ ቤሌሴ ሚፆኮ ዓኣፖ ዺንቆና ላጫሢ፥ ዎይኔፓ ኮሾና ዑዦንታ ሪሚቶ ዛይቶንታ ጫኣኒ ዔኪ ሙኬኔ፤ ዬያጉዲ ሃሣ ሹኪ ዔያታ ሙዓንዳ ሚርጌ ባይና ማራይና ዔኪ ሙኬኔ፤ ዬይ ቢያ ዔያቶኮ ዓጮይዳ ዓኣ ዴራ ዎዛዼ ዎዞ ዔርዛያኬ።
\c 13
\s1 ጫኣቁሞ ሳኣፂኖ ቂርያትይዓሪሜፓ ዬሩሳላሜ ዔኪ ዓኣዻኒ ማሎናሢ
\r (2ሳሙ. 6፡1-11)
\p
\v 1 ካኣቲ ዳውቴ ሺዮና ፄኤቶ ፖኦሊሶ ዓይሣያ ማዔ ዖሎ ዖሊሳ ሱኡጎ ቢያሢና ዎላ ዞርቴኔ። 
\v 2 ዬካፓ ዒስራዔኤሌ ዴሮም ጉቤ፦ «ዒንሢ ዔኤዔያ ማዔያታቴ ሃሣ ናንጊና ናንጋ ጎዳ ማዔ ኑ ፆኦዛሢ ማሊሢ ማዔያታቶ ዓቴ ኑ ዓጮ ዓሶንታ ቄኤሶንታ ዻኮ ዻኮ ካታሞይዳ ናንጋ ሌዊ ዓሶንታም ኪኢታ ዓሲና ዔኤሊሢ ዳኪ ሃካ ዔያታ ሙኪ ኑኡና ዎላ ቡኪንታንዳጉዲ ኑ ኬኤዞም። 
\v 3 ሳኣዖኦሌ ካኣታዺ ዓኣ ዎዶና ዋሊንቲ ዓቴ ኑ ፆኦዛሢኮ ጫኣቁሞ ሳኣፂኖ ዴንዲ ኑ ዔኪ ሙካንዳኔ» ጌዔኔ። 
\v 4 ዴራ ዒዛኮ ዬያ ማሊፆጉዲ ማዻኒ ዎዛና ዔኤዔኔ።
\p
\v 5 ዬያሮ ዳውቴ ጫኣቁሞ ሳኣፂኖ ቂርያትይዓሪሜፓ ዬሩሳላሜ ዔኪ ዬዓኒ ዾኦሎ ዛሎና ዴንዲ ጊብፄ ዓጮ ዛጶና፥ ኬዶ ዛሎና ሃማቴ ባንሢ ዓኣዻ ጎይፆ ሄላንዳኣና ዒስራዔኤሌ ዓጮ ጉቤይዳ ዓኣ ዴሮ ፔቴይዳ ቡኩሴኔ። \x - \xo 13፡5 \xo*\xt 1ሳሙ. 7፡1-2።\xt*\x* 
\v 6 ኪሩቤሌ ጋኣዞይዳ ዴዔ፥ ሱንፃ ናንጊና ናንጋ ጎዳ ጌይንቴ ፆኦዛሢኮ ጫኣቁሞ ሳኣፂኖ ዔኪ ሙካኒ ዳውቴንታ ዴራኣ ቢያ ዪሁዳ ዓጮይዳ ባዓላ ጌይንታ ቂርያትይዓሪሜ ካታሞ ዴንዴኔ። \x - \xo 13፡6 \xo*\xt 1ሳሙ. 7፡1-2።\xt*\x* 
\v 7 ፆኦሲኮ ጫኣቁሞ ሳኣፂኖ ዓቢናዳኣቤ ማኣራፓ ኬሲ ዔኪ ዓኪ ሳርጌላ ዖይታይዳ ጫኣኔኔ፤ ዒማና ዑዛና ዓሂዮ ጎዖስኬንሢ ሳርጌሎ ዖይቶ ዒሻኔ፤ 
\v 8 ዳውቴንታ ዒስራዔኤሌ ዴራ ቢያ ሚርጌ ሻሺና ዴንሢ ዋርቆ ጎኦሎና ፔቴ ሻሺ ዴንሢ ዋርቆ ጎኦሎ ዋርቃዖ ካራቤያ ባዒ ባዒ ጊንሣ ሂቾጉዲ ዖልሶ ባኣዚያ ዖልሲ ዖልሲ፤ ሹሉንጎጉዴ ባኣዚያ ዋርቂ ዋርቂ ፆኦሲ ቦንቾም ዓይኑሞና ዒናፓ ባይዲ ባይዲ ኮርጋኔ።\fig ሚርጌ ሻሺ ዴንሢ ዋርቆ ጎኦላ |alt="Harps" src="BK00175B.TIF" size="col" ref="13፡8"\fig*
\p
\v 9 ዬካፓ ኪዶኔ ጌይንታ ሃኣኮ ሺርኮ ቆይዳ ሄላዖ ሳርጌሎ ዖይቶ ጎቻ ጌማታ ዹቂንቲ ጫኣቁሞ ሳኣፂኖ ዓጊሤሢሮ ዑዛ ፔ ኩጮና ፆኦሲኮ ጫኣቁሞ ሳኣፂና ዶዑዋጉዲ ዓርቄኔ፤ 
\v 10 ዒማና ዑዛ ጫኣቁሞ ሳኣፂኖ ካኣሜሢሮ ናንጊና ናንጋ ጎዳ ዻጋዻዖ ቤዞማና ዒዛ ዎዼም ዒኢካ ፆኦሲ ቤርታ ሃይቄኔ። 
\v 11 ናንጊና ናንጋ ጎዳ ዻጋዺ ዑዛ ዔሪቦኦንቴ ዎዼሢሮ ዳውቴ ዻጋዼኔ፤ ዬና ቤዜላ ሃኖ ሄላንዳኣና «ፔሬፅ ዑዛ»\f + \fr 13፡11 \fr*\fq ፔሬፅ ዑዛ \fq*\ft ጌይፃ፦ ዔብሬ ዓሶ ሙኡጮና «ዑዛ ሜንሦና ቤዞ» ጌይሢኬ። \ft*\f* ጌይንታኔ።
\p
\v 12 ዬካፓ ዳውቴ ፆኦሲ ሚርጌና ዒጊጫዖ፦ «ዓካሪ ሃያ ፆኦሲኮ ጫኣቁሞ ሳኣፂኖ ታ ማኣሪ ዎዲ ታ ዔኪ ዓኣዻንዳይ?» ጌዔኔ። 
\v 13 ዬያሮ ዳውቴ ጫኣቁሞ ሳኣፂኖ ዬሩሳላሜ ዔኪ ዓኣዺፆ ሃሺ ጋኣቴ ካታማ ናንጋ፥ ዖቤድዔዶኦሜ ማኣራ ጌሤኔ። 
\v 14 ዬይ ጫኣቁሞ ሳኣፂና ዒኢካ ሃይሦ ዓጊኒ ዴዔኔ፤ ዬያሮ ናንጊና ናንጋ ጎዳ ዖቤድዔዶኦሜኮ ማኣሮ ዓሶና ዒዛሮ ማዔ ባኮ ቢያ ዓንጄኔ። \x - \xo 13፡14 \xo*\xt 1ፆኦሲ. ዓሃኬ 26፡4-5።\xt*\x*
\c 14
\s1 ዳውቴ ዬሩሳላሜይዳ ማዼ ማዾ
\r (2ሳሙ. 5፡11-16)
\p
\v 1 ፂሮሴ ካኣቲ፥ ኪራሜ ዳውቴ ኮራ ኪኢታ ዓሲ ዳኬኔ፤ ዳውቴኮ ካኣቱሞ ማኣሮ ማዣኒ ሊባኖኦሴ ሚፆ ዔኬ ሃኣሚንታ ሹጮና ማኣሮ ማዣ ዓሲያኣ ዬኖ ኪኢቶ ዓሶና ዎላ ዴንዴኔ፤ 
\v 2 ናንጊና ናንጋ ጎዳ ዒስራዔኤሌኮ ካኣቲ ማሂ ዒዛ ዶዲሼሢና ፔኤኮ ዴሮ ዒስራዔኤሌሮ ጌዒ ዒዛኮ ካኣቱሞ ዖርጎቼያ ማዔሢ ዳውቴ ዔሬኔ።
\p
\v 3 ዳውቴ ዬሩሳላሜይዳ ሚርጌ ላኣሊ ዔኪ ሚርጌ ዓቲንቄና ዉዱሮ ናይና ሾዔኔ፤ 
\v 4 ዒዚ ዬሩሳላሜይዳ ዓኣዖ ሾዔ ዓቲንቆ ናኣታ፦ ሻሙዓ፥ ሾባቤ፥ ናኣታኣኔ፥ ሴሎሞኔ፥ 
\v 5 ዪብሃሬ፥ ዔሊሹዓ፥ ዔሊፓሌፄ፥ 
\v 6 ኖጋሄ፥ ኔፔጌ፥ ያፒዓ፥ 
\v 7 ዔሊሻማዓ፥ ቤዔልያዳና ዔሊፔሌቴ ጌይንታያኬ።
\s1 ዳውቴ ዖሎና ፒሊስፄኤሜ ዓሶ ባሼሢ
\r (2ሳሙ. 5፡17-25)
\p
\v 8 ዳውቴ ዒስራዔኤሌ ዓጮ ቢያይዳ ካኣታዼሢ ፒሊስፄኤሜ ዓሳ ዋይዛዖ ዖሊ ዓርቂ ዲዒ ዔካኒ ፔኤኮ ዖሎ ዓሶ ዳኬኔ፤ ዳውቴያ ዬያ ዋይዛዖ ዔያቶና ዖልታኒ ኬስኬኔ፤ 
\v 9 ዒማና ፒሊስፄኤሜ ዓሳ ራፓይሜ ዶኦጮ ሙኪ ዖሎ ዓርቄኔ፤ 
\v 10 ዬያሮ ዳውቴ፦ «ፒሊስፄኤሜ ዓሶ ታ ዖሎንዶ? ታኣም ኔ ዔያቶ ዓኣሢ ዒንጊ ዖሎና ባሺሲሳንዳ?» ጌይ ፆኦሲ ዖኦጬኔ።
\p ፆኦሲ ማሃዖ፦ «ሂዮ፤ ዔያቶ ዖሌ! ታኣኒ ኔኤም ዓኣሢ ዒንጌም ኔ ዔያቶ ባሻንዳኔ» ጌዔኔ።
\p
\v 11 ዬያሮ ዳውቴ ባዓልፔራፂሜ ጌይንታ ቤዛ ፒሊስፄኤሜ ዓሶ ዖሊ ባሼስካፓ፦ «ሞርኮኮ ዖሎ ዓሶ ዲጲጉዲ ዳርዚ ታ ዓኣዻንዳጉዲ ፆኦሲ ታና ማኣዴኔ» ጌዔኔ፤ ዬካፓ ዬኖ ቤዜሎኮ ሱንፃ «ባዓልፔራፂሜ» ጌይንቴኔ፤ 
\v 12 ዒማና ፒሊስፄኤሜ ዓሳ ጳዦ ጳሽካዖ ፔኤኮ ካኣሽኮ፥ ሜሌ ፆኦዞ ኬኤሪ ዴንዳዛ ዳውቴ ዬያ ሜሌ ፆኦዞ ጉቤ ዒዛኮ ዖሎ ዓሳ ታሚና ሚቻንዳጉዲ ዓይሤኔ።
\p
\v 13 ዬካፓ ፒሊስፄኤሜ ዓሳ ኔጉዋዖ ጊንሣ ማዒ ዬኖ ዶኦጬሎ ዖሊሢ ዓርቄኔ፤ 
\v 14 ዳውቴያ ሃሣ ፆኦሲ ዎዚ ጋዓቴ ዖኦጫዛ፥ ፆኦሲ ማሃዖ፦ «ዔያቶኮ ጊንፆ ዛሎና ሺሪ ሻኣቦ ኮሪና ሙኪ ዖሌ፤ ሃይና ሌካ ፒዜ ኬስኪ ዖሊፖ፤ 
\v 15 ታ ኔኤኮ ቤርታ ቤርታ ዓኣዺ ፒሊስፄኤሜ ዓሶኮ ዖሎ ዓሶ ዖሊ ባሻንዳሢሮ ሻኣቦ ቶኦኮይዳ ዖልዚ ዓሲ ካኣኒ ማላ ዑኡሲ ዋይዛዖ ዖዖሌ!» ጌዔኔ። 
\v 16 ፆኦሲ ዒዛ ዓይሤሢጉዲ ዳውቴ ማዺ ፒሊስፄኤሜ ዓሶ ጌባዖኦኔይዳፓ ዴንዲ ጌዜሬ ሄላንዳኣና ዖሊ ባሺ ዳውሴኔ፤ 
\v 17 ዬያሮ ዳውቴ ማዼ ባካ ቢያ ቤዛ ዋይዚንቴኔ፤ ናንጊና ናንጋ ጎዳ ሜሌ ዴራ ቢያ ዳውቴ ዒጊጫንዳጉዲ ዴሮይዳ ዒጊቹሞ ጌልዜኔ።
\c 15
\s1 ፆኦሲኮ ጫኣቁሞ ሳኣፂኖ ዬሩሳላሜ ዔካኒ ጊኢጎናሢ
\p
\v 1 ዳውቴ ናንጋንዳ ማኣሪ ፔ ካታሞ፥ ዬሩሳላሜይዳ ማዤኔ፤ ሃሣ ፆኦሲኮ ጫኣቁሞ ሳኣፂኖ ጌሦንዶ ቤሲያ ጊኢጊሺ ዓፒሎና ማዦ ማኣሮዋ ዾቄኔ፤ 
\v 2 ዬካፓ ዳውቴ ናንጊና ናንጋ ጎዳ ናንጊና ዒዛም ማዻንዳጉዲ፥ ጊንሣ ሃሣ ጫኣቁሞ ሳኣፂኖዋ ኬዳንዳጉዲ ዶኦሬሢ ዔያቶ ማዔሢሮ፦ «ጫኣቁሞ ሳኣፂኖ ኬዳኒ ኮይሳሢ ሌዊ ዓሶም ሌሊኬ» ጌዔኔ። \x - \xo 15፡2 \xo*\xt ላሚ. ዎማ 10፡8።\xt*\x* 
\v 3 ዬያሮ ዳውቴ ፆኦሲኮ ጫኣቁሞ ሳኣፂኖ ጊኢጊሾና ቤዞ ዔኪ ዓኣዻኒ ዒስራዔኤሌ ዴሮ ቢያ ዬሩሳላሜይዳ ቡኩሴኔ፤ 
\v 4 ሄሊሳዖ ዓኣሮኔ ዜርፆና ሌዊ ዓሶና ቡኩሴኔ፤ 
\v 5 ዒማና ሌዊ ዓሢ ቄዓቴ ቶኦካፓ ዑሪዔኤሌ ጎዖሢ ዒዛኮ ዒጊኒ ማዔያ ፔቴ ፄኤታና ላማታሚ ዓሲኮ ሱኡጌ ማዒ ሙኬኔ። 
\v 6 ሜራሪ ቶኦካፓ ዓሳያ ጎዖሢ ዒዛኮ ዒጊኖ ማዔያ ላምዖ ፄኤታና ላማታሚ ዓሲኮ ሱኡጌ ማዒ ሙኬኔ። 
\v 7 ጌርሾኔ ቶኦካፓ ዒዩዔኤሌ ጎዖሢ ዒዛኮ ዒጊኖ ማዔያ ፔቴ ፄኤታና ሃይሢታሚና ዓሲኮ ሱኡጌ ማዒ ሙኬኔ፤ 
\v 8 ዔሊፃፓኔ ቶኦካፓ ሼማዒያ ጎዖሢ ዒዛኮ ዒጊኖ ማዔያ ላምዖ ፄኤታ ዓሲኮ ሱኡጌ ማዒ ሙኬኔ፤ 
\v 9 ኬብሮኦኔ ቶኦካፓ ዔሊዔኤሌ ጎዖሢ ዒዛኮ ዒጊኖ ማዔያ ሳሊታሚ ዓሲኮ ሱኡጌ ማዒ ሙኬኔ፤ 
\v 10 ዑዚዔኤሌ ቶኦካፓ ዓምናኣዳኣቤ ጎዖሢ ዒዛኮ ዒጊኖ ማዔያ ፔቴ ፄኤታና ታጶ ላምዖ ዓሲኮ ሱኡጌ ማዒ ሙኬኔ።
\p
\v 11 ዬካፓ ዳውቴ ቄኤሶ፥ ሳዶቄንታ ዓቢያታሬንታ፤ ዬያጉዲ ሃሣ ዑሪዔኤሌ፥ ዓሳያ፥ ዮዔኤሌ፥ ሼማዒያ፥ ዔሊዔኤሌና ዓምናኣዳኣቤና ዎሊ ዑፃ ላሆ ሌዊ ዓሲ ዔኤላዖ፦ 
\v 12 ዔያቶም ሂዚ ጌዔኔ፤ «ዒንሢ ሌዊ ዓሶ ቶኦኮኮ ሱኡጎኬ፤ ዬያሮ ናንጊና ናንጋ ጎዳ ማዔ ዒስራዔኤሌ ፆኦዛሢኮ ጫኣቁሞ ሳኣፂኖ ታ ጊኢጊሼ ቤዞ ኬዲ ዔኪ ሙካኒ ዒንሢንታ ዒንሢኮ ዒጊኖ ማዔ ሌዊ ዓሶንታ ቢያ ፆኦሲም ዱማሱዋቴ፤ 
\v 13 ሃያኮ ቤርታ ዒንሢ ሙኪ ፆኦሲኮ ጫኣቁሞ ሳኣፂኖ ኬዲባኣሢሮ፥ ሃሣ ጌይንቴ ዳምቦ ጎይፆ ኑ ዒዛም ማዺባኣሢሮ ናንጊና ናንጋ ጎዳ ማዔ ኑ ፆኦዛሢ ዻጋዺ ሜቶ ኑ ጊዳ ዓጌኔ» ጌዔኔ።
\p
\v 14 ዬያሮ ቄኤሶንታ ሌዊ ዓሶንታ ናንጊና ናንጋ ጎዳ ማዔ ዒስራዔኤሌ ፆኦዛሢኮ ጫኣቁሞ ሳኣፂኖ ኬዲ ዔካኒ ፔና ፆኦሲም ዱማሴኔ፤ 
\v 15 ናንጊና ናንጋ ጎዳ ሙሴ ዛሎና ዒንጌ ዓይሢፆጉዲ ሌዊ ዓሳ ፆኦሲኮ ጫኣቁሞ ሳኣፂኖ ፔኤኮ ጌኤታ ዛጳሢ ሚፆና ኬዲ ዴንዴኔ። \x - \xo 15፡15 \xo*\xt ኬሲ. ማፃ 25፡14።\xt*\x*
\p
\v 16 ዳውቴ ዒማና፦ «ሚርጌ ሻዦ ዴንሢ ዋርቆ ጎኦሎንታ ፔቴ ሻሺና ዋርቂንታ ጎኦሎንታ ዑኡቱቡሎዋ ዔኪ ፆኦሲ ቦንቾም ማዓ ዓይኑሞ ዓይናዻንዳጉዲ ዒንሢኮ ዒጊኖ ማዔ ሌዊ ዓሶፓ ዶኦሩዋቴ» ጌዒ ሌዊ ዓሶ ሱኡጎም ኬኤዜኔ፤ 
\v 17-21 ፆኦሲ ቦንቾም ዓይኑሞ ዓይናዻ ዓሶ ቶኦካፓ ዑኡቱቡላሢ ዎቻንዳጉዲ ዒዮዔኤሌ ናኣዚ ሄማኔ፥ ዒዛኮ ዒጊኒ ማዔ ቤራኪያ ናኣዚ ዓሳኣፔ፤ ዬያጉዲ ሃሣ ሜራሪ ቶኦካፓ ቁሳያ ናኣዚ፥ ዔታኔ ዶኦሪንቴኔ፤ ዑኡዞ ዼጊዲ ዋርቂንታ ሚርጌ ሻዦና ዴንሢንታ ጎኦሎ ዋርቂ ዔያቶ ማኣዳያ ማዓንዳጉዲ፦ ዛካሪያሴ፥ ያዕዚዔኤሌ፥ ሼሚራሞቴ፥ ዪሂዔኤሌ፥ ዑኒ፥ ዔሊዓቤ፥ ማዕሴያንታ ቤናያንታ ዶኦሪንቴኔ።
\p ሃሣ ዑኡዞ ሂርኪዲ ዋርቆ ሚርጌ ሻዦና ዴንሢንታ ጎኦሎ ዋርቃንዳጉዲ፦ ማቲትያ፥ ዔሊፔሌ፥ ሚቅኔያ፥ ዓዛዝያንታ፤ ዬያጉዲ ጌኤዦ ማኣሮ ካፓ ዓሶ ባኣካፓ ዖቤድዔዶኦሜንታ ዪዒዔኤሌንታ ዶኦሪንቴኔ።
\p
\v 22 ኬናኒያ ጎዖሢ ዓይኑሞሮ ዋርቆ ዓንጋሞ ዋርቂ ዔራያታሢሮ ሌዊ ዓሶ፥ ዓይኑሞ ዓይናዻ ዓሶኮ ሱኡጌ ማዒ ዶኦሪንቴኔ፤ 
\v 23-24 ሃሣ ቤራኪያ፥ ዔልቃና፥ ዖቤድዔዶኦሜንታ ዩሂያንታ ፆኦሲኮ ጫኣቁሞ ሳኣፂኖ ካፓ ዓሶ ማዒ ዶኦሪንቴኔ፤ ዒዮሳፒፄ፥ ናትናዔኤሌ፥ ዓማሳዬ፥ ዛካሪያሴ፥ ቤናያ፥ ዔሊዔዜሬንታ ቄኤሳሢ ሼባኒያንታ ፆኦሲኮ ጫኣቁሞ ሳኣፂኖኮ ቤርታ ቤርታ ዓኣዺ ማልኮ ዋርቃንዳጉዲ ዶኦሪንቴኔ።
\s1 ፆኦሲኮ ጫኣቁሞ ሳኣፂኖ ዬሩሳላሜ ዔኪ ዴንዶናሢ
\r (2ሳሙ. 6፡12-22)
\p
\v 25 ዬካፓ ካኣቲ ዳውቴንታ ዒስራዔኤሌ ዓሶኮ ሱኡጎንታ ዖሎ ዖላ ዓሶ ዓይሣዞንሢንታ ፆኦሲኮ ጫኣቁሞ ሳኣፂኖ ዖቤድዔዶኦሜ ማኣራፓ ዔካኒ ዎዛና ዴንዴኔ፤ 
\v 26 ፆኦሲኮ ጫኣቁሞ ሳኣፂኖ ኬዳ ሌዊ ዓሶ ፆኦሲ ማኣዴሢሮ ላንካይ ዚያ ጌማይና ላንካይ ማራናይና ሹኪ ዒንጎ ባኣዚ ማሂ ፆኦሲም ዔያታ ሺኢሼኔ፤ 
\v 27 ዳውቴ ዒማና ሚዛጶ ሻኣዦ ዓፒሎና ኮሺንቴ ዔፑዶ ማይንቴኔ፤ ዬያጉዲ ሃሣ ዓይኑሞ ዓይናዻ ዓሳ ቢያ ዔያቶኮ ሱኡጋሢ ኬናኒያንታ ፆኦሲኮ ጫኣቁሞ ሳኣፂኖ ኬዴ ሌዊ ዓሳኣ ሚዛጶ ሻኣዦ ዓፒሎ ማይንቲ ዓኣኔ። 
\v 28 ዬያጉዲ ዒስራዔኤሌ ዴራ ቢያ ዛዬንታ ፖሮዚንታ ዋርቂ ዋርቂ፥ ዑኡቱቡሎዋ ዎቺ ዎቺ ፔቴ ሻዦና ዋርቆ ጎኦሎንታ ዺቦ ሻዦ ዴንሢ ዋርቆ ጎኦሎዋ ዋርቂ ዋርቂ ናንጊና ናንጋ ጎዳኮ ጫኣቁሞ ሳኣፂኖ ሶራይቲ ዒላሺሢና ዔኪ ዬሩሳላሜ ሙኬኔ።
\p
\v 29 ዒማና ዓሳ ጫኣቁሞ ሳኣፂኖ ዳውቴ ካታሞ ዔኪ ጌሊፆይዳ ዓኣንቴ ሳኣዖኦሌኮ ናኣ፥ ሜልኮኦላ ካኣቲ ዳውቴ ዒናፓ ባይዲ ባይዲ ጱላሢ ኬኤፆኮ ፑልቶ ካሮና ዛጋዖ ዒዛ ፓሴኔ።
\c 16
\p
\v 1 ዔያታ ዒማና ጫኣቁሞ ሳኣፂኖ ዳውቴ ጊኢጊሼ፥ ዓፒሎና ማዢንቴ ማኣራ ጌሤኔ፤ ዬካፓ ሚቺ ዒንጎ ዒንጊፆንታ ፔቱሞና ዒንጎ ዒንጊፆዋ ዔያታ ፆኦሲም ሺኢሼኔ፤ 
\v 2 ዳውቴ ዬያ ባኮ ዒንጌስካፓ ናንጊና ናንጋ ጎዳ ሱንፆና ዴሮ ዓንጄኔ፤ 
\v 3 ዬካፓ ዒስራዔኤሌ ዓሶኮ ዓቲንቆንታ ላኣሎንታም፥ ፔቴ ፔቴ ዓሶም ቢያ ፔቴ ፔቴ ሙሊሢ ላኣዳ ቲቂሢ ዓሽኪንታ ዎይኔ ዺንቆናያይዳፓኣ ዻካ ዒንጌኔ።
\p
\v 4 ፆኦሲኮ ጫኣቁሞ ሳኣፂኖኮ ቤርታ ማዒ ማዻንዳጉዲና ናንጊና ናንጋ ጎዳ ማዔ ዒስራዔኤሌ ፆኦዛሢም ጋላታንታ ሄርሺሢንታ ቦንቾዋ ዒንጊ ዒንጊ ፆኦዛሢ ካኣሽኮ ካኣዦ ዳምቦ ማዺሻንዳጉዲ ሌዊ ዓሶይዳፓ ዳውቴ ዶኦሬኔ። 
\v 5 ዒማና ዓሳኣፔ ሱኡጋሢኬ፤ ዛካሪያሴ ዒዛኮ ዴማ ማኣዲ ማዻሢ ማዒ ዶኦሪንቴኔ፤ ዬካፓ ዪዒዔኤሌ፥ ሼሚራሞቴ፥ ዪሂዔኤሌ፥ ማቲትያ፥ ዔሊዓቤ፥ ቤናያ፥ ዖቤድዔዶኦሜንታ ዪዒዔኤሌንታ ጎኦሎ ዋርቃንዳጉዲ፤ ዓሳኣፔ ሃሣ ዑኡቱቡላሢ ዎቻንዳጉዲ ጌይንቴኔ፤ 
\v 6 ቤናያና ያሃዚዔኤሌና ጌይንታ ላምዖ ቄኤሶንሢ ጫኣቁሞ ሳኣፂኖኮ ቢያ ዎዴ ቤርቶ ዛሎና ዛዬ ዋርቃንዳጉዲ ጌይንቴኔ፤ 
\v 7 ዓሳኣፔንታ ሃንጎ ዒዛኮ ዒጊኖ ሌዊ ዓሶንታ ናንጊና ናንጋ ጎዳም ማዓ ጋላታ ዓይኑሞ ሺኢሻንዳጉዲ ዳውቴ ሱኡጌ ማሂ ዔያቶ ዶኦሬሢ ዒማናኬ።
\s1 ዳውቴኮ ፆኦሲ ጋላቶ ዓይኑሞ
\r (ዓይኑ. 105፡1-15፤ 96፡1-13፤ 106፡1፤47-48)
\q
\v 8 ናንጊና ናንጋ ጎዳ ጋላቱዋቴ፤
\q2 ዒዛ ሱንፆ ዔኤሊ ሺኢቁዋቴ፤
\q2 ዒ ማዼ ባኮ ዴሮ ቢያሢም ኬኤዙዋቴ።
\q
\v 9 ናንጊና ናንጋ ጎዳም ጋላታ ዓይኑሞ ዓይናዹዋቴ፤
\q2 ዒ ማዼ ዲቃሢ ሄርሺሳ ማዾ ቢያ ኬኤዙዋቴ፤
\q
\v 10 ዒዛኮ ዱማዼ ሱንፆና ዎዛዹዋቴ!
\q2 ናንጊና ናንጋ ጎዳ ኮዓዞንሢ ቢያ ዎዛዾንጎ!
\q
\v 11 ዒዛኮ ማኣዳሢ ዴንቃኒ
\q2 ናንጊና ናንጋ ጎዳ ኮዑዋቴ፤
\q2 ቢያ ዎዴ ዒዛም ዚጊ ካኣሽኩዋቴ፤
\q
\v 12-13 ዒዛም ማዻያ ማዔ፥ ዒስራዔኤሌ ናኣቶንሢዮ!
\q2 ፆኦሲ ዶኦሬያ ማዔ ያይቆኦቤ ናኣቶንሦ!
\q2 ፆኦሲ ማዼ ዲቃሢ ሄርሺሳ ባኮ
\q2 ዒዚ ዎጌ ዎጊፆንታ
\q2 ዒ ፔ ዎልቆና ማዼ ማዾ ጶቂሡዋቴ።
\q
\v 14 ናንጊና ናንጋ ጎዳ ኑኡኮ ፆኦዛሢኬ፤
\q2 ዒዚ ዓጮ ቢያይዳ ፒዜ ዎጌ ዎጋኔ።
\q
\v 15 ዒዛኮ ጫኣቁሞ ዋሊፖቴ፤
\q2 ዒ ዓይሤ ባኮ ዴንዲ ሺያ ሾይንቲ ሄላንዳኣና
\q2 ፆኦሲ ኬኤዜ ሃጊ ማዓንዳ ዎዞ ቃኣሎ ናንጊና ዶዲሺ ካፓኔ።
\q
\v 16 ዒ ዓብራሃሜና ዎላ ጫኣቄ ጫኣቁሞ ካፓኔ፤
\q2 ዪሳኣቄም ኬኤዜ ሃጊ ማዓንዳ ዎዞ ቃኣሎዋ ዶዲሻኔ፤ \x - \xo 16፡16 \xo*\xt ማዢ. ማፃ 12፡7፤ 26፡3።\xt*\x*
\q
\v 17 ያይቆኦቤም ዳምቤ ማሂ ዶዲሼኔ፤
\q2 ዒስራዔኤሌማኣ ጋፒንሢባኣ ጫኣቁሞ ጫኣቄኔ።
\q2
\v 18 ዬይ ጫኣቁማ፦
\q2 «ካኣናኔ ዓጮ ታ ኔኤም ዒንጋንዳኔ፤
\q2 ኔኤም ዒንጊንቴ ቤሲ ማዓንዳኔ» ጋዓያኬ። \x - \xo 16፡18 \xo*\xt ማዢ. ማፃ 18፡13።\xt*\x*
\b
\q
\v 19 ያዺ ጌይንቴሢ ፆኦሲኮ ዓሳ ፓይዶና ዻካ ዓኣንቴ
\q2 ካኣናኔ ዓጮይዳ ዔያታ ሾኦቺ ማዒ ዓኣንቴኬ።
\q
\v 20 ፔቴ ዴሮ ኮራፓ ሜሌ ዴሮ ባንሢ
\q2 ፔቴ ዓጮይዳፓ ሜሌ ዓጪ ባንሢ
\q2 ሃንቲ ሃንቲ ዔያታ ሜታዼኔ።
\q
\v 21 ፆኦሲ ጋዓንቴ ዖኦኒያ ዔያቶ ሄርቂ ዎይሦም ጌይባኣሴ፤
\q2 ዔያቶሮ ጌይ ካኣቶ ጎሬኔ።
\q
\v 22 «ታ ዶኦሚ ቲሽኬዞንሢ ካኣሚፖቴ፤
\q2 ታ ማሊፆ ኬኤዛዞንሢዳ ፑርታ ማዺፖቴ» ጌይ ዔያቶም ላቴኔ። \x - \xo 16፡22 \xo*\xt ማዢ. ማፃ 20፡3-7።\xt*\x*
\b
\q
\v 23 ሳዖይዳ ናንጋ ዴራ ቢያ ናንጊና ናንጋ ጎዳ ጋላቱዋቴ!
\q2 ዓውሲፆ ዒዛኮ ኬላ ኬላ ኬኤዙዋቴ፤
\q
\v 24 ካኣቶም ቢያ ዒዛኮ ቦንቾ ዔርዙዋቴ፤
\q2 ሜሌ ዴሮም ቢያ ዒዛኮ ዼኤፖ ማዾ ኬኤዙዋቴ።
\b
\q
\v 25 ናንጊና ናንጋ ጎዳ ዼኤፒኬ፤
\q2 ፑኡፒ ጋላታ ዒዛም ኮይሳኔ፤
\q2 ሜሌ ካኣሽኮ ፆኦዛፓ ቢያ ባሼ ዒጊጪንታንዳያ ኮይሳኔ፤
\q
\v 26 ሃንጎ ዴራ ዚጊ ካኣሽካሢ ሜሌ ፆኦዞኬ፤
\q2 ናንጊና ናንጋ ጎዳ ጋዓንቴ ጫሪንጮ ማዤ ፆኦሲኬ።
\q
\v 27 ዒዛኮ ኮይሎይዳ ዓኣ ባካ ቦንቾና ዼኤፑሞናኬ፤
\q2 ዒዛም ዱማዼ ማኣሮዋ ዎልቄና፥ ሃሣ ዎዛና ዒ ኩንሤኔ።
\b
\q
\v 28 ዒንሢ ሳዖይዳ ናንጋ ዴራ ቢያ!
\q2 ዒዛኮ ቦንቾንታ ዎልቆንታሮ ናንጊና ናንጋ ጎዳ ጋላቱዋቴ።
\q
\v 29 ዒዛ ሱንፆም ኮይሳ ቦንቾ ሺኢሹዋቴ፤
\q2 ዒዛኮ ጌኤዦ ማኣሮ ዒንጎ ባኣዚ ዔኪ ዬዑዋቴ፤
\q2 ዱማዼያ ማዔ ፆኦዛሢ ፔጋዺ ጴዻኣና ዒዛም ዚጊ ካኣሽኩዋቴ።
\q
\v 30 ሳዖ ዴራ ቢያ ዒዛ ቤርታ ጎጋይቁዋቴ!
\q2 ሳዓ ዶዲሺ ማዢንቴሢሮ ዓጊፂንዱዋሴ።
\q
\v 31 ሳዖንታ ጫሪንጮንታ ዎዛዹዋቴ!
\q2 ሜሌ ዴሮም ቢያ ናንጊና ናንጋ ጎዳ ካኣቲታሢ ዔርዙዋቴ።
\q
\v 32 ባዞንታ ዒኢካ ዓኣ ባካ ቢያ ዒላሹዋቴ!
\q2 ጎዦንታ ዬያይዳ ዓኣ ባካ ቢያ ዎዛዹዋቴ!
\q
\v 33 ናንጊና ናንጋ ጎዳ ሳዖይዳ ዎጋኒ ሙካንዳሢሮ
\q2 ዴኤሎይዳ ዓኣ ሚፃ ዒዛም ዒላሾንጎ!
\b
\q
\v 34 ዒዚ ኮሺታሢሮ ናሹማ ዒዛኮ ናንጊና ባይቁዋኣሢሮ
\q2 ናንጊና ናንጋ ጎዳ ጋላቱዋቴ! \x - \xo 16፡34 \xo*\xt 2ፆኦሲ. ዓሃኬ 5፡13፤ 7፡3፤ ዒዝ. 3፡11፤ ዓይኑ. 100፡5፤ 106፡1፤ 107፡1፤ 118፡1፤ 136፡1፤ ዔር. 33፡11።\xt*\x*
\q
\v 35 ናንጊና ናንጋ ጎዳ፦
\q2 «ኑና ዓውሳ ፆኦዛሢዮ!
\q2 ሜሌ ዴሮ ባኣካፓ ማሂ ዔኪ ኑ ዓጮ ኑና ጌልዜ፤
\q ያኣዼ ማዔም ኔና ኑ ጋላታንዳጉዲ፥
\q2 ኔኤኮ ዱማዼ ሱንፆ ኑ ቦንቻንዳጉዲ
\q2 ሃዳራ ኑና ዓውሴ!» ጎዑዋቴ።
\q
\v 36 ናንጊና ናንጋ ጎዳ ማዔ ዒስራዔኤሌ ፆኦዛሢ
\q2 ናንጊና ጋላቲንቴያ ማዖም!
\q ዴራ ዒማና «ዓኣሜን» ጌዔኔ፤ ናንጊና ናንጋ ጎዳኣ ጋላቴኔ።
\s1 ዬሩሳላሜና ጌባዖኦኔናይዳ ካኣሽኪንቴ ካኣዦ
\p
\v 37 ካኣቲ፥ ዳውቴ ዓሳኣፔና ዒዛኮ ዒጊኖ ማዔ ሌዊ ዓሶ ናንጊና ናንጋ ጎዳኮ ጫኣቁሞ ሳኣፂና ዓኣ ቤዛ ካኣሽኪንታ ካኣዦ ዳምቦ ኩንሢሲ ኩንሢሲ ናንጋንዳጉዲ ሱኡጌ ማሂ ጌሤኔ፤ ዬያሮ ዔያታ ዬያ ማዾ ቢያ ኬሊ ማዻኔ፤ 
\v 38 ዔያቶ ማኣዳንዳጉዲ ዪዱቱ ናኣዚ ዖቤድዔዶኦሜና ዒዛ ቶኦኪ ማዔያ ሜሌ ላሂታሚ ሳሊ ዓሲያ ዓይሢንቴኔ፤ ዒማና ዪዱቱ ናኣዚ፥ ዖቤድዔዶኦሜና ሆላና ጌሎ ካሮ ካፒሳ ሱኡጎ ማዔኔ።
\p
\v 39 ቄኤሳሢ፥ ሳዶቄና ዒዛ ዒጊኖ ማዔ ሜሌ ቄኤሳ ጌባዖኦኔይዳ ዓኣ፥ ዓፒሎና ማዢንቴ ፆኦሲ ካኣሽኪንታ ማኣሮይዳ ካኣዦ ካኣሽኪሳ ሱኡጌ ማሂ ዳውቴ ዔያቶ ዶኦሬኔ። 
\v 40 ዬያ ዒ ማዼሢ ናንጊና ናንጋ ጎዳ ዒስራዔኤሌ ዓሶም ዓይሤ ዎጎ ጎይፆና ቢያ ኬሊ ጉቴና ዋንቴና ሚቺ ዒንጎ ዒንጊፆ ሚቺ ፆኦሲም ሺኢሻንዳጉዲኬ። 
\v 41 ዒኢካ ዔያቶና ዎላ ሄማኔንታ ዪዱቱንታ፤ ዬያጉዲ ሃሣ ፆኦሲኮ ናንጊና ናንጋ ናሹሞ ማሊ ማሊ ቢያ ኬሊ ጋላታ ዓይኑሞ ዓይናዻንዳጉዲ ዶኦሪንቴ ሜሌ ዓሲያ ዓኣኔ፤ 
\v 42 ሄማኔና ዪዱቱና ሹሉንጋ፥ ዑኡቱቡላሢ፤ ዬያጉዲ ጋላቶ ዓይኑሞ ዓይናዾዋኣና ዋርቆ ዓንጋሞ ሱኡጌ ማዒ ዓርቃያ ማዔኔ፤ ዪዱቱ ቶኦኪ ማዔ ዓሳ ጌሎ ካሮ ካፓ ዓሶኮ ሱኡጌ ማዔኔ።
\p
\v 43 ዬካፓ ዓሳ ቢያ ፔ ማኣሪ ማኣሪ ዴንዴኔ፤ ዳውቴያ ፔ ማኣሮ ዓሶ ዓንጃኒ ፔ ማኣሪ ዴንዴኔ። \x - \xo 16፡43 \xo*\xt 2ሳሙ. 6፡19-20።\xt*\x*
\c 17
\s1 ናኣታኣኔ ዳውቴም ኬኤዜ ባኮ
\r (2ሳሙ. 7፡1-17)
\p
\v 1 ካኣቲ ዳውቴ ካኣቱሞ ማኣሮይዳ ዓኣዖ ፔቴ ኬሊ ፆኦሲ ማሊፆ ኬኤዛ፥ ናኣታኣኔ ዔኤሊሲ፦ «ታኣኒ ሃሢ ዚቢቂና ማዦና ማኣሪዳ ናንጋኔ፤ ናንጊና ናንጋ ጎዳኮ ጫኣቁሞ ሳኣፂና ጋዓንቴ ዓፒሎና ማዢንቴ ማኣሮይዳ ጌሢንቴንቴሞ!» ጌዔኔ።
\p
\v 2 ዬያሮ ናኣታኣኔ፦ «ፆኦሲ ኔኤና ዎላታሢሮ ኔ ዒኖና ኔኤኒ ማሌ ባኮ ቢያ ማማዼ» ጌዔኔ።
\p
\v 3 ጋዓንቴ ዬኖ ዋንቴሎ ፆኦሲ ናኣታኣኔም፦ 
\v 4 «ታ ዓይላሢ፥ ዳውቴ ኮይላ ዓኣዺጋፓ ሂዚ ጌዔ፤ ‹ታኣኒ ናንጋንዳ ጌኤዦ ማኣሮ ታኣም ማዣንዳሢ ኔናቱዋሴ፤ 
\v 5 ዒስራዔኤሌ ዴሮ ጊብፄ ዓጮ ዓይላታፓ ታኣኒ ኬሴስካፓ ሃኖ ሄላንዳኣና ታኣኒ ማኣሪዳ ናንጊ ቤቂባኣሴ፤ ቢያ ዎዴ ታኣኒ ዓፒላና ማዦና ማኣሪዳ ማዒ ፔቴ ቤዛፓ ሜሌ ቤሲ ሃንቲ ሃንቲ ናንጌኔ፤ 
\v 6 ዒስራዔኤሌ ዴሮና ታ ሃንቴ ዎዶ ቢያይዳ ታኣኒ ዶኦሬ፥ ሱኡጎ ባኣካፓ ፔቴ ዓሲታዖ ዚቢቂና ጌኤሺ ማኣሪ ታኣም ማዦም ጌዒ ታ ዓይሢባኣሴ›
\p
\v 7 «ዬያሮ ሃሢ ታኣኒ፥ ቢያ ባኮ ዎይሣ ጎዳ ታ ዓይላሢ ዳውቴም ጋዓ ባኮ ሂዚ ጌዒ ኬኤዜ፦ ‹ኔኤኒ ማራይ ሄንቃንቴ ታ ኔና ዔኪ ታ ዴሮ ዒስራዔኤሌኮ ሱኡጌ ማሂ ጌሤኔ፤ 
\v 8 ኔ ዓኣዼ ቤዞ ቢያይዳ ታ ኔኤና ዎላ ዓኣያ ማዔኔ፤ ኔኤኮ ቤርታፓ ሞርኮ ቢያ ታኣኒ ኔኤም ዖሊ ባሼኔ፤ ሃሢያ ዓጮይዳ ዓኣ ዼኤፖ ዼኤፖ ካኣታፓ ቢያ ባሼ ዔርቴ ካኣቲ ታ ኔና ማሃንዳኔ። 
\v 9-10 ታ ዴሮ፥ ዒስራዔኤሌም ዔያታ ናንጋንዳ ቤሲ ታ ዒንጋንዳኔ፤ ዒኢካ ዔያታ ጌላዖ ኮሺ ናንጋንዳጉዲ ታ ማሃንዳኔ፤ ፑርቶ ማዻ ዓሳ ቤርታኣሲጉዲ ማይ ዔያቶ ፔቴታዖ ሜታሳዓኬ፤ ሃያኮ ቤርታ ታ ዔያቶ ዑፃ ሱኡጌ ዶኦሬ ዎዶና ዔያታ ሜታዼ ሜቶጉዴያ ላምዓንሦ ዔያቶ ሄላዓኬ፤ ኔ ሞርካ ቢያ ኔኤም ዎርቃንዳጉዲ ታ ማሃንዳኔ። 
\v 11 ኔኤኒ ናንጊ ጋርቺ ኔኤኮ ቤርታኣ ዓዶንሢጉዲ ሃይቃዛ፥ ኔ ናኣቶ ባኣካፓ ፔቴ ታኣኒ ካኣታሣንዳኔ፤ ዒዛኮ ካኣቱሞ ታኣኒ ዶዲሻንዳኔ። 
\v 12 ጌኤዦ ማኣሮ ታኣም ማዣንዳሢ ዒዛኬ፤ ዒዛኮ ካኣቱማኣ ናንጊና ዶዲ ዴዓንዳጉዲ ታ ማሃንዳኔ፤ 
\v 13 ታ ዒዛኮ ዓዶ ማዓንዳኔ፤ ዒዚ ታኣኮ ናዖ ማዓንዳኔ፤ ኔኤኒ ሳኣዖኦሌ ቤዛ ካኣታዻንጉዲ ካኣቱማፓ ታኣኒ ሳኣዖኦሌ ኬይሳዖ ዒዛይዳ ማዼ ጎይፆ ታኣኮ ማኣሪፆ ኔ ናኣዚፓ ሺኢሺ፥ ታ ዒዛ ሃሻዓኬ። \x - \xo 17፡13 \xo*\xt 2ቆሮ. 6፡18፤ ዔብ. 1፡5።\xt*\x* 
\v 14 ታ ዴሮና ታ ካኣቱሞናይዳ ናንጊና ታ ዒዛ ዶኦራንዳኔ፤ ዒዛ ካኣቱማ ጋፑዋ ካኣታቶ ማዓንዳኔ› » ጌዔኔ።
\p
\v 15 ፆኦሲ ዒዛም ፔጋሲ ዻዌ ባኮ ቢያ ዬያይዲ ናኣታኣኔ ዳውቴም ኬኤዜኔ።
\s1 ዳውቴ ናንጊና ናንጋ ጎዳ ጋላቲ ሺኢቄ ሺኢጲፆ
\r (2ሳሙ. 7፡18-29)
\p
\v 16 ዬካፓ ካኣቲ፥ ዳውቴ ዓፒሎና ማዢንቴ ናንጊና ናንጋ ጎዳ ዴሮና ካኣማ ማኣሮ ዴንዴኔ፤ ዒኢካ ዒ ዴዓዖ፦ «ናንጊና ናንጋ ጎዳ ማዔ ፆኦዛሢዮ! ታኣኒ ሃያ ቢያ ኔ ታኣም ማዻኒ ኮይሳ ዓሲቱዋሴ፤ ታ ማኣሮ ዓሳ ዓይጎ ዓሲዳይ? 
\v 17 ናንጊና ናንጋ ጎዳ ማዔ ፆኦዛሢዮ! ኔ ታኣም ሃሢ ዑሣ ዓኣዼ ባኣዚ ማዺ ማዺኬ፤ ሙካ ዎዶይዳ ኬስካንዳ ታ ዜርፆም ቢያ ማዓንዳ ዎዛ ቃኣላ ታኣም ኔ ኬኤዜኔ፤ ሃሣ ታና ኔ ዼኤፒ ዓሲ ማሄኔ። 
\v 18 ዓካሪ ታ ኔኤም ሃያፓ ዑሣ ዓይጎ ባኣዚ ኬኤዛኒ ዳንዳዓይ? ኔኤኒ ታና ዔዔራኔ፤ ያዺ ማዔቴያ ኔ ታና ቦንቺሴኔ፤ 
\v 19 ዬያ ኔ ታኣም ማዻኒ፤ ሃሣ ሃካፓ ሴካ ኔኤኒ ታና ዼኤፒ ዓሲ ማሃንዳሢ ዔርዛኒ ኔኤኮ ኮሺ ማሊሢ ማዔኔ፤ 
\v 20 ናንጊና ናንጋ ጎዳሢዮ! ኔጉዴይ ዖኦኒያ ፔቴታዖ ባኣሴ፤ ኑ ዋይዜ ጎይፆና ኔጊዳፓ ዓቴም ሜሌ ፆኦሲ ባኣሴ። 
\v 21 ኔ ዓሲ ኔ ዔያቶ ማሃኒ ዓይሉማፓ ኔ ዔያቶ ኬሴ፥ ዒስራዔኤሌ ዴሮጉዴ ዴሬ ፔቴታዖ ባኣሴ፤ ኔኤኮ ዴሮ ጊብፄፓ ኬሳኒ ኔ ዔያቶ ዓውሲ፤ ሃሣ ዼኤፒ ዼኤፒ ማዾ ማዼሢሮ ኔኤኮ ሱንፃ ዓጮ ቢያይዳ ዋይዚንቴኔ። 
\v 22 ዒስራዔኤሌ ዴሮ ናንጊና ኔ ዴሬ ኔ ማሄኔ፤ ናንጊና ናንጋ ጎዳሢዮ! ኔኤኒ ዔያቶኮ ፆኦዛሢ ማዔኔ።»
\p
\v 23 «ሃሢያ ናንጊና ናንጋ ጎዳ ማዔ ፆኦዛሢዮ! ታናንታ ታ ዜርፆንታም ኔ ኬኤዜ ዎዞ ቃኣሎ ቢያ ማዺ ኩንሤ፤ ‹ታ ማዻንዳኔ› ኔኤኒ ጌዔ ባኮ ቢያ ማዼ፤ 
\v 24 ዬያ ኔ ማዻንዳሢ ሱንፃ ኔኤኮ ዶዲ ናንጋንዳጉዲና ናንጊና ዼኤፒ ማዒ ናንጋንዳጉዲኬ፤ ዬካፓ ዴራ፦ ቢያ ባኮ ማዤ ጎዳሢ ዒስራዔኤሌ ዓሶኮ ፆኦሲኬ! ጋዓንዳኔ፤ ኔ ዓይላሢ ዳውቴኮ ካኣቱማኣ ኔ ቤርታ ዶዲ ናንጋያ ማዓንዳኔ።»
\p
\v 25 «ታ ፆኦዛሢዮ! ኔ ዓይላሢ፥ ታኣም ኔኤኒ ሃያ ቢያ ፔጋሴሢሮና ዜርፆዋ ታኣኮ ኔ ካኣታሣኒ ኬኤዜሢሮ ታኣኒ ኔና ጫርቂ ሺኢቃኒ ዳንዳዔኔ። 
\v 26 ናንጊና ናንጋ ጎዳሢዮ! ኔኤኒ ጎኔ ፆኦሲኬ፤ ሃያ ዲቃሢ ሄርሺሳ ዎዞ ቃኣሎ ኔ ታኣም ጉሙርሲ ኬኤዜኔ፤ 
\v 27 ቢያ ዎዴ ኔ ቤርታ ዓኣያ ማዒ ናንጋንዳጉዲ፥ ኔ ዓይላሢ ማኣሮ ኔ ዓንጃንዳጉዲ ታ ሺኢቃኔ፤ ናንጊና ናንጋ ጎዳሢዮ! ኔኤኒ ኔ ዴሮ ዓንጄሢሮ ዔያታ ናንጊና ዓንጂንቴያ ማዓንዳኔ» ጌዔኔ።
\c 18
\s1 ዳውቴ ዖሎና ባሼ ባሺፆ
\r (2ሳሙ. 8፡1-18)
\p
\v 1 ዬካፓ ዻካ ጋዓዖ ካኣቲ፥ ዳውቴ ላሚ ሃሣ ፒሊስፄኤሜ ዓሶ ዖሊ ባሼኔ፤ ዔያቶ ዒ ጊኢሪሼኔ፤ ሃሣ ጋኣቴ ካታሞና ኮይሎይዳ ዓኣ ጉርዶ ፔ ዴማ ማሂ ዔኬኔ፤ 
\v 2 ዬያጉዲ ሞዓኣቤ ዓሶዋ ዖሊ ባሺ ፔኤም ጊኢሪሼኔ።
\p
\v 3 ጊንሣ ሃሣ ካኣቲ፥ ዳውቴ ሶኦሪያ ዓጮይዳ ዓኣ ሃማቴ ዓጮ ኮይላ ናንጋ ፆባ ካኣቲ ሃዳድዔዜሬ ዖሌኔ፤ ዒዚ ዬያይዴሢ ሃዳድዔዜሬ ኬዶ ዛሎና ዔፕራፂሴ ዎሮ ኮይሎ ዓጮ ዔካኒ ዖሌሢሮኬ፤ 
\v 4 ዳውቴ ዒማና ሃዳድዔዜሬፓ ፔቴ ሺያ ሳርጌላ ዖይታ፥ ላንካይ ሺያ ፓሮና ላማታሚ ሺያ ቶኪና ሃንቲ ዖላ ዖልዚ ዓሲ ዲዒ ዔኬኔ፤ ዒዚ፦ ፔቴ ፄኤታ ሳርጌላ ዖይታ ጎቻንዳ ፓሮ ፔኤም ዓይሳዖ ሃንጎ ፓራሢኮ ቃዎንሢ ቲቄኔ።
\p
\v 5 ዴማስቆይዳ ዓኣ ሶኦሪያ ዓሳ ፆባ ካኣቲ፥ ሃዳድዔዜሬ ማኣዳኒ ዖልዚ ዓሲ ዳኬም ዳውቴ ዔያቶዋ ዖሊ ላማታሚ ላምዖ ሺያ ዖልዚ ዓሲ ዎዼኔ፤ 
\v 6 ዬካፓ ዒዚ ዔያቶኮ ዓጮይዳ ዖሎ ዓሳ ዱንኪ ዴዓንዳ ቤሲ ጊኢጊሼኔ፤ ዴራኣ ዒዛም ጊኢራ ጪጊ ዓይሢንቲ ዎርቄኔ፤ ናንጊና ናንጋ ጎዳ ቢያ ቤዞይዳ ዳውቴ ዖሎና ባሻንዳጉዲ ማሄኔ፤ 
\v 7 ዳውቴ ሃዳድዔዜሬኮ ዶንዞ ማዔ ቢታንታ ዓኣ ዓሳ ዔኪ ዓኣ ዎርቆና ኮሺንቴ ጊቲሞ ቢያ ዲዒ ዔኪ ዬሩሳላሜ ዓኣዼኔ፤ 
\v 8 ዬያጉዲ ሃሣ ሃዳድዔዜሬ ዓጫ ዓኣ፥ ፁቢሃቴንታ ኩኔ ካታሞናይዳፓ ሚርጌ ዺቢ ሞኦና ዓንጊ ዔኬኔ፤ ሴሎሞኔ ጊንፃፓ ዬያ ሞኦኖ ዓንጎና ጌኤዦ ማኣሮይዳ ዓኣ ዼኤፖ ዶኦላሢንታ ቱርቱሮ ማሂ ዔቂሶሢንታ ዱማ ዱማ ሞኦኖ ዓንጎና ኮሺንታ ሜሆ ማዢሴኔ። \x - \xo 18፡8 \xo*\xt 1ካኣቶ. ማ 7፡40-47፤ 2ፆኦሲ. ዓሃኬ 4፡11-18።\xt*\x*
\p
\v 9 ዳውቴ ፆባ ካኣቲ፥ ሃዳድዔዜሬኮ ዖሎ ዓሶ ዎዺ ኩርሲ ባሼሢ ሃማቴ ዓጮ ካኣቲ ቶዒ ጎዖሢ ዋይዜኔ፤ 
\v 10 ዬያኮ ቤርታ ቶዒ ሃዳድዔዜሬና ዎላ ሚርጌ ዎዴ ዖልቴሢሮ ፔኤኮ ናኣዚ ዮራሜ ዳውቴ ኮራ ዳኬኔ፤ ዒዚ ዳኬሢ ካኣቲ፥ ዳውቴ ዎዚ ዓኣቴያ ዖኦጫንዳጉዲና ዒዚ ዖሎና ሃዳድዔዜሬ ባሼሢሮ «ማዳ ኔ ዎዛዼኔ!» ጌዒ ኬኤዞምኬ። ዮራሜ ዒማና ዳውቴም ዎርቄና፥ ቢራ ዓንጊና ሃሣ ሞኦኖ ዓንጎና ኮሺንቴ ዱማ ዱማ ሜሄ ዒንጎ ባኣዚ ማሂ ዔኪ ዬዔኔ፤ 
\v 11 ካኣቲ፥ ዳውቴ ዬያ ሜሆ ዔኪ ዒዚ ቤርታ ዔዶኦሜፓ፥ ሞዓኣቤፓ፥ ዓሞኦኔፓ፥ ፒሊስፄኤሜንታ ዓማሌቄ ዴሮንታፓ ዲዒ ዔኬ ዎርቆ ሜሆንታ ቢሮ ዓንጎንታ ሞኦኖ ዓንጎ ሜሆና ዎላ ካኣዣ ካኣሽኪንታንዳ ሜሄ ማዓንዳጉዲ ፆኦሲም ዱማሴኔ።
\p
\v 12 ፄሩያ ናኣዚ፥ ዓቢሻዬ ዔዶኦሜ ዓሶ ሶኦጎ ዶኦጮ ጌይንታ ቤዛ ዖሊ ባሺ ዔያቶ ባኣካፓ ታጶ ሳሊ ሺያ ማዓ ዖልዚ ዓሲ ዎዼኔ፤ \x - \xo 18፡12 \xo*\xt ዓይኑ. 60።\xt*\x* 
\v 13 ዒዚ ዒማና ዔዶኦሜ ዓጮ ጉቤይዳ ዖልዚ ዓሲ ዱንኪ ዴዓንዳ ቤሲ ማዢ ጊኢጊሼኔ፤ ዬኖ ዓጫ ናንጋ ዓሳ ካኣቲ ዳውቴም ጊኢሪ ዎርቃያ ማዔኔ፤ ናንጊና ናንጋ ጎዳ ቢያ ቤዞይዳ ዳውቴ ዖሎና ባሻንዳጉዲ ማሄኔ።
\p
\v 14 ዬያይዲ ዳውቴ ዒስራዔኤሌ ዓጮ ቢያይዳ ካኣታዼኔ፤ ዴራኣ ቢያ ዎዴ ሳዛ ዱማሲሢ ባኣያ፥ ፒዜ ዎጌ ዎጊሢ ዴንቄኔ። 
\v 15 ዓቢሻዬኮ ጌርሲ ዒዮዓቤ ዖሎ ዓሶ ዓይሣሢኬ፤ ዬያጉዲ ሃሣ ዓሂሉዴ ናኣዚ፥ ዒዮሳፒፄ ፃኣፒንቲ ጌሢንታ ባኮ ሱኡጌ ማዒ ዛጋያኬ፤ 
\v 16 ዓሂፁቤ ናኣዚ ሳዶቄና ዓቢያታሬ ናኣዚ ዓቤሜሌኬና ቄኤሶኬ፤ ሱሳ\f + \fr 18፡16 \fr*\fq ሱሳ \fq*\ft ጎዖሢኮ ባጎ ሱንፃ ሴራያ ጌይንታያኬ።\ft*\f* ጎዖሢ ካኣቱሞ ማኣሮይዳ ፃኣፖ ባኮ ፃኣፓያኬ፤ 
\v 17 ዮዳሄ ናኣዚ ቤናያ ዳውቴ ካፓ ፖኦሊሶኮ ሱኡጌኬ፤ ካኣቲ፥ ዳውቴኮ ዓቲንቆ ናኣታ ዓዴ ካኣታዺ ዎይሣኣና ዼኤፒ ዼኤፒ ቢታንቶ ዓኣያ ማዒ ማዼኔ።
\c 19
\s1 ዳውቴ ዓሞኦኔ ዓሶንታ ሶኦሪያ ዓሶንታ ዖሊ ባሼሢ
\r (2ሳሙ. 10፡1-19)
\p
\v 1 ዬካፓ ዓሞኦኔ ካኣቲ፥ ናዖሴ ሃይቄም ዒዛ ቤዛ ዒዛኮ ናኣዚ ሃኑኔ ካኣታዼኔ፤ 
\v 2 ካኣቲ ዳውቴ፦ «ሃኑኔኮ ዓዴ፥ ናዖሴ ታኣም ማዼ ባኮሮ ቢያ ታኣኒያ ዒዛኮ ናኣዚ ሃኑኔም ዒዛና ላጌ ማዒ ማዼሢ ዛሎ ኮሺ ማዺ ማሃንዳኔ» ጌዔኔ፤ ዬያሮ ዳውቴ ዒዛና ዎላ ዖያያ ማዒፆ ዔርዛኒ ኪኢታ ዓሲ ዳኬኔ።
\p ዬይ ኪኢቶ ዓሳ ዒዛ ዶዲሻኒ ዓሞኦኔ ዓጮ ዴንዲ ሄላዛ፥
\p
\v 3 ዓሞኦኔ ዓጮይዳ ቢታንታ ዓኣ ዓሳ ካኣቲም፦ «ዳውቴ ሃንሢ ዓሶ ዳኬሢ ኔ ዓዶ ቦንቺ ኔኤና ዎላ ጎኔ ዖያያ ማዒፆ ዔርዛኒ ማዔያ ኔኤም ማላ? ፔቴታዖ ያዺቱዋሴ! ዒዚ ሃንሢ ኪኢቶ ዓሶ ዳኬሢ ዓጮ ኔኤኮ ዖሊ ዓርቃኒ ሙሙሮምኬ» ጌዔኔ።
\p
\v 4 ዬያሮ ሃኑኔ ዳውቴኮ ኪኢቶ ዓሶ ዓርቂ ቡኡጮ ዔያቶኮ ሜኤዴኔ፤ ኬርናፓ ሊካ ዓኣ ማኣዓሢያ ዔያቶኮ ቲቂ ካላሲ ጊንሣ ማሂ ዓጮ ዳኬኔ፤ 
\v 5 ዬንሢ ዓሳ ፔ ማኣሪ ማዒ ዴንዳኒ ቦርሲንቴኔ፤ ዳውቴ ዬያ ማዺንቴ ባኮ ዋይዛዖ ኪኢታ ዓሲ ዳኪ ዔያታ ዒያርኮይዳ ዴዓንዳጉዲ፤ ሃሣ ቡኡጫ ዔያቶኮ ኬስካንዳያ ሄላንዳኣና ማዒ ሙኩዋጉዲ ኬኤዜኔ።
\p
\v 6 ዓሞኦኔ ዓሳ ፔ ኩቻ ዬያ ማዺ ዳውቴና ዎላ ሞርኬ ማዔሢ ዔሬኔ፤ ዬያሮ ሃይሢታሚ ዖይዶ ሺያ ኪሎ ማዓ ቢራ ዳኪ ሳርጌላ ዖይታና ፓሮና ኬዶ ዛላ ዓኣ ሜሶፖታሚያና ሶኦሪያ ዓጮ ጋራ ዓኣ ማዒካና ፆባናይዳፓ ዔኬኔ፤ 
\v 7 ዬያይዲ ዔያታ ዔኬ፥ ሃይሢታሚ ላምዖ ሺያ ሳርጌላ ዖይታና ካኣቲ፥ ማዒካኮ ዖሎ ዓሶና ሙኪ ሜዳባ ጌይንታ ቤዞ ኮይላ ዱንኪ ዴዔኔ፤ ዓሞኦኔ ዓሳ ፔኤኮ ካታማፓ ካታማፓ ሙኪ ዖልዚሮ ጊኢጊንቴኔ።
\p
\v 8 ዳውቴ ዬያ ዋይዛዖ ፔኤኮ ዖሎ ዓሶ ጉቤሢና ዎላ ዒዮዓቤ ዔያቶ ዖላንዳጉዲ ዓይሤኔ፤ 
\v 9 ዒማና ዓሞኦኔ ዓሳ ሙኪ ዔያቶኮ ዼኤፖ ካታሞ ማዔ ራባ ጌሎ ካራ ቤሲ ቤሲ ዓርቄኔ፤ ሃሣ ዔያቶ ማኣዳኒ ሙኬ ካኣታ ፔጌ ማዔ ቦኦሎይዳ ቤሲ ዓርቄኔ።
\p
\v 10 ሞርኮኮ ዖሎ ዓሳ ቤርቶ ዛሎና ሃሣ ጊንሢና ዔያቶ ዖላኒ ጊኢጌሢ ዒዮዓቤ ዴንቄኔ፤ ዬያሮ ዒስራዔኤሌ ፖኦሊሳፓ ዖሎና ዔርቴያ ዔርቴያ ማዔ ዓሶ ዶኦሪ ሶኦሪያ ዖሎ ዓሶኮ ሆታ ዔቂሴኔ። 
\v 11 ዖሎ ዓሶኮ ዛሎ ጊንሣ ዒዛ ጌርሲ ዓቢሻዬ ዓይሣንዳጉዲ ማሄኔ፤ ዓቢሻዬያኣ ዬኖ ዓሶ ዓሞኦኔ ዓሶኮ ሆታ ዔቂሴኔ።
\p
\v 12 ዬካፓ ዒዮዓቤ ዓቢሻዬም፦ «ሶኦሪያ ዓሳ ዖሎና ታና ባሻኒ ዑኬም ኔ ዴንቄቴ ታና ሙኪ ማኣዴ፤ ታኣኒያ ዓሞኦኔ ዓሳ ኔና ዖሊ ባሻኒ ዑኬቴ ሙኪ ማኣንዳንዳኔ፤ 
\v 13 ዓካሪ ዒጊጪፖ ዶዴ! ኑ ዴሮና ኑ ፆኦሲ ካታሞና ዛሎሮ ዶዲ ኑ ዖልቶም፤ ናንጊና ናንጋ ጎዳ ጌዔሢጉዲ ዬይ ማዖም» ጌዔኔ።
\p
\v 14 ዒዮዓቤና ዒዛኮ ዖሎ ዓሶና ዖሎሮ ቤርቲም ኬስካዛ ሶኦሪያ ዓሳ ጳሽኬኔ፤ 
\v 15 ዓሞኦኔ ዓሳ ሶኦሪያ ዓሳ ጳሽኬሢ ዴንቃዖ ዓቢሻዬ ቤርታፓ ጊንሢም ካታሞ ባንሢ ጳሽኬኔ፤ ዬካፓ ዒዮዓቤ ዬሩሳላሜ ማዒ ዴንዴኔ።
\p
\v 16 ዒስራዔኤሌ ዓሳ ዖሎና ዔያቶ ባሼሢ ሶኦሪያ ዓሳ ዔራዖ ዔፕራፂሴኮ ዓባ ኬስካ ባንፃ ዓኣ ሶኦሪያ ዓጮ ዖሎ ዓሶ ዔኪ ሙኪ ሾባኬ ዓይሢ ዖሊሳንዳጉዲ ማሄኔ፤ ሾባኬ ፆባ ካኣቲ፥ ሃዳድዔዜሬኮ ዖሎ ዓሶ ዓይሣ ሱኡጌኬ፤ 
\v 17 ዳውቴ ዬያ ዋይዛዖ ዒስራዔኤሌኮ ዖሎ ዓሶ ቡኩሲ ዔኪ ዮርዳኖሴ ዎሮና ፒንቃዖ ዖላኒ ቤሲ ዓርቂ ጊኢጊንቴኔ፤ ሶኦሪያ ዓሳኣ ፔ ቤዞ ቤዞ ዓርቂ ዳውቴና ዎላ ዖሎ ዹኡሴኔ። 
\v 18 ዬካፓ ዒስራዔኤሌ ዓሳ ሶኦሪያ ዓሶ ጊንሢም ማሂ ዳውሴኔ፤ ዒማና ዳውቴንታ ዒዛኮ ዖሎ ዓሶንታ ላንካይ ሺያ ሳርጌላ ዖይታ ዒሻ ዓሲና ዖይዲታሚ ሺያ ቶኪና ሃንቲ ዖላ ዓሲ፤ ዬያጉዲ ሃሣ ሾባኬ ጌይንታ ሶኦሪያ ዖሎ ዓሶ ዓይሣሢያ ዎዼኔ። 
\v 19 ካኣቲ፥ ሃዳድዔዜሬ ቢታንቶ ዴማ ዎርቃ ካኣታ ዒስራዔኤሌ ዓሳ ዔያቶ ዖሎና ባሼሢ ዔራዖ ዳውቴና ዎላ ቡኪ ዒዛም ጊኢራያ ማዔኔ፤ ዬማፓ ሶኦሪያ ዓሳ ዓሞኦኔ ዓሶ ማኣዳኒ ኮዒባኣሴ።
\c 20
\s1 ዳውቴ ራባ ካታሞ ዖሎና ባሺ ዓርቄሢ
\r (2ሳሙ. 12፡26-31)
\p
\v 1 ዓኮ ሌዓ ዓርቃንዳሢኮ ቤርታ ሲሎ ዓጊኖይዳ፥ ካኣታ ዖልዚሮ ኬስካ ዎዶና ዒዮዓቤ ዖሎ ዓሶ ዔኪ ዴንዲ ዓሞኦኔ ዓጮ ዖላኒ ራባ ካታሞ ማንጌኔ፤ ዳውቴ ጋዓንቴ ዬሩሳላሜይዳ ዓቴኔ፤ ዒዮዓቤ ዒማና ራባ ካታሞ ዖሊ ባይዜኔ፤ \x - \xo 20፡1 \xo*\xt 2ሳሙ. 11፡1።\xt*\x* 
\v 2 ሚልኮሜ ጌይንታ ዓሞኦኔ ዓሳ ካኣሽካ ፆኦዞኮ ዴኤሡማ ሃይሢታሚ ዖይዶ ኪሎ ማዓያ ቶኦካ ዓጎ ባኣዚ ዓኣኔ፤ ዬያኮ ጋሮይዳ ሚዛጲ፥ ሚርጌ ዋኣጌ ኬሳ ሹቺ ዓኣኔ፤ ዳውቴ ዬኖ ቶኦካ ዓጎ ባኬሎ ዔኪ ፔ ቶኦካ ዓጌኔ፤ ሃሣ ዬያጉዲ ካታሜሎይዳፓኣ ሚርጌ ባኣዚ ዲዒ ዔኬኔ፤ 
\v 3 ዒኢካ ዓኣ ዓሶዋ ዔኪ ኬሲ ማጋኣዜንታ ባላሻንታ ሄርጋኣ ዔያቶም ዒንጊ ማዾ ማዺሺሴኔ፤ ዓሞኦኔይዳ ዻኮ ዻኮ ካታማ ዓኣ ዓሶዋ ቢያ ዒዚ ዒማይዴኔ። ዬካፓ ዳውቴና ዒዛኮ ዖሎ ዓሳ ጊንሣ ዬሩሳላሜ ማዔኔ።
\s1 ፒሊስፄኤሜ ዓሶኮ ዖሎና ዔርቴ ዓሶ ዖሎና ዖልዚ
\r (2ሳሙ. 21፡15-22)
\p
\v 4 ናንጊቤቃ ዒስራዔኤሌ ዓሳ ጌዜሬይዳ ናንጋ ፒሊስፄኤሜ ዓሶ ዖሌኔ፤ ዒማና ሁሻ ዓጪ ሾይንቲ ማዔያ ሲቤካዬ ጎዖሢ ሲፓዬ ጌይንታ ዖልዚና ዔርቴ ዓሲ ዎዼኔ፤ ፒሊስፄኤሜ ዓሳኣ ዖሎና ባሺንቴኔ፤
\p
\v 5 ዬያ ሌሊቱዋንቴ ላሚ ሃሣ ፒሊስፄኤሜ ዓሶ ዔያታ ዖሌኔ፤ ዬኖ ዖሎና ያዒሬ ናኣዚ፥ ዔልሃናኔ ጋኣቴ ዓጫ ሾይንቴ ጎኦሊያዴኮ ጌርሲ ላሂሜ ዎዼኔ፤ ዬያኮ ዎርፆ ዞዖ ዓንዲርሙማ ዶርዜኮ ዓንዳራሼ ሚሢጉዴያኬ። \x - \xo 20፡5 \xo*\xt 1ሳሙ. 17፡4-7።\xt*\x*
\p
\v 6 ሜሌ ሃሣ ጋኣቴይዳ ዖልዚ ቡሊንቴኔ፤ ዬኖ ዖሎይዳ ላምዖ ኩጮና ቶኮናይዳ ላቆ ኬኤላ ዎሊ ዑፃ ላማታሚ ዖይዶ ኬኤላ ዓኣ ፔቴ ዖዶሲ ዓሲስኬይ ዓኣኔ፤ ዒዚያ ሚናኣ ዎዶና ዖሎና ዔርቴ ራፓይሜ ዓሶ ዜርፃፓኬ። 
\v 7 ዬይ ዓሢ ዒስራዔኤሌ ዓሶ ዖላኒ ጫርቄኔ፤ ጋዓንቴ ዳውቴኮ ጌርሲ፥ ሻማ ናኣዚ ዮናታኣኔ ዒዛ ዎዼኔ።
\p
\v 8 ዳውቴንታ ዒዛኮ ዖሎ ዓሶንታ ዎዼ ዬንሢ ሃይሦ ዓሶንሢ ዖሎና ዔርቴያ ማዔ፥ ራፓይሜ ዜርፃፓኬ።
\c 21
\s1 ዳውቴ ዓሶ ፓይዴሢ
\r (2ሳሙ. 24፡1-25)
\p
\v 1 ፃላሄ ዒስራዔኤሌ ዴሮይዳ ሜቶ ዔኪ ዬዓኒ ማሌሢሮ ዳውቴ ዴሮ ፓይዳንዳጉዲ ዳውቴ ዒና ጌሌኔ። 
\v 2 ዳውቴ ዒማና ዒዮዓቤና ሃንጎዋቶ ዖሎ ዓሶ ሱኡጎናም፦ «ዒስራዔኤሌ ዓጮኮ ካራፓ ጋፖ ሄላንዳኣና፤ ጌይፃ፦ ዳኣኔፓ ዴንዲ ቤርሳቤ ሄላንዳኣና ዓኣዺ ዴሮ ፓይዱዋቴ፤ ታኣኒ ዒስራዔኤሌ ዓጮይዳ ዓኣፒኒ ዓሲ ዓኣቴያ ዔራኒ ኮዓኔ» ጌይ ዓይሤኔ።
\p
\v 3 ዒዮዓቤ ማሃዖ፦ «ካኣቲዮ! ናንጊና ናንጋ ጎዳ ዒስራዔኤሌ ዴሮ ሃሢ ዓኣሢፓ ፄኤታ ጳንጬ ማሂ ኔኤም ሚርጊሾንጎ! ዔያታ ቢያ ኔ ዓይሎኬ፤ ዓካሪ ኔኤኒ ዴሮ ፓይዲ ዴራ ጉቤ ዻቤያ ዓይጋ ማሃይ?» ጌዔኔ። 
\v 4 ካኣቲ ጋዓንቴ ፔኤኮ ዓይሢፃ ኩማንዳጉዲ ዎልቃዺ ዒዮዓቤ ዓይሤኔ፤ ዬካፓ ዒዮዓቤ ካኣቲ ኮራፓ ኬስኪ ዴንዲ ዴሮ ፓይዳኒ ዓጮ ጉቤ ሺሪ ዬሩሳላሜ ማዒ ሙኬኔ። 
\v 5 ዒዚ፦ ዖልዚ ዖላኒ ዳንዳዓ ዓሶኮ ፓይዶ ቢያ ዳውቴም ኬኤዜኔ፤ ዬያታ፦ ዒስራዔኤሌፓ ፔቴ ሚሎኔና ፔቴ ፄኤታ ሺያ ዓሲ ማዓዛ፥ ዪሁዳይዳፓ ሃሣ ዖይዶ ፄኤታና ላንካይታሚ ሺያናኬ፤ 
\v 6 ዒማና ዒዮዓቤ ካኣቲኮ ዓይሢፆ ናሽኪ ዔኪባኣሢሮ ሌዊ ዓሶንታ ቢኢኒያሜ ዓሶ ፃጶ ፓይዲባኣሴ።
\p
\v 7 ፆኦሲ ዬያ ማዺንቴ ባኮሮ ቢያ ሚርጌና ዻጋዼሢሮ ዒስራዔኤሌ ዓሶይዳ ሜቶ ዔኪ ዬዔኔ። 
\v 8 ዬያሮ ዳውቴ ፆኦሲ ኮይላ፦ «ታኣኒ ሃያይዲፆና ዼኤፒ ዴኤሢ ማዔ ጎሜ ማዼኔ! ሃዳራ ታና ማኣሬ፤ ዔኤያቶ ማዾ ታ ማዼያዋይ!» ጌዔኔ።
\p
\v 9 ናንጊና ናንጋ ጎዳ ዳውቴም ፆኦሲ ማሊፆ ኬኤዛ፥ ጋኣዴም፦ 
\v 10 «ዴንዲ ዳውቴም ‹ሃይሦ ባኣዚፓ ኔ ዶኦራንዳጉዲ ታ ኔኤም ሺኢሼኔ፤ ታኣኒ ኔ ዶኦራማ ማዻንዳኔ› ጋዓኔ» ጌይ ኬኤዜ ጌዔኔ።
\p
\v 11 ዬያሮ ጋኣዴ ዳውቴ ኮይላ ዴንዲ ናንጊና ናንጋ ጎዳ ዒዛም ጌዔ ባኮ ቢያ ፔጋሲ ኬኤዜኔ፤ ሂዚ ጌዒ ዒዛ ዖኦጬኔ፦ 
\v 12 «ኔ ዓጮይዳ ሃይሦ ሌዔ ሉማ ኬስኬቴ ኮሺሞ? ሃንጎ ጊንሣ ሃይሦ ዓጊኒ ኔ ሞርካ ኔና ዳውሲ ሃንቴቴዳይ? ዔይዔ ጌዔቴ ሃይሦ ኬሊ ናንጊና ናንጋ ጎዳ ዳካ ፑርታ ዶርዖና ዓጮ ኔኤኮ ቢያ ኩርሳንዳ ኪኢታንቾ ዳካያይዳፓ ዎማ ኔ ዶኦራይ? ሂንዳ ዓካሪ ናንጊና ናንጋ ጎዳም ታ ጋዓንዳማ ዱማሲ ኬኤዜ» ጌዔኔ።
\p
\v 13 ዳውቴ ዒማና፦ «ታኣኒ ዎኖ ዶኦራንዳቴያ ካራ ታኣም ባይቄኔ! ያዺ ማዔቴያ ዓሲ ኩቺ ጋርሲ ጌላኒ ታ ኮዑዋሴ፤ ናንጊና ናንጋ ጎዳ ሚጪንታያታሢሮ ዒ ታጊዳ ኮዔ ሜቶ ዓዓጎንጎ» ጌዔኔ።
\p
\v 14 ዬያሮ ናንጊና ናንጋ ጎዳ ዒስራዔኤሌ ዴሮይዳ ፑርታ ዎዻ ዶርዖ ዔኪ ሙኬም፥ ላንካይታሚ ሺያ ዓሲ ኩዴኔ፤ 
\v 15 ናንጊና ናንጋ ጎዳ ጊንሣ ሃሣ ዬሩሳላሜ ባይዛኒ ኪኢታንቻ ዳኬኔ፤ ጋዓንቴ ኪኢታንቻሢ ዬሩሳላሜ ባይዚፆ ዓዓርቃማና ዴሮይዳ ናንጊና ናንጋ ጎዳ ሄሊሴ ሜታ ዒዛኮ ዎልቃ ጌሌሢሮ ኪኢታንቻሢም፦ «ሃይማ ሄላንዳኣና ዔያቶይዳ ሄሌ ሜታ ጊዳንዳኔ፥ ሃሼ!» ጌዔኔ። ኪኢታንቻሢ ዒማና ዒያቡሳ ዓሢ ዖርና ጎዖሢኮ ቆይዶ ዓጫ ዔቂ ዓኣኔ።
\p
\v 16 ኪኢታንቻሢ ዬሩሳላሜ ባይዛኒ ጬንቾ ዓፓሮ ኩጫ ዓርቂ ሳዖኮ ዑፃ፥ ዼጌ ዢባራ ዔቂ ዓኣንቴ ዳውቴ ዴንቄኔ፤ ዬያሮ ዳውቴንታ ሲዮ ፓቲሎ ማይንቲ ዓኣ ዴሮ ሱኡጎንታ ቢያ ባሊቶ ሳዖ ሄሊሲ ዒዛም ዚጌኔ። 
\v 17 ዳውቴ ዒማና፦ «ፆኦሲዮ! ዻቢንቴሢ ታናኬ፤ ዴራ ፓይዲንታንዳጉዲ ዓይሤሢያ ታናኬ፤ ዓካሪ ሃይ ዔኤቢ ዔሩዋ ዓሳ ዓይጎ ዎኦቴይ? ናንጊና ናንጋ ጎዳ ማዔ ፆኦዛሢዮ! ታናንታ ታ ማኣሮ ዓሶንታይዳ ሜቶ ዓጌ፤ ሃያ ዴሮ ዑፃ ሃያ ዎዻ ዶርዓሢ ኬይሲፖ» ጌዒ ሺኢቄኔ።
\p
\v 18 ናንጊና ናንጋ ጎዳኮ ኪኢታንቻሢ ጋኣዴም ሂዚ ጌዔኔ፦ «ዳውቴ ዒያቡሳ ዓሢ፥ ዖርና ቆይዶ ዴንዲ ናንጊና ናንጋ ጎዳም ዒንጎ ባኮ ዒንጎ ቤሲ ጊኢጊሾም ኬኤዜ።» 
\v 19 ጋኣዴ ዒዛም ኬኤዜ ዓይሢፆ ኩንሣኒ ዳውቴ ዴንዴኔ፤ 
\v 20 ዬኖ ቆይዶይዳ ዖርናንታ ዒዛኮ ዖይዶ ዓቲንቆ ናኣቶንታ ዛርጌ ሺርኪቤቃ ኪኢታንቻሢ ዴንቃዖ ናኣታ ጳሽኪ ፑኒንቴኔ። 
\v 21 ዖርና ዒማና ዳውቴ ዔያቶ ባንሢ ሙካሢ ዛጊ ቆይዶይዳፓ ዒዛ ባንሢ ኬስኪ ሳዓ ላሂ ቦንቾ ዔኤሊሢ ዔኤሌኔ፤ 
\v 22 ዳውቴ ዖርና ኮይላ፦ «ፑርቶ ዎዻ ዶርዓሢ ዴሮይዳፓ ዔቃንዳጉዲ ናንጊና ናንጋ ጎዳም ዒንጎ ባኣዚ ዒንጎንዶ ቤሲ ታ ጊኢጊሾም ኔኤኮ ቆይዶ ታኣም ሻንቼ፤ ጪጊንታኒ ኮይሳ ባኮ ቢያ ኩንሢ ታ ጪጋንዳኔ» ጌዔኔ።
\p
\v 23 ዬያሮ ዖርና፦ «ካኣቲዮ! ኔኤሮ ዔኬ፤ ኔ ኮዔ ባኣዚ ዒኢካ ማማዼ፤ ዒንጎ ባኮ ዒንጎ ቤዞይዳ ሚቺ ዒንጋኒ ሃንሢ ጌማቶንሢያ ዔኬ፤ ሃያ ሃኣኮ ሺርኮ ሚፆዋ ሃንፂሌ ማሂ ዔኬ፤ ሃሣ ዛርጋሢያ ሃኣኮ ዒንጊሢ ማሂ ሺኢሼ፤ ሃይሾ ቢያ ባኮ ታ ኔኤም ዒንጌኔ» ጌዔኔ።
\p
\v 24 ካኣቲ፥ ዳውቴ ጋዓንቴ፦ «ዬይ ማዓዓኬ፤ ጪጊንታኒ ኮይሳ ባኮ ቢያ ታ ጪጋንዳኔ። ኔ ባኣዚ ማዔያ፤ ታኣኒ ዔኤቢ ጪጊ ዔኪባኣ ባኣዚ ናንጊና ናንጋ ጎዳም ዒንጎ ባኣዚ ማሂ ዒንጋኒ ታ ኮዑዋሴ» ጌዔኔ። 
\v 25 ዬካፓ ዳውቴ ዖርናም ዬኖ ቆይዶኮ ላንካይ ኪሎ ማዓንዳ ዎርቄ ጪጊ፥ 
\v 26 ዬኖ ቤዞይዳ ናንጊና ናንጋ ጎዳም ዒንጎ ባኮ ዒንጎ ቤሲ ጊኢጊሺ ሚቺ ዒንጎ ዒንጊሢንታ ፔቱሞና ዒንጎ ባኣዚያ ሺኢሼኔ፤ ዒዚ ዒማና ሺኢቃዛ ናንጊና ናንጋ ጎዳ ዒንጎ ባኮ ዒንጎ ቤዞይዳ ዓኣ ባኮ ኬዲ ሙዓንዳ ታሚ ጫሪንጫፓ ዳኪ ሺኢጲፆ ዒዛኮ ዋይዜኔ።
\p
\v 27 ናንጊና ናንጋ ጎዳ ኪኢታንቻሢም፦ «ጬንቾ ዓራፖ ጎንጎኖይዳ ዳኬ» ጋዓዛ፥ ኪኢታንቻሢ ዓይሢንቴ ጎይፆ ማዼኔ፤ 
\v 28 ዬያይዴም ዳውቴ ናንጊና ናንጋ ጎዳ ዒዛኮ ሺኢጲፆ ዋይዜሢ ዔሬኔ፤ ዬያሮ ዒያቡሳ ዓሢ፥ ዖርና ቆይዳ ዓኣ ዒንጎ ቤዞይዳ ናንጊና ናንጋ ጎዳም ዒንጎ ባኣዚ ዒዚ ሺኢሼኔ፤ 
\v 29 ሙሴ ዓሲ ናንጉዋ ዳውሎይዳ ማዤ፥ ዓፒሎና ማዢንቴያ ጎዳ ካኣሽኪንታ ማኣሮንታ ዒንጎ ባኮ ዒንጎ ቤዞንታ ዬማ ሄላንዳኣና ጌባዖኦኔይዳ ዓኣ ካኣሽኮ ቤዛ ዓይ ዓኣኔ፤ 
\v 30 ናንጊና ናንጋ ጎዳ ኪኢታንቻሢኮ ጬንቾ ዓፓሮ ዳውቴ ዒጊጬሢሮ ዒኢካ ዴንዲ ፆኦሲ ካኣሽካኒ ዳንዳዒባኣሴ።
\c 22
\p
\v 1 ዬያሮ ዳውቴ፦ «ፆኦሲኮ ጌኤዦ ማኣሮንታ ዒስራዔኤሌ ዴሮኮ ናንጊና ናንጋ ጎዳም ሚቺ ዒንጎ ባኮ ዒንጎ ቤዛኣ ሃይካ ማዓንዳያ ኮይሳኔ» ጌዔኔ።
\s1 ጌኤዦ ማኣሮ ማዣኒ ጊኢጊሺንቴ ባኮ
\p
\v 2 ካኣቲ፥ ዳውቴ ዒስራዔኤሌ ዓጮይዳ ናንጋ ሜሌ ዓጮ ዓሶ ፔቴይዳ ቡኩሲ ማዾ ማዺሼኔ፤ ዬያቶ ዓሶፓ ፔቴ ፔቴ ዓሳ ጌኤዦ ማኣሮ ማዦንዶ ሹጮ ዓርሳንዳጉዲ ዓይሤኔ፤ 
\v 3 ዳውቴ ዒማና ማርሾ ካሮኮ ሚስማሮንታ ማኣፄፖ ጌይንታ ጳንጪንታ ዓንጎዋ ኮሾንዶ ዺቢ ዓንጊ፤ ዬያጉዲ ሃሣ ዴኤሡሞ ዔሮ ባኮና ዛጊ ዔርታኒ ዳንዳዑዋ ሞኦና ዓንጊያኣ ዑሣ ዓኣዼ ሚርጌ ጊኢጊሼኔ፤ 
\v 4 ፂሮሴና ሲዶና ዓጮ ዴራኣ ኮሺ ዺቢ ዚቢቂ ዔኪ ዬዓንዳጉዲ ዓይሢ ዔኪ ዬይሴኔ። 
\v 5 ዬካፓ ዳውቴ፦ «ታ ናኣዚ፥ ሴሎሞኔ ናንጊና ናንጋ ጎዳም ማዣንዳ ጌኤዦ ማኣራ ሚርጌና ሚዛጳያ ዓጮ ቢያይዳ ዔርቴያ ማዓኒ ኮይሳኔ፤ ጋዓንቴ ዒዚ ሃጊ ናይ፥ ዒናዺ ዶዲባኣያ ማዔሢሮ ታኣኒ ቢያ ባኮ ዒዛም ጊኢጊሻንዳኔ» ጌዒ ፔ ዒኖና ማላዖ ዒ ሃይቃንዳሢኮ ቤርታ ማኣሮ ማዦንዶ ባኮ ሚርጌ ጊኢጊሼኔ።
\p
\v 6 ዒማና ዳውቴ ፔኤኮ ናኣዚ ሴሎሞኔ ዔኤሊሳዖ ናንጊና ናንጋ ጎዳ ማዔ ዒስራዔኤሌ ፆኦዛሢም ጌኤሺ ማኣሪ ማዣንዳጉዲ ዓይሤኔ፤ 
\v 7 ዒዚ ናኣዚም፦ «ታ ናዓሢዮ፤ ታኣኒ ናንጊና ናንጋ ጎዳ ማዔ ታ ፆኦዛሢም ጌኤሺ ማኣሪ ማዣኒ ማሌንቴ፥ 
\v 8 ናንጊና ናንጋ ጎዳ፦ ‹ኔኤኒ ሚርጌ ዓሲ ዎዼኔ፤ ሚርጌ ዖልዚያ ኔ ዖልቴኔ፤ ሚርጌ ሱጉሢያ ኔኤኒ ላኣሌሢሮ ጌኤሺ ማኣሪ ኔ ማዣንዳጉዲ ታ ኮዑዋሴ› ታኣም ጌዔኔ፤ 
\v 9 ያዺ ማዔቴያ ሂዚ ጋዓ ሃጊ ማዓንዳ ዎዛ ቃኣላ ታኣም ኬኤዜኔ፦ ‹ታኣኒ ዒዛኮ ሞርኮ ቢያይዳፓ ሃውሺሲ ኮሹሞ ዒዛም ዒንጌም ኮሺና ዓጮ ዎይሣንዳ ዓቲንቄ ናይ ኔ ሾዓንዳኔ፤ ዒዚ ካኣታዺ ዎይሣ ዎዶና ዒስራዔኤሌ ዴሮም ዲቃቲሢባኣ ኮሹሞ ታ ዒንጋንዳሢሮ ሱንፃ ዒዛኮ ሴሎሞኔ ጌይንታንዳኔ፤ 
\v 10 ታኣም ጌኤዦ ማኣሮ ማዣንዳሢ ዒዛኬ፤ ዒዚ ታኣኮ ናዖ ማዓንዳኔ፤ ታኣኒያ ዒዛኮ ዓዶ ማዓንዳኔ፤ ካኣቱማኣ ዒዛኮ ዒስራዔኤሌይዳ ዶዲ ናንጋንዳኔ› » ጌዔኔ። \x - \xo 22፡10 \xo*\xt 2ሳሙ. 7፡1-16፤ 1ፆኦሲ. ዓሃኬ 17፡1-14።\xt*\x*
\p
\v 11 ዳውቴ ሃሣ ኬኤዛዖ፦ «ሃሢ ዓካሪ ታ ናዓሢዮ፤ ናንጊና ናንጋ ጎዳ ማዔ ኔ ፆኦዛሢ ኔኤና ዎላ ማዖንጎ፤ ዒዛም ኔኤኒ ጌኤዦ ማኣሮ ማዣንዳጉዲ ዒዚ ዒንጌ ሃጊ ማዓንዳ ዎዞ ቃኣሎ ካፒ ቢያ ባኮ ኔኤም ጊኢጊሾንጎ፤ 
\v 12 ዒስራዔኤሌይዳ ኔና ዒ ካኣታሣኣና ናንጊና ናንጋ ጎዳ ኔ ፆኦዛሢኮ ዎጎ ኔኤኒ ካፓንዳጉዲ ዔራቶና ጶቂሥሢ ማሊሢና ዒ ኔኤም ዒንጎንጎ፤ 
\v 13 ናንጊና ናንጋ ጎዳ ሙሴ ዛሎና ዒስራዔኤሌም ዒንጌ ዎጎንታ ዓይሢፆንታ ቢያ ኔ ኩንሤቴ፥ ቢያ ባካ ኔኤም ጊኢጋንዳኔ፤ ዶዴ፥ ዒጊጪፖ፤ ጫርቂ ማዻያ ማዔ። \x - \xo 22፡13 \xo*\xt ዒያ. 1፡6-9።\xt*\x* 
\v 14 ጌኤዦ ማኣሮ ማዢፆ ዛሎ ማዔቴ ታኣኒ ታ ዛሎና ማኣሮ ማዢፆም ማዓንዳ ሃይሦ ሺያና ዖይዶ ፄኤታ ቶኦኔ ማዓ ዎርቄ፤ ሃይሢታሚ ዖይዶ ሺያ ቶኦኔ ማዓ ሹቺ ቢራ፤ ሚርጉማ ሃይማኬ ጌይንቲ ዔርቱዋ ሞኦና ዓንጊንታ ጊኢጊሼኔ፤ ዬያጉዲ ሃሣ ሚሢንታ ሹቺያ ታኣኒ ጊኢጊሼኔ፤ ጋዓንቴ ኔኤኒ ዬያይዳ ቃሳንዳያ ኮይሳኔ፤ 
\v 15 ኔኤኮ ሹቺ ዓርሳ ዓሲ፥ ሹጮና ማኣሮ ማዣ ዓሲ፥ ሚፆና ማዣ ዓሲ፤ ዬያጉዲ ሃሣ ዱማ ዱማ ማዾ ማዻ ዓሲያ ዓኣኔ፤ 
\v 16 ዎርቄ፥ ቢራ ዓንጊ፥ ሞኦና ዓንጊንታ ሜሌ ዓንጎዋ ጊኢጊሺሢና ዔርቴ ዱማ ዱማ ማዾ ማዻ ዓሲ ኔኤኮ ዓኣኔ፤ ዬያሮ ሃሢ ማዾ ዓርቄ፤ ናንጊና ናንጋ ጎዳ ኔኤና ዎላ ማዖንጎ» ጌዔኔ።
\p
\v 17 ዬካፓ ዳውቴ ዒስራዔኤሌ ዓሶኮ ሱኡጋ ቢያ ዒዛኮ ናኣዚ ሴሎሞኔ ማኣዳንዳጉዲ ሂዚ ጌዒ ዓይሤኔ፤ 
\v 18 «ናንጊና ናንጋ ጎዳ ዒንሢኮ ፆኦዛሢ ሃይማ ሄላንዳኣና ዒንሢና ዎላኬ፤ ቢያ ዛሎና ሂርጊሻ ባኣዚፓ ቢያ ካፒ ኮሹሞ ዒንሢም ዒንጌኔ፤ ሃኖ ዓጮይዳ ናንጋ ዴሮ ቢያ ታኣኒ ዖሊ ባሺ ዓርቃንዳጉዲ ማኣዴኔ፤ ዔያታ ዒንሢንታ ናንጊና ናንጋ ጎዳንታም ዓይሢንቲ ዎርቃያ ማዔኔ፤ 
\v 19 ዓካሪ ናንጊና ናንጋ ጎዳ ማዔ ዒንሢኮ ፆኦዛሢም ጉቤ ዒናፓ፤ ሃሣ ጉቤ ሼምፓፓ ማዹዋቴ፤ ናንጊና ናንጋ ጎዳኮ ጫኣቁሞ ሳኣፂኖንታ ዒዛ ካኣሽኮ ዒዛም ዱማዼ ሜሆ ቢያ ዔኪ ሙኪ ጋራ ጌሣኒ ጌኤዦ ማኣሮ ፆኦሲ ቦንቾም ማዢፆ ዓርቁዋቴ።»
\c 23
\p
\v 1 ዳውቴ ባሺንቲ ጋርቻዖ ፔኤኮ ናኣዚ፥ ሴሎሞኔ ዒስራዔኤሌይዳ ካኣታሤኔ። \x - \xo 23፡1 \xo*\xt 1ካኣቶ. ማ 1፡1-40።\xt*\x*
\s1 ሌዊ ዓሶ ማዾ
\p
\v 2 ካኣቲ፥ ዳውቴ ዒስራዔኤሌ ዓሶ ሱኡጎንታ ቄኤሶንታ ሌዊ ዓሶንታ ጉቤ ፔቴይዳ ቡኩሴኔ፤ 
\v 3 ዒዚ ዒማና ሌዓ ሃይሢታሚና ዬካፓ ዑሣ ማዔ፥ ሌዊ ዓሶ ዓቲንቆ ቢያ ፓይዴኔ፤ ዎሊ ዑፃ ፓይዳ ዔያቶኮ ሃይሢታሚ ሳሊ ሺያ ማዔኔ፤ 
\v 4 ካኣቲ ዔያቶይዳፓ ላማታሚ ዖይዶ ሺያ ማዓ ዓሲ ጌኤዦ ማኣሮ ማዾ ማዻንዳጉዲ ዓይሤኔ፤ ሃሣ ላሆ ሺያ ማዓ ዓሲ ዶኦሪ ቢታንቶ ዓኣ ዓሲና ዎጌ ዎጋ ዓሲ ማሂ ጌሤኔ። 
\v 5 ዖይዶ ሺያ ማዓ ዓሲ ጌኤዦ ማኣሮ ካፓንዳጉዲ ጌሢንቴኔ፤ ዓቴ ዖይዶ ሺዮ ዓሶ ካኣቲ ዔያቶም ዒንጋ፥ ዓይኑሞ ዓንጎና ናንጊና ናንጋ ጎዳም ዓይናዺ ጋላታንዳጉዲ ማሆናኔ።
\p
\v 6 ዳውቴ ሌዊ ዓሶ ፔኤኮ ቶኦኮና ቶኦኮና ሃይሦ ቤሲ ፓቄኔ፤ ዔያታ፦ ጌርሾኔ፥ ቄዓቴንታ ሜራሪ ጌይንታ ቶኦኮኬ።
\p
\v 7 ጌርሾኔኮ ላዒዳኔና ሺምዒ ጌይንታ ላምዖ ዓቲንቄ ናይ ዓኣኔ፤ 
\v 8 ላዒዳኔኮዋ ዪሂዔኤሌ፥ ዜታሜንታ ዒዮዔኤሌ ጌይንታ ሃይሦ ዓቲንቄ ናይ ዓኣኔ፤ 
\v 9 ሺምዒኮ ሼሎሞቴ፥ ሃዚዔኤሌና ሃራኔ ጌይንታያ ሃይሦ ዓቲንቄ ናይ ዓኣኔ፤ ዬንሢ ቢያ ላዒዳኔ ዜርፆ ማዔ ቶኦኮኮ ሱኡጎኬ፤ 
\v 10-11 ሺምዒኮ ሌዓ ዎሊ ሄሊ ሄሊ ሾይንቴያ፦ ያሃቴ፥ ዚዛ፥ ዪዑሼና ቤሪያ ጌይንታ ዖይዶ ዓቲንቄ ናይ ዓኣኔ፤ ዪዑሼና ቤሪያናኮ ሚርጌ ናይ ባኣሢሮ ፔቴ ቶኦኪ ማዒ ፓይዲንታኔ።
\p
\v 12 ቄዓቴኮ ዓምራሜ፥ ዪፅሃሬ፥ ኬብሮኦኔና ዑዚዔኤሌ ጌይንታ ዖይዶ ዓቲንቄ ናይ ዓኣኔ፤ 
\v 13 ዒዛኮ ናኣዚ ቶይዲ ዓምራሜ ዓኣሮኔና ሙሴናኮ ዓዶኬ፤ ዓኣሮኔና ዜርፆና ናንጊና ናንጋ ጎዳ ካኣሽኮ፥ ዱማዼ ሜሆ ሱኡጌ ማዒ ካፒ ካፒ ናንጋንዳጉዲ፤ ሃሣ ናንጊና ናንጋ ጎዳ ካኣሽኮ ዳምቦይዳኣ ዑንጆ ጩቢሻንዳጉዲ፤ ፆኦሲማኣ ማዻያ ማዓንዳጉዲ፤ ዬያጉዲ ጊንሣ ናንጊና ናንጋ ጎዳ ሱንፆና ዴሮ ዓንጃንዳጉዲ ዱማሶናያኬ፤ \x - \xo 23፡13 \xo*\xt ኬሲ. ማፃ 28፡1።\xt*\x* 
\v 14 ፆኦሲ ዓሲ ማዔ ሙሴኮ ናኣታ ሌዊ ዓሶና ዎላ ፓይዲንቴኔ። 
\v 15 ሙሴኮ ጌርሾሜና ዔሊዔዜሬ ጌይንታ ላምዖ ዓቲንቄ ናይ ዓኣኔ፤ 
\v 16 ጌርሾሜኮ ዓቲንቆ ናኣቶ ባኣካፓ ሱኡጋሢ ሼቡዔኤሌኬ፤ 
\v 17 ዔሊዔኤዜሬኮ ሬሃቢያ ጌይንታ ፔቴ ዓቲንቄ ናይ ሌሊ ዓኣኔ፤ ሬሃቢያኮ ጋዓንቴ ሚርጌ ዜርሢ ዓኣኔ።
\p
\v 18 ቄዓቴኮ ላምዓሳ ናኣዚ፥ ዪፅሃሬኮ ዬኖ ቶኦኮ ሱኡጌ ማዒ ዎይሣ ሼሎሚቴ ጌይንታ ፔቴ ዓቲንቄ ናይ ዓኣኔ፤ 
\v 19 ቄዓቴ ናኣዚ ኬብሮኦኔኮ ቤርታሳ ናዓሢ ዪሪያ፥ ላምዓሳሢ ዓማሪያ፥ ሃይሣሳሢ ያህዚዔኤሌ፥ ዖይዳሳሢ ዪቃምዓሜ ጌይንታያኬ። 
\v 20 ቄዓቴኮ ዖይዳሳ ናዓሢ፥ ሙዚዔኤሌኮ ቶይዳሢ ሚካ፤ ሄሊሴሢ ዩሺያ ጌይንታ ላምዖ ዓቲንቄ ናይ ዓኣኔ።
\p
\v 21 ሜራሪኮ ማህሊና ሙሺ ጌይንታ ላምዖ ዓቲንቄ ናይ ዓኣኔ፤ ማሂሊኮ ሃሣ ዓላዜሬና ቂሼ ጌይንታ ላምዖ ዓቲንቄ ናይ ዓኣኔ። 
\v 22 ዓላዜሬ ጋዓንቴ ዉዱሮ ናይፓ ዓታዛ ፔቴታዖ ዓቲንቄ ናይ ሾውዋዖ ሃይቄኔ፤ ዒዛኮ ዉዱሮ ናኣታ ዔያቶኮ ዓቦ፥ ቂሼ ናኣቶም ሎዔኔ፤ 
\v 23 ሜራሪኮ ላምዓሳ ናኣዚ፥ ሙሼኮ፦ ማሂሊ፥ ዔዴሬና ዪሬሞቴ ጌይንታ ሃይሦ ዓቲንቄ ናይ ዓኣኔ።
\p
\v 24 ዓካሪ ዬያታ ቢያ ፔ ቶኦኮና ቶኦኮና፤ ሃሣ ፔ ማኣሮና ማኣሮና ፓይዲንቴ ሌዊ ዜርፆ ማዓዛ ፔቴ ፔቴ ዓሳ ፔ ሱንፆና ዔኤሊንታኔ። ላማታሚ ሌዔ ኩሜያ፤ ሃሣ ጊንሣ ዬካፓ ዑሣ ማዔ ፔቴ ፔቴ ሌዊ ዜርፃ ናንጊና ናንጋ ጎዳኮ ጌኤዦ ማኣሮይዳ ማዻ ባኣዚ ዓኣያኬ።
\p
\v 25 ዳውቴ ዒማና፦ «ናንጊና ናንጋ ጎዳ ማዔ ዒስራዔኤሌኮ ፆኦዛሢ ፔ ዴሮም ኮሹሞ ዒንጌኔ፤ ዬያ ሌሊቱዋንቴ ዒ ፔ ቶኦኪና ዬሩሳላሜይዳ ናንጊና ናንጋንዳኔ፤ 
\v 26 ዬያሮ ሃካፓ ሴካ ናንጊና ናንጋ ጎዳ ካኣሽኪንታ ማኣሮንታ ካኣዦ ዳምቦ ኩንሦ ሜሆ ሌዊ ዓሳ ኬዲ ኬዲ ሃንታንዳያ ኮይሱዋሴ» ጌዔኔ። \x - \xo 23፡26 \xo*\xt ላሚ. ዎማ 10፡8።\xt*\x* 
\v 27 ዳውቴ ጋፒንፃ ዓይሤ ዓይሢፆ ጎይፆና ሌዊ ዓሳ ቢያ ላማታሚ ሌዔ ኩሜ ዓሶንታ ዬካፓ ዑሣ ዓኣዼ ዓሳ ማዾሮ ሱንፆ ፃኣፒንቴኔ። 
\v 28 ዔያታ ማዻ ማዻ፦ ዓኣሮኔ ናኣታ ናንጊና ናንጋ ጎዳ ማኣሮይዳ ማዻ ማዾ ማኣዲሢ፥ ዲሮ ጋሮንታ ኬኤፆኮ ቆልዖ ጋሮ ጌኤሺ ካፒሢ፥ ናንጊና ናንጋ ጎዳም ዱማዼ ሜሆ ጌኤሺ ካፒሢ፤ ዬያጉዲ ጌኤዦ ማኣሮይዳ ማዺንታ ባኮ ማዺሢኬ። 
\v 29 ፆኦሲም ዒንጊንታያ ማዒ ሺኢካ ካሦና ዺኢሎና፤ ዬያጉዲ ሃሣ ሙኑቃ ፃኣዛ ጌሊባኣ ላኣዶንታ ሪሚቶ ዛይቶና ዲርኪንታ ዺኢሎንታ ሱኡጌ ማዒ ዛጋያ ማዓዛ፥ ጊንሣ ሃሣ ጌኤዦ ማኣሮም ዒንጊንታ ባኮ ዴኤሡሞ ዔሮ ባኮና ዛጊ፤ ዋርቂያኣ ዔራ ዓሳ ዔያቶኬ፤ 
\v 30-31 ቢያ ኬሊ ጉቴና ዒባኒና፤ ዬያጉዲ ሃሣ ናንጊና ናንጋ ጎዳም ዒንጎ ባካ ሚቺንታ ዓይሁዶኮ ሃውሾ ኬሎንታ ዓጊኖ ፄኤሮንታ ዱማ ዱማ ቦንቾ ኬሎንታይዳ ናንጊና ናንጋ ጎዳ ጋላቲሢና ቦንቺሢ ዔያቶ ማዾኬ፤ ቢያ ዎዴ ዬያ ማዾ ማዻ ሌዊ ዓሶኮ ፓይዳ ዋኣዺ ማዓኒ ኮይሳቴያ ኬስኬ ዳምቤ ዓኣኔ፤ ሌዊ ዓሳ ናንጊና ናንጋ ጎዳ ካኣሽኪፆ ዳምቦ ኩንሣንዳጉዲ ቢያ ዎዴም ጌሢንቴኔ። 
\v 32 ዬያጉዲ ሃሣ ዓፒሎና ማዢንቴ፥ ናንጊና ናንጋ ጎዳ ካኣሽኪንታ ማኣሮንታ ጌኤዦ ማኣሮንታ ዛጊ ካፒፃ ዔያቶ ማዾኬ፤ ዬያ ሌሊቱዋንቴ ጌኤዦ ማኣሮይዳ ካኣዦ ካኣሽኪሳ፥ ዔያቶኮ ዒጊኖ ዓኣሮኔ ዜርፆ ማዔ ቄኤሶዋ ዔያታ ማኣዳኔ። \x - \xo 23፡32 \xo*\xt ፓይ. ማፃ 3፡5-9።\xt*\x*
\c 24
\s1 ቄኤሳ ማዻንዳጉዲ ዓይሢንቴ ባኮ
\p
\v 1 ዓኣሮኔ ናኣታ ማዾሮ ዱማ ዱማ ፓቂንቴ ጎይፃ ያዺኬ፦ ዓኣሮኔኮ ዖይዶ ዓቲንቄ ናይ ዓኣኔ፤ ዔያቶኮ ሱንፃ፦ ናኣዳኣቤ፥ ዓቢሁ፥ ዓላዜሬንታ ዒታማሬንታኬ፤ 
\v 2 ናኣዳኣቤና ዓቢሁና ዓዶኮ ቤርታ ዾንሢ ባይቂ ሃይቄኔ፤ ዬያሮ ዔያቶኮ ጌርሲንሢ ዓላዜሬና ዒታማሬና ቄኤሴ ማዔኔ፤ 
\v 3 ካኣቲ፥ ዳውቴ ዓኣሮኔ ዜርፆ ዔያታ ማዻንዳ ማዾጉዴያ ጉዴያ ዱማ ዱማ ፓቄኔ፤ ዬያ ዒ ማዼሢ ዓላዜሬ ዜርሢ ማዔ፥ ሳዶቄና ዒታማሬና ዜርሢ ማዔ ዓቤሜሌኬ ዒዛ ማኣዴምኬ። 
\v 4 ዓላዜሬ ዜርፆ ባኣካፓ ዺቢ ሱኡጌ ማዓ ዓሲ ጴዼም ዒታማሬ ዜርፆ ባኣካ ሱኡጌ ማዓ ዓሲ ዻኬሢሮ ዓላዜሬ ዜርፃ ታጶ ላሆ ቤሲ ፓቂንቴኔ፤ ዒታማሬ ዜርፃ ጋዓንቴ ሳሊ ቤሲ ፓቂንቴኔ። 
\v 5 ዓላዜሬና ዒታማሬና ዜርፆይዳፓ ጌኤዦ ማኣሮኮ ቢታንቶ ዓኣ ሱኡጌንታ ፆኦሲ ባኮ ማዻያኣ ዓኣያ ማዔሢሮ ማዻ ጊሽኪንቲ ዒንጊንታሢ ዒፃ ዓጊ ዱማሲሢናኬ። 
\v 6 ዒፃሢ ዔካኒ ቤርታዺ ዓላዜሬና ዒታማሬና ዜርፃ ዎሊ ዓኣሢ ጌላኔ፤ ዬካፓ ሌዊ ዓሲ ማዔ፥ ፃኣፖ ባኮ ፃኣፓ፥ ናትናዔሌ ናኣዚ፥ ሼማዒያ ዔያቶኮ ሱንፆ ፃኣፓኔ፤ ዒማና ካኣቲንታ ቢታንታ ዓኣ ዶንዞንታ ቄኤሳሢ ሳዶቄንታ ዓቢያታሬ ናኣዚ ዓቤሜሌኬንታ፤ ዬያጉዲ ሃሣ ቄኤሶና ሌዊ ማኣሮ ዓሶናኮ ሱኡጋኣ ቢያ ዬያ ማርካ ማዒ ዛጋኔ።
\p
\v 7-18 ላማታሚ ዖይዶ ቤሲ ማዒ ዒፃሢ ዓጊ ፓቆና ማዾ ዓሳ ሃካፓ ሊካ ፓይዲንታ ጎይፆኬ፦
\q ቤርታሳዖ ዪሆያሪቤ ዓሶም ኬስኬኔ፤
\q ላምዓሳዖ ዪዳዒያ ዓሶም፥
\q ሃይሣሳዖ ሃሪሜ ዓሶም፥
\q ዖይዳሳዖ ሴዖሪሜ ዓሶም፥
\q ዶንጋሳዖ ማልኪያ ዓሶም፥
\q ላሃሳዖ ሚያሚኔ ዓሶም፥
\q ላንካሶ ሃቆፄ ዓሶም፥
\q ሳላሶ ዓቢያ ዓሶም፥
\q ታዞጳሶ ዒያሱ ዓሶም፥
\q ታጳሶ ሼካኒያ ዓሶም፥
\q ታጶ ፔታሶ ዔሊያሺቤ ዓሶም፥
\q ታጶ ላምዓሶ ያቂሜ ዓሶም፥
\q ታጶ ሃይሣሶ ሁፖ ዓሶም፥
\q ታጶ ዖይዳሶ ዬሼብዓቤ ዓሶም፥
\q ታጶ ዶንጋሶ ቢልጋ ዓሶም፥
\q ታጶ ላሃሶ ዒማሬ ዓሶም፥
\q ታጶ ላንካሶ ሄዚሬ ዓሶም፥
\q ታጶ ሳላሶ ሃፕፄፄ ዓሶም፥
\q ታጶ ታዞጳሶ ፔታህያ ዓሶም፥
\q ላማታማሶይዳ ዪሄዝቄሌ ዓሶም፥
\q ላማታሚ ፔታሶይዳ ያኪኔ ዓሶም፥
\q ላማታሚ ላምዓሶይዳ ጋሙሌ ዓሶም፥
\q ላማታሚ ሃይሣሶይዳ ዴላያ ዓሶም፥
\q ላማታሚ ዖይዳሶይዳ ማዓዚያ ዓሶም ኬስኬኔ።
\p
\v 19 ዬይ ዓሳ ናንጊና ናንጋ ጎዳ ማዔ ዒስራዔኤሌኮ ፆኦዛሢ ዔያቶኮ ቤርታ ዓዳሢ ዓኣሮኔ ዓይሤ ጎይፆና ጌኤዦ ማኣሪ ጌሊ ዱማ ዱማ ማዾ ማዻ ጎይፃ ያዺኬ።
\s1 ሃንጎ ዓቴ ሌዊ ዓሶ ሱንፆ
\p
\v 20 ሌዊ ዜርፆኮ ሃንጎ ዓቴ ማኣሮ ዓሶ ሱኡጎኮ ሱንፃ ሃካፓ ዴማ ፓይዲንታሢጉዴያኬ፦
\p ሹባሌ ዓምራሜ ዜርሢኬ፥ ዪህዴያ ሹባሌ ዜርሢኬ፤ 
\v 21 ዩሺያ ሬሃቢያ ዜርሢኬ፤ 
\v 22 ሼሎሚቴ ዪፅሃሬ ዜርሢኬ፥ ያሃቴ ሼሎሚቴ ዜርሢኬ፤ 
\v 23 ዪሪያ፥ ዓማሪያ፥ ያሂዚዔሌንታ ዪቃምዓሜንታ ኬብሮኦኔ ናኣቶኬ፤ ዔያቶኮ ሱንፃ ፃኣፒንቴሢ ዎሊ ሄሊ ሾይንቴ ጎይፆኬ።
\p
\v 24 ሚካ ዑዚዔኤሌ ዜርሢኬ፥ ሻሚሬ ሚካ ዜርሢኬ፤ 
\v 25 ዛካሪያሴ ሚካኮ ጌርሲ፥ ዩሺያ ዛሎና ዑዚዔኤሌ ዜርሢኬ፤ 
\v 26 ማሂሊንታ ሙሺንታ ያዕዚያንታ ሜራሪ ዜርሢኬ፤ 
\v 27 ያዕዚያኮ፦ ሾሃሜ፥ ዛኩሬንታ ዒብሬ ጌይንታ ሃይሦ ዓቲንቄ ናይ ዓኣኔ። 
\v 28-29 ማህሊኮ ዓላዜሬና ቂሼ ጌይንታ ላምዖ ዓቲንቄ ናይ ዓኣኔ፤ ዓላዜሬኮ ፔቴታዖ ዓቲንቄ ናይ ባኣሴ፤ ቂሼኮ ጋዓንቴ ዪራህሜዔኤሌ ጌይንታ ፔቴ ዓቲንቄ ናይ ዓኣኔ። 
\v 30 ሙሺኮ ማሂሊ፥ ዔዴሬና ያሪሞቴ ጌይንታ ሃይሦ ዓቲንቄ ናይ ዓኣኔ።
\p ዓካሪ ዬያታ ቢያ ሌዊ ዜርፆ ማዔ ማኣሮ ዓሶኬ።
\p
\v 31 ፔቴ ፔቴ ማኣሮኮ ሱኡጎንታ ጌኤዛታኣ ዒሾንሢጉዲ ዬያኮ ቤርታ ዔያቶኮ ዒጊና፥ ዓኣሮኔ ናኣታ ማዻ ጎይፆማ ፔኤኮ ማዾ ማዻኒ ዒፃሢ ዓጋኔ፤ ዒማና ካኣቲ ዳውቴንታ ሳዶቄንታ ዓቤሜሌኬንታ ቄኤሶንታ ሌዊ ዓሶንታኮ ማኣሮ ዓሶ ሱኡጋኣ ቢያ ማርካ ማዒ ዛጋንቴ ዱማሲ ዔሮ ባኮ ዔያታ ዓጋኔ።
\c 25
\s1 ጌኤዦ ማኣራ ጎዳም ዓይናዻ ዓሶ
\p
\v 1 ካኣቲ፥ ዳውቴና ሌዊ ዓሶኮ ሱኡጎና ሚርጌ ሻሺ ዴንሢ ዋርቆ ጎኦሎንታ ፔቴ ሻሺ ዴንሢ ዋርቆ ጎኦሎንታ ዑኡቱቡላሢናኣ ዓይናዺ ዓይናዺ ፆኦሲ ማሊሢ ኬኤዛንዳጉዲ ዓሳኣፔና ሄማኔና ዪዱቱና ማኣራፓ ዓሲ ዶኦሪ ጌሤኔ፤ ዬያ ማዾ ማዻ ዓሶኮ ሱንፃ ሃካፓ ዴማ ፓይዲንታሢ ጉዴያኬ፦
\p
\v 2 ዛኩሬ፥ ዮሴፔ፥ ኔታንያንታ ዓሳርዔኤሌ ጌይንታ ዖይዶ ዓሳኣፔ ናኣቶኬ፤ ፆኦሲ ማሊፆ ኬኤዛሢ ዓሳኣፔ ዔያቶኮ ሱኡጌ ማዓዛ ካኣቲ ዓይሤ ዎዶማና ዎዶማና ዬያ ማዾ ዔያታ ማዻኔ።
\p
\v 3 ዪዱቱኔኮ ላሆ ዓቲንቆ ናኣታ፦ ጌዳሊያ፥ ፄሪ፥ ያሻያ፥ ሺምዒ፥ ሃሻቢያና ማቲትያ ጌይንታያኬ፤ ዔያታ ፔቴ ሻዦና ዴንሦ ጎኦሎ ዋርቂ ዋርቂ ዔያቶኮ ዓዳሢ ዔያቶኮ ሱኡጌ ማዔም ፆኦሲ ዓያና ዔያቶም ዒንጋ ዓይኑሞ ዋይዚሲ ዋይዚሲ ናንጊና ናንጋ ጎዳ ዓይኑሞና ቦንቺ ቦንቺ ጋላታኔ።
\p
\v 4 ሄሊሳዖ ሄማኔ ጎዖሢ ታጶ ዖይዶ ዓቲንቄ ናይ ዓኣያ ማዓዛ፥ ዔያታ፦ ቡቂያ፥ ማታኒያ፥ ዑዚዔኤሌ፥ ሼቡዔኤሌ፥ ያሪሞቴ፥ ሃናኒያ፥ ሃናኒ፥ ዔሊዓታ፥ ጌዳልቲ፥ ሮማምቲዔዜሬ፥ ዮሽቤቃሻ፥ ማሎቲ፥ ሆቲሪና ማህዚዓቴንታኬ፤ 
\v 5 ካኣቲም ፆኦሲ ማሊፆ ኬኤዛ፥ ሄማኔም ዬንሢ ታጶ ዖይዶ ዓቲንቆ ናኣቶንሢንታ ቃሲ ሃሣ ሃይሦ ዉዱሮ ናይያኣ ፆኦሲ ዒንጌኔ፤ ዬያ ፆኦሲ ማዼሢ ሄማኔ ዼጊዲ ቦንቺሳኒ ቤርታ ኬኤዜ ቃኣሎ ጎይፆናኬ። 
\v 6 ዒዛኮ ዓቲንቆ ናኣታ ቢያ ጌኤዦ ማኣሮይዳ ፆኦሲ ካኣሽኪንታ ካኣዦ ዳምባ ኩንሢንታኣና ዔያቶኮ ዓዴ ሱኡጌ ማዔም ዑኡቱቡላሢ ዎቻኔ፥ ጎኦሎዋ ዋርቃኔ፤ ዓሳኣፔንታ ዪዱቱንታ ሄማኔንታ ካኣቲ ቢታንቶ ዴማ ማዒ ዬያ ማዾ ማዻኔ።
\p
\v 7 ዬንሢ ላማታሞ ዖይዶ ዓሶንሢ ቢያ ኮሺ ዔኤቢ ዔራያኬ፤ ዬያጉዲ ሃሣ ዔያቶኮ ዒጊናኣ ፆኦሲም ዓይናዾ ዓይኑሞ ዔራያ ማዓዛ ፓይዳ ዔያቶኮ ዎሊ ዑፃ ላምዖ ፄኤታና ሳሊታሚ ሳሊኬ። 
\v 8 ዔያቶኮ ማዾ ማዾ ዱማሳኒ ዼጌያኣ ማዖም ጋርቺ፥ ዔርዛሢምታቴያ ዔርፆይዳ ዓኣሢም ዖናኣ ፓቁዋዖ ዒፃ ዓጊንታኔ።
\q
\v 9 ዒፃሢ ቤርታሲ ዓሳኣፔ ዒጊናፓ ዮሴፔም ኬስኬኔ፤ ዒዛንታ ዒዛኮ ናኣቶንታ ጌርሲንሢንታኮ ፓይዳ ዎሊ ዑፃ ታጶ ላምዖኬ፤
\m ላምዓሳ ጌዳሊያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ። 
\v 10 ሃይሣሳ ዛኩሬም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዎሊ ዑፃ ታጶ ላምዖኬ።
\p
\v 11 ዖይዳሳ ዪፅሬም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 12 ዶንጋሳ ኔታንያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 13 ላሃሳ ቡቂያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 14 ላንካሳ ዓሳርዔኤሌም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 15 ሳላሳ ያሻዕያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 16 ታዞጳሳ ማታኒያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 17 ታጳሳ ሺምዒም ኬስኬኔ፤ ዒዛንታ ዒዛኮ ናኣቶንታ ጌርሲንሢታኮ ፓይዳ ዎሊ ዑፃ ታጶ ላምዖኬ፤
\p
\v 18 ታጶ ፔታሳ ዓዛርዔኤሌም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 19 ታጶ ላምዓሶ ሃሻቢያሜም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 20 ታጶ ሃይሣሳ ሹባዔሌም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 21 ታጶ ዖይዳሳ ማታትያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 22 ታጶ ዶንጋሳ ያሪሞቴም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 23 ታጶ ላሃሳ ሃናኒም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 24 ታጶ ላንካሳ ዮሽቤቃሼም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 25 ታጶ ሳላሶ ሃናኒያም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ፤
\p
\v 26 ታጶ ታዞጳሶ ማሎቲም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 27 ላማታማሶ ዔሊዓታም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 28 ላማታሚ ፔታሶ ሆቲሬም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 29 ላማታሚ ላምዓሳ ጊዴልቲም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 30 ላማታሚ ሃይሣሶ ማህዚዖቴም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\p
\v 31 ላማታሚ ዖይዳሳ ሮሚምቲዔዜሬም ኬስኬኔ፤ ዒዛንታ ዒዛኮ ጌርሲንሢንታ ናኣቶንታ ፓይዳ ዎሊ ዑፃ ታጶ ላምዖኬ።
\c 26
\s1 ጌኤዦ ማኣሮ ካፓ ዓሶ
\p
\v 1 ጌኤዦ ማኣሮ ካፓያ ማዔ ሌዊ ዓሶኮ ማዻ ዓርቂንቴሢ ሃካፓ ዴማ ዓኣ ጎይፆኬ፤ ቆራሄ ቶኦኮኮ ዓሳኣፔ ማኣራፓ ቆኦሬ ናኣዚ፥ ሜሱላሜኬ። 
\v 2 ዒዛኮ ላንካይ ዓቲንቄ ናይ ዓኣኔ፤ ዔያታ ዎሊ ሄሊ ሄሊ ሾይንቴ ጎይፆና፦ ዛካሪያሴ፥ ዪዲዕዔኤሌ፥ ዛባድያ፥ ያትኒዔኤሌ፥ 
\v 3 ዔላኣሜ፥ ዬሆሃናኔንታ ዔልዬሆዔናዬ ጌይንታኔ።
\p
\v 4 ሜሌ ሃሣ ሳሊ ዓቲንቄ ናይ ዒንጊ ፆኦሲ ዓንጄ፥ ዖቤድዔዶኦሜ ጌይንታ ፔቴ ዓሲ ዓኣኔ፤ ዒዛ ናኣታ ዎሊ ሄሊ ሾይንቴ ጎይፆና፦ ሼማዒያ፥ ዬሆዛባዴ፥ ዮዓሄ፥ ሳካሬ፥ ናትናዔኤሌ፥ 
\v 5 ዓሚዔኤሌ፥ ዪሳኮኦሬና ፔዑሌታዬ ጌይንታያኬ። \x - \xo 26፡5 \xo*\xt 2ሳሙ. 6፡11፤ 1ፆኦሲ. ዓሃኬ 13፡14።\xt*\x*
\p
\v 6-7 ሃሣ ዖቤድዔዶኦሜኮ ናኣዚ ቶይዲ፥ ሼማዒያኮ ላሆ ዓቲንቄ ናይ ዓኣኔ፤ ዬንሢ፦ ዖትኒ፥ ሬፓዔኤሌ፥ ዖቤዴ፥ ዔልዛባዴ፥ ዔሊሁና ሳማክያናኬ፤ ዔያቶኮ ዼኤፒ ዔራቶ ዓኣሢሮ ዔያቶ ዓዶ ማኣሮ ዓሶኮ ዔያታ ሱኡጎኬ።
\p
\v 8 ዓካሪ ዬያታ ቢያ ዖቤድዔዶኦሜ ዜርፆ ማዓዛ ዔያቶንታ ዔያቶኮ ዓቲንቆ ናኣቶንታ፤ ሃሣ ዔያቶኮ ዒጊና ማዾ ማዻኒ ጊዳ ዔራቶ ዓኣያኬ፤ ዒዛ ዜርፃ ዎሊ ዑፃ ላሂታሚ ላምዖኬ።
\p
\v 9 ሜሱላሜኮ ማዾ ማዻኒ ዔራቶ ዓኣ ታጶ ሳሊ ዓቲንቄ ናይንታ ጌርሲንሢንታ ዓኣኔ።
\p
\v 10 ሜራሪ ቶኦካፓ ዖይዶ ዓቲንቄ ናይ ዓኣ፥ ሆሳ ጌይንታ ዓሲ ዓኣኔ፤ ዬያ ናኣቶኮ ሱኡጋሢ ሼምሪኬ፤ ዒዚ ቶይዶ ናዖቱዋቴያ ዓዴ ዒዛ ሱኡጌ ማሄኔ፤ ዔያታ፦ ሺምሪ፥ 
\v 11 ሂልቂያ፥ ፄባልያና ዛካሪያሴ ጎዖያኬ፤ ዬያ ሆሳኮ ማኣሮ ዓሶይዳፓ ጌኤዦ ማኣሮ ካፓያ ማዔዞንሢ ዎሊ ዑፃ ታጶ ሃይሦ ዓሲኬ።
\p
\v 12 ጌኤዦ ማኣሮ ካፓ ዓሳ ፔ ማኣሮ ዓሶ ሱኡጎኮ ዴማ ዴማ ማዒ ፓቂንቲ ፓቂንቲ ዔያታ ሃንጎ ሌዊ ዓሶጉዲ ጌኤዦ ማኣራ ማዾ ማዾ ማዻኔ። 
\v 13 ዎዚጉዲ ዔያታ ሚርጌቴያ ፔቴ ፔቴ ማኣሮ ዓሳ ዎኖ ዛሎ ማርሾ ካሮ ካፓቴያ ዔራኒ፥ ዼጌ ማዔቴያ ጋርቺ ጎዑዋዖ ጉቤሢም ዒፃሢ ዓጋኔ፤ 
\v 14 ዓባ ኬስካ ዛሎና ዓኣ ማርሾ ካሮ ካፒፆኮ ዒፃሢ ሴሌሚያም ኬስኬኔ፤ ሄሊሳዖ ቢያ ዎዴና ኮሺ ዞሮ ዞራ ዒዛኮ ናኣዚ ዛካሪያሴም ኬዶ ዛሎና ዓኣ ማርሾ ካሮ ካፓንዳጉዲ ዒፃሢ ኬስኬኔ፤ 
\v 15 ዖቤድዔዶኦሜ ዾኦሎ ዛሎና ዓኣ ማርሾ ካሮ ካፓንዳጉዲ ዱማሲ ዔሮ ባካ ኬስካዛ፥ ሜሆ ጌሦ ማኣሮ ካፓንዳጉዲ ዒዛኮ ናኣቶም ዒፃሢ ኬስኬኔ። 
\v 16 ሹፒሜና ሆሳናም ዓባ ጌላ ዛሎና ዓኣ ማርሾ ካሮና ኬዶ ጎይፆ ዛሎና ዓኣ ሻሌኬቴ ጌይንታ ማርሾ ካሮ ካፓንዳጉዲ ዒፃሢ ዔያቶም ኬስኬኔ፤ ዬይ ማርሾ ካሮ ካፒፆ ማዻ ዎሊ ሄሊ ሄሊ ፔ ዎዴና ዎዴና ፓቂንቴያኬ፤ 
\v 17 ዬያሮ ቢያ ኬሊ ዓባ ጌላ ዛሎና ላሆ፥ ኬዶ ዛሎና ዖይዶ፥ ዾኦሎ ዛሎናኣ ዖይዶ ካፓ ዓሲ ዔቃኔ፤ ዬያጉዲ ሃሣ ቢያ ኬላ ዖይዶ ካፓ ዓሲ ሜሆ ጌሦ ማኣሮ ካፓንዳጉዲ ጎዖዛ ዔያቶይዳፓ ላምዓሢ ፔቴ ሜሆ ጌሦ ማኣሮ፥ ዓቴ ላምዖንሢ ሃሣ ባጎ ማኣሮ ካፓኔ። 
\v 18 ዓባ ጌላ ዛሎና ጎይፆ ሄሊሲ ኮሺንቴ ዓሳ ቡካ ቤዞ ኮይላ ዖይዶ ካፓ ዓሲ ጌሦዛ፥ ዬኖ ቤዜሎ ካፓ ላምዖ ዓሲ ዓኣኔ። 
\v 19 ቆራሄና ሜራሪ ቶኦኮናም ማርሾ ካሮ ካፓንዳጉዲ ጊሽኪንቴሢ ያዺዲኬ።
\s1 ሃንጎ ሌዊ ዓሳ ጌኤዦ ማኣራ ማዻ ማዾ
\p
\v 20 ሌዊ ዓሶይዳፓ ዓኪያ ጎዖሢ ጌኤዦ ማኣሮኮ ሜሆ ጌሦ ማኣሮንታ ፆኦሲም ዱማዼያ ማዔ ዒንጊንታ ባኮ ጌሦ ማኣሮኮዋ ሱኡጌኬ፤ 
\v 21 ጌርሾኔ ናኣታፓ ፔቴሢ ማዔ፥ ላዒዳኔ ፔኤኮ ናኣዚ ዪሂዔኤሌ ማኣሮ ዓሶንታ ዱማ ዱማ ማኣሮ ዓሶ ዒጊኖኮዋ ሱኡጌኬ፤ 
\v 22 ዪሂዔኤሌኮ ዓቲንቆ ናኣታ፦ ዜታሜና ጌርሲ ዒዮዔኤሌናኬ። ዬንሢ ጌኤዦ ማኣሮኮ ፃኣፒ ዓርቆ ባኮንታ ሜሆ ጌሦ ማኣሮንታኮ ሱኡጎንሢኬ። 
\v 23 ዬይ ያዺ ማዓዛ ዓምራሜ፥ ዪፅሃሬንታ ኬብሮኦኔንታ ዑዚዔኤሌንታ ዜርፆማኣ ዔያታ ማዻንዳ ማዾ ዒንጊንቴኔ።
\p
\v 24 ሙሴ ናኣዚ ጌርሾኔ ቶኦኪ ማዔ ሼቡዔኤሌ ጌኤዦ ማኣሮ ሜሆ ጌሦ ማኣሮኮ ሱኡጎኮ ዑፆ ሱኡጋሢኬ፤ 
\v 25 ዒዚያ ጌርሾሜኮ ጌርሲ፥ ዔሊዔዜሬ ዛሎና ሼሎሚቴኮ ዑኬ ዒጊኒኬ፤ ዬይ ዔሊዔዜሬ ሬሃቢያ፥ ሬሃቢያ ዪሻዕያ፥ ዪሻዕያ ዮራሜ፥ ዮራሜ ዚክሪ፥ ዚክሪያ ሼሎሚቴ ሾዔኔ፤ 
\v 26 ሼሎሚቴንታ ዒዛኮ ዒጊኖንታ ካኣቲ ዳውቴንታ ዒዛ ማኣሮ ዓሶኮ ሱኡጎንታ፥ ጊንሣ ሃሣ ዒዛ ቶኦኮኮ ዱማ ዳማ ዖሎ ዓሶ ሱኡጋ፥ ፆኦሲም ዱማዼያ ማሂ ዒንጎ ባኮኮዋ ሱኡጌኬ፤ 
\v 27 ዬንሢ ሱኡጎንሢ ዖሎ ዎዶና ዔያታ ዲዒ ዔካ ባኮይዳፓ ፓቂ ጌኤዦ ማኣራ ማዺንታንዳጉዲ ናንጊና ናንጋ ጎዳም ዱማሳኔ። 
\v 28 ሼሎሚቴና ዒዛኮ ዒጊኖና ጌኤዦ ማኣሮ ማዾም ዱማዼ ባኮ ቢያ፥ ፆኦሲ ማሊፆ ኬኤዛሢ ሳሙዔኤሌንታ ካኣቲ ሳኣዖኦሌንታ ኔሪ ናኣዚ ዓቤኔሬና ፄሩያ ናኣዚ ዒዮዓቤ ዒንጌ ባኮንታኮ ሱኡጌ ማዔኔ።
\s1 ሃሣ ዓቴ ሌዊ ዓሳ ማዻ ማዾ
\p
\v 29 ዪፅሃሬ ዜርፆ ባኣካፓ ኬናንያንታ ዒዛኮ ናኣቶንታ ጌኤዦ ማኣራቱዋንቴ ዙላ ዓሲ ዎይሥሢና ዒስራዔኤሌ ዴሮ ባኣካ ኬስካ ዓይጎ ባኣዚ ማዔቴያ ዔያታ ዛጊ ጌስታኒ ሱኡጌ ማዒ ጌሢንቴኔ።
\p
\v 30 ኬብሮኦኔና ሃሻቢያ ዜርፆናይዳፓ ዛላ፤ ዬያጉዲ ሃሣ ዶዲ ዔርቴያ ማዔ፥ ፔቴ ሺያና ላንካይ ፄኤታ ማዓ ሃሻቢያንታ ዒጊኖንታ ዮርዳኖሴ ዎሮኮ ዓባ ኬስካ ዛሎና ዓኣ ዒስራዔኤሌ ዴሮኮ ፆኦሲ ማዾንታ ካኣቲም ማዺንታ ማዾኮዋ ቢያ ሱኡጌኬ። 
\v 31 ኬብሮኦኔ ዜርፆኮ ሾይንቶ ሃይሳ ፃኣፒንቲ ዓኣ ጎይፆና ሱኡጋሢ ዪሪያኬ፤ ዳውቴ ካኣታዼንቴ ዖይዲታማሳ ሌዖና ሃይሶ ፃኣፒ ዓርቆ ቤዛ ዛጎንቴ ጌሌዓዴይዳ ያዕዜሬ ጌይንታ ቤዛ ናንጋ ማኣሮ ዓሶይዳፓ ዔርቴያ ማዓ ፖኦሊሴ ጴዼኔ፤ 
\v 32 ዒማና ካኣቲ ዳውቴ ዬንሢ ዒዛኮ ዒጊኖንሢዳፓ ዔርቴያ ማዓ ላምዖ ሺያና ላንካይ ፄኤታ ዓሲ ሱኡጌ ማሂ ዶኦሬኔ፤ ዬያ ሌሊቱዋንቴ ዳውቴ ዮርዳኖሴ ዎሮኮ ዓባ ኬስካ ዛሎና ጌይፃ ሮኦቤኤሌንታ ጋኣዴንታ ሚናኣሴ ዓጮንታይዳፓ ፆኦሲ ማዾና ዓጮ ዎይሢፆናኮ ቢያ ሱኡጌ ዔያቶ ማሂ ጌሤኔ።
\c 27
\s1 ዳውቴ ዖሎ ዓሶኮ ሱኡጎ ዶኦሬሢ
\p
\v 1 ሃካፓ ዴማ ዓኣዞንሢ ዒስራዔኤሌ ዓሶኮ ማኣሮ ዓሶ ሱኡጎንታ ዱማ ዱማ ቶኦኮ ዎይሣ ዓሶንታ፤ ዬያጉዲ ሃሣ ካኣቲኮ ማዾ ማዻ ቢታንታ ዓኣ ዓሶኮ ሱንፃ ዎሊ ሄሊ ፃኣፒንቴኔ፤ ዬይያ፦ ሌዖ ጋራ ዓኣ ፔቴ ፔቴ ዓጊኖይዳ ላማታሚ ዖይዶ ሺያ ዓሲ ዎሊ ዑፃ ማዒ ማዻንዳጉዲ ፓቂንቴያ ማዓዛ ዬያ ዱማ ዱማ ፓቂንቴ ዓሶኮ ሱኡጌ ዓኣኔ።
\p
\v 2-15 ፔቴ ፔቴ ዓጊኖይዳ ዬያ ዎሊ ዑፃ ማሆና ዓሶኮ ሱኡጌ ማዔ ዓሶኮ ሱንፃ ሃካፓ ዴማ ፓይዲንቴሢ ጎይፆኬ፤
\m ቤርታሳ ዓጊኖይዳ ቤርታሲ ፓቂንቴ ፖኦሊሶኮ ሱኡጌ ማዔሢ ዛብዲዔኤሌ ናኣዚ ያሾብዓሜኬ፤ ዒዛ ዴማ ማዔም ዒ ዓይሢ ዎይሣ ፖኦሊሳ ላማታሚ ዖይዶ ሺያኬ፤ ዒዚያ ዪሁዳ ዒጊኖ ዛላፓ ማዔ ፓርሴ ቶኦኪኬ።
\m ላምዓሳ ዓጊኖና ላምዓሲ ፓቂንቴ ፖኦሊሶኮ ሱኡጋሢ ዓሆሄ ዓሢ ዶዳዬኬ፤ ዒዛ ዴማ ማዔም ዒ ዓይሢ ዎይሣ ፖኦሊሳ ላማታሚ ዖይዶ ሺያኬ።
\m ዒዛኮ ዴማ ማዒ ዓይሣሢ ሚቅሎቴ ጎዖሢኬ።
\m ሃይሣሳ ዓጊኖና ሃይሣሲ ፓቂንቴ ፖኦሊሶኮ ሱኡጋሢ፦ ቄኤሳሢ፥ ዮዳሄ ናኣዚ ቤናያኬ፤ ዒዛ ዴማ ማዔም ዒ ዓይሢ ዎይሣ ፖኦሊሳ ላማታሚ ዖይዶ ሺያኬ፤ ዬይ ቤናያ ሃይሢታሚ ዖሎና ዔርቴ ፖኦሊሶኮ ዑፃ ዔርቴያ ማዔ ሱኡጌ ማዔያኬ። ዒማና ዒዛኮ ናኣዚ ዒዛኮ ዴማ ማዒ ዓይሣኔ።
\m ዖይዳሳ ዓጊኖና ዖይዳሶ ፓቂንቴ ፖኦሊሶኮ ሱኡጋሢ፦ ዒዮዓቤ ጌርሲ ዓሳሄሌኬ። ዬካፓ ዒዛ ቤዞይዳ ዒዛኮ ናኣዚ ዜባድያ ዬያ ፖኦሊሶኮ ሱኡጋሢ ማዔኔ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ዶንጋሳ ዓጊኖና ዶንጋሶ ፓቂንቴ ፓኦሊሶኮ ሱኡጋሢ፦ ዪፅሃሬ ዓሢ ሼምሁቴኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ላሃሳ ዓጊኖና ላሃሶ ፓቂንቴ ፖኦሊሶኮ ሱኡጋሢ ቴቆዓ ዓሢ ዒቄሼ ናኣዚ ዒራኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ላንካሳ ዓጊኖና ላንካሶ ፓቂንቴ ፖኦሊሶኮ ሱኡጋሢ፦ ዔፕሬኤሜ ፃጳፓ ፔሎ ዓሢ፥ ሄሌፄኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ሳላሳ ዓጊኖና ሳላሶ ፓቂንቴ ፖኦሊሶኮ ሱኡጋሢ፦ ሁሻ ዓሢ፥ ሲቤካዬኬ፤ ዒዚያ ዪሁዳ ፃጶኮ ዛራ ዜርፃፓኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ታዞጳሳ ዓጊኖና ታዞጳሶ ፓቂንቴ ፖኦሊሶኮ ሱኡጋሢ፦ ዓናቶቴ ዓሢ ዓቤዔዜሬኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ታጳሳ ዓጊኖና ታጳሶ ፓቂንቴ ፖኦሊሶኮ ሱኡጋሢ፦ ዛራ ፃጳፓ ኔፆፓ ዓሢ ማሂራዬኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ታጶ ፔታሳ ዓጊኖና ታጶ ፔታሶ ፓቂንቴ ፖኦሊሶኮ ሱኡጋሢ፦ ዔፕሬኤሜ ፃጶ ዓጮኮ ፒርቶኔ ዓጫ ሾይንቴ፥ ቤናያኬ፤ ዒዛ ዴማ ማዔም ዒ ዓይሣ ፖኦሊሳ ላማታሚ ዖይዶ ሺያኬ።
\m ታጶ ላምዓሳ ዓጊኖና ታጶ ላምዓሶ ፓቂንቴ ፖኦሊሶኮ ሱኡጋሢ፦ ዖትኒዔኤሌ ቶኦኪ ማዔ ኔፆፓ ዓሢ፥ ሄልዳዬኬ፤ ዒዛ ዴማ ማዒ ዒ ዓይሣ ፖኦሊሳ ላማታሚ ዖይዶ ሺያኬ።
\s1 ዳውቴ ዒስራዔኤሌ ዓሶ ፃጶ ሱኡጎ ዶኦሬሢ
\p
\v 16-22 ዒስራዔኤሌ ዓሶ ዎይሣ ሱኡጎ ሱንፃ ሃይካፓ ዴማ ዎሊ ጊንፆ ፓይዲንታ ጎይፆጉዲኬ፦
\q ሮኦቤኤሌ ፃጶ ዎይሣሢ፦ ዚክሪ ናኣዚ ዔሊዔዜሬኬ፤
\q ሲሞኦኔ ፃጶ፦ ማዕካ ናኣዚ ሼፓፂያ፥
\q ሌዊ ፃጶ፦ ቄሙዔሌ ናኣዚ ሃሻቢያ፥
\q ዓኣሮኔ ፃጶ፦ ሳዶቄ፥
\q ዪሁዳ ፃጶ፦ ካኣቲ፥ ዳውቴ ጌርሲንሢፓ ፔቴሢ ማዔ ዔሊሁ፥
\q ዪሳኮኦሬ ፃጶ፦ ሚካዔኤሌ ናኣዚ ዖምሪ፥
\q ዛብሎኦኔ ፃጶ፦ ዓዲዩ ናኣዚ ዩሽማዕያ፥
\q ኒፕታኣሌኤሜ ፃጶ፦ ዓዝሪዔሌ ናኣዚ ያሪሞቴ፥
\q ዔፕሬኤሜ ፃጶ፦ ዓዛዝያ ናኣዚ ሆሴዔ፥
\q ዓባ ጌላ ዛሎና ዓኣ ሚናኣሴ ፃጶ፦ ፔዳያ ናኣዚ ዒዮዔሌ፥
\q ዓባ ኬስካ ዛሎና ዓኣ ሚናኣሴ ፃጶ፦ ዛካሪያሴ ናኣዚ ዩዶ፥
\q ቢኢኒያሜ ፃጶ፦ ዓቤኔሬ ናኣዚ ያዕሲዔኤሌ፥
\q ዳኣኔ ፃጶ፦ ዪሮሃሜ ናኣዚ ዓዛርዔሌ ዎይሣያ ማዔኔ።
\p
\v 23 ናንጊና ናንጋ ጎዳ፦ «ታኣኒ ዒስራዔኤሌ ዴሮ ጫሪንጮ ዦኦጋሢጉዲ ሚርጊሻንዳኔ» ጌዒ ኬኤዜ ሃጊ ማዓንዳ ዎዞ ቃኣሎጉዲ ካኣቲ፥ ዳውቴ ሌዓ ላማታሚ ማዔያና ዬካፓ ዴማ ማዔ ዓሶ ፓይዳ ዎዶና ዎላ ፓይዲባኣሴ፤ \x - \xo 27፡23 \xo*\xt ማዢ. ማፃ 15፡5፤ 22፡17፤ 26፡4።\xt*\x* 
\v 24 ፄሩያ ናኣዚ፥ ዒዮዓቤ ዴሮ ፓይዲ ጋፒሱዋዖ ጎይፃ ሃሼኔ፤ ፆኦሲ ዬያ ፓይዲፆሮ ዻጋዺ ዒስራዔኤሌ ዴሮይዳ ሃይቢ ሄሊሴሢሮ ዬይ ፓይዳ ካኣቲ ዳውቴ ሃይሳ ፃኣፒንታ ማዝጋባ ፃኣፒንቲባኣሴ። \x - \xo 27፡24 \xo*\xt 2ሳሙ. 24፡1-15፤ 1ፆኦሲ. ዓሃኬ 21፡1-14።\xt*\x*
\s1 ካኣቱሞ ማኣራ ዓኣ ሜሆ ዛጊ ዎይሣ ዓሶ
\p
\v 25-31 ካኣቱሞ ማኣሮይዳ ዓኣ ሜሆ ዛጊ ዎይሣያ ማዔ ዓሶኮ ሱንፃ ዎሊ ጊንፆ ሃካፓ ዴማ ዓኣ ጎይፆኬ፦
\q ካኣቱሞ ማኣሮይዳ ሜሆ ጌሦ ማኣሮኮ ሱኡጋሢ ዓዲዔኤሌ ናኣዚ ዓዝማዌቴኬ፤
\q ካታሞይዳ፥ ካታሞኮ ዙሎይዳ፥ ዱማ ዱማ ጉርዶይዳ፥ ዋርዲዮ ቤዞይዳ ዓኣ ካኣቲኮ ሜሆ ጌሦ ማኣሮ ሱኡጋሢ፦ ዑዚያ ናኣዚ ዮናታኣኔኬ፤
\q ጎዦ ጎሽካ ዓሶ ሱኡጋሢ፦ ካሉቤ ናኣዚ ዔዝሪኬ፤
\q ዎይኖ ጎዦ ሱኡጋሢ፦ ራማይዳ ሾይንቴ፥ ሺምዒኬ፤
\q ዎይኖ ዑዦ ጌሦ ማኣሮ ሱኡጋሢ፦ ሼፓሜይዳ ሾይንቴ ዛብዲኬ፤
\q ዾኦሎ ዛሎ ጌሜሮይዳ ዓኣ ሪሚቶንታ ቦኦቦ ሚፆንታ ሱኡጌ ማዒ ዛጋሢ ጌዴሬይዳ ሾይንቴ ባዓልሃናኔኬ፤
\q ሪሚቶ ዛይቶ ጌሦ ማኣሮ ሱኡጌ ማዒ ዛጋሢ፦ ዒዮዓሴኬ፤
\q ሳኣሮኦኔ ቦኦሎይዳ ዓኣ ባኣቶ ሱኡጌ ማዒ ዛጋሢ፦ ሳኣሮኦኔይዳ ሾይንቴ ሺፅራዬኬ፤
\q ዶኦጮይዳ ዓኣ ባኣቶ ሱኡጌ ማዒ ዛጋሢ፦ ዓድላዬ ናኣዚ ሻፓፄኬ፤
\q ሱኡጌ ማዒ ጋኣላሢ ዛጋሢ፦ ዒስማዔኤሌይዳ ሾይንቴ ዖቢሌኬ፤
\q ሱኡጌ ማዒ ሃሮ ዛጋሢ፦ ሜሮኖቴይዳ ሾይንቴ ዬህዲያኬ፤
\q ማራቶና ዋኣሮና ሱኡጌ ማዒ ዛጋሢ፦ ሃግራ ዓሢ ያዚዜኬ።
\s1 ዳውቴ ዞራ ዓሶ
\p
\v 32 ካኣቲ ዳውቴኮ ዓቤ፥ ዮናታኣኔ ዞሮና ጪንጫ ሃሣ ዔራ ዓሲኬ፤ ዒዛና ሃኪሞኔ ናኣዚ ዪሂዔኤሌና ካኣቲኮ ናኣቶ ዔርዛዞንሢኬ፤ 
\v 33 ዓኪፆፔሌ ካኣቲ ዞራ ዶንዛሢ ማዓዛ ዓርካይዳ ሾይንቴ፥ ሁሻዬ ካኣቲኮ ላጌኬ፤ 
\v 34 ዓኪፆፔሌ ሃይቄስካፓ ዓቢያታሬና ቤናያ ናኣዚ፥ ዪሆያዳዔና ካኣቲ ዞራዞንሢ ማዔኔ፤ ዒዮዓቤ ካኣቲኮ ዖሎ ዓሶ ዓይሣ ሱኡጋሢ ማዔኔ።
\c 28
\s1 ዳውቴ ጌኤዦ ማኣሮ ማዣኒ ማሌሢ
\p
\v 1 ካኣቲ ዳውቴ ዒስራዔኤሌ ዓሶኮ ቢታ ዓቱዋዖ ዬሩሳላሜ ሙኪ ቡካንዳጉዲ ዔኤሊሢ ዳኬሢሮ ፔቴ ፔቴ ፃጶኮ ሱኡጋ፥ ዓጮይዳ ማዾ ማዻ ቢቶ ዓሳ፥ ዱማ ዱማ ቶኦኮኮ ሱኡጋ፥ ካኣቲንታ ዒዛኮ ዓቲንቆ ናኣቶንታኮ ዓኣ ባኮና ባኣቶዋ ሱኡጌ ማዒ ዛጋ ዓሳ፤ ዬያጉዲ ሃሣ ካኣቱሞ ማኣሮኮ ዶንዛ፥ ዶዲ ማዒ ዖሎና ዔርቴ ዓሳ ጉቤ ሙኪ ቡኬኔ።
\p
\v 2 ዓሳ ቢያ ቡኪንቴስካፓ ዳውቴ ዔቃዖ፦ «ዒንሢ ሃይ ታ ዒጊኖንታ ታ ዓጮ ዓሳ! ሂንዳ ዋይዙዋቴ፤ ናንጊና ናንጋ ጎዳኮ ጫኣቁሞ ሳኣፂኖ ጌሦንዶ ቤሲንታ ኑ ፆኦዛሢኮ ቶኪ ሄርቃንዳ ማኣሪያ ማዣኒ ማዦንዶ ጎይፆ ታኣኒ ጊኢጊሺ ማሌኔ፤ 
\v 3 ጋዓንቴ ዖልዚና ሚርጌ ሱጉሢ ታ ላኣሌሢሮ ታኣኒ ዒዛኮ ጌኤዦ ማኣሮ ማዣንዳጉዲ ፆኦሲ ኮዒባኣሴ፤ 
\v 4 ናንጊና ናንጋ ጎዳ ማዔ ዒስራዔኤሌኮ ፆኦዛሢ ዪሁዳ ፃጶ፥ ዒስራዔኤሌ ዓሶይዳ ሱኡጌ ማሂ ዶኦሬኔ፤ ሃሣ ዪሁዳ ፃጳፓ ታ ማኣሮ ዓሶ፥ ታ ማኣሮ ዓሶይዳፓ ታና ዒስራዔኤሌ ዓሶኮ ካኣቲ ማሂ ዶኦራዖ ታ ዜርፃ ካኣቶ ማዒ ዎይሣንዳሢ ታኣም ዒ ጫኣቄኔ። 
\v 5 ዬያ ሌሊቱዋንቴ ዒ ታኣም ሚርጌ ዓቲንቄ ናይ ዒንጌኔ፤ ዔያቶ ባኣካፓ ካኣቱሞ ዓልጋ ዴዒ ዒስራዔኤሌይዳ ካኣታዻንዳጉዲ ታ ናኣዚ፥ ሴሎሞኔ ዶኦሬኔ።
\p
\v 6 «ቃሲ ሃሣ ናንጊና ናንጋ ጎዳ ታኣም ኬኤዛዖ፦ ‹ታኣም ጌኤዦ ማኣሮ ማዣንዳሢ ኔ ናኣዚ ሴሎሞኔኬ፤ ታ ዒዛ ታኣኮ ናይ ማሃንዳኔ፤ ታኣ ዒዛኮ ዓዶ ማዓንዳኔ፤ 
\v 7 ዒዚ ሃሢ ማዻ ጎይፆ ቢያ ዎዴ ታ ዎጎና ታኣኮ ዓይሢፆ ዛጊ ማዺ ኩንሣያ ማዔቴ ዒዛኮ ካኣቱሞ ናንጊና ታ ዒዛም ዶዲሻንዳኔ› ጌዔኔ። \x - \xo 28፡7 \xo*\xt 2ሳሙ. 7፡1-6፤ 1ፆኦሲ. ዓሃኬ 17፡1-14።\xt*\x*
\p
\v 8 «ሃሢያ ታ ዓሲዮቴ! ፆኦሲ ዋይዛንቴ፤ ፆኦሲ ዶኦሬ ዒስራዔኤሌ ዓሳኣ ዛጋንቴ ናንጊና ናንጋ ጎዳ ማዔ ኑ ፆኦዛሢ ኑና ዓይሤ ባኮ ቢያ ዛጊ ማዺ ዒንሢ ኩንሣንዳጉዲ ታ ዒንሢ ሺኢቃኔ፤ ዬያ ዒንሢ ማዼቴ ሃኖ ኮዦ ዓጬሎ ናንጊና ዒንሢ ዓጪ ማሃንዳኔ፤ ሃሣ ጊንፃፓ ሙካ ሾይንቶማኣ ዒንሢ ዻካልሳኒ ዳንዳዓኔ» ጌዔኔ።
\p
\v 9 ዬካፓ ዳውቴ ሴሎሞኔ ኮራ፦ «ታ ናዓሢዮ! ፆኦሲ ዓሲኮ ዒኔ ቢያ ዛጋያ፥ ማሊፆዋ ቢያ ዔራሢሮ ኔ ዓዶ ፆኦዛሢ ዔሬ፤ ዒዚ ኑኡኮ ማሊፆና ኑ ኮዓ ባኮ ቢያ ዔራኔ፤ ዬያሮ ኔ ጉቤ ዒናፓ ኮሺ ማሊሢና ዒዛም ማዻንዳጉዲ ታ ኔኤም ጋዓኔ፤ ዒዛ ኔ ኮዓያ ማዔቴ ኔ ዒዛ ዴንቃንዳኔ፤ ጋዓንቴ ዒዛ ኔ ሃሼቴ ዒዚያ ኔና ናንጊና ሃሻንዳኔ። 
\v 10 ዒዛም ኔ ጌኤዦ ማኣሮ ማዣንዳጉዲ ናንጊና ናንጋ ጎዳ ኔና ዶኦሬሢ ዋሊፖ፤ ዶዲ ጫርቂ ዒናፓ ማዼ» ጌዔኔ።
\p
\v 11 ሄሊሳዖ ሃሣ ዳውቴ ሴሎሞኔም ጌኤዦ ማኣሮኮ ሜሆ ጌሦ ማኣሮ፥ ዎሊ ዑፃ ዑፃ ማዦና ኩቦ ማኣሮና ጋሮ ቆልዖንታ፤ ዬያጉዲ ሃሣ ጎሞ ጌኤሾ፥ ዑሣ ዓኣዼ ጌኤዦ ማኣሮ ማዦንዶ ጎይፆ ኬኤዚ ዒንጌኔ፤ 
\v 12 ዬያ ሌሊቱዋንቴ ጌኤዦ ማኣሮኮ ዓሳ ቡኪንታንዳ ጶኦኮንታ ኮይላ ዓኣ ቆልዖንታ ጌኤዦ ማኣሮ ሜሆንታ ናንጊና ናንጋ ጎዳም ዒንጊንታ ባኮ ጌሦ ማኣሮ ቢያ ዒ ዎማይዲ ማዣኒ ማሌቴያ ዓኣ ማሊፆዋ ኬኤዚ ዒንጌኔ። 
\v 13 ዬያጉዲ ሃሣ ዳውቴ ቄኤሶና ሌዊ ዓሶና ማዻንዳ ባኮ፥ ጌኤዦ ማኣሮይዳ ዔያታ ማዻንዳ ማዾና ፆኦሲ ካኣዦ ማዾም ማዓ ሜሆ ኮሺ ዓርቆንዶ ጎይፆ ማሊፆዋ ሴሎሞኔም ኬኤዜኔ። 
\v 14 ዱማ ዱማ ማዾም ማዓ ሜሆ ኮሺሢም ማዓንዳጉዲ ቢሮ ዓንጎንታ ዎርቆንታኮ ሚርጉማ ዴኤሡሞ ዔሮ ባኮና ዎማዺ ማዓኒ ኮይሳቴ ኬኤዜኔ፤ 
\v 15 ፔቴ ፔቴ ፖዖ ጌሦ ሻርኖም ማዓ ዎርቆንታ ፖዖ ጌሦ ሻርኖም ማዓ ቢሮ ዓንጎንታ ዴኤሡሞ ዔሮ ባኮና ዎማዺ ማዓኒ ኮይሳቴያ ኬኤዜኔ። 
\v 16 ቢሮ ዓንጎና ኮሺንታ ሎኦዦ ዖይቶም፥ ፆኦሲም ዒንጊንታ ዱማዼ ካሦ ጌሦ ዎርቆ ጋባዶንታ፤ 
\v 17 ሃይሦ ኬኤሎ ሲልጳሢንታ፥ ዔቶ ሳኣኖንታ ጉንጎላሢያኣ ኮሻኒ ዴኤሡሞ ዔሮ ባኮና ዎማ ጉዴያ ቢራ ዓንጊና ዎርቄና ኮይሳቴያ ኬኤዜኔ፤ 
\v 18 ዬያጉዲ ዑንጆ ጩቢሾ ቤዞንታ ፔኤኮ ጋኣዞ ናንጊና ናንጋ ጎዳ ጫኣቁሞ ሳኣፂኖኮ ዑፃ ፒሼ ኪሩቤላ ዴዓ ሳርጌሎ ዖይቶ ኮሺንታሢም ዎማጉዴ ጌኤሺ ዎርቄ ኮይሳቴያ ዓኣ ማሊፆ ኬኤዜኔ፤ 
\v 19 ካኣቲ ዳውቴ ቃሲ ኬኤዛዖ፦ «ዬይ ቢያ ናንጊና ናንጋ ጎዳ ታ ዒዛኮ ጌኤዦ ማኣሮ ዎማይዲ ማዣንዳቴያ ዻዌ ባኮታንቴ ታኣኒ ፃኣፔሢኬ» ጌዔኔ።
\p
\v 20 ጋፒንፆይዳ ካኣቲ፥ ዳውቴ ናኣዚ ሴሎሞኔም፦ «ዓካሪ ዒኔ ኩሙሢ ማዔ፤ ዶዴ፤ ማዾዋ ዑኬና ዓርቄ፤ ዓይጎ ባኣዚያ ኔና ቃዞፓ፤ ታኣኒ ዒዛም ማዻ፥ ናንጊና ናንጋ ጎዳ ማዔ ታ ፆኦዛሢ ኔኤና ዎላኬ፤ ጌኤዦ ማኣሮይዳ ኔ ማዻ ማዾ ማዺ ኔ ጋፒሳንዳያ ሄላንዳኣና ዒ ኔኤፓ ዱማዻዓኬ፤ ሃሣ ሃሻዓኬ፤ ፔቴታዖ ኔና ዒ ኬኤራዓኬ፤ 
\v 21 ጌኤዦ ማኣሮ ጋሮይዳ ዓኣ ማዾ ማዺ ኩንሣንዳጉዲ ቄኤሶና ሌዊ ዓሶና ዓይሢንቴኔ፤ ሃሣ ዱማ ዱማ ማዾ ዳንዳዓ ዔራቶ ዓኣ ዓሳኣ ኔና ማኣዳኒ ጊኢጌኔ፤ ዴሮና ዔያቶኮ ሱኡጋኣ ቢያ ኔኤም ዓይሢንታንዳኔ» ጌዔኔ።
\c 29
\s1 ጌኤዦ ማኣሮ ማዦም ዱማ ዱማ ዒንጊንቴ ባኮ
\p
\v 1 ዬካፓ ካኣቲ፥ ዳውቴ ቡኪንቴ ዴሮም ጉቤ፦ «ፆኦሲ ዶኦሬ ታኣኮ ናዓሢ ሴሎሞኔ ሃጊ ዼጌ፤ ሃሣ ማዺያ ዛጊባኣያኬ፤ ሃይ ማዢንታ ማኣራ፥ ካኣቱሞ ማኣሪቱዋንቴ ናንጊና ናንጋ ጎዳ ኑ ፆኦዛሢ ካኣሽኪንታ ጌኤሺ ማኣሪኬ፤ ሃይ ማዺንታንዳ ባካ ኮሺ ዼኤፒኬ፤ 
\v 2 ታኣኒ ታ ዳንዳዔሢጉዴያ ጌኤዦ ማኣሮ ማዦም ኮይሳ ባኮ ቢያ ጊኢጊሼኔ፤ ዬይያ፦ ዎርቆና ማዦ ባኮም ዎርቄ፥ ቢሮ ዓንጎና ማዦ ባኮም ቢራ ዓንጊ፥ ሞኦኖ ዓንጎና ማዾ ባኮም ሞኦና ዓንጊ፥ ሜሌ ዓንጎና ማዾ ባኮም ሜሌ ዓንጊ፥ ሚፆና ማዦንዶሢም ሚፆ፤ ዬያጉዲ ሃሣ ማይሊ ኬልቆንዶ ሜሬጊዴ፥ ኬልቄዶኔንታ ዱማ ዱማ ሚዛጶ ሹጮንታ ሚርጌ ዒብኔ ቤሬዴ ጌይንታ ሹጮዋ ታ ጊኢጊሼኔ። \x - \xo 29፡2 \xo*\xt 1ፆኦሲ. ዓሃኬ 22፡5።\xt*\x* 
\v 3 ሃያ ታ ጊኢጊሼ ባኮይዳፓ ቢያ ዑሣ ፆኦሲኮ ጌኤዦ ማኣሮም ታኣኮ ዓኣ ዼኤፖ ናሹሞፓ ዔቄያና ታ ባኮይዳፓ ሚርጌ ቢራንታ ዎርቄንታ ታ ዒንጌኔ፤ 
\v 4 ዬይያ፦ ፄኤታ ሺያ ኪሎ ማዓ ዖፕሬ ዎርቄንታ ዖይዲታሚ ሺያ ኪሎ ማዓ ጌኤሺ ቢራ፤ ጌኤዦ ማኣሮኮ ኮጮ ኬልቂ ማዦ ሹጮ ሚዛጲሳኒ፥ 
\v 5 ሃኣማ ማዻ ማዾም ማዓ ባኣዚ ታ ዒንጌኔ፤ ዓካሪ ሂንዳ ዒንሢዳፓ ማሊሢና ናሽኪ ናንጊና ናንጋ ጎዳሢም ዒንጋይ ዖናዳይ?» ጌዔኔ።
\p
\v 6 ዬካፓ ዱማ ዱማ ቶኦኮና ፃጶናኮ ሱኡጋ፥ ሺዮና ፄኤቶ ፖኦሊሶ ዓይሣ ዓሳ፥ ማዾ ማዻ ቢታንታ ዓኣ ዓሳ ናሹሞና ዒንጎ ባኣዚ ዒንጌኔ። 
\v 7 ዬያ ዔያታ ዒንጌሢ፦ ፄኤታና ላንካይታሚ ሺያ ኪሎፓ ባሻ ዎርቄ፥ ሃይሦ ፄኤታና ዖይዲታሚ ሺያ ኪሎፓ ባሻ ቢራ ዓንጊ፥ ላሆ ፄኤታና ላማታሚ ሺያ ኪሎ ማዓ ሞኦና ዓንጊንታ ሃይሦ ሚሎኔና ዖይዶ ፄኤታ ሺያ ኪሎፓ ባሻ ዓንጊ፤ 
\v 8 ሚዛጶ ሹጫ ዓኣ ዓሳኣ ቢያ ጌኤዦ ማኣሮኮ ሜሆ ጌሦ ማኣሮይዳ ጌልዚ ጌሣንዳጉዲ ሌዊ ዓሢ ጌርሾኔ ቶኦኪ ማዔ ዪሂዔኤሌም ዒንጌኔ። 
\v 9 ዴራ ፔ ቶኦኪና ናሽኪ ጉቤ ዒናፓ ናንጊና ናንጋ ጎዳም ዒንጌኔ፤ ሚርጌ ባኣዚ ዒንጊንቴሢሮ ዴራ ኮሺ ዎዛዼኔ፤ ካኣቲ ዳውቴያ ዑሣ ዓኣዼ ዎዛዼኔ።
\s1 ዳውቴ ናንጊና ናንጋ ጎዳ ጋላቲ ሺኢቄ ሺኢጲፆ
\p
\v 10 ዳውቴ ዒማና ዬያ ዓሶኮ ቤርታ፦ «ኑኡኮ ቤርታኣ ዓዳሢ ዒስራዔኤሌኮ ፆኦሲ ማዔ ናንጊና ናንጋ ጎዳሢዮ! ናኣናና ጋላቲንቴያ ማዔ፤ 
\v 11 ፆኦሲዮ፤ ጫሪንጮና ሳዖናይዳ ዓኣሢ ቢያ ኔኤሮኬ፤ ኔኤኒ ቢያፓ ባሼ ዼኤፒ ዎልቄና ዓኣያኬ፤ ቦንቾና ሚዛጱሞና ዲቃሢ ሄርሺሲሢናኣ ኔኤኒ ኩሜያኬ፤ ኔ ቢያፓ ባሼ ዑሣ ዼግ ጌዔያ፤ ሃሣ ቢያ ባኮ ዑፃ ኔኤኒ ቢታንቶ ዓኣ ካኣቲኬ፤ \x - \xo 29፡11 \xo*\xt ማቲ. 6፡13።\xt*\x* 
\v 12 ዖርጎቹሞንታ ቦንቾንታ ቢያ ጴዻሢ ኔጊዳፓኬ፤ ኔኤኒ ኔ ዶዱሞና ዎልቆና ቢያ ባኣዚ ዎይሣኔ፤ ኔ ናሽኬ ዓሲ ዼኤፒ፥ ሃሣ ዶዲ ማሃኒ ዳንዳዓኔ። 
\v 13 ኑ ፆኦዛሢዮ! ኑ ኔና ጋላታኔ፤ ኔኤኮ ቦንቺንቴ ሱንፆዋ ኑ ሄርሻኔ።
\p
\v 14 «ታኣና ታ ዴሮና ኔኤም ኑ ዒንጋንዳ ባኣዚ ዓይጌያ ኑኡኮ ባኣሴ፤ ዓይጎሮ ጌዔቴ ቢያ ባኮ ኔጊዳፓ ዔኬ ባኮኬ ኑ ዒንጋሢ፤ ዓካሪ ኔኤሲታንቴ ማሂ ኑ ኔኤም ዒንጌኔ፤ 
\v 15 ኑ ፆኦዛሢዮ! ኑኡኒያ ኑኡኮ ቤርታኣ ዓዶንሢጉዲ ኔ ቤርቶይዳ ዒፂ ዳኪንቴያና ቤሲባኣ ሾኦቺኬ፤ ሳዖይዳ ናንጎ ዎዳ ኑኡኮ ሺቢጉዲኬ፤ ሃሣ ሃጊ ማዓንዳ ዎዛኣ ባኣያኬ። 
\v 16 ናንጊና ናንጋ ጎዳ ማዔ ኑ ፆኦዛሢዮ! ሃያ ቢያ ቆሎ ኑ ቡኩሴሢ ኔኤኮ ዱማዼ ሱንፆም ቦንቺንቴ ጌኤሺ ማኣሪ ማዣኒኬ፤ ያዺ ማዔቴያ ቢያሢ ጴዼሢ ኔጊዳፓኬ፤ ቢያ ባካ ኔኤሲኬ፤ 
\v 17 ኔኤኒ ዓሲኮ ቢያ ዒኔ ዛጊ፥ ጉሙርቂንቴያ ማዓ ዴሬና ዎዛዻያ ማዔሢ ታ ዔራኔ፤ ዬያሮ ታኣኒ ሃያ ቢያ ታ ማሊሢና ናሽኪ ኔኤም ዒንጌሢ ጉሙርቂንቲሢና ፒዙሞናኬ፤ ዬያጉዲ ሃሣ ሃካ ኔኤኮ ቡኪንቴ ዴራ ኔኤም ዒንጌ ባኮና ኮሺ ዎዛዼሢ ታ ዴንቄኔ፤ 
\v 18 ኑኡኮ ቤርታኣ ዓዶንሢ ዓብራሃሜንታ ዪሳኣቄንታ ያይቆኦቤንታኮ ጎዳ ማዔ ፆኦዛሢዮ! ሃይ ዼኤፖ ናሹማ ኔኤኮ ዴሮ ዒና ናንጊና ዶዲ ናንጋንዳጉዲ ማሄ፤ ቢያ ዎዴ ኔኤም ዔያታ ጉሙርቂንታያ ማዓንዳጉዲ ማሄ፤ 
\v 19 ኔኤኒ ዓይሤ ባኮ ቢያ ማዺ ኩንሣንዳጉዲና ሃያ ቢያ ታ ዒዛም ጌኤዦ ማኣሮ ማዣንዳጉዲ ጊኢጊሼሢ ማዻንዳጉዲ ታ ናዓሢ ሴሎሞኔም ጉቤ ዒናፓ ማዔ ዔኤዒሢ ዒንጌ» ጌዔኔ።
\p
\v 20 ዬካፓ ዳውቴ ዴሮም፦ «ናንጊና ናንጋ ጎዳ ማዔ ዒንሢኮ ፆኦዛሢ ጋላቱዋቴ!» ጋዓዛ፥ ቡኬ ዓሳ ጉቤ ዔያቶኮ ቤርታኣ ዓዶንሢኮ ጎዳ ማዔ ፆኦዛሢ ጋላቴኔ፤ ሊካ ሳዖ ባንሢ ሂርኪ ጌዒ ፆኦሲንታ ካኣቲንታም ዚጊ ቦንቼኔ።
\p
\v 21 ዬኖኮ ዚሮ ጉቴሎ ሚርጌ ቆልሞ ሹኪ ፆኦሲም ዒንጎ ባኣዚ ማሂ ዔያታ ሺኢሼኔ፤ ዬካፓ ዴራ ሙዓንዳጉዲ ዒንጌኔ፤ ዒማና ፔቴ ሺያ ዚያ ጌማይ፥ ፔቴ ሺያ ዓዴ ማራይና ፔቴ ሺያ ማራናይ ሚቺ ዒንጎ ዒንጊሢ ማሂ ሹካዖ ፆኦሲም ዒንጊፆ ዒንጎ ቤዞ ዑፃ ጉቤ ሚቼኔ፤ ዎይናፓ ኮሾና ዑዦዋ ፆኦሲም ዒንጊሢ ማሂ ሺኢሼኔ፤ 
\v 22 ናንጊና ናንጋ ጎዳ ቤርታ ዬኖ ዓቦ ሙዒ ዑሽኪ ዑሽኪ ኮሺ ዎዛዺ ዔያታ ፔኤቄኔ።
\p ዬኖ ዓቦዋ ሴሎሞኔ ካኣቲ ማዔሢ ዔርዚሢ ማዓ ባኣዚ ላምዓሲ ማዼኔ፤ ናንጊና ናንጋ ጎዳ ሱንፆናኣ ዶኦሚ ዔያታ ዒዛ ካኣታሤኔ፤ ሳዶቄ ጎዖሢያኣ ቄኤሴ ማሂ ዔያታ ዶኦሬኔ። 
\v 23 ዬያይዲ ሴሎሞኔ ዓዶ ቤዛ ጌሊ ናንጊና ናንጋ ጎዳ ዒዛም ዶዲሼ ካኣቱሞ ዓልጋ ዴዔኔ፤ ዬካፓ ቢያ ባኣዚ ዒዛም ጊኢጌ ካኣቲ ማዔኔ፤ ዒስራዔኤሌ ዴራኣ ጉቤ ዒዛም ዓይሢንቴኔ። \x - \xo 29፡23 \xo*\xt 1ካኣቶ. ማ 2፡12።\xt*\x* 
\v 24 ቢታንታ ዓኣ ዓሶንታ ፖኦሊሶንታ ዳውቴ ናኣታታዖ ዓቱዋ ካኣቲ ሴሎሞኔም ጉሙርቂንታ ዓሲ ማዓንዳሢ ጫኣቄኔ። 
\v 25 ናንጊና ናንጋ ጎዳ ዬኖ ዓጮ ዴሮ ቢያሢ ቤርታ ዼግ ዼጊዲ ሴሎሞኔ ቦንቺሴኔ፤ ዒዛኮ ቤርታ ዒስራዔኤሌ ዓሶ ዎይሤ ካኣቶፓ ቢያ ዑሣ ባሼ ዒዛ ቦንቺሴኔ።
\s1 ዳውቴኮ ካኣቱሞ ዎዶ ሃይሶ ቃሚሢና
\p
\v 26 ዒሴዬ ናኣዚ፥ ዳውቴ ዒስራዔኤሌ ዓጮይዳ ካኣታዺ ዎይሤኔ፤ 
\v 27 ዒዚ ኬብሮኦኔይዳ ዴዒ ላንካይ ሌዔ፥ ዬሩሳላሜይዳ ናንጊ ሃይሢታሚ ሃይሦ ሌዔ፥ ዎሊ ዑፃ ዖይዲታሚ ሌዔ ካኣታዼኔ፤ \x - \xo 29፡27 \xo*\xt 2ሳሙ. 5፡4-5፤ 1ፆኦሲ. ዓሃኬ 3፡4።\xt*\x* 
\v 28 ዬካፓ ሚርጌ ቆሎንታ ቦንቾዋ ዴንቄስካፓ ኮሺ ጋርቺ ሃይቄም፥ ዒዛ ቤዛ ናኣዚ ዒዛኮ ሴሎሞኔ ካኣታዼኔ፤ 
\v 29 ዓይፃፓ ዴንዲ ጋፖ ሄላንዳኣና ካኣቲ ዳውቴኮ ዓኣ ሃይሳ ፆኦሲ ማሊፆ ኬኤዛ ሳሙዔኤሌ፥ ናኣታኣኔንታ ጋኣዴ ጌይንታ ሃይሦ ዓሳ ፃኣፔ ሃይሶ ማፃኣፓ ፃኣፒንቲ ዓኣኔ። 
\v 30 ዳውቴ ዎማይዲ ፔ ዓጮ ዎይሤቴያ፥ ዎዚጉዴ ዎልቄ ዒዛኮ ዓኣቴያ፤ ዒዛንታ ዒስራዔኤሌ ዓጮንታይዳ፥ ዬያጉዲ ሃሣ ኮይሎይዳ ዓኣ ካኣቶይዳኣ ሄሌ ባኮ ዛላ ቢያ ዬንሢ ማፃኣፖንሢዳ ፃኣፒንቲ ዓኣኔ።