\id LAM - mbb OT -Philippines 2014 (DBL -2014) 
\ide 65001 - Unicode (UTF-8) 
\rem Copyright: Kermit Titrud (2012) 
\h Menge Penhulùhulù 
\toc1 Menge Penhulùhulù 
\toc2 Penhulùhulù 
\toc3 Pen 
\mt1 Menge Penhulùhulù 
\c 1  
\p  
\v 1 Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.  
\v 2 Neiring sikandin te vahi he egkeiinek te tivuuk he kezukileman; is menge luhè din ebpenudà diyà te enaping din. Wazà minsan sevaha zuen te menge mibmahal zin he midlangan kandin. Pudu midluib kandin is menge emiǥu zin, ne nehimu sikandan he menge kuntada zin. 
\p  
\v 3 Impaantus is Juda ne mibihag is menge etew kayi. Diyè en sikandan mekeubpà te zuma he menge nasyun he zutun mereǥen is kebpekesavuk dan. Edel-asen sikandan te menge kuntada zan ne wazè dan egkepeleǥuyan. 
\p  
\v 4 Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem. 
\p  
\v 5 Is menge kuntada zin iyan en nengulu kandin, ne heini sikandan mibmeuswaǥen. Impaantus te \sc Nengazen\sc* is Jerusalem tenged te mahabet he menge salè din. Is menge meǥinged kayi mibihag te menge kuntada zin.  
\v 6 Naawè en is kekempet te Jerusalem. Is menge pengulu kayi neiring te egkevitil he menge selazeng he ebpen-ahà te egketabtab piru wazè dan egkaahà. Edluyahan en sikandan dutun te ebpeleǥuyan dan is edal-as kandan.  
\v 7 Ne ǥuntaan te edlised is Jerusalem wey egketazintazin en, netenuzan din is langun he ketiǥeyunan din dengan. Hein neulug sikandin diyà te gehem te menge kuntada zin, ne wazà midtavang kandin. Midsudì wey mid-engitan sikandin te menge kuntada zin dutun te kegkezeeti zin. 
\p  
\v 8 Utew zekelà is salà te Jerusalem, umbe nehimu heini he meremerik. Is langun he mibeǥey kandin te zengeg dengan ne edsudì en kandin su neehè dan is kegkelevasi kandin. Edag-es sikandin ne midtembunan din is enaping din tenged te kegkeeled din.  
\v 9 Is keremerik din naahà te langun. Wazè din isipa zengan is egkehitavù kandin. Utew sikandin nezeeti, ne wazà midtavang kandin. Umbe migkaǥi sikandin te, “He \sc Nengazen\sc*, seǥipaa nu is kegkerasey ku, su nezaag a te kuntada.” 
\p  
\v 10 Mibpenguwa te kuntada is langun he ketiǥeyunan din. Neehè din he midseled diyà te valey te \sc Nengazen\sc* is kenà menge Israilihanen–heini he menge etew, kenà edtuǥutan te \sc Nengazen\sc* te kedseled diyà te baley zin.  
\v 11 Is menge etew zin, edag-es dutun te kebpen-ehè dan te egkekaan dan. Inliwè dan te keenen is ketiǥeyunan dan su wey meuyag-uyag sikandan. Migkaǥi is Jerusalem te, “He \sc Nengazen\sc*, seǥipaa a, su mibpeel-elezan a.”  
\v 12 Migkeǥiyan din is menge etew he sumeseǥazà te, “Kenè niw ve ebeliyen heini is nehitavù kedì? Ehè kew ke zuen be egkeehè niw he nerasey iring te kegkerasey ku. Heini he kemeresayan, insilut te \sc Nengazen\sc* kayi te kedì dutun te timpu te utew zin kegkepauk.  
\v 13 Puun te langit imbulus din is hapuy he henduen be te neketutung te menge tulan ku. Midlitaǥan din is beyeey ku ne neutel a. Midhimu e zin he mekevulungbulung ne midsiguduwan e zin resaya.  
\v 14 Mid-amur-amur zin is menge salè ku ne iring te mibeelan din heini he hiket. Inhiket din kedì heini he iyan ingkeǥuyuza kedì diyà te kegkevihag. Iring a te mid-eyuǥuwan. Impemeluya a te Nengazen ne imbeǥey e zin diyà te menge kuntada ku he kenè ku egkegaga.  
\v 15 Inselikwey te Nengazen is langun he menge sundaru ku. Midtiǥum sikandin te menge sundaru he edezaat te menge etew ku he vetan-en he menge maama. Is menge meǥinged diyà te Juda, iring dà sikandan te menge paras he midtekutakan te Nengazen.  
\v 16 Ne tenged keniyan nemeniǥis is menge luhè ku te kedsineǥew ku. Ne wazà midlangan wey midlig-en kedì. Mekehizuhizu is menge meǥinged kayi su nezaag sikandan te menge kuntada zan.” 
\p  
\v 17 Mibuyù te tavang is Jerusalem, piru wazà midtavang kandin. Ketau te \sc Nengazen\sc* he mehimu he kuntada te menge kevuwazan ni Jacob is menge nasyun diyà te peliǥuy zan. Ne is Jerusalem ed-isipen he meremerik te menge kuntada zan. 
\p  
\v 18 Migkaǥi is Jerusalem te, “Metazeng is \sc Nengazen\sc*; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.  
\v 19 Mibuyù a te tavang diyà te menge zumezapig kedì piru midluivan e zan. Nemematey is menge memumuhat ku wey menge perezumala te inged dutun te ebpen-ahà sikandan te egkekaan dan su wey zan pezem meuyag-uyag. 
\p  
\v 20 “\sc Nengazen\sc*, ahàa nu ke sengemenu kezekelà is kegkeseeng ku! Utew heini merasey he henduen be te egkevidtew en is gehinawa ku su geina te nehimu a he mesinupaken kenikew. Duen kebpemenhimatey ziyà te menge zalan ku, ne minsan diyà te seled te valey ne zuen ebpematey.  
\v 21 Nezineg te menge etew is kedag-es ku, piru wazà minsan sevaha he midlangan kedì. Nezineg te langun he menge kuntada ku heini is kegkerasey ku, ne ingkelipey zan heini is kedresaya nu kedì. Deyzey pezem ke egkeume en is andew he insaad nu he edsilutan nu sikandan, su wey zan daan meiring kedì.  
\v 22 Ahaà nu is mezaat he vaal zan, ne siluti nu sikandan iring te kedsiluti nu kedì tenged te langun he menge salè ku. Kenè en egkeengked is kebpekezag-es ku ne mesakit is gehinawa ku.” 
\c 2  
\p  
\v 1 Tenged te pauk te Nengazen midtembunan din te kerusirem is Zion. In-awè din is dengeg te dungganen he Israel he henduen be te intimbag din heini puun te langit pehendiyà te tanà. Tenged te kegkepauk din mibey-anan din minsan sikan is baley zin.  
\v 2 Wazè en sikandin mehizu hein midezeetan din is langun he menge valey te menge kevuwazan ni Jacob. Tenged te pauk din midwaǥey zin is binerengbeng he menge inged diyà te Juda. Impekevavè din wey mibpeel-elezan din heini he ginhedian wey is menge pengulu kayi.  
\v 3 Tenged te utew zin kegkepauk in-awè din is langun he ǥehem te Israel. Wazè din heini tevangi hein midsurung te kuntada. Iring sikandin te hapuy he mid-epur te menge kevuwazan ni Jacob wey is langun diyà te peliǥuy zan. 
\p  
\v 4 Henduen sikandin te kuntada he mibpesinaru te panè din diyà te menge etew zin. Mibpenhimetayan din is langun he utew mibmahal te menge etew zin. Impeseǥazan din te menge meǥinged diyà te Zion is dekelà he pauk din he henduen be te hapuy.  
\v 5 Midezeetan te Nengazen is Israel he iring sikandin te kuntada. Midwaǥey zin is binerengbeng he menge inged kayi te Israel is langun he melig-en he menge vahin kayi. Mid-umanan din pa is kegkeseeng wey sineǥawan diyà te Juda.  
\v 6 Midrundus din is baley zin he henduen dà te midrundus he lawig diyà te vevesukà. Ketau zin he melipati te menge etew ziyà te Jerusalem is midtelaan he menge pista wey is menge Andew te Kedhimeley. Tenged te utew zin kegkepauk inselikwey zin is menge hadì wey menge memumuhat.  
\v 7 Inselikwey te Nengazen is pemuhatà he zutun sikandin ebpemuhata wey is baley zin. Impewaǥey zin te menge kuntada is menge verengbeng diyà te melig-en he menge vahin te Jerusalem. Nemengulahì heini he menge kuntada ziyà te valey te \sc Nengazen\sc* he henduen be te edsilibra zan te pista. 
\p  
\v 8 Meheǥet is tuyù te \sc Nengazen\sc* te kebengkag duen te menge verengbeng he nekeliǥuy te Zion. Mibpurungan din pelenuwi is kebengkag kayi, ne mibeelan din heini. Umbe nengewaǥey is menge pengalang wey menge verengbeng.  
\v 9 Netembunan te tanà is menge pultahan te inged. Nengevengkag is menge terangka kayi, su mibpemadti heini te \sc Nengazen\sc*. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te \sc Nengazen\sc*.  
\v 10 Is menge edumala ziyà te Zion nememinuu ziyà te tanà he wazè dan en kekeǥiyen. Mibukbukan dan te eliyavuk is menge ulu zan wey mibivisti sikandan te saku su ibpetuusan dan is kedlalew zan. Ebpekezuzungul te kegkeeled is menge vetan-en he menge vahi ziyà te Jerusalem. 
\p  
\v 11 Nemenlevag en is menge mata ku tenged te kedtulung ku kedsineǥew. Utew mibmesakit is gehinawa ku. Henduen be te egketevì en is kumeng ku tenged te kegkezeeti te zuma ku he menge meǥinged. Egkengevidtawan diyà te menge zalan te inged is dezekelà en wey menge peririǥè pa he menge vatà.  
\v 12 Edluluǥib sikandan is ebuyù te keenen wey inumen diyà te menge iney zan. Egkengevidtawan sikandan diyà te menge zalan te inged iring te menge sundaru he teǥepalì. Ne ednaneynaney sikandan ebpematey is edsekepuwen te menge iney zan.  
\v 13 Sikiyu is menge meǥinged diyà te Jerusalem, hengkey is egkekaǥi ku ziyà te keniyu? Hengkey is egkehimu he ebpetug-iringan ku te kemeresayan niw? Is palì niw iring kezalem te zaǥat. Ne hentei is ebpekevawì keniyu?  
\v 14 Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag. 
\p  
\v 15 Is langun he sumeseǥazà diyà te keniyu ebpakpak, ebpemen-engit wey ebpemengelengkeleng te kedsudì dan kenikew. Ke sikandan te, “Iyan bes heini inged he migngezanan te ‘Kinekempetan’ wey ‘Ebpekelipey kayi te Tivuuk he Kelibutan?’ ”  
\v 16 Is langun he kuntada niw edsudì keniyu. Ebpemen-engit sikandan is ebpemekiǥet te menge ngipen dan he ke sikandan te, “Nezèdeetan tew en is Jerusalem! Iyan en heini sikan is andew he midteǥazan tew; ne ǥuntaan neehè tew en is kegketuman din!” 
\p  
\v 17 Mibeelan te \sc Nengazen\sc* is mibpelenuwan din te ebaal. Midtuman din is nekaǥi zin dengan. Wazà sikandin mehizu is edezaat keniyu. Midlipey zin is menge kuntada niw tenged te kegkezeeti niw, ne intuǥut din he ikepahambug dan is kebpekegaga zan.  
\v 18 Menge meǥinged te Zion, umawa niw is Nengazen. Ipetudè niw is menge luhè niw iring te wahig he edtuda te maandew wey mezukilem. Kenè kew engked he edsineǥew.  
\v 19 Enew kew ke mezukilem ne buyù kew te tavang diyà te Nengazen. Ivuswang niw ziyà te kandin is langun he ziyà te gehinawa niw he iring te ebusbus kew te wahig. Ivayew niw is menge velad niw te kedhangyù para te untung te menge anak niw he egkengevidtawan diyà te menge zalan tenged te kegkevitil. 
\p  
\v 20 He \sc Nengazen\sc*, tengtengi key kenikew. Is-isipa nu ke hentei key is impaantus nu te iring kayi. Tenged te utew kegkevitil, migkaan te menge iney is ed-elimahan dan he menge anak dan. Is menge memumuhat wey menge ebpeneuven mibpenhimetayan diyà te valey nu.  
\v 21 Nemekesesavuk diyà te menge zalan is nemematey he menge vatà wey menge meǥurang. Nemematey te tebek is menge vetan-en he menge maama wey menge vahi. Wazà nu en sikandan mehizuwi zutun te kebpenhimetayi nu kandan tenged te kegkepauk nu.  
\v 22 Mid-imbita nu is menge kuntada te kedsurung kayi te peliǥuy ku he henduen be te nengimbita ke zà te para te keemuran. Dutun te andew te kebpaahaa nu te pauk nu, wazà nekepelaǥuy etawa neuyag. Mibpenhimetayan te menge kuntada ku is menge anak ku he mid-elimahan ku wey impezekelà. 
\c 3  
\p  
\v 1 Sevaha a te nekesaǥad te kedsilut te \sc Nengazen\sc* tenged te kegkepauk din.  
\v 2 Midsegseg e zin diyà te meziyù, ne impehipanew e zin diyà te merusirem ne kenà diyà te merayag.  
\v 3 Midsilutan e zin he wazè e zin en engkezi maandew wey mezukilem.  
\v 4 Impemeluya zin is tivuuk he lawa ku, ne mibadtì din is menge tulan ku.  
\v 5 Midsurung e zin ne utew subra is kegkeseeng ku wey kegkerasey ku.  
\v 6 Impeubpè e zin diyà te kerusireman iring duen te neuǥet en he minatey.  
\v 7 Impekedinahan e zin wey midliǥuy e zin te verengbeng su wey a kenà mekepelaǥuy.  
\v 8 Minsan ebuyù e pa te tavang ne kenè e zin ebpemineǥen.  
\v 9 Mid-elangan din te intambù he menge vatu is beyeey ku, ne impevulvulegkù din is ebeyaan ku.  
\v 10 Iring sikandin te bir etawa erimaung he mid-ayan su edawi kedì.  
\v 11 Miguyud e zin pehendiyà te meziyù te zalan, ne mibpengiitan e zin ne human e zin ewai.  
\v 12 Midhingat din is panè din ne impesinaru zin kayi te kedì.  
\v 13 Midpanè e zin ne midlembasan is pusung ku. 
\p  
\v 14 Nehimu a he egkeengitan te zuma ku he menge meǥinged. Edsudien e zan seled te tivuuk he andew pinaaǥi te kanta.  
\v 15 Pudu zà mepait he kemeresayan is imbeǥey zin kediey.  
\v 16 Nengesepù is menge ngipen ku su impesepèsepè din kedì is pantad, ne impevudseng e zin diyà te tanà.  
\v 17 In-awè din kayi te kedì is meupiya he kebpekesavuk, ne wazè ku en meseǥazi is keuswagan. 
\p  
\v 18 Naawè en is dengeg ku wey is langun he ebperetengen ku ziyà te \sc Nengazen\sc*.  
\v 19 Emun ed-is-isipen ku is kemeresayan ku wey kegketazintazin ku ne utew heini maitpait he kebpekesavuk.  
\v 20 Emun layun ku heini ed-is-isipa ne egkaawà is kezasig ku.  
\v 21 Piru edlikù is perateng ku emun iyan ku egketenuzan  
\v 22 he is kebmahal wey hizu te \sc Nengazen\sc* ne wazà pidtemanan. Umbe wazè kiw zed mepurung mezeeti.  
\v 23 Metinumanen iyan is \sc Nengazen\sc*. Ibpeehè din is hizu zin kada andew.  
\v 24 Nekekaǥi a ziyà te ǥehinawa ku te, “Is \sc Nengazen\sc* iyan utew zekelà kayi te kediey, umbe ebperateng a kandin.”  
\v 25 Ebpurungan te \sc Nengazen\sc* is menge ebperateng wey edangep diyà te kandin.  
\v 26 Meupiya ke edtaǥad ki he mepelevayen te kedlibri te \sc Nengazen\sc* kenita.  
\v 27 Meupiya para te sevaha he etew is kebpemansu zutun te vetan-en pa sikandin.  
\v 28 Emun ebmensuwen ki te \sc Nengazen\sc*, kinahanglan he ebpinuu ki he sebsevaha ta ne ebpurung ki egngunùngunù.  
\v 29 Ibpekevavè ta is keugelingen ta ziyà te etuvangan te \sc Nengazen\sc* ne kenè ta id-awà is perateng ta.  
\v 30 Emun duen edtabpi kenikew, ne itaan nu is enaping nu. Ne zewata nu is ked-insultuwi kenikew te menge kuntada nu.  
\v 31 Su is Nengazen ne kenà taman te taman is kedselikwaya zin kenitew.  
\v 32 Minsan ebeǥey sikandin te kelised, ibpeehè din gihapun is hizu zin tenged te kezekelà te kebmahal zin he wazà pidtemanan.  
\v 33 Su kenè din igkelipey is kebpaantus wey kedrasey kenitew. 
\p  
\v 34 Kenà egkesuat is Utew Lavew he Megbevayà emun edèdaaǥen is menge pirisu,  
\v 35 etawa kenà ebeliyen is ketenged te etew.  
\v 36 Kenà daan egkesuatan te Nengazen he edtuisen is hustu he kukuman diyà te hukmanan. Neehè din heini is langun. 
\p  
\v 37 Wazà minsan hengkey he egkehitavù he wazà ituǥut te Nengazen.  
\v 38 Kenè be is Utew Lavew he Megbevayà iyan ebayàbayà te kegkehitevua te mezaat etawa meupiya he hitavù?  
\v 39 Ne maan is edriklamu ki emun edsilutan ki tenged te menge salè ta?  
\v 40 Ereg he edsusiyen ta is betasan ta ne edlikù ki ziyà te \sc Nengazen\sc*.  
\v 41 Ed-ebriyan ta is gehinawa ta ne ibayew ta is menge velad ta ziyà te Megbevayà diyà te langit he kesikita te,  
\v 42 “Nekesalà key wey nekidsukulà key kenikew, \sc Nengazen\sc*, ne wazè key kenikew peseyluwa.  
\v 43 Nepauk ka ne midal-as key kenikew ne mibpenhimetayan key kenikew he wazè key en kenikew mehizuwi.  
\v 44 Midtambun ka te ǥapun, su wey nu kenà mezineg is pengemuyù dey.  
\v 45 Midhimu key kenikew he iring te vesura is ked-ahaa zuen te menge etew ziyà te zuma he menge nasyun.  
\v 46 Midsudì key te langun he menge kuntada zey.  
\v 47 Nekaantus key te kegkahandek, bangkit, kepirdiyan, wey kezeetan.” 
\p  
\v 48 Midtudà is menge luhè ku tenged te kegkezeeti te zuma ku he menge meǥinged.  
\v 49 Ebpedayun edtudà is luhè ku  
\v 50 taman te edseǥipaan kiw te \sc Nengazen\sc* he ebpuun te langit.  
\v 51 Inmesakit te gehinawa ku is nehitavù te menge vahi ziyà te inged dey. 
\p  
\v 52 Neiring a te tagbis he midal-as te menge kuntada ku minsan wazè ku neveelan he salà diyà te kandan.  
\v 53 Tinguhè dan is kedhimatey kedì pinaaǥi te ked-uluǥa zan kedì diyà te vudsi wey kebpenulenga zan kedì te vatu.  
\v 54 Henduen be te egkelened a ziyà te wahig, ne kunaan ku ke ebpatey ad. 
\p  
\v 55 Puun te kinezizeleman te vudsi nengumew a kenikew, \sc Nengazen\sc*.  
\v 56 Mibpemineg nu is kebpehizuhizu ku wey kebuyù ku te tavang.  
\v 57 Nekeuma ka hein mid-umew ku sikew, ne migkaǥi ka te kenà a mahandek.  
\v 58 Nengazen, midtevangan a kenikew te kasu ku ne midlibri nu is untung ku.  
\v 59 Neehè nu \sc Nengazen\sc*, is mezaat he mibeelan te menge kuntada ku kayi te kediey, umbe beǥayi a te hustu he kukuman.  
\v 60 Netuenan nu ke sengemenu is kebelesi zan kedì wey is langun he pelanu zan he idezaat kedì.  
\v 61 He \sc Nengazen\sc*, nezineg nu is ked-insultuwi zan kedì. Netuenan nu is langun he pelanu zan he idezaat kedì–  
\v 62 ebpelelaǥè dan wey ebpelanu zan te mezaat kayi te kedì seled te tivuuk he andew.  
\v 63 Ahàa nu sikandan! Edsudien e zan pinaaǥi te kanta, ebpinuu man sikandan etawa edhitindeg.  
\v 64 Siluti nu sikandan, \sc Nengazen\sc*, sumalà te mibeelan dan.  
\v 65 Ipemezesen nu is gehinawa zan ne rewaki nu sikandan.  
\v 66 Del-asa nu sikandan wey dezeeti tenged te pauk nu su wey zan egkaawà kayi te kelibutan. 
\c 4  
\p  
\v 1-2 Is menge meǥinged diyà te Zion neiring te lunsey he vulawan he midheva etawa mahalen he menge vatu he nekepeyapat diyà te menge zalan. Iring sikandan dengan te utew mahal he vulawan, piru ǥuntaan neiring dà sikandan te menge diniyun he mibeelan dà te mendiziyun.  
\v 3 Minsan is leew he menge asu ebpesusu te menge anak dan, piru is menge etew ku mulà, ne ebey-anan dan is menge anak dan iring te tagbis he ustrits he ebey-anan dan dà is menge impis dan diyà te meinit he pantad te disirtu.  
\v 4 Tenged te kegkemezahi te dezeisey pa he menge anak dan ebpekezeket en diyà te pelak dan is menge zilè dan. Mibuyù is menge mezekdekelè en he menge vatà te keenen, piru wazà mibeǥey kandan.  
\v 5 Is menge etew he metaam dengan is keenen dan, ne ǥuntaan ebuyù dà te keenen te menge etew ziyà te zalan. Sikan is iyan en indekelè din is kesesepian, ne ǥuntaan ebpengarkar te keenen diyà te besurahan.  
\v 6 Is insilut diyà te zuma ku he menge meǥinged, ne subra pa te insilut diyà te menge tig-Sodom he midtik-ew zèdeeti te Megbevayà he wazà neketevang kandan.  
\v 7 Dengan, is menge pengulu te Jerusalem, meupiya is kedlelawa zan, melig-en, metilak is kedlulundis dan iring te ayis, meputì iring te gatas, wey dungganen iring te mahalen he menge vatu.  
\v 8 Piru ǥuntaan edhuna pa sikandan he meitem te vurit, ne kenè en sikandan egkekilala. Henduen be sikandan te menge tulan dà he netenges te lundis, wey henduen be te neǥangu he kayu.  
\v 9 Meupiya pa is iyan ibpatey zan is tebek kenà duen te iyan ibpatey zan is kegkevitil. Ednaneynaney sikandan ebpematey te vitil su wazè dan egkekaan.  
\v 10 Kebpekeuma te kezeetan diyà te zuma ku he menge meǥinged, minsan sikan is meelima he menge iney edhilutuen dan is keugelingen dan he menge anak su egkeenen dan tenged te utew zan kegkevitil. 
\p  
\v 11 Impeǥezaman te \sc Nengazen\sc* is tivuuk he pauk din diyà te Zion. Umbe mibinsulan din heini, minsan is menge pundasyun kayi.  
\v 12 Kunaan te menge hadì te tivuuk he kelibutan wey is menge etew zan ke kenà ebpekeseled is menge kuntada ziyà te menge pultahan te Jerusalem.  
\v 13 Piru nehitavù heini tenged te menge salà te menge ebpeneuven kandan wey te menge memumuhat dan, he ebpenhimatey te menge etew he kenà ereg he edhimetayan.  
\v 14 Ne ǥuntaan, iring sikandan te menge lakap he ebpemenamsam diyà te menge zalan. Nezekiyan te lengesa is menge visti zan, umbe wazè en egkeluvus he egawed kandan.  
\v 15 Ebensaǥan sikandan te menge etew te, “Pekeziyù kew, su meremerik kew! Kenè key keniyu semsama.” Umbe mibpekeziyù sikandan ne minsan hendei zà he nasyun is nepeveyaan dan; piru wazà midawat kandan.  
\v 16 Iyan mismu is \sc Nengazen\sc* mibpeyapat kandan; wazè en sikandan seǥipaa te \sc Nengazen\sc*. Wazè en tehuza is menge memumuhat wey menge perezumala. 
\p  
\v 17 Ebmerusirem en is ked-ehè dey te kedtaǥad te tavang te kezapig dey he menge nasyun, piru wazà sikandan medtavang kenami. Ebantey key ziyà te menge turi zey te kebpekeuma te ebpuun diyà te nasyun he kenà daan ebpekelibri kenami.  
\v 18 Mibentayan te menge kuntada zey is menge langkad dey. Kenè key ebpekehipanew ziyà te menge zalan. Hapit en egkeuma is ketepusan dey. Egkevilang dà is menge andew zey.  
\v 19 Meǥaan pa te menderaǥit is menge kuntada zey he edal-as kenami. Edel-asen key zan taman te menge vuvungan. Ne minsan diyè key te sibsivayan ne zutun daan sikandan is edtaǥad he ed-etaki kenami.  
\v 20 Nezekepan dan is hadì dey he mibpilì te \sc Nengazen\sc*, he iyan pezem midseriǥan dey he ebpengalang kenami te kedezaat te kuntada zey he menge nasyun. 
\p  
\v 21 Sigi, lipey kew wey medlipeylipey, sikiyu is menge etew ziyà te Edom he ebpemen-ubpà diyà te tanà he Uz. Piru ibpeinum daan keniyu is tasa he midteǥuan te silut te \sc Nengazen\sc*, ne egkelangut kew wey egkelevasan.  
\v 22 Sikiyu is menge meǥinged diyà te Zion, egketapus en is kedsiluti keniyu. Hapit kew en ibpeulì te \sc Nengazen\sc* puun te kegkevihag. Piru sikiyu is menge etew ziyà te Edom edsilutan kew te \sc Nengazen\sc* tenged te menge salè niw ne ibpahayag din is kelelalung niw. 
\c 5  
\p  
\v 1 He \sc Nengazen\sc*, is-isipa nu ke hengkey is nehitavù kenami. Ahàa nu is nepengkusan dey he kegkepeel-elezi kenami.  
\v 2 Is menge tanè dey wey is menge valey zey, migkuwa te menge lumelengyawà.  
\v 3 Nengeilu key, ne nengevalu is menge iney zey.  
\v 4 Kinahanglan pa he ebpemesahan dey is wahig he ed-inumen dey wey is kayu he idtavun dey.  
\v 5 Impeterebahu key he iring te menge uyaǥen he mid-eyuǥuwan. Ne kenè key en ibpehimeley.  
\v 6 Mibpesakup key te menge tig-Ehipto wey menge tig-Asiria su para lang mekekaan key.  
\v 7 Mibaal te salà is menge kepuun dey he nemematey en guntaan, ne iyan key nerasey tenged te salè dan.  
\v 8 Menge uripen is midumala kenami ne wazà ebpekepeǥawas kenami puun te ǥehem dan.  
\v 9 Dutun te kebpen-ehè dey te keenen nemiligru key te ermadu he menge etew ziyà te sibsivayan.  
\v 10 Edetengen key tenged te subra he kegkevitil, ne is menge lawa zey henduen be te keinit te rapug is keinit din.  
\v 11 Mibpenlayug is menge esawa zey wey menge anak dey he menge vahi ziyà te Zion wey is diyà te menge inged diyà te Juda.  
\v 12 Imbitey pinaaǥi te menge velad dan is menge pengulu zey, ne wazè en tehuza is menge meǥurang dey.  
\v 13 Is menge vetan-en dey he menge maama mibpeǥes ipepenggaling he henduen be te menge uripen, ne is menge vatà ebpemekeurambak en te kebpetianga kandan te meveǥat he menge kayu.  
\v 14 Is menge meǥurang wazè en mekepinuu ziyà te pultahan te inged te kebeǥey te sambag, ne is betan-en he menge maama wazè en meketukar te menge sunata.  
\v 15 Wazè dey en kelipey. Kenè key en ebpekesayew, kekenà, ebpekelalew key zà.  
\v 16 Naawè en is dengeg dey. Mekehizuhizu key su geina te nekesalà key.  
\v 17 Tenged kayi mibmesakit is gehinawa zey ne mibmerusirem is ked-ehè dey.  
\v 18 Su mekevulungbulung en is Buvungan he Zion, ne iyan dà edriǥuriǥu kayi is leew he menge asu. 
\p  
\v 19 He \sc Nengazen\sc*, midhadì ka te wazà pidtemanan. Is kedhadì nu ebpedayun minsan keenu.  
\v 20 Maan is layun key kenikew edlipati? Maan is neuǥet en is kedselikwaya nu kenami?  
\v 21 He \sc Nengazen\sc*, ipelikù key ziyà te kenikew ne edlikù key. Ilikù nu zini te kenami is meupiya he kebpekesavuk dey zutun te nehuna he timpu.  
\v 22 Subre en be is kegkepeuki nu kenami su maan is inselikwey key en kenikew?