\id PSA - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Menge Salmo 
\toc1 Menge Salmo 
\toc2 Salmo 
\toc3 Sal 
\mt1 Menge Salmo 
\c 1  
\s1 Is Kegkezeyzey 
\q1  
\v 1 Deyzey is etew he kenà ebpemineg te penurù te menge lalung, 
\q1 wey kenà ed-iring te ebeelan te menge mekesesalà, 
\q1 wey kenà ebpekiduma kandan he ed-undaunda te Megbevayà. 
\q1  
\v 2 Kekenà, iyan mulà kandin he igkelipey is kedtuman te menge penurù te \sc Nengazen\sc*, 
\q1 ne iyan heini ebpurungan din egngunngunua te maandew wey te mezukilem. 
\q1  
\v 3 Iring sikandin te kayu he ziyà ipemula te veyvey te wahig 
\q1 ne ebpemeǥas sikandin dutun te timpu te tipemeǥas, 
\q1 ne kenà egkeǥangu is menge zahun din. 
\q1 Is etew he iring kayi, ed-uswag diyà te menge vaal zin. 
\q1  
\v 4 Piru kenà mulà iring kayi is lalung he menge etew, 
\q1 kekenà, iring sikandan te ukap he idlayap te keramag su wazè dan pulus. 
\q1  
\v 5 Umbe te andew te kedhukum, edsilutan sikandan te Megbevayà 
\q1 ne kenà sikandan ebpeketampu te menge metazeng. 
\q1  
\v 6 Su egiyahan te \sc Nengazen\sc* is menge metazeng, 
\q1 piru is menge ulaula te menge lalung iyan ed-uwit kandan diyà te kezeetan. 
\c 2  
\s1 Is Hadì he Mibpilì te Megbevayà 
\q1  
\v 1 Maan is ed-isipen te menge etew is kedsukul te \sc Nengazen\sc*? 
\q1 Maan is ed-isipen dan is wazè din pulus? 
\q1  
\v 2 Is menge hadì wey is menge pengulu kayi te kelibutan, ne midtiǥum dan wey nengandam te kebpekidtebek te \sc Nengazen\sc* wey te hadì he mibpilì din. 
\q1  
\v 3 Ke sikandan te, “Kinahanglan he kenè kiw ebpevayàbayà wey ebpesakup kandan.” 
\q1  
\v 4 Piru is Nengazen he ziyà te langit he ebpimpinuu te pinuuwè din te kedhadì, ed-engitan din dà sikandan. 
\q1  
\v 5 Tenged te kegkepauk din, ebpetizeenan din sikandan, egkengehandek dan. 
\q1  
\v 6 Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.” 
\b  
\q1  
\v 7 Ne migkaǥi haazà is hadì he mibpilì te Megbevayà te, 
\q1 “Ibpehayag ku is migkaǥi kedì te \sc Nengazen\sc* te, ‘Iyan ka Anak ku, 
\q1 ne ǥuntaan ibpekilala ku he amey ad kenikew. 
\q1  
\v 8 Buyù ka kayi te kediey ne ibeǥey ku kenikew is menge nasyun, taman te pinekemeziyù he lugar te tivuuk he kelibutan 
\q1 para maangken nu heini, ne edtumanen ku heeyan. 
\q1  
\v 9 Dumelaha nu sikandan, he wazè ebpekesukul te kedumala nu. 
\q1 Iring sikandan te ziniyun he ǥelemiten he edrupeten nu.’ ” 
\b  
\q1  
\v 10 Umbe, sikiyu is menge hadì wey menge pengulu kayi te kelibutan, sevuta niw heini he menge lalag, 
\q1 ne pemineǥa niw is petizaan keniyu. 
\q1  
\v 11 Penilbiyi niw is \sc Nengazen\sc* duma is kedtahud 
\q1 ne ikelipey niw sikandin. 
\q1  
\v 12 Tehuza niw is hadì he mibpilì din, 
\q1 su emun kenà, ne egkepeukan kew zin ne edèdeetan kew zin. 
\q1 Deyzey is langun he ed-aput diyà te \sc Nengazen\sc*. 
\c 3  
\s1 Ampù te Kebpetavang 
\q1  
\v 1 \sc Nengazen\sc*, mahabet is kuntada ku; 
\q1 mahabet is ebpekigkuntada kedì! 
\q1  
\v 2 Kesikandan te kenè ke kun edtavang kedì. 
\q1  
\v 3 Piru is tutuu, iring ka te kelasag he ebpengalang kedì. 
\q1 Iyan ka ebeǥey kedì te kezeeǥan wey kelig-en. 
\q1  
\v 4 Ed-umawen ku sikew, \sc Nengazen\sc*, ne edtevaken a kenikew ziyà te segradu he vuvungan nu. 
\q1  
\v 5 Edhizeǥà a wey edlipezeng ne egkepukew a, 
\q1 ne wazà ebpekekaid kedì su iyan man ed-ipat kedì is \sc Nengazen\sc*. 
\q1  
\v 6 Minsan linibu pa he menge kuntada is edliǥuy kedì, ne kenà a egkahandek. 
\b  
\q1  
\v 7 Sigi en, \sc Nengazen\sc* he Megbevayè ku, libriya a! 
\q1 Su zengan mibpeel-elezan nu is langun he kuntada ku he menge lalung; 
\q1 ne in-awè nu is gehem dan he iyan pezem kedezaat kedì. 
\q1  
\v 8 Iyan ka edlibri, \sc Nengazen\sc*, wey edtuvad te menge etew nu. 
\c 4  
\s1 Ampù te Kebpetavang 
\q1  
\v 1 Sikew is metazeng he Megbevayè ku, 
\q1 tevaka a kenikew zutun te ked-umawa ku kenikew. 
\q1 Hein nekebmerasey a zengan, midtevangan a kenikew. 
\q1 Umbe ǥuntaan, pemineǥa nu is menge kebpengemuyù ku wey kehizuwi a. 
\b  
\q1  
\v 2 Sikiyu is menge etew he egkuntada kediey, 
\q1 sengemenu keluǥayad is kebpeel-elezi niw kedì? 
\q1 Sengemenu keluǥayad is kebmahala niw te menge tuluuwen he wazè dan pulus wey kedsunud te ketetarù? 
\q1  
\v 3 Tentenuzi niw he mibpilì te \sc Nengazen\sc* is menge etew he edsunud kandin para mehimu he ǥaked din. 
\q1 Tenged kayi, ebpemineǥen e zin emun ebpengumew-umew a kandin. 
\q1  
\v 4 Emun egkepauk kew, kinahanglan he kenè kew ebpekesalà tenged dutun. 
\q1 Ne emun edhizeǥè kew en diyà te menge hizeǥaan niw, pekelinawa niw is gehinawa niw ne purung kew ngunùngunù. 
\q1  
\v 5 Sarig kew ziyà te \sc Nengazen\sc* ne iyan niw layun ul-ulaha is kebpemuhat te hustu he menge pemuhat. 
\b  
\q1  
\v 6 Mahabet is egkaǥi te, 
\q1 “\sc Nengazen\sc* kehizuwi key; iyan ka metau he uzara key. 
\q1 Ipeehè nu is keupiya nu kenami!” 
\q1  
\v 7 Piru lavew pa is kelipey he ibeǥey nu kediey; 
\q1 kenà is kelipey te menge etew he zekelà is keenen dan wey inumen dan. 
\q1  
\v 8 Su iyan ka is \sc Nengazen\sc* ed-ipat kedì, 
\q1 umbe kenà a egkehandek su wazà ebpekekaid kedì minsan dutun te timpu te kedlipezeng ku. 
\c 5  
\s1 Ampù para te Kelibriyanan 
\q1  
\v 1 \sc Nengazen\sc*, pemineǥa nu is pengemuyù ku he egkezumahan te zag-es. 
\q1  
\v 2 Pemineǥa nu is kebuyù ku te tavang diyà te kenikew, he Megbevayà he hadì ku, 
\q1 su ziyà a te kenikew ebpengemuyù. 
\q1  
\v 3 Emun meselem ed-endamen ku is gehinawa ku te kebpengemuyù diyà te kenikew. 
\q1 Ne emun ebpekepasad e en, ne edteǥazan ku is tavak nu te hangyù ku. 
\q1  
\v 4 Sikew is tutuu he Megbevayà, ne kenè nu igkelipey is mezaat he ulaula; 
\q1 kenè nu edewaten is lalung he menge etew. 
\q1  
\v 5 Kenà ebpekeuvey kenikew is menge mepelevawen; 
\q1 egkepeukan nu is langun he ebaal te mezaat. 
\q1  
\v 6 Edezeetan nu is menge teruen 
\q1 ne egkeepesan nu is menge etew he ebpenhimatey te etew wey is menge men-aakal. 
\q1  
\v 7 Iyan, siak mulà, ebpekeseled a ziyà te valey nu he segradu 
\q1 su ǥeina te utew a kenikew mibmahal. 
\q1 Ne zutun ku sikew ed-ezapa te ked-azap duma te zekelà he kedtahud kenikew. 
\b  
\q1  
\v 8 \sc Nengazen\sc*, tenged te mahabet is menge kuntada ku, 
\q1 giyahi-a kenikew sumalà te ketazeng nu. 
\q1 Pekeleduwi nu kediey is utew hustu he paaǥi nu su wey ku iyan mesunud. 
\q1  
\v 9 Kenà egkeseriǥan is lalag te menge kuntada ku, 
\q1 su iyan dà tuyù dan is kedezaat te zuma he etew. 
\q1 Is menge lalag dan igkepetug-iring te neebriyan he leveng he edsengew is kemahù din. 
\q1 Is menge egkeǥiyen dan ne pudu limbung. 
\q1  
\v 10 Megbevayè ku, siluti nu is menge kuntada ku. 
\q1 Deyzey ke egkeuney sikandan te mezaat he menge tuyù dan. 
\q1 Iselikwey nu sikandan tenged te utew subra is menge salè dan, 
\q1 su mibpekidsukulè dan kenikew. 
\q1  
\v 11 Piru berakat he mebmelipayen is langun he menge etew he ziyà med-aput te kenikew. 
\q1 Deyzey ke ebpekeuruhuy sikandan te kegkelipey zan. 
\q1 Ilikey nu te kezeetan is menge etew he mibmahal kenikew 
\q1 su para mebmelipayen sikandan tenged dutun. 
\q1  
\v 12 Edtuvazan nu, \sc Nengazen\sc*, is menge metazeng. 
\q1 Is kebmahala nu kandan ne iyan nehimu he kelasag dan he kenà egkezeetan. 
\c 6  
\s1 Ampù para te Kebuyù te Tavang te Megbevayà 
\q1  
\v 1 \sc Nengazen\sc*, minsan duen nu pauk kedì, ne kenà a kenikew siluti. 
\q1  
\v 2 Kehizuwi a wey vewii a, su utew ad meluya. 
\q1  
\v 3 Nesemukan utew is isip ku, \sc Nengazen\sc*. 
\q1 Keenu e en be kenikew ebewii? 
\q1  
\v 4 Etura a kenikew, \sc Nengazen\sc*, ne ǥeuza a. 
\q1 Tenged te kebmahala nu kediey, libriya a te kemetayen. 
\q1  
\v 5 Su emun ebpatey a, ne kenè ku en maan sikew egketenuzan; 
\q1 kenà ad maan ebpekezalig kenikew ziyà te lugar te menge minatey. 
\q1  
\v 6 Mibmeluye e en tenged te utew ku kegkesekiti. 
\q1 Kada mezukilem egkahames is ulunè ku te luhà. 
\q1  
\v 7 Nemenlevag en is menge mata ku su ebpeketulung ad ebpekesineǥew 
\q1 tenged te vaal te langun he menge kuntada ku. 
\b  
\q1  
\v 8 Sikiyu is memezaat is baal, pekeziyù kew kediey, 
\q1 su nezineg en te \sc Nengazen\sc* is sineǥawan ku. 
\q1  
\v 9 Nezineg din en is kebuyù ku te tavang, 
\q1 ne edtevaken din en is ampù ku. 
\q1  
\v 10 Egkepeel-elezan wey egkengeheratan is langun he menge kuntada ku. 
\q1 Egkengelagewlagew sikandan he ebpekeziyù tenged te kegkeeled dan. 
\c 7  
\s1 Metazeng is Ebeelan te Megbevayà 
\b  
\q1  
\v 1 \sc Nengazen\sc* he Megbevayè ku, 
\q1 ed-aput a ziyà te kenikew. 
\q1 Libriya a su zuen menge etew he edsurung kediey, 
\q1  
\v 2 su emun kenà a kenikew edlibriyen, ne kela ke edhimetayan e zan; 
\q1 ebpitpitasen dan is lawa ku iring te ebeelan te erimaung te egkezawi zin, 
\q1 ne zutun wazè en ebpekelibri kediey. 
\q1  
\v 3 \sc Nengazen\sc* he Megbevayè ku, 
\q1 emun nekevaal a te mezaat diyà te iring ku he etew, 
\q1  
\v 4 emun mibelesan ku te mezaat is meupiya he mibeelan kedì te emiǥu ku, 
\q1 emun mid-eǥawan ku te menge azen is kuntada ku te wazà hustu he hinungdan, 
\q1  
\v 5 ne vey-ani ad kenikew pinaaǥi te kedtuǥut nu he mezaag a te menge kuntada ku ke edsurungen e zan. 
\q1 Bey-ani ad ke edtekutakan e zan taman te kebpatey ku, ne ed-ewaan e zan is minatey en. 
\b  
\q1  
\v 6 \sc Nengazen\sc* he Megbevayè ku, ipeehè nu en guntaan is pauk nu te menge kuntada ku he utew egkengepauk kedì, 
\q1 su iyan man ebpen-ahaan nu is hustu he kukuman. 
\q1  
\v 7 Tiǥuma nu is langun he menge tribu ziyà te kenikew, 
\q1 ne dumelaha nu sikandan te ziyè ke zà te langit. 
\q1  
\v 8 Iyan ka, \sc Nengazen\sc*, edhukum te menge etew. 
\q1 Ipeehè nu he wazè ku salà, 
\q1 su netuenan nu man he metazeng a 
\q1 ne wazè ku mibeelan he mezaat. 
\q1  
\v 9 Kenè nu ituǥut he ebpedayun is ulaula te mezaat he menge etew, 
\q1 ne tuvazi is menge metazeng, 
\q1 su metazeng ke man he Megbevayà, 
\q1 wey egkesusi nu is isip dey wey gehinawa zey. 
\q1  
\v 10 Iyan ka, He Megbevayà, nehimu he kelasag ku. 
\q1 Iyan ka edlibri te menge metazeng. 
\q1  
\v 11 Egkezumahan te ketazeng is kedhukum nu, 
\q1 ne kada andew egkepeukan nu is menge lalung. 
\q1  
\v 12-13 Ne emun kenè dan ed-engkezan is menge mezaat he vaal zan, ne andam ka he edsilut kandan. 
\q1 Iring ka te sundaru he naandam en is idhimatey zin he menge gumaan. 
\q1 Migkemanga zin en is ispada zin wey zaan din en he edhingaten is panè din he ebelahan te egkeregreg he vesut. 
\b  
\q1  
\v 14 Is lalung he menge etew ne mezaat is ed isipen dan; 
\q1 edtinguhè dan te kebaal te samuk ne ebpenlimbung sikandan. 
\q1  
\v 15-16 Edlikù diyà te kandan is kebaal zan te samuk wey kebpesipala. 
\q1 Iring sikandan te mibudsi para egkeuluǥan te zuma zan, 
\q1 piru iyan mulà sikandan egkeulug dutun. 
\b  
\q1  
\v 17 Sikew, \sc Nengazen\sc*, is Utew Lavew he Megbevayà. 
\q1 Ebpeselamatan ku sikew tenged te ketazeng nu. 
\q1 Edeliǥen ku sikew pinaaǥi te kegkanta ku. 
\c 8  
\s1 Is Kegkemekeǥeǥehem te Megbevayà Egkaahà kayi te Tivuuk he Kelibutan 
\b  
\q1  
\v 1 He \sc Nengazen\sc* he iyan Egalen dey, is kegkemekeǥeǥehem nu egkaahà kayi te tivuuk he kelibutan! 
\q1 Egkezineg nu ziyan te langit is kedeliǥa te menge etew kenikew. 
\q1  
\v 2 Minsan is dezeisey pa he menge vatà mibpenurù nu te kedalig kenikew, 
\q1 su wey mepeel-elezi is menge kuntada nu he ebpeninguhà he mekavales. 
\b  
\q1  
\v 3 Emun edtengteng a ziyà te langit he mibeelan nu, 
\q1 ne egkeehè ku is bulan wey menge vituen he insavuk nu ziyà te nengesevukan dan, 
\q1  
\v 4 ebpekeinsà a ziyà te ǥehinawa ku te hengkey ves is menusiyà, maan is utew nu edseǥipaa? 
\q1 Menusiyè dà sikandin, piru maan is utew nu igkeseeng? 
\q1  
\v 5 Midhimu nu sikandin he minus pa is gehem din, kenà haazà is menge velinsuǥuen nu, 
\q1 piru imbeǥey nu kandin is dengeg, in-iring nu sikandin te hadì. 
\q1  
\v 6 Midhimu nu sikandin he iyan edumala te menge linimbag nu; 
\q1 ne mibpeveyveyaan nu kandin is langun, 
\q1  
\v 7 ragkes en kayi is langun he menge langgam wey menge keranapranap: 
\q1 sikan is ebpenhipanew, 
\q1  
\v 8 sikan is ebpemenlayang, wey sikan is diyà ebpen-ubpà te wahig. 
\q1  
\v 9 He \sc Nengazen\sc* he iyan Egalen dey, is kegkemekeǥeǥehem nu egkaahà kayi te tivuuk he kelibutan! 
\c 9  
\s1 Metazeng is Kedhukum te Megbevayà 
\q1  
\v 1 Ebpeselematan ku sikew, \sc Nengazen\sc*, te ebpuun kayi te tivuuk he ǥehinawa ku. 
\q1 Ibpenudtul ku is langun he egkein-inuwan he menge vaal nu. 
\q1  
\v 2 Utew Lavew he Megbevayà, egkelipey a wey egkanta a te idalig ku kenikew. 
\q1  
\v 3 Emun edlepawen nu en is menge kuntada ku, ne ebpemelaǥuy sikandan he ebpemekeurambak, 
\q1 ne ebpemematey sikandan. 
\q1  
\v 4 Su metazeng ka he menhuhukum he ebpimpinuu ziyà te pinuuwè nu te kedhadì; 
\q1 midhukuman a kenikew ne zutun neehè nu is puriba he kenà a zait he edsilutan. 
\q1  
\v 5 Midhukuman nu ne midèdeetan nu is menge mezaat he menge nasyun, 
\q1 umbe kenè en sikandan egketenuzan taman te taman. 
\q1  
\v 6 Mibpurungan nu zèdeeti is menge kuntada ku, 
\q1 ne kenè ne maan sikandan egkaahà taman te taman. 
\q1 Mibpemengkag nu is menge inged dan, 
\q1 ne kenè ne sikandan egketenuzan. 
\q1  
\v 7 Iyan sikew, \sc Nengazen\sc*, edhadì ka te wazà pidtemanan; 
\q1 andam ke en te kedhukum puun te pinuuwè nu te kedhadì. 
\q1  
\v 8 Edhukuman nu te hustu is menge etew kayi te kelibutan; mezait wey wazà egkevintahaan dutun te kedhukum nu. 
\q1  
\v 9 \sc Nengazen\sc*, iyan ka egkeeputan te menge etew he edèdaaǥen dutun te timpu te kelised. 
\q1  
\v 10 Edsarig kenikew is menge etew he nekekilala kenikew. 
\q1 Su wazè pa mid-aput diyà te kenikew he wazè nu zewata. 
\b  
\q1  
\v 11 Sikiyu is menge etew, kentahi niw te kedalig is \sc Nengazen\sc* he edhadì diyà te Zion. 
\q1 Iseysey niw ziyà te menge nasyun is nengeveelan din! 
\q1  
\v 12 Ebelesan din is ebpemendaagdaag, 
\q1 su edseǥipaan din is kebpekitavang te menge dinaagdaag. 
\q1  
\v 13 \sc Nengazen\sc*, dekelà is ked-antus ku tenged te kedèdaaǥa kedì te menge kuntada ku. 
\q1 Ikehizu a kenikew ne libriya a te kemetayen, 
\q1  
\v 14 su wey ku ikeseysey ziyà te menge etew ziyà te menge pultahan te inged he Zion is menge mibeelan nu, 
\q1 he iyan igkezeliǥa ku kenikew. 
\q1 Ne edlipey a zutun tenged te kedlibriya nu kediey. 
\b  
\q1  
\v 15 Nehitavù diyà te menge nasyun is mezaat he pelanu zan. 
\q1 Iring te iyan sikandan neulug diyà te vudsi he mibeelan dan, 
\q1 etawa iring te iyan sikandan nelitag te kandan he litag. 
\q1  
\v 16 Impekilala te \sc Nengazen\sc* ke hentei sikandin pinaaǥi te metazeng he kedhukum din, 
\q1 ne is lalung he menge etew, iyan nekezezaat kandan is mezaat he menge vaal zan. 
\q1  
\v 17 Kemetayen is egkepeveyaan te lalung he menge etew ziyà te langun he menge nasyun, 
\q1 su ǥeina te ebey-anan dan is Megbevayà. 
\q1  
\v 18 Kenà taman te taman is kebey-ani te Megbevayà te menge egkengeayuayu. 
\q1 Ebpekeperateng gihapun is menge egkengeayuayu he edlibriyen sikandan te Megbevayà. 
\b  
\q1  
\v 19 Sigi en \sc Nengazen\sc*, kenè nu ituǥut he iyan ebmezeeǥen is kebpekegaga te menge etew zà duen. 
\q1 Hukumi nu is menge nasyun diyà te etuvangan nu. 
\q1  
\v 20 Ipeǥezam nu, \sc Nengazen\sc*, is gehinawa zan te kegkahandek kenikew. 
\q1 Ipeisip-isip nu kandan he menge etew zà sikandan. 
\c 10  
\s1 Ampù para te Kebuyù te Tavang te Megbevayà 
\q1  
\v 1 \sc Nengazen\sc*, maan is mibpekeziyù ka? 
\q1 Maan is mid-eles ka zutun te timpu he edlised key? 
\q1  
\v 2 Tenged te kegkemepelevawen te lalung he menge etew, ibpaantus dan is menge egkaayuayu. 
\q1 Berakat he iyan sikandan melitag te idlitag dan te zuma he menge etew. 
\q1  
\v 3 Ibpahambug dan is menge mezaat he tinguhè dan. 
\q1 Is menge etew he azen is dekelà diyà te ǥehinawa zan, ebpenrawak wey ed-undaunda kenikew, \sc Nengazen\sc*. 
\q1  
\v 4 Tenged te kegkemepelevawen te menge lalung, ne kenè en sikandan ebpetavang kenikew. 
\q1 Kenè dan ed-isipen is mehitenged kenikew. 
\q1  
\v 5 Ne minsan pa zutun, layun sikandan ed-uswag, umbe wazè en diyà te isip dan is kedhukumi nu kandan. 
\q1 Ne và dan dà ed-un-undaha is menge kuntada zan. 
\q1  
\v 6 Iyan diyà te isip dan is: wazà mezaat he egkehitavù kandan, 
\q1 kekenà layun dan ebmelipayen ne wazà ebpekekaid kandan. 
\q1  
\v 7 Nepenù te rawak, tarù, wey hulga is menge lalag dan. 
\q1 Melemu zà diyà te kandan is kebpenrawak. 
\q1  
\v 8 Ed-eyanan dan diyà te menge inged is menge etew he wazà mekesalà diyà te kandan. 
\q1 Ebpeniizan dan ne edhimetayan dan. 
\q1  
\v 9 Iring sikandan te erimaung he ed-eles he ed-ayan su edekepen dan is menge egkaayuayu, 
\q1 ne emun ebpekezakep dan en ne eguyuzen dan haazà. 
\q1  
\v 10 Mekehizuhizu is egkekeizan dan su ed-eminen dan en 
\q1 is desen dan te kedruuǥa zan kandin taman te kenè en sikandin ebpekeenew. 
\q1  
\v 11 Iyan diyà te isip dan is iring te midsebpengan te 
\q1 Megbevayà is menge mata zin su kenè en ebpekilavet dutun te mezaat he vaal zan. 
\b  
\q1  
\v 12 \sc Nengazen\sc* he Megbevayà, kenè nu pekeuǥeta is kedsiluti nu te menge mezaat he etew! 
\q1 Ne kenè nu vey-ani is menge egkaayuayu he menge etew. 
\q1  
\v 13 He Megbevayà, kenè nu ituǥut he un-undaha ka te menge mezaat he etew. 
\q1 Ipeehè nu kandan he tarù is egkeisip dan he kenè nu sikandan edsilutan 
\q1 tenged te menge mezaat he vaal zan. 
\q1  
\v 14 Neehè nu is menge etew he ed-antus wey sikan is ebpenlised, 
\q1 ne andam ka he edtavang kandan. 
\q1 Edangep diyà te kenikew is mekehizuhizu he menge etew he iring te menge ilu, 
\q1 ne edtevangan nu sikandan. 
\q1  
\v 15 Iawè nu is gehem te menge mezaat he etew. 
\q1 Siluti nu sikandan tenged te kezaat dan taman te egkeengkezan dan is ked-ulaula te mezaat. 
\q1  
\v 16 \sc Nengazen\sc*, edhadì ka te wazà pidtemanan. 
\q1 Egkengeawà is mezaat he menge nasyun kayi te kelibutan he midlimbag nu. 
\q1  
\v 17 \sc Nengazen\sc*, nezineg nu is ampù te menge egkaayuayu he menge etew. 
\q1 Ne ǥeina te ebpemineǥen nu sikandan, edlig-enan nu sikandan. 
\q1  
\v 18 Ebpemineǥen nu is pengemuyù te menge ilu wey menge etew he edèdaaǥen, 
\q1 su wey ikeveǥey ziyà te kandan is hustu he kukuman, 
\q1 su wey wazè en ebpelihandek kandan he etew he kelibutanen dà. 
\c 11  
\s1 Kedsarig te \sc Nengazen\sc* 
\q1  
\v 1 Diyà a te \sc Nengazen\sc* edhangyù he kelesaǥi e zin. 
\q1 Ne maan is egkaǥi kew kayi te kedì te, 
\q1 “Pelaǥuy ka iring te tagbis pehendiyà te menge vuvungan, 
\q1  
\v 2 su zutun te merusirem edhingaten en te menge mezaat he etew is menge panè dan, 
\q1 su ebpenaan dan en is menge etew he edtinazeng. 
\q1  
\v 3 Wazè en egkehimu te menge metazeng emun naawè en diyà te inged is metazeng he kukuman.” 
\b  
\q1  
\v 4 Diyà is \sc Nengazen\sc* ed ubpà te segradu he valey zin; 
\q1 diyà te langit is pinuuwè din te kedhadì. 
\q1 Ed-ahaan din wey edsusiyen din is langun he menge etew. 
\q1  
\v 5 Edsusiyen din is menge metazeng wey is menge lalung he menge etew. 
\q1 Ne egkeepesan din is menge mesipala. 
\q1  
\v 6 Ebpeuzanan din te egkeregreg he menge vaǥa wey esupri is menge lalung he etew; 
\q1 ne edsilutan din sikandan pinaaǥi te meinit he keramag he ebpekelupa kandan. 
\q1  
\v 7 Su metazeng is \sc Nengazen\sc* ne iyan igkelipey zin is metazeng he menge vaal. 
\q1 Umbe, is etew he edtinazeng ebpekeuvey ziyà te etuvangan din. 
\c 12  
\s1 Ampù para te Kebuyù te Tavang te Megbevayà 
\q1  
\v 1 Tevangi a, \sc Nengazen\sc*, 
\q1 su wazè en etew he nesamà he metinumanen wey egkeseriǥan. 
\q1  
\v 2 Langun he menge etew ne ebpemenarùtarù diyà te menge zuma zan. 
\q1 Egemiten dan is meungangen he menge lalag te kebpenlimbung dan. 
\q1  
\v 3 Deyzey pezem \sc Nengazen\sc* ke ibpetiem nu sikandan is ebpemenlimbung pinaaǥi te meungangen he menge lalag wey sikan is menge gelbuwen. 
\q1  
\v 4 Ke sikandan te, 
\q1 “Ebmezeeǥen key pinaaǥi te kebpahambug dey. 
\q1 Ebpekehimu key he egkaǥi te minsan hengkey he egkesuatan dey, 
\q1 ne wazà ebpekezawey kenami.” 
\b  
\q1  
\v 5 Migkaǥi is \sc Nengazen\sc* te, 
\q1 “Edtevangan ku is menge egkaayuayu su edèdaaǥen sikandan, 
\q1 ne utew subra is kebpekeantus dan. 
\q1 Egkelesaǥan ku sikandan su iyan heini ebperetengen dan.” 
\q1  
\v 6 Egkeseriǥan utew is menge saad te \sc Nengazen\sc*. 
\q1 Iring heini te pelata he ebpekesarig ki he lunsey heini 
\q1 su kepipitu ipaaǥi ziyà te hapuy para maawà is menge sahug din. 
\b  
\q1  
\v 7 \sc Nengazen\sc*, layun key kenikew ventayi, 
\q1 ne ilikey key te lalung he menge etew te minsan hengkey he timpu. 
\q1  
\v 8 Su nekeelingkus kenami is lalung he menge etew 
\q1 ne edeliǥen pa te kezekelan is kelelalung dan. 
\c 13  
\s1 Kebpenganduy te Tavang te Megbevayà 
\q1  
\v 1 \sc Nengazen\sc*, sengemenu keluǥayad is kenè nu kedseǥipaa kediey? 
\q1 Taman en be heini te wazà pidtemanan? 
\q1 Sengemenu keluǥayad is ked-elesi nu kediey? 
\q1  
\v 2 Sengemenu keluǥayad is kebpekaantus ku te kegkeliveg. 
\q1 Sengemenu keluǥayad is kebpekaantus ku te kegketeǥui te seeng te ǥehinawa ku? 
\q1 Sengemenu keluǥayad is kegkezeeǥa kedì te menge kuntada ku? 
\b  
\q1  
\v 3 \sc Nengazen\sc* he Megbevayè ku kenà a kenikew pesegdana; 
\q1 iveǥey nu en kedì is mibuyù ku pinaaǥi te ked-ampù ku. 
\q1 Ilikù nu kayi te kedì is desen ku su para kenà a mebpatey. 
\q1  
\v 4 Su utew egkelipey is menge kuntada ku emun egkezaag e zan. 
\q1 Kenè nu ituǥut he mekezayandayan sikandan pinaaǥi te kegkezeeǥa zan kedì. 
\q1  
\v 5 Ebpekesarig a kenikew, \sc Nengazen\sc*, su ǥeina te kenà egkaawà is kebmahala nu kediey. 
\q1 Ne utew a egkelipey su edlibriyen e man kenikew. 
\q1  
\v 6 Egkentahan ku sikew, \sc Nengazen\sc*, su puun pa zengan mibpurungan a kenikew. 
\c 14  
\s1 Is Ikezaat te menge Etew 
\r (Menge Salmo 53) 
\q1  
\v 1 Is menge tulebung, egkaǥi sikandan diyà te gehinawa zan te, 
\q1 “Wazà Megbevayà!” 
\q1 Pudu sikandan lalung ne utew mezaat is menge vaal zan. 
\q1 Wazà minsan sevaha kandan he ebaal te meupiya. 
\q1  
\v 2 Diyà te langit mid-ahà te \sc Nengazen\sc* is keet-etawan 
\q1 su edsusiyen din ke zuen be nekesavut te tutuu wey ke zuen be edangep diyà te kandin. 
\q1  
\v 3 Sikandan is langun, midsuwey zan te tutuu he zalan ne pudu memezaat is ulaula zan. 
\q1 Wazà minsan sevaha kandan he ebaal te meupiya. 
\b  
\q1  
\v 4 Wazè be metueni kayi te lalung he menge etew is menge vaal zan? Netuenan dan heini! 
\q1 Ebpegpeǥesen dan is menge emurè ku te inged wey zan mekeselapì he iring dà sikandan te edsupal te keenen, 
\q1 ne kenà sikandan ed-ampù diyà te \sc Nengazen\sc*. 
\q1  
\v 5 Piru egkengeheratan sikandan, 
\q1 su edlevanan te Megbevayà is menge metazeng. 
\q1  
\v 6 Edhimuwen dan he kenè edlampus is menge pelanu te menge egkaayuayu, 
\q1 piru iyan is \sc Nengazen\sc* ebpengalang te menge egkaayuayu. 
\q1  
\v 7 Deyzey ke ebpekeume en is edlibri te Israel he ebpuun diyà te Zion. 
\q1 Utew ebmelipayen is menge tig-Israel he menge etew te \sc Nengazen\sc*, 
\q1 emun idlikù din en is meupiya he kebpekesavuk dan. 
\c 15  
\s1 Is Egkesuatan te Megbevayà diyà te Ebpemen-azap Kandin 
\q1  
\v 1 \sc Nengazen\sc*, hentei is edtuǥutan nu he mekeubpàubpà diyà te valey nu? 
\q1 Hentei is edtuǥutan nu he ebpekeubpà diyà te segradu he vuvungan nu? 
\q1  
\v 2 Is tavak te \sc Nengazen\sc*, “Iyan is etew he wazà duen igkesawey wey meupiya is menge ulaula zin. 
\q1 Tutuu wey tinutuuwà is kegkaǥikaǥi zin. 
\q1  
\v 3 Wazà sikandin mekeulug te kewusa ziyà te zuma, 
\q1 wey wazà sikandin medhimu wey megkaǥi te mezaat diyà te iring din he etew. 
\q1  
\v 4 Ed-isipen din he wazà pulus te menge etew he kenè ku edewaten, 
\q1 iyan ebentuǥen din mulà is menge etew he edtahud kediey. 
\q1 Edtumanen din is pesarig din minsan pa ke egkereǥenan sikandin te kedtumana kayi. 
\q1  
\v 5 Kenè din ibpaanak is selapì he ibpeutang din, 
\q1 wey kenà sikandin egkeuwit te suhul emun ibpetistiǥus sikandin su wey mehukumi te silut is kenà dait he edsilutan.” 
\b  
\q1 Is etew he iyan heeyan ulaula zin, 
\q1 ne egkehimu sikandin he layun melig-en 
\q1 ne kenà sikandin egkewaleng te minsan keenu. 
\c 16  
\s1 Is Ked-ampù te Edsarig te \sc Nengazen\sc* 
\q1  
\v 1 He Megbevayà, bentayi a, 
\q1 su ziyà a te kenikew med-aput. 
\q1  
\v 2 Iyan ka \sc Nengazen\sc* ku, 
\q1 diyè dà ebpuun te kenikew is langun he menge meupiya he nezawat ku. 
\q1  
\v 3 Emun bahin te metinumanen he menge etew nu he ziyà med-ubpà te tanà he Israel he utew menge vuutan, 
\q1 dekelà is kelipey ku tenged kandan. 
\q1  
\v 4 Piru is menge etew he edsarig te menge ed-ezapen ed-iseg dà is kelised dan. 
\q1 Ne kenà a edtampu kandan te kebpelengesa zan para te zuma he menge ed-ezapen, 
\q1 ne kenè ku ebpengum-umawen is menge ngazan keniyan he menge ed-ezapen. 
\b  
\q1  
\v 5 \sc Nengazen\sc*, is kegkeengkena ku kenikew iyan en kegkeengkena ku te langun. 
\q1 Ibeǥey nu kediey is langun he kinahanglan ku. 
\q1 Ne ziyà te menge velad nu is untung ku. 
\q1  
\v 6 Utew mekempet is imbeǥey nu kediey. 
\q1 Meupiya utew is langun he nezawat ku he ebpuun diyà te kenikew. 
\q1  
\v 7 Edeliǥen ku sikew, \sc Nengazen\sc*, su iyan ka layun edsambag kedì. 
\q1 Minsan mezukilem ne iyan ebpenurù kedì is isip he imbeǥey nu kediey. 
\q1  
\v 8 Layun ku sikew ed-isipa, \sc Nengazen\sc*. 
\q1 Umbe, kenà a egkahandek su geina te duma ku sikew. 
\q1  
\v 9 Iyan heeyan hinungdan he melipayen a; 
\q1 utew zekelà is kelipey ku kayi te kebpengungubpaan ku. 
\q1 Ne ebpengungubpaan a he wazè ku igkelenew, 
\q1  
\v 10 su kenà a kenikew ebpesegdanen he mekehendiyà a te lugar te menge minatey. 
\q1 Kenè nu idtuǥut he meredak is lawa te metinumanen he suluǥuen nu. 
\q1  
\v 11 Ipenurù nu kediey is paaǥi wey ku maangken is ebpedayun he untung. 
\q1 Ne tenged te kebpekiduma nu kediey, wazè en kurang te kelipey ku; 
\q1 wazà pidtemanan te kelipey ku ziyà te avey nu. 
\c 17  
\s1 Is Ked-ampù te Etew he Metazeng 
\q1  
\v 1 Pemineǥa nu, \sc Nengazen\sc*, is pengemuyù ku, para kenà a mevintahai. 
\q1 Pemineǥa nu is utew tutuu he ked-ampù ku. 
\q1  
\v 2 Netuenan nu ke hengkey is hustu, 
\q1 umbe iyan ka zait he ebpekekaǥi he wazà mezaat he mid-ulaula ku. 
\q1  
\v 3 Minsan is gehinawa ku ke mezukilem ne midsusi nu. 
\q1 Migezaman a kenikew ne wazè nu naahà he mezaat kayi te kediey. 
\q1 Midisisyun a he kenà a egkaǥi te mezaat 
\q1  
\v 4 iring te ed-ul-ulahan te zuma. 
\q1 Midtuman ku is menge suǥù nu, ne pinaaǥi kayi, nelikayan ku is kebpesipala. 
\q1  
\v 5 Layun ku ed-ikula is dalan nu, 
\q1 ne wazà a medsuwey zutun. 
\b  
\q1  
\v 6 Megbevayè ku, ed-ampù a ziyà te kenikew 
\q1 su netuenan ku he edtevaken a kenikew. 
\q1 Pemineǥa nu is ampù ku. 
\q1  
\v 7 Ipeehè nu is egkein-inuwan he ǥaǥew nu. 
\q1 Pinaaǥi te ǥehem nu, edlibriyen nu is menge etew he ebpekelasag kenikew tenged te menge kuntada zan. 
\q1  
\v 8 Ilikey a kenikew te kezeetan iring te kedlikaya te etew te mata zin wey kenà mesazir, 
\q1 ne pengelangi a kenikew iring te kebpengalang te tagbis te menge anak din pinaaǥi te kedlekupi zin kandan. 
\q1  
\v 9 Kelesaǥi a te menge kuntada ku he edsurung kediey kayi te nekeliǥuy su edhimetayan e zan. 
\q1  
\v 10 Wazè dan hizu, ne pinaaǥi te kegkagi zan, ebpelavew zan. 
\q1  
\v 11 Midpen-ehè e zan, ne ǥuntaan edliǥuyan e zan en. 
\q1 Edtaǥad dan dà te kebpekelugar zan te kedezaat kedì. 
\q1  
\v 12 Iring sikandan te ed-ayan he erimaung diyà te elesè din, 
\q1 he andam he ebpitaspitas te egkezawi zin. 
\b  
\q1  
\v 13 \sc Nengazen\sc*, tebeka nu en sikandan wey zaaǥa nu is lalung he menge kuntada ku. 
\q1 Libriya a pinaaǥi te ǥehem nu, su wey e zan kenà mekeizi. 
\q1  
\v 14 Libriya a wey a kenà mekeizi kayi te menge etew he iyan dà ed-isipen dan is kelibutanen he menge vutang. 
\q1 Siluti nu sikandan te silut he inteǥana nu kandan, 
\q1 ne iragkes nu en daan is menge anak dan. 
\q1 Ne elin nu teǥenahi te silut is menge apù dan. 
\q1  
\v 15 Piru siak mulà, egkeehè ku sikew, 
\q1 su wazà a mebaal te salà. 
\q1 Emun egkepukew e en ne utew a zutun melipayen su egkeehè ku en sikew. 
\c 18  
\s1 Is Kanta ni David hein Nekezaag Sikandin 
\r (2 Samuel 22:1-51) 
\q1  
\v 1 \sc Nengazen\sc*, iyan ka mibeǥey kedì te zesen, ne mahal ku sikew. 
\q1  
\v 2 Iyan ka, \sc Nengazen\sc*, batu he endilungè ku, 
\q1 melig-en he elesè ku wey menluluwas. 
\q1 Iring ka te elesà he vatu, he ed-eles a ziyà te kenikew. 
\q1 Iyan ka kelasag ku, mekeǥeǥehem he menluluwas, wey eputà. 
\q1  
\v 3 Edeliǥen ka, Nengazen, 
\q1 su emun ebuyù a te tavang diyà te kenikew, 
\q1 ne edluwasen a kenikew zutun te menge kuntada ku. 
\b  
\q1  
\v 4-5 Is kemetayen iring te pisì he ebpekevakus kediey, wey iring te litag diyà te veyeey ku. 
\q1 Is kezeetan iring te vendes te zalem he ed-anud kedì. 
\q1  
\v 6 Umbe, te kedlised ku, nengumew a kenikew, \sc Nengazen\sc*. 
\q1 Mibuyù a te tavang diyà te kenikew te Megbevayè ku, 
\q1 ne zutun te valey nu mibpemineg nu is ked-ampù ku. 
\q1  
\v 7 Ne zutun ne midlinug, ne minsan is menge pundasyun te menge vuvungan ne neyunggat, 
\q1 tenged te kegkepauk nu, \sc Nengazen\sc*. 
\q1  
\v 8 Migawas is evel puun te izung nu, 
\q1 ne ziyà te vèbè nu migawas is mekahandekhandek he hapuy wey egkeregreg he menge vaǥa. 
\q1  
\v 9 Mibpuwasan nu is langit iring te kebpuwas te kurtina, 
\q1 ne mibpenaug ka he ziyà med-untud te mekepal he ǥapun. 
\q1  
\v 10 Mid-untud ka te kirubin, 
\q1 ne utew heini meǥaan he edlayang he eduma te keramag. 
\q1  
\v 11 Midhimu nu is merusirem he tambun te peliǥuy nu. 
\q1 Mid-eles ka ziyà te mekepal he ǥapun. 
\q1  
\v 12 Midpengilat diyà te etuvangan nu, 
\q1 ne puun te kivel mid-uzan te menge ǥiyew wey egkeregreg he menge vaǥa. 
\q1  
\v 13 Is laǥeng nu \sc Nengazen\sc*, te Utew Lavew he Megbevayà, iring te ruǥung diyà te langit. 
\q1  
\v 14 Mibpanè nu te kilat is menge kuntada nu, 
\q1 ne nemekepelaǥuy zan he egkengeteranta. 
\q1  
\v 15 Emun edawey ka wey utew ka egkepauk ne egkengemezahan is daǥat 
\q1 ne egkaahà is tanà diyà te kinezizeleman kayi, 
\q1 wey egkaahà is pundasyun te kelibutan. 
\q1  
\v 16 Puun te langit midawat a kenikew, ne inggaun a kenikew puun te mezalem he wahig. 
\q1  
\v 17 Midluwas a kenikew zutun te mekeǥeǥehem he menge kuntada ku he kenè ku egkesukulan. 
\q1  
\v 18 Midsurung e zan hein egkereǥenan a, 
\q1 piru mid-uǥupan a kenikew, \sc Nengazen\sc*. 
\q1  
\v 19 Midlibri a kenikew te ebpekekaid pezem kedì su ingkesuat a kenikew. 
\q1  
\v 20 Edtuvazan a kenikew su ǥeina te metazeng a, 
\q1 wey wazè ku neveelan he salà. 
\q1  
\v 21 Su edsunuzen ku is menge paaǥi nu, 
\q1 ne sikew is \sc Nengazen\sc* he Megbevayè ku, wazè ku sikew engkezi. 
\q1  
\v 22 Edtumanen ku is langun he menge suǥù nu, 
\q1 ne wazè ku supaka is menge sulunuzen he ibpesunud nu. 
\q1  
\v 23 Netuenan nu he wazà igkesawey te keugelingen ku, 
\q1 ne edlikayan ku is kebaal te salà. 
\q1  
\v 24 Edtuvazan a kenikew su neehè nu he metazeng a, 
\q1 ne wazè ku eveelan he ibpekesalà ku. 
\q1  
\v 25 Metinumanen ka ziyà te menge etew he metinumanen daan. 
\q1 Meupiya ka ziyà te menge etew he meupiya zaan. 
\q1  
\v 26 Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, 
\q1 ne metau ka zaan he bales te menge lalung. 
\q1  
\v 27 Uya, edlibriyen nu is kenà menge mepelevawen, 
\q1 piru ibpekevavè nu mulà is menge etew he mepelevawen. 
\b  
\q1  
\v 28 \sc Nengazen\sc* he Megbevayè ku, iyan ka kerayag ku. 
\q1 Emun merusirem, ne iyan ka sulù ku. 
\q1  
\v 29 Tenged te kedtavang nu, ebpekehimu a he edsurung te menge sundaru, 
\q1 ne egpekehimu a zaan he ebpemenahik te verengbeng he nekeliǥuy te inged. 
\q1  
\v 30 Is kenikew he paaǥi, Megbevayà, ne wazè din sayep. 
\q1 Is lalag nu egkeseriǥan. 
\q1 Iring ka te kelasag te langun he ebuyù kenikew te pengalang. 
\q1  
\v 31 Iyan ke zà, \sc Nengazen\sc*, kes Megbevayà; 
\q1 kes endilungè dey he vatu. 
\q1  
\v 32 Iyan ka ebeǥey kedì te zesen 
\q1 wey ebantey kedì diyà te ibayè ku. 
\q1  
\v 33 Edlig-enan nu is menge paa ku iring te paa te selazeng, 
\q1 para mezesen a he ebpenekezeg diyà te metikang he menge lugar. 
\q1  
\v 34 Ebpenuruen a kenikew te kebpekidtebek, 
\q1 iring te kedhingat te mevisekeg he panà. 
\q1  
\v 35 Ebpengelangan a kenikew iring te kelasag, 
\q1 umbe nelibri is untung ku. 
\q1 Ed-ipaten a kenikew pinaaǥi te ǥehem nu, 
\q1 Ne nevantug a pinaaǥi te kedtevangi nu kedì. 
\q1  
\v 36 Ebeǥayan a kenikew te meupiya he ibayà, 
\q1 umbe wazà mekezugkilas is menge paa ku. 
\q1  
\v 37 Midal-as ku is menge kuntada ku ne nesaut ku sikandan. 
\q1 Ne human a medlikù hein nengezaag ku en sikandan. 
\q1  
\v 38 Midezeetan ku sikandan ne nengepiley zan diyà te uvey te nehitindeǥan ku, 
\q1 ne kenè en sikandan ebpekeenew. 
\q1  
\v 39 Mibeǥayan a kenikew te zesen te kebpekidtebek, 
\q1 ne nengezaag ku is menge kuntada ku. 
\q1  
\v 40 Mibpepeleǥuyan a kenikew te menge kuntada ku, 
\q1 ne midezeetan ku sikandan. 
\q1  
\v 41 Mibuyù dan te tavang, 
\q1 piru wazà midlibri kandan. 
\q1 Nengumew-umew zan kenikew, 
\q1 piru wazè nu sikandan tevaka. 
\q1  
\v 42 Midruntek ku sikandan taman te neiring en sikandan te eliyavuk he idlayap te keramag. 
\q1 Midtekutakan ku sikandan he iring te tunaan diyà te menge zalan. 
\q1  
\v 43 Midluwas a kenikew te ribildi he menge etew. 
\q1 Midhimu a kenikew he pengulu te menge nasyun. 
\q1 Is menge lumelengyawà ne ebpenilbi kedì. 
\q1  
\v 44 Midluhud sikandan kedì tenged te kegkehandek dan, ne midtuman dan is suǥù ku. 
\q1  
\v 45 Neewaan sikandan te kevurut, 
\q1 umbe migawas dan puun te mid-elesan dan he ebpengerkeren te kegkahandek. 
\q1  
\v 46 Uuyag ka, \sc Nengazen\sc*! 
\q1 Edeliǥen ka is endilungè ku he vatu. 
\q1 Ibayew ku sikew tenged te iyan ka Megbevayà he menluluwas ku. 
\q1  
\v 47 Ebelesan nu is menge kuntada ku, 
\q1 ne ibpesakup nu kedì is menge nasyun. 
\q1  
\v 48 Midluwas a kenikew zutun te utew menge mesipala he menge kuntada ku, 
\q1 ne ibpezaag nu kedì sikandan. 
\q1  
\v 49 Umbe, ibpezalig ku sikew ziyà te menge nasyun. 
\q1 Egkentahan ku sikew te menge kedalig. 
\q1  
\v 50 Is pinilì nu he hadì ebeǥayan nu te zekelà he menge kezeeǥan. 
\q1 Mahal nu si David wey is menge kevuwazan din te wazà pidtemanan. 
\c 19  
\s1 Is Kegkemekeǥeǥehem te Megbevayà 
\q1  
\v 1 Is hewhewanan ebpahayag te utew kegkemekeǥeǥehem te Megbevayà, 
\q1 su zutun egkeehè ta is menge linimbag din. 
\q1  
\v 2 Ke và dan dà etew ne edtudtulen dan is gehem te Megbevayà te maandew wey te mezukilem. 
\q1  
\v 3 Minsan kenè ta egkezineg is menge lalag dan, 
\q1  
\v 4 ne ebpekeuma ziyà te minsan hendei kayi te kelibutan is tudtul zan; 
\q1 nekeeneb heini ziyà te minsan hendei. 
\b  
\q1 Mibeelan te Megbevayà diyà te kewkewangan is egkesevukan te andew. 
\q1  
\v 5 Ne puun dutun, egawas is andew ke meselem he melipayen iring te ebpengesawa he ibpenahik, 
\q1 wey iring te ebpekidlumbà he andam en he ebpelelaǥuy. 
\q1  
\v 6 Edsilà heini ziyà te edsilaan ne edsanlep diyà te edsenlepan. 
\q1 Ne egkesuǥat is langun te keinit din. 
\s1 Is Kesuǥuan te \sc Nengazen\sc* 
\q1  
\v 7 Is kesuǥuan te \sc Nengazen\sc* wazè din sayep. 
\q1 Ne ebpekezasig heini kenita. 
\q1 Egkeseriǥan is menge penurù te \sc Nengazen\sc* 
\q1 ne ebpekeveǥey heini te ketau te kenà metau. 
\q1  
\v 8 Hustu is menge sulunuzen te \sc Nengazen\sc*, ne ebpekeveǥey heini te kelipey. 
\q1 Wazà sayep te menge suǥù te \sc Nengazen\sc* ne ebpeketayew te isip te etew. 
\q1  
\v 9 Meupiya is kedtahud te \sc Nengazen\sc*, 
\q1 ne ereg heini he ed-ul-ulahan te wazè din pidtemanan. 
\q1 Is kedhukum te \sc Nengazen\sc* hustu wey metazeng. 
\q1  
\v 10 Ne is langun kayi edhuna pa he mahal te lunsey he vulawan, 
\q1 he ke và dà keenen, edhuna pa he meemis te teneb he wazè din sahug. 
\q1  
\v 11 Pinaaǥi kayi, \sc Nengazen\sc*, egkeleǥuyan a is suluǥuen nu. 
\q1 Ne emun edtumanen ku heini ne mahabet is keupiyaanan he egkekuwa ku. 
\b  
\q1  
\v 12 Usahay kenà egketuenan te etew he nekesalà sikandin. 
\q1 Tenged kayi \sc Nengazen\sc*, peseyluwa a kenikew te menge salà he neveelan ku he wazè ku metueni. 
\q1  
\v 13 Ne tevangi a zaan kenikew wey a kenà mekevaal te menge salà he edtivevaan 
\q1 ne kenè nu ituǥut he meuripen a kayi, 
\q1 su para wazà igkesawey kedì 
\q1 ne zutun egkelikayan ku is mehabet he kelasi te kebpekesalà. 
\q1  
\v 14 Sikew, \sc Nengazen\sc*, is eputè ku, wey mibelukas kedì, berakat he ebpekepenunuat kenikew is menge lalag he egkengekaǥi ku wey egkeisip ku. 
\c 20  
\s1 Ked-ampù para te Kezeeǥan 
\q1  
\v 1 Berakat he edtevaken te \sc Nengazen\sc* is ampù nu ke edlised ka. 
\q1 Berakat he idlikey ka te Megbevayà ni Jacob te ebpekekaid kenikew. 
\q1  
\v 2 Berakat he egkeumahan ka te tavang din kenikew he ebpuun diyà te valey zin diyà te Zion. 
\q1  
\v 3 Berakat he zewata zin is menge halad nu, 
\q1 iring te pemuhat he edtutungen. 
\q1  
\v 4 Berakat he iveǥey zin kenikew is ebpengeduyen nu. 
\q1 Berakat he medlampus is menge pelanu nu. 
\q1  
\v 5 Ed-ugyab key tenged te kezeeǥan nu, 
\q1 ne edsilibra key he edalig te Megbevayè tew. 
\q1 Berakat he iveǥey te \sc Nengazen\sc* is langun he ebuyuen nu. 
\q1  
\v 6 Guntaan netuenan ku he ibeǥey te \sc Nengazen\sc* is kezeeǥan diyà te mibpilì din he hadì. 
\q1 Ne ziyà te langit he iyan kes segradu he ubpeey zin, edtevaken din is ked-ampù dutun te mibpilì din. 
\q1 Ne layun din ibpezaag pinaaǥi te gehem din. 
\q1  
\v 7 Emun duen tebek, is duma edsarig te menge kerwahi zan, 
\q1 ne is duma pa ne edsarig te menge kudè dan, 
\q1 iyan, sikami mulà, iyan edseriǥan dey is \sc Nengazen\sc* he iyan Megbevayè dey. 
\q1  
\v 8 Sikan is edsarig te menge kerwahi wey menge kudà egkengezeetan, 
\q1 iyan, sikami mulà, ebpekezaag key wey kenà egkaawà is kelig-en dey. 
\b  
\q1  
\v 9 \sc Nengazen\sc*, beǥayi nu te kezeeǥan is mibpilì nu he hadì, 
\q1 ne tevaka key kenikew emun ebpengum-umawen dey sikew. 
\c 21  
\s1 Is Kedeliǥa te \sc Nengazen\sc* tenged te Kebpekezaag 
\q1  
\v 1 \sc Nengazen\sc*, mibmelipayen is hadì he pinilì nu, 
\q1 tenged te mibeǥayan nu sikandin te zesen. 
\q1 Utew sikandin nelipey su mibpengelinteuwan nu he mekezaag sikandin. 
\q1  
\v 2 Imbeǥey nu kandin is penganduy zin; 
\q1 imbeǥey nu kandin is ebuyuen din. 
\q1  
\v 3 Midawat nu sikandin ne mibeǥayan nu te meupiya he menge vutang. 
\q1 Migkurunahan nu sikandin te lunsey he vulawan. 
\q1  
\v 4 Mibuyù din diyà te kenikew he sumpuli nu is untung din, 
\q1 ne mibeǥayan nu sikandin te meluǥayad he untung. 
\q1  
\v 5 Tenged te kezeeǥan he imbeǥey nu ziyà te kandin 
\q1 nevantug sikandin wey midekelà is dengeg din. 
\q1  
\v 6 Ne ebpedayun is menge tuvad nu kandin. 
\q1 Ne utew nekeveǥey kandin te kelipey is kebpekiduma nu kandin, 
\q1  
\v 7 su edsarig man sikandin kenikew te \sc Nengazen\sc* he iyan kes Utew Lavew he Megbevayà. 
\q1 Ne tenged te kebmahala nu kandin, ne kenà sikandin egkemenu. 
\b  
\q1  
\v 8 Is gehem nu ne iyan ebpekezaag te langun he menge kuntada nu. 
\q1  
\v 9 Emun ebpeehè ke en kandan, edezeetan nu sikandan, 
\q1 ne egkeiring sikandan te rapug he utew meregreg. 
\q1 Ne tenged te pauk nu kandan, ed-epuren nu sikandan te hapuy. 
\q1  
\v 10 Edhimetayan nu is langun he kevuwazan dan, 
\q1 ne wazà edresik kandan. 
\q1  
\v 11 Mezaat is pelanu zan kenikew, 
\q1 piru kenè dan edlampus. 
\q1  
\v 12 Su ebpelaǥuy sikandan emun egkeehè dan he andam ke en te kedsilut kandan, he iring te ziyè nu en ibpesinaru te kandan is edhingaten nu he panà. 
\q1  
\v 13 \sc Nengazen\sc*, ereg ka he edeliǥen tenged te zesen nu. 
\q1 Umbe, egkanta key te idalig kenikew tenged te kegkemekeǥeǥehem nu. 
\c 22  
\s1 Edtevangan te Megbevayà is menge Egkengerasey 
\q1  
\v 1 Megbevayè ku, Megbevayè ku, maan is mibey-anan a kenikew? 
\q1 Maan is meziyù ka kayi te kedì? 
\q1 Nezumahan en te zag-es is ked-antus ku, piru wazè e pa ǥihapun kenikew tevangi. 
\q1  
\v 2 Megbevayè ku, wazè ku en himeley su maandew wey mezukilem is kebpengumew-umew ku kenikew, 
\q1 iyan, wazà a kenikew tevaka. 
\q1  
\v 3 Iyan waǥas ka, ne edeliǥen ka te menge tig-Israel su iyan ka hadì dan. 
\q1  
\v 4 Midsarig kenikew is menge kepuun dey ne midlibri nu sikandan. 
\q1  
\v 5 Mignganey ke zan ne midtevangan nu sikandan. 
\q1 Midsarig sikandan kenikew ne wazà sikandan mepakyas. 
\b  
\q1  
\v 6 Ebpeel-elezan a wey edsudien a te menge etew, 
\q1 ke sikandan te, “Wazè din pulus; kenà sikandin iring te etew, kekenà, iring sikandin te tagkey.” 
\q1  
\v 7 Is kada sevaha he ebpekaahà kedì ne ed-insultu kedì, 
\q1 ne ebpengelengkeleng is egkaǥi te, 
\q1  
\v 8 “Midsarig ke man buwa te \sc Nengazen\sc*, ne maan is wazè ke zin libriya? 
\q1 Ke tutuu he nekepenunuat ka kandin, ne maan is wazè ke zin tevangi?” 
\q1  
\v 9 Piru iyan ka mibpeǥawas kedì puun te ǥetek te iney ku, 
\q1 ne puun pa te edsusu e pa, ne inlikey a kenikew te ebpekezezaat kedì. 
\q1  
\v 10 Ne puun te kedlusaza kedì ne insarig e en diyà te kenikew, ne iyan ke zà Megbevayè ku. 
\q1  
\v 11 Umbe, kenà a kenikew vey-ani su meǥaan en egkeula-ula is melised 
\q1 ne wazà duma he ebpeketavang kedì. 
\b  
\q1  
\v 12 Edliǥuyan a te menge kuntada ku, 
\q1 iring sikandan te memezesen he tudu he vaka ziyà te tanà he Bashan. 
\q1  
\v 13 Iring daan sikandan te menge erimaung he ebpemenhiniǥer is eginganga he andam en he edaas kedì. 
\b  
\q1  
\v 14 Naawè en is desen ku; iring a te wahig he id-ulà, 
\q1 ne henduen be te nekegkikiwey en is menge tulan ku. 
\q1 Naawè en daan is kevurut ku; iring a te netunew he kendilà. 
\q1  
\v 15 Naawè en is desen ku; iring a te tanà he mibadtik, 
\q1 ne mibmevisekeg en is dilè ku. 
\q1 \sc Nengazen\sc*, ebey-anan a kenikew minsan pa te edserupatey ad. 
\q1  
\v 16 Midliǥuyan a te lalung he menge etew; iring sikandan te menge asu he ebpemen-erungut kayi te kedì. 
\q1 Mibpelehusan dan is menge belad ku wey menge paa ku. 
\q1  
\v 17 Nenletew en is menge tulan ku; ne is menge etew, ne edtengtengan e zan dà. 
\q1  
\v 18 Mibahinbahin dan is menge visti ku pinaaǥi te ripa. 
\q1  
\v 19 Piru, sikew, \sc Nengazen\sc*, kenà a kenikew pekeziyui. 
\q1 Iyan ka ebpekeveǥey kedì te zesen ne tevangi ad guntaan. 
\q1  
\v 20 Libriya a su edhimetayan a te menge kuntada ku; 
\q1 kenè nu ituǥut he mepatey a kayì te henduen be te menge asu. 
\q1  
\v 21 Libriya a su egkeizen a te iring te menge erimaung. 
\q1 Tevaka nu is ampù ku ne libriya a su egkeizen a te iring te menge tudu he vaka. 
\q1  
\v 22 Idsangyew ku ziyà te menge emurè ku te inged is mibpemeelan nu. 
\q1 Edeliǥen ku sikew ziyà te menge kevurunan dan. 
\q1  
\v 23 Sikiyu is edtahud te \sc Nengazen\sc*, deliǥa niw sikandin! 
\q1 Sikiyu is menge etew kayì te Israel he menge kevuwazan ni Jacob, bentuǥa niw wey kehendeki niw is \sc Nengazen\sc*! 
\q1  
\v 24 Su wazè din pesegdana is menge elentusen te menge egkaayuayu. 
\q1 Wazè din sikandan iniyuǥi, kekenà, ebpemineǥen din is kebuyù dan te tavang. 
\b  
\q1  
\v 25 Midasig a kenikew su wey a medalig kenikew diyà te kevurunan te menge etew nu. 
\q1 Diyà te etuvangan te menge etew he edtahud kenikew, edtumanen ku is menge pesarig ku he ibpemuhat ku ziyà te kenikew. 
\q1  
\v 26 Egkaan is menge egkaayuayu ne egkahantey sikandan. 
\q1 Is menge etew he midangep diyà te kenikew ne edalig kenikew. 
\q1 Berakat he mebmeupiya wey mebmeluǥayad is untung dan. 
\q1  
\v 27 Egketenuzan ka te langun he menge etew 
\q1 ziyà te minsan hendei kayi te tivuuk he kelibutan 
\q1 ne edlikù dan diyà te kenikew, 
\q1 \sc Nengazen\sc*, ne ed-ezapen ke zan, 
\q1  
\v 28 Su iyan ka hadì, ne iyan ka edumala te menge nasyun. 
\q1  
\v 29 Kenà duwazuwa he edsimba kenikew is langun he menge sepian he etew kayi te kelibutan. 
\q1 Minsan is langun he menge etew he henduen be te ebpematey en, ne ibpeehè dan is kedtahud dan kenikew su edluhud dan. 
\q1 Wey minsan sikan is nemematey en, 
\q1  
\v 30 ebpenilbi kenikew is menge kevuwazan dan. 
\q1 Ebpenuruen mehitenged kenikew te \sc Nengazen\sc* 
\q1 is huziyan he menge lapis te menge kevuwazan. 
\q1  
\v 31 Ne sikan is huziyan he egkengeetew, edtudtulan daan sikandan he midlibri nu is menge etew nu. 
\q1 Ne iyan ka mibaal kayi. 
\c 23  
\s1 Is \sc Nengazen\sc* Iring te Ed-elima te menge Kerehidu 
\q1  
\v 1 \sc Nengazen\sc*, iyan ka ed-elima kedì, 
\q1 umbe egkekuwa ku is langun he egkinehenglanen ku. 
\q1  
\v 2 Iring a te kerehidu he ibpehimeley nu ziyà te penebtavà he zutun is gerabi he memeilem he sagbet. 
\q1 Ne ibpeikul a kenikew ziyà te meleneng he wahig. 
\q1  
\v 3 Edlig-enan a kenikew. 
\q1 Ibpeikul a kenikew te hustu he zalan te ketazeng su wey ka meveǥayi te zengeg. 
\q1  
\v 4 Minsan pa ke edhipanew a ziyà te suǥud he zuen duen ebpekepatey, 
\q1 ne kenà a egkahandek su zuma ku man sikew. 
\q1 Ebpekeveǥey kedì te kelig-en wey kelipey is kegiyahi nu wey kebpengelangi nu kedì. 
\q1  
\v 5 Ed-endaman a kenikew te keenen diyà te etuvangan te menge kuntada ku. 
\q1 Impurung a kenikew itetepian su midlenahan nu is ulu ku. 
\q1 Ne ebpepezaharan a kenikew te inumen. 
\q1  
\v 6 Nesiguru ku he ke sengemenu keluǥayad is untung ku 
\q1 ne iyan daan keluǥayad te kebpurungi nu wey kebmahala nu kedì. 
\q1 Ne ziyà a ed-ubpa te valey nu, \sc Nengazen\sc*, te wazà pidtemanan. 
\c 24  
\s1 Is Megbevayà Mekeǥeǥehem he Hadì 
\q1  
\v 1 Is kelibutan wey is langun he ed-ubpà kayi, ne gaked te \sc Nengazen\sc*. 
\q1  
\v 2 Iyan sikandin mibangun te kelibutan ne ziyè din benguna te mezalem he wahig. 
\q1  
\v 3 Hentei is egkehimu he edtekezeg diyà te vuvungan te \sc Nengazen\sc*? 
\q1 Hentei is ebpekeseled diyà te segradu he valey zin? 
\q1  
\v 4 Iyan sikan is meupiya is ulaula zin wey lumpiyu is isip din, 
\q1 wazà med-azap te zuma he menge ed-ezapen, 
\q1 wey kenà tarù is penangdù din. 
\q1  
\v 5 Edtuvazan wey ed-isipen sikandin he metazeng te \sc Nengazen\sc*, is Megbevayà he menluluwas din. 
\q1  
\v 6 Iyan heeyan kelasi te etew he egkehimu he ed-aput wey edsimba te Megbevayà ni Jacob. 
\b  
\q1  
\v 7 Puwasi is kezaan he menge ǥemawan duen te valey te Megbevayà su para mekeseled sikan is mekeǥeǥehem he Hadì. 
\q1  
\v 8 Hentei ves heini is mekeǥeǥehem he Hadì? 
\q1 Iyan sikandin sikan is \sc Nengazen\sc* he mezesen wey melig-en he ebpekidtebek. 
\b  
\q1  
\v 9 Puwasi is kezaan he menge ǥemawan duen te valey te Megbevayà su para mekeseled sikan is mekeǥeǥehem he Hadì! 
\q1  
\v 10 Hentei ves heini is mekeǥeǥehem he Hadì? 
\q1 Iyan sikandin sikan is \sc Nengazen\sc* he Mekeǥeǥehem. 
\q1 Uya, iyan sikandin is mekeǥeǥehem he Hadì. 
\c 25  
\s1 Pengemuyù para te Kebpelavan wey Kebpeǥiya 
\q1  
\v 1-2 \sc Nengazen\sc* he Megbevayè ku, 
\q1 iyan ka ed-empuan ku wey edseriǥan ku. 
\q1 Kenè nu ituǥut he mezaag a te menge kuntada ku, 
\q1 su para kenà a meeled-eled. 
\q1  
\v 3 Is edsarig kenikew kenà egkepeel-elezan, 
\q1 iyan, egkepeel-elezan sikan is edluib kenikew. 
\q1  
\v 4 Penurua a, \sc Nengazen\sc*, te menge paaǥi nu. 
\q1  
\v 5 Penurua a te paaǥi para kenà a mekesuwey te tutuu, 
\q1 su iyan ka Megbevayà he menluluwas ku. 
\q1 Layun a edsarig kenikew. 
\q1  
\v 6 Tentenuzi nu, \sc Nengazen\sc*, is hizu wey ǥaǥew nu he impeehè nu puun pa zengan. 
\q1  
\v 7 Ne kenè nu en tentenuzi is menge salà he neveelan ku hein betan-en e pa. 
\q1 Tenged te ǥaǥew nu, tentenuzi a, \sc Nengazen\sc*, 
\q1 su wey nu ikepaahà is keupiya nu. 
\b  
\q1  
\v 8 Meupiya ka wey metazeng ka, \sc Nengazen\sc*, 
\q1 umbe ipenurù nu ziyà te menge nengetazin is hustu he zalan. 
\q1  
\v 9 Egiyahan nu is kenà menge mepelevawen te kebaal te hustu. 
\q1 Ipenurù nu kandan is kenikew he menge paaǥi. 
\q1  
\v 10 Dutun te langun he ebeelan nu, ipeehè nu is gaǥew nu wey kegkemetinumanen nu ziyà te menge edsunud te ibpetuman diyà te kesuǥuan nu. 
\q1  
\v 11 \sc Nengazen\sc*, minsan mahabet is menge salè ku, peseyluwa a kenikew, 
\q1 su para mezeliǥi ka. 
\q1  
\v 12 \sc Nengazen\sc*, is menge etew he edtahud kenikew, egiyahan nu wey zan meikul is dalan he ereg he ed-ikulen. 
\q1  
\v 13 Meuswaǥen is ked-ubpè dan, 
\q1 ne ebpedayun is ked-ubpà te menge kevuwazan dan diyà te tanà he Israel. 
\q1  
\v 14 \sc Nengazen\sc*, utew nu emiǥu is menge etew he edtahud kenikew 
\q1 ne ibpetentenuzan nu kandan is kebpekid-uyun nu kandan. 
\q1  
\v 15 Diyè e zà layun edangep te kenikew, 
\q1 su iyan ka edlibri kedì te ebpekezezaat kedì. 
\q1  
\v 16 Pemineǥa a wey kehizuwi a, 
\q1 su midsebsevaha a ne edèdaaǥen a. 
\q1  
\v 17 Mid-iseg en is menge kemereǥenen ku; 
\q1 libriya a te kegkeliveg ku. 
\q1  
\v 18 Is-isipa a kenikew kayi te menge elentusen ku, 
\q1 ne peseyluwa a te langun he menge salè ku. 
\q1  
\v 19 Ahaa nu man, utew mahabet is menge kuntada ku 
\q1 ne zekelà is kedumut dan kedì. 
\q1  
\v 20 Tipiǥi nu is untung ku, ne libriya a kenikew! 
\q1 Kenà a kenikew peel-elezi, su ziyà a med-aput te kenikew para kenà a mekeizi. 
\q1  
\v 21 Metazeng a wey wazà igkesawey kediey; 
\q1 umbe iyan ke en metau he kenà a mekeizi. 
\q1 Edsarig e zà kenikew. 
\q1  
\v 22 Ipelingkawas nu, Megbevayè ku, is menge tig-Israel te langun he menge kelised dan. 
\c 26  
\s1 Is Ked-ampù te Metazeng he Etew 
\q1  
\v 1 \sc Nengazen\sc*, ipeehè nu he wazè ku salà, 
\q1 su nengungubpaan a he wazà igkesawey kedì 
\q1 ne mibpurung a medsarig kenikew. 
\q1  
\v 2 Susiya a, \sc Nengazen\sc*; 
\q1 susiya nu is isip ku wey ǥehinawa ku. 
\q1  
\v 3 Su layun ku edtentenuzi is gaǥew nu, 
\q1 ne layun ku sikew ebpezumdumahi. 
\q1  
\v 4 Wazà a mebpekiduma te menge etew he limbungan wey uvag-uvag dà is menge ulaula zan. 
\q1  
\v 5 Kenà a uyun te menge kevurunan te mezaat he menge etew. 
\q1 Ne wazà a mulà mebpekiduma kandan. 
\q1  
\v 6 Edlùluan ku is menge velad ku he tuus te wazè ku salà. 
\q1 Ne edhendiyà a te pemuhatà he zutun ka ebpemuhata su ed-azap a kenikew, \sc Nengazen\sc*. 
\q1  
\v 7 Ne zutun egkanta a te menge kentahan he para te kebpeselamat, 
\q1 wey edseysayen ku is langun he egkein-inuwan he menge vaal nu. 
\q1  
\v 8 \sc Nengazen\sc*, mahal ku is baley he ubpeey nu, 
\q1 he iyan kes lugar he zutun egkaahà is kegkemekeǥeǥehem nu. 
\q1  
\v 9 Kenà a kenikew zèdeeti duma te menge mekesesalà, 
\q1 iring te menge teremunù. 
\q1  
\v 10 Heini sikandan, layun ebevaal te mezaat 
\q1 ne ebpenepian dan is duma. 
\q1  
\v 11 Iyan, siak mulà, wazà igkesawey kediey, 
\q1 umbe libriya a wey kehizuwi a. 
\b  
\q1  
\v 12 Guntaan netuenan ku he kenè e en egkemenu, 
\q1 umbe, edeliǥen ku sikew \sc Nengazen\sc* diyà te ketiǥuman te menge etew nu. 
\c 27  
\s1 Ked-ampù he Egkezumahan te Kedalig 
\q1  
\v 1 Is \sc Nengazen\sc* iyan kerayag ku, menluluwas ku, wey eputè ku, 
\q1 umbe wazà ereg he igkahandek ku. 
\q1  
\v 2 Emun edsurungen a te lalung he menge kuntada ku su edhimetayan e zan, 
\q1 ne iyan dan egkezaag ne kenà a iyan. 
\q1  
\v 3 Minsan edliǥuyan a te mahabet he menge sundaru, ne kenà a egkahandek. 
\q1 Minsan pa ke edsurungen e zan, edsarig a te Megbevayà. 
\q1  
\v 4 Duen sevaha he mibuyù ku ziyà te \sc Nengazen\sc* he utew ku en egkesuati he iyan is: 
\q1 kebpekeubpè ku ziyà te valey zin seled te tivuuk he untung ku, 
\q1 ne zutun egkepurung ku egkengunùngunù is keupiya zin, 
\q1 ne ebpekahangyù a ziyà te kandin he giyahi e zin. 
\q1  
\v 5 Emun timpu te kesamuk id-eles e zin wey edhimu sikandin te paaǥi wey a kenà memenu zutun te valey zin. 
\q1 Diyè e zin ibpehulenà te lugar he kenà a zuen egkekeizan. 
\q1  
\v 6 Umbe, egkezaag ku is menge kuntada ku he edliǥuy kediey. 
\q1 Ne ebpemuhat a zutun te valey te \sc Nengazen\sc* duma is ked-uruhuy ku su utew a egkelipey. 
\q1 Ne egkentahan ku sikandin. 
\b  
\q1  
\v 7 Pemineǥa a, \sc Nengazen\sc*, ke ebpengum-umawen ku sikew; 
\q1 kehizuwi a ne iveǥey nu kedì is ebuyuen ku. 
\q1  
\v 8 Neǥezam ku kayi te ǥehinawa ku he ibpezangep a kenikew ziyan te kenikew, 
\q1 umbe kenà duwazuwa is kedangep ku ziyan te kenikew, \sc Nengazen\sc*. 
\q1  
\v 9 Kenà a kenikew elesi! 
\q1 Kenà a kenikew iselikwey tenged te pauk nu kedì te suluǥuen nu. 
\q1 Iyan ka neketavang kedì, 
\q1 umbe kenà a pesegdana wey iselikwey, 
\q1 Megbevayà he menluluwas ku. 
\q1  
\v 10 Minsan pa ke ed-engkezan a te amey ku wey iney ku, 
\q1 ed-eturen e zed gihapun kenikew, \sc Nengazen\sc*. 
\q1  
\v 11 Impenurù nu kedì is kenikew he menge paaǥi. 
\q1 Ne ziyà a kenikew ipeikul te hustu he zalan, su zuen ku menge kuntada. 
\q1  
\v 12 Kenà a kenikew ipalad diyà te kandan; 
\q1 edèdeetan e zan kun su egkeǥiyen dan he neveelan ku is wazè ku meveeli. 
\q1  
\v 13 Piru midtuu a he egkeseǥazan ku is keupiya nu mintras ebpengungubpaan e pa kayì te tanà. 
\b  
\q1  
\v 14 Sarig kew te \sc Nengazen\sc*! 
\q1 Mebpekelig-en kew ne kenè kew medarà. 
\q1 Purung kew sarig diyà te \sc Nengazen\sc*! 
\c 28  
\s1 Ampù para te Kebuyù te Tavang te Megbevayà 
\q1  
\v 1 \sc Nengazen\sc* he iyan kutè ku. 
\q1 Ebpengumew a kenikew. 
\q1 Pemineǥa nu is ked-ampù ku! 
\q1 Su emun kenà a kenikew ebpemineǥen, ne megaan a ebpatey. 
\q1  
\v 2 Pemineǥa nu is hangyù ku te tavang diyà te kenikew, 
\q1 zutun te ziyà a medsinaru te segradu he valey nu he imbayew ku is menge velad ku. 
\q1  
\v 3 Kenà a siluti zuma te menge lalung. 
\q1 Uvag dà sikandan ebpekid-emiǥu su mezaat is pelanu zan. 
\q1  
\v 4 Belesi nu sikandan te sungkad te menge vaal zan. 
\q1 Siluti nu sikandan tenged te mezaat he menge vaal zan. 
\q1  
\v 5 Su wazè dan seǥipaa is menge mibeelan nu. 
\q1 Umbe zezeeti nu sikandan ne veleǥaza nu en sikandan dutun te kebpekesavuk dan. 
\b  
\q1  
\v 6 \sc Nengazen\sc*, ereg ka he edeliǥen, 
\q1 su midineg nu is kebpehizuhizu ku kenikew. 
\q1  
\v 7 Iyan ka mibeǥey kedì te zesen; iyan ka migkelasag kedì. 
\q1 Midsarig a kenikew ne edtevangan a kenikew. 
\q1 Umbe utew a melipayen ne migkanta a te peselamat diyà te kenikew. 
\q1  
\v 8 Iyan ka, \sc Nengazen\sc*, mibeǥey te zesen diyà te menge etew nu. 
\q1 Iyan ka melig-en he eputà wey menluluwas te pinilì nu. 
\q1  
\v 9 Libriya nu wey tuvazi nu is menge etew he ǥaked nu. 
\q1 Bentayi nu sikandan he iring te ed-elima te kerehidu; 
\q1 etimana nu sikandan te wazà pidtemanan. 
\c 29  
\s1 Is Mekeǥeǥehem he Laǥeng te \sc Nengazen\sc* 
\q1  
\v 1 Sikiyu is menge linimbag diyà te langit, 
\q1 deliǥa niw is \sc Nengazen\sc*. 
\q1 Deliǥa niw is gehem din wey zesen din. 
\q1  
\v 2 Deliǥa niw is kegkemekeǥeǥehem din. 
\q1 Ezapa niw sikandin diyà te segradu he etuvangan din. 
\b  
\q1  
\v 3 Ebpenriǥungriǥung is laǥeng te \sc Nengazen\sc* he iyan kes mekeǥeǥehem he Megbevayà, 
\q1 ne egkezineg heini ziyà te menge zaǥat. 
\q1  
\v 4 Is laǥeng te \sc Nengazen\sc*, mekeǥeǥehem wey zekelà is dengeg din 
\q1  
\v 5 ne ebpekevadtì te melig-en he kayu ziyà te Lebanon. 
\q1  
\v 6 Edhuyungen te \sc Nengazen\sc* is menge vuntud diyà te Lebanon wey Hermon, 
\q1 ne egkeiring heini te nati he vaka he edlinglingketew. 
\q1  
\v 7 Is laǥeng te \sc Nengazen\sc*, ebpekepekilat 
\q1  
\v 8 wey ebpekehuyung te sibsivayan; 
\q1 egkehuyung din minsan is sibsivayan diyà te Kadesh. 
\q1  
\v 9 Is laǥeng te \sc Nengazen\sc*, ebpekepaanak te selazeng 
\q1 wey ebpekepetaktak te zahun te menge kayu. 
\q1 Ne ziyà te valey zin ibensag te langun is lalag he, “Mekeǥeǥehem is Megbevayà!” 
\b  
\q1  
\v 10 Is \sc Nengazen\sc* iyan ebmandù te zalem te menge wahig; 
\q1 iyan sikandin kes hadì he ebmandù te wazà pidtemanan. 
\q1  
\v 11 Edlig-enan te \sc Nengazen\sc* is menge etew zin, 
\q1 ne ebeǥayan din sikandan te meupiya he kebpekesavuk. 
\c 30  
\s1 Ked-ampù te Kebpeselamat 
\q1  
\v 1 Edeliǥen ku sikew, \sc Nengazen\sc*, 
\q1 su midlibri a kenikew te kezeetan 
\q1 ne wazè nu ituǥut he mekezayandayan is menge kuntada ku tenged te kebpekesavuk ku. 
\q1  
\v 2 \sc Nengazen\sc* he Megbevayè ku, 
\q1 mibpetavang a kenikew tenged te zaru ku, 
\q1 ne mibewian a kenikew. 
\q1  
\v 3 Midlibri a kenikew te kemetayen. 
\q1 Wazà nu ituǥut he mepatey a. 
\b  
\q1  
\v 4 Sikiyu is metinumanen he menge etew te \sc Nengazen\sc*, 
\q1 deliǥa niw is \sc Nengazen\sc* pinaaǥi te kegkanta niw. 
\q1 Deliǥa niw sikandin te kedalig pinaaǥi te kedtentenuzi niw te kegkewaǥas din. 
\q1  
\v 5 Su melemu egkaawà is pauk din, 
\q1 iyan, is keupiya zin mulà, ebpedayun te wazà pidtemanan. 
\q1 Egkeseeng ki emun timpu te mezukilem, 
\q1 piru egkelipey ki zed emun ebmeselem en. 
\b  
\q1  
\v 6-7 \sc Nengazen\sc*, tenged te keupiya nu in-iring a kenikew te vuntud su midlig-enan a kenikew. 
\q1 Ne tenged te melig-en is kebpekesavuk ku, 
\q1 ne ziyà te ǥehinawa ku ebpekekaǥi a te, “Kenà ad iyan egkemenu.” 
\q1 Piru hein wazà a kenikew seǥipaa, neǥezam ku is kegkahandek. 
\b  
\q1  
\v 8 Nengumew-umew a kenikew, \sc Nengazen\sc*, ne midhangyù a. 
\q1 Ke siak te, 
\q1  
\v 9 “Hengkey is egkekuwa nu emun ebpatey a? 
\q1 Su kenè en man ebpekezalig kenikew is minatey en. 
\q1 Ne kenè din en daan igkeseysey is kebmetinumanen nu. 
\q1  
\v 10 Pemineǥa a kenikew, \sc Nengazen\sc*, ne kehizuwi a. 
\q1 Ne tevangi a.” 
\q1  
\v 11 Tenged te tavang nu, mid-ilisan nu te melipayen he kedsayew is keseengan ku. 
\q1 Impeluwas nu kedì is bisti ku he saku he tuus te kedlalew ku, 
\q1 ne mibeǥayan a kenikew te kelipey. 
\q1  
\v 12 Umbe, kenà a ebpereremek dà, kekenà, egkanta a te menge kedalig kenikew. 
\q1 \sc Nengazen\sc* he Megbevayè ku, ebpeselamatan ku sikew te wazà pidtemanan. 
\c 31  
\s1 Ampù te Etew he Midsarig diyà te \sc Nengazen\sc* 
\q1  
\v 1 \sc Nengazen\sc*, diyà a te kenikew med-aput. 
\q1 Ne kenè nu ituǥut he mepeel-elezi a. 
\q1 Libriya a su metazeng ke man. 
\q1  
\v 2 Pemineǥa a, ne segugunà a kenikew libriya. 
\q1 Kelesaǥi a he iring te nekeendilung a ziyà te vatu; 
\q1 pengelangi a he iring te nekeeles a ziyà te melig-en he elesà. 
\q1  
\v 3 Geina te iyan ka endilungè ku wey melig-en he elesà, 
\q1 penurua a wey ǥiyahi a su wey ka meveǥayi te zengeg. 
\q1  
\v 4 Ilikey a kenikew te litag he idlitag kedì te menge kuntada ku, 
\q1 su iyan ka pengalang ku. 
\q1  
\v 5 Idsarig ku kenikew is untung ku. 
\q1 Libriya a kenikew, \sc Nengazen\sc*, su iyan ka kes Megbevayà he egkeseriǥan. 
\b  
\q1  
\v 6 Utew ku egkeepesi is menge etew he ed-azap te wazà menge pulus he menge ed-ezapen, 
\q1 su ziyè e man mulà te kenikew medsarig, \sc Nengazen\sc*. 
\q1  
\v 7 Egkelipey a su veliǥeǥawen ke man. 
\q1 Ne wazà mekeeles kenikew is menge elentusen ku, 
\q1 ne netuenan nu is menge kelised ku. 
\q1  
\v 8 Wazà a kenikew iveǥey ziyà te menge kuntada ku, 
\q1 kekenà, midlibri a kenikew te kezeetan. 
\q1  
\v 9 Kehizuwi a, \sc Nengazen\sc*, su edlised e en. 
\q1 Nemenlevag en is menge mata ku te kedtulung ku kedsineǥew, 
\q1 ne mibmeluya ad. 
\q1  
\v 10 Layun ku zuen igkeseeng. 
\q1 Nepipire en he tuig is kebpeketulung ku kebpekesineǥew. 
\q1 Mibmeluya ad tenged te menge elentusen ku, 
\q1 ne henduen be te wazè en desen te menge tulan ku. 
\q1  
\v 11 Ebpeel-elezan a te menge kuntada ku, 
\q1 lavew en is menge emurè ku te inged. 
\q1 Minsan is menge kilala ku ne nengahandek en he ed-uvey kediey. 
\q1 Emun egkeehè e zan diyà te zalan ne ebpekeziyuan e zan. 
\q1  
\v 12 In-iring e zan en te minatey su edlipatan e zan en. 
\q1 Iyan ked-isipa zan kedì he iring a te ziniyun he nerupet he wazè din en pulus. 
\q1  
\v 13 Egkezineg ku is kebpenènaasà te mezakel he menge kuntada. 
\q1 Ebpemiligru a minsan hendei a ebpevayà, 
\q1 su mibpelenuwan e zan te edhimatey. 
\q1  
\v 14 Iyan, midsarig a ziyà te kenikew, \sc Nengazen\sc*. 
\q1 Iyan ka Megbevayè ku. 
\q1  
\v 15 Is untung ku ne ziyan te kenikew; 
\q1 libriya a te menge kuntada ku he edezaat kedì. 
\q1  
\v 16 Ipeehè nu is keupiya nu kedì te suluǥuen nu; 
\q1 ne ǥeina te mahal a kenikew, ne libriya a kenikew. 
\q1  
\v 17 \sc Nengazen\sc*, kenè nu ituǥut he mepeel-elezi a, 
\q1 su ziyà a te kenikew megnganey. 
\q1 Iyan nu zà peel-elezi is menge lalung he etew ne penhimetayi nu sikandan, 
\q1 su wey zan mekepereremek en diyà te leveng dan. 
\q1  
\v 18 Ipetiem nu heeyan is menge teruen he ebpegalbu wey edsudì te menge metazeng. 
\b  
\q1  
\v 19 Utew zekelà is keupiyaanan he idteǥana nu te menge etew he edtahud wey edsarig kenikew. 
\q1 Egkaahà te langun is keupiya nu. 
\q1  
\v 20 Id-eles nu sikandan diyà te lugar he zutun ka, 
\q1 ne zutun kenà sikandan egkesudì wey egkeinsultuwan te menge etew. 
\q1  
\v 21 \sc Nengazen\sc*, ereg ka he edeliǥen! 
\q1 Su egkein-inuwan is paaǥi te kebpaahaa nu te ǥaǥew nu kedì 
\q1 hein diyà a te sevaha he inged he midlingutan te menge kuntada. 
\q1  
\v 22 Tenged te utew ku kegkahandek, kunaan ku ke mibpekidsuwey ke en kedì. 
\q1 Iyan, dutun, midineg nu is kebpehizuhizu ku zutun te kebuyù ku te tavang diyà te kenikew. 
\b  
\q1  
\v 23 Sikiyu is menge etew te \sc Nengazen\sc* he metinumanen, 
\q1 mahala niw sikandin. 
\q1 Ebentayan te \sc Nengazen\sc* is menge metinumanen, 
\q1 iyan, dekelà mulà is idsilut din te menge mepelevawen. 
\q1  
\v 24 Sikiyu is ebperateng te tavang te \sc Nengazen\sc*, 
\q1 mebpekelig-en kew wey mebpekevurut. 
\c 32  
\s1 Kedtug-an te Salà wey Kebuyù te Pesaylu ziyà te Megbevayà 
\q1  
\v 1 Utew zeyzey is etew he nepesaylu en is menge kedrapas din te menge suǥù, 
\q1 wey mibpanas en is menge salè din. 
\q1  
\v 2 Utew zeyzey is etew he wazè en isipa te \sc Nengazen\sc* he mekesesalà sikandin, 
\q1 wey wazà sikandin mebpenlimbung. 
\q1  
\v 3 Hein wazè ku pa iketug-an is menge salè ku, mibmeluya a, 
\q1 ne henduen te nerupet en is menge tulan ku, 
\q1 tenged te kebpekezag-es ku seled te tivuuk he andew. 
\q1  
\v 4 Su maandew wey mezukilem is kedsiluti nu kedì; 
\q1 naawè en is desen ku ne henduen be te nekagkag a te meinit he andew. 
\q1  
\v 5 Ne intug-an ku ziyà te kenikew is menge salè ku; 
\q1 wazè ku in-eles. 
\q1 Ke siak te idtug-an ku is menge salè ku ziyà te kenikew. 
\q1 Ne zutun te kedtug-an ku, mibpesaylu a kenikew. 
\b  
\q1  
\v 6 Umbe, is langun he metinumanen kinahanglan he med-ampù diyà te kenikew zutun te timpu te kelised, 
\q1 su emun ebpekeuma is kelised he iring te zalem, ne kenè dan egkemenu. 
\q1  
\v 7 Iyan ka elesè ku; 
\q1 pengalang ku zutun te timpu te kelised. 
\q1 Himuwa nu he ebpekeliǥuy kayi te kediey is menge etew he ebpemen-ugyab te kegkelipey zan 
\q1 tenged te kedlibriya nu kediey. 
\q1  
\v 8 \sc Nengazen\sc*, migkaǥi ka kayi te kedì te, 
\q1 “Ibpenurù ku kenikew is dalan he zait he ed-ikulen nu. 
\q1 Ne zutun te kebentayi ku kenikew ne edsembaǥan ku sikew. 
\q1  
\v 9 Kenè nu iringi is kudà he kenà ebpekesavut, 
\q1 he kinahanglan pa he egkekangan wey edrindahan su para mekepezumazuma.” 
\q1  
\v 10 Mahabet is menge kemereǥenan he egkeseǥazan te lalung he menge etew, 
\q1 iyan, sikan mulà, is midsarig diyà te \sc Nengazen\sc*, ebmahalen din wey edlevanan din sikandan. 
\q1  
\v 11 Umbe, sikiyu is menge metazeng, 
\q1 lipey kew tenged te mibeelan te \sc Nengazen\sc* diyà te keniyu! 
\q1 Sikiyu is nengungubpaan te hustu he paaǥi, 
\q1 ugyab kew tenged te kegkelipey niw! 
\c 33  
\s1 Kanta te Kedalig 
\q1  
\v 1 Sikiyu is menge metazeng, 
\q1 ugyab kew tenged te kegkelipey niw. 
\q1 Sikiyu is nengungubpaan te hustu he paaǥi, 
\q1 deliǥa niw su mezait sikandin he edeliǥen! 
\q1  
\v 2 Deliǥa niw is \sc Nengazen\sc* pinaaǥi te alpa. 
\q1 Tukari niw is \sc Nengazen\sc* te zuma pa he menge pezaǥing he zuen din menge kuwirdas. 
\q1  
\v 3 Kentahi niw sikandin te veǥu he kanta; 
\q1 tukari niw sikandin te meupiya, 
\q1 ne ugyab kew tenged te kegkelipey niw. 
\q1  
\v 4 Su tutuu is lalag te \sc Nengazen\sc*, 
\q1 ne egkeseriǥan is langun he ebeelan din. 
\q1  
\v 5 Egkasuat is \sc Nengazen\sc* he ebaal te metazeng wey hustu. 
\q1 Egkaahà kayi te tivuuk he kelibutan is gaǥew zin. 
\q1  
\v 6 Pinaaǥi te lalag te \sc Nengazen\sc*, 
\q1 nehimu is langit: andew, bulan, wey menge vituen. 
\q1  
\v 7 Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga. 
\q1  
\v 8 Is langun he etew kayi te kelibutan ereg he edtahud te \sc Nengazen\sc*. 
\q1  
\v 9 Su migkaǥi zà sikandin ne nehimu en is kelibutan. 
\q1 Mibmandù dà sikandin ne nehimu is langun. 
\q1  
\v 10 Edèdeetan te \sc Nengazen\sc* is pelanu te menge nasyun, 
\q1 ne kenè din idtuǥut he medlampus is menge tuyù dan. 
\q1  
\v 11 Piru is kandin mulà he menge pelanu ne ebpedayun te wazà pidtemanan; 
\q1 is kandin he menge ketuyuan kenà egkaawà taman te taman. 
\b  
\q1  
\v 12 Utew zeyzey is nasyun he iyan Megbevayè din is \sc Nengazen\sc*. 
\q1 Utew zeyzey is menge etew he migaked te \sc Nengazen\sc*. 
\q1  
\v 13 Puun diyà te langit edtengtengan te \sc Nengazen\sc* is langun he menge etew. 
\q1  
\v 14 Diyà sikandin te ubpeey zin ne edtengtengan din is langun he ed-ubpà kayi te kelibutan. 
\q1  
\v 15 Iyan sikandin mibeǥey te isip diyà te langun he menge etew, 
\q1 ne netuenan din is langun he ebpen-ul-ulahan dan. 
\b  
\q1  
\v 16 Is hadì kenà ebpekezaag te tebek tenged dà te kezakel te menge sundaru zin. 
\q1 Is sevaha he sundaru kenà ebpekeǥawas he libri puun te tebek tenged dà te kezesen din. 
\q1  
\v 17 Kenà tenged te menge kudà is kebpekesiguru te kebpekezaag te tebek. 
\q1 Kenà ebpekelibri is kezesen dan. 
\q1  
\v 18 Ebentayan te \sc Nengazen\sc* is menge edtahud kandin, 
\q1 he edsarig te kebmahala zin kandan. 
\q1  
\v 19 Iyan sikandin edlibri kandan te kemetayen wey ed-uyag kandan emun timpu te vitil. 
\b  
\q1  
\v 20 Edtaǥad kiw zuma is kedsarig te \sc Nengazen\sc*. 
\q1 Iyan sikandin edtavang wey ebpengalang kenitew. 
\q1  
\v 21 Egkelipey kiw tenged kandin. 
\q1 Su edsarig kiw ziyà te kandin te waǥas he Megbevayà. 
\b  
\q1  
\v 22 \sc Nengazen\sc*, deyzey ke kenà egkaawà is kebmahala nu kenami, 
\q1 iring te edsarig key ziyà te kenikew. 
\c 34  
\s1 Is Keupiya te Megbevayà 
\q1  
\v 1 Layun ku edeliǥa is \sc Nengazen\sc*; 
\q1 kenà a ed-engked he edalig kandin. 
\q1  
\v 2 Ibpegalbu ku is \sc Nengazen\sc*, 
\q1 ne sikiyu is menge edèdaaǥen, pemineg kew wey medlipey. 
\q1  
\v 3 Duma kew kedì te edalig te \sc Nengazen\sc*; 
\q1 edsevaha kiw te kedalig kandin. 
\q1  
\v 4 Mid-ampù a ziyà te \sc Nengazen\sc* ne midtavak e zin. 
\q1 In-awè din is langun he kegkehandek ku. 
\q1  
\v 5 Ebmelipayen is menge etew he edsarig diyà te kandin, 
\q1 ne kenè dan en egkepeel-elezan. 
\q1  
\v 6 Mibpengumew is egkaayuayu he etew te \sc Nengazen\sc*, ne midtavak din sikandin. 
\q1 Midlibri zin sikandin te langun he kelised din. 
\q1  
\v 7 Ebentayan te velinsuǥuen te \sc Nengazen\sc* is menge etew he edtahud te \sc Nengazen\sc*, 
\q1 ne edlibriyen din sikandan te kezeetan. 
\q1  
\v 8 Gezami niw wey niw metueni ke sengemenu keupiya is \sc Nengazen\sc*. 
\q1 Utew zeyzey is etew he midsarig te pengalang te \sc Nengazen\sc* kandin. 
\q1  
\v 9 Sikiyu is metinumanen he menge etew te \sc Nengazen\sc*, tehuza niw sikandin. 
\q1 Su is menge edtahud kandin, egkekuwa zan is langun he kinahanglan dan. 
\q1  
\v 10 Is menge erimaung egkehimu he egkaamin is keenen dan ne egkengevitil zan, 
\q1 iyan, is menge etew mulà he edangep diyà te \sc Nengazen\sc*, kenà egkeeminan te meupiya he menge vutang. 
\q1  
\v 11 Hendini kew is egkengesuat he mebmetau, pemineǥa a keniyu. 
\q1 Ebpenuruen ku sikiyu te kedtahud te \sc Nengazen\sc*. 
\q1  
\v 12 Egkesuat kew ve he mekaangken te kelipey wey melugayad he untung? 
\q1  
\v 13 Likayi niw is kegkaǥi te mezaat wey kedtarùtarù. 
\q1  
\v 14 Likayi niw is mezaat he vaal, ne iyan niw veeli is meupiya. 
\q1 Himuwa niw is paaǥi para layun melinew is kebpekidepitè niw te zuma. 
\q1  
\v 15 Ebentayan te \sc Nengazen\sc* is menge metazeng, 
\q1 ne ebpemineǥen din is menge pengemuyù dan. 
\q1  
\v 16 Piru egkuntedahan din is menge etew he ebaal te mezaat. 
\q1 Edèdeetan din sikandan taman te kenè en sikandan egketenuzan te menge etew kayi te kelibutan. 
\q1  
\v 17 Ebuyù te tavang diyà te kandin is menge metazeng, 
\q1 ne edtevangan din sikandan. 
\q1 Edlibriyen din sikandan te langun he menge kemereǥenen dan. 
\q1  
\v 18 Uvey is \sc Nengazen\sc* diyà te nengepakyas, 
\q1 ne edlibriyen din is menge etew he naawà is perateng dan. 
\b  
\q1  
\v 19 Minsan mahabet is menge mereǥen he egkehitavù diyà te etew he metazeng, 
\q1 iyan, edlibriyen sikandin te \sc Nengazen\sc* te langun dutun. 
\q1  
\v 20 Kenà duwazuwa is ked-ipata te \sc Nengazen\sc* kandin, 
\q1 ne wazà minsan sevaha he tulan din he egkelepù. 
\q1  
\v 21 Is menge mezaat he vaal, ne iyan ebpekepatey te menge mezaat he etew. 
\q1 Edsilutan te \sc Nengazen\sc* sikan is egkeepesan dan is menge metazeng. 
\q1  
\v 22 Edlibriyen te \sc Nengazen\sc* is menge etew zin he menge suluǥuen din. 
\q1 Ne is langun he ed-aput diyà te kandin ne kenè din edsilutan. 
\c 35  
\s1 Ampù para te Kebuyù te Tavang te Megbevayà 
\q1  
\v 1 Kuntedaha nu, \sc Nengazen\sc*, is menge etew he mibpekigkuntada kedì. 
\q1 Pekidtebek ka te menge etew he mibpekidtebek kedì. 
\q1  
\v 2 Kuwaa nu is kelasag nu wey penagang nu, ne tevangi a. 
\q1  
\v 3 Endama nu is dezeisey wey dezekelà he vangkew nu wey pemilaka nu is menge etew he edal-as kedì, 
\q1 ne peseriǥi a he edlibriyen a kenikew. 
\q1  
\v 4 Deyzey ke egkepeel-elezan is menge etew he edtinguhà he edhimatey kedì. 
\q1 Berakat he mekepelaǥuy he egkengeteranta is menge etew he mibpelanu he edezaat kedì. 
\q1  
\v 5 Deyzey ke egkeiring sikandan te ukap he idlayap te keramag dutun te kedsegseǥa kandan te velinsuǥuen nu. 
\q1  
\v 6 Berakat he ebmerusirem wey ebmelandeg is egkepeveyaan dan dutun te kedel-asa kandan te velinsuǥuen nu. 
\b  
\q1  
\v 7 Su minsan wazà hustu he hinungdan, mibaal zan te litag he idlitag dan kedì, 
\q1 wey mibangbang dan su para meulug a zutun. 
\q1  
\v 8 Berakat he metik-awi sikandan meumahi te kezeetan. 
\q1 Berakat he iyan sikandan meuney zuen te idlitag dan kedì. 
\q1 Berakat he iyan sikandan meulug duen te vangbang dan. 
\q1  
\v 9 Ne zutun egkelipey a tenged te kedlibriya nu kedì, \sc Nengazen\sc*. 
\q1  
\v 10 Ne zutun, ibensag ku is menge lalag he ebpuun diyà te tivuuk te ked-etew ku he edhenduen te, 
\q1 “Wazè nu iyan iring, \sc Nengazen\sc*. 
\q1 Edlibriyen nu is menge egkaayuayu wey menge pubri te kedluplupiǥa wey kebintahai kandan.” 
\b  
\q1  
\v 11 Is mesipala he menge etew ebpenistiǥus kuntra kedì. 
\q1 Ed-uluǥan a zan te kewsa. 
\q1  
\v 12 Mezaat is ibales dan te meupiya he ebeelan ku ziyà te kandan, 
\q1 umbe neselekawan a utew. 
\q1  
\v 13 Piru emun egkezeruwan dan, ebpetuusan ku he igkeseeng ku sikandan pinaaǥi te kebivisti ku te saku wey kebpuasa. 
\q1 Ne emun kenà edtevaken is ampù ku para kandan, 
\q1  
\v 14 epekeriǥuriǥu a is edlalew 
\q1 he iring te suled ku wey emiǥu ku is igkeseeng ku. 
\q1 Nekezuzungul a is egkeseeng 
\q1 su is kegkeseeng ku kandan iring daan te kegkeseeng te sevaha he etew te iney zin. 
\q1  
\v 15 Iyan, hein iyan ad midlised, mid-amur-amur zan is egkengelipey. 
\q1 Mid-amur-amur zan is edezaat kedì. 
\q1 Ne wazè ku metueni ke maan. 
\q1 Ne edsiguduwan e zan en ed-ituka. 
\q1  
\v 16 Duma zan is memesudì he wazà medtuu te Megbevayà 
\q1 su utew zekelà is pauk dan kedì. 
\q1  
\v 17 Nengazen, kenè nu ipedayun is kenè nu kedtavangi kedì. 
\q1 Libriya ad te ked-etekiya kedì kayi te iring te menge erimaung. 
\q1  
\v 18 Ne zutun te kedlibriya nu kedì, edeliǥen ku sikew wey ebpeselamatan diyà te ketiǥuman te menge etew nu. 
\q1  
\v 19 Kenè nu ituǥut he melipey is limbungan he menge kuntada ku tenged te kegkezeeǥa zan kedì. 
\q1 Is ebpemendumut kedì te wazà hustu he hinungdan, 
\q1 kenè nu ituǥut he meengiti e zan. 
\q1  
\v 20 Wazà menge lalag dan he meupiya he ebpekepeupiya te zuma he etew, 
\q1 kekenà, ebaalvaal sikandan te mezaat he tudtul 
\q1 su wey megurigew sikan is melinawen en is ked-ubpè dan kayì he lugar. 
\q1  
\v 21 Imbensag dan kayi te kediey is pesangil zan, he ke sikandan te, 
\q1 “Neehè dey is mezaat he mibeelan nu.” 
\q1  
\v 22 \sc Nengazen\sc*, neehè nu heeyan, umbe kenè ka và dà redtan. 
\q1 Kenà a kenikew pekeziyui. 
\q1  
\v 23 Nengazen he Megbevayè ku, 
\q1 levani e en kenikew kayi te menge etew he mibpesangil kedì. 
\q1  
\v 24 \sc Nengazen\sc* he Megbevayè ku, ǥeina te kenè ka ebpemintahà, ne ipetueni nu te menge etew he wazè ku salà. 
\q1 Kenè nu ituǥut he ed-eengitan e zan. 
\q1  
\v 25 Kenè nu ituǥut he mekekaǥi sikandan te, 
\q1 “Netuman en human is penganduy zey te kedezaat kandin!” 
\b  
\q1  
\v 26 Is langun he iyan igkelipey zan is menge kebpekaantus ku, berakat he egkepeel-elezan wey egkeliveg sikandan. 
\q1 Berakat he sikan is langun he neminusan kediey, kenà medlampus is tuyù dan wey mepeel-elezi sikandan. 
\q1  
\v 27 Berakat he mekeugyab te kegkelipey is menge etew he igkelipey zan is kenà ked-utengi kedì te salà he impesangil kedì. 
\q1 Berakat he layun sikandan mekekaǥi te, “Utew zait he edeliǥen is \sc Nengazen\sc* ne igkelipey zin is keupiyaanan te suluǥuen din.” 
\q1  
\v 28 Edtudtulen ku is ketazeng nu, 
\q1 wey layun ku sikew edeliǥa. 
\c 36  
\s1 Is Kezaat te Etew wey Keupiya te Megbevayà 
\q1  
\v 1 Iyan heini lalag he taǥù kayi te ǥehinawa ku 
\q1 mehitenged te kegkemekesesalà te lalung he etew: 
\q1 Is lalung he etew ne kenà egkahandek te Megbevayà. 
\q1  
\v 2 Su metikang is ked-isipa zin te keugelingen din, 
\q1 kenè din egkaahà is kelelalung din he ereg pezem he egkeepesan din. 
\q1  
\v 3 Mezaat wey tarù is menge lalag din, 
\q1 ne kenè din en ed-ul-ulahan is hustu wey meupiya. 
\q1  
\v 4 Minsan edhidhizeǥà sikandin ne ebpelanu sikandin te mezaat. 
\q1 Dekelà is gehinawa zin te kebaal te kenà meupiya, 
\q1 ne kenè din id-awà diyà te isip din is kebaal te mezaat. 
\q1  
\v 5 \sc Nengazen\sc*, is gaǥew nu wey kegkemetinumanen, ne kenà egkesukud; 
\q1 metikang pa heini te langit. 
\q1  
\v 6 Is ketazeng nu, ne melig-en; igkepetug-iring te metikang he menge vuntud. 
\q1 Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. 
\q1 Ed-eturen nu, \sc Nengazen\sc*, is menge etew wey menge langgam. 
\q1  
\v 7 Megbevayè ku, utew mahal is gaǥew nu. 
\q1 Ebpengelangan nu is menge etew iring te kedlekupi te tagbis te pispis din. 
\q1  
\v 8 Nengeperahan sikandan te idsegkayà he keenen diyà te valey nu; 
\q1 ipeinum nu sikandan te metaam he wahig nu. 
\q1  
\v 9 Su iyan ka ebpuunan te untung. 
\q1 Edteyawan key kenikew, ne neteyawan is menge isip dey. 
\q1  
\v 10 Ipedayun nu is kebmahala nu te menge etew he migkilala kenikew. 
\q1 Ipedayun nu is kebaal nu te meupiya ziyà te menge etew he midtinazeng. 
\q1  
\v 11 Kenè nu ituǥut he mezaag a te menge lalung wey menge gelbuwen he kuntada ku. 
\q1  
\v 12 Egkezeetan is lalung he menge etew, 
\q1 ne kenè en sikandan ebpekeenew. 
\c 37  
\s1 Is Egkepeveyaan te Lalung he Etew wey Meupiya he Etew 
\q1  
\v 1 Kenè ka mesemuki mehitenged te lalung he menge etew; 
\q1 kenè ka mesina te memezaat is baal. 
\q1  
\v 2 Su kenà egkeuǥet ne egkeiring sikandan te sagbet he ebpatey, 
\q1 etawa iring te menge pinemula he egkeǥangu. 
\q1  
\v 3 Sarig ka te \sc Nengazen\sc*, ne ul-ulaha nu is meupiya. 
\q1 Pengungubpaan ka kayi te tanà he wazè nu igkahandek he ebpekekaid. 
\q1  
\v 4 Tinguhaa nu he iyan mekeveǥey kenikew te kelipey is \sc Nengazen\sc*, 
\q1 ne ibeǥey zin kenikew is ebpengenduyen nu. 
\q1  
\v 5 Ipeveyveyai nu te \sc Nengazen\sc* is tivuuk he untung nu; 
\q1 sarig ka ziyà te kandin ne ebeelan din heini ziyà te kenikew: 
\q1  
\v 6 Edhimuwen din he utew keladu is kebpezeyaǥa zin he metazeng ka wey wazè nu salà, 
\q1 iring kekeladu te silà te andew ke meudtu. 
\q1  
\v 7 Mebmelinawen ka ziyà te etuvangan te \sc Nengazen\sc* ne kenè ka medarà is edtaǥad te ebeelan din. 
\q1 Kenè ka mesemuki emun duen menge etew he ebmeuswaǥen wey edlampus is mezaat he menge pelanu zan. 
\q1  
\v 8 Kenè nu ituǥut he zuen pauk etawa seeng diyà te ǥehinawa nu tenged kandan. 
\q1 Kenè ka mesemuki, su ebpekezezaat heini kenikew. 
\q1  
\v 9 Su is lalung he menge etew edsegseǥen puun te tanà he Israel, 
\q1 piru is menge etew he edsarig te \sc Nengazen\sc* ne ebpedayun is ked-ubpè dan kayi he tanà. 
\q1  
\v 10 Kenà egkeuǥet egkahanew is lalung he menge etew. 
\q1 Ne minsan ke ebpen-ahaan niw pa sikandan, ne kenè niw en egkaahà. 
\q1  
\v 11 Piru is kenà memepelevawen ebpedayun is kandan he ked-ubpà kayì te tanà he Israel he dezeyaan is kebpekesavuk dan. 
\b  
\q1  
\v 12 Is lalung he menge etew ebpelanu te mezaat diyà te menge metazeng, 
\q1 wey utew zan egkeepesi is menge metazeng. 
\q1  
\v 13 Iyan, ed-engitan dà sikandan te Nengazen, 
\q1 su netuenan din he hapit en egkeuma is timpu te kedezeeti kandan. 
\q1  
\v 14 Edhulevuten te lalung he menge etew is ispada zan, 
\q1 wey edhingaten dan is panè dan, 
\q1 su edhimetayan dan is menge egkaayuayu wey menge pubri he midtinazeng. 
\q1  
\v 15 Piru iyan sikandan egkeuney egketiyuk te ispada zan, 
\q1 ne egkengevadtì is menge panè dan. 
\b  
\q1  
\v 16 Is deisey he azen te metazeng meupiya pa kenà is mahabet he ketiǥeyunan te lalung he menge etew. 
\q1  
\v 17 Su id-awà te \sc Nengazen\sc* is desen te menge lalung, 
\q1 ne edtevangan din mulà is menge metazeng. 
\q1  
\v 18 Ed-eturen te \sc Nengazen\sc* is menge etew he wazà igkesewayi kandan. 
\q1 Ne is egkepengevilin dan ne kenà egkaawà diyà te kandan te taman te taman. 
\q1  
\v 19 Ne minsan timpu te vangkit kenà sikandan egkemenu, 
\q1 ne minsan timpu te vitil ne zekelà is keenen dan. 
\q1  
\v 20 Iyan, is menge lalung egkengezeetan mulà sikandan. 
\q1 Is menge kuntada te \sc Nengazen\sc* egkeiring te bulak su ebpematey zan dà. 
\q1 Egkengahanew sikandan iring te evel. 
\q1  
\v 21 Is lalung he menge etew ne emun ed-utang ne kenà ebayad. 
\q1 Ne kelelaǥan mulà is menge metazeng. 
\q1  
\v 22 Is menge etew he edtuvazan te \sc Nengazen\sc*, ebpedayun is ked-ubpè dan kayi te tanà he Israel. 
\q1 Piru is etew he edrewakan din edsegseǥen puun kayi he tanà. 
\q1  
\v 23 Egiyahan te \sc Nengazen\sc* is kada langkad te etew he ebpekepenunuat te \sc Nengazen\sc* is kebpengungubpaan din. 
\q1  
\v 24 Minsan ebpekesipà sikandin ne kenà egkepiley 
\q1 su egewazen sikandin te \sc Nengazen\sc*. 
\b  
\q1  
\v 25 Puun te vatè e pa taman en guntaan te meǥurang e en, 
\q1 ne wazè e pa mekaahà te metazeng he menge etew he mibey-anan te \sc Nengazen\sc* 
\q1 etawa mekepekilimus te keenen is menge anak dan. 
\q1  
\v 26 Layun pa sikandan ebpekepememeǥey wey ebpekepesambey, 
\q1 ne is menge anak dan nehimu he tuvad diyà te zuma he menge etew. 
\b  
\q1  
\v 27 Likayi niw is mezaat ne veeli niw is meupiya 
\q1 su para taman te taman is kebpekeubpè niw kayi te tanà he Israel. 
\q1  
\v 28 Su igkesuat te \sc Nengazen\sc* is hustu he kukuman 
\q1 ne kenè din ebpesegdanen sikan is menge metinumanen he edsunud kandin. 
\q1 Edtipiǥan din sikandan te taman te taman, 
\q1 piru is menge kevuwazan te lalung he menge etew ne edsegseǥen mulà puun te tanà he Israel. 
\q1  
\v 29 Is menge metazeng mulà pedayun he ebpekeubpà dutun te tanà te taman te taman. 
\b  
\q1  
\v 30 Hustu is menge lalag te metazeng ne egkezumahan te ketau. 
\q1  
\v 31 Edtipiǥan din diyà te ǥehinawa zin is menge kesuǥuan te Megbevayè din ne kenè din heini edrepasen. 
\q1  
\v 32 Is lalung he menge etew, ed-eyanan dan is menge metazeng, 
\q1 su egkesuatan dan te edhimatey. 
\q1  
\v 33 Piru kenà idtuǥut te \sc Nengazen\sc* he mepatey zan is menge metazeng. 
\q1 Ne kenà idtuǥut te \sc Nengazen\sc* he mehukumi te silut is menge metazeng emun ebpekeetuvang dan diyà te hukmanan. 
\b  
\q1  
\v 34 Sarig ka te \sc Nengazen\sc* ne tumana nu is paaǥi zin, 
\q1 ne ebeǥayan ke zin te zengeg pinaaǥi te pedayun he kebpeubpaa zin kenikew kayi te tanà kayi te Israel. 
\q1 Ne egkeehè nu is kedsegseǥa te menge mezaat he etew puun keniyan he tanà. 
\q1  
\v 35 Hein nehuna he timpu, duen neehè ku he lalung he etew he ebpendaagdaag. 
\q1 Ed-isipen din is keugelingen din he lavew te zuma; 
\q1 iring sikandin te metawis he kayu he sidru ziyà te Lebanon. 
\q1  
\v 36 Iyan, te huziyan he timpu minatey sikandin; nahanew en sikandin. 
\q1 Mibpen-ehè ku sikandin, ne wazè ku en maahà. 
\q1  
\v 37 Ne ahaa nu purungi is etew he wazà duen igkesawey he ebpengungubpaan te hustu wey melinew. 
\q1 Duen din mulà meupiya he egkepaabut. 
\q1  
\v 38 Piru is menge mekesesalà ne pudu ebpendezeeti; 
\q1 wazà meupiya he egkepaabut dan. 
\q1  
\v 39 Baal te \sc Nengazen\sc* is kelibriyanan te menge metazeng. 
\q1 Iyan sikandin edhimu te paaǥi para kenà sikandan memenu emun timpu te kelised. 
\q1  
\v 40 Edtevangan din sikandan ne edlibriyen din te kegkeiza kandan te menge mezaat he etew, 
\q1 su ziyè man sikandan med-aput te kandin. 
\c 38  
\s1 Ked-ampù te Etew he Egkereǥenan 
\q1  
\v 1 \sc Nengazen\sc*, minsan egkepeukan a kenikew ne kenà a kenikew sewaya. 
\q1  
\v 2 Henduen be te mibpanà a kenikew wey midlepadu te mesakit. 
\q1  
\v 3 Tenged te kegkepauk nu te kebpekevaal ku te menge salà, ne kenà meupiya is kegezamgezam ku kayi te lawa ku. 
\q1  
\v 4 Henduen be te egkelened ad te menge salè ku, 
\q1 iring heini te meveǥat he uwiten he kenè ku egkehenat. 
\q1  
\v 5 Tenged te kezuzupangi ku, nengeredak is menge palì ku ne mibmemahù. 
\q1  
\v 6 Egkevekut e en te utew ku kegkesekiti, 
\q1 ne tivuuk he andew is kedlalew ku. 
\q1  
\v 7 Ne kenà meupiya is kegezamgezam ku kayi te tivuuk he lawa ku su ed-al-al is peka ku. 
\q1  
\v 8 Ne utew e en meluya. 
\q1 Ebpekezag-es a tenged te mesakit he egkeǥezam ku. 
\q1  
\v 9 \sc Nengazen\sc*, netuenan nu is langun he penganduy ku he meulii a, 
\q1 wey nezineg nu is kedag-es ku. 
\q1  
\v 10 Ebpekehuyab is kumeng ku; wazè ku en desen, 
\q1 ne kenè e en utew ebpekaahà. 
\q1  
\v 11 Midlikayan ad te menge emiǥu ku wey menge zuma ku tenged te zaru ku. 
\q1 Minsan is menge kezuzumahi ku ne mibpekeziyuan e zan en. 
\q1  
\v 12 Edtuǥesen a te menge etew he egkesuat he edhimatey kedì. 
\q1 Ne sikan is egkesuat he ebpaantus kedì, midhisgutan dan is paaǥi te kedezeeti zan kedì. 
\q1 Tivuuk he andew is kebpelanu zan te kedluib kedì. 
\b  
\q1  
\v 13 Mibpevevengel e zà wey mibpeeemew he henduen be te kena a ebpekezineg wey ebpekekaǥi. 
\q1  
\v 14 Ebpevevengelan ku zà is mezaat he menge pelanu zan ne wazà ad megkaǥi. 
\b  
\q1  
\v 15 Su midsarig a kenikew, \sc Nengazen\sc*. 
\q1 Iyan ka, \sc Nengazen\sc* he Megbevayè ku, iyan ka edtavak te ampù ku. 
\q1  
\v 16 Su mid-ampù a ziyà te kenikew he kenè nu ituǥut he melipey wey mekepahambug is menge kuntada ku tenged te kegkezèdeeti zan kediey. 
\q1  
\v 17 Henduen be te egkezeetan ad, ne kenà egkeengked is ked-antus ku. 
\q1  
\v 18 Idtug-an ku is menge salè ku he nekesamuk kediey. 
\q1  
\v 19 Melig-en wey mahabet is menge kuntada ku. 
\q1 Egkeepesan e zan minsan te wazà hustu he hinungdan. 
\q1  
\v 20 Mezaat is ibales dan te menge meupiya he vaal ku kandan. 
\q1 Ne egkuntedahan a zan su ebpeninguhà a he ebaal te meupiya. 
\b  
\q1  
\v 21 \sc Nengazen\sc* he Megbevayè ku, kenà a kenikew pesegdana; 
\q1 kenà a kenikew pekeziyui. 
\q1  
\v 22 Tevangi e en guntaan kenikew, \sc Nengazen\sc* he menluluwas ku. 
\c 39  
\s1 Is Kedtug-an te Salà te Etew he Nekebmereǥen 
\q1  
\v 1 Nekekaǥi a kayi te gehinawa ku te, 
\q1 “Ebpekeventayan ku is ed-ul-ulahan ku, 
\q1 ne edlikayan ku he mekesalà a pinaaǥi te kegkaǥikaǥi ku. 
\q1 Ebpeninguhaan ku he kenà a mekeriklamu ziyà te Megbevayà. 
\q1 Lavew en ke ziyà te uvey ku is lalung he menge etew.” 
\q1  
\v 2 Umbe, mibpereremek e zà, ne wazà ad megkaǥikaǥi. 
\q1 Iyan, wazà heini meketavang kedì 
\q1 su nasì en med-iseg is mesakit he egkeǥezam ku. 
\q1  
\v 3 Ne nesemukan utew is isip ku. 
\q1 Ne hein edtulungan ku en egngunngunua ke ebpedayun e ve he ebpereremek etawa kenà, ne nasì en med-iseg is kegkesemuki te isip ku. 
\q1 Umbe wazè ku en meeǥen is gehinawa ku; nekekaǥi a te, 
\q1  
\v 4 “\sc Nengazen\sc*, petentenuzi nu kedì he zuen ketepusan te untung ku wey nevilang en is kahabet te menge andew te ked-ubpè ku; 
\q1 ipesavut nu kedì ke sengemenu zà keluǥayad is untung ku.” 
\b  
\q1  
\v 5 Utew zà mevavà is untung he imbeǥey nu kediey. 
\q1 Diyà te kenikew is keluǥayad te untung ku ne wazè din bali. 
\q1 Su is tutuu iyan heini: is untung te etew ne iring dà te keramag he edlavey zà, 
\q1  
\v 6 wey iring te alung he egkaawà. 
\q1 Utew egkesamuk is etew te menge vuluhaten he wazè din pulus. 
\q1 Edtiǥum sikandin te menge ketiǥeyunan, 
\q1 iyan, emun ebpatey en sikandin, ne kenè din en egketuenan ke hentei is egkepulusan dutun. 
\b  
\q1  
\v 7 Guntaan, Nengazen, wazè en duma he edseriǥan ku. 
\q1 Iyan ke zà edseriǥan ku. 
\q1  
\v 8 Ipelingkawas a te langun he menge salè ku, 
\q1 ne kenè nu ituǥut he sudia a te menge tulebung. 
\q1  
\v 9 Ebpereremek e en; kenà ad edriklamu, 
\q1 su iyan ka midrasey kedì. 
\q1  
\v 10 Guntaan, kenà ad kenikew siluti. 
\q1 Su henduen e en te ebpatey kayi te kebpeentusa nu kedì. 
\q1  
\v 11 Ebmensuwen nu is etew pinaaǥi te kedsewaya nu kandin, tenged te menge salè din. 
\q1 Ne iring is ebeelan nu te kegketket su id-awè nu id-amin is mahalen he menge azen din. 
\q1 Tutuu iyan he iring dà te keramag is untung te etew su edlavey zà. 
\q1  
\v 12 \sc Nengazen\sc*, tevaka nu is ked-ampù ku; 
\q1 pemineǥa nu is kebuyù ku te tavang. 
\q1 Seǥipaa nu is kedsineǥew ku. 
\q1 Su iring e zà te lumelengyawà he meǥeliyug nu kayi te kelibutan, iring te langun he menge kepuun ku. 
\q1  
\v 13 Kena ad kenikew kepeuki, 
\q1 su para mebmelipayen a te kenè e pa ebpatey. 
\c 40  
\s1 Kanta he Idalig te \sc Nengazen\sc* 
\q1  
\v 1 Wazà a medarà he edtaǥad te \sc Nengazen\sc*, 
\q1 ne mibpemineg din is kebuyù ku te tavang diyà te kandin. 
\q1  
\v 2 Henduen be te mibatun e zin puun te mekulbà he vudsi etawa tunaan, 
\q1 ne iring te impeuntud e zin diyà te vatu su para kenà a mekeizi. 
\q1  
\v 3 Mibpenurù e zin te veǥu he kanta, 
\q1 kanta te kedalig kandin te Megbevayè tew. 
\q1 Ne mahabet he etew is ebpekaahà te mibeelan te Megbevayà 
\q1 ne ebpeketahud wey ebpekesarig dan kandin. 
\b  
\q1  
\v 4 Utew zeyzey is etew he edsarig te \sc Nengazen\sc*, 
\q1 ne kenà edangep diyà te menge gelbuwen he iyan edsunuzen dan is tarù. 
\b  
\q1  
\v 5 \sc Nengazen\sc* he Megbevayè ku, wazà ebpekeiring kenikew. 
\q1 Mahabet is egkein-inuwan he mibeelan nu, 
\q1 wey mahabet is menge pelanu nu para kenami. 
\q1 Ne kenè ku heini igkeseysey pudu su utew medmezakel. 
\b  
\q1  
\v 6 Wazà mekepenunuat kenikew is nekedseselekawà he kelasi te menge pemuhat. 
\q1 Wazè ka mebuyù te menge pemuhat he edtutungen wey pemuhat he para idlumpiyu. 
\q1 Kekenà, midhimu a kenikew he mepezumdumahan kenikew. 
\q1  
\v 7 Umbe, migkaǥi a te, 
\q1 “Heini e zed, andam a he edtuman te menge suǥù nu sumalà is ingkesurat he menge lalag nu mehitenged kedì. 
\q1  
\v 8 Megbevayè ku, igkelipey ku is kedtuman te egkesuatan nu. 
\q1 Edtipiǥan ku ziyà te ǥehinawa ku is menge kesuǥuan nu.” 
\q1  
\v 9 Edtudtulen ku is kedlibriya nu kedì diyà te egketiǥum he menge etew nu. 
\q1 Netuenan nu \sc Nengazen\sc* he kenà a ed-engked he edtudtul kayi. 
\q1  
\v 10 Is kedlibriya nu kediey wazè ku ziyè dà tipiǥi te ǥehinawa ku, 
\q1 kekenà, ibpenudtul ku zaan he metinumanen ka wey edluwas ka. 
\q1 Ne wazè ku ieles is gaǥew nu wey ketutuanan diyà te ketiǥuman dey te menge etew nu. 
\q1  
\v 11 \sc Nengazen\sc*, kenè nu eǥena is hizu nu kediey. 
\q1 Berakat he is gaǥew nu wey kebmetinumanen nu egkehimu he iyan layun pengalang ku. 
\q1  
\v 12 Henduen be te edliǥuy kedì is menge kelised he utew subra is kahabet. 
\q1 Henduen be te egketembunan ad te menge salè ku, ne kenà ad ebpeketuredu te hustu he ibayè ku. 
\q1 Henduen be te edhuna pa he mezakel is menge salè ku te vulvul ku, 
\q1 ne tenged kayi naawè en is kevurut ku. 
\q1  
\v 13 \sc Nengazen\sc*, libriya a kenikew. 
\q1 Tevangi ad guntaan. 
\q1  
\v 14 Berakat he is langun he edtinguhà he edezaat kedì ne egkepeel-elezan wey egkeliveg. 
\q1  
\v 15 Berakat he is menge etew he edsudì kedì egkeinuinu ne egkepeel-elezan sikandan. 
\b  
\q1  
\v 16 Berakat he melipey is langun he midangep diyà te kenikew. 
\q1 Berakat he layun mekekaǥi sikan is menge etew he mepeselematen te kedlibriya nu kandan te, 
\q1 “Dait he edeliǥen is \sc Nengazen\sc*” 
\b  
\q1  
\v 17 Bahin kedì, egkaayuayu a wey pubri a. 
\q1 Berakat he isipa a kenikew, \sc Nengazen\sc*. 
\q1 Iyan ka ebpeketavang wey ebpekelibri kedì. 
\q1 He Megbevayè ku, tevangi e en guntaan. 
\c 41  
\s1 Is Ampù te Etew he Nezeruwan 
\q1  
\v 1 Utew zeyzey is etew he edtevang te menge egkaayuayu. 
\q1 Su edtevangan sikandan te \sc Nengazen\sc* emun timpu te kelised. 
\q1  
\v 2 Egkelesaǥan sikandin te \sc Nengazen\sc* wey edtipiǥan is untung din. 
\q1 Edtuvazan sikandin te \sc Nengazen\sc* kayi te tanà he Israel; 
\q1 kenà sikandin ibeǥey ziyà te menge kuntada zin. 
\q1  
\v 3 Edtevangan sikandin te \sc Nengazen\sc* ke egkezeruwan; 
\q1 ebewian din sikandin te egkeǥezam din. 
\q1  
\v 4 Migkaǥi a te, “\sc Nengazen\sc*, kehizuwi a kenikew. 
\q1 Bewii a, su edtug-an a he nekesalà a ziyà te kenikew.” 
\q1  
\v 5 Mezaat is migkaǥi te menge kuntada ku mehitenged kedì. 
\q1 Ke sikandan te, “Deyzey ke ebpatey en sikandin su wey melipati en.” 
\q1  
\v 6 Uvag kun edleuyen e zan, 
\q1 piru ebpen-ehè dan bes te mezaat he egketudtul zan mehitenged kediey. 
\q1 Ne emun diyè dan en te ǥawas ne ebpenudtulen dan haazà diyà te zuma. 
\q1  
\v 7 Is langun he egkeepes kedì ne ebpenèneesà mehitenged kediey, 
\q1 ne ed-isip-isip dan te mezaat ke ebmenumenu zan para mezeeti a. 
\q1  
\v 8 Ke sikandan te, “Utew en gerabi is daru zin, 
\q1 umbe kenè ne sikandin ebpekeenew.” 
\q1  
\v 9 Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì. 
\q1  
\v 10 Piru sikew, \sc Nengazen\sc*, kehizuwi a kenikew; 
\q1 bewii a kenikew su wey a mekevales te menge kuntada ku. 
\q1  
\v 11 Ne egketuenan ku he nekepenunuat a kenikew, 
\q1 su kenè nu idtuǥut he mezaag a te menge kuntada ku. 
\q1  
\v 12 Tenged te wazà mezaat he vaal ku, ne idtuǥut nu he mekeubpà a zuma kenikew te wazà pidtemanan. 
\b  
\q1  
\v 13 Edeliǥen is \sc Nengazen\sc* he Megbevayà te Israel te wazà pidtemanan. Amen! Amen! 
\c 42  
\s1 Is Suat te Sevaha he Etew he Mekeuvey ziyà te Etuvangan te Nengazen 
\q1  
\v 1 Is kebpenginahanglan ku kenikew te Megbevayè ku, 
\q1 iring te kebpenginahanglan te selazeng te wahig emun egkemezahan sikandin. 
\q1  
\v 2 Egkemezahan a kenikew he iyan uuyag he Megbevayà. 
\q1 Keenu e pa vuwa ebpekehendiyà te valey nu te ked-uvey ziyà te etuvangan nu? 
\q1  
\v 3 Maandew wey mezukilem is kebpekesineǥew ku ne samè dà kenè ku meinum is luhè ku, ne zutun edtulung ed-insà is menge etew te, 
\q1 “Hendei en be is Megbevayè nu he edtavang kenikew?” 
\q1  
\v 4 Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. 
\q1 Ne edsilibra key zuma is ked-ugyab te kegkelipey wey kebpeselamat kenikew. 
\q1  
\v 5 Piru kenà a ereg he egkeseeng wey egkeǥiyaǥiya. 
\q1 Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku. 
\q1  
\v 6-7 Utew a neseeng; is kegkeseeng ku iring te edeǥurus he seleg te evaǥa he ebpeketambun kediey. 
\q1 Umbe edtentenuzan ku sikew ǥuntaan te kayi a te tanà he uvey te Jordan wey Hermon, kayi te Buntud he Mizar. 
\q1  
\v 8 Emun maandew ibpeehè nu is gaǥew nu \sc Nengazen\sc*, 
\q1 umbe emun mezukilem en, egkanta a te ked-ampù diyà te kenikew te Megbevayà he mibeǥey kedì te untung ku. 
\q1  
\v 9 He Megbevayà he endilungè ku, egkaǥi a ziyà te kenikew te, 
\q1 “Maan is edlipatan a kenikew? 
\q1 Maan is kinahanglan pa he egkeseeng a tenged te kedèdaaǥa kedì te menge kuntada ku?” 
\q1  
\v 10 Henduen be te nerupet en is menge tulan ku tenged te kebpeel-elezi zan kedì. 
\q1 Egkeǥiyan e zan te, “Hendei en be is Megbevayè nu he edtavang kenikew?” 
\b  
\q1  
\v 11 Maan is egkeseeng a wey egkeǥiyaǥiya? 
\q1 Te ereg e man he edsarig kenikew, 
\q1 ne ed-umanan ku sikew edeliǥa is menluluwas ku he Megbevayè ku. 
\c 43  
\q1  
\v 1 He Megbevayà, ipeehè nu he wazè ku salà, 
\q1 ne levani a su wey a kenà mezezeeti te menge etew he kenà edtuu te Megbevayà. 
\q1 Libriya a te kedezeeti kedì te limbungan wey lalung he menge etew. 
\q1  
\v 2 Iyan ka, Megbevayà melig-en he eputè ku. 
\q1 Ne maan is inselikwey a kenikew? 
\q1 Maan is kinahanglan pa he egkeseeng a tenged te kedèdaaǥa kedì te menge kuntada? 
\q1  
\v 3 Teyawi a ne penurua a te tutuu 
\q1 su para meǥiyahi a te kebpekid-uliey kenikew ziyà te valey nu he ziyà te segradu he vuvungan. 
\q1  
\v 4 Ne zutun ed-uvey a ziyà te pemuhatà he zutun ka ebpemuhata, Megbevayè ku, 
\q1 iyan ka ebeǥey kedì te kelipey. 
\q1 Megbevayè ku, edeliǥen ku sikew pinaaǥi te kedtukar te alpa. 
\q1  
\v 5 Maan is egkeseeng a wey egkeǥiyaǥiya? 
\q1 Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku. 
\c 44  
\s1 Ampù te Kebpelibri te Megbevayà 
\b  
\q1  
\v 1 He Megbevayà, netudtul kenami te menge kepuun dey 
\q1 is mibpemeelan nu hein kaazen dan pa zutun te neuǥet en he timpu, 
\q1  
\v 2 he mibpenegseg nu is menge etew he wazà medtuu kenikew ne iyan nu impeubpà diyà te ed-ubpaan dan is menge kepuun dey. 
\q1 Impaantus nu haazà he menge etew ne impeuswag nu mulà is menge kepuun dey. 
\q1  
\v 3 Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, 
\q1 kekenà, tenged te ǥehem nu, ebilidad nu, wey hizu nu kandan 
\q1 tenged te kebmahala nu kandan. 
\b  
\q1  
\v 4 Iyan ka hadì ku wey Megbevayè ku; 
\q1 iyan ka mibeǥey te kezeeǥan diyà te kenami te menge kevuwazan ni Jacob. 
\q1  
\v 5 Pinaaǥi kenikew egkezaag dey is menge kuntada zey. 
\q1  
\v 6 Wazà a medsarig he iyan ibpekezaag ku is panè ku wey ispada ku. 
\q1  
\v 7 Su iyan ka ebpengelintau para mezaag dey is menge kuntada zey. 
\q1 Ebpeel-elezan nu is ebpekidtebek kenami. 
\q1  
\v 8 He Megbevayà, iyan ka ibpehivantug dey layun, ne edeliǥen dey sikew te wazà pidtemanan. 
\b  
\q1  
\v 9 Piru ǥuntaan, inselikwey key en kenikew ne intuǥut nu he mepeel-elezi key. 
\q1 Wazè nu en dumahi is menge sundaru zey. 
\q1  
\v 10 Ketau nu is kegkepeleǥuwi zey te menge kuntada zey. 
\q1 Ne mibpenavan dan is menge azen dey. 
\q1  
\v 11 Intuǥut nu he mebpematey key iring te menge kerehidu he mibpenlapà. 
\q1 Ne impeyapat key kenikew ziyà te menge nasyun. 
\q1  
\v 12 Sikami is menge etew nu, ne henduen be te imbelegyè key zà kenikew te veratu. 
\q1 Henduen te wazè dey pulus diyà te kenikew. 
\q1  
\v 13 Kenikew he ketau is kegkepeel-elezi kenami 
\q1 wey ked-eengiti kenami te siringan dey he menge nasyun. 
\q1  
\v 14 Duen pa menge erubasa zan he ebpekeinsultu kenami, 
\q1 ne ebpurung dà sikandan ebpenggemen-gemen is edsudì kenami. 
\q1  
\v 15 Layun ad ebpeel-elezi. 
\q1 Ne igkeeled ku en is kegkaahaa te vuked ku, 
\q1  
\v 16 tenged te ebpengeǥiyen wey ked-insultuwi kedì te menge kuntada ku he egkesuat he ebpenimales kedì. 
\b  
\q1  
\v 17 Nehitavù heini is langun minsan pa te wazè dey sikew lipati, 
\q1 ne wazè key zaan medrapas te paaǥi te kebpekid-uyun nu kenami. 
\q1  
\v 18 Wazè key med-iniyug kenikew ne wazè key medsuwey ziyà te zalan he ibpeikul nu kenami. 
\q1  
\v 19 Iyan, henduen be te midrupet key kenikew wey mibey-anan diyà te utew merusirem he ed-ubpaan te leew he menge asu. 
\q1  
\v 20-21 He Megbevayà, egketuenan nu emun midlipatan dey sikew 
\q1 wey ke ziyè key ed-ampù te zuma he menge megbevayà, 
\q1 su egketuenan nu man minsan is id-eles te etew he isip din. 
\q1  
\v 22 Iyan, tenged te kedtuu zey kenikew, ne layun key en ebpemiligru te kemetayen. 
\q1 Iring key te kerehidu he para edlepaan. 
\b  
\q1  
\v 23 Sigi en, \sc Nengazen\sc*, waleng kad! 
\q1 Kenè key kenikew iniyuǥi taman te taman. 
\q1  
\v 24 Maan is mid-elesan key kenikew wey wazè key kenikew seǥipaa kayi te menge elentusen dey wey kedèdaaǥa kenami? 
\q1  
\v 25 Iring key te nengepiley ziyà te tanà he kenè en ebpekeenew. 
\q1  
\v 26 Gègaani key en tevangi; 
\q1 libriya key su mahal key man kenikew. 
\c 45  
\s1 Is Eseweey te Hadì 
\b  
\q1  
\v 1 Is isip ku nepenù te mekempet he menge lalag 
\q1 hein idseysey ku en is ebpemulvulakan he menge lalag he para zuen te hadì. 
\q1 Ne is ketau ku te kegkaǥi ne iring te ketau zuen te utew metau he menunurat. 
\q1  
\v 2 Mahal he Hadì, iyan ka utew mezagwey te langun he menge maama, 
\q1 ne is menge lalag he egawas diyà te vèbè nu ebpekeveǥey te keupiyaanan te zuma he etew, 
\q1 su ǥeina te layun ka edtuvazi te Megbevayà. 
\q1  
\v 3 Inseluniket nu is ispada nu, mevurut he hadì; 
\q1 mekeǥeǥehem ka wey meupiya is dengeg nu. 
\q1  
\v 4 Utew meupiya is dengeg nu; mezeeǥen ka ke edsurung ka para te kedlevani nu te tutuu wey hustu he kukuman para te menge edèdaaǥen. 
\q1 Ne tenged te ǥehem nu ebeelan nu is egkein-inuwan he menge vaal. 
\q1  
\v 5 Pelii nu te meǥarang he menge vala te panè nu is menge pusung te menge kuntada nu. 
\q1 Ebpesakup kenikew is menge nasyun. 
\q1  
\v 6 Is ginhedian nu, Megbevayà, ebpedayun te wazà pidtemanan, 
\q1 ne metazeng is kedumelaha nu kayi. 
\q1  
\v 7 Igkesuat nu is metazeng, iyan, igkeepes nu mulà is mezaat. 
\q1 Umbe, mibpilì ka te Megbevayà he Megbevayè nu, 
\q1 ne imbeǥey zin kenikew is kelipey he lavew pa te kelipey te menge zuma nu. 
\q1  
\v 8 Is bisti nu mehemut te pehemut he mira, aloe, wey kasia. 
\q1 Edlenganen ka te menge musikiru te menge gelemiten te kedtukar he ziyà te seled te turuǥan nu, 
\q1 ne haazà he turuǥan, mahal is indayandayan duen. 
\q1  
\v 9 Nepipira zuen te dungganen he menge vahi nu is menge anak te menge hadì. 
\q1 Ne ziyà te egkekewanan nu, edhithitindeg is egkehimu he rayna nu he midsun-ud te elahas he lunsey he vulawan he ebpuun te Ofir. 
\q1  
\v 10 Sikew is ed-esewaan te hadì, pemineǥa nu is egkeǥiyen ku: 
\q1 lipati nu en is menge emurè nu te inged wey is menge kezuzumahi nu, 
\q1  
\v 11 su utew ka nesuati te hadì tenged te kekempet nu. 
\q1 Tehuza nu sikandin su egalen nu sikandin. 
\q1  
\v 12 Is menge meǥinged diyà te Tyre, ragkes en is utew menge sepian, ebeǥayan ke zan te menge azen su wey nu mepurung sikandan meseǥipà. 
\q1  
\v 13 Utew ka mekempet keniyan te seled te turuǥan nu. 
\q1 Is bisti nu binurdahan te vulawan. 
\q1  
\v 14 Idsun-ud diyà te kenikew is mekempet he visti nu ne ed-uwiten ka ziyà te hadì. 
\q1 Ne is menge raǥa he edumahan diyà te kenikew edtinundug kenikew, su iyan sikandan avey nu. 
\q1  
\v 15 Ne utew zekelà is kelipey niw zutun te kedseled niw ziyà te turuǥan dutun te hadì. 
\b  
\q1  
\v 16 Mahal he Hadì, is menge kevuwazan nu he menge maama egkengehimu zaan he hadì he iring te menge kepuun dan. 
\q1 Ne edhimuwen nu sikandan he menge pengulu te tivuuk he tanà. 
\q1  
\v 17 Edhimuwen ku he kenè ka egkelipatan te langun he egkelapislapis he kevuwazan. 
\q1 Umbe taman te taman is kedeliǥa kenikew te menge nasyun. 
\c 46  
\s1 Duma Tew is Megbevayà 
\q1  
\v 1 Is Megbevayà iyan ebpengalang kenitew wey iyan ebeǥey kenitew te zesen. 
\q1 Ne layun sikandin andam he edtavang emun timpu te kelised. 
\q1  
\v 2 Umbe, kenè kiw egkahandek minsan pa ke egkehuyung is tanà ne egkengetempag is menge vuntud ne egkengeulug diyà te zizalem te zaǥat, 
\q1  
\v 3 minsan pa ke ebpurung ebpemaǥel is daǥat he iyan igkengehuyung te menge vuntud. 
\q1  
\v 4 Duen wahig he ebpekeveǥey te kelipey ziyà te inged te Megbevayà, kes segradu he ubpeey te Utew Lavew he Megbevayà. 
\q1  
\v 5 Kayi he inged ed-ubpà is Megbevayà, umbe kenà heini egkezeetan. 
\q1 Kenà edlanganlangan is Megbevayà para te kedtavang kayi he inged. 
\q1  
\v 6 Egkengeheratan is menge nasyun; egkengehuyung is menge ginhedian. 
\q1 Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan. 
\q1  
\v 7 Duma tew is \sc Nengazen\sc* he Mekeǥeǥehem. 
\q1 Iyan sikandin Megbevayà ni Jacob, ne iyan sikandin eputè tew. 
\b  
\q1  
\v 8 Hengkayi kew, ahaa niw is menge bineelan te \sc Nengazen\sc*, is egkengein-inuwan he menge vaal zin kayi te kelibutan. 
\q1  
\v 9 Ibpeengked din is menge tebek kayi te tivuuk he kelibutan. 
\q1 Ebpemedtìen din is menge panà wey menge vangkew, ne idrapug din is menge kelasag. 
\q1  
\v 10 Migkaǥi sikandan te, “Engked kew en he ebpetebtebekà. 
\q1 Ne kilelaa a keniyu is Megbevayà. 
\q1 Ebentuǥen a te menge nasyun kayi te tivuuk he kelibutan.” 
\b  
\q1  
\v 11 Duma tew is \sc Nengazen\sc* he Mekeǥeǥehem. 
\q1 Iyan sikandin Megbevayà ni Jacob, ne iyan sikandin eputè tew. 
\c 47  
\s1 Iyan is Megbevayà Hadì te Tivuuk he Kelibutan 
\q1  
\v 1 Sikiyu is langun he keet-etawan diyà te menge nasyun, 
\q1 pelakpak kew wey ugyab kew te kedalig te Megbevayà he egkezumahan te kelipey. 
\q1  
\v 2 Utew telehuzen is \sc Nengazen\sc* he iyan kes Utew Lavew he Megbevayà. 
\q1 Mekeǥeǥehem sikandin he hadì te tivuuk he kelibutan. 
\q1  
\v 3 Edhimuwen din he iyan key edumala is menge tig-Israel te menge nasyun. 
\q1  
\v 4 Mibpilì din is tanà he egkepengevilin dey, he iyan kes tanà he impehivantug te pinelanggè din he si Jacob. 
\q1  
\v 5 Dutun te kedhendiyà te Megbevayà te pinuuwè din te kedhadì, ed-ugyab is menge etew te kegkelipey zan duma is kebpezaǥing te menge vudyung. 
\q1  
\v 6 Kanta kew te kedalig te Megbevayà. 
\q1 Kanta kew te kedalig te hadì tew. 
\q1  
\v 7 Su iyan is Megbevayà hadì te tivuuk he kelibutan. 
\q1 Deliǥa niw sikandin pinaaǥi te menge kanta. 
\q1  
\v 8 Ebpinuu sikandin diyà te segradu he pinuuwè din te kedhadì su edhedian din is menge nasyun. 
\q1  
\v 9 Edtiǥum is menge pengulu te menge nasyun duma is menge etew te Megbevayà ni Abraham. 
\q1 Su is menge pengulu te kelibutan gaked te Megbevayà. 
\q1 Mezait iyan sikandin he edeliǥen. 
\c 48  
\s1 Zion, is Inged te Megbevayà 
\q1  
\v 1 Mekeǥeǥehem is \sc Nengazen\sc* he Megbevayè tew, ne ereg sikandin he edeliǥen is diyà te inged din he iyan is Jerusalem he ziyà te segradu he vuvungan din. 
\q1  
\v 2 Mekempet is ketikang kayi he vuvungan ne ebpekeveǥey te kelipey te tivuuk he kelibutan. 
\q1 Heini is segradu he Buvungan he Zion iyan inged te Mekeǥeǥehem he Hadì. 
\q1  
\v 3 Diyà is Megbevayà te melig-en he menge vahin te Jerusalem, ne impeehè din en te menge meǥinged kayi he iyan sikandin eputè dan. 
\b  
\q1  
\v 4 Midtigum is menge hadì su edsurungen dan is Jerusalem. 
\q1  
\v 5 Piru zuen dan naahà he ingkeinuinu zan; 
\q1 nahandek dan ne mibpemelaǥuy zan. 
\q1  
\v 6 Mibpengerker sikandan te kegkahandek wey kegkesekiti; 
\q1 neiring sikandan te vahi he ebeliliten. 
\q1  
\v 7 Midèdeetan sikandan te Megbevayà; 
\q1 neiring sikandan te varku ziyà te Tarshish he nesuǥat te mevendes he keramag he ebpuun diyà te edsilaan. 
\q1  
\v 8 Netudtulan key zà dengan te menge vaal te Megbevayà, 
\q1 ne guntaan neehè dey en heini ziyà te inged te Megbevayè dey, he Mekeǥeǥehem he \sc Nengazen\sc*. 
\q1 Edlig-enan din heini he inged te taman te taman. 
\b  
\q1  
\v 9 He Megbevayà, mibpurungan dey ngunngunua is gaǥew nu hein diyè key te seled te valey nu. 
\q1  
\v 10 Ebentuǥen ka ne edeliǥen ka te menge etew seled te tivuuk he kelibutan, 
\q1 tenged te mezeeǥen ka pinaaǥi te ǥehem nu. 
\q1  
\v 11 Egkelipey is menge meǥinged diyà te Zion wey is diyà te zuma pa he menge inged diyà te Juda, 
\q1 tenged te metazeng he kedhukum nu. 
\b  
\q1  
\v 12 Menge tig-Israel, liǥuya niw is Zion ne vilanga niw is menge turi kayi.  
\v 13 Purungi niw ahaa is menge verengbeng wey is melig-en he menge vahin kayi te inged, 
\q1 su para metudtul niw ziyà te edsunud he menge lapis te kevuwazan 
\q1  
\v 14 he is Megbevayà he edsilbiyan tew ǥuntaan iyan kes Megbevayè tew te wazà pidtemanan. 
\q1 Iyan sikandin egiya kenitew te wazà pidtemanan. 
\c 49  
\s1 Wazà Pulus te Kedsarig te Ketiǥeyunan 
\q1  
\v 1 Pemineg kew is langun he menge etew he ed-ubpà kayi te kelibutan, 
\q1  
\v 2 dekelà is dengeg din etawa kenà, sepian etawa pubri. 
\q1  
\v 3 Egkaǥi a te egkezumahan te ketau ne zekelà is pulus te ked-isip-isip ku. 
\q1  
\v 4 Ebpemineg a te menge erubasa ne idseysey ku is menge kehuluǥan dan, dutun te edtukar a te alpa. 
\b  
\q1  
\v 5-6 Minsan ke egkehitavù is bangkit, 
\q1 ne minsan ke edliǥuyan a te lalung wey limbungan he menge etew he edsarig wey ebpahambug tenged te azen dan, ne kenà a egkahandek. 
\q1  
\v 7 Is etew kenà ebpekehimu he ebayad diyà te Megbevayà para kenè en sikandin mebpatey. 
\q1  
\v 8 Su ǥeina te utew mahal is untung, 
\q1 ne minsan sengemenu kezekelà ne kenà ereg he ibayad 
\q1  
\v 9 para meuyag is etew te wazà pidtemanan ne kenè en mebpatey. 
\q1  
\v 10 Su netuenan en te langun he minsan is uluwanen he etew ne ebpematey, iring din daan sikan is menge tulebung wey menge taleng. 
\q1 Ne emun ebpematey zan en igketaǥak dan dà is menge ketiǥeyunan dan diyà te zuma. 
\q1  
\v 11 Is menge leveng dan iyan en baley zan te wazà pidtemanan. 
\q1 Ne zutun sikandan ebpekeubpà te taman te taman, minsan pa ke zuen dan tanà hein uuyag dan pa. 
\q1  
\v 12 Minsan ke sepian is etew ne ebpatey ǥihapun iring te uyaǥen etawa leew. 
\q1  
\v 13 Iyan heini egkepeveyaan te menge etew he edsarig te keugelingen dan 
\q1 wey sikan is ebpekeuyun te egkeǥiyen dan. 
\q1  
\v 14 Netendek en is kebpatey zan iring te menge kerehidu. 
\q1 Ne is kemetayen iyan egiya kandan pehendiyà te penlevengà, 
\q1 iring te ed-elima he iyan egiya te menge kerehidu. 
\q1 Emun egkepawà, egkeveyveyaan sikandan duen te menge etew he midtinazeng. 
\q1 Egkengeredak is nemematey. 
\q1 Iyan en egkehimu he ubpeey zan, is leveng. 
\q1  
\v 15 Piru siak mulà, edlibriyen a te Megbevayà te ǥehem te kemetayen, su egkuwaan e zin. 
\b  
\q1  
\v 16 Kenè ka mesina ke edsepian is duma, 
\q1 wey emun egkeumanan pa is ketiǥeyunan te pemilya zan. 
\q1  
\v 17 Su kenè dan heeyan egkeuwit emun ebpatey zan en; 
\q1 is ketiǥeyunan dan kenè dan egkeuwit diyà te leveng. 
\q1  
\v 18 Dutun te uuyag pa sikandan, ne iyan ked-isipa zan te keugelingen dan he midtuvazan sikandan te Megbevayà, 
\q1 ne edeliǥen sikandan te menge etew tenged te kegkemeuswaǥen dan, 
\q1  
\v 19 iyan, ebpekaamur ǥihapun sikandan te menge kepuun dan he nemematey en, 
\q1 diyà te lugar he kenè dan en ebpekevulug ebpekaahà te merayag. 
\q1  
\v 20 Is sepian he etew he wazè din kedsavut, ebpatey he iring te menge langgam. 
\c 50  
\s1 Is Hustu he Ked-azap 
\q1  
\v 1 Is \sc Nengazen\sc* he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan. 
\q1  
\v 2 Ed-anlag sikandin he ebpuun diyà te Zion, he iyan kes inged he wazà kurang te kekempet din. 
\q1  
\v 3 Ne ebpekeuma is Megbevayà he ebpetuus, 
\q1 su ziyà te egkehunaan din duen egkeregreg he hapuy, 
\q1 ne ziyà te ebpekeliǥuy kandin ne zuen bagyu. 
\q1  
\v 4 Ed-umawen din is langit wey is kelibutan su ibpepirma zin te kedhukumi zin te menge etew zin. 
\q1  
\v 5 Egkaǥi sikandin te, “Tiguma niw kayi te kediey is metinumanen he menge etew ku he mibaal te kedpekid-uyun kedì pinaaǥi te kebpemuhat.” 
\q1  
\v 6 Ebpahayag is langit he metazeng is Megbevayà, 
\q1 su iyan sikandin edhukum. 
\q1  
\v 7 Migkaǥi pa is Megbevayà te, 
\q1 “Sikiyu is menge etew ku, pemineǥa niw is egkeǥiyen ku. 
\q1 Iyan a Megbevayà, kes Megbevayà he iyan ed-ezapen niw; 
\q1 iyan a ebpenistiǥus te ebpekesuǥat keniyu te menge tig-Israel. 
\q1  
\v 8 Wazè ku sikiyu zewaya te menge kebpemuhat niw, 
\q1 etawa menge pemuhat he edtutungen he layun niw ibpemuhat. 
\q1  
\v 9 Piru wazè ku kinehenglana is menge tudu he vaka niw wey menge kambing niw. 
\q1  
\v 10 Su kediey is langun he langgam: 
\q1 is menge langgam diyà te ketelunan, 
\q1 is menge vaka ziyà te linibu he menge vuvungan, 
\q1  
\v 11 is menge tagbis diyà te menge vuvungan, 
\q1 wey is menge langgam diyà te vevesukà. 
\q1  
\v 12 Angin ke egkevitil a, ne kenà a ebuyù te keenen diyà te keniyu, 
\q1 su kediey is tivuuk he kelibutan wey is langun he taǥù din. 
\q1  
\v 13 Kenè ku man egkeenen is usa zuen te tudu he vaka he ibpemuhat niw, 
\q1 ne kenè ku zaan ed-inumen is lengesa zuen te menge kambing. 
\q1  
\v 14 Siak, is Utew Lavew he Megbevayè niw, iyan egkesuatan ku he ibpemuhat niw kedì is: 
\q1 kebpeselamat wey is kedtumana niw te menge pesarig niw kedì. 
\q1  
\v 15 Umawa a keniyu te timpu te kelised 
\q1 su edlibriyen ku sikiyu, 
\q1 ne zutun edeliǥen a keniyu.” 
\q1  
\v 16 Egkaǥi mulà is Megbevayà diyà te lalung he menge etew te, 
\q1 “Wazè niw ketenged te kegkaǥi zuen te menge suǥù ku wey kebpekid-uyun ku. 
\q1  
\v 17 Egkeepesan niw is menge penurù ku; 
\q1 wazè niw seǥipaa is menge lalag ku. 
\q1  
\v 18 Emun ebpekeehè kew te tekawen ne ebpekid-emiǥu kew kandin, 
\q1 wey ebpekidrerempungen kew zaan te menge mengungumpadi. 
\q1  
\v 19 Mezaat is ebpengeǥiyen niw ne utew zà melemu ziyà te keniyu is kedtarùtarù. 
\q1  
\v 20 Layun mezaat is menge lalag niw mehitenged te menge suled niw. 
\q1  
\v 21 Ne hein mibeelan niw heini is langun, wazè ku sikiyu dewaya; 
\q1 umbe kunaan niw ke iring a keniyu. 
\q1 Piru guntaan, edewayen ku sikiyu ne ibpeehè ku keniyu he utew kew lalung. 
\b  
\q1  
\v 22 Pemineǥa niw heini, sikiyu is nengelipat te Megbevayà, 
\q1 su emun kenà, edezeetan ku sikiyu ne wazà ebpekelibri keniyu. 
\q1  
\v 23 Is ebpemuhat kayi te kedì te kebpeselamat ebeǥey kedì te zengeg, 
\q1 ne edlibriyen ku sikan is ebpekeventayan din he kenà sikandin mekevaal te mezaat.” 
\c 51  
\s1 Kebuyù te Pesaylu ziyà te Megbevayà 
\q1  
\v 1 He Megbevayè ku, kehizuwi a kenikew tenged te kebmahala nu kedì. 
\q1 Iawè nu is menge salè ku tenged te zekelà he hizu nu kedì. 
\q1  
\v 2 Lùlui nu is kegkezaat ku; 
\q1 lumpiyuwi a te menge salè ku. 
\q1  
\v 3 Su langun he timpu ed-isipen ku wey ed-engkenen ku is menge salè ku. 
\q1  
\v 4 Diyè e zà te kenikew mekesalà. 
\q1 Mibeelan ku is menge vaal he mid-isip nu he mezaat. 
\q1 Umbe hustu is menge lalag nu he ebpekesuǥat kedì. 
\q1 Utew hustu is kedhukumi nu kediey. 
\q1  
\v 5 Lalung a wey mekesesalà a puun pa te kegkeetew ku. 
\q1  
\v 6 Iyan egkesuatan nu is ebpuun te keputian te atey he meheǥet wey tinutuuwà he ked-ul-ulaha te hustu; 
\q1 umbe penurua a su wey a mehimu he uluwanen. 
\q1  
\v 7 Iawè nu is menge salè ku su wey a melumpiyuwi; 
\q1 lùlui a su wey a mebmeputì. 
\q1  
\v 8 Ipeǥezam nu kediey is kelipey wey keǥalew, 
\q1 para zuen ku ǥihapun kelipey minsan pa te henduen te edrupeten nu is menge tulan ku. 
\q1  
\v 9 Iawè nu is menge salè ku; 
\q1 penasa nu is langun he kelelalung ku. 
\q1  
\v 10 He Megbevayè ku, lumpiyuwi nu is gehinawa ku, 
\q1 ne beǥayi a te veǥu wey mepezumdumahan he ǥehinawa. 
\q1  
\v 11 Kena a kenikew segseǥa puun te etuvangan nu, 
\q1 ne kenè nu iawà kayi te kediey is waǥas he Mulin-ulin nu. 
\q1  
\v 12 Ilikù nu kayi te kediey sikan is kelipey he neseǥazan ku hein midlibri a kenikew. 
\q1 Ne veǥayi a te metinumanen he ǥehinawa. 
\q1  
\v 13 Ne zutun ibpenurù ku is menge paaǥi nu ziyà te menge mekesesalà su para mekelikù sikandan diyà te kenikew. 
\b  
\q1  
\v 14 He Megbevayà he menluluwas ku, libriya a te salè ku he iyan is kedhimatey, \f + \fr 51:14 \ft libriya ... kedhimatey: \+it etawa,\+it* libriya a su wey a kenà ebpatey.\f* 
\q1 ne ebpekezaǥing a is edtudtul te kedlibriya nu kedì. 
\q1  
\v 15 Nengazen, tevangi a kenikew su wey a mekekaǥi te menge lalag he idalig kenikew, 
\q1 ne edeliǥen ku sikew. 
\q1  
\v 16 Kenè nu igkesuat is menge pemuhat, 
\q1 ne minsan pa ke ebpemuhat a ziyà te kenikew te pemuhat he edtutungen, ne kenè nu heini igkelipey. 
\b  
\q1  
\v 17 Is pemuhat he ebpekeveǥey kenikew te kelipey, Megbevayè ku, iyan is kenà kebpelavew wey is ked-iniyuǥi te menge salà. 
\q1 Ne iyan heini he kelasi te pemuhat edewaten nu. 
\b  
\q1  
\v 18 He Megbevayè ku, tuvazi nu is Zion, he iyan is inged he Jerusalem su igkelipey nu is kebaal kayi. 
\q1 Umana nu venguna sikan is menge verengbeng kayi. 
\q1  
\v 19 Ne zutun igkelipey nu human is hustu he menge pemuhat, ragkes en is menge pemuhat he ed-eminen edtutunga. 
\q1 Ne ibpemuhat en maan is tudu he menge vaka ziyà te pemuhatà he zutun ka ebpemuhata. 
\c 52  
\s1 Is Kedhukum wey is Hizu te Megbevayà 
\q1  
\v 1 Sikiyu is mekeǥeǥehem he menge etew, 
\q1 maan is ibpehivantug niw is kelelalung niw? 
\q1 Kenè be layun kew ebpurungi te Megbevayà? 
\q1  
\v 2 Ebpelenuwan niw is igkezeeti te zuma he etew. 
\q1 Is menge zilè niw ne iring te meǥarang he kutsilyu su ebpekepalì te ǥehinawa te zuma. 
\q1 Kedlimbung is layun niw ed-ul-ulaha. 
\q1  
\v 3 Dekelà diyà te ǥehinawa niw is mezaat kenà is meupiya, 
\q1 ne ibpelavi niw is kedlalag te tarù kenà te kedlalag te tutuu. 
\q1  
\v 4 Sikiyu is menge limbungan, utew niw igkesuat is kebpesekiti niw te zuma pinaaǥi te menge lalag niw. 
\q1  
\v 5 Siguradu he edezeetan kew te Megbevayà te wazà pidtemanan. 
\q1 Edekepen kew zin ne eguyuzen kew zin pehendiyà te ǥawas te valey niw. 
\q1 Ne edhewien din is untung niw. 
\q1  
\v 6 Egkaahà heini te menge metazeng, ne egkeinuinu sikandan. 
\q1 Ne ed-engit sikandan is egkaǥi te, 
\q1  
\v 7 “Ahaa niw is menge etew he kenà edsarig te Megbevayà he melig-en pezem he eputè dan. 
\q1 Su iyan dan edseriǥan is mahabet he menge azen dan, 
\q1 ne mid-iseg is kegkemekeǥeǥehem dan pinaaǥi te kedezaat dan te zuma he etew.” 
\b  
\q1  
\v 8 Piru siak mulà egkeiring a te kayu he ulibu he ziyà meketuvù te valey te Megbevayà. 
\q1 Edseriǥan ku is kebmahala zin kedì te wazà pidtemanan. 
\q1  
\v 9 He Megbevayè ku, ebpeselamatan ku sikew te taman te taman tenged te mibeelan nu. 
\q1 Edsarig a kenikew su ebpurungan nu is metinumanen he menge etew nu. 
\c 53  
\s1 Is Ikezaat te menge Etew 
\r (Menge Salmo 14) 
\q1  
\v 1 Diyà te ǥehinawa te menge tulebung egkaǥi sikandan te, “Wazà Megbevayà!” 
\q1 Pudu sikandan lalung ne utew mezaat is menge vaal zan. 
\q1 Wazà minsan sevaha kandan he ebaal te meupiya. 
\q1  
\v 2 Puun te langit edtengtengan te Megbevayà is keet-etawan, su edsusiyen din ke zuen be nekesavut te tutuu wey ke zuen be midangep diyà te kandin. 
\q1  
\v 3 Is langun mid-awà diyà te Megbevayà ne pudu memezaat is ulaula zan. 
\q1 Wazà minsan sevaha kandan he ebaal te meupiya. 
\q1  
\v 4 Wazè be metueni kayi te lalung he menge etew is menge vaal zan? Netuenan dan heini! 
\q1 Ebpegpeǥesen dan is menge amurè ku te inged wey zan mekeselapì he iring dà sikandan te edsupal te keenen, 
\q1 ne kenà sikandan ed-ampù diyà te Megbevayà. 
\q1  
\v 5 Piru egkengeheratan sikandan. 
\q1 Egkeǥezam dan is kegkahandek he wazè dan pa keenu meseǥazi, 
\q1 su ibpeyapat te Megbevayà is menge tulan dan. 
\q1 Sikandan is menge edsurung keniyu te menge tig-Israel, ebpeel-elezan niw sikandan, 
\q1 su inselikwey sikandan te Megbevayà. 
\q1  
\v 6 Deyzey ke ebpekeume en is edlibri te Israel he ebpuun diyà te Zion. 
\q1 Utew ebmelipayen is menge tig-Israel he menge etew te Megbevayà, 
\q1 emun idlikù din en is meupiya he kebpekesavuk dan. 
\c 54  
\s1 Is Megbevayà iyan Edtavang 
\q1  
\v 1 He Megbevayà, libriya a; 
\q1 pinaaǥi te ǥehem nu, petueni nu he wazè ku salà. 
\q1  
\v 2 Pemineǥa nu is menge kebpengemuyù ku 
\q1  
\v 3 su zuen menge lumelengyawà he midsurung kedì su edhimetayan e zan. 
\q1 Menge mesipala sikandan ne wazè dan mekekilala kenikew. 
\q1  
\v 4 Kenà a egkezuwazuwa he sikew is Megbevayè ku, ne iyan ka edtavang kediey. 
\q1 Iyan ka, Nengazen, sendiǥè ku. 
\q1  
\v 5 Berakat he medlikù diyà te menge kuntada ku is menge pesipala zan. 
\q1 He Megbevayà dèdeeti nu sikandan tenged te kebmetinumanen nu. 
\b  
\q1  
\v 6 \sc Nengazen\sc*, ebpemuhat a ziyà te kenikew te pemuhat he kineugelingen he suat. 
\q1 Edeliǥen ku sikew su iyan haazà meupiya. 
\q1  
\v 7 Su ibpelingkawas a kenikew te langun he kelised ku, 
\q1 ne egkeehè ku is kegkezeeǥa te menge kuntada ku. 
\c 55  
\s1 Ked-ampù te Etew he Midseligkep te Emiǥu Zin 
\q1  
\v 1 He Megbevayà, pemineǥa nu is ked-ampù ku; 
\q1 seǥipaa nu is kebuyù ku te tavang diyà te kenikew. 
\q1  
\v 2 Pemineǥa a ne tevaka a. 
\q1 Egkeliveg ad te kegkesemuki ku. 
\q1  
\v 3 Egkeǥiyaǥiya a te kebpenhulgà wey kebpendaagdaag te lalung he menge kuntada ku. 
\q1 Su edsinemukan e zan wey edumutan tenged te kegkepeuki zan kedì. 
\q1  
\v 4 Utew subra is kebpekehuyab te kumeng ku su nahandek a te kemetayen. 
\q1  
\v 5 Egkerkeren ad te kegkahandek ku, su utew subra is kegkeheratì ku. 
\q1  
\v 6 Ke vè e zà merepatik ne edlayang e en su ebpen-ahà a te egkehimelayan ku. 
\q1  
\v 7 Edlayang a pezem pehendiyà te meziyù he sibsivayan ne zutun a ed-ubpà. 
\q1  
\v 8 Egaanggaan a ebpen-ahà te egkeelesan ku 
\q1 su wey a kenà meturedu te menge kuntada ku he egkepauk kedì 
\q1 su iring is pauk dan te utew mevendes he vagyu. 
\q1  
\v 9 Nengazen, dèdeeti nu is menge kuntada ku; 
\q1 gurigawa nu is menge isip dan su wey zan kenà meuyun. 
\q1 Su neehè ku is kebpesipala wey kebpetebtebekà te menge etew ziyà te inged. 
\q1  
\v 10 Maandew wey mezukilem egkehitavù heini ziyà te minsan hendei zutun te inged. 
\q1 Nepenù te kelelalung wey kesamuk haazà is inged. 
\q1  
\v 11 Minsan hendei zutun ne zuen kelelalung wey kebpendezaat, 
\q1 ne kenè en egkeengked is kebpendaagdaag wey kebpenlimbung diyà te menge kelesada. 
\q1  
\v 12 Ke và ku zà kuntada is ed-insultu kedì ne egkaantus ku heini. 
\q1 Ke và ku zà ukag is ebpendezeisey kedì ne egkelikayan ku sikandin. 
\q1  
\v 13 Piru utew ku emiǥu is mid-insultu kedì su zuma ku wey neked-iring key. 
\q1  
\v 14 Dengan utew key teleemiǥu, 
\q1 ne ebpezumehè key is edhendiyà te valey te Megbevayà duma te mahabet pa he menge etew. 
\b  
\q1  
\v 15 Berakat he medtik-ew mebpematey is menge kuntada ku. 
\q1 Berakat he evelenga sikandan te penlevengà minsan uuyag dan pa. 
\q1 Su ziyà te kandan is kelelalung wey ziyè daan te menge ubpeey zan. 
\b  
\q1  
\v 16 Piru ebuyù a mulà te tavang diyà te \sc Nengazen\sc* he Megbevayà 
\q1 ne edlibriyen e zin. 
\q1  
\v 17 Meselem, meudtu, wey mezukilem ebpekeriklamu a zuma is kedag-es 
\q1 ne ebpemineǥen e zin. 
\q1  
\v 18 Edluwasen e zin te ebpekekaid kedì te kebpekidtebek ku, 
\q1 minsan mahabet is ebpekigkuntada kedì. 
\q1  
\v 19 Is Megbevayà he edhadì te wazà pidtemanan ebpemineǥen e zin, 
\q1 ne ebpekevevaan din is menge kuntada ku. 
\q1 Heini sikandan ne wazà kegkeveǥu te kineiya zan, wey wazè dan kedtahud te Megbevayà. 
\b  
\q1  
\v 20 Is emiǥu ku te nehuna he timpu nekigkuntada te menge emiǥu zin; 
\q1 wazè din tumana is menge pesarig din. 
\q1  
\v 21 Menayù wey meupiya is kebpengaǥikaǥi zin, 
\q1 iyan, duen bes kedumut diyà te ǥehinawa zin, 
\q1 ne ibmesakit te ǥehinawa is menge lalag din, 
\q1 su iring heini te meǥarang he ispada. 
\b  
\q1  
\v 22 Isarig nu ziyà te \sc Nengazen\sc* is igkeseeng nu, 
\q1 ne edtevangan ke zin. 
\q1 Kenà egkehimu he ebpesegdanen din is menge metazeng te minsan hengkey he timpu. 
\q1  
\v 23 Piru is menge teremunù wey menge limbungan idtimbag din diyà te mezalem he lugar te menge minatey, dutun te kenè pa sikandan edliwezeenan. 
\q1 Piru siak mulà, edsarig a te Megbevayà. 
\c 56  
\s1 Ampù he Egkezumahan te Kedsarig te Megbevayà 
\b  
\q1  
\v 1 He Megbevayà, kehizuwi a kenikew, 
\q1 su edsurungen a te menge kuntada ku. 
\q1 Layun e zan edresaya. 
\q1  
\v 2 Layun a edsurunga te menge kuntada ku. 
\q1 Utew Lavew he Megbevayà, mahabet is egkuntada kediey. 
\q1  
\v 3 Emun ebpekeǥezam a te kegkahandek, ne edsarig a ziyà te kenikew. 
\q1  
\v 4 He Megbevayà, edeliǥen ku sikew tenged te penaad nu. 
\q1 Kenà a egkahandek su edsarig a kenikew. 
\q1 Wazà etew he ebpekezezaat kedì. 
\q1  
\v 5 Layun ibpesuwey te menge kuntada ku is menge lalag ku. 
\q1 Layun dan ebpelanu te kedezaat kedì. 
\q1  
\v 6 Ed-eles-eles dan edtigum, 
\q1 ne ebentayan dan is langun he ebeelan ku su iyan tuyù dan is kedhimetayi zan kedì. 
\q1  
\v 7 He Megbevayà, kenè nu ituǥut he mekelikey sikandan te silut tenged te kelelalung dan. 
\q1 Dèdeeti nu sikandan tenged te pauk nu kandan. 
\q1  
\v 8 Netuenan nu is menge keseengan ku. 
\q1 Edtentenuzan nu is menge timpu he zutun nekesineǥew a. 
\q1 Kenè be inlista nu heini ziyà te libru nu? 
\q1  
\v 9 He Megbevayà, dutun te ked-umawa ku kenikew ebpemekepelaǥuy is menge kuntada ku. 
\q1 Neseǥazan ku heini tenged te edlevanan a kenikew te Megbevayè ku. 
\q1  
\v 10 \sc Nengazen\sc* he Megbevayà, edeliǥen ku sikew tenged te saad nu. 
\q1  
\v 11 Kenà a egkahandek su edsarig a kenikew. 
\q1 Wazà etew he ebpekezezaat kedì. 
\q1  
\v 12 Edtumanen ku, Megbevayè ku, is pesarig ku kenikew. 
\q1 Ibpemuhat ku is pemuhat te kebpeselamat kenikew. 
\q1  
\v 13 Su midlibri a kenikew te kemetayen, 
\q1 ne wazè nu mehimuwa he mezaag a, 
\q1 su wey a mekepengungubpaan diyà te etuvangan nu, Megbevayà, te kebpengungubpaan he merayag. 
\c 57  
\s1 Ampù para te Kebuyù te Tavang te Megbevayà 
\p  
\v 1 Kehizuwi a, Megbevayè ku, su ziyà a te kenikew med-aput, 
\q1 iring a te pispis te tagbis he ebpelekup te iney zin. 
\q1 Ed-aput a ziyà te kenikew taman te wazè en bangkit. 
\q1  
\v 2 Ed-umew a ziyà te kenikew te Utew Lavew he Megbevayà, 
\q1 iyan ka edtuman te mibpeleyaǥan nu kediey. 
\q1  
\v 3 Puun te langit ebpekeuma is tavang nu te kedlibri kediey. 
\q1 Ebpeel-elezan nu is menge etew he edsurung kediey. 
\q1 Ibpeehè nu is gaǥew nu wey kebmetinumanen nu para kediey. 
\b  
\q1  
\v 4 Edliǥuyan a te menge kuntada ku he iring te menge erimaung he andam he edawi te etew. 
\q1 Is menge ngipen dan iyan is menge vangkew wey menge vesut te panà. 
\q1 Is menge zilè dan iyan is meǥarang he menge ispada. 
\q1  
\v 5 Ipeehè nu, Megbevayè ku, is kegkemekeǥeǥehem nu ziyà te langit wey kayi te tivuuk he kelibutan. 
\b  
\q1  
\v 6 Neseeng a su edlitaǥen a te menge kuntada ku. 
\q1 Ne mibangbang daan sikandan te para egkeuluǥan ku, 
\q1 piru iyan sikandan neulug duen. 
\q1  
\v 7 Edsarig a ziyà te kenikew Megbevayè ku. 
\q1 Egkanta a te kanta he idalig kenikew. 
\q1  
\v 8 Ed-enew a emun egkeriwaswas en, ne ed-endamen ku is gehinawa ku wey is menge gelemiten ku te kedtukar he zuen menge kuwirdas su para egkeǥamit ku te kedalig kenikew. 
\q1  
\v 9 Edeliǥen ku sikew, Nengazen, diyà te teliwazà te menge etew. 
\q1 Egkentahan ku sikew ziyà te teliwazà te keet-etawan diyà te senge nenasyun. 
\q1  
\v 10 Su is gaǥew nu wey kebmetinumanen nu ne kenà egkesukud; 
\q1 metikang pa heini te langit. 
\q1  
\v 11 Ipeehè nu \sc Nengazen\sc* is kegkemekeǥeǥehem nu ziyà te langit wey kayi te tivuuk he kelibutan. 
\c 58  
\s1 Egkezeetan is menge Lalung 
\q1  
\v 1 Sikiyu is menge pengulu, metazeng be is kedhukum niw te menge etew? 
\q1  
\v 2 Kenà! Su iyan niw zà ed-isipen is kebaal te mezaat. 
\q1 Ebpelebleviyan niw is menge etew ziyà te inged niw. 
\q1  
\v 3 Is menge lalung, ebpekeziyuan dan is Megbevayà ne edtarùtarù dan puun pa te kegkeetew zan. 
\q1  
\v 4-5 Mevisa sikandan iring te menge uled. 
\q1 Iring sikandan te zurepu he kenà ebpemineg te laǥeng te metau he ebmansu te uled. 
\q1  
\v 6 He \sc Nengazen\sc* he Megbevayà, iawè nu is kebpekegaga zan te kebpendezaat he iring te edsepù ka te ngipen te menge erimaung. 
\q1  
\v 7 Mahanew pezem sikandan iring te wahig he egkemezahan, 
\q1 ne emun ebpanà sikandan, ne kenè dan pezem mekeigù. 
\q1  
\v 8 Meiring pezem sikandan te tuwey he egkaapug, 
\q1 etawa vatà he neranran he wazè en mekevulug mekaahà te merayag. 
\q1  
\v 9 Dezeeti nu sikandan, batà etawa meǥurang. Dezeeti sikandan he meǥaan pa te ed-initen he ziniyun he edtevunan te menge zezeisey he kayu. 
\q1  
\v 10 Egkelipey is menge metazeng emun egkeehè dan he edsilutan nu is menge lalung ne ebpematey sikandan. 
\q1  
\v 11 Dutun ebpekekaǥi is menge etew te, 
\q1 “Tutuu iyan he zuen suhul te menge metazeng; 
\q1 ne zuen Megbevayà he edhukum te menge etew kayi te kelibutan.” 
\c 59  
\s1 Ampù para te Kebuyù te Tavang te Megbevayà he Ebpekesuǥat te menge Mezaat 
\q1  
\v 1 He Megbevayà, libriya a te kedezaat kedì te menge kuntada ku; 
\q1 iyan ka metau he kenà a mekeizi te menge etew he egkuntada kedì. 
\q1  
\v 2 Libriya a te kegkaid te lalung he menge etew he ebpemenhimatey. 
\q1  
\v 3 \sc Nengazen\sc*, ahaa nu man, mid-eyanan e zan, 
\q1 su edhimetayan e zan minsan pa te wazà a mekesalà diyà te kandan. 
\q1  
\v 4-5 Wazà neveelan ku he salà, piru andam sikandan he ed-surung kedì. 
\q1 He \sc Nengazen\sc* he Megbevayà he Mekeǥeǥehem, Megbevayà te Israel, seǥipaa ad ne tevangi ad guntaan. 
\q1 Siluti nu en is menge etew he wazà medtuu kenikew. 
\q1 Kenè nu ikehizu is menge seligkep. 
\q1  
\v 6 Ebpemenlikù dan ke egkesakep en is iring te asu he ebpemenhiniǥer he edliǥuyliǥuy te inged. 
\q1  
\v 7 Pemineǥa nu is ebpengeǥiyen dan; 
\q1 memesakit heini he iring te ispada. 
\q1 Egkaǥi pa sikandan te, “Wazà ebpekezineg kenami.” 
\q1  
\v 8 Piru ed-engitan nu zà sikandan, \sc Nengazen\sc*. 
\q1 Ed-un-undahan nu zà sikandan is wazà medtuu kenikew. 
\q1  
\v 9 He Megbevayà, iyan ka zesen ku; 
\q1 edtaǥad a kenikew su ziyà a layun te kenikew edangep, 
\q1  
\v 10 ne iyan ka Megbevayà he mibmahal kedì. 
\q1 Iyan ka huna kedì ne ipeehè nu kedì is kegkezaaǥa te menge kuntada ku. 
\q1  
\v 11 Piru hunaa nu sikandan resaya ne human nu himetayi 
\q1 su para kenà egkelipatan te menge etew ku is paaǥi nu te kedsilut te menge kuntada nu. 
\q1 He \sc Nengazen\sc* he iyan layun ebpengalang kenami, tezina nu wey zèdeeti nu is menge kuntada ku pinaaǥi te ǥehem nu. 
\q1  
\v 12 Edhimu sikandan te salà pinaaǥi te ebpengeǥiyen dan, 
\q1 umbe verakat he iyan mekeutel kandan is kegkemepelevawen dan. 
\q1 Ebpenrawak dan wey edtarùtarù, 
\q1  
\v 13 umbe tenged te pauk nu kandan, dèdeeti nu sikandan taman te egkepurung sikandan egkahanew. 
\q1 Ne zutun egketuenan te keet-etawan kayi te tivuuk he kelibutan he iyan ka hadì te Israel. 
\b  
\q1  
\v 14 Emun mezukilem ebpemenlikù is menge kuntada ku he iring te asu he ebpemenhiniǥer he edliǥuyliǥuy te inged. 
\q1  
\v 15 Iring sikandan te asu he edliǥuyliǥuy su ebpen-ahà te egkekaan din, 
\q1 ne egngesnges emun kenà egkahantey. 
\q1  
\v 16 Iyan, siak mulà, egkanta a mehitenged te ǥehem nu. 
\q1 Kada meselem ebpekezaǥing a is egkanta mehitenged te ǥaǥew nu. 
\q1 Su ǥeina te ziyà a layun te kenikew edangep ne iyan ka ebpengelintau para wazà mezaat he egkehitavù kedì emun timpu te kelised. 
\q1  
\v 17 He Megbevayà, iyan ka ebeǥey kedì te zesen; 
\q1 egkanta a te menge idalig kenikew, 
\q1 su iyan ka eputè ku, is Megbevayà he mibmahal kedì. 
\c 60  
\s1 Ampù para te Kebuyù te Tavang te Megbevayà 
\b  
\q1  
\v 1 He Megbevayà, mid-engkezan key kenikew ne ketau nu is kegkezaaǥa kenami. 
\q1 Nepeukan key kenikew, ne ǥuntaan seǥipaa key en. 
\q1  
\v 2 Midhuyung nu wey impeveka nu is tanà he Israel, 
\q1 iyan, guntaan edhangyù a ziyà te kenikew he purungi nu en heini su hapit en egketempag. 
\q1  
\v 3 Sikami is menge etew nu ibpepurung key kenikew ibpaantus. 
\q1 Ebpekeziregdireg key en he henduen be te midlangut key kenikew te vinu. 
\q1  
\v 4 Piru sikami is edtahud kenikew, ebpetizeenan key kenikew 
\q1 su wey key mekelikey te vesut te panà te menge kuntada. 
\q1  
\v 5 Luwasa key pinaaǥi te ǥehem nu. 
\q1 Tevaka nu is menge kebpengemuyù dey su para melibri key is menge minahal nu. 
\q1  
\v 6 He Megbevayà, migkaǥi ka ziyà te valey nu te, 
\q1 “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku. 
\q1  
\v 7 Kediey is Gilead wey is Manase. 
\q1 Is Efraim iyan menlelavan ku, 
\q1 ne is Juda iyan perezumala ku. 
\q1  
\v 8 Ne suluǥuen ku mulà is Moab ne ed-engkenen ku is Edom. 
\q1 Ne idsegyawan ku is kegkezeeǥa ku te Filistia.” 
\q1  
\v 9 Hentei is ed-uwit kedì diyà te Edom wey ziyà te inged kayi he mibpeliǥuyan te menge verengbeng? 
\q1  
\v 10 Kenè be iyan ka, is Megbevayà he midselikwey kenami he wazè en meduma te menge sundaru zey? 
\q1  
\v 11 Tevangi key te kebpekidtebek te menge kuntada zey, 
\q1 su kenà ebpulus is tavang te etew. 
\q1  
\v 12 He Megbevayà, ebpekezaag key pinaaǥi te tavang nu, 
\q1 su iyan ka ebpekezaag te menge kuntada. 
\c 61  
\s1 Ampù para te Kebpelavan te Megbevayà 
\q1  
\v 1 He Megbevayà, pemineǥa nu is ked-umew ku, 
\q1 pemineǥa nu is ked-ampù ku. 
\q1  
\v 2 Puun dini te meziyù he lugar ebpengumew a kenikew su neewaan ad te perateng. 
\q1 Uwita a kenikew ziyà te lugar he wazà duen ebpekekaid, 
\q1  
\v 3 su iyan ka pengalang ku; 
\q1 iring ka te turi he iyan kenà ibpekeseled te menge kuntada ziyà te inged. 
\q1  
\v 4 Ipeubpà a ziyà te valey nu te wazà pidtemanan. 
\q1 Ipaaput a ziyà te kenikew iring te kebpeeputa te tagbis te menge pispis din pinaaǥi te kedlekupi zin kandan. 
\q1  
\v 5 Su nezineg nu, Megbevayè ku, is menge penaad ku kenikew, 
\q1 ne mibeǥayan a kenikew te menge vutang he ibeǥey nu ziyà te menge etew he edtahud kenikew. 
\q1  
\v 6 Pekeluǥeyaza nu is untung te hadì ne ipahadì nu seled te wazà pidtemanan pinaaǥi te kegkehimu he hadì te menge kevuwazan din. 
\q1  
\v 7 Berakat he medhadì sikandin te wazà pidtemanan he iyan ka eduma kandin, is Megbevayà. 
\q1 Levani nu sikandin tenged te ǥaǥew nu wey kebmetinumanen nu. 
\q1  
\v 8 Ne zutun layun a egkanta te kedalig kenikew, 
\q1 ne layun ku edtumana is menge penaad ku kenikew. 
\c 62  
\s1 Edsarig te Kedlavan te Megbevayà 
\q1  
\v 1 Diyè e zà te Megbevayà ebpekehimeley, 
\q1 ne ebpuun diyà te kandin is kelibriyanan ku. 
\q1  
\v 2 Iyan sikandin endilungè ku wey menluluwas ku. 
\q1 Iyan sikandin eputè ku, umbe kenà a egkezeetan. 
\q1  
\v 3 Sikiyu is langun he menge kuntada ku, sengemenu keluǥayad is kedtulunga niw kedsurunga kediey te kedezaat kedì? 
\q1 Iring a te verengbeng he egketempag en wey te kudal he midsulad en. 
\q1  
\v 4 Egkesuatan a keniyu te ebpaawà puun te metikang he ketengdanan ku. 
\q1 Ne igkelipey niw is kedtarùtarù. 
\q1 Meupiya uvag is menge lalag niw kayi te kedì piru ziyà te ǥehinawa niw ebpenrewakan a keniyu. 
\q1  
\v 5 Diyè ku zà te Megbevayà egkaangken is kebpekehimeley ku su ibpeperateng e zin. 
\q1  
\v 6 Iyan dà sikandin endilungè ku wey menluluwas ku. 
\q1 Iyan sikandin eputè ku, umbe kenà a egkezeetan. 
\q1  
\v 7 Iyan is Megbevayà edlibri kedì wey ebeǥey kedì te zengeg. 
\q1 Iyan sikandin melig-en he endilungè ku he edlavan kedì. 
\b  
\q1  
\v 8 Sikiyu is menge etew te Megbevayà, 
\q1 sarig kew kandin te langun he timpu! 
\q1 Keǥiya niw ziyà te kandin is langun he igkeǥiyaǥiya niw 
\q1 su iyan sikandin kelasag tew. 
\q1  
\v 9 Is menge etew, dungganen man etawa kenà, ne kenà egkeseriǥan. 
\q1 Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag. 
\q1  
\v 10 Kenè kew medsarig te kebpeneligkep te azen. 
\q1 Kenè niw peretenga is keupiyaanan pinaaǥi te kebpenakew. 
\q1 Minsan edekelè pa is ketiǥeyunan niw, ne kenè niw heini seriǥi. 
\q1  
\v 11 Layun ku en egkezineg he egkaǥi is Megbevayà te kandin is gehem wey is gaǥew. 
\q1  
\v 12 Kenà duwazuwa he ebelesan te Nengazen is menge etew sumalà is mibeelan dan. 
\c 63  
\s1 Is Kebpengenduya te Megbevayà 
\q1  
\v 1 He Megbevayà, iyan ka Megbevayè ku, ne meselem pa utew ne edangep e en diyà te kenikew. 
\q1 Ke và ke zà wahig ne egkemezahan a kenikew. 
\q1 Iring te ziyà a te memaza he tanà he wazà duen wahig. 
\q1  
\v 2 Neehè ku is kegkemekeǥeǥehem nu wey kegketelehuzen nu ziyà te valey nu. 
\q1  
\v 3 Edeliǥen ku sikew su is gaǥew nu edhuna pa he mahal kenà is untung. 
\q1  
\v 4 Ebpeselematan ku sikew te kemulu e pa uuyag. 
\q1 Ibayew ku is menge velad ku te ked-ampù diyà te kenikew. 
\q1  
\v 5 Egkekuntintu a iring te etew he nahantey te ǥastu. 
\q1 Ne ed-ugyab a is egkelipey he edalig kenikew. 
\q1  
\v 6 Ne zutun te kedhizeǥè ku ne edtentenuzan ku sikew. 
\q1 Ebpurungan ku sikew ed-is-isipa te tivuuk he kezukileman, 
\q1  
\v 7 su iyan ka midtavang kedì. 
\q1 Ne ed-ugyab a te kegkelipey zutun te kebpeeputa nu kedì diyà te kenikew he iring te kedlekupi te tagbis te menge pispis din. 
\q1  
\v 8 Mid-uvey a ziyà te kenikew, ne migewezan a kenikew su para kenà a mekeizi. 
\b  
\q1  
\v 9 Is egkesuat he edhimatey kedì ne ziyà ebpekepevayà te ubpeey te menge minatey. 
\q1  
\v 10 Ebpematey sikandan te tebek, ne is menge lawa zan egkeenen te leew he menge asu. 
\b  
\q1  
\v 11 Egkelipey is hadì tenged te midhimu te Megbevayà diyà te kandin. 
\q1 Egkelipey zaan is langun he ebpenangdù diyà te Megbevayà. 
\q1 Piru ibpetiem mulà te Megbevayà is menge teruen. 
\c 64  
\s1 Is Silut te menge Lalung 
\q1  
\v 1 He Megbevayà, pemineǥa nu is riklamu ku. 
\q1 Tipiǥi nu is untung ku su midhulgà a te menge kuntada ku. 
\q1  
\v 2 Iyan ka metau he kenà medlampus is mezaat he planu kedì te grupu te menge lalung. 
\q1  
\v 3 Mesakit is kebpengaǥikaǥi zan, iring te ispada wey vala te panà. 
\q1  
\v 4 Utew zà melemu ziyà te kandan is kegkaǥi te mesakit he lalag diyà te menge etew he wazà duen igkesawey, 
\q1 ne wazè en kegkahandek dan te kegkaǥi kayi. 
\q1  
\v 5 Ebpehinghinggatè dan te kebaal te mezaat he pelanu. 
\q1 Ne ebpelenuwan dan ke hendei zan idlitag is menge litag dan. 
\q1 Ke sikandan te, “Wazà ebpekaahà kayi.” 
\q1  
\v 6 Mibpelanu zan te mezaat ne ke sikandan te, 
\q1 “Utew meupiya is pelanu tew.” 
\q1 Kenè egketegkad is isip wey ǥehinawa te etew. 
\q1  
\v 7 Iyan, ebpenaan sikandan te Megbevayà, 
\q1 ne egketik-ew zà sikandan egkengetiyuk. 
\q1  
\v 8 Edezeetan sikandan te Megbevayà tenged te ebpengeǥiyen dan. 
\q1 Is langun he ebpekaahà kandan ne ebpemenggemenggemen te kedsudì kandan. 
\q1  
\v 9 Ne zutun egkengahandek is langun he menge etew. 
\q1 Ne egngunngunuen dan is mibpemeelan te Megbevayà, 
\q1 ne edtudtulen dan haazà. 
\b  
\q1  
\v 10 Egkelipey wey edalig te \sc Nengazen\sc* is langun he menge metazeng tenged te mibeelan din, 
\q1 ne ebuyù dan he kelesaǥi zin sikandan. 
\c 65  
\s1 Kedalig wey Kebpeselamat 
\q1  
\v 1 He Megbevayà, ereg ka he edeliǥen dey ziyà te Zion! 
\q1 Ne edtumanen dey is penangdù dey kenikew. 
\q1  
\v 2 Is langun he menge etew ed-uvey ziyà te kenikew su edtevaken nu is menge kebpengemuyù dan. 
\q1  
\v 3 Minsan mahabet is menge salè dey, ebpeseyluwen key ǥihapun kenikew. 
\q1  
\v 4 Deyzey is etew he mibpilì nu wey midhinggat nu he ziyà med-ubpà te valey nu. 
\q1 Diyà te valey nu he iyan kes segradu he ubpeey nu egkeveyangan key te meupiya he menge vutang. 
\q1  
\v 5 He Megbevayà he menluluwas dey, 
\q1 edtevaken key kenikew pinaaǥi te egkein-inuwan he menge vaal he mibeelan nu te kedlibriya nu kenami. 
\q1 Iyan ka ebpekeveǥey te keupiyaanan te menge etew kayi te tivuuk he kelibutan. 
\q1  
\v 6 Mekeǥeǥehem ka, ne pinaaǥi te kegkemekeǥeǥehem nu insavuk nu is menge vuntud. 
\q1  
\v 7 Ibpeengked nu is rekabù te menge vaǥel wey keǥurub te menge etew. 
\q1  
\v 8 Minsan sikan is diyà ebpemen-ubpà te meziyù ne nengahandek kenikew, 
\q1 tenged te egkein-inuwan he menge vaal nu. 
\q1 Ebpekeugyab te kegkelipey is menge etew kayi te tivuuk he kelibutan tenged kenikew. 
\q1  
\v 9 Ed-etimanen nu is tanà wey ebpeuzanan nu, 
\q1 ne midhimu nu he mekeveǥey te sebpet. 
\q1 He Megbevayà, is menge wahig nu kenà egkemezahan, 
\q1 ne ebeǥayan nu te sebpet is menge etew. 
\q1 Id-andam nu is tanà he uuzaran. 
\q1  
\v 10 Ebpeuzanan nu is ineradu he tanà taman te ebmeyunek heini, 
\q1 ne edtuvazan nu is nenuvù he menge pinemula. 
\q1  
\v 11 Edhimuwen nu he zekelà is menge abut emun tiraǥun. 
\q1 Is langun he menge lugar he egkepeveyaan nu ne ebpekaangken te zekelà he uzar. 
\q1  
\v 12 Is menge penebtavà diyà te sibsivayan ne zekelà is memeilem he sagbet duen; 
\q1 is menge vuvungan henduen be te menge etew he egkengelipey. 
\q1  
\v 13 Is menge penebtavà neeneb te menge ebpemenabtab; 
\q1 is menge suǥud neeneb te menge trigu. 
\q1 Heini he menge lugar henduen be te menge etew he ebpemen-ugyab wey ebpemenganta te kegkelipey. 
\c 66  
\s1 Kedalig wey Kebpeselamat 
\p  
\v 1 Sikiyu is menge etew kayi te tivuuk he kelibutan, 
\q1 ugyab kew ziyà te Megbevayà te kegkelipey. 
\q1  
\v 2 Kanta kew te kedalig kandin. 
\q1 Iveǥey niw kandin is dengeg pinaaǥi te kedeliǥa niw kandin. 
\q1  
\v 3 Keǥiyi niw sikandin te, “He Megbevayà, utew iyan egkein-inuwi is menge vaal nu. 
\q1 Tenged te zekelà he ǥehem nu nekeluhud diyà te etuvangan nu is menge kuntada nu. 
\q1  
\v 4 Is langun he menge etew kayi te tivuuk he kelibutan, ed-azap dan kenikew. 
\q1 Ne egkanta zan te kedalig kenikew.” 
\b  
\q1  
\v 5 Hendini kew, ehaà niw is egkengein-inuwan he mibpemeelan te Megbevayà diyà te menge etew. 
\q1  
\v 6 Nekehipanew is menge kepuun tew ziyà te zaǥat, 
\q1 su mibpengelinteuwan din he meluwis is daǥat su wey mekelepew is tanà; 
\q1 ne umbe edlipey kiw. 
\q1  
\v 7 Edhadì sikandin te wazà pidtemanan pinaaǥi te ǥehem din, 
\q1 ne ebpeniizan din is menge nasyun. 
\q1 Ne kenà ereg he ebpegalbu is menge mesinupaken te Megbevayà. 
\q1  
\v 8 Sikiyu is menge etew, deliǥa niw is Megbevayà. 
\q1 Ipezineg niw is kedeliǥa niw kandin. 
\q1  
\v 9 Edtipiǥan din is untung tew, ne wazè din ituǥut he mezeeti kiw. 
\b  
\q1  
\v 10 He Megbevayà, iyan tutuu is migezaman key kenikew; 
\q1 midhimu key kenikew he lunsey iring te pelata he midlunsey pinaaǥi te hapuy. 
\q1  
\v 11 Intuǥut nu he meutel key wey impevavè key kenikew te meveǥat he uwiten. 
\q1  
\v 12 Mibpetekutakan key kenikew te menge kuntada zey; 
\q1 iring key te mideleman wey nekeǥawas puun te nevinsulan. 
\q1 Iyan, guntaan midhimu nu en he meupiya is kebpekesavuk dey. 
\q1  
\v 13 Ebpemuhat a ziyà te valey nu te menge pemuhat he edtutungen. 
\q1 Edtumanen ku is menge penangdù ku ziyà te kenikew, 
\q1  
\v 14 he migkaǥi ku kenikew hein egkereǥenan a. 
\q1  
\v 15 Ebpemuhat a ziyà te kenikew te melambù he menge uyaǥen he kerehidu, tudu he vaka, wey kambing. Iyan heini pemuhat he edtutungen. 
\b  
\q1  
\v 16 Sikiyu is langun he edtahud te Megbevayà, hendini kew wey a keniyu pemineǥa; 
\q1 edtudtulan ku sikiyu ke hengkey is mibeelan din kedì. 
\q1  
\v 17 Mibuyù a te tavang diyà te kandin ne midalig ku sikandin. 
\q1  
\v 18 Emun wazè ku itug-an is menge salè ku ne kenà a pezem ebpemineǥen te Nengazen. 
\q1  
\v 19 Piru mibpemineg a te Megbevayà; 
\q1 midineg din is ked-ampù ku. 
\q1  
\v 20 Edeliǥen ku is Megbevayà, su midseǥipè din is ked-ampù ku, 
\q1 ne kenà duwazuwa is kebmahala zin kedì. 
\c 67  
\s1 Kanta te Kebpeselamat 
\q1  
\v 1 He Megbevayà, kehizuwi key wey tuvazi key. 
\q1 Ipeehè nu kenami is keupiya nu, 
\q1  
\v 2 su para metueni ziyà te langun he menge nasyun te tivuuk he kelibutan is paaǥi nu wey is kedluwas nu. 
\q1  
\v 3 He Megbevayà, berakat he edeliǥen ka te tivuuk he menusiyà. 
\b  
\q1  
\v 4 Berakat he meǥalew he egkanta te kegkelipey is langun he menge etew kayi te tivuuk he kelibutan, 
\q1 tenged te ketazeng te kedhukum nu kandan wey kegiyahi nu kandan. 
\q1  
\v 5 Berakat he edeliǥen ka te langun he menge etew, Megbevayè ku. 
\b  
\q1  
\v 6-7 Berakat he mebeǥey te sebpet is tanà. 
\q1 Berakat he edtuvazan kiw te Megbevayè tew. 
\q1 Berakat he edtahud kandin is langun he menge etew ziyà te minsan hendei kayi te kelibutan. 
\c 68  
\s1 Kanta Mehitenged te Kebpekezaag 
\q1  
\v 1 He Megbevayà, ipedsusuwey nu en is menge kuntada nu. 
\q1 Berakat he mekepelaǥuy sikandan. 
\q1  
\v 2 Segseǥa nu sikandan iring te evel he idlayap te keramag. 
\q1 Dezeeti nu is menge lalung diyà te etuvangan nu, 
\q1 iringa nu te kendilà he egketunew te hapuy. 
\q1  
\v 3 Piru is menge metazeng, ed-ugyab sikandan te kegkelipey ziyà te etuvangan nu. 
\b  
\q1  
\v 4 Kentahi niw is Megbevayà, 
\q1 kentahi niw sikandin te menge kedalig. 
\q1 Deliǥa niw sikandin is ed-untud te ǥapun. 
\q1 Is ngazan din iyan is \sc Nengazen\sc*; 
\q1 mebmelipayen kew ziyà te etuvangan din. 
\q1  
\v 5 Is Megbevayà he ziyà ed-ubpà te segradu he valey zin, 
\q1 ed-elimahan din is menge ilu ne edlevanan din is menge valu he vahi. 
\q1  
\v 6 Ebeǥeyan din te pemilya sikan is egketawantawan 
\q1 ne melipayen is menge vihag he edlibriyen din. 
\q1 Iyan, is menge mesinupaken mulà, diyà sikandan ebpekeubpà te meinit he lugar he memaza is tanà duen. 
\b  
\q1  
\v 7 He Megbevayà, hein mibpenguluwan nu is menge etew nu te kedhipanew ziyà te sibsivayan, 
\q1  
\v 8 nehuyung is tanà wey mid-uzan 
\q1 su geina te nekeuma ka, is Megbevayà te Israel. 
\q1 Impezayag nu is keugelingen nu ziyà te Sinai. 
\q1  
\v 9 Ne wazà kurang te uzan he imbeǥey nu, 
\q1 umbe nepurung mahames is memaza he tanà he imbeǥey nu ziyà te menge etew nu. 
\q1  
\v 10 Ne zutun med-ubpà is menge etew nu, 
\q1 ne tenged te keupiya nu mibeǥayan nu is menge pubri he menge etew te egkinehenglanen dan. 
\b  
\q1  
\v 11 Nenelaan ka, Nengazen, 
\q1 ne impenudtul haazà te mahabet he menge vahi: 
\q1  
\v 12 “Nemelaǥuy is menge hadì wey is menge sundaru zan, 
\q1 ne is menge azen dan mibahin te menge vahi he tig-Israel. 
\q1  
\v 13 Minsan sikan is mibpetaǥak diyà te tudil te menge kerehidu nekezawat te vahin he menge ledawan he merepatik, 
\q1 he is menge pakpak dan mid-epizan te pelata ne mid-epizan te lunsey he vulawan is purù dutun te pakpak dan.” 
\q1  
\v 14 Hein impedsusuwey te Megbevayà he Mekeǥeǥehem sikan is menge hadì, 
\q1 henduen sikandan te menge ayis he midtanà diyà te Buntud he Zalmon. 
\q1  
\v 15 Utew mekempet is Buntud he Bashan; mahabet is menge vuvungan dutun. 
\q1  
\v 16 Maan is nesina heini te vuntud he mibpilì te Megbevayà he iyan ed-ubpaan din te wazà pidtemanan? 
\b  
\q1  
\v 17 Nekeuma is \sc Nengazen\sc* diyà te valey zin he ebpuun diyà te Sinai duma te linibu he menge kerwahi zin. 
\q1  
\v 18 Hein mibpeketikang sikandin, mahabet he menge vihag is mid-uwit din, 
\q1 ne midawat din is menge gasa he ebpuun diyà te menge etew, 
\q1 minsan is ebpuun diyà te mesinupaken kandin. 
\q1 Ne kayi te kenitew ed-ubpà is \sc Nengazen\sc* he Megbevayà. 
\b  
\q1  
\v 19 Ereg he edeliǥen is \sc Nengazen\sc* he Megbevayà he menluluwas tew, 
\q1 su andew-andew edtevangan kiw zin te menge prublima tew. 
\q1  
\v 20 Is Megbevayè tew, Megbevayà he edlibri. 
\q1 Iyan sikandin \sc Nengazen\sc* he Megbevayà he edlibri kenitew te kemetayen. 
\q1  
\v 21 Kenà duwazuwa he ebekbeken te Megbevayà is ulu te menge kuntada zin he kenà ed-engked te kebaal te salà. 
\b  
\q1  
\v 22 Migkaǥi is Nengazen te, 
\q1 “Ibpelikù ku is menge kuntada ku he ebpuun diyà te Bashan; 
\q1 ibpelikù ku sikandan ebpuun diyà te zizalem te zaǥat, 
\q1  
\v 23 su ebpenhimetayan sikandan ne edtekutakan niw is lengesa zan 
\q1 ne edtulungan heini ebpendilai te menge asu niw.” 
\b  
\q1  
\v 24 He Megbevayà wey Hadì ku, egkaahà te langun is kedsilibraha te menge etew nu te kezeeǥan nu pinaaǥi te kedhendiyè dan te valey nu. 
\q1  
\v 25 Edhuna is ebpemenganta, ne ebpehuziyan is ebpemenduyug te kanta, 
\q1 ne ziyà te pid-elangan dan iyan is menge raǥa he ebpezaǥing te menge tamburin. 
\q1  
\v 26 Ne ibensag dan is lalag he edhenduen te, 
\q1 “Deliǥa niw is Megbevayà ke edtiǥum kew! 
\q1 Sikiyu is langun he kevuwazan ni Israel, deliǥa niw is \sc Nengazen\sc*!” 
\q1  
\v 27 Edhuna is deisey he tribu ni Benjamin, 
\q1 ne iyan edtinundug is menge pengulu te Juda duma is menge grupu zan, 
\q1 ne edtinundug kandan is menge pengulu te Zebulun wey Naftali. 
\b  
\q1  
\v 28 He Megbevayà, ipeehè nu is gehem nu iring te mibeelan nu ziyà te kenami zengan. 
\q1  
\v 29 Tenged te valey nu ziyà te Jerusalem ed-uwit is menge hadì te ǥasa zan kenikew. 
\q1  
\v 30 Dewaya nu heeyan is nasyun he iring te kumekaid he langgam diyà te meribpesen. 
\q1 Dewaya nu zaan is menge nasyun he iring te menge tudu he vaka duma te menge nati 
\q1 taman te edluhud sikandan ne idhalad dan diyà te kenikew is menge pelata zan. 
\q1 Ipedsusuwey nu is menge etew he igkelipey zan is kebpekidtebek. 
\q1  
\v 31 Ebpesakup kenikew is menge tig-Ehipto. 
\q1 Ne egkengelagewlagew is menge tig-Etiopia te kebeǥey te ǥasa ziyà te kenikew. 
\b  
\q1  
\v 32 Sikiyu is menge sakup te menge ginhedian kayi te kelibutan, kentahi niw is Megbevayà. 
\q1 Kanta kew te kedalig te Nengazen 
\q1  
\v 33 he ed-untud te kezaan he langit. 
\q1 Pemineǥa niw is ebpenriǥungriǥung he laǥeng din. 
\q1  
\v 34 Ipezayag niw is kegkemekeǥeǥehem te Megbevayà he edhadì te Israel. 
\q1 Is langit ebpaahà te kegkemekeǥeǥehem din. 
\q1  
\v 35 Ebpendeǥubduven ki is ed-etuvang te Megbevayà te Israel ziyà te segradu he ubpeey zin. 
\q1 Ebeǥayan din te ǥehem wey zesen is menge etew zin. 
\q1 Dait he edeliǥen is Megbevayà! 
\c 69  
\s1 Ampù para te Kebpetavang 
\q1  
\v 1 Libriya a, Megbevayè ku, su neiring ad te etew he hapit en egkelened. 
\q1  
\v 2 Henduen be te egkelenep e en diyà te mezalem he vasak he kenà egketegkad. 
\q1 Ne henduen be zaan te egketembunan a te menge vaǥel su ziyà a te mezalem he wahig. 
\q1  
\v 3 Neveley ad te kebuyù te tavang ne mesakit en is bekereng ku. 
\q1 Mibmerusirem en is ked-ehè ku te kedtaǥad te tavang nu, Megbevayè ku. 
\b  
\q1  
\v 4 Utew mahabet is edumut wey egkesuat he edhimatey kedì te wazà hustu he hinungdan. 
\q1 Iyan erubasa ku he edhuna pa sikandan he mezakel te vulvul ku. 
\q1 Ed-uluǥan e zan te kewusa ne idteǥel zan ibpeulì kedì is menge vutang he wazè ku tekawa. 
\q1  
\v 5 He Megbevayè ku, netuenan nu is ketutulebungi ku; 
\q1 wazà mekeeles kenikew is menge salè ku. 
\q1  
\v 6 He Nengazen he MEGBEVAYÀ he Mekeǥeǥehem he Megbevayà te Israel, 
\q1 berakat he kenà mepeel-elezi tenged kediey is menge etew he edsarig wey edangep diyà te kenikew. 
\q1  
\v 7 Su tenged kenikew ed-insultuwan a wey ebpeel-elezan. 
\q1  
\v 8 Su in-iring a te langyew te menge kezuzumahi ku, 
\q1 ne is menge suled ku wazè e zan isipa he suled dan. 
\q1  
\v 9 Ebpesipelahan a tenged te kebmahala ku te valey nu. 
\q1 Ibmesakit te gehinawa ku is lalag te menge etew he insultu kenikew. 
\q1  
\v 10 Emun edsineǥew a wey ebpuasa a, ne ebpeel-elezan e zan. 
\q1  
\v 11 Emun ebivisti a te saku su wey maahà he egkeseeng a, ne edsudien e zan. 
\q1  
\v 12 Iyan a layun ed-ituka te menge etew he ebpemimpinuu ziyà te pultahan te inged, 
\q1 ne egkekanta is egkengelangut te kanta he idsudì kedì. 
\q1  
\v 13 Iyan, ed-ampù a ziyà te kenikew, \sc Nengazen\sc*. 
\q1 Ne zeyzey ke zutun te timpu te kegkehizuwi nu en kedì, ne edtevaken nu is ampù ku tenged te zekelà he ǥaǥew nu kedì. 
\q1 Su metinumanen ka te saad nu te kedlibri, 
\q1  
\v 14 tevangi a para kenà a melenep diyà te vasak. 
\q1 Libriya a kenikew te menge edezaat kedì he iring te edlibriyen a kenikew ziyà te mezalem he wahig. 
\q1  
\v 15 Kenè nu ituǥut he mebpatey a tenged te kegketembuni kedì te menge vaǥel. 
\q1  
\v 16 \sc Nengazen\sc*, tevaka a tenged te keupiya nu wey kebmahala nu kedì. 
\q1 Seǥipaa a tenged te zekelà he hizu nu kedì. 
\q1  
\v 17 Kena a kenikew elesi is suluǥuen nu. 
\q1 Tevaka ad kenikew ǥuntaan su melised is kebpekesavuk ku. 
\q1  
\v 18 Uvey ka kayi te kediey ne libriya a te kedezaat kedì te menge kuntada ku. 
\q1  
\v 19 Netuenan nu is kebpeel-elezi kedì, is ked-insultuwi kedì, wey is kedezeeti te zengeg ku. 
\q1 Neehè nu is langun he menge kuntada ku. 
\q1  
\v 20 Inmesakit te ǥehinawa ku is kebpeel-elezi zan kedì 
\q1 ne mibmezaat is isip ku. 
\q1 Ebperetengen ku is kegkehizuwi kedì, piru wazà nehizu kedì. 
\q1 Ebperetengen ku is kedlipaya kedì, piru wazà midlipey kedì. 
\q1  
\v 21 Midsevukan dan hinuun te hilu is keenen ku, 
\q1 ne hein egkemezahan a, sukà is imbeǥey zan kedì. 
\q1  
\v 22 Emun egastu sikandan, berakat he mehimu haazà he igkezeeti zan duma te menge meǥeliyug dan. 
\q1  
\v 23 Berakat he mengelakap sikandan wey pen-elia. 
\q1  
\v 24 \sc Nengazen\sc*, ivusbus nu ziyà te kandan is pauk nu. 
\q1 Ipeǥezami nu kandan is rerangit nu. 
\q1  
\v 25 Berakat he ewai zan en is ed-ubpaan dan wey wazè en dutun ed-ubpà. 
\q1  
\v 26 Su ebpesipelahan dan is menge etew he edsilutan nu, 
\q1 ne idantal zan is kebpekebmereǥen dutun te midsilutan nu. 
\q1  
\v 27 Ne iuman nu heeyan te menge salè dan ne kenè nu en sikandan libriya. 
\q1  
\v 28 Penasa nu is menge ngazan dan diyà te libru he edlistahan nu te menge uuyag, 
\q1 ne kenè nu sikandan ilista zuma te menge metazeng. 
\q1  
\v 29 He Megbevayà, nesekitan a wey nekaantus a, 
\q1 umbe levani a kenikew pinaaǥi te kedlibriya nu kediey. 
\b  
\q1  
\v 30 Edeliǥen ku is Megbevayà pinaaǥi te kanta. 
\q1 Ibeǥey ku kandin is dengeg pinaaǥi te kebpeselamat ku. 
\q1  
\v 31 Ebpekelipey pa heini te \sc Nengazen\sc* kenà te menge pemuhat he vaka. 
\q1  
\v 32 Emun egkaahà heini te menge egkaayuayu, ne egkengelipey zan; 
\q1 ebmelig-en is menge etew he midangep diyà te Megbevayà. 
\q1  
\v 33 Ebpemineǥen te \sc Nengazen\sc* is menge egkaayuayu, 
\q1 ne kenè din egkelipatan is menge etew zin he mibihag. 
\b  
\q1  
\v 34 Deliǥa niw is Megbevayà, sikiyu is langun he ziyà te langit, kayi te kelibutan, wey ziyà te zaǥat. 
\q1  
\v 35 Su edlibriyen te Megbevayà is Jerusalem, 
\q1 ne ed-umanan din ebenguna is menge inged diyà te Juda. 
\q1 Dutun ed-ubpà is menge etew zin ne iyan dan ebpekaangken keniyan he tanà. 
\q1  
\v 36 Is menge kevuwazan te menge suluǥuen din iyan ebpekepengevilin kayi, 
\q1 ne sikan is mibmahal kandin ne ebpekeubpà dutun. 
\c 70  
\s1 Ampù para te Kebuyù te Tavang te Megbevayà 
\r (Menge Salmo 40:13-17) 
\q1  
\v 1 \sc Nengazen\sc* he Megbevayà, libriye e en wey tevangi e en guntaan. 
\q1  
\v 2 Berakat he mepeel-elezi wey meliveg is menge etew he egkesuat he edhimatey kedì. 
\q1 Berakat he ebpemelaǥuy he egkepeel-elezan is langun he egkesuat he mezeeti a. 
\q1  
\v 3 Berakat he is menge etew he edsudì kedì ebpekeiniyug tenged te kegkeeled dan. 
\q1  
\v 4 Ne is langun he midangep diyà te kenikew, berakat he melipey zan tenged kenikew. 
\q1 Ne sikan is utew zan igkesuat is kedlibri nu, ne verakat he layun dan megkaǥi te, 
\q1 “Dait he edeliǥen is Megbevayà!” 
\q1  
\v 5 Bahin kedì, egkaayuayu wey pubri a. 
\q1 Uveyi a kenikew, Megbevayè ku! 
\q1 Iyan ka edtavang wey menluluwas ku. 
\q1 \sc Nengazen\sc*, gègaani ad kenikew tevangi ǥuntaan. 
\c 71  
\s1 Tudtula is Mibeelan te Megbevayà Taman te Taman 
\q1  
\v 1 \sc Nengazen\sc*, diyà a te kenikew med-aput. 
\q1 Kenè nu ituǥut he mepeel-elezi a. 
\q1  
\v 2 Tevangi a wey luwasa a su metazeng ke man. 
\q1 Pemineǥa a wey luwasa a. 
\q1  
\v 3 Kelesaǥi a iring te nekeendilung a te vatu, 
\q1 su ziyè e zà layun te kenikew edangep. 
\q1 Kenà duwazuwa he edlibriyen a kenikew, su iyan ke man endilungè ku wey melig-en he elesà ku. 
\q1  
\v 4 He Megbevayè ku, luwasa a te kezeetan he edhimuwen te menge lalung wey mesipala he menge etew. 
\q1  
\v 5 He Nengazen he MEGBEVAYÀ, diyà te kenikew is perateng ku. 
\q1 Su puun te vatè e pa ne midsarig e en kenikew. 
\q1  
\v 6 Puun pa te ked-enaka kedì, edsarig e en diyà te kenikew ne edlevanan a kenikew. 
\q1 Ne edeliǥen ku sikew te wazà pidtemanan. 
\q1  
\v 7 Mahabet is nekeiring kedì he ziyà ed-aput te kenikew 
\q1 su ǥeina te neehè dan pinaaǥi te kedlevani nu kedì he iyan ka iyan melig-en he eputà. 
\q1  
\v 8 Layun ku edeliǥa is kegkemekeǥeǥehem nu. 
\q1  
\v 9 Kena a kenikew engkezi emun meǥurang ad. 
\q1 Kenà a kenikew pesegdana emun meluya ad. 
\q1  
\v 10 Su midtiǥum is menge kuntada ku su mid-uyun dan mehitenged kediey; 
\q1 egkesuatan e zan te edhimatey. 
\q1  
\v 11 Ke sikandan te, 
\q1 “Mibey-anan en sikandin te Megbevayà, 
\q1 umbe edel-asen tew sikandin ne edekepen tew, 
\q1 su wazè en edtavang kandin.” 
\q1  
\v 12 He Megbevayè ku, kenà a kenikew pekeziyui; 
\q1 kenè ka langanlangan is edtavang kedì. 
\q1  
\v 13 Berakat he mepeel-elezi wey mengezeeti is menge etew he mibutangbutang kedì. 
\q1 Berakat he mepeel-elezi wey susudia is menge etew he egkesuat he edezaat kedì. 
\q1  
\v 14 Piru siak, Megbevayè ku, layun a ebperateng te tavang nu, 
\q1 ne ibpeiseg ku pa is kedeliǥa ku kenikew. 
\q1  
\v 15 Layun ku edtudtula is metazeng he ebeelan nu he kedlibri te menge etew nu, 
\q1 minsan pa te kenè ku heini egketegkad ke maan. 
\q1  
\v 16 Edhendiyà a te valey nu, Nengazen he MEGBEVAYÀ, ne edeliǥen ku sikew tenged te menge mibeelan nu he nezumahan te zekelà he ǥehem. 
\q1 Iyan dà edtudtulen ku is ketazeng nu. 
\b  
\q1  
\v 17 He Megbevayà, puun te vatè e pa, mibpenurù ad kenikew mehitenged te egkein-inuwan he menge vaal nu, 
\q1 ne taman en guntaan is kebpenudtula ku kayi. 
\q1  
\v 18 Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, 
\q1 zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan. 
\q1  
\v 19 Is ketazeng nu, Megbevayè ku, kenà egketegkad. 
\q1 Egkein-inuwan is mibpemeelan nu; wazà iyan iring kenikew. 
\q1  
\v 20 Minsan ibpesaǥad a kenikew te mahabet he menge elentusen, ne ebeǥayan a ǥihapun kenikew te veǥu he untung; 
\q1 egkeiring a te minatey he ebenhawen nu zed. 
\q1  
\v 21 Ebeǥayan a kenikew te zekelà he zengeg, 
\q1 ne ed-umanan a kenikew edlipaya. 
\q1  
\v 22 He Megbevayè ku, tenged te kebmetinumanen nu edeliǥen ku sikew pinaaǥi te kedtukar te alpa. 
\q1 Edeliǥen ku sikew, is Waǥas he Megbevayà te Israel, pinaaǥi te kegkanta ku he eduyuǥan te alpa. 
\q1  
\v 23 Igkulahì ku is kegkelipey ku zutun te kegkanta ku te kedalig kenikew 
\q1 tenged te kedlibriya nu kediey. 
\q1  
\v 24 Layun ku edtudtula is ketazeng nu, 
\q1 su is egkesuat he edezaat kedì nepeel-elezan wey neliveg. 
\c 72  
\s1 Ampù para te Hadì 
\q1  
\v 1 He Megbevayà, penurua nu is hadì te kenikew he paaǥi te kedhukum he metazeng, 
\q1  
\v 2 para egkezumahan te ketazeng is kedhukumi zin te menge etew nu lavew en is egkengaayu-ayu. 
\q1  
\v 3 Berakat he ebpekeveǥey te keuswagan te menge etew nu is menge vuntud wey menge vuvungan tenged te ketazeng te hadì. 
\q1  
\v 4 Berakat he edlevanan wey edtevangan te hadì is menge egkaayuayu, 
\q1 ne edaaǥen din is menge etew he edaagdaag kandan. 
\b  
\q1  
\v 5 Berakat he ebpedayun is kedhadì din te wazà pidtemanan pinaaǥi te kegkehimu he hadì te menge kevuwazan din, mintras duen pa andew wey vulan. 
\q1  
\v 6 Berakat he egkeiring sikandin te uzan he ebpekeveǥey te wahig kayi te kelibutan. 
\q1  
\v 7 Dutun te timpu te kedhadì din, berakat he kenà egkaawà is ketazeng 
\q1 ne kenà egkaawà is kegkemeuswaǥen te ked-ubpà te menge etew taman te taman. 
\q1  
\v 8 Berakat he is ginhedian din ebpuun te sevaha he zaǥat ne taman en te sevaha pa he zaǥat, 
\q1 wey puun te Wahig he Eufrates ne taman te kinemeziyuan he vahin te kelibutan. 
\q1  
\v 9 Berakat he mebpesakup kandin is menge kuntada zin he ziyà ebpemen-ubpà te sibsivayan. 
\q1  
\v 10 Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin. 
\q1  
\v 11 Berakat he ebpesakup kandin is langun he menge hadì 
\q1 ne ebpenilbi kandin is langun he menge nasyun. 
\q1  
\v 12 Su edtevangan din is pinesagdan he menge egkaayuayu, he ebuyù te tavang diyà te kandin. 
\q1  
\v 13 Egkehizuwan din is menge wazà egkehimu wey egkengaayuayu, 
\q1 ne edtevangan din su wey kenà sikandan ebpatey. 
\q1  
\v 14 Edlibriyen din sikandan te kedèdaaǥa wey kebpesipelahi kandan, 
\q1 su utew mevali sikandan diyà te kandin. 
\b  
\q1  
\v 15 Berakat he luǥeyazi te untung is hadì! 
\q1 Berakat he ebeǥey kandin te vulawan is Sheba. 
\q1 Berakat he layun sikandin id-ampù he tuvazi sikandin te Megbevayà. 
\q1  
\v 16 Berakat he mebeǥey te menge abut is tanà minsan is puntur te menge vuntud, 
\q1 ne meiring te Lebanon he utew uuzaran. 
\q1 Berakat he mebmahabet is ebpemen-ubpà diyà te menge inged, 
\q1 meiring sikandan kezakel te menge sagbet diyà te menge vevesukà. 
\q1  
\v 17 Berakat he kenà egkelipatan is ngazan te hadì te taman te taman mintras duen pa andew. 
\q1 Berakat he pinaaǥi kandin edtuvazan is langun he menge nasyun, 
\q1 ne ebpekekaǥi is menge etew ziyà te menge nasyun te, “Deyzey sikandin.” 
\q1  
\v 18 Mezait he edeliǥen is \sc Nengazen\sc* he Megbevayà, kes Megbevayà te Israel, he iyan dà ebpekehimu keniyan he menge egkengein-inuwan. 
\q1  
\v 19 Ereg he edeliǥen is kegkemekeǥeǥehem din te wazà pidtemanan. 
\q1 Berakat he maahà te menge etew kayi te tivuuk he kelibutan is kegkemekeǥeǥehem din. 
\q1 Amen! Amen! 
\q1  
\v 20 Iyan heini ketepusan he menge kebpengemuyù ni David te anak ni Jesse. 
\c 73  
\s1 Is Metazeng he Kedhukum te Megbevayà 
\q1  
\v 1 Meupiya iyan is Megbevayà te Israel, 
\q1 lavew en diyà te menge etew he lumpiyu is gehinawa zan. 
\q1  
\v 2 Piru siak, hapit en egkaawà is kedtuu ku, 
\q1  
\v 3 su nesina a te gelbuwen wey lalung he menge etew hein neehè ku he mid-uswag sikandan. 
\q1  
\v 4 Meupiya is kedlelawa zan ne kenà mesakit is kemetayen dan. 
\q1  
\v 5 Wazà menge elentusen dan ne kenà sikandan edlised iring te zuma he menge etew. 
\q1  
\v 6 Umbe, melemu zà diyà te kandan is kebpaahà te kegkegelbuwen dan wey kegkemesipala zan. 
\q1  
\v 7 Is menge ǥehinawa zan nepenù en te kelelalung, 
\q1 ne iyan dan dà layun egkeisip is kebaal te mezaat. 
\q1  
\v 8 Edsudien dan wey mezaat is ebpengeǥiyen dan diyà te zuma. 
\q1 Utew sikandan hembugiru he ebpenhulgà wey ebpendaagdaag te zuma. 
\q1  
\v 9 Mezaat is menge lalag dan he igkuntada zan te Megbevayà diyà te langit wey te menge etew kayi te kelibutan. 
\q1  
\v 10 Umbe, minsan is menge etew te Megbevayà edsunud kandan wey ebpengumbenar te egkeǥiyen dan. 
\q1  
\v 11 Ke sikandan te, “Kenà egkesayud is Megbevayà? 
\q1 Wazà hanew te Utew Lavew he Megbevayà.” 
\b  
\q1  
\v 12 Iring keniyan is menge lalung he etew, 
\q1 wazè dan igkeliveǥ ne mid-iseg pa is kegkesepian dan. 
\q1  
\v 13 Tenged kayi wazè ku maahà is pulus te kedtinazeng ku wey kedlikey ku te salà. 
\q1  
\v 14 Layun a kenikew ibpaantus, Megbevayè ku; 
\q1 hapit kada meselem is kedsiluti nu kedì. 
\q1  
\v 15 Angin ke mid-iringan ku is lalung he menge etew te ked-un-undaha zan kenikew, 
\q1 ne nelimbungan ku en is menge etew nu. 
\q1  
\v 16 Nenigudu a wey ku mesavut heini, 
\q1 piru utew a midlised, 
\q1  
\v 17 taman te midhendiyà a te valey nu, 
\q1 ne zutun nesavut ku human ke hengkey is egkehitavù diyà te lalung he menge etew. 
\q1  
\v 18 Benar he idsavuk nu sikandan diyà te wazà kesiguruwan he kebpekesavuk, 
\q1 ne edezeetan nu sikandan. 
\q1  
\v 19 Egketik-ew zà sikandan egkengezeeti; 
\q1 egkeumahan sikandan te mekahandekhandek he hitavù ne ebpematey sikandan is langun. 
\q1  
\v 20 Is kegkahanew zan iring te teǥeinep he emun edkepukew ki is nekelipezeng ne wazè en. 
\q1 Egkelipatan en sikandan emun egkesilutan nu en sikandan. 
\b  
\q1  
\v 21 Hein neseeng a wey nesekitan a, 
\q1  
\v 22 nehimu a he iring te tulebung he langgam diyà te etuvangan nu su wazè ku sikew mesavut. 
\q1  
\v 23 Piru ed-uvey a ǥihapun diyà te kenikew ne egiyahan a kenikew. 
\q1  
\v 24 Egiyahan a kenikew pinaaǥi te menge sambag nu, 
\q1 ne ziyà te egkehuziyanan ed-uwiten a kenikew ziyà te utew meupiya he kebpekesavuk. 
\q1  
\v 25 Wazè en duma ziyà te langit he egkinehenglanen ku, kekenà, iyan ke zà. 
\q1 Su ǥeina te kayi ka te kediey, wazè en duma pa he ebpengenduyen ku kayi te kelibutan. 
\q1  
\v 26 Minsan edluyahan is lawa ku wey isip ku, 
\q1 iyan ka, Megbevayè ku, ebpuunan te zesen ku. 
\q1 Iyan ke zà egkinehenglanen ku taman te taman. 
\q1  
\v 27 Is menge etew he ed-iniyug kenikew, ne kenà duwazuwa he egkengahanew sikandan; 
\q1 edezeetan nu is wazà medtuman te egkesuatan nu. 
\q1  
\v 28 Piru mid-isip ku mulà he utew meupiya is ked-uvey ziyà te kenikew, Megbevayà. 
\q1 Nengazen he MEGBEVAYÀ, midhimu ku sikew he kutè ku, 
\q1 su wey ku ikeseysey is langun he menge vaal nu. 
\c 74  
\s1 Ampù para te Nasyun dutun te Timpu te Kelised 
\q1  
\v 1 He Megbevayà, maan is ebpedayun en is ked-iniyuǥi nu kenami? 
\q1 Maan is nepeukan key kenikew is menge etew he ebentayan nu? 
\q1  
\v 2 He Megbevayà, tentenuzi nu is menge etew nu he mibpilì nu zengan para mehimu he kenikew ne midlibri nu para maangken nu en. 
\q1 Tentenuzi nu is Buvungan he Zion he ubpeey nu. 
\q1  
\v 3 Leuya nu ne ahaa nu is ebpedayun he kegkezeeti zuen te valey nu tenged te mibeelan te menge kuntada. 
\q1  
\v 4 Nen-ugyab dutun te valey nu is menge kuntada nu, su ibpeehè dan is kegkezeeǥa zan kenami te menge etew nu. 
\q1 Midsavuk dan te bendira zan he tuus te kebpekezaag dan. 
\q1  
\v 5 Midrundus dan is baley nu he henduen dan te egkamet diyà te ketelunan. 
\q1  
\v 6 Midèdeetan dan sikan is mibpurungan ukiri he menge kayu he himan te valey nu pinaaǥi te menge wasey wey menge piku zan. 
\q1  
\v 7 Mibinsulan dan is baley nu; 
\q1 midremerikan dan heini is ubpeey nu. 
\q1  
\v 8 Iyan diyà te isip dan is ebpurungan key zan edezeeti. 
\q1 Mibinsulan dan is langun he tiǥumà kayi te Israel he para te ked-ezapa kenikew. 
\q1  
\v 9 Wazè en tuus te kebpekiduma nu kenami; 
\q1 wazè en nesamà duen te ebpemeneuven nu, 
\q1 ne wazè en netau kenami ke keenu egkeengked heini is pesipala kenami. 
\q1  
\v 10 He Megbevayà, sengemenu keluǥayad is kebpeel-elezi te kuntada zey kenikew? 
\q1 Taman en be te taman is ked-un-undaha zan kenikew? 
\q1  
\v 11 Maan is wazè nu pa sikandan siluti? 
\q1 Maan is henduen be te kenè nu edwelengen is menge velad nu? 
\q1 Dèdeeti nu en sikandan! 
\q1  
\v 12 Iyan ka, Megbevayà, hadì dey puun pa zengan, 
\q1 ne kemahabet nu en libriya is menge etew kayi te kelibutan.\f + \fr 74:12 \ft kelibutan: \+it etawa,\+it* tanà te Israel.\f* 
\q1  
\v 13 Pinaaǥi te ǥehem nu neluwisan is tanà diyà te dizalem te zaǥat, 
\q1 iyan ka migevà te menge ulu te zezekelà he menge langgam diyà te zaǥat. 
\q1  
\v 14 Iyan ka migevà te menge ulu te menge dragun he Leviatan 
\q1 wey mibpekaan te menge lawa zan te menge langgam diyà te sibsivayan. 
\q1  
\v 15 Iyan ka mibpetudà te menge serebseb wey te menge wahig he edtudà. 
\q1 Iyan ka mibpemazà te menge wahig he edtudà he kenà pezem egkemezahan. 
\q1  
\v 16 Iyan ka mibaal te maandew wey mezukilem, 
\q1 iyan ka midsavuk te andew wey vulan diyà te nesevukan dan. 
\q1  
\v 17 Iyan ka midsavuk te langun he menge taltal kayi te kelibutan, 
\q1 iyan ka midhimu te ǥulavung wey timpu te meǥenew. 
\q1  
\v 18 Tentenuzi nu, \sc Nengazen\sc*, is kebpeel-elezi wey kedsudia kenikew te menge tulebung he menge kuntada. 
\q1  
\v 19 Kenè nu iveǥey is menge etew nu he iring te menge merepatik te menge kuntada he iring te kumekaan te etew he menge langgam. 
\q1 Kenè nu lipati minsan keenu is edèdaaǥen he menge etew nu. 
\q1  
\v 20 Tentenuzi nu is kebpekid-uyun nu kenami, 
\q1 su utew mesipala is menge kuntada zey, ne mibmerusirem is nasyun dey tenged te kelelalung. 
\q1  
\v 21 Kenè nu ituǥut is kegkepeel-elezi te menge edèdaaǥen. 
\q1 Berakat he edeliǥen ka te menge egkaayuayu wey menge pubri. 
\q1  
\v 22 He Megbevayà, levani nu en guntaan is dengeg nu. 
\q1 Tentenuzi nu he edtulungan ke en ebpeel-elezi te menge tulebung. 
\q1  
\v 23 Kenè nu ituǥut he ebpedayun is kedtulung kebpengulahì te menge kuntada nu he tuus te kegkepauk dan. 
\c 75  
\s1 Is Megbevayà iyan Menhuhukum 
\q1  
\v 1 He Megbevayà, mepeselematen key kenikew. 
\q1 Mepeselematen key su uvey ka kenami. 
\q1 Edtudtulen dey is egkein-inuwan he menge vaal nu. 
\b  
\q1  
\v 2 Ke sikew te, “Duen timpu he midtail ku he para te kedhukum, 
\q1 ne metazeng is kedhukum ku. 
\q1  
\v 3 Emun egkehuyung is kelibutan ne ebpengerkeren te kegkahandek is menge meǥinged kayi, ne iyan a edlig-en te mibengunan kayi. 
\q1  
\v 4 Migkeǥiyan ku is menge hembugiru he menge lalung te med-engked en sikandan he ebpahambug wey ebpehivantug tenged te egkehimu zan. 
\q1  
\v 5 Migkeǥiyan ku sikandan he engkezi zan en is kebpezalig dan.” 
\b  
\q1  
\v 6 Hustu heeyan is egkaǥiyen te Megbevayà, su wazà duma he ebeǥey te zengeg, 
\q1  
\v 7 kekenà, iyan dà is Megbevayà. 
\q1 Iyan sikandin edhukum; ebpekevevaan din is ked-etew te zuma, ne is duma ebeǥayan din te zengeg. 
\q1  
\v 8 Su egkulang is \sc Nengazen\sc* te tasa he nepenù te eburàburà he utew mevisa he vinu he iyan is pauk din. 
\q1 Ne edteǥayen din heini su wey meinum te langun he lalung he menge etew kayi te kelibutan taman te egkaamin dan. 
\b  
\q1  
\v 9 Iyan, siak mulà, kenà a ed-engked he ebpenudtul mehitenged te Megbevayà ni Jacob, 
\q1 ne egkentahan ku sikandin te menge idalig kandin. 
\q1  
\v 10 Id-awè din is gehem te menge lalung he menge etew, 
\q1 ne ed-umanan din mulà is gehem te menge metazeng. 
\c 76  
\s1 Ebmezeeǥen is Megbevayà 
\q1  
\v 1 Diyà te Juda nekilala utew is Megbevayà; 
\q1 nevantug sikandin diyà te Israel. 
\q1  
\v 2 Ed-ubpà sikandin diyà te Buvungan te Zion he ziyà te Jerusalem. 
\q1  
\v 3 Dutun he lugar mibpendezeetan din is edhagyung he menge vesut te panà te menge kuntada, is menge kelasag dan, is menge ispada zan, wey is duma pa he menge ǥumaan dan. 
\b  
\q1  
\v 4 He Megbevayà, mekeǥeǥehem ka wey utew lavew zutun te kedtupang nu puun te menge vuvungan he zutun nu penhimetayi is menge kuntada nu. 
\q1  
\v 5 Mibpen-aǥew nu ziyà te mevurut he menge sundaru is menge vutang he inaǥew zan diyà te zuma. 
\q1 Ne mibpematey sikandan is langun, 
\q1 ne wazà minsan sevaha kandan he nekehimu he egkayew te velad din. 
\q1  
\v 6 He Megbevayà ni Jacob, nemematey en is menge pereuntud te kudà wey is menge kudè dan pinaaǥi zà te kedawey nu. 
\q1  
\v 7 Mekahahandek ka, Megbevayà. 
\q1 Wazà ebpekehimu he edsukul kenikew emun egkepauk ka. 
\q1  
\v 8 Ebpuun te langit imbeǥey nu is kukuman nu. 
\q1 Ne nengahandek is menge etew kayi te kelibutan ne wazà sikandan mekekaǥi hein 
\q1  
\v 9 midhukum ka, Megbevayà, he edlibriyen nu is langun he menge edèdaaǥen kayi te kelibutan. 
\q1  
\v 10 Kenà duwazuwa he is kegkepauk nu te lalung he menge etew igkezeliǥi kenikew, 
\q1 ne kemulu pa is pauk nu. 
\b  
\q1  
\v 11 Pesarig kew ziyà te \sc Nengazen\sc* he Megbevayè niw ne tumana niw heini. 
\q1 Ipeuwit niw is menge meǥinged te kesikbit niw he menge nasyun te menge gasa ziyà te telehuzen he Megbevayà. 
\q1  
\v 12 Ibpekevavè din is mepelevawen he menge pengulu; 
\q1 igkehandek sikandin te menge hadì kayi te kelibutan. 
\c 77  
\s1 Kelipey te Timpu te Kelised 
\q1  
\v 1 Mibpekezaǥing a is ebuyù te tavang diyà te Megbevayà. 
\q1 Nengumew a su wey e zin mezineg. 
\q1  
\v 2 Dutun te timpu te kelised ed-ampù a ziyà te Nengazen. 
\q1 Ne zutun te ked-ampù ku ke mezukilem kenà a egkeveley he ebayew te menge velad ku, 
\q1 piru wazè ku ǥihapun kelipey. 
\q1  
\v 3 Emun ebpurungan ku egngunngunua is Megbevayà egkesuǥey a ne egkaawà is perateng ku. 
\q1  
\v 4 Wazè e zin ipelipezeng; 
\q1 kenè ku egketuenan ke hengkey is egkeǥiyen ku, su utew a nesemuki. 
\q1  
\v 5 Ed-isipen ku is nemenlavey he menge andew wey is menge tuig he neuǥet en he nenlavey. 
\q1  
\v 6 Emun mezukilem ne mezalem is ed-is-isipen ku. 
\q1 Ebpurung a egngunùngunù ne iyan heini menge insà he neuma te isip ku: 
\q1  
\v 7 “Taman en be vuwa te taman is ked-iniyuǥi kenami te Nengazen? 
\q1 Kenà key en buwa ebpekepenunuat kandin? 
\q1  
\v 8 Kela ke naawè en is kebmahala zin kenami? 
\q1 Kenè din en buwa edtumanen is penangdù din? 
\q1  
\v 9 Kela ke nelipat en sikandin he egkehizu? 
\q1 Kenè en be sikandin egkehizu tenged te pauk din?” 
\q1  
\v 10 Ne ke siak te, “Is ibmesakit te ǥehinawa ku iyan is: kenè en bes edtavang kenami is lavew he Megbevayà.” 
\b  
\q1  
\v 11 \sc Nengazen\sc*, edtentenuzan ku is menge vaal nu. 
\q1 Uya, edtentenuzan ku is egkengein-inuwan he mibeelan nu zengan. 
\q1  
\v 12 Ed-isipen ku wey egngunùngunuen is langun he mekeǥeǥehem he menge vaal nu. 
\q1  
\v 13 He Megbevayà, is menge paaǥi nu ne kenà iring te menge paaǥi te zuma. 
\q1 Wazà ebpekerepeng te kegkemekeǥeǥehem nu. 
\q1  
\v 14 Iyan ka Megbevayà he mibaal te egkengein-inuwan. 
\q1 Ibpeehè nu te menge etew is gehem nu. 
\q1  
\v 15 Midlibri nu is menge etew nu he menge kevuwazan ni Jacob wey ni Jose pinaaǥi te ǥehem nu. 
\q1  
\v 16 He Megbevayà, is menge wahig neiring te etew he emun egkeehè ke zin ebpengerkeren te kegkahandek din. 
\q1  
\v 17 Mibusbus te uzan is menge kivel; 
\q1 midruǥung diyà te zivavew ne nengilat diyà te minsan hendei. 
\q1  
\v 18 Ne egkezineg is selenuhug te menge vagyu; 
\q1 is menge kilat neketayew te kelibutan; 
\q1 ne neyunggat is kelibutan. 
\q1  
\v 19 Midlayun nu is daǥat he nemaǥel te dezekelà he menge vaǥel, 
\q1 piru wazè ka maahà is edsaǥad. 
\q1  
\v 20 Migiyahan nu is menge etew nu he iring te menge kerehidu, 
\q1 pinaaǥi ki Moises wey ki Aaron. 
\c 78  
\s1 Is Kegiya te Megbevayà te menge Etew Zin 
\q1  
\v 1 Sikiyu is menge lumunè ku te inged, pemineǥa niw is menge penurù ku. 
\q1  
\v 2 Ebpenuruen ku sikiyu pinaaǥi te menge sempità. 
\q1 Edtudtulen ku keniyu is in-eles he menge ketutuanan dengan 
\q1  
\v 3 he netuenan tew en, 
\q1 su midtudtul kenitew te menge kepuun tew. 
\q1  
\v 4 Kenè tew heini id-eles te menge vatà; 
\q1 edtudtulen tew heini ziyà te edsunud he menge lapis te kevuwazan. 
\q1 Edtudtulan tew sikandan te ǥehem te \sc Nengazen\sc* wey te egkengein-inuwan wey zait he edeliǥen he menge vaal zin. 
\q1  
\v 5 Mibeǥayan din te kesuǥuan is menge etew ziyà te Israel he menge kevuwazan ni Jacob. 
\q1 Ne insuǥù din diyà te menge kepuun tew he ipenurù dan heini ziyà te menge anak dan, 
\q1  
\v 6 su para metueni heini te ebpekesunud he lapis te kevuwazan, 
\q1 ne igkepenurù dan daan heini ziyà te menge anak dan. 
\q1  
\v 7 Ne pinaaǥi kayi edsarig sikandan te Megbevayà, 
\q1 ne kenè dan egkelipatan is mibpemeelan din ne edtumanen dan is menge suǥù din. 
\q1  
\v 8 Ne kenà sikandan egkeiring te menge kepuun dan he menge supekiru, kenà menge metinumanen, kenà melig-en is kedsarig dan te Megbevayà, wey kenè dan mepezumdumahan kandin. 
\b  
\q1  
\v 9 Is menge sundaru he menge kevuwazan ni Efraim, minsan neǥumeenan sikandan te menge panà, nemelaǥuy sikandan dutun te timpu te tebek. 
\q1  
\v 10 Wazè dan tumana is kebpekid-uyun dan te Megbevayà; 
\q1 wazè dan sunuza is kesuǥuan din. 
\q1  
\v 11 Midlipatan dan is egkein-inuwan he menge vaal zin he impeehè din kandan. 
\b  
\q1  
\v 12 Egkein-inuwan is mibeelan te Megbevayà diyà te Zoan he sakup te tanà he Ehipto, 
\q1 ne naahà haazà te menge kepuun tew. 
\q1  
\v 13 Midtevì din is daǥat ne impevayè din sikandan; 
\q1 diyè din isavuk te pesikilizà te nezalandalan he tanà is wahig he henduen be te menge elavat. 
\q1  
\v 14 Emun maandew, egiyahan din sikandan pinaaǥi te ǥapun, 
\q1 ne te mezukilem, ne pinaaǥi te kerayag te hapuy. 
\q1  
\v 15 Impeveka zin is menge vatu ziyà te sibsivayan ne midtudà puun dutun is wahig he henduen be te ziyà ebpuun te serebseb, 
\q1 umbe kenà alang-alang he wahig is imbeǥey zin kandan. 
\q1  
\v 16 Impetudè din puun dutun te vatu is wahig, 
\q1 ne henduen be haazà te ziyà ebpuun te zekelà he wahig he edtudà. 
\b  
\q1  
\v 17 Piru is menge kepuun tew, mibpedayun dan mulà he ebaal te salà diyà te kandin. 
\q1 Dutun te sibsivayan midsukulan dan is Utew Lavew he Megbevayà. 
\q1  
\v 18 Midtivevè dan gezami is Megbevayà pinaaǥi te kebuyù dan te ampey zan he keenen. 
\q1  
\v 19 Mid-insultuwan dan is Megbevayà pinaaǥi te kegkaǥi zan te, “Kenè kiw vuwa igkepekaan te Megbevayà kayi te sibsivayan. 
\q1  
\v 20 Tutuu iyan he hein midtabpì din sikan is batu ne migawas is wahig, 
\q1 piru egkeveǥayan kiw zin be zaan buwa te supas wey usa is menge etew zin?” 
\q1  
\v 21 Umbe, nepauk is \sc Nengazen\sc* te kegkezineǥa zin kandan. 
\q1 Iring te hapuy is pauk din te menge tig-Israel he menge kevuwazan ni Jacob. 
\q1  
\v 22 Su wazè dan kedtuu kandin, ne wazè dan medsarig he edlibriyen din sikandan. 
\q1  
\v 23 Piru minsan pa te iyan haazà, midsuǥù din is langit he med-abri, 
\q1  
\v 24 ne mibpeud-uzanan din sikandan te keenen he egngezanan te ‘manna’. 
\q1 Imbeǥey zin kandan is keenen he ebpuun te langit su wey zan mekaan. 
\q1  
\v 25 Sikandan is menge etew zà duen, nekekaan dan te keenen te menge velinsuǥuen. 
\q1 Ne impezahar te Megbevayà heini he keenen diyà te kandan. 
\q1  
\v 26 Impepengeramag te Megbevayà te keramag he ebpuun te edsilaan wey edsenlepen pinaaǥi te ǥehem din. 
\q1  
\v 27 Ne mibpantad is menge tagbis he impeuzan-uzan din diyà te kandan. 
\q1  
\v 28 Impelugtanè din haazà diyà te ebpekeliǥuy te menge tulda zan duen te kampu zan. 
\q1  
\v 29 Umbe, nekekaan sikandan ne nengahantey zan, 
\q1 su imbeǥey te Megbevayà kandan is egkesuatan dan. 
\q1  
\v 30 Ne zutun te ebpetakè en sikandan egkaan, 
\q1  
\v 31 nepeukan sikandan te Megbevayà. 
\q1 Mibpenhimetayan din is tig-Israel he menge vetan-en he memeupiya is kedlelawa wey memezesen. 
\q1  
\v 32 Piru minsan pa te neseǥazan dan heini is langun he egkein-inuwan he mibpemeelan te Megbevayà, wazè dan med-engked he ebaal te salà wey wazè dan medtuu kandin. 
\q1  
\v 33 Umbe, migègaanan din tepusa is menge untung dan pinaaǥi te netik-ew he kezeetan. 
\q1  
\v 34 Ne hein mibpenhimetayan din is duma kandan, 
\q1 ne is duma zuen te nengesamà, midsendit dan ne midangep dan diyà te kandin ne zekelà is suat dan te tavang din. 
\q1  
\v 35 Neisip dan he iyan endilungè dan wey edlibri kandan is Utew Lavew he Megbevayà. 
\q1  
\v 36 Piru kenà diyà ebpuun te ǥehinawa zan is kedeliǥa zan kandin su menge teruen sikandan. 
\q1  
\v 37 Kenà meheǥet is gehinawa zan diyà te kandin; 
\q1 kenè dan metinumanen te kebpekid-uyun kandan. 
\q1  
\v 38 Minsan pa te iyan heini, hihizuwen gihapun kandan is Megbevayà. 
\q1 Mibpesaylu zin sikandan te menge salè dan ne wazè din sikandan dèdeeti. 
\q1 Layun din ed-eǥena is pauk din kandan minsan utew en sikandin egkepauk. 
\q1  
\v 39 Midtentenuzan din he menge etew zà sikandan, he iring te keramag he edlavey zà su ebpematey sikandan. 
\q1  
\v 40 Diyà te sibsivayan, layun dan edsupaka wey ebeǥayi te seeng is Megbevayà. 
\q1  
\v 41 Layun dan egezami is Megbevayà; 
\q1 ebeelan dan is igkeepes te Waǥas he Megbevayà te Israel. 
\q1  
\v 42 Midlipatan dan is gehem din he impeehè din hein midlibri zin sikandan te kegkeiza kandan te menge kuntada zan, 
\q1  
\v 43 ne midlipatan dan sikan is egkein-inuwan he mibeelan din diyà te Zoan he sakup te tanà he Ehipto. 
\q1  
\v 44 Midhimu zin he lengesa sikan is edtudà he menge wahig te menge tig-Ehipto, umbe wazà egkeinum dan. 
\q1  
\v 45 Mibpehurepunan din sikandan te utew subra he langew para merasey sikandan; 
\q1 impelepew zin is gerabi he menge vakbak he nekezezaat te menge pinemula zan. 
\q1  
\v 46 Impekaan din te terapan is menge pinemula zan wey menge abut dan. 
\q1  
\v 47 Mibpendèdeetan din is menge perasan dan wey menge kayu zan he sikemur pinaaǥi te ǥiyew. 
\q1  
\v 48 Mibpenhimetayan din is menge uyaǥen dan pinaaǥi te ǥiyew wey kilat. 
\q1  
\v 49 Tenged te utew zin kegkepeuki kandan, 
\q1 midsuǥù din is duma zuen te menge velinsuǥuen din te kedezaat kandan. 
\q1  
\v 50 Wazè din eǥena is pauk din; 
\q1 wazè din sikandan libriya te kemetayen, 
\q1 kekenà, mibpenhimetayan din sikandan pinaaǥi te mezaat he menge hitavù. 
\q1  
\v 51 Mibpenhimetayan din is langun he penganey he menge anak he maama diyà te Ehipto, 
\q1 he iyan kes menge kevuwazan ni Ham. 
\q1  
\v 52 Impeǥawas din puun te Ehipto is menge etew zin he iring te menge kerehidu he migiyahan din diyà te sibsivayan. 
\q1  
\v 53 Midumahan din sikandan, umbe wazà sikandan mahandek. 
\q1 Piru nengelened mulà diyà te zaǥat is menge kuntada zan. 
\q1  
\v 54 Mid-uwit din sikandan diyà te tanà he mibpilì din; 
\q1 diyà te menge vuntud he mid-aǥew zin pinaaǥi te ǥehem din. 
\q1  
\v 55 Midsegseg din sikandan pehendiyà te meziyù te menge etew zin, 
\q1 ne mibahinbahin din haazà is tanà. 
\q1 Mibehinan is kada tribu te Israel su para maangken dan haazà, 
\q1 ne zutun din sikandan ipeubpà. 
\b  
\q1  
\v 56 Iyan, migezaman dan is Utew Lavew he Megbevayà, 
\q1 su midsupak dan sikandin ne wazè dan tumana is menge suǥù din. 
\q1  
\v 57 Iring te menge kepuun dan, mibpekeziyuan dan wey midluivan dan is Megbevayà. 
\q1 Ne iring sikandan te nevadtì he panà su kenà sikandan egkeseriǥan. 
\q1  
\v 58 Midhimu zan he mepauk wey mebpengelikud kandan is Megbevayà pinaaǥi te kebangun dan te menge simbahan diyà te metikang he menge lugar 
\q1 wey te ked-azap dan te zuma he menge ed-ezapen. 
\b  
\q1  
\v 59 Netuenan te Megbevayà heini is mibeelan te menge tig-Israel, 
\q1 umbe nepauk sikandin ne mid-iniyuǥan din en sikandan. 
\q1  
\v 60 Mid-ewaan din sikan is tulda zin diyà te Shilo he iyan ubpeey zin kayi te kelibutan. 
\q1  
\v 61 Intuǥut din he maaǥew te menge kuntada sikan is Kavan te Kebpekid-uyun he simbulu te kegkemekeǥeǥehem din wey kegkelavew zin. 
\q1  
\v 62 Nepeukan din is menge etew he ǥaked din, 
\q1 umbe mibpenhimetayan din sikandan pinaaǥi te tebek. 
\q1  
\v 63 Mibpeminsulan is menge vetan-en he menge maama kandan, 
\q1 umbe wazè en ebpekeesawa te menge raǥa zan. 
\q1  
\v 64 Nemematey te tebek is menge memumuhat dan, 
\q1 ne is nengevalu he menge esawa zan ne wazè en mekelalew para kandan. 
\q1  
\v 65 Piru nehitavù he henduen be te neelimukawan is Nengazen; 
\q1 neiring sikandin te mezesen he etew he mibmevurut tenged te vinu. 
\q1  
\v 66 Midsegseg din is menge kuntada zin; 
\q1 ne wazà pidtemanan is kegkepeel-elezi zin kandan. 
\q1  
\v 67 Wazè din pilia is tribu ni Efraim he menge kevuwazan ni Jose. 
\q1  
\v 68 Su iyan din mibpilì is tribu ni Juda wey is Buvungan he Zion he utew zin minahal. 
\q1  
\v 69 Dutun din benguna is baley zin, ne iring heini te langit wey tanà su taman te taman is kelig-en kayi. 
\b  
\q1  
\v 70-71 Si David is mibpilì te Megbevayà he egkehimu he suluǥuen din. 
\q1 Perevantey zà si David te menge kerehidu, piru impeuswag din su midhimu zin si David he hadì te Israel he iyan kes menge etew he ǥaked din. 
\q1 Umbe igkepetug-iring gihapun si David te perevantey te menge kerehidu, 
\q1  
\v 72 ne tinutuuwà is ked-etura zin te menge tig-Israel 
\q1 ne mibpurungan din sikandan penguluwi. 
\c 79  
\s1 Ampù para Kenà Meveyveyai is Nasyun 
\q1  
\v 1 He Megbevayà, midsurung te meǥinged diyà te senge nenasyun is meǥinged diyà te tanà he ǥaked nu. 
\q1 Midremerikan dan is segradu he valey nu ne midezeetan dan is Jerusalem. 
\q1  
\v 2 Impekaan dan te zumezaas he menge tagbis wey zumezaas he menge langgam is nemematey he menge etew nu he menge metinumanen he suluǥuen nu. 
\q1  
\v 3 Impetiǥis dan is lengesa te menge etew nu ne iring te wahig is kedtudà kayi ziyà te tivuuk he Jerusalem, 
\q1 ne wazà minsan sevaha he nesamà he ebpekeleveng te nemematey. 
\b  
\q1  
\v 4 Ebpeel-elezan key wey edsudien key te menge nasyun he nekeliǥuy kenami. 
\q1  
\v 5 Keenu en buwa egkaawà, \sc Nengazen\sc*, is pauk nu kenami? 
\q1 Taman en be te taman is pauk nu kenami? 
\q1 Eriyubriyub en be he iring te hapuy is kebpengelikud nu? 
\q1  
\v 6 Ipeehè nu is pauk nu ziyà te menge nasyun wey menge ginhedian he wazà megkilala wey medsimba kenikew. 
\q1  
\v 7 Su mibpenhimetayan dan is menge etew nu ne midezeetan dan is nasyun te menge etew nu. 
\q1  
\v 8 Kenè key kenikew siluti tenged te menge salà te menge kepuun dey. 
\q1 Kekenà, kenè nu en pekeuǥeta is kegkehizuwi nu kenami su wazè dey en egkehimu. 
\q1  
\v 9 Tevangi key kenikew, Megbevayà he Menluluwas dey, su wey ka mezeliǥi. 
\q1 Luwasa key wey peseyluwa key te menge salè dey su wey ka mevantug. 
\q1  
\v 10 Kenè nu itugut he ebpekekaǥi ziyà te kenami is menge etew ziyà te zuma he menge nasyun te, “Hendei en is Megbevayè niw?” 
\q1 Ipeehè nu kenami is penimales nu te menge nasyun tenged te kebpenhimetayi zan te menge etew nu he menge suluǥuen nu. 
\b  
\q1  
\v 11 Pemineǥa nu is dag-es te menge etew nu he menge vihag. 
\q1 Edhimetayan sikandan, umbe libriya nu sikandan pinaaǥi te ǥehem nu. 
\q1  
\v 12 Nengazen, kepipitu nu tekepa is penimales nu te uvey zey he menge nasyun te kebpeel-elezi zan kenikew. 
\q1  
\v 13 Ne sikami is menge etew nu he iring te menge kerehidu he ebentayan nu, ne wazà pidtemanan te kebpeselemati zey kenikew. 
\q1 Layun dey sikew edeliǥa taman te taman. 
\c 80  
\s1 Ampù para te Kebuyù te Tavang te Megbevayà 
\q1  
\v 1 Sikew is ebantey te Israel, pemineǥa key kenikew, 
\q1 iyan ka migiya te iring te menge kerehidu he menge kevuwazan ni Jose. 
\q1 Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu 
\q1  
\v 2 ziyà te etuvangan te tribu ni Efraim, ni Benjamin, wey ni Manase. 
\q1 Ipeehè nu en is gehem nu, ne veyai key ne ibriya key. 
\b  
\q1  
\v 3 He Megbevayà, iliku nu kayi te kenami is keupiya te kebpekesavuk dey zengan. 
\q1 Ipeehè nu kenami is hizu nu su wey key melibri. 
\q1  
\v 4 \sc Nengazen\sc* he Megbevayà he Mekeǥeǥehem, 
\q1 sengemenu keluǥayad is timpu he igkeepes nu zà is menge kebpengemuyù dey te menge etew nu? 
\q1  
\v 5 Mibpenù key kenikew te seeng ne samè dà kenè dey meinum is luhè dey. 
\q1  
\v 6 Intuǥut nu he tebeka key te kesikbit dey he menge nasyun, 
\q1 ne sikandan is menge kuntada zey ne ed-undaunda kenami. 
\b  
\q1  
\v 7 He Megbevayà he Mekeǥeǥehem, ilikù nu kayi te kenami is meupiya he kebpekesavuk dey zengan. 
\q1 Ipeehè nu kenami is keupiya nu su wey key melibri. 
\b  
\q1  
\v 8 Sikami is menge etew nu, neiring key te pinemula he paras he migkuwa nu ziyà te Ehipto ne impemula nu ziyà te tanà te menge etew he midsegseg nu. 
\q1  
\v 9 Mibpurungan nu hiǥewani haazà is tanà, ne nendalid haazà is paras ne neeneb te langkat din heini is tanà. 
\q1  
\v 10 Nelembungan te menge subpang din is menge vuntud wey is dezekelà he kayu he sidru. 
\q1  
\v 11 Nekeuma is menge subpang din diyà te Daǥat he Mediteraneo ne taman en te zekelà he Wahig he Eufrates. 
\q1  
\v 12 He Megbevayà, maan is midrundus nu is menge verengbeng kayi te paras? 
\q1 Egketakew en hinuun te langun he sumeseǥazà is menge veǥas din. 
\q1  
\v 13 Egkeenen heini te kenà ayam he menge vavuy wey zuma pa he menge leew he langgam. 
\b  
\q1  
\v 14 Seǥipaa key zed umani, Megbevayà he Mekeǥeǥehem! 
\q1 Puun diyan te langit ahaa nu is kebpekesavuk dey. 
\q1 Is-isipa key kenikew is menge etew nu, 
\q1  
\v 15 he iring te pinemula he paras he impemula nu pinaaǥi te ǥehem nu. 
\q1 Tentenuzi key kenikew is menge anak nu he impehitindeg nu su para mevantug ka. 
\b  
\q1  
\v 16 He Megbevayà, iring key te midtamped he paras he mibinsulan. 
\q1 Egkezumahan te pauk nu is kedtengtengi nu kenami ne midezeetan key kenikew. 
\q1  
\v 17 Piru ǥuntaan tevangi key en kenikew is menge etew he mibpilì nu he ebpekeuvey kenikew wey midlig-enan nu su para mevantug ka, 
\q1  
\v 18 ne kenè dey en sikew ed-ewaan. 
\q1 Ilikù nu zini te kenami is meupiya he kebpekesavuk dey, 
\q1 ne ed-ezapen dey sikew. 
\q1  
\v 19 He \sc Nengazen\sc* he Mekeǥeǥehem he Megbevayà, 
\q1 ilikù nu zini te kenami is meupiya he kebpekesavuk dey! 
\q1 Ipeehè nu kenami is hizu nu su wey key melibri. 
\c 81  
\s1 Kedalig te Keupiya te Megbevayà 
\q1  
\v 1 Kentahi niw he melipayen kew is Megbevayà he iyan mibeǥey kenitew te zesen. 
\q1 Ugyab kew ziyà te etuvangan te Megbevayà ni Jacob! 
\q1  
\v 2 Puuni niw is kegkanta; 
\q1 ipezaǥing niw is tamburin, 
\q1 tukara niw is utew meupiya he ebpemineǥen he menge instrumintu he zuen dan menge kuwirdas. 
\q1  
\v 3 Ipezaǥing niw is budyung te kedsilibra te Pista te Kebpuun te Hayag wey zuen te pista he ebeelan tew emun tuker. 
\q1  
\v 4 Su iyan heini sulunuzen te menge tig-Israel. 
\q1 Su suǥù heini te Megbevayà ni Jacob. 
\q1  
\v 5 Impenurù din heini he penurù te menge kevuwazan ni Jose hein midsurung din is Ehipto. 
\b  
\q1 Nekezineg a te laǥeng he wazè ku mekilala he edhenduen te, 
\q1  
\v 6 “Impelingkawas ku sikiyu te kegkeuripena keniyu; 
\q1 in-awè ku is menge meveǥat he uwiten niw. 
\q1  
\v 7 Hein egkereǥenan kew mid-umew a keniyu ne midlibri ku sikiyu. 
\q1 Ne ziyà te mid-elesan ku he kivel midtavak ku is umew niw. 
\q1 Ne migezaman ku sikiyu ziyà te serebseb te Meriba. 
\b  
\q1  
\v 8 Sikiyu is menge etew ku he menge tig-Israel, pemineǥa niw is petizaan ku keniyu. 
\q1 Deyzey pezem ke ebpemineǥen a keniyu! 
\q1  
\v 9 Kinahanglan he liyu kedì, kenè kew med-azap te zuma; 
\q1 kenè niw ezapa is tarù he menge Megbevayà. 
\q1  
\v 10 Iyan a kes \sc Nengazen\sc* he iyan Megbevayè niw he iyan kes mibpeǥawas keniyu ziyà te Ehipto. 
\q1 Buyù kew kayi te kediey ne ebeǥayan ku sikiyu te menge kinahanglan niw. 
\b  
\q1  
\v 11 Piru sikiyu is menge Israilihanen he menge etew ku, wazè kew mebpemineg wey mebpezumazuma kedì. 
\q1  
\v 12 Umbe, mibpesagdan ku sikiyu te kebmesinupaken niw, ne mibeelan niw is egkesuatan niw. 
\q1  
\v 13 Emun pezem ebpemineg kew kedì wey edtumanen niw is menge paaǥi ku, 
\q1  
\v 14 ne diritsu ku zà edsiluti wey edaaǥa is menge kuntada niw. 
\q1  
\v 15 Is menge edumut kediey, ne ebpekeluhud kedì su egkahandek. 
\q1 Ne wazà pidtemanan te silut dan. 
\q1  
\v 16 Iyan, sikiyu mulà is menge etew ku, ibpekaan ku sikiyu. Edhentayen ku sikiyu te utew meupiya he trigu wey teneb.” 
\c 82  
\s1 Kinelevawan he Pengulu is Megbevayà 
\q1  
\v 1 Midumala te Megbevayà is ketiǥuman te menge gemhanan, 
\q1 ne edhukuman din sikandan. 
\q1  
\v 2 Ke sikandin te, “Sengemenu keluǥayad is kedtulung niw kedhimu te hukum he kenà metazeng? 
\q1 Sengemenu keluǥayad is kedtulungi niw kedepiǥi te menge lalung? 
\q1  
\v 3 Iveǥey niw is hustu he kukuman diyà te menge utew egkengeey-eyuwi wey menge ilu. 
\q1 Levani niw is ketenged te menge egkaayuayu he edèdaaǥen. 
\q1  
\v 4 Luwasa is menge utew egkengeey-eyuwi wey is menge pubri ziyà te ǥehem te menge mezaat he etew! 
\b  
\q1  
\v 5 Utew kew menge paglung! 
\q1 Utew kew menge taleng! 
\q1 Diyè kew te kerusireman, umbe negurigew en heini is kelibutan. 
\q1  
\v 6 Siak, is Utew Lavew he Megbevayà, egkeǥiyan ku sikiyu te menge megbevayè kew, ne pudu ku sikiyu menge anak. 
\q1  
\v 7 Ebpatey kew iring te etew. 
\q1 Egketapus is untung niw iring te minsan hentei he pengulu.” 
\b  
\q1  
\v 8 Sigi en, Megbevayà, hukumi nu en is menge etew ziyà te langun he menge nasyun kayi te kelibutan, su ǥaked nu sikandan. 
\c 83  
\s1 Is Mezaat he menge Nasyun 
\q1  
\v 1 He Megbevayà, kenè ka pereremek, kekenà, waleng ka! 
\q1  
\v 2 Hanu man te menge kuntada nu, 
\q1 egkegurigew zan he edsurung ne ebpegalbu sikandan su ebpekezaag dan kun. 
\q1  
\v 3 Duen meeles he pelanu zan he para te kezeetan te menge etew nu he ed-eturen nu. 
\q1  
\v 4 Ke sikandan te, “Gaang-gaang kew su edèdeetan tew is nasyun he Israel su para melipati en heini taman te taman.” 
\b  
\q1  
\v 5 Nesevaha sikandan te mezaat he pelanu zan. 
\q1 Mid-uyun sikandan te kegkuntada kenikew. 
\q1  
\v 6 Iyan sikandan kes menge Edomanhen, menge Ismailihanen, menge Moabitanhen, menge Hagarnen, 
\q1  
\v 7 menge Gibalnen, menge Amunihanen, menge Amalikanhen, menge Filistihanen, wey menge etew te Tyre. 
\q1  
\v 8 Midtavang daan kandan is Asiria he mezesen he tumetavang te menge kevuwazan ni Lot. 
\q1  
\v 9 Daaǥa nu sikandan \sc Nengazen\sc*, 
\q1 iring te mibeelan nu ziyà te menge Midianhen, 
\q1 wey ziyà te ki Sisera wey ki Jabin diyà te zal-ug he Kishon. 
\q1  
\v 10 Mibpatey sikandan diyà te Endor ne neredak is menge lawa zan ne nehimu he abunu te tanà. 
\q1  
\v 11 Dèdeeti nu is menge pengulu zan iring te mibeelan nu ki Oreb, ki Zeeb, ki Zeba, wey ki Zalmuna. 
\q1  
\v 12 Su migkaǥi sikandan te, “Ed-eǥawen tew is tanà te Megbevayà.” 
\b  
\q1  
\v 13 He Megbevayà, ipeyapat nu sikandan iring te eliyavuk wey ukap he idlayap te keramag. 
\q1  
\v 14-15 Iring te hapuy he midelandap he nekevinsul te menge kayu ziyà te vuvungan, del-asa nu sikandan ne pelihendeka nu pinaaǥi te vagyu. 
\q1  
\v 16 Peel-elezi nu sikandan, \sc Nengazen\sc*, 
\q1 taman te edangep sikandan diyà te kenikew. 
\q1  
\v 17 Berakat he mepeel-elezi wey utew mengehandek sikandan te wazà pidtemanan. 
\q1 Berakat he mebpatey zan he utew zan egkeeled! 
\q1  
\v 18 Berakat he metueni zan he iyan ka, \sc Nengazen\sc*, 
\q1 he iyan dà Utew Lavew he Megbevayà kayi te tivuuk he kelibutan. 
\c 84  
\s1 Is Penganduy te Kedhendiyà te Baley te Megbevayà 
\q1  
\v 1 \sc Nengazen\sc* he Mekeǥeǥehem, 
\q1 utew mekempet is baley nu. 
\q1  
\v 2 Egkesuat a utew he edhendutun! 
\q1 Mibulung ad te kedseled diyà te valey nu, He \sc Nengazen\sc*. 
\q1 Is tivuuk he ǥehinawa ku engkanta te kegkelipey tenged kenikew te uuyag he Megbevayà. 
\q1  
\v 3 \sc Nengazen\sc* he Mekeǥeǥehem, Hadì ku wey Megbevayè ku, minsan is menge maya wey is menge keluǥeyluǥey, duen dan menge salag diyà te uvey te pemuhatà, ne zutun is menge pispis dan. 
\q1  
\v 4 Utew zeyzey is menge etew he ziyà ed-upbà te valey nu; 
\q1 layun sikandan egkanta te kedalig kenikew. 
\b  
\q1  
\v 5 Utew zeyzey is menge etew he nekaangken te zesen he ebpuun diyà te kenikew, he mezesen is penganduy zan he ebisita ziyà te valey nu. 
\q1  
\v 6 Dutun te kebpekevayè dan diyà te Memaza he Suǥud, 
\q1 henduen be te neǥezam dan he zuen dutun menge serebseb, 
\q1 ne henduen be te mid-uzanan haazà su zuen dutun wahig he nengetang-el. 
\q1  
\v 7 Ne mid-iseg pa is desen dan dutun te kedhipanew zan, taman te ziyè en is kada sevaha kandan te etuvangan te Megbevayà diyà te Zion. 
\b  
\q1  
\v 8 \sc Nengazen\sc* he Megbevayà he Mekeǥeǥehem, he Megbevayà ni Jacob, pemineǥa nu is ked-ampù ku! 
\q1  
\v 9 He Megbevayà, peburi nu is kelasag dey he iyan is hadì dey he mibpilì nu. 
\q1  
\v 10 Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. 
\q1 Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung. 
\q1  
\v 11 Su sikew, is \sc Nengazen\sc* he Megbevayà, iring ka te andew he ebpeketayew, wey te kelasag he egkehimu he pengalang. 
\q1 Ebeǥey ka te pebur wey zengeg. 
\q1 Kenè nu idsekel is minsan hengkey he meupiya ziyà te nengungubpaan he wazà duen igkesawey. 
\q1  
\v 12 \sc Nengazen\sc* he Mekeǥeǥehem, utew zeyzey is edsarig diyà te kenikew. 
\c 85  
\s1 Ampù para te Keupiyaanan te Nasyun 
\q1  
\v 1 \sc Nengazen\sc*, impeehè nu is keupiya nu pinaaǥi te kebpekeveǥey te keupiyaanan te tanè nu he Israel; 
\q1 impeuswag key en maan kenikew. 
\q1  
\v 2 Mibpesaylu nu is menge salè dey; 
\q1 ne in-awè nu en diyà te isip nu. 
\q1  
\v 3 Wazè key en kenikew mepeuki. 
\b  
\q1  
\v 4 He Megbevayà he menluluwas dey, 
\q1 ilikù nu kayi te kenami is meupiya he kebpekesavuk dey. 
\q1 Iawè nu en is pauk nu kenami. 
\q1  
\v 5 Taman te taman en be is kegkepeuki nu kenami? 
\q1  
\v 6 Kenè be egkehimu ke idlikù nu kayi te kenami is meupiya he kebpekesavuk dey su wey key melipey tenged kenikew? 
\q1  
\v 7 \sc Nengazen\sc*, ipeehè nu kenami is kebmahala nu kenami ne libriya key. 
\b  
\q1  
\v 8 Ebpemineǥen ku is egkeǥiyen te \sc Nengazen\sc* he Megbevayà, 
\q1 su ibpenaad din diyà te kenitew te metinumanen he menge etew zin is meupiya he kebpekesavuk; 
\q1 emun kenè tew edlikuan is tinulebung he menge vaal tew. 
\q1  
\v 9 Tutuu iyan he edlibriyen din is menge etew he edtahud kandin su para metuusi he kemulu edterebahu is gehem din kayi te tanè tew. 
\q1  
\v 10 Ebpekeduma is gaǥew wey kebmetinumanen, 
\q1 ne ebpekeduma zaan is ketazeng wey is kelinew. 
\q1  
\v 11 Is kebmetinumanen te etew kayi te tanà ne netuenan te Megbevayà diyà te langit. 
\q1 Ne is ketazeng te Megbevayà diyà te langit egkezawat te etew kayi te tanà. 
\q1  
\v 12 Siguradu he edtuvazan kiw te \sc Nengazen\sc*, 
\q1 ne edekelà is sebpet te tanè tew. 
\q1  
\v 13 Is ketazeng iring te menunudtulà he edhuna te \sc Nengazen\sc* su ed-endamen din is ibayà te \sc Nengazen\sc*. 
\c 86  
\s1 Ampù para te Kebuyù te Tavang te Megbevayà 
\q1  
\v 1 \sc Nengazen\sc*, pemineǥa nu wey tevaka nu is ked-ampù ku su egkaayuayu a wey pubri a. 
\q1  
\v 2 Tipiǥi nu is untung ku su meheǥet is kedsunud ku kenikew. 
\q1 Iyan ka Megbevayè ku; 
\q1 luwasa a kenikew is suluǥuen nu he midsarig diyan te kenikew. 
\q1  
\v 3 Kehizuwi a, Nengazen, 
\q1 su layun a ebpengumew-umew kenikew. 
\q1  
\v 4 Lipaya a kenikew, Nengazen, 
\q1 is suluǥuen nu su ziyà a te kenikew med-ampù. 
\q1  
\v 5 Tutuu he meupiya ka wey mepineseyluwen, 
\q1 ne utew nu mibmahal is langun he ebpengumew-umew kenikew. 
\q1  
\v 6 Pemineǥa nu, \sc Nengazen\sc*, is ked-ampù ku; 
\q1 pemineǥa nu is kebpehizuhizu ku kenikew. 
\q1  
\v 7 Ebpengumew-umew a kenikew te timpu te kelised su edtevaken e man kenikew. 
\b  
\q1  
\v 8 Wazà megbevayà he iring kenikew, Nengazen; 
\q1 wazà minsan hentei he ebpekehimu te nengehimu nu. 
\q1  
\v 9 Edsimba kenikew is langun he menge etew ziyà te menge nasyun he midlimbag nu. 
\q1 Ne edeliǥen ke zan. 
\q1  
\v 10 Su mekeǥeǥehem ka, ne egkein-inuwan is menge vaal nu; 
\q1 iyan ke zà Megbevayà. 
\b  
\q1  
\v 11 Penurua a \sc Nengazen\sc* te paaǥi nu, 
\q1 ne edtumanen ku heini te kenà duwazuwa. 
\q1 Tevangi a he mehimu he utew hustu is kedtehuza ku kenikew. 
\q1  
\v 12 Nengazen he Megbevayè ku, 
\q1 edeliǥen ku sikew te kedalig he ebpuun kayi te tivuuk he ǥehinawa ku. 
\q1 Edeliǥen ku sikew te wazà pidtemanan. 
\q1  
\v 13 Su utew a kenikew mibmahal; 
\q1 midlibri a kenikew te kemetayen. 
\b  
\q1  
\v 14 He Megbevayà, edsurungen a te gelbuwen he menge etew su edhimetayan e zan. 
\q1 Mesipala sikandan ne wazè dan mekekilala kenikew. 
\q1  
\v 15 Piru sikew, Nengazen, hihizuwen ka wey veliǥeǥawen ka he Megbevayà. 
\q1 Beliǥeǥawen ka wey metinumanen, ne kenè ka melemu he egkepauk. 
\q1  
\v 16 Seǥipaa a wey kehizuwi a; 
\q1 beǥayi a te zesen nu ne libriya a is suluǥuen nu. 
\q1  
\v 17 Ipetuusi nu kayi te kediey is keupiya nu su wey mepeel-elezi is menge kuntada ku ke egkeehè dan haazà. 
\q1 Su iyan ka, \sc Nengazen\sc*, edtavang wey ebeǥey kedì te kelipey. 
\c 87  
\s1 Kedeliǥa te Jerusalem 
\q1  
\v 1-2 Midtukud te Megbevayà is inged he Zion; 
\q1 diyè din benguna te segradu he menge vuvungan. 
\q1 Lavew is kebmahala zin kayi he inged te kebmahala zin te langun he zuma he menge lugar ziyà te Israel. 
\q1  
\v 3 Meupiya is menge lalag din mehitenged kayi he inged. 
\q1  
\v 4 Ke sikandin te, “Emun idlista ku is menge nasyun he migkilala kedì, 
\q1 idragkes ku is Ehipto wey is Babilonia, 
\q1 idragkes ku zaan is Filistia, Tyre, wey Etiopia. 
\q1 Is menge etew he ebpemuun kayi he menge nasyun ed-isipen ku he hustu en he tig-Zion.” 
\b  
\q1  
\v 5 Tutuu he egkekaǥi heini mehitenged te Zion, he mahabet he menge etew is kenà tig-Zion he ed-isipen he hustu en he tig-Zion. 
\q1 Ne iyan edlig-en kayi he inged is Utew Lavew he Megbevayà. 
\q1  
\v 6 Idlista te \sc Nengazen\sc* is menge etew zin, 
\q1 ne idragkes din is menge etew he ziyà ebpemuun te zuma he menge nasyun he mid-isip din he hustu en he tig-Zion. 
\q1  
\v 7 Edsayew wey egkanta sikandan is langun, ke sikandan te, 
\q1 “Ebpuun te Zion is langun he menge tuvad kenitew!” 
\c 88  
\s1 Ampù te Ed-antus 
\q1  
\v 1 \sc Nengazen\sc*, iyan ka Megbevayà he menluluwas ku. 
\q1 Ed-umawen ku sikew te maandew wey mezukilem. 
\q1  
\v 2 Pemineǥa nu is ampù ku; 
\q1 tevaka nu is kebuyù ku te tavang. 
\q1  
\v 3 Su mahabet he menge kelised is nengeseǥazan ku, 
\q1 ne henduen be te ebpatey ad. 
\q1  
\v 4 Sevaha a zuen te menge etew he edserupatey en. 
\q1 Neiring a te etew he kenè en egketavang. 
\q1  
\v 5 Mibey-anan ad iring duen te nemematey en. 
\q1 Neiring a zuen te nemematey en he nemeketayhad diyà te leveng; 
\q1 neiring a zuen te mibpenlipatan nu en he kenè nu en egketevangan. 
\q1  
\v 6 Henduen be te intimbag a kenikew ziyà te vudsi he utew mezalem wey utew merusirem. 
\q1  
\v 7 Utew a kenikew nepeuki. 
\q1 Is pauk nu iring te menge vaǥel he neketaplì kayi te kediey. 
\b  
\q1  
\v 8 Impekeziyù nu kayi te kediey is menge emiǥu ku. 
\q1 Midhimu nu he utew mezaat is ked-ahaa zan kedì. 
\q1 Nezureng a ne kenà ad ebpekepelaǥuy. 
\q1  
\v 9 Tenged te menge elentusen ku, ne kenà ad utew ebpekaahà. 
\q1 \sc Nengazen\sc*, andew-andew is kebpengumew-umew ku kenikew duma is kebeyawa ku te menge velad ku. 
\q1  
\v 10 Wazè ka mebaal te menge egkein-inuwan para te menge nemematey en, 
\q1 ne wazà sikandan med-enew is edalig kenikew. 
\q1  
\v 11 Is gaǥew nu wey kebmetinumanen nu ne kenà egketudtul te nemematey en. 
\q1  
\v 12 Kenà egkaahà is egkengein-inuwan he menge vaal nu wey is ketazeng nu ziyà te merusirem he lugar te nemematey en, 
\q1 su zutun he lugar kenè en egketenuzan is langun. 
\q1  
\v 13 Piru siak mulà, \sc Nengazen\sc*, ne ebuyù a te tavang diyà te kenikew. 
\q1 Kada meselem ed-ampù a ziyà te kenikew. 
\q1  
\v 14 Piru maan is ed-engkezan a kenikew, \sc Nengazen\sc*? 
\q1 Maan is mid-elesan a kenikew? 
\q1  
\v 15 Puun te vatè e pa, ne nekaantus ad ne hapit ad ebpatey. 
\q1 Naantus ku is menge mekahandekhandek he mibeelan nu kayi te kediey. 
\q1  
\v 16 Is pauk nu iring te mevendes he keramag he nekeigù kayi te kediey. 
\q1 Edezeetan a kenikew pinaaǥi te mekahandekhandek he menge vaal nu, 
\q1  
\v 17 he iring te zalem he layun ebpekeliǥuy kayi te kediey; 
\q1 ne wazè ku en edlewangan. 
\q1  
\v 18 Impekeziyù nu kayi te kediey is menge minahal ku wey is menge emiǥu ku; 
\q1 ne kerusireman dà is nesamà he zuma ku. 
\c 89  
\s1 Is Kebpekid-uyun te Megbevayà ki David 
\q1  
\v 1 \sc Nengazen\sc*, layun ku egkentaha is dekelà he ǥaǥew nu. 
\q1 Ne taman te taman is kedtudtula ku te kebmetinumanen nu. 
\q1  
\v 2 Idsangyew ku he utew melig-en is gaǥew nu he wazè din pidtemanan, ne iring te langit he kenà egkaawà. 
\q1  
\v 3 Migkaǥi ka te, “Midhimu ku is kebpekid-uyun ku te suluǥuen ku he si David, he mibpilì ku he egkehimu he hadì. 
\q1 Ne iyan heini impesarig ku kandin: 
\q1  
\v 4 Is kada egkehimu he hadì te Israel ne ebpuun te menge kevuwazan nu taman te taman; 
\q1 is ginhedian nu ebpedayun te wazà pidtemanan.” 
\q1  
\v 5 \sc Nengazen\sc*, is menge ilengiten he linimbag edalig te egkein-inuwan he menge vaal nu wey te kebmetinumanen nu. 
\q1  
\v 6 Wazà minsan sevaha ziyà te langit he iring kenikew, \sc Nengazen\sc*. 
\q1 Wazà ilengiten he linimbag he igkepetug-iring kenikew. 
\q1  
\v 7 Edtehuzan ka ziyà te menge ketiǥuman te ilengiten he menge linimbag. 
\q1 Is langun he edliǥuy kenikew ne zuen dan kegkahandek kenikew. 
\q1  
\v 8 \sc Nengazen\sc* he Megbevayà he Mekeǥeǥehem, wazà minsan hentei he iring kenikew; 
\q1 mekeǥeǥehem ka wey metinumanen diyà te langun he ebeelan nu. 
\q1  
\v 9 Edumelahan nu pinaaǥi te ǥehem nu is ebpemaǥel he zaǥat; 
\q1 ibpeengked nu is dezekelà he vaǥel zin. 
\q1  
\v 10 Midezeetan nu is dekelà he langgam he si Rahab ne mibpatey heini. 
\q1 Impedsusuwey nu is menge kuntada nu pinaaǥi te ǥehem nu. 
\q1  
\v 11 Kenikew is langit wey is kelibutan; 
\q1 mibeelan nu is kelibutan wey is langun he netaǥù kayi. 
\q1  
\v 12 Mibeelan nu is dizaya wey is divavà. 
\q1 Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew. 
\q1  
\v 13 Mekeǥeǥehem ka! Utew subra is desen nu! 
\q1  
\v 14 Is kedhadì nu egkezumahan te ketazeng wey hustu he kukuman, 
\q1 wey egkezumahan daan te ǥaǥew wey kebmetinumanen. 
\q1  
\v 15 \sc Nengazen\sc*, utew zeyzey is menge etew he nemekesaǥad te melipayen he ked-ugyab tenged kenikew, 
\q1 wey nengungubpaan tenged te hizu nu. 
\q1  
\v 16 Tenged te keupiya nu kandan, layun sikandan egkelipey. 
\q1 Ne edeliǥen dan is ketazeng nu. 
\b  
\q1  
\v 17 Ebpekezantal key tenged te zesen he imbeǥey nu kenami; 
\q1 ne tenged te keupiya nu kenami ed-umanan nu is egkehimu zey. 
\q1  
\v 18 \sc Nengazen\sc*, Waǥas he Megbevayà te Israel, 
\q1 gaked nu is hadì dey he iyan kelasag dey. 
\q1  
\v 19 Dengan nekidlalag ka te metinumanen he menge suluǥuen nu pinaaǥi te kebpelawas nu kandan. 
\q1 Ke sikew te, “Midtevangan ku is sevaha he sundaru. 
\q1 Mid-aram ku sikandin puun te menge etew ku su para mehimu he hadì. 
\q1  
\v 20 Si David he suluǥuen ku, iyan mibpilì ku he hadì 
\q1 pinaaǥi te kedlenahi kandin te segradu he lana ku. 
\q1  
\v 21 Is gehem ku eduma kandin wey edlig-en kandin. 
\q1  
\v 22 Kenà sikandin egkelupiglupig te menge kuntada zin; 
\q1 ne kenà sikandin egkezaagdaag te menge lalung. 
\q1  
\v 23 Ebekbeken ku ziyà te etuvangan din is menge kuntada zin taman te ebpemematey sikandan. 
\q1  
\v 24 Ebmahalen ku sikandin wey ebpekid-uunungen a kandin. 
\q1 Ne ed-umanan ku is egkehimu zin pinaaǥi te ǥehem ku. 
\q1  
\v 25 Ibpeiseg ku is keluag te ginhedian din su edhimuwen ku he puun dà te Daǥat he Mediteraneo ne taman en te Wahig he Eufrates. 
\q1  
\v 26 Egkaǥi sikandin kayi te kediey te, ‘Iyan ka amey ku wey Megbevayè ku; 
\q1 iyan ka endilungè ku wey menluluwas ku.’ 
\q1  
\v 27 Ed-isipen ku sikandin he kinekekayan he anak ku, 
\q1 iyan sikandin lavew te langun he menge hadì. 
\q1  
\v 28 Ebpedayun is kebmahala ku kandin te wazà pidtemanan, 
\q1 ne kenà egkaawà taman te taman is kebpekid-uyun ku kandin. 
\q1  
\v 29 Is kada hadì te Israel ne ziyà ebpuun te menge kevuwazan din taman te taman. 
\q1 Ne iring te langit is ginhedian din su kenà egkaawà. 
\q1  
\v 30-31 Iyan, emun kenà edtuman is menge kevuwazan din te menge kesuǥuan ku, menge sulunuzen ku, wey menge penurù ku, 
\q1  
\v 32 edletiguwen ku sikandan te mesakit tenged te menge salè dan. 
\q1  
\v 33 Piru ebmahalen ku wey ed-unungan ku ǥihapun si David. 
\q1  
\v 34 Edtumanen ku is kebpekid-uyun ku kandin, 
\q1 wey is impesarig ku kandin. 
\q1  
\v 35 Pinaaǥi te waǥas he ngazan ku nenangdù a ziyà te ki David, 
\q1 ne kenà duwazuwa he edtumanen ku is insaad ku kandin su kenè e man teruen. 
\q1  
\v 36 Is kada hadì te Israel ne ziyà ebpuun te menge kevuwazan din taman te taman. 
\q1 Is ginhedian din iring te andew he kenà egkaawà diyà te etuvangan ku. 
\q1  
\v 37 Ebpedayun heini taman te taman su iring heini te vulan he egkeseriǥan he tistiǥus diyà te langit.” 
\b  
\q1  
\v 38 Piru, \sc Nengazen\sc*, nepeukan nu is pinilì nu he hadì; 
\q1 mid-iniyuǥan nu sikandin wey mid-engkezan nu. 
\q1  
\v 39 Wazè nu leusa te edtuman is kebpekid-uyun nu kandin te suluǥuen nu, 
\q1 ne in-awè nu is gehem te hadì diyà te kandin. 
\q1  
\v 40 Midlempag nu is menge verengbeng te inged din wey migevè nu is menge kutà kayi. 
\q1  
\v 41 Is menge azen dutun te inged din ne mibpenguwa te menge sumeseǥazà. 
\q1 Mibpeel-elezan sikandin te kesikbit din he menge nasyun. 
\q1  
\v 42 Mibeǥayan nu te zesen is menge kuntada zin; 
\q1 midlipey nu sikandan is langun. 
\q1  
\v 43 Midhimu nu he wazà pulus te menge ǥumaan din, 
\q1 ne midhimu nu he mezaag sikandin te tebek. 
\q1  
\v 44 In-awè nu ziyà te kandin is kegkemekeǥeǥehem wey is gehem te hadì. 
\q1  
\v 45 Henduen be te midtik-ew zà sikandin mebmeǥurang; 
\q1 ne mibpeel-elezan nu sikandin. 
\b  
\q1  
\v 46 Sengemenu keluǥayad is ked-eles nu \sc Nengazen\sc*? 
\q1 Taman en be te wazà pidtemanan? 
\q1 Sengemenu keluǥayad is pauk nu he henduen be te hapuy? 
\q1  
\v 47 Tentenuzi nu \sc Nengazen\sc*, he mevavè dà is untung te etew; 
\q1 tentenuzi nu he midhimu nu is etew he zuen din kemetayen. 
\q1  
\v 48 Hentei is etew he kenà ebpatey? 
\q1 Ebpekelikey ve is etew te kemetayen? 
\b  
\q1  
\v 49 Nengazen, hendei en is gaǥew nu he iring duen te nehuna, he insaad nu ziyà te ki David dengan tenged te kebmetinumanen nu? 
\q1  
\v 50 Tentenuzi nu, Nengazen, he mibpeel-elezan te menge etew ziyà te mezakel he menge nasyun is menge suluǥuen nu, 
\q1 ne ed-entusen ku heini. 
\q1  
\v 51 Iyan, is menge kuntada nu, \sc Nengazen\sc*, edsudì te pinilì nu he hadì minsan hendei sikandin ebayà. 
\b  
\q1  
\v 52 Dait he edeliǥen is \sc Nengazen\sc* te wazà pidtemanan! Amen! Amen! 
\c 90  
\s1 Is Megbevayà wey is Etew 
\q1  
\v 1 Nengazen, puun pa zengan ne ziyè key en med-ubpà te kenikew. 
\q1  
\v 2 Hein wazà nu pa limbaǥa is menge vuntud wey is kelibutan, ne Megbevayè ke en, 
\q1 ne iyan ka ǥihapun Megbevayà te wazà pidtemanan. 
\q1  
\v 3 Kenikew he vayàbayà is kemetayen te etew; 
\q1 idlikù nu sikandin diyà te tanà he iyan kes ebpuunan din. 
\q1  
\v 4 Is nengkelibu he tuig kayi te kenami ne iring dà mulà te senga andew ziyà te kenikew, 
\q1 etawa iring dà heini te nepipira zà he uras te mezukilem. 
\q1  
\v 5 Edsevukan nu te ketepusan is untung dey iring heini te teǥeinep he meǥaan dà egkahanew. 
\q1  
\v 6 Wey iring te sagbet he edreteb wey edtuvù te meselem, 
\q1 ne emun mahapun en ne egkelay-ub ne egkeǥangu en. 
\b  
\q1  
\v 7 Igkeherati zey is pauk nu; 
\q1 igkezeeti zey is rerangit nu. 
\q1  
\v 8 Neehè nu is menge salè dey. 
\q1 Minsan is meeles is kebeeli zey zuen ne nepurung nu heini maahà. 
\b  
\q1  
\v 9 Ibpatey zey is pauk nu kenami; 
\q1 ne henduen dà te naasnaas is kegketapus te untung dey. 
\q1  
\v 10 Is keluǥayad te untung dey ne 70 dà he tuig, etawa 80 he tuig emun melig-en is kedlelawa zey. 
\q1 Piru minsan pa is kineupiyahan he menge tuig te ked-ubpè dey, ne mahabet gihapun he menge keseengan wey menge kelised is egkengeseǥazan dey. 
\q1 Tutuu iyan he meǥaan dà egketapus is untung dey ne egkahanew key en. 
\b  
\q1  
\v 11 Wazè pa nekesaǥad te ipiktu te zekelà he pauk nu. 
\q1 Ne zutun te ked-iseg te keuluwanen dey te pauk nu, ne ed-iseg daan is kedtahud dey kenikew. 
\q1  
\v 12 Ipeisip-isip nu kenami he mevavè dà is untung dey, 
\q1 su para mebmetau key kayi te kebpengungubpaan dey. 
\b  
\q1  
\v 13 \sc Nengazen\sc*, sengemenu keluǥayad is kegkepeuki nu kenami? 
\q1 Seǥipaa key en wey kehizuwi key en is menge suluǥuen nu. 
\q1  
\v 14 Kada meselem ipetuusi nu kenami is kebmahala nu kenami su para mekekanta key te kedlipey, 
\q1 ne ebmelipayen key te tivuuk he untung dey. 
\q1  
\v 15 Beǥayi key kenikew te kelipey he iring keluǥayad te menge tuig te kedsiluti nu wey kebpeentusa nu kenami. 
\q1  
\v 16 Ipeehè nu kenami te menge suluǥuen nu wey te menge kevuwazan dey, is egkein-inuwan he vaal nu wey is kegkemekeǥeǥehem nu. 
\b  
\q1  
\v 17 Nengazen he Megbevayè dey, berakat he edtuvazan key kenikew, 
\q1 wey ebeǥayan key kenikew te kelempusan te langun he ebeelan dey. 
\c 91  
\s1 Is Megbevayà Edlavan Kenitew 
\q1  
\v 1 Is minsan hentei he ed-aput diyà te Utew Lavew he Megbevayà he Mekeǥeǥehem, wazà ebpekekaid kandin. 
\q1  
\v 2 Ebpekekaǥi a, ke siak te, “Is \sc Nengazen\sc*, iyan sikandin eputè ku wey melig-en he elesà. 
\q1 Iyan sikandin Megbevayè ku he edseriǥan ku.”. 
\b  
\q1  
\v 3 Emun ed-aput ka ziyà te kandin, idlikey ke zin te menge pekaid wey te ebpekepatey he menge zaru. 
\q1  
\v 4 Edlekupan ke zin iring te piyak ne wazà ebpekekaid kenikew. 
\q1 Is kebmetinumanen din iyan kelasag nu wey pengalang nu. 
\q1  
\v 5-6 Kenè ka ereg he egkahandek te mekehandekhandek he menge hitavù, 
\q1 wey te ebpenggezamen he menge zaru, wey menge vangkit he egkehitavù ke mezukilem etawa maandew. 
\q1  
\v 7 Minsan linibu pa he menge etew is ebpematey ziyà te ebpekeliǥuy kenikew, kenè ka egkemenu. 
\q1  
\v 8 Egkeehè nu zà ke ebmenmenuwen te edsilut is lalung he menge etew, ne kenè ka egkeragkes. 
\b  
\q1  
\v 9 Geina te ziyè ke man med-aput te \sc Nengazen\sc* he iyan kes Utew Lavew he Megbevayà he iyan ebpengalang kedì, 
\q1  
\v 10 umbe wazà limas etawa vangkit he ebpekezezaat kenikew wey te pemilya nu. 
\q1  
\v 11 Su edsuǥuen te Megbevayà is menge velinsuǥuen din 
\q1 te kebantey kenikew minsan hendei ka ebpevayà. 
\q1  
\v 12 Edselupepayen ke zan wey kenà mepelii is menge paa nu te menge vatu. 
\q1  
\v 13 Bà nu zà egieki is menge erimaung wey is edhereg he menge uled. 
\b  
\q1  
\v 14 Migkaǥi is Megbevayà te, “Edlibriyen ku wey edlevanan ku is mibmahal wey migkilala kedì. 
\q1  
\v 15 Emun ed-umawen e zin, ne edtevaken ku sikandin; 
\q1 emun edlised sikandin, ne eduma a kandin; 
\q1 edlibriyen ku sikandin wey ebeǥayan ku te zengeg. 
\q1  
\v 16 Ebeǥayan ku sikandin te meluǥayad he untung, 
\q1 ne ibpeehè ku kandin is kedlibriya ku kandin.” 
\c 92  
\s1 Kanta te Kedalig 
\q1  
\v 1 \sc Nengazen\sc* he Utew Lavew he Megbevayà, meupiya is kebpeselemati kenikew wey is kegkanta te menge idalig kenikew. 
\q1  
\v 2 Maandew wey mezukilem meupiya is kebpeheyaǥa te ǥaǥew nu, 
\q1  
\v 3 he ebpezumahan te kedtukari te menge instrumintu he zuen dan menge kuwirdas. 
\q1  
\v 4 Su midlipey a kenikew, \sc Nengazen\sc*, pinaaǥi te egkein-inuwan he menge vaal nu. 
\q1 Tenged te mibpemeelan nu, egkanta a te kegkelipey ku. 
\b  
\q1  
\v 5 Utew egkein-inuwi is mibpemeelan nu, \sc Nengazen\sc*! 
\q1 Kenè dey egketegkad is isip nu. 
\q1  
\v 6 Kenà egkesavut te menge tulebung wey menge taleng 
\q1  
\v 7 he minsan iring te nenuvù he menge sagbet is ked-uswag te kebpekesavuk te menge lalung, edezeetan gihapun sikandan te wazà pidtemanan. 
\q1  
\v 8 Piru sikew, \sc Nengazen\sc*, lavew ka te langun te wazè din pidtemanan. 
\q1  
\v 9 Kenà duwazuwa he ebpekedsusuwey is lalung he menge kuntada nu ne ebpemematey sikandan. 
\q1  
\v 10 Mibeǥayan a kenikew te zesen he iring te zesen te tudu he vaka, 
\q1 wey mibeǥayan a kenikew te kelipey. 
\q1  
\v 11 Nezineg ku wey neehè ku mismu is kepildiyan te lalung he menge kuntada ku. 
\b  
\q1  
\v 12 Is ked-uswag te menge metazeng igkepetug iring te meveǥas he palma, 
\q1 ne is kebpekesavuk dan igkepetug iring te kayu he sidru ziyà te Lebanon he midtuvù he melig-en. 
\q1  
\v 13 Iring sikandan te menge kayu he impemula ziyà te valey te \sc Nengazen\sc* he Megbevayè tew he meupiya is tuvù dan, 
\q1  
\v 14 he ebpemeǥas gihapun minsan meǥurang en, 
\q1 ne kemulu ǥihapun meilem wey melig-en. 
\q1  
\v 15 Ne puriba heini he metazeng is \sc Nengazen\sc* he iyan endilungè ku; 
\q1 wazà minsan hengkey he mezaat diyà te kandin. 
\c 93  
\s1 Hadì Tew is Megbevayà 
\q1  
\v 1 Hadì ka, \sc Nengazen\sc*; 
\q1 is bisti nu iyan is kegkemekeǥeǥehem nu wey is utew nu kegkelavew. 
\q1 Utew melig-en is kebenguna nu te kelibutan ne kenà heini egkehuyung. 
\q1  
\v 2 Is kedhadì nu puun pa te puunà, 
\q1 su zaan ke en hein wazè pa is kelibutan. 
\q1  
\v 3 Utew mezaǥing is daǥat, \sc Nengazen\sc*, 
\q1 ne edreǥuuk is menge vaǥel. 
\q1  
\v 4 Piru sikew is \sc Nengazen\sc* he ziyà te langit, lavew ke pa he mekeǥeǥehem te kezaǥing te zaǥat; 
\q1 lavew ke pa he mekeǥeǥehem te menge vaǥel kayi. 
\q1  
\v 5 \sc Nengazen\sc*, egkeseriǥan utew is menge suǥù nu, 
\q1 wey is kegkesegradu te baley nu te wazà pidtemanan. 
\c 94  
\s1 Is Megbevayà iyan Edhukum te Langun 
\q1  
\v 1 \sc Nengazen\sc* he Megbevayà, sikew is ebpenimales; 
\q1 ipeehè nu en is pauk nu. 
\q1  
\v 2 Iyan ka edhukum te langun he menge etew; 
\q1 umbe, sigi en, belesi nu en is menge gelbuwen te zait he ibales kandan. 
\q1  
\v 3 Sengemenu pa keluǥayad is kedlipey te menge lalung, \sc Nengazen\sc*? 
\q1  
\v 4 Utew en ebpemahambug is langun he menge etew he memezaat is baal. 
\q1  
\v 5 Edèdaaǥen dan is menge etew he ǥaked nu.  
\v 6 Mibpenhimetayan dan is menge valu he vahi, is menge ilu, wey is menge lumelengyawà. 
\q1  
\v 7 Ke sikandan te, “Kenà egkaahà te \sc Nengazen\sc* is menge vaal tew; 
\q1 kenè en heini edseǥipaan te Megbevayà ni Jacob.” 
\b  
\q1  
\v 8 Sikiyu is menge taleng wey menge tulebung, keenu kew pa ebpekesavut? 
\q1 Sevuta niw kun be heini: 
\q1  
\v 9 Kenè be is Megbevayà iyan mibaal te menge telinga tew wey menge mata tew? 
\q1 Maan is egkeǥiyen niw he kela ke kenà sikandin ebpekezineg wey ebpekaahà? 
\q1  
\v 10 Kenè be ebmensuwen din is menge nasyun? 
\q1 Maan is egkeǥiyen niw he kela ke kenà sikandin edsilut? 
\q1 Kenè be ebpenuruen din is menge etew? 
\q1 Maan is egkeǥiyen niw he kela ke kenà sikandin metau? 
\q1  
\v 11 Netuenan te \sc Nengazen\sc* he is ed-isipen te menge etew, 
\q1 ne pudu wazè din pulus. 
\b  
\q1  
\v 12 \sc Nengazen\sc*, utew zeyzey is etew he ebmensuwen nu pinaaǥi te kebpenurua nu kandin te menge kesuǥuan nu. 
\q1  
\v 13 Ebpenuruen nu sikandin su para zuen din kelinew emun timpu te kesamuk, 
\q1 wey taman en te timpu te kedsiluti nu te menge lalung. 
\q1  
\v 14 Su kenè nu ed-engkezan, \sc Nengazen\sc*, is menge etew he ǥaked nu. 
\q1  
\v 15 Siguradu he egkeuman egkehitavù is metazeng he menge kedhukum, 
\q1 ne ebpekeuyun kayi is langun he midtinazeng. 
\b  
\q1  
\v 16 Wazà duma he ebpeketavang kedì ke edsurungen a te lalung he menge etew, 
\q1 kekenà, iyan ke zà, \sc Nengazen\sc*. 
\q1  
\v 17 Emun wazà a kenikew tevangi, ne minatey ad guntaan. 
\q1  
\v 18 Hein migkaǥi a ziyà te kenikew, \sc Nengazen\sc*, he henduen be te ebpatey ad, midtevangan a kenikew su mibmahal a kenikew. 
\q1  
\v 19 Hein utew a nesemuki, midlig-enan a kenikew ne nelipey a. 
\b  
\q1  
\v 20 Kenà egkehimu he edepiǥan nu is lalung he menge menhuhusey, he ebaal te supak te kesuǥuan. 
\q1  
\v 21 Nesevaha zan te kebpekidkuntada te menge metazeng, 
\q1 ne midhukuman dan te kemetayen is wazè dan menge salà. 
\q1  
\v 22 Piru, sikew, \sc Nengazen\sc* he Megbevayè ku, iyan ka eputè ku wey endilungè ku he vatu. 
\q1  
\v 23 Edsilutan nu wey edèdeetan nu sikandan tenged te menge salè dan. 
\q1 \sc Nengazen\sc*, he Megbevayè dey, edèdeetan nu sikandan. 
\c 95  
\s1 Kanta he Idalig te Megbevayà 
\q1  
\v 1 Kuwa kew en su edlipey kiw pinaaǥi te kegkanta, 
\q1 ne ed-ugyab kiw para te \sc Nengazen\sc* he endilungè tew wey menluluwas tew. 
\q1  
\v 2 Ed-uvey kiw ziyà te kandin duma is kebpeselamat, 
\q1 ne ed-ugyab kiw is egkanta te kedeliǥa tew kandin. 
\q1  
\v 3 Su is \sc Nengazen\sc*, mekeǥeǥehem sikandin he Megbevayà. 
\q1 Mekeǥeǥehem sikandin he hadì wey lavew sikandin te langun he zuma he menge ed-ezapen. 
\q1  
\v 4 Kandin is kinezizeleman kayi te kelibutan wey is puntur te menge vuntud. 
\q1  
\v 5 Kandin daan is daǥat wey is tanà su iyan sikandin mibaal kayi. 
\b  
\q1  
\v 6 Kuwa kew en, edluhud kiw te ked-ezapa te \sc Nengazen\sc* he midlimbag kenitew. 
\q1  
\v 7 Su iyan sikandin Megbevayè tew, 
\q1 ne iyan kiw menge etew zin he mibentayan din wey mid-elimahan din iring te kebantey wey ked-elima te menge kerehidu. 
\q1 Emun egkezineg niw ǥuntaan is egkeǥiyen te Megbevayà, 
\q1  
\v 8 ne kenè niw pekezesena is gehinawa niw iring te mibeelan te menge kepuun niw zengan hein diyà sikandan te Meriba, 
\q1 wey hein diyà sikandan te sibsivayan he Masa. 
\q1  
\v 9 Migkaǥi is Megbevayà te, 
\q1 “Migezaman e zan dutun minsan pa neehè dan is tavang ku kandan. 
\q1  
\v 10 Ne seled te 40 he tuig is kegkepeuki ku zutun he lapis te kevuwazan. 
\q1 Ne migkaǥi ku he mid-iniyuǥan a zutun he menge etew ne wazè dan sunuza is impenurù ku kandan. 
\q1  
\v 11 Ne tenged te pauk ku, ne utew meheǥet is lalag ku he kenè dan ebpekeseled diyà te tanà he zutun ku pezem sikandan ibpehimeley.” 
\c 96  
\s1 Is Megbevayà iyan Utew Mekeǥeǥehem he Hadì 
\r (1 Cronica 16:23-33) 
\q1  
\v 1 Sikiyu is menge etew te tivuuk he kelibutan, 
\q1 kentahi niw te veǥu he kanta is \sc Nengazen\sc*! 
\q1  
\v 2 Kentahi niw is \sc Nengazen\sc* ne deliǥa niw sikandin. 
\q1 Tudtula niw kada andew is mehitenged te kedlibriya zin kenitew. 
\q1  
\v 3 Ipetueni niw ziyà te langun he menge etew ziyà te menge nasyun is kegkemekeǥeǥehem din 
\q1 wey is egkein-inuwan he menge vaal zin. 
\q1  
\v 4 Su mekeǥeǥehem is \sc Nengazen\sc*, ne ereg sikandin he edeliǥen. 
\q1 Dait sikandin he edtehuzen lavew te langun he zuma he menge ed-ezapen. 
\q1  
\v 5 Su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, 
\q1 piru iyan is \sc Nengazen\sc* mibaal te langit. 
\q1  
\v 6 Diyà te kandin is kegkemekeǥeǥehem wey kegkelavew, 
\q1 ne ziyà te valey zin is desen wey kekempet. 
\b  
\q1  
\v 7 Sikiyu is menge etew ziyà te menge nasyun, deliǥa niw is \sc Nengazen\sc*. 
\q1 Deliǥa niw is gehem din wey zesen din. 
\q1  
\v 8 Deliǥa niw is kegkemeǥeǥehem din, ne uwit kew te pemuhat dutun te kedseled niw ziyà te valey zin. 
\q1  
\v 9 Azap kew kandin diyà te segradu he etuvangan din. 
\q1 Sikiyu is menge etew kayi te tivuuk he kelibutan, medtahud kew kandin diyà te etuvangan din. 
\q1  
\v 10 Tudtula niw ziyà te menge nasyun is edhenduen te, “Edhadì is \sc Nengazen\sc*.” 
\q1 Melig-en is kedsevuka zin te kelibutan ne kenà heini egkewaleng. 
\q1 Edhukuman din is menge etew te kedhukum he wazà egkevintahaan. 
\q1  
\v 11-12 Medlipey is langit wey is kelibutan, 
\q1 ragkes en is daǥat, menge vevesukà, wey is langun he netaǥù kayi. 
\q1 Is langun he menge kayu ziyà te ketelunan henduen be te menge etew he ebpemenganta te kegkelipey 
\q1  
\v 13 ziyà te etuvangan te \sc Nengazen\sc*. 
\q1 Su edhendini sikandin te kedhukum te menge etew kayi te kelibutan. 
\q1 Egkezumahan te ketazeng wey ketutuanan is kedhukum din. 
\c 97  
\s1 Lavew is Megbevayà te Langun he menge Pengulu 
\q1  
\v 1 Edhadì is \sc Nengazen\sc*! 
\q1 Umbe ereg he edlipey is kelibutan, ragkes en is menge isla. 
\q1  
\v 2 Nekeliǥuy kandin is mekepal he ǥapun, 
\q1 ne egkezumahan te ketazeng wey hustu he kukuman is kedhadì din. 
\q1  
\v 3 Duen hapuy ziyà te egkehunaan din ne iyan haazà ebpekeepur te menge kuntada zin diyà te peliǥuy. 
\q1  
\v 4 Is kilat din neketayew te kelibutan. 
\q1 Ne hein naahà heini te menge etew ne mibpengerker sikandan te kegkahandek. 
\q1  
\v 5 Nengetunew is menge vuvungan he henduen be te kendilà diyà te etuvangan te \sc Nengazen\sc*, is Nengazen iyan ebayàbayà te tivuuk he kelibutan. 
\q1  
\v 6 Impahayag te langit he metazeng sikandin, 
\q1 ne naahà te langun he menge etew is kegkemekeǥeǥehem din. 
\q1  
\v 7 Egkepeel-elezan is langun he edsimba te ledawan wey is ibpegalbu zan is duma he menge ed-ezapen. 
\q1 Is langun he tarù he megbevayà edluhud te ked-azap te tutuu he Megbevayà. 
\q1  
\v 8 \sc Nengazen\sc*, nezineg te menge meǥinged te Jerusalem wey te zuma pa he menge inged diyà te Juda he edsilutan nu is menge kuntada zan, 
\q1 umbe nengelipey sikandan. 
\q1  
\v 9 Iyan ka, \sc Nengazen\sc*, Utew Lavew he Megbevayà, he ebayàbayà kayi te tivuuk he kelibutan. 
\q1 Utew ka lavew te langun he mid-isip te menge etew he menge megbevayè dan. 
\b  
\q1  
\v 10 Is menge etew he mibmahal zan is \sc Nengazen\sc* ne kinahanglan he igkeepes dan is mezaat. 
\q1 Su edtipiǥan te \sc Nengazen\sc* is untung te metinumanen he menge etew zin. 
\q1 Ne kenà ebpekezezaat kandan is menge lalung su edlibriyen din sikandan. 
\q1  
\v 11 Is keupiya te Megbevayà ne iring te andew he edsilà diyà te menge metazeng 
\q1 ne ebpekeveǥey heini te kelipey kandan. 
\b  
\q1  
\v 12 Sikiyu is menge metazeng, lipey kew tenged te mibeelan te \sc Nengazen\sc* diyà te keniyu. 
\q1 Tentenuzi niw is kegkewaǥas din pinaaǥi te kedeliǥa niw kandin. 
\c 98  
\s1 Deliǥa is Megbevayà he Meghuhukum 
\q1  
\v 1 Egkentahan tew is \sc Nengazen\sc* te veǥu he kanta, 
\q1 su egkein-inuwan is menge vaal zin! 
\q1 Pinaaǥi te kandin he keugelingen he ǥehem wey zesen, midaag din is menge kuntada tew. 
\q1  
\v 2 Impaahà te \sc Nengazen\sc* diyà te menge nasyun he midtevangan kiw zin ne mibpengelinteuwan din he mekezaag kiw. 
\q1  
\v 3 Wazè din melipati is insaad din he ebmahalen kiw zin wey ebpekid-uunungen sikandin kenitew te menge tig-Israel. 
\q1 Naahà te langun he menge etew ziyà te minsan hendei he vahin kayi te kelibutan ke mibmenumenu te Megbevayè tew is kedhimuwa zin he mekezaag kiw. 
\q1  
\v 4 Sikiyu is menge etew kayi te tivuuk he kelibutan, ugyab kew para te \sc Nengazen\sc* tenged te kegkelipey niw. 
\q1 Kanta kew he melipayen te kedalig kandin. 
\q1  
\v 5-6 Kanta kew te menge kentahan he idalig te \sc Nengazen\sc* he eduyuǥan te menge alpa, menge trumpita, wey menge vudyung. 
\q1 Ne ugyab kew te kegkelipey ziyà te etuvangan te \sc Nengazen\sc* he Hadì tew. 
\b  
\q1  
\v 7 Medlipey is kelibutan wey is langun he ed-ubpà kayi, 
\q1 ragkes en is daǥat wey is langun he netaǥù kayi. 
\q1  
\v 8 Henduen be te menge etew is menge wahig he ebpelakpak, 
\q1 ne ebperedredseey te kegkanta te kegkelipey is menge vuvungan. 
\q1  
\v 9 Egkelipey zan diyà te etuvangan te \sc Nengazen\sc* su edhendini sikandin te kedhukum te menge etew kayi te kelibutan. 
\q1 Metazeng is kedhukumi zin kandan wey wazà bintahà. 
\c 99  
\s1 Is \sc Nengazen\sc* Waǥas he Hadì 
\q1  
\v 1 Edhadì is \sc Nengazen\sc* ne ebpimpinuu sikandin diyà te pinuuwè din te kedhadì he ziyà te teliwazà te menge kirubin. 
\q1 Nehuyung is kelibutan tenged te ǥehem din; ebpengerkeren is menge etew te kezekelà te kedtahud dan kandin. 
\q1  
\v 2 Mekeǥeǥehem is \sc Nengazen\sc* he ziyà te Zion; 
\q1 iyan sikandin ebayàbayà te tivuuk he kemenmenusiyaan. 
\q1  
\v 3 Edeliǥen sikandin te menge etew su mekeǥeǥehem wey egkein-inuwan sikandin. 
\q1 Waǥas sikandin! 
\q1  
\v 4 Mekeǥeǥehem sikandin he Hadì, ne zekelà diyà te ǥehinawa zin is hustu he kukuman. 
\q1 Wazè din ibpelavi ke edhukum sikandin, 
\q1 ne metazeng wey hustu is ebeelan din diyà te Israel. 
\b  
\q1  
\v 5 Deliǥa is \sc Nengazen\sc* he Megbevayè tew. 
\q1 Ezapa niw sikandin diyà te valey zin. 
\q1 Waǥas sikandin! 
\b  
\q1  
\v 6 Si Moises wey si Aaron, dezuwa sikandan duen te menge memumuhat din dengan, 
\q1 ne si Samuel, sevaha sikandin duen te mid-ampù diyà te kandin. 
\q1 Nengumew-umew sikandan kandin ne midtavak din sikandan. 
\q1  
\v 7 Nekidlalag sikandin kandan hein diyà sikandin te mekepal he ǥapun; 
\q1 ne midtuman dan is menge penurù din wey menge sulunuzen he imbeǥey zin kandan. 
\b  
\q1  
\v 8 \sc Nengazen\sc* he Megbevayè dey, midtavak nu is menge kebpengemuyù te menge etew nu. 
\q1 Impeehè nu kandan he mepeseyluwen ka he Megbevayà minsan midsilutan nu sikandan tenged te menge salè dan. 
\b  
\q1  
\v 9 Deliǥa is \sc Nengazen\sc* he Megbevayè tew. 
\q1 Simbaha niw sikandin diyà te segradu he vuvungan he migaked din, 
\q1 su waǥas is \sc Nengazen\sc* he Megbevayè tew. 
\c 100  
\s1 Kanta te Kedalig te \sc Nengazen\sc* 
\q1  
\v 1 Sikiyu is menge etew kayi te tivuuk he kelibutan, 
\q1 ugyab kew te kegkelipey tenged te \sc Nengazen\sc*. 
\q1  
\v 2 Silbiyi niw is \sc Nengazen\sc* duma is kelipey. 
\q1 Uvey kew ziyà te kandin he egkanta te kegkelipey. 
\q1  
\v 3 Kilelaa niw he Megbevayà is \sc Nengazen\sc*! 
\q1 Iyan sikandin midlimbag kenitew, ne ǥaked kiw zin. 
\q1 Menge etew kiw zin ne iring kiw te menge kerehidu he mid-elimahan din. 
\q1  
\v 4 Seled kew ziyà te valey zin duma is kedalig wey kebpeselamat. 
\q1 Deliǥa niw wey peselemati niw sikandin. 
\q1  
\v 5 Su meupiya is \sc Nengazen\sc*; 
\q1 wazà pidtemanan te ǥaǥew zin, 
\q1 ne ebpedayun is kebmetinumanen din te taman te taman. 
\c 101  
\s1 Is Saad te Hadì 
\q1  
\v 1 \sc Nengazen\sc*, egkanta a mehitenged te ǥaǥew nu wey hustu he kukuman. 
\q1 Egkanta a te menge idalig kenikew. 
\q1  
\v 2 Ebpekevantey a para wazà igkesawey kedì. 
\q1 Keenu ke man edhendini te kediey? 
\q1 Ebpekevantey a para wazà igkesawey kedì kayi te ed-ubpaan ku. 
\q1  
\v 3 Ne kenè ku ebpesegdanen is kebpedayun te kelelalung. 
\q1 Utew ku igkeepes is menge ulaula te menge etew he ed-iniyug te Megbevayà, 
\q1 ne kenè ku ebeelan is iring keniyan. 
\q1  
\v 4 Edlikayan ku is menge etew he kulived; 
\q1 ne kenà a edtampu te kelelalung dan. 
\q1  
\v 5 Edèdeetan ku is minsan hentei he ebpendezaat te zengeg te zuma zin pinaaǥi te menge lalag din. 
\q1 Kenè ku ebey-anan is kelelalung te menge gelbuwen wey mepelevawen. 
\q1  
\v 6 Piru ibpeehè ku is keupiya ku ziyà te menge etew kayi te kenitew he menge metinumanen he edsunud te Megbevayà wey nengungubpaan he wazà igkesawey kandan. 
\q1 Ibpeubpè ku sikandan duma kedì ne edtuǥutan ku he ebpenilbi kedì. 
\q1  
\v 7 Is menge etew he limbungan wey teruen ne kenà ebpekeubpà diyà te turuǥan ku. 
\q1  
\v 8 Kada andew edèdeetan ku is lalung he menge etew kayi te kenitew. 
\q1 Ibpaawè ku sikandan kayi te inged te \sc Nengazen\sc*. 
\c 102  
\s1 Is Ked-ampù te Etew he zuen Din Elentusen 
\q1  
\v 1 \sc Nengazen\sc*, pemineǥa nu is ampù ku. 
\q1 Pemineǥa nu en is kebuyù ku te tavang diyà te kenikew. 
\q1  
\v 2 Kenà a kenikew elesi zutun te timpu te kelised ku. 
\q1 Pemineǥa a emun ebpengumew a kenikew, 
\q1 ne segugunà a tevaka. 
\q1  
\v 3 Su is untung ku meǥaan dà egkaawà iring te evel; 
\q1 is lawa ku ne henduen be te edtutungen. 
\q1  
\v 4 Henduen ad te sagbet he neǥangu su migkires ad. 
\q1 Ne naawè en is gana ku te kegkaan 
\q1  
\v 5 tenged te egkeǥezam ku ebpekezag-es a. 
\q1 Henduen be te tulan e zà wey lundis. 
\q1  
\v 6 Sebsevaha ku zà, henduen a te seǥuksuk diyà te sibsivayan. 
\q1 Henduen a te ekang diyà te mid-ewaan en su egkeregdas en he vinelayan. 
\q1  
\v 7 Kenà a ebpekelipezeng; iring a te tagbis he sebsevaha zin diyà te atep te valey. 
\q1  
\v 8 Layun a ebpeel-elezi te menge kuntada ku. 
\q1 Edsudien e zan ne egemiten dan he petug-iring is mezaat he kebpekesavuk ku emun edrewakan dan is duma. 
\q1  
\v 9 Edsudien e zan su wazè ku en kaankaan, 
\q1 ne ebpekezuzungul e zà diyà te avu is edsineǥew 
\q1  
\v 10 tenged te utew nu kegkepeuki kedì. 
\q1 Edsudien e zan su ǥeina te iring a te vesura he mid-amì nu ne intimbag nu. 
\q1  
\v 11 Is untung ku iring te alung he meǥaan dà egkaawà diyà te nesevukan din. 
\q1 Wey iring a te sagbet he neǥangu. 
\b  
\q1  
\v 12 Piru sikew mulà, \sc Nengazen\sc*, edhadì ka te wazà pidtemanan; 
\q1 edtentenuzan ka te menge etew taman te taman. 
\q1  
\v 13 Andam en is hizu nu para te Zion, 
\q1 su neume en is midtelaan he timpu he zutun ibpeehè nu is keupiya nu para te Zion. 
\q1  
\v 14 Su heini he inged mibmahal ǥihapun te menge etew nu he menge suluǥuen nu minsan pa te nezeetan en heini. 
\b  
\q1  
\v 15 Is menge meǥinged diyà te menge nasyun, edtahud dan te \sc Nengazen\sc*; 
\q1 is langun he menge hadì kayi te kelibutan edtahud diyà te etuvangan din. 
\q1  
\v 16 Su ed-umanan ebenguna te \sc Nengazen\sc* is Zion; 
\q1 ne ibpeehè din is mekeǥeǥehem he kebpekiduma zin. 
\q1  
\v 17 Edtevaken din is ampù te menge mekehizuhizu; 
\q1 kenè din ebpekewezaan is ked-ampù dan. 
\b  
\q1  
\v 18 Isurat heini para te huziyan he menge lapis te menge kevuwazan, 
\q1 su para mezalig dan is \sc Nengazen\sc*: 
\q1  
\v 19 Puun diyà te segradu he lugar he iyan is langit, edtengtengan te \sc Nengazen\sc* is kelibutan, 
\q1  
\v 20 su para mezineg din is dag-es te menge etew zin he menge vinihag 
\q1 ne wey zin melibri is menge etew zin he ebpenhimetayan. 
\q1  
\v 21 Ne tenged kayi, idsangyew ziyà te Zion he iyan is inged he Jerusalem is menge mibeelan te \sc Nengazen\sc*, 
\q1 ne zutun he inged sikandin edeliǥa. 
\q1  
\v 22 Egkeulaula heini emun edtiǥum en dutun is menge etew he ebpemuun diyà te menge nasyun wey menge ginhedian te ked-azap te \sc Nengazen\sc*. 
\b  
\q1  
\v 23 Wazè pa meepus is untung ku, ne impemeluya ad te \sc Nengazen\sc*; 
\q1 impemevavè din is untung ku. 
\q1  
\v 24 Umbe, midhangyù a ziyà te kandin, ke siak te, 
\q1 “He Megbevayè ku he wazà pidtemanan te untung din, kenè nu en dèpa kuwaa is untung ku te kenè e pa meǥurang. 
\q1  
\v 25 Dengan mibeelan nu is kelibutan wey is langit. 
\q1  
\v 26 Egkengahanew heini piru ebpedayun ka mulà. 
\q1 Ebmerunut is langun iring te visti. 
\q1 Wey iring daan te visti, ne ed-ilisan nu wey egkengahanew zan. 
\q1  
\v 27 Piru sikew mulà, ne iyan ke zed gihapun; 
\q1 wazè nu ketepusan. 
\q1  
\v 28 Is menge kevuwazan te menge etew nu he menge suluǥuen nu, ne kenà sikandan egkengezeetan te vangkit ne ebentayan nu sikandan.” 
\c 103  
\s1 Is Gaǥew te \sc Nengazen\sc* 
\q1  
\v 1 Ereg he edeliǥen ku is \sc Nengazen\sc*. 
\q1 Edeliǥen ku is kegkewaǥas din seled te tivuuk he untung ku. 
\q1  
\v 2 Ereg he edeliǥen ku is \sc Nengazen\sc*, 
\q1 ne kenè ku edlipatan is keupiya zin. 
\q1  
\v 3 Mibpesaylu zin is langun he menge salè ku, 
\q1 wey neulian is langun he menge zaru ku tenged te kebewii zin kedì. 
\q1  
\v 4 Midlibri e zin te kemetayen, 
\q1 ne midtuvazan e zin tenged te kebmahala zin wey kegkehizuwi zin kedì. 
\q1  
\v 5 Kayi te kebpengungubpaan ku, mahabet is menge keupiyaanan he imbeǥey zin kedì, 
\q1 ne mezesen a iring te vanug su henduen be te kenà egkaawà kayi te kedì is kengunguhezi. 
\b  
\q1  
\v 6 Edepiǥan te \sc Nengazen\sc* is menge edèdaaǥen emun edhukum sikandin, 
\q1 ne ibeǥey zin kandan is hustu he kukuman. 
\q1  
\v 7 Impezayag din diyà te ki Moises is paaǥi zin, 
\q1 wey impeehè din te menge tig-Israel is mekeǥeǥehem he menge vaal zin. 
\q1  
\v 8 Hihizuwen sikandin, beliǥeǥawen sikandin, ebmahal sikandin, ne kenà sikandin melemu he egkepauk. 
\q1  
\v 9 Kenà ebpedayun is kedsewaya zin kenitew, 
\q1 wey kenà taman te taman is pauk din. 
\q1  
\v 10 Wazè kiw zin siluti te silut he zait te menge salè tew. 
\q1 Wazè kiw zin belesi te sungkad te kelelalung tew. 
\q1  
\v 11 Is kezekelà te mid-elangan te langit wey tanà, 
\q1 ne iyan daan kezekelà te kebmahala zin te menge edtahud kandin. 
\q1  
\v 12 Ke sengemenu keziyù is edsilaan diyà te edsenlepan, 
\q1 iyan daan kebpekeziyua zin kenitew puun te menge salè tew. 
\q1  
\v 13 Is amey hihizuwen te menge anak din, 
\q1 ne iring din ded daan is \sc Nengazen\sc* su hihizuwen te menge edtahud kandin. 
\q1  
\v 14 Su netuenan din ke mibmenumenu kiw zin te ebaal. 
\q1 Ne edtentenuzan din he mibeelan kiw zin he ebpuun diyà te eliyavuk. 
\b  
\q1  
\v 15 Is untung tew te menge etew ne iring te sagbet. 
\q1 Ed-uswag kiw wey edekelà iring te ebpengevukad he vulak diyà te sibsivayan. 
\q1  
\v 16 Ne edhiyupen te keramag heini is kevukad, 
\q1 ne egketazin heini ne kenè en egkaahà. 
\b  
\q1  
\v 17-18 Piru wazà ketepusan te kebmahala te \sc Nengazen\sc* te menge etew he edtahud kandin, menge edtuman te kebpekid-uyun din, wey menge edtanudtanud te kedtuman te menge suǥù din. 
\q1 Ne is kebpurungi zin kandan ebpedayun pehendiyà en te menge kevuwazan dan. 
\b  
\q1  
\v 19 Insavuk te \sc Nengazen\sc* diyà te langit is pinuuwè din te kedhadì, 
\q1 ne edhedian din is langun. 
\q1  
\v 20 Deliǥa niw is \sc Nengazen\sc*, 
\q1 sikiyu is mekeǥeǥehem he menge velinsuǥuen he ebpemineg wey edtuman te menge lalag din. 
\q1  
\v 21 Deliǥa niw is \sc Nengazen\sc*, 
\q1 sikiyu is langun he ilengiten he menge linimbag he ebpenilbi kandin wey edtuman te egkesuatan din. 
\q1  
\v 22 Deliǥa niw is \sc Nengazen\sc*, 
\q1 sikiyu is langun he menge linimbag he ziyà te langun he menge lugar su zizalem heini te keǥehem din. 
\b  
\q1 Ereg he edeliǥen ku is \sc Nengazen\sc*. 
\c 104  
\s1 Is Kedeliǥa te Megbevayà he Nenlimbag 
\q1  
\v 1 Ereg he edeliǥen ku is \sc Nengazen\sc*. 
\b  
\q1 \sc Nengazen\sc* he Megbevayè ku, mekeǥeǥehem ka iyan. 
\q1 Is kezekelà te zengeg nu wey is kegkelavew nu, menge kineiya heini he insun-ud nu iring te visti. 
\q1  
\v 2 Midtembunan nu is keugelingen nu te kerayag he henduen be te visti, 
\q1 ne indempas nu is langit he henduen be te tulda. 
\q1  
\v 3 Mibangun nu is ubpeey nu ziyà te zivavew pa te kewkewangan. 
\q1 Ne iyan midhimu nu he menge kerwahi nu is menge ǥapun, 
\q1 ne ed-untud ka he egkeuwit te keramag. 
\q1  
\v 4 Midhimu nu he menge menunudtulè nu is keramag, 
\q1 ne menge suluǥuen nu is menge kilat. 
\q1  
\v 5 Impelastar nu is kelibutan diyà te nesevukan din, 
\q1 ne kenà heini egkewaleng taman te taman. 
\q1  
\v 6 Iring te manggad is wahig he intambun nu te kelibutan, 
\q1 ne nesapal is menge vuvungan. 
\q1  
\v 7 Tenged te mezaǥing he mandar nu mid-awà is wahig. 
\q1  
\v 8 Ne midtudà heini ziyà te menge vuvungan wey menge suǥud, 
\q1 wey ziyà te zuma pa he menge lugar he in-andam nu para kandan. 
\q1  
\v 9 Duen menge taltal he insavuk nu para zutun dà sikandan taman, 
\q1 su para kenè dan en meumani mesapal is kelibutan. 
\q1  
\v 10 Ne impetudè nu is menge serebseb diyà te menge zal-ug, 
\q1 ne midtudà is menge wahig diyà te pid-elangan te menge vuvungan. 
\q1  
\v 11 Umbe, is langun he menge leew he langgam, ragkes en is leew he menge asnu, nekeinum kayi. 
\q1  
\v 12 Ne ziyà te uvey zutun te menge wahig, midsesalag is menge tagbis diyà te subpang te menge kayu ne henduen be sikandan te ebpemenganta. 
\b  
\q1  
\v 13 Ne ebpuun diyà te ubpeey nu he langit, mibpeuzanan nu is menge vuntud. 
\q1 Ne tenged kayi te vaal nu nekezawat te tuvad nu is kelibutan. 
\q1  
\v 14 Impetuvù nu is menge sagbet he para te menge leew wey menge uyaǥen, 
\q1 wey is menge pinemula he para te menge etew su wey zan mekekaan te menge abut kayi. 
\q1  
\v 15 Duen binu he ebpekelipey kandan, 
\q1 duen lana he ibmesinew te zagwey zan, 
\q1 wey zuen keenen he ebpekepezesen te lawa zan. 
\q1  
\v 16 Nepurungan mevinyaǥi is menge kayu nu he sidru ziyà te Lebanon, 
\q1 he iyan ka nenguney nemula zuen. 
\q1  
\v 17 Ne zutun mebpenesalag is menge tagbis; 
\q1 is menge tagbis he dugwak he ebpenesalag diyà te kayu he abitu. 
\q1  
\v 18 Is leew he menge kambing diyà ebpen-ubpà te metikang he menge vuntud, 
\q1 ne sikan is menge badir ziyà ebpen-eles te menge vatu. 
\b  
\q1  
\v 19 Mibeelan nu is bulan he para tuus te timpu; 
\q1 ne ibpesanlep nu is andew te hustu he timpu. 
\q1  
\v 20 Mibeelan nu is kerusireman; 
\q1 ne emun mezukilem ebpemenggawas is mahabet he menge langgam diyà te ketelunan. 
\q1  
\v 21 Edhiniǥer is menge erimaung emun ebpen-ahà sikandan te egkekaan dan he inteǥana nu kandan. 
\q1  
\v 22 Ne emun edsilè en is andew, ne edlikù sikandan diyà te elesè dan ne zutun dan ebpemenleku. 
\q1  
\v 23 Ne is menge etew ebpemenggawas diyà te menge valey zan su edterebahu zan taman te egkesakep. 
\b  
\q1  
\v 24 \sc Nengazen\sc*, utew mahabet is mibpemeelan nu. 
\q1 Mibeelan nu heini is langun pinaaǥi te ketau nu. 
\q1 Nepenù is kelibutan te menge mibeelan nu. 
\q1  
\v 25 Is daǥat utew subra is keluag din, 
\q1 ne kenà egkevilang is menge linimbag nu he ebpen-ubpà kayi, dekelà se zeisey. 
\q1  
\v 26 Ebiyahi kayi is menge varku he ebpemenlikùlikù, 
\q1 ne is dragun he Leviatan he linimbag nu ne ed-en-enunung kayi te zaǥat. 
\q1  
\v 27 Is langun he uuyag he menge linimbag edsarig te kebeǥayi nu kandan te keenen te timpu te kegkinehenglana zan kayi. 
\q1  
\v 28 Mibeǥayan nu sikandan te egkekaan dan, 
\q1 ne migkaan dan haazà ne nengahantey sikandan. 
\q1  
\v 29 Iyan, ke ebey-anan nu sikandan, ne egkengehandek dan; 
\q1 emun id-awè nu is gehinawa zan, ne ebpematey sikandan ne ebpekelikù sikandan diyà te tanà he iyan ebpuunan dan. 
\q1  
\v 30 Egkeuyag sikandan emun ebeǥayan nu sikandan te ǥehinawa. 
\q1 Iyan heini paaǥi te kebmahabet te uuyag he menge linimbag kayi te kelibutan. 
\b  
\q1  
\v 31 Berakat he ebpedayun is gehem nu, \sc Nengazen\sc*, te wazà pidtemanan. 
\q1 Berakat he igkelipey nu is mibpemeelan nu. 
\q1  
\v 32 Emun edtengtengan nu is kelibutan, ne egkehuyung heini. 
\q1 Ne emun edsemsamen nu is buntud, ne ed-evel heini. 
\q1  
\v 33 Egkentahan ku is \sc Nengazen\sc* seled te tivuuk he untung ku. 
\q1 Egkentahan ku te menge kedalig is Megbevayè ku te uuyag e pa. 
\q1  
\v 34 Berakat he igkelipey zin is kebpurunga ku ked-is-isipa kayi te langun. 
\b  
\q1 Igkelipey ku is \sc Nengazen\sc*. 
\q1  
\v 35 Iyan, is menge lalung wey mekesesalà edèdeetan kayi te kelibutan ne egkengahanew sikandan. 
\q1 Ereg he edeliǥen ku is \sc Nengazen\sc*. 
\b  
\q1 Deliǥa is \sc Nengazen\sc*! 
\c 105  
\s1 Is Megbevayà wey is menge Keet-etawan Din 
\r (1 Cronica 16:8-22) 
\q1  
\v 1 Peselemati niw is \sc Nengazen\sc*; 
\q1 simbaha niw sikandin! 
\q1 Tudtula niw ziyà te menge etew is menge vaal zin. 
\q1  
\v 2 Kentahi niw sikandin te menge kedalig; 
\q1 ipenudtul niw is langun he egkein-inuwan he menge vaal zin. 
\q1  
\v 3 Deliǥa niw is kegkewaǥas din. 
\q1 Kelipey kew is midangep diyà te kandin. 
\q1  
\v 4 Sarig kew te \sc Nengazen\sc* wey te zesen din. 
\q1 Layun kew zangep diyà te kandin. 
\q1  
\v 5-6 Sikiyu is menge pinilì te Megbevayà wey kevuwazan ni Abraham he suluǥuen te Megbevayà, wey menge kevuwazan daan ni Jacob, 
\q1 tentenuzi niw is egkein-inuwan he menge paaǥi zin, 
\q1 wey is egkein-inuwan he menge vaal zin, wey is menge kedhukum din. 
\q1  
\v 7 Iyan sikandin kes \sc Nengazen\sc* he Megbevayè tew, 
\q1 ne edhukuman din is tivuuk he kelibutan. 
\q1  
\v 8 Edtentenuzan din layun is kebpekid-uyun din. 
\q1 Kenè din edlipatan is menge saad din taman te taman 
\q1  
\v 9 Heini is kebpekid-uyun din, midhimu zin diyà te ki Abraham ne insaad din daan diyà te ki Isaac. 
\q1  
\v 10 Ne impelaus din heini he kebpekid-uyun din diyà te ki Jacob, he migngezanan daan ki Israel, 
\q1 ne heini is kebpekid-uyun din ebpedayun te taman te taman. 
\q1  
\v 11 Migkaǥi sikandin diyà te kada sevaha kandan te, 
\q1 “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.” 
\b  
\q1  
\v 12 Dengan deisey zà is menge etew te Megbevayà, 
\q1 ne menge lumelengyawè pa sikandan diyà te tanà he Canaan. 
\q1  
\v 13 Midhalinhalin sikandan diyà te menge nasyun wey menge ginhedian. 
\q1  
\v 14 Piru wazà medtuǥut is Megbevayà he edèdaaǥen sikandan. 
\q1 Para mepengelangi sikandan, midawey zin is menge hadì he ebpekigkuntada kandan. 
\q1 Migkaǥi sikandin te, 
\q1  
\v 15 “Kenè niw kevuta is pinilì ku he menge suluǥuen; 
\q1 kenè niw pesipelahi is menge ebpeneuven ku.” 
\b  
\q1  
\v 16 Mibpengelinteuwan te Megbevayà he mehitavù is bitil ziyà te Canaan. 
\q1 Mid-amin din kuwaa is langun he keuyaǥan dan. 
\q1  
\v 17 Piru zaan he impehuna zin diyà te Ehipto si Jose su wey metevangi sikandan. 
\q1 Dutun he timpu uripen si Jose su imbelegyà sikandin. 
\q1  
\v 18 Migkedinahan is menge paa zin ne midsuupan is lieg din te putew, 
\q1  
\v 19 taman te netuman is midtagnè din. 
\q1 Is netuman he lalag te \sc Nengazen\sc* diyà te kandin kemetuuzan he metazeng sikandin. 
\q1  
\v 20 Impaawà sikandin diyà te pirisuwan te hadì diyà te Ehipto he nengulu te mahabet he menge etew. 
\q1  
\v 21 Ne impezumala kandin duen te hadì is turuǥan din wey is langun he menge azen din. 
\q1  
\v 22 Ne ǥeine te iyan sikandin edumalà, ne zuen din keǥehem te kedawey te menge upisyal te hadì wey te kebpenurù te menge sumesambag te hadì. 
\b  
\q1  
\v 23 Ne midhendiyà ensi Jacob te Ehipto he iyan kes tanà te menge kevuwazan ni Ham, 
\q1 ne mid-ubpà sikandan dutun he menge lumelengyawà. 
\q1  
\v 24 Ne impemezakel te \sc Nengazen\sc* is menge etew zin; 
\q1 ne egkereǥenan he edaag kandan is menge tig-Ehipto he menge kuntada zan. 
\q1  
\v 25 Ne intuǥut te \sc Nengazen\sc* he meepesi wey limbungi te menge tig-Ehipto is menge etew zin he menge suluǥuen din. 
\q1  
\v 26 Ne zutun midsuǥù din si Moises he suluǥuen din wey si Aaron he pinilì din. 
\q1  
\v 27 Ne impeehè dan diyà te tanà te menge kevuwazan ni Ham is egkein-inuwan he menge vaal te Megbevayà. 
\q1  
\v 28 Impemerusirem te Megbevayà is Ehipto; 
\q1 piru midsupak gihapun te menge tig-Ehipto is menge suǥù din kandan. 
\q1  
\v 29 Midhimu zin he lengesa is menge wahig dan, 
\q1 umbe nemematey is menge isdà. 
\q1  
\v 30 Utew migerabi is bakbak diyà te tanè dan, 
\q1 ne minsan is menge ruǥu te menge pengulu midselezan te utew gerabi he vakbak. 
\q1  
\v 31 Pinaaǥi te suǥù te Megbevayà, duen utew gerabi he langew wey kutu ziyà te tanè dan. 
\q1  
\v 32 Ne wazè din ipeuzan, kekenà, impepenggiyew zin wey impepengilat din dutun te tanè dan. 
\q1  
\v 33 Mibpendezeetan din is menge pinemula zan he paras wey menge kayu he igira, wey zuma pa he menge kayu. 
\q1  
\v 34 Pinaaǥi te suǥù din, nekeuma is utew gerabi he terapan he kenè en egkevilang. 
\q1  
\v 35 Ne migkaan kayi is langun he menge pinemula ziyà te tanè dan ragkes en is menge abut dan. 
\q1  
\v 36 Mibpenhimetayan te Megbevayà is langun he kinekekayan he menge anak dan he maama. 
\b  
\q1  
\v 37 Ne impeǥawas din is menge tig-Israel puun te Ehipto, 
\q1 ne wazà sikandan memenu, kekenà, nekeuwit dan pa te menge pelata wey menge vulawan. 
\q1  
\v 38 Nengelipey is menge tig-Ehipto te ked-awà te menge tig-Israel, 
\q1 su ǥeina te nahandek dan kandan. 
\q1  
\v 39 Dutun te timpu te kedhipanew te menge tig-Israel, midsavuk is Megbevayà te ǥapun su para melembungi sikandan wey hapuy he ebpeketayew kandan emun mezukilem. 
\q1  
\v 40 Mibuyù dan te keenen, 
\q1 ne mibpeuwitan din sikandan te menge piyuǥù, 
\q1 ne midhantey zin sikandan te keenen he ebpuun te langit. 
\q1  
\v 41 Mid-ebriyan din is batu ne migawas is wahig. 
\q1 Ne neiring heini te wahig he edtudà su midtudà heini pehendiyà te disirtu. 
\q1  
\v 42 Ne mibeelan heini te Megbevayà is langun su wazè din lipati sikan is insaad din diyà te ki Abraham te suluǥuen din. 
\q1  
\v 43 Impeǥuwè din puun te Ehipto he melipayen wey ebpemen-ugyab te kegkelipey is menge etew he pinilì din. 
\q1  
\v 44 Ne imbeǥey zin kandan is tanà te zuma he menge etew; 
\q1 ne nesunud dan is hineǥuan te zuma. 
\q1  
\v 45 Midhimu heini te Megbevayà su para tumana zan is menge sulunuzen he ibpesunud din wey kesuǥuan din. 
\q1 Deliǥa is \sc Nengazen\sc*! 
\c 106  
\s1 Is Kebpurungi te Megbevayà te menge Etew Zin 
\q1  
\v 1 Deliǥa is \sc Nengazen\sc*! 
\q1 Peselemati sikandin su meupiya sikandin; 
\q1 wazà pidtemanan te ǥaǥew zin. 
\q1  
\v 2 Wazà minsan hentei he wazà kurang te kedseysaya zin wey kedeliǥa zin te nezumahan te ǥehem he menge vaal te \sc Nengazen\sc*. 
\q1  
\v 3 Utew zeyzey is etew he ebaal te hustu wey metazeng seled te langun he timpu. 
\b  
\q1  
\v 4 \sc Nengazen\sc*, elin a kenikew tentenuzi emun edtevangan nu is menge etew nu; 
\q1 ne libriya a zaan ke edlibriyen nu sikandan, 
\q1  
\v 5 su wey e zaan mekesaǥad te keuswagan te pinilì nu he nasyun, 
\q1 su wey e zaan mekaambit te kelipey zan ne ebpekezalig a kenikew duma kandan. 
\q1  
\v 6 Nekesalè key iring te menge kepuun dey; 
\q1 utew mezaat is mibeelan dey. 
\q1  
\v 7 Hein diyà te Ehipto is menge kepuun dey, wazè dan seǥipaa is egkein-inuwan he menge vaal nu. 
\q1 Wazè dan tentenuzi is kepipira nu ipaahà kandan he kebmahala nu kandan, 
\q1 ne midsukul zan kenikew hein diyè dan te Zaǥat he Meriǥà. 
\q1  
\v 8 Piru midlibri nu sikandan para te zengeg nu wey te kebpaahà kandan te ǥehem nu. 
\b  
\q1  
\v 9 Midsuǥù te \sc Nengazen\sc* is Daǥat he Meriǥà he medtevì su wey meluwisi is egkezalandalan he tanà; 
\q1 ne migiyahan din sikandan te kedlayun dutun te zaǥat he iring te ziyè dan medhipanew te disirtu. 
\q1  
\v 10 Midlibri zin sikandan puun te ǥehem te menge kuntada zan. 
\q1  
\v 11 Ne nekedlikuey is wahig ne nengelened is menge kuntada zan 
\q1 ne wazà minsan sevaha he nelibri kandan. 
\q1  
\v 12 Umbe, midtuuwan dan is menge saad din ne migkanta zan te kedalig kandin. 
\q1  
\v 13 Piru meǥaan dà ne nelipatan dan en is mibeelan din, 
\q1 ne wazè en sikandan medtaǥad te sambag din. 
\q1  
\v 14 Migezaman dan is Megbevayà hein diyà sikandan te sibsivayan tenged te utew zan kegkesuat te keenen. 
\q1  
\v 15 Umbe, imbeǥey zin kandan is mibuyù dan, 
\q1 piru impaaǥi zin daan diyà te kandan is daru he inmeluya zan. 
\b  
\q1  
\v 16 Diyà te kampu zan diyà te sibsivayan nesina sikandan ki Moises wey ki Aaron. Si Aaron mibpili he ebpenilbi te \sc Nengazen\sc*. 
\q1  
\v 17 Umbe, mibeka is tanà ne neulug dutun si Datan wey si Abiram wey is menge pemilya zan. 
\q1  
\v 18 Wey zuen daan hapuy he midtutung duen te menge sumusunud kandan he menge lalung daan. 
\b  
\q1  
\v 19 Hein diyà te Horeb is menge Israilihanen mibaal zan te vulawan he vaka ne mid-azap dan haazà. 
\q1  
\v 20 Inliwè dan dà is mekeǥeǥehem he Megbevayè dan te ledawan te tudu he vaka he ebpenabtab dà te sagbet. 
\q1  
\v 21-22 Midlipatan dan is Megbevayà he midlibri kandan wey mibaal te mekeǥeǥehem wey egkein-inuwan he menge vaal ziyà te Ehipto he tanà te menge kevuwazan ni Ham, wey sikan is baal zin diyà te Zaǥat he Meriǥà. 
\q1  
\v 23 Edezeetan en pezem te Megbevayà is menge etew zin ke wazà mebpeteliwazà si Moises is suluǥuen din he midhangyù he eǥena zin is pauk din ne kenè din leusa te edezaat sikandan. 
\q1  
\v 24 Ne wazè pa sikandan medseled duen te meupiya he tanà su wazè dan medtuu te saad te Megbevayà. 
\q1  
\v 25 Mibegulbul sikandan diyà te menge tulda zan, 
\q1 ne wazè dan mebpezumazuma te \sc Nengazen\sc*. 
\q1  
\v 26 Umbe, nenangdù is Megbevayà he ebpenhimetayan din sikandan dutun te sibsivayan, 
\q1  
\v 27 ne ibpeyapat din is menge kevuwazan dan diyà te zuma he menge nasyun, 
\q1 ne zutun sikandan ebpematey. 
\b  
\q1  
\v 28 Ne mibpevayàbayà sikandan te ed-ezapen he si Baal ziyà te Buvungan te Peor, 
\q1 ne migkaan sikandan te impemuhat diyà te menge minatey. 
\q1  
\v 29 Midhimu zan is igkepauk te \sc Nengazen\sc* he iyan is mezaat he menge vaal zan, 
\q1 umbe nehitavù diyà te kandan is bangkit. 
\q1  
\v 30 Piru mibpeteliwazà si Finehas, 
\q1 umbe neengked haazà is bangkit. 
\q1  
\v 31 Mid-isip si Finehas he metazeng dutun te mibeelan din, 
\q1 ne edtentenuzan heini te menge etew taman te taman. 
\b  
\q1  
\v 32 Ne hein diyè daan is menge Israilihanen te serebseb te Meriba, midhimu zan gihapun is igkepauk te \sc Nengazen\sc*, 
\q1 ne utew ingkesemuki ni Moises is menge vaal zan. 
\q1  
\v 33 Tenged te midhimu zan is ibmezaat te isip ni Moises, ne nekekaǥi sikandin te menge lalag he kenè din pezem ereg he egkeǥiyen. 
\b  
\q1  
\v 34 Wazà penhimetayi te menge Israilihanen is menge etew ziyà te Canaan he iyan pezem insuǥù kandan te \sc Nengazen\sc*. 
\q1  
\v 35 Nekidsevaha pa ganì sikandan te menge tig-Canaan, 
\q1 ne mid-iring dan te vetasan kayi he menge etew. 
\q1  
\v 36 Mid-azap dan is menge ed-ezapen kayi he menge etew, ne iyan haazà nekeveǥey kandan te kezeetan. 
\q1  
\v 37 Impemuhat dan is menge anak dan diyà te menge mezaat he mulin-ulin 
\q1  
\v 38 he menge ed-ezapen te menge tig-Canaan. 
\q1 Ne tenged dutun te kebpenhimetayi zan te menge anak dan he wazè pa hanew, 
\q1 midremerikan dan is tanà he Canaan, 
\q1  
\v 39 wey ragkes en daan is keugelingen dan. 
\q1 Ne heeyan is baal zan, iyan paaǥi te kedluivi zan te Megbevayà, 
\q1 iring dan te vahi he midselselaan din is esawa zin. 
\q1  
\v 40 Umbe, nepeukan te \sc Nengazen\sc* is menge etew he ǥaked din, 
\q1 ne ingkeremerik din sikandan. 
\q1  
\v 41 Imbeǥey zin sikandan diyà te menge nasyun he menge kuntada zan, 
\q1 ne nezizalem sikandan te keǥehem dan. 
\q1  
\v 42 Midaagdaag sikandan wey mid-uripen te menge kuntada zan. 
\q1  
\v 43 Kemezakel en sikandan libriya te Megbevayà, 
\q1 piru mibpedayun sikandan te kedsupak kandin, 
\q1 umbe midezeetan sikandan tenged te salè dan. 
\q1  
\v 44 Piru ebpemineǥen gihapun sikandan te Megbevayà ke ebpengumew zan, 
\q1 ne edtevangan din gihapun sikandan te menge kelised dan. 
\q1  
\v 45 Midtentenuzan te Megbevayà is kebpekid-uyun din kandan, 
\q1 ne tenged te utew zin kebmahala kandan, nahalin is isip din ne kenè din en sikandan edsilutan. 
\q1  
\v 46 Ne mibpengelinteuwan din he mehizuwi sikandan te menge mibihag kandan. 
\b  
\q1  
\v 47 Libriya key, \sc Nengazen\sc* he Megbevayè dey, 
\q1 ne kuwaa key puun te zuma he menge nasyun. 
\q1 Ne umana key tiǥuma ziyà te tanè dey, 
\q1 su para mekepeselamat key wey mekezalig key te kegkewaǥas nu. 
\q1  
\v 48 Edeliǥen is \sc Nengazen\sc* he Megbevayà te Israel te wazà pidtemanan. 
\q1 Is langun he menge etew edtavak te, “Amen!” 
\b  
\q1 Deliǥa is \sc Nengazen\sc*! 
\c 107  
\s1 Is Kedalig te Keupiya te Megbevayà 
\q1  
\v 1 Peselemati is \sc Nengazen\sc*, su meupiya sikandin; 
\q1 wazà pidtemanan te ǥaǥew zin. 
\q1  
\v 2 Keǥiya niw heeyan, sikiyu is midlibri zin te kezeetan he ebeelan te menge kuntada niw. 
\q1  
\v 3 Su midtigum kew zin puun te menge tanà diyà te edsilaan, edsenlepan, dizaya, wey zivavà. 
\b  
\q1  
\v 4 Duen menge etew he nengetazintazin diyà te sibsivayan; 
\q1 kenè dan egketuredu is beyeey pehendiyà te inged he egkehimu he egkeubpaan dan. 
\q1  
\v 5 Nevitil wey nemezahan sikandan, 
\q1 ne egkeǥezam dan he hapit en sikandan ebpatey. 
\q1  
\v 6 Ne zutun te kedlised dan, mibpetavang sikandan te \sc Nengazen\sc*, 
\q1 ne midlibri zin sikandan. 
\q1  
\v 7 Impenurù din kandan is dalan he ebpekediritsu zuen te inged he zuen duen menge meǥinged. 
\q1  
\v 8 Ereg sikandan he ebpeselamat te \sc Nengazen\sc* tenged te ǥaǥew zin wey te egkein-inuwan he menge vaal zin diyà te menge etew. 
\q1  
\v 9 Su ibpemeinum din is egkengemezahan wey ibpekaan din is egkengevitil. 
\b  
\q1  
\v 10 Duen menge etew he mibpirisu he kinedinahan, 
\q1 ne ebpimpinuu sikandan diyà te utew merusirem he pirisuwan. 
\q1  
\v 11 Nepirisu sikandan su midsupak dan is menge suǥù te Utew Lavew he Megbevayà, 
\q1 wey wazè dan beǥayi te keveǥat is menge sambag din. 
\q1  
\v 12 Umbe, midlisedlised din sikandan te meveǥat he menge terebahu. 
\q1 Nengepiley sikandan ne wazà midtavang kandan. 
\q1  
\v 13 Ne zutun te kedlised dan, mid-umew zan is \sc Nengazen\sc*, 
\q1 ne midlibri zin sikandan. 
\q1  
\v 14 Mibpemidtew zin is ingkedina kandan, 
\q1 ne in-awè din sikandan dutun te utew merusirem he menge pirisuwan. 
\q1  
\v 15 Ereg sikandan he ebpeselamat te \sc Nengazen\sc* tenged te ǥaǥew zin wey te egkein-inuwan he menge vaal zin diyà te menge etew. 
\q1  
\v 16 Su mibpenggevè din is menge ǥemawan he brunsi, 
\q1 wey mibpemadtì din is menge rihas he putew. 
\b  
\q1  
\v 17 Duen menge tulebung he nekebmereǥen tenged te menge kedrapas dan wey kelelalung. 
\q1  
\v 18 Wazè dan en gana te langun he keenen ne hapit en sikandan ebpematey. 
\q1  
\v 19 Ne zutun te kelised dan, mid-umew zan is \sc Nengazen\sc*, 
\q1 ne midlibri zin sikandan. 
\q1  
\v 20 Migkaǥi zà sikandin ne nengeulian sikandan. 
\q1 Midlibri zin sikandan te kemetayen. 
\q1  
\v 21 Ereg sikandan he ebpeselamat te \sc Nengazen\sc* tenged te ǥaǥew zin wey egkein-inuwan he menge vaal zin diyà te menge etew. 
\q1  
\v 22 Ereg sikandan he ebpemuhat para te kebpeselamat diyà te Megbevayà; 
\q1 ne pinaaǥi te kegkanta tenged te kegkelipey ne tudtula zan is menge vaal zin. 
\b  
\q1  
\v 23 Duen menge etew he mid-untud te menge varku, 
\q1 su pinaaǥi te kebiyahi ziyà te zaǥat is igkekuwaa zan te igkeuyag dan. 
\q1  
\v 24 Neehè dan is egkein-inuwan he menge vaal te \sc Nengazen\sc* diyà te menge zaǥat. 
\q1  
\v 25 Su pinaaǥi te suǥù din, mibpengeramag te mevendes ne midekelà is menge vaǥel. 
\q1  
\v 26 Tenged dutun ebpehendiyà te zivavew wey ebpehendiyà te zizalem haazà is untuzè dan. 
\q1 Naawà is kevurut dan tenged dutun he hitavù. 
\q1  
\v 27 Henduen be sikandan te egkengelangut, 
\q1 su ebpemekeziregdireg sikandan ne wazè dan en metueni ke hengkey is ebeelan dan. 
\q1  
\v 28 Dutun te kedlised dan, mid-umew zan is \sc Nengazen\sc*, 
\q1 ne midtevangan din sikandan. 
\q1  
\v 29 Impeengked din sikan is mevendes he keramag ne mibmelinew is daǥat. 
\q1  
\v 30 Nelipey sikandan hein mibmelinew en is daǥat, 
\q1 ne impeturedu kandan te Megbevayà is dungguan he iyan mibpenganduy zan. 
\q1  
\v 31 Ereg sikandan he ebpeselamat te \sc Nengazen\sc* tenged te ǥaǥew zin wey egkein-inuwan he menge vaal zin diyà te menge etew. 
\q1  
\v 32 Ereg dan he ibpehivantug is Megbevayà diyà te kedtiǥum dan 
\q1 wey edeliǥen dan daan sikandin diyà te kedtiǥum te ebpemendumala kandan. 
\b  
\q1  
\v 33 Midhimu te \sc Nengazen\sc* he disirtu is edtudà he menge wahig, 
\q1 wey midhimu zin he memaza he tanà is menge serebseb. 
\q1  
\v 34 Midhimu zin he wazà pulus duen te meupiya he tanà, 
\q1 su ǥeina te menge lalung is nen-ubpà duen. 
\q1  
\v 35 Midhimu zin he zuen menge wahig diyà te disirtu, 
\q1 wey midhimu zin he menge serebseb is memaza he menge tanà. 
\q1  
\v 36 Impeubpè din dutun is ebpemitilen 
\q1 ne mibangun dan dutun is inged he ed-ubpaan dan. 
\q1  
\v 37 Mid-ezek dan diyà te bevesukè dan wey nememula zan te paras, 
\q1 ne zekelà is menge abut dan. 
\q1  
\v 38 Midtuvazan sikandan te Megbevayà, ne mibmezakel zan. 
\q1 Minsan is menge uyaǥen dan ne wazè din mehimuwa he medeisey. 
\b  
\q1  
\v 39 Ne tenged te kedèdaaǥa, kebpesekiti, wey kebpeentusa kandan, 
\q1 mideisey zan ne nepeel-elezan dan. 
\q1  
\v 40 Mibpendezeisey te Megbevayà is menge midaagdaag kandan pinaaǥi te kedtezina zin kandan diyà te disirtu he wazà duen menge zalan. 
\q1  
\v 41 Piru midtevangan din mulà is menge egkaayuayu te menge elentusen dan, 
\q1 ne mibpengelinteuwan din he mevuwad is menge pemilya zan iring te menge uyaǥen. 
\b  
\q1  
\v 42 Naahà heini te menge metazeng ne nelipey sikandan, 
\q1 iyan, is langun he menge lalung ne wazè dan egkekaǥi. 
\b  
\q1  
\v 43 Is menge uluwanen ereg he ebpurung ed-isip-isip mehitenged kayi; 
\q1 ereg he ed-isipen dan is dekelà he ǥaǥew te \sc Nengazen\sc*. 
\c 108  
\s1 Ampù para te Kebuyù te Tavang te Megbevayà 
\r (Menge Salmo 57:7-11; 60:5-12) 
\q1  
\v 1 He Megbevayà, utew zekelà is kedsarig ku kenikew. 
\q1 Egkentahan ku sikew te menge kedalig kayi te tivuuk he ǥehinawa ku. 
\q1  
\v 2 Egkeriwaswas pa ne egimerat e en, 
\q1 su wey ku maandam en is menge instrumintu ku he zuen dan menge kuwirdas para meǥamit ku te kedalig kenikew. 
\q1  
\v 3 \sc Nengazen\sc*, edeliǥen ku sikew ziyà te teliwazà te menge etew. 
\q1 Egkentahan ku sikew ziyà te teliwazà te menge etew he meǥinged diyà te senge nenasyun. 
\q1  
\v 4 Su kenà egkesukud is gaǥew nu wey kebmetinumanen nu. 
\q1  
\v 5 He Megbevayà, ipeehè nu is kegkemekeǥeǥehem nu ziyà te langit wey kayi te tivuuk he kelibutan. 
\q1  
\v 6 Libriya key pinaaǥi te ǥehem nu. 
\q1 Tevaka nu is ked-ampù ku su para melibri key is menge minahal nu. 
\q1  
\v 7 He Megbevayà, migkaǥi ka ziyà te valey nu te, 
\q1 “Ebpekezaag a; ebehinen ku is Shekem wey is Suǥud he Sucot, ne ibpemeǥey ku heini te menge etew ku. 
\q1  
\v 8 Kediey is Gilead wey is Manase. 
\q1 Is Efraim iyan pengalang ku te menge etew ku 
\q1 ne is Juda iyan ibpezumala ku kandan. 
\q1  
\v 9 Is Moab suluǥuen ku, ne ǥaked ku is Edom. 
\q1 Igkulahì ku is kegkezeeǥa ku te Filistia.” 
\b  
\q1  
\v 10 He Megbevayà, hentei is ed-uwit kedì diyà te Edom wey ziyà te inged kayi he neliǥuy te verengbeng? 
\q1  
\v 11 Kenè be iyan ka, is Megbevayà he mid-iniyug kenami ne wazè en meduma te menge sundaru zey? 
\q1  
\v 12 Tevangi key te ked-asdang te menge kuntada zey, 
\q1 su kenà ebpulus is tavang te etew. 
\q1  
\v 13 Ebpekezaag key pinaaǥi te tavang nu, He Megbevayà, 
\q1 su edaaǥen nu is menge kuntada zey. 
\c 109  
\s1 Is Riklamu te Etew he Edlised 
\q1  
\v 1 He Megbevayà, he edeliǥen ku, tevaka nu is ked-umew ku kenikew. 
\q1  
\v 2 Su idsumbung a te lalung wey limbungan he menge etew. 
\q1 Tarù is lalag dan mehitenged kedì. 
\q1  
\v 3 Layun mezaat is menge lalag dan he ebpekesuǥat kedì minsan wazà hinungdan. 
\q1  
\v 4 Minsan ebpekid-emiǥu a kandan, ne edtebeken e zan; 
\q1 piru in-ampù ku ǥihapun sikandan. 
\q1  
\v 5 Mibelesan e zan te mezaat te meupiya he mibeelan ku kandan, 
\q1 wey mibelesan e zan te pauk te kebpekid-emiǥu ku kandan. 
\q1  
\v 6 Ke sikandan te, “Ebpen-ehè kiw te lalung he etew he egkuntra wey edsumbung kandin diyà te hukmanan. 
\q1  
\v 7 Berakat he led-ani sikandin te salà emun timpu en te kedhukumi kandin. 
\q1 Berakat he isipa he salà is ked-ampù din! 
\q1  
\v 8 Berakat he kenà mebmeluǥayad is untung din ne ikeveǥey en te zuma is buluhaten din. 
\q1  
\v 9 Berakat he mebpatey en sikandin su para meilu is menge anak din wey para mevalu is esawa zin. 
\q1  
\v 10 Berakat he mekeriǥuriǥu is menge anak din te kebpekilimus, 
\q1 wey verakat he segseǥa sikandan puun te egkeregdas en he ubpeey zan. 
\q1  
\v 11 Berakat he eǥawa te neutangan din is langun he menge azen din, 
\q1 wey verakat he kuwaa te menge lumelengyawà is hineǥuan din. 
\q1  
\v 12 Ne emun ebpatey en sikandin ne verakat he wazà mehizu kandin wey te egkeilu he menge anak din. 
\q1  
\v 13 Berakat he mebpematey is menge kevuwazan din, 
\q1 su para melipati en sikandan te ebpekesunud he lapis te kevuwazan. 
\q1  
\v 14-15 Berakat he kenà peseyluwa wey kenà lipati te \sc Nengazen\sc* is salà te menge ginikanan din wey te menge kepuun din; 
\q1 berakat he ituǥut te \sc Nengazen\sc* he melipati en sikandan kayi te kelibutan. 
\q1  
\v 16 Su wazè din hizu; 
\q1 midlisedlised din wey mibpenhimetayan din is menge egkaayuayu, menge pubri, wey sikan is utew dezekelà is seeng dan. 
\q1  
\v 17 Igkelipey zin is kebpenrawak te zuma; berakat he ziyà mehitavu te kandin is rawak din. 
\q1 Kenè din ebpenubtuvazan is duma; berakat he wazà daan mebpenuvadtuvad kandin. 
\q1  
\v 18 Neleyaman din en is kebpenrawak te zuma; 
\q1 iring en heini te visti he imbivisti zin. 
\q1 Berakat he medlikù diyà te kandin is rawak din meiring te wahig he edreheb diyà te lawa zin 
\q1 wey meiring te lana he edsenep diyà te menge tulan din. 
\q1  
\v 19 Berakat he kenè en heini maawà diyà te kandin, iring te visti he imbivisti zin wey te vakes he layun diyà te hawak din.” 
\b  
\q1  
\v 20 \sc Nengazen\sc*, berakat he iyan heeyan isilut nu te menge etew he mibutangbutang kedì wey migkaǥi te mezaat he menge lalag mehitenged kediey. 
\q1  
\v 21 Piru tevangi a mulà, Nengazen he MEGBEVAYÀ, 
\q1 para ikeveǥey kenikew is dengeg. 
\q1 Libriya a tenged te keupiya nu wey gaǥew nu. 
\q1  
\v 22 Su egkaayuayu a wey pubri a, ne utew mibmesakit is gehinawa ku. 
\q1  
\v 23 Egkenaneynaney en egkaawà is untung ku iring te lambung he egkahanew emun mezukilem. 
\q1 Wey iring a zaan te terapan he mibpeyupas. 
\q1  
\v 24 Wazè en desen te menge vuel ku tenged te kedtulung ku kebpuasa. 
\q1 Utew ad migasà. 
\q1  
\v 25 Utew ad edsusudia te menge kuntada ku. 
\q1 Ebpemenggemenggemen dan emun egkeehè e zan. 
\q1  
\v 26 Tevangi a, \sc Nengazen\sc* he Megbevayè ku; 
\q1 libriya a tenged te ǥaǥew nu. 
\q1  
\v 27 Ipetueni nu te menge kuntada ku he iyan ka, is \sc Nengazen\sc*, midlibri kedì. 
\q1  
\v 28 Midrewakan e zan, piru edtuvazan a mulà kenikew. 
\q1 Egkepeel-elezan is menge kuntada ku emun edsurungen e zan, 
\q1 ne egkelipey a mulà is suluǥuen nu. 
\q1  
\v 29 Berakat he mepurung mepeel-elezi heini is menge etew he mibutangbutang kedì; meiring te visti he ebpeketambun te lawa zan is keelezan dan. 
\b  
\q1  
\v 30 Ebpeselematan ku is \sc Nengazen\sc*; 
\q1 edeliǥen ku sikandin diyà te etuvangan te mahabet he menge etew. 
\q1  
\v 31 Su edlevanan din is menge etew he pubri, 
\q1 su para melibri sikandan te edhukum kandan te kemetayen. 
\c 110  
\s1 Is \sc Nengazen\sc* wey is Pinilì Din he Hadì 
\q1  
\v 1 Migkaǥi is \sc Nengazen\sc* diyà te Nengazen ku he hadì te, 
\q1 “Pinuu ka kayi te egkekewanan ku, 
\q1 taman te igkepezizalem ku ziyà te menge paa nu is menge kuntada nu.” 
\b  
\q1  
\v 2 Mahal he Hadì, 
\q1 ebpuun te Zion ibpemeluag te \sc Nengazen\sc* is ginhedian nu, 
\q1 ne edhedian nu is menge kuntada nu. 
\q1  
\v 3 Dutun te andew te kedtebeka nu te menge kuntada nu, andam is menge etew nu te ked-uǥup kenikew. 
\q1 Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem. 
\q1  
\v 4 Nenangdù is \sc Nengazen\sc*, ne kenà egkahalin is isip din, he memumuhat ka te wazà pidtemanan, iring te kegkememumuhat ni Melkizedek. 
\q1  
\v 5 Is \sc Nengazen\sc* diyà te egkekewanan nu; 
\q1 edèdeetan din is menge hadì emun ibpeehè din en is pauk din. 
\q1  
\v 6 Edsilutan din is menge nasyun ne mahabet is ebpenhimetayan din. 
\q1 Edèdeetan din is ebpemendumala seled te tivuuk he kelibutan. 
\b  
\q1  
\v 7 Sikew, Mahal he Hadì, ed-inum ka ziyà te wahig he edtudà he ziyà te kilid te zalan, 
\q1 umbe edlikù is desen nu ne ebpekezaag ka. 
\c 111  
\s1 Kedalig te Megbevayà 
\q1  
\v 1 Deliǥa is \sc Nengazen\sc*! Ebpeselematan ku is \sc Nengazen\sc* te ebpuun kayi te tivuuk he ǥehinawa ku ziyà te ketiǥuman te menge metazeng. 
\q1  
\v 2 Mekeǥeǥehem is menge vaal te \sc Nengazen\sc*; 
\q1 egngunngunuen heini is langun te menge egkesuat kayi. 
\q1  
\v 3 Mekeǥeǥehem wey zekelà is dengeg te menge vaal te Megbevayà, 
\q1 ne is kegkemetazeng din ebpedayun te wazà pidtemanan. 
\q1  
\v 4 Ne ibpetentenuzan din kenitew is egkein-inuwan he menge vaal zin. 
\q1 Meupiya sikandin wey hihizuwen; 
\q1  
\v 5 ebeǥayan din te keenen is edtahud kandin, 
\q1 ne layun din edtentenuzi is kebpekid-uyun din. 
\q1  
\v 6 Impeehè din te menge etew zin ke sengemenu is kegkemekeǥeǥehem te menge vaal zin, 
\q1 pinaaǥi te kebeǥaya zin diyà te kandan te menge tanà te menge etew te zuma he menge nasyun. 
\q1  
\v 7 Egketuusan is ketazeng din wey kebmetinumanen din diyà te langun he menge vaal zin, 
\q1 ne egkeseriǥan is langun he menge suǥù din. 
\q1  
\v 8 Ne heini is menge suǥù din ebpedayun te wazà pidtemanan, 
\q1 ne nezumahan te kebmetinumanen wey ketazeng is kebeǥaya zin kayi. 
\q1  
\v 9 Midlibri zin is menge etew zin, 
\q1 ne midhimu zin is kebpekid-uyun kandan te wazà pidtemanan. 
\q1 Waǥas sikandin wey egkein-inuwan. 
\b  
\q1  
\v 10 Emun egkesuat is etew he mebmetau, kinahanglan he edtahud sikandin te \sc Nengazen\sc*. 
\q1 Is langun he edtuman te menge suǥù din ne zuen dan hustu he kedsavut. 
\q1 Ereg sikandin he edeliǥen te wazà pidtemanan. 
\c 112  
\s1 Utew Zeyzey is Etew he Edtahud te \sc Nengazen\sc* 
\q1  
\v 1 Deliǥa is \sc Nengazen\sc*! 
\q1 Utew zeyzey is etew he edtahud te \sc Nengazen\sc*, 
\q1 wey igkelipey zin is kedtuman te menge suǥù din. 
\q1  
\v 2 Ebmeuswaǥen is menge anak din, 
\q1 su is kevuwazan te menge etew he edtinazeng edtuvazan te Megbevayà. 
\q1  
\v 3 Edsepian is pemilya zin, 
\q1 ne kenà egkelipatan is keupiya zin taman te taman. 
\q1  
\v 4 Minsan merusirem duen gihapun kerayag para te menge etew he hustu is paaǥi zan te kebpengungubpaan, kelelaǥan, hihizuwen, wey metazeng. 
\q1  
\v 5 Edtuvazan is etew he kelelaǥan, wey ibpesambey zin is duma, wey kenè din ibpeiseg is kegketiǥayun din pinaaǥi te limbung. 
\q1  
\v 6 Kenà duwazuwa he ebmelig-en is kebpekesavuk din te minsan keenu. 
\q1 Ne kenà sikandin egkelipatan te wazà pidtemanan. 
\q1  
\v 7 Kenà sikandin egkahandek te mezaat he menge tudtul, 
\q1 su melig-en is kedsarig din te \sc Nengazen\sc*. 
\q1  
\v 8 Kenà sikandin egkeǥiyaǥiya wey egkahandek, 
\q1 su netuenan din he ziyà te huziyan he timpu egkeehè din is kegkezaaǥa te menge kuntada zin. 
\q1  
\v 9 Kelelaǥan sikandin diyà te menge pubri; 
\q1 is keupiya zin egketenuzan taman te taman 
\q1 ne ebeǥayan sikandin te Megbevayà te zengeg pinaaǥi te ked-umani te Megbevayà te egkehimu zin. 
\q1  
\v 10 Egkaahà heini te menge lalung ne egkekeǥetket is menge ngipen dan te kegkepauk dan, 
\q1 ne henduen be sikandan te egkereney tenged te kegkeeled dan. 
\q1 Kenà edlampus is menge pelanu zan. 
\c 113  
\s1 Is Kedeliǥa te Keupiya te \sc Nengazen\sc* 
\q1  
\v 1 Deliǥa is \sc Nengazen\sc*! 
\q1 Sikiyu is menge etew te \sc Nengazen\sc* he menge suluǥuen din, deliǥa niw sikandin. 
\q1  
\v 2 Berakat he zeliǥa sikandin guntaan wey taman te taman. 
\q1  
\v 3 Ebpuun te edsilaan pehendiyà te edsenlepan is langun he menge etew edalig te \sc Nengazen\sc*. 
\b  
\q1  
\v 4 Edhedian te \sc Nengazen\sc* is langun he menge nasyun, 
\q1 ne kenà egkerepengan is kegkemekeǥeǥehem din. 
\q1  
\v 5 Wazà iring te \sc Nengazen\sc* he Megbevayè tew he ebpimpinuu ziyà te pinuuwè din te kedhadì diyà te zivavew he utew metikang. 
\q1  
\v 6 Edungul sikandin te ked-ahà te langit wey kelibutan. 
\q1  
\v 7 Inggaun din te kelised is menge egkaayuayu wey menge pubri. 
\q1  
\v 8 Ebeǥayan din daan sikandan te zengeg duma te dezekelà is dengeg duen te menge etew zin. 
\q1  
\v 9 Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak. 
\b  
\q1 Deliǥa is \sc Nengazen\sc*! 
\c 114  
\s1 Kanta Mehitenged te Kegawas te menge Israilihanen Puun te Ehipto 
\q1  
\v 1 Is menge Israilihanen he menge kevuwazan ni Jacob, mid-ubpè dan dengan diyà te Ehipto, he selakew is kineǥiyan te menge etew zutun. 
\q1  
\v 2 Ne hein migawas dan en diyà te Ehipto, ne midhimu te Megbevayà is Juda he segradu he lugar zin, 
\q1 ne midumala zin is Israel. 
\q1  
\v 3 Is Daǥat he Meriǥà mibpelaǥuy te kegkaahaa zin kandin. 
\q1 Ne is Wahig he Jordan mid-endud. 
\q1  
\v 4 Neyunggat is menge vuntud wey menge vuvungan he henduen be te ebpemenlinglingketew he menge kambing wey menge kerehidu. 
\q1  
\v 5 Maan is mibpelaǥuy is Daǥat he Meriǥà wey mid-engked te kedtudà is Wahig he Jordan? 
\q1  
\v 6 Maan is neyunggat is menge vuntud wey is menge vuvungan he henduen be te ebpemenlinglingketew he menge kambing wey menge kerehidu? 
\q1  
\v 7 Egkeyunggat daan minsan is tivuuk he kelibutan diyà te etuvangan te Nengazen he Megbevayà ni Jacob; 
\q1  
\v 8 ne midhimu zin he peneng wey serebseb he edtudà sikan is lintikan he vatu. 
\c 115  
\s1 Sevaha zà is Tutuu he Megbevayà 
\q1  
\v 1 Kenè key iyan ereg he ebeǥayan te zengeg, \sc Nengazen\sc*, kekenà, iyan ka, 
\q1 tenged te kebmahala nu kenami wey te kebmetinumanen nu. 
\q1  
\v 2 Maan is mid-insultuwan key te zuma he menge nasyun pinaaǥi te kegkaǥi te, “Hendei en is Megbevayè niw?” 
\b  
\q1  
\v 3 Diyà te langit is Megbevayè dey ne ebeelan din ke hengkey is egkesuatan din. 
\q1  
\v 4 Piru is kandan he menge megbevayà menge pelata zà wey vulawan he mibeelan te etew. 
\q1  
\v 5 Duen dan menge vèbà, piru kenè dan ebpekekaǥi; 
\q1 duen dan menge mata, piru kenè dan ebpekaahà. 
\q1  
\v 6 Duen dan menge telinga, piru kenè dan ebpekezineg; 
\q1 duen dan menge izung, piru kenè dan ebpekahazek. 
\q1  
\v 7 Duen dan menge velad, piru kenè dan ebpekeǥawed; 
\q1 duen dan menge paa, piru kenè dan ebpekehipanew, 
\q1 ne minsan is laǥeng ne kenè ta egkezineg diyà te kandan. 
\q1  
\v 8 Is mibaal kayi te kenà tutuu he menge megbevayà wey sikan is midsarig kandan, ne egkeiring daan kandan te wazè dan pulus. 
\b  
\q1  
\v 9-10 Sikiyu is menge etew te Israel, ragkes en is menge kevuwazan ni Aaron, sarig kew te \sc Nengazen\sc*. 
\q1 Iyan sikandin edtavang wey ebpengalang keniyu. 
\q1  
\v 11 Sikiyu is langun he edtahud te \sc Nengazen\sc*, sarig kew ziyà te kandin. 
\q1 Iyan sikandin edtavang wey ebpengalang keniyu. 
\q1  
\v 12 Edtentenuzan kiw te \sc Nengazen\sc*, ne edtuvazan kiw zin. 
\q1 Edtuvazan din is menge etew te Israel ragkes en is menge kevuwazan ni Aaron. 
\q1  
\v 13 Edtuvazan din is langun he edtahud kandin dekelà se zeisey is pid-etawan dan. 
\q1  
\v 14 Berakat he ipemezakel kew te \sc Nengazen\sc* wey is menge kevuwazan niw. 
\q1  
\v 15 Berakat he tuvazi kew te \sc Nengazen\sc* he midlimbag te langit wey te kelibutan. 
\q1  
\v 16 Gaked dà te \sc Nengazen\sc* is langit piru imbeǥey zin mulà te menusiyà is kelibutan. 
\q1  
\v 17 Kenà iyan edalig te \sc Nengazen\sc* is nemematey en, 
\q1 su kenè en sikandan ebpekekaǥi, 
\q1  
\v 18 kekenà, iyan kiw is menge uuyag pa edalig kandin guntaan wey taman te taman. 
\b  
\q1 Deliǥa is \sc Nengazen\sc*. 
\c 116  
\s1 Is Megbevayà Edlibriyen Din is Etew te Kemetayen 
\q1  
\v 1 Mibmahal ku is \sc Nengazen\sc*, 
\q1 su ebpemineǥen din wey edtevaken din is kebuyù ku te tavang diyà te kandin. 
\q1  
\v 2 Ne ǥeina te ebpemineǥen e zin, ne kenà a ed-engked he ebpengumew kandin mintras uuyag e pa. 
\b  
\q1  
\v 3 Nahandek a su neǥezam ku he henduen be te hapit ad ebpatey; 
\q1 is kemetayen henduen be te pisì he nekevedbed kediey. 
\q1 Nesemukan a wey neipeng a, 
\q1  
\v 4 umbe mid-umew ku is \sc Nengazen\sc*, “\sc Nengazen\sc*, libriya a!” 
\b  
\q1  
\v 5 Is \sc Nengazen\sc* he Megbevayè tew meupiya, metazeng, wey hihizuwen. 
\q1  
\v 6 Egkelesaǥan din is iring te kedsarig te vatà is kedsarig dan kandin. 
\q1 Hein wazè ku en egkehimu, midlibri e zin. 
\b  
\q1  
\v 7 Ereg a he kenà egkeǥiyaǥiya, su utew a ebpurungi te \sc Nengazen\sc*, 
\q1  
\v 8 su midlibri e zin te kemetayen, kegkeseeng, wey kezeetan. 
\q1  
\v 9 Umbe, ed-uvey a ziyà te \sc Nengazen\sc* kayi te kebpengungubpaan ku kayi te kelibutan te menge uuyag. 
\q1  
\v 10 Edtuu a ǥihapun kenikew minsan ke ebpekekaǥi a te, “Utew subra is menge elentusen ku.” 
\q1  
\v 11 Tenged te kegkehandek ku migkaǥi a te, “Wazà iyan etew he egkeseriǥan.” 
\q1  
\v 12 Hengkey is igkevales ku te \sc Nengazen\sc* te langun he meupiya he mibeelan din kayi te kediey? 
\q1  
\v 13 Edsimbahan ku is \sc Nengazen\sc* ne ed-uwit a te vinu he ibpemuhat ku te kebpeselamat kandin te kedlibriya zin kedì. 
\q1  
\v 14 Edtumanen ku is menge saad ku he nepirmahan te langun he menge etew zin. 
\b  
\q1  
\v 15 Egkesekitan is \sc Nengazen\sc* emun duen ebpatey zuen te menge etew zin. 
\b  
\q1  
\v 16 \sc Nengazen\sc*, tutuu he suluǥuen a kenikew. 
\q1 Impelingkawas a kenikew hein nevihag a. 
\q1  
\v 17 Ed-ezapen ku sikew 
\q1 ne edhalad a para te kebpeselamat kenikew. 
\q1  
\v 18 Edtumanen ku is menge saad ku ziyà te kenikew he nepirmahan te langun he menge etew nu 
\q1  
\v 19 ziyà te lama te valey nu ziyà te Jerusalem. 
\b  
\q1 Deliǥa is \sc Nengazen\sc*! 
\c 117  
\s1 Kedalig te \sc Nengazen\sc* 
\q1  
\v 1 Sikiyu is langun he menge nasyun, deliǥa niw is \sc Nengazen\sc*! 
\q1 Sikiyu is langun he menge etew, beǥayi niw sikandin te zengeg! 
\q1  
\v 2 Su utew kiw mibmahal te \sc Nengazen\sc*, 
\q1 ne wazà pidtemanan te kebmetinumanen din. 
\b  
\q1 Deliǥa is \sc Nengazen\sc*! 
\c 118  
\s1 Kebpeselamat tenged te Kebpekezaag 
\q1  
\v 1 Peselemati is \sc Nengazen\sc* su meupiya sikandin; 
\q1 Wazà pidtemanan te ǥaǥew zin. 
\q1  
\v 2 Megkaǥi is menge etew te Israel te, 
\q1 “Wazà pidtemanan te ǥaǥew zin.” 
\q1  
\v 3 Megkaǥi is menge kevuwazan ni Aaron te, 
\q1 “Wazà pidtemanan te ǥaǥew zin.” 
\q1  
\v 4 Megkaǥi is menge edtahud te \sc Nengazen\sc* te, 
\q1 “Wazà pidtemanan te ǥaǥew zin.” 
\q1  
\v 5 Dutun te timpu te kelised ku, mid-umew ku is \sc Nengazen\sc*, 
\q1 ne midtavak e zin pinaaǥi te kedlibriya zin kediey. 
\q1  
\v 6 Duma ku is \sc Nengazen\sc*, umbe kenà a egkahandek. 
\q1 Wazà kezeetan he egkehimu te etew kayi te kediey. 
\q1  
\v 7 Duma ku is \sc Nengazen\sc*. 
\q1 Iyan sikandin edtavang kedì, 
\q1 ne egkeehè ku is kegkezaaǥa ku te menge kuntada ku. 
\q1  
\v 8 Meupiya pa is kedangep diyà te \sc Nengazen\sc* kenà is kedsarig diyà te etew. 
\q1  
\v 9 Meupiya pa is kedangep diyà te \sc Nengazen\sc* kenà is kedsarig diyà te mekeǥeǥehem he menge etew. 
\b  
\q1  
\v 10 Midliǥuyan a te menge etew he ebpuun diyà te mahabet he menge nasyun he menge kuntada ku, 
\q1 piru nezaag ku sikandan pinaaǥi te ǥehem te \sc Nengazen\sc*. 
\q1  
\v 11 Tutuu he midliǥuyan e zan, 
\q1 piru nezaag ku sikandan pinaaǥi te ǥehem te \sc Nengazen\sc*. 
\q1  
\v 12 Henduen dan te petiyukan is midsurung kedì, 
\q1 piru neiring dà sikandan te nevinsulan he reǥami he segugunè dà neevuki. 
\q1 Nezaag ku sikandan pinaaǥi te ǥehem te \sc Nengazen\sc*. 
\q1  
\v 13 Mibpurungan e zan etekiya ne hapit e zan en egkezaag, 
\q1 piru midtevangan a te \sc Nengazen\sc*. 
\q1  
\v 14 Iyan is \sc Nengazen\sc* mibeǥey kedì te zesen; 
\q1 iyan sikandin migkanta ku. 
\q1 Iyan sikandin menluluwas ku. 
\q1  
\v 15-16 Pemineǥa is ked-ugyab te menge etew te Megbevayà diyà te menge kampu zan tenged te kezeeǥan dan: 
\q1 “Heini he kezeeǥan mibeelan te \sc Nengazen\sc* pinaaǥi te ǥehem din! 
\q1 Is gehem te \sc Nengazen\sc* iyan mibpezaag kenitew!” 
\b  
\q1  
\v 17 Kenè e pa ebpatey, kekenà, ebpedayun e pa he uuyag, 
\q1 su wey ku ikeseysey is mibpemeelan te \sc Nengazen\sc*. 
\q1  
\v 18 Minsan utew zekelà is silut te \sc Nengazen\sc* kedì, piru wazè din ituǥut he mebpatey a. 
\b  
\q1  
\v 19 Puwasi a te menge ǥemawan te valey te \sc Nengazen\sc* 
\q1 su edseled a te kebpeselamat te \sc Nengazen\sc*. 
\q1  
\v 20 Iyan heini menge ǥemawan te \sc Nengazen\sc* he menge metazeng dà is ebpekeseled duen. 
\b  
\q1  
\v 21 Ebpeselamat a kenikew, \sc Nengazen\sc*, su midtavak nu is ked-ampù ku. 
\q1 Ne iyan ka midluwas kediey. 
\b  
\q1  
\v 22 Is batu he mid-engkezan te menge pandey iyan pa hinuun nehimu he pundasyun he vatu. 
\q1  
\v 23 Midhimu heini te \sc Nengazen\sc*, ne utew heini egkein-inuwi. 
\q1  
\v 24 Iyan heini andew te kezeeǥan te \sc Nengazen\sc*, umbe edlipey kiw wey edsilibra kiw. 
\b  
\q1  
\v 25 \sc Nengazen\sc*, ebpengemuyù key ziyà te kenikew he ipelaus nu is kedlibriya nu kenami. 
\q1 Himuwa nu he mebmelempusen is menge vaal zey. 
\b  
\q1  
\v 26 Midtuvazan te \sc Nengazen\sc* is sinuǥù din. 
\q1 Ne sikiyu is menge etew, berakat he tuvazi kew zaan te \sc Nengazen\sc* puun kayi te valey zin. 
\b  
\q1  
\v 27 Is \sc Nengazen\sc*, iyan sikandin Megbevayà; ne utew kiw zin mibpurungi. 
\q1 Ed-uwit kiw te menge subpang te kayu te kedsilibra tew te pista, ne edliǥuy kiw zuen te pemuhatà. 
\q1  
\v 28 \sc Nengazen\sc*, iyan ka Megbevayè ku; 
\q1 ebpeselamat a wey edalig kenikew. 
\b  
\q1  
\v 29 Peselemati is \sc Nengazen\sc*, su meupiya sikandin; 
\q1 wazà pidtemanan te ǥaǥew zin. 
\c 119  
\s1 Is Kesuǥuan te Megbevayà 
\q1  
\v 1 Utew zeyzey is menge etew he wazà igkesawey kandan, wey nengungubpaan he ed-ikul te kesuǥuan te \sc Nengazen\sc*. 
\q1  
\v 2 Utew zeyzey is menge etew he edsunud te menge penurù te Megbevayà, ne ebpezumazuma kandin te kebpezumazuma he ebpuun diyà te tivuuk he ǥehinawa zan. 
\q1  
\v 3 Wazà sikandan mebaal te mezaat, kekenà, edsunuzen dan is menge paaǥi te Megbevayà. 
\q1  
\v 4 \sc Nengazen\sc*, imbeǥey nu kenami is menge sulunuzen he ibpesunud nu su para tumana zey heini te tinutuuwà. 
\q1  
\v 5 Utew zekelà is tinguhè ku he mehimu a he metinumanen te kedtuman te menge sulunuzen he ibpesunud nu. 
\q1  
\v 6 Emun edtumanen ku is langun he menge suǥù nu, kenà a egkepeel-elezan. 
\q1  
\v 7 Edeliǥen ku sikew duma is lumpiyu he ǥehinawa ku zutun te ked-istudyuwi ku te metazeng he menge suǥù nu. 
\q1  
\v 8 Edtumanen ku is menge sulunuzen he ibpesunud nu, umbe kenà a kenikew vey-ani. 
\b  
\q1  
\v 9 Hengkey is ebeelan te vetan-en para lumpiyu is gehinawa zin? 
\q1 Is kinahanglan he ebeelan din iyan is kedsunud te lalag nu. 
\q1  
\v 10 Ebpuun diyà te tivuuk he gehinawa ku is kedangep ku kenikew, 
\q1 umbe kenè nu ituǥut he meiniyuǥi ku is menge suǥù nu. 
\q1  
\v 11 Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew. 
\q1  
\v 12 Dait ka he edeliǥen, \sc Nengazen\sc*! 
\q1 Penurua a te menge sulunuzen he ibpesunud nu. 
\q1  
\v 13 Edliklikuan ku te egkaǥi is menge suǥù nu he imbeǥey nu. 
\q1  
\v 14 Kelipey ku is kedsunud te menge penurù nu, lavew pa te kelipey ku emun ebpekekuwa a te zekelà he ketiǥeyunan. 
\q1  
\v 15 Egngunngunuen ku is menge sulunuzen he ibpesunud nu, 
\q1 ne ebpurungan ku ed-is-isipa is menge paaǥi nu. 
\q1  
\v 16 Ingkelipey ku is menge sulunuzen he ibpesunud nu, 
\q1 ne kenè ku edlipatan is menge lalag nu. 
\b  
\q1  
\v 17 Impeehè nu kedì te suluǥuen nu is keupiya nu, 
\q1 su wey a mekepedayun he edtuman te lalag nu kayi te ked-ubpè ku. 
\q1  
\v 18 Puwasi nu is isip ku 
\q1 su wey ku mesavut is mekempet he menge ketutuanan diyà te kesuǥuan nu. 
\q1  
\v 19 Edlavey e zà kayi te kelibutan, 
\q1 umbe ipehayag nu kedì is menge suǥù nu. 
\q1  
\v 20 Seled en te langun he timpu is kegkesuat ku he mesavut ku is kesuǥuan nu. 
\q1  
\v 21 Midsawey nu is menge gelbuwen, he menge rinewakan nu. 
\q1 Heini sikandan mid-iniyug te menge suǥù nu. 
\q1  
\v 22 Ilikey a te kebpeelimungew wey kedsudì dan, 
\q1 su midtuman ku is menge penurù nu. 
\q1  
\v 23 Minsan pa ke edtiǥum is menge ebpemendumala te ked-ituk kedì, 
\q1 ne siak is suluǥuen nu ebpurungan ku egngunngunua is menge sulunuzen nu. 
\q1  
\v 24 Is menge penurù nu nekeveǥey kedì te kelipey; 
\q1 ne kayi ku egkuwaa is sambag. 
\b  
\q1  
\v 25 Henduen be te ebpatey ad, umbe pekeluǥeyaza nu pa is untung ku sumalà te insaad nu. 
\q1  
\v 26 Migkaǥi ku kenikew is mehitenged te untung ku, ne mibpemineg a kenikew. 
\q1 Penurua a te menge sulunuzen he ibpesunud nu. 
\q1  
\v 27 Ipesavut nu kedì is menge sulunuzen he ibpesunud nu, 
\q1 su para mengunùngunù ku is egkein-inuwan he menge vaal nu. 
\q1  
\v 28 Henduen be te egkelened ad te seeng ku, umbe lig-eni a kenikew sumalà te saad nu. 
\q1  
\v 29 Tevangi a para kenà a mekevaal te mezaat; 
\q1 ne ituvad nu kediey is kebpekeikul te menge kesuǥuan nu. 
\q1  
\v 30 Mibpilì ku is hustu he zalan; 
\q1 su utew ku egkesuati is kedtuman te menge suǥù nu. 
\q1  
\v 31 Midsunud ku iyan, \sc Nengazen\sc*, is menge penurù nu, 
\q1 umbe kenè nu mehimuwa he mepeel-elezi a. 
\q1  
\v 32 Ebpeniguduwan ku is kedtuman te menge suǥù nu su ed-umanan nu is kedsavut ku. 
\b  
\q1  
\v 33 \sc Nengazen\sc*, ipenurù nu kedì is menge sulunuzen he ibpesunud nu, 
\q1 ne edtumanen ku heini taman te taman. 
\q1  
\v 34 Ipesavut nu kedì is kesuǥuan nu, 
\q1 ne edtumanen ku heini wey edtipiǥan ku kayi te tivuuk he ǥehinawa ku. 
\q1  
\v 35 Giyahi a te kedsunud te menge suǥù nu, 
\q1 su igkelipey ku heini. 
\q1  
\v 36 Iveǥey nu kediey is dekelà he tinguhà te kedtuman te menge penurù nu, kenà te kedtinguhà te kedsepian. 
\q1  
\v 37 Ilikey a kenikew te kedtinguhà te menge vutang he wazè dan pulus. 
\q1 Ne pekeluǥeyaza nu pa is untung ku sumalà te insaad nu. 
\q1  
\v 38 Tumana nu is insaad nu kediey te suluǥuen nu, he iyan kes insaad nu ziyà te menge etew he edtahud kenikew. 
\q1  
\v 39 Kenè nu himuwa he mehitavù kayi te kediey is igkahandek ku he keelezan, 
\q1 su mid-isip ku he meupiya is menge suǥù nu. 
\q1  
\v 40 Igkesuat ku is kedtuman te menge sulunuzen he ibpesunud nu. 
\q1 Ne tenged te ketazeng nu, pekeluǥeyaza nu pa is untung ku. 
\b  
\q1  
\v 41 \sc Nengazen\sc*, ipeehè nu is kebmahala wey kedlibriya nu kedì, sumalà is insaad nu. 
\q1  
\v 42 Ne zutun egketavak ku is mid-eled-eled kedì, 
\q1 su edsarig a te menge lalag nu. 
\q1  
\v 43 Ipekaǥi a kenikew te tutuu, he iyan is menge lalag nu, te minsan hengkey he timpu. 
\q1 Su iyan midseriǥan ku is menge suǥù nu. 
\q1  
\v 44 Layun ku edtumana is kesuǥuan nu taman te taman. 
\q1  
\v 45 Kayi te kebpengungubpaan ku ne kenà a uripen, 
\q1 su ebpeninguhà a te kedtuman te sulunuzen nu. 
\q1  
\v 46 Kenè ku igkeeled is kedtudtul te menge penurù nu minsan diyà te etuvangan te menge hadì. 
\q1  
\v 47 Utew ku igkelipey is kedtuman te menge suǥù nu he mibmahal ku. 
\q1  
\v 48 Midtahud ku wey mibmahal ku is menge suǥù nu, 
\q1 ne egngunngunuen ku is menge sulunuzen he ibpesunud nu. 
\b  
\q1  
\v 49 Tentenuzi nu is saad nu kayi te kedì te suluǥuen nu, 
\q1 su iyan heini ebpekeveǥey kedì te perateng. 
\q1  
\v 50 Egkeuyag-uyag a tenged te penaad nu wey ebpekeveǥey heini kedì te kelipey kayi te menge elentusen ku. 
\q1  
\v 51 Layun a edsudia te menge mepelavawen, 
\q1 piru wazè ku ewai is kesuǥuan nu. 
\q1  
\v 52 \sc Nengazen\sc*, midtentenuzan ku is menge suǥù nu he neuǥet en he imbeǥey nu, 
\q1 su nekeveǥey heini kedì te kelipey. 
\q1  
\v 53 Dekelà is pauk ku, tenged te menge lalung he mid-iniyug te kesuǥuan nu. 
\q1  
\v 54 Egkanta a mehitenged te menge sulunuzen he ibpesunud nu minsan hendei a ed-ubpà. 
\q1  
\v 55 \sc Nengazen\sc*, emun timpu te mezukilem ne edtentenuzan ku sikew, ne ebpurungan ku ed-is-isipa is kedtuman te kesuǥuan nu. 
\q1  
\v 56 Iyan heini kelipey ku: is kedsunud te menge sulunuzen he ibpesunud nu. 
\b  
\q1  
\v 57 Sikew, \sc Nengazen\sc*, iyan ke zà iyan kinahanglan ku. 
\q1 Midsaad a te kedtuman te menge lalag nu. 
\q1  
\v 58 Ebpuun kayi te ǥehinawa ku is kedhangyù ku kenikew he kehizuwi a kenikew sumalà te saad nu. 
\q1  
\v 59 Mid-isip-isip a ke mibmenumenu ku is kebpengungubpaan ku, 
\q1 ne midisisyun a te kedsunud te menge penurù nu. 
\q1  
\v 60 Ne seǥuǥunè ku midtuman is menge suǥù nu. 
\q1  
\v 61 Minsan pa te mibakus a te menge lalung, wazè ku lipati is kesuǥuan nu. 
\q1  
\v 62 Minsan liwazè en te kezukileman egimerat a su ebpeselamat a ziyà te kenikew tenged te metazeng he menge suǥù nu. 
\q1  
\v 63 Emiǥu a te langun he edtahud kenikew wey edtuman te menge sulunuzen he ibpesunud nu. 
\q1  
\v 64 \sc Nengazen\sc*, mibmahal nu is langun he menge etew kayi te kelibutan. 
\q1 Penurua-a te menge sulunuzen he ibpesunud nu. 
\b  
\q1  
\v 65 \sc Nengazen\sc*, tulengezi a kenikew is suluǥuen nu, sumalà te insaad nu. 
\q1  
\v 66 Beǥayi a te ketau wey keuluwanen, 
\q1 su edsarig a te menge suǥù nu. 
\q1  
\v 67 Hein aney he wazè e pa kenikew mensuwa, ne mid-awà a ziyà te kenikew, 
\q1 piru ǥuntaan midtuman ku en is lalag nu. 
\q1  
\v 68 Meupiya ka iyan wey meupiya is mibpemeelan nu. 
\q1 Penurua a te menge sulunuzen he ibpesunud nu. 
\q1  
\v 69 Minsan mibutbutangan a te menge gelbuwen, midtuman ku ǥihapun is menge sulunuzen he ibpesunud nu te ebpuun te tivuuk he ǥehinawa ku. 
\q1  
\v 70 Heini is menge gelbuwen, kenà sikandan ebpekesavut te kesuǥuan nu. 
\q1 Piru siak, igkelipey ku is kedtuman kayi. 
\q1  
\v 71 Meupiya is kedsilut nu, 
\q1 su pinaaǥi kayi nepenurù a te menge penurù nu. 
\q1  
\v 72 Para kediey, is kesuǥuan he imbeǥey nu edhuna pa he mahal te utew zekelà he ketiǥeyunan. 
\b  
\q1  
\v 73 Midlimbag a wey mibpurma a kenikew; 
\q1 beǥayi a te kedsavut su para meistudyuwi ku is menge suǥù nu. 
\q1  
\v 74 Egkelipey is menge etew he edtahud kenikew emun egkeehè e zan, 
\q1 su edsarig a te lalag nu. 
\q1  
\v 75 Netuenan ku, \sc Nengazen\sc*, he metazeng is menge suǥù nu. 
\q1 Ne ǥeina te metinumanen ka te egkeǥiyen nu, umbe mibmansu a kenikew. 
\q1  
\v 76 Berakat he mekeveǥey kedì te kelipey is gaǥew nu su iyan heini insaad nu kedì te suluǥuen nu. 
\q1  
\v 77 Kehizuwi a su para mebpedayun is kegkeuyag-uyag ku; 
\q1 su igkelipey ku is kedsunud te kesuǥuan nu. 
\q1  
\v 78 Berakat he mepeel-elezi is menge gelbuwen tenged te kebutbutangi zan kediey. 
\q1 Iyan, siak mulà, egngunngunuen ku is menge sulunuzen he ibpesunud nu. 
\q1  
\v 79 Berakat he med-uvey kayi te kediey is menge etew he edtahud kenikew wey netau te menge penurù nu. 
\q1  
\v 80 Berakat he metuman ku te ebpuun te tivuuk he ǥehinawa ku is menge sulunuzen he ibpesunud nu su para kenà a mepeel-elezi. 
\b  
\q1  
\v 81 Edarà ad is edtaǥad te kedlibriya nu kedì, 
\q1 piru edsarig a ǥihapun te lalag nu. 
\q1  
\v 82 Mibmerusirem en is ked-ehè ku te kedtulung ku kedtaǥad te pesarig nu. 
\q1 Nekeinsà a te, “Keenu e pa vuwa kenikew edlig-eni wey edlipaya?” 
\q1  
\v 83 Minsan pa ke neiring ad te lundis he teleǥuey te vinu he wazè din en pulus, wazè ku lipati is menge sulunuzen he ibpesunud nu. 
\q1  
\v 84 Sengemenu keluǥayad is kebpeketaǥad ku? 
\q1 Keenu nu pa edsiluti is menge etew he mibpesipala kediey te suluǥuen nu? 
\q1  
\v 85 Mibangbang is menge gelbuwen he wazà medsunud te kesuǥuan nu te para te egkeuluǥan ku. 
\q1  
\v 86 Egkeseriǥan is langun he menge suǥù nu. 
\q1 Tevangi a, su ebpesipelahan a te menge etew minsan wazà hustu he hinungdan. 
\q1  
\v 87 Hapit e zan en egkepatey, 
\q1 piru wazè ku engkezi is menge sulunuzen he ibpesunud nu. 
\q1  
\v 88 Tipiǥi nu is untung ku tenged te ǥaǥew nu; 
\q1 su para mekepedayun a he edtuman te menge penurù nu. 
\b  
\q1  
\v 89 \sc Nengazen\sc*, is lalag nu ebpedayun te wazà pidtemanan; 
\q1 melig-en heini iring te langit. 
\q1  
\v 90 Is kebmetinumanen nu ebpedayun te wazà pidtemanan. 
\q1 Melig-en is kebpelestara nu te kelibutan, umbe kemulu pa heini. 
\q1  
\v 91 Is langun he menge naazen kemulu pa taman en guntaan tenged te iyan suat nu. 
\q1 Su haazà is langun ebpenilbi kenikew. 
\q1  
\v 92 Emun wazà mekeveǥey kedì te kelipey is kesuǥuan nu, ne minatey ad pezem geina tenged te menge elentusen ku. 
\q1  
\v 93 Kenè ku edlipatan is menge sulunuzen he ibpesunud nu, 
\q1 su pinaaǥi kayi is ked-uy-uyaǥa nu kediey. 
\q1  
\v 94 Iyan ka teǥiǥaked kedì, umbe libriya a! 
\q1 Su ebpeninguhà a te kedtuman te menge sulunuzen he ibpesunud nu. 
\q1  
\v 95 Is menge lalung ed-ayan te kedhimatey kedì, 
\q1 piru egngunngunuen ku is menge penurù nu. 
\q1  
\v 96 Neehè ku he zuen ketepusan te langun he menge naazen, 
\q1 piru is menge suǥù nu, wazè din mulà ketepusan. 
\b  
\q1  
\v 97 Utew zekelà kayi te ǥehinawa ku is kesuǥuan nu; 
\q1 layun ku heini egngunngunua. 
\q1  
\v 98 Ne ǥeina te layun kayi te kediey is kesuǥuan nu, 
\q1 edhuna a he metau te menge kuntada ku. 
\q1  
\v 99 Mahabet pa is kedì he nesavut, kenà te menge menunudlù ku, 
\q1 su is menge penurù nu iyan ebpurungan ku ed-is-isipa. 
\q1  
\v 100 Edhuna is kedì he kedsavut te kedsavut te menge meǥurang, 
\q1 su midtuman ku man is menge sulunuzen he ibpesunud nu. 
\q1  
\v 101 Midlikayan ku is langun he mezaat he vaal su wey ku metuman is lalag nu. 
\q1  
\v 102 Wazè ku ewai is menge suǥù nu, 
\q1 su iyan ke man nenurù kayi kediey. 
\q1  
\v 103 Ke và dà keenen, ne utew meemis is menge saad nu, edhuna pa he meemis te teneb. 
\q1  
\v 104 Nekaangken a te kedsavut he ebpuun diyà te menge sulunuzen he ibpesunud nu, 
\q1 umbe egkeepesan ku is langun he mezaat he vaal. 
\b  
\q1  
\v 105 Is lalag nu iring te sulù he ebpeketeyew te ibayè ku. 
\q1  
\v 106 Edtumanen ku iyan is penangdù ku he edsunud a te metazeng he menge suǥù nu. 
\q1  
\v 107 Utew subra is kebpekaantus ku, 
\q1 umbe pekeluǥeyaza nu pa is untung ku, \sc Nengazen\sc*, su iyan heini saad nu. 
\q1  
\v 108 Dewata nu, \sc Nengazen\sc*, is keugelingen ku he suat te kedalig kenikew, 
\q1 ne penurua a te menge suǥù nu. 
\q1  
\v 109 Minsan pa te layun a edhephepiti te kemetayen, ne wazè ku lipati is kesuǥuan nu. 
\q1  
\v 110 Midlitaǥan a te menge lalung, 
\q1 piru wazè ku ewai is menge sulunuzen he ibpesunud nu. 
\q1  
\v 111 Is menge penurù nu iyan utew mahal he ketiǥeyunan ku te wazà pidtemanan, 
\q1 su iyan heini ebpekeveǥey kedì te kelipey. 
\q1  
\v 112 Midisisyun a he edtumanen ku is menge sulunuzen he ibpesunud nu taman te taman. 
\q1  
\v 113 Egkeepesan ku is menge etew he kenà tinutuuwà is kebpekid-uyun dan kenikew, 
\q1 piru mibmahal ku mulà is kesuǥuan nu. 
\q1  
\v 114 Iyan ka elesè ku wey endilungè ku; midsarig a te lalag nu. 
\q1  
\v 115 Sikiyu is mezaat is menge vaal, pekeziyui a keniyu, 
\q1 su wey ku metuman is menge suǥù te Megbevayè ku. 
\q1  
\v 116 Beǥayi a te zesen su iyan heini saad nu 
\q1 su para mebpedayun is kegkeuyag-uyag ku; 
\q1 ne kenè nu ituǥut he egkaawà is perateng ku. 
\q1  
\v 117 Tevangi a su para melibri a; 
\q1 ne layun ku ibpesuǥat is isip ku ziyà te menge sulunuzen he ibpesunud nu. 
\q1  
\v 118 Inselikwey nu is langun he midselikwey te menge sulunuzen he ibpesunud nu. 
\q1 Ne tutuu iyan he wazà pulus te kebpenlimbung dan. 
\q1  
\v 119 Mid-isip nu he iring te menge besura is langun he lalung he menge etew kayi te kelibutan. 
\q1 Ne tenged kayi mibmahal ku is penurù nu. 
\q1  
\v 120 Egkerkeren a te kegkahandek kenikew; 
\q1 ingkahandek ku utew is kedhukum nu. 
\b  
\q1  
\v 121 Midhimu ku is metazeng wey hustu, 
\q1 umbe kenà a kenikew vey-ani he edezeetan te menge kuntada ku. 
\q1  
\v 122 Peseriǥi a he edtevangan a kenikew is suluǥuen nu; 
\q1 kenè nu mehimuwa he edèdaaǥen a te menge gelbuwen. 
\q1  
\v 123 Mibmerusirem en is ked-ehè ku te kedtulung ku kedtaǥad te pesarig nu he edlibriyen a kenikew. 
\q1  
\v 124 Himuwa nu kayi te kedì te suluǥuen nu is baal he tenged te kebmahala nu kedì, 
\q1 ne penurua a te menge sulunuzen he ibpesunud nu. 
\q1  
\v 125 Suluǥuen a kenikew, umbe beǥayi a te kedsavut 
\q1 su para mesavut ku is menge penurù nu. 
\q1  
\v 126 \sc Nengazen\sc*, ereg ke en he edwaleng guntaan he timpu, 
\q1 su wazè en medtuman is menge etew te kesuǥuan nu. 
\q1  
\v 127 Tutuu he mibmahal ku is menge suǥù nu lavew pa te vulawan, minsan pa te lunsey he vulawan. 
\q1  
\v 128 Tutuu he midtuman ku is menge suǥù nu, 
\q1 ne egkeepesan ku is langun he mezaat he vaal. 
\b  
\q1  
\v 129 Utew mekempet is menge penurù nu, 
\q1 umbe midsunud ku heini te kedsunud he ebpuun kayi te tivuuk he ǥehinawa ku. 
\q1  
\v 130 Is kedseysaya te lalag nu ebpekeveǥey te kerayag diyà te isip te menge etew wey ketau te wazè din ketau. 
\q1  
\v 131 Utew zekelà is kebpengenduya ku te suǥù nu. 
\q1  
\v 132 Seǥipaa a wey kehizuwi a, 
\q1 su layun nu heeyan ebeeli ziyà te menge etew he mibmahal kenikew. 
\q1  
\v 133 Giyahi a kenikew pinaaǥi te lalag nu; 
\q1 kenè nu mehimuwa he meuwit a te kelelalung. 
\q1  
\v 134 Libriya a te kedèdaaǥa kedì, 
\q1 su wey ku metuman is menge sulunuzen he ibpesunud nu. 
\q1  
\v 135 Ipeehè nu kedì te suluǥuen nu is keupiya nu, 
\q1 ne penurua a te menge sulunuzen. 
\q1  
\v 136 Nekepurung a mekesineǥew su ǥeina te wazà medtuman is menge etew te kesuǥuan nu. 
\b  
\q1  
\v 137 Metazeng ka, \sc Nengazen\sc*, wey hustu is menge suǥù nu. 
\q1  
\v 138 Metazeng wey egkeseriǥan is menge penurù he imbeǥey nu. 
\q1  
\v 139 Utew subra is pauk ku su ǥeina te mid-iniyuǥan te menge kuntada ku is menge lalag nu. 
\q1  
\v 140 Nepurung en meǥezami he egkeseriǥan iyan is saad nu, 
\q1 ne mibmahal ku heini te suluǥuen nu. 
\q1  
\v 141 Minsan egkaayuayu a wey edsusudien a, ne wazè ku lipati is menge sulunuzen he ibpesunud nu. 
\q1  
\v 142 Is ketazeng nu wazà pidtemanan 
\q1 wey tutuu is kesuǥuan nu. 
\q1  
\v 143 Nekesaǥad a te kedlised wey kemereǥenan, piru nekeveǥey kedì te kelipey is menge suǥù nu. 
\q1  
\v 144 Wazà pidtemanan is ketazeng te menge penurù nu. 
\q1 Beǥayi a te kedsavut te menge penurù nu su para mebpedayun is kegkeuyag-uyag ku. 
\b  
\q1  
\v 145 Nengumew a kenikew, \sc Nengazen\sc*, te ebpuun kayi te tivuuk he ǥehinawa ku; 
\q1 tevaka a kenikew ne edtumanen ku is menge sulunuzen he ibpesunud nu. 
\q1  
\v 146 Nengumew a kenikew; 
\q1 libriya a, ne edtumanen ku is menge penurù nu. 
\q1  
\v 147 Mid-enew ad te wazè pa medsilà is andew, 
\q1 ne mibuyù a te tavang diyan te kenikew. 
\q1 Midseriǥan ku is saad nu. 
\q1  
\v 148 Wazà a medlipezeng seled te tivuuk he kezukileman su egngunngunuen ku is menge saad nu. 
\q1  
\v 149 Pemineǥa a, \sc Nengazen\sc*, tenged te kebmahala nu kedì; 
\q1 iyan ka metau he kenè e pa mebpatey sumalà te metazeng he kukuman nu. 
\q1  
\v 150 Mid-uvey kayi te kediey is menge lalung he mibpesipala kediey he wazà medawat te kesuǥuan nu. 
\q1  
\v 151 Piru uvey ka kayi te kediey, \sc Nengazen\sc*; ne egkeseriǥan is langun he menge suǥù nu. 
\q1  
\v 152 Pinaaǥi te ked-istudyu ku zengan te menge penurù he midhimu nu, netuenan ku he ebpedayun te wazà pidtemanan heini is menge penurù nu. 
\q1  
\v 153 Ahaa nu is ked-antus ku ne libriya a, 
\q1 su wazè ku lipati is kesuǥuan nu. 
\q1  
\v 154 Levani a kuntra te menge etew he mibutangbutang kedì wey libriya a; 
\q1 pekeluǥeyaza nu pa is untung ku sumalà te insaad nu. 
\q1  
\v 155 Kenà egkelibri is menge lalung su wazà sikandan medtinguhà te kedtuman te menge sulunuzen he ibpesunud nu. 
\q1  
\v 156 Dekelà is hizu nu, \sc Nengazen\sc*; 
\q1 pekeluǥeyaza nu pa is untung ku sumalà te kukuman nu. 
\q1  
\v 157 Mahabet is menge kuntada ku he mibpesipala kediey, 
\q1 piru wazè ku ewai is menge penurù nu. 
\q1  
\v 158 Egkeepesan ku is menge etew he kenà tinutuuwà is kebpekidepità dan kenikew, 
\q1 su wazè dan tumana is lalag nu. 
\q1  
\v 159 Ahaa nu, \sc Nengazen\sc*, ke mibmenumenu ku te ebmahal is menge sulunuzen he ibpesunud nu. 
\q1 Pekeluǥeyaza nu pa is untung ku tenged te kebmahal nu. 
\q1  
\v 160 Tutuu is langun he menge lalag nu, 
\q1 ne wazà pidtemanan te langun he metazeng he menge suǥù nu. 
\q1  
\v 161 Mibpesipelahan a te ebpemendumala minsan wazà hustu he hinungdan, 
\q1 piru ebpuun te ǥehinawa ku is kedtehuza ku te lalag nu. 
\q1  
\v 162 Igkelipey ku is saad nu iring te kelipey te etew he nekaahà te zekelà he ketiǥeyunan. 
\q1  
\v 163 Igkererengiti ku wey egkeepesan ku is langun he tarù, 
\q1 piru mibmahal ku mulà is kesuǥuan nu. 
\q1  
\v 164 Kepipira a edalig kenikew te senga andew, su ǥeina te metazeng is menge suǥù nu. 
\q1  
\v 165 Ebmeupiya utew is kebpekesavuk te menge etew he ebmahal te kesuǥuan nu. 
\q1 Ne wazà ebpekezezaat kandan. 
\q1  
\v 166 Ebperateng a he edlibriyen a kenikew, \sc Nengazen\sc*, 
\q1 ne edtumanen ku is menge suǥù nu. 
\q1  
\v 167 Utew ku mibmahal is menge penurù nu, 
\q1 umbe midpurungan ku heini tumana. 
\q1  
\v 168 Netuenan nu is langun he mibeelan ku, 
\q1 umbe midtuman ku is menge sulunuzen he ibpesunud nu wey menge penurù nu. 
\b  
\q1  
\v 169 \sc Nengazen\sc*, berakat he ebpemineǥen nu is ked-umawa ku kenikew. 
\q1 Beǥayi a te kedsavut sumalà te insaad nu. 
\q1  
\v 170 Berakat he ebpemineǥen nu is ked-ampù ku. 
\q1 Libriya a sumalà is saad nu. 
\q1  
\v 171 Layun ku sikew edeliǥa, 
\q1 su mibpenurù a kenikew te menge sulunuzen he ibpesunud nu. 
\q1  
\v 172 Egkanta a mehitenged te lalag nu, 
\q1 su metazeng is langun he menge suǥù nu. 
\q1  
\v 173 Berakat he layun ka andam he edtavang kedì, 
\q1 su mibpilì ku is kedtuman te menge sulunuzen he ibpesunud nu. 
\q1  
\v 174 Nenganduy a he libriya a kenikew, \sc Nengazen\sc*. 
\q1 Nekeveǥey kedì te kelipey is kesuǥuan nu. 
\q1  
\v 175 Pekeluǥeyaza nu pa is untung ku su wey ku sikew mezalig, 
\q1 ne verakat he meketavang kedì is menge suǥù nu. 
\q1  
\v 176 Netazin a iring te kerehidu he netazin, 
\q1 umbe pen-ahaa a is suluǥuen nu, 
\q1 su wazè ku lipati is menge suǥù nu. 
\c 120  
\s1 Ampù para te Kebuyù te Tavang te Megbevayà 
\q1  
\v 1 Dutun te kedlised ku, mid-umew ku is \sc Nengazen\sc* 
\q1 ne midtavak e zin. 
\b  
\q1  
\v 2 \sc Nengazen\sc*, libriya a te kezeetan he edhimuwen te menge teruen wey menge limbungan. 
\b  
\q1  
\v 3 Sikiyu is menge limbungan, hengkey vuwa is idsilut te Megbevayà keniyu? 
\q1  
\v 4 Edsilutan kew zin pinaaǥi te kegkepenaa keniyu te sundaru te midlangga he vesut. 
\q1  
\v 5 Mekehizuhizu a su nekeubpà a zuma keniyu te iring kezaat te menge meǥinged diyà te Meshec wey Kedar. 
\q1  
\v 6 Neuǥet en is ked-ubpè ku zuma keniyu te menge etew he kenà egkesuat te kelinew. 
\q1  
\v 7 Egkesuat a te kelinew piru emun edhisgut a mehitenged kayi, ne tebek mulà is keniyu he egkesuatan. 
\c 121  
\s1 \sc Nengazen\sc* is Ed-ipat Kedì 
\q1  
\v 1 Midtengtengan ku is menge vuvungan; 
\q1 hendei ves ebpuun is tavang kediey? 
\q1  
\v 2 Is tavang kediey ne ziyà ebpuun te \sc Nengazen\sc*, he iyan mibaal te langit wey kelibutan. 
\b  
\q1  
\v 3 Kenè din idtuǥut he meseligkat ka. 
\q1 Sikandin is ed-ipat kenikew, ne kenà ebpekelipezeng. 
\q1  
\v 4 Pemineg kew! Is ed-ipat te Israel ne kenà ebpekelipezeng wey kenà edlipezeng. 
\q1  
\v 5 Is \sc Nengazen\sc*, iyan ed-ipat kenikew; 
\q1 diyà sikandin te uvey nu is edlavan kenikew. 
\q1  
\v 6 Is keinit te andew wey siǥa te vulan ke mezukilem, kenà ebpekezezaat kenikew. 
\q1  
\v 7 Ed-ipaten ka te \sc Nengazen\sc* ne kenà ebpekezezaat kenikew is minsan hengkey he vangkit; 
\q1 ebpekeventayan din is untung nu. 
\q1  
\v 8 Is \sc Nengazen\sc* iyan ed-ipat kenikew ǥuntaan wey taman te taman, minsan hendei ka ebpevayà. 
\c 122  
\s1 Is Kedeliǥa te Jerusalem 
\q1  
\v 1 Nelipey a hein migkeǥiyan e zan te, “Edhendiyè kiw te valey te \sc Nengazen\sc*.” 
\q1  
\v 2 Ne ǥuntaan kayi key en mekehitindeg te pultahan te Jerusalem! 
\q1  
\v 3 Is Jerusalem sevaha he inged he meupiya wey melig-en is kebenguna zuen. 
\q1  
\v 4 Kayi ebpevayà is menge tribu te Israel te kedalig te \sc Nengazen\sc*, 
\q1 su iyan heini insuǥù din kandan. 
\q1  
\v 5 Kayi te Jerusalem edhimuwa te menge hadì he menge kevuwazan ni David is husayen. 
\q1  
\v 6 Ampù kew para te meupiya he kebpekesavuk te menge etew ziyà te Jerusalem pinaaǥi te kegkaǥi te, 
\q1 “Berakat he mebmeuswaǥen is menge etew he mibmahal zan heini he inged. 
\q1  
\v 7 Berakat he melinawen wey meupiya is kebpekesavuk diyà te seled te Jerusalem wey te menge melig-en he vahin kayi.” 
\b  
\q1  
\v 8 Para te keupiyaanan te menge kezuzumahi ku wey menge emiǥu ku, egkaǥi a te, 
\q1 “Berakat he meupiya is kebpekesavuk te Jerusalem.” 
\q1  
\v 9 Para te keupiyaanan te valey te \sc Nengazen\sc* he Megbevayè tew, 
\q1 ed-ampù a he med-uswag is Jerusalem. 
\c 123  
\s1 Ampù para te Hizu te Megbevayà 
\q1  
\v 1 \sc Nengazen\sc*, edlingahà a kenikew; 
\q1 diyan te kenikew he ebpimpinuu te pinuuwè nu te kedhadi diyan te langit. 
\q1  
\v 2 Iring te suluǥuen he edtaǥad te kebeǥayi kandin te egalen din, 
\q1 sikami edtaǥad key zaan te tavang nu kenami, \sc Nengazen\sc* he Megbevayè dey, taman te egkehizuwan key en kenikew. 
\q1  
\v 3 Kehizuwi key, \sc Nengazen\sc*, 
\q1 su utew key en ebpendezeisaya. 
\q1  
\v 4 Utew key en edsusudia te menge etew he ebpeeyehey zà he menge hembugiru. 
\c 124  
\s1 Is Megbevayà Menlelavan te menge Etew Zin 
\q1  
\v 1 Emun wazè kiw levani te \sc Nengazen\sc*, hengkey vuwa is egkehitavù kenitew? 
\q1 Tavak kew is menge tig-Israel! 
\b  
\q1  
\v 2 “Emun wazè kiw levani te \sc Nengazen\sc* hein midsurung kiw te menge kuntada tew, 
\q1  
\v 3 mibpenhimetayan kiw zan en geina tenged te utew zan kegkepeuki kenitew. 
\q1  
\v 4-5 Neiring kiw en pezem te naanud te zalem etawa nelened te meseleg he wahig. 
\q1  
\v 6 Dait he edeliǥen is \sc Nengazen\sc*, su wazè din ituǥut he zèdeeti kiw te menge kuntada tew he henduen be te menge langgam he zumezaas. 
\q1  
\v 7 Nekepelaǥuy kiw iring te tagbis he nelitag he nekaawà su merunut en is tali. 
\q1  
\v 8 Is tavang kenitew ne ziyà ebpuun te \sc Nengazen\sc* he iyan mibaal te langit wey is kelibutan.” 
\c 125  
\s1 Is Kebpekesiguru te menge Etew te Megbevayà 
\q1  
\v 1 Is menge etew he edsarig te Megbevayà ne iring te Buvungan he Zion he kenà egkehuyung, 
\q1 kekenà, kenà egkaawà te wazà pidtemanan. 
\q1  
\v 2 Iring te nehimu he pengalang te Jerusalem is menge vuntud he nekeliǥuy kayi he inged, 
\q1 is \sc Nengazen\sc* iyan pengalang te menge etew zin guntaan wey taman te taman.\fig Is menge vuntud he nekeliǥuy te Jerusalem|src="HK085C.TIF" size="span" loc="Menge Salmo 125:2" copy="Horace Knowles" ref="Menge Salmo 125:2" \fig* 
\q1  
\v 3 Kenè din idtugut he ebpedayun is kedumala te menge lalung diyà te tanà te menge metazeng, 
\q1 su kela ke mekevaal zaan te mezaat is menge metazeng. 
\q1  
\v 4 \sc Nengazen\sc*, himuwa nu is meupiya ziyà te meupiya he menge etew, he hustu is paaǥi zan te kebpengungubpaan. 
\q1  
\v 5 Piru siluti nu zuma te menge lalung is menge etew nu he edsunud te mezaat he vetasan. 
\b  
\q1 Berakat he meupiya is kebpekesavuk te menge etew te Israel! 
\c 126  
\s1 Ampù para te Keluwasan 
\q1  
\v 1 Hein impeuman ipeuswag te \sc Nengazen\sc* is Zion, henduen be te teǥeinep dà heini. 
\q1  
\v 2 Nemen-engit kiw wey migkanta kiw te kegkelipey. 
\q1 Ne zutun migkaǥi is menge etew ziyà te zuma he menge nasyun te, 
\q1 “Mibaal is \sc Nengazen\sc* diyà te kandan te menge vaal he nezumahan te zekelà he ǥehem.” 
\q1  
\v 3 Tutuu he mibaal is \sc Nengazen\sc* te menge vaal he nezumahan te zekelà he ǥehem kayi te kenitew, 
\q1 ne utew kiw zutun nengelipey. 
\b  
\q1  
\v 4 \sc Nengazen\sc*, ilikù nu is meupiya he kebpekesavuk dey 
\q1 iring te nemezahan he wahig he newehiǥan en maan. 
\q1  
\v 5 Berakat he sikan is nekesineǥew hein timpu te ked-ezek din, ne mebmelipayen emun edraǥun en. 
\q1  
\v 6 Is midhipanew he nekesineǥew, he ed-uwit te venì he id-ezek, mekeulì sikandin he egkelipey is ed-uwit te neraǥun din. 
\c 127  
\s1 Kedalig te Keupiya te Megbevayà 
\q1  
\v 1 Emun kenà edtavang is \sc Nengazen\sc* te kedtukud te valey, 
\q1 ne kenà ebpulus is kahaǥù te midtukud kayi. 
\q1 Emun kenà ebentayan te \sc Nengazen\sc* is inged, 
\q1 ne kenà ebpulus is kebentayi kayi te menge vantey. 
\q1  
\v 2 Emun kenà edtavang is \sc Nengazen\sc*, wazà daan pulus te kedhaǥù te kedsayu ked-enew wey is kedlapus te kedterebahu para zuen egkekaan. 
\q1 Su iyan is \sc Nengazen\sc* ebeǥey te menge kinahanglan te menge etew he mibmahal zin, minsan nekelipezeng sikandan. 
\b  
\q1  
\v 3 Is menge anak beǥey wey gasa he ebpuun te \sc Nengazen\sc*. 
\q1  
\v 4 Is amey he zuen din menge anak he nengeetew hein betan-en pa sikandin iring te sevaha he sundaru he zuen din menge panà. 
\q1  
\v 5 Utew zeyzey is etew he zuen din mahabet he menge anak, 
\q1 su zuen ebpeketavang kandin te ked-etuvang te menge kuntada zin diyà te hukmanan. 
\c 128  
\s1 Is Suhul te Kedtuman te Suat te \sc Nengazen\sc* 
\q1  
\v 1 Utew kew zeyzey is menge edtahud te \sc Nengazen\sc*, he nengungubpaan he ed-ikul te menge paaǥi zin. 
\q1  
\v 2 Is rimeǥas te menge kedhaǥù niw ne utew ereg te menge kinahanglan niw; 
\q1 ebmelipayen kew wey ebmeuswaǥen. 
\q1  
\v 3 Is menge esawa niw he ziyà te menge valey niw ne egkeiring te utew meveǥas he paras, 
\q1 ne is menge anak niw edtigum he ebpekeliǥuy ziyà te lemisahan niw he henduen be te menguhed he menge kayu he ulibu. 
\q1  
\v 4 Iyan heini tuvad he egkezawat te menge etew he edtahud te \sc Nengazen\sc*. 
\q1  
\v 5 Berakat he tuvazi kew te \sc Nengazen\sc* puun te ed-ezapan he valey zin diyà te Zion. 
\q1 Berakat he meehè niw is ked-uswag te Jerusalem taman te kayi kew pa te kelibutan. 
\q1  
\v 6 Wey verakat he meehè niw pa is menge apù niw. 
\q1 Berakat he meupiya is kebpekesavuk te menge etew kayi te Israel. 
\c 129  
\s1 Ampù he Igkuntra te menge Kuntada te Israel 
\q1  
\v 1 Menge tig-Israel, keǥiya niw ke mibmenumenu kew te ebpaantus te menge kuntada niw puun pa te aney en he kegketukud te nasyun niw. 
\q1  
\v 2 “Dekelà is kebpeentusa zan kenami puun pa te kebpuun te nasyun dey. 
\q1 Piru wazè key zan mezèdeeti. 
\q1  
\v 3 Mibpelian dan te mezalem is menge peka zey; 
\q1 henduen be heini te tanà he mid-eradu. 
\q1  
\v 4 Piru metazeng is \sc Nengazen\sc*, 
\q1 su impelingkawas key zin te kebpen-uripen te lalung he menge etew.” 
\q1  
\v 5 Berakat he ebpekepekeziyù tenged te kegkeeled is langun he edumut te Zion. 
\q1  
\v 6 Berakat he meiring sikandan te menge sagbet he nenuvù diyà te atep, 
\q1 he iyan pa kedtuvù dan ne egkeǥangu zan en. 
\q1  
\v 7 Wazà edseǥipà te kedtiǥum kayi he menge sagbet wey wazà ed-uwit kayi he vinagkes. 
\q1  
\v 8 Berakat he sikan is edsaǥad kenà megkaǥi ziyà te kandan te, 
\q1 “Berakat he tuvazi kew te \sc Nengazen\sc*! 
\q1 Ebpenubtuvazan dey sikiyu pinaaǥi te ngazan te \sc Nengazen\sc*.” 
\c 130  
\s1 Kedsarig te \sc Nengazen\sc* te Timpu te Kelised 
\q1  
\v 1 Tenged te subra he kelised nengumew a ziyan te kenikew, \sc Nengazen\sc*. 
\q1  
\v 2 Pemineǥa nu is kebpehizuhizu ku kenikew. 
\q1  
\v 3 \sc Nengazen\sc*, ke và nu zà inlista is menge salè dey, ne hentei zà buwa is egkesamà diyan te etuvangan nu? 
\q1  
\v 4 Piru mibpesaylu key kenikew, umbe edtehuzen dey sikew. 
\q1  
\v 5 Edtaǥad a iyan kenikew, \sc Nengazen\sc*, 
\q1 wey edsarig a te lalag nu. 
\q1  
\v 6 Edtaǥad a kenikew, \sc Nengazen\sc*, 
\q1 lavew pa te kedtaǥad te perevantey te kebmeselem. 
\b  
\q1  
\v 7 Menge tig-Israel, sarig kew te \sc Nengazen\sc*, 
\q1 su veliǥeǥawen sikandin, ne layun sikandin andam te kedluwas. 
\q1  
\v 8 Iyan sikandin edluwas keniyu te langun he menge salè niw. 
\c 131  
\s1 Ampù he Nezumahan te Kedsarig 
\q1  
\v 1 He \sc Nengazen\sc*, kenà a gelbuwen wey mepelevawen. 
\q1 Wazà a mebpenganduy te zekelà wey mekeayam-ayam he menge vutang he kenè ku egkevaug. 
\q1  
\v 2 Kekenà, kuntintu ad wey mibmelinawen ad iring te vatà he midlutas te iney zin he kenè en egkesuat he edsusu. 
\b  
\q1  
\v 3 Menge tig-Israel, sarig kew te \sc Nengazen\sc* guntaan wey taman te taman. 
\c 132  
\s1 Kedeliǥa te Baley te Megbevayà 
\q1  
\v 1 \sc Nengazen\sc*, kenè nu lipati si David wey is langun he elentusen din. 
\q1  
\v 2 Tentenuzi nu is saad din diyà te kenikew, \sc Nengazen\sc*, is Mekeǥeǥehem he Megbevayà ni Jacob. 
\q1 Midsaad sikandin he ke sikandin te, 
\q1  
\v 3 “Kenà a ed-ulì wey kenà a edhizeǥà; 
\q1  
\v 4 kenà a edlipezeng 
\q1  
\v 5 taman te kebpeketuredu ku te lugar he egkeubpaan te \sc Nengazen\sc*, 
\q1 he iyan kes Mekeǥeǥehem he Megbevayà ni Jacob.” 
\b  
\q1  
\v 6 Hein diyè key te Efrata netudtul kenami ke hendei sikan is Kavan te Kebpekid-uyun, 
\q1 ne ziyè dey haazà meturedu te vevesukà diyà te Jaar. 
\q1  
\v 7 Ne zutun migkaǥi key te, 
\q1 “Edhendiyè kiw te valey te \sc Nengazen\sc* ne ed-azap kiw ziyà te etuvangan te pinuuwè din te kedhadì.” 
\b  
\q1  
\v 8 Agpas ka, \sc Nengazen\sc*, hendiyè ke en te valey nu he ed-ezapan duma sikan is Kavan te Kebpekid-uyun he simbulu te ǥehem nu. 
\q1  
\v 9 Berakat he layun edtinazeng is menge memumuhat nu, 
\q1 ne egkanta te kegkelipey is metinumanen he menge etew nu. 
\q1  
\v 10 Tenged te suluǥuen nu he si David, 
\q1 kenè nu engkezi is pinilì nu he hadì. 
\q1  
\v 11 Nenangdù ka zengan diyà te ki David, 
\q1 ne kenà duwazuwa he edtumanen nu haazà ne kenè nu ebelvelewanan. 
\q1 Ke sikew te, “Sevaha te menge kevuwazan nu is id-ilis ku kenikew he hadì. 
\q1  
\v 12 Is menge kevuwazan nu he menge hadì, emun edtumanen dan is kebpekid-uyun ku keniyu wey is menge penurù he impenurù ku kandan, edhadì daan sikandan te taman te taman.” 
\b  
\q1  
\v 13 Tutuu he mibpilì wey midtinguhà te \sc Nengazen\sc* is Zion, he iyan edhimuwen din he ubpeey zin. 
\q1 Ke sikandin te, 
\q1  
\v 14 “Iyan heini ubpeey ku taman te taman; 
\q1 kayi a ed-ubpà su kayi a egkesuat. 
\q1  
\v 15 Ibeǥey ku ziyà te Zion is langun he kinahanglan din, 
\q1 ne edhentayen ku is menge pubri he menge meǥinged kayi. 
\q1  
\v 16 Layun ku edlibriya is menge memumuhat kayi, 
\q1 ne is metinumanen he menge meǥinged kayi he menge etew ku, layun ebpemenganta te kegkelipey zan. 
\b  
\q1  
\v 17 Ibpahadì ku ziyà te Zion is hadì he kevuwazan ni David ne egkeiring sikandin te sulù he kenà egkeevukan. 
\q1  
\v 18 Ebpeel-elezan ku is menge kuntada zin, piru ibpeuswag ku mulà is ginhedian din.” 
\c 133  
\s1 Is Meǥinged he Egkesevaha 
\q1  
\v 1 Utew meupiya he ed-ahaan is menge etew te Megbevayà he ebpengungubpaan he egkesevaha. 
\q1  
\v 2 Iring heini te utew meupiya he lana he inlana ki Aaron he midtudà diyà te sumpè din ne nekeuma ziyà te kuwilyu te visti zin. 
\q1  
\v 3 Iring heini te zehemug diyà te Buntud he Hermon he nengetaktak diyà te Buvungan he Zion. 
\q1 Ne kayi te Zion medsaad is \sc Nengazen\sc* te tuvad, 
\q1 he iyan is untung he wazà pidtemanan. 
\c 134  
\s1 Kebpengumew para te Kedalig te \sc Nengazen\sc* 
\q1  
\v 1 Hendini kew, deliǥa niw is \sc Nengazen\sc*, 
\q1 langun te sikiyu is menge suluǥuen te \sc Nengazen\sc* he edterebahu ziyà te valey zin emun mezukilem. 
\q1  
\v 2 Ivayew niw is menge velad niw zutun te ked-ampù niw ziyà te seled te valey zin, 
\q1 ne zeliǥa niw is \sc Nengazen\sc*. 
\q1  
\v 3 Berakat he tuvazi kew te \sc Nengazen\sc* he ziyà te Zion, 
\q1 he iyan mibaal te langit wey kelibutan. 
\c 135  
\s1 Kanta te Kedalig 
\q1  
\v 1 Deliǥa is \sc Nengazen\sc*! Deliǥa niw sikandin, sikiyu is menge suluǥuen din 
\q1  
\v 2 he edterebahu ziyà te valey te \sc Nengazen\sc* he Megbevayè tew. 
\q1  
\v 3 Deliǥa is \sc Nengazen\sc* su meupiya sikandin. 
\q1 Kanta kew te kedalig kandin su hihizuwen sikandin. 
\q1  
\v 4 Deliǥa niw sikandin su mibpilì din is menge etew te Israel he menge kevuwazan ni Jacob, 
\q1 para mehimu he ispisyal he menge etew zin. 
\b  
\q1  
\v 5 Netuenan ku he mekeǥeǥehem is \sc Nengazen\sc*, 
\q1 he lavew te langun he zuma he menge ed-ezapen. 
\q1  
\v 6 Midhimu te \sc Nengazen\sc* is minsan hengkey he egkesuatan din, diyà te langit, dini te tanà, diyà te menge zaǥat, wey ziyà te kinezizeleman kayi. 
\q1  
\v 7 Impezivavew zin is menge ǥapun he ebpuun diyà te meziyù he menge vahin kayi te kelibutan, 
\q1 ne midhimu zin he mebpengilat duma is ked-uzan. 
\q1 Ibpeǥawas din is keramag puun te neteǥuan kayi. 
\q1  
\v 8 Mibpenhimetayan din is kinekekayan he menge anak he maama te menge tig-Ehipto, 
\q1 wey is kinekekayan he menge anak te menge uyaǥen dan. 
\q1  
\v 9 Diyà te Ehipto, mibaal sikandin te menge singyal wey menge egkein-inuwan he menge vaal te kedsilut te hadì te Ehipto wey is langun he menge upisyal zin. 
\q1  
\v 10 Mibpendezeetan din is menge meǥinged diyà te mahabet he menge nasyun 
\q1 wey mibpenhimetayan din is mekeǥeǥehem he menge hadì, 
\q1  
\v 11 iring ki Sihon te hadì te menge Amorihanen, ki Og he hadì diyà te Bashan, 
\q1 wey is langun he menge hadì diyà te Canaan. 
\q1  
\v 12 Ne imbeǥey zin is menge tanè dan diyà te menge etew zin he menge Israilihanen para maangken dan haazà. 
\b  
\q1  
\v 13 \sc Nengazen\sc*, is ngazan nu wey is kegkevantug nu egketenuzan taman te taman. 
\q1  
\v 14 Su ibpeehè nu, \sc Nengazen\sc*, he wazà mekesalà is menge etew nu he menge suluǥuen nu, 
\q1 ne egkehizuwan nu sikandan. 
\q1  
\v 15 Is menge ed-ezapen diyà te zuma he menge nasyun pelata wey vulawan, ne etew zà is mibaal zuen. 
\q1  
\v 16 Duen dan menge vèbà, piru kenè dan ebpekekaǥi, 
\q1 duen dan menge mata, piru kenè dan ebpekaahà, 
\q1  
\v 17 duen dan menge telinga, piru kenè dan ebpekezineg, 
\q1 wey kenè dan ebpekeǥehinawa. 
\q1  
\v 18 Is menge mibaal kayi te menge ed-ezapen wey is langun he edsarig kayi ne egkehimu zaan sikandan he iring kayi te menge ed-ezapen he wazà pulus. 
\b  
\q1  
\v 19-20 Sikiyu is menge etew te Israel, ragkes en is menge kevuwazan ni Aaron wey is duma pa he menge kevuwazan ni Levi, deliǥa niw is \sc Nengazen\sc*! 
\b  
\q1 Sikiyu is edtahud te \sc Nengazen\sc*, deliǥa niw sikandin! 
\q1  
\v 21 Deliǥa niw is \sc Nengazen\sc* he ziyà te Zion. Diyà sikandin med-ubpà te inged he Jerusalem. 
\q1 Deliǥa is \sc Nengazen\sc*! 
\c 136  
\s1 Kanta te Kebpeselamat 
\q1  
\v 1 Peselemati is \sc Nengazen\sc* su meupiya sikandin. 
\q1 Wazà pidtemanan te ǥaǥew zin. 
\q1  
\v 2 Peselemati is Megbevayà he lavew te langun he zuma he menge ed-ezapen. 
\q1 Wazà pidtemanan te ǥaǥew zin. 
\q1  
\v 3 Peselemati is Nengazen he utew lavew te langun he menge egalen. 
\q1 Wazà pidtemanan te ǥaǥew zin. 
\q1  
\v 4 Iyan dà sikandin midhimu te egkein-inuwan he menge hitavù. 
\q1 Wazà pidtemanan te ǥaǥew zin. 
\q1  
\v 5 Pinaaǥi te ketau zin, mibeelan din is langit. 
\q1 Wazà pidtemanan te ǥaǥew zin. 
\q1  
\v 6 Impelastar zin is tanà diyà te ebpekelapew te wahig. 
\q1 Wazà pidtemanan te ǥaǥew zin. 
\q1  
\v 7 Mibeelan din is andew wey vulan. 
\q1 Wazà pidtemanan te ǥaǥew zin. 
\q1  
\v 8 Mibeelan din is andew para meketayew heini emun maandew. 
\q1 Wazà pidtemanan te ǥaǥew zin. 
\q1  
\v 9 Mibeelan din is bulan wey menge vituen su para meketayew heini emun mezukilem. 
\q1 Wazà pidtemanan te ǥaǥew zin. 
\q1  
\v 10 Mibpenhimetayan din is kinekekayan he menge anak he maama te menge tig-Ehipto. 
\q1 Wazà pidtemanan te ǥaǥew zin. 
\q1  
\v 11 Impeǥawas din is menge Israilihanen puun te Ehipto. 
\q1 Wazà pidtemanan te ǥaǥew zin. 
\q1  
\v 12 Impeǥawas din sikandan pinaaǥi te zekelà he ǥehem din. 
\q1 Wazà pidtemanan te ǥaǥew zin. 
\q1  
\v 13 Midtevì din is Daǥat he Meriǥà. 
\q1 Wazà pidtemanan te ǥaǥew zin. 
\q1  
\v 14 Ne zutun mebayà te mid-elangan is impelayun din he menge etew zin. 
\q1 Wazà pidtemanan te ǥaǥew zin. 
\q1  
\v 15 Piru midlened din mulà is hadì diyà te Ehipto wey is menge sundaru zin diyà te Zaǥat he Meriǥà. 
\q1 Wazà pidtemanan te ǥaǥew zin. 
\q1  
\v 16 Migiyahan din diyà te sibsivayan is menge etew zin. 
\q1 Wazà pidtemanan te ǥaǥew zin. 
\q1  
\v 17 Mibpendezeetan din is mekeǥeǥehem he menge hadì. 
\q1 Wazà pidtemanan te ǥaǥew zin. 
\q1  
\v 18 Mibpenhimetayan din is bentuǥan he menge hadì. 
\q1 Wazà pidtemanan te ǥaǥew zin. 
\q1  
\v 19 Midhimetayan din si Sihon, is hadì te menge Amorihanen. 
\q1 Wazà pidtemanan te ǥaǥew zin. 
\q1  
\v 20 Midhimetayan din daan si Og, is hadì te Bashan. 
\q1 Wazà pidtemanan te ǥaǥew zin. 
\q1  
\v 21 Imbeǥey zin is tanè dan diyà te menge etew zin su para maangken dan heini. 
\q1 Wazà pidtemanan te ǥaǥew zin. 
\q1  
\v 22 Heini he tanà naangken te menge Israilihanen he menge suluǥuen din. 
\q1 Wazà pidtemanan te ǥaǥew zin. 
\q1  
\v 23 Netenuzan kiw zin hein kenà meupiya is kebpekesavuk tew. 
\q1 Wazà pidtemanan te ǥaǥew zin. 
\q1  
\v 24 Midlibri kiw zin te kedezaat te menge kuntada tew. 
\q1 Wazà pidtemanan te ǥaǥew zin. 
\q1  
\v 25 Mibeǥayan din te keenen is langun he menge linimbag din. 
\q1 Wazà pidtemanan te ǥaǥew zin. 
\q1  
\v 26 Peselemati is Megbevayà diyà te langit. 
\q1 Wazà pidtemanan te ǥaǥew zin. 
\c 137  
\s1 Penhulùhulù te menge Israilihanen hein Nevihag Sikandan 
\q1  
\v 1 Nememinuu key ziyà te veyvey te menge wahig diyà te Babilonia he ebpemenineǥew hein netenuzan dey is Zion. 
\q1  
\v 2 Impenanggat dey zà is menge alpa zey ziyà te menge subpang te kayu. 
\q1  
\v 3 Su ibpekanta key te menge mibihag kenami. 
\q1 Midsuǥù key zan te kedlangan kandan. 
\q1 Ke sikandan te, “Kentahi key te kanta he mehitenged te Zion!” 
\q1  
\v 4 Ebmenumenu key te kegkanta te kanta mehitenged te \sc Nengazen\sc* diyà te tanà te menge mibihag kenami? 
\q1  
\v 5 Berakat he kenè ku en mewaleng is kewanan he velad ku ke egkelipatan ku is Jerusalem! 
\q1  
\v 6 Berakat he kenà ad mekekaǥi emun kenè ku edtentenuzan wey ed-isipen he iyan ebpekeveǥey kedì te zekelà he kelipey is Jerusalem. 
\q1  
\v 7 Tentenuzi nu, \sc Nengazen\sc*, is mibeelan te menge Edomnen hein mid-aǥew te menge tig-Babilonia is Jerusalem. 
\q1 Migkaǥi zan te, “Purungi niw heeyan bengkaǥa.” 
\b  
\q1  
\v 8 Sikiyu is menge meǥinged te Babilonia, edezeetan kew! 
\q1 Utew zeyzey is menge etew he ebales keniyu tenged te mibeelan niw ziyà te kenami. 
\q1  
\v 9 Utew zeyzey is egkuwa te menge anak niw ne idrumbag dan diyà te vatu. 
\c 138  
\s1 Kebpeselamat diyà te Megbevayà 
\q1  
\v 1 Ebpeselematan ku sikew, \sc Nengazen\sc*, te ebpuun kayi te tivuuk he ǥehinawa ku. 
\q1 Egkanta a te menge idalig kenikew ziyà te etuvangan te zuma he menge ed-ezapen. 
\q1  
\v 2 Edluhud a he edsinaru ziyà te valey nu he edalig kenikew tenged te ǥaǥew nu wey kebmetinumanen nu. 
\q1 Su impeehè nu he sikew wey is lalag nu lavew te langun he menge vutang. 
\q1  
\v 3 Hein mid-umew ku sikew, ne midtavak a kenikew; 
\q1 midlig-enan a kenikew pinaaǥi te zesen nu. 
\q1  
\v 4 Edalig kenikew, \sc Nengazen\sc*, is langun he menge hadì kayi te tivuuk he kelibutan 
\q1 su egkezineg dan is menge lalag nu. 
\q1  
\v 5 Egkanta zan mehitenged te mibeelan nu, 
\q1 su zekelà is gehem nu. 
\q1  
\v 6 Minsan lavew ka te langun, \sc Nengazen\sc*, ed-isipen nu is menge egkaayuayu. 
\q1 Ne minsan diyè ka te meziyu su metikang ka, netuenan nu is langun he menge vaal te menge mepelevawen. 
\q1  
\v 7 Minsan utew a edlised, ne wazè nu ituǥut he mebpatey a. 
\q1 Midsilutan nu is utew egkengepauk he menge kuntada ku. 
\q1 Ne midlibri a kenikew pinaaǥi te ǥehem nu. 
\q1  
\v 8 Edtumanen nu, \sc Nengazen\sc*, is menge saad nu kayi te kediey. 
\q1 Wazà pidtemanan te ǥaǥew nu. 
\q1 Kenè nu pesegdana heini is menge linimbag nu. 
\c 139  
\s1 Is Keuluwanen wey Ked-etiman te Megbevayà 
\q1  
\v 1 \sc Nengazen\sc*, midsusi a kenikew umbe nekilala a kenikew. 
\q1  
\v 2 Netuenan nu ke keenu a ebpinuu wey edhitindeg. 
\q1 Minsan diyè ka te meziyù netuenan nu is nengetaǥù te isip ku. 
\q1  
\v 3 Egkaahà a kenikew ke edterebahu a wey ke edhimeley a. 
\q1 Netuenan nu is langun he ebeelan ku. 
\q1  
\v 4 \sc Nengazen\sc*, minsan kenè e pa ebpekekaǥi, ne netuenan nu en he zaan ke hengkey is egkeǥiyen ku. 
\q1  
\v 5 Diyè ka te peliǥuy ku, 
\q1 ne egkelesaǥan a kenikew pinaaǥi te ǥehem nu. 
\q1  
\v 6 Is kegketueni nu mehitenged kediey ne utew egkein-inuwi; 
\q1 kenè ku heini egkesavut. 
\q1  
\v 7 Hendei e man ebayà para melikayi ku is Mulin-ulin nu? 
\q1 Egkehimu ve he ed-elesan ku sikew? 
\q1  
\v 8 Emun edhendiyà a te langit, ne ziyè ka; 
\q1 emun edhendiyà a te iveyaan, ne ziyè ka zaan. 
\q1  
\v 9 Emun be e zà ebpekelayang ne edlayang a pehendiyà te edsilaan etawa ziyà a ed-ubpà te utew meziyù he ziyà te edsenlepan, 
\q1  
\v 10 ne zutun ka is ed-aǥak wey edtavang kedì. 
\b  
\q1  
\v 11 Minsan mebpetambun e pa te merusirem 
\q1 wey minsan meveeli pa he mezukilem heini is kerayag he nekeliǥuy kediey kenà a ebpekeeles. 
\q1  
\v 12 Su minsan is merusirem ne kenà merusirem diyà te kenikew, 
\q1 ne is mezukilem iring ded kerayag te maandew. 
\b  
\q1  
\v 13 Nekilala a kenikew su iyan ka mibaal te tivuuk he lawa ku. 
\q1 Iyan ka mibpurma kediey ziyà te ǥetek te iney ku. 
\q1  
\v 14 Edeliǥen ku sikew su egkein-inuwan is kebeeli nu kediey. 
\q1 Egkein-inuwan is menge vaal nu, ne netuenan ku heeyan. 
\q1  
\v 15 Neehè nu is menge tulan ku hein mibpurma a kenikew ziyà te seled te ǥetek te iney ku. 
\q1  
\v 16 Naahà ad kenikew minsan hein wazè e pa mepurma. 
\q1 Is kahabet te menge andew te kegkeuyag-uyag ku ne nekesurat en diyà te libru nu, minsan wazè pa mebpuun is untung ku. 
\q1  
\v 17 He Megbevayà, kenè ku egketegkad is menge ed-isipen nu; 
\q1 utew heini mahabet. 
\q1  
\v 18 Emun ebilangen ku heini ne edhuna pa he mahabet te menge pantad. 
\q1 Te kegkepukew ku, is isip ku ziyà gihapun te kenikew. 
\b  
\q1  
\v 19 He Megbevayà, berakat he ebpenhimetayan nu is menge lalung! 
\q1 Berakat he mebpekeziyù kayi te kediey is menge ebpenhimatey te menge etew. 
\q1  
\v 20 Mezaat is menge lalag dan mehitenged kenikew. 
\q1 Heini is menge kuntada nu, undaunda is kedsempita zan te ngazan nu. 
\q1  
\v 21 \sc Nengazen\sc*, egkeepesan ku is egkeepes kenikew. 
\q1 Egkeepesan ku is ebpekigkuntada kenikew. 
\q1  
\v 22 Utew ku egkeepesi sikandan; 
\q1 mid-isip ku sikandan he menge kuntada ku. 
\b  
\q1  
\v 23 Susiya a kenikew, Megbevayè ku, su para metueni nu is kayi te ǥehinawa ku. 
\q1 Gezami a, su para metueni nu is ed-isipen ku. 
\q1  
\v 24 Ahaa nu ke zuen mezaat he vaal ku, 
\q1 ne eǥaka a ziyà te zalan he ereg he ed-ikulen ku taman te taman. 
\c 140  
\s1 Ampù para te Kebuyù te Tavang te Megbevayà 
\q1  
\v 1 He \sc Nengazen\sc*, luwasa a zutun te lalung wey mesipala he menge etew. 
\q1  
\v 2 Ebpelanu zan te mezaat 
\q1 wey layun dan ebulanga is menge etew. 
\q1  
\v 3 Iring te edhereg he uled is dilè dan; 
\q1 is menge lalag dan ne ebpekepesakit iring te hereg te uled. 
\q1  
\v 4 Endilungi a, \sc Nengazen\sc*, wey a kenà mesuǥat te menge etew he mesipala he tuyù dan is edezaat kediey. 
\q1  
\v 5 Is menge mepelevawen, mid-endaman e zan te paaǥi he iyan igkeutela zan kedì. 
\q1 Ke và e zà pait, iring te puket he intaan is paaǥi zan te kedhingutela zan kedì. 
\b  
\q1  
\v 6 He \sc Nengazen\sc*, iyan ka Megbevayè ku. 
\q1 Pemineǥa nu, \sc Nengazen\sc*, is kebpehizuhizu ku kenikew. 
\q1  
\v 7 Nengazen he MEGBEVAYÀ, iyan ka mezesen he menluluwas ku. 
\q1 Iyan ka nengalang kedì te timpu te tebek. 
\q1  
\v 8 \sc Nengazen\sc*, kenè nu ituǥut diyà te lalung he menge etew is tinguhè dan. 
\q1 Kenè nu mehimuwa he medlampus is tuyù dan, 
\q1 su kela ke mekepezalig dan. 
\q1  
\v 9 Berakat he meuney is menge kuntada ku he nekelingut kedì te mezaat he tuyù dan pezem kediey. 
\q1  
\v 10 Berakat he meuluǥi sikandan te regreg, 
\q1 ne iulug sikandan diyà te menge vudsi ne kenè dan en mekaawà. 
\q1  
\v 11 Berakat ke kenè en mebpedayun kayi te tanà is menge etew he menge tigbutangbutang te zuma. 
\q1 Berakat daan he meumahi te vangkit is menge mesipala he iyan ebpekezezaat kandan. 
\b  
\q1  
\v 12 \sc Nengazen\sc*, netuenan ku he edlevanan nu is ketenged te menge ayu-ayu; 
\q1 ibeǥey nu kandan is hustu he kukuman. 
\q1  
\v 13 Siguradu he edeliǥen ka te menge metazeng ne ebpengungubpaan sikandan duma kenikew. 
\c 141  
\s1 Ked-ampù para te Pengalang te Megbevayà 
\q1  
\v 1 He \sc Nengazen\sc*, ebpengumew-umew a kenikew, ne segugunà a tevangi. 
\q1 Pemineǥa nu heini is kebpengumew-umew ku kenikew. 
\q1  
\v 2 Isipa nu he iring te veyewà heini is ampù ku ziyà te kenikew. 
\q1 Isipa nu is kebeyawa ku te menge velad ku he iring kemahal te mahapun he kebpemuhat. 
\q1  
\v 3 Giyahi nu, \sc Nengazen\sc*, is kebpengaǥikaǥi ku su wey a kenà mekekagi te mezaat. 
\q1  
\v 4 Ilikey a te kebpekevaal te mezaat wey te kedtampu te ebeelan te menge lalung. 
\q1 Ilikey a te kebpekivahin te ǥastu zan. 
\q1  
\v 5 Mezawat ku is kedawey wey kedsawey kedì te metazeng he etew; 
\q1 kenè ku haazà mevelivezi su iyan idhimuwa zin dutun is tenged te ǥaǥew zin wey keupiya zin kedì. 
\q1 Iyan, is menge lalung mulà layun ku id-ampù he kenà medlampus is mezaat he menge vaal zan. 
\q1  
\v 6 Emun ibpenimbag en diyà te pangpang is menge edumala kandan, ebpeketuu zan he tutuu is menge lalag ku. 
\q1  
\v 7 Ne zutun egkaǥi zan te, “Ebpekedsusuwey en bes is menge tulan tew ziyà te edlevengan kenitew ne egkeiring heini te menge vatu he ebpemekeǥawas ke egkeeradu.” 
\b  
\q1  
\v 8 Umbe, Nengazen he MEGBEVAYÀ, diyan e zà edsarig; 
\q1 ed-aput a ziyà te kenikew, 
\q1 umbe kenè nu ituǥut he egkepatey a. 
\q1  
\v 9 Ilikey a kenikew zuen te menge penuǥes te lalung he menge etew he idhingutel zan kedì. 
\q1  
\v 10 Himuwa nu he iyan sikandan meutel zuen te penuǥes dan, ne mekelikey a mulà dutun. 
\c 142  
\s1 Ampù para te Kebuyù te Tavang te Megbevayà 
\q1  
\v 1 \sc Nengazen\sc*, mezesen is ked-umew ku kenikew. 
\q1 Ebpengemuyù a he ikehizu a kenikew. 
\q1  
\v 2 Idtug-an ku kenikew is menge riklamu ku wey is menge kelised ku. 
\q1  
\v 3 Ne emun neewaan ad te perateng, ne heeyan ke zed is ebpekevantey te menge egkengehitavù kedì. 
\q1 Diyà te ibayè ku zuen idtuǥes kedì te menge kuntada ku. 
\q1  
\v 4 Ahaa nu man is nekelingut kedì, wazà midtavang kedì, wazà nengalang kedì, wey wazà neipeng kedì. 
\q1  
\v 5 Ebpengum-umawen ku sikew, \sc Nengazen\sc*; 
\q1 iyan ka ebpengalang kedì. 
\q1 Iyan ke zà utew egkinehenglanen ku kayi te kelibutan. 
\q1  
\v 6 Pemineǥa nu is kebuyù ku te tavang diyan te kenikew, 
\q1 su wazè en duma he egkehimu ku. 
\q1 Ilikey a te edtelinguma he edrasey kediey, 
\q1 su memezesen dan kenà siak. 
\q1  
\v 7 Ipeǥawas a kenikew kayi te kegkepirisuwa kedì, 
\q1 wey a mekezalig kenikew. 
\q1 Ne zutun ed-erungut kayi te kediey is menge metazeng 
\q1 tenged te kebpurungi nu kediey. 
\c 143  
\s1 Ampù para te Kebuyù te Tavang te Megbevayà 
\q1  
\v 1 He \sc Nengazen\sc*, pemineǥa nu heini is ked-ampù ku kenikew. 
\q1 Dineǥa nu heini is kebpehizuhizu ku kenikew. 
\q1 Tenged te metazeng wey metinumanen ka, ne tevangi a. 
\q1  
\v 2 Peseyluwa a te menge nehimu ku he mezaat is suluǥuen nu. 
\q1 Su wazà minsan hentei he metazeng diyà te etuvangan nu. 
\q1  
\v 3 Nezaag a te menge kuntada ku, ne mibpesipelahan e zan. 
\q1 Ne hein mibpirisu e zan diyà te merusirem, 
\q1 neiring a te minatey he neuǥet dà diyà te penlevengà. 
\q1  
\v 4 Dutun ne naawà is perateng ku ne utew a neherati. 
\q1  
\v 5 Iyan, dutun daan netenuzan ku is nengehimu nu ziyà te nengehuna he timpu. 
\q1 Ne egngunngunuen ku heini is langun, 
\q1  
\v 6 umbe imbayew ku is menge velad ku zuma te ked-ampù he edhenduen te: 
\q1 Nenginahanglan a kenikew \sc Nengazen\sc*! 
\q1 Ne iring e en te utew memaza he tanà he egkinahanglan te wahig. 
\q1  
\v 7 Segugunà a tevaka, \sc Nengazen\sc*. 
\q1 Naawè en is perateng ku. 
\q1 Kenà a kenikew elesi su kela ke ibpatey ku. 
\q1  
\v 8 Kada meselem, ipetentenuzi nu kedì is kebmahala nu kedì. 
\q1 Su iyan ke zà midseriǥan ku. 
\q1 Ipenuru nu kediey is hustu he paaǥi te kedsunud ku kenikew. 
\q1 Su iyan ke zà ed-empuen ku. 
\q1  
\v 9 Luwasa a, \sc Nengazen\sc*, te kedezaat kedì te menge kuntada ku, 
\q1 su iyan ka midhengyuan ku he mebpengalang kedì. 
\q1  
\v 10 Ipenurù nu kedì is paaǥi te kedtuman te egkesuatan nu, 
\q1 su iyan ke man Megbevayè ku. 
\q1 Berakat he is hihizuwen he Mulin-ulin nu iyan megiya kedì pehendiyà te dezeyaan he kebpekesavuk. 
\q1  
\v 11 Luwasa a, \sc Nengazen\sc*, su wey ka mezeliǥi. 
\q1 Geina te metazeng ka, luwasa a te kelised ku. 
\q1  
\v 12 Geraa nu is menge kuntada ku tenged te ǥaǥew nu kedì, 
\q1 su suluǥuen e man kenikew. 
\c 144  
\s1 Is Kebpeselamat te Hadì diyà te Megbevayà dutun te Kebpekezaag Din 
\q1  
\v 1 Ereg he edeliǥen is \sc Nengazen\sc* he iring te vatu he endilungè ku. 
\q1 Iyan sikandin midlumbad kedì te kebpekidtebek. 
\q1  
\v 2 Iyan sikandin beliǥeǥawen he Megbevayè ku wey melig-en he elesà. 
\q1 Iyan sikandin eputè ku wey menluluwas ku. 
\q1 Iyan sikandin kelasag ku ne ziyà a te kandin ebuyù te pengalang. 
\q1  
\v 3 He \sc Nengazen\sc*, hengkey ves is menusiyà? Maan is utew nu sikandin igkeseeng? 
\q1 Menusiyè dà sikandin, maan is kenè nu egkehimu te ed-awà sikandin diyà te isip nu? 
\q1  
\v 4 Is etew, iring dà sikandin te keramag su meǥaan dà egkaawà is untung din, 
\q1 ne is menge andew zin ne iring dà te alung he edlavey zà. 
\q1  
\v 5 He \sc Nengazen\sc*, puwasi nu is langit ne vulus ka. 
\q1 Semsama nu is menge vuntud wey med-evel. 
\q1  
\v 6 Gemita nu is menge kilat he iring te panè nu su wey mengekepelaǥuy is menge kuntada ku ne mekedsusuwey zan. 
\q1  
\v 7 Puun diyan te langit, kewaa a kenikew wey luwasa a puun te ǥehem te menge kuntada he lumelengyawà he memezesen su iring dan te meseleg he zalem. 
\q1  
\v 8 Wazà tutuu he egkeǥiyen dan. 
\q1 Ne minsan edsesapà sikandan, ne tarù is egkeǥiyen dan. 
\b  
\q1  
\v 9 Egkantahan ku sikew, Megbevayè ku, duma te keduyug te alpa. 
\q1  
\v 10 Kenikew he ketau he mekezaag is menge hadì ne midluwas nu si David te kemetayen. 
\q1  
\v 11 Luwasa a te ǥehem te menge kuntada he lumelengyawà, he kenà egkaǥi te tutuu ne edtarùtarù minsan ebpengulivet. 
\b  
\q1  
\v 12 Berakat he is menge anak dey he maama, te vetan-en dan pa ne meiring sikandan te pinemula he mehinuvù. 
\q1 Henduen ded daan is menge anak dey he vahi su iyan maan meiringi zan is menge tukud he mekempet diyà te turuǥan. 
\q1  
\v 13 Berakat he mepenù is menge budiga zey te langun he kelasi te neraǥun. 
\q1 Berakat he med-anak te mahabet is menge kerehidu zey ziyà te vevesukà. 
\q1  
\v 14 Ne mekergahi is menge vaka zey te zekelà he menge pruduktu. 
\q1 Berakat he kenè key en surunga te menge kuntada zey ne kenè key en mevihag. 
\q1 Ne verakat he wazè en maan menge sineǥawan te egkeseeng diyà te menge zalan dey. 
\b  
\q1  
\v 15 Utew zeysey is menge etew he egkeiring kayi is ked-ubpè dan. 
\q1 Deyzey is menge etew he nekekilala wey midtuu te tutuu he Megbevayà he \sc Nengazen\sc*. 
\c 145  
\s1 Is Kegkanta te Kedalig te Megbevayà 
\q1  
\v 1 Edeliǥen ku sikew, Megbevayè ku he Hadì. 
\q1 Edeliǥen ku sikew te wazà pidtemanan. 
\q1  
\v 2 Edeliǥen ku sikew te kada andew, 
\q1 ne ed-ul-ulahan ku heini te taman te taman. 
\q1  
\v 3 Mekeǥeǥehem ka he \sc Nengazen\sc*, umbe ereg ka he edeliǥen. 
\q1 Kenà egketegkad is kegkemekeǥeǥehem nu. 
\q1  
\v 4 Is kada lapis te kevuwazan, ne idsangyew zan is nezumahan te ǥehem he menge vaal nu ziyà te edsunud kandan he menge kevuwazan. 
\q1  
\v 5 Egngunngunuen ku is kegkelavew wey kegkemekeǥeǥehem nu, wey is igkeinuinu he menge vaal. 
\q1  
\v 6 Is menge etew, idsangyew zan is utew egkein-inuwi he menge vaal nu, 
\q1 ne ibpenudtul ku zaan is kegkemekeǥeǥehem nu. 
\q1  
\v 7 Ibpenudtul zan daan is kegkevantug te keupiya nu he wazè din repeng, 
\q1 wey egkanta zan mehitenged te ketazeng nu. 
\q1  
\v 8 \sc Nengazen\sc*, hihizuwen ka wey iipengen; 
\q1 beliǥeǥawen wey kenà daan melemu he egkepauk. 
\q1  
\v 9 \sc Nengazen\sc*, edtulengezan nu is langun; 
\q1 duen nu hizu te langun he linimbag nu. 
\q1  
\v 10 Ebpekepeselamat kenikew, \sc Nengazen\sc*, is langun he linimbag nu; 
\q1 edeliǥen ka te metinumanen he menge etew nu. 
\q1  
\v 11 Ibpenudtul zan is kegkemekeǥeǥehem te ginhedian nu wey is kegkemekeǥeǥehem nu, 
\q1  
\v 12 su wey mesayud is langun he keet-etawan te nezumahan te ǥehem he menge vineelan nu wey is mekeǥeǥehem he ginhedian nu. 
\q1  
\v 13 Is kedhadì nu wazà pidtemanan. 
\b  
\q1 \sc Nengazen\sc* ka he metinumanen te langun he menge penaad nu, 
\q1 wey veliǥeǥawen ka te langun he linimbag nu. 
\q1  
\v 14 Midtevangan nu is langun he edlised 
\q1 wey midlig-enan nu is langun he meǥuyà. 
\q1  
\v 15 Midsarig diyà te kenikew is langun he uuyag he linimbag, 
\q1 ne mibeǥayan nu sikandan te keuyaǥan dan te timpu he egkinehenglanen dan en. 
\q1  
\v 16 Ne kenè kurang is ibeǥey nu umbe egkengahantey sikandan. 
\q1  
\v 17 \sc Nengazen\sc*, metazeng ka, ziyà te langun he paaǥi nu, 
\q1 ne hihizuwen ka ziyà te langun he ebeelan nu. 
\q1  
\v 18 Uvey nu zà, \sc Nengazen\sc*, is langun he epengumew-umew kenikew te tinutuuwà. 
\q1  
\v 19 Is menge edtahud kenikew ne ebeǥayan nu sikandan te penganduy zan; 
\q1 ebpemineǥen nu is pengumew-umew zan kenikew, 
\q1 ne edluwasen nu sikandan. 
\q1  
\v 20 Binentayan nu layun is langun he etew he mibmahal kenikew, 
\q1 iyan, edezeetan nu mulà is langun he menge lalung. 
\q1  
\v 21 Edeliǥen ku sikew, \sc Nengazen\sc*. 
\q1 Is langun he linimbag nu edalig daan kenikew te wazà pidtemanan. 
\c 146  
\s1 Is Kedalig te Megbevayà he Menluluwas 
\q1  
\v 1 Deliǥa is \sc Nengazen\sc*! 
\q1 Ereg he edeliǥen ku is \sc Nengazen\sc*. 
\q1  
\v 2 Edalig a kandin seled te tivuuk he untung ku. 
\q1 Egkanta a te kedalig te Megbevayà mintras uuyag e pa. 
\b  
\q1  
\v 3 Kenè niw iyan seriǥi is mekeǥeǥehem he menge etew wey minsan hentei, 
\q1 su kenè dan ebpekeluwas keniyu. 
\q1  
\v 4 Ebpekelikù sikandan diyà te tanà ke ebpatey zan en. 
\q1 Ne zutun ebpekeengked sikandan he ebpelanu. 
\q1  
\v 5 Utew zeyzey is etew he iyan edtavang kandin kes Megbevayà he ed-ezapen ni Jacob, 
\q1 ne iyan edseriǥan din is \sc Nengazen\sc* he Megbevayè din, 
\q1  
\v 6 su haazà he edseriǥan, ne iyan sikandin kes \sc Nengazen\sc* he nenlimbag te langit, tanà, daǥat, wey te langun he taǥù kayi. 
\q1 Iyan heini kes \sc Nengazen\sc* he engayan he edseriǥan te wazà pidtemanan. 
\q1  
\v 7 Is kedhukum din ne edapig diyà te menge edèdaaǥen. 
\q1 Wey iyan sikandin ebeǥey te keuyaǥan te langun he egkinahanglan kayi. 
\q1 Ibpelingkawas din is menge vihag, 
\q1  
\v 8 ebpekaahà is menge lakap he ebewian din, 
\q1 midlig-enan din is menge meluya, 
\q1 mibmahal zin is menge metazeng, 
\q1  
\v 9 ebentayan din is menge langyew, 
\q1 edtevangan din is menge ilu wey menge valu he vahi, 
\q1 iyan, ebengkaǥen din mulà is paaǥi te menge lalung. 
\b  
\q1  
\v 10 Sikiyu is menge meǥinged diyà te Zion, is \sc Nengazen\sc* he Megbevayè niw iyan sikandin kes edhadì te wazà pidtemanan. 
\b  
\q1 Deliǥa is \sc Nengazen\sc*. 
\c 147  
\s1 Is Kedalig diyà te Megbevayà he Mekeǥeǥehem 
\q1  
\v 1 Deliǥa is \sc Nengazen\sc*! 
\q1 Utew meupiya is kegkanta te menge idalig te Megbevayè tew. 
\q1 Ne meupiya heini su zait man iyan sikandin he edeliǥen. 
\q1  
\v 2 Mid-umanan tukuza te \sc Nengazen\sc* is inged he Jerusalem; 
\q1 wey midtiǥum din umana is menge kevuwazan ni Israel he nevihag. 
\q1  
\v 3 In-awè din is seeng te egkengeseeng; 
\q1 mibewian din is menge palì dan. 
\q1  
\v 4 Kandin he ketau ke pira is kezakel te menge vituen 
\q1 ne migngezanan din is kada sevaha kandan. 
\b  
\q1  
\v 5 Utew iyan mekeǥeǥehem is Nengazen, 
\q1 ne is ketau zin ne kenà egketegkad. 
\q1  
\v 6 Impeketikang din is menge egkengaayuayu. 
\q1 Iyan, is menge lalung mulà ne mid-ey-eyazan din te edezaat sikandan. 
\q1  
\v 7 Kentahi niw is \sc Nengazen\sc* duma te kebpeselamat diyà te kandin. 
\q1 Ipezaǥing niw is alpa para te Megbevayè tew. 
\q1  
\v 8 Midilungan din is langit te menge ǥapun, 
\q1 ne mibpeuzanan din is dini te kelibutan, 
\q1 wey mibpetuvuan din is menge vuntud te menge sagbet. 
\q1  
\v 9 Iyan sikandin mibeǥey te egkeenen te menge langgam dini te lumpad. 
\q1 Iring din daan te menge pispis te uwak ke egkinahanglan te egkeenen dan. 
\q1  
\v 10 Is igkelipey zin ne kenà iyan is kezesen te menge kudà etawa is meǥaan he menge sundaru, 
\q1  
\v 11 kekenà, iyan is edtahud kandin wey edsarig te ǥaǥew zin. 
\b  
\q1  
\v 12 Sikiyu is menge meǥinged diyà te Zion he inged he Jerusalem, deliǥa niw is \sc Nengazen\sc* he iyan Megbevayè niw. 
\q1  
\v 13 Su midlig-enan din is menge pultahan te inged niw. 
\q1 Ne midtuvazan kew zin. 
\q1  
\v 14 Mibeǥayan kew zin te kelinew ziyan te ed-ubpaan niw. 
\q1 Ne midhantey kew zin te meupiya he egkeenen. 
\q1  
\v 15 Ebmenduan din is kelibutan, 
\q1 ne segugunà heini edtuman. 
\q1  
\v 16 Midtembunan din is tanà te ayis ne iring heini te meputì he malung, 
\q1 ne ingkayar zin is pinu he ayis he henduen be te avu. 
\q1  
\v 17 Impeuzan din te ayis he iring te zezeisey he vatu. 
\q1 Ne wazà minsan hentei he ebpeketigker te keǥenew kayi. 
\q1  
\v 18 Ne mibmenduan din heini ne nengetunew heini. 
\q1 Impepengeramag din ne midtudà is wahig. 
\q1  
\v 19 Impahayag din is menge lalag din, menge sulunuzen he ibpesunud din, wey menge suǥù din diyà te menge tig-Israel he menge kevuwazan ni Jacob. 
\q1  
\v 20 Wazè din heini ul-ulaha ziyà te zuma he menge nasyun; 
\q1 wazè dan mulà haazà metueni is menge suǥù din. 
\b  
\q1 Deliǥa is \sc Nengazen\sc*! 
\c 148  
\s1 Is Kebpengumew para te Kedalig te \sc Nengazen\sc* 
\q1  
\v 1 Deliǥa is \sc Nengazen\sc*! 
\q1 Sikiyu is diyan te langit, deliǥa niw is \sc Nengazen\sc*! 
\q1  
\v 2 Deliǥa niw sikandin, sikiyu is langun he menge velinsuǥuen, he menge sundaru zin diyà te langit. 
\q1  
\v 3 Deliǥa niw sikandin, andew, bulan, wey menge vituen. 
\q1  
\v 4 Deliǥa niw sikandin, kinetikangan he langit wey is wahig diyà te zivavew. 
\q1  
\v 5 Medalig dan is langun te \sc Nengazen\sc*! 
\q1 Su pinaaǥi te kebmandù din, nelimbag sikandan is langun. 
\q1  
\v 6 Wazà pidtemanan is kebpekesavuk dan diyà te midsevukan din kandan, 
\q1 ne kenè en heini egkahalin is kebpekesavuk dan. 
\b  
\q1  
\v 7 Deliǥa niw is \sc Nengazen\sc*, sikiyu is langun kayi te kelibutan, menge dezekelà he langgam he ziyà te zaǥat, wey is langun diyà te kinezeleman en te zaǥat. 
\q1  
\v 8 Deliǥa niw te \sc Nengazen\sc*, sikiyu is menge kilat, menge ǥiyew, menge ǥapun, wey mevendes he keramag he edtuman ke edsuǥuen din. 
\q1  
\v 9 Deliǥa niw is \sc Nengazen\sc*, sikiyu is menge vuntud, menge vuvungan, wey menge kayu he zuen din beǥas wey wazà, 
\q1  
\v 10 langun he menge langgam: he leew wey is ayam, wey zuma pa he kelasi te langgam he ebpenanap wey ebpemenlayang. 
\q1  
\v 11 Deliǥa niw zaan is \sc Nengazen\sc*, sikiyu is menge hadì, menge upisyal, menge ebpemendumala, wey is langun he etew zini te kelibutan; 
\q1  
\v 12 menge menguhed man, wey is menge meǥurang en, wey ke iyan be menge vatà. 
\q1  
\v 13 Langun te sikandan ne medalig te \sc Nengazen\sc* su iyan sikandin lavew te langun. 
\q1 Iyan sikandin lavew he mekeǥeǥehem te langun he ziyà te langit. 
\q1  
\v 14 Midlig-enan din wey mibeǥayan din te zengeg is metinumanen he menge etew zin, he iyan is menge tig-Israel he utew zin pelanggà. 
\b  
\q1 Deliǥa is \sc Nengazen\sc*! 
\c 149  
\s1 Is Kanta te Kedalig 
\q1  
\v 1 Deliǥa is \sc Nengazen\sc*! 
\b  
\q1 Megkanta kew te veǥu he kentahan para te \sc Nengazen\sc*. 
\q1 Deliǥa sikandin diyà te ketiǥuman te menge etew zin he metinumanen. 
\q1  
\v 2 Medlipey kew is menge tig-Israel; ikelipey niw is midlimbag keniyu. 
\q1 Medlipey kew is menge etew ziyà te Zion tenged te hadì niw. 
\q1  
\v 3 Deliǥa niw sikandin duma is kedsayew 
\q1 wey kedtukar te tamburin wey menge alpa. 
\q1  
\v 4 Su igkelipey te \sc Nengazen\sc* is menge etew zin; 
\q1 mibeǥayan din te zengeg is kenà memepelavawen pinaaǥi te kebpekezaag dan. 
\b  
\q1  
\v 5 Medlipey is menge etew he mepezumdumahan te Megbevayà tenged te kebpekezaag dan; 
\q1 megkanta zan te kegkelipey minsan diyà te menge hizeǥaan dan. 
\q1  
\v 6 Kinahanglan he igkulahì dan is kedalig dan te Megbevayà dutun te egawed sikandan te meǥarang he menge ispada, 
\q1  
\v 7 te kebales wey kedsilut te menge etew ziyà te zuma he menge nasyun, 
\q1  
\v 8 te kebekusa te menge hadì wey menge pengulu zan, 
\q1  
\v 9 su iyan kedsiluti kandan he insuǥù te Megbevayà. 
\q1 Ne para heini te kegkezeliǥi te langun he menge etew te Megbevayà. 
\b  
\q1 Deliǥa is Megbevayà! 
\c 150  
\s1 Deliǥa is \sc Nengazen\sc* 
\q1  
\v 1 Deliǥa niw is \sc Nengazen\sc*! 
\q1 Deliǥa niw is Megbevayà diyà te valey zin. 
\q1 Deliǥa niw sikandin he ziyà te langit, is melig-en he ubpeey zin. 
\q1  
\v 2 Deliǥa niw sikandin tenged te nezumahan te ǥehem he menge vaal zin. 
\q1 Deliǥa niw sikandin tenged te wazà ebpekerepeng te kegkemekeǥeǥehem din. 
\q1  
\v 3 Deliǥa niw sikandin pinaaǥi te kebpezaǥing te menge vudyung. 
\q1 Deliǥa niw sikandin pinaaǥi te zaǥing te menge alpa wey menge lira. 
\q1  
\v 4 Deliǥa niw sikandin pinaaǥi te menge tamburin wey kedsayew. 
\q1 Deliǥa niw sikandin pinaaǥi te zuma pa he instrumintu he zuen menge kuwirdas wey menge pulalà. 
\q1  
\v 5 Deliǥa niw sikandin pinaaǥi te mezaǥing he menge simbal. 
\q1  
\v 6 Is langun he uuyag medalig te \sc Nengazen\sc*. 
\b  
\q1 Deliǥa is \sc Nengazen\sc*!