\id LEV - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Leviticus 
\toc1 Leviticus 
\toc2 Leviticus 
\toc3 Lev 
\mt1 Leviticus 
\c 1  
\s1 Is Pemuhat he Edtutungen 
\p  
\v 1-2 Midtawag te \sc Nengazen\sc* si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: 
\p Emun duen keniyu ebpemuhat te uyaǥen diyà te \sc Nengazen\sc*, ne mebpemuhat sikandin te vaka, kerehidu, etawa kambing.  
\v 3 Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te \sc Nengazen\sc*.  
\v 4 Izampè din is belad din diyà te ulu zuen te vaka he ibpemuhat din, ne edewaten heini te \sc Nengazen\sc* su wey melibri sikandin puun te menge salè din.  
\v 5 Ne lepaa zin haazà he uyaǥen diyà te etuvangan te \sc Nengazen\sc*. Ne is lengesa kayi ibpirik te menge memumuhat he menge kevuwazan ni Aaron peliǥuy zuen te pemuhatà he ziyà te ǥemawan te Tulda he Edtelevukaayan.  
\v 6 Ne enisi zin haazà is uyaǥen wey sepùa.  
\v 7 Kegkepasad dutun, medtetavun is menge memumuhat he menge kevuwazan ni Aaron diyà te pemuhatà ne tevuni zan haazà te menge kayu he ibpurung ibpenavuk.  
\v 8 Ne isavuk dan duen te hapuy sikan is mibpenggetad dan he vahin duen te uyaǥen, ragkes is ulu wey is menge tavà.  
\v 9 Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*. 
\p  
\v 10 Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.  
\v 11 Lepaa zin heini ziyà te etuvangan te \sc Nengazen\sc* diyà te egkezizaya te pemuhatà. Ne is lengesa kayi ibpirik te menge memumuhat he menge kevuwazan ni Aaron diyà te peliǥuy zuen te pemuhatà.  
\v 12 Emun egkepenggetad en heini zuen te nemuhat, ibpelastar heini te memumuhat diyà te hapuy, ragkes is ulu wey is menge tavà.  
\v 13 Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*. 
\p  
\v 14 Emun tagbis is ibpemuhat te etew he iyan pemuhat he edtutungen, kinahanglan he merepatik heini etawa limuken.  
\v 15 Ed-uwiten heini te memumuhat diyà te pemuhatà. Egurivizen din is lieg kayi taman te egketamped, ne ibpetiǥis din is lengesa duen te kilid te pemuhatà. Ne edtutungen din is ulu kayi ziyà te pemuhatà.  
\v 16 Ne kegkepasad dutun, id-awè din is evenan ragkes is taǥù din he kinaan kayi ne idtimbag din diyà te zapit te edsilaan duen te pemuhatà he zutun idsavuk is avu.  
\v 17 Baasa zin haazà is tagbis pinaaǥi te keguyud te menge pakpak kayi he kenè din daan ebpitasen. Ne tutunga zin haazà is tagbis diyà te pemuhatà he iyan en pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*! 
\c 2  
\s1 Is Pemuhat he para Gasa 
\p  
\v 1 Emun duen ebpemuhat te pemuhat he para gasa te \sc Nengazen\sc*, ne ǥemita zin is kineupiyahan he kelasi te herina, ne sehuǥi zin heini te lana wey veyewà.  
\v 2 Uwita zin heini ziyà te menge memumuhat he menge kevuwazan ni Aaron. Ne edterinan te memumuhat haazà te sengekemkem he herina he midsehuǥan te lana, wey ragkes is langun he veyewà he insahug kayi he midtarin din, ne edtutungen din diyà te pemuhatà. Edtutungen din heini he paaǥi te kedtentenuzi te \sc Nengazen\sc*. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*.  
\v 3 Is egkesamà dutun te herina, ne ǥaked ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te \sc Nengazen\sc*. 
\p  
\v 4 Emun duen ebpemuhat te supas he midhilutù diyà te evuwan he pemuhat he para gasa, kinahanglan he iyan egemiten din is kineupiyahan he kelasi te herina he wazà tepayi. Egkehimu he ibpemuhat is mekepal he supas he midsehuǥan te lana etawa menipis he supas he midezasan te lana. 
\p  
\v 5 Emun is ibpemuhat he supas ne ziyà hilutua te mevavew he hilutuey, kinahanglan he iyan egemiten is kineupiyahan he kelasi te herina he edsehuǥan te lana, piru kenà edtepayan.  
\v 6 Ebpenevien heini ne ed-itisan te lana. Pemuhat heini he para gasa. 
\p  
\v 7 Emun diyà edhilutua te karà is supas he ibpemuhat, kinahanglan daan he iyan egemiten is kineupiyahan he kelasi te herina ne edsehuǥan daan heini te lana. 
\p  
\v 8 Uwita heini he menge pemuhat diyà te memumuhat su wey zin ikepemuhat diyà te \sc Nengazen\sc* duen te pemuhatà.  
\v 9 Edterinan heini te memumuhat, ne haazà is tinarin din edtutungen din diyà te pemuhatà he paaǥi te kedtentenuzi te \sc Nengazen\sc*. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*.  
\v 10 Ne is samà dutun te pemuhat, ne ǥaked en ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te \sc Nengazen\sc*. 
\p  
\v 11 Is langun he pemuhat he para gasa he ibpemuhat diyà te \sc Nengazen\sc* kinahanglan he wazè din tapey, su kenè kew engayan he edtutung te tapey etawa teneb dutun te kebpemuhata niw te \sc Nengazen\sc* te pemuhat pinaaǥi te hapuy.  
\v 12 Egkehimu ke ibpemuhat niw is tapey etawa teneb he iring te kebpemuhata niw te egkehuna he sebpet niw, piru kenà heini ereg he edtutungen diyà te pemuhatà.  
\v 13 Timusi niw is langun he menge pemuhat niw he para gasa, su is timus, simbulu te wazà pidtemanan he kebpekid-uyun niw te Megbevayà. Timusi niw is langun he menge pemuhat niw. 
\p  
\v 14 Emun ibpemuhat niw is egkehuna he sebpet niw he iyan gasa he ibeǥey niw ziyà te \sc Nengazen\sc*, pemuhat kew te ginaling he menge trigu he midsandag.  
\v 15 Sehuǥi niw heini te lana wey veyewà. Pemuhat heini he para gasa.  
\v 16 Edtutungen te memumuhat is duma zuen te ginaling he midsehuǥan te lana, wey is langun he veyewà he insahug duen te ginaling he para te kedtentenuzi te \sc Nengazen\sc*. Pemuhat heini pinaaǥi te hapuy para te \sc Nengazen\sc*. 
\c 3  
\s1 Is Pemuhat para te Meupiya he Kedepità 
\p  
\v 1 Emun duen ebpemuhat te vaka he meemahan etawa vehiyan he pemuhat he para te meupiya he kedepità, kinahanglan he iyan din ibpemuhat diyà te etuvangan te \sc Nengazen\sc* is wazè din sazir.  
\v 2 Izampè din is belad din diyà te ulu zutun te vaka, ne ziyè din heini lepaa te ǥemawan te Tulda he Edtelevukaayan. Is lengesa kayi, ne ibpirik te menge memumuhat he menge kevuwazan ni Aaron diyà te peliǥuy zuen te pemuhatà.  
\v 3 Puun dutun te ibpemuhat, ne edtarin is memumuhat te ibpemuhat din diyà te \sc Nengazen\sc* he pemuhat pinaaǥi te hapuy. Egkuwaan din is langun he tavà diyà te seled te ǥetek kayi,  
\v 4 is menge vuwà ragkes is menge tavà kayi, wey is deisey he vahin te atey kayi.  
\v 5 Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*.  
\v 6 Emun kerehidu etawa kambing is ibpemuhat din he para te meupiya he kedepità, meemahan man heini etawa vehiyan, ne kinahanglan he wazè din sazir.  
\v 7 Emun kerehidu is ibpemuhat din diyà te \sc Nengazen\sc*,  
\v 8 izampè din is belad din diyà te ulu zutun te kerehidu ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.  
\v 9 Puun dutun te ibpemuhat, ne edtarin is memumuhat te ibpemuhat din diyà te \sc Nengazen\sc* he pemuhat pinaaǥi te hapuy. Egkuwaan din is menge tavà kayi, is tivuuk he melambù he ikug he midlempek tempeza, is langun he tavà diyà te seled te ǥetek,  
\v 10 is menge vuwà ragkes is menge tavà kayi, wey is deisey he vahin te atey.  
\v 11 Edtutungen heini is langun te memumuhat diyà te pemuhatà he pemuhat he keenen. Pemuhat heini pinaaǥi te hapuy para te \sc Nengazen\sc*. 
\p  
\v 12 Emun kambing is ibpemuhat din diyà te \sc Nengazen\sc*,  
\v 13 izampè din is belad din diyà te ulu zutun te kambing ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.  
\v 14 Puun dutun te ibpemuhat, ne edtarin is memumuhat te ibpemuhat din diyà te \sc Nengazen\sc* he pemuhat pinaaǥi te hapuy. Egkuwaan din is langun he tavà diyà te seled te ǥetek,  
\v 15 is menge vuwà ragkes is menge tavà kayi, wey is deisey he vahin te atey.  
\v 16 Heini is langun, edtutungen te memumuhat diyà te pemuhatà he pemuhat he keenen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*. Is langun he tavà diyà te seled kayi, ne ǥaked te \sc Nengazen\sc*. 
\p  
\v 17 Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà. 
\c 4  
\s1 Is Pemuhat he para Idlumpiyu 
\p  
\v 1-2 Midsuǥù daan te \sc Nengazen\sc* si Moises he keǥiyi zin is menge Israilihanen he is minsan hentei he nekesupak te suǥù he wazè din tivevaa, ne iyan heini ereg he ebeelan din: 
\p  
\v 3 Emun ebpekesalà is lavew he memumuhat he wazè din tivevaa, ne tenged dutun egkezelahig is menge etew, mebpemuhat sikandin diyà te \sc Nengazen\sc* te turiti he vaka he wazè din sazir he pemuhat he para idlumpiyu.  
\v 4 Uwita zin haazà is baka ziyà te ǥemawan te Tulda he Edtelevukaayan. Izampè din is belad din diyà te ulu zutun te vaka ne lepaa zin haazà diyà te etuvangan te \sc Nengazen\sc*.  
\v 5 Ne egkuwa is lavew he memumuhat te lengesa zutun te vaka ne ed-uwiten din haazà diyà te seled te Tulda.  
\v 6 Idtiyuk din is tezù din dutun te lengesa, ne is duma zutun ibpirik din te kepipitu ziyà te egkesineruwan duen te kurtina he ingkurtina te Utew Segradu he Lugar he ziyà te etuvangan te \sc Nengazen\sc*.  
\v 7 Ne ebpelisan din te lengesa sikan is menge sungeysungey te menge suyuk duen te pemuhatà he tutungà te veyewà diyà te seled te Tulda he zutun is \sc Nengazen\sc*. Ne sikan is egkesamà he lengesa zuen te vaka ne id-itis din diyà te dizalem duen te pemuhatà he pemuhat he edtutungen. Heini he pemuhatà ne ziyà te uvey te ǥemawan te Tulda.  
\v 8 Ne egkuwaan din is langun he tavà diyà te seled te ǥetek duen te vaka,  
\v 9 is menge vuwà ragkes is menge tavà kayi, wey is deisey he vahin te atey.  
\v 10 (Iyan daan heini ebeelan diyà te ibpemuhat he uyaǥen he pemuhat he para te meupiya he kedepità.) Edtutungen heini is langun te memumuhat diyà te pemuhatà he pemuhat he edtutungen.  
\v 11-12 Piru is egkesamà he zuma te impemuhat he uyaǥen iring te lundis, sapù, ulu, menge paa, wey is diyà te seled te ǥetek ragkes en is bituka kayi, ne uwita zin heini ziyà te ǥawas te kampu ne tutunga zin diyà te egkeregreg he kayu, diyà te lugar he midtuuwan he lumpiyu, kes lugar he timbaǥà te avu. 
\p  
\v 13 Emun ebpekerapas te suǥù te \sc Nengazen\sc* is tivuuk he keet-etawan te Israel he wazè dan tivevaa, nekesalè dan gihapun minsan pa is kezekelan kandan wazà mesayud mehitenged kayi.  
\v 14 Ne emun egketuenan dan en he nekesalè bes sikandan, is tivuuk he keet-etawan mebpemuhat te turiti he vaka su pemuhat he para idlumpiyu. Uwita zan heini is baka ziyà te Tulda he Edtelevukaayan.  
\v 15 Ne idampà te menge pengulu te menge Israilihanen diyà te ulu zutun te vaka is menge velad dan ne lepaa zan heini ziyà te etuvangan te \sc Nengazen\sc*.  
\v 16 Ne megkuwa is lavew he memumuhat te lengesa zutun te vaka ne uwita zin diyà te seled te Tulda.  
\v 17 Itiyuk din is tezù din duen te lengesa, ne ipirik din heini te kepipitu ziyà te kurtina he ingkurtina zuen te Utew Segradu he Lugar, he zutun is \sc Nengazen\sc*.  
\v 18 Ne pelisi zin te lengesa sikan is menge sungeysungey te menge suyuk duen te pemuhatà diyà te seled te Tulda he zutun is \sc Nengazen\sc*. Ne is egkesamà he lengesa ne iitis din diyà te zizalem duen te pemuhatà he pemuhat he edtutungen. Heini he pemuhatà, ne ziyà te uvey te ǥemawan duen te Tulda.  
\v 19-21 Ne veeli zin daan kayi he vaka is iring te mibeelan din duen te vaka he pemuhat he para idlumpiyu: Kuwaa zin is langun he tavà duen te vaka, ne tutunga zin diyà te pemuhatà, ne tutunga zin mulà sikan is baka ziyà te ǥawas te kampu. Ne pinaaǥi te kebeeli kayi te lavew he memumuhat, ne egkevelukasan is menge Israilihanen puun te menge salè dan, ne ebpeseyluwen sikandan te \sc Nengazen\sc*. Iyan heini pemuhat he para idlumpiyu te tivuuk he menge etew te Israel. 
\p  
\v 22 Emun ebpekerapas te suǥù te \sc Nengazen\sc* he Megbevayè din is sevaha he egalen, piru wazè din heini tivevaa, nekesalà gihapun sikandin.  
\v 23 Ne emun egketuenan din en he nekesalè bes sikandin, ne mebpemuhat sikandin te meemahan he kambing he wazè din sazir.  
\v 24 Pemuhat heini he idlumpiyu kandin. Izampè din is belad din diyà te ulu zutun te kambing, ne lepaa zin haazà diyà te etuvangan te \sc Nengazen\sc*, diyà te lugar he lepeey zaan te menge pemuhat he uyaǥen he iyan pemuhat he edtutungen.  
\v 25 Ne itiyuk te memumuhat is tezù din duen te lengesa te kambing, ne ipalis din haazà duen te menge sungeysungey te menge suyuk duen te pemuhatà te pemuhat he edtutungen. Is egkesamà he lengesa, iitis din diyà te dizalem duen te pemuhatà.  
\v 26 Ne tutunga zin is langun he tavà diyà te pemuhatà iring ded te ebeelan duen te tavà te ibpemuhat he uyaǥen he pemuhat he para te meupiya he kedepità. Pinaaǥi te kebeeli kayi te memumuhat, egkevelukasan is etew puun te salè din, ne ebpeseyluwen sikandin te \sc Nengazen\sc*. 
\p  
\v 27 Emun is sevaha keniyu nekerapas te suǥù te \sc Nengazen\sc* he wazè din tivevaa, nekesalà gihapun sikandin.  
\v 28 Emun egketuenan din en he nekesalè bes sikandin, ne mebpemuhat sikandin te vehiyan he kambing he wazè din sazir he para te salà he neveelan din.  
\v 29 Izampè din is belad din dutun te ulu zuen te pemuhat he para idlumpiyu, ne lepaa zin heini ziyà te Tulda, zuen te lugar he lepeey te menge uyaǥen he iyan pemuhat he edtutungen.  
\v 30 Ne itiyuk te memumuhat is tezù din diyà te lengesa zuen te kambing, ne ipalis din haazà diyà te menge sungeysungey te menge suyuk duen te pemuhatà he pemuhat he edtutungen. Ne is egkesamà he lengesa ne iitis din diyà te zizalem duen te pemuhatà.  
\v 31 Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te \sc Nengazen\sc*. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te \sc Nengazen\sc*. 
\p  
\v 32 Emun kerehidu is ibpemuhat te etew para melumpiyuwi sikandin, kinahanglan he vehiyan heini he wazè din sazir.  
\v 33 Izampè din is belad din diyà te ulu zutun te kerehidu ne lepaa zin heini ziyà te Tulda, zuen te lugar he lepeey te menge uyaǥen he iyan pemuhat he edtutungen.  
\v 34 Ne idtiyuk te memumuhat is belad din diyà te lengesa zuen te kerehidu, ne ipalis din heini ziyà te menge sungeysungey te menge suyuk te pemuhatà te pemuhat he edtutungen. Is egkesamà he lengesa id-itis diyà te dizalem duen te pemuhatà.  
\v 35 Ne kuwaa zin is langun he tavà duen te kerehidu iring te ebeelan duen te pemuhat he kerehidu he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà duma te zuma he menge pemuhat pinaaǥi te hapuy para te \sc Nengazen\sc*. Pinaaǥi kayi te ebeelan te memumuhat, egkevelukasan is etew puun te salè din, ne ebpeseyluwen sikandin te \sc Nengazen\sc*. 
\c 5  
\p  
\v 1 Emun is sevaha he etew kenà egkaǥi ziyà te hukmanan mehitenged te neehè din etawa netuenan din, ne zuen din televaken.  
\v 2 Emun duen nekeǥawed te minsan hengkey he mid-isip he meremerik, he iring te minatey he meremerik he menge langgam, nekesalà sikandin wey neremerikan sikandin minsan wazè din metueni he nekeǥawed sikandin.  
\v 3 Emun nekeǥawed sikandin te meremerik he vutang te etew he wazè din metueni he igkehimu ves kandin he meremerik is kegkeveeli zin dutun, ebpekesalà sikandin dutun te timpu te kegketueni zin kayi. 
\p  
\v 4 Emun ebpenangdù is sevaha he etew he kenè din ed-is-isipen ke meupiya ve haazà wey ke mezaat is impenangdù din he ebeelan din, ne haazà nekepehimu kandin he meremerik, ne ebpekesalà sikandin emun egkepurung din en egkeisip-isip is mibeelan din. 
\p  
\v 5 Emun ebpekesalà is etew te minsan hendei keniyan he menge vaal, kinahanglan he egkeǥiyen din heini.  
\v 6 Ne veyazi zin haazà is salà he neveelan din pinaaǥi te kebpemuhat din diyà te \sc Nengazen\sc* te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din. 
\p  
\v 7 Ne emun kenà sikandin ebpekeveleveg he ebpemuhat te kerehidu, mebpemuhat dà sikandin te zezuwa he merepatik etawa zezuwa he limuken he vayad te salè din: is sevaha pemuhat he para idlumpiyu ne is sevaha ne pemuhat he edtutungen.  
\v 8 Uwita zin heini ziyà te memumuhat ne idhuna ibpemuhat duen te memumuhat sikan is pemuhat he para idlumpiyu. Egurivizen te memumuhat is lieg kayi, piru kenè din ebpitasen.  
\v 9 Ne ibpirik din is duma he lengesa kayi ziyà te kilid te pemuhatà, ne is egkesamà he lengesa, ne ibpirik din diyà te zizalem te pemuhatà. Iyan heini pemuhat he ebpekelumpiyu te etew.  
\v 10 Ne ibpemuhat daan duen te memumuhat sikan is sevaha pa he pemuhat he edtutungen, sumalà te paaǥi te kebpemuhata kayi. Pinaaǥi te kebeeli kayi te memumuhat, egkevelukasan is etew puun te salè din, ne ebpeseyluwen sikandin te \sc Nengazen\sc*. 
\p  
\v 11 Piru emun kenè pa sikandin ebpekevaug te zezuwa he merepatik etawa zezuwa he limuken, ne mebpemuhat dà sikandin te zezuwa he kilu he meupiya he kelasi he herina. Kinahanglan he kenè din heini edsehuǥan te lana wey veyewà su pemuhat heini he idlumpiyu, ne kenà heini pemuhat he para gasa.  
\v 12 Ne uwita zin heini ziyà te memumuhat ne edtarin dutun is memumuhat te sengekemkem he paaǥi te ketentenuzi te \sc Nengazen\sc*. Ne haazà is tinarin din, ne edtutungen din diyà te pemuhatà duma te zuma he menge pemuhat diyà te \sc Nengazen\sc* he pinaaǥi te hapuy. Pemuhat heini he para te idlumpiyu.  
\v 13 Pinaaǥi te kebeeli kayi te memumuhat egkevelukasan is etew te minsan hendei zutun he menge salà he neveelan din, ne ebpeseyluwen sikandin te \sc Nengazen\sc*. Is egkesamà dutun te pemuhat he herina gaked en te memumuhat, iring te ebeelan duen te pemuhat he para gasa. 
\s1 Is Pemuhat he Bayad te Salà 
\p  
\v 14 Insuǥù pa heini te \sc Nengazen\sc* ki Moises: 
\p  
\v 15 Emun ebpekesupak is sevaha he etew tenged te wazè din ikeveǥey is butang he para pezem te \sc Nengazen\sc*, minsan wazè din heini tivevaa, kinahanglan he ebpemuhat sikandin te meemahan he kerehidu he wazè din sazir he vayad te salè din. Is bali te kerehidu ibpesikad diyà te keveǥat te pelata ziyà te timbangan he egemiten te menge memumuhat. Heini he pemuhat, ne bayad te salà.  
\v 16 Ne ǥawas dutun te kerehidu, kinahanglan he ebeyazan din sikan is wazè din ikeveǥey te \sc Nengazen\sc*, ne umani zin pa te 20 pursintu is bali zutun te wazè din ikeveǥey. Ne iveǥey zin haazà is langun diyà te memumuhat he iyan ebpemuhat duen te kerehidu para mevelukasi sikandin te salè din, ne ebpeseyluwen sikandin te \sc Nengazen\sc*. 
\p  
\v 17 Emun nekerapas te suǥù te \sc Nengazen\sc* is sevaha he etew he wazè din metueni, nekesalà sikandin, ne zuen din televaken diyà te \sc Nengazen\sc*.  
\v 18-19 Kinahanglan he ed-uwit sikandin diyà te memumuhat te meemahan he kerehidu he wazè din sazir, he ibpemuhat din he vayad te salè din. Ne kinahanglan he is bali kayi ibpesikad diyà te keveǥat te pelata ziyà te timbangan he egemiten te menge memumuhat. Ne pinaaǥi te kebpemuhata kayi te memumuhat, egkevelukasan is etew puun te salè he neveelan din he wazà tivevaa, ne ebpeseyluwen sikandin te \sc Nengazen\sc*. 
\c 6  
\p  
\v 1 Iyan heini migkaǥi te \sc Nengazen\sc* diyà te ki Moises  
\v 2 mehitenged te etew he nekerapas te egkesuatan te \sc Nengazen\sc* pinaaǥi te kedlimbung te iring din he etew mehitenged te vutang he mibpetipiǥan kandin etawa intaǥak diyà te kandin, etawa kedtakew kayi he vutang, etawa kebpenapì,  
\v 3 etawa midtarùtarù mehitenged te vutang he netazin he migkaǥi zin he wazè din maahà, etawa nengulivet te tarù he wazè din meveeli is minsan hendei kayi he menge salà.  
\v 4 Emun egketuenan he tutuu he nekesalà sikandin, kinahanglan he id-ulì din is tinakew zin, etawa nekuwa zin pinaaǥi te limbung, etawa menge azen he intaǥak etawa mibpetipiǥan kandin, etawa menge azen he netazin he neehè din,  
\v 5 etawa minsan hengkey he menge azen he impengulivet din he wazà diyà te kandin, piru is tutuu, ziyè bes te kandin. Kinahanglan he iulì din heini ziyà te teǥiǥaked he wazà meterini, ne umani zin pa te 20 pursintu is bali kayi. Iveǥey zin heini ziyà te teǥiǥaked dutun te andew te kebpemuhat din te pemuhat he vayad te salè din.  
\v 6 Med-uwit sikandin diyà te memumuhat te meemahan he kerehidu he wazè din sazir, ne ipemuhat din heini ziyà te \sc Nengazen\sc* he vayad te salè din. Ne kinahanglan he is bali te kerehidu ne pelata he ibpesikad is keveǥat din diyà te timbangan he egemiten te menge memumuhat.  
\v 7 Pinaaǥi kayi te ebeelan te memumuhat diyà te etuvangan te \sc Nengazen\sc*, ne egkevelukasan is etew te salè din, ne ebpeseyluwen sikandin te \sc Nengazen\sc* te salà he neveelan din. 
\s1 Is Duma pa he menge Sulunuzen Mehitenged te Pemuhat he Edtutungen 
\p  
\v 8-9 Midsuǥù te \sc Nengazen\sc* si Moises he keǥiyi zin si Aaron wey sikan is menge anak din he menge maama, kayi he menge sulunuzen mehitenged te pemuhat he edtutungen: 
\p Heini he pemuhat kinahanglan he idtaǥak diyà te pemuhatà taman te egkepawà he kenà ed-ewaan te hapuy haazà is pemuhatà.  
\v 10 Idsun-ud te memumuhat is pendivavew he visti zin he linu, wey is pendizalem he visti he linu he ebpeketambun te pid-etawan din, ne egkuwaan din is igmuk kayi he pemuhat, ne idsavuk din diyà te kilid te pemuhatà.  
\v 11 Ne kegkepasad kayi, med-ilis sikandin te visti zin, ne uwita zin haazà is igmuk diyà te ǥawas te kampu, ziyà te lugar he ed-isipen he lumpiyu.  
\v 12 Kinahanglan he kenà ed-ewaan te hapuy haazà is pemuhata; kenà heini ed-evukan. Kada meselem ne edtevunan heini te memumuhat, ne ibpurung din idsavuk dutun te hapuy is pemuhat he edtutungen. Iragkes din daan te edtutung is menge tavà te uyaǥen he pemuhat he para te meupiya he kedepità.  
\v 13 Kinahanglan he kenà ed-ewaan te hapuy haazà is pemuhatà; kenà heini ed-evukan. 
\s1 Is Duma pa he menge Sulunuzen Mehitenged te Pemuhat he para Gasa 
\p  
\v 14 Iyan heini menge sulunuzen mehitenged te pemuhat he para gasa: 
\p Is menge memumuhat he menge kevuwazan ni Aaron iyan ed-uwit kayi he pemuhat diyà te etuvangan te \sc Nengazen\sc* diyà te egkesineruwan duen te pemuhatà.  
\v 15 Edterinan te memumuhat te sengekemkem heini is pemuhat he herina he zuen duen lana, ne edtutungen din haazà is tinarin din diyà te pemuhatà ragkes is langun he veyewà he insahug dutun te herina. Edtutungen din heini he paaǥi te kedtentenuzi te \sc Nengazen\sc*, is kehemut kayi he pemuhat ebpekepenunuat te \sc Nengazen\sc*.  
\v 16-17 Is egkesamà he herina, ne edhilutuen ne egkeenen ni Aaron wey te menge memumuhat he menge kevuwazan din. Piru hilutua zan heini he wazè din tapey, ne keena zan diyà te lama te Tulda he Edtelevukaayan, he segradu he lugar. Imbeǥey heini kandan te \sc Nengazen\sc* he kandan he vahin duen te menge pemuhat he pinaaǥi te hapuy. Is pemuhat he para gasa utew heini segradu iring te pemuhat he para idlumpiyu wey te pemuhat he vayad te salà.  
\v 18 Is langun he maama he menge kevuwazan ni Aaron egkehimu he egkeenen dan is bahin dan dutun te menge pemuhat pinaaǥi te hapuy. Para zà heini kandan taman te peleebuten he menge kevuwazan wey kenà heini egkeengked taman te taman. Is ebpekezegkit kayi he menge pemuhat, egkeipiktuwan te kegkesegradu kayi. 
\p  
\v 19 Iyan heini migkaǥi te \sc Nengazen\sc* diyà te ki Moises  
\v 20 mehitenged te pemuhat he para te \sc Nengazen\sc* he ibpemuhat ni Aaron dutun te andew te kedhimuwa kandin he lavew he memumuhat, he kinahanglan he ed-ul-ulahan daan te menge kevuwazan din he ebpekeilis kandin: 
\p Mebpemuhat sikandin te zezuwa he kilu he meupiya he kelasi he herina. Pemuhat heini he para te kebeǥey te zengeg diyà te \sc Nengazen\sc*, he layun heini ebeeli taman te taman. Is liwazà kayi ne ipemuhat din ke meselem ne is liwazà wey ke mahapun.  
\v 21 Heini he herina edsehuǥan te lana ne edhilutuen diyà te mevavew he hilutuey. Emun egkelutù en, ebpenevien ne ibpemuhat diyà te \sc Nengazen\sc* he iyan pemuhat he para gasa. Is kehemut kayi he pemuhat ebpekepenunuat kandin.  
\v 22 Ne kinahanglan he edtutungen heini langun, su heini he pemuhat, ne para te \sc Nengazen\sc*, ne ed-ul-ulahan heini taman te taman. Kinahanglan he ed-ul-ulahan heini te kevuwazan ni Aaron he iyan ebpekeilis kandin he egkehimu he memumuhat.  
\v 23 Is langun he menge pemuhat he para gasa zutun te memumuhat kinahanglan he pudu edtutunga; kenà heini egkeenen. 
\s1 Is Duma pa he menge Sulunuzen Mehitenged te Pemuhat he para Idlumpiyu 
\p  
\v 24 Midsuǥù en maan te \sc Nengazen\sc* si Moises  
\v 25 he egkeǥiyan si Aaron wey sikan is menge anak din he maama kayi he menge sulunuzen: 
\p Is pemuhat he para idlumpiyu, kinahanglan he edlepaan diyà te etuvangan te \sc Nengazen\sc* diyà te lugar he lepeey te pemuhat he edtutungen. Is pemuhat he para idlumpiyu, utew heini segradu he pemuhat.  
\v 26 Is memumuhat he ebpemuhat kayi, kinahanglan he megkaan kayi ziyà te lama te Tulda he Edtelevukaayan, kes segradu he lugar.  
\v 27 Is minsan hentei he ebpekesamsam kayi egkeipiktuwan te kegkesegradu kayi. Ne is bisti he egkepesikan te lengesa kayi he pemuhat kinahanglan he ebpìpian diyà te segradu he lugar zuen te Tulda.  
\v 28 Kinahanglan he edtevien is diniyun he edhilutuan keniyan he pemuhat. Piru emun diyà heini hilutua te kuzen, kinahanglan he egkeǥisan heini he kuzen ne edlùluan te wahig.  
\v 29 Egkehimu he egkaan kayi he pemuhat is langun he maama ziyà te pemilya te menge memumuhat. Utew heini segradu he pemuhat.  
\v 30 Piru emun ed-uwiten is lengesa kayi he pemuhat diyà te Segradu he Lugar zuen te seled te Tulda, su wey mepesaylu is salà te sevaha he etew, ne kenà egkeenen heini he pemuhat, kekenà, edtutungen. 
\c 7  
\s1 Is Duma pa he menge Sulunuzen Mehitenged te Pemuhat he Bayad te Salà 
\p  
\v 1 Iyan heini menge sulunuzen mehitenged te pemuhat he vayad te salà. Segradu utew heini he pemuhat. 
\p  
\v 2 Is pemuhat he vayad te salà edlepaan diyà te lepeey te pemuhat he edtutungen. Ne is lengesa kayi ibpirik diyà te peliǥuy te pemuhatà.  
\v 3 Pudu ibpemuhat is tavà kayi: is melambù he ikug, is menge tavà diyà te seled te getek,  
\v 4 is menge vuwà ragkes is menge tavà kayi, wey is deisey he vahin te atey.  
\v 5 Heini is langun edtutungen te memumuhat diyà te pemuhatà he pemuhat pinaaǥi te hapuy para te \sc Nengazen\sc*. Pemuhat heini he vayad te salà.  
\v 6 Ebpekekaan te egkesamà kayi he pemuhat is langun he maama ziyà te pemilya te menge memumuhat, piru kinahanglan he ziyè dan heini egkeena te segradu he lugar, su utew heini segradu.  
\v 7 Ebpeked-iring dà is sulunuzen mehitenged te pemuhat he para idlumpiyu wey te pemuhat he vayad te salà: is usa kayi he menge pemuhat gaked en te memumuhat he nemuhat kayi.  
\v 8 Is lundis te uyaǥen he pemuhat he edtutungen ne ǥaked daan te memumuhat he nemuhat duen.  
\v 9 Iring daan te langun he menge pemuhat he para gasa, he midhilutù diyà te evuwan etawa karà etawa mevavew he hilutuey, ne ǥaked en daan heini te memumuhat he nemuhat duen.  
\v 10 Is langun he menge pemuhat he para gasa, he midsehuǥan te lana etawa wazà, ne ǥaked en daan te menge kevuwazan ni Aaron ne purungi zan heini bevehina. 
\s1 Is Duma pa he menge Sulunuzen Mehitenged te Pemuhat he para te Meupiya he Kedepità 
\p  
\v 11 Iyan heini menge sulunuzen mehitenged te pemuhat he para te meupiya he kedepità te \sc Nengazen\sc*: 
\p  
\v 12 Emun ebpemuhat is etew te pemuhat para te meupiya he kedepità su ebpeselematan din is \sc Nengazen\sc*, ne perisi zin heini te supas. Med-uwit sikandin te supas he wazè din tapey iring te supas he mekepal he midsehuǥan te lana, supas he menipis he midezasan te lana, wey supas he iyan mibeelan is meupiya he kelasi te herina he midsehuǥan te lana.  
\v 13 Ne gawas keniyan, med-uwit daan sikandin te supas he zuen din tapey.  
\v 14 Mebpemuhat sikandin te tigselimbaha ziyà te kada kelasi kayi he supas he gasa ziyà te \sc Nengazen\sc*. Ne ǥaked en heini te memumuhat he mibpemirik te lengesa he pemuhat he para te meupiya he kedepità.  
\v 15 Is usa te uyaǥen he pemuhat he para te kebpeselamat diyà te \sc Nengazen\sc*, kinahanglan he egkeenen te nemuhat wey te pemilya zin wey te menge memumuhat dutun dà te andew te kebpemuhata kayi; kinahanglan he wazà egkesamà kayi zutun te sunud he andew. 
\p  
\v 16 Emun is pemuhat din para te meupiya he kedepità he ibpemuhat din he para te kedtuman te penaad etawa pemuhat he keugelingen din he suat, is usa kayi egkeenen dutun dà he andew te kebpemuhata zuen. Iyan, emun duen pa egkesamà he usa, egkehimu heini he egkeenen dutun te sunud he andew.  
\v 17 Ne emun duen pa maan egkesamà he usa taman te iketelu he andew, kinahanglan en he edtutungen heini.  
\v 18 Emun duen egkaan duen te usa zutun te iketelu he andew, ne haazà he pemuhat kenà edewaten te \sc Nengazen\sc* ne wazà pulus te kebpemuhata zuen. Ed-isipen heini he utew mezaat ne zuen televaken te minsan hentei he egkaan kayi.  
\v 19 Emun ebpekezegkit is usa ziyà te minsan hengkey he mid-isip he meremerik, ne kenè ne heini ereg he egkeenen, ne edtutungen en heini. Is minsan hentei he ed-isipen he lumpiyu, egkehimu he egkaan kayi.  
\v 20 Piru is minsan hentei he ed-isipen he meremerik he egkaan kayi te usa he para te \sc Nengazen\sc*, ne heeyan he etew kenè niw en isipa he zuma niw.  
\v 21 Emun duen ebpezegkit dutun te minsan hengkey he ed-isipen he meremerik, iring te meremerik he menge vutang te etew, etawa meremerik he langgam, etawa minsan hengkey he meremerik, ne egkaan sikandin te usa kayi he pemuhat he para te \sc Nengazen\sc*, ne heeyan he etew kenè niw en isipa he zuma niw. 
\s1 Kenà Egkeenen is Lengesa wey is Tavà 
\p  
\v 22 Midsuǥù te \sc Nengazen\sc* si Moises  
\v 23 he keǥiya zin heini ziyà te menge Israilihanen: 
\p Kenè kew kaan te tavà te vaka, kerehidu, etawa kambing.  
\v 24 Is tavà te langgam he ebpatey zà etawa nepatey te zuma he langgam egkehimu he egemiten niw ziyà te minsan hengkey he egemitan niw zuen, piru kenè niw keena.  
\v 25 Is minsan hentei he egkaan te tavà he egkehimu he ibpemuhat diyà te \sc Nengazen\sc* he pemuhat pinaaǥi te hapuy, ne kenè niw en isipa he zuma niw.  
\v 26 Minsan hendei kew ed-ubpà, ne kenè kew megkaan te lengesa te langgam ragkes en is lengesa te tagbis.  
\v 27 Is minsan hentei he egkaan te lengesa, ne kenè niw en isipa he zuma niw. 
\s1 Is Bahin te menge Memumuhat 
\p  
\v 28 Mid-uman medsuǥù is \sc Nengazen\sc* ki Moises  
\v 29 he keǥiya zin heini ziyà te menge Israilihanen: 
\p Is minsan hentei he ebpemuhat te pemuhat he para te meupiya he kedepità, kinahanglan he mebeǥey sikandin te vahin kayi he pemuhat diyà te \sc Nengazen\sc* he iyan ebpekezawat duen is menge memumuhat.  
\v 30 Heini he pemuhat, ne uwita zuen te ebpemuhat diyà te pemuhatà. Uwita zin is tavà wey is kumeng duen te uyaǥen, ne ivayew zin sikan is kumeng diyà te etuvangan te \sc Nengazen\sc* su pemuhat he ibayew.  
\v 31 Edtutungen duen te memumuhat sikan is tavà diyà te pemuhatà, piru sikan is kumeng, ne ǥaked en ni Aaron wey te menge kevuwazan din he menge memumuhat.  
\v 32-33 Is kewanan he vuvun duen te uyaǥen ne ibeǥey ziyà te memumuhat he nemuhat te lengesa wey tavà kayi.  
\v 34 Ibeǥey te \sc Nengazen\sc* is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman. 
\p  
\v 35 Iyan haazà bahin te menge pemuhat pinaaǥi te hapuy he para te \sc Nengazen\sc*, he ibahin diyà te ki Aaron wey te menge kevuwazan din dutun te andew te kebpehinunguza kandan, su wey zan mekepenilbi te \sc Nengazen\sc* pinaaǥi te kegkememumuhat dan.  
\v 36 Dutun he andew te kedhimuwa te menge memumuhat he menge memumuhat, midsuǥù te \sc Nengazen\sc* is menge Israilihanen he iveǥey zan haazà he vahin he para te menge memumuhat, para kandan haazà taman te taman, ne tumana zan heini wey te peleebuten he kevuwazan dan. 
\p  
\v 37 Iyan haazà menge sulunuzen mehitenged te pemuhat he edtutungen, pemuhat he para gasa, pemuhat he para idlumpiyu, pemuhat he vayad te salà, pemuhat he para te kedhimuwa te memumuhat he memumuhat, wey pemuhat he para te meupiya he kedepità.  
\v 38 Menge sulunuzen heini he imbeǥey te \sc Nengazen\sc* diyà te ki Moises diyà te sibsivayan he ziyà te Buntud he Sinai, hein midsuǥù din is menge Israilihanen te kebpemuhat diyà te kandin. 
\c 8  
\s1 Is Kebpehinunguza ki Aaron wey te menge Anak Din he menge Maama he menge Memumuhat 
\r (Exodus 29:1-37) 
\p  
\v 1 Migkaǥi is \sc Nengazen\sc* diyà te ki Moises te,  
\v 2-3 “Ipehendiyè nu si Aaron wey sikan is menge anak din he maama te ǥemawan te Tulda he Edtelevukaayan, ne tiǥuma nu ziyà is langun he menge Israilihanen. Ipeuwit nu is menge visti he para te menge memumuhat, is lana he para te idlana, is tudu he vaka he pemuhat he para idlumpiyu, is dezuwa he meemahan he menge kerehidu, wey is revan he midteǥuan te menge supas he wazè din tapey.” 
\p  
\v 4 Midtuman ni Moises is insuǥù kandin te \sc Nengazen\sc*, ne midtiǥum is menge Israilihanen diyà te ǥemawan duen te Tulda he Edtelevukaayan.  
\v 5 Ne migkeǥiyan sikandan ni Moises he heini is ebeelan din, insuǥù kandin te \sc Nengazen\sc*.  
\v 6 Miduma zin diyà te teliwazà si Aaron wey is menge anak din, ne impepemeziǥù din sikandan.  
\v 7 Ne impesul-ub din ki Aaron is bisti te lavew he memumuhat: is pendizalem he visti, is bakes, is pendivavew he visti, wey is ipud he mibpikitan te vakes he mibpurpurungan is kedhevela zuen.  
\v 8 Ne impeseluub daan ni Moises diyà te ki Aaron is teleǥuey ziyà te kumeng, ne intaǥù din dutun is Urim wey Thumim.  
\v 9 Ne impesuup din diyà te ulu ni Aaron is tengkulu, ne impikit din diyà te sineruwan dutun te tengkulu is bulawan he simbulu he mibpilì si Aaron he para te \sc Nengazen\sc*. Mibeelan ni Moises heini is langun sumalà te insuǥù kandin te \sc Nengazen\sc*. 
\p  
\v 10 Ne migkuwa ni Moises is lana, ne mibpirikan din sikan is Tulda he Ed-ezapan wey is langun he netaǥù kayi. Su idhalad haazà he menge vutang diyà te \sc Nengazen\sc*.  
\v 11 Kepipitu zin piriki te lana sikan is pemuhatà wey is langun he ǥelemiten dutun te pemuhatà, ne iring din ded daan is bisin wey is selevukà kayi. Mibeelan din heini su inhalad din heini he menge azen diyà te \sc Nengazen\sc*.  
\v 12 Ne mibpetiǥisan din te lana is ulu ni Aaron he paaǥi te kebpehinunguza kandin diyà te \sc Nengazen\sc*.  
\v 13 Ne miduma zin diyà te teliwazà is menge anak ni Aaron he menge maama, ne mibistiyan din sikandan te visti he para te memumuhat wey mibekesan heini. Midsul-uvan daan sikandan te menge kalù. Mibeelan heini ni Moises sumalà te insuǥù kandin te \sc Nengazen\sc*.  
\v 14 Ne kegkepasad dutun, impekuwa ni Moises is tudu he vaka he pemuhat he para idlumpiyu. Ne indampà ni Aaron wey te menge anak din is menge velad dan diyà te ulu zuen te vaka.  
\v 15 Midlapà ni Moises haazà is baka ne migkuwa sikandin te lengesa kayi. Intiyuk din is tezù din duen te lengesa, ne mibpelisan din sikan is menge sungeysungey te menge suyuk te pemuhatà he iyan kedlumpiyuwi kayi. Ne in-itis dutun is nesamà he lengesa diyà te zizalem duen te pemuhatà. Iyan heini paaǥi te kebpehinunguza zin duen te pemuhatà diyà te \sc Nengazen\sc*, su para mehimu heini he ereg he ebpekelibri te mekesesalà.  
\v 16 Migkuwa zaan ni Moises is langun he tavà diyà te seled te ǥetek duen te uyaǥen, is deisey he vahin te atey, is menge vuwà ragkes is menge tavà kayi, ne midtutung din heini is langun diyà te pemuhatà.  
\v 17 Is nengesamà he vahin duen te vaka iring te sapù, lundis, wey menge vituka, midtutung din diyà te ǥawas te kampu. Mibeelan heini ni Moises sumalà is insuǥù kandin te \sc Nengazen\sc*.  
\v 18 Kegkepasad dutun, impekuwa ni Moises sikan is meemahan he kerehidu he pemuhat he edtutungen. Ne indampà ni Aaron wey te menge anak din is menge velad dan diyà te ulu zuen te kerehidu.  
\v 19 Midlapà ni Moises haazà is kerehidu, ne impirik din is lengesa kayi ziyà te peliǥuy te pemuhatà.  
\v 20-21 Midsapù din haazà is uyaǥen, ne midtutung din is ulu, is tavà, wey is duma he menge parti kayi. Midlùluan din is menge vahin he ziyà te seled te ǥetek wey is menge paa. Ne midtutung din diyà te pemuhatà is langun he parti zutun te uyaǥen he pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*. Mibeelan heini ni Moises sumalà te insuǥù kandin te \sc Nengazen\sc*.  
\v 22 Ne impekuwa zaan ni Moises sikan is ikezuwa he meemahan he kerehidu. Heini he kerehidu pemuhat he para te kedhimuwa te memumuhat he memumuhat. Indampà ni Aaron wey te menge anak din is menge velad dan diyà te ulu zuen te kerehidu.  
\v 23 Ne midlapà ni Moises haazà is kerehidu, ne migkuwa sikandin te lengesa kayi, ne impalis din diyà te zizalem he vahin te kewanan he telinga ni Aaron, diyà te kewanan he tindezekelà te velad din, wey ziyà te kewanan he tindezekelà te paa zin.  
\v 24 Ne miduma zaan ni Moises diyà te teliwazà is menge anak ni Aaron he maama, ne mibpelisan din daan te lengesa is dizalem he vahin te kewanan he telinga zan, is tindezekelà te kewanan he velad dan, wey is tindezekelà te kewanan he menge paa zan, ne impirik din sikan is lengesa ziyà te peliǥuy zuen te pemuhatà.  
\v 25 Migkuwa zin is menge tavà, is melambù he ikug, is langun he tavà diyà te seled te ǥetek, is deisey he vahin te atey, is menge vuwà ragkes is menge tavà kayi, wey is kewanan he vuvun.  
\v 26-27 Ne migkuwa si Moises te tigselimbaha ziyà te kada kelasi te menge supas he wazè din tapey he intaǥù diyà te revan, ne impemuhat din diyà te \sc Nengazen\sc*. Is migkuwa zin supas he mekepal he wazè din tapey, supas he midsehuǥan te lana, wey supas he menipis. Impetepayè din heini ki Aaron wey te menge anak din ragkes is langun he menge tavà wey sikan is kewanan he vuvun te kerehidu, ne imbayew zin heini ziyà te \sc Nengazen\sc* su pemuhat heini he ibayew.  
\v 28 Ne kegkepasad te kebeyawa kayi, migkuwa heini ni Moises diyà te kandan ne midtutung din diyà te pemuhatà duma zuen te pemuhat he edtutungen. Pemuhat heini he para te kedhimuwa te memumuhat he memumuhat. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*.  
\v 29 Migkuwa zaan ni Moises is kumeng duen te kerehidu, ne imbayew zin diyà te \sc Nengazen\sc* su pemuhat heini he ibayew. Iyan heini ki Moises he vahin duen te kerehidu he pemuhat he para te kedhimuwa te memumuhat he memumuhat. Ne mibeelan ni Moises heini is langun sumalà te insuǥù kandin te \sc Nengazen\sc*. 
\p  
\v 30 Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te \sc Nengazen\sc*.  
\v 31 Ne migkeǥiyan ni Moises si Aaron wey is menge anak ni Aaron te, “Lutua niw ziyà te ǥemawan te Tulda he Edtelevukaayan sikan is usa, ne sumalà te insuǥù keniyu ne keena niw heini zutun duma zuen te supas he intaǥù te revan he pemuhat para te kedhimuwa te memumuhat he memumuhat.  
\v 32 Ne tutunga niw is egkesamà he usa wey supas.  
\v 33 Kenè kew awà dutun seled te pitu he andew, taman te egkepasad is kedhimuwa keniyu he memumuhat.  
\v 34 Iyan is \sc Nengazen\sc* midsuǥù kenitew te kebaal kayi te ebeelan tew ǥuntaan, su para mevelukasi kew puun te menge salè niw.  
\v 35 Kinahanglan he kenè kew med-awà kayi te maandew wey mezukilem seled te pitu he andew, ne veeli niw is ebpeveelan te \sc Nengazen\sc* su wey kew kenà mebpatey, su iyan heini migkaǥi te \sc Nengazen\sc* kayi te kedì he ibpeveelan keniyu.”  
\v 36 Umbe, midtuman ni Aaron wey te menge anak din is langun he insuǥù te \sc Nengazen\sc* pinaaǥi ki Moises. 
\c 9  
\s1 Mibpuunan te menge Memumuhat is Buluhaten Dan 
\p  
\v 1 Hein ikewalu he andew he iyan kegkepasad te kedhimuwa ki Aaron he memumuhat, impetawag ni Moises si Aaron wey sikan is menge anak din he maama, wey is menge edumala te menge Israilihanen.  
\v 2 Migkeǥiyan ni Moises si Aaron te, “Kuwa ka te sevaha he turiti he vaka wey sevaha he meemahan he kerehidu he pudu wazè din sazir, ne ipemuhat nu ziyà te \sc Nengazen\sc*. Is baka, pemuhat he para idlumpiyu, ne is kerehidu, pemuhat he edtutungen.  
\v 3 Ne keǥiyi nu is menge Israilihanen he megkuwa zan te meemahan he kambing he pemuhat he para idlumpiyu. Wey megkuwa zan daan te vaka wey kerehidu he pudu tig senge-tuig pa is keǥurang he wazè din sazir he pemuhat he edtutungen.  
\v 4 Megkuwa zaan sikandan te vaka wey meemahan he kerehidu he pemuhat dan para te meupiya he kebpekidepità. Ipemuhat dan heini zuma zuen te pemuhat he para gasa he midsehuǥan te lana, su ǥuntaan he andew ibpaahà te \sc Nengazen\sc* is kebpekiduma zin keniyu.” 
\p  
\v 5 Umbe, mid-uwit dan diyà te egkesineruwan duen te Tulda he Edtelevukaayan is langun he insuǥù kandan ni Moises he uwita zan. Mid-amur-amur zan is langun diyà te etuvangan te \sc Nengazen\sc*.  
\v 6 Migkaǥi si Moises diyà te kandan te, “Midsuǥù kew te \sc Nengazen\sc* te kebaal kayi te kebpemuhat su wey zin ikepezayag diyà te keniyu is gehem din.”  
\v 7 Ne migkeǥiyan din si Aaron te, “Uvey ka ziyà te pemuhatà ne ipemuhat nu is pemuhat he para idlumpiyu wey is pemuhat he edtutungen su wey ka mevelukasi wey is pemilya nu puun te menge salè niw. Ne sumalà te insuǥù te \sc Nengazen\sc*, ipemuhat nu zaan is pemuhat te menge etew su wey zan mevelukasi puun te menge salè dan.” 
\p  
\v 8 Umbe, mid-uvey si Aaron duen te pemuhatà ne midlapè din sikan is turiti he vaka he pemuhat he para idlumpiyu kandin.  
\v 9 Is lengesa kayi mid-uwit te menge anak din diyà te kandin, ne intiyuk din is tezù din dutun te lengesa, ne impirik din heini ziyà te menge sungeysungey te menge suyuk duen te pemuhatà. Is nesamà he lengesa in-itis din diyà te zizalem duen te pemuhatà.  
\v 10 Midtutung din diyà te pemuhatà is menge tavà, is menge vuwà, wey is deisey he vahin te atey, sumalà te insuǥù te \sc Nengazen\sc* ki Moises.  
\v 11 Is usa wey is lundis kayi midtutung din diyà te ǥawas te kampu.  
\v 12 Ne midlapà daan ni Aaron sikan is uyaǥen he pemuhat he edtutungen. Is lengesa kayi, mid-uwit te menge anak din diyà te kandin, ne in-itis din heini ziyà te peliǥuy zuen te pemuhatà.  
\v 13 Mid-uwit dan daan diyà te kandin sikan is sinapù he uyaǥen ragkes is ulu kayi, ne midtutung din heini ziyà te pemuhatà.  
\v 14 Midlùluan din is menge parti he ziyà te seled te ǥetek wey is menge paa, ne midtutung din diyà te pemuhatà duma te zuma he parti zuen te uyaǥen. 
\p  
\v 15 Ne kegkepasad dutun mid-uwit din is menge pemuhat te menge etew. Midlapè din sikan is kambing, ne impemuhat din para melumpiyuwi is menge etew iring duen te mibeelan din diyà te pemuhat he para melumpiyuwi sikandin.  
\v 16 Ne mid-uwit din daan sikan is uyaǥen he pemuhat he edtutungen diyà te teliwazà, ne impemuhat din heini sumalà te paaǥi te kebpemuhata kayi.  
\v 17 Mid-uwit din daan is pemuhat he gasa ziyà te teliwazà. Midtarin sikandin dutun te sengekemkem, ne midtutung din diyà te pemuhatà he in-uman duen te pemuhat he edtutungen kada meselem. 
\p  
\v 18 Midlapà daan ni Aaron sikan is baka wey sikan is meemahan he kerehidu he para te menge etew he pemuhat he para te meupiya he kedepità. Is lengesa kayi mid-uwit te menge anak din diyà te kandin, ne impirikpirik din heini ziyà te peliǥuy zuen te pemuhatà.  
\v 19 Is menge tavà kayi he menge uyaǥen, is melambù he ikug, is menge tavà diyà te seled te ǥetek, is menge vuwà, wey is deisek he menge parti te menge atey,  
\v 20 in-untud te menge anak ni Aaron diyà te menge kumeng duen te menge uyaǥen. Ne midtutung ni Aaron sikan is menge tavà diyà te pemuhatà.  
\v 21 Sumalà te insuǥù ni Moises, imbayew ni Aaron is menge kumeng wey is kewanan he menge vuvun duen te menge uyaǥen su pemuhat haazà he ibayew. 
\p  
\v 22 Ne hein nepasad ni Aaron haazà is langun, imbayew zin is menge velad din dutun te ked-ampù din para te menge etew. Ne mibpenaug sikandin puun duen te pemuhatà.  
\v 23-24 Ne midseled si Moises wey si Aaron duen te Tulda he Edtelevukaayan. Ne hein migawas sikandan, mibpenubtuvazan dan is menge etew. Ne impezayag te \sc Nengazen\sc* is gehem din diyà te menge etew pinaaǥi te kebpevulus te hapuy he mid-amin medtutung te menge pemuhat diyà te pemuhatà. Ne hein naahà heini te menge etew, nemengulahì dan tenged te kegkelipey, ne midluhud dan te ked-azap te \sc Nengazen\sc*. 
\c 10  
\s1 Is Kemetayen ni Nadab wey ni Abihu 
\p  
\v 1 Ne si Nadab wey si Abihu, he menge anak ni Aaron, migkuwa is kada sevaha kandan te teleǥuey te veyewà. Ne midsevukan dan heini te vaǥa wey veyewà ne impemuhat dan diyà te \sc Nengazen\sc*. Piru heini is mibeelan dan ne kenè iyan insuǥù te \sc Nengazen\sc*, su is hapuy he migamit dan kenà dait he egemiten.  
\v 2 Umbe, impevulus te \sc Nengazen\sc* is hapuy he midtutung kandan taman te minatey zan diyà te etuvangan te \sc Nengazen\sc* dutun te Tulda he Edtelevukaayan.  
\v 3 Ne migkeǥiyan ni Moises si Aaron te, “Iyan heini ibpesavut te \sc Nengazen\sc* hein migkaǥi sikandin te, 
\q1 ‘Kinahanglan he egkilelaan te menge memumuhat is kegkewaǥas ku, 
\q1 wey kinahanglan he ebeǥayan a te zengeg te langun he menge etew ku.’ ” 
\m Wazà meketavak si Aaron.  
\v 4 Ne impetawag ni Moises si Mishael wey si Elsafan, he menge anak he maama ni Uziel te anggam ni Aaron, ne migkeǥiyan din sikandan te, “Hendini kew, kuwaa niw is minatey he menge kezuzumahi niw keniyan te Tulda ne uwita niw ziyà te ǥawas te kampu.”  
\v 5 Umbe, migkuwa zan haazà is nemematey, piru ziyè dà sikandan megawed te visti, ne mid-uwit dan diyà te ǥawas te kampu sumalà te insuǥù ni Moises. 
\p  
\v 6 Ne migkaǥi si Moises diyà te ki Aaron wey ziyà te menge anak din he si Eleazar wey si Itamar te, “Kenè niw vey-ani he egkeǥuseng is bulvul niw etawa ebindasen niw is menge kumbalè niw te kebpekilala he idlalew niw is minatey. Emun ebeelan niw heeyan, ne ebpatey kew ne egkepeukan te \sc Nengazen\sc* is langun he menge Israilihanen. Is langun he menge etew te Israel he menge kezuzumahi niw, ne iyan mulà sikandan medlalew para keniyan te zezuwa he midtutung te \sc Nengazen\sc*.  
\v 7 Kenè kew zèpa awà kayi te ǥemawan te Tulda. Emun ebeelan niw heini ne ebpatey kew, su mibpilì kew te \sc Nengazen\sc* he mehimu kew he menge memumuhat pinaaǥi te kedlenahi keniyu te lana.” Ne midtuman dan haazà is migkaǥi ni Moises. 
\p  
\v 8 Migkeǥiyan te \sc Nengazen\sc* si Aaron te,  
\v 9 “Sikew wey is menge anak nu ne kenè kew ereg he edseled diyà te Tulda emun ebpekeinum kew te vinu etawa minsan hengkey he inumen he ebpekelangut. Emun ebeelan niw heini ne ebpatey kew. Kinahanglan he edtumanen niw heini taman te huziyan he lapis te menge kevuwazan.  
\v 10 Ereg he egketuenan niw ke hengkey is para te \sc Nengazen\sc* wey para te langun, is lumpiyu wey meremerik.  
\v 11 Ne kinahanglan he ebpenuruen niw is iring niw he menge Israilihanen te langun he sulunuzen he imbeǥey ku keniyu pinaaǥi ki Moises.” 
\p  
\v 12 Migkaǥi si Moises diyà te ki Aaron wey ziyà te zezuwa he anak ni Aaron he nesamà he iyan si Eleazar wey si Itamar, “Kuwaa niw is pemuhat he para gasa he nesamà duen te menge pemuhat pinaaǥi te hapuy he ibpemuhat para te \sc Nengazen\sc*. Lutua niw heini ne kenà edtepayan ne keena niw ziyà te avey te pemuhatà su utew heini segradu he pemuhat.  
\v 13 Diyè niw zà heini keena te segradu he lugar su iyan heini keniyu he vahin puun te menge pemuhat pinaaǥi te hapuy. Iyan heini insuǥù te \sc Nengazen\sc* kediey.” 
\p  
\v 14 “Is imbayew he kumeng wey vuvun te uyaǥen he impemuhat diyà te \sc Nengazen\sc* he egkehimu he ǥaked te menge memumuhat, ne keena nu zuma te tivuuk he pemilya nu. Keena niw heini ziyà te minsan hendei he lugar he ed-isipen tew he lumpiyu. Imbeǥey heini keniyu he vahin niw puun te menge pemuhat te menge Israilihanen he para te meupiya he kebpekidepità.  
\v 15 Emun ebpemuhat is menge Israilihanen, ne ipemuhat dan is kumeng wey is buvun te uyaǥen ragkes is menge tavà he ibpemuhat dan he pemuhat pinaaǥi te hapuy. Ne is kumeng wey is buvun ne ivayew zan diyà te etuvangan te \sc Nengazen\sc* he pemuhat he ibayew. Iyan heini vahin nu wey te menge anak nu taman te taman, sumalà te insuǥù te \sc Nengazen\sc*.” 
\p  
\v 16 Hein midsusi si Moises mehitenged te kambing he pemuhat he para idlumpiyu, neehè din he pudu en haazà netutung. Umbe utew zin nepeuki si Eleazar wey si Itamar, ne midsumayan din sikandan.  
\v 17 Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te \sc Nengazen\sc* keniyu su wey mevelukasi is menge etew puun te menge salè dan diyà te etuvangan te \sc Nengazen\sc*.  
\v 18 Su is lengesa kayi wazà meuwit diyà te Segradu he Lugar, migkaan niw pezem heini ziyà te Tulda, sumalà te insuǥù ku keniyu.” 
\p  
\v 19 Midtavak ni Aaron si Moises te, “Wazè pa meuǥet nemuhat is menge anak ku te pemuhat he para idlumpiyu kandan wey pemuhat he edtutungen, piru minatey sikandan is dezuwa. Ne tenged keniyan he hitavù igkelipey ve vuwa te \sc Nengazen\sc* emun migkaan ku is usa zuen te pemuhat he para idlumpiyu te heini he andew?”  
\v 20 Nevenaran si Moises te tavak ni Aaron. 
\c 11  
\s1 Is menge Langgam he Ed-isipen he Lumpiyu wey Meremerik 
\r (Deuteronomio 14:3-21) 
\p  
\v 1-3 Midsuǥù te \sc Nengazen\sc* si Moises wey si Aaron he keǥiya zan heini ziyà te menge Israilihanen: 
\p Egkehimu he egkeenen niw is minsan hengkey he langgam he neuyag kayi te tanà he netevì is sulu zan wey ed-umanan dan edsepaa is kinaan dan.  
\v 4-8 Piru kenè niw keena is menge langgam he ed-uman edsepà te kinaan dan he wazà metevì is sulu zan, iring te kemilyu, badir, wey rabit. Kenè niw zaan keena is bavuy, su minsan netevì is sulu zin, piru kenà kayi ed-umanan edsepaa is kinaan din. Isipa niw he meremerik heini he menge langgam. Kenè kew kaan te usa kayi wey kenè kew gawed te minatey kandan. 
\p  
\v 9-12 Egkehimu he egkeenen niw is minsan hengkey he neuyag diyà te wahig he zuen din kapey wey hun-ap. Piru kenè niw keena is wazè din kapey wey hun-ap, wey kenè niw zaan gewezi is minatey kandan. Isipa niw he meremerik heini. 
\p  
\v 13-19 Kenè niw keena is menge tagbis iring te kulaǥu, uwak, menge tagbis he edaas te lawa te etew etawa langgam, dapay, ekang, kalamun, menge tagbis he ebpendawi te isdà, tulabung, dugwak, wey kaveg. Isipa niw he meremerik heini he menge tagbis. 
\p  
\v 20-23 Egkehimu he egkeenen niw is menge dezeizey he keranapranap he edlayang wey ebpenanap he zuen dan menge paa he ibpekeladsik dan iring te terapan, sengug, wey pelaǥà. Piru kenè niw keena is duma pa he menge keranapranap he edlayang wey ebpenanap. Isipa niw he meremerik heini he menge keranapranap. 
\p  
\v 24-28 Kenè kew ǥawed te minatey he menge langgam he wazà metevì is sulu zan wey kenà ed-uman edsepà te kinaan dan. Kenè kew zaan gawed te minatey he menge langgam he heepat is menge paa zan he igkahis dan is menge sulu zan. Isipa niw he meremerik heini he menge langgam. Is minsan hentei he ebpekesamsam te minatey kandan, kinahanglan he ebpìpian din is bisti zin, ne ed-isipen pa sikandin he meremerik taman te mezukilem. 
\p  
\v 29-31 Isipa niw he meremerik is menge langgam he ebpenanap iring te rumat, laku, pelesakà, telètà, pelaas, buaya, ivid, wey menge kemilyun. Is minsan hentei he ebpekesamsam te minatey kandan ed-isipen he meremerik taman te mezukilem.  
\v 32 Is minsan hengkey he egkeuluǥan te ebpatey kandan egkehimu he meremerik, kayu man heini he mibeelan he azen, manggad, panit, etawa saku. Ne minsan hengkey is egemitan kayi kinahanglan he edlùluan te wahig, piru ed-isipen pa heini he meremerik taman te mezukilem.  
\v 33 Emun egkeuluǥan is umuy te minatey kandan, is langun he taǥù kayi egkehimu he meremerik, ne kinahanglan he egevaan heini.  
\v 34 Is minsan hengkey he keenen he intereb diyà te wahig he taǥù dutun te umuy egkehimu he meremerik. Ne egkehimu zaan he meremerik is minsan hengkey he kelasi te inumen he zutun te seled te umuy.  
\v 35 Minsan hengkey he egkeuluǥan te minatey kandan egkehimu he meremerik. Emun iyan egkeuluǥan is evuwan etawa kuzen, isipa niw heini he meremerik ne kinahanglan heini he edrupeten.  
\v 36 Is serebseb etawa vudsi he punduwà te wahig he egkeuluǥan te minatey kandan kenè mulà egkehimu he meremerik, piru is edsamsam dutun te minatey he langgam egkehimu he meremerik.  
\v 37 Kenà daan egkehimu he meremerik is minsan hengkey he venì he ibpemula he egkeuluǥan dutun.  
\v 38 Piru emun iyan egkeuluǥan is benì he nehuluman te wahig, ne heini he venì egkehimu he meremerik. 
\p  
\v 39 Emun ebpatey is langgam he egkehimu he egkeenen, is minsan hentei he ebpekesamsam kayi ed-isipen he meremerik taman te mezukilem.  
\v 40 Is minsan hentei he egkuwa etawa egkaan te lawa kayi, kinahanglan he ebpìpian din is bisti zin, piru ed-isipen pa sikandin he meremerik taman te egkesakep. 
\p  
\v 41-42 Kenè niw keena is minsan hengkey he keranapranap he ebpenanap su meremerik heini: is minsan hengkey he edula etawa ebpenanap he heepat is paa etawa mahabet is menge paa.  
\v 43-44 Kenè niw remeriki is keugelingen niw pinaaǥi te kegkaan te minsan hendei kayi he menge langgam, su iyan a, is \sc Nengazen\sc*, Megbevayè niw. Umbe iviza niw is keugelingen niw para kediey, ne mebpekesegradu kew su waǥas a.  
\v 45 Iyan a \sc Nengazen\sc* he mibpeǥawas keniyu puun te Ehipto su wey a mehimu he Megbevayè niw. Umbe mebpekesegradu kew su waǥas a. 
\p  
\v 46 Pinaaǥi kayi he sulunuzen te mehitenged te langun he kelasi te menge langgam,  
\v 47 egketuenan niw ke hendei kandan is lumpiyu wey is meremerik, is egkehimu he egkeenen wey is kenà egkehimu he egkeenen. 
\c 12  
\s1 Is menge Sulunuzen Mehitenged te Bahi he Ed-anak 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te menge Israilihanen: 
\p Emun ed-anak is bahi te maama, ed-isipen sikandin he meremerik seled te pitu he andew, iring daan ke edlengesahan sikandin.  
\v 3 Dutun te ikewalu he andew edsirkunsidaren is anak din.  
\v 4 Ne tenged te kebpedayun kegawas te lengesa zin, ne medtaǥad pa sikandin te 33 he andew ne human sikandin ed-isipa he lumpiyu. Kenà sikandin egkehimu he edsamsam te minsan hengkey he azen he para te \sc Nengazen\sc* ne kenà sikandin egkehimu he edhendiyà te Tulda he Edtelevukaayan taman te ebpekelavey is menge andew te kegkehimuwa kandin he meremerik.  
\v 5 Emun bahi is anak din, ed-isipen sikandin he meremerik seled te 14 he andew, ne emun edlengesahan daan sikandin tenged te ebpedayun he kegawas te lengesa zin, medtaǥad pa sikandin te 66 he andew ne human sikandin ed-isipa he lumpiyu. 
\p  
\v 6 Emun egkeume en is menge andew te kegkehimuwa kandin he lumpiyu puun te kegkehimuwa kandin he meremerik tenged te ked-anak din te maama etawa bahi, ne med-uwit sikandin diyà te memumuhat diyà te ǥemawan te Tulda he Edtelevukaayan te kerehidu he senge-tuig is keǥurang din he pemuhat he edtutungen, wey sevaha he limuken etawa merapatik he pemuhat he para idlumpiyu.  
\v 7-8 Ibpemuhat heini te memumuhat diyà te etuvangan te \sc Nengazen\sc* para maawà is keremerik dutun te vahi puun te kedlengesahi kandin, ne egkehimu en sikandin he lumpiyu. Emun kenà sikandin ebpekeveleveg he ebeǥey te kerehidu med-uwit dà sikandin te zezuwa he merepatik etawa zezuwa he limuken. Is sevaha, pemuhat he edtutungen ne is sevaha pa, pemuhat he para idlumpiyu. Pinaaǥi kayi te ebeelan te memumuhat, egkaawà is kegkehimuwa kandin he meremerik ne egkehimu en sikandin he lumpiyu. Iyan heini menge sulunuzen mehitenged te vahi he ed-anak. 
\c 13  
\s1 Is menge Sulunuzen Mehitenged te menge Daru te Lundis 
\p  
\v 1 Mibeǥey is \sc Nengazen\sc* kayi he menge sulunuzen diyà te ki Moises wey ki Aaron: 
\p  
\v 2 Emun is lundis te sevaha he etew edlevag etawa ebuketur etawa ebmeputìputì, he egkehimu ke edekelà he zaru te lundis, edumahan heini he etew ziyà te ki Aaron he memumuhat etawa sevaha zuen te menge memumuhat he kevuwazan ni Aaron.  
\v 3 Ne ed-ahaan te memumuhat is bahin te lundis he midtuvuan dutun, emun midlevag haazà is lundis, wey mibmemeputì is bulvul zuen, tutuu he zuen din daru te lundis. Ne segugunà egkeǥiya zuen te memumuhat diyà te menge etew he meremerik haazà is etew.  
\v 4 Iyan, emun haazà is mibmeputìputì diyà te lundis din ne kenà tuus te zaru te lundis wey wazà mebmeputì is bulvul zutun, ne idsivey sikandin dutun te memumuhat puun te menge etew seled te pitu he andew.  
\v 5 Ne zutun te ikepitu he andew ed-umanan edsusiya zuen te memumuhat is lundis duen te etew. Ne emun is egkeehè din iyan ded gihapun su wazà heini medelandap, id-uman sikandin idsivey zutun te memumuhat puun te menge etew seled te selakew en he pitu he andew.  
\v 6 Ne ziyà te ikepitu en maan he andew, ed-umanan sikandin edsusiya zuen te memumuhat. Ne emun midtulak en haazà is diyà te lundis din ne wazà medelandap, ne egkeǥiyen duen te memumuhat diyà te menge etew he lumpiyu haazà is etew su zeisey zà he levag is diyà te lundis din. Ne kegkepasad dutun pìpii zutun te etew is bisti zin, ne ed-isipen en sikandin he lumpiyu.  
\v 7 Iyan, emun edelandap is ebpemuketur ziyà te lundis din dutun te nesusi en sikandin te memumuhat ne ingkepeseyuzan en he lumpiyu sikandin, kinahanglan he ebpeuman sikandin ebpesusi te memumuhat.  
\v 8 Ne emun tutuu he midelandap haazà is dezeisey he menge levag, ne egkeǥiyan dutun te memumuhat diyà te menge etew he meremerik haazà is etew su zuen din daru te lundis. 
\p  
\v 9 Is minsan hentei he zuen tuus te zaru te lundis diyà te kandin kinahanglan he edumahan diyà te memumuhat.  
\v 10 Emun egkesusi te memumuhat he ebmemeputìputì is levag he iyan hinungdan te kebmemeputì te menge vulvul zuen, ne egkeehè en is sapù,  
\v 11 ne grabi heini he zaru. Ne ebpesayud is memumuhat he meremerik haazà is etew. Kenè en kinahanglan he idsivey pa sikandin para mepeniizi su keladu en he meremerik sikandin. 
\p  
\v 12 Emun iyan ked-ahà zuen te memumuhat he nekeeneb en diyà te lawa zuen te etew haazà is daru,  
\v 13 kinahanglan he ed-umanan sikandin ebpurungi edsusiya zuen te memumuhat. Ne emun tutuu he nekeeneb en diyà te tivuuk he lawa zuen te etew sikan is daru he tenged dutun mibmeputì pudu is tivuuk he lundis din ebpesayud haazà is memumuhat he lumpiyu haazà is etew.  
\v 14-15 Iyan, emun egkesusi zuen te memumuhat he nenggawas en is sapù, ebpesayud sikandin he meremerik haazà is etew su zuen din daru ziyà te lundis. Heini is migawas he sapù ed-isipen he meremerik.  
\v 16 Iyan, emun egkeulian su midtulak en, mebpeuman sikandin mebpesusi te memumuhat.  
\v 17 Ne emun tutuu he midtulak en ebpesayud haazà is memumuhat he lumpiyu haazà is etew. 
\p  
\v 18 Emun duen etew he zuen din levag he neulian,  
\v 19 iyan, duen en maan mid-uman mebuketur zutun te neulian he malù meputìputì etawa meriǥàriǥà, kinahanglan he ibpesusi zin heini te memumuhat.  
\v 20 Ne emun edlevag haazà is mibuketur zutun te lundis ne tuus heeyan te zaru te lundis ne ebmemeputì daan is menge vulvul kayi, ne ebpesayud is memumuhat he meremerik haazà he etew, su zuen din daru te lundis he mibpuunà pinaaǥi te levag.  
\v 21 Iyan, emun egkesusi te memumuhat he kenà haazà tuus te zaru te lundis wey wazà daan mebmeputì is bulvul kayi, ne henduen te edtulak en, idsivey sikandin dutun te memumuhat puun te menge etew seled te pitu he andew.  
\v 22 Emun edelandap heini ziyà te zuma he vahin te lundis, ebpesayud is memumuhat he meremerik haazà he etew.  
\v 23 Iyan, emun wazà heini medelandap, tulak dà heini te levag, ne ebpesayud is memumuhat he lumpiyu en haazà he etew. 
\p  
\v 24 Emun netutung is sevaha he etew ne mibmeputìputì haazà etawa mibmeriǥàriǥà,  
\v 25 kinahanglan he ibpesusi heini te memumuhat. Ne emun tuus heini te zaru te lundis wey mibmeputì is menge vulvul kayi, ne zuen din daru te lundis he mibpuun pinaaǥi te kegketutung. Ne ebpesayud is memumuhat he meremerik haazà he etew.  
\v 26 Iyan, emun nesusi te memumuhat he kenà haazà tuus te zaru te lundis wey wazà daan mebmeputì is menge vulvul zutun, ne henduen te midtulak en, idsivey sikandin te memumuhat puun te menge etew seled te pitu he andew.  
\v 27 Ne ikepitu he andew ed-umanan sikandin edsusiya te memumuhat. Ne emun midelandap heini ziyà te zuma he vahin te lundis, ebpesayud haazà is memumuhat he meremerik haazà is etew, su zuen din daru te lundis.  
\v 28 Iyan, emun wazà heini medelandap su midtulak en, ne levag dà heini tenged te kegketutung. Ne ebpesayud is memumuhat he lumpiyu haazà is etew. 
\p  
\v 29 Emun duen keriskis diyà te ulu etawa vakà te sevaha he etew,  
\v 30 kinahanglan he ibpesusi zin heini te memumuhat. Emun tuus heini te zaru te lundis wey mibmekelawag is menge vulvul etawa sumpà kayi wey mibmenipis, ebpesayud is memumuhat he meremerik haazà he etew, su zuen mezeǥes he zaru te lundis din he midtuvù diyà te ulu etawa vakà.  
\v 31 Iyan, emun egkesusi te memumuhat he haazà is keriskis kenà tuus te zaru te lundis piru wazà meitem he vulvul etawa sumpà kayi, idsivey sikandin duen te memumuhat puun te menge etew seled te pitu he andew.  
\v 32 Ne ikepitu he andew, ed-umanan edsusiya te memumuhat haazà is mezeǥes. Ne emun wazà heini medelandap wey kena tuus te zaru te lundis, wey wazà mebmekelawag is menge vulvul etawa sumpà kayi,  
\v 33 kinahanglan he ebpevangul sikandin wey ebpemarbas piru kenè din iragkes sikan is duen duen mezeǥes. Ne id-uman sikandin idsivey te memumuhat seled te selakew en he pitu he andew.  
\v 34 Dutun te ikepitu he andew, ed-umanan edsusiya zuen te memumuhat sikan is mezeǥes. Ne emun wazà heini medelandap wey kenà tuus te zaru te lundis, ebpesayud haazà is memumuhat he lumpiyu haazà is etew. Ne ebpìpian dutun te etew is bisti zin, ne ed-isipen sikandin he lumpiyu.  
\v 35 Iyan, emun midelandap haazà is mezeǥes diyà te lundis din dutun te ingkepetuenan en duen te memumuhat he lumpiyu haazà he etew,  
\v 36 ed-umanan sikandin edsusiya zutun te memumuhat. Ne emun tutuu he midelandap haazà is mezeǥes diyà te lundis din, ne kenè en kinahanglan he edsusiyen pa zuen te memumuhat ke zuen be vulvul etawa sumpà he mibmekelawag su keladu en he meremerik sikandin.  
\v 37 Iyan, emun egkesusi zuen te memumuhat he wazà heini medelandap ne zuen en meitem he vulvul etawa sumpà he midtuvù, neulian en heini. Ne ebpesayud haazà is memumuhat he lumpiyu haazà is etew. 
\p  
\v 38 Emun duen ebmeputìputì diyà te lundis te etew,  
\v 39 kinahanglan he ibpesusi heini te memumuhat. Iyan, emun haazà is mibmeputìputì ne kenà utew egketuusan is keputì din, mezeǥes dà heini he migawas diyà te lundis. Haazà he etew ed-isipen he lumpiyu. 
\p  
\v 40-41 Emun is etew neupew zapit te vuked etawa dapit te purù, lumpiyu sikandin.  
\v 42-44 Iyan, emun duen ebmeriǥàriǥà he levag dutun te upew zin, kinahanglan he ibpesusi zin heini te memumuhat. Ne emun haazà is meriǥàriǥà he levag henduen te zaru te lundis he egkaahà diyà te lawa, ebpesayud is memumuhat he meremerik haazà he etew. 
\p  
\v 45 Is etew he zuen din daru te lundis kinahanglan he mebivisti te vindas he visti, kenà mebpenuwat te vulvul zin, ne tembuni zin is dizalem he vahin te zagwey zin ne mebensag sikandin te, “Meremerik a! Meremerik a!”  
\v 46 Ed-isipen sikandin he meremerik dutun te ziyè pa te kandin sikan is daru. Ne kinahanglan he ziyà sikandin med-ubpà te ǥawas te kampu he sebsevaha zin. 
\s1 Is menge Sulunuzen Mehitenged te Hab-ung 
\p  
\v 47-50 Emun midhab-ung is manggad he welin etawa linu etawa minsan hengkey he azen he lundis is mibeelan, kinahanglan he ibpesusi heini te memumuhat. Ne emun egkesusi en te memumuhat, isivey zin heini seled te pitu he andew.  
\v 51-52 Dutun te ikepitu he andew ed-umanan heini edsusiya te memumuhat. Ne emun midelandap haazà is hab-ung ne ed-isipen heini he meremerik, ne kinahanglan he ebinsulan heini su ed-iseg pa haazà is hab-ung.  
\v 53 Iyan, emun egkesusi te memumuhat he wazà medelandap haazà is hab-ung  
\v 54 ne medsuǥù sikandin he ebpìpian etawa edlùluan haazà is manggad etawa lundis, wey idsivey pa seled te selakew en he pitu he andew.  
\v 55 Ne kegketapus dutun ne ed-umanan heini edsusiya te memumuhat. Ne emun wazà medheva haazà is hab-ung, ed-isipen heini he meremerik minsan wazà medelandap haazà is hab-ung. Umbe kinahanglan he ebinsulan heini minsan divaluy zà is midhab-ung.  
\v 56 Iyan, emun egkesusi zuen te memumuhat he midheva haazà is hab-ung, ne iawè din sikan is bahin he nepikitan te hab-ung duen te manggad etawa lundis.  
\v 57 Iyan, emun edlikù haazà is hab-ung ne edelandap, kinahanglan he ebinsulan en haazà is manggad etawa lundis.  
\v 58 Ne emun egkaawà haazà is hab-ung dutun te nepìpian en haazà is manggad etawa lundis ne ed-umanan heini ebpìpii ne egkehimu en heini he lumpiyu.  
\v 59 Iyan heini menge sulunuzen para metueni ke lumpiyu etawa meremerik is midhab-ung he manggad he welin etawa linu etawa minsan hengkey he azen he lundis is mibeelan he midhab-ung. 
\c 14  
\s1 Is Kedlumpiyuwi te Etew he Neulian te Daru Zin te Lundis 
\p  
\v 1-2 Iyan heini menge sulunuzen he migkaǥi te \sc Nengazen\sc* diyà te ki Moises he mehitenged te kedlumpiyuwi te etew he neulian te zaru zin te lundis: 
\p Emun igkepetuenan en diyà te memumuhat is mehitenged te zaru te sevaha he etew,  
\v 3 egawas is memumuhat diyà te kampu ne edsusiyen din is lawa zuen te etew. Ke neulian en be heini te zaru zin te lundis,  
\v 4 ebpekuwa haazà is memumuhat te zezuwa he tagbis he lumpiyu he uuyag, sengetamped he kayu he sidru, merudtem he hulibis, wey senge verakes he hisupu.  
\v 5 Ne ibpehimetayan duen te memumuhat sikan is sevaha he tagbis diyà te zivavew te diniyun he midteǥuan te wahig he ebpuun diyà te serebseb.  
\v 6 Ne egkuwaan din sikan is sevaha pa he uuyag he tagbis, kes kayu he sidru, kes merudtem he hulibis wey kes hisupu, ne ibpevudseng din haazà is langun duen te wahig he zuen duen lengesa te tagbis he midhimetayan.  
\v 7 Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis. 
\p  
\v 8 Piru te kenè pa ibpetuenan he lumpiyu en sikandin, kinahanglan he pìpii zin dèpa is bisti zin, kiskisi zin is langun he vulvul zin wey berehibu, ne mebpemeziǥù sikandin. Ne egkehimu en sikandin he edseled diyà te kampu piru kenà sikandin med-ubpà diyà te tulda zin seled te pitu he andew.  
\v 9 Ne zutun te ikepitu he andew umani zin kiskisi is langun he vulvul zin wey berehibu, pìpii zin is bisti zin, wey mebpemeziǥù sikandin. 
\p  
\v 10 Dutun te ikewalu he andew, kinahanglan he med-uwit sikandin te zezuwa he meemahan he kerehidu wey sevaha he vehiyan he kerehidu he senge-tuig is keǥurang he wazè din sazir. Med-uwit daan sikandin te heenem he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.  
\v 11 Ne ed-uwiten dutun te memumuhat haazà is etew wey kes pemuhat din diyà te etuvangan te \sc Nengazen\sc* diyà dapit te gemawan te Tulda he Edtelevukaayan. 
\p  
\v 12 Ne egkuwaan duen te memumuhat sikan is sevaha he meemahan he kerehidu wey sikan is senge vasu he lana, ne ibpemuhat din heini he pemuhat he vayad te salà. Ne ibpeketikang din heini ziyà te etuvangan te \sc Nengazen\sc* su pemuhat heini he ibayew.  
\v 13 Edlepaan din haazà is kerehidu ziyà te segradu he lugar, ziyà te lepeey te pemuhat he para idlumpiyu wey te pemuhat he edtutungen. Heini is pemuhat he kerehidu, utew segradu, ne para zà heini te menge memumuhat, he iring te pemuhat he idlumpiyu.  
\v 14 Egkuwa haazà is memumuhat te zeisey he lengesa zuen te kerehidu he impemuhat ne ibpelis din heini ziyà te kewanan he telinga zuen te etew, wey is tindezekelà te kewanan he velad din wey paa.  
\v 15 Idtepayà daan te memumuhat is givang he palad din te zeisey he lana,  
\v 16 ne idtiyuk din is tezù te kewanan he velad din kayi te lana ne ibpirik din heini te kepipitu ziyà te etuvangan te \sc Nengazen\sc*.  
\v 17 Ne sikan is egkesamà dutun te lana ziyà te palad din, ne idazas din daan dutun te etew zuen te mibpendezasan din te lengesa; izazas din heini ziyà te kewanan he telinga zuen te etew, wey te tindezekelà te kewanan he velad din wey paa.  
\v 18-20 Ne is egkesamè pa zuen te lana ziyà te palad duen te memumuhat, ne izazas duen te etew ziyà te ulu zin. Ne ibpemuhat dutun te memumuhat sikan is pemuhat he para idlumpiyu. Ne kegkepasad, edlepaan duen te memumuhat sikan is pemuhat he edtutungen ne ibpemuhat din heini ziyà te pemuhatà duma zuen te pemuhat he para gasa. Ne pinaaǥi kayi te ebeelan te memumuhat diyà te etuvangan te \sc Nengazen\sc*, egkaawà is keremerik dutun te etew ne egkehimu en sikandin he lumpiyu. 
\p  
\v 21 Iyan, emun pubri haazà is etew ne kenè din egkeveleveg is kebpemuhat kayi he menge pemuhat, ne med-uwit dà sikandin te sevaha he meemahan he kerehidu he ibpemuhat din he pemuhat he vayad te salà. Ivayew zin heini he pemuhat para te \sc Nengazen\sc* para mepesaylu sikandin te menge salè din. Med-uwit daan sikandin te zezuwa he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.  
\v 22 Ne sumalà te egkehimu zin med-uwit sikandin te zezuwa he merepatik etawa zezuwa he limuken; is sevaha, pemuhat he para idlumpiyu kandin ne is sevaha pa, pemuhat he edtutungen. 
\p  
\v 23 Dutun te ikewalu he andew uwita zin heini is langun he pemuhat diyà te memumuhat diyà te ǥemawan te Tulda he Edtelevukaayan, diyà te etuvangan te \sc Nengazen\sc*.  
\v 24 Egkuwaan duen te memumuhat sikan is kerehidu he pemuhat he vayad te salà wey sikan is senge vasu he lana ne ivayew zin heini ziyà te etuvangan te \sc Nengazen\sc* su pemuhat heini he ibayew.  
\v 25 Ne edlepaan din haazà is kerehidu ne egkuwa sikandin te lengesa kayi ne ibpalis din diyà te kewanan he telinga zuen te etew he edlumpiyuwan wey ziyà te tindezekelà te kewanan he velad din wey paa zin.  
\v 26 Ne idtepayà dutun te memumuhat is givang he palad din te lana,  
\v 27 ne pinaaǥi te kewanan he tezù din, ne ibpirik din haazà is lana te kepipitu ziyà te etuvangan te \sc Nengazen\sc*.  
\v 28 Is duma he lana ziyà te palad din, idazas din dutun te etew ziyà te midezasan din en te lengesa.  
\v 29-31 Is egkesamà duen te lana ziyà te palad te memumuhat, idazas din diyà te ulu zutun te etew. Ne ibpemuhat dutun te memumuhat sikan is dezuwa he merepatik etawa zezuwa he limuken; is sevaha pemuhat he para idlumpiyu ne is sevaha pa para pemuhat he edtutungen. Ipemuhat din daan is pemuhat he para gasa. Pinaaǥi kayi te ebeelan te memumuhat diyà te etuvangan te \sc Nengazen\sc*, egkaawà is keremerik te etew.  
\v 32 Iyan heini menge sulunuzen mehitenged te kedlumpiyuwi te etew he zuen din daru te lundis emun kenà sikandin ebpekeveleveg te egkinehenglanen he pemuhat para te idlumpiyu. 
\s1 Is menge Sulunuzen Mehitenged te Hab-ung he Edtuvù diyà te Baley 
\p  
\v 33 Iyan heini migkaǥi te \sc Nengazen\sc* diyà te ki Moises wey ki Aaron  
\v 34 mehitenged te ebeelan dan emun duen ibpetuvù te \sc Nengazen\sc* he hab-ung diyà te menge valey zan emun diyè dan en te Canaan, kes lugar he imbeǥey te \sc Nengazen\sc* kandan wey zan maangken: 
\p  
\v 35 Emun is teǥiǥaked te valey ebpekeseǥipà he zuen henduen be te hab-ung diyà te valey zin, kinahanglan he keǥiya zin haazà diyà te memumuhat.  
\v 36 Ne emun kenè pa edseled is memumuhat dutun te valey te kedsusi ke zuen be zutun hab-ung, medsuǥù sikandin he iǥawas is langun he vutang diyà te seled, su para kenà heini meragkes te ed-isipen he meremerik. Ne kegkepasad, human pa edseled dutun te valey is memumuhat  
\v 37 ne edsusiyen din ke hab-ung be is diyà te elavat. Ne emun egkeehè din he meilem-ilem etawa meriǥàriǥà is ebuketur zutun te elavat,  
\v 38 egawas sikandin dutun he valey ne ebpelekevan din heini seled te pitu he andew.  
\v 39 Ne ikepitu he andew ed-umanan din edsusiya heini. Ne emun edelandap haazà is hab-ung diyà te zuma he vahin te elavat,  
\v 40 ne ibpaawè din is menge vahin te elavat he zuen duen hab-ung ne ibpetimbag din heini ziyà te ǥawas te inged, diyà te lugar he edtimbaǥan te ed-isipen he meremerik.  
\v 41 Ne ebpekeǥisan din is langun he elavat diyà te seled dutun te valey ne is langun he kinaǥis ibpetimbag din diyà te gawas te inged, diyà te lugar he edtimbaǥan te ed-isipen he meremerik.  
\v 42 Ne ebpekuwa sikandin te para idliwan dutun te elavat he mibpen-awà. 
\p  
\v 43 Iyan, emun kegkepasad dutun ed-umanan pa edheb-unga haazà is baley,  
\v 44 ne ed-umanan heini ebeyai te memumuhat su wey zin mesusi. Ne emun midelandap is hab-ung, ne ed-isipen en he meremerik haazà is baley, su heini he kelasi te hab-ung ne ebpenhalin.  
\v 45 Umbe, iperundus din heini he valey ne is menge pengawid kayi, idtimbag diyà te ǥawas te inged, he timbaǥà te ed-isipen he meremerik. 
\p  
\v 46 Is minsan hentei he midseled dutun he valey hein midlekevan pa ne ed-isipen he meremerik taman te kebmerusirem.  
\v 47 Is minsan hentei he edlipezeng etawa egkaan diyà te seled kayi he valey kinahanglan he ebpìpian din is bisti zin. 
\p  
\v 48 Iyan, emun egkesusi zuen te memumuhat he wazè en umana heb-unga haazà is baley hein neliwanan en te elavat sikan is midhab-ung he elavat, ne ebpesayud haazà is memumuhat he lumpiyu haazà he valey su wazè en heb-unga.  
\v 49 Ne para isipe en haazà he lumpiyu en he valey, egkuwa is memumuhat te zezuwa he tagbis, kayu he sidru, merudtem he hulibis, wey hisupu.  
\v 50 Edhimetayan din is sevaha he tagbis diyà te zivavew te ziniyun he midteǥuan te wahig he ebpuun diyà te serebseb.  
\v 51 Ne egkuwaan din sikan is kayu he sidru, is merudtem he hulibis, is hisupu, wey sikan is uuyag he tagbis, ne ibpevudseng din heini is langun duen te wahig he zuen duen lengesa te tagbis he midhimetayan. Ne haazà is wahig he zuen duen lengesa, ne ibpirik din te kepipitu zuen te valey.  
\v 52 Umbe, pinaaǥi zuen te lengesa te tagbis, te wahig he ebpuun diyà te serebseb, te uuyag he tagbis, te kayu he sidru, te hisupu, wey merudtem he hulibis, egkelumpiyuwan duen te memumuhat haazà is baley.  
\v 53 Ne ibpaawè din sikan is uuyag he tagbis diyà te ǥawas te inged. Pinaaǥi kayi te ebeelan te memumuhat, egkaawà is kegkeremeriki te valey ne egkehimu en heini he lumpiyu. 
\p  
\v 54-57 Iyan heeyan menge sulunuzen mehitenged te menge zaru te lundis he edeǥes, etawa edlevag, etawa ebmemeriǥà, etawa ebmeputìputì, ne mehitenged te hab-ung te visti wey valey. Ne pinaaǥi kayi he sulunuzen egketuenan niw ke hengkey is lumpiyu wey ke hengkey is meremerik. 
\c 15  
\s1 Is Egawas diyà te Lawa te Etew Ed-isipen he Meremerik 
\p  
\v 1 Midsuǥù te \sc Nengazen\sc* si Moises wey si Aaron  
\v 2 he keǥiya zan heini ziyà te menge Israilihanen: 
\p Emun duen egawas diyà te sudiyà te maama tenged te zaru zin, heeyan is egawas ed-isipen he meremerik.  
\v 3 Mebpedayun se kenà is kedtiǥis kayi ed-isipen gihapun sikandin he meremerik.  
\v 4 Is minsan hengkey he egkehizeǥaan din etawa egkepinuuwan din egkehimu he meremerik.  
\v 5-7 Ne is minsan hentei he ebpekesamsam kandin etawa ebpekesamsam te midhizeǥaan din etawa mibpinuuwan din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep. 
\p  
\v 8 Is minsan hentei he egkeilevan kayi he etew, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.  
\v 9-10 Is minsan hengkey he egkepinuuwan wey egkeuntuzan din emun ed-untud sikandin te kudà, egkehimu haazà he meremerik. Is ebpekesamsam wey ebpekevitbit kayi, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep. 
\p  
\v 11 Is minsan hentei he egkesamsam kayi he etew te wazà mekepenlùlù te menge velad din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.  
\v 12 Is diniyun he egkesamsam kayi he etew kinahanglan he egevaan, ne is minsan hengkey he kayu he mibeelan he azen he egkesamsam kayi he etew kinahanglan he edlùluan. 
\p  
\v 13-15 Ne emun egkeulian en heini he etew zutun te zaru zin, ipelavey zin dèpa is pitu he andew. Ne pìpii zin is bisti zin wey mebpemeziǥù te wahig he ebpuun diyà te serebseb. Dutun te ikewalu he andew kinahanglan he med-uwit sikandin te zezuwa he merepatik etawa dezuwa he limuken diyà te etuvangan te \sc Nengazen\sc* diyà te gemawan te Tulda he Edtelevukaayan. Ne iveǥey zin haazà diyà te memumuhat he iyan ebpemuhat dutun. Is sevaha, ne pemuhat he para idlumpiyu ne is sevaha pa, para pemuhat he edtutungen. Pinaaǥi kayi te ebeelan te memumuhat diyà te etuvangan te \sc Nengazen\sc*, egkaawà is keremerik keniyan he etew tenged te migawas diyà te sudiyè din, ne egkehimu en sikandin he lumpiyu. 
\p  
\v 16 Emun is maama egewasan te similya zin, kinahanglan he mebpemeziǥù sikandin, piru ed-isipen pa ǥihapun sikandin he meremerik taman te egkesakep.  
\v 17 Is minsan hengkey he manggad etawa lundis he mibeelan he azen he egketiǥisan te similya zutun, kinahanglan he ebpìpian, piru ed-isipen pa ǥihapun heini he meremerik te taman te egkesakep.  
\v 18 Emun ebpehilevetà is maama wey vahi ne egewasan is maama te similya, kinahanglan he mebpemeziǥù sikandan is dezuwa, piru ed-isipen pa ǥihapun sikandan he meremerik taman te mahapun. 
\p  
\v 19 Emun edlelengesa is bahi, ed-isipen sikandin he meremerik seled te pitu he andew, ne is minsan hentei he edsamsam kandin ed-isipen daan he meremerik taman te mahapun.  
\v 20 Is minsan hengkey he egkehizeǥaan wey egkepinuuwan dutun te vahi he midlelengesa, egkehimu he meremerik.  
\v 21-23 Is minsan hentei he ebpekesamsam te midhizeǥaan din etawa mibpinuuwan din kinahanglan he pìpii zin is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep. 
\p  
\v 24 Emun ebpekidhilavet is maama te vahi he midlelengesa, ed-isipen daan haazà is maama he meremerik seled te pitu he andew, ne is minsan hengkey he egkehizeǥaan din egkehimu he meremerik. 
\p  
\v 25 Emun edlengesahan is bahi he edrapas te egkepipira he andew etawa edlengesahan pa sikandin te kenà timpu te kedlelengesa zin, ed-isipen gihapun sikandin he meremerik, iring din ded daan emun ke wazè pa haazà maawà. Ed-isipen sikandin he meremerik emun kemulu pa edlengesahi.  
\v 26 Is minsan hengkey he egkehizeǥaan din dutun te edlengesahan sikandin etawa egkepinuuwan din egkehimu he meremerik.  
\v 27 Ne is minsan hentei he ebpekesamsam kayi egkehimu he meremerik. Kinahanglan he pìpii zin is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep. 
\p  
\v 28-29 Emun ed-engked is lengesa zutun te vahi, ipelavey zin dèpa is pitu he andew. Dutun te ikewalu he andew kinahanglan he med-uwit sikandin te zezuwa he merepatik etawa zezuwa he limuken diyà te memumuhat diyà te gemawan te Tulda he Edtelevukaayan.  
\v 30 Ne ibpemuhat te memumuhat is sevaha kayi he para idlumpiyu ne is sevaha pa para pemuhat he edtutungen. Pinaaǥi kayi te ebeelan te memumuhat diyà te etuvangan te \sc Nengazen\sc*, egkaawà is keremerik dutun te vahi ne egkehimu en sikandin he lumpiyu. 
\p  
\v 31 Migkeǥiyan te \sc Nengazen\sc* si Moises wey si Aaron he kinahanglan he ebpekeventayan te menge Israilihanen is mehitenged te igkehimuwa kandan he meremerik, su wey zan kenà mebpatey emun edseled sikandan diyà te tulda te \sc Nengazen\sc* he ziyà te teliwazà te kampu. 
\p  
\v 32-33 Iyan heeyan menge sulunuzen mehitenged te maama he egewasan te similya etawa zuen egawas diyà te sudiyè din tenged te zaru zin, wey mehitenged te vahi he edlengesahan etawa edsubra te egkepipira he andew is kedlengesahi zin etawa edlengesahan te kenè pa timpu zin, wey mehitenged te maama he ebpekidhilavet te vahi he ed-isipen he meremerik. 
\c 16  
\s1 Is Sulunuzen te Andew te Kebelukas 
\p  
\v 1-2 Hein minatey en sikan is dezuwa he anak ni Aaron he menge maama dutun te kebpemuhata zan te \sc Nengazen\sc*, migkaǥi is \sc Nengazen\sc* diyà te ki Moises te, “Keǥiyi nu is suled nu he si Aaron he kenà sikandin medseled dutun te Utew Segradu he Lugar, dutun te liyu te kurtina, te minsan hengkey he uras he egkesuat sikandin. Su emun ed-ul-ulahan din heini ne ebpatey sikandin. Su kayi he lugar ibpeehè ku is kebpekiduma ku pinaaǥi te ǥapun dutun te renged te tangeb te Kavan te Kebpekid-uyun.” 
\p  
\v 3 Iyan heini insuǥù te \sc Nengazen\sc* he veeli ni Aaron dutun te andew he edseled sikandin diyà te Utew Segradu he Lugar: Med-uwit sikandan te turiti he vaka he pemuhat he para idlumpiyu wey meemahan he kerehidu he pemuhat he edtutungen.  
\v 4 Kinahanglan he mebpemeziǥù sikandin ne isul-ub din is bisti he para te lavew he memumuhat he pudu linu: is pendizalem he visti he ebpeketambun te pid-etawan din, is pendivavew he visti, is bakes, wey is tengkulu.  
\v 5 Mebeǥey kandin te zezuwa he meemahan he menge kambing is keet-etawan te Israel he pemuhat he para idlumpiyu wey sevaha he meemahan he kerehidu he pemuhat he edtutungen. 
\p  
\v 6 Ibpemuhat ni Aaron haazà is turiti he vaka he pemuhat he para idlumpiyu para mehimu sikandin he lumpiyu wey is menge pemilya zin.  
\v 7 Ne egkuwaan din haazà is dezuwa he kambing ne ed-uwiten din daan diyà te etuvangan te \sc Nengazen\sc*, diyà te ǥemawan te Tulda he Edtelevukaayan.  
\v 8 Ne edripa sikandin ke hendei zapit dutun te zezuwa he kambing is para te \sc Nengazen\sc* wey is para ki Azazel.  
\v 9 Is kambing he egkeripahan he para te \sc Nengazen\sc*, ne pemuhat he para idlumpiyu.  
\v 10 Piru is kambing he egkeripahan he para ki Azazel, ibpemuhat din heini he uuyag diyà te \sc Nengazen\sc* ne ibpaawè din heini ziyà te sibsivayan, su wey melibri is menge etew puun te menge salè dan. 
\s1 Is menge Kegeniza zuen te Tulumanen 
\p  
\v 11 Edlepaan ni Aaron sikan is turiti he vaka he pemuhat he para idlumpiyu kandin wey te menge pemilya zin.  
\v 12 Ne egkuwa sikandin te selevukà te veyewà ne ebpenuen din heini te vaǥa he ebpuun diyà te pemuhatà he ziyà te seled te tulda. Ne egkuwa zaan sikandin te zezuwa he kemkem he mehemut he pinu he veyewà, ne ed-uwiten din heini ziyà te Utew Segradu he Lugar.  
\v 13 Ne ziyà te etuvangan te \sc Nengazen\sc*, idsavuk din haazà is beyewà duen te hapuy, ne is evel kayi ebpekeeneb duen te tambun te Kavan te Kebpekid-uyun, umbe kenà sikandin ebpatey.  
\v 14 Egkuwa sikandin te lengesa zuen te vaka ne edhitindeg sikandin diyà te egkesineruwan duen te Kavan te Kebpekid-uyun te \sc Nengazen\sc* he edsinaru ziyà te edsilaan. Ne pinaaǥi te tezù din ebpirikan din te kepipitu sikan is tambun kayi. 
\p  
\v 15 Edlepaan din daan sikan is kambing he pemuhat he para idlumpiyu te menge etew. Ed-uwiten din is lengesa kayi ziyà te Utew Segradu he Lugar ne ibpirik din duen te tambun te Kavan te Kebpekid-uyun, iring duen te mibeelan din duen te lengesa te vaka.  
\v 16 Pinaaǥi kayi te ebeelan ni Aaron, egkelumpiyuwan is Utew Segradu he Lugar te kegkeremeriki zuen tenged te keremerik te menge Israilihanen wey tenged te menge salà dan wey menge kedsupak dan. Ebeelan din daan heini ziyà te zuma he vahin duen te tulda su ziyà man heini mekepelastar te teliwazà te kampu zan te menge meremerik.  
\v 17 Kinahanglan he wazà etew he ebpundu ziyà te Tulda zutun te uras te kedseled ni Aaron diyà te Utew Segradu he Lugar taman te egawas sikandin. Emun egkepasad din en te ebaal is tulumanen para melumpiyuwi sikandin, is pemilya zin, wey is tivuuk he keet-etawan te Israel,  
\v 18 egawas sikandin duen te Utew Segradu he Lugar ne edhendiyà te pemuhatà he ziyà te ǥemawan te tulda. Ne egkuwa sikandin duen te lengesa zuen te vaka wey kambing he impemuhat ne ibpalis din duen te menge sungeysungey te menge suyuk duen te pemuhatà su wey melumpiyuwi heini.  
\v 19 Ne pinaaǥi te tezù din ibpirik din te kepipitu zutun te pemuhatà is duma he lengesa te kebpemuhat kayi ziyà te \sc Nengazen\sc* wey te ked-ewaa te keremerik te menge Israilihanen. 
\p  
\v 20 Ne emun egkepasad en ni Aaron te edlumpiyu sikan is Utew Segradu he Lugar wey is duma he parti zuen te tulda ragkes en is pemuhatà, ne ed-uwiten din diyà te teliwazà sikan is uuyag he kambing.  
\v 21 Ne idampè din is dezuwa he velad din diyà te ulu zuen te kambing ne idtug-an din is langun he menge salà wey kedsupak te menge Israilihanen. Pinaaǥi kayi ebpekahalin is menge salè dan diyà te ulu zutun te kambing. Ne ibpepaawà ni Aaron haazà is kambing diyà te sibsivayan te etew he midseriǥan te kebaal kayi.  
\v 22 Umbe, ed-uwiten dutun te kambing is langun he salà te menge Israilihanen diyà te sibsivayan. 
\p  
\v 23 Ne edseled si Aaron dutun te tulda ne edluwasen din is bisti zin he visti te lavew he memumuhat he imbivisti zin hein wazè pa sikandin medseled diyà te Utew Segradu he Lugar, ne idtaǥak din heini zutun te tulda.  
\v 24 Ne ebpemeziǥù sikandin diyà te sevaha he segradu he lugar zutun te Tulda ne kegkepasad ebivisti sikandin te urdinaryu. Ne egawas sikandin ne ibpemuhat din sikan is dezuwa he pemuhat he edtutungen para mevelukasi sikandin wey is menge Israilihanen te menge salè dan.  
\v 25 Edtutungen din daan diyà te pemuhatà is menge tavà dutun te pemuhat he para idlumpiyu. 
\p  
\v 26 Sikan is etew he insarig kandin is kebpaawà duen te kambing he para ki Azazel kinahanglan he ebpìpian din dèpa is bisti zin wey mebpemeziǥù te kenè pa sikandin edlikù diyà te kampu.  
\v 27 Kinahanglan he ed-uwiten diyà te ǥawas te kampu wey edtutungen is nesamà duen te vaka wey kambing he migkuwaan te lengesa he mid-uwit diyà te Utew Segradu he Lugar he inlumpiyu kayi.  
\v 28 Is etew he edtutung kayi kinahanglan he ebpìpian din dèpa is bisti zin wey mebpemeziǥù te kenè pa sikandin edlikù diyà te kampu. 
\p  
\v 29-31 Iyan heini menge sulunuzen he ebeelan te menge Israilihanen wey te kenà menge Israilihanen he mid-ubpà duma kandan, ne tumana zan heini taman te taman. Dutun te ikesepulù he andew te ikepitu he vulan kinahanglan he mebpuasa zan ne kenè dan medterebahu, iring te Andew te Kedhimeley. Su iyan heeyan andew he ebeelan is tulumanen te kebelukas kandan puun te menge salè dan su wey zan mehimu he lumpiyu ziyà te etuvangan te \sc Nengazen\sc*.  
\v 32 Is memumuhat he mibpilì wey mid-urdinahan he iyan ebpekeilis te amey zin te kegkelavew he memumuhat iyan ebaal zutun he tulumanen. Ivivisti zin is bisti te lavew he memumuhat,  
\v 33 ne veeli zin is tulumanen te kedlumpiyu zuen te Utew Segradu he Lugar, ziyà te zuma pa he vahin dutun te Tulda ragkes en is pemuhatà, is menge memumuhat, wey is menge etew te Israel. 
\p  
\v 34 Kinahanglan he edtumanen dan heini he sulunuzen taman te taman. Ne veeli zan heini kesevaha kada tuig. 
\p Ne midtuman heini ni Moises sumalà te insuǥù te \sc Nengazen\sc*. 
\c 17  
\s1 Is menge Sulunuzen Mehitenged te Hustu he Lugar te Kebpemuhat wey Mehitenged te Lengesa 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ki Aaron wey te maama he menge anak din wey te langun he menge Israilihanen: 
\p  
\v 3 Is minsan hentei keniyu he ebpemuhat te vaka, kerehidu etawa kambing diyà te zuma he lugar,  
\v 4-5 ne kenà diyà te Tulda he Ed-ezapan (egngezanan daan he Tulda he Edtelevukaayan), ne iring ded te nekevunù sikandin te etew, umbe kenè niw sikandin isipa he zuma niw. Midhimu heini he kebpemuhat su para ziyè niw veeli is kebpemuhat te ǥemawan te Tulda ne kenà diyà te zuma he lugar. Umbe is ibpemuhat niw he pemuhat he para gasa iveǥey niw ziyà te memumuhat he iyan ebpemuhat kayi ziyà te \sc Nengazen\sc*.  
\v 6 Ibpirik te memumuhat is lengesa te uyaǥen diyà te pemuhatà he pemuhatà he para te \sc Nengazen\sc*, he ziyà te ǥemawan te Tulda. Ne edtutungen din is menge tavà dutun te uyaǥen ne is kehemut kayi ebpekepenunuat te \sc Nengazen\sc*.  
\v 7 Umbe, kenè kew en ereg he ebpemuhat diyà te ed-ezapen he henduen be te kambing, su ebpekepeziyù heeyan keniyu ziyà te \sc Nengazen\sc*. Kinahanglan he tumana niw heini taman te huziyan he lapis te menge kevuwazan. 
\p  
\v 8 Timan-i niw heini, sikiyu is menge Israilihanen wey is kenà menge Israilihanen he mid-ubpà duma keniyu: 
\p Is minsan hentei he ebpemuhat te minsan hengkey he pemuhat diyà te zuma he lugar  
\v 9 ne kenà diyà te ǥemawan te tulda, ne kenè niw en isipa he zuma niw. 
\p  
\v 10 Is minsan hentei he egkaan te lengesa egkeepesan te \sc Nengazen\sc* ne kenè niw en sikandin isipa he zuma niw.  
\v 11 Su is untung te linimbag ne ziyà te lengesa zin, ne insuǥù te \sc Nengazen\sc* he gemita niw heini para mevelukasi kew puun te menge salè niw, su is lengesa he iyan mibeǥey te untung, iyan ebpekevelukas te etew puun te menge salà.  
\v 12 Iyan heini hinungdan ke maan is kenè kew ereg he egkaan te lengesa. 
\p  
\v 13 Is minsan hentei keniyu te menge Israilihanen wey te kenà menge Israilihanen he mid-ubpà duma keniyu he ed-utel te langgam etawa tagbis he egkehimu he egkeenen, kinahanglan he ibpetiǥis din is lengesa kayi ne tembuni zin te tanà,  
\v 14 su is untung te linimbag ne ziyà te lengesa zin. Umbe migkeǥiyan kew te \sc Nengazen\sc* he kenè niw keena is lengesa te minsan hengkey he linimbag; ne is minsan hentei he egkaan kayi ne kenè niw en isipa he zuma niw. 
\p  
\v 15 Is minsan hentei keniyu te menge Israilihanen wey kenà menge Israilihanen he mid-ubpà duma keniyu he egkaan te langgam he minatey zà etawa midhimetayan te zuma he langgam, kinahanglan he pìpii zin is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.  
\v 16 Emun kenè din ebpìpian is bisti zin wey kenà ebpemeziǥù, ne zuen din televaken. 
\c 18  
\s1 Is Ibandu he menge Kedepità 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te menge Israilihanen: 
\p Iyan a \sc Nengazen\sc* he Megbevayè niw.  
\v 3 Kinahanglan he kenè niw veeli is menge ebeelan te menge etew ziyà te Ehipto he zutun kew med-ubpà dengan, wey is menge ebeelan te menge etew ziyà te Canaan, he zutun ku sikiyu ed-uwita.  
\v 4-5 Kinahanglan he edtumanen niw is menge suǥù ku wey menge sulunuzen su is etew he edtuman kayi ebpekaangken te meupiya he ked-ubpà. Siak is \sc Nengazen\sc* he Megbevayè niw, midsuǥù ku sikiyu. 
\p  
\v 6 Wazà minsan hentei keniyu he mebpekidhilavet te megeget he kezuzumahi zin. 
\p  
\v 7-8 Kenè nu peel-elezi is amey nu pinaaǥi te kebpekidhilavet te iney nu etawa zuma pa he esawa zin. 
\p  
\v 9 Kenè ka mebpekidhilavet te etevey nu, minsan etevey nu zà sikandin diyà te amey nu etawa iney nu, midekelè man sikandin duma keniyu wey ke wazà. 
\p  
\v 10 Kenè ka mebpekidhilavet te apù nu he vahi, su ebpekeveǥey heini kenikew te keelezan. 
\p  
\v 11 Kenè ka mebpekidhilavet te anak he vahi te amey nu ziyà te zuma he esawa zin, su suled nu zaan sikandin. 
\p  
\v 12-13 Kenè ka mebpekidhilavet te ayè nu, suled man te amey nu etawa iney nu. 
\p  
\v 14 Kenè nu peel-elezi is suled he maama te amey nu pinaaǥi te kebpekidhilavet te esawa zin, su ayè nu zaan sikandin. 
\p  
\v 15 Kenè ka mebpekidhilavet te ambey nu su esawa sikandin te anak nu. 
\p  
\v 16 Kenè ka mebpekidhilavet te ipag nu su ebpekeveǥey heini te keelezan te suled nu. 
\p  
\v 17 Kenè ka mebpekidhilavet te anak etawa apù he vahi te vahi he mibpekidhilavet ka kandin dutun te nehuna he timpu, su kela ke anak nu etawa apù nu haazà, ne mahawag heeyan he vaal. 
\p  
\v 18 Kenè nu esewaa is ipag nu zutun te uuyag pa is esawa nu. 
\p  
\v 19 Kenè ka mebpekidhilavet te vahi he edlengesahan su meremerik sikandin. 
\p  
\v 20 Kenè ka mebpekidhilavet te esawa te zuma, su emun ebeelan nu heini ed-isipen ka he meremerik. 
\p  
\v 21 Kenè nu iveǥey is minsan hentei te menge anak nu su wey ikepemuhat diyà te ed-ezapen he si Molec, su ebpekeveǥey heeyan kedì te Megbevayè nu te keelezan. Iyan a sikan is \sc Nengazen\sc*. 
\p  
\v 22 Kenè ka mebpekidhilavet te iring nu he maama su mekeeled-eled heeyan. 
\p  
\v 23 Kenè ka mebpekidhilavet te uyaǥen su utew heeyan mahawag, wey minsan is bahi ne kenè din iveǥey is lawa zin para mehileveti te uyaǥen. Su sevaha heini he kedsuwey te hustu ne ed-isipen ka he meremerik emun ebeelan nu heini. 
\p  
\v 24 Kenè niw remeriki is keugelingen niw pinaaǥi te kebaal te minsan hendei kayi he vaal, su iyan heini ingkeremeriki te menge etew he edsegseǥen ku puun te tanà he para keniyu.  
\v 25-28 Ne minsan ganì heeyan he tanà neremerikan tenged te ebeelan dan, umbe impaaǥi ku keniyan he tanà is menge kezeetan su wey pinaaǥi zutun mekeawè dan keniyan. Piru sikiyu is menge meǥinged he Israilihanen wey is kenà menge Israilihanen he mid-ubpà duma keniyu, kenè niw veeli heeyan is mahawag he menge vaal, kekenà, tumana niw is menge sulunuzen he ibpesunud ku wey menge suǥù. Su emun edremerikan niw heeyan is tanà pinaaǥi te kebaal niw keniyan he menge vaal, ibpaawè kew zaan keniyan he tanà iring te menge etew he nehuna keniyu.  
\v 29 Is minsan hentei he ebaal keniyan te utew mezaat he menge vaal ne kenè niw en sikandin isipa he zuma niw.  
\v 30 Umbe, tumana niw is ebpeveelan ku keniyu ne kenè niw iringi is utew mezaat he menge ebeelan te menge etew he nehuna keniyu, su wey niw kenà meremeriki is keugelingen niw tenged kayi. Iyan a kes \sc Nengazen\sc* he Megbevayè niw. 
\c 19  
\s1 Is Nekedseselekawà he menge Suǥù 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te tivuuk he keet-etawan te Israel: 
\p Pengungubpaan kew he segradu su waǥas a is \sc Nengazen\sc* he Megbevayè niw.  
\v 3 Kinahanglan he edtehuzen niw is iney niw wey amey niw, wey kinahanglan he tumana niw is ebpeveelan ku keniyu zutun te Andew te Kedhimeley. Iyan a kes \sc Nengazen\sc* he Megbevayè niw. 
\p  
\v 4 Kenè kew med-azap te zuma he menge ed-ezapen wey kenè kew mebaal te ledawan te zuma he ed-ezapen. Iyan a kes \sc Nengazen\sc* he Megbevayè niw.\fig Ledawan|src="HK031H.TIF" size="span" loc="Leviticus 19:4" copy="Horace Knowles" ref="Leviticus 19:4" \fig* 
\p  
\v 5 Emun ebpemuhat kew te pemuhat para mehimu he meupiya is kebpekidepitè niw kedì, ipemuhat niw heini te paaǥi he egkezawat ku heini para keniyu.  
\v 6 Keena niw is usa kayi zutun te andew te kebpemuhat niw etawa sunud he andew. Piru emun duen egkesamà he usa taman te iketelu he andew kinahanglan he edtutungen heini.  
\v 7 Emun egkeenen niw heini te iketelu he andew ne kenè ku heini edewaten su utew mezaat heini.  
\v 8 Is minsan hentei he egkaan kayi ne zuen din televaken su ebpendezeisayen din is para kediey, umbe haazà he etew kenè niw en isipa he zuma niw. 
\p  
\v 9 Emun edraǥun kew ne kenè niw emina te edraǥun is diyà te kilid te pemuleey niw, ne kenè niw en likui pekirerawa is nengesamà.  
\v 10 Iring ded dutun is beeli niw ziyà te pemuleey niw te paras, kenè niw en likui wey kuwaa is nengeulug. Teǥaka niw en heeyan para te menge pubri wey te menge lumelengyawà. Iyan a kes \sc Nengazen\sc* he Megbevayè niw. 
\p  
\v 11 Kenè kew mebpenakew, medtarùtarù, etawa medlimbung te iring niw he etew. 
\p  
\v 12 Kenè kew penangdù te tarù he egemiten niw is ngazan ku, su emun ebeelan niw heeyan ne ebpeel-elezan a keniyu. Iyan a kes \sc Nengazen\sc*. 
\p  
\v 13 Kenè niw limbungi wey tekawi is iring niw he etew. Kenè niw lenglengani te edsuhul is etew he impeterebahu niw. 
\p  
\v 14 Kenè niw keǥiyi te mezaat is bengel, wey kenè kew medsavuk te egkesipà diyà te ibayà te lakap. Tumana niw heini su ibpekilala niw is kedtehuza niw kedì. Iyan a kes \sc Nengazen\sc*. 
\p  
\v 15 Kinahanglan he meketezenganen wey hustu is kedhukum niw ziyà te hukmanan; kinahanglan he wazè niw ibpelavi, sepian etawa pubri. 
\p  
\v 16 Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes \sc Nengazen\sc*. 
\p  
\v 17 Kenè niw dumuti is duma niw he etew. Dewaya niw sikandin emun nekesalà sikandin su para wazè niw televaken.  
\v 18 Kenè kew penimales etawa dumut te zuma niw he etew, kekenà, mahala niw sikandin iring te kebmahala niw te keugelingen niw. Iyan a kes \sc Nengazen\sc*. 
\p  
\v 19 Tumana niw is menge sulunuzen he ibpesunud ku. Kenè niw pepeniwelayi is sevaha he uyaǥen te selakew en he kelasi te uyaǥen. Kenè kew pemula te zezuwa he kelasi te venì diyà te sevaha zà he pemuleey. Kenè kew sul-ub te sevaha he visti he zezuwa he kelasi te manggad. 
\p  
\v 20 Emun is sevaha he maama ebpekidhilavet te sevaha he uripen he vahi he ed-esewaan en te sengememaama, piru heini is bahi wazè pa mevelukasi te kegkeuripena kandin etawa wazè pa meveǥayi te vayàbayà, kinahanglan he edsilutan sikandan. Piru kenà sikandan edhimetayan su kenè pe man ebpekevayàbayà haazà is bahi.  
\v 21-22 Kinahanglan he med-uwit sikan is maama te meemahan he kerehidu ziyà te ǥemawan te Tulda he Edtelevukaayan he vayad te salè din. Pinaaǥi te kebpemuhata te memumuhat dutun te kerehidu ziyà te etuvangan ku, egkevelukasan haazà is maama te salè din ne ebpeseyluwen ku sikandin. 
\p  
\v 23 Emun ebpekeuma kew en diyà te tanà he ibeǥey ku keniyu, kenè niw keena is beǥas te kayu he ibpemula niw zutun te egkehuna he tetelu he tuig. Isipa niw heini he meremerik.  
\v 24 Dutun te ikeepat he tuig, is langun he veǥas kayi ihalad niw kayi te kedì he idalig kedì, umbe kenè niw zaan heini keena.  
\v 25 Piru te ikelima he tuig ne ebpekekaan kew en te menge veǥas kayi. Ne emun edtumanen niw heini he sulunuzen, utew meveǥas is menge kayu niw. Iyan a kes \sc Nengazen\sc* he Megbevayè niw. 
\p  
\v 26 Kenè kew kaan te usa he zuen din pa lengesa. 
\p Kenè niw veeli is ebeelan te menge kineegmanen etawa veyilan. 
\p  
\v 27 Emun idlalew niw is minatey kenè niw tempezi is bulvul niw ziyà te kada tengkilizan te ulu niw etawa sumpè niw,  
\v 28 wey kenè niw zaan pelii is lawa niw. Wey kenè kew zaan mebpepatik. Iyan a kes \sc Nengazen\sc*. 
\p  
\v 29 Kenè niw peel-elezi is menge anak niw he vahi pinaaǥi te kebpeǥesa niw kandan te kebelegyà te zengeg dan, su ebpekeiniyat heini, ne utew ebmahabet diyà te lugar niw is ed-ulaula kayi. 
\p  
\v 30 Tumana niw is ebpeveelan ku keniyu zutun te Andew te Kedhimeley, ne tehuza niw is lugar he zutun a keniyu ed-ezapa. Iyan a kes \sc Nengazen\sc*. 
\p  
\v 31 Kenè kew zangep diyà te menge veyilan he ebpekidlalag te gimukud te nemematey en, su emun ebeelan niw heini ed-isipen kew he meremerik. Iyan a kes \sc Nengazen\sc* he Megbevayè niw. 
\p  
\v 32 Tehuza niw is menge meǥurang, wey tehuza a zaan keniyu is Megbevayè niw. Iyan a kes \sc Nengazen\sc*. 
\p  
\v 33 Kenè niw temudmuzi is kenà menge Israilihanen he ed-ubpà duma keniyu.  
\v 34 Irerepengan niw sikandan, wey mahala niw sikandan iring te kebmahala niw te keugelingen niw, su umuuliey kew zaan dengan diyà te Ehipto. Iyan a kes \sc Nengazen\sc* he Megbevayè niw. 
\p  
\v 35 Kenè kew limbung diyà te kedtimbang niw, kedtakes niw, etawa kedsukud niw.  
\v 36-37 Gemita niw is hustu he timbangan, tekesà, wey sukud. 
\p Iyan a kes \sc Nengazen\sc* he Megbevayè niw he mibpeǥawas keniyu ziyà te Ehipto. Tumana niw is langun he menge sulunuzen he ibpesunud ku wey menge suǥù ku. 
\c 20  
\s1 Is Silut Tenged te menge Salà 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te menge Israilihanen: 
\p Is minsan hentei keniyu te menge Israilihanen etawa kenà menge Israilihanen he mid-ubpà duma keniyu he ebpemuhat te anak din diyà te ed-ezapen he si Molec, kinahanglan he penulenga niw te vatu taman te kebpatey zin.  
\v 3-4 Egkeepesan ku heeyan he etew ne kenè niw en isipa he zuma niw, su zutun te kebpemuhata zin te anak din diyà te ki Molec, midremerikan din is lugar he zutun a keniyu ed-ezapa ne mibpendezeisey zin is ngazan ku. Emun ebey-anan niw zà haazà he etew,  
\v 5 iyan a mismu egkuntra kandin wey te pemilya zin wey te langun he edsunud kandin te kebpemuhat diyà te ki Molec. Kenè ku sikandan ed-isipen he zuma niw. 
\p  
\v 6 Egkeepesan ku zaan is etew he edangep wey edsunud te menge veyilan he ebpekidlalag te ǥimukud te nemematey en. Kenè ku sikandan ed-isipen he zuma niw. 
\p  
\v 7 Ihalad niw is keugelingen niw para kediey wey pengungubpaan kew he segradu, su iyan a kes \sc Nengazen\sc* he Megbevayè niw.  
\v 8 Tumana niw is menge sulunuzen he ibpesunud ku, su iyan a is \sc Nengazen\sc* midsivey keniyu para kedì. 
\p  
\v 9 Is minsan hentei he edrewakan din is amey zin etawa iney zin kinahanglan he edhimetayan. Iyan dà sikandin egkevasul zutun te kedhimetayi kandin. 
\p  
\v 10 Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan. 
\p  
\v 11 Emun ebpekidhilavet is maama te sevaha te menge esawa te amey zin, mibpeel-elezan din is amey zin. Ne sikandan is dezuwa zutun te vahi kinahanglan he edhimetayan. Iyan dà sikandan egkevasul zutun te kemetayen dan. 
\p  
\v 12 Emun is amey ebpekidhilavet te ambey zin, ne sikandan is dezuwa kinahanglan he edhimetayan. Su mezaat is mibeelan dan. Iyan dà sikandan egkevasul zutun te kemetayen dan. 
\p  
\v 13 Emun is maama ebpekidhilavet te iring din he maama, ne sikandan is dezuwa kinahanglan he edhimetayan su utew mezaat is mibeelan dan. Diyè dà te kandan igkevasul is kemetayen dan. 
\p  
\v 14 Emun ed-esewaan te maama is iney wey anak, kinahanglan he ebinsulan sikandan is tetelu, su mezaat is mibeelan dan. Kenà ereg he ebpedayun heini he kelelalung diyà te keniyu. 
\p  
\v 15-16 Emun duen maama etawa vahi he ebpekidhilavet te uyaǥen, kinahanglan he edhimetayan sikandin wey haazà is uyaǥen. Diyè dà te kandan igkevasul is kemetayen dan. 
\p  
\v 17 Emun is maama ebpengesawa wey ebpekidhilavet te etevey zin, minsan ke suled din dà heini ziyà te amey etawa iney, mibpeel-elezan din haazà is suled din ne zuen din televaken. Ne ǥeina te mekeeled-eled haazà is mibeelan dan te zezuwa, ne kenè niw en sikandan isipa he zuma niw. 
\p  
\v 18 Emun is maama ebpekidhilavet te vahi he midlengesahan, ne nemineg haazà is bahi, ne kenè niw en sikandan isipa is dezuwa he zuma niw. 
\p  
\v 19 Emun is maama ebpekidhilavet te ayè din, mibpeel-elezan din haazà is ayè din. Ne sikandan is dezuwa ne zuen dan televaken dutun te mibeelan dan. 
\p  
\v 20 Emun is maama ebpekidhilavet te esawa te anggam din, mibpeel-elezan din is anggam din. Sikandan is dezuwa ne zuen dan televaken, ne ebpatey zà sikandan he wazè dan anak. 
\p  
\v 21 Emun is maama ebpengesawa te esawa te suled din he uuyag pa, mibpeel-elezan din is suled din. Ne ǥeina te meremerik is mibeelan dan, ne tekew en sikandan ebpatey he wazè dan anak. 
\p  
\v 22 Tumana niw is langun he menge sulunuzen he ibpesunud ku wey is menge suǥù ku su wey ku sikiyu kenà ipaawà diyà te tanà he ed-uwitan ku keniyu he egkeubpaan niw.  
\v 23 Is menge etew he ibpaawè ku zutun he tanà iyan mibaal keniyan he kelelalung, ne tenged kayi igkelimezangi ku sikandan. Umbe kenè niw iringi is ebeelan dan.  
\v 24 Ne sumalà te nekaǥi ku keniyu egkaangken niw is tanè dan. Ibeǥey ku keniyu heini is meupiya wey selebpeten he tanà su wey niw maangken. Iyan a kes \sc Nengazen\sc* he Megbevayè niw he midhimu keniyu he segradu puun te zuma he menge etew. 
\p  
\v 25 Kinahanglan he egketuenan niw ke hengkey is lumpiyu wey meremerik he menge langgam ragkes en is menge tagbis. Kenè niw remeriki is keugelingen niw pinaaǥi te kegkaan te meremerik he menge langgam. Ne sumalà te migkaǥi ku keniyu, isipa niw heini he meremerik,  
\v 26 pengungubpaan kew he segradu su siak is \sc Nengazen\sc*, waǥas a. Ne midhimu ku sikiyu he segradu puun te zuma he menge nasyun su wey kew mehimu he kediey. 
\p  
\v 27 Emun duen keniyu veyilan he ebpekidlalag te ǥimukud te nemematey en, kinahanglan he ebpenulengen sikandin te vatu taman te ebpatey. Ne iyan dà sikandin egkevasul zutun te kemetayen din. 
\c 21  
\s1 Is menge Tulumanen para te menge Memumuhat 
\p  
\v 1 Midsuǥù te \sc Nengazen\sc* si Moises he keǥiya zin heini ziyà te menge memumuhat he kevuwazan ni Aaron: 
\p Kenè niw remeriki is keugelingen niw pinaaǥi te kedtampu te kedlevenga te iring niw he Israilihanen,  
\v 2 gawas ke is ebpatey utew niw en megeget iring te iney niw, amey niw, anak niw, suled niw he maama,  
\v 3 etawa etevey niw he wazè din pa esawa, ne midsarig pa keniyu.  
\v 4 Kenè niw zaan remeriki is keugelingen niw pinaaǥi te kedtampu te kedlevenga te kezuzumahi te esawa niw.  
\v 5 Emun edlalew kew tenged te minatey, ne kenè niw kiskisi is minsan hendei he vahin te ulu niw, kenè niw tempezi is sumpè niw, wey kenè niw pelii is lawa niw.  
\v 6 Kinahanglan he idhalad niw is keugelingen niw para kediey te Megbevayè niw, wey kenè niw pendezeisaya is ngazan ku. Beeli niw heini su iyan kew man ebpemuhat te menge pemuhat pinaaǥi te hapuy, he iyan keenen ku. 
\p  
\v 7 Kinahanglan he kenè kew mebpengesawa te vahi he meremerik su ebelegyà te zengeg din, etawa vahi he midsuwayan te esawa zin, su insivey kew para kediey.  
\v 8 Kinahanglan he segradu is ked-isipa keniyu te zuma niw he menge Israilihanen su iyan kew ebpemuhat te menge pemuhat kayi te kediey, te \sc Nengazen\sc*, he waǥas, ne edhimuwen ku is menge etew ku he wazà igkesewayi. 
\p  
\v 9 Emun duen niw anak he vahi he ebpeelimungew keniyu tenged te kebelegyè din te zengeg din, ne tenged dutun ed-isipen sikandin he meremerik, kinahanglan he ebinsulan sikandin. 
\p  
\v 10 Emun egkeseeng is lavew he memumuhat tenged te minatey, kinahanglan he kenè din gusenga is bulvul zin wey kenè din bindasa is bisti zin.  
\v 11 Kinahanglan he edsenggilahan din is kebpekesamsam te minatey, minsan pa ke amey zin etawa iney zin.  
\v 12 Ne ǥeina te inhalad sikandin kayi te kedì he lavew he memumuhat pinaaǥi te kedlenahi kandin, kenà sikandin ereg he ed-awà diyà te Tulda he Edtelevukaayan te kedtampu te kedleveng, su emun ebeelan din heini ne egkeremerikan sikan is tulda. Iyan a kes \sc Nengazen\sc*. 
\p  
\v 13-14 Is ed-esewaan te lavew he memumuhat kinahanglan he wazè pa mekeremaǥi wey iring din he Israilihanen. Kenà sikandin mebpengesawa te valu etawa vahi he midsuwayan te esawa zin, etawa vahi he meremerik su ebelegyà te zengeg din.  
\v 15 Pinaaǥi te kedtumana kayi te memumuhat kenà ed-isipen he meremerik is menge anak din. Iyan a is \sc Nengazen\sc* midsivey kandin para mehimu he lavew he memumuhat. 
\p  
\v 16 Midsuǥù te \sc Nengazen\sc* si Moises  
\v 17 he keǥiya zin heini ziyà te ki Aaron: 
\p Wazà minsan hentei te menge kevuwazan nu he taman te huziyan he lapis te menge kevuwazan he ebpekepenilbi pinaaǥi te kegkememumuhat emun duen sazir te lawa zin.  
\v 18 Kenà egkehimu is lakap, pigket, duen sazir te kebuvuked din, duen sazir ziyà te lawa zin,  
\v 19 nelepuan is paa zin etawa velad,  
\v 20 bekut, inanu, duen din daru ziyà te mata etawa lundis, etawa kenà ebpekaanak.  
\v 21-23 Umbe, emun duen sazir te kevuwazan ni Aaron, ne kenà egkehimu he ebpemuhat kayi te kedì te menge pemuhat pinaaǥi te hapuy, he iyan keenen ku. Wey kenà daan egkehimu ke edseled sikandin diyà te Segradu he Lugar wey ed-uvey zuen te pemuhatà su egkeremerikan is Tulda ku. Piru egkehimu ke egkaan sikandin te menge keenen he vahin te menge memumuhat duen te segradu he pemuhat wey zuen te utew segradu he pemuhat. Iyan a is \sc Nengazen\sc* midsivey keniyu para kedì. 
\p  
\v 24 Umbe, migkaǥi heini is langun ni Moises diyà te ki Aaron wey ziyà te menge kevuwazan din he menge maama, wey ziyà te langun he menge Israilihanen. 
\c 22  
\s1 Is menge Pemuhat diyà te \sc Nengazen\sc* 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te ki Aaron wey ziyà te maama he menge kevuwazan din: 
\p Kenè niw pendezeisaya is waǥas he ngazan ku, umbe tehuza niw is menge pemuhat he ibpemuhat te menge Israilihanen kayi te kedì. Iyan a kes \sc Nengazen\sc*. 
\p  
\v 3 Emun duen keniyu ǥuntaan etawa menge kevuwazan niw taman te huziyan he lapis te menge kevuwazan he edsamsam te pemuhat kayi te kedì, dutun te meremerik sikandin, kenè en egkehimu he ebpekepenilbi pinaaǥi te kegkememumuhat din. Iyan a kes \sc Nengazen\sc*. 
\p  
\v 4-7 Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin. 
\p  
\v 8 Kinahanglan he kenè kew megkaan te minsan hengkey he usa te langgam he minatey zà etawa midhimetayan te zuma he langgam. Su emun ebeelan niw heini ed-isipen kew he meremerik. Iyan a kes \sc Nengazen\sc*. 
\p  
\v 9 Sikiyu is menge memumuhat, tumana niw is ibpetuman ku keniyu. Kinahanglan he edtumanen niw heini su wey kew kenà mekepenavak wey mebpatey. Iyan a is \sc Nengazen\sc* midsivey keniyu para kedì. 
\p  
\v 10 Iyan kew zà wey is pemilya niw, egkehimu he egkaan duen te vahin te menge pemuhat he para te menge memumuhat. Kenà egkehimu he egkaan kayi is meǥeliyug niw etawa sinuhulan niw he terebahanti.  
\v 11 Piru egkehimu ke egkaan kayi is uripen he mibpemasa niw etawa in-anak diyà te keniyu.  
\v 12 Kenà daan ebpekekaan kayi is anak te memumuhat he neesawa te kenà memumuhat.  
\v 13 Iyan, emun nevalu sikandin etawa nekedsuwey zan te esawa zin he wazè dan anak, ne midlikù med-ubpà duma te amey zin, ne ebpekekaan sikandin te keenen he egkezawat te amey zin dutun te kegkememumuhat din. 
\p Purungi niw tentenuzi he iyan kew zà is menge memumuhat wey is pemilya niw ebpekekaan te vahin te menge pemuhat he para keniyu.  
\v 14 Iyan, emun duen etew he kenà sakup te pemilya niw he ebpekekaan kayi he wazè din tivevaa, kinahanglan he edliwanan din heini ziyà te keniyu ne umani zin pa te 20 pursintu is bali kayi. 
\p  
\v 15 Sikiyu is menge memumuhat, kenè niw pendezeisaya is menge pemuhat te menge Israilihanen kayi te kedì,  
\v 16 su wey kew kenà mekesalà dutun te kegkeena niw kayi ne wazè niw televaken. Iyan a is \sc Nengazen\sc* midsivey keniyu su wey kew mehimu he kedì. 
\s1 Is menge Sulunuzen Mehitenged te Kebpilì te Uyaǥen he Ibpemuhat 
\p  
\v 17 Midsuǥù te \sc Nengazen\sc* si Moises  
\v 18 he keǥiya zin heini ziyà te ki Aaron wey ziyà te maama he menge anak din, diyà te iring dan he menge Israilihanen, wey ragkes is kenà menge Israilihanen he mid-ubpà duma kandan: 
\p Emun is pemuhat he edtutungen iyan ibpemuhat niw he pemuhat para te kedtuman te sevaha he penaad etawa pemuhat he keugelingen he suat,  
\v 19 kinahanglan he meemahan he vaka, kerehidu, etawa kambing ne kinahanglan he wazè dan sazir su wey ku zewata heini.  
\v 20 Kenè kew mebpemuhat te zuen din sazir su kenè ku heini edewaten.  
\v 21 Emun is pemuhat he para te meupiya he kedepità ibpemuhat niw kediey he kedtuman te penaad etawa pemuhat he keugelingen he suat, kinahanglan he vaka heini etawa kerehidu etawa kambing he wazè sazir su edewaten ku heini.  
\v 22 Kenè kew mebpemuhat kayi te kedì te uyaǥen he lakap, lepù, pelien, etawa zuen din daru te lundis. Kenè niw heini ipemuhat kedì dutun te pemuhatà te pemuhat he pinaaǥi te hapuy.  
\v 23 Egkehimu he ibpemuhat niw he pemuhat he keugelingen he suat is baka etawa kerehidu he kenà hustu is kegkeveeli te sevaha he vahin te lawa zin, piru kenà heini egkehimu he ibpemuhat he pemuhat he kedtuman te penaad.  
\v 24 Kenè kew mebpemuhat kayi te kedì te uyaǥen he nepelian is tayak din etawa migkapun. Kenè niw heini veeli ziyà te lugar niw.  
\v 25 Ne kenè kew zaan mebpemasa te iring keniyan he kelasi te uyaǥen diyà te menge lumelengyawà te ibpemuhat niw kayi te kedì, su kenè ku heeyan edewaten. 
\p  
\v 26-27 Is beǥu he in-anak he vaka, kerehidu etawa kambing, kinahanglan he kenè idsuwey te iney zin seled te pitu he andew. Piru emun midlavey en te pitu he andew egkehimu en heini he ibpemuhat niw kayi te kedì he pemuhat pinaaǥi te hapuy.  
\v 28 Emun ebpemuhat kew te vaka etawa kerehidu, ne kenè niw iredsà kandan is nati zan dutun te iyan ded he andew. 
\p  
\v 29 Emun ebpemuhaten a keniyu te pemuhat he para kebpeselamat kedì, sunuza niw is hustu he paaǥi te kebpemuhata kayi su para zewata ku heini.  
\v 30 Ne kinahanglan he keena niw en dutun mismu te andew te kebpemuhata zuen ne kenè niw semai taman te edsunud he meselem. Iyan a kes \sc Nengazen\sc*. 
\p  
\v 31 Tumana niw is menge suǥù ku. Iyan a kes \sc Nengazen\sc*.  
\v 32 Kenè niw pendezeisaya is waǥas he ngazan ku, ne kilelaa a keniyu he waǥas. Iyan a is \sc Nengazen\sc* midsivey keniyu su wey kew mehimu he menge etew ku,  
\v 33 wey mibpeǥawas a keniyu puun te Ehipto su wey a mehimu he Megbevayè niw. Iyan a kes \sc Nengazen\sc*. 
\c 23  
\s1 Is Ispisyal he menge Timpu te Ked-azap 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te menge Israilihanen, is mehitenged te ispisyal he menge timpu he zutun medtiǥum dan te ked-azap te \sc Nengazen\sc*: 
\s1 Is Andew te Kedhimeley 
\p  
\v 3 Duen heenem he andew te kedterebahu niw, piru himeley kew ziyà te ikepitu he andew su iyan heeyan Andew te Kedhimeley. Kenè kew terebahu keniyan he andew, kekena, tiǥum kew para te ked-azap, su andew heeyan he ebeǥayan niw te zengeg is \sc Nengazen\sc*. 
\s1 Is Pista te Kedlavey te Belinsuǥuen wey is Pista te Supas he Wazè din Tapey 
\p  
\v 4 Is Pista te Kedlavey te Belinsuǥuen wey is Pista te Supas he Wazè din Tapey, menge ispisyal heini he menge timpu he edtiǥum is menge Israilihanen te ked-azap te \sc Nengazen\sc*.  
\v 5 Is Pista te Kedlavey te Belinsuǥuen, mezukilem is kedhimuwa zuen diyà te ike-14 he andew te egkehuna he vulan te tuig.  
\v 6 Ne ike-15 he andew zutun he vulan, ebpuun daan is Pista te Supas he Wazè din Tapey. Pitu he andew heini he pista, ne zutun he menge andew kinahanglan he iyan egkeenen niw is supas he wazè din tapey.  
\v 7 Dutun te egkehuna he andew kayi te pista, ne kenè kew medterebahu, kekenà, tiǥum kew te ked-azap te \sc Nengazen\sc*.  
\v 8 Seled te pitu he andew pemuhatà niw is \sc Nengazen\sc* te pemuhat pinaaǥi te hapuy. Ne zutun te ikepitu he andew ne kenè kew en maan terebahu, kekenà, tiǥum kew te ked-azap te \sc Nengazen\sc*. 
\s1 Is Pista te Kedraǥun 
\r (Menge Numero 28:26-31) 
\p  
\v 9-11 Emun diyè kew en te tanà he ibeǥey te \sc Nengazen\sc* keniyu, ipemuhat niw ziyà te kandin is egkehuna he vinagkes niw he menge pungu te kada kedraǥun niw. Uwita niw heini ziyà te memumuhat dutun te sunud he andew te Andew te Kedhimeley, ne ibayew heini te memumuhat diyà te etuvangan te \sc Nengazen\sc* su wey kew zewata te \sc Nengazen\sc* pinaaǥi kayi.  
\v 12 Dutun daan he andew, pemuhat kew ziyà te \sc Nengazen\sc* te kerehidu he senge-tuig is keǥurang din he wazè din sazir he pemuhat he edtutungen.  
\v 13 Lepiki niw heini te pemuhat he para gasa he heepat he kilu he meupiya he kelasi te herina he midsehuǥan te lana, wey senge litru he vinu he pemuhat he inumen. Pemuhat heini he pinaaǥi te hapuy, is kehemut kayi ebpekepenunuat te \sc Nengazen\sc*.  
\v 14 Emun wazè niw pa heini ikepemuhat, ne kenè kew pa megkaan te minsan hengkey he kelasi te keenen he zuma te beǥu he midraǥun niw, mehilew man heini etawa sinandag etawa midlutù he supas. Heini he sulunuzen, kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà. 
\p  
\v 15-17 Kedlavey zutun te pitu he simana he iyan kebpuun te andew zutun te kedhelaza niw zuen te menge vinagkes he pungu, tiǥum kew ne pemuhat kew uman te pemuhat he para gasa puun dutun te menge pungu he veǥu pa he ineǥani niw. Ul-ulaha niw heini zutun te ike-50 he andew, he iyan kes andew te kegkeiwas te ikepitu he Andew te Kedhimeley. Is idhalad niw, ne zezuwa he supas he mibeelan he ziyà ebpuun te heepat he kilu te meupiya he kelasi te herina, he zuen din tapey. Ipemuhat niw heini he pemuhat he ibayew he ebpuun te nehuna he neraǥun niw.  
\v 18 Perisi niw heini te pitu he meemahan he kerehidu, he tig senge-tuig is keǥurang, sevaha he turiti he vaka, wey zezuwa he meemahan he kerehidu, he wazè dan menge sazir. Ipemuhat niw heini he pemuhat he edtutungen duma te pemuhat he para gasa duma zuen te pemuhat he inumen. Is kehemut kayi he pemuhat te pinaaǥi te hapuy ne ebpekepenunuat te \sc Nengazen\sc*.  
\v 19 Ne pemuhat kew zaan te sevaha he meemahan he kambing he pemuhat he para idlumpiyu, wey zezuwa he kerehidu he tig senge-tuig is keǥurang dan he para te meupiya he kebpekidepità diyà te \sc Nengazen\sc*.  
\v 20 Ne ibayew te memumuhat diyà te etuvangan te \sc Nengazen\sc* sikan is dezuwa he kerehidu wey is pemuhat he zuma te nehuna he neraǥun. Segradu heini he menge pemuhat diyà te \sc Nengazen\sc* ne vahin heini te menge memumuhat.  
\v 21 Dutun he andew kenè kew medterebahu, kekenà, tiǥum kew te ked-azap te \sc Nengazen\sc*. Heini he sulunuzen, ne kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà. 
\p  
\v 22 Emun edraǥun kew ne kenè niw emina te edraǥun is diyà te kilid te pemuleey niw, ne kenè niw en likui wey pekirerawa. Teǥaka niw en heeyan he para te menge pubri wey menge langyew he kenà menge Israilihanen. Iyan heini suǥù te \sc Nengazen\sc* he Megbevayè niw. 
\s1 Is Pista te Kebpezaǥing te menge Trumpita 
\r (Menge Numero 29:1-6) 
\p  
\v 23-24 Dutun te egkehuna he andew te ikepitu he vulan te tuig, himeley kew para te kedtentenuzi niw te \sc Nengazen\sc*. Emun egkezineg niw is kebpezaǥing te menge trumpita, ne tiǥum kew te ked-azap kandin.  
\v 25 Kenè kew terebahu zutun he andew, kekenà, pemuhata niw is \sc Nengazen\sc* te pemuhat pinaaǥi te hapuy. 
\s1 Is Andew te Kebelukas 
\r (Menge Numero 29:7-11) 
\p  
\v 26-28 Dutun te ikesepulù he andew kayi te ikepitu he vulan, iyan kes Andew te Kebelukas. Kenè kew terebahu keniyan he andew, kekenà, tiǥum kew te ked-azap te \sc Nengazen\sc*. Puasa kew wey pemuhata niw sikandin te pemuhat pinaaǥi te hapuy. Su keniyan he andew ebeelan is tulumanen te kebelukasi keniyu tenged te menge salè niw diyà te etuvangan te \sc Nengazen\sc* he Megbevayè niw.  
\v 29 Is kenà ebpuasa zutun he andew ne kenè niw en isipa he zuma niw.  
\v 30 Edhimetayan te \sc Nengazen\sc* is minsan hentei he edterebahu keniyan he andew.  
\v 31-32 Umbe, himeley kew wey puasa kew puun te kedsanlep te andew te ikesiyew he andew te haazà he vulan taman te sunud he kedsanlep te andew. Kinahanglan he tumana niw heini he sulunuzen taman te huziyan he lapis te peleebuten he menge kevuwazan niw, minsan hendei kew ed-ubpà. 
\s1 Is Pista te Kebaal te menge Lawig 
\r (Menge Numero 29:12-40) 
\p  
\v 33-34 Dutun te ike-15 he andew te ikepitu he vulan ebpuunan is Pista te Kebaal te menge Lawig, ne silibraha niw heini seled te pitu he andew.  
\v 35 Dutun te egkehuna he andew kenè kew terebahu, kekenà, tiǥum kew te ked-azap te \sc Nengazen\sc*.  
\v 36 Seled te pitu he andew ebpemuhat kew ziyà te \sc Nengazen\sc* te pemuhat pinaaǥi te hapuy. Ne ikewalu he andew kenè kew en maan terebahu, kekenà, tiǥum kew en maan te ked-azap te \sc Nengazen\sc*, ne pemuhata niw sikandin. Ketepusan heini he andew te kedtiǥum niw. 
\p  
\v 37 Iyan heini ispisyal he menge timpu he zutun edtiǥum kew te ked-azap te \sc Nengazen\sc* wey kebpemuhat te menge pemuhat pinaaǥi te hapuy. Kinahanglan he uwit kew te menge pemuhat he edtutungen, pemuhat he para gasa, pemuhat he para te meupiya he kedepità, wey menge pemuhat he inumen, he kinahanglan he ibpemuhat niw zutun te netendek he timpu te kebpemuhata kayi.  
\v 38 Silibraha niw heini is ispisyal he menge timpu he ebpekeuman te Andew te Kedhimeley he ebeelan niw kada simana. Wey ipemuhat niw heini he menge pemuhat he ebpekeuman te menge gasa niw, menge pemuhat he para te kedtuman te menge penaad niw, wey menge pemuhat he kineugelingen he suat he ibpemuhat niw ziyà te \sc Nengazen\sc*.  
\v 39 Emun mehitenged te Pista te Kebaal te menge Lawig, ne silibraha niw heini he para te kebeǥey te zengeg diyà te \sc Nengazen\sc* puun te ike-15 he andew te ikepitu he vulan, dutun te tevas. Silibraha niw heini seled te pitu he andew; kenè kew medterebahu zutun te egkehuna he andew wey ikewalu he andew.  
\v 40 Dutun te egkehuna he andew kuwa kew te kineupiyahan he menge veǥas te menge kayu, menge zahun te palma, menge subpang te merapung he menge kayu, wey dezeisey he kayu ziyà te pangpang, ne medlipey kew ziyà te etuvangan te \sc Nengazen\sc* he Megbevayè niw seled te pitu he andew.  
\v 41-43 Silibraha niw heini he pista ziyà te ikepitu he vulan kada tuig para te kebeǥey te zengeg diyà te \sc Nengazen\sc*. Seled te pitu he andew, ubpè kew ziyà te menge lawig su wey metueni te menge kevuwazan niw he impeubpà te \sc Nengazen\sc* he Megbevayè niw is menge kepuun niw ziyà te menge lawig hein impeǥawas din sikandan puun te Ehipto. Heini he sulunuzen, ne kinahanglan he tumana niw taman te huziyan he lapis te menge kevuwazan niw. 
\p  
\v 44 Iyan haazà sikan is ispisyal he menge timpu te ked-ezap te \sc Nengazen\sc* he impetuenan ni Moises te menge Israilihanen. 
\c 24  
\s1 Is Ked-atur te menge Sulù diyà te Tulda he Edtelevukaayan 
\r (Exodus 27:20, 21) 
\p  
\v 1-4 Midsuǥù te \sc Nengazen\sc* si Moises he ipetuman din heini te menge Israilihanen: 
\p Uwiti niw te lunsey he lana te mibevayu he ulibu is menge sulù diyà te ǥawas te ruǥu he zutun is selevukà te Kavan te Kebpekid-uyun dutun te Tulda he Edtelevukaayan, su para kenà meengked is kedsiǥa kayi ziyà te etuvangan te \sc Nengazen\sc*. Emun ebmerusirem en, edtemteman heini ni Aaron ne ibpesiǥa taman te egkepawà. Edsigureduwen din he pirmeninti is kedsiǥa te menge sulù diyà te impehitindeg he selevukà duen he lunsey he vulawan. Heini he sulunuzen, kinahanglan he tumana niw taman te huziyan he lapis te menge kevuwazan. 
\s1 Is menge Supas he Ibpemuhat diyà te Etuvangan te Megbevayà 
\p  
\v 5 Baal kew te 12 he vuuk he supas, he is kada sevaha mibeelan puun te heepat he kilu he meupiya he kelasi te herina.  
\v 6 Isavuk niw heini ziyà te lemisahan he lunsey he vulawan he ziyà te etuvangan te \sc Nengazen\sc*. Ilinya niw heini te zezuwa he linya he tig-enem he supas is diyà te kada linya.  
\v 7 Ne sevuki niw te lunsey he veyewà is avey te kada linya. Haazà is beyewà, iyan egkehimu he pemuhat he para te kedtentenuzi te \sc Nengazen\sc*. Edtutungen heini he iyan pemuhat pinaaǥi te hapuy he ilis duen te menge supas.  
\v 8 Kinahanglan he layun idsavuk heini is menge supas diyà te etuvangan te \sc Nengazen\sc* kada Andew te Kedhimeley. Ketengdanan niw heini te menge Israilihanen taman te taman.  
\v 9 Heini he menge supas, ne para ki Aaron wey te menge kevuwazan din. Egkeenen dan heini ziyà te segradu he lugar zutun te Tulda, tenged te utew heini segradu he vahin te menge pemuhat. Ne para heini kandan taman te taman. 
\s1 Is Silut para te Edsumpalit te Megbevayà wey Ebpekevaal te Mezaat diyà te duma Zin he Etew 
\p  
\v 10-11 Duen sevaha he etew he is amey zin Ehiptohanen ne is iney zin Israilihanen. (Is ngazan te iney zin iyan si Shelomit, he anak ni Dibri te ebpuun diyà te tribu ni Dan.) Nekidtebek heini he etew te sevaha he Israilihanen diyà te kampu, ne midsumpalit din is ngazan te \sc Nengazen\sc*. Umbe mid-uwit dan haazà diyà te ki Moises,  
\v 12 ne mibpirisu zan haazà taman te egketuenan dan ke hengkey is egkesuatan te \sc Nengazen\sc* mehitenged dutun he etew. 
\p  
\v 13 Ne migkaǥi is \sc Nengazen\sc* diyà te ki Moises te,  
\v 14 “Uwita niw ziyà te ǥawas te kampu sikan is etew he midsumpalit kedì. Is langun he nekezineg te kedsumpalit din ne izampè dan is belad dan diyà te ulu zin he tuus te zuen din televaken, ne kegkepasad ne ebpenulengen sikandin te vatu te tivuuk he menge Israilihanen.  
\v 15-16 Ne keǥiyi nu is menge Israilihanen he minsan hentei kandan wey is kenà menge Israilihanen he mid-ubpà duma kandan he edsumpalit kediey wey ebpendezeisey te ngazan ku, ne zuen din televaken. Kinahanglan he ebpenulengen sikandin te vatu te tivuuk he kezekelan taman te ebpatey.” 
\p  
\v 17 “Is minsan hentei he ebpekepatey te etew, kinahanglan he edhimetayan daan.  
\v 18 Is etew he ebpekepatey te uyaǥen te zuma kinahanglan he ed-ilisan din haazà. Uuyag daan is iliwan din su uuyag man sikan is midhimetayan din.  
\v 19-20 Emun ebpekevaal te mezaat is sevaha he etew ziyà te iring din he etew ne ebeelan daan diyà te kandin is iring te mibeelan din: Emun midlepuan din is sengeeetew ne edlepuan daan sikandin, emun midluǥit din is mata te zuma ne edluǥiten daan is kandin he mata, emun midsepuan din te ngipen is duma ne edsepuan daan sikandin te ngipen.  
\v 21 Is minsan hentei he ebpekepatey te uyaǥen kinahanglan he ed-ilisan din heini, piru is ebpekepatey te etew ne kinahanglan he edhimetayan daan.  
\v 22 Heini he velaud ne para keniyu te langun, he tutuu he Israilihanen etawa kenà. Iyan a kes \sc Nengazen\sc* he Megbevayè niw.” 
\p  
\v 23 Hein nepasad ni Moises heini te egkaǥi ziyà te menge Israilihanen ne mid-uwit dan sikan is etew he midsumpalit din is Megbevayà diyà te ǥawas te kampu ne mibpenuleng dan te vatu, sumalà te insuǥù te \sc Nengazen\sc* ki Moises. 
\c 25  
\s1 Is Tuig he Kebpehimelaya te Tanà 
\p  
\v 1 Hein diyè en si Moises te Buntud he Sinai, midsuǥù sikandin te \sc Nengazen\sc* 
\v 2 he keǥiya zin heini ziyà te menge Israilihanen: 
\p Emun ebpekeuma kew en duen te tanà he ibeǥey ku keniyu, kenè niw pemulai is tanà te kada ikepitu he tuig su wey a keniyu meveǥayi te zengeg.  
\v 3-4 Seled te heenem he tuig ne ebpekepemula kew wey ebpekeraǥun. Piru te ikepitu he tuig ne kinahanglan he ibpehimeley niw is tanà. Kenè niw pemulai is menge vevesukè niw ne kenè niw zaan penempezi te menge subpang is menge paras niw.  
\v 5 Ne kenè niw zaan reǥuna wey kenè niw ivelegyà is menge pungu etawa menge veǥas te menge pinemula he nenuvù dà.  
\v 6 Piru egkehimu heini he egkeenen niw zuma te menge suluǥuen niw, menge terebahanti niw, wey te kenà menge Israilihanen he mid-ubpà duma keniyu,  
\v 7 te menge uyaǥen niw, wey te leew he menge langgam he zutun te tanè niw. 
\s1 Is Tuig he Kebeǥey te Bayàbayà wey Ked-ulì 
\p  
\v 8-9 Dutun te kada ike-49 he tuig, te ikesepulù he andew te ikepitu he vulan he iyan kes Andew te Kebelukas te menge etew tenged te menge salè dan, ipezaǥing niw is menge vudyung diyà te tivuuk he lugar niw.  
\v 10 Pekeveǥata niw is ike-50 he tuig, su timpu heini te kebeǥey te vayàbayà diyà te menge uripen su wey zan mekelikù en diyà te pemilya zan wey te ked-ulì diyà te teǥiǥaked te menge azen he ingkevelegyè din.  
\v 11-12 Kayi he Tuig te Kebeǥey te Bayàbayà wey Ked-ulì, kenè kew pemula wey kenè kew zaan raǥun; kenè kew penrupù te menge veǥas te ulì, piru egkehimu he ebpenguwa kew para te egkeenen niw. Segradu heini he tuig para keniyu. 
\p  
\v 13 Kayi he tuig is azen he imbelegyà diyà te keniyu iulì niw ziyà te mibelegyà duen.  
\v 14 Umbe, emun ebelegyè kew etawa ebpemasa kew te tanà te zuma niw he meǥinged, kenè kew pelimlimbungà.  
\v 15 Kinahanglan he is bali te tanà ibasi ziyà te nesamà he menge tuig he zutun ebpekeraǥun pa is nemasa su kenè pa egkeuma is Tuig te Kebeǥey te Bayàbayà wey Ked-ulì te menge azen.  
\v 16 Emun mahabet pa is menge tuig ne human egkeuma is Tuig te Kebeǥey te Bayàbayà wey Ked-ulì ne mahala niw is bali te tanà, iyan, emun hapit en egkeuma haazà ne veretuwa niw zà. Su is tutuu, kenà tanà is ebpemesahan, kekenà, iyan is kahabet te egkeraǥun puun dutun te tanà.  
\v 17 Kenè kew mebpelimlimbungà, kekenà, tehuza a keniyu, is \sc Nengazen\sc* he Megbevayè niw.  
\v 18-19 Tumana niw is menge sulunuzen he ibpesunud ku wey menge suǥù su wey kew mekepengungubpaan he melinawen dutun te tanà he ed-ubpaan niw ne kenè kew egkeewaan te keenen tenged te kezekelà te menge abut niw puun te tanà.  
\v 20 Kenè kew meseeng ke hengkey is egkekaan niw zutun te ikepitu he tuig he kenè kew ebpekepemula wey ebpekeraǥun.  
\v 21 Su edtuvazan ku is tanè niw zutun te ikeenem he tuig para zekelà is egkeraǥun puun duen ne ebpekesustinir te tetelu he tuig.  
\v 22 Ne zutun te kebpemula niw te ikewalu he tuig, ne kemulu niw pa egkeena is neraǥun niw zutun te ikeenem he tuig, ne zekelè pa is keenen niw taman te tiraǥun te ikesiyam he tuig. 
\p  
\v 23 Kenè kew pekid-uyun he kenè niw en ibpahawì te minsan keenu is tanà he imbelegyà diyà te keniyu su heini he tanà kediey; ebpeubpaan ku zà wey ebpeseupan ku zà heini keniyu.  
\v 24 Umbe, ituǥut niw he mahawì te teǥiǥaked is tanè din puun keniyu. Beeli niw heini ziyà te langun he tanà he nepemasa niw. 
\p  
\v 25 Emun nepubri is duma niw he Israilihanen, he tenged dutun ingkevelegyè din is tanè din, is megeget he kezuzumahi zin iyan medlekat dutun.  
\v 26 Piru emun wazè din kezuzumahi he edlekat dutun para kandin, egkehimu ǥihapun he egkahawì din heini emun nekaamuy en sikandin te pelata he idlekat kayi.  
\v 27 Emun egkehitavù heini, ne veyazi zin is nekepemasa te tanè din te vali he ibasi te kahabet te kedraǥun puun dutun te tanà taman te egkeuma is Tuig te Kebeǥey te Bayàbayà wey Ked-ulì te azen, he egkehimu en he egkahawì din is tanè din.  
\v 28 Iyan, emun kenè pa ereg is idlekat din, ne kenè din pa haazà egkekuwa puun te nemasa taman te kegkeuma te Tuig te Kebeǥey te Bayàbayà wey Ked-ulì. Dutun he tuig egkahawì din en is tanè din he wazà bayad. 
\p  
\v 29 Emun is sevaha he etew ebelegyà te valey zin he ziyà te inged he neliǥuy te verengbeng, egkehimu pa ke edlekaten din heini seled te senge-tuig, puun te timpu te kebelegyè din.  
\v 30 Piru emun kenè din heini egkelekat seled te senge-tuig, ne haazà he valey egkehimu en he ǥaked te nekepemasa zuen wey te menge kevuwazan din taman te taman. Kenè en heini egkahawì te teǥiǥaked dutun te Tuig te Kebeǥey te Bayàbayà wey Ked-ulì.  
\v 31 Piru is menge valey ziyà te zezeisey he menge inged he wazè din berengbeng iring heini te vevesukà, he egkehimu he edlekaten wey egkahawì dutun te tuig te Kebeǥey te Bayàbayà wey Ked-ulì. 
\p  
\v 32 Is menge kevuwazan ni Levi egkehimu he edlekat minsan keenu te menge valey zan he ziyà te menge inged he ǥaked dan.  
\v 33 Emun kenè dan heini egkelekat, id-ulì heini ziyà te kandan dutun te Tuig te Kebeǥey te Bayàbayà wey Ked-ulì. Su is baley ziyà te menge inged dan kandan he vahin puun te zuma zan he menge Israilihanen.  
\v 34 Piru is menge penebtavà he uvey te menge inged dan kinahanglan he kenà ibelegyà, su kandan haazà he azen taman te taman. 
\p  
\v 35 Emun nepubri is duma niw he Israilihanen ne kenè en sikandin ebpekegaga he edsupurtar te keugelingen din, tevangi niw sikandin iring te kedtavang niw te langyew etawa meǥeliyug, su wey meuyag-uyag sikandin duma keniyu.  
\v 36-37 Ipesambey niw sikandin te selapì he kenà ibpetuvù, wey velegyai niw te keenen he kenè kew en egenansya, su wey sikandin meuyag-uyag. Beeli niw heeyan he paaǥi te kebpekilala te kedtehuza niw kedì te Megbevayè niw.  
\v 38 Iyan a kes \sc Nengazen\sc* he Megbevayè niw he mibpeǥawas keniyu puun te Ehipto su wey ku ikeveǥey keniyu is tanà te Canaan ne wey a mehimu he Megbevayè niw. 
\p  
\v 39 Emun nepubri is duma niw he Israilihanen, he tenged dutun ingkevelegyè din diyà te keniyu is keugelingen din pinaaǥi te kebpeuripen, kenè niw sikandin ibpeterebahu he iring te uripen.  
\v 40 Isipa niw sikandin he sevaha he sinuhulan he terebahanti etawa meǥeliyug he mid-ubpè dà duma keniyu. Edterebahu sikandin diyà te keniyu taman te egkeuma is Tuig te Kebeǥey te Bayàbayà wey Ked-ulì.  
\v 41 Dutun he tuig ebpekevayèbayè en sikandin wey is menge anak din, ne ebpekelikù en sikandan diyà te menge kezuzumahi zan ne egkeuman dan en maan egkaangken is menge azen te menge kepuun dan.  
\v 42 Menge uripen ku sikiyu is menge Israilihanen he impeǥawas ku puun te Ehipto. Umbe kenè niw ivelegyà is keugelingen niw pinaaǥi te kebpeuripen.  
\v 43 Kenè niw dèdaaǥa is iring niw he Israilihanen he mibpeuripen keniyu. Beeli niw heeyan te kebpekilala he edtehuzen a keniyu is Megbevayè niw. 
\p  
\v 44 Emun egkesuat kew he zuen niw menge uripen, ne pemasa kew ziyà te menge nasyun diyà te peliǥuy niw.  
\v 45 Egkehimu zaan ke ziyè kew ebpemasa te emurè niw te inged he kenà menge Israilihanen he mid-ubpà duma keniyu etawa ziyà te sakup te pemilya zan he neetew ziyà te keniyu he lugar. Is menge uripen he egkepemasa niw ziyà te kandan egkehimu en he azen niw,  
\v 46 ne egkehimu ke ibpepengevilin niw te menge anak niw, ebpekepenilbi sikandan kandan seled te tivuuk he untung dan. Piru kenè niw dèdaaǥa is iring niw he Israilihanen he nehimu he uripen niw. 
\p  
\v 47 Emun imbelegyà te sevaha he pubri he Israilihanen is keugelingen din pinaaǥi te kebpeuripen te emurù niw te inged he sepian he kenà Israilihanen etawa kezuzumahi zutun te kenè Israilihanen,  
\v 48 ne heeyan he Israilihanen egkehimu pa he edlekaten. Egkehimu sikandin he edlekaten te suled din,  
\v 49 anggam din, id-aǥew zin, etawa minsan hentei he megeget he kezuzumahi zin. Egkehimu zaan ke iyan mismu sikandin edlekat te keugelingen din emun ebpekevaug sikandin.  
\v 50-52 Is ereg he ebeelan din, ne belensiya zin duma te nekepemasa kandin ke pira en he tuig is kebpenilbi zin wey pira is ereg he ibayad kayi emun ebeyazan sikandin te iring te edhimuwen diyà te sevaha he sinuhulan he terebahanti. Ne itarin din dutun te kentidad is imbayad kandin dutun te kebpemesaha kandin he uripen. (Haazà he kentidad ibasi ziyà te kahabet te menge tuig puun te kebpemesaha kandin taman te Tuig te Kebeǥey te Bayàbayà wey Ked-ulì.) Ne ke pira is egkesamà, ne iyan haazà ebeyazan din para mevelukasi sikandin.  
\v 53 Kinahanglan he ed-isipen sikandin te nemasa kandin he sevaha he sinuhulan he terebahanti ne kenè din dèdaaǥa.  
\v 54 Emun kenà sikandin egkelekat te iring kayi he paaǥi, egkelibri ǥihapun sikandin wey is menge anak din dutun te Tuig te Kebeǥey te Bayàbayà wey Ked-ulì.  
\v 55 Umbe, wazà keniyu egkeuripen taman te taman, su menge uripen ku sikiyu, sikiyu is imbpeǥawas ku puun te Ehipto. Iyan a kes \sc Nengazen\sc* he Megbevayè niw. 
\c 26  
\s1 Is Suhul te Kebmetinumanen 
\r (Deuteronomio 7:11-24; 28:1-14) 
\p  
\v 1 Kenè kew mebaal te menge ed-ezapen iring te ledawan, tedeman he vatu, etawa mibpurma he vatu, he ed-ezapen niw, su iyan a is \sc Nengazen\sc* Megbevayè niw. 
\p  
\v 2 Tumana niw is ebpeveelan ku keniyu zutun te Andew te Kedhimeley wey tehuza niw is lugar he zutun a keniyu ed-ezapa. Iyan a kes \sc Nengazen\sc*. 
\p  
\v 3 Emun edtumanen niw is menge sulunuzen he ibpesunud ku wey menge suǥù ku,  
\v 4 ebpeuzanan ku sikiyu zutun te hustu he timpu su wey mebeǥey te sebpet is tanà ne ebpekepemeǥas is menge kayu.  
\v 5 Egkehimu he utew zekelà is sebpet niw ne minsan is timpu te kegunas niw te menge pungu ebpekeuma pa taman te kebpenrupù te beǥas te menge paras, ne is timpu te kebpenrupù niw te beǥas te paras ebpekeuma pa te timpu te kebpemula niw. Umbe ebpekevayèbayè kew te kegkaan niw ne ebpekepengungubpaan kew pa he melinawen diyà te lugar niw. 
\p  
\v 6 Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.  
\v 7 Iyan kew edsurung te menge kuntada niw ne ebpenhimetayan niw sikandan.  
\v 8 Is 5 keniyu ebpekezaag te 100 ne is 100 keniyu ebpekezaag te 10,000.  
\v 9 Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.  
\v 10 Tenged te kezekelà te menge abut niw, kenè niw pa egkaamin te egkaan is egkehuna he menge abut niw, ne igkaawà niw zà heini ziyà te midteǥuan niw zuen su ed-ilisan niw te veǥu he sebpet.  
\v 11 Ed-ubpà a zuma keniyu ne kenè ku sikiyu idselikwey.  
\v 12 Eduma a keniyu ne iyan a egkehimu he Megbevayè niw ne ebpedayun is kegkehimu niw he menge etew ku.  
\v 13 Iyan a kes \sc Nengazen\sc* he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw. 
\s1 Is Bales te Kenà Kebmetinumanen 
\r (Deuteronomio 28:15-68) 
\p  
\v 14-15 Piru emun kenè kew ebpemineg kedì etawa kenè kew edtuman te langun he menge suǥù ku wey menge sulunuzen, ne tenged kayi egkesupak niw is kebpekid-uyun ku keniyu,  
\v 16 iyan heini ebeelan ku keniyu: Egketeranta kew te kegkahandek su ebpeeǥiyan ku sikiyu te menge zaru he kenà egkeulian wey dateng he ebpekezezaat te menge mata niw wey menge lawa niw. Ebpemula kew ne kenà heini ebpulus diyà te keniyu su edsurungen kew te menge kuntada niw ne egkeenen dan is menge abut niw.  
\v 17 Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.  
\v 18 Ne emun kenè kew pa ebpemineg kediey, ne edsilutan ku sikiyu te kepipitu edtekepa.  
\v 19 Edhimuwen ku he kenà medlampus is gehem he ibpahambug niw; ne kenè ku sikiyu ebpeuzanan, umbe ebpurung ebadtik is menge tanè niw.  
\v 20 Egkehimu he wazà pulus te menge kedhaǥù niw, su is menge tanè niw, kenà ebeǥey te sebpet ne is menge kayu niw ne kenà ebpemeǥas. 
\p  
\v 21 Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.  
\v 22 Edsuǥuen ku ziyà te keniyu is dumezaas he menge langgam ne ebpenhimetayan dan is menge anak niw wey menge uyaǥen niw, ne tenged kayi zeisey zà is egkesamà keniyu he henduen be te wazè en edhiphipanew ziyà te menge zalan niw. 
\p  
\v 23 Ne emun kenè kew pa ǥihapun ebpemineg kediey, su ebpedayun kew hinuun te kedsupak kedì,  
\v 24 iyan a mismu egkuntra keniyu ne ebpurungan ku sikiyu edsiluti.  
\v 25 Ibpesurung ku sikiyu te menge kuntada niw he iyan silut niw tenged te kedsupak niw te kebpekid-uyun ku keniyu. Minsan med-eles kew pa ziyà te inged niw ebpeeǥiyan ku ǥihapun sikiyu te menge kemeresayan, ne tenged dutun egkepeǥes kew he ebpezizalem te gehem te menge kuntada niw.  
\v 26 Egkurang is keenen niw, umbe sevaha zà he evuwan is egemiten te sepulù he vahi te kedlutù te supas, ne ebevehinen dan pa heini para keniyu. Uya, ebpekekaan kew piru kenè kew egkahantey. 
\p  
\v 27 Ne emun kenè kew pa ǥihapun ebpemineg kediey su ebpedayun kew hinuun te kedsupak kedì,  
\v 28 ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.  
\v 29 Ebpeeǥiyan ku sikiyu te vitil ne egkepeǥes kew he egkaan te keugelingen niw he menge anak.  
\v 30 Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.  
\v 31 Ebengkaǥen ku is menge inged niw wey menge simbahan niw, ne kenà ebpekepenunuat kedì is hemut te menge pemuhat niw.  
\v 32 Ebengkaǥen ku is lugar niw ne egkeinuinu zà is menge kuntada niw he edsakup kayi.  
\v 33 Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.  
\v 34-35 Dutun te menge vihag kew ziyà te lugar te menge kuntada niw ne egkevengkag is lugar niw, ne ebpekehimeley is tanè niw. Su zutun te ed-ubpè kew pa zutun te tanè niw ne wazè niw heini ipehimeley minsan dutun te tuig te kebpehimelaya te tanà. Piru zutun he timpu human en heini ebpekehimeley zutun te wazè en kayi ed-ubpa. 
\p  
\v 36-37 Sikiyu is egkengesamà te tebek he ed-uwiten te menge kuntada niw ziyà te kandan he menge lugar, edterenteduwen ku, ne minsan daǥing dà te menge zahun he egkeremaǥen ebpemelaǥuy kew en he henduen be te edel-asen te edhimatey keniyu, minsan wazà edal-as keniyu. Ne ebpekedsusukung kew is egkengepiley. Umbe kenè kew ebpekesukul te menge kuntada niw.  
\v 38 Ebpematey kew ziyà te lugar te menge kuntada niw.  
\v 39 Is egkesamà keniyu ednaneynaney ebpematey tenged te menge salè niw wey te menge salà te menge kepuun niw. 
\p  
\v 40-41 Tenged te kedluivi wey kedsupaka niw kediey egkuntedahan ku sikiyu ne ibpevihag ku pehendiyà te lugar te menge kuntada niw. Iyan, emun ed-engkezan niw is menge salè niw wey menge salà te menge kepuun niw wey ed-engkezan niw en is ke bmesinupaken niw, wey edewaten niw is silut tenged te menge salè niw,  
\v 42 edtumanen ku is kebpekid-uyun ku te menge kepuun niw he si Abraham, si Isaac, wey si Jacob ne idlikù ku sikiyu ziyà te tanè niw.  
\v 43 Piru kinahanglan he ibpaawè ku zèpa sikiyu puun te tanè niw he iyan bayad niw te menge salè niw, tenged te kedselikwaya niw te menge suǥù ku wey menge sulunuzen he ibpesunud ku. Ne ebpekehimeley is tanà dutun te egkeewaan niw.  
\v 44 Piru minsan edsilutan ku sikiyu, ne kenè ku sikiyu idselikwey ziyà te lugar te menge kuntada niw; kenè ku sikiyu edezeetan he wazè en egkesamà keniyu. Ne kenà egkehimu he id-awè ku is kebpekid-uyun ku keniyu, su iyan a is \sc Nengazen\sc* Megbevayè niw.  
\v 45 Edtumanen ku ziyà te keniyu is kebpekid-uyun ku te menge kepuun niw he impeǥawas ku puun te Ehipto su impeehè ku ziyà te menge nasyun is gehem ku. Mibeelan ku heini ziyà te menge kepuun niw su para siak is \sc Nengazen\sc* mehimu he Megbevayè dan. Iyan a kes \sc Nengazen\sc*. 
\p  
\v 46 Iyan heeyan sikan is nekedseselekawà he menge suǥù wey menge sulunuzen he imbeǥey te \sc Nengazen\sc* diyà te menge Israilihanen diyà te Buntud he Sinai pinaaǥi ki Moises. 
\c 27  
\s1 Is Kedhawì te Ingkahalad diyà te \sc Nengazen\sc* 
\p  
\v 1 Midsuǥù te \sc Nengazen\sc* si Moises  
\v 2 he keǥiya zin heini ziyà te menge Israilihanen: 
\p Emun is sevaha he etew inhalad diyà te \sc Nengazen\sc* su ingkepenaad he idhalad, heeyan he penaad  
\v 3-7 emun ebeyazan is bali zin te ziyà ibasi is keveǥat din te timbangan he egemiten te menge memumuhat: 
\m is ebpenuiǥen te senge vulan pehendiyà te heepat he tuig 
\li1 maama: 5 he vuuk he pelata 
\li1 bahi: 3 he vuuk he pelata 
\m is ebpenuiǥen te 5 he tuig pehendiyà te 19 
\li1 maama: 20 he vuuk he pelata 
\li1 bahi, 10 he vuuk he pelata 
\m is ebpenuiǥen te 20 he tuig pehendiyà te 59 
\li1 maama: 50 he vuuk he pelata 
\li1 bahi: 30 he vuuk he pelata 
\m is ebpenuiǥen te 60 he tuig pehendiyà te metikang 
\li1 maama: 15 he vuuk he pelata 
\li1 bahi: 10 he vuuk he pelata. 
\p  
\v 8 Emun pubri is nekepenaad ne kenà sikandin ebpekevaug he ebayad dutun he kentidad, ne uwita zin diyà te memumuhat sikan is etew he impenaad din he idhalad din diyà te \sc Nengazen\sc*, ne iyan egkaǥi haazà is memumuhat te vali he egkevaug dutun te etew te ebayad. 
\p  
\v 9 Emun iyan impenaad din is uyaǥen he egkehimu he ibpemuhat diyà te \sc Nengazen\sc*, heeyan he uyaǥen egkehimu en he gaked te \sc Nengazen\sc*.  
\v 10 Kinahanglan he kenè din en heini liwai te selakew en he uyaǥen, minsan pa ke edhuna he meupiya is idliwà etawa edliwaan. Emun ebeelan din heini ne sikan is uyaǥen he impenaad din wey sikan is uyaǥen he idliwè din ne pudu egkehimu he ǥaked te \sc Nengazen\sc*.  
\v 11 Emun iyan impenaad din is meremerik he uyaǥen he kenà egkehimu he ibpemuhat diyà te \sc Nengazen\sc*, ne uwita zin diyà te memumuhat haazà is uyaǥen.  
\v 12 Ne edsusiyen heini zutun te memumuhat ke meupiya ve wey ke kenà, ne ebeliyan din heini te vali he kenè en egkahalinhalin.  
\v 13 Emun edhewien dutun te teǥiǥaked haazà is uyaǥen kinahanglan he ebeyazan din haazà is prisyu te uyaǥen ne umani zin pa te 20 pursintu is bali kayi. 
\p  
\v 14 Emun inhalad te etew is baley zin diyà te \sc Nengazen\sc*, ne edsusiyen te memumuhat haazà is baley ke meupiya pe be wey ke kenè en, ne ebeliyan din heini te vali he kenè en egkahalinhalin.  
\v 15 Emun edhewien te teǥiǥaked haazà is baley, kinahanglan he ebeyazan din is prisyu zutun te valey ne umani zin pa te 20 pursintu is bali kayi. Ne idlikù diyà te kandin haazà is baley. 
\p  
\v 16 Emun inhalad te etew ziyà te \sc Nengazen\sc* is bahin te tanè din he nepengevilin din puun te menge kepuun din, ebeliyan heini te memumuhat te vali he ibpesikad te kezekelà te venì he igkepemula zutun te tanà: is kada egkepemulaan te liwazà te saku he venì ne iyan bali zin is 20 he vuuk he pelata.  
\v 17 Emun inhalad din is bevesukè din dutun te sikan pa meipus is Tuig te Kebeǥey te Bayàbayà wey Ked-ulì, is bali kayi ne iyan ded.  
\v 18 Iyan emun neuǥet en is kegkeliwas dutun he tuig ne human din heini ihalad, ebeliyan heini te memumuhat te vali he mevavà dutun, sumalà te kahabet te menge tuig he nesamà he egkeume en maan is Tuig te Kebeǥey te Bayàbayà wey Ked-ulì.  
\v 19 Emun edhewien te teǥiǥaked haazà is bevesukè din, kinahanglan he ebeyazan din is bali kayi te vevesukà ne umani zin pa te 20 pursintu haazà is bali kayi. Ne id-uli diyà te kandin haazà is bevesukà.  
\v 20 Iyan, emun ibelegyè din haazà is bevesukà dutun te wazè din pa melekat, ne kenè din en haazà egkahawì.  
\v 21 Ne emun egkeume en maan is Tuig te Kebeǥey te Bayàbayà wey Ked-ulì, ne ǥaked en heini te \sc Nengazen\sc* ne kenè en heini egkahawì, egkehimu en heini he azen te menge memumuhat. 
\p  
\v 22 Emun inhalad te etew is bevesukà he nepemasa zin,  
\v 23 ne ebeliyan heini te memumuhat te vali he ibasi ziyà te kahabet te menge tuig he human egkeuma is Tuig te Kebeǥey te Bayàbayà wey Ked-ulì. Kinahanglan he segugunà heini edlekata. Is bayad he idlekat din kayi gaked en te \sc Nengazen\sc*.  
\v 24 Dutun he Tuig te Kebeǥey te Bayàbayà wey Ked-ulì, haazà he tanà id-ulì diyà te teǥiǥaked he mibelegyà duen. 
\p  
\v 25 Is langun he prisyu te menge inhalad diyà te \sc Nengazen\sc* kinahanglan he ziyà ibpesikad te keveǥat te pelata ziyà te timbangan he egemiten te menge memumuhat. 
\p  
\v 26 Is egkehuna he anak te uyaǥen ne ǥaked te \sc Nengazen\sc*, umbe kenè en heini kinahanglan he idhalad diyà te kandin su zaan he kandin.  
\v 27 Emun meremerik haazà he uyaǥen, ne egkehimu he edlekaten te teǥiǥaked. Beyazi zin is bali zutun te uyaǥen ne umani zin pa haazà is bali zin te 20 pursintu. Ne emun kenè din heini edlekaten ne ibelegyà heini te menge memumuhat sumalà te imbali kayi. 
\p  
\v 28 Kenà egkehimu he ibelegyà etawa edlekaten is minsan hengkey he azen he kenè en duwazuwa is kedhelaza zuen diyà te \sc Nengazen\sc*, etew man etawa uyaǥen etawa tanà he nepengevilin. Gaked en heini he \sc Nengazen\sc*.  
\v 29 Is etew he kenà duwazuwa is kedhelaza zuen diyà te \sc Nengazen\sc* kenà egkehimu he edhewien. Kinahanglan heini he edhimetayan. 
\p  
\v 30 Is ikesepulù he vahin te langun he menge sebpet, ne ǥaked te \sc Nengazen\sc* 
\v 31 emun edhewien te etew is ikesepulù he vahin te sebpet, kinahanglan he ebeyazan din is bali kayi ne umani zin pa haazà is bali te 20 pursintu.  
\v 32 Emun ebilang kew te vaka niw, kerehidu niw, etawa kambing niw, is ikesepulù kayi iveǥey niw ziyà te \sc Nengazen\sc*.  
\v 33 Kinahanglan he kenè niw heini pilia etawa liwai. Emun edliwaan niw heini, ne haazà is uyaǥen he edliwaan niw wey haazà is idliwè niw, ne pudu egkehimu he ǥaked te \sc Nengazen\sc* ne kenè en heini egkehimu he edhewien. 
\p  
\v 34 Iyan heeyan menge suǥù he imbeǥey te \sc Nengazen\sc* ki Moises diyà te Buntud he Sinai he para te menge Israilihanen.