\id MAL - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Malakias 
\toc1 Malakias 
\toc2 Malakias 
\toc3 Mal 
\mt1 Malakias 
\c 1  
\p  
\v 1 Iyan heini lalag te \sc Nengazen\sc* para te menge tig-Israel pinaaǥi ki Malakias. 
\s1 Mahal te Megbevayà is menge Israilihanen 
\p  
\v 2 Migkaǥi is \sc Nengazen\sc* te, “Mahal ku sikiyu. Piru mid-insè kew pa te, ‘Mibmenumenu key kenikew te ebmahal?’ Tentenuzi niw he minsan te telesuled en si Esau wey si Jacob, mahal ku si Jacob  
\v 3 piru si Esau mulà wazà. Midezeetan ku is menge vuvungan din, umbe nehimu en heini he ubpeey te menge leew he asu. 
\p  
\v 4 “Emun egkaǥi is menge Edomanhen he menge kevuwazan ni Esau te, ‘Minsan nezeetan en is ubpaan dey, ne ed-umanan dey heini ebenguna,’ iyan a, kes \sc Nengazen\sc* he Mekeǥeǥehem, egkaǥi te, ‘Minsan ed-umanan dan ebenguna haazà is inged dan ne edrundusen ku zed gihapun. Egngezanan sikandan he “mezaat he nasyun” wey “menge etew he layun dà igkeepes te \sc Nengazen\sc*.”  
\v 5 Egkeehè niw is kegkezeeti zan ne ebpekekaǥi kew te, “Mekeǥeǥehem iyan is \sc Nengazen\sc* minsan diyà te ǥawas te Israel.” ’ ” 
\s1 Is Wazà Duen Igkesawey he menge Pemuhat 
\p  
\v 6 Migkaǥi is \sc Nengazen\sc* he Mekeǥeǥehem diyà te menge memumuhat, “Is anak, edtahud te amey zin, ne is suluǥuen, edtahud te egalen din. Piru maan is wazà a keniyu tehuza is amey niw wey egalen niw? Mibpesipelahan e pa keniyu. Piru mid-insè kew pa, ‘Mibmenumenu zey sikew te ebpesipala?’  
\v 7 Mibpesipelahan a keniyu pinaaǥi te kebpemuhat niw te meremerik he menge ibpemuhat diyà te pemuhatè ku. Piru ed-insè kew pa te, ‘Mibmenumenu zey te edremerik is menge pemuhat dey?’ Midremerikan niw is impemuhat niw pinaaǥi te egkeǥiyen niw he wazà pulus dutun te pemuhatè ku.  
\v 8 Umbe, iyan impemuhat niw is menge uyaǥen he lakap, piang, etawa deruwanen. Kenà heeyan hustu! Gezami niw kun be beǥayi is gubirnedur niw te iring keniyan he kelasi te menge uyaǥen. Siguradu he kenà sikandin egkelipey keniyu wey kenè kew zin ebpaahaan te keupiya zin.” Iyan heini migkaǥi te \sc Nengazen\sc* he Mekeǥeǥehem. 
\p  
\v 9 Migkaǥi si Malakias, “Guntaan, sikiyu is menge memumuhat, hengyua niw is Megbevayà he mehizuwi kiw zin. Piru heeyan he kelasi te menge pemuhat ne ibpemuhat niw kandin, siguradu he kenè kew zin ebpaahaan te keupiya zin. Iyan heini migkaǥi te \sc Nengazen\sc* he Mekeǥeǥehem.” 
\p  
\v 10 Migkaǥi is \sc Nengazen\sc* he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.  
\v 11 Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is \sc Nengazen\sc* he Mekeǥeǥehem, is migkaǥi kayi.  
\v 12 Piru midsumpalit a mulà keniyu pinaaǥi te kegkaǥi he meremerik is pemuhatà he para kediey, ne wazà pulus te menge ibpemuhat kayi.  
\v 13 Ke sikiyu te neperahan kew he ebaal te ebpeveelan ku keniyu; iyan heini migkaǥi te \sc Nengazen\sc* he Mekeǥeǥehem. Ne mid-uwit kew te nesazir, piang, etawa zuen din daru he menge uyaǥen he ibpemuhat niw kayi te kedì, ne kenè ku heeyan edewaten puun diyà te keniyu. Iyan heini migkaǥi te \sc Nengazen\sc*.  
\v 14 Edrewakan ku is limbungan he iyan ibpemuhat din kayi te kedì is selewayen he uyaǥen minsan pa te zuen meupiya he uyaǥen din, he insaad din he ibpemuhat din kayi te kedì. Su utew a lavew he hadì, igkahandek a ziyà te menge nasyun, migkaǥi is \sc Nengazen\sc* he Mekeǥeǥehem.” 
\c 2  
\s1 Petizaan para te menge Memumuhat 
\p  
\v 1-2 Migkaǥi is \sc Nengazen\sc* he Mekeǥeǥehem diyà te menge memumuhat, “Emun kenà a keniyu ebpemineǥen, wey kena a keniyu edtehuzen te ebpuun diyà te ǥehinawa niw, edrewakan ku sikiyu wey edrewakan ku is igkeuyag-uyag niw. Midrewakan ku en heini su wazà a keniyu veǥayi te zengeg. 
\p  
\v 3 “Tenged keniyu ebmensuwen ku is menge kevuwazan niw. Idapug ku keniyu is binusbus te menge ibpemuhat niw, ne idtimbag ku sikiyu zuma kayi.  
\v 4 Ne egketuenan niw he impaaǥi ku ziyà te keniyu heini he kebmansu su para mekepedayun is kebpekid-uyun ku ki Levi.  
\v 5 Iyan kebpekid-uyun ku ki Levi wey is menge kevuwazan din is: midsaazan ku sikandan te meupiya wey meluǥayad he untung, wey kelinew emun edtehuzen e zan. Ne midtahud e zan iyan.  
\v 6 Tutuu is menge penurù dan wey wazà sikandan medtarùtarù. Ne miduma sikandan kediey ziyà te kelinew wey ketazeng, ne mahabet is ingkepeengked dan te kebaal te salà. 
\p  
\v 7 “Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.  
\v 8 Piru sikiyu is menge memumuhat midsuwayan niw is hustu he zalan ne pinaaǥi te penurù niw mahabet is neseligkat; midsupak niw is kebpekid-uyun ku te kepuun niw he si Levi.  
\v 9 Umbe, mibpengelinteuwan ku he sudia kew wey mepeel-elezi ziyà te etuvangan te langun he menge etew, su wazè niw sunuza is menge paaǥi ku, kekenà, ebpekelepew ziyà te kebpenurua niw te kesuǥuan he zuen niw ibpelavi.” 
\s1 Kenè Metinumanen is menge Tig-Israel 
\p  
\v 10 Ne mid-uman megkaǥi si Malakias te, “Kenè be sevaha zà is Megbevayà ne iyan sikandin midlimbag kenitew? Ne maan is mibpendezeisey tew is kebpekid-uyun te Megbevayà diyà te menge kepuun tew pinaaǥi te kenà kebmetinumanen te kada sevaha kenitew? 
\p  
\v 11 “Kenà metinumanen is menge tig-Juda. Utew mezaat he vaal is mibeelan dan diyà te Israel wey Jerusalem. Mibpendezeisey te menge tig-Juda is baley te \sc Nengazen\sc* he mahal zin wey mibpengesawa is menge maama kandan te menge vahi he ed-azap te zuma he ed-ezapen.  
\v 12 Is minsan hentei he etew he ebaal kayi, ne verakat he kenè ne sikandin iragkes te \sc Nengazen\sc* diyà te menge kevuwazan ni Jacob, minsan med-uwit pa sikandin te menge pemuhat diyà te \sc Nengazen\sc* he Mekeǥeǥehem. 
\p  
\v 13 “Duen pa mibeelan niw: Impetiǥis niw is menge luhè niw ziyà te pemuhatà he para te \sc Nengazen\sc*. Midsineǥew kew wey midlelendag su wazè din seǥipaa wey zewata is menge pemuhat niw.  
\v 14 Ed-insè kew ke maan is wazè din seǥipaa is menge ibpemuhat niw. Tenged te iyan is \sc Nengazen\sc* nenistiǥus he wazè niw tumana is penaad niw ziyà te esawa niw he impenangdù niw zutun te kebpengesawa niw hein menguhed kew pa. Midrapas niw is penangdù niw te esawa niw he mebmetinumanen kew kandan.  
\v 15 Kenè be sikiyu is teleesawa, midsevaha te \sc Nengazen\sc* is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.  
\v 16 Su migkaǥi is \sc Nengazen\sc* he Megbevayà te Israel, ‘Kenè ku igkesuat is kebpesuwayà te teleesawa. Emun edsuwayan te maama is esawa zin, egkeepesan din.’ 
\p “Umbe mebpekevantey kew he kenè niw mesupak is penangdù niw te esawa niw.” 
\s1 Is Andew te Kedhukum 
\p  
\v 17 Migkaǥi pa si Malakias te, “Neperahan en is \sc Nengazen\sc* he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te \sc Nengazen\sc* te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te \sc Nengazen\sc*, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ” 
\c 3  
\p  
\v 1 Pemineg kew te migkaǥi te \sc Nengazen\sc* he Mekeǥeǥehem, “Edsuǥuen ku is menunudtulè ku te ked-andam te ibayè ku. Ne is Nengazen he ebperetengen niw segugunè dà he ebpekeuma zutun te valey zin. Ebpekeuma is ebpengenduyen niw he menunudtulà te kebpekid-uyun ku.” 
\p  
\v 2 Piru hentei vuwa is ebpekaantus dutun te andew te kebpekeuma zin? Hentei vuwa is ebpekehimu he ed-etuvang kandin emun ebpekelepew en? Su iring sikandin te hapuy he idlunsey te vulawan wey sabun he utew ebpekeimu te vuring.  
\v 3 Edhukum sikandin he iring te hapuy he edlunsey te pelata; edlunsayen din is menge Levihanen wey edlunsayen te pelata wey vulawan. Ne zutun ebpemuhaten dan en human is \sc Nengazen\sc* te hustu he menge pemuhat.  
\v 4 Ne zutun, is menge pemuhat te menge etew ziyà te Juda wey Jerusalem, ne ebpekepenunuat en human te \sc Nengazen\sc*, iring duen te nehuna he menge andew wey menge tuig. 
\p  
\v 5 Migkaǥi is \sc Nengazen\sc* he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.” 
\s1 Is Kebpenekawi te Megbevayà 
\p  
\v 6 Migkaǥi pa is \sc Nengazen\sc* he Mekeǥeǥehem, “Siak, is \sc Nengazen\sc*, kenà a egkahalin. Umbe wazè kew mepuew is menge kevuwazan ni Jacob.  
\v 7 Sikiyu is menge Israilihanen, ne puun pa te menge kepuun niw, midsuwayan niw en is menge suǥù ku ne wazè niw tumana. Guntaan, likù kew kayi te kediey, te \sc Nengazen\sc* he Mekeǥeǥehem, ne edlikù a ziyà te keniyu. Piru ed-insè kew te, ‘Wazè dey man sikew ewai; ebmenumenu key te kedlikù diyan?’  
\v 8 Ed-insè kew zaan te, ‘Egkepenekawan be te etew is Megbevayà?’ Piru mibpenekawan a keniyu. Ne ed-insè kew te, ‘Hengkey is paaǥi te kebpenekawi zey kenikew?’ Pinaaǥi te kenè niw kebeǥaya te menge ikepulù niw wey menge halad niw.  
\v 9 Nesuǥat kew te rawak, is menge etew kayi te tivuuk he Israel su mibpenekawan a keniyu.  
\v 10 Guntaan, egkeǥiyan ku sikiyu he ǥezami a keniyu, is \sc Nengazen\sc* he Mekeǥeǥehem. Uwita niw is tivuuk he ikepulù niw ziyà te budiga ziyà te valey ku su para zuen egkekaan dutun te valey ku. Emun ebeelan niw heini, ebpeuwitan ku sikiyu te uzan ne ebeǥayan ku sikiyu te ebpenubra he tuvad.  
\v 11 Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is \sc Nengazen\sc* he Mekeǥeǥehem.  
\v 12 Ne is menge etew ziyà te langun he menge nasyun egngezanan kew zan te utew zeyzey su is tanè niw egkehimu man he dezeyaan is ked-ubpà duen, migkaǥi is \sc Nengazen\sc* he Mekeǥeǥehem.” 
\p  
\v 13 Migkaǥi pa is \sc Nengazen\sc* te, “Mezaat is menge lalag niw mehitenged kedì. Piru ed-insè kew te, ‘Hengkey is migkaǥi zey he mezaat mehitenged kenikew?’  
\v 14 Migkaǥi kew te, ‘Wazà pulus te kebpenilbi te Megbevayà. Hengkey is egkekuwa tew zutun te kedtuman tew te menge ibpeveelan din wey kebpaahà diyà te \sc Nengazen\sc* he Mekeǥeǥehem he ingkeseeng tew is menge salè tew?’  
\v 15 Ke sikiyu zaan te, ‘Sumalà te neehè tew, iyan is menge mepelevawen nengezeyzey. Utew mid-uswag is mezaat is menge vaal zan, ne minsan sikan is midhinggat dan is Megbevayà he mepauk kandan pinaaǥi te mezaat he menge vaal zan ne wazà memenu.’ ” 
\p  
\v 16 Duen menge etew zutun he zuen dan kegkehandek te \sc Nengazen\sc*. Hein nezineg dan heini is menge lalag, mibpelelelaǥè dan ne nemineg kandan is \sc Nengazen\sc*, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te \sc Nengazen\sc*. 
\p  
\v 17 Migkaǥi is \sc Nengazen\sc* he Mekeǥeǥehem te, “Egkehimu sikandan he menge etew ku. Dutun te andew te kedhukum ku ne egkaangken ku en sikandan. Egkehizuwan ku sikandan, iring a te amey he egkehizu te anak din he nenilbi kandin.  
\v 18 Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.” 
\c 4  
\s1 Is Andew te Kedhukum 
\p  
\v 1 Migkaǥi is \sc Nengazen\sc* he Mekeǥeǥehem, “Siguradu iyan he egkehitavù is kegkeuma te andew te \sc Nengazen\sc* he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.  
\v 2 Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.  
\v 3 Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is \sc Nengazen\sc* he Mekeǥeǥehem. 
\p  
\v 4 “Tentenuzi niw is Kesuǥuan te suluǥuen ku he si Moises. Haazà he menge suǥù wey menge sulunuzen, imbeǥey ku kandin diyà te Horeb he para te langun he menge etew te Israel. 
\p  
\v 5 “Piru te kenè pa egkeuma haazà is dekelà wey mekahandekhandek he andew te \sc Nengazen\sc*, ibpehendiyè ku te keniyu is ebpeneuven he si Elias.  
\v 6 Edhimuwen din he mahala te menge ǥinikanan is menge anak dan wey mahala te menge anak is menge ǥinikanan dan, su wey ku kenà mezezeeti is menge tanè niw.”