\id 2TH  
\h 2 Buud ɔ́ Tesaloníka 
\toc1 Kálaad ábɛɛ̂ Pwôl nyə á cilə buud ɔ́ Tesaloníka yɛ́ 
\toc2 2 Buud ɔ́ Tesaloníka 
\toc3 2Te 
\mt1 Kálaad ábɛɛ̂ Pwôl nyə á cilə buud ɔ́ Tesaloníka yɛ́ 
\imt1 Isâ í dʉ́gyá nə kálaad ábɛɛ̂ mə Pwôl shú Tesaloníka yí 
\ip Míl mínjɨ́ɨ́gʉ́lá mí á kə wɔ́ɔ́s Tesaloníka, zhwog obúgʉla bwə́ mú bɛ̧ myo, isâ Pwôl nyə á ŋgə cɨ kálaad ashúshwóógʉ́d yí í kú mpu bə nə cé. Bɔ́ɔ́l óbúgʉla bwə́ á magʉlə nə́ jwɔ́w mə́ Cwámba í á mə́ bwey bə (2.2), bɔ́ɔ́lʉ́gá bwə́ á ban nə́ bwə́ ányíŋgə́yɛ́ ná sɛ̂y nəcé shí i zə́ shîn (3.6-12). 
\ip Í á ka jɨɨ nə́ Pwôl cíləg bwo nyíga kálaad nə́ a sʉ́gʉ́g bwo mitə́dʉ́gá. Nyə á jee cilə nyə baalɛ́ óŋkwoond mpʉ́sə nyɔɔŋg nyə́ á fwo kə yɛ́, í á jəla nə bə a njúl nə́mə́ Kɔrɛ̂nt, a kú fwo kə Tesaloníka ja ábɛɛ̂ (Mis 20.1-6). Kálaad jɨ nə icé ntʉ́ga: 
\ili1 (1) Pwôl mə́ tɛ́ɛ́d yə Zɛmbî akíba nəcé buud bwə́ ŋgə gwádʉga búgə́ ókrîstɛn wâ Tesaloníka bʉ́sə́ nə ndɨ́ yí; a mú jî Zɛmbî nə́ bwə́ bə́g nə zɛ́ny kə́lə shwóg tɔɔ bwə́ bwəmá nə cúwʉ́lí (1.1-12). 
\ili1 (2) A mú ntâg zə ŋwa lúu ciyá wə́mɛ́fwó á kálaad, isâ í bá ŋgə sîy ja í bá bə nə́ Yésus wál zə yí: Mbʉ́wʉ́lú múúd mə bá sááfʉlə shí (2.1-12), í bá jɨɨ nə́ obúgʉla bwə́ jísɔ́wʉ́g (2.13–3.5). 
\ili1 (3) A mú ka kə shínal nə ibwádán nə iciyá yâ məshíné (3.16-18). 
\ip Yáág-yáág ciyá jɨ́ nə́: «Ŋkí muud nyə acɛ́ɛ́lɛ́ sɛ̂y nə məbwə́ mɛ́, nyə ajə́láyɛ́ nə́mə́ də» (3.10). 
\c 1  
\s1 Məbə́dá 
\p  
\v 1 \x - \xo 1:1 \xt 1Te 1.1\x*Mə Pwôl wə́ mə́ cílə́ bɨ́ kálaad ɛ́ga, sə́ná Silvɛ̧̂ nə Timotê. Sə́ mə́ cilə bɨ̂ *Dɔ̧ á Tesalinika, Dɔ̧ dʉ́sə́ Dɔ̧ mə́ Zɛmbî Sɔ́ɔ́ŋgʉ́ bá Cwámba Yésus-Krîst yí.  
\v 2 Zɛmbî Sɔ́ɔ́ŋgʉ́ bá Cwámba Yésus-Krîst bwə́ ɔ́ sá bɨ́ mpaam, bwə́ ɔ́ sá nə́mə́ nə́ bɨ cʉ́gəg nə́ shɛɛ. 
\s1 Cwámba mə bá zə sámb shí ga mílə́sʉ́ 
\p  
\v 3 \x - \xo 1:3 \xt 2.13; 1Te 1.2-3\x*Bwaaŋg, sə́ bʉ́sə nə́ sə́ dʉ́g yə Zɛmbî akíba ja jɛ̂sh shú sâ á ŋgə́ sá bɨ́dɨ́ cʉg dɨ́ yí. Í jəla nə́ sə́ dʉ́g yə nyə akíba, nəcé búgə́ jɨ́n í ŋgə lal lalʉ́g ɨɨ́, cɛɛlí bɨ́ ŋgə́ cɨɨla mpə́dʉ́gá nyɨ́n yí í ŋgə́ nə́mə́ yáág yáágʉ́g.  
\v 4 \x - \xo 1:4 \xt 1Te 2.19-20; 3.3, 7\x*Sâ jɔɔŋg í mə́ sá nə́ sə́mɛ́fwó sə́ ŋgə bwiiŋg mɔ́ɔ́l mə́dɔ̧ mə́ Zɛmbî lâŋ wʉ́n nə milúú nə́ sáŋ. Milúú mísə sə́ nə́ sáŋ nə bɨ́ nəcé bɨ bʉ́sə nə zɛ́ny kə́lə shwóg, buud bwə́ ŋgə tɛɛm wáámb bɨ́ nə cúwʉ́lí bímbí bwə́ ŋgə́ wáámb yí, búgə́ jɨ́n í atágɛ́, bɨ́ ŋgə jísɔw məntágʉla.  
\v 5 \x - \xo 1:5 \xt Flp 1.28\x*Sâ jɔɔŋg jísə yuug í ŋgə́ lwó nə́ Zɛmbî mə́ dʉ cígal mílə́sʉ́ sémbyé á tʉ́təlî. Na mə lwó nə́ bɨ mə mpíyá nə Faan mə́ Zɛmbî bɨ́ ŋgə́ jug nə ifʉmʉga yâ cínɔŋg yí.  
\v 6 \x - \xo 1:6 \xt Rom 12.19; Mbʉ́ 18.6\x*Bʉ́bə́lɛ́ jisə nə́ Zɛmbî jɨ tʉ́təlí muud, a bá bweel *íncwaw í ntʉg búúd bwə́ ŋgə́ lwó bɨ́ ínɨ.  
\v 7 \x - \xo 1:7 \xt Mat 25.31; 1Te 5.1-2\x*Bɨ́ buud ŋgə́ bwəma nə məntágʉla wá, a bá sá nə́ shé yɔ́wʉlag ja Cwámba Yésus mə bá zə lwóya nyúul nə iŋkácid í *wə́éŋgəles byé yí.  
\v 8 \x - \xo 1:8 \xt Iza 66.15; Rom 2.8; 1Pr 4.17\x*Bwə́ bá zə bʉmb-bʉmb kuda dɨ́, zə yə íkûl ishús nə buud bwə́ ŋgə́ ban magʉlə́lə Jɔ̧jɔ̧ Kɛ́ɛl mə Cwámba íshé Yésus wá intʉ́gʉ́lí.  
\v 9 Buud bɔɔŋgʉ́ intʉ́gʉ́lí byáŋ í bá bə nə́, bwə́ bá kə yúúd kandʉgə kandʉgə shwóg-shwóg nə Cwámba, kú kumə kʉ́l á bá lwóya yáág-yáág ŋkûl nyɛ́ á milwanə́ yí.  
\v 10 Í bá bə jwɔ́w á bá zə nə́ gúmə́ jé í nyínʉ́g búúd bɛ́ dɨ́ yí, nə́ bɔɔŋg bɛ̂sh bwə́ á *búgʉla nyə wá bwə́ bényʉg nyə. Bɨ mə bá bə gwooŋg jɔɔŋgʉ́d, nəcé bɨ á magʉlə sâ sə́ á bwiiŋg bɨ́ yí.  
\v 11 \x - \xo 1:11 \xt 1Te 1.2-3; 5.24\x*Gwə́ wə́ í sá nə́ sə́ ŋgə́g nə jəgʉla ja jɛ̂sh shú dʉ́n yí. Sə́ ŋgə jəgʉla nə́ Zɛmbî íshé sáág nə́ bɨ cʉ́gəg cʉg í mpíyá nə njúwúlú nyə á jɔ̂w bɨ́ yí. Sə́ ŋgə nə́mə́ jəgʉla nə́ a kwííndʉ́g bɨ́ nə ŋkul nyɛ́, bɨ sáág mənywa mɛ̂sh bɨ́ ŋgə́ gwág yéésh nə́ bɨ mə sá má; a sáág nə́mə́ nə́ búgə́ jɨ́n í nda ná bə á shílə́g.  
\v 12 Ntɔ́, bɨ e sá nə́ jínə́ mə́ Yésus Cwámba íshé í ŋwág gúmə́, bɨ mú nə́mə́ ŋwa gúmə́ nyə́dɨ́. Mpaam mə́ Zɛmbî íshé bá Cwámba íshé Yésus-Krîst wə́ í é sá sɔ́ɔ́lʉ́gʉ́ wɔɔŋg wɛ̂sh. 
\c 2  
\s1 Isâ í bá sɨ̂y shúshwóógʉ́ nə́ Cwámba zə́g yí 
\p  
\v 1 \x - \xo 2:1 \xt 1Te 4.15-17; 5.1-2\x*Bwaaŋg, shú zə́lə Cwámba íshé Yésus-Krîst mə́ bá nyiŋgə zə yí nə nda shé mə́ bá sɛɛŋgya nyə́dɨ́ nə́, sə́ ŋgə cɨ nə bɨ́ nə́  
\v 2 \x - \xo 2:2 \xt 2.15\x*bɨ kú fánda lɛɛl cugʉla ntɔ́, nə́mə́ nda sá mə́ cɨ́ nə́ jwɔ̂w dɔɔŋg í mə́ bwey wɔ́ɔ́s. Tɔɔ nə́ ŋgwɔ́l múúd mə́ jaaw bɨ́ nə́ *shíshim í ámə jaaw nyə gúl sâ, tɔɔ muud mə́ jaaw bɨ́ jɨ́, tɔɔ muud mə́ jaaw bɨ́ nə́ sə́ wə́ sə́ ámə cilə, kúgá fánda bə nə ifwaas ntɔ́.  
\v 3 \x - \xo 2:3 \xt 1Tm 4.1; 1Yn 2.18\x*Muud tɛɛm zə jwáŋgʉlə bɨ́ ntʉdɛlɛ́, kúgá bɛ̧ nyə. Nəcé Cwámba nyə abʉ́lɛ fánda zə ntʉ́nɨ; dúl fwála í bá fwo bə buud bwə́ bá ŋgaan nə Zɛmbî mbií áyíyáág, Mása miŋgáádə́ ŋgə́ sá nə́ buud bwə́ bə́g kú bísh Zɛmbî yɛ́ mə́ bá fwo lwóya nyúul nə́ ŋgə́ŋ, mása wɔɔŋgʉ́ nyɛ mə́ bwey bə nə́ a bá jɛ̧ɛ̧.  
\v 4 \x - \xo 2:4 \xt Eze 28.2; Dan 11.36; Mbʉ́ 13.5-6\x*Mása wɔɔŋg mə bá zə bʉ̂n lúu, lúmbʉli nə sâ jɛ̂sh bwə́ jɔ̂w nə́ zɛmbî yí, bwə́ ŋgə́ yə gúmə́ yí. A bá sá ntɔ́ nə́ ndɛɛ́ kə nyíi *Mpáánzə́ Zɛmbî kə ji wu, nyəmɛ́fwó kə kudə bʉd nə́ nyə wə́ Zɛmbî. 
\p  
\v 5 Mə á dʉ bwey jaaw bɨ́ sâ nɨ mə njúl ná nûŋ bɨ́dɨ́; bɨ anyíŋgə́yɛ́ ná tə́dʉga ntɔ́?  
\v 6 Ja gaád bɨ mə́ mpu sâ í ŋgə́ bii Mása wɔɔŋg nə́ a nda lwóya nyúúl yí. A bá nə́mə́ ka lwóya nyúúl njɨ ja fwála dɔɔŋg í bá wɔ́ɔ́s yí.  
\v 7 Tɛɛm bə ntɔ́, sâ *ndímba í ŋgə́ sá nə́ buud bwə́ bə́g kú bísh Zɛmbî yí í ŋgə bwey sɛ̂y. Í bá sɛ̂y nə́ ŋgə́ŋ ja sâ í ŋgə́ laa gwo yí í bá wú yí.  
\v 8 \x - \xo 2:8 \xt Iza 11.4; Mbʉ́ 19.15\x*Nə́ ndɛɛ́, Mása á kú bísh Zɛmbî mú bá lwóya nyúul. Njɨ, Cwámba mə bá yámb nyə ŋgûl nə mpu yé, a mú jímb, zə́lə Cwámba Yésus mə bá zə a ŋgə́ ŋkənʉwa yí, í bá zə shínal nyə nə́ máŋ.  
\v 9 \x - \xo 2:9 \xt Mat 24.24; Mbʉ́ 13.11-13\x*Mása á kú bísh Zɛmbî yɛ́ wɔɔŋg mə bá zə nə ŋkul mə *Sátan zə ŋgə sá *məshimbá mimbií mimbii, nə isâ í ntɔ̧́ búúd ŋkul yí, nə *isâ í mímbʉ́gú ŋgə́lə shɨɨg buud.  
\v 10 A bá zə sá ólɨ́lɨŋgɨ̂, zə shɨɨg búúd bwə́ jə́lá nə jímb wá. Bwə́ bá jímb nəcé bwə́ á bə nda cɛɛl óbʉ́bə́lɛ́ shú nə́ bwə́ dʉ́gʉ́g cʉg.  
\v 11 \x - \xo 2:11 \xt 2Tm 4.4\x*Sâ jɔɔŋg wə́ Zɛmbî mə bá ntɨ bwo nyúl ŋkul í bá zə́ kənd bwo jugʉ́ yí, shú nə́ bwə́ *mágʉləg ijɔ̧́ɔ̧́.  
\v 12 \x - \xo 2:12 \xt 1.6-8\x*Nə́ ndɛɛ́, buud bɛ̂sh bwə́ ŋgə́ bə kú magʉlə sâ jɨ́ bʉ́bə́lɛ́ wá, bwə́ ŋgə́ yida gwág nywa olɨ́lɨŋgɨ̂ wá bwə́ bá bwəma nə intʉ́gʉ́lí. 
\s1 Obúgʉla bwə́ yɨ́ɨ́mʉ́g mənyúul 
\p  
\v 13 \x - \xo 2:13 \xt 1.3\x*Njɨ, yé bwááŋg Cwámba mə cɛ́ɛ́l wá, sə́ bâŋ sə́ mə́ jəlá nə dʉ yə Zɛmbî akíba ja jɛ̂sh nəcé sâ nyə á mə́ sá bɨ́ yí; nəcé Zɛmbî nyə a mə́ fɛ́ɛ́sh bɨ́ nə́ bɨ wə́ tɛ́ɛ́dʉ́g\f + \fr 2:13 \ft Bɔ́ɔ́l bwə́ cɨ nə́ nyə á fɛ́ɛ́sh bɨ́ ná mə́tɛ́ɛ́dʉ́léd.\f* dʉ́g cʉg nə sálə Shíshim yé í sá nə́ bɨ bə́g miŋkɛ̧́ŋkɛ̧̂ mi búúd, bɨ mú magʉlə sâ jɨ́ bʉ́bə́lɛ́ yí.  
\v 14 \x - \xo 2:14 \xt 1Te 5.9\x*Cúndə́lə sə́ á zə ŋgə cúndə Jɔ̧jɔ̧ Kɛ́ɛl bɨ́dɨ́ yí, Zɛmbî nyə á balan nə wə, a mú jɔ̂w bɨ́ shú nə́ bɨ dʉ́gʉ́g cʉg, bɨ bə́g nə milwanə́ mí Cwámba wúsʉ́ Yésus-Krîst.  
\v 15 \x - \xo 2:15 \xt 3.6; 1Kr 11.2\x*Nə́ ndɛɛ́ bwaaŋg, yɨ́ɨ́mʉ́gá mənyúul; sə́ á jɨ́ɨ́gʉli bɨ́ minjɨ́ɨ́gʉ́lá, míl sə́ lás nə mimpu bɨ ŋgə́ gwág, mílʉ́gá sə́ cilə bɨ́ cilə́g, nadagá nə minjɨ́ɨ́gʉ́lá myɔɔŋg. 
\p  
\v 16 \x - \xo 2:16 \xt 1Te 1.4\x*Sɔ́ɔ́ŋgʉ́ íshé Zɛmbî nyə á cɛɛl shé a sá shé mpaam, wá shé ŋkul mə́nyúúlʉ́d, sá nə́ shé ŋgə́g nə bwánd nə búgə́. Nə Cwámba íshé Yésus-Krîst nyəmɛ́fwó, nə Sɔ́ɔ́ŋgʉ́ íshé Zɛmbî wɔɔŋgʉ́  
\v 17 bwə́ wág bɨ́ ŋkul mə́nyúúlʉ́d, bwə́ sá nə́ bɨ yɨ́ɨ́mʉ́g mənyúul sâ ányunywaâ jɛ̂sh bɨ́ mə́ sá yííd, tɔɔ lə́sʉ́ ányunywaâ wɛ̂sh bɨ́ mə́ lás yííd. 
\c 3  
\s1 Cwámba jisə abúgʉ́lág 
\p  
\v 1 \x - \xo 3:1 \xt Mis 2.4; Rom 15.30; 1Te 5.25\x*Nə́ ndɛɛ́ bwaaŋg, jəgʉlagá nə Zɛmbî shú dʉ́sʉ́d. Jəgʉlagá nə́ lâŋ mə́ Cwámba í lɛ́ɛ́lʉg mpyáánz, buud bwə́ ŋwág nə́mə́ wə nə gúmə́ nda nûŋ bɨ́dɨ́.  
\v 2 Jəgʉlagá nə́mə́ nə́ a yílʉ́g sə́ mə́nyámá mə́ íbɔ́w-bɔ̂w i búúd í ányinyaanə̂ dɨ̂; buud bɛ̂sh dɨ́ bwə́ ŋgə́ magʉlə *búgʉla.  
\v 3 \x - \xo 3:3 \xt 1Kr 10.13; 1Yn 5.18\x*Njɨ Cwámba nywáá jɨ abúgʉ́lág, nyə wə́ mə́ bá sá nə́ bɨ yɨ́ɨ́mʉ́g mənyúul, a sá nə́ Mbʉ́wʉ́lú múúd nda sá bɨ́ məbɔ̂w.  
\v 4 \x - \xo 3:4 \xt 1Kr 4.16; Gal 5.10\x*Sə́ bɨ́ nə búgə́ tâŋ buud ɔ Cwámba nə́ bɨ́ ŋgə sá nda sə́ ŋgə́ cɨ nə́ bɨ sáág nə́, bɨ é ŋgə nə́mə́ nə sá njɨ ntɔ́.  
\v 5 Cwámba sáág nə́ milâm mín mí cɛ́ɛ́lʉg Zɛmbî, mí bə́g nə zɛ́ny kə́lə shwóg nda *Krîst. 
\s1 Obúgʉla bwə́ sɛ́yʉ́g nə məbwə́ máŋ 
\p  
\v 6 \x - \xo 3:6 \xt 3.12; 1Te 5.14\x*Bwaaŋg, sə́ ŋgə cwîny bɨ́ jínə́ mə́ Cwámba íshé Yésus-Krîst dɨ́ nə́əə́: bɨ a lə́g njɨ́ɨ́gʉ́lá nə sə̂; *mínyɔŋʉ̂ wʉ́n yɛ̂sh mə bə́ nda bɛ̧ njɨ́ɨ́gʉ́lá wɔɔŋgʉ́, a yida ŋgə ji kú sɛ̂y yɛ́, sásʉ́lə́gá nyə. 
\p  
\v 7 Bɨmɛ́fwó bɨ mə mpú nda bɨ́ mə́ jə́lá nə ŋgə yagʉla sə́ nə́. Ja sə́ á bə nûŋ bɨ́dɨ́ yí, sə́ áshígɛ́ ŋgə cʉgə cʉg íləm.  
\v 8 \x - \xo 3:8 \xt 1Te 2.9\x*Sə́ áshígɛ́ dʉ bɨ́d nə́ buud bwə́ wɨ́ɨ́lʉ́g sə̂ ashwâ. Mbɔ̂. Sə́ á yida dʉ wádʉga sɛ̂y bulú nə mwásə́ shú nə́ mbag wúsʉ́ í bə́g kú badʉwo múud mə́bagʉd.  
\v 9 \x - \xo 3:9 \xt Mis 18.3; 1Te 1.6; \xk bə nə zhɨɨ́ mə sá nə́ buud bwə́ ŋkɛ́nyʉ́g mbag wúsʉ́: \xt 1Kr 9.4\x*Ntɔ́ cugɛ́ nə́ sə́ áshígɛ́ bə nə zhɨɨ́ mə sá nə́ buud bwə́ ŋkɛ́nyʉ́g mbag wúsʉ́. Sə́ á bə nə zhɨɨ́ nyɔɔŋgʉ̂, njɨ sə́ á yida cɛɛl lwó bɨ́ yuug bɨ́ mə́ jə́lá nə yagʉla yí.  
\v 10 \x - \xo 3:10 \xt 1Te 4.11\x*Ŋgaá nə́ ja sə́ á bə nûŋ yí sə́ á shí bwey dʉ jɨ́ɨ́gʉli bɨ́ nə́ ŋkí muud nyə acɛ́ɛ́lɛ́ sɛ̂y nə məbwə́ mɛ́ a nda nə́mə́ nyiŋgə dʉ də? 
\p  
\v 11 \x - \xo 3:11 \xt 1Tm 5.13\x*Ká, sə́ ŋgə gwág nə́ bɔ́ɔ́l búúd wâ gwooŋg jɨ́n bwə́ mú ŋgə cʉgə cʉg íləm; bwə́ lʉ́gə́ sɛ̂y nə məbwə́ máŋ, bʉ́sə njɨ ŋgə́lə kənd milâm ízháá isád.  
\v 12 \x - \xo 3:12 \xt Ifz 4.28\x*Mbií búúd wɔɔŋgʉ́, sə́ ŋgə yɨ́ɨ́mbʉli bwo, ŋgə bándʉlə bwo jínə́ mə́ Cwámba Yésus-Krîst dɨ́ nə́ bwə́ ŋgə́g nə sɛ̂y nə́ shɛɛ, bwə́ bág də ídʉ̂w bwə́ á sɛ̂y nə məbwə́ máŋ yí.  
\v 13 \x - \xo 3:13 \xt Gal 6.9\x*Bwaaŋg, bɨ bâŋ bɨ́ nda káád sálə mə́nywa. 
\p  
\v 14 \x - \xo 3:14 \xt 1Kr 5.9, 11\x*Muud mə bə́ kú sá mə́gwág nə sâ sə́ ŋgə́ cɨ wa kálaad ɛ́ga dɨ́ yɛ́, bɨ ɔ́ ŋwa nyə jínə, bɨ mú béégyá nə nyə shú nə́ í sáág nyə shwôn.  
\v 15 \x - \xo 3:15 \xt Mat 18.15-17; 1Te 5.14\x*Bɨ nda yida ŋwa nyə nda zhízhíŋ, mbɔ̂. Yidagá lámʉsa nə nyə nda múúd mə lámʉsa nə *mínyɔŋʉ̂ nə́. 
\s1 Ibwádán nə məbə́dá 
\p  
\v 16 \x - \xo 3:16 \xt 2Kr 13.11\x*Cwámba á mpwogɛ́ nyəmɛ́fwó kə́ sá nə́ bɨ cʉ́gəg mpwogɛ́ ija byɛ̂sh mə́zhɨɨ́ mɛ̂sh dɨ̂. Cwámba jííg nə bɨ bɛ̂sh.  
\v 17 \x - \xo 3:17 \xt 1Kr 16.21\x*Mə Pwôl wə́ mə́ cílə́ mə́bə́dá mə́ga; ntʉ́ga wə́ mə́ dʉ sân ókálaad bâm yɛ́. Mbwə́ wâm wə́ í ámə cilə.  
\v 18 \x - \xo 3:18 \xt Gal 6.18\x*Cwámba íshé Yésus-Krîst kə́ sá bɨ́ bɛ̂sh mpaam.