\id TIT  
\h Títus 
\toc1 Kálaad Pwôl nyə́ á cilə Títus yɛ́ 
\toc2 Títus 
\toc3 Tit 
\mt1 Kálaad Pwôl nyə́ á cilə Títus yɛ́ 
\imt1 Isâ í dʉ́gyá nə kálaad mə Pwôl shú mə Títus yí 
\ip Títus nyə á bə váál krîstɛn á nə́ nyə a shígɛ́ bə kúl Oyúdɛn dɨ̂ (Gal 2.1-3). Bá Pwôl bwə́ á shí kyey sámbá, nyə á bul nə́mə́ sá ŋkwambʉlə mpə́dʉ́gá Pwôl bə́nɔ̂ŋ nə obúgʉla wâ Kɔrɛ̂nt (2Kr 7.6-16). Ja Pwôl mə zə́ cilə nyə kálaad ɛ́ga yí, í á bə nyə Títus njúl lɔɔm bwə́ jɔ́w nə́ Kʉrɛ̂t yí; í á bə Pwôl mə́ tə́l nə́ a ŋgə́g nə fála ŋgə kwambʉlə isâ yâ Dɔ̧ á nûŋ ŋkwamə́ nyɔɔŋg dɨ̂ (1.5). 
\ip Pwôl mə́ bwey lwó shug lʉ kálaad ná nə́mə́ mə́tɛ́ɛ́dʉ́lé mə́ cilyád (1.1-4). Kálə zə kə shwóg nə lúú áshúshwóógʉ́, a lwó kuú njɔɔnd múúd mə jə́la bə nə ndɨ́ shú nə́ bwə́ tə́lʉ́g nyə tɔ́we shwóg á Dɔ̧ yí (1.5-16). Lúú ábɛɛ̂ wúsə məcwûŋ á ŋgə́ cwîny Títus shú ísâ í dʉ́gá nə ikínda i búúd nyə́ é bá dʉ bwəma nə ndɨ́ Dɔ̧ dɨ́ yí: nə icwúcwúúl í búdûm nə icwúcwúúl í búdá (bwó buud bwə́ jəlá nə cwîny míŋgwɔɔl wá), nə məncwə́má, nə məlwaá (2.1-15). Lúú álɛ́ɛl í nyiŋgə báásʉlə ókrîstɛn isâ bwə́ jə́lá nə sá yí, nə váál bwə́ jə́lá nə cʉgə nə́ shɛɛ ŋgə kwanz mbɛ́ɛ́gí mə́ŋkɔɔmʉ́ yí (3.1-11), nə́ ndɛɛ́, a mú kə shínal kálaad nə məcwûŋ nə məbə́dá (3.12-15). 
\ip Olɔ̧́ye ɔ kálaad ɛ́ga bʉ́sə nə ŋkul lɛɛl gwág nə́ Pwôl nyə aŋgɛ̂ nə cɨ njɨ isâ í dʉ́gá nə Títus nyəmɛ́fwó yí. Isâ á ŋgə́ lás cínɔŋg yí bísə isâ í dʉ́gyá nə Dɔ̧ dɛ̂sh yí: isâ nda váál gúfʉ́gá í jəlá kyey yí, nə kuú njɔɔnd ótɔ́we ɔ shwóg, nə kuú njɔɔnd óbúgʉla bɛ̂sh. 
\c 1  
\s1 Məbə́dá 
\p  
\v 1 \x - \xo 1:1 \xk \xt muud lwámá: \xt 1Tm 2.7\x*Mə Pwôl, mə jɨ lwaá mə́ Zɛmbî, *muud lwámá mə Yésus-Krîst nə́ mə ŋkɛ́nyʉ́g mbag á sálə nə́ mifééshá mí búúd myɛ́ mí bə́g nə búgə́. Mə jɨ nə́ mə sáág nə́ buud bwə́ mpúg obʉ́bə́lɛ́ bwə́ lwó nə́ muud mə́ kənd lâm wə́ Zɛmbî wá.  
\v 2 \x - \xo 1:2 \xt 1Pr 1.3-5; Gal 3.6, 17-18\x*Í bə́g ntɔ́ shú nə́ bwə́ ŋgə́g nə bwánd nə búgə́ nə́ bwə́ bá cʉgə cʉg á kandʉgə kandʉgə. Zɛmbî nyə á bwey kaag buud cʉg jɔɔŋgʉ́ shí nə gwɔ́w í nda fwo bə. Zɛmbî nyə ádɛ́ bwɛlɛ bwiiŋg ijɔ̧́ɔ̧́.  
\v 3 \x - \xo 1:3 \xt 3.4; \xk fwála í á wɔ́ɔ́s: \xt 1Tm 2.6\x*Ja dâŋ fwála í á wɔ́ɔ́s yí, nyə a sá nə́ buud bwə́ mpúg ŋkaagə́ nyə á kaag nyɔɔŋgʉ́. Lâŋ wɔɔŋg wə́ Cʉgye wúsʉ́ Zɛmbî nyə á yə mə sɛ́y nə́ mə ŋgə́g nə bwiiŋg yí.  
\v 4 \x - \xo 1:4 \xk \xt Titus: \xt 2Kr 2.13; \xk mwân waamə̂: \xt 1Tm 1.2\x*Mə́ cilə wo kálaad ɛ́ga, wo Titus, mwân waamə̂ kɔ́ɔ́mb á búgə́ sə́ bɛ̂sh ŋgə́ *búgʉla yí. Zɛmbî Sɔ́ɔ́ŋgʉ́ bá Cʉgye wúsʉ́ Yésus-Krîst bwə́ ɔ́ sá wo mpaam, bwə́ ɔ́ sá nə́mə́ nə́ wo cʉ́gəg nə mətəla. 
\s1 Titus mə́ jəlá nə táág isâ yâ Zɛmbî Kʉrɛ̂t 
\p  
\v 5 \x - \xo 1:5 \xt Mis 14.23\x*Ja mə á lʉ́gə wo nə́ wo jíg nûŋ Kʉrɛ̂t yí, í á bə shú nə́ wo shínʉ́g táág ísâ byɛ̂sh, wo tə̂l ócúmbá buud ɔ́ *Dɔ̧ mə́ Zɛmbî míŋgwə́la myɛ̂sh dɨ́ nda mə á cɨ nə́ wo sáág nə́.  
\v 6 \x - \xo 1:6 \xt 1Tm 3.2-7; 1Pr 5.1-4\x*Cúmbá muud mə́ jəlá nə bə múúd ŋgə́ cʉgə kú nə sâ á jumʉ́g yɛ́. A jəlá nə bə ŋgwûm mə mudá ŋgwûd. Bwán bɛ́ bwə́ jəlá nə bə óbúgʉla, bwə́ nda bwɛlɛ bə nə njagə́ nə́ bwə́ ŋgə bə nə intɨ́wʉ́lɨ́, ŋkí ntâg nə́ bɨ́ nə məbún.  
\v 7 Í ka jɨɨ nə́ tɔ́we shwóg mə́ dʉ fála Dɔ̧ yɛ́ bə́g kú nə sâ á jumʉ́g, nəcé a jɨ tɔ́we shwóg mə́ Zɛmbî. Nyə ajə́láyɛ́ nə bə mbií múúd í dʉ tə́dʉga nə́ nyəmɛ́fwó jɨ nə ŋkul sá sâ jɛ̂sh yí, kú bə mbií múúd í dʉ kuya mpimbə yí, kú bə ŋgulɛ məlwəg, kú bə múúd icwoomb, a nda dʉ sɔ̧́ *mwaanɛ̂ nə məcií míshʉ́d.  
\v 8 A bə́g muud mə́ dʉ mpu ŋwa ójóŋ yɛ́, a dʉ́gə́ cɛɛl ísâ í ányunywaâ, a dʉ cunal íyéésh byé, a njúl tʉ́təlí muud, a dʉ́gə́ sɔ̧́ njɨ sâ Zɛmbî mə gwág nywa yí, a dʉ mpu jwú nə lâm.  
\v 9 \x - \xo 1:9 \xt 2.1; 1Tm 1.10\x*A jəlá nə bə múúd mə́ wá lâm njɨ́ɨ́gʉ́lá ábúgʉ́lág sə́ ŋgə́ jɨ́ɨ́gʉli yííd. Ntɔ́, nyə é bə nə ŋkul mə bándʉ́lə́ búúd nə́ bwə́ bɛ̧́g fwámɛ́ njɨ́ɨ́gʉ́lá, a lwó búúd ɔ óŋkwafad iwushí byáŋ. 
\s1 Bɔ́w-bɔ̂w mínjɨ́ɨ́gʉ́lá mí jəlá nə shîn 
\p  
\v 10 \x - \xo 1:10 \xt 3.9-11; 1Tm 1.3-7\x*\x - \xo 1:10 \xt 1Tm 1.6\x*Mə mpú nə́ zhwog obúgʉla bɨ́ nə məlwə̂; í bul bə nə́ ndɛɛ́ sámbá *Oyúdɛn bwə́ á magʉlə Yésus wá. Bwə́ dʉ sá míkaand kú nə wúmbʉ́lé, dʉ shɨɨg buud nə myo.  
\v 11 \x - \xo 1:11 \xt 1Tm 6.5; 2Tm 3.6\x*Í jɨɨ nə́ wo júwalʉg bwo mimpu, nəcé bwə́ ŋgə tə̂l minjɔ́w mí búúd oncindî nə́ shwuu nə ŋgə́lə jɨ́ɨ́gʉli bwo isâ bí kú jəla yí; bwə́ ŋgə jɨ́ɨ́gʉli isâ byɔɔŋgʉ́ njɨ shú nə́ bwə́ bə́g nə myə́na bɔ́w-bɔ̂w zhɨ́ɨ́ jɔɔŋgʉ́d.  
\v 12 Wúl mbyágá á Kʉrɛ̂t í á dʉ cúndə micúndə́ yí í á cɨ́ nə́: «Buud ɔ Kʉrɛ̂t bʉ́sə ja jɛ̂sh njɨ bwiiŋgʉ́lə ijɔ̧́ɔ̧́, njɨ gwɔ̧́ɔ̧́-gwɔ̧́ɔ̧́ mílâm nda oŋkweny, milʉlə́m dʉ tə́dʉga njɨ dəg.»  
\v 13 \x - \xo 1:13 \xt 2Tm 4.2\x*Ciyá nyə á cɨ jɔɔŋgʉ́ jɨ́ bʉ́bə́lɛ́. Nə́ ndɛɛ́, ŋkáándʉ́g nə bwo fwámɛ́ ŋkáándʉ́lə, bwə́ bə́g nə fwámɛ́ búgə́,  
\v 14 \x - \xo 1:14 \xt 3.9; 1Tm 1.14\x*bwə́ nda kənd mílâm mbɛɛ́ míkanda mí Oyúdɛn dɨ̂, bwə́ nda bɛ̧ mə́cɛ̧ɛ̧́ mə́ búúd bwə́ ŋgə́ ban obʉ́bə́lɛ́ wá.  
\v 15 \x - \xo 1:15 \xt 1Tm 1.5; Mat 15.11; Rom 14.14, 20\x*Buud bɨ́ nə́ fwɔ̧́-fwɔ̧́ wá, isâ byɛ̂sh bí nə́mə́ bwo nə́ fwɔ̧́-fwɔ̧́; njɨ, shú bɔɔŋg bɨ́ nə nyɛɛ́ wá, bwə́ ŋgə ban nə́ bwə́ abúgʉ́láyɛ́ wá, kú nə tɔɔ sâ jɨ́ bwo nə́ fwɔ̧́-fwɔ̧́, fʉg nyáŋ nyɨ́ nyɛɛ́ nə nyɛɛ́, lâm wáŋ nyɛɛ́ nə nyɛɛ́.  
\v 16 \x - \xo 1:16 \xt 2Tm 3.5; 1Yn 2.4\x*Bwə́ ŋgə cɨ nə́ bwə́ mpú Zɛmbî, njɨ isâ bwə́ ŋgə́ sá yí í njúl sâ shús. Bwə́ cúgɛ́ á cɛɛlʉ́g, bɨ́ nə məbún, bwə́ cúgɛ́ nə ŋkul bwɛlɛ sá sâ ányunywaâ. 
\c 2  
\s1 Minjɨ́ɨ́gʉ́lá shú ócwámbá buud 
\p  
\v 1 \x - \xo 2:1 \xt Ifz 5.21–6.9;\x*\x - \xo 2:1 \xt 1Tm 1.10\x*Wɛɛ jaawʉ́g búúd njɨ sâ í ŋgə́ bwəma nə fwámɛ́ njɨ́ɨ́gʉ́lá yí.  
\v 2 \x - \xo 2:2 \xt 1Kr 13.13\x*Cɨɨ́g nə ocwámbá buud nə́ bwə́ dʉ́g cunal íyéésh byáŋ, bwə́ jəlá nə mpíya nə gúmə́, cʉgə cʉg íkə́ŋ, bwə́ jəlá nə bə nə lal-lal búgə́ nə məma cɛɛlí, nə fwámɛ́ jísɔ́w.  
\v 3 \x - \xo 2:3 \xt 1Tm 3.11; 1Pr 3.1-5\x*Cɨɨ́g nə ocwámbá budá nə́ bwə́ cʉ́gəg nə́mə́ mbií cʉg Zɛmbî mə gwág nywa yí, bwə́ nda dʉ cɨ búúd iciyá í bɛ́wʉ́lí bwo milâm yí, bwə́ nda bə mə́lwaá mə́ mə́lwəg. Cɨɨ́g nə bwo nə́ bwə́ dʉ́g bə nə jɔ̧jɔ̧ məcwûŋ,  
\v 4 shú nə́ bwə́ jɨ́ɨ́gʉ́líg miŋgwɔɔl mbií bwə́ jə́lá nə cɛɛl ógwúm báŋ nə bwán yí,  
\v 5 \x - \xo 2:5 \xt Ifz 5.22-24\x*nə mbií bwə́ cʉ́gəg cʉg íkə́ŋ yí, bwə́ baagʉlə mə́nyúul njɨ shú ógwúm báŋ, kənd mílâm ísɛ́y yâ mínjɔ́w myáŋʉ́d, bə nə jɔ̧ mə́fúlú yí. Bwə́ ɔ́ jɨ́ɨ́gʉlí ŋgwɔɔl wɛ̂sh mbií á jə́lá nə magʉlə íjwûga i ŋgwúm yé, shú nə́ buud bwə́ nda *lás nə Milə́sʉ́ mí Zɛmbî bwaasʉ́lə mpu. 
\s1 Minjɨ́ɨ́gʉ́lá shú ŋgwíínzhá 
\p  
\v 6 \x - \xo 2:6 \xt 1Yn 2.14\x*Yáágʉ́g nə məncwə́má nə́ mə́ cʉ́gəg cʉg íkə́ŋ məzhɨɨ́ mɛ̂sh.  
\v 7 \x - \xo 2:7 \xt 1Tm 4.12; Flp 3.17\x*Womɛ́fwó tɛ́ɛ́dʉ́g sá nə́ bwə́ ŋwág yuug mísɔ́ɔ́lʉ́gʉ́ mí ányunywaâ wódɨ́, wo dʉ bə tʉ́təlí ja wó jɨ́ɨ́gʉlí bwo yí, wo ŋwa mínjɨ́ɨ́gʉ́lá myô nə məjilə.  
\v 8 \x - \xo 2:8 \xt 1Pr 2.15\x*Iciyá wó cwééd wódɨ́ mpu dɨ́ yí í bə́g kú nə mədana, í bə́g iciyá búúd bwə́ cúgɛ́ nə ŋkul jum wo nə ndɨ́ yí. Ntɔ́ nyə e sá nə́ buud bwə́ ŋgə́ lúmbʉli nə sə́ wá bwə́ bə́g kú nə zhɨɨ́ nə́ bwə́ mpyaam sə̂, bwə́ yidá bə nə shwôn. 
\p  
\v 9 \x - \xo 2:9 \xt 1Tm 6.1-2\x*Yáágʉ́g nə məlwaa nə́ mə́ magʉləg ijwûga i ómása báŋ məzhɨɨ́ mɛ̂sh, bwə́ sáág nə́ omása báŋ bwə́ gwágʉ́g bwo nywa; bwə́ nda dʉ fadʉlə íciyá nə omása báŋ.  
\v 10 \x - \xo 2:10 \xt 3.4\x*Bwə́ nda dʉ júwo ómása báŋ isâ; bwə́ yídag bə bwo buud ɔ́ abúgʉ́lág ija byɛ̂sh. Ntɔ́ nyə e sá nə́, njɨ́ɨ́gʉ́lá sə́ ŋgə́ jɨ́ɨ́gʉli shú mə́ Cʉgye wúsʉ́ Zɛmbî yí, buud bwə́ ŋwág wə nə gúmə́. 
\s1 Zɛmbî nyə a mə́ lwóya mpaam nyɛ́ 
\p  
\v 11 Zɛmbî nyə á mə́ lwóya mpaam nyɛ́ í ŋgə́ yə muud yɛ̂sh cʉg yí.  
\v 12 \x - \xo 2:12 \xt Ifz 1.4; 1Yn 2.16\x*Mpaam nyɔɔŋgʉ́ í ŋgə jɨ́ɨ́gʉli sə̂ nə́ sə̂ bánʉg cʉg á kú bísh Zɛmbî, sə̂ ban íyéésh yâ cʉg ga; ntɔ́ sə̂ mú cʉgə cʉg íkə́ŋ wa kala búúd gaád, cʉg á tʉ́təlí, cʉg á kəndʉ́lə lâm wə́ Zɛmbî.  
\v 13 \x - \xo 2:13 \xt 1Kr 1.7; 1Te 1.10\x*Sə́ mə́ jəlá nə cʉgə ntɔ́ té sə̂ ŋgə́ bwánd jɔ̧jɔ̧ jwɔ̂w mə́ Cwámba nə búgə́ yí. Nəcé jwɔ̂w dɔɔŋgʉ́, Zɛmbî wúsʉ́ ánʉ́nɨ̂, Cʉgye wúsʉ́ Yésus-Krîst mə bá lwóya mílwanə́ myɛ́.  
\v 14 \x - \xo 2:14 \xt 3.14; MmN 19.5; Eze 11.20; Gal 1.4; Ifz 2.10; 1Tm 2.6; Heb 13.12; 1Pr 2.9; 1Yn 3.16\x*Nyə a yána nyəmɛ́fwó shú dʉ́sʉ́, zə yîl sə̂ mə́nyámá mə́ cʉg sə́ á ŋgə cʉgə kú bísh mə́cɛ̧ɛ̧ yííd, zə fúb ŋkúmba kúl búúd, kúl búúd í é dʉ bə ŋkwəmʉsá ja jɛ̂sh nə́ í sá jɔ̧jɔ̧ mísɔ́ɔ́lʉ́gʉ́ yí. 
\p  
\v 15 Sâ wó jəlá nə jaaw búúd wə́nɨ. Dʉgʉ́ cwîny búúd, dʉ ŋkáánd nə bwo nə mpə̂l gwô jɛ̂sh. Muud nda mpyêny wo. 
\c 3  
\s1 Okrîstɛn cʉg ágúgwáan jáŋ 
\p  
\v 1 \x - \xo 3:1 \xt Rom 13.1-7; 1Pr 1.13-17\x*Báásʉ́lə́g óbúgʉla bɛ̂sh nə́ bwə́ nda dʉ sá lal lúu nə micî nə otɔ́we ɔ shwóg, bwə́ mágʉləg ijwûga byáŋ, bwə́ dʉ bə ŋkwəmʉsá nə́ bwə́ sá sâ jɛ̂sh jɨ́ ŋkí nywa yí.  
\v 2 Bwə́ nda mpyaam múúd, bwə́ dʉ́g sásʉlə ózhuyâ, dʉ bə nə yéésh ŋkwambʉlə, dʉ bul cʉgə nə muud yɛ̂sh nə́ shɛɛ.  
\v 3 \x - \xo 3:3 \xt 1Kr 6.11; Ifz 5.8\x*Shé mpúgá nə́ shé á fwo nə́mə́ dʉ bə kú nə fʉg, njɨ miŋgáádə́, ŋgə bɛ̧ bɔ́w-bɔ̂w mə́zhɨɨ́, iwɨ́ɨ́mbʉ́g nə yéésh zhwiimbyálə nə cʉg mimbií mimbii í á bii shé mikwám; shé á bə nə gwɔ̧́lə mílâm, nə iwɨ́ɨ́mbʉ́g, nda bə sâ múúd jɨ́ nə ŋkul cɛɛl yí, shé á ŋgə mpiiya shémɛ́ nə shémɛ́.  
\v 4 \x - \xo 3:4 \xt 1.3; 2.10-11; 1Tm 1.1; 2.3; 4.10; Tit 3.6\x*Njɨ, ja Cʉgye wúsʉ́ Zɛmbî nyə a mə́ lwóya jɔ̧ lâm jé nə cɛɛlí jé á ŋgə́ cɛɛl buud bɛ̂sh yí,  
\v 5 \x - \xo 3:5 \xt Yuá 3.5; Rom 6.4; Ifz 2.8-9; 5.26; 2Tm 1.9; 1Pr 1.3\x*nyə á cʉg sə̂, kú bə nəcé sə́ sálə mísɔ́ɔ́lʉ́gʉ́ myâ tʉ́təlí, njɨ nəcé nyə á gwág sə́ cɛy lámʉ́d. Nyə á cʉg sə́ nə ŋgusa nyə á gusa sə́ yí, nə sɛ́y Ŋkɛ̧́ŋkɛ̧̂ Shíshim nyə á sɛ̂y yí. Nəcé ŋgusa í á sá nə́ sə́ byɛ́lʉ́g byélé ágúgwáan, Ŋkɛ̧́ŋkɛ̧̂ Shíshim nyə á yə sə́ cʉg ágúgwáan.  
\v 6 \x - \xo 3:6 \xt Rom 8.9-16; 1Kr 6.11; Gal 5.25; \xk Cʉgye: \xt 2.13; Flp 3.20; 2Tm 1.10; Tit 3.4; 2Pr 1.11; 1Yn 4.14\x*Zɛmbî nyə á shwu sə́ Shíshim yé wɔɔŋg nyúúlʉ́d məŋkund məŋkund kwoŋ mə́ Cʉgye wúsʉ́ Yésus-Krîst.  
\v 7 \x - \xo 3:7 \xt Rom 3.24\x*Nyə a sá ntɔ́ shú nə́ sə́ bág bii cʉg á kandʉgə kandʉgə sə́ ŋgə́ bwánd nə búgə́ nə́ sə́ mə́ bá bii yí, nəcé a mə́ cɨ mpáam nyɛ́ dɨ́ nə́ sə́ mú otʉ́təlí ɔ búúd. 
\s1 Məcwûŋ 
\p  
\v 8 Ciyá nɨ jɨ́ abúgʉ́lág. Mə́ ka jɨɨ nə́ wo lásʉ́g gwo nə iŋkáŋ, buud bwə́ ŋgə́ *búgʉla Zɛmbî wá bwə́ mpúg shimal sálə jɔ̧jɔ̧ mísɔ́ɔ́lʉ́gʉ́. Ntɔ́ jɨ jɔ̧ sâ, í njúl nə mfíí shú búúd bɛ̂sh.  
\v 9 \x - \xo 3:9 \xt 1.10-16\x*\x - \xo 3:9 \xt 1.14; 1Tm 1.4\x*Njɨ, wo ɔ dʉ kwanz mbɛɛ́ sɛ́ŋʉ́sálə mə́kə̂l, nə lɔ̧́lə mə́byɛ̂l nə́ lɔ̧̂ lɔ̧̂ lɔ̧̂ kú nə məshíné\f + \fr 3:9 \ft Oyúdɛn bwə́ á dʉ baagʉlə məbyɛ̂l máŋ micilyá, dʉ lɔ̧́ micilyá myɔɔŋg mísɔɔn, sâ jɔɔŋg wə́ Pwôl ŋgə́ ban na yí.\f*, nə ozhuyâ, nə icɨgə́-cɨ́gə buud bwə́ dʉ ŋgə cɨ shú mə́cɛ̧ɛ̧ mə́ Moyîz yí. Isâ ínɨ byɛ̂sh í cúgɛ́ nə mfíí, bísə ocwûd.  
\v 10 \x - \xo 3:10 \xt Mat 18.15-17\x*Muud mə sá mbɛ́ɛ́gí mə́ŋkɔɔmʉ́ yɛ́, wo ɔ ŋkáánd nə nyə ja áshúshwóógʉ́, wo ŋkáánd ja ábɛɛ̂; ŋkí a kə́ shwóg ɨɨ́, bɨ́ béégya sámbá nə nyə.  
\v 11 Mpug nə́ mbií múúd wɔɔŋg mə́ ŋwa bɔ́w-bɔ̂w zhɨ́ɨ́, sálə á ŋgə́ sá *misə́m nɨ, a ŋgə gwɨ́ɨ́lya nyəmɛ́fwó. 
\s1 Məbə́dá 
\p  
\v 12 \x - \xo 3:12 \xk \xt Tishik: \xt Kol 4.7-8\x*Mə bá ntɨ wo Artémas, gúl ja Tishik. Wó ká bá dʉ́g ŋgwɔ́l á bwo mə wɔ́ɔ́s nûŋ, wo ɔ bá lɛɛl zə kwey mə Nikopolis, nəcé cínɔŋg wə́ mə́ mə́ cɛ̧ɛ̧lə nə́ mə kə́ cɨ́ŋgʉli ŋkwân yɛ́.  
\v 13 \x - \xo 3:13 \xk \xt Apolos: \xt 1Kr 1.12\x*Wo ɔ sɔ̧́ nə́ sâ í bə́g kú fúfə lwóya bwə́ jɔ́w nə́ Zénas yɛ́, bá Apolos njɔɔnd bwə́ é sá yííd.  
\v 14 \x - \xo 3:14 \xt 2.14; 2Kr 8.8-9; Gal 5.22; Ifz 4.28; Kol 1.10\x*Í jɨɨ nə́mə́ nə́ omínyɔŋʉ̂ bʉ́sʉ́ bwə́ jɨ́ɨ́gʉ́g dʉ́lə shimal sá jɔ̧jɔ̧ mísɔ́ɔ́lʉ́gʉ́, dʉ ju míkʉ́lə́ mí wɔ́ɔ́s mə́shɨɨgá myá shú nə́ bwə́ bə́g kú fúfə mpúmə́.  
\v 15 Buud bɛ̂sh sə́nɔ́ŋ bʉ́sə wa wá bwə́ ŋgə bə́dá wo. Wo ɔ bə́da óshwə́ bʉ́sʉ́ sə́nɔ́ŋ sə́ bɨ́ nə búgə́ ŋgwûd wá. 
\p Zɛmbî kə́ sá bɨ́ bɛ̂sh mpaam.